\id LAM - GOOFA FULL BIBLE
\ide UTF-8
\h ኤርምያሳ ምላልሳ
\toc1 ኤርምያሳ ምላልሳ
\toc3 ምላ
\toc2 ምላልሳ
\mt ኤርምያሳ ዘለልሳ
\imt ጋ ቆፋ
\ip ኤርምያሳ ምላልሳይ ክ.የ.ስ. 600 ላይ ሄራን የሩሳላመ ላለተነ አሳ ድኤተ ጋሶን ግንፆን ጊግዳ አዛኖ ሚላልሳታ ኦይክስ። ሀ ማፃፋ ዳሮ ባጋይ ዬሆባነ ዘለልሳባ ኦድኮካ ፆሳን አማነተባነ ኡፋይሳን ዱሳባ ኦድያ ክፍለት ደኦሶና።
\ip ሀ ግንፆታ አይሁደ አሳይ ባንታ ቢታ ቦላ ጋክዳ ዩዋ ሀሳያናዉ ላይን ላይን ፆማን አዛኖ ጎይኖ ዎጋታ ፖልያ ጋላሳታን ጎኤቶሶና።
\iot ማፃፋ አይፈ ቆፋታ
\io1 የሩሳላመ ዋይያ (\ior 1:1-22\ior*)
\io1 ፆሳ ሀንቆነ የሩሳላመ ፕርደተ (\ior 2:1-22\ior*)
\io1 ፆሳ ደርያስ ኡፋይስ ደኤስ (\ior 3:1-66\ior*)
\io1 የሩሳላመይ ዝነ፥ ሀችነ ዎንቶ (\ior 4:1-22\ior*)
\io1 ማሮታ ዎሳ (\ior 5:1-22\ior*)
\c 1
\s1 የሩሳላመ ዋየ
\q1
\v 1 ካሰ አስ ኩምዳ ካታምያ
\q2 ሀእ ዋናዳ አስ ባይና በሲ ግዳዴ?
\q1 ካሰ ካዎተታ ግዶን ግታ ግድዳራ
\q2 ሀእ ዋናዳ አምኦ ግዳዴ?
\q1 ካታማታ ግዶን ካዎ ግድዳራ
\q2 ሀእ ዋናዳ አይለ ግዳዴ?
\q1
\v 2 ቃማ ይባታ ዬሆ ዬካሸ አቃዉሱ፤
\q2 አፉ እ አይፈ ካረራ ዱገ ዎስ።
\q1 ካሰ እዮ ዶሰይሳታፐ
\q2 ሀእ እዮ ምንያ እሶይካ ባዋ።
\q1 እ ላገት እዮ አድ እምዶሶና፤
\q2 እዉ ሞርከ ግድዶሶና።
\q1
\v 3 ይሁድ ናቀታዳ፤ አይለታዳ ድኤታሱ፤
\q2 ሀእ ካዎተታ ግዶን ደአዉሱ፤
\q2 ሽን ሸምፖ በሲ ደማቡኩ።
\q1 እያ መቶታዳ ደእሽን፥
\q2 የደይሳት እዮ ደምዶሶና።
\q1
\v 4 ላይ ባኣለ ቦንቻናዉ ያ አስ ባይና ግሾ፥
\q2 ፅዮነ ኦገት ዬኮሶና።
\q1 እ ድርሳ ፐንገት ባይሳትዶሶና፤
\q2 እ ካህነት ኦሎሶና።
\q1 ያን ደእያ ጌላኦ ናይት ኡንኤትዶሶና፤
\q2 እያካ ኡንኤታዳ ዬካዉሱ።
\q1
\v 5 እ ሞርከት እዉ ጎዳ ግድዶሶና፤
\q2 ኤንታዉ እንጀትን ደእዶሶና።
\q1 እ፥ ናጋራ ጋሶን ጎዳይ እዮ ኡንኤስ፤
\q2 እ ናይት ሞርከታን ድኤትድ ብዶሶና።
\q1
\v 6 ፅዮን ቦንቾይ ኢፐ ቃረትስ፤
\q2 እ፥ ሀላቃትካ ምያ በሲ ይዳ ጋራዳ ሀንዶሶና፤
\q1 ኤንቲ ዎልቃ ይድ
\q2 ባንታና የደይሳታ ስንፈ ባቃትዶሶና።
\q1
\v 7 የሩሳላመይ ባ መቱዋነ ባ ኡንአ ጋላሳን፥
\q2 በን ባ ቦንቾ ሻሉዋ ሀሳያዉሱ።
\q1 እ፥ አሳይ ሞርከታ ኩሸን አድ እመትዳ ዎደ፥
\q2 እዮ ማድያ እሶይካ በንትቤና።
\q1 እ ሞርከት እዮ ፄልድ፥
\q2 እ ዩዋን ሚጭዶሶና።
\q1
\v 8 የሩሳላመይ ግታ ናጋራ ኦዳ ግሾ ቱናሱ፤
\q2 እዮ ቦንችዳ ኡባይ እ ካሉዋ በእዳ ግሾ ካስ፤
\q2 እያ ኦላሸ ጉየ ስማሱ።
\q1
\v 9 ቱናተ እ አፍላ ቦላ በንትስ፤
\q2 ስንፈ ባ ቦላ ያናባ ቆፓቡኩ።
\q1 እ ኩንደይ ዳጋንያባ ግድስ፤
\q2 እዮ ምንያ ኦንካ ባዋ።
\q1 እያ፥ “አቤት ጎዳዉ፥ ታ ኡንኤተ በአ!
\q2 ታ ሞርከት ታና ፆንዶሶና” ያጋሱ።
\q1
\v 10 ሞርከት እ ቦንቾ ሻሉዋ ቦንቅዶሶና፤
\q2 ካሰ ነ ማባራ ግዶ ገሎና መላ፥
\q2 ኔኒ ድግዳ አሳት፥ እ ኬ ገልሽን በአሱ።
\q1
\v 11 እ አሳት ኮሻትድ ካ ደማናዉ ኦሎሶና፤
\q2 ኤንቲ ደኦን ዳናዉ ባንታ ሻሉዋ ካን ላሞሶና።
\q1 የሩሳላመይ ሀይሳዳ ያጋሱ፤
\q2 አቤት ጎዳዉ፥ ታና ፄላ፤
\q2 ታ ካዉሻተ በአ!
\q1
\v 12 ህንተኖ፥ ሀይሳራ አይሳቶ፥
\q2 ሀይስ ህንተዉ አይኮካ ዳነኔ?
\q1 አነ በእተ፤ አኬክተ፤
\q2 ባ ኤፅያ ሀንቆ ጋላሳን፥
\q1 ፆሳይ ታ ቦላ ኤህዳ
\q2 መቱዋ መላ መቶይ ደኢ?
\q1
\v 13 ቦላፈ ታማ ዱገ የድስ፤
\q2 ሄ ታማይ ታ መቀ ግዶ ገልስ።
\q1 ታ ቶሆይ ፅሄን ኦይከትስ፤ ታና ጉየ ዛርስ፤
\q2 ታና ጋላስ ኡባ ላባንድ የግ አግስ።
\q1
\v 14 ታ ኦዳ ናጋራ ኡባ ሺሽ ቃችድ፥
\q2 ቃምባራዳ ታ ጋናን ዎስ፤
\q2 ያትድ ታ ዎልቃ ዉርስስ።
\q1 ታ ኤቀታናዉ ዳንዳኦና አሳስ፥
\q2 ታና አድ እሚስ።
\q1
\v 15 ጎዳይ ታ ግዶን ደእያ
\q2 ዎልቃማ ኦላንቾታ ኡባ ድግስ።
\q1 ታ ያላጋታ ይሳናዉ ዎደ ቃችስ፤
\q2 ዎይነ የይሳዳ፥
\q2 ጎዳይ ይሁዳ ጌላኦታ የስ።
\q1
\v 16 ታኒ ዬካሸ ታ አፉ ጉሰይ ሄሳሳ፤
\q2 ታና ምንይነ ካትስያ ኦንካ ባዋ፤
\q2 ሞርከይ ጎብን፥ ታ ናይት ኡንኤትዶሶና።
\p
\v 17 ፅዮነይ ባ ኩሽያ ምጫሱ፤
\q2 ሽን እዮ ምንያ ኦንካ ባዋ።
\q1 እ ዩሹዋን ደኤይሳት
\q2 እዮ ሞርካናዳ ጎዳይ ኦስ።
\q2 የሩሳላመይ ኤንታ ግዶን ቱና ግዳሱ።
\q1
\v 18 እያ ሀይሳዳ ያጋሱ፤ “ጎዳይ ፅሎ፤
\q2 እያ ኪተቶና እፅዳይ ታና።
\q1 ህንተኖ፥ አሳቶ ኡባይ ስእተ፤ ታ መቱዋካ በእተ፤
\q2 ታ ፓንትነ ታ ጌላኦት ድኤትዶሶና።
\q1
\v 19 ታ ላገታ ፄጋስ፤ ሽን ኤንቲ ታና ጭምዶሶና፤
\q2 ካህነትነ ጭማት ባንታ ሸምፑዋ አሻናዉ፥
\q2 ካ ኮይሸ ካታማ ግዶን ሀይቅዶሶና።
\q1
\v 20 አቤት ጎዳዉ፥ ታ ዋይያ በአ!
\q2 ታ ጋርሳይ ዳጋምስ።
\q1 ታኒ ዳሮ ማካልዳ ግሾ፥ ታ ዎዛናይ መቅስ፤
\q2 ካረን ማሽ ዉርሴስ፤ ሶን ሀይቆይ ደኤስ።
\q1
\v 21 አሳይ ታ ዘለልሳ ስእዶሶና፤
\q2 ሽን ታና ምንያ እስ አስካ ባዋ።
\q1 ታ ሞርከት ታ መቱዋ ስእዶሶና፤
\q2 ነ ታ ቦላ ኦዳባን ኡፋይትዶሶና።
\q1 ኤንቲ ታዳ ሀናና መላ፥
\q2 ኤንታ ቦላ ነ አዋጅዳ ጋላሳ ኤሀ!
\q1
\v 22 ኤንታ ኢታተ ኡባይ ነ ስን ጋኮ፤
\q2 ታ ናጋራ ግሾ ታና ሴርዳይሳዳ ኤንታካ ሴራ፤
\q2 ታ ዘለልሳይ ዳርስ፤ ታ ዎዛናይካ መቅስ።”
\c 2
\s1 ቃይ ባይና ሴራ
\q1
\v 1 ጎዳይ ባ ሀንቆ ሻራፐ ጋርሳን፥
\q2 ፅዮነ ናእዉ፥ ዋትድ ዎደ!
\q1 እስራኤለ ቦንቹዋ ሳሎፐ ሳአ ሆልስ፤
\q2 ባ ሀንቁዋ ጋላስ፥
\q2 እያ ቶሆይ የያ በሳ ቆፕቤና።
\q1
\v 2 ጎዳይ ይሁዳን ኬታ ኡባ ቃቶና ይስስ፤
\q2 ባ ሀንቁዋን ይሁዳ ቢታ ሚፃ ኡባ ላልስ፤
\q2 ሄ ካዎተነ ሀላቃታ ሳአን ዱገ የግድ ካዉሽስ።
\q1
\v 3 ባ ዎልቃማ ሀንቁዋን እስራኤለ ዎልቃ መንረስ፤
\q2 ሞርከይ እያ ኦላናዉ ያ ዎደ
\q2 ጎዳይ ባ ኡሻቻ ኩሽያ ኤንታ ቦላፈ ድግስ።
\q1 ባ ዩሹዋን ደእያባ ኡባ ምያ ታማዳ፥
\q2 ያይቆባ ቦላ ታማ ላጮይ ኤፅስ።
\q1
\v 4 ሞርከዳ እ ባ ዶንግያ ኤንታ ቦላ ዳፍስ፤
\q2 ኡንኤያ እያ ኡሻቻ ኩሸይ ጊግስ።
\q1 አይፌስ ሎእያ አሳ ኡባ ዎስ፤
\q2 ፅዮነ ቦላ ባ ሸንያ ታማዳ ቆልስ።
\q1
\v 5 ጎዳይ ሞርከዳ ሀንድ፥ እስራኤለ ይስስ፤
\q2 ካዎ ጋታነ ሚፃ ኡባ ላልስ
\q2 ይሁዳ አሳስ ዬሆነ ካዮ ጉጅስ።
\q1
\v 6 ባ ኬ አታክልተ ጋደን ደእያ ሻቃራዳ ሾድድ ሆልስ፤
\q2 ላይ ባለትነ ሳምባታት ዶገታናዳ ኦስ፤
\q2 ባ ግታ ሀንቁዋን ካዋነ ካህንያ ካዉሽስ።
\q1
\v 7 ጎዳይ ባ ያርሾ በሳ ካስ፤ ባ ኬ አጋግስ፤
\q2 ካዎ ጋታ ግምብያ ሞርከታ ኩሸን የግስ።
\q1 ላይ ባኣለ ቦንችያ ጋላሳ ዎጫማዳ፥
\q2 ሞርከት ፆሳ ኬን ዎጫምዶሶና።
\q1
\v 8 ጎዳይ ፅዮን ናኤ ድርሳ ግምብያ፥
\q2 ላላናዉ ቃችስ፤ እ ቦላ ዋ ዎዶሮ የግስ።
\q1 እዮ ይሶና ደእሸ ባ ኩሽያ ዛረና፤
\q2 ግምበይነ ሚፃይ እስፈ ኩንዳናዳ ኦስ።
\q1
\v 9 የሩሳላመ ፐንገ ሳንቃት ቢታን ሞገትዶሶና፤
\q2 ኤንታ ጎርደ ምታ መንረድ ይስስ።
\q1 ካዎይነ ሞርናት ድኤትድ ካዎተታ ግዶ ብዶሶና፤
\q2 ህገ ታማርሰይ ባዋ፤
\q2 ናበትካ ህዛፐ ጉየ ቆንጨ በኦኮና።
\q1
\v 10 ፅዮነ ጭማት ስእ ግድ ቢታን ኡትዶሶና፤
\q2 ባንታ ሁጰን ባና ቆልድ ካዮ ማኦ ማእዶሶና፤
\q2 የሩሳላመ ጌላኦት ሳአን ዱገ ሆክዶሶና።
\q1
\v 11 ታ አሳይ ይዳ ግሾ፥
\q2 ጉ ናይት ካታማ ኦግያ ቦላ
\q2 ዳቡርድ ኩንድዳ ግሾ፥
\q2 ታ አይፈይ አፉን ቱልጫትስ፤
\q2 ታ ዎዛናይ አዛኖን ዳጋምስ።
\q1
\v 12 ኤንቲ ባንታ አየታኮ፥
\q2 “ካ እማ! ሃ እማ”
\m ያግድ ዋሶሶና፤
\q2 ካታማ ኦግያን ማዱንፅድ ላባንያ አሳዳ፥
\q2 ኤንቲ ዳቡርን ኤንታ ሸምፖይ ኤንታ አየታ ክኦን ከዬስ።
\p
\v 13 የሩሳላመ ናተ፥ ታኒ ነባ አይ ጋኔ?
\q2 ነ ቆሁዋ ታ አይብራ ግናዮ?
\q1 ዶሰትዳ ፅዮነ ጌላኤ፥ ታ ነና ዋታዳ ምን?
\q2 ነ ማዱንይ አባ መላ ጪሞ፤
\q2 ነና ኦን ፓናዉ ዳንዳኢ?
\q1
\v 14 ነ ናበት ዎርዶነ ፓና ቆንጨ በእዶሶና፤
\q2 ነ ድኤቶና መላ ነ ናጋራ ቆንጭስድ ኦድቦኮና፤
\q2 ኤንቲ ባለያ ዎርዶ ቆንጨ ነዉ በእዶሶና።
\q1
\v 15 ነ ማታራ አያ ኡባይ ባ ኩሽያ ባቄስ፤
\q2 “ቢታን ኡባፈ አዳ ሎእያ ካታምያ ሀኖ?
\q1 ቢታ ኡባስ ኡፋይስ ጌተትዳ ካታምያ ሀኖ?”
\q2 ያግድ ነና ቀልቅስሸ ባንታ ሁጵያ ቃዶሶና።
\q1
\v 16 ነ ሞርከት ኡባይ ባንታ ዶና
\q2 ነ ቦላ ዶይዶሶና፤
\q2 ነ ቦላ ቀልቅስዶሶና።
\q1 ባንታ አቻ ቃርጭሸ ሀይሳዳ ያጎሶና፤
\q2 ኑ ኤንታ ይስዳ፥ ኑ አሞትዳይ ሄሳ
\q2 ዉርሰን በእዳ።
\q1
\v 17 ጎዳይ ባ ቆፕዳባ ኦስ፤
\q2 ካሰ ኦድዳ ባ ቃላ ፖልስ።
\q1 የሩሳላመስ ቃቶና እዮ ላልስ
\q1 እ ሞርከት ኡፋይታና መላ፥
\q2 ሞርከታ ዎልቃ ምንስ።
\q1
\v 18 ፅዮነ፥ ነ ድርሳ ግምበይ ጎዳኮ ዋሶ!
\q2 ነ አፉይ ቃማነ ጋላስ ሻፋዳ ጎጎ!
\q1 ነዉካ ሸምፖፋ፤
\q2 ነ አይፍያስ ሸምፖ እሞፋ!
\q1
\v 19 ቃማ ደንዳዳ ዋሳ፤
\q2 ጎዳ ስንን ነ ዎዛና ሃዳ ጉሳ።
\q1 ኮሻትድ ኦገ ዶናን ኩንድዳ ነ ናይታ ሸምፑዋስ
\q2 ነ ኩሽያ እያኮ ፑደ ደንዳ ዎሳ!
\q1
\v 20 አቤት ጎዳዉ፥ በአ!
\q2 ካሰ ሀይሳዳ ኔኒ ኦደ ቦላ ኦዲ?
\q1 አየት ባንታ ክኦን ኮእስድ
\q2 ድችዳ ባንታ ናይታ ሞ ጋይ?
\q2 ካህነትነ ናበት ፆሳ ኬን ሀይቆ ጋይ?
\q1
\v 21 ጭምነ ናአተ ኦገ ቦላ ኩንድዶሶና፤
\q2 ጌላኦትነ ፓንት ማሻን ዉርዶሶና።
\q1 ኔኒ ነ ሀንቁዋ ጋላስ ኤንታ ዎዳሳ፤
\q2 ኤንታዉ ቃቶና ኤንታ ቡዳሳ።
\q1
\v 22 ግብራ ጋላስ አሰ ፄገይሳዳ፥
\q2 ዳጋንያ ታ ሞርከታ ኡባ በሳፈ ፄጋዳሳ።
\q1 ጎዳ ሀንቆ ጋላሳን
\q2 ኦንካ ከስ ኤክቤና ዎይኮ አትቤና።
\q1 ታኒ ታ ክኦን ኮእሳዳ ድችዳ
\q2 ናይታ ኡባ ሞርከይ ዎድ ይስስ።
\c 3
\s1 ፆሳይ አማንስ
\p
\v 1 ጎዳ ሸነ ፃምአን
\q2 መቶ በእዳ አስ ታና።
\q1
\v 2 ታና ባ ስንፈ ከስድ፥
\q2 ፖኦይ ባይና ማን ዎስ።
\q1
\v 3 ጋላስ ኩመ ታና ሾጫናዉ
\q2 ዛር ዛር ባ ኩሽያ ደንስ።
\q1
\v 4 እ፥ ታ ጋልባነ ታ አሹዋ ጭምስስ፤
\q2 ታ መቀ መንስ።
\q1
\v 5 እ፥ ታ ዩሹዋ መቶንነ
\q2 ዳቡራን ድርስ።
\q1
\v 6 በን ሀይቅዳ አሳዳ
\q2 ታና ማን ዎስ።
\q1
\v 7 ታ ከሳ ኤኮና መላ፥
\q2 ታ ዩሹዋ ድርስ፤
\q2 ዴፆ ዱን ታና ዱፅስ።
\q1
\v 8 ታኒ ማደ ኮያዳ እያ ፄግን፥
\q2 እያኮ ዋስን፥ ታና ስኦና እፅስ።
\q1
\v 9 ታ ኦግያ ዎልቃማ ሹቻን ጎርድስ፤
\q2 ታ ኦግያ ጌላይስ።
\q1
\v 10 እ፥ ታዉ ዙግድ ናግያ ባባን መላ፥
\q2 ቆሰትድ ናግያ ጋሞ መላ ግድስ።
\q1
\v 11 እ፥ ታና ታ ኦግያፐ ከስድ ዱሰረስ፤
\q2 ታና አስ ባይና በሳን የግ አግስ።
\q1
\v 12 ባ ዶንግያ ዳፍድ፥
\q2 ታና ዱካናዉ ማልስ።
\q1
\v 13 ባ ዶንግያ ዳፍድ፥
\q2 ታ ዎዛና አይፈን ጫድስ።
\q1
\v 14 ታኒ አሳ ኡባስ ሚቻስ አታስ፤
\q2 ጋላስ ኩመ ቦረ የስ ግዳስ።
\q1
\v 15 እ፥ ታና መቶን ጫምስስ፤
\q2 ጫሞ ጎዳረ ኡ ታና ኡሽድ ካልስስ።
\q1
\v 16 እ፥ ታ አቻ አጨን መንስ፤
\q2 ታና ባናን የስ።
\q1
\v 17 ሳሮይ ታፐ ሃክስ፤
\q2 ታኒ እንጀ ዱሱ ዶጋስ።
\q1
\v 18 ሄሳ ግሾ፥
\q2 “ታ ዎልቃይ ታፐ ኤከትስ፤
\q2 ታኒ ጎዳን ዎዳ ኡፋይሳ ኡባይ ይስ”
\m ያጋስ።
\q1
\v 19 ታ መቱዋነ ታ ኡንኣ ሀሳይን ደኦይ ታና ጫምስ።
\q1
\v 20 ታ ሄሳ ኩመ ዶግከ፤ ታ ሸምፖይ አዛኔስ።
\p
\v 21 ግዶሽን፥ ታ እስባ ታ ዎዛናን ቆፕያ ዎደ ታ ኡፋይሳን ኩማይስ።
\q1
\v 22 ሄስካ፥ ኑኒ ይቦናይ
\q2 ጎዳ ሲቁዋፐ ደንዶይሳና፤
\q2 እያ ቃይ ዉር ኤረና።
\q1
\v 23 ኤንቲ ዎንታ ዎንታ ኦራ፤
\q2 ነ ዳሮ አማንሳ።
\q1
\v 24 ጎዳይ ታ ሳማ፤
\q2 ሄሳ ግሾ፥ ታ እያን ኡፋይስ ዎና።
\q1
\v 25 እያን ባንታ ኡፋይሳ ዎይሳታስነ
\q2 እያ ኮየይሳታስ ጎዳይ ሎኦ።
\q1
\v 26 አስ ስእ ግድ ጎዳ አቶተን ናግኮ ሎኦ።
\q1
\v 27 አስ ባ ናአተን መቶ ዳንዳአ ታማርኮ ሎኦ።
\q1
\v 28 ጎዳይ መቶ ኤህያ ዎደ ስእ ግድ ኡቶ።
\q1
\v 29 እያዉ ስንፈ ኡፋይስ ዳናዉ ዳንዳእያ ግሾ ባና ዝቅ ኦ።
\q1
\v 30 እ ባ ሻካላ ባቀይሳስ እሞ፤ ጫሸ ካሎ።
\q1
\v 31 ጎዳይ አሰ መርናዉ የገና።
\q1
\v 32 እ አሳ ቦላ መቶ ኤህኮካ፥
\q2 ባ መርና ሲቁዋ ዳሮተን ዛሪድ ቃቴስ።
\q1
\v 33 እ አሳ ቦላ መቶ ዎይኮ ኡንአ ኤህድ ኡፋይተና።
\q1
\v 34 ብታን ደኢያ ቃሾ አሳታ የያ ዎደ፥
\q1
\v 35 ኡባፈ ዎልቃማ ፆሳ ስንን አሳ ማት የትያ ዎደ፥
\q1
\v 36 ፅሎ ፕርድ ይያ ዎደ ጎዳይ ሄሳ ኡባ በኤነዬ?
\q1
\v 37 ጎዳይ ኪቶናሽን ኦድድ ፖልሳናዉ ዳንዳኤይ ኦኔ?
\q1
\v 38 ኢታባ ግድን ሎኦባ ኦድ ፖለይ ኡባፈ ቃ ፆሳ ግደነዬ?
\q1
\v 39 ያትን፥ አስ ደኦን ደእሸ ባ ናጋራ ግሾ ሴረትያ ዎደ አይስ ዙዙሚ?
\q1
\v 40 አነ ኑ ኦግያ ፓጮስ፤ ጎዳኮ ስሞስ።
\q1
\v 41 ኑ ዎዛና ኑ ኩሽያራ ሳሎን ደእያ ፆሳኮ ደንድ ሀይሳዳ ያጎስ፦
\q1
\v 42 ኑ ነና ናቅዳ፤ ነዉ ማካልዳ፤
\q2 ነካ ኑስ አቶ ጋባካ።
\q1
\v 43 ነ ሀንቁዋን ካመታዳ ኑና የደዳ፤
\q2 ነ ኑስ ቃቶና ኑና ዎዳሳ።
\q1
\v 44 ኑ ዎሳይ ኔኮ ጋኮናዳ፥ ነናተ ሻራን ካማዳሳ።
\q1
\v 45 አሳ ግዶን ኑና ፕቶነ ቡረ ኦዳሳ።
\q1
\v 46 ኑ ሞርከት ኡባይ ኑ ቦላ ባንታ ዶና ዶይዶሶና።
\q1
\v 47 ኑ ዳጋማንነ ግተን ገልዳ፤ መቶንነ ኡንአን ላለትዳ።
\q1
\v 48 ታ አሳ ጋክዳ ዋይያ ጋሶን ታ አይፈፐ አፉ ሻፋዳ ጎጌስ።
\q1
\v 49 ታ አይፈይ አጎና አፉፄስ።
\q1
\v 50 ጎዳይ ሳሎፐ ዱገ በአና ጋካናዉ ሄስ ሀኔስ።
\q1
\v 51 ታ ካታማን ደእያ ማጫሳታ ቦላ ጋክዳባ ታ አይፈይ በእዳ ዎደ ታ ዎዛናይ አዛንስ።
\q1
\v 52 ጮ ታና ሞርከይሳት ካፎ ሻንካትያዳ ታና ሻንካትዶሶና።
\q1
\v 53 ታ ፓፃ ደእሽን ታና ኦላን የግድ፥
\q2 ኦላ ዶና ሹቻን ጎርድዶሶና።
\q1
\v 54 ሃ ኩምድ ታ ሁጰራ ጎግያ ዎደ ታ ያስ ጋዳ ቆፓስ።
\q1
\v 55 አቤት ጎዳዉ፥ ታ ጪሞ ኦላን ደአሸ ነ ሱን ፄጋስ።
\q1
\v 56 ታ ዋሱዋ ስአናዳ ታ ነና ዎስያ ዎደ ታና ስአዳሳ።
\q1
\v 57 ታኒ ነና ፄግዳ ዎደ ታኮ ሺቃዳ፥ “ባቦፋ” ያጋዳሳ።
\q1
\v 58 አቤት ጎዳዉ ነ ታ ሞቱዋ ሞተታዳ ታና ዎዛዳሳ።
\q1
\v 59 አቤት ጎዳዉ፥ ነ ታ ኡንኣ በአዳሳ፤
\q2 ሄሳ ግሾ፥ ነ ታዉ ፕርዳ።
\q1
\v 60 ኤንቲ ሀሎ ከያናዉ ታ ቦላ ማቀትያ ማቁዋ ኡባ በአዳሳ።
\q1
\v 61 አቤት ጎዳዉ፥ ኤንቲ ታና ጫይያ ጫሻነ
\q2 ታ ቦላ ማቀትያ ማቁዋ ኡባ ስአዳሳ።
\q1
\v 62 ታ ሞርከት ጋላስ ኩመ
\q2 ታ ቦላ ዙዙመይሳነ ካልካሸይሳ ስአዳሳ።
\q1
\v 63 ኤንቲ ኡትሸነ ኤቅሸ ታና ቦርድ የፆሶና።
\q1
\v 64 አቤት ጎዳዉ፥ ኤንቲ ኦዳ ኦሱዋስ በሲያ ዛሩዋ ኤንታዉ ቃንፃ!
\q1
\v 65 ኤንታ ዎዛና ኤይሳ፤ ነ ባደይ ኤንታ ጋኮ።
\q1
\v 66 አቤት ጎዳዉ፥ ነ ኤንታ ነ ሀንቁዋን የደ፤
\q2 ሳሎፐ ጋርሳን ኤንታ ይሳ።
\c 4
\s1 ጌሻ ሹቻት ላለትዶሶና
\p
\v 1 ዎርቀይ ጶለይሳ ዋንድ አግዴ?
\q2 ጌሻ ዎርቃይ ዋንድ ዳምዴ? ፆሳ ኬይ ግምበትዳ ሹቻይ ኦገ ዶናን ላለትስ።
\q1
\v 2 ካሰ አልኦ ዎርቃ መላ ቦንቸትዳ ፅዮነ ናይት
\q2 ሀእ ቢታፈ መትዳ ኦቶ ግድዶሶና።
\q1
\v 3 ሀር አቶሽን ዎራካን ባ ማር ንዉሱ፤
\q2 ሽን ታ አሳይ ባዞን ደእያ ያንቾዳ፥ ባ ናይታስ ኢታ ግድስ።
\q1
\v 4 ሳሞ ጋሶን ዮጋ ናይታ እንፃርሳይ ኮቶኖራ ኦይከትስ፤
\q2 ናይት ካ ዎሶሶና፤
\q2 ሽን ኤንታዉ እምያ ኦንካ ባዋ።
\q1
\v 5 ካሰ ማልኦ ካ ፃላላ መይሳት
\q2 ሀእ ኦገ ዶናን ኮሻን ዉርዶሶና።
\q1 ካሰ ሊኖ ማእድ ድጭዳይሳት
\q2 ሀእ ብዶ ቦላ ዝንእዶሶና።
\q1
\v 6 ታ አሳ ናጋራይ፥
\q2 ኦደ ኩሸይካ እዮ ቦቾና፥
\q2 ቆፖና ሽረትድ ዎዳ ሶዶመ አሳ ናጋራፐ ዳሮ።
\q1
\v 7 ይሁዳ ሀላቃት ሻቻፈ አዳ ጌሽ፥
\q2 ማፈ አዳ ቦ።
\q1 ኤንታ አሳተይ ዞኦ እንቆፈ አዳ አርሰ፤
\q2 ኤንታ መይ ሳንፓረ አልኦ ሹቻ መላ።
\q1
\v 8 ሽን ሀእ ኤንታ ሶምኦይ ሻላፐ አድ ካሬፅስ፤
\q2 አስ ኦገን ኤንታ በእድ ኤረና፤
\q2 ኤንታ ጎጋይ መቀራ ኦይከትድ ምዳ መልስ።
\q1
\v 9 ምያባ ይድ፥ ኮሻን ሀይቅዳይሳታፐ
\q2 ኦላን ሀይቅዳይሳት ሎኦ።
\q1
\v 10 ታ አሳ ቦላ ይዳ ዩዋ ጋሶን፥
\q2 ቃትያ አየት ባንታ ናይታ ዶይስድ ምዶሶና።
\q1
\v 11 ጎዳ ሀንቆ ፁአይ ኩምስ፤ እ ባ ሱልያ ሸንያ ትግስ።
\q2 የሩሳላመ ባሱዋ ታማ ኦይስ።
\q1
\v 12 ሀ ሳአ ካዎታፐ ዎይኮ ካዎተታን ደእያ አሳፐ ኦንካ
\q2 ሞርከይ የሩሳላመ ፐንግያራ ገላና ግድ አማንበና።
\q1
\v 13 ሽን ሀይስ ሀንዳይ እያ ናበታ ናጋራስነ እያ ካህነት ኦዳ ናቁዋሳ፥
\q2 ፅሎታ ሱ እያ ግዶን ጉስዳ ግሾሳ።
\q1
\v 14 ኤንቲ ቆቀ አሳዳ፥ ኦገ ታታፎሶና፤
\q2 ኤንቲ ሱን ቱንዳ ግሾ
\q2 ኤንታ ማኡዋ ኦንካ ቦቻናዉ ኮየና።
\q1
\v 15 ሄሳ ግሾ፥ አሳይ፥ “ክችተ! ህንተ ቱና ግድያ ግሾ፥
\q2 ኑና ቦቾፍተ!” ያግድ ኤንታ ቦላ ዋስዶሶና።
\q1 ኤንቲ ባቃትድ ቶይላትያ ዎደ፥
\q2 ካዎተታን ደእያ አሳይ፥
\q2 “ህንተ ኑራ ሀይሳን ዳናዉ ዳንዳኤከታ” ያግዶሶና።
\q1
\v 16 ጎዳይ ኤንታ ላልስ፤ እ ኤንታባ ዛሪድ ቆፐና፤
\q2 ኤንታ ካህነት ቦንቸቶኮና፤
\q2 ኤንታ ጭማት ናሸቶኮና።
\q1
\v 17 ኑ አይፈይ ማዶ ደማናዉ ፄልሸ ጮ ዳቡርስ፤
\q2 ኑና አሻናዉ ዳንዳኦና
\q2 ካዎተታፐ ማዶ ናግዳ።
\q1
\v 18 አሳይ ኑ ገዳ ካልያ ግሾ፥
\q2 ኑ ካታማ ኦገራ ሄመታናዉ ዳንዳእቦኮ።
\q1 ኑ ዉርሰይ ማትስ፤ ኑ ላይይ ዉርስ፤
\q2 ኑስ ዮ ዎደይካ ጋክስ።
\q1
\v 19 ኑና የደይሳት ፕራያ አርጋንፈ አድ ኤሶቶሶና፤
\q2 ኤንቲ ኑና ደረ ሁጰራ የደዶሶና፤
\q2 ባዞን ሆክድ ኑና ናግዶሶና።
\q1
\v 20 ጎዳይ ትይዳ ካዎይ፥ ኑ ደኡዋስ ሸምፖይ፥
\q2 ኤንታ ፅህያን ኦይከትስ።
\q1 ኑ እያ ኩያ ጋርሳን ኡትድ፥
\q2 ካዎተታ ግዶን ዳና ግድ ቆፕዳ።
\q1
\v 21 ህንተኖ፥ ኡፃ ቢታን ደእያ ኤዶመ አሳዉ፥
\q2 ኡፋይትተ፤ ሀሹ ጊተ።
\q1 ሽን ፁአይ ህንተ ቦላ ያና፤
\q2 ህንተ ማትድ ካሎ አታና።
\q1
\v 22 ህንተኖ፥ ፅዮነ አሳዉ፥ ህንተ ሴራይ ግዳና፤
\q2 እ ህዛፐ ህንተና ድኦ ቢታን ዎና።
\q1 ሽን ኤዶመ አሳዉ፥ ህንተ ሴረታና፤
\q2 ህንተ ናጋራይካ ቆንጫና።
\c 5
\s1 ጎዳዉ፥ ኑና ኔኮ ዛራ
\p
\v 1 አቤት ጎዳዉ፥ ኑና ጋክዳባ ኡባ ቆፓ፤
\q2 ኑ ካዉሻተ በአ!
\q1
\v 2 ኑ ላታይ አላጋታስ፥
\q2 ኑ ኬይካ እማ አሳስ እመትስ።
\q1
\v 3 ኑኒ አው ሀይቅዳ ናአ ግድዳ፤
\q2 ኑ አየትካ አምኦ ግድዶሶና።
\q1
\v 4 ኑኒ ኡሻ ሃ ሻምድ ኤኮስ፤
\q2 ኤያ ምስ ጋተ ቃንፆስ።
\q1
\v 5 ኑና የደይሳት ኑ ግንድያ ጋርሳና፤
\q2 ኑ ዳቡርዳ ሽን ሸምፓናዉ ዳንዳእቦኮ።
\q1
\v 6 ኑኒ ካ ካላና ግድ፥
\q2 ግብፀታስነ አሶረታስ ኩሸ እምዳ።
\q1
\v 7 ናጋራ ኦዳይ ኑ ማይዛታ፥
\q2 ሽን ኤንቲ ሀእ ዶኮና፤
\q2 ኤንቲ ኤካናዉ በሲያ ሴራ ኤክዳይ ኑና።
\q1
\v 8 ኑና አይለት ሃሮሶና፤
\q2 ኤንታ ኩሸፐ ኑና አሽያ ኦንካ ባዋ።
\q1
\v 9 ማሻን ዎይሳት ባዞን ደእያ ግሾ፥
\q2 ኑ ሸምፑዋ ባይዝድ ካ ደምዳ።
\q1
\v 10 ኢታ ኮሻ ጋሶን፥
\q2 ኑ ጎጋይ ታማ ጮጨዳ ምቼስ።
\q1
\v 11 ማጫሳታ ፅዮነን
\q2 ጌላኦታ ይሁዳ ካታማታን
\q2 ዎልቃን ኦይክድ ቱንስዶሶና።
\q1
\v 12 ሀላቃታ ኤፍድ ካቅዶሶና፤
\q2 ጭማት ቦንቸትቦኮና።
\q1
\v 13 ያላጋ አደት ዎፃን ጋጭዶሶና፤
\q2 አደ ናይት ዴፆ ም ቶክድ ጋንድጋርዶሶና።
\q1
\v 14 ጭማት ካታማ ፐንገን ፕርዳናዉ ኡተይሳ አግዶሶና፤
\q2 ያላጋ አደት ናይት የ ዶግዶሶና።
\q1
\v 15 ኑ ዎዛናፐ ኡፋይስ ክችስ፤
\q2 ኑ ዱርሳይ ዬሆን ላመትስ።
\q1
\v 16 ኑ ሁጵያፐ ካላቻይ ኩንድስ፤
\q2 ኑ ናጋራ ኦዳ ግሾ ኑና አየ!
\q1
\v 17 ሄሳ ግሾ፥ ኑ ዎዛናይ ዳቡርስ፤
\q2 ኑ አይፈይ ተልጁምስ።
\q1
\v 18 ፅዮነ ደረይ ባይሳ ግድዳ ግሾ፥
\q2 ዎርካናት ያን ጉፖሶና።
\q1
\v 19 አቤት ጎዳዉ፥ ነ መርናዉ ሃራሳ፤
\q2 ነ አራታይ የለታፐ የለታ ጋካናሳ።
\q1
\v 20 ኔኒ ኑና አይስ ኡባ ዎደ ዶጋይ?
\q2 ሀይሳ መላ አዱሳ ዎደ ኑና አይስ አጋይ?
\q1
\v 21 አቤት ጎዳዉ፥ ኑና ኔኮ ዛራ፤ ኑ ስማና፤
\q2 ኑ ዎድያ በንይሳ ዛራዳ ኦራ።
\q1
\v 22 ኔኒ ኑና ፖሎ አጋድዬ?
\q2 ነ ሀንቁዋስ ዛው ባወዬ?