\id EXO - GOOFA FULL BIBLE
\ide UTF-8
\h ከሳ ማፃፋ
\toc1 ከሳ ማፃፋ
\toc3 ከሳ
\toc2 ከሳ
\mt ከሳ ማፃፋ
\imt ጋ ቆፋ
\ip ሀ ማፃፋ ሱን ብርሸይ “ከይድ ቡሱ” ዎይኮ “ከስ” ጉሱ። ሀ ማፃፋይ፥ እስራኤለ አሳይ ግብፀ ቢታ አይለተ ዱሳፈ ዋንድ ከይዳኮ ቆንጭሴስ። ሀ ማፃፋይ ኦይዱ ግታ ቆፋታን ሻከቴስ።
\ipi 1. እስራኤለ አሳይ አይለተፈ ላአ ከስ
\ipi 2. እስራኤለ አሳይ ሲና ዙማ ጋካናዉ ብዳ ቡሳ
\ipi 3. ፆሳይ ባ አሳራ ጫቅዳ ጫቁዋነ እምዳ ዱማ ዱማ ህገታ
\ipi 4. ጌሻ ዱንካንያ ኬፆ፥ እያ ግዶን ጎኤትያ ሚሸታነ ካህነታ ማኦ።
\ip ሀ ማፃፋይ፥ ፆሳይ ባ አሳ አይለተፈ ከስያ ዎደ አይ ኦዳኮ፥ ቃስ ኡፋይሳ ቃላ እምዳ ደረ ዋትድ ኦዳኮ ቆንጭስድ በሴስ።
\ip ፆሳይ ያይቆባ ሼሽ ግድዳ እስራኤለ አሳ ግብፀ ቢታፈ ከስያ ዎደ ኤንታ ካለና መላ ፆሳይ ፄግዳ አደይ ሙሰ።
\iot ማፃፋ አይፈ ቆፋታ
\io1 እስራኤለ አሳ አይለተ ዱሳ (\ior 1:1-22\ior*)
\io1 ሙሰ የለተነ ናአተ ዎድያ (\ior 2:1-25\ior*)
\io1 ሙሰይነ አሮን ግብፀ ካዉዋ ስንን (\ior 3:1—6:30\ior*)
\io1 ታሙ ጋዶታነ ፓስካ ባኣለ (\ior 7:1—13:22\ior*)
\io1 እስራኤለ አሳይ ዞኦ አባ ፕነ (\ior 14:1—15:21\ior*)
\io1 ዞኦ አባፈ ሲና ዙማ ጋካናዉ (\ior 15:22—18:27\ior*)
\io1 ታሙ ኪታታነ ሀራ ህገታ (\ior 19:1—24:18\ior*)
\io1 ጌሻ ዱንካንያነ እያ ግዶን ጎኤትያ ሚሸታ (\ior 25:1—27:21\ior*)
\io1 ካህነታስ እመትዳ ኪታ፥ ያርሾነ ሳምባታ (\ior 28:1—31:18\ior*)
\io1 እስራኤለ አሳይ ባንታዉ ኤቃ መዶሶና (\ior 32:1-35\ior*)
\io1 ፆሳይ ባ ጫቁዋ ኦራድ ሀራ ህገታ እሚስ (\ior 33:1—35:3\ior*)
\io1 ጌሻ ዱንካንያስ እመትዳ እሞታነ ካህነታ ማኦ (\ior 35:4—36:7\ior*)
\io1 ጌሻ ዱንካንያ ኬፅዳ ሂላንቾታ (\ior 36:8—38:31\ior*)
\io1 ካህነታ ማኦነ ጌሻ ዱንካንያ ኤሶ (\ior 39:1—40:30\ior*)
\c 1
\s1 እስራኤለ አሳ ኡንኤተ
\p
\v 1 ባንታ ሶ አሳ ኡባ ኤክድ፥ ያይቆባራ ግብፀ ብዳ እስራኤለ አደ ናይታ ሱንይ ሀይሳፈ ካልድ ፃፈትዳይሳ፤ 
\v 2 ኤንትካ ሮቤላ፥ ስሞና፥ ሌወ፥ ይሁዳ፥ 
\v 3 ይሳኮራ፥ ዛብሎና፥ ብንያመ፥ 
\v 4 ዳነ፥ ንፍታለመ፥ ጋደነ አሴራ። 
\v 5 ያይቆባ ሼሻት ኡባይ ላፑን ታማ። ዮሰፍ ካሰካ ግብፀን ደኤስ። 
\v 6 ዎደፐ ጉየን ዮሰፍ፥ እያ እሻትነ ሄ የለተ ኡባይ ሀይቅዶሶና። 
\v 7 ሽን እስራኤለ ሼሻይ የለትድ ግብፀ ቢታ ኩማና ጋካናዉ ታይቦን ዳርዶሶናነ ምንዶሶና።
\p
\v 8 ሄሳፈ ጉየ፥ ዮሰፋ ኤሮና ሀራ ካዎይ ግብፀ ቢታን ካዎትስ። 
\v 9 ሄ ካዎይ ባ አሳ፥ “ሄኮ፥ ሀ እስራኤለት ኑፐ አድ የለተንነ ዎልቃን ዳርዶሶና። 
\v 10 ኑኒ ሂላቶና እፅኮ ኤንቲ ታይቦን ካሰይሳፈ ሃ ዳራና። ቆፖና ኦል ደንድኮ ኤንቲ ኑ ሞርከታራ እስፍድ ኑና ኦልድ፥ ቢታ የግድ ባናዉ ዳንዳኦሶና” ያግስ። 
\v 11 ሄሳ ግሾ ዴፆ ኦሶን ኤንታ ኡንኤና መላ ኤንታ ቦላ ኢታ ካፖታ ዎዶሶና። ኤንቲ ፕቶማነ ራምሰ ጌተትያ ሻሎ ዎያ ካታማታ ካዋስ ኬፅዶሶና። 
\v 12 ሽን ግብፀት ኤንታ ዳርስ ኡንኤንካ ኤንቲ ሃ ዳርድ የለትዶሶናነ ቢታ ጋክዶሶና። ግብፀት እስራኤለታ እፅዳ ግሾ ያይዶሶና። 
\v 13 ኤንታና ኢታ ኦሶ ኦስስዶሶና። 
\v 14 ኡርቃ የሶን፥ ስምንቶን ፁበ መን ቃስ ጋደ ኦስሶን ኤንታ ደኡዋ ጫምስዶሶና። ቃይ ባይና ዴፆ ኦሶ ኡባ ኤንታ ኦስስዶሶና።
\p
\v 15 ግብፀ ካዎይ ቃን እብራወ ማጫሳታ ኡሎ ፕትያ ስፖሮነ ፑሆ ጌተትያ ናምኡ ማጫሳታኮ ሀይሳዳ ያግስ፤ 
\v 16 “እብራወ ማጫሳት የልያ ዎደ የለትዳ ናአይ አደ ግድኮ ዎተ፥ ሽን ማጫ ግድኮ ፓፃ አግተ” ያግስ። 
\v 17 ሽን ኡሎ ፕተይሳት ፆሰ ባቢድ፥ ግብፀ ካዎይ ኪትዳይሳዳ ኦቦኮና። ኤንቲ አደ ናይታ ፓፃ አግዶሶና። 
\v 18 ሄሳፈ ጉየ፥ ግብፀ ካዎይ ሄ ኡሎ ፕተይሳታ ፄግድ፥ “ህንተ አይስ ሀይሳ ኦደቲ? አደ ናይታ አይስ ፓፃ አገቲ?” ያግድ ኤንታ ኦይችስ።
\p
\v 19 ኡሎ ፕተይሳት ዛሪድ፥ “እብራወ ማጫሳት ግብፀ ማጫሳታ መላ ግዶኮና። ኤንቲ ምኖ ግድያ ግሾ ኡሎ ፕተይሳት ጋካናፐ ስንትድ የሎሶና” ያግዶሶና።
\p
\v 20 ሄሳ ግሾ ፆሳይ ኡሎ ፕተይሳታስ ኬህስ። እስራኤለ አሳይ ካሰይሳፈ ሃ ዳርሸነ ምንሸ ብዶሶና። 
\v 21 ቃስ ኡሎ ፕተይሳት ፆሳስ ያይዳ ግሾ ፆሳይ ኤንታዉ ኤንታ ሶ አስ እሚስ። 
\v 22 ሄሳፈ ጉየ ካዎይ ባ አሳ ኡባኮ፥ “እብራወታፐ የለትያ አደ ኡባ ናይለ ሻፋን የግተ፤ ሽን ማጫ ናእ የለትኮ ፓፃ አግተ” ያግድ ኪትስ።
\c 2
\s1 ሙሰ የለተ
\p
\v 1 ሄ ዎደ ሌወ ቆሞ ግድዳ እስ ኡራይ ሌወ ማጫስ እስዉ ኤክስ። 
\v 2 ሄ ማጫስያ አደ ናአ የላሱ። ናአይ ማላ ሎኦ ግደይሳ በአዳ ሄ አጌና ቆሳሱ። 
\v 3 ሽን እያ ሄሳፈ ዳሮ ቆሳናዉ ዳንዳኦናይሳ ኤራዳ፥ ማቃፈ ዳቾ ዳዳዳ፥ ማደ መላባ ትያዳ ናኣ እያን ዎሱ። ያታዳ ናይለ ሻፋ ጋፃን ማይጫ ግዶን ዎሱ። 
\v 4 እያ ምችያ እያ ጋክያባ በአናዉ ሃሆን ኤቃሱ።
\p
\v 5 ግብፀ ካዉዋ ናእያ ቦላ ሜጨታናዉ ናይለ ሻፋ ዎሱ። እ ማጫ አይለት ሃ ዶናን ይያ ሃ ስመረቶሶና። እያ ዳቾ ማይጫ ግዶን ደማዳ፥ ባ አይልዉ ባዳ ኤሀና መላ ኪታሱ። 
\v 6 ዳቾ ዶያዳ ሄ ጉ ናኣ በአሱ። እ ዬከይሳ በአዳ ቃታዳ፥ “ሀይስ እብራወታ ጉ ናይታፐ እሱዋ” ያጋሱ።
\p
\v 7 ሄ ዎደ እያ ምችያ ካዉዋ ናኤኮ፥ “ሀ ናኣ ንና መላ እብራወ ማጫስ ነዉ ኤሆ?” ያጋዳ ኦይቻሱ።
\p
\v 8 እያ፥ “ኤ፥ ኤሀ” ያጋሱ። ናእያ ባዳ ናኣ አይዉ ኤሀሱ። 
\v 9 ካዉዋ ናእያ ማጫስዉ፥ “ሀ ናኣ ኤፋዳ፥ ታዉ ን፤ ድቻ፤ ታኒ ነዉ ዳሞዘ ቃንፃና” ያጋሱ። ማጫስያ ናኣ ኤፋዳ ንሱ። 
\v 10 ናአይ ድጭን፥ ካዉዋ ናኤኮ ኤሀሱ፤ እ እዉ ናአ ግድስ። “ታኒ ሃፈ እያ ከሳ ኤካስ” ጋዳ፥ እያ ሙሰ\f + \fr 2:10 \fr*\fq ሙሰ: \fq*\ft እብራወ ዶናን ሙሰ ጉሳይ “ከሶ” ጉሱ\ft*\f* ጋዳ ሱንሱ።
\s1 ሙሰይ ምድያመ ቢታን
\p
\v 11 ሙሰይ ድጭዳፐ ጉየ እስ ጋላስ ባ አሳ በአናዉ ብድ፥ ኤንቲ ዴፆ ኦሶ ኦሽን ኤንታ በእስ። ግብፀ አስ እሶይ እብራወታፐ እሱዋ ባ ያራ ዋሽን በእስ። 
\v 12 እ ይያ ሃ ፄልን፥ ኦንካ ባይናይሳ በእድ፥ ሄ ግብፀ ኡራ ዎድ ሻፈን ቆስስ። 
\v 13 ዎንተ ጋላስ ከይድ፥ ናምኡ እብራወት ዋትሽን በእስ። ቆሄይሳኮ፥ “ኔኒ ነ ዳቡዋ አይስ ሾጫይ?” ያግድ ኦይችስ።
\p
\v 14 ሄ ኡራይ፥ “ነና ኑ ቦላ ሃረይሳነ ዳይና ኦዳይ ኦኔ? ኔኒ ዝነ ግብፀ ኡራ ዎዳይሳዳ፥ ታናካ ዎናዉ ኮያይ?” ያግስ። ሙሰይ ሄ ዎደ፥ “ታኒ ኦዳባይ አሳን ኤረትስ” ያግ ቆፕድ ያይስ።
\p
\v 15 ካዎይ ሄሳ ስእዳ ዎደ፥ ሙሰ ዎሳናዉ ኮይስ። ሽን ሙሰይ በትድ፥ ምድያመ ቢታን ደአናዉ ብስ።
\p እስ ጋላስ እ ሃ ኦላ ዶናን ኡትስ።
\p
\v 16 ሄ ዎደ ምድያመ ካህነ እሱዋስ ላፑን ማጫ ናይት ደኦሶና። ኤንቲ ባንታ አዋ ዶርሳታ ጎንገን ሃ ዱቅ ኡሻናዉ ይዶሶና። 
\v 17 ሄንንቾት ይድ ማጫ ናይታ ጎድዶሶና። ሽን ሙሰይ ኤንታ ማድድ ኤንታ ዶርሳታ ሃ ኡሽስ።
\p
\v 18 ኤንቲ ባንታ አዋ የቶራኮ ይዳ ዎደ፥ “ሀች ዋን ኤለስ ይደቲ?” ያግድ ኦይችስ።
\p
\v 19 ኤንቲ ዛሪድ፥ “ግብፀ አስ እሶይ ኑና ሄንንቾታፐ አሽስ። ሃ ዱቅድ ዶርሳታ ኡሽስ” ያግዶሶና።
\p
\v 20 እ ባ ማጫ ናይታ፥ “ያትን እ አዉን ደኢ? ህንተ ሄ ኡራ አይስ አግድ ይደቲ? ኑራ ካ ማና መላ አነ እያ ፄግተ” ያግስ።
\p
\v 21 ሙሰይ ሄ አድያራ ያን ደአናዉ ቆፋ ቃችስ። ዮቶር ባ ናእዉ ስፖሮ ሙሰስ ማቾ ኦድ እሚስ። 
\v 22 ስፖራ አደ ናአ የልን፥ ሙሰይ እያ፥ “ታኒ ሀ ቢታን በተ አስ” ግድ ገርሳማ ግድ ሱንስ።
\p
\v 23 ዳሮ ላይፈ ጉየ ግብፀ ካዎይ ሀይቅስ። ሽን እስራኤለት ባንታ አይለተን ኡንኤትድ ዋስዶሶና። ባንታ አይለተን ኤንቲ ዋስዳ ዋሶይ ፆሳኮ ጋክስ። 
\v 24 ፆሳይ ኤንታ ዋሱዋ ስእድ፥ እ አብራሃመራ፥ ይሳቃራነ ያይቆባራ ጫቅዳ ጫቁዋ ሀሳይስ። 
\v 25 ፆሳይ እስራኤለታ አይለተ ኡንኣ በእድ ኤንታና ቆፕስ።
\c 3
\s1 ሙሰ ፄገተ
\p
\v 1 እስ ዎደ ሙሰይ ምድያመ ቢታ ካህንያ፥ ባ ቦሉዋ ዮቶራ ዶርሳነ ዴሻ ሄሜስ። እ ሄ ዉድያ ላግ ኤክድ መላ ቢታ ጋፃን ፆሳ ዙማ ጌተትድ ፄገትያ ኮሬባ\f + \fr 3:1 \fr*\fq ኮሬባ: \fq*\ft ኮሬባ ዙማስ ሀራ ሱንይ ሲና ዙማ።\ft*\f* ዙማ ቦላ ኤፍስ። 
\v 2 ሄ በሳን ጎዳ ኪታንቾይ \f + \fr 3:2 \fr*\fq ጎዳ ኪታንቾይ: \fq*\ft ሀ በሳን ጎዳ ኪታንቾ ጌተትዳይ አሳስ ቆንጭያ ጎዳ ዎይኮ ፆሳ ጉሱ።\ft*\f* ቱሽያን ኤፅያ ታማ ላጩዋ ግዶን እያዉ በንትስ። ሙሰይ ቱሸይ ታማን ኦይከትንካ ታማይ ቱሽያ ሞናይሳ በእድ፥ 
\v 3 “ታኒ ይያ ባዳ፥ ቱሸይ አይስ ታማን ሜተቶናኮ ሄ ኦራባ ሺቃዳ በአና” ግድ ቆፕስ።
\p
\v 4 እ በአናዉ ሺቅዳይሳ ጎዳይ በእድ፥ ቱሽያ ግዶፈ፥ “ሙሰ! ሙሰ!” ግድ ፄግስ።
\p ሙሰይ፥ “ሄኮ፥ አበ ጎዳዉ” ግድ ኮይስ።
\p
\v 5 ፆሳይ እያኮ፥ “ሃ ሺቆፓ። ኔኒ ኤቅዳ ቢታይ ጌሽ ግድያ ግሾ፥ ነ ቶሁዋን ደእያ ጫማ ከሳ” ያግስ። 
\v 6 ጎዳይ እያኮ፥ “ታኒ ነ አዋታ፥ አብራሃመ፥ ይሳቃነ ያይቆባ ፆሳ” ያግስ። ሙሰይ ፆሳ ባአናዉ ያይዳ ግሾ፥ ባ ሶምኡዋ ካምስ።
\p
\v 7 ጎዳይ ቃስካ ሀይሳዳ ያግስ፤ “ታኒ ግብፀን ደእያ ታ አሳይ አይ መላ ዋያኮ በአስ። ኤንቲ ባንታና ኡንኤድ ሃረይሳታፐ አሻና መላ ታኮ ዋስያ ዋሱዋ ስአስ። ኤንታ ዋያካ ኤራይስ። 
\v 8 ሄሳ ግሾ፥ ታኒ ኤንታ ግብፀ አሳ ኩሸፐ አሻናዉነ ሄ ቢታፈ ኤንታ ከሳዳ፥ ሀእ ካናነት፥ ህተት፥ አሞረት፥ ፓርዘት፥ ህወትነ ያቡሰት ደእያ ቢታ፥ ማነ ኤስ ኩምዳ ሎኦ ቢታ ኤሀናዉ ዎስ። 
\v 9 ታ ደርያ ዋሶይ ሀእ ታና ጋክስ። ግብፀ አሳት ኤንታ ቆህዳ ቆሁዋ ታኒ በአስ። 
\v 10 ሄሳ ግሾ ሀእ ኔኒ ታ አሳ እያ ቢታፈ ከሳና መላ ግብፀ ካዋኮ ታኒ ነና ኪታይስ” ያግስ።
\p
\v 11 ሽን ሙሰይ፥ “ካዋኮ ባናዉነ እስራኤለታ ግብፀፈ ከሳናዉ ታኒ ኦኔ?” ያግስ።
\p
\v 12 ፆሳይ ዛሪድ፥ “ታኒ ኔራ ግዳና። ቃስ ታኒ ነና ኪትዳይሳስ ማላይ ሀይሳ፤ ኔኒ ታ አሳ ግብፀፈ ከስያ ዎደ ሀ ዙማ ቦላ ህንተ ታና ጎይናና” ያግስ።
\p
\v 13 ሙሰይ ፆሳኮ፥ “ግዶሽን፥ ታኒ እስራኤለታኮ ባዳ ኤንታኮ፥ ‘ህንተ አዋታ ፆሳይ ታና ህንተኮ ኪትስ’ ያግኮ፥ ኤንቲ ታና፥ ‘እያ ሱንይ ኦኔ?’ ያግድ ኦይችኮ፥ ታኒ ኤንታዉ ዎይጋዳ ዛሮ” ያግስ።
\p
\v 14 “ፆሳይ ሙሰኮ፥ ‘ደኤይስነ ዳናይስ፥ ታና’ ኔኒ እስራኤለታኮ፥ ‘ታን ታና ግድዳይስ’ ታና ህንተኮ ክትስ ያጋ” ያግስ።
\p
\v 15 ፆሳይ ዛሪድ፥ “ኔኒ እስራኤለታ ጎዳይ ህንተ አዋታ፥ አብራሃመ፥ ይሳቃነ ያይቆባ ፆሳይ፥ ታና ህንተኮ ኪትስ። ሀይስ ታ መርና ሱን፤ ያና የለተ ኡባይ ሀ ሱንን ታና ፄጋና።
\p
\v 16 “ባዳ እስራኤለ ጭማታ ሺሻዳ፥ ጎዳይ ህንተ አዋታ ፆሳይ፥ አብራሃመ፥ ይሳቃነ ያይቆባ ፆሳይ ነዉ ቆንጭዳይሳ ኦዳ። ግብፀን ኤንቲ ዋየትያ ዋይያ ታኒ ፆሞሳዳ በእዳይሳ ኤንታዉ ኦዳ። 
\v 17 ታኒ ኤንታና ግብፀ ዋያፐ ከሳዳ ማነ ኤስ ኩምዳ፥ ካናነታ፥ ህተታ፥ አሞረታ፥ ፓርዘታ፥ ህወታነ ያቡሰታ ቢታ ኤፋናዉ ቃላ ገላስ።
\p
\v 18 “እስራኤለ ጭማት ነ ግያባ ስአና። ሄሳፈ ጉየ ኔንነ እስራኤለ ጭማት ግብፀ ካዋኮ ብድ፥ ‘ጎዳይ፥ እብራወታ ፆሳይ፥ ኑስ ቆንጭስ። ሀእ ኑኒ ሄ ጋላሳ ኦገ መላ ቢታ ብድ፥ ጎዳስ፥ ኑ ፆሳስ ያርሾ ያርሻና መላ ኑና የዳ’ ያግተ። 
\v 19 ሽን ዎልቃን ግዶና እፅኮ፥ ግብፀ ካዎይ ህንተና የዶናይሳ ታኒ ኤራይስ። 
\v 20 ሄሳ ግሾ ታኒ ታ ዎልቃን ዱማ ዱማ ማላታታ ኦዳ ግብፀታ ሾጫና። ሄሳፈ ጉየ እ ህንተና የዳና።
\p
\v 21 “ቃስ ታኒ ግብፀ አሳ ስንን ቴሞ ህንተዉ እማና። ያንያ ግሾ ህንተ ከይያ ዎደ መላ ኩሸ ከየከታ። 
\v 22 እብራወ ማጫስ ኡባይ ባ ሾሮን ደእያ ግብፀ ማጫሳኮነ ባ ሶን ደእያ ግብፀ ማጫሳኮ ብድ፥ ብራ አሌቆ፥ ዎርቃነ ማኦ እምተ ግድ ኦይቻና። ህንተ ሄሳ ኤክድ ህንተ ናይታ ማይዛና። ሄሳዳ ኦድ ህንተ ግብፀ ሻሎ ኡባ ኤክድ ባና” ያግስ።
\c 4
\s1 ፆሳይ ሙሰስ እምዳ ዎልቃ
\p
\v 1 ሙሰይ፥ “ኤንቲ ታና አማኖና እፅድ፥ ዎይኮ ታኒ ግያባ ስኦና እፅድ፥ ‘ጎዳይ ነዉ ቆንጭቤና’ ጊኮ ዎይጎ?” ያግድ ኦይችስ።
\p
\v 2 ጎዳይ ሙሰኮ፥ “ነ ኩሽያን ደኤይስ አይቤ?” ያግድ ኦይችስ።
\p “ፃምአ” ያግስ።
\p
\v 3 ጎዳይ እያኮ፥ “አነ ሳአን የጋ” ያግስ። ሙሰይ ሄ ፃምኣ ሳአን የግን፥ ሾሽ ግድን፥ ሙሰይ እያፐ ዎፅስ። 
\v 4 ሄሳፈ ጉየ ጎዳይ፥ “ነ ኩሽያ የዳዳ እያ ጎይና ኦይካ” ያግስ። ሙሰይ ባ ኩሽያ የድድ ሾሻ ኦይክ ደንን ሾሻይ እያ ኩሸን ስሚድ፥ ፃምአ ግድስ። 
\v 5 ጎዳይ፥ “ነ አዋታ ፆሳይ፥ አብራሃመ፥ ይሳቃነ ያይቆባ ፆሳይ ነዉ ቆንጭዳይሳ ኤንቲ አማናና መላ ሀይሳ ኦ” ያግስ።
\p
\v 6 ካልድ ጎዳይ ሙሰኮ፥ “ነ ኩሽያ ነ ሾጰን ናቃ” ያግስ። ሙሰይ ባ ኩሽያ ሾጰን ናቅስ። እ ከስያ ዎደ እያ ኩሸይ ባሮ ሀርገን ኦይከትዳዳ ቦፅስ። 
\v 7 ጎዳይ እያኮ፥ “ነ ኩሽያ ነ ሾጰን ዛራዳ ናቃ” ያግስ። ሙሰይ ባ ኩሽያ ባ ሾጰን ዛር ናቅድ ከስያ ዎደ እያ ኩሸይ ስሚድ ሀንኮ አሳተ መላ ግድስ።
\p
\v 8 ጎዳይ፥ “ኤንቲ ነና ዎይኮ ኮይሮ ማላታ አማኖና እፅኮ፥ ናምአን ማላታ አማናና። 
\v 9 ሽን ኤንቲ ሀ ናምኡ ማላታታ አማኖና እፅኮ፥ ዎይኮ ኔኒ ግያባ ስኦና እፅኮ፥ ናይለ ሻፋፐ ሃ ኤካዳ፥ መላ ቢታ ቦላ ጉሳ። ሄ ሃይ ቢታ ቦላ ሱን ላመታና” ያግስ።
\p
\v 10 ሙሰይ ጎዳኮ፥ “አቤት ጎዳዉ፥ ካሰካ ዎይኮ ሀእ ነ ታና ኦድሶ ኦይክዳይሳፈ ዶምን ኦድድ አማንይ ታዉ ሀነና። ታ ጌሻዳ ኦደታናዉ ዳንዳእከ፤ ታ እንፃርሳይ ሉፋ” ያግስ።
\p
\v 11 ጎዳይ እያኮ፥ “አሳስ ዶና እምዳይ ኦኔ? ሙመ ዎይኮ ቱለ ኦይ ኦኔ? ፄልሰይነ ቆቅሰይ ኦኔ? ታና ጎዳ ግድክናዬ? 
\v 12 ሀእ ኔኒ ባ፤ ኔኒ ኦደታና መላ ታ ነና ማዳና። ነ ጋናባ ታ ነዉ እማና” ያግስ።
\p
\v 13 ሽን ሙሰይ፥ “ጎዳዉ፥ ሀያና፥ ሀራ አስ ኪታ” ያግስ።
\p
\v 14 ሄሳፈ ጉየ ጎዳይ ሙሰ ቦላ ዳሮ ሀንቀትድ እያኮ፥ “ሌወ ግድዳ ነ እሻ አሮን ባዌ? እ ኦዳ ሎይድ ኤረይሳ ታ ኤራይስ። ሀእ እ ኔራ ጋሄታናዉ ይሸ ኦገ ቦላ ደኤስ፤ እ ነና በእያ ዎደ ዎዛናፐ ኡፋይታና። 
\v 15 ኔኒ፥ ‘ያጋ’፥ ጋዳ እያዉ ኦዳና። ታኒ ህንተ ናምአይካ ዎይግ ኦዳነኮነ ዋትድ ኦነኮ ህንተና ታማርሳና። 
\v 16 እ ነ ዶና ግድድ አሳስ ነ ግሾ ኦዳና። ኔኒ ፆሳ በሳን ግዳዳ እ ጋናባ እያዉ ኦዳና። 
\v 17 ሀ ፃምአ ኤካ ባዳ እያራ ማላታ ኦዳ በሳ” ያግስ።
\s1 ሙሰይ ግብፀ ስሙዋ
\p
\v 18 ሄሳፈ ጉየ ሙሰይ ባ ቦሉዋ ዮታራኮ ስም ብድ፥ “ሀኖ ጋካናዉ አሳይ ፓፃ ደእያኮ በአናዉ፥ ታኒ ጉየ ግብፀ ታ አሳኮ ቦ?” ያግስ። ዮቶር ሙሰኮ፥ “ኤ ባ፤ ሳሮ ጋካ” ያግስ።
\p
\v 19 ሙሰይ ምድያመ ቢታን ደእሽን ጎዳይ እያኮ፥ “ነና ዎናዉ ኮይዳ አሳት ኡባይ ሀይቅዳ ግሾ ጉየ ግብፀ ስማዳ ባ” ያግስ። 
\v 20 ሙሰይ ባ ማችዉነ ባ አደ ናይታ ሀረ ቶግስድ ጉየ ግብፀ ስምስ። ሙሰይ ፆሳ ፃምአ ባ ኩሸን ኦይክድ ብስ።
\p
\v 21 ጎዳይ ሙሰ፥ “ኔኒ ግብፀ ስማዳ ብያ ዎደ፥ ታኒ ነዉ እምዳ ዎልቃን ግብፀ ካዉዋ ስንን ማላታታ ኦናይሳ ባሎፓ። ሽን ሄሳንካ እ አሳ የዶና መላ ታኒ እያ ዎዛና ሙምሳና። 
\v 22 ሄ ዎደ ታኒ ጎዳይ ግያባ ካዋስ ሀሳዳ ያጋዳ ኦዳ። ‘እስራኤል ታ ባይራ ናአ። 
\v 23 እ ታዉ ጎይናና መላ እያ የዳ ጋዳ ታኒ ነዉ ኦዳስ። ሽን ኔኒ የዶና እፃዳሳ። ሄሳ ግሾ፥ ታኒ ነ ባይራ አደ ናኣ ዎና’ ያጌስ ጋዳ ኦዳ” ያግስ።
\p
\v 24 ኦገን ሸምፖ በሳን ጎዳይ ሙሰራ ጋሄትድ እያ ዎናዉ ኮይስ። 
\v 25 እያ ማችያ ስፖራ ቃራ ሹቹ ኤካዳ፥ ባ ናኣ ቃፃራሱ። ቃፃራ ሾሁዋራ ሙሰ ቶሁዋ ቦቻሱ። እያ ሙሰኮ፥ “ኔኒ ታዉ ቱማ ሱ መዳ” ያጋሱ። 
\v 26 ሄሳ ግሾ፥ ጎዳይ እያ ዎና አግስ። ሄ ዎደ እያ ሙሰኮ፥ “ሀ ቃፃሩዋ ጋሶን ኔኒ አታዳሳ” ያጋሱ።
\p
\v 27 ሄ ዎደ ጎዳይ አሮናኮ፥ “ሙሰራ ጋሄታናዉ መላ ቢታ ባ” ያግስ። እ ብድ፥ ፆሳ ዙማ ቦላ ሙሰራ ጋሄትድ እያ ዬርስ። 
\v 28 ሙሰይ ግብፀ ብድ ጋናባነ ኦና ማላታታ ኡባ ጎዳይ እያ ኪትዳይሳ አሮናስ ኦድስ። 
\v 29 ሙሰራነ አሮናራ ግብፀ ብድ፥ እስራኤለ ጭማታ ኡባ ሺሽዶሶና። 
\v 30 አሮን ጎዳይ ሙሰስ ኦድዳ ቃላ ኡባ ኤንታዉ ኦድስ። ቃስ ሙሰይ ማላታታ ሄ አሳ ስንን ኦስ። 
\v 31 ኤንትካ አማንዶሶና። ጎዳይ ኤንታዉ ቆፕዳይሳነ ኤንታ ዋይያ በእዳይሳ ስእዳ ዎደ ጉፋንድ ጎይንዶሶና።
\c 5
\s1 ሙሰይነ አሮን ግብፀ ካዉዋ ስንን
\p
\v 1 ሄሳፈ ጉየ ሙሰይነ አሮን ግብፀ ካዋኮ ብድ፥ “ጎዳይ፥ እስራኤለ ፆሳይ፥ ‘ታ አሳይ ታና ቦንቻናዉ መላ ቢታን፥ ባኣለ ኦና መላ ኤንታ የዳ’ ያጌስ” ያግዶሶና።
\p
\v 2 ካዎይ፥ “ታኒ እያዉ ኪተታዳ እስራኤለ የዳናዉ እ፥ ጎዳይ ኦኔ? ታኒ ጎዳ ኤርከ፤ እስራኤላካ የድከ” ያግስ።
\p
\v 3 ኤንቲ ዛሪድ፥ “እብራወታ ፆሳይ ኑስ ቆንጭስ። ሀእ ኑኒ ጎዳስ፥ ኑ ፆሳስ፥ ያርሾ ያርሻናዉ ሄ ጋላሳ ኦገ መላ ቢታ ባና መላ ኑና የዳርክ። ሄሳ ኑ ኦና እፅኮ እ ኑና ሀርገን ዎይኮ ኦላን ይሳና” ያግዶሶና።
\p
\v 4 ሽን ግብፀ ካዎይ፥ “ሙሰ፥ አሮና፥ አሳ አይስ ኦሶ ድገቲ? ጉየ ብድ ህንተ ኦሱዋ ኦተ። 
\v 5 ሄኮ፥ ሀ ቢታን ህንተ ዳርደታ፤ ቃስ ህንተ አሳ ኦሶ ድገታ” ያግስ።
\p
\v 6 ካዎይ ሄ ጋላስ ግብፀ ካፖታነ እስራኤለታ ኦስሰይሳታ ሀይሳዳ ያግድ ኪትስ፤ 
\v 7 “ካሰይሳዳ ፁበ ኦናው አሳስ ኡቱላ እሞፍተ። ኤንቲ ኡቱላ ባንታዉ ኮይድ ሺሾ። 
\v 8 ሽን ካሰይሳፈ ታይቡዋ ጉና ኤንቲ ፁበ መድ ሺሻና መላ ኪትተ፤ እስኖካ ፓጭሶፕተ። ኤንቲ፥ ‘ኑኒ ኑ ፆሳስ ያርሾ ያርሻና መላ ኑና የዳ’ ያግድ ታና ኦይቸይ ኤንታዉ ኦሶይ ጉፅዳ ግሾሳ። 
\v 9 ኤንቲ ኦሶን ጉንዳና መላነ ዎርዶ ኦዳ ስኦናዉ ኤንታዉ ዎደይ ዶና መላ ኦሶ ዴፅስተ” ያግድ ኪትስ።
\p
\v 10 ግብፀ ካፖትነ እስራኤለታ ኦስሰይሳት ከይድ፥ አሳኮ፥ “ካዎይ፥ ‘ታኒ ህንተዉ ኡቱላ እምከ። 
\v 11 ህንተ ብድ አዉፐካ ኮይድ ደምተ። ሽን ህንተ ኦያ ፁበ ታይቡዋፐ እሶይካ ፓጨና’ ያግስ” ያግዶሶና። 
\v 12 ሄሳ ግሾ አሳይ ኡቱላ ኮያናዉ ግብፀ ቢታ ኡባን ላለትዶሶና። 
\v 13 ግብፀ ካፖት ኤንታዉ ኡቱል እመትን ኤንቲ ኦያ ፁበ ታይቡዋ ኬና ኦድ ሺሻና መላ ኤንታ ኡንኤዶሶና። 
\v 14 ግብፀ ካፖት ባንታፈ ጋርሳራ ደእያ እስራኤለ ካፖታ፥ “ህንተ ካሰ ኦያ ፁበ ኬና አይስ ኦ ሺሽበከቲ?” ያግድ ዋዶሶና።
\p
\v 15 ሄሳፈ ጉየ እስራኤለ ካፖት ካዋኮ ብድ፥ “አቤት ጎዳዉ፥ ኔኒ ነ አይለታ ሀይሳዳ አይስ ኦይ? ያግድ ማጋንዶሶና። 
\v 16 ነ አይለታስ ኡቱል እመተና፥ ሽን ፁበ ኦና መላ ኪተትዳ። ሄሳ ቦላ ኑና ዋሶና፤ ሽን ባላይ ነ አሳ ቦላና” ያግዶሶና።
\p
\v 17 ሽን ካዎይ፥ “ህንተ ኦሶ ዶሶና አዛላታ፤ ህንተ ዎራ ዎዳ አዛላታ። ህንተ፥ ‘ኑኒ ጎዳስ ያርሻናዉ ባና፤ ኑና የዳ’ ያግድ ዛር ዛር ታና ኦይቸይ ሄሳ ግሾሳ። 
\v 18 ሀእ ጉየ ብድ ኦተ። ህንተዉ አይባ ኡቱልካ እመተና፥ ሽን ህንተ ካሰይሳ ኬና ፁበ ኦናዉ በሴስ” ያግስ።
\p
\v 19 እስራኤለ ካፖት፥ ኤንቲ ካሰይሳ ኬና ፁበ ኦና መላ ኪተትዳ ዎደ ኤንቲ መቶን ገልዳይሳ ኤርዶሶና።
\p
\v 20 ኤንቲ ካዉዋ ማታፐ ከይድ፥ ባንታና ካረን ናግያ ሙሰኮነ አሮናኮ ብዶሶና። 
\v 21 ኤንቲ ሙሰኮነ አሮናኮ፥ “ህንተ ኑና ካዎይነ እያ ሞርናት እፃና መላነ ዎና መላ ህንተ ኦዳይሳ ፆሳይ ፄሎ፤ እ ፕርዶ” ያግዶሶና።
\s1 ሙሰ ዎሳ
\p
\v 22 ሙሰይ ጎዳኮ ስሚድ፥ “ጎዳዉ፥ ኔኒ ሀ አሳ ቦላ መቶ አይስ ኤሀዲ? ኔኒ ታና ኪትዳይ ሄሳሴ? 
\v 23 ታኒ ነ ሱንን ካዋስ ኦዳናዉ ብዳ ዎደፐ ዶምን እ ሀ አሳ ቦላ መቶ ሀ ዳርስስ። ቃስ ነካ ነ አሳ አሻባካ” ያግስ።
\c 6
\p
\v 1 ሄሳፈ ጉየ ጎዳይ ሙሰኮ፥ “ታኒ ግብፀ ካዉዋ ቦላ ኦናባ ሀእ ኔኒ በአና። እ ታ ደርያ የዳና መላ ታኒ ታ ዎልቃ እያ በሳና። እ ኤንታ ባ ቢታፈ ጎድድ ከሳና” ያግስ።
\p
\v 2 ፆሳይ ሙሰ፥ “ታኒ ጎዳ። 
\v 3 ታኒ አብራሃመስ፥ ይሳቃስነ ያይቆባስ ኡባ ዳንዳእያ ፆሳ ግዳዳ ቆንጫስ። ሽን ታኒ፥ ‘ጎዳ’ ጌተትያ ታ ሱንን ታናተ ኤንታ ኤርሳብከ። 
\v 4 ቃስ ታኒ ኤንቲ በተተን ደእዳ ካናነ ቢታ እማና ጋዳ ኤንታራ ጫቃስ። 
\v 5 ቃስካ ግብፀ አሳት አይለይያ እስራኤለታ ዋሱዋ ታኒ ስአስ፤ ታ ጫቁዋካ ቆፓስ።
\p
\v 6 “ሄሳ ግሾ ኔኒ እስራኤለታኮ፥ ‘ታኒ ጎዳ። ታኒ ህንተና ግብፀ አይለተፈ አሻዳ ከሳና። ታኒ ኤንታ ታ ምኖ አፃን ኢታ ፕርዳ ፕርዳዳ ህንተና ዎዛና። 
\v 7 ታኒ ህንተና ታ ደረ ኦና፤ ታኒ ህንተ ፆሳ ግዳና። ግብፀ አይለተፈ ታኒ ህንተና ከስዳ ዎደ፥ ታኒ ጎዳ ህንተ ፆሳ ግደይሳ ህንተ ኤራና። 
\v 8 ታኒ አብራሃመስ፥ ይሳቃስነ ያይቆባስ እማና ጋዳ ጫቅዳ ቢታ ህንተና ኤሀና። ሄ ቢታ ታኒ ህንተዉ ላታ ቢታ ኦዳ እማና። ታኒ ጎዳ’ ያጋ” ያግስ።
\p
\v 9 ሙሰይ ሄሳ እስራኤለታስ ኦድስ፥ ሽን ኤንቲ አይለተ ኡንአፈ ደንዶይሳን ኡፋይስ ቃንፅዳ ግሾ እ ግያባ ስእቦኮና።
\p
\v 10 ሄሳፈ ጉየ ጎዳይ ሙሰ፥ 
\v 11 “ባዳ ግብፀ ካዋስ፥ ‘እስራኤለታ ነ ቢታፈ የዳ’ ያጋዳ ኦዳ” ያግስ።
\p
\v 12 ሽን ሙሰይ፥ “ታ እንፃርሳይ ሉፋ። እስራኤለት ታና ስእቦኮና፥ ሽን ግብፀ ካዎይ ታና ዋንድ ስአኔ?” ያግስ።
\p
\v 13 ጎዳይ ሙሰነ አሮና፥ “ብድ፥ እስራኤላ አሳ ግብፀፈ ከሳና መላ፥ ታኒ ህንተና ኪትዳይሳ እስራኤለታስነ ግብፀ ካዋስ ኦድተ” ያግስ።
\s1 ሙሰነ አሮና የለታ
\p
\v 14 ሀይሳፈ ካልድ ፃፈትዳይሳት ኤንታ ማይዛታ፤ ያይቆባ ባይራ ናኣ ሮቤላ አደ ናይት፥ ሄኖከ፥ ፋሉ፥ ኤስሮመነ ካርማ። ሀይሳቲ ሮቤላ ሶ አሳስ ማይዛታ።
\p
\v 15 ስሞና አደ ናይት፥ ያሙኤላ፥ ያምና፥ ኦሀዳ፥ ያክና፥ ዞሃራነ ካናነ ቢታ ማጫሴፐ የለትዳ ሳኡላ። ሀይሳቲ ስሞና ሶ አሳስ ማይዛታ።
\p
\v 16 ሌወ አደ ናይት ገድሶና፥ ቃሃታነ ማራራ። ሌወይ ፄታነ ሀስታማነ ላፑን ላይ ደእስ።
\p
\v 17 ገድሶና አደ ናይት ልብናነ ሳመአ ጌተቶሶና። ሀይሳቲ ባንታ ሶ አሳስ ማይዛታ።
\p
\v 18 ቃሃታ አደ ናይት አምራማ፥ እዛራ፥ ከብሮናነ ኡዝኤላ። ቃሃት ፄታነ ሀስታማነ ሄ ላይ ደእስ።
\p
\v 19 ማራራ አደ ናይት ማህላነ ሙሰ።
\p ባንታ የለተ ማራን ሀይሳፈ ቆሞን ፃፈትዳይሳት ሌወ ሼሻታ።
\p
\v 20 አምራም ባ አዋ ምችዉ ዮከቤዶ ማችስ። እያ አሮናነ ሙሰ እያዉ የላሱ። አምራም ፄታነ ሀስታማነ ላፑን ላይ ደእስ።
\p
\v 21 እዛራዳ ናይት፥ ቆረ፥ ነፈጋነ ዝክራ።
\p
\v 22 ኡዝኤላ አደ ናይት፥ ምሳኤላ፥ ኤልዛፋናነ ስትራ።
\p
\v 23 አሮን አምናዳበ ናእዉ፥ ናአሶና ምችዉ ኤልሰቦ ማችስ። እያ እያዉ ናዳበ፥ አብዮዳ፥ አላዛራነ እታማራ የላሱ።
\p
\v 24 ቆረ አደ ናይት፥ አስራ፥ ኤልቃናነ አብያሳፋ።
\p
\v 25 አሮና ናአይ አላዛር ፑትኤላ ናይታፐ እስንዉ ማችስ። እያ እያዉ ፕንሃሳ የላሱ።
\p ሀይሳቲ ሌወ ሼሻታነ ኤንታ ማይዛታ።
\p
\v 26 ጎዳይ፥ ሙሰነ አሮና እስራኤለ አሳ ያራን ያራን ኤንታ ሶ አሳራ ግብፀፈ ካለድ ከሳና መላ ኪትስ። 
\v 27 እስራኤለታ ግብፀፈ ከስ የዳና መላ ግብፀ ካዋስ ኦድዳይ ኤንታ። 
\v 28 ጎዳይ ግብፀን ሙሰስ ኦድዳ ዎደ፥ 
\v 29 “ታኒ ጎዳ፤ ታኒ ነዉ ኦድያባ ኡባ ግብፀ ካዋስ ኦዳ” ያግስ።
\p
\v 30 ሽን ሙሰይ፥ “ታ ዶናይ ሉፋ ግደይሳ ነ ኤራሳ፥ ያትን ካዎይ ታኒ ኦድያባ ዋን ስአኔ?” ያግስ።
\c 7
\p
\v 1 ጎዳይ ሙሰኮ፥ “ሄኮ ታኒ ነና ግብፀ ካዋስ ፆሳ መላ ኦስ። ነ እሻ አሮን ነ ናበ ግድድ እያዉ ኦዳና። 
\v 2 ታኒ ነና ኪትዳ ኪታ ኡባ አሮናስ ኦዳ። እ፥ እስራኤለታ ባ ቢታፈ ከስ የዳና መላ ካዋስ ኦዳና። 
\v 3 ሽን ታኒ ካዉዋ ዎዛና ሙምሳና። ታኒ ግብፀ ቢታን ማላታታነ ማላልስያባታ ኦኮካ፥ 
\v 4 እ ህንተ ኦድያባ ስኤና። ሄ ዎደ ታኒ ግብፀታ ፕርዳና፤ ታ ደርያ እስራኤለ ግብፀፈ ከሳና። 
\v 5 ሄስ ሀንያ ዎደ ታኒ ጎዳ ግድዳይሳ ግብፀት ኤራና” ያግስ።
\p
\v 6 ሙሰይነ አሮን ጎዳይ ኪትዳይሳዳ ኦዶሶና። 
\v 7 ኤንቲ ካዋስ ኦድያ ዎደ፥ ሙሰስ ሆስፑን ታሙ ላይ፤ አሮናስ ቃስ ሆስፑን ታማነ ሄ ላይ።
\s1 አሮና ፃምአ
\p
\v 8 ጎዳይ ሙሰነ አሮና፥ 
\v 9 “ካዎይ ህንተና፥ ማላታ ኦድ ታና በስተ ጊኮ፥ አሮን ባ ፃምአ ኤክድ ካዉዋ ስንን የጋና መላ እያዉ ኦዳ፤ ሄ ፃምአይ ሾሽ ግዳና” ያግስ። 
\v 10 ሙሰይነ አሮን ካዋኮ ብድ ጎዳይ ኤንታ ኪትዳይሳዳ ኦዶሶና። አሮን ባ ፃምኣ ካዉዋ ስንንነ እያ ሞርናታ ስንን የግን ፃምአይ ሾሹ ግድስ። 
\v 11 ሄሳፈ ጉየ ካዎይ ማሮታነ ብታንቾታ ፄግስስ። ኤንትካ ባንታ ብታን ሄሳዳ ኦዶሶና። 
\v 12 ኤንቲ ኡባይ ባንታ ፃምኣ ሳአን የግዳ ዎደ ፃምአት ሾሽ ግድዶሶና። ሽን አሮና ፃምአይ ኤንታ ፃምአታ ምትስ 
\v 13 ግዶሽን ጎዳይ ግዳይሳ መላ ካዋ ዎዛናይ ሙምስ። እ ኤንቲ ገይሳ ስኦና እፅስ።
\s1 ሃ ሱ ላመተ
\p
\v 14 ጎዳይ ሙሰ፥ “ካዋ ዎዛናይ ሙምስ፤ እ አሳ የዶና እፅስ። 
\v 15 ዎንቶ ዎንታ ጉራ ሾሽ ላመትዳ ፃምኣ ኤካዳ፥ ናይለ ሻፋ ማታን ኤቃዳ፥ ካዉዋራ ጋሄታናዉ ናጋ። 
\v 16 እያኮ፥ ‘ጎዳይ፥ እብራወታ ፆሳይ ታ አሳይ መላ ቢታን ታዉ ጎይናና መላ የዳ’ ያግድ ታና ኔኮ ኪትስ። ሽን ኔኒ ሀኖ ጋካናዉ እፃዳሳ። 
\v 17 ጎዳይ፥ እ፥ ጎዳ ግደይሳ እ ኦያባን ኔኒ ኤራና። ታኒ ናይለ ሻፋ ሃ ታ ኩሸን ደእያ ፃምአን ሾጭኮ ሃይ ሱ ላመታና። 
\v 18 ናይለ ሻፋን ደእያ ሞሎይ ሀይቃና፤ ሻፋይካ ፅንቃና። ግብፀት ሄ ሻፋ ሃ ኡያናዉ ዳንዳኦኮና” ያጋዳ ኦዳ።
\p
\v 19 ጎዳይ ሙሰኮ፥ “አሮን ግብፀን ደእያ ሃታ ቦላ፥ ሻፋታ ቦላ፥ ዛራ ሃታ ቦላ፥ ተቀ ሃ ቦላነ ዱቀትዳ ሃ ኡባ ቦላ ባ ፃምኣ ደንና መላ ኦዳ። ሄ ዎደ ሃ ኡባይ ሱ ላመታና። ሀር አቶሽን ግብፀ ቢታን ምፈነ ሹቻፈ ኦሰትዳ ሃ ትክያ ሚሸታን ደእያ ሃይ ኡባይ ሱ ላመታና ያጋ” ያግስ።
\p
\v 20 ሙሰይነ አሮን ጎዳይ ኪትዳይሳዳ ኦዶሶና። ካዉዋ ስንንነ እያ ሞርናታ ስንን ባ ፃምኣ ደንድ፥ ናይለ ሻፋ ሃ ሾጭስ። ሃ ኡባይ ሱ ላመትስ። 
\v 21 ሄ ሻፋ ሃን ደእያ ሞሎት ሀይቅዶሶና። ሻፋ ሃይ ኢታ ፅንቅዳ ግሾ፥ ግብፀ አሳይ ኡያናዉ ዳንዳእቦኮና። ግብፀ ቢታ ኡባን ሱ ኩምስ። 
\v 22 ሽን ግብፀ ብታንቾት ባንታ ብታን ሄሳዳ ኦዶሶና። ጎዳይ ግዳይሳዳ ካዉዋ ዎዛናይ ሙምን፥ ሙሰይነ አሮን ኦድዳይሳ ስኦና እፅስ። 
\v 23 ካዎይ ሄ ሀንዳባ አይብንካ ታይቦና የግ አግድ ባ ጋ ስሚድ ብስ። 
\v 24 ግብፀ አሳይ ናይለ ሻፋ ሃ ኡያናዉ ዳንዳእቦና ግሾ፥ ኡይያ ሃ ደማናዉ ሻፋ ጋፃን ኦላ ቦክዶሶና።
\p
\v 25 ጎዳይ ሃ ሾጭ ስምን ላፑን ጋላስ ግድስ።
\c 8
\s1 ሾ ጋዶ
\p
\v 1 ሄሳፈ ጉየ ጎዳይ ሙሰኮ፥ “ግብፀ ካዋኮ ባዳ፥ ‘ጎዳይ፥ ታዉ ጎይናና መላ ታ አሳ የዳ። 
\v 2 ኔኒ ኤንታ የዶና እፅኮ፥ ነ ቢታ ኡባን ሾ ጋዶ የዳና። 
\v 3 ናይለ ሻፋን ሾይ ኩማና። ኤንቲ ያፐ ከይድ ነ ካዎተ፥ ነ ዝንእያ ክፍልያ፥ ነ ሂፃ፥ ነ ሞርናታ ኬነ ነ ደርያ ኬ ኡባን ገላና። ሄሳዳካ ነ ጮጨንነ ሙኑቃ ሚሸ ኡባን ገላና። 
\v 4 ሾት ነ ቦላ፥ ነ አሳ ቦላነ ነ ሹማታ ኡባ ቦላ ጉፓና ያጌስ’ ያጋዳ ኦዳ” ያግስ።
\p
\v 5 ጎዳይ ሙሰኮ፥ “አሮን ግብፀን ደእያ ሃታ ቦላ፥ ዛራ ሃታ ቦላነ ተቀ ሃ ኡባ ቦላ ባ ፃምኣ ደንና መላ ኦዳ” ያግስ።
\p
\v 6 አሮን ግብፀ ሃታ ቦላ ባ ፃምኣ ደንዳ ዎደ ሾት ከይድ፥ ግብፀ ቢታ ማእዶሶና። 
\v 7 ሽን ማሮትካ ባንታ ብታን ሄሳዳ ኦድ ግብፀ ቢታን ሾ ከስዶሶና።
\p
\v 8 ካዎይ ሙሰነ አሮና ፄግስድ፥ “ሀ ሾታ ታፐነ ታ አሳፐ ድጋና መላ ጎዳ ህንተ ዎስኮ ታ ህንተ አሳ ጎዳስ ያርሾ ያርሻና መላ የዳና” ያግስ።
\p
\v 9 ሙሰይ ካዋኮ፥ “ሾት ኔፐ፥ ነ ሞርናታፐነ ነ አሳፐ ክቻና መላ ታ ዎሳናዉ ቃፃሮ እማ። ሄሳፈ ጉየ ሻፋ ሾት ኔፐነ ነ ኬፈ ክችድ ናይለ ፃላላን ደአና” ያግስ።
\p
\v 10 ካዎይ ዛሪድ፥ “ዎንቶ ግዶ” ያግስ።
\p ሙሰይ፥ “ኑ ጎዳ ፆሳ መል ሀር ኦንካ ባይናይሳ ኔኒ ኤራና መላ ነ ግዳይሳዳ ኦና። 
\v 11 ሾት ኔፐ፥ ነ ኬፈነ፥ ነ ሞርናታፐ ክችድ ናይለ ሻፋ ፃላላን አታና” ያግስ።
\p
\v 12 ሙሰይነ አሮን ካዉዋ ማታፐ ከይድ፥ ካዉዋ ቦላ ጎዳይ ኤህዳ ሾታ ድጋና መላ ሙሰይ ጎዳ ዎስስ። 
\v 13 ጎዳይ ሙሰይ ኦይችዳይሳዳ ኦን ሶን፥ ካረንነ ጌሻን ደእያ ሾት ሀይቅዶሶና። 
\v 14 ግብፀ አሳይ ሀይቅዳ ሾታ ሺሽድ ዶርዶሶና፤ ቢታ ኡባይ ፅንቅስ። 
\v 15 ሽን ሾት ሀይቅዳይሳ ካዎይ በእዳ ዎደ እያ ዎዛናይ ዛር ሙምስ። ጎዳይ ግዳይሳ መላ እ ሙሰነ አሮና ስኦና እፅስ።
\s1 ቦፀ ጋዶ
\p
\v 16 ሄሳፈ ጉየ፥ ጎዳይ ሙሰኮ “አሮን ባ ፃምአ ደንድ ቢታ ባና ሾጫና መላ ኦዳ። ግብፀ ቢታ ኡባን ደእያ ባናይ ቦፀ ግዳና” ያግስ። 
\v 17 ኤንቲ ኪተትዳይሳዳ ኦዶሶና። አሮን ፃምአራ ቢታ ባና ሾጭስ። ግብፀን ደእያ ባና ኡባይ ቦፀ ላመትድ መህያነ አሳ ማእስ። 
\v 18 ማሮትካ ባንታ ብታን ሄሳዳ ኦናዉ ፓጭዶሶና፥ ሽን ፆነትዶሶና። ቦፀይ አሳ ቦላነ መህያ ቦላ ላለትስ። 
\v 19 ማሮት ካዋኮ፥ “ሀይስ ፆሳ ኦሶ” ያግዶሶና። ሽን ካዋ ዎዛናይ ሙምስ። ጎዳይ ግዳይሳ መላ እ ኤንታና ስኦና እፅስ።
\s1 ኡዱንፀ ጋዶ
\p
\v 20 ጎዳይ ሙሰ፥ “ጉራ ደንዳዳ፥ ካዎይ ሻፋ ብሽን እያራ ጋሄታዳ፥ ‘ጎዳይ፥ ታና ጎይናና መላ ታ አሳ የዳ። 
\v 21 ኔኒ ታ አሳ የዶና እፅኮ፥ ታኒ፥ ነ ቦላ፥ ነ ሞርናታ ቦላነ፥ ነ አሳ ቦላ ኡዱንፀ ጋዶ የዳና። ግብፀታ ኬነ ኤንቲ ደእያ ቢታ ኡባን ኡዱንፀይ ኩማና። 
\v 22 ሽን ሄ ጋላስ ታ አሳይ ደእያ ጌሳመ ቢታን ኡዱንፀይ ዶናዳ ኤንታ ተቃዳ አሻና። ታኒ ጎዳይ፥ ሄ ዎደ ሀ ቢታን ታኒ ጎዳይ ኦይሳ ኔኒ ኤራና። 
\v 23 ታኒ፥ ታ አሳነ ነ አሳ ሻካና፤ ሄ ግታ ማላታይ ዎንቶ ሀናና’ ያጌስ ጋዳ ኦዳ” ያግስ።
\p
\v 24 ሄሳፈ ጉየ፥ ጎዳይ ግዳይሳዳ ኦስ። ካዉዋ ጋነ እያ ሞርናታ ሶ ዳሮ ኡዱንፀ ጋዶ የድስ። ኩመ ግብፀ ቢታይ ኡዱንፀ ጋዶን ቆሄትስ።
\p
\v 25 ሄ ዎደ ካዎይ ሙሰነ አሮና ፄግስድ፥ “ብድ፥ ሀ ቢታን ህንተ ፆሳስ ያርሾ ያርሽተ” ያግስ።
\p
\v 26 ሽን ሙሰ ዛሪድ፥ “ሄስ ሀኖናባ። ኑኒ ጎዳስ፥ ኑ ፆሳስ ያርሽያ ያርሾይ ግብፀታ ማታን እፀትያ ግሾ፥ ሄሳ ኦኮ። ኑ ያርሽሽን ኤንቲ በእኮ ኑና ሹቻን ጫዳና። 
\v 27 ኑና ኪትዳይሳ መላ፥ ኑኒ ጎዳስ፥ ኑ ፆሳስ ያርሾ ያርሻናዉ ሄ ጋላስ ኦገ መላ ቢታ ባናዉ በሴስ” ያግስ።
\p
\v 28 ካዎይ ዛሪድ፥ “ጎዳስ፥ ህንተ ፆሳስ መላ ቢታ ብድ ያርሻና መላ ታኒ ህንተና የዳና። ሽን ህንተ ሃክድ ቦፕተ፤ ታዉ ዎስተ” ያግስ።
\p
\v 29 ሙሰይ ዛሪድ፥ “ታኒ ነ ማታፐ ከይዳ መላ ጎዳ ዎሳና። ሀ ኡዱንፀይ ዎንቶ ካዉዋፐ፥ እያ ሞርናታፐነ እያ አሳፐ ክቻና። ሽን ካዎይ አሳይ ጎዳስ ጎይናናይሳ ድግድ ዛር ኑና ጭሞፎ” ያግስ።
\p
\v 30 ሄሳፈ ጉየ ሙሰይ ካዉዋ ማታፐ ከይድ፥ ጎዳ ዎስስ። 
\v 31 ጎዳይ ሙሰይ ኦይችዳይሳዳ ኦስ። ኡዱንፀይ ካዉዋፐ፥ እያ ሞርናታፐነ እያ አሳፐ እሶይካ አቶና ክችስ። 
\v 32 ሽን ሀእካ ካዉዋ ዎዛናይ ሙምን አሳ የዶና እፅስ።
\c 9
\s1 መሄ ቦላ ይዳ ጋዶ
\p
\v 1 ጎዳይ ሙሰኮ፥ “ግብፀ ካዋኮ ባዳ፥ ጎዳይ፥ እብራወታ ፆሳይ ኔኮ፥ ‘ኤንቲ ታዉ ጎይናና መላ ታ አሳ የዳ። 
\v 2 ኔኒ የዶና ኤንታ እፅኮ፥ 
\v 3 ታኒ ነ ፓራታ ቦላ፥ ነ ሀረታ ቦላ፥ ነ ግማለታ ቦላ፥ ነ መህያ ቦላ፥ ነ ዶርሳታ ቦላነ ነ ዴሻታ ቦላ ኢታ ጋዶ የጋና። 
\v 4 ሽን ታኒ ጎዳይ እስራኤለ አሳ መህያ ግዶንነ ግብፀ አሳ መህያ ግዶን ዱማተ መና። እስራኤለ አሳ መህያፐ እሶይካ ሀይቀና። 
\v 5 ዎንቶ ታኒ ሄሳ ኦና ግድ ጎዳይ ዎደ ቃንፅስ’ ያጋ” ያግስ።
\p
\v 6 ዎንተ ጋላስ ጎዳይ ግዳይሳዳ ኦስ። ግብፀ አሳ መሄ ኡባይ ሀይቅስ፥ ሽን እስራኤለ አሳ መህያፐ እሶይካ ሀይቅቤና። 
\v 7 ካዎይ ሀንዳባነ እስራኤለታ መህያፐ ሀር አቶሽን እሶይካ ሀይቆናይሳ አሰ ኪትድ፥ ኦይችድ ኤርስ። ሽን ሀእካ እያ ዎዛናይ ሙምዳ ግሾ አሳ የዶና እፅስ።
\s1 ክፃ ጋዶ
\p
\v 8 ሄሳፈ ጉየ፥ ጎዳይ ሙሰነ አሮና፥ “ጮጨፐ ብዶ ኩጭ ኤክድ፥ ካዎይ በእሽን ቦላ ርጭተ። 
\v 9 ሄስ ግብፀ ቢታ ኡባ ቦላ ባና ግድድ ላለታና። ግብፀ ቢታን ደእያ አሳ ቦላነ መሄይ ቦላ ክፃ ጋዶ ኤሀና” ያግስ። 
\v 10 ኤንቲ ጮጨፐ ጉ ብዶ ኤክድ ካዉዋ ስንን ኤቅዶሶና። ሙሰይ ሄሳ ቦላ ላልን፥ አሳ ቦላነ መህያ ቦላ ክፃ ጋዶይ ዎ አግስ። 
\v 11 ግብፀ አሳ ቦላ ዎዳ ክፃይ ማሮታ ቦላካ ዎዳ ግሾ ሙሰ ስንን ኤቃናዉ ዳንዳእቦኮና። 
\v 12 ሽን ጎዳይ ሙሰስ ግዳይሳ መላ፥ ካዎይ ባ ዎዛና ሙምስዳ ግሾ፥ ሙሰነ አሮና ስኦና እፅስ።
\s1 ሻቻ ጋዶ
\p
\v 13 ሄሳፈ ጉየ፥ ጎዳይ ሙሰኮ፥ “ካዋኮ ጉራ ደንዳ ባዳ፥ ‘ጎዳይ፥ እብራወታ ፆሳይ፥ ታዉ ጎይናና መላ ታ አሳ የዳ። 
\v 14 ሀእ ነ እፃስ ጊኮ፥ ነ ሞርናታነ ነ አሳ ፃላላ ግዶናሽን ነ ቦላካ ኢታ ጋዶ ኤሀና። ሄ ዎደ አላመ ኡባን ጎድ ታ ፃላላ ግደይሳ ኔኒ ኤራና። 
\v 15 ታኒ ታ ኩሽያ ደንዳ ነናነ ነ አሳ ጋዶን ሾጭዳባ ግድያኮ ሀእ ጋካናስ ህንተ ቢታ ቦላ ደኤከታሽን። 
\v 16 ሽን ታ ሱንይ ቢታ ኡባን ኤረታና መላ ታኒ ታ ዎልቃ በሳናዉ ነና ደኦን ዎስ። 
\v 17 ኔኒ ሀእካ ኦቶርታዳ ታ አሳ የዶና እፃዳሳ። 
\v 18 ታኒ ዎንቶ ሀኖደ ግብፀ ቢታይ መቶሳፐ ሀች ጋካናዉ ቡክ ኤሮና ዎልቃማ ሻች ቡክሳና። 
\v 19 ሀእ ኔኒ ነ መህያነ ካረን ደእያባ ኡባ ኤለ ሶ ገልሳና መላ ኪታ። ሶ ገሎና አሳ ቦላነ መህያ ኡባ ቦላ ሻች ቡክድ፥ ኤንታ ዎና ያጌስ’ ያጋ” ያግስ። 
\v 20 ካዉዋ ሞርናታፐ እሶት እሶት ጎዳይ ግዳይሳ ስእድ ያይዳ ግሾ፥ ባንታ አይለታነ ባንታ መሄታ ሶ ገልስዶሶና። 
\v 21 ሽን ሀራት ጎዳይ ግዳይሳ ስኦና እፅድ ባንታ አይለታነ ባንታ መህያ ካረን አጋግዶሶና።
\p
\v 22 ሄሳፈ ጉየ፥ ጎዳይ ሙሰ፥ “ግብፀ ቢታ ኡባ ቦላ፥ አሳ ቦላ፥ መህያ ቦላነ ጋደን ደእያ ካ ቦላ ሻች ቡካና መላ ነ ኩሽያ ሳሎ ደን” ያግስ። 
\v 23 ሙሰይ ባ ፃምኣ ሳሎ ደንዳ ዎደ፥ ጎዳይ ዎልቃማ ደሾነ ዎልአን የድስ። ሄሳዳ ኦድ ጎዳይ ግብፀን ሻች ቡክስስ። 
\v 24 ጎዳይ ገደራ ሃራ ዎልቃማ ዎልአን የድስ። ሄሳ መላባይ ግብፀ ቢታን አስ ዱሱ ኦይኮደፐ ሀን ኤረና። 
\v 25 ሄ ሻቻይ ግብፀን ደእያ አሳነ መህያ ሾጭስ። ጋደን ደእያባ፥ ምነ ማታ ኡባ ይስስ። 
\v 26 እስራኤለት ደእያ ጌሳመ ቢታ ፃላላን ሻች ቡክቤና።
\p
\v 27 ካዎይ ሙሰነ አሮና ፄግስድ፥ “ታኒ ሀእ ናጋራ ኦስ። ጎዳይ ቱማንቾ፤ ታንነ ታ አሳይ ባላ። 
\v 28 ደሾይነ ሻቻይ ኑ ቦላ ዳርድ ኡንኤዳ ግሾ ኑስ ጎዳ ዎስተ። ታኒ ህንተና የዳና፤ ህዛፐ ህንተ ሀይሳን ጋምኤከታ” ያግስ።
\p
\v 29 ሙሰይ እያኮ፥ “ታኒ ሀ ካታማፐ ከይዳ ዎደ ታ ኩሽያ ደንዳ ጎዳ ዎሳና። ደሾይነ ሻቻይ ኤቅያ ዎደ ሳአይ ጎዳባ ግደይሳ ኔኒ ሄሳን ኤራና። 
\v 30 ሽን ነነ ነ ሞርናት ሀእካ ጎዳ ፆሳ ያዮናይሳ ታኒ ኤራይስ” ያግስ።
\p
\v 31 ታልባይ ጪሸ፥ ባንጋይ ቆርፃ ግድያ ግሾ ኡባይ ሻቻን ይስ። 
\v 32 ሽን ግስተይነ ሙርቃይ ጋክቦና ግሾ ሻቻን ይቤና።
\p
\v 33 ሙሰይ ካዉዋ ማታፐ ከይድ፥ ካታማፐ ጋፃ ብድ ባ ኩሽያ ደንድ ጎዳ ዎስስ። ያትን ደሾይ፥ ሻቻይነ እራይ ኤለስድ ኤቅ አግስ። 
\v 34 ሽን ካዎይ ሄ ኡባይ ኤቅዳይሳ በእዳ ዎደ ዛሪድ ናጋራ ኦስ። እያራነ እያ ሞርናታራ ባንታ ዎዛና ጉጅድ ምንዶሶና። 
\v 35 ጎዳይ ሙሰ ባጋራ ኦድዳይሳ መላ ካዉዋ ዎዛናይ ሙምን፥ እስራኤለታ የዶና እፅስ።
\c 10
\s1 ቦለ ጋዶ
\p
\v 1 ሄሳፈ ጉየ፥ ጎዳይ ሙሰኮ፥ “ግብፀ ካዋኮ ባ። ታኒ ሀ ማላታታ ኤንታ ግዶን ኦናዉ ኮያዳ ካዉዋ ዎዛናነ እያ ሞርናታ ዎዛና ሙምሳስ። 
\v 2 ታኒ ሄሳ ኦዳይ ታ ማላታታን ዋታዳ ግብፀታ ሴርዳኮ ህንተ ህንተ ናይታስነ ህንተ ናይታ ናይታስ ኦዳና መላ ኮይዳ ግሾሳ። ሄ ዎደ ታኒ ጎዳ ግደይሳ ህንተ ኤራና” ያግስ።
\p
\v 3 ሙሰይነ አሮን ካዋኮ ብድ፥ “ጎዳይ፥ እብራወታ ፆሳይ ኔኮ፥ ‘ኔኒ ታዉ ኪተተ እፀይ አዉደ ጋካናሴ? ታዉ ጎይናና መላ ታ አሳ የዳ። 
\v 4 ኔኒ ኤንታ የዶ እፅኮ፥ ዎንቶ ነ ቢታ ቦላ ታኒ ቦለ የዳና። 
\v 5 ቦለይ ዳሮተፈ ደንዶይሳን ቢታ ኡባ ካማና። ኤንቲ ሻቻ ጋዱዋፐ አትዳ ጉባነ ም ሀይ ኡባ ማና። 
\v 6 ነ ኬ፥ ነ ሞርናታ ኬነ ግብፀ አሳ ኡባ ኬ ኤንቲ ኩማና። ሄስ ነ ማይዛት ሀ ቢታን ደኦሳፐ ሀኖ ጋካናዉ በእዳ ኢታባፐ አያባ ግዳና’ ያጌስ” ያግዶሶና።
\p ሄሳፈ ጉየ፥ ሙሰይ ካዉዋ ስንፈ ከይድ ብስ።
\p
\v 7 ካዋ ሞርናት ካዋኮ፥ “ሀ ኡራይ አዉደ ጋካናዉ ኑስ ፅሄ ግዳኔ? አሳይ ጎዳ፥ ባንታ ፆሳ ጎይናና መላ ኤንታ የዳ። ግብፀ ቢታይ የይሳ ኔኒ አኬክኪ?” ያግዶሶና።
\p
\v 8 ካዎይ ሙሰነ አሮና ጉየ ፄግስድ፥ “ብድ ጎዳ፥ ህንተ ፆሳ ጎይንተ፥ ሽን በይሳት ኦናንቴ?” ያግስ።
\p
\v 9 ሙሰይ፥ “ኑኒ ብያ በሳን ጎዳ ቦንቻናዉ ባኣለ ኦና ግሾ፥ ኑኒ ኑ ጉ ናይታ፥ ኑ ጭማታ፥ ኑ አደ ናይታ፥ ኑ ማጫ ናይታ፥ ኑ ዶርሳታነ ኑ ሚዛታ ኤክድ እስፈ ባና” ያግስ።
\p
\v 10 ካዎይ፥ “ህንተ ህንተ ናይታነ ህንተ ማጫሳታ ኤክ ቦና መላ ታኒ ጎዳን ጫቅሳይስ። ህንተ ህንተ ዎዛናን ኢታባ ቆፕዳይስ ኤረቴስ። 
\v 11 ህንተ፥ ብድ ጎዳ ጎይናናዉ ኮያባ ግድኮ አደታ ፃላላ ኤክ ቢተ” ያግስ። ሄሳፈ ጉየ፥ ሙሰነ አሮና ካዉዋ ስንፈ ጎደትድ ከይዶሶና።
\p
\v 12 ጎዳይ ሙሰኮ፥ “ቦለይ ይድ ሻቻ ጋዱዋፐ አትዳ ኡባ ማና መላ ነ ኩሽያ ግብፀ ቢታ ቦላ ደን” ያግስ።
\p
\v 13 ሙሰይ ባ ፃምኣ ግብፀ ቢታ ቦላ ደንዳ ዎደ፥ ጎዳይ ዶሎሀ ባጋ ጫርኮ ሄ ቃማነ ጋላስ ኩመ ቢታ ቦላ ጫርክስስ። ዎንትያ ዎደ ሄ ጫርኮይ ቦለ ኤህስ። 
\v 14 ቦለይ ግብፀ ቢታ ኡባ ጋክድ ማእስ። ሄሳ መላ ቦለ ጋዶይ ሄ ቢታን ካሰካ ሀንቤና፤ ስንፈካ ሀነና። 
\v 15 ቢት ማና ጋካናዉ ቦለይ ቢታ ኡባ ማእስ። ሄ ቦለይ ሻቻፈ አትድ ጋደን ድጭያባ ኡባነ ም አይፈ ኡባ ምዶሶና። ግብፀ ቢታን ደእያ ም ሀይነ ጭልኦባ ኡባ ምድግስ።
\p
\v 16 ካዎይ ሙሰነ አሮና ኤለስ ፄግስድ፥ “ታኒ ጎዳ ህንተ ፆሳነ ህንተና ናቃስ። 
\v 17 ህዛ ታ ናጋራ ታዉ እስ ቶሆ አቶ ጊተ። ሀ ይስያ ጋዱዋ ታፐ ድጋና መላ ጎዳ ህንተ ፆሳ ዎስተ” ያግስ።
\p
\v 18 ሙሰይ ካዉዋ ማታፐ ከይድ ጎዳ ዎስስ። 
\v 19 ጎዳይ ዉሎሀ ዎልቃማ ጫርኩዋ ኪትድ ቦልያ ቢታፈ ደንድ፥ ዞኦ አባ የድስ። ግብፀ ቢታ ኡባን እስ ቦለይካ ሀይቅቤና። 
\v 20 ሽን ጎዳይ ካዉዋ ዎዛና ሙምስዳ ግሾ እስራኤለታ የዶና እፅስ።
\s1 ሳካና ማ
\p
\v 21 ጎዳይ ሙሰ፥ “ግብፀ ቢታን አስ ኦይክ በእያ ም ማና መላ ነ ኩሽያ ሳሎ ደን” ያግስ። 
\v 22 ሙሰይ ባ ኩሽያ ሳሎ ደንስ። ግብፀ ቢታ ኡባን ሄ ጋላስ ኩመ ሳካና ማይ ምስ። 
\v 23 ሄ ሄ ጋላሳታን ግብፀት እሶይ እሱዋ በእቦኮና ዎይኮ ኦንካ ባ ሶፐ ከይቤና። ሽን እስራኤለት ደእያ ጌሳመን ፖኦይ ደኤስ።
\p
\v 24 ካዎይ ሙሰ ፄግስድ፥ “ብድ ህንተ ጎዳ ጎይንተ። ህንተ ማጫሳይነ ህንተ ናይት ህንተራ ባናዉ ዳንዳኦሶና። ህንተ ዶርሳ ዉድያነ ህንተ ሚዛ ዉድያ ፃላላ አግድ ቢተ” ያግስ።
\p
\v 25 ሽን ሙሰይ፥ “ኑኒ ፁሳ ያርሾነ ሀራ ያርሾ ጎዳ ፆሳስ ያርሻና መላ መሄ ኔኒ ኑስ እማናዉ ኮሼስ። 
\v 26 እሶይካ ጉየ አቶና ኑ መሄይ ኑራ ባናዉ ኮሼስ። ጎዳ፥ ኑ ፆሳ ጎይናናዉ መህያፐ ዶራናዉ በሰይ ኑና። ኑኒ ያ ጋኮና ደእሸ አይ መሄ ያርሻነኮ ኤራናዉ ዳንዳኦኮ” ያግስ።
\p
\v 27 ሽን ጎዳይ ካዉዋ ዎዛና ሙምስዳ ግሾ፥ እ ኤንታ የዳናዉ ኮይቤና። 
\v 28 ሄሳፈ ጉየ፥ ካዎይ ሙሰኮ፥ “ታ ስንፈ ክቻ፤ ታ ስንን ዛራ በንታዳ ነና ኤራ። ታ አይፍያ ነ በእዳ ጋላስ ሀይቃና” ያግስ። 
\v 29 ሙሰይ እያኮ፥ “ቱማካ ነ ግዳይሳዳ ኔኒ ታ አይፍያ ዛራዳ በአካ” ያግስ።
\c 11
\s1 ባይራ ቦላ ይዳ ጋዶ
\p
\v 1 ጎዳይ ሙሰኮ፥ “ታኒ ግብፀ ካዉዋ ቦላነ እያ አሳ ቦላ እስ ሀራ ጋዶ የዳና። ሄሳፈ ጉየ፥ እ ህንተና ከስ የዳና። እ ህንተና ኡባ ጎድድ ከሳና። 
\v 2 እስራኤለ አሳይ፥ አደይነ ማጫስ ባንታ ሾሮታፐ ብራነ ዎርቃ አሌቆ ኦይቻና መላ ኤንታዉ ኦዳ” ያግስ። 
\v 3 ጎዳይ እስራኤለ አሳስ ግብፀታ ስንን ቴሞ እሚስ። ግብፀ ካዉዋ ሞርናትነ አሳይ ሙሰ ዳሮ ቦንቸትዳ አሳዳ ፄልዶሶና።
\p
\v 4 ሙሰይ ካዋኮ፥ “ጎዳይ ሀይሳዳ ያጌስ፤ ‘ቃማ ብላሄ ታኒ ግብፀ ቢታ ግዶራ ካንና። 
\v 5 ግብፀ ቢታን ደእያ ባይራ አደ ናእ ኡባይ፥ ካዋ አራታ ላታናዉ ደእያ ባይራ ናኣፐ ዶምድ፥ ዎፃን ጋጭያ ማጫ አይለ ባይራ ናአ ጋካናዉ፥ ባይራ የለትዳ መሄ ኡባይ ሀይቃና። 
\v 6 ግብፀ ቢታ ኡባን ሄሳፈ ካሰካ ስንፈካ ሀኖና ግታ ዬሆይ ዬኬታና። 
\v 7 ሽን እስራኤለ አሳ ቦላ ዎይኮ ኤንታ መህያ ቦላ ካንካ ቦጨና።’ ሄ ዎደ ታኒ ጎዳይ ግብፀታ ግዶንነ እስራኤለ ግዶን ዱማተ መይሳ ኔኒ ኤራና። 
\v 8 ነ ሞርናት ኡባይ ይድ ታ ስንን ጉፋናና። ታ አሳ ኤካዳ ሀ ቢታፈ ከያና መላ ኤንቲ ታና ዎሳና። ሄሳፈ ጉየ፥ ታኒ ባና” ያግስ። ሙሰይ ሸነን ፁገትድ ካዋ ስንፈ ከይድ ብስ።
\p
\v 9 ጎዳይ ሙሰስ ካሰ፥ “ግብፀ ቢታን ታኒ ማላልስያባ ዳርሳዳ ኦና ጋሶ ካዎይ ህንተና ስኤና” ያግድ ኦድ ዎስ። 
\v 10 ሙሰይነ አሮን ማላልስያባ ኡባ ካዋ ስንን ኦዶሶና። ሽን ጎዳይ ካዉዋ ዎዛና ሙምስዳ ግሾ፥ እስራኤለታ ባ ቢታፈ የዶና እፅስ።
\c 12
\s1 ፓስካ
\p
\v 1 ጎዳይ ግብፀ ቢታን ሙሰነ አሮና ሀይሳዳ ያግስ፤ 
\v 2 “ሀ አጌናይ ህንተዉ ላይስ ኮይሮ አጌና ግዶ። 
\v 3 እስራኤለ አሳ ኡባስ ሀ ዎጋ ኦድተ። ሀ አጌናይ ገልዳ ታማን ጋላሳን፥ እስ አስ ባ ሶ አሳስ እስ ማራዘ ዎይኮ እስ ኮለ ኤኮ። 
\v 4 ሄ ኬ አሳ ታይቦይ ሄ መህያ ዉርስድ ማናዉ ዳንዳኦና እፅኮ፥ እያራነ እያ ማታ ሾሩዋራ ባንታ ሶ አሳ ታይቡዋ መላነ እስ እስ አስ ምድ ዉርሳናዉ ዳንዳእያ ኬና ኤክድ ሄ መህያ ሹክድ እስፈ ሞና። 
\v 5 ህንተ ዶርያ መሄይ ዶርሰ ዎይኮ ዴሸ ግዳናዉ ዳንዳኤስ፥ ሽን እስ ላይ ኩምዳይሳነ እያ ቦላ ቦረይ ባይና አደ ግዶ። 
\v 6 ሀ አጌናስ ታማነ ኦይዳን ጋላስ ጋካናዉ ኤንታ ሄምተ። ሄ ጋላስ ኦማርስ ላድያ ዎደ እስራኤለ አሳ ማባራ ኡባይ ኤንታ ሹካናዉ በሴስ። 
\v 7 አሳይ ሄ ሱፈ ኤክድ ኤንቲ ምያ ኬ ዉላ ጋርሳ፥ ቆሙዋነ ቦኮሉዋ ትዮ። 
\v 8 አሹዋ ሄ ጋላስ ቃማ ታማን ጫጭድ ጫምያ ቦንጮራነ ኡይራ ሚተ። 
\v 9 አሹዋ ቃየ ዎይኮ ካድ ሞፕተ። ሁጵያ፥ ገዳታነ ኡሎ አሾታ ኡባ ጫጭድ ሚተ። 
\v 10 ሄ አሹዋፐ ዎንታና ጋካናዉ አይኮካ አሾፍተ። ዎንታና ጋካናዉ አትኮ ሄሳ ፁግተ። 
\v 11 ኦገስ ጊግያ ማኦ ማእድ፥ ህንተ ጫማ አድ፥ ህንተ ፃምኣ ኦይክድ ኤሶን ሚተ። ሄስ ታና ጎዳ ቦንችያ ፓስካ ባኣለ ህንተዉ ግዶ።
\p
\v 12 “ታኒ ሄ ቃማ ግብፀራ ካንዳ ባይራ የለትዳ ኡባ፥ አሳነ መህያ ዎና። ግብፀ ኤቃታ ኡባ ፕርዳና፤ ታኒ ጎዳ። 
\v 13 ሄ ሱይ ህንተ ደእያ ኬ ኤርስያ ማላ ግዳና። ታኒ ግብፀታ ፕርድያ ዎደ ሄ ሱ በአዳ ህንተና ቆሆና አጋ አና።
\p
\v 14 “ሀ ጋላሳይ ታኒ ጎዳይ ህንተዉ ኦዳይሳ ላይን ላይን ቆፍስያ ጎዳ ቦንችያ ባኣለ ግዶ” ያግስ።
\p
\v 15 “ላፑን ጋላስ ጋካናዉ እርሾይ ገሎና ኡይ ሚተ። ኮይሮ ጋላስ እርሾ ህንተ ሶፐ ድግተ። ሄ ላፑን ጋላሳታን እርሾይ ደእያ ኡይ ምያ አስ እስራኤለ አሳ ግዶፈ ዱፅድ ኩረቶ። 
\v 16 ኮይሮ ጋላሳንነ ላፑን ጋላሳን ጎይናናዉ ሺቅተ። ሄ ጋላሳታን አይብ ኦሶካ ኦፍተ፥ ሽን ካ ካናዉ ዳንዳኤታ።
\p
\v 17 “ታኒ እስራኤለ ደርያ ግብፀፈ ከስዳይ ሄ ጋላስ ግድያ ግሾ ሀ ኡይ ባልያ ላይን ላይን ቦንችተ። ሄስ ህንተዉ መርና ዎጋ ግዶ። 
\v 18 ኮይሮ አጌናን፥ ታማነ ኦይዳን ጋላስ ኦማርሳፈ ዶምድ፥ ላታማነ እስን ጋላስ ኦማርስ ጋካናዉ እርሾይ ገልቦና ኡይ ሚተ። 
\v 19 ላፑን ጋላስ ጋካናዉ እርሾይ ህንተ ሶን በንቶፎ። እርሾይ ገልዳባ ምያ ቢታ አዉ ናአ ግድን ዎይኮ አሳ ጋደ አስ ግድን፥ ሄ ኬ አዋይ እስራኤለ ማባራ ግዶፈ ኩረቶ። 
\v 20 እርሾይ ገልዳባ አይኮካ ሞፕተ። ህንተ ደእያሶን አዉንካ እርሾይ ገልቦና ኡይ ሚተፐ አትሽን፥ እርሾይ ገልዳ ኡይ ሞፕተ” ያግስ።
\p
\v 21 ሙሰይ እስራኤለ ጭማታ ኡባ ፄግስድ ሀይሳዳ ያግስ፤ “ህንተ እሶይ እሶይ ሶ ብድ ፓስካ ባኣለ ቦንቻናዉ ማራዘ ዎይኮ ኮለ ሹክተ። 
\v 22 ህሶጰ ም ሀይፈ ዳንክ ኤክድ፥ ከረን ደእያ ሱን የድ ኤክድ ዉላ ጋርሳ፥ ቆሙዋነ ቦኮሉዋ ትይተ። ዎንታና ጋካናዉ ህንተፈ እሶይካ ባ ኬፈ ካረ ከዮፖ። 
\v 23 ጎዳይ ግብፀ ባይራታ ዎናዉ ሄ ቢታራ ካንያ ዎደ፥ ሄ ሱ ዉላ ጋርሳ፥ ቆሙዋንነ ቦኮሉዋ ቦላ በእድ አግድ አና። ሀይቆ ኤህያ ኪታንቾይ ህንተ ሶ ገልድ ህንተና ዎና መላ ድጋና። \fig ህሶጰ ጌተትያ ም |alt="Hyssop" src="HK00114B.tif" size="col" ref="12:23"\fig*
\p
\v 24 “ህንተነ ህንተ ናይት ሀ ኪታ መርናዉ ናግተ። 
\v 25 ጎዳይ ካሰ እማና ግድ ቃላ ገልዳ ቢታ ህንተ ገልያ ዎደ ሀ ዎጋ ኦተ። 
\v 26 ህንተ ናይት ህንተና፥ ‘ሀ ባልያ ኑ አይስ ቦንችዉ?’ ግድ ኦይችያ ዎደ፥ 
\v 27 ህንተ ኤንታኮ፥ ‘ሀይስ ጎዳ ቦንችያ ፓስካ ያርሾ። ሄስካ ጎዳይ ግብፀ ቢታን እስራኤለ አሳ ኬ አግድ፥ አድ፥ ግብፀ ባይራታ ዎድ፥ ኑና አሽዳ ግሾሳ’ ያግተ” ያግስ።
\p ሄሳፈ ጉየ፥ እስራኤለት ጉልባትድ ጎይንዶሶና። 
\v 28 እስራኤለት፥ ጎዳይ ሙሰነ አሮና ኪትዳይሳዳ ኦዶሶና።
\s1 ግብፀን ባይራታ ሀይቁዋ
\p
\v 29 ግድ ብላሄ ጎዳይ ግብፀን ባይራ የለትዳ ኡባ፥ ካዉዋ አራታ ላታናዉ ደእያ ባይራ ናኣፐ ዶምድ፥ ቃሾ ኬን ደእያ አሳታ ባይራ ናይታ ጋካናዉነ ባይራ የለትዳ መሄ ኡባይ ሀይቅዶሶና። 
\v 30 ካዎይ፥ እያ ሞርናትነ ግብፀ ቢታ አሳ ኡባይ ቃማ ደንድዶሶና። ግብፀ ቢታን አስ ሀይቅቦና እስ ኬካ ባይና ግሾ፥ አሳይ ባንታ ቃላ ቁ ኦድ ግታ ዬሆ ዬክዶሶና። 
\v 31 ሄ ቃማ ካዎይ ሙሰነ አሮና ፄግስድ፥ “ህንተነ ህንተ እስራኤለት ታ ቢታፈ ከይድ ቢተ። ህንተ ታና ኦይችዳይሳዳ ብድ ህንተ ጎዳ ጎይንተ። 
\v 32 ህንተ ግዳይሳ መላ ህንተ ዶርሳነ መህያ ዉድያ ኤክድ ቢተ። ቃስ ህንተ ፆሳይ ታና አንጃና መላ ዎስተ” ያግስ።
\p
\v 33 ግብፀ አሳይ፥ “እስራኤለት ባንታ ቢታፈ ኤለስድ ከያና መላ ድርግስዶሶና። ህንተ ከዮና እፅኮ ኑ ኡባይ ዉሮስ” ያግዶሶና። 
\v 34 ሄሳ ግሾ፥ እስራኤለ አሳይ እርሾይ ገልቦና ሙናቃ ከረን ኩንድ፥ ባንታ ማኡዋን ካምድ፥ ባንታ ሀሸን ቶክዶሶና። 
\v 35 እስራኤለት ሙሰይ ኤንታ ኪትዳይሳዳ ግብፀታ፥ ብራ አሌቆ፥ ዎርቃ አሌቆነ ማኦ እማና መላ ኦይችዶሶና። 
\v 36 ጎዳይ፥ እስራኤለት ግብፀታ ስንን ሳበታናዳ ኦን፥ ግብፀት ኤንቲ ኦይችዳባ ኡባ እምዶሶና። ሄሳዳ ያትድ ኤንቲ ግብፀታ ሻሉዋ ቦንቅ ኤክድ ብዶሶና።
\s1 እስራኤለ አሳይ ግብፀፈ ከሳ
\p
\v 37 እስራኤለት ራምሰ ካታማፐ ደንድድ ሱኮታ ጌተትያ በሲ ቶሆን ብዶሶና። አሳ ታይቦይ ናይታነ ማጫሳ ጉጆና ኡሱፑን ፄቱ ሙኩላ። 
\v 38 ቃስ ኤንታራ ሀራ ዳሮ ዋላካ አሳይ፥ መሄይነ ዶርሳ ዴሻ ዉደይ ላገትድ ብስ። 
\v 39 ግብፀፈ ኤንቲ ድርጎን ከይዳ ግሾ ካ ካናዉ ዎደ ይዶሶና። ኤንቲ ከይሸ ኤክ ከይዳ እርሾይ ገልቦና ሙኑቃፐ ኤክድ ኡይ ኡክዶሶና።
\p
\v 40 እስራኤለት ግብፀ ቢታን ደእዳ ላይይ ኦይዱ ፄታነ ሀስታማ። 
\v 41 ኦይዱ ፄታነ ሀስታሙ ላይይ ዉርያ ሄ ዉርሰ ጋላስ ጎዳ አሳ ኡባይ ግብፀ ቢታፈ ከይዶሶና። 
\v 42 ጎዳይ ባ አሳ ናግድ፥ ግብፀፈ ከስዳ ዎደ ሳእ ቃማ። ሄ ቃማይ የለተፈ የለተ ጋካናዉ እስራኤለ አሳይ ባርክድ ናግሸ አቅያ፥ ጎዳስ ዱማትዳ ቃማ።
\s1 ፓስካ ባኣለ ቦንቾ ዎጋ
\p
\v 43 ጎዳይ ሙሰነ አሮና፥ “ፓስካ ጋላሳ ቦንችያ ዎጋይ ሀይሳ ያግስ፤ አሳ ጋደ አስ ፓስካ ካፈ ሞፖ። 
\v 44 ህንተ ህንተ ሚሸን ሻምዳ አይለይ ቃፃረትዳፐ ጉየ ሞ። 
\v 45 ሽን ህንተራ ጋምእያ እማነ ኡነ ኦያ አስ እያፐ ሞፖ።
\p
\v 46 “ሄ ፓስካ ካይ ካፅዳ ኬን ያን ሚተ። ሄ አሹዋፐ አይኮካ ካረ ከሶፍተ። መቀታፐ እሱዋካ መንፍተ። 
\v 47 እስራኤለ ማባራ ኡባይ ፓስካ ባኣለ ቦንቻናዉ ኮሼስ።
\p
\v 48 “አሳ ጋደ አስ ግድድ ህንተ ግዶን ደእያ አስ ጎዳ ፓስካ ባኣለ ቦንቻናዉ ኮይኮ፥ እያራነ እያ ሶን ደእያ አደ ኡባይ ቃፃረቶ። ሄሳፈ ጉየ፥ እ ቢታ አዉ ናአዳ ታይበትድ ፓስካ ባኣለ ቦንቻናዉ ዳንዳኤስ። ሽን ቃፃረትቦና አስ እያፐ ሞፖ። 
\v 49 ሀ ዎጋይ ቢታ አዉ ናይታስነ ሀራ ቢታ አስ ግድድ ህንተ ግዶን ደእያ አሳስ እስኖ” ያግስ።
\p
\v 50 እስራኤለ ኡባይ፥ ጎዳይ ሙሰነ አሮና ኪትዳይሳዳ ኦዶሶና። 
\v 51 ሄ ጋላስ ጎዳይ እስራኤለታ ጩጋን ጩጋን ግብፀ ቢታፈ ከስስ።
\c 13
\s1 ባይር ኡባይ ጎዳስ ዱማ
\p
\v 1 ጎዳይ ሙሰኮ፥ 
\v 2 “ባይራ የለትዳ አደ ኡባ ታዉ ዱማያ። እስራኤለ አሳ ግዶን ባይራ የለትዳ ኡባይ፥ አሰ ዎይኮ መሄ ግድን ኡባይ ታባ” ያግስ።
\p
\v 3 ሄሳፈ ጉየ፥ ሙሰይ አሳኮ፥ “ሀ ጋላሳይ፥ ህንተ ግብፀ አይለተፈ ከይዳ ጋላስ ግድያ ግሾ እያ ቆፕተ። ጎዳይ ባ ግታ ዎልቃን ህንተና ከስዳይ ሄ ጋላሳና ግድያ ግሾ፥ እርሾይ ገልዳባ አይኮካ ሞፕተ። 
\v 4 አቢባ አጌናን፥ ሀች ጋላሳን ህንተ ግብፀፈ ከይደታ። 
\v 5 ጎዳይ ካናነታ፥ ህተታ፥ አሞረታ፥ ህወታነ ያቡሰታ ቢታ ህንተና ላትሳናዉ ህንተ ማይዛታስ ጫቅስ። ጎዳይ ህንተና ማነ ኤስ ኩምዳ ሄ ቢታ ጋያ ዎደ ላይን ላይን ሀ ኮይሮ አጌናን ሀ ጋላሳ ቦንችተ። 
\v 6 ላፑን ጋላስ ኩመ እርሾይ ገልቦና ኡይ ሚተ። ላፑን ጋላሳይ ጎዳ ቦንችያ ባኣለ ግዳና። 
\v 7 ሄ ላፑን ጋላሳታን እርሾይ ገልቦና ኡይ ሚተ። እርሾይ ዎይኮ እርሾይ ደእያባይ ህንተ ግዶንነ ህንተ ዛዋን በንቶፎ። 
\v 8 ሄ ጋላስ ኔኒ፥ ‘ታኒ ሀይሳ ኦይ ታኒ ግብፀፈ ከይያ ዎደ ጎዳይ ታዉ ኦዳይሳ ቆፓናሳ’ ያጋዳ ነ ናይታስ ኦዳ። 
\v 9 ሀ ባለይ ህንተ ኩሸን ዎይኮ ህንተ ሶምኦን ቃሸትዳ ማላ ግድድ ህንተና ቆፍስያባ ግዳና። ጎዳይ ህንተና ባ ግታ ዎልቃን ግብፀፈ ከስዳ ግሾ፥ ጎዳ ዎጋይ ህንተ ዶናፐ ዎና መላነ ሀራታስ ህንተ ኦዳና መላ ህንተና ቆፍሳና። 
\v 10 ሄሳ ግሾ፥ ህንተ ሀ ባልያ ላይን ላይን ባ ዎድያን ቦንችተ።
\p
\v 11 “ጎዳይ ህንተዉነ ህንተ ማይዛታስ እማና ግድ ጫቅዳ ካናነታ ቢታ ገልስድ፥ ሄ ቢታ ህንተዉ እምያ ዎደ፥ 
\v 12 ባይራ የለትዳ ኡባ ጎዳስ እማ። ነ መሄታን ባይራ የለትያ አደ ኡባይ ጎዳሳ። 
\v 13 ባይራ የለትያ ሀረ ማር ኡባ ዶርሳ ማራን ዎዛ። ዎዞና እፅኮ እያ ሞርግያ መን። ነ አደ ናይታ ግዶን ባይራ የለትዳ ኡባ ዎዛ። 
\v 14 ስንራ ያና ላይታን ነ ናይት ነና፥ ‘ሀይስ አይቤ?’ ግድ ኦይችኮ ኔኒ፥ ‘ጎዳይ ኑና ባ ግታ ዎልቃን ግብፀ አይለተፈ ከስስ። 
\v 15 ግብፀ ካዎይ ባ ዎዛና ሙምስድ ኑና የዶና እፅን፥ ጎዳይ ግብፀ ቢታን ደእያ አሳፐ ዶምድ መሄ ጋካናዉ ባይራ ኡባ ዎስ። ኑኒ ባይራ የለትዳ መሄ አደ ጎዳስ ያርሸይነ ባይራ አደ ናይታ ኑኒ ዎዘይ ሄሳሳ ያጋ። 
\v 16 ጎዳይ ኑና ባ ግታ ዎልቃን ግብፀፈ ከስዳ ግሾ፥ ሀ ባለይ ኑ ኩሸን ዎይኮ ኑ ሶምኦን ቃሸትዳ ማላ ግድድ ኑና ቆፍስያባ ግዳና’ ያጋ” ያግስ።
\s1 ሻራነ ታማ ቱኡሱ
\p
\v 17 ካዎይ አሳ የድዳ ዎደ፥ ፆሳይ ኤንታ ማታ ግድዳ ፍልስፄመ ቢታራ ካንስያ ኦግያራ ካለቤና። ፆሳይ ሄሳ ኦዳይ፥ “አሳ ኦል ጋክኮ፥ ባንታ ቆፋ ላምድ ጉየ ግብፀ ስማና” ያግድ ቆፕዳ ግሾሳ። 
\v 18 ሄሳ ግሾ፥ ፆሳይ አሳ መላ ቢታ ኦግያራ ዩሽድ፥ ዞኦ አባኮ\f + \fr 13:18 \fr*\fk ዞኦ አባ \fk*\ft እብራወ ዶናን ሀ ቃላይ ማይረ አባ ጌተቴስ።\ft*\f* ካለስ። እስራኤለት ኦላስ ጊግድ ግብፀ ቢታፈ ከይዶሶና።
\p
\v 19 ዮሰፍ፥ “ፆሳይ ቱማ ህንተና አሻናዉ ያና። ሄ ዎደ ህንተ ታ መቀ ሀ ቢታፈ ኤክድ ቢተ” ያግድ እስራኤለታ ጫቅስድ ዎዳ ግሾ ሙሰይ እያ መቀ ባራ ኤክድ ብስ።
\p
\v 20 ኤንቲ ሱኮታፐ ደንድድ መላ ቢታ ጋፃን ደእያ ኤታማን ኡትዶሶና። 
\v 21 ኤንቲ ጋላስነ ቃማ ሄመታና መላ ጋላስ ኤንታና ካለናዉ ሻራ ቱሳን፥ ቃማ ፖእስድ ኤንታ ካለናዉ ታማ ቱሳን ኤንታ ስንን ብስ። 
\v 22 ጋላስ ሻራ ቱሳይ፥ ቃማ ታማ ቱሳይ አሳ ስንፈ ክችቤና።
\c 14
\s1 ዞኦ አባ ፕነ
\p
\v 1 ሄሳፈ ጉየ፥ ጎዳይ ሙሰኮ፥ 
\v 2 “ኤንቲ ጉየ ስሚድ ምግዶላፐነ ዞኦ አባፈ ግዶን፥ ፕሀህሮታ ስንን፥ ባኣል-ዛፎና ማታን ኡታና መላ ኦዳ። 
\v 3 ካዎይ፥ ‘እስራኤለት መላ ቢታ ከያናዉ ኦገ ይድ ጮ ቶይላቶሶና’ ያግድ ቆፓና። 
\v 4 ታኒ ካዉዋ ዎዛና ሙምሳና፤ እ ኤንታ ጎዳና። ታኒ ካዋነ እያ ኦላንቾታ ኡባ ፆናዳ ቦንቸታና። ሄ ዎደ ግብፀት ታኒ ጎዳ ግደይሳ ኤራና” ያግስ። ሄሳ ግሾ እስራኤለት እ ኦድዳይሳዳ ኦዶሶና።
\p
\v 5 አሳይ ከስ ኤክዳይሳ ግብፀ ካዎይ ስእድ፥ እያራነ እያ ሞርናታራ ባንታ ቆፋ ላምድ፥ “ኑኒ አይስ ሄሳ ኦዶ? ኑኒ እስራኤለታ የድድ፥ ኑና ሀጋዝያ አስ አይስ ያነ” ያግዶሶና። 
\v 6 ሄሳ ግሾ እ ባ ፓራ ጋርያ ኮርድ፥ ባ ኦላንቾታ ኤክድ ደንድስ። 
\v 7 እ ኡሱፑን ፄቱ ዶረትዳ ፓራ ጋረታነ ግብፀ ቢታን ደእያ ሀራ ጋረታ ኡባ ኤንታ ሀላቃታራ ኤክድ ብስ። 
\v 8 ጎዳይ ግብፀ ቢታ ካዉዋ ዎዛና ሙምስዳ ግሾ ያሽ ባይና ከሳ ቦላ ደእያ እስራኤለ አሳ የደስ። 
\v 9 ግብፀ ካዉዋ ፓራት፥ ፓራ ጋረትነ ኦላንቾት እስራኤለታ ካልድ ብድ፥ አባ ዶናን ባኣል-ዛፎናነ ፕሀህሮታ ማታን ኤንቲ ኡትዳሽን ደምዶሶና።
\p
\v 10 ካዎይ ባ ኦላንቾታራ ይሽን እስራኤለት ደምድ ያይዶሶና፤ ባንታና ማዳና መላ ጎዳኮ ዋስዶሶና። 
\v 11 ኤንቲ ሙሰኮ፥ “ግብፀ ቢታን ኑስ ዱፎይ ይዴ? ኑኒ መላ ቢታ ሀይቃና መላ ኑና ከስዳይ ሄሳሴ? ኑና ግብፀፈ አይስ ኤሀዲ? 
\v 12 ግብፀን ደእሸ ሀይስ ሀናናይሳ ኤርድ፥ ‘ኑና አጋ ኑኒ ግብፀታስ ሃረታና’ ያግድ ነዉ ኦድቦኮ? መላ ቢታን ሀይቃናፐ ኤንታዉ ሃረተይስ ኑስ ሎኦሽን” ያግዶሶና።
\p
\v 13 ሽን ሙሰይ ዛሪድ፥ “ያዮፍተ፤ ምንድ ኤቅተ። ጎዳይ ሀች ህንተና አሽያ አሹዋ ህንተ በአና። ሀች ህንተ በእያ ግብፀታ ዛር በኤከታ። 
\v 14 ህንተ ስእ ጊተ፤ ጎዳይ ህንተ ግሾ ኦለታና” ያግስ።
\p
\v 15 ጎዳይ ሙሰኮ፥ “ኔኒ አይስ ታኮ ዋሳይ? እስራኤለት ስን ሄመታና መላ ኦዳ። 
\v 16 ነ ፃምአ አባ ቦላ ደን፤ ሃይ ሻከታና። እስራኤለት መላ ቢታራ አባ ፕንድ ባና። 
\v 17 ታኒ ግብፀታ ዎዛና ሙምሳና፤ ኤንቲ ህንተ ጌዶ ካልድ አባን ገላና። ታኒ ካዉዋ፥ እያ ኦላንቾታ፥ እያ ፓራ ጋርያነ እያ ፓራ ጋርያ ላገይሳታ ፆናዳ ቦንቸታና። 
\v 18 ታ ኤንታ ፆንዳ ዎደ፥ ታኒ ጎዳ ግደይሳ ግብፀት ኤራና” ያግስ።
\p
\v 19 ፆሳ ኪታንቾይ፥ እስራኤለ ኦላንቾታፐ ስንራ ሄመተይስ ኤንታፈ ጉየ አድ ሄመትስ። ሻራ ቱሳይ ኤንታ ስንፈ ጉየ ባጋ አድ፥ 
\v 20 ግብፀታስነ እስራኤለታስ ግዶን ኤቅስ። ሄ ሻራይ ግብፀታስ ምስድ፥ እስራኤለታስ ፖእስስ። ያትን ቃማ ኩመ ግብፀት እስራኤለታኮ ሺቅቦኮና።
\p
\v 21 ሙሰይ አባ ቦላ ባ ኩሽያ ምጭስ። ጎዳይ ሄ ቃማ ዎልቃማ ዶሎሀ ጫርኮ የድድ መላ ቢት በንታና ጋሶ አባ ሾጭስ። ሃይ ሻከትስ። 
\v 22 ሃይ ሻከትድ ናምኡ ባጋን ጎዳዳ ኤቅን፥ እስራኤለት መላ ቢታራ ሄመትድ ፕንዶሶና። 
\v 23 ግብፀ ካዉዋ ፓራት፥ እያ ፓራ ጋረትነ እያ ፓራ ጋርያ ላገይሳት ኤንታና ካልድ፥ አባን ገልዶሶና። 
\v 24 ሳእ ዎንታና ሀንሽን ጎዳይ ታማነ ሻራ ቱሳን ግድድ ግብፀ ኦላንቾታ ዱገ ፄልድ፥ ኤንታዉ ሀናናባ ይስስ። 
\v 25 ፓራ ጋረታ ገርቶይ ገንደረቶና መላ ጎዳይ ኤንታ ፓራ ጋረታ ገርቱዋ ሳአራ ኦይስ። ግብፀት፥ “ጎዳይ እስራኤለታ ማድድ ኑና ኦልያ ግሾ፥ ኑኒ ኤንታ አግድ ባቃቶስ” ያግዶሶና።
\p
\v 26 ጎዳይ ሙሰኮ፥ “ሃይ ግብፀታ ቦላ፥ ኤንታ ፓራ ጋረታ ቦላነ ኤንታ ፓራ ጋርያ ላገይሳታ ቦላ ጉየ ስማና መላ ነ ኩሽያ አባ ቦላ ምጫ” ያግስ። \fig ፓራነ ፓራ ጋረ|alt="Horses and chariots in battle" src="HK00191B.tif" size="span" ref="14:6"\fig* 
\v 27 ሙሰይ ባ ኩሽያ አባ ቦላ ምጭን፥ ሳእ ዎንትያ ዎደ አባይ ባ ካሰ በሳ ጉየ ስምስ። ግብፀት ባቃታናዉ ኮይዶሶና፥ ሽን ጎዳይ ኤንታ አባን የግስ። 
\v 28 ሃይ ጉየ ስሚድ፥ እስራኤለታ ካልድ አባን ገልዳ ፓራ ጋረታ፥ ፓራ ጋረታ ላገይሳታነ ግብፀ ኦላንቾታ ምትስ። ኤንታፈ እሶይካ አትቤና። 
\v 29 ሽን እስራኤለት አባ ግዶራ መላ ቢታራ ሄመትድ፥ ሃይ ሻከትድ ጎዳዳ ኤቅዳሽን ፕንዶሶና። 
\v 30 ጎዳይ ሄ ጋላስ እስራኤለ አሳ ግብፀታ ኩሸፐ አሽስ። እስራኤለት ሀይቅድ ዝንእዳ ግብፀታ አባ ዶናን በእዶሶና። 
\v 31 እስራኤለት ጎዳይ ግብፀታ ቦላ በስዳ ግታ ዎልቃ በእዳ ዎደ ጎዳ ያይዶሶና። ጎዳነ እያ አይልያ ሙሰ አማንዶሶና።
\c 15
\s1 ሙሰነ ማይራም ማዝሙረ
\p
\v 1 ሄ ዎደ ሙሰይነ እስራኤለ አሳይ ሀ ማዝሙርያ ጎዳስ የፅዶሶና።
\b
\q1 እ ባ ግታ ፆኑዋን ቦንቸትዳ ግሾ፥
\q2 ታኒ ታ ጎዳስ ጋላታ ማዝሙርያ የፃና።
\q2 ፓራነ ፓራ ቶገይሳ አባን የግስ።
\q1
\v 2 ጎዳይ ታ ምኖተነ ታ ማዝሙርያ ጋሱዋ፥
\q2 እ ታና አሸይሳ።
\q1 እ ታ ፆሳ፤ ታኒ እያ ሳባና።
\q2 እ ታ አዋታ ፆሳ፤ ታኒ እያ ቦንቻና፤ ጋላታና።
\q1
\v 3 ጎዳይ ኦላንቾ፤
\q2 እያ ሱንይካ ጎዳ።
\q1
\v 4 ግብፀ ካዉዋ ፓራ ጋረታነ እያ ኦላንቾታ አባን የግስ።
\q2 ግብፀ ካዉዋ፥ ኡባፈ አ ግድዳ ቶራ ሞጮናታ፥ ዞኦ አባን ምትስስ።
\q1
\v 5 ኤንታና ጪሞ ሃይ ምትስ፤
\q2 ኤንቲ ሹቻዳ ጪሞን ምተትዶሶና።
\b
\q1
\v 6 “አቤት ጎዳዉ፥ ነ ኡሻቻ ኩሸይ ዎልቃን ጎባ፤
\q2 ነ ኩሸይ ሞርክያ መንረስ።
\q1
\v 7 ነ ግታ ፆኑዋን፥
\q2 ኔራ ኤቀተይሳታ ኦላዳሳ።
\q1 ነ ሸነይ ታማዳ ኤፅድ፥
\q2 ኤንታ ካፍለዳ ምስ።
\q1
\v 8 ነ ሀንቁዋን ነ አባ ፑንን፥
\q2 ሃይ ጎዳዳ ኤቅስ።
\q2 አባ ጪሞት ጋርሳን ሹቻዳ ምንዶሶና።
\b
\q1
\v 9 “ሞርከይ፥ ‘ታኒ ኤንታ የደዳ ኦይካና፤
\q2 ታኒ ኤንታ ሻሉዋ ሻካዳ፥
\q2 ታ ኮይዳባ ኡባ ኤካና።
\q2 ታኒ ታ ማሻ ሾዳዳ ኤንታ ይሳና’ ያግድ ጬቀትስ።
\q1
\v 10 ሽን ኔኒ ኤንታ ፑንን፥ አባይ ኤንታ ምትስ።
\q2 ኤንቲ አባ ጪሙዋን ብራታዳ ምተትዶሶና።
\q1
\v 11 አቤት ጎዳዉ፥ ፆሳታ ግዶን ነ ማል ኦኔ?
\q2 ጌሻተን ያሸይ ነ ማል ኦኔ?
\q2 ቦንቾይ ዳጋንይነ ማላልስያባ ኦይ ነ ማል ኦኔ?
\q1
\v 12 ኔኒ ነ ኡሻቻ ኩሽያ ምጭዳ ዎደ፥
\q2 ቢታይ ኤንታ ምትስ።
\b
\q1
\v 13 “ኔኒ ዎዝዳ አሳ ነ መርና ሲቁዋን ካለዳሳ።
\q2 ኔኒ ነ ዎልቃን ኤንታ ነ ጌሻ ቢታ ገልሳዳሳ።
\q1
\v 14 ካዎተት ሄሳ ስእድ ያሻን ኮኮርዶሶና።
\q2 ፍልስፄመ ቢታ አሳትካ ኡንኤትዶሶና።
\q1
\v 15 ሄ ዎደ ኤዶመ ቢታ ሀላቃት ዳጋምዶሶና፤
\q2 ሞአበ ቢታ ሃረይሳት ያሻን ኮኮርዶሶና፤
\q1 ካናነ አሳት ዳጋማን ዳቡርዶሶና።
\q1
\v 16 ዳጋምነ ያሽ ኤንታ ኦይክስ።
\q1 አቤት ጎዳዉ፥ ኤንቲ ነ ዎልቃ ግታተ በእድ፥
\q2 ነ አሳይ አና ጋካናዉ፥
\q2 ኔኒ ዎዝዳ አሳይ አና ጋካናዉ፥
\q2 ሹቻዳ ቶለትድ ኤቅዶሶና።
\q1
\v 17 ኔኒ ኤንታ ኤሀዳ፥ ነ ዙማ ሁጰን ቶካና።
\q2 አቤት ጎዳዉ፥ ሄ በሳይ ኔኒ ነዉ ዳናዉ ዶርዳ በሲ፥
\q2 ኔኒ ነ ኩሽያን ምንዳ ኬፅዳ ነ ኬ።
\q1
\v 18 ጎዳይ መርና ጋካናዉ ካዎታና”
\q2 ያግድ የፅዶሶና።
\p
\v 19 እስራኤለት አባ ግዶራ መላ ቢታራ ፕንን፥ ግብፀ ካዉዋ ፓራት፥ እያ ፓራ ጋረትነ እያ ፓራ ቶገይሳት አባን ገልዳ ዎደ ጎዳይ ኤንታ ቦላ አባ ሃ ዛርን ሃይ ኤንታ ምትስ። 
\v 20 አሮና ምችያ፥ ናብያ ማይራማ ካራቦ ኤካሱ። ሀራ ማጫሳት ኡባይ ባንታ ካራቦ ኤክድ ባቅሸነ የፅሸ እዮ ካልዶሶና። 
\v 21 ማይራማ፥
\q1 “እ ባ ግታ ፆኑዋን ቦንቸትዳ ግሾ፥
\q2 ፓራነ ፓራ ቶገይሳታ እ አባን የግዳ ግሾ፥
\q2 እያዉ ማዝሙርያ የፅተ” ያጋዳ ኤንታዉ የፃሱ።
\s1 ጫሞ ሃ
\p
\v 22 ሄሳፈ ጉየ፥ ሙሰይ ዞኦ አባ ማታፐ እስራኤለታ ደንድ ሹራ መላ ቢታ ጋካናዉ ካለስ። ሄ መላ ቢታን ኤንቲ ሄ ጋላስ ሄመትዶሶና ሽን ሃ ደምቦኮና። 
\v 23 ኤንቲ ማራ ጌተትያ በሲ ጋክድ ሃ ደምዶሶና፥ ሽን ሃይ ጫሞ ግድያ ግሾ ኡያናዉ ዳንዳእቦኮና። ሄሳ ግሾ ሄ በሳይ ማራ\f + \fr 15:23 \fr*\fq ማራ: \fq*\ft ማራ ጉሳይ “ጫሞ” ጉሱ።\ft*\f* ጌተትስ። 
\v 24 አሳይ፥ “ኑኒ አይ ኡያኔ?” ግድ ሙሰ ቦላ ዙዙምዶሶና።
\p
\v 25 ያንን፥ ሙሰይ ጎዳኮ ዋስስ፤ ጎዳይ እያ እስ ም በስስ። ሙሰይ ሄ ም ሃን የግን ሃይ ማልእስ።
\p ያን ጎዳይ ኤንታዉ ህገ እሚስ፤ ያን ጎዳይ ኤንታ ፓጭስ። 
\v 26 ሙሰይ ኤንታኮ፥ “ህንተ ህንተ ጎዳ ፆሳስ ኪተትተ፤ እ ኮያባ ኦተ። ህንተ ታዉ ፖሎ ኪተትኮነ ታ ግያባ ስእኮ ግብፀታ ቦላ ታ የድዳ ሀርግያን ህንተና ፕርድከ። ታኒ ህንተና ፓያ ጎዳ” ያግስ።
\p
\v 27 ሄሳፈ ጉየ ኤንቲ ኤልማ ብዶሶና። ያን ታማነ ናምኡ ሃ ፑልቶትነ ላፑን ታሙ ዛምባ ምት ደኦሶና። ኤንቲ ያን ሃ ዶናን ኡትዶሶና።
\c 16
\s1 ማናነ ኩራቾ
\p
\v 1 ግብፀፈ ከይዳ ናምአን አጌናን፥ ታማነ እቻሻን ጋላስ እስራኤለ አሳ ኡባይ ኤልማፐ ደንድድ፥ ኤልማፐነ ሲናፐ ግዶን ደእያ ሲነ ጌተትያ መላ ቢታ ይዶሶና። 
\v 2 እስራኤለ አሳ ኡባይ መላ ቢታን ሙሰ ቦላነ አሮና ቦላ ዙዙምዶሶና። 
\v 3 እስራኤለት ኤንታኮ፥ “ኑኒ ግብፀ ቢታን ጎዳ ኩሸን ሀይቅዳ ግዶርኮሽን። ሀር አቶ ኑኒ ያን ዎ ኡትድ አሹዋነ ሀራ ካ ኡባ ኑ ኮይዳ መላ ሞስ። ሽን ህንተ ኑና ኡባ ከስድ ሀ መላ ቢታ ኮሻን ዎሴታ” ያግዶሶና።
\p
\v 4 ጎዳይ ሙሰኮ፥ “ታኒ ህንተዉ ሳሎፐ ካ ቡክሳና። አሳይ ጋላስ ጋላስ ከይድ፥ ሀችስ ግድያባ ማፃናዉ ኮሼስ። አሳይ ታው ኪተትያኮነ ኪተቶናኮ ታኒ ኤንታ ሄሳን ፓጫና። 
\v 5 ሳምንታን ሳምንታን ኡሱፑን ጋላስ ኤንቲ ካሰ ማፀይሳስ ናምኡ ኩሸ ማፅድ ካ” ያግስ።
\p
\v 6 ሄሳ ግሾ ሙሰይነ አሮን እስራኤለ አሳኮ፥ “ህንተና ግብፀ ቢታፈ ከስዳይ ጎዳ ግደይሳ ኦማርስ ህንተ ኤራና። 
\v 7 ህንተ ጎዳ ቦላ ዙዙምዳይሳ እ ስእዳ ግሾ፥ ዎንታ ጎዳ ቦንቹዋ ህንተ በአና። ህንተ ኑ ቦላ ዙዙማናዉ ኑኒ ኦኔ?” ያግዶሶና። 
\v 8 ሄሳፈ ጉየ ሙሰይ፥ “ህንተ ጎዳ ቦላ ዙዙምዳይሳ እ ስእዳ ግሾ፥ እ ህንተዉ ኦማርስ ማናዉ አሾ እመይነ ዎንታ ማናዉ ህንተ ኮይያ መላ ኡይ እመይ ጎዳ ግደይሳ ህንተ ኤራና። ህንተ ኑ ቦላ ግዶናሽን ጎዳ ቦላ ዙዙመታ” ያግስ።
\p
\v 9 ሙሰይ አሮናኮ፥ “ኔኒ እስራኤለ አሳ ኡባ፥ ‘ጎዳይ ህንተ ዙዙን ስእዳ ግሾ፥ ይድ ጎዳ ስንን ኤቅተ’ ያጋ” ያግስ። 
\v 10 አሮን እስራኤለ አሳ ኡባስ ኦድዳ ዎደ ኤንቲ መላ ቢታ ስሚድ፥ ሻራ ግዶራ ቆንጭዳ ጎዳ ቦንቹዋ በእዶሶና። 
\v 11-12 ጎዳይ ሙሰኮ፥ “ታኒ እስራኤለታ ዙዙን ስአስ። ኔኒ ኤንታዉ ‘ኦማርስ አሾ ህንተ ማና፤ ዎንታ ህንተ ኮይዳ መላ ኡይ ኤካና። ሄ ዎደ ህንተ ታኒ ጎዳ ህንተ ፆሳ ግደይሳ ኤራና’ ያጋዳ ኦዳ” ያግስ።
\p
\v 13 ሄ ጋላስ ኦማርስ ኩራቾት ይድ፥ እስራኤለ አሳይ ደእያ በሳ ማእዶሶና። ዎንታ ኤንታ ሄራን አክ ቢታ ማእስ።\fig እስራኤለት ኩራቾማፅሽን|alt="Israelites gathering quail" src="CO00854B.tif" size="span" ref="16:13"\fig* 
\v 14 አካይ፥ ፅዝእዳ ዎደ ሌኦነ ላፋባይ መላ ቢታ ቦላ በንትስ። እካ ሻቻዳ ቦ። 
\v 15 እስራኤለት ሄሳ በእዳ ዎደ እያ ኤሮና ግሾ፥ እሶይ እሱዋኮ፥ “ሀይስ አይቤ?” ያግዶሶና።
\p ያትን ሙሰይ ኤንታኮ፥ “ህንተ ማና መላ ጎዳይ እምዳ ካይ ሀይሳ። 
\v 16 ጎዳይ፥ ‘አሳይ እሶይ እሶይ ባዉ ኮሸይሳ መላ ሺሾ፤ ሶን ደእያ እስ እስ አስ ባ ሁጰን ናምኡ ልትሮ ኤኮ’ ያጋ” ያግድ ኪትስ።
\p
\v 17 እስራኤለት ኪተትዳይሳዳ ኦዶሶና፤ ባጋይ ዳርስድ፥ ባጋይ ጉድ ሺሽዶሶና። 
\v 18 ኤንቲ ሺሽድ ልትሮን ማክያ ዎደ ዳርስ ሺሽዳይሳስ ፓላህቤና፤ ጉ ሺሽዳይሳስካ ፓጭቤና። እሶይ እሶይ ባዉ ኮሸይሳ መላ ሺሽስ። 
\v 19 ሙሰይ ኤንታኮ፥ “ኦንካ እያፐ ዎንታስ አሾፎ” ያግድ ኪትስ። 
\v 20 ሽን ኤንታፈ እሶት እሶት ሙሰይ ኦድዳይሳ ስኦና እፅድ ዎንታስ ምንጅዶሶና። ኤንቲ ምንጅዳይስ ጉፁንትድ ፅንቅስ። ሄሳ ግሾ ሙሰይ ኤንታ ቦላ ሀንቀትስ። 
\v 21 ዎንታ ዎንታ አሳ ኡባይ ባንታዉ ኮሸይሳ መላ ሺሼስ። አዋይ ምችያ ዎደ ሳአን አትዳይስ ትልኤስ።
\p
\v 22 ኡሱፑን ጋላስ ኤንቲ ካሰ ሺሽያ ናምኡ ልትሩዋ ቦላ እያ መላ ጉጅድ እስ እስ አሳስ ኦይዱ ልትሮ ሺሾ። ያትን እስራኤለ ሀላቃት ብድ ሄሳ ሙሰስ ኦድዶሶና። 
\v 23 ሙሰይ ዛሪድ፥ “ዎንቶይ ሸምፖ ጋላስ ግድድ ጎዳ ቦንችያ ጌሻ ሳምባታ። ሄሳ ግሾ፥ ህንተ ኡክያባ ኡክተ፤ ዶይስያባ ዶይስተ። ዎንቶስ ዎተ” ያግስ። 
\v 24 ኤንቲ ሙሰይ ኪትዳይሳዳ ዎንቶስ ዎን፥ ፅንቅቤና ዎይኮ ጉፁንትቤና። 
\v 25 ሙሰይ ኤንታኮ፥ “ሀይሳ ሀች ሚተ፤ ሀች ጎዳ ቦንችያ ሸምፖ ሳምባታ ግድያ ግሾ፥ ህንተ ሀች ደንባን ደመከታ። 
\v 26 ህንተ ካ ኡሱፑን ጋላሳታን ሺሻናዉ ዳንዳኤታ፥ ሽን ላፑን ጋላሳይ ሸምፖ ጋላስ ግድያ ግሾ አይብ ካካ ሄ ዎደ ዴና” ያግስ።
\p
\v 27 ላፑን ጋላሳን እስ እስ አሳይ ሺሻናዉ ከይዶሶና፥ ሽን አይኮካ ደምቦኮና። 
\v 28 ያትን፥ ጎዳይ ሙሰኮ፥ “ታ ኪታነ ታ ህግያ ህንተ ናጎና እፀይ አዉደ ጋካናሴ? 
\v 29 ታኒ ህንተዉ ሳምባታ እምዳይሳ አኬክተ። ኡሱፑን ጋላሳን እ ህንተዉ ናምኡ ጋላሳ ካ እመይ ሄሳ ግሾሳ። ላፑን ጋላሳን ኦንካ ካረ ከዮና ባ ሶን ባ ሶን ጋምኦ” ያግስ። 
\v 30 ሄሳ ግሾ፥ አሳይ ላፑን ጋላሳን ሸምፕስ።
\p
\v 31 እስራኤለ አሳይ ሄ ካ ማና\f + \fr 16:31\fr*\fq ማና: \fq*\ft እብራወ ዶናን ማና ጉሳይ “ሀይስ አይበ” ጉሱ።\ft*\f* ግድ ፄግዶሶና። ማናይ ዴቦ አይፈ መላ ግድድ ቦ። እ ኤሳራ ኡክዳ ኡይዳ ማልኤስ።
\p
\v 32 “ታኒ ህንተና ግብፀ ቢታፈ ከስዳ ዎደ መላ ቢታን ሙዝዳይ ማና ግደይሳ ያና የለተይ በአና መላ እያፐ ናምኡ ክሎ ግራመ ዎተ” ያግድ ጎዳይ ኪትዳይሳ ሙሰይ እስራኤለ አሳስ ኦድስ።
\p
\v 33 ሙሰይ አሮናኮ፥ “ናምኡ ክሎ ግራመ ማና ኤካዳ ፃሮን ቆላዳ ያና የለተስ ጎዳይ ጎይነትያ በሳን ዎ” ያግስ።
\p
\v 34 ጎዳይ ሙሰ ኪትዳይሳዳ፥ አሮን ማና ጎዳ ስንን ታቦትያ ግዶን ዎስ። 
\v 35 እስራኤለት ባንታ ደእያ ካናነ ቢታ ዛዋ ይድ ጋካናዉ ኦይታሙ ላይ ማና ምዶሶና። 
\v 36 ሄ ዎደ አሳይ ማክያ ሚሸይ ላታማነ ናምኡ ልትሮ ኦይኬስ።
\c 17
\s1 ዛላፈ ፑልትዳ ሃ
\p
\v 1 እስራኤለ አሳ ኡባይ ጎዳይ ኪትዳይሳዳ እስ በሳፈ ሀራ በሲ ዩይሸ፥ ሲን መላ ቢታፈ ደንድድ ራፍድማ ጌተትያ በሳን ኡትዶሶና። ሽን ኤንቲ ኡያናዉ ሃ ሄ በሳን ይስ። 
\v 2 ኤንቲ፥ “ኑስ ኡያናዉ ሃ እማ” ያግድ ሙሰራ ካጨትዶሶና።
\p ሙሰይ ዛሪድ፥ “ህንተ ታራ አይስ ካጨቴቲ? ጎዳ አይስ ፓጨቲ?” ያግስ።
\p
\v 3 ሽን አሳይ ያን ሃ ሳሞትድ፥ “ኔኒ ኑና፥ ኑ ናይታነ ኑ መህያ ሳሞን ዎናዉ ግብፀፈ ከሳዳ ሀይሳ አይስ ኤሀዲ?” ያግድ ሙሰ ቦላ ዛር ዛር ዙዙምዶሶና።
\p
\v 4 ያትን ሙሰይ፥ “ታኒ ሀ አሳ ዋቶ? ኤንቲ ታና ሹቻን ጫዳና ሀኖሶና” ያግድ ጎዳ ዎስስ።
\p
\v 5 ጎዳይ ሙሰኮ፥ “ኔኒ እስራኤለ አሳፐ ጭማታ ኔራ ኤካዳ አሳፐ ስን አዳ ሄመታ። ቃስ ናይለ ሻፋ ሾጭዳ ፃምኣ ነ ኩሸን ኦይካዳ ባ። 
\v 6 ታኒ ኮሬባ ዙማን ዛላ ቦላ ነ ስንን ኤቃና። ሄ ዛላ ሾጫ፤ አሳይ ኡያና ሃይ እያፐ ከያና” ያግስ። ሙሰይ እስራኤለ ጭማታ ስንን ሄሳ ኦስ።
\p
\v 7 እስራኤለት፥ “ቱማ ጎዳይ ኑራ ደኢ?” ያግድ ዙዙምዳ ግሾነ ጎዳ ፓጭዳ ግሾ ሄ በሳ ማሳሀነ ማርባ\f + \fr 17:7 \fr*\fq ማሳሀነ ማርባ: \fq*\ft እብራወ ዶናን ማሳሀ ጉሳይ “ፓጮ” ጉሱ፥ ቃስ ማርባ ጉሳይ “ዙዙን” ጉሱ።\ft*\f* ግድ ሱንስ።
\s1 እስራኤለነ አማለቃ ኦላ
\p
\v 8 አማለቃት ይድ ራፍድማን እስራኤለታ ኦልዶሶና። 
\v 9 ሙሰ እያሱኮ፥ “ኔኒ ዎንቶ አማለቃታ ኦላናዉ ጉ አስ ዶራ። ታኒ ፆሳ ፃምኣ ኦይካዳ ዙማ ሁጰን ኤቃና” ያግስ።
\p
\v 10 ሙሰይ ኪትዳይሳዳ እያሱይ አማለቃታ ኦልስ። ሙሰይ፥ አሮንነ ሆር ዙማ ሁጰ ከይዶሶና። 
\v 11 ሙሰይ ባ ኩሽያ ደንድ ጋምእያ ዎደ እስራኤለት ፆኖሶና፥ ሽን እ ባ ኩሽያ ዎያ ዎደ አማለቃት ፆኖሶና። 
\v 12 ሙሰ ኩሸይ አርጋጭዳ ዎደ አሮናራነ ሁራራ ሹች ኤህድ ሙሰ እያ ቦላ ኡትስዶሶና። አሮንነ ሁር ኡሻቻራነ ሀድርሳራ ኤቅድ አዋይ ዉላና ጋካናዉ እያ ኩሽያ ካትስ ኦይክዶሶና። 
\v 13 ሄሳዳ ኦድ እያሱይ አማለቃታ ማሻን ኦልድ ይስስ።
\p
\v 14 ሄሳፈ ጉየ ጎዳይ ሙሰኮ፥ “ሀይስ ኡባ ዎደ ሀሳየታና መላ ሀ ፆኑዋ ታርክያ ፃፋ። ታኒ አማለቃታ ቡርፆራ ይሳናይሳነ ኤንቲ ዶገታናይሳ እያሱስ ኦዳ” ያግስ። 
\v 15 ሙሰይ ያርሾ በሲ ጊግስድ፥ “ጎዳይ ታ ፆኑዋ ባንድራ” ግድ ሱንስ። 
\v 16 እ፥ “ጎዳ ፆኖ ባንድራ ቁ ኦድ ኦይክተ። ጎዳይ አማለቃታ መርናዉ ኦላና” ያግስ።
\c 18
\s1 ዮቶር ሙሰ ፆሞሱዋ
\p
\v 1 ምድያመ ቢታ ካህነይ፥ ሙሰ ቦሎይ ዮቶር፥ ጎዳይ ሙሰስነ ባ አሳ እስራኤለታስ ኦዳባነ ኤንታና ግብፀፈ ከስዳባ ስእስ።
\p
\v 2 ሄ ዎደ ሙሰ ቦሎይ ዮቶር፥ እያ ማታን ሙሰይ አግድ ብዳ እያ ማችዉ ስፖሮነ፥ 
\v 3 እ ናምኡ ናይታ ኤክድ ይስ። ሙሰይ፥ “ታኒ አላጋ ቢታን በተ አስ ግዳስ” ግድ ባይራ ናኣ ገርሳማ ግድ ሱንስ። 
\v 4 ካሉዋ ቃስ፥ “ታ አዋ ፆሳይ፥ ታና ግብፀ ካዉዋ ማሻፈ አሽስ” ግድ አላዛራ ግድ ሱንስ።
\p
\v 5 ሙሰ ቦሎይ ዮቶር፥ እያ ማችዉነ እ አደ ናይታ ባራ ኤክድ፥ መላ ቢታን፥ ፆሳ ዙማ ማታን ደእያ ሙሰኮ ይስ። 
\v 6 እ ባንታ ዩሳ ኤርሳናዉ ሙሰኮ ኪትስ።
\p
\v 7 ሄሳ ግሾ፥ ሙሰይ ባ ቦሉዋ ሞካናዉ ከይድ፥ እያ ዝግ ሳሮድ እያ ዬርስ። ኤንቲ እሶይ እሱዋ ሳሮ ስሚድ ሙሰ ዱንካንያ ግዶ ገልዶሶና። 
\v 8 ጎዳይ እስራኤለታ አሻናዉ ግብፀ አሳ ቦላነ ኤንታ ካዉዋ ቦላ ኦዳባ ኡባነ ኦገን ኤንታ ጋክዳ መቱዋ ኡባን ጎዳይ ዋት ማድዳኮ ሙሰይ ባ ቦሉዋስ ኦድስ።
\p
\v 9 ዮቶር ጎዳይ እስራኤለ አሳ ግብፀታ ኩሸፐ አሻናዉ ኦዳ ሎኦ ኦሶታባ ስእድ ኡፋይትስ። 
\v 10 እ፥ “ህንተና ግብፀታፐ ኤንታ ካዉዋ ኩሽያፐ አሽድ፥ ግብፀ አይለተፈ ከስዳ ጎዳይ፥ እ ጋላተቶ። 
\v 11 ኦቶሮን ኤንታ ቦላ ኢታባ ኦዳ ግብፀታፐ እስራኤለታ አሻናዉ ሄሳ ኦዳ ግሾ፥ ጎዳይ ፆሳታ ኡባፈ ግታ ግደይሳ ታኒ ሀእ ኤራስ” ያግስ። 
\v 12 ሄሳፈ ጉየ ዮቶር፥ ሙሰ ቦሎይ፥ ፁሳ ያርሾነ ሀራ ያርሾ ፆሳስ ያርሽስ። አሮንነ እስራኤለ ጭማት ኡባይ ፆሳ ስንን እያራ ጌሻ ካ ማናዉ ይዶሶና።
\p
\v 13 ዎንተ ጋላስ ሙሰይ አሳስ ፕርዳናዉ ኡትስ። አሳይ ሙሰ ዩሹዋን ዎንታፈ ኦማርስ ጋካናዉ ኤቅድ ደኤስ። 
\v 14 ሙሰ ቦሎይ ሙሰይ አሳስ ኦይሳ ኡባ በእድ፥ “ኔኒ ነ ፃላላ ሀይሳ አይስ ኦይ? አሳይ ዎንታፈ ኦማርስ ጋካናዉ ነ ዩሹዋን ኤሳዳ አይስ ነርካ ኦይ?” ያግስ።
\p
\v 15 ሙሰይ ባ ቦሉዋኮ፥ “አሳይ ፆሳ ሸንያ ኦይቻናዉ ኮይድ ታኮ ይያ ግሾሳ። 
\v 16 ኤንታ ግዶን ኦድ ደእኮ ታኮ ዮሶና። ታ ኤንታ ግዶን ባልነ ቱም ኦነኮ ሻካይስ፤ ፆሳ ኪታነ ህግያ ኤንታዉ ኦዳይስ” ያግስ።
\p
\v 17 ሙሰ ቦሎይ፥ “ሀይስ ነ ኦይስ ሎኦ ግደና። 
\v 18 ነካ ኔኮ ይያ አሳ ኡባይ ዳቡረታ። ሀ ኦሶይ እስ አሳፐ ዳሮ ግድያ ግሾ፥ ኔኒ ነርካ ኦናዉ ዳንዳአካ። 
\v 19 ሀእ ታኒ ነና ዞረይሳ ስአ፤ ፆሳይ ኔራ ግዳና። ኔኒ ሀ አሳ በሳን ግዳዳ ኤንታባ ፆሳስ ኦዳ። 
\v 20 ፆሳ ኪታነ ህግያ ኤንታ ታማርሳ። ኤንቲ ዋን ዳነኮነ አይ ኦነኮ ኤንታ በሳ። 
\v 21 ቃስ አሳ ግዶን ኦዳ ሻክድ ኤርያ አሳታ፥ ፆሳ ያየይሳታ፥ አማንይሳታነ ዎፈ ኤኮናይሳት ዶራ። ኤንታና አሳ ቦላ ሻላቃታ፥ ማቶ ሀላቃታ፥ ሀምሳላቃታነ አስራላቃታ ኦዳ ሹማ። 
\v 22 ኤንቲ ኡባ ዎደ ካዉሻ ኦዳታ ባንታዉ ፕርዶ፥ ሽን ዴፆ ኦዳታ ኔኮ ኤሆ። ሄሳዳ ነ ኦኮ ቶሆይ ነዉ ካዉያና። 
\v 23 ነ ኦና መላ ፆሲ ኮየይ ሄሳ። ቃስ ነ ዳቡራካ ሀ አሳ ኡባይ ባ አላለይ ፖለትን ባ ሶ ባ ሶ ስማና” ያግስ።
\p
\v 24 ሙሰይ ዮቶራ ዞርያ ስእስ፤ እ ግዳባ ኡባ ኦስ። 
\v 25 ሙሰይ እስራኤለታ ግዶፈ ኦዳ ሻክ ኤርያ አሳታ ዶርስ። ኤንታና አሳ ቦላ ሻላቃታ፥ ማቶ ሀላቃታ፥ ሀምሳላቃታነ አስራላቃታ ኦድ ሹምስ። 
\v 26 ሹማት ካዉሻ ኦዳታ ባንታዉ ፕርድዶሶና፥ ሽን ዴፆ ኦዳታ ሙሰኮ ኤሆሶና።
\p
\v 27 ሄሳፈ ጉየ ሙሰይ ባ ቦሉዋ ሞይዝን፥ እ ባ ቢታ ስምስ።
\c 19
\s1 ጎዳይ ሲና ዙማ ቦላ
\p
\v 1 እስራኤለ አሳይ ግብፀፈ ከይዳ ሄን አጌናስ ኮይሮ ጋላሳን ሲና መላ ቢታ ጋክዶሶና። 
\v 2 ኤንቲ ራፍድማፐ ደንድድ ብድ፥ ሲና ዙማ ስንን ደእያ መላ ቢታን ኡትዶሶና።
\p
\v 3 ሙሰይ ፆሳራ ጋሄታናዉ ዙማ ቦላ ከይስ። ጎዳይ ዙማ ሁጰፐ እያ ፄግድ፥ “ያይቆባ ሼሽ ግድዳ እስራኤለታስ ሀይሳዳ ያጋ፤ 
\v 4 ‘ታኒ ግብፀታ ቦላ ኦዳባነ አርጋን ባ ናአ ባ ቀፍያን ቶከይስዳ ታ ህንተና ዋታ ቶካዳ ታኮ ኤህዳኮ ህንተ ህንተ ሁጰን በእደታ። 
\v 5 ሀእ ህንተ ታዉ ኪተትኮነ ታ ጫቁዋ ናግኮ፥ ቢታ ኩመይ ታባ ግድኮካ ህንተ ታዉ ዶረትዳ ደረ ግዳና። 
\v 6 ህንተ ታዉ ጌሻ ደረ ግዳና፤ ህንተ ካዎተን ካህነ ግድድ ታና ሀጋዛና።’ ኔኒ እስራኤለታስ ኦዳና ቃላይ ሀይሳ” ያግስ።
\p
\v 7 ሙሰይ ጉየ ብድ፥ ዙማኮ ጭማታ ፄግ ሺሽድ፥ ጎዳይ ኦድዳ ቃላ ኡባ ኤንታዉ ኦድስ። 
\v 8 ኤንቲ፥ “ጎዳይ ግዳባ ኡባ ኑኒ ኦና” ያግዶሶና። ሙሰይ ኤንቲ ግዳይሳ ጎዳስ ኦድስ።
\p
\v 9 ጎዳይ ሙሰኮ “ታኒ ኔራ ሃሳይሽን አሳይ ስአናዳነ ኤንቲ ነና ኡባ ዎደ አማናናዳ ታኒ ሙምዳ ሻራራ ኔኮ ያና” ያግስ። ሄሳፈ ጉየ ሙሰይ አሳይ ግዳይሳ ጎዳስ ኦድስ።
\p
\v 10 ጎዳይ ሙሰኮ “ኔኒ አሳኮ ባዳ ሀችነ ዎንቶ ታራ ጋሄታናዉ ባንታና ጌሻና መላ ኤንታዉ ኦዳ። ኤንቲ ባንታ ማኡዋ ሜጭድ፥ 
\v 11 ሄን ጋላሳስ ጊገቶ። ሄ ጋላስ አሳ ኡባይ ታና በእሽን ታኒ ሲና ዙማ ቦላ ዎና። 
\v 12 ኔኒ ሀ ዙማ ዩሹዋን ዛዋ ዎ። አሳይ ዙማ ከዮና ቦላ መላ ዎይኮ ዙማ ፃጱዋ ቦቾና መላ ኤንታዉ ኦዳ። ዙማ ቦችዳ ኦንካ ሀይቃና። 
\v 13 ሄ ኡራይ ሹቻን ጫደትድ ዎይኮ ዶንገን ዱከትድ ሀይቆ፤ እያ ኩሸን ኦንካ ቦቾፎ። መሄይ ዎይኮ አስ ሄሳዳ ሀይቆ። ሞይዘይ ፑነትያ ዎደ ኤንቲ ዙማ ቦላ ከያናዉ ዳንዳኦሶና” ያግስ።
\p
\v 14 ሙሰይ ዙማ ቦላፈ ዎድ፥ አሳይ ፆሳ ጎይናናዉ ባንታና ጊግሳና መላ ኦድስ። ኤንትካ ባንታ ማኡዋ ሜጭዶሶና። 
\v 15 ሙሰይ አሳኮ፥ “ሄን ጋላሳስ ጊገትተ፤ ህንተ ማቸታራ አቆፕተ” ያግስ።
\p
\v 16 ሄን ጋላስ ዎንታ ጉራ ደሾይ ደችስ። ዎልአንነ ሳካና ሻር ዙማ ማእድ በንትስ። ዎልቃማ ሞይዘ ዋሶይ ስኤትስ። አሳይ ዱንካንዳ በሳ ኡባን ያሻን ኮኮርዶሶና። 
\v 17 ሄሳፈ ጉየ፥ ሙሰይ አሳ ፆሳራ ጋናዉ ኤንታና ዱንካንያፐ ከስድ ኤፍስ፤ ኤንቲ ዙማ ፃጶን ኤቅዶሶና። 
\v 18 ጎዳይ ሲና ዙማ ቦላ ታማ ላጮራ ዎዳ ግሾ ሲና ደረይ ጩያን ካመትስ። ግታ ጮጨፐ ጩይ ከየይሳዳ እያፐ ጩይያ ዙለይ ሱረ ከይስ። አሳ ኡባይ ዳሮ ኮኮርዶሶና። 
\v 19 ሞይዝያ ዋሶይ ዳር ዳር ብዳ ዎደ ሙሰይ ኦድን፥ ፆሳይ ደሾን እያዉ ዛርስ። 
\v 20 ጎዳይ ሲና ዙማ ሁጰ ቦላ ዎድ፥ ሙሰ ፑደ ዙማ ቦላ ፄግስ። ሙሰይ ዙማ ቦላ ከይስ። 
\v 21 ጎዳይ እያኮ፥ “ኔኒ ዱገ ባዳ አሳይ ታና በአና ግድ፥ ዛዋ አና መላነ ኤንታፈ ዳሮይ ሀይቆና መላ ኤንታዉ ኦዳ። 
\v 22 ሀር አቶ ጎዳ ማት ሺቅያ ካህነትካ ባንታና ጌሾ። ኤንቲ ሄሳ ኦና እኮ ታ ኤንታ ሀንቃና” ያግስ።
\p
\v 23 ሙሰይ ጎዳኮ፥ “ኔኒ ዙማ ዱማይዳ ግሾነ ዛዋ እምዳ ግሾ አሳይ ዙማ ሁጰ ከያናዉ ዳንዳኦኮና” ያግስ።
\p
\v 24 ጎዳይ እያኮ፥ “ኔኒ ዱገ ባዳ አሮና ኔራ ኤካዳ ያ። ካህነትነ አሳይ ዛዋ ካንድ ታኮ ይሸ ዮና መላ ኤንታዉ ኦዳ” ያግስ። 
\v 25 ሄሳ ግሾ ሙሰይ አሳኮ ዎድ ጎዳይ ግዳይሳ ኤንታዉ ኦድስ።
\c 20
\s1 ታሙ ኪታታ
\p
\v 1 ፆሳይ እስራኤለ አሳኮ ሀይሳዳ ያግስ፤ 
\v 2 “ነና ግብፀፈ አይለተፈ ከስዳ ጎዳይ ነ ፆሳይ ታና።
\p
\v 3 “ታፐ አትሽን፥ ሀራ ፆሰ ጎይኖፋ።
\p
\v 4 “ቦላ ሳሉዋን ደእያባ፥ ዎይኮ ጋርሳ ሳአን ደእያባ፥ ዎይኮ ሳአፐ ጋርሳን ሃ ግዶን ደእያባ አይባካ ነዉ ጎይንያ ኤቃ ዳንሳዳ ኦፋ። 
\v 5 ኤንታዉ ሆኮፋ ዎይኮ ኤንታ ጎይኖፋ። አይስ ጊኮ፥ ታኒ፥ ጎዳይ ነ ፆሳይ፥ ታ ቦንቹዋ ሀራ ፆሳታራ ኮፆና ፆሰ። ታና እፅያ አዋታ ናጋራ ግሾ ናይታ ሄን ዎይኮ ኦይዳን የለተ ጋካናዉ ሀንቃና። 
\v 6 ሽን ታና ሲቀይሳታነ ታ ኪታ ናገይሳታ ሼሻ ሙኩሉ የለተ ጋካናዉ ኬሀና።
\p
\v 7 “ፆሳ ነ ጎዳ ሱን ሀዳን ደንፋ። ጎዳይ ባ ሱን ሀዳን ደንይሳታ ሴሮና አገና።
\p
\v 8 “ሳምባታ ጌሻ ጋላስ ኦዳ ናጋ። 
\v 9 ኔኒ ኦሶ ኦናዉ በሲያ ኡሱፑን ጋላሳት ደኦሶና። 
\v 10 ሽን ላፑን ጋላሳይ ኔኒ ጎዳ ቦንችያ ሸምፖ ጋላስ። ሄ ጋላሳን አይባ ኦሶካ ኦፋ። ኔኒ፥ ዎይኮ ነ ናይት፥ ዎይኮ ነ አይለት፥ ዎይኮ ነ መሄይ፥ ዎይኮ ነ ቢታን ደእያ አሳ ጋደ አሳት ሄ ጋላሳን ኦሶ ኦፍተ። 
\v 11 ኡሱፑን ጋላሳ ግዶን ጎዳይ ሳሎታ፥ ሳኣ፥ አባነ ኤንታ ግዶን ደእያ ኡባ መስ፥ ሽን ላፑን ጋላሳን ሸምፕስ። ሄሳ ግሾ ጎዳይ ሳምባታ ጋላሳ አንጅስነ ዱማይስ።
\p
\v 12 “ጎዳይ ነ ፆሳይ ነዉ እምያ ቢታን ነ ላይይ አዱቃና መላ ነ አዋነ ነ አይዉ ቦንቻ።
\p
\v 13 “አሳ ዎፓ።
\p
\v 14 “ላሞፋ።
\p
\v 15 “ካይሶቶፓ።
\p
\v 16 “ነ ላግያ ቦላ ዎርዶ ማርካቶፋ።
\p
\v 17 “ነ ላግያ ኬ አሞቶፋ። ነ ላግያ ማችዉ፥ ዎይኮ እያ አይለታ፥ ዎይኮ እያ መህያ፥ ዎይኮ እያ ሀርያ፥ ዎይኮ እያዉ ደእያባ አይባካ አሞቶፋ” ያግስ።
\p
\v 18 አሳ ኡባይ ደሾይ ደቸይሳነ ሞይዘይ ፑነተይሳ ስእድ፥ ዎልአንይ ዎልአመይሳነ ደረይ ጩየይሳ በእድ ያሻን ኮኮርሸ ሃሆን ኤቅዶሶና። 
\v 19 ኤንቲ ሙሰኮ፥ “ኔኒ ኑስ ኦዳ፤ ኑኒ ስአና። ሽን ኑኒ ሀይቆና መላ ፆሳይ ኑስ ኦዶፖ” ያግዶሶና። 
\v 20 ሙሰይ አሳኮ፥ “ያዮፍተ፤ ፆሳይ ህንተና ፓጫናዉነ ህንተ እያዉ ኪተትድ ናጋራ ኦና መላ እ ይስ” ያግስ። 
\v 21 አሳይ ባንታ ደእያሱዋን ሃክድ ኤቅዳሽን፥ ፆሳይ ደእያሱዋ ሙምዳ ሻራኮ ሙሰይ ሺቅስ።
\s1 ያርሾ በሳታነ ኤቃታ
\p
\v 22 ሄሳፈ ጉየ፥ ጎዳይ ሙሰኮ “እስራኤለ አሳስ ሀይሳዳ ያጋዳ ኦዳ፤ ‘ሳሎፐ ታኒ ህንተዉ ኦድሽን ህንተ ታና ህንተ ሁጰን በእደታ። 
\v 23 ያንያ ግሾ፥ ብራ ኤቃ ዎይኮ ዎርቃ ኤቃ ህንተዉ ኦድ ታ ቦላ ጉጅድ ጎይኖፍተ። 
\v 24 ነን ታዉ ያርሾ በሲ ኡርቃፈ ጊግሳ። ነ ዶርሳታፐነ ነ ቦራታፐ ኤካዳ ፁሳ ያርሾነ እስፈተ ያርሾ እያ ቦላ ያርሻ። ህንተ ታና ጎይናና መላ ታኒ ዶርዳ በሳ ኡባን ህንተኮ ያዳ ህንተና አንጃና። 
\v 25 ህንተ ታዉ ያርሾ በሲ ሹቻፈ ኬፅያባ ግድኮ ማሰትዳ ሹቻፈ ኬፆፋ። ኔኒ ማስያ ሚሸን እያ ቦችኮ ቱንሳሳ። 
\v 26 ህንተ ከይሸ ካሎቶና መላ ታዉ ያርሾ በሲ ኮዶራ ከይያ በሳን ኬፆፋ’ ” ያግስ።
\c 21
\s1 አይለ አይሶ ዎጋ
\r (ታይቦ 15:12-18)
\p
\v 1 ጎዳይ ሙሰ ባጋራ ባ ደርያስ እምዳ ዎጋይ ሀይሳ፤ 
\v 2 “ነ እብራወ አይለ ሻምኮ፥ እ ነዉ ኡሱፑን ላይ ኦ፥ ሽን ላፑን ላይን አይኮካ ቃንፆና፥ አይለተፈ ጮ የደቶ። 
\v 3 እ ማቾ ኤኮና ሻመትዳባ ግድኮ፥ ባርካ የደቶ። እ ማችድ፥ ሻመትዳባ ግድኮ፥ እያ ማችያካ እያራ የደቶ። 
\v 4 እያ ጎዳይ እያዉ ማቾ እምዳባ ግድኮነ ማችያ እያዉ አደ ናይታ ዎይኮ ማጫ ናይታ የልዳባ ግድኮ፥ እያ ማችያነ እ ናይት እያ ጎዳባ ግዶ፤ አደይ ባርካ የደቶ። 
\v 5 ሽን አይለይ፥ ‘ታኒ ታ ጎዳ፥ ታ ማችዉነ ታ ናይታ ዶሳይስ’ ግድ አይለተፈ ከያናዉ ኮዮና እፅኮ፥ 
\v 6 እያ ጎዳይ፥ ጎዳ ስን እያ አ። ያትድ፥ ፐንገ ዎይኮ ፐንገ ዝዝግያ ማታን እያ ኤስድ፥ እያ ሀይ ጎን ሉኮ። ሄሳፈ ጉየ፥ እ ባ ደኦ ላይ ኡባን እያዉ አይለ ግዶ።
\p
\v 7 “እስ አስ ባ ማጫ ናእዉ አይለተስ ባይዝኮ፥ አደ አይለታ አይለተፈ ከዮፖ። 
\v 8 እዮ ሻምድ ማቻናዉ ኤፍዳ ጎዳይ እዮ ዶሶና እፅኮ፥ እ ጎዳይ እዮ ደርያን ዎዝሶ። እ ጎዳይ እ ቦላ ኢታባ ኦዳ ግሾ፥ እዮ አላጋስ ባይዛናዉ ዳንዳኤና። 
\v 9 እ እዮ ባ ናኣስ እማናዉ ኮይኮ፥ ባ ማጫ ናአ ኦድ ኤኮ። 
\v 10 እ ሀራ ማቾ እ ቦላ ኤክኮ፥ ኮይሮ ማቼስ ካ፥ ማኦነ እንዳስ በሲያ ዎጋ እዉ ፓጭሶፖ። 
\v 11 እ ሀ ሄባታ እዉ ኦና እፅኮ፥ አይብ ሚሸካ ቃንፆና አይለተፈ ከያዳ ቦ።”
\s1 ኢታ አስ ሴሮ ዎጋ
\p
\v 12 “አሰ ሾጭድ ዎያ ኦንካ ሀይቃናዉ በሴስ። 
\v 13 እ ዎናዉ ቆፖና እያፐ ሀይቅያባ ግድኮ፥ እ ባቃትድ አታና በሲ ታኒ እያዉ ጊግሳና። 
\v 14 ሽን አስ ቆፕድ ሀራ አስ ዎኮ፥ ሄ ኡራይ ታ ያርሾ በሲ ቢኮ ያፐ ድጋዳ ሀራ በሳን ዎ።
\p
\v 15 “ባ አዋ ዎይኮ ባ አይዉ ደችያ ኦንካ ሀይቆ።
\p
\v 16 “አሰ ባይዛናዉ ዎይኮ ሃራናዉ ዎልቃን ኦይክያ አስ ሀይቃናዉ በሴስ።
\p
\v 17 “ባ አዋ ዎይኮ ባ አይዉ ጫየይ ሀይቆ።
\p
\v 18 “ናምኡ አሳት ኦየትድ፥ እሶይ እሱዋ ሹቻን ጫድድ ቆእኮ፥ ዎይኮ ዡልትኮ፥ ሄ ደሸትዳይስ ሀይቆና አትድ ሀርግድ ሂፃን ፔእኮ፥ 
\v 19 ደንድድ ጉፈትድ ካረ ሄራን ሄመትኮ፥ ሄ ደችዳይስ ሀይቆፐ አቴስ። ግድኮካ እ እያ ኦሶፐ አሽዳ ግሾ፥ አጫናዉነ ፓፃና ጋካናዉ ሀርግሳናዉ ኮሼስ።
\p
\v 20 “እስ አስ ባ አደ አይልያ ዎይኮ ማጫ አይልዉ ፃምአን ሾጭድ ዎኮ ሴረታናዉ በሴስ። 
\v 21 ሽን ሄ አይለይ እስ ዎይኮ ናምኡ ጋላሳ ግዶን ሀይቆና እፅኮ፥ እያ ጎዳይ ሴረቶፎ። ሄ አይለይ እያ ሻሎ ግድያ ግሾ እያ ሀይቆይ ባዉ ሴራ።
\p
\v 22 “ናምኡ አሳት እሶይ እሱዋራ ዋትድ ቃንፃትዳ ማጫስዉ ደችድ፥ እያ ቦሸታና መላ ኦኮ፥ ሀራ ኢታ ቆሆ ጋና እፅኮ፥ ሄ ደችዳ ኡራይ፥ ሄ ማቸ አዝናይ ኦይችያ አጫ ዳይናት ፕርድኮ ጭጎ። 
\v 23 ሽን ሄ ማጫሰ ደሸይ ዳርኮ፥ ሸምፖ ግሾ ሸምፖ፥ 
\v 24 አይፈ ግሾ አይፈ፥ አቻ ግሾ አቸ፥ ኩሸ ግሾ ኩሸ፥ ቶሆ ግሾ ቶሆ፥ 
\v 25 ፁሳ ግሾ ፁስ፥ ማዱን ግሾ ማዱን፥ ቆኦ ግሾ ቆኦ ኤካናዉ ኮሼስ።
\p
\v 26 “እስ አስ ባ አደ አይልያስ ዎይኮ ማጫ አይሌስ አይፈ ባቅድ ቶይስኮ፥ ሄ አይፍያ ግሾ አይለተፈ ከስ የዶ። 
\v 27 ሄሳዳካ፥ ባ አይልያ አቸ ዎይኮ ባ አይለ አቸ መንኮ፥ ሄ አቻ ግሾ አይለተፈ ከስ የዶ።
\p
\v 28 “ቦር አሰ ቃይጭድ ዎኮ፥ ሄ ቦራይ ሹቻን ጫደት ሀይቆ። እያ አሾይ ሜተቶፎ፥ ሽን ቦራ ጎዳይ ሴረቶፎ። 
\v 29 ሽን ቦራይ ካሰካ ቃይጭያባ ግድኮነ ኮይሮትድ ቦራ ጎዳስ ኦደትን፥ እ ቃቾና እፅዳባ ግድኮ፥ ሄ ቦራይ አሰ ዎኮ፥ ቦራይነ ቦራ ጎዳይ እስፈ ሹቻን ጫደትድ ሀይቆ። 
\v 30 ሽን ቦራ ጎዳይ አጫ ቃንፃና መላ ኦይሸትኮ፥ ኤንቲ ኦይችዳባ ቃንፅድ ባ ሸምፑዋ ዎዞ። 
\v 31 ቦራይ አደ ናአ ዎይኮ ማጫ ናአ ቃይጭድ ዎኮ ፕርዳይ እያ መላ ግዶ። 
\v 32 ቦራይ አደ አይለ ዎይኮ ማጫ አይለ ቃይጭድ ዎኮ፥ ቦራ ጎዳይ አይልያ ጎዳስ ሀስታሙ ብራ ሳንትመ ቃንፆ፤ ቦራይ ሹቻን ጫደትድ ሀይቆ።
\p
\v 33 “እስ አስ ኦላ ቦክድ ካሞና አግኮ ዎይኮ ካማ ደንን ቦር ዎይኮ ሀረይ ሄ ኦላን ዉልኮ፥ 
\v 34 ሄ ኦላ ጎዳይ መህያ ጋትያ ቃንፆ። እ እያ ጎዳስ ጋትያ ቃንፅድ፥ ሀይቅዳ መህያ ባዉ ኤኮ።
\p
\v 35 “እስ አሳ ቦር ሀራ አሳ ቦር ጫድድ ዎኮ፥ ፓፃ ቦራ ባይዝድ፥ እያ ሚሽያነ ሀይቅዳ ቦራ አሹዋ ናምአይ ሻክ ኤኮ። 
\v 36 ሽን ሄ ቦራይ ካሰካ ቃይጭያባ ግደይሳ ኤርሸ፥ እያ ጎዳይ ቃቾና አግዳባ ግድኮ፥ ሄ ኡራይ እያዉ ቦር ቃንፆ። ያትድ፥ ሄ ሀይቅዳይሳ ባዉ ኤኮ።”
\c 22
\s1 ሻሎ ናጎ ዎጋ
\p
\v 1 “እስ አስ ቦር ዎይኮ ዶርሰ ካይስድ ሹክኮ፥ ዎይኮ ባይዝኮ፥ ቦራ ግሾ እቻሹ ቦራታ፥ ዶርሳ ግሾ ኦይዱ ዶርሳታ ጭጎ።
\p
\v 2 “ካይሶይ ኬ ቦክሸ ኦይከትድ ሾጨትድ ሀይቅኮ፥ ሾጭ ዎዳይስ ኦይሸተና። 
\v 3 ሽን ሄስ ሀንዳይ ጋላስ ግድኮ፥ እ ሄ ጉስዳ ሱ አጩዋን ኦይሸቴስ። ካይሶይ ባ ካይስዳይሳ ዛሮ፥ ሽን እያዉ ዛራናባይ ይኮ ባ ሁጰን አይለተስ ባይዘቶ። 
\v 4 እ ካይስዳ መሄይ ፓፃ ደእሸ እያ ኩሸን በንትኮ፥ ቦር ዎይኮ ሀረ ዎይኮ ዶርሰ ግድኮ፥ እ ካይስዳይሳስ ናምኡ ኩሸ ጭጎ።
\p
\v 5 “እስ አስ ባ መህያ ደንባን ዎይኮ ዎይነ ጋደን ሄምሽን፥ መሄይ ሀራ አሳ ካ ሚኮ፥ እ ባ ካፈ ዎይኮ ባ ዎይንያፐ ሎኡዋ አጫ ቃንፆ።
\p
\v 6 “እስ አስ ባ ጋደን ታማ ፁግሽን ታማይ ቡርያ ካንድ ሀራ አሳ ጋደን ድጭያ ካነ ዶርያ ሚኮ፥ ታማ ኦይዳ ኡራይ አጮ ቃንፆ።
\p
\v 7 “እስ አስ ብራ ዎይኮ ሀራ አልኦ ሚሸ ባ ሾሩዋስ ሀዳራ እምን፥ ሄ ሾሩዋ ሶፐ ካይሶይ ሄ ሚሽያ ኤክኮነ ሄ ካይሶይ ኦይከትኮ፥ ሄ ካይሶይ ሚሽያ ናምኡ ኩሸ ጭጎ። 
\v 8 ሽን ካይሶይ በንቶና እፅኮ፥ ኡራይ ፆሳ ስን ሺቅድ፥ ባ ሾሩዋ ሚሽያ፥ እ ኤኮናይሳ ኤርሳናዉ ጫቆ።
\p
\v 9 “ናምኡ አሳት ቦራ ጋሶን ዎይኮ ሀረ ጋሶን ዎይኮ ዶርሳ ጋሶን ዎይኮ ማኦ ጋሶን ዎይኮ ሀራ ይዳባ ጋሶን ሞተትድ፥ ፆሳ ስን ሺቅኮ፥ ፆሳይ እያ ቦላ ፕርድዳይስ ናምኡ ኩሸ ጭጎ።
\p
\v 10 “እስ አስ ሀረ ዎይኮ ቦር ዎይኮ ዶርሰ ዎይኮ ሀራ መሄ ሀዳራ እምዳሱዋን ሀይቅኮ ዎይኮ መእኮ ዎይኮ ኦንካ በኦና ካይሶተትኮ፥ 
\v 11 ሀዳራ ኤክዳይስ ባ ላግያ መህያ ካይሶቶናይሳ ጎዳ ስንን ጫቆ። ሄ መህያ ጎዳይ ጫቁዋ ኤኮ፤ መሄይ እያፐ ይዳ ኡራይ ጭጋናዉ ኮሸና። 
\v 12 ሽን መሄይ ካይሶተትዳባ ግድኮ፥ መህያ ጎዳስ ጭጎ። 
\v 13 ሄ መህያ ዶእ ምዳባ ግድኮ፥ ማርካ ግዳናዳ ጋዉፃ ኤሆ፤ ዶእ ምዳባ ግድኮ እያዉ ጭጎፎ።
\p
\v 14 “አስ ባ ሾሩዋፐ መሄ ዎስ ኤክኮ እያ ጎዳይ ባይና በሳን ሄ መሄይ ደሸትኮ ዎይኮ ሀይቅኮ፥ ሄ መህያስ ጭጋ እሞ። 
\v 15 ሽን እያ ጎዳይ እያራ ደእሽን ሄስ ሀንዳባ ግድኮ አጫ ቃንፆፎ። ሀሸ ኤክዳባ ግድኮ፥ ሄ ሀሸ ሚሸይ አጮ ጋተ ግዶ።
\s1 ዱሳ ዎጋታ
\p
\v 16 “እስ አስ እስ ጌላእዉ ጭምድ፥ ኢራ ዝንኤትያባ ግድኮ፥ እዉ አጫ እምድ፥ ባዉ ማቾ ኦ። 
\v 17 እ አዋይ እዮ እያዉ እማናዉ ኮዮና እፅኮ፥ ጌላኦ ኤክያ ኡራይ አጫ እምያ ሚሸ መላ እ አዋስ እምድ አጮ።
\p
\v 18 “ብታ ብትያ ማጫስ ሀይቆ።\x - \xo 22:18 \xo*\xt ዛረ 18:10-11.\xt*\x*
\p
\v 19 “መሄራ ቱንያ ኦንካ ሀይቆ።\x - \xo 22:19 \xo*\xt ሌወ 18:23፤ 20:15.\xt*\x*
\p
\v 20 “ፆሳፈ ሀራ ጎዳታስ ያርሽያ ኦንካ ሀይቆ። 
\v 21 ህንተ ግብፀ ቢታን በተ አስ ግድድ፥ ደእዳ ግሾ፥ በተ አስ ቆሆፕተ ዎይኮ ኡንኤፍተ። 
\v 22 አምኤታነ ይኦታ ኡንኤፍተ። 
\v 23 ህንተ ኤንታ ኡንኤኮ፥ ኤንቲ ታኮ ዋሳና፤ 
\v 24 ታኒ ኤንታ ዋሱዋ ስአና። ሄ ዎደ ታ ህንተ ቦላ ሀንቀታዳ ህንተና ኦላን ዉርሳና። ህንተ ማቸት አምኦ፥ ህንተ ናይትካ አዉ ባይናይሳታ ግዳና።
\p
\v 25 “ህንተ ግዶን ደእያ ማንቆ ግድዳ ታ አሳፐ ኦደስካ ሚሸ ታልእኮ፥ የሎን ታልእያ አሳዳ የሎ ኦይቾፍተ። 
\v 26 ኔኒ እስባ ግሾ፥ እያ ማኡዋ ኦይክዳ አስ ደእኮ፥ አው ዉሎና ደእሽን እያ ማኡዋ ዛራ። 
\v 27 እ ማእድ አቀይ እ ፃላላ። እ ሀራ አይ ማእድ አቃናዉ ዳንዳኢ? ታኒ ቃትያ ፆሲ ግድያ ግሾ፥ እ ታኮ ዋስያ ዎደ ስአና።
\p
\v 28 “ፆሳ ቦላ\f + \fr 22:28 \fr*\fq ፆሳ ቦላ: \fq*\ft “ዳይናታ ቦላ”\ft*\f* ጫሻ ቃላ ሃሳዮፓ፥ ዎይኮ ነ ደርያ አይሰይሳ ባዶፋ። 
\v 29 ነ ካፈ፥ ነ ዎይነ ኡሻፈነ ነ ሻማሆ ዛይትያፐ ታዉ ያርሾ ያርሻ።
\p “ባይራ ግድድ የለትዳ አደ ናኣ ታዉ እማ። 
\v 30 ነ ሚዛፐነ ነ ዶርሳፈ ባይራ የለትዳይሳ ታዉ እማ። ኤንቲ ላፑን ጋላስ ጋካናዉ፥ ባንታ አየታራ ጋምኦ፤ ሆስፑን ጋላሳን ኤንታ ታዉ እማ።
\p
\v 31 “ህንተ ታዉ ጌሻ አስ ግዳናዉ ኮሼስ። ሄሳ ግሾ፥ ዶእ መንድ ዎዳ መሄ አሾ ሞፕተ፤ ሄሳ ካናስ የግተ።”
\c 23
\s1 ሱረ ፕርዳ
\p
\v 1 “ዎርዶ ኦዳ ጋሰፋ፤ ዎርዶ ማርካታዳ ባላ አስ ማዶፋ። 
\v 2 ኢታባ ኦናዉ ዳሮ አሳ ካሎፋ። ፕርዳ ዎብሳናዉ ዳሮ አሳራ እስፋዳ ማርካቶፋ። 
\v 3 ማንቆይ ፕርዳስ ሺቅያ ዎደ እያ ማንቆተ በአዳ ማዶፋ።
\p
\v 4 “ነ ሞርክያ ቦራይ ዎይኮ ሀረይ ይን ደምኮ፥ ዛራዳ እያዉ ኤፋ። 
\v 5 ነና እፅያ ኡራ ሀረይ ጫናራ ኩንድን በአዳ፥ ኡራ ማዳዳ ደንና አጋዳ አፋ።\x - \xo 23:5 \xo*\xt ዛረ 22:1-4.\xt*\x*
\p
\v 6 “ፕርዳ ዳባባን ማንቆይ ፕርዳስ ሺቅያ ዎደ እያ ፕርዳ ዎቢሶፓ። 
\v 7 ኦናካ ማልተን ሞቶፓ፤ ፅሉዋ ዎፓ። ሄሳ መላባ ኦዳይሳ ታኒ ፕርዶና አግከ። 
\v 8 ዎፈ ኤኮፋ፤ ዎፈይ ሱረ ፄልያ አሳ አይፈ ቆቅሴስ፥ ፅሎታ ፕርዳ ምርቄስ።
\p
\v 9 “በታንቹዋ ናቆፋ። ህንተ ግብፀ ቢታን በተ አስ ግድድ ደእዳ ግሾ፥ አሳ ጋደ አስ ግዶይ አይ መላ ስኤትያኮ ኤሬታ።
\s1 ላፑን ላይነ ላፑን ጋላስ
\p
\v 10 “ኔኒ ነ ጋድያ ኡሱፑን ላይ ጎያዳ ማ። 
\v 11 ላፑን ላይን ጋድያ ጎዮና ሻቻ፤ እያን ዶልድ ካፅያባ ሺሾፓ። ነ አሳ ግዶን ደእያ ማንቆት እያፐ ሞ፤ ቃስ ኤንታፈ አትዳይሳ ዶአት ሞ። ነ ዎይነ ጋድያነ ነ ሻማሆ ጋድያ ሄሳዳ ኦ።
\p
\v 12 “ኔኒ ኡሱፑን ጋላስ ኦሶ ኦ። ነ ቦራይነ ነ ሀረይ ሸምፓና መላነ ነ ሶን የለትዳ አይለይነ በተ አስ ሸምፓና መላ ላፑን ጋላሳን ኦሶ ኦፋ። 
\v 13 ታኒ ህንተዉ ኦድዳባ ኡባ ምንድ ኦተ። ሀራ ፆሳታ ሱን ፄግድ ዎሶፍተ፤ ኤንታ ሱን ደንፍተ።
\s1 ግታ ባኣለ ጋላሳታ
\r (ከሳ 34:18-26፤ ዛረ 16:1-17)
\p
\v 14 “ታና ቦንቻናዉ ላይን ሄ ባኣለ ጋላሳት ህንተዉ ደኦ። 
\v 15 ህንተ ግብፀፈ ከይዳ አቢባ ጌተትያ አጌናን፥ ታኒ ህንተና ኪትዳይሳዳ ኡይ ባኣለ ቦንችተ። ላፑን ጋላስ እርሾ የግድ ኡክዳ ኡይ ሞፕተ። ታና ጎይናናዉ ይሸ መላ ኩሸ ዮፕተ።
\p
\v 16 “ቃስ ህንተ፥ ህንተ ጋደን ዘርን፥ ኮይሮ ጋክዳ ካ ጫክያ ዎደ ካ ጫኮ ባኣለ ቦንችተ።
\p “ላይ ዉርሰን፥ ዎይንያነ ሄሳ መላ ምታ አይፍያ ህንተ ጋደፐ ማፅያ ዎደ ሻቃራ ባኣለ ቦንችተ። 
\v 17 ላይን ላይን ቦንቸትያ ሀ ሄ ባለታን አደ ኡባይ ታና፥ ህንተ ጎዳ ጎይናናዉ ዮ።
\p
\v 18 “ኔኒ ታዉ መሄ ያርሽያ ዎደ እርሾ የግድ ኡክዳ ኡይራ ታዉ ያርሾፋ። ባኣለ ቦንችያ ጋላስ ያርሸትዳ ሞዋፈ ዎንታስ አይብካ አቶፎ። 
\v 19 ህንተ ጋደን ባይራ ካፅዳ ካ ኡባፈ ሎኡዋ ጎዳ፥ ህንተ ፆሳ ሶ ኤህተ። ዴሻ ማር ዎይኮ ዶርሳ ማር እያ አየ ማን ዶይሶፓ።
\s1 ኡፋይሳ ቃላታነ ዎጋታ
\p
\v 20 “ነ ኦግያን ነና ናጋና ማላነ ታኒ ነዉ ጊግስዳ በሳ ነና ኤፋና መላ ታኒ ኪታንቾ ነ ስንን ኪታና። 
\v 21 እ ኦድያባ ስአዳ እያዉ ኪተታ፤ እያ ቦላ ማካሎፋ። ታ እያዉ ማታ እምዳ ግሾ፥ ህንተ ናጋራ ኦያባ ግድኮ፥ ህንተ ናጋራ ማረና። 
\v 22 ህንተ እያዉ ኪተትኮነ ታ ኪታ ኡባ ፖልኮ፥ ህንተ ሞርከታ ኡባ ሞርካና፤ ህንተራ ኤቀተይሳታ ታኒ ኦላና። 
\v 23 ታ ኪታንቾይ ህንተ ስንን ብድ፥ ህንተና አሞረታ፥ ህተታ፥ ፓርዘታ፥ ካናነታ፥ ህወታነ ያቡሰታ ቢታ ኤሀና። ታኒ ኤንታ ይሳና። 
\v 24 ኤንታ ፆሳታስ ዝጎፍተ ዎይኮ ጎይኖፍተ፥ ዎይኮ ኤንታ አማኖ ዎጋ ካሎፍተ። ኤንታ ፆሳታ ይስተ፥ ኤንታ ኤቃ ሹቻታ መንረተ። 
\v 25 ጎዳ፥ ህንተ ፆሳ ታና፥ ጎይንተ። ሄሳዳ ህንተ ኦኮ፥ ታኒ ህንተ ካነ ህንተ ሃ አንጃና፤ ሀርግያካ ህንተ ግዶፈ ድጋና። 
\v 26 ህንተ ቢታን ማጫሳይ ቦሸተና፤ ማይነና። ታኒ ህንተ ላይ አዱሳና።
\p
\v 27 “ታኒ ነ ሞርከታ ቦላ ታ ያሻ የዳና። ህንተራ ኤቀትያ ካዎተታ ኡባ ዳጋንና። ህንተ ሞርከት ኡባይ ህንተዉ ዞኮ ዛሪድ ባቃታና መላ ኦና። 
\v 28 ታኒ ህንተ ሞርከታ ቦላ ካዠ የዳዳ ህወታ፥ ካናነታነ ህተታ ህንተ ስንፈ ጎዳ ከሳና። 
\v 29 ሽን ቢታይ መላ አቶናዳነ ባዞ ዶእ ህንተና ዋይሶናዳ እስ ላይን ኤንታ ጎድከ። 
\v 30 ሽን ህንተ ታይቦን ዳርድ፥ ምንድ፥ ሄ ቢታ ላታና ጋካናዉ ኤንታ ጉራ ጉራ ጎዳ ከሳና። 
\v 31 ታኒ ህንተ ዛዋ ዞኦ አባፈ ፍልስፄመ አባ፥ መላ ቢታፈ ብድ ኤፍራፂሳ ሻፋ ጋካናዉ ዳልግሳና። ሄ ቢታን ደእያ ኡባ ታኒ ህንተ ኩሸን አዳ እማና፤ ህንተካ ኤንታ ጎድድ ከሳና። 
\v 32 ኤንታራ ዎይኮ ኤንታ ፆሳታራ ጫቆ ኦፍተ። 
\v 33 ኤንታ ህንተ ቢታን ዎፍተ። ሀንኮደ ኤንቲ ህንተና ታ ቦላ ናጋራ ኦስሳና። ኤንታ ፆሳታ ህንተ ጎይንኮ ህንተዉ ፅሄ ግዳና” ያግስ።
\c 24
\s1 ፆሳይ ባ ጫቁዋ ምንስ
\p
\v 1 ጎዳይ ሙሰኮ፥ “ኔኒ፥ አሮን፥ ናዳብ አብዮዳነ እስራኤለ ጭማታፐ ላፑን ታሙ አሳት ታኮ ዙማ ቦላ ከይድ፥ ሃሆን ኤቅድ፥ ጉፋንድ፥ ታዉ ጎይንተ። 
\v 2 ሽን ኔኒ ነርካ ታኮ ሺቃ፤ ሀራት ታ ማት ሺቆፖ። ቃስ አሳይካ ኔራ ዙማ ቦላ ከዮፖ” ያግስ።
\p
\v 3 ሙሰይ ብድ፥ ጎዳ ቃላነ ዎጋ ኡባ አሳስ ኦድን፥ አሳ ኡባይ እስ ቃላን፥ “ጎዳይ ግዳባ ኡባ ኑኒ ኦና” ያግዶሶና። 
\v 4 ሙሰይ ጎዳይ ኦድዳባ ኡባ ፃፍስ።
\p ዎንተ ጋላስ ጉራ ደንድድ፥ ዙማ ጋርሳን ያርሾ በሰ ጊግስስ። ታማነ ናምኡ እስራኤለ ሼሻታ ሱንን፥ ታማነ ናምኡ ሹቻ ቱስ ኤስስ። 
\v 5 እስራኤለ ፓንታ እ ኪትን፥ ኤንቲ ብድ ፁሳ ያርሹዋነ እስፈተ ያርሹዋስ ኮርማታ ሹክድ፥ ጎዳስ ያርሽዶሶና። 
\v 6 ሙሰይ መህያ ሱፈ ባጋ ኤክድ ከርያን ትግስ፤ አትዳ ባጋ ሱ ያርሾ በሳን ርጭስ። 
\v 7 ሄሳፈ ጉየ ጫቆ ማፃፋ ኤክድ፥ አሳስ ናባብን፥ ኤንቲ፥ “ጎዳይ ግዳባ ኡባ ኑኒ ኦና፤ ኑኒ እያ ኪታ ፖላና” ያግዶሶና።
\p
\v 8 ሄሳፈ ጉየ፥ ሙሰይ ሄ ሱ ኤክድ፥ አሳ ቦላ ርጭድ፥ ኤንታ፥ “ጎዳይ ህንተዉ ሀ ኪታታ እምያ ዎደ ህንተራ ገልዳ ጫቁዋ ምንያ ሱይ ሀይሳ” ያግስ።
\p
\v 9 ሙሰይ፥ አሮን፥ ናዳብ፥ አብዮዳነ እስራኤለ ጭማታፐ ላፑን ታማይ ዙማ ቦላ ከይድ፥ 
\v 10 እስራኤለ ፆሳ በእዶሶና። እያ ቶሁዋፐ ጋርሳን ሳሎዳ ጌይዳ፥ ሳንፓረ ጌተትያ ሹቻፈ ኦሰትዳባ ዳንያ ደምባ በሲ ደኤስ። 
\v 11 ሽን ፆሳይ እስራኤለ አሳ ሀላቃታ ዎቤና። ኤንቲ ፆሳ በእዶሶና፤ እያ ስንን ምዶሶናነ ኡይዶሶና።
\s1 ሙሰይ ሲና ዙማ ቦላ
\p
\v 12 ጎዳይ ሙሰኮ፥ “ኔኒ ታኮ ዙማ ቦላ ሃ ከያዳ፥ ሀይሳን ጋምአ። ታ አሳይ ታዉ ኪተታና መላ ናምኡ ሎቸ ሹቻታ ቦላ ታ ኩሸን ታ ፃፍዳ ህገታ ነዉ እማና” ያግስ።
\p
\v 13 ሙሰይነ እያዉ ኪተትያ እያሱይ ባናዉ ደንድዶሶና፤ ሙሰይ ፆሳራ ጋሄታናዉ ዙማ ቦላ ከይስ። 
\v 14 ሙሰይ እስራኤለ ጭማታኮ፥ “ኑኒ ህንተኮ ስማና ጋካናዉ ሀይሳን ጋምእተ። አሮንነ ሁር ሀይሳን ህንተራ ደኦሶና፤ ኦድ ደእያ ኦንካ ኤንታኮ ቦ” ያግስ።
\p
\v 15 ሙሰይ ዙማ ቦላ ከይዳ ዎደ ሻራይ ዙማ ማእስ። 
\v 16 ጎዳ ቦንቾይ ሲና ዙማ ቦላ ኡትስ። ሄ ሻራይ ኡሱፑን ጋላስ ዙማ ቦላ ማእስ፤ ላፑን ጋላስ ጎዳይ ሻራ ግዶን ግድድ ሙሰ ፄግስ። 
\v 17 ዙማ ቦላ ቆንጭዳ ጎዳ ቦንቾይ እስራኤለታስ ታማ ላጮ ዳንድ በንትስ። 
\v 18 ሄሳፈ ጉየ፥ ሙሰይ ዙማ ሁጵያ ከይድ ሻራ ግዶ ገልስ፤ ያን ኦይታሙ ጋላስነ ኦይታሙ ቃማ ጋምእስ።
\c 25
\s1 ፆሳ ኬስ እመትዳ እሙዋ
\p
\v 1 ጎዳይ ሙሰኮ ሀይሳዳ ያግስ፤ 
\v 2 “ታዉ እሞታ ኤሀና መላ እስራኤለታስ ኦዳ። እያ ዎዛን እያ እማ እማ ግዳባ እምያ እሞታ አሳ ኡባፈ ታዉ ኤካ። 
\v 3 ህንተ ኤንታፈ ኤካና እሞታይ፥ ዎርቃ፥ ብራ፥ ናሰ ብራታ፥ 
\v 4 ካሎሰ ቃጭና፥ ኦቻ ቴራ ዳንያ ቃጭና፥ ዞኦ ቃጭናነ አልኦ ሊኖ፥ ዴሻ እክሰ፥ 
\v 5 ሃሸትድ ዞኦ ቃላመን ትየትዳ ዶርሳ እተ፥ ሎኦ ዶአ እተ፥ ሶቃላ ም፥ 
\v 6 ፆምፐስ ማድያ ሻማሆ ዛይተ፥ ሹማተ ዛይትያንነ እፃንያን ጉዠትያ ሳዎታ፥ 
\v 7 ካህነ ሀላቃይ ማእያ ኤፉደ ጌተትያ ማኡዋ ቦላነ እያ ትራን ዎሰትያ ማርግደ ጌተትያ አልኦ ሹቻነ ሀራ አሌቆ ሹቻታ ኤሆ። 
\v 8 ታኒ ኤንታ ግዶን ዳና መላ ኤንቲ ታና ጎይንያ በሲ ጊግሶ።” 
\v 9 ዱንካንያነ እያ ግዶን ደእያ ሚሸታ ኡባ ታ ነና በሲያ ማራን ኦ።
\s1 ጫቆ ታቦተ
\r (ከሳ 37:1-9)
\p
\v 10 “ሶቃላ ምፈ፥ አዱሳተይ ናምኡ ዋነ ታካ፥ ጎምፓይ እስ ዋነ ታካ፥ ጌሳይ እስ ዋነ ታካ ግድያ ሳፅነ ኦተ። 
\v 11 ጋነ ካርያ ዋላህ ባይና ዎርቃን ካማ፤ እያ ዩሹዋካ ዎርቃን ላንፃ። 
\v 12 ሄ ታቦትያስ ኦይዱ ዎርቃ ሳጋዮታ ኦዳ፤ ኦይዱ ገዳታ ቦላ እስ ባጋራ ናምኡ ሳጋዮታ፥ ቃስ ሀንኮ ባጋራ ናምኡ ሳጋዮታ አዳ ጋሰ። 
\v 13 ታቦትያ ቶክያ ካሶ ምታ ሶቃላ ምፈ ከሳዳ ዎርቃን ላንፃ። 
\v 14 ታቦትያ ቶካናዉ እያ ምየን ደእያ ሳጋዮታን ካሶ ምታ አ። 
\v 15 ቶክያ ካሶ ምት ታቦትያ ሳጋዮታ ግዶን ደኦ፤ ኤንቲ ያፐ ከዮፖ። 
\v 16 ታቦትያ ግዶን ታኒ ነዉ እምያ፥ ታሙ ኪታት ፃፈትዳ ናምኡ ሎቸ ሹቻታ ዎ።
\p
\v 17 “ዋላህ ባይና ዎርቃፈ አዱሳተይ ናምኡ ዋነ ታካ፥ ጎምፓይ እስ ዋነ ታካ ግድያ ናጋራ አቶተ ካማ ኦ። 
\v 18 ቀፈራ ደእያ ናምኡ ክሩበታ ዎርቃፈ ቆፃዳ ኦ። 
\v 19 እስ ክሩብያ እስ ባጋ ጋፃን፥ ናምአን ክሩብያ ሀንኮ ባጋ ጋፃን ዎዳ ናምኣ ታቦትያ ጉጵያራ ኦይዳ ኦ። 
\v 20 ክሩበት ዎልኮ ስም ኡትድ፥ ባንታ ቀፍያ ደንድ፥ አቶተ ካማ ካሞ። 
\v 21 ታኒ ነዉ እምያ ሎቸ ሹቻ ቦላ ፃፈትዳ ታሙ ኪታታ ታቦትያ ግዶን ዎ። ያታዳ፥ ጉጵያ ታቦትያ ቦላ ዎ። 
\v 22 ታቦትያ ጉጵያ ቦላ ደእያ ናምኡ ክሩበታፐ ግዶን ግዳዳ ታኒ ኔራ ጋሄታና። እስራኤለ አሳስ እምያ ኪታ ኡባ ታኒ ያን ነዉ እማና።”
\s1 ኡይ ፃርጴዛ
\p
\v 23 “ሶቃላ ምፈ አዱሳተይ ናምኡ ዋ፥ ጎምፓይ እስ ዋ፥ ጌሳይ እስ ዋነ ታካ ግድያ እስ ፃርጴዛ ኦ። 
\v 24 ያታዳ፥ ዋላህ ባይና ዎርቃን ላንፃ፤ እያ ዩሹዋካ ዎርቃን ላንፃ። 
\v 25 ሄሳዳካ፥ ጎምፓይ ታካ ግድያ ጎሳ እያ ቦላ ዩሻ አ። ያታዳ፥ እያ ዩሹዋ ዎርቃን ላንፃ። 
\v 26 ሄ ፃርጴዛስ ኦይዱ ዎርቃ ሳጋዮታ ኦዳ፥ ፃርጴዛ ኦይዱ ቶሆታራ ኦይ። 
\v 27 ፃርጴዛ ቶካናዉ ካሶ ምታ አያ ሳጋዮት ፃርጴዛ ጎሳ ማታን ሺቅድ ደኦ። 
\v 28 ሄ ቶክያ ካሶታ ሶቃላ ምፈ ከሳዳ፥ ዎርቃን ላንፃ። 
\v 29 ሄሳዳካ፥ ሻተታነ ጭልፓታ፥ ዎይነ ያርሹዋ ዱቅያ ሚሸታነ ፁአታ ዋላህ ባይና ዎርቃፈ ኦ። 
\v 30 ፃርጴዛይ ታቦትያስ ስን ባጋራ ኡቶ። ታ ስንን ኡትያ ጌሻ ኡይይ ኡባ ዎደ ፃርጴዛ ቦላፈ ዮፖ።”
\s1 ፆምፐ ዎያ ኮጫ
\r (ከሳ 37:17-24)
\p
\v 31 “ፆምፐ ዎያ ኮጫ ዋላህ ባይና ዎርቃፈ ኦ። ሄ ኮጫይ ኤቅያ ቶሁዋነ ቶማ ዎርቃፈ ቆፃዳ ኦ። አሌቆስ ኦሰትያ ዋላፃት፥ ጋምቡትነ ጪሻት ኡባይ እስኖ ግድድ ኦሰታናዉ በሴስ።\fig ፆምፐ ዎያ ኮጫ|alt="Seven-branched candlestick or lampstand" src="HK00264B.tif" size="col" ref="25:31"\fig* 
\v 32 ናምኡ ባጋራ፥ ሄ ሄ ታሸታ እያዉ ከሳ። 
\v 33 ኡሱፑን ታሸታስ ፄራን ፄራን ሄ ሄ አሌቆ ጋምቡትነ ጪሻት ደእያ ላውዘ ም ጪሸ ዳንያባይ ደኦ። 
\v 34 ፆምፕያ ዎያ ኮጫ ግዶን ደእያ ቶማ ፄራን ኦይዱ አሌቆ ጋምቡትነ ጪሻት ደእያ ላዉዘ ም ጪሸ ዳንያባይ ደኦ። 
\v 35 ታሸታፐ ጋርሳን፥ ናምኡ ታሸት ጋሄትያ በሳን እስ እስ ጋምቡ ደኦ። 
\v 36 ጋምቡይ፥ ታሸይነ ፆምፕያ ዎያ ኮጫይ እስኖ ግድድ፥ ዋላህ ባይና ዎርቃፈ ቆፀትድ ኦሰቶ።
\p
\v 37 “ፆምፐ ዎያ ኮጫ ቦላ ላፑን ፆምፐታ ጊግሳዳ፥ ኤንቲ ስን ፖአና መላ ቁ ኦዳ ዎ። 
\v 38 ፆምፕያ ናጋናዉ ማድያ ቃጰታነ ኤንታ ዎያባታ ዋላህ ባይና ዎርቃፈ ኦ። 
\v 39 ፆምፐ ዎያ ኮጫይነ እያ ሚሸት ኡባይ ሀስታማነ እቻሹ ክሎ ግራመ ግድያ ዋላህ ባይና ዎርቃፈ ኦሰቶ። 
\v 40 ታኒ ነና ዙማ ቦላ በስዳ ሌምሱዋ ካላዳ፥ አኬካዳ ኦ።”
\c 26
\s1 ጌሻ ዱንካነ
\r (ከሳ 36:8-38)
\p
\v 1 “ዱንካንያ ጋ ባጋስ አልኦ ሊኖፐ ኦሰትዳ፥ ታሙ ገሸ ጊግሳ። ኤንታ ካሎሰ፥ ኦቻ ቴራ ዳነይሳንነ ዞኦ ቃጭናን ዳዳዳ ክሩበታ ምስልያራ አሌቅሳ። 
\v 2 ገሸት ኡባይ እስ ልከ ግዶ፤ አዱሳተይ ላታማነ ኦይዳ፥ ጎምፓይ ቃስ ኦይዱ ዋ ግዶ። 
\v 3 እቻሹ ገሸታ እስፈ ጋዳ ስካ፤ ሀንኮ አትዳ እቻሻታ ሄሳዳ ኦ። 
\v 4 እስፈ ጋሄትድ ስከትዳ ናምኡ ገሸታስ እሱዋ እሱዋ ጋፃን ካሎሰ አፍላፐ ኦሰትዳ ሳጋዮታ ኦ። 
\v 5 እስፈ ስከትዳ ኮይሮ ማጋራጁዋ ቦላ ኮይሮ ማራን ካሎሰ አፍላፐ ኦሰትዳ እሻታሙ ሳጋዮታ ኦ፤ ሄሳዳካ ናምአን ማጋራጁዋ ቦላ ዉርሰ ጋፃን እሻታሙ ሳጋዮታ ኦ። 
\v 6 ጌሻ ዱንካነይ እስኖ ግዳና መላ ናምኡን ሻከት ስከትዳ ገሸታ ዎል ጋድ ኦይሰናዉ፥ እሻታሙ ዎርቃፈ ኦሰትዳ ኦይክያባታ ኦ።
\p
\v 7 “ጌሻ ዱንካንያ ቦላራ ካማና መላ ታማነ እስ ገሸታ ዴሻ እክሰፐ ኦ። 
\v 8 ታማነ እስ ገሸት እስ ግና ግዶ፤ እስ እስ ማጋራጁዋ አዱሳተይ ሀስታሙ ዋ፥ ጎምፓይ ኦይዱ ዋ ግዶ። 
\v 9 እቻሹ ገሸታ እስ ባጋራ፥ ኡሱፑን ገሸታ ሀንኮ ባጋራ ጋዳ ስካ። ኡሱፑን ማጋራጆይ ዳኮየትድ፥ ዱንካንያስ ስን ባጋራ ዳቡለቶ። 
\v 10 ዎል ጋ ስክዳ ገሸታፐ እስ ማጋራጁዋስ ማጫራ ቦላ እሻታሙ ሳጋዮታ ኦ፤ ቃስ ሀንኮ ማጋራጁዋስ ማጫራ ቦላ እሻታሙ ሳጋዮታ ኦ። 
\v 11 ናምኡን ሻከት ስከትዳ ገሸት እስ ካማ ግዳና መላ እሻታሙ ናሰ ብራታፐ ኦሰትዳ ኦይክያባታ ኦ። 
\v 12 ሄ ዱንካንያ ገሸታፐ ፓላህዳ ባጋ ኤካዳ ጌሻ ዱንካንያስ ጉየ ባጋራ ካቃ። 
\v 13 ዱንካንያ ገሸታፐ አዱሳተ ባጋራ ፓላህዳ ጎምፓይ እስ እስ ዋ ግድዳ ገሸታ ጌሻ ዱንካንያስ ናምኡ ባጋራ ካቃ።
\p
\v 14 “ዱንካንያስ ቦላ ባጋራ ዳቡልድ ካማናዉ ዞኦ ቃላመን ትየትዳ ማራዘ እተነ ሎኦ ዶአ እተ ኦ። 
\v 15 ጌሻ ዱንካንያ ቱቀታ ሶቃላ ምፈ ኦ። 
\v 16 እስ እስ ቱቅያ አዱሳተይ ታሙ ዋ፥ ጎምፓይ እስ ዋነ ባጋ ግዶ። 
\v 17 ናምኡ ቱቀት እስፈ ኦይከታና መላ እስ እስ ቱቅያስ ኦይሰያባይ ደኦ። ጌሻ ዱንካንያ ቱቀታ ኡባ ሄሳዳ ኦ። 
\v 18 ጌሻ ዱንካንያ ዉሎሀ ባጋራ ላታሙ ቱቀታ ኦ። 
\v 19 ኤንታና ኤሳናዉ ኤንታ ጋርሳን ብራ ብራታፐ ኦሰትዳ ኦይታሙ ሉሆይ ደእያ ቶሆታ ኦ። እስ እስ ቱቅያስ ናምኡ ናምኡ ቶሆ ከሳ። 
\v 20 ጌሻ ዱንካንያ ፑደሀ ባጋራ ላታሙ ቱቀታ ኦ። 
\v 21 ኤንታና ኤሳናዉ ኤንታ ጋርሳን ብራ ብራታፐ ኦሰትዳ ኦይታሙ ሉሆይ ደእያ ቶሆታ ኦ። እስ እስ ቱቅያስ ናምኡ ናምኡ ቶሆ ከሳ። 
\v 22 ጌሻ ዱንካንያስ ጉየራ ዉሎሀ ባጋራ ኡሱፑን ቱቀታ ኦ። 
\v 23 ጉየ ባጋራ ደእያ ማዛነታስ ናምኡ ቱቀታ ኦ። 
\v 24 ሄ ማዛንያን ደእያ ቱቀት ቶሆፐ ሁጰ ጋካናዉ ኦይከቶ። ናምኡ ማዛነታ መያ ናምኡ ቱቀታ ሄሳ ኦሰታናዉ በሴስ። 
\v 25 ሄሳዳካ ናምኡ ናምኡ ቶሆይ ደእያ ሆስፑን ቱቀታ ኦዳ፥ ኤንታዉ ብራ ብራታፐ ኦሰትዳ ታማነ ኡሱፑን ሉሆይ ደእያ ቶሆታ ኦ።
\p
\v 26 “ቱኡቀታ ሳድ ኦይያ ሶቃላ ምፈ ኦሰትዳ ታማነ እቻሹ ልዮታ ከሳ። ኤንታፈ እቻሻታ ጌሻ ዱንካንያስ እስ ባጋ ምየን ደእያ ቱቀታስ፥ 
\v 27 ቃስ እቻሻታ ሀንኮ ባጋ ምየን ደእያ ቱቀታስ፥ ሄሳዳካ አትዳ እቻሻታ ዉሎሀ ባጋን ደእያ ቱቀታስ ኦ። 
\v 28 ሀ ጋፃ ቱቅያፐነ ያ ጋፃ ቱቅያፐ ይያ ልዮት ግዶ ቱቅያራ ኦይከቶ። 
\v 29 ቱኡቀታ ዎርቃን ላንፃ፤ ልዮታ ኦይካናዉ ማድያ ሳጋዮታ ዎርቃፈ ኦ፤ ቃስ ልዮታ ዎርቃን ላንፃ። 
\v 30 ጌሻ ዱንካንያ ዙማ ቦላ ታ ነና በስዳይሳዳ ኦ።
\p
\v 31 “አልኦ ሊኖፐ እስ ማጋራጆ ኦዳ፥ እያ ካሎሰ፥ ኦቻ ቴራ ዳነይሳንነ ዞኦ ቃጭናን ዳዳዳ ክሩበታ ምስለን አሌቅሳ። 
\v 32 እያ ሶቃላ ምፈ ኦዳ፥ ዎርቃን ሜሸትዳ ኮጫታንነ ብራ ብራታፐ ኦሰትዳ ኦይዱ ቶሆይ ደእያ ቱሳታ ቦላ ካቃ። 
\v 33 ሄ ማጋራጁዋ ጌሻ ዱንካንያስ ካራን ደእያ ቃጰታፐ ጋርሳን ካቃ። ያታዳ ህገይ ፃፈትዳ ናምኡ ሎቸ ሹቻታ ኦይክዳ ጫቆ ታቦትያ ማጋራጁዋስ ጉየ ባጋን ዎ። ሄ ገሸይ፥ ጌሻ በሳነ ኡባፈ ጌሻ በሳፈ ሻኬስ። 
\v 34 ናጋራ አቶተ ካማን ጫቆ ታቦትያ ካማ። 
\v 35 ፃርጴዛ፥ ኡባፈ ጌሻ በሳፈ ካረራ፥ ጌሻ ዱንካንያፐ ፑደሀ ባጋን ዎ፤ ፆምፐ ዎያ ኮጫ ዱገሀ ባጋራ ዎ።
\p
\v 36 “ዱንካንያ ፐንገ ማጋራጁዋ፥ አልኦ ሊኖፐ ጊግሳዳ፥ ካሎሰ፥ ኦቻ ቴራ ዳነይሳንነ ዞኦ ቃጭናን ዳዳዳ አሌቅሳ። 
\v 37 ማጋራጁዋስ እቻሹ ቱሳታ ሶቃላ ምፈ ኦዳ ዎርቃን ላንፃ፤ ኮጫትካ ዎርቃፈ ኦሰትዳይሳታ ግዶ። ቱሳታስ ናሰ ብራታፐ እቻሹ ቶሆታ ጊግሳ።”
\c 27
\s1 ያርሾ በሲ
\p
\v 1 “ሶቃላ ምፈ ያርሾ በሲ ኦ። አዱሳተይነ ጎምፓይ ኦይዱ ዋነ ታካ፥ ጌሳይ ሄ ዋ ግድዳ ኦይዱ ማዛነራ ደእያ ያርሾ በሲ ኦ። 
\v 2 ኦይዱ ማዛነታ ቦላ ካጨ ዳንያባ ከሳ፤ ካጨት ያርሾ በሳራ እስኖ ግድድ ኦሰቶ። ያታዳ፥ ያርሾ በሳ ኡባ ናሰ ብራታን ላፃ። 
\v 3 እያዉ ጎኤትያ ሚሸታ፤ ብዶ ከስያ ከረታ፥ አካፋታ፥ ባልደታ፥ አሾ ቃጰታነ ጮጨታ ኡባ ናሰ ብራታፐ ኦ። 
\v 4 ያታዳ፥ ናሰ ብራታፐ ዛርዛረ ዳንያባ ኦዳ፥ እያዉ ኦይዱ ማዛነታ ቦላ ኦይዱ ሳጋዮታ ጊግሳ። 
\v 5 ሄ ዛርዛርያ ያርሾ በሳ ጎሳፈ ጋርሳን ያርሾ በሳስ ባጋ ዛዋ ጋዳ ዎ። 
\v 6 ሶቃላ ምፈ ያርሾ በሳ ቶክያ ካሶ ምታ ከሳዳ፥ ናሰ ብራታን ላንፃ። 
\v 7 ያርሾ በሳ ቶክያ ዎደ ማዳና መላ ሄ ካሶ ምታ ናምኡ ምየራ ደእያ ሳጋዮታን አ። 
\v 8 ታኒ ነና ዙማ ቦላ በስዳይሳዳ ያርሾ በሲ ፃዉላፐ ኦዳ፥ ግዱዋ ካይስ ኦ።”
\s1 ጌሻ ዱንካነ ዳባባ
\p
\v 9 “ጌሻ ዱንካንያ ዳባባ ገቻናዉ አልኦ ሊኖፐ ማጋራጆ ጊግሳ። ገሸታስ አዱሳተይ ዱገሀ ባጋራ ፄቱ ዋ ግዶ። 
\v 10 እያዉ ካተ ግዳና መላ ናሰ ብራታፐ ኦሰትዳ ላታሙ ቱሳታነ ላታሙ ቶሆታ ኦ። ኤንታ ቦላ ብራ ብራታፐ ኦሰትዳ ፃምአታነ ካጨታ ኦ። 
\v 11 ዳባባስ ፑደሀ ባጋራካ ሄሳዳ ኦ።
\p
\v 12 “ዳባባስ ዉሎሀ ባጋ አዱሳተይ እሻታሙ ዋ ግድዳ ገሸት ኦሰትድ፥ ኤንታዉ ታሙ ቶሆይ ደእያ ቱሳት ደኦ። 
\v 13 ገልያ ዉላይ ደእያ፥ ዶሎሀ ባጋ ዳባባ ጎምፓይ እሻታሙ ዋ ግዶ። 
\v 14 ዳባባ ፐንግያፈ እስ ባጋራ አዱሳተይ ታማነ እቻሹ ዋ ግድያ ገሸት ደኦ፤ ኤንታዉ ሄ ቶሆይ ደእያ ሄ ቱሳት ደኦ። 
\v 15 ሀንኮ ባጋራ ደእያ ገሸትካ ሄሳዳ ኦሰቶ።
\p
\v 16 “ዳባባ ገልያ ዉላስ አዱሳተይ ላታሙ ዋ ግድያ፥ አልኦ ሊኖፐ ማጋራጆ ጊግሳዳ፥ ካሎሰ፥ ኦቻ ቴራ ዳነይሳንነ ዞኦ ቃጭናን ዳዳዳ አሌቅሳ። ኤንቲ እያን ዘምፓና መላ ኦይዱ ቶሆራ ደእያ ኦይዱ ቱሳታ ጊግሳ። 
\v 17 ዳባባ ዩሹዋን ደእያ ቱሳት ኡባይ ብራ ብራታፐ ኦሰትዳ ፃምአታን ኦይከቶ፤ ኤንታ ካጨት ብራ ብራታፐ፥ ኤንታ ቶሆት ናሰ ብራታፐ ኦሰቶ። 
\v 18 ዳባባ አዱሳተይ ፄቱ ዋ፥ ጎምፓይ ኦይታሙ ዋ፥ ጌሳይ እቻሹ ዋ ግዶ። ማጋራጆት አልኦ ሊኖፐ፥ ኤንታ ቶሆትካ ናሰ ብራታፐ ኦሰቶ።
\p
\v 19 “ጌሻ ዱንካንያን ጎኤትያ ሚሸ ኡባይ፥ ዱንካንያነ ዳባባ ሸት ኡባይ ናሰ ብራታፐ ኦሰቶ።
\s1 ፆምፐ ዛይተ
\p
\v 20 “ፆምፐይ ቃማ ፖእሸ አቃና መላ ጉምእ ፅልስዳ ሻማሆ ዛይተ ነዉ ኤሀና መላ እስራኤለ አሳ ኪታ። 
\v 21 አሮንነ እያ ናይት፥ ፖኦይ፥ ጎዳ ስንን ኦማርሳፈ ዎንታ ጋካናዉ ፖአና መላ ጌሻ ዱንካንያ ግዶን፥ ማርካ ታቦትያ ስንን ደእያ ማጋራጁዋፈ ካረ ባጋራ ኤ። ሄስ እስራኤለ አሳስ መርና ዎጋ ግድድ ደኦ።
\c 28
\s1 ካህነታ ማኦ
\p
\v 1 “ነ እሻ አሮናነ እያ ናይታ ናዳባ፥ አብዮዳ፥ አላዛራነ እታማራ ኔኮ ፄጋ። ኤንቲ ካህነ ግድድ ታዉ ሀጋዛና መላ እስራኤለ አሳ ግዶፈ ኤንታ ዱማያ። 
\v 2 እያዉ ቦንቾነ ቴማ እማና መላ ነ እሻ አሮናስ ቦንቾ ማኦታ ጊግሳ። 
\v 3 አሮን ካህነተን ዱማትድ ታዉ ሀጋዛናዳ፥ ታኒ ሂላተ እምዳ ኦሳንቾታ ኡባ ፄጋዳ፥ አሮናስ ማኦታ ጊግሳና መላ ኦዳ። 
\v 4 ኤንቲ ጊግሳና ማኦትካ ሀይሳታ፤ ትራን ማኤትያ ማኦ፥ ኤፉደ፥ አዱሳ ቃምሰ፥ አሌቀትድ ዳደትዳ ሻምዘ፥ ቃጨነ ዳንጮ። ነ እሻይ አሮንነ እያ ናይት ካህነ ግድድ ታዉ ሀጋዝሸ ማአና መላ ጌሻ ማኦታ ኤንታዉ ጊግሶ። 
\v 5 ኩሸ ሂላንቾት ሄ ማኦታ ዎርቃ ጫቻፈ፥ ካሎሰፐ፥ ኦቻ ቴራ ዳነይሳፈ ዞኦ ቃጭናፐነ አልኦ ሊኖፐ ጊግሶ።
\s1 ኤፉደ
\r (ከሳ 39:2-7)
\p
\v 6 “ኤፉደ ጌተትያ ማኡዋ ዎርቃ ጫቻ ቃጭናፐ፥ ካሎሰፐ፥ ኦቻ ቴራ ዳነይሳፈ፥ ዞኦ ቃጭናፐነ አልኦ ሊኖፐ ኩሸ ሂላንቾት አሌቅስድ ጊግሶ። 
\v 7 ናምኡ ሀሽያራ ዎድ፥ ናምኡ ባጋ ዎል ጋድ ቃቻናዉ ማድያ ቃንጎት ደኦ። 
\v 8 ኤፉደይ ኦሰትዳባፐ ሂላን ኦሰትዳ ዳንጮይ ኤፉድያራ ዎላ ኦሰትዳባ ግድድ እስፈ ኦይከቶ። 
\v 9 ማርግደ ጌተትያ ናምኡ ሹቻታ ኤካዳ፥ ታማነ ናምኡ ያይቆባ ናይታ ሱን ኤንታ ቦላ ዎጫዳ ፃፋ። 
\v 10 ኤንታ የለታ ማራዳ እስ ሹቻ ቦላ ኡሱፑን ሱንታ፥ ሀንኮ ሹቻ ቦላ አትዳ ኡሱፑን ሱንታ ዎጫዳ ፃፋ። 
\v 11 ሀ ናምኡ ሹቻታ ቦላ ታማነ ናምኡ ያይቆባ ናይታ ሱን ዎጫድ ፃፋናዉ ሂላንቾ ደማ፤ ሄ ፃፈትዳ ሹቻታ ኤፉድያ ቦላ ኦይናዉ እያ ዩሹዋ ዎርቃን ላንፃ። 
\v 12 ያታዳ ታማነ ናምኡ እስራኤለ ሼሻ ቆፍስያባ ግዳና መላ ሀ ናምኡ ሹቻታ ኤፉድያራ ኦይዳ ሀሽያራ አያ ቃንጉዋ ቦላ ዎ። ታኒ፥ ጎዳይ፥ ታ አሳ ኡባ ዎደ ሀሳያና መላ አሮን ኤንታ ሱን ባ ሀሽያን ቶኮ። 
\v 13 ሄ ሹቻታ ኦይከይሳ ዎርቃፈ ኦ። 
\v 14 ቃስ ዋላህ ባይና ዎርቃፈ ዎዶሮዳ ዶቀትዳ ናምኡ ሳንላታ ሀሽያራ አያ ቃንጉዋራ ኦይከታና መላ ኦ።
\s1 ትራን ማኤትያ ማኦ
\p
\v 15 “ጎዳ ሸንያ ኦይችድ ኤራናዉ፥ ትራን ማኤትያ ማኡዋ ኩሸ ሂላንቾን ኦስሳ። ሄ ትራን ማኤትያ ማኡዋ ዎርቃ ጫቻ ቃጭናፐ፥ ካሎሰፐ፥ ኦቻ ቴራ ዳነይሳፈ፥ ዞኦ ቃጭናፐነ አልኦ ሊኖፐ ኤፉድያዳ አሌቅስድ ጊግሶ። ካሎሰፐ ኦሰትዳባፐ ኦዳ አሌቅሳ። 
\v 16 እያዉ ጌሳይነ ጎምፓይ እስ እስ ታካ ግድድ ኦይዱ ማዛነይ ደኦ። 
\v 17 እያዉ ኦይዱ ማራን አልኦ ሹቻታ ዎ። ኮይሮ ማራን ሳርድዮነ፥ ቶጳዘነ ጶልያ አልኦ ሹቻታ ዎ። 
\v 18 ናምአን ማራን ባሉረ፥ ሳንፐረነ አልማዘ ጌተትያ አልኦ ሹቻታ ዎ።\fig ሁጰቃጨነ ትራን ማኤትያ ማኦ|alt="Turban and breastpiece" src="HK00261B.tif" size="col" ref="28:15"\fig* 
\v 19 ሄን ማራን ያክንተ፥ ከልቀዶነነ አመተስፅኖሳ ጌተትያ አልኦ ሹቻታ ዎ። 
\v 20 ኦይዳን ማራን ብረለ፥ ማርግደ፥ ያስጵደ ጌተትያ አልኦ ሹቻታ ዎ። ሀይሳቲ ኡባይ ዎርቃ ካቁዋ ቦላ ዎሰቶ። 
\v 21 እስራኤለ ናይታስ ቆፍሶ ግዳና መላ ሀ ታማነ ናምኡ አልኦ ሹቻታ፥ እስ እስ ያይቆባ ናይታ ሱንይ፥ እስ እስ ሹቻ ቦላ ዎጨትድ ፃፈቶ።
\p
\v 22 “ትራን ማኤትያ ማኡዋስ ዋላህ ባይና ዎርቃፈ ዎዶሮዳ ዶቃዳ ሳንላታ ኦ። 
\v 23 ናምኡ ዎርቃ ምግዶታ ኦዳ፥ ትራን ማኤትያ ማኡዋስ ቆሞ ጋፃ ማዛንያን ጋዳ ኦይ። 
\v 24 ሄ ናምኡ ዎርቃ ሳንላታታ ምግዶታራ ጋዳ ኦይ። 
\v 25 ሀንኮ ባጋን ደእያ ናምኡ ሳንላታ ጋፃ ናምኡ ቃንጎታራ ጋሰ። ሄሳዳ ኦዳ ስን ባጋራ፥ ሀሽያራ ዎያ ኤፉድያ ቃንጉዋራ ጋሰ። 
\v 26 ቃስ ናምኡ ዎርቃ ሳጋዮታ ኦዳ፥ ኤፉድያፐ ጋ ባጋራ ካልድ ደእያ ትራን ማኤትያ ማኡዋስ ናምኡ ማዛነታ ፄራን አ። 
\v 27 ሄሳዳካ፥ ዎርቃፈ ሀራ ናምኡ ምግዶታ ኦዳ፥ ኤፉድያስ ስን ባጋ ሀሽያራ ዎያ ቃንጉዋስ ጋርሳ ባጋራ ጋሰ። ኤፉድያ ስኩዋ ማታን ዳንጩዋፈ ቆሞ ባጋራ ኤንታ ጋሰናዉ በሴስ። 
\v 28 ትራን ማኤትያ ማኡዋን ደእያ ምግዶታ ኤፉድያን ደእያ ምግዶታራ ጋዳ ካሎሰ ቃጭናን ቃቻ። ሄሳዳ ኦኮ፥ ትራን ማኤትያ ማኦይ ፄሳፈ ቆሞን ደእያ ግሾ፥ ቃሾይ ዶልኤና።
\p
\v 29 “አሮን ጌሻ በሳ ገልያ ዎደ እስራኤለ ማይዛታ ሱን ኦይክዳ፥ ትራን ማኤትያ ማኡዋ ማኦ። ያንያ ግሾ፥ ታኒ፥ ጎዳይ ኡባ ዎደ ታ አሳ ቆፓና። 
\v 30 ቃስ ሳማ የግያ ናምኡ ጌሻ ሹቻታ ትራን ማኤትያ ማኡዋን የጋ።\x - \xo 28:30 \xo*\xt ታይቦ 27:21፤ ዛረ 33:8፤ እዝ 2:63፤ ናህ 7:65.\xt*\x* አሮን ጌሻ ዱንካንያ ገልያ ዎደ ባ ትራን ኤንታ ቶክድ ገሎ። ታ ሸንያ እስራኤለ አሳ ኤርሳናዉ ታ ስን ገልያ ዎደ ኡባን ትራ ኪስያፐ ይሶፎ።
\s1 ሀራ ካህነ ማኦታ
\p
\v 31 “ኤፉድያፐ ቦላራ ማእያ አዱሳ ማኡዋ ኩመ ካሎሰ አፍላፐ ጊግሳ። 
\v 32 ሄ አዱሰ ማኡዋስ ሁጰ አያ ሉሆ መ። ሄ ሉሆይ ፔቶና መላ ጉየ ቃላምአዳ ዩሻ አዳ ስካ። 
\v 33 አዱሳ ማኡዋስ ዱገ ባጋ ማጫራ ዩሹዋን ካሎሰ፥ ኦቻ ቴራ ዳነይሳንነ ዞኦ ቃጭናፐ፥ ኦሮማነ ቴራ ምስለ መ። ያታዳ ኤንታ ግዶን አ አ ዎርቃፈ ኦሰትዳ ዳላታ ኦ። 
\v 34 ዎርቃ ዳላትነ ኦሮማነ ቴራ ምስለት ሄ አዱሰ ማኡዋስ ዱገ ባጋ ማጫራ ዩሹዋን አ። 
\v 35 አሮን ካህነተን ኦያ ዎደ ሀ አዱሳ ማኡዋ ማኦ። ጎዳ ስን፥ ጌሻ በሳ ገልያ ዎደነ ከይያ ዎደ፥ ዳላይ ጊራና፤ እካ ሀይቀና። 
\v 36 ዋላህ ባይና ዎርቃፈ እስ አሌቆ ኦዳ፥ እያ ቦላ ‘ጎዳስ ዱማትስ’ ያጋዳ ዎጫዳ ፃፋ። 
\v 37 ያታዳ ሁጵያ ቃጭያ ቦላ ካሎሰ ቃጭናራ ቃቻ። 
\v 38 አሮን እያ ባ ሶምኡዋን ዎ። ሄሳን እስራኤለ አሳይ ጎዳስ እሞታ እምሸ ባልዳባይ ደእኮ፥ ሄ ባላ አሮን ቶኬስ። አሳይ ኤህያባ ጎዳይ ኤካና መላ እ ሄሳ ኡባ ዎደ ባ ሶምኡዋን ዎናዉ ኮሼስ።
\p
\v 39 “አሮና ሻምዝያነ ቃጭያ አልኦ ሊኖፐ ዳዳ። ቃስ ዳንጩዋካ አልኦ ሊኖፐ ዳዳዳ አሌቅሳ። 
\v 40 አሮና ናይታስ ቦንቾነ ፑላ እማና መላ ሻምዘታ፥ ዳንጮታነ ሁጰን ዎያ ቆበታ ጊግሳ። 
\v 41 ኔኒ ሀ ማኦታ ነ እሻ አሮናነ እያ ናይታ ማይዛ። ኤንቲ ካህነተን ታዉ ሀጋዛና መላ ኤንታ ሻማሆ ዛይተን ትያዳ ታዉ ዱማያ። 
\v 42 ኤንታ ካሎይ ካመታና መላ ጋርሳን ማእያ ማኡዋ ፄሳፈ ብድ ዎድረ ጋካናዉ ካምያባ አልኦ ሊኖፐ ጫርቀፈ ሱረ ጊግሳ። 
\v 43 አሮንነ እያ ናይት ጌሻ ዱንካንያ ገልያ ዎደ ዎይኮ ጌሻ በሳን ካህነተን ሀጋዛናዉ ያርሾ በሲ ሺቅያ ዎደ ሀ ማኦታ ማኦ። ሄሳዳ ሀንኮ፥ ኤንቲ ባንታ ቦላ ሀይቆ ኤሆኮና። ሄስ አሮናስነ እያ ሼሻታስ መርና ዎጋ ግዶ።
\c 29
\s1 ካህነታ ሹሞ ዎጋ
\r (ሌወ 8:1-36)
\p
\v 1 “አሮንነ እያ ናይት ካህነተን ታዉ ሀጋዛና መላ ኔኒ ኤንታ ዱማያናዉ ሀይሳዳ ኦ፤ ቦረይ ባይና ዎፋኖነ ናምኡ ማራዘ ኤካ። 
\v 2 ጌሻ ግስተ ለ ኤካዳ፥ እርሾ የጎና ሻማሆ ዛይተራ ግንዳዳ ኡይ ኡካ። ቃስ ዛይተይ ገሎና ሀራ ኡይ ኡካ፤ ሄሳዳካ፥ ሌኦ ኡይ ኡካዳ ዛይተን ትያ። 
\v 3 ዎፋኑዋነ ናምኡ ማራዘታ ያርሽያ ዎደ ሄ ኡይ ኡባ ጋይታን ዎዳ ታዉ ሺሻ።
\p
\v 4 “ያታዳ አሮናነ እያ ናይታ ጌሻ ዱንካንያ ፐንገ ኤሀዳ ሃን ኤንቲ ሜጨታና መላ ኦዳ። 
\v 5 ሄሳፈ ጉየ፥ ካህነተ ማኦታ፥ ሻምዝያ፥ ኤፉድያ፥ ኤፉድያ ቦላራ ማእያ አዱሳ ማኡዋነ ትራን ማኤትያ ማኡዋ አሮና ማይዛ፤ ዳንጩዋካ ዳንጭሳ። 
\v 6 ቃጭያ ቃጭሳ፤ እያ ቦላ፥ ‘ጎዳስ ዱማትስ’ ጌተትድ ፃፈትዳ ዎርቃ አሌቁዋ ዎ። 
\v 7 ትሻ ዛይትያ ኤካዳ እያ ሁጵያን ትጋዳ ትያ። 
\v 8 እያ ናይታ ኤሀዳ ሻምዝያ ማይዛ። 
\v 9 ኤንታ ፄሳ ዳንጭሳ፤ ኤንታ ሁጵያንካ ቆበ ዎ። አሮናነ እያ ናይታ ያታዳ ካህነተን ሹማ። ሄስካ፥ ኤንታዉ መርና ዎጋ ግዶ።
\p
\v 10 “ዎፋኑዋ ጌሻ ዱንካንያ ስን ኤሀዳ፥ አሮንነ እያ ናይት እያ ሁጵያን ባንታ ኩሽያ ዎና መላ ኦ። 
\v 11 ዎፋኑዋ ጌሻ ዱንካንያ ፐንግያን ጎዳ ስንን ሹካ። 
\v 12 ዎፋኑዋ ሱፈ ጉ ኤካዳ ነ ብራያን፥ ያርሾ በሳ ቦላ ደእያ ካጨታ ትያ። አትዳይሳ ያርሾ በሳፈ ጋርሳን ጉሳ። 
\v 13 ሄሳፈ ጉየ፥ ኡሎ አሹዋ ካምዳ ሞዋ ኡባ፥ ትርያስ ሎኦ ባጋ፥ ናምኡ ክላሆታነ ኤንታ ካምዳ ሞዋ ኤካዳ፥ ያርሾ በሳ ቦላ ዎዳ ፁጋ። 
\v 14 ሽን ዎፋኑዋ ኡሎ አሹዋ፥ እያ ጋልባነ ማራጭያ ጉታፐ ጋፃ ከሳዳ ፁጋ። ሄስ ካህነታ ናጋራ ቁችያ ያርሾ።
\p
\v 15 “ናምኡ ማራዘታፐ እሱዋ ኤካዳ፥ አሮንነ እያ ናይት ባንታ ኩሽያ እያ ሁጰን ዎና መላ ኦ። 
\v 16 ሄ ማራዝያ ሹካዳ፥ ሱ ያርሾ በሳን ኦይዱ ማዛነታን ዉርፃ። 
\v 17 እያ አሹዋ ቃንፀረዳ፥ ኡሎ አሹዋነ ገዳ ሜጫዳ፥ ሁጵያ ሀራ ቆሞ አሾታራ እስፈ ያርሾ በሳን ዎ። 
\v 18 ሄሳፈ ጉየ፥ ኩመ አሹዋ ያርሾ በሳን ፁጋ። ሄስካ ጎዳስ ፁሳ ያርሾ። ሄ ያርሹዋ ሳዎይ ጎዳ ኡፋይሴስ።
\p
\v 19 “ቃስ ካህነተ ዎጋስ ኤከትዳ ሀንኮ ማራዝያ ኤካዳ አሮንነ እያ ናይት ባንታ ኩሽያ እያ ሁጰን ዎና መላ ኦዳ። 
\v 20 እያ ሹካዳ፥ ሱፈ ጉ ኤካዳ፥ አሮናስነ እያ ናይታስ ኡሻቻ ሀይታስ ጋፃ፥ ኤንታ ኡሻቻ ኩሽያስነ ቶሁዋስ ዎጋ ብራታ ትያ። አትዳ ሱ ያርሾ በሳ ኦይዱ ማዛነታን ዉርፃ። 
\v 21 ያርሾ በሳን ደእያ ሱፈነ ትይያ ዛይትያፐ ጉ ኤካዳ፥ አሮና ቦላነ እያ ማኡዋ ቦላ፥ ቃስካ እያ ናይታ ቦላነ ኤንታ ማኡዋ ቦላ ዉርፃ። ሄሳን አሮንነ እያ ናይት ባንታ ማኡዋራ ታዉ ዱማትዳይሳታ ግዳና።
\p
\v 22 “ሄ ማራዘይ ካህነታ ሹማ ዎጋስ ኤከትያ ግሾ፥ ጎይና ሞዋ፥ ኡሎ አሹዋ ካምዳ ሞዋ፥ ትርያ ካምዳ ሞያ፥ ናምኡ ክላሆታ፥ ኤንታ ካምዳ ሞያነ ኡሻቻ ጉየ ገዳ ቃንፃዳ ሻካ። 
\v 23 ጎዳ ስንን ዎዳ ኡይታፐ፥ ዛይተይ ገልቦና ኡይ፥ ዛይተራ ኡክዳ ኡይነ ሌኦ ኡይፈ እሱዋ ኤካ። 
\v 24 ኔኒ ሀ ካ ኡባ አሮና ኩሽያንነ እያ ናይታ ኩሽያን ዎ። ኤንቲ እያ ዩሾ ያርሾ ኦድ ጎዳስ እምያ ያርሾ ኦድ ጎዳ ስንን ሺሾ። 
\v 25 ሄሳፈ ጉየ፥ ኤንታ ኩሸፐ ኤካዳ ያርሾ በሳ ቦላ ዎ፤ ፁሳ ያርሹዋራ ጋዳ፥ ጎዳ ሳዋና መላ ያርሾ በሳ ቦላ ታማን ፁጋ። 
\v 26 አሮን ካህነ ግድድ ሹመትያ ዎደ ሹክዳ ማራዝያ አንጋሱዋ ኤካዳ፥ ጎዳ ስንን ዩሾ ያርሾ ኦ። ሄስ ህንተና ጋክያ ግሾ ግዳና።
\p
\v 27 “ካህነይ ሹመትያ ዎደ፥ አሮናነ እያ ናይታ ካህነተን ሹማናዉ ኤከትዳ አንጋሱዋነ ቶሆ አሹዋ ታዉ ዱማያ። ሄስካ፥ ካህነታ ጋክያ ግሾ ግዶ። 
\v 28 እስራኤለት ኡባይ ካህነ ሹማናዉ ዎይኮ አንጀታናዉ ጎዳስ አንጋሶነ ጉየ ቶሆ ያርሾ እምያ ዎደ አሾይ ታዉ ዱማትዳይሳ ግዶ። ሽን ግሾይ አሮናስነ እያ ናይታስ ጋኮ፤ ሄ ዎጋይ ላመቶፎ።
\p
\v 29 “አሮን ሀይቅዳ ዎደ እያ ናይት እያ ካህነተ ማኡዋ ላቶ። ኤንቲ ካህነተን ሹመትዳፐ ጉየ ሄ ማኡዋ ማኦ። 
\v 30 እያ ናይታፐ እያ በሳን ካህነ ግድድ፥ ጌሻ በሳን ሀጋዛናዉ ጌሻ ዱንካንያ ይያ ናእ ሄ ማኡዋ ላፑን ጋላስ ማኦ።
\p
\v 31 “አሮንነ እያ ናይት ካህነ ግድድ ሹመትያ ዎደ ሹከትዳ ማራዝያ አሹዋ ኤካዳ፥ ጌሻ በሳን ካ። 
\v 32 አሮንነ እያ ናይት ማራዝያ አሹዋ ጋይታን አትዳ ኡይራ ጌሻ ዱንካንያ ፐንገን ሞ። 
\v 33 ኤንቲ ካህነ ግድድ ሹመትያ ዎደ ናጋራ አቶተስ ያርሸትዳ ሄ አሹዋ ሞና። ሽን ሄ ካይ ጌሽ ግድዳ ግሾ፥ ካህነታ ፃላል ሞ፤ ሀራ አስ ኦንካ ሞፖ። 
\v 34 አሹዋፐነ ካፈ ምሽን አትድ አቅኮ፥ ታማን ፁገቶ፤ ጌሽ ግድዳ ግሾ ሜተቶፎ።
\p
\v 35 “አሮንነ እያ ናይት ካህነ ግድድ ሹመትያ ዎደ፥ ታ ነና ኪትዳ ኡባ ኦ፤ ባለይ ላፑን ጋላሳን ፖለቶ። 
\v 36 ናጋራ አቶተስ እስ እስ ጋላሳን እስ ዎፋኖ ሹካዳ ያርሻ። ሄስ ያርሾ በሳ ጌሼስ። ያታዳ ያርሾ በሳ ፖሎ ጌሻናዉ ሻማሆ ዛይተ ትያ። 
\v 37 ሄሳ ላፑን ጋላስ ጋካናዉ ጋላስ ጋላስ ኦ። ያትኮ ያርሾ በሳይ ፖሎ ጌሽ ግዳና። እ ፖሎ ጌሽ ግድዳ ግሾ፥ እያ ቦችያ አስ ዎይኮ ሀራባ ኡባይ ጌያና።
\s1 ጋላሳ ያርሾ
\p
\v 38 “ላይን ላይን ያርሾ በሳን ጋላስ ጋላስ እስ ላይ ግድዳ ናምኡ ማራዘታ ያርሻ። 
\v 39 ማራዘታፐ እሱዋ ዎንታ፥ ቃስ ሀንኩዋ ኦማርስ ያርሻ። 
\v 40 ኮይሮ ማራዝያራ እስ ክሎ ግራመ ግድያ ጌሻ ሎኦ ግስተ ለ፥ እስ ልትሮ ሻማሆ ዛይተራ ግንዳዳ ያርሻ። እስ ልትሮ ዎይነ ኡሻ ያርሾ ኦዳ ጉሳ። 
\v 41 ሀንኮ ማራዝያ ኦማርስ ያርሻሸ ዎንታ ያርሾይሳ መላ ለ፥ ዛይተነ ዎይነ ኡሻ ሺሻ። ሄስ ታዉ ያርሸትያ ካ ያርሾ፤ እያ ሳዎይ ታና ኡፋይሰይሳ ግዳና።
\p
\v 42 “ላይን ላይን ሄ ፁሳ ያርሾይ ጌሻ ዱንካንያ ፐንገን፥ ጎዳ ስንን ፓጭ ባይና ያሸታናዉ በሴስ። ሄ በሳን ታኒ ታ ደርያራ ጋሄታና፤ ኔራካ ያን ኦደታና። 
\v 43 ያን ታኒ እስራኤለታራ ጋሄታና፤ ታ ቦንቾይ ሄ በሳ ዱማያና። 
\v 44 ታኒ ጌሻ ዱንካንያነ ያርሾ በሳ ዱማያና፤ ኤንቲ ታዉ ካህነ ግድድ ሀጋዛና መላ አሮናነ እያ ናይታ ዱማያና። 
\v 45 ያታዳ፥ ታኒ እስራኤለታ ግዶን ዳና፤ ኤንታ ፆሳ ግዳና። 
\v 46 ኤንታ ግዶን ዳናዉ ግብፀፈ ኤንታ ከስዳ ጎዳይ፥ ኤንታ ፆሳይ ታና ግደይሳ ኤንቲ ኤራና። ታኒ ጎዳ፥ ኤንታ ፆሳ።
\c 30
\s1 እፃነ ያርሽያ በሲ
\r (ከሳ 37:25-28)
\p
\v 1 “እፃነ ጩይስያ በሳ ሶቃላ ምፈ መ። 
\v 2 እያዉ ኦይዱ ማዛነይ ደኦ። አዱሳተይነ ጎምፓይ እስ እስ ዋ፥ ጌሳይ ናምኡ ዋ ግዶ። ኦይዱ ማዛንያን ደእያ ካጨት እያራ ኦይከትድ ኦሰቶና። 
\v 3 እያዉ ቦላ ባጋ፥ እያ ኦይዱ ማዛነታነ እያ ካጨታ ዋላህ ባይና ዎርቃን ላንፃ። እያ ዩሹዋካ ዎርቃን ላንፃ። 
\v 4 ናምኡ ዎርቃ ሳጋዮታ ኦዳ፥ ፃርጴዛ ቶካናዉ ማድያ ካሶ ምታ አናዉ ጎሳስ ናምኡ ባጋራ ኦይ። 
\v 5 ካሶ ምታ ሶቃላ ምፈ ከሳዳ፥ ኤንታ ዎርቃን ላንፃ። 
\v 6 ሄ እፃነ ያርሾ ፃርጴዛ፥ ጫቆ ታቦትያ ስንን ካቀትዳ ማጋራጁዋፈ ካረ ባጋራ ዎ። ያን ታኒ ኔራ ጋሄታና።
\p
\v 7 “አሮን ዎንታ ዎንታ ፆምፐታ ጊግሳናዉ ይያ ዎደ፥ ሳውያ እፃነ ያርሽያ በሳን ጩይሶ። 
\v 8 ሄሳዳ፥ አሮን ኦማርስ ፆምፐታ ፆምፕያ ዎደካ እፃነ ጩይሶ። ሄ እፃንያ ያርሾይ ያና ላይ ኡባን ጎዳ ስንን ጩዮ። 
\v 9 ሀ ያርሾ በሳን ሀራ ድገትዳ እፃነ፥ ካ ያርሾ፥ መሄ ያርሾነ ዎይነ ያርሾ ያርሾፋ። 
\v 10 አሮን፥ ናጋራ አቶተስ ላይፈ እስ ቶሆ ሹከትያ መህያ ሱፈ ኤክድ፥ ሄ ያርሾ በሳ ማዛነታ ቦላ ደእያ ካጨታ ዎድ ጌሾ ዎጋ ፖሎ። ሀ ዎጋይ ስንራ ያና ዎደ ኡባን ላይን ላይን ፖለቶ። ሄ ያርሾ በሳይ ጌሽ ግድያ ግሾ ጎዳስ ዱማትስ” ያግስ።
\s1 ናጋራ አቶተ ሚሸ
\p
\v 11 ሄሳፈ ጉየ፥ ጎዳይ ሙሰኮ ሀይሳዳ ያግስ፤ 
\v 12 “ኔኒ እስራኤለ አሳ ታይብያ ዎደ፥ እስ እስ አስ ባ ሸምፑዋ ዎዛናዉ ጎዳስ ሚሸ ቃንፆ። ያትኮ ኔኒ ኤንታ ታይብያ ዎደ ጋዶይ ኤንታ ቦላ ዬና። 
\v 13 ታይቦን ገልያ አስ ኦንካ ሁጰን ሁጰን ጌሻ ዱንካነን ኤረትዳ ምዛነ ግናን ብራ ጭጎ። እስ እስ አስ ሄሳ ታዉ ያርሾ ኦድ እሞ። 
\v 14 ታይቦን ገልያ አስ ኦንካ ላይ ላታማነ እያፐ ቦላ ግድዳ ኡባይ ጎዳስ ሄሳ ኤሆ። 
\v 15 ኤንቲ ባንታ ሸምፑዋ ዎዛናዉ ጎዳስ እሞታ እምያ ዎደ፥ ዱረይካ ማንቆይካ እስ ግና እሞፈ አትሽን፥ ዱረይ ዳርስድ ዎይኮ ማንቆይ ጉድ እሞፎ። 
\v 16 ሄ ሚሽያ እስራኤለ አሳፐ ኤካዳ፥ ጌሻ ዱንካንያ ናጋናዉ ፔሻ። ሄ ሚሸይ ኤንታ ሸምፑዋ ዎዛናዉነ ታ ኤንታ ናጋና መላ ቆፍስያባ ግዳና” ያግስ።
\s1 ሜቻ ከረ
\p
\v 17 ጎዳይ ሙሰኮ ሀይሳዳ ያግስ፤ 
\v 18 “ሜቻ ከርያነ እያ ቶሁዋ ናሰ ብራታፐ መ። እያን ሃ ትጋዳ ጌሻ ዱንካንያፐነ ያርሾ በሳፈ ግዶን ዎ።\x - \xo 30:18 \xo*\xt ከሳ 38:8.\xt*\x* 
\v 19 አሮንነ እያ ናይት ባንታ ኩሽያነ ባንታ ቶሁዋ ያን ሜጨቶ። 
\v 20 ኤንቲ ጌሻ ዱንካንያ ገላናፐነ ያርሾ ያርሻናፐ ስን ሄሳ ኦናዉ በሴስ። ሄሳ ኤንቲ ኦኮ ሀይቆፐ አቶሶና። 
\v 21 ኤንቲ ሀይቆና መላ፥ ባንታ ኩሽያነ ባንታ ቶሁዋ ሜጨታናዉ በሴስ። ሄስ አሮናስነ እያ ሼሻታስ፥ ይያ የለተ ኡባስ መርና ዎጋ ግዳና” ያግስ።
\s1 ሹማተ ዛይተ
\p
\v 22 ጎዳይ ሙሰኮ ሀይሳዳ ያግስ፤ 
\v 23 “ጌሻ ሳዎታ፥ ሄሳትካ፤ ኡሱፑን ክሎ ግራመ ጉክያ ካርበ፥ ሄ ክሎ ግራመ ሳውያ ቃራፋ፥ ሄ ክሎ ግራመ ሳውያ ማታ፥ 
\v 24 ኡሱፑን ክሎ ግራመ ቡርጉደ ኤካ። ሄ ኡባይካ ጌሻ ዱንካነን ኤረትዳ ምዛንያ ግና ግዶ። ሄሳታ ቦላ ኦይዱ ልትሮ ዛይተ ጉጃ። 
\v 25 ሄሳታ ሽቶዳ ዋላካዳ፥ ሳውያ ጌሻ ዛይተ ኦዳ፥ 
\v 26 ጌሻ ዱንካንያነ ጫቆ ታቦትያ ትያ። 
\v 27 ፃርጴዛነ እያ ሚሸታ፥ ፆምፐ ዎያ ኮጫነ እያ ሚሸታ፥ እፃነ ጩይስያ ፃርጴዛ፥ 
\v 28 ፁሳ ያርሾ በስነ እያን ቦላ ደእያ ሚሸታ ኡባ፥ ሜቻ ከርያነ እያ ቶሁዋ ትያ። 
\v 29 ኤንቲ ፖሎ ጌሽ ግዳና መላ ኤንታ ዱማያ። ኤንታ ቦችያ ኦንካ ጌሽ ግዳና።
\p
\v 30 “ሄሳፈ ጉየ፥ አሮንነ እያ ናይት ካህነ ግድድ ታዉ ሀጋዛና መላ ኤንታ ትያዳ ዱማያ። 
\v 31 እስራኤለ አሳስ፥ ‘ሀይስ ጌሻ ሹማተ ዛይተይ ይያ የለተስ ታና ሀጋዛናዉ ማድያ ዛይተ ግዶ። 
\v 32 ሄ ዛይትያ ጮ አሳ ቦላ ጉሶፋ፤ ቃስ አይ ዛይተካ እያ ኦዳ ኦግያን ኦፋ። ዛይተይ ጌሽ ግድዳ ግሾ፥ ህንተካ እያ ጌሻተ ኤርተ። 
\v 33 ሄ ሽቱዋ ጊግስያ አስ፥ ዎይኮ ካህነ ግዶና ሀራ አስ ትይያ ኦንካ ታ አሳ ግዶፈ ህለቶ’ ያጋ” ያግስ።
\s1 እፃነ
\p
\v 34 ጎዳይ ሙሰኮ ሀይሳዳ ያግስ፤ “ጌሻ ሳዎታ፥ ፆክያ ም ማደ፥  ኬን ደእያ ሽቶ፥ ሳውያ ማደነ ሳውያ እፃነ ኤካ፤ ኤንታ ኡባ ምዛነይ እስ ግና ግዶ። 
\v 35 ሽቶዳ ዋላሄትዳ እፃነ ኦዳ ኤንታ ጎኤታ። ዋላህ ባይናነ ጌሽ ግዳና መላ እያን ማፅነ የጋ። 
\v 36 እያፐ ጉራ ኤካዳ ሊቅሳ ጫዳዳ፥ ታኒ ኔራ ጋሄትያ ጌሻ ዱንካንያ ግዶን፥ ጫቆ ታቦትያ ስንን ዉርፃ። ሄ እፃነይ ነዉ ፖሎ ጌሽ ግዶ። 
\v 37 ህንተዉ ጎኤታናዉ ሄ እፃንያ አይ ኦገንካ ጊግሶፕተ። ሄስ ታዉ ዱማትዳይሳ ግደይሳ ኤርተ። 
\v 38 ሄሳ ኦድ፥ እያ ሳዉዋ ስንግድ ኡፋይታናዉ ኮይያ ኦንካ፥ ታ አሳ ግዶፈ ያና” ያግስ።
\c 31
\s1 ባስልኤላነ ኤልያባ
\p
\v 1 ጎዳይ ሙሰኮ ሀይሳዳ ያግስ፤ 
\v 2 “ታኒ ይሁዳ ሼሻፐ ግድዳ ሁራ ናኣ ናኣ፥ ኡረ ናኣ፥ ባስልኤላ ዶራስ። 
\v 3 ታኒ እያ ታ አያናን ኩንስ፤ ታኒ ሂላ፥ አኬካነ ኦሶ ኡባ ኦያ ኤራ እያዉ እማስ። 
\v 4 ሄስካ፥ ሂላን ኦና ኦሶታ ሀልችድ ዎርቃፈ፥ ብራፐነ ናሰ ብራታፐ ዱማ ዱማባ ከስድ ኦናሳ። 
\v 5 ሄሳዳካ፥ አልኦ ሹቹ ማስድ ጊግሰይሳ፥ ም ማሰይሳነ ሀራ ኦሶ ኡባ ኦና መላ ጭንጫተ እማስ። 
\v 6 ቃስ እያ ማዳና መላ ዳነ ሼሽ ግድዳ አህሳማካ ናኣ ኤልያባ ዶራስ። ታኒ ነና ኪትዳባ ኡባ ኤንቲ ኦና መላ ኩሸ ሂላ ኤርያ ሀራታ ኡባስ ግታ ኤራተ እማስ። 
\v 7 ኤንቲ ኦናባት፥ ጌሻ ዱንካንያ፥ ጫቆ ታቦትያ፥ እያ ቦላ ዎያ ናጋራ አቶተ ካማ፥ ዱንካንያ ግዶን ጎኤትያ ሚሸ ኡባ፥ 
\v 8 ፃርጴዛነ እያ ሚሸታ፥ ዋላህ ባይና ዎርቃፈ ኦሰትዳ ፆምፐ ዎያ ኮጫነ እያ ሚሸ ኡባ፥ እፃነ ጩይስያ ፃርጴዛ፥ 
\v 9 ፁሳ ያርሾ በስነ እያ ሚሸ ኡባ፥ ሜቻ ከርያነ እያ ቶሁዋ፥ 
\v 10 አሮንነ እያ ናይት ካህነተን ሀጋዝሸ ማእያ ካህነተ ማኡዋ፥ 
\v 11 ሹማተ ዛይትያነ ጌሻ በሳስ ሀንያ ሳውያ እፃንያ፥ ታኒ ነና ኪትዳይሳዳ ኤንቲ ኦና” ያግስ።
\s1 ሳምባታ
\p
\v 12 ጎዳይ ሙሰ ሀይሳዳ ያግድ ኪትስ፤ 
\v 13 “እስራኤለ አሳ፥ ‘ታ ሳምባታ ናግተ። ሄስ ታኒ፥ ጎዳይ፥ ህንተና ታዉ ጌሻ ደረ ኦዳ ዶርዳይሳ በሲያ ማላ ግድድ፥ ያና የለተ ኡባስ ታፐነ ህንተፈ ግዶን ደኦ። 
\v 14 ሄ ጋላሳይ ጌሽ ግድያ ግሾ፥ እያ ቦንችተ። ሳምባታ ቦንቾናይነ ሄ ጋላሳን ኦሶ ኦያ ኦንካ ታ አሳ ግዶፈ ዮ ዎይኮ ሀይቆ። 
\v 15 ህንተ ኦሶ ኦናዉ በሲያ ኡሱፑን ጋላሳት ደኦሶና። ሽን ላፑን ጋላሳይ ጎዳስ ዱማትዳ፥ ሸምፖ ጋላስ። ሳምባታ ጋላሳን ኦሶ ኦያ ኦንካ ሀይቆ። 
\v 16 እስራኤለ የለተ ኡባይ ሀ ሳምባታ ጋላሳ መርና ጫቆ ማላ ኦድ ቦንቾ። 
\v 17 ታኒ ኡሱፑን ጋላሳን ሳሉዋነ ሳኣ መዳ ግሾነ ላፑን ጋላሳን ኦሶ አጋዳ ሸምፕዳ ግሾ፥ ታ ግዶንነ እስራኤለታ ግዶን ሄስ መርናዉ ኤቅድ ደእያ ማላ ግዳና’ ያጋ” ያግስ።
\p
\v 18 ጎዳይ ሙሰ ሲና ዙማ ቦላ ኦድሰይሳ ኦንግዳ ዎደ፥ እ ባ ብራን ፃፍዳ ታሙ ኪታታ ኦይክዳ ናምኡ ሎቸ ሹቻታ ሙሰስ እሚስ።
\c 32
\s1 ዎርቃ ማራ ምስለ
\p
\v 1 አሳይ፥ ሙሰይ ዙማ ቦላፈ ዎናዉ ጋምእዳይሳ በእዳ ዎደ አሮናኮ ይድ፥ “ኑና ካለሸ ናጋና ፆሳታ ኑስ ኦ። ግብፀ ቢታፈ ኑና ከስዳ ሙሰይ ዋንዳኮ ኤሮኮ” ያግዶሶና። 
\v 2 አሮን ኤንታኮ፥ “ህንተ ማቸታ፥ ህንተ አደ ናይታነ ህንተ ማጫ ናይታ ሀይን ደእያ ዎርቃ ከስድ፥ ታዉ ሃ ኤክድ ዪተ” ያግስ። 
\v 3 አሳ ኡባይ ባንታ ሀይ ዎርቃ ከስድ፥ አሮናስ ኤህዶሶና። 
\v 4 እ ሄሳ ኤንታፈ ኤክድ፥ ታማን ሼሽዳፐ ጉየ፥ ቆፅድ፥ ዎርቃ ማራ ምስለ ኦድ መስ።
\p ኤንቲ፥ “እስራኤለቶ፥ ኑና ግብፀ ቢታፈ ካለድ ከስዳ ኑ ፆሳት ሀይሳታ” ያግዶሶና። 
\v 5 አሮን ሄሳ በእዳ ዎደ፥ ሄ ማራ ስንን ያርሾ በሰ ጊግስድ፥ “ዎንቶ ጎዳ ቦንችያ ባኣለ ጋላስ ግዳና” ያግድ ኤርስስ። 
\v 6 ዎንተ ጋላስ ጉራ አሳይ ደንድድ፥ ፁሳ ያርሾነ እስፈተ ያርሾ ያርሽዶሶና። ያትድ፥ አሳይ ማናዉነ ኡያናዉ ኡትዶሶና። ም ኡይ ስሚድ፥ ዱራናዉነ ፖኮባ ሀናናዉ ደንድዶሶና።
\p
\v 7 ጎዳይ ሙሰኮ፥ “ኔኒ ግብፀፈ ከሳዳ፥ ኤህዳ ነ አሳይ ናጋራ ኦድ፥ ባንታና ቱንስዳ ግሾ ኤለሳዳ ዱገ ዎ። 
\v 8 ታኒ ኤንታ ኪትዳ ኦግያፐ ኤንቲ ኤለስድ ሽረትዶሶና። ዎርቃ ሼሽድ ማራ ምስለ ኦድ፥ ባንታዉ ኤቃ መድ እያ ጎይንዶሶና። እያዉ ያርሽድ፥ ‘ኑና ግብፀ ቢታፈ ከስዳ ኑ ፆሳይ ሀይሳ’ ያግዶሶና። 
\v 9 ጎዳይ ሙሰኮ፥ ሀ አሳይ አይ መላ ዎዛና ሙመኮ ታ በአስ። 
\v 10 ሀእ ታ ሀንቆይ ኤንታ ቦላ ኤፅን፥ ታኒ ኤንታ ይሳናዉ ጊገትዳ ግሾ፥ ኔኒ ታና ድጎፋ። ያታዳ፥ ታኒ ነና ግታ ደረ ኦና” ያግስ።
\p
\v 11 ሽን ሙሰይ ባ ጎዳ፥ ፆሳ ሀይሳዳ ያግድ ዎስስ፤ “አቤት ጎዳዉ፥ ኔኒ ነ ግታ ዎልቃንነ ነ ምኖ ኩሽያን ግብፀፈ ከሳዳ ኤህዳ ነ አሳ ቦላ ነ ሀንቆይ አይስ ኤፂ?\x - \xo 32:11 \xo*\xt ታይቦ 14:13-19.\xt*\x* 
\v 12 ነ ሄሳ ኦያባ ግድኮ፥ ግብፀት፥ ‘ጎዳይ ኤንታና ደረታ ቦላ ዎናዉነ ቢታፈ ፕትድ ይሳናዉ ከስስ’ አይስ ጋኔ? ነ ያሽያ ሀንቁዋፈ ስማ። ነ አሳ ይሳናዉ ቆፕዳይሳ አጋ። 
\v 13 ነ አይለታ አብራሃመ፥ ይሳቃነ ያይቆባ ሀሳያ። ኔኒ ኤንታዉ፥ ‘ታኒ ህንተ ሼሻ ሳሎ ፆልንቶዳ ዳርሳና፤ ታኒ ህንተዉ እማና ግዳ ሀ ቢታ ኡባ ህንተ ሼሻታስ እማና፤ ኤንቲ ሄ ቢታ መርናዉ ላታና’ ጋዳ ነ ሁጰን ነ ጫቅዳ ጫቁዋ ቆፓ” ያግስ። 
\v 14 ሄሳ ግሾ፥ ጎዳይ ባ ደርያ ቦላ ኢታባ ኤሀናዉ ቆፕዳይሳ አግድ፥ ኤንታ ማርስ።
\p
\v 15 ሙሰይ ናምኡ ባጋራ ፃፈትዳ፥ ታሙ ኪታት ደእያ ናምኡ ሎቸ ሹቻታ ባ ኩሸን ኦይክድ፥ ዙማፐ ዱገ ዎስ። 
\v 16 ሄ ማሰትዳ ሹቻታ ጊግስዳይ ፆሳ፤ ሹቻታ ቦላ ዎጭድ ፃፍዳይካ ፆሳ።
\p
\v 17 እያሱይ አሳ ኮሽንቻ ስእዳ ዎደ፥ ሙሰኮ፥ “አሳይ ሲራትዳ በሳን ኦላ ዋሶይ ስኤቴስ” ያግስ።
\p
\v 18 ሙሰይ ዛሪድ፥ “ሀይስ ፆንዳ አሳ ጬቆ ዎይኮ ፆነትዳ አሳ ዬሆ ግዶናሽን፥ የ ዋሶ” ያግስ።
\p
\v 19 ሙሰይ ጉታኮ ማትዳ ዎደ ማራነ ዱርሳ በእድ ዳሮ ሀንቀትስ። ሄ ዎደ ባ ኩሸን ኦይክድ ይዳ፥ ማሰትዳ ሹቻታ ዙማ ፃጶን ሆልድ መንረስ። 
\v 20 ኤንቲ መዳ ማራ ኤክድ፥ ታማን ፁግስ። ሄሳፈ ጉየ፥ ሊቃና ጋካናዉ ጋጭድ ሃራ ማድ፥ እስራኤለ አሳይ ኡያናዳ ኦስ።
\p
\v 21 ሙሰይ አሮናኮ፥ “ሀ አሳይ ነዉ አይ ኦን፥ ኤንታ ሀይሳ መላ ኢታ ናጋራ ባንታ ቦላ ኦና መላ ኦዲ?” ያግስ።
\p
\v 22 አሮን ዛሪድ፥ “ታ ጎዳዉ፥ ታና ሀንቀቶፋ። ሀ አሳይ ኢታባ ኦናዉ አይ መላ ኮያኮ ነ ኤራሳ። 
\v 23 ኤንቲ፥ ‘ኑና ግብፀፈ ከስድ ኤህዳ፥ ሙሰይ ዋንዳኮ ኑ ኤሮኮ። ሄሳ ግሾ፥ ካለያ ፆሳታ ኑስ ኦ’ ያግዶሶና። 
\v 24 ታኒ ኤንታኮ፥ ‘ህንተ ሀይን ደእያ ዎርቃ ከስድ፥ ሀምተ’ ያጋስ። ኤንቲ ታዉ እምዳ ዎርቃ ታኒ ታማን የግን፥ ሀ ማራ ምስለይ ከይስ” ያግስ።
\p
\v 25 አሮን አሳ ጮ የድ አግን፥ አሳይ ባ ሞርከታ ስንን ካዉይድ፥ ካትዳይሳ ሙሰይ በእስ። 
\v 26 ሄሳ ግሾ፥ ሙሰይ ጉታ ገልያ ፐንግያን ኤቅድ፥ “ጎዳ ባጋ ግድያ አስ ኦንካ ታኮ ዮ” ያግስ። ሄ ዎደ ሌወት ኡባይ እያኮ ሺቅዶሶና።
\p
\v 27 እ፥ ኤንታኮ፥ “ጎዳይ፥ እስራኤለ ፆሳይ፥ ህንተ እሶይ እሶይ ህንተ ማሻ ሾድድ፥ ጉታስ ሀ ፐንገፈ ህን ፐንገ ጋካናዉ ብድ፥ ህንተ እሻታ፥ ህንተ ላገታነ ህንተ ሾሮታ ዎተ” ያግስ። 
\v 28 ሌወት ሙሰይ ኪትዳይሳዳ ኦድ፥ ሄ ጋላስ ሄ ሙኩሉ ግድያ አሳ ዎዶሶና። 
\v 29 ሙሰይ ሌወታኮ፥ “ሀች ህንተ፥ ህንተ ናይታነ ህንተ እሻታ ዎናዉ ኪተትድ ህንተና ጎዳስ ዱማይደታ። ጎዳይ ህንተና አንጅስ” ያግስ።
\p
\v 30 ዎንተ ጋላስ ሙሰይ አሳኮ፥ “ህንተ ኢታ ናጋራ ኦደታ፤ ሽን ሀእ ታኒ ጎዳኮ ዙማ ቦላ ከያዳ፥ ኦን ኤር ህንተ ናጋራስ አቶተ ደሞና አግከ” ያግስ። 
\v 31 ያትን ሙሰይ ጎዳኮ ስሚድ ብድ፥ “ሀ አሳይ ኢታ ናጋራ ኦዶሶና፤ ኤንቲ ባንታዉ ዎርቃፈ ፆሰ መዶሶና። 
\v 32 ሽን ሀያና፥ ሀእ ኤንታ ናጋራ አቶ ያጋ። ሄስ ሀኖናባ ጊኮ፥ ነ አሳ ነ ፃፍዳ ማዝጋብያፐ ታ ሱን ቁቻ” ያግስ።
\p
\v 33 ጎዳይ ዛሪድ ሙሰኮ፥ “ታኒ ታ ማዝጋብያፐ ቁቻና አሳ ሱንይ፥ ታ ቦላ ናጋራ ኦዳይሳታ ሱን። 
\v 34 ሀእ ባዳ፥ ሀ አሳ ታኒ ነዉ ኦድዳ በሳ ካለ። ታ ኪታንቾይካ ነና ካለናይሳ አኬካ፥ ሽን ታኒ ሀ አሳ ኤንታ ናጋራ ግሾ ሴራና ዎደይ ያናይስ አተና” ያግስ።
\p
\v 35 አሮን ዎርቃፈ ማራ ምስልያ መናዳ ኦዳይ አሳ ግድያ ግሾ፥ ጎዳይ አሳ ቦላ ዎልቃማ ጋዶ የድስ።
\c 33
\s1 እስራኤለ አሳይ ሲና ዙማፐ ደንዱዋ
\p
\v 1 ሄሳፈ ጉየ፥ ጎዳይ ሙሰኮ፥ “ኔንነ ነ ግብፀፈ ከስዳ አሳይ ሀ በሳፈ ደንድድ፥ ታኒ አብራሃመስ፥ ይሳቃስ፥ ያይቆባስነ ኤንታ ሼሻታስ እማና ያጋዳ ጫቅዳ ቢታ ቢተ። 
\v 2 ታኒ ህንተ ስንን ኪታንቹዋ ኪታና። ካናነታ፥ አሞረታ፥ ህተታ፥ ፓርዘታ፥ ህወታነ ያቡሰታ ታኒ ጎዳዳ ከሳና። 
\v 3 ማነ ኤስ ጎግያ ሄ ቢታ ቢተ። ሽን ህንተ፥ ዎዛን ሙምዳ አስ ግድያ ግሾ ታ ህንተና ኦገን ይሶና መላ ህንተራ ቢከ” ያግስ።
\p
\v 4 አሳይ ሄ ያሽያ ኦዳ ስእድ ዬክዶሶና። ሄ ዎደፐ ዶምድ ኡባይ ባንታ አሌቁዋ አቦኮና። 
\v 5 ጎዳይ ሙሰኮ፥ እስራኤለ አሳስ ሀይሳዳ ያጋዳ ኦዳ ያግስ፤ “ህንተ ዎዛና ሙመ አስ። ታኒ ህንተራ ሀር አቶሽን ጉ ዎደስካ ቢኮ፥ ህንተ ታፐ ያና። ሀእ ህንተ፥ ህንተ አሌቆታ ከስተ፤ ታኒ ህንተ ቦላ ኦናባ በሳና ያጋ” ያግስ። 
\v 6 ሄ ዎደ እስራኤለት ኮሬባ ዙማ አግድ ብዳፐ ጉየ፥ ባንታ አሌቆታ አቦኮና።
\s1 ጋሄተ ዱንካነ
\p
\v 7 እስራኤለ አሳይ ብሸ ሲራትያ ጉታ ኡባን ሙሰይ ዱንካንያ ጉታፐ ሃስድ ቶኬስ። ሄ ዱንካነይ፥ “ጎዳራ ጋሄትያ ዱንካነ” ጌተትድ ፄገትስ። ጎዳ ኦይቻናዉ ኮይያ ኡባይ ይያ ቤስ። 
\v 8 ሙሰይ ዱንካንያኮ ብያ ዎደ አሳ ኡባይ ባ ዱንካንያ ፐንገን ፐንገን ኤቅድ፥ ሙሰይ ይያ ገላና ጋካናዉ እያ በኦሶና። 
\v 9 ሙሰይ ይያ ገልዳፐ ጉየ፥ ሻራ ቱሳይ ዎድ ዱንካንያ ፐንገን ኤቄስ። ጎዳይ ሻራ ግዶን ግድድ ሙሰራ ኦደቴስ። 
\v 10 አሳይ ሻራ ቱሳ ዱንካንያ ፐንግያን በእዳ ዎደ ኡባን፥ ባ ፐንገን ፐንገን ጉልባትድ ጎዳስ ጎይኖሶና። 
\v 11 አስ ባ ላገራ ኦደተይሳዳ ጎዳይ ሙሰራ ሶምኦን ኦደቴስ። ሄሳፈ ጉየ፥ ሙሰይ ጉታ ስሜስ። ሽን እያ ማድያ ናአተይ፥ ናወ ናኣ እያሱይ፥ ጎዳራ ጋሄትያ ዱንካንያፐ ሻከተና።
\s1 ጎዳይ ባ አሳስ ገልዳ ቃላ
\p
\v 12 ሙሰይ ጎዳኮ፥ “ኔኒ ታና፥ ሀ አሳ ታ ግዳ ቢታ ካለ ያጋዳሳ። ሽን ታራ ባና መላ ኔኒ ኪተይ ኦነኮ፥ ታና ኤርሳባካ። ኔኒ፥ ታና ኤረይሳነ ታናን ኡፋይተይሳ ታዉ ቆንጭሳዳሳ። 
\v 13 ሄስ ቱማ ግድኮ፥ ታ ነና ሀጋዛና መላነ ጉጃ ኡፋይሳና መላ ነ ኦግያ ታና ታማርሳ። ሀ አሳይ ነ ደረ ግደይሳ በአ” ያግስ።
\p
\v 14 ጎዳይ ዛሪድ፥ “ታኒ፥ ኔራ ባና መላነ ነዉ ሳሮ እማና መላ ኮያይ?” ያግስ።
\p
\v 15 ሙሰይ ዛሪድ፥ “ኔኒ ኑራ ቦናባ ግድኮ፥ ሀይሳፈ ኑና ከሶፋ። 
\v 16 ኔኒ ኑራ ቦናባ ግድኮ፥ ታናንነ ነ አሳን ነ ኡፋይትዳይሳ አሳ ኡባይ ዋትድ ኤራኔ? ቢታ ኡባን ደእያ ሀራ አሳ ኡባፈ ታንነ ነ አሳይ ዱማተይ ነ ኑራ ደኤይሳን ግደነዬ?” ያግስ።
\p
\v 17 ጎዳይ ሙሰኮ፥ “ታኒ ነና ኤርያ ግሾነ ነናን ኡፋይትዳ ግሾ፥ ነ ታና ኦይችዳይሳ ኡባ ኦና” ያግስ።
\p
\v 18 ሙሰይ ጎዳኮ፥ “ሀያና ነ ኩመ ቦንቹዋ ታና በሳ?” ያግስ።
\p
\v 19 ጎዳይ ዛሪድ፥ “ታኒ ታ ማሮታነ ታ ሎኦተ ኡባ ነ ስንራ አና። ታ ጌሻ ሱን ነ ማታን አዋጃና። ታኒ ጎዳ፤ ታ ዶርዳይሳታ ማራናነ ኤንታዉ ቃታና። 
\v 20 ሽን ኦንካ ታ ሶምኡዋ በእድ ፓፃ ዶና ግሾ፥ ኔኒ ታ ሶምኡዋ በአካ” ያግስ።
\p
\v 21 ሽን፥ “ኔኒ ዛላ ቦላ ኤቃናዉ ሀይሳን ታ ማታን በሲ ደኤስ። 
\v 22 ታ ቦንቾይ አያ ዎደ ታኒ ዛእዳ ዛላ ግዶን ነና ዎና። ታ አና ጋካናዉ ታ ኩሽያን ነና ካማና። 
\v 23 ሄሳፈ ጉየ፥ ታኒ ታ ኩሽያ ደንና፤ ኔኒ ታ ዞኩዋ በአና፥ ሽን ታ ሶምኡዋ በአካ” ያግስ።
\c 34
\s1 ዛሪድ ኦሰትዳ ሎቸ ሹቻታ
\r (ዛረ 10:1-5)
\p
\v 1 ጎዳይ ሙሰኮ፥ “ኮይሮይሳታ ዳንያ ናምኡ ሎቸ ሹቻታ ማሳዳ ጊግሳ። ታኒ ሄ ሹቻታ ቦላ ካሰ ኔኒ መንዳ ሹቻታ ቦላ ደእያ ቃላታ ፃፋና። 
\v 2 ዎንቶ ዎንታ ጉራ ታራ ጋሄታናዉ ሲና ዙማ ሁጵያ ከያ። 
\v 3 ኔራ ኦንካ ከዮፖ ዎይኮ ዙማ ቦላ አዉንካ በንቶፎ። ሀር አቶሽን ዶርሳ ዎይኮ መሄ ዉደይ ዙማ ፃጶን ሄመቶፎ ዎይኮ ሞፖ” ያግስ።
\p
\v 4 ሄሳ ግሾ፥ ሙሰይ ኮይሮ ሹቻታ ዳንያ ናምኡ ሹቻታ ማስድ፥ ጎዳይ ኪትዳይሳዳ፥ ሹቻታ ኦይክድ ዎንታ ጉራ ሲና ዙማ ቦላ ከይስ። 
\v 5 ጎዳይ ሻራራ ዎድ፥ እያራ ያን ኤቅድ፥ “ታኒ ጎዳ” ያግድ ባ ጌሻ ሱን አዋጅስ። 
\v 6 ጎዳይ ሙሰ ስንራ አሸ ሀይሳዳ ያግድ አዋጅስ፤ “ታኒ ፆሳ፥ ታ ሱንይ ጎዳ። ታኒ፥ ቃይነ ማሮታይ ኩምዳ ፆሳ። ታኒ ዳንዳአንነ መርና ሲቆን ኩምዳይሳነ ዳሮ አማንይሳ። 
\v 7 ታኒ፥ ታ አሳስ ገልያ ቃላ ሙኩሉ የለተ ጋካናዉ ናገይሳነ ኢታተ፥ ማካላነ ናጋራ አቶ ገይሳ። ሽን ሄንነ ኦይዳን የለተ ጋካናዉ አዋታ ናጋራ ግሾ ናይታ ሴሮና አግከ” ያግስ።
\p
\v 8 ሙሰይ ኤለስድ ቢታን ጉፋንድ ጎይንስ። 
\v 9 እ ዛሪድ፥ “አቤት ጎዳዉ፥ ኔኒ ታናን ኡፋይትያባ ግድኮ፥ ኑራ እስፈ የ። ሀይስ አሳይ ስኦና አስ፤ ኑ ኢታተነ ኑ ናጋራ አቶ ያጋዳ፥ ኑና ነ አሰ ኦ” ያግስ።
\p
\v 10 ጎዳይ ሙሰኮ፥ “ታኒ እስራኤለ አሳራ ጫቃና። ሀይሳፈ ካሰ ቢታ ቦላ አዉንካ ሀን ኤሮና ማላልስያባ ነ አሳ ስንን ኦና። ታኒ ጎዳይ፥ አይ መላ ማላልስያባ ኦያኮ፥ ኔኒ ኤንታ ግዶን ደእያ አሳይ በአና። 
\v 11 ሀች ታኒ ህንተና ኪትያ ኪታ ናግተ። ህንተ ስንፈ አሞረታ፥ ካናነታ፥ ህተታ፥ ፓርዘታ፥ ህወታነ ያቡሰታ ታኒ ጎዳና። 
\v 12 ኤንቲ ህንተዉ ፅሄ ግዶና መላ ህንተ ገልያ ቢታን ደእያ አሳራ ጫቆፍተ። 
\v 13 ኤንታ ያርሾ በሳታ ላልተ፤ ጎይኖ ቱሳታ መንረተ። አሼራ ጌተትያ ማጫ ፆሰ ምስለ ቱሳታ ቃንፀረተ። 
\v 14 ታኒ ጎዳይ፥ ታ ቦንቹዋ ሀራ ፆሳታራ ኮፆና ፆሰ ግድያ ግሾ፥ ታፐ ሀራ ፆሳታስ ጎይኖፍተ። 
\v 15 ሄ ቢታን ደእያ አሳታራ አይባ ጫቆካ ጫቆፍተ። ኤንቲ ባንታ ፆሳታ ጎይንያ ዎደነ ኤንታዉ ያርሽያ ዎደ፥ ኤንቲ ህንተና ባንታራ እስፋና መላ ኦይችኮ፥ ህንተ ኤንቲ ባንታ ፆሳታስ ያርሽያ ካ ማናዉ ፓጨትድ፥ ታዉ አማነቶና እፃና። 
\v 16 ቃስ ህንተ ኤንታ ማጫ ናይታፐ ህንተ አደ ናይታስ እምኮ፥ ሄ ዎደ ሄ ማጫ ናይት ባንታ ፆሳታ ጎይንድ፥ ህንተ አደ ናይትካ ታዉ አማነቶና እፅድ፥ ባንታ ፆሳታ ጎይናና መላ ኦና።
\p
\v 17 “ብራታፐ ቆፀትድ፥ መትዳ ፆሳታ ጎይኖፍተ።
\p
\v 18 “ኡይ ባኣለ ቦንችተ። ህንተ ግብፀፈ ከይዳይ፥ አቢባ አጌናን ግድያ ግሾ፥ ታኒ ህንተና ኪትዳይሳዳ፥ ሄ አጌናን፥ ላፑን ጋላስ ጋካናዉ ኡይ ሚተ።
\p
\v 19 “ባይራ የለትያ አደ ናእ ኡባይነ ባይራ የለትያ መሄ አደ ኡባይ ታባ። 
\v 20 ኮይሮ የለትዳ ሀረ ማር ዶርሳ ማራራ ላማዳ ዎዛ። ዎዞና እፅኮ፥ እያ ሞርግያ መን። ባይራ የለትዳ አደ ናአ ኡባ ዎዛ።
\p “ኦንካ እምያባ ኦይኮና መላ ኩሸ ታ ስንን ሺቆፖ።
\p
\v 21 “ኡሱፑን ጋላስ ኦተ፥ ሽን ላፑን ጋላሳን ሸምፕተ። ዘርያ ዎደ ግድን ዎይኮ ካ ጫክያ ዎደ ላፑን ጋላሳን ሸምፕተ።
\p
\v 22 “ኮይሮ ህንተ ግስትያ ጫኮ ዶምያ ዎደ፥ ካ ሺሾ ባኣለ ቦንችተ። ቃስ ላይ ዉርሰ ካ ሺሽያ ዎደ፥ ሻቃራ ባኣለ ቦንችተ። 
\v 23 ላይን ሄ ቶሆ እስራኤለ አደ ኡባይ መተ ጎዳ፥ እስራኤለ ፆሳ ጎይናናዉ ዮ። 
\v 24 ካዎተታ ታኒ ህንተ ስንፈ የደ ከሳዳ ህንተ ዛዋ አሳና። ህንተ ታና ጎይናናዉ ላይን ሄ ቶሆ ይያ ዎደ፥ ኦንካ ህንተ ቢታ ኦልድ ኤካናዉ አሞተና።
\p
\v 25 “ህንተ ታዉ መሄ ያርሽያ ዎደ፥ እርሾ የግድ ኡክዳ ኡይራ ሽሾፕተ። ፓስካ ቦንችያ ጋላሳስ ያርሽዳ ያርሹዋፈ ዎንታስ አይባካ አሾፍተ።
\p
\v 26 “ህንተ ጋደን ባይራ ካፅዳ ካፈ ኮይሮ አይፍያ ጎዳ ህንተ ፆሳ ኬ ኤህተ።
\p “ዴሻ ማር እያ አየ ማን ዶይሶፕተ” ያግስ።
\p
\v 27 ጎዳይ ሙሰኮ፥ “ታኒ ኔራነ እስራኤለ አሳራ ጫቆ ገለይ ሀ ቃላታን ግድያ ግሾ፥ ሀ ቃላታ ፃፋ” ያግስ። 
\v 28 ሙሰይ ሞናነ ኡዮና፥ ኦይታሙ ጋላስነ ኦይታሙ ቃማ ጎዳራ ዙማ ቦላ ጋምእስ። እ፥ ጫቆ ቃላ ገልዳ ታሙ ኪታታ ሎቸ ሹቻታን ፃፍስ።
\s1 ሙሰይ ሲና ዙማፐ ዎ
\p
\v 29 ሙሰይ ጎዳራ ኦደትሸ ጋምእድ፥ ታሙ ኪታታ ኦይክዳ ናምኡ ሎቸ ሹቻታ ኤክድ ሲና ዙማፐ ዎያ ዎደ እያ ሶምኦይ ጶሌስ፥ ሽን እ ሄሳ ኤርቤና። 
\v 30 አሮንነ እስራኤለ አሳ ኡባይ ሙሰ ፄልድ፥ እያ ሶምኦይ ጶለይሳ በእድ፥ እያኮ ሺቃናዉ ያይዶሶና። 
\v 31 ሽን ሙሰይ ኤንታ ፄግስ። አሮንነ እስራኤለ ሀላቃት ኡባይ እያኮ ሺቅን፥ እ ኤንታ ኦድስስ። 
\v 32 ሄሳፈ ጉየ፥ እስራኤለ አሳ ኡባይ እያኮ ሺቅን፥ ጎዳይ እያዉ ሲና ዙማ ቦላ እምዳ ኪታ ኡባ እ ኤንታዉ እሚስ።
\p
\v 33 ሙሰይ ኤንታራ ኦደተይሳ ዉርስዳ ዎደ ባ ሶምኡዋ ላፃናን ካምስ። 
\v 34 ሽን ሙሰይ ጎዳ ስን፥ እያራ ኦደታናዉ ገልያ ዎደ ላፃና ባ ሶምኡዋፈ ቃሬስ። ያፐ ከይያ ዎደ፥ ጎዳይ እያ ኪትዳባ ኡባ እስራኤለ አሳስ ኦዴስ። 
\v 35 ሄ ኡባን ኤንቲ እያ ሶምኦይ ጶለይሳ በኦሶና። ሄሳ ግሾ፥ ሙሰይ ጎዳራ ኦደታናዉ ባና ጋካናዉ፥ ባ ሶምኡዋ ላፃናን ካሜስ።
\c 35
\s1 ሳምባታ ቦንቾ ዎጋ
\p
\v 1 ሙሰይ እስራኤለ አሳ ኡባ ፄግድ፥ “ህንተ ኦና መላ ጎዳይ ኪትዳባይ ሀይሳ፤ 
\v 2 ሳምንታ ግዶን ኡሱፑን ጋላሳ ፃላላን ኦሶ ኦተ፤ ሽን ላፑን ጋላሳይ ህንተዉ ጌሻ ጋላስ፤ ጎዳስካ ዱማትዳ ሸምፖ ሳምባታ። ሄ ጋላሳን ኦሶ ኦያ ኦንካ ሀይቃናዉ በሴስ። 
\v 3 ሳምባታ ጋላስ ህንተ ሶን ታማ ኤፍተ” ያግስ።
\s1 ጌሻ ዱንካንያስ እመትዳ እሙዋ
\p
\v 4 ሙሰይ እስራኤለ አሳኮ፥ “ጎዳይ ሀይሳዳ ያግድ ህንተና ኪትስ፤ 
\v 5 ጎዳስ ህንተ ዎዛናይ እሞ ግያባ እማናዉ ኤህተ። ህንተ እማናዉ ኤህያባት ዎርቃ፥ ብራ፥ ናሰ ብራታ፥ 
\v 6 ካሎሰ ቃጭና፥ ኦቻ ቴራ ዳንያ ቃጭና፥ ዞኦ ቃጭናነ አልኦ ሊኖ፥ ዴሻ እክሰ፥ 
\v 7 ዞኦ ቃላመን የግ ከስዳ ዶርሳ እተ፥ ሎኦ ዶአ እተ፥ ሶቃላ ም፥ 
\v 8 ፆምፐስ ሻማሆ ዛይተ፥ ሹማተ ዛይተ፥ እያን የገትያ ሳዋነ እፃነ ሳዎ፥ 
\v 9 ኤፉድያስነ ትራን ማኤትያ ማኡዋስ ሀንያ ማርግደ ጌተትያ ሹቻነ ሀራ አሌቆታ ኤሆ።
\s1 ጌሻ ዱንካነን ጎኤትያ ሚሸታ
\r (ከሳ 39:32-43)
\p
\v 10 “ህንተ ግዶን ደእያ ኩሸ ሂላንቾ ኡባይ ይድ፥ ጎዳይ ኪትዳይሳ ኡባ ኦ። 
\v 11 ጌሻ ዱንካንያ፥ እያ ጋ ካማነ ካረ ካማ፥ ካቆታ፥ ቱቀታ፥ ልዮታ፥ ቱሳታነ ኤንቲ ኤቅያ ቶሆታ፤ 
\v 12 ታቦትያነ እያ ቶክያ ካሶ ምታ፥ ናጋራ አቶተ ካማነ ታቦትያ ገንያ ማጋራጁዋ፤ 
\v 13 ፃርጴዛ፥ እያ ቶክያ ካሶ ምታነ፥ እያ ሚሸታ ኡባነ ጎዳ ስንን ዎያ ጌሻ ኡይ፤ 
\v 14 ፆምፐ ዎያ ኮጫ፥ እያ ሚሸታ፥ ፆምፕያነ ፆምፐ ዛይትያ፤ 
\v 15 እፃነ ጩይስያ ፃርጴዛነ እያ ቶክያ ካሶታ፥ ሹማተ ዛይትያነ ሳውያ እፃነ፥ ጌሻ ዱንካንያ ፐንገ ማጋራጁዋ፤ 
\v 16 ፁሳ ያርሾ በስነ እያ ናሰ ብራታ ዛርዛርያ፥ እያ ቶክያ ካሶታነ እያ ሚሸታ ኡባ፥ ናሰ ብራታፐ ኦሰትዳ ሜቻ ከርያነ እያ ቶሁዋ፤ 
\v 17 ዳባባ ጎዳ ገሸታ፥ ቱሳታነ ኤንታ ቶሆታ፥ ዳባባ ፐንገ ማጋራጁዋ፥ 
\v 18 ጌሻ ዱንካንያነ ዳባባ ዱንካንያ ቶለ ሸታነ ኤንታ ዎዶሮታ፤ 
\v 19 አሮንነ እያ ናይት ጌሻ በሳን ሀጋዝሸ ማአናዉ አሌቀትድ ኦሰትዳ ቦንቾ ማኦታ ኦ” ያግስ።
\s1 አሳይ ኤህዳ እሙዋ
\p
\v 20 ሄሳፈ ጉየ፥ እስራኤለ አሳ ኡባይ ሙሰ ስንፈ ከይዶሶና። 
\v 21 አሳ ኡባይ ባ ዎዛናን እሞ እሞ ግዳባ ጌሻ ዱንካንያስ፥ እያ ግዶን ኦሰትያ ኦሶ ኡባስነ ቦንቾ ካህነ ማኦታስ ኮሽያባ ኡባ ኤህዶሶና። 
\v 22 እማናዉ ኮይዳ ማጭ አደ ኡባይ ዎርቃ አሌቆታ፥ ሲ ዎርቃታ፥ ምግዶታ፥ ቆ ዎርቃ ኤህድ፥ ጎዳስ እሞ ኦድ እምዶሶና። 
\v 23 ካሎሰ ቃጭና፥ ኦቻ ቴራ ዳንያ ቃጭና፥ ዞኦ ቃጭና፥ አልኦ ሊኖ፥ ዎይኮ ዴሻ እክሰ፥ ዎይኮ ዞኦ ቃላመን የግ ከስዳ ዶርሳ እተ ዎይኮ፥ ሎኦ ዶአ እተይ ደእያ አስ ኡባይ ኤህስ። 
\v 24 ብራ ዎይኮ ናሰ ብራታ እማናዉ ዳንዳእያ ኡባይ ባንታ እሞታ ጎዳስ እምዶሶና። ቃስ ሶቃላ ም ደእያ አስ ኡባይ ዱማ ዱማ ኦሱዋስ ኤህስ።
\p
\v 25 ኩሸ ሂላ ማጫሳ ኡባይ ባንታ ኩሸን ሱቅዳ ካሎሰ ቃጭና፥ ኦቻ ቴራ ዳንያ ቃጭና፥ ዞኦ ቃጭናነ አልኦ ሊኖ ኤህዶሶና። 
\v 26 ቃስካ እሞታ እማናዉ ኮይዳ ማጫሳ ኡባይ ዴሻ እተፐ ዶቀትዳ ዎዶሮ ኤህዶሶና። 
\v 27 ሀላቃት ኤፉድያስነ ትራን ማኤትያ ማኡዋስ ሀንያ ማርግደነ ሀራ ሎኦ ሹቻታ፥ 
\v 28 ቃስካ ኤንቲ እፃነን፥ ሹማተስነ ፆምፐስ ማድያ ሻማሆ ዛይተን የገትያ ሳዎ ኤህዶሶና። 
\v 29 እስራኤለ አሳ ኡባይ፥ ኦና መላ ጎዳይ ሙሰ ባጋራ ኪትዳ ኦሱዋስ ሀንያ እሞታታ ኡባ ባንታ ዶሳን ጎዳስ ኤህዶሶና።
\s1 ኩሸ ሂላንቾታ
\p
\v 30 ሙሰይ እስራኤለ አሳኮ ሀይሳዳ ያግስ፤ “ጎዳይ ይሁዳ ሼሻፐ ግድዳ ሁራ ናኣ ናኣ፥ ኡረ ናኣ፥ ባስልኤላ ዶርስ። 
\v 31 ጎዳይ እያ ባ አያናን፥ ሂላን፥ አኬካንነ ኦሶ ኡባ ኦያ ኤራን ኩንስ። 
\v 32 ሄስካ፥ ሂላን ኦና ኦሶታ ሀልችድ ዎርቃፈ፥ ብራፐነ ናሰ ብራታፐ ዱማ ዱማባ ከስድ ኦናሳ። 
\v 33 ሄሳዳካ፥ አልኦ ሹቹ ማስድ ጊግሶ፥ ም ማሰነ ሀራ ኦሶ ኡባ ኦና መላ ጭንጫተ እሚስ። 
\v 34 ቃስ እያስነ ዳነ ሼሽ ግድዳ አህሳማካ ናኣ ኤልያባስ፥ ባንታ ሂላ ሀራታ ታማርሳና መላ ኤራተ እሚስ 
\v 35 ኤንቲ ዱማ ዱማ ኦሶ ኦና መላ ኦሶ ሀልቾ ከሳና መላ፥ ካሎሰን፥ ኦቻ ቴራ ዳነይሳንነ ዞኦ ሱፈ ቃጭናን አልኦ ሊኖ አሌቅስድ፥ ዳድያ ሂላተ እሚስ። ጎዳይ ኤንታ፥ ኤራተን ኩንስ። ኤንቲ ኡባይ ዱማ ዱማ ኦሶን ሉፅዳ ሂላንቾ ግድዶሶና።
\c 36
\p
\v 1 “ሄሳ ግሾ፥ ባስልኤል፥ ኤልያብነ ጌሻ ዱንካንያ ኬፃና መላ ጎዳይ ሂላነ ኤራተ እምዳ አሳ ኡባይ፥ ጎዳይ ኪትዳይሳዳ ኡባባ ኦና” ያግስ።
\s1 እሙዋ ዳሮተ
\p
\v 2 ሙሰይ ባስልኤላ፥ ኤልያባ፥ ጎዳይ ዱማ ኤራተ እምዳይሳታነ ኦሶ ኦናዉ ኮይያ ኡባ ፄግድ፥ ኦሱዋ ዶማና መላ ኪትስ። 
\v 3 ኤንቲ፥ እስራኤለ አሳይ ጌሻ ዱንካንያ ኦናዉ ኤህዳ እሞ ኡባ ሙሰ ኩሸፐ ኤክዶሶና። ቃስ አሳይ ባ ዶሳን እምያ እሞታ ዎንታ ዎንታ ኤሁዋ አግቦኮና። 
\v 4 ያትን፥ ጌሻ ዱንካንያ ኦያ ሂላንቾት ባንታ ኦሱዋ ኤስድ፥ ሙሰኮ ብድ፥ 
\v 5 “አሳይ፥ ጎዳይ ኪትዳ ኦሱዋስ ኮሸይሳፈ አድ ኤሆ ቦላ ደኦሶና” ያግዶሶና።
\p
\v 6 ሙሰይ፥ “ጌሻ ዱንካንያ ኬፃናዉ ኦንካ እምያባ ኤሆፖ” ያግድ ኪትን፥ አሳይ ኤሄይሳ አጋግዶሶና። 
\v 7 ኤንቲ ኤህዳ እሞታይ ኦሶ ኡባ ኦ ፖላናዉ ግድድ ፓላሄስ።
\s1 ጌሻ ዱንካነ ኦሱዋ
\r (ከሳ 26:1-37)
\p
\v 8 ኦሱዋ ኦይሳታፐ ሂላን አይሳት ጌሻ ዱንካንያ ኦዶሶና። ኤንቲ እያ አልኦ ሊኖፐ፥ ካሎሰን ኦቻ ቴራ ዳነይሳንነ ዞኦ ቃጭናን አሌቅስድ ዳድዳ ታሙ ገሸታ ጊግስድ፥ እያ ቦላ ክሩበታ ምስልያ ስክዶሶና። 
\v 9 ማጋራጆት ኡባይ እስ ግና ግድድ፥ አዱሳተይ ላታማነ ኦይዱ ዋ፥ ጎምፓይ ኦይዱ ዋ። 
\v 10 እቻሹ ገሸታ እስፈ ጋድ ስክዶሶና፤ ቃስ ሀንኮ አትዳ እቻሹ ገሸታካ ሄሳዳ ኦዶሶና። 
\v 11 እስፈ ጋድ ስክዳ ገሸታፐ እስ ማጋራጁዋስ ዉርሰ ጋፃን ካሎሰ አፍላፐ ኦሰትዳ ሳጋዮታ መዶሶና። ቃስ እስፈ ጋድ ስክዳ ሀንኮ ገሸታፐ እሱዋ ጋፃንካ ሄሳዳ ኦዶሶና። 
\v 12 ኤንቲ እስፈ ስከትዳ ኮይሮ ማጋራጁዋ ቦላ ኮይሮ ማራን ካሎሰ አፍላፐ ኦሰትዳ እሻታሙ ሳጋዮታ፥ ሄሳዳካ ናምአን ማጋራጁዋ ቦላ ዉርሰ ማራን፥ ሀንኮ ሳጋዮታ ግናን፥ እሻታሙ ሳጋዮታ ኦዶሶና። 
\v 13 ኤንቲ ናምኡ ባጋን ደእያ ገሸታ ጋሰድ እስኖ ኦናዉ ዎርቃፈ እሻታሙ ኦይክያ በሳታ መዶሶና።
\p
\v 14 ጌሻ ዱንካንያ ቦላራ ካማናዉ ታማነ እስ ገሸታ ዴሻ እክሰፐ ዳድዶሶና። 
\v 15 ታማነ እስ ገሸታ አዱሳተ ላታማነ ኡሱፑን ዋ፥ ጎምፓ ኦይዱ ዋ ኦድ መዶሶና። 
\v 16 እቻሹ ገሸታ እስ ባጋራ፥ ቃስ ኡሱፑን ገሸታ ሀንኮ ባጋራ ጋድ ስክዶሶና። 
\v 17 ዎል ጋድ ስክዳ ገሸታፐ ዉርሰ ማጋራጁዋ ማጫራን እሻታሙ ሳጋዮታ፥ ቃስ ዎል ጋድ ስክዳ ሀንኮ ገሸታፐ ዉርሰ ማጋራጁዋ ማጫራን እሻታሙ ሳጋዮታ መዶሶና። 
\v 18 ናምኡ ባጋራ ደእያ ገሸታ ጋሰድ እስ ካማ ኦናዉ ናሰ ብራታፐ እሻታሙ ኦይክያ በሳታ መዶሶና። 
\v 19 ዱንካንያ ካማናዉ ዞኦ ቃላመን የግ ከስዳ ዶርሳ እተ፥ ቃስ እያ ቦላራ ካማናዉ ሎኦ ዶአ እተ ጊግስዶሶና።
\p
\v 20 ጌሻ ዱንካንያ ቱቀታ ሶቃላ ምፈ ከስዶሶና። 
\v 21 እስ እስ ቱቅያ አዱሳተይ ታሙ ዋ፥ ጎምፓይ እስ ዋነ ታካ። 
\v 22 እስ ቱቅያ እሱዋራ ጋሰናዉ ናምኡ ሉሆት ደኦሶና። ጌሻ ዱንካንያ ቱቀታ ኡባ ሄሳዳ ኦዶሶና። 
\v 23 ጌሻ ዱንካንያስ ዱገሀ ባጋራ ላታሙ ቱቀታ መዶሶና። 
\v 24 እስ እስ ቱቀታስ ናምኡ ቶሆ መድ፥ ሄ ቶሆታ ኦይናዉ ኦይታሙ ሉሆታ ብራታፐ ጊግስዶሶና። 
\v 25 ጌሻ ዱንካንያስ ፑደሀ ባጋራ ላታሙ ቱቀታ መዶሶና። 
\v 26 እስ እስ ቱቀታስ ናምኡ ቶሆ መድ፥ ሄ ቶሆታ ኦይናዉ ኦይታሙ ሉሆታ ብራታፐ ጊግስዶሶና። 
\v 27 ጌሻ ዱንካንያስ ጉየ ባጋን፥ ዉሎሀ ባጋራ ኡሱፑን ቱቀታ መዶሶና። 
\v 28 ጌሻ ዱንካንያ ጉየ ባጋን ደእያ ማዛነታስ ናምኡ ቱቀታ ጊግስዶሶና። 
\v 29 ሄ ናምኡ ማዛነ ቱቀት ፃጶፐ ፄራ ጋካናዉ ኦይከት ብዶሶና። ናምኡ ማዛንያን ደእያ ናምኡ ቱቀት ሄሳዳ ሀንድ ኦሰትዶሶና። 
\v 30 ሄሳ ግሾ፥ እስ እስ ቱቅያስ ጋርሳን ናምኡ ናምኡ ቶሆት ደኦሶና። ሆስፑን ቱቀታስ ብራታፐ ኦሰትዳ ታማነ ኡሱፑን ቶሆት ደኦሶና።
\p
\v 31 ቃስ ኤንቲ ሶቃላ ምፈ ታማነ እቻሹ ልዮታ ከስዶሶና። እቻሹ ልዮት ጌሻ ዱንካንያ እስ ባጋ ምየን፥ 
\v 32 ቃስ እቻሹ ልዮታ ሀንኮ ባጋ ምየን፥ ሄሳዳካ እቻሹ ልዮታ ጉየ ባጋራ ዉሎሀ ባጋን ዎዶሶና። 
\v 33 ቱኡቀታስ ምየ ባጋራ ግዶን ደእያ ልዮይ፥ ሀ ጋፃፐ ያ ጋፃ ጋካናዉ ካን ከያና መላ ኦዶሶና። 
\v 34 ቱኡቀታነ ልዮታ ዎርቃን ላንፅዶሶና። ልዮት ኤንታ ግዶራ ካን አና መላ ዎርቃ ሳጋዮታ ቱቀታራ ኦይሰዶሶና።
\p
\v 35 ማጋራጁዋ አልኦ ሊኖፐ ካሎሰን፥ ኦቻ ቴራ ዳነይሳንነ፥ ዞኦ ቃጭናን አሌቅስድ ኦዶሶና። ሄ ማጋራጁዋ ቦላ ክሩበ ምስለታ ስክዶሶና። 
\v 36 ማጋራጁዋ ካቃናዉ ኦይዱ ቱሳታ ሶቃላ ምፈ ጊግስድ፥ ዎርቃን ላንፅዶሶና። ያትድ ዎርቃ ሳጋዮታ ኤንታስ ጊግስዶሶና። ቃስ ቱሳታ ኤስያ ኦይዱ ቶሆታ ብራ ብራታፐ መዶሶና። 
\v 37 ጌሻ ዱንካንያ ፐንግያስ አልኦ ሊኖፐ ካሎሰን፥ ኦቻ ቴራ ዳነይሳፈነ ዞኦ ቃጭናን አሌቅስድ ማጋራጆ ጊግስዶሶና። 
\v 38 ቃስ እያዉ ኮጫት ደእያ እቻሹ ቱሳታ መድ፥ ኤንታዉ ፄራነ ቶሁዋ ዎርቃን ላንፅዶሶና። ቱሳታስ ናሰ ብራታፐ ኦሰትዳ እቻሹ ቶሆታ ጊግስዶሶና።
\c 37
\s1 ታቦተ
\r (ከሳ 25:10-22)
\p
\v 1 ባስልኤል ታቦትያ ሶቃላ ምፈ ጊግስስ። ታቦትያ አዱሳተይ ናምኡ ዋነ ባጋ፥ ጎምፓይነ ጌሳይ እስ ዋነ ባጋ። 
\v 2 ታቦትያ ጊግስድ፥ ጋነ ካርያ ዋላህ ባይና ዎርቃን ላንፅስ። እያ ዩሹዋ ቦላካ ዎርቃን ላንፅስ። 
\v 3 ኦይዱ ዎርቃ ሳጋዮታ ታቦትያስ ኦይዱ ገዳታ ቦላ፥ እስ ባጋራ ናምኡ ሳጋዮታ፥ ቃስ ሀንኮ ባጋራ ናምኡ ሳጋዮታ አስ። 
\v 4 ያትድ ሶቃላ ምፈ ኦሰትዳ ካሶታ ከስድ ኤንታ ዎርቃን ላንፅስ። 
\v 5 ታቦትያ ቶካናዉ፥ ታቦትያስ ምይያን ደእያ ሳጋዮታን ካሶታ አስ።
\p
\v 6 ዋላህ ባይና ዎርቃፈ፥ አዱሳተይ ናምኡ ዋነ ባጋ፥ ጎምፓይ እስ ዋነ ባጋ ግድዳ ናጋራ አቶተ ካማ ኦስ። 
\v 7 ቀፈይ ደእያ ናምኡ ክሩበታ ቆፀትዳ ዎርቃፈ ኦድ፥ 
\v 8 እስ ክሩብያ እስ ባጋን፥ ሀንኮ ክሩብያ ሀንኮ ባጋን ዎድ፥ አቶተ ካሙዋራ እስኖ ኦድ መስ። 
\v 9 ክሩበት ባንታ ቀፍያ ምጭድ፥ አቶተ ካሙዋ ካምድ፥ እሶይ እሱዋ ፄሎሶና።
\s1 ዳቦ ፃርጴዛ
\r (ከሳ 25:23-30)
\p
\v 10 አዱሳተይ ናምኡ ዋ፥ ጎምፓይ እስ ዋ፥ ጌሳይ እስ ዋነ ባጋ ግድዳ ፃርጴዛ ሶቃላ ምፈ መስ። 
\v 11 ዋላህ ባይና ዎርቃን እያ ላንፅድ፥ ዩሹዋካ ዎርቃን ላንፅስ። 
\v 12 ሄሳዳካ፥ ጎምፓይ ታካ ግድያ ጎሰ ኦድ፥ እያ ዎርቃን ዩሽ አድ ላንፅስ። 
\v 13 ታቦትያ ቶካናዉ ማድያ ኦይዱ ዎርቃ ሳጋዮታ መድ፥ ኦይዱ ገዳታ ኦይዱ ማዛነታ ቦላ ዎስ። 
\v 14 ፃርጴዛ ቶካናዉ ካሶታ አያ ሳጋዮት ፃርጴዛ ጎሳ ማታን ኦሰትዶሶና። 
\v 15 ፃርጴዛ ቶክያ ካሶ ምታ ሶቃላ ምፈ ከስድ፥ ዎርቃን ላንፅስ። 
\v 16 ሄሳዳካ፥ ፃርጴዛ ቦላ ዎያ ዱማ ዱማ ሚሸታ ዋላህ ባይና ዎርቃፈ መስ። ሄሳትካ ሳነታ፥ ጭልፓታ፥ ከረታ፥ ዎይነ ያርሾ ትግያ ፁአታ።
\s1 ፆምፐ ዎያ ኮጫ
\r (ከሳ 25:1-40)
\p
\v 17 ሄሳፈ ጉየ፥ ባስልኤል ፆምፐ ዎያ ኮጫ ዋላህ ባይና ዎርቃፈ ኦስ። ኮጫ ኤስያ ቶሁዋነ ቶማ ቆፀትዳ ዎርቃፈ ጊግስስ። አሌቆስ ኦሰትያ፥ እያ ጋምቡታ፥ እያ ዋላፃታነ እያ ጪሻታ ኡባ እያራ እስፈ ኦይድ መስ። 
\v 18 እስ ባጋራ ሄ ታሸት፥ ቃስ ሀንኮ ባጋራ ሄ ታሸት ደእያ ኡሱፑን ታሸታ እያ ምይያን መስ። 
\v 19 ኡሱፑን ታሸታስ ፄራን ፄራን ሄ ሄ አሌቆ ጋምቡትነ ጪሻት ደእያ ላዉዘ ም ጪሸ ዳንያባ መስ። 
\v 20 ፆምፐ ዎያ ኮጫ ግዶን ደእያ ቶማ ፄራን ኦይዱ አሌቆ ጋምቡትነ ጪሻት ደእያ ላዉዘ ም ጪሸ ዳንያባ መስ። 
\v 21 ዋን ደእያ ሄ ሄ ታሸታፐ ጋርሳን እስ እስ ጋምቡ ኦሰትስ። 
\v 22 ጋምቡት፥ ታሸትነ ፆምፐ ዎያ ኮጫይ እስኖ ግድድ፥ ዋላህ ባይና ዎርቃፈ ቆፀትድ ኦሰትዶሶና።
\p
\v 23 ፆምፐ ዎያ ኮጫስ ላፑን ፆምፐታ፥ ፆምፐ ቶይስያ ቃጰታነ ኤንታ ዎያባታ ዋላህ ባይና ዎርቃፈ ኦስ። 
\v 24 ፆምፐ ዎያ ኮጫነ እያዉ ጎኤትያ ሚሸ ኡባ ኦናዉ ሀስታማነ እቻሹ ክሎ ግራመ ግድያ፥ ዋላህ ባይና ዎርቃ ኦንግስ።
\s1 እፃነ ፃርጴዛ
\r (ከሳ 30:1-5)
\p
\v 25 ባስልኤል እፃነ ጩይስያ ፃርጴዛ ሶቃላ ምፈ ጊግስስ። እያዉ ኦይዱ ማዛነይ ደኤስ። ሄ ፃርጴዛስ አዱሳተይነ ጎምፓይ እስ ዋ፤ ቃስ ጌሳይ ናምኡ ዋ። ኦይዱ ማዛንያን ደእያ ካጨት እያራ እስኖ ግድ ኦይከትድ ኦሰትዶሶና። 
\v 26 እያዉ ቦላ ባጋ፥ ኦይዱ ምያነ ካጨታ ዋላህ ባይና ዎርቃን ላንፅስ፥ እያ ዩሹዋካ ዎርቃን ላንፅድ ዩሽ አስ። 
\v 27 እያዉ ጋፃ ቦላ ቶካናዉ ማድያ ናምኡ ዎርቃ ሳጋዮታ መድ፥ ናምኡ ባጋ ምይያን ዎስ። ኤንቲ እፃነ ፃርጴዛ ቶክያ ዎደ ካሶ ምታ አናዉ ማደይሳታ። 
\v 28 ካሶ ምታ ሶቃላ ምፈ ከስድ፥ ዎርቃን ላንፅስ።
\p
\v 29 ጌሻ ሹማተ ዛይትያነ ሳውያ ሎኦ እፃነ ሽቶዳ ዋላክድ ኦስ።
\c 38
\s1 ፁሳ ያርሾ በሲ
\p
\v 1 ሶቃላ ምፈ ፁሳ ያርሾ በሲ ኦስ። ሄ ያርሾ በሳ አዱሳተይነ ጎምፓይ፥ እቻሹ እቻሹ ዋ፥ ቃስ ጌሳይ ናምኡ ዋነ ታካ። እያዉ ኦይዱ ማዛነይ ደኤስ። 
\v 2 ኦይዱ ማዛነታራ ኦይከትድ ኦሰትዳ ካጨታ መስ። ያትድ፥ ሄ ያርሾ በሳ ናሰ ብራታን ላንፅስ። 
\v 3 ሄ ያርሾ በሳን ጎኤትያ ሚሸታ፥ ድስተታ፥ ባልደታ፥ አካፋታ፥ አሹዋ ቃጵያ ቃጰታነ ታማ ጮጨታ ኡባ ናሰ ብራታፐ መስ። 
\v 4 ናሰ ብራታፐ ግተ ዳንያ ተቀ ያርሾ በሳስ ጊግስድ፥ ያርሾ በሳስ ግዶ ዛዋ ዩሽ አድ ዎስ። 
\v 5 ቶካናዉ ማድያ ካሶታ አናዉ፥ ኦይዱ ሳጋዮታ መድ፥ ኦይዱ ማዛነታ ቦላ ዎስ። 
\v 6 ሶቃላ ምፈ ያርሾ በሳ ቶክያ ካሶ ምታ ከስድ፥ ናሰ ብራታን ላንፅስ። 
\v 7 ሀ ካሶታ ናምኡ ምየን ደእያ ሳጋዮታን አስ። ያርሾ በሳ ፃዉላፐ ጊግስድ፥ ግዱዋ ካይስ ኦስ።
\s1 ሜቻ ከረ
\p
\v 8 ናሰ ብራታፐ ሜቻ ከረነ እያ ዎያ ቶሆ መስ። ሄ ናሰ ብራታይ፥ ጌሻ ዱንካንያ ፐንገን ኦያ ማጫሳት ኤህዳ ማስቶትያፐ ኤከትስ።
\s1 ጌሻ ዱንካነ ዳባባ
\p
\v 9 ጌሻ ዱንካንያስ ዳባባ ባጋ ገቻናዉ አልኦ ሊኖፐ ማጋራጆ ኦስ። ዱገሀ ባጋ ገሸታስ አዱሳተይ ፄቱ ዋ። 
\v 10 ገሸታስ ካተ ግዳና መላ ላታሙ ቱሳታነ ኤንቲ ኤቅያ ቶሆታ ናሰ ብራታፐ ኦስ። ኤንታ ፃምአታነ ካጨታ ብራ ብራታፐ ኦስ። 
\v 11 ፑደሀ ባጋ ዳባባይካ ሄሳዳ ሀንድ ኦሰትስ። 
\v 12 ዉሎሀ ባጋ ገሸታ አዱሳተይ እሻታሙ ዋ። ኤንታዉ ታሙ ቱሳትነ ቱሳት ኤቅያ ታሙ ቶሆት ደኦሶና። ቱሳታስ ብራ ብራታፐ ኦሰትዳ ፃምአትነ ካጨት ደኦሶና። 
\v 13 ዳባባ ገልያ ፐንገይ ደእያ፥ ዶሎሀ ባጋ ማጋራጁዋ ጎምፓይ እሻታሙ ዋ። 
\v 14 እስ ባጋራ ደእያ ማጋራጁዋ አዱሳተይ ታማነ እቻሹ ዋ። እያዉ ሄ ቱሳትነ ቱሳት ኤቅያ ቶሆት ደኦሶና። 
\v 15 ሀንኮ ባጋራ ደእያ ማጋራጁዋ አዱሳተይ ታማነ እቻሹ ዋ። እያዉ ሄ ቱሳትነ ቱሳት ኤቅያ ቶሆት ደኦሶና። 
\v 16 ዳባባ ዩሹዋን ደእያ ገሸት ኡባይ አልኦ ሊኖፐ ኦሰትዶሶና። 
\v 17 ቱኡሳት ኤቅያ ቶሆት ናሰ ብራታፐ ኦሰትዶሶና። ፃምአት፥ ካጨትነ ቱሳታ ፄራ ጎሳት ብራ ብራታፐ ኦሰትዶሶና። ዳባባ ዩሹዋን ደእያ ቱሳት ኡባይ ብራ ፃምአታን ኦይከትዶሶና። 
\v 18 ዳባባ ፐንግያን ደእያ ማጋራጁዋ አልኦ ሊኖፐ ኦድ፥ ካሎሰን ኦቻ ቴራ ዳነይሳንነ ዞኦ ቃጭናን ዳድድ አሌቅስስ። እያዉ ሀንኮ ዳባባ ገሸታዳ አዱሳተይ ላታሙ ዋ፤ ቃስ ጌሳይ እቻሹ ዋ። 
\v 19 እያ፥ ኦይዱ ቶሆት ደእያ ኦይዱ ቱሳታ ቦላ ካቅስ። ካጨት፥ ፃራ ካመይሳትነ ፃምአት ብራ ብራታፐ ኦሰትዶሶና። 
\v 20 ጌሻ ዱንካንያ ሸትነ እያ ዩሹዋን ደእያ ገሸታ ሸት ኡባይ ናሰ ብራታፐ ኦሰትዶሶና።
\s1 ጌሻ ዱንካነን ጎኤትያ ብራታ ሚሸታ
\p
\v 21 ታሙ ኪታታ ኦይክዳ ናምኡ ሎቸ ሹቻት ደእያ በሳን፥ ጌሻ ዱንካንያን፥ ጎኤትያ ሚሸታ ማዝጋበይ ሀይሳ። ሄ ሚሸታ ማዝጋባና መላ ካህንያ አሮና ናአ እታማራ አዋተ ጋርሳን ደእያ ሌወታ ሙሰይ ኪትስ።
\p
\v 22 ይሁዳ ሼሻፐ ግድዳ ሁራ ናኣ ናኣ፥ ኡረ ናኣ፥ ባስልኤል፥ ጎዳይ ኪትዳይሳዳ ኡባባ ኦስ። 
\v 23 ዳነ ሼሻፐ ግድዳ አህሳማካ ናኣ ኤልያብ፥ ኩሸ ሂላንቾይ፥ ኦያባስ ኮይሮ ሀልቾ ከስያ አስ፤ እ፥ ካሎሰ፥ ኦቻ ቴራ ዳነይሳነ ዞኦ ቃጭናን አልኦ ሊኖ ዳድድ አሌቅስያ አስ። 
\v 24 ጌሻ ዱንካንያ ኦሱዋስ ሀናና መላ ጎዳስ እመትዳ ዎርቃይ ጌሻ ዱንካነን ኤረትዳ ምዛነን እስ ሙኩሉ ክሎ ግራመ ግድስ። 
\v 25 ታይቦን ደእያ አሳፐ ኤከትዳ ብራይ ጌሻ ዱንካነን ኤረትዳ ምዛነን፥ ሄ ሙኩሉነ ኦይዱ ፄታነ ሀስታሙ ክሎ ግራመ ግድስ። 
\v 26 ሄስካ፥ ታይቦን ገልዳ አደ አሳይ፥ እሶይ እሶይ ጌሻ ዱንካነን ኤረትዳ ምዛንያ ልከን ኮየትያ ኡባ እምዶሶና። ላታሙ ላይነ እያፐ ቦላ ግድዳ፥ ማዝጋበን ገልዳ፥ አደ አሳ ታይቦይ ኡሱፑን ፄታነ ሄ ሙኩሉነ እቻሹ ፄታነ እሻታማ። 
\v 27 ጌሻ ዱንካንያነ ማጋራጆታ ኤሳናዉ ማድያ ፄቱ ቶሆታ ኦናዉ 3,400 ክሎ ግራመ ብራ ብራታ ኤክዶሶና። ሄስካ፥ እስ እስ ቶሆይ ሀስታማነ ኦይዱ ክሎ ግራመ ብራ ብራታ ኤክስ። 
\v 28 ባስልኤል፥ አትዳ ሀስታሙ ክሎ ግራመ ብራ ብራታን ፃምአታ፥ ካጨታነ ቱሳታስ ፄራ ጎሳታ ኦስ። 
\v 29 አሳይ ጎዳስ እምዳ ናሰ ብራታይ 2,425 ክሎ ግራመ። 
\v 30 ሄ ናሰ ብራታን ጌሻ ዱንካንያ ፐንግያ ኤስያ ቶሆታ፥ ግተ ዳንያባራ ናሰ ብራታ ያርሾ በሳነ እያ ግዶን ጎኤትያ ዱማ ዱማ ሚሸታ መስ። 
\v 31 ቃስ ዳባባ ዩሹዋን ደእያ ድርሳ ቶሆትነ ፐንግያ ቦላ ኤቅዳ ቶሆት፥ ጌሻ ዱንካነይነ እያ ዩሹዋን ደእያ ዳባባ ድርሳ ሸት ኡባይ ሄ ናሰ ብራታፐ ኦሰትዶሶና።
\c 39
\s1 ካህነታ ማኦ
\r (ከሳ 28:1-14)
\p
\v 1 ካህነት ጌሻ ዱንካንያን ኦያ ዎደ ማአና ቦንቾ ማኦታ፥ ካሎሰን፥ ኦቻ ቴራ ዳንያ ቃጭናፐነ ዞኦ ቃጭናን ዳድዶሶና። አሮን ማእያ ካህነተ ማኡዋ ጎዳይ ሙሰ ኪትዳይሳዳ ኦዶሶና።
\p
\v 2 ቃስ ኤፉድያ፥ ዎርቃፈ፥ ካሎሰፐ፥ ኦቻ ቴራ ዳንያ ቃጭናፐ፥ ዞኦ ቃጭናፐነ አልኦ ሊኖፐ ዳድዶሶና። 
\v 3 ኤንቲ ዎርቃ ቆፅድ፥ ሌእስድ፥ እያ ቃራርድ፥ ቃጭናዳ ከስዶሶና። ያትድ ካሎሰን፥ ኦቻ ቴራ ዳነይሳን፥ ዞኦ ቃጭናንነ አልኦ ሊኖን አሌቅስድ ዳድዶሶና። 
\v 4 ኤንቲ ናምኡ ሀሽያራ ዎድ፥ ናምኡ ባጋ ዎል ጋድ ኦይሰናዉ ማድያ ቃንጎታ ኤፉድያስ ኦዶሶና። 
\v 5 ጎዳይ ሙሰ ኪትዳይሳዳ፥ ሂላንቾይ አሌቅስዳ ዳንጮይካ ኤፉደይ ኦሰትዳይሳታፐ ኦሰትድ፥ ዎርቃን፥ ካሎሰን፥ ኦቻ ቴራ ዳነይሳን፥ ዞኦ ቃጭናንነ አልኦ ሊኖን ዳደትስ። 
\v 6 ኤንቲ ማርግደ ጌተትያ ሹቻታ ጊግስድ፥ ዎርቃፈ ኦሰትዳ ካቁዋ ቦላ ዎዶሶና። ማታመ ቦላ ዎጭድ ፃፈይሳዳ፥ ሄ ሹቻታ ቦላ እስራኤለ ናይታ ሱን ዎጭድ ፃፍዶሶና። 
\v 7 ጎዳይ ሙሰ ኪትዳይሳዳ፥ ታማነ ናምኡ እስራኤለ ናይታ ቆፍስያባ ግዳና መላ ኤንታ፥ ኤፉድያ ቃንጎታን ዎዶሶና።
\s1 ትራን ማኤትያ ማኦ
\r (ከሳ 28:15-30)
\p
\v 8 ኤንቲ፥ ትራን ማኤትያ ማኡዋ ኤፉደይ ኦሰትዳይሳታፐ ኦድ፥ ኤፉድያዳ አሌቅስዶሶና። 
\v 9 እያዉ ኦይዱ ማዛነት ደኦሶና፤ ጌሳይነ ጎምፓይ እስ እስ ታካ ግድድ፥ ዳኮየቴስ። 
\v 10 እያ ቦላ ኦይዱ ማራን እንቆ ጌተትያ አልኦ ሹቻታ ዎዶሶና። ኮይሮ ማራን ሳርድዮነ፥ ቶጳዘነ ጶልያ አልኦ ሹቻታ፤ 
\v 11 ናምአን ማራን ባሉረ፥ ሳንፓረነ አልማዘ ጌተትያ አልኦ ሹቻታ፤ 
\v 12 ሄን ማራን ያክንተ፥ ከልቀዶነነ አመተስፅኖሳ ጌተትያ አልኦ ሹቻታ፤ 
\v 13 ኦይዳን ማራን ብርለ፥ ማርግደነ ያስጵደ ጌተትያ አልኦ ሹቻታ ዎዶሶና። ሄሳታ ኡባ ዎርቃፈ ኦሰትዳ ካቁዋ ቦላ ዎዶሶና። 
\v 14 ታማነ ናምኡ ሹቻታ ቦላ እስ እስ እስራኤለ ናይታ ሱንይ ዎጨትድ ፃፈትስ።
\p
\v 15 ትራን ማኤትያ ማኡዋስ ዋላህ ባይና ዎርቃፈ ዎዶሮዳ ዶቃዳ ሳንላታ ኦ። 
\v 16 ናምኡ ዎርቃ ካቆታነ ናምኡ ዎርቃ ሳጋዮታ መድ፥ ናምኡ ዎርቃ ሳጋዮታ ትራን ማኤትያ ማኡዋስ ቆሞ ባጋን ደእያ ማዛነታራ ጋድ ኦይሰዶሶና። 
\v 17 ሄ ናምኡ ዎርቃ ሳንላታታ ናምኡ ዎርቃ ሳጋዮታራ ጋድ ኦይሰዶሶና። 
\v 18 ሄ ሳንላታታ፥ ሀንኮ ባጋ ፄራ፥ ናምኡ ካቆታራ ጋሰዶሶና። ያትድ፥ ኤፉድያስ ስን ባጋራ፥ ሀሽያራ ዎያ ቃንጎታራ ጋድ ቃችዶሶና። 
\v 19 ቃስ ናምኡ ዎርቃ ሳጋዮታ መድ፥ ኤፉድያስ ስን ባጋራ ደእያ ትራን ማኤትያ ማኡዋስ፥ ጋ ባጋራ ደእያ ናምኡ ማዛነታ ፄራን አዶሶና። 
\v 20 ሄሳዳካ፥ ዎርቃፈ ሀራ ናምኡ ምግዶታ ኦዳ፥ ኤፉድያስ ስን ባጋ ሀሽያራ ዎያ ቃንጉዋስ ጋርሳ ባጋራ፥ ስኩዋ ማታን ዳንጩዋፈ ቆሞ ባጋራ ኦይሰዶሶና። 
\v 21 ጎዳይ ሙሰ ኪትዳይሳዳ፥ ትራን ማኤትያ ማኡዋ ቦላ ደእያ ምግዶታ ኤፉድያን ደእያ ምግዶታራ ጋድ፥ ካሎሰ ቃጭና ቃችዶሶና። ትራን ማኤትያ ማኦይ ፄሳፈ ቆሞን ፔእያ ግሾ ቃሾይ ዶልኤና።
\s1 ሀራ ካህነ ማኦታ
\r (ከሳ 28:31-43)
\p
\v 22 ኤፉድያፐ ቦላራ ማኤትያ አዱሳ ማኦይ ኩመ ካሎሰ አፍላፐ ጊግስዶሶና። 
\v 23 ሄ አዱሳ ማኡዋስ ሁጰ አያ ሉሆ መድ፥ ፔቶና መላ ጉየ ቃላምእድ፥ ዩሽ አድ ስክዶሶና። 
\v 24 አዱሳ ማኡዋስ ዱገ ባጋ ማጫራ ዩሹዋን ካሎሰን፥ ኦቻ ቴራ ዳንያ ዞኦ ቃጭናንነ አልኦ ሊኖን፥ ኦሮማነ ቴራ ምስለታ መዶሶና። 
\v 25 ኤንቲ ዋላህ ባይና ዎርቃፈ ዳላታ መድ፥ አዱሳ ማኡዋስ ዱገ ባጋ ጋፃን፥ ኦሮማነ ምስለታ ግዶን ዎዶሶና። 
\v 26 ጎዳይ ሙሰ ኪትዳይሳዳ፥ ኦሮማነ ቴራ ምስለታ፥ አዱሳ ማኡዋስ ዱገ ባጋ ማጫራ ዩሹዋን አዶሶና።
\p
\v 27 ኤንቲ፥ ጎዳይ ሙሰ ኪትዳይሳዳ፥ አሮናስነ እያ ናይታስ፥ ሻምዘታ፥ 
\v 28 ሁጰ ቃጨታ፥ ኡከታነ ጋ ሱረታ አልኦ ሊኖፐ ዳድድ ጊግስዶሶና። 
\v 29 ቃስ ዳንጩዋ ካሎሰን፥ ኦቻ ቴራ ዳንያ ቃጭናን፥ ዞኦ ቃጭናንነ አልኦ ሊኖን አሌቅስድ፥ ጊግስዶሶና።
\p
\v 30 ኤንቲ፥ ጌሻ ካላቻ ምስልያ ዋላህ ባይና ዎርቃፈ መድ፥ እያ ቦላ፥ “ጎዳስ ዱማትስ” ግያ ቃላ ዎጭድ ፃፍዶሶና። 
\v 31 ያትድ፥ ጎዳይ ሙሰ ኪትዳይሳዳ፥ ሁጰ ቃጭያ ቦላ ካሎሰ ቃጭናራ ቃችዶሶና።
\s1 ኦሶይ ጋፃ ጋከ
\r (ከሳ 35:10-19)
\p
\v 32 ጌሻ ዱንካንያ ኦሶ ኡባይ ኩመ ፖለትስ። እስራኤለ አሳይ፥ ጎዳይ ሙሰ ኪትዳይሳዳ ኦዶሶና። 
\v 33 ሄሳፈ ጉየ፥ ኤንቲ ጌሻ ዱንካንያነ እያ ሚሸታ ሙሰኮ ኤህዶሶና። ሄሳትካ፥ ካጨታ፥ ቱሳታ፥ ልዮታ፥ ቱቀታነ ኤንቲ ኤቅያ ቶሆታ። 
\v 34 ቦላ ካማስ፥ ዞኦ ቃላመን የግድ ከስዳ ዶርሳ እተ፥ ሃሸትዳ ዶአ እተ፥ ማጋራጁዋ፥ 
\v 35 ታሙ ኪታታ ኦይክዳ ታቦትያ፥ እያ ቶክያ ካሶ ምታነ ናጋራ አቶተ ካማ፥ 
\v 36 ፃርጴዛነ እያ ሚሸታ ኡባ፥ ጎዳ ስንን ደእያ ጌሻ ዳቡዋ፥ 
\v 37 ዋላህ ባይና ዎርቃፈ ኦሰትዳ ፆምፐ ዎያ ኮጫ፥ እያ ቦላ ደእያ ፆምፐታ፥ እያ ሚሸታ ኡባነ ፆምፐ ዛይተ፥ 
\v 38 ዎርቃፈ ኦሰትዳ ያርሾ በሲ፥ ሹማተ ዛይተ፥ ሳውያ እፃነ፥ ጌሻ ዱንካንያ ፐንገ ማጋራጁዋ፥ 
\v 39 ናሰ ብራታፐ ኦሰትዳ ያርሾ በሲ፥ ናሰ ብራታ ተቅያ፥ ቶሆ ካሶ ምታነ እያ ሚሸታ ኡባ፥ ሜቻ ከረነ እያ ዎይሳ፥ 
\v 40 ዳባባ ገልያ ፐንገ ማጋራጁዋ፥ ቱሳታነ፥ ኤንቲ ኤቅያ ቶሆታ፥ ዳባባ ማጋራጁዋ፥ ቶለ ዎዶሮታ፥ ሸታ፥ ጌሻ ዱንካንያን ጎኤትያ ሚሸታ ኡባ፥ 
\v 41 ካህነት ጌሻ በሳን ማእያ ቦንቾ ማኦታ፥ አሮንነ እያ ናይት ማእያ ካህነተ ማኦታ።
\p
\v 42 እስራኤለ አሳይ ኦሶ ኡባ፥ ጎዳይ ሙሰ ኪትዳይሳዳ ኦዶሶና። 
\v 43 አሳይ፥ ኦሶ ኡባ፥ ጎዳይ ኪትዳይሳዳ ኦዳይሳ ሙሰይ በእስ። ሄሳ ግሾ፥ ሙሰይ ኤንታ አንጅስ።
\c 40
\s1 ጌሻ ዱንካነ ቶከ
\p
\v 1 ጎዳይ ሙሰኮ ሀይሳዳ ያግስ፤ 
\v 2 “ኮይሮ አጌናን፥ ኮይሮ ጋላሳን፥ ጌሻ ዱንካንያ ቶካ። 
\v 3 ታሙ ኪታታ ኦይክዳ ጫቆ ታቦትያ እያ ግዶን ዎዳ፥ እያ ስንን ማጋራጁዋ ካቃ። 
\v 4 ፃርጴዛ ጋ ገልሳዳ፥ ኮሽያ ሚሸታ ኡባ እያ ቦላ ዎ። ፆምፐ ዎያ ኮጫ ገልሳዳ እያ ቦላ ፆምፐታ ዎ። 
\v 5 እፃነ ጩይስያ ዎርቃ ፃርጴዛ ጫቆ ታቦትያ ስንን ዎ። ጌሻ ዱንካንያ ፐንገ ማጋራጁዋ ካቃ። 
\v 6 ፁሳ ያርሾ በሲ ጌሻ ዱንካንያ ስንን ዎ። 
\v 7 ሜቻ ከርያ ጌሻ ዱንካንያፐነ ያርሾ በሳፈ ግዶን ዎዳ፥ እያን ሃ ኩን። 
\v 8 ጌሻ ዱንካንያፐ ካረራ ዳባባ ዩሻ አ ጊግሳዳ፥ ማጋራጁዋ ዱንካንያ ፐንገ ቦላ ካቃ።
\p
\v 9 “ያታዳ፥ ጌሻ ዛይትያ ኤካዳ፥ ጌሻ ዱንካንያነ እያ ግዶን ደእያ ኡባባ ትያዳ፥ ዱማያ፤ እ ጌሽ ግዳና። 
\v 10 ካላዳ፥ ፁሳ ያርሾ በስነ እያን ጎኤትያ ሚሸ ኡባ ትያዳ፥ ዱማያ፤ እ ፖሎ ጌሽ ግዳና። 
\v 11 ሜቻ ከርያነ እያ ዎያ ሚሸታ ትያዳ፥ ዱማያ።
\p
\v 12 “አሮናነ እያ ናይታ ጌሻ ዱንካንያ ፐንገ ኤሀዳ ሃን ኤንታ ሜጫ። 
\v 13 ካህነ ማኡዋ አሮና ማይዛዳ፥ እ ታዉ ካህነተን ኦና መላ እያ ትያዳ፥ ዱማያ። 
\v 14 እያ አደ ናይታካ ኤሀዳ ሻምዘ ማይዛ። 
\v 15 ኤንቲ ታዉ ካህነተን ኦና መላ፥ ኤንታ አዋይ ትየትዳይሳዳ፥ ኤንታካ ትያ። ሄ ትሻ ጋሶን፥ ያና ላይ ኡባን፥ ኤንቲ ታዉ ካህነ ግድድ ኦና” ያግስ።
\p
\v 16 ሙሰይ፥ ኡባባ ጎዳይ ኪትዳይሳዳ ኦስ።
\p
\v 17 ሄሳ ግሾ፥ ኤንቲ ግብፀፈ ከይዳ ናምአን ላይን፥ ኮይሮ አጌናን፥ ኮይሮ ጋላሳን ጌሻ ዱንካንያ ቶክስ። 
\v 18 ሙሰይ፥ ዱንካንያ ቶሆታ ኤስስ፥ ቱቀታ፥ ልዮታነ ቱሳታ አስ። 
\v 19 ጎዳይ ኪትዳይሳዳ፥ ሙሰይ፥ ጋርሳ ካማነ ቦላ ካማ ዱንካንያ ቦላ ካምስ።
\p
\v 20 ያትድ፥ ታሙ ኪታታ ኦይክዳ ናምኡ ሎቸ ሹቻታ፥ ታቦትያ ግዶን ዎስ። ቶሆ ካሶ ምታ ታቦትያ ሳጋዮታን አስ፤ ናጋራ አቶተ ካማካ ታቦትያ ቦላ ዎስ። 
\v 21 ታቦትያ ጌሻ ዱንካንያ ግዶ ገልስድ፥ ገሸ ማጋራጁዋ ካቅስ። ያትድ፥ ጎዳይ ኪትዳይሳዳ፥ ጫቆ ታቦትያ ካምስ።
\p
\v 22 ሙሰይ፥ ፃርጴዛ ጌሻ ዱንካንያ ግዶ ገልስድ፥ ማጋራጁዋፈ ካረራ፥ ፑደሀ ባጋን ዎስ። 
\v 23 ጎዳይ ኪትዳይሳዳ፥ ጎዳ ስንን ዎያ ጌሻ ዳቡዋ እያ ቦላ ዎስ።
\p
\v 24 ፆምፐ ዎያ ኮጫ፥ ጌሻ ዱንካንያ ግዶ ገልስድ፥ ፃርጴዛፐ ስን ባጋራ ጌሻ ዱንካንያስ ዱገሀ ባጋን ዎስ። 
\v 25 ጎዳይ ኪትዳይሳዳ፥ ሙሰይ፥ ጎዳ ስንን ፆምፐታ ኦይስ። 
\v 26 ሙሰይ፥ ዎርቃ ያርሾ በሳ ጌሻ ዱንካንያ ግዶ ገልስድ፥ ማጋራጁዋፈ ስን ባጋራ ዎስ። 
\v 27 ጎዳይ ኪትዳይሳዳ፥ ሳውያ እፃነ እያ ቦላ ጩይስስ። 
\v 28 ጌሻ ዱንካንያ ፐንገን ማጋራጁዋ ካቅስ።
\p
\v 29 ፁሳ ያርሾ በሲ፥ ጌሻ ዱንካንያ ፐንገ ስንን ዎስ። ጎዳይ ኪትዳይሳዳ፥ እያ ቦላ ፁሳ ያርሾነ ካ ያርሾ ያርሽስ።
\p
\v 30 ሜቻ ከርያ ጌሻ ዱንካንያፐነ ያርሾ በሳፈ ግዶን ዎድ፥ እያን ሃ ኩንስ። 
\v 31 ሙሰይ፥ አሮንነ እያ ናይት ባንታ ኩሽያነ ቶሁዋ እያን ሜጨትዶሶና። 
\v 32 ጎዳይ ኪትዳይሳዳ፥ ኤንቲ ጌሻ ዱንካንያ ገልያ ዎደ ዎይኮ ያርሾ በሲ ሺቅያ ዎደ ሄሳ ኦሶና።
\p
\v 33 ጌሻ ዱንካንያነ ያርሾ በሳ ዩሽ አድ ዳባባ ጊግስድ፥ ሄ ዳባባ ፐንገን ማጋራጆ ካቅስ። ሄሳዳ ኦድ፥ ሙሰይ ኦሱዋ ፖልስ።
\s1 ጎዳ ቦንቹዋ
\r (ታይቦ 9:15-23)
\p
\v 34 ሄሳፈ ጉየ፥ ሻራይ ጌሻ ዱንካንያ ካምስ፤ ጎዳ ቦንቾይካ እያ ኩምስ።\x - \xo 40:34 \xo*\xt 1 ካዎ 8:10-11፤ እሳ 6:4፤ ህዝ 43:4-5፤ ቆን 15:8.\xt*\x* 
\v 35 ሻራይ ጌሻ ዱንካንያ ካምዳ ግሾነ ጎዳ ቦንቾይ እያን ኩምዳ ግሾ፥ ሙሰይ እያ ግዶ ገላናዉ ዳንዳእቤና።
\p
\v 36 እስራኤለት ባንታ ደእያ በሳ የድድ፥ ባናዉ ደንደይ፥ ሄ ሻራይ ዱንካንያፐ ደንድያ ዎደና። 
\v 37 ሽን ሻራይ ደንዶና እፅኮ፥ ኤንቲ ባንታ ደእያ በሳ የድድ ቦኮና። 
\v 38 ጎዳ ሻራይ ጋላስ ጋላስ ጌሻ ዱንካንያ ካሜስ፥ ቃማ ቃማ ቃስ ሻራ ግዶን ታማይ ኤፄስ። እስራኤለ አሳይ ብያ ዎደ ኡባን ሄ ሻራ በኦሶና።