\id JON - GOOFA FULL BIBLE
\ide UTF-8
\h ዮናሳ ማፃፋ
\toc1 ዮናሳ ማፃፋ
\toc3 ዮና
\toc2 ዮናሳ
\mt ዮናሳ ማፃፋ
\imt ጋ ቆፋ
\ip ዮናሳ ማፃፋይ፥ ሀራ ናበ ማፃፋታፐ ዱማ ማፃፋ። ሀ ማፃፋይ፥ ዮናስ ፆሳ ኪታ እፃስ ግዳይሳነ ጉየፐ ኪተትዳ ታርከ ኦዴስፐ አትሽን፥ ስንራ ያናባ ኦደና።
\ip ዮናስ እስራኤለስ ማታ ሞርከ ግድዳ አሶረ ዋና ካታማ ናናወ ኪታ ኤክድ ባና መላ ፆሲ ኪትስ። ሽን ዮናስ ሄ ደርያስ ማርካትድ ስምን፥ ፆሳይ ሄ ካታማ ማራናይሳ ኤርያ ግሾ፥ ባናዉ ኮይቤና። ሀኖሽን፥ ዱማ ዱማ ሀኖታታፐ ጉየ፥ ዎልቃን ያ ብስ። ዮናስ ኪተትድ ስምን ናናወ አሳይ ባንታ ናጋራ ፓፅድ ጎዳኮ ስምዶሶና። ጎዳይ ኤንታ ማርስ።
\ip ሀ ማፃፋን፥ ዉርሰ ሸምፑዋን ፆሳይ ዮናሳ ታማርሳናዉ ናገቶናባ ኦድ ታማርስዳይሳ በሴስ። ዉርሰን፥ ጎዳስ ባ መተ ቦላ ግታ ማት ደኤይሳ፥ እ ማርያ ፆሲ ግደይሳነ ሀር አቶሽን፥ ባ አሳ ሞርከታካ ማርያ ፆሲ ግደይሳ ቆንጭሴስ።
\iot ማፃፋ አይፈ ቆፋታ
\io1 ዮናስ ፆሳፈ ባቃታናዉ ደንድስ (\ior 1:1-7\ior*)
\io1 ዮናሳ ዎሳ (\ior 2:1-10\ior*)
\io1 ናናወ አሳይ ፆሳኮ ስሙዋ (\ior 3:1-10\ior*)
\io1 ፆሳ ማሮታነ ዮናሳ ይሉዋ (\ior 4:1-11\ior*)
\c 1
\s1 ዮናስ ፆሳፈ ባቃቱዋ
\p
\v 1 ጎዳ ቃላይ አማተ ናኣ፥ ዮናሳስ ሀይሳዳ ያግድ ቆንጭስ። 
\v 2 “ሄ ካታማ አሳ ኢታተይ ታ ስን ጋክዳ ግሾ፥ ደንዳዳ ህን ዎልቃማ ካታማ ናናወ ባዳ ሳባካ” ያግስ። 
\v 3 ሽን ዮናስ ጎዳ ስንፈ በትድ ታርሰሳ ቢታ ባናዉ ከይስ። እ፥ ዮጰ ካታማ ዎድ ታርሰሳ ብያ ማርካበ ደምስ። ጎዳ ስንፈ በታናዉ ኮይድ ታርሰሳ ባናዉ ኮሽያ ሚሸ ጭግድ ማርካብያን ገልስ። 
\v 4 ሽን ጎዳይ አባ ቦላ ዎልቃማ ጫርኩዋ ደንስ። አባን ዎልቃማ ሆበይ ዎልቃምዳ ግሾ ማርካብያ መቃናዉ ጋካሱ። 
\v 5 ያትን ማርካብያ ኦሳንቾት ያይዶሶና። እሶይ እሶይ ባ ፆሳኮ ባ ፆሳኮ ዋስስ። ቃስ ማርካበይ ካዉያና መላ ግዶን ደእያ ጫና ደንድ አባን የግዶሶና። ሽን ዮናስ ማርካብያስ ግዶ ገልድ ዎልቃማ ስኮ ስክስ። 
\v 6 ማርካብያ ላገይስ እያኮ ሺቅድ፥ “ሀይሳ መላ ሳተን ዋና ስካይ? ደንዳ ነ ፆሳ ዎሳ! ኦን ኤር እ ኑስ ቃትድ ኑና አሻነኮነ” ያግስ።
\s1 ዮናስ አባን የገትስ
\p
\v 7 ማርካብያ ኦሳንቾት እሶይ እሱዋኮ፥ “ሃ ዪተ፥ ሀ ኢታባይ ኑና ኦደ ጋሶን ጋክዳኮ ኤራናዉ ሳማ የጋና” ያግዶሶና። ሳማ የግን፥ ሳማይ ዮናሳ ቦላ ዎስ። 
\v 8 ኤንቲ ዮናሳኮ፥ “ሀ ኢታባይ ኦደ ጋሶን ኑ ቦላ ጋክዳኮ አነ ኑስ ኦዳ። ነ ኦሶይ አይቤ? አዉፐ ያዲ? ነ ቢታይ አዌ? ኔኒ ኦደ ባጌ?” ያግድ ኦይችዶሶና። 
\v 9 ዮናስ ዛሪድ፥ “ታኒ እብራወ አስ፤ አባነ ቢታ መዳ ጎዳ፥ ሳሎ ፆሳ ጎይንያ አስ” ያግስ። 
\v 10 እ ኤንታዉ ኮይሮትድ ኦድዳይሳዳ እ ጎዳ ስንፈ በተይሳ ኤርዶሶና። ሄሳ ግሾ፥ ኤንቲ ያይድ፥ “ላ አይባ ፓላባ ኦድ” ያግዶሶና። 
\v 11 አባ ሆበይ ካሰይሳፈ ሃ ዳርዳ ግሾ አሳት ዮናሳ፥ “ኑስ አባይ ስእ ጋና መላ ነና ኑኒ ዋትኖ?” ያግድ ኦይችዶሶና። 
\v 12 እካ፥ “ሀ ዎልቃማ ሆበይ ህንተ ቦላ ደንድዳይ ታ ጋሶን ግደይሳ ታኒ ኤራይስ። ሄሳ ግሾ፥ ታና ኤክድ አባን የግተ። ያትኮ አባይ ህንተዉ ስእ ጋና” ያግስ። 
\v 13 ሽን ማርካብያ ኦሳንቾት ማርካብያ ጋፃ ከሳናዉ ግታ ፕዶሶና። ሽን አባ ሆበይ ሃ ዳርዳ ግሾ ጋፃ ከሳናዉ ዳንዳእቦኮና። 
\v 14 ሄሳ ግሾ፥ ኤንቲ ጎዳኮ፥ “አቤት ጎዳዉ፥ ሃ ኡራ ሸምፑዋ ግሾ፥ ኔኒ ኑና ይሶናዳነ ሀ ጌሻ ሱ አጩዋ ኔኒ ኑፐ አቾናዳ ኑኒ ነና ምንድ ዎሶስ” ያግድ ጎዳ ዎስዶሶና። 
\v 15 ሄሳፈ ጉየ፥ ዮናሳ ደንድ፥ አባን የግዶሶና። አባ ሆባይካ ስእ ግስ። 
\v 16 ያትን አሳት ጎዳስ ዳሮ ያይድ ያርሾ ያርሽዶሶና፤ እያዉ ቃንግዶሶና። 
\v 17 ዮናሳ ምታና መላ እስ ግታ ሞሎ ጎዳይ ጊግስስ። ዮናስ ሄ ሞሉዋ ኡሎን ሄ ጋላስነ ሄ ቃማ ጋምእስ።
\c 2
\s1 ዮናሳ ዎሳ
\p
\v 1 ዮናስ ሞሉዋ ኡሎን ደእሸ፥ ባ ጎዳ ፆሳ ሀይሳዳ ያግድ ዎስስ።
\q1
\v 2 “ታኒ ታ ዋያን ደአሸ ነና ፄጋስ፤
\q2 ነካ ታዉ ስአዳሳ።
\q1 ታኒ ስኦለ ጪሙዋ ግዶን ደአሸ፥
\q2 ማዶ ኮያዳ ኔኮ ዋሳስ
\q2 ነካ ታ ዋሱዋ ስአዳሳ።
\q1
\v 3 ኔኒ ታና አባ ጪሙዋን ዱገ የጋዳሳ።
\q2 ሃ ታ ዩሹዋ ተቅስ፤
\q2 ዎልቃማ ዙለይ ታ ቦላራ አስ።
\q1
\v 4 ‘ታኒ ነ ስንፈ ዎራ ሆለታስ፥
\q2 ሽን ነ ጌሻ ኬ ዛራዳ በአና’ ጋዳ ቆፓስ።
\q1
\v 5 ሃ ታዉ ቆ ጋክስ፥
\q2 አባ ጪሞይ ታና ምትስ።
\q2 አባን ደእያ ማታይ ታ ሁጰን ፃፀትስ።
\q1
\v 6 ታኒ ሃ ጋርሳን ደእያ ደረታ ባሱዋ ጋካዳ ምተታስ፥
\q2 ቢታ ዉላይ መርናዉ ታ ቦላ ጎርደትስ፥
\q2 ሽን ታ ጎዳዉ ፆሳዉ፥ ኔኒ ታ ሸምፕዉ ኢታ ኦላፈ ከሳዳሳ።
\q1
\v 7 ታ ሸምፕያ ዶጭዳ ዎደ፥
\q2 ጎዳዉ ታ ነና ቆፓስ፤
\q2 ታ ዎሳይ ኔኮ ነ ጌሻ ኬ ጋክስ።
\q1
\v 8 ሀዳ ግድዳ ኤቃ ፆሳታ ቦላ ዘምፐይሳት፥
\q2 ነዉ ደእያ ባንታ አማነተ አጎሶና።
\q1
\v 9 ሽን ታኒ ጋላታ ማዝሙረ ነዉ ያርሻና።
\q2 ታ ቃንግዳባካ ነዉ ጋና።
\q2 አይስ ጊኮ፥ አቶተይ ፆሳፈ” ያግስ።
\p
\v 10 ሄሳፈ ጉየ፥ ጎዳይ ሞሉዋ ኪትስ። ሞሎይ ዮናሳ መላ ቢታ ቦላ ጮይስ።
\c 3
\s1 ዮናስ ናናወ ቡሳ
\p
\v 1 ጎዳ ቃላይ ናምአን ዮናሳኮ ሀይሳዳ ያግድ ይስ። 
\v 2 “ደንዳዳ ግታ ካታማ ናናወ ባ፤ ታ ነዉ ኦድያ ቃላ ኤንታዉ አዋጃ” ያግስ።
\p
\v 3 ዮናስ ጎዳስ ኪተትድ ናናወ ብስ። ናናወይ ዳሮ ግታ ካታማ። ሀ ጋፃፐ ህን ጋፃ ጋካናዉ ሄ ቃማ ሄመስ። 
\v 4 ዮናስ ካታማ ገልድ እስ ጋላሳ ኦገ ሄመትድ፥ “ናናወይ ኦይታሙ\f + \fr 3:4 \fr*\ft እብራወ ዶናን ፃፈትዳይሳን ኦይታሙ ግያ ዎደ ሀራ ካሰ ብርሸት ሄ ጎሶና።\ft*\f* ጋላሳፐ ጉየ ያና” ያግድ አዋጅስ።
\p
\v 5 ናናወ አሳይ ፆሳ አማንዶሶና። ፆማ አዋጅዶሶና፤ ጉፈ ግታ ጋካናዉ አስ ኡባይ ካዮ ማኦ ማእዶሶና።
\s1 ናናወ አሳይ ጎዳኮ ስሙዋ
\p
\v 6 ናናወ ካዎይ ሄ ኦዳ ስእዳ ዎደ ባ ካዎተ አራታፐ ዎድ፥ ካዎተ ማኡዋ ቃርድ ካዮ ማኦ ማእድ ብዶ ቦላ ኡትስ። 
\v 7 ናናወ ደርያስ ሀይሳዳ ያግድ አዋጅስስ፦ “ካዋፐነ እያ ሞርናታፐ ከይዳ ኪታዳ ሀችፈ ዶምድ ህንተራነ ህንተ መሄታራ፥ አይብባካ ሞና መላ ኡዮና መላ። 
\v 8 አስነ መሄ ኡባይ ካዮ ማኦ ማኦ። እስ እስ አስ ምንድ ፆሳኮ ዋሶ። ባ ኢታ ኦግያፐ ስሞ፥ ባ ኢታ ኦሱዋካ አጎ። 
\v 9 ፆሳይ ኑስ ቃትድ፥ ኑኒ ዮና መላ ባ ዎልቃማ ሀንቁዋፈ ስማነኮ ኦን ኤር!” ያግስ።
\p
\v 10 ኤንቲ ባንታ ኢታ ኦግያፐ ስምዳይሳ ፆሳይ በእዳ ዎደ ኤንታዉ ቃትድ ኤንታ ቦላ ኤሀና ግዳ ኢታባ አጋግስ።
\c 4
\s1 ዮናሳ ይሎነ ጎዳ ማሮታ
\p
\v 1 ሽን ሄስ ዮናሳ ዳሮ ኡፋይስቤና። ሄሳ ግሾ፥ እ ይሎትስ። 
\v 2 ጎዳኮ፥ “አቤት ጎዳዉ ታኒ ኮይሮ ታ ቢታን ደአሸ ግዳይስ ሀይሳ ግደኔ? ታኒ ነ ስንፈ በታዳ ታርሰሳ ባናዉ ኤለስዳይ ሀይሳሳ። ኔኒ ቃይነ ማሮት ኩምዳ ፆሲ ግደይሳ፥ ሀንቆስ ኤለሶናይሳነ ዉሮና ሲቆን ኩምዳይሳ፥ ቃስ ኤሀና ግዳ ኢታባካ ቃታዳ አግያ ፆሲ ግደይሳ ታኒ ካሰካ ኤራይስ። 
\v 3 ሀእ አቤት ጎዳዉ፥ ሀያና ታና ዎ፤ ደኦፐ ታዉ ሀይቆይ ሎኦ” ያግድ ዎስስ።
\p
\v 4 ጎዳይ እያኮ፥ “ኔኒ ሀይሳ ሸነታናዉ በሲ?” ያግስ።
\p
\v 5 ሄሳፈ ጉየ፥ ዮናስ ካታማፐ ጋፃ ከይድ ዶሎሀ ባጋን ኡትስ። ሄሳን ባዉ ሻቃራ ሻቃርድ እ ኩያን ኡትድ ካታማ ቦላ ጋካናዉ ደእያባ ባአናዉ ናጌስ። 
\v 6 አዋ ሱላፐ ዮናሳ አሻና መላ ጎዳይ እስ ጎሰ ዶልስስ። ሄ ጎሰ ሀይይ ዮናሳ ሁጰ ቦላ ባጋራ ኩያ ግዳና መላ ኦስ። ዮናስ ሄ ጎሰ ጋሶን ዳሮ ኡፋይትስ። 
\v 7 ሽን ዎንተ ጋላስ ዎንታ ጉራ ፆሳይ ጉፁነ ጊግስስ። ሄ ጉፁንያ ጎሰይ መላና ጋካናዉ ማሱ። 
\v 8 አዋይ ከይያ ዎደ ፆሳይ ዶሎሀ ባጋፈ ምሻ ጫርኮ የድስ። ዮናስ ላባናና ጋካናዉ አዋይ ዮናሳ ሁጵያ ፁግስ። ያትን እ፥ “ደኦፐ ታዉ ሀይቆይ ሎኦ” ያግድ ሀይቆስ ዎስስ።
\p
\v 9 ፆሳይ ዮናሳኮ፥ “ኔኒ ሀ ጎሰ ግሾ ይሎታናዉ በሲ?” ያግስ።
\p ዮናስ፥ “ኤ በሴስ፤ ኡባራካ ሀይቃና ጋካናዉ ይሎታናዉ ታዉ በሴስ” ያግስ።
\p
\v 10 ያትን ፆሳይ ዮናሳኮ፥ “ዝነ ዶላዳ ሀች መልዳ ጎሴስ፥ ነ ዳቡሮናርስ፥ ነ ድቾናርስ ሀይሳ መላ ቃታዳሳ። 
\v 11 ሽን ኡሻችነ ሀድርስ ሻክድ ኤሮና ፄታነ ላታሙ ሙኩሉ አስነ ዳሮ መሄይ ደእያ ሀ ግታ ካታማ ናናወስ ታኒ ቃታናዉ በሰኔ?” ያግስ።