\id JOL - GOOFA FULL BIBLE
\ide UTF-8
\h እዩኤላ ማፃፋ
\toc1 እዩኤላ ማፃፋ
\toc3 እዩ
\toc2 እዩኤላ
\mt እዩኤላ ማፃፋ
\imt ጋ ቆፋ
\ip ናብያ እዩኤላ ቆንጨይ ሴራፐ ፆሳኮ ስሞባነ ማሮተ ደምድ፥ ፆሳን ኦራፆባ ኦዴስ። ናበይ እዩኤል ዳሮ ቦለይ ሻር ሳሎ ካምዳ መላ ኩምድ የይሳነ ቢታ ኡባ ምድ ይሰይሳ በእስ። እዩኤል ቱማ ኦላንቾት ይድ እስራኤለ ካዎተ ኦልድ ይሳናይሳ በእስ። ግዶሽን፥ አሳይ ፆሳኮ ስምኮ፥ እ ኤንታ ማራናዉነ ዛሪድ አንጃናዉ ቃላ ገልስ።
\ip ቢታይ ፁገትዳ ግሾ ካህነት አዛኖሶና፤ ሀር አቶሽን ቢታይ ባ ሁጰን ዬኬስ። ጎዳ ፕርዳ ጋላስ ማትዳይሳ እዩኤል በእስ። ሽን፥ ሀእካ አሳይ ባንታ ኢታ ኦግያፐ ጎዳኮ ስምኮ፥ ጎዳይ ኤንታ ዛሪድ አንጃናይሳ እዩኤል ኦድስ።
\ip እዩኤል ሀናና ግድ ኦድዳባፐ ቆንጭድ በንተይ ኡፋይሳ ቃላ። ፆሳይ ባ አደ ናይታ ቦላነ ባ ማጫ ናይታ ቦላ፥ ያላጋታ ቦላነ ጭማታ ቦላ፥ ባ አሳ ኡባ ቦላ ባ አያና ጉሳናዉ ቃላ ገልስ (2:28-32)። ሀ ኡፋይሳ ቃላይ ሀዋረታ ኦሶ ማፃፋን፥ ጳንፀቆስፀ ጋላስ፥ ቱማ ግድዳይሳ ጰፅሮስ ኦድስ (2:16-21)።
\iot ማፃፋ አይፈ ቆፋታ
\io1 ቦለ ጋዶ (\ior 1:1—2:17\ior*)
\io1 ፆሳይ ባ አሳ ዛሪድ አንጃና (\ior 2:18-27\ior*)
\io1 ፆሳይ ካዎተታ ፕርዳና (\ior 2:28—3:15\ior*)
\io1 ፆሳይ ባ አሳ ዛሪድ አንጃና (\ior 3:16-21\ior*)
\c 1
\s1 ቦለ ጋዶ
\p
\v 1 ባቱኤላ ናኣ እዩኤላኮ ጎዳይ ኪትዳ ቃላይ ሀይሳ። 
\v 2 ህንተኖ ጭማቶ፥ ሀይሳ ስእተ! ይሁዳ ቢታን ደእያ አሳ ኡባይ ስእተ! ሀይሳ መላባይ ህንተ ዎደ ዎይኮ ህንተ አዋታ ዎደ ሀን ኤሪ?
\q1
\v 3 ሀይሳ ህንተ ናይታስ ኦድተ፤
\q2 ህንተ ናይት ባንታ ናይታስ ኦዶ፤
\q2 ኤንታ ናይት ካልያ የለታስ ኦዶ።
\q1
\v 4 ጎንዶፈ አትዳ ካ ቦለይ ምስ፤
\q2 ቦለፐ አትዳ ካ ጉዶይ ምስ፤
\q2 ጉዶፈ አትዳ ካ ፃቆይ ምስ።
\q1
\v 5 ማልእያ ዎይነይ ህንተፈ አትዳ ግሾ፥
\q2 ህንተኖ፥ ማተይሳቶ ባርክተ ዬክተ!
\q2 ህንተኖ፥ ዎይነ ኡያ ኡባት ዘሌልተ!
\q1
\v 6 ታይቦይ ባይና ቦለይ ታ ቢታ ኦይክስ፤
\q2 ኤንታ አቻይ ጋሞ አቻ መላ፤
\q2 ኤንታ ጋጮይ ማጫ ጋሞ ጋጮ መላ።
\q1
\v 7 ኤንቲ ታ ዎይንያ ይስዶሶና፤
\q2 ታ ባላስያ ም ግዶሶና።
\q1 ኤንቲ ፖቅድ ምዳ ግሾ፥
\q2 ዎይንያነ ባላስያ ታሸት ፑፁ ግስ።
\q1
\v 8 ጌላእያ፥ ባ ጊግዳ አዝናይ ሀይቅን፥
\q2 ካዮ ማኦ ማአዳ ዬከይሳዳ ህንተካ ዬክተ!
\q1
\v 9 ካ ያርሾይነ ኡሻ ያርሾይ
\q2 ጎዳ ኬን ይዳ ግሾ፥
\q2 ጎዳ ኬን ኦያ ካህነት ዬኮሶና።
\q1
\v 10 ጎሻይ መላ አትስ፤ ቢታይ ዬኬስ፤
\q2 ካይ ይስ፤ ዎይነይነ ዛይተይ መልስ።
\q1
\v 11 ጋደን ደእያ ግስተይነ ባንግ ይዳ ግሾ፥
\q2 ህንተኖ ጎሻንቾቶ፥ ካዮትተ፤
\q2 ህንተኖ ዎይነ ቶከይሳቶ፥ ዘሌልተ!
\q1
\v 12 ዎይነይ መልስ፤ ባላሰይ ሹልስ፤
\q2 ኦሮማነይ፥ ተምረይ፥ አፕለይ፥
\q2 ጋደን ደእያ ሀራ ም ኡባይ መልስ፤
\q2 ሄሳ ግሾ፥ አሳፐ ኡፋይስ ሃክስ።
\s1 ማሮታኮ ፄስ
\q1
\v 13 ህንተኖ ካህነቶ፥ ካዮ ማኦ ማእድ ዬክተ፤
\q2 ህንተኖ ያርሾ በሳ ስንን ኦይሳቶ፥ ዘሌልተ።
\q1 ህንተኖ ታ ፆሳ ስንን ኦይሳቶ፥
\q2 ፆሳ ኬ ገልድ ካዮ ማኦ ማእድ አቅተ።
\q1 ካ ያርሾይነ ኡሻ ያርሾይ፥
\q2 ፆሳ ኬን ያርሽያባይ ባዋ።
\q1
\v 14 ፆማ አዋጅተ፤
\q2 ጌሻ ሺቆ ፄግተ።
\q1 ጭማታነ ቢታን ደእያ አሳ ኡባ
\q2 ጎዳ ህንተ ፆሳ ኬን ሺሽተ፤
\q2 ያን ጎዳኮ ዋስተ።
\q1
\v 15 ጎዳ ጋላሳይ ማትስ፤
\q2 ሄ ጋላሳ አየ!
\q1 ሄ ጋላሳይ ኡባ ዳንዳእያ ፆሳ
\q2 ሀንቆ ጋላስ ግድድ ዬስ።
\q1
\v 16 ኑ ስንፈ ካ፥
\q2 ኑ ፆሳ ኬፈ፥
\q2 ኡፋይስነ እልልስ ይስ ግደኔ?
\q1
\v 17 ዘረትዳ ዘረይ ቢታ ግዶን ቡቅስ፤
\q2 ካይ ይዳ ግሾ ኤለይ ካሎትስ፤
\q2 ሻለይ ላለትስ።
\q1
\v 18 ሄምያ በሲ ባይና ግሾ፥
\q2 መሄይ ዋሴስ።
\q2 ሀር አቶሽን ዶርሳ ዉደይካ
\q2 ማታ ይድ ኡንኤቴስ።
\q1
\v 19 አቤት ጎዳዉ፥ ባዙዋ ታም ምዳ ግሾ፥
\q2 ፃራግ ደንባን ደእያ ማታ ፁግዳ ግሾ፥
\q2 ዎራ ም ታማ ላጮይ ይስዳ ግሾ፥
\q2 ታኒ ኔኮ ዋሳይስ።
\q1
\v 20 ጎግያ ሃ መልዳ ግሾ፥
\q2 ታም ባዞን ደእያ ማታ ምድግዳ ግሾ፥
\q2 ባዞ ዶአትካ ኔኮ ዋሶሶና።
\c 2
\s1 ቦለይ ኦላንቾዳ ያና
\q1
\v 1 ፅዮነን ሞይዘ ፑንተ፤
\q2 ታ ጌሻ ዙማ ቦላ ዋስተ።
\q1 ቢታን ደእያ አስ ኡባይ ኮኮሮ፤
\q2 ጎዳ ጋላሳይ ዬስ፤ ካረን ደኤስ።
\q1
\v 2 ሄ ጋላሳይ ማነ ጫጋና ጋላስ፤
\q2 ሻራነ ሳካና ማ ጋላስ!
\q1 ዙማ ቦላ ፃልቀይ ጫረይሳዳ
\q2 ዳሮነ ዎልቃማ ቦለይ ቢታ ማአና።
\q1 ሄሳ መላባይ ካሰ ሀንቤና፥
\q2 ስንፈካ ሄሳ መላባይ ሀነና።
\q1
\v 3 ኤንታፈ ስንራ ምያ ታም ቤስ፤
\q2 ኤንታፈ ጉየራ ላጮይ ፁጌስ።
\q1 ኤንታ ስንይ ጋናተ መላ፤
\q2 ሽን ኤንታ ጉየይ ቦድላ ባዞ መላ፤
\q2 ኤንታፈ አይብካ ከስ ኤከና።
\q1
\v 4 ኤንታ መይ ፓራ መ መላ፤
\q2 ኤንቲ ኦላ ፓራዳ አዳርሶሶና።
\q1
\v 5 ፓር ጎችያ ጋረዳ ጊሮሶና፤
\q2 ደርያ ሁጰራ ጉፖሶና።
\q1 ቡርያ ምያ ታማ ላጮዳ ፁጎሶና፤
\q2 ኦላ ባናዉ ከይዳ ዎልቃማ ኦላንቾ ዳኖሶና።
\q1
\v 6 ኤንታ ስንን አስ ኮኮሬስ፤
\q2 ያሻን አሳ ሶምኦይ ካሬፄስ።
\q1
\v 7 ኤንቲ ኦላንቾዳ ዎፆሶና፤
\q2 ቶራ አሳዳ ድርሳ ቦላራ ጉፖሶና።
\q1 ኤንቲ ኡባይ ማራን ቦሶና፤
\q2 ባንታ ሳልፕያፈ ጋፃ ከዮኮና።
\q1
\v 8 እሶይ እሱዋራ ሱገቶኮና፤
\q2 ኡባይ ቅንፅ ግድ ስን ቦሶና።
\q1 ኤንቲ ባንታራ ኤቀተይሳታ መንድ ቦሶና፤
\q2 ኤንታ ተቅያባይ ባዋ።
\q1
\v 9 ኤንቲ ካታማ ኦይኮሶና፤
\q2 ድርሳ ግምብያ ቦላራ ዎፆሶና።
\q1 ኤንቲ ኬ ቦላ ከዮሶና፤
\q2 ካይሶዳ ማስኮተራ ገሎሶና።
\q1
\v 10 ኤንታ ስንን ቢት ቃፄስ፤
\q2 ሳሎት ኮኮሮሶና።
\q1 አውነ አጌን ሜስ፤
\q2 ፆልንቶት ባንታ ፖኡዋ ድጎሶና።
\q1
\v 11 ጎዳይ ባ ኦላንቾታ ስንን ጉሜስ፤
\q2 እያዉ ኪተትያ ኦላንቾት ታይቦፐ ቦላ።
\q1 ጎዳ ጋላሳይ ግታነ ዳሮ ያሼስ፤
\q2 ሄ ጋላሳ ዳንዳአናይ ኦኔ?
\s1 ህንተ ዎዛና ፔተ
\q1
\v 12 “ሀእካ ፆማን፥ ዬሆንነ አዛኖን
\q2 ህንተ ፖሎ ዎዛናፐ ታኮ ስምተ።”
\q1
\v 13 ህንተ ዎዛናፐ አትሽን፥
\q2 ህንተ ማኡዋ ፔፕተ።
\q1 ጎዳ፥ ህንተ ፆሳኮ፥ ስምተ፤
\q2 እ፥ ቃይነ ማሮት ኩምዳይሳ፤
\q1 እ፥ ሀንቃናዉ ኤለሶናይሳነ ሲቆይ ዳርዳይሳ፤
\q2 እ፥ ህንተና ሴራናዉ ኤለሰና።
\q1
\v 14 ጎዳይ ህንተ ፆሳይ፥
\q2 ባ ሀንቁዋፈ ስሚድ
\q2 ህንተና አንጃነኮ ኦን ኤሪ?
\q1 ሄ ዎደ ጎዳስ ህንተ ፆሳስ፥
\q2 ካ ያርሾነ ኡሻ ያርሾ ያርሻና።
\q1
\v 15 ፅዮነን ሞይዘ ፑንተ፤
\q2 ፆማ አዋጅተ፤
\q2 ጌሻ ሺቁዋ ሺቅተ!
\q1
\v 16 አሳ ሺሽድ፥ ህንተ ሺቁዋ ጌሽተ፤
\q2 ጭማታ እስፈ ሺሽተ፤
\q2 ጉ ናይታነ መይሳታ አሾፍተ።
\q1 መዳን ደኤይሳት
\q2 ባንታ ቁሩፁዋፐ ከዮ።
\q1
\v 17 ጎዳስ ኦያ ካህነት ፆሳ ኬ
\q2 ባራንዳፈነ ያርሾ በሳፈ ግዶን ኤቅድ ዬኮ።
\q1 ኤንቲ ሀይሳዳ ያግድ ዎሶ፤
\q2 “አቤት ጎዳዉ፥ ነ አሳስ ቃታ፤
\q2 ካዎተት፥ ‘ኤንታ ፆሳይ አዉኔ? ያጋና መላ ኦዳ፥
\q2 ነ አሳ ቦረስነ ሚቻስ የጎፋ’ ” ያጎ።
\s1 ጎዳ ቃያ
\q1
\v 18 ጎዳይ ባ ቢታስ ደእያ ምሻን
\q2 ባ አሳስ ቃትስ።
\q1
\v 19 ጎዳይ ዛሪድ ባ አሳ ሀይሳዳ ያጋና፤
\q2 “ሄኮ፥ ታኒ ህንተዉ ካ፥ ዎይንያነ ዛይትያ፥
\q2 ካልሳና ጋካናዉ የዳና፤
\q2 ህዛፐ ጉየ ካዎተታ ግዶን ህንተና ቦረስ አግከ።”
\q1
\v 20 “ፑደሀ ባጋራ ይዳ ቦልያ፥
\q2 ታኒ የደዳ ህንተፈ ሃሳና።
\q1 ባይሳነ መላ ቢታ ኤንታ ጎዳና፤
\q2 ስን ባጋራ ደኤይሳታ ማፅነ አባ፥
\q2 ጉየ ባጋራ ደኤይሳታ መደትራነ አባ፥ የደና፤
\q2 ያን ኤንቲ ሀይቅድ ፅንቃና።
\q1 ቱማ ጎዳይ ዎልቃማባ ህንተዉ ኦስ” ያጋና።
\p
\v 21 ቢታዉ፥ ህዛ ያዮፋ፤
\q2 ጎዳይ ግታባ ኦዳ ግሾ፥
\q2 ኡፋይታነ ሀሹ ጋ!
\q1
\v 22 ህንተኖ ሳኣ መሄቶ፥ ያዮፍተ፤
\q2 ባዞን ደእያ ማታይ አጭስ።
\q1 ምይ አይፍስ፤
\q2 ባላሰይነ ዎይነ አይፈይ ቡርኩክስ።
\q1
\v 23 ህንተኖ ፅዮነ አሳቶ፥ ኡፋይትተ፤
\q2 ጎዳን ህንተ ፆሳን፥ ሀሹ ጊተ!
\q1 እ፥ ባልጎ እራ ህንተዉ ዳርስድ እሚስ፤
\q2 ካሰይሳዳ ስላነ ቶርቸ እራ ግድስድ እሚስ።
\q1
\v 24 ካ ቡክያ ዉዱማን ካ ኩማና፤
\q2 ዎይንያነ ዛይትያ ጉምእያ ኦላይ ኩምድ ፓላሀና።
\q1
\v 25 ካሰ ታኒ ህንተ ግዶ የድዳ፥
\q2 ዎልቃማ ጎንዶይ፥ ቦለይ፥ ጉዶትነ ፃቆት ምዳይሳ፥
\q2 ታ ህንተዉ ዛራና።
\q1
\v 26 ህንተ ምን ካልስድ ፓላህያ ካ ዳና፤
\q2 ማላልስያባ ህንተዉ ኦዳ ጎዳ።
\q2 ህንተ ፆሳ ሱን ጋላታና፤
\q2 ታ አሳይ ዛሪድ ዬላተና።
\q1
\v 27 ሄ ዎደ ታኒ እስራኤለ ግዶን ደኤይሳ፥
\q2 ታኒ ጎዳይ ህንተ ፆሳ ግደይሳነ
\q2 ታፐ ሀራ ፆሲ ባይናይሳ ህንተ ኤራና።
\q1 ታ አሳይ ዛሪድ ዬላተና።
\s1 ጎዳ ጋላሳ
\p
\v 28 ህዛፐ ጉየ ሀይሳዳ ሀናና፤
\q2 ታኒ አሳ ኡባ ቦላ ታ አያና ጉሳና።
\q1 ህንተ አደ ናይትነ ማጫ ናይት ትንብተ ኦዳና፤
\q2 ህንተ ጭማት አሙሆ አሙሀና፤
\q2 ህንተ ናአተት ቆንጨ በአና።
\q1
\v 29 ሄ ጋላሳታን ታ አደ አይለልታ ቦላነ
\q2 ታ ማጫ አይለታ ቦላ ታ አያና ጉሳና።
\q1
\v 30 ታኒ ሳሎንነ ሳአን ማላልስያባ ኦና፥
\q2 ታማነ ሳሎ ደንድያ ጩያ በሳና።
\q1
\v 31 ግታነ ያሽያ ጎዳ ጋላሳይ ያናፐ ካሰ፥
\q2 አው ማና፤ አጌን ሱ ዳናና።
\q1
\v 32 ሄ ዎደ ሀይሳዳ ሀናና፤
\q2 ጎዳ ሱን ፄግያ ኡባይ አታና።
\q1 ጎዳይ ግዳይሳዳ ፅዮነ ዙማንነ
\q2 የሩሳላመን አትዳይሳት ዳና።
\c 3
\s1 ሀራ ካዎተት ፕርደታና
\q1
\v 1 “ሄ ጋላሳንነ ሄ ዎድያን
\q2 ታኒ ይሁዳነ የሩሳላመ አሳ
\q2 ድኤተፈ ዛራዳ አንጃና።
\q1
\v 2 ታኒ ካዎተታን ደእያ አሳ ሺሻዳ፥
\q2 ዮሳፈፃ ዛንጋራ ዎሳና።
\q1 ታ አሳ እስራኤለ ቦላ ኤንቲ ኦዳ ኢታ ኦሱዋ ግሾ፥
\q2 ታኒ ኤንታ ያን ፕርዳና።
\q1 ኤንቲ ካዎተታ ግዶን ታ አሳ ላልዶሶና፤
\q2 ታ ቢታ ባንታዉ ሻክ ኤክዶሶና።
\q1
\v 3 ታ አሳ ቦላ ሳማ የግዶሶና፤
\q2 ላይማትያ ማጫስ ደማናዉ፥ አደ ናይታ እምዶሶና፤
\q2 ዎይነ ኡሻስ ማጫ ናይታ ባይዝዶሶና።
\p
\v 4 “ህንተኖ፥ ፅሮሳ፥ ስዶናነ ፍልስፄመ ቢታ አሳቶ፥ ህንተ ታ ቦላ አይ ኦናዉ ቆፕደቲ? ታ ቦላ ሀሎ ከያናዉ ኮዬቲ? ህንተ ሄሳ ኮይኮ፥ ታኒ ኤለሳዳ ህንተ ኦሱዋ ህንተ ቦላ ዛራና። 
\v 5 ታ ብራ፥ ታ ዎርቃነ ታ አልኦ ሚሽያ ኡባ ኤክድ ህንተ ኤቃ ኬ ገልስደታ። 
\v 6 ይሁዳነ የሩሳላመ አሳ ኤንታ ቢታፈ ሃስ ኤፍድ፥ ግርከ አሳስ ባይዝደታ። 
\v 7 ሄኮ፥ ህንተ ባይዝዳ በሳፈ ታኒ ሀእ ኤንታ ከሳዳ ህንተ ኦዳባ ኡባ ህንተ ሁጰን ዛራና። 
\v 8 ታኒ ህንተ አደ ናይታነ ህንተ ማጫ ናይታ ይሁዳ አሳስ አ እማና። ኤንቲ ሃሆ ቢታን ደእያ ሳባ አሳስ ኤንታ ባይዛና። ታኒ ጎዳይ ሀይሳ ኦዳስ።
\q1
\v 9 “ሀይሳዳ ያግድ ካዎተታ ግዶን አዋጅተ፤
\q2 ኦላስ ጊግተ፤ ምኖ አሳታ ደንተ፥
\q2 ኦላንቾት ሺቅድ ኦላስ ከዮ።
\q1
\v 10 ህንተ ማራሻ ማሸ፥
\q2 ህንተ ባጫ ቶራ ኦድ ቆፅተ!
\q2 ዳቡራንቾይ፥ ‘ታኒ ምኖ!’ ያጎ።
\q1
\v 11 ህንተኖ፥ ዩሹዋን ደእያ ካዎተቶ፥
\q2 ኤለ ከይተ፤ ሃ ሺቅተ” ያግተ።
\q1 አቤት ጎዳዉ፥ ነ ኦላንቾታ ዱገ የዳ!
\q1
\v 12 “ካዎተት ደንድድ፥
\q2 ዮሳፈፃ ዛንጋራ ዮ፤
\q1 እስራኤለ ዩሹዋን ደእያ ካዎተታ፥
\q2 ኡባ ቦላ ፕርዳናዉ ታኒ ያን ኡታና።
\q1
\v 13 ኤንታ ኢታተይ ዳሮ፤
\q2 ጫካ ዎደይ ጋክዳ ካዳ ኤንታ ጫክተ።
\q1 ዎይነ አይፈይ ኦላን ኩምን የይሳዳ፥
\q2 ኤንታ የተ።
\q1
\v 14 ፕርዳ ዛንጋራን ጎዳይ ፕርድያ ጋላሳይ ጋክስ፤
\q2 ሄሳ ግሾ፥ ታይቦን ዳሮ አሳይ ሄ ዛንጋራን ሺቅስ።
\q1
\v 15 ሄ ጋላስ አውነ አጌን ማና፤
\q2 ፆልንቶት ባንታ ፖኡዋ ድጋና።
\q1
\v 16 ጎዳይ ፅዮነን ግድድ ደቻና፤
\q2 የሩሳላመን ባ ቃላ ስሳና፤
\q2 ሳሎይነ ሳእ ኮኮራና።
\q1 ሽን ጎዳይ ባ አሳስ፥
\q2 እስራኤለስ ባቃትድ አትያ በሲ ግዳና።”
\s1 ፆሳ ደረይ አንጀታና
\q1
\v 17 “ሄ ዎደ ህንተ፥ ታኒ ታ ጌሻ ዙማ ቦላ፥
\q2 ፅዮነን ደእያ ጎዳ ህንተ ፆሳ ግደይሳ ኤራና።
\q1 የሩሳላመ ካታማይ ጌሽ ግዳና፤
\q2 አላጋት ዛሪድ የሩሳላመ ኦሎኮና።
\q1
\v 18 ሄ ጋላስ ደረት ማልአንቶ ዎይነ ኡሻን ፆካና፤
\q2 ዙማት ማ ጎጋና።
\q1 ይሁዳ ቢታን ደእያ ሻፋ ኡባን
\q2 ሃ ፑልታና።
\q1 ጎዳ ኬን ፑልቶይ ቃና፤
\q2 ሴፅማ ዛንጋራ ኡሻና።
\p
\v 19 “ግብፀይ ባይሳ ግዳና፤
\q2 ኤዶመይ ቦድላ ባዞ ግዳና።
\q1 ኤንቲ ይሁዳ አሳ ቦላ ኢታባ ኦዶሶና፤
\q2 ፅሎ አሳ ሱ ጉስዶሶና።
\q1
\v 20 ሽን ይሁድነ የሩሳላመይ መርናዉ፥
\q2 የለታ ኡባስ ደእያ በሲ ግዳና።
\q1
\v 21 ታኒ ሀሎ ከዮና አግዳ ኤንታ ሱ
\q2 ሃሉዋ ቡሮ ከያና” ያጌስ ጎዳይ።