\id JAS - GOOFA FULL BIBLE
\ide UTF-8
\h ያይቆባ ኪታ
\toc1 ያይቆባ ኪታ
\toc3 ያይ
\toc2 ያይቆባ
\mt ያይቆብ ፃፍዳ ኪታ
\imt ጋ ቆፋ
\ip ያይቆባ ኪታይ፥ አማንያ አስ ጋላስ ጋላስ ባ ደኡዋ ካለያ ቆፋታ ኦይክስ። ሀ ኪታይ ፃፈትዳይ፥ ቢታ ኡባን ላለትዳ ታማነ ናምኡ አይሁደ ኮቻታሳ። ሀ ማፃፋ ፃፈይ፥ ጭንጫተ ኑኒ ኦሶን ፔሽያ ኦገ በሴስ፤ አማንያ አስ ሞኮባነ ሎኦ ካንዶስ ኦገ በሲያ ኦዳታ ምስለዳ ቆንጭሴስ።
\ip ያይቆባ ኪታይ፥ ማንቆተባ፥ ዱረተባ፥ ፓጨባ፥ ሎኦ ካንዶባ፥ ቃናተባ፥ አማኖባ፥ ሎኦ ኦሶባ፥ እንፃርስ ሃሮባ፥ ጭንጫተባ፥ ኦሻባ፥ ኦቶሮባ፥ አሽከተባ፥ ሀራ አሳ ቦላ ፕርዶባ፥ ጬቀተባ፥ ገንጫባ፥ ዎሳባነ አማንያ አስ ኦናዉ በሲያባ ኡባ ቆርድ በሴስ።
\iot ማፃፋ አይፈ ቆፋታ
\io1 ሳሮ (\ior 1:1\ior*)
\io1 አማኖነ ጭንጫተ (\ior 1:2-18\ior*)
\io1 ስስነ ኪተተ (\ior 1:19-27\ior*)
\io1 ማንቆተነ ዱረተ (\ior 2:1-13\ior*)
\io1 አማኖነ ኦሶ (\ior 2:14-26\ior*)
\io1 ጭንጫተነ እንፃርስ ሃሮባ (\ior 3:1-18\ior*)
\io1 ሀ አላምያራ ዳቦተ መፋ (\ior 4:1—5:6\ior*)
\io1 ዳንዳአ፥ ኬሀተነ ዎሳ (\ior 5:7-20\ior*)
\c 1
\p
\v 1 ፆሳነ ጎዳ የሱስ ክርስቶሳ አይለይ፥ ያይቆብ፥ ቢታ ኡባን ላለትዳ ታማነ ናምኡ ሼሻታስ ኪትዳ ኪታ።\x - \xo 1:1 \xo*\xt ማቶ 13:55፤ ማር 6:3፤ ሀዋ 15:13፤ ጋላ 1:19.\xt*\x*
\p ሳሮ፥ አይ መላ ደኤቲ?
\s1 አማኖነ ጭንጫተ
\p
\v 2 ታ እሻቶ፥ ህንተና ዱማ ዱማ ፓጨይ ጋክያ ዎደ ህንተ ሎኦባ ደምዳዳ ኩመ ኡፋይሳን ኤክተ። 
\v 3 ህንተ አማኑዋ ፓጨተይ ዳንዳአ ህንተዉ እመይሳ ኤሬታ። 
\v 4 ህንተ ዉርሰ ጋካናዉ ዳንዳእኮ አይብ ፓጨይ ባይና ፖሎነ ኩመ ግደታ። 
\v 5 ህንተፈ ኦደስካ ጭንጫተ ይኮ ፆሳ ዎሶ። እያዉ እመታና። ፆሳይ ኦናካ ቦሮና ኡባስ ኬሀተን እምያ ፆሰ። 
\v 6 ሽን እ ዎስያ ዎደ ስና አማኖን ፆሳ ዎሶ። ስያ ኦንካ ጫርኮይ ሱግን ቃፅያ አባ ዙለ መላ። 
\v 7-8 ናምኡ ቆፍ ደኤይነ ባ ኦግያን ኤቆና ኦንካ ጎዳፐ አይኮካ ደማና ግድ ቆፖፎ።
\s1 ማንቆ አስነ ዱረ አስ
\p
\v 9 አማንያ ማንቆ አሳት፥ ፆሳይ ኤንታና ቁ ኦያ ዎደ ኡፋይቶ። 
\v 10 ቃስ አማንያ ዱረ አሳት ፆሳይ ኤንታና ዝቅ ኦያ ዎደ ኡፋይቶ። ዱረ አሳት ጪሻዳ ያና።\x - \xo 1:10 \xo*\xt እሳ 40:6-7.\xt*\x* 
\v 11 አዋይ ባ ምሻራ ከይድ ማታ መልስን፥ ጪሻይ ቆለቴስ፤ እያ ሎኦተይካ ዬስ። ሄሳዳካ፥ ዱረ አሳት ባንታ ኦሱዋን ዳቡርሸ ያና።
\s1 አሰ ጋክያ ፓጨ
\p
\v 12 መቱዋ ፆንድ አዳፐ ጉየ፥ ፆሳይ ባና ሲቀይሳታስ እማና ግድ ቃላ ገልዳ ደኦ ካላቻ ኤካና ግሾ፥ መቶን ገንጭያ አስ አንጀትዳይሳ። 
\v 13 ኦንካ ፓጨትያ ዎደ፥ “ታና ፆሳይ ፓጬስ” ጎፖ። ፆሳይ ኢታን ፓጨተና፤ ቃስ እ ኦናካ ፓጨና። 
\v 14 ሽን እስ እስ አስ ባ ኢታ አሙዋን ጎሸትያ ዎደነ ጭመትያ ዎደ ፓጨቴስ። 
\v 15 ሄሳፈ ጉየ፥ አሞተ ቃንትድ ናጋራ የሌስ፤ ቃስ ናጋር ድጭድ ሀይቆ የሌስ።
\p
\v 16 ታ ሲቆ እሻቶ፥ ጭመቶፍተ። 
\v 17 ሎኦ እሞይነ ኩመ አንጆ ኡባይ ሳሎፐነ ሳሉዋ ፖኡዋ መዳ ፆሳ አዋፐ ዬስ። ፆሳይ ኩያዳ ኡባ ዎደ ላመተና። 
\v 18 ኑኒ፥ እያ መተስ ኮይሮ ግዳና መላ ኑና ቱማ ቃላን ባ ሸነን የልስ።
\s1 ስስነ ኦሶ
\p
\v 19 ታ ሲቆ እሻቶ፥ ሀይሳ አኬክተ። አስ ኡባይ ስአናዉ ኤለሶ፥ ሽን ኦደታናዉነ ሀንቀታናዉ ኤለሶፖ። 
\v 20 አሳ ሀንቆይ ፆሳይ ኮይያ ፅሎተ ኤሄና። 
\v 21 ሄሳ ግሾ፥ ቱና ሀኖታነ ኢታተ ኡባ ድግድ፥ ፆሳይ ህንተ ዎዛናን ቶክዳ ህንተ ሸምፑዋ አሻናዉ ዳንዳእያ ቃላ አዳተን ኤክተ።
\p
\v 22 ሽን ፆሳ ቃላ ኦሶን ፔሽተፐ አትሽን፥ ስሳ ፃላላን ህንተና ጭሞፍተ። 
\v 23 ቃላ ስእድ ኦና አስ፥ እ ባ ሶምኡዋ ማስቶተን በእያ አሳ መላ። 
\v 24 እ ባ ሶምኡዋ በእድ ቤስ፥ ሽን እ አይ ዳንያኮ ኤለስ ዶጌስ። 
\v 25 ሽን ኦንካ አይለተፈ ከስያ ፖሎ ህግያ አኬካን በእድ፥ ካልድ ናገይ፥ ስእዳይሳ ዶጎና ኦሶን ፔሽያ ኡራይ፥ ባ ኦሶ ኡባን አንጀታና።
\p
\v 26 ባ እንፃርሳ ናጎና አማናይስ ግያ ኡራይ ባና ጭሜስ፤ እያ አማኖይ ሀዳ። 
\v 27 ፆሳ አዋ ስንን ቦረይ ባይና ጌሻ አማኖይ ሀይሳ፦ አይያ አዉ ባይና ናይታነ አምኤታ ማዶነ አላምያ ቱናፐ ባና ናጎ።
\c 2
\s1 አሰ ሻኮፋ
\p
\v 1 ታ እሻቶ፥ ህንተ ኑ ቦንቾ ጎዳ የሱስ ክርስቶሳ አማንያባ ግድኮ፥ አሳ ሶምኦ ፄልድ አሰ ቦንቾፍተ። 
\v 2 ሌምሶስ፥ ዎርቃ ምግዶ አድ፥ ሎኦ ማኦ ማእዳ ዱረ አስ ህንተ ሺቁዋ ይስ። ቃስ ጩርቃ ማኦ ማእዳ ማንቆ አስካ ይስ። 
\v 3 ሎኦ ማኦ ማእዳ አድያ ህንተ አድ ቦንችድ፥ “ነ ሀይሳን ሎእያ ኦይድያን ኡታ” ግድ፥ ቃስ ማንቆ አድያ፥ “ነ ያን ኤቃ ዎይኮ ሀይሳን ታ ቶሁዋ ማታን ሳአን ኡታ” ጌታ። 
\v 4 ያትን፥ ህንተ፥ ህንተ ግዶን ሻከተ መይሳታነ ኢታ ቆፋራ ደእያ ዳይናታ መላ ግደከትዬ?
\p
\v 5 ታ ሲቆ እሻቶ፥ ስእተ። አማኖን ዱረ ግዳና መላነ ባና ሲቀይሳታስ እማና ግዳ ሳሎ ካዎተ ላታና መላ ሀ ሳአን ደእያ ማንቆታ ፆሳይ ዶርበነዬ? 
\v 6 ሽን ህንተ ማንቆታ ቶቸታ። ህንተና ኡንኤይሳት ዱረታ ግዶኮናዬ? ህንተና ዳይና ስን ጎቸይሳት ኤንታ ግዶኮናዬ? 
\v 7 ህንተ ፄገትዳ ሎኦ ጎዳ ሱን ጫየይሳት ኤንታ ግዶኮናዬ?
\p
\v 8 ሽን ጌሻ ማፃፋን፥ “አሰ ኡባ ነና ነ ዶሰይሳዳ ዶሳ” ጌተትድ ፃፈትዳ ፆሳ ካዎተ ህግያ ህንተ ፖልኮ ሎኦ ኦታ።\x - \xo 2:8 \xo*\xt ሌወ 19:18.\xt*\x* 
\v 9 ሽን ህንተ አሳ ሶምኦ ፄልድ ቦንችኮ፥ ናጋራ ኦታ ቃስ ህገይ ህንተና ህገ መንዳ አሳዳ ፕርዳና። 
\v 10 ኦንካ ህገ ኡባፈ እሱዋ መንድ፥ አትዳ ኡባ ናግኮ ኡባ መንዳዳ ታይበቴስ። 
\v 11 “ላሞፋ” ግዳ ጎዳይ፥ ቃስ “ዎፓ” ግስ። ሽን ኔኒ ላሞና አጋዳ ዎዳባ ግድኮ፥ ህግያ መንዳሳ።\x - \xo 2:11 \xo*\xt ከሳ 20:13-14፤ ዛረ 5:17-18.\xt*\x* 
\v 12 አይለተፈ ከስያ ህግያ ስንን ፕርዳ ኤካናዉ ደእያ አሳዳ ኦደትተነ ኦተ። 
\v 13 አሰ ማሮና ኦናካ ፆሳይ ማሮና ፕርዳና። ሽን ማሮተይ ፕርዳ ፆኔስ።
\s1 አማኖነ ኦሶ
\p
\v 14 ታ እሻቶ፥ ህንተፈ እስ አስ ታዉ አማኖይ ደኤስ ግድ፥ ባ አማኑዋ ኦሶን በሶና እፅኮ እያ አይ ማዳኔ? እያ አማኖይ እያ አሻናዉ ዳንዳኢ? 
\v 15 ሌምሶስ እስ እሻይ ዎይኮ እስ ምችያ ካሎትኮነ ኤንታዉ ምያባይ ይኮ፥ 
\v 16 ህንተፈ እስ አስ ኤንታኮ፥ “ሳሮ ቢተ! ታማ ካይተ! ካልድ ሚተ!” ግድ፥ ኮሽያባ ኤንታዉ እሞና እፅኮ ኤንታ አይ ማዲ? 
\v 17 ሄሳ ግሾ፥ ኦሶይ ባይና አማኖይ ባርካ ሀይቅዳይሳ።
\p
\v 18 ሽን እስ አስ፥ “ነዉ አማኖይ ደኤስ፤ ቃስ ታዉ ኦሶይ ደኤስ። ኔኒ ነ አማኑዋ ነ ኦሱዋፐ ሻካዳ ታና በሳ፤ ታካ ታ አማኑዋ ታ ኦሱዋን ነና በሳና” ጋና። 
\v 19 ኔኒ፥ እስ ፆሳይ ደኤይሳ አማናሳ፤ ሄስ ሎኦ። ቱና አያናትካ አማኖሶና፤ ያሻን ኮኮሮሶና። 
\v 20 ነኖ ኤያዉ! አማኖይ ኦሶፐ ሻከትድ ማዶናይሳ ኤራናዉ ኮያይ? 
\v 21 ኑ አዋ አብራሃመይ፥ ባ ናኣ ይሳቃ ያርሾ በሳ ቦላ ዎዳ ዎደ ባ ኦሱዋን ፅልቤኔ?\x - \xo 2:21 \xo*\xt መ 22:1-14.\xt*\x* 
\v 22 እያ አማኖይነ እያ ኦሶይ እስፈ ኦዳይሳ በእኪ? እያ አማኖይ እያ ኦሱዋን ፖለትስ። 
\v 23 ጌሻ ማፃፋይ፥ “አብራሃመይ ፆሳ አማንስ። ፆሳይ ሄሳ እያዉ ፅሎተ ኦድ ታይብስ” ግዳይስ ፖለትስ። ቃስ እ ፆሳ ዳቦ ጌተትድ ፄገትስ።\x - \xo 2:23 \xo*\xt መ 15:6፤ 2 ታር 20:7፤ እሳ 41:8.\xt*\x* 
\v 24 አስ አማኖ ፃላላን ግዶናሽን፥ ኦሶን ፅለይሳ በኣሳ።
\p
\v 25 ሄሳዳካ፥ ላይምያ ራኣባ እስራኤለፐ ኪተትዳይሳታ ሞካዳ ሀራ ኦገራ ኤንታ ሞይዝዳ ዎደ ባ ኦሱዋን ፅላቤኬ?\x - \xo 2:25 \xo*\xt እያ 2:1-21.\xt*\x*
\p
\v 26 ሸምፖይ ሻከትዳ አሳተይ ሀይቆ ግደይሳዳ፥ ኦሶይ ሻከትዳ አማኖይካ ሀይቅዳይሳ።
\c 3
\s1 ነ እንፃርሳ ናጋ
\p
\v 1 ታ እሻቶ፥ ህንተፈ ዳሮት አስታማረ ግዶፖ። ኑ፥ አስታማረት ሀራታፐ አያ ፕርዳ ኤካናይሳ ህንተ ኤሬታ። 
\v 2 ኑ ኡባይ ዳሮባን ባለቶስ። ባ ኦዳን ባለቶና ኦንካ ባናተ ናጋናዉ ዳንዳእያ ፖሎ አስ። 
\v 3 ፓራት ኑስ ኪተታና መላ ብፃላ ባርስድ ኑኒ ኮይያ በሲ ኡባ ኤፎስ። 
\v 4 ማርካበይ ሄሳ መላ ግታ ግድሸ ዎልቃማ ጫርኩዋን ሱገትኮካ፥ ኤንታ ላገይስ ባ ኮይያ በሲ ዛሪድ ላግያ ጉ ምን ላገትድ ቤስ። 
\v 5 ሄሳዳ እንፃርስ አሳተ ግዶን ጉ ግድኮካ ዳሮ ግታባን ጬቀቴስ።
\p ጉ ታም ዳሮ ግታ ዎራ ፁጌስ። 
\v 6 እንፃርስ ታማ መላ። እንፃርስ ኑ አሳተ ግዶን ኢታን ኩምዳ አላመ፤ አሳተ ኡባ ቱንሴስ። ጋናመፐ ከይያ ታማዳ ኑ ደኡዋ ዎ ኡባ ፁጌስ። 
\v 7 ዶአታነ ካፎታ፥ ኡሎራ ጎሸተይሳታነ አባን ደእያ መተታ ኡባ አስ ሃሬስ፤ ኤንትካ ሃረትዶሶና። 
\v 8 ሽን ኦንካ እንፃርስ ሃራናዉ ዳንዳእቤና። እንፃርስ ዎያ ማርዘይ ኩምዳ ሃረቶና ኢታ መተ። 
\v 9 ኑ እንፃርሳን፥ ኑ፥ ጎዳነ ፆሳ ጋላቶስ። ቃስ እያራ ፆሳ ሌምሶን መትዳ አሳ ባዶስ። 
\v 10 እስ ዶናፐ ጋላትነ ባደ ከዬስ። ታ እሻቶ፥ ሄሳዳ ሀናናዉ በሰና።\x - \xo 3:10 \xo*\xt መ 1:26.\xt*\x* 
\v 11 ፑልቶይ እስ ኦላፈ ማልእያ ሃነ ጫምያ ሃ ፑልታናዉ ዳንዳኢ? 
\v 12 ታ እሻቶ፥ ባላሰ ም ሻማሆ አይፋናዉ ዳንዳኢ? ዎይኮ ዎይነ ም ባላሰ ም አይፈ አይፋናዉ ዳንዳኢ? ጫሞ ሃፈ ማልኦ ሃ ከያናዉ ዳንዳኤና።
\s1 ሳሎ ጭንጫተነ ሳአ ጭንጫተ
\p
\v 13 ህንተ ግዶን ጭንጭነ አኬካንቾይ ኦኔ? ባ ሎኦ ደኡዋ፥ አሽከተንነ ጭንጫተን ኦሰትዳ ኦሶን በሶ። 
\v 14 ሽን ህንተ ዎዛናን ጫምያ ቅናተይነ ባና ዶሶይ ደእኮ ጬቀቶፍተ፤ ቱማ ቦላ ዎርዶቶፕተ። 
\v 15 ሄሳ መላ ጭንጫተይ ሳሎፐ ይዳባ ግዶናሽን፥ ሄስ አሳባ፥ አላመባ፥ ፃላሄባ። 
\v 16 ቅናተይነ ባና ዶሶይ ደእያ ሶን ኦሽነ ኢታ ኦሶ ኡባይ ደኦሶና። 
\v 17 ሽን ቦላፈ ያ ጭንጫተይ ኡባፈ ስን ጌሽ። ቃስ ሳሮተ፥ አዳተ፥ ስእድ ኤከይሳ፥ ቃተይሳ፥ ሎኦ አይፈይ ኩምዳይሳ፥ አሰ ሻኮናይሳነ ጩቦተ ባይናይሳ። 
\v 18 ሳሮተ ዶሰይሳት ሳሮተ ዘርድ ፅሎተ ቡጮሶና።
\c 4
\s1 አላምያራ ዳቦቶፕተ
\p
\v 1 ኦሽነ ኦል ህንተ ግዶ አዉፐ ዪ? ኤንቲ የይ ህንተ አሳተ ሃራናዉ ኦለትያ ህንተ አሾ አሙዋፐ ግደነዬ? 
\v 2 ህንተ አሞቴታ፥ ሽን ደመከታ፤ ሄሳ ግሾ፥ ዎታ። ምን ኮዬታ፥ ሽን ደማናዉ ዳንዳኤከታ፤ ሄሳ ግሾ፥ ኦየቴታነ ኦለቴታ። ህንተ ፆሳ ዎሶና ግሾ ኮያባ ደመከታ። 
\v 3 ህንተ ዎሰታ፥ ሽን ደመከታ። ህንተ አሾ አሙዋ ፖላናዉ ዎበ ኦገን ዎስያ ግሾ ደመከታ። 
\v 4 ህንተኖ፥ ላይማተይሳቶ! ሀ አላምያ ዶሰይ ፆሳራ ሞርከ ግደይሳ ኤረከቲ? ሀ አላምያራ ዳቦታናዉ ኮየይ ኦንካ ፆሳራ ሞርከ። 
\v 5 ጌሻ ማፃፋይ፥ “ፆሳይ ኑናን ዳና መላ ኦዳ አያናይ፥ ኑኒ እያዉ ቡዞ ግዳና መላ አሞቴስ” ግዳይሳ ጮ ግዳባ ዳኒ? 
\v 6 ሽን ጌሻ ማፃፋይ፥ “ፆሳይ ኦቶራንቾታ እፄስ፥ ሽን አሽከታስ ማሮተ እሜስ” ግያ ግሾ፥ ፆሳይ ማሮተ ዳርስድ እሜስ።\x - \xo 4:6 \xo*\xt ሌም 3:34.\xt*\x*
\p
\v 7 ሄሳ ግሾ፥ ፆሳስ ሃረትተ፤ ፃላህያራ ኤቀትተ፤ እ ህንተፈ ሃካና። 
\v 8 ፆሳኮ ሺቅተ፤ እ ህንተኮ ሺቃና። ህንተኖ፥ ናጋራንቾቶ፥ ህንተ ኩሽያ ሜጨትተ፤ ናምኡ ቆፍ ደኤይሳቶ፥ ህንተ ዎዛና ጌሽተ። 
\v 9 ካዮትተ፥ ዬክተነ አፉፅተ። ህንተ ሚቻይ ዬሆን፥ ህንተ ኡፋይሳይ አዛኖን ላመቶ። 
\v 10 ጎዳ ስንን ህንተናተ ካዉሽተ፤ ህንተና ቁ ቁ ኦና።
\s1 አሳ ቦላ ፕርዶፍተ
\p
\v 11 ታ እሻቶ፥ እሶይ እሱዋ ዝግሮፕተ። ባ እሻ ዝግረይነ እያ ቦላ ፕርደይ ህገ ዝግረስነ ህገ ቦላ ፕርዴስ። ኔኒ ህገ ቦላ ፕርድኮ ህገ ቦላ ፕርደይሳ ግዳሳፐ አትሽን፥ ህገ ፖለይሳ ግዳካ። 
\v 12 ህገ እመይነ ፕርደይ ፆሳ ፃላላ። አሻናዉነ ይሳናዉ ዳንዳኤይ እያ። ያትን፥ ነ አሳ ቦላ ፕርደይ ኔኒ ኦኔ?
\s1 ጬቀቶፍተ
\p
\v 13 ህንተ፥ “ኑኒ ሀች ዎይኮ ዎንቶ ያ ካታማ ዎይኮ ሀ ካታማ ባና፤ ያን ላይ ኡታና፤ ዛልእድ ዎሳና” ያገይሳቶ፥ ስእተ።\x - \xo 4:13 \xo*\xt ሌም 27:1.\xt*\x* 
\v 14 ዎንቶ አይብ ሀናኔኮ ህንተ ኤረከታ። ህንተ ደኦይ ዋናነኮ ኤረይ ኦኔ? ህንተ ጉ ዎደ በንትድ ይያ አካ መላ። 
\v 15 ሄሳ አግድ፥ “ጎዳይ ጊኮ ኑኒ ዳና፤ ሀይሳ ዎይኮ ሄሳ ኦና” ያጋናዉ በሴስ። 
\v 16 ሽን ህንተ ሀእ ኦቶርተታነ ጬቀተታ። ሄሳ መላ ጬቆ ኡባይ ኢታ።
\p
\v 17 ሄሳ ግሾ፥ ሎኦባ ኦናዉ ኤርሸ ኦና ኡራስ ሄስ ናጋራ።
\c 5
\s1 ዱረታስ እመትዳ ዞረ
\p
\v 1 ህንተኖ፥ ዱረቶ፥ ህንተ ቦላ ኢታ መቶይ ያ ግሾ ዬክተነ ዘሌልተ። 
\v 2 ህንተ ሻሎይ ቡቅስ፤ ህንተ አፍላይካ ብላን ሜተትስ።\x - \xo 5:2 \xo*\xt ማቶ 6:19.\xt*\x* 
\v 3 ህንተ ዎርቃይነ ህንተ ብራይ ሽእስ። ሄ ሽአይ ህንተ ቦላ ማርካ ግዳና። እ ህንተ አሳተ ታማዳ ማና። ህንተ ሀ ዉርዳ ቃማታን ህንተዉ ሻሎ ዳጋዬታ። 
\v 4 ህንተ ጋደን ኦ ፔእዳ አሳ ኡነ ሚሽያ ቃንፅበከታ። ሄስ ህንተ ቦላ ዋሴስ። ሄ አሳታ ዋሶይ ዎልቃማ ጎዳ ሀይን ስኤትስ።\x - \xo 5:4 \xo*\xt ዛረ 24:14-15.\xt*\x* 
\v 5 ሀ ሳአን ህንተ ኡሎ ፃላላስ ቆፕድ፥ እንጀን ደእደታ። ሹካስ ጊገትዳ መሄዳ ህንተና ክደታ። 
\v 6 ህንተራ ኤቀታናዉ ዳንዳኦና ፅሎ አሳ ቦላ ፕርድደታ እያ ዎደታ።
\s1 ገንጫነ ዎሳ
\p
\v 7 ታ እሻቶ፥ ጎዳይ ያና ጋካናዉ ገንጭተ። ጎሻንቾይ ቶርቸ እራይነ ስላ እራይ ያና ጋካናዉ ገንጭድ አልኦ ካ ናግድ ዋት ጋ ኤክያኮ ቆፕተ። 
\v 8 ሄ ጎሻንቹዋዳ ህንተካ ገንጭተ። ጎዳ ዩሳይ ማታትዳ ግሾ ኡፋይሳን ናግተ።
\p
\v 9 ታ እሻቶ፥ ፆሳይ ህንተ ቦላ ፕርዶና መላ እሶይ እሱዋ ቦላ ዙዙሞፍተ። ፕርደይስ ፐንገን ኤቅስ። 
\v 10 ታ እሻቶ፥ ዋያን ገንጭዳ፥ ጎዳ ሱንን ኦድዳ ናበታ ሌምሶ ኦድ ኤክተ። 
\v 11 ዳንዳአን ገንጭዳይሳታ ኑኒ አንጀትዳይሳታ ጎስ። እዮብ ዋንድ ገንጭዳኮ ህንተ ስእደታ። ጎዳይ ዉርሰን እያ ዋት ማድዳኮ በእደታ። እ ማሮትነ ቃይ ኩምዳ ጎዳ ግድያ ግሾ ሄሳ ኦስ።\x - \xo 5:11 \xo*\xt እዮ 1:21-22፤ 2:10፤ ማዝ 103:8.\xt*\x*
\p
\v 12 ሽን ኡባፈ ስን፥ ታ እሻቶ፥ ሳሉዋን ግድን ዎይኮ ሳአን ግድን ዎይኮ ሀራ አይብንካ ጫቆፍተ። ፆሳ ፕርዳን ህንተ ገሎናዳ ህንተ ኦዳይ ኤ ግድኮ፥ “ኤ” ጊተ፤ አካይ ግድኮ፥ “አካይ” ጊተ።\x - \xo 5:12 \xo*\xt ማቶ 5:34-37.\xt*\x*
\p
\v 13 ህንተ ግዶን መቶ ኤክያ ኦንካ ደእኮ ፆሳ ዎሶ። ኡፋይትያ ኦንካ ደእኮ ጋላታን የፆ። 
\v 14 ህንተፈ ሀርገትያ ኦንካ ደእኮ ዎሳ ኬ ጭማታ ፄጎ። ኤንቲ ጎዳ ሱንን ሻማሆ ዛይተ ትይድ እያዉ ፆሳ ዎሶ።\x - \xo 5:14 \xo*\xt ማቶ 5:34-37.\xt*\x* 
\v 15 አማኖን ዎስዳ ዎሳይ ሀርጋንቹዋ ፓና። ጎዳይ እያ፥ ሀርግያፈ ደንና፤ እ ናጋራ ኦዳባ ግድኮካ ጎዳይ እያ ማራና። 
\v 16 ሄሳ ግሾ፥ ህንተ ፓፃና መላ ህንተ ናጋራ እሶይ እሱዋስ ፓፅተነ እሶይ እሱዋስ ዎስተ። ፅሎ አሳ ዎሳይ ዎልቃማ ኦሶ ኦስ። 
\v 17 ኤልያስ ኑ መላ አሰ። እር ሳአን ቡኮና መላ ምንድ ፆሳ ዎስን ሄ ላይነ ኡሱፑን አጌና ሳአን እር ቡክቤና።\x - \xo 5:17 \xo*\xt 1 ካዎ 17:1፤ 18:1.\xt*\x* 
\v 18 ዛሪድ እ ፆሳ ዎስን ሳሎፐ እር ቡክስ፤ ሳእካ ካ ዶልሰስ።\x - \xo 5:18 \xo*\xt 1 ካዎ 18:42-45.\xt*\x*
\p
\v 19 ታ እሻቶ፥ ህንተፈ ኦንካ ቱማ ኦግያፐ ቡትኮ፥ ሀራይ እያ ቱማኮ ዛርኮ፥ 
\v 20 ናጋራንቹዋ እያ ባላ ኦግያፐ ዛርያ ኦንካ፥ እያ ሸምፑዋ ሀይቆፐ አሸይሳነ እያ ዳሮ ናጋራስ ማሮታ እመይሳ ኤሮ።\x - \xo 5:20 \xo*\xt ሌም 10:12፤ 1 ጰፅ 4:8.\xt*\x*