\id GEN - GOOFA FULL BIBLE
\ide UTF-8
\h መተ ማፃፋ
\toc1 መተ ማፃፋ
\toc3 መ
\toc2 መተ
\mt መተ ማፃፋ
\imt ጋ ቆፋ
\ip መተ ማፃፋይ፥ ሳሎ ሳአ መተ፥ አሳ መተ፥ ኤኮ ገሎባ፥ ናጋራባ፥ ዶና ቡቀተባነ እስራኤለ አሳ ዶመ ኦዴስ። መተ ማፃፋይ ናምኡ አይፈ ክፍለታን ሻከቴስ።
\ipi 1. ሸምፖ 1—11 ጋካናዉ ደእያ ክፍለይ፥ አዳመፐ አብራሃመ ጋካናዉ ደእያ አሳ ዘረ ዶመ ታርከ ቆንጭሴስ። ሀ ክፍልያን፥ ሳሎ ሳአ መተ፥ አሳ መተ (ሸም 1—2)። አዳመነ ሄዋን ኪተተ እፆ፥ ናጋራ ጋሶን ባደነ ሀይቆይ አሳ ኮቸ ኡባ ቦላ ዩሳ (ሸም 3)። ቃየላነ አበላ ታርከነ አሳ የለተ (ሸም 4—5)። ኖሄ አማነተ፥ አሳ ኢታተነ ዮ ሃ (ሸም 6—10)። ባብሎነ ግምበ፥ ዶና ቡቀተነ አሳ ላለተ (ሸም 11) በሲያ ታርከ ፓድድ ኦዴስ።
\ipi 2. ሸምፖ 12—50 ጋካናዉ ደእያ ክፍለይ፥ እስራኤለ ኮይሮ አዋታ ታርከ ኦዴስ፤ ኤንታ ግዶፈ ፆሳስ ኪተተን ኤረትዳ አብራሃመ ዶረተ፥ ካልድ እያ ናአ ይሳቃ፥ እያ ናአ ናአ ግድዳ ያይቆባነ ታማነ ናምኡ ያይቆባ ናይታ ታርከ ቆንጭሴስ። ሀ ታማነ ናምኡ ያይቆባ ናይት፥ ታማነ ናምኡ እስራኤለ ኮቻስ ዶመ ግድዳ ማይዛታ። ሀ ታማነ ናምኡ እስራኤለ ናይታ ግዶፈ ዮሰፋ ታርከይ ሀ ማፃፋን ዳሮ ኦደትዳ ታርከ።
\ip ሀ ማፃፋይ፥ አሳ ዘረ ታርከ ኦድያባ ግድኮካ ኡባፈ አድ ፆሲ ኦዳ እያ ግታ ኦሱዋ ፓድድ በሴስ። እ ባ አሳስ እምዳ ኡፋይሳ ቃላይ፥ ፆሳይ ባ አሳስ መርናዉ ቆፐይሳ በሴስ። ማፃፋይ ጋፃፐ ጋፃ ጋካናዉ ናጋራ ፕርደይ፥ ባ አሳ ካለይ፥ ኤንታ ማደይነ ኤንታ ታርክያ ጊግሰይ ፆሰ ግደይሳ በሴስ።
\iot ማፃፋ አይፈ ቆፋታ
\io1 መተ ታርከ (\ior 1:1—2:3\ior*)
\io1 አዳመነ ሄዋኖ (\ior 2:4-25\ior*)
\io1 ናጋር አላመ ገሉዋ (\ior 3:1-24\ior*)
\io1 ናጋር አላመን ዳየ (\ior 4:1—6:8\ior*)
\io1 ኖሄነ ዮ ሃ ታርከ (\ior 6:9—9:29\ior*)
\io1 ባብሎነ ግምብያነ አሳ ላለተ (\ior 11:1-9\ior*)
\io1 ሴማ የለታ ሱሳ (\ior 11:10-32\ior*)
\io1 አብራሃመ ፄገተነ ዱሳ (\ior 12:1—25:11\ior*)
\io1 እስማኤላ የለተ (\ior 25:12-18\ior*)
\io1 ያይቆባ የለተ (\ior 25:19—35:29\ior*)
\io1 ኤሳዌ የለተ (\ior 36:1-43\ior*)
\io1 ዮሰፋነ እያ እሻታ (\ior 37:1—45:28\ior*)
\io1 እስራኤለ አሳይ ግብፀ ቢታን (\ior 46:1—50:26\ior*)
\c 1
\s1 መተባ
\p
\v 1 ፆሳይ ኮይሮ ሳሎታነ ሳአ መስ። 
\v 2 ሄ ዎደ ሳእ ጊጎናነ አይብካ ባይና መላ ደኤስ። ም ቢታ ማእዳ ዎልቃማ ሃታ ቦላ ደኤስ። ፆሳ አያናይ ሃፈ ቦላራ ቃፄስ።
\p
\v 3 ሄሳፈ ጉየ፥ ፆሳይ፥ “ፖኦይ ሀኖ” ያግን፥ ፖኦይ ሀንስ። 
\v 4 ፖኦይ ሎኦ ግድዳይሳ ፆሳይ በእስ፤ ፖኡዋ ማፐ ሻክስ። 
\v 5 ፆሳይ ፖኡዋ፥ “ጋላስ” ግድ ሱንስ፤ ቃስ ማ “ቃማ” ግድ ሱንስ። ሳእ ቃምስ ዎንትስ፤ ሄስ ኮይሮ ጋላስ።
\p
\v 6 ሄሳፈ ጉየ፥ ፆሳይ፥ “ቦላራ ደእያ ሃ ጋርሳን ደእያ ሃፈ ሻክያ ሳሎ ጉፋንይ ሀኖ” ያግን ሀንስ። 
\v 7 ፆሳይ ሳሎ ጉፋን ጊግስድ፥ ሳሎ ጉፋንፈ ቦላራ ደእያ ሃ ጋርሳን ደእያ ሃፈ ሻክስ። 
\v 8 ፆሳይ ሄ ጉፋንዋ፥ “ሳሎ” ግድ ሱንስ። ሳእ ቃምስ፤ ዎንትስ፤ ሄስ ናምአን ጋላሳ።
\p
\v 9 ሄሳፈ ጉየ፥ ፆሳይ፥ “መላ በሳይ ቆንጫናዳ ሳሎፐ ጋርሳን ደእያ ሃ ኡባይ እስ በሲ ሺቆ” ያግን ሀንስ። 
\v 10 ፆሳይ ሄ መላ በሳ፥ “ቢታ” ግድ ሱንስ፤ ቃስ እስ በሳን ሺቅዳ ሃ፥ “አባ” ግድ ሱንስ። ያትድ፥ ፆሳይ ሄስ ሎኦ ግድዳይሳ በእስ። 
\v 11 ሄሳፈ ጉየ፥ ፆሳይ፥ “ቢታይ ም ማታ ዶልሶ፤ ዘረ አይፈይ ደእያ ካነ ዘረ አይፈይ ግዶን ደእያ ም ዶሎ” ያግስ፤ ሄሳዳካ ሀንስ። 
\v 12 ቢታይ ም ማታ እያ ቆሞን ቆሞን ዶልስስ። ፆሳይ ሄስ ሎኦ ግድዳይሳ በእስ። 
\v 13 ሳእ ቃምስ ዎንትስ፤ ሄስ ሄን ጋላስ።
\p
\v 14 ሄሳፈ ጉየ፥ ፆሳይ፥ “ጋላሳ ቃማፈ ሻካናዉ ፖኦት ሳሎን ሀኖ። ኤንቲ ቃማ፥ ጋላሳ፥ ዎደነ ላይ ኤርሳናዉ ማላ ግዶ። 
\v 15 ቢታ ቦላ ፖአና መላ ኤንቲ ሳሎ ጉፋንን ሀኖ” ያግስ፤ ሄሳዳካ ሀንስ። 
\v 16 ፆሳይ ናምኡ ግታ ፖኦታ መስ። አዊ ጋላስ፥ አጌን ቃማ ፖአና መላ ኦስ። ሄሳዳካ ፆልንቶታ መስ። 
\v 17 ፆሳይ ኤንቲ ሀ ሳአ ቦላ ፖአና መላ ሳሎን ዎስ። 
\v 18 ሄስ፥ ጋላስነ ቃማ ሃራና መላነ ፖኦ ማፐ ሻካና መላሳ። ፆሳይ ሄስ ሎኦ ግድዳይሳ በእስ። 
\v 19 ሳእ ቃምስ ዎንትስ፤ ሄስ ኦይዳን ጋላስ።
\p
\v 20 ሄሳፈ ጉየ፥ ፆሳይ፥ “ደኦይ ደእያ ዱማ ዱማ መተት ሃን ዳሮ፤ ካፎትካ ሳአፐ ቦላራ፥ ሳሎ ጉፋንፈ ጋርሳን ፕራ” ያግስ። 
\v 21 ያትድ ፆሳይ አባን ደእያ ግታ ዶአታ፥ ሃ ግዶን ዎፅ ቃፅያ መተታ ኡባነ ፓልያ ካፎታ ኡባ እያ ቆሞን ቆሞን መስ። ፆሳይ ሄስ ሎኦ ግድዳይሳ በእስ። 
\v 22 ፆሳይ ኤንታ፥ “የለትተ፥ ዳርተ፥ አባ ኩምተ፥ ካፎት ቢታ ቦላ ዳሮ” ያግድ አንጅስ። 
\v 23 ሳእ ቃምስ ዎንትስ፤ ሄስ እቻሻን ጋላስ።
\p
\v 24 ሄሳፈ ጉየ፥ ፆሳይ፥ “ደኦይ ደእያ መተት ኤንታ ቆሞን ቆሞን፥ መሄታ፥ ሳአራ ጎሸትያ መተታነ ዶአታ ኤንታ ቆሞን ቆሞን ቢታይ ከሶ” ያግን ሀንስ። 
\v 25 ሄሳዳ ኦድ ኤንታ ኡባ መስ። ፆሳይ ሄስ ሎኦ ግድዳይሳ በእስ።
\p
\v 26 ሄሳፈ ስምን፥ ፆሳይ፥ “አሰ ኑና ዳንስድ አነ መኦስ። ኤንቲ አባ ሞሉዋ፥ ሳሎ ካፎታ፥ ቢታ ቦላ ዎፅ ቃፅያ መተ ኡባ ሃሮ” ያግስ። 
\v 27 ሄሳዳ ፆሳይ አሰ ባና ዳንስድ መስ። እ አሰ ፆሰ ዳንስድ መስ፤ ኤንታ አደነ ማጫስ ኦድ መስ።
\p
\v 28 ፆሳይ ኤንታና፥ “የለትተ፥ ዳርተ፥ ሳአ ኩምተ፤ ሃርተ። አባ ሞሎ፥ ሳሎ ካፎታነ ቢታ ቦላ ዎፅ ቃፅያ፥ ደኦይ ደእያ መተ ኡባ ሃርተ” ያግድ አንጅስ።
\p
\v 29 ሄሳፈ ጉየ፥ ፆሳይ፥ “ታኒ ቢታ ኡባ ቦላ ዘረ አይፈይ ደእያ ካ ኡባነ ዘረ አይፈይ ግዶን ደእያ ም ኡባ ህንተዉ እማስ፤ ሄስ ህንተዉ ካ ግዶ። 
\v 30 ቃስካ ሀ ሳአን ደእያ መሄነ ዶአ ኡባስ፥ ሳሎ ካፎ ኡባስነ ሳአራ ጎሸትያ መተ ኡባስ ምያባ ግዳና መላ፥ ጭልኦ ምነ ማታ እማስ” ያግስ፤ ሄሳዳካ ሀንስ። 
\v 31 ፆሳይ ባ መዳ ኡባባካ ፄልያ ዎደ ዳሮ ሎኦ ግድዳይሳ በእስ። ሳእ ቃምስ፤ ዎንትስ፤ ሄስ ኡሱፑን ጋላስ።
\c 2
\p
\v 1 ሳሎትነ ሳእ ኤንታን ደእያባ ኡባባይ ሀይሳዳ መትድ ፖለትስ። 
\v 2 ፆሳይ ባ ኦሱዋ ፖልድ፥ ላፑን ጋላሳን ሸምፕስ። 
\v 3 ፆሳይ ላፑን ጋላሳን ባ ኦያ ኦሱዋ ኦንግድ ሸምፕዳ ግሾ ሄ ጋላሳ አንጅስ፤ ጋላሳታፐ ዱማይስ። 
\v 4 ሳሎትነ ሳእ ሄሳዳ ሀን መትስ።
\s1 አዳመነ ሄዋኖ
\p ጎዳ ፆሳይ ሳአነ ሳሎታ መዳ ዎደ፥ 
\v 5 ሳአ ቦላ እር ቡክቦና ግሾነ ኦያ አስ ባይና ግሾ ምነ ማት ዶልቤና፤ አጭያባይካ ባዋ። 
\v 6 ግዶሽን፥ ሳአፐ ሃ ፑልትድ፥ ቢታ ኡባ ላክሴስ። 
\v 7 ሄሳፈ ጉየ፥ ጎዳ ፆሳይ ቢታ ባናፐ አሰ\f + \fr 2:7 \fr*\fq አሰ፦ \fq*\ft አሰ ገይስ እብራወ ዶናን “አዳመ” ጌተቴስ። “አዳመ” ጉሳይ “ቢታ” ጉሱ።\ft*\f* መድ እያ ሲራ ደኦ ሸምፖ ፑንድ ገልስስ። ያትን፥ ሄ አደይ ደኦራ ደእያ አሰ ግድስ።
\p
\v 8 ጎዳ ፆሳይ ዶሎሀ ባጋራ ኤደነ ጋናተ ጊግስስ፤ ያን ባ መዳ አድያ ዎስ። 
\v 9 ጎዳ ፆሳይ ፄላናዉ ሎእያ፥ ማናዉካ ማልእያ ኡባ ቆሞ ም ቢታፈ ዶልስስ። ጋናተ ግዶን ደኦ እምያነ ሎኦነ ኢታ ኤርስያ ናምኡ ምታ ዎስ።
\p
\v 10 ጋናተ ኡሽያ ሻፋ ሃይ ኤደነፐ ጎጌስ። ሄ ሻፋይ ኤደነፐ ከይድ ኦይዱ ሻፉ ከይድ ሻከቴስ። 
\v 11 ኮይሮ ሻፋ ሱንይ ፍሶነ። ፍሶነይ ዎርቀይ ደእያ ሀውላ ቢታ ቦላ ጎጌስ። 
\v 12 ሄ ቢታ ዎርቀይ ጌሻ ዎርቃ። ቃስ አልኦ ሽቶይነ ሹች ያን ደኤስ። 
\v 13 ናምአን ሻፋ ሱንይ ግዮነ። ግዮነይ ቶጰ ቢታ\f + \fr 2:13 \fr*\fq ቶጰ ቢታ፦ \fq*\ft በን ቶጰ ቢታይ ሀእ ደእያ ሱዳነፐነ ቶጰፈ ባጋ ኤኬስ።\ft*\f* ዩሹዋን ጎጌስ። 
\v 14 ሄን ሻፋ ሱንይ ፀግሮሳ። ፀግሮስ አሶረፐ ዶሎሀ ባጋራ ጎጌስ። ቃስ ኦይዳን ሻፋይ ኤፍራፂሳ።
\p
\v 15 ጎዳ ፆሳይ አስ ኤደነ ጋናተ ኦና መላነ ናጋና መላ እያ ኤፍድ ያን ዎስ። 
\v 16 ጎዳ ፆሳይ አሰ፥ “ጋናተ ም ቴራ ኡባፈ ኔኒ ማናዉ ዳንዳኣሳ። 
\v 17 ሽን ሎኦነ ኢታ ኤርስያ ም አይፍያፐ ሞፓ። አይስ ጊኮ፥ ኔኒ እያፐ ምዳ ጋላስ ቱማ ሀይቃና” ያግድ ኪትስ።
\p
\v 18 ሄሳፈ ጉየ፥ ጎዳ ፆሳይ፥ “አደይ ባርካ ደኤይስ ሎኦ ግደና። ታኒ እያ ማዳና መላ እያዉ እንጀትያ ላገ መና” ያግስ።
\p
\v 19 ጎዳ ፆሳይ መሄታ፥ ዶአታነ ሳሎ ካፎታ ኡባ ቢታፈ መስ። ያትድ፥ ኤንታ ዎይግድ ሱንነኮ በአናዉ አዳመኮ ኤህን፥ አዳመይ ደኦይ ደእያ መተ ኡባ ሱንዳ ሱንይ ኤንታ ሱን ግድድ አትስ። 
\v 20 ሄሳዳካ፥ አዳመይ መሄታ፥ ሳሎ ካፎታነ ባዞ ዶአታ ኡባ ሱንስ። ሽን አዳመስ እንጀትያነ እያ ማድያ ላገይ በንትቤና።
\p
\v 21 ሄሳ ግሾ፥ ጎዳ ፆሳይ አዳመ ዎልቃማ ስኮን የግስ። እ ስኮ ሀይቅዳሽን እያ ምየ መቀፈ እሱዋ ኤክድ፥ ሄ በሳ አሾን ኩንስ። 
\v 22 ጎዳ ፆሳይ አዳመፐ ኤክዳ መቀ ማጫ ኦድ መስ፤ ያትድ እዮ እያኮ ኤህስ። 
\v 23 አዳመይ፥ “ሀ መቀያ ታ መቀፈ፥ ሀ አሽያ ታ አሾፐ ኤከትዳሮ። እያ አደፈ ኤከትዳ ግሾ ማጫ\f + \fr 2:23 \fr*\fq ማጫ፦ \fq*\ft እብራወ ዶናን ማጫ ገይሳራነ አደ ገይሳራ ናምአይ እስኖ። እብራወን “አደ” ገይስ “እሽ” ጌተቴስ፤ “ማጫ” ገይስ “እሻ” ጌተቴስ።\ft*\f* ጌተቶ” ያግስ። 
\v 24 ሄሳ ግሾ አስ ባ አዋነ ባ አይዉ አግድ፥ ባ ማቸራ እስፈ ደኤስ፤ ናምአይ እስ አስ ግዶሶና። 
\v 25 አዳመይነ ሄዋና ናምአይካ ፅረ ካሎ ደኦሶና፤ ሽን እሶይ እሱዋስ ዬላቶኮና።
\c 3
\s1 አሳ ኪተተ እፆ
\p
\v 1 ሾሽ ጎዳ ፆሳይ መዳ ዶአ ኡባፈ አዳ ገናንቾ። እስ ጋላስ ሾሽ ማጫስዉ፥ “ፆሳይ ቱማ ህንተና፥ ‘ጋናትያን ደእያ ም አይፈ ኡባፈ ሞፕተ’ ግዴ?” ያግድ ኦይችስ።
\p
\v 2 ማጫስያ ሾሻኮ፥ “አካይ፥ ፆሳይ ሄሳዳ ግቤና፤ ኑኒ ጋናተ ግዶን ደእያ ምታ አይፈ ማናዉ ዳንዳኦስ። 
\v 3 ሽን ፆሳይ ኑና፥ ‘ጋናተ ግዶን ደእያ ም አይፈ ሞፕተ፥ ቦቾፍተ፤ እፅኮ ህንተ ሀይቃና’ ግስ” ያጋሱ።
\p
\v 4 ሾሻይ ማጫስዉ፥ “ህንተ አይኮካ ሀይቀከታ። 
\v 5 ፆሳይ ሄሳ ግዳይ፥ ሄ ም አይፍያ ህንተ ሚኮ አኬካ ደምድ ሎኦነ ኢታ ፆሳዳ ህንተ ኤራናይሳ እ ኤርያ ግሾሳ” ያግስ።
\p
\v 6 ማጫስያ ም አይፈይ ማናዉ ማልኤይሳ፥ በአናዉ ሎኤይሳነ፥ ጭንጫተ ደማናዉ አሞያባ ግደይሳ በአሱ። ሄ ም አይፍያፐ ኤካዳ ማሱ። ቃስ ባ አዝናስካ እምን እካ ምስ።
\p
\v 7 ኤንቲ ም ስሚድ፥ ናምአይካ አኬካ ደምዶሶና። ኤንቲ ፅረ ካሎ ደኤይሳ ኤርዶሶና። ሄሳ ግሾ ባላሰ ም ሀይ ስክድ ዳንጭዶሶና።
\p
\v 8 ሳእ ኦማርስዳ ዎደ ጋናተ ግዶን ጎዳ ፆሳይ ሄመትሽን እያ ግርሳ አዳመይነ እያ ማችያ ስእዶሶና። ኤንቲ ጋናተ ም ግዶን ጎዳ ፆሳፈ ቆሰትዶሶና። 
\v 9 ሽን ጎዳ ፆሳይ አዳመ ፄግድ፥ “አዳመ፥ አዉን ደአይ?” ያግስ።
\p
\v 10 አዳመይ፥ “ጋናተ ግዶን ነ ግርሳ ስአዳ ታኒ ካሎ ደእያ ግሾ ያያዳ ቆሰታስ” ያግስ።
\p
\v 11 ጎዳ ፆሳይ፥ “ኔኒ ካሎ ደኤይሳ ነዉ ኦድዳይ ኦኔ? ታኒ ነና ሞፓ ግዳ ም አይፈፐ ማድዬ?” ያግድ ኦይችስ።
\p
\v 12 አዳመይ፥ “ታራ ዳና መላ ኔኒ እምዳ ማጫስያ ሄ ም አይፍያፐ ታዉ እምን ማስ” ያግስ።
\p
\v 13 ጎዳ ፆሳይ፥ ማጫስዉ፥ “ኔኒ ሄሳ አይስ ኦዲ?” ያግድ ኦይችስ።
\p ማጫስያ፥ “ታና ሾሻይ ጭምን ማስ” ያጋሱ።
\p
\v 14 ጎዳ ፆሳይ ሾሻ፥ “ኔኒ ሀይሳ ኦዳ ግሾ፥ መሄፐነ ዶአ ኡባፈ አዳ ባደትዳባ ግዳ። ኔኒ ነ ኡሎን ቢታራ ጎሸታና፤ ነ ደኦ ላይ ኡባን ባና ላጫና። 
\v 15 ታኒ፥ ነ ግዶንነ ማጫሰ ግዶን፥ ነ ሼሻ ግዶንነ እ ሼሻ ግዶን ሞርከተ ዎና። እ ነ ሁጵያ ቆፃና፥ ነካ እያ ግንድያ ዱካና” ያግስ።
\p
\v 16 ማጫስዉ ጎዳ ፆሳይ፥ “ነ ቃንትዳ አጌናን ዳሮ ኡንኤታና። ኔኒ ዎልቃማ ዋየን ናአ የላና። ግዶሽን፥ ኔኒ ነ አዝናራ ዳናዉ አሞታና፤ እ ነና ሃራና” ያግስ።
\p
\v 17 ጎዳ ፆሳይ አዳመኮ፥ “ኔኒ ነ ማቸ ኦዳ ስእዳ ግሾነ ታኒ ነና ሞፓ ግዳ ም አይፍያፐ ኔኒ ምዳ ግሾ፥ ቢታይ ነ ጋሶን ባደትዳይሳ ግዶ። ኔኒ ነ ደኦ ላይ ኡባን ግታ ዳቡርሳን ቢታ ኦዳ ማና። 
\v 18 ቢታይ ነዉ አጉንነ ሀርመ ዶልሳና፤ ኔኒ ቢታፈ ዶልድ ካፅያባ ማና። 
\v 19 ኔኒ ነ መትዳ ቢታ ስማና ጋካናዉ ዳቡራን ጫዋታዳ ኦዳ ነ ካ ማና። ኔኒ ቢታፈ መትዳ ግሾ ቢታ ስማና” ያግስ።
\p
\v 20 አዳመይ ባ ማችዉ ደኦይ ደእያ አሳ ኡባስ አዮ ግድያ ግሾ ሄዋኖ\f + \fr 3:20 \fr*\fq ሄዋኖ፦ \fq*\ft ሀ ሱን ብርሸይ “ደእያሮ” ጉሱ።\ft*\f* ግድ ሱንስ።
\p
\v 21 ጎዳ ፆሳይ አዳመነ እያ ማችዉ እተ ጊግስድ ማይዝስ።
\p
\v 22 ጎዳ ፆሳይ፥ “ህዛ አስ ሎኦነ ኢታ ኤሮን ኑፐ እሱዋዳ ግድስ። ኤንቲ ባንታ ኩሽያ የድድ፥ ደኦ እምያ ም አይፍያፐ ኤክድ ሞና መላነ መርናዉ ደኦን ዶና መላ ተቀታናዉ ኮሼስ” ያግስ። 
\v 23 ሄሳ ግሾ፥ ኤንቲ ባንታ መትዳ ቢታ ኦና መላ ጎዳ ፆሳይ ኤደነ ጋናተፐ ኤንታ ከስስ። 
\v 24 ያትድ፥ ደኦ እምያ ምኮ ኤፍያ ኦግያ ናጋና መላ ክሩቤላ ጌተትያ ደኦ መተታነ ሽረት ሽረት ዎያ ታማ ላጮ ማሸ ኤደነ ጋናተፐ ዶሎሀ ባጋራ ዎስ።
\c 4
\s1 ቃየላነ አበላ
\p
\v 1 አዳመይ ባ ማቸ ሄዋንራ አቅስ። እያ ቃንታዳ አደ ናአ የላሱ። “ጎዳይ ታና ማድን አደ ናአ ደማስ” ጋዳ ቃየላ ጋዳ ሱንሱ። 
\v 2 እያ እሻ አበላ የላሱ። አበል ዶርሰ ሄሜስ ቃስ ቃየል ቢታ ኦስ። 
\v 3 ኡንደና ዎደፐ ጉየ፥ ቃየል ባ ጋደን ካፅዳ ካፈ ጎዳስ ያርሾ ያርሽስ። 
\v 4 ሽን አበል ባ ዶርሳ ዉድያ ግዶን ባይራ የለትዳይሳ ሹክድ እያ አሹዋፐ ሞ ባጋ ያርሽስ። ጎዳይ አበላነ እያ ያርሹዋ ኤክስ። 
\v 5 ሽን ቃየላነ እያ ያርሹዋ ኤክቤና። ሄሳ ግሾ፥ ቃየል ዳሮ ይሎትስ፤ እያ ሶምኦይ ምስ።
\p
\v 6 ጎዳይ ቃየላኮ፥ “አይስ ይሎታይ? ነ ሶምኦይ አይስ ምዴ? 
\v 7 ኔኒ ሎኦ ኦዳባ ግድያኮ፥ ነ ሶምኦይ ፓሽካ ግደኔ? ሽን ኔኒ ሎኦ ኦና እፅኮ፥ ናጋር ዶአዳ ነ ፐንገን ናጌስ። እ ነና ሃራናዉ ኮዬስ፥ ሽን ኔኒ እያ ፆናናዉ በሴስ” ያግስ።
\p
\v 8 ሄሳፈ ጉየ፥ ቃየል ባ እሻ አበላኮ፥ “አነ ደምባ በሲ ቦስ” ያግስ። ኤንቲ ደምባን ደእሽን፥ ቃየል ባ እሻ አበላ ቦላ ደንድድ እያ ዎስ።
\p
\v 9 ጎዳይ ቃየላ፥ “ነ እሻይ አበል አዉኔ?” ያግድ ኦይችስ።
\p ቃየል ዛሪድ፥ “ታኒ ኤርከ፤ ታ እሻ ናገይ ታነዬ?” ያግስ።
\p
\v 10 ጎዳይ ቃየላ፥ “ሀይሳ አይስ ኦዲ? ሄኮ፥ ነ እሻ ሱይ ቢታፈ ታኮ ፅሎ ፕርዳስ ዋሴስ። 
\v 11 ኔኒ ባደትዳባ ግድያ ግሾ ቢታ ዛራዳ ኦናዉ ዳንዳአካ። ነ እሻ ዎዳሳ እያ ሱካ ቢታን ጉሳዳሳ። 
\v 12 ኔኒ ኦንካ ቢታይ ነዉ አይፈና፤ በተ አሳዳ ኔኒ ሳአ ቦላ ቶይላታዳ ዳቡራና” ያግስ።
\p
\v 13 ቃየል ጎዳኮ፥ “ነ ታ ቦላ ፕርድዳ ፕርዳይ ታ ዎልቃፈ ቦላ። 
\v 14 ኔኒ ታና ሀች ቢታፈ የደሳ፤ ነ ስንፈካ ሃሳሳ። በተ አሳዳ ታኒ ሳአ ቦላ ዳቡራና፤ ታና ደምያ ኦንካ ዎና” ያግስ።
\p
\v 15 ጎዳይ እያ፥ “ነና ኦንካ ዎና፤ ዎኮ፥ ታኒ ላፑን ቶሆ ሀሎ ከያና” ያግስ። ሄሳ ግሾ፥ እያ ደምያ ኦንካ ዎና መላ ጎዳይ እያ ቦላ ናግሶ ማላ ዎስ። 
\v 16 ቃየል ጎዳ ስንፈ ከይድ፥ ኤደነ ባጋፈ ዶሎሀ ባጋን ደእያ ኖዳ፥\f + \fr 4:16 \fr*\fq ኖዳ \fq*\ft ቶይላትድ ዳቡርያ በሲ\ft*\f* ቢታን ደእስ።
\s1 ቃየላነ እያ የለታ
\p
\v 17 ቃየል ባ ማቸራ አቅስ፤ እያ ቃንታዳ ሄኖከ የላሱ። ሄ ዎደ ቃየል ካታማ ኬፅድ፥ ሄ ካታማ ባ ናኣ ሱንን “ሄኖከ” ግድ ሱንስ። 
\v 18 ሄኖከይ ጋይዳ የልስ። ጋይድ ማኤላ የልስ። ማኤል ማቱሳኤላ የልስ። ማቱሳኤል ላመሀ የልስ።
\p
\v 19 ላመህ አዶነ ሲሎ ጌተትያ ናምኡ ማቾ ኤክስ። 
\v 20 አዳ ያባላ የላሱ። ያባል መሄ ሃርያነ ዱንካነን ደእያ አሳታ አዋ። 
\v 21 እያ እሻ ሱንይ ዩባላ። ዩባል ቃስ ዲ ዲፀይሳታነ ሱሱልኤ ፑንያ አሳታ ኡባ አዋ። 
\v 22 ሲላ ቃስ ቱባልቃይና ጌተትያ ናኣ የላሱ። ቱባልቃይን ናሰ ብራታፐነ ብራታፐ ዱማ ዱማ ሚሸታ ቆፀይሳታ አዋ። ቱባልቃይና ምችያ ናእሞ።
\p
\v 23 እስ ጋላስ ላመህ ባ ማቸታ፥ “አደ፥ ሲለ፥ ስእተ፤ ታ ማቸቶ፥ ታኒ ኦድያባ ሀይዝተ። እስ ፓን አደይ ታና ደችድ ማዱንፅስዳ ግሾ፥ ታኒ እያ ዎስ። 
\v 24 ቃየላ ሃሉዋ ከያናው ላፑን ኩሸ ኮሽኮ፥ ላመሀ ሃሉዋ ከያናው ላፑን ታማነ ላፑን ኩሸ ኮሼስ” ያግስ።
\s1 ሴታነ ሄኖሳ
\p
\v 25 አዳመ ማችያ ሀራ አደ ናኣ የላሱ። ያታዳ፥ “ቃየል ዎዳ አበላ ግሾ ፆሳይ ታዉ ሀራ ናአ እሚስ” ጋዳ እያ ሴታ\f + \fr 4:25 \fr*\fq ሴታ፦ \fq*\ft እብራወ ዶናን ሀ ሱን ብርሸይ “እሚስ” ጉሱ።\ft*\f* ጋዳ ሱንሱ። 
\v 26 ሴት አደ ናአ የልድ እያ “ሄኖሳ” ግድ ሱንስ። አሳይ ጎዳ ሱን ፄግድ ጎይኖ ዶምዳይ ሄ ዎደ።
\c 5
\s1 አዳመነ እያ የለታ
\p
\v 1 አዳመ የለተይ ሀይሳፈ ካልድ ፃፈትዳይሳ። ፆሳይ አሰ መዳ ጋላስ ባና ዳንስድ መስ። 
\v 2 እ አደነ ማጫስ ኦ መድ ኤንታ አንጅስ። ኤንታ መድ አሰ (አዳመ) ግድ ሱንስ።
\p
\v 3 አዳመይ 130 ላይ ደእድ፥ ባና ዳንያ አደ ናአ የልድ እያ “ሴታ” ግድ ሱንስ። 
\v 4 አዳመይ ሴታ የልዳፐ ጉየ 800 ላይ ደእስ። ሀራ አደ ናይታነ ማጫ ናይታ የልስ። 
\v 5 አዳመይ 930 ላይ ደእድ ሀይቅስ።
\p
\v 6 ሴት 105 ላይ ደእድ ሄኖሳ የልስ። 
\v 7 ሴት ሄኖሳ የልዳፐ ጉየ፥ 807 ላይ ደእስ። ሀራ አደ ናይታነ ማጫ ናይታ የልስ። 
\v 8 ሴት 912 ላይ ደእድ ሀይቅስ።
\p
\v 9 ሄኖስ 90 ላይ ደእድ፥ ቃይናና የልስ። 
\v 10 ሄኖስ ቃይናና የልዳፐ ጉየ፥ 815 ላይ ደእስ። ሀራ አደ ናይታነ ማጫ ናይታ የልስ። 
\v 11 ሄኖስ 905 ላይ ደእድ ሀይቅስ።
\p
\v 12 ቃይናን 70 ላይ ደእድ፥ ማላልኤላ የልስ። 
\v 13 ቃይናን ማላልኤላ የልዳፐ ጉየ፥ 840 ላይ ደእስ። ሀራ አደ ናይታነ ማጫ ናይታ የልስ። 
\v 14 ቃይናን 910 ላይ ደእድ ሀይቅስ።
\p
\v 15 ማላልኤል 65 ላይ ደእድ፥ ያረዳ የልስ። 
\v 16 ማላልኤል ያረዳ የልዳፐ ጉየ፥ 830 ላይ ደእስ። ሀራ አደ ናይታነ ማጫ ናይታ የልስ። 
\v 17 ማላልኤል 895 ላይ ደእድ ሀይቅስ።
\p
\v 18 ያረድ 162 ላይ ደእድ፥ ሄኖከ የልስ። 
\v 19 ያረድ ሄኖከ የልዳፐ ጉየ፥ 800 ላይ ደእስ። ሀራ አደ ናይታነ ማጫ ናይታ የልስ። 
\v 20 ያረድ 962 ላይ ደእድ ሀይቅስ።
\p
\v 21 ሄኖከይ 65 ላይ ደእድ፥ ማቱሳላ የልስ። 
\v 22 ማቱሳላ የልዳፐ ጉየ፥ ሄኖከይ 300 ላይ ፆሰ ኡፋይስያ ደኦ ደእስ። ሀራ አደ ናይታነ ማጫ ናይታ የልስ። 
\v 23 ሄኖከይ 365 ላይ ደእስ። 
\v 24 ፆሲ እያ ባኮ ኤክዳ ግሾ ስሚድ በንትቤና።
\p
\v 25 ማቱሳል 187 ላይ ደእድ፥ ላመሀ የልስ። 
\v 26 ማቱሳል ላመሀ የልዳፐ ጉየ፥ 782 ላይ ደእስ። ሀራ አደ ናይታነ ማጫ ናይታ የልስ። 
\v 27 ማቱሳል 969 ላይ ደእድ ሀይቅስ።
\p
\v 28 ላመህ 182 ላይ ደእድ፥ አደ ናአ የልስ። 
\v 29 ያትድ፥ “ሀ ናአይ ጎዳይ ባድዳ ቢታ ቦላ ሀ ዳቡራ ኦሶ ኡባፈ ኑና ሸምፕሳና” ግድ እያ ኖሄ\f + \fr 5:29 \fr*\fq ኖሄ፦ \fq*\ft እብራወ ዶናን ኖሄ ጌተትያ ሱንስ ብርሸይ “ሸምፖ” ጉሱ።\ft*\f* ግድ ሱንስ። 
\v 30 ላመህ ኖሄ የልዳፐ ጉየ፥ 595 ላይ ደእስ። ሀራ አደ ናይታነ ማጫ ናይታ የልስ። 
\v 31 ላመህ 777 ላይ ደእድ ሀይቅስ።
\p
\v 32 ኖሄይ 500 ላይ ደእ ስሚድ ሄ አደ ናይታ ሴማ፥ ካማነ ያፈታ የልስ።
\c 6
\s1 አሳ ኢታተ
\p
\v 1 አሳይ ሳአ ቦላ ዳርዳ ዎደ ኤንታዉ ማጫ ናይት የለትዶሶና። 
\v 2 “ፆሳ ናይታ” ጌተትያ መተት ሄ ማጫ ናይት ማላ ሎኦ ግደይሳ በእድ ኤንታፈ ባንታዉ ዶርዳይሳታ ማችዶሶና። 
\v 3 ጎዳይ፥ “አሳስ ደኦ እምያ ታ አያናይ አሳን መርናዉ ዴና። አስ ሀይቀይሳ ግድያ ግሾ፥ ህዛፐ እያ ላይይ እስ ፄታነ ላታማ ግዳና” ያግስ። 
\v 4 ሄ ዎደነ ሄሳፈ ጉየ፥ ፆሳ ናይት አሳ ማጫ ናይታ ኤክን፥ ናይት የለትዳ ዎደ፥ ዎጋ አዱሳ አሳት ሳአ ቦላ ደእዶሶና። ኤንቲ በን ዎደ ኦላስ ምኖነ ኤረትዳ አሳታ።
\p
\v 5 ጎዳይ ሄ ዎደ ሳአ ቦላ ደእያ አሳ ኢታተ ዳርዳይሳነ ኤንታ ዎዛናይ ኡባ ዎደ ቆፕያባይ ኢታ ፃላላ ግድዳይሳ 
\v 6 በእድ፥ አሰ ሀ ሳአ ቦላ መዳይሳን አዛንስ፤ ባ ዎዛናን ዳሮ ቂሮትስ። 
\v 7 ታኒ አሰ አይስ መድና ጋዳ ቂሮታስ። ሄሳ ግሾ፥ ጎዳይ፥ “ታኒ መዳ አሰ፥ መሄ፥ ዶአ፥ ሳአራ ጎሸትያ መተታነ ሳሎ ካፎታ ሳአ ቦላፈ ይሳና” ያግስ። 
\v 8 ሽን ኖሄይ ጎዳ ስንን ሳባ ደምስ።
\s1 ኖሄ
\p
\v 9 ኖሄ ታርከይ ሀይሳፈ ካልድ ፃፈትዳይሳ። ኖሄይ ባ ዎደ ደእያ አሳ ግዶፈ ፆሳ ኡፋይስያነ ሱረ አስ። 
\v 10 ኖሄይ ሴማ፥ ካማነ ያፈታ ጌተትያ ሄ አደ ናይታ የልስ።
\p
\v 11 ሄ ዎደ ቢታይ ኩመ ፆሳ ስንን ቱንስ፤ ቢታ ኡባይ ጌላተን ኩምስ። 
\v 12 ፆሳይ ሀ ቢታ ፄልያ ዎደ ሳአን ደእያ አሳ ኡባይ ባንታ ኦግያ ቱንስድ ደኤይሳ በእስ።
\p
\v 13 ሄሳ ግሾ፥ ፆሳይ ኖሄ ሀይሳዳ ያግድ ኪትስ፤ “ታኒ አሳ ኡባ ይሳና ሀናይስ። ኤንታ ጋሶን ቢታይ ጌላተን ኩምዳ ግሾ፥ አሰ ቢታፈ ይሳና። 
\v 14 ሄሳ ግሾ፥ ምኖ ምፈ ነዉ ማርካበ ኬፃ። ሄ ማርካብያ ግዶን ዳሮ ቆልአታ ከሳ። ያታዳ ሶራነ ካረራ ማደ መላባን ሜሻ። \fig ኖሄ ማርካበያ|alt="The Ark of Noha" src="CO00628B.tif" size="span" ref="6:14"\fig* 
\v 15 ማርካብያ ሀይሳዳ ያታዳ ኬፃ፤ አዱሳተ 300 ዋ፥ ጎምፓ 50 ዋ፥ ጌሳ 30 ዋ ኦ። 
\v 16 ማርካብያስ ካራ መ፤ ካራፐነ ጎዳፐ ግዶን እስ ዋ ግድያ በሲ ዶያ አጋ። ፐንግያ ማርካብያስ ምየ ባጋራ ከሳ፤ ማርካብያ ሄ ፖቀ ከሳዳ ኬፃ።
\p
\v 17 “ታኒ ሳሎፐ ጋርሳን ሸምፖራ ደእያ መተ ኡባ ይሳናዉ ዮ ሃ የዳዳ ሀ ሳኣ ቦላ ደእያባ ኡባ ይሳና። 
\v 18 ሽን ታኒ ታ ጫቁዋ ኔራ ጫቃና። ኔኒ፥ ነ ማችዉ፥ ነ አደ ናይታነ ኤንታ ማቸታ ኤካዳ ማርካብያ ግዶ ገላ። 
\v 19 ኤንቲ ኔራ ደኦን ዳና መላ፥ ደኦይ ደእያ መተ ኡባፈ ቆሞን ቆሞን አደነ ማጫ ናምአ ናምአ ኦዳ፥ ማርካብያ ግዶ ገልሳ። 
\v 20 ዱማ ዱማ ቆሞ ካፎታፐ፥ ዱማ ዱማ ቆሞ መሄታፐነ ሳአራ ጎሸትያ ዱማ ዱማ ቆሞ መተ ኡባፈ ናምአ ናምአ ግድድ ደኦን ዳና መላ ኔኮ ዮ። 
\v 21 ቃስ ህንተነ ዶአት ማናዉ ዱማ ዱማ ቆሞ ምያ ካ ኤፋዳ፥ ማርካብያ ግዶን ቆላ” ያግስ።
\p
\v 22 ኖሄይ ኡባባካ ፆሳይ ኪትዳይሳዳ ኦስ።
\c 7
\s1 ዮ ሃ
\p
\v 1 ሄሳፈ ጉየ ጎዳይ ኖሄ ሀይሳዳ ያግስ፤ “ኔኒ ነ ሶ አሳ ኡባራ ማርካብያ ግዶ ገላ። ሀ ዎድያ የለተ ግዶን ታ ሸንያ ፖልዳይ ነ ፃላላ ግድዳይሳ በአስ። 
\v 2 ኔኒ ቱና ግዶና መሄነ ዶአ ኡባፈ እያ ቆሞፈ ቆሞፈ አደነ ማጫ ላፑን ላፑን፥ ቱና መሄነ ዶአ ኡባፈ እያ ቆሞፈ ቆሞፈ እስ አደነ እስ ማጫ ገልሳ። 
\v 3 ቃስ ሳሎ ካፎታፐ እያ ቆሞፈ ቆሞፈ አደነ ማጫ ላፑን ላፑን ኦዳ፥ ቢታ ኡባ ቦላ ዱማ ዱማ ኮቻይ ደኦን ዳና መላ ኔራ ኤካዳ ገላ። 
\v 4 ላፑን ጋላሳፐ ጉየ፥ ታኒ ኦይታሙ ጋላስነ ኦይታሙ ቃማ ሀ ሳኣ ቦላ እራ ቡክሳና። ያታዳ ታኒ መዳ መተ ኡባ ቢታ ቦላፈ ቁቻና” ያግስ።
\p
\v 5 ያትን ኖሄይ ጎዳይ እያ ኪትዳ ኡባባ ኦስ።
\p
\v 6 ዮ ሃይ ሀ ሳኣ ቦላ ይዳ ዎደ ኖሄስ ላይ ኡሱፑን ፄታ። 
\v 7 ኖሄይ፥ እያ አደ ናይት፥ እያ ማችያነ እያ ናይታ ማቸት ዮ ሃፈ አታናዉ ማርካብያ ግዶ ገልዶሶና። 
\v 8 ቱና ግዶና መሄፐነ ዶአፐ፥ ቱና መሄፐነ ዶአፐ ካፎታፐነ ቢታራ ጎሸተይሳታ ኡባፈ 
\v 9 ፆሳይ ኖሄ ኪትዳይሳዳ አደነ ማጫስ ናምአ ናምአ ግድድ፥ ኖሄኮ ማርካብያ ግዶ ገልዶሶና። 
\v 10 ላፑን ጋላሳፐ ጉየ፥ ዮ ሃይ ሀ ሳአ ቦላ ይስ።
\p
\v 11 ኖሄይ ኡሱፑን ፄቱ ላይ ደእን፥ ናምአን አጌናን፥ ታማነ ላፑን ጋላሳን፥ ቢታ ግዶን ደእያ ግታ ጪሙዋ ፑልቶ ኡባይ ቅ አግስ። ሳሎን ደእያ ሃ ማስኮተት ዶየትዶሶና። 
\v 12 እራይ ሀ ሳኣ ቦላ ኦይታሙ ጋላስነ ኦይታሙ ቃማ ቡክስ። 
\v 13 እር ቡካ ዶምዳ ጋላስ ኖሄይነ እያ ማችያ፥ እያ አደ ናይት፥ ሴም፥ ካምነ ያፈት፥ እያ ናይታ ሄታ ማቸት እስፈ ማርካብያ ግዶ ገልዶሶና። 
\v 14 ዶአ ኡባፈ ባ ቆሞን ቆሞን፥ መሄ ኡባፈ ባ ቆሞን ቆሞን፥ ቢታራ ጎሸትያ ኡባፈ ባ ቆሞን ቆሞን፥ ካፎ ኡባፈ ባ ቆሞን ቆሞን ኤንታራ እስፈ ገልዶሶና። 
\v 15 ሸምፖራ ደኤይሳት ኡባይ ናምአ ናምአ ግድድ ኖሄኮ ማርካብያን ገልዶሶና። 
\v 16 ፆሳይ ኖሄ ኪትዳይሳዳ፥ መተ ኡባፈ አደነ ማጫ ግድድ ማርካብያ ግዶ ገልን ኖሄፐ ጉየራ ጎዳይ ማርካብያ ፐንግያ ጎርድስ።
\p
\v 17 ዮ ሃይ ኦይታሙ ጋላስ ሳአ ቦላ ቡክሸ ደእስ። ሃይ ዳርድ ማርካብያ ቢታፈ ፑደ ደንስ። 
\v 18 ሃይ ቢታ ቦላ ኬህ ዳርን፥ ማርካበይ ሃ ቦላ ቶከትስ። 
\v 19 ሳሎፐ ጋርሳን ደእያ ዙማት ኡባይ ምተታና ጋካናስ ሃይ ሳአ ቦላ ኬህ ዳርስ። 
\v 20 ሃይ ዙማታ ፄራፐ አድ፥ ታማነ እቻሹ ዋ ጋካናስ ድጭስ። 
\v 21 ያትን ሳአ ቦላ ዎፅ ቃፅያ መተት ኡባይ፥ ካፎት፥ መሄይ፥ ዶእነ፥ አስ ኡባይ ሀይቅስ። 
\v 22 ቢታ ቦላ ደእያ ባ ሲራ ደኦ ሸምፖ ሸምፕያ ኡባይካ ሀይቅስ። 
\v 23 ሳአ ቦላ ደኦይ ደእያ ኡባይ፥ አሳይ፥ መሄይ፥ ዶአይነ ሳሎ ካፎት ኡባይካ ሳአፐ ቁሸትዶሶና። ኖሄይነ እያራ ማርካብያ ግዶን ደኤይሳታ ፃላል አትዶሶና። 
\v 24 ሄ ሃይ ፓጮና ፄታነ እሻታሙ ጋላስ ሳአ ቦላ ጋምእስ።
\c 8
\s1 ዮ ሃ ዎ
\p
\v 1 ሽን ፆሳይ ኖሄ፥ እያራ ማርካብያ ግዶን ደእያ ዶአ ኡባነ መሄ ኡባ ቆፕድ ሳአ ቦላ ጫርኮ ጫርክስን ሄ ሃይ ዎ ዎ ብስ። 
\v 2 ቃስ ቢታ ግዶን ደእያ ጪሙዋ ፑልቶይነ ሳሎን ደእያ ሃ ማስኮተት ጎርደትዶሶና፤ እራይካ ሳሎን ተቀትስ። 
\v 3 ያንን፥ ሃይ ፄታነ እሻታሙ ጋላስ ጋካናዉ ዎ ዎ ብስ። 
\v 4 ሃይ ዎን ላፑን አጌናን፥ ታማነ ላፑን ጋላሳን ማርካበይ አራራተ ዙማታ ቦላ ኡትስ። 
\v 5 ሃይ ታማን አጌና ጋካናዉ ዎ ዎ ብስ። ታማን አጌናስ ኮይሮ ጋላስ ዙማታ ፄራት በንትዶሶና።
\p
\v 6 ኦይታሙ ጋላሳፐ ጉየ፥ ኖሄይ ባ ኬፅዳ ማርካብያ ማስኮትያ 
\v 7 ዶይድ እስ ቁሮ ካረ የድን ቁሮይ ሃይ ቢታ ቦላፈ መላና ጋካናስ፥ ያነ ሃነ ፕራሸ ጋምእስ። 
\v 8 ቃስ ኖሄይ ሃይ ቢታ ቦላፈ ዎ ዉርዳኮ በአናዉ እስ ሆለ ካረ የድስ። 
\v 9 ሽን ሄ ሆልያ ሃይ ቢታ ኡባ ቦላ ሀእካ ደእያ ግሾ፥ ሸምፕያ በሲ ደማቡኩ። ሄሳ ግሾ ስማዳ፥ ማርካብያኮ ይን፥ ኖሄይ ባ ኩሽያ የድድ፥ ባኮ ማርካብያ ግዶ ኤክስ።
\p
\v 10 ሄሳፈ ጉየ፥ ላፑን ጋላስ ጋምእድ፥ ሆልዉ ዛሪድ የድስ። 
\v 11 ሄ ሆልያ ሳእ ኦማርስያ ዎደ እያኮ ስማዳ ያሸ ሻማሆ አጫፐ ዱዳ እርፃ ሀይ ባ ዶናን ሳፃ ኤካዳ ያሱ። ያትን፥ ሃይ ቢታ ቦላፈ ዎዳይሳ ኖሄይ ኤርስ። 
\v 12 ቃስ ኖሄይ ሀራ ላፑን ጋላስ ጋምእድ፥ ሄ ሆልዉ ዛሪድ የድስ። ሽን ሄ ሆልያ እያኮ ስማዳ ያቡኩ።
\p
\v 13 ኖሄይ ኡሱፑን ፄታነ እስ ላይ ደእን፥ ኮይሮ አጌናን ኮይሮ ጋላስ፥ ሃይ ቢታ ቦላፈ ፅዝእስ። ኖሄይ ማርካብያ ካማ ቃር ፄልድ፥ ቢታይ ፅዝእዳይሳ በእስ። 
\v 14 ናምአን አጌናን ላታማነ ላፑን ጋላሳን፥ ቢታይ ኩመ መልስ።
\p
\v 15 ፆሳይ ሄ ዎደ ኖሄ ሀይሳዳ ያግድ ኪትስ፤ 
\v 16 “ኔኒ፥ ነ ማችዉ፥ ነ አደ ናይታነ ነ ናይታ ማቸታ ኤካዳ ማርካብያ ግዶፈ ከያ። 
\v 17 ኤንቲ የለትድ፥ ዳራና መላ ደኦይ ደእያ መተ ኡባፈ ኔራ ደኤይሳታ ካፎታ፥ መሄታ፥ ዶአታነ ቢታራ ጎሸትያ ኡባ ኔራ ከሳ” ያግስ። 
\v 18 ያትን ኖሄይ ባ አደ ናይታራ፥ ባ ማቸራነ ባ ናይታ ማቸታራ ማርካብያ ግዶፈ ከይስ። 
\v 19 ያንን፥ መሄይነ ዶአይ፥ ሳአራ ጎሸትያ መተይ፥ ካፎይነ ሳአ ቦላ ዎፅ ቃፅያባ ኡባይ ባ ቆሙዋን ቆሙዋን ማርካብያ ግዶፈ ከይዶሶና።
\p
\v 20 ሄሳፈ ጉየ፥ ኖሄይ ጎዳስ ያርሾ በሲ ግምብድ ቱና ግዶና መሄነ ዶአ ኡባፈ፥ ቱና ግዶና ካፎ ኡባፈ ኤክድ፥ ጊግስዳ በሳን ያርሾ ኦድ ፁግስ። 
\v 21 ያትን፥ ጎዳይ ሄ ያርሹዋ ፔኑዋ ስንግድ፥ ባ ዎዛናን ሀይሳዳ ያግስ፤ “ናአተፈ ዶምድ አስ ዎዛናን ቆፕያባ ኡባይ ኢታ ግድኮካ ታኒ አሳ ቆሆ ግሾ ጋዳ ናምአን ሀ ሳኣ ባድከ። ቃስ ታኒ ሀእ ኦዳይሳዳ ደኦይ ደእያ መተ ኡባ ናምአን ይስከ። 
\v 22 ሀ ቢታይ ደእዳ ዎደ ኡባን፥ ዘርያ ዎደይነ ጫክያ ዎደይ፥ ሜጎይነ ሆምበይ፥ ቦነይነ ባልጎይ፥ ጋላስነ ቃም ኡባ ዎደ ዳና” ያግስ።
\c 9
\s1 ፆሳይ ኖሄራ ጫቅዳ ጫቁዋ
\p
\v 1 ፆሳይ ኖሄነ እያ አደ ናይታ ሀይሳዳ ያግድ አንጅስ፤ “የለትተ፥ ዳርተ፥ ሳአ ኡባ ኩምተ። 
\v 2 ሳኣ ዶአት፥ ሳሎ ካፎት፥ ቢታን ዎፅ ቃፅያባይነ አባን ደእያ ሞሎት ኡባይ ህንተዉ ያሻንነ ዳጋማን ደኦ። ኤንቲ ህንተዉ ሃረቶ። 
\v 3 ታኒ ዶልያ ዱማ ዱማ ጭልኦባታ ህንተዉ እምዳይሳዳ፥ ደኦይ ደእያ ዎፅ ቃፅያ መተ ኡባይ ህንተዉ ካ ግዳና መላ እማስ። 
\v 4 ሽን ሸምፖይ ግዶን ደእያ ግሾ ሱ እያ ግዶን ደእያ አሾ ሞፕተ። 
\v 5 ኦንካ ሸምፖ ዎዳይ ፕርደታና። ቃስ አሳ ሱ ጉስያ ዶአካ ሀይቆን ፕርዳና። 
\v 6 ፆሳይ አሰ ባና ዳንስድ መዳ ግሾ፥ አሳ ሱ ጉስያ ኦና ግድኮካ እያ ሱይካ አሳ ኩሸን ጉካና። 
\v 7 ህንተ የለትተ፥ ዳርተ፥ ህንተ ሼሻይካ ሳአ ቦላ ዳሮ” ያግስ።
\p
\v 8 ሄሳፈ ጉየ፥ ፆሳይ ኖሄነ እያራ ደእያ እያ አደ ናይታ ሀይሳዳ ያግስ፤ 
\v 9 “ህዛ፥ ታኒ ታ ጫቁዋ ህንተራ፥ ህንተ ሼሻራነ ደኦይ ደእያ መተ ኡባራ ጫቃይስ። 
\v 10 ታኒ ታ ጫቁዋ ካፎታራ፥ መህያራ፥ ሳአ ዶአ ኡባራነ፥ ማርካብያፐ ህንተራ ከይዳ፥ ደኦይ ደእያ መተ ኡባራ ጫቃይስ። 
\v 11 ታኒ ህንተራ ጫቅዳይሳ መላ ህዛፐ ደኦይ ደእያ መተት ዮ ሃን ዮኮና፤ ሀ ሳኣካ ዛር ዮ ሃ ይሰና” ያግስ።
\p
\v 12 ቃስካ ፆሳይ፥ “ታኒ ታፐነ ህንተፈ፥ ደኦይ ደእያ መተ ኡባፈ ግዶን ጫቅያ ጫቁዋ ማላይ ሀይሳ፤ 
\v 13 ታኒ ታ ዙላ ሻራን ኤሳስ። እ ታፐነ ሳአ ቦላ ደእያ መተ ግዶን ደእያ ጫቁዋስ ማላ ግዳና። 
\v 14 ታ ሳሉዋ ሻራ ማይዝዳ ዎደነ ሻራን ዙል ኤቅዳ ዎደ፥ 
\v 15 ታፐነ ህንተፈ ግዶን፥ ደኦይ ደእያ ዱማ ዱማ መተ ኡባፈ ግዶን ጫቅዳ ታ ጫቁዋ አኬካና። ደኦይ ደእያ መተ ኡባ ይሳናዉ ህዛፐ ጉየ ዮ ሃ ዬና። 
\v 16 ዙል ሻራን ኤቅዳ ዎደ ታ እያ በአዳ ታፐነ ሳአ ቦላ ደእያ ዱማ ዱማ መተ ኡባፈ ግዶን ጫቅዳ መርና ጫቁዋ አኬካና” ያግስ።
\p
\v 17 ፆሳይ ኖሄ፥ “ታኒ ታፐነ ሳአ ቦላ ደኦይ ደእያባ ኡባፈ ግዶን ጫቅዳ ጫቁዋ ማላይ ሀይሳ” ያግስ።
\s1 ኖሄነ እያ ናይታ
\p
\v 18 ማርካብያፐ ከይዳ ኖሄ አደ ናይት ሴማ፥ ካማነ ያፈታ፤ ካም ካናነ አዋ። 
\v 19 ሀ ሄት ኖሄ ናይታ፤ ሳአ ኡባን ደእያ አሳይ ኤንታፈ የለትዶሶና።
\p
\v 20 ኖሄይ ጎሻንቾ፤ እ ዎይነ ቶከን ኮይሮ አስ። 
\v 21 እስ ጋላስ ኖሄይ ሄ ዎይንያፐ ኡይድ ማትድ ባ ዱንካንያ ግዶን ፅረ ካሎ ዝንእስ። 
\v 22 ካናነ አዋ ካም ባ አዋ ካሉዋ በእድ፥ ካረ ከይድ፥ ባ ናምኡ እሻታስ ኦድስ። 
\v 23 ሽን ሴምነ ያፈት አፍላ ኤክድ፥ ናምአይካ ባንታ ሀሽያራ ሀሽያራ ጋ ኦይክድ፥ ጉየ ጉ ሄመት ገልድ፥ ባንታ አዋ ካሉዋ ካምዶሶና። ኤንቲ ባንታ አዋ ካሉዋ በኦና መላ ባንታ አይፍያ ሀራሶ ዛርዶሶና።
\p
\v 24 ኖሄይ ማይ አን፥ ባርክድ፥ እያ ካሎ ናአይ ኦዳባ ኤርስ። 
\v 25 ኖሄይ እያኮ፥
\q1 “ካናነይ ባደትዳባ ግዶ!
\q2 እ ባ እሻታስ ዉርሰ አይለ ግዶ”
\m ያግስ።
\q1
\v 26 ቃስካ ኖሄይ፥
\q1 “ጎዳይ፥ ሴማ ፆሳይ ጋላተቶ!
\q2 ካናነይ ሴማ አይለ ግዶ፤
\q1
\v 27 ፆሳይ ያፈታ ቢታ አሶ።
\q2 ያፈታ ሼሻይ ሴማ ሼሻራ ዎላ ደኦና፤
\q2 ካናነይ ያፈታ አይለ ግዶ” ያግስ።
\p
\v 28 ዮ ሃፈ ጉየ፥ ኖሄይ ሄ ፄታነ እሻታሙ ላይ ደእስ። 
\v 29 ኖሄይ ኡዱፉን ፄታነ እሻታሙ ላይ ደእድ ሀይቅስ።
\c 10
\s1 ኖሄ ሼሻ
\p
\v 1 ኖሄ ናይታ፥ ሴማ፥ ካማነ ያፈታ የለተይ ሀይሳፈ ካልድ ፃፈትዳይሳ። ዮ ሃፈ ጉየ፥ ኤንታዉ አደ ናይት የለትዶሶና።
\p
\v 2 ያፈታ አደ ናይት፥ ጎመራ፥ ማጎገ፥ ማዳያ፥ ያዋና፥ ቱባላ፥ ሞሳሀነ ትራሳ።
\p
\v 3 ጎመራ አደ ናይት፥ አስካናዛ፥ እርፋታነ ቶጋርማ።
\p
\v 4 ያዋና አደ ናይት፥ ኤልሻ፥ ታርሰሳ፥ ክፅማነ ሮዳ።
\p
\v 5 ሀይሳቲ ዩሾይ አባን ተቀትዳ ቢታን ደእያ ያፈታ ሼሻታስ ማይዛታ። ኤንቲ ባንታ ቢታን ቢታን፥ ባንታ ዶናን ዶናንነ ባንታ ካዎተን ካዎተን ሻከትድ ደእያ ደረታ።
\p
\v 6 ካማ አደ ናይት፥ ኩሻ፥ ግብፀ፥ ሊበነ ካናነ።
\p
\v 7 ኩሻ አደ ናይት፥ ሳባ፥ ሀውላ፥ ሳብታ፥ ራእማነ ሳብታካ።
\p ራእመ አደ ናይት፤ ሳባነ ደዳና።
\p
\v 8 ኩሽ ናምሩደ የልስ፤ ናምሩደይ ሀ ሳአን ኮይሮ ዎልቃማ ኦላንቾ ግድስ። 
\v 9 ጎዳ ማደን ዎልቃማ ሻንካንቾ ግድስ። አሳይ፥ “ናምሩደዳ ጎዳይ ነና ዎልቃማ ሻንካንቾ ከሶ” ግድ አንጀይ ሄሳ ግሾሳ። 
\v 10 እያ ካዎተስ ኮይሮ ካታማት ሳናኦራ\f + \fr 10:10 \fr*\fq ሳናኦራ፦ \fq*\ft ዎይኮ ባብሎነ\ft*\f* ቢታን ደእያ ባብሎነ፥ ኤረካ፥ አርካዳነ ካልነ። 
\v 11 እ ሄ ቢታፈ አሶረ ብድ፥ ናናወ፥ ረሆቦታነ ካላሀ ኬፅስ። 
\v 12 ቃስ ናናወፐነ ካላሀ ካታማፐ ግዶን ረሴና ኬፅስ።
\p
\v 13 ምፅራይም፥ ሉደታ፥ አናምመታ፥ ላሀበታ፥ ናፍቱሄታ፥ 
\v 14 ፓትሮሳታነ ፍልስፄመ ኮቻ የልዳ ካስሉሄማታነ ቃፍቶረታ ማይዛ። 
\v 15 ካናነይ ባ ባይራ ናአ ስዶናነ ሄታ የልስ። 
\v 16 ቃስ ካናነ ሼሻት ያቡሰታ፥ አሞረታ፥ ገርገሰታ፥ 
\v 17 ህወታ፥ አርከታ፥ ሲናታ፥ 
\v 18 አርዋደታ፥ ፃማራታነ ሀማታታ የልስ። ሄሳፈ ጉየ፥ ካናነ ሼሻት ዱማ ዱማ በሲ ላለትዶሶና። 
\v 19 ካናነ ቢታ ዛዋይ ስዶናፐ ዶምድ፥ ጋራራነ ጋዛራ ጋክድ፥ ሶዶመነ ጋሞራ፥ አዳማነ ፃቦይማ ብድ፥ ላሻአ ጋክ ኤቅስ። 
\v 20 ሀይሳቲ ካማ ሼሻታ፤ ኤንታዉ ዱማ ዱማ ዶን፥ ዱማ ዱማ ቢትነ ዱማ ዱማ ካዎተ ደኤስ።
\p
\v 21 ሴማስ ናይት የለትዶሶና። እ ያፈታስ ባይራ እሻነ ኤቦራ ናይታ ኡባስ ማይዛ። 
\v 22 ሴማ አደ ናይት፥ ኤላማ፥ አሶረ፥ አርፋክሳደ፥ ሉደነ አራመ።
\p
\v 23 አራመ አደ ናይት፥ ኡፃ፥ ሁላ፥ ገተራነ ማሸካ።
\p
\v 24 አርፋክሳድ ሳላ የልስ። ሳል ኤቦራ የልስ።
\p
\v 25 ኤቦራስ ናምኡ አደ ናይት የለትዶሶና። ሳአን ደእያ አሳይ እያ ዎደ ሻከትዳ ግሾ እሱዋ ፐለጋ\f + \fr 10:25 \fr*\fq ፐለጋ፦ \fq*\ft እብራወ ዶናን ሀ ሱን ብርሸይ “ሻከተ” ጉሱ።\ft*\f* ግድ ሱንስ። እያ እሻ ሱንይ ዮቅፃና።
\p
\v 26 ዮቅፃና ሼሻት ሀይሳታ። ኤንትካ አልሞዳዳ፥ ሳለፋ፥ ሀሰርሞታ፥ ያራሀ፥ 
\v 27 ሀዶራማ፥ ኡዛላ፥ ድቅላ፥ 
\v 28 ኦባላ፥ አብማላ፥ ሳባ፥ 
\v 29 ኦፍራ፥ ሀውላነ ዮባባ። ሀይሳቲ ኡባይ ዮቅፃና ሼሻታ።
\p
\v 30 ኤንቲ ደእዳ ሄራይ ሜሳፐ ብድ ዶሎሀ ባጋራ ደእያ ደረይ ዳርያ ሳፋራ ቢታ ጋኬስ። 
\v 31 ሀይሳቲ ኡባይ ሴማ ሼሻታ፤ ኤንታዉ ዱማ ዱማ ዶን፥ ዱማ ዱማ ቢትነ ዱማ ዱማ ካዎተ ደኤስ።
\p
\v 32 ሀይሳቲ ኡባይ ባንታ ሼሻን ሼሻንነ ባንታ ካዎተን ካዎተን ፃፈትዳ ኖሄ ናይታ። ዮ ሃፈ ጉየ ካዎተት ሀይሳታፐ ሳአ ኡባ ላለትዶሶና።
\c 11
\s1 ባብሎነ ግምበ
\p
\v 1 ሳአ ቦላ ደእያ አስ ኡባይ ኮይሮ እስ ዶናን ኦደቴስ። 
\v 2 ኤንቲ ዶሎሀ ባጋፈ ደንድድ ብዳ ዎደ ሳናኦራ ቢታን ደምባ በሲ ደምድ ያን ኡትዶሶና።
\p
\v 3 ኤንቲ እሶይ እሱዋኮ፥ “ሃ ዪተ፥ ፁበ መድ፥ ምናና መላ ታማን ፁጎስ” ያግዶሶና። ኤንቲ ሹቻ ግሾ ፁበ፥ ኡርቃ ግሾ ማደ መላባ፥ 
\v 4 ኤክድ፥ “ሃ ዪተ፥ ኑ ሱን ፄግሳናዉነ ቃስ ኑኒ ሀ ሳአ ቦላ ላለቶና አታና መላ እስ ግታ ካታማነ ፄራይ ሳሎ ጋክያ ፖቀ ኬፆስ” ያግዶሶና።
\p
\v 5 ሽን ጎዳይ አሳት ኬፅዳ ግታ ካታማነ ፖቅያ በአናዉ ዱገ ዎስ። 
\v 6 ጎዳይ ሀይሳዳ ያግስ፤ “ሄኮ፥ ኤንቲ እስ አስ፤ ኤንቲ ኡባይካ እስ ዶናን ኦደትዶሶና። ኤንቲ ሀእ ሀይሳ ኦናዉ ዶምዶሶና። ኤንቲ ባንታዉ ኦናዉ ሀልችዳባ ፖሎና አጎኮና። 
\v 7 ያንያ ግሾ፥ ሃይተ፤ ዱገ ዎድ ኤንቲ እሶይ ሃሳይያ ዶና እሶይ ኤሮና መላ ኤንታ ዶና ዱማዮስ” ያግስ። 
\v 8 ጎዳይ ኤንታ ሄሳፈ ሳአ ኡባ ቦላ ላልን፥ ኤንቲ ካታማ ኬፀይሳ አጋግዶሶና። 
\v 9 ጎዳይ ሳአን ደእያ አሳ ዶና ያን ቡቅዳ ግሾ ሄ ካታማ ሱንይ ባብሎነ\f + \fr 11:9 \fr*\fq ባብሎነ፦ \fq*\ft እብራወ ዶናን ሀ ሱን ብርሸይ “ዋላከትስ” ጉሱ\ft*\f* ጌተትስ። ጎዳይ ኤንታ ሄሳፈ ሳአ ኡባ ቦላ ላልስ።
\s1 ሴማ የለተ
\p
\v 10 ሴማ የለተይ ሀይሳፈ ካልድ ፃፈትዳይሳ፤ ዮ ሃፈ ጉየ፥ ናምኡ ላይ ግድን፥ ሴማስ ላይ ፄታ ግድዳ ዎደ፥ ሴም አርፋክሳደ የልስ። 
\v 11 ሴም አርፋክሳደ የልዳፐ ጉየ፥ እቻሹ ፄቱ ላይ ደእስ። ሀራ አደ ናይታነ ማጫ ናይታ የልስ።
\p
\v 12 አርፋክሳድ 35 ላይ ደእድ፥ ሳላሀ የልስ። 
\v 13 አርፋክሳድ ሳላ የልዳፐ ጉየ፥ 403 ላይ ደእስ። ሀራ አደ ናይታነ ማጫ ናይታ የልስ።
\p
\v 14 ሳል 30 ላይ ደእድ፥ ኤቦራ የልስ። 
\v 15 ሳል ኤቦራ የልዳፐ ጉየ፥ 403 ላይ ደእስ። ሀራ አደ ናይታነ ማጫ ናይታ የልስ።
\p
\v 16 ኤቦሪ 34 ላይ ደእድ፥ ፐለጋ የልስ። 
\v 17 ኤቦሪ ፐለጋ የልዳፐ ጉየ፥ 430 ላይ ደእስ። ሀራ አደ ናይታነ ማጫ ናይታ የልስ።
\p
\v 18 ፐለግ 30 ላይ ደእድ፥ ራአ የልስ። 
\v 19 ፐለግ ራአ የልዳፐ ጉየ 209 ላይ ደእስ። ሀራ አደ ናይታነ ማጫ ናይታ የልስ።
\p
\v 20 ራእ 32 ላይ ደእድ፥ ሳሩጋ የልስ። 
\v 21 ራእ ሳሩጋ የልዳፐ ጉየ፥ 207 ላይ ደእስ። ሀራ አደ ናይታነ ማጫ ናይታ የልስ።
\p
\v 22 ሳሩግ 30 ላይ ደእድ፥ ናኮራ የልስ። 
\v 23 ሳሩግ ናኮራ የልዳፐ ጉየ፥ 200 ላይ ደእስ። ሀራ አደ ናይታነ ማጫ ናይታ የልስ።
\p
\v 24 ናኮር 29 ላይ ደእድ፥ ታራ የልስ። 
\v 25 ናኮር ታራ የልዳፐ ጉየ፥ 119 ላይ ደእስ። ሀራ አደ ናይታነ ማጫ ናይታ የልስ።
\p
\v 26 ታር 70 ላይ ደእድ፥ አብራመ፥ ናኮራነ ሃራነ የልስ።
\s1 ታራ የለተ
\p
\v 27 ታራ የለተይ ሀይሳፈ ካልድ ፃፈትዳይሳ፤ ታሪ አብራመ፥ ናኮራነ ሃራነ የልስ። ያትን ሀራን ሎፀ የልስ። 
\v 28 ሀራን ባ አዋይ ታሪ ፓፃ ደእሽን፥ ባ የለትዳ ካልዳወታ ቢታን፥ ግታ ኡረ ካታማን ሀይቅስ። 
\v 29 አብራመይነ ናኮረይ ናምአይካ ማችዶሶና። አብራመ ማቸ ሱንይ ሶራ። ቃስ ናኮራ ማቸ ሱንይ ምልኮ። ምልካ ሃራና ናእዉ፤ ሃራነይ ምልካነ ዮስካ አዋ። 
\v 30 ሶራ ማይን ግድዳ ግሾ እዉ ናእ ባዋ።
\p
\v 31 ታር ባ ናኣ አብራመ፥ ባ ናኣ ሃራነ ናኣ ሎፀነ፥ ባ ናኣ አብራመ ማችዉ ሶራ ኤክድ፥ ካናነ ቢታ ባናዉ ካልዳወታ ካታማ ኡረፐ ደንድስ። ሽን ኤንቲ ካራነ ካታማ ጋክድ ያን ኡትዶሶና። 
\v 32 ታር 205 ላይ ደእድ ካራነን ሀይቅስ።
\c 12
\s1 አብራመ ፄገተ
\p
\v 1 ጎዳይ አብራመኮ፥ “ነ ቢታፈ፥ ነ ደርያፐ፥ ነ ሶ አሳፐ፥ ሻከታዳ ታ ነና በሲያ ቢታ ባ። 
\v 2 ታ ነና ዎልቃማ ደረ ኦና፥ ነና ታ አንጃና ነ ሱን ግታ ከሳና፤ ነ ሀራታስ አንጆ ግዳና። 
\v 3 ታኒ ነና አንጀይሳታ አንጃና፤ ነና ባደይሳታ ባዳና፥ ቢታ ቦላ ደእያ ደረ ኡባይ ነ ጋሶራ አንጀታና” ያግስ።
\p
\v 4 ሄሳ ግሾ፥ አብራመይ ፆሳይ እያ ኪትዳይሳዳ ከይስ። ሎፀይ እያራ እስፈ ብስ። አብራመይ ካራነፐ ከይያ ዎደ እያዉ ላይ ላፑን ታማነ እቻሻ። 
\v 5 አብራመይ ባ ማችዉ ሶራ፥ ባ እሻ ናአ ሎፀ፥ ካራነን ደእሸ ሺሽዳ ሻሉዋነ ባ አይለታ ኡባ ኤክድ ካናነ ቢታ ብድ ጋክዶሶና። 
\v 6 አብራመይ ሴከማን ደእያ ሞረ ጌተትያ ግታ ምኮ ጋካናዉ ካንድ ብስ። ሄ ዎደ ካናነ አሳት ሄ ቢታን ደኦሶና። 
\v 7 ፆሳይ አብራመስ ያን ቆንጭድ፥ “ሀ ቢታ ታኒ ነ ሼሻስ እማና” ያግስ። እካ ባ ቆንጭዳ ጎዳስ ሄ በሳን ያርሾ በሲ ጊግስስ። 
\v 8 ሄ በሳፈ ደንድድ ቤተለፐ ዶሎሀ ባጋራ ደእያ ዙማኮ ብስ። ያን ቤተለ ዉሎሀ ባጋን፥ ጋየ ዶሎሀ ባጋን አግድ፥ ባ ዱንካንያ ቶክስ፤ ያን ጎዳስ ያርሾ በሲ ጊግስድ ጎዳ ሱን ፄግስ። 
\v 9 ሄሳፈ ጉየ፥ አብራመይ በሳፈ በሰ አሸ ነገበ ጋክስ።
\s1 አብራመይ ግብፀ ቢታን
\p
\v 10 ሄ ዎደ ካናነ ቢታን ኮሽ ከይስ። ኮሻይ ምንዳ ግሾ ጉ ዎደ ያን ዳናዉ አብራመይ ግብፀ ቢታ ብስ። 
\v 11 ግብፀ ገላናዉ ማትያ ዎደ አብራመይ ባ ማቸ ሶራኮ፥ “ኔኒ ማላ ሎኦ ግደይሳ ታኒ ኤራይስ፤ 
\v 12 ግብፀ አሳት ነና በእድ፥ ‘ሀና እያ ማችዉ’ ያግድ ታና ዎድ ነና አጋጋና። 
\v 13 ሄሳ ግሾ፥ ነ ግሾ ግድ ታዉ ሎኦባ ኦና መላነ ታ ሸምፕያ አታና መላ ‘ታ እያዉ ምቾ’ ያጋ” ያግስ። 
\v 14 አብራመይ ግብፀ ቢታ ጋክዳ መላ ግብፀ አሳት ሶራ ማላ ሎኦ ማጫስ ግዶይሳ በእዶሶና። 
\v 15 ግብፀ ፓሮና ሞርናት እዮ በእድ ዳሮ ናሽድ ካዋ ፋሮናስ ኦድዶሶና፥ እዮካ ካዋ ስን ኤፍዶሶና። 
\v 16 እ ጋሶን ካዎይ አብራመ ቦንችድ ሞክስ። ጉጅድካ ዶርሳታ፥ ሚዛታ፥ ሀረታ፥ ግማለታ፥ አደ አይለታነ ማጫ አይለታ እያዉ እሚስ። 
\v 17 ሽን ጎዳይ አብራመ ማቸ ሶራ ጋሶን ግብፀ ካዋነ እያ ኬ ጋዶ ሀርገን ሾጭስ። 
\v 18 ሄሳፈ ጉየ፥ ካዎይ አብራመ ፄግስድ፥ “ነ ታ ቦላ ኦዳባይ ሀይስ አይቤ? እያ ነ ማቾ ግደይሳ አይስ ታዉ ኦዳብኪ? 
\v 19 አይስ ታ ምቾ ጋዳ ዎርዶታዲ? ታ እዮ ማቾ ኦዳ ኤካስ፥ ሽን አትስ፤ ነ ማችያ ሀናሹ ኤካ ባ” ያግስ። 
\v 20 ሄሳፈ ጉየ፥ አብራመነ እያ ማችዉ እያዉ ደእያባ ኡባራ ከስ የዳና መላ ካዎይ ባ አሳታ ኪትስ።
\c 13
\s1 አብራመነ ሎፀ ሻከተ
\p
\v 1 አብራመይ ባአ ማቺው ሶራነ ባዉ ደእያባ ኡባ ኤክድ ግብፀፈ ነገበ መላ ቢታ ብስ። ሎፀይካ እያራ ዎላ ብስ። 
\v 2 አብራመይ ሄ ዎደ መሄን፥ ብራንነ ዎርቃን ዳሮ ዱረትስ።
\p
\v 3 አብራመይ ናገበፐ ደንድድ በሳፈ በሰ አሸ ቤተለ ጋካናዉ ብስ። ቤተለፐነ ጋየፐ ግዶን እ ኮይሮ ዱንካንያ ቶክዳ በሳነ 
\v 4 ጎዳስ ካሰ ያርሾ ያርሽዳ በሳ ጋክድ፥ ያን አብራመይ ጎዳ ሱን ፄግስ።
\p
\v 5 አብራመራ ዎላ ሄመትያ ሎፀስካ ዳሮ ዶርሳት፥ ዴሻት፥ መሄት፥ ሶ አሳትነ አይለት ደኦሶና። 
\v 6 ሄ ዎደ አብራመስነ ሎፀስ ዳሮ መሄይ ደእያ ግሾ ኤንቲ ባንታ መሄታ ሄምያ በሳይ ፁምስ። 
\v 7 ሄሳ ግሾ፥ አብራመ መሄታ ሄመይሳታ ግዶንነ ሎፀ መሄታ ሄመይሳታ ግዶን ካች ከይስ። ሄ ዎደ ካናነ አሳትነ ፓርዘ አሳት ሄ ቢታን ደኦሶና።
\p
\v 8 ሄሳ ግሾ፥ አብራመይ ሎፀኮ፥ “ኑኒ እሻንታ ግድያ ግሾ ኑ ግዶን ዎይኮ ኑ መሄታ ሄመይሳታ ግዶን ካች ዳናዉ በሰና። 
\v 9 ቢታይ ዳልጋ ግድያ ግሾ ኑ ዎልፐ ሻከታና። ነ ሀድርሳ ባጋ ቢኮ ታኒ ኡሻቻ ባጋ ባና፤ ኔኒ ኡሻቻ ባጋ ቢኮ ታኒ ሀድርሳ ባጋ ባና” ያግስ። 
\v 10 ሎፀይ ቢታ ዩይ አድ ፄልያ ዎደ ዮርዳኖሰ ዛንጋራይ፥ ጎዳ ጋናትያዳ ዎይኮ ዞኣረ ባጋራ ደእያ ግብፀ ቢታ መላ ሃ ኩምዳይሳ በእስ። ሄስካ፥ ሀንዳይ ጎዳይ ሶዶመነ ጋሞራ ጌተትያ ካታማታ ይሳናፐ ስን። 
\v 11 ሄሳ ግሾ፥ ሎፀይ ዮርዳኖሰ ዛንጋራ ኡባ ባዉ ዶርድ ዶሎሀ ባጋ ብስ። ሄሳዳ ሀንድ እሶይ እሱዋፈ ሻከትዶሶና። 
\v 12 አብራመይ ካናነ ቢታን ደእስ። ሽን ሎፀይ ዛንጋራን ደእያ ካታማታ ግዱዋን ሶዶመ ማታን ባ ዱንካንያ ቶክስ። 
\v 13 ሄ ዎደ ሶዶመ አሳይ ዳሮ ኢታነ ጎዳ ስንን ናጋራንቾታ። 
\v 14 ሎፀይ አብራመፐ ሻከትዳፐ ጉየ፥ ጎዳይ አብራመኮ፥ “ነ ደእያ በሳፈ ፑደ ቁ ጋዳ ፑደሀ ባጋነ ዱገሀ ባጋ፥ ዶሎሀ ባጋነ ዉሎሀ ባጋ የዳ ፄላ። 
\v 15 ሄ ኔኒ በእያ ቢታ ኡባ ታኒ መርናዉ ነዉነ ነ ሼሻስ እማና። 
\v 16 ታኒ ነ ሼሻ ቢታ ባናዳ ዳርሳና። ኦንካ ቢታ ባና ታይባናዉ ዳንዳኦናይሳዳ ነ ሼሻይካ ታይበተና። 
\v 17 ታኒ ሀ ቢታ ነዉ እማና ግሾ ደንዳዳ ቢታ አዱሳተንነ ዳልጋተን ስመረታ።” 
\v 18 ሄሳ ግሾ፥ አብራመይ ባ ዱንካንያ ሾድድ ከብሮናን ደእያ ማምረ ግታ ምታ ማታን ደአናዉ ብስ። ያን ጎዳስ ያርሾ በሲ ጊግስስ።
\c 14
\s1 አብራመይ ሎፀ ዎስሰ
\p
\v 1 ሳናኦራ ካዎይ አምራፌል፥ ኤልሳረ ካዎይ አርዮክ፥ ኤላማ ካዎይ ኮሎዶጎሞርነ ጎይማ ካዎይ ትዳለይ ኦይዱ ካዎተት ዎላ፥ 
\v 2 እቻሹ ካዎተታራ፥ ሶዶመ ካዋ በራራ፥ ጋሞራ ካዋ በርሳራ፥ አዳማ ካዋ ሰንአበራ፥ ፅቦይማ ካዋ ሳምባራነ ዞኣራ ጌተትያ ቤላ ካዉዋራ ኦለታናዉ ደንድዶሶና። 
\v 3 ሀ እቻሹ ካዎተት እስፈ ሺቅድ ማፅነ አባ ጌተትያ ስድማ ዛንጋራን ባንታ ቶራ ሺሽዶሶና። 
\v 4 ሀ ካዎተት ታማነ ናምኡ ላይ ኮሎዶጎሞራስ ሃረትዶሶና ሽን ታማነ ሄን ላይን እያዉ ኪተቶና እፅዶሶና። 
\v 5 ታማነ ኦይዳን ላይን ኮሎዶጎሞርነ እያራ ቶቢዳ ካዎተት ባንታ ኦላንቾታ ኤክ ብድ ራፋይመታ አስታሮተን ደእያ ቃርናይማን፥ ዙዛይተታ ሃማን፥ ኤምመታ ሳወን ደእያ ቅራታይማን፤ 
\v 6 ቃስ ሆራ ቢታ አሳታካ ደረይ ዳርያ ሳይረ ቢታን ኦል ፆንድ፥ መላ ቢታ ማታን ደእያ ኤልፋራና ጌተትያ በሳ ጋካናዉ ጎድዶሶና። 
\v 7 ያፐ ስሚድ፥ ቃደሳ ጌተትያ አይን ምስፓታ ይዶሶና። አማለቃታ ቢታ ኡባነ ሀዛዞን ታማረን ደእያ አሞረታ ቢታ ኦል ፆንድ ኦይክዶሶና።
\p
\v 8 ሄሳፈ ጉየ፥ ሶዶመ ካዎይ፥ ጋሞራ ካዎይ፥ አዳማ ካዎይ፥ ዘቦይማ ካዎይ፥ ዞኣረ ጌተትያ ቤላ ካዎይ ደንድድ ስድማ ዛንጋራን ኦላስ ጊግዶሶና። 
\v 9 ሀ እቻሹ ካዎተት፥ ኤላማ ካዋራ፥ ጎይማ ካዋራ፥ ሳናኦራ ካዋራነ ኤልሳረ ካዋራ ሀ ኦይዱ ካዎተታራ ኦለትዶሶና። 
\v 10 ሄ ዎደ ስድማ ዛንጋራን ማደዳ ኦይክያባት ደእያ ኦላት ደኦሶና። ሶዶመ ካዎይነ ጋሞራ ካዎት ኦላፐ አታናዉ ባቃትሸ ሄ ኦላን ዉልዶሶና። ሽን ሀንኮ ሄ ካዎተት ዙማኮ ባቃትድ አትዶሶና። 
\v 11 ኦይዱ ካዎተት ሶዶመንነ ጋሞራን ደእያባ ኡባ ሀር አቶሽን፥ ኤንታ ካካ ቦንቅድ ኤፍዶሶና። 
\v 12 አብራመ እሻ ናአይ ሎፀይ ሶዶመን ደእያ አስ ግድያ ግሾ እካ ባዉ ደእያባ ኡባራ ድኤትስ።
\p
\v 13 ሄሳፈ ጉየ፥ ድኤት ብዳ አሳፐ ከስ ኤክዳ እስ አስ ይድ ሀንዳባ ኡባ እብራወ አድያ አብራሃመስ ኦድስ። ሄ ዎደ አብራመይ አሞረ አድያ ማምረ ግታ ምታ ማታን ደኤስ። ማምረይነ እያ እሻት አስኮልነ አኔር ኦላ ዛራናዉ አብራመራ ጫቅድ ኡትዶሶና። 
\v 14 አብራመይ ባ እሻ ናአይ ድኤትዳይሳ ስእዳ ዎደ ባ ሶን የለት ድጭድ ሎህዳ 318 ቶራንቾታ ኤክድ ኤንታ ገዶ ካልድ ዳነ ካታማ ጋካናዉ ብስ። 
\v 15 እ ባራ ኤክ ብዳ ቶራንቾታ ቃማ ጩጋን ጩጋን ሻክድ ሞርከታ ኦልድ ፆንስ። ዳማስቆፈ ፑደሀ ባጋራ ደእያ ሆበ ጌተትያ በሲ ጋካናዉ ጎድስ። 
\v 16 ያትድ ደኤትዳባ ኡባ፥ ባ እሻ ናአ ሎፀነ እያዉ ደእያባ ኡባ፥ ማጫሳነ ሀራ አሳታ ዎስስ ኤክስ።
\s1 ማልከፃደቃነ አብራመ
\p
\v 17 አብራመይ ኮሎዶጎሞርነ እያራ ቶቢዳ ካዎታ ፆንድ ስምያ ዎደ ሶዶመ ካዎይ፥ ካዎታ ዛንጋራ ጌተትያ ሳወ ዛንጋራን እያ ሞካናዉ ከይስ።
\p
\v 18 ኡባፈ ቃ ፆሳ ካህነይ፥ ሳሌማ ካዎይ ማልከፃደቅ ኡይነ ዎይነ ኤክድ ይስ። 
\v 19 እ ሀይሳዳ አብራመ አንጅስ፤
\q1 “ሳሎነ ሳአ መዳ፥
\q2 ኡባፈ ቃ ፆሳይ ነና አንጆ።
\q1
\v 20 ነ ሞርከታ ነ ኩሸን አድ እምዳ፥
\q2 ኡባፈ ቃ ፆሳይ ጋላተቶ” ያግድ አንጅስ።
\m አብራመይ ባ ደምዳባ ኡባፈ አስራታ ከስድ ማልከፃደቃስ እሚስ።
\p
\v 21 ሶዶመ ካዎይ አብራመኮ፥ “ሻሉዋ ነ ኤካዳ፥ አሳ ታዉ እማ” ያግስ።
\p
\v 22 ሽን አብራመይ ሶዶመ ካዋኮ፥ “ታኒ ጎዳስ፥ ሳሉዋነ ሳአ መዳ ኡባፈ ቃ ፆሳስ ታ ኩሽያ ደንስ። 
\v 23 ኔኒ፥ ‘አብራመ ዱረ ኦዳይ ታና ጎናዳ’ ሀር አቶሽን ክረ ዎይኮ ጫማ ዎዶሮካ ኤክከ። 
\v 24 ታ አሳት ምዳይሳፈ አትሽን ታ አይብባካ ኤክከ። ቃስ ታራ ብዳ አኔር፥ አስኮልነ ማምረይ ባንታና ጋክያባ ኤኮ” ያግስ።
\c 15
\s1 ፆሳይ አብራመራ ጫቅዳ ጫቁዋ
\p
\v 1 ሄሳፈ ጉየ፥ ጎዳይ አብራመስ አሙሆን ቆንጭድ፥
\q1 “አብራመ ባቦፋ፥ ታኒ ነዉ ጎንዳለ፥
\q2 ነ ዎይቶይ ግታ” ያግስ።
\p
\v 2 ሽን አብራመይ፥ “አቤት ኡባ ሃርያ ጎዳዉ፥ ኔኒ እምያ ዎይቶይ ታዉ አይሴ? ታዉ የሎይ ባዋ፤ ቡሮ ታና ላታናይ ዳማስቆ ኤልአዛራ ግደኔ? 
\v 3 አብራመይ፥ ኔኒ ታዉ የሎ እማቦና ግሾ ታ ኬን ደእያ ታ አይለይ ታና ላታና” ያግስ።
\p
\v 4 ጎዳይ እያኮ፥ “ሀ አይለይ ነና ላተና፥ ሽን ነ ጉልባታፐ ከያና ነ ናአይ ነና ላታና” ያግስ። 
\v 5 ያግ ስሚድ እያ ካረ ከስድ፥ “ፑደ ሳሎ ፄላ፥ ኔኒ ፆልንቶታ ፓይዳናዉ ዳንዳእኮ ፓይዳ፥ ህዛ ነ ሼሻይካ ሄሳዳ ግዳና” ያግስ።
\p
\v 6 አብራመይ ጎዳ አማንስ፤ ጎዳይ እያዉ ሄሳ ፅሎተ ኦድ ኤክስ።
\p
\v 7 ቃስካ ጎዳይ እያኮ፥ “ኔኒ ሀ ቢታ ላታና መላ ካልዳወታ ቢታፈ ኡረ ካታማፐ ነና ከስዳ ጎዳይ ታና” ያግስ።
\p
\v 8 ሽን አብራመይ እያኮ፥ “አቤት ኡባ ሃርያ ጎዳዉ ሀ ቢታ ታ ላታናይሳ አይብን ኤሮ?” ያግስ።
\p
\v 9 ጎዳይ እያኮ፥ “ሄ ላይ ግድዳ እስ ኡስ፥ እስ ዴሽ፥ እስ ዶርሰነ ሄሳዳካ ሆለነ ጎርለ ታዉ ኤካዳ ያ” ያግስ። 
\v 10 አብራመይ ሄሳታ ኡባ ፆሳስ ኤህድ ካፎት አትሽን፥ ሀራታ ቃንፅድ ናምኡ ከስ ሻክድ እሱዋ እሱዋ ግናን ዎስ። 
\v 11 አንኮት ሄ አሹዋ ማናዉ ቦላፈ ዎዶሶና፤ ሽን አብራመይ ኤንታ ጎድስ።
\p
\v 12 አው ዉላና ሀንያ ዎደ አብራመ ዎልቃማ ስኮይ ሾጭ የግስ። ዳጋንያ ዎልቃማ ም እያ ቦላ ዎስ። 
\v 13 ጎዳይ አብራመኮ፥ “ነ ሼሻይ አላጋ ቢታን በተ አስ ግድድ ዳናይሳ ሎይዳ ኤራ፤ ኤንቲ አይለተን ኦይዱ ፄቱ ላይ ናቀት ሃረታና። 
\v 14 ሽን ኤንታና አይለተን ሃርያ ደርያ ታ ፕርዳና፤ ኤንቲ ሄ ቢታፈ ከይሸ ዳሮ ሻሎ ኤክድ ከያና። 
\v 15 ነና ግድኮ፥ ኔኒ ነ ማይዛታኮ ሳሮተን ባና። ኔኒ ዳሮ ጭማዳ ሞገታና። 
\v 16 ነ ሼሻይ ቡሮ ኦይዳን የለተን ሀ ቢታ ስማና። አይስ ጊኮ፥ አሞረታ ናጋራይ ፕርደታና ልክያ ቡሮ ጋክቤና” ያግስ።
\p
\v 17 አው ዉልን ሳእ ማ ልንፅ ግን፥ ጮጨ ታማ ጩይነ ታማ ላጮይ በንትድ ሻከትዳ አሹዋ ግዶራ አስ። 
\v 18 ሄ ጋላስ ጎዳይ አብራመስ፥ “ግብፀ ሻፋፐ ዶምድ ኤፍራፂሳ ሻፋ ጋካናዉ ደእያ ቢታ ኡባ ታኒ ነ ሼሻስ እማና። 
\v 19 ሄ ቢታይ ቄናታ ቢታ፥ ቀነዛታ ቢታ፥ ቃድሞነታ ቢታ፥ 
\v 20 ህተታ ቢታ፥ ፓርዘታ ቢታ፥ ራፋይመታ ቢታ፥ 
\v 21 አሞረታ ቢታ፥ ካናነታ ቢታ፥ ገርገሰታ ቢታነ ያቡሰታ ቢታ” ያግድ ጫቅስ።
\c 16
\s1 አጋሮነ እስማኤላ
\p
\v 1 አብራመ ማችያ ሶራ እያዉ ናአ የላቡኩ። ሽን እዉ ግብፀፈ ይዳ አጋሮ ጌተትያ ጋንዶይ ደአዉሱ። 
\v 2 ሶራ አብራመኮ፥ “ታኒ ናአ የሎና መላ ጎዳይ ታና የሎ ድግስ። ኔኒ ባዳ ታ አይለራ አቃ፤ ታኒ እ ባጋራ ናአ ደማነኮነ ኦን ኤር” ያጋሱ። አብራመይ እ ቆፋ ኤክስ። 
\v 3 አብራመይ ካናነ ቢታን ታሙ ላይ ደእዳፐ ጉየ፥ እያ ማችያ ሶራ ግብፀፈ ይዳ ባ አይልዉ አጋሮ ባ አዝናስ ማቾ ኦዳ እማሱ። 
\v 4 አብራመይ አጋሮ ኤክስ፥ እያካ ቃንታሱ። እያ ባዉ ቃንትዳይሳ ኤርዳ ዎደ ባ ጎዳትዉ ካሱ።
\p
\v 5 ሶራ አብራመኮ፥ “ሀ ቆሁዋስ ታና ጋዳይ ነና፤ ታኒ ታ አይልዉ ነዉ እምን፥ እያ ቃንትድይሳ በአዳ ታና ካዉሱ። ነባነ ታባ ጎዳይ ፕርዶ” ያጋሱ።
\p
\v 6 አብራመይ ሶራኮ፥ “ሀኖ በአ ነ አይልዉ እያ ነ ኩሸና፤ ነና ሎእዳባ ኦ” ያግስ። ሄሳፈ ጉየ፥ ሶራ አጋሮ ኡንኤን ያፐ ከያዳ ባቃታሱ።
\p
\v 7 ጎዳ ኪታንቾይ አጋሮ መላ ቢታን፥ ፑልቶ ሃ ማታን ደምስ፤ ሄ ፑልቶይ ሹራ ቢታ ኤፍያ ኦግያ ማታን ደኤስ። 
\v 8 ኪታንቾይ አጋሮ፥ “ሶራ አይለተ፥ አጋረ፥ አዉፐ ያዲ? አዉ ባይ?” ያግድ ኦይችስ።
\p አጋራ ዛራዳ፥ “ታኒ ታ ጎዳተ ሶራፐ ባቃታስ” ያጋሱ።
\p
\v 9 ጎዳ ኪታንቾይ ኢኮ፥ “ነ ጎዳተኮ ስማ ባዳ እዉ ሃረታ” ያግድ ኦድስ። 
\v 10 ጉጅድካ ጎዳ ኪታንቾይ ኢኮ፥ “ነ የለተ ኦንካ ታይባናዉ ዳንዳኦናዳ ኦዳ ዳርሳና” ያግስ። 
\v 11 ቃስካ ጎዳ ኪታንቾይ እዮ፥
\b
\q1 “ሄኮ ኔኒ ቃንታዳሳ፥
\q2 ኔኒ አደ ናአ የላና።
\q1 ፆሳይ ነ ዋሱዋ ስእዳ ግሾ
\q2 እያ ኔኒ እስማኤላ\f + \fr 16:11 \fr*\fq እስማኤላ፦ \fq*\ft እብራወ ዶናን “ፆሳይ ስኤስ” ጉሱ።\ft*\f* ጋዳ ሱንና
\q1
\v 12 እ ባዞ ሀረ መላ ግዳና፥
\q2 እ ባ ቀስያ አሳ ኡባ ቦላ ደንና፥
\q2 ቃስ አሳ ኡባይካ ባንታ ቀስያ እያ ቦላ ደንና።
\q1 እ ባ እሻታ ኡባራ እፆን ደአና”
\m ያግስ።
\p
\v 13 አጋራ ባራ ኦደትዳ ጎዳ፥ “ኔኒ ታና በእያ ፆሳ” ያጋዳ ፄጋሱ። “ታኒ ታና በኤይሳ በአስ” ያጋሱ። 
\v 14 ሄሳፈ ደንዶይሳን ሄ ፑልቶ ሃይ፥ “ታና በእያ ደኦ ፆሳ ፑልቱዋ” ጌተትድ ፄገትስ። ሄ ሃ ፑልቶይ ቃደሳፐነ ባሬዳፐ ግዶን ደኤስ። 
\v 15 አጋራ አብራመስ አደ ናአ የላሱ፤ አብራመይ የለትዳ ናአ እስማኤላ ግድ ሱንስ። 
\v 16 አጋራ አብራመስ እስማኤላ የልያ ዎደ አብራመስ ላይ ሆስፑን ታማነ ኡሱፑና።
\c 17
\s1 ቃፃሮይ ቃላ ጫቁዋስ ማላ
\p
\v 1 አብራመስ ላይ ኡዱፉን ታማነ ኡዱፉና ግድያ ዎደ፥ ጎዳይ እያዉ ቆንጭድ፥ “ታኒ ኡባ ዳንዳእያ ፆሳ፥ ታዉ ኪተታ፥ ታ ስንን ፖሎ ግዳ። 
\v 2 ታ ግዶንነ ነ ግዶን ደእያ ጫቁዋ ታ ምንና፤ ታኒ ነ ዘረ ታይባናዉ ዳንዳኤቶናዳ ኦና” ያግስ። 
\v 3 አብራመይ ባ ሶምኡዋራ ሳአን ዱገ ጉፋንን ፆሳይ እያኮ፥ 
\v 4 “ሄኮ ታ ነዉ ጫቅያ ጫቆይ ሀይሳ፤ ነ ዳሮ ካዎተታስ አዋ ግዳና። 
\v 5 ታ ነና ዳሮ ካዎተታስ አዋ ኦና ግሾ ህዛፐ ነ ሱንይ አብራመ\f + \fr 17:5 \fr*\fq አብራመ፦ \fq*\ft እብራወ ዶናን አብራመ ጉሳይ ቦንቸትዳ አዋ ጉሱ።\ft*\f* ግድ ፄገተና፥ ሽን ነ ሱንይ አብራሃመ\f + \fr 17:5 \fr*\fq አብራሃመ፦ \fq*\ft እብራወ ዶናን አብራሃመ ጉሳይ ዳሮ ደርያስ ዎይኮ ካዎተታስ አዋ ጉሱ።\ft*\f* ግድ ፄገታና። 
\v 6 ታኒ ነ የለተ ዳርሳና፥ ታ ነና ዳሮ ደረ ከሳና፥ ካዎት ኔፐ ከያና። 
\v 7 ታኒ ነዉነ ኔፐ ጉየን ነ ሼሻስ ፆሰ ግዳና መላ መርና ጫቁዋ ታ ግዶንነ ነ ግዶን፥ ኔፐ ጉየራ ያ ነ ሼሻ ግዱዋን፥ የለተፈ የለተ ጋካናስ ታ ጫቃስ። 
\v 8 ኔኒ ሀእ በተ ግዳዳ ደእያ ካናነ ቢታ ኡባ ነዉነ ኔፐ ጉየራ ያ ነ ሼሻስ መርና ላታ ግዳና መላ ነዉ እማና፤ ቃስ ታኒ ኤንታ ፆሳ ግዳና” ያግስ።
\p
\v 9 ቃስካ ፆሳይ አብራሃመ፥ “ነና ግድኮ ታ ጫቁዋ ናጋ፤ ነካ ኔፐ ጉየራ ያ ነ ሼሻት፥ የለተፈ የለተ ጋካናዉ ናግተ። 
\v 10 ታ ግዱዋንነ ነ ግዱዋን፥ ኔፐ ጉየራ ያ ነ ሼሻ ግዶን ህንተ ናጋና ጫቆይ ሀይሳ፤ ህንተ ግዱዋን ደእያ አደ ኡባይ ቃፃረቶ። 
\v 11 ህንተ አደተ ኮሁዋ ዶካልተ፤ ሄስ ታ ግዶንነ ህንተ ግዶን ደእያ ጫቁዋስ ማላ ግዳና። 
\v 12 ህዛፐ ያና የለተን አደ ናይት ኡባይ የለትዳ ሆስፑን ጋላሳን ቃፃረቶ። ነ ሶን የለትዳይሳታ ግድን፥ ዎይኮ አላጋፐ ሚሸን ሻመትዳ አይለታ ግድን፥ ነ ዘረፈ ግዶናይሳታ ዶካላ። 
\v 13 ነ ሶን የለትዳይሳታ ግድን ዎይኮ ሚሸን ሻመትዳይሳት ቃፃረታናዉ በሴስ። ሀይሳን ህንተ አሹዋን ደእያ ታ ጫቆይ መርና ጫቆ ግዳና። 
\v 14 ኦንካ ቃፃረቶና ደእያ አደ አስ ኡባይ ታ ጫቁዋ መንዳ ግሾ ባ አሳፐ ዱፆ” ያግስ።
\p
\v 15 ፆሳይ አብራሃመኮ፥ “ህዛፐ ነ ማቸ ሱንይ ሶራ ግድ ፄገቶፎ፤ ሀችፈ ዶምድ እ ሱንይ ሳራ ጌተቶ። 
\v 16 ታኒ እዮ አንጃና፤ ታኒ ኢፐ ነዉ አደ ናአ እማና። ታኒ እዮ አንጃና ግሾ እያ ካዎተታስ አዮ ግዳና፤ ደርያ ካዎት ኢፐ ከያና” ያግስ።
\p
\v 17 አብራሃመይ ባ ሶምኡዋራ ሳአን ጉፋንድ፥ “ሀይ አሳዉ፥ ፄቱ ላይ አስ ናአ የላኔ? ኡዱፉን ታሙ ላይ ግድዳ ሳርካ ናአ የላኔ?” ያግድ ባ ዎዛናን ሚጭስ። 
\v 18 አብራሃመይ ፆሳኮ፥ “እስማኤል ታና ላታና መላ ነ እያ አንጃርክ” ያግስ።
\p
\v 19 ሽን ፆሳይ፥ “አካይ፥ ነ ማችያ ሳራ ነዉ አደ ናአ የላና፥ ኔኒ እያ ይሳቃ\f + \fr 17:19 \fr*\fq ይሳቃ፦ \fq*\ft ሀ ሱን ብርሸይ “እ ሚጬስ” ጉሱ\ft*\f* ጋዳ ሱንና። ታኒ እያፐ ጉየራ ያ እያ ዘረስ መርና ጫቆ ግዳና መላ እያራ ታ ጫቁዋ ጫቃና። 
\v 20 እስማኤላባ ነ ታና ኦይችዳ ኦይሻ ስአስ። ታኒ እያካ አንጃና። ታ እያ አይፍሳና፥ እያ የለተ ሎይ ዳርሳና። እ ታማነ ናምኡ ሃረይሳታስ አዋ ግዳና። ታኒ እያ ግታ ካዎተ ከሳና። 
\v 21 ሽን ታ ጫቁዋ ዎንቶ ላይ ሀኖደ ሳራ ነዉ የልያ ናአ ይሳቃራ ጫቃና” ያግስ። 
\v 22 ፆሳይ አብራሃመራ ኦደትድ ኦንግዳፐ ጉየ እያፐ ሻከትድ ፑደ ብስ።
\p
\v 23 ሄ ጋላስ አብራሃመይ ባ ናአ እስማኤላ፥ ባ ሶን የለትዳይሳታነ ባ ሚሸን ሻምዳይሳታ፥ ባ ሶን ደእያ አደ አሳ ኡባ ፆሳይ እያ ኪትዳይሳዳ ቃፃርስ 
\v 24 አብራሃመይ ቃፃረትያ ዎደ እያዉ ላይ ኡዱፉን ታማነ ኡዱፉና። 
\v 25 እያ ናአይ እስማኤል ቃፃረትያ ዎደ ታማነ ሄ ላይ ናአ። 
\v 26 አብራሃመይነ እያ ናአ እስማኤል ናምአትካ ሄ ጋላስ ቃፃረትዶሶና። 
\v 27 አብራሃመ ሶን ደእያ አደ ኡባይ፥ እያ ሶን የለትዳይሳትነ ሚሸን ሻመትዳይሳት ኡባይ እያራ ቃፃረትዶሶና።
\c 18
\s1 ሄ እማታ
\p
\v 1 አብራሃመይ ማምረ ግታ ምታ ጋርሳን ባ ዱንካንያ ፐንገን ሴታ ጋላስ ኡትዳሽን ጎዳይ እያዉ ቆንጭስ። 
\v 2 አብራሃመይ ቁ ግድ ፄልያ ዎደ እያ ማታን ኤቅዳ ሄ አሳታ በእስ። እ ኤንታ በእድ ኤንታራ ጋሄታናዉ ባ ዱንካንያ ፐንገፈ ደንድድ ኤንታኮ ዎፅ ብድ ኤንታ ስንን ዝግስ። 
\v 3 ያን ስሚድ፥ “አቤት ታ ጎዳዉ፥ ታ ነ ስንን ሳባ ደምዳባ ግድኮ ታና ነ አይልያ አጋዳ አፋ። 
\v 4 ጉ ሃ ዪኮ ህንተ ቶሆይ ሜጨትኮ ሀ ም ኩያን ሸምፕ ኤክተ። 
\v 5 ህንተ ታኮ ህንተ አይልያኮ ይዳ ግሾ ፃልድ ህንተ ብያ በሲ ባና መላ ታኒ ህንተዉ ምያባ ኤሀና” ያግስ።
\p ኤንትካ፥ “ዳሮ ሎኦ፥ ነ ግዳይሳዳ ኦ” ያግዶሶና።
\p
\v 6 አብራሃመይ ኤለስድ ሳርኮ ዱንካንያ ግዶ ገልድ፥ “ኤለሳዳ ሄ ጋባተ ሎኦ ለ ኤካ ሙኑቃዳ ኡይ ኡካ” ያግስ። 
\v 7 አብራሃመይ ቃስ ባ መሄታ ግዶ ዎፅ ብድ ሎኦ ቡልዱቡልዳ ማራ ዶርድ ባ እስ አይልያስ እምን እ ኤለስድ ሹክድ ጊግስስ። 
\v 8 ያትድ አብራሃመይ መቃ ማነ ጊግስዳ ማራ አሹዋ እማታ ስን አስ፤ ኤንቲ ምሽን እ ም ጋርሳን ኤንታ ማታን ኤቅስ።
\p
\v 9 ኤንቲ አብራሃመኮ፥ “ነ ማችያ ሳራ አዉኔ?” ያግድ ኦይችዶሶና።
\p እካ፥ “ህን ዱንካንያ ግዶና” ያግስ።
\p
\v 10 ጎዳይ እያኮ፥ “ዎንቶ ላይ ሀኖደ ቱማ ታ ኔኮ ስማና፤ ነ ማችያ ሳራ አደ ናአ የላና” ያግስ።
\p ሳራ ሄ ዎደ እያፐ ጉየ ባጋራ ደእያ ዱንካንያ ፐንገን ኤቃዳ ሄሳ ስአዉሱ። 
\v 11 አብራሃመይነ ሳር ባንታ ላይን ዳሮ ጭምዶሶና። ሳራ ናአ የልያ ዎደፐ አሱ። 
\v 12 ሄሳ ግሾ፥ ሳራ ባ ዎዛናን፥ “ታንነ ታ ጎዳይ ናምአይካ ጭምዳፐ ጉየ ዋንድ ሀ ኡፋይሳይ ሀናኔ?” ያጋዳ ሚጫሱ።
\p
\v 13 ጎዳይ አብራሃመኮ፥ “ ‘ታኒ ጭምዳፐ ጉየ ናአ የላነ’ ጋዳ ሳራ አይስ ሚጫይ? 
\v 14 ጎዳስ ዳንዳኤቶናባይ ቱማ ደእዬ? ታ ነዉ ግዳይሳዳ ዎንቶ ላይ ሀኖደ ታ ስማዳ ያና፤ ሄ ዎደ ሳራ አደ ናአ የላና” ያግስ።
\p
\v 15 ሳራ ያሸትዳ ግሾ፥ “ታኒ ሚጫብከ” ጋዳ ላሀሱ።
\p ሽን እ፥ “ነ ቱማ ሚጫዳሳ” ያግስ።
\s1 አብራሃመይ ሶዶመስ ጋናትስ
\p
\v 16 አሳት ባናዉ ደንድሸ ሶዶመ ዱገ ፄልዶሶና። አብራሃመይ ኤንታና ሞይዛናዉ ኤንታራ ከይስ። 
\v 17 ፆሳይ እያኮ፥ “ታ ኦናዉ ሀንያባ አብራሃመፐ ቆሳነዬ? 
\v 18 አብራሃመይ ቱማ ግታነ ዎልቃማ ካዎተ ግዳና። ሀ ቢታ ካዎተት ኡባይ እያን አንጀታና። 
\v 19 ፅሎተነ ሱረ ፕርዳ ኦድ ጎዳ ኦግያ ናጋና መላ ባ ናይታነ እያፐ ጉየራ ያ ባ ሶ አሳ ዞራና መላ ታኒ እያ ዶራስ። ሄስካ፥ ፆሳይ አብራሃመስ እማና ግዳ ኡፋይሳ ፖላናሳ” ያግስ።
\p
\v 20 ጎዳይ አብራሃመኮ፥ “ሶዶመ ቦላነ ጋሞራ ቦላ ዋስያ ዋሶይ ዳርስ፤ ኤንታ ናጋራይካ ዳሮ ዴፅስ። 
\v 21 ሄሳ ግሾ፥ ኤንታ ኦሶይ ኤንታ ዋሱዋ መለኮ በአናዉ ታኒ ዱገ ዎና፤ ቃስ ሄሳ መላ ኢታ ግዶናኮ ሻካ ኤራና” ያግስ።
\p
\v 22 ሄሳፈ ጉየ፥ ናምኡ አሳት ሶዶመኮ ስሚድ ብዶሶና፥ ሽን አብራሃመይ ጎዳ ስንን ኤቅዳሱዋን ደኤስ። 
\v 23 አብራሃመይ ጎዳኮ ሺቅድ፥ “ቱማ ኔኒ ፅሎታ ኢታታራ እስፈ ይሳኔ? 
\v 24 ሄ ካታመን እሻታሙ ፅሎ አሳት ደእኮ ነ ይሳኔ? ያን ደእያ እሻታሙ ፅሎ አሳታ ግሾ ሄ ካታማ አሽኪ? 
\v 25 ሄሳ መላ ኦሶይ ኔፐ ሃኮ፤ ፅሉዋ ኢታራ ዎል ጋዳ ዎይስ፥ ፅሉዋነ ኢታ እስ አይፍያን ፄለይስ ኔፐ ሃኮ። ሀ ቢታ ኡባ ፕርድያ ኔኒ ፅሎ ፕርድኪ?” ያግስ።
\p
\v 26 ጎዳይ፥ “ታ ሶዶመን እሻታሙ ፅሎታ ደምያኮ ሄ በሳ ኡባ ኤንታ ግሾ ጋዳ አሻና” ያግስ።
\p
\v 27 አብራሃመይ ዛሪድ፥ “ታኒ ቢታነ ብዶ ግዳዳ ታ ጎዳራ ኦደታናዉ ምነታክቻስ፤ 
\v 28 እሻታሙ ፅሎታፐ እቻሻት ፓጭኮቺ? ኔኒ ሄ እቻሻታ ግሾ ጋዳ ሄ ካታማ ኡባ ይሳነዬ?” ያግስ።
\p ጎዳይ፥ “ታኒ ኦይታማነ እቻሹ ፅሎታ ደምኮ ሄ ካታማ ይስከ” ያግስ።
\p
\v 29 አብራሃመይ ዛሪድ፥ “ያን ኦይታሙ ፃላል ደእኮቺ?” ያግስ።
\p እካ፥ “ኦይታማታ ግሾ ጋዳ ሄ ካታማ ይስከ” ያግስ።
\p
\v 30 ቃስካ አብራሃመይ ዛሪድ፥ “ሀይ ታ ጎዳዉ፥ ታና ሀንቀቶፋ፥ ታኒ ጉጃዳካ ኦደታና። ሀስታሙ ፃላል ደእኮቺ?” ያግስ።
\p ጎዳይ ዛሪድ፥ “ታኒ ያን ሀስታሙ ደምኮ ይስከ” ያግስ።
\p
\v 31 አብራሃመይ፥ “ታኒ ጎዳራ ኦደታናዉ ምነታክቻስ፤ ኦን ኤር ያን ላታሙ ፃላል ደእኮች” ያግስ።
\p ጎዳይካ፥ “ሄ ላታማታ ግሾ ጋዳ ይስከ” ያግስ።
\p
\v 32 አብራሃመይ ቃስካ፥ “ሀይ ታ ጎዳዉ፥ ታና ሀንቀቶፋ ታ እስ ቶሆ ኦደታና፥ ያን ታሙ ፃላላ ደምኮቺ?” ያግስ።
\p እካ፥ “ታማታ ግሾ ጋዳ ታኒ ሄ ካታማ ይስከ” ያግስ።
\p
\v 33 ጎዳይ አብራሃመራ ኦደትድ ኦንግዳፐ ጉየ ብስ፤ አብራሃመይካ ባ ሶ ስምስ።
\c 19
\s1 ሶዶመነ ጋሞራ ዩዋ
\p
\v 1 ናምኡ ኪታንቾት ኦማርስሽን ሶዶመ ካታማ ጋክዶሶና። ሄ ዎደ ሎፀይ ሄ ካታማ ፐንገን ኡትስ። ሎፀይ ኤንታ በእድ ሞካናዉ ደንድድ ኤንታኮ ብስ። ባ ሶምኡዋ ሳአ ጋድ ኤንታዉ ዝግስ። 
\v 2 እ ኤንታኮ፥ “ታ ጎዳቶ፥ ህንተ አይልያ ሶ ገለርከት፥ ህንተ ቶሁዋ ሜጨትድ ቃማ ሀይሳን አቅተ፤ ዎንታ ጉራ ህንተ ብያ በሲ ቢተ” ያግስ።
\p ኤንቲ፥ “አካይ፥ ኑኒ ሀ ካታማ ዳባባን አቃና” ያግድ ዛርዶሶና።
\p
\v 3 ሽን እ ኤንታ ምን ዎስዳ ግሾ ብድ እያ ሶ ገልዶሶና። እ ኤንታዉ ኡይ ኡክድ አን ምዶሶና። 
\v 4 ኤንቲ ዝንአና ሀንሽን ሶዶመ ካታማ አደ አሳ ኡባይ ናአተነ ዶን እሶይካ አቶና ይድ ኬ ዩይ አዶሶና። 
\v 5 ኤንቲ ሎፀ ፄግድ፥ “ሀች ኦማርስ ነ ሶ ገልዳ አደ አሳት አዉን ደኦና? ኑኒ ኤንታራ ጋሄታና መላ ኤንታ ኑኮ ካረ ከሳ” ያግዶሶና። 
\v 6 ያትን ሎፀይ ኤንታራ ኦደታናዉ ካረ ከይሸ ፐንግያ ጉየራ ጎርድድ፥ 
\v 7 ኤንታኮ፥ “ታ ዳቦቶ፥ ሀያና ሀ ኢታ ኦሱዋ ኦፍተ። 
\v 8 ታዉ አደ ኤሮና ናምኡ ጌላኦት ደኦሶና። ታኒ ኤንታ ህንተዉ ካረ ከስኮ ህንተ ኮይዳባ ኦተ። ሽን ሀይሳቲ ታ እማ ግድያ ግሾ ታ ካራፐ ጋርሳን ደኦሶና፤ ሀ አሳታ ቦላ አይብባካ ኦፍተ” ያግስ።
\p
\v 9 አሳት፥ “ኑ ስንፈ ገደ ክቻ” ያግዶሶና። ቃስ፥ “ሀ አደይ ባዉ በተ አስ ሽን፥ ኑ ቦላ ፕርዳናዉ ኮዬስ? ኑኒ ኤንታ ቦላ ኦናዉ ኮይዳ ኢታፐ አድ ነ ቦላ ኦና” ያግዶሶና። ኤንቲ ሎፀ ጉየ ሱግ የግድ ፐንግያ መንናዉ ሺቅዶሶና። 
\v 10 ሽን ናምኡ አሳት ባንታ ኩሽያ ካረ የድድ ሎፀ ሶ ጎች ገልስድ ፐንግያ ጎርድዶሶና። 
\v 11 ሄሳፈ ጉየ፥ ኤንቲ ኬ ፐንገይ ደእያሱዋ ደሞና መላ ጉፈ ግታ ጋካናዉ ቆቅስዶሶና።
\p
\v 12 ሄ ናምኡ አሳት ሎፀኮ፥ “ነዉ ሀይሳን አደ ናእ ዎይኮ ማጫ ናእ፥ ነ ማጫ ናይታ ኦይችዳይ ዎይኮ ሀራ ዳቦይ ሀ ካታማን ደኢ? ደእኮ ኤንታና ሀይሳፈ ከሳ። 
\v 13 አይስ ጊኮ፥ ኑ ሀ ካታማ ይሳናዉ ሀኖስ። ኤንታ ቦላ ዋስያ ዋሶይ ጎዳ ስንን ግታ ግድያ ግሾ ሀ ካታማ ይሳና መላ ጎዳይ ኑና ኪትስ” ያግዶሶና።
\p
\v 14 ያትን ሎፀይ ባ ማጫ ናይታ ኦይችዳይሳታኮ ብድ፥ “ጎዳይ፥ ሀ ካታማ ይሳና ሀንያ ግሾ ኤለስድ ሀ በሳፈ ከይተ” ያግስ። ሽን እያ ማጫ ናይታ ኦይችዳይሳት እ ቀልቅሴስ ግድ ቆፕዶሶና።
\p
\v 15 ሳእ ዎንታናዉ ጎንተይ ዞእያ ዎደ ሄ ኪታንቾት ሎፀኮ፥ “ደንዳ፥ ነ ማችዉነ ሀይሳን ደእያ ነ ናምኡ ናይታ ኤካዳ ኤለሳዳ ከያ። አካይ ጊኮ፥ ሀ ካታማይ ፕርደትያ ዎደ ነካ ያሳ” ያግ ድርግስዶሶና። 
\v 16 ሽን ሎፀይ ከያናዉ ጋምእን፥ ጎዳይ እያዉ ቃትዳ ግሾ፥ ሄ ኪታንቾት እያ ኩሽያ፥ እያ ማቸ ኩሽያነ ናምኡ ናይታ ኩሽያ ኦይክድ ሄ ካታማፐ ከስዶሶና። 
\v 17 ኪታንቾት ኤንታ ከስዳ መላ ሄ ኪታንቾታፐ እሶይ፥ “ህንተ ሸምፑዋ ኤክድ ባቃትተ! ጉየ ፄሎፍተ! ሀ ሄራን አዉንካ ኤቆፍተ! ህንተ ዮና መላ ዙማኮ ባቃትተ” ያግስ።
\p
\v 18 ሽን ሎፀይ ኤንታኮ፥ “ሀይ ታ ጎዳቶ፥ ያጎፕተ። 
\v 19 ታኒ ህንተ አይለይ ህንተ ስንን ሳባ ደምዳ ግሾ ታና አሻናዉ ታዉ ዳሮ ቃትደታ። ሽን ታኒ ዙማኮ ባቃታናዉ ዳንዳእከ፤ ሀ ዮይ ጋክድ ታና ይሳና። 
\v 20 ሄኮ፥ ሀይሳን እስ ካታም ደኤስ፤ ያ ዎፅድ ባናዉ ማታነ ጉ ካታማ። ታ ሸምፑዋ አሻናዉ ታ ያ ባቃቶ? እ ዳሮ ጉ ካታማ ግደኔ?” ያግስ።
\p
\v 21 ኪታንቾይ፥ “ሎኦ! ታኒ ነ ዎሳ ኤካስ፤ ሄ ነ ኦድዳ ካታማ ይስከ። 
\v 22 ሄ ካታማኮ ኤለሳዳ ባቃታ፤ ነ ያ ጋካናዉ ታ አይብባካ ኦከ” ያግስ። ሄሳ ግሾ፥ ሄ ካታማ ሱንይ ዞኣረ\f + \fr 19:22 \fr*\fq ዞኣረ፦ \fq*\ft ጉሳይ “ጉ” ጉሱ።\ft*\f* ጌተትስ።
\p
\v 23 ሎፀይ ዞኣረ ጋክያ ዎደ ቡሮ ፃልቀይ ጫረስ። 
\v 24 ጎዳይ ሄ ዎደ ሳሎፐ ታማነ ፁግያ ዲነ ሶዶመ ቦላነ ጋሞራ ቦላ ቡክስስ። 
\v 25 ሄሳዳ ኦድ ጎዳይ ሄ ካታማታ፥ ሄራ ኡባ፥ ካታማታን ደእያባ ኡባ ሄ ቢታን ደእያ ምነ ማታ ይስስ። 
\v 26 ሽን ሎፀ ማችያ ጉየ ስማ ፄላዳ ማፅነ ሹቹ ግዳሱ።
\p
\v 27 ዎንተ ጋላስ ዎንታ ጉራ አብራሃመይ ደንድድ ካሰ እ ጎዳ ስንን ኤቅዳ በሳ ብስ። 
\v 28 እ ሶዶመነ ጋሞራ፥ ሄ ሄራን ደእያ ቢታ ኡባ ዱገ ፄልያ ዎደ ፁሳ ታማዳ ጩያይ ቢታፈ ደንደይሳ በእስ።
\p
\v 29 ፆሳይ ሄ ሄራን ደእያ ካታማታ ይስያ ዎደ አብራሃመ ቆፕድ፥ ሎፀይ ደእያ ካታማታ ይስድ፥ ሎፀ ዮፐ አሽስ።
\s1 ሎፀነ እያ ማጫ ናይታ
\p
\v 30 ሎፀይ ዞኣረን ዳናዉ ያሸትዳ ግሾ፥ ያፐ ደንድድ ባ ማጫ ናይታ ናምአታራ ዙማ ቦላ ከይስ። ያን ጎንጎሎ ግዶን ባ ናምኡ ማጫ ናይታራ ደእስ። 
\v 31 እስ ጋላስ ባይራ ናእያ ባ ካሎ ምቸኮ፥ “ኑ አዋይ ጭምስ፥ ቢታ ኡባን ደእያ ዎጋ ኑራ አቃናዉ እስ አደይ ሀይሳን ባዋ። 
\v 32 ያንያ ግሾ፥ ሃያ! ኑ አዋ ኡሹ ኡሽድ፥ እያራ አቅድ፥ ኑ አዋፐ ኑስ ኮቸ አሾስ” ያጋሱ።
\p
\v 33 ሄ ዎደ ቃማ ባንታ አዋ ኡሹ ኡሽዶሶና። ባይራ ናእያ ገላዳ እያራ አቃሱ። እያ እያራ አቅያ ዎደነ ደንድያ ዎደ እ ኤርቤና።
\p
\v 34 ዎንተ ዎደ ባይርያ ካልዉ፥ “ዝነ ቃማ ታኒ ታ አዋራ አቃስ፤ ሀች ቃማካ እያ ኡሹ ኡሽኮ፥ ነካ ገላዳ እያራ አቃ። ያትድ ኑኒ ኑ አዋፐ ኮቸ አሾስ” ያጋሱ። 
\v 35 ሄ ዎደ ቃማ ባንታ አዋ ኡሹ ኡሽዶሶና። ካሎ ናእያ ገላዳ እያራ አቃሱ። ሀእካ እያ እያራ አቅያ ዎደነ ደንድያ ዎደ እ ኤርቤና።
\p
\v 36 ያትድ ሎፀ ማጫ ናይት ናምአይ ባንታ አዋፐ ቃንትዶሶና። 
\v 37 ባይርያ አደ ናአ የላሱ፤ እያ ሱን ሞአበ\f + \fr 19:37 \fr*\fq ሞአበ፦ \fq*\ft እብራወ ዶናን ሀ ሱን ብርሸይ “ታ አዋፐ” ጉሱ።\ft*\f* ጋዳ ሱንሱ። እ ሀች ጋካናዉ ሞአበታ ማይዛ። 
\v 38 ካልያካ አደ ናአ የላሱ፤ እያ ሱን በንኣማ\f + \fr 19:38 \fr*\fq በንኣማ፦ \fq*\ft ሀ ሱንይ “ታ አሳታ ዎይኮ ታ ዳቦታ ናኣ” ጉሱ።\ft*\f* ጋዳ ሱንሱ። እ ሀች ጋካናዉ አሞነታ ማይዛ።
\c 20
\s1 አብራሃመነ አብመለከ
\p
\v 1 አብራሃመይ ማምረፐ ደንድድ ነገበ መላ ቢታ ሄራ ብድ ቃደሳፐነ ሹራ ቢታታስ ግዱዋን ደእስ። ገራራንካ ጉ ዎደ ጋምእስ። 
\v 2 ያን ደእሸ አብራሃመይ ባ ማችዉ ሳሮ፥ “እያ ታ ምችዉ” ያግዳ ግሾ፥ ገራራ ካዎይ አብመለከይ ኪትድ ሳሮ ባኮ ኤፍስ። 
\v 3 ሽን ፆሳይ እስ ቃማ አሙሆን አብመለከኮ ይድ፥ “ኔኒ ኤህዳ ማጫሰ ጋሶን ሀይቃሳ፥ እያ አዝናራ ደአዉሱ” ያግስ።
\p
\v 4 ሀኖሽን፥ አብመለከይ እዮ ቦችቤና። እ፥ “ጎዳዉ፥ ኔኒ ታናነ ታ ደረይ ቆሆና ደእሽን ጮ ይሳነዬ? 
\v 5 እ፥ ‘እያ፥ ታ ምቾ’ ግቤኔ? ቃስ እያካ፥ ‘እ፥ ታ እሻ’ ጋብኬ? ታኒ ታ ዎዛና ፅሎተንነ ታ ኩሸ ጌሻተን ሀይሳ ኦስ” ያግስ።
\p
\v 6 ፆሳይ አሙሆን እያኮ፥ “ኤ፥ ኔኒ ነ ዎዛና ፅሎተን ኦዳይሳ ታ ኤራይስ። ሄሳ ግሾ፥ ኔኒ እዮ ቦቾናዳነ ታ ስንን ናጋራ ኦናዳ ነና ታኒ ተቃስ። 
\v 7 ሀእ ሀ አድያ ማችዉ ዛራ። እ ናበ ግድያ ግሾ፥ ነዉ ፆሳ ዎስኮ ነ አታና። ሽን እዮ ዛሮና እፅኮ፥ ኔንነ ነዉ ደእያባ ኡባይ ሀይቃናይሳ ኤራ” ያግስ።
\p
\v 8 አብመለከይ ዎንተ ጋላስ ዳሮ ጉራ ባ ሞርናታ ባኮ ፄግስ። ሄ ሀንዳባ ኡባ ኤንታዉ ኦድን ኤንቲ ዳሮ ባብዶሶና። 
\v 9 ያትን አብመለከይ አብራሃመ ፄግድ፥ “ኔኒ አይብባ ኑ ቦላ ኦዲ? ነ ታ ቦላነ ታ ካዎተ ቦላ ሀይሳ መላ ቆሆ ኤሀናዉ ታ ነዉ አይ ኢታባ ኦድና? ኔኒ ታ ቦላ ኦሰታናዉ በሶናባ ኦዳሳ” ያግስ። 
\v 10 ቃስ አብመለከይ አብራሃመ፥ “ኔኒ ሀይሳ አይስ ኦዲ?” ያግድ ኦይችስ።
\p
\v 11 አብራሃመይ ዛሪድ፥ “ ‘ሀ በሳን ፆሳስ ያሸትያ አስ ባይና ግሾነ ቃስ ታ ማቸ ጋሶን ኤንቲ ታና ዎና’ ጋዳ ቆፕዳ ግሾሳ። 
\v 12 ሄሳ ቦላ እያ ቱማካ ታ ምቾ፤ እያ ታ አዋ ናአፐ አትሽን ታ አየ ናአ ግዱኩ፥ ያንያ ግሾ፥ እያ ታ ማቾ ግዳሱ። 
\v 13 ፆሳይ ታና ታ አዋ ኬፈ ከስዳ ዎደ ታኒ ኢኮ፥ ‘ኔኒ ብዳ ቢታ ኡባን ነ ታዉ ኦና ኬሀተይ ሀይሳ፤ “እ ታ እሻ” ጋዳ’ ኦዳ ያጋስ” ያግስ።
\p
\v 14 ሄሳፈ ጉየ፥ አብመለከይ ዶርሰ፥ መሄ፥ ማጫ አይለታነ አደ አይለታ ከስድ አብራሃመስ እሚስ፤ እያ ማችዉ ሳሮ እያዉ ዛርስ። 
\v 15 አብመለከይ አብራሃመኮ፥ “ሄኮ፥ ታ ቢታይ ሀይስሽ ነና ሎኦሶን ደአ” ያግስ።
\p
\v 16 ሳርኮ፥ “ታኒ ነ እሻስ እስ ሙኩሉ ብራ ሳንትመ\f + \fr 20:16 \fr*\fq እስ ሙኩሉ ብራ ሳንትመ፦ \fq*\ft ሄስ ታማነ እስን ክሎ ግራመ ዴፅያ ዋላህ ባይና ብራ።\ft*\f* እማይስ። ሄስ ኔራ ደእያ ኡባ ስንን ኔኒ ፅሎ ግደይሳነ አይብ ኢታባካ ኦናይሳ ኤርሰይሳ ግዶ” ያግስ። 
\v 17-18 ጎዳይ አብራሃመ ማቸ ሳር ጋሶን አብመለከ ኬ ኡባ ማይንስዳ ግሾ አብራሃመይ ፆሳ ዎስን፥ አብመለከይ፥ እያ ማችያነ እያ ማጫ አይለት ናአ የላና መላ ፆሳይ ኤንታ ፓስ።
\c 21
\s1 ይሳቃ የለተ
\p
\v 1 ጎዳይ ባ ኦድዳይሳዳ ሳሮ አንጅስ፤ ባ ገልዳ ቃላካ ፖልስ። 
\v 2 ሳራ ቃንታዳ ፆሳይ ግዳ ዎደይ ጋክን ጭምዳ አብራሃመስ አደ ናአ የላሱ። 
\v 3 አብራሃመይ ሳራ የልዳ ናአ ሱን ይሳቃ ግድ ሱንስ። 
\v 4 አብራሃመይ ባ ናአ ይሳቃ ፆሳይ ኪትዳይሳዳ የለትዳ ሆስፑን ጋላሳን ቃፃርስ። 
\v 5 እያ ናአ ይሳቅ የለትያ ዎደ፥ አብራሃመስ ላይ ፄታ። 
\v 6 ሳራ፥ “ፆሳይ ታዉ ሚቸ እሚስ፤ ቃስ ሀይሳ ስእያ ኡባይ ታራ ሚጫና” ያጋሱ። 
\v 7 ቃስካ ሳራ፥ “ሳራ አብራሃመስ ናአ የላዳ ንና ግዳይ ኦኔ? ግድኮካ ታኒ ሀእ እያዉ እ ጭምዳ ዎደ ናአ የላስ” ያጋሱ።\f + \fr 21:7 \fr*\fq ሚቸ፦ \fq*\ft “ይሳቃ” ጉሳይ “እ ሚጬስ” ጉሱ።\ft*\f*
\s1 እስማኤላነ አጋር ጎደተ
\p
\v 8 ጉ ናአይ ድጭድ፤ ን ዱስ፤ አብራሃመይ ይሳቅ ን ዱዳ ጋላስ ዎልቃማ ግብራ ጊግስስ። 
\v 9 ሽን ግብፀፈ ይዳ አጋራ አብራሃመስ የልዳ ናአይ ይሳቃ ቶችሽን ሳራ በአሱ። 
\v 10 ሳራ አብራሃመኮ፥ “ሀ አይለ ናአይ ታ ናአ ይሳቃራ ኡባካ ላቶና ግሾ፥ ጋንድዉነ እ ናኣ ከሳዳ ጎዳ” ያጋሱ።
\p
\v 11 ሄ ኦዳይ ባ ናአ ቦችያ ግሾ፥ አብራሃመይ ዳሮ መቶትስ። 
\v 12 ሽን ፆሳይ አብራሃመ፥ “ነ ኮቻይ ይሳቃ ባጋራ ፄገታና ግሾ ነ ናኣስነ ነ አይሌስ ዳሮ መቶቶፓ፤ ሳራ ነዉ ኦድያባ ኡባ ስአ። 
\v 13 ቃስ እካ ነ ኮቸ ግድያ ግሾ አይለ ናአ ታኒ ግታ ደረ ኦና” ያግስ።
\p
\v 14 ዎንታ ጉራ አብራሃመይ ደንድድ ጉ ካነ ኮዳን ሃ ኩንድ፥ አጋሮ ቶስድ፥ እ ናአ እዮ እድንድ ከስ ጎድስ። እያ ባዳ፥ በርሳበ መላ ቢታን ዳቡራሱ። 
\v 15-16 ሃይ ኮዳፈ ዉርዳ ዎደ እያ፥ “ናአይ ሀይቅሽን፥ ኡታዳ በእከ” ጋዳ፥ ናአ እስ ቡረ ጋርሳን የጋዳ፥ ናምኡ ፄቱ ዋ ግደይሳ መላ ባዳ ኡታ አጋሱ። ያን ኡታዳ፥ ባ ቃላ ቁ ኦዳ ዬካሱ።
\p
\v 17 ፆሳይ ናአ ዋሱዋ ስእስ። ፆሳ ኪታንቾይ አጋሮ ሳሎፐ ፄግድ፥ “አጋረ፥ ዋናዲ? ፆሳይ ናአ ዬሁዋ ስእዳ ግሾ ባቦፋ፤ 
\v 18 ዳንዳ ኤቃዳ፥ ናአ ደንዳ ነ ኩሽያን ኦይካ፤ ታኒ እያ ግታ ደረ ኦና” ያግስ። 
\v 19 ፆሳይ እዮ ሃ ኦላ በስን፥ ባዳ ኮዳን ሃ ኩንዳ ናኣ ኡሻሱ። 
\v 20 ናአይ ድጭያ ዎደ ኡባን ፆሳይ እያራ ግድስ። እ መላ ቢታን ደእድ፥ ዶንገን ዱክያ አሰ ግድስ። 
\v 21 እ ፓራና መላ ቢታን ደእሽን፥ እያ አይያ ግብፀፈ እያዉ ማቾ እማሱ።
\s1 ሳሮተ ጫቆ
\p
\v 22 ሄ ዎደ፥ አብመለከይ፥ ባ ቶራ ሞጮና ፍኮላራ አብራሃመኮ ብድ፥ “ኔኒ ኦያባ ኡባን ፆሳይ ኔራ ደኤስ። 
\v 23 ኔኒ ታ ቦላ ዎይኮ ታ ናይታ ቦላ ዎይኮ ታ ዘረ ቦላ ጭማዳ ገነ ኦና መላ፥ ሀእ ሀይሳን፥ ፆሳ ስንን ታዉ ጫቃ። ታኒ ነዉ ኬህዳይሳዳ፥ ኔንካ ታስነ ኔኒ በተተን ደእዳ ሀ ቢቴስ ኬሀ” ያግስ።
\p
\v 24 አብራሃመይ፥ “ታኒ ጫቃይስ” ያግስ።
\p
\v 25 ሄ ዎደ፥ አብራሃመይ፥ አብመለከ አይለት ኤክዳ ሃ ኦላባ አብመለከስ ማጋንስ። 
\v 26 ሽን አብመለከይ፥ “ሄሳ ኦን ኦዳኮ ታኒ ኤርከ። ኔንካ ቃስ ታዉ ኦዳባካ፤ ታኒ ሀች ጋካናዉ ሄሳ ስአብከ” ያግስ።
\p
\v 27 ሄሳፈ ጉየ፥ አብራሃመይ ዶርሳታነ ሚዛታ ኤህድ፥ አብመለከስ እምን፥ ኤንቲ ናምአይ ጫቅዶሶና። 
\v 28 አብራሃመይ ላፑን ኡዞ ዶርሳታ ዉድያፐ ሻክስ፤ 
\v 29 አብመለከይ አብራሃመ፥ “ሀ ኔኒ ዱማ ሻካ ዎዳ ላፑን ኡዞ ዶርሳታ አይስ ሻካዲ?” ያግድ ኦይችስ።
\p
\v 30 አብራሃመይ፥ “ታኒ ሀ ሃ ኦላ ቦክዳይሳስ ማርካ ግዳና መላ፥ ሀ ላፑን ኡዞ ዶርሳታ ታፐ ኤካ” ያግስ።
\p
\v 31 ሄሳን ሄ ናምኡ አሳት ጫቅዳ ግሾ፥ ሄ በሳይ ባርሳበ (ጫቆ ሃ ኦላ ዎይኮ ላፑን ሃ ኦላ)።
\p
\v 32 በርሳበን ጫቁዋ ጫቅዳፐ ጉየ፥ አብመለከይነ እያ ቶራ ሞጮናይ ፍኮል ደንድድ፥ ፍልስፄመ ቢታ ስምዶሶና። 
\v 33 አብራሃመይ ባርሳበን ታማርሲክ ጌተትያ ም ቶክስ። ሄሳን ጎዳ፥ መርና ፆሳ ፄግድ እያዉ ጎይንስ። 
\v 34 አብራሃመይ ፍልስፄመ ቢታን ዳሮ ዎደ ደእስ።
\c 22
\s1 አብራሃመ ፓጨተ
\p
\v 1 ሄሳፈ ጉየ፥ ፆሳይ አብራሃመ ፓጭስ፤ እ እያ፥ “አብራሃመ” ያግድ ፄግስ።
\p እ፥ “ዬ” ግድ ኮይስ።
\p
\v 2 ፆሳይ፥ “ኔኒ ዶስያ ነ እስ ናአ ይሳቃ ኤካዳ፥ ሞርያ ቢታ ባ። ያን ታኒ ነና በሲያ እስ ደረ ቦላ እያ ፁሳ ያርሾ ኦዳ ታዉ ያርሻ” ያግስ።
\p
\v 3 ዎንተ ጋላስ አብራሃመይ ጉራ ደንድድ፥ ባ ሀርያ ጫንስ። ባ አይለታፐ ናምአታነ ባ ናአ ይሳቃ ባራ ኤክድ፥ ፁሳ ያርሹዋስ ግድያ ም ቀር ኤክድ፥ ፆሲ እያ በሲያ በሲ ባናዉ ደንድስ። 
\v 4 ሄን ጋላስ አብራሃመይ ቁ ግድ፥ ሄ በሳ ሃሆራ በእስ። 
\v 5 አብራሃመይ ባ አይለታ፥ “ህንተ ሀርያራ ሀይሳን ደእሽተ። ታራ ታ ናኣራ ያ ብድ ፆሰ ጎይንድ፥ ህንተኮ ስማና” ያግስ።
\p
\v 6 አብራሃመይ ያርሹዋ ም ደንድ፥ ባ ናአ ይሳቃ ቶስስ። እ ባዉ ታማነ ማሸ ኦይክስ። ኤንቲ ናምአይ እስፈ ብሽን፤ 
\v 7 ይሳቅ ባ አዋ አብራሃመ፥ “ታ አዋዉ” ያግስ።
\p አብራሃመይ፥ “ዬ፥ ታ ናአዉ” ያግስ።
\p ይሳቅ፥ “ታማይነ ምይ ሀይስሽ፤ ሽን ፁሳ ያርሾ ኡርገ ዶርሳይ አዉኔ?” ያግስ።
\p
\v 8 ያትን አብራሃመይ፥ “ታ ናአዉ፥ ፁሳ ያርሾ ኡርገ ዶርሳ ፆሳይ ባዉ እማና” ያግስ። ያግን ኤንቲ ናምአይ እስፈ ብዶሶና።
\p
\v 9 ኤንቲ ፆሳይ እያዉ ኦድዳ በሳ ጋክዳ ዎደ፥ አብራሃመይ ያን ያርሾ በሲ ጊግስድ፥ ም ሂፅስ። ባ ናአ ይሳቃ ቃችድ፥ ሄ ም ቦላ ዝንእስስ። 
\v 10 አብራሃመይ ባ ናአ ሹካናዉ ባ ኩሽያ የድድ ማሸ ኤክስ። 
\v 11 ሽን ጎዳ ኪታንቾይ ሳሎፐ፥ “አብራሃመ፥ አብራሃመ” ያግድ ፄግስ። እ፥ “ዬ” ያግድ ኮይስ።
\p
\v 12 ኪታንቾይ፥ “ናአ ቦላ ነ ኩሽያ ዎፋ፤ እያ አይብባካ ኦፋ። ኔኒ ነ እስ ናኣ ታና ድጎና ግሾ፥ ኔኒ ፆሳስ ያየይሳ ታኒ ኤራይስ” ያግስ።
\p
\v 13 አብራሃመይ ቁ ግድ ፄልስ፤ ሄኮ ካጨይ ቱራን ቃፀትዳ እስ ዶርስ ደኤይሳ በእስ። አብራሃመይ ብድ ሄ ዶርሳ ኤክድ፥ ባ ናአ በሳን ፁሳ ያርሾ ኦድ ያርሽስ። 
\v 14 ሄሳ ግሾ፥ አብራሃመይ፥ “ጎዳይ እማና” ግድ ሄ በሳ ሱንስ። ሀች ጋካናስ ሄስ፥ “ጎዳ ዙማ ቦላ እመታና” ጌተቴስ።
\p
\v 15 ጎዳ ኪታንቾይ ሳሉዋፐ ናምአን አብራሃመ ፄግድ፥ 
\v 16 “ታኒ ጎዳይ፥ ሀይሳዳ ጋዳ ታኒ ታ ሁጰን ነዉ ጫቃይስ፤ ኔኒ ሀይሳ ኦዳ ግሾነ ነ እስ ናኣ ታና ድጎና ግሾ፥ 
\v 17 ታኒ ነና ቱማ አንጃና። ነ ዘረ ታኒ ሳሎ ፆልንቶ መላነ አባ ጋፃን ደእያ ሻፈ መላ ኦና። ነ ዘረት ባንታ ሞርከታ ካታማታ ላታና። 
\v 18 ኔኒ ታዉ ኪተትዳ ግሾ፥ ሀ ሳአ ካዎተት ኡባይ ነ ዘረ ባጋራ አንጀታና” ያግስ።
\p
\v 19 ሄሳፈ ጉየ፥ አብራሃመይ ባ አይለታኮ ጉየ ስምን፥ ኤንቲ ኡባይ እስፈ ደንድድ ባርሳበ ብዶሶና። አብራሃመይ ባርሳበን ደእስ።
\s1 ናኮራነ እያ ናይታ
\p
\v 20 ሄሳፈ ጉየ፥ አብራሃመስ፥ “ምልካ ነ እሻ ናኮራስ ናይታ የላሱ፤ 
\v 21 ኤንትካ ባይራይ ኡፃ፤ ኡፃ እሻት ቡዛ፥ 
\v 22 አራመ አዋ ቃሜላ፥ ከሳዳ፥ ሃዞ፥ ፕልዳሻ፥ ይድላፋነ ባቱኤላ ጌተቶሶና” ያግስ።
\p
\v 23 ሀ ሆስፑን ናይታ ምልካ አብራሃመ እሻ ናኮራስ የላሱ። ባቱኤል እርብቃ የልስ። 
\v 24 ረኡማ ጌተትያ እያ ናምአን ማጫስያ ቃስ ፀባ፥ ጋሃማ፥ ታሀሳነ ማካ የላሱ።
\c 23
\s1 ሳር ሀይቁዋ
\p
\v 1 ሳራ ፄታነ ላታማነ ላፑን ላይ ደአሱ። 
\v 2 ሄሳፈ ጉየ፥ እያ ካናነ ቢታን ደእያ ቅርያት-አርባ (ከብሮና) ካታማን ሀይቃሱ። አብራሃመይ ሳርስ ዬክስነ ካዮትስ።
\p
\v 3 ዬክ ስሚድ፥ አብራሃመይ ባ ማቸ አሀ ማታፐ ደንድድ ብድ፥ ህተታ ሀይሳዳ ያግስ፤ 
\v 4 “ታኒ ህንተ ግዶን እማ፤ ታ ማቸ አሀ ሞጋናዉ ታዉ ህንተ ጋድያፐ ዱፎ በሲ ባይዘርከት” ያግስ።
\p
\v 5-6 ህተት አብራሃመ፥ “ጎዳዉ፥ ኑኒ ኦደይሳ ስአ፤ ኔኒ ኑ ግዶን ዎልቃማ ሀላቃ፤ ኔኒ ነ ማቸ አሀ ኑ ዱፉዋፐ ነና ሎእዳሶን ሞጋ፤ ኔኒ ነ ማቸ አሀ ሞጋናዉ ባ ዱፉዋ ኦንካ ነና ድገና” ያግ ዛርዶሶና።
\p
\v 7 አብራሃመይ ደንድ ኤቅድ፥ ህተታ ስንን ዝግስ። 
\v 8-9 እ ኤንታኮ፥ “ህንተ ታና፥ ‘ነ ማቸ አሀ ሞጋ’ ጊኮ፥ ታኒ ግያባ ስእተ። ዞሃራ ናአ ኤፍሮናስ እያ ጋድያ ጋፃን ደእያ ማክፌላ ጌተትያ ጎንጎሉዋ ታ ዱፎ ኦናዉ ባይዛና መላ ኩመ ጋተን ኑና ዛልእሰርከት” ያግስ።
\p
\v 10 ህተ አድያ ኤፍሮን ሄ ዎደ ካታማ ፐንገን ሺቅዳ ባ አሳ ግዶን ኡትስ። ህተት ኡባይ ስእሽን፥ አብራሃመኮ ያግስ፤ 
\v 11 “ሄሳዳ ግደና፤ ታ ጎዳዉ፥ ታ ኦደይሳ ስአ፤ ታኒ ጋድያካ እያ ግዶን ደእያ ጎንጎሉዋካ ነዉ እማይስ፤ ታኒ ነዉ እያ ታ አሳ ስንን እማይስ፤ ኔኒ ነ ማቸ አሀ ሞጋ” ያግስ።
\p
\v 12 አብራሃመይ ሄ ቢታ አሳ ስንን ዛር ዝግድ፥ 
\v 13 አሳይ ስእሽን ኤፍሮና፥ “ታ ኦደይሳ ስአርክ! ታኒ ሄ ጋድያ ጋተ ቃንፃና፤ ኔኒ ታፐ ኤካርክ። ሄሳን ታኒ ታ ማቸ አሀ ሞጋና” ያግስ።
\p
\v 14-15 ኤፍሮን አብራሃመኮ ዛሪድ፥ “ታ ጎዳዉ፥ ታኒ ኦደይሳ ስአ፤ ጋደይ ኦይዱ ፄቱ ብራ ሳንትመ\f + \fr 23:14-15 \fr*\fq ኦይዱ ፄቱ ብራ ሳንትመ፦ \fq*\ft ሀይስ ኦይዱ ክሎ ግራመነ ባጋ ዴፅያ ዋላህ ባይና ብራ።\ft*\f* ከሳና፤ ሽን ሄስ ነ ግዶንነ ታ ግዶን አይብካ ግደና፤ ነ ማቸ አሀ ሞጋ” ያግስ። 
\v 16 አብራሃመይ ህተት ስእሽን፥ ኤፍሮን ግዳ ጋትያ ኤክስ፤ ሄ ዎደ ሚሸን ኦይዱ ፄቱ ብራ ሳንትመ ኤፍሮናስ እሚስ።
\p
\v 17 ያት ስሚድ፥ ማምረ ካታማ ማታን ማክፌላን ደእያ ኤፍሮና ጋደይ፥ ያን ደእያ ጎንጎሎይነ ሄ ጋድያን ደእያ ም ኡባይ፥ 
\v 18 ካታማ ፐንገን ሺቅዳ ህተታ ኡባ ስንን ዎጋ አብራሃመ ጋደ ግድስ።
\p
\v 19 ሄሳፈ ጉየ፥ አብራሃመይ ባ ማችዉ ሳራ ካናነ ቢታን (ከብሮና) ጌተትያ ማምረ ካታማ ማታን ደእያ ማክፌላ ጌተትያ ጋደ ጎንጎሉዋን ሞግስ። 
\v 20 ሄሳ ግሾ፥ ሄ ጋደይነ ያን ደእያ ጎንጎሎይ ህተታ ስንን ህግያን አብራሃመስ ዱፎ ግድስ።
\c 24
\s1 ይሳቅ ማቾ ኤኩዋ
\p
\v 1 አብራሃመይ ዳሮ ጭምስ። ጎዳይ እያ ኡባባንካ አንጅስ። 
\v 2 አብራሃመይ ባ አይልያ፥ ባ ሶ አሳ ኡባስ ሀላቃትያ፥ ባ አቆ ኡባ ቦላ ሱንትዳይሳ ሀይሳዳ ያግስ፥ “ነ ኩሽያን ታ ጉልባታ ኦይካ፤ 
\v 3 ታኒ ኤንታ ግዶን ደእዳ ካናነታ ማጫ ናይታፐ ታ ናኣስ ማቾ ኦይቾና መላ፥ ጎዳን፥ ሳሎነ ሳአ ፆሳ ሱንን ታኒ ነና ጫቅሳይስ፤ 
\v 4 ሽን ኔኒ ታ የለትዳ ቢታ፥ ታ ዳቦታኮ ባዳ፥ ታ ናአ ይሳቃስ ማቾ ኦይቻ” ያግስ።
\p
\v 5 እያ አይለይ፥ “ሄ ማጫስያ ታራ ያናዉ ዶሶና እፅኮ፥ ነ ናአ ኔኒ ይዳ ቢታ ጉየ ኤፎ?” ያግድ ኦይችስ።
\p
\v 6 አብራሃመይ፥ “ታ ናአ አይ ጋሶንካ ያ ኤፎናዳ ነና ኤራ! 
\v 7 ጎዳይ፥ ሳሉዋ ፆሳይ፥ ታና ታ አዋ ሶፐነ ታ የለትዳ ቢታፈ ከስዳይስ ታዉ፥ ‘ነ ዘረስ ታኒ ሀ ቢታ እማና’ ያግድ ጫቅዳይስ፥ ኔኒ ታ ናኣስ ያፐ ማቾ ደማና መላ፥ እ ባ ኪታንቹዋ ኔፐ ስን ኪታና። 
\v 8 ሄ ማጫስያ ኔራ ያናዉ ዶሶና እፅኮ፥ ሀ ታኒ ነና ጫቅስዳ ጫቆይ ነዉ ጎመ ግደና፤ ሽን ታ ናአ ያ ኡባካ ኤፎፓ” ያግስ። 
\v 9 አይለይ ባ ጎዳ አብራሃመ ጉልባታ ኦይክስ፤ ሄ ኦዳስ ጫቅስ።
\p
\v 10 ሄሳፈ ጉየ፥ አይለይ ባ ጎዳ ግማለታፐ ታማ ኤክድ፥ ባ ጎዳ ሚሽያፐካ ሙሩታ ሙሩታ ኤክ ብድ ማሰጰፆመ ቢታን ናኮራ ካታማ ጋክስ። 
\v 11 ኦማርስ፥ ማጫስ ሃ ትካናዉ ያ ዎደ፥ ካታማፐ ጋፃን ሃ ኦላ ማታን ባ ግማለታ ጉልባትስስ።
\p
\v 12 እ ዎስሸ፥ “ጎዳዉ፥ ታ ጎዳ አብራሃመ ፆሳዉ፥ ሀች ታኒ ቆፓዳ ይዳይሳ ታዉ ጊግሳ፤ ቃስ ታ ጎዳ አብራሃመስ ኬሀባ ኦ። 
\v 13 ሄኮ፥ ታኒ ሀ ሃ ፑልቱዋ ማታን ኤቃይስ፤ ሀ ካታማ ማጫ ናይት ሃ ትካናዉ ሃ ዮሶና። 
\v 14 ታኒ፥ ‘አነ ኦቱዋ ዝቅ ኦዳ ታና ሃ ኡሻ’ ግያ ዎደ፥ እያ፥ ‘ሄኮ ኡያ፤ ቃስ ነ ግማለታ ታኒ ኡሻና’ ግያራ፥ ህና ነ አይልያ ይሳቃስ ኔኒ ዶርዳሮ ግዶ፤ ኔኒ ታ ጎዳስ ኬሀባ ኦዳይሳ ታኒ ሄሳን ኤራና” ያግስ።
\p
\v 15 ቡሮ እ ዎሳ ዛሮና ደእሽን፥ እርብቃ ሃ ኦቶ ቶካዳ ፑቱ ጋሱ። እያ ባቱኤላ ናአ፥ ባቱኤል ምልካ ናአ፥ ምልካ አብራሃመ እሻ ናኮራ ማችዉ። 
\v 16 እርብቂ ዳሮ የገልስን አደ ኤሮና ጌላኦ። ፑልቱዋ ዱገ ዎዳ፥ ባ ኦቱዋ ኩንዳ ባናዉ ደንዳሱ። 
\v 17 ያንን፥ ሄ አይለይ ኢኮ ዎፅ ብድ እዮ፥ “ነ ታና ጉ ሃ ኡሻርክ” ያግስ።
\p
\v 18 እያ፥ “ኤሮ ታ ጎዳዉ፥ ኡያ” ያጋሱ። ኤለሳዳ ኦቱዋ ባ ሀሸፐ ዎዳ፥ ገድ ኦ ኦይካዳ እያ ኡሻሱ። 
\v 19 እያ ኡሽዳፐ ጉየ፥ “ነ ግማለትካ አላና ጋካናዉ ታኒ ኤንታዉ ሃ ዱቃና” ያጋሱ። 
\v 20 አትዳ ሃ ኤለሳዳ ጎንጌን ትጋዳ፥ ሀራ ሃ ዱቃናዉ ኦላ ዎፃሱ፤ ግማለት ኡባይ አላና ጋካናስ፥ ሃ ኦላፈ ዱቃ ዱቃ ኤሀዳ ጎንገን ትጋዳ ኡሻሱ። 
\v 21 እ ቆፕድ ይዳ ቆፋ ጎዳይ እንጀይሸ ደእያኮነ ኤራናዉ አደይ ስእ ግድ እዮ ፄሌስ።
\p
\v 22 ግማለት ሃ ኡይ ስምን፥ አደይ እቻሹ ግራመ ባጋ ሲን አያ ዎርቃ ፄታነ ታሙ ግራመ ግድያ ናምኡ ዎርቃ ሳጋዮታ ጊግስስ። 
\v 23 እዮ፥ “ኔኒ ኦደ ናኤ? አነ ታዉ ኦዳ፤ ነ አዋ ሶን ኑስ አቅያ በሲ ዳኔ?” ያግስ።
\p
\v 24 እያ፥ “ታኒ ባቱኤላ ናአ፤ ባቱኤል ምልካ ናኮራስ የልዳ ናአ። 
\v 25 ኑ ሶን ግድያ ካለይነ ሀርቆይ ደኤስ፤ ቃስ ህንተ አቃናዉ በሲ ደኤስ” ያጋሱ።
\p
\v 26 አደይ ጉልባትድ ጎዳ ጎይንድ፥ 
\v 27 ሀይሳዳ ያግስ፤ “ታ ጎዳስ ኬሄይሳነ አማነተይሳ አግቦና ጎዳይ፥ ታ ጎዳ አብራሃመ ፆሳይ ጋላተቶ፤ ታኒ ይሽን፥ ጎዳይ ታና ታ ጎዳ ዳቦታ ሶ ካለስ” ያግስ።
\p
\v 28 ናእያ ዎፃ ባዳ፥ ባ አየ ሶን ደእያ አሳስ ሀንዳባ ኦዳሱ። 
\v 29 እርብቃስ ላባ ጌተትያ እሺ ደኤስ። ላቢ ካረ ከይድ ሃ ፑልቱዋ ማታን ደእያ አድያኮ ዎፅስ። 
\v 30 ሲ ዎርቃነ ባ ምቸ ኩሸን ደእያ ሳጋዮታ በእዳ ዎደ እርብቃ አደይ ባና ግዶይሳ ኦድን ስእዳ ዎደ፥ ከይድ አድያኮ ብስ። አደይካ ግማለታራ ፑልቱዋ ማታን ኤቅዳይሳ ደምስ። 
\v 31 እያኮ፥ “ጎዳይ ነና አንጅዳይሶ፥ ሃያ፥ ኔኒ ካረን አይስ ኤቃዲ? ታኒ ነዉ ኬነ ግማለታስካ በሰ ጊግሳስ” ያግስ።
\p
\v 32 ያትን አደይ ሶ ገልስ። ላቢ ግማለታ ጫና ብልድ፥ ካለነ ለ ግማለታስ እማስ። ቶሆ ሜጫናዉ እያስነ እያራ ደእያ አሳስ ሃ ኤህስ። 
\v 33 ካ እያ ስን አስ። ሽን፥ “ታኒ ታና ኤህዳባ ህንተዉ ኦዶና ደአሸ ካ ሚከ” ያግስ።
\p ላቢ፥ “ያኮ ኦዳ” ያግስ።
\p
\v 34 ሄሳ ግሾ፥ እ፥ “ታኒ አብራሃመ አይልያ። 
\v 35 ጎዳይ ታ ጎዳ ዳሮ አንጅዳ ግሾ እ ዱረትስ። ዶርሰ፥ ሚዝ፥ ብራ፥ ዎርቃ፥ አደ አይለታ፥ ማጫ አይለታ፥ ግማለታነ ሀረታ እያዉ እሚስ። 
\v 36 ታ ጎዳ ማችያ ሳራ ባ ጭማተ ላይን እያዉ አደ ናአ የላሱ። ያትን እ ባዉ ደእያባ ኡባ እያዉ እሚስ። 
\v 37 ታ ጎዳይ ታና ሀይሳዳ ጫቅስስ፥ ‘ታኒ ደእያ ካናነ ቢታ ማጫ ናይታፐ ታ ናኣስ ማቾ ኦይቾፋ። 
\v 38 ሽን ታ አዋ አሳኮ፥ ታ ዳቦታኮ ባዳ ታ ናኣስ ማቾ ኦይቻ’ ያግስ። 
\v 39 ታኒ ታ ጎዳ፥ ‘ናእያ ታራ ያናዉ ዶሶና እፅኮች?’ ያጋዳ ኦይቻስ። 
\v 40 እካ፥ ታኒ እያ ስንን ኪተትዳ ጎዳይ ባ ኪታንቹዋ ኪታና፤ ኔኒ ታ ናኣስ ታ አዋ አሳፐ፥ ታ ኮቻፈ ማቾ ደማና መላ፥ ነ በይሳካ እንጀያና። 
\v 41 ኔኒ ታ ኮቻታኮ ብን፥ ኤንቲ ነዉ እዮ እሞና እፅኮ፥ ሄ ዎደ ነዉ ጫቆይ ጎመ ግደና” ያግስ።
\p
\v 42 “ታኒ ሀች ሄ ፑልቱዋኮ ያ ዎደ ያጋስ፤ ‘ጎዳዉ፥ ታ ጎዳ አብራሃመ ፆሳዉ፥ ነ ሸነ ግድኮ፥ ታኒ ብያ አላልያ ጊግሳ። 
\v 43 ሄኮ፥ ታኒ ሀ ፑልቱዋ ማታን ኤቃይስ፤ ጌላኦ እስንያ ሃ ትካናዉ ዪኮ፥ ታኒ እዮ፥ ታና ነ ኦቱዋፐ ጉ ሃ ኡሻርክ’ ያጋና። 
\v 44 እያ፥ ‘ኤሮ ኡያ፥ ቃስ ነ ግማለታስካ ታኒ ሃ ዱቃና’ ግያራ፥ ጎዳይ ታ ጎዳ ናኣስ ዶርዳሮ ግዶ” ያጋስ።
\p
\v 45 “ታኒ ታ ዎዛናን ዎሰይሳ ዛሮና ደእሽን፥ እርብቃ ባ ኦቱዋ ቶካዳ፥ ፑቱ ጋሱ፤ ፑልቱዋ ዱገ ዎዳ ሃ ዱቃሱ፤ ታኒ እዮ፥ ‘ታና ሃ ኡሻርክ’ ያጋስ።
\p
\v 46 “ያግን እያ ኤለሳዳ ባ ሀሽያፐ ኦቱዋ ዎዳ፥ ‘ሄኮ ኡያ፤ ቃስ ታኒ ነ ግማለታ ኡሻና’ ያጋሱ። ያትን ታኒ ኡያስ፤ ቃስ ታ ግማለታ እያ ኡሻሱ።
\p
\v 47 “ታኒ እዮ፥ ‘ኔኒ ኦደ ናኤ?’ ያጋስ።
\p “እያ ዛራዳ፥ ‘ታኒ ባቱኤላ ናኣ፤ ባቱኤል፥ ምልካ ናኮራስ የልዳ ናአ’ ያጋሱ። ታኒ ዎርቃ እ ሲን፥ ሳጋዮታ እ ኩሸን አስ። 
\v 48 ሄሳፈ ጉየ፥ ታኒ ጉልባታዳ፥ ጎዳስ ጎይናስ። ታኒ ጎዳ፥ ታ ጎዳ አብራሃመ ፆሳ፥ ታ ጎዳ እሻ ናአ ናእዉ እያ ናኣስ ኤካናዉ ታና ልከ ኦግያ ካለዳይሳስ ጋላታይስ። 
\v 49 ሀእካ ህንተ ታ ጎዳስ ኬሀናባነ አማነታናባ ግድኮ፥ ታዉ ኦድተ፤ ግዶና እፅኮካ ኦድተ፤ ሄሳፈ ጉየ፥ ታኒ ሀናናባ ኤራና” ያግስ።
\p
\v 50 ላብነ ባቱኤል ዛሪድ ያግዶሶና፤ “ሀ ኦዳይ ጎዳፐ ይስ፤ ኑኒ ነዉ ያ ሃ ጋናዉ ዳንዳኦኮ። 
\v 51 እርብቆ ሀኖ በአ፤ ኤካዳ ባ፤ ጎዳይ ግዳይሳዳ ነ ጎዳ ናኣስ ማቾ ግዶ” ያግዶሶና።
\p
\v 52 አብራሃመ አይለይ ኤንቲ ግያባ ስእዳ ዎደ፥ ሳአን ጉልባትድ ጎዳስ ጎይንስ። 
\v 53 አይለይ ብራ አሌቆ፥ ዎርቃ አሌቆነ ማኦ ከስድ እርብቃስ እሚስ። ቃስ አልኦ ሚሸታ እ እሻስነ እ አየስ እሚስ።
\p
\v 54 ሄሳፈ ጉየ፥ እነ እያራ ደኤይሳት ምዶሶና ኡይዶሶና፤ ያን አቅዶሶና። ኤንቲ ጉራ ደንድን፥ እ፥ “ታና ታ ጎዳኮ የድተ” ያግስ።
\p
\v 55 ያትን እ እሻይነ እ አይያ፥ “ናእያ እስ ታሙ ጋላሳ መላ ኑራ ታኮ፥ ሄሳፈ ጉየ እያ ባና” ያግዶሶና።
\p
\v 56 ሽን እ፥ “ጎዳይ ታ ይዳይሳ እንጀይን፥ ህንተ ታና ጋምእሶፕተ። ታኒ ታ ጎዳኮ ባና መላ ታና ሞይዝተ” ያግስ።
\p
\v 57 ኤንቲ፥ “ናእዉ ፄግድ አነ እዮ ኦይቾስ” ያግዶሶና። 
\v 58 እርብቃ ፄግድ፥ “ሀ አድያራ ባኔ?” ያግድ ኦይችዶሶና።
\p እያ፥ “ኤ፤ ታኒ ባና” ያጋሱ።
\p
\v 59 ያንን፥ ኤንቲ ባንታ ምችዉ እርብቃ፥ እዮ ድችዳሮ፥ አብራሃመ አይልያነ እያ አሳታ ሞይዝዶሶና። 
\v 60 ኤንቲ እርብቃ፥
\q1 “ኑ ምቸ እርብቀ፥
\q2 ሙኩሉፐ ሙኩሉ ጋካናዉ ዳራ፤
\q2 ነ ኮቻይ ባንታ ሞርከታ ካታማታ ላቶ”
\m ያግድ አንጅዶሶና። 
\v 61 ሄሳፈ ጉየ፥ እርብቅነ እ ማጫ አይለት ደንድድ፥ ግማለታ ቶግድ፥ አድያራ ብዶሶና። ያትን አይለይ እርብቃ ኤክድ ብስ።
\p
\v 62 ሄ ዎደ ይሳቅ፥ “ታና በእያ ደኦ ፆሳ ፑልቱዋ” ጌተትያ ፑልቱዋ ማታ ብድ፥ ነገበ መላ ቢታን ደኤስ። 
\v 63 እስ ጋላስ ኦማርስ ይሳቅ ባ ዎዛናን ቆፕሸ ደምባ ከይድ ዩዬስ፤ እ ቁ ግድ ፄልያ ዎደ፥ ግማለት የይሳታ በእስ። 
\v 64 እርብቃካ ቁ ጋዳ ፄልያ ዎደ፥ ይሳቃ በአሱ፤ ግማለታፐ ዎሱ። 
\v 65 አብራሃመ አይልያኮ፥ “ሀ ኑራ ጋሄታናዉ ደምባራ ያ አደይ ኦኔ?” ያጋሱ።
\p አይለይ፥ “እ፥ ታ ጎዳ” ያግስ። እያ ባ ላፃና ኤካዳ ጉሉንታሱ።
\p
\v 66 ቃስ አይለይ ባ ኦዳባ ኡባ ይሳቃስ ኦድስ። 
\v 67 ይሳቅ እርብቃ ባ አየ ሳራ ዱንካንያ ግዶ ኤፍስ። እዮ ማችስ፤ እያካ እያዉ ማቾ ግዳሱ። እ እዮ ዶስስ፤ ባ አየ ካዩዋ ዎስ።
\c 25
\s1 አብራሃመ ሀይቁዋ
\p
\v 1 አብራሃመይ ኬፁራ ጌተትያ ሀራ ማቾ ኤክስ። 
\v 2 እያ ዝምራና፥ ዮቅሳና፥ ማዳነ፥ ምድያመ፥ ያስቦቃነ ስዋ እያዉ የላሱ።
\p
\v 3 ዮቅሳን ሳባነ ደዳና የልስ። ደዳን አሾረታ፥ ለፁሰታነ ለኡማታ የልስ።
\p
\v 4 ምድያመ ናይት ገፈራ፥ ኤፈራ፥ ሄኖሀ፥ አብዳነ ኤልዳ። ሀይሳቲ ኡባይ ኬፁራ ሼሻታ።
\p
\v 5 አብራሃመይ ባባ ኡባ ይሳቃ ላትስስ። 
\v 6 ሽን እ ፓፃ ደእሸ፥ ሀራ ማቸታፐ የልዳ ናይታ ባዉ ደእያባፐ ዎይትስ። ባ ናአ ይሳቃፐ ኤንታ ሻክድ፥ ዶሎሀ ባጋ ቢታ የድስ።
\p
\v 7 አብራሃመይ ኩመ እስ ፄታነ ላፑን ታማነ እቻሹ ላይ ደእስ። 
\v 8 አብራሃመይ ዳሮ ዎደ ደእድ፥ ሎኦ ጭምድ፥ ሀይቅድ ባ ማይዛታን ጋሄትስ። 
\v 9 እያ ናይት ይሳቅነ እስማኤል እያ ማክፌላ ጌተትያ ጎንጎሎ ዱፉዋን ሞግዶሶና፤ ሄ ጎንጎሎይ ማምረ ማታን፥ ህተ አድያ ፆሃራ ናአ ኤፍሮና ጋድያን ደኤስ። 
\v 10 ሄስ አብራሃመይ ህተታፐ ሻምዳ ጋድያ። አብራሃመይ ባ ማችያ ሳራ ሞገትዳ ዱፉዋን ሞገትስ። 
\v 11 አብራሃመይ ሀይቅዳፐ ጉየ፥ ፆሳይ እያ ናአ ይሳቃ አንጅስ። ሄ ዎደ ይሳቅ፥ ቤር-ላይ-ሮእ (ታና በእያ ደኦ ፆሳ ፑልቶ) ጌተትያ ፑልቱዋ ማታን ደኤስ።
\s1 እስማኤላነ እያ ናይታ
\p
\v 12 ሳራ አይልያ፥ ግብፀፈ ይዳ አጋራ፥ አብራሃመስ የልዳ ናአ እስማኤላ የለተይ ሀይሳፈ ካልድ ፃፈትዳይሳ። 
\v 13 እስማኤላ ናይት ባንታ ሱንንነ ባንታ የለታ ማራን ሀይሳታ፤ ኤንትካ፥ ናባዮታ፥ ቀዳረ፥ አድቤላ፥ ምብሳማ፥ 
\v 14 ምስማ፥ ዱማ፥ ማሳ፥ 
\v 15 ኩዳነ፥ ቴማ፥ እፁራ፥ ናፍሳነ ቀድማ። 
\v 16 እስማኤላ ናይት ሀይሳታ፤ ኤንታ ሱንይ ኤንታ ሞንነ ደእያ በሳን ሀይሳ። ኤንቲ ባንታ ያራንካ ታማነ ናምኡ ሀላቃታ። 
\v 17 እስማኤል ኩመ ፄታነ ሀስታማነ ላፑን ላይ ደእድ፥ ሀይቅድ ባ ማይዛታን ጋሄትስ። 
\v 18 እስማኤላ ኮቸት ግብፀፈ ዶሎሀ ባጋን ደእያ ሀውላፐነ ሱራፐ ግዱዋን፥ አሶረ ኤፍያ ኦግያ ማታን ደእዶሶና። ኤንቲ ባንታ እሻታ ኡባራ ሞርከተን ደእዶሶና።
\s1 ያይቆባነ ኤሳዌ
\p
\v 19 አብራሃመ ናአ ይሳቃ የለተይ ሀይሳፈ ካልድ ፃፈትዳይሳ፤ አብራሃመይ ይሳቃ የልስ። 
\v 20 ይሳቃስ ላይ ኦይታማ ግድን፥ እርብቃ ኤክስ፤ እያ ማሰጰፆመን ደእያ አራመ አድያ ባቱኤላ ናእዉነ ላባ ምችዉ። 
\v 21 ይሳቅ ባ ማችያ ማይን ግድዳ ግሾ፥ እዉ ጎዳ ዎስስ፤ ጎዳይ እያ ዎሳ ስእስ። ያትን እያ ማችያ እርብቃ ቃንታሱ። 
\v 22 ሽን እ ኡሎን ደእያ ናይት መንተ ግድ ኡትድ፥ እሶይ እሱዋራ ሱገትዶሶና፤ እያ፥ “ሀይስ ታዉ አይስ ሀኒ?” ያጋሱ። ሄሳ ግሾ፥ ጎዳ ኦይቻናዉ ባሱ።
\p
\v 23 ጎዳይ እዮ፥ “ነ ኡሎን ናምኡ ካዎተ ደኤስ፤ ቃስ ነ ግዶን ደእያ ናምኡ ደረ አሳት እሶይ እሱዋፈ ሻከታና፤ እስ ደረ አሳት ሀንኮታፐ ምናና፤ ቃስ ባይራይ ካሉዋስ ኪተታና” ያግስ።
\p
\v 24 እው የሎ ዎደይ ጋክን፥ እ ኡሎን መንተ አደ ናይት ደኦሶና። 
\v 25 ኮይሮ የለትዳይስ አርሰ፤ እያ ቦላ ኡባ እክሰይ ማእስ፤ ሄሳ ግሾ፥ ኤንቲ እያ ኤሳዌ (እክሳማ) ግድ ሱንዶሶና። 
\v 26 ሄሳፈ ጉየ፥ እያ እሻይ የለትስ። እ ባ ኩሽያን ኤሳዌ ግንድያ ኦይክድ ከይስ፥ ሄሳ ግሾ፥ እያ ያይቆባ (ግንደ ኦይከይሳ) ግድ ሱንዶሶና። እርብቃ ኤንታ የልዳ ዎደ ይሳቃስ ኡሱፑን ታሙ ላይ ግድስ።
\p
\v 27 ናይት ድጭዶሶና፤ ኤሳዌይ ሻንካ ሂላ ኤርያ ባዞ አሰ ግድስ። ሽን ያይቆብ ዱንካነን ደእያ ዎፓ አሰ ግድስ። 
\v 28 ይሳቅ ኤሳዌ ዶስስ፤ አይስ ጊኮ፥ እ ሻንካተይሳፈ ማናዉ ዶሴስ፤ ሽን እርብቃ ያይቆባ ዶሳዉሱ።
\p
\v 29 እስ ዎደ ያይቆብ ዎፀ ካሽን፥ ኤሳዌይ ኮሽ ዎን ባዞፈ ይስ። 
\v 30 ኤሳዌይ ያይቆባ፥ “ታና ሀ ዞኦ ዎፅያፐ ሙዛ፥ ታና ኮሽ ዎስ” ያግስ። (ሄሳ ግሾ፥ ቃስ እያ ሱንይ ኤዶመ (ዞኦ) ጌተትስ)።
\p
\v 31 ያይቆብ እያ፥ “ኮይሮ ታዉ ነ ባይራተ ባይዛ” ያግስ።
\p
\v 32 ያትን ኤሳዌይ፥ “ሄኮ፥ ታኒ ሀይቃና ሀናይስ፥ ሀ ባይራተይ ታና አይ ማዲ?” ያግስ።
\p
\v 33 ያይቆብ ዛሪድ፥ “አነ ታዉ ኮይሮ ጫቃ” ያግስ። እ ጫቅስ፥ ባ ባይራተ ያይቆባስ ባይዝስ። 
\v 34 ያይቆብ ኤሳዌስ ኡይነ ምስረ ዎፀ እምን ምስ ኡይስ። ሄሳፈ ጉየ ደንድድ ብስ። ኤሳዌይ ባ ባይራተ ሀይሳዳ ካስ።
\c 26
\s1 ይሳቃነ አብመለከ
\p
\v 1 ሄ ቢታን ካሰ አብራሃመ ዎደ ከይዳ ኮሻፐ ሀራ ኮሽ ከይስ። ያንን፥ ይሳቅ ፍልስፄመ ካዋ አብመለከኮ ገራራ ብስ። 
\v 2 ጎዳይ ይሳቃስ ቆንጭድ “ግብፀ ቢታ ዱገ ቦፓ፥ ታኒ ነዉ ኦድዳ ቢታን ደአ። 
\v 3 ሀ ቢታን ጉ ዎድያ ጋምኣሻ፥ ታኒ ኔራ ግዳና፥ ነና አንጃና። ሀ ቢታ ኡባ ታኒ ነዉነ ነ ሼሻስ እማና። ታኒ ነ አዋ አብራሃመስ ጫቅዳ ጫቁዋ ፖላና። 
\v 4 ነ ሼሻ ሳሎ ፆልንቶዳ ዳርሳና፥ ሀ ቢታ ኡባ ታኒ ኤንታዉ እማና። ሳአ ካዎተት ኡባይ ነ ሼሻ ባጋራ አንጀታና። 
\v 5 ሄስካ፥ አብራሃመይ ታ ቃላ ስእድ፥ ታ አዋጆታ፥ ታ ኪታታነ ታ ህገታ ናግዳ ግሾሳ” ያግስ። 
\v 6 ሄሳ ግሾ፥ ይሳቅ ገራራን ደእስ።
\p
\v 7 ሄ ቢታ አሳይ እርብቃባ ደንድ፥ “ሀና ነዉ አይቤ?” ግድ ይሳቃ ኦይችዶሶና።
\p እ፥ “ሀና ታዉ ምቾ” ያግስ። ሄሳ እ ግዳይ፥ እርብቃ ዳሮ ማላ ሎኦ ግድያ ግሾ፥ “እያ ታ ማቾ ጊኮ፥ ሀ አሳይ እ ጋሶን ታና ዎና” ያግ ቆፕድ ባብስ።
\p
\v 8 ይሳቅ ያን ዳሮ ዎደ ደእዳፐ ጉየ፥ ፍልስፄመ ካዎይ አብመለከይ ማስኮተራ ዱገ ፄልያደ፥ ይሳቅ ባ ማቸ እርብቃራ ካእሽን በእስ። 
\v 9 ሄሳ ግሾ፥ አብመለከይ ይሳቃ ፄግስድ፥ “ሄኮ፥ እያ ነ ማቾ፤ ኔኒ አይስ እያ ታ ምቾ ጋዲ?” ግድ ኦይችስ።
\p ይሳቅ፥ “እያ ታ ማቾ ጊኮ፥ አሳይ ታና እ ጋሶን ዎና ጋዳ ጋስ” ያግስ።
\p
\v 10 አብመለከይ፥ “ሀይስ ኔኒ ኑ ቦላ ኦዳባይ አይቤ? ታ አሳፐ እስ አስ ነ ማቸራ አቅስ ሽን አትስ፥ ኔኒ ኑ ቦላ ጎመ ኤሀዳሳ ሽን” ያግስ። 
\v 11 ሄሳ ግሾ፥ አብመለከይ ባ አሳ፥ “ሀ ኡራ ዎይኮ እያ ማችዉ ቦችያ ኦንካ ቱማ ሀይቃና” ያግድ ኪትስ።
\p
\v 12 ይሳቅ ሄ ቢታን ካ ዘርድ፥ ጎዳይ እያ አንጅዳ ግሾ ሄ ላይን ፄቱ ኩሸ ኤክስ። 
\v 13 እ ዱረተን ኤረታና ጋካናስ ዳሮ ዱረትሸ ብስ። 
\v 14 ይሳቃስ ዶርሳ ዉደይ፥ ሚዛ ዉደይነ አይለት አድ ዳርዳ ግሾ፥ ፍልስፄመ አሳት እያ ቃናትዶሶና። 
\v 15 ሄሳ ግሾ፥ እያ አዋ አብራሃመ ዎደ እያ አዋ አይለት ቦክዳ ሃ ኦላ ኡባ ፍልስፄመት ቢታ ኡሽድ ኩንዶሶና።
\p
\v 16 ሄ ዎደ አብመለከይ ይሳቃኮ፥ “ኔኒ ኑፐ አዳ ምንዳ ግሾ ኑ ማታፐ ባ” ያግስ። 
\v 17 ይሳቅ ሄሳፈ ደንድድ፥ ገራራ ዛንጋራ ብድ ዱንካነ ቶክድ ያን ደእስ። 
\v 18 ይሳቅ ባ አዋ አብራሃመ ዎደ ቦከትዳ ሃ ኦላታ፥ አብራሃመይ ሀይቅዳፐ ጉየ፥ ፍልስፄመት ኩንዳይሳታ ዛር ቦክ ከስድ፥ እያ አዋይ ሱንዳ ሱንን ፄግስ።
\p
\v 19 ይሳቃ አይለት ሄ ዛንጋራን ሃ ኦላ ቦክድ ያን ሎኦ ፑልቶ ሃ ደምዶሶና። 
\v 20 ሽን ገራራ ሄንንቾት ይሳቃ ሄንንቾታራ፥ “ሃይ ኑባ” ያግድ ኦየትዶሶና። ኤንቲ ፓላመትዳ ግሾ፥ ይሳቅ ሄ ሃ ኦላ “ኤሴቃ”\f + \fr 26:20 \fr*\ft ኤሴቃ ጉሳይ እብራወ ዶናን ፓላማ ጉሱ።\ft*\f* ግድ ሱንስ።
\p
\v 21 ሄሳፈ ጉየ፥ ኤንቲ ሀራ ሃ ኦላ ቦክዶሶና። ሽን ኤንቲ ሄ ሃ ኦላ ጌዶንካ ኦየትዶሶና። ሄሳ ግሾ፥ ይሳቅ ሄ ሃ ኦላ “ሲፅና”\f + \fr 26:21 \fr*\ft ሲፅና ጉሳይ እብራወ ዶናን ሞርከተ ጉሱ።\ft*\f* ግድ ሱንስ። 
\v 22 ሄሳፈ ጉ ስን ሺቅድ ሀራ ሃ ኦላ ቦክስስ። እያ ጋሶን ኦንካ ኦየትቦና ግሾ፥ “ፆሳይ ሀእ ኑስ ዳልግስስ ኑኒ ሀ ቢታን ዳራና” ግድ ሄ በሳ ረሆቦታ\f + \fr 26:22 \fr*\ft እብራወ ዶናን ሀ ቃላ ብርሸይ ዳልጋ በሲ ጉሱ።\ft*\f* ግድ ሱንስ።
\p
\v 23 ሄሳፈ ደንድድ ፑደ በርሳበ ከይስ። 
\v 24 ሄ ብዳ ጋላስ ቃማ ጎዳይ እያዉ ቆንጭድ፥ “ታኒ ነ አዋ አብራሃመ ፆሳ፥ ታኒ ኔራ ደእያ ግሾ፥ ባቦፋ። ታ አይልያ አብራሃመ ግሾ ታኒ ነና አንጃና፥ ነ ሼሻካ ዳርሳና” ያግስ። 
\v 25 ይሳቅ ያን ያርሾ በሲ ጊግስድ ጎዳ ሱን ፄግስ። ያን እ ባ ዱንካንያ ቶክስ፥ እያ አይለት ያን ሃ ኦላ ቦክዶሶና።
\p
\v 26 ሄሳፈ ጉየ፥ አብመለከይ ባና ዞርያ አሁዛነ ቶራ ሞጮና ፍኮላ ኤክድ፥ ገራራፐ ይሳቃኮ ይስ። 
\v 27 ይሳቅ ኤንታኮ፥ “ህንተ ካሰ ታና እፅድ፥ ህንተ ቢታፈ ከስ የድቤከቲ? ሀእ ታኮ አይ ኤካናዉ ይደቲ?” ያግስ።
\p
\v 28 ኤንቲ፥ “ጎዳይ ኔራ ደኤይሳ ኑኒ ጌሽ ኤርዳ። ሄሳ ግሾ፥ ሳሮተ ጫቆይ ኑ ግዶንነ ነ ግዶን ዳናዉ ኮሼስ። 
\v 29 ኑኒ ነና ቦችቦኮ፥ ነዉ ኬሀተ ፃላላ ኦድ፥ ነና ሳሮተን ሞይዝድ የድዳ። ሄሳዳካ ኔኒ ኑ ቦላ ኢታባ ኦና መላ፥ አነ ኔራ ጫቆስ። ቱማካ ሀእ ነና ጎዳይ አንጅስ” ያግዶሶና። 
\v 30 ሄ ዎደ ይሳቅ ኤንታዉ ግብራ ጊግስን ምዶሶና፥ ኡይዶሶና። 
\v 31 ዎንተ ጋላስ ዎንታ ጉራ ደንድድ ኤንቲ እሶይ እሱዋራ ጫቅዶሶና። ይሳቅ ኤንታ ሞይዝን፥ ኤንቲ ሳሮ ሻከትድ ብዶሶና።
\p
\v 32 ሄ ጋላስ ይሳቃ አይለት ይድ፥ “ኑኒ ሃ ደምዳ” ያግድ ባንታ ቦክዳ ሃ ኦላባ እያዉ ኦድዶሶና። 
\v 33 እ ሄ ሃ ኦላ ሳበ (ጫቆ) ግድ ሱንስ። ሄሳ ግሾ፥ ሄ ካታማ ሱንይ ሀች ጋካናስ በርሳበ (ጫቆ ሃ ኦላ) ጌተቴስ።
\p
\v 34 ኤሳዌስ ላይ ኦይታማ ግድዳ ዎደ ህተ አድያ ብኤራ ናእዉ ዮድቶነ ህተ አድያ ኤሎና ናእዉ ባሰማቶ ማችስ። 
\v 35 ኤንቲ ይሳቃነ እርብቃ አዛንሸ ደእዶሶና።
\c 27
\s1 ያይቆብ ይሳቃ አንጁዋ ኤክሽን
\p
\v 1 ይሳቅ ጭምን እያ አይፈይ ፄሎ እፅዳ ዎደ ባ ባይራ ናአ ኤሳዌ ፄግድ፥ “ታ ናአዉ” ያግስ።
\p እካ፥ “ዬ” ግድ ኮይስ።
\p
\v 2 ይሳቅ፥ “ሄኮ፥ ሀእ ታኒ ጭማስ፥ ታኒ አዉደ ሀይቃነኮ ኤርከ። 
\v 3 ያንያ ግሾ፥ ሀእ ነ ሻንካ ዶንግያ ኤካዳ ባዞ ባዳ ዶአ ሻንካታዳ አሾ ኤካዳ ያ። 
\v 4 ማልኦ ካ ታ ዶሰይሳ ኦ ካዳ ታዉ ኤሀ። ታኒ ሀይቃናፐ ስን ማ ስማዳ ነና አንጃና” ያግስ።
\p
\v 5 ይሳቅ ባ ናአ ኤሳዌስ ኦድያ ዎደ እርብቃ ስአዉሱ። ኤሳዌይ ዶአ ሻንካትድ ኤሀናዉ ባዞ ብዳፐ ጉየ፥ 
\v 6 እርብቃ ባ ናአ ያይቆባ፥ “ነ አዋይ ነ እሻ ኤሳዌ፥ 
\v 7 ‘ዶአ ሻንካታ ኤሀዳ ታዉ ማልኦ ካ ታ ማናዉ ካ። ታኒ ሀይቃናፐ ስን ማ ስማዳ ጎዳ ስንን ነና አንጃና’ ያግሽን ታኒ ስአስ። 
\v 8 ታ ናአዉ፥ ሀእ ታኒ ነዉ ኦደይሳ ሎይ ስአ። 
\v 9 ዉድያ ግዶ ባዳ ናምኡ ሞ ዴሻ ማራታ ታዉ ኤካዳ ያ። ታኒ ነ አዋስ ማልኦ ካ እ ዶሰይሳዳ ኦዳ ካና። 
\v 10 ነ አዋይ ሀይቃናፐ ስን ምድ ነና አንጃና መላ እያዉ አ” ያጋሱ።
\p
\v 11 ሽን ያይቆብ ባ አይዉ፥ “ታ እሻ ኤሳዌ ቦላ እክሰይ ደኤስ ሽን ታ ቦላይ ሊቆ። 
\v 12 ታ አዋይ ታና ኦይክ በእድ ታኒ እያ ጭምዳባ ዳንኮ፥ ታኒ አንጁዋ ግሾ ባደ ታ ቦላ ኤሀናይሳ ኤርኪ?” ያግስ።
\p
\v 13 እያ አይያ፥ “ታ ናአዉ፥ ሄ ባደይ ታና ጋኮ። ታኒ ነዉ ኦደይሳ ኦ፥ ባዳ ዴሻ ማራታ ታዉ ኤካዳ ያ” ያጋሱ።
\p
\v 14 ኤህድ ባ አየስ እምን እያ አይያ ማልኦ ካ እያ አዋይ ዶሰይሳዳ ኦዳ ካሱ። 
\v 15 ሄሳፈ ጉየ፥ እርብቃ ባይራ ናአ ኤሳዌ ማኦ ሎኡዋ ኤሀዳ ያይቆባ ማይዛሱ። 
\v 16 ቃስ ሄ ዴሻታ እትያ እያ ኩሽያነ እያ ሊቆ ቆያ ማይዛሱ። 
\v 17 ባ ካዳ ማልኦ ካነ ኡይ ባ ናአ ያይቆባስ እማሱ።
\p
\v 18 ያትን፥ እ ባ አዋኮ ገልድ፥ “ታ አዋዉ” ያግስ።
\p እካ፥ “ዬ፥ ታ ናአዉ፥ ኔኒ ኦኔ?” ያግስ።
\p
\v 19 ያይቆብ ባ አዋ፥ “ታኒ ነ ባይራ ናአ ኤሳዌ። ኔኒ ታና ኪትዳይሳዳ ታኒ ኦስ፤ ሀእ ደንዳ ኡታዳ፥ ታኒ ሻንካታ ኤህዳይሳፈ ማዳ፥ ታና አንጃ” ያግስ።
\p
\v 20 ይሳቅ ባ ናአ፥ “ታ ናአዉ፥ ዋታ ኤለሳዳ ደማዲ?” ያግድ ኦይችስ።
\p ያይቆብ፥ “ጎዳይ፥ ነ ፆሳይ ታዉ ጊግስስ” ያግስ።
\p
\v 21 ይሳቅ ያይቆባ፥ “ታ ናአዉ፥ ኔኒ ቱማ ታ ናአ ኤሳዌኮ ታ ነና ኦይካ በአና አነ ሀ ሺቃ” ያግስ። 
\v 22 ያይቆብ ባ አዋኮ ሺቅን ኦይክ በእድ፥ “ነ ቃላይ ያይቆባ ቃላ ሽን ኩሸይ ኤሳዌ ኩሽያ ዳኔስ” ያግስ። 
\v 23 እያ ኩሸይ እያ እሻ ኤሳዌ ኩሽያዳ እክሰራ ደእያ ግሾ፥ ሻክድ ኤርቦና እያ አንጅስ። 
\v 24 እያ፥ “ቱማ ኔኒ ታ ናአ ኤሳዌ?” ያግድ ዛር ኦይችስ።
\p እካ፥ “ኤ፥ ታና” ያግስ።
\p
\v 25 ያትን እ፥ “ታ ናአዉ፥ ታኒ ነ ሻንካታ ኤህዳባፐ ማዳ ነና አንጃና መላ አነ ሀ አ” ያግስ። ያይቆብ አን ምስ፥ ቃስ እያዉ ዎይነ ኤህን ኡይስ።
\p
\v 26 ሄሳፈ ጉየ፥ እያ አዋ ይሳቅ፥ “ታ ናአዉ፥ ሀ ሺቃዳ ታና ዬራ” ያግስ።
\p
\v 27 ያይቆብ ሺቅድ እያ ዬርስ። ይሳቅ እያ ማኡዋ ስንግ ስእድ፥
\b
\q1 “ታ ናአ ፔኖይ
\q2 ጎዳይ አንጅዳ ጎሻዳ ሳዌስ።
\q1
\v 28 ፆሳይ ሳሎ አካነ ሳአ ሽጫ፥
\q2 ካነ ዎይነ ዳርስድ ነዉ እሞ።
\q1
\v 29 ካዎተት ነዉ ሃረቶ፥
\q2 አሳይ ነዉ ጉልባቶ።
\q1 ኔኒ ነ እሻታስ ጎዳ ግዳ፥
\q2 ነ አየ ሼሻት ነዉ ጉልባቶ።
\q1 ነና ባደይሳት ባደትዳባ ግዶ፥
\q2 ነና አንጀይሳት አንጀትዳባ ግዶ” ያግድ አንጅስ።
\b
\p
\v 30 ይሳቅ ያይቆባ አንጅድ ኦንግዳፐ ጉየ፥ ያይቆብ ባ አዋ ስንፈ ቡሮ ከይያ ዎደ ኤሳዌይ ሻንካፈ ፑቱ ግስ። 
\v 31 እካ ቃስ ማልኦ ካ ካድ ባ አዋስ አድ፥ “ታ አዋዉ፥ ዳንዳ ኡታዳ ታ ሻንካትዳባፐ ማ፥ ያታዳ ታና አንጃ” ያግስ።
\p
\v 32 ይሳቅ፥ “ነ ኦኔ?” ያግድ ኦይችስ።
\p እካ፥ “ታኒ ነ ባይራ ናአ ኤሳዌ” ያግስ።
\p
\v 33 ይሳቅ ዳጋምድ ኮኮርሸ፥ “ያትን ዶአ ሻንካትዳይሳፈ ታዉ አዳይ ኦኔ? ታኒ ሀእ ኔኒ ያና ስንን ማዳ፥ እያ አንጃስ። እካ ቱማ አንጀትዳይሳ ግዳና” ያግስ።
\p
\v 34 ኤሳዌይ ባ አዋ ቃላ ስእዳ ዎደ ባ ቃላ ቁ ኦድ፥ ዳሮ ኢታ ዬሆ ዬክሸ፥ “ታ አዋዉ፥ ታናካ አንጃ” ያግስ።
\p
\v 35 ሽን እ፥ “ነ እሻይ ጭምድ ነ አንጁዋ ኤክ ድግስ” ያግስ።
\p
\v 36 ኤሳዌይ፥ “እ ኤርድ ያይቆባ (ጭመይሳ) ግድ ሱንትስ። እ ታና ጭምሽን ሀይስ ናምአን፥ ካሰ ታ ባይራተ ኤክስ፥ ሀእ ቃስ ታ አንጁዋ ኤክስ” ያግስ። ያትን፥ “ኔኒ ታዉ አንጁዋፈ አይኮካ አሻብኪ?” ያግድ ኦይችስ።
\p
\v 37 ይሳቅ ኤሳዌ፥ “ታኒ እያ ነዉ ጎዳ ኦስ። እያ እሻታ ኡባታካ እያዉ አይለ ኦስ። ቃስ ታኒ ካንነ ዎይነን እያ ምንስ። ያትን፥ ታ ናአዉ፥ ነዉ ታ አይ ኦ?” ያግስ።
\p
\v 38 ኤሳዌይ ባ አዋ፥ “ታ አዋዉ፥ ነዉ እስ አንጆ ፃላል ደኢ? ታ አዋዉ፥ ታናካ ቃስ አንጃ” ያግስ። ሄሳፈ ጉየ፥ ኤሳዌይ ባ ቃላ ቁ ኦድ ዬክስ።
\p
\v 39 እያ አዋ ይሳቅ ዛሪድ፥
\b
\q1 “ነ ደእያ በሳይ ሀ ሳአ ዱረተፈ ሃሆ፥
\q2 ሳሎ አክካ ነዉ ዎና።
\q1
\v 40 ኔኒ ነ ማሻን አቃና፥
\q2 ነ እሻስ ሃረታና።
\q1 ሽን ኔኒ እያራ ኤቀትያ ዎደ
\q2 እያ ቃምባራ ነ ጋናፈ ሆላና” ያግስ።
\s1 ይሳቅ ያይቆባ ላባኮ የዱዋ
\p
\v 41 ያይቆባ እያ አዋይ አንጅዳ ግሾ፥ ኤሳዌይ ባ ኡሎን እያ ሞርክስ። እ ባ ዎዛናን፥ “ታ አዋይ ሀይቃናዉ ማትስ። እ ሀይቅዳ መላ ታ እሻ ያይቆባ ዎና” ያግስ።
\p
\v 42 ሽን እርብቃ ሄ ባ ባይራ ናአ ኤሳዌ ቃላ ስእዳ ግሾ፥ ባ ካሎ ናአ ያይቆባ ፄግሳ ኤሀዳ፥ “ነ እሻ ኤሳዌይ ነና ዎድ ሃሉዋ ከሳናዉ ሀልቼስ። 
\v 43 ሀያና ታ ናአዉ፥ ታኒ ነዉ ኦደይሳ ኦ። ደንዳዳ ካራነን ደእያ ታ እሻ ላባኮ ባቃታ። 
\v 44 ነ እሻ ሀንቆይ እርፃና ጋካናዉ ጉ ዎደ እያራ ደኣሻ። 
\v 45 ነ እሻ ይሎይ ዎያ ዎደነ ኔኒ እያ ቦላ ኦዳባ እ ዶግያ ዎደ ታኒ ኪታዳ ነና ኤሀና። ታኒ እስ ጋላስ ህንተ ናምኣፈካ መላ አታናዉ ኮይከ” ያጋሱ።
\p
\v 46 ሄሳፈ ጉየ፥ እርብቃ ይሳቃኮ፥ “ኤሳዌይ ኤክዳ ህተታ ማጫ ናይታ ጋሶን ታኒ ታ ደኡዋ ሻተታስ። ቃስ ያይቆብካ ሀይሳ ህተታ ማጫ ናይታፐ ማቾ ኤክኮ፥ ታዉ ሀይቆይ ሎኦ” ያጋሱ።
\c 28
\p
\v 1 ሄሳ ግሾ፥ ይሳቅ ያይቆባ ፄግድ፥ “ካናነ ቢታ ማጫ ናይታፐ ማቾ ኤኮፋ። 
\v 2 ደንዳዳ ነ አየ አዋ ባቱኤላኮ ማሰጰፆመ ቢታ ባዳ ያፐ ነ አየ እሻ ላባ ማጫ ናይታፐ ማቾ ኤካ። 
\v 3 ኡባ ዳንዳእያ ፆሳይ ነና አንጆ፥ እ ነዉ ናይታ እሞ፥ ዳሮ ደረ ግዳና ጋካናስ እ ነና ዳርሶ። 
\v 4 ኔኒ ሀእ በተተን ኡትዳ ሀ ቢታ ነባ ኦና መላ ነዉነ ነ ሼሻስ ፆሳይ አብራሃመ አንጁዋ እሞ” ያግ አንጅድ ኪትስ። 
\v 5 ያግድ ይሳቅ ያይቆባ የድስ። ያይቆብ ማሰጰፆመ ቢታ ላባኮ ብስ። ላቢ ያይቆባነ ኤሳዌ አየ እርብቃ እሻነ አራመ አድያ ባቱኤላ ናአ።
\s1 ኤሳዌይ ሀራ ማቾ ኤኩዋ
\p
\v 6 ይሳቅ ያይቆባ አንጅድ ማሰጰፆመ ቢታፈ ማቾ ኤካና መላ እያ የድዳይሳ፥ እ ያይቆባ አንጅዳ ዎደ፥ “ካናነ ማጫስ ኤኮፋ” ግድ ኪትዳይሳነ፥ 
\v 7 ያይቆብ ባ አዋስነ ባ አየስ ኪተትድ ማሰጰፆመ ቢታ ብዳይሳ፥ ኤሳዌይ ኤርስ። 
\v 8 ኤሳዌይ ሄሳን ካናነ ቢታ ማጫስ ባ አዋ ይሳቅ አይ መላ እፅያኮ ኤርስ። 
\v 9 ሄሳ ግሾ፥ ኤሳዌይ አብራሃመ ናአ እስማኤላኮ ብድ፥ እያ ናእዉ ማህላቶ፥ ነባዮታ ምችዉ፥ ባ ማቸታ ቦላ ጉጅድ ኤክስ።
\s1 ያይቆብ ቤተለን አሙሆ በኡዋ
\p
\v 10 ያይቆብ በርሳበፐ ካራነ ባናዉ ከይስ። 
\v 11 እ፥ እስ በሲ ጋክያ ዎደ አው ዉልን፥ ቃማ ያን አቅስ። ሄ በሳን ደእያ ሹቻታፐ እሱዋ ቦርኮትድ ሄ በሳን ስክስ። 
\v 12 እ አሙሆ አሙህድ ኮዶ እሶይ ሳአን ኤቅን ፄራይ ሳሎ ጋክዳይሳነ፥ ፆሳ ኪታንቾት እያ ቦላራ ፑደ ከየይሳታነ ዱገ ዎይሳታ በእስ። 
\v 13 ሄ ኮዱዋስ ፄራን ጎዳይ ኤቅድ፥ “ታኒ ጎዳ፥ ነ አዋ አብራሃመ ፆሳ፥ ይሳቃ ፆሳ፥ ሀ ኔኒ ዝንእዳ ቢታ ነዉነ ነ ሼሻስ እማና። 
\v 14 ነ ሼሻ ሳአ ሻፈዳ ዳርሳና። ኔኒ ዶሎሀ ባጋ፥ ዉሎሀ ባጋ፥ ፑደሀ ባጋነ ዱገሀ ባጋ ዳልጋና። ቢታ ቦላ ደእያ አሳ ኡባይ ነ ባጋራነ ነ ሼሻ ባጋራ አንጀታና። 
\v 15 ታኒ ኔራ ደአይስ። ኔኒ ብያ በሳ ኡባን ታኒ ነና ናጋና። ታኒ ነና ሀ ቢታ ጉየ ዛራዳ ኤሀና። ታኒ ነዉ ኦና ግዳይሳ ፖላና፥ ነና አግከ” ያግስ።
\p
\v 16 ያይቆብ ስኮፈ ባርክድ፥ “ታ ኤራብከፈ አትሽን፥ ቱማ ጎዳይ ሀ በሳን ደኤስ” ያግስ። 
\v 17 እ ባብድ፥ “ሀ በሳይ ዋን ያሽ! ሀ በሳይ ፆሳ ኬፈ አትሽን፥ ሀራሶ ግደና። ሀይስ ሳሎ ፐንገ” ያግስ።
\p
\v 18 ዎንተ ጋላስ ዎንታ ጉራ ያይቆብ ደንድድ፥ ፆሳስ ዱማያናዉ ባ ቦርኮትዳ ሹቻ ኤክድ ቱሳ ኤስድ እያ ቦላ ዛይተ ትግስ። 
\v 19 ያይቆብ ሄ በሳ ቤተለ (ፆሳ ኬ) ግድ ፄግስ። ሽን ሄ ካታማይ ሄሳፈ ካሰ ሎዛ ጌተቴስ።
\p
\v 20 ያይቆብ፥ “ታ ብያ ኦግያን ነ ታና ናግኮ፥ ታዉ ካነ ማኦ እምኮ፥ 
\v 21 ነ ታና ታ አዋ ሶ ሳሮ ዛርኮ፥ ነ ታ ፆሳ ግዳና። 
\v 22 ታኒ ዱማያናዉ ቱሳ ኤስዳ ሀ ሹቻይ ፆሳ ኬ ግዳና። ቱማ ኔኒ ታዉ እምያባ ኡባፈ ታማፈ እሱዋ ነዉ እማና” ያግድ ፆሳስ ጫቅስ።
\c 29
\s1 ያይቆብ ላባ ሶ ጋከ
\p
\v 1 ሄሳፈ ጉየ፥ ያይቆብ ደንድድ፥ ብድ ዶሎሀ ባጋ አሳ ቢታ ጋክስ። 
\v 2 ያንካ ደምባ በሳን ሃ ኦላ ደምስ። ሄ ዶርሳ ዉደት ሄ ሃ ኦላ ማታን ደኦሶና። ዉደ ኡባይ ሃ ኡየይ ሄ ኦላፈ። ሄ ሃ ኦላ ዶና ጎርድያ ሹቻይ ግታ። 
\v 3 ዶርሳ ዉደ ኡባይ ያ ሺቅኮ፥ ዉድያ ሄመይሳት ሃ ኦላ ዶናፐ ሄ ሹቻ ጎንዶርስድ ዉድያ ሃ ኡሾሶና። ኡሽ ስሚድ ሄ ሹቻ ኦላ ዶናን ዛር ዎሶና።
\p
\v 4 ያይቆብ ኤንታኮ፥ “ህንተ አዉፐ ይደቲ?” ያግድ ኦይችስ።
\p ኤንትካ፥ “ኑኒ ካራነፐ ይዳ” ያግዶሶና።
\p
\v 5 እ፥ “ናኮራ ናአ ናኣ ላባ ኤሬቲ?” ያግድ ኦይችስ።
\p “ኤ፥ እያ ኤሮስ” ያግዶሶና።
\p
\v 6 ያይቆብ ኤንታ፥ “እ ሎኦ ደኢ?” ያግድ ኦይችስ።
\p “ኤ፥ ሎኦ፥ እያ ናእዉ ራሄሎ ዶርሳታ ላጋዳ ያሮ ህን በአ” ያግዶሶና።
\p
\v 7 ያይቆብ ኤንታኮ፥ “ሄኮ፥ ሀእ አው ቃን ደኤስ። ዉደ መሄይ ሶ ስምያ ዎደይ ቡሮ ጋክቤና፥ ዶርሳ ኡሽ ኤፍድ ሄምተ” ያግስ።
\p
\v 8 ሽን ኤንቲ፥ “ዉደ ኡባይ ሺቅን ሹቻ ሃ ኦላ ዶናፐ ጎንዶርሳና ጋካናስ ኑ ኡሻናዉ ዳንዳኦኮ። ሄሳፈ ጉየ፥ ሹቻ ጎንዶርስድ ዶርሳታ ኡሻና” ያግዶሶና።
\p
\v 9 እ ቡሮ ኦድሽን፥ ላባ ናእያ ራሄላ ዶርሳታ ሄምያ ግሾ፥ ባ አዋ ዶርሳታ ላጋ ኤካዳ ጋካሱ። 
\v 10 ያይቆብ ባ አየ እሻ ላባ ናእዉ ራሄሎ ላባ ዶርሳታ ላጋዳ ያሮ በእዳ ዎደ ብድ ኦላ ዶናፐ ሹቻ ጎንዶርስድ ዶርሳታ ሃ ኡሽስ። 
\v 11 ያይቆብ ራሄሎ ዬርድ፥ ኡፋይሳን ባ ቃላ ቁ ኦድ ዬክስ። 
\v 12 ያይቆብ፥ “ታኒ ነ አዋ ምቸ እርብቃ ናአ” ያግድ እዉ ኦድስ። ሄሳ ግሾ፥ እያ ዎፃ ባዳ ባ አዋስ ኦዳሱ።
\p
\v 13 ላቢ ባ ምቸ ናአ ያይቆባ ዩሳ ስእዳ መላ ሞካናዉ ዎፅድ ብስ። እያ እድም ዬርድ ባ ሶ ኤፍስ። ያን ያይቆብ ሀንዳባ ኡባ ላባስ ኦድስ።
\s1 ያይቆብ ላባ ናይታ ማችስ
\p
\v 14 ላቢ እያ፥ “ኔኒ ቱማ ታ አሾነ ታ ሱ” ያግስ። ያይቆብ እያራ እስ አጌና ኩመ ኡትስ። 
\v 15 ሄሳፈ ጉየ፥ ላቢ ያይቆባ፥ “ኔኒ ታዉ ዳቦ ግድዳ ግሾ፥ ታዉ መላ ጮ ኦነዬ? አነ ታ ነዉ አይ ቃንፃናዉ ኮሽያኮ ታዉ ኦዳ” ያግስ። 
\v 16 ላባስ ናምኡ ማጫ ናይት ደኦሶና። ባይረ ሱንይ ልያ፥ ካልያ ቃስ ራሄሎ ጌተታዉሱ። 
\v 17 ልያ አይፈራ ጩጫ፥ ሽን ራሄላ የገልስነ ማላ ሎኦ።
\p
\v 18 ያይቆብ ራሄሎ ዶስድ፥ “ታኒ ነ ካሎ ናኤ ራሄል ግሾ ነዉ ላፑን ላይ ኦና” ያግስ።
\p
\v 19 ላቢ፥ “እዮ ሀራ አሳስ እማናፐ ነዉ እሞይ ሎኦ፥ ነ ታራ ሀይሳን ደአ” ያግስ። 
\v 20 ሄሳ ግሾ፥ ያይቆብ ራሄሎ ኤካናዉ ላፑን ላይ ኦስ። ሽን እ እዮ ዳሮ ዶስያ ግሾ፥ እያዉ ጉ ጋላስ ዳንስ።
\p
\v 21 ሄሳፈ ጉየ፥ ያይቆብ፥ “ታ ማችዉ ታዉ እማ፥ ታ ላይይ ዉርስ ታኒ እዮ ኤካናዉ ኮያይስ” ያግስ። 
\v 22 ሄሳ ግሾ፥ ላቢ አሳ ኡባ ፄግድ ያጋኖ ከስስ። 
\v 23 ሽን ሳእ ቃምን ላቢ ባ ናእዉ ልያ ኤፍድ ያይቆባስ እሚስ። ያይቆብ እዮ ኤክስ። 
\v 24 ቃስ ላቢ ባ አይልዉ ዛላፋ ባ ናኤ ልያስ አይለ ኦድ እሚስ።
\p
\v 25 ሳእ ዎንትን እ ፄልያ ዎደ ሄኮ ልያ። ያይቆብ፥ “ሀይስ ኔኒ ታ ቦላ ኦዳይስ አይቤ? ታኒ ነዉ ኦዳይ ራሄል ግሾሳ ግደነዬ? ታና አይስ ጭማድ” ያግስ።
\p
\v 26 ላቢ እያኮ፥ “ኑ ቢታን ባይሪያ ደእሽን ካልዉ አዝናስ እመይስ ዎጋ ግደና። 
\v 27 ምሽራተን ኢራ ሳምንታ ኦንግኮ፥ ቃስ ካልውካ ታኒ ነዉ እማና። ሄሳፈ ጉየ፥ ሀራ ላፑን ላይ ታዉ ኦሳ” ያግስ።
\p
\v 28 ያይቆብ ኦዳ ማእድ ሳምንታ ኢራ ኦንግስ። ሄሳፈ ጉየ፥ ላቢ ባ ናእዉ ራሄሎ እያዉ እሚስ። 
\v 29 ቃስ ላቢ ባ አይልዉ ባሎ ባ ናኤ ራሄልስ አይለ ኦድ እሚስ። 
\v 30 ያይቆብ ራሄሎካ ኤክስ። ራሄሎ ልያፐ አድ ዶስስ። ሀራ ላፑን ላይ ላባስ ኦስ።
\s1 ያይቆባነ እያ ናይታ
\p
\v 31 ጎዳይ ልያ ራሄል ዶሰታቦናሮ በእድ፥ እዉ የሎ ኡሉዋ ዶይስ። ሽን ራሄላ ናአ የሎና ጋምአሱ። 
\v 32 ልያ ቃንታዳ አደ ናአ የላሱ። እያ፥ “ጎዳይ ታ መቱዋ በእስ፥ ሀእ ታና ታ አዝናይ ዶሳና” ጋዳ ሄ ናአ ሮቤላ\f + \fr 29:32 \fr*\fq ሮቤላ፦ እብራወ ዶናን ሀ ሱን ብርሸይ “ሀሹ፥ አደ ናአ” ዎይኮ “ታ መቱዋ በእስ” ጉሱ።\fq*\f* ጋዳ ሱንሱ።
\p
\v 33 እያ ናምአን ቃንታዳ አደ ናአ የላሱ። እያ፥ “ጎዳይ ታኒ ዶሰታቦናይሳ በእዳ ግሾ፥ ታዉ ሀይሳካ ጉጅስ” ጋዳ ስሞና\f + \fr 29:33 \fr*\fq ስሞና፦ \fq*\ft ሀ ሱን ብርሸይ እብራወ ዶናን “ስእስ” ጉሱ።\ft*\f* ጋዳ ሱንሱ።
\p
\v 34 እያ ሄን ቃንታዳ አደ ናአ የላሱ። እያ፥ “ታኒ እያዉ ሄ አደ ናይታ የልዳ ግሾ፥ ታ አዝናይ ሀእ ታራ ሲቆን ዋፀታና” ጋዳ እያ ሌወ\f + \fr 29:34 \fr*\fq ሌወ፦ \fq*\ft ሀ ሱን ብርሸይ “ዋፀታና” ጉሱ።\ft*\f* ጋዳ ሱንሱ።
\p
\v 35 እያ ሀራ ቃንታዳ አደ ናአ የላሱ። እያ፥ “ሀእ ታኒ ጎዳ ጋላታና” ጋዳ እያ ሱን ይሁዳ\f + \fr 29:35 \fr*\fq ይሁዳ፦ \fq*\ft እብራወ ዶናን ሀ ሱንይ “ጋላታ” ጉሱ።\ft*\f* ጋዳ ሱንሱ። ሄሳፈ ጉየ፥ የሎ ኤቃሱ።
\c 30
\p
\v 1 ራሄላ ያይቆባስ ናይታ የሎናይሳ በአዳ ባ ምችዉ ቃናታሱ። ሄሳ ግሾ፥ ያይቆባ፥ “ታዉ ናአ እማ፥ እፅኮ ታኒ ሀይቃና” ያጋሱ።
\p
\v 2 ያይቆብ ራሄሎ ሀንቀትድ፥ “ታና ነዉ የሎ እማናዉ ዎይኮ ድጋናዉ ፆሰ ጋድዬ?” ያግስ።
\p
\v 3 እያ፥ “ታ ጋንድዉ ባሎ ህኖ በአ። እያ ታ ግሾ የላና መላ ኔኒ ኢራ አቃ፥ ያንኮ፥ ታኒ እ ባጋራ ናአ ደማና” ያጋሱ። 
\v 4 ባ ጋንድዉ ባሎ ማቾ ኦድ ኤካና መላ እያዉ እማሱ። 
\v 5 ባላ ቃንታዳ አደ ናአ ያይቆባስ የላሱ። 
\v 6 ያትን ራሄላ፥ “ፆሳይ ታዉ ፕርድስ፥ ታ ዎሳካ ስእድ ታዉ አደ ናአ እሚስ” ያጋዳ ሄ ናአ ዳነ\f + \fr 30:6 \fr*\ft ሀ ሱን ብርሸይ እብራወ ዶናን “ፕርድስ” ጉሱ።\ft*\f* ጋዳ ሱንሱ።
\p
\v 7 ራሄል ጋንድያ ባላ ቃንታዳ ያይቆባስ ናምአን አደ ናአ የላሱ። 
\v 8 ራሄላ፥ “ታኒ ታ ምቸራ ዎልቃማ ባፀ ባፀታዳ ፆናስ” ያጋዳ ሄ ናአ ንፍታለመ\f + \fr 30:8 \fr*\ft ንፍታለመ ጌተትያ ሱን ብርሸይ “ባፀ” ጉሱ።\ft*\f* ጋዳ ሱንሱ።
\p
\v 9 ልያ የሎ ኤቅዳይሳ በአዳ፥ ባ ጋንድያ ዛላፋ ያይቆባስ ማቾ ኦዳ እማሱ። 
\v 10 ልያ ጋንድያ ዛላፋ አደ ናአ ያይቆባስ የላሱ። 
\v 11 ልያ፥ “ላ ሀይስ አይብ ሎኦ ቃደ!” ያጋዳ፥ ሄ ናአ ጋደ\f + \fr 30:11 \fr*\ft ጋደ ጉሳይ “ሎኦ ቃዳ” ጉሱ።\ft*\f* ጋዳ ሱንሱ።
\p
\v 12 ልያ ጋንድያ ዛላፋ ያይቆባስ ናምአን አደ ናአ የላሱ። 
\v 13 ልያ፥ “ታና ዳሮ ኡፋይሴስ፤ ማጫስ ኡባይ ታና ኡፋይትያሮ ጋና” ጋዳ ሄ ናአ አሴራ\f + \fr 30:13 \fr*\ft አሴራ ጌተትያ ሱን ብርሸይ “ኡፋይስ” ጉሱ።\ft*\f* ጋዳ ሱንሱ።
\p
\v 14 ግስተ ጫክያ አጌናን ሮቤል ጋደ ብድ እንኮያ ም አይፈ ደምድ ባ አየ ልያስ ኤክድ ይስ። ራሄላ ልያኮ፥ “ነ ናአይ ኤህዳ እንኮያ ም አይፍያፐ ታዉ እማ” ያጋሱ።
\p
\v 15 ሽን ልያ፥ “ታ አዝና ኔኒ ዎልቃን ኤክዳይስ ግዶና እፅን ሀእ ቃስ ታ ናአ እንኮያ ሚ አይፍያ ኤካኔ?” ያጋሱ።
\p ራሄላ፥ “ነ ናአ እንኮያ ታዉ እምኮ፥ ያይቆብ ሀች ቃማ ኔራ አቆ” ያጋሱ።
\p
\v 16 ሄ ጋላስ ኦማርስ ያይቆብ ባዞፈ ያ ዎደ ልያ እያ ሞካናዉ ከያዳ፥ “ኔኒ ታራ አቃናዉ ኮሼስ፤ ታኒ ታ ናአ እንኮያ አይፈያን ነና ሻማስ” ያጋሱ። ሄሳ ግሾ፥ እ ሄ ቃማ ኢራ አቅስ።
\p
\v 17 ፆሳይ ልያ ዎሳ ስእስ። እያ ቃንታዳ እቻሻን አደ ናአ ያይቆባስ የላሱ። 
\v 18 ልያ፥ “ታኒ ታ አይልዉ ታ አዝናስ እምዳ ግሾ፥ ፆሳይ ሄሳ ታዉ ቃንፅስ” ያጋዳ ሄ ናአ ይሳኮራ\f + \fr 30:18 \fr*\ft ይሳኮራ ጌተትያ ሱን ብርሸይ “ዳሞዘ” ዎይኮ “ዎይቶ” ጉሱ።\ft*\f* ጋዳ ሱንሱ።
\p
\v 19 ልያ ሀራ ቃንታዳ ኡሱፑን አደ ናአ ያይቆባስ የላሱ። 
\v 20 ልያ፥ “ፆሲ ታዉ አልኦ እሞታ እሚስ። ታኒ ታ አዝናስ ኡሱፑን አደ ናይታ የልዳ ግሾ፥ ሀእ እ ታና ቦንቻና” ያጋዳ ሄ ናአ ዛብሎና\f + \fr 30:20 \fr*\ft ሀ ሱን ብርሸይ “ቦንቾ” ጉሱ።\ft*\f* ጋዳ ሱንሱ። 
\v 21 ሄሳፈ ጉየ፥ እስ ማጫ ናአ የላሱ፥ እዮ ዲና ጋዳ ሱንሱ።
\p
\v 22 ፆሳይ ራሄሎ ቆፕስ። እ ዎሳ ስእድ እ የሎ ኡሉዋ ዶይስ። 
\v 23 እያ ቃንታዳ አደ ናአ የላሱ፤ “ፆሳይ ታ ዬላ ቃርስ። 
\v 24 ጎዳይ ታዉ ሀራ አደ ናአካ ጉጆ” ያጋዳ ሄ ናአ ዮሰፋ\f + \fr 30:24 \fr*\ft ሀ ሱን ብርሸይ “ታዉ ጉጆ” ዎይኮ “ታፐ ቃርስ” ጉሱ።\ft*\f* ጋዳ ሱንሱ።
\s1 ያይቆባነ ላባ
\p
\v 25 ራሄላ ዮሰፋ የልዳፐ ጉየ፥ ያይቆብ፥ “ታኒ ታ አዋ ቢታ ስማዳ ባና ታና ሞይዛ። 
\v 26 ታኒ ኤንታ ግሾ ነዉ ኦዳ ታ ማቸታነ ታ ናይታ እማ። ታኒ ባና፥ ታኒ ነዉ አይ መላ ኦሶ ኦዳኮ ኔኒ ኤራሳ” ያግስ።
\p
\v 27 ሽን ላቢ እያኮ፥ “ታኒ ነዉ እስባ ኦዳይስ፥ ጎዳይ ነ ጋሶን ታና አንጅዳይሳ ታኒ ታ ፆሳፈ ኤራስ። 
\v 28 ነ ዳሞዝያ ታዉ ኦዳ፥ ታኒ ነዉ ቃንፃና” ያግስ።
\p
\v 29 ያይቆብ፥ “ታኒ ነዉ ዋታ ኦዳኮ፥ ነ መሄትካ ዋን የለትዳኮ ኔኒ ኤራሳ። 
\v 30 ታኒ ያናፐ ካሰ ነዉ ደእያ ጉይ ሀእ ሎይ ዳርስ። ጎዳይ ነና ታኒ አዳ በሳ ኡባን አንጅስ። ሽን ሀእ፥ ታኒ ታ ሶ አሳስ ኦና ዎደ” ያግስ።
\p
\v 31 ላቢ፥ “ያትን ታኒ ነዉ አይ እሞ?” ያግድ እያ ኦይችስ።
\p ያይቆብ፥ “ታዉ አይኮካ እሞፋ፥ ኔኒ ታዉ እስባ ኦና ግድኮ፥ ታኒ ነ ዉድያ ሀእካ ሄማናነ ናጋና። 
\v 32 ታኒ ሀች ነ ዉደ ኡባ ግዶራ አና። ሄሳን ነ ዶርሳታፐ ዋንጩዋ ዎይኮ ጋዛ፥ ካሬ ማራዘታ ኡባ፥ ዴሻፐ ጋዛነ ዋንጮ ኡባ ታኒ ሻካና፥ ኤንቲ ታ ዳሞዘ ግዶ። 
\v 33 ሄሳ ግሾ፥ ታ ፅሎተይ ነ ታዉ ቃንፅዳ ዳሞዝያ በአናዉ ያ ዎደ ታዉ ማርካታና። ታ ዴሻፐ ጋዛ ዎይኮ ፑንጫረ ግዶናባይ ዎይኮ ካሬ ግዶና አይ ዶርሳት ታ ማታን በንትኮ፥ ካይሶተትዳዳ ታይባ” ያግስ።
\p
\v 34 ላቢ፥ “ኤሮ፥ ኔኒ ግዳይሳዳ ግዶ” ያግስ። 
\v 35 ሽን ሄ ጋላሳን ላቢ ካላደ ዎይኮ ጋዛ ግድዳ ኮሌ ኡባ፥ ዋንጮ ዎይኮ ጋዛ ግድዳ ማጫ ዴሻ ኡባ፥ ቦ ዋንጮ ዴሻታነ ካሬ ዋንጮ ዶርሳታ ኡባ ከስድ ባ አደ ናይታ ሄንስ። 
\v 36 ያትድ ሄ ዉድያ ሄ ጋላሳ ኦግያ ያይቆባፐ ሃስድ ኤፍስ። ሽን ያይቆብ አትዳ ላባ ዉድያ ሄምስ።
\p
\v 37 ያይቆብ ኦንጋፍረፐ፥ ባርኤፈኔ ላዉዘ ምፈ ፃምአ ከስድ፥ ፖቁዋ ፖቅድ ግዶ ቦ ባጋ ቃርድ ሽሎይስ። 
\v 38 ዉደይ ሃ ኡያናዉ ያ ዎደ ጎንገን ዉድያ ስንን ፖቅዳ ፃምአ ዎስ። ብራይስ ከይዳይሳት ሃ ኡያናዉ ይድ፥ 
\v 39 ሄ ፃምአታ ስንን ብራይሰቶሶና። ሄ ብራይስዳይሳት ካላደ፥ ዋንጮነ ጋዛ ማራታ የልዶሶና። 
\v 40 ያይቆብ ዴሻ ማራታነ ዶርሳ ዉድያፐ ሻክድ ዱማ ዎስ። አትዳ ዉድያ ካላደነ ካሬ ግድያ ላባ መህያኮ ዛሪድ ኤስስ። ያትድ ላባ ዉድያራ ጋና ባ ዉድያ ዱማይድ ዳርስስ።
\p
\v 41 ዉድያፐ ጎባ ማጫት ብራይሳስ ከይያ ዎደ ሄ ፃምአታ ማታን ብራይሰታና መላ ያይቆብ ሄ ፃምአታ ሃ ጎንገን መሄታ ስንን ዎስ። 
\v 42 ሽን መሄት ላፋ ግድኮ ኤንታ ስንን ፃምአ ዎና። ሄሳ ግሾ፥ ላፋ መሄት ላባባ ግድን ጎባት ያይቆባባ ግድዶሶና። 
\v 43 ሄሳዳ ኦድ ያይቆብ ዳሮ ዱረትድ፥ ዳሮ ዉድያ፥ ማጫ አይለታነ አደ አይለታ፥ ዳሮ ግማለታነ ሀረታ ሃርስ።
\c 31
\s1 ያይቆብ ላባፐ ባቃቱዋ
\p
\v 1 ላባ አደ ናይት፥ “ያይቆብ ኑ አዋባ ኡባ ኤክድግስ። ሀ ሻሎ ኡባ ኑ አዋባፐ ደምስ” ያግሽን ያይቆብ ስእስ። 
\v 2 ያይቆብ ላባ ሶምኦይ እያዉ ካሰ መላ ግዶናይሳ በእስ።
\p
\v 3 ሄ ዎደ ጎዳይ ያይቆባ፥ “ኔኒ ነ አዋታ ቢታ፥ ነ ዳቦታኮ ጉየ ስማ። ታኒ ኔራ ግዳና” ያግስ።
\p
\v 4 ያይቆብ ራሄሎነ ልያ ባ ዉደይ ሄመትያ በሳ ያና መላ ኪትድ ፄግስስ። 
\v 5 እ ኤንታኮ፥ “ህንተ አዋ ሶምኦይ ታዉ ካሰ መላ ግዶናይሳ ታኒ በአይስ። ሽን ታ አዋ ፆሳይ ታራ ደኤስ። 
\v 6 ታኒ ታ ኩመ ዎልቃን ህንተ አዋስ ኦዳይሳ ህንተ ኤሬታ። 
\v 7 ሽን ህንተ አዋይ ታና ጭምድ፥ ታ ዳሞዝያ ታሙ ቶሆ ላምስ። ግድኮካ ፆሳይ ታና እ ቆሆናዳ ድግስ። 
\v 8 እ፥ ‘ፑንጫረት ነ ዳሞዘ ግዶ’ ግን ዉደ ኡባይ ፑንጫረ የልስ። ቃስ እ፥ ‘ካላደት ነ ዳሞዘ ግዶ’ ግን ዉደ ኡባይ ካላደ የልስ። 
\v 9 ፆሳይ ሄሳን ህንተ አዋ መህያ ዎ ኤክድ ታዉ እሚስ።
\p
\v 10 “መሄት ብራይሳስ ከይያ አጌናን ታኒ እስ አሙሆ አሙሀስ። ሄ አሙሁዋን ታኒ ፄልያ ዎደ መህያ ብራይስያ ዴሻ ኡርገት ካላደ፥ ፑንጫረነ ጋዛ። 
\v 11 ፆሳ ኪታንቾይ አሙሆን ታና፥ ‘ያይቆባ’ ያግስ። ታኒ፥ ‘ዬ’ ጋዳ ኮያስ። 
\v 12 እካ፥ ‘ቁ ጋዳ መህያ ብራይስያ ዴሻ ኡርገ ኡባ ካላደ፥ ፑንጫረነ ጋዛ በአ። ላቢ ነ ቦላ ኦያባ ኡባ ታኒ በእዳ ግሾ ሄሳ ኦስ። 
\v 13 ኔኒ ኤስዳ ሹቻ ዛይተ ትያዳ ታዉ ጫቅዳ ቤተለ ፆሳይ ታና። ሀእ ደንዳዳ ሀ ቢታፈ ከያ። ጉየ ነ የለትዳ ቢታ ስማ’ ግስ” ያግስ።
\p
\v 14 ሄሳፈ ጉየ፥ ራሄልራነ ልያራ “ኑ አዋባፐ ኑና ጋክያባይ አይቤ? 
\v 15 እ ኑና አላጋዳ ፄሌስ ግደኔ? እ ኑና ባይዝ ኤክስ። ባይዝ ኤክዳባ ኡባ ምድ ይስስ። 
\v 16 ፆሳይ ኑ አዋፐ ዎ ኤክዳ ሻሎ ኡባይ ቱማካ ኑባነ ኑ ናይታባ። ሄሳ ግሾ፥ ፆሳይ ነዉ ኦድዳባ ኡባ ኦ” ያግ ዛርዶሶና።
\p
\v 17-18 ያይቆብ ካናነ ቢታን ደእያ ባ አዋ ይሳቃኮ ባናዉ ደንድስ። እ ባ ናይታነ ባ ማቸታ ግማለ ቶግስስ። ዉደ ኡባ ላግድ፥ ማሰጰፆመን ደእሸ ሺሽዳ ሻሎ ኡባ ኤክድ ብስ። 
\v 19 ላቢ ባ ዶርሳታ እክስያ ቃንፃናዉ ብዳሽን፥ ራሄላ ባ አዋ ሶ ኤቃ ምስለታ ካይሶታሱ። 
\v 20 ቃስ ያይቆብ አራመ አድያ ላባስ ባ ቡሳ ኦዶና እፅድ ጭምስ። 
\v 21 እ ባዉ ደእያባ ኡባ ኤክድ ኤለስድ ኤፍራፂሳ ሻፋ ፕንድ፥ ደረይ ዳርያ ጋላዳ ቢታ ብስ።
\s1 ላቢ ያይቆባ ካልድ ቡሳ
\p
\v 22 ሄ ጋላሳፐ ጉየ፥ ያይቆቢ ባቃትድ ብዳይሳ ላቢ ስእስ። 
\v 23 ባ ዳቦታ ባራ ኤክድ፥ ላፑን ጋላሳ ኦገ ያይቆባ ጌዶ ካልድ ደረይ ዳርያ ጋላዳ ቢታን እያ ጋክስ። 
\v 24 ሄ ዎደ ፆሳይ ቃማ ሶረ ላባኮ አሙሆን ቆንጭድ፥ “ኔኒ ያይቆባ ቦላ ኢታባ ግድን ሎኦባ፥ አይብባካ ኦደትኮ ነና ኤራ” ያግስ። 
\v 25 ላቢ ጋክያ ዎደ ያይቆብ ደረይ ዳርያ ጋላዳ ቢታን ዱንካነ ቶክድ ኡትስ። ላብካ ዳቦታራ ያን ዱንካንዶሶና።
\p
\v 26 ሄሳፈ ጉየ፥ ላቢ ያይቆባ፥ “ኔኒ ሀይሳዳ ታና አይስ ጭማዲ? ታ ማጫ ናይታካ ኦላን ድኤትዳባዳ አይስ ላጋ ከሳዲ? 
\v 27 ኔኒ አይስ ቆሳን ታፐ ከሳ ኤካዳ ታና ጭማዲ? ታኒ ነና ኡፋይሳንነ የን፥ ካራቦንነ ዲን ሞይዛና መላ አይስ ታዉ ኦዳብኪ? 
\v 28 ኔኒ ሀር አቶሽን፥ ታ ናይታ ናይታነ ታ ማጫ ናይታ ታኒ ዬራ ኤኮና መላ ድጋዳሳ። ኔኒ ኢታ ኦዳሳ። 
\v 29 ታኒ ነና ገናናዉ ታዉ ዎልቅ ደኤስ ሽን ነ አዋ ፆሳይ ዝነ ቃማ ታኮ፥ ‘ያይቆባ ቦላ ኢታባ ግድን ሎኦባ አይብባካ ኦደቶናዳ ነና ኤራ’ ያግድ ታዉ ኦድስ። 
\v 30 ሀእ ኔኒ ነ አዋ ሶ ባናዉ ዳሮ ላሞትዳ ግሾ ከያዳሳ። ሽን ታ ሶ ኤቃ ምስለታ አይስ ካይሶታዲ?” ያግስ።
\p
\v 31 ያይቆብ ላባ፥ “ኔኒ ነ ናይታ ታፐ ዎልቃን ዎስሳ ኤካነኮነ ጋዳ ቆፕዳ ግሾ ያያዳ ሀይሳዳ ኦስ። 
\v 32 ሽን ነ ሶ ኤቃ ምስለታ ኤክዳ አስ ኦናካ ኔኒ ደምኮ፥ ሄ ኡራይ ሀይቆ። ኑ ዳቦታ ስንን ነባ ግድዳባ ኡባ ኮያዳ ኤካ” ያግስ። ያይቆብ ራሄላ ባ አዋ ሶ ኤቃ ምስለታ ካይሶትዳይሳ ኤርቤና።
\p
\v 33 ሄሳ ግሾ፥ ላቢ ያይቆባ ዱንካንያ ግዶ፥ ልያ ዱንካንያ ግዶነ ናምኡ አይለታ ዱንካንያ ግዶ ገልድ ኮይስ። ሽን አይኮካ ደምቤና። ልያ ዱንካንያፐ ከይድ፥ ራሄል ዱንካንያ ገልስ። 
\v 34 ራሄላ ሶ ኤቃ ምስለታ ኤካዳ ግማለ ኮራ ጋርሳን ቆሳዳ እያ ቦላ ኡታሱ። ላቢ ዱንካንያን ደእያባ ኡባ ፕልግድ ኮይስ። ሽን አይኮካ ደምቤና። 
\v 35 ራሄላ ባ አዋ፥ “ታ ጎዳዉ፥ ታና ሀንቀቶፋ። ታኒ ነዉ ደንዳ ኤቃናዉ ዳንዳእከ፥ ታ ኩሸ መቶራ ደአይስ” ያጋሱ። እ ኮይድ ሶ ኤቃ ምስለታ ደምቤና።
\p
\v 36 ያይቆብ ይሎትድ ላባኮ፥ “ታኒ አይ ኢሳድና? ሀይሳ ኔኒ ታና ካላናዉ ታ አይ ቆሆ ኦድና? 
\v 37 ሀእ ኔኒ ታ ሚሸ ኡባ ፕልጋዳ ኮያዳሳ። ነ ሶ ኤቃ ምስለታፐ አይ ደማዲ? ኤንቲ ኑ ናምአ ግዶን ፕርዳና መላ ነ ዳቦታ ስንንነ ታ ዳቦታ ስንን ሀይሳን ዎ።
\p
\v 38 “ታኒ ኔራ ላታሙ ላይ ኩመ ደአስ። ነ ዶርሳትነ ዴሻት አዉጫይቦኮና ዎይኮ ነ ዉድያፐ እሱዋካ ቆታዳ ማብከ። 
\v 39 ዶእ ምዳ ጋዉፃካ ታ ነዉ ኤሀ ኤርከ፤ ታኒ ታፐ ጭጋይስ። ጋላስ ዎይኮ ቃማ ካይሶተትዳይሳታ ቃንፅሳሳ። 
\v 40 ጋላሳ ሱላን፥ ቃማ ሜጎን ታኒ ቆሄታስ። ማራ ስኮ ስካ ኤርከ። 
\v 41 ታኒ ሀይሳዳ ሀናዳ ነ ሶን ላታሙ ላይ ደአስ። ታማነ ኦይዱ ላይ ነ ናምኡ ማጫ ናይታ ግሾ፥ ኡሱፑን ላይ ነ መህያ ግሾ ነዉ ኦስ። ሽን ኔኒ ታ ዳሞዝያ ታሙ ቶሆ ላማዳሳ። 
\v 42 ታ አዋ ፆሳይ፥ አብራሃመ ፆሳይ፥ ይሳቃ ፆሳይ ታራ ግዶናባ ግድያኮ፥ ስይ ባይና ኔኒ ታና መላ ኩሸ ከሳ የዳዳሳ። ሽን ፆሳይ ታ መቱዋነ ታ ዳቡርሳ በእድ ዝነ ቃማ ነና ሀንቅስ” ያግስ።
\s1 ያይቆባነ ላባ ጫቁዋ
\p
\v 43 ላቢ ዛሪድ ያይቆባ፥ “ማጫሳት ታ ማጫ ናይታ፥ ኤንታ ናይት ታ ናይታ፥ ሀ መሄይካ ታ መህያ፥ ኔኒ በእያ ኡባይ ታባ። ሀች ሀ ማጫ ናይታ ቦላነ ኤንታ ናይታ ቦላ አይ ኦናዉ ዳንዳአይና? 
\v 44 አነ ሃያ፥ ኔራነ ታራ ዎላ አነ ጫቆስ። ሄስ ነ ግዶንነ ታ ግዶን ማርካ ግዶ” ያግስ።
\p
\v 45 ሄሳ ግሾ፥ ያይቆብ እስ ሹቹ ኤክድ ቱሳ ኤስስ። 
\v 46 ባ ዳቦታ፥ “ሹቹ ሺሽተ” ያግስ። ኤንቲ ሹቹ ሺሽድ ኬልዶሶና። ሄ ኬላ ማታን ካ ምዶሶና። 
\v 47 ላቢ ሄ ኬላ፥ ይጋር-ሳሀዱታ\f + \fr 31:47 \fr*\fq ይጋር-ሳሀዱታ፦ \fq*\ft አራምከ ዶናን “ማርካ ኬላ” ጉሱ።\ft*\f* ግድ ሱንስ። ያይቆብ ቃስ እያ ጋላዳ\f + \fr 31:47 \fr*\fq ጋላዳ፦ \fq*\ft እብራወ ዶናን “ማርካ ኬላ” ጉሱ።\ft*\f* ግድ ሱንስ። 
\v 48 ላቢ፥ “ሀ ኬላይ ኔፐነ ታፐ ግዶን ሀች ማርካ” ያግስ። ሄሳ ግሾ፥ እያ ሱንይ ጋላዳ ጌተትስ።
\p
\v 49 ላቢ፥ “ኑኒ እሶይ እሱዋፈ ሃክድ ደእያ በሳን ጎዳይ ነናነ ታና ናጎ” ግድ ሄ በሳ ምፅጳ\f + \fr 31:49 \fr*\fq ምፅጳ፦ \fq*\ft እብራወ ዶና ናጎ በሲ ጉሱ።\ft*\f* ግድ ሱንስ። 
\v 50 ላቢ፥ “ኔኒ ታ ማጫ ናይታ ናቅኮ፥ ዎይኮ ኔኒ ታ ማጫ ናይታ ቦላ ሀራ ማቾ ነ ኤክኮ፥ ታ ኤሮና እፅኮካ ነ ግዶንነ ታ ግዶን ፆሳይ ማርካ ግደይሳ አኬካ” ያግስ።
\p
\v 51 ላቢ ቃስካ፥ “ኬለትዳ ሹቻይነ ታኒ ነ ግዶንነ ታ ግዶን ኤስዳ ሹቻ ቱሳይ ሀይስሽ። 
\v 52 ታኒ ሀ ኬላፐ ነና ገናናዉ ኔኮ ካንናዳ፥ ነካ ታና ገናናዉ ሀ ኬላፐነ ሀ ሹቻ ቱሳፈ ሀ አናዳ ሀ ኬላይነ ሀ ሹቻ ቱሳይ ማርካ። 
\v 53 አብራሃመ ፆሳይ፥ ናኮራ ፆሳይ፥ ኤንታ አዋ ፆሳይ፥ ኑ ግዶን ፕርዶ” ያግስ። ያይቆብ ባ አዋ ይሳቃ ፆሳ ሱንን ጫቅስ። 
\v 54 ያይቆብ ዙማ ቦላ ያርሾ ያርሽስ። ባ ዳቦታ ካ ማናዉ ፄግስ። ኤንቲ ምድ ዙማ ቦላ አቅዶሶና።
\p
\v 55 ዎንተ ጋላስ ጉራ ላቢ ደንድድ ባ ናይታ ናይታነ ባ ማጫ ናይታ አንጅድ፥ ዬርድ ባ ሶ ስምስ።
\c 32
\s1 ያይቆባነ ኤሳዌ
\p
\v 1 ያይቆብ ደንድድ ባ ኦግያ ብሽን ፆሳ ኪታንቾት እያራ ጋሄትዶሶና። 
\v 2 ያይቆብ ኤንታ በእዳ ዎደ “ሀይሳቲ ፆሳ ኦላንቾታ” ያግድ፥ ሄ በሳ ማሀናይማ (ናምኡ ጉታ) ግድ ሱንስ።
\p
\v 3 ያይቆብ ኤዶመ ቢታን ሳይረ ግያ በሳን ደእያ ባ እሻ ኤሳዌኮ ኪታ ባፐ ስን ኪትስ። 
\v 4 እ ኤንታ፥ “ህንተ ታ ጎዳ ኤሳዌስ ጋናባይ ሀይሳ፥ ‘ታኒ ነ አይለይ ያይቆብ ሀእ ጋካናው ላባ ማታን ጋምአስ። 
\v 5 ታዉ ሚዝ፥ ሀረይ፥ ዶርስነ ዴሽ፥ አደ አይለትነ ማጫ አይለት ደኦሶና። ሀእ ታኒ ሀ ኪታ ታ ጎዳ ስንን ሳባ ደማንድናሻ ጋዳ ኪታስ ያግስ’ ያግተ” ያግድ ኪትስ።
\p
\v 6 ኪተትዳይሳት ያይቆባኮ ስሚድ፥ “ኑኒ ነ እሻ ኤሳዌኮ ብዳ። እካ ቃስ ኔራ ጋሄታናዉ ዬስ። እያራ ኦይዱ ፄቱ አሳይ ደኦሶና” ያግዶሶና።
\p
\v 7 ያይቆብ ዳሮ ባብድ ባራ ደእያ አሳ ናምኡ ጩጋን ሻክስ። ባ ዶርሳ፥ ዴሻ፥ ሚዛነ ግማለታ ናምኡ ጩጋን ሻክስ። 
\v 8 እ፥ “ኤሳዌይ ይድ እስ ጩጋ ኦልያባ ግድኮ፥ አትዳ ጩጋይ ከስ ኤካና” ግድ ቆፕስ።
\p
\v 9 ሄ ዎደ ያይቆብ ሀይሳዳ ያግድ ዎስስ፥ “አቤት ጎዳዉ፥ ታ አዋ አብራሃመ ፆሳዉ፥ ታ አዋ ይሳቃ ፆሳዉ፥ ታና፥ ‘ነ ቢታ፥ ነ ዳቦታኮ ስማ፥ ታኒ ነዉ ሎኦባ ኦና ግዳይሶ፥ ታና ስአርክ’፥ 
\v 10 ኔኒ ነ አይልያስ ኬህዳባስነ አማነተ ኡባስ ታኒ በሶና አስ። ታኒ ዮርዳኖሰ ሻፋ ፕንያ ዎደ ታዉ እስ ፃምአ ፃላል ደኤስ፤ ሽን ሀእ ታኒ ናምኡ ጩጋ ጎዳ ግዳስ። 
\v 11 ታኒ ነና ዎሳይስ ታ እሻ ኤሳዌ ኩሸፐ ታና አሻ። እ ይድ፥ ታናነ አየታ ኤንታ ናይታራ ይሶና አገና ጋዳ ያያይስ። 
\v 12 ሽን ኔኒ ታና፥ ‘ታኒ ነዉ ቱማ ሎኦባ ኦና። ታኒ ነ ሼሻ ታይባናዉ ዳንዳኤቶና አባ ሻፈዳ ኦና’ ግዳይሳ ቆፓ” ያግስ።
\p
\v 13 ሄ ጋላስ ቃማ እ ያን አቅስ። ባዉ ደእያባ ኡባፈ ባ እሻ ኤሳዌስ እማናባ ቆርድ ከስስ። 
\v 14-15 እ፥ ናምኡ ፄቱ ማጫ ዴሻታነ ላታሙ ዴሻ ማራዘታ፥ ናምኡ ፄቱ ማጫ ዶርሳታነ ላታሙ ዶርሳ ማራዘታ፥ ሀስታሙ ንያ ግማለታ ኤንታ ማራታራ፥ ኦይታሙ ማጫ ሚዛታ፥ ታሙ ኮርማ ቦራታ፥ ላታሙ ማጫ ሀረታነ ታሙ አደ ሀረታ ቆርድ ከስስ። 
\v 16 ሄሳታ ዉደን ዉደን ሻክድ ባ አይለታስ እምድ፥ “ታፐ ስን ብድ ዉድያ ዉድያፐ ሃሆን ሃሆን ላግተ” ያግስ።
\p
\v 17 ስንን ካለይሳ፥ “ታ እሻይ ኤሳዌይ ኔራ ጋሄትድ፥ ‘ኔኒ ኦደሴ? ኔኒ አዉ ባይ? ነ ስንን ደእያ መሄ ኡባይ ኦደባዬ?’ ያግድ ኦይችኮ፥ 
\v 18 ነ እያኮ፥ ‘ሀይሳቲ ነ አይልያ ያይቆባሳ፥ እ ታ ጎዳ ኤሳዌስ እማናዉ የድዳይሳታ። እካ ኑፐ ጉየራ ዬስ’ ያጋ” ያግድ ኪትስ።
\p
\v 19 ቃስ ናምአንዋ፥ ሄንዋነ ዉድያ ካልያ ሀራታ ኡባ፥ “ህንተ ኤሳዌራ ጋሄትያ ዎደ ሀይሳዳ ጌታ፤ 
\v 20 ‘ነ አይልያ ያይቆብ ኑፐ ጉየራ ዬስ’ ጎና አጎፍተ” ያግድ ኪትስ። እ፥ “ታኒ እማናዉ ስን የድዳይሳን እያ እርፅሳና። ኦን ኤር ሄሳፈ ጉየ፥ ታኒ እያራ ጋሄትያ ዎደ እ ታና ሞክ ኤካና” ያግድ ቆፕስ። 
\v 21 ሄሳ ግሾ፥ ባ እማናባ ባፐ ስን የድስ። ሽን እ ባ ሁጰን ሄ ጋላስ ቃማ ያን አቅስ።
\s1 ያይቆብ ፆሳራ ባፀቱዋ
\p
\v 22 ሄ ቃማ ያይቆብ ደንድድ፥ ባ ናምኡ ማቸታ፥ ባ ናምኡ አይለታ፥ ባ ናይታ ታማነ እሶታ ኤክድ፥ ያቦቃ ሻፋ ፕንስ። 
\v 23 እ ኤንታ ሻፋ ፕን ስሚድ ባዉ ደእያባ ኡባ ፕንድ የድስ። 
\v 24 ሽን ያይቆብ ባርካ ጉየ አትስ።
\p ሄ ዎደ እስ አስ ሳእ ዎንታና ጋካናስ እያራ ባፀትሸ አቅስ። 
\v 25 ሄ ኡራይ እያ ፆናናዉ ዳንዳኦናይሳ በእዳ ዎደ ያይቆባስ ቡልፅያ መቀ ቦችን፥ እያ ቡልፀይ ከሱዋፐ ከይስ። 
\v 26 ያትን ኡራይ እያ፥ “ሳእ ዎንታና ሀንያ ግሾ፥ ታና የዳ” ያግስ።
\p ሽን ያይቆብ፥ “ኔኒ ታና አንጆና ነና የድከ” ያግስ።
\p
\v 27 ኡራይ፥ “ነ ሱንይ ኦኔ?” ያግድ ኦይችስ።
\p እ ዛሪድ፥ “ያይቆባ” ያግስ።
\p
\v 28 ኡራይ፥ “ኔኒ ፆሳራነ አሳራ ባፀታዳ ፆንዳ ግሾ፥ ህዛፐ ነ ሱንይ ያይቆባ ጌተቶፎ፥ እስራኤለ (ፆሳራ ባፀትስ) ጌተቶ” ያግስ።
\p
\v 29 ያይቆብ ኡራ፥ “ነ ሱንይ ኦኔ?” ያግድ ኦይችስ።
\p ሽን ኡራይ፥ “ኔኒ ታ ሱን አይስ ኦይቻይ?” ያግድ እያ አንጅስ።
\p
\v 30 ሄሳ ግሾ፥ ያይቆብ፥ “ታኒ ፆሳ ሶምኦን በአስ ሽን ፓፃ ደአይስ” ያግድ፥ ሄ በሳ ጵንኤላ (ፆሳ ሶምኦ) ግድ ሱንስ። 
\v 31 እ ጵንኤላፐ ደንድያ ዎደ እያ ቦላ ፃልቀይ ዶልስ። እያ ቡልፀ ከሳይ ሳክያ ግሾ ዶጌስ። 
\v 32 ያይቆባ ቡልፀይ ዎድረ አሹዋ ማታን ቦሸትዳ ግሾ፥ እስራኤለ አሳይ መሄስ ቡልፀ አሾ ሀች ጋካናዉ ሞኮና።
\c 33
\s1 ያይቆብ ኤሳዌራ ጋሄተ
\p
\v 1 ያይቆብ ቁ ግድ ፄልያ ዎደ ኤሳዌይ ባ ኦይዱ ፄቱ አሳራ የይሳ በእስ። ሄሳ ግሾ፥ ናይታ ልያስ፥ ራሄልስነ ናምኡ አይለታስ ሻክ እሚስ። 
\v 2 አይለታነ ኤንታ ናይታ ስንን፥ ልያነ እ ናይታ ኤንታ ጌዶን፥ ራሄሎነ ዮሰፋ ዉርሰን ዎስ። 
\v 3 ሽን እ ባዉ ስን አድ ባ እሻኮ ማትሸ ሳአ ጋክ ጋክ ላፑንቶሆ ዝግስ።
\p
\v 4 ሽን ኤሳዌይ እያራ ጋሄታናዉ ዎፅ ይድ እያ ቆያ ቆምድ ዬርስ። ናምአይካ ዬክዶሶና። 
\v 5 ኤሳዌይ ቁ ግድ ፄልድ ማጫሳታነ ናይታ በእድ፥ “ሀ ኔራ ደኤይሳት ኦናንቴ?” ያግድ ኦይችስ።
\p ያይቆብ፥ “ታ ጎዳዉ፥ ሀይሳቲ ፆሳይ ነ አይልያስ ባ ኬሀተን እምዳ ናይታ” ያግስ። 
\v 6 አይለት ባንታ ናይታራ ሺቅድ እያዉ ዝግዶሶና። 
\v 7 ካልድ ልያራነ እ ናይታራ ይድ ዝግዶሶና። ዉርሰን ዮሰፋራነ ራሄልራ ይድ ዝግዶሶና።
\p
\v 8 ኤሳዌይ፥ “ሀ ስንን ብሸ ታራ ጋሄትዳ ዉደይ ኡባይ አይቤ?” ያግድ ኦይችስ።
\p ያይቆብ፥ “ታ ጎዳዉ፥ ሄስ ታኒ ነ ስንን ሳባ ደማናዉ የድዳይሳታ” ያግስ።
\p
\v 9 ሽን ኤሳዌይ፥ “ታ እሻዉ፥ ታዉ ግድያ ሻሎይ ደኤስ፥ ነባይ ነዉ ግዶ” ያግስ።
\p
\v 10 ያይቆብ፥ “ሀያና፥ ሀእ ታኒ ነ ስንን ሳባ ደምዳባ ግድኮ፥ ሀ ታኒ እመይሳ ኤካ። ኔኒ ታና ሞካ ኤክዳ ግሾ፥ ታ ነ ሶምኡዋ በኤይስ ፆሳ ሶምኦ በኤይሳ መላ። 
\v 11 ታኒ ነዉ ኤህዳ ሀ እሞታ ኤካ። ፆሳይ ታዉ ኬህ እምዳ ግሾ ኩምስ” ያግስ። ያይቆብ ዎስድ አጎና እፅዳ ግሾ፥ ኤሳዌይ እያ እሞታ ኤክስ።
\p
\v 12 ኤሳዌይ፥ “አነ የ፥ ታኒ ኔራ እስፈ ባና” ያግስ።
\p
\v 13 ሽን ያይቆብ፥ “ታ ጎዳዉ፥ ናይት ሹጎ ግደይሳ ኤራሳ። ቃስ ታኒ ጋሎ ማራታ ንያ ዶርሳታነ ሚዛ ናጋናዉ ኮሼስ። አሳይ ኤንታ ሀር አቶሽን፥ እስ ጋላስ ምን ላግኮ፥ መሄ ኡባይ ሀይቃና። 
\v 14 ሄሳ ግሾ፥ ታ ጎዳዉ፥ ነ አይለታፐ ስንታዳ ባ። ታኒ ሳይረን ታ ጎዳ ጋካናስ፥ ታ ስንን ደእያ መህያነ ናይታ ሄመ መላ ሎዳን ካላዳ ታ ጎዳ ታኒ ኤዶመን ጋካና” ያግስ።
\p
\v 15 ኤሳዌይ፥ “ያንኮ፥ ታኒ ታ አሳፐ ጉራ ነዉ አሾ” ያግስ።
\p ሽን ያይቆብ፥ “ኮሸና፤ ታኒ ታ ጎዳ ስንን ሳበትዳይስ ታዉ ግዳና” ያግስ።
\p
\v 16 ሄሳ ግሾ፥ ኤሳዌይ ሄ ጋላስ ኦገን ዎድ ሳይረ ስምስ። 
\v 17 ሽን ያይቆብ ሱኮታ ብስ። ያን ባዉ ኬ ኬፅስ፥ ባ መሄታስ ሻቃራ ሻቃርስ። ሄሳ ግሾ፥ ሄ በሳ ሱኮታ (ኩያ ዎይኮ ጋባ) ግድ ሱንስ።
\p
\v 18 ያይቆብ ማሰጰፆመፐ ስሚድ ካናነ ቢታን ደእያ ሴከማ ካታማ ሳሮን ጋክስ። እ ሄ ካታማስ ስን ባጋራ ዱንካነ ቶክድ ኡትስ። 
\v 19 ባ ዱንካንያ ቶክዲ ኡትዳ ጋድያ ሴከማ አዋ ሀሞራ ናይታፐ እስ ፄቱ ብራ ሳንትመን ሻምስ። 
\v 20 ያን ያርሾ በሲ ጊግስድ፥ “ጎዳ፥ እስራኤለ ፆሳ” ግድ ሱንስ።
\c 34
\s1 ሴከማነ ዲና
\p
\v 1 ልያ ያይቆባስ የልዳ ናእያ ዲና፥ ሄ ዎደ ካናነ ማጫሳታ በአናዉ ከያሱ። 
\v 2 ሄ ቢታ ሃርያ ህወ አድያ ሀሞራ ናአ ሴከም እዮ በእድ፥ ዳፍድ ኢስስ። 
\v 3 እያ ዎዛናይ ያይቆባ ናእዉ ዲናስ ቃትስ። እ እዉ ምሸትዳ ግሾ ሎኦ ቃላራ እዮ ኦድስስ። 
\v 4 ሴከም ባ አዋ ሀሞራ፥ “ታዉ ሀ ናእዉ ማቾ ኦይቻርክ” ያግስ።
\p
\v 5 ያይቆብ ባ ናእዉ፥ ዲና፥ አዝን ዳፍዳይሳ ስእዳ ዎደ እያ አደ ናይት መሄራ ባዞን ደኦሶና። ሄሳ ግሾ፥ ኤንቲ ያና ጋካናስ ስእ ግስ።
\p
\v 6 ሄሳፈ ጉየ፥ ሴከማ አዋ ሀሞር ያይቆባ ኦድሳናዉ ይስ። 
\v 7 ያይቆባ አደ ናይት ባዞፈ ይድ ሄሳ ስእዶሶና። ኤንቲ ሴከም ያይቆባ ናእዉ ዳፍድ፥ ኢስድ እስራኤለ ዬላይዳ ግሾ ዳሮ ይሎትዶሶና።
\p
\v 8 ሽን ሀሞር ኤንታኮ፥ “ታ ናአይ ሴከም ህንተ ናኤስ ዳሮ ምሸቴስ፥ ሀያና እዮ እያዉ ማቾ እመርከት። 
\v 9 ኑራ ኤከትተነ ገለትተ፥ ህንተ ማጫ ናይታ ኑስ እምተ፥ ኑ ማጫ ናይታካ ህንተዉ ኤክተ። 
\v 10 ህንተ ኑ ግዶን ዳናዉ ዳንዳኤታ። ቢታይ ዳሮ ዳልጋ፥ እያ ኦድ ዛልእድ ህንተዉ አቆ ደማናዉ ዳንዳኤታ” ያግስ።
\p
\v 11 ሄ ዎደ ሴከም ዲና አዋነ እ እሻታ፥ “ታኒ ህንተ ስንን ሳበትኮ፥ ህንተ ኮይያባ አይብባ ግድኮካ እማና። 
\v 12 ህንተ ምሽራ ናኤስ እሞታነ ኮይታ ህንተ ኮይዳ መላ ታና ኦይችተ። ታኒ ህንተ ታና ኦይችዳባ ኡባ እማና። ሽን ታኒ ማቻናዉ ናእዉ ታዉ እመርከት” ያግስ።
\p
\v 13 ባንታ ምችዉ ዲና ሴከም ቱንስዳ ግሾ፥ ያይቆባ አደ ናይት ሴከማስነ እያ አዋ ሀሞራስ ዎርዶትዶሶና። 
\v 14 ኤንታኮ፥ “ኑኒ ሄሳ መላ ፓላባ ኦናዉ ዳንዳኦኮ፥ ኑኒ ኑ ምችዉ ቃፃረትቦና አሳስ እሞኮ፥ ሄስ ኑና ካዉሽያባ። 
\v 15 ህንተ ኑስ እስባ ኤሮ ጊኮ ኑ ህንተዉ ኤሮ ጋና። ሄስካ፥ ህንተ ቢታ አደ አሳ ኡባይ ቃፃረትድ ኑዳ ሀንኮ፥ 
\v 16 ኑኒ ኑ ማጫ ናይታ ህንተዉ እማናዉ ኤሮ ጋና። ህንተ ማጫ ናይታካ ኑስ ኤካና። ኑኒ ህንተ ግዶን ደእድ ህንተራ እስ አሰ ግዳና። 
\v 17 ሽን ህንተ ቃፃረታናዉ ኤሮ ጎና እፅኮ፥ ኑኒ ኑ ምችዉ ኤክ ባና” ያግዶሶና።
\p
\v 18 ያትን ሀ ኤንቲ ግዳባይ ሀሞራስነ እያ ናአ ሴከማስ ሎኦ ዳንስ። 
\v 19 ሄ ፓንይ ባ አዋ ኬን ደእያ ኡባፈ አድ ቦንቸትዳ ግሾ ኮይዳባ ኦናዉ እያዉ ማት ደኤስ። ያይቆባ ናእዉ ዳሮ ዶስዳ ግሾ፥ ኤንቲ ግዳባ ኦናዉ ጉየ ግቤና። 
\v 20 ሄ ዎደ ሀሞርነ እያ ናአይ ሴከም ባንታ ካታማ ዳባባ ብድ፥ ባንታ ካታማ አሳስ ሀይሳዳ ያግድ ኦድዶሶና። 
\v 21 “ሀ አሳት ኑራ ስጋ ደኦሶና። ቢታይ ዳሮ ዳልጋ ግድያ ግሾ ኤንቲ ሀ ቢታን ጎዮ ዛልኦ። ኤንታ ማጫ ናይታካ ኑኒ ኤካና፥ ኤንትካ ኑ ማጫ ናይታ ኤኮና። 
\v 22 ሽን ኑራ ኤንቲ እስ አሳዳ ደአናዉ ኑኒ እስባ ኤሮ ጋናዉ ኮሼስ። ሄስካ፥ ኤንቲ ቃፃረትዳይሳዳ ኑ አደ አሳ ኡባይ ቃፃረታናይሳ። 
\v 23 ኑኒ ሄሳዳ ኦኮ፥ ኤንታ መሄይነ፥ ኤንታ አቆ ኡባይ ኑባ ግደኔ? ሄሳ ግሾ፥ አነ ኑኒ ኤንቲ ገይሳ ኤሮ ጎስ። ኤንትካ ኑ ግዶን ደአና” ያግዶሶና።
\p
\v 24 ካታማ ዳባባ ሺቅዳ አሳት ኡባይ ሀሞራስነ እያ ናአ ሴከማስ፥ “ኤሮ” ግዶሶና። ያትን ሄ ካታማ አደ አሳት ኡባይ ቃፃረትዶሶና።
\p
\v 25 ሄን ጋላስ፥ ኤንቲ ኡባይ ባንታ ቃፃራ ማዱን ሳከትሽን፥ ያይቆባ አደ ናይታፐ ናምአይ፥ ዲና እሻት፥ ስሞናራነ ሌወራ ባንታ ማሻ ኤክድ ኦንካ ኤሮና ካታማ ገልድ አደ አሳ ኡባ ዎዶሶና። 
\v 26 ሀሞራነ እያ ናአ ሴከማ ማሻን ዎድ፥ ባንታ ምችዉ ዲና ሴከማ ኬፈ ኤክ ብዶሶና። 
\v 27 ያይቆባ ሀራ አደ ናይት አሀታ ቦላ ገልድ ባንታ ምችዉ ዲና ቱንስዳ ካታማ ኡባ ቦንቅዶሶና። 
\v 28 ኤንታ ዶርሳ ዉድያ፥ ሚዛ ዉድያ፥ ሀርያ፥ ካታማ ግዶን ደእያባነ ጋፃን ደእያባ ኡባ ኤክዶሶና። 
\v 29 ኤንታ ኬን ደእያ አቁዋ ኡባ፥ ኤንታ ናይታ ኡባነ ማጫሳታ ኡባ ድእዶሶና።
\p
\v 30 ያይቆብ ስሞናነ ሌወ፥ “ህንተ ታ ቦላ ግታ መቶ ኤህደታ። ሀ ቢታን ደእያ ካናነትነ ፓርዘት ታና እፃና። ኑኒ ታይቦን ጉ፥ ኤንቲ እስፈ ግድድ ታ ቦላ ደንድኮ፥ ታንነ ታ ሶ አሳይ ያና” ያግስ።
\p
\v 31 ሽን ኤንቲ፥ “ያትን፥ እ ኑ ምችዉ ላይማ ማጫሳዳ ኦናዉ በሲ?” ያግዶሶና።
\c 35
\s1 ያይቆብ ቤተለ ስሙዋ
\p
\v 1 ሄሳፈ ጉየ፥ ፆሳይ ያይቆባ፥ “ደንዳዳ ፑደ ቤተለ ከያዳ ያን ደአ። ኔኒ ነ እሻ ኤሳዌፐ ባቃትዳ ዎደ ነዉ ቆንጭዳ ፆሳስ ያን ያርሾ በሲ ጊግሳ” ያግስ።
\p
\v 2 ሄሳ ግሾ፥ ያይቆብ ባ ሶ አሳነ እያራ ደኤይሳታ ኡባ፥ “ህንተ ግዶን ደእያ አላጋ ፆሳታ ድግተ። ህንተና ጌሽተ፥ ህንተ ማኡዋ ላምተ። 
\v 3 ሀይሳፈ ደንድድ ፑደ ቤተለ ቦስ። ታ መቱዋ ጋላስ ታዉ ስእዳ፥ ታኒ ብዳ በሳ ኡባን ታራ ግድዳ ፆሳስ ታኒ ያን ያርሾ በሲ ጊግሳና” ያግስ። 
\v 4 ኤንቲ ባንታዉ ደእያ አላጋ ፆሳታ ኡባነ ባንታ ሀይን አዳ ዎርቃታ ኡባ ከስድ ያይቆባስ እምዶሶና። ያይቆብ ሄሳታ ሴከማን ደእያ ዎላ ጋርሳን ሞግስ።
\p
\v 5 ሄሳፈ ጉየ፥ ያይቆብነ እያ አደ ናይት ደንድድ ብያደ ኤንታ ዩሹዋን ደእያ አሳ ቦላ ፆሳ ያሻይ ዎዳ ግሾ ኤንታና ካልድ ኦይካናዉ ኦንካ ዳንዳእቤና።
\p
\v 6 ያይቆብነ እያራ ደእያ አሳ ኡባይ ካናነ ቢታን ደእያ ቤተለ ጌተትያ ሎዛ ጋክዶሶና። 
\v 7 ያን እ ያርሾ በሲ ጊግስስ። እ ሄ በሳ ኤል-ቤተለ (ቤተለ ፆሳ) ግድ ሱንስ። እ ባ እሻፐ ባቃትድ ብያ ዎደ ፆሳይ እያዉ ቆንጭዳይ ሄ በሳና።
\p
\v 8 እርብቃ ድችያ ድቦራ ያን ሀይቃሱ። ቤተለፐ ጋርሳራ ደእያ ዎላ ጋርሳን እያ ሞገታሱ። ሄሳ ግሾ፥ ሄ ም ሱንይ አሎን-ባኩተ (ዬሆ ዎላ) ጌተትስ።
\p
\v 9 ያይቆብ ማሰጰፆመፐ ስምዳፐ ጉየ፥ ፆሳይ እያዉ ዛር ቆንጭድ እያ አንጅስ። 
\v 10 ፆሳይ፥ “ነ ሱንይ ያይቆባ። ሽን ህዛፐ ኔኒ ያይቆባ ጌተታካ፥ ነ ሱንይ እስራኤለ ጌተታና” ያግድ እያ “እስራኤለ” ግድ ሱንስ።
\p
\v 11 ቃስ ፆሳይ ያይቆባ፥ “ታኒ ኡባ ዳንዳእያ ፆሳ። ኔኒ የለታ፥ ዳራ። ደረይነ ካዎተት ኔፐ ከዮ። ካዎትካ ነ ጉልባታፐ ከዮ። 
\v 12 ታኒ አብራሃመስነ ይሳቃስ እምዳ ቢታ፥ ነዉ እማና። ኔፐ ጉየ ታኒ ሀ ቢታ ነ ሼሻስ እማና” ያግስ። 
\v 13 ፆሳይ እያራ ኦደትዳ በሳፈ ፑደ ከይስ።
\p
\v 14 ያይቆብ ፆሳይ እያራ ኦደትዳ በሳን ቆፍስያ ሹቻ ማላ ኤስድ እያ ቦላ ዎይንያነ ዛይተ ትግስ። 
\v 15 ያይቆብ ፆሳይ እያራ ኦደትዳ በሳ “ቤተለ” ግድ ሱንስ።
\s1 ራሄል ሀይቁዋ
\p
\v 16 ኤንቲ ሄሳፈ ጉየ፥ ቤተለፐ ደንድድ ብዶሶና። ኤንቲ ኤፍራታ ጋካናዉ ጉ አትሽን፥ ራሄሎ እቀ ኦይክን ዳሮ ዋየታሱ። 
\v 17 እቀይ እዮ ዋይስዳ ዎደ እዮ የልስያራ፥ “ባቦፋ፤ ሀይስካ አደ ናአ” ያጋሱ። 
\v 18 ሽን እያ ሀይቆስ ማታዳ ሸምፖይ ከያና ሀንሽን፥ ባ ናአ በኖና (መቶ ናአ) ጋዳ ሱንሱ። ሽን እያ አዋይ ብንያመ (ታ ኡሻቻ) ግድ ሱንስ።
\p
\v 19 ሄሳፈ ጉየ፥ ራሄላ ሀይቃ አጋሱ። ቤተለመ ጌተትያ ኤፍራታ ኤፍያ ኦግያ ጋፃን ሞገታሱ። 
\v 20 ያይቆብ እ ዱፉዋ ቦላ ሀዉልተ ሹቹ ኤስስ። ሄ ሀዉልተይ ሀች ጋካናዉካ ራሄል ዱፉዋ ኤርሴስ።
\p
\v 21 እስራኤለይ ሄሳፈ ደንድድ ኤደራ ግምብያፈ ሄፍንን ባ ዱንካንያ ቶክስ። 
\v 22 እስራኤለይ ሄ ቢታን ደእሽን፥ ሮቤል ባ አዋስ የልዳ አይለ ባልራ አቅስ። እስራኤለይ ሄ ኦዳ ስእስ።
\p ያይቆባ አደ ናይት ታማነ ናምአ። 
\v 23 ልያ ናይት ያይቆባ ባይራ ናአ ሮቤላ፥ ስሞና፥ ሌወ፥ ይሁዳ፥ ይሳኮራነ ዛብሎና። 
\v 24 ራሄል አደ ናይት ዮሰፋነ ብንያመ። 
\v 25 ራሄል አይለ ባል አደ ናይት ዳነነ ንፍታለመ። 
\v 26 ልያ አይለ ዛላፋ አደ ናይት ጋደነ አሴራ። ሀ ናይት ያይቆባስ ማሰጰፆመን የለትዳ አደ ናይታ።
\p
\v 27 ያይቆብ ከብሮና ጌተትያ ቅርያት-አርባ ማታን ማምረን ደእያ ባ አዋ ይሳቃ ሶ ብስ። ሄ በሳይ ካሰ አብራሃመይነ ይሳቅ ደእዳ በሳ። 
\v 28 ይሳቅ ፄታነ ሆስፑን ታሙ ላይ ደእስ። 
\v 29 እ ዳሮ ዎድያ ደእድ ሎኦ ጭምድ፥ ሀይቅድ ባ ማይዛታን ጋሄትስ። እያ ናይት ኤሳዌይነ ያይቆብ እያ ሞግዶሶና።
\c 36
\s1 ኤሳዌነ እያ የለተ
\p
\v 1 ኤዶመ ጌተትያ ኤሳዌ የለተይ ሀይሳፈ ካልድ ፃፈትዳይሳ፤ 
\v 2 ኤሳዌይ ካናነ ቢታ ማጫ ናይታፐ ባዉ ማቾታ ኤክስ። ኤንትካ ህተ አድያ ኤሎና ናእዉ አዶ፥ ህወ አድያ ፅባኦና ናአይ አን የልዳ ኦሆልባሞነ 
\v 3 እስማኤላ ናእዉ፥ ነባዮታ ምችዉ ባሰማቶ። 
\v 4 አዳ ኤሳዌስ ኤልፋዛ የላሱ። ባሰማታ ራጉኤላ የላሱ። 
\v 5 ኦሆልባማ የኡሳ፥ ያእላማነ ቆረ የላሱ። ካናነ ቢታን ኤሳዌስ የለትዳ አደ ናይት ሀይሳታ።
\p
\v 6 ኤሳዌይ ባ ማቸታ፥ ባ አደ ናይታነ ማጫ ናይታ፥ ባ ሶ አሳ ኡባ፥ ባ ሚዛነ ባ ሀራ መሄ ኡባ ካናነ ቢታን ሃርዳባ ኡባ ኤክድ ባ እሻ ያይቆባፐ ሃክድ ሀራ ቢታ ብስ። 
\v 7 ኤንታ ሻሎይ ዳርዳ ግሾ፥ ኤንቲ እስፈ ዳናዉ ዳንዳእቦኮና። ኤንታ መሄይ ዳርዳ ግሾ፥ ኤንቲ ደእያ ቢታይ ኤንታ ናምኣስ ግዶና እፅስ።
\p
\v 8 ያንን፥ ኤዶመ ጌተትያ ኤሳዌይ ደረይ ዳርያ ሳይረ ቢታን ደእስ።
\p
\v 9 ደረይ ዳርያ ሳይረ ቢታን ደእዳ ኤዶመታ ማይዛ ኤሳዌ የለተይ ሀይሳፈ ካልድ ፃፈትዳይሳ፤ 
\v 10 ኤሳዌ አደ ናይታ ሱንይ፥ ኤሳዌ ማቸ አድ ናኣ ኤልፋዛነ ኤሳዌ ማቸ ባሰማት ናአ ራጉኤላ።
\p
\v 11 ኤልፋዛ ናይት ተማና፥ ኦማራ፥ ፃፋ፥ ጋእታማነ ቀነዛ። 
\v 12 ቃስ ትምናአ ኤሳዌ ናአ ኤልፋዛስ አይለ። እያ ኤልፋዛስ አማለቃ የላሱ። ሀይሳቲ ኤሳዌ ማቸ አድ ናኣ ናይታ።
\p
\v 13 ራጉኤላ አደ ናይት ናሃታ፥ ዛራ፥ ሻማነ ሚዛ። ሀይሳቲ ኤሳዌ ማቸ ባሰማት ናአ ናይታ።
\p
\v 14 ፅባኦና ናአይ አን የልዳ ኦሆልባማ አደ ናይት ሀይሳታ፤ ኤንትካ የኡሳ፥ ያእላማነ ቆረ።
\p
\v 15 ኤሳዌ የለታ ሀላቃት ሀይሳፈ ካልድ ፃፈትዳይሳታ፤ ኤሳዌስ ባይራ ናአ ኤልፋዛ አደ ናይት፥ ሀላቃ ግድዳይሳት ተማና፥ ኦማራ፥ ፃፋ፥ ቃናዛ፥ 
\v 16 ቆረ፥ ጋእታማነ አማለቃ፤ ኤዶመ ቢታን ኤልፋዝ የልዳ ሀላቃት ሀይሳታ፤ ሄሳት ኡባይ አድ ናኣ ናይታ።
\p
\v 17 ኤሳዌ ናአ ራጉኤላ አደ ናይት፥ ሀላቃ ግድዳይሳት ናሃታ፥ ዛራሀ፥ ሻማነ ሚዛ፤ ኤዶመ ቢታን ራጉኤል የልዳ ሀላቃት ሀይሳታ፤ ኤንቲ ኤሳዌ ማቸ ባሰማት ናአ ናይታ።
\p
\v 18 ኤሳዌ ማቸ ኦሆልባም አደ ናይት፥ ሀላቃ ግድዳይሳት የኡሳ፥ ያእላማነ ቆረ፤ ኤንቲ አና ናኤ፥ ኤሳዌ ማቸ ኦሆልባምፐ የለትዳ ሀላቃታ።
\p
\v 19 ኤዶመ ጌተትያ ኤሳዌ አደ ናይት ሀይሳታ፤ ኤንታ ሀላቃትካ ሀይሳታ።
\s1 ሳይረ የለተ
\r (1 ታር 1:38-42)
\p
\v 20 ኤዶመ ቢታን ደእያ ሆራ ሳይረ አደ ናይት ሀይሳፈ ካልድ ፃፈትዳይሳታ፤ ሄሳትካ ሎፃና፥ ሾባላ፥ ፅባኦና፥ አና፥ 
\v 21 ድሶና፥ ኤፀራነ ድሳና፤ ሄሳት፥ ኤዶመ ቢታን ደእያ ሳይረ አደ ናይት፥ ሆራታ ሀላቃታ።
\p
\v 22 ሎፃና አደ ናይት ሆራነ ሄማማ፤ ሎፃና ምችያ ትምናኦ።
\p
\v 23 ሶባላ አደ ናይት አልዋ፥ ማናሆታ፥ ኤባላ፥ ስፋነ ኦናማ።
\p
\v 24 ፅባኦና አደ ናይት አያነ አና፤ ሀይስ አን መላ ቢታን ባ አዋ ፅባኦና ሀረታ ሄምሸ ብልቦ ሃ ፑልቱዋ ደምዳይሳ።
\p
\v 25 አና ናአይ ድሶና፤ ናእያ ቃስ ኦሆልባሞ።
\p
\v 26 ድሶና አደ ናይት ሄምዳና፥ ኤስባና፥ ይትራናነ ካራና።
\p
\v 27 ኤፀራ አደ ናይት ብልሃና፥ ዛዋናነ አቃና።
\p
\v 28 ድሳና አደ ናይት ኡፃነ አራና።
\p
\v 29 ሆራታ ሀላቃት ሀይሳታ፤ ሎፃና፥ ሾባላ፥ ፅባኦና፥ አና፥ 
\v 30 ድሶና፥ ኤፀራነ ድሳና። ሀይሳቲ ሳይረ ቢታን ባንታ ያራን ያራን ሻከትዳ ሆራታ ሀላቃታ።
\s1 ኤዶመ አይሰይሳታ
\r (1 ታር 1:43-54)
\p
\v 31 እስራኤለን ካዎይ ካዎታናፐ ካሰ ኤዶመ ቢታን ካዎትዳ ካዎት ሀይሳፈ ካልድ ፃፈትዳይሳታ።
\p
\v 32 ብኦራ ናአይ ባላቅ ኤዶመን ካዎትስ፤ እያ ካታማ ሱንይ ድናባ ጌተቴስ።
\p
\v 33 ባላቅ ሀይቅን፥ ባሶራ አደይ ዛራ ናአይ ዮባብ እያ በሳን ካዎትስ።
\p
\v 34 ዮባብ ሀይቅን፥ ተማና አደይ ሁሳም ካዎትስ።
\p
\v 35 ሁሳም ሀይቅን፥ ባዳዳ ናአይ ሀዳድ፥ ምድያመታ ሞአበ ቢታን ፆንዳይስ ካዎትስ፤ እያ ካታማ ሱንይ አዊታ ጌተትስ።
\p
\v 36 ሀዳድ ሀይቅን፥ ማስሬቃ አደይ ሳምል ካዎትስ።
\p
\v 37 ሳምል ሀይቅን፥ ሻፋ ማታን ደእያ ረሆቦታ አደይ ሳኡሊ ካዎትስ።
\p
\v 38 ሳኡሊ ሀይቅን፥ አክቦራ ናአይ ባአል-ሀናን ካዎትስ።
\p
\v 39 አክቦራ ናአ ባአል-ሀናን ሀይቅን፥ ሀዳድ ካዎትስ፤ እያ ካታማ ሱንይ ፓኡ ጌተቴስ፤ እያ ማችያ መዛሃባ ናእያ ማፅሬዳ የልዳ ማሄፃቤሎ ጌተታዉሱ።
\p
\v 40 ኤሳዌ የለታ ሀላቃት ባንታ ያራን ያራን፥ ባንታ በሳን በሳን ባንታ ሱንን ሱንን ሀይሳታ፤ ትምና፥ አልዋ፥ የተታ፥ 
\v 41 ኦሆልባማ፥ ኤላ፥ ፕኖና፥ 
\v 42 ቃናዛ፥ ተማና፥ ምብሳራ፥ 
\v 43 ማግደላነ እራማ። ሀይሳቲ ባንታ አይስያ ቢታን፥ ባንታ ደእያሱዋን ደእያሱዋን ኤዶመ ሀላቃታ። ሀይስ ኤሳዌይ፥ ኤዶመታ አዋ።
\c 37
\s1 ዮሰፋነ እያ እሻታ
\p
\v 1 ያይቆብ እያ አዋይ ይሳቅ ደእዳ ካናነ ቢታን ደእስ።
\p
\v 2 ያይቆባ የለተ ታርከይ ሀይሳፈ ካልድ ፃፈትዳይሳ።
\p ዮሰፍ ታማነ ላፑን ላይ ናአ ግድዳ ዎደ ባ አዋ ማቸታፐ፥ ባልፐነ ዝልፓፈ የለትዳ ባ እሻታራ መሄ ሄሜስ። እ ባ አዋስ ባ እሻት ኦዳ ኢታባታ ኦዴስ።
\p
\v 3 እስራኤለይ ዮሰፋ ጭምድ የልዳ ግሾ፥ ባ ሀራ አደ ናይታ ኡባፈ አድ ዶሴስ። ሄሳ ግሾ፥ እያዉ አሌቀትዳ ማኦ ጊግስስ። 
\v 4 እያ እሻት ኤንታ አዋይ እያ ኤንታፈ አድ ዶሰይሳ በእዳ ዎደ እያ እፅዶሶና። ማልኦ ቃላካ እያኮ ኦደታናዉ ዳንዳእቦኮና።
\p
\v 5 እስ ዎደ ዮሰፍ አሙሆ አሙህድ፥ ባ እሻታስ ኦድን ኤንቲ እያ ካሰይሳፈ አድ እፅዶሶና። 
\v 6 እ ኤንታኮ፥ “ታኒ አሙህዳ አሙሁዋ ስእተ። 
\v 7 ኑኒ ጋደን ግስተ ምርቅሽን ታ ምርቀይ ደንድድ ሉለ ኤቅስ። ህንተ ምርቀት ዩይ አድ ታ ምርቅያስ ዝግዶሶና” ያግስ።
\p
\v 8 እያ እሻት፥ “ኔኒ ኑ ቦላ ካዎታዳ ኑና ሃራናዉ ቆፓይ?” ያግድ ኦይችዶሶና። ኤንቲ እያ አሙሁዋ ግሾነ እያ ኦዳ ግሾ፥ ካሰይሳፈ አድ እፅዶሶና።
\p
\v 9 ቃስካ ዮሰፍ ሀራ አሙሆ አሙህድ ባ እሻታስ ኦድስ። “ሄኮ፥ ታኒ ሀራ አሙሆካ አሙሀስ። ሄ አሙሁዋን አው፥ አጌንነ ታማነ እስ ፆልንቶት ታዉ ዝጎሶና” ያግስ።
\p
\v 10 ባ እሻታስ ኦድዳ አሙሁዋ ባ አዋስ ኦድዳ ዎደ እያ አዋይ፥ “ሀይስ ዋንዳ አሙሆ? ቱማ ታኒ፥ ነ አያነ ነ እሻት ይድ፥ ነ ስንን ዝጋነዬ?” ያግድ ሀንቀትስ። 
\v 11 እያ እሻት እያ ቃናትዶሶና፥ ሽን እያ አዋይ ሄ ኦዳ ባ ዎዛናን ዎስ።
\s1 ዮሰፋ ባይዘተ
\p
\v 12 እስ ጋላስ እያ እሻት ሴከማን ባንታ አዋ መሄታ ሄማናዉ ብዶሶና። 
\v 13 እስራኤለይ ዮሰፋ፥ “ነ እሻት ሴከማን መሄታ ሄመይሳ ኤራሳ። ሃያ፥ ታኒ ነና ኤንታኮ ኪታና” ያግስ።
\p ዮሰፍካ፥ “ኤሮ” ያግስ።
\p
\v 14 እ እያኮ፥ “ባዳ ነ እሻትነ መሄይ ሳሮ ግደይሳ በአዳ ኤንታባ ታዉ ያዳ ኦዳ” ያግድ ዮሰፋ ከብሮና ዛንጋራፐ ኪትስ።
\p ዮሰፍ ኪተትድ ሴከማ ብስ። 
\v 15 ያን ደምባ በሳን ኤንታ ኮሻን ያ ሃ ስመረትሽን፥ እስ አስ እያ ደምድ፥ “ላ ናአዉ፥ አይ ኮያይ?” ያግድ ኦይችስ።
\p
\v 16 እ፥ “ታ እሻታ ኮያይስ፤ ኤንቲ መህያ ሄምያ በሳ በእዳኮ፥ ሀያና ታዉ ኦዳርኪ” ያግስ።
\p
\v 17 ኡራይ፥ “ሀይሳፈ ብዶሶና፤ ኤንቲ፥ ‘ኑኒ ዶታነ ባና’ ግሽን ስአስ” ያግስ። ሄሳ ግሾ፥ ዮሰፍ ባ እሻታ ጌዶ ካል ብድ፥ ኤንታ ዶታነን ደምስ።
\p
\v 18 ሽን እ ሃሆን ደእሽን፥ ኤንቲ እያ በእዶሶና። እ ኤንታኮ ጋኮና ደእሽን፥ ኤንቲ እያ ዎናዉ ማቀትዶሶና። 
\v 19 ኤንቲ እሶይ እሱዋኮ፥ “ህን በእተ፥ አሙሁዋ ጎዳይ ዬስ። 
\v 20 ሃይተ፥ እያ ዎድ፥ ሀ ኦላታፐ እሱዋን የጎስ። ሄሳፈ ጉየ፥ ‘ዶእ እያ ምስ’ ያጋና። ያትድ፥ እያ አሙሁዋ ዉርሰ በአና” ያግዶሶና።
\p
\v 21 ሮቤል ሄሳ ስእዳ ዎደ፥ ኤንታ ኩሸፐ እያ አሻናዉ ኮይድ፥ “እያ ዎኮ፤ 
\v 22 እያ ዎናፐ መላ ቢታን ደእያ ሀ ኦላን የግተ፤ እያ ቦላ ኩሸ ዎፍተ” ያግስ። ሮቤል ሄሳ ግዳይ፥ እያ ኤንታ ኩሸፐ አሽድ ጉየ አዋኮ ዛራናሳ።
\p
\v 23 ዮሰፍ ባ እሻታኮ ጋክዳ ዎደ እ ማእዳ አሌቀትዳ ማኡዋ እያፐ ቃር ኤክዶሶና። 
\v 24 እያ ኤፍድ ሃ ባይና መላ ኦላን የግዶሶና።
\p
\v 25 ኤንቲ ካ ምሽን ሀሳዮና እስማኤላ አሳት ጋላዳፐ ግብፀ ብሽን፥ ቁ ግድ በእዶሶና። ኤንቲ ባንታ ግማለታ ቦላ ሳዉዋ፥ ማድያነ ካርብያ ጫንዶሶና።
\p
\v 26 ይሁድ ባ እሻታ፥ “ኑኒ ኑ እሻ ዎድ፥ እያ ሱ ቆትኮ ኑና አይ ማዳኔ? 
\v 27 ሃይተ፥ እያ እስማኤላ አሳስ ባይዞስ። እ ኑ እሻ፥ ኑ ሱነ ኑ አሾ ግድያ ግሾ እያ ቦላ ኑ ኩሽያ ዎኮ” ያግስ። እያ እሻት እያ ኦዳ ማእዶሶና። 
\v 28 ሄሳ ግሾ፥ ምድያመ ቢታ ዛልአንቾት ያራ አሽን፥ እያ እሻት ዮሰፋ ኦላፈ ከስድ፥ እስማኤላ አሳታስ ላታሙ ብራ ሳንትመን ባይዝዶሶና። ኤንቲ ዮሰፋ ግብፀ ቢታ ኤፍዶሶና።
\p
\v 29 ሮቤል ኦላኮ ስሚድ፥ ዮሰፍ ያን ባይናይሳ በእዳ ዎደ፥ አዛንድ ባ ማኡዋ ዳክስ። 
\v 30 እ ጉየ ባ እሻታኮ ብድ፥ “ናአይ ያን ባዋ፤ ህዛ፥ ታኒ አይ ሀኖሻ?” ያግስ።
\p
\v 31 ኤንቲ ዮሰፋ ማኡዋ ኤክድ፥ እስ ዴሸ ሹክድ፥ ሄ ሱን ናቅዶሶና። 
\v 32 አሌቀትዳ እያ ማኡዋ ባንታ አዋኮ ኤፍድ “ኑኒ ሀይሳ ደምዳ፤ ሀይስ ነ ናአ ማኡዋኮነ አነ በአ” ያግዶሶና።
\p
\v 33 ያይቆብ ማኡዋ ኤርድ፥ “ሀይስ ታ ናኣ ማኡዋ፤ ታ ናኣ ዶእ ምስ። ዮሰፍ ቱማካ ዛዘትስ” ያግስ።
\p
\v 34 ያይቆብ አዛንድ፥ ባ ማኡዋ ፔስ። ካዮ ማኦ ማእድ፥ ባ ናኣስ ዳሮ ጋላስ ዬክስ። 
\v 35 እያ አደ ናይትነ ማጫ ናይት ኡባይ እያ ምንናዉ ይዶሶና። ሽን እ ምነቶና እፅድ፥ “አካይ፥ ታኒ ዬሆይ ዬሆሽን ዱፎ ገላና” ያግድ፥ ዮሰፋስ ዬክስ።
\p
\v 36 ሄ ዎደ ምድያመ ቢታ አሳት ዮሰፋ፥ ግብፀ ካዋ ሞርናታነ ካዋ ናገይሳታ ሀላቃ ግድዳ ጶፅፋራስ ባይዝዶሶና።
\c 38
\s1 ይሁዳነ ትማሮ
\p
\v 1 ሄ ዎደ ይሁድ ባ እሻታፐ ሻከትድ፥ አዱላማ ካታማን ደእያ ህራ ጌተትያ ኡራራ ዳናዉ ብስ። 
\v 2 ያን ይሁድ ሹአ ጌተትያ ካናነ ኡራ ናእዉ ማችስ። 
\v 3 እያ ይሁዳስ ቃንታዳ አደ ናአ የላሱ። እ ሄ ናአ ኤራ ግድ ሱንስ። 
\v 4 ቃስካ ቃንታዳ አደ ናአ የላሱ። እያ ሄ ናአ ኦናና ጋዳ ሱንሱ። 
\v 5 ዛራዳካ ሀራ አደ ናአ የላሱ። እያ ሄ ናኣ ሴላ ጋዳ ሱንሱ። ሄ ናአይ የለትያ ዎደ ይሁድ አክዚባ ቢታና።
\p
\v 6 ይሁድ ባ ባይራ ናአ ኤራስ ትማሮ ጌተትያ ማቾ እሚስ። 
\v 7 ይሁዳ ባይራ ናአይ፥ ኤር፥ ጎዳ ስንን ኢታ አስ ግድያ ግሾ፥ ጎዳይ እያ ዎስ።
\p
\v 8 ይሁድ ኦናናኮ፥ “ዎጋይ ነና ኪተይሳ መላ ነ እሻ ማቸራ አቃ። ነ እሻስ ናአ የላዳ እያ ሱን ፄግሳ” ያግስ። 
\v 9 ሽን ኦናን የለታና ናይት እያባ ግዶናይሳ ኤርዳ ግሾ፥ ባ እሻ ማቸራ አቅያ ዎደ ባ እሻስ ናእ የለቶና መላ ባ አቱን ሳአን ጉሴስ። 
\v 10 እ ኦዳባይ ጎዳ ስንን ኢታባ ግድዳ ግሾ፥ ጎዳይ እያካ ዎስ።
\p
\v 11 ሄሳፈ ጉየ፥ ይሁድ ባ ናኣ ማችዉ ትማሮ፥ “ታ ናአይ ሴል ድጫና ጋካናስ ነ አዋ ሶ ባዳ፥ አምኤተን ደኣሻ” ያግስ። ሄሳ እ ግዳይ፥ እካ ባ እሻታዳ ሀይቃነኮነ ግድ ህርግዳ ግሾሳ። ሄሳ ግሾ፥ ትማራ ባዳ ባ አዋ ሶን ደአሱ።
\p
\v 12 ዳሮ ዎደፐ ጉየ፥ ይሁዳ ማችያ፥ ሹአ ናእያ ሀይቃሱ። ይሁድ ባ ካዮ ዎድያ ኦንግድ፥ ባ ዶርሳታ እክስያ ሜድያ አሳታኮ ትምና ጌተትያ በሲ ባ ላግያ አዱላማ አድያ ህረራ ብስ።
\p
\v 13 አሳይ ትማሮ፥ “ሄኮ፥ ነ አዝና አዋይ ይሁድ፥ ባ ዶርሳታ እክስያ ሜዳናዉ ትምና ቤስ” ያግድ ኦድዶሶና። 
\v 14 እያ ባ አምኤተ ማኡዋ ላማዳ፥ ባና ባለናዉ ሻሸ ኤካዳ ጉሉንታሱ። ያታዳ፥ ትምና ኤፍያ ኦግያ ዶናን ደእያ ኤናይመ ካታማ ጋፃን ኡታሱ። ሄሳ እያ ኦዳይስ፥ ሴል ድጭድ ጋክንካ እያዉ ማቾ ግዳዳ እመቶናይሳ እያ ኤርዳ ግሾሳ።
\p
\v 15 እያ ባ ሶምኡዋ ጉሉንትዳ ግሾ፥ ይሁድ እዮ በእዳ ዎደ፥ ላይማ ማጫስ ግድ ቆፕስ። 
\v 16 ባ ናኣ ማችዉ ግደይሳ ኤሮና ደእሸ፥ ኦግያ ጋፃ ኢኮ ሺቅድ “ታራ አቃኔ?” ያግድ ኦይችስ።
\p እያ፥ “ታኒ ኔራ አቅኮ፥ ነ ታዉ አይ እማኔ?” ጋዳ ኦይቻሱ።
\p
\v 17 እ፥ “ታኒ ታ መህያፐ እስ ኮለ ነዉ የዳና” ያግስ።
\p እያ፥ “ኔኒ ሄሳ ታዉ የዳና ጋካናስ አይ ኦይኔ?” ያጋሱ።
\p
\v 18 እ፥ “አይ ኦይ?” ያግስ።
\p እያ፥ “ነ ማታምያ እያ ጎሹዋራነ ነ ኩሽያን ደእያ ፃምአ ኦይ” ያጋሱ። እ ሄሳታ እምድ፥ ኢራ አቅስ፤ እያካ ቃንታሱ። 
\v 19 እያ ሄሳፈ ደንዳዳ ብዳፐ ጉየ፥ ባ ጉሉን ቃራዳ፥ ባ አምኤተ ማኡዋ ማአሱ።
\p
\v 20 ይሁድ ባ ኦይዳባ ሄ ማጫሴፐ ዛር ኤካናዉ ዴሻ ባ ላግያ ህራ ቦላ እዉ የድስ። ሽን እ እዮ ደምቤና። 
\v 21 እ ሄ ቢታ አሳኮ፥ “ኤናይመ ካታማን፥ ኦገ ዶናን ኡትዳ ላይማ ማጫስያ አዉኔ?” ያግድ ኦይችስ።
\p አሳይ፥ “ላይማ ማጫስ ሀይሳን ኡባካ ባዋ” ያግዶሶና።
\p
\v 22 እ ይሁዳኮ ስሚድ፥ “ ‘ታኒ እዮ ደማብከ፤ ሄሳ ቦላካ ሄ ቢታ አሳይ፥ ላይማ ማጫስ ሀይሳን ኡባካ ባዋ’ ያግዶሶና” ያግስ።
\p
\v 23 ይሁድ፥ “ባ ኦይክዳይሳ ባዉ ኤኮ፥ አቶ ጊኮ፥ አስ ኑና ሚጫና። ህዛ ታኒ እዉ ዴሸ የዳስ ሽን ኔኒ እዮ ደማባካ” ያግስ።
\p
\v 24 ሄ አጌና ግድሽን አሳይ፥ “ነ ናኣ ማጫስያ ትማራ ላይማታዳ ቃንታሱ” ያግድ ይሁዳስ ኦድዶሶና።
\p ይሁድ፥ “እዮ ካረ ከስድ ታማን ፁግተ” ያግስ።
\p
\v 25 እዮ ካረ ከስያ ዎደ፥ “ታኒ ቃንትዳይ ሀ ሚሸታ ጎዳሳ። ሀ ማታመይነ ፃምአይ ኦደባየኮ ኤራናዉ ዳንዳእኮ ኤራ” ጋዳ ባ አዝና አዋካ ኪታሱ።
\p
\v 26 ይሁድ ሄ ሚሸታ ኤርድ፥ “ታኒ ታ ናኣ ሴላስ እዮ እማቦና ግሾ፥ ታፐ እያ ፅሎ” ያግስ። ሄሳፈ ጉየ፥ እ ኢራ ዛሪድ አቅቤና።
\p
\v 27 እዉ የሎ ቃም ጋክያ ዎደ፥ እ ኡሎን መንተ ናይት ደኤይስ ኤረትስ። 
\v 28 እያ ማረትሽን፥ ኤንታፈ እሶይ ባ ኩሽያ ከስን የልስያራ፥ “ሀይስ ኮይሮ ከይስ” ጋናዉ ዞኦ ቃጭና ኤካዳ እያ ኩሸን ቃቻሱ። 
\v 29 ሽን እ ባ ኩሽያ ጉየ ኤክዳ ዎደ፥ እያ እሻይ ከይን እያ፥ “ኔኒ ዋናዳ ፖርፁ ጋዳ ከያዲ?” ያጋሱ። ሄሳ ግሾ፥ ፓረሳ (ፖርፁ ግስ) ጋዳ ሱንሱ። 
\v 30 ሄሳፈ ጉየ፥ እያ ኩሸን ዞኦ ቃጭን ደእያ እያ እሻይ የለትስ። እያ ሱንይ ዛራ (ዞኦ) ጌተትስ።
\c 39
\s1 ዮሰፋነ ጶፅፋራ ማችዉ
\p
\v 1 እስማኤላ አሳት ዮሰፋ ግብፀ ቢታ ኤፍዶሶና። ግብፀ ካዋ ሞርናታፐ እሱዋስ፥ ካዋ ናገይሳታ ሀላቃስ ዮሰፋ ባይዝዶሶና።
\p
\v 2 ጎዳይ ዮሰፋራ ደእያ ግሾ፥ እ ኦያባ ኡባ እያዉ እንጀይስ። ያትን፥ ባ ግብፀ ጎዳ ሶን ደእስ። 
\v 3 ጎዳይ እያራ ደኤይሳነ እ ኦያባ ኡባ እያዉ እንጀይዳይሳ ጶፅፋር በእዳ ዎደ፥ 
\v 4 ዮሰፋ ዶስስ፥ ባዉ ማታ ኦሳንቾ ኦስ። ጶፅፋር እያ ባ ኬ ቦላነ ባዉ ደእያባ ኡባ ቦላ ሹምስ። 
\v 5 ሄ ዎደፐ ዶምድ፥ ጎዳይ ግብፀ ኡራ ኬ ዮሰፋ ግሾ አንጅስ። ጎዳ አንጆይ ጶፅፋራ ሶንነ እያ ጋደን ደእያባ ኡባ ቦላ ዎስ። 
\v 6 ሄሳ ግሾ፥ እ ምያ ካፈ አትሽን፥ ባዉ ደእያ ሀራባ ኡባ ዮሰፋ ኩሸን ሼስ።
\p ዮሰፍ የገልስነ ማላ ሎኦ አስ። 
\v 7 ጉ ዎደፐ ጉየ፥ እያ ጎዳ ማችያ ዮሰፋ በአዳ፥ “ሃያ፥ ታራ ዝንአ” ያጋሱ።
\p
\v 8 ሽን እ እፅድ፥ ኢኮ፥ “በአ፥ ታ ጎዳይ፥ ባዉ ደእያባ ኡባ ታ ኩሸን የግዳ ግሾ፥ ባ ሶን ደእያባስ አይኮካ ህርገና። 
\v 9 ሀ ሶን ታፐ አይ ኦንካ ባዋ። ኔኒ እያ ማቾ ግድያ ግሾ፥ ኔፐ አትሽን፥ ሀራ፥ እ ታዉ እሞናባይ ባዋ። ያትን፥ ታኒ ዋታዳ ሀይሳ መላ ዳሮ ኢታባ ሀናዳ ፆሳ ቦላ ናጋራ ኦ?” ያግስ። 
\v 10 እያ ሄ ኦዳ ዎንታ ዎንታ ዮሰፋስ ኦድንካ፥ እ ኢራ አቆና ይኮ እ ማታ ሺቆና እፅስ።
\p
\v 11 ሽን እስ ጋላስ እ ባ ኦሶ ኦናዉ ሶ ገልያ ዎደ፥ ሶ አይለታፐ ኦንካ ሶን ባዋ። 
\v 12 እያ ዮሰፋ አፍላ ኦይካዳ፥ “ታራ ዝንአ” ያጋሱ። ሽን እ ባ አፍላ እ ኩሽያን የግ አግድ፥ ሶፐ ካረ ዎፅ ከይስ።
\p
\v 13 ዮሰፍ ባ አፍላ እ ኩሽያን የግ አግድ፥ ሶፐ ካረ ዎፅ ከይዳይሳ እያ በእዳ ዎደ፥ 
\v 14 ባ ሶ አይለታ ፄጋዳ፥ “ሄኮ፥ ታ አዝናይ ኤህዳ ሀ እብራወ ኡራይ ታና ካዉሻናዉ ኦይክስ። እ ታና ኢሳናዉ ታ ደእያሱዋ ገልስ፥ ሽን ታኒ ዋሳስ። 
\v 15 ያትን፥ እ ባ አፍላ ታ ማታን የግ አግድ፥ ሶፐ ካረ ዎፅድ ከይስ” ያጋሱ።
\p
\v 16 እ አዝናይ ሶ ያና ጋካናስ እያ ዮሰፋ አፍላ ባ ማታን ዎሱ። 
\v 17 እ ይን፥ እያዉ ሀይሳዳ ጋዳ ኦዳሱ፤ “ሀይስ ነ ኤህዳ እብራወ አይለይ ታና ኢሳናዉ ታኮ ገልስ። 
\v 18 ሽን ታኒ ዋስን፥ ባ አፍላ ታ ማታን የግ አግድ፥ ሶፐ ካረ ዎፅ ከይስ” ያጋሱ።
\p
\v 19 እያ ጎዳይ ሀንዳባ ስእዳ ዎደ ዳሮ ይሎትስ። 
\v 20 እያ ጎዳይ ዮሰፋ ኤፍድ፥ ካዋ ቃሾ አሳይ ደእያ ቃሾ ኬን የግስ።
\p
\v 21 ሽን ዮሰፍ ቃሾ ኬን ደእያ ዎደ፥ ጎዳይ እያራ ደኤስ። ባ ኬሀተ እያዉ ዳርስድ፥ ቃሾ ኬ ካፑዋ ስንን እያዉ ሳባ እሚስ። 
\v 22 ያንን፥ ቃሾ ኬ ካፖይ ቃሾ አሳ ኡባ ዮሰፋ ኩሸን የግስ። ያን ኦሰትያባ ኡባስ አዋተ እሚስ። 
\v 23 ጎዳይ ዮሰፋራ ግድድ፥ እ ኦያባ ኡባ እያዉ እንጀይዳ ግሾ፥ ቃሾ ኬ ካፖይ ዮሰፋ ኩሸን ደእያባስ አይኮካ ህርገና።
\c 40
\s1 ዮሰፍ አሙሆ ብለ
\p
\v 1 ጉ ዎደፐ ጉየ፥ ግብፀ ካዋ ኡሻ ካፖይነ ካ ካፖይ ባንታ ጎዳ፥ ግብፀ ካዋ ናቅዶሶና። 
\v 2 ካዎይ ሄ ናምኡ ካፖታ ቦላ ዳሮ ይሎትድ፥ 
\v 3 ዮሰፍ ቃሸትዳ፥ ቃሾ ኬ ናገይሳታ ካፑዋ ሶን ኤንታ ቃችስ። 
\v 4 ናገይሰታ ሀላቃይ ኤንታ ዮሰፋስ ሼስ፥ እካ ኤንታዉ ኪተቴስ። ኤንቲ ቃሾ ኬን ዳሮ ዎደ ኡትዶሶና።
\p
\v 5 ግብፀ ካዋ ኡሻ ካፖይነ ካ ካፖይ፥ ቃሾ ኬን ደእሸ ናምአይካ እስ ቃማ ዱማ ዱማ አሙሆ አሙህዶሶና። ሄ አሙሆታስ ዱማ ዱማ ብርሸይ ደኤስ። 
\v 6 ዮሰፍ ዎንታ ኤንታኮ ገልያ ዎደ ኤንቲ አዛንድ ኡትዳሽን በእስ። 
\v 7 እ ኤንታና፥ “ሀች ህንተ ሶምኦይ አይስ ምዴ?” ያግድ ኦይችስ።
\p
\v 8 ኤንቲ፥ “ኑ ናምአይካ አሙሆ አሙህዳ፥ ሽን ኑስ ብርሽያ አስ ይስ” ያግዶሶና።
\p ዮሰፍ ኤንታኮ፥ “አሙሆ ብርሽያ ኤራተይ ፆሳባ ግደነዬ? አነ ህንተ አሙሁዋ ታዉ ኦድተ” ያግስ።
\p
\v 9 ያትን ኡሻ ካፖይ ባ አሙሁዋ ዮሰፋስ ኦድስ፤ “ታኒ ታ አሙሆን እስ ዎይነ ታ ስንን በአስ። 
\v 10 ሄ ዎይንያስ ሄ ታሸት ደኦሶና። እ ሀይፅድ፥ ጪይ ስሚድ ቴርስ። 
\v 11 ካዎ ዋንጭ ታ ኩሸን ደኤስ። ታኒ ዎይነ ቴራ ኤካዳ እያን ጉምአዳ፥ ሄ ዋንጫ ካዋ ኩሸን ዎስ” ያግስ።
\p
\v 12 ዮሰፍ፥ “ሀ አሙሁዋ ብርሸይ ሀይሳ፤ ሄ ታሸት ሄ ጋላሳታ። 
\v 13 ሄ ጋላሳታ ግዶን ካዎይ ነና ቃሾፐ ብላና። እ ነና ካሰ ሹማተኮ ዛራና። ካሰ ኔኒ ኡሻ ካፖ ግዳዳ ኦይሳዳ ኔኒ ካዋ ዋንጫ እያ ኩሽያን ዎና። 
\v 14 ሽን ነዉ ሳእ ሎእዳ ዎደ ታና ዶጎፓ፤ ታዉ ኬሀ። ታባ ካዋስ ኦዳዳ፥ ሀ ቃሾ ኬፈ ታና ከስሳ። 
\v 15 ታና እብራወ ቢታፈ ዎልቃን ኤህዶሶና። ሀር አቶሽን፥ ሀይሳን ታና ቃሾስ ጋያባ አይብባካ ኦብከ” ያግስ።
\p
\v 16 ካ ካፖይ ዮሰፍ አሙሁዋ ሎይድ ብርሽዳይሳ በእዳ ዎደ ዮሰፋኮ፥ “ታኒ አሙህዳ አሙሆይ ሀይሳ፤ ታ ሁጰን ሄ ጋባተ ኡይ ደኤስ፤ 
\v 17 ቦላ ባጋ ጋባትያን ግብፀ ካዋስ ዱማ ዱማ ካ ቆሞፈ ኡከትዳ ኡይይ ደኤስ። ሽን ካፎት ሄ ታ ሁጰን ደእያ ጋባትያፐ ሞሶና” ያግስ።
\p
\v 18 ዮሰፍ፥ “ሄ አሙሁዋ ብርሸይ ሀይሳ፤ ሄ ጋባተት ሄ ጋላሳታ። 
\v 19 ሄ ጋላሳ ግዶን ካዎይ ነና ቃሾፐ ብላና። ነ ቆያ ቃንፅስድ ምን ካቅሳና፤ ነ አሹዋካ ካፎይ ማና” ያግስ።
\p
\v 20 ሄን ጋላሳን ግብፀ ካዎይ ባ የለትዳ ጋላሳን ባ ሞርናታ ኡባስ ግብራ ጊግስስ። ኡሻ ካፑዋነ ካ ካፑዋ ብል ኤህድ ባ አሳ ስንን ኤስስ። 
\v 21 ኡሻ ካፑዋ እያ ሹማተኮ ዛርን፥ እ ካዋ ኩሽያን ዋንጫ ዎስ። 
\v 22 ሽን ካዎይ ካ ካፑዋ ካቅስስ። ኡባይካ ዮሰፍ ኤንታ አሙሁዋ ብርሽዳይሳዳ ሀንስ። 
\v 23 ሽን ኡሻ ካፖይ ዮሰፋ ሀሳዮና ዶግ አግስ።
\c 41
\s1 ግብፀ ካዋ አሙሆ
\p
\v 1 ናምኡ ላይፈ ጉየ፥ ግብፀ ካዎይ አሙሆ አሙህስ። ሄ አሙሁዋን እ ናይለ ሻፋ ጋፃን ኤቅስ። 
\v 2 ላፑን ኦርደነ ሞ ሚዛት ናይለ ሻፋፐ ከይድ፥ ማታ ምሽን በእስ። 
\v 3 ኤንታፈ ካልድ፥ ሀራ ላፑን ግልቃ ሚዛት ናይለ ሻፋፐ ከይድ፥ ሻፋ ጋፃን ደእያ ሀራ ሚዛታ ማታን ኤቅዶሶና። 
\v 4 ሄ ግልቃ ሚዛት ላፑን ኦርደነ ሞ ሚዛታ ምትዶሶና። ሄሳፈ ጉየ፥ ካዎይ ባርክስ።
\p
\v 5 እ ዛር ስክድ፥ ሀራ አሙሆካ አሙህስ። ላፑን ሎኦነ ሙሩታ ሞርኤት እስ ማቃ ቦላ ከይዶሶና። 
\v 6 ኤንታፈ ካልድ፥ ሌኦነ ዶሎሀ ባጋ ጫርኮን ሹልዳ ሀራ ላፑን ሞርኤት ከይዶሶና። 
\v 7 ሄ ሌእዳ ሞርኤት ሎኦነ ሙሩታ ሞርኤታ ምትዶሶና። ሄሳፈ ጉየ፥ ካዎይ ባርክድ አሙሆ ግደይሳ ኤርስ። 
\v 8 ሳአይ ዎንትን ስኮፈ እ ደንድያ ዎደ እያ ዎዛናይ ያርክስ። ሄሳ ግሾ፥ ግብፀን ደእያ ብታንቾታነ ኤራንቾታ ኡባ ካዎይ ፄግስድ ኤንታዉ ባ አሙሁዋ ኦድስ። ሽን እያዉ ሄ አሙሁዋ ብርሽያ አስ ይስ።
\p
\v 9 ኡሻ ካፖይ ሄ ዎደ ግብፀ ካዋኮ፥ “ታኒ ታ ናቁዋ ሀች ሀሳያይስ። 
\v 10 እስ ዎደ ካዎይ ባ አይለታ ሀንቀትድ፥ ታናነ ካ ካፑዋ ቃሾ ኬን የግስ። 
\v 11 ያን ደእሸ ኑ ናምአት አሙሆ አሙህዳ። ሄ አሙሆታስ ዱማ ዱማ ብርሸይ ደኤስ። 
\v 12 ሄ ዎደ ናገይሳታ ካፑዋ አይለይ፥ እብራወ ፓንይ፥ ኑራ ቃሾን ደኤስ። ኑኒ ኑ አሙሁዋ እያዉ ኦድን፥ እ ኑስ ሁጰን ሁጰን አሙሁዋ ብልስ። 
\v 13 ያንን፥ ሄ ሀኖት እ ኑስ ብልዳይሳዳ ሀንዶሶና። ሄስ አይበ ጊኮ፥ ታኒ ታ ሹማተኮ ስማስ፥ ሀንኮይ ካቀትስ” ያግስ።
\p
\v 14 ያትን፥ ግብፀ ካዎይ ዮሰፋ ፄግስስ። ኤንቲ እያ ቃሾ ኬፈ ኤለስድ ኤህዶሶና። እ ሜደትድ ባ ማኡዋ ላምድ፥ ካዋኮ ገልስ። 
\v 15 ካዎይ ዮሰፋ፥ “ታኒ አሙሆ አሙሀስ፥ ሽን ታዉ እስ አስካ ብላናዉ ዳንዳእቤና። ታኒ፥ ነ አሙሆ ብላናዉ ዳንዳኤይሳ ስአስ” ያግስ።
\p
\v 16 ዮሰፍ፥ “ታኒ ሄሳ ዳንዳእከ፥ ሽን ፆሳይ ካዋስ ሎኦነ ልከ ብርሸ እማና” ያግስ።
\p
\v 17 ካዎይ፥ “ታኒ ታ አሙሆራ ናይለ ሻፋ ጋፃን ኤቅዳሽን፥ 
\v 18 ላፑን ኦርደነ ሞ ሚዛት ናይለ ሻፋፐ ከይድ፥ ማታ ሞሶና። 
\v 19 ኤንታፈ ካልድ፥ ሀራ ላፑን ግልቃነ ላፍዳ ሚዛት ከይዶሶና። ታኒ ሄሳ መላ ግልቃ ሚዝ ግብፀ ቢታን ኡባካ በአ ኤርከ። 
\v 20 ሄ ግልቃነ ላፍዳ ሚዛት ኮይሮ ከይዳ ላፑን ሞ ሚዛታ ምትዶሶና። 
\v 21 ሽን ኤንታ ምትዳፐ ጉየ ካሰይሳዳ ግልቅ ኡትዳ ግሾ፥ ኤንቲ ምትዳባ ኦንካ ኤራናዉ ዳንዳእቤና። ሄሳፈ ጉየ ታኒ ባርካስ።
\p
\v 22 “ታኒ ታ አሙሁዋን ቃስ ላፑን ሎኦነ ሙሩታ ሞርኤት እስ ማቃ ቦላ ከይዳይሳታ በአስ። 
\v 23 ኤንታፈ ካልድ፥ ሌኦነ ዶሎሀ ባጋ ጫርኩዋን ሹልዳ ሀራ ላፑን ሞርኤት ከይዶሶና። 
\v 24 ሄ ሌእዳ ሞርኤት ላፑን ሎኦ ሞርኤታ ምዶሶና። ታኒ ሀ አሙሁዋ ብታንቾታስ ኦዳስ፥ ሽን ታዉ አሙሁዋ ብርሽያ አስ በንትቤና” ያግስ።
\p
\v 25 ሄሳፈ ጉየ ዮሰፍ ግብፀ ካዋኮ፥ “ካዋ አሙሆታ ብርሸይ እስኖ። ፆሳይ ባ ኦና ሀንያባ ካዋስ ቆንጭስስ። 
\v 26 ሄ ላፑን ሎኦ ሚዛት ላፑን ላይታ፥ ቃስ ላፑን ሎኦ ሞርኤት ላፑን ላይታ፥ ሀ አሙሆታ ብርሸይ እስኖ። 
\v 27 ሄ ላፑን ግልቃነ ላፍዳ ሚዛት ላፑን ላይታ፥ ቃስ ዶሎሀ ባጋ ጫርኩዋን ሹልዳ፥ ሌኦ ላፑን ሞርኤት ላፑን ኮሻ ላይታ።
\p
\v 28 “ታኒ ካዋስ ኦድዳይሳዳካ፥ ፆሳይ ባ ኦና ሀንያባ ካዋ በስስ። 
\v 29 ላፑን ዳሮ ካሎ ላይት ግብፀ ቢታ ኡባን ያና። 
\v 30 ሽን ሄሳፈ ጉየ፥ ላፑን ኮሻ ላይት ካልድ ያና። ሄ ዎደ ግብፀ ካሎይ ኡባይ ዶገታና፥ ኮሽ ቢታ ጫጫና። 
\v 31 ኮሻይ ዳሮ ኢታ ግድያ ግሾ ሄ ቢታ ካሎይ ዶገትድ አታና። 
\v 32 ናምኡ ኦግያን ካዋስ ሄ አሙሆይ በንትዳይ ፆሳይ ባ ቆፕዳባ ኦናዉ ቃንፅዳ ግሾሳ። ሄሳ ፆሳይ ማታ ዎደን ኦና።
\p
\v 33 “ሀእ ህዛ፥ ኔኒ ኤራንቾነ ጭንጫ አስ ኮያዳ ግብፀ ቢታን ሹማ። 
\v 34 ላፑን ካሎ ላይን ካፅያ ካፈ እቻሹ ኩሽያፐ እሱዋ ሺሻና አሳታ ሹማ። 
\v 35 ኤንቲ ያ ካሎ ላይን ካ ሺሽድ፥ ባንታ አዋተን ካታማን ካታማን ምንጅድ ዎና መላ ኪታ። 
\v 36 ቢታይ ኮሻን ዮና መላ ሀ ካይ ግብፀ ቢታን ላፑን ላይን ደንዳና ኮሻስ ምንጀትድ ደኦ” ያግስ።
\s1 ዮሰፍ ግብፀ ቢታን ሹመተ
\p
\v 37 ያትን ሄ ኦዳይ ግብፀ ካዋስነ እያ ሞርናታስ ሎኦ ግድድ በንትስ። 
\v 38 ሄሳ ግሾ፥ ካዎይ ኤንታኮ፥ “ዮሰፋፐ አያ ሀራ ፆሳ አያናራ ደእያ አስ ደማናዉ ዳንዳኦኮ” ያግስ።
\p
\v 39 ሄሳፈ ጉየ፥ ካዎይ ዮሰፋ፥ “ፆሳይ ሀይሳ ኡባ ነና ኤርስዳ ግሾ፥ ነ መላ ኤራንቾይነ ጭንጫ አስ ኦንካ ባዋ። 
\v 40 ታኒ ነና ታ ቢታን ሹማስ። ታ አሳ ኡባይ ነዉ ኪተታና። ታፐ ሀር ኔፐ አያ ኦንካ ባዋ። 
\v 41 ሄኮ፥ ታኒ ነና ግብፀ ቢታ ኡባ ቦላ ሹማስ” ያግስ። 
\v 42 ሄሳፈ ጉየ፥ ካዎይ ባ ፓራምያ ምግዱዋ ባ ብራያፈ ከስድ፥ ዮሰፋ ብራን አስ። ቦንቾ ማኦነ ቆ ዎርቃ እያ ማይዝስ። 
\v 43 ካዎይ ባ ናምአን ፓራ ጋርያ ዮሰፋ ቶግስስ። ቦንቾ ዎታዳረይ፥ “ዝግተ! ዝግተ!” ያግሸ እያፐ ስንራ ሄመቴስ። ሄሳዳ ኦድ፥ ካዎይ እያ ግብፀ ቢታ ኡባ ቦላ ሹምስ።
\p
\v 44 ሄሳፈ ጉየ፥ ካዎይ ዮሰፋ፥ “ታኒ ካዎ ግድኮካ ነ ኪቶና ኦንካ ግብፀ ቢታ ኡባን ባ ኩሽያ ዎይኮ ባ ቶሁዋ ቃፆፎ” ያግስ። 
\v 45 ካዎይ ዮሰፋ፥ “ፃፍናት-ፓእና” ግድ ሱንስ። እ እያዉ ኦና ካታማ ካህንያ ጶፅፋራ ናእዉ አስናቶ ማቾ እሚስ። ያንን፥ ዮሰፍ ግብፀ ቢታ ኡባ ቦላ ማታ ኤክስ።
\p
\v 46 ዮሰፍ ግብፀ ካዋስ ኦሶ ኦይክያ ዎደ፥ እያዉ ላይ ሀስታማ። ዮሰፍ ካዋ ስንፈ ከይድ፥ ግብፀ ቢታ ኡባ ግዶን ሄመትስ። 
\v 47 ሄ ላፑን ካሎ ላይን ቢታን ዳሮ ካ ካፅስ። 
\v 48 ዮሰፍ ግብፀ ቢታን ሄ ላፑን ካሎ ላይ ካ ኡባ ሺሽድ፥ ካታማታን ምንጅስ። እስ እስ ካታማ ዩሹዋን ደእያ ጋድያፐ ካ ኡባ ሄ ካታማታን ሺሽስ። 
\v 49 ዮሰፍ አባ ሻፍያ መላ ዳሮ ካ ሺሽስ። ካ ዳሮተፈ ደንዶይሳን ማካናዉ ዳንዳኤትቦና ግሾ፥ ማክ ማክ ቆለይሳ አጋግስ።
\p
\v 50 ኮሻ ላይ ያናፐ ስን፥ ኦና ካታማ ካህነ ጶፅፋራ ናኤ አስናትፐ ዮሰፍ ናምኡ አደ ናይታ የልስ። 
\v 51 ዮሰፍ ባ ባይራ ናኣ ሱን፥ “ፆሳይ ታና ታ መቱዋነ ታ አዋ ሶ አሳ ኡባ ዶግስስ” ግድ ምናሰ\f + \fr 41:51 \fr*\fq ምናሰ፦ \fq*\ft እብራወ ዶናን ሀ ሱን ብርሸይ “ዶግሴስ” ጉሱ።\ft*\f* ግድ ሱንስ። 
\v 52 ናምአን ናኣ ሱንካ፥ “ፆሳይ ታ መቶትዳ ቢታን ታዉ ናአ እሚስ” ግድ ኤፍሬማ\f + \fr 41:52 \fr*\fq ኤፍሬማ፦ \fq*\ft እብራወ ዶናን ሀ ሱን ብርሸይ “ናአ እሜስ” ጉሱ።\ft*\f* ግድ ሱንስ።
\p
\v 53 ግብፀ ቢታን ደእያ ሄ ላፑን ካሎ ላይት አዶሶና። 
\v 54 ዮሰፍ ኦድዳይሳዳ ላፑን ኮሻ ላይት ካል ይዶሶና። ሀራ ቢታ ኡባን ኮሽ ከይስ፥ ሽን ግብፀ ቢታ ኡባን ካይ ደኤስ። 
\v 55 ግብፀ ቢታይ ኡባይ ኮሻትዳ ዎደ፥ አሳይ ካስ ካዋኮ ዋስዶሶና። ካዎይ ግብፀ አሳ ኡባ፥ “ዮሰፋኮ ብድ፥ እ ኦደይሳ ኦተ” ያግድ ኪትስ።
\p
\v 56 ኮሻይ ግብፀ ቢታ ኡባ ጋክዳ ዎደ፥ ዮሰፍ ካ ምንጅዳ ሻለታ ኡባ ዶይድ፥ ካ ግብፀ አሳስ ባይዝስ። 
\v 57 ቢታ ኡባን ኮሽ ሱልዳ ግሾ፥ ሳአን ደእያ አሳ ኡባይ ካ ዮሰፋፐ ሻማናዉ ግብፀ ይዶሶና።
\c 42
\s1 ዮሰፋ እሻት ግብፀ ቢታን
\p
\v 1 ያይቆብ ግብፀን ካ ደኤይሳ ስእዳ ዎደ ባ አደ ናይታ፥ “ህንተ እሶይ እሱዋ አይስ ፄሌቲ? 
\v 2 ግብፀን ካ ደኤይሳ ታኒ ስአስ፤ ያ ብድ፥ ኑኒ ሀይቆና መላ ጉ ካ ሻምተ” ያግስ። 
\v 3 ያትን፥ ዮሰፋ እሻት ታማት ካ ሻማናዉ ግብፀ ብዶሶና። 
\v 4 ሽን ያይቆብ እ ቆሄታና ግድ ህርግዳ ግሾ ዮሰፋ እሻ ብንያመ እያ እሻታራ የድቤና። 
\v 5 ካናነ ቢታን ዎልቃማ ኮሽ ደእያ ግሾ፥ ካ ሻማናዉ በይሳታራ እስራኤለ አደ ናይት ግብፀ ገልዶሶና።
\p
\v 6 ሄ ዎደ ዮሰፍ ሄ ቢታ አይስያ ግሾ ቢታን ደእያ አሳ ኡባስ ካ ባይዜስ። ሄሳ ግሾ፥ ዮሰፋ እሻት ያ ጋክዳ ዎደ ባንታ ሶምኡዋ ሳአ ጋድ እያዉ ዝግዶሶና። 
\v 7 ዮሰፍ ባ እሻታ በእዳ መላካ ኤር አግስ። ሽን እ ኤንታ ኤሮና አሳዳ ሀንድ፤ ኤንታኮ፥ “ህንተ አዉፐ ይደት?” ያግድ ኦይችስ።
\p ኤንቲ፥ “ካ ሻማናዉ፥ ካናነ ቢታፈ ይዳ” ያግዶሶና።
\p
\v 8 ዮሰፍ ባ እሻታ ኤርስ፥ ሽን ኤንቲ እያ ኤርቦኮና። 
\v 9 ዮሰፍ ኤንታባ አሙህዳ ባ አሙሁዋ አኬክድ ኤንታኮ፥ “ህንተ ዎቻናዉ ይዳ አስ፥ ህንተ ኑ ቢታን ናጎይ ለፕያ ባጋይ አዉነኮ በአናዉ ይደታ” ያግስ።
\p
\v 10 ኤንቲ፥ “አካይ፥ ኑ ጎዳዉ፥ ኑኒ ዎቻናዉ ይዳ አስ ግዶኮ። ኑኒ ነ አይለት ካ ሻማናዉ ይዳ። 
\v 11 ኑኒ ኡባይካ እስ አዋ ናይታ። ኑኒ ነ አይለት አማነትያ አስ” ያግዶሶና።
\p
\v 12 ዮሰፍ ኤንታኮ፥ “አካይ፥ ህንተ ኑ ቢታን ናጎይ ለፕያ ባጋይ አዉነኮ በአናዉ ይደታ” ያግስ።
\p
\v 13 ሽን ኤንቲ፥ “ኑኒ ነ አይለት ካናነ ቢታን ደእያ እስ ኡራ ናይታ፤ ኑኒ ታማነ ናምኡ እሻንታ። ዉርሰ ካሎይ ሀእ ኑ አዋራ ሶን ደኤስ፥ እሶይ ሀይቅስ” ያግዶሶና።
\p
\v 14 ዮሰፍ ኤንታኮ፥ “ታኒ ህንተዉ ኦድዳይሳዳ ህንተ ቢታ ዎቸይሳታ። 
\v 15 ህንተ ፓጨታናይስ ሀይሳና፤ ቱማ ካዎይ ሀይቆ፥ ህንተ ዉርሰ ካሎ እሻይ ሀይሳ ዮና እፅኮ፥ ህንተ ሀ በሳፈ ቤከታ። 
\v 16 ህንተ ኦደይስ ቱማ ግደይሳ ፓጫናዉ፥ ህንተፈ እሱዋ ኪትተ። እ ህንተ እሻ ኤክድ ዮ፥ አትዳይሳት ቃሾ ኬን ጋምኤታ። ሄስ ሃኖና፥ ካዎይ ሀይቆ፥ ህንተ ቢታ ዎቸይሳታ” ያግስ። 
\v 17 ኤንታና ሄ ጋላስ ቃሾ ኬን ቃችስ።
\p
\v 18 ሄን ጋላሳን ዮሰፍ ኤንታኮ፥ “ታኒ ፆሰ ያይያ አስ። ያንያ ግሾ፥ ህንተ እስባ ኦኮ ህንተ ሸምፑዋ አሻና። 
\v 19 ህንተ ቱማካ አማነትያ አሰ ግድኮ፥ ህንተ እሻታፐ እሶይ ሀይሳን ቃሾ ኬን ደኦ፤ አትዳይሳት ኮሻትያ ህንተ ሶ አሳስ ካ ኤፍተ፤ 
\v 20 ሽን ህንተ ዉርሰ እሻ ታኮ ኤህኮ፥ ህንተ ቃላይ ቱማታና፤ ህንተካ ሀይቆና አታና” ያግስ።
\p ኤንትካ እያ ኦዳ ኤሮ ግድ ኤክዶሶና።
\p
\v 21 ኤንቲ እሶይ እሱዋኮ፥ “ቱማ ኑኒ ኑ እሻስ ኦዳባይ ኑና ካኤስ። እ ባ ሸምፑዋስ ዋትዋትድ ዎስያ ዎደ ኑኒ ስእሸ እፅዳ። ሄሳ ግሾ፥ ሀ ዋየይ ኑና ጋክስ” ያግዶሶና።
\p
\v 22 ሮቤል፥ “ታኒ ህንተና፥ ናኣ ቦላ ናጋራ ኦፍተ ጋዳ ኦዳስ፥ ሽን ህንተ ስኦና እፅደታ። ሀእ እያ ሱይ ኑና አቼስ” ያግስ። 
\v 23 ዮሰፍ ኤንታራ ቱርጁማነን ኦደትያ ግሾ ኤንቲ ግያባ እ ኤረይሳ ኤንቲ አኬክቦኮና፤ 
\v 24 እ ኤንታፈ ሀራሶ ብድ ዬክስ። ሽን ዛር ኤንታኮ ይድ፥ ኤንታዉ ጉጅድካ ኦድስ። እ ስሞና ኤንታ ግዶፈ ከስድ ኤንቲ በእሽን ቃችስ።
\s1 ዮሰፋ እሻት ካናነ ስሙዋ
\p
\v 25 ዮሰፍ ባ አይለታ፥ “ካ ኤንታ ኦጎሩዋን ኩንተ፤ ኤንታ ሚሽያካ ዛሪድ፥ ኤንታ ኦጎሩዋን ኦጎሩዋን የግተ። ኤንታዉ ኦገስ ሽንቀካ እምተ” ያግድ ኪትስ። 
\v 26 ኤንቲ እ ግዳይሳዳ ኦዳፐ ጉየ፥ ዮሰፋ እሻት ካ ባንታ ሀረታ ቦላ ጫንድ ብዶሶና።
\p
\v 27 ኤንቲ ቃማ አቅያ በሳን ኤንታፈ እሶይ ባ ሀርያስ ካፈ የጋናዉ ባ ኦጎሩዋ ብልድ፥ ሄ ኦጎሩዋ ዶናን ደእያ ባ ሚሽያ ደምስ። 
\v 28 እ ባ እሻታኮ፥ “ታ ሚሸይ ታዉ ስምስ፤ ቱማ ሀይሳ በእተ፤ ታ ኦጎሩዋን ደኤስ” ያግስ።
\p ኤንቲ ዳጋምድ ኮኮርሸ፥ እሶይ እሱዋኮ ስሚድ፥ “ፆሳይ ኑ ቦላ ኦዳባይ ሀይስ አይቤ?” ያግዶሶና።
\p
\v 29 ኤንቲ ካናነ ቢታን ደእያ ባንታ አዋ ያይቆባኮ ይድ፥ ባንታና ጋክዳባ ኡባ እያዉ ኦድዶሶና። 
\v 30 ኤንቲ እያኮ፥ “ሄ ቢታ ሃርያ ኡራይ፥ ኑና ሄ ቢታ ዎችያ አሳዳ ኦድ ኑ ቦላ ይሎትድ ኦደትስ። 
\v 31 ሽን ኑኒ እያኮ፥ ‘ኑኒ አማነትያ አስ፥ ቢታ ዎቸይሳታ ግዶኮ። 
\v 32 ኑኒ ታማነ ናምኡ እሻንት እስ አዋ ናይታ። እሶይ ሀይቅስ፤ ዉርሰ ካሎይ ካናነ ቢታን ሀእ ኑ አዋራ ደኤስ’ ያግዳ። 
\v 33 ያትን ሄ ቢታ ሃርያ ኡራይ ኑና፥ ‘ህንተ አማነትያ አሰ ግደይሳ ታኒ ኤራና መላ ህንተ እሻታፐ እሱዋ ሀይሳን ታ ማታን አግድ፥ ኮሻትያ ህንተ ሶ አሳስ ካ ኤክድ ቢተ። 
\v 34 ህንተ ቢታ ዎቸይሳታ ግዶና፥ አማነትያ አስ ግደይሳ ታኒ ኤራና መላ፥ ህንተ ዉርሰ እሻ ታኮ ኤክድ ዪተ። ያትኮ፥ ታኒ ሀን አትዳ ህንተ እሻ ህንተዉ ዛራዳ እማና። ህንተካ ሀ ቢታን ደእድ ዛልአናዉ ዳንዳኤታ’ ” ያግዶሶና።
\p
\v 35 ኤንቲ ባንታ ኦጎሩዋፐ ካ ቆልሸ፥ ባንታ ኦጎሩዋን ኦጎሩዋን ባንታ ሚሽያ ቃሹዋራ ኡትዳይሳ ደምዶሶና። ኤንትነ ኤንታ አዋይ ሄ ቃሹዋራ ደእያ ሚሽያ በእድ ያይዶሶና። 
\v 36 ኤንታ አዋ ያይቆብ ኤንታኮ፥ “ህንተ ታና ታ ናይታፐ መላ አሽደታ። ዮሰፍ ባዋ፥ ስሞን ባዋ፥ ሀእ ቃስ ብንያመ ኤፋናዉ ኮዬታ። ኡባባይ ታዉ ዞኮ ዛርስ” ያግስ።
\p
\v 37 ሄሳፈ ጉየ፥ ሮቤል ባ አዋኮ፥ “ታኒ ብንያመ ነዉ ዛራዳ ኤሆና እፅኮ፥ ታ አደ ናይታ ናምኣካ ዎ። ታና አማነታዳ እያ ታ ኩሸን የጋ፤ ታኒ እያ ዛራዳ ኤሀና” ያግስ።
\p
\v 38 ሽን ያይቆብ ኤንታኮ፥ “ታ ናአይ ህንተራ ቤና፤ እያ እሻይ ሀይቅን፥ አትዳይ እያ ፃላላ። ህንተ ኤፍሽን፥ ኦገን ኢታባይ እያ ጋክኮ፥ ህንተ ታ ጭማተ አፉ ሙዝሸ ታ ሀይቁዋ ማታየታ” ያግስ።
\c 43
\s1 ዮሰፋ እሻት ናምአን ግብፀን
\p
\v 1 ካናነ ቢታን ኮሻይ ሀእካ ካሰይሳፈ አድ ዎልቃምስ። 
\v 2 ያንን፥ ኤንቲ ግብፀፈ ኤህዳ ካ ኡባ ምድ ኦንግን፥ ኤንታ አዋይ፥ “ቃስካ ግብፀ ብድ ኑስ ጉ ካ ሻምተ” ያግስ።
\p
\v 3 ሽን ይሁድ፥ “ሄ ኡራይ ኑና፥ ‘ህንተ እሻይ ህንተራ ዮና እፅኮ፥ ታ ሶምኡዋ ዛር በኤከታ’ ያግድ ምንድ ኦድስ። 
\v 4 ኔኒ ኑ እሻ ኑራ የድኮ፥ ኑኒ ግብፀ ብድ ነዉ ካ ሻማና። 
\v 5 ሽን ሄ ኡራይ፥ ‘ህንተ እሻይ ህንተራ ዮና እፅኮ ህንተ ታ ሶምኡዋ ዛር በኤከታ’ ” ያግዳ ግሾ፥ ኔኒ እያ የዶናባ ግድኮ ኑኒ ቦኮ።
\p
\v 6 ያትን እስራኤለይ፥ “ህንተ፥ ‘ኑስ ሀራ እሽ ደኤስ’ ግድ ኦድድ ሀ መቱዋ ታ ቦላ አይስ ኤህደቲ?” ያግስ።
\p
\v 7 ኤንቲ ዛሪድ፥ “ሄ ኡራይ ኑባነ ኑ ሶ አሳባ ምንድ ኦይችስ። እ ኑኮ፥ ‘ህንተ አዋይ ፓፃ ደኢ? ህንተዉ ሀራ እሽ ደኢ?’ ያግድ ኦይችስ። ኑኒ እ ኦይችዳይሳ እያዉ ዛርዳ። እ ኑና፥ ‘ህንተ እሻ ኤክ ዪተ’ ጋናባ ኑ አዉደ ኤርዶ?” ያግዶሶና።
\p
\v 8 ይሁድ ባ አዋ እስራኤለኮ፥ “ኑኒ፥ ኔንነ ኑ ናይት ኮሻን ሀይቃናፐ ናኣ ታራ የዳ፥ ኑኒ ባና። 
\v 9 ናአ ታ ዋሰተን እማ፤ እያባ ታና ኦይቻ። ታኒ እያ ነዉ ሳሮ ዛራዳ ኤሆና እፅኮ፥ ታ ደኦ ኡባን ነ ባደይ ታና ጋኮ። 
\v 10 ኑ ጋምኦናባ ግድያኮ፥ ሀኖደ ናምአን ያ ስማና ሽን” ያግስ።
\p
\v 11 ኤንታ አዋይ እስራኤለይ፥ “ሄሳ ግድኮ ሃረይሳስ ኩሸ ገንያባ፥ ሀ ቢታን ካፅያባ ኡባፈ ሎኦባ ዶርተ። ሄስካ፥ ቅባተ፥ ሽቶ፥ ዱማ ዱማ ሳዎ፥ ኤስነ፥ ኦቾሎነ ህንተ ኦጎሩዋን የግድ፥ ኤክድ ቢተ። 
\v 12 ህንተ ኦጎሩዋ ዶናን ስምዳ ሚሸይ ባለትዳባ ግዳናዉ ዳንዳእያ ግሾ፥ ሚሽያ ናምኡ ኩሸ ኦድ ኤክ ቢተ። 
\v 13 ህንተ እሻ ኤክድ፥ ሄ ኡራኮ ኤለስድ ጉየ ቢተ። 
\v 14 እ ሀንኮ ህንተ እሻነ ብንያመ ህንተራ የዳና መላ ኡባ ዳንዳእያ ፆሳይ ሄ ኡራይ ህንተዉ ቃታናዳ ኦ። ታና ግድኮ፥ ታ ናይታፐ መላ አትኮካ አታስ” ያግስ።
\p
\v 15 ሄሳ ግሾ፥ እሻንት ዎላ ባንታ እምያባታ፥ ናምኡ ኩሸ ሚሽያነ ብንያመ ባንታራ ኤክድ ብዶሶና። ኤንቲ ግብፀ ጋክድ፥ ዮሰፋ ስን ሺቅዶሶና። 
\v 16 ዮሰፍ ብንያመ ኤንታራ በእዳ ዎደ ባ ኬ ካፑዋኮ፥ “ሀ አሳታ ታ ሶ ኤካዳ ባ። እስ መሄ ሹካዳ ጊግሳ፤ ኤንቲ ካ ታራ ማና” ያግድ ኪትስ።
\p
\v 17 ያትን ካፖይ፥ ዮሰፍ ኪትዳይሳዳ ሄ አሳታ እያ ሶ ኤፍስ። 
\v 18 ኤንቲ ዮሰፋ ሶ ብሸ፥ ያይድ፥ “ኤንቲ ኑና ሀይሳ ኤህዳይ ኮይሮ ኑ ኦጎሩዋን ስምዳ ሚሽያ ግሾ ግዶና አገና። ኤንቲ ኑና ቆህድ አይለተን ሃሮናነ ኑ ሀረታ ኤኮና አጎኮና” ያግ ህርግዶሶና።
\p
\v 19 ሄሳ ግሾ፥ ኤንቲ ዮሰፋ ሶ ፐንገ ጋክድ፥ ኬ ካፑዋ ኦድስዶሶና። 
\v 20 “ጎዳዉ፥ ኑኒ ኮይሮ ካ ሻማናዉ ሀይሳ ይዳ። 
\v 21 ጉየ ስምሸ ኑኒ ቃማ አቅያ በሳን ኦጎሩዋ ብልያ ዎደ ሁጰን ሁጰን ኑ ሚሸይ ፓጮና ኑ ኦጎሩዋን ደኤይሳ ደምዳ። ሄኮ፥ ኑኒ ሄ ሚሽያ ጉየ ኤክ ይዳ። 
\v 22 ሀእ ኑኒ ካ ሻማናዉ ሀራ ሚሸ ኦይክ ይዳ። ኑ ሚሽያ ኑ ኦጎሩዋን ኦን የግዳኮ ኤሮኮ” ያግዶሶና።
\p
\v 23 እ ዛሪድ፥ “አይኮይ ባዋ፥ ያዮፍተ፤ ህንተ ፆሳይ፥ ህንተ አዋ ፆሳይ፥ ህንተ ኦጎሩዋን ህንተዉ ሚሸ እሚስ። ታኒ ህንተ ጭግዳ ሚሽያ ኩመ ኤካስ” ያግስ። ሄሳፈ ጉየ፥ ስሞና ኤንታኮ ከስስ።
\p
\v 24 ሄ ኡራይ ሄ አሳታ ዮሰፋ ሶ ኤፍድ፥ ኤንታ ቶሁዋስ ሃ ኤህን፥ ኤንቲ ሜጨትዶሶና። ኤንታ ሀረታስካ ምያባ የግስ። 
\v 25 ኤንቲ ዮሰፋራ ካ ማናይሳ ስእዳ ግሾ ባንታ እማናባታ ዮሰፋስ ጊግስዶሶና።
\p
\v 26 ዮሰፍ ባ ሶ ገልዳ ዎደ ኤንቲ ኤህዳ ባንታ እምያባታ እያዉ እምድ፥ እያ ስንን ሳአ ጋክድ ዝግዶሶና። 
\v 27 እ ኤንታ ሳሮተ ኦይች ስሚድ፥ “ህንተ ታዉ ኦድዳ ህንተ ጭምዳ አዋይ ሎኦ ደኢ? ሀእካ እ ፓፃ ደኢ?” ያግስ።
\p
\v 28 ኤንቲ፥ “ኤ፥ ነ አይለይ፥ ኑ አዋይ ፓፃ ደኤስ፤ እ ሎኦ” ያግድ፥ ሆክድ እያዉ ዝግዶሶና።
\p
\v 29 እ ባ አየ ናኣ ብንያመ በእዳ ዎደ ኤንታኮ፥ “ህንተ ኦድዳ ዉርሰ ህንተ እሻይ ሀይሴ?” ያግስ። ብንያመ፥ “ታ ናአዉ፥ ነና ፆሳይ አንጆ” ያግስ። 
\v 30 ዮሰፍ፥ እያ እሻባይ እያዉ ጎምፓን ሴልዳ ግሾ፥ ኤለስድ፥ ቆልአ ገልድ ያን ዬክስ።
\p
\v 31 እ ባ ሶምኡዋ ሜጨትዳፐ ጉየ ከይድ ባና ምንድ፥ ካ አና መላ ኪትስ።
\p
\v 32 ኤንቲ ዮሰፋስ ዱማ፥ እያ እሻታስ ዱማ አዶሶና። ግብፀ አሳይ እብራወ አሳታራ እስፈ መይስ ባንታና ካዉሽያባ ኦ ፄልያ ግሾ እያራ ምያ ግብፀ አሳታስ ዱማ አዶሶና። 
\v 33 ኤንቲ ዮሰፋ ስንን ባይራይ ባ ባይራተን፥ ካሎይ ባ ካሎተን ማራን ኡትዶሶና። ኤንቲ እሶይ እሱዋ ፄልድ፥ ኤንታ ዋትድ ኡትስዳኮ በእድ ማላለትዶሶና። 
\v 34 ዮሰፋ ጋይታፐ ኤንታዉ ቁም ግሸቴስ፥ ሽን ብንያመስ ሀራታፐ አድ እቻሹ ኩሸ እሚስ። ያንድ፥ ኤንቲ ዮሰፋራ ምድ ኡይድ ኡፋይትዶሶና።
\c 44
\s1 ይዳ ዋንጫ
\p
\v 1 ዮሰፍ ባ ኬ ካፑዋ፥ “ኔኒ ሀ አሳት ቶካናዉ ደንዳእዳ ኬና ኤንታ ኦጎሩዋን ካ ኩን። ኤንታ ኡባ ሚሽያ ኤንታ ኦጎሩዋ ዶናን ዶናን የጋ። 
\v 2 ያታዳ ዉርሰ ካሉዋ ኦጎሩዋ ዶናን ታ ብራ ዋንጫነ እ ሻማናዉ ኤህዳ ሚሽያ የጋ” ያግድ ኪትስ። እ ዮሰፍ ግዳይሳዳ ኦስ።
\p
\v 3 ሳእ ዎንትን ሄ አሳት ባንታ ሀረታ ኤክድ ባናዉ ደንድዶሶና። 
\v 4 ኤንቲ ሄ ካታማፐ ከይድ ሃክ ቦና ደእሽን፥ ዮሰፍ ባ ኬ ካፑዋኮ፥ “ሀ አሳታ ጌዶ ካላ። ኔኒ ኤንታ ጋክዳ ዎደ ኤንታኮ፥ ‘ህንተ አይስ ኬሀ ኢታን ዛርደቲ? 
\v 5 ሀይስ ታ ጎዳይ ኡየይሳነ ፁራባ ደምያ ዋንጫ ግደይሳ ኤረከቲ? አይስ ካይሶትደቲ? ሀይስ ህንተ ኦዳባይ ዳሮ ኢታባ’ ያጋ” ያግስ።
\p
\v 6 ያትን እ ኤንታ ጌዶ ካል ጋክድ፥ ሄ ግዳይሳዳካ ኤንታዉ ኦድስ። 
\v 7 ሽን ኤንቲ፥ “ጎዳዉ ሀይሳ መላባ አይስ ኦደታይ? ሄሳ መላባ ኦሶይ ኑፐ ነ አይለታፐ ሃኮ። 
\v 8 ኑኒ ሀር አቶሽን፥ ኑ ኦጎሩዋ ዶናፐ ደምዳ ሚሽያ ካናነ ቢታፈ ጉየ ዛሪድ ነዉ ኤህዳይሳ ኤራሳ። ነ ጎዳ ኬፈ ኑኒ ዎርቃ ዎይኮ ብራ ዋት ካይሶታኔ? 
\v 9 ነ አይለታ ግዶን ሄ ዋንጫይ በንትዳ ኡራይ ሀይቆ። ቃስ አትዳ ኑካ ኑ ጎዳስ አይለ ግዳና” ያግዶሶና።
\p
\v 10 እ ኤንታኮ፥ “ሄሳ ግድኮ ሎኦ፥ ህንተ ግዳይሳዳ ሀኖ። ዋንጫ ኤክዳ ኦንካ ታ አይለ ግዳና፤ አትዳይሳት ሳሮን ቤታ” ያግስ።
\p
\v 11 ሄሳፈ ጉየ፥ ኤንቲ ኤለስድ ባንታ ኦጎሩዋ ኦጎሩዋ ሳአን ዎድ ብልዶሶና። 
\v 12 ሄ ካፖይ ኡባፈ ባይራ ኦጎሩዋፐ ዶምድ ዉርሰ ካሉዋይሳ ጋካናስ ኮይድ፥ ሄ ዋንጫ ብንያመ ኦጎሩዋፐ ደምስ። 
\v 13 ሄሳን ኤንቲ አዛንድ፥ ባንታ ማኡዋ ፔዶሶና። ባንታ ኦጎሩዋ ሀረታ ቦላ ጫንድ፥ ጉየ ካታማ ስምዶሶና።
\p
\v 14 ይሁድ ባ እሻታራ ዮሰፋኮ ገልያ ዎደ ዮሰፍ ሶን ደኤስ፤ ኤንቲ እያ ስንን ሳአን ጉፋንዶሶና። 
\v 15 ዮሰፍ ኤንታኮ፥ “ህንተ አይብ ፓላባ ኦደቲ? ታ መላ አስ ፁራባ ደማናዉ ዳንዳኤይሳ ህንተ ኤረከትዬ?” ያግስ።
\p
\v 16 ይሁድ፥ “ታ ጎዳስ ኑኒ አይ ጋኔ? ኑኒ አይ ኦደትያባይ ደኢ? ኑ ፅሎተ ኑኒ ዋት በሳኔ? ፆሳይ ነ አይለታ ናቁዋ ቆንጭስስ። ህዛ ኑኒካ ሄ ዋንጫይ በንትዳ ኡራይካ ታ ጎዳስ አይለ ግድዳ” ያግስ።
\p
\v 17 ሽን ዮሰፍ፥ “ሄሳ መላባ ኦናይስ ታፐ ሃኮ፤ ታ ዋንጫይ እያፐ በንትዳ ኡራ ፃላል ታ አይለ ግዳና። ሀንኮ ህንተ ህንተ አዋኮ ጉየ ሳሮ ስምተ” ያግስ።
\p
\v 18 ይሁድ እያኮ ሺቅድ “ታ ጎዳዉ፥ ኔኒ ካዋ መላ ግድኮካ ታኒ ኔራ ኦደታናዉ ነና ዎሳይስ። ታና ነ አይልያ ሀንቀቶፋ። 
\v 19 ኔኒ ታ ጎዳይ ኑና ነ አይለታ፥ ‘ህንተዉ አው ዎይኮ እሽ ደኢ?’ ጋዳ ኦይቻዳሳ። 
\v 20 ኑኒካ፥ ‘ኑስ ጭምዳ አዋይ ደኤስ። እ ጭማተን የልዳ ካሎ ናአይካ ደኤስ። ሄ ናኣ እሻይ ሀይቅስ፥ ባ አየን እስኖ፥ እያ አዋይ እያ ዳሮ ዶሴስ’ ያግዳ።
\p
\v 21 “ኔኒ ኑኮ፥ ‘ታኒ እያ በአና መላ ታዉ ኤህተ’ ያጋዳሳ። 
\v 22 ያትን ኑኒ፥ ‘ሄ ናአይ ባ አዋፐ ሻከታናዉ ዳንዳኤና፤ ሻከትኮ እያ አዋይ ሀይቃና’ ያግዳ። 
\v 23 ሽን ኔኒ፥ ‘ህንተ ካሎ እሻይ ህንተራ ዮና እፅኮ፥ ታ አይፍያ ዛር በኤከታ’ ያጋዳሳ። 
\v 24 ኑኒ ኑ አዋኮ ስሚድ ብዳ ዎደ ነ ግዳይሳ እያዉ ኦድዳ።
\p
\v 25 “ኑ አዋይ፥ ‘ጉየ ብድ ጉ ካ ሻምተ’ ያግን፥ 
\v 26 ኑኒ እያኮ፥ ‘ኑ ካሎ እሻይ ኑራ ቦና እፅኮ፥ ኡራ አይፍያ በአናዉ ዳንዳኦኮ። ኑ ካሎ እሻይ ኑራ ብያባ ግድኮ፥ ኑኒ ያ ባና’ ያግዳ።
\p
\v 27 “ያትን ኑ አዋይ ኑና፥ ‘ታ ማችያ ራሄላ ታዉ ናምኡ አደ ናይታ የልዳይሳ ህንተ ኤሬታ። 
\v 28 ኤንታፈ እሶይ ታፐ ሻከትድ ብን፥ እያ ዶእ ሞና አገና ያጋስ። ሀች ጋካናዉ ታኒ እያ በአብከ። 
\v 29 ሀይሳ ቃስ ታፐ ህንተ ሻክ ኤፍን፥ ኢታባይ እያ ጋክኮ፥ ህንተ ታና ታ ጭማተን አፉ ሙዝሸ ታ ሀይቁዋ ማታየታ’ ” ያግስ።
\p
\v 30-31 “ሄሳ ግሾ፥ ሀእ ታኒ ጉየ ታ አዋኮ ብያ ዎደ ብንያመይ ታራ ባናዉ በሴስ። ታ አዋይ ናኣ ሸምፖፈ ዶስያ ግሾ፥ ናአይ ኑራ ባይናይሳ በእኮ ሀይቃና። ኑኒ ነ አይለት ኑ አዋ ጭማተ አፉን ዱፎ ገልሶስ። 
\v 32 ታኒ ነ አይለይ ናኣ ታ ዋሰተን ኤካስ። ቃስ፥ ‘ታ አዋዉ፥ ታኒ እያ ነዉ ሳሮ ዛራዳ ኤሆና እፅኮ ታ ደኡዋ ኡባን ነ ባደይ ታና ጋኮ’ ያጋስ።
\p
\v 33 “ያንያ ግሾ፥ ታኒ ነ አይለይ ናኣ ግሾ አይለታዳ ሀይሳን አታና ናአይ ባ እሻታራ ጉየ ስሞ። 
\v 34 ናአይ ባይና ታኒ ዋናዳ ጉየ ታ አዋኮ ስማኔ? ታና ታ አዋይ ሴለታና ሴላ በሶፎ” ያግስ።
\c 45
\s1 ዮሰፍ ባና ቆንጭሰ
\p
\v 1 ሄ ዎደ ዮሰፍ ባ አይለታ ስንን ገንጫናዉ ዳንዳእቦና ግሾ፥ “አሳ ኡባ ታ ስንፈ ከስተ” ያግድ ዋስስ። ሄሳ ግሾ፥ ዮሰፍ ባ እሻታስ ባና ኤርስዳ ዎደ እያራ ኦንካ አላግ ባዋ። 
\v 2 እ ባ ቃላ ቁ ኦድ፥ ግብፀት እያ ስአና ጋካናዉ ዬክስ፤ ካዋ ሶ አሳይካ ሄ ዎርያ ስእዶሶና።
\p
\v 3 ዮሰፍ ባ እሻታኮ፥ “ታኒ ዮሰፋባይ። ታ አዋይ ሀኖ ጋካናስ ፓፃ ደኢ?” ያግድ ኦይችስ። ሽን እያ እሻት ዳሮ ዳጋምዳ ግሾ፥ እያዉ አይኮካ ዛራናዉ ዳንዳእቦኮና።
\p
\v 4 ያንን፥ ዮሰፍ ባ እሻታኮ፥ “ታኮ ሃ ሺቅተ” ያግስ። ኤንቲ እያኮ ሺቅን እ ኤንታ፥ “ታኒ ህንተ ታና ግብፀ ቢታ ባይዝዳ ህንተ እሻ ዮሰፋ። 
\v 5 ሀእ ህንተ ታና ባይዝዳ ግሾ፥ ቂሮቶፍተነ ህንተና ባዶፍተ። አይስ ጊኮ፥ ፆሳይ ታና ህንተፈ ስን ኪትዳይ አሳ ሸምፖ አሻናሳ። 
\v 6 ሀ ቢታ ኮሽ ገልን ሀይስ ናምአን ላይ። አስ ጎዮና ዎይኮ ጫኮና ሀራ እቻሹ ላይት ቡሮ ደኦሶና። 
\v 7 ሽን ታኒ ሳአን ህንተ ሼሻነ ህንተና ማላልስያ ኦገን አሻና መላ ፆሳይ ታና ህንተፈ ስን ኪትስ። 
\v 8 ሄሳ ግሾ፥ ታና ሀ በሳ ኪትዳይ ፆሳፈ አትሽን፥ ህንተና ግደከታ። እ ታና ግብፀ ካዋስ ዞርያ አዋ፥ እያ አቆ ኡባ ቦላ ጎዳነ ግብፀ ቢታ ሃርያ አስ ኦስ።
\p
\v 9 “ሀእ ኤለስድ ጉየ ታ አዋኮ ብድ እያኮ፥ ነ ናአይ ዮሰፍ ሀይሳዳ ያጌስ ጊተ፤ ‘ፆሳይ ታና ግብፀ ቢታ ኡባ ቦላ ጎዳ ከስስ፤ ኔኒ ጋምኦና ታኮ ሃያ። 
\v 10 ነ ናይታ፥ ነ ናይታ ናይታ፥ ነ ዶርሳ፥ ነ ዴሻ፥ ነ መህያነ ነዉ ደእያባ ኡባ ኤካዳ ሃያ፤ ታ ማታን ጌሳመ ቢታን ደኣሳ። 
\v 11 ቡሮ እቻሹ ኮሻ ላይት አትዶሶና። ነና፥ ነ ሶ አሳነ ነ መህያ ኮሽ ቆሆና መላ ታኒ ነና ሙዛና’ ” ያግስ።
\p
\v 12 ቃስካ ዮሰፍ ኤንታኮ፥ “ህንተካ፥ ታ እሻ ብንያመይካ፥ ሀ ህንተራ ኦደተይ ቱማ ታና ዮሰፋ ግደይሳ ህንተ አይፍያን በእደታ። 
\v 13 ታዉ ግብፀ ቢታን ደእያ ግታ ቦንቹዋነ ህንተ በእዳባ ኡባ ታ አዋስ ኦድተ። ታ አዋካ ኤለስድ ሃ ኤክድ ዪተ” ያግስ።
\p
\v 14 ዮሰፋራ ብንያመራ ናምአይ ዎሉ ቆምድ ዬክዶሶና 
\v 15 ዮሰፍ ዬክሸ ባ እሻታ ኡባ ዬርስ። ሄሳፈ ጉየ፥ እያ እሻት እያራ ኦደትዶሶና።
\p
\v 16 ዮሰፋ እሻታ ዩሳ ዎረይ ካዎ ኬ ጋክዳ ዎደ ካዎይነ እያ ሞርናት ኡፋይትዶሶና። 
\v 17 ካዎይ ዮሰፋኮ፥ “ኔኒ ነ እሻታኮ ያጋ፤ ህንተ ሀረታ ጫንድ፥ ካናነ ቢታ ስምተ። 
\v 18 ህንተ አዋነ ህንተ ሶ አሳ ኤክድ፥ ጉየ ታኮ ሃ ዪተ። ታኒ ህንተዉ ግብፀ ቢታን ኡባፈ ሎእያ በሳ እምኮ፥ ሄ ቢታ ሞዋ ህንተ ካሻና። 
\v 19 ቃስካ፥ ባንታ ናይታ፥ ባንታ ማቸታነ ባንታ አዋ ኤሀናዉ ግብፀፈ ግታ ፓራ ጋረ ኤክ ባና መላ ኤንታ ኪታ። 
\v 20 ግብፀ ቢታን ደእያ ኡባፈ አድ ሎእያባይ ኤንታሳ ግድያ ግሾ፥ ባንታ አግድ ያ አቁዋስ ቆፖና መላ ኤንታዉ ኦዳ” ያግስ።
\p
\v 21 ያትን እስራኤለ አደ ናይት ካዎይ ግዳይሳዳ ኦዶሶና። ዮሰፍ ካዎይ ኪትዳይሳዳ ግታ ፓራ ጋረታነ ኦገስ ሽንቀካ ኤንታዉ እሚስ። 
\v 22 ኤንታ ኡባስ ሁጰን ሁጰን ኦራ ማኦ እሚስ። ሽን ብንያመስ ታማነ ኡሱፑን ክሎ ግራመ ዴፅያ ብራነ እቻሹ ኩመ ማኦ እሚስ። 
\v 23 እ ባ አዋስ ግብፀን ደእያባፐ ሎእያባ ኡባ ታሙ አደ ሀረን ጫንድ፥ ቃስ ኦገስ ካ፥ ኡይነ ሀራ ካ ታሙ ማጫ ሀረታን ጫንድ የድስ። 
\v 24 ያትድ፥ ዮሰፍ ባ እሻታ ሞይዝሸ፥ ኤንታኮ፥ “ኦግያን ብሸ ኦየቶፍተ” ያግስ።
\p
\v 25 ኤንቲ ግብፀፈ ደንድድ፥ ካናነ ቢታን ደእያ ባንታ አዋ ያይቆባኮ ስምዶሶና። 
\v 26 ኤንቲ ያይቆባኮ፥ “ዮሰፍ ፓፃ ደኤስ። እ ሄሳፈ አድ ግብፀ ቢታ ኡባ ሃሬስ” ያግዶሶና። ያይቆብ ዳጋምድ፥ ዎዛና ይዳ ግሾ፥ ኤንቲ ግያባ አማንበና። 
\v 27 ሽን ኤንቲ ዮሰፍ ኤንታዉ ኦድዳባ ኡባ እያዉ ኦድን፥ ቃስካ እያ ኤክ ያና መላ እ የድዳ ግታ ፓራ ጋረታ እ በእን እያዉ ሸምፖይ ስምስ። 
\v 28 እስራኤለይ፥ “ህዛ ታ አማነታስ። ታ ናኣ ዮሰፍ ሀኖ ጋካናስ ፓፃ ደኤስ። ታ ሀይቃናፐ ስን ባዳ እያ በአና” ያግስ።
\c 46
\s1 ያይቆብ ግብፀ ቡሳ
\p
\v 1 እስራኤለይ ባዉ ደእያባ ኡባ ኤክድ፥ በርሳበ ጋክዳ ዎደ ባ አዋ ይሳቃ ፆሳስ ያርሾ ያርሽስ። 
\v 2 ፆሳይ ቃማ እስራኤለስ ቆንጭድ፥ “ያይቆባ፥ ያይቆባ” ያግስ።
\p እካ፥ “ሄኮ፥ አበ ጎዳዉ” ግድ ኮይስ።
\p
\v 3 ፆሳይ እያኮ፥ “ታኒ ፆሳ፥ ነ አዋ ፆሳ፤ ኔኒ ግብፀ ባናዉ ባቦፋ። ታ ነ ሼሻ ያን ግታ ደረ ከሳና። 
\v 4 ታኒ ኔራ እስፈ ግብፀ ባና፤ ታኒ ነ ሼሻ ያፐ ከሳዳ ሃ ኤሀና። ነ ሀይቅያ ዎደ ዮሰፍ ነ አይፍያ ኦይካና” ያግስ።
\p
\v 5 ሄሳፈ ጉየ፥ ያይቆብ በርሳበፐ ደንድስ። እስራኤለ አደ ናይት ባንታ አዋ ያይቆባ፥ ባንታ ናይታነ ባንታ ማቸታ ግብፀ ካዎይ ኤንታዉ የድዳ ግታ ፓራ ጋረ ቦላ ኡትስድ ኤፍዶሶና። 
\v 6 ኤንቲ ካናነ ቢታን ሃርዳ ሃሩዋነ መሄ ኡባ ኤክ ብዶሶና። ያይቆብ ባ ሶ አሳ ኡባ ኤክድ ግብፀ ብስ። 
\v 7 እ ባ ሶ አሳ ኡባ፤ አደ ናይታነ ባ አደ ናይታ ናይታ፥ ባ ማጫ ናይታነ ባ ማጫ ናይታ ናይታ፥ ኡባ ባራ ኤክድ ግብፀ ብስ።
\p
\v 8 እስራኤለራ ግብፀ ቢታ ብዳ እያ ናይታ ሱንይ ሀይሳፈ ካልድ ፃፈትዳይሳ።
\p ያይቆባ ባይራ ናአይ ሮቤላ፤ 
\v 9 ሮቤላ አደ ናይት ሀኖካ፥ ፓላ፥ ሄስሮናነ ካርማ። 
\v 10 ስሞና አደ ናይት ያሙኤላ፥ ያምና፥ ኦሀዳ፥ ያክና፥ ፆሃራነ ካናነ ማጫሴፐ የልዳ ሳኡላ። 
\v 11 ሌወ አደ ናይት ገድሶና፥ ቃሀታነ መራራ። 
\v 12 ይሁዳ አደ ናይት ኤራ፥ ኦናና፥ ሴላ፥ ፓረሳነ ዛራ። ሽን ኤርነ ኦናን ካናነ ቢታን ሀይቅዶሶና። ፓረሳ አደ ናይት ሄስሮናነ ሀሙላ። 
\v 13 ይሳኮራ አደ ናይት ቶላ፥ ፑአ፥ ዮባነ ሽምሮና። 
\v 14 ዛብሎና አደ ናይት ሳረዳ፥ ኤሎናነ ያህላላ። 
\v 15 ሀ አደ ናይትነ ማጫ ናእያ ዲና፥ ልያ ማሰጰፆመ ቢታን ያይቆባስ የልዳይሳታ። ዲና ጉጅን እያ ናይትነ ናይታ ናይት ኩመ ሀስታማነ ሄ።
\p
\v 16 ጋደ አደ ናይት ፃፎና፥ ሀገ፥ ሹና፥ ኤፅቦና፥ ኤር፥ አሮዳነ አርኤላ። 
\v 17 አሴራ አደ ናይት ይምና፥ የሱዋ፥ ይስዋነ በርአ። ኤንታ ምችያ ሳራሆ። በርአ አደ ናይት ሄቤራነ ማልክኤላ። 
\v 18 ሀይሳቲ ላቢ ባ ናኤ ልያስ እምዳ ዛላፋ ያይቆባስ የልዳ ናይታ። ኤንቲ ኩመ ታማነ ኡሱፑና።
\p
\v 19 ያይቆባ ማቸ ራሄል አደ ናይት ዮሰፋነ ብንያመ። 
\v 20 ኦና ካታማ ካህነ ጶፅፋራ ናእያ አስናታ ዮሰፋስ ግብፀን ምናሰነ ኤፍሬማ የላሱ። 
\v 21 ብንያመ ናይት ቤላ፥ በከራ፥ አስቤላ፥ ጌራ፥ ናማነ፥ ኤሀ፥ ኦሮሻ፥ ሙፍማ፥ ሁፍማነ አራዳ። 
\v 22 ሀይሳቲ ያይቆባስ የለትዳ ራሄል አደ ናይታ። ኤንቲ ኩመ ታማነ ኦይዳ።
\p
\v 23 ዳነ አደ ናአይ ሁሽማ። 
\v 24 ንፍታለመ አደ ናይት ያህፄላ፥ ጉና፥ የፀራነ ሽለመ። 
\v 25 ሀይሳቲ ላፑናት ላቢ ባ ናኤ ራሄልስ እምዳ ባል ያይቆባስ የልዳ ናይታነ ናይታ ናይታ።
\p
\v 26 ያይቆባራ ግብፀ ብዳ፥ እያ ጉልባታፐ ከይዳ ናይት፥ እያ ናይታ ማቸታ ጉጆና ኡሱፑን ታማነ ኡሱፑና። 
\v 27 ግብፀን ዮሰፋስ የለትዳ ናምኡ ናይታ ጉጅኮ፥ ግብፀ ብዳ ያይቆባ ሶ አሳይ ኩመ ላፑን ታማ።
\p
\v 28 ጌሳመ ቢታን ባንታና ሞካና መላ ያይቆብ ይሁዳ ባፐ ስን ዮሰፋኮ ኪትስ። ኤንቲ ያ ጋክያ ዎደ፥ 
\v 29 ዮሰፍ ባ ፓራ ጋርያ ጊግስድ፥ ባ አዋ እስራኤለራ ጋሄታናዉ ጌሳመ ብስ። ዮሰፍ ባ አዋ ደምዳ መላ እያ ቆያን ፃፀትድ ዳሮ ዎደ ዬክስ።
\p
\v 30 እስራኤለይ ዮሰፋኮ፥ “ኔኒ ፓፃ ደእሽን፥ ታኒ ነ አይፍያ በእዳ ግሾ፥ ህዛ ታኒ ሀይቅኮካ አይኮይ ባዋ” ያግስ።
\p
\v 31 ሄሳፈ ጉየ፥ ዮሰፍ ባ እሻታነ ባ አዋ ሶ አሳታኮ፥ “ታኒ ግብፀ ካዋኮ ባዳ እያኮ፥ ‘ካናነ ቢታን ደእያ ታ እሻትነ ታ አዋ ሶ አሳይ ታኮ ይዶሶና። 
\v 32 ኤንቲ መሄ ሃረይሳታ፥ ኤንቲ ባንታራ ባንታ ዶርሳ፥ ባንታ ዴሻ፥ መህያነ ባንታዉ ደእያባ ኡባ ኤክድ ይዶሶና’ ያጋና። 
\v 33 ካዎይ ህንተና ፄግስድ፥ ‘ህንተ ኦሶይ አይቤ?’ ግድ ኦይችኮ፥ 
\v 34 ህንተ እያኮ፥ ‘ኑኒ ነ አይለት ናአተፈ ዶምድ ኑ አዋታዳ መሄ ሄሞስ’ ያግተ። ዶርሰ ሃርያ አስ ግብፀ አሳን ካትዳባ ግድያ ግሾ፥ እ ህንተ ጌሳመ ቢታን ዳና መላ ኦና” ያግስ።
\c 47
\p
\v 1-2 ዮሰፍ ባ እሻታፐ እቻሻታ ዶርድ ግብፀ ካዋኮ ገልድ ሀይሳዳ ያግስ፤ “ታ አዋይነ ታ እሻት፥ ባንታ ዶርሳ፥ ባንታ ዴሻ፥ ባንታ መህያነ ባንታዉ ደእያባ ኡባ ኤክድ ካናነ ቢታፈ ይድ፥ ሀእ ጌሳመን ደኦሶና” ያግስ።
\p
\v 3 ካዎይ ሄ እሻታኮ፥ “ህንተ ኦሶይ አይቤ?” ያግድ ኦይችስ።
\p ኤንቲ ካዋኮ፥ “ኑኒ ነ አይለት ኑ አዋታዳ ዶርሰ ሃርያ አሳታ” ያግድ ዛርዶሶና። 
\v 4 ቃስካ ኤንቲ እያኮ፥ “ካናነ ቢታን ኮሽ ከይዳ ግሾነ ኑ መህያስ ምያባይ ይዳ ግሾ፥ ኑኒ ሀይሳን ዳናዉ ይዳ። ሀያና ኑና ነ አይለታ ጌሳመ ቢታን ደኦ ጋርክ” ያግዶሶና።
\p
\v 5 ካዎይ ዮሰፋኮ፥ “ነ አዋይነ ነ እሻት ኔኮ ይዶሶና። 
\v 6 ህዛ ግብፀ ቢታይ ነ ኩሸና። ሀ ቢታን ኡባፈ አድ ሎእያ በሳን ነ አዋነ ነ እሻታ ዎ፤ ኤንቲ ጌሳመ ቢታን ደኦና። ኤንታ ግዶፈ ዱማ ቃራተ ደኤይሳት ደእኮ፥ ሄሳታ ታ መህያ ቦላ ሹማ” ያግስ።
\p
\v 7 ሄሳፈ ጉየ፥ ዮሰፍ ባ አዋ ያይቆባ ገልስድ፥ ካዋ ስን አስ። ያይቆብ ግብፀ ካዋ አንጅዳፐ ጉየ፥ 
\v 8 ካዎይ ያይቆባ፥ “ነዉ አፑን ላይ?” ያግድ ኦይችስ።
\p
\v 9 ያይቆብ ካዋኮ፥ “ታኒ ዳቡርሳን ደእዳ ላይይ ፄታነ ሀስታማ። ታ ላይይ በን ታ አዋት ዳቡርሳን ደእዳ ላይፈ ጉነ መቶይ ዳርዳ ላይ” ያግስ። 
\v 10 ሄሳፈ ጉየ፥ ያይቆብ ካዋ አንጅድ፥ እያ ስንፈ ካረ ከይስ።
\p
\v 11 ዮሰፍ ካዎይ ኪትዳይሳዳ ባ አዋነ ባ እሻታ ግብፀ ቢታን ራምሰ ካታማ ማታን ደእያ ኡባፈ አዳ አራዳ ቢታን ኤንታ ዎስ። 
\v 12 ዮሰፍ ባ አዋስ፥ ባ እሻታስነ ባራ ደእያ ኡባስ ኤንታ ናይታ ታይቡዋዳ ካ እሚስ።
\s1 ግብፀ ኮሻ
\p
\v 13 ቢታ ኡባን ኮሽ ሱልዳ ግሾ ቢታን ኡባን ካ ባዋ፤ ግብፀይነ ካናነ ቢታይ ቆሄትዶሶና። 
\v 14 ዮሰፍ ግብፀ ካ ባይዝድ፥ ግብፀንነ ካናነ ቢታታን ደእያ ሚሽያ ኡባ ሺሽድ ግብፀ ካዋ ኬ ገልስስ። 
\v 15 ግብፀ ሚሸይነ ካናነ ሚሸይ ዉርዳ ዎደ ግብፀ አሳ ኡባይ ዮሰፋኮ ይድ “ኑስ ካ እማ። ኑ ሚሸይ ዉርዳ ግሾ ኑኒ ነ ስንን አይስ ኮሻን ሀይቃኔ?” ያግዶሶና።
\p
\v 16 ዮሰፍ ኤንታኮ፥ “ህንተ መህያ ኤክ ዪተ። ህንተ ሚሸይ ዉርዳባ ግድኮ፥ ታኒ ካ ህንተ መህያራ ላማና” ያግስ። 
\v 17 ሄሳ ግሾ፥ ኤንቲ ባንታ መህያ ዮሰፋስ ኤህዶሶና። ዮሰፍ ኤንታ ፓራ፥ ዶርሳ፥ ዴሻ፥ ሚዛነ ሀርያ ካራ ላምስ። እ ሄ ላይ ኤንታ መህያ ኡባራ ካ ላምድ፥ ኤንታ ሙዝድ ሻችስ።
\p
\v 18 ኤንቲ ካልያ ላይን እያኮ ይድ “ኑኒ ኑ ጎዳፐ ቆስያባይ ባዋ፤ ኑ ሚሸይ ኡባይ ዉርስ። ኑ መህያካ ነዉ እም ድግዳ። ኑ ቦላፈነ ኑ ጋድያፐ አትሽን፥ ኑ ጎዳስ እማናባይ ሀራባይ ባዋ። 
\v 19 ኑኒ ነ በእሽን አይስ ኮሻን ሀይቃኔ? ኑ ጋደይካ አይስ ዪ? ኑናካ ኑ ጋድያካ ሻማዳ ኑስ ካ እማ። ኑኒ ካዋስ አይለታና፥ ኑ ጋደይካ እያባ ግዶ። ኑኒ ሀይቆና አታና መላ ኑ ጋደይካ ኦፆና መላ ዘረ ኑስ እማ” ያግዶሶና።
\p
\v 20 ዮሰፍ ግብፀ ቢታ ኡባ ካዋስ ሻምስ። ኮሽ ሱልን፥ ግብፀ አሳይ ኡንኤትድ ባንታ ጋድያ ባይዝን ጋደይ ካዉዋባ ግድስ። 
\v 21 ዮሰፍ አሳ ኡባ ግብፀስ ሀ ጋፃፐ ህን ጋፃ ጋካናስ ካዋስ አይለ ኦስ። 
\v 22 ሽን ካዎይ ካህነታስ ካ እምያ ግሾ ዮሰፍ ኤንታ ጋድያ ሻምቤና። ሄሳ ግሾ፥ ባንታ ጋድያ ባይዝቦኮና።
\p
\v 23 ዮሰፍ አሳኮ፥ “ህዛ ሀች ታኒ ህንተናነ ህንተ ጋድያ ካዋስ ሻምዳ ግሾ፥ ዘረ ኤፍድ ህንተ ጋደን ዘርተ። 
\v 24 ሽን ካ ሺሽያ ዎደ አይፍዳባፐ እቻሹ ኩሽያፐ እስ ኩሽያ ካዋስ እምተ። አትዳ ኦይዱ ኩሸይ ህንተ ጋድያስ ዘረ፥ ህንተዉነ ህንተ ሶ አሳስ ካ ግዶ” ያግስ።
\p
\v 25 ኤንቲ፥ “ኔኒ ኑና አሻዳሳ። ኑ ጎዳ ስንን ኑኒ ሳበትኮ፥ ኑኒ ካዋስ አይለታና” ያግዶሶና። 
\v 26 ሄሳ ግሾ፥ ዮሰፍ ግብፀ ቢታን አይፍዳባፐ እቻሹ ኩሽያፐ እሱዋ ካዋስ እመይሳ ህገ ከስስ። ሄ ዎጋይካ ሀች ጋካና ኤቅድ ደኤስ። ካህነታ ጋድያፐ አትሽን፥ ሀር ኡባይ ካዉዋባ ግድስ።
\p
\v 27 እስራኤለት ግብፀ ቢታን ጌሳመ ግያ በሳን ደእዶሶና። ኤንቲ ያን ዱረትዶሶና፤ የለት ዳርዶሶና።
\p
\v 28 ያይቆብ ግብፀ ቢታን ታማነ ላፑን ላይ ደእስ። ያይቆብ ደእዳ ላይይ ፄታነ ኦይታማነ ላፑና። 
\v 29 እስራኤለስ ሀይቅያ ዎደይ ማታትን፥ ባ ናኣ ዮሰፋ ፄግስድ ሀይሳዳ ያግስ፤ “ታኒ ነ ስንን ሳበትዳባ ግድኮ፥ ነ ኩሽያ ታ ሸምፑዋ ቦላ ዎ። ኔኒ ታዉ ምሸትያባ ግድኮ ታና ግብፀን ሞግከ ጋዳ ታዉ ጫቃ። 
\v 30 ሽን ታኒ ሀይቅያ ዎደ ታና ግብፀፈ ኤፋዳ፥ ታ ማይዛት ሞገትዳሱዋን ሞጋ” ያግስ።
\p ዮሰፍ፥ “ታኒ፥ ነና ነ ግዳይሳዳ ኦና” ያግስ።
\p
\v 31 ያይቆብ እያኮ፥ “አነ ታዉ ጫቃ” ያግስ። ዮሰፍ እያዉ ጫቅስ። ሄሳፈ ጉየ፥ እስራኤለይ ባ ጉፍያ ቦላ ካትድ ፆሳ ጎይንስ።
\c 48
\s1 ምናሰነ ኤፍሬማ
\p
\v 1 ሄሳፈ ጉየ፥ አሳይ፥ “ነ አዋይ ሳከቴስ” ያግድ ዮሰፋስ ኦድዶሶና። እ ባ ናምኡ አደ ናይታ ምናሰነ ኤፍሬማ ኤክድ ባ አዋ በአናዉ ብስ። 
\v 2 ያይቆብ፥ እያ ናአይ ዮሰፍ ይዳይሳ ስእዳ ዎደ፥ እስራኤለይ ባና ምንድ ሂፃን ኡትስ።
\p
\v 3 ያይቆብ ዮሰፋ፥ “ኡባ ዳንዳእያ ፆሳይ ካናነ ቢታን ሎዛ ካታማን ታዉ ቆንጭድ፥ ታና አንጅስ። 
\v 4 እ ታና፥ ‘ታኒ ነ የለተ ዳርሳና፥ ነና ዳሮ ደረ ኦና። ሀ ቢታ ታኒ ኔፐ ጉየ፥ ነ ሼሻስ መርና ላታ ኦዳ እማና’ ” ያግስ።
\p
\v 5 “ህዛ፥ ነ ናምኡ አደ ናይት፥ ታኒ ኔኮ ሃ ያናፐ ስን ግብፀን ነዉ የለትዳይሳት ታባ። ኤፍሬመይነ ምናሰይ ታዉ ሮቤላ መላነ ስሞና መላ። 
\v 6 ኤንታፈ ጉየ የለታናይሳት ነባ ግዶ። ኤንቲ ላታና ቢታይ ኤፍሬማ ሱንንነ ምናሰ ሱንን ግዶ። 
\v 7 ታኒ ማሰጰፆመፐ ስምሽን፥ ኤፍራታ ጋካናዉ ጉ አትሽን፥ ራሄላ ካናነ ቢታን ሀይቃሱ። ታኒ እዮ ቤተለመ ጌተትያ ኤፍራታ ኤፍያ ኦግያ ጋፃን ሞጋስ” ያግስ።
\p
\v 8 እስራኤለይ ዮሰፋ አደ ናይታ ናምአታ በእዳ ዎደ፥ “ሀይሳቲ ኦናንቴ?” ያግድ ኦይችስ።
\p
\v 9 ዮሰፍ ባ አዋኮ፥ “ሀይሳቲ ፆሳይ ታዉ ሀ ቢታን እምዳ ናይታ” ያግስ።
\p ያትን እስራኤለይ፥ “ታኒ ኤንታ አንጃና መላ፥ ኤንታ ታኮ ሃ ሺሻ” ያግስ።
\p
\v 10 እስራኤለይ ጭምን እያ አይፈይ እፅዳ ግሾ፥ ፄላናዉ ዳንዳኤና። ሄሳ ግሾ፥ ዮሰፍ ባ አደ ናይታ እያኮ ሺሽን፥ ያይቆብ ኤንታ እድምድ ዬርስ። 
\v 11 እስራኤለይ ዮሰፋ፥ “ታኒ ነ አይፍያ በአና ጋዳ ቆፓብከ፥ ሽን ፆሳይ ሄኮ ነ ናይታካ ታና በስስ” ያግስ። 
\v 12 ዮሰፍ ባ ናይታ ያይቆባ ጉልባታፐ ደንድ፥ ባ ሶምኡዋ ሳአ ጋድ ዝግስ።
\p
\v 13 ዮሰፍ ባ ናምኡ አደ ናይታ፥ ኤፍሬማ እስራኤለስ ሀድርሳ ባጋራ፥ ምናሰ እስራኤለስ ኡሻቻ ባጋራ ኤስስ። 
\v 14 እስራኤለይ ባ ኩሽያ ባርባፅድ ኤፍሬም ካሎ ግድኮካ፥ ባ ኡሻቻ ኩሽያ ሁጰን ዎስ። ምናሰይ ባይራ ግድኮካ፥ እስራኤለይ ባ ሀድርሳ ኩሽያ ምናሰ ሁጰን ዎስ።
\p
\v 15 ሄሳፈ ጉየ፥ ያይቆብ ዮሰፋ ሀይሳዳ ያግድ አንጅስ፤
\q1 “ታ አዋት አብራሃመይነ ይሳቅ፥
\q2 እያ ስንን ደእዳ ፆሳይ፥
\q2 ታ ደኦ ኡባን ሀች ጋካናዉ ታና ሄምዳ ፆሳይ ነና አንጆ።
\q1
\v 16 ኢታባ ኡባፈ ታና አሽዳ፥
\q2 እያ ኪታንቾይ፥ ሀ ናይታ ናጎ።
\q1 ታ ሱንይነ፥
\q2 ታ አዋታ አብራሃመ ይሳቃ ሱንይ ኤንታን ፄገቶ።
\q1 ኤንቲ ሳአ ቦላ ዳሮ”
\q2 ያግድ አንጅስ።
\p
\v 17 ዮሰፍ ባ አዋይ ባ ኡሻቻ ኩሽያ ኤፍሬማ ሁጰን ዎዳይሳ በእዳ ዎደ ዶስቤና። ሄሳ ግሾ፥ ኤፍሬማ ሁጵያፐ ደንድ፥ ምናሰ ሁጰን ዎናዉ ባ አዋ ኩሽያ ኦይክስ። 
\v 18 ዮሰፍ፥ “ታ አዋዉ፥ ሄሳ ግደና። ባይራይ ሀይሳ ነ ኡሻቻ ኩሽያ እያ ቦላ ዎ” ያግስ።
\p
\v 19 ሽን እያ አዋይ እፅድ፥ “ታ ኤራይስ፥ ታ ናአዉ፥ ታ ኤራይስ። ምናሰይካ ግታ ደረ ግዳና፥ ሽን እያ ካሎ እሻይ እያፐ አድ ግታታና። እያ ሼሻይካ ዳሮ ግታ ካዎተ ግዳና” ያግስ።
\p
\v 20 እ ሄ ጋላስ ኤንታ አንጅሸ፥
\q1 “እስራኤለት አንጆ አንጅያ ዎደ፥
\q2 ‘ፆሳይ ህንተና ኤፍሬማዳነ ምናሰዳ ኦ’
\q2 ያግድ ህንተ ሱንን አንጃና” ያግስ።
\m ያትድ ኤፍሬማ ምናሰፐ ስንይስ።
\p
\v 21 ሄሳፈ ጉየ፥ እስራኤለይ ዮሰፋ፥ “ታኒ ሀይቃናዉ ማታስ፥ ሽን ፆሳይ ህንተራ ደኤስ። እ ህንተ አዋታ ቢታ ህንተና ጉየ ዛራና። 
\v 22 ታኒ አሞረታፐ ታ ማሻንነ ታ ዶንገን ኤክዳ ቢታ፥ ነ እሻታራ ነ ሻከታዳ ኤክያ ቢታ ቦላ ነዉ ጉጃዳ እማስ” ያግስ።
\c 49
\s1 ያይቆብ ባ ናይታ አንጁዋ
\p
\v 1 ሄሳፈ ጉየ፥ ያይቆብ ባ አደ ናይታ ፄግድ፥ “ስንፈ ሀናናባ ታኒ ህንተዉ ኦዳና መላ ሀ ሺቅተ” ያግስ።
\b
\q1
\v 2 “ህንተኖ ያይቆባ ናይቶ፥
\q2 እስፈ ሺቅድ ስእተ፤
\q2 ህንተ አዋይ እስራኤለይ ኦደይሳ ሀይዝተ።
\b
\q1
\v 3 “ሮቤላ፥ ታ ባይራ ናአዉ፥
\q2 ኔኒ ታ ዎልቃ፤ ታ ምኖተስ ኮይሩዋ፤
\q2 ኔኒ ቦንቾንካ ዎልቃንካ ኡባፈ አሳ።
\q1
\v 4 ኔኒ ሃ መላ፥ ኤቅዳሶን ደአካ፤
\q2 ነ እሻታ ቦላ ባይራተ ነዉ በሰና።
\q1 ኔኒ ነ አዋ ሂፃን ከያዳሳ፤
\q2 ነ አዋ አርሳ ቱንሳዳሳ።
\b
\q1
\v 5 “ስሞንነ ሌወይ እሻታ፤
\q2 ኤንቲ ባንታ ማሻ ማካላተስ ደንሶና።
\q1
\v 6 ኤንቲ ባንታ ሀንቁዋን አደ ዎዶሶና፥
\q2 ባንታ አሙዋ ኩንናዉ ቦራታ ጋድያ ቃንፅዶሶና።
\q1 ያንያ ግሾ፥ ታኒ ኤንታ ዞረታን ገልከ፤
\q2 ኤንታ ሺቁዋንካ ኡትከ።
\q1
\v 7 ኤንታ ዎልቃማ ሀንቆይ
\q2 ኤንታ ዎዛና ኢታተይ ባደትዳባ ግዶ።
\q1 ታኒ፥ ኤንታ ያይቆባ አሳ ግዶን ላላና።
\q2 እስራኤለ ቢታን ርጫና።
\b
\q1
\v 8 “ይሁዳ፥\f + \fr 49:8 \fr*\fq ይሁዳ፦ \fq*\ft ይሁዳ ጉሳይ እብራወ ዶናን ጋላታ ጉሱ።\ft*\f* ነ እሻት ነና ጋላታና፤
\q1 ነ ኩሸይ ነ ሞርከታ ቆ ኦይካና፤
\q2 ነ አዋ ናይት ነዉ ሆክድ ዝጋና።
\q1
\v 9 ይሁዳ፥ ኔኒ ዎዳላ ጋሞ፤
\q2 ታ ናአዉ፥ ኔኒ ሻንካፈ ዎ ስሚድ፥
\q2 ጮጎትድ ዝንእዳ ጋሞ መላ።
\q2 ነና ቦቻናዉ ዳንዳኤይ ባዋ።
\q1
\v 10 መርናዉ ሃረይስ ያና ጋካናዉ
\q2 ካዎተ ፃምአይ፥
\q2 ይሁዳ ኩሸፐ ከየና፤
\q2 ካዎተት እያዉ ኪተታና።
\q1
\v 11 እ ባ ሀርያ ዎይነ ቦላ፥
\q2 ባ ሀረ ማራ ዶረትዳ ዎይነ ቦላ ቃቻና፤
\q2 እ ባ ማኡዋ ሱ ዳንያ ዎይነ ኡሻን ሜጫና።
\q1
\v 12 እያ አይፈይ ዎይነ ኡሻፈ አድ ዱልካና፤
\q2 እያ አቻይ ፃማታፐ አድ ቦፃና።
\b
\q1
\v 13 “ዛብሎን አባ ዶናን ዳና፤
\q2 እ አባ ዶናን ማርካበት ኤቅያ በሲ ግዳና፤
\q2 እያ ዛዋይ ስዶና ጋካና።
\b
\q1
\v 14 “ይሳኮር ምኖ ሀረ መላ፥
\q2 ጫናታ ግዶን ዝንኤስ።
\q1
\v 15 ሽን እ ባ ሸምፕያ በሳይ ሎኦ ግደይሳነ
\q2 ባ ቢታይ ኡፋይሰይሳ ግደይሳ በእያ ዎደ፥
\q2 ጫና ቶካናዉ ባ ሀሽያ ዝቅ ኦድ፥
\q2 አይለተ ኦሶ ኦና።
\b
\q1
\v 16 “ዳነይ\f + \fr 49:16 \fr*\fq ዳነ፦ \fq*\ft ዳነ ጉሳይ እብራወ ዶናን ፕርዳ ጉሱ።\ft*\f* እስራኤለ ዘረፈ እሱዋ ግድያ ባ አሳ ቦላ ፕርዳና።
\q1
\v 17 ዳነይ ኦገ ጋፃን ደእያ ሾሻ መላ፥
\q1 ፓራ ሹቁልያ ዱክድ፥
\q2 ፓራ ቶግዳይሳ ጉየ የግያ ጎፐ መላ።
\b
\q1
\v 18 “አቤት ጎዳዉ፥ ታኒ ነ አሹዋ ናጋይስ።
\b
\q1
\v 19 “ጋደ፥ ቦንቀይሳት ቆሀና፤
\q2 ሽን እ ኤንታ ጌዶ ካልድ ኦይካና።
\b
\q1
\v 20 “አሴራ ቢታይ ኦርደ፤
\q2 እ ካዎታስ ሎኦ ካ እማና።
\b
\q1
\v 21 “ንፍታለመይ ቃሸቶና የዳ ደእያ፥
\q2 ሎኦ ማራታ የልያ ገንኤ መላ።
\b
\q1
\v 22 “ዮሰፍ ሃ ማታን ቶከትድ፥
\q2 ደረ ቦላ ዛእዳ፥ አይፈይ ኩምዳ ዎይነ መላ።
\q1
\v 23 ዶንገን ዱከይሳት እያ ቦላ ደንዳና፤
\q2 ባንታ ዶንግያን ዱክሸ እያ ጎዳና።
\q1
\v 24 ሽን ያይቆባ ፆሳ ዎልቃን፥
\q2 እስራኤለ ሄንንቹዋ ናጉዋን፥
\q2 እያ ዶንገይ ምኖ፥ እያ ቀሰይ ፃላ ግዳና።
\q1
\v 25 ነ አዋ ፆሳይ ነና ማዳና።
\q1 ኡባ ዳንዳእያ ፆሳይ፥
\q1 ቦላ ሳሎ አንጁዋን፥
\q1 ጋርሳ ጪሙዋ አንጁዋን፥
\q2 መሄንካ የሎንካ ነና አንጃና።
\q1
\v 26 ነ አዋ አንጆይ በንፐ ምንድ ደእያ ዙማታ አንጁዋፈካ፥
\q2 መርናዉ ደእያ ደረታፐ በንትያ ኡፋይስያ አንጁዋፈካ አስ።
\q1 ሀይስ ኡባይ ዮሰፋ ሁጰን፥
\q2 ባ እሻታ ግዶን ካፖ ግደይሳ ሊጰን ሸምፖ።
\b
\q1
\v 27 “ብንያመይ ቦንቅያ ሱመ፤
\q2 ባ ኦልዳባ ዎንታ ሜስ፤
\q2 ባ ድእዳባ ኦማርስ ሻኬስ” ያግስ።
\p
\v 28 ሀይሳቲ ታማነ ናምኡ እስራኤለ ሼሻታ። ኤንታ አዋይ ኤንታ ሁጰን ሁጰን ኤንታዉ በሲያ አንጁዋ አንጅሸ ኤንታኮ ግዳባይ ሀይሳ።
\s1 ያይቆባ ሀይቁዋ
\p
\v 29 ሄሳፈ ጉየ፥ እ ኤንታ ሀይሳዳ ያግድ ኪትስ፤ “ታኒ ታ ማይዛታን ጋሄታና ሀናይስ። ታና ህተ አድያ ኤፍሮና ጋደን ደእያ ጎንጎሉዋን ታ አዋታ ማታን ሞግተ። 
\v 30 ሄስካ፥ ካናነ ቢታን፥ ማምረ ማታን ደእያ፥ ማክፌላን ደእያ ጎንጎሉዋ። ሄ ጎንጎሎይ አብራሃመይ ሞጎስ ህተ አድያ ኤፍሮናፐ እያ ጋድያራ ሻምዳ ዱፉዋ። 
\v 31 አብራሃመይነ እያ ማችያ ሳራ፥ ይሳቅነ እያ ማችያ እርብቃ ያን ሞገትዶሶና። ታኒ ቃስ ልያካ ያን ሞጋስ። 
\v 32 ሄ ጋደይነ እያን ደእያ ጎንጎሎይ ህተታፐ ሻመትዳይሳ። ታና ያን ሞግተ” ያግስ።
\p
\v 33 ያይቆብ፥ ባ ናይታ ኪታ ኦንግዳፐ ጉየ ባ ቶሁዋ ባ ሂፃን ሺሽ ኤክድ፥ ባ ማይዛታን ጋሄትስ።
\c 50
\p
\v 1 ዮሰፍ ባ አዋ አሀ ቦላ ኩንድድ፥ ዬርሸ እያዉ ዬክስ። 
\v 2 ሄሳፈ ጉየ፥ ዮሰፍ ለ ሺሽያ ባ ኦሳንቾታ፥ ባ አዋ እስራኤለ አሀ ሽቶ ትይድ መልሳና መላ ኪትስ። ኤንቲ ትይድ መልስዶሶና። 
\v 3 ሽቶ ትሻ ዎጋይ ኦይታሙ ጋላስ ኩመ ኤኬስ። ግብፀ አሳት እያዉ ላፑን ታሙ ጋላስ ዬክዶሶና።
\p
\v 4 ዬሆ ጋላሳት አዳ ዎደ፥ ዮሰፍ ግብፀ ካዋ ኦሳንቾታ፥ “ታኒ ህንተ ስንን ሳባ ደምዳባ ግድኮ፥ ታዉ ካዋስ ሀይሳዳ ያግድ ኦድተ። 
\v 5 ‘ታ አዋይ ታና እስ ጫቆ ጫቅስስ። ታኒ ሀይቃናዉ ማታስ። ታኒ ታ ሁጰን ካናነ ቢታን ቦክዳ ጎንጎሎ ዱፉዋን ታና ሞጋ’ ያግስ። ሄሳ ግሾ፥ ‘ሀእ ታኒ ያ ባዳ ታ አዋ ሞጋዳ ስማና መላ ታና የዳርክ’ ያግተ” ያግስ።
\p
\v 6 ያትን ካዎይ፥ “እ ነና ጫቅስዳይሳዳ ባዳ ነ አዋ ሞጋ” ያግስ።
\p
\v 7 ያትን ዮሰፍ ባ አዋ ሞጋናዉ ብስ። ካዋ ሞርናት ኡባይ፥ ካዋ ኬንነ ግብፀን ደእያ ግታ አሳት ኡባይ ዮሰፋ ካልድ ብዶሶና። 
\v 8 ዮሰፋ ሶ አሳ ኡባይ፥ እያ እሻትነ እያ አዋ ሶ አሳት ዮሰፋራ ብዶሶና። ኤንታ ዮጋ ናይት፥ ኤንታ ዶርሳት፥ ኤንታ ዴሻትነ ኤንታ ሚዛ ዉድያ ፃላል ጌሳመን አትስ። 
\v 9 ፓራ ጋረትነ ቶጋት እያራ ብዶሶና። እያ ካልድ ብዳ አሳይ ዳሮ።
\p
\v 10 ኤንቲ ዮርዳኖሰ ሻፋ ማታን ደእያ አፃደ ጌተትያ ዉዱማ ጋክድ፥ ባንታ ቃላ ቁ ኦድ፥ ዘሌልድ ዬክዶሶና። ያን ዮሰፍ ባ አዋ ዬሁዋን ላፑን ጋላስ ኡትስ። 
\v 11 ሄ ቢታን ደእያ ካናነ አሳት አፃደ ዉዱማን ሄ ዬሁዋ በእዳ ዎደ፥ “ግብፀት አይብ ይባታ ዬሆ ዬኮና?” ያግዶሶና። ሄሳ ግሾ፥ ዮርዳኖሰ ማታን ደእያ ሄ በሳይ አቤል-ምፅራማ (ግብፀታ ዬሆ) ጌተትስ።
\p
\v 12 ያይቆባ ናይት ኤንታ አዋይ ኤንታ ኪትዳይሳዳ ኦዶሶና። 
\v 13 ኤንቲ እያ አሀ ካናነ ቢታ ኤፍድ፥ ማምረፐ ኡሻቻ ባጋን ደእያ ማክፌላ ጎንጎሉዋን ሞግዶሶና። ሄስካ፥ አብራሃመይ ህተ አድያ ኤፍሮናፐ ሞጎስ ሻምዳ ጋድያ። 
\v 14 ዮሰፍ ባ አዋ ሞግዳፐ ጉየ፥ ባ እሻታራነ እያ አዋ ሞጋናዉ እያራ ብዳ ሀራ አሳታ ኡባታራ ግብፀ ስምስ።
\p
\v 15 ባንታ አዋይ ሀይቅዳፐ ጉየ፥ ዮሰፋ እሻት ባንታ ግዶን፥ “ኑኒ እያዉ ኦዳ ኢታባ ኡባስ ዮሰፍ ኑና ባ ኡሎን ሞርክድ ሀሎ ከያናዉ ኮይኮ ኑኒ ዋናኔ?” ያግዶሶና። 
\v 16 ሄሳ ግሾ፥ ዮሰፋኮ ያግድ ኪታ ኪትዶሶና፤ “ነ አዋይ ሀይቃናፐ ስን ኑኮ፥ 
\v 17 ‘ኔኒ፥ ነ እሻታ ናጋራነ ኤንታ ኢታ ናቁዋ ሀያና አቶ ያጋ ያግስ ግድ ኦድተ’ ያግስ። ሄሳ ግሾ፥ ሀእ ሀያና፥ ኑ ናጋራ፥ ነ አዋ ፆሳ አይለታ ናቁዋ አቶ ያጋ” ያግዶሶና። ዮሰፍ ሄሳ ስእድ ዬክስ።
\p
\v 18 ሄሳፈ ጉየ፥ እያ እሻት ባንታ ሁጰን እያኮ ይድ፥ እያ ስንን ጉፋንድ፥ “ኑኒ፥ ነ አይለታ” ያግዶሶና።
\p
\v 19 ሽን ዮሰፍ ኤንታኮ፥ “ባቦፍተ፥ ታና ህንተዉ ፆሳ ግደትዬ? 
\v 20 ህንተ ታዉ ኢታ ኦደታ፥ ሽን ሀእ ዳሮ አሳይ ሀይቆና አታና መላ ፆሳይ ሀይሳ ሎኦተስ ኦስ። 
\v 21 ሄሳ ግሾ፥ ህዛ ባቦፍተ። ታኒ ህንተናነ ህንተ ናይታ ሙዛና” ያግድ፥ ኤንታ ምንድ ሎኦ ቃላ ሀሳይስ።
\s1 ዮሰፋ ሀይቁዋ
\p
\v 22 ዮሰፍ፥ እያዉ ላይ ፄታነ ታማ ግዳና ጋካናስ ባ አዋ ሶ አሳራ ግብፀን ደእስ። 
\v 23 ኤፍሬማ ናይታነ፥ ኤንታ ናይታ ናይታ በእስ። ቃስ ምናሰ ናኣ ማክራ ናይታ፥ ባ ናይታ ኦስ።
\p
\v 24 ሄሳፈ ጉየ፥ ዮሰፍ ባ እሻታ፥ “ታኒ ሀይቃናዉ ማታስ፥ ሽን ፆሳይ ህንተና ማዳናዉ ፆሞሳና። እ ህንተና ሀ ቢታፈ ከስድ፥ አብራሃመስ፥ ይሳቃስነ ያይቆባስ እማና ግድ ጫቅዳ ቢታ ኤፋና” ያግስ። 
\v 25 ዮሰፍ እስራኤለ ናይታ፥ “ፆሳይ ህንተና ማዳናዉ ፆሞስያ ዎደ፥ ህንተ ታ መቀ ሀ ቢታፈ ኤክድ ቢተ” ያግድ ጫቅስስ።
\p
\v 26 ዮሰፍ ፄታነ ታሙ ላይ ደእድ ሀይቅን፥ ሽቱዋን እያ አሀ ትይድ መልስዳፐ ጉየ፥ ግብፀ ቢታን ሳፅነን ዎዶሶና።