\id LEV - GOOFA FULL BIBLE
\ide UTF-8
\h ሌወታ ማፃፋ
\toc1 ሌወታ ማፃፋ
\toc3 ሌወ
\toc2 ሌወታ
\mt ሌወታ ማፃፋ
\imt ጋ ቆፋ
\ip ሌወታ ማፃፋይ፥ ሌወ ኮቻፈ ግድዳ ሌወት ዋትዲ ባንታ ኦሱዋ ኦነኮ ቆንጭሴስ። ሄ ኦሶታፐ ኮይሮይ፥ አሳይ ኩመ ፃላተን ፆሳኮ ሺቃና መላ ያርሾ ሺሾ፤ ናምአንይ፥ ቱናነ ቱና ግዶናባታ ሻክድ አሳ ፆሳ ስንን ቱናተፈ ጌሾ።
\ip ማፃፋስ ጉልአ ቆፋይ ፆሳ ጌሻተ። “ታኒ፥ ጎዳይ፥ ህንተ ፆሳይ፥ ጌሽ ግድያ ግሾ፥ ህንተካ ጌሽ ግድተ” ያግስ። ቃስ ፆሳ አሳይ ሀ ጌሽ ግድዳ እስራኤለ ፆሳራ ሽጵ ግድ ዳና መላነ ዋንድ እያ ጎይናናዉ በሲያኮ ፓድድ በሴስ።
\ip ሌወታ ማፃፋን ዳሮ ኤረትዳ ኪታይ፥ የሱሲ ግታ ኪታ ግድ ናምአን ደን ዎዳ፥ “አሰ ኡባ ነ ሁጰዳ ዶሳ” ጌተትድ ፃፈትዳ ቃላ (\xt ሌወ 19:18\xt*)።
\iot ማፃፋ አይፈ ቆፋታ
\io1 ያርሾ ዎጋታ (\ior 1:1—7:38\ior*)
\io1 ካህነታ ሹሞ ዎጋ (\ior 8:1-36\ior*)
\io1 አሮና ያርሹዋ (\ior 9:1-24\ior*)
\io1 ናምኡ ካህነታ ሀይቁዋ (\ior 10:1-20\ior*)
\io1 ቱናነ ቱና ግዶናባታ (\ior 11:1—15:33\ior*)
\io1 አቶተ ጋላስነ እያ ዎጋታ (\ior 16:1-34\ior*)
\io1 ዱማ ዱማ ህገታ (\ior 17:1—20:27\ior*)
\io1 ዱማ ዱማ ባለታ ቦንቾ ዎጋ (\ior 21:1—25:55\ior*)
\io1 አንጆነ ሴራ (\ior 26:1-46\ior*)
\io1 ቃላ ጫቆነ ያርሾ ዎጋታ (\ior 27:1-34\ior*)
\c 1
\s1 ፁሳ ያርሾ
\p
\v 1 ጎዳ ፆሳይ፥ ጌሻ ዱንካንያ ግዶን ግድድ ሙሰ ፄግድ ያግስ፤ 
\v 2 እስራኤለ አሳስ ሀይሳዳ ያጋዳ ኦዳ፤ ህንተፈ ኦንካ ጎዳስ ያርሾ ያርሽያ ዎደ ባ መህያፐ፥ ባ ዶርሳፈነ ባ ዴሻፐ ኤሆ። 
\v 3 ሄ ያርሾይ መሄፐ ፁሳ ያርሾስ ግድኮ ቦረይ ባይና ዎፋኖ ግዶ። ጎዳይ ሄ ያርሹዋ ኤካና መላ ጌሻ ዱንካንያ ገልያ ፐንገን ያርሾ። 
\v 4 ያርሹዋ ያርሽያ ኡራይ ፁሳ ያርሾስ ኤህዳ መህያ ሁጰን ባ ኩሽያ ዎ። ሄስ እያ ናጋራ አቶተስ ጎዳይ ኤክዳ ያርሾ ግዳና። 
\v 5 እ ሄ ዎፋኑዋ ጎዳ ስንን ሹኮ፤ ካህነት፥ አሮና ናይት ሄ ሱ ኤክድ፥ ጌሻ ዱንካነ ገልያ ፐንገን ደእያ ያርሾ በሳ ኦይዱ ማዛነታ ቦላ ዉርፆ። 
\v 6 ሄ መህያ ጋልባ ቃርድ፥ አሹዋ ቆሞን ቆሞን ከሶ። 
\v 7 ካህንያ አሮና ናይት ያርሾ በሳን ም ዎድ ታማ ኤ። 
\v 8 ካህነት፥ አሮና ናይት ሄ ከስዳ አሹዋ ቦላ ሁጵያነ ሞዋ ጉጅድ፥ ያርሾ በሳን ታማን ደእያ ም ቦላ ማራይድ ዎ። 
\v 9 ሽን ሄ ኡራይ ኡሎ አሹዋነ ገዳታ ሃን ሜጮ። ካህነይ ሄ ኡባ ያርሾ በሳን ፁጎ፤ ሄስ ጎዳስ ታማን ፁገትያ ሳዎ ቶንኩ ግያ ያርሾ ግዳና።
\p
\v 10 ፁገትያ ያርሾስ እ እምያ እሞይ ዶርሳፈ ዎይኮ ዴሻፐ ግድኮ፥ ቦረይ ባይና ማራዘ ዎይኮ ኮለ ግዶ። 
\v 11 ሄ መህያ ያርሾ በሳፈ ፑደሀ ባጋራ ጎዳ ስንን ሹኮ። ካህነት፥ አሮና ናይት ሄ ሱ ኤክድ ያርሾ በሳ ኦይዱ ማዛነታ ኡባ ቦላ ዉርፆ። 
\v 12 ሄ ኡራይ አሹዋ ቆሞን ቆሞን ከሶ፤ ካህነይ ሄ ከስዳ አሹዋ ቦላ ሁጵያነ ሞዋ ጉጅድ፥ ያርሾ በሳን ታማን ደእያ ም ቦላ ማራይድ ዎ። 
\v 13 ሽን ሄ ኡራይ ኡሎ አሹዋነ ገዳታ ሃን ሜጮ፤ ካህነይ ሄ ኡባ ያርሾ በሳን ፁጎ፤ ሄስ ጎዳስ ታማን ፁገትያ ሳዎ ቶንኩ ግያ ያርሾ ግዳና።
\p
\v 14 ጎዳስ ያርሸትያ ፁሳ ያርሾይ ካፎ ግድኮ ሆለ ዎይኮ ኩራቾ ግዶ። 
\v 15 ካህነይ ሄሳ ኤክድ ቆያ ኩሸራ ዱ፤ ሁጵያ ያርሾ በሳ ቦላ ደእያ ታማን ፁጎ። እያ ሱይ ያርሾ በሳ ምየራ ጉኮ። 
\v 16 ኡሎ አሹዋነ ቀፍያ ከስድ፥ ያርሾ በሳፈ ዶሎሀ ባጋራ ብዶ ቆልያ በሳን የጎ። 
\v 17 እ ሄ ካፉዋ ቀፈታ ኦይክድ ሻኮ፥ ሽን ኩመ ሻኮፎ። ካህነይ ያርሾ በሳ ቦላ ደእያ ታማን ዎድ ፁጎ፤ ሄስ ጎዳስ ታማን ፁገትያ ሳዎ ቶንኩ ግያ ያርሾ ግዳና።
\c 2
\s1 ካ ያርሾ
\p
\v 1 ኦንካ ካ ያርሾ ጎዳስ ያርሽያ ዎደ ሄ ያርሾይ ሎኦ ለ ግዶ፤ እያ ቦላ ዛይተነ እፃነ ጉጆ። 
\v 2 ሄሳ ካህነ ግድዳ አሮና ናይታኮ ኤሆ፤ ካህነት ሄ ሎኦ ልያፈ እስ ኩጫ ኤክድ፥ ዛይተነ እፃነ ኡባ ጉጅድ ያርሾ በሳ ቦላ ታማን ፁጎ። ሄስ ጎዳስ ታማን ፁገትያ ሳዎ ቶንኩ ግያ ቆፍሶ ያርሾ ግዳና። 
\v 3 ካ ያርሹዋፈ አትዳይስ አሮናስነ እያ ናይታስ ግዳና። ሄስ ጎዳስ ታማን ፁገትዳ ኡባፈ ጌሻ ያርሾ ግዳና።
\p
\v 4 ያርሸትያ ኡይይ ጮጨን ኮምፐትዳ ግድኮ፥ ዛይተራ ሙኑቀትዳ ሎኦ ለ ግዶ። ሄ ኡይይ እርሾይ ባይና ዛይተን ሙኑቀትዳይሳ ዎይኮ ሌኦን ኡከትድ ዛይተን ትየትዳይሳ ግዶ። 
\v 5 ያርሸትያ ኡይይ በሸን ኡከትዳባ ግድኮ፥ እርሾይ ባይና ዛይተን ሙኑቀትዳ ሎኦ ለ ግዶ። 
\v 6 እያ መንዳ እያ ቦላ ዛይተ ትጋዳ ካ ያርሾ ኦዳ ያርሻ። 
\v 7 ነ ያርሽያ ካይ ኦቶን ካፅዳባ ግድኮ ዛይተን ሙኑቀትዳ ሎኦ ለ ግዶ። 
\v 8 ሄሳዳ ሀንድ ጊግዳ ካ ያርሹዋ ጎዳስ ኤሀዳ ካህንያስ እማ፤ ካህነይ ሄሳ ኤክድ ያርሾ በሳን ያርሾ። 
\v 9 ካህነይ ሄ ካ ያርሹዋ ኤክድ፥ ያርሾ በሳን ፁሳ ያርሾ ኦድ ታማን ፁጎ። ሄስ ጎዳስ ታማን ፁገትያ ሳዎ ቶንኩ ግያ ቆፍሶ ያርሾ ግዳና። 
\v 10 ካ ያርሹዋፈ አትዳይስ አሮናስነ እያ ናይታስ ግዳና። ሄስ ጎዳስ ታማን ፁገትዳ ኡባፈ ጌሻ ያርሾ ግዳና።
\p
\v 11 ኔኒ እርሾ ዎይኮ ኤስ ጎዳስ ታማን ፁጋዳ ያርሻናዉ በሶና ግሾ ጎዳስ ህንተ ኤህያ ካ ያርሾይ እርሾይ ደእያባ ግዶፖ። 
\v 12 ሀይሳታ ባይራ ያርሾ ኦድ ጎዳስ ያርሻናዉ ዳንዳኤታ፥ ሽን ሳዎ ቶንኩ ግያ ያርሾ ኦድ ጎዳስ ያርሾ በሳን ፁጎፍተ። 
\v 13 ማፅነይ፥ ኔኒ ነ ፆሳራ ጫቅዳ ጫቁዋስ ማላ ግድያ ግሾ ነ ካ ያርሾ ኡባን ማፅነ የጋ። ነ ካ ያርሾ ኡባ ማፅነን ማልኤ። 
\v 14 ኔኒ ካፈ ባይራ ጎዳስ ኤህያ ዎደ ጫጨትድ ሽርከትዳ ትያ ግዳናዉ በሴስ። 
\v 15 ሄስ ካ ያርሾ ግድያ ግሾ እያ ቦላ ዛይተ ትጋ፤ እፃነ ዎ። 
\v 16 ካህነይ ሄ ጫጨትድ ሽርከትዳነ ዛይተይ ትገትዳ ካ ያርሹዋፈ ባጋ ኤክድ እፃነ ኡባራ ቆፍሶ ያርሾ ኦድ ጎዳስ ታማን ፁጎ።
\c 3
\s1 እስፈተ ያርሾ
\p
\v 1 እስ አስ እስፈተ ያርሾስ ባ መህያፐ ቦረይ ባይና ኡስ ዎይኮ ዎፋኖ ጎዳ ስን ሺሾ። 
\v 2 ያርሻናዉ ኤህዳ መህያ ሁጰን ባ ኩሽያ ዎድ ጌሻ ዱንካንያ ፐንገን ሹኮ። ካህነት፥ አሮና ናይት ሱ ኤክድ ያርሾ በሳ ኦይዱ ማዛንያ ቦላ ዉርፆ። 
\v 3 እስፈተ ያርሹዋፈ ፁሳ ያርሾ ኦድ ጎዳስ ሺሾ፤ ሄስካ ኡሎ አሹዋ ካምዳ ሞያ፥ 
\v 4 ናምኡ ክላሆታ፥ ኤንታ ቦላ ደእያ ሞያነ ትርያ ፄራ ባጋ ኤኮ። 
\v 5 አሮና ናይት ሄሳ ፁሳ ያርሹዋራ እስፈ ያርሾ በሳ ቦላ ደእያ ም ቦላ ዎድ ፁጎ። ሄስ ጎዳስ ፁገትያ ሳዎ ቶንኩ ግያ ያርሾ ግዳና።
\p
\v 6 እስፈተ ያርሾስ ሺቀይ ማጫ ዎይኮ አደ ዶርሰ ግድኮ ቦረይ ባይናባ ግዶ። 
\v 7 እስ አስ ዶርሳ ኡርገ ያርሽያባ ግድኮ ሄሳ ጎዳ ስንን ሺሾ። 
\v 8 ሄ ዶርሳ ኡርግያ ሁጰን ባ ኩሽያ ዎድ ጌሻ ዱንካንያ ፐንገን ሹኮ። አሮና ናይት ሱ ኤክድ ያርሾ በሳ ኦይዱ ማዛንያ ቦላ ዉርፆ። 
\v 9 እስፈተ ያርሹዋፈ ጎዳስ ፁሳ ያርሾ ኦድ ያርሾ፤ ሄስካ ሞዋ፥ ጎይናፐ ብድ ዞኮ መቀ ጋካናዉ ደእያ ሞዋ፥ ኡሎ አሹዋ ካምዳ ሞያ፥ 
\v 10 ናምኡ ክላሆታ፥ ኤንታ ካምዳ ሞያ ትርያ ፄራ ባጋ ኤኮ። 
\v 11 ካህነይ ሄሳ ጎዳስ ፁሳ ያርሾ ኦድ ያርሾ በሳን ፁጎ።
\p
\v 12 እ ያርሸይ ዴሸ ግድኮ እ ሄሳ ጎዳ ስን ሺሾ። 
\v 13 እያ ሁጰን ባ ኩሽያ ዎድ ጌሻ ዱንካንያ ስንን ሹኮ። አሮና ናይት ሱ ኤክድ ያርሾ በሳ ዩሹዋ ዉርፆ። 
\v 14 እ ሄ ያርሹዋፈ ኤክድ ጎዳስ ፁሳ ያርሾ ኦድ ያርሾ፤ ሄስካ ኡሎ አሹዋ ካምዳ ሞያ ኡባ፥ 
\v 15 ናምኡ ክላሆታ፥ ኤንታ ካምዳ ሞያ ትርያ ፄራ ባጋ ኤኮ። 
\v 16 ካህነይ ሄሳ ጎዳስ ሳዎ ቶንኩ ግያ ያርሾ ኦድ ያርሾ በሳን ፁጎ። ሞ ኡባይ ጎዳባ።
\p
\v 17 ህንተ ሞነ ሱ ሞፕተ። ሄስ ህንተስነ ያና የለተይ ደእያ በሳ አዉንካ ናግያ ዎጋ ግዶ።
\c 4
\s1 ናጋራ ያርሾ
\p
\v 1 ጎዳይ ሙሰኮ ሀይሳዳ ያግስ፤ 
\v 2 ኔኒ እስራኤለ አሳስ ሀይሳዳ ያጋዳ ኦዳ፤ ኦንካ ቆፖና ናጋራ ኦኮ ዎይኮ ጎዳ ኪታታፐ እሱዋ መንኮ፥ 
\v 3 ዶረትዳ ካህነይ ናጋራ ኦድ አሳ ጎመን ጋኮ፥ እ ባ ኦዳ ናጋራ ግሾ ቦረይ ባይና ዎፋኖ ጎዳስ ናጋራ ያርሾ ኦድ ኤሆ። 
\v 4 ሄ ዎፋኑዋ ጌሻ ዱንካንያ ፐንገ ኤህድ፥ ሁጰን ባ ኩሽያ ዎድ ጎዳ ስንን ሹኮ። 
\v 5 ዶረትዳ ካህነይ ዎፋኑዋ ሱፈ ጉራ ኤክድ ጌሻ ዱንካንያ ገልስድ፥ 
\v 6 ባ ብራያ ሱን የድ ኤክድ ጌሻ ዱንካንያ ማጋራጁዋ ስንን ጎዳ ስንን ላፑን ቶሆ ዉርፆ። 
\v 7 ካህነይ ጉ ሱ ኤክድ ጌሻ ዱንካንያን ጎዳ ስንን ሳውያ እፃነ ጩይስያ በሳን ደእያ ካጨታ ትዮ። አትዳ ሱ ጌሻ ዱንካንያ ገልያ ፐንገ ባጋራ ደእያ ፁሳ ያርሾ በሳ ጋርሳን ጉሶ። 
\v 8 ናጋራ ያርሾስ ሹከትዳ ዎፋኑዋ ሞዋ ኡባ፥ ኡሎ አሹዋ ማእዳ ሞዋ፥ 
\v 9 ናምኡ ክላሆታ፥ ኤንታ ካምዳ ሞያነ ትርያ ፄራ ባጋ ኤኮ። 
\v 10 እስፈተ ያርሾስ ሹከትዳ ዎፋኑዋ ሞዋ ከስዳይሳዳ እያፐ ሞዋ ከሶ። ካህነይ ፁሳ ያርሾ ኦድ ያርሾ በሳን ፁጎ። 
\v 11 ሽን ዎፋኑዋ ጋልባ፥ እያ አሹዋ ኡባ፥ እያ ሁጵያ፥ እያ ቶሆታ፥ ኡሎ አሹዋ፥ ቶጭያ፥ 
\v 12 አሹዋፐ አትዳይሳ ኡባ ጉታፐ ካረ ከስድ ብዶ የግያ ዎጋ መላ ጌሻ በሲ ኤፍድ ያን ታማን ፁጎ።
\p
\v 13 እስራኤለ ማባራ ኡባይ ቆፖና ናጋራ ኦኮነ ጎዳ ኪታታፐ እሱዋ መንኮ ሄስ ኤንታፈ ቆሰትኮካ ኤንታዉ ባላ ግድድ ታይበታና። 
\v 14 ኤንቲ ኦዳ ናጋራ አኬክያ ዎደ ናጋራ ያርሾስ ሀንያ ዎፋኖ ጌሻ ዱንካንያ ስን ኤሆ። 
\v 15 ማባራ ጭማት ባንታ ኩሽያ ዎፋኑዋ ሁጰን ዎድ ጎዳ ስንን ሹኮ። 
\v 16 ዶረትዳ ካህነይ ዎፋኑዋ ሱፈ ጉራ ኤክድ ጌሻ ዱንካንያ ግዶ ገሎ። 
\v 17 እ ባ ብራያ ሱን የድ ኤክድ ማጋራጁዋ ስን ባጋራ ጎዳ ስንን ላፑን ቶሆ ዉርፆ። 
\v 18 ቃስ ጉ ሱ ኤክድ፥ ጌሻ ዱንካንያ ግዶን ጎዳ ስንን እፃነ ጩይስያ በሳን ደእያ ካጨታ ቦላ ትዮ። አትዳ ሱ ጌሻ ዱንካንያ ገልያ ፐንግያ ባጋራ ደእያ ፁሳ ያርሾ በሳ ጋርሳን ጉሶ። 
\v 19 ሞ ኡባ ኤክድ ያርሾ በሳን ፁጎ። 
\v 20 ሀ ዎፋኑዋካ ናጋራ ያርሾስ ሹከትዳ ዎፋኑዋ መላ ኦዳ ሺሻ። ሄሳዳ ኦድ፥ ካህነይ ናጋራ አቶተ ዎጋ ፖላና፤ አሳ ናጋራይ አቶ ጌተታና። 
\v 21 ካህነይ ዎፋኑዋ ጉታፐ ካረ ከስድ፥ ኮይሮ ዎፋኖይ ፁገትዳይሳዳ እያካ ፁጎ፤ ሄስ ማባራስ ያርሸትያ ናጋራ ያርሾ።
\p
\v 22 አሳ ካለያ ሹማታፐ እሶይ ቆፖና ናጋራ ኦኮነ ጎዳ ፆሳ ኪታፐ እሱዋ መንኮ ሄ ኡራይ ባላ። 
\v 23 እ ባ ኦዳ ናጋራ አኬክዳፐ ጉየ፥ ቦረይ ባይና እስ ኮለ ኤሆ። 
\v 24 ሄ ኮልያ ሁጰን ባ ኩሽያ ዎድ ፁሳ ያርሾይ ያርሸትያ በሳን ጎዳ ስንን ሹኮ፤ ሄስ ናጋራ ያርሾ። 
\v 25 ካህነይ ባ ብራያ ሱን የድ ኤክድ፥ ፁሳ ያርሾ በሳን ደእያ ካጨታ ቦላ ትዮ፤ አትዳ ሱ ቃስ ፁሳ ያርሾ በሳ ጋርሳን ጉሶ። 
\v 26 እስፈተ ያርሾስ ሺቅዳ ሞዋ ኡባ ፁግዳይሳዳ ሀ ኮልያ ሞዋ ፁጎ። ሄሳዳ ኦድ፥ ካህነይ ሄ ኡራ ናጋራ ቁሽሴስ፤ ሄ ኡራ ናጋራይ አቶ ጌተታና።
\p
\v 27 ማባራፐ እስ አስ ቆፖና ናጋራ ኦኮነ ጎዳ ኪታፐ እሱዋ መንኮ ሄ ኡራይ ባላ ግዴስ። 
\v 28 እ ባ ኦዳ ናጋራ አኬክዳፐ ጉየ ቦረይ ባይና ማጫ ዴሽ ባ ናጋራ ግሾ ኤሆ። 
\v 29 ባ ኩሽያ ሄ ዴሸ ሁጰን ዎ፤ ያትድ ፁሳ ያርሾ በሳን ናጋራ ያርሾ ኦድ ሹኮ። 
\v 30 ሄሳፈ ጉየ፥ ካህነይ ሄ ዴሸ ሱን ባ ብራያ የድ ኤክድ ፁሳ ያርሾ በሳን ደእያ ካጨታ ቦላ ትዮ። አትዳ ሱ ኡባ ያርሾ በሳፈ ጋርሳን ጉሶ። 
\v 31 እስፈተ ያርሾስ ሹከትዳ መህያፐ ሞዋ ከስዳይሳ መላ ሄ ዴሸ ሞዋ ቃር ከስድ፥ ያርሾ በሳን ጎዳስ ሳዎ ቶንኩ ግያ ያርሾ ኦድ ፁጎ። ሄሳዳ ኦድ፥ ካህነይ ሄ ኡራ ናጋራ ቁሽሴስ፤ እያ ናጋራይ አቶ ጌተታና።
\p
\v 32 ሄ ኡራይ ባ ናጋራ ግሾ ያርሸይ ዶርሰ ግድኮ፥ ቦረይ ባይና ማጫ ዶርሰ ግዶ። 
\v 33 እ ባ ኩሽያ ሄ ዶርሰ ሁጰን ዎ፤ ያትድ፥ ፁሳ ያርሾ መሄ ሹክያ በሳን ሹኮ። 
\v 34 ሄሳፈ ጉየ፥ ካህነይ ዶርሰ ሱን ባ ብራያ የድ ኤክድ ፁሳ ያርሾይ ያርሸትያ በሳን ደእያ ካጨታ ቦላ ትዮ። አትዳ ሱ ያርሾ በሳፈ ጋርሳን ጉሶ። 
\v 35 እስፈተ ያርሾስ ሹከትዳ መህያፐ ሞዋ ከስዳይሳዳ ሄ ዶርሰ ሞዋ ቆር ከስድ፥ ያርሾ በሳን ጎዳስ ፁሳ ያርሾ ኦድ ፁጎ። ሄሳዳ ኦድ፥ ካህነይ ሄ ኡራ ናጋራ ቁሽሴስ፤ እያ ናጋራይ አቶ ጌተታና።
\c 5
\p
\v 1 እስ አስ ባ በእዳባ ዎይኮ ባ ኤርያባ ማርካታና መላ ኦይሸትድ ማርካቶና እፅኮ ሄ ኡራይ ናጋራ ኦዳ ግሾ ሴረቶ።
\p
\v 2 እስ አስ ኤሮና ደእሸ ቱናባ፥ ሄስካ፥ ሀይቅዳ ዶአ ዎይኮ መሄ ዎይኮ ሳአራ ጎሸትያ ዶአታ ቦችኮ፥ ሄስ ቱና ግደይሳ እ ኤሮና እፅኮካ ቱና ግድያ ግሾ ባላ ግዴስ።
\p
\v 3 እስ አስ ኤሮና ደእሸ አሳ አሳተፈ ጎግድ ቱንስያባ ቦችኮ፥ ሄስ ቱና ግደይሳ እ ኤሮና እፅኮ፥ ቱና ግድያ ግሾ ባላ ግዴስ።
\p
\v 4 እስ አስ ኢታባ ግድን ሎኦባ ኦናዉ ኤሶን ጫቅኮነ ባ ጫቅዳይሳ ዶግድ፥ ጉየፐ እ አኬክዳ ዎደፐ ዶምድ ባላ ግዴስ።
\p
\v 5 እስ አስ ሀ ኦደትዳ ባላታፐ እሱዋ ኦዳባ ግድኮ ባ ኦዳ ናጋራ ፓፆ። 
\v 6 እ ባ ኦዳ ናጋራ ግሾ ጎዳስ ባ መህያ ግዶፈ ማጫ ዶርሰ ዎይኮ ማጫ ዴሸ ናጋራ ያርሾ ኦድ ሺሾ። ካህነይ ኤክድ ሄ ኡራ ናጋራ ቁሸስ ያርሻና።
\p
\v 7 እስ አስ ባ ኦዳ ናጋራ ግሾ ያርሻናዉ ዶርሰ ዎይኮ ዴሸ ሻማናዉ እያዉ ጋተይ ጋኮና እፅኮ ናምኡ ኩራቾታ ዎይኮ ናምኡ ሆለታ፥ እሱዋ ናጋራ ያርሾስ ቃስ እሱዋ ፁሳ ያርሾስ ኦድ ጎዳስ ኤሆ። 
\v 8 እ ኤንታ ካህንያስ እሞ፤ ካህነይ ናምኡ ሆለታፐ እሱዋ ቆያ ምርቅድ ዱናሽን፥ ናጋራ ያርሾ ኦድ ሺሾ። 
\v 9 ያትድ ሱፈ ጉራ ኤክድ፥ ያርሾ በሳ ማታን ዉርፆ፤ አትዳ ሱ ያርሾ በሳ ጋርሳን ጉሶ፤ ሄስ ናጋራ ያርሾ። 
\v 10 ሀንኮ ሆልያ ቃስ ህገይ ኪተይሳዳ ፁሳ ያርሾ ኦድ ፁጎ። ካህነይ ሀይሳዳ ኦድ፥ ኡራይ ኦዳ ናጋራ ቁሽሳናዉ ያርሾ ያርሼስ፤ ሄ ኡራ ናጋራይ አቶ ጌተታና።
\p
\v 11 ሽን እስ አስ ናምኡ ሆለ ዎይኮ ናምኡ ኩራቾ ኤሀናዉ ጋተይ ጋኮና እፅኮ፥ እስ ክሎ ግራመ ሎኦ ለ ባ ናጋራ ግሾ ያርሾ ኦድ ኤሆ። ሄ ለይ ናጋራ ያርሾ ግድያ ግሾ ዛይተይ ዎይኮ እፃነይ እያ ቦላ ጉዠቶፎ። 
\v 12 እ ሄሳ ኤህድ ካህንያስ እሞ፤ ካህነይ ሄ ልያፈ እስ ኩጫ ኤክድ፥ ጎዳስ ሺቅያ ካ ያርሹዋራ ጋድ፥ ቆፍሶ ኦድ ያርሾ በሳን ፁጎ፤ ሄስ ናጋራ ያርሾ። 
\v 13 እስ አስ ሀ ናጋራታፐ እሱዋ ኦኮ ሀይሳዳ ኦድ እያ ናጋራ ቁሽሴስ፤ ሄ ኡራ ናጋራይ አቶ ጌተታና። ሄ ያርሹዋፈ አትዳይስ ካ ያርሹዋዳ ካህንያስ ግዶ።
\s1 ናቆ ያርሾ
\p
\v 14 ጎዳይ ሙሰኮ ሀይሳዳ ያግስ፤ 
\v 15 ኦንካ ጎዳ ናቅኮነ ጌሻ ሚሸታ ቱንስድ ቆፖና ናጋራ ኦኮ ባ ናቁዋስ ባ መህያ ግዶፈ ቦረይ ባይና እስ ማራዘ ጎዳስ ኤሆ። እያ ጋተይ ጌሻ ዱንካነን ኤረትዳ ምዛነ ግናን ጭገቶ፤ ሄስ ናቆ ያርሾ። 
\v 16 እ ጌሻ ሚሸታ ቦላ ናጋራ ኦዳ ግሾ ኮይሮ ጭጋናዉ በሲያ ጋትያ ቦላ ፄታፐ ላታሙ ኩሸ ጉጅድ ካህንያስ እሞ። ካህነይ ሄሳ ማራዝያራ ጋ ያርሽድ ኡራ ናቁዋ ቁሽሴስ፤ እያ ናጋራይ አቶ ጌተቴስ።
\p
\v 17 እስ አስ ቆፖናሽን፥ ጎዳ ኪታታፐ እሱዋ መንድ ናጋራ ኦኮ እ ሄሳ ኤሮና እፅኮካ ባላ ግድያ ግሾ ባ ናጋራን ሴረቶ። 
\v 18 እ ባ መህያፐ ቦረይ ባይናነ ጋተ ኩንያ እስ ማራዘ ናቆ ያርሾስ ካህንያኮ ኤሆ። ካህነይ ሄ ማራዝያ ያርሽድ ኡራ ናቁዋ ቁሽሴስ፤ እያ ናቆይ አቶ ጌተቴስ። 
\v 19 እ ቱማፐ ጎዳ ናቅዳ ግሾ ሄስ ናቆ ያርሾ።
\c 6
\p
\v 1 ጎዳይ ሙሰኮ ሀይሳዳ ያግስ፤ 
\v 2 እስ አስ ሀራ አስ ሀዳራ ዎዳባ ዎይኮ ታልእዳባ ላህኮ ዎይኮ ቦንቅኮ ዎይኮ ጭምኮ፥ 
\v 3 ዎይኮ ይዳባ ደምድ ታ በአብከ ግድ ዎርዶን ጫቅኮነ አስ ኦያ ሀይሳ መላባፐ እሱዋ ኦኮ፥ 
\v 4 ሄሳን ናጋራንቾ ግድድ በንትኮ፥ ካይስዳባ ዎይኮ ቦንቅዳባ ዎይኮ ሀዳራ ኤክዳባ ዎይኮ ይን ደምዳባ፥ 
\v 5 ዎይኮ ዎርዶን ጫቅድ ኤክዳ ኩመ ሻሉዋ ጎዳስ ዛሮ። ቃስ ባ ናቆ ያርሹዋ ያርሽያ ጋላስ ባ ኤክዳባ ቦላ ፄታፐ ላታሙ ኩሸ ጉጅድ ሻሉዋ ጎዳስ እሞ። 
\v 6 ቃስ ባ ናቁዋ ግሾ ጎዳስ ያርሾ ያርሽያ ዎደ ባ መህያ ግዶፈ ቦረይ ባይና እስ ማራዘ ካህንያኮ ኤሆ። ሄ ዶርሳይ ናቆ ያርሾስ ጋተ ኩንይሳ ግዶ። 
\v 7 ካህነይ ሄ ዶርሳ ያርሽድ ሄ ኡራ ናቁዋ ቁሽሴስ፤ ሄ ኡራ ናቆይ አቶ ጌተታና።
\s1 ፁሳ ያርሾ
\p
\v 8 ጎዳይ ሙሰኮ ሀይሳዳ ያግስ፤ 
\v 9 አሮናነ እያ አደ ናይታ ሀይሳዳ ያጋዳ ኪታ፤ ፁሳ ያርሹዋስ ደእያ ዎጋይ ሀይሳ፤ ፁሳ ያርሾይ ሳእ ዎንታና ጋካናዉ ያርሾ በሳን ደኦ። ታማይ ያርሾ በሳን ቃማ ኩመ ኤፅሸ አቆ። 
\v 10 ካህነይ ሊኖፐ ዳደትዳ ቃምሰ ማእድ፥ ሱረ ዳንጭድ፥ ፁሳ ያርሹዋ ታማይ ምዳ ብዱዋ ካሽድ ያርሾ በሳ ምየን ላሎ። 
\v 11 ያትድ ማኡዋ ቃር ዎድ ሀራ ማኦ ማእድ ሄ ብዱዋ ጉታፐ ጋፃ ኤፍድ ዎጋዳ ጌሻ በሳን ቆሎ። 
\v 12 ያርሾ በሳ ቦላ ደእያ ታማይ ቶኦና ኡባ ዎደ ኤፅሸ ደኦ። ካህነይ ዎንታ ዎንታ ም እያ ቦላ ጉጆ። ፆሳ ያርሹዋ ም ቦላ ማራን ዎድ፥ እስፈተ ያርሹዋ ሞዋ እያ ቦላ ፁጎ። 
\v 13 ታማይ ያርሾ በሳ ቦላ ኡባ ዎደ ኤፅሸ ደኦ፤ ቶአናዉ ኮሸና።
\s1 ካ ያርሾ
\p
\v 14 ካ ያርሾስ እመትዳ ዎጋይ ሀይሳ፤ ካህነ ግድዳ አሮና ናይት ያርሾ በሳፈ ስን ባጋራ ጎዳ ስንን ያርሾ። 
\v 15 ካህነይ እስ ኩጫ ሎኦ ለነ ዛይተ ኤክድ ካ ያርሹዋ ቦላ ደእያ እፃንያራ ያርሾ በሳን ጎዳስ ሳዎ ቶንኩ ግያ ቆፍሶ ያርሾ ኦድ ፁጎ። 
\v 16 እያፐ አትዳይሳ አሮንነ እያ አደ ናይት ኡይ ኡክድ ዱንካንያ ዳባባን ደእያ ጌሻ በሳን ሞ። 
\v 17 ሄ ኡይይ እርሾይ ባይና ኡከቶ። ታማን ፁሳ ያርሹዋፈ ሄሳ ታኒ ኤንታዉ ግሾ ኦዳ እማስ። ናጋራ ያርሹዋ መላነ ናቆ ያርሹዋ መላ እ ኡባፈ ጌሽ። 
\v 18 ጎዳስ ታማን ፁሳ ያርሹዋፈ ኤንታ ጋክያ ግሾ ግድያ ግሾ ያ የለተን አሮና ኮቸ ግድዳ አደት ኡባይ ሄሳ ሞ። ሄ ያርሹዋ፥ ጌሽ ግዶና ኦንካ ቦቾፎ።
\p
\v 19 ጎዳይ ሙሰኮ ሀይሳዳ ያግስ፤ 
\v 20 አሮንነ እያ አደ ናይት ካህነተን ትየትያ ዎደ እስ ክሎ ግራመ ግድያ ሎኦ ለ ካ ያርሾ ኦድ ጎዳስ ኤሆ። እያፐ ባጋ ዎንታ፥ ባጋ ኦማርስ ያርሾ። 
\v 21 ሄ ለይ ዛይተራ ዋላከትድ ሎይ ሙኑቀትድ ባሸን ኡከቶ፤ እያ መንዳ ያርሾ በሳን ሳዎ ቶንኩ ግያ ካ ያርሾ ኦዳ ጎዳስ ያርሻ። 
\v 22 ቃስ አሮና አደ ናይታፐ እያ ካህነተ ላታናዉ ትየትያ ኦንካ ሄ ዎጋ ጊግሴስ። ሄስ ጎዳስ ኡባ ዎደ ያርሸትያ ያርሾ ግድያ ግሾ ኩመ ፁገቶ። 
\v 23 ካህነይ ካ ያርሹዋ ጉየ አሾና ፁጋናዉ ኮሼስ፤ እ ሜተታናዉ በሰና።
\s1 ናጋራ ያርሾ
\p
\v 24 ጎዳይ ሙሰኮ ሀይሳዳ ያግስ፤ 
\v 25 አሮናስነ እያ አደ ናይታስ ሀይሳዳ ያጋ፤ “ናጋራ ያርሾ ዎጋይ ሀይሳ፤ ናጋራስ ሹከትያ ያርሾይ ፁሳ ያርሾይ ሹከትያ በሳን ጎዳ ስንን ሹከቶ። ሄ ያርሾይ ኡባፈ ጌሻ ያርሾ። 
\v 26 ሄ ያርሹዋ ያርሽያ ካህነይ ዱንካንያ ዳባባን ደእያ ጌሻ በሳን ሞ። 
\v 27 ሄ አሹዋ ቦችያ ኦንካ ጌሽ ግዶ፤ ቃስ ሹክሽን ሱ ማኡዋ ቦችኮ ሄ ማኦይ ጌሻ በሳን ሜጨቶ። 
\v 28 አሾይ ካፅዳ ኦቶይ መቆ፤ ብራታ ድስተን ካፅዳባ ግድኮ ሄ ሚሽያ ቃጭድ ሃን ሜጫናዉ ኮሼስ። 
\v 29 ካህነ ኮቻፈ አደ ግድዳ ኦንካ ሄ አሹዋ ሞ፤ ሄ ያርሾይ ኡባፈ ጌሽ። 
\v 30 ሽን ጌሻ በሳን ናጋራ አቶተስ ሱ ኤክድ ዱንካንያ ግዶ ገልዳባ ግድኮ ሄ መህያ አሾይ ሜተታናዉ ኮሸና፤ እ ታማን ፁገታናዉ በሴስ።”
\c 7
\s1 ናቆ ያርሾ
\p
\v 1 ኡባፈ ጌሽ ግድያ ግሾ ናቆ ያርሾ ዎጋይ ሀይሳ፤ 
\v 2 ፁሳ ያርሾ መሄይ ሹከትያ በሳን ናቆ ያርሾ መሄይ ሹከቶ፤ እያ ሱይ ያርሾ በሳ ኦይዱ ባጋን ዉርፀቶ። 
\v 3 እያ ሞዋ ኡባ፥ ሄስካ ጎይናፐ ብድ ዞኮ መቀ ጋካናዉ ደእያ ሞዋ፥ ኡሎ አሹዋ ካምዳ ሞያ፥ 
\v 4 ናምኡ ክላሆታ፥ ኤንታ ካምዳ ሞያነ ትርያ ፄራ ባጋ ኤክድ ያርሾ። 
\v 5 ካህነይ ሀይሳታ ታማን ፁሳ ያርሾ ኦድ ጎዳስ ያርሾ፤ ሄስ ናቆ ያርሾ። 
\v 6 ካህነ ያራ ግድዳ አደ ኡባይ ሄ ያርሾ አሹዋ ሞ። ሄ ያርሾይ ኡባፈ ጌሽ ግድያ ግሾ ጌሻ በሳን ሜተቶ።
\p
\v 7 ናቆ ያርሹዋነ ናጋራ ያርሹዋ ዎጋይ እስኖ። ሄ መህያ አሾይ ናጋራ አቶተስ ያርሽዳ ካህንያስ እመቴስ። 
\v 8 ኦንካ ፁሳ ያርሾ መሄ ኤህን ኤክድ ያርሽያ ካህነይ ሄ መህያ ጋልባ ባዉ ኤኮ። 
\v 9 ጮጨን ኮምፐትዳ ዎይኮ ኦቶን ካፅዳ ዎይኮ ባሸን ኡከትዳ ኡባይ ሄ ያርሹዋ ያርሽዳ ካህንያስ እመቴስ። 
\v 10 ቃስ ዛይተራ ሙኑቀትዳ ዎይኮ ሙኑቀቶና ካ ያርሾ ኡባይ አሮና አደ ናይታ ኡባስ እስ ግና ሻከትድ እመቴስ።
\s1 እስፈተ ያርሾ
\p
\v 11 እስ አስ እስፈተ ያርሾ ጎዳስ ያርሽያ ዎደ እያዉ ደእያ ዎጋይ ሀይሳ፤ 
\v 12 እ ያርሸይ ጋላታ ያርሾ ግድኮ ሄ ያርሹዋራ እስፈ ዛይተራ ሙኑቅዳ ኡይ፥ እርሾይ ገሎና ኡከትድ ዛይተን ትየትዳ ሌኦ ኡይነ ሎኦ ለፈ ዛይተራ ሙኑቀትዳ ኡይ ሺሾ። 
\v 13 ሄ እስፈተ ያርሹዋራ እስፈ እርሾራ ኡከትዳ ኡይ እሞታ ኦድ ያርሾ። 
\v 14 ሄ እስ እስ ኡይፈ እሱዋ ደንድ ጎዳስ ያርሾ ኦድ ኤሆ። ሄስ እስፈተ ያርሹዋ ሱ ዉርፅዳ ካህንያስ እመቶ። 
\v 15 ሄ መህያ አሾይ ሄ ጋላስ ሜተቶ፤ ዎንታስ አይብካ አቶፎ።
\p
\v 16 ሽን እያ ያርሾይ ጋሶ ያርሾ ዎይኮ ዶሳ ያርሾ ግድኮ ሄ አሾይ ሄ ያርሸትዳ ጋላስ ሜተቶ፤ እያፐ አተይ ደእኮ ዎንተ ጋላስ ሜተቶ። 
\v 17 ሄ አሹዋፐ ፓላህድ ሄን ጋላስ ጋካናዉ ጋምእኮ ሄስ ታማን ፁገቶ። 
\v 18 እስ አስ ሺሽዳ እስፈተ ያርሾ አሾይ ሄን ጋላሳን ሜተትኮ እያ ያርሾይ ኤከተና፤ ያርሾይ ያርሸትዳዳ ታይበተና። ሄ ያርሾይ ቱና፤ እያፐ ምዳ ኦንካ ባ ናጋራን ኦይሸቴስ።
\p
\v 19 ቱናባ ቦችዳ አሾይ ሜተቶፎ፤ እ ታማን ፁገታናዉ ኮሼስ። ሀራ አሹዋ ዎጋን ቱና ግዶና አስ ኦንካ ማና ጊኮ ሞ። 
\v 20 ሽን እስ አስ ቱና ግድ ኡትድ፥ ጎዳስ ሺቅዳ እስፈተ ያርሾ አሹዋፐ ምያባ ግድኮ፥ ሄ ኡራይ አሳ ግዶፈ ኩረቶ። 
\v 21 እስ አስ ቱናባ ቦችኮ፥ አሳ ቱናተ ግድን ዎይኮ ቱና መሄ ግድን ዎይኮ ሀራ እፀትያ ቱናባ ቦችድ፥ ጎዳስ ያርሸትዳ እስፈተ ያርሾ አሹዋፐ ሚኮ፥ ሄ ኡራይ ባ አሳ ግዶፈ ኩረቶ።
\p
\v 22 ጎዳይ ሙሰኮ ሀይሳዳ ያግስ፤ 
\v 23 እስራኤለ አሳስ ሀይሳዳ ያጋዳ ኦዳ፤ ኮርማ ዎይኮ ማራዘ ዎይኮ ኮለ ሞ አሹዋ ሞፕተ። 
\v 24 ሀይቅዳ መሄ ዎይኮ ዶእ ዎዳ መህያ ሞዋ ሀራባስ ጎኤትተፐ አትን፥ እያፐ አይባካ ሞፕተ። 
\v 25 ጎዳስ ታማን ፁሳ ያርሾስ ሺቅያ መህያ ሞ አሹዋ ምያ ኦንካ ባ አሳ ግዶፈ ኩረቶ። 
\v 26 ህንተ ደእያ በሳን አዉን ግድኮካ፥ ካፎ ሱ ዎይኮ መሄ ሱ ሞፕተ። 
\v 27 ሱ ምያ ኦንካ ባ አሳ ግዶፈ ኩረቶ።
\s1 ካህነታ ግሹዋ
\p
\v 28 ጎዳይ ሙሰኮ ሀይሳዳ ያግስ፤ 
\v 29 እስራኤለ አሳስ ሀይሳዳ ያጋዳ ኦዳ፤ ጎዳስ እስፈተ ያርሾ ሺሽያ ኦንካ ሄ እስፈተ ያርሹዋፈ ሻክድ ባ እሞታ ኦድ ጎዳስ ዱማይድ ያርሾ። 
\v 30 ሄሳ እ ጎዳስ ታማን ፁሳ ያርሾ ኦድ፥ ባ ኩሸን ኤክድ ኤሆ። ቃስ ሞዋ አንጋሱዋራ ጋ ኤህድ ዩሾ ያርሾ ኦድ ጎዳ ስንን ያርሾ። 
\v 31 ካህነይ ያርሾ በሳን ሞዋ ፁጎ፤ ሽን አንጋሶይ አሮናስነ እያ አደ ናይታስ እመቶ። 
\v 32 ህንተ እስፈተ ያርሹዋፈ ኡሻቻ ገዳ እሞታ ኦድ ካህንያስ እምተ። 
\v 33 ሄ ኡሻቻ ገዳይ እስፈተ ያርሹዋ ሱነ ሞዋ ያርሽያ ካህንያ ጋክያ ግሾ ግዶ። 
\v 34 ታኒ እስራኤለ አሳ እስፈተ ያርሹዋፈ ዩሾ አንጋሱዋን ሺቅዳ ገዳ እስራኤለ አሳፐ ኤካዳ፥ ካህንያ አሮናስነ እያ አደ ናይታስ ግሾ ኦዳ እማስ። ሄስ ኤንታ ጋክያ ኤንታ ግሾ ግድያ ግሾ እስራኤለ አሳይ መርናዉ ሄሳ ኤንታዉ እምሸ ዳና።
\p
\v 35 አሮንነ እያ አደ ናይት ካህነ ግድድ ሹመትዳ ጋላስ ጎዳስ ሺቅዳ ፁሳ ያርሹዋፈ፥ ሄስካ ኤንታዉ ግሾ ግድድ እመትስ። 
\v 36 ጎዳይ ኤንታ ካህነተስ ትይዳ ጋላስ፥ ሄሳ ኤንታዉ እማና መላ እስራኤለ አሳ ኪትስ፤ ሄስ ያና የለተን ኤቅድ ደእያ ዎጋ ግዳና።
\p
\v 37 ህዛ ፁሳ ያርሹዋ፥ ካ ያርሹዋ፥ ናጋራ ያርሹዋ፥ ናቆ ያርሹዋ፥ ካህነት ትየትያ ዎደ ያርሸትያ ያርሹዋነ እስፈተ ያርሹዋ ዎጋይ ሀይሳ። 
\v 38 እስራኤለ አሳይ ሲና መላ ቢታን ባንታ ያርሹዋ ጎዳስ ያርሻና መላ ጎዳይ ኪትዳ ጋላስ፥ ሲና ዙማ ቦላ ጎዳይ ሙሰ ኪትዳ ዎጋይ ሀይሳ።
\c 8
\s1 ካህነታ ሹሞ ዎጋ
\p
\v 1 ጎዳይ ሙሰስ ሀይሳዳ ያግድ ኦድስ፤ 
\v 2 አሮናነ እያ አደ ናይታ፥ ኤንታራ እስፈ ካህነተ ማኡዋ፥ ትዮ ዛይትያ፥ ናጋራ ያርሹዋ ሹከትያ ኮርማ፥ ናምኡ ማራዘታነ፥ እርሾይ ገልቦና ኡከትዳ ኡይ ዎያ ጋይታ ኤካዳ ያ። 
\v 3 ቃስ እስራኤለ አሳ ኡባ ፄጋዳ ዱንካንያ ፐንገ ሺሻ።
\p
\v 4 ሙሰይ ጎዳይ ኪትዳይሳዳ ኦስ፤ አሳ ኡባይ ዱንካንያ ፐንገ ሺቅስ። 
\v 5 ሙሰይ አሳኮ፥ ታ ኦና መላ ጎዳይ ኪትዳይስ ሀይሳ።
\p
\v 6 ሙሰይ አሮናነ እያ አደ ናይታ ኤህድ ሃን ሜጭስ። 
\v 7 አሮና ማኡዋ ማይዝድ፥ ዳንጮ ዳንጭስስ፤ አዱሳ ማኡዋ ማይዝድ እያ ቦላ ኤፉደ ማኡዋ ማይዝስ። ኤፉድያ አሌቅስድ ዳድዳ ሳቅያን አሮና ፄሳራ ጋድ ቃችስ። 
\v 8 ኤፉድያ ቦላ ትራ ኪሰ ስክድ እያን ኡሪመነ ቱሚመ ዎስ። 
\v 9 አሮና ሁጰን ፃ ቃጨ ዎስ። ጎዳይ ሙሰ ኪትዳይሳዳ ፃ ቃጭያ ስን ባጋራ ጌሻ ዎርቃ ጉቸ ምስልያ ዎስ።
\p
\v 10 ሄሳፈ ጉየ ሙሰይ ትዮ ዛይትያ ኤክድ፥ ዱንካንያነ ዱንካንያ ግዶን ደእያ ሚሸ ኡባ ትይድ ዱማይስ። 
\v 11 ሄ ዛይትያፐ ኤክድ ያርሾ በሳ ቦላ ላፑን ቶሆ ዉርፅስ፤ እያ ሚሸታ፥ ሜቻ ከርያነ እያ ኡቱዋ ዱማያናዉ ሄ ዛይትያራ ትይስ። 
\v 12 ሄ ትዮ ዛይትያፐ ጉራ ኤክድ አሮና ሁጰን ትግድ እያ ዱማይስ። 
\v 13 ጎዳይ ሙሰ ኪትዳይሳዳ ሙሰይ አሮና አደ ናይታ ስን አድ ማኦ ማይዝድ ዳንጮ ዳንጭስስ። ኤንታ ሁጰን ፃ ቃጨ ዎስ።
\p
\v 14 ሙሰይ ናጋራ ያርሾስ ያርሸትያ ኮርማ ኤህስ፤ አሮንነ እያ አደ ናይት ሄ ኮርማ ሁጰን ባንታ ኩሽያ ዎዶሶና። 
\v 15 ሙሰይ ሄ ኮርማ ሹክድ እያ ሱን ባ ብራያ የድ ኤክድ፥ ያርሾ በሳን ደእያ ካጨታ ትይድ ያርሾ በሳ ጌሽስ። አትዳ ሱ ያርሾ በሳፈ ጋርሳን ጉስስ፤ ሄሳዳ ኦድ ያርሾ በሳ ፆሳስ ዱማይድ ጌሽስ። 
\v 16 ሙሰይ ኡሎ አሹዋ ካምዳ ሞዋ ኡባ፥ ትርያ ፄራ ባጋ፥ ክላሆታነ ኤንታ ካምዳ ሞዋ ኤክድ፥ ያርሾ በሳን ፁግስ። 
\v 17 ሽን ጎዳይ ሙሰ ኪትዳይሳዳ ኮርማ ጋልባ፥ አትዳ አሹዋነ ቶጭያ ጉታፐ ጋፃ ከስድ ፁግስ።
\p
\v 18 ሄሳፈ ጉየ ሙሰይ ፁሳ ያርሾስ ማራዘ ኤህስ፤ አሮንነ እያ አደ ናይት ሄ ማራዝያ ሁጰን ባንታ ኩሽያ ዎዶሶና። 
\v 19 ሙሰይ ሄ ማራዝያ ሹክስ፤ እያ ሱ ያርሾ በሳ ኦይዱ ማዛነታ ቦላ ዉርፅስ። 
\v 20 ሙሰይ ማራዝያ አሹዋ ቆሞን ቆሞን ቃንፀረስ፤ ሁጵያ፥ አትዳ አሹዋነ ሞዋ ፁግስ። 
\v 21 ጎዳይ ሙሰ ኪትዳይሳዳ ኡሎ አሹዋነ ገዳታ ሜጭድ፥ ኩመ ዶርሳ ጎዳስ ሳዎ ቶንኩ ግያ ፁሳ ያርሾ ኦድ ያርሾ በሳን ፁግስ።
\p
\v 22 ካህነት ሹመትያ ዎደ ሺቅያ ናምአን ዶርሳ ሙሰይ ኤህስ፤ አሮንነ እያ አደ ናይት ሄ ዶርሳ ሁጰን ባንታ ኩሽያ ዎዶሶና። 
\v 23 ሙሰይ ሄ ማራዝያ ሹክስ፤ እያ ሱፈ ኤክድ፥ አሮናስ ኡሻቻ ሀይ፥ ኡሻቻ ኩሽያ ዎጋ ብራያነ፥ ኡሻቻ ቶሁዋ ዎጋ ብራያ ትይስ። 
\v 24 ቃስ ሙሰይ አሮና አደ ናይታ ስን አድ፥ ሄ ሱፈ ኤክድ፥ ኤንታ ኡሻቻ ሀይ፥ ኡሻቻ ኩሽያ ዎጋ ብራያነ ኡሻቻ ቶሁዋ ዎጋ ብራያ ትይስ። ያትድ፥ ሙሰይ አትዳ ሱ ያርሾ በሳ ኦይዱ ማዛነታ ቦላ ዉርፅስ።
\p
\v 25 ሞዋ፥ ጎይናፐ ብድ ዞኮ መቀ ጋካናዉ ደእያ ሞዋ፥ ትርያ ፄራ ባጋ፥ ክላሆታነ ኤንታ ካምዳ ሞዋነ ኡሻቻ ገዳ ኤክስ። 
\v 26 ጎዳ ስንን ደእያ ጋይታፐ እርሾይ ባይና ኡከትዳ እስ ኡይ፥ ኡከትድ ዛይተን ትየትዳ እስ ኡይነ ሌኦን ኡከትዳ ኡይ ኤክድ ሞዋ ቦላነ ኡሻቻ ገዳ ቦላ ዎስ። 
\v 27 እ ሄ ካ ኡባ አሮና ኩሸንነ እያ አደ ናይታ ኩሸን ዎን፥ ጎዳ ስንን ዩሾ ያርሾ ኦድ ያርሽዶሶና። 
\v 28 ሙሰይ ሄ ካ ኤንታ ኩሸፐ ኤክድ፥ ፁሳ ያርሹዋራ ጋድ፥ ካህነታ ሹምያ ዎደ ጎዳስ ሳዎ ቶንኩ ግያ ያርሾ ኦድ ያርሾ በሳን ፁግስ። 
\v 29 ቃስ ሙሰይ አንጋሱዋ ኤክድ፥ ዩሾ ያርሾ ኦድ ጎዳ ስንን ያርሽስ። ጎዳይ ሙሰ ኪትዳይሳዳ፥ ካህነታ ሹምያ ዎደ ያርሸትያ ማራዝያ አሹዋፐ ሄስ ሙሰ ጋክያ ግሾ።
\p
\v 30 ሙሰይ ትዮ ዛይትያፐነ ያርሾ በሳን ደእያ ሱፈ ኤክድ፥ አሮና ቦላነ እያ ማኡዋ ቦላ፥ እያ አደ ናይታ ቦላነ፥ ኤንታ ማኡዋ ቦላ ዉርፅስ፤ አሮናነ እያ ማኡዋ፥ እያ ናይታነ ኤንታ ማኡዋ ዱማይስ።
\p
\v 31 ሙሰይ አሮናነ እያ አደ ናይታኮ ሀይሳዳ ያግስ፤ አሹዋ ዱንካንያ ፐንገን ካተ፤ አሮንነ እያ አደ ናይት ታ ኪትዳይሳዳ ጋይታን ደእያ ጌሻ ኡይራ ሚተ። 
\v 32 ሄ አሹዋፐነ ኡይፈ ፓላህዳይ ደእኮ ታማን ፁግተ። 
\v 33 ካህነታ ሹምያ ዎጋይ ላፑን ጋላስ ኤክያ ግሾ ሄ ዎጋይ ፖለትያ ላፑን ጋላሳይ ዉራና ጋካናዉ ዱንካንያ ፐንገፈ ካረ ከዮፕተ። 
\v 34 ጎዳይ ኪትን ሀች ፖለትዳ ዎጋይ ህንተ ናጋራ ቁቻናሳ። 
\v 35 ዱንካንያ ፐንገን ላፑን ጋላስ ኩመ ጋላስነ ቃማ ጋምእተ፤ ጎዳ ዎጋ ናግተ፤ እፅኮ ህንተ ሀይቃና። ታና ጎዳይ ኪትዳይ ሀይሳ። 
\v 36 አሮንነ እያ አደ ናይት ጎዳይ ሙሰ ባጋራ ኪትዳባ ኡባ ኦዶሶና።
\c 9
\s1 አሮና ኮይሮ ያርሹዋ
\p
\v 1 ሆስፑን ጋላስ ሙሰይ አሮና፥ እያ አደ ናይታነ እስራኤለ ጭማታ ፄግስ። 
\v 2 አሮናኮ ሀይሳዳ ያግስ፤ ቦረይ ባይና እስ ኮርማ ናጋራ ያርሾስ፥ ቃስ እስ ማራዘ ፁሳ ያርሾስ ጎዳ ስን ሺሻ። 
\v 3 ቦረይ ባይና እስ ኮለ ናጋራ ያርሾስ፥ እስ ላይ ኩምዳ ማርነ ዶርሳ ኡርገ ፁሳ ያርሾስ ባንታዉ ኤሀና መላ እስራኤለ አሳስ ኦዳ። 
\v 4 ቃስ እስፈተ ያርሾስ እስ ኮርማ፥ እስ ማራዘነ ካ ያርሾስ ዛይተራ ሙኑቀትዳ ለ ኤሀና መላ ኤንታዉ ኦዳ። ሀች ጎዳይ ህንተዉ ቆንጫና ግሾ ሄሳ ኦተ።
\p
\v 5 ኤንቲ ሙሰይ ኪትዳባ ኡባ ጌሻ ዱንካንያ ስን ኤህዶሶና፤ ማባራ ኡባይ ሺቅድ ጎዳ ስንን ኤቅዶሶና። 
\v 6 ሙሰይ ኤንታኮ፥ ጎዳ ቦንቾይ ህንተዉ ቆንጫና መላ ህንተ ኦና መላ ጎዳይ ኪትዳይ ሀይሳ።
\p
\v 7 ሙሰይ አሮናኮ ሀይሳዳ ያግስ፤ “ያርሾ በሳኮ ሺቃዳ ነ ናጋራ ግሾ ናጋራ ያርሾነ ፁሳ ያርሾ ያርሻ። ጎዳይ ኪትዳይሳዳ አሳ ናጋራ አቶተስ ያርሾ ያርሻ።”
\p
\v 8 አሮን ያርሾ በሳኮ ይድ፥ ባ ናጋራ ግሾ ያርሸትያ ማራ ሹክስ። 
\v 9 አሮና ናይት ሱ ኤክድ እያዉ ኤህዶሶና፤ እ፥ ባ ብራያ ሄ ሱን የድ ኤክድ፥ ያርሾ በሳን ደእያ ካጨታ ትይስ፤ አትዳ ሱ ያርሾ በሳፈ ጋርሳን ጉስስ። 
\v 10 ጎዳይ ሙሰ ኪትዳይሳዳ፥ አሹዋፐ ሞዋ፥ ክላሆታነ ትርያ ፄራ ባጋ ኤክድ ያርሾ በሳን ፁግስ። 
\v 11 ሽን አትዳ አሹዋነ ጋልባ ጉታፐ ካረ ከስድ ፁግስ።
\p
\v 12 አሮን ፁሳ ያርሾስ ሺቅዳ መህያ ሹክስ፤ እያ ናይት ሱ ኤክድ እያዉ ኤህዶሶና። እ ያርሾ በሳ ኦይዱ ማዛነታ ቦላ ዉርፅስ። 
\v 13 ኤንቲ አሹዋ ቆሞን ቆሞን ከስድ፥ ሁጵያራ ዎላ እያዉ ኤህዶሶና፤ እ ኤክድ ያርሾ በሳን ፁግስ። 
\v 14 ኡሎ አሹዋነ ገዳታ ሃን ሜጭድ፥ ያርሾ በሳን ደእያ ፁሳ ያርሹዋ ቦላ ዎድ ፁግስ።
\p
\v 15 ሄሳፈ ጉየ፥ አሮን አሳ ግሾ ያርሾ ያርሽስ። እ አሳ ናጋራ ግሾ ያርሸትያ ኮልያ ኤክድ ሹክስ፤ እ ካሰ ባ ናጋራ ያርሽዳይሳዳ ኤንታ ናጋራ ግሾ ያርሽስ። 
\v 16 ዎጋይ ኪተይሳዳ ፁሳ ያርሾስ ሺቅያ መህያ ኤህድ ያርሽስ። 
\v 17 ካ ያርሹዋ ኤህድ፥ እያፐ እስ ኩጫ ኤክድ፥ ዎንታ ዎንታ ፁሳ ያርሹዋ ቦላ ጉጅድ ያርሾ በሳን ፁግስ።
\p
\v 18 አሮን ኮርማነ ማራዝያ አሳስ እስፈተ ያርሾ ኦድ ሹክስ፤ እያ አደ ናይት ሱ እያዉ ኤህዶሶና፤ እ ሄ ሱ ኤክድ ያርሾ በሳ ኦይዱ ማዛነታ ቦላ ዉርፅስ። 
\v 19 ኮርማነ ማራዝያ አሹዋፐ ሞዋ፥ ጎይናፐ ብድ ዞኮ መቀ ጋካናዉ ደእያ ሞዋ፥ ኡሎ አሹዋ ካምዳ ሞዋ፥ ክላሆታነ ትርያ ፄራ ባጋ ኤክድ፥ 
\v 20 ኤንቲ አንጋይሱዋ ቦላ ዎን፥ አሮን ያርሾ በሳን ፁግስ። 
\v 21 ጎዳይ ሙሰ ኪትዳይሳዳ፥ አሮን አንጋይሱዋነ ኡሻቻ ገዳ ዩሾ ያርሾ ኦድ ጎዳ ስንን ዩሽስ።
\p
\v 22 ሄሳፈ ጉየ፥ አሮን ባ ኩሽያ አሳኮ ደንድ ኤንታ አንጅስ። እ ናጋራ ያርሹዋ፥ ፁሳ ያርሹዋነ እስፈተ ያርሹዋ ያርሽዳፐ ጉየ ያርሾ በሳፈ ዎስ። 
\v 23 ሙሰይነ አሮን ጌሻ ዱንካንያ ግዶ ገልዶሶና፤ ኤንቲ ያፐ ከይድ አሳ አንጅዶሶና። ሄ ዎደ ጎዳ ቦንቾይ አሳ ኡባስ ቆንጭስ። 
\v 24 ጎዳ ማታፐ ታም ዎድ፥ ያርሾ በሳን ደእያ ፁሳ ያርሹዋነ ሞዋ ምስ። አሳ ኡባይ ሄሳ በእዳ ዎደ እልልዶሶና፤ ጉፋንድ ቦንችዶሶና።
\c 10
\s1 ናዳባነ አብዮዳ ሀይቁዋ
\p
\v 1 አሮና አደ ናይት፥ ናዳብነ አብዮድ፥ ባንታ እፃነ ጩይስያ ሚሸ ኤክድ እያ ቦላ ታማ ዎዶሶና፤ እያ ቦላ እፃነ ጉጅዶሶና። ጎዳይ ኤንታ ኪትቦና ጮ ታማ ጎዳ ስንን ሺሽዶሶና። 
\v 2 ሄሳ ጋሶን ጎዳ ማታፐ ታም ይድ ኤንታ ምን፥ ኤንቲ ጎዳ ስንን ሀይቅዶሶና። 
\v 3 ሙሰይ አሮናኮ፥ ጎዳይ፥
\q1 “ታኒ አሳ ግዶፈ ታኮ ሺቀይሳታ፥
\q2 ታ ጌሻተ በሳና።
\q1 ቃስ አሳ ኡባ ስንን
\q2 ታ ቦንቸታና”
\m ግድ ኦድዳይሳ ሀይሳ በአ።
\p አሮን ዛሮ እሞና ስእ ግስ።
\p
\v 4 ሙሰይ አሮና አዋ እሻ ኡዝኤላ አደ ናይታ ምሳኤላነ ኤልዛፋና ፄግድ፥ “ሃ ይድ ህንተ አዋ እሻ ናይታ አሀ ጌሻ ዱንካንያ ስንፈ ደንድ፥ ጉታፐ ጋፃ ከስተ” ያግስ። 
\v 5 ኤንቲ ይድ፥ ሙሰይ ኪትዳይሳዳ ኤንታ ካህነተ ማኡዋራ ኤንታ አሀ ቶክድ፥ ጉታፐ ጋፃ ከስዶሶና።
\p
\v 6 ሙሰይ አሮናነ እያ አደ ናይታ፥ አላዛራነ እታማራ ሀይሳዳ ያግስ፤ “ህንተ ሀይቆና መላነ ጎዳይ ባ አሳ ቦላ ሀንቀቶና መላ ህንተ ሁጵያ ሜዶፕተ፤ ህንተ ማኡዋካ ዳኮፍተ። ሽን ህንተ እሻት፥ እስራኤለ አሳይ፥ ጎዳይ ባ ታማን ዎዳይሳታስ ዬኮ። 
\v 7 ጎዳ ትዮ ዛይተይ ህንተ ቦላ ድእያ ግሾ ዱንካንያ ፐንገፈ ካረ ከዮፕተ፤ ከይኮ ህንተ ሀይቃና” ያግስ። ኤንቲ ሙሰይ ግዳይሳዳ ኦዶሶና።
\p
\v 8 ጎዳይ አሮናኮ ሀይሳዳ ያግስ፤ 
\v 9 ህንተ ሀይቆና መላ ዱንካንያ ግዶ ገልያ ዎደ ነነ ነ ናይት ዎይነ ኡሽ ዎይኮ ሀራ ማይያ ኡሽ ኡዮፕተ፤ ሄስ ስንፈ ያና የለተስ መርናዉ ኤቅድ ደእያ ዎጋ ግዳና። 
\v 10 ህንተ ጌሻባነ ጌሽ ግዶናባ ቃስ ቱናባነ ቱና ግዶናባ ሻክድ ኤርተ። 
\v 11 ጎዳይ ሙሰ ባጋራ ኦድዳ ዎጋ ኡባ እስራኤለ አሳ ታማርስተ።
\p
\v 12 ሙሰይ አሮናነ አትዳ እያ አደ ናይታ አላዛራነ እታማራ ሀይሳዳ ያግስ፤ ጎዳስ ፁሳ ያርሹዋፈ አትዳ ካ ያርሹዋ ኤክድ እርሾ የጎና ኡክተ። እ ኡባፈ ጌሽ ግድያ ግሾ ያርሾ በሳ ማታን ሚተ። 
\v 13 ጎዳስ ፁሳ ያርሹዋፈ ሄስ ነናነ ነ አደ ናይታ ጋክያ ግሾ ግድያ ግሾ፥ ሄሳ ህንተ ጌሻ በሳን ሚተ፤ ሀይሳ ህንተ ኦና መላ ጎዳይ ታና ኪትስ። 
\v 14 ሽን ዩሾ ያርሾስ ሺቅዳ አንጋሱዋነ ገዳ ኔኒ፥ ነ አደ ናይትነ ነ ማጫ ናይት ጌሻ በሳን ሚተ። ሄስ እስራኤለ አሳይ ሺሽያ እስፈተ ያርሹዋፈ ነናነ ነ አደ ናይታ ጋክያ ህንተ ግሾ። 
\v 15 ጎዳስ ያርሽዳ ገዳነ ዩሾ ያርሾስ ሺቅዳ አንጋሱዋ ሞዋራ እስፈ ጋድ ጎዳ ስንን ዩሾ ያርሾ ኦድ ያርሻናዉ ሺቆ። ጎዳይ ኪትዳይሳዳ፥ ሄስ ነዉነ ነ አደ ናይታስ መርናዉ ህንተና ጋክያ ግሾ ግዳና።
\p
\v 16 ሙሰይ ናጋራ ያርሾስ ሺቅዳ ዴሻ ኤንቲ ዋትዳኮ ኤራናዉ ኮይድ ኦይችስ፤ እ ፁገትዳይሳ ኤርዳ ዎደ አትዳ አሮና አደ ናይታ፥ አላዛራነ እታማራ ቦላ ሀንቀትስ። 
\v 17 “ናጋራ ያርሾስ ሺቅዳ አሹዋ አይስ ጌሻ በሳን ምቤከቲ? እ ኡባፈ ጌሽ። ጎዳ ስንን አሳ ናጋራ ድግድ አሳስ አቶተ እማና መላ ሄስ ህንተዉ እመትስ። 
\v 18 ሄ መህያ ሱይ ጌሻ ዱንካንያ ግዶ ገልቦና ግሾ፥ ታኒ ህንተና ኪትዳይሳዳ፥ ህንተ እያ ጌሻ በሳን ማናዉ በሴስ፥ ሽን አግደታ” ያግስ።
\p
\v 19 አሮን ሙሰኮ፥ “ሄኮ፥ ሀ አሳት ሀች ባንታ ናጋራ ያርሹዋነ ፁሳ ያርሹዋ ጎዳ ስን ኤህዶሶና። ግዶሽን፥ ሄሳ መላባይ ታ ቦላ ጋክስ። ታኒ ናጋራ ያርሹዋ ሀች ምዳባ ግድያኮ፥ ጎዳይ ኡፋይታናሽን አትዴ?” ያግስ። 
\v 20 ሙሰይ ሄሳ ስእዳ ዎደ እያ ዛሩዋን ኡፋይትስ።
\c 11
\s1 ቱናነ ቱና ግዶና ዶአታ
\p
\v 1 ጎዳይ ሙሰኮነ አሮናኮ፥ 
\v 2 እስራኤለ አሳስ ሀይሳዳ ያግድ ኦድተ፤ “ቢታ ቦላ ደእያ መሄታፐነ ዶአታፐ ህንተ ማናይሳት ሀይሳታ፤ 
\v 3 ሹቁለይ ጳልቀትዳይሳታነ ዋሞትያ መሄታ ሚተ። 
\v 4 ሽን ዋሞትሸ ሹቁለይ ጳልቀቶናይሳታነ ሹቁለይ ጳልቀ ግድድ ዋሞቶናይሳታ ሞፕተ። ግማለይ ዋሞቴስ፥ ሽን ሹቁለይ ጳልቀቶና ግሾ፥ ህንተዉ ቱና ግዶ። 
\v 5 ጉፓለይ ዋሞቴስ፥ ሽን ሹቁለይ ጳልቀቶና ግሾ፥ ህንተዉ ቱና ግዶ። 
\v 6 ኤሸይ ዋሞቴስ፥ ሽን ሹቁለይ ጳልቀ ግዶና ግሾ፥ ህንተዉ ቱና ግዶ። 
\v 7 ጉዱን ሞፕተ፤ እያዉ ሹቁለይ ጳልቀ፥ ሽን ዋሞቶና ግሾ፥ እ ህንተዉ ቱና። 
\v 8 ህንተ ሄሳታ ሞፕተ፤ ኤንታ ባዉታ ቦቾፍተ፤ ኤንቲ ህንተዉ ቱና።
\p
\v 9 “ሃ ግዶን ደእያ መተ ኡባፈ ህንተ ማናይሳት ሀይሳታ፤ አባ ግዶን ዎይኮ ሻፋ ሃ ግዶን ደእያ ኡባፈ ቀፈይነ ፖቆይ ደእያ ኡባ ሚተ። 
\v 10 ሽን አባ ግዶን ዎይኮ ጎግያ ሃን ደእያ ቀፈይነ ፖቆይ ባይና መተት ህንተዉ ቱና ግድያ ግሾ ሞፕተ። 
\v 11 ሀይሳቲ ህንተዉ ቱና፤ ኤንታ ሞፕተ፤ ኤንታ ባዉታ ቦቾፍተ። 
\v 12 ቀፈይነ ፖቆይ ባይና ሃ ግዶን ደእያ መተት ኡባይ ህንተዉ ቱና።
\p
\v 13 “ካፎታፐ ህንተዉ ቱና ግድዳይሳትነ ህንተ ማናዉ በሶናይሳት ሀይሳታ፤ አርጋን፥ አንኮ፥ ሞሎ ካፎ፥ 
\v 14 ፅሎ፥ ጵርጮ ቆሞ ኡባ፥ 
\v 15 ቁሮ ኡባ 
\v 16 ያንቾ፥ ሶሎ፥ ቆለ፥ ጉቶ ኡባ፥ 
\v 17 ጉ ጉቶ፥ ሀዛዞ፥ ዲድን፥ 
\v 18 ሃ ኩቶ፥ ሽአ አንኮ፥ ዳረ አንኮ፥ 
\v 19 ስላጎ፥ ሳብሳነ እያ ቆሞ ኡባ፥ አያና ካፎነ ሽርሽቆ።
\p
\v 20 “ቀፈራ ደእያ ኦይዱ ቶሆን ሄመትያ ላፋ መተት ኡባይ ህንተዉ ቱና። 
\v 21 ግዶሽን፥ ቀፈይ ደእያ ኦይዱ ቶሆን ሄመተይሳታፐ ኤንታ ቶሁዋፐ ቦላራ ጉፓናዉ ማድያ ቶሆይ ደኤይሳታ ሚተ። 
\v 22 ሄሳትካ፥ ቦለ ቆሞ ኡባ፥ ፃቆ ኡባነ ሰረ ኡባ። 
\v 23 ሽን ሀራ ቀፈራ ደእያ ኦይዱ ቶሆይ ደእያ መተት ኡባይ ህንተዉ ቱና።
\p
\v 24 “ሀይሳቲ ህንተና ቱንሳና፤ ኤንታ ባዉታ ቦችያ ኦንካ ኦማርስ ጋካናዉ ቱና ግዳና። 
\v 25 ኤንታ ባዉታ ደንያ ኦንካ ባ ማኡዋ ሜጮ፤ ሽን ኦማርስ ጋካናዉ እ ቱና ግዶ። 
\v 26 ሹቁለይ ደእሸ ጳልቀ ግዶናይሳት ዎይኮ ዋሞቶናይሳት ኡባይ ህንተዉ ቱና፤ ኤንታ ቦችያ ኦንካ ቱኔስ። 
\v 27 ኦይዱ ቶሆታን ሄመትያ ዶአ ኡባፈ ግንደራ ሄመተይሳት ህንተዉ ቱና፤ ኤንታ ባዉታ ቦችያ ኦንካ ኦማርስ ጋካናዉ ቱኔስ። 
\v 28 ኤንታ ባዉታ ደንያ ኦንካ ባ ማኡዋ ሜጮ፤ ሽን ኦማርስ ጋካናዉ እ ቱና። ኤንትካ ህንተዉ ቱና።
\p
\v 29 “ሳአራ ሄመተይሳታፐ ሀይሳቲ ህንተዉ ቱና። ኤንትካ ግሮ፥ ኤጨረ፥ ዱማ ዱማ ኮቸ፥ 
\v 30 ጌገ፥ ሀይላሾ፥ ኮርቸ፥ ዋካላነ ሻቃንቾ። 
\v 31 ሳአራ ሄመትያ ኡባፈ ሀይሳቲ ህንተዉ ቱና፤ ኤንታ ባዉታ ቦችያ ኦንካ ኦማርስ ጋካናዉ ቱና ግዴስ። 
\v 32 ኤንታ ባዉታ ቦችያ አይ ሚሸይካ ቱና ግዴስ፤ ም ሚሸይ ዎይኮ ማኦይ ዎይኮ ጋልብ ዎይኮ ኦጎሮይ ቱና ግዴስ። ኤንታ ባዉታይ ቦችዳ ሚሸ ኡባይ ሃን ሙከትድ ኦማርስ ጋካናዉ ጋምኦ፤ ሄሳፈ ጉየ ጌሽ ግዳና። 
\v 33 ኤንታፈ እሱዋ ባዉታይ ኦቶ ግዶን ዎድ በንትኮ፥ እያ ግዶን ደእያባ ኡባይ ቱና፤ ሄ ኦቱዋ መንተ። 
\v 34 አይ ካ ግድን ሄ ኦቱዋ ግዶን ደእያ ሃፈ ፆክኮ፥ ሄ ካይ ቱና ግዴስ፤ ኡየትያባ ግድን፥ ሄ ኦቱዋ ግዶን ደእኮ ቱና ግዴስ። 
\v 35 ሄ ባዉታፐ እሶይ ዎዳ ሚሸ ኡባይ ቱና፤ ጮጨ ዎይኮ ኦቶ ግድኮካ መንተ፤ ኤንቲ ህንተዉ ቱና። 
\v 36 ሄ ባዉታይ ቦችዳ ኡባይ ቱና ግድኮካ ፑልቶይነ ሃ ኦል ቱነና። 
\v 37 ኤንታ ባዉታፐ እሶይ ዘረ ካ ቦላ ዎኮ፥ ሄስ ቱነና። 
\v 38 ሽን ሄ ዘረ ቦላ ሃ ጉክድ ስምን፥ ኤንታ ባዉታፐ እሶይ እያ ቦላ ዎኮ፥ ሄ ዘረይ ህንተዉ ቱና።
\p
\v 39 “ሜተትያ መሄታፐ እሶይ ባዉትኮ፥ እያ ባዉታ ቦችያ ኦንካ ኦማርስ ጋካናዉ ቱና። 
\v 40 ኦንካ ሄ መህያ ባዉታፐ ሚኮ፥ ባ ማኡዋ ሜጮ፤ ኦማርስ ጋካናዉ እ ቱና። ኦንካ እያ ባዉታ ቶክድ ደንኮ፥ ባ ማኡዋ ሜጮ፤ ኦማርስ ጋካናዉ እ ቱና።
\p
\v 41 “ሳአራ ጎሸትያ መተ ኡባይ ህንተዉ ቱና፤ እያ ሞፕተ። 
\v 42 ኡሎራ ጎሸትያባ ግድን፥ ኦይዱ ቶሆራ ሄመትያባ ግድን፥ ዳሮ ቶሆይ ደእያባ ግድን፥ ሳአራ ጎሸትያ መተ ኡባይ ህንተዉ ቱና ግድያ ግሾ ሞፕተ። 
\v 43 ሀ ሳአራ ጎሸትያ መተታን ህንተና ቱንሶፕተ፤ ኤንታ ጋሶን ህንተ አሳተ ቱንሶፕተ። 
\v 44 ታኒ ጎዳ፥ ህንተ ፆሳ። ታኒ ጌሽ ግድያ ግሾ፥ ህንተና ዱማይድ ጌሽ ግድተ። ሳአራ ጎሸትያባታን ህንተ አሳተ ቱንሶፕተ። 
\v 45 ታኒ ህንተዉ ፆሰ ግዳናዉ ህንተና ግብፀ ቢታፈ ከስዳ ህንተ ጎዳ። ሄሳ ግሾ፥ ታኒ ጌሽ ግድያ ግሾ፥ ህንተካ ጌሽ ግድተ።
\p
\v 46 “መሄ፥ ካፎ፥ ሃ ግዶን ቃፅያ መተ ኡባነ ሳአራ ሄመትያ መተ ኡባ ዎጋይ ሀይሳ። 
\v 47 ሄሳን ህንተ ቱናነ ቱና ግዶናይሳታ ግዶን፥ ቃስ ሜተትያነ ሜተቶና መተታ ግዶን ደእያ ዱማተ ሻክድ ኤራና።”
\c 12
\s1 ማጫስ የል ስሚድ ጌይያ ዎጋ
\p
\v 1 ጎዳይ ሙሰኮ ሀይሳዳ ያግስ፤ 
\v 2 እስራኤለ አሳስ ሀይሳዳ ያጋዳ ኦዳ፤ “እስ ማጫስ ቃንታዳ አደ ናአ የልኮ፥ ባ ኩሸ መቱዋ በእያ ዎደ ቱና ግደይሳዳ ላፑን ጋላስ ጋካናዉ ቱና ግዳና። 
\v 3 ሆስፑን ጋላስ ናአይ ቃፃረታናዉ ኮሼስ። 
\v 4 ሄሳፈ ጉየ፥ ማጫስያ ባ የሎ ሱይ ፅዝአና ጋካናዉ ሀስታማነ ሄ ጋላስ ጋምኦ፤ ቃስ ባ ጌይያ ጋላሳይ ዉራና ጋካናዉ ጌሻባ ቦቾፎ፤ ጌሻ ዱንካንያካ ገሎፖ።
\p
\v 5 “ሽን እስ ማጫስ ማጫ ናአ የልኮ፥ ባ ኩሸ መቶ በእዳ ዎደ እያ ቱና ግድዳይሳዳ ናምኡ ሳምንታ ጋካናዉ እያ ቱና ግዳና። ሄሳፈ ጉየ፥ ባ የሎ ሱይ ፅዝአና ጋካናዉ ኡሱፑን ታማነ ኡሱፑን ጋላስ ጋምኦ።
\p
\v 6 “ማጫስያ አደ ናአ ዎይኮ ማጫ ናአ የላዳ ባ ጌይያ ዎድያ ኦንግዳፐ ጉየ፥ ፁሳ ያርሾስ እስ ላይ ዶርሰነ ናጋራ ያርሾስ ቃስ እስ ሆለ ዎይኮ እስ ኩራቾ ጌሻ ዱንካንያ ፐንገን ደእያ ካህንያኮ ኤሆ። 
\v 7 ካህነይ ሄሳ ኤክድ ጎዳ ስንን እ ናጋራ አቶተስ ያርሼስ። ሄሳፈ ጉየ፥ እያ ጌያና። አደ ናአ ዎይኮ ማጫ ናአ የልያ ማጫሳስ ደእያ ዎጋይ ሀይሳ።
\p
\v 8 “ሽን እያ እስ ላይ ዶርሰ ኤሀናዉ ዳንዳኦና እፅኮ፥ ናምኡ ሆለታ ዎይኮ ናምኡ ኩራቾታ ኤሆ። ኤንታፈ እሶይ ፁሳ ያርሾስ፥ ቃስ እሶይ ናጋራ ያርሾስ ግዶ። ሄሳዳ ኦድ ካህነይ እ ናጋራ አቶተስ ያርሼስ፤ እያካ ጌሽ ግዳና።”
\c 13
\s1 ጎጋ ሀርገ ህገታ
\p
\v 1 ጎዳይ ሙሰኮነ አሮናኮ ሀይሳዳ ያግስ፤ 
\v 2 “እስ አሳ አሳተ ቦላ ክፅ ዎኮ ዎይኮ ሻቶይ ዎይኮ እራለይ ከይኮ እያ ጎጋይ ሀርገን ላመትኮ፥ ሄ ኡራ ካህንያ አሮናኮ ዎይኮ ካህነ ግድዳ እያ አደ ናይታፐ እሱዋኮ ኤሆ። 
\v 3 ካህነይ እያ ጎጋ ቦላ ደእያ ማዱን በኦ። ሄ ማዱንፅዳ በሳን ደእያ እክሰይ ቦፅኮነ ማዱንይ ኦላትኮ፥ ሄስ ጎጋ ሀርገ። ካህነይ ሄሳ በእድ ኡራይ ቱና ግደይሳ ኤርሶ። 
\v 4 ሽን እያ ጎጋ ቦላ ደእያ ማዱንይ ቦ ግድድ፥ ጎጋፐ ካንድ ኦላትቦናባ ግድኮ ሄ ማዱን ቦላ ደእያ እክሰይ ቦፆናባ ግድኮ፥ ካህነይ ሄ ኡራ ዱማ ኬን ላፑን ጋላስ ጎርድድ ዎ። 
\v 5 ላፑን ጋላስ ካህነይ እያ ዛሪድ በኦ፤ እ በእያ ዎደ ማዱንይ ኡራ ጎጋ ቦላ ዳልጎና ካሰይስዳ ደእኮ፥ ካህነይ ሄ ኡራ ናምአን ዱማ ኬን ላፑን ጋላስ ጎርድድ ዎ። 
\v 6 ቃስካ ላፑን ጋላስ ካህነይ እያ በኦ፤ እ በእያ ዎደ ማዱንይ ዳልጎና እፅድ ይ ይ ቢኮ፥ ካህነይ እ ቱና ግደይሳ ኤርሶ። ሄስ ጎኦ ግደይሳ ኤርሶ፤ ሄ ኡራይ ባ ማኡዋ ሜጭድ ቱና ግዶናይሳ ኤርሴስ። 
\v 7 ሽን እ ጌያናዉ ባና ካህንያ በስዳፐ ጉየ፥ ሄ ጎኦይ እያ ጎጋ ቦላ ዳልግ ዳልግ ቢኮ እ ዛሪድ ባና በሳናዉ ካህንያኮ ቦ። 
\v 8 ካህነይ እያ በኦ፤ ሄ ጎኦይ ኡራ ጎጋ ቦላ ዳልግ ዳልግ ቢኮ፥ ሄስ ጎጋ ሀርገ ግድያ ግሾ ካህነይ እ ቱና ግደይሳ ኤርሶ።
\p
\v 9 “ኦንካ ጎጋ ሀርገን ኦይከትኮ እያ ካህንያኮ ኤሆ። 
\v 10 ካህነይ እያ በእያ ዎደ እያ ጎጋ ቦላ ቦ ክፅ ደእኮ፥ እክሰይ ቦ ላምኮነ ሄ ክፃ ግዶን አሾይ በንትኮ፥ 
\v 11 ሄስ ጎጋ ቦላ ጋምእዳ ሀርገ ግድያ ግሾ፥ ካህነይ እ ቱና ግደይሳ ኤርሶ። እ ቱና ግደይስ ኤረትዳ ግሾ፥ እያ ዱማ ኬን ጎርድድ ዎናዉ ኮሸና። 
\v 12 ካህነይ ጎጋ ሀርገይ አድያ አሳተ ቦላ ዳልግኮ፥ ሁጰፐ ቶሆ ጋካናዉ ኡባ ማእዳባ ግድኮ በኦ። 
\v 13 ሄ ጎጋ ሀርገይ እያ አሳተ ኡባ ማእኮ፥ እያ አሳተይ ኩመ ላመትድ ቦ ግድዳ ግሾ፥ እ ቱና ግዶናይሳ ካህነይ ኤርሶ። 
\v 14 ሽን ሄ ማዱን ግዶራ አሾይ በንትኮ እ ቱና። 
\v 15 ካህነይ ሄ አሹዋ በእድ ሄ ኡራይ ቱና ግደይሳ ኤርሶ። ሄ አሾይ ጎጋ ሀርገ ግድያ ግሾ እ ቱና። 
\v 16 ሽን ሄ አሾይ ቃስካ ላመትድ ቦፅኮ፥ ሄ ኡራይ ካህንያኮ ቦ። 
\v 17 ካህነይ እያ በኦ፤ እያ ማዱንይ ቦፅዳባ ግድኮ፥ ሄ ኡራይ ቱና ግዶናይሳ ካህነይ ኤርሶ፤ እ ቱና ግዳና።
\p
\v 18 “እስ አሳ ቦላ መርኮይ ዎድ ፓፅዳባ ግድኮ፥ 
\v 19 እያ በሳን ቦ ክፃይ ዎኮ ዎይኮ ዞእዳ እራለይ ከይኮ ሄ ኡራይ ካህንያኮ ቦ። 
\v 20 ካህነይ እያ በኦ፤ ሄ ማዱንይ ኦላትኮ፥ ማዱን ቦላ ደእያ እክሰይ ላመትድ ቦፅኮ፥ ሄ ኡራይ ቱና ግደይሳ ካህነይ ኤርሶ። ሄስ መርኮዳ ዶምዳ ጎጋ ሀርገ። 
\v 21 ሽን ካህነይ በእያ ዎደ እክሰይ ቦፆናባ ግድኮ፥ ማዱንይ ጎጋ ካንድ ኦላትቦናባ ግድኮ፥ ቃስ ይ ይ ቢኮ፥ ካህነይ እያ ዱማ ኬን ላፑን ጋላስ ጎርድድ ዎ። 
\v 22 ሄስ እያ ጎጋ ቦላ ዳልግ ዳልግ ቢኮ፥ ሄስ ጎጋ ሀርገ ግድያ ግሾ ሄ ኡራይ ቱና ግደይሳ ካህነይ ኤርሶ። 
\v 23 ሽን ሄ እራለይ ዳልግ ዳልግ ቦና እስ በሳን ደእኮ፥ ሄስ መርኮይ ፓፅዳ ቤታ ግድያ ግሾ፥ ሄ ኡራይ ቱና ግዶናይሳ ኤርሶ።
\p
\v 24 “ታም እስ አስ ሚኮ ሄ ምዳ በሳን ቦ ዎይኮ ዞኦ እራለይ ከይኮ፥ 
\v 25 ካህነይ ሄ በሳ በኦ። ሄ በሳን ደእያ እክሰይ ቦፅኮነ ሄ ማዱንይ ኦላትኮ፥ ሄስ ጎጋ ሀርገ። እ ታማይ ምዳ በሳራ ከይዳ ግሾ ካህነይ እ ቱና ግደይሳ ኤርሶ። 
\v 26 ሽን ካህነይ በእያ ዎደ ሄ ማዱን ቦላ ደእያ እክሰይ ቦፆናባ ግድኮ፥ ማዱንይ ጎጋ ካንድ ኦላትቦናባ ግድኮነ ቃስ ይ ይ ብዳባ ግድኮ፥ ካህነይ እያ ዱማ ኬን ላፑን ጋላስ ጎርድድ ዎ። 
\v 27 ላፑን ጋላስ ካህነይ እያ በእያ ዎደ ሄ በሳይ ዳልግ ዳልግ ቢኮ፥ ሄስ ጎጋ ሀርገ ግድያ ግሾ እ ቱና ግደይሳ ካህነይ ኤርሶ። 
\v 28 ሽን ሄ ማዱንይ ጎጋ ቦላ ዳልጎና አግድ እስ በሳን ኡትኮነ ይ ይ ቢኮ፥ ሄስ ታማይ ምዳ በሳን አትዳ ቤታ ግድያ ግሾ፥ እ ቱና ግዶናይሳ ካህነይ ኤርሶ።
\p
\v 29 “እስ አደይ ዎይኮ ማጫሳ ሁጰን ዎይኮ ጋጮ ቦላ ማዱን ከይኮ፥ 
\v 30 ካህነይ ሄ ማዱን በእያ ዎደ ማዱንይ ጎጋ ካንድ ኦላትኮ እያ ቦላ ደእያ እክሰይ ሌእድ ጋላልኦ ዳንኮ፥ ሄስ ሁጰን ዎይኮ ጋጮ ቦላ ከይያ ቃችያ ጎጋ ሀርገ ግድያ ግሾ፥ ሄ ኡራይ ቱና ግደይሳ ካህነይ ኤርሶ። 
\v 31 ቃስ ካህነይ ሄ ሀርግያ በእያ ዎደ ጎጋ ካንድ ኦላትቦናባ ግድኮ፥ ካሬ እክሰይ እያ ቦላ ይኮ፥ ሄ ቃችያ ሀርገይ ደእያ ኡራ ካህነይ ዱማ ኬን ላፑን ጋላስ ጎርድድ ዎ። 
\v 32 ላፑን ጋላስ ካህነይ ሄ ሀርግያ በእያ ዎደ ቃችያ ሀርገይ ዳልጎናባ ግድኮ፥ እያ ቦላ ጋላልኦ ዳንያ እክሰይ ባይናባ ግድኮነ ጎጋ ካንድ ኦላትቦናባ ግድኮ፥ 
\v 33 ሄ ኡራ ቃችያ በሳን ደእያ እክስያ ግዶናሽን፥ ማዱን ዩሾን ደእያ እክስያ ሜዶ። ካህነይ ሄ ኡራ ዱማ ኬን ሀራ ላፑን ጋላስ ጎርድድ ዎ። 
\v 34 ላፑን ጋላስ ካህነይ ሄ ቃችያ በሳ በእያ ዎደ ኡራ ጋልባ ቦላ ዳልጎና እፅኮነ ጎጋ ካንድ ኦላቶና እፅኮ፥ ሄ ኡራይ ቱና ግዶናይሳ ካህነይ ኤርሶ። ኡራይ ባ ማኡዋ ሜጭድ ጌሽ ግዳና። 
\v 35 ሽን እ ጌይዳፐ ጉየ፥ ቃችያ ሀርገይ ሄ ኡራ ጋልባ ቦላ ዳልግ ዳልግ ቢኮ፥ 
\v 36 ካህነይ እያ በእያ ዎደ ሄ ቃችያ ሀርገይ ዳልግዳባ ግድኮ፥ ሄ ኡራይ ቱንዳ ግሾ ካህነይ ጋላልኦ ዳንያ እክስያ ኮዮፖ። 
\v 37 ሽን ካህነይ በእያ ዎደ ሄ ቃችያ በሳይ ዳልጎናባ ግድኮነ ካሬ እክሰይ እያ ቦላ ዶልዳባ ግድኮ፥ ሄ ቃችያ በሳይ ፓፅስ። ሄ ኡራይ ቱና ግዶና ግሾ፥ እ ጌሽ ግደይሳ ካህነይ ኤርሶ።
\p
\v 38 “እስ አደ ዎይኮ ማጫሳ ጎጋ ቦላ ቦ እራለይ ከይኮ፥ 
\v 39 ካህነይ በእያ ዎደ ኤንታ ጎጋ ቦላ ደእያ እራለይ ቡላ ግድኮ፥ ሄስ ጎጋ ቦላ ጮ ከይዳባ ግድያ ግሾ ሄ ኡራይ ቱና ግደና።
\p
\v 40 “እስ አሳስ ሁጰ ብናናይ ቆቆፈትኮ፥ ቦአ ግዴስፐ አትሽን፥ እ ቱና ግደና። 
\v 41 እስ አስ ስንራ ቦአትኮ፥ እያ ቲሽ ምስፐ አትሽን፥ እ ቱና ግደና። 
\v 42 ሽን እያ ቦእ ዎይኮ ቲሽ ምዳይሳ ቦላ ዞኦ ዎይኮ ቦ ማዱን ከይኮ፥ ሄስ እያ ቦአን ዎይኮ እያ ቲሻ ቦላ ከይዳ ጎጋ ሀርገ። 
\v 43 እያ ካህነይ በእያ ዎደ እያ ቦእ ዎይኮ ቲሽ ምዳይሳ ቦላ ደእያ ማዱንይ ጋልባ ቦላ ከይያ ጎጋ ሀርገ መላ ዞኦ ግድኮ፥ 
\v 44 ሄ ኡራይ ቱማ ጎጋ ሀርገን ኦይከትዳ ሀርጋንቾ። እ ቱና ግድያ ግሾነ እያ ሀርገይ እያ ሁጰን ደእያ ግሾ እ ቱና ግደይሳ ካህነይ ኤርሶ።
\p
\v 45 “ጎጋ ሀርገይ ኦይክዳ አስ ፔትዳ ማኦ ማኦ፤ ባ ሁጵያ ፕፆፖ፤ ባ ዶና ካሞ፤ ባ ቃላ ቁ ኦድ፥ ‘ታኒ ቱና፥ ታኒ ቱና!’ ያጎ። 
\v 46 ሄ ሀርገይ እያ ቦላ ደእዳ ዎደ ኡባን እ ቱና። እ ቱና ግድያ ግሾ፥ አሳፐ ሻከትድ፥ ጉታፐ ካረን ባርካ ደኦ።
\p
\v 47 “አይ ማኦ ቦላ ቡቅዳ በሲ በንትኮ፥ ሄ ማኦይ ሱፈ ግድን ዎይኮ ሊኖ ግድን፥ 
\v 48 ቃጭናፐ ዎይኮ ሻሎፐ ዳደትዳ ሊኖ ዎይኮ ሱፈ ግድን፥ ጋልባ ዎይኮ ጋልባፈ ኦሰትዳ ማኦ ግድን፥ 
\v 49 ሄ ማኡዋ ቦላ በንትዳ ቡቃይ ጭሊሎ ዎይኮ ዞኦ ማላ በስኮ፥ እ ቃጭናፐ ዎይኮ ሻሎፐ ዳደትዳባ ግድን፥ ጋልባ ዎይኮ ጋልባፈ ኦሰትዳባ ግድን፥ ሄስ አሳፐ አሰ ኦይክያ ሀርገ ግድያ ግሾ፥ ሄሳ ካህነይ በሳናዉ ኮሼስ። 
\v 50 ካህነይ ሄ ቡቃ በእድ፥ ሄ ቡቅዳ ማኡዋ ዱማ ኬን ላፑን ጋላስ ጎርድድ ዎ። 
\v 51 ላፑን ጋላስ ካህነይ ሄ ማኡዋ በእያ ዎደ ሄ ማኡዋ ቦላ ደእያ ቡቃይ ዳልግ ዳልግ ቢኮ፥ እ ቃጭና ዎይኮ ሻሎ ግድን፥ ጋልባ ዎይኮ ጋልባፈ ኦሰትዳ ማኦ ግድን፥ ሄስ እሱዋፈ እሱዋ ኦይክያ ቡቃ ሀርገ ግድያ ግሾ ሄ ማኦይ ቱና። 
\v 52 ሄ ማኦይ ቃጭና ዎይኮ ሻሎ ግድን፥ ሊኖ ዎይኮ ሱፈ ግድን፥ ጋልባፈ ኦሰትዳባ አይባ ግድን፥ ካህነይ እያ ፁጎ። ሄስ እሱዋፈ እሱዋ ኦይክያ ቡቃ ሀርገ ግድያ ግሾ፥ እ ፁገታናዉ በሴስ።
\p
\v 53 “ሽን ካህነይ በእያ ዎደ ሄ ቡቃ ማኡዋ ቦላ ዳልግቦናባ ግድኮ፥ እ ቃጭና ዎይኮ ሻሎ ዎይኮ ጋልባፈ ኦሰትዳባ አይባ ግድን፥ 
\v 54 ሄ ቡቃይ ደእያ ማኡዋ ሜጫና መላ ካህነይ ኪቶ። ሄሳፈ ጉየ፥ ሄ ማኡዋ ዱማ ኬን ሀራ ላፑን ጋላስ ጎርድድ ዎ። 
\v 55 ሄ ማኦይ ሜጨትዳፐ ጉየ ቃስካ ካህነይ በእያ ዎደ ሄ ቡቃይ ባ ማላ ላሞናባ ግድኮነ ዳልግ ዳልግ ቦና እፅኮካ እ ቱና። ሄ ቡቃ በሳይ ማኡዋስ ጉየ ባጋራ ዎይኮ ስን ባጋራ ደእኮካ ሄ ማኦይ ታማን ፁገታናዉ ኮሼስ። 
\v 56 ሽን ሄ ማኡዋ ሜጭ ስምን ካህነይ በእያ ዎደ ቡቃይ ይ ይ ቢኮ፥ እ ጋልባ ግድን፥ ቃጭና ዎይኮ ሻሎ ግድን፥ ሄ ቡቃይ ደእያ በሳ ካህነይ ዳክድ ከሶ። 
\v 57 ሄሳፈ ጉየ፥ ማኡዋ ቦላ ስሚድ ከይኮ፥ ሄ ማኦይ ቃጭና ዎይኮ ሻሎ ግድን፥ ጋልባፈ ኦሰትዳባ ግድን፥ ሄስ ዳልግ ዳልግ ቢኮ ሄ ቡቃይ ደእያ ማኦይ ታማን ፁገታናዉ በሴስ። 
\v 58 ሽን ሜጨትዳ ማኦይ ቃጭና ዎይኮ ሻሎ ግድን፥ ዎይኮ ጋልባፈ ኦሰትዳባ ማኦ ግድን፥ ቡቃ ማላይ ይኮ፥ ሄ ማኦይ ናምአን ሜጨቶ፤ ሄሳፈ ጉየ፥ እ ጌዬስ” ያግስ።
\p
\v 59 እስ ማኦይ ሱፈ ዎይኮ ሊኖ ግድን፥ ቃጭና ዎይኮ ሻሎ ግድን፥ ዎይኮ ጋልባፈ ኦሰትዳባ ግድን፥ ሄ ማኡዋ ጌሽ ዎይኮ ቱና ያግሳናዉ ዳንዳእያ ዎጋይ ሀይሳ።
\c 14
\s1 ጎጋ ሀርገፈ ጌሾ ዎጋ
\p
\v 1 ጎዳይ ሙሰኮ ሀይሳዳ ያግስ፤ 
\v 2 ጎጋ ሀርገይ ኦይክዳ ኡራይ ጌይያ ጋላስ ኦናዉ ኮሽያ ዎጋይ ሀይሳ። ሄ ኡራ ካህንያኮ ኤሀናዉ ኮሼስ። 
\v 3 ካህነይ ጉታፐ ጋፃ ከይድ እያ ሀርግያ በኦ። እ በእያ ዎደ ጎጋ ሀርገይ ኡራ አሳተፈ ይዳባ ግድኮ፥ 
\v 4 ካህነይ ናምኡ ቱና ግዶና ካፎታ፥ ዝጋ ም ቃንፆ፥ ዞኦ ቃጭናነ ህሶጰ ቦንጮ ሄ ሀርግያፈ ጌይያ ኡራ ግሾ ኤሀና መላ ኪቶ። 
\v 5 ሄሳፈ ጉየ፥ ካህነይ ናምኡ ካፎታፐ እሱዋ ፑልቶፈ ዱቅድ ከረን ቆልዳ ሃ ቦላ ሹካና መላ ኪቶ። 
\v 6 ሀንኮ ካፉዋ ዞኦ ቃጭናራነ ህሶጰ ቦንጮራ ኤክድ፥ ከረን ደእያ ፑልቶ ሃ ቦላ ሹክዳ ካፉዋ ሱን ናቆ። 
\v 7 ሄ ሱ፥ ሄ ጎጋ ሀርግያፈ ጌይያ ኡራ ቦላ ላፑን ቶሆ ዉርፆ፤ ሄ ኡራይ ቱና ግዶናይሳ ኤርሶ፤ ፓፃ ደእያ ካፉዋ ደምባ የዶ።
\p
\v 8 ሄ ሀርግያፈ ጌይያ ኡራይ ባ ማኡዋ ሜጮ፤ ባ አሳተ ቦላ ደእያ እክሰ ኡባ ሜደቶ፤ ባ አሳተ ሜጨቶ። ሄሳፈ ጉየ፥ እ ጌይድ ጉታ ገሎ፥ ሽን ባ ዱንካንያ ግዶ ገሎና ላፑን ጋላስ ካረን ጋምኦ። 
\v 9 ላፑን ጋላስ ባ ሁጵያ፥ ቡቻ፥ ዴሙዋነ ባ አሳተ ቦላ ደእያ ሀራ እክሰ ኡባ ሜደቶ፤ ቃስ ባ ማኡዋ ሜጮ፤ ባ አሳተካ ሜጨቶ፤ ሄሳፈ ጉየ፥ እ ጌሽ ግዳና።
\p
\v 10 ሆስፑን ጋላሳን ቦረይ ባይና ናምኡ ኡርገ ዶርሳታነ እስ ላይ ግድዳ እስ ማጫ ዶርሰ ኤሆ። ቃስ ካ ያርሾስ ዛይተራ ሙኑቀትዳ ሄ ክሎ ግራመ ሎኦ ለነ እስ ልትሮ ዛይተፐ ስኮ ኤሆ። 
\v 11 እያ ጌሽያ ካህነይ ኡራነ እ ኤህዳ ያርሾታራ እስፈ ጌሻ ዱንካንያ ፐንገን ጎዳ ስንን ሺሾ።
\p
\v 12 ካህነይ ናምኡ ዶርሳ ኡርገታፐ እሱዋ ኤክድ፥ እስ ልትሮስ ስኮ ዛይተራ እስፈ ናቆ ያርሾ ኦድ ሺሾ፤ ሄ ሺቅዳ ያርሹዋ ዩሾ ያርሾ ኦድ ጎዳ ስንን ሺሾ። 
\v 13 ያትድ፥ እ ሄ ዶርሳ ኡርግያ ናጋራ ያርሾነ ፁሳ ያርሾ ሹክያ ጌሻ በሳን ሹኮ። ናጋራ ያርሹዋ መላ ናቆ ያርሾይካ ካህንያስ እመቴስ፤ እካ ኡባፈ አዳ ጌሽ። 
\v 14 ካህነይ ናቆ ያርሹዋ ሱፈ ጉ ኤክድ፥ ሄ ጌይያ ኡራስ ኡሻቻ ባጋ ሀይ፥ ኡሻቻ ኩሽያ ዎጋ ብራያነ ኡሻቻ ቶሁዋ ዎጋ ብራያ ትዮ። 
\v 15 ሄሳፈ ጉየ፥ ካህነይ ዛይትያፐ ጉራ ኤክድ፥ ባ ሀድርሳ ኩሽያ ቃቃን ትጎ።
\p
\v 16 ሄ ሀድርሳ ኩሽያ ቃቃን ደእያ ዛይትያ ባ ኡሻቻ ኩሸ ብራያ የድ የድ ኤክድ፥ ጎዳ ስንን ላፑን ቶሆ ዉርፆ። 
\v 17 ያትድ፥ ባ ኩሽያ ቃቃን ደእያ ዛይትያፐ ኤክድ፥ ጌይያ ኡራስ ኡሻቻ ሀይ፥ ኡሻቻ ኩሽያ ዎጋ ብራያነ ኡሻቻ ቶሁዋ ዎጋ ብራያ ካሰ ናቆ ያርሹዋ ሱ ትይዳ በሳን ትዮ። 
\v 18 ቃስ ባ ኩሽያ ቃቃን አትዳ ዛይትያ ካህነይ ጌይያ ኡራ ሁጰን ጉሶ፤ ያትድ ጎዳ ስንን ሄ ኡራ ናጋራ አቶ ያግሶ።
\p
\v 19 ሄሳፈ ጉየ ካህነይ ጌይያ ኡራ ናጋራ አቶተስ ሺቅዳ ያርሹዋ ያርሼስ፤ ካልድ ቃስ ፁሳ ያርሾስ ሺቅዳ መህያ ሹኬስ። 
\v 20 ካህነይ ፁሳ ያርሹዋ ካ ያርሹዋራ እስፈ ያርሾ በሳን ዎድ ፁጌስ፤ ያትድ ኡራ ናጋራ አቶ ያግሴስ፤ ሄ ኡራይ ጌዬስ።
\p
\v 21 ሽን ኡራይ ሄሳ ኡባ ኤሀናዉ ዳንዳኦና ማንቆ ግድኮ፥ ጎዳ ስንን እያ ናጋራ አቶተስ ዩሻናዉ ናቆ ያርሾስ እስ ዶርሳ ኡርገ ኤሆ። ካ ያርሾስ ዛይተራ ሙኑቀትዳ እስ ክሎ ግራመ ሎኦ ለነ እስ ልትሮ ዛይተፐ ስኩዋ ኤሆ። 
\v 22 ባዉ ዳንዳኤትዳ መላ ናምኡ ሆለ ዎይኮ ናምኡ ኩራቾ እሱዋ ናጋራ ያርሾስ፥ እሱዋ ፁሳ ያርሾስ ኤሆ።
\p
\v 23 ሆስፑን ጋላስ ባ ቱናተፈ ጌይያ ኡራይ ጌሻ ዱንካንያ ፐንገን ጎዳ ስን ኤህድ ካህንያስ እሞ። 
\v 24 ካህነይ ናቆ ያርሾስ ይዳ ዶርሳ ኡርግያነ ዛይትያ ኤክድ፥ ዩሾ ያርሾ ኦድ ጎዳ ስንን ዩሾ። 
\v 25 ናቆ ያርሾስ ይዳ ዶርሳ ኡርግያ ሹኮ፤ ሄ ኡርግያ ሱፈ ጉራ ኤክድ፥ ሀ ጌይያ ኡራ ኡሻቻ ሀይ፥ ኡሻቻ ኩሽያ ዎጋ ብራያነ ኡሻቻ ቶሁዋ ዎጋ ብራያ ትዮ። 
\v 26 ካህነይ ዛይትያፐ ጉራ ባ ሀድርሳ ኩሽያ ቃቃን ትጎ። 
\v 27 ሀድርሳ ኩሽያ ቃቃን ደእያ ዛይትያፐ ኡሻቻ ኩሽያ ብራያ የድ ኤክድ፥ ጎዳ ስንን ላፑን ቶሆ ዉርፆ። 
\v 28 ካህነይ ባ ኩሽያ ቃቃን ደእያ ዛይትያፐ ጉራ ኤክድ፥ ጌይያ ኡራስ ኡሻቻ ሀይ፥ ኡሻቻ ኩሽያ ዎጋ ብራያነ ኡሻቻ ቶሁዋ ዎጋ ብራያ ካሰ ናቆ ያርሾ ሱ ትይዳ በሳን ትዮ። 
\v 29 ጎዳ ስንን ኡራ ናጋራ አቶተስ ካህነይ ባ ኩሸን አትዳ ዛይትያ ጌይያ ኡራ ሁጰን ትጎ። 
\v 30 ሄሳፈ ጉየ፥ ጌይያ ኡራይ ባዉ ዳንዳኤትዳይሳ መላ ሆለ ዎይኮ ኩራቾ ኤሆ። 
\v 31 እሱዋ ናጋራ ያርሾስ ናምአንዋ ፁሳ ያርሾስ ካ ያርሹዋራ እስፈ ሺሾ። ካህነይ ጌይያ ኡራ ናጋራ ጎዳ ስንን እያ ናጋራ አቶ ያግሶ። 
\v 32 ባ አሳተ ቦላ ደእያ ጎጋ ሀርግያፈ ጌያናዉ ማንቆተ ድግዳ ኡራስ ደእያ ዎጋይ ሀይሳ።
\s1 ኬ ቦላ ከይያ ቡቃ
\p
\v 33 ጎዳይ ሙሰኮነ አሮናኮ ሀይሳዳ ያግስ፤ 
\v 34 “ታኒ ህንተዉ እምያ ካናነ ቢታ ህንተ ገልያ ዎደ ሄ ቢታን ደእያ ህንተ ኬፈ እሱዋን ታኒ ቡቃ የድያ ዎደ፥ 
\v 35 ሄ ኡራይ ካህንያኮ ብድ፥ ‘ታ ኬ ቦላ ቡቃ ዳንያባይ ደኤስ’ ያግድ ኦዶ። 
\v 36 ካህነይ ሶ ገልድ ቡቃ ቆሙዋ በአናፐ ካሰትድ፥ ሶን ደእያባይ ኡባይ ቱና ጌተቶና መላ ሶን ደእያባ ኡባ ካረ ከሳና መላ ኪቶ፤ ሄሳፈ ጉየ፥ ካህነይ በአናዉ ሶ ገሎ። 
\v 37 እ ገልድ በእያ ዎደ ቡቃይ ጎዳ ቦላ ጭሊሎ ዎይኮ ዞኦ ማላ በስኮነ ቃስ ጎዳ ምድ ኦላይድ ግዶ ገልኮ፥ 
\v 38 ካህነይ ካረ ከይድ፥ ኬ ላፑን ጋላስ ጋካናዉ ጎርዶ። 
\v 39 ላፑን ጋላሳን ካህነይ ሄ ኬ ዛሪድ ፄልያ ዎደ ሄ ቡቃይ ኬ ጎዳ ቦላ ዳልግኮ፥ 
\v 40 ቡቃይ ደእያ ሹቻ ኡባ ጎዳፐ ሾድድ፥ ካታማፐ ጋፃ ከስድ ቱና በሳን የጋና መላ ኪቶ። 
\v 41 ካልድ ጎዳ ሜሽዳ ኡርቃ ሶ ባጋራ ቦክድ፥ ዩሽ አድ ቆቆፋና መላ ኦ፤ ያትድ ሄ ኡርቃ ካታማፐ ጋፃን ደእያ ቱና በሳን የጎ። 
\v 42 ሄሳፈ ጉየ፥ ሄ ሾደትዳ ሹቻታ በሳን ሀራ ሹቻታ ዎ፤ ሀራ ኡርቃን ኬ ሜሾ።
\p
\v 43 “ሹቻይ ሾደትን፥ ኡርቃይ ቆቆፈትን፥ ሀራ ኡርቃ ሜሽ ስምን፥ ቡቃይ ኬ ግዶን ዛር በንትኮ፥ 
\v 44 ካህነይ ሄሳ በኦ። እ በእያ ዎደ ቡቃይ ሄ ኬ ግዶን ዳልግኮ፥ ሄስ አሳፐ አሰ ኦይክያ ቡቃ ሀርገ ግድያ ግሾ ሄ ካይ ቱና። 
\v 45 ሄሳ ግሾ ሄ ኬ፥ እያ ሹቻ፥ እያ ምነ እ ሜሸትዳ ኡርቃ ኡባ ላልድ ካታማፐ ጋፃ ኤፍድ፥ ቱና በሳን የጎ። 
\v 46 ሄ ኬይ ጎርዳን ጋምእያ ዎደ እያ ግዶ ገልያ ኦንካ ኦማርስ ጋካናዉ ቱና። 
\v 47 ሄ ኬን አቅያ ዎይኮ ካ ምያ ኡራይ ባ ማኡዋ ሜጮ።
\p
\v 48 “ሽን ካህነይ ይድ ፄልያ ዎደ ኬይ ሜሸትድ ስምን፥ ዛሪድ ዳልጎና እፅኮ፥ ቡቃይ ይዳ ግሾ፥ ሄ ኬይ ቱና ግዶናይሳ ካህነይ ኤርሶ። 
\v 49 ኬ ጌሻናዉ ናምኡ ካፎታ፥ ዝጋ ም ቃንፆ፥ ዞኦ ቃጭናነ ህሶጰ ቦንጮ ኤሆ። 
\v 50 ካፎታፐ እሱዋ ፑልቶፈ ዱቅድ ከረን ቆልዳ ሃን ሹኮ። 
\v 51 ሄሳፈ ጉየ፥ ዝጋ፥ ህሶጰ ቦንጩዋ፥ ዞኦ ቃጭናነ ፓፃ ደእያ ካፉዋ ኤክድ፥ ከረን ደእያ ሹከትዳ ካፉዋ ሱንነ ፑልቶ ሃን የድ ኤክድ ላፑን ቶሆ ሄ ኬ ዉርፆ። 
\v 52 ያትድ፥ ካህነይ ሄ ኬ ካፉዋ ሱን፥ ፑልቶ ሃን፥ ፓፃ ደእያ ካፉዋን፥ ዝጋ ምን፥ ህሶጰ ቦንጩዋንነ ዞኦ ቃጭናን ጌሾ። 
\v 53 ፓፃ ደእያ ካፉዋ ካታማፐ ጋፃ የዶ። ሄሳዳ ኦድ፥ ኬ ጌሽያ ዎጋ ፖሌስ፤ ኬይ ጌሽ ግዴስ።
\p
\v 54 “ዱማ ዱማ ጎጋ ሀርጌስነ ጎኦ ሀርጌስ እመትዳ ዎጋይ ሀይሳ። 
\v 55 ማኦ ቦላ ዎይኮ ኬ ቦላ ከይያ ቡቃ ሀርገ ግድን፥ 
\v 56 ክፃ ግድን፥ መርኮ ግድን፥ እራለ ግድን፥ 
\v 57 እስባይ ቱና ግደይሳነ ቱና ግዶናይሳ ኤርስያ ዎጋይ ሀይሳ።”
\c 15
\s1 አሳተፈ ጎግድ ቱንስያባታ
\p
\v 1 ጎዳይ ሙሰኮነ አሮናኮ ሀይሳዳ ያግስ፤ 
\v 2 እስራኤለ አሳስ ሀይሳዳ ያግድ ኦድተ፤ “እስ አሳ አሳተፈ ጎግያባይ ደእኮ ሄስ ቱና። 
\v 3 ጎግያባይ ደእያ ኡራ ቱና ኦያ ዎጋይ ሀይሳ፤ ሄ ጎግያባይ አግን፥ አጎና እፅን፥ ሄ ኡራ ቱና ኦስ።
\p
\v 4 “እያ አሳተፈ ጎግያባይ ደእያ ኡራይ ዝንእያ ሂፃይነ ኡትያ ኦይደ ኡባይ ቱና። 
\v 5 እያ ሂፃ ቦችያ ኦንካ ባ ማኡዋ ሜጮ፤ ባ አሳተካ ሜጨቶ፤ ያትድ ኦማርስ ጋካናዉ ቱና ግዴስ። 
\v 6 ጎግያባይ ደእያ ኡራይ ኡትዳባ ቦላ ኡትያ ኦንካ ባ ማኡዋ ሜጮ፤ ባ አሳተካ ሜጨቶ፤ ያትድ ኦማርስ ጋካናዉ ቱና ግዴስ።
\p
\v 7 “ጎግያባይ ደእያ ኡራ አሳተ ቦችያ ኦንካ ባ ማኡዋ ሜጮ፤ ባ አሳተ ሜጨቶ፤ ያትድ ኦማርስ ጋካናዉ እ ቱና ግዴስ።
\p
\v 8 “ጎግያባይ ደእያ አስ ቱና ግዶና አሳ ቦላ ጩትኮ፥ ሄ ኡራይ ባ ማኡዋ ሜጮ፤ ባ አሳተካ ሜጨቶ፤ ያትድ ኦማርስ ጋካናዉ እ ቱና ግዴስ።
\p
\v 9 “ጎግያባይ ደእያ ኡራይ ኡትያ ቶጋ ኮር ቱና። 
\v 10 እያፐ ጋርሳራ ደእያባ ቦችያ ኦንካ ኦማርስ ጋካናዉ ቱና ግዴስ፤ ቃስ ሄሳ ቶክያ ኦንካ ባ ማኡዋ ሜጮ፤ ባ አሳተ ሜጨቶ፤ ያትድ ኦማርስ ጋካናዉ እ ቱና ግዴስ።
\p
\v 11 “ጎግያባይ ደእያ አስ ባ ኩሽያ ሜጨቶና ቦችያ አስ ኦንካ ባ ማኡዋ ሜጮ፤ ባ አሳተ ሜጨቶ፤ ያትድ ኦማርስ ጋካናዉ ቱና ግዴስ።
\p
\v 12 “ጎግያባይ ደእያ ኡራይ ቦችያ ኦቶ ኡባ መንተ፤ ምፈ ኦሰትዳ ሚሸ ኡባይ ሃን ሜጨቶ።
\p
\v 13 “ጎግያባይ ደእያ አስ ሄ ጎግያባፐ ጌይዳ ዎደፐ ላፑን ጋላስ ጋምኦ። ባ ማኡዋ ሜጮ፤ ባ አሳተ ፑልቶ ሃን ሜጨቶ፤ ያትድ እ ጌሽ ግዴስ። 
\v 14 ሆስፑን ጋላሳን ናምኡ ሆለታ ዎይኮ ናምኡ ኩራቾታ ኤክድ፥ ጌሻ ዱንካንያ ፐንገ፥ ጎዳ ስን ኤህድ ካህንያስ እሞ። 
\v 15 ካህነይ ሆለታፐ እሱዋ ናጋራ ያርሾስ፥ እሱዋ ቃስ ፁሳ ያርሾስ ያርሼስ፤ ያትድ ካህነይ ኡራ አሳተፈ ጎግያባ ግሾ ጎዳ ስንን እያ ናጋራ አቶ ያግሴስ።
\p
\v 16 “እስ አደፈ እያ አቱንይ ጉክኮ፥ ባ ኩመ አሳተካ ሜጨቶ፤ ያትድ ኦማርስ ጋካናዉ እ ቱና ግዴስ። 
\v 17 አቱንይ ቦችዳ ማኦ ኡባይ ዎይኮ ጋልባ ኡባይ ሃን ሜጨቶ፤ ያትድ ኦማርስ ጋካናዉ ቱና ግዴስ። 
\v 18 እስ አደይ ማጫራ አቅን፥ እያ አቱንይ ጉክኮ፥ ናምአይካ ሃን ሜጨቶ፤ ያትድ ኦማርስ ጋካናዉ ኤንቲ ቱና ግዶሶና።
\p
\v 19 “እስ ማጫስ ባ ኩሸ መቶ በእኮ፥ ላፑን ጋላስ ጋካናዉ እያ ቱና፤ እዮ ቦችያ ኦንካ ኦማርስ ጋካናዉ ቱና።
\p
\v 20 “ባ ኩሸ መቶ ዎደ እያ ዝንእያ ሂፃይነ እያ ኡትያ ኦይደይ ኡባይ ቱና። 
\v 21 እያ ዝንእያ ሂፃ ቦችያ ኡባይ ባ ማኡዋ ሜጮ፤ ባ አሳተካ ሜጨቶ፤ ያትድ ኦማርስ ጋካናዉ ቱና ግዶ። 
\v 22 እያ ኡትያባ ቦችያ ኡባይ ባ ማኡዋ ሜጮ፤ ባ አሳተ ሜጨቶ፤ ያትድ ኦማርስ ጋካናዉ ቱና ግዶ። 
\v 23 እያ ዝንእያ ሂፃ ግድን ዎይኮ እያ ኡትያባ ቦችያ ኦንካ ኦማርስ ጋካናዉ ቱና።
\p
\v 24 “እስ ማጫስ ኩሸ መቶራ ደእያ ዎደ አደይ ኢራ አቅኮ፥ ሄ ኩሸ መቱዋ እ ቦችኮ፥ ላፑን ጋላስ ጋካናዉ እ ቱና ግዴስ፤ እ ዝንእያ ሂፃ ኡባይ ቱና ግዴስ።
\p
\v 25 “እስ ማጫስ፥ ባ ኩሸ መቶ ዎደይ አን፥ ሱ አጎና ጎግኮ ዎይኮ ኩሸ መቶ ዎደይ ባ ቃማፈ አድ ጎግኮ፥ ኩሸ መቶ ዎደ እያ ቱና ግድዳይሳዳ ሱይ ኤቃና ጋካናዉ እያ ቱና ግዳዉሱ። 
\v 26 ሱ ኢፐ ጎግያ ዎደ እያ ዝንእያ ሂፃ ኡባይ፥ ባ ኩሸ መቶ በእያ ዎደ እያ ዝንእዳ ሂፃ መላነ እያ ኡትያ ኦይድያ መላ ቱና ግዴስ። 
\v 27 ሄ ቱንዳባታ ቦችያ ኦንካ ቱና ግድያ ግሾ እ ባ ማኡዋ ሜጮ፤ ባ አሳተ ሜጨቶ፤ ያትድ ኦማርስ ጋካናዉ ቱና ግዴስ።
\p
\v 28 “ኢፐ ጎግያ ሱይ ኤቅኮ፥ እያ ሄ ዎደፐ ዶማዳ ላፑን ጋላስ ጋምኦ፤ ሄሳፈ ጉየ፥ እያ ጌሽ ግዳና። 
\v 29 ሆስፑን ጋላስ እያ ናምኡ ሆለታ ዎይኮ ናምኡ ኩራቾታ ኤሀዳ ጌሻ ዱንካንያ ፐንገን ካህንያስ እሞ። 
\v 30 ካህነይ ሆለታፐ እሱዋ ናጋራ ያርሾስ፥ እሱዋ ፁሳ ያርሾስ ያርሾ። ያትድ፥ ካህነይ ኢፐ ጎግያ ቱናተ ግሾ ጎዳ ስንን እ ናጋራ አቶ ያግሴስ።
\p
\v 31 “እስራኤለ አሳይ ባንታ ግዶን ደእያ ጌሻ ዱንካንያ ቱንስድ፥ ሀይቆና መላ ኔኒ ሀይሳዳ ኦዳ ኤንቲ ባንታና ቱንስያባፐ ዱማይድ ዳና መላ ናጋ።”
\p
\v 32 እያ አሳተፈ ጎግያባይ ደእያ አሳስ፥ እያ አቱይ ጉክን ቱንያ አደስ፥ 
\v 33 ባ ኩሸ መቶ ጋሶን ቱንያ ማጫሳስ፥ አደ ግድን ማጫ ግድን ጎግያባይ ደእያ አሳስነ ቱንዳ ማጫራ አቅያ አደስ እመትዳ ዎጋይ ሀይሳ።
\c 16
\s1 ናጋራ አቶተ ጋላሳ
\p
\v 1 አሮና አደ ናይት ናምአይ ጎዳ ስን ሺቅድ ሀይቅዳፐ ጉየ፥ ጎዳይ ሙሰኮ ሀይሳዳ ያግስ፦ 
\v 2 ታኒ ታቦትያ ናጋራ አቶተ ካማ ቦላ ሻራን ግዳዳ ቆንጭያ ግሾ ማጋራጁዋፈ ጉየን ደእያ ኡባፈ ጌሻ በሳ ባ ኮይዳ ዎደ ገልድ ሀይቆና መላ ነ እሻ አሮናስ ኦዳ። 
\v 3 አሮን ናጋራ ያርሾስ እስ ዎፋኖ፥ ፁሳ ያርሾስ እስ ማራዘ ኤክድ ኡባፈ ጌሻ በሳ ገሎ። 
\v 4 አሮን ሊኖፐ ኦሰትዳ ጌሻ አዱሳ ቃምሰነ ጋርሳራ ማኤትያ ማኦ ማኦ። ሊኖፐ ኦሰትዳ ዳንጮ ዳንጮ፤ ሄሳዳ ባ ሁጰን ሊኖፐ ኦሰትዳ ፃ ቃጨ ዎ። ሄ ማኦት ጌሽ ግድያ ግሾ፥ ማአናፐ ስን ባ አሳተ ሜጨቶ።
\p
\v 5 እስራኤለ ማባራይ ናጋራ ያርሾስ ናምኡ ኮለታ፥ ፁሳ ያርሾስ እስ ማራዘ አሮናስ ኤሆ። 
\v 6 አሮን ባ ናጋራስነ ባ ሶ አሳ ናጋራ አቶተስ እስ ዎፋኖ ያርሾ። 
\v 7 ሄሳፈ ጉየ፥ ናምኡ ኮለታ ጌሻ ዱንካንያ ፐንገን ጎዳ ስን ኤሆ። 
\v 8 ሄ ናምኡ ዴሻታ ኤክድ እሱዋ ጎዳሳ፥ እሱዋ ቃስ አዛዘላሳ\f + \fr 16:8 \fr*\fq አዛዘላሳ፦ \fq*\ft እብራወ ዶናን መላ ቢታ የደተይሳ ጉሱ።\ft*\f* ግድ ኤንታ ቦላ ሳማ የጎ። 
\v 9 አሮን ሳማን ጎዳስ ግድዳ ዴሻ ኤክድ ናጋራ ያርሾ ኦድ ያርሾ። 
\v 10 ሽን ሳማን አዛዘላስ ግድዳ ዴሻ አሳ ናጋራ አቶተስ መላ ቢታ የዳናዉ ፓፃ ደእሽን ጎዳስ ሺሾ።
\p
\v 11 አሮን ባ ናጋራስነ ባ ሶ አሳ ናጋራ አቶተስ እስ ዎፋኖ ናጋራ ያርሾ ኦድ ሺሾ። ያትድ ባ ናጋራ ግሾ ሄ ዎፋኑዋ ሹኮ። 
\v 12 ጎዳ ስንን ደእያ ያርሾ በሳፈ እፃነ ጩይስያ ሚሸን ቦንቆ ኩንድ፥ ሊቅድ ጋጨትዳ ሳውያ እፃነ ናምኡ ኩጫ ኤክድ ማጋራጁዋ ግዶ ገሎ። 
\v 13 ጎዳ ስንን ደእያ ታማን እፃነ ዎ። እ ሀይቆና መላ እፃንያ ጩያይ ታቦትያ ቦላ ደእያ ናጋራ አቶተ ካማ ካሞ። 
\v 14 ዎፋኑዋ ሱፈ ጉራ ኤክድ፥ ባ ብራያ የድ ኤክድ አቶተ ካማ ስን ባጋ ዉርፆ። ናጋራ አቶተ ካማ ስን ባጋራ ደእያ በሳ ላፑን ቶሆ ዉርፆ።
\p
\v 15 ሄሳፈ ጉየ፥ አሳ ናጋራ ግሾ ግድያ ዴሻ ሹክድ፥ እያ ሱ ማጋራጁዋ ግዶ ኤህድ፥ ዎፋኑዋ ሱ ዉርፅዳይሳዳ ናጋራ አቶተ ካማነ ታቦትያ ስን ዉርፆ። 
\v 16 ኡባፈ ጌሻ በሳ እስራኤለ አሳ ቱናተፈነ ናጋራፐ ጌሼስ። ኤንቲ ቱናባ ኦሽን፥ ኤንታ ግዶን ደእያ ጌሻ ዱንካንያ ሀይሳዳ ኦድ ጌሾ። 
\v 17 አሮን ኡባፈ ጌሻ በሳ ገልድ፥ ባ ናጋራ፥ ባ ሶ አሳ ናጋራነ ኩመ እስራኤለ አሳ ናጋራ አቶተስ ያርሽድ ከያና ጋካናዉ፥ ኦንካ ጌሻ ዱንካንያ ግዶን ደኦፖ።
\p
\v 18 ሄሳፈ ጉየ፥ ጎዳ ስንን ደእያ ያርሾ በሳ ከይድ እያ ጌሾ። ዎፋኑዋ ሱፈነ ዴሻ ሱፈ ጉራ ኤክድ፥ ያርሾ በሳ ዩሹዋን ደእያ ካጨታ ትዮ። 
\v 19 ሄ ሱን ባ ብራያ የድ ኤክድ ላፑን ቶሆ ዉርፆ፤ ሄሳዳ ኦድ እስራኤለ አሳ ቱናተፈ ሄ ያርሾ በሳ ጌሾ።
\p
\v 20 አሮን ኡባፈ ጌሻ በሳ፥ ጌሻ ዱንካንያነ ያርሾ በሳ ጌሽያ ዎጋ ፖልዳፐ ጉየ፥ ፓፃ ደእያ ዴሻ ሺሾ። 
\v 21 አሮን ባ ናምኡ ኩሽያ ፓፃ ደእያ ዴሻ ሁጰን ዎድ፥ እስራኤለ አሳ ናቆ ኡባ፥ ኤንታ ማካላ ኡባ፥ ኤንታ ናጋራ ኡባ ፓፆ። ያትድ ሄ ዴሻ ሁጰን ሄሳ ቶሶ፤ ሄ ዴሻ ኤፋና መላ ጊግስዳ ኡራ ቦላ መላ ቢታ የዶ። 
\v 22 ዴሻይ ኤንታ ናጋራ ኡባ ቶክድ፥ አስ ባይና በሲ መላ ቢታ ቦ።
\p
\v 23 ሄሳፈ ጉየ፥ አሮን ጌሻ ዱንካንያ ብድ ኡባፈ ጌሻ በሳ ገሎ። ሊኖፐ ኦሰትዳ ካሰ እ ማእድ ገልዳ ማኡዋ ቃርድ ያን ዎ። 
\v 24 ጌሻ በሳን ባ አሳተ ሜጨትድ፥ ባ ካሰ ማኡዋ ማእ ከይድ ባ ናጋራነ አሳ ናጋራ አቶተስ ፁሳ ያርሾ ያርሽሶ። 
\v 25 ናጋራ ያርሹዋ ሞዋ ያርሾ በሳን ፁጎ።
\p
\v 26 ባዞ የደትያ ዴሻ ኤፍዳ ኡራይ ባ ማኡዋ ሜጮ፤ ባ አሳተ ሜጨቶ፤ ያት ስሚድ ጉታ ገሎ።
\p
\v 27 ናጋራ አቶተስ አሮን ኤንታ ሱ ኡባፈ ጌሻ በሳ ኤህዳ ዎፋኑዋነ ዴሻ ጋልባ፥ አትዳ አሹዋነ ቶጭያ ጉታፐ ጋፃ ከስድ ፁጎ። 
\v 28 ሄሳ ፁግዳ ኡራይ ባ ማኡዋ ሜጮ፤ ባ አሳተ ሜጨቶ፤ ሄሳፈ ጉየ፥ ጉታ ገሎ።
\p
\v 29 ሀይስ ህንተዉ መርና ዎጋ ግዶ፤ ላፑን አጌናይ ገልዳ ታማን ጋላስ ህንተና ካዉሽተ፤ ቢታ አዉ ናአ ግድን ዎይኮ ሀራ ቢታ አስ ግድን፥ አይ ኦሶካ ኦፍተ። 
\v 30 አይስ ጊኮ ሄ ጋላሳይ ህንተ ናጋራ አቶተ ደምያ ጋላስ፤ ህንተ ጎዳ ስንን ህንተ ናጋራ ኡባፈ ጌያና። 
\v 31 ሄስ ህንተዉ ግታ ሳምባታ ሸምፖ ጋላስ ግዳና። ሄ ጋላስ ህንተና ካዉሽተ፤ ሄስ ህንተዉ መርና ዎጋ ግዶ። 
\v 32 ቃስ ባ አዋ በሳን ካህነ ግዳና መላ ትየትያነ ዱማትያ ካህነይ ጌሽ ግድዳ ሊኖፐ ኦሰትዳ ማኡዋ ማእድ፥ ናጋራ አቶተ ዎጋ ፖሎ። 
\v 33 እ ኡባፈ ጌሻ በሳ፥ ገሻ ዱንካንያ፥ ያርሾ በሳ፥ ካህነታነ እስራኤለ አሳ ኡባ ጌሾ። 
\v 34 እስራኤለ አሳ ኡባ ናጋራ አቶተስ ላይን ላይን እስ ቶሆ ኦናዉ ሀይስ ህንተዉ መርና ዎጋ ግዶ። ጎዳይ ኪትዳይሳዳ ሙሰይ ኦስ።
\c 17
\s1 ሱ ሞና መላ ድገትስ
\p
\v 1 ጎዳይ ሙሰኮ ሀይሳዳ ያግስ፤ 
\v 2 “አሮናስ እያ አደ ናይታስነ እስራኤለ አሳ ኡባስ ሀይሳዳ ያጋዳ ኦዳ፤ ጎዳይ ኪትዳይስ ሀይሳ፤ 
\v 3 እስራኤለ አሳፐ ኦንካ ቦር ዎይኮ ማራዘ ዎይኮ ኮለ ጉታን ዎይኮ ጉታፐ ጋፃን ሹክድ፥ 
\v 4 ጎዳስ እሞታ ኦድ እማናዉ ጌሻ ዱንካንያ ፐንገ ጎዳ ስን ኤሆና እፅኮ፥ እ ሄ ሱን ኦይሸቴስ። ሄ ኡራይ ሱ ጉስዳ ግሾ ባ አሳ ግዶፈ ኩረቶ። 
\v 5 ሄሳ ግሾ፥ እስራኤለ አሳይ ያርሾ መሄ ጮ ደንባን ሹከይሳ አግድ፥ ጎዳ ስንን ጌሻ ዱንካንያ ፐንገን ደእያ ካህንያኮ ኤሆ። ካህነይ ሄሳ ኤክድ፥ ጎዳስ እስፈተ ያርሾ ኦድ ሹኮ። 
\v 6 ካህነይ ጌሻ ዱንካንያ ፐንገን ደእያ ያርሾ በሳ ቦላ ሄ ሱ ዉርፆ። ሞዋ ጎዳስ ሳዎ ቶንኩ ግያ ያርሾ ኦድ ፁጎ። 
\v 7 እስራኤለ አሳይ ጎዳ አግድ ካልዳ ቱና አያናታስ ዛሪድ ባንታ ያርሹዋ ያርሾፎ። ሄስ ኤንታዉነ ያና የለተ ኡባስ መርና ዎጋ ግዶ።
\p
\v 8 “ኤንታኮ ሀይሳዳ ያጋ፤ እስራኤለ አሳፐ ግድን ዎይኮ ኤንታ ግዶን ደእያ አላጋ ቢታ አሳፐ ግድን፥ ኦንካ ፁሳ ያርሾ ዎይኮ ሀራ ያርሾ ሺሽያ ዎደ፥ 
\v 9 ጎዳስ ያርሻናዉ ጌሻ ዱንካንያ ፐንገ ኤሆና እፅኮ፥ ሄ ኡራይ ባ አሳ ግዶፈ ኩረቶ።
\p
\v 10 “እስራኤለ አሳፐ ዎይኮ ኤንታ ግዶን ደእያ አላጋ ቢታ አሳፐ ኦንካ ሱ ሚኮ፥ ሄ ሱ ምያ ኡራ ቦላ ታ ዞኮ ዛራና፤ ታኒ ሄ ኡራ አሳ ግዶፈ ኩራና። 
\v 11 አይስ ጊኮ አሾ ማእዳ ኡባ ደኦይ እያ ሱ ግዶን ደኤስ፤ ሱ ደኦይ እያ ግዶን ደእያ ግሾ ናጋራ አቶ ጊሴስ። ህንተ ናጋራ አቶተስ ሱ ያርሻና መላ ህንተዉ እማስ። 
\v 12 ታኒ እስራኤለ አሳኮ፥ ህንተፈ ዎይኮ ህንተ ግዶን ደእያ አላጋ ቢታ አሳፐ ኦንካ ሱ ሞፖ ያግዳይ ሄሳ ግሾሳ።
\p
\v 13 “እስራኤለ አሳፐ ዎይኮ ኤንታ ግዶን ደእያ አላጋ ቢታ አሳፐ ኦንካ ሜተትያ ዶአ ዎይኮ ካፎ ሻንካትድ ዎኮ፥ እያ ሱ ሳአን ጉስድ ቢታ ካሞ። 
\v 14 አይስ ጊኮ አሾ ማእዳ ኡባ ደኦይ እያ ሱ ግዶና። አሾ ማእዳ መተታ ኡባ ደኦይ እያ ሱ ግዶን ደእያ ግሾ፥ ሱ ሞፕተ፤ ቃስ ምያ ኦንካ ባ አሳ ግዶፈ ኩረቶ ያጋዳ እስራኤለ አሳስ ኦዳስ።
\p
\v 15 “እስራኤለ አሳ ግድን ዎይኮ ኤንታ ግዶን ደእያ አላጋ ቢታ አሳ ግድን፥ ኦንካ ባዉታ ዎይኮ ዶእ ዎዳባ ሚኮ፥ ባ ማኡዋ ሜጮ፤ ባ አሳተ ሜጨቶ፤ ያትድ ኦማርስ ጋካናዉ ቱና ግዴስ። ሄሳፈ ጉየ፥ እ ጌሽ ግዳና። 
\v 16 ባ ማኡዋ ሜጮና እፅኮ፥ ባ አሳተ ሜጨቶና አግኮ፥ እ ባ ናጋራ ባዉ ቶኬስ።”
\c 18
\s1 ድገትዳ ማጫ አደ ጋሄተ
\p
\v 1 ጎዳይ ሙሰኮ ሀይሳዳ ያግስ፤ 
\v 2 “እስራኤለ አሳስ ሀይሳዳ ያጋዳ ኦዳ፤ ታኒ ጎዳ፥ ህንተ ፆሳ። 
\v 3 ህንተ ካሰ ደእዳ ግብፀ አሳይ ኦይሳዳ ኦፕተ፤ ዎይኮ ሀእ ታኒ ህንተና ገልስያ ካናነ ቢታ አሳይ ኦይሳዳ ኦፕተ፤ ኤንታ ዎጋ ካሎፍተ። 
\v 4 ህንተ ታ ኪታ ኦተ፤ ታ ዎጋ ናግተ፤ ታኒ ጎዳ፥ ህንተ ፆሳ። 
\v 5 ታ ኪታነ ታ ዎጋ ናግተ፥ ህንተ ሄሳ ኦኮ ደኦን ዳና። ታኒ ጎዳ።
\p
\v 6 “ህንተፈ ኦንካ ባ ማታ ዳቦራ ፃሎፎ። ታኒ ጎዳ።
\p
\v 7 “ነ አይዉ ፃላዳ ነ አዋ ካዉሾፋ። እያ ነ አይዉ ግድያ ግሾ እዮ ፃሎፋ።
\p
\v 8 “ነ አዋ ማችዉ ፃላዳ ነ አዋ ካዉሾፋ።
\p
\v 9 “ነ ምችዉ ፃሎፋ፤ ሶን የለትዳ ዎይኮ ካረን የለትዳ ነ አዋ ናእዉ ዎይኮ ነ አየ ናእዉ ፃሎፋ።
\p
\v 10 “ነ ናኣ ናእዉ ዎይኮ ነ ናኤ ናእዉ ፃላዳ ነ ነና ካዉሾፋ።
\p
\v 11 “ነ ምቾ ግድያ ግሾ ነ አዋ ማቸ ናእዉ ፃሎፋ።
\p
\v 12 “ነ አዋ ምችዉ ፃሎፋ፤ እያ ነ አዋስ ማታ ዳቦ።
\p
\v 13 “ነ አየ ምችዉ ፃሎፋ፤ እያ ነ አየስ ማታ ዳቦ።
\p
\v 14 “ነ አዋ እሻ ማችዉ ፃሎፋ፤ እያ ነ አዋ እሻ ማችዉ። 
\v 15 ነ ናኣ ማችዉ ፃሎፋ፤ እያ ነ ናኣ ማችዉ።
\p
\v 16 “ነ እሻ ማችዉ ፃላዳ ነ እሻ ካዉሾፋ።
\p
\v 17 “አይዉነ እ ናእዉ ፃሎፋ፤ እ ናኤ ናእዉ ዎይኮ እ ናኣ ናእዉ ፃሎፋ። ኤንቲ እዉ ማታ ዳቦ ግድያ ግሾ፥ ሄስ ኢታ ቱና።
\p
\v 18 “ነ ማችያ ፓፃ ደእሽን፥ ነ ማቸ ምችዉ ዳዉፋ።
\p
\v 19 “ኩሸ መቶራ ደእያ ማጫስ ፃሎፋ።
\p
\v 20 “ኔኒ ቱኖና መላ ነ ሾሩዋ ማችዉ ፃሎፋ።
\p
\v 21 “ነ ፆሳ ሱንይ ጫየቶና መላ ነ ናይታፐ እሱዋ ታማን ፁጋዳ፥ ሞሎካ ግያ ኤቃስ ያርሾ ኦዳ እሞፋ። ታኒ ጎዳ።
\p
\v 22 “ፆሳ ስንን እፀትዳባ ግድያ ግሾ ማጫሳራ ጋሄተይሳዳ አደራ ጋሄቶፋ።
\p
\v 23 “ኔኒ ቱኖና መላ መሄራ ጋሄቶፋ፤ ማጫስ መሄራ ጋሄታናዉ መሄ ስን አፎ። ሄስ ዎጋን ባይናባ።
\p
\v 24 “ታኒ ህንተ ስንፈ የደያ ካዎተት ሄ ኦሶታን ቱንዳ ግሾ፥ ህንተ ሄ ኦሶታን ኤንታ መላ ቱኖፕተ። 
\v 25 ሀር አቶሽን፥ ቢታይካ ቱንዳ ግሾ፥ እያ ናጋራ ግሾ ታ እያ ሴራስ። ቢትያ ባናን ደኤይ አሳ ጩታሱ። 
\v 26 ሽን ህንተ ታ ህግያነ ታ ኪታ ናግተ። ህንተና ግድን ዎይኮ ህንተ ግዶን ደእያ አላጋ ቢታ አሳ ግድን ኦንካ ሄሳ መላ ቱና ኦሶ ኦፕተ።
\p
\v 27 “ህንተፈ ካሰ ሀ ቢታን ደእዳ አሳይ ሄሳ መላ ቱናባ ኦዳ ግሾ፥ ቢትያ ቱናሱ። 
\v 28 ህንተ ሀ ቢታ ቱንስኮ፥ ህንተፈ ካሰ ደእዳ ካዎተታ ሀ ቢትያ ጩትዳይሳዳ ህንተናካ ጩቶና መላ ናገትተ። 
\v 29 ሄሳታ ዳንያ ቱና ኦሶታፐ እሱዋካ ኦያ አስ ደእኮ፥ ሄ ኡራይ ባ አሳ ግዶፈ ኩረቶ። 
\v 30 ሄሳ ግሾ፥ ህንተፈ ካሰ ደእዳ አሳት ኦዳ ቱና ኦሶታ ኡባ ኦድ ህንተ ቱኖና መላ ታ ኪታ ናግተ፤ ታኒ ጎዳ፥ ህንተ ፆሳ” ያግስ።
\c 19
\s1 ዱማ ዱማ ህገታ
\p
\v 1 ጎዳይ ሙሰኮ ሀይሳዳ ያግስ። 
\v 2 እስራኤለ አሳ ኡባስ ሀይሳዳ ያጋዳ ኦዳ፤ “ታኒ፥ ጎዳይ፥ ህንተ ፆሳይ፥ ጌሽ ግድያ ግሾ፥ ህንተካ ጌሽ ግድተ።
\p
\v 3 “ህንተፈ እሶይ እሶይ ባ አዋነ ባ አይዉ ቦንቾ፤ ታ ሳምባታ ቦንችተ። ታኒ ጎዳ፥ ህንተ ፆሳ።
\p
\v 4 “ታና አግድ ኤቃታ ጎይኖፍተ፤ ዎይኮ ብራታፐ ኦሰትዳ ፆሳታ ህንተዉ ኦፕተ። ታኒ ጎዳ፥ ህንተ ፆሳ።
\p
\v 5 “ህንተ እስፈተ ያርሾ ጎዳስ ያርሽያ ዎደ ሄ ያርሾይ ህንተ ግሾ ኤከታና መላ በሰይሳዳ ያርሽተ። 
\v 6 ሄ ያርሾይ ህንተ ያርሽዳ ጋላስ ዎይኮ ዎንተ ጋላስ ሜተቶ፤ ሄን ጋላስ ጋካናዉ አትዳይ ደእኮ ታማን ፁገቶ። 
\v 7 ሄን ጋላስ ሜተትኮ፥ ሄስ ቱንስያባ፤ ታኒ ሄሳ ኤክከ። 
\v 8 ሄሳ ምያ ኦንካ ጎዳስ ጌሽ ግድዳባ ቱንስዳ ግሾ ባ ናጋራን ኦይሸታና። ሄ ኡራይ ባ አሳ ግዶፈ ኩረቶ።
\p
\v 9 “ህንተ ጋደን ካፅዳ ካ ህንተ ጫክያ ዎደ ጋድያ ጋፃ ጋካናዉ ደኤይሳ ጫኮፍተ፤ ጫክ ስምን ደእያ ፖሽልያ ቆሮፕተ። 
\v 10 ነ ዎይነ አይፍያ ማፅያ ዎደ ም ቦላ ቆሰትድ አትዳይሳ ዎይኮ ሳአን ዎዳ ዎይነ አይፍያ ማፆፓ። ሄሳ ማንቆታስነ በተ አሳስ አጋጋ። ታኒ ጎዳ፥ ህንተ ፆሳ።
\p
\v 11 “ካይሶቶፕተ።
\p “ዎርዶቶፕተ።
\p “እሶይ እሱዋ ጭሞፍተ።
\p
\v 12 “ታ ሱንን ዎርዶ ጫቆፍተ፤ ህንተ ፆሳ ሱን ቱንሶፕተ። ታኒ ህንተ ጎዳ።
\p
\v 13 “ነ ሾሩዋ ቦላ ገነ ኦፋ፤ ዎይኮ እያ ቦንቆፋ።
\p “ኡነ ኦያ ኡራ ዳሞዝያ ድጋዳ፥ እስ ቃማካ ነ ማታን አይሶፓ።
\p
\v 14 “ቱልያ ጫዮፓ፤ ዎይኮ ቆቅያ ስንን በ ዎፋ፥ ሽን ኔኒ ፆሳስ ያያ። ታኒ ነ ጎዳ።
\p
\v 15 “ፕርዳ ጌላዮፕተ፤ ማንቁዋ እያ ማንቆተ ግሾ ማዳዳ ፕርዶፋ፤ ዱርያ እያ ዱረተ ግሾ ያያዳ አጎፋ። ሽን ነ ሾሩዋስ ሱረ ፕርዳ።
\p
\v 16 “ነ አሳ ግዶን ኢታ ዝግርስ ኤካዳ ዩዮፓ።
\p “ነ ሾሩዋ ሀይቆስ ጋያባ አይኮካ ኦፋ። ታኒ ነ ጎዳ።
\p
\v 17 “ነ እሻ ነ ዎዛናን እፆፋ። ነ ሾሩዋ ጋሶን ነ ናጋራ ኦና መላ እያ ሀንቃ።
\p
\v 18 “ሀሎ ከዮፓ፤ ነ አሳፐ እሱዋ ቦላካ ሽፎፓ። ሽን ነ ሾሩዋ ነ ሁጰዳ ዶሳ። ታኒ ነ ጎዳ።
\p
\v 19 “ታ ኪታታ ናጋ።
\p “እስ ቆሞ መሄ ሀራ ቆሞ መሄራ ብራይስሶፓ።
\p “እስ ሾቃን ናምኡ ቆሞ ዘረ ዘሮፓ።
\p “ናምኡ ቆሞፈ ኦሰትዳ ማኦ ማኦፋ።
\p
\v 20 “እስ አስ አዝናስ ኦይሸታዳ ደእሽን፥ ዎዞ ሚሸይ እመትድ ዉሮናሽን ዎይኮ ላአ ከዮናሽን፥ ሄ አይለራ አቅኮ ኤንቲ ሴረታናዉ በሴስ፥ ሽን ኤንቲ ሀይቃናዉ በሰና። 
\v 21 ግዶሽን፥ ሄ ኡራይ ባ ናቆ ያርሾስ ግድያ ማራዘ ጌሻ ዱንካንያ ፐንገን ጎዳ ስን ኤሆ። 
\v 22 ካህነይ ሄ ናቆ ያርሾ ማራዝያ ኤክድ፥ ኡራ ናጋራ አቶተስ ጎዳ ስንን ያርሼስ፤ እያ ናጋራይ አቶ ጌተታና።
\p
\v 23 “ህንተ ካናነ ቢታ ገልያ ዎደ አይፈ እምያ አይ ቆሞ ም ቶክኮካ፥ ሄ ም አይፈይ ሜተቶና መላ ድገትዳይሳ አኬክተ። ሄ ላይ ዉራና ጋካናዉ ሄ ም አይፈይ ሜተቶፎ። 
\v 24 ኦይዳን ላይን ሄ ም አይፈይ ጎዳስ ጋላታስ ሺቅያ ጌሻ ያርሾ ግዳና። 
\v 25 እቻሻን ላይን ሄ ም አይፍያ ሚተ። ህንተ ሄሳዳ ኦኮ፥ ህንተ ም አይፈይ ዳራና። ታኒ ጎዳ፥ ህንተ ፆሳ።
\p
\v 26 “ሱ እያ ግዶን ደእያ አሾ ሞፕተ። ማሮቶፕተ ዎይኮ ብቶፕተ።
\p
\v 27 “ህንተ ሁጰ ብናና ጋርሳራ ዩሽ አድ ጪሮፕተ፤ ህንተ ቡቻ ዩሽ አድ ሜዶፕተ።
\p
\v 28 “ሀይቅዳ አሳ ግሾ ህንተ አሳተ ጋሮፕተ፤ ዎይኮ ጫቻ ቤታ ህንተ አሳተ ቦላ መፍተ። ታኒ ነ ጎዳ።
\p
\v 29 “ቢትያ ላይማተንነ ቱናተን ኩሞና መላ ነ ማጫ ናእዉ ላይማተስ አ እማዳ ቱንሶፓ።
\p
\v 30 “ታ ሳምባታ ቦንችተ፤ ታ ጎይነትያ በሳ ቦንችተ። ታኒ ጎዳ።
\p
\v 31 “ሞይትለ ኦድስያ አሳኮ ዎይኮ ማሮታኮ ቦፕተ፤ ህንተ ቱኖና መላ ኤንታ ኮዮፕተ። ታኒ ጎዳ፥ ህንተ ፆሳ።
\p
\v 32 “ዶን አስነ ጭማ አስ በእያ ዎደ ኡትዳ በሳፈ ደንዳ ኤቃዳ ኤንታ ቦንቻ፤ ነ ፆሳስ ያያ። ታኒ ጎዳ።
\p
\v 33 “ህንተ ቢታን ደእያ በተ አሰ ሱጎፕተ። 
\v 34 ህንተ ቢታን ደእያ በተ አስ ህንተ ጋደ አሳዳ ፄልተ፤ እያ ህንተ ሁጰዳ ዶስተ። ህንተ ካሰ ግብፀ ቢታን በተ አስ ግድድ ደእደታ። ታኒ ጎዳ፥ ህንተ ፆሳ።
\p
\v 35 “ህንተ ዋያባን፥ ማክያባንነ ምዛነን ዎርዶቶፕተ። 
\v 36 ህንተ ምዛነይ፥ ህንተ ማክያባይነ ዋያባይ እስኖ ግዶ። ታኒ ህንተና ግብፀ ቢታፈ ከሳዳ ኤህዳ ጎዳ ህንተ ፆሳ።
\p
\v 37 “ህንተ ታ ህግያነ ታ ኪታ ኡባ ናግተነ ኦተ። ታኒ ጎዳ።”
\c 20
\s1 ኪተተ እፆይ ኤህያ ሴራ
\p
\v 1 ጎዳይ ሙሰኮ ሀይሳዳ ያግስ። 
\v 2 እስራኤለ አሳስ ሀይሳዳ ያጋዳ ኦዳ፤ “እስራኤለ አሳፐ ግድን፥ ዎይኮ ህንተ ግዶን ደእያ አላጋ አሳፐ ግድን፥ ኦንካ ባ ናአ ሞሎካ ጌተትያ ኤቃስ አድ እምኮ፥ እ ሀይቆ፤ እስራኤለ አሳይ እያ ሹቻን ጫድድ ዎ። 
\v 3 ባ ናኣ ሞሎካ ጌተትያ ኤቃስ እምድ ታ ዱንካንያ ቱንሰይነ ታ ጌሻ ሱን ካዉሸይ ታ ስንን እፀትዳባ ግዳና። ታ አሳ ግዶፈ ሻካዳ ታኒ እያ ይሳና። 
\v 4 ሽን ሄ ኡራ እስራኤለ አሳይ በእሸ ቀል ግድ አኮነ ዎና እፅኮ፥ 
\v 5 ታኒ ሄ አድያነ እያ ሶ አሳ ሞርካና፤ እያነ ሞሎካ ካልዳይሳታ ኤንታ ደርያ ግዶፈ ሻካዳ ይሳና።
\p
\v 6 “ኦንካ ታና አማነቶና እፅድ ሞይትለ ፄግኮነ ማሮ ሶ ቢኮ፥ ታኒ እያዉ ሞርከ ግዳና፤ አሳ ግዶፈ እያ ይሳና።
\p
\v 7 “ታኒ፥ ጎዳይ፥ ህንተ ፆሳ ግድያ ግሾ፥ ህንተ ህንተና ዱማይተ፤ ጌሽ ግድተ። 
\v 8 ታ ዎጋ ናግተ፤ እያ ፖልተ። ታኒ ህንተና ጌሽያ፥ ህንተ ጎዳ።
\p
\v 9 “ኦንካ ባ አዋ ዎይኮ ባ አይዉ ጫይኮ ሀይቆ። እ ባ አዋ ዎይኮ ባ አይዉ ጫይዳ ግሾ፥ እያ ሱ አጮይ እያ ቦላ ግዶ።
\p
\v 10 “እስ አስ ባ ሾሩዋ ማችዉ ፃልኮ፥ ኤንቲ ናምአይ ሀይቆ። 
\v 11 እስ አስ ባ አዋ ማችዉ ፃልኮ፥ እ ባ አዋ ካዉሽስ፤ ኤንቲ ናምአይ ሀይቆ። ኤንታ ሱ አጮይ ኤንታ ቦላ ግዶ። 
\v 12 እስ አስ ባ ናኣ ማችዉ ፃልኮ፥ ኤንቲ ናምአይ ሀይቆ። ኤንቲ ቱናባ ኦዶሶና፤ ኤንታ ሱ አጮይ ኤንታ ቦላ ግዶ።
\p
\v 13 “እስ አደይ ማጫሳራ ጋሄተይሳዳ አደራ ጋሄትኮ፥ ኤንቲ ናምአይ እፀትዳባ ኦዳ ግሾ ሀይቆ። ኤንታ ሱ አጮይ ኤንታ ቦላ ግዶ። 
\v 14 እስ አስ ናእዉነ አይዉ ማቾ ኤክኮ፥ ሄስ ቱናባ። ህንተ ግዶን ቱናተ ዶና መላ እነ ኤንቲ ታማን ፁገቶ።
\p
\v 15 “እስ አስ መሄራ ጋሄትኮ፥ እ ሀይቆ፤ ሄ ሚዝዉ ዎተ። 
\v 16 እስ ማጫስ መሄራ ጋሄትኮ ሄ ማጫስያነ ሄ መሄይ ናምአይ ሀይቆ፤ ኤንታ ሱ አጮይ ኤንታ ቦላ ግዶ።
\p
\v 17 “እስ አስ ባ አዋ ናእዉ ዎይኮ ባ አየ ናእዉ ማቾ ኤክኮ፥ ሄስ ቱናባ። ኤንቲ ባንታ አሳ ግዶፈ ሻከትድ ሀይቆ። እ ባ ምችዉ ካዉሽዳ ግሾ፥ ባ ናጋራን ባዉ ኦይሸቶ። 
\v 18 እስ አስ ኩሸ መቶራ ደእያ ማጫሳራ አቅኮ፥ እ ቀ ቃርዳ ግሾ፥ ኤንቲ ናምአይ ባንታ አሳ ግዶፈ ኩረቶ።
\p
\v 19 “ነ አየ ምችዉ ዎይኮ ነ አዋ ምችዉ ፃሎፋ፤ ሄሳ ኦይ ባ ማታ ዳቦተ ካዉሼስ። ኤንቲ ናምአይ ባንታ ናጋራን ኦይሸቶ። 
\v 20 እስ አስ ባ አዋ እሻ ማችዉ ፃልኮ፥ እ ባ አዋ እሻ ካዉሽስ። ኤንቲ ባንታ ናጋራን ባንታዉ ኦይሸቶ፤ ኤንቲ ናምአይ ናአ የሎና ሀይቃና። 
\v 21 እስ አስ ባ እሻ ማችዉ ኤክኮ፥ ሄስ ቱና። እ ባ እሻ ካዉሽስ፤ ኤንቲ ናምአይ የሎ ያና።
\p
\v 22 “ህንተ ዳና መላ ታ ህንተና ገልስያ ቢታይ ህንተና ጩቶና መላ ህንተ ታ ህግያነ ታ ኪታ ናግተ። 
\v 23 ታኒ ህንተ ስንፈ ይስያ አሳ ደኡዋ ዎጋ ካሎፍተ። ኤንቲ ሄሳ ኡባ ኦዳ ግሾ፥ ታ ኤንታ እፃስ። 
\v 24 ህንተ ኤንታ ቢታ ላታና፤ ማነ ኤስ ጎገይ ቢታ ህንተዉ እማና። ታኒ ህንተና ሀራ አሳፐ ዱማያዳ ከስዳ፥ ጎዳ ህንተ ፆሳ።
\p
\v 25 “ሄሳ ግሾ፥ ህንተ ቱናነ ቱና ግዶና መሄታነ ካፎታ ሻክድ ኤርተ። ታኒ ሄሳት ህንተዉ ቱና ጋዳ ዎዳ መሄታ፥ ካፎታነ ቢታን ቃፅያባታ ኡባን ህንተና ቱንሶፕተ። 
\v 26 ታኒ ጎዳይ ጌሽ ግድያ ግሾነ ህንተ ታባ ግዳና መላ ህንተና ሀራ አሳፐ ዱማይዳ ግሾ፥ ህንተካ ታዉ ጌሽ ግድተ።
\p
\v 27 “አደይ ዎይኮ ማጭ ሞይትለራ ሃሳይኮ ዎይኮ ማሮትኮ፥ ኤንቲ ሀይቃናዉ በሴስ። ኤንቲ ሹቻን ጫደትድ ሀይቆ፤ ኤንታ ሱ አጮይ ኤንታ ቦላ ግዶ።”
\c 21
\s1 ካህነታስ እመትዳ ዎጋ
\p
\v 1 ጎዳይ ሙሰኮ፥ “ካህነ ግድዳ አሮና አደ ናይታስ ሀይሳዳ ያጋዳ ኦዳ። ህንተፈ ኦንካ 
\v 2 ባ ማታ ዳቦ፥ ባ አየ፥ ባ አዋ፥ ባ አደ ናኣ፥ ባ ማጫ ናኤ፥ ባ እሻ፥ 
\v 3 ዎይኮ አዝና ገሎና፥ እያ ሶን ደእያ ባ ምቸ አሀ ግዶና እፅኮ፥ ሀይቅዳ አሳ አሀ ቦችድ ባና ቱንሶፖ። 
\v 4 ኤኮንነ ገሎን ዳቦትዳ አሳ አሀ ቦችድ ባና ቱንሶፖ።
\p
\v 5 “ካህነት ካዮስ ባንታ ሁጵያነ ባንታ ቡቻ ሜዶፖ፤ ዎይኮ ባንታ አሳተ ጋሮፖ። 
\v 6 ኤንቲ ጎዳስ ፁሳ ያርሾነ ካ ያርሾ ሺሽያ ካህነታ ግድያ ግሾ ባንታ ፆሳስ ጌሽ ግዶ፤ ባንታ ፆሳ ሱን ቱንሶፖ። ሄሳ ግሾ፥ ኤንቲ ጌሽ ግዳናዉ በሴስ።
\p
\v 7 “ካህነት ባንታ ፆሳስ ጌሽ ግድያ ግሾ፥ ካህነት ላይማ ማጫስ፥ ጌላኦ ግዶና ማጫስ ዎይኮ አዝን የድዳ ማጫስ ኤኮፎ። 
\v 8 ካህነት ህንተ ፆሳስ ካ ያርሾ ያርሸይሳታ ግድያ ግሾ፥ ህንተ ኤንታ ጌሽ ኦድ ኤክተ። ህንተና ጌሽያ ጎዳይ፥ ታኒ፥ ጌሽ ግድያ ግሾ፥ ኤንቲ ጌሽ ግዶ። 
\v 9 ካህንያ ናእያ ላይማታዳ ባና ቱንስኮ፥ እያ ባ አዋ ካዉሻሱ፤ እያ ታማን ፁገታዳ ሀይቆ።
\p
\v 10 “ካህነ ሀላቃይ፥ እያ ሁጰን ትዮ ዛይተይ ጉክዳይስነ ካህነተ ማኡዋ ማአናዉ ዱማትዳይስ፥ ባ ሁጵያፐ ፃ ቃጭያ ደንፎ፤ ባ ማኡዋ ዳኮፎ። 
\v 11 አህ ደእያ ሶ ገሎፖ፤ ሀር አቶሽን ባ አዋ ዎይኮ ባ አየ አሀ ግድኮካ፥ ሄሳ ቦችድ ባና ቱንሶፖ። 
\v 12 እያ ዱማያናዉ ትይዳ ፆሳ ዛይተይ እያ ቦላ ደእያ ግሾ፥ ካህነይ ጌሻ ዱንካንያፐ ከዮፖ፤ ጌሻ ዱንካንያ ቱንሶፖ። ታኒ ጎዳ።
\p
\v 13 “እ ኤክያ ማችያ ጌላኦ ግዶ። 
\v 14 አዝን ሀይቅዳ ማጫስ ዎይኮ አዝን የድዳ ማጫስ ዎይኮ ላይማ ማጫስ ማቾ ኤኮፎ። ሽን ባ አሳ ግዶፈ ጌላኦ ማጫ ናአ ዶርድ ማቾ ኤኮ። 
\v 15 ሄስ ሀኖና እፅኮ፥ ባ አሳ ግዶን ባ ናይታ ቱና ኦስ። ታኒ እያ ጌሸይሳ፥ እያ ጎዳ።”
\p
\v 16 ጎዳይ ሙሰኮ ሀይሳዳ ያግስ። 
\v 17 “ኔኒ አሮናስ ሀይሳዳ ያጋዳ ኦዳ፤ ነ ኮቻፈ አሳተን ቦረይ ደእያ ኦንካ ካ ያርሾ ታዉ ያርሻናዉ በሰና። 
\v 18 አሳተን ቦረይ ደእያ አስ፥ ሄስካ ቆቀ ዎይኮ ዎበ ዎይኮ ሶምኦይ ኢትዳ አስ ዎይኮ ላቆይ ደእያ አስ፥ 
\v 19 ዎይኮ ቶሆይ ዎይኮ ኩሸይ ስልዳ አስ፥ 
\v 20 ዎይኮ ኩና አስ ዎይኮ ዳሮ ቃን አስ ዎይኮ አይፈ ሙልጫ አስ ዎይኮ ፑሶይ ኦይክዳ አስ ዎይኮ እራለይ ደእያ አስ ዎይኮ ሹፋ አስ ታዉ ካ ያርሾ ያርሻናዉ በሰና። 
\v 21 ካህንያ አሮና ኮቻፈ አሳተን ቦረይ ደእያ አስ ኦንካ ጎዳስ ፁሳ ያርሾነ ካ ያርሾ ሺሻናዉ ያርሾ በሳ ያናዉ በሰና። 
\v 22 እ ጌሻ ካነ ኡባፈ ጌሽ ግድዳ ባ ፆሳ ካ ማናዉ ዳንዳኤስ። 
\v 23 ሽን እያ አሳተን ቦረይ ደእያ አስ ግድያ ግሾ፥ እ ታ ዱንካንያ ቱንሶና መላ ማጋራጁዋኮ ዎይኮ ያርሾ በሳኮ ሺቆፖ። ኤንታና ጌሽያ ጎዳይ ታና።”
\p
\v 24 ሙሰይ ሄሳ ኡባ አሮናስ፥ እያ አደ ናይታስነ እስራኤለ አሳ ኡባስ ኦድስ።
\c 22
\p
\v 1 ጎዳይ ሙሰኮ ሀይሳዳ ያግስ፤ 
\v 2 ታ ጌሻ ሱን ኤንቲ ቱንሶና መላ፥ እስራኤለ አሳይ ታዉ ዱማይዳ እሞታታ አሮንነ እያ አደ ናይት ቦንቾን ኤክድ፥ ጌሻተን ናጋና መላ ኤንታዉ ኦዳ። ታኒ ጎዳ።
\p
\v 3 ኤንታኮ ሀይሳዳ ያጋ፤ “ያና የለተ ኡባን ህንተ ኮቻፈ ኦንካ ቱንድ ደእሸ፥ እስራኤለ አሳይ ጎዳስ ዱማይዳ ጌሻ ያርሹዋኮ ሺቅኮ፥ ሄ ኡራይ ታ ስንን በንቶፎ። ታኒ ጎዳ።
\p
\v 4 “አሮና ኮቻፈ ጎጋ ሀርገይ ደእያ፥ ዎይኮ አሳተፈ ጎግያባይ ደእያ ኦንካ ጌያና ጋካናዉ ጌሻ ያርሹዋ ሞፖ። አሀ ቦችድ ቱንዳባ ዎይኮ እያ አቱንይ ጉክዳ ኡራ ቦችያ ኦንካ ቱና። 
\v 5 ቃስ ሳአራ ጎሸትያ ቱንስያባታ፥ ዎይኮ አይብባንካ ቱና ግድዳባ ቦችያ ኦንካ፥ 
\v 6 ዎይኮ ሄሳ መላባ ቦችያ ኦንካ፥ ኦማርስ ጋካናዉ ቱና ግዴስ። እ ባ አሳተ ሃን ሜጨቶና ደእሸ፥ ጌሻ ያርሹዋፈ ማናዉ ኮሸና። 
\v 7 አው ዉልያ ዎደ እ ጌሽ ግዴስ። ሄሳፈ ጉየ፥ ሄ ጌሻ ያርሹዋፈ ባና ጋክያ ግሹዋ ሞ። 
\v 8 ሀይቅዳባ ዎይኮ ዶእ ዎዳ መሄ አሾ ሞፖ፤ ሄስ ቱንስያባ። ታኒ ጎዳ።
\p
\v 9 “ካህነት ታ ዎጋ ናጎ፤ ኤንቲ እያ ናጎና እፅድ ባንታ ባላን ሀይቃና። ኤንታ ጌሽያ ጎዳይ ታና።
\p
\v 10 “ሄ ጌሻ ያርሹዋ ካህንያ ሶ አሳፐ አትሽን፥ ሀራ አስ ሞፖ። ካህንያ ሶ ይዳ እማ ግድን፥ ቃፃረትድ ኦያ አሰ ግድን ሞፖ። 
\v 11 ሽን ካህነይ ባ ብራን ሻምዳ አይለይ ዎይኮ እያ ሶን የለትዳ አይለይ ሄ ካ ሞ። 
\v 12 ካህነ ግዶና አስ ገልዳ ካህንያ ናእያ ሄ ጌሻ ያርሹዋፈ ሞፖ። 
\v 13 ሽን እ አዝናይ ሀይቅኮ ዎይኮ እዮ የድኮ ቃስ እዉ ናእ ባይና እፅኮ፥ እያ ካሰ ባ ጌላኦተን ደእዳይሳዳ ስማዳ ባ አዋ ሶን ደእኮ፥ እያ ባ አዋ ጋከይሳፈ ሞ። ሽን ሀራ አስ ኦንካ ሄሳፈ ሞፖ።
\p
\v 14 “እስ አስ ኤሮና ደእሸ ጌሻ ያርሹዋፈ ሚኮ፥ ሄ እ ምዳ ካ ጋትያ ቦላ ፄታፐ ላታሙ ኩሸ ጉጅድ ካህንያስ እሞ። 
\v 15 እስራኤለ አሳይ ጎዳስ ያርሽያ ጌሻ ያርሹዋ ካህነት ቱንሶፖ። 
\v 16 ኤንቲ ባንታ ኤህዳ ጌሻ ያርሹዋ ባንታዉ ምድ ናጋራን ኦይሸታና መላ ኦፎ። ኤንታ ጌሽያ ጎዳይ ታና።”
\s1 ኤከቶና ያርሾታ
\p
\v 17 ጎዳይ ሙሰኮ ሀይሳዳ ያግስ፤ 
\v 18 “አሮናስ፥ እያ አደ ናይታስነ እስራኤለ አሳ ኡባስ ሀይሳዳ ያጋዳ ኦዳ፤ እስራኤለ አስ ግድን ዎይኮ ኤንታ ግዶን ደእያ በተ አስ ግድን፥ ኦንካ ጎዳስ ፁሳ ያርሾ ባ ዶሳን እመይ ዎይኮ ባ ቃንገ ጋይ፥ 
\v 19 ሄ ያርሾይ ኤከታና መላ ቦረይ ባይና ዎፋኖ፥ ዎይኮ ማራዘ ዎይኮ ኮለ ኤሆ። 
\v 20 ቦረይ ደእያ አይ መሄይካ ኤከቶና ግሾ ሄሳ ሺሾፕተ።
\p
\v 21 “እስ አስ ባ ቃንገ ጋናዉ እስፈተ ያርሾ ጎዳስ ያርሽያ ዎደ ዎይኮ ባ መህያፐ ዶሳን እሞታ ጎዳስ ሺሽያ ዎደ ሄስ ኤከታና መላ ሄ መሄይ ቦረይ ባይናባ ግዶ። 
\v 22 ህንተ መህያፐ ቆቀ ዎይኮ መቆ ዎይኮ ዎበ ዎይኮ ግይያ ማዱን ዎይኮ ፑሶይ ዎይኮ ሻቶይ ደእያባ ጎዳስ ያርሾፍተ። ታማን ፁሳ ያርሾ ኦድ ያርሾ በሳን ጎዳስ ሺሾፕተ። 
\v 23 እያ ቦላ ላቆይ መት ዎይኮ ቦላ ፓጭ ደእያ ኮርማ ዎይኮ ዶርሰ እስ አስ ባ ዶሳን እምያ ያርሾ ሺሻናዉ ዳንዳኤስ፤ ሽን ቃንገ ጋሶስ ግድኮ ሄስ ኤከተና። 
\v 24 ሳንጋ ዎይኮ ማዱንፅዳባ ጎዳስ ያርሾፍተ። ህንተ ቢታን ሄሳ መላባ ኦፕተ። 
\v 25 ህንተ ግዶን ደእያ አላጋ አሳታፐ ኤክዳ ሄሳ መላ መህያ ህንተ ፆሳስ ካ ያርሾ ኦድ ሺሾፕተ። ኤንታ ቦላ ቦረይ ደእያ ግሾ ህንተ ግሾ ኤከቶኮና።”
\p
\v 26 ጎዳይ ሙሰኮ ሀይሳዳ ያግስ፤ 
\v 27 “ቦራ ናእ ዎይኮ ማራዘይ ዎይኮ ኮለይ የለትያ ዎደ ላፑን ጋላስ ባ አየራ ጋምኦ። ሆስፑን ጋላሳፐ ዶምድ፥ ጎዳስ ፁሳ ያርሾ ኦድ ሺሻናዉ ዳንዳኤቴስ። 
\v 28 ሚዝ ዎይኮ ዶርሰ እ ማራራ እስ ጋላስ ሹኮፍተ።
\p
\v 29 “ህንተ ጋላታ ያርሾ ጎዳስ ሺሽያ ዎደ ህንተ ያርሾይ ኤከታና መላ ያርሽተ። 
\v 30 ያርሾይ ያርሸትዳ ጋላስ ሜተትድ ዉራናዉ ኮሼስ፤ እያፐ ዎንቶስ አሾፍተ። ታኒ ጎዳ።
\p
\v 31 “ታ ኪታ ናግተነ ፖልተ። ታኒ ጎዳ። 
\v 32 ታ ጌሻ ሱን ቱንሶፕተ። ታ ጌሽ ግደይስ እስራኤለ አሳ ግዶን ኤረታናዉ በሴስ። ህንተና ጌሽያ ጎዳይ ታና። 
\v 33 ህንተ ፆሰ ግዳናዉ ህንተና ግብፀ ቢታፈ ከስዳይ ታና። ታኒ ጎዳ።”
\c 23
\s1 ኤረትዳ ባኣለ ጋላሳታ
\p
\v 1 ጎዳይ ሙሰኮ ሀይሳዳ ያግስ፤ 
\v 2 እስራኤለ አሳስ ሀይሳዳ ያጋዳ ኦዳ፤ ጌሻ ሺቆ ያግድ አዋጅሸ፥ ህንተ ቦንቻናዉ በሲያ ኤረትዳ ጎዳ ባለት ሀይሳታ።
\p
\v 3 ህንተ ኡሱፑን ጋላስ ኦሶ ኦታ፥ ሽን ላፑን ጋላሳይ ህንተ ሸምፕያ ሳምባታ ጋላስ። ሄ ጋላስ ጌሻ ሺቆ ሺቅተ፤ አይ ኦሶካ ኦፕተ፤ ህንተ ደእያ በሳ ኡባን ሄስ ጎዳስ ሳምባታ።
\s1 ፓስካ ባዓለነ ኡይ ባኣለ
\r (ታይቦ 28:16-25)
\p
\v 4 ኤንታ ዎደን ዎደን ጌሻ ሺቆ ኦድ ህንተ ቦንቻናዉ በሲያ ኤረትዳ ጎዳ ባለት ሀይሳታ፤ 
\v 5 ኮይሮ አጌናን ታማነ ኦይዳን ጋላስ ሳእ ኦማርስያ ዎደ ጎዳ ፓስካይ ዶሜስ።
\p
\v 6 ሄ አጌናን ታማነ እቻሻን ጋላሳን ጎዳስ ኡይ ባኣለ ጋላሳይ ዶሜስ። ሄሳ ግሾ ላፑን ጋላሳታን እርሾይ ገልቦና ኡይ ሚተ። 
\v 7 ሄ ጋላሳታፐ ኮይሮ ጋላስ ጌሻ ሺቆ ሺቅተ፤ ኦሶ ኦፕተ። 
\v 8 ላፑን ጋላስ ኡባ ጎዳስ ፁሳ ያርሾ ያርሽተ፤ ላፑን ጋላሳን ጌሻ ሺቆ ሺቅተ፤ ኦሶ ኦፕተ።
\s1 ባይራ ካ
\p
\v 9 ጎዳይ ሙሰኮ ሀይሳዳ ያግስ፤ 
\v 10 እስራኤለ አሳስ ሀይሳዳ ያጋዳ ኦዳ፤ ታኒ ህንተዉ እምያ ቢታ ገልድ ህንተ ካ ጫክያ ዎደ፥ ሄ ካ ኮይሮ ምርቅያ ካህንያስ ኤህተ። 
\v 11 ጎዳይ ህንተባ ኤካና መላ ሳምባታ ካልያ ዎንተ ጋላስ ካህነይ ሄ ምርቅያ ጎዳ ስንን ቁ ኦድ ዩሾ። 
\v 12 ህንተ ምርቅያ ዩሽዳ ሄ ጋላስ ቦረይ ባይና እስ ላይ ማራዘ ፁሳ ያርሾ ኦድ ጎዳስ ሺሽተ። 
\v 13 ሄ ያርሹዋራ እስፈ ሻማሆ ዛይተራ ሙኑቀትዳ ናምኡ ክሎ ግራመ ሎኦ ለ ካ ያርሾ ኦድ ሺሽተ። ሄስ ጎዳስ ሳዎ ቶንኩ ግያ ፁሳ ያርሾ ግዳና፤ እያራ እስፈ እስ ልትሮ ግድያ ዎይነ ኡሽ ሺሽተ። 
\v 14 ሀ ያርሹዋ ህንተ፥ ህንተ ፆሳስ ሺሽያ ጋላሳይ ጋካናዉ፥ ዋቻ ካፈ ቃየ ዎይኮ ጫጫ ዎይኮ ኡክድ ሞፕተ። ሄስ ህንተ ደእያ በሳ ኡባን ያና የለተስ መርና ዎጋ ግዶ።
\s1 ካ ሺሾ ባኣለ
\r (ታይቦ 28:26-31)
\p
\v 15 ህንተ ዩሾ ያርሾ ምርቅያ ኤህዳ ሳምባታ ዎንተ ጋላሳፐ ዶምድ፥ ላፑን ሳምንታ ታይብተ። 
\v 16 ላፑን ሳምባታ ካልያ ዎንተ ጋላሳይ ጋካናዉ እሻታሙ ጋላስ ታይብተ፤ ዋቻ ካፈ ያርሾ ጎዳስ ሺሽተ። 
\v 17 ህንተ ደእያ በሳፈ ናምኡ ክሎ ግራመ ግድያ ሎኦ ልያን እርሾ የግድ ኡክዳ ናምኡ ኡይ ዩሾ ያርሾስ ኤክድ ዪተ። ሄስ ዋቻ ካፈ ጎዳስ ሺቅያ ያርሾ ግዴስ። 
\v 18 ሄ ኡይራ እስፈ ቦረይ ባይና እስ ላይ ግድዳ ላፑን ዶርሳ ኡርገታ፥ እስ ዎፋኖነ ናምኡ ማራዘታ ሺሽተ። ኤንታ ካ ያርሾራነ ኡሻ ያርሾራ እስፈ ጎዳስ ፁገትያ ሳዎ ቶንኩ ግያ ያርሾ ኦድ ያርሽተ። 
\v 19 ቃስ እስ ኮለ ናጋራ ያርሾስ፥ እስ ላይ ግድዳ ናምኡ ዶርሳ ኡርገታ እስፈተ ያርሾስ ሺሽተ።
\p
\v 20 ካህነይ ባይራ ካ፥ ኡይነ ናምኡ ዶርሳ ኡርገታ ዩሾ ያርሾ ኦድ፥ ጎዳ ስንን ቁ ኦድ ዩሾ። ሄሳት ጎዳስ ጌሽ፤ ካህነታስ ቃስ ግሾ። 
\v 21 ሄ ጋላስ ህንተዉ ጌሻ ሺቆ ግዳና መላ አዋጅተ፤ ኦሶ ኦፕተ። ሀይስ ህንተ ደእያ በሳ ኡባን ያና የለተስ መርና ዎጋ ግዶ።
\p
\v 22 ህንተ ቢታን ካፅዳ ካ ጫክያ ዎደ ጋድያ ጋፃ ጋካናዉ ጫኮፍተ፤ ጫክሽን አትዳ ፖሽልያ ቆሮፕተ፤ ሄሳ ማንቆታስነ በተ አሳስ አጋግተ። ታኒ ጎዳ ህንተ ፆሳ።
\s1 ሞይዘ ፑኖ ባኣለ
\r (ታይቦ 29:1-6)
\p
\v 23 ጎዳይ ሙሰኮ ሀይሳዳ ያግስ፤ 
\v 24 እስራኤለ አሳስ ሀይሳዳ ያጋዳ ኦዳ፤ ላፑን አጌናን ኮይሮ ጋላሳ ሸምፖ ጋላስ ኦድ ቦንችተ፤ ሀሳይሶ ሞይዘ ፑንሸ ጌሻ ሺቆ ሺቅተ። 
\v 25 ሄ ጋላስ ጎዳስ ፁሳ ያርሾ ሺሽተፐ አትሽን፥ ኦሶ ኦፕተ።
\s1 ናጋራ አቶተ ጋላሳ
\r (ታይቦ 29:7-11)
\p
\v 26 ጎዳይ ሙሰኮ ሀይሳዳ ያግስ፤ 
\v 27 ላፑን አጌናን ታማን ጋላሳይ ናጋራ አቶተ ጋላስ፤ ሄ ጋላስ ጌሻ ሺቆ ሺቅተ። ሄ ጋላስ ህንተና ካዉሽተ፤ ጎዳስ ፁሳ ያርሾ ሺሽተ። 
\v 28 ሄ ጋላሳይ ጎዳ ህንተ ፆሳ ስንን ህንተ ናጋራይ ቁሸታና መላ ህንተ ናጋራ አቶተ ጋላስ ግድያ ግሾ ሄ ጋላሳን ኦሶ ኦፕተ። 
\v 29 ሄ ጋላስ ባናተ ካዉሾና አስ ኦንካ ባ አሳ ግዶፈ ኩረቶ። 
\v 30 ሄ ጋላስ ኦሶ ኦያ ኡራ ኦናካ ታኒ እያ አሳ ግዶፈ ኩራና። 
\v 31 ሄ ጋላስ ኦሶ ኦፕተ። ሀይስ ህንተ ደእያ በሳ ኡባን ያና የለተስ መርና ዎጋ ግዶ። 
\v 32 ሄስ ህንተዉ ዱማትዳ ሸምፖ ጋላስ፤ ሄ ጋላስ ህንተናተ ካዉሽተ። ሄ አጌናን ኡዱፉን ጋላስ ኦማርሳፈ ዶምድ፥ ታማን ጋላስ ኦማርስ ጋካናዉ ህንተ ሳምባታ ቦንችተ።
\s1 ሻቃራ ባኣለ
\r (ታይቦ 29:12-40)
\p
\v 33 ጎዳይ ሙሰኮ ሀይሳዳ ያግስ፤ 
\v 34 እስራኤለ አሳስ ሀይሳዳ ያጋዳ ኦዳ፤ ላፑን አጌናን ታማነ እቻሻን ጋላሳፐ ዶምድ፥ ላፑን ጋላስ ጋካናዉ ጎዳስ ሻቃራ ባኣለ። 
\v 35 ሄ ጋላሳታፐ ኮይሮ ጋላሳን ጌሻ ሺቆ ሺቅተ፤ ኦሶ ኦፕተ። 
\v 36 ላፑን ጋላስ ኡባን ጎዳስ ፁሳ ያርሾ ሺሽተ፤ ሆስፑን ጋላሳን ጌሻ ሺቆ ሺቅተ። ጎዳስ ፁሳ ካ ያርሾ ሺሽተ። ሄ ጋላሳይ ባልያ ዉርሰ ጋላስ ግድያ ግሾ፥ ኦሶ ኦፕተ።
\p
\v 37 ፁሳ ያርሾ፥ ካ ያርሾ፥ ሀራ ያርሾታነ ኡሻ ያርሾ ኮሽያ ዎደን ጎዳስ ሺሻናዉ ጌሻ ሺቆ ኦድ አዋጃና ጎዳ ባለት ሀይሳታ። 
\v 38 ሀ ያርሾት ጎዳ ሳምባታታፐ፥ ጎዳስ እምያ እሞታታፐ፥ ቃንገ እሞታታፐነ ዶሳን እምያ እሞታታፐ ዱማ።
\p
\v 39 ህንተ ጋደን ካፅዳ ካ ሺሽዳፐ ጉየ፥ ታማነ እቻሻን ጋላሳፐ ዶምድ ላፑን ጋላስ ጋካናዉ ጎዳ ባኣለ ቦንችተ። ኮይሮ ጋላሳይነ ሆስፑን ጋላሳይ ህንተዉ ዱማ ሸምፖ ጋላስ ግዳና። 
\v 40 ኮይሮ ጋላስ ሎኦ ም አይፈ፥ ዛምባ ታሸ፥ ጭልኦ ም ሀይነ ሻፋ ጋፃን ድጭያ ም ሀይ ኤክድ፥ ጎዳ ህንተ ፆሳ ስንን ኡፋይትሸ ላፑን ጋላስ ባኣለ ቦንችተ። 
\v 41 ሄ ባልያ ላይን ላይን ላፑን አጌናን ላፑን ጋላስ ጎዳ ቦንችተ። ሄስ ያና የለተስ መርና ዎጋ ግዶ። 
\v 42 ሄ ላፑን ጋላሳ ሻቃራን ደእተ፤ እስራኤለ አስ ግድዳ ኡባይ ሄ ሻቃራን ደኦ። 
\v 43 ታኒ ህንተና ግብፀ ቢታፈ ከስዳ ዎደ ሻቃራን ዳና መላ ኦዳይሳ ያና የለተይ ኤራና። ታኒ ጎዳ ህንተ ፆሳ።
\p
\v 44 ሄሳዳ ኦድ፥ ሙሰይ ጎዳ ባለታ ቦንችያ ዎጋ እስራኤለ አሳስ ኦድስ።
\c 24
\s1 ፆምፐታ ናጎ
\p
\v 1 ጎዳይ ሙሰኮ ሀይሳዳ ያግስ፤ 
\v 2 ፆምፐይ ቶኦና ኤፅሸ ዳና መላ እያዉ ኮሽያ ጉምእድ ፅልስዳ ሻማሆ ዛይተ ነዉ ኤሀና መላ እስራኤለ አሳ ኪታ። 
\v 3 ጌሻ ዱንካንያ ግዶን ደእያ ማርካተ ማጋራጁዋፈ ካረ ባጋራ ኦማርሳፈ ዎንታ ጋካናዉ አሮን ጎዳ ስንን ሄ ፆምፕያ ኡባ ዎደ ኤ። ያና የለተ ኡባስ ሄስ መርና ዎጋ ግዶ። 
\v 4 ፆምፐ ዎያ ዋላህ ባይና ዎርቃ ኮጫ ቦላ ደእያ ፆምፐት ጎዳ ስንን ኡባ ዎደ ኤፃና መላ አሮን ናጎ።
\p
\v 5 ታማነ ናምኡ ክሎ ግራመ ግድያ ሎኦ ለ ኤካዳ ታማነ ናምኡ ኡይ ኡካ። 
\v 6 ሄ ኡይታ ኡሱፑና ኡሱፑና ናምኡ ማራን ጎዳ ስንን ደእያ ዋላህ ባይና ዎርቃ ፃርጴዛ ቦላ ዎ። 
\v 7 ጎዳስ ፁገታናዉ ሺቅዳ ካ ያርሾ ግደይሳ ኤርሳናዉ፥ ናምኡ ማራታ ምየን ጌሻ እፃነ ዎ። 
\v 8 ሀ ኡይ ሳምባታን ሳምባታን ኡባ ዎደ አሮን እስራኤለ አሳ ግሾ መርና ጫቆ ኦድ ጎዳ ስንን ዎ። 
\v 9 ሄስ አሮናነ እያ አደ ናይታ ጋክያ ግሾ፤ ኤንቲ እያ ጌሻ በሳን ሞ። ሄስ ጎዳስ ፁሳ ያርሹዋፈ ዎጋዳ አሮናነ እያ ናይታ ጋክያ ግሾ ግድያ ግሾ ኡባፈ ጌሽ።
\s1 ሱረ ፕርዳ
\p
\v 10 ባ አየን እስራኤለ፥ ባ አዋን ግብፀ አስ ግድዳ እስ ኡራይ ደኤስ። እስ ጋላስ እ ሀራ እስራኤለ አሳራ ሄራን ዋትስ። 
\v 11 ባ አየን እስራኤለ ግድዳ ኡራይ ጎዳ ሱን ጫይስ፤ ያትን እያ አሳይ ሙሰኮ ኤህዶሶና። ሄ ኡራ አይያ ዳነ ኮቸ ግድዳ ደብራ ናአ። እ ሱንይ ሳሎምቶ። 
\v 12 ሄ ኡራ ዋታነኮ ጎዳ ሸነይ ቆንጫና ጋካናዉ እያ ናግስዶሶና።
\p
\v 13 ጎዳይ ሙሰ ሀይሳዳ ያግስ፤ 
\v 14 ሄ ጫይዳ ኡራ ጉታፐ ጋፃ ከሳ። እ ጫይሽን ስእዳ አሳ ኡባይ ባንታ ኩሽያ እያ ሁጵያ ቦላ ዎ፤ እስራኤለ ማባራ ኡባይ እያ ሹቻ ጫድድ ዎ። 
\v 15 እስራኤለ አሳስ ሀይሳዳ ያጋዳ ኦዳ፤ እስ አስ ባ ፆሳ ጫይኮ፥ እ ባ ናጋራን ኦይሸታና። 
\v 16 ጎዳ ሱን ጫይያ አስ ሀይቆ፤ እስራኤለ ማባራ ኡባይ እያ ሹቻን ጫዶ። በተ አስ ዎይኮ ጋደ አስ ጎዳ ሱን ጫይኮ ሀይቆ።
\p
\v 17 አሰ ዎዳ አስ ሀይቆ። 
\v 18 አሳ መሄ ዎዳ አስ ኦንካ ባ ዎዳ መህያ ግሾ ፓፃ መህያ ቃንፆ። 
\v 19 እስ አስ ባ ሾሩዋ ቆህኮ፥ እ ኦዳይሳዳ እያ ቦላ ኦሰቶ። 
\v 20 መንኮ መኦ፤ አይፈ ግሾ አይፈ፤ አቻ ግሾ አቸ። አሳ ቦላ ቆሆ ጋዳ ኦንካ እ ጋዳ ቆሁዋዳ እያ ቦላ ጋኮ። 
\v 21 መሄ ዎዳ አስ ሄ መህያ ጋትያ ቃንፆ፤ ሽን አሰ ዎዳ አስ ሀይቆ። 
\v 22 በተ አሳስነ እስራኤለ አሳስ ህገይ እስኖ ግዶ። ታኒ ጎዳ ህንተ ፆሳ።
\p
\v 23 ሙሰይ ሄሳ እስራኤለ አሳስ ኦድስ፤ ኤንቲ ሄ ጫይዳ ኡራ ጉታፐ ጋፃ ከስድ፥ ሹቻን ጫድድ ዎዶሶና። ያትድ እስራኤለ አሳይ ጎዳይ ሙሰ ኪትዳይሳዳ ኦዶሶና።
\c 25
\s1 ሳምባታ ላይ
\p
\v 1 ሲና ዙማ ቦላ ጎዳይ ሙሰኮ ሀይሳዳ ያግስ። 
\v 2 ኔኒ እስራኤለ አሳስ ሀይሳዳ ያጋዳ ኦዳ፤ ታኒ ህንተዉ እምያ ቢታ ህንተ ገልያ ዎደ ቢትያ ባ ሁጰን ጎዳ ሳምባታ ቦንቾ። 
\v 3 ኡሱፑን ላይ ኩመ ህንተ ጋደን ዘርተ፤ ኡሱፑን ላይ ኩመ ህንተ ዎይነ ፄራ ፁንቅተ፤ እያ አይፍያ ማፅተ። 
\v 4 ሽን ላፑን ላይይ ቢታስ ሸምፖ ሳምባታ፤ ሄስ ጎዳ ሳምባታ። ሄ ላፑን ላይን ጋደን ዘሮፕተ፤ ህንተ ዎይነ ፄራ ፁንቆፍተ። 
\v 5 ህንተ ቢታን አሰቦ ካፅዳባ ሺሾፕተ፤ ዎይነ ፄራ ፁንቆፍተ፤ አይፍያ ማፆፕተ። ሄ ላይይ ቢታስ ኩመ ሸምፖ ላይ ግዶ። 
\v 6 ሄ ሳምባታ ላይን ቢታይ ኦሰቶና ደእሽን ካፅያ ካ ኔኒ፥ ነ አደ አይለይ፥ ነ ማጫ አይለይ፥ ነ ሶን ኡነ ኦይ፥ ጉ ዎደስ ደእያ በተ አስ ማናዉ ዳንዳኤስ። 
\v 7 ሄሳዳካ፥ ነ መህያስነ ነ ቢታን ደእያ ዶአታስ ግድያ ካ ደማና፤ ቢታን ካፅያባ ኡባይ ሜተቶ።
\s1 እሻታማን ላይ
\p
\v 8 ላይታስ ግዶን ደእያ ላፑን ሳምባታታ ታይባ፤ ላፑን ሳምባታታስ ላይ ታይቦይ ላፑን ቶሆ ላፑና፤ ሄስካ ኦይታማነ ኡዱፉን ላይ። 
\v 9 ላፑን አጌናን፥ ታማን ጋላስ ቦንቸትያ ናጋራ አቶተ ጋላሳን ሞይዘ ፑንያ አስ ቢታ ኡባ ኪታ። 
\v 10 እሻታማን ላይ ዱማይድ፥ ሄ ቢታን ደእያ ኡባስ ላአተ አዋጅተ። ሄስ ህንተዉ እሻታማን ላይ ባኣለ። ሄ ዎደ ህንተ ኡባይ ህንተ ጋድያኮነ ህንተ ሶ አሳኮ ስምተ። 
\v 11 ሄ ላይይ ህንተዉ እሻታማን ላይ ባኣለ። ሄ ላይን ዘሮፕተ፤ አሰቦ ካፅዳባ ጫኮፍተ፤ ፄራ ፁንቆና አይፍዳ ዎይነ አይፍያ ማፆፕተ። 
\v 12 ሄስ እሻታማን ላይ ባኣለ ግድያ ግሾ እ ህንተዉ ጌሽ፤ ጎዮና ጮ ደንባን ካፅዳባ ሚተ።
\p
\v 13 ሄ እሻታማን ላይ ባኣለ ዎደ አስ ኡባይ ባ ጋደ ስሞ።
\p
\v 14 ህንተ፥ ህንተ ሾሩዋፐ ጋደ ሻምኮ ዎይኮ እያዉ ባይዝኮ እሶይ እሱዋ ጭሞፍተ። 
\v 15 ህንተ እሻታማን ላይ ባልያፐ ጉየ ደእያ ላይታ ታይቡዋን ህንተ ሾሩዋፐ ሻምተ። ህንተ ሾሮይ ጋደይ ካ እማናዉ ደእያ ላይታ ታይቡዋዳ ባይዞ። 
\v 16 ላይ ታይቦይ ዳሮ ግድኮ ጋተይ ዳሬስ፤ ላይታ ታይቦይ ጉፅኮ ጋተይ ጉፄስ። ጋድያ ሎኦተዳ ህንተ ሾሮይ ህንተዉ ባይዜስ። 
\v 17 ህንተ እሶይ እሱዋ ጭሞፍተ፤ ሽን ህንተ፥ ህንተ ፆሳ ያይተ። ታኒ ጎዳ፥ ህንተ ፆሳ።
\p
\v 18 ህንተ ሀ ቢታን ሳሮ ዳና መላ ታ ኪታ ፖልተ፤ ታ ህግያ ናግተ። 
\v 19 ቢታይ ባ አይፍያ ህንተዉ እምን ህንተ ካላና ጋካናዉ ማና፤ ሄ ቢታን ህንተ ሳሮ ዳና። 
\v 20 ሄኮ፥ ኑኒ ዘሮና አግድ፥ ቃስ ካ ሺሾና አግድ፥ ላፑን ላይን አይ ማኔ? ጊኮ፥ 
\v 21 ታኒ ኡሱፑን ላይን ታ አንጁዋ ህንተዉ ኪታና፤ ቢታይ ሄ ላይስ ግድያ ካ እማና። 
\v 22 ሆስፑን ላይን ህንተ፥ ህንተ ቢታን ዘርያ ዎደ ሻቻ ካ ማና። ህንተ ዘርያ ካ ኡዱፉን ላይን ሺሻና ጋካናዉ ሻቻ ካ ማና።
\s1 ሻሎ ዛሮ ዎጋ
\p
\v 23 ቢታይ ታባ ግድያ ግሾነ ህንተ ሄ ቢታን እማነ በተ ግድድ ደእያ ግሾ ቢታ ስሞናዳ ኦድ ባይዞፕተ። 
\v 24 ህንተ ኦይክዳ ጋድያ ጎዳት፥ ዎዛና ማታይ እስራኤለ ኡባን ናገታናዉ በሴስ።
\p
\v 25 እስ እስራኤለ አስ ማንቅድ ባ ጋድያፐ ባይዝኮ፥ እያ ማታ ዳቦይ ሄ ጋድያ እያዉ ዎዞ። 
\v 26 እያው ሄ ጋድያ ዎዝያ ዳቦይ ይኮ፥ እ ዎንቶ ዱረትድ ዎዝያ ሚሸ ደምኮ ዛሪድ ዎዛናዉ ዳንዳኤስ። 
\v 27 ባ ባይዝዳ ዎደፐ ዶምድ ደእያ ላይ ታይብድ፥ አትዳ ላይ ሚሽያ ሻምዳይሳስ ዛሮ፤ ያትድ እ ባ ጋድያ ስሞ። 
\v 28 ሽን እያዉ ሄ ጋድያ ዎዛናዉ ግድያ ሚሸይ ይኮ፥ እሻታማን ላይ ባለይ ጋካናዉ ጋደይ ሻምዳ ኡራ ኩሸን ጋምኦ። እሻታማን ላይ ባኣለ ዎደ እያ ጋደይ እያዉ ስሞ።
\p
\v 29 እስ አስ ግምበትዳ ካታማ ግዶን ደእያ ኬ ባይዝኮ፥ እ ባይዝዳ ዎድያፐ ብድ እስ ላይ ኩማና ጋካናዉ ዛሪድ ዎዛናዉ ዳንዳኤስ። 
\v 30 ሽን እስ ላይ ግዶን ዎዛናዉ ዳንዳኤቶና እፅኮ፥ ሄ ግምበትዳ ካታማ ግዶን ደእያ ኬይ ሻምዳ ኡራስነ እያ ኮቻስ ግዴስ። እሻታማን ላይ ባኣለ ዎደ ስመና። 
\v 31 ሽን ግምበትቦና ሄራን ደእያ ኬት ጋደ መላ ዎዘቶሶና። እሻታማን ላይ ባኣለ ዎደ ባይዝዳይሳስ ስሞሶና።
\p
\v 32 ግዶሽን፥ ሌወት ካታማታን ደእያ ባንታ ኬ ባንታ ኮይዳ ዎደ ዎዛናዉ ዳንዳኦሶና። 
\v 33 ሌወታፐ እስ አስ ኤንታ ካታማ ግዶን ደእያ ኬ ባይዝድ ዎዛናዉ ፆነትኮ፥ ሄ ኤንታ ካታማ ግዶን ደእያ ኬይ እሻታማን ላይ ባልያ ዎደ ስሜስ። ሌወታ ካታማ ግዶን ደእያ ኬይ እስራኤለ አሳ ግዶን ሌወታሳ። 
\v 34 ሽን ኤንታ ካታማ ዩሹዋን ደእያ ሄን ቢታይ ኤንታዉ መርና አቆ ግድያ ግሾ ባይዘተና።
\s1 ታልኤ ዎጋ
\p
\v 35 እስ እስራኤለ አስ ማንቅድ ባና አይሳናዉ ፆነትኮ፥ እማዳ ዎይኮ በተ አሳዳ እ ኔራ ዳና መላ ማዳ። 
\v 36 እያ ኔራ ዎናዉ እያፐ የሎ ኤኮፋ ዎይኮ ዎ ሞፓ። ሽን ነ ፆሳ ያያ። 
\v 37 ነ ብራ እያዉ የሎራ ታልኦፋ፤ ነ ካ እያዉ ዎራ ባይዞፓ። 
\v 38 ህንተዉ ካናነ ቢታ እማናዉነ ህንተ ፆሳ ግዳናዉ፥ ህንተና ግብፀ ቢታፈ ከስዳ፥ ታኒ፥ ጎዳ ህንተ ፆሳ።
\p
\v 39 እስ እስራኤለ አስ ማንቅድ፥ ባና ነዉ አይለ ኦድ ባይዝኮ እያ አይለዳ ኦስሶፓ። 
\v 40 እ በተ አሳዳ ኡነ ኦድ እሻታማን ላይ ባለይ ጋካናዉ ኔራ ደኦ። 
\v 41 ሄ ዎደ እ ባ ናይታራ እስፈ ነ ሶፐ ከይድ ባ ሶ አሳኮ ቦ፤ ባ አዋ ጋደ ስሞ። 
\v 42 እስራኤለ አሳይ ታኒ ግብፀ ቢታፈ ከስዳ ታ አይለ ግድያ ግሾ ኤንቲ አይለተስ ባይዘቶፎ። 
\v 43 ኔኒ ኤንታ ኡንኤዳ ሃሮፓ፤ ሽን ኔኒ፥ ነ ፆሳ ያያ።
\p
\v 44 ነዉ አደነ ማጫ አይለይ ዳና መላ ኮይኮ፥ ነ ዩሹዋን ደእያ ካዎተታፐ ሻማ። 
\v 45 ህንተ ቢታን ደእያ በተ አሳ ናይታ ሻማናዉ ዳንዳኤታ። ህንተ ቢታን ደእሸ የለትዳ ኤንታ ሶ አሳፐ ህንተዉ ሻሎ ኦናዉ ዳንዳኤታ። 
\v 46 ህንተፈ ጉየ፥ ህንተ ናይት ኤንታ መርናዉ ላታና መላ ህንተ ናይታስ እምተ። ህንተ ኤንታ ኡባ ዎደ ህንተ አይለ ኦናዉ ዳንዳኤታ፤ ሽን እስራኤለ አስ ኡንኤድ ሃሮፕተ።
\p
\v 47 ነ ማታን ደእያ እማ ዎይኮ በተ አስ ዱረትኮ፥ እያ ማታን ደእያ እስራኤለ ኡራይ ማንቅድ፥ ነ ማታን ደእያ እማስ ዎይኮ በተ ኡራስ ዎይኮ እማ አድያ ኮቻፈ እሱዋስ ባና ባይዝኮ፥ 
\v 48 እ ባይዘትድ ስምን፥ እያ ዎዛናዉ ዳንዳኤቴስ፤ እያ ዳቦታፐ እሶይ እያ ዎዞ። 
\v 49 እያ አዋ እሻይ፥ ዎይኮ እያ አዋ እሻ ናአይ ዎይኮ እያ ያራፐ ማታ ዳቦይ እያ ዎዞ፤ ዎይኮ እ ባ ሁጰን ዱረትድ ባና ዎዞ። 
\v 50 እ ባና ሻምዳ ኡራራ ግድድ፥ እ ባና ባይዝዳ ላይፈ ዶምድ እሻታማን ላይ ባለይ ጋካናዉ ደእያ ላይታ ታይቦ። እያ ላአተ ጋተይ፥ ሄ ላይ ታይቡዋ ኬና ግዶ። እ ባና ሻምዳይሳራ ጋምእዳ ዎድያ ጋተይ እስ አስ ኡነ ኦድ ደምያ ሚሽያራ ግና ግዶ። 
\v 51 እሻታማን ላይ ባለይ ጋካናዉ ዳሮ ላይ አትዳባ ግድኮ፥ ባ ባይዘትዳ ጋትያፐ ሄ ላይ ታይቦን ባና ዎዝያ ጋትያ ቃንፆ። 
\v 52 እሻታማን ላይ ባለይ ጋካናዉ አትዳ ላይይ ጉ ግድኮ፥ ባና ሻምዳይሳራ እስፈ ታይብድ፥ ሄ ላይ ታይቦን ባና ዎዝያ ጋትያ ቃንፆ። 
\v 53 እ ላይን ላይን ኡነ ኦያ አሳዳ ባና ሻምዳይሳራ ደኦ፤ እያ ጎዳይ እያ ኡንኤድ ሃራናዉ በሰና።
\p
\v 54 ሽን እ ሄሳ መላ ሀኖን ዎዘቶና እፅኮ፥ እሻታማን ላይ ባለይ ጋክያ ዎደ እነ እያ ናይት አይለተፈ ከዮ። 
\v 55 እስራኤለ አሳይ፥ ታ ግብፀ ቢታፈ ከስዳ ታ አይለ። ታኒ፥ ጎዳ ህንተ ፆሳ።
\c 26
\s1 ኪተተ ኤህያ ዎይቶ
\p
\v 1 ጎይናናዉ ኤቃታ ኦፍተ፤ ቃስ ሀዉልተ ዎይኮ ኤቃ ቱሱ ዎይኮ ሹቻ ኤቃ ኤሶፍተ። ታኒ ጎዳ፥ ህንተ ፆሳ። 
\v 2 ታ ሳምባታታ ናግተ፤ ታ ጎይኖ በሳ ቦንችተ። ታኒ ጎዳ።
\p
\v 3 ህንተ ታ ህግያ ካልኮነ ታ ኪታ ናግኮ፥ 
\v 4 ታኒ ህንተዉ እራ ዎደን ዎደን እማና፤ ቢታይ ካ ዳርስድ ዶልሳና፤ ጋደን ደእያ ምይ አይፋና። 
\v 5 ህንተ ካ ሺሽድ ኦንጎና ደእሽን ዎይነ ማፅያ ዎደይ ጋካና፤ ዎይንያ ማፅድ ዉርሶና ካ ዘርያ ዎደይ ጋካና። ህንተ ካላና ጋካናዉ ካ ማና፤ ህንተ፥ ህንተ ቢታን ሳሮ ዳና።
\p
\v 6 ታኒ ቢታስ ሳሮተ እማና፤ ኦንካ ህንተና ያሽሶና ህንተ ዝንአና። ኢታ ዶአታ ታኒ ቢታፈ ይሳና፤ ህንተ ቢታን ናምአን ኦል ደንደና። 
\v 7 ህንተ ሞርከታ ህንተ የደና፤ ኤንቲ ህንተ ስንን ማሻን ሀይቃና። 
\v 8 ህንተፈ እቻሻይ ፄታ የደና፤ ቃስ ፄታይ ታሙ ሙኩላ የደና። ህንተ ሞርከት ህንተ ስንን ማሻን ሀይቃና።
\p
\v 9 ታኒ ህንተና ማሮታ አይፈን በአና፤ ህንተና አይፍሳና፤ ህንተና ዳርሳና፤ ታኒ ታ ጫቁዋ ህንተራ ምንና። 
\v 10 ህንተ ሻቻ ካ ምድ ዉርሶና ደእሸ፥ ዋቻ ካ ዎናዉ፥ ሻቻ ካ ድግድ በሰ ጊግሳና። 
\v 11 ታኒ ታ ደእያ በሳ ህንተ ግዶን ኦና፤ ታኒ ህንተና እፅከ። 
\v 12 ታኒ ህንተ ግዶን ሄመታና፤ ህንተ ፆሳ ግዳና፤ ህንተ ታ አሰ ግዳና። 
\v 13 ህንተ ግብፀታስ አይለ ግዶና መላ ሄ ቢታፈ ህንተና ከስዳ ጎዳይ፥ ታኒ ህንተ ፆሳ። ታኒ ህንተ አይለተ ቃምባራ መንስ፤ ህንተ ቁ ግድ ሄመታና መላ ኦስ።
\s1 ኪተተ እፆይ ኤህያ ሴራ
\p
\v 14 ሽን ህንተ ታና ስኦና እፅኮነ፥ ታ ኪታ ፖሎና እፅኮ፥ 
\v 15 ታ ዎጋ ካኮ፥ ታ ኪታ ኡባ ፖሎና እፅድ ታ ጫቁዋ መንናዉ ታ ህግያ ቦርኮ፥ 
\v 16 ሄ ዎደ ታኒ ህንተ ቦላ ሀይሳ ኦና፤ ህንተ አኬኮና ደእሽን ያሽ፥ ግልቃተ፥ ህንተ አይፍያ ተልጁምስያነ ህንተ አሳተ መልስያ ምሻ ሀርገ ህንተ ቦላ የዳና። ህንተ ሞርከት ማና ግሾ ህንተ ዘርያ ዘረይ መላ ግዳና። 
\v 17 ታ ህንተና ኢታ አይፈን ፄላና፤ ህንተ ሞርከታ ስንን ህንተ ኩንዳና፤ ህንተና እፀይሳት ሃራና፤ ኦንካ የደና ህንተ ባቃታና።
\p
\v 18 ሄሳ ኡባ ኦንካ ህንተ ታና ስኦና እፅኮ፥ ታኒ ህንተ ናጋራ ግሾ ህንተ ሴራ ላፑን ዳኮ ኦና። 
\v 19 ታ ህንተ ኦቶሩዋ መንና፤ ሳሉዋ ብራታ፤ ሳአ ናሰ ብራታ ኦና። 
\v 20 ህንተ ቢታይ ካ፥ ህንተ ምይ አይፈ እሞና ግሾ ህንተ ዎልቃይ ጮ በሳን ዉራና።
\p
\v 21 ህንተ ታዉ እፃስ ጊኮነ ታና ስኦና እፅኮ፥ ህንተ ናጋራ መላ ላፑን ዳኮ ጋዶ ታኒ ህንተ ቦላ ኤሀና። 
\v 22 ታኒ ህንተ ቦላ ባዞ ዶአታ የዳና፤ ኤንቲ ህንተ ናይታ ቦንቃና። ህንተ መሄታ ይሳና፤ ህንተ ታይቡዋ ጉና፤ ሄሳ ጋሶን ህንተ ሄመትያ ኦገይ ሁሳታና።
\p
\v 23 ሄ ሴራ ኡባን ህንተ ታኮ ስሞና እፅኮ፥ 
\v 24 ሄ ዎደ ታካ ህንተዉ እፃስ ጋና። ህንተ ናጋራ ግሾ ታኒ ታ ሁጰን ህንተና ላፑን ዳኮ ሴራና። 
\v 25 ታ ጫቁዋ ህንተ መንዳ ግሾ፥ ኩሸ ዛራናዉ ማሻ ህንተ ቦላ ኤሀና። ህንተ፥ ህንተ ካታማታን ሺቅኮካ፥ ታኒ ህንተ ቦላ ጋዶ የዳና። ህንተ፥ ህንተ ሞርከታ ኩሸን አድ እመታና። 
\v 26 ህንተ ካ ታኒ ይስያ ዎደ ታሙ ማጫሳት እስ በሸን ኡይ ኡካና፤ ሄ ኡይ ምዛነን ሻክድ ኤካና፤ ህንተ ሄሳ ማና ሽን ካለከታ።
\p
\v 27 ሀ ኡባን ህንተ ታና ስኦና እፅኮነ ህንተ ኢታተን ጉጅድ ቢኮ፥ 
\v 28 ታ ህንተ ቦላ ሀንቆን ደንዳና። ህንተ ናጋራ ግሾ ታኒ ህንተና ላፑን ዳኮ ሴራና። 
\v 29 ህንተ፥ ህንተ አደ ናይታነ ህንተ ማጫ ናይታ አሹዋ ማና። 
\v 30 ታኒ፥ ህንተ ቃ ጎይኖ በሳታ ይሳና፤ ህንተ እፃነ ያርሽያ በሳ ላላና። ታኒ ህንተ አሀ ህንተ ኤቃታ አሀ ቦላ ሆላና፤ ታኒ ህንተና ፖሎ እፃና። 
\v 31 ታኒ ህንተ ካታማታ ባይሳ ኦና፤ ህንተ ጎይኖ በሳታ ይሳና፤ ህንተ ሳውያ ያርሹዋ ስንግከ። 
\v 32 ታኒ ህንተ ቢታ ይሳና፤ ሄ ቢታን ደእያ ሞርከት ሄሳን ማላለታና። 
\v 33 ታኒ ህንተና ካዎተታ ግዶን ላላና፤ ህንተ ቦላ ታ ማሻ ሾዳና። ህንተ ቢታይ ባይሳታና፤ ህንተ ካታማት ላለታና። 
\v 34 ህንተ ሞርከታ ቢታን ደእያ ዎደ፥ ባይሳ ጊግድ ደእያ ህንተ ቢታይ ባ ሳምባታ ቦንቻና። ሄ ዎደ ህንተ ቢታይ ሸምፓናነ ባ ሳምባታ ቦንችሸ ኡፋይታና። 
\v 35 ህንተ ሄ ቢታን ደእያ ዎደ ሳምባታታን ደምቦና ሸምፑዋ ሀእ ባይሳ ግድዳ ዎደ ደማና።
\p
\v 36 ህንተ ድኤትድ ብያ ዎደ ጉየ አትዳ አሳታ ዎዛናን ያሽ የዳና፤ ጫርኮይ ቃያ ቦንጮ ግርሳይ ኤንታ ዳጋንና፤ ኤንቲ ማሻፈ ባቃትያ መላ ባቃታና፤ ኤንታ ኦንካ የደና ኩንዳና። 
\v 37 ኦንካ የደና ኦላፐ ባቃትያዳ ባቃትሸ፥ እሶይ እሱዋራ በትድ ኩንዳና። ህንተ፥ ህንተ ሞርከታ ስንን ኤቃናዉ ህንተዉ ዎልቅ ያና። 
\v 38 ካዎተታ ግዶን ህንተ ያና፤ ህንተ ሞርከታ ቢታን ህንተ ምተትድ ያና። 
\v 39 ሞርከታ ቢታን አትዳይሳት ባንታ ናጋራ ግሾነ ባንታ አዋታ ናጋራ ግሾ ግልቅድ ያና።
\p
\v 40 ሽን ኤንቲ ባንታ ናጋራነ ታ ቦላ ማካልድ ስኦና እፅዳ ባንታ አዋታ ናጋራ ፓፅኮ፥ 
\v 41 ታ ኤንታ እፃናዳነ ኤንታ ሞርከታ ቢታ የደናዳ ኦዳ ባንታ ናጋራ አግኮነ ኤንታ ኪተቶና ዎዛናይ ስምኮ፥ 
\v 42 ታኒ ያይቆባራ፥ ይሳቃራነ አብራሃመራ ጫቅዳ ጫቁዋ ሀሳያና፤ ኤንታ ቢታ ዛራ ቆፓና። 
\v 43 ኤንታ ቢታይ ባይሳ አታና፤ ሄ ኤንቲ ይን ባይሳ ግድድ ደእዳ ዎደን ቢታይ ሳምባታ ቦንችሸ ኡፋይታና። ኤንቲ ታ ኪታ ካዳ ግሾነ ታ ዎጋ ለቅዳ ግሾ ባንታ ናጋራ ሴራ ኤካና።
\p
\v 44 ግዶሽን፥ ኤንቲ ባንታ ሞርከታ ቢታን ደእዳ ዎደ ኩመ ያና ጋካናዉ ኤንታራ ደእያ ታ ጫቁዋ መንከ፤ ኤንታ የግከ። ታኒ፥ ጎዳ ኤንታ ፆሳ። 
\v 45 ታኒ ኤንታ ፆሳ ግዳናዉ፥ ካዎተት ፄልሽን፥ ግብፀ ቢታፈ ከስዳ ኤንታ ማይዛታራ ታኒ ጫቅዳ ጫቁዋ ኤንታ ግሾ ሀሳያና። ታኒ ጎዳ።
\p
\v 46 ጎዳይ ሲና ዙማ ቦላ ሙሰ ባጋራ ባፐነ እስራኤለ አሳፐ ግዶን ዎዳ ዎጋት ኪታትነ ህገት ሀይሳታ።
\c 27
\s1 ዎዞ ዎጋ
\p
\v 1 ጎዳይ ሙሰኮ ሀይሳዳ ያግስ። 
\v 2 እስራኤለ አሳስ ሀይሳዳ ያጋዳ ኦዳ፤ እስ አስ ጎዳስ አሰ እማናዉ ቃንግኮ፥ ዎዞ ጋትያ ነ ጋማትዳይሳ መላ ሄ ኡራ ግሾ ሚሸ ቃንፆ። 
\v 3 ላታሙ ላይፈ ብድ ኡሱፑን ታሙ ላይ ጋካናዉ ደእያ አደ ግድኮ ጌሻ ዱንካነን ኤረትዳ ምዛነን ኡሱፑን ፄቱ ብራ ሳንትመ ቃንፆ። 
\v 4 ማጫ ግድኮ ሀስታሙ ብራ ሳንትመ ቃንፆ። 
\v 5 እቻሹ ላይፈ ብድ ላታሙ ላይ ጋካናዉ ደእያ አደ ግድኮ ላታሙ ብራ ሳንትመ ቃንፆ፤ ቃስ ማጫስ ግድኮ ታሙ ብራ ሳንትመ ቃንፆ። 
\v 6 እስ አጌናፐ ብድ እቻሹ ላይ ጋካናዉ ደእያ አደ ግድኮ እቻሹ ብራ ሳንትመ ቃንፆ፤ ቃስ ማጫስ ግድኮ ሄ ብራ ሳንትመ ቃንፆ። 
\v 7 ላይ ኡሱፑን ታማነ እያፐ ቦላ ግድዳ አደ ግድኮ፥ ታማነ እቻሹ ብራ ሳንትመ፤ ቃስ ማጫስ ግድኮ ታሙ ብራ ሳንትመ ቃንፆ። 
\v 8 ቃንግዳ ኡራይ ኔኒ ጋማትዳይሳ ቃንፃናዉ ዳንዳኦና ማንቆ ግድኮ፥ እ ባ ቃንገ ጋናዉ እምዳ ኡራ ኤህድ ካህንያ ስንን ኤሶ፤ ቃንገትዳ ኡራይ ቃንፃናዉ ዳንዳኤይሳ ኬና ቆፕድ ካህነይ ጋማቶ።
\p
\v 9 እስ አስ ጎዳስ ያርሾ ኦድ እማናዉ ቃንግዳይ መሄ ግድኮ ጎዳስ እመትያ መሄ ኡባይ ጌሽ ግዴስ። 
\v 10 ሄ መህያ ግሾ ሀራ መሄ እሞፎ፤ ዎይኮ እያ ሀራ መሄራ ላሞፎ። ሎኡዋ ኢታራ ዎይኮ ኢታ ሎኡዋራ ላሞፎ፤ ሽን እ ላምኮ፥ ኮይሮ መሄይነ ላመ እምዳ መሄይ ናምአይካ ጌሽ ግዶ። 
\v 11 እስ አስ ጎዳስ ያርሾ ኦድ እማናዉ ገፕዳ መሄይ ጌሽ ግዶና እፅኮ፥ ሄ ኡራይ ሄ መህያ ካህንያ ስን ኤሆ። 
\v 12 ሎኦ ግድን፥ ኢታ ግድን ካህነይ ሄ መህያ ጋማቶ፤ ካህነይ ጋማትዳይስ እያዉ ጋተ ግዶ። 
\v 13 ሽን ሄ መህያ ጎዳይ ዛሪድ ዎዛናዉ ኮይኮ፥ ሄ መህያ ጋትያ ቦላ ፄታፐ ላታሙ ኩሸ ጉጆ።
\p
\v 14 እስ አስ ባ ኬ ጌሽ ኦድ ጎዳስ ዱማይኮ፥ ሎኦ ግድን፥ ኢታ ግድን ካህነይ ሄ ኬ ጋማቶ፤ ካህነይ ጋማትዳይስ እያዉ ጋተ ግዶ። 
\v 15 ባ ኬ ጌሽ ኦድ ጎዳስ ዱማይዳ ኡራይ ዛሪድ ዎዛናዉ ኮይኮ፥ ሄ ኬ ጋትያ ቦላ ፄታፐ ላታሙ ኩሸ ጉጆ፤ ስሚድ ኬይ እያባ ግዴስ።
\p
\v 16 እስ አስ ባ ላታ ጋድያፐ ሻክድ ጌሽ ኦድ ጎዳስ ዱማይኮ፥ ሄ ጋድያ ጋተይ እያን ዘረትያ ዘረን ጋማተቶ። ሄስካ ናምኡ ፄታነ ላታሙ ክሎ ግራመ ባንጋ ዘርያ ጋደ ግድኮ፥ እሻታሙ ሳቅለ ቃንፆ። 
\v 17 እ ባ ጋድያ እሻታማን ላይ ባለፐ ዶምድ ጌሽ ኦድ ጎዳስ ዱማይኮ፥ ሄ ጋድያ ኩመ ጋትያ ቃንፆ። 
\v 18 ሽን እ ባ ጋድያ እሻታማን ላይ ባለይ አን፥ ጌሽ ኦድ ጎዳስ ዱማይኮ፥ ካልድ ደእያ እሻታማን ላይ ባለይ ጋካናዉ ደእያ ላይታ ካህነይ ታይብድ፥ እያ ኩመ ጋትያፐ ዎ። 
\v 19 ሄ ጋድያ ጌሽ ኦድ ጎዳስ ዱማይዳ ኡራይ ዛሪድ ዎዛናዉ ኮይኮ፥ ጋማተትዳ ጋትያ ቦላ ፄታፐ ላታሙ ኩሸ ጉጆ፤ ስሚድ ጋደይ እያባ ግዴስ። 
\v 20 ሽን እ ጋድያ ዛሪድ ዎዛናፐ ስን ሀራ አሳስ ባይዝኮ፥ ሄ ጋድያ ዎዛናዉ ዳንዳኤና። 
\v 21 እሻታማን ላይ ባለይ ጋክን ጋደይ የደትያ ዎደ ሄ ጋደይ ናምአን ጉየ ስሞና ጎዳስ ጌሽ ግዶ፤ ሄ ጋደይ ካህነታባ ግዴስ።
\p
\v 22 እስ አስ ሀራ አሳፐ ሻምዳ ጋድያ ጌሽ ኦድ ጎዳስ ዱማያናዉ ኮይኮ፥ 
\v 23 ካልያ እሻታማን ላይ ባለይ ጋካናዉ ደእያ ጋትያ ካህነይ ጋማትኮ፥ ኡራይ ሄ ጋላስ ጋማትዳ ጋትያ ቃንፆ፤ ሄ ሚሸይ ጎዳስ ዱማትዳ ሚሸ ግዳና። 
\v 24 እሻታማን ላይ ባለይ ጋክያ ዎደ ሄ ጋደይ ኮይሮ ላታን ኤክድ ባይዝዳ ኡራስ ስሜስ።
\p
\v 25 ኤንታ ጋተይ ጌሻ ዱንካንያን ኤረትዳ ምዛነን ጋማተቴስ። (እስ ሳቅለይ ላታሙ ጌራ ግዴስ)።
\p
\v 26 ሽን ኦንካ ባይራ የለትዳ መሄ ጎዳስ ዱማይድ ሺሻናዉ ዳንዳኤና፤ እ ካሰካ ጎዳባ። ሚዝ ዎይኮ ዶርሰ ግድን ጎዳባ። 
\v 27 ሄ መሄይ ጌሽ ግዶና እፅኮ፥ እ ጋማተትዳ ጋትያ ቦላ እቻሻፐ እስ ኩሸ ጉጅድ እያ ጎዳይ ዛሪድ ዎዞ። እ ዎዞና እፅኮ፥ ጋማተትዳ ጋትያን ሀራ አሳስ ባይዘቶ።
\p
\v 28 እስ አስ ጎዳስ ዱማይድ እምዳባይ አይባ ግድኮካ፥ አሰ ዎይኮ መሄ ዎይኮ እያ ላታ ጋደ ግድን፥ ባይዘተናነ ዎዘተና። እ ዱማይዳባ ኡባይ ጎዳስ ኡባፈ ጌሽ። 
\v 29 አሳ ግዶፈ ሀይቃና መላ ፕርደትዳ አስ ኦንካ ዎዘቶፎ፤ ሄ ኡራይ ሀይቆ።
\p
\v 30 ጋደን ካፅዳ ካ ዎይኮ ም አይፈ ግድን ታማፈ እሶይ ጎዳባ። ሄስ ጎዳስ ጌሽ። 
\v 31 እስ አስ ባ አስራታ ዎዛናዉ ኮይኮ፥ እያ ጋትያ ቦላ ፄታፐ ላታሙ ኩሸ ጉጅድ ዎዞ። 
\v 32 ሚዛ አስራታ ዎይኮ ዶርሳ አስራታ ዎይኮ ዴሻ አስራታ ግድን፥ ሄንንቹዋ ፃምአፈ ጋርሳራ አያ ታማፈ እሶይ ጎዳስ ጌሽ። 
\v 33 ታማን መሄይ ኢታ ግድን፥ ሎኦ ግድን ዶሮፖ፤ ዎይኮ እያ ሀራራ ላሞፎ። ላምኮ፥ ኮይሮይነ ላመ እምዳ ናምአይ ጎዳስ ጌሽ ግዶሶና፤ ዛሪድ ዎዛናዉ ዳንዳኤተና።
\p
\v 34 ሲና ዙማ ቦላ ጎዳይ ሙሰ ባጋራ እስራኤለ አሳ ኪትዳ ኪታይ ሀይሳ።