\id JHN - GOOFA FULL BIBLE
\ide UTF-8
\h ዮሃንሳ ዎንገላ
\toc1 ዮሃንሳ ዎንገላ
\toc3 ዮሀ
\toc2 ዮሃንሳ
\mt1 ዮሃንስ ፃፍዳ
\mt2 የሱስ ክርስቶሳ ዎንገላ
\imt ጋ ቆፋ
\ip ዮሃንስ የሱሳ፥ “አሰ ግድድ አሳ ግዶን በንትዳ ፆሳ ቃላ” ያግድ ቆንጭሴስ። ሀ ዎንገላይ ፃፈትዳይ፥ ማፃፋ ናባብያ ኦንካ የሱሲ አሰ አሻናዉ ያና ጌተትዳ ፆሳ ናአ ግደይሳ አማናና መላነ እያ አማነይሳታስ መርና ደኦይ ደኤይሳ ኤንቲ ኤራና መላሳ (\xt 20:31\xt*)።
\ip ዎንገላስ ኮይሮ ክፍለይ መርናዉ ደእያ ፆሳ ቃላይነ የሱሲ እስኖ ግደይሳ ኦዴስ። ዮሃንሳ ዎንገላይ፥ የሱሲ አሸይሳ ግድድ ያና ግዳ ፆሳ ናአ ግደይሳ በሲያ ዱማ ዱማ ማላታታ ቆንጭሴስ። ሀ ዎንገላ ፃፈይ፥ የሱስ ክርስቶሲ ባ ሁጰን ቱማ ፆሳ ናአነ ፆሳ አዋራ እስኖ ግደይሳ (\xt 1:1\xt*) ቆንጭስስ። የሱሲ ባ ሁጰን፥ “ታኒ አብራሃመፐ ካሰ ደአይስ” (\xt 8:58\xt*) ያግስ። ዉርሰን ቶማስ፥ “ታ ጎዳዉ፥ ታ ፆሳዉ” ያግድ ፄግስ (\xt 20:28\xt*)። ሄሳፈ ካልድ፥ ሀ ማላታታፐ በንትዳ አይፍያ ኦድያ ታርከት ካሎሶና። ሀ ክፍለይ እስ እስ አስ የሱሳ አማንድ እያ ካልያ አስ ግድዳይሳ ኦዴስ፤ ቃስ ሀራት እያራ ዋንድ ኤቀትዳኮነ ዋንድ አማኖና እፅዳኮ ኦዶሶና። ሸምፖ 13-17 ጋካናዉ የሱሲ ኦይከትዳ ኦማርስ፥ ባ ታማረታራ እያዉ አይ መላ ምኖ ጋሄተ ደእያኮ፥ ቃስ ዎንተ ጋላስ ካቀታናፐ ስን ጊገተነ ምን ቃላ ኤንታዉ ኦድዳይሳ ቆንጭሴስ። ዉርሰ ሸምፖት የሱሲ ኦይከትዳባነ ፕርዳስ ሺቅዳባ፥ እያ ካቀተ፥ እያ ደንዱዋነ ባ ታማረታስ ቆንጭዳ ቆንጨ ኦዶሶና።
\iot ማፃፋ አይፈ ቆፋታ
\io1 ገሎ ቆፋ (\ior 1:1-18\ior*)
\io1 ፃማቅያ ዮሃንሳነ ኮይሮ የሱሳ ታማረታ (\ior 1:19-51\ior*)
\io1 የሱሲ ቆንጨን ኦሶ ኦይክስ (\ior 2:1—12:50\ior*)
\io1 የሩሳላመ ሄራን አዳ ዉርሰ ሳምንታ (\ior 13:1—19:42\ior*)
\io1 ሀይቆፐ ደንዶነ አሳስ በንቱዋ (\ior 20:1-31\ior*)
\io1 ጋልላን ዛሪድ ባ ታማረታስ በንቱዋ (\ior 21:1-25\ior*)
\c 1
\s1 ደኦ ቃላ
\p
\v 1 ቃላይ ኮይሮ ደኤስ። ቃላይካ ፆሳራ ደኤስ፤ ሄ ቃላይ ፆሳ። 
\v 2 ኮይሮፐ ቃላይ ፆሳራ ደኤስ። 
\v 3 ፆሳይ ኡባባ ቃላ ባጋራ መስ። መትዳባፐ እሶይካ እያ ባጋራ መቶናባይ ባዋ። 
\v 4 እያን ደኦይ ደኤስ፤ ሄ ደኦይ አሳስ ፖኦ። 
\v 5 ፖኦይ ማን ፖኤስ፤ ማይ ፖኡዋ ፆንቤና።
\p
\v 6 ፆሳይ ኪትዳ፥ እስ ዮሃንሳ ጌተትያ አስ ደኤስ።\x - \xo 1:6 \xo*\xt ማቶ 3:1፤ ማር 1:4፤ ሉቃ 3:1-2.\xt*\x* 
\v 7 አሳ ኡባይ ፖኡዋን አማናና መላ እ ፖኦስ ማርካ ግድድ ይስ። 
\v 8 እ ፖኡዋባ ማርካታናዉ ይስፐ አትሽን፥ ባ ሁጰን ፖኦ ግደና። 
\v 9 አሳ ኡባስ ፖእስያ ቱማ ፖኦይ አላምያ ዬስ።
\p
\v 10 ቃላይ አላመን ደእስ። ፆሳይ ቃላን አላምያ መስ፥ ሽን አላመይ እያ ኤርቤና። 
\v 11 እ ባ አሳኮ ይስ፥ ሽን እያ አሳይ እያ ኤክቦኮና። 
\v 12 ሽን እ ባና ኤክዳይሳታስነ እያ ሱንን አማንዳይሳታስ ፆሳ ናይታ ግዳና መላ ማታ እሚስ። 
\v 13 ኤንቲ ፆሳፈ የለትዶሶናፐ አትሽን፥ አስ የለትያ ዎጋን ዎይኮ አደ ሸነን ዎይኮ አሳ አሞን የለትቦኮና። ፆሳይ እ ኤንታ አዋ።
\p
\v 14 ቃላይ አሰ ግድስ፤ አ ኬሀተነ ቱማ ኩምድ ኑ ግዶን ደእስ። እ አዋስ እስ ናኣ ግድድ ኤክዳ እያ ቦንቹዋ ኑኒ በእዳ።
\p
\v 15 ዮሃንስ እያባ ማርካትስ። ባ ቃላ ቁ ኦድ፥ “ታኒ፥ ‘ታፐ ጉየራ የይስ ታፐ ካሰ ደእያ ግሾ ታፐ አስ’ ጋዳ ማርካትዳይስ ሀይሳ” ያግስ።
\p
\v 16 ኑኒ ኡባይ እያ አ ኬሀተ ኩመፈ አንጆ ቦላ አንጆ ኤክዳ። 
\v 17 ፆሳይ ህግያ ሙሰ ባጋራ እሚስ፥ ሽን አ ኬሀተይነ ቱማተይ የሱስ ክርስቶሳ ባጋራ ይስ። 
\v 18 ፆሳ በእዳ አስ ኦንካ ባዋ፤ ባ አዋ ማታን ደእያ እስ ናኣ ፃላል ባዉ ፆሰ ግድዳይስ እያ ቆንጭስስ።
\s1 ፃማቅያ ዮሃንሳ ማርካተ
\r (ማቶ 3:1-12፤ ማር 1:1-8፤ ሉቃ 3:1-8)
\p
\v 19 የሩሳላመን ደእያ አይሁደ ሀላቃት፥ ካህነታነ ሌወታ፥ “ኔኒ ኦኔ?” ግድ፥ ዮሃንሳ ኦይቻና መላ እያኮ ኪትን፥ ዮሃንስ ኤንታዉ ማርካትዳ ማርካተይ ሀይሳ።
\p
\v 20 ዮሃንስ፥ “ታኒ ክርስቶሳ ግድከ” ያግድ፥ ጌሽድ ማርካትስፐ አትሽን፥ ካድቤና።
\p
\v 21 ኤንቲ፥ “ያትን፥ ኔኒ ኦኔ? ኔኒ ኤልያሰዬ?” ያግድ ኦይችዶሶና።\x - \xo 1:21 \xo*\xt ምልክ 4:5፤ ዛረ 18:15-18.\xt*\x*
\p ዮሃንስ፥ “አካይ፥ ግድከ” ያግስ።
\p ቃስ ኤንቲ፥ “ኔኒ ያና ጌተትዳ ናብያዬ?” ያግድ ኦይችዶሶና።
\p ዮሃንስ፥ “አካይ” ግድ ዛርስ።
\p
\v 22 ያትን፥ “ኔኒ ኦኔ? ኑኒ ኑና ኪትዳይሳታስ ኦዳና መላ ኔኒ ነና ኦና ጋይ?” ያግዶሶና።
\p
\v 23 ዮሃንስ ዛሪድ፥ “ናብያ እሳያስ ግዳይሳዳ፥
\q1 “ ‘ጎዳ ኦግያ ሱርስተ!’
\q2 ግድ መላ ቢታን ዋስያ ኡራ ቃላይ ታና”
\m ያግስ።\x - \xo 1:23 \xo*\xt እሳ 40:3.\xt*\x*
\p
\v 24 ቃስ ፋርሳወት ኪትዳ አሳት 
\v 25 ዮሃንሳኮ፥ “ኔኒ ክርስቶሳ ዎይኮ ኤልያሳ ዎይኮ ናበ ግዶና እፅኮ፥ ያትን አይስ ፃማቃይ?” ግድ ኦይችዶሶና።
\p
\v 26 ዮሃንስ ዛሪድ፥ “ታኒ ሃን ፃማቃይስ፥ ሽን ህንተ ኤሮና አስ ህንተ ግዶን ኤቅስ። 
\v 27 እ ታፐ ጉየራ ዬስ። ታኒ ሀር አቶሽን እያ ጫማ ዎዶሩዋ ብላናዉ በስከ” ያግስ።
\p
\v 28 ሄስ ኡባይ ዮርዳኖሰ ሻፋፐ ሄፍንን፥ ብታነ ካታማን፥ ዮሃንስ ፃማቅያ በሳን ሀንስ።
\s1 የሱሲ ፆሳ ዶርሰ
\p
\v 29 ዮሃንስ ዎንተ ጋላስ የሱሲ ባኮ ይሽን በእድ፥ “አላምያ ናጋራ ቁችያ ፆሳ ዶርሳይ ሀይሳ! 
\v 30 ታኒ፥ ‘ታፐ ጉየራ እስ አስ ያና። እ ታፐ ካሰ ደእያ ግሾ ታፐ አስ’ ጋዳ ኦድዳይስ ሀይሳ። 
\v 31 እ ኦነኮ ታኒ ኤርከ። ሽን እስራኤለ አሳስ እያ ቆንጭሳናዉ ሃን ፃማቃሸ ያስ” ያግስ።
\p
\v 32 ዮሃንስ ሀይሳዳ ያግድ ማርካትስ፦ “ጌሻ አያናይ ሳሎፐ ሆለዳ ዎሽንነ እያራ ደእሽን በአስ። 
\v 33 ሄስ ሀናናፐ ካሰ ታኒ እያ ኤርከ። ሽን ሃን ፃማቃናዉ ታና ኪትዳ ፆሳይ፥ ‘ጌሻ አያናይ ዎድ እያራ ደእሽን ኔኒ በአናይስነ ጌሻ አያናን ፃማቃናይስ እያ’ ያግድ ታዉ ኦድስ። 
\v 34 ታኒ ሄስ ሀንሽን በአዳ፥ እ ፆሳ ናኣ ግድዳይሳ ማርካታይስ” ያግስ።
\s1 ኮይሮ የሱሳ ታማረታ
\p
\v 35 ቃስ ዎንተ ጋላስ ዮሃንስ ባ ታማረታፐ ናምአታራ እስፈ ኤቅስ። 
\v 36 የሱሲ አሽን፥ ዮሃንስ በእድ፥ “ፆሳ ዶርሳይ ሀይስሽ!” ያግስ።
\p
\v 37 ዮሃንሳ ናምኡ ታማረት ዮሃንስ ገይሳ ስእድ የሱሳ ካልዶሶና። 
\v 38 የሱሲ ባና ካለይሳታ ጉየ ስም በእድ፥ “አይ ኮዬቲ?” ያግድ ኦይችስ።
\p ኤንቲ ዛሪድ፥ “አስታማርያዉ፥ ኔኒ አዉን ደአይ?” ያግዶሶና።
\p
\v 39 የሱሲ ኤንታኮ፥ “ሃ ይድ በእተ” ያግስ። ኤንቲ ብድ እ ደእያሱዋ በእዶሶና። ሄ ጋላስ ሳእ ታሙ ሳተ ሄራ ግድያ ግሾ እያ ማታን ፔእዶሶና።
\p
\v 40 ዮሃንስ ግዳይሳ ስእድ፥ የሱሳ ካልዳ ናምኡ ታማረታፐ እሶይ፥ ስሞን ጰፅሮሳ እሻ እንድርያሳ። 
\v 41 እንድርያስ ኮይሮ ባ እሻ ስሞናራ ጋሄትድ፥ “ኑኒ ክርስቶሳ ደምዳ” ያግስ። 
\v 42 እንድርያስ ስሞና የሱሳኮ ኤህስ።
\p የሱሲ ስሞና በእድ፥ “ኔኒ ዮና ናኣ ስሞና፤ ነ ሱንይ ኬፋ\f + \fr 1:42 \fr*\fk ኬፋ፦ \fk*\ft ግያ ቃላይ አራምከ ዶና ግድሽን፥ ግርከ ዶናን ብርሸይ ጰፅሮሳ ዎይኮ ዛላ ጉሱ።\ft*\f* ግድ ፄገታና” ያግስ።
\s1 ፍልጶሳነ ናትናኤላ ፄገተ
\p
\v 43 ዎንተ ጋላስ የሱሲ ጋልላ ቢታ ባናዉ ቆፋ ቃችስ። እ ፍልጶሳራ ጋሄትድ፥ “ታና ካላ!” ያግስ። 
\v 44 ፍልጶስ፥ እንድርያስነ ጰፅሮስ ደእዳ ቤተሳይዳ ካታማፐ ይዳ አሰ።
\p
\v 45 ፍልጶስ ናትናኤላራ ጋሄትድ፥ “ሙሰይ ህገ ማፃፋን፥ ቃስ ናበትካ እያባ ፃፍዳ ዮሰፋ ናኣ ናዝረተ የሱሳ ኑኒ ደምዳ” ያግስ።
\p
\v 46 ናትናኤል ዛሪድ፥ “ናዝረተ ካታማፐ ሎኦባይ ከያናዉ ዳንዳኢ?” ያግስ።
\p ፍልጶስ፥ “ያዳ በአ” ያግስ።
\p
\v 47 ናትናኤል ባኮ የይሳ የሱሲ በእድ፥ “ገነይ ባይና ቱማ እስራኤለ አስ ሀይሳ!” ያግስ።
\p
\v 48 ናትናኤል የሱሳኮ፥ “ኔኒ ታና አዉን ኤራይ?” ያግስ።
\p የሱሲ ዛሪድ፥ “ፍልጶስ ነና ፄጋናፐ ስን፥ ኔኒ ባላሰ ም ጋርሳን ደእሽን ታኒ ነና በአስ” ያግስ።
\p
\v 49 ናትናኤል ዛሪድ፥ “አስታማርያዉ፥ ኔኒ ፆሳ ናኣ! ኔኒ እስራኤለ ካዎ!” ያግስ።
\p
\v 50 የሱሲ እያኮ፥ “ታኒ ነና ባላሰ ም ጋርሳን በአስ ግዳ ግሾ አማናይ? ኔኒ ሀይሳፈ አያባ በአና!” ያግስ። 
\v 51 ቃስ የሱሲ፥ “ታኒ ህንተዉ ቱማ ኦዳይስ፤ ሳሎይ ዶየትን፥ ፆሳ ኪታንቾት አሳ ናኣ ቦላ ከይሽንነ ዎሽን ህንተ በአና” ያግስ።\x - \xo 1:51 \xo*\xt መ 28:12.\xt*\x*
\c 2
\s1 የሱሲ ያጋኖ በሳን
\p
\v 1 ሄን ጋላስ ጋልላ ቢታን ቃና ካታማን ያጋኖይ ያጋነትስ። የሱሳ አይያ ሄ ያጋኑዋን ደአዉሱ። 
\v 2 የሱሲካ ባ ታማረታራ እስፈ ሄ ያጋኑዋ ፄገትስ። 
\v 3 ዎይነ ኡሻይ ዉርን፥ የሱሳ አይያ የሱሳኮ፥ “ኤንታዉ ዎይነ ኡሻይ ዉርስ” ያጋሱ።
\p
\v 4 የሱሲ ዛሪድ፥ “ታ አየ፥ ነ ሀይሳን ገሎፓ? ታ ዎደይ ቡሮ ጋክቤና” ያግስ።
\p
\v 5 የሱሳ አይያ ኦሳንቾታኮ፥ “እ ህንተዉ ኦድያባ አይብባ ግድኮካ ኦተ” ያጋሱ።
\p
\v 6 አይሁደት ባንታ ጌሾ ዎጋስ ጎኤትያ ኡሱፑን ሹቻ ባት ሄ በሳን ደኦሶና። እስ እስ ባይ ናምኡ ዎይኮ ሄ ፁጋ ኦይኬስ። 
\v 7 የሱሲ ኦሳንቾታኮ፥ “ባታን ሃ ኩንተ” ያግስ። ኤንቲ ባታስ ዶና ጋካናዉ ሃ ኩንዶሶና። 
\v 8 የሱሲ ኤንታኮ፥ “ሀእ ዱቅድ ያጋኑዋ አዋተን ፖልሰይሳስ እምተ” ያግስ። ኤንቲ እያዉ ኤፍድ እምዶሶና።
\p
\v 9 ያጋኑዋ አዋተን ፖልሰይስ ዎይነ ኡሽ ላመትዳ ሃ ጋንፅ ኤክድ አዉፐ ይዳኮ ኤርቤና፥ ሽን ሃ ኩንዳ ኦሳንቾት ኤሮሶና። ያጋኑዋ አዋተን ፖልሰይስ ማችዉ ኤከይሳ ፄግድ፥ 
\v 10 “ኦንካ ሎኦ ዎይነ ኡሻ አሳ ኮይሮትድ ኡሼስ። ያትድ አሳይ ኡይ ካልዳፐ ጉየ፥ ቅራርያ እሜስ። ሽን ኔኒ ሎኦ ዎይነ ኡሻ ሀኖ ጋካናዉ ዎ አጋዳሳ” ያግስ።
\p
\v 11 የሱሲ ሀ ኮይሮ ማላታ ጋልላ ቢታን ቃና ካታማን ኦስ፤ ሄሳን ባ ግታተ በስስ። እያ ታማረት እያ አማንዶሶና።
\p
\v 12 ሄሳፈ ጉየ፥ የሱሲ ባ አየራ፥ ባ እሻታራነ ባ ታማረታራ እስፈ ቅፍርናሆማ ካታማ ብድ ጉ ጋላስ ጋምእስ።\x - \xo 2:12 \xo*\xt ማቶ 4:13.\xt*\x*
\s1 ፆሳ ኬፈ ዛልኤይሳታ ከስስ
\r (ማቶ 21:12-13፤ ማር 11:15-17፤ ሉቃ 19:45-46)
\p
\v 13 አይሁደት ቦንችያ ፓስካ ባኣለ ጋላሳይ ማታትን የሱሲ የሩሳላመ ብስ።\x - \xo 2:13 \xo*\xt ከሳ 12:1-27.\xt*\x* 
\v 14 ብድ ፆሳ ኬን ቦራታ፥ ሚዛታ፥ ዶርሳታነ ሆለታ ባይዘይሳታነ ባንታ ኦይድያን ኡትድ ሚሸ ላመይሳታ ደምስ። 
\v 15 እ ፁርቃፈ ዶቅድ አሳ ኡባ ኤንታ መሄታራ ፆሳ ኬፈ ጎድድ ካረ ከስስ። ሚሸ ላመይሳታ ፃርጴዛታካ አ የግድ ኤንታ ሚሽያ ላልስ። 
\v 16 ሆለ ባይዘይሳታ፥ “ሀ ሆለታ ሀይሳፈ ከስተ፤ ታ አዋ ኬ ግያ ኦፍተ” ያግስ።
\p
\v 17 እያ ታማረት ጌሻ ማፃፋን፥ “ታኒ ነ ኬስ ምሸትያ ምሻይ ታና ታማዳ ፁጌስ” ጌተትድ ፃፈትዳይሳ አኬክዶሶና።\x - \xo 2:17 \xo*\xt ማዝ 69:9.\xt*\x*
\p
\v 18 ሄሳፈ ጉየ፥ አይሁደት ዛሪድ፥ “ነ ሀይሳ ኦናዉ ነዉ ማት ደኤይሳስ ኑና አይ ማላታ ኦዳ በሳኔ?” ያግዶሶና።
\p
\v 19 የሱሲ፥ “ሀ ፆሳ ኬ ላልተ፤ ታኒ ሄ ጋላሳን ዛራዳ ኬፃና” ያግስ።\x - \xo 2:19 \xo*\xt ማቶ 26:61፤ 27:40፤ ማር 14:58፤ 15:29.\xt*\x*
\p
\v 20 ቃስካ አይሁደት፥ “ሀ ፆሳ ኬ ኬፃናዉ ኦይታማነ ኡሱፑን ላይ ኤክስ፥ ሽን ኔኒ ሄ ጋላሳን ኬፃኔ?” ያግዶሶና።
\p
\v 21 ሽን የሱሲ ኦድያ ፆሳ ኬይ ባ አሳተባ። 
\v 22 ሄሳ ግሾ፥ የሱሲ ሀይቆፐ ደንድዳፐ ጉየ እያ ታማረት እ ሄሳ ግዳይሳ አኬክዶሶና። ቃስ ኤንቲ ጌሻ ማፃፋን ፃፈትዳይሳነ የሱሲ ኦድዳይሳ አማንዶሶና።
\p
\v 23 የሱሲ ፓስካ ቦንችያ በሳን የሩሳላመን ደእሽን፥ እ ኦዳ ማላታታ በእድ ዳሮ አሳይ እያ አማንዶሶና። 
\v 24 ሽን የሱሲ አሳ ኡባ ኤርያ ግሾ ኤንታ አማንበና። 
\v 25 አሳ ዎዛናን ደእያባ እ ባ ሁጰን ኤርያ ግሾ አሳባ ኦንካ እያዉ ኦዳና መላ ኮሽቤና።
\c 3
\s1 የሱሳነ ንቆድሞሳ
\p
\v 1 ፋርሳወታ ያራፐ ግድዳ፥ አይሁደታ ሀላቃይ፥ ንቆድሞሳ ጌተትያ እስ አደይ ደኤስ። 
\v 2 ንቆድሞስ ቃማ የሱሳኮ ይድ፥ “አስታማርያዉ፥ ኔኒ ፆሳይ ኪትዳ አስታማረ ግደይሳ ኑኒ ኤሮስ። አይስ ጊኮ፥ ፆሳይ እያራ ዶና እፅኮ ሀ ኔኒ ኦያ ማላታ ኦናዉ ዳንዳእያ አስ ባዋ” ያግስ።
\p
\v 3 የሱሲ ዛሪድ፥ “ታኒ ነዉ ቱማ ኦዳይስ፤ ኦንካ ዛር የለቶና እፅኮ ፆሳ ካዎተ በአናዉ ዳንዳኤና” ያግስ።
\p
\v 4 ንቆድሞስ፥ “ጬጋ አስ ዋንድ ዛር የለታናዉ ዳንዳኢ? ባ አየ ኡሎ ስም ገልድ ዛር የለታናዉ ዳንዳኢ?” ያግስ።
\p
\v 5 የሱሲ ዛሪድ፥ “ታኒ ነዉ ቱማ ኦዳይስ፤ ኦንካ ሃፈነ ጌሻ አያናፐ የለቶና እፅኮ፥ ፆሳ ካዎተ ገላናዉ ዳንዳኤና። 
\v 6 አሾ ናአተ አዉፐነ አይፐ ዬስ፤ ፆሳ ናአተ ጌሻ አያናፐ እመቴስ። 
\v 7 ታኒ፥ ‘ህንተ ዛር የለታናዉ በሴስ’ ጋዳ ህንተዉ ኦድዳ ግሾ ኔኒ ማላለቶፋ። 
\v 8 ጫርኮይ ባ ኮይዳ በሲ ጫርኬስ። ኔኒ እያ ኮሽንቻ ስአሳፐ አትሽን፥ እ አዉፐ ያኮ ዎይኮ አዉ ብያኮ ኤራካ። አያናፐ የለትዳ ኡባይ ሄሳ መላ” ያግስ።
\p
\v 9 ያትን ንቆድሞስ፥ “ሄስ ዋንድ ሀናናዉ ዳንዳኢ?” ያግድ ኦይችስ።
\p
\v 10 የሱሲ ዛሪድ፥ “ኔኒ እስራኤለታ አስታማረ ግዳሸ ሀይሳ ኤርኪ? 
\v 11 ታኒ ነዉ ቱማ ኦዳይስ፤ ኑ ኤርያባ ኦዶስነ በእዳባ ማርካቶስ፥ ሽን ኑ ማርካተ ህንተ ኤከከታ። 
\v 12 ታኒ ህንተዉ ሳአባ ኦድን ህንተ አማኖናባ ግድኮ ሳሎባ ኦድን ዋትድ አማናኔ? 
\v 13 ሳሎፐ ዎዳ አሳ ናኣፐ አትሽን፥ ሳሎ ከይዳይ ኦንካ ባዋ፤ [ሳሎን ደእያ አሳ ናአይ ታና”]\f + \fr 3:13 \fr*\fq ሳሎን ደእያ አሳ ናአይ ታና፦ \fq*\ft እስ እስ በን ማፃፋት ጉጆሶና።\ft*\f* ያግስ።
\p
\v 14-15 ሙሰይ መላ ቢታን ናሰ ብራታ ሾሽ ካቅዳይሳዳ ታና አማንዳ ኡባይ መርና ደኡዋ ኤካና መላ አሳ ናአይ ቁ ጋናዉ በሴስ።\x - \xo 3:14-15 \xo*\xt ታይቦ 21:9.\xt*\x*
\p
\v 16 ፆሳ ናኣ አማንያ ኡባይ መርና ደኡዋ ላታናፐ አትሽን፥ ዮና መላ ፆሳይ ሀ አላምያ ዳሮ ዶስዳ ግሾ ባ እስ ናኣ እሚስ። 
\v 17 ፆሳይ ባ ናኣ ሀ አላምያ ኪትዳይ አላምያ ፕርዳናዉ ግዶናሽን አላምያ እያ ባጋራ አሻናሳ።
\p
\v 18 ናኣ አማንያ ኦንካ ፕርደተና፥ ሽን ናኣ አማኖና ኦንካ እስ ፆሳ ናኣ አማንቦና ግሾ ሀእ ፕርደትስ። 
\v 19 ፕርዳይካ ሀይሳ፦ ፖኦይ አላምያ ይስ፥ ሽን አሳ ኦሶይ ኢታ ግድያ ግሾ አሳይ ፖኡዋፐ አድ ማ ዶሴስ። 
\v 20 ኢታባ ኦያ ኦንካ ፖኦ እፄስ። አይስ ጊኮ፥ ባ ኦሶይ ቆንጮና መላ ፖኡዋኮ ዬና። 
\v 21 ሽን ቱማ ኦያ ኦንካ ፆሳይ ኪትዳይሳዳ እ ኦዳይሳ ፖኦይ ቆንጭሳና መላ ፖኡዋኮ ዬስ።
\s1 ፃማቅያ ዮሃንስ የሱሳባ ማርካትስ
\p
\v 22 ሄሳፈ ጉየ፥ የሱሲነ እያ ታማረት ይሁዳ ቢታ ብዶሶና። የሱሲ ያን ፃማቅሸ ኤንታራ ጉ ዎደ ኡትስ።
\p
\v 23 ቃስ ዮሃንስ ሳሌማ ማታን ደእያ ሄኖና ግያ በሳን ግድያ ሃ ደእያ ግሾ አሳ ያን ፃማቄስ። አሳይካ ያ ብድ ፃማቀቶሶና። 
\v 24 ሄ ዎደ ዮሃንስ ቡሮ ቃሸትቤና።\x - \xo 3:24 \xo*\xt ማቶ 14:3፤ ማር 6:17፤ ሉቃ 3:19-20.\xt*\x*
\p
\v 25 ሄሳፈ ጉየ፥ ዮሃንሳ ታማረትነ እስ አይሁደ አደይ\f + \fr 3:25 \fr*\fq እስ አይሁደ አደይ፦ \fq*\ft እስ እስ ማፃፋት “ጉ አይሁደ አሳት” ያጎሶና።\ft*\f* ጌሾ ዎጋባ ፓላምዶሶና። 
\v 26 ኤንቲ ዮሃንሳኮ ብድ፥ “አስታማርያዉ፥ ዮርዳኖሰ ሻፋፐ ሄፍንን ኔራ ደኤይስ፥ ኔኒ እያባ ማርካትዳይስ፥ ሄኮ ፃማቄስ። አሳ ኡባይካ እያኮ ቦሶና” ያግዶሶና።
\p
\v 27 ዮሃንስ ዛሪድ፥ “ፆሳይ እሞና አስ አይብባካ ኤካናዉ ዳንዳኤና። 
\v 28 ‘ታኒ ክርስቶሳ ግድከ፥ ሽን እያፐ ስን ኪተታስ’ ግዳይሳስ ታዉ ህንተ፥ ህንተ ሁጰን ማርካ።\x - \xo 3:28 \xo*\xt ዮሀ 1:20.\xt*\x* 
\v 29 ገሎስ ጊግዳራ ኤከናዉ ጊግዳይሳሳ። ኤከይሳ ላገይ እያ ማታን ኤቅድ እ ገይሳ ስእያ ዎደ ዳሮ ኡፋይቴስ። ሄሳ ግሾ፥ ሀይስ ታ ኡፋይሳይ ፖለትስ። 
\v 30 እ ግታታናዉ ታኒ ጉፃናዉ በሴስ” ያግስ።
\p
\v 31 ቦላፈ የይስ ኡባፈ ቦላ። ሳአፐ በንትዳይስ ሳአባ። እ ሳአባ ኦዴስ። ሳሎፐ የይስ ኡባፈ ቦላ። 
\v 32 እ ባ በእዳባነ ስእዳባ ማርካቴስ፥ ሽን እያ ማርካተ ኤከይ ባዋ። 
\v 33 እያ ማርካተ ኤክያ ኦንካ ፆሳይ ቱማ ግደይሳ ቆንጭሴስ። 
\v 34 ፆሳይ ባ ጌሻ አያና እያዉ ኩመ እምያ ግሾ ፆሳይ ኪትዳይስ ፆሳ ቃላ ኦዴስ። 
\v 35 አዋይ ባ ናኣ ዶስድ ኡባባ እያ ኩሸን ዎስ።\x - \xo 3:35 \xo*\xt ማቶ 11:27፤ ሉቃ 10:22.\xt*\x* 
\v 36 ናኣ አማንያ ኡራስ መርና ደኦይ ደኤስ። ሽን ናኣ አማኖናይሳ ቦላ ፆሳ ሀንቆይ ደኤስፐ አትሽን፥ እ ደኦ ደመና።
\c 4
\s1 የሱሳነ ሳማረ ማጫስዉ
\p
\v 1 የሱሲ ዮሃንሳፐ ዳሮ ካልያ አሳ ባኮ ሺሸይሳነ ፃማቀይሳ ፋርሳወት ስእዶሶና። 
\v 2 ግድኮካ የሱሳ ታማረት ፃማቅዶሶናፐ አትሽን፥ የሱሲ ኦናካ ፃማቅቤና። 
\v 3 የሱሲ አሳይ እያባ ገይሳ ስእዳ ዎደ ይሁዳፐ ደንድድ ጋልላ ብስ። 
\v 4 እ፥ ጋልላ ብሸ ሳማረራ አናይስ አቶናባ ግድስ።
\p
\v 5 ሄሳ ግሾ፥ ያይቆብ ባ ናኣ ዮሰፋስ እምዳ ጋድያ ማታን ደእያ ስካረ ጌተትያ ሳማረ ካታማ ብስ።\x - \xo 4:5 \xo*\xt መ 33:19፤ እያ 24:32.\xt*\x* 
\v 6 ሄ በሳን ያይቆባ ሃ ኦላይ ደኤስ። የሱሲ ሄመን ዳቡርድ ሄ ሃ ኦላ ማታን ኡትስ። ሄ ዎደ ሳእ ኡሱፑን ሳተ ሄራ።
\p
\v 7 እስ ሳማረ ካታማ ማጫስ ሄ ኦላፈ ሃ ትካናዉ ያሱ። የሱሲ ሄ ማጫሴኮ፥ “ታና ሃ ኡሻርክ” ያግስ። 
\v 8 ሄ ዎደ የሱሳ ታማረት ካ ሻማናዉ ካታማ ብዶሶናሽን።
\p
\v 9 ሄ ማጫስያ ዛራዳ፥ “ኔኒ አይሁደ አሰ ግዳሸ፥ ሳማረ ማጫስ ግድያ ታና ዋናዳ ሃ ኡሻ ጋይ?” ያጋሱ። ሄሳ እያ ግዳይ አይሁደት ሳማረታራ ጋሄቶና ግሾሳ።\x - \xo 4:9 \xo*\xt እዝ 4:1-5፤ ናህ 4:1-2.\xt*\x*
\p
\v 10 የሱሲ ዛሪድ፥ “ኔኒ ፆሳ እሞታነ ሃ ታና ኡሻ ገይስ ኦነኮ ኤርዳባ ግድያኮ እያ ነ ዎሳና፤ እካ ነዉ ደኦ እምያ ሃ እማናሽን” ያግስ።
\p
\v 11 ማጫስያ ዛራዳ፥ “ጎዳዉ፥ ነዉ ዱቅያባይ ባዋ፤ ኦላይካ ዝቃ። ያትን፥ ደኦ እምያ ሃ ነ አዉፐ ኤካኔ? 
\v 12 ኑስ ሀ ሃ ኦላ እምዳ ኑ አዋ ያይቆባፐ ኔኒ አይ? እ፥ እያ ናይትነ እያ መሄይ ሀ ኦላፈ ኡይዶሶና” ያጋሱ።
\p
\v 13 የሱሲ፥ “ሀ ሃፈ ኡይዳ ኦንካ ዛር ሳሞታና። 
\v 14 ሽን ታኒ እማና ሃ ኡያ ኦንካ ኡባካ ሳሞተና። ታኒ እሚያ ሃይ እያ ግዶን መርና ደኦ እምያ ጎግያ ፑልቶ ግዳና” ያግስ።
\p
\v 15 ማጫስያ ዛራዳ፥ “ጎዳዉ፥ ታኒ ሳሞቶና መላነ ሃ ትካናዉ ሀ በሳ ዮና መላ ታዉ ሄ ሃ እማ” ያጋሱ።
\p
\v 16 የሱሲ ኢኮ፥ “ባዳ ነ አዝና ፄጋዳ ያ” ያግስ።
\p
\v 17 ማጫስያ ዛራዳ፥ “ታዉ አዝን ባዋ” ያጋሱ።
\p የሱሲ ኢኮ፥ “ታዉ አዝን ባዋ ጋሸ ባላባካ። 
\v 18 ነዉ ካሰ እቻሹ አዝናት ደኦሶና። ሀእ ኔራ ደእያ አደይ ነ አዝና ግደና። ኔኒ ሀእ ቱማ ኦዳዳሳ” ያግስ።
\p
\v 19 ማጫስያ ዛራዳ፥ “ጎዳዉ፥ ኔኒ ናበ ግደይሳ ታኒ ኤራስ። 
\v 20 ኑ አዋት ሀ ዙማ ቦላ ፆሳ ጎይንዶሶና። ሽን ህንተ አይሁደት አስ ፆሳስ ጎይናናዉ በሲያ በሳይ የሩሳላመና ጌታ” ያጋሱ።
\p
\v 21 የሱሲ፥ “ሀ ማጫሰተ ታና አማና፤ ሀ ዙማ ቦላ ዎይኮ የሩሳላመን አዋስ ህንተ ጎይኖና ዎደይ ያና። 
\v 22 ህንተ ሳማረት ኤሮናይሳ ጎይነታ። ሽን ኑኒ አቶተይ አይሁደፐ ያ ግሾ ኑ ኤረይሳ ጎይኖስ። 
\v 23 ሽን አዋስ ቱማን ጎይነይሳት አያናንነ ቱማተን ጎይናና ዎደይ ማታትስ፤ ሀእካ ጋክስ። ህዛ፥ አዋይ ኮየይ ሀይሳ መላ ኦግያን ጎይነይሳታ። 
\v 24 ፆሳይ አያና፤ እያዉ ጎይነይሳት አያናንነ ቱማተን ጎይናናዉ በሴስ” ያግስ።
\p
\v 25 ማጫስያ ዛራዳ፥ “ክርስቶስ ያናይሳ ታኒ ኤራይስ። እ ያ ዎደ ኑስ ኡባባ ኦዳና” ያጋሱ።
\p
\v 26 የሱሲ፥ “ሀ ኔራ ኦደተይ ታኒ እያ” ያግስ።
\p
\v 27 ኤንቲ ኦደትሽን፥ የሱሳ ታማረት ብዳ በሳፈ ስምዶሶና። የሱሲ ማጫሳራ ኦደትሽን ኤንቲ በእድ ዳሮ ማላለትዶሶና። ሽን ማጫሴኮ፥ “አይ ኮያይ?” ዎይኮ የሱሳኮ፥ “ኢራ አይስ ኦደታይ?” ግዳይ ኦንካ ባዋ።
\p
\v 28 ሄሳፈ ጉየ፥ ማጫስያ ባ ሃ ኦቱዋ አጋዳ ጉየ ካታማ ባዳ አሳኮ፥ 
\v 29 “ታኒ ኦዳባ ኡባ ታዉ ኦድዳ አድያ በአናዉ የተ። እ ክርስቶሳ ግዳንደሻ?” ያጋሱ። 
\v 30 አሳይ ካታማፐ ከይድ የሱሳኮ ብዶሶና።
\p
\v 31 ሄስ ሀንሽን፥ እያ ታማረት የሱሳኮ፥ “ጉባ ማርክ” ያግድ ዎስዶሶና።
\p
\v 32 ሽን እ፥ “ታዉ ህንተ ኤሮና ካ ታ መይስ ደኤስ” ያግስ።
\p
\v 33 ሄሳ ግሾ፥ እያ ታማረት ባንታ ግዶን፥ “እያዉ ምያባ አስ ኤሆና አገና” ያግዶሶና።
\p
\v 34 የሱሲ ኤንታኮ፥ “ታ ካይ ታና ኪትዳይሳ ሸንያ ኦናይሳነ እያ ኦሱዋ ፖላናይሳ። 
\v 35 ህንተ፥ ‘ኦይዱ አጌናፐ ጉየ ካይ ጫከታና’ ጌከትዬ? ሽን ታኒ ህንተዉ ኦዳይስ፤ ካይ ካፅድ ሺሾስ ጋክዳይሳ ሎይ ፄልተ። 
\v 36 ዘረይስነ ጫከይስ እስፈ ኡፋይታና መላ ጫከይስ ዳሞዝያ ኤኬስ ቃስ ካ መርና ደኦስ ሺሼስ። 
\v 37 ህዛ፥ ‘እሶይ ዘሬስ፤ ሀንኮይ ቃስ ጫኬስ’ ግያ ኦዳይ ቱማ። 
\v 38 ህንተ ዳቡርቦናይሳ ሺሻና መላ ታኒ ህንተና ኪታስ። ሀራት ኦ ዳቡርዳሱዋን ገልድ ህንተ ኤንታ ዳቡራ አይፍያ ኤክደታ” ያግስ።
\p
\v 39 ማጫስያ፥ “እ፥ ታኒ ኦዳ ኡባባ ኦድስ” ጋዳ ማርካትዳ ግሾ ሄ ካታማን ደእያ ሳማረ አሳፐ ዳሮት የሱሳ አማንዶሶና። 
\v 40 ሳማረ አሳይ የሱሳኮ ይድ፥ ባንታ ማታን ጋምአና መላ የሱሳ ዎስን እ ያን ናምኡ ጋላስ ኡትስ።
\p
\v 41 እ ኦድያ ቃላ ግሾ ካሰይሳፈ ዳሮ አሳይ አማንዶሶና። 
\v 42 ቃስ ኤንቲ ማጫሴኮ፥ “ሀእ ኑ አማነይ ኑ ሁጰን እ ገይሳ ስእዳ ግሾሳፈ አትሽን፥ ኔኒ ማርካትዳ ግሾሳ ግደና። ቃስ እ ቱማ ሀ አላምያ አሸይሳ ግደይሳ ኑኒ ኤርዳ” ያግዶሶና።
\s1 እስ ሹማ ናአ ፓፁዋ
\p
\v 43 ናምኡ ጋላሳፐ ጉየ፥ የሱሲ ያፐ ከይድ ጋልላ ቢታ ብስ። 
\v 44 የሱሲ ባ ሁጰን፥ “ናበይ ባ ቢታን ቦንቸተና” ያግድ ካሰትድ ኦድስ።\x - \xo 4:44 \xo*\xt ማቶ 13:57፤ ማር 6:4፤ ሉቃ 4:24.\xt*\x* 
\v 45 የሱሲ ጋልላ ጋክዳ ዎደ ጋልላ አሳይ እያ ሞክዶሶና። አይስ ጊኮ፥ ፓስካ ባኣለ ቦንችያ ጋላስ ኤንቲ የሩሳላመን ደእያ ግሾ እ ኦዳባ ኡባ በእዶሶና።\x - \xo 4:45 \xo*\xt ዮሀ 2:23.\xt*\x*
\p
\v 46 የሱሲ ሃ ዎይነ ኡሽ ላምዳ በሳ፥ ጋልላን ደእያ ቃና ካታማ ብስ። ቅፍርናሆማን ካዎ ኬን ኦያ እስ ሹማስ ናአይ ሀርገትስ።\x - \xo 4:46 \xo*\xt ዮሀ 2:1-11.\xt*\x* 
\v 47 የሱሲ ይሁዳፐ ጋልላ ይዳይሳ ሄ ሹማይ ስእድ እያኮ ይስ። ሀይቃናዉ ማትዳ ባ ናኣ ብድ ፓና መላ የሱሳ ዎስስ።
\p
\v 48 የሱሲ ሹማኮ፥ “ፆሳይ ኦያ ማላታታነ ኦራባታ በኦና ደእሸ ህንተ ኡባራካ አማነከታ” ያግስ።
\p
\v 49 ሹማይ ዛሪድ፥ “ጎዳዉ፥ ታ ናአይ ሀይቆና ደእሽን ታራ የርክ” ያግስ።
\p
\v 50 የሱሲ፥ “ነ ሶ ባ፤ ነ ናአይ ፓፃና” ያግስ።
\p ሄ ሹማይ የሱሲ ግዳይሳ አማንድ ባ ሶ ብስ። 
\v 51 እ ባ ሶ ብሽን እያ አይለት እያኮ ይሸ እያራ ኦገን ጋሄትድ፥ “ነ ናአይ ፓፅስ” ግዶሶና።
\p
\v 52 እ ባ አይለታ ባ ናኣስ አይ ሳተን ሎእዳኮ ኦይችስ። ኤንቲ ዛሪድ፥ “ዝነ ላፑን ሳተን ምሻይ አግስ” ያግዶሶና። 
\v 53 ናኣ አዋይ የሱሲ ባኮ፥ “ነ ናአይ ፓፃና” ግዳይ ሄ ሳትያን ግደይሳ አኬክስ። ሄሳ ግሾ፥ እነ እያ ሶ አሳ ኡባይ አማንዶሶና።
\p
\v 54 ሄስ የሱሲ ይሁዳፐ ጋልላ ይድ ኦዳ ናምአን ማላታ።
\c 5
\s1 ጉንዳ ኡራ
\p
\v 1 ሄሳፈ ጉየ፥ የሱሲ አይሁደት ቦንችያ ባልያ ቦንቻናዉ የሩሳላመ ብስ። 
\v 2 የሩሳላመን ዶርሳ ፐንግያ ማታን እብራወ ዶናን ቤተሳይዳ ግያ ተቀትዳ ሃ ደኤስ። ሄ ተቀት ኡትዳ ሃ ማታን እቻሹ ሸምፕያ በሳት ደኦሶና። 
\v 3 [ሄሳን ሃይ ቃፃናይሳ ናግያ] ዳሮ ሀርጋንቾት፥ ቆቀት፥ ዎበትነ ጉንዳት ዝንእዶሶና። 
\v 4 [አይስ ጊኮ፥ እስ እስ ቶሆ ጎዳ ኪታንቾይ ተቀትዳ ሃን ዎድ ሃ ቃስ። ሃይ ቃፅያ ዎደ ኮይሮ ገልዳ ኡራይ ባና ኦይክዳ አይ ሀርገፈካ ፓፄስ።]\f + \fr 5:4 \fr*\ft እስ እስ በን ማፃፋት ፓይዶ ሄስ ኮይሮ ባጋነ ፓይዶ ኦይዳ ጉጆኮና።\ft*\f* 
\v 5 ሄ በሳን ሀስታማነ ሆስፑን ላይ ሀርገትዳ እስ አደይ ደኤስ። 
\v 6 የሱሲ ያን ዝንእዳ አድያ በእድ፥ ቃስ ዳሮ ዎደ ሀርገትዳይሳ ኤርድ አድያኮ፥ “ፓፃናዉ ኮያይ?” ያግስ።
\p
\v 7 ሀርጋንቾይ ዛሪድ፥ “ጎዳዉ፥ ሃይ ቃፅያ ዎደ ታና ሃን የግያ አስ ባዋ። ታኒ ገላና ሀንያ ዎደ ሀራይ ታፐ ስንትድ ገል ክቼስ” ያግስ።
\p
\v 8 የሱሲ እያኮ፥ “ደንዳ ኤቃ፤ ነ አልጋ ቶካዳ ባ” ያግስ። 
\v 9 አደይ ኢራካ ፓፅስ፤ ባ አልጋ ቶክድ ብስ።
\p ሄስ ሳምባታ ጋላሳን ሀንስ። 
\v 10 ሄሳ ግሾ፥ አይሁደት ፓፅዳ አድያኮ፥ “ሀች ሳእ ሳምባታ፤ ኔኒ ነ አልጋ ቶከይስ ዎጋ ግደና” ያግዶሶና።\x - \xo 5:10 \xo*\xt ናህ 13:19፤ ኤርም 17:21.\xt*\x*
\p
\v 11 ሽን አደይ፥ “ታና ፓዳይስ፥ ነ አልጋ ቶካዳ ባ ግስ” ያግድ ዛርስ።
\p
\v 12 ኤንቲ እያኮ፥ “ነና፥ ነ አልጋ ቶካዳ ባ ግዳይ እ ኦኔ?” ያግድ ኦይችዶሶና።
\p
\v 13 ሽን የሱሲ ሄ በሳን ዳሮ አሳ ግዶራ ኤርሶና ካንድ ብዳ ግሾ አደይ ባና ፓዳይ ኦነኮ ኤረና። 
\v 14 የሱሲ ጉየፐ ሄ አድያ ፆሳ ኬን ደምድ፥ “ሄኮ፥ ኔኒ ፓፃዳሳ፤ ሀይሳፈ ኢታባይ ነና ጋኮና መላ ዛራዳ ናጋራ ኦፋ” ያግስ። 
\v 15 ሄሳፈ ጉየ፥ አደይ ብድ ባና ፓዳይስ የሱሳ ግድዳይሳ አይሁደታስ ኦድስ።
\p
\v 16 የሱሲ ሄሳ ሳምባታ ጋላስ ኦዳ ግሾ፥ አይሁደት የሱሳ ጎዳ ኦይክዶሶና። 
\v 17 የሱሲ ዛሪድ፥ “ታ አዋይ ኡባ ዎደ ኦስ፤ ታካ ኦናዉ በሴስ” ያግስ።
\p
\v 18 የሱሲ ሳምባታ ቦንቾና ግሾ ፃላላስ ግዶናሽን ፆሳይ ባ አዋ ግድ ባና ፆሳራ ጊግስዳ ግሾ፥ አይሁደት እያ ዎናዉ ካሰፐ ምንድ ኮይዶሶና።
\p
\v 19 የሱሲ ዛሪድ፥ “ታኒ ህንተዉ ቱማ ኦዳይስ፤ ናአይ ባርካ አይኮካ ኦናዉ ዳንዳኤና። እ ባ አዋይ ኦሽን በኦይሳ ፃላላ ኦስ። አዋይ ኦይሳ ናአይካ ኦስ። 
\v 20 አዋይ ባ ናኣ ዶስያ ግሾ እ ኦያ ኦሶ ኡባ ባ ናኣ በሴስ። ህንተ ማላለታና መላ እ ሀይሳፈ አያ ኦሶ ባ ናኣ በሳና። 
\v 21 አዋይ ሀይቅዳይሳታ ሀይቆፐ ደንድ ኤንታዉ ደኦ እመይሳዳ ናአይካ ባ ኮየይሳታስ ደኦ እሜስ። 
\v 22 አዋይ ናኣስ ፕርዳ ማታ ኡባ እሚስፐ አትሽን፥ እ ኦናካ ፕርደና። 
\v 23 አሳ ኡባይ አዋ ቦንቸይሳዳ ናኣካ ቦንቻና። ናኣ ቦንቾና ኦንካ ናኣ ኪትዳ አዋካ ቦንቸና።
\p
\v 24 “ታኒ ህንተዉ ቱማ ኦዳይስ፤ ታ ቃላ ስኤይሳስነ ታና ኪትዳይሳ አማነይሳስ መርና ደኦይ ደኤስ። እ ሀይቆፐ ደኦን ፕንዳ ግሾ ፕርደተና። 
\v 25 ታኒ ህንተዉ ቱማ ኦዳይስ፤ ሀይቅዳ አሳይ ፆሳ ናኣ ቃላ ስእያ ዎደይ ያና፤ ሄስካ ሀእ። ሄ ቃላ ስኤይ ደኦን ዳና። 
\v 26 አዋይ ደኦስ ፑልቶ ግድዳይሳዳ ናኣካ ደኦስ ፑልቶ ኦስ። 
\v 27 ናአይ አሳ ናአ ግድያ ግሾ አዋይ ናኣስ ፕርዳ ማታ እሚስ።
\p
\v 28 “ዱፎን ደኤይሳት እያ ቃላ ስእድ ደንድያ ዎደይ ያና ግሾ ሀይሳን ማላለቶፍተ። 
\v 29 ሎኦ ኦዳይሳት ደኦን ዳናዉ ቃስ ኢታ ኦዳይሳት ፕርዳ ኤካናዉ ዱፎፐ ደንዳና።\x - \xo 5:29 \xo*\xt ዳነ 12:2.\xt*\x*
\p
\v 30 “ታኒ ታ ማታን አይብባካ ኦናዉ ዳንዳእከ። ፆሳይ ታዉ ኦድዳይሳዳ ፕርዳይስ። ታኒ ታና ኪትዳይስ ኮያባ ኦይስፐ አትሽን፥ ታ ኮያባ ኦና ግሾ ታ ፕርዳይ ቱማ።
\p
\v 31 “ታኒ ታባ ማርካትኮ ታ ማርካተይ ቱማ ግደና። 
\v 32 ታባ ማርካትያ ሀር ደኤስ፤ እ ታባ ማርካተይስ ቱማ ግደይሳ ታኒ ኤራይስ።
\p
\v 33 “ህንተ ዮሃንሳኮ አሰ ኪትን እ ቱማስ ማርካትስ።\x - \xo 5:33 \xo*\xt ዮሀ 1:19-27፤ 3:27-30.\xt*\x* 
\v 34 ታኒ ሄሳ ህንተዉ ኦደይ፥ ህንተ አታና መላ ጋዳፐ አትሽን፥ አሳ ማርካተ ታዉ ኮሽን ግደና። 
\v 35 ዮሃንስ ሙቃዳዳ ኤፅሸ ፖእስ። ህንተ ጉ ዎደ እያ ፖኡዋን ኡፋይትደታ።
\p
\v 36 “ሽን ታዉ ዮሃንሳፐ አያ ማርክ ደኤስ። ታኒ ኦና መላ ታ አዋይ ታዉ እምዳ ኦሶት ታባ ማርካቶሶና፤ አዋይ ታና ኪትዳይሳ ቆንጭሶሶና።
\p
\v 37 “ቃስ ታና ኪትዳ አዋይካ ባ ሁጰን ታባ ማርካቴስ። ህንተ እያ ቃላ ኡባራካ ስእቤከታ ዎይኮ እያ ማላ በእቤከታ።\x - \xo 5:37 \xo*\xt ማቶ 3:17፤ ማር 1:11፤ ሉቃ 3:22.\xt*\x* 
\v 38 እ ኪትዳይሳ ህንተ አማኖና ግሾ እያ ቃላይ ህንተ ዎዛናን ባዋ።
\p
\v 39 “ጌሻ ማፃፋታፐ መርና ደኦ ደማናባ ህንተዉ ዳንን ኤንታ ፕልጌታ፤ ኤንቲ ታባ ማርካቶሶና። 
\v 40 ሽን ህንተ ደኦ ደማናዉ ታኮ ያናዉ ኮየከታ።
\p
\v 41 “አሳፐ ታኒ ቦንቾ ኮይከ። 
\v 42 ሽን ታኒ ህንተ ዎዛናን ፆሳ ሲቆይ ባይናይሳ ኤራይስ። 
\v 43 ታኒ ታ አዋ ማታን ያስ፥ ሽን ታና ሞክበከታ። ሀራይ ባ ማታን ያ ዎደ እያ ሞኬታ። 
\v 44 ህንተ እሶይ እሱዋፈ ቦንቾ ኮየይሳት፥ እስ ፆሳፈ ያ ጋላታ ኤካናዉ ኮዮናይሳት፥ ዋንድ ታና አማናናዉ ዳንዳኤቲ?
\p
\v 45 “ታኒ ታ አዋ ስንን ህንተና ሞትያባ ህንተዉ ዳኖፖ። ህንተና ሞታናይ ህንተ ኡፋይሳን ናግያ ሙሰ። 
\v 46 ህንተ ሙሰ አማንዳባ ግድያኮ እ ታባ ፃፍዳ ግሾ ታናካ አማናናሽን። 
\v 47 ሽን ህንተ እ ፃፍዳይሳ አማኖና እፅኮ ታ ቃላ ዋትድ አማናኔ?” ያግስ።
\c 6
\s1 እቻሹ ሙኩሉ አሳ
\r (ማቶ 14:13-21፤ ማር 6:30-44፤ ሉቃ 9:10-17)
\p
\v 1 ሄሳፈ ጉየ፥ የሱሲ ፅብራዶሳ ጌተትያ ጋልላ አባፈ ሄፍን ፕንስ። 
\v 2 እ ሀርጋንቾታ ፓሶን ኦዳ ማላታ በእዳ ግሾ፥ ዳሮ አሳይ እያ ካልዶሶና። 
\v 3 የሱሲ ዙማ ቦላ ከይድ፥ ያን ባ ታማረታራ እስፈ ኡትስ። 
\v 4 አይሁደት ቦንችያ ፓስካ ባኣለ ጋላሳይ ጋክስ። 
\v 5 የሱሲ ዳሮ አሳይ ባኮ የይሳ በእድ ፍልጶሳኮ፥ “ሀ አሳ ኡባ ሙዛናዉ ግድያ ካ አዉፐ ሻማኔ?” ያግስ። 
\v 6 እ ሄሳ ፍልጶሳ ፓጫናዉ ግስፐ አትሽን፥ እ ባ ሁጰን አይ ኦነኮ ኤሬስ።
\p
\v 7 ፍልጶስ ዛሪድ የሱሳኮ፥ “ሀር አቶሽን፥ ሁጰን ሁጰን፥ እስ እስ ባርስ ጋናዉ፥ ናምኡ ፄቱ ድናረን\f + \fr 6:7 \fr*\fq ድናረ፦ \fq*\ft እስ ድናረይ እስ አስ እስ ጋላስ ኦ ፔእድ ኤክያ ሚሸ። ናምኡ ፄቱ ድናረይ እስ አስ ላይ ባጋ ኦድ ኤክያ ሚሸ ኬና። (ማቶ 20:2) ፄልተ።\ft*\f* ኡይ ሻምንካ ግደና” ያግስ።
\p
\v 8 ቃስ የሱሳ ታማረታፐ እሶይ፥ ስሞን ጰፅሮሳ እሻይ እንድርያስ፥ 
\v 9 “እቻሹ ባንጋ ኡይነ ናምኡ ሞሎ ኦይክዳ እስ ናአይ ሀይሳን ደኤስ፥ ሽን ሀ አሳ ኡባስ ሄስ አይ ማዳኔ?” ያግስ።
\p
\v 10 የሱሲ ባ ታማረታኮ፥ “አሳ ኡትስተ” ያግስ። ሄ በሳን ዳሮ ማት ደኤስ፤ አሳ ኡባይ ኡትስ። አደ አሳ ታይቦይ እቻሹ ሙኩሉ ግዳና። 
\v 11 የሱሲ ኡይ ኤክድ ፆሳ ጋላት ስሚድ ያን ኡትዳ አሳስ ግሽስ። ሞሉዋካ ኤክድ ሄሳዳ ኦድ እምን፥ አሳይ ባ ኮይዳይሳ መላ ምስ። 
\v 12 ኤንቲ ኡባይ ካልዳፐ ጉየ፥ የሱሲ ባ ታማረታኮ፥ “እስባይካ ኢቶና መላ አትዳ ቲፍያ ሺሽተ” ያግስ። 
\v 13 ሄሳ ግሾ፥ ኤንቲ ኡባ ሺሽዶሶና። አሳይ ምን አትዳ ባንጋ ኡይ ቲፍያ ሺሽድ ታማነ ናምኡ ጋይታ ኩንዶሶና።
\p
\v 14 አሳይ የሱሲ ኦዳ ማላታታ በእዳ ዎደ፥ “ሀይስ ቱማ ሀ አላምያ ያና ጌተትዳ ናብያ” ያግዶሶና። 
\v 15 የሱሲ ኤንቲ እያ ኦይክድ ዎልቃን ካዎ ኦናዉ ሀነይሳ ኤርድ፥ ባርካ ዙማ ቦላ ዛሪድ ከይስ።
\s1 የሱሲ አባ ቦላራ ሄመትስ
\r (ማቶ 14:22-33፤ ማር 6:45-52)
\p
\v 16 ሳአይ ኦማርስዳ ዎደ የሱሳ ታማረት አባኮ ዎዶሶና። 
\v 17 ሳአይ ቃምዳ ግሾነ የሱሲ ቡሮ ኤንታኮ ይቦና ግሾ እያ ታማረት ዎጎሎን ገልድ አባ ፕንድ ቅፍርናሆማ ባናዉ ደንድዶሶና። 
\v 18 ዎልቃማ ጫርኮይ ጫርክዳ ግሾ አባይ ቃፄስ። 
\v 19 እቻሹ ዎይኮ ኡሱፑን ክሎ ምትረ ግደይሳ መላ ኤንቲ አባ ፕድ ብዳፐ ጉየ፥ የሱሲ አባ ቦላራ ሄመትሸ የይሳ በእድ ያይዶሶና። 
\v 20 ሽን እ፥ “ባቦፍተ፥ ታና” ያግስ። 
\v 21 ኤንቲ ኡፋይትድ እያ ዎጎሉዋን ገልስዶሶና፤ ኢራካ ዎጎሎይ ኤንቲ ብያ አባ ጋፃ ጋክስ።
\s1 የሱሲ ደኦ ኡይ
\p
\v 22 ዎንተ ጋላስ አባፈ ሄፍንን አትዳ ዳሮ አሳይ እስ ዎጎሎ ፃላል ደኤይሳ በእዶሶና። የሱሲ ባ ታማረታራ ዎጎሉዋን ገልድ፥ ኤንታራ ቦናይሳነ ኤንቲ ባንታርካ ብዳይሳ አኬክዶሶና። 
\v 23 ሽን ፅብራዶሳፐ ሀራ ዎጎሎት የሱሲ ፆሳ ጋላትን፥ አሳይ ኡይ ምዳ በሳ ይዶሶና። 
\v 24 አሳይ የሱሲ ዎይኮ እያ ታማረት ያን ባይናይሳ በእድ፥ የሱሳ ኮያናዉ ዎጎሎታን ገልድ ቅፍርናሆማ ብዶሶና።
\p
\v 25 አሳይ የሱሳ አባፈ ሄፍንን ደምዳ ዎደ፥ “አስታማርያዉ፥ ሃ አዉደ ያዲ?” ያግስ።
\p
\v 26 የሱሲ ዛሪድ፥ “ታኒ ህንተዉ ቱማ ኦዳይስ፤ ህንተ ታና ኮየይ ኡይ ምድ ካልዳ ግሾሳፈ አትሽን፥ ማላታ በእዳ ግሾሳ ግደና። 
\v 27 ሳምያ ካስ ኦፍተ፥ ሽን መርና ደኦ እምያ ካስ ኦተ። ፆሳ አዋይ እ ኦና መላ እያዉ ማታ እምዳ ግሾ ሄ ካ አሳ ናአይ ህንተዉ እማና” ያግስ።
\p
\v 28 ያትን ኤንቲ፥ “ኑኒ ፆሳ ኦሱዋ ኦናዉ አይ ኦኔ?” ያግድ የሱሳ ኦይችዶሶና።
\p
\v 29 የሱሲ ዛሪድ፥ “ህንተ ኦና መላ ፆሳይ ኮይያ ኦሶይ ሀይሳ፦ እ ኪትዳይሳ አማንተ” ያግስ።
\p
\v 30 ኤንቲ ዛሪድ፥ “ኑኒ በእድ፥ ነና አማናና መላ አይ ማላታ ነ በሳኔ? ነ አይ ኦኔ? 
\v 31 ጌሻ ማፃፋን፥ ‘ኤንቲ ማና መላ ኡይ ሳሎፐ እሚስ’ ጌተትድ ፃፈትዳይሳዳ ኑ አዋት መላ ቢታን ማና ምዶሶና” ያግዶሶና።\x - \xo 6:31 \xo*\xt ከሳ 6:4፥ 15፤ ማዝ 78:24.\xt*\x*
\p
\v 32 የሱሲ፥ “ታኒ ህንተዉ ቱማ ኦዳይስ፤ ህንተዉ ሳሎፐ ቱማ ኡይ እምዳይ ታ አዋፐ አትሽን፥ ሙሰ ግደና። 
\v 33 ህዛ፥ ፆሳይ እምያ ኡይይ ሳሎፐ ዎዳይስ አላምያስ ደኦ እመይሳ” ያግስ።
\p
\v 34 ኤንቲ ዛሪድ፥ “ጎዳዉ፥ ኑስ ሄ ኡይ ኡባ ዎደ እማ” ያግዶሶና።
\p
\v 35 የሱሲ፥ “ታኒ ደኦ እምያ ኡይ፤ ታኮ ያ ኦንካ ኡባራካ ኮሻተና። ቃስ ታና አማንያ ኡራይ ኡባራካ ሳሞተና። 
\v 36 ሽን ታኒ ህንተዉ ኦዳስ፤ ህንተ ታና በእደታ፥ ሽን አማነከታ። 
\v 37 ታ አዋይ ታዉ እምያ ኡባይ ታኮ ያና፤ ቃስ ታኮ ያ ኦናካ ካረ የድከ። 
\v 38 ታኒ ታ ኮያባ ኦናዉ ግዶናሽን ታና ኪትዳይስ ኮያባ ኦናዉ ሳሎፐ ያስ። 
\v 39 ታና ኪትዳይስ ኮየይ ሀይሳ፦ ታኒ እ ታዉ እምዳ ኡባታካ ዉርሰ ጋላስ ሀይቆፐ ደንና መላፐ አትሽን፥ እሱዋካ ይሳና መላ ኮየና። 
\v 40 ህዛ፥ ታ አዋይ ኮየይ ሄሳ፦ ናኣ በእድ አማንያ ኡባይ መርና ደኡዋ ኤካና፤ ታኒ ሄ ኡባ ዉርሰ ጋላስ መርና ደኦስ ሀይቆፐ ደንና” ያግስ።
\p
\v 41 የሱሲ፥ “ታኒ ሳሎፐ ዎዳ ኡይ” ግዳ ግሾ፥ አይሁደት እያ ቦላ ዙዙምዶሶና። 
\v 42 ኤንቲ፥ “ሀይስ ኑኒ እያ አዋነ እያ አይዉ ኤርያ ዮሰፋ ናኣ የሱሳ ግደኔ? ያትን፥ እ ዋንድ፥ ‘ታኒ ሳሎፐ ዎስ’ ጋናዉ ዳንዳኢ?” ያግዶሶና።
\p
\v 43 የሱሲ ዛሪድ፥ “እሶይ እሱዋራ ዙዙን አግተ። 
\v 44 ታና ኪትዳ ታ አዋይ ታኮ ኤህያ አሳፐ አትሽን፥ ታኮ ያናዉ ዳንዳእያ ኦንካ ባዋ። ታኒ ዉርሰ ጋላስ እያ መርና ደኦስ ሀይቆፐ ደንና። 
\v 45 ናበት፥ ‘ፆሳይ አሳ ኡባ ታማርሳና’ ያግድ ፃፍዶሶና። አዋ ስኤይስነ እያፐ ታማርያ ኦንካ ታኮ ዬስ።\x - \xo 6:45 \xo*\xt እሳ 54:13.\xt*\x* 
\v 46 ፆሳ ማታፐ ይዳይሳፈ አትሽን፥ አዋ በእዳይ ኦንካ ባዋ፤ እያ ፃላል አዋ በእስ።
\p
\v 47 “ታኒ ህንተዉ ቱማ ኦዳይስ፤ ታና አማንያ ኦደስካ መርና ደኦይ ደኤስ። 
\v 48 ታኒ ደኦ እምያ ኡይ። 
\v 49 ህንተ አዋት መላ ቢታን ማና ምዶሶና፥ ሽን ሀይቅዶሶና። 
\v 50 ሳሎፐ ያ ኡይይ ሀይሳ፤ ሄ ኡይ ምያ ኦንካ ሀይቀና። 
\v 51 ሳሎፐ ይዳ ደኦ ኡይይ ታና። ኦንካ ሀ ኡይ ሚኮ መርናዉ ዳና። ቃስ ሀ አላመይ ደኦን ዳና መላ ታኒ ህንተዉ እማና ኡይይ ታ አሹዋ” ያግስ።
\p
\v 52 አይሁደት፥ “ሀ አደይ ባ አሹዋ ኑ ማና መላ ኑስ ዋትድ እማናዉ ዳንዳኢ?” ያግድ ባንታ ግዶን ፓላምዶሶና።
\p
\v 53 ሄሳ ግሾ፥ የሱሲ ኤንታኮ፥ “ታኒ ህንተዉ ቱማ ኦዳይስ፤ አሳ ናኣ አሹዋ፥ ህንተ ሞና እፅኮ፥ ቃስ እያ ሱ ህንተ ኡዮና እፅኮ፥ ህንተዉ ደኦይ ባዋ። 
\v 54 ታ አሹዋ ምያ ኡራስነ ታ ሱ ኡያ ኡራስ መርና ደኦይ ደኤስ። ታኒ ዉርሰ ጋላስ እያ ሀይቆፐ ደንና። 
\v 55 ታ አሾይ ቱማ ካ፤ ታ ሱይካ ቱማ ኡሹ። 
\v 56 ታ አሹዋ ምያ ኡራይነ ታ ሱ ኡያ ኡራይ ታናን ደኤስ፤ ታካ እያን ደአይስ። 
\v 57 ደኦ አዋይ ታና ኪትን፥ ታኒ እያ ባጋራ ደኦን ደኤይሳዳ፥ ታና ምያ ኡራይካ ታ ጋሶን ደኦን ዳና። 
\v 58 ሳሎፐ ዎዳ ኡይይ ሀይሳ፦ ህንተ አዋት ምድ ሀይቅዳ ማና መላ ግደና፤ ሀ ኡይ ምያ ኡራይ መርናዉ ዳና” ያግስ።
\p
\v 59 የሱሲ ቅፍርናሆማ ካታማን አይሁደ ዎሳ ኬን ሀይሳ ታማርስስ።
\s1 መርና ደኦ ቃላ
\p
\v 60 የሱሳ ታማረታፐ ዳርያ ባጋይ ሄሳ ስእዳ ዎደ፥ “ሀይስ ገሎና ትምርተ፤ ሀይስ ኦደስ ገሊ?” ያግዶሶና።
\p
\v 61 የሱሲ ባ ታማረት ሄሳስ ዙዙምዳይሳ ኤርድ፥ “ሀይስ ህንተና ቢ? 
\v 62 ያትን፥ አሳ ናአይ ካሰ ደእያሱዋ ፑደ ከይሽን ህንተ በእድ ዎይጋንደቲ? 
\v 63 ጌሻ አያናይ ደኦ እሜስ፤ አሳ ዎልቅ አይኮካ ማደና። ታ ህንተዉ ኦድያ ቃላይ ደኦ እምያ ጌሻ አያናፐ ዬስ። 
\v 64 ሽን ህንተ ግዶን አማኖናይሳት ደኦሶና” ያግስ። አማኖናይሳት ኦናንተኮ የሱሲ ኮይሮፐ ዶምድ ኤሬስ። ቃስ ባና አድ እማናይ ኦነኮ ኤሬስ። 
\v 65 ቃስካ የሱሲ፥ “አዋይ ባ ጎና ኦንካ ታኮ ያናዉ ዳንዳኤና ጋዳ ታኒ ኦድዳይ ሄሳ ግሾሳ” ያግስ።
\p
\v 66 ሄሳ ጋሶን፥ የሱሳ ካለይሳታፐ ዳሮት እያ አግድ ጉየ ስምዶሶና፤ ዛር እያ ካልቦኮና። 
\v 67 የሱሲ ባ ታማነ ናምኡ ታማረታኮ፥ “ህንተካ አግድ ባናዉ ኮዬቲ?” ያግድ ኦይችስ።
\p
\v 68 ስሞን ጰፅሮስ ዛሪድ፥ “ጎዳዉ፥ ኑኒ ኦደኮ ባኔ? ነዉ መርና ደኦ እምያ ቃላይ ደኤስ።\x - \xo 6:68 \xo*\xt ማቶ 16:16፤ ማር 8:29፤ ሉቃ 9:20.\xt*\x* 
\v 69 ኔኒ ፆሳ ጌሻ ግደይሳ ኑኒ አማኖስነ ኤሮስ” ያግስ።
\p
\v 70 የሱሲ ኤንታኮ፥ “ታኒ ህንተና ታማነ ናምአታ ዶራብክና? ሽን ህንተፈ እሶይ ፃላሄ” ያግስ። 
\v 71 የሱሲ ሄሳ ግዳይ ስሞና ናኣ አስቆሮታ ይሁዳሳ። ይሁድ የሱሳ አድ እማናዉ ደእያ ታማነ ናምኡ ታማረታፐ እሱዋ።
\c 7
\s1 የሱሳነ እያ እሻታ
\p
\v 1 ሄሳፈ ጉየ፥ አይሁደት የሱሳ ዎናዉ ኮይያ ግሾ እ ይሁዳ አግድ ጋልላን ስመረቴስ። 
\v 2 አይሁደት ቦንችያ ሻቃራ ባለይ ቦንቸታናዉ ማትስ።\x - \xo 7:2 \xo*\xt ሌወ 23:34፤ ዛረ 16:13.\xt*\x* 
\v 3 ሄሳ ግሾ፥ የሱሳ እሻት፥ “ነ ታማረት ኔኒ ኦያ ማላታታ በአና መላ ሀይሳፈ ደንዳዳ ይሁዳ ቢታ ባ። 
\v 4 ባዉ ኤረታናዉ ኮያ አስ ኦንካ ባ ኦሱዋ ገንና። ኔኒ ሀይሳታ ኦዳ ነባ አላምያ ኤርሳ” ያግዶሶና። 
\v 5 እያ እሻት ሄሳ ግዳይ እያን አማንቦና ግሾሳ።
\p
\v 6 የሱሲ ኤንታኮ፥ “ታዉ እንጀ ዎደይ ጋክቤና፥ ሽን ህንተዉ ኡባ ዎደይ እንጀቴስ። 
\v 7 አላመይ ህንተና እፃናዉ ዳንዳኤና፥ ሽን ታኒ አላምያ ኦሶይ ኢታ ግደይሳ ማርካትያ ግሾ ታና እፄስ። 
\v 8 ህንተ ባልያ ቢተ፤ ታ ዎደይ ጋክቦና ግሾ ታኒ ባልያ ቢከ” ያግስ። 
\v 9 እ ሄሳ ግድ ጋልላን አትስ። 
\v 10 እያ እሻት ባኣለ ቦንቻናዉ ብዳፐ ጉየ የሱሲ ኦናካ ኤርሶና ቆሳን ሄ በሳ ብስ። 
\v 11 አይሁደት ባኣለ ቦንችያ በሳን፥ “እ አዉን ደኢ?” ያግድ እያ ኮይዶሶና።
\p
\v 12 አሳይ ካልካሽድ እያባ ኦደቶሶና። ባጋይ፥ “እ ሎኦ አስ” ግያ ዎደ ሀራት ቃስ፥ “አካይ፥ እ አሳ ባለስ” ያጎሶና። 
\v 13 ሽን አይሁደ ሀላቃታስ ያይዳ ግሾ ኦንካ እያባ ቆንጨን ኦደተና።
\p
\v 14 ባልያ ቦንችድ ግዶ ጋያ ዎደ የሱሲ ፆሳ ኬ ብድ ታማርሶ ኦይክስ። 
\v 15 አይሁደት፥ “ሀ አደይ ትምርተ ታማሮና ሀይሳ ኡባ ዋት ኤርዴ?” ያግድ ማላለትዶሶና።
\p
\v 16 የሱሲ ዛሪድ፥ “ታ ታማርስያ ትምርተይ ታና ኪትዳ ፆሳ ማታፐ ያ ትምርተፈ አትሽን፥ ታባ ግደና። 
\v 17 ፆሳ ሸንያ ኦናዉ ኮይያ ኦንካ ሀ ትምርተይ ፆሳ ማታፐ ያኮነ ዎይኮ ታኒ ታፐ ኦድያኮ ኤራና። 
\v 18 ባባ ኦድያ ኦንካ ባ ሁጰ ቦንቾ ኮዬስ። ሽን ባና ኪትዳይሳ ቦንቹዋ ኮይያ ኦንካ እ ቱማንቾ፤ እያን ዎርዶይ ባዋ። 
\v 19 ሙሰይ ህንተዉ ህግያ እሚስ፥ ሽን ህንተፈ ኦንካ ህግያ ናግቤና። ያትን አይስ ታና ዎናዉ ኮዬቲ?” ያግስ።
\p
\v 20 አሳይ ዛሪድ፥ “ነና ፃላሄይ ኦይክስ፤ ነና ዎናዉ ኦኔ ኮየይ?” ያግዶሶና።
\p
\v 21 የሱሲ፥ “ታኒ እስ ማላታ ኦን ህንተ ኡባይ ማላለትደታ። 
\v 22 ህንተ፥ ህንተ ናይታ ቃፃራና መላ ሙሰይ ኪትስ። ሽን ቃፃሮ ህንተ ማይዛት ዶምዶሶናፐ አትሽን፥ ሙሰ ግደና። ሄሳ ግሾ፥ ህንተ ሳምባታ ጋላስ አደ ናይታ ቃፃሬታ።\x - \xo 7:22 \xo*\xt ሌወ 12:3፤ መ 17:10.\xt*\x* 
\v 23 ሙሰ ህገይ ኪትዳ ግሾ፥ ህንተ ሳምባታ ጋላስ ቃፃርያባ ግድኮ፥ ታኒ እስ አሳ ኩመ አሳተ ፓዳ ግሾ፥ ታራ አይስ ካጬቲ?\x - \xo 7:23 \xo*\xt ዮሀ 5:9.\xt*\x* 
\v 24 ቱማ ፕርዳ ፕርድተፐ አትሽን፥ አሳ ሶምኦ በእድ ፕርዶፍተ” ያግስ።
\s1 የሱሲ፥ እ ክርስቶሴ?
\p
\v 25 የሩሳላመ አሳፐ እሶት እሶት፥ “ኤንቲ ዎናዉ ኮይያ ኡራይ ሀይሳ ግደኔ? 
\v 26 ሄኮ፥ እ ቆንጨን ኦዴስ፤ ኤንቲ እያ አይኮካ ጎኮና። እ ክርስቶሳ ግደይሳ አይሁደ ሀላቃት ቱማ ኤርዶናሻ? 
\v 27 ክርስቶስ ያ ዎደ እ አዉፐ ያኮ ኦንካ ኤረና፥ ሽን እ አዉፐ ይዳኮ ኑ ኤሮስ” ያግዶሶና።
\p
\v 28 የሱሲ ፆሳ ኬን ታማርስሸ ባ ቃላ ቁ ኦድ፥ “ቱማ ህንተ ታኒ ኦነኮነ ታ አዉፐ ይዳኮ ኤሬቲ? ታኒ ታ ማታን ያቢከ፥ ሽን ታና ኪትዳይስ ቱማንቾ፤ ህንተ እያ ኤረከታ። 
\v 29 ሽን ታኒ እ ኪትን እያ ማታፐ ይዳ ግሾ እያ ኤራይስ” ያግስ።
\p
\v 30 ሄሳ ግሾ፥ ኤንቲ እያ ኦይካናዉ ኮይዶሶና። ሽን እያ ዎደይ ቡሮ ጋክቦና ግሾ ኦንካ እያ ቦላ ኩሸ ዎቤና። 
\v 31 ሽን ዳሮ አሳይ የሱሳ አማንድ፥ “ክርስቶስ ያ ዎደ ሀ ኡራይ ኦዳ ማላታታፐ ዳርያ ማላታ ኦነዬ?” ያግዶሶና።
\p
\v 32 ፋርሳወት ዳሮ አሳይ የሱሳባ ካልካሸይሳ ስእዶሶና። ካህነ ሀላቃትነ ፋርሳወት እያ ኦይድ ቃሽሳናዉ ፆሳ ኬ ናገይሳታ ኪትዶሶና።
\p
\v 33 የሱሲ፥ “ታኒ ህንተራ ጉ ዎደ ጋምአና፤ ሄሳፈ ጉየ ታና ኪትዳይሳኮ ባና። 
\v 34 ህንተ ታና ኮያና፥ ሽን ደመከታ። ታኒ ደእያሱዋ ህንተ ያናዉ ዳንዳኤከታ” ያግስ።
\p
\v 35 አይሁደት እሶይ እሱዋራ፥ “ሀይስ ኑኒ ደሞናሶ አዉ ባና ሀኒ? ግርከ ካታማን ደእያ አይሁደታኮ ብድ ግርከታ ታማርሳናዉ ሀንዬ? 
\v 36 ‘ህንተ ታና ኮያና፥ ሽን ደመከታ’ ቃስ፥ ‘ታኒ ደእያሱዋ ህንተ ያናዉ ዳንዳኤከታ’ ጉሳይ አይ ጉሴ?” ያግዶሶና።
\s1 ደኦ ሃ
\p
\v 37 ባልያ ቦንችያ ጋላሳታፐ ዎልቃማነ ዉርሰ ጋላሳን የሱሲ ደንድድ፥ ባ ቃላ ቁ ኦድ፥ “ሳሞትዳ ኦንካ ታኮ ይድ ኡዮ።\x - \xo 7:37 \xo*\xt ሌወ 23:36.\xt*\x* 
\v 38 ታና አማንያ ኦንካ ጌሻ ማፃፋይ ግዳይሳዳ ደኦ እምያ ፑልቶ ሃይ እያፐ ጎጋና” ያግስ።\x - \xo 7:38 \xo*\xt ህዝ 47:1፤ ዛካ 14:8.\xt*\x* 
\v 39 እ ሄሳ ግዳይ እያ አማንዳይሳት ኤካናዉ ደእያ ጌሻ አያናባ። የሱሲ ቡሮ ቦንቸትቦና ግሾ፥ ሄ ዎደ ጌሻ አያናይ እመትቤና።
\p
\v 40 ሄ አሳፐ ዳሮት እ ገይሳ ስእድ፥ “ቱማ ሀይስ ናብያ”\f + \fr 7:40 \fr*\fq ናብያ፦ \fq*\ft ሀ በሳን ናብያ ጌተትዳይ ያና ግድ ኤንቲ ናግያ ናብያ ቆንጭሴስ። (ዮሀ 1:21 ፄልተ።)\ft*\f* ያግዶሶና።
\p
\v 41 ሀራት ቃስ፥ “ሀይስ ክርስቶሳ” ያግዶሶና።
\p ሽን ሀራት ቃስ፥ “ክርስቶስ ጋልላፐ ዋንድ ከዪ? 
\v 42 ጌሻ ማፃፋይ፥ ‘ክርስቶስ ዳዊታ ሼሻፐ ዳዊቲ ደእዳ ቤተለመ ካታማፐ ያና’ ያገነዬ?” ያግዶሶና።\x - \xo 7:42 \xo*\xt 2 ሳሜ 7:12፤ ምክ 5:2.\xt*\x* 
\v 43 ሄሳ ግሾ፥ የሱሳ ጋሶን አሳይ ባንታ ግዶን ሻከትዶሶና። 
\v 44 ሄ አሳፐ እሶት እሶት እያ ኦይካናዉ ኮይዶሶና፥ ሽን ኦንካ እያ ቦላ ኩሸ ዎቤና።
\s1 አይሁደ ሀላቃት አማንቦኮና
\p
\v 45 ፆሳ ኬ ናገይሳት ካህነ ሀላቃታኮነ ፋርሳወታኮ ጉየ ስም ይን ኤንቲ፥ “አይስ እያ ኤህበከቲ?” ያግድ ኦይችዶሶና።
\p
\v 46 ፆሳ ኬ ናገይሳት ኤንታኮ፥ “ሀ አደይ ኦደተይሳ ኦንካ ኦደተና” ያግድ ዛርዶሶና።
\p
\v 47 ፋርሳወት ዛሪድ፥ “እ ህንተናካ ባለዴ? 
\v 48 አይሁደ ሀላቃታፐ ዎይኮ ፋርሳወተፐ እያ አማንዳ አስ ደኢ? 
\v 49 ሙሰ ህግያ ኤሮና ሀ አሳይ ባደትዳሳታ” ያግዶሶና።
\p
\v 50 ፋርሳወታፐ እሶይ ቃማ የሱሳኮ ብዳ ንቆድሞስ ኤንታኮ፥\x - \xo 7:50 \xo*\xt ዮሀ 3:1፥ 2.\xt*\x* 
\v 51 “እስ አስ ግያባ ስኦና ዎይኮ እ አይ ኦዳኮ ኤሮና ደእሸ ኮይሮትድ እያ ቦላ ፕርደይስ ኑ ህግያን ደኢ?” ያግስ።
\p
\v 52 ኤንቲ ዛሪድ፥ “ኔንካ ቃስ ጋልላ ቢታ አሴ? ጋልላ ቢታፈ ናበይ ከዮናይሳ ጌሻ ማፃፋፐ ፕልጋዳ ደማ” ያግዶሶና። 
\v 53 እሶይ እሶይ አግድ ባ ሶ ባ ሶ ብስ።
\c 8
\s1 ላይማተን ኦይከትዳ ማጫስዉ
\p
\v 1 ሽን የሱሲ ሻማሆ ዙማ ቦላ ከይስ። 
\v 2 ቃስ ዎንተ ጋላስ ጉራ ፆሳ ኬ ስምስ። ዳሮ አሳይ እያኮ ይን ኡትድ ኤንታ ታማርስስ። 
\v 3 ህገ አስታማረትነ ፋርሳወት ላይማትሽን ኦይክዳ እስ ማጫስዉ እያኮ ኤህዶሶና። ኤንቲ አሳ ኡባ ስንን እዮ ኤስድ፥ 
\v 4 “አስታማርያዉ፥ ሀ ማጫስያ ላይማትሽን ኑ ኦይክዳ። 
\v 5 ሙሰ ህገይ ሀን መላ ማጫስ ሹቻን ጫደታ ሀይቃና መላ ኪቴስ። ያትን፥ ኔኒ ዎይጋይ?” ያግዶሶና።\x - \xo 8:5 \xo*\xt ሌወ 20:10፤ ዛረ 22:22-24.\xt*\x*
\p
\v 6 ኤንቲ ሄሳ ግዳይ የሱሳ ፓጭድ እያ ሞትያባ ደማናሳ። ሽን የሱሲ ሆክድ ባ ብራን ቢታ ቦላ ፃፍስ። 
\v 7 ኤንቲ እያ ዛር ዛር ኦይችድ አጎና እፅን፥ ፑደ ቁ ግድ፥ “ህንተ ግዶን ናጋራ ኦቦና አስ ኮይሮትድ እዮ ሹቻን ጫዶ” ያግስ። 
\v 8 ቃስካ ሆክድ ቢታ ቦላ ፃፍስ።
\p
\v 9 ኤንቲ ሄሳ ስእዳ ዎደ ጭማታፐ ዶምድ እሶይ እሶይ ከይሸ ዉርዶሶና። የሱሳ ፃላል ሄ በሳን ኤቅዳ ማጫሴራ አትስ። 
\v 10 እ ፑደ ቁ ግድ ማጫሴኮ፥ “ማጫሰተ፥ አሳት አዉ ብዶና? ነ ቦላ ፕርድዳይ ኦንካ ባዌ?” ያግስ።
\p
\v 11 ማጫስያ፥ “ጎዳዉ፥ ኦንካ ባዋ” ያጋሱ።
\p የሱሲ ዛሪድ፥ “ታንካ ነ ቦላ ፕርድከ። ባ፤ ዛራዳ ናጋራ ኦፋ” ያግስ።
\s1 የሱሲ አላመስ ፖኦ
\p
\v 12 ቃስካ የሱሲ አሳኮ፥ “ታኒ አላምያስ ፖኦ። ታና ካልያ ኦንካ ደኦ እምያ ፖኡዋ ኤካናፐ አትሽን፥ ማን ስመረተና” ያግድ ኦድስ።\x - \xo 8:12 \xo*\xt ማቶ 5:14፤ ዮሀ 9:5.\xt*\x*
\p
\v 13 ፋርሳወት፥ “ኔኒ ነባ ማርካታሳ፥ ሽን ነ ማርካተይ ቱማ ግደና” ያግዶሶና።\x - \xo 8:13 \xo*\xt ዮሀ 5:31.\xt*\x*
\p
\v 14 የሱሲ ዛሪድ፥ “ታኒ ታባ ማርካትኮካ ታ ማርካተይ ቱማ። አይስ ጊኮ፥ ታኒ አዉፐ ይዳኮ ቃስ አዉ ብያኮ ኤራይስ፥ ሽን ህንተ ኤረከታ። 
\v 15 ህንተ አሳ ቆፋን ፕርደታ፤ ታኒ እስ አሳ ቦላካ ፕርድከ። 
\v 16 ታኒ ፕርድያባ ግድኮካ ታ ፕርዳይ ቱማ። አይስ ጊኮ፥ ታና ኪትዳ ታ አዋይ ታራ ደኤስፐ አትሽን፥ ታኒ ታርካ ደእከ። 
\v 17 ናምኡ አሳ ማርካተ ቱማ ግደይስ ህንተ ህግያን ፃፈትስ።\x - \xo 8:17 \xo*\xt ዛረ 19:15.\xt*\x* 
\v 18 ታኒ ታባ ታ ሁጰን ማርካታይስ፤ ቃስ ታና ኪትዳ ታ አዋይካ ታባ ማርካቴስ” ያግስ።
\p
\v 19 ኤንቲ፥ “ነ አዋይ አዉን ደኢ?” ያግድ እያ ኦይችዶሶና።
\p የሱሲ ዛሪድ፥ “ህንተ ታና ዎይኮ ታ አዋ ኤረከታ። ታና ኤርዳባ ግድያኮ፥ ህንተ ታ አዋካ ኤራናሽን” ያግስ።
\p
\v 20 የሱሲ ፆሳ ኬን ሙፃታ ሚሽያ የግያ ሳፅነይ ደእያ በሳን ሄሳ ታማርስስ። እያ ቃማይ ቡሮ ጋክቦና ግሾ ኦንካ እያ ኦይክቤና።
\p
\v 21 ቃስካ የሱሲ ኤንታኮ፥ “ታኒ ባና፤ ህንተ ታና ኮያና፥ ሽን ህንተ አቶተ ደሞና ህንተ ናጋራን ሀይቃና። ታኒ ብያ በሳ ህንተ ባናዉ ዳንዳኤከታ” ያግስ።
\p
\v 22 አይሁደ ሀላቃት፥ “እ፥ ‘ታኒ ብያ በሳ ህንተ ባናዉ ዳንዳኤከታ’ ያጌስ። እ ባና ባርካ ዎነዬ?” ያግዶሶና።
\p
\v 23 የሱሲ ዛሪድ፥ “ህንተ ጋርሳፈ፤ ታኒ ቦላፈ። ህንተ ሀ አላምያፐ፥ ታኒ ሀ አላምያፐ ግድከ። 
\v 24 ህንተ አቶተ ደሞና ህንተ ናጋራን ሀይቃና ጋዳ ታኒ ህንተዉ ኦድዳይ ሄሳሳ። ‘ታኒ ታና ግደይሳ’ ህንተ አማኖና እፅኮ ህንተ አቶተ ደሞና ህንተ ናጋራን ሀይቃና” ያግስ።
\p
\v 25 ኤንቲ፥ “ኔኒ ኦኔ?” ያግድ ኦይችዶሶና።
\p የሱሲ ዛሪድ፥ “ታኒ፥ ኮይሮፐ ህንተዉ ኦድዳ ታና። 
\v 26 ታኒ ህንተባ ኦዳዳ ፕርድያባይ ዳሮባይ ደኤስ። ሽን ታና ኪትዳይስ ቱማንቾ፤ ቃስ ታኒ እያፐ ስእዳይሳ ፃላላ አላምያስ ኦዳይስ” ያግስ።
\p
\v 27 የሱሲ ባ አዋባ ኦደይሳ ኤንቲ አኬክቦኮና። 
\v 28 ሄሳ ግሾ፥ የሱሲ ኤንታኮ፥ “ህንተ አሳ ናኣ ፑደ ቁ ኦያ ዎደ ታኒ ታና ግደይሳ ህንተ ኤራና። ቃስካ ታኒ ታ ማታን አይኮካ ኦናይሳነ ታ አዋይ ታና ታማርስዳይሳ ኦደይሳ ህንተ ኤራና። 
\v 29 ታና ኪትዳይስ ታራ ደኤስ። ታኒ ኡባ ዎደ እያ ኡፋይስያባ ኦያ ግሾ እ ታና ታ ፃላላ አግቤና” ያግስ።
\p
\v 30 የሱሲ ሄሳ ኦድሽን ስእዳ ዳሮ አሳይ እያ አማንዶሶና።
\s1 ቱም ላአ ከሴስ
\p
\v 31 የሱሲ ባና አማንዳ አሳታኮ፥ “ህንተ ታ ትምርትያስ ኪተትኮ ቱማ ታና ካለይሳታ። 
\v 32 ህንተ ቱማ ኤራና፤ ቱማይካ ህንተና አይለተፈ ከሳና” ያግስ።
\p
\v 33 ኤንቲ ዛሪድ፥ “ኑኒ አብራሃመ ሼሽ፤ ኑኒ ኦደስካ አይለትቦኮ። ኔኒ ዎይጋዳ፥ ‘ህንተ አይለተፈ ከያና’ ጋይ?” ያግዶሶና።\x - \xo 8:33 \xo*\xt ማቶ 3:9፤ ሉቃ 3:8.\xt*\x*
\p
\v 34 የሱሲ ዛሪድ፥ “ታኒ ህንተዉ ቱማ ኦዳይስ፤ ናጋራ ኦያ ኦንካ ናጋራ አይለ። 
\v 35 አይለይ መርናዉ ሶ አሳራ ዴና፥ ሽን ናአይ መርናዉ ሶ አሳራ ደኤስ። 
\v 36 ናአይ ህንተና አይለተፈ ከስኮ ህንተ አይለተፈ ቱማ ከያና። 
\v 37 ህንተ አብራሃመ ሼሽ ግደይሳ ታኒ ኤራይስ። ሽን ታ ቃላይ ህንተ ዎዛናን ባይና ግሾ፥ ታና ዎናዉ ኮዬታ። 
\v 38 ታኒ ታ አዋይ ታና በስዳይሳ ኦዳይስ፥ ሽን ህንተካ ህንተ አዋፐ ስእዳይሳ ኦታ” ያግስ።
\p
\v 39 ኤንቲ ዛሪድ፥ “ኑ አዋይ አብራሃመ” ያግዶሶና።
\p የሱሲ ኤንታኮ፥ “ህንተ አብራሃመ ናይታ ግድያኮ እ ኦዳይሳ ኦና። 
\v 40 ሽን ፆሳፈ ስእዳ ቱማ ኦድዳ ታና ህንተ ዎናዉ ኮዬታ። አብራሃመይ ሄሳዳ ኦቤና። 
\v 41 ህንተ፥ ህንተ አዋይ ኦዳይሳ ኦታ” ያግስ።
\p ኤንቲ ዛሪድ፥ “ኑኒ ቱማ ፆሳ ናይታ፤ ኑስ እስ አዋይ ፆሳ ፃላል ደኤስ” ያግዶሶና።
\p
\v 42 የሱሲ ኤንታኮ፥ “ፆሳይ ቱማ ህንተ አዋ ግድያኮ ህንተ ታና ዶሳና፤ አይስ ጊኮ፥ ታኒ ፆሳ ማታፐ ያዳ ሀይሳን ደአይስ። ታና እ ኪትስፐ አትሽን፥ ታኒ ታ ማታን ያቢከ። 
\v 43 ታኒ ገይሳ ህንተ ስአናዉ ኮዮና ግሾ ታ ግያባይ ህንተዉ ገለና። 
\v 44 ህንተ፥ ህንተ አዋ ፃላሄ ናይታ። ቃስ ህንተ፥ ህንተ አዋይ አሞትያባ ኦናዉ ኮዬታ። እ ኮይሮፐ ዶምድ ሸምፖ ዎይሳ። ቱም እያን ባይና ግሾ እ ቱማ እፄስ። ዎርዶይ እያዉ መ ግድዳ ግሾነ እ ዎርዶ አዋ ግድያ ግሾ ዎርዶ ኦደትሸ ባፐ ኦደቴስ። 
\v 45 ታኒ ቱማ ኦዳይስ፥ ሽን ህንተ ታና አማነከታ። 
\v 46 ህንተፈ፥ ‘ኔኒ ናጋራ ኦሽን ታ በአስ’ ጋናዉ ዳንዳኤይ ኦኔ? ታኒ ቱማ ኦደትያባ ግድኮ ታና አይስ አማነከቲ? 
\v 47 ፆሳ አስ ፆሳይ ግያባ ስኤስ። ህንተ ፆሳ አስ ግዶና ግሾ ፆሳይ ግያባ ስኤከታ” ያግስ።
\s1 የሱሲ አብራሃመፐ ስን ደኤስ
\p
\v 48 አይሁደት ዛሪድ፥ “ ‘ኔኒ ሳማረ አስ፤ ነናን ቱና አያናይ ደኤስ’ ግሸ ልከ ግዶኮ?” ያግዶሶና።
\p
\v 49 የሱሲ ኤንታኮ “ታ ቦላ ቱና አያን ባዋ። ታኒ ታ አዋ ቦንቻይስ፥ ሽን ህንተ ታና ካዉሸታ። 
\v 50 ታኒ ታ ሁጰ ቦንቾ ኮይከ፤ ታኒ ቦንቸታና መላ ኮየይስነ ታዉ ፕርደይስ ደኤስ። 
\v 51 ታኒ ህንተዉ ቱማ ኦዳይስ፤ ታ ቃላ ናግያ ኦንካ ሀይቀና” ያግስ።
\p
\v 52 አይሁደት ዛሪድ፥ “ነ ቦላ ቱና አያናይ ደኤይሳ ኑኒ ሀእ ኤርዳ። አብራሃመይ ሀይቅስ፤ ናበትካ ሀይቅዶሶና። ሽን ኔኒ፥ ‘ታ ቃላ ናግያ ኦንካ ሀይቀና’ ያጋሳ። 
\v 53 ኔኒ ሀይቅዳ ኑ አዋ አብራሃመፐ አዬ? ናበትካ ቃስ ሀይቅዶሶና። ኔኒ ነና ኦና ጋዳ ቆፓይ?” ያግዶሶና።
\p
\v 54 የሱሲ፥ “ታኒ ታና ቦንችኮ ታ ቦንቾይ ሀዳ። ህንተ፥ ‘ኑ ፆሳ’ ግያ ታ አዋይ እ ታና ቦንቼስ። 
\v 55 ህንተ እያ ኤሮና እፅኮ ታኒ እያ ኤራይስ። ታኒ እያ ኤርከ ጊኮ ህንተ መላ ዎርዶታይስ። ሽን ታኒ እያ ኤራይስ፤ ቃስ እያ ቃላካ ናጋይስ። 
\v 56 ህንተ አዋይ አብራሃመይ ታ ዩሳ ጋላሳ በእድ ኡፋይታናዉ አሞትስ፤ በእድካ ኡፋይትስ” ያግስ።
\p
\v 57 አይሁደት ዛሪድ፥ “ሀር አቶሽን፥ ነዉ እሻታሙ ላይ ኩምቤናሽን ዋናዳ አብራሃመ በአስ ጋይ?” ያግዶሶና።
\p
\v 58 የሱሲ ኤንታኮ፥ “ታኒ ህንተዉ ቱማ ኦዳይስ፤ አብራሃመይ የለታናፐ ካሰ፥ ‘ታኒ ታና’ ” ያግስ።
\p
\v 59 ሄሳ ግሾ፥ ኤንቲ የሱሳ ጫዳናዉ ሹች ኤክዶሶና። ሽን የሱሲ ኤንታፈ ጌምድ ፆሳ ኬፈ ከይድ ብስ።
\c 9
\s1 ቆቀ ግድድ የለትዳ ኡራ
\p
\v 1 የሱሲ ብሸ የለቶሳፐ ቆቀ ግድድ ደእያ እስ አድያ በእስ። 
\v 2 እያ ታማረት፥ “አስታማርያዉ፥ ሀ አደይ ቆቀ ግድድ የለታና መላ ናጋራ ኦዳይ ኦኔ? እ ኦደየ ዎይኮ እያ የልዳይሳት ኦዶና?” ያግድ ኦይችዶሶና።
\p
\v 3 የሱሲ፥ “ፆሳ ኦሶይ እያ ቦላ ቆንጫና መላፐ አትሽን፥ እ ዎይኮ እያ የልዳይሳት ናጋራ ኦዳ ግሾ ግደና። 
\v 4 ሳእ ጋላስ ደእሽን ታና ኪትዳይሳ ኦሱዋ ኑ ኦናዉ በሴስ። ኦንካ ኦናዉ ዳንዳኦና ቃማይ ዬስ። 
\v 5 ታኒ አላምያን ደአሸ አላምያስ ፖኦ” ያግስ።\x - \xo 9:5 \xo*\xt ማቶ 5:14፤ ዮሀ 8:12.\xt*\x*
\p
\v 6 የሱሲ ሄሳ ግድ ሳአን ጩትስ። ባ ጩቻን ጉ ቢታ ላኮድ ሄ ኡርቃን ቆቀ አድያ አይፍያ ትይስ። 
\v 7 ያትድ፥ “ባዳ ሳልሆመ (ሳልሆመ ጉሳይ ኪተትዳይሳ ጉሱ) ጌተትያ ተቀትዳ ሃን ነ አይፍያ ሜጨታ” ያግስ። ሄሳ ግሾ፥ አደይ ብድ ባ አይፍያ ሜጨትድ ፄልሸ ስምስ።
\p
\v 8 አድያ ሾሮትነ አደይ ካሰ ዎስሽን በእዳ አሳይ፥ “ሀይስ ኡትድ ዎስያ አድያ ግደነዬ?” ያግዶሶና።
\p
\v 9 እስ እስ አሳይ፥ “ሀይስ እያ” ያግዶሶና።
\p ሀራት ቃስ፥ “አካይ፥ ሀይስ እያ ዳኔስፐ አትሽን፥ እያ ግደና” ያግዶሶና።
\p ሽን አደይ፥ “ኤ፥ ታና” ያግስ።
\p
\v 10 ኤንቲ እያኮ፥ “ያትን ነ አይፈይ ዋንድ ፄልዴ?” ያግድ ኦይችዶሶና።
\p
\v 11 እ ዛሪድ፥ “የሱሳ ጌተትያ አደይ ጉ ኡርቃ ላኮድ ታ አይፍያ ትይድ፥ ‘ሳልሆመ ባዳ ነ አይፍያ ሜጨታ’ ያግን፥ ታኒ ባዳ ሜጨታዳ ፄላ አጋስ” ያግስ።
\p
\v 12 ኤንቲ እያኮ፥ “እ አዉን ደኢ?” ያግድ ኦይችዶሶና።
\p አደይ፥ “ታኒ ኤርከ” ያግስ። 
\v 13 ኤንቲ ካሰ ቆቀ፥ ሽን ሀእ ፄልዳ አድያ ፋርሳወታኮ ኤፍዶሶና። 
\v 14 የሱሲ ኡርቃ ላኮድ አድያ አይፍያ ፓዳ ጋላሳይ ሳምባታ ጋላስ። 
\v 15 ሄሳ ግሾ፥ አደይ ዋንድ ፄልዳኮ ፋርሳወት እያ ዛር ኦይችዶሶና። አደይ ኤንታኮ፥ “እ ታ አይፍያን ጉ ኡርቃ ትይስ። ታ አይፍያ ሜጨታዳ ሀእ ፄላይስ” ያግስ።
\p
\v 16 ፋርሳወተፐ እሶት እሶት፥ “ሀይሳ ኦዳ አደይ ሳምባታ ህግያ ናጎና ግሾ ፆሳ ማታፐ ይቤና” ያግዶሶና።
\p ሽን ሀራት፥ “ናጋራንቾ አስ ሀይሳ መላ ማላታ ዋት ኦናዉ ዳንዳኢ?” ያግድ ባንታ ግዶን ሻከትዶሶና።
\p
\v 17 ሄሳ ግሾ፥ ፋርሳወት አድያኮ፥ “እ ነ አይፍያ ፄልስዳ ግሾ ነ እያባ ዎይጋይ?” ያግዶሶና።
\p አደይ፥ “እ ናበ” ያግስ።
\p
\v 18 አይሁደ ሀላቃት፥ እያ አይዉነ አዋ ፄግድ ኦይቻና ጋካናዉ፥ አደይ ካሰ ቆቀ ግድዳይሳነ ሀእ እ ፄለይሳ አማንቦኮና። 
\v 19 ኤንቲ እያ አይዉነ እያ አዋኮ፥ “ህንተ ‘ቆቀ ግድድ የለትስ’ ግያ ህንተ ናአይ ሀይሴ? ያትን፥ ሀእ ዋንድ ፄልዴ?” ያግድ ኦይችዶሶና።
\p
\v 20 እያ የልዳይሳት፥ “ሀይስ ኑ ናኣ ግድዳይሳነ ቆቀ ግድድ እ የለትዳይሳ ኑ ኤሮስ። 
\v 21 ሽን ሀእ እ ዋንድ ፄልዳኮ ቃስ እያ አይፍያ ኦን ፓዳኮ ኑኒ ኤሮኮ። እያ ኦይችተ። እ ባና ኤርዳ አስ ግድያ ግሾ ባባ ኦዳናዉ ዳንዳኤስ” ያግዶሶና። 
\v 22 እያ የልዳይሳት ሄሳ ግዳይ አይሁደታስ ያይዳ ግሾሳ። አይስ ጊኮ፥ አይሁደት፥ የሱሲ እ ክርስቶሳ ያግድ ማርካትያ አስ ደእኮ ሄ ኡራ አይሁደ ዎሳ ኬፈ ህላናዉ ኮይሮትድ ዞረ ቃችዶሶና። 
\v 23 እያ የልዳይሳት፥ “እ ባና ኤርዳ አስ፤ እያ ኦይችተ” ያግዳይ ሄሳሳ።
\p
\v 24 ሄሳ ግሾ፥ ቆቀ ግድድ የለትዳ አድያ ኤንቲ ዛር ፄግድ፥ “ቱማ ኦዳናዉ ፆሳን ጫቃ፤ ሀ አደይ ናጋራንቾ ግደይሳ ኑ ኤሮስ” ያግዶሶና።
\p
\v 25 አደይ ዛሪድ፥ “እ ናጋራንቾ ግደይሳ፥ ታ ኤርከ። ታኒ ቆቀ ግደይሳነ ሀእ ፄለይሳ ሄ እስባ ኤራይስ” ያግስ።
\p
\v 26 ኤንቲ ዛሪድ፥ “እ ነዉ አይ ኦዴ? እ ነ አይፍያ ዋት ፓዴ?” ያግዶሶና።
\p
\v 27 እ ኤንታኮ፥ “ታኒ ህንተዉ ኦዳስ፥ ሽን ስእቤከታ። አይስ ዛር ስአናዉ ኮዬቲ? ህንተካ እያ ታማረ ግዳናዉ ኮዬትዬ?” ያግስ።
\p
\v 28 ኤንቲ እያ ጫይድ፥ “ነ ሄ ኡራ ታማረ ግዳ፤ ኑኒ ሙሰ ታማረ። 
\v 29 ፆሳይ ሙሰስ ኦድዳይሳ ኑኒ ኤሮስ፥ ሽን ሀር አቶሽን ሀ ኡራይ እ አዉፐ ይዳኮካ ኑ ኤሮኮ” ያግዶሶና።
\p
\v 30 አደይ ኤንታኮ፥ “እ አዉፐ ይዳኮ ህንተ ኤሮናይስ ማላልስያባ፥ ሽን እ ታ አይፍያ ፓስ። 
\v 31 ፆሳ ቦንቸይሳነ እ ኮያባ ኦያ ኡራ ፆሳይ ስኤስፐ አትሽን፥ ናጋራንቾታ ስኤና። 
\v 32 ሳሎይ ሳእ መቶሳፐ ቆቀ ግድድ የለትዳ አሳ አይፈ ፓዳይ ኦንካ ባዋ። 
\v 33 ሀ አደይ ፆሳፈ ኪተትቦናባ ግድያኮ እስባካ ኦናዉ ዳንዳኤና” ያግስ።
\p
\v 34 ኤንቲ ዛሪድ፥ “ኔኒ ናጋራን የለታዳ ድጭዳይስ ኑና ታማርሳናዉ ኮያይ?” ያግዶሶና። እያ አይሁደ ዎሳ ኬፈ ህልዶሶና።
\s1 ዎዛና ቆቀተ
\p
\v 35 የሱሲ ኤንቲ አድያ ከስዳይሳ ስእዳ ዎደ እያ ደምድ፥ “አሳ ናኣ አማናይ?” ያግድ ኦይችስ።
\p
\v 36 አደይ የሱሳኮ፥ “ጎዳዉ፥ ታኒ እያ አማናና መላ እ ኦኔ? ታዉ ኦዳርኪ?” ያግስ።
\p
\v 37 የሱሲ አድያኮ፥ “ኔኒ እያ በአዳሳ፤ ሀ ኔራ ኦደተይስ እያ” ያግስ።
\p
\v 38 አደይ ዛሪድ፥ “ጎዳዉ፥ አማናይስ” ያግድ የሱሳስ ጎይንስ።
\p
\v 39 የሱሲ፥ “ቆቀት ፄላና መላነ ፄለይሳት ቆቃና መላ ታኒ ፕርዳናዉ ሀ አላምያ ያስ” ያግስ።
\p
\v 40 እያራ ደእያ ጉ ፋርሳወት ሄሳ ስእድ፥ “ኑ ቆቀዬ?” ያግድ ኦይችዶሶና።
\p
\v 41 የሱሲ፥ “ህንተ ቆቀ ግድያኮ ህንተዉ ናጋራ ግደና። ሽን ሀእ ህንተ ፄሎስ ግያ ግሾ ህንተ፥ ህንተ ናጋራን ደኤታ” ያግስ።
\c 10
\s1 የሱሲ ሎኦ ሄንንቾ
\p
\v 1 የሱሲ፥ “ታኒ ህንተዉ ቱማ ኦዳይስ፤ ዶርሳ ግርበ ግዶ ፐንገራ ግዶና ሀራሶራ ገልያ ኦንካ ካይሶነ ፓንጋ። 
\v 2 ሽን ፐንገራ ገለይስ ዶርሳታ ሄመይሳ። 
\v 3 ፐንግያ ናገይስ እያዉ ፐንግያ ዶዬስ፤ ዶርሳትካ እያ ቃላ ስኦሶና። እ ባ ዶርሳታ ኤንታ ሱንን ሱንን ፄጌስ፤ ኤንታ ካለድ ካረ ከሴስ። 
\v 4 እ ባ ዶርሳታ ካረ ከስዳፐ ጉየ ኤንታ ስንን ሄመቴስ። ኤንቲ እያ ቃላ ኤርያ ግሾ እያ ካሎሶና። 
\v 5 ሀራ ኡራ ቃላ ኤንቲ ኤሮና ግሾ እያፐ ባቃቶሶናፐ አትሽን፥ እያ ጌዶ ካሎኮና” ያግስ።
\p
\v 6 የሱሲ ኤንታዉ ሀ ሌምሱዋ ኦድስ፥ ሽን እ አይ ግዳኮ ኤንቲ አኬክቦኮና።
\p
\v 7 ዛሪድ የሱሲ ኤንታኮ፥ “ታኒ ህንተዉ ቱማ ኦዳይስ፤ ታኒ ዶርሳታስ ፐንገ። 
\v 8 ታፐ ስን ይዳ ኡባይ ካይሶነ ፓንጋ፥ ሽን ዶርሳት ኤንታ ስእቦኮና። 
\v 9 ፐንገይ ታና፤ ታ ባጋራ ገልያ ኦንካ አታና። እ ታ ባጋራ ገላናነ ከያና፤ ሎኦ ሄመትያ በሲ ደማና። 
\v 10 ካይሶይ ካይሶታናዉ፥ ሹካናዉነ ይሳናዉ ዬስፐ አትሽን፥ ሀራባስ ዬና። ታኒ ኤንታዉ ደኦይ ዳና መላነ ኩምድ ፓላሀና መላ ያስ።
\p
\v 11 “ታኒ ሎኦ ሄንንቾ፤ ሎኦ ሄንንቾይ ባ ዶርሳታ ግሾ ባ ሸምፑዋ አድ እሜስ። 
\v 12 ኡነ ሄምያ አስ ዶርሳታ ጎዳነ ሄንንቾ ግዶና ግሾ ሱመይ ያ ዎደ በእድ ዶርሳታ አግድ ቤስ። ሄሳ ግሾ፥ ሱመይ ዶርሳታ ኦይክድ ላሌስ። 
\v 13 ኡነ ሄመይስ ሚሸስ ሄምያ ግሾነ ዶርሳታባይ እያ ቆፍሶና ግሾ ዶርሳታ አግድ ባቃቴስ።
\p
\v 14-15 “ታኒ ሎኦ ሄንንቾ። ታ አዋይ ታና ኤረይሳዳ ታንካ ታ አዋ ኤራይስ። ሄሳዳካ፥ ታኒ ታ ዶርሳታ ኤራይስ፤ ታ ዶርሳትካ ታና ኤሮሶና። ታኒ ታ ዶርሳታ ግሾ ታ ሸምፑዋ አ እማይስ።\x - \xo 10:14-15 \xo*\xt ማቶ 11:27፤ ሉቃ 10:22.\xt*\x* 
\v 16 ሀ ዉድያን ባይና ሀራ ዶርሳት ታዉ ደኦሶና። ታኒ ኤንታካ ኤሀናዉ በሴስ። ኤንቲ ታ ቃላ ስአና፤ ኤንቲ እስ ዉደ ግዳና፤ ሄንንቾይካ እሱዋ።
\p
\v 17 “ታኒ ታ ሸምፑዋ አ እማዳ ዛራ ኤክያ ግሾ ታ አዋይ ታና ዶሴስ። 
\v 18 ታ ዶሳዳ ታ ሸምፑዋ አ እማይስፐ አትሽን፥ ታፐ ኦንካ ኤከና። ታኒ ታ ሸምፑዋ አ እማናዉነ ዛራ ኤካናዉ ማት ታዉ ደኤስ። ታኒ ኦና መላ ታ አዋይ ታና ኪትዳይስ ሀይሳ” ያግስ።
\p
\v 19 ሄሳ እ ግዳ ግሾ፥ አይሁደታ ግዶን ቃስካ ሻከተ መትስ። 
\v 20 ኤንታፈ ዳርያ ባጋይ፥ “እያን ቱና አያናይ ደኤስ! እ ጎዬስ! እ ግያባ አይስ ስኤቲ?” ያግዶሶና።
\p
\v 21 ሀራት ቃስ፥ “ፃላሄይ ኦይክዳ አስ ሀይሳዳ ኦደተና። ቱና አያን ቆቀ አይፈ ፄልሳናዉ ዳንዳእዬ?” ያግዶሶና።
\s1 የሱሲ አሳ ናአ
\p
\v 22 የሩሳላመን ፆሳ ኬ አንጅስዳ ጋላሳታ ቦንችያ ባለይ ጋክስ፤ ሄ ዎደ ሳእ ባልጎ። 
\v 23 የሱሲ ፆሳ ኬን ሶሎሞነ ባራንዳን ስመረቴስ። 
\v 24 አይሁደት የሱሳ ዩሾን ሺቅ ኤቅድ፥ “ኔኒ ኑና አዉደ ጋካናዉ ስራ ዎኔ? ኔኒ ክርስቶሳ ግድኮ አነ ኑስ ጌሻዳ ኦዳ” ያግዶሶና።
\p
\v 25 የሱሲ ዛሪድ ኤንታኮ፥ “ታኒ ህንተዉ ኦዳስ፤ ሽን ታና አማነከታ። ታኒ ታ አዋይ ታዉ እምዳ ማታን ኦያ ኦሶይ ታባ ማርካቴስ። 
\v 26 ሽን ታኒ ህንተዉ ኦድዳይሳዳ ህንተ ታ ዶርሰ ግዶና ግሾ አማነከታ። 
\v 27 ታ ዶርሳት ታ ቃላ ስኦሶና። ታኒ ኤንታ ኤራይስ፤ ኤንትካ ታና ካሎሶና። 
\v 28 ታኒ ኤንታዉ መርና ደኡዋ እማይስ፤ ኤንቲ ኡባራካ ዮኮና። ኦንካ ታ ኩሸፐ ኤንታ ቦንቅ ኤካናዉ ዳንዳኤና። 
\v 29 ኤንታ ታዉ እምዳ ታ አዋይ ኡባፈ አስ\f + \fr 10:29 \fr*\fq ታ አዋይ ኡባፈ አስ፦ \fq*\ft እስ እስ በን ማፃፋት፥ “ታ አዋይ ታዉ እምዳ ኤንቲ ኡባፈ አሶና” ያጎሶና።\ft*\f* ኦንካ ታ አዋ ኩሸፐ ኤንታ ቦንቅ ኤካናዉ ዳንዳኤና። 
\v 30 ታነ ታ አዋይ እስኖ” ያግስ።
\p
\v 31 አይሁደት የሱሳ ጫዳናዉ ቃስካ ሹች ደንዶሶና። 
\v 32 የሱሲ ኤንታኮ፥ “ታኒ ኦና መላ ታ አዋይ ታዉ እምዳ ዳሮ ሎኦ ኦሶታ ህንተና ኦ በሳስ። ሄሳታፐ አዉሳ ግሾ ታና ሹቻን ጫዳናዉ ኮዬቲ?” ያግስ።
\p
\v 33 አይሁደት ዛሪድ፥ “ኑኒ ነና ነ ሎኦ ኦሶ ግሾ ሹቻን ጫዳናዉ ኮዮኮ። ሽን ኔኒ ፆሳ ጫይያ ግሾነ አሰ ግዳሸ ኔኒ፥ ነና ፆሰ ግያ ግሾሳ” ያግዶሶና።\x - \xo 10:33 \xo*\xt ሌወ 24:16.\xt*\x*
\p
\v 34 የሱሲ ዛሪድ፥ “ጌሻ ማፃፋን ፆሳይ፥ ‘ህንተ ፆሳታ’ ግዳይስ ፃፈትቤኔ?\x - \xo 10:34 \xo*\xt ማዝ 82:6.\xt*\x* 
\v 35 ጌሻ ማፃፋይ መርናዉ ላመተና። ፆሳይ ባ ቃላ እምዳ አሳታ፥ ‘ፆሳታ’ ግድ ፄግኮ፥ 
\v 36 አዋይ ዶርድ ሀ አላምያ ኪትዳ ታና ፆሳ ናአ ዋትድ ‘ፆሳ ጫያሳ’ ያገቲ? 
\v 37 ታኒ ታ አዋይ ኦይሳ ኦና እፅኮ ታና አማኖፕተ። 
\v 38 ሽን ታኒ ኦያባ ግድኮ ህንተ ታና አማኖና እፅኮካ፥ ታ አዋይ ታናን ደኤይሳነ ታካ ታ አዋን ደኤይሳ ህንተ ኤራና መላ ታ ኦሱዋ አማንተ” ያግስ።
\p
\v 39 ቃስካ ኤንቲ እያ ኦይካናዉ ኮይዶሶና፥ ሽን እ ኤንታፈ ከስ ኤክስ።
\p
\v 40 ዮሃንስ ካሰ ፃማቅያ በሳ፥ ዮርዳኖሰ ሻፋፐ ሄፍን የሱሲ ፕንድ ያን ደእስ።\x - \xo 10:40 \xo*\xt ዮሀ 1:28.\xt*\x* 
\v 41 ዳሮ አሳይ የሱሳኮ ይድ፥ “ዮሃንስ ማላታ ኦቤና፥ ሽን እ ሀ አድያባ ኦድዳባይ ኡባይ ቱማ” ያግዶሶና። 
\v 42 ያን ዳሮ አሳይ የሱሳ አማንዶሶና።
\c 11
\s1 አላዛራ ሀይቁዋ
\p
\v 1 ብታነ ጉታን አላዛራ ጌተትያ እስ አደይ ሀርገትስ። ብታነይ ማይራማነ እ ምችያ ማርታ ደእያ ጉታ።\x - \xo 11:1 \xo*\xt ሉቃ 10:38-39.\xt*\x* 
\v 2 ሄ ማይራማ ጎዳ ቶሁዋ ሽቶ ትያዳ ባ ብናናን እያ ቶሁዋ ቁችዳሮ። ሀርገትዳይ እ እሻ አላዛራ።\x - \xo 11:2 \xo*\xt ዮሀ 12:3.\xt*\x* 
\v 3 ሄሳ ግሾ፥ ምቸት፥ “ጎዳዉ፥ ነ ዶሰይስ ሀርገትስ” ግድ የሱሳኮ ኪትዶሶና።
\p
\v 4 የሱሲ ሄሳ ስእዳ ዎደ፥ “ሀ ሀርገይ፥ ፆሳይነ እያ ናአይ ቦንቸታና መላፐ አትሽን፥ ሀይቆስ ጋያ ሀርገ ግደና” ያግስ።
\p
\v 5 የሱሲ ማርታ፥ እ ምችዉነ አላዛራ ዶሴስ። 
\v 6 ሽን አላዛር ሀርግዳይሳ የሱሲ ስእድ ባ ደእያ በሳን ናምኡ ጋላስ ጋምእስ። 
\v 7 ሄሳፈ ጉየ፥ የሱሲ ባ ታማረታኮ፥ “ዛሪድ ይሁዳ ቢታ ቦስ” ያግስ።
\p
\v 8 እያ ታማረት ዛሪድ፥ “አስታማርያዉ፥ ጉ ዎደፐ ካሰ አይሁደት ነና ሹቻን ጫድድ ዎናዉ ኮይዶሶና፤ ሀእካ ያ ባኔ?” ያግዶሶና።
\p
\v 9 የሱሲ፥ “እስ ጋላሳን ታማነ ናምኡ ሳተይ ደኤስ ግደነዬ? ጋላስ ሄመትያ አስ ሀ አላምያ ፖኡዋ በእያ ግሾ በተና። 
\v 10 ሽን ቃማ ሄመትያ ኦንካ ፖኦይ ባይና ግሾ፥ በቴስ” ያግስ። 
\v 11 የሱሲ ሄሳ ግዳፐ ጉየ ኤንታኮ፥ “ኑ ዶስያ አላዛር ስክስ፥ ሽን እያ ደንናዉ ታኒ ባና” ያግስ።
\p
\v 12 እያ ታማረት ዛሪድ፥ “ጎዳዉ፥ እ ስክዳባ ግድኮ እያዉ ሎአና” ያግዶሶና።
\p
\v 13 የሱሲ አላዛር ሀይቅዳይሳ ኦድስ፥ ሽን ኤንታዉ ጮ ስኮ ዳንስ። 
\v 14 ሄሳ ግሾ፥ የሱሲ ጌሽድ ኤንታኮ፥ “አላዛር ሀይቅስ። 
\v 15 ህንተ አማናና መላ ታኒ ሄ በሳን ደኦናይሳስ ህንተ ግሾ ኡፋይታይስ። አነ የተ፤ እያኮ ቦስ” ያግስ።
\p
\v 16 ሄሳፈ ጉየ፥ ድድሞሳ\f + \fr 11:16 \fr*\fk ድድሞሳ፦ \fk*\ft ጉሳይ መንተ ጉሱ።\ft*\f* ጌተትያ ቶማስ ባ ላገ ታማረታኮ፥ “አስታማርያራ ሀይቃናዉ ኑካ ቦስ” ያግስ።
\s1 የሱሲ ደንዶነ ደኦ
\p
\v 17 የሱሲ ጋክያ ዎደ አላዛር ሞገትን ኦይዱ ጋላስ ግድስ። 
\v 18 ብታነይ የሩሳላመፐ ሄ ክሎ ምትረ መላ ሃኬስ። 
\v 19 ዳሮ አይሁደት ማርታነ ማይራሞ ኤንታ እሻይ ሀይቅዳይሳስ ምንናዉ ይዶሶና።
\p
\v 20 ማርታ የሱሲ ይዳይሳ ስአዳ እያ ሞካናዉ ከያሱ፥ ሽን ማይራማ ሶን አታሱ። 
\v 21 ማርታ የሱሳኮ፥ “ጎዳዉ፥ ኔኒ ሀይሳን ደእዳባ ግድያኮ ታ እሻይ ሀይቀናሽን። 
\v 22 ሽን ሀእ ግድኮካ ኔኒ ዎስያባ ፆሳይ ነዉ እማናይሳ ታኒ ኤራይስ” ያጋሱ።
\p
\v 23 የሱሲ፥ “ነ እሻይ ሀይቆፐ ደንዳና” ያግስ።
\p
\v 24 ማርታ እያኮ፥ “ዉርሰ ጋላስ እ ሀይቆፐ ደንዳናይሳ ኤራይስ” ያጋሱ።
\p
\v 25 የሱሲ ኢኮ፥ “ታኒ ደንዶነ ደኦ፤ ታና አማንያ ኦንካ ሀይቅኮካ ደኦን ዳና። 
\v 26 ቃስ ደኦን ደኤይነ ታና አማንያ ኦንካ ሀይቀና። ሄሳ ኔኒ አማናይ?” ያግስ።
\p
\v 27 ማርታ ዛራዳ፥ “ጎዳዉ፥ ኤ ታኒ አማናይስ! ኔኒ ፆሳ ናኣ፥ አላምያ ያናዉ ደእያ ክርስቶሳ ግደይሳ ታኒ አማናይስ” ያጋሱ።
\p
\v 28 ማርታ ሄሳ ግዳፐ ጉየ፥ ባዳ ባ ምችዉ ጌማን ፄጋዳ፥ “አስታማረይ ይድ ነና ኮዬስ” ያጋሱ። 
\v 29 ማይራማ ሄሳ ስእዳ ዎደ ኤለሳ ደንዳ ኤቃዳ የሱሳኮ ባሱ። 
\v 30 ሄ ሳተን የሱሲ ማርታራ ጋሄትዳ በሳን ደኤስ፤ ቡሮ ጉታ ጋክቤና። 
\v 31 ማይራሞ ምንሸ ኢራ ሶን ደእያ አይሁደት፥ እያ ደንዳ ኤቃዳ ኤለሳዳ ካረ ከይዳይሳ በእድ፥ ዱፎ ባዳ ዬካናዉ ሀንያ ዳንን እዮ ካልድ ከይዶሶና።
\p
\v 32 ማይራማ የሱሲ ደእያሱዋ ባዳ እያ በእዳ ዎደ እያ ቶሁዋ ቦላ ኩንዳዳ፥ “ጎዳዉ፥ ኔኒ ሀይሳን ደእዳባ ግድያኮ ታ እሻይ ሀይቀናሽን” ያጋሱ።
\p
\v 33 የሱሲ ማይራማነ ኢራ ደእያ፥ አይሁደት ዬከይሳ በእድ፥ ባ ዎዛናን ዳሮ ሴለትድ፥ 
\v 34 “አዉን ሞግደቲ?” ያግድ ኦይችን፥ “ጎዳዉ፥ ያዳ በአ” ያግድ ዛርዶሶና።
\p
\v 35 የሱሲ አፉፅስ። 
\v 36 ሄሳ ግሾ፥ አይሁደት፥ “እ አላዛራ አይ መላ ዶስያኮ በእተ” ያግዶሶና።
\p
\v 37 ሽን ኤንታፈ እሶት እሶት፥ “ሀይስ ቆቅያ ፄልስዳይስ ሀ አደይ ሀይቆና መላ ኦናዉ ዳንዳኤነሽን?” ያግዶሶና።
\s1 አላዛር ሀይቆፐ ደንዱዋ
\p
\v 38 ቃስካ የሱሲ ሴለትድ፥ አላዛር ሞገትዳ ዱፉዋ ብስ። ሄ ዱፎይ ሹቻን ጎርደትዳ ጎንጎሎ። 
\v 39 የሱሲ፥ “ሹቻ ደንተ” ያግድ ኪትስ።
\p ማርታ፥ “ጎዳዉ፥ እ ሀይቆሳፐ ኦይዱ ጋላስ ግድዳ ግሾ፥ ሀእ ፅንቃና” ያጋሱ።
\p
\v 40 የሱሲ ማርታኮ፥ “ነ አማንያባ ግድኮ ፆሳ ቦንቹዋ በአናይሳ ታኒ ነዉ ኦዳብክና?” ያግስ። 
\v 41 ኤንቲ ሹቻ ደንን የሱሲ ሳሎ ፑደ ፄልድ፥ “አዋዉ፥ ታና ነ ስእዳ ግሾ ነና ጋላታይስ። 
\v 42 ነ ኡባ ዎደ ታና ስኤይሳ ታኒ ኤራይስ። ሽን ሀይሳን ኤቅዳ አሳይ ኔኒ ታና ኪትዳይሳ አማናና መላ ታኒ ኤንታ ግሾ ሀይሳ ጋይስ” ያግስ። 
\v 43 የሱሲ ሄሳ ግዳፐ ጉየ፥ ባ ቃላ ቁ ኦድ፥ “አላዛራ፥ ሃ ከያ!” ያግስ። 
\v 44 ሀይቅዳ አደይ ዚትዳ መላ ኩሸይነ ቶሆይ ሻሎን ቃሸትድ ደእሽን እያ አይፈይ ካረይ ጎዘትዳ መላ ዱፉዋፐ ከይስ። የሱሲ ኤንታ፥ “ብርሽተ፥ ቦ ጊተ!” ያግስ።
\s1 ክርስቶሳ ቦላ ማቀትዶሶና
\r (ማቶ 26:1-5፤ ማር 14:1-2፤ ሉቃ 22:1-2)
\p
\v 45 ሄሳ ግሾ፥ ማይራምኮ ይዳ አይሁደታፐ ዳሮት የሱሲ ኦዳይሳ በእድ እያ አማንዶሶና። 
\v 46 ሽን ኤንታፈ እሶት እሶት ፋርሳወታኮ ብድ የሱሲ ኦዳይሳ ኤንታዉ ኦድዶሶና። 
\v 47 ሄሳፈ ጉየ፥ ካህነ ሀላቃትነ ፋርሳወት ሻንጉዋ ሺሽድ፥ “ሀ አደይ ዳሮ ማላታታ ኦያ ግሾ ኑ አይ ኦኖ? 
\v 48 ኑኒ እያ ስእ ግድ አግኮ አሳ ኡባይ እያ አማናና። ቃስ ሮመ ቢታ አሳት ይድ ኑ ፆሳ ኬነ ኑ ደርያ ይሳና” ያግዶሶና።
\p
\v 49 ኤንታፈ እሶይ ቃያፋ ገይስ፥ ሄ ላይ ካህነ ሀላቃ ግድዳይስ፥ “ህንተ አይኮካ ኤረከታ! 
\v 50 አሳ ኡባይ የይሳፈ አሳ ኡባ ግሾ እስ አስ ሀይቀይስ ሎኦ ግደይሳ ኤረከቲ?” ያግስ። 
\v 51 እ ሄሳ ባፐ ግቤና። ሽን ሄ ላይ ካህነ ሀላቃ ግድያ ግሾ፥ የሱሲ አይሁደ አሳ ግሾ ሀይቃናዉ በሰይሳ ትንብተ ኦድስ። 
\v 52 ቃስ የሱሲ አይሁደ አሳ ፃላላስ ግዶናሽን ላለትድ ደእያ ፆሳ አሳ ኡባ እስፈ ሺሻናዉነ እስ አስ ኦናዉ ሀይቃና።
\p
\v 53 ሄ ጋላሳፐ ዶምድ ኤንቲ እያ ዎናዉ ማቀትዶሶና። 
\v 54 ሄሳ ግሾ፥ የሱሲ አይሁደታ ግዶን ቆንጨን ስመረትቤና። ሽን መላ ቢታ ማታን ደእያ ኤፍሬማ ጉታ ብስ። ባ ታማረታራ ሄ በሳን ጋምእስ።
\p
\v 55 አይሁደት ቦንችያ ፓስካ ጋላሳይ ማትስ። ቃስ ዳሮ አሳይ ባንታና ጌሻናዉ ፓስካ ቦንችያ ጋላሳይ ጋካናፐ ስን ሄ ቢታፈ የሩሳላመ ብዶሶና። 
\v 56 ኤንቲ ፆሳ ኬን ኤቅድ የሱሳ ዩሳ ናግያ ግሾ፥ “አይ ቆፔቲ? የሱሲ ባልያ ቦንቻናዉ ዬኔ?” ያግድ እሶይ እሱዋ ኦይችዶሶና። 
\v 57 ካህነ ሀላቃትነ ፋርሳወት የሱሳ ኦይካናዉ፥ እ ደእያሱዋ ኤርያ ኦንካ ባንታዉ ኦዳና መላ ኪትዶሶና።
\c 12
\s1 የሱሳ ሽቶ ትይዳ ማጫስዉ
\r (ማቶ 26:6-13፤ ማር 14:3-9)
\p
\v 1 ፓስካ ቦንችያ ጋላሳፐ ኡሱፑን ጋላስ ስንትድ፥ የሱሲ ሀይቆፐ ደንዳ አላዛር ደእያ ጉታ፥ ብታነ ብስ። 
\v 2 ሄ በሳን ኤንቲ እያዉ ካሆ ጊግስዶሶና። አላዛር የሱሳራ እስፈ ጋይታ ቦላ ኡትዳሽን ማርት ኤንታና እማታዉሱ። 
\v 3 ማይራማ ናርዶሰ ጌተትያ ዳሮ አልኦ ጌሻ ሽቶ ኤሀዳ የሱሳ ቶሁዋ ትያሱ። ባ ብናናን እያ ቶሁዋ ቁቻሱ፤ ኬ ኡባይ ሽቶ ሳዎን ቶንኩ ግስ።\x - \xo 12:3 \xo*\xt ሉቃ 7:37-38.\xt*\x*
\p
\v 4 ሽን የሱሳ ታማረታፐ እሶይ፥ የሱሳ አድ እማናይስ፥ አስቆሮታ ይሁዳ፥ 
\v 5 “አይስ ሀ ሽቶይ ሄ ፄቱ ድናረን ባይዘትድ፥ ሚሸይ ማንቆታስ እመተኔ?” ያግስ። 
\v 6 እ ካይሶ ግድዳ ግሾ ሄሳ ግስፐ አትሽን፥ ማንቆታስ ቃትድ ግቤና። እ ሚሸ ካርፂታ ኦይከይሳ ግድያ ግሾ ኡባ ዎደ እያፐ ባዉ ኤኬስ።
\p
\v 7 የሱሲ፥ “እያ ባዉ ደእያባ ታ ሞጎ ጋላሳስ ምንጅዳ ግሾ እዮ አጋግተ። 
\v 8 ማንቆት ኡባ ዎደ ህንተራ ዳና፥ ሽን ታኒ ኡባ ዎደ ህንተራ ደእከ” ያግስ።\x - \xo 12:8 \xo*\xt ዛረ 15:11.\xt*\x*
\p
\v 9 ሄ ዎደ ዳሮ አሳይ የሱሲ ብታነን ደኤይሳ ስእድ ያ ብዶሶና። ኤንቲ የሱሳ ፃላላ ግዶናሽን፥ እ ሀይቆፐ ደንዳ አላዛራካ በአናዉ ብዶሶና። 
\v 10 ሄሳ ግሾ፥ ካህነ ሀላቃት አላዛራካ ቃስ ዎናዉ ማቀትዶሶና። 
\v 11 አይስ ጊኮ፥ አላዛራ ጋሶን ዳሮ አይሁደት ኤንታና እፅድ የሱሳ አማኖሶና።
\s1 ግታ ቦንቾን የሩሳላመ ገሉዋ
\r (ማቶ 21:1-11፤ ማር 11:1-11፤ ሉቃ 19:28-40)
\p
\v 12 ዎንተ ጋላስ ፓስካ ቦንችያ በሳ ይዳ ዳሮ አሳይ የሱሲ የሩሳላመ በይሳ ስእድ፥ 
\v 13 ዛምባ ሀይ ኤክድ እያ ሞካናዉ ከይዶሶና። ባንታ ቃላ ቁ ኦድ፥
\q1 “ሆሳና! ፆሳይ ጋላተቶ!
\q2 ጎዳ ሱንን የይስ አንጀቶ!
\q2 ፆሳይ እስራኤለ ካዋ አንጆ!”
\m ያግዶሶና።\x - \xo 12:13 \xo*\xt ማዝ 118:25-26.\xt*\x*
\p
\v 14-15 ጌሻ ማፃፋን፥
\q1 “ፅዮነ ካታማዉ፥ ባቦፋ!
\q2 ሄኮ፥ ነ ካዎይ ሀረ ማራ ቦላ ኡትድ ዬስ”
\m ጌተትዳያዳ የሱሲ ሀረ ማር ደምድ እያ ቶግስ።\x - \xo 12:14-15 \xo*\xt ዛካ 9:9.\xt*\x*
\p
\v 16 የሱሳ ታማረት ሄሳ ካሰ አኬክቦኮና። ሽን የሱሲ ቦንቸትዳፐ ጉየ ኤንቲ ሄሳ ኡባ አኬክዶሶና። ሄስ ኡባይ ጌሻ ማፃፋይ ግዳይሳዳ ሀንስ።
\p
\v 17 የሱሲ አላዛራ ዱፎፐ ፄግድ፥ ሀይቆፐ ደንዳ ዎደ እያራ ደእያ ዳሮ አሳይ የሱሳባ ማርካትዶሶና። 
\v 18 ዳሮ አሳይ እያ ሞካናዉ ከይዳይ፥ እ ሄ ማላታታ ኦዳይሳ ስእዳ ግሾሳ። 
\v 19 ሄሳ ግሾ፥ ፋርሳወት እሶይ እሱዋኮ፥ “ኑ አይኮካ ኦናዉ ዳንዳኦናይሳ በእተ፤ ደረ ኡባይ እያ ካሌስ” ያግዶሶና።
\p
\v 20 ፓስካ ቦንችያ ጋላስ ጎይናናዉ የሩሳላመ ብዳይሳታ ግዶን እስ እስ ግርከ አሳት ደኦሶና። 
\v 21 ኤንቲ ጋልላ ቢታን ቤተሳይዳ ካታማፐ ይዳ ፍልጶሳኮ ብድ፥ “ጎዳዉ፥ ኑኒ የሱሳ በአናዉ ኮዮስ” ያግድ ዎስዶሶና። 
\v 22 ፍልጶስ ብድ እንድርያሳስ ኦድን ናምአይ ብድ፥ የሱሳስ ኦድዶሶና።
\p
\v 23 የሱሲ ኤንታኮ፥ “አሳ ናአይ፥ ቦንቸትያ ዎደይ ጋክስ። 
\v 24 ታኒ ህንተዉ ቱማ ኦዳይስ፤ እስ ግስተ አይፈይ ቢታን ዎድ ዎቆና እፅኮ ባርካ አቴስ። ሽን ሄ ግስተ አይፈይ ዎቅኮ ዳሮ አይፈ አይፌስ። 
\v 25 ባ ሸምፑዋ ዶስያ ኦንካ ይሴስ፤ ባ ሸምፑዋ ሀ አላምያን እፅያ ኦንካ መርና ደኦስ አሼስ።\x - \xo 12:25 \xo*\xt ማቶ 10:39፤ 16:25፤ ማር 8:35፤ ሉቃ 9:24፤ 17:33.\xt*\x* 
\v 26 ታኒ ደእያሱዋን ታራ ዳና መላ ታዉ ኦናዉ ኮይያ ኦንካ ታና ካላናዉ በሴስ። ታዉ ኦያ ኦናካ ታ አዋይ ቦንቻና።
\p
\v 27 “ሀእ ታ ሸምፖይ ዳሮ ኡንኤትስ፤ ያትን ዎይጎ? ‘ታ አዋዉ፥ ታና ሀ ሳተፐ አሻርክ’ ያጎ? አካይ፥ ታኒ ይዳይ ዋየ ኤካናሳ። 
\v 28 ታ አዋዉ፥ ነ ሱን ቦንቻ” ያግስ።
\p ሄ ዎደ ሳሎፐ፥ “ታኒ ታ ሱን ቦንቻስ፤ ዛራዳካ ቦንቻና” ግያ ቃላይ ይስ።
\p
\v 29 ሄ በሳን ኤቅዳ ዳሮ አሳይ ሄ ቃላ ስእድ፥ “ሄስ ዳዳ” ያግዶሶና።
\p ሀራት ቃስ፥ “ኪታንቾይ እያዉ ኦድስ” ያግዶሶና።
\p
\v 30 የሱሲ ዛሪድ ኤንታኮ፥ “ሀ ቃላይ ህንተ ግሾ ይስፐ አትሽን፥ ታ ግሾ ግደና። 
\v 31 ሀ አላመይ ፕርደትያ ዎደይ ሀእ፤ ሀ አላምያ ሃረይስ ሀእ ካረ ሆለታና። 
\v 32 ቃስ ታኒ ሳአፐ ቁ ኦሰትዳ ዎደ አሳ ኡባ ታኮ ኤሀና” ያግስ። 
\v 33 እ ሄሳ ግዳይ አይ መላ ሀይቆ ሀይቃነኮ ኤንታዉ ቆንጭሳናሳ።
\p
\v 34 ዳሮ አሳይ ዛሪድ፥ “ኑ ህገይ ክርስቶስ መርናዉ ደኤይሳ ኦዴስ። ያትን፥ ኔኒ ዎይጋዳ፥ ‘አሳ ናአይ ቁ ጋናዉ በሴስ’ ጋይ? ‘እ፥ አሳ ናአይ ኦኔ?’ ” ያግዶሶና።\x - \xo 12:34 \xo*\xt ማዝ 110:4፤ እሳ 9:7፤ ዳነ 7:14.\xt*\x*
\p
\v 35 የሱሲ፥ “ፖኦይ ህንተራ ጉ ዎደ ጋምአና። ህንተዉ ሞና መላ ፖኦይ ደእሽን፥ ፖኡዋን ሄመትተ። ማን ሄመትያ አስ አዉ ብያኮ ኤረና። 
\v 36 ፖኦ ናይታ ግዳና መላ ፖኦይ ደእሽን ፖኡዋ አማንተ” ያግስ።
\p የሱሲ ሄሳ ኦደትዳፐ ጉየ ብድ ኤንታፈ ጌምስ። 
\v 37 እ ሄሳ መላ ማላታታ ኤንታ ስንን ኦንካ አማንቦኮና። 
\v 38 ናብያ እሳያስ፥
\q1 “ጎዳዉ፥ ኑ ማርካተ ኦን አማንዴ?\x - \xo 12:38 \xo*\xt እሳ 53:1.\xt*\x*
\q2 ጎዳይ ባ ዎልቃ ኦደስ ቆንጭስዴ?”
\m ግዳይስ ቱማ ግዳና መላ ኤንቲ እያ አማንቦኮና።
\p
\v 39-40 ቃስካ እሳያስ፥
\q1 “ኤንታ አይፈይ ፄሎና መላ፥
\q2 ኤንታ ዎዛናይ አኬኮና መላ፥
\q2 ኤንቲ ፆሳኮ ስምን፥ እ ኤንታ ፓና መላ፥
\q2 ፆሳይ ኤንታ አይፍያ ቆቅስስ።
\q1 ኤንታ ዎዛና ምንስ”
\m ግዳ ግሾ ኤንቲ አማናናዉ ዳንዳእቦኮና።\x - \xo 12:39-40 \xo*\xt እሳ 6:10.\xt*\x*
\p
\v 41 እሳያስ ሄሳ ግዳይ፥ የሱሳ ቦንቹዋ በእዳ ግሾነ እያባ ኦድዳ ግሾሳ።
\p
\v 42 ግድኮካ፥ አይሁደታ ሀላቃታፐካ ዳሮት የሱሳ አማንዶሶና። ሽን ፋርሳወት ባንታና አይሁደታ ዎሳ ኬፈ ከሶሶና ግድ ያይዳ ግሾ አማንዳ ግድ ቆንጨን ማርካትቦኮና። 
\v 43 ሄሳ ኤንቲ ኦዳይ፥ ፆሳን ኤረታናይሳፈ አድ አሳን ኤረታናይሳ ዶስዳ ግሾሳ።
\p
\v 44 የሱሲ ባ ቃላ ቁ ኦድ፥ “ታና አማንያ ኦንካ ታና ኪትዳይሳካ አማኔስፐ አትሽን፥ ታ ፃላላ አማነና። 
\v 45 ታና በእያ ኦንካ ታና ኪትዳይሳካ በኤስ። 
\v 46 ታና አማንያ ኡባይ ማን ዶና መላ ታኒ ፖኦ ግዳዳ አላምያ ያስ። 
\v 47 ታ ቃላ ስእድ ኪተቶና ኦናካ ታኒ ፕርድከ። አይስ ጊኮ፥ ታኒ አላምያ አሻናዉ ያስፐ አትሽን፥ ፕርዳናዉ ያቢከ። 
\v 48 ታና እፀይሳነ ታ ቃላ ኤኮና ኦናካ ፕርደይስ ደኤስ። ታኒ ኦድዳ ቃላይ ዉርሰ ጋላስ ሄ ኡራ ፕርዳና። 
\v 49 አይስ ጊኮ፥ ታኒ ሄሳ ታፐ ኦድከ፥ ሽን ታና ኪትዳ ታ አዋይ ታኒ ጋናይሳነ ኦዳናይሳ ኪትስ። 
\v 50 ቃስ እያ ኪታይ መርና ደኦ ግደይሳ ታኒ ኤራይስ። ሄሳ ግሾ፥ ታኒ ኦደይስ ታ አዋይ ታና ኦዳ ግዳይሳ” ያግስ።
\c 13
\s1 የሱሲ ባ ታማረታ ቶሆ ሜጭስ
\p
\v 1 ፓስካ ቦንችያ ጋላሳይ ጋካናፐ ስንትድ ሀ አላምያ አግድ አዋኮ ብያ ዎደይ ጋክዳይሳ የሱሲ ኤርስ። ሀ አላምያን ደእያ ባ አሳ ኡባ ዎደ ዶስስ፤ ዉርሰ ጋካናዉካ ኤንታ ዶስስ።
\p
\v 2 የሱሳራነ እያ ታማረታራ እስፈ ካሆ ሞሶና። ሄሳፈ ካሰ ፃላሄይ ስሞና ናኣ አስቆሮታ ይሁድ የሱሳ አድ እማናዳ እያ ዎዛናን ኢታ ቆፋ ዎስ። 
\v 3 የሱሲ አዋይ ኡባባ እያ ኩሸን ዎዳይሳ፥ እ ፆሳ ማታፐ ይዳይሳነ ስሚድ እያኮ ባናይሳ ኤርስ። 
\v 4 የሱሲ ጋይታ ቦላፈ ደንድድ ቦላ ባጋ ማኡዋ ቃር ዎድ፥ ፖፃ ኤክድ ባ ፄሳን ማርፃፍስ። 
\v 5 ሄሳፈ ጉየ፥ ሃ ሜቻ ሚሸን ትግድ፥ ባ ታማረታ ቶሁዋ ሜጭስ፤ ቃስ ባ ፄሳን ዳንጭዳ ፖፃን ቁችስ።
\p
\v 6 የሱሲ ስሞና ጰፅሮሳኮ ያ ዎደ ጰፅሮስ፥ “ጎዳዉ፥ ነ ታ ቶሁዋ ሜጫኔ?” ያግስ።
\p
\v 7 የሱሲ ዛሪድ እያኮ፥ “ታኒ ኦይሳ ነ ሀእ ኤራካ፥ ሽን ጉየፐ አኬካና” ያግስ።
\p
\v 8 ያትን፥ ጰፅሮስ፥ “ነ ታ ቶሁዋ ኡባራካ ሜጫካ” ያግስ።
\p የሱሲ እያኮ፥ “ታኒ ነ ቶሁዋ ሜጮና እፅኮ ነዉነ ታዉነ እስፈተ ባዋ” ያግስ።
\p
\v 9 ጰፅሮስ የሱሳኮ፥ “ጎዳዉ፥ ያትኮ፥ ታ ቶሁዋ ፃላላ ግዶናሽን ታ ኩሽያነ ታ ሁጵያ ሜጫ” ያግስ።
\p
\v 10 የሱሲ ዛሪድ፥ “ቦላ ሜጨትዳ ኦንካ ቶሆፐ ሀራባ ሜጨታናዉ ኮሸና፤ እያዉ ኡባሶይ ጌሽ። ህንተ ጌሽ፥ ሽን ኡባይ ጌሽ ግደከታ” ያግስ። 
\v 11 የሱሲ ባና አድ እማና ኡራይ ኦነኮ ኤርያ ግሾ፥ “ህንተ ኡባይ ጌሽ ግደከታ” ያግስ።
\p
\v 12 ኤንታ ቶሁዋ ሜጭዳፐ ጉየ፥ የሱሲ ባ ማኡዋ ዛር ማእስ። ስም ጋይታ ቦላ ኡትድ ኤንታኮ፥ “ታኒ ህንተዉ ኦዳይሳ አኬከቲ?\x - \xo 13:12 \xo*\xt ሉቃ 22:27.\xt*\x* 
\v 13 ህንተ ታና አስታማረነ ጎዳ ጌታ፤ ታኒ ህንተ ገይሳ ግድያ ግሾ ሎኦ ግደታ። 
\v 14 ታኒ ህንተዉ ጎዳነ አስታማረ ግዳሸ ህንተ ቶሁዋ ሜጭኮ ህንተካ እሶይ እሱዋስ ሄሳዳ ኦናዉ በሴስ። 
\v 15 ህዛ፥ ታኒ ህንተዉ ኦዳይሳዳ ህንተካ ኦና መላ ህንተዉ ሌምሶ ግዳስ። 
\v 16 ታኒ ህንተዉ ቱማ ኦዳይስ፤ አይለይ ባ ጎዳፐ፥ ኪተትዳይስ ኪትዳይሳፈ አና።\x - \xo 13:16 \xo*\xt ማቶ 10:24፤ ሉቃ 6:40፤ ዮሀ 15:20.\xt*\x* 
\v 17 ህንተ ሄሳ ኤርድ ኦያባ ግድኮ አንጀትዳይሳታ።
\p
\v 18 “ታኒ ህንተና ኡባ ጊከ፤ ታኒ ዶርዳይሳታ ኤራይስ። ሽን ጌሻ ማፃፋን፥ ‘ታ ባርስዳይስ ታ ኩሽያ ሳፅስ’ ጌተትዳይስ ቱማ ግዳናዉ በሴስ።\x - \xo 13:18 \xo*\xt ማዝ 41:9.\xt*\x* 
\v 19 ‘ታኒ ታና ግደይሳ’ ህንተ አማናና መላ ሄስ ሀናናፐ ስንታዳ ህንተዉ ኦዳይስ። 
\v 20 ታኒ ህንተዉ ቱማ ኦዳይስ፤ ታኒ ኪትዳ ኦናካ ሞክያ ኡራይ ታና ሞኬስ። ታና ሞክያ ኦንካ ታና ኪትዳይሳ ሞኬስ” ያግስ።\x - \xo 13:20 \xo*\xt ማቶ 10:40፤ ማር 9:37፤ ሉቃ 9:48፤ 10:16.\xt*\x*
\s1 የሱሳ አድ እማና ኡራ
\r (ማቶ 26:20-25፤ ማር 14:17-21፤ ሉቃ 22:21-23)
\p
\v 21 የሱሲ ሄሳ ኦድዳፐ ጉየ፥ ባ ዎዛናን ዳሮ ኡንኤትድ፥ “ታኒ ህንተዉ ቱማ ኦዳይስ፤ ታና ህንተፈ እሶይ አድ እማና” ግድ ቆንጭስድ ኦድስ።
\p
\v 22 እ ኦደባ ኦድያኮ እያ ታማረታስ ኤረቶና እፅን እሶይ እሱዋ ፄልዶሶና። 
\v 23 እያ ታማረታፐ እሶይ፥ የሱሲ ዶሰይስ፥ የሱሳ ማታን ኡትስ። 
\v 24 ሄሳ ግሾ፥ ስሞን ጰፅሮስ እያ ቃምኦትድ፥ “እ ኦና ግያኮ አነ ኦይቻ” ያግስ።
\p
\v 25 ሄሳ ግሾ፥ ሄ ታማረይ የሱሳኮ ሺቅድ ሀይን፥ “ጎዳዉ፥ እ ኦኔ?” ያግስ።
\p
\v 26 የሱሲ ዛሪድ፥ “ታኒ ኡይ ዎፀን ቱሻዳ ባርሰይሳ” ያግስ። ቃስ ኡይ መን ኤክድ፥ ዎፀን ቱሽድ፥ ስሞና ናኣ አስቆሮታ ይሁዳ ባርስስ። 
\v 27 ይሁድ ኡይ ባርዳፐ ጉየ፥ ፃላሄይ ኤለስድ ይሁዳን ገልስ። የሱሲ እያኮ፥ “ኔኒ ኦናዉ ቆፕዳባ ኤለሳዳ ኦ” ያግስ። 
\v 28 ሽን ጋይታ ቦላ ኡትዳይሳታፐ ኦንካ የሱሲ ሄሳ አይስ እያኮ ግዳኮ ኤርቤና። 
\v 29 ይሁድ ሚሸ ኦይክያ ግሾ፥ እያ ታማረታፐ እሶት እሶት የሱሲ እያ፥ “ፓስካ ቦንችያ ጋላሳስ ባንታዉ ኮሽያባ ሻማ ዎይኮ ማንቆታስ ሙፃታ እማ ግስ” ያግድ ቆፕዶሶና።
\p
\v 30 ይሁድ ኡይ ባርዳ መላ ኤለስድ ካረ ከይስ። ሄ ዎደ ሳእ ቃማ።
\s1 ጰፅሮስ የሱሳ ካዳናይስ ኦደትስ
\p
\v 31 ይሁድ ካረ ከይዳፐ ጉየ፥ የሱሲ፥ “ሀእ አሳ ናአይ ቦንቸትስ፤ ፆሳይካ እያ ባጋራ ቦንቸትስ። 
\v 32 ፆሳይ እያ ባጋራ ቦንቸትኮ እ ባ ሁጰን አሳ ናኣ ቦንቻና፤ ቃስ እ ሄሳ ኤለስድ ኦና። 
\v 33 ታ ናይቶ፥ ታኒ ህንተራ ዳሮ ዎደ ጋምእከ። ህንተ ታና ኮያና፥ ሽን ታኒ አይሁደታስ ኦድዳይሳ መላ፥ ‘ህንተ ታኒ ብያ በሳ ባናዉ ዳንዳኤከታ።’\x - \xo 13:33 \xo*\xt ዮሀ 7:34.\xt*\x* 
\v 34 ታኒ ህንተዉ እምያ ኦራ ኪታይ ሀይሳ፤ እሶይ እሱዋ ዶስተ። ታኒ ህንተና ዶስዳይሳዳ ህንተ እሶይ እሱዋ ዶሳናዉ በሴስ።\x - \xo 13:34 \xo*\xt ዮሀ 15:12፥ 17፤ 1 ዮሀ 3:23፤ 2 ዮሀ 5.\xt*\x* 
\v 35 ህንተ እሶይ እሱዋራ ዶሰትኮ ህንተ ታ ታማረ ግደይሳ አሳ ኡባይ ኤራና” ያግስ።
\p
\v 36 ስሞን ጰፅሮስ የሱሳኮ፥ “ጎዳዉ፥ ኔኒ አዉ ባይ?” ያግስ።
\p የሱሲ ዛሪድ፥ “ታኒ ብያ በሳ ኔኒ ሀእ ካላናዉ ዳንዳአካ፥ ሽን ጉየፐ ታና ካላና” ያግስ።
\p
\v 37 ጰፅሮስ፥ “ጎዳዉ፥ ታኒ ነና ሀእ ካላናዉ አይስ ዳንዳእክና? ታኒ ነ ግሾ፥ ሀይቃናዉካ ጊጋ ኡታስ” ያግስ።
\p
\v 38 የሱሲ ዛሪድ፥ “ታ ግሾ ሀይቃናዉ ቱማ ጊጋ ኡታዲ? ታኒ ነዉ ቱማ ኦዳይስ፤ ኩቶይ ዋሳናፐ ስን ኔኒ ታና ሄ ቶሆ ካዳና” ያግስ።
\c 14
\s1 የሱሲ አዋኮ ኤፍያ ኦገ
\p
\v 1 የሱሲ ባ ታማረታኮ፥ “ህንተ ዎዛናይ ኡንኤቶፎ፥ ፆሳ አማንተ፥ ታናካ አማንተ። 
\v 2 ታ አዋ ኬን ዳሮ በሲ ደኤስ። ታኒ ህንተዉ በሰ ጊግሳናዉ ባይስ። ሄሳ ግዶናኮ ታኒ ህንተዉ ኦድከሽን። 
\v 3 ታኒ ባዳ በሰ ጊግስዳፐ ጉየ፥ ታኒ ደእያሱዋን ህንተ ዳና መላ ስማ ያዳ ህንተና ታኮ ኤፋና። 
\v 4 ህንተ ታኒ ብያ በሳ ኤፍያ ኦግያ ኤሬታ” ያግስ።
\p
\v 5 ያትን፥ ቶማስ፥ “ጎዳዉ፥ ኔኒ ብያ በሳ ኑኒ ኤሮኮ፤ ኦግያ ዋትድ ኤራናዉ ዳንዳአኔ?” ያግስ።
\p
\v 6 የሱሲ ዛሪድ፥ “ኦገይ፥ ቱማይነ ደኦይ ታና። ታ ባጋራ ግዶና እፅኮ ኦንካ ታ አዋኮ ባናዉ ዳንዳኤና። 
\v 7 ህንተ ታና ኤርያባ ግድያኮ፥ ታ አዋካ ኤራና። ሽን ህዛፐ ዶምድ ህንተ እያ ኤሬታነ እያ በእደታ” ያግስ።
\p
\v 8 ፍልጶስ የሱሳኮ፥ “ጎዳዉ፥ አዋ ኑና በሳ፤ ሄስ ኑስ ግዳና” ያግስ።
\p
\v 9 የሱሲ ዛሪድ፥ “ታኒ ሀይሳ መላ ዎደ ህንተራ ደእንካ ታና ኤርኪ? ታና በእዳ ኡራይ አዋካ በእስ። ያትን፥ ኔኒ ዎይጋዳ፥ ‘አዋ ኑና በሳ’ ጋይ? 
\v 10 ታኒ አዋራ እስኖ ግደይሳነ አዋይካ ታራ እስኖ ግደይሳ ኔኒ አማንክዬ? ታኒ ህንተዉ ኦድያ ቃላ ታኒ ታፐ ኦድከ፥ ሽን ታናን ደእያ አዋይ ባ ኦሱዋ ኦስ። 
\v 11 ታኒ አዋን ደኤይሳነ አዋይካ ታናን ደኤይሳ አማንተ። ሄሳ አማኖና እፅኮ ታ ኦያባታን ታና አማንተ።
\p
\v 12 “ታኒ ህንተዉ ቱማ ኦዳይስ፤ ታና አማንያ ኡራይ ታኒ ኦያ ኦሱዋፐ አያ ኦሶ ኦና። ታኒ አዋኮ ብያ ግሾ ታና አማንያ ኦንካ ሀይሳፈ አያ ኦሶ ኦና። 
\v 13 አዋይ ናኣ ባጋራ ቦንቸታና መላ ታ ሱንን ህንተ ዎስያ ኡባ ታ ህንተዉ ኦና። 
\v 14 ታ ሱንን አይብባካ ህንተ ኦይችኮ ታ ህንተዉ ኦና።
\s1 የሱሲ ቃላ ገልዳ ጌሻ አያና
\p
\v 15 “ህንተ ታና ዶስኮ ታ ኪታ ናጋና። 
\v 16 ታኒ አዋ ዎሳና፤ ህንተራ መርናዉ ዳና መላ ምንይሳ ህንተዉ እማና። 
\v 17 ሄ አያናይ ፆሳ ቱማ ቆንጭሴስ። ሀ አላምያ አሳይ እያ በኦና ግሾነ ኤሮና ግሾ እያ ኤካናዉ ዳንዳኦኮና። ሽን እ ህንተራ ደእያ ግሾነ ህንተ ግዶን ዳና ግሾ ህንተ እያ ኤሬታ።
\p
\v 18 “ታኒ ህንተና አይያ አዉ ባይና ናአዳ ህንተ ፃላላ አግከ፤ ስማዳ ህንተኮ ያና። 
\v 19 ጉ ዎደፐ ጉየ አላመይ ታና ዛር በኤና፥ ሽን ህንተ በአና። ታኒ ደኦን ደእያ ግሾ ህንተካ ደኦን ደአና። 
\v 20 ታኒ ታ አዋን፥ ህንተ ታናን፥ ቃስ ታኒ ህንተናን ደኤይሳ ህንተ ሄ ጋላስ ኤራና።
\p
\v 21 “ታ ኪታ ኤክድ ናገይ ታና ዶሴስ። ታና ዶሰይሳ ታ አዋይካ ዶሴስ፤ ታንካ እያ ዶሳይስ፤ ታኒ እያዉ ቆንጫና” ያግስ።
\p
\v 22 አስቆሮታ ይሁዳ ግዶና ይሁድ የሱሳኮ፥ “ጎዳዉ፥ ኔኒ ዋታዳ አላምያስ ግዶናሽን ኑስ ነና ቆንጭሳኔ?” ያግስ።
\p
\v 23 የሱሲ ዛሪድ፥ “ታና ዶስያ ኦንካ ታ ቃላስ ኪተታና። ታ አዋይ እያ ዶሳና። ቃስ ታ አዋይነ ታኒ እያኮ ይድ እያራ ዳና። 
\v 24 ታና ዶሶና ኦንካ ታ ቃላስ ኪተተና። ህንተ ስእያ ቃላይ ታና ኪትዳ አዋባፐ አትሽን፥ ታባ ግደና።
\p
\v 25 “ታኒ ህንተራ ሀእ ደአሸ ሄሳ ህንተዉ ኦዳስ። 
\v 26 ሽን አዋይ ታ ሱንን ኪታና ምንያ ጌሻ አያናይ፥ ህንተና ኡባባ ታማርሳና። ታኒ ህንተዉ ኦድዳ ኡባ እ ህንተና ሀሳይሳና።
\p
\v 27 “ሳሮተ ህንተዉ እማና። ታኒ ታ ሳሮተ ህንተዉ እማና። ታ እምያ ሳሮተይ አላመይ እምያ ሳሮተ መላ ግደና። ሄሳ ግሾ፥ ኡንኤቶፍተ፥ ያዮፍተ። 
\v 28 ‘ታኒ ባና፥ ሽን ስማዳ ህንተኮ ያና’ ግዳይሳ ስእደታ። ህንተ ታና ቱማ ዶስያባ ግድያኮ ታ አዋይ ታፐ አያ ግሾ ታኒ እያኮ በይሳን ህንተ ኡፋይታና። 
\v 29 ሄስ ሀንያ ዎደ ህንተ አማናና መላ ሄስ ሀኖና ደእሽን ስንታዳ ታኒ ህንተዉ ኦዳስ።
\p
\v 30 “ሀ አላምያ ሃረይስ ያ ግሾ ህዛፐ ጉየ ህንተራ ዳሮ ኦደትከ። ታና እ አይኮካ ኦናዉ ዳንዳኤና። 
\v 31 ሽን ታኒ አዋ ዶሰይሳ አላመይ ኤራና መላ ታ አዋይ ታና ኪትዳይሳ ኡባ ኦይስ። ደንድተ፤ ሀይሳፈ ቦስ።
\c 15
\s1 ዎይነ ኡባነ ታሸታ
\p
\v 1 “ታኒ ቱማ ዎይነ ኡባ። ጎሻንቾይ ታ አዋ። 
\v 2 እ፥ ታ ቦላ ደእያ አይፈ አይፎና ታሽያ ኡባ ካሬስ። አይፍያ ታሽያ ካሰፐ አድ አይፋና መላ ሄ ታሽያ እ ጊግሳና። 
\v 3 ታኒ ህንተዉ ኦድዳ ቃላ ግሾ ህንተ ጌሽ። 
\v 4 ታናን ደእተ፤ ታንካ ህንተናን ደአና። ዎይነ ታሸይ ኡባራ ዶና እፅኮ ሄ ታሸይ ባርካ አይፈ አይፋናዉ ዳንዳኤና። ሄሳዳካ፥ ህንተካ ታናን ደኦና እፅኮ አይፈ አይፋናዉ ዳንዳኤከታ።
\p
\v 5 “ታኒ ዎይነ ኡባ፤ ህንተ ታሸታ። ታናን ደኤይስነ ታኒ እያን ደኤይስ፥ እ ዳሮ አይፈ አይፋና። ታ ባይና ህንተ ፃላላ አይኮካ ኦናዉ ዳንዳኤከታ። \fig ዎይነ ምነ እያ አይፍያ|alt="Grape vine on trellis" src="HK00112B.tif" size="span" ref="15:5"\fig* 
\v 6 ታናን ዶና ኡራይ ታሽያዳ ካረን የግትድ መላና። ሄሳ መላ ታሸት ሺቅድ ታማን የገታና፥ ፁገታና። 
\v 7 ህንተ ታናን ደእኮ፥ ታ ቃላይካ ህንተናን ደእኮ፥ ህንተ ኮይያባይ አይባ ግድኮካ ዎስተ፤ ህንተ ኤካና። 
\v 8 ህንተ ዳሮ አይፈ አይፍያ ታ ታማረ ግድኮ፥ ሄሳን ታ አዋይ ቦንቸታና። 
\v 9 አዋይ ታና ዶሰይሳዳ ታንካ ህንተና ዶሳይስ፤ ታ ሲቁዋን ደእተ። 
\v 10 ታኒ ታ አዋ ኪታ ናጋዳ እያ ሲቁዋን ደእዳይሳዳ ህንተካ ታ ኪታ ናግኮ ታ ሲቁዋን ዳና።
\p
\v 11 “ታ ኡፋይሳይ ህንተናን ግዳና መላነ ህንተ ኡፋይሳይ ፖሎ ግዳና መላ ታኒ ህንተዉ ሄሳ ኦዳስ። 
\v 12 ታ ኪታይ ሀይሳ፤ ታኒ ህንተና ዶስዳይሳዳ ህንተካ እሶይ እሱዋ ዶስተ።\x - \xo 15:12 \xo*\xt ዮሀ 13:34፤ 15:17፤ 1 ዮሀ 3:23፤ ይሁ 5.\xt*\x* 
\v 13 ባ ሸምፑዋ ባ ላግያስ አድ እመይሳፈ አያ ግታ ሲቆይ ባዋ። 
\v 14 ታኒ ህንተና ኪትዳባ ኡባ ኦኮ ህንተ ዶሰትዳይሳታ።
\p
\v 15 “አይለይ ባ ጎዳይ ኦያባ ኤሮና ግሾ ታኒ ህንተና ህዛፐ ጉየ አይለታ ጊከ። ሽን ታ አዋፐ ስእዳ ኡባ ታኒ ህንተዉ ኦድዳ ግሾ ህንተና ዶሰትዳይሳታ ጋስ። 
\v 16 ታኒ ህንተና ዶራስፐ አትሽን፥ ህንተ ታና ዶርበከታ። ህንተ ብድ ዮና አይፈ አይፋና መላ ታኒ ህንተና ሹማስ። ያንኮ፥ ታ አዋይ ህንተ ታ ሱንን ዎስዳባ ኡባ እማና። 
\v 17 ታ ኪታይ ሀይሳ፦ እሶይ እሱዋ ዶስተ።
\s1 አላመይ የሱሳ ታማረታ እፃና
\p
\v 18 “አላመይ ህንተና እፅኮ ኮይሮትድ ታና እፅዳይሳ አኬክተ። 
\v 19 ህንተ አላምያባ ግድያኮ አላመይ ህንተና ዶሳና። ሽን ታኒ ህንተና አላመፐ ዶርዳ ግሾነ ህንተ አላምያባ ግዶና ግሾ አላመይ ህንተና እፄስ። 
\v 20 ‘አይለይ ባ ጎዳፐ አና’ ጋዳ ታኒ ህንተዉ ኦድዳይሳ አኬክተ። ኤንቲ ታና ጎድዳባ ግድኮ ህንተናካ ጎዳና። ኤንቲ ታ ቃላ ናግዳባ ግድኮ ህንተ ቃላካ ናጋና።\x - \xo 15:20 \xo*\xt ማቶ 10:24፤ ሉቃ 6:40፤ ዮሀ 13:16.\xt*\x* 
\v 21 ሽን ኤንቲ ታና ኪትዳይሳ ኤሮና ግሾ ሀ ኡባ ታ ጋሶን ህንተ ቦላ ኦና። 
\v 22 ታኒ ያዳ ኤንታዉ ኦዶናባ ግድያኮ ናጋራ ግደና። ሽን ሀእ ኤንቲ ኦዳ ናጋራስ ጋሶያባይ ባዋ። 
\v 23 ታና እፀይስ ታ አዋካ እፄስ። 
\v 24 ኦንካ ኦቦና ኦሶ ታ ኤንታ ግዶን ኦቦናባ ግድያኮ ኤንታዉ ናጋራ ግዶና አታና። ሽን ሀእ ኤንቲ ታኒ ኦዳ ኦሱዋ በእድ ታናካ ታ አዋካ እፅዶሶና። 
\v 25 ሽን ኤንታ ህግያን፥ ‘ታና ጮ እፅዶሶና’ ጌተትድ ፃፈትዳይስ ፖለታና መላ ሄስ ሀንስ።\x - \xo 15:25 \xo*\xt ማዝ 35:19፤ 69:4.\xt*\x*
\p
\v 26 “አዋፐ ያ ቱማ ቆንጭስያ አያና ታ ህንተዉ ኪታና። እ ህንተና ምንና፥ ታባ ማርካታና። 
\v 27 ህንተካ ኮይሮፐ ዶምድ ታራ ደእያ ግሾ ታባ ማርካታና።
\b
\c 16
\p
\v 1 “ታኒ ሄሳ ህንተ አማኖይ ዮና መላ ህንተዉ ኦዳስ። 
\v 2 ኤንቲ ህንተና አይሁደ ዎሳ ኬታፐ ከስ የዳና። ሄሳዳካ፥ ህንተና ዎያ ኦንካ ፆሲ ኮያባ ኦያ ዳንያ ዎደይ ያና። 
\v 3 ኤንቲ ሄሳ ህንተ ቦላ ኦይ ታና ዎይኮ አዋ ኤሮና ግሾሳ። 
\v 4 ሽን ኤንቲ ሄሳ ህንተ ቦላ ኦያ ዎደይ ጋክያ ዎደ ታኒ ህንተዉ ኦድዳይሳ ህንተ አኬካና መላ ታኒ ህንተዉ ሀይሳ ኦዳስ።
\p “ስንታዳ ታኒ ሀይሳ ህንተዉ ኦዶና ጋምእዳይ ታ ህንተራ ደእያ ግሾሳ። 
\v 5 ሽን ሀእ ታኒ ታና ኪትዳይሳኮ ባይስ፤ ህንተፈ ኦንካ፥ ‘አዉ ባይ?’ ግድ ታና ኦይቸይ ባዋ። 
\v 6 ሽን ታኒ ሄሳ ኦድዳ ግሾ፥ ህንተ ዎዛናን ዳሮ አዛኖይ ደኤስ። 
\v 7 ሽን ታኒ ህንተዉ ቱማ ኦዳይስ፤ ታኒ ቢኮ ህንተዉ ሎኦ። አይስ ጊኮ፥ ታኒ ቦና እፅኮ ምንይስ ህንተኮ ዬና። ሽን ታኒ ቢኮ እያ ህንተኮ የዳና። 
\v 8 ምንይስ ይድ፥ ናጋራባ፥ ፅሎተባነ ፕርዳባ ሀ አላምያ አሳ ኤርሳና። 
\v 9 ናጋራባይ፥ አሳይ ታና አማኖና ግሾሳ። 
\v 10 ፅሎተባይ፥ ታኒ አዋኮ ብያ ግሾነ ህንተ ታና ዛር በኦና ግሾሳ። 
\v 11 ፕርዳባይ፥ ቃስ አላምያ ሃረይስ ፕርደትዳ ግሾሳ።
\p
\v 12 “ታኒ ህንተዉ ኦድያባይ ዳሮባይ ደኤስ፥ ሽን ሀእ ህንተዉ ገለና። 
\v 13 ቱማ አያናይ ያ ዎደ ህንተና ቱማተ ኡባኮ ካለና። እ ስእዳባ ኦዴስፐ አትሽን፥ ባፐ አይብባካ ኦደና። ቃስ ስንፈ ያናባ ህንተዉ እ ኦዳና። 
\v 14 እ ታዉ ደኤይሳፈ ኤክድ ህንተዉ ኦድያ ግሾ እ ታና ቦንቻና። 
\v 15 አዋስ ደእያባ ኡባይ ታባ፤ ‘ምንይስ ታዉ ደኤይሳፈ ኤክድ ህንተዉ ኦዳና’ ታኒ ግዳይ ሄሳሳ።
\s1 ህንተ አዛኖይ ኡፋይሳን ላመታና
\p
\v 16 “ጉ ዎደፐ ጉየ ታና በኤከታ፤ ቃስ ጉ ዎደፐ ጉየ ህንተ ታና በአና” ያግስ።
\p
\v 17 እያ ታማረታፐ እሶት እሶት ባንታ ግዶን፥ “ጉ ዎደፐ ጉየ ህንተ ታና በኤከታ፤ ቃስ ጉ ዎደፐ ጉየ ህንተ ታና በአና፤ ቃስካ ታኒ አዋኮ ባይስ ጉሳይ ዎይ ጉሴ?” ያግዶሶና። 
\v 18 “ጉ ዎደፐ ጉየ ገይስ ዎይ ጉሴ? እ አይ ኦደትያኮ ኑስ ኤረተና” ያግዶሶና።
\p
\v 19 ኤንቲ ባና ኦይቻናዉ ኮየይሳ የሱሲ ኤርድ፥ “ታኒ፥ ‘ጉ ዎደፐ ጉየ ታና በኤከታ፤ ቃስ ጉ ዎደፐ ጉየ ህንተ ታና በአና’ ግዳይሳስ ህንተ እሶይ እሱዋ ኦይቼቲ? 
\v 20 ታኒ ህንተዉ ቱማ ኦዳይስ፤ ህንተ ዬካናነ አፉፃና፥ ሽን ሀ አላመይ ኡፋይታና። ሀእ ህንተ አዛናና፥ ሽን ህንተ አዛኖይ ኡፋይሳን ላመታና። 
\v 21 እስ ማጫስያ ናአ የላና ሀንያ ዎደ ባ የሎ ዎደይ ጋክዳ ግሾ ህርጋዉሱ። ሽን ናአ የልዳፐ ጉየ ናእ ሀ አላምያን የለትዳ ኡፋይሳ ግሾ ባ ኡንኣ ዶጋዉሱ። 
\v 22 ሄሳዳካ፥ ህንተካ ህንተ ዎዛናን አዛኔታ፥ ሽን ታኒ ህንተና ዛራዳ በአና። ህንተ ዎዛናይ ዳሮ ኡፋይታና፤ ሄ ኡፋይሳ ኦንካ ህንተፈ ኤከና።
\p
\v 23 “ሄ ጋላስ ህንተ ታና አይብባካ ዎሰከታ። ታኒ ህንተዉ ቱማ ኦዳይስ፤ ህንተ ታ ሱንን ዎስያባ ኡባ አዋይ ህንተዉ እማና። 
\v 24 ሀእ ጋካናዉ ታ ሱንን አይብባካ ዎስበከታ። ህንተ ኡፋይሳይ ፖሎ ግዳና መላ ፆሳ ዎስተ፤ ህንተ ኤካና።
\p
\v 25 “ታኒ ሀእ ጋካናዉ ህንተዉ ሌምሶን ኦዳስ፥ ህዛፐ ታኒ ሌምሶን ኦዶና ዎደይ ያና። ሽን አዋባ ታኒ ህንተዉ ቆንጨን ኦዳና። 
\v 26 ሄ ጋላስ ህንተ ታ ሱንን አዋ ዎሳና፤ ህንተ ግሾ ታኒ አዋ ዎስከ። 
\v 27 አይስ ጊኮ፥ አዋይ ባ ሁጰን ህንተና ዶሴስ። ህንተ ታና ዶስያ ግሾነ ታኒ አዋ ማታፐ ይዳይሳ አማንዳ ግሾ፥ እ ህንተና ዶሴስ። 
\v 28 ታኒ አዋ ማታፐ ሀ አላምያ ያስ፤ ቃስ አላምያ አጋዳ አዋኮ ባና” ያግስ።
\p
\v 29 እያ ታማረት ዛሪድ፥ “ሄኮ፥ ሀእ ኔኒ ቆንጨን ኦዳሳ፤ ሌምሶን አይኮካ ኦዳካ። 
\v 30 ኔኒ ኡባባ ኤረይሳ ኑኒ ሀእ ኤሮስ፤ ቃስ ነና ኦንካ ኦይቻና መላ ኔኒ ኮያካ። ሄስ ኑና ኔኒ ፆሳፈ ኪተትዳይሳ አማንስ” ያግዶሶና።
\p
\v 31 ያትን፥ የሱሲ ዛሪድ ኤንታኮ፥ “ሀእ አማነቲ? 
\v 32 ሄኮ፥ ህንተ፥ ህንተ ሶ ህንተ ሶ ላለትያ ዎደይነ ታ ፃላላ የግ አግድ ባቃትያ ዎደይ ያና፤ ሀእካ ይክችስ። ሽን አዋይ ታራ ደእያ ግሾ ታኒ ታ ፃላላ ግድከ። 
\v 33 ህንተ ታራ ደእሸ ሳሮይ ህንተዉ ዳና መላ ታኒ ሄሳ ኦዳስ። አላመን ደእሸ ህንተ ዋየታና። ሽን ምንተ፤ ታኒ አላምያ ፆናስ” ያግስ።
\c 17
\s1 የሱሳ ዎሳ
\p
\v 1 የሱሲ ሄሳ ኦድዳፐ ጉየ ፑደ ሳሎ ፄልድ፥ ሀይሳዳ ያግስ፦ “አዋዉ፥ ሳተይ ጋክስ፤ ነ ናአይ ነና ቦንቻና መላ ኔኒ ነ ናኣ ቦንቻ። 
\v 2 ኔኒ እያዉ እምዳ ኡባስ እ መርና ደኡዋ እማና መላ አሳ ኡባ ቦላ እያዉ ማታ እማዳሳ። 
\v 3 መርና ደኦይ፥ ነና፥ እስ ቱማ ፆሳነ ነ ኪትዳ የሱስ ክርስቶሳ ኤሮ። 
\v 4 ኔኒ ታ ኦና መላ እምዳ ኦሱዋ ፖላዳ ነና ሳአን ቦንቻስ። 
\v 5 ሀእካ፥ አዋዉ፥ አላመይ መታናፐ ስን ነ ማታን ታዉ ደእያ ቦንቹዋን ታና ቦንቻ።
\p
\v 6 “አላምያ አሳፐ ኔኒ ታዉ እምዳይሳታ ነና ኤርሳስ። ኤንቲ ነይሳታ፤ ኔኒ ኤንታ ታዉ እማዳሳ። ኤንቲ ነ ቃላስካ ኪተትዶሶና። 
\v 7 ኔኒ ታዉ እምዳ ኡባባይ ኔፐ ይዳይሳ ኤንቲ ሀእ ኤሮሶና። 
\v 8 ኔኒ ታዉ እምዳ ቃላ ታኒ ኤንታዉ እማስ፤ ኤንትካ ሄ ቃላ ኤክዶሶና። ታኒ ነ ማታፐ ይዳይስ ቱማ ግደይሳ ኤርድ ኔኒ ታና ኪትዳይሳካ አማንዶሶና።
\p
\v 9 “ታኒ ኤንታዉ ዎሳይስ። ኤንቲ ነይሳታ ግድያ ግሾ ኔኒ ታዉ እምዳ አሳስ ዎሳይስፐ አትሽን፥ አላምያስ ዎስከ። 
\v 10 ታዉ ደእያ ኡባባይ ነባ፤ ነዉ ደእያ ኡባይካ ታባ። ታኒ ኤንታ ባጋራ ቦንቸታስ። 
\v 11 ታኒ ህዛፐ ጉየ አላምያን ደእከ፤ ኤንቲ አላመን ደኦሶና። ታኒ ሀእ ኔኮ ባይስ። ጌሻ አዋዉ፥ ሀ ኔኒ ታዉ እምዳይሳት ኔራነ ታራ እስኖ ግድዳይሳዳ ኤንቲ እስኖ ግዳና መላ ኤንታ ነ ታዉ እምዳ ነ ሱንን ናጋ። 
\v 12 ታኒ ኤንታራ ሳአን ደአሸ፥ ነ ታዉ እምዳ ነ ሱን ዎልቃን ኤንታ ናጋስ። ጌሻ ማፃፋይ ግዳይስ ፖለታና መላ ዮይ በሲያ ኡራፐ አትሽን፥ ኤንታፈ ሀር ኦንካ ይቤና።\x - \xo 17:12 \xo*\xt ማዝ 41:9፤ ዮሀ 13:18.\xt*\x*
\p
\v 13 “ሀእ ታኒ ኔኮ ባይስ። ታ ኡፋይሳይ ኤንታ ዎዛናን ፖሎ ግዳና መላ ሀይሳ ታኒ አላመን ደአሸ ኦዳይስ። 
\v 14 ታኒ ኤንታዉ ነ ቃላ እማስ። ታኒ አላምያፐ ግዶናይሳዳ፥ ኤንትካ አላሚያፐ ግዶና ግሾ፥ አላመይ ኤንታ እፅስ። 
\v 15 ኔኒ ፃላሄፐ ኤንታ ናጋና መላፐ አትሽን፥ አላመፐ ከሳና መላ ዎስከ። 
\v 16 ታኒ አላመፐ ግዶናይሳዳ ኤንትካ አላመፐ ግዶኮና። 
\v 17 ኔኒ ነ ቱማተን ኤንታ ነባ ኦ፤ ነ ቃላይካ ቱማ። 
\v 18 ኔኒ ታና አላምያ ኪትዳይሳዳ ታንካ ኤንታ አላምያ ኪታስ። 
\v 19 ቃስ ኤንቲ ቱማ ነባ ግዳና መላ ኤንታ ግሾ ታኒ ታ ሁጵያ ነዉ እማይስ።
\p
\v 20 “ታኒ ኤንታ ፃላላስ ግዶናሽን ኤንቲ ቃላ ኦድን፥ ታና አማናናይሳታስካ ዎሳይስ። 
\v 21 ኤንቲ ኡባይ እስኖ ግዳና መላ ታኒ ዎሳይስ። አዋዉ፥ ነ ታናን ደኤይሳዳ፥ ቃስ ታ ነናን ደኤይሳዳ ኤንቲ ኑናን ዳና መላ ዎሳይስ። ሄ ዎደ ኔኒ ታና ኪትዳይሳ አላመይ አማናና። 
\v 22 ኔንነ ታኒ እስኖ ግደይሳዳ፥ ኤንቲ እስኖ ግዳና መላ፥ ኔኒ ታና ቦንችዳይሳዳ፥ ታንካ ኤንታ ቦንቻስ። 
\v 23 ታኒ ኤንታን፥ ኔኒ ታናን ደኤይሳዳ ኤንቲ ፖሎ እስኖ ግዳና መላ ነና ዎሳይስ። ሄስካ፥ ነ ታና ኪትዳይሳነ ነ ታና ዶስዳ ዶሱዋን ኤንታ ሲቅዳይሳ አላመይ ኤራን መላሳ።
\p
\v 24 “አዋዉ፥ ኔኒ ታዉ እምዳይሳት ታኒ ደእያሱዋን ታራ ዳና መላ ኮያይስ። አላመይ መታናፐ ስን ኔኒ ታና ዶስዳ ግሾ፥ ታዉ እምዳ ታ ቦንቹዋ ኤንቲ በአና።
\p
\v 25 “ጌሻ አዋዉ፥ አላመይ ነና ኤረና፥ ሽን ታኒ ኤራይስ። ቃስ ኔኒ ታና ኪትዳይሳ ሀይሳቲ ኤሮሶና። 
\v 26 ኔኒ ታና ሲቅዳ ሲቆይ ኤንታናን ዳና መላ፥ ቃስ ታኒ ኤንታናን ግዳና መላ፥ ታኒ ነ ሱን ኤንታ ኤርሳስ፤ ስንስካ ኤርሳና” ያግስ።
\c 18
\s1 የሱሲ ኦይከትስ
\r (ማቶ 26:47-56፤ ማር 14:43-50፤ ሉቃ 22:47-53)
\p
\v 1 የሱሲ ዎሳ ኦንግዳፐ ጉየ፥ ባ ታማረታራ ቀድሮና ዛንጋራ ፕንድ፥ ሄ በሳን ደእያ አታክልትያ ግዶ ገልዶሶና። 
\v 2 የሱሲ ኡባ ዎደ ባ ታማረታራ ያን ሺቅያ ግሾ የሱሳ አድ እምዳ ይሁድ ሄ በሳ ኤሬስ። 
\v 3 ሄሳ ግሾ፥ ይሁድ ፓኖሰ፥ ፆምፐ፥ ቶራነ ጎንዳለ ኦይክዳ ዳሮ ዎታዳረታ፥ ካህነ ሀላቃትነ ፋርሳወት ኪትዳ ፆሳ ኬ ናግያ ዎታዳረታ ካለ ኤክድ፥ ሄ በሳ ብስ።
\p
\v 4 የሱሲ ባና ጋካና ሀንያባ ኡባ ኤርድ፥ ጋፃ ከይድ፥ “ኦና ኮዬቲ?” ያግስ።
\p
\v 5 ኤንቲ ዛሪድ፥ “ናዝረተ የሱሳ ኮዮስ” ያግዶሶና።
\p እ ዛሪድ፥ “ታኒ የሱሳ” ያግስ።
\p የሱሳ አድ እምዳ ይሁድ ያን ኤንታራ ኤቅስ። 
\v 6 እ፥ “ታኒ የሱሳ” ግዳ ዎደ ኤንቲ ጉየ ሺቅድ፥ ሳአን ኩንድዶሶና። 
\v 7 የሱሲ ቃስካ፥ “ኦና ኮዬቲ?” ያግድ ኦይችስ።
\p ኤንቲ፥ “ናዝረተ የሱሳ ኮዮስ” ያግዶሶና።
\p
\v 8 እ ዛሪድ፥ “ታኒ የሱሳ ግደይሳ ህንተዉ ኦዳስ። ህዛ፥ ህንተ ታና ኮያባ ግድኮ ሀይሳታ የድተ” ያግስ። 
\v 9 እ ሄሳ ግዳይ፥ “አዋዉ፥ ኔኒ ታዉ እምዳይሳታፐ ሀር አቶሽን እሱዋካ ይሳብከ” ግዳይስ ፖለታና መላሳ።
\p
\v 10 ስሞን ጰፅሮሳስ ማሻይ ደኤስ። እ ሄ ማሻ ሾድድ ካህነ ሀላቃ አይልያስ ኡሻቻ ሀይ ሾጭድ፥ ቃንፅ የግስ። ሄ አይልያ ሱንይ ማልኮሳ። 
\v 11 የሱሲ ጰፅሮሳኮ፥ “ነ ማሻ ሾሁዋን ዛራ። ታ አዋይ ታዉ እምዳ ፁአፐ ታኒ ኡዮናባ ነዉ ዳኒ?” ያግስ።\x - \xo 18:11 \xo*\xt ማቶ 26:39፤ ማር 14:36፤ ሉቃ 22:42.\xt*\x*
\s1 የሱሲ ሃና ስንን
\r (ማቶ 26:57-58፤ ማር 14:53-54፤ ሉቃ 22:54)
\p
\v 12 ሮመ ዎታዳረትነ ኤንታ ሀላቃይ ፆሳ ኬ ናግያ ዎታዳረታራ እስፈ የሱሳ ኦይክድ ቃችዶሶና። 
\v 13 ኮይሮ የሱሳ ሃናኮ ኤፍዶሶና። ሃን ሄ ላይ ካህነ ሀላቃ ግድያ ቃያፋ ቦሎ። 
\v 14 ቃያፍ፥ “አሳ ኡባ ግሾ፥ እስ አስ ሀይቅኮ ሎኦ” ግድ ካሰ አይሁደታ ዞርዳይሳ።\x - \xo 18:14 \xo*\xt ዮሀ 11:49-50.\xt*\x*
\s1 ጰፅሮስ የሱሳ ኮይሮ ካዱዋ
\r (ማቶ 26:69-70፤ ማር 14:66-68፤ ሉቃ 22:55-57)
\p
\v 15 ስሞን ጰፅሮስነ ሀራ እስ ታማረይ የሱሳ ካልድ ብዶሶና። ካህነ ሀላቃይ ሄ ሀራ ታማርያ ሎይ ኤሬስ። ሄሳ ግሾ፥ እ የሱሳራ ካህነ ሀላቃ ዛባ ገልስ። 
\v 16 ሽን ጰፅሮስ ካረራ ድርሳ ፐንገን ኤቅስ። ካህነ ሀላቃይ ኤርያ ሀራ ታማረይ ካረ ከይድ፥ ፐንግያ ናግያ ናኤስ ኦድድ፥ ጰፅሮሳ ጋ ገልስስ። 
\v 17 ፐንግያ ናግያ ናእያ ጰፅሮሳኮ፥ “ኔኒ፥ ሄ አድያ ታማረታፐ እሱዋ ግድኪ?” ያጋሱ።
\p ጰፅሮስ ዛሪድ፥ “አካይ፥ ታኒ ግድከ” ያግስ።
\p
\v 18 ሳአይ ሜግያ ግሾ፥ አይለትነ ናገይሳት ፂፋ ታማ ኤድ፥ ካዮሶና። ጰፅሮስካ ኤንታራ ኤቅድ ታማ ካዬስ።
\s1 ካህነ ሀላቃይ የሱሳ ኦይችስ
\r (ማቶ 26:59-66፤ ማር 14:55-64፤ ሉቃ 22:66-71)
\p
\v 19 ካህነ ሀላቃይ የሱሳ፥ እያ ታማረታባነ እያ ትምርትያባ ኦይችስ። 
\v 20 የሱሲ ዛሪድ፥ “ታኒ አሳ ኡባስ ቆንጨን ኦዳስ። ታኒ አይሁደ ኡባይ ሺቅያ አይሁደ ዎሳ ኬንነ ፆሳ ኬን ኡባ ዎደ ታማርሳስ። ጌማን አይኮካ ኦዳብከ። 
\v 21 ያትን፥ ኔኒ ታና አይስ ኦይቻይ? ታ ኦድሽን ስእዳ አሳ ኦይቻ። ሄ አሳይ ታኒ ኦድዳይሳ ኤሮሶና” ያግስ።
\p
\v 22 የሱሲ ሄሳ ግዳ ዎደ፥ ሄ በሳን ኤቅዳ ዎታዳረታፐ እሶይ የሱሳ ባቅድ፥ “ካህነ ሀላቃስ ሀይሳዳ ዛራይ?” ያግስ።
\p
\v 23 የሱሲ ዛሪድ፥ “ታኒ ኢታባ ኦድዳባ ግድኮ ሀይሳን ደእያ አሳ ኡባ ስንን ኦዳ። ሽን ታኒ ቱማ ኦድዳባ ግድኮ ታና አይስ ባቃይ?” ያግስ።
\p
\v 24 ሄሳ ግሾ፥ ሃን፥ የሱሲ ቃሸትዳ መላ ካህነ ሀላቃ ቃያፋኮ የድስ።
\s1 ጰፅሮስ የሱሳ ናምአን ካድስ
\r (ማቶ 26:71-75፤ ማር 14:69-72፤ ሉቃ 22:58-62)
\p
\v 25 ጰፅሮስ ያን ኤቅድ፥ ታማ ካይሽን፥ ሀራት እያኮ፥ “ኔኒ ሀ አድያ ታማረታፐ እሱዋ ግድኪ?” ያግስ።
\p ጰፅሮስ ዛሪድ፥ “አካይ፥ ታኒ ግድከ” ያግድ ካድስ።
\p
\v 26 ካህነ ሀላቃ አይለታፐ እሶይ፥ ጰፅሮስ ሀይ ቃንፅዳ አድያ ዳቦይ፥ ጰፅሮሳኮ፥ “ታኒ ነና እያራ አታክልትያ ግዶን በአብክና?” ያግድ ኦይችስ።
\p
\v 27 ጰፅሮስ ቃስካ ካድስ፤ ኤለስድ ኩቶይ ዋስ አግስ።
\s1 የሱሲ ጵላፆሳ ስንን
\r (ማቶ 27:1-2፥ 11-14፤ ማር 15:1-5፤ ሉቃ 23:1-5)
\p
\v 28 ዎንታ ጉራ፥ ኤንቲ የሱሳ ቃያፋ ሶፐ ደርያ ሃረይሳ ኦሶ ኬ ኤክ ኤፍዶሶና። አይሁደት ፓስካ ባኣለ ካ ማናዉ ባንታና ቱንሶና መላ ደርያ ሃረይሳ ኦሶ ኬ ገልቦኮና። 
\v 29 ሄሳ ግሾ፥ ጵላፆስ ኤንታኮ ካረ ከይድ፥ “ሀ አድያ አይስ ሞተቲ?” ያግስ።
\p
\v 30 ኤንቲ፥ “እ ኢታ ኦናባ ግድያኮ ኑኒ እያ ኔኮ ኤሆኮ” ያግዶሶና።
\p
\v 31 ጵላፆስ ዛሪድ፥ “ህንተ እያ ኤክ ኤፍድ፥ ህንተ ህገይ ገይሳዳ እያ ቦላ ፕርድተ” ያግስ።
\p አይሁደት፥ “ኦናካ ዎያ ማት ኑስ ባዋ” ያግዶሶና፤ 
\v 32 ሄስ ሀንዳይ የሱሲ አይ መላ ሀይቆ ሀይቃነኮ ኤርሳናዉ ኦድዳይስ ፖለታናሳ።\x - \xo 18:32 \xo*\xt ዮሀ 3:14፤ 12:32.\xt*\x*
\p
\v 33 ጵላፆስ ባ ኦሶ ኬ ዛር ገልድ፥ የሱሳ ፄግድ፥ “ኔኒ አይሁደ ካዎ?” ያግድ ኦይችስ።
\p
\v 34 የሱሲ ጵላፆሳ፥ “ሀ ኦይሻ ኔኒ ኔፐ ኦይቻየ ዎይኮ ሀራ አስ ነዉ ታባ ኦድዴ?” ያግስ።
\p
\v 35 ጵላፆስ ዛሪድ፥ “ታ አይሁደ አሴ? ነ አሳይነ ካህነ ሀላቃት ነና ታዉ አድ እምዶሶና። ነ አይ ኦዲ?” ያግስ።
\p
\v 36 የሱሲ፥ “ታ ካዎተይ ሀ አላምያና ግደና። እ ሀይሳን ግድያኮ ታ አይሁደታ ሀላቃታስ አዳ እመቶና መላ ታ አይለት ታዉ ኦለታና። ሽን ታ ካዎተይ ሀ አላምያና ግደና” ያግስ።
\p
\v 37 ሄሳ ግሾ፥ ጵላፆስ የሱሳኮ፥ “ያትን፥ ኔኒ ካዎዬ?” ያግድ ኦይችስ።
\p የሱሲ ዛሪድ፥ “ቱማ ታ ካዎ ግደይሳ ነ ጋዳሳ። ታኒ የለትዳይነ ሀ አላምያ ይዳይ ቱማተስ ማርካታናሳ። ቱማ ባጋ ግድዳ ኦንካ ታኒ ገይሳ ስኤስ” ያግስ።
\p
\v 38 ጵላፆስ፥ “ቱም አይቤ?” ያግስ።
\p ጵላፆስ ሄሳ ግዳፐ ጉየ አይሁደታኮ ካረ ከይድ፥ “ታኒ እያፐ አይ ኢታካ ደማብከ። 
\v 39 ሽን ፓስካ ባኣለ ጋላስ፥ እስ አሰ ህንተዉ ቃሾፐ ብልያ ሜዘይ ደኤስ። ታኒ ህንተዉ አይሁደታ ካዋ ብላና መላ ኮዬቲ?” ያግስ።
\p
\v 40 ኤንቲ ዛሪድ፥ ባንታ ቃላ ቁ ኦድ፥ “ባርባና ብላፈ አትሽን፥ እያ ግደና” ያግዶሶና። ሽን ባርባን ፓንጋ።
\c 19
\s1 የሱሲ ቶሸትስ
\r (ማቶ 27:27-32፤ ማር 15:15-21)
\p
\v 1 ሄሳፈ ጉየ፥ ጵላፆስ የሱሳ ጋራፍስስ። 
\v 2 ዎታዳረት አጉን ካላቻ መድ እያ ሁጰን ዎዶሶና። ቃስ ዞኦ ማኦ እያ ማይዝዶሶና። 
\v 3 እያኮ ሺቅድ፥ “አይሁደ ካዋዉ፥ መርናዉ ካዎታ” ያግድ እያ ባቅዶሶና።
\p
\v 4 ጵላፆስ ቃስካ ካረ ከይድ፥ አይሁደታኮ፥ “ሄኮ፥ ታኒ እያፐ አይ ኢታካ ደማቦናይሳ ህንተ ኤራና መላ እያ ህንተኮ ካረ ከሳና” ያግስ። 
\v 5 ሄሳፈ ጉየ፥ የሱሲ አጉን ካላቻ ባ ሁጰን ዎድ፥ ዞኦ ማኦ ማእድ፥ ካረ ከይስ። ጵላፆስ አይሁደታኮ፥ “ኡራ ሀይሳ በእተ” ያግስ።
\p
\v 6 ካህነ ሀላቃትነ ፆሳ ኬ ናገይሳት እያ በእዳ ዎደ፥ ባንታ ቃላ ቁ ኦድ፥ “ማስቃልያ ቦላ ካቃ! ካቃ!” ያግዶሶና።
\p ጵላፆስ ኤንታኮ፥ “ህንተ እያ ኤፍድ፥ ማስቃልያ ቦላ ካቅተ። ታኒ እያፐ አይ ኢታካ ደማብከ” ያግስ።
\p
\v 7 አይሁደት ዛሪድ፥ “ኑስ ህገይ ደኤስ። እ ባና ፆሳ ናአ ኦዳ ግሾ ኑ ህግያ እ ሀይቃናዉ በሴስ” ያግዶሶና።
\p
\v 8 ጵላፆስ ሄሳ ስእዳ ዎደ ካሰይሳፈ ዳሮ ያይስ። 
\v 9 ቃስካ ጵላፆስ ባ ኦሶ ኬ ስም ገልድ የሱሳኮ፥ “ኔኒ አዉፐ ያዲ?” ያግድ ኦይችስ። ሽን የሱሲ እያዉ አይኮካ ዛርቤና። 
\v 10 ሄሳ ግሾ፥ ጵላፆስ፥ “ታዉ ኦድኪ? ነና ብላናዉ ዎይኮ ማስቃልያ ቦላ ካቃናዉ ታዉ ማት ደኤይሳ ኤርኪ?” ያግስ።
\p
\v 11 የሱሲ፥ “ፆሳይ ነዉ ማታ እምቦናባ ግድያኮ ታ ቦላ ማት ነዉ ዴናሽን። ሄሳ ግሾ፥ ታና ነዉ አድ እምዳይስ አያ ናጋራ ኦስ” ያግስ።
\s1 የሱሲ ሀይቆ ፕርደትስ
\r (ማቶ 27:15-31፤ ማር 15:6-20፤ ሉቃ 23:13-25)
\p
\v 12 ጵላፆስ ሄሳ ስእዳ ዎደ የሱሳ ብላናዉ ኦገ ኮይስ። ሽን አይሁደት ባንታ ቃላ ቁ ኦድ፥ “ኔኒ እያ ብልያባ ግድኮ ካዋ ቄሳረ ባጋ ግዳካ። ባና ካዎ ግያ ኦንካ ቄሳረ ሞርከ” ያግዶሶና።
\p
\v 13 ጵላፆስ ሄሳ ስእድ የሱሳ ካረ ከስስ። ያትድ፥ “ሎቸ ሹች” ጌተትያ በሳን ፕርዳ ኦይድያን ኡትስ። እብራወ ዶናን ሄ በሳይ “ጋባተ” ጉሱ። 
\v 14 ሄ ጋላሳይ ፓስካ ባኣለ ቦንቻናዉ ጊገተ ጋላስ። ሳአይ ኡሱፑን ሳተ ሄራ። ጵላፆስ አይሁደታኮ፥ “ህንተ ካዋ ሀይሳ በእተ” ያግስ።
\p
\v 15 አይሁደት ባንታ ቃላ ቁ ኦድ፥ “ድጋ! ድጋ! ማስቃልያ ቦላ ካቃ” ያግዶሶና።
\p ጵላፆስ ዛሪድ፥ “ህንተ ካዋ ታኒ ማስቃልያ ቦላ ካቃናይሳ ኮዬቲ?” ያግድ ኦይችስ።
\p ካህነ ሀላቃት፥ “ቄሳረፐ ሀራ ካዎይ ኑስ ባዋ” ያግዶሶና።
\p
\v 16 ሄሳፈ ጉየ፥ ኤንቲ የሱሳ ማስቃልያ ቦላ ካቃና መላ ጵላፆስ ኤንታዉ አድ እሚስ።
\s1 የሱሲ ካቀትስ
\r (ማቶ 27:32-44፤ ማር 15:21-32፤ ሉቃ 23:26-43)
\p ኤንቲ የሱሳ ኦይክድ ኤፍዶሶና። 
\v 17 የሱሲ ባ ማስቃልያ ቶክድ፥ “ሁጰ ጉገ” ጌተትያ በሳ ብስ። “ሁጰ ጉገ” ጉሳይ እብራወ ዶናን “ጎልጎታ” ጉሱ። 
\v 18 ኤንቲ ሄ በሳን ማስቃልያ ቦላ የሱሳ ካቅዶሶና። ቃስ እያራ ሀራ ናምኡ አሳታ፥ እሱዋ ያ ባጋራ ሀንኩዋ ሀ ባጋራ ማስቃልያ ቦላ ካቅዶሶና። 
\v 19 ጵላፆስ፥ “አይሁደታ ካዋ፥ ናዝረተ የሱሳ” ግያ ፁፈ ፃፍድ ማስቃልያ ቦላ ዎስ። 
\v 20 የሱሲ ማስቃልያ ቦላ ካቀትዳ በሳይ ካታማስ ማታን ደእያ ግሾ፥ ዳሮ አይሁደት ሄ ፁፍያ ናባብዶሶና። ፁፈይ ፃፈትዳይ እብራወ ዶናን፥ ላትነ ዶናንነ ግርከ ዶናና። 
\v 21 ሄሳ ግሾ፥ ካህነ ሀላቃት ጵላፆሳኮ፥ “ ‘ሀ አደይ ባና አይሁደ ካዎ ያግስ’ ጋዳ ፃፋፐ አትሽን፥ ‘አይሁደ ካዎ’ ጋዳ ፃፎፓ” ያግዶሶና።
\p
\v 22 ያትን፥ ጵላፆስ፥ “ታ ፃፍዳይሳ ፃፋስ” ያግድ ዛርስ።
\p
\v 23 ዎታዳረት ማስቃልያ ቦላ እያ ካቅዳፐ ጉየ፥ እያ ማኡዋ ኤክድ፥ ኦይዱ በሳን ሻክድ፥ እሶ እሶ ኤክዶሶና። የዳ ማኤትያ እያ አዱሳ ማኡዋ ኤክዶሶና። 
\v 24 ዎታዳረት፥ “ኦና ጋካኔኮ፥ ሳማ የጋናፐ አትሽን፥ ማኡዋ ፔኮ” ያግዶሶና። ሄስ ሀንዳይ ጌሻ ማፃፋን፥
\q1 “ታ ማኡዋ ሻክ ኤክዶሶና፤
\q2 ታ አዱሳ ማኡዋ ቦላካ ሳማ የግዶሶና”
\m ጌተትዳይስ ፖለታና መላሳ።\x - \xo 19:24 \xo*\xt ማዝ 22:18.\xt*\x* ሄሳ ግሾ፥ ዎታዳረት ሄሳ ኦዶሶና።
\p
\v 25 ሽን የሱሳ ማስቃልያ ማታን እያ አይያ፥ እያ አየ ምችያ፥ ቀልዮጰ ማችያ ማይራማነ ማግደላ ማይራማ ኤቅዶሶና። 
\v 26 የሱሲ ባ አይዉነ እ ዶስያ ታማረይ ያን ኤቅዳይሳታ በእድ፥ ባ አየኮ፥ “ታ አየ፥ ነ ናኣ ሀይሳ በአ” ያግስ።
\p
\v 27 ሄሳፈ ጉየ፥ ሄ ታማርያኮ፥ “ነ አይዉ ሀኖ በአ” ያግስ። ሄ ታማረይ እዮ ሄ ዎደፐ ዶምድ ባራ ዳና መላ ሶ ኤፍስ።
\s1 የሱሳ ሀይቁዋ
\r (ማቶ 27:45-56፤ ማር 15:33-41፤ ሉቃ 23:44-49)
\p
\v 28 ሄሳፈ ጉየ፥ የሱሲ ኡባይ ሀእ ፖለትዳይሳ ኤርድ፥ ጌሻ ማፃፋን ፃፈትዳይስ ፖለታና መላ “ታና ሳሜስ” ያግስ።\x - \xo 19:28 \xo*\xt ማዝ 69:21፤ 22:15.\xt*\x*
\p
\v 29 ሄ በሳን እስ ፁጋ ኩመ ጫላ ዎይነይ ደኤስ። ኤንቲ እስፖንጀ ሄ ዎይንያን የግድ፥ ህሶጰ ም ፄራን ዎድ፥ የሱሳ ዶናኮ ሺሽዶሶና። 
\v 30 የሱሲ ዎይንያ ጋንፅ በእድ፥ “ፖለትስ” ያግስ።
\p ሄሳፈ ጉየ፥ ባ ሁጵያ ዝቅ ኦድ ባ ሸምፑዋ እሚስ።
\p
\v 31 ሄ ጋላሳይ ጊገተ ጋላስ ግድያ ግሾነ ዎንተ ጋላሳይ ቦንቾ ሳምባታ ግድያ ግሾ፥ አሳታ አሀይ ማስቃልያ ቦላ ሳምባታ ጋላስ ፔኦና መላ ኤንታ ቶሁዋ መንድ፥ ማስቃልያፐ ዎሳና መላ አይሁደት ጵላፆሳ ዎስዶሶና። 
\v 32 ሄሳ ግሾ፥ ዎታዳረት ብድ፥ የሱሳራ ካቀትዳ ናምኡ አሳታ ቶሁዋ መንዶሶና። 
\v 33 ሽን የሱሳኮ ይዳ ዎደ እ ሀይቅዳይሳ በእድ፥ እያ ቶሁዋ መንቦኮና። 
\v 34 ሽን ዎታዳረታፐ እሶይ እያ ምያ ቶራን ጫድን ኢራካ ሱነ ሃ ጎግስ። 
\v 35 ህንተ አማናና መላ ሄሳ በእዳይስ ማርካትስ። እያ ማርካተይካ ቱማ። ቃስ እ ኦደይስ ቱማ ግደይሳ ኤሬስ። 
\v 36 ሄስ ሀንዳይ ጌሻ ማፃፋይ፥ “እያ መቀታፐ እሶይካ መቀና” ግዳይስ ፖለታና መላሳ።\x - \xo 19:36 \xo*\xt ከሳ 12:46፤ ታይቦ 9:12፤ ማዝ 34:20.\xt*\x* 
\v 37 ቃስካ ጌሻ ማፃፋይ ሀራ በሳን፥ “ኤንቲ ባንታ ጫድዳይሳ በአና” ያጌስ።\x - \xo 19:37 \xo*\xt ዛካ 12:10፤ ቆን 1:7.\xt*\x*
\s1 የሱሲ ሞገትስ
\r (ማቶ 27:57-61፤ ማር 15:42-47፤ ሉቃ 23:50-56)
\p
\v 38 ሄሳፈ ጉየ፥ አርማተ ካታማፐ ይዳ ዮሰፍ የሱሳ አሀ ኤካናዉ ጵላፆሳ ዎስስ። ዮሰፍ አይሁደታስ ያይዳ ግሾ ቆሳን የሱሳ ካለይሳ።
\p ጵላፆስ፥ “ኤካ” ያግስ። ሄሳ ግሾ፥ ዮሰፍ ብድ የሱሳ አሀ ኤክስ። 
\v 39 ቃስ ንቆድሞስ ሄሳፈ ካሰ የሱሳኮ ቃማ ይዳይስ፥ ካርበነ ጎዳረ ኡራ ዋላከትዳ ሀስታማነ እስ ክሎ ግራመ ግድያ ሽቶ ኤክድ ዮሰፋራ ይስ።\x - \xo 19:39 \xo*\xt ዮሀ 3:1-2.\xt*\x* 
\v 40 ሄ ናምኡ አሳት የሱሳ አሀ ኤክድ፥ አይሁደት አሀ ፃፅያ ማራን፥ ሽቶራ፥ ሞጎ አፍላን ፃፅዶሶና። 
\v 41 የሱሲ ማስቃልያ ቦላ ካቀትዳ በሳን ዳሮ አታክልተይ ደኤስ። ሄ አታክልትያ ግዶን ሹቻፈ ዎጨትድ ኦሰትዳ ቡሮ ኦንካ ሞገትቦና ኦራ ዱፎይ ደኤስ። 
\v 42 ሄ ጎንጎሎይ ማታን ደእያ ግሾነ አይሁደት ሳምባታስ ጊገትያ ጋላስ ግድያ ግሾ፥ የሱሳ አሀ ያን ሞግዶሶና።
\c 20
\s1 የሱሳ ሀይቆፐ ደንዱዋ
\r (ማቶ 28:1-8፤ ማር 16:1-8፤ ሉቃ 24:1-12)
\p
\v 1 ዎጋ ዎደ ዎንታ ቡሮ ጌዮና ደእሽን፥ ማግደላ ማይራማ፥ የሱሲ ሞገትዳ ዱፉዋ ባዳ ሹቻይ ሄ ዱፉዋ ዶናፐ ደንድዳይሳ በአሱ። 
\v 2 ስሞን ጰፅሮሳኮነ የሱሲ ዶስያ ሀንኮ ታማርያኮ ዎፃ ባዳ፥ “ዱፉዋፐ ጎዳ ኤፍዶሶና፤ እያ አዉን ዎዳኮ ኑ ኤሮኮ” ያጋሱ።
\p
\v 3 ሄሳ ግሾ፥ ጰፅሮስነ ሀንኮ ታማረይ ከይድ ዱፉዋ ብዶሶና። 
\v 4 ናምአይካ እስፈ ዎፅዶሶና፥ ሽን ሀንኮ ታማረይ ጰፅሮሳፐ አድ ስንትድ ዱፉዋ ጋክስ። 
\v 5 ሄ ታማረይ ሆክድ፥ ሞጎ አፍላ በእስ፥ ሽን ዱፉዋን ዎቤና። 
\v 6 ስሞን ጰፅሮስ እያ ካል ይድ፥ ዱፉዋን ዎድ ሞጎ አፍላይ ያን ደኤይሳ በእስ። 
\v 7 ቃስ የሱሳ ሁጰን ፃፀትዳ አፍላይ ፃፀትዳ መላ ዱማ እስ በሳን ደኤይሳ በእስ። ሄ አፍላይ ዱማ ደኤስፐ አትሽን፥ ሞጎ አፍላራ እስፈ ዴና። 
\v 8 ሄ ዎደ፥ ስንትድ ዱፉዋ ጋክዳ ሀንኮ ታማረይ ገል በእድ አማንስ። 
\v 9 የሱሲ ሀይቆፐ ደንዳናዉ በሰይሳ ኦድያ ጌሻ ማፃፋ ቃላ ኤንቲ ቡሮ አኬክቦኮና። 
\v 10 ሄሳፈ ጉየ፥ እያ ታማረት ባንታ ሶ ስም ብዶሶና።
\s1 የሱሲ ማግደላ ማይራምስ ቆንጭስ
\r (ማቶ 28:9-10፤ ማር 16:9-11)
\p
\v 11 ሽን ማይራማ ሄ ዱፉዋ ዶናን ኤቃዳ ዬካሸ ሆካዳ ዱፉዋ ግዶ ፄላሱ። 
\v 12 ቦ ማኦ ማእዳ ናምኡ ኪታንቾት የሱሳ አሀይ ዝንእዳ በሳን እሶይ ሁጰሶራ ሀንኮይ ቶሆሶራ ኡትዳሽን በአሱ። 
\v 13 ኤንቲ ኢኮ፥ “ማጫሰተ፥ አይስ ዬካይ?” ያግድ ኦይችዶሶና።
\p እያ፥ “ኤንቲ ታ ጎዳ ኤፍዶሶና፤ ኤንቲ አዉን ዎዳኮ ታኒ ኤርከ” ያጋሱ።
\p
\v 14 ሄሳ ግዳፐ ጉየ፥ እያ ጉየ ስማ ፄልያ ዎደ፥ የሱሲ ያን ኤቅዳይሳ በአሱ። ሽን እ የሱሳ ግድዳይሳ ኤራቡኩ። 
\v 15 የሱሲ ኢኮ፥ “ማጫሰተ፥ አይስ ዬካይ? ኦና ኮያይ?” ያግድ ኦይችስ።
\p ማይራማ አታክልተ ኦሳንቹዋ ዳንን፥ “ጎዳዉ፥ ነ ኤክዳባ ግድኮ፥ እያ አዉን ዎዳኮ ታዉ ኦዳርኪ። ታኒ እያ ኤካና” ያጋሱ።
\p
\v 16 የሱሲ ኢኮ፥ “ማይራመ” ያግስ።
\p እያ እያኮ ስማዳ፥ እብራወ ዶናን “ረቡን” ያጋሱ። ሄሳስ ብርሸይ “አስታማርያዉ” ጉሱ።
\p
\v 17 የሱሲ ኢኮ፥ “ታኒ ቡሮ ታ አዋኮ ቦና ግሾ፥ ታና ኦይኮፋ። ሽን ታ እሻታኮ ባዳ፥ ‘ታኒ ታ አዋኮነ ህንተ አዋኮ፥ ታ ፆሳኮነ ህንተ ፆሳኮ፥ ስማና ግስ’ ጋዳ ኤንታዉ ኦዳ” ያግስ።
\p
\v 18 ማግደላ ማይራማ ጎዳ በእዳይሳነ እዉ ሄሳ እ ኦድዳይሳ ባዳ እያ ታማረታስ ኦዳሱ።
\s1 የሱሲ ባ ታማረታስ ቆንጭስ
\r (ማቶ 28:16-20፤ ማር 16:14-18፤ ሉቃ 24:36-49)
\p
\v 19 ዎጋ ዎደ ኦማርስ፥ እያ ታማረት አይሁደታስ ያይድ ካርያ ጎርድድ ሺቅ ኡትዳሽን፥ የሱሲ ይድ፥ ኤንታ ግዶን ኤቅድ፥ “ሳሮይ ህንተዉ ግዶ” ያግስ። 
\v 20 ሄሳ ግድ ስሚድ ባ ኩሽያነ ባ ምያ ኤንታ በስስ። እያ ታማረት ጎዳ በእዳ ዎደ ዳሮ ኡፋይትዶሶና። 
\v 21 የሱሲ ዛሪድ ኤንታኮ፥ “ሳሮይ ህንተዉ ግዶ፤ ታ አዋይ ታና ኪትዳይሳዳ ታንካ ህንተና ኪታይስ” ያግስ። 
\v 22 ሄሳ ግዳፐ ጉየ፥ ኤንታ ቦላ ኡፉ ግድ ፑንስ። ቃስ፥ “ጌሻ አያና ኤክተ። 
\v 23 ህንተ አቶ ግዳ አሳ ናጋራይ አቶ ጌተታና። ህንተ አቶ ጎናይሳታ ናጋራይ አቶ ጌተተና” ያግስ።\x - \xo 20:23 \xo*\xt ማቶ 16:19፤ 18:18.\xt*\x*
\s1 የሱሳነ ቶማሳ
\p
\v 24 ሽን ታማነ ናምኡ ታማረታፐ እሶይ፥ ድድሞሳ ጌተትያ ቶማስ፥ የሱሲ ይዳ ዎደ ኤንታራ ዴና። 
\v 25 ሄሳ ግሾ፥ ሀንኮ እያ ታማረት ቶማሳኮ፥ “ኑኒ ጎዳ በእዳ” ያግዶሶና።
\p ሽን ቶማስ ኤንታኮ፥ “ምስማረን እ ጫደትዳ እያ ኩሽያን ደእያ ቤታ በኦናነ ሄ ቤታ ታ ብራን ቦቾና፥ ቃስ ታ ኩሽያ እያ ምየን የዳ በኦና አማንከ” ያግስ።
\p
\v 26 ሳምንታፈ ጉየ፥ የሱሳ ታማረት ቃስካ ሶን ሺቅድ ኡትዶሶና፤ ቶማስካ ኤንታራ ደኤስ። ካረይ ጎርደትድ ደእሽን የሱሲ ይድ፥ ኤንታ ግዶን ኤቅድ፥ “ሳሮይ ህንተዉ ግዶ” ያግስ። 
\v 27 ሄሳፈ ጉየ፥ የሱሲ ቶማሳኮ፥ “ታ ኩሽያ ነ ብራን ቦቻዳ በአ። ቃስ ነ ኩሽያ ታ ምይያን የዳ በአ። ኔኒ ስፓ፥ አማና” ያግስ።
\p
\v 28 ቶማስ ዛሪድ፥ “ታ ጎዳዉ፥ ታ ፆሳዉ” ያግስ።
\p
\v 29 ያትን የሱሲ፥ “ኔኒ ታና በእዳ ግሾ አማናዳሳ፥ ሽን ታና በኦና አማንዳይሳት አንጀትዳይሳታ” ያግስ።
\p
\v 30 የሱሲ ሀ ማፃፋን ፃፈትቦና ሀራ ዳሮ ማላታታ ባ ታማረታ ስንን ኦስ። 
\v 31 ሽን የሱሲ እ ክርስቶሳ፥ ፆሳ ናኣ ግደይሳ ህንተ አማናና መላነ አማንድ እያ ሱንን ደኦ ደማና መላ ሃይስ ፃፈትስ።
\c 21
\s1 የሱሲ ላፑን ታማረታስ ቆንጭስ
\p
\v 1 ሄሳፈ ጉየ፥ የሱሲ ፅብራዶሳ አባ ማታን ባ ታማረታስ ዛር ቆንጭስ። እ ኤንታዉ ሀይሳፈ ካልድ ደእያ ሀኖታን ቆንጭስ። 
\v 2 ስሞን ጰፅሮስ፥ መንተ ጌተትያ ቶማስ፥ ቃና ጋልላፐ ይዳ ናትናኤል፥ ዛብድዮሳ ናይትነ የሱሳ ታማረታፐ ሀራ ናምአት እስፈ ደኦሶና።
\p
\v 3 ስሞን ጰፅሮስ ኤንታኮ፥ “ታኒ ሞሎ ኦይካናዉ ባይስ” ያግስ።\x - \xo 21:3 \xo*\xt ሉቃ 5:5.\xt*\x*
\p ኤንቲ፥ “ኑካ ኔራ ባና” ያግድ፥ ዎጎሉዋ ግዶ ገልዶሶና። ሽን ኤንቲ ሄ ቃማን አይብ ሞሎካ ኦይክቦኮና።
\p
\v 4 ዎንታ ጉራ ፃልቀይ ዶላናፐ ስን፥ የሱሲ አባ ጋፃን ኤቅስ፥ ሽን እያ ታማረት የሱሳ ግድዳይሳ ኤርቦኮና። 
\v 5 የሱሲ ኤንታኮ፥ “ታ ላገቶ፥ ሞሎ ኦይክቤከቲ?” ያግስ።
\p ኤንቲ ዛሪድ፥ “አይኮካ ኦይክቦኮ” ያግዶሶና።
\p
\v 6 እ ዛሪድ፥ “ህንተ ግትያ ዎጎሉዋፐ ኡሻቻ ባጋራ የግተ፤ ጉ ሞሎ ህንተ ኦይካና” ያግስ። ሄሳ ግሾ፥ ግትያ ኡሻቻ ባጋራ የግዶሶና። ሞሎይ ዳርዳ ግሾ ጎች ከሳናዉ ፆነትዶሶና።\x - \xo 21:6 \xo*\xt ሉቃ 5:6.\xt*\x*
\p
\v 7 የሱሲ ዶስያ ታማረይ ጰፅሮሳኮ፥ “ሀይስ ጎዳ!” ያግስ። ስሞን ጰፅሮስ እ ጎዳ ግዳይሳ ስእዳ ዎደ፥ ካሎ ደእያ ግሾ፥ ባ ማኡዋ ማእድ አባ ግዶ ጉፕ ገልስ። 
\v 8 ሽን ዎጎሉዋን አትዳ ሀንኮ ታማረት ሞሎይ ኩምዳ ግትያ ጎችድ፥ አባፈ ጋፃ ከይዶሶና። ኤንቲ አባፈ ናምኡ ፄቱ ዋ መላ ሃኮሶና። 
\v 9 ኤንቲ አባፈ ጋፃ ከይዳ ዎደ፥ ፂፋ ቦንቆን ሞሎይ ደኤይሳነ ኡይ በእዶሶና።
\p
\v 10 የሱሲ ኤንታኮ፥ “ሀእ ህንተ ኦይክዳ ሞሉዋፐ ጉራ ሀምተ” ያግስ።
\p
\v 11 ስሞን ጰፅሮስ ዎጎሉዋን ገልድ፥ ፄታነ እሻታማነ ሄ ዎጋ ሞሎት ኩምዳ ግትያ ጎችድ አባፈ ጋፃ ከስስ። ሞሎይ ሄሳ መላ ዳሮ ግድን ግተይ ዳከትቤና።
\p
\v 12 የሱሲ ኤንታኮ፥ “ሃ ይድ ሚተ” ያግስ። እ ጎዳ ግደይሳ ኤንቲ ኤርዳ ግሾ፥ እያ ታማረታፐ እሶይካ፥ “ኔኒ ኦኔ?” ግድ እያ ኦይቻናዉ ምንዳይ ባዋ። 
\v 13 የሱሲ ይድ፥ ኡይ ኤክድ ኤንታዉ እሚስ፤ ሞሉዋካ ሄሳዳ እሚስ።
\p
\v 14 የሱሲ ሀይቆፐ ደንድድ ባ ታማረታስ ቆንጭሽን ሀይስ ሄን።
\s1 የሱሳነ ጰፅሮሳ
\p
\v 15 ኤንቲ ምዳፐ ጉየ፥ የሱሲ ስሞን ጰፅሮሳኮ፥ “ዮና\f + \fr 21:15 \fr*\fk ዮና፦ \fk*\ft ግርከ ዶናን ዮና ጌተትያ ሱንይ ዮሃንሳ ጌተትያ ሱንስ ሳጶ ሱን።\ft*\f* ናአዉ ስሞና፥ ታና ሀይሳታፐ አዳ ዶሳይ?” ያግስ።
\p ስሞን ጰፅሮስ፥ “ኤ ጎዳዉ፥ ታኒ ነና ዶሰይሳ ነ ኤራሳ” ያግስ።
\p የሱሲ እያኮ፥ “ታ ዶርሳ ማራታ ሄማ” ያግስ።
\p
\v 16 የሱሲ ቃስካ፥ “ዮና ናአዉ ስሞና፥ ታና ዶሳይ?” ያግስ።
\p ስሞን ጰፅሮስ፥ “ኤ ጎዳዉ፥ ታኒ ነና ዶሰይሳ ነ ኤራሳ” ያግስ።
\p የሱሲ፥ “ታ ዶርሳታ ሄማ” ያግስ።
\p
\v 17 የሱሲ ሄን፥ “ዮና ናአዉ ስሞና፥ ታና ዶሳይ?” ያግስ።
\p የሱሲ ሄን ስሞን ጰፅሮሳኮ፥ “ታና ዶሳይ?” ያግድ ኦይችዳ ግሾ፥ ጰፅሮስ አዛንድ፥ “ጎዳዉ፥ ኔኒ ኡባባ ኤራሳ፤ ታኒ ነና ዶሰይሳ ነ ኤራሳ” ያግስ።
\p የሱሲ፥ “ታ ዶርሳታ ሄማ። 
\v 18 ታኒ ነዉ ቱማ ኦዳይስ፤ ኔኒ ናአተን ደእያ ዎደ፥ ነርካ ዳንጨታዳ፥ ነ ኮይዳ ሶ ባሳ። ሽን ነ ጭምዳ ዎደ ነ ኩሽያ ምጫ በሳና። ሀር ዳንጭሳና፤ ነ ዶሶና ሶ ኤፋና” ያግስ። 
\v 19 የሱሲ ሄሳ ጰፅሮስ አይ መላ ሀይቆ ሀይቅድ፥ ፆሳ ቦንችሳኔኮ ኤርሳናዉ ግስ። ሄሳ ግዳፐ ጉየ፥ የሱሲ ጰፅሮሳኮ፥ “ታና ካላ” ያግስ።
\s1 የሱሳነ ዶሰትዳ ታማርያ
\p
\v 20 ጰፅሮስ ጉየ ስሚድ፥ የሱሲ ዶስያ ታማረይ ባፐ ጉየራ የይሳ በእስ። ሄ ታማረይ፥ ካሆ ምያ በሳን የሱሳኮ ሺቅድ፥ “ጎዳዉ፥ ነና አድ እማናይ ኦኔ?” ግዳይሳ።\x - \xo 21:20 \xo*\xt ዮሀ 13:25.\xt*\x* 
\v 21 ጰፅሮስ ሄ ታማርያ በእድ፥ “ጎዳዉ፥ ሀ አደይ ቃስ ዋናኔ?” ያግድ የሱሳ ኦይችስ።
\p
\v 22 የሱሲ እያኮ፥ “ታኒ ያና ጋካናዉ እ ዳና መላ ታኒ ኮይኮ፥ ሄስ ነና አይ መትዴ? ኔኒ ታና ካላ” ያግስ።
\p
\v 23 ሄሳ ግሾ፥ ሄ ታማረይ ሀይቀና ግያ ኦዳይ እሻታ ኡባ ጋክስ። ሽን የሱሲ፥ “ታኒ ያና ጋካናዉ፥ እ ዳና መላ ታኒ ኮይኮ ነና አይ መትዴ?” ያግስፐ አትሽን፥ “ሀይቀና” ግቤና።
\p
\v 24 ሀ ኦዳባ ማርካትዳይነ ሀይሳ ፃፍዳይ ሄ ታማርያ። እያ ማርካተይ ቱማ ግደይሳ ኑኒ ኤሮስ።
\p
\v 25 የሱሲ ኦዳ ሀራ ዳሮባይ ደኤስ። ታ ቆፕን፥ ኡባባይ ሁጰን ሁጰን ፃፈትዳኮ፥ ፃፈትያ ማፃፋታስ ኩመ አላመይ ዎናዉ ግዳናባ ዳነና።