\id LUK - GOOFA FULL BIBLE
\ide UTF-8
\h ሉቃሳ ዎንገላ
\toc1 ሉቃሳ ዎንገላ
\toc3 ሉቃ
\toc2 ሉቃሳ
\mt1 ሉቃስ ፃፍዳ
\mt2 የሱስ ክርስቶሳ ዎንገላ
\imt ጋ ቆፋ
\ip ሉቃስ የሱሲ ዶርዳ ታማነ ናምኡ ሀዋረታ ግዶን ዴና። ሉቃሳ ዎንገላይ፥ የሱሲ ኮይሮ ናበታ ዶናን ያና ጌተትድ ኦደትዳይሳ፥ እስራኤለት ናግሸ ደእያ “ክርስቶሳ” ግደይሳነ አሳ ኮቸ ኡባ አሻናዉ ደኤይ እያ ግደይሳ ቆንጭሴስ። ሉቃስ ባ ማፃፋን፥ የሱሲ፥ “ማንቆታስ ዎንገላ ሳባካናዉ” ባ አዋፐ ኪተትዳይሳነ ሄ ዎንገላይ አሳይ ደእያ ዱማ ዱማ መቱዋፐ ከሰይሳ ግደይሳ ኦዴስ። ሉቃሳ ዎንገላ ግዶን፥ የሱሳ ዩሳባ ኦድያ ኮይሮ ሸምፖታንነ የሱሲ ሳሎ ብዳይሳ ኦድያ ዉርሰ ሸምፖታን ቆንጭድ ኦደትዳይ ኡፋይሳባ። የሱሲ ሳሎ ብዳፐ ጉየ አማኖይ ዋንድ ድጭዳኮነ ዳልግዳኮ ኦድያ ታርክያ ሀ ዎንገላ ፃፈይ ሀዋረታ ኦሶ ማፃፋን ፃፍስ።
\ip ኪታንቾታ ማዝሙርያ፥ የሱሲ የለትዳ ዎደ ሄንቾት ብድ እያ በእዳይሳ ኦድያ ታርከይ ደኤይ ሉቃሳ ዎንገላና። ቃስ የሱሲ ናአተን ፆሳ ኬ ብዳይሳ፥ ቃትያ ሳማረ አድያባነ ይድ በንትዳ ናአባ ኦድያ ታርከይ፥ ሉቃሳ ዎንገላ ፃላላን በንትያ ታርከ። ዎሳባይ፥ ጌሻ አያናባይ፥ ማጫሳስ እመትዳ በሳይነ ፆሲ ናጋራ አቶ ገይስ፥ ሉቃሳ ዎንገላን ጋፃፐ ጋፃ ጋካናዉ ደእያ ዋና ቆፋታ።
\iot ማፃፋ አይፈ ቆፋታ
\io1 ገሎ ቆፋ (\ior 1:1-4\ior*)
\io1 ፃማቅያ ዮሃንሳነ የሱሳ የለተ (\ior 1:5—2:52\ior*)
\io1 ፃማቅያ ዮሃንሳ ኦሱዋ (\ior 3:1-20\ior*)
\io1 የሱሳ ፅንቃተነ ፓጨተ (\ior 3:21—4:13\ior*)
\io1 የሱሲ ጋልላን ኦዳ ኦሱዋ (\ior 4:14—9:50\ior*)
\io1 ጋልላፐ የሩሳላመ ጋካናዉ (\ior 9:51—19:27\ior*)
\io1 የሩሳላመ ሄራን አዳ ዉርሰ ሳምንታ (\ior 19:28—23:56\ior*)
\io1 ሀይቆፐ ደንዶ፥ አሳስ በንቶነ ሳሎ ቡሱ (\ior 24:1-53\ior*)
\c 1
\p
\v 1 ቦንቾ ተዎፍሎሳ፥ ኑ ግዶን ፖለትዳባስ ዳሮት፥ ባንታዉ ዳንዳኤትዳ መላ ፃፍዶሶና። 
\v 2 ሄ ታርክያ ኤንቲ ፃፍዳይ ኮይሮፐ ዶምድ አይፈ ማርካትነ ቃላ ሀጋዘይሳት ኑስ ኦድዳይሳ። 
\v 3 ታካ ታ ባጋራ ኮይሮፐ አኬካ ፄልዳፐ ጉየ፥ ሄ ታርክያ ሀኖታ ማራያዳ ነዉ ፃፎይ ሎኦ ግድድ በንትስ። 
\v 4 ሄስካ፥ ነ ታማርዳባይ ቱማ ግደይሳ ኤርሳናሳ።
\s1 ፃማቅያ ዮሃንሳ የለተ
\p
\v 5 ይሁዳ ካዋ ሄሮዲሳ ዎደ አብያ ያራፐ ግድዳ ዛካርያሳ ጌተትያ አይሁደ ካህነይ ደኤስ። እያ ማችያካ አሮና ሼሻፐ። እ ሱንይካ ኤልሳቤፆ።\x - \xo 1:5 \xo*\xt 1 ታር 24:10.\xt*\x* 
\v 6 ናምአይካ ጎዳ ዎጋነ ኪታ ኡባ ናግድ ቦረይ ባይና ፆሳ ስንን ፅሎተን ደእዶሶና። 
\v 7 ሀኖፐ አትሽን፥ ኤልሳቤፃ ማይን ግድዳ ግሾ ኤንታዉ ናእ ባዋ፤ ናምአይካ ቃስ ጭምዶሶና።
\p
\v 8 እስ ጋላስ ዛካርያስ ባ ግሹዋ ማራን ፆሳ ስንን ካህነተን ሀጋዜስ። 
\v 9 ካህነተ ዎጋን ፆሳ ኬ ገልድ እፃነ ጩይሳናዉ እያ ሳም ጋክስ። 
\v 10 እፃነይ ጩያ ዎደ አሳይ ካረን ዎሴስ።
\p
\v 11 ጎዳ ኪታንቾይ ያርሾ ያርሽያ በሳፈ ኡሻቻ ባጋራ ኤቅድ በንትስ። 
\v 12 ዛካርያስ እያ በእዳ ዎደ ዳጋምድ ዳሮ ያይስ። 
\v 13 ሽን ኪታንቾይ እያኮ፥ “ዛካርያሳ ያዮፋ፤ ነ ዎሳይ ስኤትስ። ነ ማችያ ኤልሳቤፃ አደ ናአ የላና፥ እያ ዮሃንሳ ጋዳ ነ ሱንና። 
\v 14 እ ነዉ እንጀነ ኡፋይስ ግዳና፤ ዳሮት እያ የለተን ኡፋይታና። 
\v 15 ጎዳ ስንን እ ግታ ግዳና፤ ዎይነ ኡሽ ግድን ሀራ ማይያ ኡሻ ኡየና። ባ አየ ኡሎን ደእሸ ጌሻ አያናን ኩማና።\x - \xo 1:15 \xo*\xt ታይቦ 6:3.\xt*\x* 
\v 16 እስራኤለ አሳታፐ ዳሮታ ባንታ ጎዳ፥ ፆሳኮ ዛራና። 
\v 17 አዋታ ዎዛና ናይታኮ ዛራና፥ ኪተቶናይሳታ ፅሎታ ጭንጫተኮ ዛራና መላ፥ ጎዳስ በሲያ ደረ ጊግሳናዉ ኤልያሳ አያናንነ ዎልቃን ጎዳ ስንን ባና” ያግስ።\x - \xo 1:17 \xo*\xt ምልክ 4:5-6.\xt*\x*
\p
\v 18 ዛካርያስ ኪታንቹዋኮ፥ “ታ ሄሳ አይብን ኤራኔ? ታራነ ታ ማቸራ ጭምዳ” ያግስ።
\p
\v 19 ኪታንቾይ ዛሪድ፥ “ታኒ ፆሳ ስንን ኤቅያ ጋብሬለ። ሀ ምሽራቹዋ ነዉ ኦዳናዉ ፆሳፈ ኪተታስ።\x - \xo 1:19 \xo*\xt ዳነ 8:16፤ 9:21.\xt*\x* 
\v 20 ሄኮ፥ ዎድያ ናግድ ፖለትያ ታ ቃላ ነ አማኖና እፅዳ ግሾ፥ ሀይስ ፖለታና ጋካናዉ ኔኒ ሙመ ግዳና፥ ኦደታናዉካ ዳንዳአካ” ያግስ።
\p
\v 21 ሄ ዎደ ዛካርያስ ፆሳ ኬ ገልድ ጋምእዳ ግሾ፥ አይብ ሀንደ ግድ አሳይ ካረን ናግሸ ጋምእስ። 
\v 22 እ ካረ ከይድ ኤንታና ኦድሳናዉ ዳንዳእቤና። ማል በሶፐ አትሽን፥ ኦደታናዉ ዳንዳኦናይሳ በእዳ ዎደ ቆንጨ በእዳይሳ ኤርዶሶና።
\p
\v 23 ዛካርያስ ባ ሀጋዙዋ ፖልድ ሶ ስምስ። 
\v 24 ሄሳፈ ጉየ፥ እያ ማችያ ኤልሳቤፃ ቃንታሱ። እቻሹ አጌና ኩመ ባና ገንዳ ጋምአሱ። 
\v 25 እያ፥ “ጎዳይ ባ ማሮታን ታ ቦርያ አሳ ግዶፈ ድጋናዉ በእድ ሀ ዎድያን ሀይሳ ኦስ” ያጋሱ።
\s1 የሱሳ የለተይ ኮይሮትድ ኦደትስ
\p
\v 26 ኤልሳቤፃ ቃንትን ኡሱፑን አጌናን፥ ፆሳይ ኪታንቹዋ ጋብሬለ ጋልላ ቢታን ደእያ ናዝረተ ካታማ ኪትስ። 
\v 27 ካዋ ዳዊታ ሼሻፐ ግድዳ ዮሰፋ ጌተትያ ኡራስ ኦይሸትዳ ጌላኤኮ ኪትስ። ሄ ጌላእያ ማይራሞ ጌተታዉሱ።\x - \xo 1:27 \xo*\xt ማቶ 1:18.\xt*\x* 
\v 28 ኪታንቾይ ኢኮ ብድ፥ “ዳሮ ዶሰትዳረ፥ ሳሮይ ነዉ ግዶ፥ ፆሳይ ኔራ ደኤስ፤ ኔኒ አንጀትዳሮ” ያግስ።
\p
\v 29 ማይራማ እያ ኦዳን ዳሮ ዳጋማዳ፥ “ሀይስ አይብ ሳሮ” ጋዳ ሄታሱ። 
\v 30 ኪታንቾይ ዛሪድ፥ “ማይራመ፥ ባቦፋ፤ ኔኒ ፆሳ ስንን ሳባ ደማዳሳ። 
\v 31 ሄኮ ኔኒ ቃንታና አደ ናአ የላና፥ እያ ሱን የሱሳ ጋዳ ሱንና።\x - \xo 1:31 \xo*\xt ማቶ 1:21.\xt*\x* 
\v 32 እ ግታ ግዳና፥ ኡባፈ ቦላ ፆሳ ናኣ ጌተትድ ፄገታና። ጎዳ ፆሳይ እያ አዋ ዳዊታ አራታ እያዉ እማና።\x - \xo 1:32 \xo*\xt 2 ሳሜ 7:12-13፥ 16፤ እሳ 9:7.\xt*\x* 
\v 33 እ ያይቆባ ሼሻ ቦላ መርናዉ ካዎታና፤ እያ ካዎተስ ዛው ባዋ” ያግስ።
\p
\v 34 ማይራማ ኪታንቹዋኮ፥ “ሄስ ዋንድ ሀናኔ? ታ አደ ኤርከ” ያጋሱ።
\p
\v 35 ኪታንቾይ ዛሪድ፥ “ጌሻ አያናይ ነ ቦላ ዎና፥ ኡባፈ ቦላ ፆሳ ዎልቃይ ነ ቦላ ኩያታና። ሄሳ ግሾ፥ የለትያ ጌሻ ናአይ ፆሳ ናኣ ጌተታና። 
\v 36 ሄኮ፥ ነ ዳብያ ኤልሳቤፃ ባ ጭማተ ላይን አደ ናአ ቃንታሱ። እያ ማይን ጌተትዳሮ፥ ሽን ሀእ ኡሱፑን አጌና ኦይካሱ። 
\v 37 ፆሳ ፆንያባይ ባዋ”\x - \xo 1:37 \xo*\xt መ 18:14.\xt*\x* ያግስ።
\p
\v 38 ማይራማ፥ “ሄኮ፥ ታኒ ጎዳ አይልዉ፥ ነ ቃላዳ ታዉ ሀኖ” ያጋሱ። ሄሳፈ ጉየ፥ ኪታንቾይ ኢፐ ሻከትስ።
\p
\v 39 ማይራማ ሄ ሳምንታን ደንዳዳ ይሁዳ ቢታን ደእያ እስ ደረይ ዳርያ ካታማ ባሱ። 
\v 40 ዛካርያሳ ሶ ገላዳ ኤልሳቤፆ ሳሮሱ። 
\v 41 ኤልሳቤፃ ማይራም ሳሮዋ ስእዳ ዎደ እ ኡሉዋን ደእያ ናአይ ኡፋይሳን ጉፕስ። ኤልሳቤፃ ጌሻ አያናን ኩማዳ፥ 
\v 42 ባ ቃላ ቁ ኦዳ፥ “ኔኒ ማጫሳ ግዶፈ አንጀትዳሮ፥ ነ ቃንትዳ ናአይካ አንጀትዳይሳ። 
\v 43 ሀኖሽን፥ ታ ጎዳ አየ፥ ኔኒ ታኮ ያና መላ ታኒ ኦኔ? 
\v 44 ሄኮ ነ ሳሮዋ ታ ስእዳ ዎደ ታ ኡሉዋን ደእያ ናአይ ኡፋይሳን ጉፕስ። 
\v 45 ጎዳይ ፖላና ግድ እምዳ ቃላ አማንዳራ፥ እያ አንጀትዳሮ” ያጋሱ።
\s1 ማይራም ማዝሙርያ
\p
\v 46 ማይራማ ሀይሳዳ ያጋሱ፦
\q1 “ታ ሸምፕያ ጎዳ ቦንቻዉሱ፥\x - \xo 1:46 \xo*\xt 1 ሳሜ 2:1-10.\xt*\x*
\q2
\v 47 ታ አያናይ ልያ ፆሳን ኡፋይቴስ።
\q1
\v 48 እ ባ አይለ ካዉሻተ በእስ።
\q1 ሀችፈ ዶምድ የለተ ኡባይ ታና አንጀትዳሮ ጋና።\x - \xo 1:48 \xo*\xt 1 ሳሜ 1:11.\xt*\x*
\q1
\v 49 አይስ ጊኮ፥ ዎልቃማ ግድዳ እ፥ ታዉ ግታባ ኦስ።
\q2 እያ ሱንይ ጌሻ።
\q1
\v 50 እያ ቦንቸይሳታ ቦላ፥
\q2 እያ ማሮተይ መርናፐ መርና ጋካናሳ።
\q1
\v 51 ባ ቀስያን ምኖባ ኦስ፥
\q2 ባንታ ዎዛናን ኦቶርተይሳታ ላልስ።
\q1
\v 52 ዎልቃማ ካዎታ አራታፐ ካዉሽስ፤
\q2 ባንታና ካዉሽዳይሳታ ካቦይስ።\x - \xo 1:52 \xo*\xt እዮ 5:11፤ 12:19.\xt*\x*
\q1
\v 53 ኮሻትዳይሳታ ሎኦባን ካልስስ፥
\q2 ሽን ዱረታ መላ ኩሸ የድስ።
\q1
\v 54 ባ ማሮታ ቆፕድ፥
\q2 ባ አይልያ እስራኤለ ማድስ።
\q1
\v 55 ሄስካ ኑ አዋታስ ኦድዳ ቃላ፥
\q2 አብራሃመስነ እያ ሼሻስ ግዳይሳ መርናዉ ፖላናሳ”\x - \xo 1:55 \xo*\xt መ 17:7.\xt*\x*
\m ያጋሱ።
\p
\v 56 ማይራማ ኤልሳቤፅ ማታን ሄ አጌና መላ ጋምአዳ ባ ሶ ስማሱ።
\s1 ፃማቅያ ዮሃንሳ የለተ
\p
\v 57 ኤልሳቤፅስ የሎ ቃማይ ጋክን አደ ናአ የላሱ። 
\v 58 እ ሾሮትነ እ ዳቦት ጎዳይ ግታ ማሮታ ኦዳይሳ ስእድ፥ ኢራ እስፈ ኡፋይትዶሶና። 
\v 59 ሆስፑን ጋላሳን ዮጋ ናኣ ቃፃራናዉ ይዶሶና። እያ አዋ ሱንን ዛካርያሳ ግድ ሱንናዉ ኮይዶሶና።\x - \xo 1:59 \xo*\xt ሌወ 12:3.\xt*\x* 
\v 60 ሽን አይያ፥ “አካይ፥ ዮሃንሳ ጌተታናዉ በሴስ” ያጋሱ። 
\v 61 ኤንትካ፥ “ነ ዳቦታፐ ሀ ሱንን ፄገትዳይ ኦንካ ባዋ” ያግዶሶና። 
\v 62 እያ አዋይ ኦና ግድ ሱንነኮ ኤራናዉ ኮይድ እያ ማላ ኦይችዶሶና። 
\v 63 እ ፃፍያባ ኦይች ኤክድ፥ “እያ ሱንይ ዮሃንሳ” ግድ ፃፍስ። ኡባይ እ ፃፍዳይሳ በእድ ማላለትዶሶና። 
\v 64 ኢራ ዛካርያሳ እንፃርሳይ ብለትስ፥ ፆሳ ጋላትሸ ኦደተ ኦይክስ። 
\v 65 ሾሮት ኡባይ ያሻን ኩምዶሶና። ሀ ሀንዳባይ ደረይ ዳርያ ይሁዳ ቢታን ኦደትስ። 
\v 66 ሄሳ ስእዳ ኡባይ፥ “ሀ ናአይ አይ ሀናንደሻ” ግድ ባንታ ግዶን ኦደትዶሶና። ጎዳ ኩሸይ እያራ ደኤስ።
\s1 ዛካርያሳ ማዝሙርያ
\p
\v 67 ዮሃንሳ አዋይ ዛካርያስ ጌሻ አያናን ኩምድ ሀይሳዳ ያግድ ትንብተ ኦድስ።
\q1
\v 68 “እስራኤለ ጎዳይ ጋላተቶ፥
\q2 ይድ ባ አሳ ዎዝስ።
\q1
\v 69 ባ አይልያ ዳዊታ ኬን
\q2 አቶተ ካጭያ ደንስ።
\q1
\v 70 ሄስካ በን ዎደ ጌሻ ናበታ ዶናን ኦደትዳይሳ መላ፥
\q1
\v 71 እያ አሾይ ኑ ሞርከታፐነ
\q2 ኑራ ኤቀትያ ኡባ ኩሽያፐ።
\q1
\v 72 ሄሳ እ ኦዳይ ኑ አዋታስ ባ ማሮታ በሳናስነ፥
\q2 ባ ጌሻ ጫቁዋ ናጋናሳ።
\q1
\v 73 ኑ አዋ አብራሃመስ ጫቅዳ
\q2 ጫቁዋ ቆፓናስነ
\q2
\v 74 ኑ ሞርከታ ኩሸፐ ከስድ
\q2 ያሽ ባይና እያ ሀጋዛና መላሳ።
\q1
\v 75 ኑ ላይ ኡባን ጌሻተንነ ፅሎተን
\q2 ባ ስንን ኑና ኤሳናሳ።
\q1
\v 76 ቃስ ላ ናአዉ፥ ኔኒ ኡባፈ ቦላ ፆሳ ናበ ጌተታና።\x - \xo 1:76 \xo*\xt ምልክ 3:1.\xt*\x*
\q1 ጎዳ ኦግያ ሎይናዉ ነ እያ ስንን ባና።
\q1
\v 77 ኤንታ ናጋራይ ቁሸትን፥
\q2 ኤንቲ አቶተ ደማናይሳ ነ ጎዳ ደርያስ ኦዳና።
\q1
\v 78 ኑ ፆሳ ሎኦ ማሮተፈ ደንዶይሳን
\q2 ዎንታ ፃልቀይ ኑስ ሳሉዋፐ ከይስ።
\q1
\v 79 ሄስካ ማንነ፥
\q2 ሀይቆ ኩያ ጋርሳን ደኤይሳታስ ፖእሳናሳ፥
\q2 ኑ ቶሁዋካ ሳሮ ኦግያኮ ዛራናሳ”
\m ያግስ።\x - \xo 1:79 \xo*\xt እሳ 9:2.\xt*\x*
\p
\v 80 ናአይ ድጭስ፥ አያናን ምንስ፥ እስራኤለ አሳስ ቆንጫና ጋካናዉ መላ ቢታን ደእስ።
\c 2
\s1 የሱሳ የለተ
\r (ማቶ 1:18-25)
\p
\v 1 ሄ ዎደ ሮመ ቢታን ደእያ አሳ ኡባይ ታይበታና መላነ ሱንይ ፃፈታና መላ ካዎይ አዉግስፆስ ኪትስ። 
\v 2 ሄስካ ቀረኖስ ሶረ ቢታ አይስያ ዎደ ኦሰትዳ ኮይሮ ታይቡዋ። 
\v 3 ሄሳ ግሾ፥ እስ እስ አስ ባ ሱን ፃፈታናዉ ባ የለትዳ ቢታ ብስ።
\p
\v 4 ዮሰፍካ ዳዊታ ኬፈነ ያራፐ ግድዳ ግሾ፥ ጋልላ ናዝረተ ካታማፐ ደንድድ ዳዊታ ካታማ ግድዳ ይሁዳ ቤተለመ ብስ። 
\v 5 ብሸ፥ የላናዉ ዎደይ ዉርዳ እ ኦይች ዎዳ፥ ማይራምራ ዎላ ፃፈታናዉ ብስ። 
\v 6 ኤንቲ ያን ደእሽን እዉ የሎ ዎደይ ጋክስ። 
\v 7 ባ ባይራ ናኣ የላሱ። ጩርቃራ ፃፃዳ እማ አቅያ ኬን በሲ ይዳ ግሾ ዳራን መሄ ሙዝያ ጎንገን ዝንእሳሱ።
\s1 ሄንንቾታነ ኪታንቾታ
\p
\v 8 ሄ ጋድያን ቃማ ዶርሳ ዉድያ ናግሸ ካረን አቅያ ሄንንቾት ደኦሶና። 
\v 9 ጎዳ ኪታንቾይ ሀሳዮና ይድ ኤንታ ማታን ኤቅስ። ጎዳ ቦንቾይ ኤንታ ዩሹዋን ፖእስ፤ ኤንትካ ዎልቃማ ያሽ ያይዶሶና። 
\v 10 ሽን ኪታንቾይ፥ “ያዮፍተ! ሄኮ፥ አሳ ኡባስ ግድያ ግታ ኡፋይሳ ምሽራቹዋ ኤካዳ ያስ። 
\v 11 ሄስካ፥ ዳዊታ ካታማን አሸይስ ህንተዉ ሀች የለትስ። እ ጎዳ ክርስቶሳ። 
\v 12 ዞቃለ ናእ ጩርቃራ ፃፀትድ ጎንገን ዝንእዳይሳ ህንተ ደማና፤ ሄስካ ህንተዉ ማላ ግዶ” ያግስ።
\p
\v 13 ቆፖና ዳሮ ሳሎ ኪታንቾት ኪታንቹዋራ እስፈ ቆንጭድ፥
\q1
\v 14 “ቦንቾይ ፆሳስ ቃ ሳሉዋን፥
\q2 ሳሮይ ቢታ ቦላ ፆሳይ ዶስያ አሳስ ግዶ”
\m ያግድ ጋላትዶሶና።
\p
\v 15 ኪታንቾት ኤንታፈ ሻከትድ ሳሉዋ ከይዳፐ ጉየ ሄንንቾት፥ “አነ ጎዳይ ኑስ ቆንጭስዳባነ ሀንዳባ በአናዉ ቤተለመ ቦስ” ያግዶሶና።
\p
\v 16 ኤንትካ ኤለስድ ብዶሶና። ማይራሞ፥ ዮሰፋነ ዞቃለ ናኣ ጎንገን ዝንእዳይሳ በእዶሶና። 
\v 17 በእ ስሚድ ናአባ ኤንታዉ ኦደቶይሳ፥ ቆንጭስድ ሄ በሳን ደእያ አሳስ ማርካትዶሶና። 
\v 18 ሄሳ ስእዳ ኡባይ ሄንንቾት ኦድዳይሳን ማላለትዶሶና። 
\v 19 ማይራማ ሀንዳባ ኡባ ባ ዎዛናን ቆፓሸ ደአሱ። 
\v 20 ሄንንቾት ኤንታዉ ኦደትዳይሳዳ ሀንን በእዶሶና። ሄሳ ግሾ፥ ባንታ ስእዳባስነ በእዳባ ኡባስ ፆሳ ቦንችሸነ ጋላትሸ ስምዶሶና።
\s1 የሱሳ ፆሳ ኬ ኤፍዶሶና
\p
\v 21 ሆስፑን ቃማን፥ ቃፃሮ ዎደይ ጋክን፥ እ ቃንታናፐ ስን ኪታንቾይ ዎዳ ሱንን የሱሳ ጌተትስ።\x - \xo 2:21 \xo*\xt ሌወ 12:3፤ ሉቃ 1:3.\xt*\x* 
\v 22 ሙሰ ዎጋ መላ ኤንታ ጌሻተ ዎደይ ፖለትዳፐ ጉየ ዮሰፋራነ ማይራምራ ዮጋ ናኣ ባንታ ጎዳስ እማናዉ የሩሳላመ ብዶሶና። 
\v 23 ሄስካ፥ ጎዳ ዎጋን፥ “አደ ግድዳ ባይራ ናእ ኡባይ ጎዳስ ዱማትዳይሳ ግዶ” ጌተትድ ፃፈትዳይሳ ፖላናሳ።\x - \xo 2:23 \xo*\xt ከሳ 13:2፥ 12.\xt*\x* 
\v 24 ቃስ ጎዳ ዎጋን፥ ናምኡ ኩራቾ ዎይኮ ሆለ ያርሻናዉ ኤፍዶሶና። 
\v 25 ሄ ዎደ ጌሽነ አማኖራ ምኖ ግድዳ ስሞና ጌተትያ አስ የሩሳላመን ደኤስ። እ እስራኤለታ አቶተ ናግሸ ደኤስ። ጌሻ አያናይካ እያ ቦላ ደኤስ። 
\v 26 ቃስ ክርስቶሳ በኦና ሀይቆናይሳ ጌሻ አያናይ እያዉ ቆንጭስን ኤርድ ደኤስ። 
\v 27 እ ሄ ጋላስ አያናይ ካለን ፆሳ ኬ ብስ። ናኣ አየራነ አዋራ ዎጋ ፖላናዉ ዮጋ ናኣ የሱሳ ኤክድ ገልዳ ዎደ፥ 
\v 28 ስሞን ሞክ ኤክድ ናኣ እድምድ፥
\q1
\v 29 “ጎዳዉ ነ ታዉ ገልዳ ቃላ መላ፥
\q2 ሀእ ነ አይልያ ሳሮን ሞይዛ።
\q1
\v 30 ታ አይፈይ አሳ ኡባ ስንን ነ ጊግስዳ፥
\q2
\v 31 ነ አሹዋ በእስ።
\q1
\v 32 ሄስካ ካዎተታ ኡባስ፥
\q2 ፆሳ ኦግያ ቆንጭስያ ፖኦ፥
\q2 ነ አሳ እስራኤለስካ ቦንቾ”
\m ያግድ ፆሳ ጋላትስ።\x - \xo 2:32 \xo*\xt እሳ 42:6፤ 49:6፤ 52:10.\xt*\x*
\p
\v 33 ዮሰፋራነ ማይራምራ እያዉ ኦደትዳባን ማላለትዶሶና። 
\v 34 ስሞን ኤንታ አንጅስ። አየ ማይራምኮ፥ “ሄኮ ዳሮ አሳ ዎዛና ቆፋይ ቆንጫና መላ፥ እስራኤለን ደእያ ዳሮታስ ኤንታ ኩንደስነ ደንዱዋስ ፆሳን ዶረትስ። 
\v 35 ቃስ ኤቀተይሳታስ ማላ ግዳና። ነ ሸምፑዋራካ ቃስ ማሽ አና” ያግስ። 
\v 36 ቃስ አሴራ ያራፐ ግድዳ ፋኑኤላ ናእያ ሃና ጌተትያ ናበይ ደአዉሱ። እያ ዳሮ ጭማሱ፤ እያ ባ ኮይሮ አዝናራ ላፑን ላይ ደአሱ። 
\v 37 እ አዝናይ ሀይቅን ሆስፑን ታማነ ኦይዱ ላይ ግዳና ጋካናዉ ቃማነ ጋላስ ፓጨይ ባይና ዎሳንነ ፆማን ፆሳ ኬን ሀጋዛሱ። 
\v 38 እያ ሄ ሳትያን ባዳ ፆሳ ጋላታሱ፤ የሩሳላመ ዎዘተ ናግያ ኡባስ ዮጋ ናአባ ማርካታሱ። 
\v 39 ዮሰፋራነ ማይራምራ ጎዳ ህግያን ኪተትዳ ዎጋ ኡባ ፖልዳፐ ጉየ ጋልላ ቢታን ደእያ ባንታ ካታማ ናዝረተ ስምዶሶና።\x - \xo 2:39 \xo*\xt ማቶ 2:23.\xt*\x* 
\v 40 ናአይ ድጭሸነ ምንሸ ብስ። ጭንጫተን ኩምስ፤ ፆሳ አ ኬሀተይ እያ ቦላ ደኤስ።
\s1 የሱሲ ፆሳ ኬን
\p
\v 41 ዮሰፋራነ ማይራምራ ፓስካ ባኣለ ቦንቻናዉ ላይን ላይን የሩሳላመ ቦሶና።\x - \xo 2:41 \xo*\xt ከሳ 12:1-27፤ ዛረ 16:1-8.\xt*\x* 
\v 42 የሱሳስ ታማነ ናምኡ ላይ ግድያ ዎደ ካሰ ሜዘትዳይሳዳ ባኣለ ቦንቻናዉ ብዶሶና። 
\v 43 ባልያ ቦንችዳፐ ጉየ ሶ ስምያ ዎደ ናአይ የሱሲ የሩሳላመን አትስ። ሽን ዮሰፋራነ ማይራምራ እ የሩሳላመን አቶይሳ ኤርቦኮና። 
\v 44 እ ሶ ስምያ አሳራ ዎላ ደእያ ዳንን ኤንቲ እስ ጋላሳ ኦገ ብዶሶና። እ ባይናይሳ ኤርዳፐ ጉየ ባንታ ዳቦታነ ላገታ ማታን ኮይዶሶና። 
\v 45 እ ያን ይን ኮይሸ ጉየ የሩሳላመ ጋካናዉ ብዶሶና።
\p
\v 46 ሄ ጋላሳፐ ጉየ ፆሳ ኬን አስታማረታ ግዶን ኡትድ ኤንታባ ስእሸነ ኤንታ ኦይችሸ ደእሽን ደምዶሶና። 
\v 47 እያ ስእያ ኡባይ እያ አኬካንነ ዛሩዋን ማላለትዶሶና።
\p
\v 48 ሶ አሳይ እያ ደምዳ ዎደ ማላለትዶሶና። እያ አያካ፥ “ታ ናአዉ፥ አይስ ኑና ሀይሳዳ ኦዲ? ነ አዋራነ ታራ ነና ኮይሸ ኡንኤትዳ” ያጋሱ።
\p
\v 49 የሱሲ ኤንታኮ፥ “ታና አይስ ኮዬቲ? ታ፥ ታ አዋ ኬን ዳናዉ በሰይሳ ኤረከት” ያግስ። 
\v 50 ሽን እ ኤንታኮ ግዳባ ኤንቲ አኬክቦኮና።
\p
\v 51 ሄሳፈ ጉየ፥ ኤንታራ እስፈ ናዝረተ ካታማ ብስ። ኤንታዉ ኪተትሸ ደእስ። እያ አይያ ሄ ኡባ ባ ዎዛናን ዎዳ ናጋሱ። 
\v 52 የሱሲ፥ ጭንጫተን፥ ጌሳንነ ቴማን ፆሳ ስንንነ አሳ ስንን ድጭስ።\x - \xo 2:52 \xo*\xt 1 ሳሜ 2:26፤ ሌም 3:4.\xt*\x*
\c 3
\s1 ፃማቅያ ዮሃንስ ኦገ ፕቴስ
\r (ማቶ 3:1-12፤ ማር 1:1-8፤ ዮሀ 1:19-28)
\p
\v 1 ካዎይ ፅባርዮስ ሮመ ቢታን ካዎትን፥ ታማነ እቻሻን ላይን፥ ጰንፀ ጵላፆስ ይሁዳ ሃርያ ዎደ፥ ሄሮዲስ ጋልላ ሃርያ ዎደ፥ እያ እሻ ፍልጶስ እፁርያሳነ ፅራኮንዶሳ ሃርያ ዎደ፥ ልሳንዮስ አብላንሳ ሃርያ ዎደ፥ 
\v 2 ሃናራነ ቃያፋራ ካህነ ሀላቃ ግድ ደእሽን፥ ፆሳ ቃላይ ዛካርያሳ ናኣ ዮሃንሳኮ መላ ቢታ ይስ። \fig ካህነ ሀላቃ|alt="High priest" src="HK00267B.tif" size="col" ref="3:2"\fig* 
\v 3 ዮሃንስ፥ “ህንተ ናጋራፐ ስምተነ ፃማቀትተ። ፆሳይ ህንተ ናጋራ አቶ ጋና” ያግድ ታማርስሸ ዮርዳኖሰ ሻፋ ሄራን ደእያ ቢታ ኡባ ብስ። 
\v 4 ሄስካ ናበይ እሳያስ ባ ማፃፋን፥\x - \xo 3:4 \xo*\xt እሳ 40:3-5.\xt*\x*
\q1 “መላ ቢታን ባ ቃላ ቁ ኦድ፥
\q2 ዋስያ ኡራ ቃላይ፥
\q1 ‘ጎዳ ኦግያ ጊግስተ፥
\q2 ሆሮጋካ ፕድ ኦተ።
\q1
\v 5 አፎ ኡባይ ኩማና፥
\q2 ዙማይነ ደረይ ዝቅ ጋና።
\q1 ዎበ ኦገይ ሉላና፥
\q2 ጊጎና ሆሮጋይ ቅንፅ ጋና።
\q1
\v 6 አሾ ማእዳ ኡባይ፥
\q2 ፆሳ አሹዋ በአና’ ”
\m ግድ ፃፍዳይሳዳ ሀንስ።
\p
\v 7 ዮሃንስ፥ ባ ኩሸን ፃማቀታናዉ ይዳ አሳኮ፥ “ህንተኖ፥ ሾሻ ናይቶ ያናዉ ደእያ ሀንቁዋፈ አታና መላ ህንተና ዞርዳይ ኦኔ?\x - \xo 3:7 \xo*\xt ማቶ 12:34፤ 23:33.\xt*\x* 
\v 8 ህዛ፥ ህንተ ስሙዋ ቆንጭስያ ሎኦ ኦሶ ኦተ፥ ህንተ ዎዛናን፥ ‘ኑስ፥ ኑ አዋይ አብራሃመይ ደኤስ ግድ ጬቀቶፍተ።’ ሃ ስእተ፥ ሀ ሹቻታፐ ፆሳይ አብራሃመስ ናአ ከሳናዉ ዳንዳኤስ።\x - \xo 3:8 \xo*\xt ዮሀ 8:33.\xt*\x* 
\v 9 ሄኮ፥ ቤፀይ ም ፃጶን ደኤስ። ህዛ፥ ሎኦ አይፈ አይፎና ም ኡባይ ቃንፀትድ ታማን የገታና” ያግስ።\x - \xo 3:9 \xo*\xt ማቶ 7:19.\xt*\x*
\p
\v 10 አሳይ፥ “ያትን ኑኒ አይ ኦኖ?” ያግድ ኦይችዶሶና።
\p
\v 11 ዮሃንስ ዛሪድ፥ “ናምኡ አፍል ደእያ አስ ባይናይሳስ እሞ። ካ ደኤይስ ባይናይሳስ እሞ” ያግስ።
\p
\v 12 ቃራፃ ቃንፅሰይሳት ፃማቀታናዉ ይድ፥ “አስታማርያዉ፥ ኑኒ አይ ኦኖ?” ያግዶሶና።\x - \xo 3:12 \xo*\xt ሉቃ 7:29.\xt*\x*
\p
\v 13 እ ዛሪድ፥ “ህንተ ቃንፅሳናዉ ኪተቶይሳፈ አድ ኤኮፍተ” ያግስ። 
\v 14 ቃስ ዎታዳረት ይድ፥ “ኑኒ አይ ኦኖ” ያግድ ኦይችዶሶና።
\p ዮሃንስ፥ “ኦደባካ ዎልቃን ዳፍድ ኤኮፍተ፥ ኦናካ ዎርዶን ሞቶፕተ፥ ህንተ ዳሞዘይ ህንተዉ ግዶ፤ ኡፋይትድ ደእተ” ያግስ።
\p
\v 15 አሳይ ክርስቶሳ ናግሸ ደእያ ግሾ፥ ዮሃንሳ፥ “እ ክርስቶሳ ግዳንደሻ?” ግድ ቆፕዶሶና። 
\v 16 ዮሃንስ ኡባስ ዛሪድ፥ “ታኒ ህንተና ሃን ፃማቃይስ፥ ሽን ታፐ አድ ዎልቃመይስ ያና። ታኒ እያ ጫማ ዎዶሩዋ ብላናዉ በሶና አስ። እ ህንተና ጌሻ አያናንነ ታማን ፃማቃና። 
\v 17 ዉዱማን ደእያ ካ ፖሎ ጌሻናዉ ፕይ እያ ኩሸን ደኤስ። ጌሻ ካ ባ ሻልያን ቆላና፤ ካልያ ዮና ታማን ፁጋና” ያግስ።
\p
\v 18 ቃስ ዮሃንስ አሳ ዳሮ ዞረ ዞርድ ዎንገላ\f + \fr 3:18 \fr*\fq ዎንገላ፦ \fq*\ft ግርከ ዶናን ዎንገላ ጌተትያ ቃላይ ዳሮ ኡፋይስያ ኦዳ ዎይኮ ምሽራቾ ጉሱ። ሄ ምሽራቾይካ ክርስቶስ አሳ ኮቸ ኡባ መርና ፕርዳፈ አሻናዉ ኪተትድ ይዳ ግታ ኡፋይሳ (ሉቃ 1:19፤ 2:10)።\ft*\f* ኦድስ።
\p
\v 19 ሽን ዮሃንስ ሄሮዲስ ባ እሻ ማችዉ፥ ሄሮድያዳ፥ ኤክዳ ግሾነ ሀራ ኢታ ኦሶታ ግሾ ሃንቄትዳ ዎደ፥\x - \xo 3:19 \xo*\xt ማቶ 14:3-4፤ ማር 6:17-18.\xt*\x* 
\v 20 ሄሮዲስ ካሰይሳ ቦላ ሀራባ ኡባ ጉጅድ ዮሃንሳ ዎይነ ገልስስ።
\s1 የሱሳ ፃማቀተ
\r (ማቶ 1:1-17፤ 3:13-17፤ ማር 1:9-11)
\p
\v 21 ዮሃንስ ቃሸታናፐ ስን አሳ ኡባ ፃማቅድ ስምን፥ ቃስ የሱሲካ ፃማቀትስ። እ ዎስሽን ሳሎይ ዶየትስ። 
\v 22 ጌሻ አያናይ ሆለዳ በንትሸ እያ ቦላ ኡትስ። ሳሎፐ “ታኒ ዶስያ ናአይ ነና፤ ነ ታና ኡፋይሳሳ” ግያ ቃላይ ይስ።\x - \xo 3:22 \xo*\xt መ 22:2፤ ማዝ 2:7፤ እሳ 42:1፤ ማቶ 3:17፤ ማር 1:11፤ ሉቃ 9:35.\xt*\x*
\p
\v 23 የሱሲ ታማርሶ ኦይክያ ዎደ እያዉ ሀስታሙ ላይ ግድሽን፥ አሳይ እያ ዮሰፋ ናአ ግድ ቆፕስ።
\q1 ዮሰፍ ኤለ ናአ፥ 
\v 24 ኤለይ ማታ ናአ፥
\q1 ማት ሌወ ናአ፥ ሌወይ ማልካ ናአ፥
\q1 ማልክ ዮና ናአ፥ ዮን ዮሰፋ ናአ፥
\q1
\v 25 ዮሰፍ ማታታ ናአ፥ ማታት አሞፀ ናአ፥
\q1 አሞፀይ ናሆመ ናአ፥ ናሆመይ አስሊመ ናአ፥
\q1 አስሊመይ ናገ ናአ፥ 
\v 26 ናገይ ማኣተ ናአ፥
\q1 ማኣተይ ማታታ ናአ፥ ማታት ሳማየ ናአ፥
\q1
\v 27 ሳማየይ ይሁዳ ናአ፥ ይሁድ ዮናና ናአ፥ ዮናነይ ራሰ ናአ፥
\q1 ራሰይ ዛሩባበላ ናአ፥ ዛሩባበል ሳላትያላ ናአ፥
\q1 ሳላትያል ኔራ ናአ፥ 
\v 28 ኔር ማልካ ናአ፥
\q1 ማልክ ሀደ ናአ፥ ሀድ ቆሳማ ናአ፥
\q1 ቆሳም ኤልሞዳና ናአ፥ ኤልሞዳን ኤራ ናአ፥
\q1
\v 29 ኤር ዮሰአ ናአ፥ ዮሰእ አላዛራ ናአ፥
\q1 አላዛር ዮራመ ናአ፥ ዮራመይ ማታ ናአ፥
\q1 ማታ ሌወ ናአ፥ 
\v 30 ሌወይ ስሞና ናአ፥
\q1 ስሞን ይሁዳ ናአ፥ ይሁድ ዮሰፋ ናአ፥
\q1 ዮሰፍ ዮናና ናአ፥ ዮናነይ ኤልያቄመ ናአ፥
\q1
\v 31 ኤልያቄም ማልያ ናአ፥ ማልይ ማይናነ ናአ፥
\q1 ማይናነይ ማታ ናአ፥ ማት ናታና ናአ፥
\q1 ናታን ዳዊታ ናአ፥ 
\v 32 ዳዊቲ እሰየ ናአ፥
\q1 እሰየይ እዮቤዳ ናአ፥ እዮቤድ ቦኤዛ ናአ፥
\q1 ቦኤዝ ሳልሞና ናአ፥ ሳልሞና ናአሶና ናአ፥
\q1
\v 33 ናአሶን አምናዳበ ናአ፥ አምናዳበይ ራመ ናአ፥ ራመይ አርነ ናአ፥
\q1 አርነይ አስሮመ ናአ፥ 
\v 34 አስሮመይ ፋረሳ ናአ፥
\q1 ፋረስ ይሁዳ ናአ፥
\q1 ይሁድ ያይቆባ ናአ፥
\q1 ያይቆብ ይሳቃ ናአ፥ ይሳቅ አብራሃመ ናአ፥
\q1 አብራሃመይ ታራ ናአ፥ 
\v 35 ታር ናኮራ ናአ፥
\q1 ናኮረይ ሳሩጋ ናአ፥ ሳሩግ ረሁ ናአ፥
\q1 ረሁይ ፋለቃ ናአ፥ ፋለቅ ኤቤራ ናአ፥
\q1 ኤቤሮይ ሴላ ናአ፥ 
\v 36 ሴል ቃይናማ ናአ፥
\q1 ቃይናም አርፋክሳደ ናአ፥ አርፋክሳድ ሴማ ናአ፥
\q1 ሴም ኖሄ ናአ፥ ኖሄይ ላመሀ ናአ፥
\q1
\v 37 ላመህ ማቱሳላ ናአ፥ ማቱሳል ሄኖከ ናአ፥
\q1 ሄኖከይ ያረዳ ናአ፥ ያረድ ማላልኤላ ናአ፥
\q1 ማላልኤል ቃይናና ናአ፥ 
\v 38 ቃይናን ሄኖሳ ናአ፥
\q1 ሄኖስ ሴታ ናአ፥ ሴት አዳመ ናአ፥
\q1 አዳመይ ፆሳ ናአ።
\c 4
\s1 የሱሲ ፓጨተ
\r (ማቶ 4:1-11፤ ማር 1:12-13)
\p
\v 1 የሱሲ ጌሻ አያናን ኩምድ ዮርዳኖሰ ሻፋፐ ስምዳ መላ አያናይ እያ መላ ብታ ኤፍስ። 
\v 2 ያን ኦይታሙ ጋላስነ ቃማ ፃላሄን ፓጨትስ። ሄ ጋላሳታን አይኮካ ሞና ጋምእዳ ግሾ ዉርሰን ኮሻትስ።
\p
\v 3 ፃላሄይ እያኮ፥ “ኔኒ ፆሳ ናአ ግድኮ አነ ሀይስ ሹቻይ ኡይ ግዶ ጋዳ ኪታ” ያግስ።
\p
\v 4 የሱሲ ዛሪድ፥ “አስ ኡይ ፃላላን ዴና ጌተትድ ፃፈትስ” ያግስ።\x - \xo 4:4 \xo*\xt ዛረ 8:3.\xt*\x*
\p
\v 5 ሄሳፈ ጉየ፥ ፃላሄይ የሱሳ አዱሳ ደረ ቦላ ከስድ ሀ አላምያ ካዎተታ አይፈ ቅጵ ዛራናዉ በስስ። 
\v 6 ፃላሄይ፥ “ሀ ኡባስ ማታይነ ቦንቾይ ታዉ እመትስ። ታኒ ዶስዳ ኦደስካ እምያ ግሾ ነዉ እማና። 
\v 7 ሄሳ ግሾ፥ ኔኒ ታዉ ጎይንኮ ኡባይ ነዉ ግዳና” ያግስ።
\p
\v 8 የሱሲ ዛሪድ፥ “ነ ጎዳ፥ ነ ፆሳ፥ እያ ፃላላ ጎይና ጌተትድ ፃፈትስ” ያግስ።\x - \xo 4:8 \xo*\xt ዛረ 6:13.\xt*\x*
\p
\v 9 ዉርሰን ፃላሄይ የሱሳ የሩሳላመ ኤፍድ ፆሳ ኬስ ሁጵያ ቦላ ኤስድ፥ “ኔኒ ፆሳ ናአ ግድኮ አነ ዱገ ሳአን ነና የጋ። 
\v 10 አይስ ጊኮ፥
\q1 “ ‘ነና ናግያ ኪታንቾታ
\q2 ፆሳይ ነ ግሾ ኪታና።\x - \xo 4:10 \xo*\xt ማዝ 91:11-12.\xt*\x*
\q1
\v 11 ኤንቲ ነ ቶሆይ ሹቻን በቶና መላ፥
\q2 ባንታ ኩሽያን ቁ ኦድ ነና ደንና’ ጌተትድ ፃፈትስ”
\m ያግስ።
\p
\v 12 የሱሲ ዛሪድ፥ “ነ ጎዳ ፆሳ ፓጮፋ ጌተትድ ፃፈትስ” ያግስ።\x - \xo 4:12 \xo*\xt ዛረ 6:16.\xt*\x*
\p
\v 13 ፃላሄይ የሱሳ ፓጭያ ዉርስዳፐ ጉየ ሀራ እንጀ ዎደ ደማና ጋካናዉ እያፐ ሻከትስ።
\s1 የሱሲ ጋልላን ታማርሶ ዶመ
\r (ማቶ 4:12-17፤ ማር 1:14-15)
\p
\v 14 የሱሲ አያና ዎልቃን ኩምድ ጋልላ ስምስ። እያ ሱንይ ሄራን ደእያ ቢታ ኡባን ከይስ። 
\v 15 እ አይሁደ ዎሳ ኬ ገልድ ታማርስስ፤ አሳ ኡባይ እያ ጋላትዶሶና።
\p
\v 16 ያፐ እ ድጭዳ ካታማ ናዝረተ ይስ። ካሰ ሜዘትዳይሳዳ ሳምባታ ጋላስ አይሁደ ዎሳ ኬ ገልስ። ናባባናዉካ ደንድ ኤቅስ። 
\v 17 ናብያ እሳያሳ ማፃፋይ እያዉ እመትን፥ ዶይድ፥ ሀይሳዳ ያግድ ፃፈትዳይሳ ደምስ፦
\q1
\v 18 “ጎዳ አያናይ ታ ቦላ ደኤስ፥
\q2 ማንቆታስ ዎንገላ ኦዳና መላ
\q2 ፆሳይ ታና ዶርስ።
\q1 ቃሸትዳይሳታስ ብለተ፥
\q2 ቆቅዳይሳታ ፄልሳናስነ
\q2 ኡንኤትዳይሳታ ብርሻና መላ፥\x - \xo 4:18 \xo*\xt እሳ 61:1-2.\xt*\x*
\q1
\v 19 ፆሳይ ኬሀናዉ ቆፕዳ ላይ ኦዳና መላ ታና ኪትስ”
\m ያግስ።
\p
\v 20 ሄሳፈ ጉየ፥ ማፃፋ ፃፅድ ሀጋዘይሳስ እምድ ታማርሳናዉ ኡትስ። አይሁደ ዎሳ ኬን ደእያ አሳት ኡባይ ጫድ ፄሎሶና። 
\v 21 እ፥ “ሀይስ ህንተ ሀይን ህንተ ስእያ ሀ ማፃፋ ቃላይ ሀች ፖለትስ” ያግስ።
\p
\v 22 ኡባይ እያባ ዳርስድ ኦደቶሶና። ቃስ እያ ዶናፐ ከይያ አ ኬሀተን ኩምዳ ቃላን ማላለትሸ፥ “ሀይስ ዮሰፋ ናኣ ግደነዬ?” ያግዶሶና።
\p
\v 23 እ፥ “ ‘ነኖ ለ አዋዉ ነና አሻ፥ ቅፍርናሆማን ነ ኦዳባ ኑ ስኦይሳ ቃስ ሀይሳን ነ ካታማን ኦ’ ግያ ሌምሱዋን ህንተ ታና ጋናይሳስ ስይ ባዋ” ያግስ። 
\v 24 ቃስ፥ “ቱማ ኦዳይስ፤ ናበይ ባ የለትዳ ቢታን ቦንቸተና።\x - \xo 4:24 \xo*\xt ዮሀ 4:44.\xt*\x*
\p
\v 25 “ታ ህንተዉ ቱማ ኦዳይስ፤ ሳሎይ ሄ ላይነ ባጋ ጎርደትን ምኖ ኮሽ ቢታ ኡባን ደእያ ኤልያሳ ዎደ ዳሮ አምኤት እስራኤለን ደኦሶና።\x - \xo 4:25 \xo*\xt 1 ካዎ 17:1.\xt*\x* 
\v 26 ኤልያስ ኤንታፈ እስነኮካ ኪተትቤና። ሽን ሳራፕታን ደእያ አምኤኮ ኪተትስ።\x - \xo 4:26 \xo*\xt 1 ካዎ 17:8-16.\xt*\x* 
\v 27 ናብያ ኤልሳ ዎደ እስራኤለን ዳሮ ባሮ ሀርጋንቾት ደኦሶና። ሽን ሶረ ኡራ ንእማነፐ አትሽን፥ ኦንካ ፓፅቤና” ያግስ።\x - \xo 4:27 \xo*\xt 2 ካዎ 5:1-14.\xt*\x*
\p
\v 28 አይሁደ ዎሳ ኬን ደእያ አሳ ኡባይ ሄሳ ስእዳ ዎደ ዳሮ ይሎትዶሶና። 
\v 29 ባንታ ኡትዳ በሳፈ ደንድድ ደረ ቦላ ኬፀትዳ ካታማፐ ጋፃ ከስድ ሱግ የዳናዉ አፎ ዶና ኤፍዶሶና። 
\v 30 ሽን እ ኤንታ ግዶራ ካንድ አስ።
\s1 የሱሲ ቱና አያና ከስስ
\r (ማር 1:21-28)
\p
\v 31 ያፐ ጋልላ ቢታን ደእያ ቅፍርናሆማ ካታማ ብስ። ያን ሳምባታ ጋላስ አሳ ታማርስስ። 
\v 32 እ ታማርሰይ ማታራ ግድያ ግሾ ኡባይ እያ ትምርትያን ማላለትዶሶና።\x - \xo 4:32 \xo*\xt ማቶ 7:28-29፤ ማዝ 91:11-12.\xt*\x*
\p
\v 33 አይሁደ ዎሳ ኬን ቱና አያናይ ኦይክዳ ኡራይ ደኤስ። 
\v 34 እ፥ “ናዝረተ የሱሳ ኑና አይስ ዋይሳይ ኑፐ ሃካ፤ ኔኒ ይዳይ ኑና ይሳናሰዬ? ኔኒ ኦነኮ ታኒ ኤራይስ። ኔኒ ፆሳፈ ይዳ ጌሻ” ያግድ ዋስስ።
\p
\v 35 የሱሲ ቱና አያናኮ፥ “ስእ ጋዳ ሀ ኡራፐ ከያ” ያግድ ሀንቅስ። ቱና አያናይ ኡራ አሳ ኡባ ስንን ሆል የግድ አይኮካ ቆሆና የድድ ከይስ።
\p
\v 36 አሳ ኡባይ ማላለትዶሶና። ዎልኮ፥ “ሀኖስ፥ ሀይስ አይብ ትምርቴ? ቱና አያናታ ማታንነ ዎልቃን ኪቴስ፤ ኤንትካ ከዮሶና” ያግዶሶና። 
\v 37 እያ ሱንይ ሄራ ኡባን ከይስ።
\s1 የሱሲ ዳሮ ሀርጋንቾታ ፓስ
\r (ማቶ 8:14-17፤ ማር 1:29-34)
\p
\v 38 ሄሳፈ ጉየ፥ የሱሲ አይሁደ ዎሳ ኬፈ ከይድ ስሞና ሶ ገልስ። ስሞና ማቸ አይያ ምኖ ቆፆ ምሻ ሀርገን ሳከታሱ። እዮ ፓና መላ የሱሳ ዎስዶሶና። 
\v 39 እ ሂፃኮ ሺቅ ሆክድ እ ሀርግያ ሀንቅስ። ምሻይ አግን ኤለሳ ደንዳዳ ኤንታ ሞካሱ።
\p
\v 40 አዋይ ዉላና ሀንሽን ዱማ ዱማ ሀርግያን ኦይከትዳ አሳ እያኮ ኤህዶሶና። እ እሱዋ እሱዋ ቦላ ባ ኩሽያ ዎድ ፓስ። 
\v 41 ቱና አያናት ቃስ፥ “ኔኒ፥ ፆሳ ናኣ” ግድ ዋስሸ ዳሮ አሳፐ ከይዶሶና። ሽን እ ኤንታና ሀንቅስ። እ ክርስቶሳ ግደይሳ ኤንቲ ኤርያ ግሾ፥ እስባካ ኦደቶና መላ ድግስ።
\p
\v 42 ቡሮ ዎንትያ ዎደ የሱሲ እስ ጌማ በሲ ብስ። አሳይ ኮይሸ እ ደእያ በሳ ይዶሶና። ኤንታፈ እ ሻከትድ ቦና መላ ድጋናዉ ኮይዶሶና። 
\v 43 ሽን እ፥ “ታኒ ሀራ ካታማታ ባዳ ፆሳ ካዎተ ዎንገላ ማርካታናዉ በሴስ። ታ ኪተትዳይ ሄሳሳ” ያግስ። 
\v 44 ይሁዳ ቢታን ደእያ አይሁደ ዎሳ ኬን ሳባክስ።
\c 5
\s1 ኮይሮ ታማረታ ፄገ
\r (ማቶ 4:18-22፤ ማር 1:16-20)
\p
\v 1 እስ ጋላስ የሱሲ ገንሳሬፀ አባ ማታን ኤቅዳሽን ዳሮ አሳይ እያ ዩሹዋ ኡንኤድ፥ እ ታማርስያ ፆሳ ቃላ ስኦሶና።\x - \xo 5:1 \xo*\xt ማቶ 13:1-2፤ ማር 3:9-10፤ 4:1.\xt*\x* 
\v 2 ያን ሃ ጋፃን ደእያ ናምኡ ዎጎሎታ በእስ። ሞሎ ኦይክያ አሳት ዎጎሎታፐ ዎድ ባንታ ግትያ ሜጮሶና። \fig ሞሎ ኦይክያ አሰ|alt="Fisher men in their fishing boat" src="HK00208B.tif" size="span" ref="5:2"\fig* 
\v 3 ሄ ዎጎሎታፐ ስሞናይሳን ገልድ ቢታፈ ጉ ግዶ ሺሻና መላ ኦይችስ። ያትድ፥ ሄ ዎጎሉዋ ቦላ ኡትድ አሳ ታማርስስ።
\p
\v 4 ባ ትምርትያ ኦንግዳፐ ጉየ ስሞናኮ፥ “ገደ ጪሙዋኮ ሺሻዳ ሞሉዋ ኦይካናዉ ህንተ ግትያ የግተ” ያግስ።
\p
\v 5 ስሞን ዛሪድ፥ “አስታማርያዉ፥ ቃማ ኩመ ዳቡርሸ አቅድ አይኮካ ኦይክቦኮ፥ ሽን ነ ጊኮ ግትያ የጋና” ያግስ።\x - \xo 5:5 \xo*\xt ዮሀ 21:3.\xt*\x*
\p
\v 6 ኤንቲ ግትያ የግዳ ዎደ ግተይ ዳከታና ጋካናዉ ዳሮ ሞሎ ኦይክዶሶና።\x - \xo 5:6 \xo*\xt ዮሀ 21:6.\xt*\x* 
\v 7 ሀራ ዎጎሎን ደእያ ባንታ ላገት ይድ፥ ባንታና ማዳና መላ ዉትድ ፄግዶሶና። ኤንቲ ይድ ናምኡ ዎጎሎት፥ ሃን ምተታና ጋካናዉ ሞሎን ኩንዶሶና።
\p
\v 8 ስሞን ጰፅሮስ ሄሳ በእዳ ዎደ፥ የሱሳ ስንን ኩንድድ፥ “ጎዳዉ፥ ታኒ ናጋራንቾ አስ ግድያ ግሾ፥ ታፐ ሻከታ” ያግስ። 
\v 9 እ ሄሳ ግዳይ፥ እነ እያራ ደኤይሳት ኦይክዳ ሞሉዋ ዳሮተን ማላለትዳ ግሾሳ። 
\v 10 ቃስ ስሞና ላገ ግድዳ ዛብድዮሳ ናይት ያይቆባራነ ዮሃንሳራ ማላለትዶሶና። የሱሲ ስሞናኮ፥ “ባቦፋ! ህዛፐ ኔኒ አሰ ኦይክያ አስ ግዳና” ያግስ። 
\v 11 ኤንቲ ዎጎሎታ ጋፃ ሺሽዳፐ ጉየ ኡባ አግድ የሱሳ ካልዶሶና።
\s1 ባሮ ሀርጋንቾይ ፓፅስ
\r (ማቶ 8:1-4፤ ማር 1:40-45)
\p
\v 12 የሱሲ ካታማታፐ እሱዋን ደእሽን እስ ባሮ ሀርገን\f + \fr 5:12 \fr*\fq ባሮ ሀርገ፦ \fq*\ft ባሮ ሀርገይ አሳ ጋልባ ቦላ ከይያ ሀርገ። እስራኤለ ቢታን ባሮ ሀርጋንቾት ሀራ አሳፐ ዱማትድ ደኦሶናፐ አትሽን፥ አሳራ ጋሄቶኮና።\ft*\f* ኦይከትዳ አስ ሄ ካታማን ደኤስ። ሄ ኡራይ የሱሳ በእድ እያ ስንን ጉፋንድ፥ “ጎዳዉ፥ ነ ሸነ ግድኮ ታና ጌሻናዉ ዳንዳኣሳ” ግድ ዎስስ።
\p
\v 13 የሱሲ ባ ኩሽያ የድ ቦችድ፥ “ኤ፥ ታ ሸነ፤ ጌይያ” ያግስ። ኢራ ባሮ ሀርገይ ኡራፐ ክችስ።
\p
\v 14 የሱሲ፥ “ሀይሳ ኦደስካ ኦዶፓ፥ ሽን ባዳ ነናተ አይሁደ ካህነ በሳ። ነ ጌይዳይሳስ ማርካ ግዳና መላ ሙሰይ ኪትዳ ያርሾ ያርሻ” ግድ ኪትስ።\x - \xo 5:14 \xo*\xt ሌወ 14:1-32.\xt*\x*
\p
\v 15 ግዶሽን፥ እያ ሱንይ ካሰፐ አድ ኤረትሸ ብስ። ዳሮ አሳይ እ ኦድያባ ስአናዉነ ባንታ ሀርግያፈ ፓፃናዉ ዮሶና። 
\v 16 ሽን የሱሲ ዳሮ ዎደ ጌማ በሲ ብድ ዎሴስ።
\s1 ጉንዳ ኡራ
\r (ማቶ 9:1-8፤ ማር 2:1-12)
\p
\v 17 እስ ጋላስ የሱሲ ታማርስሽን ጋልላፐነ ይሁዳ ሄራ ኡባፈ ቃስ የሩሳላመፐ ይዳ ፋርሳወትነ ህገ አስታማረት ያን ኡትዶሶና። አሳ ፓያ ጎዳ ዎልቃይካ እያራ ደኤስ። 
\v 18 ሄ ዎደ አሳይ እስ ጉንዳ አስ ሀላራ ቶክድ ኤህዶሶና። ሶ ገልስድ እያ ስንን ዎናዉ ቆፕዶሶና። 
\v 19 ሽን አሳ ዳሮተፈ ደንዶይሳን ሶ ገልሳናዉ ፆነትድ ኬ ቦላ ከይድ፥ ካራ ቃዉፅድ፥ ሀርጋንቹዋ ሀላራ አሳ ሻክድ የሱሳ ስንን የግዶሶና።
\p
\v 20 የሱሲ ኤንታ አማኑዋ በእድ፥ “ላ አድያዉ፥ ነ ናጋራይ አቶ ጌተትስ” ያግስ።
\p
\v 21 ህገ አስታማረትነ ፋርሳወት፥ “ሀይስ ፆሳ ቦላ ያግድ ኦደተይ ኦኔ? እስ ፆሳፈ አትሽን፥ ሀር ናጋራ አቶ ጋናዉ ዳንዳኤይ ኦኔ?” ያግድ ቆፕዶሶና።
\p
\v 22 የሱሲ ኤንታ ቆፋ ኤርዳ ግሾ ኤንታኮ፥ “ህንተ ዎዛናን ሄሳ አይስ ቆፔቲ? 
\v 23 ‘ነ ናጋራይ ቁሸትስ ገይሳፈነ ደንዳዳ ባ ገይሳፈ አዉስ ካዉዪ?’ 
\v 24 ሽን ታ ሄሳ ግዳይ አሳ ናእ ሳአ ቦላ ናጋራ አቶ ጋናዉ ማት ደኤይሳ ህንተ ኤራና መላሳ።” ሄሳፈ ካልድ፥ ጉንዳ ኡራኮ፥ “ደንዳ፤ ነ አልጋ ቶካዳ ነ ሶ ባ” ያግስ። 
\v 25 እ ኤለስ ደንድድ ኤንታ ስንን ኤቅስ፤ እ ቶከትድ ይዳ አልጋ ቶክድ ፆሳ ጋላትሸ ባ ሶ ብስ። 
\v 26 ሄ ዎደ ኡባይካ ማላለትዶሶና። ፆሳ ጋላትሸ፥ “ሀች ግታ ማላታ በእዳ” ያግድ ያሸትዶሶና።
\s1 ሌወ ፄገተ
\r (ማቶ 9:9-13፤ ማር 2:13-17)
\p
\v 27 ሄሳፈ ጉየ፥ የሱሲ ያፐ ከይድ ብስ። ሌወ ጌተትያ እስ ቃራፃ ቃንፅሰይስ ቃራፃ ቃንፅስያ በሳን ኡትዳይሳ በእድ፥ “ታና ካላ” ያግስ። 
\v 28 እ ኡባባ አግድ፥ ደንድድ እያ ካልስ።
\p
\v 29 ሄ ሌወይ ባ ሶን ግታ ግብራ ጊግስስ። ዳሮ ቃራፃ ቃንፅሰይሳትነ ሀራ አሳት ካ ቦላ ኡትዶሶና። 
\v 30 ፋርሳወትነ ህገ አስታማረት፥ “ቃራፃ ቃንፀይሳታራነ ናጋራንቾታራ አይስ ሜትነ ኡዬቲ?” ያግድ የሱሳ ታማረታ ቦላ ዙዙምዶሶና።\x - \xo 5:30 \xo*\xt ሉቃ 15:1-2.\xt*\x*
\p
\v 31 የሱሲ ኤንታኮ፥ “ሀርጋንቾታሳፈ አትሽን፥ ፓፃታስ አክመ ኮሸና። 
\v 32 ታኒ ናጋራንቾታ ማሮታኮ ዛራናሳፈ አትሽን፥ ጌሻታ ፄጋናዉ ያቢከ” ያግድ ዛርስ።
\p
\v 33 ኤንቲ የሱሳኮ፥ “ዮሃንሳ ታማረት ዳሮ ዎደ ፆሞሶና፥ ዎሶሶና፤ ቃስ ፋርሳወታ ታማረትካ ሄሳ ኦሶና። ሽን ነይሳት ኡባ ዎደ ሞሶናነ ኡዮሶና” ያግዶሶና።
\p
\v 34 የሱሲ ኤንታኮ፥ “ማችዉ ኤከይስ ኤንታራ ደእሽን ፄገትዳ አሳይ ፆማና መላ ኦናዉ ዳንዳኤቲ? 
\v 35 ሽን ሙሹራይ ኤንታፈ ሻከታና ጋላሳይ ያና፥ ሄ ዎደ ኤንቲ ፆማና።”
\p
\v 36 ቃስ ያግድ ሌምሶ ኦድስ፤ “ኦራ ማኦፐ ፔድ ጋልአ ማኦ ቦላ ስከይ ኦንካ ባዋ። ሄሳ ኦኮ ኦራ ማኡዋ ፔስ፥ ኦራይ ጋልኣስ ጊገና። 
\v 37 ማልአንቶ ዎይነ ጋልአ ኦጎሮን ቆልያ ኦንካ ባዋ። ሄሳ ኦኮ፥ ኦራ ዎይነይ ጋልአ ኦጎሩዋ ሴስ፤ ዎይነይ ጉኬስ ኦጎሮይካ ማዶናባ ግዴስ። 
\v 38 ሄሳ ግሾ፥ ኦራ ዎይነይ ኦራ ኦጎሮን ቆለታናዉ በሴስ። 
\v 39 ህዛ፥ ጫላይ ሎኦ ግያ ግሾ፥ ጫላ ዎይነ ኡይ ስሚድ ማልአንቶ ኮየይ ኦንካ ባዋ” ያግስ።
\c 6
\s1 ሳምባታ ቦንቻናዉ በሲ?
\r (ማቶ 12:1-8፤ ማር 2:23-28)
\p
\v 1 እስ ሳምባታ ጋላስ የሱሲ ግስተ ጋደ ግዶራ አስ። የሱሳ ታማረት ትያ ባንጋ ዱድ ባንታ ኩሸን ሽርክድ ሞሶና።\x - \xo 6:1 \xo*\xt ዛረ 23:25.\xt*\x* 
\v 2 ሽን ፋርሳወታ ግዶፈ እሶት እሶት፥ “ሳምባታ ጋላስ ኦናዉ በሶናባ አይስ ኦቲ?” ያግዶሶና።
\p
\v 3 የሱሲ ኤንታኮ ዛሪድ፥ “ዳዊቲ ኮሻትዳ ዎደ ባራ ደኤይሳታራ እስፈ ኦይሳ ናባብበከቲ?\x - \xo 6:3 \xo*\xt 1 ሳሜ 21:1-6.\xt*\x* 
\v 4 ፆሳ ኬ ገልድ አይሁደ ካህነታ ፃላላስ በሲያ ዳቡዋ ምስ፤ ባራ ደኤይሳታስካ እሚስ” ያግስ።\x - \xo 6:4 \xo*\xt ሌወ 24:9.\xt*\x* 
\v 5 ቃስ የሱሲ፥ “አሳ ናአይ ሳምባታ ጎዳ” ያግስ።
\p
\v 6 ሀራ ሳምባታ ጋላስ የሱሲ አይሁደ ዎሳ ኬ ገልድ ታማርሴስ። ሄ በሳን ኡሻቻ ኩሸይ ስልዳ እስ አስ ደኤስ። 
\v 7 ህገ አስታማረትነ ፋርሳወት እያ ሞታናዉ ጋሶ ኮይድ ሳምባታ ጋላስ ፓኮ በአና ግድ ናጎሶና። 
\v 8 ሽን የሱሲ ኤንታ ቆፋ ኤርድ ኩሸይ ስልዳ ኡራኮ፥ “ደንዳዳ አሳ ግዶን ኤቃ” ያግስ። ኡራይካ ደንድ ኤቅስ።
\p
\v 9 የሱሲ፥ “አነ ታ ህንተና እስባ ኦይቻይስ፤ ሳምባታ ጋላስ ኦናዉ በሰይ ሎኦባየየ ኢታባዬ? ሸምፖ አሾየ ዎይኮ ይሶ?” ያግስ።
\p
\v 10 ቃስ የሱሲ እያ ዩሹዋን ደእያ አሳ ዩሽ ፄልድ ኡራኮ፥ “ነ ኩሽያ ፕድ ኦ” ያግስ። ኡራይካ እ ግዳይሳዳ ኦን ኩሸይ ፓፅስ። 
\v 11 ሽን ህገ አስታማረትነ ፋርሳወት ዳሮ ይሎትዶሶና። የሱሳ ቦላ አይ ኦኖ ግድ ባንታ ግዶን ማቀትዶሶና።
\s1 ታማነ ናምኡ ሀዋረታ
\r (ማቶ 10:1-4፤ ማር 3:13-19)
\p
\v 12 ሄ ዎደ ጋላሳታፐ እሱዋን የሱሲ ዎሳናዉ ዙማ ቦላ ከይስ። ቃማ ኩመ ዎስሸ አቅስ። 
\v 13 ዎንተ ባ ታማረታ ፄግድ ኤንታ ግዶፈ ታማነ ናምአታ ዶርድ፥ ኤንታና፥ “ሀዋረታ” ግድ ሱንስ። 
\v 14 ኤንትካ፥ ጰፅሮሳ ግድ ሱንዳ ስሞና፥ እያ እሻ እንድርያሳ፥ ያይቆባ፥ ዮሃንሳ፥ ፍልጶሳ፥ ባርተለሞሳ፥ 
\v 15 ማቶሳ፥ ቶማሳ፥ እልፍዮሳ ናኣ ያይቆባ፥ ባ ቢታስ ምሸትያ ስሞና፥ 
\v 16 ያይቆባ ናኣ ይሁዳነ የሱሳ አድ እምዳ አስቆሮታ ይሁዳ።
\p
\v 17 የሱሲ ኤንታራ እስፈ ዙማፐ ዎድ ደምባ በሳን ኤቅስ። እያ ታማረታፐ ዳሮት ሄ በሳን ደኦሶና። ይሁዳ ቢታ ኡባፈ የሩሳላመፐ፥ ፅሮሳፐነ ስዶና አባ ጋፃፐ ይዳ ዳሮ አሳይ ደኤስ። 
\v 18 ኤንቲ ይዳይ፥ እ ታማርስያባ ስአናዉነ ባንታ ሀርግያፈ ፓፃናሳ። ቱና አያናን ዋየትያ አሳትካ ፓፅዶሶና። 
\v 19 ዎልቅ እያፐ ከይድ አሳ ኡባ ፓያ ግሾ አሳይ እያ ቦቻናዉ ኮዮሶና።
\p
\v 20 ባ ታማረታ ፄልድ ሀይሳዳ ያግስ፦
\q1 “ህንተኖ፥ ማንቆቶ፥ ህንተ አንጀትዳይሳታ፤
\q2 ፆሳ ካዎተይ ህንተሳ።
\q1
\v 21 ህንተ ሀእ ኮሻተይሳት አንጀትዳይሳታ፥
\q2 ህንተ ካላና።
\q1 ህንተ ሀእ ዬከይሳት አንጀትዳይሳታ
\q2 ህንተ ሚጫና።
\q1
\v 22 አሳይ ህንተና አሳ ናኣ ግሾ፥
\q2 እፅያ ዎደ፥
\q2 ህንተና ህልያ ዎደ፥
\q2 ህንተና ኤንቲ ቶችያ ዎደነ፥
\q2 ኢታ ሱን ኤንቲ ህንተዉ እምያ ዎደ
\q2 ህንተ አንጀትዳይሳታ።\x - \xo 6:22 \xo*\xt ሌም 4:14.\xt*\x*
\p
\v 23 “ሄኮ፥ ህንተ ዎይቶይ ሳሎን ግታ ግድያ ግሾ ሄ ዎደ ኡፋይሳን ጉፕተ። አይስ ጊኮ፥ በን ኤንታ አዋት ናበታ ቦላ ሄሳዳ ኦዶሶና።”\x - \xo 6:23 \xo*\xt 2 ታር 36:16፤ ሀዋ 7:52.\xt*\x*
\q1
\v 24 “ሽን ዱረቶ ህንተና አየ!
\q2 ህንተ ሀእ ሎኦ ዱሳ ኤክደታ።
\q1
\v 25 ሀእ ካልዳይሳቶ ህንተና አየ!
\q2 ህንተ ኮሻታና።
\q1 ሀእ ሚጨይሳቶ ህንተኖሾ
\q2 ህንተ ካዮታናነ ዬካና።
\q1
\v 26 አስ ኡባይ ህንተ ሎኦተ ፃላላ ኦድያ ዎደ ህንተና አየ!
\q2 ኤንታ አዋት በን ዎርዳንቾ ናበታ ቦላ ሄሳዳ ኦዶሶና።
\s1 ህንተ ሞርከታ ዶስተ
\r (ማቶ 5:38-48፤ 7:12)
\p
\v 27 “ሽን ታና ስእያ ህንተዉ ታ ኦዳይስ፤ ህንተ ሞርከታ ዶስተ፤ ህንተና እፀይሳታስ ሎኦባ ኦተ። 
\v 28 ህንተና ባደይሳታ አንጅተ፥ ህንተና ናቀይሳታስ ዎስተ። 
\v 29 እስ ባጋ ሻካላ ባቀይሳስ ሀንኮ ባጋ በሳ። ነ ላፃና ኤካና ገይሳስ ነ ሻምዝያ ጉጃዳ እማ። 
\v 30 ነና ዎስያ ኡባስ እማ፤ ኔፐ ኤክዳ ኦናካ ዛሮ ጋዳ ኦይቾፋ። 
\v 31 አሳይ ህንተዉ ኦና መላ ህንተ ኮያባ ኡባ ህንተካ አሳስ ኦተ።\x - \xo 6:31 \xo*\xt ማቶ 7:17.\xt*\x*
\p
\v 32 “ህንተ፥ ህንተና ዶስያ አሳታ ፃላላ ዶስኮ፥ አይ ጋላት ህንተዉ ደኢ? ሀር አቶሽን፥ ናጋራንቾትካ ባንታና ዶሰይሳታ ዶሶሶና። 
\v 33 ህንተዉ ሎኦባ ኦይሳታ ፃላላስ ሎኦባ ኦኮ ህንተዉ አይ ጋላት ደኢ? ናጋራንቾትካ ሄሳዳ ኦሶና። 
\v 34 ታልኤ ዛራና አሳ ፃላላስ ህንተ ታልእኮ አይ ዱማ ጋላተተቲ? ናጋራንቾትካ ጉየ ዛራና አስ በእድ ታልኦሶና።”
\s1 ሀራ አሳ ቦላ ፕርዶፋ
\p
\v 35 “ሽን ህንተ ሞርከታ ዶስተ፤ ኤንታዉ ሎኦባ ኦተ። ጉየ ኤካናዉ ቆፖና ታልእተ። ሄሳን ህንተ ኤካና ዎይቶይ ግታ ግዳና። ህንተ ኡባፈ ቦላ ፆሳ ናይታ ግዳና። እ ባና ጋላቶናይሳታስነ ኢታታስ ኬሀ። 
\v 36 ህንተ አዋይ ኬሀ ግዶይሳዳ ህንተካ ኬሀ ግድተ።
\p
\v 37 “አሳ ቦላ ፕርዶፍተ፤ ህንተ ቦላ ፕርደተና። ህንተ ቦረቶና መላ ኦናካ ቦሮፕተ። አቶ ጊተ፤ ፆሳይ ህንተዉ አቶ ጋና። 
\v 38 እምተ፤ ህንተዉ እመታና። ህንተ ማክዳባን ህንተዉ ዛር ማከታና፥ ኡባራካ ሎኦ ማክያባን ባቅድ፥ ሱድ ኩንድ፥ ላለታና ጋካናዉ ህንተዉ ማከት እመታና” ያግስ።
\p
\v 39 ቃስካ የሱሲ ያግድ ኤንታዉ ሌምሶ ኦድስ፤ “ቆቀይ ቆቀ ካለናዉ ዳንዳኢ? ካለኮ ናምአይካ ዎል ኤክድ አፎን ዉሎኮናዬ?\x - \xo 6:39 \xo*\xt ማቶ 15:14.\xt*\x* 
\v 40 ታማረይ አስታማረፐ አና። ሽን ሎይ ታማርዳ ኡራይ ባ አስታማርያ ሀኔስ።\x - \xo 6:40 \xo*\xt ማቶ 10:24-25፤ ዮሀ 13:16፤ 15:20.\xt*\x*
\p
\v 41 “ነ እሻ አይፈን ደእያ ቡርያ አይስ በአይ? ነ አይፈን ደእያ ቱሱ ዳነይሳ አይስ በእኪ? 
\v 42 ነ አይፈን ደእያ ቱሱ ዳነይሳ በኦና ነ እሻኮ፥ ‘ታ እሻዉ፥ ነ አይፈን ደእያ ቡርያ ከሶ’ ጋናዉ ዋና ዳንዳኤይ? ነኖ ጩቡዋዉ፥ ኮይሮታዳ ነ አይፈን ደእያ ቱሱ ዳነይሳ ከሳ። ሄሳፈ ጉየ፥ ነ እሻ አይፈን ደእያ ቡርያ ከሳናዉ ጌሻዳ ፄላና።
\s1 ምነ እያ አይፈ
\p
\v 43 “ሎኦ ም ኢታ አይፈ አይፈና፤ ሄሳዳካ ኢታ ም ሎኦ አይፈ አይፈና። 
\v 44 አይፈ አይፍያ ም ኡባይ ባ አይፈን ኤረቴስ። አጉንፈ ባላሰ አይፈይ ማፀተና ቃስ ላደፐ ዎይነ አይፈይ ማፀተና።\x - \xo 6:44 \xo*\xt ማቶ 12:33.\xt*\x* 
\v 45 ሎኦ አስ ባ ዎዛናን ኩምዳ ሎኦባፐ ሎኦባ ከሴስ። ኢታ አስ ባ ዎዛናን ኩምዳ ኢታባፐ ኢታባ ከሴስ። አስ ባ ዎዛናን ኩምድ ፓላህዳባፐ ባ ዶናን ኦደቴስ።\x - \xo 6:45 \xo*\xt 12:34.\xt*\x*
\s1 ኬ ኬፅያ ናምኡ አሳታ
\r (ማቶ 7:24-27)
\p
\v 46 “ታ ገይሳ ኦከታ፥ ሽን ያትን አይስ ታና፥ ‘ጎዳዉ፥ ጎዳዉ፥ ጌቲ?’ 
\v 47 ታኮ የይነ ታ ቃላ ስእድ ፖልያ ኡባይ ኦና ዳንያኮ ታ ህንተና በሳና። 
\v 48 እ ኬ ኬፃናዉ ዝቅ ኦ፥ ኦላ ቦክድ፥ ጋርሳን ደእያ ዛላ ቦላ ኬ ኤስዳ ጭንጫ ኡራ ዳኔስ። ድኦይ ድእድ ሄ ኬ ሱግስ፥ ሽን ምንድ ኬፅዳ ግሾ፥ ቃፃናዉ ዳንዳእቤና። 
\v 49 ሽን ታ ቃላ ስእድ ኦናይ ባ ኬ ሻፈ ቦላ ኬፅዳ ኡራ ዳኔስ። ድኦይ ድእድ ሄ ኬ ሱግዳ ዎደ ኤለስድ ኩንድስ። ሄ ኬይ ዎልቃማ ኩንደ ኩንድስ” ያግስ።
\c 7
\s1 ማቶ ሀላቃ አማኖ
\r (ማቶ 8:5-13፤ ዮሀ 4:43-54)
\p
\v 1 የሱሲ ሄሳ ኡባ አሳ ስንን ታማርስድ ኦንግዳፐ ጉየ፥ ቅፍርናሆማ ካታማ ብስ። 
\v 2 ሄ በሳን እስ ማቶ ሀላቃይ ደኤስ። እ ዳሮ ዶስያ አይለይ ሀርገትድ ሀይቆስ ጋክስ። 
\v 3 እ የሱሳባ ስእዳ ዎደ ባ አይልያ ፓና መላ እያ ዎሶ ግድ እስ እስ አይሁደ ጭማታ የሱሳኮ ኪትስ። 
\v 4 ኪተትዳይሳት፥ የሱሳኮ ብድ፥ “ነ እያዉ ሀይሳ ኦናዉ በሴስ። 
\v 5 አይስ ጊኮ፥ ሀ ኡራይ ኑ አሳ ዶሴስ፥ አይሁደ ዎሳ ኬካ ኬፅስ” ግድ ምን ዎስዶሶና 
\v 6 የሱሲካ ኤንታራ ብስ።
\p ማቶ ሀላቃ ሶኮ ማትያ ዎደ ባ ላገታ እያኮ ኪትድ፥ “ጎዳዉ፥ ታ ካራፐ ጋርሳን ነ ገላናዉ ታ በሶና ግሾ፥ ዳቡሮፓ። 
\v 7 ታካ ታና ነ ስን ሺቃናዉ በሲያ አስ ጋዳ ቆፕከ። ሽን ነ እስ ቃላ ኦዳ፤ ታ አይለይ ፓፃና። 
\v 8 ታዉ ታፐ ቦላራ ሀላቃይ ደኤስ፥ ታፐ ጋርሳን ታ ኪትያ ዎታዳረት ደኦሶና። እሱዋ፥ ‘ባ’ ጊኮ ቤስ፥ ሀንኩዋ፥ ‘ሃያ’ ጊኮ ዬስ። ታ አይልያኮ፥ ‘ሀኖ ኦ’ ጊኮ ኦስ” ያግስ።
\p
\v 9 የሱሲ ሄሳ ስእዳ ዎደ ማላለትስ። ጉየ ስሚድ ባራ ያ አሳኮ፥ “ታኒ ህንተዉ ቱማ ኦዳይስ፤ ሀር አቶሽን እስራኤለንካ ሀይሳ መላ ግታ አማኖ ደማብከ” ያግስ። 
\v 10 ኪተትዳ አሳት ሶ ስምያ ዎደ አይለይ ፓፅን ደምዶሶና።
\s1 አምኤ ናአ
\p
\v 11 ጉ ዎደፐ ጉየ የሱሲ ናይነ ካታማ ብስ። እያ ታማረታራነ ሀራ ዳሮ አሳት እያራ ብዶሶና። 
\v 12 እ ካታማ ገላና ሀንያ ዎደ አሀ ቶክዳ ዳሮ አሳት ካታማፐ ከዮሶና። ሀይቅዳ ናአይ ባ አየስ እሱዋ፥ እያካ አምኦ ግዳዳ ደአዉሱ። ካታማ አሳፐ ዳሮት ኢራ ደኦሶና። 
\v 13 ጎዳይ እዮ በእዳ ዎደ ቃትድ፥ “ዬኮፋ” ያግስ።
\p
\v 14 ሺቅድ ሀላ ቦችን ቶክዳ አሳት ኤቅዶሶና። የሱሲ፥ “ላ፥ ያላጋዉ ደንዳ” ያግስ። 
\v 15 ሀይቅዳይስ ደንድ ኡትድ ኦዳ ኦይክስ። የሱሲ ናኣ ኤክድ አየስ እሚስ።
\p
\v 16 አሳ ኡባይ ያሸትድ፥ “ግታ ናበይ ኑ ግዶን ደንድስ፤ ፆሳይ ባ አሳ በእስ” ያግድ ፆሳ ጋላትዶሶና። 
\v 17 እያ ሱንይ ይሁዳንነ ሄ ሄራን ደእያ ቢታ ኡባን ስኤትስ።
\s1 የሱሳነ ፃማቅያ ዮሃንሳ
\p
\v 18 ፃማቅያ ዮሃንሳ ታማረት ሄሳ ኡባ ዮሃንሳስ ኦድዶሶና። እ ኤንታ ግዶፈ ናምአታ ፄግድ፥ 
\v 19 “ያና ጌተትዳይ ነነዬ? ዎይኮ ሀራ ናግኖ?” ያግድ ኦይችተ ግድ ጎዳኮ ኪትስ።
\p
\v 20 አሳት “የሱሳኮ ብድ፥ ፃማቅያ ዮሃንስ፥ ‘ያና ጌተትዳይ ነነዬ? ዎይኮ ሀራ ናግኖ?’ ጊተ ግድ ኑና ኔኮ ኪትስ” ያግዶሶና።
\p
\v 21 ሄ ሳተንካ የሱሲ ዳሮ አሳ ሀርግያፈ ፓስ። ቱና አያናታ ከስስ፥ ቆቅዳ አይፍያካ ፄልስስ። 
\v 22 ዮሃንሳ ማታፐ ኪተትድ ይዳይሳታኮ፥ “ብድ ህንተ በእዳይሳነ ስእዳይሳ ዮሃንሳስ ኦድተ። አይፈ ቆቀት ፄሎሶና፥ ጉንዳት ብርሸትድ ሄመቶሶና፥ ባሮ ሀርጋንቾት ጌዮሶና፥ ቱለት ስኦሶና፥ ሀይቅዳይሳት ሀይቆፐ ደንዶሶና፥ ማንቆታስ ዎንገላይ ሳባከቴስ።\x - \xo 7:22 \xo*\xt እሳ 35:5-6፤ 61:1.\xt*\x* 
\v 23 ታናን በቶና ኦንካ አንጀትዳይሳ።”
\p
\v 24 ዮሃንስ ኪትዳይሳት ብዳፐ ጉየ የሱሲ አሳስ ዮሃንሳባ ያግድ ኦድስ፦ “ህንተ አይ በአናዉ መላ ቢታ ከይደቲ? ጫርኮይ ቃያ ማታ በአናሰዬ? 
\v 25 ያትን፥ አይ በአናዉ ከይደቲ? ኮይሰ ማኦ ማእዳ አሳ በአናሰዬ? ኮይሰ ማኦ ማእዳይሳትነ ሳእ እንጀትዳ አሳይ ካዎ ጋን ደኦሶና። 
\v 26 ያትን፥ አይ በአናዉ ከይደቲ? ናብያ በአናሰዬ? ኤ፥ ታ ያጋይስ፦ ህንተ በአናዉ ከይዳይ ናበፐ አይሳ።
\q1
\v 27 “ ‘ነ ኦግያ ነ ስንን ጊግስያ
\q2 ታ ኪታንቹዋ ኔፐ ስን ታ ኪታና’\x - \xo 7:27 \xo*\xt ምልክ 3:1.\xt*\x*
\m ጌተትድ ፃፈትዳይ እያሳ። 
\v 28 ታ ህንተዉ ኦዳይስ፤ ማጫሳፐ የለትዳይሳታ ግዶፈ ዮሃንሳፐ አይ ባዋ። ፆሳ ካዎተን ኡባፈ ጉፀይስ፥ እ ኡባፈ ግታ ግዳና” ያግስ።
\p
\v 29 ሀር አቶሽን፥ የሱሳ ቃላ ስእዳ ቃራፃ ቃንፅሰይሳት ኡባይ ዮሃንሳ ኩሸን ፃማቀትድ ፆሳይ ፅሎ ግደይሳ ቆንጭስዶሶና።\x - \xo 7:29 \xo*\xt ማቶ 21:32፤ ሉቃ 3:12.\xt*\x* 
\v 30 ሽን ፋርሳወትነ ህገ አስታማረት ዮሃንሳ ኩሸን ፃማቀቶና እፅድ ፆሳ ዞርያ ለቅስዶሶና።
\p
\v 31 የሱሲ ካልድ ሀይሳዳ ያግስ፦ “ህዛ፥ ሀ ዎድያ የለተ አይብራ ዳንሶ? ኤንትካ ኦና ዳኖና? 
\v 32 ግያ ግዶን ኡትድ ዎል ፄግድ፥ ‘ኑ ህንተዉ ሱሱልኤ ፑንን፥ ህንተ የፀከታ። ኑ ሳቢድ ዘሌልን፥ ህንተ ዬከከታ’ ግያ ናይታ ዳኖሶና። 
\v 33 ፃማቅያ ዮሃንስ ሞናነ ኡዮና ይን፥ ‘ኢታ አያናራ ደኤስ ግደታ።’ 
\v 34 አሳ ናአይ ምሸነ ኡይሸ ይን፥ ‘ያራምባነ ኡሻንቾ፥ ቃራፃ ቃንፅሰይሳታነ ናጋራንቾታ ዳቦ’ ግደታ። 
\v 35 ህዛ፥ ጭንጫተ ቱማተይ እያ ናይታ ኡባ ማታን ኤረትስ” ያግስ።
\s1 የሱሳ ሽቶ ትይዳ እስ ማጫስዉ
\p
\v 36 እስ ፋርሳወይ የሱሳ ካ ሙዛናዉ ባ ሶ ፄግስ። እ ፋርሳውያ ሶ ብድ ጋይታ ቦላ ኡትስ። 
\v 37 ሄ ካታማን እስ ናጋራንቾ ማጫስ፥ የሱሲ ፋርሳውያ ሶን ግብራ ቦላ ደኤይሳ ስእዳ ዎደ ዳሮ አልኦ ጵልቃፀ ሽቶ ኤካዳ ያሱ።\x - \xo 7:37 \xo*\xt ማቶ 26:7፤ ማር 14:3፤ ዮሀ 12:3.\xt*\x* 
\v 38 የሱሳፐ ጉየ ባጋራ፥ እያ ቶሁዋ ማታን ኤቃዳ ዬካሸ እያ ቶሁዋ ባ አፉራ ላኮዉሱ። ባ ብናናራ እያ ቶሁዋ ቁቻሸነ ዬራሸ ሽቶ ትያሱ።
\p
\v 39 ግብራ ጊግስዳ ፋርሳወይ ሄሳ በእዳ ዎደ ባ ዎዛናን፥ “ሀይስ ናበ ግድያኮ ሀ ማጫስያ፥ እያ ቦችያራ ኦነኮ ቃስ እያ ናጋራንቾ ግደይሳካ እ ኤራናሽን” ያግስ።
\p
\v 40 የሱሲ፥ “ስሞና፥ ታ ነዉ ኦድያባይ ደኤስ” ያግስ።
\p እ፥ “አስታማርያዉ፥ ታዉ ኦዳ” ያግስ።
\p
\v 41 የሱሲ እያኮ፥ “ናምኡ አሳት እስ ኡራፐ ሚሸ ታልእዶሶና። እሶይ እቻሹ ፄቱ ብራ ሀንኮይ ቃስ እሻታሙ ብራ ታልእዶሶና። 
\v 42 ናምአይካ ታልእያ ጭጋናዉ ፆነትን፥ ናምአታስካ ታልእያ ማርስ። ህዛ፥ ሀ ናምአታፐ ሄ ኡራ ዳሮ ዶሳናይ ነዉ ኦና ዳን” ያግስ።
\p
\v 43 ስሞን፥ “ዳሮ አጮይ ማረትዳ ኡራይ ዳሮ ዶሳና ዳኔስ” ያግስ። የሱሲ፥ “ነ ቱማ ፕርዳዳሳ” ያግስ። 
\v 44 ሄሳፈ ጉየ፥ የሱሲ ማጫሴኮ ስም ፄልድ፥ ስሞናኮ፥ “ሀኖ ማጫስዉ በአይ? ታኒ ነ ሶ ገልን ሀር አትሽን፥ ነ ታዉ ቶሆ ሃ እማባካ፥ ሽን እያ ታ ቶሁዋ ባ አፉን ላኮዳ ባ ብናናን ቁቻሱ። 
\v 45 ኔኒ ታና ዬራ ኤካባካ፥ ሽን እያ ታ ነ ሶ ገሎሳፐ ዶማዳ ታ ቶሁዋ ዬሮ አጋቡኩ። 
\v 46 ኔኒ ታ ሁጵያን ዛይተ ትያባካ፥ ሽን እያ ታ ቶሁዋ ሽቶ ትያዉሱ። 
\v 47 እያ ታና ዳሮ ዶስዳ ግሾ፥ እ ዳሮ ናጋራይ አቶ ጌተትስ። ጉ ናጋር አቶ ጌተትዳ ኡራይ ጉራ ዶሴስ።”
\p
\v 48 የሱሲ ማጫሴኮ፥ “ነ ናጋራይ አቶ ጌተትስ” ያግስ።
\p
\v 49 እያራ እስፈ ጋይታን ኡትድ ምያ እማት፥ “ናጋራ አቶ ያገይ፥ እ ሀይስ ኦኔ?” ያግድ ባንታ ዎዛናን ቆፕዶሶና።
\p
\v 50 የሱሲ ማጫሴኮ፥ “ነ አማኖይ ነና አሽስ፤ ሳሮ ባ” ያግስ።
\c 8
\p
\v 1 ሄሳፈ ጉየ፥ የሱሲ ፆሳ ካዎተ ዎንገላ ሳባክሸ ካታማራነ ጉታራ አስ። ሄ ዎደ ታማነ ናምኡ ሀዋረት እያራ ደኦሶና። 
\v 2 ቃስ ቱና አያናፐነ ዱማ ዱማ ሀርግያፈ ፓፅዳ እስ እስ ማጫሳት እያራ ደኦሶና። ኤንትካ፥ ላፑን ቱና አያናት ከይዳ ማግደላ ማይራሞ፥\x - \xo 8:2 \xo*\xt ማቶ 27:55-56፤ ማር 15:40-41፤ ሉቃ 23:49.\xt*\x* 
\v 3 ሄሮዲሳ ሹማ ኩዛ ማችዉ ዮሃና፥ ሶስናራነ ቃስ ሀራ ዳሮት ኤንታና ሚሸን ማደይሳት ደኦሶና።
\s1 ዘረ ዘርያ ኡራ ሌምሶ
\p
\v 4 ዳሮ አሳይ ዱማ ዱማ ካታማፐ እያኮ ሺቅን ሌምሶን ኤንታዉ ኦድስ። 
\v 5 “እስ ጎሻንቾይ ዘረ ዘራናዉ ከይስ። እ ዘርሽን እስ እስ ዘረይ ኦገ ጋፃን ዎድ የትስ፥ ሳሎ ካፎት ማፅዶሶና። 
\v 6 ሀራት ሻሎይ ጋርሳን ደእያ ቢታ ቦላ ዎዶሶና። ቡሮ ዶልዳ መላ ቢታን ላሆይ ባይና ግሾ ምጭዶሶና። 
\v 7 ሀራ ዘረይ ቃስ አጉን ግዶን ዎስ። አጉንራ ዎላ ድጭዳ ግሾ አጉንይ ጩልድ በሳን አሽስ። 
\v 8 ሀራት ሎኦ ቢታ ቦላ ዎዶሶና። ዶልዳ ዎደ ፄቱ ኩሸ አይፍዶሶና።” ሄሳ ኦድ ኦንግድ፥ ባ ቃላ ቁ ኦድ፥ “ስእያ ሀይ ደእያ ኡባይ ስኦ” ያግስ።
\p
\v 9 እያ ታማረት፥ “ሀ ሌምሱዋ ብርሸይ አይቤ?” ያግድ ኦይችዶሶና 
\v 10 እ፥ “ፆሳ ካዎተ ፁራ ኤራና መላ ህንተዉ እመትስ። ሽን ሀራት በእሸ ደሞና መላ፥ ስእሸ አኬኮና መላ ሌምሶን ኦዳይስ።\x - \xo 8:10 \xo*\xt እሳ 6:9.\xt*\x*
\p
\v 11 “ህዛ፥ ሀ ሌምሱዋ ብርሸይ ሀይሳ፦ ዘረ ያገትዳይ ፆሳ ቃላ። 
\v 12 ኦገ ጋፃን ዎዳ ዘረይ ቃላ ስኤይሳታ። ግዶሽን፥ ኤንቲ አማንድ አቶና መላ ፃላሄይ ቃላ ኤንታ ዎዛናፐ ማፅ ድጌስ። 
\v 13 ሻሎይ ጋርሳን ደእያ ቢታ ቦላ ዎዳ ዘረይ ቃላ ስእድ ኡፋይሳን ኤከይሳታ። ኤንቲ ሀእስ አማኖሶናፐ አትሽን፥ ፃጶይ ባይና ግሾ ፓጨይ ጋክያ ዎደ ኤለስድ ካዶሶና። 
\v 14 አጉን ግዶን ዘረትዳ ዘረይ ቃላ ስኤይሳታ። ኤንትካ አላምያ ቆፋን፥ ዱረተንነ ሳአ ዱሳ ሚኮተን ጩለትድ በሰይሳዳ አይፍቦኮና። 
\v 15 ሎኦ ቢታን ዎዳ ዘረይ ሎኦ ዎዛናን ቃላ ስእድ ናገይሳታነ ዳንዳአን ምንድ አይፈ አይፈይሳታ።
\p
\v 16 “ፆምፐ ኦይድ፥ ዳቾ ካመይ ዎይኮ አርሳፈ ጋርሳን ዎይ ዴና። ገልያ አስ በአና መላ ቃ በሳን ዎስ።\x - \xo 8:16 \xo*\xt ማቶ 5:15፤ ሉቃ 11:33.\xt*\x*
\p
\v 17 “ሄሳ ግሾ፥ ቆንጨ ከዮና ቆሰትድ አትያባይ፥ ኤረቶና ጌምድ አትያባይ ዴና።\x - \xo 8:17 \xo*\xt ማቶ 10:26፤ ሉቃ 12:2.\xt*\x*
\p
\v 18 “ህዛ፥ ህንተ ቃላ ዋት ስእያኮ አኬክተ። ደእያ ኡባስ ጉዠትድ እመታና፥ ባይናይሳስ ሀር አቶሽን እያዉ ደእያ ጉያካ እያፐ ኤከታና” ያግስ።\x - \xo 8:18 \xo*\xt ማቶ 25:29፤ ሉቃ 19:26.\xt*\x*
\s1 የሱሳ አየራነ እሻታራ
\r (ማቶ 12:46-50፤ ማር 3:31-35)
\p
\v 19 የሱሳ አየራነ እሻታራ እያኮ ይዶሶና። ሽን አሳ ዳሮተፈ ደንዶይሳን እያ ደማናዉ ዳንዳእቦኮና። 
\v 20 እስ አስ የሱሳኮ፥ “ነ አየራነ ነ እሻታራ ነና ኮይድ ካረን ናጎሶና” ያግስ።
\p
\v 21 የሱሲ ዛሪድ፥ “ፆሳ ቃላ ስእድ ኦሶን ፔሸይሳት ኡባይ፥ ታዉ አዮነ ታዉ እሻ” ያግስ።
\s1 የሱሲ ሆቢያ ሴርስ
\r (ማቶ 8:23-27፤ ማር 4:35-41)
\p
\v 22 እስ ጋላስ የሱሳራነ እያ ታማረታራ እስፈ ዎጎሎን ገልድ፥ “አባ ፕኖስ” ያግስ። ኤንትካ ባናዉ ደንድዶሶና። 
\v 23 አባ ቦላራ ኤንቲ ፕናናዉ ብሽን የሱሲ ስክስ። ቆፖና ምኖ ጫርኮይ አባ ቦላ ደንድስ። ሃ ዎጎሉዋን ገልን ዎጎሎይ ምተተ ኦይክያ ዎደ ኡባይ ባብዶሶና።
\p
\v 24 እያ ታማረት እያኮ ሺቅድ፥ “ጎዳዉ! ጎዳዉ! ኑ ዮስ” ያግድ የሱሳ ደንዶሶና።
\p የሱሲ ደንድድ ጫርኩዋነ ጎትያ ሀንቅስ። ኤለስድ ጫርኮይነ ጎተይ ዎፑ ግስ፤ ሳሮተ ስምስ። 
\v 25 የሱሲ ባ ታማረታኮ፥ “ህንተ አማኖይ አዉኔ?” ያግስ። ኤንትካ፥ ያይሸነ ማላለትሸ እሶይ እሱዋኮ፥ “ጫርኮይነ ሃይ ኪተተይስ፥ እ ሀይስ ኦኔ” ያግዶሶና።
\s1 ቱና አያን እያፐ ከይዳ ኡራ
\r (ማቶ 8:28-34፤ ማር 5:1-20)
\p
\v 26 አባ ፕንድ ጋልላ ባጋራ ደእያ ገርገሶነ ቢታ ጋክዶሶና። 
\v 27 የሱሲ ዎጎሎፐ ከይድ ሳአን ዎሽን ቱና አያናን ኦይከትዳ ኡራይ ካታማፐ ከይድ እያራ ጋሄትስ። ዳሮ ላይ ማኦ ማኦና ካሎ ዱፎን ደኤስፐ አትሽን፥ ሶ ገለና። 
\v 28 የሱሳ በእዳ ዎደ እያ ስንን ጉፋንድ፥ ባ ቃላ ቁ ኦድ፥ “ኡባፈ ቦላ ፆሳ ናአዉ የሱሳ ኔራ ታዉ አይብ እስፈተ ደኢ? ሀያና ታና ሀእ ኡንኤፋርክ” ያግስ። 
\v 29 ሄሳ እ ግዳይ፥ ቱና አያናይ ኡራፐ ከያና መላ የሱሲ ሀንቅዳ ግሾሳ። ዳሮ ዎደ ቱና አያናይ እያ ሃርዳ ግሾ ሳንላታንነ ቶሆ ቃችያ ብራታን ቃሸትድ ናገቴስ። ሽን ቃሹዋ ዱድ ቱና አያናን ላገትድ መላ ቢታ ገልስ።
\p
\v 30 የሱሲ፥ “ነ ሱንይ ኦነ” ያግድ ኦይችስ።
\p እ፥ ዳሮ ቱና አያናት እያ ኦይክዳ ግሾ ባና፥ “ሌግዮና” ግስ። 
\v 31 ቱና አያናት ባንታና ስኦለ ኪቶና መላ ዎስዶሶና።
\p
\v 32 ሄ በሳን ዞዘ ቦላ ምያ ጉዱን ዉደይ ሄመቴስ። ህን ጉዱንታን ገልኖ ግድ ዎስዶሶና፥ እካ “ገልተ” ግስ። 
\v 33 ቱና አያናት ኡራፐ ከይድ ጉዱንታን ገልዶሶና። ዉደይ ደርያፐ ዱገ ጉርጉፅድ አባን ገልስ።
\p
\v 34 ሄንንቾት ሀንዳይሳ በእዳ ዎደ ዎፅ ብድ፥ ካታማንነ ጉታ ኡባን ኦድዶሶና። 
\v 35 አሳይ ሀንዳባ በአናዉ ከይድ የሱሳኮ ይዶሶና። ቱና አያናይ ከይዳ ኡራይ ማኦ ማእድ፥ እያ ዎዛናይ ስምን፥ የሱሳ ቶሆ ማታን ኡትዳይሳ ደምድ ያይዶሶና። 
\v 36 እያ በእዳ አሳይ ቱና አያናን ኦይከትዳ ኡራይ ዋንድ ፓፅዳኮ ኦድዶሶና። 
\v 37 ገርገሶነ ዩሾን ደእያ አሳይ ግታ ያሽ ያይድ፥ የሱሲ ባንታ ማታፐ ባና መላ ዎስዶሶና። እ ዎጎሉዋን ገልድ ጉየ ስምስ።
\p
\v 38 ቱና አያናይ ከይዳ ኡራይ የሱሳራ ዳናዉ ዎስስ። 
\v 39 ሽን የሱሲ እያኮ፥ “ነ ሶ ስማ፥ ፆሳይ አይ መላ ግታባ ነዉ ኦዳኮ ኦዳ” ያግድ ሞይዝስ። ኡራይካ የሱሲ አይ መላ ግታባ እያዉ ኦዳኮ ካታማ ኡባን ማርካትሸ ብስ።
\s1 ሀይቅዳ ናእዉነ ሀርገትያ ማጫስዉ
\r (ማቶ 9:18-26፤ ማር 5:21-43)
\p
\v 40 አሳይ ናግድ ጋምእዳ ግሾ የሱሲ ስምያ ዎደ ሞክ ኤክዶሶና። 
\v 41 አይሁደ ዎሳ ኬ ሀላቃ ግድዳ እያሮሳ ጌተትያ ኡራይ ባ ሶ ያና መላ የሱሳ ቶሁዋ ቦላ ዎድ ዎስስ። 
\v 42 እያዉ ታማነ ናምኡ ላይ ግድዳ ማጫ ናእ ሳከታዳ ሀይቆስ ጋካዳ ደአዉሱ። የሱሲ ብያ ዎደ አሳይ እያ ኡንኤስ። 
\v 43 ታማነ ናምኡ ላይ ሱ ጎግሸ ጋምእዳ ማጫስ ደአዉሱ። እያ ባዉ ደእያ ሚሽያ አክመታስ እማዳ ኦንጋሱ። ሽን ፓፃናዉ ዳንዳአቡኩ። 
\v 44 እያ የሱሳስ ጉየ ባጋራ ሺቃዳ፥ እያ አፍላ ማጫራ ቦቻሱ፥ ኢራካ ጎግያ ሱይ ኤቅ አግስ።
\p
\v 45 የሱሲ፥ “ታና ቦችዳይ ኦኔ?” ያግስ። ኡባይ፥ “ኑ ቦችቦኮ” ያግን፥ ጰፅሮስ፥ “አስታማርያዉ፥ ዳሮ አሳይ ካልሽንነ ኡንኤሽን በአሸ ዋናዳ፥ ‘ታና ቦችዳይ ኦኔ?’ ጋይ” ያግስ።
\p
\v 46 ሽን የሱሲ፥ “እስ አስ ታና ቦችስ፤ አይስ ጊኮ፥ ዎልቅ ታፐ ከዮይስ ታዉ ኤረትስ” ያግስ።
\p
\v 47 ማጫስያ፥ እባይ ቆንጭዳይሳ ኤርዳ ዎደ ኮኮራሸ ያዳ የሱሳ ቶሁዋ ቦላ ኩንዳሱ። አይስ ቦችዳኮነ ዋናዳ ኤለሳዳ ፓፅዳኮ አሳ ኡባ ስንን ማርካታሱ። 
\v 48 እ፥ “ታ ናተ፥ ነ አማኖይ ነና ፓስ፤ ሳሮ ባ” ያግስ።
\p
\v 49 የሱሲ ኦዳ ኦንጎና ደእሽን፥ አይሁደ ዎሳ ኬ ሀላቃ፥ እያሮሳ ሶፐ እስ አስ ይድ፥ “እያሮሳ፥ ነ ናእያ ሀይቃሱ፤ አስታማርያ መላ ዳቡርሶፋ” ያግስ።
\p
\v 50 ሽን የሱሲ ሄሳ ስእድ እያሮሳኮ፥ “ባቦፋ! አማና፥ ነ ናእያ ፓፃና” ያግስ።
\p
\v 51 የሱሲ እያሮሳ ሶ ጋክዳ ዎደ ጰፅሮሳፐ፥ ዮሃንሳፐ፥ ያይቆባፐ፥ ናኤ አዋፐነ አየፐ አትሽን፥ ሀር ገላና መላ ኮይቤና። 
\v 52 ሄ በሳን ደእያ አሳ ኡባይ ናኤስ ምሸትድ ዬክሽን፥ የሱሲ፥ “ዬኮፍተ ናእያ ስካሱፐ አትሽን፥ ሀይቃቡኩ” ያግስ።
\p
\v 53 አሳይ ናእያ ሀይቅዳይሳ ኤርያ ግሾ፥ እያ ኦዳ ለቅድ ሚጭዶሶና። 
\v 54 ሽን የሱሲ ናኤ ኩሽያ ኦይክድ፥ “ናተ ደንዳ” ያግስ። 
\v 55 ናኤስ ሸምፖይ ስምን ደንዳ ኤቃሱ። የሱሲ ኤንታኮ፥ “እዉ ምያባ እምተ” ያግስ። 
\v 56 ናኤ አዋራነ አየራ ማላለትዶሶና። ሽን የሱሲ ሀይሳ፥ “ኦደስካ ኦዶፕተ” ያግስ።
\c 9
\s1 ታማነ ናምኡ ሀዋረት ኪተትዶሶና
\r (ማቶ 10:5-15፤ ማር 6:7-13)
\p
\v 1 የሱሲ ታማነ ናምኡ ሀዋረታ ባኮ ፄግድ፥ ቱና አያናታ ከሳና መላነ ሀርገ ኡባ ፓና መላ ዎልቃነ ማታ እሚስ። 
\v 2 ፆሳ ካዎተባ ማርካታናዳነ ሀርጋንቾታ ፓናዳ ኪትስ። 
\v 3 እ ኤንታኮ፥ “ፃምአ ግድን ኦጎሮ ግድን ካ ግድን ሚሸ ግድን ላምድ ማእያ አፍላ ግድን ኦገስ ግድ አይኮካ ኦይኮፍተ።\x - \xo 9:3 \xo*\xt ሉቃ 10:4-11.\xt*\x* 
\v 4 ሄ ካታማፐ ህንተ ከያና ጋካናዉ እማተን ህንተ ገልዳ ኬን ጋምእተ። 
\v 5 ኦንካ ህንተና ሞኮና እፅኮ ሄ ካታማፐ ከይሸ ኤንታዉ ማርካ ግዳና መላ ህንተ ቶሁዋን ደእያ ባና ፕትድ ከይተ።” 
\v 6 ኤንትካ ኪተትዳይሳዳ ከይድ ዎንገላ ኦድሸነ ዱማ ዱማ ጉታታን ሀርጋንቾታ ፓሸ አዶሶና።
\p
\v 7 ጋልላ ቢታ ሃርያ ሄሮዲስ የሱሲ ኦዳባ ኡባ ስእዳ ዎደ ዳጋምስ። አይስ ጊኮ፥ እስ እስ አሳት ዮሃንስ ሀይቆፐ ደንዶና አገና ያጎሶና።\x - \xo 9:7 \xo*\xt ማቶ 16:14፤ ማር 8:28፤ ሉቃ 9:19.\xt*\x* 
\v 8 ባጋት፥ “ኤልያስ ቆንጭስ” ጎሶና፤ ሀራት ቃስ፥ “በን ናበታፐ እሶይ ሀይቆፐ ደንድስ” ያግድ ኦደቶሶና። 
\v 9 ሽን ሄሮዲስ፥ “ታኒ ዮሃንሳ ቆያ ቃንፅሳዳ ዎስ። ያትን፥ ሀይሳ ያገትድ እያባ ኦደተይ፥ እ ኦኔ?” ያግድ ባ አይፈን በአናዉ ኮዬስ።
\s1 እቻሹ ሙኩሉ አሳ
\r (ማቶ 14:13-21፤ ማር 6:30-44፤ ዮሀ 6:1-14)
\p
\v 10 ታማነ ናምኡ ሀዋረት ጉየ ስም ይድ፥ ኤንቲ ኦዳባ ኡባ የሱሳስ ኦድዶሶና። እ ኤንታና ኤክድ ቤተሳይዳ ካታማፐ ጋፃ ኤፍስ። 
\v 11 ሽን ዳሮ አሳይ የሱሳ ግደይሳ ኤርድ እያ ካልዶሶና። እ ኤንታ ሞክ ኤክድ ፆሳ ካዎተባ ታማርስስ፤ ፓፃናዉ ኮየይሳታካ ፓስ።
\p
\v 12 ሳእ ኦማርስያ ዎደ ታማነ ናምኡ ሀዋረት እያኮ ሺቅድ፥ “ኑ ደኤይ መላ ቢታ ግድያ ግሾ አሳይ ዱማ ዱማ ጉታታነ ካታማታ ብድ፥ ካነ አቅያ በሲ ኮያና መላ አሳ ሞይዛ” ያግዶሶና።
\p
\v 13 ሽን እ፥ “ኤንታዉ ምያባ ህንተ እምተ” ያግስ።
\p ኤንቲ፥ “ኑስ ደኤይ እቻሹ ኡይነ ናምኡ ሞሎ ግድያ ግሾ፥ ሀ አሳስ ግድያ ካ ኑኒ ብድ ሻሞና እፅኮ ግደና” ያግዶሶና። 
\v 14 ሄ በሳን እቻሹ ሙኩሉ ግድያ አደት ደኦሶና።
\p የሱሲ ባ ታማረታኮ፥ “እሻታማን እሻታማን ሻክ ሻክ አሳ ኡትስተ” ያግስ።
\p
\v 15 እያ ታማረት፥ እ ኪትዳይሳዳ አሳ ኡትስዶሶና። 
\v 16 እ እቻሹ ኡይነ ናምኡ ሞሎታ ኤክድ፥ ሳሎ ፄልድ፥ ፆሳ ጋላትድ፥ መንድ አሳ ኡባ ጋና መላ ባ ታማረታስ እሚስ። 
\v 17 ኡባይ ምድ ካልዶሶና። ኤንታፈ አትዳ ቲፈይ ታማነ ናምኡ ጋይታ ኩመ ግድስ።
\s1 ጰፅሮሳ ማርካተ
\r (ማቶ 16:13-19፤ ማር 8:27-29)
\p
\v 18 የሱሲ ባ ፃላላ ዎስሽን፥ እያ ታማረት እያኮ ይዶሶና። እ፥ “አሳይ ታና ኦና ጎና?” ግድ ኦይችስ።
\p
\v 19 ኤንቲ ዛሪድ “እሶት እሶት፥ ‘ፃማቅያ ዮሃንሳ፥ ባጋት ኤልያሳ፥ ሀራት ቃስ፥ በን ናበታፐ እሶይ ሀይቆፐ ደንድስ’ ያጎሶና” ያግዶሶና።\x - \xo 9:19 \xo*\xt ማቶ 14:1፥ 2፤ ማር 6:14-15፤ ሉቃ 9:7-8.\xt*\x*
\p
\v 20 እ ዛሪድ፥ “ያትን ህንተ ታና ኦና ጌቲ?” ያግስ። ጰፅሮስ፥ “ኔኒ ፆሳፈ ኪተትዳ ክርስቶሳ” ያግድ ዛርስ።\x - \xo 9:20 \xo*\xt ዮሀ 16:20-28፤ ማር 8:30—9:1.\xt*\x*
\p
\v 21 የሱሲ ሀይሳ ኦደስካ ኦዶፕተ ግድ ምንድ ኦድስ። 
\v 22 ቃስካ የሱሲ፥ “አሳ ናእ ዳሮ መቱዋ ኤካና። ቢታ ጭማታ፥ ካህነ ሀላቃታነ ህገ አስታማረታ ኩሸን አድ እመታና። ኤንቲ እያ ዎና፥ ሽን እ ሄን ጋላስ ሀይቆፐ ደንዳና” ያግስ።
\p
\v 23 የሱሲ አሳ ኡባኮ፥ “ታና ካላናዉ ኮየይ ኦንካ ደእኮ ባና ካዶ፥ ባ ማስቃልያ ጋላስ ጋላስ ቶክድ ታና ካሎ።\x - \xo 9:23 \xo*\xt ማቶ 10:38፤ ሉቃ 14:27.\xt*\x* 
\v 24 ባ ሸምፕዉ አሻናዉ ኮያ ኡባይ እዮ ይሴስ፥ ባ ሸምፕዉ ታ ግሾ ግድ ይስያ ኦንካ እዮ አሼስ።\x - \xo 9:24 \xo*\xt ማቶ 10:39፤ ሉቃ 17:33፤ ዮሀ 12:25.\xt*\x* 
\v 25 አስ አላመ ኡባ ሃርድ፥ ግዶሽን፥ ባ ሸምፕዉ ይስያባ ዎይኮ ቆህያባ ግድኮ እያ አይ ማዲ? 
\v 26 ኦንካ ታናንነ ታ ቃላን ዬላትኮ፥ አሳ ናእ ባ ቦንቹዋራ ሄሳዳካ አዋ ቦንቹዋራነ ጌሻ ኪታንቾታ ቦንቹዋራ ያ ዎደ እያን ዬላታና። 
\v 27 ታ ህንተዉ ቱማ ኦዳይስ፤ ሀይሳን ኤቅዳይሳታ ግዶፈ ፆሳ ካዎተ በኦናሽን ሀይቆና አሳት ደኦሶና” ያግስ።
\s1 የሱሳ ማላይ ላመትስ
\r (ማቶ 17:1-8፤ ማር 9:2-8)
\p
\v 28 የሱሲ ሄ ኦዳ ኦድን፥ ሆስፑን ጋላሳፐ ጉየ፥ ጰፅሮሳ፥ ያይቆባነ ዮሃንሳ ባራ ኤክድ ዎሳናዉ ዙማ ቦላ ከይስ።\x - \xo 9:28 \xo*\xt 2 ጰፅ 1:17-18.\xt*\x* 
\v 29 እ ዎሳ ቦላ ደእሽን እያ አይፈ ካረይ ላመትስ፤ አፍላይካ ቦፅድ፥ አዋ መላ ጶልስ። 
\v 30 ናምኡ አሳት፥ ኤንትካ ሙሰራነ ኤልያሳራ ቦንቾን ቆንጭድ፥ 
\v 31 የሩሳላመን ፖለታናዉ ደእያባ፥ ሄስካ፥ እ ሀ አላምያፐ ሻከታናባ እያራ ኦደቶሶና። 
\v 32 ጰፅሮሳነ እያራ ደኤይሳታ ስኮይ ኤፍን፥ ኤንቲ ስኮፈ ባርክያ ዎደ እያ ቦንቹዋነ እያራ ኤቅዳ ናምኡ አሳታ በእዶሶና። 
\v 33 አሳት የሱሳፐ ሻከትድ ባና ሀንሽን፥ ጰፅሮስ የሱሳኮ፥ “ጎዳዉ፥ ኑ ሀይሳን ግድኮ ኑስ አይ መላ ሎኦ! እስኖ ነዉ፥ እስኖ ሙሰስ፥ እስኖ ኤልያሳስ ኦድ፥ ሄ ሻቃራ ሻቃሮስ” ያግስ። ሽን እ አይ ግዳኮ ኤረና።
\p
\v 34 እ ያግድ ኦደትሽን ሻራይ ይድ ኤንታና ካምስ። ኤንቲ ሄ ሻራ ግዶ ገልሸ ባብዶሶና። 
\v 35 ሻራ ግዶፈ፥ “ታ ዶርዳ ናአይ ሀይሳ እያ ስእተ” ግያ ቃል ስኤትስ።\x - \xo 9:35 \xo*\xt እሳ 42:1፤ ማቶ 3:17፤ 12:18፤ ማር 1:11፤ ሉቃ 3:22.\xt*\x* 
\v 36 ቃል ስኤትዳፐ ጉየ፥ የሱሲ ባርካ ደእሸ በንትስ። ሄ ዎደ ኤንቲ በእዳባ ኦደስካ ኦዶና፥ ባንታ ዎዛናን ኦይክድ ስእ ግዶሶና።
\s1 ቱና አያን ኦይክዳ ናአ
\r (ማቶ 17:14-18፤ ማር 9:14-27)
\p
\v 37 ዎንተ ኤንቲ ዙማ ቦላፈ ዎያ ዎደ ዳሮ አሳይ ይድ እያራ ጋሄትዶሶና። 
\v 38 ሄ ዎደ አሳ ግዶፈ እስ አስ፥ “አስታማርያዉ፥ ታ እስ ናኣ ያዳ በአርክ። 
\v 39 ቱና አያናይ ቆፖና ኦይክድ ዋስሴስ፤ ጎፖንቶ የግስድ ቃከረስ፥ አሳተ ቆህድ ኡንኤድ የዴስ። 
\v 40 ነ ታማረት ከሳና መላ ዎሳስ፥ ሽን ኤንቲ ዳንዳእቦኮና” ያግድ ዎስስ።
\p
\v 41 የሱሲ፥ “አማኖይ ባይና ጌላ የለታቶ፥ አዉደ ጋካናዉ ታ ህንተራ ዳነ፥ ህንተና ዳንዳአኔ? ነ ናኣ ባዳ ሃ ኤካያ” ያግስ።
\p
\v 42 ናኣ ኤክድ ያ ዎደ ቱና አያናይ ሳአን ሆል የግድ ኮኮርስስ። ሽን የሱሲ ቱና አያና ሀንቅድ ናኣፐ ከስስ። ናኣካ ናኣ አዋስ እሚስ። 
\v 43 አሳ ኡባይ ፆሳ ግታ ዎልቃን ማላለትዶሶና። ኤንቲ እ ኦዳባን ማላለትሽን፥ የሱሲ ባ ታማረታኮ፥ 
\v 44 “ሀይሳ ታ ህንተዉ ኦደይሳ ሎይ ስእተ፤ አሳ ናእ ሞርከታ ኩሸን አድ እመታና” ያግስ። 
\v 45 ሽን እ ግዳባይ ኤንታፈ ጌምዳ ግሾ፥ አኬክቦኮና። ሄሳ ግሾ፥ ዛሪድ ኦይቻናዉ ባብዶሶና።
\s1 ኡባፈ አይ ኦኔ?
\r (ማቶ 18:1-5፤ ማር 9:33-37)
\p
\v 46 የሱሳ ታማረት፥ “ኑ ግዶን ግታ ግዳናይ ኦኔ?” ግድ ፓላማ ኦይክዶሶና።\x - \xo 9:46 \xo*\xt ሉቃ 22:24.\xt*\x* 
\v 47 የሱሲ ኤንታ ዎዛና ቆፋ ኤርድ ዮጋ ናኣ ባ ማታን ኤስድ፥ 
\v 48 “ሀ ዮጋ ናኣ ታ ሱንን ሞክያ ኦንካ ታና ሞኬስ፥ ታና ሞከይ ታና ኪትዳይሳ ሞኬስ፥ ህንተ ኡባፈ ጉፀይስ፥ እ ግታ ግዳና” ያግስ።\x - \xo 9:48 \xo*\xt ማቶ 10:40፤ ሉቃ 10:16፤ ዮሀ 13:20.\xt*\x*
\p
\v 49 ዮሃንስ፥ “ጎዳዉ፥ እስ አስ ነ ሱንን ቱና አያናታ ከስሽን በእድ፥ እ ኑራ ግዶና ግሾ ድግዳ” ያግስ።
\p
\v 50 የሱሲ ዛሪድ፥ “ህንተራ ኤቀቶናይስ፥ እ ህንተ ባጋ። ሄሳ ግሾ፥ እያ ድጎፍተ” ያግስ።
\s1 የሱሲ ሳማረን እፀትስ
\p
\v 51 የሱሲ ሳሎ ብያ ዎደይ ማታትዳ ግሾ፥ የሩሳላመ ባናዉ ቃንፅድ ደንድስ። 
\v 52 ሳማረ ቢታን ደእያ እስ ጉታ ብድ፥ ኡባባ እያዉ ጊግሳና መላ አሰ ያ ኪትስ። 
\v 53 ሽን እ በይ የሩሳላመ ግድያ ግሾ፥ ኤንቲ እያ ሞክ ኤክቦኮና። 
\v 54 የሱሳ ታማረት ያይቆባራነ ዮሃንሳራ ሄሳ በእድ፥ “ጎዳዉ፥ ሳሎፐ ታም ዎድ ኤንታ ሞ ጋና መላ ነ ኮያይ” ያግዶሶና።\x - \xo 9:54 \xo*\xt 2 ካዎ 1:9-16.\xt*\x* 
\v 55 ሽን የሱሲ ጉየ ስም ኤንታ ሀንቀትድ፥ “ህንተ ጋርሳን አይብ አያን ደእያኮ ህንተ ኤረከታ። አሳ ናእ አሰ አሻናዉ ይስፐ አትሽን፥ ይሳናሳ ግደና” ያግስ። 
\v 56 ያፐ ደንድድ ሀራ ጉታ ብዶሶና።
\s1 የሱሳ ካሎይ ጭግስያ ጋተ
\r (ማቶ 8:19-22)
\p
\v 57 ኤንቲ ኦገራ ብሽን፥ እስ አስ፥ “ነ ብያ ሶ ኡባ ታ ካላና” ያግስ።
\p
\v 58 የሱሲ ዛሪድ፥ “ዎርካናታስ ኦል፥ ሳሎ ካፎታስ ኬ ደኤስ፥ ሽን አሳ ናእ ባ ሁጰ ሸምፕስያ በሲ ባዋ” ያግስ።
\p
\v 59 ሀንኩዋኮ፥ “ኔኒ ታና ካላ” ያግስ። ሽን ኡራይ፥ “ጎዳዉ፥ ኮይሮታዳ ታ አዋ ሞጋዳ ያና” ያግስ።
\p
\v 60 ሽን የሱሲ፥ “ሀይቅዳይሳት ሀይቅዳይሳታ ሞጋና መላ ኤንታዉ አጋጋ፤ ኔኒ ባዳ ፆሳ ካዎተ ሳባካ” ያግስ።
\p
\v 61 ቃስ ሀራ አስ፥ “ጎዳዉ፥ ታ ነና ካላና፥ ሽን ኮይሮታዳ ታ ሶ አሳ ሳሮዳ ያና” ያግስ።\x - \xo 9:61 \xo*\xt 1 ካዎ 19:20.\xt*\x*
\p
\v 62 የሱሲ ዛሪድ፥ “ኮፀ ኦይክድ ጉየ ፄልያ ኦንካ ፆሳ ካዎተስ በሰና” ያግስ።
\c 10
\s1 ላፑን ታማነ ናምኡ ታማረት ኪተትዶሶና
\p
\v 1 ሄሳፈ ጉየ፥ ጎዳይ ሀራ ላፑን ታማነ ናምኡ\f + \fr 10:1 \fr*\fq ላፑን ታማነ ናምኡ፦ \fq*\ft እስ እስ ማፃፋት ላፑን ታማ ጎሶና፤ ቃስ ፓይዶ 17 ፄላ።\ft*\f* አሳታ ዶርስ። እ ባናዉ ቆፕዳ ካታማነ ጉታ ኡባ ስንትድ ባና መላ ናምአ ናምአ ኦድ ኪትስ። 
\v 2 የሱሲ ኤንታኮ፥ “ሄኮ፥ ሺቃና ካይ ዳሮ ሽን ኦሳንቾት ጉ። ያንያ ግሾ፥ ካ ጎዳይ ኦሳንቾታ ኪታና መላ ዎስተ።\x - \xo 10:2 \xo*\xt ማቶ 9:37-38.\xt*\x* 
\v 3 ህዛ፥ ቢተ፥ ታኒ ህንተና ዶርሳታዳ ሱመታ ግዶ የዳና።\x - \xo 10:3 \xo*\xt ማቶ 10:16.\xt*\x* 
\v 4 ህንተ ብያ ኦግያስ አይኮካ ኦይኮፍተ፥ ሚሸ ግድን ካ ግድን ጫማ ኦይኮፍተ። ኦገ ቦላ ኦናካ ሳሮፍተ።\x - \xo 10:4 \xo*\xt ማቶ 10:7-14፤ ማር 6:8-11፤ ሉቃ 9:3-5.\xt*\x* 
\v 5 ህንተ ገልያ ኬ ኡባ ኮይሮትድ፥ ‘ሳሮይ ሀ ኬስ ግዶ’ ያግተ። 
\v 6 ሳሮ ዶስያ አስ ሄ በሳን ደእኮ፥ ህንተ ሳሮይ ያን ሸምፓና፤ እፃስ ጊኮ ህንተ ሳሮይ ህንተዉ ስማና። 
\v 7 ኦሳንቾስ ዳሞዘ በሲያ ግሾ፥ ህንተ ገልዳ ኬን ህንተዉ ሺሽዳባ ኡባ ምሸነ ኡይሸ ያን ጋምእተ። እሱዋ ሶፐ እሱዋ ሶ ዩዮፕተ።\x - \xo 10:7 \xo*\xt 2 ቆሮ 9:14፤ 1 ፅሞ 5:8.\xt*\x* 
\v 8 አይ ካታማካ ህንተ ገልያ ዎደ አሳይ ህንተና ሞክድ፥ ህንተዉ ሺሽዳባ ኡባ ሚተ። 
\v 9 ሄ ካታማን ደእያ ሀርጋንቾታ ፓሸ፥ ‘ፆሳ ካዎተይ ህንተኮ ማትስ’ ያግድ ኦድተ። 
\v 10 ሽን እስ ካታማ ገልያ ዎደ አሳይ ህንተና ሞኮና እፅኮ ዳባባ ከይድ ሀይሳዳ ጊተ:\x - \xo 10:10 \xo*\xt ሀዋ 13:51.\xt*\x* 
\v 11 ‘ኑ ቶሁዋ ቦላ ደእያ ህንተ ካታማ ባና ፕቶስ፥ ሽን ፆሳ ካዎተ ህንተኮ ማታትዳይሳ ኤርተ።’\x - \xo 10:11 \xo*\xt ማቶ 10:7-14፤ ማር 6:8-11፤ ሉቃ 9:3-5.\xt*\x* 
\v 12 ፕርዳ ጋላሳን፥ ሀ ካታማፐ ሶዶመ ካታማስ ፕርድ ካዉሸ ግዳናይሳ ታ ህንተዉ ኦዳይስ” ያግስ።\x - \xo 10:12 \xo*\xt መ 19:24-28፤ ማቶ 10:15፤ 11:24.\xt*\x*
\s1 አማኖና እፅዳ ካታማታ
\r (ማቶ 11:20-24)
\p
\v 13 ካልድካ፥ የሱሲ፥ “ነኖ ኮራዝነ፥ ነኖ ቤተሳይዳ፥ አየ! ህንተናን ኦሰትዳ ማላታት ፅሮሳንነ ስዶናን ኦሰትዳኮ ያን ደእያ አሳይ ካዮ ማኦ ማእድ፥ ብድን ቦላ ኡትድ፥ በን ማሮታን ገል አጋናሽን።\x - \xo 10:13 \xo*\xt እሳ 23:1-18፤ ህዝ 26:1-21፤ እዩ 3:4-8፤ አሞ 1:9-10፤ ዛካ 9:2-4.\xt*\x* 
\v 14 ሄሳ ግሾ፥ ህንተፈ አድ ፅሮሳስነ ስዶናስ ፆሳ ፕርድ ካዉያና። 
\v 15 ነካ ቅፍርናሆማ፥ ሳሎ ጋካናዉ ነና ቁ ኦናዉ ኮያይ? ነ ዱገ ስኦለ ሆለታና” ያግስ።\x - \xo 10:15 \xo*\xt እሳ 14:13-15.\xt*\x*
\p
\v 16 ቃስካ የሱሲ ባ ታማረታኮ፥ “ህንተና ስኤይ ታና ስኤስ፥ ህንተና ኤኮናይ ታና ኤከና፥ ታና ኤኮናይ ታና ኪትዳይሳ ኤከና” ያግስ።\x - \xo 10:16 \xo*\xt ማቶ 10:40፤ ማር 9:37፤ ሉቃ 9:48፤ ዮሀ 13:20.\xt*\x*
\p
\v 17 ላፑን ታማነ ናምኡ ታማረት ኪተትዳ በሳፈ ዳሮ ኡፋይትሸ ስምዶሶና። የሱሳኮ ሺቅድ፥ “ጎዳዉ፥ ነ ሱንን ቱና አያናትካ ኑስ ኪተትዶሶና” ያግዶሶና።
\p
\v 18 የሱሲ ኤንታኮ፥ “ፃላሄይ ሳሎፐ ዎልአንዳ ዎሽን ታ በአስ። 
\v 19 ሄኮ፥ ሾሽነ ኮርነ የና መላነ ሞርክያ ዎልቃ ዛራና መላ ማታ ህንተዉ እማስ። ህንተና ቆሀናባይ አይኮይካ ዴና።\x - \xo 10:19 \xo*\xt ማዝ 19:13.\xt*\x* \fig ኮርነ|alt="Scorpion" src="BK00058B.tif" size="col" ref="10:19"\fig* 
\v 20 ግዶሽን፥ ህንተ ሱንይ ሳሎ ማዝጋበን ፃፈትዳ ግሾ፥ ኡፋይትተፐ አትሽን፥ ቱና አያናት ኪተትዳ ግሾ ኡፋይቶፍተ” ያግስ።
\p
\v 21 ሄ ዎደ፥ የሱሲ ጌሻ አያናን ኡፋይትድ፥ “ሳሉዋ ሳኣ ጎዳዉ፥ ሀይሳ ጭንጫታፐነ ኤራንቾታፐ ገንዳ ያላጋታስ ቆንጭስዳ ግሾ ጋላተታ። ኤ፥ ታ አዋዉ፥ ሄሳ ነ ኦናዉ ሎኦ ሸነ ግድስ።
\p
\v 22 “ኡባባይ ታ አዋፐ ታዉ እመትስ። ናአይ ኦነኮ አዋፐ አትሽን፥ ሀር ዎይኮ ናአይ ቆንጭሳናዉ ኮየይሳፈ ሀር ኦንካ አዋ ኤረይ ባዋ” ያግስ።\x - \xo 10:22 \xo*\xt ዮሀ 3:35፤ 10:15.\xt*\x*
\p
\v 23 ካልድካ፥ የሱሲ ባ ታማረታስ ዱማ፥ “ህንተ በኤይሳ በኤይሳት አንጀትዳይሳታ። 
\v 24 ቱማ ዳሮ ናበትነ ካዎት ህንተ በኤይሳነ ስኤይሳ በአናዉነ ስአናዉ አሞትዶሶና፥ ሽን በእቦኮና፥ ስእቦኮና” ያግስ።
\s1 ቱማ ሲቆ
\p
\v 25 ሄኮ፥ እስ ጋላስ ሙሰ ዎጋ ኤርያ እስ ኡራይ ደንድድ የሱሳ ያግድ ፓጨ ኦይሾ ኦይችስ። “አስታማርያዉ፥ መርና ደኦ ላታናዉ ታኒ አይ ኦ?” ያግስ።\x - \xo 10:25 \xo*\xt ማቶ 22:35-40፤ ማር 12:28-34.\xt*\x*
\p
\v 26 የሱሲ፥ “ሙሰ ማፃፋን ፃፈትዳይስ ዎይጊ? ነ ዋታ ናባባይ?” ያግስ።
\p
\v 27 አደይ ዛሪድ፥ “ ‘ነ ጎዳ ነ ፆሳ፥ ነ ኩመ ዎዛናፐ፥ ነ ኩመ ሸምፖፈ፥ ነ ኩመ ዎልቃፈነ ነ ኩመ ቆፋፐ ዶሳ። ቃስ ነ ሾሩዋ ነ ሁጰዳ ዶሳ’ ያጌስ” ያግስ።\x - \xo 10:27 \xo*\xt ሌወ 19:18፤ ዛረ 6:5.\xt*\x*
\p
\v 28 የሱሲ እያኮ፥ “ኔኒ ልከ ዛራዳሳ፥ ነካ ሄሳዳ ኦ። ኔኒ መርናዉ ደኦን ዳና” ያግስ።\x - \xo 10:28 \xo*\xt ሌወ 18:5.\xt*\x*
\p
\v 29 ሽን ኡራይ ባና ፅሎ ኦናዉ ኮይድ፥ “እ ታ ሾሮይ ኦኔ?” ያግስ።
\p
\v 30 እያ ኦይሻስ የሱሲ ያግድ ዛሮ እሚስ፤ “እስ አሰ ደኤይስ የሩሳላመ ካታማፐ ዱገ እያርኮ ካታማ ብሽን፥ ኦገ ቦላ ፓንጋት ከይድ ሾጭዶሶና። እያ ማኡዋ ቃር ኤክድ ሀይቆፐነ ፓፃፐ ግዶን የግድ ብዶሶና። 
\v 31 ጉየፐ፥ አይሁደ ካህነ እሶይ ሄ ኦግያራ ባ ቡሱ ብሸ ኡራ በእድ ደሽ ግድ አስ። 
\v 32 ቃስ እስ ሌወ ደኤይስ ሄ በሳ ጋክሸ ኡራ በእድ፥ ሀራ ሶራ አድ ብስ። 
\v 33 ሽን፥ እስ ሳማረ ቢታ አሰ ደኤይስ ሄ ኦግያራ ይሸ ኡራ በእድ እያዉ ቃትስ\x - \xo 10:33 \xo*\xt 2 ታር 28:15.\xt*\x* 
\v 34 እያኮ ሺቅድ፥ እያ ማዱን ቦላ ዛይተነ ዎይነ ትግድ ቃችስ። ባ ሀርያ ቦላ ኡትስድ እማ አቅያ ኬ ኤፍስ። ሄ በሳን እያዉ ኮሽያባ ኡባ ኦስ። 
\v 35 ዎንተ ናምኡ ድናረ ከስድ እማ ኬ አዋስ እምድ፥ ‘ሀያና ሀ ኡራ ሎይ ፄላ። ታኒ ነዉ እምዳይሳፈ ቦላራ ነ ከስያባ ኡባ ታ ነዉ ጭጋና’ ያግስ።
\p
\v 36 “ህዛ፥ ሀ ሄ አሳታፐ ፓንጋት ሾጭዳ ኡራስ ሾሮተይ ነዉ ኦና ዳኒ?”
\p
\v 37 ኡራይ ዛሪድ፥ “እያዉ ቃትዳይሳካ” ያግስ።
\p የሱሲ፥ “ነካ ባዳ ሄሳዳ ኦ” ያግስ።
\s1 የሱሲ ማርታነ ማይራም ሶን
\p
\v 38 የሱሲ ባ ታማረታራ ኦገ ብሸ እስ ጉታ ጋክስ። ያን ማርታ ጌተትያ እስ ማጫስያ፥ እያ ባ ሶን ሞካሱ።\x - \xo 10:38 \xo*\xt ዮሀ 11:1.\xt*\x* 
\v 39 እዉካ ማይራሞ ጌተትያ ምችያ ደአዉሱ፥ ማይራማ ቃላ ስአሸ ጎዳ ቶሁዋ ማታን ኡታሱ። 
\v 40 ሽን ማርታ ዳሮ ኦሶን ኡንኤታዳ የሱሳኮ ሺቃዳ፥ “ጎዳዉ፥ ታ ምችያ ኦሱዋ ታ ፃላላስ የጋዳ ኡታ አግን ታ ዳቡርያ ዎደ ኔኒ በአሸ ስእ ጋይ? እያ ታና ማዳና መላ ኦድኪ” ያጋሱ።
\p
\v 41 ሽን ጎዳይ ዛሪድ፥ “ማርታ፥ ማርታ፥ ኔኒ ዳሮባን ኡንኤታሳነ መቶታሳ። 
\v 42 ግዶሽን፥ ኮየተይ እስባ ፃላላ። ማይራማ ሎኦባ ዶራሱ፥ ሄስካ ኢፐ ኤከተና” ያግስ።
\c 11
\s1 የሱሲ ዎሳባ ታማርስስ
\r (ማቶ 6:9-13፤ 7:7-11)
\p
\v 1 እስ ጋላስ የሱሲ እስ በሳን ዎሴስ። ዎሳ ዉርስዳ ዎደ እያ ታማረታፐ እሶይ፥ “ጎዳዉ፥ ዮሃንስ ባ ታማረታ ዎሳ ታማርስዳ መላ ነካ ኑና ዎሳ ታማርሳ” ያግስ።
\p
\v 2 የሱሲ፥ “ሀይሳዳ ያግድ ዎስተ፦
\q1 “ ‘ሳሎን ደእያ ኑ አዋዉ
\q2 ነ ጌሻ ሱንይ አንጀቶ፤
\q2 ነ ካዎተይ ዮ።
\q1
\v 3 ኑ ጋላሳ ካ ሀች ሀች ኑስ እማ።
\q1
\v 4 ኑና ቆሄይሳታ ኑኒ አቶ ገይሳዳ፥
\q2 ኑ ናጋራ አቶ ጋ፤
\q2 ፓጨን ኑና ገልሶፋ’ ያግተ” ያግስ።
\p
\v 5 ካልድካ፥ የሱሲ ባ ታማረታኮ ያግስ፦ “ሌምሶስ ህንተፈ እሱዋስ ላገይ ደኤስ። እ ግድ ብላሄ ባ ላግያ ሶ ብድ፥ ‘ታ ላግያዉ፥ ምያባይ ደእኮ ታዉ እማርክ። 
\v 6 ታዉ ላገ ግድዳ እስ አስ ኦገፐ ይን፥ እያዉ አያባ ያስ’ ያግኮ፥
\p
\v 7 “እያ ላገይ ኬ ግዶን ግድድ፥ ‘ሀያና ታና ዋይሶፓ፥ ፐንገይ ጎርደትስ። ታ ናይትካ ታራ አርሳ ቦላ ዝንእዶሶና። ያንያ ግሾ፥ ደንዳዳ ነ ኮያባ እማናዉ ዳንዳእከ’ ያግዬ? 
\v 8 ታ ህንተዉ ኦዳይስ፤ ላገተ ግሾ ደንድድ እማናዉ ኮዮና እፅኮካ ዎሳን ሳለዳ ግሾ፥ ደንድድ ኮሽያባ ኡባ እሜስ።
\p
\v 9 “ሄሳ ግሾ፥ ታኒ ህንተዉ ኦዳይስ፤ ዎስተ ህንተዉ እመታና፤ ኮይተ ህንተ ደማና፤ ካረ ይድ ፄግተ ህንተዉ ዶየታና። 
\v 10 ጋሶይካ፥ ዎስያ ኡባይ ኤኬስ፤ ኮየይ ደሜስ፤ ካረ ይድ ፄገይሳስ ዶየቴስ።
\p
\v 11 “ህንተኖ፥ አዋቶ ህንተ ግዶፈ ናእ ኡይ ዎስን፥ ሹቹ እመይ ኦኔ? ሞሎ ዎስን ሾሽ እመይ ኦኔ? 
\v 12 ዎይኮ ጱጱለ ዎስኮ ኮርነ እሚ? 
\v 13 ህንተ ኢታታ ግድሸ ህንተ ናይታስ ሎኦባ እሞ ኤርኮ፥ ሳሎን ደእያ ህንተ አዋይ ዎሰይሳታስ ጌሻ አያና ዋትድ አድ እመኔ?” ያግስ።
\s1 የሱሳነ ብኤል-ዘቡላ
\p
\v 14 እስ ጋላስ የሱሲ፥ ዶና ሙምስዳ ቱና አያና እስ ኡራፐ ከስስ። ቱና አያናይ ከይዳ መላ ሙመ ኡራይ ኦደትስ። አሳይካ ማላለትስ። 
\v 15 ሽን እሶት እሶት፥ “ቱና አያና ሀላቃ፥ ብኤል-ዘቡላ ዎልቃን ቱና አያናታ ከሴስ” ያግዶሶና።\x - \xo 11:15 \xo*\xt ማቶ 9:34፤ 10:25.\xt*\x* 
\v 16 ሀራት ቃስ ፓጬስ ሳሎፐ ማላ በሳና መላ ኮይዶሶና።\x - \xo 11:16 \xo*\xt ማቶ 12:38፤ 16:1፤ ማር 8:11.\xt*\x*
\p
\v 17 ሽን የሱሲ ኤንታ ቆፋ ኤርድ ኤንታኮ፥ “ዎል ግዶን ሻከትያ ካዎተ ኡባይ ዬስ፤ ዎል ግዶን ሻከትያ ኬ ኩንዴስ። 
\v 18 ፃላሄይ ዎል ግዶን ሻከትኮ እያ ካዎተይ ዋንድ ምንድ ኤቃኔ? ህንተ ታና፥ ‘እ ቱና አያናታ ብኤል-ዘቡላ ዎልቃን ከሴስ’ ያጌታ። 
\v 19 ህዛ፥ ታኒ ቱና አያና ብኤል-ዘቡላ ዎልቃን ከስያባ ግድኮ ህንተ ናይት ኦደ ዎልቃን ከሶናሻ? ሄሳ ግሾ፥ ኤንቲ ህንተ ቦላ ፕርደይሳታ ግዳና። 
\v 20 ሽን ታኒ ቱና አያናታ ፆሳ ብራን ከስያባ ግድኮ፥ ህዛ፥ ፆሳ ካዎተይ ህንተኮ ማትዳይሳ ኤርተ።
\p
\v 21 “ምኖ አስ ቶራነ ጎንዳለ ኦይክድ፥ ባ ኬ ናግያባ ግድኮ፥ እያ ሻሎይ ቦሸተና። 
\v 22 ሀኖሽን፥ እያፐ አድ ምኖ ግድዳ አስ ይድ፥ እያ ቆህድ ፆንኮ፥ አማነትዳ ቶራነ ጎንዳለ ዎስስ ኤክድ፥ እያ ሻሉዋ ቦንቅድ ሀራስ ሻኬስ።
\p
\v 23 “ታራ ግዶናይስ ታና እፄስ፤ ታራ ሺሾናይስ ላሌስ።\x - \xo 11:23 \xo*\xt ማር 9:40.\xt*\x*
\p
\v 24 “ቱና አያናይ አሳፐ ከይዳ ዎደ ሸምፕያ በሲ ኮይድ ሃ ባይና ሶራ ዩዬስ። ሸምፕያ በሲ ይዳ ዎደ፥ ‘ታ ከይዳሱዋ ስማና’ ያጌስ። 
\v 25 እ ስምያ ዎደ ኬይ ፕተትድ ሎእድ ደእሽን ደምስ። 
\v 26 ሄሳፈ ጉየ፥ ብድ እያፐ አድ ኢትዳ ሀራ ላፑን ቱና አያናታ ኤክድ ዬስ። እያን ገልድ ዱሱ ኦይኬስ። ሄ ኡራስ ኮይሮይሳፈ አድ ጉየይስ ኢታ ግዴስ” ያግስ።
\p
\v 27 የሱሲ ሄሳ ኦዳ ቦላ ደእሽን፥ እስ ማጫስ አሳ ጋፈ ደንዳዳ፥ ባ ቃላ ቁ ኦዳ፥ “ነና ቶክዳ ኡሎይነ ኔኒ ምዳ ንት አንጀትዶሶና” ያጋሱ።
\p
\v 28 ሽን እ፥ “አንጀትዳይሳት ፆሳ ቃላ ስእድ ኪተተይሳታ” ያግስ።
\s1 ዮናሳ ማላታ
\p
\v 29 ዳሮ አሳይ ሺቅዳ ዎደ የሱሲ፥ “ሀ የለተይ ኢታ የለተ፤ ኦራ ማላ ኮዬስ። ሽን ዮናሳ ማላታፐ አትሽን፥ ሀር ኤንታዉ እመተና።\x - \xo 11:29 \xo*\xt ማቶ 16:4፤ ማር 8:12.\xt*\x* 
\v 30 ዮናስ ናናወ አሳስ ማላ ግድዳ መላ አሳ ናእካ ሀ የለተስ ማላ ግዳና።\x - \xo 11:30 \xo*\xt ዮሀ 3:4.\xt*\x* 
\v 31 ዱገሀ ካውያ ፕርዳ ጋላስ ሀ የለተራ ደንዳዳ ፕርዳና። ጋሶይካ፥ እያ ሶሎሞነ ጭንጫተ ስአናዉ ቢታ ጋፃፐ ደንዳዳ ያሱ። ሄኮ ሶሎሞነፐ አይ ሀይሳን ደኤስ\x - \xo 11:31 \xo*\xt 1 ካዎ 10:1-10፤ 2 ታር 9:1-12.\xt*\x* 
\v 32 ናናወ አሳት ፕርዳ ጋላስ ሀ የለተራ ደንድድ ኤንታ ቦላ ፕርዳና። ጋሶይካ፥ ዮናሳ ስብካትያን ማሮታ ገልዶሶና። ሄኮ፥ ዮናሳፐ አይ ሀይሳን ደኤስ” ያግስ።\x - \xo 11:32 \xo*\xt ዮሀ 3:5.\xt*\x*
\s1 አሳተ ፖኦ
\p
\v 33 “ፆምፐ ኦይድ ቆሳ በሳን ዎይኮ ኦቶ ግዶን ዎያ አስ ዴና። አስ ፖኡዋ በአና መላ ቃ በሳን ዎስ።\x - \xo 11:33 \xo*\xt ማቶ 5:15፤ ማር 4:21፤ ሉቃ 8:16.\xt*\x* 
\v 34 ነ አሳተስ ፖኦይ ነ አይፍያ። ነ አይፈይ ሎኦ ግድኮ፥ ነ ኩመ አሳተይ ፖኤስ። ነና አይፈይ ሳክኮ ነ አሳተይ ኡባይ ሜስ። 
\v 35 ሄሳ ግሾ፥ ነ ጋርሳን ደእያ ፖኦይ ሞና መላ ናገታ። 
\v 36 ህዛ፥ ነ ኩመ አሳተይ ፖኦ ግድኮ፥ ነ አሳተንካ ሀር ማ በሲ ይኮ፥ ነ አሳተ ኩመይ ዎልለ ፖኦ መላ ግዴስ” ያግስ።
\s1 ኡሱፑን አየታ
\r (ማቶ 23:1-36፤ ማር 12:38-40)
\p
\v 37 የሱሲ ባ ኦዳ ኦንግዳ መላ እስ ፋርሳወይ ባራ ካ ማና መላ ፄግስ። የሱሲ፥ እያራ እስፈ ገልድ ግብራ ቦላ ኡትስ። 
\v 38 ፋርሳወይ የሱሲ ካ ማናፐ ስን ኩሸ ሜጮናይሳ በእድ ማላለትስ።
\p
\v 39 ጎዳይ እያኮ፥ “ህንተ ፋርሳወት ቁለስነ ሻተስ ቦላ ባጋ ሜጨታ። ሽን ህንተ ጋይ ኡዘተንነ ኢታተን ኩምስ። 
\v 40 ህንተኖ፥ ኤያቶ፥ ካረ ባጋ መዳይ፥ ጋ ባጋ መዳይ እያ ግደኔ? 
\v 41 ሽን ቁልያንነ ሻትያን ደኤይሳ ማንቆታስ እምተ። ሄ ዎደ ህንተዉ ኡባባይ ጌሽ ግዳና።
\p
\v 42 “ፋርሳወቶ ህንተና አየ! ሳዎፐ፥ ፃሎተፐነ ሄሳ መላባፐ አስራታ ከሴታ። ሽን ፅሎተነ ፆሰ ዶሶይ ህንተናን ባዋ። ሀራታ አጎና ሀይሳታካ ኦናዉ በሴስ፥ ሽን አግደታ።\x - \xo 11:42 \xo*\xt ሌወ 27:30.\xt*\x*
\p
\v 43 “ፋርሳወቶ ህንተና አየ! አይሁደ ዎሳ ኬን ቦንቾ ኦይደ፥ ግያ ግዶን ቦንቾ ሳሮ ዶሴታ።
\p
\v 44 “ማል ይን፥ አሳይ ኤሮና ቦላራ ብያ ዱፎ ዳነይሳቶ ህንተና አየ!” ያግስ።
\p
\v 45 ህገ አስታማረይ ዛሪድ፥ “አስታማርያዉ፥ ነ ሄሳ ጋሸ ኑና ጫያሳ” ያግስ።
\p
\v 46 የሱሲ፥ “ህንተኖ፥ ህገ አስታማረቶ፥ ህንተናካ አየ! አሳይ ቶካናዉ ዳንዳኦና ዴፆ ቶሆ ቶሰታ፥ ሽን ህንተ ህንተ ሁጰስ ሀር አቶሽን ብራ ፄራንካ ቦቸከታ።
\p
\v 47 “ህንተ አዋት ዎዳ ናበታ ዱፉዋ ህንተ ጊግስያ ግሾ፥ ህንተና አየ! 
\v 48 ህዛ፥ ህንተ አዋታ ኦሱዋ ምንናዉ ኤንቲ ዎዳ ናበታ ዱፉዋ ህንተ ሎይያ ግሾ፥ ኤንታ ኢታ ኦሱዋስ ህንተ ማርካ። 
\v 49 ሄሳ ግሾ፥ ፆሳይ ባ ጭንጫተን፥ ‘ናበታነ ሀዋረታ ታ ህንተዉ ኪታና፥ ሽን ህንተ ባጋታ ዎና፤ ሀራታ ጎዳና’ ያግስ። 
\v 50 ሀ የለተይ አላመይ መቶሳፐ ሀኖ ጋካናዉ ጉክዳ ናበታ ኡባ ሱስ ኦይሸታና። 
\v 51 አበላፐ ዶምድ ያርሾ በሳስነ ፆሳ ኬፈ ግዱዋን ጉክዳ ዛካርያሳ ሱ ግሾ ሀ የለተይ ኦይሸታና።\x - \xo 11:51 \xo*\xt መ 4:8፤ 2 ታር 24:20-21.\xt*\x*
\p
\v 52 “ህገ አስታማረቶ፥ ህንተና አየ! ኤራተ ቁልፕያ ህንተ ኩሸን ኦይክደታ፥ ሽን ህንተዉ ገለከታ ሀራታካ ገልሰከታ” ያግስ።
\p
\v 53 የሱሲ ያፐ ባናዉ ከይያ ዎደ፥ ህገ አስታማረትነ ፋርሳወት እያራ ኤቀትድ ኦይሾን ዋይሶሶና። 
\v 54 እያ ዶናፐ ከይያ ቃላን እያ ኦይካናዉ ኮይድ ሄሳ ኦዶሶና።
\c 12
\s1 አያና ምን
\r (ማቶ 10:26-27)
\p
\v 1 ሄ ዎደ ዳሮ ሙኩሉን ታይበትያ አሳይ ዎል ቦላ የታና ጋካናዉ አስ አሳ ቦላ ሺቅድ ደእሽን፥ የሱሲ ባ ታማረታኮ፥ “ፋርሳወታ እርሾፈ ናገትተ። ሄስካ ኤንታ ጩቦተ።\x - \xo 12:1 \xo*\xt ማቶ 16:6፤ ማር 8:15.\xt*\x* 
\v 2 ቆንጮና ቆሰትድ፥ ኤረቶና ጌምድ አትያባይ አይኮይካ ባዋ።\x - \xo 12:2 \xo*\xt ማር 4:22፤ ሉቃ 8:17.\xt*\x* 
\v 3 ህዛ፥ ህንተ ማን ኦደትዳባይ ኡባይ ፖኦን ስኤታና፥ ቆልአ ጋን ካልካሽዳባይ ዳባባን ኦደታና።
\p
\v 4 “ታ ባጋቶ፥ ታ ኦደይሳ ስእተ፤ አሹዋ ዎኦሶናፐ አትሽን፥ ሀራ አይኮካ ኦናዉ ዳንዳኦናይሳታስ ባቦፍተ። 
\v 5 ሀኖሽን፥ ህንተ ባባናዉ በሰይሳ ታ ህንተዉ ቆንጭሳና። ሄስካ ዎዳፐ ጉየ ጋናመን የጋናዉ ዎልቃይ ደኤይሳስ እያዉ ባብተ። ኤ፥ ቱማ ኦዳይስ፤ እያዉ ባብተ። 
\v 6 እቻሹ ቡበት እስ ሳንትመስ ባይዘቶኮናዬ? ሀኖሽን፥ ኤንታፈ እስናካ ፆሳ ስንን ዶገቱኩ። 
\v 7 ሀር አቶሽን፥ ህንተ ሁጰ ብናናይካ ፓይደትድ ደኤስ። ህዛ፥ ባቦፍተ፤ ዳሮ ቡበታፐ ህንተ አታ።
\p
\v 8 “ታ ኦደይሳ ስእተ፤ አሳ ስንን ታዉ ማርካትያ ኡባስ አሳ ናእ ፆሳ ኪታንቾታ ስንን ማርካታና። 
\v 9 አሳ ስንን ታና ካደይሳስ ፆሳ ኪታንቾታ ስንን ታ እያ ካዳና። 
\v 10 አሳ ናአ ቦላ ካ ቃላ ሃሳያ ኡባይ ማሮታ ደማና፥ ሽን ጌሻ አያና ቦላ ካ ቃላ ኦደተይስ ማረተና።\x - \xo 12:10 \xo*\xt ማቶ 12:32፤ ማር 3:29.\xt*\x*
\p
\v 11 “አስ ህንተና ኦይክድ አይሁደ ዎሳ ኬን፥ ዳይናታ ስንንነ ካዎታ ስንን ጎሸችያ ዎደ አይ ኦዳነኮነ ዎይግ ዛራነኮ ህርጎፍተ።\x - \xo 12:11 \xo*\xt ማቶ 10:19-20፤ ማር 13:11፤ ሉቃ 21:14-15.\xt*\x* 
\v 12 ሄ ዎደ ህንተ ኦዳናባ ጌሻ አያን ህንተና ታማርሳና” ያግስ።
\s1 ዱረ ኡራ ኤያተ
\p
\v 13 አሳ ግዶፈ እስ አስ የሱሳኮ ይድ፥ “ታ እሻይ ታዉ ኑ አዋ ላታፐ ሻካና መላ እያዉ ኦዳ” ያግስ።
\p
\v 14 የሱሲ ዛሪድ፥ “ላ አድያዉ፥ ህንተ ቦላ ታና ዳይናነ ላታ ሻክያ ጭማ ኦዳይ ኦኔ?” ያግስ። 
\v 15 ጉጅድካ፥ የሱሲ፥ “አሳ ደኦይ ሻሎ ዳሮተን ግዶና ግሾ ያረ አግድ ምንድ ህንተና ናግተ” ያግስ።
\p
\v 16 ካልድካ ሌምሶን፥ “ጋደይ ዳሮ ካ እምያ እስ ዱረ ኡራይ ደኤስ። 
\v 17 ሄ ኡራይ፥ ‘ታ ካ ታኒ ሺሻናዉ በሲ ጉፅዳ ግሾ አይ ኦ?’ ያግድ ባ ዎዛናን ቆፕስ። 
\v 18 ህዛፐ ያታና፤ ካሰ ደእያ ሻለታ ላላዳ ሀራ ዳልጋ ሻለታ ኬፃና። ካነ ታዉ ደእያባ ኡባ እያን የጋና። 
\v 19 ባ ሸምፐኮ፥ ‘ታ ሸምፐተ፥ ዳሮ ላይስ ነዉ ግድያ ሻሎ ሺሻስ። ህዛ፥ ሸምፓዳ ማ፥ ኡያ፥ ኡፋይታ’ ያጋና።
\p
\v 20 “ሽን ፆሳይ፥ ‘ላ፥ ኤያ ኡራዉ፥ ሀች ቃማ ነ ሸምፕያ ኔፐ ኤከታዉሱ። ህዛ፥ ነ ሺሽዳባይ ኦደስ ግዳኔ?’ ያግስ።
\p
\v 21 “ሄሳ ግሾ፥ ባዉ ዱረተ ሳአን ሺሽያ አሳስ፥ ፆሳ ማታን ዱረ ግዶና አሳስ ዉርሰይ ሀ ኡራ መላ” ያግስ።
\s1 ኡንኤቶፍተ
\r (ማቶ 6:25-34)
\p
\v 22 ሄሳፈ ጉየ፥ የሱሲ ባ ታማረታኮ፥ “ህዛ፥ ታ ኦድያባ ስእተ፥ ህንተ ሸምፑዋስ አይ ሚኖ? ህንተ አሳተስ አይ ማእኖ? ያግድ ኡንኤቶፍተ። 
\v 23 ሸምፖይ ካፈ፥ አሳተ አፍላፐ አስ። 
\v 24 ካፎታ በእተ ዘሮኮና፥ ኪሾኮና፥ ኤለይነ ሻለይ ኤንታዉ ባዋ። ሽን ፆሳይ ኤንታና ሙዜስ። ህንተ ካፎታፐ ዳሮ አታ። 
\v 25 ሀኖሽን፥ ህንተፈ ኡንኤትድ ባ ላይ ቦላ እስ ቃማ ጉጃናዉ ዳንዳኤይ ኦኔ? 
\v 26 ህዛ፥ ሀ ጉባ ኦናዉ ዳንዳኦና ህንተ፥ ሀራባስ አይስ ኡንኤተቲ? 
\v 27 አነ ጪሻት ዋንድ ድጭያኮ በእተ። ዋዮኮናነ ሱቆኮና። ሀር አቶሽን፥ ሶሎሞነይ ባ ደእያ ቦንቾ ኡባን ኤንታፈ እሱዋ መላካ ማእቤና።\x - \xo 12:27 \xo*\xt 1 ካዎ 10:4-7፤ 2 ታር 9:3-6.\xt*\x* 
\v 28 ህንተኖ፥ አማኖይ ፓጭዳይሳቶ፥ ህዛ፥ ፆሳይ ሀች በንትድ ዎንቶ ታማን የገታና ጪሻታ ሀይሳዳ ማይዝኮ፥ ህንተና ዋት አድ ማይዘኔ? 
\v 29 ሄሳ ግሾ፥ አይ ምኖ ዎይኮ አይ ኡይኖ ግድ ኡንኤቶፍተ። 
\v 30 ሄ ኡባስ ፆሳ አማኖና አሳት ኡንኤቶሶና። ሽን ህንተ አዋይ ፆሳይ ሄስ ኡባይ ህንተዉ ኮሸይሳ ኤሬስ። 
\v 31 ኡባፈ አድ ፆሳ ካዎተ ኮይተ፤ ሄስ ኡባይ ህንተዉ ጉጅ እመታና።
\p
\v 32 “ህንተኖ፥ ጉ ደረቶ፥ ያዮፍተ፤ ህንተ አዋ ፆሳይ ካዎተ ህንተዉ እማናዉ ኡፋይቴስ። 
\v 33 ህንተዉ ደእያባ ባይዝድ ማንቆታስ እምተ። ካይሶይ ኤኮናሶን፥ ብል ሞናሶን፥ ጭሞና ካርፂታን፥ ዉሮና ሻሎ ሳሎን ሺሽተ። 
\v 34 ህንተ ዎዛናይ ህንተ ሻሎይ ደእያ በሳን ግዳና።
\s1 ባርክድ ናጎ
\p
\v 35 “ቃንን ዳንጭድ ጊገትተ፤ ህንተ ፆምፐይ ፖኦ።\x - \xo 12:35 \xo*\xt ማቶ 25:1-13.\xt*\x* 
\v 36 ባንታ ጎዳይ ያጋኖፐ ስማና ጋካናዉ ባርክድ ናገይሳታዳ፥ ጎዳይ ይድ ፄግያ ዎደ ኤለስድ ዶያናዉ ጊግዳ አሳታ ዳንተ።\x - \xo 12:36 \xo*\xt ማር 13:34-36.\xt*\x* 
\v 37 ባንታ ጎዳይ ስምያ ዎደ ስኮና ደእሸ ናገይሳት አንጀትዳይሳታ። ቱማ ጋይስ፤ ጎዳይ ቃንን ዳንጭድ ጋይታ ዩሾን ኡትስድ ሞኬስ። 
\v 38 ጎዳይ ላደ ግድን፥ ግድ ብላሄ ግድን፥ ዎይኮ ዎንት ማ ግድን ይድ፥ ሄሳ መላ ስኮና ናግሽን ደምያ ሄ አይለት አንጀትዳይሳታ። 
\v 39 ሽን ሀይሳ ኤርተ፤ ካይሶይ አዉደ ያነኮ ኬ አዋይ ኤርያኮ ኬይ ቦከትያ ዎደ ስእ ግድ በኤና።\x - \xo 12:39 \xo*\xt ማቶ 24:23-44.\xt*\x* 
\v 40 ህንተካ ጊግድ ናግተ፤ አሳ ናእ ህንተ ቆፖና ዎደ ያና” ያግስ።
\p
\v 41 ጰፅሮስካ፥ “ጎዳዉ ሀ ሌምሱዋ ኑ ፃላላስ ኦዳየ ዎይኮ አሳ ኡባሴ?” ያግስ።
\p
\v 42 ጎዳይ ዛሪድ፥ “ህዛ፥ ካ ሙዛናዉ በሲያ ዎድያን እማና መላ ጎዳይ ባ አይለታ ቦላ ሹምዳ አማንይስነ ዎዛናማ ሀላቃይ ኦኔ? 
\v 43 ጎዳይ ስምያ ዎደ ሄሳ መላ ኦሸ በንትያ አይለይ፥ እ አንጀትዳይሳ 
\v 44 ታ ህንተዉ ቱማ ኦዳይስ፤ ባ ጎዳስ ደእያ ሻሎ ኡባ ቦላ እ፥ ሹመታና። 
\v 45 ሽን ሄ አይለይ፥ ‘ታ ጎዳይ ኤለ ዬና’ ያግድ ባ ዎዛናን ቆፕድ፥ ማጫ አይለታነ አደ አይለታ ዋኮ፥ ቃስ ባዉ ኮይዳ መላ ምሸነ ኡይሸ ማትኮ፥ 
\v 46 ሄ አይልያ ጎዳይ፥ እ ቆፖና ጋላሳንነ ህርጎና ዎደ ያና። ይድ እያ ቃንፀረድ፥ እያ ቃዳ አማኖና አሳራ ኦና።
\p
\v 47 “ጎዳ ሸንያዳ ጊጎናይስነ እያ ጎዳይ አይ ዶስያኮ ኤርሸ ኦና አይለይ ዳሮ ጋራፈታና። 
\v 48 ሽን ባ ጎዳ ሸንያ ኤሮና አትድ ጋራፈታናዉ በሰይሳ ኦዳይ ጉራ ጋራፈታና። ጋሶይካ ዳሮ እመትዳይሳፈ ዳሮ ኮየቴስ፥ ዳሮ ሀዳራ ኤክዳይሳፈካ ዳሮ እማና ግድ ናገቴስ።
\s1 ሳሮተ ግዶናሽን ሻከተ
\r (ማቶ 10:34-36)
\p
\v 49 “ታኒ ይዳይ ቢታ ቦላ ታማ ኦይናሳ። ሀእ ታማይ ኦይክያኮ ታና ዋንድ ኡፋይሳንደሻ! 
\v 50 ሀኖሽን፥ ታ ሀእ ፃማቀተይ ፅንቃተይ ደኤስ። እ ፖለታና ጋካናዉ ታ ዳሮ ኡንኤታይስ።\x - \xo 12:50 \xo*\xt ማር 10:38.\xt*\x* 
\v 51 ሳአ ቦላ ሳሮተ ኤሀናዉ ይዳ ህንተዉ ዳኒ? ግደና፥ ታ ይዳይ ሻካናሳ። 
\v 52 ሀእፈ ዶምድ ዎል ግዶን ሻከትዳ እቻሹ ኬ አሳት እስፈ ደኦሶና። ናምአት ሄታ ቦላ፥ ሄትካ ናምአታ ቦላ፥ ደንድድ ሻከቶሶና። 
\v 53 አዋይ ናኣ ቦላ፥ ናአይካ አዋ ቦላ፥ አይያ ናኤ ቦላ፥ ናእያ አየ ቦላ፥ አዝና አይያ ናአ ማቸ ቦላ፥ ናአ ማችያ አዝና አየ ቦላ፥ ደንድድ ሻከታና።”\x - \xo 12:53 \xo*\xt ምክ 7:6.\xt*\x*
\s1 ዎደታባ ኤሮ
\r (ማቶ 16:2-3)
\p
\v 54 ቃስካ አሳኮ፥ “ዉሎሀ ባጋራ ሳሎይ ሻራትያ ዎደ በእድ፥ ኤለስድ፥ ‘እር ያና’ ያጌታ፥ ሄሳዳካ ሀኔስ። 
\v 55 ዱገሀ ጫርኮይ ጫርክያ ዎደ ‘ሳእ አዋና’ ያጌታ፥ ሄሳዳካ ሀኔስ” ያግስ። 
\v 56 ህንተኖ፥ ጩቦቶ፥ ሳሎባነ ሳአባ ሻክድ ኤሬታሽን ሀ ዎድያ ሻክድ ኤሮይ ህንተና ዋንድ ፆንዴ?
\p
\v 57 “ያትን፥ ህንተ ሁጰስ አይስ ቱማ ፕርደከቲ? 
\v 58 ነ ሞርክያራ ዎላ ዳይና ስንን ኤቃናዉ ባሸ ኦገ ቦላ ጊጋናዉ ኮያ። ነ ጊጎና እፅኮ ጎሸችድ ዳይና ስን ነና ኤፋና። ዳይናይ ነና ቃችያ አሳስ አድ እማና። እ ነና ዎይነን የጋና። 
\v 59 ስእተ፥ እስ ባካን አቶና ጭጋ ኦንጋና ጋካናዉ ነ ያፐ ከዮናይሳ ኤራ” ያግስ።
\c 13
\s1 ናጋራፐ ስሞ
\p
\v 1 ሄ ዎደ የሱሳኮ አሳይ ይድ ጵላፆስ ዎድ ኤንታ ሱራ ኤንታ ያርሹዋ ዋላክዳ ጋልላ አሳባ ኦድዳ አሳት ሄ በሳን ደኦሶና። 
\v 2 እ ሀይሳዳ ያግድ ዛርስ፤ “ያትን ሄ ጋልላ አሳት ሄ ኢታ ሀይቆ ሀይቅዳ ግሾ፥ ጋልላን ደእያ አሳ ኡባፈ አዳ ናጋራንቾ ዳኖና? 
\v 3 ግደና! ግዶሽን፥ ህንተካ ማሮታን ስሞና እፅኮ፥ ኡባይ ሄሳዳ ያና። 
\v 4 ዎይኮ ቃስ ሳልሆመ ጌተትያ በሳን ግምበይ ዎድድ ዎዳ ታማነ ሆስፑን አሳይ የሩሳላመን ደእያ አሳ ኡባፈ አዳ ናጋራንቾ ዳኖና? 
\v 5 ግደና! ሽን ህንተካ ማሮታን ስሞና እፅኮ ኡባይ ሄሳዳ ያና።”
\p
\v 6 ቃስካ የሱሲ ሀይሳዳ ግድ ሌምሶ ኦድስ፦ “እስ ኡራስ ዎይነ ጋደን ቶከትዳ ባላሰ ም ደአዉሱ። እ ኢፐ አይፈ ደማናዉ ኮይድ አይኮካ ደምቤና። 
\v 7 ዎይነ ጋድያ ጎዳይ ዎይነ ኦሳንቹዋኮ፥ ‘አይፈ ደማናዉ ኮያዳ ሄ ላይ ስመረታዳ አይኮካ ደማብከ። ሄሳ ግሾ፥ ቃንፃ ድጋ፤ አይስ ቢታ መልሳይ?’ ያግስ።
\p
\v 8 “ሽን ኦሳንቾይ፥ ‘ጎዳዉ፥ እ ዩሹዋ ኦዳ ኦሻ የጋና ጋካናዉ ሀ ላይስ አጋርክ። 
\v 9 ሀ ላይ አይፍኮ ሎኦ፥ እፅኮ ቃንፃ አጋ’ ” ያግድ ዛርስ።
\s1 ዞኮ ኩና ማጫስዉ
\p
\v 10 የሱሲ ሳምባታ ጋላስ አይሁደ ዎሳ ኬን ታማርሴስ። 
\v 11 ሄ በሳን ታማነ ሆስፑን ላይ ቱና አያን ዞኮ ኩንስዳ እስ ማጫስያ ደአዉሱ። እያ ኩናፐ ደንዶይሳን ሱረ ኤቃናዉ ዳንዳኡኩ። 
\v 12 የሱሲ እዮ በእዳ ዎደ ፄግድ፥ “ሀ ማጫሰተ፥ ነ ሀርግያፈ ፓፃዳሳ” ያግስ። 
\v 13 ባ ኩሽያ እ ቦላ ዎን፥ እያ ኤለሳዳ፥ ሱራዳ ኤቃሱ። ፆሰ ጋላታሱ።
\p
\v 14 ሽን አይሁደ ዎሳ ኬ ሀላቃይ ይሎትድ አሳኮ፥ “ኦሶ ኦያ ኡሱፑን ጋላሳት ደኦሶና። ሄሳ ግሾ፥ ሄ ጋላሳታን ይድ ፓፅተፐ አትሽን፥ ሳምባታ ጋላስ ግደና” ያግስ።\x - \xo 13:14 \xo*\xt ከሳ 20:9-10፤ ዛረ 5:13-14.\xt*\x*
\p
\v 15 ጎዳይ፥ “ጩቦቶ፥ ህንተ ግዶፈ ቦር ዎይኮ ሀረ ሳምባታ ጋላስ ዛዳሎፐ ብልድ ሃ ኡሻናዉ ኤፎናይ ኦኔ? 
\v 16 ያትን፥ ሀ ማጫስያ አብራሃመ ናአ ግዳሸ ፃላሄን ቃሸታዳ ታማነ ሆስፑን ላይ ኩመ ደእዳርስ ሳምባታ ጋላስ ብርሸተ ኮሸኔ?” ያግድ ኦይችስ።
\p
\v 17 እ ሄሳ ኦድዳ ዎደ ኤቀተይሳት ኡባይ ዬላትዶሶና። ሽን አሳ ኡባይ እ ኦዳ ማላልስያ ኦሶ ኡባን ኡፋይትዶሶና።
\p
\v 18 ሄሳፈ ጉየ፥ የሱሲ ሀይሳዳ ያግስ፥ “ፆሳ ካዎተ አይ ዳኒ? እያ አይብራ ዳንሶ? 
\v 19 ፆሳ ካዎተ እስ አስ ባ ጎሻን ቶክዳ ዎላ አይፈ መላ። እ ድጭድ ም ግድስ። ሳሎ ካፎት እያ ታሽያ ቦላ ሸምፕዶሶና።”
\p
\v 20 ቃስ፥ “ፆሳ ካዎተ አይብራ ዳንሶ? 
\v 21 እስ ማጫስያ ዳሮ ለራ ዋላካዳ ሙኑቅዳ ጉ እርሾ ዳኔስ” ያግስ።
\s1 ፁን ዉላ
\p
\v 22 ሄሳፈ ጉየ፥ የሱሲ የሩሳላመ ብሸ እ ካንያ ኦግያን ደእያ ካታማታንነ ጉታታን ታማርስሸ አስ። 
\v 23 እስ አስ የሱሳኮ፥ “ጎዳዉ፥ አታናይ ጉ አሳ ፃላሌ?” ያግድ ኦይችስ።
\p የሱሲ ኤንታኮ፥ 
\v 24 “ስእተ፥ ፁን ዉላራ ገላናዉ ባፀትተ። ዳሮት ገላናዉ ኮዮሶና ሽን ኤንታዉ ሀነና። 
\v 25 ኬ አዋይ ደንድድ ዉላ ጎርድዳፐ ጉየ፥ ‘ኑስ ዶያርክ’ ያግሸ ካረን ኤቅድ ፄስ ኦይከታ። ሽን እ፥ ‘ህንተ ኦነኮነ አዉፐ ይዳኮ ታ ኤርከ’ ግድ ዛራና። 
\v 26 ሄ ዎደ ህንተ፥ ‘ኔራ ዎላ ምዳ፥ ኡይዳ፥ ኑ ዳባባንካ ታማርሳዳሳ’ ያጋና።
\p
\v 27 “እ ዛሪድ፥ ‘ህንተ ኦነኮነ አዉፐ ይዳኮ ኤርከ። ህንተኖ፥ ጌላቶ ታፐ ሃክተ’ ያጋና።\x - \xo 13:27 \xo*\xt ማዝ 6:8.\xt*\x* 
\v 28 አብራሃመ፥ ይሳቃ፥ ያይቆባነ ናበታ ኡባ ፆሳ ካዎተን በአና፥ ሽን ህንተ ካረን ዎድ አትያ ዎደ ህንተዉ ዬሆነ አቸ ጋርጨ ግዳና። 
\v 29 አሳይ ዶሎሀፐ፥ ዉሎሀፐ፥ ፑደሀፐነ ዱገሀፐ ይድ ፆሳ ካዎተን ግብራ ቦላ ኡታና።\x - \xo 13:29 \xo*\xt ማቶ 8:11-12፤ 22:13፤ 25:30.\xt*\x* 
\v 30 ሄሳ ግሾ፥ ሀእ ደን ጉየ ግድዳይሳታፐ ስን ግዳናይሳት፥ ስን ግድዳይሳታፐ ጉየ ግዳናይሳት ደኦሶና” ያግስ።\x - \xo 13:30 \xo*\xt ማቶ 19:30፤ 20:16፤ ማር 10:31.\xt*\x*
\s1 የሱሲ የሩሳላመስ ዬክስ
\r (ማቶ 23:37-39)
\p
\v 31 ሄ ዎደ ፋርሳወታፐ እሶት እሶት ይድ፥ “ሄሮዲስ ነና ዎናዉ ኮይያ ግሾ ሀ በሳፈ ደንዳዳ ባ” ግዶሶና።
\p
\v 32 እ ዛሪድ፥ “ብድ፥ ሄ ዎርካናስ፥ ‘ሄኮ፥ ሀችነ ዎንቶ ቱና አያናታ ከሳና፥ ሀርጋንቾታ ፓና፥ ሄን ጋላሳን ኩሻ ቦላ ጋካና’ ያግስ ጊተ። 
\v 33 ሀኖፐ አትሽን፥ ናበይ የሩሳላመፐ ካረን ሀይቃናዉ በሰና። ሄሳ ግሾ፥ ሀች፥ ዎንቶነ ዎንት ፔእን ሄ በሳ ባናዉ ደንዳስ።
\p
\v 34 “የሩሳላመ፥ የሩሳላመ፥ ናበታ ዎያረ፥ ኔኮ ኪተትዳይሳታ ሹቻን ጫድያረ፥ ኩቶይ ባ ናይታ ባ ቀፍያፐ ጋርሳን ሺሽያዳ ነ ናይታ ታ ቀስያፐ ጋርሳን አፑን ቶሆ ሺሻናዉ ኮያድና፥ ሽን ህንተ እፃስ ግደታ። 
\v 35 ታ ህንተዉ ኦዳይስ፤ ህንተ ኬይ ካይሳታና። ጎዳ ሱንን የይስ አንጀትዳይሳ ህንተ ጋና ጋካናዉ ታና ደመከታ” ያግስ።\x - \xo 13:35 \xo*\xt ማዝ 118:26፤ ኤርም 22:5.\xt*\x*
\c 14
\s1 የሱሲ ፋርሳውያ ሶን
\p
\v 1 እስ ሳምባታ ጋላስ የሱሲ እስ ፋርሳወታ ሀላቃ ሶ ካ ማናዉ ገልያ ዎደ አሳይ ጫድ ፄሎሶና። 
\v 2 ሄ በሳን ሻዉሄ ሀርገን ዋየትያ እስ አስ እያዉ ስን ባጋራ ዝንእስ። 
\v 3 የሱሲ ፋርሳወታነ ህገ አስታማረታ፥ “ሳምባታ ጋላስ ሀርጋንቾ ፓሶይ ዎገየ ዎጋ ግደኔ?” ያግድ ኦይችስ። 
\v 4 ኤንቲ ስእ ግዶሶና። የሱሲ ሀርገትያ ኡራ ቦች ፓድ ሞይዝስ።
\p
\v 5 “ቃስካ ህንተፈ እሱዋስ ናእ ዎይኮ ቦር ሳምባታ ጋላስ አፎን ዉልኮ፥ ኤለስድ ከሶናይ ኦኔ?”\x - \xo 14:5 \xo*\xt ማቶ 12:11.\xt*\x* ያግድ ኦይችስ። 
\v 6 ኤንቲ እስባካ ዛራናዉ ዳንዳእቦኮና።
\p
\v 7 የሱሲ እማቱዋስ ፄገትዳይሳት ቦንቾ በሲ ዶርሽን በእድ፥ ሀ ሌምሱዋ ኦድስ፦ 
\v 8 “እስ አስ ነና ያጋኖ ፄግኮ ቦንቾ በሳን ኡቶፋ። ኔፐ አድ ቦንቸትያ አስ ፄገታናዉ ዳንዳኤስ።\x - \xo 14:8 \xo*\xt ሌም 25:6-7.\xt*\x* 
\v 9 ህንተና ናምአታካ ፄግዳይስ ይድ፥ ‘ነ በሳ ሀ እማስ የዳ’ ግያ ዎደ ኔኒ ዬላታሸ ዝቃ በሲ ዎሳ። 
\v 10 ግዶሽን፥ ነ ፄገትዳ ዎደ ኮይሮታዳ ዝቃ በሲ በአዳ ኡታ። ፄጎይስ ይድ፥ ‘ታ ላግያዉ፥ ሀ ቦንቾ በሳን ኡታ’ ያጋና። ሄ ዎደ ኔራ እስፈ ፄገትዳ አሳ ኡባ ስንን ነ ቦንቸታና። 
\v 11 ባና ቁ ቁ ኦያ ኡባይ ካዉያና፤ ባና ዝቅ ዝቅ ኦያ ኡባይ ቁ ቁ ጋና።”\x - \xo 14:11 \xo*\xt ማቶ 23:12፤ ሉቃ 18:14.\xt*\x*
\p
\v 12 ቃስ የሱሲ እያ ሞክዳ ኬ አዋኮ፥ “ቁማ ዎይኮ ካሆ እማቶ ፄግያ ዎደ፥ ኔኒ ኩሸ ዛሮ ፄጎና መላ ነ ላገታ ዎይኮ ነ እሻታ ዎይኮ ነ ዳቦታ ዎይኮ ነ ዱረ ሾሮታ እማቶ ፄጎፓ። 
\v 13 ግዶሽን፥ ነ እማቶ ጊግስዳ ዎደ ማንቆታ፥ ዎበታ፥ ጉንዳታነ ቆቀታ ፄጋ፤ ኔኒ አንጀታና። 
\v 14 ሀይሳቲ ኩሸ ዛራናዉ ዳንዳኦና ግሾ ኩሸ ዛሮይ ጌሻታ ደንዶ ጋላሳን ነዉ ስማና” ያግስ።
\s1 ግታ እማቶ ሌምሶ
\r (ማቶ 22:1-10)
\p
\v 15 የሱሳራ ዎላ እማቶ ቦላ ኡቶይሳታ ግዶፈ እሶይ፥ ሄሳ ስእድ፥ “ፆሳ ካዎተን እማቶ ቦላ ኡተይስ አንጀትዳይሳ” ያግስ።
\p
\v 16 የሱሲ፥ “እስ አስ ግታ እማቶ ጊግስድ ዳሮ አሳታ ፄግስ። 
\v 17 እማቶይ ሞከትያ ሳተይ ጋክያ ዎደ፥ ፄገትዳ እማታ፥ ‘ሄኮ ኡባባይ ጊግስ፥ ሃ ዪተ’ ያግድ ፄጋናዳ ባ አይልያ ኪትስ።
\p
\v 18 “ሽን ኡባይካ ባንታ ጋሶ ጋሶ መዶሶና። እሶይ፥ ‘ሀእ ቡሮ ጋደ ሻምዳ ግሾ፥ ባዳ በአናዉ ኮሼስ፤ ሀያና ታና አጋርክ ያጋ’ ያግስ። 
\v 19 ሀንኮይ፥ ‘እቻሹ ዋ ቦር ሻማስ፤ ኤንታና ዋፃ በአና ግሾ ሀያና ታና ላንጮፋ’ ያግስ። 
\v 20 ቃስ ሀራይ፥ ‘ታኒ ቡሮ መዳን ደእያ ግሾ፥ ያናዉ ዳንዳእከ’ ያግስ።
\p
\v 21 “አይለይ ስም ይድ ሄ ኡባ ባ ጎዳስ ኦድስ። ሄ ዎደ ያጋኖ አዋይ ሀንቀትድ አይልያኮ፥ ‘ኤለሳዳ ካታማን ደእያ ዎጋ ኦገታነ ዳጋላታ ባዳ፥ ማንቆታ፥ ዎበታ፥ ቆቀታነ ጉንዳታ ሃ ኤሀ’ ያግስ።
\p
\v 22 “አይለይ፥ ‘ታ ጎዳዉ፥ ነ ኪትዳይስ ኡባይ ፖለትስ፥ ሽን ሀእካ በሲ ደኤስ’ ያግስ።
\p
\v 23 “ጎዳይ አይልያኮ፥ ‘ሆሮጋታ ቦላነ፥ ጋደ ግዶ ኦገታ ከያ፥ ታ ኬይ ኩማና ጋካናዉ ደምዳ ኡባ ያና መላ ኦ። 
\v 24 ታ ህንተዉ ኦዳይስ፤ እማቶ ፄገትዳይሳታፐ ኦንካ ታ ግብራፐ ሞናይሳ ኤርተ’ ግስ” ያግስ።
\s1 ጎዳ ካሎይ ጭግስያ ጋተ
\p
\v 25 ዳሮ አሳይ እያራ ዎላ ብሽን፥ የሱሲ ኤንታኮ ጉየ ስሚድ፥ 
\v 26 “ታኮ ያ ኡባይ ባ አዋነ ባ አይዉ፥ ባ ማችዉነ ባ ናይታ፥ ባ እሻታነ ባ ምቸታ፥ ሀር አቶሽን ባ ደኡዋ እፆናይ ታ ታማረ ግዳናዉ ዳንዳኤና።\x - \xo 14:26 \xo*\xt ማቶ 10:37.\xt*\x* 
\v 27 ባ ማስቃልያ ቶክድ ታና ካሎናይ ታ ታማረ ግዳናዉ ዳንዳኤና።\x - \xo 14:27 \xo*\xt ማቶ 10:13፤ 16:24፤ ማር 8:34፤ ሉቃ 9:23.\xt*\x*
\p
\v 28 “ህንተፈ እስ አስ ሹቻ ኬ ኬፃናዉ ኮይኮ፥ ኬ ኬፅድ ኦንጋናዉ አይ መላ ሚሸ ኮሽያኮ ኮይሮትድ ኤራናዉ ቆፕ በኦናይ ኦኔ? 
\v 29 ሄሳ ግዶና እፅኮ፥ ሀ ኡራይ ባሶ ሹቹ ሂፅን ቁስተ ፆንኮ፥ 
\v 30 በእያ ኡባይ፥ ‘ሀ ኡራይ ግምበ ኦይክን ቁስታናዉ እያ ፆንስ’ ያግድ ቦሮሶና።
\p
\v 31 “ዎይኮ እስ ካዎይ ሀራ ካዎራ ኦለታናዉ ደንድሸ ላታሙ ሙኩሉ ኦላንቾታ ኤክ ያ ካዉዋራ ታሙ ሙኩሉ ኦላንቾታራ ኤቀታናዉ ዳንዳአናይሳነ ዳንዳኦናይሳ ኡትድ ዞረቶናይ ኦኔ? 
\v 32 ኤቀታናዉ ዳንዳኤቶናባ ግድኮ፥ ሄ ካዋራ ሃሆን ደእሽን ጊጋናዉ ኮይሮትድ ጭማ የድድ ኦይቼስ። 
\v 33 ሄሳዳካ፥ ህንተፈ ኦንካ ባዉ ደእያባ ኡባ አጎና እፅኮ፥ ታ ታማረ ግዳናዉ ዳንዳኤና።
\p
\v 34 “ማፅነይ ሎኦ፥ ሽን ማፅነይ ባ ማልኡዋ አግኮ፥ ዋንድ ማፅነ ጌተታናዉ ዳንዳኢ? 
\v 35 ቢታተስነ አራዳተስ ማዶና ግሾ ዎራ የገቴስ። ህዛ፥ ስእያ ሀይ ደእያ አስ ስኦ” ያግስ።
\c 15
\s1 ይዳ ዶርሳ ሌምሶ
\r (ማቶ 18:12-14)
\p
\v 1 እስ ጋላስ ቃራፃ ቃንፀይሳትነ ናጋራንቾት የሱሳ ትምርትያ ስአናዉ እያ ዩሾን ሺቅዶሶና።\x - \xo 15:1 \xo*\xt ሉቃ 5:29-30.\xt*\x* 
\v 2 ሽን ፋርሳወትነ ህገ አስታማረት፥ “ሀይስ ኡራይ ናጋራንቾታ ሺሽድ ኤኬስ፥ ኤንታራ እስፈ ሜስ” ያግድ ዙዙምዶሶና።
\p
\v 3 የሱሲ ሀ ሌምሱዋ ኤንታዉ ያግድ ኦድስ፦ 
\v 4 “ህንተ ግዶፈ እሱዋስ ፄቱ ዶርሳት ደእያባ ግድኮ ኤንታፈ እሶይ ይኮ ኡዱፉን ታማነ ኡዱፉናታ ባዞን አግድ ዮይሳ ደማና ጋካናዉ ኮዮናይ ኦኔ? 
\v 5 ደምዳ ዎደ ኡፋይትድ ባ ጋናን ቶክድ፥ 
\v 6 ባ ሶ ስሜስ። ባ ላገታነ ሾሮታ ፄግድ፥ ‘ይዳ ታ ዶርሳ ደማስ፥ ታራ እስፈ ኡፋይትተ’ ያጌስ። 
\v 7 ሄሳዳካ፥ ማሮት ኮሾና ኡዱፉን ታማነ ኡዱፉን ፅሎታፐ አድ፥ ማሮታን ገልያ እስ ናጋራንቹዋ ጋሶን ሳሎን ግታ ኡፋይስ ግዴስ።
\p
\v 8 “ዎይኮ ታሙ ብር ደእያ እስ ማጫስያ ታማፈ ኢስያ ይኮ ደማና ጋካናዉ ፆምፐ ኦይዳ ኬ ፕታዳ ምን ኮዮናይ ኦኔ? 
\v 9 ደምዳ ዎደ ባ ላገታነ ባ ሾሮታ ፄጋዳ ‘ይዳ ታ እስ ብራ ደምዳ ግሾ ታራ ኡፋይትተ’ ያጋዉሱ። 
\v 10 ስእተ፥ ሄሳ መላ እስ ማሮተን ገልያ ናጋራንቹዋን ፆሳ ኪታንቾታ ስንን ኡፋይስ ግዴስ” ያግስ።
\s1 ይዳ ናአ ሌምሶ
\p
\v 11 ዛሪድ የሱሲ፥ “እስ ኡራስ ናምኡ ናይት ደኦሶና። 
\v 12 ኤንታፈ ካሎ ናአይ ባ አዋኮ፥ ‘ታ አዋዉ፥ ነ ሻሉዋፐ ታ ግሹዋ ታዉ እማ’ ያግስ። አዋይ ባ ሻሉዋ ባ ናይታስ ሻክስ። 
\v 13 ጉ ጋላሳፐ ጉየ፥ ካሎ ናአይ ባ ግሹዋ ኡባ፥ ቃች ኤክድ ሃሆ ቢታ ብስ። ያን አልታጫን ሻሉዋ ቶችድ ኦንግስ። 
\v 14 እ ባዉ ደእያባ ኡባ ዉርስዳፐ ጉየ ሄ ቢታ ኡባን ምኖ ኮሽ ከይን መቶትስ። 
\v 15 ሄሳ ግሾ፥ ሄ ቢታ አሳፐ እሱዋ ሶ ጋታ ገልስ። ኡራይ እያ ጉዱን ሄማና መላ ባ ሞ የድስ። 
\v 16 ጉዱንት ምያ ሀርቁዋፈ ማናዉ አሞትስ፥ ሽን እዮካ እያዉ እምያ አስ በንትቤና። 
\v 17 እ ባ ዎዛናኮ ስሚድ፥ ‘አፑን ታ አዋ አይለታስ ካ ዎራ ዎን ታ ሀይሳን ኮሻራ ሀይቃናዉ ጋካድና?’ 
\v 18 ደንዳዳ ታ አዋኮ ባዳ፥ ‘ታ አዋዉ፥ ሳሎን ፆሳ፥ ሳአን ነና ቆሀስ። 
\v 19 ህዛፐ ነ ናአ ጌተታዳ ፄገታናዉ ታዉ በሶና ግሾ፥ ነ ሶን ደእያ አይለታፐ እሱዋዳ ታና ፓይዳ’ ያጋና” ያግስ። 
\v 20 ሄሳ ግሾ፥ ደንድድ ባ አዋኮ ብስ።
\p “ሀኖሽን፥ እ ቡሮ ሃሆን ደእሽን አዋይ ቃትድ፥ እያኮ ዎፅ ብድ፥ እድምድ ዬርስ። 
\v 21 ናአይካ፥ ‘ታ አዋዉ ሳሎን ፆሳ፥ ሳአን ነና ታ ቆሀስ። ህዛፐ ነ ናአ ጌተታዳ ፄገታናዉ በስከ’ ያግስ።
\p
\v 22 “እያ አዋይ አይለታ ፄግድ፥ ‘ኤለስድ ኡባፈ ሎኦ ግድዳ ማኦ ኤህድ እያ ማይዝተ፤ እያ ብራን ሳጋዮ፥ እያ ቶሆን ጫማ አተ። 
\v 23 ሞ ጋታርመን ኤህድ ሹክተ፥ ሞስ፥ ኡፋይቶስ። 
\v 24 ታ ናአይ ሀይስ ሀይቅስ፥ ሽን ሀእ ፓፅስ፤ ይስ፥ ሽን በንትስ’ ያግስ። ሄሳፈ ጉየ፥ ኡፋይስ ዶምዶሶና።
\p
\v 25 “ሄ ዎደ ባይራ ናአይ ጎሻ ጋደን ደኤስ። ያፐ ይሸ ሶ ማትሽን የነ ጉፋ ግርስ ስእስ። 
\v 26 እ፥ አይለታፐ እሱዋ ፄግድ ሀንያባይ አይበኮ ኤራናዉ ኦይችስ። 
\v 27 አይለይ፥ ‘ነ እሻይ ሳሮ ይዳ ግሾ ነ አዋይ ሞ ጋታርመን እያዉ ሹክስ’ ያግስ።
\p
\v 28 “ባይራ እሻይ ይሎትድ ሶ ገላናዉካ ኮይቤና። አዋይ ካረ ከይድ ሶ ገላና መላ እያ ዎስስ። 
\v 29 ሽን እ ባ አዋኮ፥ ‘ሄኮ፥ ሀይሳ መላ ላይ ታ ነዉ አይለታዳ ነ ኪታፐ እሱዋካ ፓጭሶና ነዉ ኪተትን፥ ታኒ ታ ላገታራ ኡፋይታና መላ ሀር አቶሽን እስ ላቃ ዴሸ እማባካ። 
\v 30 ሀኖሽን፥ ሀይስ ነ ናአይ ነ ሻሉዋ ላይማታራ ይስድ ይን፥ ሞ ጋታርመን ሹካዳሳ’ ” ያግስ።
\p
\v 31 “አዋይካ፥ ‘ታ ናአዉ፥ ኔኒ ኡባ ዎደ ታራ ደኣሳ፥ ታባ ኡባይ ኔሳ። 
\v 32 ሀይስ ነ እሻይ ሀይቅስ፥ ሽን ፓፅስ፤ ይስ፥ ሽን በንትስ። ሄሳ ግሾ፥ ዳሮ ኡፋይታናዉ በሴስ’ ያጋና” ያግስ።
\c 16
\s1 አማነቶና ሹማ ሌምሶ
\p
\v 1 የሱሲ ባ ታማረታኮ፥ “እስ ዱረ ኡራስ እያፐ ጋርሳራ እስ ሹም ደኤስ። ሄ ሹማይ ባ ጎዳ ሻሉዋ ቶቼስ ግያ ዎረይ ኬ አዋ ጋክስ። 
\v 2 ኬ አዋይ ሹማ ፄግስድ፥ ‘ታኒ ዎይግያባ ስአድና? ህዛፐ ኔኒ ታ ኬስ ሹማ ግዳዳ ኦናዉ ዳንዳኦና ግሾ፥ ታ ሻሉዋ ታዉ ሼ’ ያግስ።
\p
\v 3 “ሄ ሹማይ ባ ዎዛናን ሀይሳዳ ያግድ ቆፕስ፦ ‘ታ ጎዳይ ታና ሹማተፈ ዎና ሀኔስ፥ ጎያ አቃናዉ ዎልቅ ባዋ፥ ዎሳ ማናዉ ዬላዬስ፤ ያትን ታ ዋኖ? 
\v 4 ሹማተፈ ታ ዎያ ዎደ አሳይ ታና ሞካና መላ ኦናባ ታ ኤራይስ’ ያግስ።
\p
\v 5 “ሄሳ ግሾ፥ እያ ጎዳ አጮይ ደእያ አሳ እሱዋ እሱዋ ፄግ ኤህድ ኮይሮ ኡራኮ፥ ‘ነ ቦላ ታ ጎዳ አጮይ አይ መል ደኢ?’ ያግድ ኦይችስ።
\p
\v 6 “እ፥ ‘ላታሙ ባርሜለ ዛይተ አጮይ ደኤስ’ ያግስ።
\p “ሹማይ፥ ‘ዉለ ዋርቃትያ ሄኤ፥ ኤለሳዳ፥ ታሙ ባርሜለ ዛይተ አጮይ ደኤስ ጋዳ ፃፋ’ ያግስ።
\p
\v 7 “ሄሳፈ ካልድ ናምአንዋኮ፥ ‘ነዉ አፑን ደኢ?’ ያግስ።
\p “እ፥ ‘ሄ ፄታነ ላፑን ታሙ ኩንታለ ግስተ አጮይ ደኤስ’ ያግስ።
\p “ሹማይ፥ ‘ነ ዉለ ዋርቃትያ ሄኤ፥ ኤለሳዳ፥ 296 ኩንታለ ያጋዳ ፃፋ’ ያግስ። 
\v 8 ኬ አዋይ አማነትቦና ሹማ እያ ጭንጫተስ ናሽስ። ሀ አላምያ ናይት አሰ ኦይን ፖኦ ናይታፐ አዳ ዎዛናማታ።
\p
\v 9 “ሄሳ ግሾ፥ ታ ህንተዉ ኦዳይስ፤ ሀ አላምያ ሚሸይ ዉርያ ዎደ መርና ኬን ሞከታና መላ ሀ ሚሽያራ ህንተዉ ላገታ ሻምተ። 
\v 10 ኡባፈ ጉባን አማነትዳይ ዳሮባን አማነትዳይሳ ግዴስ። ቃስ ኡባፈ ጉባን አማነቶናይስ ዳሮባን አማነተና። 
\v 11 ህዛ፥ ሀ አላመ ሚሸን ህንተ አማነቶና እፅኮ፥ ቱማ ሚሸ ህንተዉ ኦን ሀዳራ እማኔ? 
\v 12 ህንተ ሀራ አሳ ሚሸን አማነቶና እፅኮ፥ ህንተ ቡዞ ሚሸ ህንተዉ ኦን እማኔ?
\p
\v 13 “እስ አይለይ ናምኡ ጎዳታስ ሃረታናዉ ዳንዳኤና። እሱዋ እፅኮ ሀንኩዋ ዶሴስ ዎይኮ እሱዋኮ ሺቅኮ ሀንኩዋ ካስ። ሄሳዳካ፥ ህንተ ፆሳስነ ሚሸስ ሃረታናዉ ዳንዳኤከታ።”\x - \xo 16:13 \xo*\xt ማቶ 6:24.\xt*\x*
\p
\v 14 ሚሸ ዶስያ ፋርሳወት ሄሳ ስእዳ ዎደ የሱሳ ቀልቅስዶሶና። 
\v 15 እ፥ “ህንተ፥ ህንተና አሳ ስንን ፅልሴታ፥ ሽን ፆሳይ ህንተ ዎዛና ኤሬስ። አሳ ስንን ቦንቸትዳይስ ፆሳ ስንን ቦረትዳይሳ።
\p
\v 16 “ሙሰ ህገይነ ናበታ ኪታይ ዮሃንሳ ጋካናዉ ህንተዉ ኦደትሸ ጋምእስ። ሄሳፈ ጉየ፥ ፆሳ ካዎተ ዎንገላይ ሳባከትሸ ጋምእስ። አስ ኡባይ ያ ገላናዉ ዳፈቴስ።\x - \xo 16:16 \xo*\xt ማቶ 11:12-13.\xt*\x* 
\v 17 ግዶሽን፥ ህግያፈ እስ ላፋ ፕዳለይ አታናፐ ሳሎይነ ሳእ አይስ ካዉዬስ።\x - \xo 16:17 \xo*\xt ማቶ 5:18.\xt*\x*
\p
\v 18 “ባ ማችዉ የድድ ሀራ ኤክያ ኡባይ ላሜስ። ባ አዝናፐ አንጀትዳሮ ኤከይስካ ላሜስ” ያግስ።\x - \xo 16:18 \xo*\xt ማቶ 5:32፤ 2 ቆሮ 7:10-11.\xt*\x*
\s1 ዱረ ኡራነ አላዛራ
\p
\v 19 “አልኦነ አሌቆ አፍላ ማእያ፥ ሳእ እንጀትን ጋላስ ጋላስ ኡፋይሳን ደእያ እስ ዱረ አስ ደኤስ። 
\v 20 ሀር ቃስ አሳተይ ኩመ ማዱንፅዳ እስ አላዛራ ጌተትያ ማንቆይ ሄ ዱረ ኡራ ካረን የገትድ አትዳይስ ደኤስ። 
\v 21 ኮሻፐ ደንዶይሳን ዱረ ኡራ ጋይታፐ ዎያ ቲፍያ ማናዉ አሞትሸ ደኤስ። ሀር አቶሽን፥ ካናት ይድ እያ ማዱን ላጮሶና።
\p
\v 22 “ሄ ማንቆይ ሀይቅስ፤ ኪታንቾት እያ አብራሃመ ክኦ ኤፍዶሶና። ቃስ ዱረ ኡራይካ ሀይቅድ ሞገትስ። 
\v 23 ስኦለን ኡንኤትድ ደእሸ ቁ ግድ ሃሆን አብራሃመነ እያ ክኦን ደእያ አላዛራ በእስ። 
\v 24 እ፥ ‘አዋዉ አብራሃመ፥ ታዉ ቃታርክ፤ ሀ ታማ ላጮን ኡንኤታዳ ደእያ ግሾ አላዛር ባ ብራያ ሃን የድድ ታ እንፃርሳ ላኮና መላ ሀያና እያ የዳርክ’ ያግድ ዋስስ።
\p
\v 25 “ሽን አብራሃመይ እያኮ፥ ‘ታ ናአዉ፥ ነ ሳአን ደእያ ዎደ ሎኦባታ ኤክዳይሳ፥ ቃስ አላዛር ኢታባታ ኤክዳይሳ አኬካ። ሽን ሀእ እ ሀይሳን ኡፋይቴስ፥ ቃስ ኔኒ ዋየታሸ ደኣሳ’ ያግስ። 
\v 26 ሀ ኡባፈ አድ፥ ‘ሃፐ ህንተኮ፥ ህንፐ ሃ ኑኮ አናዉ ኮየይሳት ፕኖና መላ ኑስነ ህንተዉ ግዶን ግታ አፎይ ደኤስ’ ያግስ።
\p
\v 27 “ዱረ ኡራይ፥ ‘አዋዉ፥ ያኮ አላዛራ ታ አዋ ሶ ኪታና መላ ታ ነና ዎሳይስ። 
\v 28 ታዉ እቻሹ እሻት ደእዶሶና፥ ኤንትካ ሀ ዋየ በሳ ዮና መላ ኤንታዉ ብድ ማርካቶ’ ያግስ።
\p
\v 29 “ሽን አብራሃመይ፥ ‘ኤንታዉ ሙሰራነ ናበታራ ደኦሶና፤ ኤንቲ ኦድያባ ስኦና’ ያግስ።
\p
\v 30 “ዱረ ኡራይ፥ ‘አዋዉ አብራሃመ፥ ሄሳ ግደና፤ እስ አስ ሀይቆፐ ደንድድ ቢኮ ኤንቲ ማሮታን ገላና’ ያግስ።
\p
\v 31 “አብራሃመይ፥ ‘ሙሰነ ናበታ ስኦና እፅኮ፥ ሀር አቶሽን ሀይቆፐ እስ አስ ደንድ ኦድኮካ አማኖኮና’ ያግስ።”
\c 17
\s1 ኦይሽሲያ አዋተ
\p
\v 1 የሱሲ ባ ታማረታኮ፥ “አሰ በድ ናጋራን ገልስያባይ ዮና አገና። ግዶሽን፥ ናጋራን ገላና መላ ኦያ ኡራ አየ!” ያግስ። 
\v 2 ሄ ኡራይ ካሎታፐ እሱዋ ባለናፐ ዎፃ ባ ቆን ቃችድ አባን ዉልኮ እያዉ ሎኦ። 
\v 3 ሄሳ ግሾ ናገትተ።\x - \xo 17:3 \xo*\xt ማቶ 18:15.\xt*\x*
\p “ነ እሻይ ናጋራ ኦኮ ሀንቀታ፤ ቂሮትድ ማሮተን ስምኮ፥ እያዉ አቶ ያጋ። 
\v 4 እስ ጋላሳን ላፑን ቶሆ ቆህድ፥ ላፑን ቶሆ፥ ‘ታኒ ታ ናጋራ ኤራስ ታና ማራ’ ያግድ ኔኮ ዪኮ እያዉ አቶ ጋ።”
\p
\v 5 ሀዋረት ጎዳኮ፥ “አማኖ ኑስ ጉጃርክ” ያግዶሶና።
\p
\v 6 ጎዳይ፥ “ጋሸ አይፈ መላ አማኖይ ህንተዉ ደእኮ ‘ሀይሳ ዎላ ሾደታዳ አባ ግዶን ቶከታ’ ያግኮ ህንተዉ ኪተታና” ያግስ።
\p
\v 7 ጉጅድካ የሱሲ፥ “ህንተ ግዶፈ እሱዋስ ጎሻንቾይ ዎይኮ ዶርሰ ሄምያ አይለይ ደእኮ ኦሶ ጋደፐ ዎይኮ ዉደፐ ሶ ስምያ ዎደ፥ ‘ኤለ ሃያዳ ካ ማናዉ ኡታ’ ያገይ ደኢ? 
\v 8 ዴና፥ ‘ታዉ ካሆ ጊግሳ፤ ታኒ ማዳ፥ ኡያዳ አጋና ጋካናዉ ኤቃዳ ሙዛ። ሄሳፈ ጉየ፥ ኔኒ ቃስ ማሳነ ኡያሳ’ ያገነዬ? 
\v 9 ህዛ፥ ጎዳይ፥ አይለይ ኪታ ፖልዳ ግሾ አንጅዬ? 
\v 10 ሄሳ ግሾ፥ ህንተካ ኪተቶይሳ ኡባ ፖልዳ ዎደ፥ ‘ኑ ፓና አይለታ፤ ኦናዉ በሲያ ኦሱዋ ፖልዳ’ ያግተ” ያግስ።
\s1 ባሮ ሀርገፈ ጌይዳ ታሙ አሳታ
\p
\v 11 የሱሲ የሩሳላመ ብሸ ሳማርስነ ጋልላስ ግዶራ ካንድ አስ። 
\v 12 እስ ጉታ ገልያ ዎደ ባሮ ሀርገን ኦይከትዳ ታሙ አሳት እያ ደምዶሶና። ኤንትካ ሃሆን ኤቅድ፥ 
\v 13 “ጎዳ የሱሳ፥ ኑስ ቃታርክ” ያግድ ዋስዶሶና።
\p
\v 14 እ ኤንታ በእዳ ዎደ፥ “ብድ ህንተናተ አይሁደ ካህነ በስተ” ያግስ። ኤንቲ ኦግያ ቦላ ብሸ ፓፅዶሶና።\x - \xo 17:14 \xo*\xt ሌወ 14:1-32.\xt*\x*
\p
\v 15 ኤንታፈ እሶይ ባ ፓፁዋ በእዳ ዎደ ቁ ግዳ ቃላን ፆሳ ቦንችሸ የሱሳኮ ስምስ። 
\v 16 እ፥ ሳማረ ቢታ አስ፥ ሽን የሱሳ ቶሆ ቦላ ጉፋንድ እያ ጋላትስ።
\p
\v 17 የሱሲ፥ “ፓፅዳይ ታሙ አሳታ ግዶኮናዬ? ያትን፥ ኡዱፉናት አዉ ብዶና? 
\v 18 ሀ አላጋ ኡራፐ\f + \fr 17:18 \fr*\fq ሀ አላጋ ኡራፐ፦ \fq*\ft ባሮ ሀርግያፈ ፓፅዳ ኡራይ አላጋ ጌተትዳይ እ አይሁደ ግዶና ግሾሳ።\ft*\f* አትሽን፥ ሀር ስሚድ ፆሳ ጋላተይ ዴና ጉሰዬ?” ያግድ ኦይችስ። 
\v 19 ኡራኮ፥ “ነ አማኖይ ነና ፓስ፤ ደንዳዳ ባ” ያግስ።
\s1 ፆሳ ካዎተ ዩሳ
\r (ማቶ 24:23-28፥ 37-41)
\p
\v 20 ፋርሳወት፥ “ፆሳ ካዎተይ አዉደ ያኔ?” ግድ የሱሳ ኦይችዶሶና። እ፥ “ፆሳ ካዎተይ በንትያ ማላን ዬና። 
\v 21 ቃስካ እያ፥ ‘ሀንና ዎይኮ ህንና ያጋናዉ ዳንዳኤና። አይስ ጊኮ፥ ፆሳ ካዎተይ ህንተ ግዶን ደኤስ’ ” ያግድ ዛርስ።
\p
\v 22 የሱሲ ባ ታማረታኮ፥ “አሳ ናአ ጋላሳታፐ እሱዋ በአናዉ ህንተ አሞትያ ዎደይ ያና፥ ሽን ህንተ በኤከታ። 
\v 23 አሳይ፥ ‘እ ያን ደኤስ’ ዎይኮ፥ ‘ሀይሳን ደኤስ’ ያጋና፥ ሽን ኤንታና ካልድ ቦፕተ። 
\v 24 ዎልአን ዎልአምድ ሳሎ ጋፃፐ ጋፃ ፖእስያ መላ አሳ ናኣ ዩሳ ጋላሳይ ሄሳዳ ሀናና። 
\v 25 ሽን ሄስ ሀናናፐ ስን አሳ ናአይ ዳሮ ዋያናዉነ ሀ የለተን እፀታናዉ በሴስ። 
\v 26 ኖሄ ዎደ ሀንዳይሳ መላ አሳ ናአ ዎደን ሄሳዳ ሀናና።\x - \xo 17:26 \xo*\xt መ 6:5-8.\xt*\x* 
\v 27 ኖሄይ ማርካብያን ገልዳ ቃማ ጋካናዉ አሳይ ምሸነ ኡይሸ፥ ኤክሸነ ገልሸ ደእሽን ዮ ሃይ ይድ ኡባ ይስስ።\x - \xo 17:27 \xo*\xt መ 7:6-24.\xt*\x* 
\v 28 ሎፀ ላይንካ ሄሳ ሀንስ። አሳይ ምሸነ ኡይሸ፥ ሻምሸነ ባይዝሸ፥ ቶክሸነ ኬፅሸ፥ ጋምእዶሶና።\x - \xo 17:28 \xo*\xt መ 18:20—19:25.\xt*\x* 
\v 29 ሎፀይ ሶዶመፐ ከይዳ ጋላስ ዲነ ጌተትያ ፁግያባይ ሳሎፐ ቡክድ ኡባ ይስስ። 
\v 30 አሳ ናአይ ቆንጭያ ዎደካ ሄሳዳ ሀናና።
\p
\v 31 “ሄ ጋላሳን ካረን ደእያ ኦንካ ኬ ግዶን ደእያባ ኤካናዉ ሶ ገሎፖ። ሄሳዳካ፥ ጋደን ደእያ አስ አይኮስካ ሶ ስሞፎ።\x - \xo 17:31 \xo*\xt ማቶ 24:17-18፤ ማር 13:15-16.\xt*\x* 
\v 32 ሎፀ ማችዉ አኬክተ፤\x - \xo 17:32 \xo*\xt መ 19:26.\xt*\x* 
\v 33 ባ ሸምፕዉ አሻናዉ ኮይያ አስ ኦንካ ይሳና፤ ባ ሸምፕዉ አድ እምያ ኦንካ እ አሻና።\x - \xo 17:33 \xo*\xt ማቶ 10:39፤ 16:25፤ ማር 8:35፤ ሉቃ 9:24፤ ዮሀ 12:25.\xt*\x* 
\v 34 ታ ህንተዉ ኦዳይስ፤ ሄ ጋላሳን ናምኡ አሳት እስ አርሳን ዝንአና፤ እሶይ ኤከታና፥ ሀንኮይ አታና። 
\v 35 ናምኡ ማጫሳት ዎላ ጋጭሽን ኢስያ ኤከታና፥ ሀንክያ አታና። 
\v 36 ናምኡ አሳት ዎላ ጋደን ጎየይሳታፐ እሶይ ኤከታና፥ ሀንኮይ አታና”\f + \fr 17:36 \fr*\ft እስ እስ ማፃፋታን ፓይዶ 36 ዴና።\ft*\f* ያግስ።
\p
\v 37 ኤንቲ፥ “ጎዳዉ አዉ ኤከታኔ?” ያግድ ኦይችዶሶና።
\p እ፥ “ባዉት ደእያ በሳን አንኮት ሺቆሶና” ያግስ።
\c 18
\s1 አምኤ ዎሳ ሌምሶ
\p
\v 1 የሱሲ ባ ታማረታ አዛሎና ኡባ ዎደ ዎሳና መላ ታማርሳናዉ ኮይድ ያግድ ሌምሶ ኦድስ፦ 
\v 2 “እስ ካታማን ፆሳስ ያሸቶና፥ አሳስ ዬላቶና እስ ዳይን ደኤስ 
\v 3 ሄ ካታማን እስ አምእያ ደአዉሱ። እያካ፥ ‘ታ ግዶንነ ታ ሞርክያ ግዶን ደእያ ሞቱዋ ፕርዳ’ ያጋዳ ኡባ ዎደ ሄ ዳይናኮ ስመረታዉሱ። 
\v 4 ዳይናይ ጉ ዎደስ እ ኦዳ ስኦና እፅስ፥ ሽን ጉየፐ ባ ዎዛናን፥ ‘ታኒ ፆሳስ ያዮና፥ አሳስ ዬላቶና እፅኮካ፥ 
\v 5 ሀ አምእያ ታና ዋይስያ ግሾ እዉ ፕርዳና፤ ያቶና እፅኮ ኡባ ዎደ ያዳ ታና ሳለና’ ” ያግድ ቆፕስ።
\p
\v 6 ጎዳይካ፥ “ጌላ ዳይናይ ግዳይሳ ስእደታ፤ 
\v 7 ፆሳይ ቃማነ ጋላስ እያኮ ዋስያ ባ ዶርዳይሳታስ ፕርደነዬ? ኤንታና ማዳናዉ ጋምእዬ? 
\v 8 ታ ህንተዉ ኦደይሳ ስእተ፥ ኤለስድ ፕርዳና። ግዶሽን፥ አሳ ናእ ያ ዎደ ሳአ ቦላ አማኖ ደማንደሻ?” ያግስ።
\s1 ፋርሳውያነ ቃራፃ ቃንፅስያ ኡራ
\p
\v 9 ቃስ ዛሪድ፥ የሱሲ፥ ባንታና ፅሎ አሳዳ ኦድ ጬቀተይሳታስነ ሀራታ ካይሳታስ ሀይሳዳ ያግድ ሌምሶ ኦድስ፦ 
\v 10 “ናምኡ አሳት ዎሳናዉ ፆሳ ኬ ብዶሶና። እሶይ ፋርሳወ ሀንኮይ ቃስ ቃራፃ ቃንፅስያ አስ። 
\v 11 ፋርሳወይ ኤቅድ ባዉ ዎስሸ፥ ‘ፆሳዉ ታኒ ሀራታ መላ ቦንቃንቾ፥ ጌላነ ላይማትያ አስ፥ አዳ ቃስ ሀ ቃራፃ ቃንፅስያ ኡራ መላ ግዶና ግሾ ነና ጋላታይስ። 
\v 12 ሳምንታፈ ናምኡ ቶሆ ፆማይስ፥ ታ ደምያባ ኡባፈ አስራታ ከሳይስ’ ያግስ።
\p
\v 13 “ሽን ቃራፃ ቃንፅሰይስ ሃሆን ኤቅድ ሀር አቶሽን ሳሎ ቁ ግድ ፄላናዉካ ያይድ ባ ትራ እጭሸ ‘ፆሳዉ፥ ታና ናጋራንቹዋ ማራርክ’ ግድ ዎስስ።\x - \xo 18:13 \xo*\xt ማቶ 23:12፤ ሉቃ 14:11.\xt*\x* 
\v 14 ታ ህንተዉ ኦደይሳ ስእተ፤ ፋርሳውያፐ ሀይስ ቃራፃ ቃንፅሰይስ ፆሳ ስንን ፅሎ ግድድ ባ ሶ ስምስ። አይስ ጊኮ፥ ባና ቁ ቁ ኦያ አስ ካዉያና፥ ባና ካዉሽያ አስ ቁ ቁ ጋና” ያግስ።
\s1 የሱሳነ ዮጋ ናይታ
\r (ማቶ 19:13-30፤ ማር 10:13-31)
\p
\v 15 የሱሲ ዮጋ ናይታ ቦላ ባ ኩሽያ ዎድ አንጃና መላ አሳይ እያኮ ኤሆሶና። የሱሳ ታማረት ሄሳ በእድ “አይስ የሱሳኮ ኤሄቲ?” ያግድ ካጭዶሶና። 
\v 16 ሽን የሱሲ ናይታ ባኮ ፄግድ፥ “ዮጋ ናይት ታኮ ያናይሳ ድጎፍተ፤ ዮ ጊተ። አይስ ጊኮ፥ ፆሳ ካዎተይ ኤንታዳ ሀንዳይሳታሳ። 
\v 17 ታኒ ህንተዉ ቱማ ኦዳይስ፤ ፆሳ ካዎተ ዮጋ ናይታ ኤኮናይ ኦንካ ያ ገለና” ያግስ።
\s1 ዱረ ኡራ ኦይሻ
\r (ማቶ 19:16-30፤ ማር 10:17-31)
\p
\v 18 አይሁደ ሀላቃታፐ እሶይ፥ “ኬሀ አስታማርያዉ፥ መርና ደኦ ደማናዉ አይ ኦ?” ያግድ ኦይችስ።
\p
\v 19 የሱሲ እያኮ፥ “አይስ ታና ኬሀዉ ያጋዳ ፄጋይ? እስ ፆሳፈ አትሽን፥ ሀር ኬህ ባዋ። 
\v 20 ላሞፋ፥ ዎፓ፥ ካይሶቶፓ፥ ዎርዶ ማርካቶፋ፥ ነ አዋነ ነ አይዉ ቦንቻ” ግያ ኪታ ኤራይ ግድ ኦይችስ።\x - \xo 18:20 \xo*\xt ከሳ 20:12-16፤ ዛረ 5:16-20.\xt*\x*
\p
\v 21 ኡራይካ፥ “ሄሳታ ኡባ ታኒ ናአተፈ ዶማዳ ናጋሸ ጋምአስ” ያግስ።
\p
\v 22 የሱሲ ሄሳ ስእዳ ዎደ፥ “ህዛ፥ ነዉ እስባይ ፓጬስ፤ ነዉ ደእያባ ኡባ ባይዛዳ ማንቆታስ እማ፤ ሳሎን ነና ሻሎይ ናጌስ። ያታ ስማዳ፥ ታና ካላ” ያግስ። 
\v 23 ሽን ኡራይ ሄሳ ስእዳ ዎደ እያዉ ዳሮ ሻሎይ ደእያ ግሾ ዳሮ ቂሮትስ።
\p
\v 24 የሱሲ ኡራ በእድ፥ “ዱረ አሳስ ፆሳ ካዎተ ገሎይ ዋንድ ኡንአንደሻ? 
\v 25 ዱረይ ፆሳ ካዎተ ገላናይሳፈ ግማለይ ናርፐ ሉሆራ ካንይስ ካዉዬስ” ያግስ።
\p
\v 26 ሄሳ ስእዳ አሳይ፥ “ሄሳ ግድኮ ኦን አታኔ?” ያግዶሶና።
\p
\v 27 የሱሲ፥ “አሳስ ዳንዳኤቶናባይ ፆሳስ ዳንዳኤቴስ” ያግስ።
\p
\v 28 ጰፅሮስ፥ “ሄኮ ኑኒ ኑባ ኡባ አግድ ነና ካልዳ” ያግስ።
\p
\v 29 “የሱሲ ቱማ ታ ህንተዉ ኦዳይስ፤ ፆሳ ካዎተስ ግድ ባ ኬ ዎይኮ ባ ማችዉ ዎይኮ ባ እሻታ ዎይኮ ባ አዋነ ባ አይዉ ዎይኮ ባ ናይታ አግዳይ፤ 
\v 30 ሀ ዎድያን ዳኮ ዳሮ፥ ያና አላመን መርና ደኦ ኤኮናይ ኦንካ ባዋ” ያግስ።
\s1 የሱሲ ባ ሀይቁዋባ ሄን ኦድስ
\r (ማቶ 20:17-19፤ ማር 10:32-34)
\p
\v 31 የሱሲ ታማነ ናምአታ ባኮ ፄግድ፥ “አነ የሩሳላመ ቦስ፥ ናበት አሳ ናአባ ፃፍዳባ ኡባይ ያን ፖለታና። 
\v 32 እ አይሁደ ግዶና አሳስ አድ እመታና። ኤንቲ እያ ቶቻና፥ ጫያናነ እያ ቦላ ጩታና። 
\v 33 እያ ጋራፍዳፐ ጉየ፥ ዎና፥ ሽን ሄን ጋላሳን እ ሀይቆፐ ደንዳና” ያግስ።
\p
\v 34 ሽን እያ ታማረት ሄ ኡባፈ እስባካ አኬክቦኮና። እያ ፁራይ ኤንታዉ ቆሰትዳ ግሾ እ ዎይግዳኮ ኤርቦኮና።
\s1 ቆቀይ ፄልስ
\r (ማቶ 20:29-34፤ ማር 10:46-52)
\p
\v 35 የሱሲ እያርኮ ማትያ ዎደ እስ ቆቀ ኡራይ ኦገ ጋፃን ኡትድ ዎሴስ። 
\v 36 ቆቀ ኡራይ አሳይ ሄ በሳራ አሽን ስእድ፥ “እ አይቤ?” ግድ ኦይችስ። 
\v 37 ኤንቲ፥ “ናዝረተ የሱሲ ሀይሳራ አስ” ያግዶሶና።
\p
\v 38 እ፥ “ዳዊታ ናአዉ፥ የሱሳ፥ ታና ማራርክ” ያግድ ዋስስ።
\p
\v 39 ስን ስን ብያ አሳት፥ “ስእ ጋ” ግድ ሀንቀትዶሶና። ሽን እ፥ “ዳዊታ ናአዉ፥ ታና ማራ” ያግድ ዳርስድ ዋስስ።
\p
\v 40 የሱሲ ኤቅድ ኡራ ባኮ ኤሀና መላ ኪትስ። ኡራይካ፥ እያኮ ሺቅን፥ 
\v 41 “ታ ነዉ አይ ኦና መላ ኮያይ?” ያግድ ኦይችስ።
\p ቆቀይ፥ “ጎዳዉ ታ ፄላናዉ ኮያይስ” ያግስ።
\p
\v 42 የሱሲ፥ “ፄላ፥ ነ አማኖይ ነና ፓስ” ያግስ። 
\v 43 ኡራይ ኤለስድ ፄል አግስ። ፆሳ ቦንችሸ የሱሳ ካልስ። አሳ ኡባይ ሄሳ በእድ ፆሰ ጋላትዶሶና።
\c 19
\s1 ቃራፃ ቃንፅስያ ዛክዮሳ
\p
\v 1 የሱሲ እያርኮ ገልድ አስ። 
\v 2 ያን ዛክዮሳ ጌተትያ ቃራፃ ቃንፅሰይሳታ ሀላቃይ ደኤስ። እ ዳሮ ዱረ። 
\v 3 እ የሱሲ ኦነኮ በአናዉ ኮይስ። እ ቃን ግድያ ግሾ አሳ ዳሮተፈ ደንዶይሳን የሱሳ በአናዉ ዳንዳእቤና። 
\v 4 የሱሳ በአናዉ ኮይድ እ ብያ ኦግያስ ስን ዎፅ ብድ እስ ቦባ ም ቦላ ከይስ።
\p
\v 5 የሱሲ ሄ በሳ ጋክሸ ቁ ግድ በእድ፥ “ዛክዮሳ፥ ሀች ታ ነ ሶን ፔአናዉ በሲያ ግሾ ኤለ ዎ” ያግስ። 
\v 6 እ ኤለስ ዎድ ኡፋይሳን የሱሳ ሞክስ።
\p
\v 7 ሄ በሳን ደእያ አሳ ኡባይ ሄሳ በእድ፥ “ናጋራንቹዋ ሶ ገልድ ሞከታንዉ ሀኔስ” ያግድ ዙዙምዶሶና። 
\v 8 ግዶሽን፥ ዛክዮስ ኤቅድ ጎዳኮ፥ “ጎዳዉ፥ ሄኮ ታዉ ደእያ ሻሎ ኡባፈ ባጋ ማንቆታስ እማና። አሳፐ አይባካ ዎርዶን ባለዳ ኤክዳባ ግድኮ ኦይዱ ኩሸ ዛራና” ያግስ።
\p
\v 9 የሱሲ ቃስ፥ “ሀ ኡራይ አብራሃመ ናአ ግድዳ ግሾ ሀች አቶተይ ሀ ሶ ይስ። 
\v 10 አሳ ናአይ ይዳይ ይዳይሳ ኮያናሳነ አሻናሳ” ያግስ።\x - \xo 19:10 \xo*\xt ማቶ 18:10.\xt*\x*
\s1 ታሙ ምናነ ሌምሶ
\r (ማቶ 25:14-30)
\p
\v 11 አሳይ ሄሳ ስእያ ዎደ፥ የሱሲ የሩሳላመ ማታትዳ ግሾነ ፆሳ ካዎተይ ሀእ ማታራ ቆንጫና ዳንዳ ግሾ ኤንታዉ ሌምሶ ኦድስ።\x - \xo 19:11 \xo*\xt ማቶ 25:14-30.\xt*\x* 
\v 12 ሄሳ ግሾ፥ የሱሲ፥ “እስ ግታ አስ ደኤይስ ባዉ ካዎተ ኤክድ ያናዉ ሀራ ቢታ ብስ። 
\v 13 እያዉ ኦያ አይለታፐ ታማታ ፄግድ እሱዋስ እሱዋስ ታሙ ምናነ\f + \fr 19:13 \fr*\fk ምናነ፦ \fk*\ft ምናነይ ግርከ ዶና። እስ ምናነይ እስ ጋላሳ ኦሳንቾስ ሄ አጌና ዳሞዘ ግዴስ።\ft*\f* እምድ ‘ታ ስማዳ ያና ጋካናዉ ሀ ሚሽያራ ዛልእተ’ ያግስ።
\p
\v 14 “ሄ ቢታ አሳይ እያ እፅያ ግሾ፥ ሀ ኡራይ ኑ ቦላ ካዎታና መላ ኑ ኮዮኮ ያግድ አሰ እያ ጉየራ ኪትዶሶና።
\p
\v 15 “ግዶሽን፥ ሄ ኡራይ ካዎ ግድድ ባ ቢታ ስምስ። ሄ ታሙ አይለት እ እምዳ ሚሽያን አይ መላ ዛልእድ ዎስዳኮ ኤራናዉ ኮይድ ኤንታና ፄግስስ።
\p
\v 16 “ኮይሮይስ ይድ፥ ‘ጎዳዉ፥ ነ ታዉ እምዳ ሚሸይ ሀራ ታማ ዎስ’ ያግስ።
\p
\v 17 “እያ ጎዳይ፥ ‘ነኖ አማነትዳ አይልያዉ ሎኦ ኦዳሳ። ኔኒ ጉባን አማነትዳ ግሾ ነዉ ታሙ ካታማታ ቦላ ማታ እማስ’ ያግስ።
\p
\v 18 “ናምአንይ ይድ፥ ‘ጎዳዉ፥ ነ ታዉ እምዳ ሚሸይ ሀራ እቻሻ ዎስ’ ያግስ።
\p
\v 19 “ጎዳይ እያኮ፥ ‘ነዉካ ቃስ እቻሹ ካታማታ ቦላ ማታ እማስ’ ያግስ።
\p
\v 20 “ሄኮ ሄንይ ይድ፥ ‘ጎዳዉ፥ ታ ጩርቃን ፃፃዳ ናግዳ ነ ሚሽያ ሀናሹ። 
\v 21 አይስ ጊኮ፥ ኔኒ ነባ ግዶናባ ኤከይሳነ ነ ዘሮናባ ጫክያ ኢታ አስ ግድያ ግሾ ነዉ ያያስ’ ያግስ።
\p
\v 22 “እያ ጎዳይ ዛሪድ፥ ‘ነኖ ኢታ አይልያዉ ነ ዶና ታ ነና ፕርዳና። ታ ዎናባ ኤከይሳነ ዘሮናባ ጫክያ አስ ግደይሳ ነ ኤርኮ፥ 
\v 23 ታ ያዳ ታ ሚሽያ ዎራ ኤካና መላ ዛልእያ አሳስ አይስ እማብኪ?’
\p
\v 24 “እያ ጎዳይ ሄ በሳን ኤቅዳይሳታኮ፥ ‘እያራ ደእያ ሚሽያ ኤክድ ታማ ዎስዳይሳስ እምተ’ ያግስ።
\p
\v 25 “ኤንቲ፥ ‘ጎዳዉ፥ እያዉ ካሰካ ታሙ ምናነይ ደኤስ’ ያግዶሶና።
\p
\v 26 “ጎዳይ፥ ታ ህንተዉ ኦዳይስ፤ ‘ደእያ ኡባስ ሀር ጉዠታና፥ ሽን ባይናይሳፈ ሀራይ አቶ እያዉ ደእያራካ ኤከታና።\x - \xo 19:26 \xo*\xt ማቶ 13:12፤ ማር 4:25፤ ሉቃ 8:18.\xt*\x* 
\v 27 ግዶሽን፥ ታ ኤንታ ቦላ ካዎቶና መላ ኮይዳይሳታ ሄ ታ ሞርከታ ሀ ታ ስን ኤህድ ጎራዕተ’ ግስ” ያግስ።\x - \xo 19:27 \xo*\xt ማቶ 25:14-30.\xt*\x*
\s1 ግታ ቦንቾን የሩሳላመ ገሉዋ
\r (ማቶ 21:1-11፤ ማር 11:1-11፤ ዮሀ 12:12-19)
\p
\v 28 የሱሲ ሄሳ ኦድዳፐ ጉየ፥ ኤንታፈ ስን ሄመትድ የሩሳላመ ብስ። 
\v 29 ሻማሆ ዙማ\f + \fr 19:29 \fr*\fq ሻማሆ ዙማ፦ \fq*\ft ሻማሆይ ዳሮ ዶልያ ዙማ ጉሱ።\ft*\f* ቦላ ደእያ ቤተፋገነ ብታነ ማትዳ ዎደ ባ ታማረታፐ ናምአታ ኪትድ፥ 
\v 30 “ህንተ ስንን ደእያ ጉታ ቢተ፥ ህንተ ያ ጋክያ ዎደ ኦንካ ቶጎና ቃሸትድ ደእያ ሀረ ማር ደማና። እያ ብልድ ሃ ኤክ ዪተ። 
\v 31 ኦንካ፥ ‘አይስ ብሌቲ?’ ግድ ኦይችኮ፥ ‘ጎዳይ እያ ኮዬስ’ ያግተ” ያግስ።
\p
\v 32 ኪተትዳይሳት ብድ እ ግዳይሳዳ ሀንን በእዶሶና። 
\v 33 ኤንቲ ሀረ ማራ ብልሽን ጎዳት በእድ፥ “ሀረ ማራ አይስ ብሌቲ?” ያግዶሶና።
\p
\v 34 ኤንቲ ዛሪድ፥ “ጎዳይ እያ ኮዬስ” ያግዶሶና።
\p
\v 35 ያፐ ሀረ ማራ የሱሳኮ ኤህዶሶና። ባንታ ማኡዋ ሀረ ማራ ዞኮን የግድ የሱሳ ሀረ ማራ ቦላ ኡትስዶሶና። 
\v 36 አሳይካ እ ብያ ኦግያ ቦላ ባንታ ማኡዋ ሂፅዶሶና።
\p
\v 37 ሻማሆ ዙማ ዱገ ዎስያ ኦግያኮ ማትያ ዎደ፥ ታይቦን ኬህ ዳሮ አሳይ ኤንቲ በእዳ ማላልስያባን ኡፋይትድ ባንታ ቃላ ቁ ኦድ፥
\q1
\v 38 “ጎዳ ሱንን ያ ካዎይ አንጀትዳይሳ
\q2 ሳሉዋን ሳሮይ
\q2 ኡባፈ ቃ ሳሉዋን ቦንቾይ
\q2 ፆሳስ ግዶ”
\m ያግድ ፆሳ ጋላትዶሶና።\x - \xo 19:38 \xo*\xt ማዝ 118:26.\xt*\x*
\p
\v 39 አሳ ግዶፈ እስ እስ ፋርሳወት የሱሳኮ፥ “አስታማርያዉ፥ ነ ታማረታ ሀይዝተ ጋዳ ሀንቀታ” ያግዶሶና።
\p
\v 40 እ ኤንታኮ፥ “ኤንቲ ስእ ጊኮ ሹቻት ዋሳና” ያግስ።
\p
\v 41 የሱሲ የሩሳላመ ማትሸ ካታማ በእድ እያዉ ዬክስ። 
\v 42 “ነዉ ሳሮ ግዳናይሳ ሀች ነ ኤርዳባ ግድያኮሽን፥ ሀእ ነ አይፍያፐ ጌምስ። 
\v 43 ነ ሞርከት ነ ዩሹዋ ድርድ ዱማ ዱማ ኦግያራ ነና ተቅድ ኡንኤያ ዎደይ ያና። 
\v 44 ነናነ ነ ድርሳ ጋርሳን ደእያ ነ ናይታ ይሳና። እስ እስ ሹቹ ደንድ ላላና፥ አይስ ጊኮ ፆሳይ ነና አሻናዉ ያ ዎድያ ኤራባካ” ያግድ እዉ ዬክስ።
\p
\v 45 ሄሳፈ ጉየ፥ የሱሲ ፆሳ ኬ ገልድ ዛልኤይሳታ ያፐ ጎድስ። 
\v 46 ቃስ፥ “ ‘ታ ኬይ ፆሳ ዎስያ ኬ ግዳና’ ግድ ፃፈትስ፥ ሽን ህንተ ታ ኬ ፓንጋታ ጎንጎሎ ኦደታ” ያግስ።\x - \xo 19:46 \xo*\xt እሳ 56:7፤ ኤርም 7:11.\xt*\x*
\p
\v 47 ጋላስ ጋላስ ፆሳ ኬን ታማርሴስ። ካህነታ ሀላቃት፥ ህገ አስታማረትነ ደርያ ጭማት እያ ዎናዉ ኦገ ኮዮሶና።\x - \xo 19:47 \xo*\xt ሉቃ 21:37.\xt*\x* 
\v 48 ግዶሽን፥ አሳ ኡባይ እያ ትምርትያ ባንታ ዎዛና የግድ ስእያ ግሾ፥ ኤንታዉ ኦናባይ ይስ።
\c 20
\s1 የሱሳ ማታይ ኦይሸተ
\r (ማቶ 21:23-27፤ ማር 11:27-33)
\p
\v 1 እስ ጋላስ የሱሲ ፆሳ ኬን አሳ ታማርስሽንነ ዎንገላ ማርካትሽን፥ ካህነ ሀላቃት፥ ህገ አስታማረትነ ደርያ ጭማት እስፈ እያኮ ይድ፥ 
\v 2 “ኔኒ ሀይሳታ አይብ ማታን ኦያኮ ኑስ ኦዳ። ሀ ማታ ነዉ እምዳይ ኦኔ?” ያግድ ኦይችዶሶና።
\p
\v 3 እ ኤንታኮ፥ “ታካ ህንተና እስባ ኦይቻና፥ አነ ታዉ ዛርተ። 
\v 4 ፃማቅያ ዮሃንሳ ፅንቃተይ ፆሳፈየ አሳፔ?” ያግስ።
\p
\v 5 ኤንቲ ዎል ግዶን ያግድ ዞረትዶሶና፦ “ፆሳፈ ጊኮ ያትን፥ አይስ አማንበከቲ?” ያጋና።
\p
\v 6 “አሳፐ ጊኮ፥ አሳ ኡባይ ዮሃንስ ናበ ግደይሳ አማንያ ግሾ ኑና ሹቻን ጫዳና።”
\p
\v 7 ያንያ ግሾ፥ “አዉፐኮ ኑ ኤሮኮ” ያግድ ዛርዶሶና።
\p
\v 8 የሱሲ ዛሪድ፥ “ህዛ፥ ታካ አይ ማታን ሀይሳታ ኦያኮ ህንተዉ ኦድከ” ያግስ።
\s1 ጎሻንቾታ ሌምሶ
\r (ማቶ 21:33-46፤ ማር 12:1-12)
\p
\v 9 ሄሳፈ ጉየ፥ የሱሲ ያግድ ሀ ሌምሱዋ አሳስ ኦድስ፦ “እስ አስ ዎይነ ቶክስ። ጎሻንቾታስ ከራ እምድ ዳሮ ዎደ ጋምእድ ያናዉ ሀራ ቢታ ብስ።\x - \xo 20:9 \xo*\xt እሳ 5:1.\xt*\x* 
\v 10 ዎይነ አይፍያ ማፅያ ዎደይ ጋክን ዎይነ አይፍያፐ እያዉ የዳና መላ ጎሻንቾታኮ ባ አይልያ ኪትስ። ሽን ጎሻንቾት ሄ አይልያ ኦይክድ ዋድ መላ ኩሸ የድዶሶና። 
\v 11 ካልድካ ሀራ አይልያ ኪትስ። ቃስ ጎሻንቾት እያ ዋድ፥ ካዉሽድ መላ ኩሸ የድዶሶና። 
\v 12 ሀእካ ዛሪድ ሄን አይልያ ኪትስ። ጎሻንቾት እያካ ማዱንፅስድ ዎይነ ጋድያ ግዶፈ ጋፃ ከስድ የግዶሶና።
\p
\v 13 “ዎይነ ጋድያ ጎዳይ፥ ‘ያትን ታ አይ ኦ? አነ ቃስ ታ ዶስያ ታ ናአ የዳና፤ ኦን ኤር ኤንቲ እያ ቦንቾና አጎኮና’ ያግስ።
\p
\v 14 “ሽን ጎሻንቾት ኡራ ናአ በእዳ ዎደ፥ ‘ሀይስ እያ ላታናይሳ፥ ሃ ዪተ እያ ዎና፥ ያትኮ ላታይ ኑስ ግዳና’ ያግድ ዞረትዶሶና። 
\v 15 ዎይነ ጋድያ ግዶፈ ጋፃ ከስድ ዎዶሶና። ያትን፥ ዎይነ ጋድያ ጎዳይ ሄ አሳታ ዋታኔ? 
\v 16 ይድ ሄ ጎሻንቾታ ይሳና፥ ዎይነ ጋድያ ሀራ አሳታስ እማና። አሳይ ሄሳ ስእዳ ዎደ ‘ሽንቻለ ሄሳ መላባ ጋፎ’ ያግዶሶና።
\p
\v 17 “የሱሲ ኤንታ ጫድ ፄልድ፥
\q1 “ ‘ያትን፥ ግምበ ኬፅያ አሳት ቦርዳ ሹቻይ፥
\q2 ኬስ ማላነ ምኖተ እምያ ኡባፈ አያ ሹች ግድስ’
\m ጌተትድ ፃፈትዳይሳ ብርሸይ አይቤ?\x - \xo 20:17 \xo*\xt ማዝ 118:22.\xt*\x* 
\v 18 ሄ ሹቻ ቦላ ኩንድያ ኡባይ ቆፀታና፥ ሹቻይ እያ ቦላ ዎያ ኡባይ ሊቃና” ያግስ።
\p
\v 19 ህገ አስታማረትነ ካህነ ሀላቃት ሀ ሌምሶይ ኦደትዳይ ኤንታ ቦላ ግደይሳ ኤርድ ሄ ዎደ እያ ኦይካናዉ ኮይዶሶና፥ ሽን አሳስ ባብዶሶና።
\s1 ጊራባ
\r (ማቶ 22:15-22፤ ማር 12:13-17)
\p
\v 20 ሄሳ ግሾ፥ የሱሳ ደርያ ሃርያ ሮመ ካዋ ማታስ አድ እማናዉ ኮይድ እያ ዶናፐ ባላ ቃላ ናጎሶና። ሄሳ ፖልሳናዉ ፅሎ ዳንድ ጭምያ አሳታ እያኮ ኪትዶሶና። 
\v 21 ኪተትድ ብዳ አሳት፥ “አስታማርያዉ፥ ኔኒ ኦደይስነ ታማርሰይስ ልከ ግደይሳ፥ ቃስ ፆሳ ኦግያ ቱማተን ታማርሰይሳነ ኦናካ ሻኮናይሳ ኑ ኤሮስ። 
\v 22 ሀኖሽን፥ ሮመ ካዋስ ጊራ ጊራናዉ በሲ በሰኔ?” ያግድ እያ ኦይችዶሶና።
\p
\v 23 ሽን እ ኤንታ ዎዛና ኢታተ ኤርዳ ግሾ፥ 
\v 24 “አነ ታና እስ ሳንትመ በስተ፥ እያ ቦላ ደእያ ምስለይነ ሱንይ ኦደባዬ?” ያግስ።
\p ኤንቲ ዛሪድ፥ “ሮመ ካዋ ቄሳረይሳ” ያግዶሶና።
\p
\v 25 እ ዛሪድ፥ “ያትኮ፥ ቄሳረባ ቄሳረስ፥ ፆሳባ ፆሳስ እምተ” ያግስ።
\p
\v 26 ሄሳ ግሾ፥ እ ዛርዳ ዛሩዋን አሳ ስንን ባላ ደማናዉ ዳንዳእቦኮና። እያ ዛሩዋን ማላለትድ ስእ ግዶሶና።
\s1 ሀይቆፐ ደንዶባ
\r (ማቶ 22:23-33፤ ማር 12:18-27)
\p
\v 27 ሀይቆፐ ደንዶይ ባዋ ግያ ሳዱቃወታፐ እሶት እሶት የሱሳኮ ይድ፥\x - \xo 20:27 \xo*\xt ሀዋ 23:8.\xt*\x* 
\v 28 “አስታማርያዉ፥ እስ አስ ማቾ ኤክድ ናአ የሎና ሀይቅኮ፥ እያ እሻይ ሄ ማጫስዉ ኤክድ ናይታ የልድ ባ እሻስ ኮቸ አሻና መላ ሙሰይ ፃፍስ።\x - \xo 20:28 \xo*\xt ዛረ 25:5.\xt*\x* 
\v 29 ሄኮ ላፑን እሻት ደኦሶና። ኮይሮይስ ማቾ ኤክድ ናአ የሎና ሀይቅስ። 
\v 30 ናምአንይ እዮ ኤክድ ናአ የሎና ሀይቅስ። 
\v 31 ሄንይካ ሄሳ ሀንስ። ላፑናት ኡባይ ሄሳዳ ሀንድ እዮ ኤክዶሶና፥ ሽን ናአ የሎና ሀይቅዶሶና። 
\v 32 ዉርሰን ማጫስያ ሀይቃሱ። 
\v 33 ህዛ፥ ላፑን አደይ እዮ ኤክዳ ግሾ ሀይቆፐ ደንድያ ዎደ እያ ኦደ ማቾ ግዳኔ?” ያግድ ኦይችዶሶና።
\p
\v 34 የሱሲ ዛሪድ፥ “አሳይ ሀ ዎድያን ኤኮሶናነ ገሎሶና። 
\v 35 ሽን ሀይቆፐ ደንድድ ያና አላምያን ዳናዉ በሰይሳት ኤኮኮናነ ገሎኮና። 
\v 36 ኤንቲ ኪታንቾ መላ ግድያ ግሾ ስንፈ ሀይቆኮና። ሀይቆፐ ደንድዳ ግሾ ኤንቲ ፆሳ ናይታ። 
\v 37 ሙሰይ ጎዳ፥ ‘አብራሃመ ጎዳ፥ ይሳቃ ጎዳ፥ ያይቆባ ጎዳ’ ግድ ቱሽያ ግዶን ፁገትያ ታማ ታርክያ ፃፍዳይሳን ሀይቅዳ አሳይ ደንደይሳ በሴስ።\x - \xo 20:37 \xo*\xt ከሳ 3:6.\xt*\x* 
\v 38 ኡባይ እያዉ ደኦን ደኤይሳታ ግድያ ግሾ እ ደኦን ደኤይሳታ ጎዳፐ አትሽን፥ ሀይቅዳይሳታ ጎዳ ግደና” ያግድ ዛርስ።
\p
\v 39 ህገ አስታማረታፐ እሶት እሶት፥ “አስታማርያዉ፥ ሎኦባ ኦዳዳሳ” ያግዶሶና። 
\v 40 ሄሳፈ ጉየ፥ ሀራ ኦይሾ ኦይቻናዉ ያይዶሶና።
\s1 ክርስቶስ ኦደ ናኤ?
\r (ማቶ 22:41-46፤ ማር 12:35-37)
\p
\v 41 እያፐ ካልድ የሱሲ ኤንታኮ፥ “አሳይ ክርስቶሳ ዋትድ ዳዊታ ናአ ያጎና? 
\v 42-43 አይስ ጊኮ፥ ዳዊቲ ባ ሁጰን ባ ማፃፋን፥
\q1 “ ‘ፆሳይ ታ ጎዳኮ “ታ ነ ሞርከታ
\q2 ነ ቶሆይ የያሶ ኦና ጋካናዉ
\q2 ታፐ ኡሻቻ ባጋን ኡታ” ግስ’ ያግስ።\x - \xo 20:42-43 \xo*\xt ማዝ 110:1.\xt*\x*
\p
\v 44 “ህዛ፥ ዳዊቲ ክርስቶሳ፥ ‘ጎዳ ግድ ፄግሸ እያዉ ናአ ዋንድ ግዲ?’ ” ያግስ።
\p
\v 45 ደረይ ኡባይ ስእሽን ባ ታማረታኮ፥ 
\v 46 “አዱሳ ማኦ ማእድ ዩሸ ዶሰይሳታፐ፥ ግያን ቦንቾ ሳሮ፥ አይሁደ ዎሳ ኬን ቦንቾ ኦይደ፥ ሞከትያ ሶንካ ቦንቾ በሲ ኮይያ ህገ አስታማረታፐ ናገትተ። 
\v 47 ኤንቲ አምኤታ ኬ ካሎዮሶና፥ ፅሎ አስ ዳንድ ዎሳ አዱሶሶና። ሄሳት ኡባፈ አያ ኢታ ፕርዳ ኤካና” ያግስ።
\c 21
\s1 አምኤ ሙፃታ
\r (ማር 12:41-44)
\p
\v 1 ዱረ አሳይ ፆሳ ኬን ሙፃታ ሳፅንያን የግሽን የሱሲ ቁ ግድ አሳ በእስ። 
\v 2 ቃስ እስ ማንቆ አምእያ ናምኡ ስክና የግሽን በእድ፥ 
\v 3 “ታ ህንተዉ ቱማ ኦዳይስ፤ ሀ ማንቆ አምእያ ኡባፈ አዳ እማሱ። 
\v 4 አይስ ጊኮ፥ ሀ አሳ ኡባይ ባንታዉ ደእያባፐ እምዶሶና፥ ሽን እያ ባ ፓጫፐ፥ ባዉ ደእያ አቁዋ ኡባ እማሱ” ያግስ።
\s1 ዎደ ዉርሰ ማላታታ
\r (ማቶ 24:3-14፤ ማር 13:3-23)
\p
\v 5 የሱሳ ታማረታፐ እሶት እሶት ፆሳ ኬይ ዳሮ ሎእያ ሹቻንነ አሳይ ፆሳስ እምዳ እሞታን ሎእዳይሳ ኦደቶሶና። 
\v 6 ሽን የሱሲ፥ “ሀ ህንተ በእያባይ ኡባይ ላለቶና፥ ሹች ሹቻ ቦላ ግምበትዳ መላ አቶና ዎደይ ያና” ያግስ።
\p
\v 7 ኤንትካ፥ “አስታማርያዉ፥ ሀ ኡባይ ሀናናይ አዉዴ? ቃስ ሀይስ ሀናናይሳስ ማላታይ አይቤ?” ያግድ ኦይችዶሶና።
\p
\v 8 የሱሲ ያግድ ኤንታዉ ዛሮ እሚስ፦ “ባለቶና መላ ናገትተ። ዳሮት፥ ‘ታኒ ክርስቶሳ፥ ዎደይ ማታትስ’ ያግሸ ታ ሱንን ያና፥ ሽን ህንተ ኤንታ ካሎፍተ። 
\v 9 ህንተ ኦላባነ አሳ ጌላተ ስእያ ዎደ ዳጋሞፍተ። ሄስ ስንትድ ሀናናይስ አቶናባ ግድያ ግሾ ዎድያ ዉርሰይ ኤለስድ ዬና” ያግስ።
\p
\v 10 ካልድካ፥ “ደረይ ደርያ ቦላ፥ ካዎተይ ካዎተ ቦላ ደንዳና። 
\v 11 ግታ ቢታ ቃፆይ ሀናና፥ ኮሻይነ ጋዶይ ዱማ ዱማ በሳን ዳራና፥ ያሽያባይነ ግታ ማላታት ሳሎፐ ቆንጫና። 
\v 12 ሽን ሀ ኡባይ ሀናናፐ ስን ታ ሱን ግሾ ግድ አሳይ ህንተና ጎዳናነ ኦይካና። አይሁደ ዎሳ ኬንነ ቃሾ ኬን ህንተና የጋና። ካዎታ ስንነ ደርያ ሃረይሳታ ስን ህንተና ኤፋና። 
\v 13 ሄስካ ታባ ህንተ ኤንታዉ ማርካታናዉ ሎኦ ኦገ ግዳና። 
\v 14 ሄሳ ግሾ፥ ህንተ ኦይሸትያ ዎደ ዎይግድ ዛሮ እማነ ግድ ህንተ ዎዛናን ኡንኤቶና መላ አኬክተ።\x - \xo 21:14 \xo*\xt ሉቃ 12:11-12.\xt*\x* 
\v 15 አይስ ጊኮ፥ ህንተ ሞርከት ህንተራ ኤቀታናዉነ ፓላማናዉ ዳንዳኦና ዶናነ ጭንጫተ ታ ህንተዉ እማና። 
\v 16 ሀር አቶሽን፥ ህንተና የልዳይሳት፥ ህንተ እሻት፥ ህንተ ዳቦትነ ላገት ህንተና አድ እማና። ህንተ ግዶፈ እሶታ እሶታ ዎና። 
\v 17 ታ ሱን ግሾ አሳ ኡባ ስንን ህንተ እፀትዳይሳታ ግዳና። 
\v 18 ሽን ሀር አቶሽን፥ ህንተ ብናናፐ እሶይካ የና። 
\v 19 ፖሎ ዳንዳአን ህንተ፥ ህንተ ሸምፑዋ አሻና።”
\p
\v 20 “የሩሳላመ ካታማይ ዎታዳረን ድረትድ ኡትዳሽን ህንተ በእኮ እያዉ ዮይ ማታትዳይሳ ኤርተ። 
\v 21 ሄ ዎደ ይሁዳን ደእያ ኡባይ ደርያኮ ባቃቶ፥ ካታማን ደኤይሳት ያፐ ከዮ፥ ጋፃርያን ደኤይሳት ካታማ ገሎፖ። 
\v 22 አይስ ጊኮ፥ ሀ ፃፈትዳባይ ፖለታና መላ ሄስ ፆሳይ ኩሸ ዛርያ ዎደ።\x - \xo 21:22 \xo*\xt ሆሰ 9:7.\xt*\x* 
\v 23 ሳአ ቦላ ግታ መቶይ ያና፥ ሄሳንካ አሳ ቦላ ፆሳ ሀንቆይ ያና። ሄሳ ግሾ፥ ቃንትዳይሳታነ ንይሳታ አየ! 
\v 24 ኤንቲ ማሻን ሀይቃና፥ አሳ ኡባይ አላጋ ቢታ ድኤታና። አይሁደ ግዶና አሳ ዎደይ ፖለታና ጋካናዉ የሩሳላመይ ኤንታናን የትዳይሳ ግዳና።
\p
\v 25 “አዋን፥ አጌናንነ፥ ፆልንቶታ ቦላ ማላታት ሀንድ በንታና። አባፈነ ዙልያ ደሹዋፐ ደንዶይሳን ቢታን ደእያ አሳይ ኡንኤታናነ ያርካና።\x - \xo 21:25 \xo*\xt እሳ 13:10፤ ህዝ 32:7፤ ኤርም 2:31፤ ቆን 6:12.\xt*\x* 
\v 26 ሳሉዋ ዎልቃት ቡቀታና ግሾ አሳይ ያሻንነ ቢታ ቦላ አይብ ሀናንደሻ ግድ ናጎን ባንታና ባለታና። 
\v 27 ሄ ዎደ አሳ ናአይ ዎልቃንነ ግታ ቦንቾን ሻራራ ይሽን ኤንቲ በአና።\x - \xo 21:27 \xo*\xt ዳነ 7:13፤ ቆን 1:7.\xt*\x* 
\v 28 ህንተ አቶተይ ማታትዳ ግሾ ሀ ሀኖት ፖለተ ኦይክያ ዎደ ጊገት ኤቅተ፥ ህንተ ሁጵያ ቁ ኦድ ፄልተ” ያግስ።
\p
\v 29 ካልድካ፥ ሀይሳዳ ግድ ሌምሶ ኦድስ፤ “ባላሰ ምነ ሀራ ምታ ኡባ በእተ። 
\v 30 ኤንቲ አጭያ ዎደ ቶርቸይ ማታትዳይሳ ህንተ ኤሬታ። 
\v 31 ሄሳዳ ሀ ሀኖት ፖለትሽን ህንተ በእኮ ፆሳ ካዎተይ ማታትዳይሳ ኤርተ።
\p
\v 32 “ታ ህንተዉ ቱማ ኦዳይስ፤ ሀ ኡባይ ፖለታና ጋካናዉ ሀ የለተይ አና። 
\v 33 ሳሎይነ ሳእ አና፥ ሽን ታ ቃላይ አና።
\p
\v 34 “ህዛ፥ ስ ባይና ደኦን፥ ኡሻ ዳሮንነ ዱሳባስ ኡንኤተን ህንተ ዎዛናይ ኦይከቶና መላነ ሄ ቃማይ አኬኮና ፅሄዳ ህንተ ቦላ ጋኮና መላ ናገትተ። 
\v 35 ሄ ቃማይ ቢታ ኩመን ደእያ ኡባ ቦላ ጋካና። 
\v 36 ሄሳ ግሾ፥ ያ ኢታፐ አታናዉነ አሳ ናአ ስንን ኤቃናዉ ዳንዳአና መላ ኡባ ዎደ ምንድ ዎስተ” ያግስ።
\p
\v 37 ጋላስ ጋላስ የሱሲ ፆሳ ኬን ታማርስሸ፥ ቃማ ቃማ ሻማሆ ዙማ ቦላ ከይድ አቄስ።\x - \xo 21:37 \xo*\xt ሉቃ 19:47.\xt*\x* 
\v 38 አሳ ኡባይ እያ ስአናዉ ዎንታ ጉራ እያኮ ፆሳ ኬ ዮሶና።
\c 22
\s1 ይሁድ የሱሳ አድ እማናዉ ማቀትስ
\r (ማቶ 26:1-5፥ 14-16፤ ማር 14:1-2፥ 10-11፤ ዮሀ 11:45-53)
\p
\v 1 ሄ ዎደ “ፓስካ” ግያ ኡይ ባለይ ማትስ።\x - \xo 22:1 \xo*\xt ከሳ 12:1.\xt*\x* 
\v 2 ካህነ ሀላቃትነ ህገ አስታማረት አሰ ያይያ ግሾ፥ ዋትድ የሱሳ ባንታ ግዶፈ ይሳነኮ ኦገ ኮዮሶና። 
\v 3 ፃላሄይ ታማነ ናምአታፐ እሱዋ ግድዳ አስቆሮታ ይሁዳ ጌተተይሳ ግዶ ገልስ። 
\v 4 ይሁድ ካህነ ሀላቃታኮነ ፆሳ ኬ ናገይሳታ ሀላቃታኮ ብድ የሱሳ ዋት አድ እማነኮ ኤንታራ ማቀትስ። 
\v 5 ኤንትካ ሄሳን ኡፋይትድ ሚሸ እማናዉ እያራ ዞረትዶሶና። 
\v 6 እካ ዞረተን ጊግስ። አ ኤንታዉ እማናዉ አስ ባይና እንጀ ዎደ ናግሸ ደኤስ።
\s1 ዉርሰ ካሆ
\r (ማቶ 26:17-25፤ ማር 14:12-21፤ ዮሀ 13:21-30)
\p
\v 7 ሄሳፈ ጉየ፥ ፓስካ ዶርሳይ ሹከትያ ኡይ ባለይ ጋክስ። 
\v 8 የሱሲ፥ “ፓስካ ካሁዋ ማና መላ ብድ ኑስ ጊግስተ” ያግድ ጰፅሮሳነ ዮሃንሳ ኪትስ። 
\v 9 ኤንቲ፥ “ኑ አዉን ጊግሳና መላ ነ ኮያይ” ያግድ ኦይችዶሶና። 
\v 10 እ ኤንታኮ፥ “ሄኮ ህንተ ካታማ ገልሽን ሃ ኦቶ ቶክዳ አደይ ህንተራ ጋሄታና። እ ብድ ገልያ ኬ እያ ካልድ ገልተ። 
\v 11 አስታማረይ ጎዳኮ፥ ‘ታ ታ ታማረታራ ዎላ ፓስካ ካሁዋ ማናዉ እማ ኬ አዉኔ? ያግስ’ ጊተ። 
\v 12 እ ፖቅያ ቦላ ሂፀትድ ጊግድ ደእያ ዳልጋ ክፍለ ህንተና በሳና፥ ያን ጊግስተ” ያግስ። 
\v 13 ኤንቲ ብድ የሱሲ ግዳይሳዳ ሀንን ደምዶሶና። ፓስካ ባኣለ ካሁዋ ያን ጊግስዶሶና።
\p
\v 14 ሳተይካ ጋክዳ ዎደ የሱሲ ሀዋረታራ ዎላ ካሁዋ ቦላ ኡትስ። 
\v 15 እ ኤንታኮ፥ “ታ ዋየ ኤካናፐ ስን ሀ ካሁዋ ህንተራ ማናዉ ዳሮ አሞታስ። 
\v 16 ህዛ፥ ስእተ! ፆሳ ካዎተን ሀይሳስ ብርሸይ ፖለታና ጋካናዉ ሀ ካሁዋ ዛራዳ ሚከ” ያግስ። 
\v 17 ኡሻ ኤክድ ጋላት ስሚድ፥ “ሄእተ ሀይሳ ህንተ ግዶን ሻከትተ። 
\v 18 ስእተ! ፆሳ ካዎተይ ያና ጋካናዉ ሀችፈ ዶማዳ ሀ ዎይነ ኡሻፈ ዛራዳ ኡይከ” ያግስ።
\p
\v 19 ኡይ ኤክድ፥ ጋላት ስሚድ፥ “ሀይስ ህንተዉ እመትያ ታ አሹዋ። ሀይሳ ኦሸ ታና ቆፕተ” ያግድ መንድ ኤንታዉ እሚስ።
\p
\v 20 ሄሳዳካ፥ ካሁዋፐ ጉየ፥ ኡሻ ኤክድ፥ “ሀ ኡሻይ ህንተዉ ጉክዳ ታ ሱን ግድያ ኦራ ጫቁዋ።\x - \xo 22:20 \xo*\xt ኤርም 31:31.\xt*\x* 
\v 21 ግዶሽን፥ ታና አድ እማና ኡራ ኩሸይ ታራ እስፈ ጋይታና።\x - \xo 22:21 \xo*\xt ማዝ 41:9.\xt*\x* 
\v 22 አሳ ናአይ እያዉ ጌተቶይሳ መላ ሀይቃናዉ ደኤስ፥ ሽን እያ አድ እምያ ኡራ አየ!” ያግስ። 
\v 23 ኤንቲ ባንታ ግዶን፥ “ሀይሳ ኦን ኦኔ” ግድ ዎል ኦይችዶሶና።
\p
\v 24 ቃስ ኤንታ ግዶን ግታ ግዳናይ ኦነ ግያ ፓላም መትስ።\x - \xo 22:24 \xo*\xt ማቶ 18:1፤ ማር 9:34፤ ሉቃ 9:46.\xt*\x* 
\v 25 የሱሲ ኤንታኮ፥ “ደርያ ካዎት ባንታ አሳ ዎልቃን ሃሮሶና፤ ባንታ ደርያ ቦላ ጎዳተይሳታስካ ባንታና፥ ‘ሎኦ ኦይሳታ’ ያግድ ፄጎሶና።\x - \xo 22:25 \xo*\xt ማቶ 20:25-27፤ ማር 10:42-44.\xt*\x* 
\v 26 ሽን ህንተ ግዶን ሄሳ መላ ግዶፖ። ህንተ ግዶን ባይራተይ ካሎዳ ሀኖ፤\x - \xo 22:26 \xo*\xt ማቶ 23:11፤ ማር 9:35.\xt*\x* ካለይስ ካለይሳዳ ሀኖ። 
\v 27 ሀኖሽን፥ ሞከይሳፈነ ሞከተይሳፈ አዉስ አ? ሞከተይሳ ግደነዬ? ሽን ታኒ ህንተ ግዶን ሞከይሳ መላ።\x - \xo 22:27 \xo*\xt ቆን 13:12.\xt*\x*
\p
\v 28 “ህንተካ ታ መቱዋን ታፐ ሻከቶና ታራ ምንድ ኤቅዳይሳታ። 
\v 29-30 ህንተ ታ ጋይታፐ ማና መላ፥ ኡያና መላነ አራታታ ቦላ ኡትድ ታማነ ናምኡ እስራኤለ ሼሻታ ቦላ ፕርዳና መላ ታ አዋይ ታና ሹምዳይሳዳ ታካ ህንተና ታ ካዎተን ሹማና” ያግስ።\x - \xo 22:29-30 \xo*\xt ማቶ 19:28.\xt*\x*
\p
\v 31 ካልድካ የሱሲ፥ “ስሞና፥ ስሞና፥ ፃላሄይ ህንተና ግስተዳ ሀርቃናዉ ዎስስ። 
\v 32 ሽን ታኒ ነ አማኖይ ዮና መላ ነዉ ጋናታስ። ነካ ስምዳ ዎደ ነ እሻታ ምን” ያግስ።
\p
\v 33 ስሞን፥ “ጎዳዉ፥ ታኒ ኔራ ቃሸታናዉነ ሀይቃናዉ ጊገታስ” ያግስ።
\p
\v 34 የሱሲ ጰፅሮሳኮ፥ “ታ ነዉ ኦዳይስ፤ ሀች ኩቶይ ዋሳናፐ ስን ነ ታና ሄ ቶሆ ካዳና” ያግስ። 
\v 35 ካልድካ፥ የሱሲ ኤንታኮ፥ “ታኒ ህንተና ኮሮጆይ፥ ካርፂትነ ጫም ባይና ኪትዳ ዎደ ህንተዉ ፓጭዳባይ ደኢ?” ያግድ ኦይችስ።\x - \xo 22:35 \xo*\xt ማቶ 10:9-10፤ ማር 6:8-9፤ ሉቃ 9:3.\xt*\x*
\p ኤንቲ ዛሪድ፥ “አይኮይካ ፓጭቤና” ያግዶሶና።
\p
\v 36 እ ኤንታኮ፥ “ሀእ ኮሮጆይነ ካርፂት ደኤይ ኦይኮ፤ ማሽ ባይናይ ባ አፍላ ባይዝድ ማሻ ሻሞ። 
\v 37 ሃ ስእተ! ‘ጌላታራ ታይበትስ’ ጌተትድ ፃፈትዳይስ ታናን ፖለታናዉ በሴስ። ኤ፥ ታ ግሾ ፃፈትዳባይ ፖለተይስ ቱማትስ” ያግስ።\x - \xo 22:37 \xo*\xt እሳ 53:12.\xt*\x*
\p
\v 38 እያ ታማረት፥ “ጎዳዉ ሀይሳን ናምኡ ማሻት ደኦሶና” ያግዶሶና።
\p እ፥ “ግዳና” ያግስ።
\s1 የሱሲ ሻማሆ ደርያ ቦላ ዎስስ
\r (ማቶ 26:36-46፤ ማር 14:32-42)
\p
\v 39 የሱሲ ካሰ ሜዘትዳይሳዳ ደንድድ ሻማሆ ዙማ ቦላ ከይስ። እያ ታማረት እያ ካልዶሶና። 
\v 40 ሄ በሳ ጋክዳ ዎደ፥ “ፓጨን ገሎና መላ ዎስተ” ያግስ። 
\v 41 ኤንታፈ ሹች ሆልን ጋክያ ሶ መላ ሃክድ ጉልባትድ ዎስስ። 
\v 42 “ታ አዋዉ፥ ነ ሸነ ግድኮ ሀ መቱዋ ታፐ አ። ሽን ታ ሸነ ግዶፖ ነ ሸነይ ሀኖ” ያግድ ዎስስ። 
\v 43 ኪታንቾይ ሳሎፐ ቆንጭድ ምንስ። 
\v 44 ዳሮ ኡንኤትድ ምንድ ዎሴስ። እያ ጫዋይካ ሱ ፆክያዳ ሳአን ፆኬስ።
\p
\v 45 የሱሲ ዎሳ ዉርስድ ባ ታማረታኮ ይስ። ኤንቲ፥ አዛኖፐ ደንዶይሳን ዳቡርድ ስክዳሽን ደምድ፥ 
\v 46 “አይስ ስከቲ? ፓጨን ገሎና መላ ደንድድ ዎስተ” ያግስ።
\s1 የሱሲ ኦይከትስ
\r (ማቶ 26:47-56፤ ማር 14:43-50፤ ዮሀ 18:3-11)
\p
\v 47 እ ቡሮ ኦዳ ቦላ ደእሽን ዳሮ አሳት ይዶሶና። ታማነ ናምአታፐ እሶይ ይሁዳ ጌተተይስ ኤንታና ካለስ። እ የሱሳ ዬራናዉ ማት ሺቅስ። 
\v 48 ሽን የሱሲ፥ “ይሁዳ፥ አሳ ናኣ ዬራዳ አ እማኔ?” ያግስ።
\p
\v 49 የሱሳ ታማረት ሄ ሀኑዋ በእድ፥ “ጎዳዉ ማሻን ሾጭኖ?” ያግዶሶና። 
\v 50 ኤንታ ግዶፈ እሶይ ካህነ ሀላቃ ኦሳንቹዋ ሾጭድ ኡሻቻ ሀይ ቃንፅድ የግስ።
\p
\v 51 ሽን የሱሲ፥ “አጋ! ድጎፍተ”\f + \fr 22:51 \fr*\fq አጋ! ድጎፍተ፦ \fq*\ft የሱሲ ሀ በሳን አጋ ያግዳይ እያ አሻናዉ ግድ አሳት ኡራ ሀይ ቃንፆይሳ አጋ ቃንፆፋ ግዳይሳነ፥ ሀራት እያ ኦይካናዉ ይዳይሳታ ድጎፍተ ሀእ ኤንታ ዎደ ያግዳይሳ ናምኡ ቆፋታ ዎል ጋድ ኦይክስ።\ft*\f* ያግስ። ኡራ ሀይ ቦችድ ፓስ።
\p
\v 52 ሄሳፈ ጉየ፥ የሱሲ ባና ኦይካናዉ ይዳ ካህነ ሀላቃታኮ፥ ፆሳ ኬ ናገይሳታ ሹማታኮነ ጭማታኮ፥ “ፓኖ ኦይክያ አሳዳ ማሸነ ፃምአ ኦይክድ ይደቲ? 
\v 53 ኡባ ጋላስ ፆሳ ኬን ታ ህንተራ ደእያ ዎደ ታ ቦላ ኩሸ ዎቤከታ። ሽን ሀይስ ማ ካዎተይ ሃርዳ ዎደነ ህንተ ዎደ” ያግስ።\x - \xo 22:53 \xo*\xt ሉቃ 19:47፤ 21:37.\xt*\x*
\s1 ጰፅሮስ የሱሳ ካድስ
\r (ማቶ 26:57-58፥ 67-75፤ ማር 14:53-54፥ 66-72፤ ዮሀ 18:12-18፥ 25-27)
\p
\v 54 ሄሳፈ ጉየ፥ የሱሳ ኦይክድ ካህነ ሀላቃ ዛባ ኤፍዶሶና። ጰፅሮስ ሃሆን የሱሳ ካሌስ። 
\v 55 አሳት ካህነ ሀላቃ ዛባን ታማ ኤድ ዎላ ኡትዳሽን ጰፅሮስ ኤንታራ እስፈ ኡትስ። 
\v 56 እስ ጋንዲያ ጰፅሮስ ታማ ማታን ኡትዳይሳ ጫዳ ፄላዳ፥ “ሀ ኡራይ እያራ ደኤስ” ያጋሱ።
\p
\v 57 ሽን ጰፅሮስ፥ “ሀ ማጫሰተ ታ ሄ ኡራ ኤርከ” ያግድ ካድስ።
\p
\v 58 ጉ ዎደፐ ጉየ እስ ሀራ አደይ እያ በእድ፥ “ነካ ኤንታፈ እሱዋ” ያግስ።
\p ሽን ጰፅሮስ፥ “ሀ አድያዉ ታና ግድከ” ያግስ።
\p
\v 59 እስ ሳተ መላ ጋምእዳፐ ጉየ እስ ሀራ አደይ ትልስድ፥ “ሀ ኡራይ ጋልላፐ ግድያ ግሾ ስይ ባይና እያራ ደኤስ” ያግስ።
\p
\v 60 ሽን ጰፅሮስ፥ “ሀ አድያዉ፥ ነ ገይሳ ታ ኤርከ” ያግስ። እ ሄ ኦዳ ኦንጎና ደእሽን ኩቶይ ዋስስ።
\p
\v 61 ጎዳይ ጉየ ስሚድ ጰፅሮሳ ፄልስ። ጰፅሮስ፥ “ሀች ኩቶይ ዋሳናፐ ስን ነ ታና ሄ ቶሆ ካዳና” ያግድ፥ ጎዳይ ኦድዳ ቃላ አኬክስ። 
\v 62 ጰፅሮስ ካረ ከይድ ዳሮ ኮኮርድ ዬክስ።
\p
\v 63 የሱሳ ናግያ አሳት እያ ለቅሶነ ደሸ ኦይክዶሶና። 
\v 64 እያ አይፍያ ጎዝድ “አነ ትንብተ ኦዳ፤ ነና ደችዳይ ኦኔ?” ያግድ ኦይቾሶና። 
\v 65 ሀራ ዳሮ ጫሸ ጫይድ ካዉሾሶና።
\s1 የሱሲ ፕርዳ ሻንጎ ስንን
\r (ማቶ 26:59-66፤ ማር 14:55-64፤ ዮሀ 18:19-24)
\p
\v 66 ሳእ ዎንትያ ዎደ አይሁደ ቢታ ጭማት፥ ካህነ ሀላቃትነ ህገ አስታማረት ሺቅድ፥ የሱሳ ባንታ ስን ሺሽዶሶና። 
\v 67 ኤንቲ፥ “ኔኒ ክርስቶሴ? አነ ኑስ ኦዳ?” ያግድ ኦይችዶሶና።
\p የሱሲ፥ “ታ ኦድያኮ አማነከታ። 
\v 68 ታ ኦይችያኮ ዛረከታ። 
\v 69 ሽን አሳ ናአይ ሀይሳፈ ገደ ባጋን ዎልቃማ ፆሳ ኡሻቻ ባጋን ኡታና” ያግስ።
\p
\v 70 ሄ ዎደ ኡባይ፥ “ያትን፥ ኔኒ ፆሳ ናኤ?” ያግዶሶና።
\p እ፥ “ታ ፆሳ ናአ ግደይሳ ህንተ ግደታ” ያግስ።
\p
\v 71 ኤንቲ፥ “ህዛ፥ ሀራ ማርካ አይ ኮሺ? እ ባ እንፃርሳን ኦድሽን ኑ ስእዳ” ያግዶሶና።
\c 23
\s1 የሱሲ ጵላፆሳ ስንን
\r (ማቶ 27:1-2፥ 11-14፤ ማር 15:1-5፤ ዮሀ 18:28-38)
\p
\v 1 ሄ በሳን ሺቅዳ ሻንጎት ኡባይ ደንድድ የሱሳ ጵላፆሳኮ ኤፍዶሶና። 
\v 2 “ሀ ኡራይ ኑ አሳ ባለሽን፥ ካዋስ ጊራ ጊሮና መላ ድግሽንነ፥ ቃስ ‘ታኒ ክርስቶሳ ህንተ ካዋ’ ያግሽን ደምዳ” ያግድ ሞትዶሶና።
\p
\v 3 ጵላፆስ የሱሳ፥ “ኔኒ አይሁደታ ካዎ?” ያግድ ኦይችስ።
\p የሱሲ፥ “ኤ፥ ነ ግዳይሳ መላ” ያግስ።
\p
\v 4 ጵላፆስ ካህነ ሀላቃታኮነ አሳኮ፥ “ሀ ኡራ ቦላ ታኒ እስ ባላካ ደማብከ” ያግስ። 
\v 5 ሽን ኤንቲ፥ “ሀ ኡራይ ጋልላፐ ዶምድ ሀይሳ ጋካናዉ ይሁዳ ኩመ ኢታባስ ደንስ” ያግድ ምን ኦድዶሶና።
\p
\v 6 ጵላፆስ ሄሳ ስእዳ ዎደ የሱሲ ጋልላ አሴኮ ኤራናዉ ኮይድ እያ ኦይችስ። 
\v 7 የሱሲ ሄሮዲሳ ቢታፈ ይዳ አስ ግደይሳ ጵላፆስ ኤርዳ ዎደ ሄሮዲስ ሄ ዎደ የሩሳላመን ደእያ ግሾ እያኮ የድስ።
\p
\v 8 ሄሮዲስ የሱሳ በአናዉ ዳሮ ዎደፐ ኮይሸ ደእያ ግሾ፥ እያ በእዳ ዎደ ዳሮ ኡፋይትስ። አይስ ጊኮ፥ እያባ ስእዳ ግሾ ማላልስያባ ኦን በአናዉ አሞትሸ ደኤስ። 
\v 9 ሄሮዲስ የሱሳ ዳሮ ኦይሾታ ኦይችስ፥ ሽን እ አይኮካ ዛርቤና። 
\v 10 ካህነታ ሀላቃትነ ህገ አስታማረት ያን ኤቅድ ምንድ እያ ሞቶሶና። 
\v 11 ሄሮዲሳራነ እያ ዎታዳረታራ የሱሳ ካዶሶናነ ለቅስዶሶና። ቦንቾ አፍላ ማይዝድ ጵላፆሳኮ ዛሪድ የድዶሶና። 
\v 12 ሄሮዲሳራነ ጵላፆሳራ ካሰ ሞርከሽን ሄ ጋላስ ዎላ ጊግዶሶና።
\p
\v 13 ጵላፆስ ካህነ ሀላቃታ፥ አሳ ሃረይሳታነ አሳ ፄግድ፥ 
\v 14 “ ‘ሀ ኡራይ አሳ ጌላተስ ደንስ’ ግድ ታኮ ኤህደታ። ታካ ህንተ ስንን ፕልጋዳ ህንተ ሺሽዳ ሞቱዋስ አይብ ባላካ ደማብከ። 
\v 15 ሄሮዲስ፥ ሄሳ አይብ ባላካ እያ ቦላ ደምቦና ግሾ ኑኮ የድስ። ቱማካ ሀ ኡራይ ሀይቆስ ጋያ አይብ ባላካ ኦቤና። 
\v 16 ሄሳ ግሾ፥ እያ ጋራፋዳ ብላ የዳና” ያግስ። 
\v 17 ሄሳ እ ግዳይ ፓስካ ባኣለ ዎደ እስ አስ ኤንታዉ ብላናይስ እያዉ አቶናባ ግድያ ግሾሳ።
\p
\v 18 ደረይ ኡባይ እስ ቦላ፥ “ሀ ኡራ ገደ ድጋ፥ ኑስ ባርባና ብላ” ያግድ ዋስዶሶና። 
\v 19 ባርባን ካታማ ግዶን አሳ ኢታባስ ደንድ አሰ ዎድ ቃሸትዳ አስ።
\p
\v 20 ጵላፆስ የሱሳ ብላናዉ ኮይድ አሳስ ዛር ኦድስ። 
\v 21 ግዶሽን፥ አሳይ፥ “ካቃ! ካቃ!” ያግድ ዋስዶሶና። 
\v 22 ጵላፆስ ሄን፥ “ሀ ኡራይ ቆህዳባይ አይቤ? ዎስ ጋያ ባላ ታ ደማብከ። ሄሳ ግሾ፥ ጋራፋዳ የዳ አጋና” ያግስ።
\p
\v 23 ኤንቲ ባንታ ቃላ ቁ ኦድ፥ “ካቀታናዉ በሴስ” ግድ ምን ዋስዶሶና። ኤንታ ዋሶይካ ፆንስ። 
\v 24 ኤንታ ኦይሻ ግሾ፥ ግድ ጵላፆስ እያ ቦላ ፕርድስ። 
\v 25 አሰ ኢታባስ ደንዳይሳነ አሰ ዎድ ቃሸትዳይሳ ብላና መላ ዎስዳ ግሾ ሄ ኡራ ኤንታዉ ብልስ። ሽን የሱሳ ኤንቲ ኮይዳባ ኦና መላ ኤንታዉ አድ እሚስ።
\s1 የሱሳ ካቀተ
\r (ማቶ 27:31-44፤ ማር 15:21-32፤ ዮሀ 19:17-27)
\p
\v 26 የሱሳ ኦይክድ ኤፍሽን ስሞና ጌተትያ ቀሬና ቢታ አደይ ጋፃረፐ ይሽን፥ ደምድ ማስቃልያ ቶስድ የሱሳ ካልድ ባና መላ ኡንኤዶሶና። 
\v 27 ዳሮ አሳይነ ባንታ ትራ እጭሸ ዬክያ ማጫሳት እያ ጉየራ ካሎሶና።
\p
\v 28 ሽን የሱሲ ኤንታኮ ጉየ ስሚድ፥ “ህንተኖ፥ የሩሳላመ ማጫሳቶ፥ ህንተ ሁጰስነ ህንተ ናይታስ ዬክተፐ አትሽን፥ ታዉ ዬኮፍተ። 
\v 29 ‘ሄኮ ማይንት፥ የሎና ኡሎትነ ንና ንት አንጀትዶሶና’ ህንተ ያጋና ጋላሳይ ያና። 
\v 30 ሄ ዎደ ደረታ፥ ‘ኑ ቦላ ኩንድተ’፥ ዙማታካ፥ ‘ኑና ካምተ’ ያጋና።\x - \xo 23:30 \xo*\xt ሆሰ 10:8፤ ቆን 6:16.\xt*\x* 
\v 31 ህዛ፥ ቃየ ም ሄሳ ኦኮ መላ ም ዋታንደሻ?” ያግስ።
\p
\v 32 እያራ ዎናዉ ሀራ ናምኡ ዎራንታ ኤፍዶሶና። 
\v 33 ቀራንዮ\f + \fr 23:33 \fr*\fq ቀራንዮ፦ \fq*\ft ቀራንዮ ገይስ ግርከ ዶና። አራምከ ዶናን “ጎልጎታ” ዎይኮ “ሁጰ ጉገ” ጉሱ። ቀራንዮ ጌተትያ ሱንይ እመትዳይ የሱሲ ካቀትዳይ አሳ ሁጰ ጉገ ዳንያ በሳን ግድያ ግሾሳ። ሄ በሳይ ሮመ ካዎተይ ዎራንታ ካቅያ በሲ። (ማቶ 27:33፤ ማር 15:22፤ ዮሀ 19:17)\ft*\f* ጌተትያ በሳ ጋድ ካቅዶሶና። ዎራንታፐ እሱዋ ኡሻቻ ባጋራ ሀንኩዋ ሀድርሳ ባጋራ ካቅዶሶና። 
\v 34 የሱሲ፥ “ታ አዋዉ፥ ኤንቲ አይ ኦያኮ ኤሮና ግሾ፥ ኔኒ ኤንታዉ አቶ ያጋ” ያግስ።\x - \xo 23:34 \xo*\xt ማዝ 22:18.\xt*\x*
\p ኤንቲ እያ አፍላ ቦላ ሳማ የግድ ሻከትድ ኤክዶሶና።
\p
\v 35 አሳይ ኤቅድ ፄሎሶና፥ ሽን ደርያ ሃረይሳት፥ “ሀራታ አሽስ፤ ፆሳይ ዶርዳ ክርስቶስ እያ ግድኮ አነ ባና አሾ” ያግድ ለቅስዶሶና።\x - \xo 23:35 \xo*\xt ማዝ 22:18፤ ማዝ 22:7.\xt*\x* 
\v 36 ዎታዳረት እያኮ ሺቅድ፥ ጫላ ዎይነ ኡሻ እምዶሶና።\x - \xo 23:36 \xo*\xt ማዝ 69:21.\xt*\x* 
\v 37 ያትድ፥ “ኔኒ አይሁደታ ካዎ ግድኮ ነ ሁጵያ አሻ” ያግድ ለቅስዶሶና።
\p
\v 38 እያዉ ሁጰ ባጋራ፥ “ሀይስ አይሁደታ ካዎ” ግያ ፁፈይ ደኤስ። 
\v 39 ካቀትዳ ዎራንታፐ እሶይ ጫሸ ሳአራ ጎችሸ፥ “አነ ኔኒ ክርስቶሳ ግድኮ፥ ነናካ ኑናካ አሻ” ያግስ።
\p
\v 40 ሽን ሀንኮ ዎራንይ፥ “ኔኒ ሀይሳ መላ ፕርዳን ደአሸ ሀር አቶሽን፥ ፆሳስ ያይኪ? 
\v 41 ኑኒ ኑ ኦዳ ናጋራ ግሾ በሲያ ፕርዳ ኤኮስ፥ ሽን ሀ ኡራይ እስ ኢታባ ኦቤና” ያግድ ሀንቀትስ።
\p
\v 42 ቃስካ፥ “የሱሳ፥ ነ ነ ካዎተራ ያ ዎደ ታና ቆፓ” ያግስ።
\p
\v 43 የሱሲ፥ “ታ ነዉ ቱማ ኦዳይስ፤ ሀች ኔኒ ታራ ጋናተን ግዳና” ያግስ።
\p
\v 44-45 ሄ ጋላስ ኡሱፑን ሳተፐ ብድ ኡዱፉን ሳተ ጋካናዉ አዋይ ፖኡዋ ድግዳ ግሾ፥ ቢታ ኡባ ቦላ ማ ግድስ። ፆሳ ኬ ማጋራጆይ ዳከትድ ናምአን ሻከትስ።\x - \xo 23:44-45 \xo*\xt ከሳ 26:31.\xt*\x* 
\v 46 የሱሲ፥ ቃላ ቁ ኦድ፥ “ታ አዋዉ፥ ታ ታ ሸምፕዉ ነ ኩሸን ሼይስ” ያግድ ሀይቅስ።\x - \xo 23:46 \xo*\xt ማዝ 31:5.\xt*\x*
\p
\v 47 ማቶ ሀላቃይ፥ ሀንዳይሳ በእድ፥ “ሀይስ ኡራይ ቱማካ ፅሎ” ያግድ ፆሳ ጋላትስ። 
\v 48 ሀ ሀንያባ በአናዉ ሄ በሳ ሺቅዳ አሳ ኡባይ ሀንዳባ በእዳ ዎደ ባንታ ትራ እጭሸ ባንታ ሶ ስምዶሶና። 
\v 49 ግዶሽን፥ የሱሳ ማታን ኤርያ አሳ ኡባይ፥ ሄሳዳካ ጋልላፐ ካልድ ይዳ ማጫሳት ሄሳ በእሸ ሃሆን ኤቅዶሶና።\x - \xo 23:49 \xo*\xt ሉቃ 8:2.\xt*\x*
\p
\v 50-51 አይሁደ ሻንጎታፐ እሶይ፥ ዮሰፋ ጌተትያ ኡራይ ደኤስ። እ አርማተ ጌተትያ ይሁዳ ካታማፐ ይስ። እ ሎኦነ ፅሎ አስ ግድያ ግሾ ፆሳ ካዎተ ዩሳ ናጌስ። ሻንጎታፐ እሱዋ ግድሸ ኤንታ ዞረተንነ ኦሱዋን ዴና። 
\v 52 ሄ ኡራይ ጵላፆሳኮ ብድ፥ የሱሳ አሀ ሞጋናዉ ታዉ እማ ግድ ዎስስ። 
\v 53 ጵላፆስ ኤካ ያግን፥ የሱሳ አሀ ዎስድ አፍላራ ፃፅስ። ዛላፈ ዎጭድ ከስዳ ሀራ አስ ሞገቶና ኦራ ዱፎን ዎስ። 
\v 54 ሳምባት ገላና ሀንያ ግሾ፥ ሄ ጋላሳይ ጊገተ ቃማ።
\p
\v 55 ጋልላፐ ደንድድ የሱሳ ካልድ ይዳ ማጫሳት ዮሰፋራ ብድ እያ አሀ ዋት ሞግያኮ ዱፉዋ አኬክድ በእዶሶና። 
\v 56 ያፐ ስሚድ ሽቶነ ቅባተ ጊግስዶሶና። ህገይ ኪተይሳ መላ ሳምባታ ጋላስ ሸምፕ ፔእዶሶና።\x - \xo 23:56 \xo*\xt ከሳ 20:10፤ ዛረ 5:14.\xt*\x*
\c 24
\s1 የሱሳ ሀይቆፐ ደንዱዋ
\r (ማቶ 28:1-10፤ ማር 16:1-8፤ ዮሀ 20:1-10)
\p
\v 1 ሳምንታፈ ኮይሮ ጋላስ፥ ዎጋ ዎደ ዎንታ ዳሮ ጉራ፥ ማጫሳት ባንታ ጊግስዳ ሽቱዋ ኤክድ ዱፉዋ ብዶሶና። 
\v 2 ኤንቲ ያ ጋክያ ዎደ ዱፉዋ ዶናን ደእያ ሹቻይ ጎንደረትድ ክቾይሳ ደምዶሶና። 
\v 3 ኤንቲ ዱፉዋ ጋ ገልዶሶና፥ ሽን ጎዳ የሱሳ አሀ ደምቦኮና። 
\v 4 ኤንቲ ያን ኤቅድ አይብ ሀንደ ግድ ቆፕሽን አኬኮና ዳሮ ጶልያ አፍላ ማእዳ ናምኡ አሳት ኤንታ ማታን ኤቅዶሶና። 
\v 5 ማጫሳት ያሸትድ ባንታ ሁጵያ ሳአን ዝቅ ኦድ ደእሽን፥ አሳት ኤንታኮ፥ “ደኦን ደኤይሳ ሀይቆታ ግዶን አይስ ኮዬቲ? 
\v 6-7 እ ሀይሳን ዴና፤ ሀይቆፐ ደንድስ፥ ‘አሳ ናአይ ናጋራንቾታ ኩሸን አድ እመታና፤ ኤንትካ እያ ካቃና።\x - \xo 24:6-7 \xo*\xt ማቶ 16:21፤ 17:22-23፤ 20:18-19፤ ማር 8:31፤ 9:31፤ 10:33-34፤ ሉቃ 9:22፤ 18:31-33.\xt*\x* እ ሄን ቃማን ሀይቆፐ ደንዳና’ ያግድ፥ እ ህንተራ ጋልላን ደእሸ ህንተዉ ኦድዳ ቃላ ቆፕተ” ያግስ።
\p
\v 8 ማጫሳት ሄ ዎደ እያ ቃላ ቆፕዶሶና።
\p
\v 9 ማጫሳት ዱፉዋፐ ስሚድ ሀንዳባ ኡባ ታማነ እሶታስነ ሀራታስካ ኦድዶሶና። 
\v 10 ሄሳ ሀዋረታስ ኦድዳይ ማግደላ ማይራሞ፥ ዮሃና፥ ያይቆባ አይዉ ማይራሞነ ኤንታራ ደእያ ሀራ ማጫሳታ። 
\v 11 ሽን ኤንታዉ ማጫሳት ኦድዳይስ ኤልሞ ዳንን አማንቦኮና። 
\v 12 ሽን ጰፅሮስ ደንድ ዎፅድ ዱፎ ብስ። ሄ በሳ ጋክድ፥ ሆክድ ጋ ፄልያ ዎደ ሞጎ አፍላ ፃላላ በእስ። ሀንዳባን ማላለትሸ ባ ሶ ስምስ።
\s1 ኤማሆሰ ኦገ ቦላ
\r (ማር 16:12-13)
\p
\v 13 ሄ ጋላስ ካልያ ታማረታፐ ናምአት የሩሳላመፐ ታማነ እስ ክሎ ምትረ ሃክያ ኤማሆሰ ጉታ ቦሶና። 
\v 14 ኤንቲ ዎላ ሀንዳባ ኡባ ኦደቶሶና። 
\v 15 ኤንቲ ሄ ሀኖታባ ቆፕሸነ ኦደትሸ ብያ ዎደ የሱሲ ባ ሁጰን ሺቅድ ኤንታራ ቤስ። 
\v 16 ሀኖሽን፥ ኤንቲ እያ ኤሮና መላ ኤንታ አይፈይ ኦይከትስ።
\p
\v 17 እ፥ “ህንተ ዎላ ኦገ ቦላ ደእሸ ኦደተይስ አይቤ?” ያግስ።
\p ኤንቲ አዛንድ ስእ ግድ ኤቅዶሶና። 
\v 18 ኤንታፈ እሶይ ቀልዮጰ ጌተተይስ፥ “ሀ ቃማታ ግዶን የሩሳላመን ሀንዳባ ኤሮናይስ፥ ነ ቢታስ እማዬ?” ያግስ።
\p
\v 19 እ ዛሪድ፥ “እ ሀንዳይስ አይቤ?” ያግድ ኦይችስ።
\p ኤንቲ፥ “ፆሳ ስንንነ አሳ ስንን ኦሶንነ ኦዳን ምኖ ናበ ግድዳ ናዝረተ የሱሳባ። 
\v 20 እያ ካህነ ሀላቃትነ ሃረይሳት ሀይቆ ፕርዳስ አ እምድ፥ ካቅዶሶና። 
\v 21 ኑኒ እስራኤለ አሳ ዎዛንደ ግድ ኡፋይትድ ናግዳሽን ሀይስ ሀንን ሀች ሄን ቃማ። 
\v 22 ቃስ ኑ ግዶፈ እስ እስ ማጫሳት ኑና ማላልስዶሶና። ኤንቲ ሀች ዎንታ ጉራ ዱፉዋ ብዶሶና። 
\v 23 እያ አሀ ይዳ ዎደ ስም ይድ፥ ‘እ ፓፃ ደኤስ’ ግያ ኪታንቾት ቆንጭን በእዳ ያግድ ኦድዶሶና። 
\v 24 ኑ ግዶፈካ እሶት እሶት ዱፉዋ ብድ ማጫሳት ኦድዳይሳ ሀንን በእዶሶና፥ ሽን እያ በእቦኮና” ያግስ።
\p
\v 25 እ ኤንታኮ፥ “ህንተኖ፥ አኬኮና አሳቶ፥ ህንተ ዎዛናይ ናበት ኦድዳባ ኡባ አማናናዉ ጋምኤይሳቶ፥ 
\v 26 ክርስቶስ ሀ መቱዋ ኤካናዉነ ባ ቦንቹዋን ገላናዉ በሰኔ?” ያግስ። 
\v 27 ሙሰፐነ ናበታ ኡባፈ ደንድድ ጌሻ ማፃፋን እያባይ ፃፈትዳይሳ ኡባ ኤንታዉ ቆንጭስስ።
\p
\v 28 ኤንቲ ብያ ጉታኮ ማታትዳ ዎደ የሱሲ አድ ሃሆ ሶ ብያ ዳንን፥ 
\v 29 ኤንቲ፥ “ሳአይ ቃምዳ ግሾ ኑራ አቃ” ያግድ ምንድ ዎስዶሶና። ሄሳ ግሾ፥ ኤንታራ አቃናዉ ገልስ።
\p
\v 30 ኤንታራ እስፈ ጋይታ ቦላ ኡትድ፥ ኡይ ደንድ፥ መንድ፥ አንጅድ ኤንታዉ እሚስ። 
\v 31 ሄ ዎደ ኤንቲ ኤራና መላ ኤንታ አይፈይ ዶየትስ። ኤንትካ ኤርዶሶና። ሽን እ ኤንታፈ ጌምስ። 
\v 32 ኤንቲ፥ “ኑ ኦግያ ቦላ ደእሽን እ ኑስ ጌሻ ማፃፋ ብርሽሽንነ ኑና ኦድስሽን፥ ኑ ዎዛናይ ፁገትቤኔ?” ያግዶሶና። 
\v 33 ሄ ዎደ ደንድድ ጉየ የሩሳላመ ይዶሶና። ታማነ እሶትነ ሀራት እስ ቦላ ሺቅድ ደእሽን ደምዶሶና። 
\v 34 ኤንቲ፥ “ጎዳይ ቱማ ደንድስ፤ ስሞናስ ቆንጭስ” ያግዶሶና።
\p
\v 35 ሄ ናምኡ ታማረት ኤማሁሰ ኦግያ ቦላ ደእሽን ሀንዳይሳነ ኡይ መንዳ ዎደ ዋት እያ ኤርዳኮ ኤንታዉ ኦድዶሶና።
\s1 የሱሲ ባ ታማረታስ ቆንጭስ
\r (ማቶ 28:16-20፤ ማር 16:14-18፤ ዮሀ 20:19-23፤ ሀዋ 1:6-8)
\p
\v 36 ናምኡ ታማረት ሄሳ ኦዳ ቦላ ደእሽን፥ የሱሲ ኤንታ ግዶን ኤቅድ፥ “ሳሮይ ህንተዉ ግዶ” ያግስ።
\p
\v 37 ግዶሽን፥ ኤንቲ ዳጋምድ፥ ሞይትለ በእዳ ዳንን ያይዶሶና።
\p
\v 38 እ ኤንታኮ፥ “አይስ ባብደቲ? አይስ ስይ ህንተ ዎዛናን ገልዴ? 
\v 39 ታ ኩሽያነ ታ ቶሁዋ በእተ፤ ታኒ ታና። ቃስ ኦይክድ በእተ፤ ታናን ህንተ በኤይሳዳ፥ ሞይትለስ አሾይነ መቀ ባዋ” ያግስ። 
\v 40 ያግድ፥ ባ ቶሁዋነ ባ ኩሽያ ኤንታ በስስ። 
\v 41 ኤንቲ ኡፋይሳፈ ደንዶይሳን አማኖና ማላለተን ደእሽን፥ የሱሲ ኤንታኮ፥ “ሀይሳን ህንተዉ ምያባይ ደኢ?” ያግስ። 
\v 42 ኤንቲ እስ ጫጨትዳ ሞሎ እያዉ እምዶሶና። 
\v 43 እ ኤክድ ኤንታ ስንን ምስ።
\p
\v 44 እ፥ “ታ ህንተራ ጋምእዳ ዎደ ኡባን ሙሰ ማፃፋታን፥ ናበታ ማፃፋታንነ ማዝሙረ ማፃፋታን፥ ታ ግሾ ፃፈትዳባይ ኡባይ ፖለታናዉ በሴስ ያጋዳ ታ ህንተዉ ኦድዳ ቃላይ ሀይሳ” ያግስ።
\p
\v 45 ሄ ዎደ ጌሻ ማፃፋታ አኬካና መላ ኤንታ ዎዛና ዶይስ። 
\v 46 ሄሳዳካ፥ “ክርስቶስ ዋየ ኤካና፥ ሄን ቃማን ሀይቆፐ ደንዳና ያግድ ፃፈትስ። 
\v 47 የሩሳላመፐ ደንድድ አሳ ኡባስ ናጋራፐ ማሮተይነ አቶተይ እያ ሱንን ማርካታና። 
\v 48 ህንተ ሄሳስ ማርካታ። 
\v 49 ሄኮ፥ ታካ ታ አዋይ እምዳ ኡፋይሳ ህንተዉ የዳና። ህንተ ሳሎፐ ዎልቃ ማአና ጋካናዉ የሩሳላመ ካታማን ጋምእተ” ያግስ።\x - \xo 24:49 \xo*\xt ሀዋ 1:4.\xt*\x*
\s1 የሱሲ ፑደ ሳሎ ብስ
\r (ማር 16:19-20፤ ሀዋ 1:9-11)
\p
\v 50 ሄሳፈ ጉየ፥ ብታነ ካታማ ኤንታና ኤክድ ብስ። ባ ኩሽያ ደንድ አንጅስ።\x - \xo 24:50 \xo*\xt ሀዋ 1:9-11.\xt*\x* 
\v 51 ኤንታና አንጅሸ ኤንታፈ ሻከትድ ፑደ ሳሎ ኤከትስ። 
\v 52 ኤንቲ ዝግ ጎይንድ ዳሮ ኡፋይሳን የሩሳላመ ስምዶሶና። 
\v 53 ፆሳ ኡባ ዎደ ጋላትሸ ፆሳ ኬን ጋምእዶሶና።