\id GAL - GOOFA FULL BIBLE
\ide UTF-8
\h ጋላትያ ኪታ
\toc1 ጋላትያ ኪታ
\toc3 ጋላ
\toc2 ጋላትያ
\mt1 ጳዉሎስ ጋላትያ አሳስ
\mt2 ፃፍዳ ኪታ
\imt ጋ ቆፋ
\ip ጋላትያን ደእያ ዎሳ ኬስ ፃፈትዳ ኪታን፥ ጳዉሎስ ቱማ ሀዋረ ግደይሳነ እያ ኪታይካ ቱማ ግደይሳ፥ ባ ኪታ ናባብያ አሳይ አኬካና መላ ቆፍሴስ (\xt 1:1-10\xt*)። እ ሄሳ ግዳይ፥ እስ እስ አሳይ “ጳዉሎስ ዎርዶ ሀዋረ ቃስ እያ ኪታይካ ዎርዶ” ግድ ኦደትያ ግሾሳ። ጳዉሎስ፥ አይሁደ ግዶና አሳስ ዎንገላ ሳባካና መላ ፄገትዳ ቱማ ሀዋረ (\xt 1:18—2:10\xt*)።
\ip ኦንካ የሱሳ አማንዳ ዎደ ኦራ ደኦ ደምስ፤ ሄሳ ግሾ፥ ሙሰ ህገ ናጋናዉ ኮሸና። ጳዉሎስ፥ “አስ ፆሳ ስንን ፅላናዉ ዳንዳኤይ አማኖ ፃላላን” ያግድ ታማርስስ። ሽን ጉ ኢሰን፥ ጋላትያ ቢታን ደእያ ዎሳ ኬን፥ “አስ ፆሳ ስንን ፅላናዉ የሱሳ አማኖ ፃላላ ግዶናሽን፥ ሙሰ ህገካ ናጋናዉ ኮሼስ” ያግድ ጳዉሎሳ ትምርትያ ጳልቅያ አሳት ደንድዶሶና።
\ip ጳዉሎስ ጋላትያ ኪታ ፃፍዳይ፥ ሀ ዎርዶ ትምርትያን ጭመትዳ አሳ ቱማ አማኖኮነ አማኖ ደኦኮ ዛራናሳ። ጳዉሎስ የሱሳ ሀዋረ ግደይሳ ትላይድ ኦድስ። እያ ሀዋረ ኦድ ፄግዳይ አሰ ግዶናሽን፥ ፆሰ ግደይሳነ እ ኪተትዳይ አይሁደ ግዶና አሳስ ግደይሳ ቆንጭስድ ኦድስ።
\ip መርና ደኦ ኤካናዉ ቁልፐይ አማኖ ፃላላ። ሄሳስ ሌምሶ ግደይ፥ አብራሃመይ ፅልዳይ አማኖናፐ አትሽን፥ ኦሶን ዎይኮ ህገ ናጎን ግዶናይሳ ኤንታዉ ማርካ ኦድ እሜስ። አማኖይ እያዉ አይበኮ ጳዉሎስ ኦድሸ፥ “ታኒ ፆሳስ ዳና መላ ህገ ባጋራ ህገስ ሀይቃስ። ታኒ ክርስቶሳራ ማስቃልያ ቦላ ካቀታስ። ታኒ ህዛፐ ታዉ ደእከ፥ ሽን ክርስቶስ ታናን ደኤስ። ታኒ ሀእ ደእያ ደኡዋ፥ ታና ዶስድ ታ ግሾ ባና አድ እምዳ ፆሳ ናኣ አማናዳ ደአይስ” (\xt 2:19-20\xt*)።
\iot ማፃፋ አይፈ ቆፋታ
\io1 ገሎ ቆፋ (\ior 1:1-10\ior*)
\io1 ጳዉሎስ ሀዋረተስ ዶረትስ (\ior 1:11-24\ior*)
\io1 ጳዉሎስ ባ ኪታስ ሞተቴስ (\ior 2:1-21\ior*)
\io1 አቶተስ ኦገይ አማኖ ፃላላ (\ior 3:1—4:31\ior*)
\io1 ጌሻ አያናንነ ሲቆን ደእተ (\ior 5:1—6:10\ior*)
\io1 አኬክሶነ ሳሮ (\ior 6:11-18\ior*)
\c 1
\p
\v 1 አሳፐ ዎይኮ አሳ ባጋራ ግዶናሽን፥ የሱስ ክርስቶሳፐነ እያ ሀይቆፐ ደንዳ ፆሳ አዋፐ ሀዋረ ግዳና መላ ኪተትዳ ታ ጳዉሎስ፥ 
\v 2 ታራ ደእያ አማንያ እሻት ኡባይ፥ ጋላትያን ደእያ ዎሳ ኬታስ ኪትዳ ኪታ።
\p
\v 3 ፆሳይ ኑ አዋይነ ኑ ጎዳ የሱስ ክርስቶሲ ህንተዉ አ ኬሀተነ ሳሮተ እሞ።
\p
\v 4 ሀ ኢታ ዎድያፐ ኑና አሻናዉ፥ ኑ ፆሳ፥ ኑ አዋ ሸነን ክርስቶስ ኑ ናጋራ ግሾ ባና አድ እሚስ። 
\v 5 ፆሳስ መርናፐ መርና ጋካናዉ ቦንቾይ ግዶ። አምንእ።
\s1 ቱማ ዎንገላይ እስኖ
\p
\v 6 ክርስቶሳ አ ኬሀተን ህንተና ፄግዳ ፆሳ አግድ፥ ሀራ ዎንገላኮ፥ ህንተ ኤለስድ፥ ዋንድ ስምዳኮ ታና ማላልሴስ። 
\v 7 ህንተና ባለናዉነ ክርስቶሳ ዎንገላ ዎብሳናዉ ኮይያ ጉ አሳት ደኦሶናፐ አትሽን፥ ቱማ ዎንገላይ እስኖ። 
\v 8 ሽን ኑና ግድን ዎይኮ ሳሎ ኪታንቾ ግድን ኑኒ ህንተዉ ኮይሮ ኦድዳ ዎንገላፐ ዱማትያ ሀራ ዎንገላ ህንተዉ ኦድያባ ግድኮ፥ እ ባደትዳባ ግዶ። 
\v 9 ሀይሳፈ ስን ኑኒ ግዳይሳዳ ሀእካ ዛራዳ ጋይስ። ህንተ ኤክዳ ዎንገላፐ ዱማትያ ዎንገላ ኦንካ ህንተዉ ኦድኮ ሄ ኡራይ ባደትዳባ ግዶ።
\p
\v 10 ያትን፥ ታና አስ ናሻና መላ ኮያናዬ? ዎይኮ ፆሲ ናሻና መላ ኮያይና? ዎይኮ ታ አሰ ኡፋይሳናዉ ኮያይና? ታ አሰ ኡፋይሳናዉ ኮያባ ግድኮ፥ ክርስቶሳ አይለ ግድከ።
\s1 ጳዉሎሳ ፄገተ
\p
\v 11 ታ እሻቶ፥ ታ ህንተዉ ኦድዳ ዎንገላይ አሳፐ ግዶናይሳ ህንተ ኤራና መላ ታ ኮያይስ። 
\v 12 ታዉ ሀ ዎንገላ የሱሲ ክርስቶስ ቆንጭስስፐ አትሽን፥ አሳፐ ኤካብከ ዎይኮ አስ ታና ታማርስቤና።
\p
\v 13 ታ ካሰ አይሁደ አማኖን ደእያ ዎደ ዋና ደእዳኮ፥ ህንተ ስእደታ። ታ ዎሳ ኬ ቃይ ባይና ጎዳናዉነ ይሳናዉ ባፀታስ።\x - \xo 1:13 \xo*\xt ሀዋ 8:3፤ 22:4-5፤ 26:9-11.\xt*\x* 
\v 14 አይሁደ አማኖ ናጎን፥ ታ ዎደን ደእያ አይሁደ እሻታፐ አይስ። ኑ አዋታ ዎጋስ አዳ ምሸታይስ።\x - \xo 1:14 \xo*\xt ሀዋ 22:3.\xt*\x*
\p
\v 15 ሽን ታ ቡሮ ታ አየ ኡሎን ደእሽን ፆሳይ ታና ዶርስ፤ ባ አ ኬሀተን ታና ፄግስ።\x - \xo 1:15 \xo*\xt ሀዋ 9:3-6፤ 22:6-10፤ 26:13-18.\xt*\x* 
\v 16 አይሁደ ግዶና አሳስ ዎንገላ ኦዳና መላ ፆሳይ ባ ናኣ ታዉ ቆንጭስዳ ዎደ ታ ኦደራካ ዞረታብከ። 
\v 17 ዎይኮ ታፐ ስን ሀዋረ ግድዳይሳታራ ጋሄታናዉ የሩሳላመ ባብከ። ሽን ታ ካሰታዳ አራበ ቢታ ባስ፤ ሄሳፈ ስማዳ ዳማስቆ ካታማ ያስ። 
\v 18 ሄ ላይፈ ጉየ፥ ጰፅሮሳራ ጋሄታናዉ የሩሳላመ ባዳ እያራ ታማነ እቻሹ ጋላስ ኡታስ።\x - \xo 1:18 \xo*\xt ሀዋ 9:26-30.\xt*\x* 
\v 19 ሽን ጎዳ እሻ ያይቆባፐ አትሽን፥ ሀንኮ ሀዋረታ በአብከ።
\p
\v 20 ታ ህንተዉ ፃፍይዳይስ ዎርዶ ግዶናይሳ ፆሳ ስንን ህንተዉ ቆንጭሳይስ።
\p
\v 21 ሄሳፈ ጉየ፥ ታኒ ሶረ ቢታነ ክልቅያ ቢታ ባስ። 
\v 22 ይሁዳን ደእያ ዎሳ ኬ አሳይ ታና በእድ ኤርቦኮና። 
\v 23 ሽን ኤንቲ፥ “ካሰ ኑና ጎድያ ኡራይ፥ ሀእ ሄ እ ይሳናዉ ኮይያ አማኑዋባ ሳባኬስ” ያገይሳ ስእዶሶና። 
\v 24 ስእዳ ኡባይ ታ ጋሶን ፆሳ ጋላትዶሶና።
\c 2
\s1 ሀዋረት ጳዉሎሳ ኤክዶሶና
\p
\v 1 ታማነ ኦይዱ ላይፈ ጉየ፥ ባርናባሳራ ዛራዳ የሩሳላመ ባስ። ሄ ዎደ ትቶ ታራ ኤካዳ ባስ።\x - \xo 2:1 \xo*\xt ሀዋ 11:30፤ 15:2.\xt*\x* 
\v 2 ፆሳይ ታዉ ቆንጭስዳ ቆንጨን ያ ባዳ አይሁደ ግዶና አሳ ግዶን ታ ሳባክያ ዎንገላ ኤንታዉ ቆንጭሳስ። ካሰ ታ ዎፅዳ ዎይነ ሀእካ ታ ዎፅያ ዎይ ሀዳ ግዶና መላ ጋዳ ካለይሳታ ዱማ ሺሻዳ ኤንታዉ ኦዳስ። 
\v 3 ሀር አቶሽን፥ ታራ ደእያ ትቶይ ግርከ አስ ግድኮካ፥ ቃፃረቶ ግድ ኡንኤቦኮና። 
\v 4 ግዶሽን፥ አማንያ እሻታ ዳንድ ኑ ግዶ ገልዳ እሶት እሶት እ ቃፃረታና መላ ኮይዶሶና። ሄ አሳት ክርስቶስ የሱሳን ኑስ ደእያ ላአተ ዎችድ በአናዉ ጌማን ኑ ግዶ ገልድ ዛሪድ ኑና አይለ ኦናዉ ኮዮሶና። 
\v 5 ሽን ቱማ ዎንገላይ ህንተናን ምንድ ዳና መላ ኑኒ ሀር አቶሽን፥ ጉ ዎደስካ ኤንታዉ ኩሸ እምቦኮ።
\p
\v 6 ሽን ሀላቃ ዳንያ አሳታ ኦናተይ ታዉ አይኮካ ግደና። ፆሳይ አሳ ሶምኦ በእድ ፕርደና። ሀ አሳት ታ ማርካትያ ዎንገላ ቦላ ጉጅዳባይ ባዋ።\x - \xo 2:6 \xo*\xt ዛረ 10:17.\xt*\x* 
\v 7 ሽን ጰፅሮስ፥ አይሁደታስ ዎንገላ ኦዳና መላ ፆሳይ እያዉ ሀዳራ እምዳይሳዳ ታዉካ አይሁደ ግዶና አሳስ ዎንገላ ኦድያ ሀዳራ እምዳይሳ ኤንቲ ጉየፐ በእዶሶና። 
\v 8 ህዛ፥ ጰፅሮስ አይሁደታ ሀዋረ ግዳና መላ ኦዳ ፆሳይ፥ ታካ አይሁደ ግዶና አሳስ ሀዋረ ግዳና መላ ኦስ። 
\v 9 ቃስ ቱሱ ዳንድ በንትያ ያይቆብ፥ ጰፅሮስነ ዮሃንስ፥ ታዉ እመትዳ አ ኬሀተ በእዳ ዎደ ኑራ እስፍዳይሳ ቆንጭሳናዉ ታ ኩሽያነ ባርናባሳ ኩሽያ ኦይክዶሶና። ኑኒ አይሁደ ግዶና አሳኮ፥ ቃስ ኤንቲ አይሁደ አሳኮ ባናዉ ጊግዶሶና። 
\v 10 ኤንቲ ኑና ምንድ ሀዳራ ግዳይ፥ ኑኒ ማንቆታስ ቆፓናይሳ። ካሰካ ታ ሄሳ ኦናዉ አሞታይስ።
\s1 ጳዉሎስ ጰፅሮሳ ትምርትያ ጳልቅስ
\p
\v 11 ጰፅሮስ አንፆከ ካታማ ይዳ ዎደ እ ባልዳ ግሾ ታኒ እያ ሶምኦን “ኔኒ ባላዳሳ” ጋስ። 
\v 12 ያይቆብ ኪትዳ ጉ አሳይ ያናፐ ስን እ አይሁደ ግዶና አሳራ ሜስ፥ ሽን ኤንቲ ይዳፐ ጉየ፥ “አይሁደ ግዶና አሳፐ አማንዳይሳት ቃፃረታናዉ በሴስ” ግያ አሳስ ያይድ ኤንታፈ ሻከትስ። 
\v 13 ቃስ ሀንኮ አማንዳ አይሁደት ጰፅሮሳ ሀኑዋ ካልዶሶና። ሀር አቶሽን፥ ባርናባስካ እያ ቆፋን ጎሸትስ።
\p
\v 14 ሽን ኤንቲ ዎንገላ ቱማተን ሱረ ሄመቶናይሳ በአዳ፥ ጰፅሮሳ አሳ ኡባ ስንን፥ “ኔኒ አይሁደ ግዳሸ፥ አይሁደ ዎጋ ግዶናሽን፥ አይሁደ ግዶና አሳዳ ደኣሳ፤ ያትን፥ ዋናዳ አይሁደ ግዶናይሳታ፥ ‘አይሁደ ዎጋን ደእተ ጋዳ ዎልቃታይ?’ ” ያጋስ።
\p
\v 15 ኑኒ የለታን አይሁደ፥ ሽን ናጋራንቾ ግድዳ አይሁደ ግዶና አሳ መላ ግዶኮ። 
\v 16 ሽን አስ የሱስ ክርስቶሳ አማንድ ፅሌስፐ አትሽን፥ ህገ ናግድ ፅሎናይሳ ኤሮስ። ኦንካ ህገ ናግድ ፅሎና ግሾ፥ ኑካ ህገ ናግድ ግዶናሽን፥ ክርስቶሳን አማንድ ፅላና መላ ክርስቶስ የሱሳ አማንዳ።\x - \xo 2:16 \xo*\xt ማዝ 143:2፤ ሮመ 3:20፥ 22.\xt*\x*
\p
\v 17 ኑ አይሁደትካ ክርስቶሳ ባጋራ ፅላናዉ ኮሼስ። ሄሳ ግድኮ ኑካ ሀራ አሳዳ ናጋራንቾ ግደይሳ በኦስ። ያትን፥ ኑ ናጋራ ኦና መላ ደንይ ክርስቶሳ ጉሰዬ? ኡባካ ግደና! 
\v 18 ህዛ፥ ታ ላልዳይሳ ዛራዳ ኬፅያባ ግድኮ ታኒ ታ ሁጰን ህገ መንይሳ ግደይሳ ቆንጭሳይስ። 
\v 19 ታኒ ፆሳስ ዳና መላ ህገ ባጋራ ህገስ ሀይቃስ። 
\v 20 ታኒ ክርስቶሳራ ማስቃልያ ቦላ ካቀታስ። ታኒ ህዛፐ ታዉ ደእከ፥ ሽን ክርስቶስ ታናን ደኤስ። ታ ሀእ ደእያ ደኦይ፥ ታና ዶስድ ታ ግሾ ባና አድ እምዳ ፆሳ ናኣ አማናዳ ደአይስ። 
\v 21 ታኒ ፆሳ አ ኬሀተ ሀዳ ኦከ። ፅሎተ አሳስ ህገ ባጋራ በንትያባ ግድያኮ፥ ክርስቶስ ጮ ሀይቅስ ጉሱ።
\c 3
\s1 ፅሎተ አማኖና
\p
\v 1 ህንተኖ፥ አኬክ ባይና ጋላትያ አሳቶ፥ ህንተ አይፍያ ስንን ክርስቶስ ማስቃለ ቦላ ካቀትዳ ምስለዳ ቆንጭድ በንቴስ። ያትን፥ ቱማስ ህንተ ኪተቶና መላ ህንተና ብትዳይ ኦኔ?\x - \xo 3:1 \xo*\xt ዛረ 27:26.\xt*\x* 
\v 2 ታ እስባ ኤራናዉ ኮያይስ፤ ህንተ ጌሻ አያና ኤክዳይ ህገ ናግድየ ዎይኮ ህንተ ስእዳ ዎንገላ አማንድ ኤክደቲ? 
\v 3 ህንተ ሄሳ መላ ኤዬ? ህንተ ፆሳ አያናን ዶምድ፥ ሀእ ዎልቃን ፖላናዉ ኮዬቲ? 
\v 4 ህንተ ዎንገላ ጋሶን ዳሮ ዋየትዳይ መሌ? ሄ ዋየ ኡባይ ጮ ግድዴ? 
\v 5 ፆሳይ ህንተዉ ጌሻ አያና እመይነ ህንተ ግዶን ማላታታ ኦይ፥ ህንተ ህገ ናግዳ ግሾየ ዎይኮ ዎንገላ ስእድ አማንዳ ግሾ?
\p
\v 6 አነ አብራሃመ በእተ፥ “እ ፆሳ አማንስ፤ ፆሳይ እያዉ ሄሳ ፅሎተ ኦድ ኤክስ”\x - \xo 3:6 \xo*\xt መ 15:6፤ ሮመ 4:3.\xt*\x* ጌተትድ ፃፈትስ። 
\v 7 ህዛ፥ አማነይሳት አብራሃመ ናይታ ግደይሳ ኤርተ።\x - \xo 3:7 \xo*\xt ሮመ 4:16.\xt*\x* 
\v 8 ፆሳይ አይሁደ ግዶና አሳ አማኖን ፅልሳናይሳ ጌሻ ማፃፋይ በእድ፥ “ካዎተ ኡባይ ነናን አንጀታና” ያግድ፥ ዎንገላ አብራሃመስ ካሰትድ ኦድስ።\x - \xo 3:8 \xo*\xt መ 12:3.\xt*\x* 
\v 9 ሄሳ ግሾ፥ አማንያ ኡባይ አማንዳ አብራሃመራ እስፈ አንጀትዶሶና።
\p
\v 10 ህገ ናግድ ፅላና ግያ ኦንካ ባደትዳይሳ። አይስ ጊኮ፥ ጌሻ ማፃፋን፥ “ህገ ማፃፋን ፃፈትዳ ኡባ ናጎና ኦንካ ባደትዳይሳ ግዶ” ጌተትድ ፃፈትስ።\x - \xo 3:10 \xo*\xt ዛረ 27:26.\xt*\x* 
\v 11 “ፅሎይ አማኖን ዳና” ጌተትድ ፃፈትዳ ግሾ፥ ኦንካ ፆሳ ስንን ህገ ናግድ ፅሎናይስ ኤረትዳባ።\x - \xo 3:11 \xo*\xt እብራ 2:4.\xt*\x* 
\v 12 ህገይ አማኖን ዘምፐና። ሽን፥ “ህግያ ናግያ ኦንካ ህግያን ደኦን ዳና” ያጌስ።\x - \xo 3:12 \xo*\xt ሌወ 18:5.\xt*\x*
\p
\v 13 “ም ቦላ ካቀትድ ሀይቅያ ኦንካ ባደትዳይሳ” ጌተትድ ፃፈትዳ ግሾ፥ ክርስቶስ ኑ ግሾ ባደትዳይሳ ግድድ፥ ኑና ህገ ባደፈ ዎዝስ።\x - \xo 3:13 \xo*\xt ዛረ 21:23.\xt*\x* 
\v 14 ፆሳይ አብራሃመስ እምዳ አንጆይ፥ የሱስ ክርስቶሳ ባጋራ አይሁደ ግዶና አሳ ጋካና መላነ ፆሳይ እማና ግዳ ጌሻ አያና ኑኒ አማኖን ኤካና መላ ሄሳ ኦስ።
\s1 ህገነ ኡፋይሳ ቃላ
\p
\v 15 ታ እሻቶ፥ ታ ህንተዉ አሳ ደኦን ሜዘ ግድድ ደእያባ ሌምሶ ኦዳ ኦዳይስ። አስ ጫቅዳ ጫቆይ ምንዳፐ ጉየ፥ ኦንካ ሄ ጫቁዋ ሻራናዉ ዎይኮ እያ ቦላ ሀራ ጉጃናዉ ዳንዳኤና። 
\v 16 ፆሳይ ሄ ኬከ ቃላ አብራሃመስነ እያ ዘረስ እሚስ። ጌሻ ማፃፋይ፥ ዳሮ አሳስ ኦድያዳ፥ “ነ ዘረታስ” ጌና። ሽን እስ አሳስ ኦድያዳ፥ “ነ ዘረስ” ያጌስ፤ እካ ክርስቶሳ።\x - \xo 3:16 \xo*\xt መ 12:7.\xt*\x*
\p
\v 17 ታኒ ገይ ሀይሳ፤ ኦይዱ ፄታነ ሀስታሙ ላይፈ ጉየ እመትዳ ህገይ፥ ኮይሮ ፆሳይ ምንዳ ጫቁዋ ሻርድ ኡፋይሳ ቃላ ይሳናዉ ዳንዳኤና።\x - \xo 3:17 \xo*\xt ከሳ 12:40.\xt*\x* 
\v 18 ፆሳይ እምያ ላታይ ህገን ኤከትያባ ግድያኮ ፆሳይ እምዳ ኡፋይሳ ባጋራ ግደይስ አቴስ። ሽን ፆሳይ ባ አ ኬሀተን ላታ አብራሃመስ ኡፋይሳ ቃላ ባጋራ እሚስ።\x - \xo 3:18 \xo*\xt ሮመ 4:14.\xt*\x*
\p
\v 19 ያትን፥ ህገይ አይስ እመትዴ? ህገይ እመትዳይ፥ አብራሃመስ ኡፋይሳ ቃል እመትዳ ኮቻይ ያና ጋካናዉ ኢታ ኦሶይ አይበኮ ኤርሳናሳ። ህገይ ኪታንቾታ ባጋራ እመትድ፥ ግዶ ግድድ ስገያ እስ አሳ ባጋራ ኦሶ ቦላ ፔእስ። 
\v 20 ግዶ ግድድ ስገያ ኡራይ እስ አሳ ፃላላስ ግደና፥ ሽን ፆሳይ እስኖ።
\s1 አይለታነ ናይታ
\p
\v 21 ያትን፥ ህገይ ፆሳ ኡፋይሳ ቃላራ ኤቀትዬ? አካይ፥ ግደና! ህገይ እመትዳይ አሳስ ደኦ እማናዉ ግድያኮ፥ ፅሎተ ህገ ባጋራ በንታናሽን። 
\v 22 ሽን የሱስ ክርስቶሳ አማንን በንትያ ኡፋይሳ ቃላይ አማነይሳታስ እመታና መላ ኩመ አላመይ ናጋራስ ሃረትድ ደኤይሳ ጌሻ ማፃፋይ ኦዴስ።
\p
\v 23 ሽን አማኖይ ያናፐ ካሰ ህገይ ኑና ቃች ዎስ። ሄ አማኖይ ቆንጫና ጋካናዉ ህገይ ኑ ቦላ ጎርድ ዎስ። 
\v 24 ሄሳ ግሾ፥ ኑኒ አማኖን ፅላና መላ ክርስቶስ ያና ጋካናዉ ህገይ ናአ ናግያ አሳ መላ ኑና ናገይሳ ግድስ። 
\v 25 ሽን ሀእ አማኖይ ይዳ ግሾ፥ ህገይ ህዛፐ ጉየ ናአ ናግያ አሳ መላ ኑና ናገይስ አትስ።
\p
\v 26 ህንተ ኡባይ የሱስ ክርስቶሳ አማንድ ፆሳ ናይታ ግድደታ። 
\v 27 ክርስቶሳራ እስኖ ግዳናዉ ፃማቀትዳ ኡባይ ክርስቶሳ ማኦዳ ማእደታ። 
\v 28 ህንተ ኡባይ ክርስቶሳን እስኖ ግድያ ግሾ፥ አይሁደ አሳ ግዶንነ ግርከ አሳ ግዶን፥ አይለ ግዶንነ ዎማኖ ግዶን፥ አደ ግዶንነ ማጫሳ ግዶን ዱማተ ባዋ። 
\v 29 ህዛ፥ ህንተ ክርስቶሳባ ግድኮ ህንተ አብራሃመ ዛረ። ፆሳ ኡፋይሳ ቃላዳ ህንተ ላተይሳታ።\x - \xo 3:29 \xo*\xt ሮመ 4:13.\xt*\x*
\b
\c 4
\p
\v 1 ታ ገይስ ሀይሳ። ላተይ ናኣ ግድ ደእሸ፥ ሻሎ ኡባይ እያባ ግድኮካ፥ እ አይለፈ አይኮካ ዱማተና። 
\v 2 ሽን እያ አዋይ ግዳ ዎደይ ጋካናዉ እ ሀዳራ ኤክዳይሳታ ኩሸንነ ናገይሳታ ኩሸን ደኤስ። 
\v 3 ሄሳዳካ፥ ኑኒ ናአተን ደእያ ዎደ አላምያ ዎጋስ አይለትድ ደእዳ። 
\v 4 ሽን ዎደይ ጋክዳ ዎደ ፆሳይ ህገፈ ጋርሳን፥ ማጫሳፐ የለትዳ ባ ናኣ ኪትስ። 
\v 5 እ ሄሳ ኦዳይ፥ ህገስ ሃረትድ ደኤይሳታ ዎዛናዉነ ኑና ባ ናይታ ኦናሳ።\x - \xo 4:5 \xo*\xt ሮመ 8:15-17.\xt*\x*
\p
\v 6 ኑ ፆሳ ናይታ ግድያ ግሾ፥ “አባ፥ አዋዉ” ግድ ፄግያ ባ ናኣ አያና ኑ ዎዛና ግዶ ኪትስ። 
\v 7 ሄሳ ግሾ፥ ህዛፐ ኔኒ ፆሳ ናአፐ አትሽን፥ አይለ ግዳካ። ኔኒ እያ ናአ ግድኮ፥ ፆሳ ላተይሳ ግዳዳሳ።
\s1 ጳዉሎስ ጋላትያ አሳስ ቆፔስ
\p
\v 8 ህንተ ካሰ ፆሳ ኤሮና ዎደ ፆሰ ግዶናይሳታስ አይለ ግድድ ሃረትደታ። 
\v 9 ሽን ሀእ ህንተ ፆሳ ኤርደታ፤ ኡባራካ ፆሳን ኤረትደታ። ያትን ፓናነ ጎኦና አላመ ዎጋታኮ ጉየ ዋንድ ስመቲ? ዎ ኤቅድ፥ ዋንድ ኤንታዉ አይለ ግዳናዉ ኮዬቲ? 
\v 10 ዱማ ግድዳ ጋላሳታ፥ አጌናታ፥ ዎደታነ ላይታ ህንተ ሎይ ቦንቸታ። 
\v 11 ታና ህንተባይ ያሼስ፤ ታ ህንተዉ ጮ ዳቡራድናሻ?
\p
\v 12 ታ እሻቶ፥ ታ ህንተዳ ሀንዳ ግሾ፥ ህንተካ ታዳ ሀንተ ጋዳ ህንተና ዎሳይስ። ህንተ ታና አይብንካ ቆህቤከታ። 
\v 13 ታኒ ኮይሮ ሀርገታሸ ህንተዉ ዎንገላ ኦድዳይሳ ህንተ ኤሬታ። 
\v 14 ታ ሀርገይ ህንተዉ ፓጨ ግድኮካ፥ ታና ሳለትበከታ፤ እፅበከታ። ሽን ታና ፆሳ ኪታንቾ ዎይኮ ክርስቶስ የሱሳ ሞከይሳዳ ሞክደታ።
\p
\v 15 ያትን፥ ሄ ህንተዉ ደእያ ኡፋይሳይ ኡባይ አዉ ብዴ? ህንተዉ ዳንዳኤትዳኮ፥ ህንተ ታዉ፥ ህንተ አይፍያ ከስድ እምያኮ እፆናይሳ ታ ማርካታይስ። 
\v 16 ያትን፥ ታ ህንተዉ ቱማ ኦድዳ ግሾ ህንተዉ ሞርከ ግዳድናዬ?
\p
\v 17 ሄ አሳት ህንተና ባንታኮ ዛራናዉ ኮዮሶና፥ ሽን ኤንታ ቆፋይ ሎኦሳ ግደና። ኤንታ ቆፋይ ህንተና ሻካናሳነ ህንተ ኤንታዉ ቆፓና መላ ኦናሳ። 
\v 18 ሎኦባ ኦናዉ አሞትኮ ሎኦ፥ ሽን ሄስ ታ ህንተራ ደእያ ዎደ ፃላላ ግዶናሽን ኡባ ዎደ ግዶ።
\p
\v 19 ታ ሲቆ ናይቶ፥ ክርስቶስ ህንተናን ምስለታና ጋካናዉ ማጫስ የሎስ እቀተይሳዳ ታ ህንተ ግሾ እቀታይስ። 
\v 20 ህንተባይ ታዉ ሀድርን ታ ኡንኤታስ፤ ሀእ ህንተ ግዶን ታ በንታዳ ሸነታዳ ኦድያኮ አይ መላ ዶሳይናሽን።
\s1 አጋሮነ ሳሮ
\p
\v 21 ሙሰ ህገን ሃረትድ ዳናዉ ኮየይሳቶ፥ አነ ታዉ ኦድተ፤ ህገይ አይ ግያኮ ኤረከቲ? 
\v 22 ጌሻ ማፃፋይ፥ “አብራሃመስ ጋንደፈነ ጎዳተፈ የለትዳ ናምኡ ናይት ደኦሶና” ያጌስ።\x - \xo 4:22 \xo*\xt መ 16:15፤ 21:2.\xt*\x* 
\v 23 ጋንደ ናአይ አስ ናአ የልያ ማራን የለትስ፥ ሽን ጎዳተ ናአይ ፆሳ ኡፋይሳ ቃላን የለትስ።
\p
\v 24 ሀ ማጫሳት ናምኡ ጫቆታስ ሌምሶ ግድድ ኤከቶሶና። ኤንታፈ እስንያ፥ ሲና ዙማፐ ይዳራ፥ ባ ናይታ አይለተስ የላሱ፤ እያካ አጋሮ። 
\v 25 አጋራ አራበ ቢታን ደእያ ሲና ዙማን ሌምሰታዳ ሀእ ደእያ የሩሳላመ ዳናዉሱ። አይስ ጊኮ፥ እያ ባ ናይታራ አይለተን ደአዉሱ። 
\v 26 ሽን ሳሎን ደእያ የሩሳላመይ አይለተን ደኡኩ፤ እያ ኑ ኡባስ አዮ። 
\v 27 ጌሻ ማፃፋይ፥
\q1 “ናተ፥ የሎና ማይንተ ኡፋይታ፤
\q2 ናተ እቀታ ኤሮናረ እልላ።
\q1 አዝናራ ደእያ ማጫሴፐ፥
\q2 አዝን ባይና ማጫሴስ ናይት ዳሮ” ያጌስ።\x - \xo 4:27 \xo*\xt እሳ 54:1.\xt*\x*
\p
\v 28 ታ እሻቶ፥ ህንተ ይሳቃዳ ፆሳ ኡፋይሳ ቃላን የለትዳ ናይታ። 
\v 29 ሽን ሄ ዎደ አሳ ማራዳ የለትዳይስ፥ አያና ዎልቃን የለትዳይሳ ጎድስ። ሀችካ ሄሳ መላ።\x - \xo 4:29 \xo*\xt መ 21:9.\xt*\x* 
\v 30 ሽን ጌሻ ማፃፋይ ዎይጊ? “ጋንደ ናአይ ጎዳተ ናኣራ እስፈ ላቶና ግሾ፥ አይልዉ እ ናኣራ ዎላ ከሳ የዳ” ያጌስ።\x - \xo 4:30 \xo*\xt መ 21:10.\xt*\x* 
\v 31 ሄሳ ግሾ፥ ታ እሻቶ፥ ኑኒ ጎዳተ ናይታፐ አትሽን፥ ጋንደ ናይታ ግዶኮ።
\c 5
\s1 ክርስቶሳን ደእያ ላአተ
\p
\v 1 ኑኒ ላአተን ዳና መላ ክርስቶስ ኑና አይለተፈ ከስስ። ህዛ፥ ምንድ ኤቅተ፤ ዛሪድ አይለተ ቃምባራን ገሎፕተ።
\p
\v 2 ታ፥ ጳዉሎስ፥ ገይሳ ስእተ። ህንተ ቃፃረታናዉ ኮይኮ፥ ክርስቶስ ህንተና አይኮካ ማደና። 
\v 3 ቃፃረትያ ኦንካ ህገይ ኪትያ ኡባ ፖላናዉ በሰይሳ ጉጃዳ ታ ኦዳይስ። 
\v 4 ህገ ናግድ ፅላናዉ ኮየይሳቶ፥ ክርስቶሳፐ ሻከትደታ፤ ፆሳ አ ኬሀተፈ ኩንድደታ። 
\v 5 ሽን ኑኒ ፆሳ አያና ባጋራ አማኖን ፅላናዉ ኡፋይሳን ናጎስ። 
\v 6 ህዛ፥ ክርስቶስ የሱሳን ደእኮ፥ ሲቆን ቆንጭያ አማኖፐ አትሽን፥ ቃፃረትን፥ ቃፃረቶና አግን ኑና አይኮካ ማደና።
\p
\v 7 ካሰ ህንተ ሎኦ ዎፄታ፥ ሽን ሀእ ቱማስ ኪተቶና መላ ህንተና ድግዳይ ኦኔ? 
\v 8 ሀይሳ መላ ኢታ ጭሞይ ህንተና ፄግዳ ፆሳፈ ይቤና። 
\v 9 ሄስካ፥ “ጉ እርሾይ ሙኑቃ ኡባ ደንስ”\x - \xo 5:9 \xo*\xt 2 ቆሮ 5:6.\xt*\x* ጌተትድ ፃፈትዳይሳ መላ። 
\v 10 ህንተዉ ሀራ ቆፍ ባይናይሳስ ታ ጎዳን አማነታይስ። ሽን ህንተና ቡቅያ ኦንካ ፆሳፈ ባ ፕርዳ ኤካና።
\p
\v 11 ታ እሻቶ፥ ታ ሀእ ጋካናዉ ቃፃአረተ ሳባክያባ ግድኮ፥ ያትን ታና አይስ ጎዶና? ሄስ ቱማ ግድያኮ ክርስቶሳ ማስቃልያባ ታማርሶይ አሳስ በ ግደናሽን። 
\v 12 ህንተና ቡቀይሳት ቃፃረተ ፃላላ ግዶናሽን፥ ባንታና ቃራትያኮካ ታ ዶሳይስ።
\p
\v 13 ታ እሻቶ፥ ህንተ ላአ ዳናዉ ፄገትደታ። ግዶሽን፥ ህንተ ላአተይ አሾ አሞ ፖላናዉ ህንተዉ ጋሶ ግዶፖ፤ ሄሳፈ አድ እሶይ እሱዋ ሲቆን ማድተ። 
\v 14 ህገ ኡባይ፥ “አሰ ኔዳ ዶሳ” ግያ እስ ቃላን ቃሸትስ።\x - \xo 5:14 \xo*\xt ሌወ 19:18.\xt*\x* 
\v 15 ሽን ህንተ እሶይ እሱዋራ ሳፀትያባነ ሜተትያባ ግድኮ፥ ህንተ ዎል ዉርሶና መላ ናገትተ።
\s1 አያና ደኦነ አሾ ደኦ
\p
\v 16 ህዛ፥ ታ ህንተዉ ኦዳይስ፤ አያናን ደእተ፤ ህንተ አሾ አሙዋ ፖሎፕተ። 
\v 17 አሾ አሞይ አያና አሙዋራ ሞርከ፤ ቃስ አያና አሞይካ አሾ አሙዋራ ሞርከ። ኤንቲ እሶይ እሱዋራ እፀትያ ግሾ ህንተ ዶስያባ ኦናዉ ዳንዳኤከታ።\x - \xo 5:17 \xo*\xt ሮመ 7:15-23.\xt*\x* 
\v 18 ሽን አያናይ ህንተና ካለያባ ግድኮ ህገይ ህንተና ሃረና።
\p
\v 19 አሾ ኦሶት ኤረትዳይሳታ፤ ኤንትካ፥ ላይማተ፥ ቱናተ፥ ቃይፀ፥ 
\v 20 ኤቃ ጎይኖ፥ ብታ፥ ሞርከተ፥ ካች፥ ቃናተ፥ ሀንቆ፥ ባና ዶሶ፥ ሻከተ፥ ኢታ ቶቦ 
\v 21 ገነ፥ ማ፥ የነ ሄሳ ሄሳ መላታ። ካሰ ታ ህንተዉ ኦድዳይሳዳ ሀእካ ታ ህንተዉ ኦዳይስ። ሀይሳ መላባታ ኦይሳት ፆሳ ካዎተ ላቶኮና።
\p
\v 22 ሽን አያና አይፈይ፥ ሲቆ፥ ኡፋይስ፥ ሳሮተ፥ ዳንዳአ፥ ኬሀተ፥ ሎኦተ፥ አማኖ፥ 
\v 23 አሽከተ፥ ባና ሃሮ። ሀይሳ መላባታ እፅያ ህገይ ባዋ።
\p
\v 24 ክርስቶስ የሱሳባ ግድዳይሳት ባንታ አሹዋ እያ ኢታ ቆፋራነ እያ አሙዋራ እስፈ ማስቃልያ ቦላ ካቅዶሶና። 
\v 25 ኑ አያናን ደእያባ ግድኮ፥ ኑና አያናይ ካለ። 
\v 26 አነ እሶይ እሱዋ ይሎይሸነ ቃናትሸ ጮ ጬቀተይሳ አጎስ።
\c 6
\s1 እሶይ እሱዋ ማድተ
\p
\v 1 ታ እሻቶ፥ እስ አስ ናጋራን ኩንድኮ፥ አያናን ደእያ ህንተ ሄ ኡራ አሽከተን ሱርስተ። ሽን ኔኒ ሄሳ መላባን ፓጨቶና መላ ነና ናጋ። 
\v 2 እሶይ እሱዋ ዴፆ ቶሁዋ ቶክተ። ያትኮ ክርስቶሳ ህግያ ፖሌታ። 
\v 3 እስ አስ አይኮይካ ባዋሽን፥ ባና ሀራታፐ ሎኦ ግድ ቆፕኮ፥ እ ባና ጭሜስ። 
\v 4 ሽን እስ እስ አስ ባ ኦሱዋ ፓጮ። ሄሳፈ ጉየ፥ ሀራታራ ባና ጋደየይሳ አግድ ባዉ ጬቀትያባ ደሜስ። 
\v 5 እስ እስ አስ ባ ቶሁዋ ባዉ ቶካናዉ በሴስ።
\p
\v 6 ፆሳ ቃላ ታማርያ ኦንካ ሎኦባ ኡባ ባ አስታማርያራ ሻከቴስ።
\p
\v 7 ህንተ፥ ህንተና ጭሞፍተ። አስ ባ ዘርዳባ ዛሪድ ጫክያ ግሾ ፆሳ ቦላ ቀልቅሶፕተ። 
\v 8 ባ አሾ አሙዋ ኩንናዉ ዘርያ ኦንካ፥ ባ አሾ አሙዋፐ ሀይቆ ቡጫና። ሽን አያና ኡፋይሳናዉ ዘርያ ኦንካ አያናፐ መርና ደኦ ጫካና። 
\v 9 አነ ሎኦ ኦሶ ኦናዉ አዛለይሳ አጎስ። ኑኒ አዛሎና እፅኮ ዎደይ ጋክያ ዎደ ኑ ዘርዳይሳ ጫካና። 
\v 10 ኑ እንጀ ዎደ ደምኮ፥ አሳ ኡባስ፥ አድካ አማንያ አሳስ ሎኦባ ኦስ።
\s1 ዞረነ ሳሮ
\p
\v 11 ታኒ ታ ኩሸን፥ አይ መላ ግታ ፕዳለን ህንተዉ ፃፍዳኮ በእተ። 
\v 12 አሳ ስንን ሎኦ ግድድ በንታናዉ ኮይያ አሳት ህንተ ቃፃረታና መላ ኮዮሶና። ሽን ሄሳ ኤንቲ ኦይ፥ ክርስቶሳ ማስቃልያ ግሾ ኤንታና ጎድ ጋኮና መላሳ። 
\v 13 ኤንቲ ህንተ ቃፃረተን ጬቀታናዉ ኮይድ ህንተና ቃፃረቶ ጎሶናፐ አትሽን፥ ቃፃረትዳይሳትካ ባንታ ሁጰን ህግያ ናጎኮና።
\p
\v 14 ሽን አላመይ ታዉ ካቀትዳይሳፈነ ታንካ አላምያስ ካቀትዳ፥ ጎዳ የሱስ ክርስቶሳ ማስቃልያፐ አትሽን፥ ሀራ ጬቆይ ታፐ ሃኮ። 
\v 15 ህዛ፥ ቃፃረትን ቃፃረቶና አግን አይኮካ ማደና። ማደይ ኦራ መተ ግዶ። 
\v 16 ሀ ዎጋ ካልያ ኡባስነ ፆሳ ደረ ግድዳ እስራኤለስ ሳሮተነ ማሮተ ግዶ።
\p
\v 17 ታኒ የሱሳስ ማዱንፅዳ ቤታ ታ አሳተን ቶክዳ ግሾ፥ ህዛፐ ታና ኦንካ ዋይሶፖ።
\p
\v 18 ታ እሻቶ፥ ኑ ጎዳ የሱስ ክርስቶሳ አ ኬሀተይ ህንተራ ግዶ። አምንእ።