\id EZK - GOOFA FULL BIBLE
\ide UTF-8
\h ህዝቄላ ማፃፋ
\toc1 ህዝቄላ ማፃፋ
\toc3 ህዝ
\toc2 ህዝቄላ
\mt ህዝቄላ ማፃፋ
\imt ጋ ቆፋ
\ip ህዝቄል ክ.የ.ስ. 597 ላይን ድኤትድ ባብሎነ ብዳ አሳፐ እሱዋ፥ ሽን እያ ዎደን ደእዳ ኤርምያስ ድኤትድ ቦና የሩሳላመን አትስ። ሄ ዎደ ካዎይ ዮአክን፥ ይሁዳፐ እያራ እስፈ ድኤትድ ብስ (\xt 2 ካዎ 24:11-16፤ ህዝ 1:2\xt*)። ባብሎነት እያ በሳን ሰደቅያሳ ካዎ ኦድ ሹምዶሶና (\xt 2 ካዎ 24:17—25:21፤ ኤርም 1:3\xt*)። ናብያ ህዝቄል፥ የሩሳላመይ ላለታናፐ ስንነ ላለትዳፐ ጉየ፥ ድኤትድ ባብሎነን ደእስ። እ ትንብተ ኦድዳይ ባብሎነን ድኤትድ ደእያ አሳስነ የሩሳላመን ደእያ አሳሳ።
\ip ህዝቄል ግታ አማኖይ ደእያ አስነ ሃስድ ቆፕያ አስ። ስንፈ ሀናናባ ኡባ ቆንጨን በእስ። እያ ኪታፐ ዳሮ ባጋይ ቆንጭዳይ ሌምሶና። ህዝቄል፥ አስ ባ ጋ አሳተን፥ ባ ዎዛናንነ ባ አያናን ኦራፃናዉ ኮሸይሳነ እስ እስ አስ ባ ናጋራን ኦይሸታናዉ ደኤይሳ ፓድድ በስስ (\xt 36:22-38፤ 37:26፤ 18:19-20\xt*)። ህዝቄል ካህነነ ናበ ግድያ ግሾ፥ ፆሳ ኬባነ ጌሻተባ ዱማይድ በስስ። ህዝቄል ባዉ ዱማትዳ አስ፤ እ በእዳ ቆንጨት አሳስ እማ፤ እ ባ ኪታ ኦዳናዉ ጎኤትዳ ኦገትካ እማ። እስራኤለነ ይሁዳ ሀኖታ በሳናዉ ባንታ አዝና አግድ ላይማታናዉ ከይዳ ጌላኦታ ሌምሶን በሴስ (ሸም 16፥ 23)።
\ip ህዝቄል ትንብተ ኦድዳይ ባንታ ቢታን ደእያ ይሁዳ አሳስ ግዶናሽን፥ እያራ እስፈ ድኤትድ ባብሎነን ዋየንነ መቶን ደእያ አሳሳ (ሸም 4-24)። እያ ኪታይ ፆሳ ቦንቾነ ጌሻተ ቦላ ጫድድ ኦዴስ። እስራኤለይ ፆሳራ ገልዳ ጫቁዋ መንሱ (ሸም 16-17)፤ ፆሳ ኬ፥ የሩሳላመ ካታማነ ቢታ ኩመ ቱንሳሱ። ሄሳ ግሾ፥ ፆሳይ ባ አሳ ላላናነ ፕርዳና፤ የሩሳላመ ካታማይ ያና። የሩሳላመይ ተቀታናይስነ ያናይስ እያዉ ኦደትያ ዎደ (\xt 24:1-14\xt*)፥ እያ ማችያ ሀይቃናይስካ እያዉ ኦደትስ። እ ባ ማቼስ ዬኮና መላ እያዉ ኦደትስ፤ ሄስካ ድኦን ደእያ አሳይ የሩሳላመይ ይያ ዎደ ዬኮና መላ ኦዳናሳ (\xt 24:15-27\xt*)።
\ip ፆሳይ ባ ጫቁዋ ናግያ ግሾ፥ ባ ሱን ቦንችያ ግሾነ ባ አሳ አሻናዉ ኮያ ግሾ፥ እ ባ አሳ ጌሻናነ ዛሪድ ኤንታ፥ ኤንታ ቢታን ኤሳና።
\ip ህዝቄላ ማፃፋይ ኦይዱ ክፍለታን ሻከቴስ።
\ipi 1. ፆሳ ፕርዳይ አሳ ቦላ ያናዉ ማትዳይሳነ የሩሳላመ ኦይከተይነ ላለተይ ጋክዳይሳ ምንድ ኤርስያ ክፍልያ (ሸም 1—3)።
\ipi 2. ፆሳይ ባ ደርያ ኡንኤድ ሃርዳ ዱማ ዱማ ካዎተታ ሴራናዉ ደኤይሳ ኦድያ ክፍልያ (ሸም 4—24)።
\ipi 3. የሩሳላመ ኩንደፈ ጉየ እስራኤለ አሳ ምንናዉ እመትዳ ኪታነ ስንፈ ሎኦ ቃድ ደኤይሳ ኦድያ ኡፋይሳ ቃል ደእያ ክፍልያ (ሸም 25—32)።
\ipi 4. ፆሳ ኬነ እስራኤለ ካዎተይ በን ባ በሳ ስማናይሳ ህዝቄል ምስለን ቆንጭስዳ ክፍልያ (ሸም 33—48)።
\iot ማፃፋ አይፈ ቆፋታ
\io1 ህዝቄላ ፄገተነ ቆንጨ (\ior 1:1—3:27\ior*)
\io1 የሩሳላመነ ይሁዳ ቦላ ኦደትዳ ፕርዳ (\ior 4:1—24:27\ior*)
\io2 ያና ፕርዳ በሲያ ማላታ (\ior 4:1—5:17\ior*)
\io2 ያና ፕርዳ በሲያ ኪታታ (\ior 6:1—7:27\ior*)
\io2 ያና ፕርዳ በሲያ ቆንጨታ (\ior 8:1—11:25\ior*)
\io2 ያና ፕርዳ በሲያ ሌምሶታ (\ior 12:1—24:27\ior*)
\io1 አላጋ ካዎተታስ ኦደትዳ ፕርዳ (\ior 25:1—32:32\ior*)
\io1 ያና ኡፋይሳ ኦድያ ትንብተ (\ior 33:1—39:28\ior*)
\io1 ያና ኡፋይሳ በሲያ ቆንጨ (\ior 40:1—48:35\ior*)
\c 1
\s1 ፆሳ ቦንቹዋ
\p
\v 1 ሀስታማን ላይን፥ ኦይዳን አጌናን፥ እቻሻን ጋላስ፥ ታኒ ኮቦራ ሻፋን ድኤትዳ አሳ ግዶን ደእሽን ሳሎት ዶየትን፥ ፆሳ ቆንጨ በአስ። 
\v 2 ካዎይ ዮአክን ድኤትዳ እቻሻን ላይን፥ ሄ አጌናን እቻሻን ጋላሳን፥ 
\v 3 ካልዳወታ ቢታን ኮቦራ ሻፋ ማታን ደእያ ታኮ፥ ቡዛ ናኣ፥ ካህንያ ህዝቄላኮ፥ ጎዳ ቃላይ ይስ፤ ጎዳ ዎልቃይ ታና ሃርስ።
\p
\v 4 ታ ፄልያ ዎደ ጎተይ ፑደሀ ባጋፈ ይሽን በአስ፤ ዎልቃማ ሻራ ግዶፈ ዎልአን በንቴስ፤ እያ ዩሹዋን ደእያ ሳሎይ ፖእስ። ታማ ግዶ ባጋይ ጶልያ ናሰ ብራታ ዳኔስ። 
\v 5 እያ ግዶን ኦይዱ ደኦን ደእያ መተት ደኦሶና። ኤንታ ማላይ አሳ ማላ ዳኔስ። 
\v 6 ኤንታ እሱዋስ እሱዋስ ኦይዱ ኦይዱ ሶምኦይነ ኦይዱ ኦይዱ ቀፈይ ደኤስ። 
\v 7 ኤንታ ገዳይ ስት ግስ፤ ኤንታ ቶሆይ መሄ ቅንጫፍለ መላ፤ ሄ ቶሆት ቁችድ ጌሽዳ ናሰ ብራታዳ ጶሌስ። 
\v 8 ኤንታ ቀፍያፐ ጋርሳራ ኦይዱ ባጋራ አሳ ኩሸ ዳንያ ኩሸይ ደኤስ። ሄ ኦይዱ መተታስ ሶምኦይነ ቀፈይ ደኤስ። 
\v 9 ኤንታ ቀፈይ እሶይ እሱዋ ቦቼስ፤ ኤንቲ ኡባይ ያ ሃ ስሞና ስት ግድ ስን ቦሶና። 
\v 10 ኤንታ እሱዋስ እሱዋስ ስን ባጋራ አሳ ሶምኦይ ደኤስ፤ ኡሻቻ ባጋራ ጋሞ ሶምኦይ ደኤስ፤ ሀድርሳ ባጋራ ቦራ ሶምኦይ ደኤስ፤ ጉየ ባጋራ አርጋን ሶምኦይ ደኤስ። 
\v 11 ኤንታ ቀፈይ ቁ ግድ ምጨትድ ኡትስ፤ ኤንታ እሱዋ እሱዋ ናምኡ ቀፈይ ናምኡ ባጋራ ሀንኮ መተታ ቀፈይ ቦቼስ፤ ናምኡ ቀፈይ ኤንታ አሳተ ካሜስ። 
\v 12 ኤንቲ ኡባይ ስት ግድ ስን ቦሶና፤ ያ ሃ ስሞና፥ ፆሳ አያናይ ብያ ሶ አዉካ ቦሶና። 
\v 13 ሀ ደኦን ደእያ መተታ ግዶን እስ ኤፅያ ታማ ቦንቆ ዳነይስ ደኤስ። ሄ ታማይ ስንነ ጉየ ቃፅያ፥ ኤፅያ ፆምፐ ዳኔስ፤ ሄ ታማይ ጶሌስ፤ እያ ግዶፈ ዎልአን ከዬስ። 
\v 14 ሀ ደኦን ደእያ መተት ዎልአንዳ ስንነ ጉየ ኤሶን ስመረቶሶና።
\p
\v 15 ሄኮ፥ ሀ ኦይዱ መተታ ታ በእያ ዎደ፥ ኤንታ ምየን፥ ሳአን ደእያ ገርቶታ በአስ፤ እስ እስ መተ ምየን እስ እስ ገርቶይ ደኤስ። 
\v 16 ሀ ገርቶት አልኦ ሹቻዳ ጶሎሶና፤ ኤንቲ ኦይዳይ መንነ ማላን እሶይ እሱዋ ዳኖሶና። እስ ገርቶይ ሀንኮ ገርቱዋ ግዶራ ካንድ አዳባ ዳኔስ። 
\v 17 ኤንቲ ብያ ዎደ ኦይዱ ባጋፈ አዉ ስሚድ ባነኮ ያ ሃ ስሞና ቦሶና። 
\v 18 ግታነ ያሽያ ኦይዱ ገርቶት ደኦሶና፤ ሄ ገርቶታስ ጋፅ ደኤስ፤ ሄ ጋፃ ዩሾይ አይፈን ኩምድ ኡትስ።
\p
\v 19 ሀ መተት ብያ ዎደ፥ ኤንታ ምየን ደእያ ገርቶት ገንደረቶሶና። ሄ መተት ቢታፈ ፑደ ደንድያ ዎደ ገርቶትካ ደንዶሶና። 
\v 20 አያናይ ብያ አዉካ ኤንቲ ደንድድ ቦሶና። ሄስ ሀነይ፥ ደኦ አያናይ ገርቶታ ግዶን ደእያ ግሾሳ። 
\v 21 ደኦ አያናይ ገርቶታ ግዶን ደእያ ግሾ፥ መተት ብያ ዎደ ገርቶት ቦሶና፤ መተት ኤቅያ ዎደ ገርቶት ኤቆሶና፤ መተት ቢታፈ ፑደ ደንድያ ዎደ ገርቶት ኤንታራ ደንዶሶና።
\p
\v 22 ደኦን ደእያ መተታ ሁጰ ሶፐ ቦላ ባጋራ ማስቶተዳ ጶልድ አይፈ ጫድያ ሳሎ ጉፋን ዳንያባይ ምጨትድ ደኤስ። 
\v 23 ሄ ሳሎ ጉፋንዋፈ ጋርሳ ባጋራ ኤንታ ቀፈይ ስት ግድ፥ እሶይ እሱዋኮ ምጨትድ ኡትስ። ኤንታ ኡባስ ባንታ አሳተ ካምያ ናምኡ ናምኡ ቀፈይ ደኤስ። 
\v 24 መተት ፓልያ ዎደ ኤንታ ቀፍያ ግርሳይ ሃ ክፃ ጉንዳ፥ ኡባ ዳንዳእያ ፆሳ ቃላዳነ ዳሮ ኦላንቾታ ኮሽንቻዳ ሀነይሳ ስአስ። ኤንቲ ፓሎ አግያ ዎደ ባንታ ቀፍያ ሺሽድ ኤኮሶና።
\p
\v 25 ኤንቲ ባንታ ቀፍያ ሺሽ ኤክድ፥ ሄ በሳን ኤቅዳሽን፥ ኤንታ ሁጰ ሶፐ ቦላ ባጋራ ደእያ ሳሎ ጉፋንዋፈ ቦላ ቃፈ ግርስ ስኤትስ። 
\v 26 ሳሎ ጉፋንዋፈ ቦላ ባጋራ ሳንፓረ ጌተትያ አልኦ ሹቻፈ መትዳ አራታ ዳነይስ ደኤስ፤ አራታ ዳነይሳ ቦላ አሰ ዳነይስ ኡትስ። 
\v 27 ታኒ እያ በእያ ዎደ እያዉ ፄሰ ዳነይሳፈ ቦላ ባጋይ ታማን ደእያ ናሰ ብራታዳ ጶሌስ። እያፐ ጋርሳ ባጋይ ታማ ዳኔስ፤ እያ ዩሾን ጶልያ ፖኦይ ደኤስ። 
\v 28 እያ ዩሹዋን ደእያ ጶልያ ፖኦይ እራ ዎደ ሻራን ኤቅያ ዙላ ዳኔስ።
\p ሀይስ ጎዳ ቦንቾ ቆንጨ ዳኔስ። ታኒ ሄሳ በእዳ ዎደ ቢታን ዱገ ጉፋናዳ እስ ቃላ ግርስ ስአስ።
\c 2
\s1 ህዝቄላ ፄገተ
\p
\v 1 እ ታኮ፥ “አሳ ናአዉ፥ ደንዳ ኤቃ። ታ ኔራ ኦደታናዉ ኮያይስ” ያግስ። 
\v 2 እ ታራ ኦደትያ ዎደ ፆሳ አያን ታ ግዶ ገልድ፥ ታና ታ ቶሁዋን ኤስስ፤ እ ታዉ ኦደይሳ ስአስ።
\p
\v 3 “አሳ ናአዉ፥ ታ ነና እስራኤለ አሳኮ፥ ታ ቦላ ማካልዳ ደርያኮ ኪታይስ። ኤንትነ ኤንታ ማይዛት ሀች ጋካናዉ ታ ቦላ ማካልዳ መላ ደኦሶና። 
\v 4 ኤንቲ ዎዛና ሙመነ ዬል ባይናይሳታ ግድያ ግሾ፥ ታ ነና ኤንታኮ ኪታይስ። ታኒ፥ ኡባ ሃርያ ጎዳይ ሀይሳዳ ያጋይስ። 
\v 5 ሀ ማካላንቾ አሳይ ስእን፥ ስኦና እፅን፥ ናበይ ኤንታ ግዶን ደኤይሳ ኤንቲ ኤራና። 
\v 6 አሳ ናአዉ፥ ኤንታዉነ ኤንታ ቃላስ ያዮፋ! ክንቾተይነ ፁንዱቀይ ነ ዩሾን ደእኮካ፥ ቃስ ኮርነታ ግዶን ነ ኡትኮካ ያዮፋ። ኤንቲ ማካላንቾ ኮቸ ግድያ ግሾ ኤንታዉ ዎይኮ ኤንታ ቃላስ ያዮፋ። 
\v 7 ኤንቲ ማካላንቾ ኮቸ ግድያ ግሾ ኤንቲ ስእን፥ ስኦና እፅን ታ ቃላ ኤንታዉ ኦዳ። 
\v 8 ሽን፥ አሳ ናአዉ፥ ታ ነዉ ኦደይሳ ስአ። ሀ ማካላንቾ አሳዳ ነካ ማካላንቾ ግዶፓ፤ ነ ዶና ዶያዳ ታ ነዉ እመይሳ ማ” ያግስ።
\p
\v 9 ታ ፄልያ ዎደ፥ ሄኮ፥ ታኮ ምጨትዳ ኩሸ በአስ፤ ሄ ኩሽያን ፃ ማፃፍ ደኤስ። 
\v 10 እ ታ ስንን ሄ ፃ ማፃፋ ብልስ፤ ሄ ማፃፋስ ናምኡ ባጋራ ዬሆይ፥ አዛኖይነ ዘለልስ ሁጰ ቆፋ ግድድ ፃፈትስ።
\c 3
\p
\v 1 ፆሳይ፥ “አሳ ናአዉ፥ ነ ስንን ደኤይሳ ማ፤ ሀ ፃ ማፃፋ ማ፤ ባዳ፥ እስራኤለ አሳስ ኦዳ” ያግስ። 
\v 2 ሄሳ ግሾ፥ ታኒ ታ ዶና ዶይን፥ እ ታና ፃፃ ማፃፋ ባርስስ። 
\v 3 እ ታኮ፥ “አሳ ናአዉ፥ ሀ ታ ነና ባርስያ ፃ ማፃፋ ማ፤ እያራ ነ ኡሉዋ ኩን” ያግስ። ታ ምያ ዎደ ታ ዶናን ኤሳዳ ማልእስ።
\p
\v 4 ፆሳይ ታኮ፥ “አሳ ናአዉ፥ ደንዳዳ፥ እስራኤለ አሳኮ ባ፤ ታ ቃላ ኤንታዉ ኦዳ። 
\v 5 ኔኒ ኪተትዳይ፥ ኤንታ ዶናይ ኤረቶናነ ቃላይ ገሎና አሳኮ ግደና፤ ሽን ኔኒ እስራኤለ አሳኮ ኪተታዳሳ። 
\v 6 ታኒ ነና ኤንታ ቃላይ ገሎና፥ ኤንታ ዶናይ ኤረቶናነ አኬካናዉ መትያ ዳሮ ደርያኮ ታ ነና ኪታብከ። ታ ነና ኤንታኮ ኪትዳባ ግድያኮ፥ ኤንቲ ነ ኦድያባ ስአናሽን። 
\v 7 እስራኤለ አሳይ ታ ኦድያባ ስአናዉ ኮዮና ግሾ፥ ነ ኦደይሳ ስኦኮና። እስራኤለ አሳይ ዎዛና ሙመነ ዬል ባይናይሳታ ግድያ ግሾ ነ ኦድያባ ስኦኮና። 
\v 8 ሽን ታኒ ነና ኤንታዳ ዎዛና ሙመነ ዬል ባይናይሳ ኦና። 
\v 9 ታኒ ነና ያሽ ባይናነ ዛላፈ አዳ ምኖ ኦና። ኤንቲ ማካላንቾ ግድኮካ፥ ኤንታዉ ያዮፋ፤ ኤንታዉ ዳጋሞፋ” ያግስ።
\p
\v 10 ጉጅድ ፆሳይ፥ “አሳ ናአዉ፥ ታ ነዉ ኦድያ ቃላ ኡባ ምንዳ ስአ፤ አኬካ። 
\v 11 ድኦን ደእያ ነ አሳኮ ባዳ ኤንታዉ ኦዳ። ኤንቲ ስእን፥ ስኦና እፅን፥ ታኒ ኡባ ሃርያ ጎዳይ ኦደይሳ ኤንታዉ ኦዳ” ያግስ።
\p
\v 12 ሄሳፈ ጉየ፥ አያናይ ታና ፑደ ደንስ፤ ጎዳ ቦንቾይ ባ በሳፈ ፑደ ደንድያ ዎደ\f + \fr 3:12 \fr*\ft እስ እስ ማፃፋታን “ሳሎን ደእያ ጎዳ ቦንቾይ ጋላተቶ” ያጌስ፤\ft*\f* ታፐ ጉየራ ዎልቃማ ጉን ስአስ። 
\v 13 ሄስካ፥ ደኦን ደእያ መተታ ቀፈይ እሶይ እሱዋራ ቦሸትያ ግርሳይነ ኤንታ ምየን ደእያ ገርቶታ ግርሳራ ጋሄትድ፥ ዎልቃማ ጉን ግርስ ስአስ። 
\v 14 አያናይ ታና ፑደ ደንስ፤ ታና ኤክድ ሀራ በሲ ኤፍስ፤ ጎዳ ግታ ዎልቃይ ታና ሃርስ፤ ታ አያናን ጫመታሸነ ይሎታሸ ባስ። 
\v 15 ኮቦራ ሻፋ ማታን፥ ተል-አብባን ደእያ ድኤትዳ አሳኮ ጋካስ። ታኒ ዳጋማዳ ያን ኤንታራ ላፑን ጋላስ ጋምአስ።
\s1 ህዝቄል ናግሶ አስ
\p
\v 16 ላፑን ጋላስ ዉርሰን ጎዳ ቃላይ ታኮ ሀይሳዳ ያግሸ ይስ፦ 
\v 17 “አሳ ናአዉ፥ ታ ነና እስራኤለ አሳ ናግያ አስ ኦስ። ታ ዶናፐ ከይያ ቃላ ስእዲ፥ ናጋና መላ ኤንታዉ ኦዳ። 
\v 18 ታኒ ናጋራንቹዋ፥ ‘ቱማ ኔኒ ሀይቃና’ ግያ ዎደ፥ ነ ባዳ እያዉ ኦዶና እፅኮ፥ እ ባ ኢታ ኦግያፐ ስማና መላነ እያ ሸምፖይ አታና መላ ነ እያ ናግሶና እፅኮ፥ እ ባ ናጋራን ሀይቃና፤ ሽን እያ ሱ ግሾ ታ ነና ኦይቻና። 
\v 19 ኔኒ ናጋራንቹዋስ ኦድን፥ እ ባ ናጋራፐነ ባ ኢታ ኦግያፐ ስሞና እፅኮ፥ እ ባ ናጋራን ሀይቃና፤ ሽን ኔኒ ነ ሁጵያ አሻና።
\p
\v 20 “ፅሎ አስ ባ ፅሎተፈ ጉየ ስሚድ፥ ኢታ ኦያ ዎደ ታ እያ ስንን በ ዎን፥ እ ሀይቃና። እ ስማና መላ ነ እያዉ ኦዶና ግሾ እ ባ ናጋራን ሀይቃና። እ ካሰ ኦዳ ፅሎ ኦሶይ ዛሪድ ቆፈተና፤ ሽን ታኒ እያ ሱ ግሾ ነና ኦይካና። 
\v 21 ሽን ፅሎ አስ ናጋራ ኦና መላ ነ እያዉ ኦድን፥ እ ነ ኪታ ስእድ፥ ናጋራ ኦና አግኮ፥ ቱማ እ ደኦን ዳና፤ ኔኒ ነና አሻና” ያግስ።
\s1 ህዝቄላ ዶናይ ሙምስ
\p
\v 22 ሄ በሳን ጎዳ ዎልቃይ ታና ሃርስ፤ እ ታኮ፥ “ደንዳዳ ዛንጋራ ባ፤ ያን ታ ነዉ ኦዳና” ያግስ። 
\v 23 ታ ደንዳዳ፥ ዛንጋራ ባስ። ሄ በሳን ካሰ ኮቦራ ሻፋ ማታን ታ በእዳይሳዳ፥ ያን ጎዳ ቦንቹዋ በአስ፤ ታኒ ሳአን ሶምኦራ ጉፋናስ።
\p
\v 24 ሽን አያናይ ታ ግዶ ገልድ፥ ታና ታ ቶሃን ኤስስ። ጎዳይ ታኮ፥ “ነ ሶ ባዳ፥ ነ ቦላ ፐንግያ ጎርዳዳ ኡታ። 
\v 25 አሳ ናአዉ፥ ነ ዎዶሮን ቃሸታና፤ አሳኮ ከያናዉ ዳንዳአካ። 
\v 26 ሀ ማካላንቾ አሳስ ነ ኦዶና መላነ ኤንታ ቦላ ሀንቀቶና መላ ታ ነ ዶና ሙምሳና። 
\v 27 ሽን ታ ነዉ ኦድያ ዎደነ ነ ዶና ዶይያ ዎደ ኔኒ፥ ‘ኡባ ሃርያ ጎዳይ፥ ኤንቲ ማካላንቾ ግድያ ግሾ፥ ስእያ ኦንካ ስኦ፤ ስኦና እፅያ ኦንካ ስኦፖ’ ያጋዳ” ኦዳና።
\c 4
\s1 የሩሳላመ ተቀተ ሌምሶ
\p
\v 1 “ነኖ አሳ ናአዉ፥ ቢታፈ መዳ ፁበ ኤካዳ፥ ነ ስንን ዎ፤ ያታዳ የሩሳላመ ካታማ ምስለ እያ ቦላ መ። 
\v 2 ካታማ ዩሹዋ ድራ፤ እያ ቢታ ዶራ፤ ሚፃ ኬ፤ ኦላንቾት ኡትያ በሲ ጊግሳ፤ ግምብያ ላልያ ዱሩማ እያ ዩሾን ጊግሳ። 
\v 3 ብራታ ባሸ ኤካዳ፥ ነ ግዶንነ ካታማ ግዶን ድርስ ኦዳ ኤሳ። ነ ሶምኡዋ እያኮ ዛራዳ ደሬቃ፤ ካታማ ዩሹዋ ተቃ፤ እያ ተቀይካ ነና፤ ሄስካ እስራኤለ አሳስ ማላ ግዳና።
\p
\v 4 “እስራኤለ አሳ ሴረተስ ማላ ግዳና መላ ኔኒ ነ ሀድርሳ ምየን ዝንአ። ኔኒ ነ ሀድርሳ ምየን ዝንእያ ጋላሳታ ታይቡዋን እስራኤለ አሳይ ዋንድ ሴረታናዉ ደእያኮ በሳና። 
\v 5 እስራኤለ አሳይ ዋንድ ሴረታናዉ ደእያኮ በሳናዉ ኔኒ ዝንአና መላ ሄ ፄታነ ኡዱፉን ታሙ ጋላስ ነዉ እማስ፤ እስ ጋላስ እስ ላይራ ግና ግዳና።
\p
\v 6 “ኔኒ ሄ ጋላሳታ ፖልዳፐ ጉየ፥ ዛራዳ፥ ይሁዳ አሳይ ዋንድ ሴረታናዉ ደእያኮ በሳናዉ ነ ኡሻቻ ምየን ዝንአና መላ ኦይታሙ ጋላስ ነዉ እማስ። እስ ጋላስ እስ ላይራ ግና ግዳና። 
\v 7 ነ ሶምኡዋ ተቀትዳ የሩሳላመኮ ዛራዳ፥ ነ ኩሽያ ደንዳ ማንዳሸ፥ የሩሳላመ ቦላ ትንብተ ኦዳ። 
\v 8 ሄ ተቀይ ዉራና ጋካናዉ እስ ምየፐ ሀራ ምየ ሽረቶና መላ ታ ነና ዎዶሮን ቃቻና።
\p
\v 9 “ኔኒ ግስተነ ባንጋ፥ ቆምኦሎነ ምስረ፥ ማልዶነ ሙርቃ ኤካዳ፥ ካ ዎያ ሚሸን ቆላዳ፥ ኔኒ ዝንእያ ሄ ፄታነ ኡዱፉን ታሙ ጋላስ እያፐ ካዳ ማና። 
\v 10 ጋላስ ጋላስ ነ ምያ ካ ማዛና፤ እካ ናምኡ ፄታነ ሀስታሙ ግራመ ግዶ፤ ሄሳ እያ ዎደን ዎደን ማ። 
\v 11 ጋላስ ጋላስ ነ ኡያ ሃይካ ልከራ ግዶ፤ እካ ናምኡ ኩባያ ግዶ፤ ሄሳ እያ ዎደን ዎደን ኡያ። 
\v 12 ዎራ ሼሻ ከምኤለ ኤዳ፥ አሳይ ፄልሽን፥ ሄ ዋላክዳ ካ ባንጋ ኡይዳ ኡካዳ ማ። 
\v 13 ሄስ እስራኤለ አሳይ ታ ኤንታ ላልያ ካዎተታ ግዶን ደእሸ፥ ቱንዳ ካ ማናዉ ደኤይሳስ ማላ” ያግስ።
\p
\v 14 ታኒ፥ “ሀይእ! ኡባ ሃርያ ጎዳዉ፥ ሄስ ሀነና፤ ታኒ ቱናዳ ኤርከ። ታ ናአተፈ ዶማዳ ሀች ጋካናዉ፥ ባዉታ ዎይኮ ዶእ ዎዳባ ማ ኤርከ፤ ቱንዳ አሾይ ታ ዶናኮ ሺቅ ኤረና” ያጋስ።
\p
\v 15 እ ዛሪድ፥ “ሎኦ፥ ያትኮ፥ ዎራ ሼሻ ከምኤለን ኡከይሳ አጋዳ፥ ኦሻ ከምኤለን ነ ኡይ ኡካ” ያግስ።
\p
\v 16 እ ጉጅድ፥ “ነኖ፥ አሳ ናአዉ፥ አኬካ! የሩሳላመ ካታማ ካ ገሎና መላ ታኒ ተቃና ሀናይስ። አሳይ ካ ህርግሸ ማክድ ማና፤ ሃ ያይሸ ልክድ ኡያና። 
\v 17 ህዛ፥ ኤንታዉ ደእያ ካይነ ሃይ ዉራና፤ ኤንቲ ዳጋማን እሶይ እሱዋ ፄላና፤ ባንታ ናጋራ ጋሶን ሴረትድ ግልቃና።
\c 5
\p
\v 1 “ነኖ፥ አሳ ናአዉ፥ ኦጮ ማሽ ኤካዳ፥ ማቅላራ ሜድያዳ ነ ሁጵያነ ነ ቡቻ ሜዳ። ሄ ሁጵያ ምዛነን ማዛና፤ ነ ብናና ሄ በሳን ሻካ። 
\v 2 ኔኒ ተቅያ ጋላሳይ ዉርያ ዎደ፥ ነ ሻክዳ ብናናፐ ስኩዋ ነ ጊግስዳ ካታማ ምስልያስ ግዱን ዎዳ ታማን ፁጋ። ናምአን ስኩዋ ሄ ካታማ ዩሹዋ ኡባን ማሻን ቃንፀረ። ሄን ስኩዋ ጫርኮ ቦላ ላላ፤ ታ ኤንታ ማሻን የደና። 
\v 3 እያፐ ጉ ብናና ኤካዳ፥ ነ ማኡዋ ማጫራን ቃቻ። 
\v 4 ቃስ እያፐ ጉራ ኤካዳ፥ ታማን የጋዳ ፁጋ። ያን ዶምዳ ታማይ እስራኤለ አሳ ኡባ ጋካና” ያግስ።
\p
\v 5 ኡባ ሃርያ ጎዳይ፥ “ካዎተታ ኡባ እያ ዩሾን ኤሳዳ፥ እያ ግዶን ዎዳ፥ የሩሳላመ ካታማ ሀይሳ በአ። 
\v 6 ሽን እ ባ ኢታ ኦሱዋን ባ ዩሹዋን ደእያ ቢታታፐነ ካዎተታፐ አድ ታ ህግያነ ታ ዎጋ ቦላ ማካልስ። ቱማ እ ታ ህግያ መንስ፤ ታ ዎጋ ካልቤና” ያጌስ።
\p
\v 7 ሄሳ ግሾ፥ ኡባ ሃርያ ጎዳይ፥ “ነ ዩሹዋን ደእያ ካዎተታፐ አዳ መቶ መዳሳ፤ ታ ህግያ መንዳሳ፤ ታ ዎጋ ናጎና እፃዳሳ። ሀር አቶሽን፥ ነ ዩሹዋን ደእያ ካዎተታ ዎጋዳካ ደእቤከታ” ያጌስ። 
\v 8 ሄሳ ጋሶን፥ ኡባ ሃርያ ጎዳይ፥ “ነኖ፥ የሩሳላመ፥ ታኒ ነ ቦላ ደንዳና፤ ሀራ ካዎተት ኡባይ በእሽን፥ ነ ቦላ ታኒ ፕርዳ ኤሀና። 
\v 9 እፀትዳ ኤቃ ጎይኖ ኡባ ነ ኦዳ ግሾ፥ ሀይሳፈ ካሰ ኦቦና፥ ስንፈካ ዮና ፕርዳ ታ ነ ቦላ ኤሀና። 
\v 10 ሄሳ ጋሶን፥ ነ ግዶን አዋት ባንታ ናይታ ማና፤ ናይት ባንታ አዋታ ማና። ታ ህንተና ፕርዳና፤ አትዳይሳታ ጫርኮ ቦላ ላላና። 
\v 11 ሄሳ ግሾ፥ ኡባ ሃርያ ጎዳይ፥ ታኒ ታ ደኡዋን ጫቃይስ። ህንተ ኤቃታንነ እፀትዳ ኦሶታን ታ ኬ ቱንስዳ ግሾ፥ ታ ህንተና ቢታፈ ፕታዳ ይሳና። ታ ህንተዉ ቃትከ፤ ህንተና ማርከ። 
\v 12 ነ ግዶን ደእያ አሳፐ እስ ስኮይ ካታማ ግዶን ቦሻንነ ኮሻን ሀይቃና፤ ናምአን ስኮይ ማሻን ዉራና፤ ሄን ስኩዋ ጫርኮ ቦላ ላላዳ፥ ኤንታ ማሻን የደና” ያጌስ።
\p
\v 13 “ታ ይሎይ ኤንታ ቦላ ፖለታና፤ ታ ዎልቃማ ሀንቆይ እርፃና። ታኒ ታ ሀንቁዋ ኤንታ ቦላ ዉርስያ ዎደ ታኒ ቃናተን ኦድዳይሳ ኤንቲ ኤራና።
\p
\v 14 “ነ ዩሹዋን ደእያ ካዎተታ ግዶንነ ህንተ ማታራ አያ ኡባ ስንን ታ ህንተና ባይሳ ኦና፤ ህንተና ሚቻስ አጋና። 
\v 15 ታ ህንተና ታ ሀንቁዋን፥ ታ ይሉዋንነ፥ ቃይ ባይና ሴራን ፕርድያ ዎደ ህንተ ዩሹዋን ደእያ ካዎተታ ስንን ቀልቅሰስ፥ ጫሻስ፥ ህንተና በእዳ አስ ናገትያባነ ዳጋምያባ ኦና። 
\v 16 ዱክያ ዶንጌ ቶራዳ፥ ታ ህንተና ዎያነ ይስያ ኮሻ ህንተ ቦላ የዳና። ታኒ ዛራ ዛራ ኮሻ ህንተ ቦላ ኤሀና፤ ካ የሩሳላመ ገሎና መላ ተቃና። 
\v 17 ታኒ ኮሻነ ዶአ ህንተ ቦላ የዳና፤ ኤንቲ ህንተ ናይታ ይሳና፤ ቦሻነ ሸምፖ ዎ ህንተ ቦላ ኤሀና” ያጌስ ጎዳይ።
\c 6
\s1 እስራኤለ ዙማታስ ኦደትዳ ትንብተ
\p
\v 1 ጎዳ ቃላይ ታኮ ሀይሳዳ ያግሸ ይስ። 
\v 2 “ነኖ፥ አሳ ናአዉ፥ እስራኤለ ዙማታ ደሬቃ ፄላሸ፥ ኤንታ ቦላ ትንብተ ኦዳ። 
\v 3 ህንተኖ፥ እስራኤለ ደረቶ፥ ኡባ ሃርያ ጎዳ ቃላ ስእተ። ኡባ ሃርያ ጎዳይ እስራኤለ ዙማታኮ፥ ዞዘታኮ፥ ዛንጋራታኮነ ካካታኮ ሀይሳዳ ያጌስ፦ ‘አሳይ ኤቃ ጎይንያ በሳታ ታኒ ይሳናዉ ማሻ የዳና። 
\v 4 ህንተ ያርሾ ፃርጴዛቲ ላለታና፤ ህንተ እፃነ ጩይስያ ሚሸት መቃና፤ ሀይቅዳ ህንተ አሳይ ህንተ ኤቃታ ስንን የገታና። 
\v 5 ታኒ እስራኤለ አሳ አሀ ኤንታ ኤቃታ ስንን ዝንእሳና፤ ህንተ መቀታ ህንተ ያርሾ ፃርጴዛታ ዩሾን ላላና። 
\v 6 ህንተ ደእያ በሳ ኡባን፥ ህንተ ካታማትነ ህንተ ጎይኖ በሳት ላለታና። ሄሳዳካ፥ ህንተ ያርሾ በሳይ ቱናናነ ላለታና፤ ህንተ ኤቃት መቃና፤ ህንተ እፃነ ጩይስያ ሚሸት መቃና፤ ህንተ ኦዳባ ኡባይ ፕተትድ ያና። 
\v 7 ሀይቅዳ አሳይ ህንተ ግዶን ኩንዳና። ታኒ ጎዳ ግደይሳ ህንተ ሄሳን ኤራና። 
\v 8 ታኒ ህንተ ግዶን ማሻፈ አትዳ ጉታ ፓፃ አሻና፤ ህንተ ቢታታንነ ካዎተታ ግዶን ላለታና። 
\v 9 ማሻፈ አትዳ ኤንቲ፥ ድኤትድ ብዳ ካዎተታ ግዶን ደእሸ ታና ሀሳያና። ኤንቲ ባንታ ላይማ ዎዛናንነ አሞትያ አይፍያን ኤቃ ጎይናናዉ ስሚድ ታ ዎዛና መንዳይሳ ኤንቲ አኬካና። ኤንቲ ባንታ ኢታ ኦሱንነ እፀትዳ ኤቃ ጎይኖ ጋሶን ባንታና ሻተታና። 
\v 10 ታኒ ጎዳ ግደይሳ ኤንቲ ኤራና። ታኒ ኤንታ ቦላ ኢታባ ኤሀና ግዳይ ጮ ባብሶ ግዶናይሳ ኤንቲ አኬካና’ ” ያጌስ።
\p
\v 11 ኡባ ሃርያ ጎዳይ ታኮ ሀይሳዳ ያጌስ፦ “እስራኤለ አሳይ እፀትዳ ኤቃ ጎይንዳ ግሾ፥ ነ ሀንቁዋ ብራ ማላዳ በሳ፤ ነ ይሉዋ ቢታ ቃካዳ ቆንጭሳ። ኤንታና አየ! ኤንቲ ኦላን፥ ኮሻንነ ጋዶን ዉራና። 
\v 12 ሃሆን ደኤይ ጋዶን ያና፤ ማታን ደኤይ ኦላን ሀይቃና፤ ፓፃ አትዳይ፥ ኮሻን ዉራና። ሄሳዳ ኦዳ፥ ታ ሀንቁዋ ኤንታ ቦላ ፖላና። 
\v 13 ኤንታ አሀይ ኤንታ ኤቃታ ግዶ ኡባን፥ ኤንታ ያርሾ በሳ ዩሾ ኡባን፥ ዙማታ ቦላ ኡባን፥ ደረ ቦላ ኡባን፥ ጭልኦ ም ጋርሳ ኡባን፥ ዳሻ ም ጋርሳ ኡባን፥ ባንታ ኤቃታስ ሳውያ ያርሾ ያርሽዳ በሳ ኡባን ኩንድዳ ዎደ ታኒ ጎዳ ግደይሳ ኤራና። 
\v 14 ታኒ ታ ኩሽያ የዳዳ፥ ኤንቲ ደእያ ቢታ ኡባ፥ ዱገሀ መላ ቢታፈ ብድ ፑደሀን ደእያ ደብላታ ጋካናዉ ባይሳ ኦና። ታኒ ጎዳ ግደይሳ ኤንቲ ሄሳን ኤራና” ያጌስ።
\c 7
\s1 ዉርሰ ጋክስ
\p
\v 1 ጎዳ ቃላይ ታኮ ሀይሳዳ ያግሸ ይስ። 
\v 2 “ነኖ አሳ ናአዉ፥ ኡባ ሃርያ ጎዳይ እስራኤለ ቢታኮ ሀይሳዳ ያጌስ፦ ‘ዉርሰ ማትስ፤ ኡባ ባጋራ ሀ ቢታ ቦላ ዉርሰ ይስ። 
\v 3 ሀእ፥ ዉርሰ ህንተ ቦላ ጋክስ፤ ታኒ ታ ሀንቁዋ ህንተ ቦላ የዳና። ታኒ ህንተ ኦሱዋዳ፥ ህንተ ቦላ ፕርዳና፤ ህንተ እፀትዳ ኤቃ ጎይንዳ ግሾ ህንተና ሴራና። 
\v 4 ታኒ ህንተዉ ቃትከ፤ ህንተና ማርከ። ህንተ ኢታ ኦሱዋዳ ህንተ ቦላ ፕርዳና፤ ህንተ ግዶን ደእያ እፀትዳ ኤቃ ጎይኖታ ቆንጭሳና። ታኒ ጎዳ ግደይሳ ህንተ ሄሳን ኤራና’ ” ያጌስ።
\p
\v 5 ኡባ ሃርያ ጎዳይ፥ “ሄኮ፥ ጋዶይ ጋክስ፤ ጋዶይ ጋዶ ቦላ ዬስ። 
\v 6 ዉርሰ ጋክስ፤ ዉርሰ ማትስ፤ እ ህንተ ቦላ ደንድስ፤ ሄኮ፥ ጋክስ። 
\v 7 ቢታ ቦላ ደኤይሳቶ፥ ህንተ ፕርዳይ ጋክስ፤ ዎደይ ማትስ፤ ጋላሳይ ማታትስ። ሄስ ዳጋማ ጋላስፐ አትሽን፥ ዙማታ ቦላ ኡፋይሳን እልልያ ጋላስ ግደና። 
\v 8 ሀእ ማታ ዎደ ታኒ ታ ሀንቁዋ ህንተ ቦላ ጉሳና፤ ታ ይሉዋ ህንተ ቦላ ዉርሳና። ታኒ ህንተ ኦሱዋ ግሾ ህንተ ቦላ ፕርዳና፤ እፀትዳ ኤቃ ጎይንዳ ግሾ ህንተና ሴራና። 
\v 9 ታ ህንተዉ ቃትከ፤ ህንተና ማርከ። ህንተ ኢታ ኦሱዋዳ ህንተ ቦላ ፕርዳና፤ ህንተ ግዶን ደእያ እፀትዳ ኤቃ ጎይኖታ ቆንጭሳና። ሄ ዎደ ህንተና ሴረይ ታና ጎዳ ግደይሳ ህንተ ኤራና።
\p
\v 10 “ሄኮ፥ ጋላሳይ! ሄ ጋላሳይ ጋክስ! ህንተ ዮይ ማትስ! ህንተ ኢታተይ ጋምቡፅስ፤ ህንተ ኦቶሮይ ጪይስ። 
\v 11 ጌላተ ጋሶን ኢታ ኦሶይ ዳርስ። ኤንታፈ እሶይካ አተና፤ ኤንታ ሻሉዋፐ ዎይኮ ኤንታ አሳፐ ዎይኮ ኤንታ ቦንቹዋፈ አታናባይ ባዋ። 
\v 12 ዎደይ ጋክስ፤ ጋላሳይ ማትስ፤ ታ ሀንቆይ አሳ ኡባ ቦላ ግድያ ግሾ ሻመይስ ኡፋይቶፎ፤ ባይዘይስ አዛኖፖ። 
\v 13 ናምአይ ደኦን ደእያ ዎደ ኡባን፥ ባይዝዳይስ ባ ባይዝዳባ ኤካናዉ ጉየ ስመና። እስራኤለ አሳ ኡባ ቦላ ኦደትዳ ሀ ቆንጨይ ፖለቶና አተና። ኤንታ ናጋራ ጋሶን ኤንታፈ እሶይካ ባ ሸምፑዋ አሸና። 
\v 14 ታ ሀንቆይ አሳ ኡባ ቦላ ቆንጫናዉ ደእያ ግሾ ኤንቲ ኦላስ ሞይዘ ፑንድ ጊገቶኮና፤ ኦንካ ኦላስ ከየና።
\p
\v 15 “ካረን ኦል ደኤስ፤ ሶን ቦሽነ ኮሽ ደኤስ። ካታማፐ ካረን ደኤይ ኦላን ሀይቃና፤ ካታማ ግዶን ደኤይ ቦሻንነ ኮሻንነ ዉራና። 
\v 16 ከስ ኤክድ አትዳይሳት፥ ዛንጋራፐ ያሻን ደረ ቦላ ፕራድ ከይዳ ሆለዳ፥ ባንታ ናጋራ ግሾ ደረ ቦላ ዘሌላና። 
\v 17 ኩሸ ኡባይ ዶጫና፤ ኡባይ ያሻን ኮኮርድ ሼሽ የጋና። 
\v 18 ኤንቲ ካዮ ማኦ ማአና፤ ያሻን ኮኮራና። ኤንታ ኡባ ሶምኦይ ዬላ ማአና፤ ኤንታ ኡባ ሁጰይ ሜደታና። 
\v 19 ኤንቲ ባንታ ብራ ኦገን ሆላና፤ ኤንታ ዎርቃይ ቱናባ ግዳና። ጎዳ ዎልቃማ ሀንቆ ጋላስ ኤንታ ብራይነ ኤንታ ዎርቃይ ኤንታ አሻናዉ ዳንዳኤና። ኤንታዉ በ ግድድ፥ ናጋራን ገልስዳ፥ ብራይነ ዎርቃይ ኡሎ ኩምድ፥ ኤንታ ኮሻፐ አሸና።
\p
\v 20 “ኤንቲ ባንታ አልኦ አሌቆታ ኦቶርትድ፥ እፀትዳ ኤቃነ ዬላይያ ምስለ መናዉ ጎኤትዶሶና። ሄሳ ግሾ፥ ታኒ ሄ አልኦ አሌቆታ ኤንታዉ ቱናባ ከሳስ። 
\v 21 ታኒ ኤንታ አሌቁዋ አላጋ ቢታ አሳስ ድኦ፥ ቢታን ደእያ ኢታ አሳስ ቦንቀ አዳ እማና፤ ኤንቲ እያ ቱንሳና። 
\v 22 ሄ ዎደ ታኒ ታ ሶምኡዋ ሀራ ሶ ዛራና፤ ታ ቦንቾ ኬ ፓንጋት ገልድ ቱንሳና።
\p
\v 23 “ሱረ ፕርዳ ዮን ቢታይ ሱን ኩምዳ ግሾነ ካታማይ ጌላ ኦሶን ኩምዳ ግሾ ሳንላታ ጊግሳ። 
\v 24 ታኒ ኢታ ካዎተታ ኤሀዳ ኤንታ ኬታ ቦንቃና መላ ኦና። ዎልቃማታ ኦቶሩዋ ይሳና፤ ኤንታ ጌሻ ጎይኖ በሳት ቱናና። 
\v 25 ኤንቲ ዳጋምያ ዎደ ሳሮ ኮያና፤ ሽን ደሞኮና። 
\v 26 እስ ጋዶይ ሀራ ጋዶ ካለና፤ እስ ዎረይ ሀራ ዎረ ካልድ ያና። ኤንቲ ናበታፐ ቆንጨ ኮያና፤ ካህነታስ ታማርስያባይ ያና፤ ጭማታስ ዞርያባይ ያና። 
\v 27 ካዎይ ዬካና፤ ሀላቃይ ኡፋይስ ቃንፃና፤ አሳይ ያሻን ኮኮራና። ታኒ ኤንታዉ ኤንታ ኦሱዋዳ ኦና፤ ኤንቲ ሀራታ ቦላ ፕርድዳይሳዳ ታ ኤንታ ቦላ ፕርዳና። ታኒ ጎዳ ግደይሳ ኤንቲ ሄሳን ኤራና” ያጌስ።
\c 8
\s1 ፆሳ ኬን ደእያ ላይማተ
\p
\v 1 ኑኒ ድኤትዳ ኡሱፑን ላይን፥ ኡሱፑን አጌናን፥ እቻሻን ጋላሳን፥ ታኒ ታ ሶን ኡትዳሽን፥ ይሁዳ ጭማትካ ታ ስንን ኡትዳሽን፥ ኡባ ሃርያ ጎዳ ዎልቃይ ታና ሃርስ። 
\v 2 ሄኮ፥ ታኒ ቁ ጋዳ ፄልያ ዎደ አሰ ዳነይሳ በአስ። እያዉ ፄሰ ዳነይሳፈ ጋርሳ ባጋይ ታማ ላጮ ዳኔስ፤ ቦላ ባጋይ ጶልያ ናሰ ብራታ ዳኔስ። 
\v 3 እ ኩሸ ዳንያባ ታኮ የድድ፥ ታ ብናና ኦይክስ። አያናይ ታና ሳአፐነ ሳሎፐ ግዶ ፑደ ደንድ፥ ፆሳ ቆንጨን ታና የሩሳላመ ኤፍስ። ያን ቆሞ ባጋራ ፆሳ ኬ ግዶ ዳባባ ገልያ ፐንግያራ ገልስድ፥ ጎዳ ቃናትያ ደንያ ኤቃይ ኤቅዳ በሳ በስስ። 
\v 4 ሄኮ፥ ካሰ ታኒ ዛንጋራን በእዳይሳዳ፥ እስራኤለ ፆሳ ቦንቹዋ ያን በአስ።
\p
\v 5 ጎዳይ ታኮ፥ “ነኖ አሳ ናአዉ፥ ፑደሀ ባጋ ፄላ” ያግስ። ታኒ ፄልያ ዎደ ቃናተ ደንያ ኤቃይ፥ ድርሳ ፐንግያ ስንን ደእያ ያርሾ በሳ ማታን ደኤይሳ በአስ። 
\v 6 እ ታኮ፥ “ነኖ፥ አሳ ናአዉ፥ ኤንቲ ኦያባ በአይ? ታና ታ ጌሻ ኬፈ ሃሳናዉ፥ እስራኤለ አሳይ ኦያ እፀትዳ ኤቃ ጎይኑዋ በአይ? ሀይሳፈ አያ እፀትዳ ኤቃ ጎይኖ ኔኒ ቡሮ በአና” ያግስ።
\p
\v 7 እ ታና ፆሳ ኬ ዳባባ ፐንገ ኤህን፥ ታኒ ፄልያ ዎደ፥ ሄኮ፥ ጎዳ ቦላ ፆኤ በአስ። 
\v 8 እ ታኮ፥ “ነኖ፥ አሳ ናአዉ፥ ጎዳ ቦካ” ያግን፥ ታ ቦክያ ዎደ እስ ፐንገ ያን በአስ። 
\v 9 እ ታኮ፥ “ገላዳ ኤንቲ ያን ኦያ ኢታ ኦሱዋነ እፀትዳ ኤቃ በአ” ያግስ። 
\v 10 ታ ግዶ ገላዳ ፄልያ ዎደ፥ ሄኮ፥ ሳአራ ጎሸትያ ዱማ ዱማ መተታ ምስለይ፥ ቱና ዶአታ ምስለይነ እስራኤለ አሳ ኤቃታ ኡባ ምስለይ ጎዳ ቦላ ዩይ አድ መት ኡትዳይሳ በአስ። 
\v 11 ኤንታፈ ስን ባጋራ እስራኤለ አሳፐ ላፑን ታሙ ጭማት ኤቅዶሶና፤ ሳፋና ናኣ ያእዛን ኤንታ ግዶን ኤቅስ። ኡባይ እፃነ ጩይስያባ ባንታ ኩሸን ኦይክዶሶና፤ እፃንያ ጩያይ ቱቁ ጌስ።
\p
\v 12 ጎዳይ ታኮ፥ “ነኖ፥ አሳ ናአዉ፥ እስራኤለ አሳ ጭማት ኡባይ ማን ባንታ ኤቃ ምስልያ ኬን ኦያባ በአይ? ኤንቲ፥ ጎዳይ ኑና በኤና፤ ጎዳይ ሀ ቢታ አግስ” ያጎሶና። 
\v 13 እ ታኮ፥ “ሀይሳፈ አያ እፀትዳ ኤቃ ጎይኖ ኔኒ ቡሮ በአና” ያግስ።
\p
\v 14 ሄሳፈ ጉየ፥ ፑደሀ ባጋን ደእያ ፆሳ ኬ ፐንግያኮ ኤፍን፥ ሄኮ፥ ማጫሳይ ያን ኡትድ፥ ታሙዛ ጌተትያ ባንታ ፆሳስ ዬክሽን በአስ። 
\v 15 እ ታኮ፥ “ነኖ አሳ ናአዉ፥ ሀይሳ በአይ? ሀይሳፈ አያ እፀትዳ ኤቃ ጎይኖ ኔኒ ቡሮ በአና” ያግስ።
\p
\v 16 ሄሳፈ ጉየ፥ እ ታና ፆሳ ኬ ግዶ ዳባባ ኤፍስ፤ ያን ፆሳ ኬ ፐንግያ ማታን፥ ባራንዳፈነ ያርሾ በሳፈ ግዶን፥ ላታማነ እቻሹ ግድያ አሳታ በአስ። ኤንቲ ባንታ ዞኩዋ ፆሳ ኬኮ፥ ባንታ ሶምኡዋ ዶሎሀኮ ዛሪድ፥ ዶሎሀራ ከይያ አዋ ጎይኖሶና።
\p
\v 17 ጎዳይ ታኮ፥ “ነኖ አሳ ናአዉ፥ ሀይሳ በአዲ? ይሁዳ አሳይ ሀ እፀትዳ ኤቃ ጎይኖይ ሀይሳን ኦይስ ኤንታዉ ላፋባ ግድዴ? ኤንቲ ቢታ ጌላ ኦሶን ኩንድ፥ ዛሪ ዛሪድ ታና ሀንቀናዉ በሲ? ኤንቲ ባንታዉ ዳንዳኤትዳ መላ ታና ኢስድ ጫዮሶና። 
\v 18 ሄሳ ግሾ፥ ታ ኤንታራ ሀንቆን ጋሄታና፤ ታ ኤንታዉ ቃትከ፤ ኤንታፈ እሱዋካ አሽከ። ኤንቲ ባንታ ቃላ ቃ ኦድ ዋስንካ፥ ታ ኤንታ ስእከ” ያግስ።
\c 9
\s1 ኤቃ ጎይነይሳት ሀይቅዶሶና
\p
\v 1 ሄሳፈ ጉየ፥ “ካታማ ሴራናዉ ዶረትዳ አሳት፥ ኦላ ሚሸ ባንታ ኩሸን ኦይክድ ሃ ዮሶና” ያግድ ዋስሽን ታኒ ስአስ። 
\v 2 ሄኮ፥ ዎያ ኦላ ሚሸ ባንታ ኩሸን ኦይክዳ ኡሱፑን አሳት፥ ፑደሀ ባጋን ደእያ ቆሞ ፐንግያፈ ይዶሶና። ኤንታራ እስፈ ሊኖፐ ኦሰትዳ ማኦ ማእድ፥ ባ ምየን ፃፍያባ ኮሮጆን ኦይክዳ እስ አስ ደኤስ። ኤንቲ ግዶ ገልድ፥ ናሰ ብራታፐ ኦሰትዳ ያርሾ በሳ ማታን ኤቅዶሶና።
\p
\v 3 እስራኤለ ፆሳ ቦንቾይ ባ ደእያ ክሩበታፐ ደንድድ፥ ፆሳ ኬ ፐንገ ብስ። ጎዳይ ሊኖ ማእድ፥ ባ ምየን ፃፍያባ ኮሮጆን ኦይክዳ አድያ ፄግድ፥ 
\v 4 “የሩሳላመ ካታማ ግዶ ካንዳ ባሸ፥ ያን ኦሰትያ እፀትዳ ኤቃ ጎይኑዋ ግሾ አዛንሸነ ኦልሸ ደእያ አሳ ሶምኦን ማላ ዎ” ያግስ።
\p
\v 5 ታ ስእሽን፥ ፆሳይ ሀራታኮ ሀይሳዳ ያግስ፦ “እያ ጌዶ ካልድ፥ ካታማ ግዶ ካንድ ዎተ። እሱዋካ ማሮፕተ፤ ኦደስካ ቃቶፍተ። 
\v 6 ጭማታ፥ ፓንታ፥ ጌላኦታ፥ ማጫሳታነ ናይታ ኡባ ሹክተ፤ ሽን ሶምኦን ማል ደእያ አሰ ኦናካ ቦቾፍተ። ታ ኬን ዎ ዶምተ” ያግስ። ኤንቲ ፆሳ ኬ ስንን ኤቅዳ ጭማታን ዎ ዶምዶሶና። 
\v 7 ፆሳይ፥ “ብድ ፆሳ ኬ ቱንስተ፤ ዳባባታ አሀን ኩንተ” ያግስ። ኤንቲ ከይድ፥ ካታማ ግዶ ኡባን ዎ ዶምዶሶና።
\p
\v 8 ኤንቲ ዎሽን፥ ታኒ ታርካ አታዳ፥ ታ ሶምኡዋራ ቢታን ጉፋናዳ፥ ታ ቃላ ቁ ኦዳ፥ “አቤት ኡባ ሃርያ ጎዳዉ፥ ኔኒ የሩሳላመ ቦላ ጉስያ ነ ሀንቁዋን እስራኤለፐ አትዳይሳታ ኩመ ይሳኔ?” ያጋስ።
\p
\v 9 እ ዛሪድ፥ “እስራኤለነ ይሁዳ አሳ ናጋራይ ዳሮ፤ ቢታ ኡባይ ሱን ኩምስ። ካታማ ኡባን ሱረ ፕርዲ ባዋ። አሳይ፥ ‘ጎዳይ ሀ ቢታ አግስ፤ ጎዳይ በኤና’ ያጎሶና። 
\v 10 ሄሳ ግሾ፥ ታ ኤንታዉ ቃትከ፤ ኤንታና ማርከ። ታኒ ኤንታ ኦግያ መላ ኤንታዉ ዛራና” ያግስ።
\p
\v 11 ሄሳፈ ጉየ፥ ሊኖ ማእድ፥ ባ ምየን ፃፍያባ ኮሮጆን ኦይክዳ አደይ፥ ጉየ ስሚድ፥ “ነ ታና ኪትዳይሳዳ ኦስ” ያግስ።
\c 10
\s1 ቦንቾይ ፆሳ ኬፈ ሻከትስ
\p
\v 1 ታኒ ክሩበታ ሁጰፐ ቦላ ባጋራ ደእያ ሳሎ ጉፋን ዳነይሳ በአስ። ክሩቤላ ቦላ ሳንፓረ አልኦ ሹቻፈ ኦሰትዳ አራታ በአስ። 
\v 2 ጎዳይ ሊኖ ማእዳ አድያኮ፥ “ክሩቤላፐ ጋርሳ ባጋራ ገርቶታ ግዶራ ካንዳ ባ። ፂፋ ቦንቆ ነ ኩሸን ኮጰታ ኤካዳ፥ ካታማ ቦላ ላላ” ያግስ።
\p ታ ፄልሽን ታማ ኤካናዉ ገልስ። 
\v 3 አደይ ሶ ገልያ ዎደ ክሩቤቲ ፆሳ ኬፈ ጋርሳ ባጋራ ኤቅዶሶና፤ ግዶ ዳባባን ሻር ኩምስ። 
\v 4 ጎዳ ቦንቾይ ክሩቤላ ቦላፈ ደንድድ፥ ፆሳ ኬ ፐንገ ብስ። ሻር ኬ ኩምስ፤ ዳባባይ ጎዳ ቦንቾ ጶለን ኩምስ። 
\v 5 ክሩቤላ ቀፍያ ግርሳይ ኡባ ሃርያ ጎዳ ግርሳዳ ካረ ዳባባን ስኤቴስ።
\p
\v 6 ጎዳይ ሊኖ ማእዳ አድያ፥ “ክሩቤላ ጋርሳ ባጋን ደእያ ገርቶታ ግዶፈ ታማ ኤካ” ያግድ ኪትን፥ እ ገልድ እስ ገርቱዋ ማታን ኤቅስ። 
\v 7 ክሩቤላፐ እሶይ ባንታ ግዶን ደእያ ታማን ባ ኩሽያ የድድ፥ እያፐ ጉራ ኤክድ፥ ሊኖ ማእዳ አድያ ኩሸን ዎን፥ እ ኤክድ ከይስ። 
\v 8 ክሩቤላ ቀፍያፐ ጋርሳ ባጋራ አሳ ኩሸ ዳንያባይ ደኤስ።
\p
\v 9 ታ ፄልያ ዎደ ክሩቤላ ማታን ኦይዱ ገርቶይ ደኤስ። እስ እስ ክሩብያ ማታን እስ እስ ገርቶይ ደኤይሳ በአስ፤ ሄ ገርቶይ አልኦ ሹቻዳ ጶሌስ። 
\v 10 ኤንቲ ኦይዳይ እሶይ እሱዋ ዳኖሶና፤ እስ እስ ገርቶይ ሀራ ገርቶ ግዶራ ካን አድ መትዳ ዳኔስ። 
\v 11 ክሩቤቲ ብያ ዎደ ኦይዱ ባጋ ያ ሃ ስሞና ቦሶና፤ እስ ገርቶት ብዳ ግንደ ሀንኮ ገርቶይ ያ ሃ ስሞና ስት ግድ ቦሶና። 
\v 12 ኤንታ ኩመ ቦላ፥ ሄስካ ኤንታ ዞኩዋን፥ ኤንታ ኩሽያን፥ ኤንታ ቀፍያንነ ኤንታ ኦይዱ ገርቶታን ፄልያ አይፈይ ኩምስ። 
\v 13 ታ ስእሽን፥ ገርቶት ዩይያ ገርቶታ ጌተትድ ፄገትዶሶና። 
\v 14 እስ እስ ክሩብያስ ኦይዱ ሶምኦይ ደኤስ። ኮይሮ ሶምኦይ ክሩበ ሶምኦ፥ ናምአንይ አሳ ሶምኦ፥ ሄንይ ጋሞ ሶምኦ፤ ኦይዳንይ አርጋን ሶምኦ።
\p
\v 15 ክሩበት ፑደ ደንድዶሶና። ኤንቲ ታኒ ኮቦራ ሻፋ ማታን በእዳ ደኦን ደእያ መታታ። 
\v 16 ክሩበት ብያ ዎደ፥ ኤንታ ምየን ደእያ ገርቶት ቦሶና፤ ክሩበት ቢታፈ ፑደ ደንዳናዉ ባንታ ቀፍያ ምጭያ ዎደ ገርቶት ኤንታ ምየፐ ሻከቶኮና። 
\v 17 ደኦን ደእያ መተታ አያናይ ገርቶታ ግዶን ደእያ ግሾ፥ ኤንቲ ኤቅያ ዎደ ገርቶት ኤቆሶና፤ ኤንቲ ቢታፈ ፑደ ደንድያ ዎደ ኤንቲ ደንዶሶና።
\p
\v 18 ሄሳፈ ጉየ፥ ጎዳ ቦንቾይ ፆሳ ኬ ፐንገፈ ደንድድ፥ ክሩበታፐ ቦላ ባጋን ኤቅስ። 
\v 19 ታ ፄልሽን፥ ክሩበት ባንታ ቀፍያ ምጭድ፥ ክርክሮታራ እስፈ ቢታፈ ፑደ ደንድዶሶና። ኤንቲ ፆሳ ኬፈ ዶሎሀ ባጋ ፐንግያ ማታን ኤቅዶሶና። እስራኤለ ፆሳ ቦንቾይ ኤንታፈ ቦላ ባጋራ ደኤስ።
\p
\v 20 ኤንቲ ኮቦራ ሻፋን እስራኤለ ፆሳፈ ጋርሳ ባጋራ በእዳ ደኦን ደእያ መታታ። ኤንቲ ክሩበታ ግደይሳ ታ ኤራስ። 
\v 21 ኤንታ ኡባስ ኦይዱ ሶምኦትነ፥ ኦይዱ ቀፈት ደኦሶና፤ ኤንታ ቀፈታፐ ጋርሳ ባጋራ አሳ ኩሸ ዳንያባይ ደኤስ። 
\v 22 ኤንታ ሶምኦት ኮቦራ ሻፋ ማታን ታ በእዳ ሶምኦታ ዳኖሶና። ኤንቲ ኡባይ ስት ግድ ስን ቦሶና።
\c 11
\s1 እስራኤለ ካለይሳት ፕርደታና
\p
\v 1 ፆሳ አያናይ ታና ደንድ፥ ፆሳ ኬስ ዶሎሀ ባጋ ፐንግያኮ ኤፍስ። ፐንግያ ማታን ላታማነ እቻሹ አደት ደኦሶና፤ ኤንታ ግዶን አሳ ካለያ አዙራ ናኣ ያእዛና ባናያ ናኣ ፓላፃ በአስ። 
\v 2 ጎዳይ ታኮ፥ “ነኖ አሳ ናአዉ፥ ሀ አሳይ ካታማ ቦላ ኢታ ቆፋ ቆፖሶና፤ ኢታ ዞረ ዞረቶሶና። 
\v 3 ኤንቲ፥ ‘ኑኒ ኬ ዛሪድ ኬፃና ዎደይ ማታትስ። ሀ ካታማይ አሾ ፃሮ፤ ኑኒ ቃስ አሾ’ ያጎሶና። 
\v 4 ሄሳ ግሾ፥ ትንብተ ኦዳ፤ አሳ ናአዉ፥ ኤንታ ቦላ ትንብተ ኦዳ” ያግስ።
\p
\v 5 ጎዳ አያናይ ታ ቦላ ዎድ፥ ታኮ ሀይሳዳ ያግስ፦ “እስራኤለ አሳዉ፥ ህንተ ሄሳዳ ጌታ፤ ሽን ታ ህንተ አይ ቆፕያኮ ኤራይስ። 
\v 6 ሀ ካታማን ህንተ ዳሮ አሳ ዎድ፥ ኦገ ኡባን አሀ ኩንደታ” ያጌስ።
\p
\v 7 ሄሳ ግሾ፥ ኡባ ሃርያ ጎዳይ ሀይሳዳ ያጌስ፤ “ህንተ ዎድ የግዳ አሀይ አሾ፤ ሀ ካታማይ አሾ ፃሮ፤ ሽን ታ ህንተና ሀ ካታማፐ የደዳ ከሳና። 
\v 8 ህንተ ኦላስ ያይደታ፤ ሽን ታ ህንተ ያይዳ ኦላ ህንተ ቦላ ኤሀና። 
\v 9 ታ ህንተና ሀ ካታማፐ ከሳዳ፥ አላጋታ ኩሸን አዳ እማና፤ ታ ህንተና ህንቴ ዛዋን ፕርዳና። 
\v 10 ህንተ ኦላን ዉራና፤ ታ ህንተና ህንተ ቢታን ፕርዳና። ሄ ዎደ ህንተ ታ ጎዳ ግደይሳ ኤራና። 
\v 11 ሀ ካታማይ ህንተዉ አሾ ፃሮ ግደና፤ ህንተካ እያ ግዶን አሾ ግደከታ። ታ ህንተ ቦላ እስራኤለ ዛዋን ፕርዳና። 
\v 12 ህንተ ታ ህግያነ ታ ዎጋ ሻርድ ህንተ ዩሹዋን ደእያ ካዎተታ ዎጋ መላ ደእዳ ግሾ ህንተ ቦላ ፕርደይ ጎዳ ግደይሳ ህንተ ኤራና” ያጌስ ኡባ ሃርያ ጎዳይ።
\p
\v 13 ታ ትንብተ ኦድያ ዎደ ባናያ ናኣ ፓላፅ ሀይቅን፥ ታኒ ጉፋናዳ፥ ታ ቃላ ቁ ኦዳ፥ “አቤት ኡባ ሃርያ ጎዳዉ፥ እስራኤለፐ አትዳይሳታ ኩመ ዉርሳና ሀናዬ?” ያጋዳ ዋሳስ።
\p
\v 14 ጎዳ ቃላይ ታኮ ሀይሳዳ ያግድ ይስ፤ 
\v 15 “ነኖ አሳ ናአዉ፥ የሩሳላመን ደእያ እስራኤለ አሳይ ነባነ ድኦን ደእያ ነ ዳቦታባ፥ ‘ኤንቲ ጎዳፐ ሃክዶሶና፤ ሀ ቢታይ ኑስ ላታ ግድድ እመትስ’ ” ያግድ ሃሳዮሶና።
\s1 ድኦፐ ስሞ ኡፋይስ ደኤስ
\p
\v 16 ኡባ ሃርያ ጎዳይ ሀይሳዳ ያጌስ፦ “ታ ኤንታ ሃሆን ደእያ ካዎተታ ግዶ የድኮካ፥ ቢታ ኡባን ላልኮካ፥ ኤንቲ ብዳ ቢታታን ጉ ዎደስ ኤንታራ ግዳና” ያጌስ።
\p
\v 17 ሄሳ ግሾ፥ ኡባ ሃርያ ጎዳይ ሀይሳዳ ያጌስ፦ “ታ ህንተና ካዎተታፐነ ህንተ ላለትዳ ቢታታፐ ሺሻና፤ እስራኤለ ቢታ ዛራዳ ህንተዉ እማና። 
\v 18 ኤንቲ ጉየ ስሚድ ያ ዎደ ቱና ምስለታነ ኤቃታ ቢታፈ ይሳና። 
\v 19 ታኒ ኤንታዉ እስ ዎዛና እማና፤ ኦራ አያና ኤንታ ግዶን ዎና። ኤንታፈ ሹቻ ዎዛና ድጋዳ፥ አሾ ዎዛና ኤንታዉ እማና። 
\v 20 ሄ ዎደ ኤንቲ ታ ህግያ ካላና፤ ታ ኪታ ናጋና። ኤንቲ ታ አሰ ግዳና፤ ታኒ ኤንታ ፆሳ ግዳና። 
\v 21 ግዶሽን፥ እፀትዳ ምስልያነ ቱና ኤቃ ጎይናናዉ ዶሰይሳታ ታኒ ኤንታ ኦሱዋዳ ኦና” ያጌስ ኡባ ሃርያ ጎዳይ።
\p
\v 22 ሄ ዎደ ክሩበት ባንታ ቀፍያ ምጭዶሶና፤ ኤንታ ምየን ገርቶት ደኦሶና። እስራኤለ ፆሳ ቦንቾይ ኤንታፈ ቦላራ ደኤስ። 
\v 23 ጎዳ ቦንቾይ ካታማ ግዶፈ ደንድድ፥ ዶሎሀ ባጋን ደእያ ዙማ ቦላ ኤቅስ። 
\v 24 ፆሳ አያናይ ታዉ እምዳ ቆንጨን አያናይ ታና ቢታፈ ደንድ፥ ካልዳወታ ቢታን ደእያ ድኤትዳይሳታኮ ኤፍስ። ሄሳፈ ጉየ፥ ቆንጨይ ታፐ ሻከትስ። 
\v 25 ጎዳይ ታና በስዳባ ኡባ ድኦን ደኤይሳታስ ኦዳስ።
\c 12
\s1 ድኤትድ ቡሳ ሌምሰትሦ
\p
\v 1 ጎዳ ቃላይ ታኮ ሀይሳዳ ያግድ ይስ፤ 
\v 2 “ነኖ አሳ ናአዉ፥ ኔኒ ጌላ አሳ ግዶን ደኣሳ። ኤንቲ ጌላ አስ ግድያ ግሾ ኤንታዉ አይፈይ ደኤስ፥ ሽን ደሞኮና፤ ሀይ ደኤስ፥ ሽን ስኦኮና። 
\v 3 ሄሳ ግሾ፥ አሳ ናአዉ፥ ድኦን ብያ አሳዳ፥ ኔኒ ኤፋናዉ ዳንዳእያባ ኡባ ሺሻ ቃቻዳ፥ ጋላስ ኤንቲ በእሽን ከያዳ፥ ነ ደእያ በሳፈ ሀራ በሲ ባ። ኦን ኤር ኤንቲ ጌላ አስ ግድኮካ አኬካና። 
\v 4 ጋላስ ኤንቲ ፄልሽን፥ ድኦ ብያ አሳዳ፥ ነ ቃችዳባ ካረ ከሳ፤ ኦማርስ ኤንቲ ፄልሽን፥ ድኤትድ ብያ አሳዳ ከያ። 
\v 5 ኤንቲ ፄልሽን፥ ነ ኬ ጎዳ ሉካዳ ፆእያራ ከያ። 
\v 6 ነ ከስዳ ሚሽያ ኤንቲ ፄልሽን፥ ነ ሀሸን ቶካዳ፥ ለምእሽን ደንዳዳ ባ። ነ አዉ ብያኮ በኦና መላ ነ ሶምኡዋ ካማ። ነ ሀንያባይ እስራኤለ አሳስ ማላ ግዳና” ያግስ።
\p
\v 7 ታኒ እ ታና ኪትዳይሳዳ ኦስ። ድኤትድ ብያ አሳዳ፥ ጋላስ ታ ቃችዳባ ካረ ከሳስ። ኦማርስ ታ ኬ ጎዳ ታ ኩሸን ሉካዳ ከያስ፤ ታ ከስዳ ሚሽያ ኤንቲ ፄልሽን፥ ታ ሀሸን ቶካዳ፥ ለምእሽን ባስ።
\p
\v 8 ዎንታ ጉራ ጎዳ ቃላይ ታኮ ሀይሳዳ ያግድ ይስ። 
\v 9 “ነኖ አሳ ናአዉ፥ ጌላ እስራኤለ አሳይ፥ ‘ነ ኦያባይ አይቤ?’ ግድ ነና ኦይችቦኮና? 
\v 10 ኤንታዉ ኡባ ሃርያ ጎዳይ ሀይሳዳ ያጌስ ጋዳ ኦዳ። ‘ሀ ትንብተይ የሩሳላመን ደእያ ሀላቃባነ እስራኤለ አሳባ ኦዴስ።’ 
\v 11 ነ ሀንያባይ ኤንታዉ ማላ ግደይሳ ኦዳ፤ ኤንቲ ድኤትድ ሀራ ቢታ ባና። 
\v 12 ኤንታ ግዶን ደእያ ሀላቃይ ጎዳ ሉክድ ባ ሚሽያ ባ ሀሸን ቶክድ፥ ለምእሽን ባና፤ ቢታ በኦና መላ ባ ሶምኡዋ ካማና። 
\v 13 ታ ግተ እያ ስንን የጋዳ ኦይካና። ታኒ እያ ካልዳወታ ቢታ ባብሎነ ካታማ ኤሀና፤ ሽን እ ሄ ካታማ በኦና ሀይቃና። 
\v 14 እያ ዩሾን ደእያ እያ ማደይሳታነ እያ ኦላንቾታ ኡባ ታ ኡባ በሲ ፕስክ ኦና፤ ታ ኤንታ ማሻን የደና።
\p
\v 15 “ኤንታ ታ ሀራ ቢታታነ ካዎተታ ግዶ ላልያ ዎደ ታ ጎዳ ግደይሳ ኤንቲ ሄ ዎደ ኤራና። 
\v 16 ኤንቲ ቢያ ካዎተታ ግዶን ባንታ ቱና ኦሶ ፓፃና መላ ኤንታፈ ጉታ ኦላፐ፥ ኮሻፐነ ሀርገፐ አትዲ አከካናዳ ኦና። ታ ጎዳ ግደይሳ ኤንቲ ሄ ዎደ ኤራና” ያግስ። 
\v 17 ጎዳ ቃላይ ታኮ ሀይሳዳ ያግድ ይስ፤ 
\v 18 “ነኖ አሳ ናአዉ፥ ነ ካ ዳጋማን ማ፤ ነ ሃ ያሻን ኮኮራሸ ኡያ። 
\v 19 ቢታን ደእያ አሳኮ ሀይሳዳ ያጋ። ኡባ ሃርያ ጎዳይ እስራኤለ ቢታን ደእያ የሩሳላመ አሳባ ሀይሳዳ ያጌስ፦ ‘ቢታን ደእያ አሳ ኡባይ ገነ ኦያ ግሾ ኤንታ ቢታይ ካሎ አታና፥ ኤንቲ ባንታ ኡይ ህርጋን ማና፤ ባንታ ሃ ዳጋማን ኡያና። 
\v 20 ሀእ አስ ኩምዳ ካታማት ያና፤ ቢታይ ባይሳ ግዳና። ታኒ ጎዳ ግደይሳ ኤንቲ ሄ ዎደ ኤራና’ ” ያጌስ።
\p
\v 21 ጎዳ ቃላይ ታኮ ሀይሳዳ ያግድ ይስ፤ 
\v 22 “ነኖ አሳ ናአዉ፥ ህንተ እስራኤለ ቢታን፥ ዎደ አዱቅስ ቆንጨ ኡባይ ሀዳ ግድስ አስ ያግድ ሌምሰይ እ አይቤ? 
\v 23 ኡባ ሃርያ ጎዳይ ሀይሳዳ ያጌስ፤ ‘ታኒ ሀ ሌምሶይ ናምአን ኦደቶና መላ ኦና፤ ኤንቲ ዛሪድ፥ እስራኤለ ቢታን ሌምሶኮና’ ያጌስ። ‘ጋላሳይ ማታትስ፤ ቆንጨ ኡባይ ፖለታና ሀኔስ’ ያጋ። 
\v 24 ህዛፐ ጉየ እስራኤለ አሳ ግዶን ዎርዶ ቆንጨነ ሙሩኖ ዴና። 
\v 25 ታ ጎዳይ ኦዳናዉ ኮይዳባ ኦዳና፤ ሄስካ ጋምኦና ፖለታና። ህንተኖ፥ ጌላቶ፥ ታ ኦድያባ ኡባ ህንተ ላይን ፖላና” ያጌስ ኡባ ሃርያ ጎዳይ።
\p
\v 26 ቃስካ ጎዳ ቃላይ ታኮ ሀይሳዳ ያግድ ይስ። 
\v 27 “ነኖ አሳ ናአዉ፥ እስራኤለ አሳይ፥ ‘እ በእዳ ቆንጨይነ እ ኦድያ ትንብተይ ዳሮ ላይፈ ጉየ ሀናናባ’ ያግድ ኦዶሶና። 
\v 28 ሄሳ ግሾ፥ ኡባ ሃርያ ጎዳይ ሀይሳዳ ያጌስ፦ ‘ታ ኦድያ ቃላይ ፖለታናፐ አትሽን፥ እሶይካ ጋምኤና’ ” ያጌስ ኡባ ሃርያ ጎዳይ።
\c 13
\s1 ዎርዶ ናበታ ቦላ ኦደትዳ ትንብተ
\p
\v 1 ጎዳ ቃላይ ሀይሳዳ ያግሸ ታኮ ይስ። 
\v 2 “ነኖ አሳ ናአዉ፥ እስራኤለን ትንብተ ኦድያ ናበታ ቦላ ነ ትንብተ ኦዳ። ባንታዉ መ ከስድ ትንብተ ኦደይሳታ ሀይሳዳ ያጋ፤ ጎዳ ቃላ ስእተ። 
\v 3 ኡባ ሃርያ ጎዳይ ሀይሳዳ ያጌስ፦ ‘አይባካ በኦና ባንታ ቆፋን ደንድድ ትንብተ ኦድያ ኤያ ናበታ አየ!’ 
\v 4 እስራኤለ አሳዉ፥ ህንተ ናበት ላለትዳ ካታማን ደእያ ዎርካናታ መላ። 
\v 5 ጎዳ ጋላሳን ኦላን ምንድ ኤቃና መላ እስራኤለ አሳ ድርሳ ግምብያ ምንድ ኤስቤከታ፤ ፑደ ላለትዳ በሳ ከይበከታ። 
\v 6 ኤንታ ቆንጨይነ ኤንታ ብታይ ዎርዶ። ኤንቲ ጎዳይ ኪቶናሽን፥ ጎዳይ ሀይሳዳ ያጌስ ያጎሶና። ኤንቲ ኦደይሳ ጎዳይ ፖላና ግድ ናጎሶና። 
\v 7 ታኒ ኦዶናሽን፥ ጎዳይ ሀይሳዳ ያጌስ ያግድ ኦድያነ ዎርዶ ቆንጨ በኤይሳታነ ሙራንቾታ ግደከቲ?” ያጌስ።
\p
\v 8 ሄሳ ግሾ፥ ኡባ ሃርያ ጎዳይ ሀይሳዳ ያጌስ፤ “ህንተ በእዳ ቆንጨነ ህንተ ኦድዳ ትንብተይ ዎርዶ ግድያ ግሾ ታ ህንተዉ ሞርከ ግዳና። 
\v 9 ዎርዶ ቆንጨ በእያነ ሙራንችያ ናበታ ቦላ ታኒ ታ ኩሽያ ደንና። ኤንቲ ታ አሳ ዞረታን ገሎኮና፤ እስራኤለ አሳ ማዝጋበን ፃፈቶኮና፤ ኤንቲ እስራኤለ ቢታ ገሎኮና። ሄ ዎደ ታ ኡባ ሃርያ ጎዳ ግደይሳ ህንተ ኤራና።
\p
\v 10 “ሳሮይ ባይናሽን ሳእ ሳሮ ያግድ ታ አሳ ባለሶና። አሳይ ሹቹ ኬልድ ዶርን፥ ኤንቲ ቦቅንተ ትዮሶና። 
\v 11 ሀ ቦቅንተ ትየይሳታስ፤ ሀ ህንተ ትይዳ ግምበይ ኩንዳና፤ ዎልቃማ እር ቡካና። ታኒ ግታ ሻች የጋና፤ ዎልቃማ ጎተይ ደንዳና። 
\v 12 ሄ ግምበይ ኩንድያ ዎደ አሳይ ህንተ ትይዳ ኖራይ አኔ? ያግድ ኦይቾና አጋነ” ያጌስ።
\p
\v 13 ኡባ ሃርያ ጎዳይ ሀይሳዳ ያጌስ፦ “ታኒ ግምብያ ላላናዉ፤ ታ ሀንቁዋን ዎልቃማ ጎተ የዳና፤ ታ ይሉዋን ግታ ሻቻ ኪታና፥ ታ ሸንያን ዎልቃማ እራ ቡክሳና። 
\v 14 ህንተ ቦቅንተ ትይዳ ግምብያ ታ መንረና፤ ባሶይ በንታና ጋካናዉ ላላና። እ ኩንድያ ዎደ ህንተ እያ ግዶን ሀይቃና፤ ሄ ዎደ ታኒ ጎዳ ግደይሳ ህንተ ኤራና። 
\v 15 ታ ሀንቆይ ግምብያ ቦላነ ግምብያ ቦቅንተ ትይዳ አሳታ ቦላ ዎና። ታ ህንተኮ፥ ‘ግምበይ ባዋ፤ ግምብያ ቦቅንተ ትይዳይሳትካ ዶኮና። 
\v 16 እስራኤለን ደእያ ናበት፥ የሩሳላመባ ትንብተ ኦደይሳት፥ ሳሮይ ባይናሽን ሳሮ ቆንጨ በኤይሳት ዶኮና’ ” ያጌስ ኡባ ሃርያ ጎዳይ።
\p
\v 17 “ነኖ አሳ ናአዉ፥ ባንታ ቆፋን ደንድድ፥ ትንብተ ኦድያ ማጫሳ ደሬቃ ፄላዳ ኤንታ ቦላ ትንብተ ኦዳ። 
\v 18 ኡባ ሃርያ ጎዳይ ሀይሳዳ ያጌስ፦ ‘ሀራ አሳ ቦላ ዎልቅ ዳናዳ፥ ኤንታ ሀሽያ ቦላ ሙሩኖባ ስክያነ አሳስ ኡባስ ቢታ ቃጨ ጊግስያ ማጫሳ አየ! ህንተ ታ አሳ ፅሄን ኦይክድ ህንተ ሸምፑዋ አሻኔ? 
\v 19 እስ ኮጰ ባንጋ ዎይኮ እስ ባሶ ኡይ ደማናዉ፥ ዬላያባ ኦድ፥ ታ አሳ ስንን ታና ካዉሼታ። ህንተ ሀይቃናዉ በሶናይሳታ ዎድ ዳናዉ በሶናይሳታ አሼታ። ያትድ ታ አሳ ዎርዶ ኦዴታ፤ ኤንትካ ህንተ ዎርዱዋ ስኦሶና’ ” ያጌስ።
\p
\v 20 ሄሳ ግሾ፥ ኡባ ሃርያ ጎዳይ ሀይሳዳ ያጌስ፦ “ህንተዉ ሀራ አሳ ቦላ ዎልቅ ዳና መላ ህንተ ኩሸን ቃችዳ ሙሩኑዋ ቃጭያ ታ ዳፋ ኤካና። ታ እያ ህንተ ኩሽያፐ ዱ ሆላና፤ ፅሄፐ ከስ ኤክያ ካፎዳ ታ ኤንታ ህንተ ፅህያፐ ከሳ ኤካና። 
\v 21 ታኒ ህንተ ሻሽያ ቃራ ኤካዳ፥ ታ አሳ መርናዉ ህንተ ኩሸፐ አሻና። ታኒ ጎዳ ህንተ ሄ ዎደ ኤራና። 
\v 22 ታኒ አዛንቦና ፅሎ አሳ ዎዛና ህንተ ዎርዶን አዛንደታ፤ ናጋራንቾት ባንታ ኢታ ኦሱዋፐ ስሚድ፥ ባንታ ሸምፑዋ አሾና መላ ኤንታ ምንደታ። 
\v 23 ህዛፐ ህንተ ዎርዶ ቆንጨ በኤከታ፤ ሙሩነከታ። ታኒ ታ አሳ ህንተ ኩሸፐ ከሳ ኤካና። ታኒ ጎዳ ግደይሳ ህንተ ሄ ዎደ ኤራና” ያጌስ።
\c 14
\s1 ኤቃ ጎይኖይ እፀትስ
\p
\v 1 እስራኤለ ጭማታፐ እሶት እሶት ታኮ ይድ፥ ታ ስንን ኡትዶሶና። 
\v 2 ጎዳ ቃላይ ሀይሳዳ ያግሸ ታኮ ይስ። 
\v 3 “አሳ ናአዉ፥ ሀ አሳት ባንታ ዎዛናን ኤቃ ኤስዶሶና፤ ኤንታ ናጋራይ ኤንታዉ በ ሹች ግድስ። ያትን፥ ኤንቲ ታና ኦይቻና መላ ኦዬ?” 
\v 4 ነ ኤንታዉ ኡባ ሃርያ ጎዳይ ሀይሳዳ ያጌስ ጋዳ ኦዳ፤ “እስራኤለ አሳፐ ኦንካ ኤቃ ባ ዎዛናን ዎድ፥ እያ ናጋራይ እያዉ በ ሹቹ ግድን፥ ናበ ኦይቻናዉ ቢኮ፥ ታኒ ታ ሁጰን እያ ኤቃታ ዳሮተዳ እያዉ ዛራና። 
\v 5 ሄ ኤቃት እስራኤለ አሳ ታፐ ሃስዶሶና፤ ሽን ሀእ ታ ኤንታዉ እምያ ዛሩዋን ኤንታ ዎዛና ታኮ ዛራና” ያጌስ።
\p
\v 6 “ሄሳ ግሾ፥ እስራኤለ አሳስ ሀይሳዳ ያጋዳ ኦዳ። ኡባ ሃርያ ጎዳይ ሀይሳዳ ያጌስ፤ ናጋራ ፓፅተ፤ ህንተ ኤቃ አግተ፤ ህንተ ቱና ኦሶ ኡባፈ ስምተ።
\p
\v 7 “እስራኤለ አሳ ግድን ዎይኮ እስራኤለ ቢታን ደእያ አላጋ ቢታ አሳ ግድን፥ ታፐ ሃክድ፥ ባ ዎዛናን ኤቃ ዎድ፥ እያ ናጋራይ እያዉ በ ሹቹ ግድን፥ ታና ዞረ ኦይቻናዉ ናበኮ ቢኮ፥ ታኒ ጎዳይ ታ ሁጰን እያዉ ዛሮ እማና። 
\v 8 ታኒ ሄ ኡራ ሞርካና፤ ታ እያ አሳ ማላስነ ሚቻስ አሻና፤ ታኒ እያ ታ አሳ ግዶፈ ይሳና፤ ታ ጎዳ ግደይሳ ህንተ ሄ ዎደ ኤራና። 
\v 9 እስ ናበይ ጭመትድ ትንብተ ኦድኮ፥ ሄ ናበይ ኦዳና መላ ጭምዳይ ታና ጎዳ። ታኒ እያ ቦላ ታ ኩሽያ ዎዳ፥ ታ አሳ ግዶፈ እያ ይሳና። 
\v 10 ኤንቲ ባንታ ናጋራ ሴራ ቶካና፤ ናበይነ ናብያ ኦይቸይስ እስ ግና ሴረታና። 
\v 11 ህዛፐ ጉየ እስራኤለ አሳይ ኦገ ባለትድ ታፐ ሃከና፤ ባንታ ናጋራን ባንታና ቱንሶኮና። ኤንቲ ታ አሰ ግዳና፤ ታንካ ኤንታ ፆሳ ግዳና” ያጌስ ኡባ ሃርያ ጎዳይ።
\s1 ኖሄ፥ ዳነላነ እዮባ
\p
\v 12 ጎዳ ቃላይ ሀይሳዳ ያግሸ ታኮ ይስ፦ 
\v 13 “አሳ ናአዉ፥ እስ ቢታ አሳይ ናጋራ ኦድ፥ ታዉ አማነቶና እፅኮ፥ ታኒ ታ ኩሽያ ደንዳ፥ ኤንታ ካ ይሳዳ፥ ኮሻ ኤሀና፤ አሳነ መህያ ዎና። 
\v 14 ሀር አቶሽን ሀ ሄ አሳት ኖሄይ፥ ዳነልነ እዮብ ሄ ቢታን ደእያኮካ፥ ኤንቲ ባንታ ፅሎተን ባንታ ሸምፑዋ ፃላላ አሻና” ያጌስ ኡባ ሃርያ ጎዳይ።
\p
\v 15 “ታኒ ኤንታ ቢታ ቦላ ዎራ ዶአታ የዳዳ፥ ሄ ቢታይ አስ ባይናነ ኦንካ ካንና መላ ባይሳ ኦና። 
\v 16 ታኒ ኡባ ሃርያ ጎዳይ ታ ደኡዋን ጫቃስ። ሀር አቶሽን፥ ሀ ሄ አሳት ሄ ቢታን ደእያኮካ፥ ኤንቲ ባንታ ናይታ አሻናዉ ዳንዳኦኮና። ኤንቲ ባንታዉ አታና፤ ሽን ቢታይ ባይሳ ግዳና” ያጌስ ኡባ ሃርያ ጎዳይ።
\p
\v 17 “ታኒ ሄ ቢታ ቦላ ቶራ የዳዳ፥ ያን ደእያ አሳነ መህያ ዎኮ፥ 
\v 18 ታኒ ኡባ ሃርያ ጎዳይ ታ ደኡዋን ጫቃስ። ሀ ሄ አሳት ሄ ቢታን ደእያኮካ፥ ባንታ ናይታ አሻናዉ ዳንዳኦኮና። ኤንቲ ባንታዉ አታና” ያጌስ ጎዳይ።
\p
\v 19 “ታኒ ሄ ቢታ ቦላ ኢታ ሀርገ የዳዳ፥ ታ ሀንቁዋን ሱ ጉካና መላ ኦኮ፥ ያን ደእያ አሳነ መህያ ዎኮ፥ 
\v 20 ታኒ ኡባ ሃርያ ጎዳይ ታ ደኡዋን ጫቃስ። ሀር አቶሽን፥ ኖሄይ፥ ዳነልነ እዮብ ሄ ቢታን ደእያኮካ፥ ኤንቲ ባንታ ፅሎተን ባንታ ሸምፑዋ አሻናፐ አትሽን፥ ባንታ ናይታ አሾኮና” ያጌስ ኡባ ሃርያ ጎዳይ።
\p
\v 21 ኡባ ሃርያ ጎዳይ ሀይሳዳ ያጌስ፤ “ታኒ አሳነ መህያ ዎናዉ የሩሳላመ ቦላ ኦይዱ ኢታ ፕርዳታ፦ ቶራ፥ ኮሻ፥ ዎራ ዶአታነ ሀርገ የዳና። 
\v 22 ግዶሽን፥ አትድ ከይዳ ጉ አሳት፤ ማጫ ናይትነ አደ ናይት ያፐ ከያና። ኤንቲ ህንተኮ ያ ዎደ ኤንታ ሀኖታነ ኤንታ ኦሱዋ ህንተ በእድ፥ ታ የሩሳላመ ቦላ ኤህዳ ጋዶይ ልከ ግደይሳ አኬካና። 
\v 23 ህንተ ኤንታ ሀኖታነ ኤንታ ኦሱዋ በእድ፥ ታ ኤንታ ቦላ ጮ ፕርዶናይሳ ኤራና” ያጌስ ኡባ ሃርያ ጎዳይ።
\c 15
\s1 ዎይነ ሌምሶ
\p
\v 1 ጎዳ ቃላይ ሀይሳዳ ያግሸ ታኮ ይስ። 
\v 2 “አሳ ናአዉ፥ ዎይነይ ዎራን ደእያ ሀራ ምፈ አይብን አ? 
\v 3 ጎእ ደእያ ባ ኦናዉ ቃንፀትድ ኤርዬ? አይኮባ ካቅያ ኮጫ እያፐ ከሳናዉ ዳንዳኤቲ? 
\v 4 እያ ታማ ኦይሰናዉ ታማን የግን፥ ፄራይነ ዱለይ ታማን ሜተትን አትዳ ዱንቻይ አይ ማዳኔ? 
\v 5 ፁገቶና ደእሸ፥ አይኮ ማዶናይስ ታም ምን ምጭድ አይ ማዳኔ?”
\p
\v 6 ሄሳ ግሾ፥ ኡባ ሃርያ ጎዳይ ሀይሳዳ ያጌስ፦ “ታኒ ዎራን ደእያ ም ግዶፈ ዎይነ ም ታማስ አዳ እምዳይሳዳ የሩሳላመን ደእያ አሳ ሄሳዳ ኦና። 
\v 7 ታኒ ታ ሶምኡዋ ኤንታ ቦላ ዛራና፤ ኤንቲ እስ ታማፐ ከይኮካ፥ ሀራ ታም ኤንታ ማና። ታኒ ታ ሶምኡዋ ኤንታ ቦላ ዛርያ ዎደ ታኒ ጎዳ ግደይሳ ህንተ ኤራና። 
\v 8 ኤንቲ ታናን አማነቶና አግዳ ግሾ ታ ኤንታ ቢታ ባይሳ ከሳና” ያጌስ ኡባ ሃርያ ጎዳይ።
\c 16
\s1 አማነቶና የሩሳላመ
\p
\v 1 ጎዳ ቃላይ ሀይሳዳ ያግሸ ታኮ ይስ። 
\v 2 “አሳ ናአዉ፥ የሩሳላመ እያ ቱና ኦሶታ ኤርሳ። 
\v 3 ኡባ ሃርያ ጎዳይ የሩሳላመኮ ሀይሳዳ ያጌስ። ነ ማይዛነ ነ ሼሻይ ካናነ ቢታና፤ ነ አዋይ አሞረ፤ ነ አይያ ህተ አስ። 
\v 4 ነ የላትያ ጋላስ ነ ጉልአይ ቃንፀትበና፤ ዎይኮ ነና ጌሻናዉ ሃን ሜጨታባካ፤ ዎይኮ ማፅነን ጎርፐታዳ ጩርቃን ፃፀታባካ። 
\v 5 ሀ ጌተትዳይሳታፐ ሀር አቶሽን እሱዋ ኦናዉ ነዉ ምሸትዳይ ባዋ። ነ የለትዳ ጋላስ ቦረትዳ ግሾ ዎራ የገታዳሳፐ አትሽን፥ ነዉ ኦንካ ቃትቤና።
\p
\v 6 “ታ ያራ አያ ዎደ ኔኒ ነ ሱን ኢታዳ ዞሄትሽን በአዳ፥ ኔኒ ነ ሱን ዝንእዳ ደእሽን፥ ‘ደኦን ደአ’ ያጋስ። 
\v 7 ታ ነና አራዳ ቢታን ደእያ ካዳ ድቻስ። ኔኒ ድጫ አዱቃዳ፥ ጋማ ጋካዳሳ። ነ ንይ ኡትስ፤ ነ ሁጰይ ድጭስ፤ ሽን ነ ካሎ ደኣሳ።
\p
\v 8 “ዛራዳ ታ ያራ አሸ ነና ፄልያ ዎደ፥ ኔኒ ገሎስ ጋካዳ፥ ካሎ ቦርሰትያ አሰ ግዳዳሳ። ታ አፍላ ማጫራ ነ ቦላ የጋዳ፥ ነ ካሉዋ ካማስ፤ ታ ኔራ ጫቃዳ ነና ታዉ ቡዞ ኦስ” ያጌስ ኡባ ሃርያ ጎዳይ።
\p
\v 9 “ሱን ኢትዳ ነ አሳተ ሃን ሜጫ ጌሻዳ፥ ዛይተን ትያስ። 
\v 10 ታኒ ነና አሌቆ ማኦ ማይዛስ፤ ሎኦ ጋልባፈ ኦሰትዳ ጫማ አስሳስ፤ ሊኖ ሻሸ ነና ቃጭሳስ፤ አልኦ ኩታ ጉልንትሳስ። 
\v 11 ነና አሌቆን አሌቅሳስ፤ ነ ኩሸን ሳጋዮ አስ፤ ነ ቆያ ዎርቃን ማይዛስ። 
\v 12 ነ ስንነ፥ ነ ሀይን ዎርቃ፥ ነ ሁጰን ሎኦ ካላቻ ዎስ። 
\v 13 ነ ዎርቃንነ ብራን አሌቀታዳሳ፤ ነ ማኦ ኡባይ አልኦ ሊኖ፥ አልኦ ኩታነ አሌቆ ቃምሰ። ነ ምያ ካይ ሎኦ ለ፥ ኤስነ ዛይተ። ኔኒ ዳሮ ፑላታዳ፥ ካዎ ግዳናዉ ጋካዳሳ። 
\v 14 ታ ነዉ እምዳ ቦንቹዋ ጋሶን፥ ነ ዳሮ ፑላትዳ ግሾ ካዎተታ ኡባን ኤረታዳሳ” ያጌስ ኡባ ሃርያ ጎዳይ።
\p
\v 15 “ሽን ኔኒ ነ ፑላን አማነታዳ፥ ሀራታን ኤረትዳ ግሾ ኦገራ አያ ኡባስ ነና አ እማዳሳ። 
\v 16 ነ ማኡዋፐ ባጋ ኤካዳ፥ ነ ጎይኖ በሳታ አሌቅሳዳሳ፤ ያን ላይማታዳሳ። ሄሳ መላባይ ሀይሳፈ ካሰ ሀንቤና፤ ስንፈካ ሀናናዉ በሰና። 
\v 17 ታ ነዉ እምዳ ዎርቃፈነ ብራፐ ኦሰትዳ ሎኦ አሌቆ፥ አደ ምስለታ ኦዳ ኤንታራ ላይማታዳሳ። 
\v 18 ታ እምዳ አሌቆ ማኡዋ ሄ ምስለታ ማይዛዳሳ፤ ታ ዛይትያነ ታ እፃንያ ኤንታዉ ሺሻዳሳ። 
\v 19 ታ ነዉ እምዳ ሎኦ ልያ፥ ዛይትያነ ኤሳ ኤንታ ስንን ሳዎ ቶንኩ ግያ ያርሾ ኦዳ ሺሻዳሳ” ያጌስ ኡባ ሃርያ ጎዳይ።
\p
\v 20 ነ ላይማተይ ጉፅቤናሽን፥ ነ ታዉ የልዳ አደ ናይታነ ማጫ ናይታ ኤፋዳ፥ ኤቃታስ ያርሻዳሳ። 
\v 21 ነ ታ ናይታ ሹካዳ፥ ኤቃታስ ታማን ያርሻዳሳ። 
\v 22 ነ ቱናተንነ ነ ላይማተን ኡባን ደአሸ፥ ካሰ ነ ያላጋተ ላይ፥ ካሎ ሱን ሙከታዳ ዞሄትያ ዎድያ ዶጋዳሳ።
\p
\v 23 ኡባ ሃርያ ጎዳይ፥ “አየ! ነና አየ!” ያጌስ። ሀ ኢታተ ኡባ ቦላ ጉጃዳ፥ 
\v 24 ዳባባ ኡባን ቃ ኤቃ ጎይንያ በሳታ ነዉ ጊግሳዳሳ። 
\v 25 ኦገ ዶናን ላይማትያ በሳታ ኬፃዳ፥ ነ ፑላ ቱንሳዳሳ፤ ኦገራ አያ ኡባስ ነ አሳተ አ እማዳ፥ ላይማተ ዳርሳዳሳ። 
\v 26 ኔኒ አሞን ኩምዳ፥ ነ ሾሮ ግድዳ ግብፀታራ ላይማታዳሳ፤ ነ ላይማተን ታና ይሎያዳሳ። 
\v 27 ሄሳ ግሾ፥ ታኒ ታ ኩሽያ ነ ቦላ ደንስ፤ ነና ጋክያ ነ አንጁዋ ጉስ። ታኒ ነና ነ ፖኮ ሀኖታን ዬላትያ፥ ነና ሞርክያ ፍልስፄመታስ አዳ እማስ። 
\v 28 ነ አሎና አስ ግድያ ግሾ፥ አሶረ አሳራ ላይማታዳሳ። ሄ ኡባን ታዉ ግዳና ጋባካ። 
\v 29 ዛልኤን አቅያ ካልዳወታራ ላይማታዳሳ፥ ሽን ሄስ ታዉ ግዳና ጋባካ።
\p
\v 30 ኡባ ሃርያ ጎዳይ፥ “ኔኒ ዬል ባይና ላይማ ማጫሳዳ ሀንያራ፥ ነ አይብ ላፋ አሰ! 
\v 31 ኔኒ ኦገ ዶናን ላይማትያ በሳታ ነዉ ኬፅያ ዎደነ ዳባባ ኡባን ኤቃስ ጎይንያ በሳታ ጊግሳዳሳ። ግዶሽን፥ ሀራ ላይማ ማጫሳት ኤክያ ሚሸ ኤካባካ። 
\v 32 ኔኒ ባ አዝናይ ደእሽን፥ አላጋ አደታራ ላይማትያ ማጫሳ መላ። 
\v 33 ላይማ ማጫሳስ ሚሸይ ቃንፀቴስ፥ ሽን ኔኒ ነ ላገታስ እሞታ እማሳ፤ ኤንቲ ኡባ በሳፈ ኔኮ ያና መላ ኤንታዉ ሚሸ እማሳ። 
\v 34 ኔኒ ላይማትያ ሀራ ማጫሳታፐ ዱማ፤ ኔራ ላይማታናዉ ነና ካልያ ኦንካ ባዋ። ኔኒ ገደ እሞታ እማሳፐ አትሽን፥ ሃ ኤካካ፤ ኔኒ ሀራታፐ ዱማ” ያጌስ። 
\v 35 ነኖ፥ ላይማ የሩሳላመ ጎዳ ቃላ ስአ። 
\v 36 ኡባ ሃርያ ጎዳይ ሀይሳዳ ያጌስ፤ “ኔኒ ነ ላይማተ አሙዋን ነ ላገታስ ነ አሳተ ቃርዳ ግሾ፥ ነ ኤቃታ ኡባ ግሾነ ነ ናይታ ሱ ነ ኤንታዉ ጉስዳ ግሾ፥ 
\v 37 ነ ኤንታን ኡፋይትዳ ነ ላገታ ኡባ፥ ነ ዶሰይሳታነ ነ እፀይሳታ ታ ነዉ ሞርከ ኦዳ ሺሻና። ታኒ ኤንታ ዱማ ዱማ በሳፈ ነ ዩሹዋን ሺሻዳ፥ ኤንታ ስንን ነና ቃራና፤ ኤንቲ ነ ካሉዋ በአና። 
\v 38 ታኒ ላይማ ማጫሳታ ቦላነ ሱ ጉስያ ማጫሳታ ቦላ ፕርደይሳዳ ነ ቦላ ፕርዳና፤ ታ ሀንቁዋንነ ታ ቃናትያን ነ ቦላ ሀይቆ ኤሀና። 
\v 39 ታ ነና ነ ላገታስ አዳ እማና፤ ኤንቲ ነ ላይማትያ በሳታነ ኤቃ ጎይኖ በሳታ ላላና። ኤንቲ ነ ማኡዋ ቃርድ፥ ነ ሎኦ አሌቁዋ ኤክድ፥ ነና ፅረ ካሎ አሻና። 
\v 40 ነና ሹቻን ጫድድ፥ ማሻን ቃንፀረድ ዎያ አሳ ነ ቦላ ኤንቲ ደንና። 
\v 41 ኤንቲ ነ ኬ ፁግድ፥ ዳሮ ማጫሳ ስንን ነ ቦላ ፕርዳና። ታ ነ ላይማተ አግሳና፤ ነ ላገታስ ገደ ሚሸ ቃንፃካ። 
\v 42 ሄሳን ነ ቦላ ደእያ ታ ይሎይ እርፃና፤ ታ ቃናትያ ኔፐ ሃሳና፤ ህዛፐ ስእ ጋና፤ ዛራዳ ሀንቀትከ። 
\v 43 ኔኒ ነ ናአተ ላይ ዶጋዳ፥ ሀ ኢታ ኦሶ ኡባን ታና ሀንቀዳሳ። ሄሳ ግሾ፥ ነ ኦዳባ ኡባ ታ ነ ቦላ ዛራና። ነ ቱና ኦሶ ኡባ ቦላ ላይማተ አይስ ጉጃዲ?” ያጌስ ኡባ ሃርያ ጎዳይ።
\s1 ናእያ አየ መላ
\p
\v 44 “የሩሳላመ፥ አሳይ ነና፥ ‘ናእያ አየ ማላ’ ግድ ሌምሳና። 
\v 45 ቱማ ኔኒ ባ አዝናነ ባ ናይታ ሻተትያ ነ አየ መላ፤ ባንታ አዝናታነ ባንታ ናይታ ሻተትያ ነ ምቸታ መላ፤ ነ አይያ ህተ አስ፤ ነ አዋይ አሞረ አስ። 
\v 46 ነ ባይራ ምችያ፥ ባ ጉታራ ኔፐ ፑደሀ ባጋን ደእያ ሳማረነ እ ማጫ ናይታ፤ ነ ካሎ ምችያ ባ ጉታራ ኔፐ ዱገሀ ባጋን ደእያ ሶዶመነ እ ማጫ ናይታ። 
\v 47 ነ ኤንታ ኦግያ ካላዳ ኤንታ ቱና ኦሶታ ፖሎ ፃላላ ግዶናሽን፥ ጉ ዎደን ኤንታፈ አዳ ኢታ ኦዳሳ።
\p
\v 48 “ታኒ ኡባ ሃርያ ጎዳይ ታ ደኡዋን ጫቃስ። ኔንነ ነ ጉታን ደኤይሳት ኦዳይሳዳ ነ ምችያ ሶዶመነ እ ማጫ ናይት ኦቦኮና። 
\v 49 ነ ምችያ ሶዶመ ኦዳ ናጋራይ ሀይሳ፦ እያነ እ ማጫ ናይት ኦቶራንቾ፥ ኤንቲ ካልዳይሳታነ እንጀ ዱሱ ደእኮካ ኤንቲ መቶታንቾታነ ማንቆታ ማድቦኮና። 
\v 50 ኤንቲ ኦቶራንቾ ግድድ፥ ታ ስንን ቱና ኦሶ ኦዶሶና። ሄሳ ግሾ፥ ህንተ በእዳይሳታ ታ ኤንታ ይሳስ።
\p
\v 51 “ሳማረይ ነ ኦዳ ናጋራስ ባጋካ ኦቡኩ፤ ነ ኢፐ አዳ ሻትያ ቱና ኦዳሳ። ነ ኦዳ ቱና ኦሶታ ኡባ ጋሶን ነ ምቸት ፅሎ አዛና መላ ኦዳሳ። 
\v 52 ኔኒ ነ ምቸታ ሱረ አስ ከስዳ ግሾ ዬላ ማአ። ነ ናጋራይ ኤንታይሳፈ አድ ኢትን፥ ኤንቲ ኔፐ ፅሎ ዳንዶሶና። ሄሳ ግሾ፥ ካዉያዳ ዬላ ማአ።
\p
\v 53 “ግዶሽን፥ ሶዶመነ እ ማጫ ናይታ፥ ሳማረነ እ ማጫ ናይታ ታኒ ኤንታ ሻሉዋ ዛርያ ዎደ ነ ሻሉዋካ ዛራና። 
\v 54 ነባን ኔኒ ዳሮ ዬላታና፤ ነ ካዉሻተይ ዳሮ ግድያ ግሾ ነ ምቸት ሄሳን ምነታና። 
\v 55 ነ ምቸት፥ ሶዶመ ባ ጉታታራነ ሳማርያ ባ ማጫ ናይታራ ባንታ ካሰ ዱሳኮ ስማና፤ ነካ ነ ማጫ ናይታራ ካሰ ነ ዱሳኮ ስማና። 
\v 56 ነ ኦቶርትያ ዎደ ነ ምቸ ሶዶም ቦላ ቀልቅሳብኪ? 
\v 57 ሄስ ሀንዳይ ነ ናጋራይ ቆንጫናፐ ካሰ ግደኔ? ሀእ ኔኒ ነ ዩሹዋን ደእያ ኤዶመስ ምቾታስነ እ ሾሮታስ፥ ፍልስፄመስነ እ ምቸ ናይታስ፤ ሄሳዳካ ነና እፅያ ኡባስ ቦረስ አታዳሳ። 
\v 58 ነ ላይማተ ግሾነ ነ ቱና ኦሶታ ግሾ ነ ሴረታና” ያጌስ ጎዳይ።
\p
\v 59 ኡባ ሃርያ ጎዳይ ሀይሳዳ ያጌስ፤ “ኔኒ ኡፋይሳ ቃላ መንዳ፥ ጫቁዋ ላልዳ ግሾ ነ ኦዳ ኦሱዋዳ ታ ነዉ ኦና። 
\v 60 ግዶሽን፥ ታ ነ ናአተ ዎድያን ኔራ ጫቅዳ ጫቆ ቃላ ሀሳያና፤ መርናዉ ኔራ ጫቃና። 
\v 61 ነ ባይራነ ነ ካሎ ምቸታ ታ ኔኮ ኤህያ ዎደ ኔኒ ነ ሄመ ሀሳያዳ ዬላታና። ሽን ሄስ ታ ኔራ ጫቅዳ ጫቁዋ መላ ግዶና እፅኮካ፥ ታ ኤንታ ነዉ ናአ ኦዳ እማና። 
\v 62 ታኒ ታ ጫቁዋ ኔራ ኦራና፤ ሄ ዎደ ታ ጎዳ ግደይሳ ነ ኤራና። 
\v 63 ነ ኦዳ ናጋራ ኡባ ታኒ አቶ ግያ ዎደ ነ ኦዳባ ሀሳያዳ፥ ዬላስ ነ ዶና ኦይካና” ያጌስ ኡባ ሃርያ ጎዳይ።
\c 17
\s1 አርጋንነ ዎይነ ሌምሶ
\p
\v 1 ጎዳ ቃላይ ሀይሳዳ ያግድ ታኮ ይስ፦ 
\v 2 “አሳ ናአዉ፥ እስራኤለ አሳስ ቃንእሽን ኦዳ፤ ሌምሶን ቆንጭሳ። 
\v 3 ኡባ ሃርያ ጎዳይ ሀይሳዳ ያጌስ ጋዳ ኦዳ። ‘ግታ ቀፈይነ ዱማ ዱማ ማላራ ደእያ ባለት ደእያ እስ አርጋን ደኤስ። ሄ አርጋንይ ልባኖሰ ይድ ዝጋ ፄራን ኦይክስ። 
\v 4 ሄ ዝጋ ፄራ መን ኤክድ፥ ዛልኤይ ዳርያ ቢታ ኤፍድ ዛልአንቾታ ካታማን ቶክስ። 
\v 5 እ እስራኤለ ቢታፈ አጫ ኤፍድ፥ አራዳ ቢታን፥ ሃ ማታን ቶክስ። 
\v 6 አጫይ ዳሮ አዱቆና ደእሸ ዳይድ አርጋንኮ ስሚድ ድጭስ፤ ሽን እያ ፃጶይ ቢታ ግዶ ገልስ። ሄ ዎይነይ ዳሮ ታሸነ ሀይ ከስስ። 
\v 7 ሄሳዳካ፥ ግታ ቀፈይነ ዳሮ ባለት ደእያ ሀራ አርጋን ደኤስ። ሃ ደማናዉ ሄ ዎይነይ ባ ቶከትዳ በሳፈ ሄ አርጋንይ ደእያ በሳኮ ባ ፃጱዋነ ባ ታሽያ የድስ። 
\v 8 ሽን፥ ሄ ዎይነይ ታሸ ከሳና መላ፥ አይፈ አይፋና መላነ ሎኦ ዎይነ ግዳና መላ አራዳ ቢታን፥ ዳሮ ሃ ደእያ በሳን ቶከትስ’ ” ያጌስ።
\p
\v 9 ኡባ ሃርያ ጎዳይ ሀይሳዳ ያጌስ ጋዳ ኦዳ። “ሄ ዎይነይ ድጫኔ? ኮይሮ እያ ቶክዳ አርጋንይ እያ ሾደኔ? እያ አይፈታ ቆቆፍድ፥ እያ እርፃ ሀይታ መልሰኔ? እያ ሄ በሳፈ ፃጶራ ሾዳናዉ ግታ ዎልቃ ዎይኮ ዳሮ አስ ኮሸና። 
\v 10 እያ ሾድድ፥ ሀራ በሳን ቶክያኮ እ ድጫኔ? ዶሎሀ ባጋ ጫርኮይ ሾጭን ባ ቶከትዳ በሳን መለኔ?”
\p
\v 11 ጎዳ ቃላይ ሀይሳዳ ያግሸ ታኮ ይስ፦ 
\v 12 “ሄ ሌምሱዋ ብርሸይ አይበኮ አነ ሀ ጌላ አሳታ ኦይቻ። ሄስ አይበ ጊኮ፥ ባብሎነ ካዎይ የሩሳላመ ይድ፥ ኤንታ ካዋነ ኤንታ ሀላቃታ ድእድ፥ ባብሎነ ኤፍስ። 
\v 13 ካዋ ሶ አሳፐ እሱዋ ኤክድ፥ ባራ ጫቅስድ፥ አሳ ግዶፈ ኤረትዳይሳታ ድእድ ኤፍስ። 
\v 14 ሄሳ ኦዳይ ኤንታ ካዎተይ ዎልቃ ይድ፥ ዛሪድ ደንዶናዳ ባንታ ጫቁዋ ፃላላ ናግድ ዳና መላሳ። 
\v 15 ሽን ይሁዳ ካዎይ ማካልድ፥ ፓራታነ ዳሮ ኦላንቾታ የዳና መላ ግብፀ ኪትስ። ያትን ሄስ ሀናንዴ? ሄሳ ኦዳ እ ከስ ኤካንዴ? እ ጫቁዋ መንድ ሴረቶና አታንዴ?”
\p
\v 16 “ታኒ ኡባ ሃርያ ጎዳይ ታ ደኡዋን ጫቃስ። ባና ካዎዳ ካዋ ጫቁዋ መንዳ ግሾነ ጫቁዋ ካዳ ግሾ፥ ሄ ካዋ ቢታን፥ ባብሎነን እ ሀይቃና። 
\v 17 ባብሎነ ኦላንቾት ዳሮ አሳ ዎናዉ ግምብያ ዩሾን ቢታ ዶርድ ድርስ ጊግስያ ዎደ፥ ግብፀ ካዎይ ባ ኦላንቾታራነ ባ ዳሮ አሳራ ይድ አይኮካ ማደና። 
\v 18 እ ጫቆ ካድ መንዳ ግሾነ ባ ኩሽያ እምድ፥ ባ ግዳ ባ ኡባ ፖሎና አግዳ ግሾ ከስ ኤካናዉ ዳንዳኤና።”
\p
\v 19 “ታኒ ኡባ ሃርያ ጎዳይ ታ ደኡዋን ጫቃስ። እ ጫቁዋ ካድ ታ ጫቁዋ መንዳ ግሾ ታ ሱንን ጫቅዳስ ታ እያ ቦላ ዛራዳ ኤሀና። 
\v 20 ታኒ ታ ግትያ እያ ቦላ ምጭን፥ እ ታ ፅህያን ኦይከታና። እ ታዉ አማነቶና እፅዳ ግሾ ታ እያ ባብሎነ ኤፋዳ፥ ያን እያ ቦላ ፕርዳና። 
\v 21 ዶረትዳ እያ ኦላንቾት ማሻን ሀይቃና፤ አትዳይሳት ዱማ ዱማ በሳራ ላለታና።” ሄሳ ኦደይ ታና፥ ጎዳ ግደይሳ ህንተ ኤራና።
\p
\v 22 ኡባ ሃርያ ጎዳይ ሀይሳዳ ያጌስ፤ “ታኒ ታ ሁጰን አዱሳ ዝጋ ፄራ ቃንፃ ኤካዳ፥ ቃነ አዱሳ ዙማ ሁጰን ቶካና። 
\v 23 ታኒ እያ እስራኤለ ዙማ ሁጰን ቶካና፤ ያን ዳያና፤ አይፈ አይፋናነ ሎኦ ዝጋ ግዳና። ካፎ ኮቸ ኡባይ እያን ኬፃና፤ ኤንቲ እያ ታሽያ ኩያን ሸምፓና። 
\v 24 አዱሳ ም ዝቅ ኦይነ ቃን ም ቁ ኦይ፥ ቃስ ጭልኦ ም መልሰይነ መላ ም አጭሰይ ታና ጎዳ ግደይሳ ቢታን ደእያ ም ኡባይ ኤራና። ታኒ ጎዳይ ሀይሳ ኦዳስ፤ ታ ኦድዳይሳ ታ ኦና” ያጌስ።
\c 18
\s1 ናጋራ ኦያ ሸምፕያ ሀይቃና
\p
\v 1 ጎዳ ቃላይ ሀይሳዳ ያግሸ ታኮ ይስ። 
\v 2 “እስራኤለ ቢታባ አሳይ፥ ‘አዋቲ ቃዉኤ ዎይነ ምን፥ ናይታ አቻይ ሀይቅስ’ ያግድ ኦድያ ሌምሶይ አይቤ? 
\v 3 ታኒ ኡባ ሃርያ ጎዳይ ታ ደኡዋን ጫቃስ። ህዛፐ ጉየ ህንተ እስራኤለ ቢታን ሀ ሌምሱዋ ሌምሰከታ። 
\v 4 አሳ ኡባ ሸምፖይ ታባ፤ አዋ ሸምፖይነ ናኣ ሸምፖይ ታባ። ናጋራ ኦያ ሸምፖይ እ፥ ባዉ ሀይቃና።
\p
\v 5 “እስ አስ ፅሎ ግድኮ፥ ቱማ ፕርዳነ ሱረባ ኦኮ፥ 
\v 6 እ ደርያ ቦላ ደእያ ኤቃ ጎይንያ በሳን ሜና፤ እስራኤለ አሳ ኤቃ ጎይነና፤ ባ ሾሩዋ ማችዉ ቱንሰና፤ ኩሸ መቶራ ደእያ ማጫራ አቀና፤ 
\v 7 ኦናካ ኡንኤና፤ አጮስ ኦይክዳባ ጉየ ዛሬስ፥ ቦንቀና፤ ኮሻትዳ አስ ሙዜስ፤ ካሎትዳ አስ ማይዜስ፤ 
\v 8 ባ ሚሽያ የሎራ ታልኤና፤ ባ ኩሽያ ኢታባፐ ናጌስ፤ አሰ ስገሸ ፅሎ ፕርዴስ። 
\v 9 ታ ህግያ ናጌስ፤ ታ ዎጋ አማነተን ፖሌስ፤ ሄ ኡራይ ፅሎ አስ ግድያ ግሾ እ ደኦን ዳና” ያጌስ ኡባ ሃርያ ጎዳይ።
\p
\v 10 ግዶሽን፥ ሄ ኡራስ ሸምፖ ዎያ ዎይኮ ካልድ ደኤይሳታፐ እሱዋ ኦያ ኢታ ናእ ደእኮ፥ 
\v 11 እያ አዋይ ሀይሳታፐ እሱዋካ ኦና አግን፥ እያ ናአይ ደረ ቦላ ኤቃ ጎይኖ በሳታን ሚኮ፥ አሳ ማቾ ቱንስኮ፥ 
\v 12 መቶታንቾታነ ማንቆታ ኡንኤኮ፥ ቦንቅኮ፥ አጮስ ኦይክዳባ ዛሮና እፅኮ፥ ኤቃ ጎይንኮ፥ ቱናባ ኦኮ፥ 
\v 13 ባ ሚሽያ የሎራ ታልእድ ዎ ኤክኮ፥ ሄሳ መላ አስ ደኦን ደአኔ? እ ደኦን ዴና! እ ሄሳ መላ ቱናባ ኦዳ ግሾ ቱማ ሀይቃና፤ እያ ጎመይ እያ ኦይካና።
\p
\v 14 “ሀ ኢታ ኡራስ ናእ ደእኮ ሄ ናአይ ባ አዋይ ኦያ ሀ ናጋራ ኡባ በእሸ፥ ሄሳ መላባ ኦና እፅኮ፥ 
\v 15 እ ደረ ቦላ ደእያ ኤቃ ጎይኖ በሳታን ሞና እፅኮ፥ እስራኤለ አሳ ኤቃ ጎይኖና እፅኮ፥ ባ ላግያ ማችዉ ቱንሶና እፅኮ፥ 
\v 16 ኦናካ ኡንኤና እፅክ፥ አጮስ ኦይክዳባ ጉየ ዛርኮ፥ ቦንቆና እፅኮ፥ ኮሻትዳይሳ ሙዝኮ፥ ካሎትዳይሳ ማይዝኮ፥ 
\v 17 ኢታ ኦሶፐ ባ ኩሽያ ተቅኮ ዎ ኤካናዉ የሎራ ታልኦና እፅኮ፥ ታ ህግያ ናግኮ፥ ታ ዎጋ ካልኮ፥ ያትኮ፥ ሄ ናአይ ደኦን ዳናፐ አትሽን፥ ባ አዋ ናጋራ ጋሶን ሀይቀና። 
\v 18 ሽን እያ አዋይ አሳ ማታ ሱግዳ ግሾ፥ ባ እሻታ ቦንቅዳ ግሾነ ባ አሳ ግዶን ኢታ ኦዳ ግሾ ባ ናጋራ ጋሶን ሀይቃና።
\p
\v 19 “ሽን ህንተ፥ ‘ናአይ ባ አዋ ናጋራ ጋሶን አይስ ሴረተኔ?’ ” ያጌታ። ናአይ ቱማ ፕርዳነ ሱረ ኦድ፥ ታ ህግያ ምንድ ናግኮ፥ ቱማ ደኦን ዳና። 
\v 20 ናጋራ ኦያ ኡራይ ባዉ ሀይቃና። ናአይ አዋ ናጋራ ጋሶን ሴረተና፤ ሄሳዳካ፥ አዋይ ናኣ ናጋራ ጋሶን ሴረተና። ፅሎ አስ ባ ፅሎተ ጋትያ ኤካና፤ ኢታ አስ ባ ኢታተን ሴረታና።
\p
\v 21 ሽን ኢታ አስ ባ ናጋራ ኡባፈ ስሚድ፥ ታ ኪታ ናግኮ ቱማ ፕርዳነ ሱረ ኦኮ፥ እ ቱማ ደኦን ዳናፐ አትሽን፥ ሀይቀና። 
\v 22 እ ኦዳ ናጋራፐ እሶይካ ቆፈተና፤ ባ ኦዳ ፅሎ ኦሱዋ ጋሶን እ ደኦን ዳና። 
\v 23 ታኒ ኡባ ሃርያ ጎዳይ፥ ኢታ አስ ባ ኢታ ኦግያፐ ስሚድ፥ ደኦን ደኤይሳን ኡፋይታይስፐ አትሽን፥ እያ ሀይቁዋን ኡፋይትከ።
\p
\v 24 ሽን ፅሎ አስ ባ ፅሎተ አግድ፥ ኢታ አስ ኦያ ቱና ኦሶታ ኡባ ኦኮ፥ እ ደኦን ዳኔ? ሀነና፥ እ ኦዳ ፅሎ ኦሱዋፐ እሶይካ ቆፈተና፤ እ አማነቶና እፅዳ ግሾነ እ ኦዳ ናጋራ ግሾ እ ሀይቃና።
\p
\v 25 ግዶሽን፥ “ህንተ፥ ‘ጎዳ ኦገይ ሱረ ግደና’ ጌታ። እስራኤለ አሳዉ፥ ስእተ፤ ሱረ ግዶናይ ታ ኦግያዬ? ህንተ ኦግያ ግደኔ? 
\v 26 ፅሎ አስ ባ ፅሎተ አግድ፥ ኢታ ኦያ ዎደ ባ ናጋራን ሀይቄስ፤ ባ ኦዳ ቆሁዋ ጋሶን ደኦን ደኤና። 
\v 27 ሽን ኢታ አስ ባ ኢታተ አግድ፥ ቱማ ፕርዳነ ሱረ ኦያ ዎደ ባ ሸምፑዋ አሻና። 
\v 28 እ ባ ኦዳ ናጋራ ቆፕድ ጉየ ስምዳ ግሾ፥ እ ቱማ ደኦን ዳናፐ አትሽን፥ ሀይቀና። 
\v 29 ሽን እስራኤለ አሳይ፥ ‘ጎዳ ኦገይ ሱረ ግደና’ ያግዶሶና። እስራኤለ አሳዉ፥ ሱረ ግዶናይ ታ ኦግያ? ህንተ ኦግያ ግደኔ?
\p
\v 30 “ህንተኖ፥ እስራኤለ አሳዉ፥ ታ ህንተና ህንተ ኦሱዋ ኦሱዋ ፕርዳና። ኡባ ሃርያ ጎዳይ ሀይሳዳ ያጌስ፤ ናጋር ህንተዉ ዮስ ጋሶ ግዶና መላ ፓፅተ፤ ህንተ ባላ ኡባፈ ስምተ። 
\v 31 ህንተ ኢታ ኦሱዋ ኡባ ዎራ የግድ፥ ኦራ ዎዛናነ ኦራ አያና ኤክተ። ህንተኖ፥ እስራኤለ አሳዉ፥ አይስ ሀይቄቲ? 
\v 32 ታኒ እስ አሳ ሀይቆንካ ኡፋይትከ። ሄሳ ግሾ፥ ህንተ ናጋራ ፓፅድ፥ ደኦን ደእተ” ያጌስ ኡባ ሃርያ ጎዳይ።
\c 19
\s1 እስራኤለ ካዎታስ ከስዳ ዘለልስ
\p
\v 1 ጎዳይ ህዝቄላኮ፥ እስራኤለ ሀላቃታስ ሀይሳዳ ያጋዳ ዘሌላ፦
\q1
\v 2 “ህንተ አይያ ጋሞታ ግዶን ዋንዳ ጋሞ!
\q2 ያላጋ ጋሞታ ግዶን ዝንአዳ፥ ባ ማራታ ድቻሱ።
\q1
\v 3 እያ ባ ማራታፐ እሱዋ ድችን፥
\q2 እ ዎዳላ ጋሞ ግድስ፤
\q2 ሻንካ ታማርስ፤ አሰ ሙሱ ዶምስ።
\q1
\v 4 ካዎተት ኡባይ እያባ ስእዶሶና፤
\q2 ኤንቲ ቦክዳ ኦላን ገልድ ኦይከትስ፤
\q2 ሲን ዎዶሮ አድ ግብፀ ቢታ ኤፍዶሶና።
\q1
\v 5 እያ አይያ ናግዳይስ ሀኖና እፅን፥
\q2 እ ኡፋይሳይ ይዳይሳ በእዳ ዎደ፥
\q2 ባ ማራታፐ እሱዋ ድቻዳ፥ ዎዳላ ጋሞ ከሳሱ።
\q1
\v 6 እ ዎዳላ ጋሞ ግድድ፥ ሀራ ጋሞታራ ስመረትስ፤
\q2 እ ሻንካ ታማርስ፤ አሰ ሙሱ ኦይክስ።
\q1
\v 7 እ ኤንታ ሚፃ መንረስ፤ ካታማታ ይስስ፤
\q2 እ ጉድያ ዎደ ቢታን ደእያ አሳ ኡባይ ዳጋሜስ።
\q1
\v 8 እያ ዩሹዋን ደእያ ካዎተት ኡባይ
\q2 እያ ኦይካናዉ ፅሄ ዎዶሶና፤
\q2 ባንታ ግትያ ምጭዶሶና፤ ኤንታ ኦላን እ ኦይከትስ፤
\q1
\v 9 ኤንቲ እያ ስን ዎዶሮ አድ ሆን የግድ፥
\q2 ባብሎነ ካዋኮ ኤፍዶሶና።
\q1 እ ጉደይስ ዛሪድ እስራኤለን ስኤቶና መላ
\q2 ኤንቲ እያ ቃሾ ኬን የግዶሶና።
\q1
\v 10 ነ አይያ ሃ ዶናን ቶከትዳ ዎይነ መላ፤
\q2 ዳሮ ሃ ደእያ ግሾ
\q2 ዎይነይ ዳሻንነ አይፈን ኩምድ ደኤስ።
\q1
\v 11 እያ ታሸት ምኖ ግድያ ግሾ
\q2 ካዎታ ፃምአ ግድዶሶና።
\q1 ዎይነይ ዎራን ደእያ ምታፐ አድ ድጭስ፤
\q2 ባ ታሽያ ዳሮተንነ አዱሳተን
\q2 ኡባፈ ቦላራ በንትስ።
\q1
\v 12 ሽን ሄ ዎይነይ ሀንቆን ሾደትድ ሳአን የገትስ፤
\q2 ዶሎሀ ጫርኮይ እያ አይፍያ መልስስ፤
\q2 እያ ምኖ ታሸይ መልን ታም ምስ።
\q1
\v 13 ሀእ እ ሃ ባይና
\q2 መላ ቢታን ቶከትስ።
\q1
\v 14 ታም እያ ኡባፈ ከይድ፥
\q2 እያ አይፍያነ ታሽያ ምስ።
\q1 ካዎታ ፃምአ ግዳና ምኖ ታሸይ፥
\q2 እያ ቦላ በንትቤና።
\m ሀይስ ዬሆ ዘለልስ፤ ሀይሳ ዘለልስ ከስያ ዎደ ጎኤታናዉ በሴስ” ያግስ።
\c 20
\s1 ጌላ እስራኤለ
\p
\v 1 ኑ ድኤትዳ ላፑን ላይን፥ እቻሻን አጌናን፥ ታማን ጋላሳን፥ እስራኤለ ጭማታፐ ጉት ጎዳ ሸንያ ኦይቻናዉ ይድ፥ ታ ስንን ኡትዶሶና።
\p
\v 2 ሄ ዎደ ጎዳ ቃላይ ሀይሳዳ ያግሸ ታኮ ይስ፤ 
\v 3 “አሳ ናአዉ፥ ኡባ ሃርያ ጎዳይ፥ እስራኤለ ጭማታኮ ጎዳይ ሀይሳዳ ያጌስ ያጋ፦ ‘ህንተ ታ ሸንያ ኦይቻናዉ ይደቲ? ታኒ ኡባ ሃርያ ጎዳይ ታ ደኡዋን ጫቃስ፦ ህንተ ታና ኦይቻና መላ ታ ኮይከ።’
\p
\v 4 “አሳ ናአ ነ ኤንታ ቦላ ፕርዳኔ? ቱማ ኤንታ ቦላ ፕርዳኔ? ሄሳ ግድኮ፥ ኤንታ ማይዛታ ቱና ኦሱዋ ኤንታ ኤርሳ። 
\v 5 ኡባ ሃርያ ጎዳይ ሀይሳዳ ያጌስ ጋዳ ኤንታዉ ኦዳ። ‘ታኒ እስራኤለ ዶርዳ ዎደ ታ ኩሽያ ደንዳ ያይቆባ ዘረስ ጫቃስ። ታኒ ታናተ ግብፀ ቢታን ኤንታዉ ቆንጭሳስ። ታ ኩሽያ ደንዳ፥ ታኒ ጎዳ፥ ህንተ ፆሳ። 
\v 6 ታ ህንተና ግብፀፈ ከሳዳ፥ ህንተዉ ዶርዳ ቢታ፥ ማነ ኤስ ጎግያ ቢታ፥ ሀራ ቢታ ኡባፈ አዳ ሎኦ ቢታ ኤሀና’ ጋዳ ጫቃስ። 
\v 7 ታ ኤንታኮ፥ ‘ህንተ እሶይ እሶይ ዶስያ ቱና ኤቃታ ድግተ፤ ግብፀ ኤቃታን ህንተና ቱንሶፕተ። ታኒ ጎዳ ህንተ ፆሳ’ ” ያጋስ።
\p
\v 8 ግዶሽን፥ ኤንቲ ታዉ ማካልድ፥ ታ ኦድያባ ስኦና እፅዶሶና። ኤንቲ ባንታ አሞትዳ ቱና ኤቃታ ድግቦኮና፤ ግብፀ ኤቃታ ጎይኖ አግቦኮና። ሄሳ ግሾ፥ ኤንቲ ግብፀን ደእሽን፥ ታ ሀንቁዋ ኤንታ ቦላ ጉሳናዉ ቆፓስ። ታ ሸንያ ዉርሳናዉ ቆፋ ቃቻስ። 
\v 9 ሽን ኤንቲ ደእያ ካዎተታ ግዶንነ እስራኤለ አሳ ግብፀፈ ከሳናዉ ጫቅያ ዎደ ታ ታናተ ኤርስዳ አሳ ስንን ታ ሱንይ ቱኖና መላ ኦስ። 
\v 10 ሄሳ ግሾ፥ ታ ኤንታ ግብፀፈ ከሳዳ መላ ቢታ ኤሀስ። 
\v 11 ኪተትያ ኡባስ ደኦ እምያ ታ ህግያ ኤንታዉ እማስ፤ ታ ዎጋ ኤንታ ታማርሳስ። 
\v 12 ኤንታ ጌሸይ ታና ጎዳ ግደይሳ ኤንቲ ኤራና መላ፥ ታ ሳምባታ ታፐነ ኤንታፈ ግዶን ማላ ኦዳ እማስ።
\p
\v 13 ሽን እስራኤለ አሳይ መላ ቢታን ታ ቦላ ማካልዶሶና። ኪተትይዳ ኡባስ ደኦ እምያ ታ ህግያ መንዶሶና፤ ታ ዎጋ ካልቦኮና፤ ታ ሳምባታ ቱንስዶሶና። ታኒ መላ ቢታን ታ ሀንቁዋ ኤንታ ቦላ ጉሳዳ ኤንታ ይሳናዉ ቆፓስ። 
\v 14 ሽን ታ ኤንታ ግብፀፈ ከስያ ዎደ በእዳ ካዎተታ ስንን ታ ሱንይ ቱኖና መላ ኤንታ ይሳብከ። 
\v 15 ኤንቲ መላ ቢታን ደእሽን፥ ኤንታዉ እምዳ፥ ሀራ ቢታ ኡባፈ ሎኦ ግድዳ ማነ ኤስ ጎግያ ቢታ፥ ኤንታ ገልስከ ጋዳ ጫቃስ። 
\v 16 ሄስ ሀንዳይ ኤንቲ ኤቃ ጎይንድ፥ ታ ህግያ መንዳ ግሾ፥ ታ ዎጋ ካልቦና ግሾነ ታ ሳምባታ ቱንስዳ ግሾሳ። 
\v 17 ግዶሽን፥ ታ ኤንታዉ ቃትዳ ግሾ፥ መላ ቢታን ኤንታ ዉርሳ ይሳብከ።
\p
\v 18 ኤንቲ መላ ቢታ ደእሽን፥ ኤንታ ናይታኮ ሀይሳዳ ያጋስ፤ “ህንተ አዋታ ዎጋ ካሎፍተ፤ ኤንታ ህግያ ናጎፕተ፤ ዎይኮ ኤንታ ኤቃታን ቱኖፕተ። 
\v 19 ታኒ ጎዳ ህንተ ፆሳ። ታ ዎጋስ ኪተትተ፤ ታ ህግያ ናግተ። 
\v 20 ታ ህንተራ ጫቅዳ ጫቁዋስ ማላ ግዳና መላነ ታኒ ጎዳ ህንተ ፆሳ ግደይሳ ህንተ ኤራና መላ ሳምባታ ዱማይተ” ያጋስ።
\p
\v 21 “ሽን ኤንታ ናይት ታ ቦላ ማካልዶሶና፤ ኪተትያ ኡባስ ደኦ እምያ ታ ዎጋ መንዶሶና፤ ታ ህግያ ናግቦኮና፤ ታ ሳምባታ ቱንስዶሶና። ያትን፥ መላ ቢታን ታ ሀንቁዋ ኤንታ ቦላ ጉሳዳ ታ ይሎይ ዉራና ጋካናዉ ኤንታና ይሳናዉ ቆፓስ። 
\v 22 ሽን ታኒ ኤንታ ግብፀፈ ከስያ ዎደ በእዳ ካዎተታ ስንን ታ ሱንይ ቱኖና መላ ኤንታ ይሳብከ። 
\v 23 ኤንታ ሀራ ካዎተታ ግዶነ ዱማ ዱማ ቢታ ላላናዉ መላ ቢታን ታ ኩሽያ ደንዳ ጫቃስ። 
\v 24 ኤንቲ ታ ዎጋስ ኪተቶና እፅዶሶና፤ ታ ህግያ መንዶሶና፤ ታ ሳምባታ ቱንስዶሶና፤ ባንታ አዋታ ኤቃ አሞትዶሶና። 
\v 25 ያትን፥ ኤንታዉ ሎኦ ግዶና ዎጋታነ ደኦ እሞና ህገታ እማስ። 
\v 26 ኤንቲ ባንታ ያርሹዋን ቱናናዳ፥ ባንታ ባይራ ናይታ ያርሻናዳ፥ ታ ኤንታ የዳ በሳስ። ታ ሄሳ ኦዳይ ኤንታ ዳጋንናሳነ ታኒ ጎዳ ግደይሳ ኤንቲ ኤራና መላሳ” ያግስ።
\p
\v 27 “ሄሳ ግሾ፥ አሳ ናአዉ፥ እስራኤለ አሳስ፥ ኡባ ሃርያ ጎዳይ ሀይሳዳ ያጌስ ጋዳ ኦዳ፦ ሄሳ ኦድ ህንተ አዋት አማነቶና እፅድ ታና ጫይዶሶና። 
\v 28 ታ ኤንታዉ እማና ጋዳ ታ ኩሽያ ደን ጫቅዳ ቢታ ኤንታ ኤህዳ ዎደ፥ ኤንቲ ደረታ ኡባነ እርፃ ም ኡባ በእዶሶና። ያን ባንታ ያርሹዋ ያርሽዶሶና። ባንታ፥ እፃንያንነ ኡሻ ያርሹዋን ታና ይሎይዶሶና። 
\v 29 ታኒ፥ ‘ሀይስ ህንተ ብያ ቃ በሳይ አይቤ?’ ያጋዳ ኦይቻስ። ሀች ጋካናዉ ሄ በሳይ ‘ባማ’ ጌተቴስ እያ ብርሸይ ‘ቃ ጎይኖ በሳታ’ ጌተትድ ፄገቴስ” ያጌስ።
\s1 ሴራነ ማሮታ
\p
\v 30 “ሄሳ ግሾ፥ እስራኤለ አሳስ፥ ኡባ ሃርያ ጎዳይ ሀይሳዳ ያጌስ ያጋዳ ኦዳ፦ ‘ህንተ ማይዛት ኦዳ ናጋራ ኦድ፥ አይስ ህንተና ቱንሴቲ? ኤንታ ቱና ኤቃ ጎይናናዉ አሞትድ አይስ ካሌቲ?’ 
\v 31 ሀችካ ህንተ ያርሹዋ ያርሽያ ዎደ ህንተ ናይታ ታማን ያርሽድ፥ ኤቃ ኡባን ህንተና ቱንሴታ። ህንተኖ፥ እስራኤለ አሳዉ፥ ታኒ ህንተናን ኦይሸቶ? ታኒ ኡባ ሃርያ ጎዳይ ታ ደኡዋን ጫቃስ፦ ታ ህንተናን ኦይሸትከ። 
\v 32 ህንተ፥ ‘ኑኒ ምነ ሹቹ ጎይንያ ሀራ ካዎተታ መላነ ቢታን ደእያ ሀራ አሳ መላ ግዳና ያግድ ቆፔታ። ሽን ህንተ ቆፋይ ፖሎ ሀነና።’ ”
\p
\v 33 ኡባ ሃርያ ጎዳይ ሀይሳዳ ያጌስ፦ “ታ ምኖ ቀስያን፥ ታ ምጨትዳ ኩሽያንነ ታ ሀንቁዋን ህንተ ቦላ ካዎታና። 
\v 34 ካዎተታ ግዶፈ ታ ህንተና ከሳና፤ ህንተ ላለትዳ ቢታ ኡባፈ ታ ምኖ ቀስያን፥ ታ ምጨትዳ ኩሽያንነ ታ ሀንቁዋን ህንተና ሺሻና። 
\v 35 ታ ህንተና ‘ካዎተታ መላ ቢታ’ ግያ መላ ቢታ ኤሀዳ፥ ህንተና ታ ስንን ኤሳዳ፥ ህንተ ቦላ ፕርዳና። 
\v 36 ግብፀ መላ ቢታን ህንተ ማይዛታ ቦላ ፕርድዳይሳዳ፥ ህንተ ቦላ ፕርዳና። 
\v 37 ታኒ ህንተና ታ ካዎተ ፃምአ ጋርሳን ሃራና፤ ህንተ ታ ጫቁዋ ናጋና መላ ኦና። 
\v 38 ማካላንቾታነ ናጋራንቾታ ታ ህንተ ግዶፈ ድጋና፤ ሀእ ኤንቲ ደእያ ቢታፈ ታ ኤንታ ከሳና። ሽን ኤንቲ እስራኤለ ቢታ ገሎና መላ ተቃና፤ ሄ ዎደ ታኒ ጎዳ ግደይሳ ህንተ ኤራና” ያጌስ ኡባ ሃርያ ጎዳይ።
\p
\v 39 እስራኤለ አሳዉ፥ ህንተኮ ኡባ ሃርያ ጎዳይ ሀይሳዳ ያጌስ፦ “ሀእ ታ ኦደይሳ ህንተ ስኦና እፅኮ፥ ኡባይ ብድ ህንተ ኤቃ ጎይንተ። ሽን ህዛፐ ጉየ፥ ህንተ እሞታንነ ህንተ ኤቃታን ታ ጌሻ ሱን ቱንሶፕተ። 
\v 40 ታ ጌሻ ዙማ ቦላ፥ ቃ እስራኤለ ዙማ ቦላ ህንተ እስራኤለ አሳይ ታና፥ ኡባ ሃርያ ጎዳ ጎይናና። ታኒ ህንተና ኤካና፤ ህንተ ያርሹዋ፥ ህንተ ዶርዳ እሙዋነ ህንተ ጌሻ እሙዋ ታ ህንተፈ ኮያና። 
\v 41 ህንተ ላለትዳ ካዎተታ ግዶፈ ታኒ ህንተና ኤህያ ዎደነ ሀራ ቢታታፐ ታ ህንተና ሺሽያ ዎደ ሳዎ ቶንኩ ግያ ያርሾዳ ታ ህንተና ኤካና። ካዎተት ፄልሽን፥ ህንተ ግዶን ታ ጌሻተ ቆንጭሳና። 
\v 42 ካሰ ህንተ ማይዛታስ እማና ጋዳ ታ ኩሽያ ደንዳ ጫቅዳ እስራኤለ ቢታ ህንተና ዛራዳ ኤህዳ ዎደ ታኒ ጎዳ ግደይሳ ህንተ ኤራና። 
\v 43 ህንተ ኢታ ሀኖታነ ህንተ ቱና ኦሱዋ ህንተ ሄ በሳን ሀሳያና፤ ህንተ ኦዳ ኢታ ኦሶ ኡባ ህንተ ሻተታና። 
\v 44 ህንተኖ፥ እስራኤለ አሳዉ፥ ህንተ ኢታ ሀኖታ መላነ ህንተ ቱና ኦሱዋ መላ ግዶናሽን፥ ታ ሱን ግሾ ታ ኦያ ዎደ ታኒ ጎዳ ግደይሳ ህንተ ኤራና” ያጌስ ኡባ ሃርያ ጎዳይ።
\s1 ዱገሀ ባጋ ቦላ ኦደትዳ ትንብተ
\p
\v 45 ጎዳ ቃላይ ሀይሳዳ ያግሸ ታኮ ይስ። 
\v 46 “አሳ ናአዉ፥ ዱገሀ ባጋ ስማዳ ፄላ፤ ዱገሀ ባጋስ ኦዳ፤ ዱገሀ ዎራ ቦላ ትንብተ ኦዳ። 
\v 47 ዱገሀ ዎራስ፥ ኡባ ሃርያ ጎዳይ ኦድያባ ስአ ያጋዳ ኦዳ። ‘ታ ነ ግዶን ታማ የዳና፤ ሄ ታማይ ጭልኦ ምነ መላ ም ኡባ ማና። ሄ ኤፅያ ታማይ ቶኤና፤ ዱገሀፐ ብድ፥ ፑደሀ ባጋ ጋካናዉ ደእያ አሳ ሶምኦ ኡባ ሄ ላጮይ ላባና። 
\v 48 ሄ ታማ ኦይዳይ ታና ጎዳ ግደይሳ አሳ ኡባይ በአና። ሄ ታማይ ቶኤና’ ” ያጌስ።
\p
\v 49 ታኒ ዛራዳ፥ “ኡባ ሃርያ ጎዳዉ፥ ሄሳ ኦዳ ጋዳ ታና ኪቶፋ። ኤንቲ፥ ‘እ ኡባ ዎደ ሌምሶን ኦዴስ ግደኔ?’ ያጎሶና” ያጋስ።
\c 21
\s1 ባብሎነ ማሻ
\p
\v 1 ጎዳ ቃላይ ሀይሳዳ ያግሸ ታኮ ይስ። 
\v 2 “አሳ ናአዉ፥ ነ ሶምኡዋ የሩሳላመኮ ዛራዳ፥ አሳይ ጎይንያ በሳታ ቦላነ እስራኤለ ቢታ ቦላ ትንብተ ኦዳ። 
\v 3 ሀይሳዳ ያጋ፦ ‘ታኒ ነዉ ሞርከ። ታኒ ታ ማሻ ሾሁዋፐ ሾዳዳ፥ ነ ግዶፐ ፅሎ አሳነ ኢታ አሳ ኡባ ዉርሳና። 
\v 4 ፅሉዋነ ናጋራንቹዋ ኡባ ይሳናዉ ዱገሀፐ ፑደሀ ጋካናዉ ደእያ አሳ ኡባ ቦላ ታ ማሻ ሾዳና። 
\v 5 ታኒ ጎዳይ፥ ታ ማሻ ሾሁዋፐ ሾድዳይሳነ ጉየ ዛሮናይሳ አሳ ኡባይ ኤራና’ ” ያጌስ።
\p
\v 6 “ሄሳ ግሾ፥ አሳ ናአዉ፥ አሳ ኡባይ ፄልሽን፥ ነ ዎዛናይ መቅን፥ ጫመታዳ ኦላ። 
\v 7 ‘አይስ ኦላይ?’ ያግድ ኤንቲ ነና ኦይችኮ፥ ‘ስንራ ያ ኢታ ዎርያ ግሾ ኦላይስ’ ያጋ። ሄ ዎርያን፥ ‘ዎዛን ኡባይ ያሻን ሴራና፤ ኩሸ ኡባይ አርጋጫና፤ ጎባተ ኡባይ ኤከታና፤ ጉልባት ኡባይ ኮኮራና። ሄ ዎደይ ጋክስ፤ ቱማ ፖለታና’ ” ያጌስ ኡባ ሃርያ ጎዳይ።
\p
\v 8 ጎዳ ቃላይ ሀይሳዳ ያግሸ ታኮ ይስ፦ 
\v 9 “አሳ ናአዉ፥ ትንብተ ኦዳ፤ ታኒ ጎዳይ ኦድያባ አሳስ ኦዳ፤ ማሻ፤ ሌፈትዳነ ቁሸትዳ ማሻ።
\q1
\v 10 “ጎራአናዉ ሌፈትስ፤
\q2 ዎልአን መላ ጶላናዉ ቁሸትስ።
\q1 ታ አሳይ እመትዳ ሴራ እፅዳ ግሾ፥
\q2 ህዛፐ ጉየ፥ ኦንካ ኡፋይተና።
\q1
\v 11 ጎኤታናዉ ማሻይ ቁሸትስ፤
\q2 ሌፈትድነ ቁሸትድ፥ ጎራኤይሳስ እመታናሳ።
\q1
\v 12 አሳ ናአዉ፥ ዬካነ ዘሌላ፤
\q2 ሀ ማሻይ ጊገትዳይ ታ አሳ ቦላነ
\q2 እስራኤለ ሀላቃታ ቦላና።
\q1 ሀላቃት ታ አሳራ እስፈ ማሻን ሀይቃና፤
\q2 ሄሳ ግሾ፥ አዛናዳ ነ ትራ ቆፃ።
\q1
\v 13 ታኒ ታ አሳ ፓጫና፤
\q2 ኤንቲ ናጋራ ፓፆና እፅኮ፥
\q2 ሀ መቶይ ኡባይ ኤንታ ቦላ ያና፤
\m ኡባ ሃርያ ጎዳይ ሀይሳ ኦድስ።
\p
\v 14 “ሀእካ አሳ ናአዉ፥ ትንብተ ኦዳ፤ ነ ኩሽያ ባቃ። ሄ ዎደ ማሽ ናምኡ ቶሆ ሄ ቶሆ ዛሪድ ሾጫና፤ ሄስካ ዳጋንያ፥ ዩሹዋ ኡባን ዎያነ ሹክያ ማሽ። 
\v 15 ሄስ ኤንታ ዎዛናይ ትልአናዳነ ኤንታፈ ዳሮት በታናዳ ኦና። ህንተና አየ! ህንተ ፐንገን ማሽ ዎልአን መላ ዎልአሜስ፤ ሹካናዉ ሾሆፐ ሾደትስ። 
\v 16 ነኖ፥ ቃራ ማሻዉ፥ ኡሻችነ ሀድርስ ስምዳ ነ ስምዳ ባጋ ኡባ ቡ። 
\v 17 ህዛ ታኒ ታ ኩሽያ ባቃና፤ ታ ሀንቆይ ዶቻና” ያጌስ ጎዳይ። 
\v 18 ጎዳ ቃላይ ሀይሳዳ ያግሸ ታኮ ይስ። 
\v 19 “አሳ ናአዉ፥ ባብሎነ ካዋ ማሻይ ያ ናምኡ ኦገታን ማላ ዎ። ናምኡ ኦገት እስ ቢታፈ ደንዶሶና፤ ኦገይ ካታማኮ ስምያ ኦገን ማላታ ቱሱ ኤሳ። 
\v 20 እስ ኦግያን ደእያ ማላ ራባ ጌተትያ አሞነ ካታማ ብያ ኦግያ ማሌስ፤ ሀንኮይ ኦገይ ግምበትዳ ይሁዳን ደእያ የሩሳላመ ካታማ ብያ ኦግያ ማሌስ። 
\v 21 ባብሎነ ካዎይ ኦገት ጋሄትያ ዳጋላን፥ ማላ ቱሳታ ማታን ኤቄስ። እ አዉ ኦግያራ ባነኮ ኤራናዉ፥ ዶንገ ቶራን ሳማ የጋና፤ ባ ኤቃታ ዞረ ኦይቻና፤ ማራጭያ በአና። 
\v 22 ግምብያ ፐንግያ ላልያ ዱሩማ ኤሀና መላ፥ ዎ ኪታ አና መላ፥ ጬቀታና መላ፥ ድርሳ ፐንግያ ላልያ ዱሩማ ካታማ ፐንገን ኤሳና መላ፥ ቢታ ዶራና መላነ ሚፃ ጊግሳና መላ የሩሳላመ ሳም እያዉ ኡሻቻ ኩሸን ከይስ። 
\v 23 የሩሳላመ አሳይ ባብሎነ ካዉዋራ ጫቅዳ ግሾ፥ ሄስ ባንታ ቦላ ጋካና ግድ ቆፕቦኮና። ሽን ባብሎነ ካዎይ ኤንታ ድእያ ዎደ ኤንቲ ባንታ ናጋራ ሀሳያና። 
\v 24 ሄሳ ግሾ፥ ኡባ ሃርያ ጎዳይ ሀይሳዳ ያጌስ፤ ህንተ ናጋራይ ቆንጭስ፤ ህንተ ባላ ግደይሳ አሳ ኡባይ ኤሬስ፤ ህንተ ኦሶይ ህንተ ናጋራንቾ ግደይሳ በሴስ። ሄሳ ግሾ፥ ህንተ ኢታ ኦሶይ ሀሳየታና፤ ህንተ፥ ህንተ ሞርከታስ አድ እመታና።
\p
\v 25 “ነኖ፥ ኢታነ ቱና ግድዳ እስራኤለ ሀላቃዉ፥ ነ ፕርዳ ጋላሳይ ጋክስ። 
\v 26 ኡባ ሃርያ ጎዳይ ሀይሳዳ ያጌስ፦ ነ ሁጵያፐ ካላቻ ደን፤ ነ ሁጰ ፃ ቃራ። ህዛፐ ጉየ ካሰይሳዳ ሀናናባይ ባዋ፤ ዝቃይ ቁ ጋና፤ ቃይ ዝቅ ጋነ። 
\v 27 ጋዶ! ጋዶ! ታኒ ሀ ካታማ ይሳና። ፕርዳናዉ ማት ደኤይስ ያና ጋካናዉ ሀ ካታማይ ዛሪድ ኬፀተና። እ ያ ዎደ ታ እያዉ አዳ እማና” ያጌስ።
\p
\v 28 አሳ ናአዉ፥ ሀይሳዳ ያጋዳ ትንብተ ኦዳ። እስራኤለ ጫይያ አሞነታ ኡባ ሃርያ ጎዳይ ሀይሳዳ ያጌስ ጋዳ ኦዳ።
\q1 “ይስያ ማሽ ሾሆፐ ሾደትስ፤
\q2 ዎናዉ ዎልአሜስ፤
\q2 ዉርሳናዉ ቁሸቴስ።
\q1
\v 29 ህንተ በእያ ቆንጨይ ዎርዶ፤
\q2 ህንተ ኦድያ ትንብተይ ዎርዶ።
\q1 ህንተ ኢታነ ቱና አስ፤
\q2 ህንተ ፕርዳ ጋላሳይ ጋክስ
\q2 ህንተ ቆን ማሽ ዎና ሀኔስ።
\q1
\v 30 ማሻ ሾሁዋን ዛርተ፤
\q2 ህንተ መትዳ በሳን፥ ህንተ የለትዳ ቢታን
\q2 ታ ህንተ ቦላ ፕርዳና።
\q1
\v 31 ታኒ ታ ሀንቁዋ ህንተ ቦላ ጉሳና፤
\q2 ታ ሀንቆ ታማይ ህንተ ቦላ ኤፃና፤
\q2 ይሶ ሜዘትዳ፥ ዎዛና ምኖ አሳስ አዳ እማና።
\q1
\v 32 ህንተ ታማን ያና፤
\q2 ህንተ ሱይ ህንተ ቢታን ጉካና፤
\q2 ህንተ ዛሪድ ሀሳየተከታ።
\q2 ታኒ ጎዳይ ሀይሳ ኦዳስ” ያግስ።
\c 22
\s1 የሩሳላመ ናጋራ
\p
\v 1 ጎዳ ቃላይ ሀይሳዳ ያግሸ ታኮ ይስ። 
\v 2 “አሳ ናአዉ፥ ሸምፖ ዎይሳት ኩምዳ ካታማ ቦላ ፕርዳናዉ ጊጋዲ? ያትኮ፥ እ ኦዳ ቱና ኦሶ ኡባ እያዉ ኦዳ። 
\v 3 ኡባ ሃርያ ጎዳይ ሀይሳዳ ያጌስ ጋዳ ኦዳ፦ ነ ዳሮ አሳ ዎዳ ግሾነ ኤቃ ጎይኖን ነና ቱንስዳ ግሾ ነ ዮ ዎደይ ጋክስ። 
\v 4 ነ ጉስዳ ሱን ባላ ግዳዳሳ፤ ነ ኦዳ ኤቃን ቱናዳሳ። ነ ፕርዳ ጋላሳይ ማታትስ፤ ነ ዮ ዎደይ ጋክስ። ሄሳ ግሾ፥ ታ ነና ካዎተታስ ሚቻስነ ሀራ ቢታታስ ቀልቅሴስ አጋና። 
\v 5 ነኖ፥ ነ ሱንይ ኢትዳ ዳጋም ኩምዳ ካታማዉ፥ ማታንነ ሃሆን ደኤይሳት ነና ቀልቅሳና።
\p
\v 6 “ነ ግዶን ደእያ እስራኤለ ሀላቃት ኡባይ ሱ ጉሳናዉ ባንታ ዎልቃ አይ መላ ጎኤትያኮ በአ። 
\v 7 ነ ግዶን ደኤይሳት ባንታ አዋነ ባንታ አይዉ ቦንቾኮና። ኤንቲ በተ አሳ ጭሞሶና፤ አምኤታነ አዉ አይያ ባይና ናይታ ናቆሶና። 
\v 8 ኤንቲ ታ ጌሻ ሚሸታ ካኦሶና፤ ታ ሳምባታ ቱንሶሶና። 
\v 9 ነ ግዶን እሶት እሶት ሀራታ ዎሳናዉ ዎርዶን ኦዶሶና፤ ሀራት ኤቃስ ያርሸትዳባ ሞሶና፤ ሀራት ላይማቶሶና። 
\v 10 ነ ግዶን እሶት እሶት ባ አዋ ማቸራ ቱኖሶና፤ ሀራት ኩሸ መቶይ ደእያ ማጫሳራ ዎልቃን ቱንሶሶና። 
\v 11 ነ ግዶን እሶት እሶት ባ ሾሩዋ ማቸራ ቱኖሶና፤ አዋይ ባ ናአ ማቸራ ቱኔስ፤ ባ አዋ ናእዉ፥ ባ ምችዉ ዎልቃን ኢስድ ዬላዬስ። 
\v 12 ነ ግዶን እሶት እሶት ሚሸ ኤክድ፥ ሸምፖ ዎኦሶና፤ ሀራት ባንታ ሚሽያ ባንታ ያራ ግድዳ እስራኤለታስ የሎራ ታልኦሶና፤ ኤንታ ቦንቅድ ባንታዉ ዱረቶሶና፤ ታና ኩመ ዶግዶሶና” ያጌስ ኡባ ሃርያ ጎዳይ።
\p
\v 13 “አሳይ በሶና ሚሸ ኤክያ ግሾነ ሸምፖ ዎያ ግሾ፥ ታኒ ታ ኩሽያ ህንተ ቦላ ደንና። 
\v 14 ታ ነና ሴርያ ዎደ ነ ጎባተይ ኔራ ዳኔ? ዎይኮ ነ ኩሸይ ምኖ ግዳኔ? ታኒ ጎዳይ ሀይሳ ኦዳስ፤ ታ ኦድዳይሳዳ ኦና። 
\v 15 ታ ነና ካዎተታ ግዶንነ ቢታታ ግዶን ላላና፤ ነ ቱናተ ኔፐ ድጋና። 
\v 16 ሀራ ካዎተታ ስንን ነ ካዉያና፤ ታኒ ጎዳ ግደይሳ ነ ኤራና” ያግስ።
\p
\v 17 ጎዳይ ታኮ ሀይሳዳ ያግስ፦ 
\v 18 “አሳ ናአዉ፥ እስራኤለ አሳይ አይኮካ ፓኮና፤ ኤንቲ ኡባይ ብራ ሼሽያ ዎደ ናሰ ብራታፐ፥ ቆርቆሮፐ፥ ብራታፐነ እርሳሰፐ ከያ ሻአ መላ። 
\v 19 ሄሳ ግሾ፥ ኡባ ሃርያ ጎዳይ ሀይሳዳ ያጌስ፤ ‘ህንተ ኡባይ አታላ መላ ግድዳ ግሾ ታ ህንተና ኡባ የሩሳላመ ሺሻና። 
\v 20 ብራ፥ ናሰ ብራታ፥ ብራታ፥ እርሳሰነ ቆርቆሮ ታማን ሁብድ ሼሸይሳዳ ታ ህንተና ሺሻዳ ታ ሀንቁዋና ትልእሳና። 
\v 21 ታ ህንተና የሩሳላመ ሺሻዳ፥ ታ ሀንቆ ታማ ህንተ ቦላ ኤዳ ህንተና ያን ትልእሳና። 
\v 22 ብር ጮጨን ሼኤይሳዳ ህንተ የሩሳላመን ትልአና። ሄ ዎደ ታኒ ጎዳይ ታ ሀንቁዋ ህንተ ቦላ ጉስዳይሳ ህንተ ኤራና’ ” ያጌስ።
\p
\v 23 ዛሪድ ጎዳ ቃላይ ሀይሳዳ ያግሸ ታኮ ይስ። 
\v 24 “አሳ ናአዉ፥ ኤንታ ቢታይ ቱንዳ ግሾ፥ ታ ሀንቁዋን እር ቡኮና መላ ድጋዳ ኤንታ ሴራ ዶምዳሳ እስራኤለ አሳስ ኦዳ። 
\v 25 ነ ግዶን ኤንታ ሀላቃት ዎዳባ ጉድሸ መንረያ ጋሞ መላ፤ ኤንቲ ዎኦሶና፤ ሚሸ ግድን፥ ሀራ ቡቁራ ግድን፥ ኡባ ባንታዉ ኤኮሶና፤ ዳሮ ማጫሳታ አምኦ ኦዶሶና። 
\v 26 ካህነት ታ ህግያ መንዶሶና፤ ታ ጌሻባታ ቦንችቦኮና። ጌሽነ ጌሽ ግዶና ባ ሻኮኮና፤ ቱናነ ቱና ግዶና ባ ሻክድ ታማርሶኮና፤ ታ ሳምባታ የግ አግደታ። ሄሳ ጋሶን ታ እስራኤለ አሳ ግዶን ቦንቸታብከ። 
\v 27 ሀላቃት ባንታ ዎዳባ ዱሰረያ ሱመ መላ፤ ኤንቲ ባንታዉ በሶና ዱረተ ደማናዉ ሸምፖ ዎኦሶና። 
\v 28 ናበት ጎዳ ቦቅንተ ትይያ አሳዳ፥ ዎርዶ ቆንጨ በእድ፥ ዎርዶ ትንብተ ኦድድ ኤንታ ናጋራ ገንሶና። ጎዳይ ኦዶና ደእሽን፥ ‘ኡባ ሃርያ ጎዳይ ሀይሳዳ ያጌስ’ ያጎሶና። 
\v 29 ቢታን ደእያ አሳይ ቦንቆሶና፤ ማንቆታነ መቶታንቾታ ኡንኤሶና፤ ኤንቲ ሱረ ፕርዳ ድግድ በተ አሳ ጌላዮሶና።
\p
\v 30 “ታኒ ቢታ ይሶና መላ ድርሳ ግምብያ ኬፀይ፥ ላለትዳ ድርሳ ግምብያ ባጋራ ታ ስንን ኤቅድ ናግያ እስ አስ ኮያስ፤ ሽን ኦናካ ደማብከ። 
\v 31 ሄሳ ግሾ፥ ታ ሀንቁዋ ኤንታ ቦላ ጉሳና፤ ታኒ ታ ይሉዋን ኤንታ ይሳና፤ ኤንቲ ኦሱዋ ኤንታ ቦላ ዛራና” ያጌስ ኡባ ሃርያ ጎዳይ።
\c 23
\s1 ናምኡ ላይማ ምቸታ
\p
\v 1 ጎዳ ቃላይ ሀይሳዳ ያግሸ ታኮ ይስ፦ 
\v 2 “አሳ ናአዉ፥ እስ አየፐ የለትዳ ናምኡ ምቸት ደኦሶና። 
\v 3 ኤንቲ ግብፀን ደእሸ፥ ባንታ ናአተፈ ዶምድ፥ ላይማ ግድዶሶና። ሄ ቢታን ደእያ አደት ኤንታ ንን ካእዶሶና፤ ኤንታ ጌላኦተይ ኤከትስ። 
\v 4 ኤንታፈ ባይረ ሱንይ ኦሆሎ፤ ካሎ ምቸ ሱንይ ኦሆልባ። ኤንታ ናምአ ታኒ ማችን፥ ታዉ አደነ ማጫ ናአ የልዶሶና። ኦሆላ ሳማረ፤ ኦሆልባ ቃስ የሩሳላመ።”
\p
\v 5 “ኦሆላ ታዉ ማቾ ግዳዳ ደአሸ ላይማታሱ፤ እያ ባ ኦላንቾ ግድዳ አሶረ ላገታ ካላዳ ባዉሱ። 
\v 6 ኤንቲ ካሎሰ ዳንያ ማኦ ማእዳ ኦላንቾታ፥ ቢታ ሃረይሳታነ ቶራ ሞጮናታ፤ ኤንቲ ኡባይ ናአተነ ማላ ሎኦ ግድዳ ፓራ ቶግያ አሳታ። 
\v 7 እያ ባና ላይማ ኦዳ፥ ኡባፈ ሎእያ አሶረ አደታስ ባና አዳ እማሱ። እ ላይማተይ እያ አሶረ ኤቃታ ጎይናዳ ቱናና መላ ኦስ። 
\v 8 እያ ግብፀን ዶምዳ ላይማተ ሀእካ አጋቡኩ፤ እ ናአተፈ ዶምድ፥ አደት እ ን ካኦሶናነ ኢራ ላይማቶሶና።”
\p
\v 9 “ሄሳ ግሾ፥ እያ ምንዳ ሲቅያ አሶረ ላገታስ ታኒ እዮ አዳ እማስ። 
\v 10 ኤንቲ እዮ ቃርድ ካሎይዶሶና፤ እ አደነ ማጫ ናይታ ድእድ ኦይክዶሶና፤ እዮ ማሻን ዎዶሶና። እዮ ጋክዳ ፕርዳ ጋሶን፥ ማጫሳ ግዶን ቀልቅሰስ አታሱ።”
\p
\v 11 “እ ምችያ ኦሆልባ ሄሳ በአሱ፤ እያ ባ አሙዋንነ ባ ላይማተን ባ ምቸፈ አዳ ቱና ግዳሱ። 
\v 12 እያካ አሶረ ሃረይሳት፥ ቶራ ሞጮናታ፥ ሎኦ ማኦ ማእዳ ኦላንቾታነ ፓራ ቶግያ አሳታ፥ ናአተነ ማላ ሎኦ አሳታ ምንዳ ሲቃሱ። 
\v 13 እያካ ባና ቱንስዳይሳ በአስ፤ ኤንቲ ናምአይ እስ ኦገን ቦሶና።”
\p
\v 14 “እያ ባ ላይማተ ያ ዳርሳሱ፤ እያ ጎዳ ቦላ ዎጨትድ ኦሰትድ ዞኦ ቃላመን ትየታዳ ካልዳወታ አደ ምስለ በአሱ። 
\v 15 ኤንቲ ባንታ ፄሳን ዝናረ ዳንጭዶሶና፤ ባንታ ሁጵያን ሎኦ ጫርቀ ፃፅዶሶና። ኤንቲ ኡባይ ካልዳወ ቢታፈ ይዳ ካልዳወታ ሀላቃታ ዳኖሶና። 
\v 16 እያ ኤንታ ምስለታ በእዳ ዎደ ዳሮ ሲቃዳ፥ ኤንታ ፄጋናዉ ካልዳወታ ቢታ አሰ ኪታሱ። 
\v 17 ባብሎነት ኢኮ ይድ፥ ኢራ ላይማትድ እዮ ቱንስዶሶና። ኤንቲ እዮ ዳሮ ቱንስዳፐ ጉየ፥ እያ ኤንታ ሻተታሱ። 
\v 18 እያ ባ ላይማተ ቆንጨን ኦዳ ዎደነ ባ ካሉዋ ቃራ በስዳ ዎደ፥ ታኒ እ ምችዉ አግዳይሳዳ እዮካ ሻተታዳ አጋስ። 
\v 19 ሽን እያ ግብፀን ላይማ ግዳዳ ደእያ፥ ባ ያላጋተ ዎድያ ሀሳያዳ፥ ባ ላይማተ ካሰይሳፈ ያ ዳርሳሱ። 
\v 20 ኤንታ አቱንይ ሀረይሳ መላ፥ ኤንታ ኮቻይ ፓራይሳ መላ ግድዳ ባ ላገታ ካላዳ ባሱ። 
\v 21 ነኖ፥ ኦሆልበ፥ ነ ያላጋተ ዎድያን ግብፀ አደት ነ ንን ካእሽን፥ ነ ጌላኦተ ኤክሽን፥ ኔኒ ፖልዳ ላይማተ ዛራዳ ሀእ ኦናዉ አሞታሳ።”
\p
\v 22 ሄሳ ግሾ፥ ኦሆልበ፥ ኡባ ሃርያ ጎዳይ ሀይሳዳ ያጌስ፦ “ታኒ ነ ላገታ፥ ነ ሻተታ አግዳይሳታ ነ ቦላ ደንና፤ ታ ኤንታ ነ ቦላ ኡባ በሳራ ኤሀና። 
\v 23 ባብሎነታነ ካልዳወታ ኡባ፥ ፋቁዳ፥ ሶሃነ ቆኣና፥ አሶረታ ኡባ፥ ናአተነ ማላ ሎኦ አሳታ፥ ቢታ ሃረይሳታ፥ ቶራ ሞጮናታ፥ ኦላንቾታ፥ ሀላቃታነ ፓራ ቶግያ አሳታ ነ ቦላ ኤሀና። 
\v 24 ኤንቲ ኦላ ፓራ ጋረታራ፥ ጫና ጋረታራነ ዳሮ ኦላንቾታራ ፑደሀ ባጋፈ ህንተ ቦላ ያና። ኤንቲ ዎጋ ጎንዳለነ ጉ ጎንዳለ ኦይክድ፥ ብራታ ባርኔፃ ዎድ፥ ነ ዩሹዋን ሳልፓና። ታኒ ነና ኤንታዉ አዳ እማና፤ ኤንቲ ነና ባንታ ዎጋ መላ ፕርዳና። 
\v 25 ታኒ ታ ሀንቁዋ ነ ቦላ የዳና፤ ኤንቲ ኔራ ሀንቆ ሱላን ጋሄታና። ኤንቲ ነ ሲያነ ነ ሀይ ቃንፃና፤ አትዳይሳት ማሻን ዉራና። ኤንቲ ነ አደ ናይታነ ነ ማጫ ናይታ ኦይካና፤ አትዳይሳታ ታማን ፁጋና። 
\v 26 ኤንቲ ነ ማኦ ኡባ ኔፐ ቃርድ ኤካና፤ ነ አሌቆ ኡባ ኔፐ ከስድ ኤካና። 
\v 27 ሄሳዳ ኦዳ፥ ነ ግብፀፈ ኤህዳ ላይማተ አሙዋ ኔፐ ድጋና። ኔኒ ናምአን ግብፀታ ኤቃ ምስለታ ቁ ጋዳ ፄሎናዳ ዎይኮ ኤንታ ሀሳዮናዳ ኦና።”
\p
\v 28 ኡባ ሃርያ ጎዳይ ሀይሳዳ ያጌስ፦ “ታኒ ነና ነ እፀይሳታ፥ ነ ሻተታዳ አግዳይሳታስ አዳ እማና። 
\v 29 ኤንቲ ነና እፃና፤ ነ ዳቡራዳ ደምዳባ ኡባ ቦንቅድ፥ ነና ፅረ ካሎ አሻና። ነ ላይማተ አሞይ ቆንጫናዳ ኦና። ነ ላይማተ አሞይ፥ 
\v 30 ሄሳ ነ ቦላ ኤህስ። ኔኒ ካዎተታራ ላይማታዳሳ፤ ኤንታ ኤቃታራ ነና ቱንሳዳሳ። 
\v 31 ነ ምችያ ብዳ ኦግያ ነካ ባዳሳ። ሄሳ ግሾ፥ ነና እ ፁኣ ኡሻና።”
\p
\v 32 ኡባ ሃርያ ጎዳይ ሀይሳዳ ያጌስ፦ “ኔኒ ነ ምቸ ፁአፐ ኡያና፤ ሄ ፁአይ ግታነ ጪሞ። እ ትግን፥ ዳሮ ኤክያ ግሾ፥ አስ ኡባይ ነ ቦላ ሚጫናነ ነና ቅና። 
\v 33 ኔኒ ማታ ጋንድጋራናነ አዛናና። ሄስ ነ ምቸ ሳማረ ፁአይ ነዉ ዳጋማነ ዮ ኤሀና። 
\v 34 ነ እያ ፂዞዳ ኡያና፤ ፁአ መንና፤ ኩንአን ነ ን ጋራና።” ታኒ ኡባ ሃርያ ጎዳይ ሀይሳ ኦዳይስ።
\p
\v 35 ኡባ ሃርያ ጎዳይ ሀይሳዳ ያጌስ፦ “ኔኒ ታና ዶግዳ ግሾ፥ ታዉ ዞኮ ዛርዳ ግሾነ ነ ላይማተ አሙዋስ ጋተ ኤካና።”
\p
\v 36 ጎዳይ ታኮ ሀይሳዳ ያግስ፦ “አሳ ናአዉ፥ ኦሆል ቦላነ ኦሆልብ ቦላ ፕርዳናዉ ጊገታዲ? ኤንቲ ኦዳ ቱና ኦሱዋ ኤንታዉ ኦዳ። 
\v 37 ኤንቲ ናምአይ ላይማትዶሶና፤ ሸምፖ ዎዶሶና። ኤንቲ ባንታ ኤቃ ጎይንዶሶና። ሀር አቶሽን፥ ኤንቲ ታዉ የልዳ ባንታ አደ ናይታ ባንታ ኤቃታስ ካ ኦድ ያርሽዶሶና። 
\v 38 ሄሳፈ አድ ሀራ ኢታባ ታ ቦላ ኦዶሶና፤ ኤንቲ ታ ኬ ቱንስዶሶና፤ ሄ ዎደ ታ ሳምባታካ ሻርዶሶና። 
\v 39 ኤንቲ ባንታ ናይታ ኤቃታስ ያርሽዳ ጋላስ፥ ኤንቲ ታ ኬ ገልድ ቱንስዶሶና፤ ኤንቲ ታ ኬን ኦዳይ ሀይሳ።” 
\v 40 ኤንቲ ሃሆ በሳፈ አደት ያና መላ አሰ ኪትን፥ ኤንቲ ይዶሶና። ህንተ ናምኡ ምቸት ህንተ ቦላ ሜጨትደታ፤ ህንተ አይፍያ ትየትደታ፤ አሌቆ አደታ። 
\v 41 ሎኦ አርጄታ ቦላ ኡትደታ፤ ፃርጴዛ ቦላ ታ እፃንያነ ታ ሻማሆ ዛይትያ ዎደታ። 
\v 42 ኡፋይትያ አሳ ኮይሰ ህንተ ማታን ስኤቴስ። ማትዳ አሳይ መላ ቢታ ይዶሶና። ህንተ ኩሸን ሳጋዮ ዎዶሶና፤ ሎኦ ካላቻታ ህንተ ሁጰን ጎፅዶሶና። 
\v 43 ታኒ ታ ዎዛናን፥ “ሀ አደት አሳተይ ላይማተን ግልቅዳ ማጫሴራ ላይማቶሶና” ያጋስ። 
\v 44 አደይ ማጫሳራ ላይማተይሳዳ፥ ሀይሳቲ ኤንታራ ላይማትዶሶና። ኤንቲ ላይማታናዉ አሞትያ ኦሆልራነ ኦሆልብራ ላይማትዶሶና። 
\v 45 ኤንቲ ላይማ ግድያ ግሾነ ሸምፖ ዎያ ግሾ፥ ፅሎ አሳት ላይማትያነ ሸምፖ ዎያ ኤንታ ቦላ ፕርዳና።
\p
\v 46 ኡባ ሃርያ ጎዳይ ሀይሳዳ ያጌስ፦ “ዳሮ አሳ ደንዳ ኤንታ ቦላ ኤሀ። ኤንታ ዳጋንያነ ኤንታ ቦንቅያ አሳታስ አ እማ። 
\v 47 ሀ ዳጋንያ አሳት ይድ፥ ኤንታ ሹቻን ጫዶ፤ ማሻን ቡ፤ ኤንታ አደነ ማጫ ናይታ ዎ፤ ኤንታ ኬ ታማን ፁጎ። 
\v 48 ማጫስ ኡባይ ናገታና መላ ታኒ ቢታ ኡባፈ ላይማተ ይሳና። 
\v 49 ህንተ ናምኡ ምቸት ህንተ ላይማተ ግሾነ ኤቃታ ህንተ ጎይንዳ ናጋራ ግሾ ህንተና ፕርዳና። ታኒ ኡባ ሃርያ ጎዳ ግደይሳ ህንተ ሄ ዎደ ኤራና” ያጌስ።
\c 24
\s1 ድስተ ሌምሶ
\p
\v 1 ኑኒ ድኤትዳ ኡዱፉን ላይን፥ ታማን አጌናን፥ ታማን ጋላስ፥ ጎዳ ቃላይ ሀይሳዳ ያግሸ ታኮ ይስ። 
\v 2 “አሳ ናአዉ፥ ሀች ጋላስ ማዝጋበን ፃፋ። ባብሎነ ካዎይ የሩሳላመ ተቅዳይ ሀች። 
\v 3 ሀ ማካላንቾ አሳስ ኡባ ሃርያ ጎዳይ ሀይሳዳ ያጌስ ጋዳ ሀ ሌምሱዋ ኦዳ። ማዳበ ድስተ ታማ ቦላ ዎዳ ሃ እያን ትጋ። 
\v 4 ገዳነ አንጋሱዋ፥ ሎኦ አሾ ኡባ ሙፃዳ፥ እያን የጋ፤ ሎኦ መቀ ቃንፀረዳ እያን ኩን። 
\v 5 ሄሳስ ነ ኤካና ዶርሳይ ዉድያፐ ዶረትዳይሳ ግዶ። ድስትያ ጋርሳን ም ዎዳ አሹዋነ መቀ ካፃና ጋካናዉ ዶይሳ።”
\p
\v 6 ኡባ ሃርያ ጎዳይ ሀይሳዳ ያጌስ፦ “ሱ ጉስያ ካታማ አየ! እያ ሽእድ ጌዮና እፅዳ ናሰ ብራታ ድስተ መላ ግዳሱ። እ ግዶን ደእያ ሙፀትዳ አሹዋ ሳማ የጎና ኩሸን ጋሄትዳይሳ ከሳ ከሳ ኤካ። 
\v 7 ሄ ካታማይ ዎዳ አሳ ሱይ ሀኖ ጋካናዉ እን ደኤስ። ሱ ጉሳሸ፥ አይብካ ካሞና ዳንዳኦና ዛላ ቦላ ጉሳሱፐ አትሽን፥ ባናን ካማና ቢታ ቦላ ጉሳቡኩ። 
\v 8 ሀሎ ከያናዉ፥ ታ ሀንቁዋ ደንናዳ፥ ካመቶና መላ እያ ጉስዳ ሱ ታኒ ዛላ ቦላ ዎስ።”
\p
\v 9 ሄሳ ግሾ፥ ኡባ ሃርያ ጎዳይ ሀይሳዳ ያጌስ፦ “ሱ ጉስያ ካታማ አየ! ታኒ ም ጉጃዳ ዎና። 
\v 10 ዳሮ ም ዎ፤ ታማ ኤ። አሹዋ ሎይዳ ዶይሳ፤ ጫምባ ማልኤ፤ መቀ ፁጋ። 
\v 11 ካይሳ ማዳበ ድስተ ታማ ቦላ ዎ። እያ ቦላ ደእያ ቡቃይ ሴርድ ክቻና ጋካናዉነ እያ ቦላ ደእያ ሽአይ ፁገትድ ያና ጋካናዉ ሱልድ ምቻና መላ ታማ ቦላ ዎ። 
\v 12 ሄ ዳቡራይ ኡባይ ጮ መላ ግድስ፤ እያ ቦላ ደእያ ዳሮ ሽአይ ሀር አቶሽን፥ ታማን ክችቤና። 
\v 13 የሩሳላመ፥ ነነ ቱንዳይ ነ ኢታ ኦሱዋና። ታ ሀንቆይ ነ ቦላ ዉራና ጋካናዉ ህዛፐ ኔኒ ጌያካ። ነ ቱናተፈ ነና ጌሻናዉ ኮያስ ሽን፥ ነ ጌያናዉ ኮያባካ። 
\v 14 ታኒ ጎዳይ ሀይሳ ኦዳስ፤ ሄስ ሀናና። ታኒ ጉየ ስምከ፤ ነዉ ቃትከ፤ ታ ቆፋ ላምከ። ነ ኦግያዳነ ነ ኦሱዋዳ ታኒ ነና ፕርዳና። ታኒ ኡባ ሃርያ ጎዳይ ሀይሳ ኦዳይስ” ያግስ።
\s1 ህዝቄላ ማቸ ሀይቁዋ
\p
\v 15 ቃስካ ጎዳ ቃላይ ሀይሳዳ ያግሸ ታኮ ይስ። 
\v 16 “አሳ ናአዉ፥ ነ ሲቅያነ ነ አይፈ ስንን ሎእያ ነ ማችዉ አኬኮና ዎና። ሄሳን ካዮቶፋ፥ ዬኮፋነ አፉፆፋ። 
\v 17 ኦላ፥ ሽን ነ ኦልያ አስ ስኦፖ፤ ሀይቅዳርስ ካዮቶፋ። ኔኒ ነ ሁጰን ቃጨ ፃፃ፤ ነ ቶሁዋን ጫማ አ። ነ ዶና ካሞፋ፤ ሾች ሞፓ።”
\p
\v 18 ዎንታ ታኒ አሳስ ኦዳስ፤ ኦማርስ ታ ማችያ ሀይቃሱ። ዎንተ ጋላስ ጎዳይ ታና ኪትዳይሳዳ ኦስ። 
\v 19 አሳይ ታኮ፥ “ሀ ኔኒ ኦያባስ ብርሸይ አይበኮ ኑስ አይስ ኦድኪ?” ያግስ።
\p
\v 20 ጎዳ ቃላይ ሀይሳዳ ያግሸ ታኮ ይስ ያጋዳ ኤንታዉ ኦዳስ። 
\v 21 ኡባ ሃርያ ጎዳይ እስራኤለ አሳ ሀይሳዳ ያጌስ፤ “ህንተ ጬቀትያ፥ ህንተ አይፈ አሙዋነ ህንተ ሸምፖይ አሞትያ ታ ኬ ታኒ ቱንሳና ሀናይስ። ህንተ ጉየ አሽዳ ህንተ አደ ናይትነ ህንተ ማጫ ናይት ማሻን ዉራና። 
\v 22 ሄ ዎደ ታ ኦዳይሳዳ ህንተ ኦና። ህንተ ዶና ካመከታ፤ ሾቹ ሜከታ። 
\v 23 ህንተ ሁጵያ ፃፅተ፤ ህንተ ቶሁዋን ጫማ አተ። ካዮተከታ ዎይኮ ዬከከታ። ሽን ህንተ ህንተ ናጋራ ጋሶን ግልቃናነ እሶይ እሱዋራ ኦላና። 
\v 24 ሄ ዎደ ህዝቄል ህንተዉ ማላታ ግዳና፤ እ ኦዳይሳዳ፥ ህንተ ኦና። ሄስ ሀንያ ዎደ፥ ታኒ ኡባ ሃርያ ጎዳ ግደይሳ ህንተ ኤራና።
\p
\v 25 “አሳ ናአዉ፥ ታኒ ኤንታ ኡፋይሳነ ቦንቹዋ፥ ኤንታ አይፈን ሎእያባነ ኤንታ ዎዛናይ አሞትያባ ምኖ በሳ፥ ቃስ ኤንታ አደ ናይታነ ኤንታ ማጫ ናይታ ኤንታፈ ኤካና። 
\v 26 ሄ ጋላስ ነዉ ዎረ ኦዳናዉ እስ አስ ከስ ኤክድ ያና። 
\v 27 ሄ ጋላስ ነ ዶናይ ዶየታና፤ ነ እያራ ኦደታና፤ ዛራዳ ሙመ ግዳካ። ሄሳዳ ሀናዳ፥ ነ አሳስ ማላታ ግዳና። ታኒ ጎዳ ግደይሳ ኤንቲ ሄ ዎደ ኤራና” ያግስ።
\c 25
\s1 አሞነ ቦላ ኦደትዳ ትንብተ
\p
\v 1 ጎዳ ቃላይ ሀይሳዳ ያግሸ ታኮ ይስ። 
\v 2 “አሳ ናአዉ፥ ነ ሶምኡዋ አሞነኮ ዛራዳ፥ ኤንታ ቦላ ትንብተ ኦዳ። 
\v 3 ኡባ ሃርያ ጎዳይ ኦድያ ቃላ ስእተ። ህንተ ታ ኬ ቱንስያ ዎደ፥ እስራኤለ ቢታይ ባይሳ አትያ ዎደነ ይሁዳ አሳይ ድኤትያ ዎደ ሀሹ ግደታ። 
\v 4 ታኒ ህንተና ዶሎሀ ባጋ ቢታ አሳስ ላታ ኦዳ እማና። ኤንቲ ህንተ ግዶን ካምበ ኬፅድ ዳና። ህንተ ም አይፍያ ኤንቲ ማና፤ ህንተ ማ ኤንቲ ኡያና። 
\v 5 ታኒ ራባ ካታማ ግማለት ሄመትያ በሲ ከሳና፤ አሞነታ ቢታ ዶርሳ ዉደይ ፔእያ በሲ ኦና። ታኒ ጎዳ ግደይሳ ህንተ ሄ ዎደ ኤራና። 
\v 6 ኡባ ሃርያ ጎዳይ ሀይሳዳ ያጌስ፦ ‘ህንተ እስራኤለ ዩዋን ኩሸ ባቅዳ ግሾ፥ ጉፕዳ ግሾነ ኡፋይትድ ቀልቅስዳ ግሾ፥ 
\v 7 ታኒ ህንተ ቦላ ታ ኩሽያ ደንስ። ህንተና ካዎተታስ ድኦ ኦዳ እማና። ታ ህንተና አሳፐ ሾዳና፤ ካዎተታ ግዶፈ ይሳና። ታኒ ጎዳ ግደይሳ ህንተ ሄ ዎደን ኤራና’ ” ያጌስ።
\s1 ሞአበ ቦላ ኦደትዳ ትንብተ
\p
\v 8 ኡባ ሃርያ ጎዳይ ሀይሳዳ ያጌስ፦ “ሞአበይነ ሳይረ፥ ‘ይሁድ ሀራ ካዎተታ ኡባ መላ’ ያግዳ ግሾ፥ 
\v 9 ታኒ ሞአበ ቢታ ተቃና፤ እያ ዛዋ ናግያ፥ ኤረትዳ ቤት-ያሽሞታ፥ ባኣል-ማኦናነ ቅራታይማ ካታማታ ይሳና። 
\v 10 ህዛፐ ጉየ አሞነታ ጉጃዳ፥ ኤንቲ ካዎተታ ግዶን ሀሳየቶና መላ ኤንታ ዶሎሀ ባጋ ቢታፈ ይዳ አሳስ አዳ እማና። 
\v 11 ታኒ ሞአበ ፕርዳና፤ ታኒ ጎዳ ግደይሳ ኤንቲ ሄ ዎደ ኤራና” ያጌስ።
\s1 ኤዶመ ቦላ ኦደትዳ ትንብተ
\p
\v 12 ኡባ ሃርያ ጎዳይ ሀይሳዳ ያጌስ፤ “ኤዶመይ ይሁዳ ቦላ ሀሎ ከይዳ ግሾነ ቆህዳ ግሾ፥ 
\v 13 ታኒ ኩሽያ ኤዶመ ቦላ ደንና። ያን ደእያ አሳነ መህያ ኩመ ይሳዳ ባይሳ ከሳና። ተማናፐ ብድ፥ ደዳና ካታማ ጋካናዉ ኤንቲ ማሻን ዉራና። 
\v 14 ታኒ እስራኤለ ባጋራ ኤዶመ ቦላ ሀሎ ከያና። እስራኤለት ኤንታ ቦላ ታ ይሉዋ መላ ኦና። ታኒ ሀሎ ከይዳይሳ ኤዶመይ ኤራና” ያጌስ ኡባ ሃርያ ጎዳይ።
\s1 ፍልስፄመ ቦላ ኦደትዳ ትንብተ
\p
\v 15 ኡባ ሃርያ ጎዳይ ሀይሳዳ ያጌስ፦ “ፍልስፄመት ባንታ ዎዛና ኢታተን ሀሎ ከይዳ ግሾነ አቅዳ ሞርከን ይሁዳ ካድ ይሳናዉ ኮይዳ ግሾ፥ 
\v 16 ታኒ ታ ኩሽያ ፍልስፄመታ ቦላ ደንና። ታኒ ከልታወታ ቃንፃና፤ አባ ዶናን አትዳይሳታ ኡባ ይሳና። 
\v 17 ታ ኤንታ ቦላ ግታ ሀሎ ከያና፤ ታ ሀንቁዋን ኤንታ ሴራና። ታኒ ኤንታ ቦላ ሀሎ ከይያ ዎደ፥ ታኒ ጎዳ ግደይሳ ኤንቲ ሄ ዎደ ኤራና” ያጌስ።
\c 26
\s1 ፅሮሳ ቦላ ኦደትዳ ትንብተ
\p
\v 1 ኑኒ ድኤትዳ ታማነ እሳን ላይን፥ አጌና ኮይሮ ጋላሳን፥ ጎዳ ቃላይ ሀይሳዳ ያግሸ ታኮ ይስ። 
\v 2 “አሳ ናአዉ፥ ፅሮሳ አሳይ ኡፋይትሸ፥ ‘ሀሹ! የሩሳላመይ ኩንድስ፤ እያ ፐንገይ ዋግ ግድ ዶየትስ። እ ላለትድ ዶየትዳ ግሾ ህዛፐ ጉየ ኑ ዱረታና’ ያጎሶና። 
\v 3 ሄሳ ግሾ፥ ኡባ ሃርያ ጎዳይ ሀይሳዳ ያጌስ፤ ‘ነኖ፥ ፅሮሳ፥ ታኒ ነዉ ሞርከ። አባ ዙለይ ደንደይሳዳ ታኒ ዳሮ ካዎተታ ነ ቦላ ኤሀና። 
\v 4 ኤንቲ ነ ድርሳ ግምብያ ላላና፤ ነ ግምበ ሻኮታ መንና። ታ ነና ቢታ ኡባ ቁችድ ኤፍን፥ ካሎ ደእያ ዛላ ኦና። 
\v 5 ኔኒ አባ ግዶን አሳይ ባንታ ሞሎ ግትያ መልሳናዉ ምጭያ በሲ ግዳና። ሀራ ካዎተት ፅሮሳ ቦንቃና። 
\v 6 ዋና ቢታን ደእያ ጉታታ ማሻን ዉርሳና። ታኒ ጎዳ ግደይሳ ኤንቲ ሄ ዎደ ኤራና’ ያጌስ ኡባ ሃርያ ጎዳይ።
\p
\v 7 “ኡባ ሃርያ ጎዳይ ሀይሳዳ ያጌስ፦ ‘ፅሮሳ ቦላ ኦላ ደንና መላ ካዎታ ካዎ ግድዳ ባብሎነ ካዋ ናቡካዳናፆራ፥ ፓራታራ፥ ፓራ ጋረታራነ ዳሮ ኦላንቾታራ ፑደሀ ባጋፈ ኤሀና። 
\v 8 ኤንቲ ዋና ቢታን ደእያ ጉታታ ማሻን ዉርሳና። ኤንቲ ነና ተቅድ፥ ነ ድርሳ ግምብያ ጋድ፥ ቢታ ዶራና፤ ባንታ ጎንዳልያ ነ ቦላ ደንና። 
\v 9 ድርሳ ግምበታ ዶምእድ ላልያ ሚሸን ነ ድርሳ ግምብያ መንረና፤ ባንታ ኦላ ሚሸን ነ አዱሳ ግምበታ ላላና። 
\v 10 እያ ፓራት ዳሮ ግድያ ግሾ፥ ኤንቲ ደንያ ባናይ ነና ካማና። ፓራትነ ፓራታ ጋረት ላለትዳ ካታማ ድርሳ ፐንግያራ ገልያ ዎደ ኤንቲ ስስያ ጋርማሞይ ነ ድርሳ ግምብያ ቃና። 
\v 11 ኤንታ ፓራት ኦገታ ኡባ የና። ነ አሳ ማሻን ዉርሳና፤ ነ ዎልቃማ ቱሳት ሳአን ኩንዳና። 
\v 12 ነ ሻሎይ ድኤታና፤ ነ ዛልእያ ሚሸት ቦንቀታና። ነ ድርሳ ግምበታነ ነ ሎኦ ኬታ ኡባ ይሳና፤ ነ ሹቻታ፥ ነ ሳንቃነ ላለትዳ ኡባ ኤፍድ አባን የጋና። 
\v 13 ነ ማልኦ የ ታ ተቃና፤ ነ ዲ ግርሳይ ዛር ስኤተና። 
\v 14 ታ ነና ካሎ ደእያ ዛላ ኦና፤ ኔኒ አሳይ ባንታ ሞሎ ግትያ ምጭያ በሲ ግዳና። ታኒ ጎዳይ ሀይሳ ኦድዳ ግሾ፥ ኔኒ ዛራዳ ኬፀታካ’ ” ያጌስ ኡባ ሃርያ ጎዳይ።
\p
\v 15 “ኡባ ሃርያ ጎዳይ ፅሮሳ ካታማኮ ሀይሳዳ ያጌስ፦ ‘ነ ሞርከት ነ ቦላ ደንድያ ዎደ ዩሾይ አባን ተቀትዳ ቢታን ደእያ አሳይ፥ ነ ጎይረትያ ዎደ ዋስያ ዋሱዋ ስእድ፥ ያሻን ኮኮራና። 
\v 16 አባ ዶናን ደእያ ሃረይሳት ባንታ አራታፐ ዎና። ባንታ ቦንቾ ማኡዋነ አሌቀትድ ኦሰትዳ ማኡዋ ቃርድ ያሻን ኮኮርሸ ቢታን ኡታና። ነ ቦላ ጋክዳ መቱዋ ቆፕድ፥ ኤንቲ ዳሮ ዳጋማና፤ ኤንቲ ኡባ ዎደ ኮኮርሸ ዳና።’ 
\v 17 ኤንቲ ነዉ ሀይሳዳ ያግድ ዘለልስ ከሳና፦
\q1 “አባ ዶናን ደእያ ያሽያ ካታማታ፤
\q2 ዎልቃማ አሳይ ደእያ ካታመ፥
\q2 ኔኒ ዋና ላለታዲ?
\q1 ኔንነ ነ ግዶን ደእዳ አሳይ
\q2 አባ ዶናን ደእያ አሳ ኡባ ያሽሳዳሳሽን።
\q1
\v 18 ኔኒ ኩንድያ ጋላስ
\q2 ዩሾይ አባን ተቀትዳ ቢታት ኮኮርዶሶና።
\q1 ሃን ተቀትዳ ቢታት
\q2 ነ ዩዋን ዳጋምዶሶና” ያግስ።
\p
\v 19 ኡባ ሃርያ ጎዳይ ሀይሳዳ ያጌስ፦ “ሀእ ኦንካ ዶና ካታማታዳ ታ ነና ባይሳ ከሳና። ታኒ አባ ሃ ነ ቦላ ኤህን፥ ዳሮ ሃይ ነና ካማና። 
\v 20 ኔኒ ስኦለ ገላዳ በን ሀይቅዳ አሳራ ዋላከታና መላ ኦና። ኔኒ ቢታፈ ጋርሳን፥ በን ሞገትድ፥ መርናዉ ላለትድ አትዳይሳታራ ዳና መላ ኦና። ኔኒ ዛራዳ አስ ደእያ ካታማ ግዳካ፤ ደኦን ደኤይሳታ ቢታን ዛራዳ በሰ ደማካ። 
\v 21 ታኒ ነ ዉርሰ ዳጋንያ ዉርሰ ኦና፤ ነዉ ሄስ ዉርሰ ግዳና። አስ ነና ኮያና፤ ሽን ኔኒ ዛራዳ በንታካ” ያጌስ ኡባ ሃርያ ጎዳይ።
\c 27
\s1 ፅሮሳስ ከስዳ ዘለልስ
\p
\v 1 ጎዳ ቃላይ ሀይሳዳ ያግሸ ታኮ ይስ። 
\v 2 “አሳ ናአዉ፥ ፅሮሳስ ዘለልስ ከሳ። 
\v 3 ዩሾይ አባን ተቀትዳ ቢታን ደእያነ አባ ጋፃን ደእያ ዳሮ አሳራ ዛልእያ፥ ካታማስ፥ ኡባ ሃርያ ጎዳይ ሀይሳዳ ያጌስ።
\q1 “ ‘ነኖ ፅሮሳ፥ ታኒ ፑላነ
\q2 ቦረይ ባይና ማላ ሎኦ’ ” ያጋዳሳ።
\q1
\v 4 ነ ዛዋይ አባ ጉልኣና፤
\q2 ነና ኬፀይሳት ሎይድ ኦድ ኬፅዶሶና።
\q1
\v 5 ነ ሳንቃ ሳንራ ፂዳን ኦዶሶና፤
\q2 ነ ማርካብያ ቱሳ ልባኖሰ ዝጋን ጊግስዶሶና።
\q1
\v 6 ሃ ፕያ ምት
\q2 ባሳነ ዎላፐ ኦሰትዶሶና።
\q1 ነ ማርካብያ ሂፃይ ቆጵሮሳ ፂዳን፥
\q2 እያ ዩሾይ ዳንጋርሳ ዛለን አሌቀትስ።
\q1
\v 7 ነ ሻራይ ባንድራዳ ሃሆን በንታና መላ፥
\q2 ግብፀታ ሊኖፐ አሌቀትድ ኦሰትስ።
\q1 ነ ካማ ገሸይ ቆጵሮሳፐ ይዳ፥
\q2 ካሎሰ ኦቻ ቴራ ዳንያ ማኦፐ ኦሰትዳይሳታ።
\q1
\v 8 ነ ማርካብያ ኮልፅሰይሳት ስዶናነ አርዋዳ ካታማታፐ ይዳይሳታ፤
\q2 ነ ማርካብያ ላገይሳት ሎህዳ ነ አሳታ።
\q1
\v 9 ማርካብያ ጊግሰይሳት ገባላፐ ይዳ ኤራንቾታነ ካለያ ሂላንቾታ፤
\q2 አባን ብያ ማርካበ ኡባን ደእያ ኦሳንቾት ዎ ከያ ግድ ነ ግዶን ዛልኦሶና።
\b
\q1
\v 10 “ፋርሰፈ፥ ሊደፐነ ሊበፐ ይዳ ኦላንቾት፥
\q2 ነ ኦላንቾታ ማድድ ኦለትዶሶና።
\q1 ባንታ ጎንዳልያነ ባንታ ኦላ ባርኔፃ ነ ግዶን ካቅዶሶና፤
\q2 ኤንቲ ነና ቦንችዳ አሳታ።
\q1
\v 11 አርዋዳነ ሄለካ ኦላንቾት፥
\q2 ነ ድርሳ ግምብያ ናጎሶና።
\q1 ጋማዳ አሳይ ነ አዱሳ ግምብ ሻኮ ቦላ ናጎሶና፤
\q2 ባንታ ጎንዳልያ ነ ግምብያ ቦላ ካቅዶሶና፤
\q2 ነ ፑላታና መላ ኦዳይ ኤንታና።
\q1
\v 12 ነ ዳሮ ዱረተ ጋሶን ታርሰስ ኔራ ዛልእስ፤
\q2 እ ብራ፥ ብራታ፥ ቆርቆሮነ እርሳሰ ኔራ ላምድ ዛልኦሶና።
\q1
\v 13 ያዋን፥ ቱባልነ ሞሳህ ኔራ ዛልእዶሶና፤
\q2 አይለታነ ናሰ ብራታ እምድ፥ ነ ሚሽያራ ላምዶሶና።
\q1
\v 14 ቤት-ቶርጋማ አሳይ
\q2 ቶጋ ፓራታ፥ ኦላ ፓራታነ ባቁሎታ እምድ፥ ነ ሚሽያራ ላምስ። 
\v 15 ድዳና አሳይ ኔራ ዛልእዶሶና፤ ዩሾይ አባን ተቀትዳ ቢታታን ደእያ አሳይ ዳንጋርሳ ዛለነ ዞጰ ም ነዉ ኤሆሶና።
\p
\v 16 “ነ ዳሮ ዱረተ ጋሶን፥ ሶረ አሳት ኔራ ዛልእዶሶና፤ ኤንቲ ጭሊሎ አልኦ ሹች፥ ዞኦ አልኦ ሹች፥ የሌሎ አሌቆ፥ ኦቻ ቴራ ዳንያ ማኡዋ፥ አልኦ ሊኖነ አሌቀትዳ ማኦ ኤህድ ነ ሚሽያራ ላምዶሶና። 
\v 17 ይሁዳነ እስራኤለ አሳይ ኔራ ዛልእዶሶና፤ ኤንቲ ምንተ ጋደ ግስተ፥ ማልዶ፥ ኤስ፥ ዛይተነ ልያ ባልሳመ ዛይተ ነ ሚሽያራ ላምዶሶና። 
\v 18 ነ ዳሮ ዱረተነ ሻሎይ ደእያ ግሾ፥ ዳማስቆይ፥ ከልቦና፥ ዎይንያነ ዛሃራ ዶርሳ እክሰ እምድ ነ ሚሽያራ ላምዶሶና። 
\v 19 ኡዛለን ደእያ ዳነነ ያዋና አሳይ ነ ዱማ ዱማ ሚሸታ ሻምዶሶና። ኤንቲ ነ ሚሽያራ ላማናዉ አሌቀትዳ ብራታነ ዱማ ዱማ ሳዎ ኤህዶሶና።
\p
\v 20 “ድዳና አሳይ ኮራ ግላሰ ኤህድ ዛልእዶሶና። 
\v 21 አራበትነ ቀዳረ ሀላቃት ኡባይ ነ ዛልኤ ሚሽያስ ዶርሳ ኡርገታ፥ ማራዘታነ ዴሻታ ኤህዶሶና። 
\v 22 ሳባነ ራማ ዛልአንቾት አልኦ ሹቹ፥ ዎርቃነ ዶረትዳ ሳዎታ እምድ፥ ነ ሚሽያራ ላምዶሶና። 
\v 23 ካራነ፥ ካነ፥ ኤደነ፥ ሳባ አሶረነ ከልማዳ ካታማት ኡባይ ኔራ ዛልእዶሶና። 
\v 24 ኤንቲ ሎኦ ማኦታ፥ ካሎሰ ዳንያ ማኡዋ፥ አሌቀትዳ ማኡዋ፥ ጋዛ ስጋጃታ፥ ሎይ ዶቅዳ ስባጎታነ ዎዶሮታ እምድ፥ ነ ግያን ዛልኦሶና።
\p
\v 25 “ታርሰሳ ማርካበት ነ ሚሸታ ጫንዶሶና። ኔኒ ዳሮባይ ጫነትን፥ አባ ቦላ ብያ ማርካበ መላ ግዳዳሳ። 
\v 26 ነ ማርካብያ ላገይሳት ነና ኤክድ፥ አባ ግዶ ግና ኤፍዶሶና፤ ሽን ዶሎሀ ጫርኮይ ነና አባ ግዶን መንረስ። 
\v 27 ኔኒ መቀረትዳ ዎደ ነ ዱረተይነ ነ ዛልኤ ሚሸ ኡባይ፥ ነ ማርካብያ ላገይሳት፥ ነ ማርካብያ ጊግሰይሳት፥ ነ ዛልአንቾትነ ነ ግዶን ደእያ ኦላንቾት ኡባይ አባ ግዶን ሙከትዶሶና። 
\v 28 ኤንታ ዋሶይ አባ ጋፃ ደእያ ቢታ ዳጋንስ።
\p
\v 29 “ማርካብያ ቦላ ኡትድ ሃ ፕይሳት ኡባይ ማርካበታፐ ከይድ፥ አባ ጋፃን ኤቅዶሶና። 
\v 30 ኤንቲ ኡባይ ባንታ ሁጰን ባና ቆልድ፥ ብዶን ጎንዶረትሸ፥ ነ ዩዋ ግሾ ኢታ ዬሆ ዬክዶሶና። 
\v 31 ነዉ ካዮትድ፥ ባንታ ሁጵያ ሜድድ፥ ካዮ ማኦ ማእዶሶና፤ ኤንቲ ዳሮ አዛንድ ነዉ ዬክዶሶና። 
\v 32 ኤንቲ ሀይሳዳ ያግድ ነዉ ዘሌልዶሶና፦
\q1 “ሀእ አባ ግዶን ስእ ግዳ፥
\q2 ፅሮሳ መል ኦኔ?”
\b
\q1
\v 33 “ነ ዛልኤ ሚሸይ አባ ፕንድ ያ ዎደ፥
\q2 ዳሮ አሳ ካልሳዳሳ፤
\q2 ነ ሻሉዋን ቢታን ደእያ ካዎት ዱረትዶሶና።
\q1
\v 34 ሽን ሀእ ጪሞ አባን መቀረታዳሳ፤
\q2 ነ ዛልኤ ሚሸይነ ነዉ ኦያ አሳ ኡባይ፥
\q2 ኔራ አባ ግዶን ሙከትድ ይዶሶና።
\q1
\v 35 ዩሾይ አባን ተቀትዳ ቢታን ደእያ አሳ ኡባይ
\q2 ነ ቦላ ጋክዳባ በእድ ዳጋምዶሶና።
\q1 ኤንታ ካዎት ዳሮ ያይዶሶና፤
\q2 ኤንታ ሶምኦይ ያሻን ሹልስ።
\q1
\v 36 ነ ዉርሰይ ዳጋንያባ ግድስ፤
\q2 ኔኒ ዛራዳ ዳካ።
\q1 ሄሳ ግሾ፥ ቢታ ኡባን ደእያ
\q2 ዛልአንቾት፥ ሽንቻለ ግዶሶና” ያግስ።
\c 28
\s1 ፅሮሳ ካዋ ቦላ ኦደትዳ ትንብተ
\p
\v 1 ጎዳ ቃላይ ሀይሳዳ ያግሸ ታኮ ይስ። 
\v 2 “አሳ ናአዉ፥ ኡባ ሃርያ ጎዳይ ሀይሳዳ ያጌስ ጋዳ ፅሮሳ ሀላቃስ ኦዳ፦ ‘ነ ዎዛናይ ኦቶርትዳ ግሾ፥ ታኒ ፆሰ፤ ታኒ አባ ግዶን፥ ፆሳታ አራታን ኡታስ’ ያጋዳሳ። ኔኒ፥ ‘ታኒ ፆሳዳ፥ ጭንጫ ግዳስ ጋዳ ቆፕኮካ ነ አሰፐ አትሽን፥ ፆሰ ግዳካ። 
\v 3 ነ ዳነላፐ አዳ ጭንጫይ? አይ ፁርካ ኔፐ ጌመኔ? 
\v 4 ቱማ ነ ጭንጫተንነ ነ አኬካን ዱረ ግዳዳሳ፤ ነ ቡቁራ ምንጃ ኬን ብራነ ዎርቃ ሺሻዳሳ። 
\v 5 ነ ዛልእያ ኤራን ዳሮ ዎ ደማዳሳ፤ ነ ዱረተ ጋሶን ነ ዎዛናይ ኦቶርትስ’ ” ያጌስ።
\p
\v 6 ሄሳ ግሾ፥ ኡባ ሃርያ ጎዳይ ሀይሳዳ ያጌስ፦ “ታኒ ፆሳዳ ጭንጫ ጋዳ ቆፕያ ግሾ፥ 
\v 7 ታ ነ ቦላ ቃይ ባይና ዎዛና ምኖ ሞርከታ ኤሀና፤ ኤንቲ ኔኒ ጭንጫተንነ ኤራተን ሺሽዳ ሻሎ ኡባ ማሻን ይሳና፤ ኤንቲ ነ ቦንቹዋ ቱንሳና። 
\v 8 ኤንቲ ነና ስኦለ የዳና፥ ነካ ጪሞ አባን ሀይቃና። 
\v 9 ኤንቲ ነና ዎናዉ ያ ዎደ ኔኒ፥ ‘ታኒ ፆሳ’ ጋኔ? ነና ዎያ አሳ ኩሸን ነ ኩንድያ ዎደ ነ አሰፐ አትሽን፥ ፆሰ ግዳካ። 
\v 10 ኔኒ አላጋታ ኩሸን አማኖና አስ ሀይቅያ ሀይቆ ሀይቃና” ያጌስ ኡባ ሃርያ ጎዳይ።
\p
\v 11 ቃስ ጎዳ ቃላይ ሀይሳዳ ያግሸ ታኮ ይስ። 
\v 12 “አሳ ናአዉ፥ ኡባ ሃርያ ጎዳይ ሀይሳዳ ያጌስ ጋዳ ፅሮሳ ካዋስ ዘሌላ፦ ‘ኔኒ ካሰ ጭንጫተን ኩማዳሳ፤ ኔኒ አስ ሌምስድ ኦድያ ፑላነ ጭንጫ ግዳዳሳ። 
\v 13 ኔኒ ኤደነን፥ ፆሳ ጋናትያን ካሰ ደአዳሳ፤ ሳርድዮነ፥ ቶጳዘ፥ አልማዘ፥ ብርለ፥ ማርግደ፥ ያስጵደ፥ ሳንፓረነ ባሉረ ጌተትያ አልኦ ሹቻን አሌቀታዳ፥ ሎኦ ዎርቃ አሌቆ ካሰ ማአዳሳ፤ ነ መትዳ ጋላስ ሄ ኡባይ ነዉ ጊግስ። 
\v 14 ነና ናግያ ክሩበ ኦዳ ሹማስ፤ ነና ትያስ። ታ ጌሻ ዙማ ቦላ ነ ደአዳሳ፤ ታማዳ ጶልያ አልኦ ሹቻታ ግዶን ስመረታዳሳ። 
\v 15 ነ መትዳ ጋላሳፐ ዶማዳ፥ ኢታባይ ነ ቦላ በንታና ጋካናዉ ቦረይ ባይና ደአዳሳ። 
\v 16 ነ ዳሮ ዛልኤን ማትዳ ግሾ ቡቀን ኩማዳ፥ ናጋራ ኦዳሳ። ሄሳ ግሾ፥ ታ ጌሻ ዙማፐ ነና ዎልቃን ከሳስ። ነና ናግያ ክሩበይ፥ ሄ ታማዳ ጶልያ አልኦ ሹቻታ ግዶፈ የደስ። 
\v 17 ኔኒ ማላ ሎኦ ግድያ ግሾ ዳሮ ኦቶርታዳሳ፤ ነ ቦንቾ ኮያዳ ጭንጫተ ካዉሻዳሳ። ሄሳ ግሾ፥ ታ ነና ሳአን የጋስ፤ ሀራ ካዎት ነና በእድ ባያና መላ ኦስ። 
\v 18 ነ ናጋራንነ ነ ባለያ ዛልእያን፥ ነ ጎይኖ በሳታ ቱንሳዳሳ። ሄሳ ግሾ፥ ታም ነ ግዶፈ ከያናዳ ኦስ፤ እካ ነና ምስ። ኡባይ ፄልሽን፥ ታ ነና ፁጋዳ ሳኣ ቦላ ብዶ ከሳስ። 
\v 19 ነና ካሰ ኤርያ ካዎተት ኡባይ ዳጋምዶሶና። ነ ዉርሰይ ያሽያባ ግድስ፤ ኔኒ ዛራዳ በንታካ’ ” ያግስ።
\s1 ስዶና ቦላ ኦደትዳ ትንብተ
\p
\v 20 ጎዳ ቃላይ ሀይሳዳ ያግሸ ታኮ ይስ። 
\v 21 “አሳ ናአዉ፥ ነ ሶምኡዋ ስዶናኮ ዛራዳ እያ ቦላ ትንብተ ኦዳ። 
\v 22 ነኖ፥ ስዶና፥ ታ ነዉ ሞርከ ግዳና። ታኒ ነ ቦላ ኦያባን ታ ቦንቾይ ቆንጫና። ነ ግዶን ደኤይሳት ፕርዳን ታኒ ታ ጌሻተ በሲያ ዎደ፥ ታኒ ጎዳ ግደይሳ ኤንቲ ኡባይ ኤራና። 
\v 23 ታ ነ ቦላ ኢታ ሀርገ የዳና፤ ኦገ ኡባን ሱ ጉካናዳ ኦና። ኡባ ባጋራ ያ ኦላ ጋሶን ነ አሳይ ማሻን ሀይቃና። ታኒ ጎዳ ግደይሳ ኤንቲ ሄ ዎደ ኤራና። 
\v 24 ህዛፐ ጉየ እስራኤለ ዩሾን ደእያ፥ እያ ካድ ፄልያ፥ ቢታ ኡባን አጉንዳነ ክንቾተዳ ቆህያ ኦንካ ዴና። ታኒ ኡባ ሃርያ ጎዳ ግደይሳ ኤንቲ ሄ ዎደ ኤራና” ያጌስ ኡባ ሃርያ ጎዳይ።
\p
\v 25 “እስራኤለ አሳ ላለትዳ ቢታ ኡባፈ ሺሻዳ ኤህያ ዎደነ ካዎተታ ኡባ ስንን ታኒ ታ ጌሻተ በሲያ ዎደ፥ ታኒ ታ አይልያ ያይቆባስ እምዳ ባንታ ቢታን ኤንቲ ዳና። 
\v 26 ያን ኤንቲ ሳሮነ ናገትድ ዳና፤ ኬ ኬፃና፤ ዎይነ ቶካና። ኤንታ ካድ ፄልያ ኤንታ ሾሮታ ኡባ ታኒ ፕርድያ ዎደ እስራኤለ አሳይ ሳሮ ዳና። ታኒ ጎዳ ኤንታ ፆሳ ግደይሳ ኤንቲ ሄ ዎደ ኤራና” ያጌስ ኡባ ሃርያ ጎዳይ።
\c 29
\s1 ግብፀ ቦላ ኦደትዳ ትንብተ
\p
\v 1 ኑኒ ድኤትዳ ታማን ላይን፥ ታማን አጌናን፥ ታማነ ናምአን ጋላስ፥ ጎዳ ቃላይ ሀይሳዳ ያግሸ ታኮ ይስ። 
\v 2 “አሳ ናአዉ፥ ነ ሶምኡዋ ግብፀ ካዋኮ ዛራዳ፥ እያ ቦላነ ግብፀ ቢታ ኡባ ቦላ ትንብተ ኦዳ። 
\v 3 ኡባ ሃርያ ጎዳይ ሀይሳዳ ያጌስ ጋዳ ኦዳ። ‘ነኖ፥ ናይለ ሻፋ ግዶን ዝንእዳ፥ ግታነ ያሽያ ዶአ ዳነይሶ። ናይለ ሻፋይ ታባ፤ እያ መዳይ ታና’ ግያ ግብፀ ካዋዉ፥ ታ ነዉ ሞርከ ግዳና። 
\v 4 ታ ነ ሲን ዳፎ አና፤ ነ ሻፋን ደእያ ሞሎታ ቀፈይ ነ ጋልባራ ኦይከታና መላ ኦና፤ ሞሎት ነ ጎጋራ ኦይከትድ ኡትዳሽን፥ ታ ነና ሃፈ ጎቻዳ ጋፃ ከሳና። 
\v 5 ታ ነናነ ነ ሻፋን ደእያ ሞሎታ ኡባ መላ ቢታ ሆላና፤ ነ አሀይ ደንባን የገትድ አታና፤ ነ አሀ ሺሽድ ሞግያ አስ ያና። ታ ነና ሳሎ ካፎታስነ ሳኣ ዶአታስ ካ ኦና። 
\v 6 ግብፀን ደእያ አሳ ኡባይ ታኒ ጎዳ ግደይሳ ሄ ዎደ ኤራና።
\p “ኔኒ እስራኤለ አሳስ ማቃ ፃምአ ግዳዳሳ፤ 
\v 7 ኤንቲ ነና ኦይክዳ ዎደ መቃዳ ኤንታ ሾጰን ጫዳዳሳ፤ ኤንቲ ነናን ዘምፕዳ ዎደ መቃዳ ኤንታ ዞኩዋ ዱዳሳ። 
\v 8 ሄሳ ግሾ፥ ታኒ ኡባ ሃርያ ጎዳይ፥ ነ ቦላ ማሸ ደንይሳታ ኤሀና፤ ኤንቲ ነ አሳነ ነ መህያ ኡባ ዉርሳና። 
\v 9 ግብፀ ላለትድ ባይሳ ቢታ ግዳና። ታኒ ጎዳ ግደይሳ ኤንቲ ሄ ዎደ ኤራና። ኔኒ፥ ‘ናይለ ሻፋይ ታባ፤ እያ መዳይ ታና’ ያግዳ ግሾ፥ 
\v 10 ታኒ ነ ቦላነ ነ ሻፋ ቦላ ደንዳስ። ፑደሀ ባጋራ ምግዶላፐ ዶማዳ፥ ዱገሀ ባጋራ አስዋና ጋካናዉ፥ ያራ ካንድ ቶጰ ዛዋ ጋካናዉ ግብፀ ኡባ አስ ባይና ባይሳ በሰ ከሳና። 
\v 11 አሰ ግድን መሄ ግድን ያራ ካንና፤ ኦይታሙ ላይ ዉራና ጋካናዉ፥ አይብካ ያን ዴና። 
\v 12 ታኒ ግብፀ ቢታ ኡባፈ አዳ ባይሳ ቢታ ኦና፤ እያ ካታማት ኦይታሙ ላይ ዉራና ጋካናዉ፥ ሀራ ላለትዳ ካታማ ኡባፈ አድ ላለትዳ ካታማ ግዳና። ግብፀ አሳ ታኒ ካዎተታ ግዶንነ ሀራ አሳ ግዶን ላላና” ያጌስ።
\p
\v 13 ኡባ ሃርያ ጎዳይ ሀይሳዳ ያጌስ፦ “ኦይታሙ ላይፈ ጉየ፥ ታኒ ግብፀይ ላለትዳ ካዎተታ ግዶፈ ሺሻና። 
\v 14 ታኒ ነና ዛራዳ ጋሽትሳና ኤንታ የለትዳ ዱገሀ ግብፀን ደእያ ጳትሮሳ ቢታ ዛራና፤ ያን ኤንቲ ላፋ ካዎተ ግድድ ዳና። 
\v 15 ግብፀይ ሀራ ካዎተታ ኡባፈ ላፋ ካዎተ ግዳና። ዛሪድ ሀራ ካዎተታ ቦላ ባና ቁ ቁ ኦና፤ እ ሀራ ካዎተ ሃሮናዳ ታኒ እያ ጉና። 
\v 16 እስራኤለይ ዛሪድ ማዶ ደማናዉ ግብፀን አማነተና፤ ግብፀን አማነትዳ አማነተይ አይ መላ ቆሆኮ እስራኤለይ አኬካና። ታኒ ኡባ ሃርያ ጎዳ ግደይሳ ኤንቲ ሄ ዎደ ኤራና” ያጌስ።
\p
\v 17 ኑኒ ድኤትዳ ላታማነ ላፑን ላይን፥ ኮይሮ አጌናን፥ ኮይሮ ጋላሳን፥ ጎዳ ቃላይ ሀይሳዳ ያግሸ ታኮ ይስ። 
\v 18 “አሳ ናአዉ፥ ባብሎነ ካዎይ ናቡካዳናፆር ፅሮሳ ቦላ ኦላ ደንናዉ ጊግስ። ኤንታ ሁጰይ ቆለታና ጋካናዉነ ኤንታ ሀሸይ ሾለታና ጋካናዉ ኦላንቾት ዴፆ ቶሆ ቶካና መላ ኦዶሶና። ግዶሽን፥ ካዎይነ ኦላንቾት ሀ ዳቡራ ኡባን ፅሮሳፐ ደምዳባይ ባዋ። 
\v 19 ‘ታኒ ግብፀ ቢታ ባብሎነ ካዋ ናቡካዳናፆራስ አዳ እማና፤ እካ ባ ኦላንቾታስ ዳሞዘ ግዳና መላ ድኦንነ ቦንቀን ኦይክዳባ ኡባ ኤክድ ባና። 
\v 20 እነ እያ ኦላንቾት ታዉ ኦዳ ግሾ፥ ታኒ እያዉ ግብፀ ቢታ ኤንታ ዳቡራስ ዳሞዘ ኦዳ እማና’ ” ያጌስ ኡባ ሃርያ ጎዳይ።
\p
\v 21 “ሄ ጋላስ ታኒ እስራኤለ ደርያ ምንና። ህዝቄላ፥ ነካ አሳስ ኦዳና መላ ታ ነና ምንና። ታኒ ጎዳ ግደይሳ ኤንቲ ሄ ዎደ ኤራና” ያግስ።
\c 30
\s1 ግብፀስ ከስዳ ዘለልስ
\p
\v 1 ቃስካ ጎዳ ቃላይ ሀይሳዳ ያግሸ ታኮ ይስ፦ 
\v 2 “አሳ ናአዉ፥ ኡባ ሃርያ ጎዳይ ሀይሳዳ ያጌስ ጋዳ ትንብተ ኦዳ።
\q1 “ ‘ሄ ጋላሳ አየ!
\q2 ያጋዳ ዘሌላ።’
\q1
\v 3 ሄ ጋላሳይ ማትስ!
\q2 ጎዳ ጋላሳይ ጋክስ!
\q1 ሄ ጋላሳይ ሻር ካምዳ ጋላስ
\q2 ካዎተታ ኡባስ መቶ ጋላስ ግዳና።
\q2
\v 4 ግብፀ ቦላ ኦል ያና፤
\q2 ቶጰ ቦላ ኡንእ ያና።
\q1 ዳሮት ግብፀ ቢታን ሀይቃና፤
\q2 እያ ዱረተይ ቦንቀታና፤ እያ ባሶይ ሾደታና።
\m
\v 5 ሄ ኦላይ ቶጰ፥ ሊደ፥ ሊበ፥ አራበነ ጫቆ ደረ ኡባይ ግብፀራ እስፈ ማሻን ዉርሳና” ያጌስ።
\p
\v 6 ግብፀ ማደይሳት ኩንዳና፤ እያ ኦቶሩዋ ዎልቃይ ዉራና። ምግዶላፐ ብድ አስዋና ጋካናዉ፥ ኤንቲ ማሻን ሀይቃና። ታኒ ኡባ ሃርያ ጎዳይ ሄሳ ኦዳይስ። 
\v 7 ግብፀይ ቢታ ኡባፈ አዳ ባይሳ ቢታ ግዳና፤ እያ ካታማት ሀራ ላለትዳ ካታማ ኡባፈ አድ ላለትድ አታና። 
\v 8 ታኒ ግብፀ ታማን ኦይያ ዎደነ እያ ማደይሳት ኡባይ ሀይቅድ ዉርያ ዎደ፥ ታኒ ጎዳ ግደይሳ ኤንቲ ኤራና።
\p
\v 9 “ሄ ዎደ ታኒ ሳሮ ደእያ ቶጰ አሳ ዳጋንናዉ አሳታ ማርካበን ኪታና። ግብፀይ ፕርደትያ ጋላስ ቶጰ አሳ ቦላ ዋየይ ያና። ሄ ጋላሳይ ጋክስ” ያጌስ።
\p
\v 10 ኡባ ሃርያ ጎዳይ ሀይሳዳ ያጌስ፦ “ባብሎነ ካዋ ናቡካዳናፆራ ኩሸን ታኒ ግብፀ ዱረተ ይሳና። 
\v 11 ካዎተታ ኡባፈ አድ፥ ዎዛና ምኖ ኦላንቾታ ካለድ ይድ፥ ቢታ ይሳና፤ ኤንቲ ግብፀ አሳ ቦላ ማሸ ሾድድ፥ ቢታን አሀ ኩንና። 
\v 12 ናይለ ሻፋ ታኒ መልሳና፤ ታኒ ግብፀ ኢታ አሳታ ኩሸን አዳ እማና፤ ሄ ቢታነ ያን ደእያባ ኡባ አላጋታን ይሳና። ታኒ ጎዳይ ሀይሳ ኦዳስ” ያጌስ።
\p
\v 13 ኡባ ሃርያ ጎዳይ ሀይሳዳ ያጌስ፦ “መምፕሳ ካታማን ደእያ ኤቃታነ ምስለታ ኡባ ታ ይሳና፤ ግብፀ ቢታን ዛሪድ ሀላቃይ ዴና፤ ቢታ ኡባ ታኒ ያሽሳና። 
\v 14 ታኒ ጳትሮሳ ጌተትያ ዱገሀ ባጋ ግብፀ ባይሳ ከሳና፤ ፑደሀ ባጋራ ደእያ ፆኣነ ካታማን ታማ የዳና፤ ተብሳ ካታማ ፕርዳና። 
\v 15 ግብፀ ሚፃ ግድዳ ፐሉስያማን ታ ሀንቁዋ ጉሳና፤ ተብሳ አሳ ኡባ ዉርሳና። 
\v 16 ታኒ ግብፀን ታማ ኦይና፤ ፐሉስያም ዳሮ ዋየታና፤ ተብሳ ድርሳ ግምበይ ላለታና፤ መምፕሳ ካታማ ዱፆና መቶይ ጋካና። 
\v 17 ኦናንነ ቡባስቱ ካታማን ደእያ ናአተት ኡባይ ማሻን ዉራና፤ ማጫሳይ ድኤትድ ባና። 
\v 18 ግብፀ ዎልቃ ታ መንረያ ዎደ ፃፍናሳን ጋላስ ቃማና፤ እ ኦቶሩዋ ዎልቃይ ዉራና፤ ግብፀ ሻር ካማና፤ ሄ ካታማ ዩሾን ደእያ ጉታቲ ኡባ ድኤትድ ባና። 
\v 19 ታኒ ግብፀ ሄሳዳ ኦዳ ፕርዳና። ታኒ ጎዳ ግደይሳ ኤንቲ ሄ ዎደ ኤራና” ያጌስ።
\p
\v 20 ኑኒ ድኤትዳ ታማነ እስን ላይን፥ ኮይሮ አጌናን፥ ላፑን ጋላሳን፥ ጎዳ ቃላይ ሀይሳዳ ያግሸ ታኮ ይስ። 
\v 21 “አሳ ናአዉ፥ ታ ግብፀ ካዋ ቀስያ መንስ፤ እያ ዎይሻንነ ጩርቃን ፃፅድ፥ ኮልድ ፓያ ሂል ባዋ፤ ህዛፐ ጉየ እ ምኖተ ደምድ ማሸ ኦይካናዉ ዳንዳኤና። 
\v 22 ሄሳ ግሾ፥ ኡባ ሃርያ ጎዳይ ሀይሳዳ ያጌስ። ታኒ ግብፀ ካዋስ ሞርከ ግዳና። ካሰ እያዉ መቅዳ ቀስያነ ሎኦ ደእያ ቀስያ ናምኣካ ታ መንና፤ እያ ማሻይ እያ ኩሸፐ ሳአን ዎናዳ ኦና። 
\v 23 ታኒ ግብፀታ ካዎተታ ግዶንነ ሀራ ቢታታን ላላና። 
\v 24 ታኒ ባብሎነ ካዋ ናምኡ ቀስያ ምንዳ፥ ታ ማሻ እያ ኦይና። ሽን ግብፀ ካዋ ቀስያ መንና፤ ባ ሞርክያ ስንን እ ሀይቃና ሀንያ አሳዳ ኦላና። 
\v 25 ታኒ ግብፀ ካዋ ቀስያ ዳቡርሳዳ፥ ባብሎነ ካዋ ቀስያ ምንና። ታኒ ባብሎነ ካዋ ታ ማሻ ኦይያ ዎደነ እ ግብፀ ቦላ ደንያ ዎደ ግብፀት ታኒ ጎዳ ግደይሳ ኤራና። 
\v 26 ግብፀታ ታኒ ካዎተታ ግዶንነ ቢታ ኡባን ላላና። ታኒ ጎዳ ግደይሳ ኤንቲ ሄ ዎደ ኤራና” ያጌስ።
\c 31
\s1 ልባኖሰ ዝጋ ሌምሶ
\p
\v 1 ኑኒ ድኤትዳ ታማነ እስን ላይን፥ ሄን አጌናን፥ ኮይሮ ጋላሳን፥ ጎዳ ቃላይ ሀይሳዳ ያግሸ ታኮ ይስ። 
\v 2 “አሳ ናአዉ፥ ግብፀ ካዋስነ አሳ ኡባስ ሀይሳዳ ያጋዳ ኦዳ፦ ‘ነ ግታተ ታ ኦደራ ጋደዮ?’ ”
\q1
\v 3 ነ ሎኦ ዳሻ ኩያይ ደእያ ልባኖሰ ዝጋ መላ፤
\q2 እ ድጭስ፤ እያ ፄራይ ሻራ ጋክስ።
\q1
\v 4 ያን እያ ድችያ ሃ ደኤስ፤
\q2 ፑልቶ ጪሞት እያ ድችዶሶና።
\q1 ሻፋት ጎግድ እያ ዩሹዋ እርፅስዶሶና፤
\q2 ፑልቶት ምይ ዶልያ በሳ ኡባ ኡሾሶና።
\q1
\v 5 ሄ ምይ ዎራን ደእያ ም ኡባፈ አዱቅስ፤
\q2 እያ ዳሻይ ዳርስ፤ ታሸይ አዱቅስ፤
\q2 ሃ ዳርዳ ግሾ ኦርድስ።
\q1
\v 6 ሳሎ ካፎት እያ ዳሻን ባንታ ኬ ኬፅዶሶና፤
\q2 ባዞ ዶአት እያ ኩያ ጋርሳን ናአ የልዶሶና፤
\q2 ግታ ካዎተት ኡባይ እያ ኩያን ሸምፖሶና።
\q1
\v 7 ባ ፃጱዋ ጪሞ ሃን ዱገ የድዳ ግሾ
\q2 ሄ ምይ ባ ዳሻ ታሽያራ ዋንድ ሎእ!
\q1
\v 8 ሀር አቶሽን ፆሳ ጋናትያን ሄ ዝጋራ ግንያ ዝግ ባዋ፤
\q2 እያ መላ ዳሽ ደእያ ፂድካ ባዋ።
\q1 ሄሳ መላ ኦቻ ም፥
\q2 ፆሳ ጋናትያን ሄሳ መላ ሎኦ ም ባዋ።
\q1
\v 9 ታኒ እያ ዳሮ ዳሻን ፑላያስ፤
\q2 ኤደነ ጌተትያ ፆሳ ጋናትያን
\q2 ደእያ ምት ኡባይ እያ ቃናቶሶና።
\p
\v 10 ሄሳ ግሾ፥ ኡባ ሃርያ ጎዳይ ሀይሳዳ ያጌስ፦ “ሄ ምይ አዱቅድ ድጭዳ ግሾ፥ እያ ፄራይ ሻራ ጋክዳ ግሾነ እ ባ ጌሳን ኦቶርትዳ ግሾ፥ 
\v 11 ታ እያ የጋ አጋስ፤ ዎልቃማ፥ አላጋ ካዋስ አዳ እማስ። ሄ ካዎይ እያ ኢታተ መላ እያ ቦላ ኦና። 
\v 12 ዎዛና ምኖ አላጋት ሄ ም ቃንፅድ የጋና፤ ቃንፅዳ ታሸት ደረታን፥ ኦላታንነ ዛንጋራታን የገትድ አታና። እያ ኩያን ሸምፕያ ካዎተት ኡባይ ሄ በሳ አግድ ባና። 
\v 13 ሳሎ ካፎት ይድ ኩንድዳ ም ቦላ ኡታና፤ ባዞ ዶአት እያ ታሸታ የና። 
\v 14 ሃ ማታን ድጭያ ምታ ግዶን እያ መላ አዱቅድ፥ ፄራይ ሻራ ጋክያ ም ዴና። ሀይቅያ አሳ ቦላ ጋክያ ሀይቆ ፕርዳይ ሄ ም ቦላ ጋካና፤ እ ዱፎን ደኤይሳታራ ግዳና” ያጌስ።
\p
\v 15 ኡባ ሃርያ ጎዳይ ሀይሳዳ ያጌስ፦ “ሄ ምይ ዱፎ ገልያ ጋላስ ጪሞ ፑልቶ ሃት እያዉ ካዮታና መላ ኦና። ሄ ፑልቶ ሃይ ጎጎና መላ ኦና፤ ልባኖሰይ እያ ግሾ አዛናና መላ ኦና፤ ዎራ ም ኡባይ ሹላና። 
\v 16 ታ ሄ ም ዱፎን ሆልያ ዎደ፥ እያ ኩንደ ግርሳን ካዎተ ኡባይ ቃፃና። ኩንድድ ዱፎን ገልዳ ኤደነ ምትነ ሃ ኡይድ ኦርድዳ ሎኦ ልባኖሰ ምት ኡባይ እያ ኩንደን ምንተና። 
\v 17 ካዎተታ ግዶን እያራ እስፍዳይሳትነ እያ ኩያን ደእያ ኡባይ ካሰ ማሻን ሀይቅዳይሳታራ ጋሄታናዉ እያራ እስፈ ዱፎ ገላና። 
\v 18 ኤደነ ጋናትያን ደእያ ምታ ግዶን ሄሳ መላ ግትነ ሎኦይ ባዋ። ሽን ሀእ ኤደነ ምታዳ እካ ሀይቅድ ዱፎን ገሌስ፤ ያን እ ማሻን ሀይቅዳ አማኖናይሳታራ ጋሄታና።
\p “ሄ ምይ ግብፀ ካዋነ እያ አሳ ሌምሶ” ያጌስ ኡባ ሃርያ ጎዳይ።
\c 32
\s1 ፓሮናስ ከስዳ ዘለልስ
\p
\v 1 ኑኒ ድኤትዳ ታማነ ናምአን ላይን፥ ታማነ ናምአን አጌናን፥ ኮይሮ ጋላሳን፥ ጎዳ ቃላይ ሀይሳዳ ያግሸ ታኮ ይስ። 
\v 2 “አሳ ናአዉ፥ ግብፀ ካዋስ ሀይሳዳ ያጋዳ ዘሌላ። ኔኒ ካዎተታስ ግዶን ነና ጋሞ መላ ከሳዳሳ፤ ሽን ነ አባ ግዶን ደእያ ዬሩን መላ። ነ ሃፈ ከያዳሳ፤ ነ ቶሁዋን የዳ፥ ሃ ቡሎያዳሳ። 
\v 3 ዳሮ አሳይ ሺቅያ ዎደ ታኒ ታ ግትያን ነና ኦይካና፤ አሳይ ነና ጎችድ፥ ሃፈ ጋፃ ከሳና። 
\v 4 ታኒ ነና ቢታን ሆላ አጋና፤ ሳአ ቦላ ምጫና፤ ሳሎ ካፎታ ነ ቦላ ኡትሳና፤ ባዞ ዶአታ ነ አሹዋ ካልሳና። 
\v 5 ታ ነ አሹዋ ደረታ ቦላ ላላና፤ ዛንጋራታ ነ አሀን ኩንና። 
\v 6 ሻፋታ ኩምድ ደረታ ካማና፥ ጋካናዉ፥ ነ ሱይ ጉካና መላ ኦና። 
\v 7 ታ ነና ይስያ ዎደ ሳሎይ ጎዘታና፤ ፆልንቶት ማና፤ አዋይ ሻራን ካመታና፤ አጌናይ ባ ፖኡዋ ድጋና። 
\v 8 ኔፐ ቦላራ ደእያ ሳሎ ፖኦታ ኡባ ይሳዳ፥ ቢታ ምሳና” ያጌስ ኡባ ሃርያ ጎዳይ።
\p
\v 9 ነ ቦላ ጋክዳ ዩዋ ነ ኤሮና ካዎተታ ስስያ ዎደ ዳሮ አሳ ዎዛናይ ኡንኤታና። 
\v 10 ዳሮ ካዎተት ነና በእድ ዳጋማና። ታኒ ታ ማሻ ኤንታ ስንን ሾዳዳ ሴስያ ዎደ፥ ካዎተት ያሻን ኮኮራና፤ ነ ኩንድያ ዎደ ኤንቲ ኡባይ ባንታ ሸምፑዋስ ያያና።
\p
\v 11 ኡባ ሃርያ ጎዳይ ግብፀ ካዋኮ ሀይሳዳ ያጌስ፦ “ባብሎነ ካዋ ማሻይ ነ ቦላ ያና። 
\v 12 ሀራ ካዎተታፐ አዳ፥ ዎዛና ምኖ ኦላንቾት ባንታ ማሻን ዳሮ አሳ ዉርሳናዳ ታኒ ኦና። ኤንቲ ግብፀ ኦቶሩዋ ይሳና፤ ዳሮ አሳይ ዉራና። 
\v 13 ዳሮ ሃ ማታን ደእያ መሄ ኡባ ታ ይሳና፤ ህዛፐ ጉየ፥ ሃ ቡሎያ አስ ዎይኮ መሄይ ዴና። 
\v 14 ሄ ዎደ ታኒ ነ ሃታ ፅልሳና፤ ነ ሻፋታ ዎፑ ኦዳ ጎግሳና። ታኒ ኡባ ሃርያ ጎዳይ ሀይሳ ኦዳይስ። 
\v 15 ታኒ ግብፀ ባይሳ ከስያ ዎደ እያን ደእያ ኡባ ቁቻዳ ይስያ ዎደነ እያን ደእያ አሳ ኡባ ሾጭያ ዎደ ታኒ ጎዳ ግደይሳ ኤንቲ ኤራና። 
\v 16 ሀ ኡባይ ኤንታዉ ዘሌለትያ ዘለልስ ግዳና። ካዎተታ ማጫሳት ግብፀስነ እያ ዳሮ አሳስ ዘሌላና” ያጌስ ኡባ ሃርያ ጎዳይ።
\p
\v 17 ኑኒ ድኤትዳ ታማነ ናምአን ላይን፥ ሄ አጌናን፥ ታማነ እቻሻን ጋላሳን፥ ጎዳ ቃላይ ሀይሳዳ ያግሸ ታኮ ይስ፦ 
\v 18 “አሳ ናአዉ፥ ዳሮ ግድዳ ግብፀ ኦላንቾታ ግሾ ዬካ። እዮነ፥ ዎልቃማ ካዎተታ ማጫ ናይታ ሀይቅድ ዱፎ ገለይሳታራ እስፈ ዱገ ዱፎ ሞይዛ። 
\v 19 ኤንታኮ፥ ‘ህንተኖ ግብፀቶ፥ ህንተ ሀራታፐ አድ ማላ ሎኦ? ህንተ ዱፎ ገላና፤ ያን ህንተ ጎዳ ቃፃረቶናይሳታራ እስፈ ሞገታና።’ 
\v 20 ግብፀ ቢታስ ማሽ ሾደትድ ኡትዳ ግሾ፥ ኤንቲ ማሻን ሀይቅዳይሳታ ግዶን ኩንዳና፤ ግብፀይ ባ ዳሮ አሳራ ዱገ ጎሸታና። 
\v 21 ዱፎን ደእያ ዎልቃማ ሀላቃት ግብፀባነ ግብፀራ እስፍዳይሳታባ ሃሳይሸ፥ ‘ኤንቲ ዱገ ይዶሶና፤ ጎዳ ቃፃረቶናይሳታ ማሻን ሀይቅዳይሳታራ ኤንቲ ዝንእዶሶና’ ያጎሶና።
\p
\v 22 “አሶረይ ዱፎን ደኤስ። ኦላን ሀይቅዳ አሶረ ኦላንቾታ ዱፎት እያ ዩሹዋ ተቅድ ኡትዶሶና። 
\v 23 ኤንታ ዱፎት ኦላስ ዉርሰ ጋፃን ደኦሶና። እያ ኦላንቾት ዱፉዋ ዩሾን ኬለትዶሶና፤ ካሰ ደኦን ደእያ አሳ ሄራን ቡቀ ደንያ አሳይ ሹከትዶሶና፤ ማሻን ዉርዶሶና።
\p
\v 24 “ኤላም ዱፎን ደኤስ፤ እያ ኦላንቾት ኡባይ ሹከትዶሶና ማሻን ኩንድዶሶና። ደኦን ደእያ አሳ ማታን ቡቀ ደንዳሳት ኡባይ ቃፃረቶና ቢታ ጋርስ አዶሶና ዱፎ ገልድ ዝንእዶሶና። 
\v 25 ሀይቅዳይሳታ ግዶን ኤላማስ በሲ ጊግድ ኡትስ። ኤላማ ኦላንቾታ ዱፎት እያ ዩሹዋን ደኦሶና፤ ኤንቲ ኡባይ ማሻን ሀይቅዶሶና። ኤንቲ ኡባይ ቃፃረትቦናይሳታነ ማሻን ሀይቅዳይሳታ ኤንቲ ደኦን ደኤይሳታ ግዶን ቡቀ ደንዳ ግሾ ዱፎ ጌልዳይስታራ እስፈ ዝንእዶሶና።
\p
\v 26 “ሞሳህነ ቶባል ባንታ ኦላንቾታራ ዱፎን ደኦሶና፤ ኤንቲ ካሰ ካዎተታ ኡባ ያሻን ኮኮርስዳይሳታ ግድኮካ፥ ኤንቲ ኡባይ ማሻን ሀይቅዶሶና። ኤንቲ ኡባይ ቃፃረቶናይሳታ። ኤንቲ ደኦን ደኤይሳታ ግዶን ቡቀ ደንዳ ግሾ ማሻን ሀይቅዶሶና። 
\v 27 ኤንቲ በን ጎባ ኦላንቾት ባንታ ኦላ ሚሽያ ዳንጭድ ባንታ ጎንዳልያ ትራን ዎድ ባንታ ማሻ ቦርኮትድ ሞገተይሳዳ ቦንቾን ሞገትቦኮና። ሀ ኦላንቾታ ደኦን ደእያ አሳ ግዶን ቡቀ ደንዳ ግሾ ኤንታ ናጋራይ ኤንታ መቀ ቦላ ደኤስ።
\p
\v 28 “ህንተ ግብፀ አሳት ፆነታናነ ማሻን ሀይቅዳ፥ አማኖና አሳታራ እስፈ ዝንአና።
\p
\v 29 “ኤዶመይ ባ ካዎታራነ ባ ሀላቃታራ እስፈ ዱፎን ደኤስ፤ ኤንቲ ካሰ ምኖ ኦላንቾታ፤ ሽን ሀእ ኦላን ሀይቅዳ፥ አማኖና አሳታራ ኦላን ገልዶሶና።
\p
\v 30 “ፑደሀ ባጋ ሀላቃትነ ስዶና አሳይ ዱፎን ደኦሶና። ኤንቲ ካሰ ባንታ ዎልቃን አሳ ያሽስዶሶና፤ ሽን ሀእ ኤንቲ ባንታ ዬላራ ያ ገልዶሶና። ማሻን ሀይቅዳ ቃፃረትቦና አሳራ እስፈ ዱፎ ገሎሶና።
\p
\v 31 “ግብፀ ካዎይነ እያ ኦላንቾት፥ ማሻን ሀይቅዳ ኦላንቾታ ያን በእድ ምነታና” ያጌስ ኡባ ሃርያ ጎዳይ።
\p
\v 32 “ታ ሀይሳፈ ካሰ ካዎተት ግብፀ ካዋስ ያያና መላ ኦዳባ ግድኮካ፥ እነ እያ ኦላንቾት ጎዳ አማኖና፥ ማሻን ሀይቅዳ አሳታራ እስፈ ዝንአና” ያጌስ ኡባ ሃርያ ጎዳይ።
\c 33
\s1 ህዝቄል ዎችያ አስ
\p
\v 1 ጎዳ ቃላይ ሀይሳዳ ያግሸ ታኮ ይስ። 
\v 2 “አሳ ናአዉ፥ ነ ቢታ አሳስ ሀይሳዳ ያጋዳ ኦዳ፦ ‘ታ እስ ቢታ ቦላ ኦላ ኤህያ ዎደ ሄ ቢታ አሳይ ባንታ ቦላ ያባ ዎችያ አስ ዶሮ ባንታ ግዶፈ ዶሮ። 
\v 3 ሄ ዎችያ ኡራይ ሞርከይ ይሽን በእድ፥ አሳይ ናገታና መላ ሞይዘ ፑንኮ፥ 
\v 4 ኦንካ ሞይዘ ፑኑዋ ስእድ፥ ናገቶና እፅን፥ ኦል ይድ እያ ዎኮ፥ ሱ አጮይ እያ ኦይኮ። 
\v 5 እ ሞይዘ ፑኑዋ ስእድ፥ ናገቶና እፅዳ ግሾ እያ ሱ አጮይ እያ ቦላና። እ ስእድ ናገትዳባ ግድያኮ ሀይቆፐ አታናሽን። 
\v 6 ሽን ዎቸይስ ሞርከይ የይሳ በእሸ፥ ሞይዘ ፑንድ አሳ ኤርሶና አግኮ፥ ኦላይ ይድ፥ ሄ አሳፐ እስ አስ ዎኮ፥ ሄ ኡራይ ባ ናጋራን ሀይቄስ፤ ሽን ታኒ እያ ሱ ዎቸይሳ ኩሸፐ ኤካና’ ” ያጋ።
\p
\v 7 “አሳ ናአዉ፥ ታ ነና እስራኤለ አሳስ ዎችያ አስ ኦስ፤ ታ ነዉ ኦደይሳ ስአዳ አሳ አኬክሳ። 
\v 8 ታኒ እስ ኢታ አስ፥ ‘ኔኒ ቱማ ሀይቃና’ ግያ ዎደ፥ እ ባ ናጋራፐ ስማና መላ ነ እያዉ ኦዶና እፅኮ፥ ሄ ኡራይ ባ ናጋራን ሀይቄስ፤ ሽን ታኒ እያ ሱ ግሾ ነና አቻና። 
\v 9 ሽን ናጋራንቾይ ባ ናጋራፐ ስማና መላ ነ ኦድን፥ እ እፅኮ፥ እ ባ ናጋራን ሀይቄስ፤ ሽን ነ ነ ሸምፑዋ አሻሳ።”
\p
\v 10 “አሳ ናአዉ፥ እስራኤለ አሳስ ሀይሳዳ ያጋዳ ኦዳ፦ ‘ህንተ፥ ኑ ናጋራይ ኑ ቆሆይ ኑ ቦላ ደኤስ፤ ሄሳ ጋሶን ኑ ግልቅዳ። ያትን፥ ኑ ዋንድ ፓፃ ዳናዉ ዳንዳኦና?’ ” ያጌታ። 
\v 11 ታኒ ኡባ ሃርያ ጎዳይ ታ ደኡዋን ጫቃይስ፦ “ናጋራንቾይ ባ ናጋራ አግድ፥ ደኦን ዳና መላ ኮያይስፐ አትሽን፥ ናጋራንቹዋ ሀይቁዋን ኡፋይትከ። ህንተኖ፥ እስራኤለ አሳዉ፥ ስምተ፤ ህንተ ኢታ ኦሱዋ አግተ! አይስ ሀይቃናዉ ኮዬቲ?” ያግስ።
\p
\v 12 አሳ ናአዉ፥ ነ ቢታ አሳስ ኦዳ። “ፅሎ አስ ናጋራ ኦኮ፥ እያ ካሰ ፅሎተይ እያ አሸና፤ ቃስ ናጋራንቾይ ባ ናጋራፐ ስምኮ፥ ካሰ ናጋራ ግሾ እ ፕርደተና። ፅሎ አስ ናጋራ ኦኮ፥ ካሰ ፅሎተ ግሾ ደኦን ዳናዉ ዳንዳኤና። 
\v 13 ታኒ ፅሎ አሳኮ፥ ‘ኔኒ ቱማ ደኦን ዳና’ ያግዳ ዎደ፥ እ ባ ፅሎተን አማነትድ ናጋራ ኦኮ፥ ባ ኦዳ ናጋራን እ ሀይቃናፐ አትሽን፥ ካሰ ፅሎተይ እያው ቆፈተና። 
\v 14 ቃስ ታኒ ናጋራንቾ አሳኮ፥ ‘ኔኒ ቱማ ሀይቃና’ ያግዳ ዎደ እ ባ ናጋራፐ ስሚድ፥ ቱማነ ሱረ ኦሶ ኦኮ፥ 
\v 15 ሚሸ ታልአናዉ ኦይክዳባ ዛርኮ፥ ካይሶትዳባ ጉየ እምኮ፥ ናጋራ ኦሶ አግድ፥ ደኦ እምያ ህግያ ናግኮ፥ እ ቱማ ደኦን ዳናፐ አትሽን፥ ሀይቀና። 
\v 16 እ ካሰ ኦዳ ናጋራይ እሶይ ቆፈተና፤ ሀእ ቱማነ ሱረ ኦሶ ኦዳ ግሾ፥ እ ቱማ ደኦን ዳና።
\p
\v 17 “ግዶሽን፥ ነ ቢታ አሳይ፥ ‘ጎዳ ኦገይ ልከ ግደና’ ያጎሶና፤ ሽን ልከ ግዶናይ ኤንታ ኦግያ። 
\v 18 ፅሎ አስ ባ ፅሎተ አግድ፥ ናጋራ ኦኮ፥ እ ባ ናጋራን ሀይቃና። 
\v 19 ቃስ ናጋራንቾ አስ ባ ናጋራፐ ስሚድ፥ ቱማነ ሱረ ኦሶ ኦኮ፥ ሄ ኦሱዋን እ ደኦን ዳና። 
\v 20 ሽን ህንተ፥ ‘ጎዳ ኦገ ልከ ግደና’ ያጌታ። እስራኤለ አሳዉ፥ ታ ህንተ እሱዋ እሱዋ ቦላ ህንተ ኦሱዋዳ ፕርዳና” ያግስ።
\s1 የሩሳላመ ኩንደ
\p
\v 21 ኑኒ ድኤትዳ ታማነ ናምአን ላይን፥ ታማን አጌናን፥ እቻሻን ጋላሳን፥ የሩሳላመፐ ከስ ኤክድ ይዳ እስ አስ ካታማይ ኩንድዳይሳ ታዉ ኦድስ። 
\v 22 ሄ ኡራይ ያናፐ እስ ጋላስ ስን፥ ኦማርሳ ዎደ ጎዳ ኩሸይ ታ ቦላ ደኤስ፤ ታ ዶናይ ዶየትስ፤ ዎንተ ጋላስ ሄ ኡራይ ታኮ ጋክያ ዎደ ታኒ ኦዳ ዶማስ።
\p
\v 23 ጎዳ ቃላይ ሀይሳዳ ያግሸ ታኮ ይስ። 
\v 24 “አሳ ናአዉ፥ እስራኤለ ቢታን ላለትዳ ካታማታን ደእያ አሳይ ሀይሳዳ ያጎሶና፦ ‘አብራሃመይ ባርካ ደእያ እስ አስ፤ እ ሀ ቢታ ላትስ፤ ሽን ኑኒ ዳሮ፤ ቢታይ ቱማ ኑስ ላታ ግድድ እመትስ’ ” ያጎሶና።
\p
\v 25 ሄሳ ግሾ፥ ኡባ ሃርያ ጎዳይ ሀይሳዳ ያጌስ ጋዳ ኤንታዉ ኦዳ። “ህንተ ሀእካ ሱራ ደእያ አሾ ሜታ፤ ኤቃ ጎይነታ፤ ሸምፖ ዎታ። ሀይሳ ኡባ ኦሸ ህንተ ቱማ ቢታ ላታኔ? 
\v 26 ህንተ ህንተ ማሻን አማነተታ፤ ቱና ኦሶ ኦታ፤ ህንተ ኡባይ ህንተ ሾሩዋ ማቸታ ቱንሴታ። ሀይሳ ኡባ ኦሸ ህንተ ቱማ ቢታ ላታኔ?” ያጌስ።
\p
\v 27 ኡባ ሃርያ ጎዳይ ባ ደኡዋን ጫቅድ ሀይሳዳ ያጌስ፦ “ላለትዳ ካታማታን ደእያ አሳይ ማሻን ሀይቃና፤ ካታማፐ ጋፃን ደእያ አሳ ታኒ ባዞ ዶኣስ ካ ኦና፤ ደረ ቦላነ ጎንጎሎ ግዶን ደእያ አሳይ ኢታ ሀርገን ሀይቃና። 
\v 28 ታ ሄ ቢታ ካሎነ ባይስ ከሳና፤ ኤንቲ ኦቶርትያ ዎልቃይ ዉራና፤ እስራኤለ ደረት አይ አስካ ያራ ካንና ባይስ ግዳና። 
\v 29 ኤንቲ ኦዳ ቱና ጋሶን ታኒ ቢታ ካሎነ ባይስ ከስያ ዎደ፥ ታኒ ጎዳ ግደይሳ ኤንቲ ኤራና” ያጌስ።
\p
\v 30 “አሳ ናአዉ፥ አሳይ ካታማ ድርሳ ማታንነ ባንታ ኬታ ፐንገን ኤቅድ፥ እሶይ እሱዋራ ሀይሳዳ ያግድ፥ ነባ ኦደቴስ። ‘ሃይተ፤ ጎዳ ማታፐ ይዳ ቃላይ ዎይግያኮ አነ ስኦስ’ ያጎሶና። 
\v 31 ኤንቲ ካሰ አሳይ የይሳዳ ኔኮ ዮሶና፤ ታ አሳዳ ነ ስንን ኡቶሶና፤ ነ ኦደይሳ ስኦሶና፤ ሽን ኦኮና። ኤንቲ ሲቆባ ሃሳዮሶና፤ ሽን ኤንታ ዎዛናይ ጎአ ፃላላ ያረቴስ። 
\v 32 ነ ኤንታዉ እስ ሲቆ ማዝሙረ ሎኦ ግርሳን የፅያነ ዲ ሎይድ ዲፅያ አሳ መላ። ኤንቲ ነ ኦደይሳ ስኦሶና፤ ሽን ኦኮና። 
\v 33 ሽን ነ ኦደይስ ቱማ ፖለታና፤ ፖለትያ ዎደ፥ ናበይ ኤንታ ግዶን ደኤይሳ ኤንቲ ኤራና” ያግስ።
\c 34
\s1 እስራኤለ ሄንንቾታ
\p
\v 1 ጎዳ ቃላይ ሀይሳዳ ያግድ ታኮ ይስ። 
\v 2 “አሳ ናአዉ፥ እስራኤለ ሄንንቾታ ቦላ ሀይሳዳ ያጋዳ ትንብተ ኦዳ፦ ህንተኖ፥ ህንተና ሄምያ እስራኤለ ሄንንቾቶ፥ ህንተና አየ! ህንተ ዶርሳታ ሄማናዉ በሰኔ? 
\v 3 ኤንታ ማ ኡዬታ፤ ኤንታ እክስያፐ ዳደትዳ ሱፍያ ማኤታ፤ ኤንታፈ ሞዋ ሹክድ ሜታ፤ ሽን ዶርሳታ ሱረ ሄመከታ። 
\v 4 ዳቡርዳይሳታ ጋሽትስበከታ፤ ሀርግዳይሳታ ፓቤከታ፤ መቅዳይሳታ ኮልቤከታ፤ በትዳይሳታ ዛርቤከታ፤ ይዳይሳታ ኮይበከታ። ሄሳ አግድ ኤንታ ዎልቃን ኡንኤድ ሃርደታ። 
\v 5 ዶርሳት ኡባይ ሄምያ አስ ይን ላለትዶሶና፤ ባዞ ዶአታስ ካ ግድዶሶና። 
\v 6 ታ ዶርሳት ላለትዶሶና፤ ኤንቲ ዙማታ ቦላነ ደረታ ቦላ ቶይላትዶሶና። ቢታ ጋፃ ጋካናዉ ላለትዶሶና፤ ሽን ኤንታ ፆሞሰይ ዎይኮ ኮየይ ባዋ” ያጌስ ኡባ ሃርያ ጎዳይ።
\p
\v 7 ሄሳ ግሾ፥ ህንተኖ፥ ሄንንቾቶ፥ ጎዳ ቃላ ስእተ። 
\v 8 “ታኒ ታ ደኡዋን ጫቃይስ፦ ታ ዶርሳታ ሄምያ አስ ይን፥ ታ ዶርሳት ኦይከትድ፥ ባዞ ዶአታስ ካ ግድዶሶና። ታ ሄንንቾት ታ ዶርሳታ ኮይቦና ግሾነ ኤንቲ ታ ዶርሳታ ሄሞና አግድ፥ ባንታና ሄምዳ ግሾ፥ 
\v 9 ህንተኖ፥ ሄንንቾቶ፥ ጎዳ ቃላ ስእተ። 
\v 10 ታ ህንተዉ፥ ሄንንቾሆታስ ሞርከ ግዳና፤ ታ ዶርሳታ ታኒ ህንተፈ ኤካና፤ ታ ህንተና ናምአን ኤንታዉ ሄንንቾ ኦከ። ህዛፐ ጉየ ህንተ ህንተና ሄምሸ ደኤከታ። ታ ዶርሳታ ታ ህንተፈ ኤካና፤ ህዛፐ ኤንቲ ህንተዉ ካ ግዶኮና” ያጌስ ኡባ ሃርያ ጎዳይ።
\p
\v 11 “ታኒ ታ ሁጰን ታ ዶርሳታ ፆሞሳናነ ኮያና። 
\v 12 ሄንንቾይ ባ ዶርሳታፐ ይን ኮየይሳዳ፥ ታኒ ታ ዶርሳታ ኮያና፤ ሻርነ ም ጎዝዳ ጋላስ ኤንቲ ይዳ በሳፈ ታ ኤንታ ሺሻና። 
\v 13 ታኒ ካዎተታ ግዶፈነ ሀራ ቢታ ኡባፈ ሺሻዳ፥ ኤንታና፥ ኤንታ ቢታ ኤሀና። እስራኤለ ደረታን፥ ፑልቶታንነ አሳይ ደእያ በሳታን ኤንታ ሄማና። 
\v 14 ታኒ ኤንታ ሎኦ ቆሮን ሄማና፤ እስራኤለ ዙማት ኤንቲ ሄመትያ በሰ ግዳና። ኤንቲ ሎኦ ቆሮይ ደእያ እስራኤለ ዙማታ ቦላ ሄመታናነ አላታና። 
\v 15 ታኒ ታ ሁጰን ታ ዶርሳታ ሄማናነ ሸምፕሳና። 
\v 16 ታኒ ይዳይሳ ኮያና፤ በትዳይሳ ዛራና፤ መቅዳይሳ ኮላና፤ ሀርግዳይሳ ፓና። ሽን ታኒ ሱረ ፕርድያ ሄንንቾ ግድያ ግሾ ገነን ሞዳይሳነ ምንዳይሳ ይሳና” ያጌስ ኡባ ሃርያ ጎዳይ።
\p
\v 17 ህንተኖ፥ ታ ዶርሳቶ፥ “ህንተና ኡባ ታ ፕርዳና፤ ኬሀ ኢታፐ፥ ዶርሳ ዴሻፐ ታ ሻካና። 
\v 18 ህንተ ሎኦ ቆሮን ሄመተይስ ግዶና እፅን፥ አትዳ ማታ ቶሆን የቲ? ቃስ ህንተ ፅሎ ሃ ኡየይስ ግዶና እፅን፥ አትዳ ሃ ቶሆን ቡሎየቲ? 
\v 19 ታ ዶርሳት ህንተ ቶሆን የዳ ማታ ማናዉነ ህንተ ቶሆን ቡሎይዳ ሃ ኡያናዉ በሲ?” ያጌስ ኡባ ሃርያ ጎዳይ።
\p
\v 20 ሄሳ ግሾ፥ ኡባ ሃርያ ጎዳይ ኤንታኮ ሀይሳዳ ያጌስ፦ “ሞ መህያ ግዶንነ ግልቃ መህያ ግዶን ታ ታ ሁጰን ፕርዳና። 
\v 21 ዳቡራንቾታ፥ ህንተ፥ ህንተ ምያነ ህንተ ሀሽያን ሱግያ ግሾነ ጋፃ ከሳና ጋካናዉ ህንተ ኤንታ ህንተ ካጭያን ቃይጭያ ግሾ፥ 
\v 22 ታኒ ታ ዶርሳታ አሻና። ህዛፐ ጉየ ኦንካ ኤንታ ኦይከና፤ ታ ኬሀ ዶርሳታ ግዶንነ ኢታ ዶርሳታ ግዶን ታ ፕርዳና። 
\v 23 ታ ኤንታ ቦላ እስ ሄንንቹዋ፥ ታ አይልያ ዳዊታ ሹማና፤ እ ኤንታ ሄማናነ ኤንታዉ ሄንንቾ ግዳና። 
\v 24 ህዛፐ ጉየ ታ ጎዳይ ኤንታ ፆሳ ግዳና፤ ታ አይለይ ዳዊቲ ኤንታ ግዶን ሀላቃ ግዳና” ያጌስ ጎዳይ።
\p
\v 25 “ታ ኤንታራ ሳሮተ ጫቆ ጫቃና፤ ኢታ ዶአታ ታኒ ቢታፈ ድጋና፤ ታ ዶርሳት ባዞን ሳሮ ዳና፤ ዎራ ጋርሳን ህርግ ባይና አላታና። 
\v 26 ታ ኤንታነ ታ ዙማ ዩሾን ደእያ በሳታ አንጃና። ኤንታዉ ኮሽያ እራ ዎደን ዎደን እማና፤ ሄ እራይ ኤንታዉ አንጆ ግዳና። 
\v 27 ጋደን ደእያ ምት አይፋና፤ ቢታይ ካ ዶልሳና፤ ኡባይ ባንታ ቢታን ሳሮ ዳና። ታ ኤንታ ቃምባራ መንዳ፥ ኤንታ አይለ ኦድ ሃርዳይሳታ ኩሸፐ ከስያ ዎደ ታኒ ጎዳ ግደይሳ ኤንቲ ኤራና። 
\v 28 ሀራ ካዎተት ኤንታ ቦንቆኮና፤ ቢታን ደእያ ዶአት ኤንታ ሞኮና፤ አይኮይካ ዳጋንና ኤንቲ ሳሮ ዳና። 
\v 29 ታ ኤንታዉ አራዳ ቢታ እማና፤ ኤንቲ ዛሪድ ኮሻን ዉሮኮና፤ ዎይኮ ሀራ ካዎተታስ ጫሻስ አቶኮና። 
\v 30 ሄ ዎደ ኤንቲ ታኒ ጎዳይ፥ ኤንታ ፆሳይ ኤንታራ ደኤይሳነ እስራኤለ አሳይ ታ አሰ ግደይሳ ኤንቲ ኤራና። 
\v 31 ህንተኖ፥ እስራኤለ አሳዉ፥ ህንተ ታ ዉደ፤ ታ ቆሮን ምያ ታ ዉድያ፤ ህንተ ታ አሰ፥ ታኒ ህንተ ፆሳ” ያጌስ ኡባ ሃርያ ጎዳይ።
\c 35
\s1 ኤዶመ ቦላ ኦደትዳ ትንብተ
\p
\v 1 ጎዳ ቃላይ ሀይሳዳ ያግሸ ታኮ ይስ። 
\v 2 “አሳ ናአዉ፥ ሳይረ ዙማኮ ነ ሶምኡዋ ዛራዳ ትንብተ ኦዳ፦ 
\v 3 ‘ነኖ፥ ሳይረ ዙማዉ፥ ታ ነዉ ሞርከ ግዳና፤ ታኒ ታ ኩሽያ ነ ቦላ ደንዳ፥ ነና ካሎነ ባይሳ ከሳና። 
\v 4 ታኒ ነ ካታማታ ላላና፤ ነ ባይሳ ግዳና። ታኒ ጎዳ ግደይሳ ነ ሄ ዎደ ኤራና’ ” ያጌስ ኡባ ሃርያ ጎዳይ።
\p
\v 5 ነዉ እስራኤለራ ዉሮና ሞርከተ ደእያ ግሾ፥ ኤንታ ኡንኣ ዎደነ ኤንታ ዉርሰ ፕርዳ ዎደ፥ ኤንታ ነ ማሻስ አዳ እማዳሳ። 
\v 6 ታ ኡባ ሃርያ ጎዳይ ታ ደኡዋን ጫቃይስ፦ ታኒ ነና ሀይቆን ፕርዳና፤ ነ ሀይቆፐ ከሳ ኤካናዉ ዳንዳአካ። ነ አሰ ዎ እፆና ግሾ አሰ ዎይ ነና ካላና። 
\v 7 ታኒ ሳይረ ዙማ ካሎነ ባይሳ ከሳና፤ ያራ ኦንካ አና መላ ኦና። 
\v 8 ታኒ ነ ደረታ ኡባ አሀን ኩንና፤ ደረት፥ ሻፋትነ ዛንጋራት ማሻን ሀይቅዳይሳታ አሀን ካመታና። 
\v 9 ታ ነና መርናዉ ባይሳ ኦና፤ ነ ካታማት ካሎ አታና፤ ታኒ ጎዳ ግደይሳ ህንተ ሄ ዎደ ኤራና።
\p
\v 10 “ታኒ ጎዳይ እስራኤለንነ ይሁዳን ደእሽን ህንተ፥ ‘ሀ ናምኡ ካዎተታነ ሀ ናምኡ ቢታታ ኑ ኦይካና፤ ኤንቲ ኑባ ግዳና ግዳ ግሾ፥ 
\v 11 ህንተ ኤንታ ሞርክድ፥ ኤንታ ቦላ ይሎትዳ ግሾነ ቃናትዳ ግሾ ታ ህንተና ሴራና። ታ ህንተና ፕርድያ ዎደ ታኒ ታና ግደይሳ ህንተና ኤርሳና።’ 
\v 12 ህንተ፥ ‘እስራኤለ ደረት ባይሳ አትዶሶና፤ ኑኒ ምድ ይሳና መላ ኑስ እመትዶሶና’ ግድ፥ ጫይዳ ጫሻ ኡባ ታኒ ጎዳይ ስእዳይሳ ህንተ ሄ ዎደ ኤራና። 
\v 13 ነ ታ ቦላ ኦቶሮን ኦደትዳ ኦዳነ ዛው ባይና ሃሳይዳ ሃሳያ ታኒ ስአስ። 
\v 14 ቢታ ኡባይ ኡፋይትያ ዎደ ታኒ ህንተና ባይሳ ከሳና። 
\v 15 እስራኤለ ላታ ቢታይ ባይሳ ግድዳ ዎደ ህንተ ኡፋይትዳ ግሾ፥ ሳይረ ዙማዉ ኤዶመ ቢታ ኡባ ታኒ ባይሳ ኦና። ታኒ ጎዳ ግደይሳ ህንተ ሄ ዎደ ኤራና” ያጌስ ኡባ ሃርያ ጎዳይ።
\c 36
\s1 እስራኤለ ዙማታስ ኦደትዳ ትንብተ
\p
\v 1 “አሳ ናአዉ፥ እስራኤለ ዙማታ ሀይሳዳ ያጋዳ ትንብተ ኦዳ፦ ‘ህንተኖ፥ እስራኤለ ዙማቶ፥ ጎዳ ቃላ ስእተ።’ 
\v 2 ህንተ ሞርከት፥ ‘ሀሹ! በን ቃ ደረት ኡባይ ኑ ላታ ግድዶሶና’ ያግዶሶና። 
\v 3 ሄሳ ግሾ፥ ኡባ ሃርያ ጎዳይ ሀይሳዳ ያጌስ ጋዳ ትንብተ ኦዳ። ኤንቲ ህንተና ኡባ በሳራ መንረድ ባይሳ ኦዳ ግሾነ ህንተ ሀራ ካዎተታን ሃረታና መላ ኦዳ ግሾ ህንተና ጫሻስነ ሚቻስ አግስ። 
\v 4 ጎዳ ቃላ ስእተ! ኡባ ሃርያ ጎዳይ ደረታኮ፥ ዙማታኮ፥ ዛንጋራታኮ፥ ኦላታኮ፥ ዩሹዋን ደእያ ሀራ ካዎተን ቦንቀትዳ፥ ቀልቅሰትዳነ ባይሳ አትዳ ካታማታኮ ሀይሳዳ ያጌስ። 
\v 5 ታኒ፥ ታ ኤፅያ ቃናትያን ሀራ ካዎተታ ቦላነ ኤዶመ ኡባ ቦላ ቱማ ኦዳስ። ኤንቲ ኡፋይትሸነ ካሸ ታ ቢታ ባንታዉ ኤክዶሶና፤ ሄን ጋደታ ላትዶሶና። 
\v 6 ሄሳ ግሾ፥ እስራኤለ ቢታ ቦላ ትንብተ ኦዳ። ካዎተታ ጫሻ ግሾ፥ ታ ቃናተን ኤፃዳ ደረታስ፥ ዙማታስ፥ ዛንጋራትስነ ኦላታስ ኦደይሳ ኦዳ። 
\v 7 ህንተ ዩሹዋን ደእያ ካዎተት ኡባይ ካዉያናይሳ ታኒ ኡባ ሃርያ ጎዳይ ህንተዉ ታ ኩሽያ ደንዳ ጫቃዳ ኦዳይስ።
\p
\v 8 “ሽን፥ እስራኤለ ደረታ ቦላ ደእያ ምት ታ አሳ እስራኤለስ ዛሪድ አጫና፤ አይፈ አይፋና፤ ኤንቲ ኤሶን ባንታ ቢታ ስማና። 
\v 9 ታ ህንተራ ደአይስ፤ ታ ህንተኮ ስማና፤ ህንተ ቢታይ ጎየታናነ ዘረታና። 
\v 10 ታ እስራኤለ አሳ ታይቡዋ ሀ ቢታን ዳርሳና፤ አሳይ ካታማታን ዳና፤ ላለትዳ በሳት ዛሪድ ግምበታና። 
\v 11 ታኒ አሳነ መህያ ህንተዉ ዳርሳና፤ ኤንቲ የለታናነ ዳራና። በን ህንተ ደእዳይሳዳ ዳና፤ ካሰይሳፈ አዳ ታ ህንተና ዱረያና። ሄ ዎደ ህንተ፥ ታኒ ጎዳ ግደይሳ ኤራና። 
\v 12 ታኒ ታ አሳ እስራኤለ፥ ሀ ቢታን ዛሪድ ዳና መላ ኦና። ዛሪድ ሄ ቢታይ ህንተ ናይታ ይሰና፤ ቢታይ ህንተ ላታ ቢታ ግዳና” ያጌስ።
\p
\v 13 ኡባ ሃርያ ጎዳይ ሀይሳዳ ያጌስ አሳይ ህንተና፥ “ቢታይ አሰ ምያ ቢታ” ካዎተውካ፥ “ናእ ባይና አስ ኦሱ” ያገይስ ቱማ። 
\v 14 ህዛፐ ጉየ፥ ቢታይ፥ “አሰ ምያ ቢታ” ግዱኩ፤ ቃስ ካዎተት፥ “ናእ ባይና አስ ግዶኮና” ያጌስ ኡባ ሃርያ ጎዳይ። 
\v 15 “ህዛፐ ጉየ፥ ካዎተታ ጫሻ ታ ህንተና ስስከ፤ ህዛፐ ጉየ ዬላተከታ፤ ሄ ቢታይ ህንተዉ በ ግዱኩ” ያጌስ ኡባ ሃርያ ጎዳይ።
\p
\v 16 ዛሪድ፥ ጎዳ ቃላይ ሀይሳዳ ያግሸ ታኮ ይስ። 
\v 17 “አሳ ናአዉ፥ እስራኤለ አሳይ ባንታ ቢታን ደእያ ዎደ፥ ባንታ ሀኖታንነ ባንታ ኦሱዋን ቢታ ቱንስዶሶና፤ ኤንታ ሀኖይ ታ ስንን ማጫሳ ኩሸ መቶ መላ። 
\v 18 ኤንቲ ቢታን ሱ ጉስዳ ግሾነ ባንታ ኤቃን ቢታ ቱንስዳ ግሾ ታ ሀንቁዋ ኤንታ ቦላ ጉሳስ። 
\v 19 ታኒ ኤንታ ካዎተታ ግዶን ላላስ፤ ቢታ ኡባን ዘራስ። ታኒ ኤንታ ሀኖታነ ኤንታ ኦሱዋ መላ ፕርዳስ። 
\v 20 ኤንቲ ብዳ በሰ ኡባን አሳይ ኤንታ፥ ‘ሀይሳቲ ጎዳ አሳታ፤ ኤንቲ እያ ቢታፈ ከይዳይሳታ’ ” ያግድ ታ ጌሻ ሱን ቱንሳና መላ ኦዶሶና። 
\v 21 ሽን እስራኤለ አሳይ ብዳ ካዎተታ ኡባን ቱንስዳ ታ ጌሻ ሱንይ ታና ቆፍሴስ።
\p
\v 22 “ሄሳ ግሾ፥ ታኒ ኡባ ሃርያ ጎዳይ፥ እስራኤለ አሳስ ግያባ ኦዳ። ‘ህንተኖ፥ እስራኤለ አሳዉ፥ ታ ሄሳ ኦይ፥ ህንተ ብዳ ካዎተታ ግዶን ቱንስዳ ታ ጌሻ ሱን ግሾፐ አትሽን፥ ህንተ ግሾ ግደና። 
\v 23 ህንተ ቱንስዳ፥ ካዎተታ ግዶን ቱንዳ ታ ግታ ሱን ጌሻተ ታ በሳና። ኤንቲ ፄልሽን፥ ህንተ ባጋራ ታ ጌሻተ በሲያ ዎደ፥ ታኒ ጎዳ ግደይሳ ኤንቲ ኤራና’ ” ያጌስ ኡባ ሃርያ ጎዳይ።
\p
\v 24 “ታኒ ህንተና ካዎተታ ግዶፈ ከሳና፤ ቢታ ኡባፈ ሺሻዳ ህንተ ቢታ ዛራዳ ኤሀና። 
\v 25 ታ ህንተ ቦላ ፅሎ ሃ ርጫና፤ ህንተካ ጌያና። ህንተና ህንተ ቱናተ ኡባፈነ ኤቃ ጎይኖ ኡባፈ ጌሻና። 
\v 26 ታ ህንተዉ ኦራ ዎዛና እማና፤ ኦራ አያና ህንተ ግዶን ዎና፤ ሹቻ ዎዛና ህንተፈ ከሳዳ፥ አሾ ዎዛና ህንተዉ እማና። 
\v 27 ታ አያና ህንተ ግዶን ዎና፤ ታ ዎጋነ ታ ህግያ ናጋና መላ ኦና። 
\v 28 ታ ህንተ ማይዛታስ እምዳ ቢታን ህንተ ዳና፤ ህንተ ታ አሰ ግዳና፤ ታካ ህንተ ፆሳ ግዳና። 
\v 29 ህንተ ቱና ኡባፈ ታ ህንተና አሻና፤ ካይ ህንተዉ ዳራና መላ ኦና፤ ዛራዳ ህንተ ቦላ ኮሻ ኤህከ። 
\v 30 ኮሻ ጋሶን ህንተ ካዎተታ ግዶን ካዉዮና መላ ህንተ ም አይፍያነ ህንተ ጎሻ ካን ኩንና። 
\v 31 ሄ ዎደ ህንተ፥ ህንተ ኢታ ሀኖታነ ኢታ ኦግያ ሀሳያና። ህንተ ናጋራነ ህንተ ቱና ኦሱዋ ግሾ፥ ህንተ ህንተና ሻተታና። 
\v 32 ታ ሄሳ ኡባ ኦይ ህንተ ግሾ ግዶናይሳ ኤርተ። ህንተኖ፥ እስራኤለ አሳዉ፥ ህንተ ሀኖታን ዬላትተነ ካዉይተ” ያጌስ ኡባ ሃርያ ጎዳይ።
\p
\v 33 ኡባ ሃርያ ጎዳይ ሀይሳዳ ያጌስ፦ “ታ ህንተና፥ ህንተ ናጋራ ኡባፈ ጌሽያ ዎደ፥ ህንተ ካታማታን ዛሪድ ዳና መላ ኦና፤ ላለትዳይሳት ዛሪድ ግምበታና። 
\v 34 እያ ማታራ አያ አሳ ስንን ባይሳ ግድድ ደእያ ቢታይ ጎሻ ቢታ ግዳና። 
\v 35 አሳይ፥ ‘ሀይስ ካሰ ባይሳ ግድዳ ቢታይ ሀእ ዋንድ ኤደነ ጋናተ ግድዴ? ካሰ ላለትዳ፥ አስ ዶናነ ባይሳ ካታማት ሀእ ዋንድ ዩሾይ ግምበትዳነ አስ ደእያ ካታማታ ግድዶና?’ ያጋና። 
\v 36 ሄ ዎደ ህንተ ዩሹዋን ደእያ አትዳ ካዎተት፥ ታኒ ላለትዳ ካታማታ ዛራዳ ኬፅዳይሳነ ባይሳ ቢታይ ዛሪድ ካ ዶላና መላ ኦዳይ ታና ጎዳ ግደይሳ ኤንቲ ኤራና። ታኒ ጎዳይ ሄሳ ኦዳስ፤ ታ ኦድዳይሳ ታ ኦና” ያጌስ።
\p
\v 37 ኡባ ሃርያ ጎዳይ ሀይሳዳ ያጌስ፤ “እስራኤለ አሳይ እስ ቶሆ ታና ማዶ ኦይቻና መላ ኦና፤ ኤንታ ታይቡዋ ዉደዳ ዳርሳና። 
\v 38 ባኣለ ጋላስ ያርሾስ ይዳ ዉደ መሄን የሩሳላመይ ኩመይሳዳ፥ ላለትዳ ካታማታን አሰ ኩንና። ሄ ዎደ ኤንቲ ታኒ ጎዳ ግደይሳ ኤራና” ያግስ።
\c 37
\s1 መልዳ መቀ ደእያ ዛንጋራ
\p
\v 1 ጎዳ ኩሸይ ታ ቦላ ደኤስ፤ እያ አያናይ ታና መቀ ኩምዳ ዛንጋራን ዎስ። 
\v 2 እ ታና ኤንታ ግዶን ያነ ሃነ ዩሽስ፤ ታ ህንች ግድ መልዳ ዳሮ መቀታ ዛንጋራ ግዶን በአስ። 
\v 3 እ፥ “አሳ ናአዉ፥ ሀ መቀት ዛሪድ፥ ሸምፖራ ዳናዉ ዳንዳኦና?” ያግስ።
\p ታኒ፥ “ኡባ ሃርያ ጎዳዉ፥ ሀይሳ ነ ኤራሳ” ያጋስ።
\p
\v 4 እ ታኮ፥ “ሀ መቀታስ ሀይሳዳ ያጋዳ ትንብተ ኦዳ፤ ህንተኖ፥ መልዳ መቀቶ፥ ጎዳ ቃላ ስእተ። 
\v 5 ኡባ ሃርያ ጎዳይ ሀ መቀታኮ ሀይሳዳ ያጌስ፦ ‘ታኒ ሸምፖ ህንተ ግዶ ገልሳና፤ ዛሪድ ህንተ ደኦን ዳና። 
\v 6 ታ ህንተ ቦላ ሻያ ዎና፤ ህንተና አሾ ማይዛና፤ ህንተና ጎጋን ካማና። ህንተ ደኦን ዳና መላ ታ ህንተ ግዶ ሸምፖ ገልሳና። ሄ ዎደ ህንተ ታኒ ጎዳ ግደይሳ ኤራና’ ” ያጌስ።
\p
\v 7 እ ታና ኪትዳይሳዳ ትንብተ ኦዳስ፤ ታ ትንብተ ኦዶ ዶምያ ዎደ ግርስ ስኤትስ፤ መቀት ሺቅድ፥ ባ በሳን በሳን ኦይከትዶሶና። 
\v 8 ታ ፄልያ ዎደ፥ ኤንታ ቦላ ሻይ ደኤስ፤ አሾይ ኤንታ ቦላ በንትስ፤ ጋልባ ማእዶሶና፤ ሽን ሸምፖይ ኤንታ ግዶን ዴና።
\p
\v 9 እ ታኮ፥ “አሳ ናአዉ፥ ጫርኩዋስ ትንብተ ኦዳ፤ ነኖ፥ ጫርኩዋዉ፥ ኦይዱ ባጋፈ ሃ ያ፤ ኤንቲ ደኦን ዳና መላ ሀ ሀይቅዳይሳታ ቦላ ሸምፖ ፑና” ያግስ። 
\v 10 እ ታና ኪትዳይሳዳ ትንብተ ኦዳስ፤ ሸምፖይ ኤንታ ግዶ ገልስ፤ ደኦ ደምዶሶና፤ ኤንቲ ዳሮ ኦላንቾ ግድድ ባንታ ቶሆን ኤቅዶሶና።
\p
\v 11 እ ታኮ፥ “አሳ ናአዉ፥ ሀ መቀት እስራኤለ አሳ ሌምሶ፤ እስራኤለ አሳይ፥ ‘ኑ መቀት መልዶሶና፤ ኑ ኡፋይሳይ ይስ፤ ኑባይ ኩመ ሀልስ’ ያጎሶና። 
\v 12 ሄሳ ግሾ፥ ኤንታዉ ሀይሳዳ ያጋዳ ትንብተ ኦዳ፤ ‘ህንተኖ፥ ታ አሳዉ፥ ታኒ ህንተ ዱፉዋ ዶያና፤ ህንተና ያፐ ከሳና፤ ታ ህንተና ዛራዳ፥ እስራኤለ ቢታ ኤሀና። 
\v 13 ታ አሳዉ፥ ታ ህንተ ዱፉዋ ዶይያ ዎደነ ህንተና ከስያ ዎደ፥ ታ ጎዳ ግደይሳ ህንተ ኤራና። 
\v 14 ታኒ ታ አያና ህንተ ግዶን ዎና፤ ህንተ ደኦን ዳና። ታኒ ህንተና፥ ህንተ ቢታን ዎና። ሄ ዎደ ታኒ ጎዳይ ኦድዳይሳነ ኦዳይሳ ህንተ ኤራና’ ” ያጌስ ኡባ ሃርያ ጎዳይ።
\s1 እስ ዳረነ እስ ካዎ
\p
\v 15 ዛሪድ ጎዳ ቃላይ ሀይሳዳ ያግሸ ታኮ ይስ፦ 
\v 16 “አሳ ናአዉ፥ እስ ም ፃምአ ኤካዳ፥ እያ ቦላ፥ ‘ሀይስ ይሁዳስነ እያራ ደእያ እስራኤለ አሳሳ’ ያጋዳ ፃፋ። ቃስ ሀራ ፃምአ ኤካዳ፥ እያ ቦላ፥ ‘ሀይስ ኤፍሬማ፤ ዮሰፋነ እያራ ደእያ እስራኤለ አሳሳ’ ያጋዳ ፃፋ። 
\v 17 ሄሳፈ ጉየ፥ ኤንቲ ነ ኩሸን እስ ፃምአ ግዳና መላ ናምአ እስፈ ጋዳ ኦይካ። 
\v 18 ነ ቢታ አሳይ ኔኮ፥ ‘ሀይስ ነ ኦይስ አይቤ? ኑስ ብርሸ ኦዳ’ ያግድ ኦይችኮ፥ 
\v 19 ኡባ ሃርያ ጎዳይ ሀይሳዳ ያጌስ ጋዳ ኦዳ፦ ታኒ ኤፍሬማ ኩሸን ደእያ ዮሰፋ ፃምአነ እያራ ደእያ እስራኤለ ኮቻታ ኤካናዉ ሀናይስ፤ ኤንታ ናምኣ እስ ፃምአ ኦናዉ፥ ይሁዳ ፃምአራ ጋና። ኤንቲ ናምአይ ታ ኩሸን እሶ ግዳና” ያጌስ ኡባ ሃርያ ጎዳይ ያጋዳ ኦዳ።
\p
\v 20 “ሄ ነ ኤንታ ቦላ ፃፍዳ ናምኡ ፃምአታ ኤንታ ስንን ኦይካዳ፥ 
\v 21 ኡባ ሃርያ ጎዳይ ሀይሳዳ ያጌስ ጋዳ ኦዳ። ታኒ እስራኤለ አሳ ኤንቲ ላለትዳ ካዎተታ ግዶፈ ከሳና፤ ታ ኤንታ ሺሻዳ፥ ኤንታ ቢታ ዛራዳ ኤሀና። 
\v 22 እስራኤለ ደረታ ቦላነ ኤንታ ቢታን ታ ኤንታ እስ ካዎተ ኦና፤ ኤንታ ኡባ ቦላ እስ ካዎ ካዎና። ቃስ ኤንቲ ዛሪድ ናምኡ ቢታ ግዶኮና፤ ናምኡ ካዎተ ግድድ ሻከቶኮና። 
\v 23 ህዛፐ ጉየ፥ ኤንቲ ባንታ ኤቃታን፥ ባንታ እፀትዳባታንነ ባንታ ናጋራ ኡባን ባንታና ቱንሶኮና። ታኒ ኤንታ ኩንድዳ በሳፈ ደንዳ ናጋራ ኡባፈ ጌሻና። ኤንቲ ታ አሰ ግዳና፤ ታካ ኤንታዉ ፆሰ ግዳና።
\p
\v 24 “ታ አይለይ ዳዊቲ ኤንታዉ ካዎ ግዳና፤ ኤንታ ኡባስ እስ ሄንንቾ ፃላል ዳና። ኤንቲ ታ ህግያ ካላና፤ ታ ዎጋ ምንድ ናጋና። 
\v 25 ታኒ ታ አይልያ ያይቆባስ እምዳነ ኤንታ ማይዛት ደእዳ ቢታን ኤንቲ ዳና። ሄ ቢታን ኤንቲ፥ ኤንታ ናይትነ ኤንታ ናይታ ናይት መርናዉ ዳና፤ ታ አይለይ ዳዊቲ ኤንታ ቦላ መርናዉ ካዎ ግዳና። 
\v 26 ታ ኤንታራ ሳሮተ ጫቆ ጫቃና፤ ሄ ጫቆይ መርና ጫቆ ግዳና። ታኒ ኤንታ ምንዳ ኤሳና፤ ኤንታ ታይቡዋ ዳርሳና፤ ታ ኬ መርናዉ ኤንታ ግዶን ዎና። 
\v 27 ታኒ ያን ኤንታራ ዳና፤ ኤንታዉ ፆሰ ግዳና፤ ኤንቲ ታ አሰ ግዳና። 
\v 28 ፆሳ ኬይ ኤንታ ግዶን መርናዉ ደእያ ዎደ፥ እስራኤለ ጌሸይ ታን፥ ጎዳ ግደይሳ ካዎተት ኤራና” ያግስ።
\c 38
\s1 ጎገ ቦላ ኦደትዳ ትንብተ
\p
\v 1 ጎዳ ቃላይ ሀይሳዳ ያግሸ ታኮ ይስ። 
\v 2 “አሳ ናአዉ፥ ማጎገ ቢታን ደእያ ሞሳሀነ ቶቤላ አሳ ቦላ ዋና ሀላቃ ግድዳ ጎገ ቦላ ትንብተ ኦዳ። 
\v 3 ኡባ ሃርያ ጎዳይ ሀይሳዳ ያጌስ ጋዳ ኦዳ። ሞሳሀነ ቶቤላ ዋና ሀላቃ ግድዳ ጎገ ታ ነ ቦላ ደንዳስ። 
\v 4 ታ ነና ጉየ ዛራና፤ ነ ስን ዳፎ አዳ፥ ነ ኦላንቾታራ፥ ነ ፓራታራ፥ ኦላ ሚሸ ማእዳ ነ ፓራ አሳታራ፥ ባንታ ማሻ ሌፍዳ፥ ግታነ ጉ ጎንዳለ ኦይክዳ አሳራ ነና ጎቻዳ ከሳና። 
\v 5 ፋርሰፈ፥ ቶጰፈነ ሊበፐ ይዳ አሳይ ጎንዳለ ኦይክድ፥ ሁጰን ብራታ ባርኔፃ ዎድ፥ ኤንታራ ግዳና። 
\v 6 ጎመርነ እያ ኦላንቾት ኡባይ፥ ፑደሀ ባጋን ደእያ ቤት-ቶርጋምነ እያ ኦላንቾት ኔራ ግዳና።
\p
\v 7 “ነነ ኔኮ ሺቅዳ አሳ ኡባይ ደንድተ፤ ህንተና ጊግስተ፤ ነ ኤንታዉ ሀላቃ ግዳ። 
\v 8 ዳሮ ዎደፐ ጉየ፥ ነ ኦላስ ኮየታና፤ ስንፈ ያና ላይታን ዳሮ ዎደ ባይሳ ግድድ ደእዳ ቢታ፥ ኦላፐ ሸምፕዳ ቢታነ፥ እያን ደእያ አሳይ ዳሮ ካዎተታፐ እስራኤለ ደረታ ሺቅዳ ቢታ ኦላናዉ ነ ደንዳና። ኤንቲ ዳሮ ካዎተታፐ ሺቅዳይሳታነ ኡባይ ሀእ ሳሮ ደኤይሳታ። 
\v 9 ኔኒ፥ ነ ኦላንቾትነ ኔራ ደእያ ዳሮ ካዎተት ጎተዳ ደንዳና፤ ህንተ ሻራዳ ቢታ ካማና” ያጌስ።
\p
\v 10 ኡባ ሃርያ ጎዳይ ሀይሳዳ ያጌስ፦ “ሄ ዎደ ቆፍ ነ ዎዛና ግዶ ይን፥ ነ ኢታባ ሀልቻና። 
\v 11 ኔኒ፥ ‘ታኒ ድረትቦና ጉታታ ኦላና፤ ዎፑ ግድ፥ ህርግ ባይና ደእያ አሳታ፥ ድርስ፥ ፐንገይ ዎይኮ ጎርደይ ባይና ካታማታ ታ ኦላና። 
\v 12 ታኒ ኤንታ ድአናነ ቦንቃና፤ ካሰ ባይሳ ግድዳ ቢታ ይድ ኡትዳ፥ ካዎተታ ግዶፈ ሺቅዳ፥ መሄነ ሚሸ ሃርዳ፥ ቢታስ ጉልአን ኡትዳ አሳ ቦላ ታ ኩሽያ ደንና’ ያጋና። 
\v 13 ሳባ አሳይነ ድዳና አሳይ ታርሰሳ ዛልአንቾትነ ናአተ ኦላንቾት ኡባይ፥ ‘ነ ቦንቃናዉ ያዲ? ነ ኦላንቾታ ድኦ ቶሳናዉ፥ ብራነ ዎርቃ ጋዝሳናዉ፥ መሄነ ሚሸ ኤካናዉነ ድኡዋ ቦንቃናዉ ዳሮ አስ ሺሻዲ?’ ” ያጋና።
\p
\v 14 ሄሳ ግሾ፥ አሳ ናአዉ፥ ጎገ ቦላ ሀይሳዳ ያጋዳ ትንብተ ኦዳ። ኡባ ሃርያ ጎዳይ ሀይሳዳ ያጌስ፦ “ሄ ዎደ፥ ታ አሳይ እስራኤለ ህርግ ባይና ደእያ ዎደ፥ ኔኒ አኬክኪ? 
\v 15 ኔኒ ደእያ ፑደሀ ባጋ ቢታፈ ያና። ነነ ኔራ ደእያ ዳሮ ካዎተት ፓራ ቶግድ፥ ምኖ ኦላንቾ ግድድ፥ ያና። 
\v 16 ቢታ ካምያ ሻራዳ፥ ነ ታ አሳ እስራኤለ ቦላ ያና። ጎገ ስንፈ ያና ዎድያን ታ ነና ታ ቢታ ቦላ ደንና። ሄሳ ታ ኦይ ካዎተት ታና ኤራና መላነ ታኒ ነ ባጋራ ኦያባይ ታ ጌሻተ ኤንታ ስንን በሳና መላሳ” ያጌስ።
\p
\v 17 ኡባ ሃርያ ጎዳይ ሀይሳዳ ያጌስ፦ “ታኒ ታ አይለ ግድዳ እስራኤለ ናበታ ባጋራ፥ ካሰ ዎደ ዛራ ዛራዳ እስራኤለን ትንብተ ኦዳስ። 
\v 18 ኡባ ሃርያ ጎዳይ ሀይሳዳ ያጌስ፦ ‘ጎገይ እስራኤለ ቦላ ደንድያ ዎደ ታ ሀንቆይ ሱላና። 
\v 19 ሄ ዎደ እስራኤለ ቢታን ዎልቃማ ቢታ ቃፆይ ሀናና፤ ታኒ ታ ሸንያንነ ታ ኤፅያ ሀንቁዋን አዋጃስ። 
\v 20 አባ ሞሎይ፥ ሳሎ ካፎይ፥ ደረን ደእያ መሄይነ ዶአይ፥ ሳአ ቦላ ዎፅ ቃፅያ መተ ኡባይነ ሳአን ደእያ አሳ ኡባይ ታ ስንን ኮኮራና። ደረት ኩንዳና፤ አፎት ዎዳና፤ ድርሳ ግምበ ኡባይ ላለታና። 
\v 21 ታ ዙማታን ኡባን ጎገ ቦላ ማሽ ደንዳና መላ ኦና፤ ኦላንቾት ባንታ ማሻ ባንታ ቦላ ዛሪድ፥ እሶይ እሱዋ ዎና። ታኒ ኡባ ሃርያ ጎዳይ ሀይሳ ኦዳስ። 
\v 22 ታኒ ሀርገንነ ሀይቆን እያ ሴራና፤ ዎልቃማ እራ፥ ሻች፥ ፁግያ ዲነ እያ ቦላ፥ እያ ኦላንቾታ ቦላነ እያራ ደእያ ካዎተታ ቦላ ቡክሳና። 
\v 23 ሄሳዳ ኦዳ፥ ታኒ ታ ግታተነ ታ ጌሻተ በሳና። ዳሮ ካዎተታ ታኒ ታናተ ኤርሳና። ታኒ ጎዳ ግደይሳ ኤንቲ ሄ ዎደ ኤራና’ ” ያግስ።
\c 39
\p
\v 1 ኡባ ሃርያ ጎዳይ ሀይሳዳ ያጌስ፦ “አሳ ናአዉ፥ ጎገ ቦላ ሀይሳዳ ያጋዳ ትንብተ ኦዳ። ሞሳሀነ ቶቤላ አሳስ ዋና ሀላቃ ግድዳ ጎገ፥ ታ ነዉ ሞርከ። 
\v 2 ታ ነና ጉየ ዛራና፤ ሃሆ ግድዳ ፑደሀ ባጋ ቢታፈ ጎቻ ከሳዳ፥ እስራኤለ ደረታ ቦላ ነና ኤሀና። 
\v 3 ታኒ ነ ሀድርሳ ኩሽያፐ ዶንገታ ባቃ የጋና፥ ነ ኡሻቻ ኩሽያፐ ዶንገ ቶራታ የግሳና። 
\v 4 ኔኒ፥ ነ ኦላንቾትነ ኔራ ደእያ ካዎተት ኡባይ እስራኤለ ደርያ ቦላ ኩንድድ አታና። ታኒ ህንተ አሹዋ ካፎታስነ ባዞ ዶአታስ ካ ኦዳ እማና። 
\v 5 ታኒ ኡባ ሃርያ ጎዳይ ሄሳ ኦድዳ ግሾ፥ ህንተ ኡባይ ደንባን ኩንድድ አታና። 
\v 6 ማጎገ ቢታንነ ዩሾይ አባን ተቀትዳ ቢታታን፥ ህርግ ባይና ኡትዳ አሳ ቦላ ታኒ ኤፅያ ታማ የዳና። ታኒ ጎዳ ግደይሳ ኤንቲ ሄ ዎደ ኤራና። 
\v 7 ታ ጌሻ ሱንይ ታ አሳ እስራኤለ ግዶን ኤረታናዳ ኦና። ህዛፐ ጉየ ታ ጌሻ ሱንይ ጫየተና። ካዎተት ታኒ ጎዳ፥ እስራኤለ ጌሻ ግደይሳ ኤራና” ያግስ።
\p
\v 8 ኡባ ሃርያ ጎዳይ ሀይሳዳ ያጌስ፦ “ሄ ጋላሳይ ያና፤ አተና” ያጋዳ ታ ኦድዳ ጋላሳይ ሀይሳ።
\p
\v 9 “ሄ ዎደ እስራኤለ ካታማታን ደእያ አሳይ ከይድ፥ ኦላ ሚሸታ ኡባ ታማን ኤና፤ ሄስካ ጉነ ግታ ጎንዳለታ፥ ዶንገታ፥ ዶንገ ቶራ፥ ቶራታነ ፃምአታ ኡባ ፁጋና። ላፑን ላይ ኩመ ኤንቲ ኤሶ ም ኦድ ጎኤታና። 
\v 10 ኤንቲ ም ምፃናዉ ዎይኮ ዎራፐ ም ቃንፃናዉ ኮሸና። ኤንቲ ሺሽዳ ኦላ ሚሸታ ኤሶ ም ኦድ ጎኤታና። ባንታና ቦንቅዳይሳታ ዛሪድ ቦንቃና፤ ኤንታባ ኤክዳይሳታፐ ኤንቲ ዛሪድ ኤካና” ያጌስ ኡባ ሃርያ ጎዳይ።
\p
\v 11 ሄ ጋላስ ጎገ ሞገትያ በሲ ታኒ እያዉ እስራኤለ ቢታን እማና። ሄ በሳይ አባፈ ዶሎሀ ባጋራ ደእያ ኦገ አሳታ ዛንጋራ ጌተትያ ዛንጋራ ግዶን ግዳና። ጎገይነ እያ ኦላንቾት ኡባይ ያን ሞገትያ ግሾ፥ ኤንታ ዱፎይ ያራ ሄመትያ አሳስ ኦገ ጎርዳና። ሄ በሳይ፥ “ጎገ ኦላንቾታ ዛንጋራ” ጌተትድ ፄገታና።
\p
\v 12 “እስራኤለ አሳይ ቢታ ጌሻናዉ፥ ላፑን አጌና ኩመ አሀ ሞግሸ ጋምአና። 
\v 13 ሄ ቢታን ደእያ አሳ ኡባይ አሀ ሞጎን ማደታና፤ ሄሳን፥ ታኒ ታ ቦንቹዋ ቆንጭስያ ዎደ ኤንታዉ ቦንቾ ግዳና” ያጌስ ኡባ ሃርያ ጎዳይ። 
\v 14 ላፑን አጌናፐ ጉየ አትዳ አህ ደእኮ፥ ሞጋና መላ አስ ዶረታና፤ ሄ አሳይ ቢታይ ጌያና ጋካናዉ ኡባ ዎደ ቢታ ኡባን ዩይድ አትዳ አሀ ደምድ ሞጎሶና። 
\v 15 ኤንቲ ቢታን ዩይሽን፥ አሳ መቀ በንትኮ፥ ሄ መቀ ማታን ማላ ዎድ አና። ሞገይሳት ይድ፥ ጎገ ኦላንቾታ ዛንጋራን ሞጋና። 
\v 16 ሄ ካታማ ሱንይ ሀሞና ጌተታና። ኤንቲ ቢታ ዛሪድ ጌሻና። እያ ሄራን፥ “ኦላንቾታ ካታማ” ጌተትድ ፄገትያ ካታም ዳና።
\p
\v 17 ኡባ ሃርያ ጎዳይ ሀይሳዳ ያጌስ፦ “አሳ ናአዉ፥ ካፎ ኮቸነ ሳአ ዶአታስ ሀይሳዳ ያጋዳ ፄጋ። ታ ህንተዉ እስራኤለ ደረታ ቦላ ጊግስዳ ግታ ያርሾ ባለን አሾ ማናዉነ ሱ ኡያናዉ ኡባ በሳፈ ሺቅድ ሃይተ። 
\v 18 ህንተ ምኖ አሳታ አሹዋ ማና፤ ቢታ ሀላቃታ ሱ ኡያና። ኤንቲ ህንተዉ ባሳነ ሞ ኡርገ ዶርሳዳ፥ ማራዘዳ፥ ኮለዳነ ቦራ መላ ግዳና። 
\v 19 ታኒ ህንተዉ ጊግስዳ ያርሾ ባለን ህንተ ካላና ጋካናዉ፥ ሞ ማና፤ ማታና ጋካናዉ፥ ሱ ኡያና። 
\v 20 ታ ህንተዉ ጊግስያ ግብራፐ ፓራታ፥ ፓራ አሳታ፥ ምኖ ቶራ አሳታነ ሀራ ኦላንቾታ ኡባ አሹዋ ህንተ ካላና ጋካናዉ ማና” ያጌስ ኡባ ሃርያ ጎዳይ።
\p
\v 21 “ታኒ ካዎተታ ግዶን ታ ቦንቹዋ ቆንጭሳና። ካዎተት ኡባይ ታ ኤንታ ፕርድዳ ፕርዳነ ታ ኤንታ ቦላ ደንዳ ታ ኩሽያ በአና። 
\v 22 ሄ ዎድያፐ ዶምድ፥ እስራኤለ አሳይ ታኒ ጎዳ፥ ኤንታ ፆሳ ግደይሳ ኤራና። 
\v 23 እስራኤለ አሳይ ድኤትድ ብዳይ ባንታ ናጋራ ጋሶን፥ ግደይሳ ሀራ ካዎተት ኤራና። ኤንቲ ታዉ አማነቶና እፅዳ ግሾ፥ ታኒ ታ ሶምኡዋ ኤንታፈ ደንዳ፥ ኤንታ ሞርከታስ ኤንታ አዳ እምን፥ ኤንቲ ኡባይ ኦላን ሀይቅዶሶና። 
\v 24 ኤንታ ቱናተነ ኤንታ ኢታተ መላ ኤንታዉ በሲያ ሴራ ሴራስ፤ ታ ሶምኡዋ ኤንታፈ ገንስ” ያግስ።
\p
\v 25 ኡባ ሃርያ ጎዳይ ሀይሳዳ ያጌስ። “ሀእ ታኒ ያይቆባ ኮቻታ ድኦፐ ዛራዳ ጋሽትሳና፤ እስራኤለ አሳ ኡባስ ቃታና። ታ ጌሻ ሱንስ ምሸታዳ ጫየቶና መላ ኦና። 
\v 26 ኤንታ ያሽያባይ ባይና፥ ባንታ ቢታን ሳሮ ዱሱ ዶምያ ዎደ ካሰ ባንታ ዬላነ ታዉ አማነቶና እፅዳይሳ ዶጋና። 
\v 27 ታኒ ኤንታ ካዎተታ ኡባ ግዶፈ ዛራዳ ኤሀና፤ ሞርከታ ቢታፈ ኤንታ ሺሻና። ሄሳዳ ኦዳ፥ ታኒ ጌሽ ግደይሳ ኤንታ ባጋራ ካዎተታ ኡባ በሳና። 
\v 28 ኤንቲ ድኤትድ ባና መላ ኦዳይ ታና ግድያ ግሾነ ኤንታ ሺሻዳ፥ ኤንታ ቢታ ዛርዳ ግሾ፥ ታኒ ጎዳ ኤንታ ፆሳ ግደይሳ ኤንቲ ኤራና። ታኒ ኤንታፈ እሱዋካ ካዎተታ ግዶን አግከ። 
\v 29 ታኒ ታ አያና እስራኤለ አሳ ቦላ ጉሳና፤ ዛራዳ ታ ሶምኡዋ ኤንታፈ ገንከ” ያጌስ ኡባ ሃርያ ጎዳይ።
\c 40
\s1 ኦራ ፆሳ ኬ
\p
\v 1 ኑኒ ድኤትዳ ላታማነ እቻሻን ላይን፥ የሩሳላመይ ፆነትዳ ታማነ ኦይዳን ላይን፥ ኮይሮ አጌናን፥ ታማን ጋላሳን ጎዳ ኩሸይ ታ ቦላ ደኤስ። እ ታና ደንድ የሩሳላመ ኤፍስ። 
\v 2 ፆሳይ ታና ቆንጨን እስራኤለ ቢታ ኤፍድ፥ እስ ዙማ ቦላ ኤስስ። ሄ ዙማፐ ዱገሀ ባጋራ ዳሮ ኬ ኬፀትዳ ካታማ ዳንያባ በአስ። 
\v 3 እ ታና ያ ኤፍን ታኒ ናሰ ብራታዳ ጶልያ እስ አድያ በአስ። ሄ ኡራይ ሊኖፐ ኦሰትዳ ዎዶሮነ ዋ ፃምአ ኦይክድ፥ ድርሳ ፐንግያ ማታን ኤቅስ። 
\v 4 እ ታኮ፥ “አሳ ናአዉ፥ ታ ነና ሀ በሳ ኤህዳይ ታ ነና በሲያባ ኡባ ነ ምን አኬካና መላሳ። ሄሳ ግሾ፥ ነ አይፍያን ፄላ፤ ነ ሀይን ስአ፤ ነ ዎዛናን ዎ። ነ በእያባ ኡባ እስራኤለ አሳስ ኦዳ” ያግስ።
\s1 ዶሎሀ ባጋ ፐንግያ
\p
\v 5 ታኒ ፆሳ ኬ ዩይ አዳ ድርሳ ግምብያ በአስ። ሄ አድያ ኩሸን ኡሱፑን ዋ አዱሰ ግድዳ ፃምእ ደኤስ። እስ አዱሳ ዋይ እስ ዋ ቦላ ኦይዱ ብራታ ጉጃ ግዴስ። ድርሳ ግምብያ ልክያ ዎደ ዳልጋተይ እስ ዋነ ታካ፤ ጎምፓይነ አዱሳተይ ኡሱፑን ዋ።
\p
\v 6 ሄሳፈ ጉየ፥ ዶሎሀ ባጋራ ደእያ ድርሳ ፐንግያኮ ብስ። ደ ከይድ፥ ገልያ ፐንግያ ዋያ ዎደ ኡሱፑን ዋ ግድስ። 
\v 7 ያራ አያ ዎደ ኡሻቻራነ ሀድርሳራ ፐንገ ናገይሳት ኤቅያ ሄ ሄ ክፍለት ደኦሶና። እስ እስ ክፍለይ ኡሱፑን ዋ አዱሰነ ኡሱፑን ዋ ዳልጋ። ኤንታ ግዶን ደእያ ጎዳት እቻሹ ዋ ኦርደ። ፐንግያ ናገይሳታ ክፍለታፐ ያ ባጋራ፥ ፆሳ ኬኮ ስምዳ ኡሱፑን ዋ ባራንድ ደኤስ።
\p
\v 8 ሄ ኡራይ ገልያ በሳ ባራንዳ ዋን፥ ሆስፑን ዋ ግድስ። 
\v 9 ፆሳ ኬኮ ስምዳ ፐንገይ ዉርሰን ደኤስ። ሄ ባራንዳ ቱቀታ ኦርደተይ ናምኡ ዋ። 
\v 10 ዶሎሀ ባጋ ፐንግያን ኡሻቻንነ ሀድርሳ ባጋን እስ ግና ግድዳ ሄ ናጎ ኬ ደኤስ።
\p
\v 11 ሄ ኡራይ ድርሳ ፐንግያ ዋያ ዎደ ዳልጋተይ ታሙ ዋ፥ አዱሳተይ ታማነ ሄ ዋ። 
\v 12 እስ እስ ፐንገ ናገይሳታ ክፍልያ ስንን አዱሳተይ እስ ዋ፥ ዳልጋተይ እስ ዋ ግድዳ ጎድ ደኤስ፤ ናገይሳታ ክፍለት ናምኡ ባጋራ ኡሱፑን ኡሱፑን ዋ።
\p
\v 13 ሀፍንን ደእያ ናገይሳታ ክፍለት ጉየ ባጋፈ ሄፍንን ደእያ ናገይሳታ ክፍለታ ጉየ ባጋ ጋካናዉ ደእያ በሳይ ላታማነ እቻሹ ዋ ግድስ። 
\v 14 ሄ ኡራይ ዳባባ ስንን ደእያ ዉርሰ ክፍልያ ዋን፥ ላታሙ ዋ ግድስ። 
\v 15 ፐንግያ ገልያ በሳፈ ብድ፥ ዉርሰን ደእያ እያ ባራንዳ ጋካናዉ ደእያ ፐንግያ አዱሳተይ እሻታሙ ዋ። 
\v 16 ክፍለታ ኡባስ ካረ ባጋ ስምዳ ጉ ማስኮተት ደኦሶና፤ ክፍለታፐ ግዶን ደእያ ጎዳታስ ማስኮተት ደኦሶና። ያነ ሃነ ሻክያ ጎዳታ ቦላ ዛምባ ምስለይ ደኤስ።
\s1 ካረ ዳባባ
\p
\v 17 ሄ ኡራይ ታና ካረ ዳባባኮ ኤፍስ። ያን ታኒ ዳባባ ዩሾን ደእያ ሹች ሂፀትዳ ባሱዋነ ሄ ባሱዋ ኬፀትዳ ሀስታሙ ክፍለታ በአስ። 
\v 18 ሹቻይ ሂፀትዳ ባሶይ ዳባባ ዩሾ ኡባ ጋክስ፤ ካረ ዳባባይ ግዶ ዳባባፐ ዝቄስ። 
\v 19 ግዶ ዳባባ ጋያ፥ ቃን ኦሰትዳ፥ ድርሳ ፐንገይ ደኤስ። ሄ ኡራይ ናምኡ ፐንገታፐ ግዶን ደእያ በሳ ዋን፥ ጎምፓይ ዉሎሀ ባጋ ፄቱ ዋ ዶሎሀ ባጋይ ፄቱ ዋ ግድስ።
\s1 ፑደሀ ፐንግያ
\p
\v 20 ሄ ኡራይ ታና ቆሞ ባጋ ኤፍድ፥ ካረ ባጋ ዳባባ ስንን ደእያ ድርሳ ፐንግያ ዋስ። 
\v 21 ዉሎሀፐ ኡሻቻንነ ሀድርሳ ባጋራ ደእያ ሄ ናገይሳታ ክፍለት፥ ኤንታፈ ግዶን ደእያ ጎዳትነ እያ ባራንዳይ ኮይሮ ዶሎሀ ፐንግያ ባጋን ዋን እስ ግና ግድዶሶና። ድርሳ ፐንገ አዱሳተይ እቻሹ ዋ፤ ዳልጋተይ ላታማነ እቻሹ ዋ። 
\v 22 ባራንዳይ፥ ማስኮተትነ ዛምባ ምስለይ ካሰ ዶሎሀ ፐንግያ ባጋን በእዳይሳዳ እስ ግና። ያ ጋያ ላፑን ደት ደኦሶና። ባራንዳይ ዳባባ ስን ባጋራ ደኤስ። 
\v 23 ዶሎሀ ባጋን፥ ቆሞ ባጋ ግዶ ዳባባስ ሀራ ፐንገይ ደኤስ። ሄ ኡራይ ሀ ናምኡ ድርሳ ፐንገታፐ ግዶን ደእያ በሳ ዋን፥ ፄቱ ዋ ግድስ።
\s1 ዱገሀ ፐንግያ
\p
\v 24 ሄ ኡራይ ታና ጋርሳ ባጋ ድርሳ ፐንግያኮ ካለን፥ ያን ሀራ ድርሳ ፐንገ በአስ። እ ቱቀታነ ግዶ ክፍለታ ዋያ ዎደ ሀራታራ ግና ግድስ። 
\v 25 ሄ ድርሳ ፐንግያ ማታን ደእያ ክፍለታ ኡባስ ማስኮተት ደኦሶና። ድርሳ ፐንግያ አዱሳተይ እሻታሙ ዋ፤ ዳልጋተይ ላታማነ እቻሹ ዋ። 
\v 26 ያ ጋያ ላፑን ደት ደኦሶና። ባራንዳይ ዳባባ ስንን ደኤስ። ፐንግያ ቦላ ያ ባጋራነ ሀ ባጋራ ዛምባ ምስለይ ደኤስ። 
\v 27 ግዶ ዳባባስ ሀራ ፐንገይ ደኤስ። ሄ ኡራይ ሀ ናምኡ ድርሳ ፐንገታፐ ግዶን ደእያ በሳ ዋን፥ ፄቱ ዋ ግድስ።
\s1 ግዶ ዳባባ ገልስያ ፐንገታ
\p
\v 28 ሄ ኡራይ ታና ጋርሳ ድርሳ ፐንግያ ባጋራ ግዶ ዳባባኮ ኤፍስ። እ ድርሳ ፐንግያ ዋን፥ ሀራ ፐንገታራ ግና ግድስ። 
\v 29 ናገይሳታ ክፍለት፥ ጎዳትነ ባራንዳት ኡባይ ሀራ ድርሳ ፐንገታራ እስ ግና። ሄ ድርሳ ፐንግያ ዩሾን ደእያ ክፍለታ ኡባስ ማስኮተት ደኦሶና። ሀ ፐንግያ አዱሳተይ እሻታሙ ዋ፤ ጎምፓይ ላታማነ እቻሹ ዋ። 
\v 30 ሄ ድርሳ ፐንገይ ዩሹዋን ባራንዳት ደኦሶና፤ ኤንታ አዱሳተይ ላታማነ እቻሹ ዋ፤ ጎምፓይ እቻሹ ዋ። 
\v 31 ሄ ባራንዳት ካረ ባጋ ዳባባ ስንን ደኦሶና። ፐንግያ ቦላ ያ ባጋራነ ሀ ባጋራ ዛምባ ምስለይ ደኤስ። ያ ጋያ ሆስፑን ደት ደኦሶና።
\p
\v 32 ሄ ኡራይ ታና ዶሎሀ ባጋ ድርሳ ፐንግያራ ግዶ ዳባባኮ ኤፍስ። እ ሄ ድርሳ ፐንግያ ዋን፥ ሀራ ፐንገታራ ግና ግድስ። 
\v 33 ናገይሳታ ክፍለት፥ ጎዳትነ ባራንዳይ ሀንኮ ድርሳ ፐንገታራ እስ ግና። ሄ ድርሳ ፐንግያ ዩሾን ደእያ ክፍለታ ኡባስ ማስኮተት ደኦሶና። ሄ ፐንግያ አዱሳተይ እሻታሙ ዋ፤ ጎምፓይ ላታማነ እቻሹ ዋ። 
\v 34 ባራንዳይ ካረ ባጋ ዳባባ ስንን ደኤስ። ፐንግያ ቦላ ያ ባጋራነ ሀ ባጋራ ዛምባ ምስለይ ደኤስ። ያ ጋያ ሆስፑን ደት ደኦሶና።
\p
\v 35 ሄ ኡራይ ታና ፑደሀ ባጋ ድርሳ ፐንግያኮ ኤፍስ። እ ሄ ድርሳ ፐንግያ ዋን፥ ሀንኮ ፐንገታራ እስ ግና ግድስ። 
\v 36 ናገይሳታ ክፍለት፥ ጎዳትነ ባራንዳይ ሀንኮ ድርሳ ፐንገታራ እስ ግና። ሄ ድርሳ ፐንግያ ዩሾን ማስኮተት ደኦሶና። ሄ ፐንግያ አዱሳተይ እሻታሙ ዋ፤ ጎምፓይ ላታማነ እቻሹ ዋ። 
\v 37 ባራንዳይ ካረ ባጋ ዳባባ ስንን ደኤስ። ፐንግያ ቦላ ያ ባጋራነ ሀ ባጋራ ዛምባ ምስለይ ደኤስ። ያ ጋያ ሆስፑን ደት ደኦሶና።
\s1 ፑደሀ ፐንግያ ማታን ደእያ ኬታ
\p
\v 38 ካረ ዳባባ ቆሞ ባጋራ፥ ግዶ ድርሳ ፐንግያ ባራንዳራ ኦይከትድ፥ ሀራ ክፍለይ ደኤስ። ፁሳ ያርሾ ኤህያ መሄ አሾይ ሜጨተይ ሄ ክፍልያና። 
\v 39 ሄ ባራንዳን ሀ ባጋራ ናምኡ ፃርጴዛት፥ ያ ባጋራ ናምኡ ፃርጴዛት ደኦሶና፤ ፁሳ ያርሾስ፥ ናጋራ ያርሾስነ ናቆ ያርሾስ መሄ ኡባይ ሹከትያ ሄ ፃርጴዛታ ቦላና። 
\v 40 ባራንዳፈ ካረ ባጋራ ቆሞ ድርሳ ፐንግያ ማታን ናምኡ ፃርጴዛት ሀ ባጋራ፥ ናምኡ ፃርጴዛት ያ ባጋራ ደኦሶና። 
\v 41 ሄሳ ግሾ፥ ያርሾስ ሺቅዳ መሄይ ሹከትያ ሆስፑን ፃርጴዛት ደኦሶና፤ ኤንታፈ ኦይዳት ባራንዳን ደኦሶና፤ ኦይዳት ካረ ዳባባን ደኦሶና። 
\v 42 ፁሳ ያርሾ ዎናዉ ጊግስዳ፥ ሹቻፈ ማሰትድ ኦሰትዳ ኦይዱ ፃርጴዛት ደኦሶና። ኤንታዉ አዱሳተይ እስ ዋነ ታካ፤ እስ ዋነ ታካ፤ ዳልጋተይ እስ ዋነ ታካ። ፁሳ ያርሾነ ሀራ ያርሾ ኡባ ሹክያ ሚሸት ሄ ፃርጴዛታ ቦላ ኡቶሶና። 
\v 43 ኦይዱ ብራ አዱቅያ ካቆታ ጎዳ ቦላ ዩይ አድ ሸትድ ኡትዶሶና። ያርሾስ ሺሽያ አሾ ኡባይ ሄ ፃርጴዛታ ቦላ ኡቴስ።
\s1 ካህነታ ክፍለታ
\p
\v 44 ሄ ኡራይ ታና ግዶ ዳባባ ገልስስ። ያን ፐንገት ግዶ ዳባባኮ ዶየትያ ናምኡ ክፍለት ደኦሶና። ኤንታፈ እስ ክፍለይ ቆሞ ድርሳ ፐንግያ ማታራ ጋርሳ ባጋ ስምስ፤ ናምአንይ ጋርሳ ድርሳ ፐንግያ ማታራ ቆሞ ባጋ ስምስ። 
\v 45 ሄ ኡራይ፥ “ዱገሀ ባጋ ስምዳ ክፍለይ ፆሳ ኬን ኦያ ካህነታባ። 
\v 46 ቆሞ ባጋ ስምዳ ክፍለይ ያርሾ በሳን ኦያ ካህነታባ። ካህነት ኡባይ ሳዶቃ ያራፐ የለትዳ ሌወታ፤ ጎዳ ስንን ኤቅድ ኦናዉ በሰይሳት ሀይሳታ ፃላላ” ያግስ።
\p
\v 47 ሄ ኡራይ ዳባባ ዋን፥ አዱሳተይ ፄቱ ዋ፥ ዳልጋተይ ፄቱ ዋ ግድስ። ዳባባን ፆሳ ኬፈ ስን ባጋራ እስ ያርሾ በሲ ደኤስ። 
\v 48 እ ታና ፆሳ ኬ ባራንዳኮ ኤፍስ። ባራንዳ ገልያ በሳን ኤቅዳ ጎባነታ ዋን፥ አዱሳተይ እቻሹ ዋ፤ ዳልጋተይ ታማነ ኦይዱ ዋ። ሀድርሳራነ ኡሻቻራ ደእያ ጎዳታ ኦርደተይ ሄ ዋ ግድስ። 
\v 49 ባራንዳ አዱሳተይ ላታሙ ዋ፤ ጎምፓይ ታሙ ዋ። ያ ጋያ ታሙ ደት ደኦሶና። ገልያ በሳን ኡሻቻራነ ሀድርሳራ ኤቅዳ ናምኡ ቱቀት ደኦሶና።
\c 41
\p
\v 1 ሄሳፈ ጉየ፥ ሄ ኡራይ ታና ፆሳ ኬን ደእያ ጌሻ በሳ ገልስስ። ሄ ጌሻ በሳ ግዶራ አያ ኦግያ ልክን ኡሱፑን ዋ ግድስ። 
\v 2 ጎምፓይ ታሙ ዋ ግድስ። ሀድርሳራነ ኡሻቻራ ደእያ ጎዳታ ጎምፓይ እቻሹ ዋ። እ ጌሻ በሳ ዋን አዱሳተይ ኦይታሙ ዋ፥ ጎምፓይ ላታሙ ዋ ግድስ።
\p
\v 3 ሄሳፈ ጉየ፥ ቆልአ ገልስ። ቆልአ ገልያ ኦግያ ዋን፥ ናምኡ ዋ ግድስ፤ ጎምፓይ ኡሱፑን ዋ ግድስ፤ ሀድርሳራነ ኡሻቻራ ደእያ ጎዳታ ጎምፓይ ላፑን ዋ ግድስ። 
\v 4 እ ቆልአ ዋን፥ አዱሳተይ ላታሙ ዋ፥ ዳልጋተይ ላታሙ ዋ ግድስ። ሄሳፈ ጉየ፥ “ሀይስ ኡባፈ ጌሻ በሳ” ያግስ።
\p
\v 5 ሄ ኡራይ ፆሳ ኬ ጎዳ ዋን፥ ኦርደተይ ኡሱፑን ዋ ግድስ። ሄ ጎዳራ ኦይከትድ፥ ፆሳ ኬ ግዶ ባጋ ዩሹዋን ኬፀትዳ ኦይዱ ኦይዱ ዋ ዳልግያ ዳሮ ክፍለት ደኦሶና። 
\v 6 ሄ ክፍለት እሶይ እሱዋ ቦላ ኬፀትዳ ሄ ፖቀ ግድን፥ እስ እስ ፖቅያ ቦላ ሀስታሙ ክፍለት ደኦሶና። ግምብያ ዩሾን ደእያ ክፍለታ ቶክያ ቱቀት ደኦሶና። ሽን ሄ ቱቀት ግምብያ ግዶ ኩመ ገልቦኮና። 
\v 7 ፆሳ ኬ ዩሾን ደእያ ክፍለታ ዳልጋተይ ፖቀይ ጉጅያ ዎደ ጉጄስ። ፆሳ ኬ ዩሾን ደእያ ኬ ኦሶይ ጋርሳፈ ፑደ ዳልግሸ ብያ ግሾ ኬይ ፑደ ጉዠትዳ ዎደ ኡባን ክፍለታ ዳልጋተይ ጉጅሸ ቤስ። ግዶ ፖቅያራ ካንድ፥ ቆሞ ዉርሰ ፖቅያ ጋካናዉ ኤፍያ ደት ደኦሶና።
\p
\v 8 ፆሳ ኬ ዩሾን ቁ ግዳ ባሶይ ደኤይሳ በአስ። እያ ዩሹዋን ደእያ ክፍለት ሄ ባሱዋ ቦላ ኬፀትዶሶና፤ ሄ ባሶይ ግዶ ዳባባፐ ኡሱፑን ዋ ቄስ። 
\v 9 ሄ ክፍለታ ካረ ባጋ ጎዳ ኦርደተይ እቻሹ ዋ። ካይሳ በሳይ ፆሳ ኬፈነ፥ 
\v 10 ካህነታ ክፍልያፐ ግዶን ደኤስ፤ እያ ኦርደተይ ላታሙ ዋ። 
\v 11 ካይሳ በሳፈ ኡሻቻንነ ሀድርሳ ባጋን ደእያ ክፍለታ ገልስያ ፐንገት ደኦሶና። ሄ ፐንገት እሶይ ቆሞ ባጋራ፥ እሶይ ቃስ ጋርሳ ባጋራ ደኤስ። ካይሳ በሳ ዩሹዋ ጋሰያ ባሱዋ ዳልጋተይ እቻሹ ዋ።
\p
\v 12 ፆሳ ኬፈ ዉሎሀ ባጋራ ደእያ ካይሳ በሳፈ ስን ባጋራ እስ ኬ ደኤስ። ሄ ኬ አዱሳተይ ኡዱፉን ታሙ ዋ፤ ጎምፓይ ላፑን ታሙ ዋ። ሄ ኬ ጎዳ ኦርደተይ እቻሹ ዋ።
\p
\v 13 ሄ ኡራይ ፆሳ ኬ ካረ ባጋ ዋን፥ አዱሳተይ ፄቱ ዋ። ፆሳ ኬፈ ጉየ ባጋራ ደእያ ካይሳ በሳ ካንድ ዉሎሀ ባጋ ኬ ጋካናዉ ደእያ በሳ ዋን ፄቱ ዋ ግድስ። 
\v 14 ዶሎሀ ባጋራ ደእያ ፆሳ ኬ ጎምፓይ ናምኡ ካይሳ በሳታ ጉጅድ ዋን ፄቱ ዋ ግድስ። 
\v 15 ናምኡ ባጋራ ደእያ አያ በሳታ ጉጅድ፥ ዉሎሀ ባጋራ ደእያ ኬ አዱሳተ ዋን፥ ፄቱ ዋ ግድስ።
\p ፆሳ ኬ ጌሻ በሳይ፥ እያ ቆልአይነ እያ ባራንዳይ 
\v 16 ዉይገፐ ብድ፥ ማስኮተታ ጋካናዉ ደእያ በሳይ ምን ልጨትድ ኡትስ፤ ማስኮተትካ ምን ልጨትድ ኡትዶሶና። 
\v 17 ፆሳ ኬ ሶ ባጋ ክፍለታ ጎዳይ፥ ፐንገታፐ ቦላ አና ጋካናዉ አሌቀትድ ኡትስ። 
\v 18 ክፍለታ ዩሾን፥ ዛምባ ምንነ ክሩበታ ምስለይ አሌቀትስ። ሄ ዛምባ ም ምስለት አሌቀትዳይ ናምኡ ክሩበታፐ ግዶና። ክሩበታስ ናምኡ ናምኡ ሶምኦይ ደኤስ። 
\v 19 እስ ባጋራ አሳ ሶምኦ ዳንያ ሶምኦይ ዛምባ ምስልያ ፄሌስ፤ ሀንኮ ባጋራ ጋሞ ሶምኦ ዳንያ ሶምኦይ ዛምባ ምስልያ ፄሌስ። 
\v 20 ጌሻ በሲ ዉይገፐ ብድ፥ ፐንገታፐ ቦላ ባጋን ደእያ በሳ ጋካናዉ፥ ጎዳ ዩሾ ኡባይ ሄሳዳ አሌቀትስ። 
\v 21 ፆሳ ኬ ፐንገ ፃንገት ኡባይ ኦይዱ ማዛነይ ደእያ ኡባይ እስ ልከ።
\p ኡባፈ ጌሻ በሳ ገልያ በሳ ስንን 
\v 22 ምፈ ኦሰትዳ ያርሾ በሲ ዳንያ በሲ በንቴስ። እካ ኦይዱ ማዛነይ ግድድ፥ ዳልጋተይነ አዱሳተይ እስ ግና፤ እሶይ እሶይ ናምኡ ዋ፤ አዱሳተይ ሄ ዋ። ማዛነታ ቱሳት፥ ባሶትነ ምየ ባጋን ደእያ ሳንቃት ኡባይ ምፈ ኦሰትዶሶና። ሄ ኡራይ ታኮ፥ “ሀይስ ጎዳ ስንን ደእያ ፃርጴዛ” ያግስ።
\p
\v 23 ጌሻ በሳ ገልስያ እስ ፐንገይ ደኤስ፤ ኡባፈ ጌሻ በሳ ገልስያ እስ ፐንገይ ደኤስ። 
\v 24 እስ እስ ፐንግያስ ግዶን ዳኮትድ ዶየትያ ናምኡ ሳንቃት ደኦሶና። 
\v 25 ጎዳታ ቦላ መትዳይሳዳ ጌሻ በሳ ፐንገታ ሳንቃታ ቦላ ክሩበታነ ዛምባታ ምስለይ መትድ ኡትስ። ጋ ገልያ ክፍልያ ስንን፥ ካረ ባጋራ ምፈ ኦሰትዳ ካም ደኤስ። 
\v 26 ሄ ክፍልያ ገልያ ጎዳታ ምየን ማስኮተት ደኦሶና። ጎዳት ዛምባ ምስለን አሌቀትዶሶና። ሄ ክፍልያ ገልያ ኡሻቻንነ ሀድርሳን ደእያ ክፍለታ ደ ባጋራ ካምያ ካር ደኤስ።
\c 42
\s1 ፆሳ ኬ ማታን ኬፀትዳ ኬታ
\p
\v 1 ሄሳፈ ጉየ፥ ሄ ኡራይ ታና ፑደሀ ባጋ ፐንግያራ ካረ ዳባባኮ ካለድ ፆሳ ኬ ግዶ ዳባባ ግምብያራ ኦይከትዳ ኬኮ ታና ኤህስ። 
\v 2 ሄ ኬ ዉላይ ፑደሀ ባጋ ስምስ። ሀ ኬይ ፄቱ ዋ አዱሰነ እሻታሙ ዋ ዳልጋ። 
\v 3 ግዶ ዳባባፐ ላታሙ ዋ ሃክድ፥ ቃስ ስን ባጋራ ካረ ዳባባን ደእያ ሂፀትዳ ሹቻፈ ስን ባጋራ ዎልኮ ስምዳ ሄ ደ ደእያ ፖቀይ ደኤስ። 
\v 4 ሄ ክፍለታ ፐንገት ፑደ ፄሎሶና። ኤንታፈ ስን ባጋራ ታሙ ዋ ዳልጋነ ፄቱ ዋ አዱሰ ግድዳ ግዶራ አያ ኦገይ ደኤስ። 
\v 5 ሄ ኬስ ቦላ ሄን ፖቀይ ናምአን ፖቅያፐ ፁሜስ፤ ናምአንይ ኮይሩዋፐ ፁሜስ። ሄስ ሀንዳይ ኤንቲ እሶይ እሱዋፈ ጉየ ሺቅድ ግምበትዳ ግሾሳ። 
\v 6 ሄ ፖቅያስ ቦላ ባጋ ክፍለት ግዶ ክፍለታፐነ ጋርሳ ባጋ ክፍለታፐ ፁምያ ግሾ፥ ካረ ዳባባን ደእያ ሀራ ኬታዳ ኤንታዉ ቱስ ባዋ። 
\v 7 ሄ ክፍለታፐ ስን ባጋራ እሻታሙ ዋ አዱቅያ ካረ ዳባባ ባጋራ ደእያ እስ ግምበይ ደኤስ። 
\v 8 ካረ ዳባባ ባጋራ ደእያ ክፍለታ አዱሳተይ እሻታሙ ዋ ግድሽን፥ ፆሳ ኬ ስንን ደእያ ክፍለታ አዱሳተይ ፄቱ ዋ። 
\v 9 ካረ ዳባባፐ ጋ ገልያ ዎደ ዶሎሀ ባጋራ ጋርሳ ክፍለታ ገልያ ፐንገይ ደኤስ።
\p
\v 10 ዱገሀ ባጋራ ካረ ዳባባ ካልድ ፆሳ ኬ ዳባባራ ኦይከትድ ኬፀትዳ ካረ ዳባባኮ ስምዳ ክፍለይ ደኤስ። 
\v 11 ሄ ኬ ክፍለታ ስንን ኦገይ ደኤስ። ሄ ኬይ ቆሞ ባጋን ደእያ ኬራ እስ ግና፤ አዱሳተይ፥ ዳልጋተይ፥ ክፍለትነ ፐንገት ኡባይ እስ ግና። 
\v 12 ድርሳ ግምበይ ዉርያ ዶሎሀ ባጋ ጋፃ ዶምድ ግምብያስ ዱገሀ ባጋራ ደእያ ክፍለታ ገልያ ፐንገይ ደኤስ።
\p
\v 13 ሄ ኡራይ ታኮ፥ “ፆሳ ኬ ዳባባ ስንን፥ ፑደሀ ባጋንነ ዱገሀ ባጋን ደእያ ክፍለት ካህነታሳ። ሄ ክፍለታ ግዶን ጎዳ ስንን ኦያ ካህነት ኡባፈ ጌሻ ካ ማና። ሄ ክፍለት ጌሽ ግድያ ግሾ፥ ኡባፈ ጌሻ እሞታ፥ ሄስካ ካ ያርሾ፥ ናጋራ ያርሾነ ናቆ ያርሾ ኤንቲ ያን ዎና። 
\v 14 ካህነት እስ ቶሆ ኡባፈ ጌሻ በሳ ገልዳፐ ጉየ፥ ፆሳስ ኦያ ዎደ ማእያ ማኦት ጌሽ ግድያ ግሾ፥ ባንታ ኦሶ ማኡዋ ላሞናሽን ካረ ዳባባ ከያናዉ ዳንዳኦኮና። ኤንቲ አሳኮ ካረ ከይሸ ካሰ ማእያ ሀራ ማኦታ ማእድ ከያናዉ ኮሼስ” ያግስ።
\p
\v 15 ሄ ኡራይ ፆሳ ኬ ጋ ባጋ ዋድ ዉርስዳፐ ጉየ ዶሎሀ ባጋ ድርሳ ፐንግያራ ታና ካረ ከስድ፥ ፆሳ ኬ ካረ ባጋ ዩሹዋ ኡባ ዋስ። 
\v 16 ዋ ፃምአ ኤክድ፥ ዶሎሀ ባጋ ዋን፥ እቻሹ ፄቱ ዋ ግድስ። 
\v 17 ፑደሀ ባጋ ሄ ፃምአን ዋን፥ እቻሹ ፄቱ ዋ ግድስ። 
\v 18 ዱገሀ ባጋ ዋን፥ እቻሹ ፄቱ ዋ ግድስ። 
\v 19 ዉሎሀ ባጋ ዋን፥ እቻሹ ፄቱ ዋ ግድስ። 
\v 20 ሄሳዳ ኦድ፥ እ ኦይዱ ባጋ ኡባ ዋስ። እያ ዩሹዋን እቻሹ ፄቱ ዋ አዱቅያ፥ ቃስ እቻሹ ፄቱ ዋ ዳልግያ ድርሳ ግምበይ ደኤስ። ሄ ግምበይ ጌሻ በሳነ ጮ በሳ ሻካናሳ።
\c 43
\s1 ቦንቾይ ፆሳ ኬ ስምስ
\p
\v 1 ሄ ኡራይ ታና ዶሎሀ ባጋ ፐንግያኮ ኤህስ። 
\v 2 ታኒ እስራኤለ ፆሳ ቦንቾይ ዶሎሀ ባጋፈ የይሳ በአስ። እያ ዩሳ ግርሳይ ክፃ ሃ ጉን መላ፤ ቢታይ እያ ቦንቹዋን ፖእስ። 
\v 3 ታ በእዳ ቆንጨይ ካሰ ጎዳይ የሩሳላመ ካታማ ይሳናዉ ይዳ ዎደ በእዳ ቆንጨ ዳኔስ። ኮቦራ ሻፋ ማታን ታኒ በእዳ ቆንጨ ዳኔስ። ሄ ዎደ ታ ሶምኡዋ ሳአ ጋዳ ጉፋናስ። 
\v 4 ጎዳ ቦንቾይ ዶሎሀ ፐንግያራ ፆሳ ኬ ግዶ ገልስ። 
\v 5 ሄ ዎደ ጎዳ አያናይ ታና ደንድ፥ ግዶ ዳባባ ገልስን፥ ሄኮ፥ ጎዳ ቦንቾይ ፆሳ ኬ ኩምስ።
\p
\v 6 ያን ሄ ኡራይ ታ ማታን ኤቅዳሽን፥ ፆሳ ኬ ግዶፈ ጎዳይ ታዉ ኦድሽን ስአስ። 
\v 7 እ ታኮ፥ “አሳ ናአዉ፥ ሀይስ ታ አራታይ ኡትያነ ታ ቶሆይ የያ በሰ። ታ እስራኤለ አሳ ግዶን መርናዉ ዳና። ህዛፐ ጉየ እስራኤለ አሳ ግድን፥ ኤንታ ካዎታ ግድን፥ ኤቃ ጎይንድ ዎይኮ ባንታ ካዎታ ሀዉልተ ጎይንሸ ታ ጌሻ ሱን ቱንሶኮና። 
\v 8 እስ ጎዳ ፃላል ታናነ ኤንታ ሻክን፥ ባንታ ፐንግያ ታ ፐንግያ ማታን፥ ባንታ ፐንገ ዝዝግያ ታ ፐንገ ም ማታን ኤስዶሶና። ባንታ እፀትዳ ኦሱዋን ታ ጌሻ ሱን ቱንስዶሶና። ሄሳ ግሾ፥ ታኒ ታ ሀንቁዋን ኤንታ ይሳስ። 
\v 9 ህዛ ኤቃ ጎይኖ አጎ፤ ባንታ ካዎታ ሀዉልተ ታ ማታፐ ድጎ። ያትኮ፥ ታ ኤንታ ግዶን መርናዉ ዳና።”
\p
\v 10 ዛሪድ ጎዳይ ታኮ፥ “አሳ ናአዉ፥ ታ ነና በስዳ ፆሳ ኬ ኦሱዋ እስራኤለ አሳስ ኦዳ፤ ኤንቲ ባንታ ኦዳ ናጋራን ዬላታና መላ እያ መዋባ ኤንታዉ ኦዳ። 
\v 11 ኤንቲ ባንታ ኦዳባን ዬላትያባ ግድኮ፥ ፆሳ ኬ ማላ፥ እ ኬፀትዳ ሀኖታ፥ ከይያ ደታ፥ ገልያ ፐንገታነ እያ ኩመ ምስልያ ኤንታዉ ቆንጭሳ። ሄሳዳካ፥ እያ ዎጋ፥ እያ ህግያ ኡባ ኤንታ ኤርሳ። ሄ ኬ ሀኖታ ካላና መላ እያ ህግያነ ዎጋ ናጋና መላ ኤንቲ ፄልሽን ፃፋ። 
\v 12 ፆሳ ኬ ህገይ ሀይሳ፥ ዙማ ሁጰን፥ ፆሳ ኬ ዩሹዋን ደእያ በሳ ኡባይ ኡባፈ ጌሽ ግዳና።”
\s1 ያርሾ በሳ
\p
\v 13 ያርሾ በሳይ ካሰ ፆሳ ኬ ዋዳይሳዳ፥ እስ ዋነ ኦይዱ ብራ ጉጅድ ዋትስ። ያርሾ በሳ ባሱዋ ዩሾን እስ ዋ ዝቃነ እስ ዋ ዳልግያ ኦል ደኤስ፤ ሄ ኦላይ ካረ ባጋራ እስ ታካ ቄስ፤ ሄስ ያርሾ በሳ ቃተ። 
\v 14 ባሱዋፐ ብድ፥ ኮይሮ ደ ጋካናዉ ቃተይ ናምኡ ዋ፤ ጎምፓይ እስ ዋ። ጉ ደፈ ብድ ግታ ደ ጋካናዉ ቃተይ ኦይዱ ዋ፤ ቃስ ጎምፓይ እስ ዋ። 
\v 15 ያርሾይ ፁሳ ጮጨይ ደእያ ዉርሰ ደይ ኦይዱ ዋ ቃ። እ ኦይዱ ማዛነ ግድድ፥ ኦይዱ ማዛንያ ቦላ እስ እስ ካጨይ ደኤስ፤ 
\v 16 ታማይ ኤፅያ ጮጨይ ኦይዱ ማዛነ ግድድ፥ አዱሳተይነ ዳልጋተይ ታማነ ናምኡ ዋ። 
\v 17 ናምአን ደይ ሄሳ መላ ኦይዱ ማዛነ ግድድ፥ አዱሳተይነ ዳልጋተይ ታማነ ኦይዱ ዋ። ሄ ደ ካረ ባጋ ጋፃይ እስ ታካ ቄስ፤ ዩሾን እስ ዋ ኦል ደኤስ። ያርሾ በሳ ፑደ ኤፍያ ደት ዶሎሀ ባጋን ደኦሶና።
\p
\v 18 ኡባ ሃርያ ጎዳይ ታኮ፥ “አሳ ናአዉ፥ ፁሳ ያርሾ ያርሻናዉነ ሱ ዉርፃናዉ፥ ያርሾ በሳ ግምብድ ዉርስያ ጋላስ ኦሰታና ዎጋይ ሀይሳ። 
\v 19 ታ ስንን ኤቅድ ኦያ ሳዶቃ ያራፐ የለትዳ ሌወ ኮቸ ግድዳ ካህነታስ ናጋራ ያርሾ ኦዳ እስ ዎፋኖ እማ” ያጌስ ኡባ ሃርያ ጎዳይ። 
\v 20 ኔኒ ሄ ሱፈ ኤካዳ፥ ኦይዱ ካጨታ፥ ናምአን ደ ኦይዱ ማዛነታነ ሄ ደ ጋፃ ትያ። ሄሳዳ ኦዳ፥ ያርሾ በሳ ጌሻ። 
\v 21 ናጋራ ያርሾስ እመትዳ ኮርማ ኤካዳ፥ ፆሳ ኬስ ተቀትዳ ጌሻ በሳፈ ካረ ባጋራ እያዉ ጊግዳ በሳን ፁጋ።
\p
\v 22 ዎንተ ጋላስ ቦረይ ባይና እስ ኮለ ኤካዳ፥ ናጋራ ያርሾ ኦዳ ያርሻ። ካሰ ኮርማ ሱን ጌሽዳይሳዳ ሄ ኮልያ ሱን ያርሾ በሳ ጌሻ። 
\v 23 ጌሻ ስማዳ ቦረይ ባይና እስ ዎፋኖነ እስ ማራዘ ኤካዳ፥ 
\v 24 ናምኣካ ጎዳ ስን ሺሻ። ካህነት ኤንታ ቦላ ማፅነ ላልድ፥ ጎዳስ ፁሳ ያርሾ ኦድ ያርሾ።
\p
\v 25 “ላፑን ጋላስ ኩመ፥ እስ እስ ጋላስ፥ እስ ኮለ፥ እስ ዎፋኖነ እስ ማራዘ ናጋራ ያርሾ ኦዳ ያርሻ። 
\v 26 ካህነት ላፑን ጋላስ ኩመ ያርሾ በሳ ጌሽድ ጎዳስ ዱማዮ። 
\v 27 ሀ ጋላሳት ዉርያ ዎደ፥ ሆስፑን ጋላሳፐ ዶምድ፥ ካህነት ፁሳ ያርሾነ እስፈተ ያርሾ ሺሾ። ሄ ዎደ ታ ህንተናን ኡፋይታና” ያጌስ ኡባ ሃርያ ጎዳይ።
\c 44
\s1 ዶሎሀ ፐንግያ
\p
\v 1 ሄሳፈ ጉየ፥ ሄ ኡራይ ታና ጉየ ዛሪድ፥ ፆሳ ኬስ ዶሎሀ ባጋራ ደእያ ካረ ባጋ ድርሳ ፐንግያኮ ኤህያ ዎደ ድርሳ ፐንገይ ጎርደትድ ኡትስ። 
\v 2 ጎዳይ ታኮ፥ “ሀ ፐንገይ ጎርዳን ዳናፐ አትሽን፥ ናምአን ዶየተና። ጎዳይ እስራኤለ ፆሳይ ያራ ገልዳ ግሾ ኦንካ ያራ ገለና። ሄሳ ግሾ፥ ሄ ፐንገይ ጎርዳን ዳና። 
\v 3 ግዶሽን፥ እስራኤለ ሀላቃይ፥ ጎዳ ስንን ኡይ ማናዉ ያን ኡታናዉ ዳንዳኤስ። ፐንግያ ባራንዳራ እ ገላናዉነ ከያናዉ ዳንዳኤስ” ያግስ።
\p
\v 4 ሄ ኡራይ ታና ፑደሀ ፐንግያኮ ኤፍያ ኦግያራ ኤፍድ፥ ፆሳ ኬስ ስን ባጋ ጋስ። ያን ግዳዳ ታ በእያ ዎደ፥ ሄኮ፥ ጎዳ ቦንቾይ ፆሳ ኬ ኩምድ ኡትዳይሳ በአዳ ሶምኦራ ሳአን ጉፋናስ።
\p
\v 5 ጎዳይ ታኮ፥ “አሳ ናአዉ፥ ፆሳ ኬ ዎጋታነ እያ ህገታ ኡባ ነ በኤይሳነ ስኤይሳ ሎይዳ ናጋ። ፆሳ ኬ ገላናዉነ ከያናዉ በሲያ አሳትነ በሶና አሳት ኦናንተኮ ሎይዳ አኬካ። 
\v 6 ማካላንቾ እስራኤለ አሳስ፥ ኡባ ሃርያ ጎዳይ ሀይሳዳ ያጌስ ጋዳ ኦዳ። ‘ህንተኖ፥ እስራኤለ አሳዉ፥ ህንተ ኦያ ቱና ኦሶታ አግተ። 
\v 7 ህንተ ታዉ ታ ካ፥ ሞዋነ ሱ ያርሾ ኦድ ሺሽያ ዎደ ዎዛናይነ አሾይ ቃፃረትቦና አላጋ አሳታ ፆሳ ኬ ገልስድ ታ ኬ ቱንስደታ፤ ታ ጫቁዋ መንደታ። 
\v 8 ታ ጌሻ ሚሸታ ቦላ አዋቶና እፅድ፥ ታ ኬን አላጋታ አዋይደታ’ ” ያጌስ።
\p
\v 9 ሄሳ ግሾ፥ ኡባ ሃርያ ጎዳይ ሀይሳዳ ያጌስ፦ “እስራኤለ አሳ ግዶን ደእያ አላጋ አስ፥ ባ ዎዛናንነ ባ አሹዋ ቃፃረትቦና፥ ኦንካ ታ ኬ ገሎፖ።”
\p
\v 10 “ታና አግድ፥ እስራኤለ አሳራ ኤቃ ጎይንዳ ሌወታ ታ ሴራና። 
\v 11 ኤንቲ ታ ኬን ኦሳንቾ ግዶ፤ ታ ኬ ድርሳ ፐንገታ ናጎ፤ ፆሳ ኬ ኦሱዋካ ኦ። ኤንቲ ፁሳ ያርሾነ አሳይ ኤህያ ሀራ ያርሾ ሹኮ፤ ቃስ አሳስ ኦናዉ አሳኮ ሺቆ። 
\v 12 ሽን ኤንቲ ካሰ እስራኤለ አሳ ኤቃ ጎይንስዳ ግሾነ አሳ ናጋራኮ ካለዳ ግሾ፥ ኤንቲ ባንታ ናጋራ ሴራ ኤካና መላ ታ ኩሸ ደንዳ ጫቃስ” ያጌስ ኡባ ሃርያ ጎዳይ። 
\v 13 ኤንቲ ካህነ ግድድ ኦናዉ ታኮ ሺቆፖ፤ ዎይኮ ታዉ ዱማትዳ ጌሻባኮነ ኡባፈ ጌሻ በሳኮ ሺቆፖ። ኤንቲ ባንታ ኦዳ ቱና ኦሱዋ ግሾ፥ ኦይሸታና። 
\v 14 ሄሳ ግሾ ኤንቲ ፆሳ ኬን አዋታናዳነ እያ ግዶን ኦናዉ ደእያ ኦሶ ኡባ ኦና መላ ታ ኤንታ ሹማና።
\s1 ካህነተ ዎጋ
\p
\v 15 “ሽን እስራኤለ አሳይ ታና አግድ፥ ታ ስንፈ ሃክዳ ዎደ ፆሳ ኬ ዎጋ አማነትድ ፖልዳ፥ ሌወ ኮቸ ግድዳ ካህነት፥ ሳዶቃ ያራት፥ ታዉ ኦናዉ ታኮ ሺቆ። ሞዋነ ሱ ሺሽድ ኤንቲ ታ ስንን ኦ” ያጌስ ኡባ ሃርያ ጎዳይ። 
\v 16 ፆሳ ኬ ኤንቲ ገሎ፤ ታዉ ኦናዉ ታ ያርሾ በሳ ኤንቲ ሺቆ፤ አዋተ ኤንቲ ኦይኮ። 
\v 17 ኤንቲ ፆሳ ኬስ ግዶ ዳባባ ገልያ ዎደ፥ ሊኖፐ ዳደትዳ ማኦ ማኦ፤ ግዶ ዳባባ ፐንገን ዎይኮ ፆሳ ኬ ግዶን ኦያ ዎደ ሱፈ ማኦ ማኦፋ። 
\v 18 ኤንቲ ባንታ ሁጰን ሊኖ ጎፅድ፤ ባንታ ፄሳን ሊኖ ቃን ሱረ ዳንጮ፤ ጫዋያ ማኦ ማኦፎ። 
\v 19 አሳይ ደእያ ካረ ዳባባ ኤንቲ ከያናፐ ስን ፆሳ ኬን ኦሸ ማእዳ ማኡዋ ቃርድ፥ ጌሻ ክፍለታን ዎ። ሄስካ፥ አሳይ ኤንታ ጌሻ ማኡዋ ቦችድ ቆሄቶና መላሳ።
\p
\v 20 “ካህነት ባንታ ሁጵያ ሜደቶፎ ዎይኮ አዱስድ ድቾፎ፤ ባንታ ሁጵያ ማራን ቃንፀቶ። 
\v 21 አይ ካህነት ግዶ ዳባባ ገልያ ዎደ ዎይነ ኡሽ ኡዮፖ። 
\v 22 ኤንቲ አዝን ሀይቅዳ፥ ዎይኮ ሳዮ ማጫስ ኤኮፎ። እስራኤለ አሳፐ ጌላኦ ኤኮ፤ ዎይኮ አዝናይ ካህነ ግድድ ደእሸ ሀይቅዳ ማጫስ ኤኮ።
\p
\v 23 “ካህነት ጎዳስ ዱማትዳባነ ዱማቶናባ ግዶን ደእያ ዱማተ ታ አሳ ታማርሶ፤ ጌሽነ ቱና ግዶን ደእያ ዱማተ ኤንታ በሶ። 
\v 24 አይ ሞቶይ ደንድኮካ፥ ካህነት ህገይ ኦደይሳዳ ፕርዶ። ታ ህገይነ ታ ዎጋይ ገይሳዳ ታ ባለታ ቦንቾ፤ ታ ሳምባታ ዱማይድ ቦንቾ።
\p
\v 25 “ካህነይ ሀይቅዳ አሀኮ ሺቅድ፥ ባና ቱንሶፖ። ግዶሽን፥ ሀይቅዳይ አዋ ዎይኮ አዮ ዎይኮ እያ አደ ናአ ዎይኮ ማጫ ናአ ዎይኮ እሻ ዎይኮ አዝና ገላቦና ምቾ ግድኮ ባና ቱንሶ። 
\v 26 ቱንዳፐ ጉየ፥ ላፑን ጋላስ ጋምኦ፤ ሄሳፈ ጉየ፥ እ ጌሽ ግዳና። 
\v 27 ጌሻ በሳን ሀጋዛናዉ ግዶ ዳባባ ገልያ ዎደ ባ ናጋራ ግሾ ያርሾ ሺሾ” ያጌስ ኡባ ሃርያ ጎዳይ።
\p
\v 28 ካህነታስ ላት ባዋ፤ ታ ኤንታዉ ላታ። እስራኤለ ቢታን ኤንታዉ አይ ላታካ እሞፕተ፤ ኤንታ ላታይ ታና። 
\v 29 ኤንቲ ካ ያርሾ፥ ናጋራ ያርሾነ ናቆ ያርሾ ሞ። እስራኤለ ቢታን ጎዳስ ዱማይዳባ ኡባይ ኤንታሳ። 
\v 30 ኮይሮ ጋክያ ዱማ ዱማ ካ ፄራ አይፈይነ ህንተ ጎዳስ እምያ እሞታ ኡባይ ካህነታሳ። ህንተ ኬይ አንጀታና መላ ህንተ ልያፈ ኮይሮ ኩሽያ ኤንታዉ እምተ። 
\v 31 ካህነት ባዉታ ዎይኮ ዶእ ዎዳ ካፎ አሾ ዎይኮ መሄ አሾ ሞፖ።
\c 45
\s1 ጎዳስ ዱማትዳ ግሾ
\p
\v 1 “ቢታ ላታናዉ ህንተ ሳማን ሻክያ ዎደ ሄ ቢታፈ እስ ሳማ ጎዳስ ዱማይተ። ሄስካ ታማነ ናምኡ ክሎ ምትረነ ባጋ አዱቅያነ ታሙ ክሎ ምትረ ዳልግያ በሰ ግዶ። ሄ በሳይ ኡባይ ጌሻ በሰ ግዶ። 
\v 2 ሄ በሳፈ ኦይዱ ማዛነ ደእያ አዱሳተይነ ዳልጋተይ እስ ግና ግድያ እቻሹ ፄቱ ዋ፥ በሲ ፆሳ ኬስ ተቀቶ፤ እያ ዩሾን እሻታሙ ዋ ግድዳ ካይሳ በሲ ደኦ። 
\v 3 ሄ ጎዳስ ዱማይዳ በሳፈ አዱሳተይ ታማነ ናምኡ ክሎ ምትረነ ባጋ፥ ጎምፓይ እቻሹ ክሎ ምትረ ግድዳ በሰ ዋዳ ሻካ። ሄ በሳይ ኡባፈ ጌሻ በሳይ ደእያ ፆሳ ኬስ፥ ግድድ ደኦ። 
\v 4 ሄስ ፆሳ ኬ ግዶን ጎዳስ ሀጋዛናዉ፥ እያኮ ሺቅያ ካህነታስ ዱማትዳ ጌሻ በሲ ግዶ። ሄስ ካህነታ ኬይነ ፆሳ ኬይ ኬፀትያ በሰ ግዶ። 
\v 5 ቃስ አትዳ ታማነ ናምኡ ክሎ ምትረ ባጋ አዱቅያነ እቻሹ ክሎ ምትረ ባጋ ዳልግያ በሳይ ፆሳ ኬን ኦያ ሌወታስ ላታ ግዶ፤ ኤንቲ ባንታዉ ዱሳ ካታማታ ያን ኬፆ።
\p
\v 6 “ጎዳስ ዱማይዳ በሳ ማታን ታማነ ናምኡ ክሎ ምትረነ ባጋ አዱቅያነ ናምኡ ክሎ ምትረነ ባጋ ዳልግያ በሳይ ካታማ ኬፃናዉ ደኦ፤ ሄ በሳይ እስራኤለ አሳ ኡባስ ግዶ። 
\v 7 እስራኤለ ሀላቃስ እመትዳ ግሾይ ናምኡ ባጋራ ጎዳስ ዱማይዳ በሳንነ ካታማ በሳን ዛዋቴስ። እ ዉሎሀ ባጋራ መደትራነ አባ ጋኬስ፤ ዶሎሀ ባጋራ እስራኤለ ቢታ ዛዋ ጋኬስ። እያ አዱሳተይ እስራኤለ ኮቻፈ እሱዋ ግሹዋዳ ዉሎሀ ባጋ ዛዋፐ ብድ፥ ዶሎሀ ባጋ ዛዋ ጋኬስ። 
\v 8 ሄ ግሾይ እስራኤለ ሀላቃስ ላታ ጋደ ግዶ። ህዛፐ ጉየ ታ ሀላቃት ታ አሳ ኡንኤፎ፤ ኤንቲ እስራኤለ አሳ ኡባይ ባ ኮቻን ኮቻን ቢታ ኤካናዳ ኦና” ያጌስ።
\p
\v 9 ኡባ ሃርያ ጎዳይ ሀይሳዳ ያጌስ፤ “ህንተኖ፥ እስራኤለ ሀላቃቶ፥ ህንተዉ ሀእ ግዳና! ቡቀነ አሳ ኡንኤ አግተ፤ ሱረ ፕርድተ፤ ፅሎተ ኦተ። ታ አሳ ኤንታ ላታ ቢታፈ ሾድድ ጎደይሳ አግተ። ሀይሳ ኦደይ ታና ኡባ ሃርያ ጎዳ። 
\v 10 ህንተዉ እሱዋስ እሱዋስ ልከ ምዛነይነ ማካ ሚሸይ ደኦ። 
\v 11 ማካ ሚሸ ኡባስ ግዶ ግድያ ጎማረ ጌተትያ ማካ ሚሸ ግዶ። መላባ ማክያ እፋ ጌተትያ ሚሸይነ ጉክያባ ማክያ ባተ ጌተትያ ሚሸይ እስ ልከ ግዶ። ሄሳ ጉሳይ፥ እስ ጎመረይ ታሙ እፋራነ ታሙ ባተራ እስ ግና ግዴስ። 
\v 12 ጉባ ማክያ ዎደ ህንተ ማካ ሚሸይ ሳቅለ ግዶ። ላታሙ ጌር እስ ሳቅለ ግዶ፤ ኡሱፑን ታሙ ሳቅለይ እስ ምናነ ግዶ።
\s1 ያርሾታነ ጌሻ ጋላሳታ
\p
\v 13 “ህንተ እሙዋ እምሸ ሀይሳዳ እምተ። ህንተ ሺሽያ ግስተፈ ኡሱፑን ታማፈ እስ ኩሸ፥ ባንጋፈ ኡሱፑን ታማፈ እስ ኩሸ ግዶ። 
\v 14 ሻማሆ ዛይትያፐ ፄታፐ እስ ኩሸ እምተ። ሄሳ ማክያ ዎደ ነ ማክያ ሚሸይ ባተ ግዶ። ታሙ ባተይ እስ ጎማረ ዎይኮ እስ ቆረ ግዴስ። 
\v 15 እስራኤለ አሳይ ሄምያ ናምኡ ፄቱ መሄፐ ደእያ እስ ዉድያፐ እስ እስ መሄ እምተ። ሄስ አሳ ናጋራ አቶተስ ያርሸትያ፥ ካ ያርሾራ፥ ፁሳ ያርሾራነ እስፈተ ያርሾራ ሺቃና” ያጌስ ኡባ ሃርያ ጎዳይ። 
\v 16 ቢታን ደእያ አሳ ኡባይ ሄሳ ኡባ እስራኤለ ሀላቃስ እሞ። 
\v 17 ሀላቃይ ኦያ ኦሶይ፥ እስራኤለ አሳይ ቦንችያ ባለታን፥ አጌና ፄሮን ሳምባታታ ጋላሳን፥ ፁሳ ያርሾ፥ ካ ያርሾነ ኡሻ ያርሾ ሺሾ። እስራኤለ አሳ ናጋራ አቶተስ ናጋራ ያርሾ፥ ካ ያርሾ፥ ፁሳ ያርሾነ እስፈተ ያርሾ ኮሽያባ እሞ።
\p
\v 18 ኡባ ሃርያ ጎዳይ ሀይሳዳ ያጌስ፦ “ኮይሮ አጌናን፥ ኮይሮ ጋላሳን ቦረይ ባይና እስ ዎፋኖ ፆሳ ኬ ጌሻናዉ ሺሻ። 
\v 19 ካህነይ ናጋራ ያርሾ ሱፈ ኤክድ፥ ፆሳ ኬ ፐንገ ፃንገታ፥ ያርሾ በሳ ዩሾን ደእያ ደን ደእያ ኦይዱ ማዛነታነ ግዶ ዳባባ ኤፍያ ድርሳ ፐንገ ፃንገታ ትዮ። 
\v 20 ኦንካ ቆፖና ዎይኮ ኤሮና ኦዳ ናጋራ አቶተስ፥ ሄ አጌናን ላፑን ጋላስ ሄሳዳ ኦ። ያታዳ ፆሳ ኬ ጌሻ።
\p
\v 21 “ኮይሮ አጌናን፥ ታማነ ኦይዳን ጋላስ ፓስካ ባኣለ ቦንችተ፤ ላፑን ጋላስ ጋካናዉ፥ እርሾይ ባይና ኡይ ሚተ። 
\v 22 ኮይሮ ጋላስ ሀላቃይ ባ ግሾነ ባ አሳ ግሾ ናጋራ ያርሾ ኦድ እስ ኮርማ ሺሾ። 
\v 23 ሄ ባለይ ቦንቸትያ ላፑን ጋላሳታን ጋላስ ጋላስ ቦረይ ባይና ላፑን ኮርማታነ ላፑን ማራዘ ዶርስ ፁሳ ያርሾ ኦድ፥ ጎዳስ ሺሾ። ሄሳራ ጋድ ናጋራ ያርሾስ ጋላስ ጋላስ እስ ዴሻ ኮለ ሺሾ። 
\v 24 እስ እስ ኮርማነ ማራዘ ያርሽያ ዎደ፥ ካ ያርሾስ ታማነ ላፑን ክሎ ግራመ ግስተነ ሄ ልትሮ ዛይተ ሺሾ።
\p
\v 25 “ላፑን አጌናን፥ ታማነ እቻሻን ጋላሳን ዶምያ ላፑን ጋላሳ ባኣለ ዎደ ናጋራ ያርሾ፥ ፁሳ ያርሾ፥ ካ ያርሾነ ዛይተ ካሰይሳፈ ዱማዮና ሀላቃይ ሺሾ” ያጌስ።
\c 46
\p
\v 1 ኡባ ሃርያ ጎዳይ ሀይሳዳ ያጌስ፦ “ግዶ ዳባባ ገልስያ ዶሎሀ ባጋ ድርሳ ፐንገይ ኡሱፑን ኦሶ ጋላሳታን ጎርደትድ ጋምኦ፤ ሽን ሳምባታ ጋላስነ አጌና ፄሮ ጋላሳን ዶየቶ። 
\v 2 እስራኤለ ሀላቃይ ድርሳ ፐንግያ ባጋራ ካረ ዳባባፐ ጋ ገልድ፥ ድርሳ ፐንግያ ማታን ኤቆ። ካህነት እ እምዳ ፁሳ ያርሾነ እስፈተ ያርሾ ሺሾ። እ ያን ድርሳ ፐንግያ ማታን ጎይንድ ስሚድ ካረ ከዮ። ሽን ድርሳ ፐንገይ ኦማርስ ጋካናዉ ጎርደተና። 
\v 3 ሄ ቢታ አሳይ ሳምባታንነ አጌና ፄሮ ዎደ ሄ ግዶ ዳባባ ፐንግያ ስንን ጎዳ ጎይኖ። 
\v 4 ሀላቃይ ሳምባታ ጋላስ ጎዳስ ፁሳ ያርሾ ኦድ፥ ቦረይ ባይና ኡሱፑን ኡርገ ዶርሳታነ እስ ማራዘ ዶርስ ሺሾ። 
\v 5 እስ ዶርሳ ኡርግያራ ታማነ ላፑን ክሎ ግራመ ካ ያርሾ እሞ። ኡርገ ዶርሳታር ሺቅያ ካ ያርሾይ ሀላቃይ ባዉ ሺሻናዉ ኮየይሳ መላ ግዶ። ቃስ እስ እስ ታማነ ላፑን ክሎ ግራመ ካራ ሄ ሄ ልትሮ ዛይተይ እሞ። 
\v 6 አጌና ፄሮ ጋላስ ቦረይ ባይና እስ ዎፋኖ፥ ኡሱፑን ኡርገ ዶርሳታነ እስ ማራዘ ሺሾ። 
\v 7 እስ እስ ዎፋኖነ ኡርገ ዶርስ ያርሽያ ዎደ ካ ያርሾስ እስ እስ ታማነ ላፑን ክሎ ግራመ ግስተነ ሄ ሄ ልትሮ ዛይተ ሺሾ። ኡርገ ዶርሳታራ ሺቅያ ካ ያርሾይ ሀላቃይ ባዉ ሺሻናዉ ኮይዳይሳ መላ ግዶ። 
\v 8 ሀላቃይ ገልሸ፥ ድርሳ ፐንገ ባራንዳራ አድ ገሎ፤ ከይሸካ ያራ ከዮ።
\p
\v 9 “አሳይ ባኣለ ጋላስ ጎዳ ጎይናናዉ ያ ዎደ ጎይናናዉ ፑደሀ ፐንግያራ ገልዳይሳት ጋርሳ ፐንግያራ ከዮ፤ ዱገሀ ፐንገራ ገልዳይሳት ፑደሀ ፐንገራ ከዮ። ኦንካ ባ ስንን ደእያ ፐንግያራ ስት ግድ ከዮፖ አትሽን፥ ባ ገልዳ ፐንግያራ ከዮፖ። 
\v 10 ኤንቲ ገልያ ዎደ፥ ሀላቃይ ኤንታራ ገሎ፤ ኤንቲ ከይያ ዎደ ኤንታራ ከዮ።
\p
\v 11 “ኡፋይሳ ጋላሳታንነ ላይ ባለታን እስ እስ ኮርማራነ እስ እስ ማራዝያራ ሺቅያ ካ ያርሾይ እስ እስ ታማነ ላፑን ክሎ ግራመ ግስተራ ሄ ሄ ልትሮ ዛይተራ ግዶ። ቃስ ኡርገ ዶርሳራ ሺቅያ ያርሾይ ሀላቃይ ባዉ ሺሻናዉ ኮይዳይሳ መላ ግዶ። 
\v 12 ሀላቃይ ባ ዶሳን እምያ ያርሾ፥ ሄስካ ፁሳ ያርሾ ዎይኮ እስፈተ ያርሾ ጎዳስ ኤህያ ዎደ፥ ዶሎሀ ባጋ ድርሳ ፐንገይ እያዉ ዶየቶ። ባ ፁሳ ያርሹዋ ዎይኮ እስፈተ ያርሹዋ ሳምባታ ጋላስ እ ሺሸይሳዳ ሺሾ። እ ከይድ ብን፥ ድርሳ ፐንገይ ጎርደቶ።
\s1 ጋላሳ ያርሾ
\p
\v 13 “ሀላቃይ ጋላስ ጋላስ ቦረይ ባይና እስ ላይ ግድዳ እስ ዶርሰ ፁሳ ያርሾ ኦድ፥ ጎዳስ ሺሾ፤ እ ሄሳ ዎንታ ጉራ ፓጨይ ባይና ኦ። 
\v 14 ሄሳዳካ ናምኡ ክሎ ግራመ ለይ እስ ልትሮ ዛይተራ ሙኑቀትድ፥ ዎንታ ጉራ ካ ያርሾ ግድድ ሺቆ። ሄስ ህንተ ጎዳስ ጋላስ ጋላስ ሺሽያ ያርሾ ዎጋ። 
\v 15 ሀይስ ኡርገ ዶርሳይ፥ ካነ ዛይተይ ፓጭ ባይና ዎንታ ዎንታ ፁሳ ያርሾ ግድድ ሺቃናዉ በሴስ” ያጌስ።
\p
\v 16 ኡባ ሃርያ ጎዳይ ሀይሳዳ ያጌስ፦ “ሀላቃይ ባ ጋድያፐ ሻክድ፥ ባ አደ ናይታፐ እሱዋስ እምኮ፥ ሄስ ሄ ናኣስነ እያ ናይታስ ላታ ግዴስ። 
\v 17 ሽን ሀላቃይ ባ ጋድያፐ ሻክድ፥ ባ አይለታፐ እሱዋስ እምኮ፥ እሻታማን ላይ ባለይ ጋካናዉ፥ ሄ ጋደይ እያባ ግዴስ። ሄሳፈ ጉየ፥ ሀላቃስ ስሞ፤ ሄስ ሀላቃሳ ግድያ ግሾ፥ መርናዉ እያዉነ እያ ናይታስ ላታ ግዴስ። 
\v 18 ሀላቃይ አሰ ናቅድ፥ አሳ ላታ ጋድያ ዎልቃን ኤኮፎ። ታ አሳይ ባ ላታ ጋድያፐ ሾደቶና መላ እ ባ አደ ናይታስ ባ ጋድያፐ እሞ” ያጌስ።
\s1 ያርሾ ጊግስያ በሳታ
\p
\v 19 ሄሳፈ ጉየ፥ ሄ ኡራይ ታና ቆሞ ባጋን ደእያ ካህነታ ክፍለታ ገልያ ፐንግያኮ ኤህስ። ሄሳት ግዶ ዳባባ ጋያ ጋርሳ ባጋ ድርሳ ፐንግያ ማታን ደኤይሳታ። ክፍለታፐ ዉሎሀ ባጋራ ታኒ እስ በሲ በአስ። 
\v 20 እ ታኮ፥ “ሀ በሳይ ካህነት ናጋራ ያርሾነ ናቆ ያርሾ አሹዋ ዶይስያ በስነ ካ ያርሾ ኡክያ በሲ። ሄ በሳን ጎኤትያ ጋሶይ አሳ ቆሆይ ጋኮና መላ ጌሻ ያርሹዋፈ ካረ ዳባባ ከየና” ያግስ።
\p
\v 21 ሄሳፈ ጉየ፥ ሄ ኡራይ ታና ካረ ባጋ ዳባባ ኤፍድ፥ ዳባባ ኦይዱ ማዛነታ ዩሽድ በስስ። እስ እስ ማዛንያን ጉ ዳባብ ደኤስ። 
\v 22 ኦይዱ ማዛነታን ደእያ ዳባባት እስ ግና፤ ኤንቲ ኦይታሙ ዋ አዱሰ፤ ሀስታሙ ዋ ኦርደ። 
\v 23 ሄ ኦይዱ ዳባባታ ዩሾን ሹቻ ግምበይ ደኤስ፤ ግምብያ ጋርሳን ታማ ኤያ በሲ ደኤስ። 
\v 24 ሄ ኡራይ ታኮ፥ “ሀይስ ኡባይ ፆሳ ኬን ኦይሳት አሳይ ኤህያ ያርሹዋ ዶይስያ በሳታ” ያግስ።
\c 47
\s1 ፆሳ ኬ ጋርሳፈ ፑልትያ ሃ
\p
\v 1 ሄ ኡራይ ዛሪድ፥ ታና ፆሳ ኬ ገልያ ፐንግያኮ ኤፍስ። ፆሳ ኬ ገልያ ፐንግያፈ ጋርሳራ ሃ ፑልትድ፥ ፆሳ ኬፈ ዶሎሀ ባጋ ጎጌስ። ፆሳ ኬስ ጋርሳ ባጋራ ዱገ ጎግድ፥ ያርሾ በሳፈ ጋርሳ ባጋራ ካንስ። 
\v 2 እ ታና ቆሞ ፐንግያ ባጋራ ከስድ፥ ዶሎሀ ፐንግያኮ ዩሽስ። ሄ ፐንግያፈ ጋርሳ ባጋራ ሃ ጎጌስ።
\p
\v 3 ሄ ኡራይ ዋ ዎዶሮ ባ ኩሸን ኦይክድ፥ ዶሎሀ ባጋ ብድ፥ ጎግያ ሃ ካልድ፥ እስ ሙኩሉ ዋስ። ታና ሃ ግዶራ ካለስ፤ ሃይ ታዉ ሹቁለ ጋክስ። 
\v 4 ዛሪድ እስ ሙኩሉ ዋድ፥ ሃ ግዶራ ታና ካለስ። ሃይ ታዉ ጉልባታ ጋክስ። ቃስ እስ ሙኩሉ ዋድ፥ ታና ሃ ግዶራ ካለስ። ሄ ዎደ ሃይ ታዉ ፄሰ ጋክስ። 
\v 5 እ ቃስ እስ ሙኩሉ ዋስ። ሽን ሄ ሃይ ዳሮ ጪሞ ግድያ ግሾ፥ ታ ፕናናዉ ዳንዳአብከ፤ እ አስ ዋና ፕናናዉ ዳንዳኦና ሻፋ ግድስ። 
\v 6 ሄ ኡራይ ታኮ፥ “አሳ ናአዉ፥ ሀይሳ አኬካዳ በአይ?” ያግስ።
\p ሄሳፈ ጉየ፥ እ ታና ሻፋ ጋፃ ጉየ ዛርስ። 
\v 7 ታ ያ ጋክያ ዎደ ሻፋ ጋፃን ሀ ባጋራነ ያ ባጋራ ዳሮ ም ደኤይሳ በአስ። 
\v 8 እ ታኮ፥ “ሀ ሃይ ዶሎሀ ባጋ ጎግድ፥ አራበ ዛንጋራነ ማፅነ አባን ገሌስ። ሃይ ማፅነ አባ ገልያ ዎደ ማፅነ አባይ ኦራፅድ ፅሎ ሃ ግዴስ። 
\v 9 ሻፋይ ጎግድ ብያ በሳን ዱማ ዱማ መተት ደኦሶና። ሄ ሻፋይ ያራ ጎግያ ግሾነ ሄ ሃ ኦራድ ፅልስያ ግሾ ዳሮ ሞሎት ያን ደኦሶና። ሄሳ ግሾ ሃይ ጎግያ በሳን ደእያ መተት ኡባይ ደኦን ዳና። 
\v 10 ሞሎ ኦይክያ አሳት አባ ጋፃን ኤቃና፤ ኤንጋዳፐ ብድ ኤን ኤግላይማ ጋካናዉ ደእያ በሳይ ሞሎ ኦይካናዉ ግተ የግያ በሰ ግዳና። መደትራነ አባን ደእያ ሞሎታዳ፥ ያን ዳሮ ዱማ ዱማ ሞሎት ዳና። 
\v 11 ሽን አባ ጋፃን ደእያ ኤለይነ ጫፋ ሃይ ማፅነ ግድድ አታናፐ አትሽን፥ ኦራፅድ ፅለና። 
\v 12 ሄ ሻፋ ዶናን ሀ ባጋራነ ያ ባጋራ ሜተትያ አይፈ እምያ፥ ዱማ ዱማ ቆሞ ምት ደኦሶና። ኤንታ ሀይይ ቆቆፈተና፤ አይፈ አጎኮና። ፆሳ ኬፈ ከይያ ሃይ ኤንታኮ ጎግያ ግሾ፥ ኤንቲ አጌናን አጌናን ኦራ አይፈ አይፋና። ኤንቲ አይፍያ አይፈይ ካ ግዳና፤ ኤንታ ሀይይ ለ ግዳና” ያጌስ።
\s1 ቢታ ዛዋታ
\p
\v 13 ኡባ ሃርያ ጎዳይ ሀይሳዳ ያጌስ፦ “ታማነ ናምኡ እስራኤለ ዘረስ ላታ ቢታ ኦዳ፥ ነ ሻካና ዛዋይ ሀይሳ። ዮሰፋ ኮቻስ ናምኡ ሳም እመቶ። 
\v 14 ታኒ ካሰ ህንተ ማይዛታ ሀ ቢታ ላትሳናዉ ጫቃስ፤ ሀእ ህንተ ኡባይ ሻክድ ላትተ።
\p
\v 15 “ፑደሀ ባጋ ቢታ ዛዋይ ሀይሳ፦ መደትራነ አባፈ ደንድድ፥ ሄትሎናነ ሀማታ ካንድ፥ ፀዳዳ ጋኬስ። 
\v 16 ዳማስቆፈነ ሀማታፐ ግዶን ደእያ በሮታነ ስብራይማ ካታማታ ካንድ፥ ሀዉራና ዛዋን ደእያ ትኮና ካታማ ጋኬስ። 
\v 17 እስራኤለ ቢታ ፑደሀ ባጋ ዛዋይ ሀማታ ቢታ ፑደሀ ባጋን አግድ፥ መደትራነ አባፈ ዶሎሀ ባጋ ብድ፥ ዳማስቆ ዛዋን ደእያ ሀፃር-ኤናና ካታማ ጋኬስ።
\p
\v 18 “ዶሎሀ ባጋ ዛዋይ ሀፃር-ኤናናፐ ደንድድ፥ ዳማስቆፈነ ሀዉራናፐ ግዱዋራ ካንስ። እስራኤለፐነ ጋላዳፐ ግዶን ደእያ ዮርዳኖሰ ሻፋን ዛዋትድ ማፅነ አባ ካንድ ታማረ ካታማ ጋኬስ።
\p
\v 19 “ዱገሀ ባጋ ዛዋይ ታማራፐ ደንድድ፥ ማርባ ቃደሳን ደእያ ሃ ጋኬስ። ያፐ ግብፀ ሻፋፐ ብድ መደትራነ አባ ጋኬስ። ሄስ ዱገሀ ዛዋ።
\p
\v 20 “ዉሎሀ ባጋ ዛዋይ መደትራነ አባ ግድድ፥ ፑደሀ ባጋራ ሀማታ ስንራ ካንድ ዉሎሀ ባጋ ጋኬስ።
\p
\v 21 “ሀ ቢታ እስራኤለ ዛረት ሻክድ ኤክተ። 
\v 22 ህንተነ ህንተ ግዶን ናአ የልድ ደእያ በተ አሳስ ላታ ቢታ ኦድ ሻክተ። ኤንታ ህንተ፥ ህንተ ቢታን የለትዳ እስራኤለ አሳዳ ፄልተ። ኤንቲ እስራኤለ ኮቻታራ ታይበትድ ቢታ ሳማን ሻከትድ ኤኮ። 
\v 23 በተ አስ እስራኤለን ኮቻራ አዉንካ ደእኮ፥ ሄ እ ደእያ ኮቻ ግዶን እያዉ ላታ ቢታ እምተ” ያጌስ ኡባ ሃርያ ጎዳይ።
\c 48
\s1 ቢታ ሻሁዋ
\p
\v 1 “ቢታ ሻካናዉ ማዝጋበትዳ ኮቻታ ሱንይ ሀይሳ፦ ፑደሀ ባጋራ እስ ሳም ዳነ ኮቻስ እመቶ። ሄስካ ሄትሎናፐ ሀማታ ኤፍያ ኦግያ ካልድ፥ ያፐ ዳማስቆ ቢታን ደእያ ሀፃር-ኤናና ካታማ ጋኬስ። ሄስ ዶሎሀፐ ብድ ዉሎሀ ጋካናዉ ደእያ በሳስ ፑደሀ ባጋ ዛዋ ግዳና። 
\v 2 ዳነ ዛዋራ ኦይከትድ፥ ዶሎሀፐ ዉሎሀ ጋካናዉ ደእያ እስ ሳማይ አሴራ ኮቻስ እመቶ። 
\v 3 አሴራ ዛዋራ ኦይከትድ፥ ዶሎሀፐ ዉሎሀ ጋካናዉ ደእያ እስ ሳማይ ንፍታለመ ኮቻስ እመቶ። 
\v 4 ንፍታለመ ዛዋራ ኦይከትድ፥ ዶሎሀፐ ዉሎሀ ጋካናዉ ደእያ እስ ሳማይ ምናሰ ኮቻስ እመቶ። 
\v 5 ምናሰ ዛዋራ ኦይከትድ፥ ዶሎሀፐ ዉሎሀ ጋካናዉ ደእያ እስ ሳማይ ኤፍሬማ ኮቻስ እመቶ። 
\v 6 ኤፍሬማ ዛዋራ ኦይከትድ፥ ዶሎሀፐ ዉሎሀ ጋካናዉ ደእያ እስ ሳማይ ሮቤላ ኮቻስ እመቶ። 
\v 7 ሮቤላ ዛዋራ ኦይከትድ፥ ዶሎሀፐ ዉሎሀ ጋካናዉ ደእያ እስ ሳማይ ይሁዳ ኮቻስ እመቶ።
\s1 ቢታ ግና ግሸን ደእያ በሳ
\p
\v 8 “ይሁዳ ዛዋራ ኦይከትድ፥ ዶሎሀፐ ዉሎሀ ጋካናዉ ደእያ እስ ሳማ ዱማያ ዎ። እያ ጎምፓይ ታማነ ናምኡ ክሎ ምትረነ ባጋ ግዶ። ዶሎሀፐ ዉሎሀ ጋካናዉ ደእያ አዱሳተይ እስ ኮቻ ሻክን ጋክያ ሳማራ ግና። እያዉ ግዶ ግናን ፆሳ ኬ ደኤስ።
\p
\v 9 “ሄ በሳፈ ኔኒ ጎዳስ ዱማያዳ ዎያ በሳይ ታማነ ናምኡ ክሎ ምትረነ ባጋ አዱሰነ ታሙ ክሎ ምትረ ዳልጋ ግዶ። 
\v 10 ሄ በሳፈ ባጋይ ካህነታስ ዱማትዳ በሰ ግዶ፤ እ ፑደሀ ባጋራ ታማነ ናምኡ ክሎ ምትረነ ባጋ አዱሰ፤ ዉሎሀ ባጋራነ ዶሎሀ ባጋራ እቻሹ ክሎ ምትረ ዳልጋ ግዶ። ፆሳ ኬይ እያዉ ግዶ ግናን ደኤስ። 
\v 11 ሀ ዱማትዳ በሳይ እስራኤለ አሳይ ታ ኦግያፐ ካረ ካረ ከይዳ ዎደ ኤንታራ ካረ ከይዳ ሌወታዳ ግዶና፥ አማነትድ ታዉ ኦሸ ጋምእዳ፥ ጌሻ ካህነታስ፥ ሳዶቃ ያራታስ እመቶ። 
\v 12 ሄስ ጎዳስ ዱማትዳ ቢታፈ ኤንታዉ ዱማ ግሾ፤ እ ኡባፈ ጌሻ በሲ። ኤንታ ዛዋይ ሌወታስ ሳማን እመቶ።
\p
\v 13 “ካህነታ ዛዋራ ኦይከትድ፥ ሌወታስ አዱሳተይ ታማነ ናምኡ ክሎ ምትረ ባጋ፥ ዳልጋተይ እቻሹ ክሎ ምትረ ግድዳ እስ ሳም እመቶ። 
\v 14 ኤንቲ ሄ ቢታፈ ባይዛናዉ ዎይኮ ላማናዉ ኮሸና። ሄ ቢታይ ሎኦ ቢታ ግድያ ግሾ፥ ሀራ አሳ ኩሸን ገላናዉ በሰና፤ ጎዳስ እ ጌሻ በሰ።
\p
\v 15 “አትዳ ናምኡ ክሎ ምትረነ ባጋ ዳልጋነ ታማነ ናምኡ ክሎ ምትረነ ባጋ አዱሳ በሳይ ካታማ አሳ ኡባይ ኬስነ መሄ ሄምያ በሰ ግዶ፤ ካታማይ ሄ ቢታ ግዶ ግናን ደኦ። 
\v 16 ሄ ካታማይ ኦይዱ ማዛነራ ደኤስ። ፑደሀ ባጋይ ኦይዱ ሙኩሉነ እቻሹ ፄቱ ዋ፤ ዱገሀ ባጋይ ኦይዱ ሙኩሉነ እቻሹ ፄቱ ዋ፤ ዶሎሀ ባጋይ ኦይዱ ሙኩሉነ እቻሹ ፄቱ ዋ፤ ዉሎሀ ባጋይ ኦይዱ ሙኩሉነ እቻሹ ፄቱ ዋ። 
\v 17 ካታማስ ሄን ጋደይ ደኦ፤ ሄ ጋደይ ፑደሀ ባጋራ፥ ዱገሀ ባጋራ፥ ዶሎሀ ባጋራነ ዉሎሀ ባጋራ ናምኡ ፄታነ እሻታሙ ዋ ዳልጋ ግዶ። 
\v 18 ፆሳ ኬይ ኬፀትድ ስምን፥ ጌሻ በሳን አትዳ በሳይ ዶሎሀ ባጋራ አዱሳተይ እቻሹ ክሎ ምትረ፤ ዉሎሀ ባጋራ አዱሳተይ እቻሹ ክሎ ምትረ ግዶ። አትዳ ቢታይ ሄ ካታማን ደእያ አሳስ ጎሻ ቢታ ግዳና። 
\v 19 ሄ ካታማን ደእያ እስራኤለ ዛረ ግድዳ ኦንካ ሄ ቢታ ጎ ያናዉ ዳንዳኤስ። 
\v 20 ህንተ ዱማያ በሳ ኦይዱ ማዛነይ ታማነ ናምኡ ክሎ ምትረነ ባጋ አዱቆ። ሄ በሳይ ካታማይ ኬፀትዳ በሳነ ጌሻ በሳ ጉጄስ።
\p
\v 21 “ጌሻ በሳፈነ ካታማ በሳፈ አትዳ ቢታይ ሀላቃ ግሾ ግዶ። ሄስካ ታማነ ናምኡ ክሎ ምትረነ ባጋ ግድዳ ጌሻ በሳፈ ብድ ዶሎሀ ባጋ ዛዋ ጋኬስ። ዉሎሀ ባጋን ደእያ ታማነ ናምኡ ክሎ ምትረ ግድዳ ካታማ ቢታይ ዉሎሀ ባጋ ዛዋ ጋኬስ። ሄሳዳ ሀንድ ጌሻ በሳይነ ፆሳይ ኬይ ግዶን ግዳና። 
\v 22 ሄሳ ግሾ፥ ሌወታ ቢታይነ ካታማ ቢታይ ሀላቃስ እመትዳ ቢታፈ ግዶን ግዳና። ሄ ሀላቃ ቢታይ ፑደሀ ባጋራ ይሁዳ ላታን፥ ጋርሳ ባጋራ ብንያመ ላታን ዛዋቴስ።
\s1 አትዳ ኮቻታስ እመትዳ ቢታ
\p
\v 23 “አትዳ ኮቻታስ ቢታይ ሀይሳዳ ሀንድ ሻከትስ። ዶሎሀፐ ዉሎሀ ጋካናዉ ደእያ እስ ሳማይ ብንያመ ኮቻስ እመቶ። 
\v 24 ብንያመ ዛዋራ ኦይከትድ፥ ዶሎሀፐ ዉሎሀ ጋካናዉ ደእያ እስ ሳማይ ስሞና ኮቻስ እመቶ። 
\v 25 ስሞና ዛዋራ ኦይከትድ፥ ዶሎሀፐ ዉሎሀ ጋካናዉ ደእያ እስ ሳማይ ይሳኮራ ኮቻስ እመቶ። 
\v 26 ይሳኮራ ዛዋራ ኦይከትድ፥ ዶሎሀፐ ዉሎሀ ጋካናዉ ደእያ እስ ሳማይ ዛብሎና ኮቻስ እመቶ። 
\v 27 ዛብሎና ዛዋራ ኦይከትድ፥ ዶሎሀፐ ዉሎሀ ጋካናዉ ደእያ እስ ሳማይ ጋደ ኮቻስ እመቶ። 
\v 28 ጋደ ዱገሀ ዛዋይ ታማራ ካታማፐ ደንድድ፥ ማርባ ቃደሳን ደእያ ፑልቷ ጋክድ፥ ግብፀ ሻፋ ካልድ፥ መደትራነ አባ ጋኬስ።
\p
\v 29 “ህንተ እስራኤለ አሳስ ሻካና ቢታይ ሀይሳ፤ ሄስ ኤንታ ግሹዋ” ያግድ ኡባ ሃርያ ጎዳይ ኦድስ።
\s1 ካታማ ፐንገታ
\p
\v 30 ካታማፐ ከይያ ፐንገት ሀይሳታ። ፑደሀ ባጋራ ደእያ ኦይዱ ሙኩሉነ እቻሹ ፄቱ አዱቅያ ፐንግያፈ ዶምድ፥ 
\v 31 ካታማ ፐንገት እስራኤለ ኮቻታ ሱንን ፄገታና። ፑደሀ ባጋራ ደእያ ሄ ፐንገት ሮቤላ ፐንገ፥ ይሁዳ ፐንገነ ሌወ ፐንገ ግዳና። 
\v 32 ዶሎሀ ባጋራ ኦይዱ ሙኩሉነ እቻሹ ፄቱ ዋ አዱቅያ ሄ ፐንገት፥ ዮሰፋ ፐንገ፥ ብንያመ ፐንገነ ዳነ ፐንገ ግዳና። 
\v 33 ዱገሀ ባጋራ ኦይዱ ሙኩሉነ እቻሹ ፄቱ አዱቅያ ሄ ፐንገት፥ ስሞና ፐንገ፥ ይሳኮራ ፐንገነ ዛብሎና ፐንገ ግዳና። 
\v 34 ዉሎሀ ባጋራ ኦይዱ ሙኩሉነ እቻሹ ፄቱ ዋ አዱቅያ ሄ ፐንገት፥ ጋደ ፐንገ፥ አሴራ ፐንገነ ንፍታለመ ፐንገ ግዳና።
\p
\v 35 “ካታማ ዩሾይ ኩመ ዋን፥ ታማነ ሆስፑን ሙኩሉ ዋ ግዳና። ሄ ዎደፐ ዶምድ ሄ ካታማይ፥ ‘ጎዳይ ያን ደኤስ’ ጌተትድ ፄገታና” ያጌስ።