\id EZR - GOOFA FULL BIBLE \ide UTF-8 \h እዝራ ማፃፋ \toc1 እዝራ ማፃፋ \toc3 እዝ \toc2 እዝራ \mt እዝራ ማፃፋ \imt ጋ ቆፋ \ip እዝራ ማፃፋይ፥ አይሁደታፐ ድኤትድ ብዳ ጉ አሳት ባብሎነፐ ስምዳይሳነ የሩሳላመን ደኦይነ ጎይኖ ዎጋይ ኦራፅዳይሳ ኦዴስ። ሀ ሀኖታት ካልድ ደእያ ከሶታን ቆንጭዶሶና። \ipi 1. ፋርሰ ካዋ ቅሮሳ ሸነን ኮይሮ አይሁደት ድኦፐ ስምዶሶና። \ipi 2. ፆሳ ኬይ ዛር ኬፀትድ አንጀትስ፤ ፆሳ ጎይኖ ዎጋይ ዛሪድ ዶመትስ። \ipi 3. ዳሮ ላይፈ ጉየ፥ ፆሳ ህገ አስታማረ ግድዳ እዝር ካለን፥ ሀራ አይሁደት የሩሳላመ ስምዶሶና። እዝር፥ እስራኤለ አሳይ አማኖ ደኡዋነ እስፈተ ዱሳ ዛራና መላ ማድድ፥ ኤንታ አያና ደኡዋነ ሳአ ዱሳ ዛሪድ ምንስ። \ip እዝራ ማፃፋይ ናምኡ ክፍለን ሻከቴስ። \ipi 1. ሸምፖ 1—6 ጋካናዉ ደእያ ክፍለይ፥ ይሁዳ አሳይ ክ.የ.ስ.538 ላይን የሩሳላመ ስምዳይሳነ ጎይኖ ዎጋ ኤስዳይሳ ኦዴስ። \ipi 2. ሸምፖ 7—10 ጋካናዉ ደእያ ክፍለይ፥ ዳሮ ላይፈ ጉየ እዝር አሳ ታማርሳናዉ የሩሳላመ ይዳይሳ ኦዴስ። \iot ማፃፋ አይፈ ቆፋታ \io1 አይሁደ አሳ ድኦፐ ስሙዋ (\ior 1:1—2:70\ior*) \io1 ፆሳ ኬይ ዛሪድ ኬፆ ዶመተ (\ior 3:1—4:6\ior*) \io1 የሩሳላመ ዛር ኬፆ ቦላ መትዳ መቱዋ (\ior 4:6-23\ior*) \io1 ፆሳ ኬ ኦሱዋ ዉርሰ (\ior 4:24—6:22\ior*) \io1 እዝር አሳ ካለድ የሩሳላመ ኤሁዋ (\ior 7:1—8:36\ior*) \io1 አላጋ ማጫሳታ ኤክዳ አደት ባንታ ማቸታ የዱዋ (\ior 9:1—10:44\ior*) \c 1 \s1 ቅሮሳ አዋጁዋ \p \v 1 ፋርሰ ካዎይ ቅሮስ ካዎትዳ ኮይሮ ላይን፥ ናብያ ኤርምያሳ ባጋራ ጎዳይ ኦድዳባ ፖልስ። ፋርሰ ካዎይ ቅሮስ ባ ካዎተ ግዶን ሀይሳዳ ያግድ አዋጃና መላነ ሄ አዋጁዋ ፃፍድ ዎና መላ ጎዳይ እያ ዎዛና ደንስ። \v 2 ፋርሰ ካዎይ ቅሮስ ሀይሳዳ ያጌስ፤ “ጎዳይ፥ ሳሎ ፆሳይ ሀ ሳኣ ካዎተታ ኡባ ታዉ እሚስ። ቃስ ይሁዳን ደእያ የሩሳላመን እያዉ ኬ ኬፃና መላ ታና ሹምስ። \v 3 ፆሳ አስ ግድዳ ኦንካ ያ ቦ፤ እያ ፆሳይ እያራ ግዶ! ህንተ ይሁዳን ደእያ የሩሳላመ ብድ፥ ያን የሩሳላመን ጎዳ፥ እስራኤለ ፆሳ ኬ ዛሪድ ኬፆ። \v 4 ዱማ ዱማ ቢታን ደእያ አሳ ኡባይ አይሁደታፐ አትዳይሳት ብራ፥ ዎርቃ፥ ዱማ ዱማ ሚሸታነ መሄ እምድ ማዶ፤ ቃስ የሩሳላመን ደእያ ፆሳ ኬ ባንታ ዶሳን እምያ እሞታ ቦላ ጉጅድ እሞ” ያጌስ። \p \v 5 ሄሳፈ ጉየ፥ ይሁዳነ ብንያመ ኮቸ ሀላቃት፥ ካህነትነ ሌወት፥ ቃስ ፆሳይ ኤንታ ዎዛና ደንዳ ኡባይ የሩሳላመን ጎዳ ፆሳ ኬ ኬፃናዉ ባናዉ ደንድዶሶና። \v 6 ቃስ ኤንታ ሾሮን ደኤይሳትካ ባንታ ዶሳን እምዳባ ቦላ ጉጅድ፥ ብራፐነ ዎርቃፈ ኦሰትዳ ሚሸታ፥ ሀራ ዱማ ዱማ ሚሸታነ መሄ እምድ፥ ኤንታ ማድዶሶና። \v 7 ሄሳ ቦላ ካዎይ ቅሮስ ናቡካዳናፆር የሩሳላመፐ ኤፍድ ባ ኤቃ ኬን ዎዳ ጎዳ ኬ ሚሸታ እሚስ። \v 8 ፋርሰ ካዎይ ቅሮስ ሚሸታ ዎያ ኬ ሀላቃ ምትርዳፁ ታይብስድ፥ ይሁዳ ሃርያ ሰሳብሳራ ኩሸን ዎስ። \v 9 ስምዳ ሚሸታ ታይቦይ ሀይሳ፤ ሀስታሙ ዎርቃ ሻተ፥ ሙኩሉ ብራ ሻተ፥ ላታማነ ኡዱፉን ፕልኦ፥ \v 10 ሀስታሙ ዎርቃ ከረ፥ ኦይዱ ፄታነ ታሙ ብራ ከረ ሙኩሉ ሀራ ዱማ ዱማ ሚሸ። \v 11 ዎርቃ ሚሸታነ ብራ ሚሸታ ታይቦይ ኩመ እቻሹ ሙኩሉነ ኦይዱ ፄታ፤ ሴሳብሳር ባብሎነፐ የሩሳላመ ስምያ ዎደ ድኦፐ ስምዳ አሳራ ኤክድ ይስ። \c 2 \s1 ድኦፐ ስምዳ አሳ ታይቦ \r (ናህ 7:4-73) \p \v 1 ባብሎነ ካዎይ ናቡካዳናፆር ድእድ፥ ባ ቢታ ኤፍዳ አሳፐ ጉየ፥ የሩሳላመነ ይሁዳ ባንታ ካታማ ካታማ ስምዳ አሳይ ሀይሳፈ ካልድ ፃፈትዳይሳታ። \v 2 ኤንታ ሀላቃት ዛሩባበላ፥ እያሱ፥ ናህመ፥ ሳራያ፥ ራእላ፥ ማርድክዮሳ፥ ብልሳና፥ ማሰፋራ፥ ባጉዋያ፥ ረሁማነ ባአና። \p ድኦፐ ስምዳ አሳ ታይቦይ ሀይሳ። \p \v 3 ፋሮሳ ያራይ 2,172፤ \li1 \v 4 ሳፋፃ ያራይ 372፤ \li1 \v 5 ኤራ ያራይ 775፤ \li1 \v 6 እያሱነ ዮኣባ ኮቸ ግድዳ ፋሀት-ሞአበ ያራይ 2,812፤ \li1 \v 7 ኤላማ ያራይ 1,254፤ \li1 \v 8 ዛታ ያራይ 945፤ \li1 \v 9 ዛካያ ያራይ 760፤ \li1 \v 10 ባና ያራይ 642፤ \li1 \v 11 በባያ ያራይ 623፤ \li1 \v 12 አዝጋዳ ያራይ 1,222፤ \li1 \v 13 አዶንቃማ ያራይ 666፤ \li1 \v 14 በጉዋያ ያራይ 2,056፤ \li1 \v 15 አድና ያራይ 454፤ \li1 \v 16 ህዝቅያሳ ኮቸ ግድዳ አፄራ ያራይ 98፤ \li1 \v 17 ባሳያ ያራይ 323፤ \li1 \v 18 ዮራ ያራይ 112፤ \li1 \v 19 ሀሱማ ያራይ 223፤ \li1 \v 20 ግባራ ያራይ 95፤ \li1 \v 21 ቤተለመ አሳይ 123፤ \li1 \v 22 ናፆፋ አሳይ 56፤ \li1 \v 23 አናቶታ አሳይ 128፤ \li1 \v 24 አዝሞታ አሳይ 42፤ \li1 \v 25 ቅርያት-ይኣርማ፥ ካፍራነ ብኤሮታ አሳይ 743፤ \li1 \v 26 ራማነ ግብአ አሳይ 621፤ \li1 \v 27 ምክማሳ አሳይ 122፤ \li1 \v 28 ቤተለነ ጋየ አሳይ 223፤ \li1 \v 29 ናቦ አሳይ 52፤ \li1 \v 30 ማግብሳ አሳይ 156፤ \li1 \v 31 ናምአን ኤላማ አሳይ 1,254፤ \li1 \v 32 ካርማ አሳይ 320፤ \li1 \v 33 ሎዳ፥ ሀድዳነ ኦኖ አሳይ 725፤ \li1 \v 34 እያርኮ አሳይ 345፤ \li1 \v 35 ሳናአ አሳይ 3,630፤ \m \v 36 ድኦፐ ስምዳ ካህነታ ሶ አሳ ታይቦይ ሀይሳ። \li1 እያሱ ኮቸ ግድዳ ያዳያ ያራይ 973፤ \li1 \v 37 እመራ ያራይ 1,052፤ \li1 \v 38 ፓስኮራ ያራይ 1,247፤ \li1 \v 39 ካርማ ያራይ 1,017. \m \v 40 ድኦፐ ስምዳ ሌወታ ታይቦይ ሀይሳ፤ \li1 ሆዳዋ ኮቸ ግድዳ እያሱነ ቃድሜላ ያራይ 74፤ \li1 \v 41 አሳፋ ኮቸ ግድዳ ዛማረት 128፤ \li1 \v 42 ፆሳ ኬ ፐንገ ናግያ ሳሎማ፥ አፄራ፥ ፃልሞና፥ አቁባ፥ ሀፅፃነ ሶባያ ያራይ 139. \p \v 43 ሀይሳቲ ድኦፐ ስሚድ፥ ፆሳ ኬን ኦያ አሳ ያራታ፤ ፅሀ ያራ፥ ሀሱፋ ያራ፥ ፃባኦታ ያራ፥ \v 44 ከራሳ ያራ፥ ስሀ ያራ፥ ፋዶና ያራ፥ \v 45 ልባና ያራ፥ አጋባ ያራ፥ አቁባ ያራ፥ \v 46 አጋባ ያራ፥ ሳምላ ያራ፥ ሀናና ያራ፥ \v 47 ጋዳላ ያራ፥ ጋሃራ ያራ፥ ራያ ያራ፥ \v 48 ራአሶና ያራ፥ ናቆዳ ያራ፥ ጋሳማ ያራ፥ \v 49 ኦዛ ያራ፥ ፋሴሀ ያራ፥ በሳያ ያራ፥ \v 50 አስና ያራ፥ መኡንማ ያራ፥ ንፉሴስማ ያራ፥ \v 51 ባቅቡቃ ያራ፥ ሀቁፋ ያራ፥ ሀርሁራ ያራ፥ \v 52 ባስሉታ ያራ፥ ማህዳ ያራ፥ ሀርሳ ያራ፥ \v 53 ባርቆሳ ያራ፥ ስሳራ ያራ፥ ቴማ ያራ፥ \v 54 ናስያ ያራነ ሀፅፋ ያራ። \p \v 55 ሀይሳቲ ድኦፐ ስምዳ ሶሎሞነ ኦሳንቾታ ያራታ፤ ሶፃያ ያራ፥ ሶፌረታ ያራ፥ ፋሩዳ ያራ፥ \v 56 ያእላ ያራ፥ ዳርቆና ያራ፥ ጋዳላ ያራ፥ \v 57 ሳፋፃ ያራ፥ ሀፄላ ያራ፥ ፋክራታ ያራ፥ ሀፃቦይማ ያራነ አማ ያራ። \v 58 ድኦፐ ስሚድ፥ ፆሳ ኬን ኦያ አሳ ያራትነ ሶሎሞነ አይለታ ያራታ ታይቦይ 392. \p \v 59 ሀይሳፈ ካለይሳት ቃስ ታልመላ፥ ተላረሳ፥ ካሩባ፥ አዳናነ እመራ ካታማታፐ የሩሳላመ ስምዶሶና። ሽን ኤንቲ ዎይኮ ኤንታ አዋት እስራኤለ ሼሽ ግደይሳ ኤርሳናዉ ኤንቲ ዳንዳእቦኮና። \v 60 ዳላያ፥ ፆቢያነ ናቆዳ ያራት 652. \p \v 61 ካህነታፐ አባያ ያራይ፥ አቆሳ ያራይነ ባርዝለ ያራይ ስምዶሶና። ባርዝለይ ሀ ሱንን ፄገታናዉ ዳንዳእዳይ ጋላዳ ቢታ አስ ግድዳ ባርዝለ ናእዉ ማቾ ኤክዳ ግሾሳ። \v 62 ሀይሳቲ ባንታ የለታ ፃጱዋ ኤራናዉ የለታ ማፃፋን ኮይዶሶና፥ ሽን ደምቦኮና። ሄሳ ግሾ፥ ኤንቲ ቱና ጌተትድ ካህነተን ኦና መላ ድገትዶሶና። \v 63 ኡሪመንነ ቱሚመን ሻክድ ፕርድያ ካህነይ ደንዳና ጋካናዉ፥ ኤንቲ ጌሻ ካፈ ማናዉ ዳንዳኦናይሳ አይሁደታ አይሰይስ ኤንታዉ ኦድስ። \p \v 64 ድኦፐ ይሁዳ ስምዳ አሳ ታይቦይ ኩመ 42,360. \v 65 ሄስካ 7,337 አደነ ማጫ አይለታ ጉጁና ደእሽና። ኤንታ ግዶን 200 አደነ ማጫ ዛማረት ደኦሶና። \v 66 ድኦፐ ስምዳ አሳ ፓራት 736፤ ባቁሎት 245፤ \v 67 ግማለት 435፤ ሀረት 6,720. \p \v 68 ኤንቲ የሩሳላመን ደእያ ፆሳ ኬ ጋክዳ ዎደ እስ እስ ሶ አሳ ሀላቃት ፆሳ ኬይ ካሰ ባ በሳን ኬፀታና መላ ባንታ ዶሳን እሞታ እምዶሶና። \v 69 እሶይ እሶይ ባዉ ዳንዳእዳ መላ ፆሳ ኬ ኦሱዋስ እሞታ እሚስ፤ እሞታይ 500 ክሎ ግራመ ዎርቃ፥ 2,800 ክሎ ግራመ ብራነ 100 ካህነታ ማኦ እምዶሶና። \p \v 70 ሄሳፈ ጉየ፥ ካህነት፥ ሌወትነ ጉ አሳይ የሩሳላመን ኡትዶሶና፤ ዛማረት፥ ፆሳ ኬ ፐንገ ናገይሳትነ ፆሳ ኬን ኦያ ኦሳንቾት የሩሳላመ ዩሾን ደእያ ካታማታን ኡትዶሶና፤ አትዳ አሳ ኡባይ ባንታ ካታማታን ካታማታን ኡትዶሶና። \c 3 \s1 ያርሾ በሳይ ዛሪድ ኬፀትስ \p \v 1 ላፑን አጌናን እስራኤለ አሳይ ባንታ ደእያ ካታማታፐ እስ አስ ግድድ የሩሳላመ ሺቅዶሶና። \v 2 እዮሳደቃ ናኣ እያሱነ፥ እያራ ኦያ ካህነት፥ ሳላትያላ ናኣ ዛሩባበልነ እያ ዳቦት ፆሳ አስ ግድዳ ሙሰ ህግያን ፃፈትዳይሳዳ ፁሳ ያርሾ ያርሻናዉ፥ እስራኤለ ፆሳስ ያርሾ በሲ ጊግስዶሶና። \v 3 ሄ ቢታን ደእያ አሳ እፁዋፐ ደንዶይሳን ያይኮካ፥ ያርሾ በሲ ካሰ በሳን ኬፅድ፥ ፁሳ ያርሾ ጎዳስ ኡባ ዎደ ዎንታነ ኦማርስ ሺሽዶሶና። \v 4 ካሰ ፃፈትዳይሳዳ ሻቃራ ባኣለ ቦንችዶሶና፤ ፁሳ ያርሾ እስ እስ ጋላስ ኮሸይሳዳ ፓጭሶና ያርሽዶሶና። \v 5 ቃስ ኡባ ዎደ ሺቅያ ፁሳ ያርሾ፥ አጌና ፄሮ ያርሾነ ጎዳ ጌሻ ባለታን ያርሽያ ያርሾ ኡባ ያርሽዶሶና። ሄሳ ቦላካ አሳይ ባ ዶሳን ጎዳስ እምዳ እሞታ ኡባ ያርሽዶሶና። \v 6 ፆሳ ኬ ባሶይ ቡሮ ዶመቶናባ ግድኮካ ላፑን አጌናን ኮይሮ ጋላስ ኤንቲ ጎዳስ ፁሳ ያርሾ ሺሾ ዶምዶሶና። \s1 ፆሳ ኬይ ዛሪድ ኬፀትስ \p \v 7 ሄሳፈ ጉየ፥ ሹቹ ማሰይሳታስነ አናፀታስ ሚሸ እምድ ኦሶ ኦይክዶሶና። ፋርሰ ካዎይ ቅሮስ ኤንታዉ ኪትዳ ግሾ፥ ልባኖሳፐ ዝጋ አባ ፕንድ፥ ዮጰ ኤሀናዉ ስዶናነ ፅሮሳ አሳስ ካ፥ ኡሽነ ዛይተ እምዶሶና። \p \v 8 ኤንቲ የሩሳላመ ስምዳ ናምአን ላይን ናምአን አጌናን፥ ሳላትያላ ናአይ ዛሩባበል፥ እዮሳደቃ ናኣ እያሱይነ ኤንታ ዳቦት፥ ካህነት፥ ሌወትነ ድኦፐ ስምዳ አሳ ኡባይ ፆሳ ኬ ካሰ በሳን ኬፆ ዶምዶሶና። ቃስ ፆሳ ኬ ኦሱዋ አዋተን ፄላና መላ ላታሙ ላይ ግድዳይሳታነ ላታሙ ላይፈ አዳ ሌወታ ሹምዶሶና። \v 9 ሌወ ኮቸ ግድዳ እያሱ፥ እያ ናይታነ እያ ዳቦት፥ ሆዳዋ ሶ አስ ግድዳ ቃድምኤልነ እያ ናይት እስፈ ግድድ፥ ፆሳ ኦሱዋ ኦስሳና መላ አዋተ ኤክዶሶና፤ ኤንሀዳዳ ኮቸ ግድዳ ሌወት ኤንታ ማድዶሶና። \p \v 10 አናፀት ፆሳ ኬ ባሱዋ የገ ኦይክያ ዎደ፥ ካህነት ባንታ ማኦ ማእድ ሞይዘ ኦይክድ፥ አሳፋ ኮቸ ግድዳ፥ ሌወት ዳላ ኦይክድ፥ እስራኤለ ካዋ ዳዊታ ዎጋ መላ ጎዳ ጋላታናዉ ኤቅዶሶና። \v 11 ኤንቲ ጎዳ ጋላትሸነ እሶይ እሱዋ ካል ካል ማዝሙረን ሳቢሸ፥ ሀይሳዳ ያግድ ዛማርዶሶና። \q1 “ጎዳይ ኬሀ፤ \q2 እስራኤለስ ደእያ እያ ሲቆይ መርናሳ” ያግዶሶና። \m ፆሳ ኬ ባሶይ የገትያ ግሾ፥ አሳ ኡባይ ባንታ ቃላ ቁ ኦድ እልልሸ ጎዳ ጋላትዶሶና። \v 12 ሽን ካሰ ፆሳ ኬ በእዳ ጭማ ካህነታፐ፥ ሌወታፐነ ኮቻታ ሀላቃታፐ ዳሮት ሀእ ፆሳ ኬ ኬፃናዉ የገትዳ ባሱዋ በእዳ ዎደ ባንታ ቃላ ቁ ኦድ ዬክዶሶና፤ ሀራት ቃስ ኡፋይትሸ ቦንችዶሶና። \v 13 ኦንካ ኡፋይሳ እልልሳነ ዬሆ ዋሱዋ ሻካናዉ ዳንዳእቤና፤ አሳይ ዋስያ ዋሶይ ዎልቃማ ግድያ ግሾ ዋሶይ ሃሆን ስኤቴስ። \c 4 \s1 ሞርከይ መዳ ኤቀተ \p \v 1 ይሁዳስነ ብንያመስ ሞርከ ግድዳ አሳይ፥ ድኦፐ ስምዳይሳት ጎዳስ፥ እስራኤለ ፆሳስ ኬ ኬፀይሳ ስእዶሶና። \v 2 ዛሩባበላኮነ እስራኤለ ያራ ሀላቃታኮ ይድ፥ “አሶረ ካዎይ አስራዶን ኑና ሀ በሳ ኤህዳ ጋላሳፐ ዶምድ፥ ኑካ ህንተ ፆሳ ጎይኖስ፥ እያዉ ያርሾስ። ሄሳ ግሾ፥ ኑካ ህንተራ ኬፃና” ያግዶሶና። \p \v 3 ሽን ዛሩባበል፥ እያሱይነ እስራኤለ ያራ ሀላቃት፥ “ኑ ፆሳ ኬ ኬፃናዉ ኑስነ ህንተዉ ግሾይ ባዋ። ሽን ፋርሰ ካዎይ ቅሮስ ኪትዳይሳዳ ጎዳ፥ እስራኤለ ፆሳ ኬ ኑኒ ኑ ፃላላ ኬፃና” ያግዶሶና። \p \v 4 ሄሳፈ ጉየ፥ ሄ ቢታን ደእያ አሳይ፥ ይሁዳ አሳይ ፆሳ ኬ ኬፆና መላ ኡፋይስ ቃንፅሳናዉነ ያሽሳናዉ ደንድዶሶና። \v 5 ፋርሰ ካዋ ቅሮሳ ላይፈ ብድ ዳርዮሳ ካዎተ ጋካናዉ ኤንቲ ይሁዳ አሳ ዞረታ ላላና መላ አሰ ሻምዶሶና። \s1 አርፀክስሳስ ፃፈትዳ ዳብዳበ \p \v 6 አርፀክስስ ካዎትዳ ዎደ ይሁዳነ የሩሳላመ አሳ ሞታናዉ ፓይለ ዶይዶሶና። \p \v 7 አርፀክስሳ ካዎተ ላይን፥ ብሽላም፥ ምትርዳት፥ ፃቤልነ ኤንታ ባጋ ግድድ፥ ፋርሰ ካዋ አርፀክስሳስ ዳብዳበ ፃፍዶሶና፤ ሄ ዳብዳበይ አራምከ ፕዳለንነ ዶናን ፃፈትስ። \p \v 8 ቢታ አይስያ ረሁምነ ፃፈይ ስምሳይ የሩሳላመባ ሀይሳዳ ያግድ፥ ካዋ አርፀክስሳስ ዳብዳበ ፃፍዶሶና፤ \v 9 “ሀ ዳብዳበይ ቢታ አይስያ ረሁማፐ፥ ፃፍያ ስምሳያፐ፥ በተራፕለሳፐ፥ ፋርሰፐ፥ አርካፈ፥ ባብሎነፐ ሱሳፐነ ኤላማ ቢታን ደእያ ዳይናታፐነ ቢታ አይሰይሳፈ፥ \v 10 ቃስ ግታነ ቦንቸትዳ ካዋ አስናፋር ድእድ ሳማረንነ ኤፍራፂሳ ሻፋፐ ሄፍንን ዎዳ አሳ ኡባፈ ፃፈትስ” ያግዶሶና። \p \v 11 ኤንታ ዳብዳበይ ሀይሳዳ ያጌስ፤ “ካዋ አርፀክስሳስ፥ ኤፍራፂሳ ሻፋፐ ሄፍንን ደእያ ነ ሞርናታፐ የደትዳ ዳብዳበ። \p \v 12 “ካዋዉ፥ ነ ማታፐ ኑኮ ይዳ አይሁደት የሩሳላመ ይድ፥ ሀ ማካላነ ኢታ ካታምዉ ዛሪድ ኬፆ ቦላ ደኤይሳ ኤራ። እ ግምበ ድርሳ ኦራሶና፤ እ ባሱዋ የጎሶና፤ እ ፃጱዋ ምንሶና። \v 13 ሄሳ ቦላ ቃስ፥ ሀ ካታምያ ኬፀትኮነ እ ድርሳ ግምበይ ኦራፅኮ ኤንቲ ጊራነ ቃራፃ ቃንፆናይሳ ኤራ፤ ካዎ ኬ ገልያ ሚሸይ ጉፃናይሳ አኬካ። \v 14 ኑኒ ካዎይ ሹምን ኦይሳታ ግድያ ግሾነ ካዎይ ካዉይሽን በአናዉ ኮዮና ግሾ ሀይሳ ነ ኤራና መላ ግድ ኦዶስ። \v 15 ሄሳ ግሾ፥ ካሰ ነ አዋታ ታርከ ማፃፋይ ኮየትድ ፄለቶ፤ ሄ ፃፈትዳባፐ ሀ ካታምያ ማካላነ ካዎታስነ ቢታታስ መቶ መሸ ደእዳይሳ ኤራናዉ ዳንዳኣሳ፤ ሄሳ ጋሶን እያ ላለታሱ። \v 16 ሀ ካታምያ ኬፀትያነ እ ድርሳ ግምበይ ኦራፅያባ ግድኮ፥ ኤፍራፂሳ ሻፋፐ ሄፍንን ደእያ ቢታይ ነ ኩሸፐ ከይዳይሳ ኤራ” ያግዶሶና። \p \v 17 ካዎይ ሀይሳዳ ግያ ዛሮ ኤንታዉ የድስ፤ “ቢታ አይስያ ረሁማ፥ ፃፍያ ስምሳያ፥ ሳማረንነ ኤፍራፂሳ ሻፋፐ ሄፍንን ደእያ ኤንታራ እስፍዳ አሳ ሳሮ ጋይስ። \v 18 ህንተ ታዉ የድዳ ዳብዳበይ ብርሸትድ ናባበትን ስአስ። \v 19 ታ ኪታን፥ ካሰ ታርከይ ኮየትድ ፄለትያ ዎደ፥ ሀ ካታምያ በንፐካ ካዎታስ ማካላነ መቶ መሸ ደእያ ቢታ ግደይስ ኤረትስ። \v 20 የሩሳላመን ዎልቃማ ካዎት ካዎትዶሶና፤ ኤፍራፂሳ ሻፋፐ ሄፍንን ደእያ ቢታፈካ ሄ ካዎት ጊራነ ቃራፃ ኤክዶሶና። \v 21 ሄሳ ግሾ፥ ታኒ ኤንታዉ ሀ ኪታ እማና ጋካናዉ፥ ሀ አሳት ሄ ካታምዉ ኬፀይሳ ኤሳና መላ ኦድተ። \v 22 ህንተ ሀ ኦዳ ቀል ጎና መላ ናገትተ፤ ካዎታስ መቶ ዳርሳናዉ ኮሸና” ያግድ ኪትስ። \p \v 23 ካዋ አርፀክስሳ ዳብዳበይ ረሁማስ፥ ፃፍያ ስምሳያስነ ኤንታራ ደእያ ኡባስ ናባበትዳ ዎደ የሩሳላመን ደእያ አይሁደታኮ ኤለስ ብድ፥ ኤንቲ ኬፀይሳ ዎልቃን ኤስዶሶና። \p \v 24 ሄ ዎደፐ ዶምድ የሩሳላመን ደእያ ፆሳ ኬ ኦሶይ ዳርዮስ ካዎትዳ ናምአን ላይ ጋካናዉ ኤቅስ። \c 5 \s1 ታንታን ዳርዮሳስ ፃፍዳ ዳብዳበ \p \v 1 ሄ ዎደ ናምኡ ናበት ሀገይነ ዛካርያስ ይሁዳንነ የሩሳላመን ደእያ አይሁደ አሳስ እስራኤለ ፆሳ ሱንን ትንብተ ኦድዶሶና። \v 2 ሳላትያላ ናአይ ዛሩባበልነ እዮሳደቃ ናአይ እያሱይ ደንድድ፥ የሩሳላመን ደእያ ጎዳ ኬ ዛሪድ ኬፃናዉ ዶምዶሶና። ፆሳ ናበትካ ኤንታ ማድሸ ኤንታራ ደእዶሶና። \p \v 3 ሄ ዎደ ኤፍራፂሳ ሻፋፐ ሄፍንን ደእያ ቢታ አይስያ ታንታን፥ ሳታርቡዛንነ ኤንታራ ደኤይሳት የሩሳላመ ይድ፥ “ሀ ኬ ህንተ ኬፃና ማላ ህንተዉ ማታ እምዳይ ኦኔ?” ያግድ ኦይችዶሶና። \v 4 ቃስ፥ “ሀ ኬ ኬፅያ አሳታ ሱንይ ኦኔ?” ያግድ ኦይችዶሶና። \v 5 ሽን ፆሳ አይፈይ ይሁዳ ጭማታ ቦላ ደእያ ግሾ፥ ሀ ኦዳይ ዳርዮሳኮ ጋክን፥ ዳብዳበይ ያና ጋካናዉ ኤንታ ኦንካ ኦሶ ድግበና። \p \v 6 ኤፍራፂሳ ሻፋፐ ሄፍን ቢታ አይስያ ታንታናያ፥ ሳታርቡዛንነ ኤንታራ ኦያ ካዋ ዳርዮሳስ ፃፍዳ ዳብዳበይ ሀይሳ። \v 7 ኤንቲ እያዉ የድዳ ዳብዳበይ ሀይሳዳ ያግድ ናባበቴስ። \p ካዋ ዳርዮሳ፥ ሳሮይ ነዉ ግዶ። \p \v 8 ኑኒ ይሁዳ ቢታን ደእያ ግታ ፆሳ ኬ ብድ በእዳይሳ ካዎይ ኤሮ። ሄ ፆሳ ኬይ ግታ ሹቻን ኬፀትስ፤ ግምበ ቱሳት ከይዶሶና፤ ኦሶይካ ግታ አኬካንነ ኤሶን ኦሰትሸ ደኤስ። \p \v 9 “ኑኒ፥ ሀ ኬ ኬፃና ማላ ህንተዉ ማታ እምዳይ ኦኔ?” ያግድ ጭማታ ኦይችዳ። \v 10 ቃስ ኤንታና ካለያ አሳታ ሱንይ ኦነኮ ፃፍድ ነና ኤርሳናዉ ኤንታ ኦይችዳ። \p \v 11 ኤንቲ ሀይሳዳ ያግድ ዛርዶሶና፦ \p “ኑኒ ሳሎነ ሳአ ፆሳ አይለታ፤ ኑኒ ዳሮ ላይፈ ካሰ ግታ እስራኤለ ካዎይ ኬፅድ ፖልዳ ኬ ዛሪድ ኬፆስ። \v 12 ኑ አዋት ሳሎ ፆሳ ሀንቀዳ ግሾ፥ እ ኤንታ ባብሎነ ካዋ ናቡካዳናፆራ ኩሸን አድ እሚስ። እ ሀ ኬ ላልስ፤ አሳ ድእድ ባብሎነ ቢታ ኤፍስ።” \p \v 13 “ሽን ባብሎነ ካዎይ ቅሮስ ባ ካዎትዳ ኮይሮ ላይን፥ ፆሳ ኬ ዛር ኬፃና መላ አዋጆ ከስስ። \v 14 ናቡካዳናፆር የሩሳላመን ደእያ ፆሳ ኬፈ ኤክ ኤፍድ፥ ባብሎነ ቢታን ደእያ ባ ካዎ ጋን ዎዳ ዎርቃነ ብራ ሚሸታካ ቅሮስ ዛሪድ የድስ። ሄ ሚሸት ካዎይ ቅሮስ ይሁዳ ቢታ አይሳና መላ ዶርዳ ሰሳብሳራ ኩሸን እመትስ። \v 15 ካዎይ፥ ‘ሀ ሚሸታ ኤካ ኤፋዳ የሩሳላመን ደእያ ፆሳ ኬን ዎ፤ ፆሳ ኬይካ ካሰ ደእያ በሳን ኬፀቶ’ ያግን፥ \v 16 ሰሳብሳር ይድ፥ ‘ፆሳ ኬ ኬፅያ በሳን የሩሳላመን ባስስ። እ ሀእ ጋካናዉ ዉርቤና፤ ሄ ዎደፐ ዶምድ፥ ኬፀትሸ ደኤስ’ ” ያግዶሶና። \b \pi \v 17 “ህዛ ሀ ኦዳይ ካዋ ኡፋይስያባ ግድኮ፥ አነ ካዎይ ቅሮስ ሀ ፆሳ ኬ የሩሳላመን ኬፃና መላ፥ ቱማካ አዋጁዋ ከስዳኮ ኤራናዉ ካሰ አዳ ባብሎነ ካዎታ ታርከ ማዝጋበይ ኮየትድ ፄለቶ። ሄሳፈ ጉየ፥ ካዎይ ሀ ኦዳ ዋታናዉ ቆፕዳኮ ኑና ኤርሶ” ያግድ ፃፍዶሶና። \c 6 \s1 ዳርዮሳ አዋጁዋ \p \v 1 ሄሳ ግሾ፥ ካዎይ ዳርዮሳ ኪታን፥ ባብሎነ ደእያ ሚሸ ዎያ ኬን ደእያ ታርከ ማዝጋበታ ኮይዶሶና። \v 2 ሜዶና አዉራጃን አህማታ ካታማን እስ ፃ ማፃፍ በንትስ፤ ሄ ማፃፋን ፃፈትዳባይ ሀይሳዳ ያጌስ፦ \p \v 3 “ካዎይ ቅሮስ ባ ካዎትዳ ኮይሮ ላይን፥ የሩሳላመን ደእያ ፆሳ ኬ ግሾ፥ ሀይሳዳ ግያ አዋጆ ከስስ። ፆሳ ኬይ ያርሾ ሺሽያ በሲ ግድድ ዛር ኬፀቶ፤ እያ ባሶይካ የገቶ። ሄ ኬ አዱሳተይ ኡሱፑን ታሙ ዋ፥ ዳልጋተይ ኡሱፑን ታሙ ዋ ግዶ። \v 4 ሄ ቶሆ ግታ ሹቻን ዩሾ፥ እስ ቶሆ ም ቱሳት ዩዮ። ሄሳስ ኮሽያ ሚሸ ኡባይ ካዎ ሻሎ ምንጅያ ኬፈ እመቶ። \v 5 ናቡካዳናፆር የሩሳላመን ደእያ ፆሳ ኬፈ ኤክድ፥ ባብሎነ ኤህዳ ፆሳ ኬ ዎርቃነ ብራ ሚሸት ባንታ በሳ ጉየ የሩሳላመ ስሚድ፤ ፆሳ ኬን ደኦ” ያግስ። \b \p \v 6 ሄሳፈ ጉየ፥ ዳርዮስ ፃፍዳ ዳብዳበይ ሀይሳዳ ያጌስ። “ህንተኖ ኤፍራፂሳ ሻፋፐ ሄፍን ቢታ አይስያ ታታናያ፥ ሳታርቦዝንያነ ኤንታራ ኦይሳቶ፥ ሀ ፆሳ ኬኮ ሺቆፕተ። \v 7 ሀ ፆሳ ኬ ኦሱዋስ በ ግዶፕተ። አይሁደታ ሀላቃትነ አይሁደ ጭማት ፆሳ ኬ ካሰ በሳን ዛሪድ ኬፆ።” \pi \v 8 ሄሳ ቦላ ቃስ፥ “ሀ አይሁደ ጭማት ፆሳ ኬ ኬፅያ ዎደ፥ ኤንቲ ኦያ ኦሶይ ኤቆና መላ ኤንታዉ ኮሽያ ሚሸ ኡባ ኤፍራፂሳ ሻፋፐ ሄፍን ቢታፈ ሺሽዳ ካዋ ጊራ ሚሽያፐ ኤንታዉ እማና መላ ታኒ ኪታስ። \v 9 የሩሳላመን ደእያ ካህነት ሳሎ ፆሳስ ፁሳ ያርሾ ያርሻናዉ ኮሽያ ዎፋኖ ግድን፥ ማራዘ ግድን ዎይኮ ዶርሳ ኡርገ ግድን ኤንታዉ እምተ። ቃስ አይባካ ፓጭሶና ኤንቲ ኮይያ ግስተ፥ ማፅነ፥ ዎይነነ ዛይተ ኤንታዉ ጋላስ ጋላስ እምተ። \v 10 ሄሳ ህንተ እመይ ኤንቲ ሳሎ ፆሳ ኡፋይስያ ያርሾ ያርሻናሳነ ካዋስነ እያ ናይታስ ዎሳናሳ። \v 11 ሀ አዋጁዋ ላምያ ኦንካ ደእኮ፥ እያ ኬ ቱሳ ሾድድ፥ ሄ ቱሳ ቦላ እያ ካቆ፤ እያ ኬይካ ፕቶ የግያ በሰ ግዶ። \v 12 ሀ ኪታ ላማናዉ ዎይኮ የሩሳላመን ደእያ ፆሳ ኬ ላላናዉ ኩሸ ደንያ አይ ካዎይ ዎይኮ አስ ግድን፥ ባ ሱንይ ፄገታና መላ የሩሳላመ ዶርዳ ፆሳይ እያ ይሶ። ታኒ ዳርዮስ ሀይሳ ኪታስ። ሀ ኡባይ ምኖተን ፖለቶ” ያግስ። \s1 ፆሳ ኬ አንጅሶ ባኣለ \p \v 13 ሄሳፈ ጉየ፥ ኤፍራፂሳ ሻፋፐ ሄፍን ቢታ አይስያ ታታናያ፥ ሳታርቡዛንነ ኤንታራ ኦያ ኡባይ ካዎይ ዳርዮስ ኪትዳይሳዳ ምኖተን ኦድ ፖልዶሶና። \v 14 አይሁደ ጭማት ባንታ ኦሱዋ አጎና ኦዶሶና፤ ቃስ ናበይ ሀገይነ እዶ ናአይ ዛካርያስ ኦድዳ ቃላን ምነትዶሶና። እስራኤለ ፆሳይ ኪትዳይሳዳ ፋርሰ ካዎት ቅሮስ፥ ዳርዮስነ አርፀክስስ አዋጅዳይሳዳ ፆሳ ኬ ኬፅድ ዉርስዶሶና። \v 15 ዳርዮስ ካዎትዳ ኡሱፑን ላይን አዳረ ጌተትያ አጌናን ሄን ጋላሳን፥ ፆሳ ኬ ኦሶይ ፖለትስ። \p \v 16 እስራኤለ አሳይ፥ ካህነት፥ ሌወትነ ድኦፐ ስምዳ አሳ ኡባይ ፆሳ ኬ አንጅስያ ባኣለ ኡፋይሳን ቦንችዶሶና። \v 17 ሄ ባለይ ቦንቸትያ ዎደ ኤንቲ እስ ፄቱ ኮርማ፥ ናምኡ ፄቱ ማራዘ፥ ኦይዱ ፄቱ ዶርሳ ኡርገታ ያርሽዶሶና። ቃስ ናጋራ ያርሾስ ታማነ ናምኡ እስራኤለ ኮቻታ ታይቦን ታማነ ናምኡ ኮለ ያርሽዶሶና። \v 18 ሙሰ ማፃፋን ፃፈትዳይሳዳ፥ የሩሳላመን ደእያ ፆሳ ኬን ኦና መላ ካህነትነ ሌወት ኤንታ ማራዳ ማራዳ ዎዶሶና። \s1 ፓስካ ባኣለ \p \v 19 ድኦፐ ስምዳ አሳይ ኮይሮ አጌናን ታማነ ኦይዳን ጋላስ ፓስካ ባኣለ ቦንችዶሶና። \v 20 ካህነትነ ሌወት ባንታና ጌሽዶሶና፤ ኤንቲ ኡባይ ዎጋዳ ጌይዶሶና። ሌወት ድኦፐ ስምዳ ኡባስ፥ ካህነታስነ ባንታዉ ፓስካ ዶርሰ ሹክዶሶና። \v 21 ድኦፐ ስምዳ እስራኤለ አሳይነ አይሁደ ግዶና አሳይ ኦያ ቱናተፈ ባንታና ሻክድ፥ ጎዳኮ፥ እስራኤለ ፆሳኮ ስምዳ አሳ ኡባይ ፓስካ ምዶሶና። \v 22 ጎዳይ አሶረ ካዋ ቆፋ ላምድ እስራኤለ ጎዳ፥ ፆሳ ኬ ኬፅድ ፖላና መላ ማድዳ ግሾ፥ ኤንቲ ላፑን ጋላስ ኡይ ባኣለ ኡፋይሳን ቦንችዶሶና። \c 7 \s1 እዝር የሩሳላመ ዩሳ \p \v 1 ዳሮ ዎደፐ ጉየ፥ ፋርሰ ካዉአ አርፀክስስ ካዎትዳ ዎደ እዝራ ጌተትያ እስ አስ ደእስ። እዝር ሳራያ ናአ፤ አዛራ ናአ፤ ካልቀ ናአ፤ \v 2 ሳሉማ ናአ፤ ሳዶቃ ናአ፤ አክፁባ ናአ፤ \v 3 አማረ ናአ፤ አዛራ ናአ፤ ማራዮታ ናአ፤ \v 4 ዛራሀ ናአ፤ ኦዛ ናአ፤ ቡቃ ናአ፤ \v 5 አብሱ ናአ፤ ፍንሃሳ ናአ፤ ፍንሃስ አላዛራ ናአ፤ ካህነ ሀላቃ አሮና ናአ። \p \v 6 ሀይስ እዝር ባብሎነፐ ብስ። ጎዳይ፥ እስራኤለ ፆሳይ እምዳ ሙሰ ህግያ ኤርያ አስ። ጎዳ፥ ፆሳ ኩሸይ እያ ቦላ ደእያ ግሾ፥ እ ኦይችዳባ ኡባ ካዎይ እያዉ እሚስ። \v 7 ካዎይ አርፀክስስ ካዎትዳ ላፑን ላይን እስራኤለ አሳፐ ጉታራ፥ ካህነት፥ ሌወት፥ ዛማረት፥ ፐንገ ናገይሳትነ ፆሳ ኬ ኦሳንቾት እዝራራ እስፈ የሩሳላመ ብዶሶና። \v 8 ካዎይ ካዎትዳ ላፑን ላይን እቻሻን አጌናን እዝር የሩሳላመ ጋክስ። \v 9 ፆሳ ሎኦ ኩሸይ እያ ቦላ ደእያ ግሾ ኮይሮ አጌናን ኮይሮ ጋላስ ባብሎነፐ ከይድ፥ እቻሻን አጌናን ኮይሮ ጋላስ የሩሳላመ ጋክስ። \v 10 እዝር ጎዳ ህግያ ፃናኦን፥ ኦሶ ቦላ ፔሾንነ እስራኤለ አሳ እያ ዎጋነ እያ ህግያ ታማርሳናዉ ባ ዎዛና ጊግስስ። \s1 አርፀክስስ እዝራስ ፃፍዳ ዳብዳበ \p \v 11 ጎዳይ እስራኤለስ እምዳ ህግያነ ዎጋ፥ ሎይ ኤርያ ካህነነ ፃፈ ግድዳ እዝራስ ካዎይ አርፀክስስ ፃፍዳ ዳብዳበይ ሀይሳ። \p \v 12 “ካዎታ ካዋ አርፀክስሳፐ፥ ካህነነ ሳሎ ፆሳ ህገ ሎይ ኤርያ እዝራስ፥ ሳሮይ ነዉ ግዶ! \p \v 13 “ታ ካዎተ ግዶን ደእያ እስራኤለ አሳፐ ኦንካ፥ ካህነ ዎይኮ ሌወ ግድን፥ የሩሳላመ ባናዉ ኮይያ አሳይ ኔራ ባና መላ ታኒ ኪታስ። \v 14 ታንነ ታራ ዞረትያ ላፑን አሳት እስፈ ግድድ፥ ነ ኩሸን ደእያ ፆሳ ህግያዳ፥ ባዳ ይሁዳንነ የሩሳላመን ደእያ ሀኖተይ አይ መለኮ ኦይቻና መላ ነና ኪቶስ። \v 15 የሩሳላመን ደእያ እስራኤለ ፆሳስ፥ ታንነ ታራ ዞረትያ አሳት ኑ ዶሳን እምዳ ዎርቃነ ብራ እሞታ ኤካዳ ባ። \v 16 ሄሳ ቦላ ቃስ ኔኒ ባብሎነ ቢታ ኩመፈ ደምዳ ብራነ ዎርቃ ኡባ፥ ቃስ እስራኤለ አሳይነ ካህነት የሩሳላመን ደእያ ባንታ ፆሳ ኬስ ዶሳን እምዳ እሞታ ኤካዳ ባ። \v 17 ሀ ሚሽያን ኮርማታ፥ ማራዘታ፥ ዶርሳ ኡርገታነ፥ ካ ያርሾስነ ኡሻ ያርሾስ ኮሽያባ ሻማዳ፥ የሩሳላመን ደእያ ህንተ ፆሳ ኬን ያርሾ በሳን ያርሻ። \p \v 18 “ሄሳፈ ፓላህዳ ብራነ ዎርቃ ኔንነ ኔራ ደእያ አይሁደ ግድዳ ነ እሻት ህንተ ፆሳ ሸነን፥ ህንተ ኦናዉ ኮያባ ኦተ። \v 19 ቃስ ኑኒ ህንተ ፆሳ ኬስ፥ እምዳ ሚሸታ ኡባ የሩሳላመ ፆሳ ስንን ሺሻ። \v 20 ሄሳፈ ሀራባይ ፆሳ ኬስ ኮሽያባይ አይብካ ደእኮ፥ ካዎ ሚሸ ምንጅያ ኬፈ ኤካናዉ ዳንዳኣሳ። \p \v 21 “ታኒ ካዎይ አርፀክስስ ኤፍራፂሳ ሻፋፐ ሄፍንን ቢታን ደእያ ሚሸ ኬን አዋተይ ደእያ ኡባታስ ሀ ኪታ እማስ። ካህነነ ሳሎ ፆሳ ህግያ ሎይ ኤርያ እዝር ህንተና ኦይችያባይ አይባ ግድኮካ እያዉ እምተ። \v 22 ሄ ሙኩሉነ ኦይዱ ፄቱ ክሎ ግራመ ብራ፥ እስ ፄቱ ኩንታለ ግስተ፥ ናምኡ ሙኩሉ ልትሮ ዎይነ ኡሽ፥ ናምኡ ሙኩሉ ልትሮ ሻማሆ ዛይተነ ኮሽያ መላ ማፅነ እያዉ እምተ። \v 23 ካዋ ቦላነ ካዋ ናይታ ካዎተ ቦላ ሀንቆይ ዮና መላ ሳሎ ፆሳይ ባ ኬስ ኮይያባ ኡባ እምተ። \v 24 ካህነታፐ፥ ሌወታፐ፥ ዛማረታፐ ፐንገ ናገይሳታፐ፥ ፆሳ ኬ ኦሳንቾታፐነ ፆሳ ኬ ግዶን ዱማ ዱማ ኦሶ ኦያ አሳፐ ህንተ ጊራነ ቃራፃ ኤካናዉ ህንተዉ ማት ባዋ። \p \v 25 “ላ እዝራ፥ ኔኒ፥ ነዉ ፆሳይ እምዳ ጭንጫተን ኤፍራፂሳ ሻፋፐ ሄፍን ቢታን ደእያ ነ ፆሳ ህግያ ኤርያ አሳ ቦላ ፕርዳና መላ ዳይናታነ አይሰይሳታ ሹማ። ህግያ ኤሮና አስ ደእኮ ኔኒ ኤንታ ታማርሳ። \v 26 ነ ፆሳ ህግያነ ካዋ ህግያ ኪተቶና ኦንካ ደእኮ፥ እ ቃይ ባይና ሀይቆ ዎይኮ ጋደፐ ጎደቶ ዎይኮ እያ ሻሎይ ቦንቀቶ ዎይኮ ቃሾን ሴረቶ” ያግስ። \p \v 27 የሩሳላመን ደእያ ፆሳ ኬ ሀይሳዳ ቦንቸታና መላ ካዋ ዎዛናን ሀ ቆፋ ዎዳ ጎዳ፥ ኑ አዋታ ፆሳ ጋላት ጋኮ! \v 28 ካዋ፥ ካዉዋራ ዞረተይሳታነ እያራ ኦያ ዎልቃማ ሀላቃታ ስንን ባ ቴማ ታዉ እምዳ ፆሳስ ጋላት ግዶ! ጎዳ፥ ታ ፆሳ ኩሸይ ታራ ደእያ ግሾ፥ እስራኤለ ሀላቃታፐ ኤረትዳይሳታ ዶራዳ የሩሳላመ ኤካ ባና መላ እ ታዉ ምኖተ ግድስ። \c 8 \s1 እዝራራ ድኦፐ ስምዳ አሳ \p \v 1 ካዎይ አርፀክስስ ካዎትዳ ዎደ ታራ እስፈ ባብሎነ ቢታፈ ስምዳ ሶ አሳ ሀላቃት ሀይሳታ፤ \li1 \v 2 ፍንሃሳ ያራፐ ገርሶና፥ እታማራ ያራፐ ዳነላ፥ ዳዊታ ያራፐ ሳካና ናኣ ሀፁሳ፥ \li1 \v 3 ፓሮሳ ያራፐ ዛካርያሳነ ኤንታ የለታ ማራን ፃፈትዳ ሀራ እስ ፄታነ እሻታሙ አደታ። \li1 \v 4 ፓሀት-ሞአበ ያራፐ ዛራሀ ናኣ ኤልሆኤናያነ እያራ ደእያ ናምኡ ፄቱ አደታ። \li1 \v 5 ዛታ ያራፐ ያሀዝኤላ ናአ ሳካናነ እያራ ደእያ ሄ ፄቱ አደታ። \li1 \v 6 አድና ያራፐ ዮናታና ናኣ ኤቤዳነ እሻታሙ አደታ። \li1 \v 7 ኤላማ ያራፐ ጎቶላ ናአ ይሻያነ እያራ ደእያ ላፑን ታሙ አደታ። \li1 \v 8 ሳፋፃ ያራፐ ምካኤላ ናአ ዝባዳነ እያራ ደእያ ሆስፑን ታሙ አደታ። \li1 \v 9 እዮኣባ ያራፐ ይኤላ ናአ አብድዩነ እያራ ደእያ ናምኡ ፄታነ ታማነ ሆስፑን አደታ። \li1 \v 10 ባና ያራፐ ዮስፍያ ናአ ሳሎምታነ እያራ ደእያ እስ ፄታነ ኡሱፑን ታሙ አደታ። \li1 \v 11 በባያ ያራፐ በባያ ናኣ ዛካርያሳነ እያራ ደእያ ላታማነ ሆስፑን አደታ፥ \li1 \v 12 አዝጋዳ ያራፐ ሀቃፃና ናአ ዮሃናነ እያራ ደእያ እስ ፄታነ ታሙ አደታ። \li1 \v 13 አዶንቃማ ያራፐ ዉርሰን ስምዳይሳት፥ ኤልፋላፃ፥ ይኡኤላ፥ ሻማያነ ኤንታራ ደእያ ኡሱፑን ታሙ አደታ። \li1 \v 14 ብግዋያ ያራፐ ኡታያ፥ ዛኩራነ ኤንታራ እስፈ ሀራ ላፑን ታሙ አደታ። \p \v 15 ታኒ አሀዋኮ ጎግያ ሻፋ ማታን ኤንታ ሺሻስ። ኑኒ ሄ በሳን ዱንካንድ፥ ሄ ጋላስ ታክዳ። ታኒ ሄ በሳን ደእያ አሳነ ካህነታ ታይብያ ዎደ ሌወ ያራፐ እስ አስካ ደማብከ። \v 16 ሄሳ ግሾ፥ አላዛራ፥ አርኤላ፥ ሻማያ፥ ኤልናታና፥ ያርባ፥ ኤልናታና፥ ናታና፥ ዛካርያሳነ ማሱላማ ጌተተይሳታነ ጭንጫ አስ ግድዳ ዮያርባነ ኤልናታና ፄጋስ። \v 17 ኤንታ ካስፍያ ጌተትያ በሳን ሌወታስ ሀላቃነ ፆሳ ኬ ኦሳንቾ ግድዳ አዶስነ እያ ዳቦታስ ኦዳናባ አኬክሳዳ ኑ ፆሳ ኬን ኦያ አሰ ኤሀና መላ ኪታስ። \v 18 ኑ ፆሳ ሎኦ ኩሸይ ኑ ቦላ ደእያ ግሾ፥ እስራኤለ ናአ ሌወ ያራ ማህላ ያራነ ዳሮ ጭንጫ አስ ግድዳ ሳረባያ ጌተትያ አድያ ታማነ ሆስፑን እያ ናይታነ እያ እሻታ፥ ኑስ የድዶሶና። \v 19 ሄሳዳካ፥ ሀሻባ፥ ማራራ ያራ ግድዳ ያሻያ፥ እያ ናይታነ ላታሙ ግድያ እያ እሻታራ የድዶሶና። \v 20 ሄሳ ቦላ ካሰ አዋት ሌወታ ማዳና መላ ዳዊቲነ እያራ ኦያ ሀላቃት ሹምዳ ፆሳ ኬ ኦሳንቾታፐ ናምኡ ፄታነ ላታሙ አሳታ የድዶሶና። ሄሳት ኡባይ ባንታ ሱንን ፃፈትዶሶና። \p \v 21 ኑ ፆሳ ስንን ኑ ሁጵያ ካዉሽድ፥ ኦገይ ኑስ፥ ኑ ናይታስነ ኑ ሻሎ ኡባስ ሳሮ ግዳና መላ ዎሳና መላ ያን አሀዋ ሻፋ ማታን ፆማ አዋጃስ። \v 22 ካሰ ኑኒ ካዋስ፥ “ኑ ፆሳ ሎኦ ኩሸይ እያ ኮየይሳታ ቦላ ደኤስ፤ ሽን እያ ዎልቃማ ሀንቆይ እያ አገይሳታ ቦላ ደኤስ” ያግድ ኦድዳ ግሾ፥ ኑኒ ብያ ኦግያን ደእያ ሞርከታፐ ኑና ናጋና መላ ዎታዳረነ ፓራታ እማናዳ ካዋ ኦይቻናዉ ዬላታስ። \v 23 ሄሳ ግሾ፥ ኑኒ ፆምድ፥ ፆሳ ዎስዳ፤ እካ ኑ ዎሳ ስእስ። \p \v 24 ካህነ ሀላቃታፐ ሳረባያ፥ ሀሳባያነ ሀራ ኤንታ ዳቦ ግድዳ ታሙ አሳታ ዶራስ። \v 25 ካዎይ፥ እያራ ዞረተይሳት፥ እያ ሹማትነ እስራኤለ ኡባይ ኑ ፆሳ ኬስ እምዳ ብራ፥ ዎርቃነ፥ ሀራ ሚሸታ ኡባ ልካዳ ኤንታ ኩሸን ዎስ። \v 26 ታኒ ኤንታዉ እምዳባይ ሀይሳ፤ ላታማነ ናምኡ ሙኩሉ ክሎ ግራመ ብራ፥ ሄ ሙኩሉነ ኦይዱ ፄቱ ክሎ ግራመ ብራፐ ኦሰትዳ ሚሸታ፥ ሄ ሙኩሉነ ኦይዱ ፄቱ ክሎ ግራመ ዎርቃ፥ \v 27 ሆስፑን ክሎ ግራመነ ኦይዱ ፄቱ ግራመ ዎርቃፈ ኦሰትዳ ላታሙ ሳነታነ ዎርቃዳ አልኦነ ሙሩቶ ግድዳ ናሰ ብራታፐ ኦሰትዳ ናምኡ ሳነታ። \p \v 28 ሄሳፈ ጉየ፥ ታኒ ኤንታኮ ሀይሳዳ ያጋስ፤ “ህንተነ ሀ ሚሸት ጎዳስ ዱማትደታ፤ ሀ ብራይነ ዎርቃይ፥ አሳይ ባ ዶሳን ጎዳስ፥ ህንተ አዋታ ፆሳስ እምዳ እሞታ። \v 29 የሩሳላመን ደእያ ፆሳ ኬን ሚሸ ምንጅያ ኬ ጋክድ፥ ካህነ ሀላቃታ ስንን፥ ሌወታ ስንንነ እስራኤለ ያራታ ሀላቃታ ስንን እማና ጋካናዉ፥ ሀ ሚሸታ ሎይድ ናግተ” ያጋስ። \v 30 ሄሳ ግሾ፥ ካህነትነ ሌወት የሩሳላመን ደእያ ፆሳ ኬ ኤፋናዉ ብራ፥ ዎርቃነ ሀራ ሚሸታ ኡባ ምዛነን ልክድ አዋተን ኤክዶሶና። \p \v 31 ኮይሮ አጌናን ታማነ ናምአን ጋላሳን የሩሳላመ ባናዉ አሀዋ ሻፋ ማታፐ ደንድዳ። ኑ ቦላ ደእያ ኑ ፆሳ ሎኦ ኩሸይ ኑ ብያ ኦገን ደእያ ሞርከታፐነ ፓንጋታፐ ኑና አሽስ። \v 32 ኑኒ የሩሳላመ ጋክድ፥ ያን ሄ ጋላስ ሸምፕዳ። \p \v 33 ኦይዳን ጋላስ ብራ፥ ዎርቃነ ሀራ ሚሸታ ኡባ ልክድ፥ ኡራያ ናኣ ካህንያ ማረሞታስ እምዳ። ፍንሃሳ ናኣ አላዛር፥ ሌወ ግድዳ እያሱ ናኣ ዮዛባትነ ብንያ ናአ ኖኣድ እያራ እስፈ ደኦሶና። \v 34 ኡባባይ ሄ ዎደ ታይበት ልከትድ ፃፈትስ። \p \v 35 ሄሳፈ ጉየ፥ ድኦፐ ስምዳ አሳይ፥ እስራኤለ ፆሳስ፥ ታማነ ናምኡ ኮርማ፥ ኡዱፉን ታማነ ኡሱፑን ማራዘነ ላፑን ታማነ ላፑን ዶርሳ ኡርገታ ፁሳ ያርሾ ኦድ፥ ቃስ ታማነ ናምኡ ኮለ ናጋራ ያርሾ ኦድ ጎዳስ ያርሽዶሶና። ሄስ ኡባይ ፁሳ ያርሾ ግድድ ጎዳስ ሺቅስ። \v 36 ካዎይ ኪትዳ ኪታካ ካዉዋፐ ጋርሳራ ቢታ አይሰይሳታስነ ኤፍራፂሳ ሻፋፐ ሄፍን ቢታ አይሰይሳታስ እምዶሶና፤ ኤንቲ እስራኤለ አሳነ ፆሳ ኬ ኦሱዋ ማድዶሶና። \c 9 \s1 በሶና ኤኮ-ገሎ ዎጋ ድጉዋ \p \v 1 ሀ ኡባይ ሀንዳፐ ጉየ፥ ደርያ ካለይሳት ታኮ ይድ፥ ሀይሳዳ ያግዶሶና፤ “እስራኤለ አሳይ፥ ሀር አቶሽን፥ ካህነት፥ ሌወት፥ ባንታ ሄራን ደእያ፥ ካናነታ፥ ህተታ፥ ፓርዘታ፥ ያቡሰታ፥ አሞነታ፥ ሞአበታ፥ ግብፀታነ አሞረታ ቱናፐ ባንታና ሻክቦኮና። \v 2 ባንታዉነ ባንታ ናይታስ አይሁደ ግዶና ማጫ ናይታፐ ማቾ ኤክዶሶና፤ ሄሳ ጋሶን ጌሻ ዘረ አይሁደ ግዶና አሳራ ዋላክዶሶና። ሀ ባላን ኮይሮ ግድዳይ ካለይሳታነ ሀላቃታ” ያግዶሶና። \p \v 3 ታኒ ሀ ኦዳ ስእዳ ዎደ ታ ማኡዋነ ታ ቃምስያ ዳካስ፤ ታ ሁጵያነ ታ ቡቻ ስካስ፤ ዳሮ ዳጋማዳ ኡታ አጋስ። \v 4 ድኦፐ ስምዳ አሳይ ኦዳ ናጋራ ግሾ፥ እስራኤለ ፆሳይ ኦድዳ ቃላስ ያይዳ አሳ ኡባይ ታኒ ደእያ በሳ ታኮ ሺቅዶሶና። ኦማርሳ ያርሾ ያርሽያ ዎደ ጋካናዉ ዳጋማዳ ኡትዳ በሳፈ ደንዳብከ። \p \v 5 ሽን ኦማርሳ ያርሾይ ሺቅያ ዎደ፥ ታ ማኦይነ ታ ቃምሰይ ዳከትድ ደእሽን፥ ታኒ አዛናዳ ኡትዳ በሳፈ ደንዳስ። ጉልባታዳ ጎዳኮ፥ ታ ፆሳኮ፥ ታ ኩሽያ ደንዳ፥ ሀይሳዳ ያጋዳ ዎሳስ። \v 6 “አቤት ታ ፆሳዉ፥ ኑ ናጋራይ ዶረትድ ኑ ሁጵያፐ አዳ ግሾነ ኑ ናቆይ ሳሎ ጋክዳ ግሾ ታኒ ታ ሶምኡዋ ኔኮ ደንናዉ ያያይስነ ዬላታይስ። \v 7 ኑኒ ኑ ማይዛታ ዎደፐ ዶምን፥ ሀች ጋካናዉ፥ ነና ዳሮ ናቅዳ። ኑ ናጋራ ጋሶን ኑኒ፥ ኑ ካዎትነ ኑ ካህነት ሀእይሳዳ አላጋ ካዎታ ኩሸን ኩንድዳ፤ ማሻስ፥ ዶኦስ፥ ቦንቄስነ ዬላስ አድ እመትዳ። \p \v 8 “ሽን ሀእ ጎዳይ ኑ ፆሳይ ኑፐ ጉ አስ አሻናዉነ ባ ኬን ኑስ በሰ እማናዉ ኮይድ ጉ ዎደስ ማሮተ እሚስ። ሄሳ ግሾ ፆሳይ ኑ አይፊያ ዶይስ፤ ኑ አይለተን ደእሽን ጉ ዎደስ ሸምፖ እሚስ። \v 9 ኑኒ አይለ ግድኮካ፥ ኑ ፆሳይ ኑና አይለተን አግቤና፤ ኑ ደኡዋ ኦራስ። ኑ ፆሳ ኬ ኬፃና መላ፥ ላለትዳይሳ ኦራና መላነ ይሁዳንነ የሩሳላመን ሳሮ ዳና መላ ፋርሰ ካዎታ ስንን ኑስ ቴሞ እሚስ። \p \v 10 “ሽን ኑ ፆሳዉ፥ ሀእ ያትን፥ ኑኒ ዎይጋኔ? ሄኮ ሀእካ ነ ኪታ ቶችዳ። \v 11 ኑ ቶችዳይ ነ አይለ ግድዳ ናበታ ባጋራ ‘ህንተ ላታናዉ ገልያ ቢታይ፥ እን ደእያ አሳን ቱንዳሮ፤ ሀ ጋፃፐ ህን ጋፃ ጋካናዉ ኤንታ ኢታ ኦሱዋንነ ቱናተን ኩማሱ። \v 12 ሄሳ ግሾ፥ ህንተ ምኖ ግዳና መላ፥ ሄ ቢታ አይፍያ ማና መላነ መርናዉ ህንተ ናይታስ ላትሳና መላ፥ ህንተ ማጫ ናይታ ኤንታ አደ ናይታስ እሞፍተ፤ ኤንታ ማጫ ናይታ ህንተ አደ ናይታስ ኤኮፍተ። ኤንቲ ሳሮተንነ ዱረተን ዳና መላ አሞቶፍተ’ ያጋዳሳ። \p \v 13 “ኑ ቦላ ጋክዳ ኢታባ ኡባይ ኑ ኢታ ኦሱዋነ ኑ ግታ ናጋራ ጋሶና። ግዶሽን፥ ኔኒ ኑ ፆሳይ ኑ ናጋራ ዳሮተ መላ ኑና ፕርዳባካ፤ ሽን ኑፐ ጉታ አሻዳሳ። \v 14 ኑኒ ሀይሳ መላ ቱናባ ኦያ አሳራ ኤኮንነ ገሎን ዋላከትድ፥ ዋንድ ነ ኪታ እፃስ ጋኔ? ሀ አትዳ ጉ ኮቻይ ያና ጋካናዉ ነ ሀንቆይ ኑ ቦላ ዳረነዬ? \v 15 አቤት ጎዳዉ፥ እስራኤለ ፆሳዉ፥ ኔኒ ፅሎ፤ ኑኒ ሀእ ጋካናዉ አትድ ደኦን ደኦስ። ኑ ናጋራ ጋሶን ኑፐ እሶይካ ነ ስንን ኤቃናዉ ዳንዳኤይ ባዋ፤ አትዳይሳት ሀች ሀይሳን ነ ስንን ደኦስ” ያጋስ። \c 10 \s1 አሳይ ባንታ ናጋራ ፓፅዶሶና \p \v 1 እዝር ፆሳ ኬ ስንን ኩንድድ ዬክሸ ዎስያ ዎደነ ናጋራ ፓፅያ ዎደ ማጭ፥ አደይነ ናእ ደእያ እስራኤለ አሳይ እያኮ ሺቅድ፥ ይባታ ዬሆ እያራ ዬክዶሶና። \v 2 ኤላማ ያራ ግድዳ ይኤላ ናአይ ሳካን ሀይሳዳ ያግስ፤ “ኑኒ ኑ ዩሾን ደእያ አላጋ ማጫሳታ ኤክድ፥ ኑ ፆሳስ አማነትቦኮ። ግዶሽን፥ ሀእካ እስራኤለስ ኡፋይስ ደኤስ። \v 3 ታ ጎዳዉ፥ ኔንነ ኑ ፆሳ ኪታ ናገይሳት ዞርዳይሳዳ ኑኒ ሀ ማጫሳነ ኤንታፈ የለትዳ ናይታ ኡባ የዳናዉ ቃላ ገሎስ። ሄስ ኡባይ ጎዳ ህገይ ገይሳዳ ፖለቶ። \v 4 እዝራ፥ ሀ ኦሶይ ነ ኩሸን ደኤስ፥ ደንዳ፤ ኑኒ ነና ማዳና፤ ምና!” ያግስ። \p \v 5 እዝር ደንድ ኤቅድ፥ ካህነታ፥ ሌወታነ እስራኤለ አሳ ኡባ ሀ ጌተትዳይሳታ ኦና መላ ጫቅስስ፤ ኤንትካ ጫቅዶሶና። \v 6 እዝር ፆሳ ኬ ስንፈ ደንድድ፥ ኤልያሴባ ናአይ ዮሃን ደእያ ክፍለ ገልስ። ያን ድኦፐ ስምዳ አሳይ ናጋራስ ዬክሸ አቅዳ ግሾ፥ ሄ በሳን ካ ምቤና፤ ሃካ ኡይቤና። \p \v 7 ድኦፐ ስምዳ አሳይ የሩሳላመ ሺቃና መላ፥ ይሁዳንነ የሩሳላመን አዋጅዶሶና። \v 8 ሀ ሄ ጋላሳታ ግዶን ሄ በሳን ሺቆና ኦንካ ደእኮ፥ እያዉ ደእያባይ ኡባይ ኤከታና መላነ እካ ድኦፐ ስምዳ አሳ ሺቁዋፐ ኩረታና መላ ሀላቃትነ ጭማት ኦዳ ኩይዶሶና። \p \v 9 ሄ ጌተትዳ ሄ ጋላሳታ ግዶን፥ ኡዱፉን አጌናን ላታማን ጋላሳን ይሁዳነ ብንያመ አሳ ኡባይ የሩሳላመ ሺቅዶሶና። ሀ ዴፆ ኦዳነ ዎልቃማ እራ ጋሶን፥ ኮኮርሸ፥ ፆሳ ኬ ስንን ደእያ ዳባባን ኡትዶሶና። \v 10 ካህነ እዝር ደንዲድ ሀይሳዳ ያግስ፤ “ህንተ አማነቶና እፅደታ፤ አላጋ ማጫሳታ ማቾ ኤክድ፥ እስራኤለ ናቁዋ ቦላ ናቆ ጉጅደታ። \v 11 ህንተ ናጋራ ጎዳስ፥ ህንተ አዋታ ፆሳስ ፓፅተ፤ እያ ኡፋይስያባ ኦተ። ሄ ቢታን ደእያ አይሁደ ግዶና አሳፐነ ህንተ ኤክዳ አይሁደ ግዶና ህንተ ማቸታፐ ሻከትተ” ያግስ። \p \v 12 ሺቅዳ አሳይ ባንታ ቃላ ቁ ኦድ፥ ሀይሳዳ ያግዶሶና። “ነ ግያባ ኡባ ኑኒ ኦና! \v 13 ሽን ሀይሳን ሺቅዳ አሳይ ዳሮ፤ ሄሳ ቦላ ዎልቃማ እር ቡኬስ። ኑኒ እራፐ አትያ በሲ ሀይሳን ባዋ። ሀ ናጋራን ቆህዳ አሳይ ዳሮ ግድዳ ግሾ፥ እስ ጋላሳን ዎይኮ ናምኡ ጋላሳን ሀ ኦዳ ፖላናዉ ዳንዳኦኮ። \v 14 ሀ ሺቅዳ አሳ ሱንን ኑ ሀላቃት የሩሳላመን ጋምእድ፥ ኮሽያባ ኦ። ሄሳ ጋሶን ደንዳዳ ፆሳ ዎልቃማ ሀንቆይ ኑፐ ስማና ጋካናዉ፥ ኑ ካታማታን ደእያ አይሁደ ግዶና ማጫሳታ ኤክዳ ኡባይ ኬርዳ ቃማን ካታማታ ጭማትነ ዳይናታራ እስፈ የሩሳላመ ዮ። \v 15 አሳሄላ ናአይ ዮናታንነ ተቁዋ ናአይ ያህዝ ኤንታ ቆፋ ጳልቅዶሶና፤ ማሱላምነ ሌወ ግድዳ ሳባት ኤንታና ማድዶሶና” ያግዶሶና። \p \v 16 ድኦፐ ስምዳ አሳይ ግዳይሳዳ ኦዶሶና። ካህነይ እዝር ኡባ ኮቻታፐ ሀላቃታ ዶርድ፥ ኡባ ኤንታ ሱንን ሱንን ፃፍስ። ታማን አጌናን ኮይሮ ጋላሳን ሀላቃት ኦዳ ፕልግድ በኦ ዶምዶሶና። \v 17 ኮይሮ አጌናን ኮይሮ ጋላሳይ ጋካናዉ፥ አይሁደ ግዶና ማጫሳታ ኤክዳ አሳታ ኡባ ፕልግድ ዉርስዶሶና። \s1 አላጋ ማቾ ኤክዳ አሳታ \p \v 18 ካህነ ኮቻታ ግዶፈ አላጋ ማጫሳታ ኤክዳይሳት ሀይሳታ፤ እዮሳደቃ ናአ እያሱ ኮቻታፐነ እያ እሻታ ግዶፈ ማእሰያ፥ አላዛራ፥ ያርባነ ጎዶልያ። \v 19 ኤንቲ ባንታ ማቸታ የዳናዉ ቃላ ገልዶሶና፤ ባንታ ናጋራ ግሾ፥ ዉድያፐ እስ እስ ማራዘ ናቆ ያርሾ ኦድ ያርሽዶሶና። \v 20 እመራ ያራፐ አላጋ ማቸታ ኤክዳይሳት ሀናናነ ዛባዳ። \v 21 ሀርማ ያራፐ ማእሰያ፥ ኤልያሳ፥ ሻማያ፥ ይኤላነ ኦዝያ። \v 22 ፓስኮራ ያራፐ ኤልዮአናያ፥ ማእሰያ፥ እስማኤላ፥ ናትናኤላ፥ ዮዛባታነ ኤልስ። \p \v 23 ሌወታፐ፥ ዮዛባታ፥ ሳመአ፥ ቃልፃ ጌተትያ ቀላያ፥ ፋታያ፥ ይሁዳነ አላዛራ። \p \v 24 ዛማረታፐ፥ ኤልያሴባ። \p ፐንገ ናገይሳታፐ፥ ሳሉማ፥ ፀለማነ ኡረ። \p \v 25 እስራኤለታፐ፥ ፋሮሳ ያራፐ ራምያ፥ ይዛያ፥ ማልክያ፥ ማያምና፥ አላዛራ፥ ማልክያነ ባናያ። \p \v 26 ኤላማ ያራፐ ማታና፥ ዛካርያሳ፥ ይኤላ፥ አብዳ፥ ይረሞታነ ኤላ። \p \v 27 ዛታ ያራፐ ኤልዮአና፥ ኤልያሴባ፥ ማታና፥ ይረሞታ፥ ዛባዳነ አዚዛ። \p \v 28 ባባያ ያራፐ ዮሃና፥ ሀናና፥ ዛባያነ አትላያ። \p \v 29 ባና ያራፐ ማሱላማ፥ ማሉካ፥ አዳያ፥ ያሱባ፥ ሻላነ ይረሞታ። \p \v 30 ፓሀት-ሞአባ ያራፐ አድና፥ ካላላ፥ ባናያ፥ ማእሰያ፥ ማታና፥ ባስልኤላ፥ ብኑያነ ምናሰ። \p \v 31 ካርማ ያራፐ አላዛራ፥ ይሸያ፥ ማልክያ፥ ሻማያ፥ ስሞና፥ \v 32 ብንያመ፥ ማሉካነ ሳማራያ። \p \v 33 ሀሱማ ያራፐ ማታና፥ ማታታ፥ ዛባዳ፥ ኤልፋላፃ፥ የረማያ፥ ምናሰነ ሳመአ። \p \v 34 ባና ያራፐ ማዳያ፥ አምራማ፥ ኡላ፥ \v 35 ባናያ፥ በዳያ፥ ካልቀ፥ \v 36 ዋንያ፥ ማረሞታ፥ ኤልያሴባ፥ \v 37 ማታና ማትናያነ ያእሳ። \p \v 38 ብኑያ ያራፐ ሳማአ፥ \v 39 ሰለማ፥ ናታና፥ አዳያ፥ \v 40 ማክናዳባያ፥ ሳሳያ፥ ሳራያ፥ \v 41 አዛርኤላ፥ ሰለማ፥ ሳማራ፥ \v 42 ሳሉማ፥ አማረነ ዮሰፋ። \p \v 43 ናቦ ያራፐ ይኤላ፥ ማትታ፥ ዛባዳ፥ ዛብና፥ ያዳያ፥ እዩኤላነ ባናያ። \p \v 44 ሀ ኡባይ አይሁደ ግዶና ማቸታ ኤክዳይሳታ፤ እሶት እሶት ናአካ የልዶሶና።