\id ECC - GOOFA FULL BIBLE
\ide UTF-8
\h ኤራታ ማፃፋ
\toc1 ኤራታ ማፃፋ
\toc3 ኤራ
\toc2 ኤራታ
\mt ኤራታ ማፃፋ
\imt ጋ ቆፋ
\ip ኤራታ ማፃፋን አሳ ደኦይ ቃን ግደይሳ ፃላላ ግዶናሽን፥ ዳቡራን፥ ዳጋማን፥ ፕርዳ ጌላተንነ ፆነተን ኩምዳይሳ በሳናሳ። ሄሳ ግሾ ፃፈይ፥ “አሳ ደኦይ ሀዳ” ያግድ ባ ቆፋ ቆንጭሴስ። ሀ ጭንጫ ኡራይ፥ አሳ ደኡዋ ዉርሰ ጋካናዉ ዎችያ ፆሳ ኦሱዋ አኬካናዉ ፆነትስ። ግዶሽን፥ አስ ባ ደእዳ ላይ ኡባን ባዉ ዳንዳኤትዳባ ኡባ ምንድ ኦናዉ በሰይሳነ ፆሳይ እምዳባን ኡፋይታናዉ ኮሸይሳ ዞሬስ።
\ip ኤራ ኡራ ቆፋታፐ ዳሮት ኡሎነ ዞኮ ግድዳ ቆፋታንነ ኡፋይሳ ቃንፆን ኩምዳ ቆፋታ በሴስ። ግዶሽን፥ ሀ ማፃፋይ ጌሻ ማፃፋ ቦላ ኤቅዳ አማኖይ ሀር አቶሽን፥ ጋሄቶናነ ስን ኩምዳ ቆፋታ ባ ጋን ኦይካና ጋካናዉ ዳልጋ ግደይሳ በሴስ።
\ip ሀ ኤራታ ማፃፋይ አሳ ደኦ ማስቶተዳ በሲያ ግሾ፥ ዳሮ አሳት ሀ ማፃፋፐ ምን ደምዶሶና። ሄሳዳካ፥ ሀ ቆፋታ ኦይክዳ ጌሻ ማፃፋይ፥ ደኦስ ግታ ብርሸ እምያ ፆሳን ኡፋይስ ኦና መላ ዞሬስ።
\iot ማፃፋ አይፈ ቆፋታ
\io1 ዱሳ ብርሸ (\ior 1:1—2:26\ior*)
\io1 ኡባባስ ዎደይ ደኤስ (\ior 3:1-8\ior*)
\io1 ጭንጫተን ደአ (\ior 3:9—6:12\ior*)
\io1 ዎንቶባ ኦንካ ኤረና (\ior 7:1—11:6\ior*)
\io1 ፆሰ ቦንቻ እያዉ ኪተታ (\ior 11:7—12:14\ior*)
\c 1
\s1 ኡባባይ ሀዳ
\p
\v 1 ሀይስ፥ ዳዊታ ናኣ፥ የሩሳላመን ካዎትዳ ጭንጫ ኡራ ቃላ።
\q1
\v 2 ሄ ጭንጫይ፥ “ኡባባይ ሀዳ፤
\q2 ኡባባይ ሀዳፐ ሀዳ፤
\q2 ኡባባይ ኩመ ሀዳ” ያግስ።
\q1
\v 3 ባ ደእያ በሳን ኡባን፥
\q2 አስ ዳቡርድ ኦያባ ኡባን
\q2 እያዉ ዎይ አይቤ?
\q1
\v 4 እስ የለተ አያ ዎደ፥ ሀራ የለተ በሳ ኦይኬስ።
\q2 ሽን ሀ ቢታይ መርናዉካ ላመቶና ደኤስ።
\q1
\v 5 አው ዶሌስ ዉሌስ፤
\q2 ናምአን ዶላናዉ ያ ዶልያ በሳ ኤለሴስ።
\q1
\v 6 ጫርኮይ እስ ቶሆ ዱገ እስ ቶሆ ፑደ ጫርኬስ፤
\q2 ቃስ ዩይ ዩይ አድ፥ ስመረትድ ዬስ።
\q1
\v 7 ጎግያ ሃ ኡባይ አባን ገሌስ፤
\q2 ሽን አባይ ኩም ኤረና።
\q1 ሄ ሃይ ስሚድ ጎጋናዉ፥
\q2 ጉየ ባ ፑልትያ በሳ ቤስ።
\q1
\v 8 ኡባባይ ሳለያባ፤
\q2 እ አይ መላ ሳለያኮ ኦድ ዉርሳናዉ ዳንዳኤተና።
\q1 አይፈይ ፄልድ ካል ኤረና፤
\q2 ሀይ ስእድ፥ ታዉ ግድስ ጌና።
\q1
\v 9 ካሰ ሀንዳባይ ዎንቶካ ስሚድ እ ሀናና፤
\q2 ቃስ ሀእ ሀንሸ ደኤይስ ካሰ ሀንዳባ።
\q2 ሄሳ ግሾ፥ ሳሎ ጉፋንን ኦራባይ አይብካ ባዋ።
\q1
\v 10 ኦንካ፥ “ሄኮ፥ ሀይስ ኦራባ” ጊኮ፥
\q2 ሄስ ኦራ ግደና፤ ሄስ ኑኒ የለታናፐ ካሰ ሀንዳባ።
\q1
\v 11 ካሰ አዳ ዎደታን ሀንዳባታ ዛሪድ ሀሳያባይ ባዋ፤
\q2 ጉየፐ ሀናናባታ ኤንታፈ ጉየ ኦንካ ሀሳየና።
\s1 ጭንጫተ ሀዳ
\p
\v 12 ታኒ ጭንጫይ፥ የሩሳላመን እስራኤለስ ካዎ ግዳዳ ደአስ። 
\v 13 ታኒ ሳአን ደእያባ ኡባ ሻካዳ ኤራናዉነ ጭንጫተን ፕልጋዳ ፄላናዉ ቆፋ ቃቻስ። ያታዳ አሳ ኡባስ ፆሳይ እምዳ ደኦይ ዳሮ ዳቡርስያባነ ኡፋይሶናባ ግደይሳ አኬካስ። 
\v 14 ሳሎፐ ጋርሳን ሀንዳባ ኡባ ታኒ በአስ፤ ሽን ኡባይካ ሀዳ፤ ጫርኮ ኦይካናዉ የደይሳ መላ።
\q1
\v 15 ጌል ሱራናዉ ዳንዳኤና፤
\q2 ባይናባ ታይባናዉ ዳንዳኤተና።
\p
\v 16 ታኒ ታ ዎዛናን ሀይሳዳ ያጋዳ ቆፓስ፤ “ታፐ ካሰ የሩሳላመ ሃርዳ ኡባታፐ ታኒ ግታነ ጭንጫ ግዳስ። ጭንጫተነ ኤራ ጉስ እ አይበኮ ፓጫዳ ኤራስ” ያጋስ። 
\v 17 ታኒ ጭንጫተፈ፥ ጎሻተፈነ ኤያተፈ ግዶን ደእያ ዱማተ አይበኮ ኤራናዉ ዳሮ ዳቡራስ። ሽን ዉርሰን ሄስካ ጫርኮ ኦይካናዉ የደይሳ መላ ሀዳ ግደይሳ ኤራስ።
\q1
\v 18 ጭንጫተ ዳርያ ዎደ አዛንያባይ ዳሬስ፤
\q2 ኤር ዳርያ ዎደ ቃስ መቶይ ዳሬስ።
\c 2
\s1 ባና ዶሶይ ሀዳ
\p
\v 1 ታኒ ታኮ፥ “ሃያ፥ ታ ነና ኡፋይስ አይበኮ ኤርሳናዉ ሎኦባ በሳና” ያጋስ፤ ሽን ሄስካ ሀዳ። 
\v 2 ሚች ኤያተ ግደይሳ፥ ቃስ ሚኮይነ ኡፋይስ አይኮካ ጎኦናይሳ አኬካስ። 
\v 3 ሀእካ ታ ዎዛናይ ጭንጫተን ታና ካለሽን፥ ታና ዎይነ ኡሻን ኡፋይሳናዉ፥ ኤያካ ግዳናዉ ፓጫስ። አስ ባ ቃን ዎደን ሳሎፐ ጋርሳን ደእያባ ቦላ አይ ኦኮ ጎአነኮ ኤራናዉ ኮያስ።
\p
\v 4 እስ ግታባ ኦስ፤ ታ ዳና ኬታ ኬፃስ፤ ዎይነ ቶካስ። 
\v 5 ዱማ ዱማ አታክልትያነ አይፈ አይፍያ ምታ ቶካስ፤ አስ ሸምፕያ በሳ ጊግሳስ። ሄ በሳን ዱማ ዱማ አይፈ አይፍያ ምታ ቶካስ። 
\v 6 ሄ ምታ ኡሻናዉ፥ ሃ ዳጋያ በሲ ዜራዳ ጊግሳስ። 
\v 7 አደነ ማጫ አይለታ ሻማስ፤ ቃስ ታ ሶን የለትዳ ሀራ አይለትካ ታዉ ደኦሶና። ታፐ ካሰ የሩሳላመን ደእዳ አሳፐ አያ መሄ፥ ዴሸነ ዶርሰ ሃራስ። 
\v 8 ታ ሃርያ ዱማ ዱማ ቢታታፐነ ካዎታፐ ቦንቸትዳ ቡቁራ ኤህሳዳ፥ ዳሮ ዎርቃነ ብራ ታዉ ዳጋያስ። ቃስ፥ ታና ሳቢድ የፅያ አደነ ማጫ ሺሻስ፤ ሄሳ ቦላ፥ አሳስ ኡፋይስ እምያ ዳሮ ማጫሳታ ሺሻስ።
\p
\v 9 ታኒ ካሰ የሩሳላመን ደእዳ ኦደፈካ አዳ ግታ አስ ግዳስ። ታ ጭንጫተይካ ታራ ዉርሰ ጋካናዉ ደእስ። 
\v 10 ታ አይፈይ ፄልዳባነ ታ ዎዛናይ አሞትዳባ ኡባ ደማስ፤ ታ አሳተይ ኮይያ ኡፋይስ ኡባ ድጋብከ። ታኒ ኦዳ ኦሶ ኡባን ኡፋይታስ፤ ታ ዳቡራ ዎይ ሄሳ። 
\v 11 ግዶሽን፥ ሄሳ ኡባ ኦ ስማዳ ታኒ አኬክያ ዎደ፥ ዳሮ ታኒ እያዉ ዳቡርዳ ኡባይ ሀዳ ግደይሳ በአስ። ሳሎፐ ጋርሳን ጎእያባይ አይኮይ ባዋ፤ ኡባይ ጫርኮ ኦይካናዉ የደያ መላ።
\s1 ጭንጫተነ ኤያተ ሀዳ
\p
\v 12 ሄሳፈ ጉየ፥ ታኒ ጭንጫተ፥ ኤያተነ ጎሻተ አይበኮ ፓጫዳ ኤራናዉ ቆፋ ዶማስ። አዉደ ግድንካ ካዎይ ኦናዉ ዳንዳኤይ እያፐ ካሰ ካዎትዳ ካዎይ ኦዳይሳፈ ሀራባይ አይብ ደኢ? 
\v 13 ፖኦይ ማፐ፥ ጭንጫተ ኤያተፈ ሎኦ ግደይሳ ታኒ በአስ። 
\v 14 ጭንጫ አሳ አይፈት እያ ሁጵያ ግዶን ደኦሶና፤ ሽን ኤያት ማን ሄመቶሶና። ግዶሽን፥ ኤንታ ናምኣ ዉርሰይ እስኖ ግደይሳ አኬካስ።
\p
\v 15 ታኒ ታኮ፥ “ኤያ ጋከያ ቃዳይ ታናካ ጋኬስ፤ ያትን፥ ታኒ ጭንጫ ግደይስ ታና አይ ማዲ?” ያጋዳ ቆፓስ። ቃስ ታኒ ታ ዎዛናን፥ “ሀይስካ ሀዳ” ያጋስ። 
\v 16 ኤያ ግድን ጭንጫ፥ ሀይቆፐ ጉየ፥ እያ ሀሳየይ ባዋ፤ ስንፈ ያ ላይን ኑኒ ኡባይ ዶገትድ አታና። ኤያይ ሀይቀይሳዳ፥ ጭንጫይካ ሀይቄስ።
\s1 ኦሶን ዳቡር ሀዳ
\p
\v 17 መቶፐ አትሽን፥ ጎእያባይ ባይና ግሾ፥ ሀ ደኦይ ታና ሻትስ። ሄስካ ሀዳ፤ ጫርኮ ኦይካናዉ የደያ መላ። 
\v 18 ሳሎፐ ጋርሳን ታኒ ዳሮ ዳቡራዳ ደምዳ ታ ሻሉዋ ኡባ ታፐ ጉየራ ያ ኡራስ አጋዳ ብያ ግሾ፥ ታኒ ዳቡርዳ ኡባይ ታና ሻትስ። 
\v 19 ታፐ ጉየራ ያ አደይ ጭንጨኮ ኤየኮ ኦን ኤሪ? ሽን እ ኦና ግድንካ፥ ታኒ ዳሮ ዳቡርዳባነ ታ ጭንጫተን ደምዳባ ኡባ ባዉ ኤክድ፥ ጎዳ ግዳና፤ ሄስካ ሀዳ።
\p
\v 20 ሄሳ ግሾ፥ ሳሎፐ ጋርሳን ታ ዳቡርዳባ ቦላ ታ ዎዛናይ ኡፋይስ ቃንፅስ። 
\v 21 አስ ባ ደእዳ ላይን ባዉ ደእዳ ጭንጫተን፥ ኤራንነ ሂላን ዳቡርድ ደምዳባ ኡባ አይኮካ ዳቡሮናይሳስ የግድ ቤስ። ሄስካ ሀዳነ ግታ ቆሆ። 
\v 22 ያትን፥ ሳሎፐ ጋርሳን አስ ዳሮ ዳቡርድ ኦዳባ ኡባፈ አይ ጎአ ደሚ? 
\v 23 እ ባ ደኦ ላይን ዳቡርያ ዳቡር ኡባይ አዛኖፐነ ሙደፈ አትሽን፥ ሀር አይብካ እያዉ ጉጀና፤ ሀር አቶሽን ቃማካ እያ ሁጰይ ቆፋፐ ሸምፐና፤ ሄ ኡባይካ ሀዳ።
\p
\v 24 ህዛ አሳስ ጎአ ግድያባይ አይበ ጊኮ፥ አስ ምድ ኡይድ ባ ዳቡራን ኡፋይታናይሳ። ሄ ኡፋይሳይ ቃስ ፆሳ ኩሽያፐ እመትዳባ ግደይሳ ታኒ አኬካስ።\x - \xo 2:24 \xo*\xt ኤራ 3:13፤ 5:18፤ 9:7፤ ሉቃ 12:19፤ 1 ቆሮ 15:32.\xt*\x* 
\v 25 እያ ሸነ ግዶና፥ ምን ኡይን አሳስ ኡፋይስ አዉን ደኢ? 
\v 26 ፆሳ ኡፋይስያ ኡራስ ፆሳይ ጭንጫተ፥ ኤራተነ ኡፋይስ እሜስ፤ ናጋራንቹዋስ እ ዳቡርድ ሺሻና መላ፥ ዳቡራ እሜስ። ሽን እ ሺሽዳይሳ ፆሳይ ኤክድ፥ ባዉ ያይያ ሀራስ እሜስ። ሄሳ ግሾ፥ ሀ ኡባይ ሀዳነ ጫርኮ ኦይካናዉ የደ መላ።\x - \xo 2:26 \xo*\xt እዮ 32:8፤ ሌም 2:6.\xt*\x*
\c 3
\s1 ኡባባስ ዎደይ ደኤስ
\p
\v 1 ኡባባስ ዎደይ ደኤስ፤ ሳሎፐ ጋርሳን ኦሰትያባ ኡባስ
\q2 ዎደይነ ቃም ደኤስ።
\q1
\v 2 የለታናዉ ዎደይ ደኤስ፤
\q2 ሀይቃናዉ ዎደይ ደኤስ።
\q1 ቶካናዉ ዎደይ ደኤስ፤
\q2 ሾዳናዉ ዎደይ ደኤስ።
\q1
\v 3 ዎናዉ ዎደይ ደኤስ፤
\q2 ፓናዉ ዎደይ ደኤስ።
\q1 ላላናዉ ዎደይ ደኤስ፤
\q2 ኬፃናዉ ዎደይ ደኤስ።
\q1
\v 4 ዬካናዉ ዎደይ ደኤስ፤
\q2 ሚጫናዉ ዎደይ ደኤስ።
\q1 ካዮታናዉ ዎደይ ደኤስ፤
\q2 የፃናዉ ዎደይ ደኤስ።
\q1
\v 5 ሹቹ ላላናዉ ዎደይ ደኤስ፤
\q2 ሹቹ ሺሻናዉ ዎደይ ደኤስ።
\q1 ቆመታናዉ ዎደይ ደኤስ፤
\q2 ዱፃናዉ ዎደይ ደኤስ።
\q1
\v 6 ኮያናዉ ዎደይ ደኤስ፤
\q2 ኮሽ አጋናዉ ዎደይ ደኤስ።
\q1 ሺሽ ኦይካናዉ ዎደይ ደኤስ፤
\q2 ላላናዉ ዎደይ ደኤስ።
\q1
\v 7 ፔናዉ ዎደይ ደኤስ፤
\q2 ስካናዉ ዎደይ ደኤስ።
\q1 ስእ ጋናዉ ዎደይ ደኤስ፤
\q2 ኦደታናዉ ዎደይ ደኤስ።
\q1
\v 8 ዶሳናዉ ዎደይ ደኤስ፤
\q2 እፃናዉ ዎደይ ደኤስ።
\q1 ኦላስ ዎደይ ደኤስ፤
\q2 ሳሮ ዳናዉ ዎደይ ደኤስ።
\p
\v 9 ያትን፥ ኦሳንቾይ ባ ዳቡርዳ ዳቡራፐ አይ ዎ ደሚ? 
\v 10 ታኒ ቃስ፥ አሳ ናእ ዳቡርድ ኦና መላ፥ ፆሳይ እምዳ ቶሆይ ዳሮ ዴፆ ግደይሳ በአስ። 
\v 11 ፆሳይ ኡባባ እያ ዎድያን ዎድያን ሎይድ ኦስ። ፆሳይ አሳ ዎዛናን መርናተ ዎስ፤ ግድኮካ፥ ፆሳይ ኦዳባ ኡባ ኮይሮፐ ዉርሰ ጋካናዉ፥ አስ ኩመ ኤራናዉ ዳንዳኤና። 
\v 12 አስ ባ ደእዳ ላይን ሎእያባ ኦይሳፈነ፥ ኡፋይተይሳፈ አያባይ አይብካ ባይናይሳ ታኒ አኬካስ። 
\v 13 ቃስ፥ አሳስ ኦ ዳቡርድ ደምያ ዳቡራስ ጋተይ፥ ምድነ ኡይድ ኡፋይተይስ ፆሳፈ እያዉ እመትዳ እሞታ።
\p
\v 14 ፆሳይ ኦዳባ ኡባይ መርናዉ ደኤይሳ ታኒ ኤራስ፤ እ ኦዳባ ቦላ ጉጃናዉ ዎይኮ እያፐ ደንናዉ ኦደስካ ዳንዳኤተና። ፆሲ ሄሳ ኦይ፥ አስ እያ ያይድ ቦንቻና መላሳ። 
\v 15 ሀእ ሀንሸ ደእያባይ ዎይኮ ስንፈ ሀናናዉ ደእያባ ኡባይ ካሰ ሀንዳባ፤ ፆሳይ ካሰ ሀንዳባይ ዛር ሀናናዳ ኮዬስ።
\s1 ፕርዳ ጌላተ
\p
\v 16 ቃስ ታኒ፥ ሳሎፐ ጋርሳን ፅሎ ፕርዳ በሳን ኢታተ፥ ፅሎተ በሳን ገነይ ደኤይሳ በአስ። 
\v 17 ታ ዎዛናን፥ “ፆሳይ ፅሉዋነ ዎርዱዋ ናምኣካ ፕርዳስ ሺሻና፤ ፆሳይ ሀንዳባ ኡባስነ ኦሶ ኡባስ ዎደ ቃንፅ ዎስ” ያጋዳ ቆፓስ።
\p
\v 18 ታኒ ታኮ፥ “አስ ዶአፐ ዱማቶናይሳ ኤንቲ አኬካና መላ ፆሳይ ኤንታ ፓጬስ” ያጋስ። 
\v 19 አሰ ግድን፥ ዶአ ግድን፥ ኤንታ ቃዳይ እስኖ፤ እሶይ ሀይቀይሳዳ፥ ሀንኮይካ ሀይቄስ። ናምአይ እስ ጫርኮ ሸምፖሶና፤ ሄሳ ግሾ፥ አስ ዶአፐ ዱማተና፤ ሄስካ ሀዳ። 
\v 20 ኤንቲ ናምአይ እስ በሲ ቦሶና፤ ናምአይ ቢታፈ መትዳ ግሾ፥ ቢታ ስሞሶና። 
\v 21 ያትን፥ አሳ ሸምፖይ ሳሎ ፑደ ከየይሳነ ዶአ ሸምፖይ ቢታ ዱገ ዎይሳ ሻክድ ኤረይ ኦኔ? 
\v 22 አስ ባ ኦዳ ኦሶን ኡፋይተይሳፈ ሎእያ ሀራባይ እያዉ ባይናይሳ በአስ። እያዉ ደእያ ሎኦ ቃዳይ ሄሳ ፃላላ። አስ ሀይቅ ስምን እያፐ ጉየ ሀንያባ በሳናዉ፥ እያ ጉየ ኤሀናዉ ዳንዳኤይ ኦኔ?
\c 4
\s1 ገነ፥ ዳቡራነ ብዛተ
\p
\v 1 ታኒ ዛራዳ፥ ሳሎፐ ጋርሳን አይ መላ ናቆይ ደእያኮ በአስ። ናቀተይሳት ምን ይድ ዬኮሶና። ናቀይሳታ ኩሸን ማት ደእያ ግሾ ናቀተይሳታ ማደይ ባዋ። 
\v 2 ታኒ፥ “ሀእ ፓፃ ደኤይሳታፐ ካሰ ሀይቅዳይሳት ሎኦ” ያጋስ። 
\v 3 ግዶሽን፥ ሀ ናምአታፐ አድ የለትቦናይሳታነ ሳሎፐ ጋርሳን ኦሰትያ ናቁዋ በኦናይሳታ ቃዳይ ሎኦ።
\p
\v 4 አሳ ዳቡርነ አሞትዳባ ደሞይ፥ አሳስ ባ ላግያ ቦላ ደእያ ቃናተፐ ፑልተይሳ በአስ። ሄስካ ሀዳ፤ ጫርኮ ኦይካናዉ ካሎ መላ። 
\v 5 ባ ኩሸ እድምድ ኡትያ አዛላይ ኮሻን ሀይቄስ። 
\v 6 ዳቡራንነ ጫርኮ ካሎን ደምያ ዳኮባፐ ዎፓን ደምያ እስ ኩሸይ ሎኦ።
\p
\v 7 ሳሎፐ ጋርሳን ሀዳ ግድዳባ ሀራባ በአስ። 
\v 8 ሄስካ ናእ ዎይኮ እሽ ባይና እስ ብዛ አደይ ደኤስ። ሽን እያ ዳቡራስ ዛው ባዋ፤ ባዉ ደእያባን አለና። እ ባና፥ “ታ ሀይሳ ኦደስ ዳቡራይና? ታኒ ታና አይስ ኡፋይስ ድጋድና?” ያግድ ኦይችስ። ሄስካ ቃስ ሀዳነ መቶ ደኦ።
\p
\v 9 ባንታ ኦሱዋን ሎኦ አይፈ ደምያ ግሾ እስኖ ግደይሳፈ ናምአ ግደይስ ሎኦ። 
\v 10 ናምኣፈ እሶይ ኩንድኮ እሶይ ደንስ፤ ሽን ባርካ ደእያ ኡራይ ኩንድኮ እያ ደንይ ባይና ግሾ እያ አየ! 
\v 11 ናምአይ እስፈ ዝንእኮ ሆኤስ፤ ሽን ባርካ ዝንእያ ኡራ ዋንድ ሆአናዉ ዳንዳኢ? 
\v 12 እስ አስ ባርካ ተቃናዉ ዳንዳኦና መቱዋ ናምኡ አሳት ተቃናዉ ዳንዳኦሶና። ሄ አይፈን ዶቀትዳ ዎዶሮይ ኤለ ዱፀና።
\s1 አሳፐ አድ በንቶይ ሀዳ
\p
\v 13 ዞረ ኤኮና ኤያነ ጬጋ ካዉዋፐ ማንቆነ ጭንጫ ግድዳ ናአተ ካዎይ ሎኦ። 
\v 14 ሄ ናአተይ ቃሾ ኬፈ ከይድ ዎይኮ ማንቆተፈ ደንድድ ካዎ ግዳናዉ ዳንዳኤስ። 
\v 15 ሳሎፐ ጋርሳን ደእያነ ስመረትያ አሳ ኡባይ ካዋ ላትያ ናአተ ካለይሳ በአስ። 
\v 16 እስ ካዎይ ሃርያ አሳ ታይቦይ ዳሮ ግዳናዉ ዳንዳኤስ። ሽን ካልያ የለተይ እያ ካዎተን ኡፋይትቤና። ሄስካ ሀዳ፤ ጫርኮ ኦይካናዉ ካሎ መላ።
\c 5
\s1 ፆሰ ያያ
\p
\v 1 ፆሳ ኬ ገልያ ዎደ አኬካዳ ታንጋ። ኤንቲ ባንታ ኢታ ኦሱዋ ኤሮና ግሾ፥ ስአናዉ ሺቆይ ኤያታ ያርሹዋፈ አስ። 
\v 2 ኦደታናዉ ኤሶቶፓ፤ ፆሳ ስንን ኦደታናዉ ነ ዎዛናን ድርጎፋ። ፆሳይ ሳሎና፥ ኔኒ ሳአና፤ ሄሳ ግሾ፥ ነ ቃላይ ጉ ግዶ። 
\v 3 ቆፍ ዳርያ ዎደ አሙሆይ ዳሬስ፤ ኦዳ ዳሮይ ኤያተ ቆንጭሴስ። 
\v 4 ፆሳስ ገፕዳባ ፖላናዉ ጋምኦፋ፤ ኤያታን ፆሳይ ኡፋይተና። ሄሳ ግሾ፥ ኔኒ ገፕዳባ ኡባ ፖላ። 
\v 5 እስባ ገፕድ ፖሎና አጋናፐ ኮይሮ ገፖና አጎይ ሎኦ። 
\v 6 ናጋራን ነና ገልሶና መላ ነ እንፃርሳ የዳ ኦፋ። ፆሳ ኬን ኦይሳኮ፥ “ኮይሮ ሀይሳ ታኒ አኬኮና ገፓስ” ጎፓ። ሄስ ፆሳ ዳሮ ሀንቀያ ግሾ፥ ነ ኩሸ ኦሶ ኡባ እ ባ ሀንቁዋን ይሳናዉ ዳንዳኤስ። 
\v 7 ዳሮ አሙሆይነ ዳሮ ኦድ ሀዳ። ሄሳ ግሾ፥ ፆሳ ያያ።
\s1 ዱረተ ሀዳ
\p
\v 8 እስ ቢታን ማንቆት ናቀትሽን፥ ፕርድ ጌላትሽን ኔኒ በእኮ ማላለቶፋ። እስ እስ ሀላቃስ እያፐ ቦላራ ሹመትድ እያ ፄልያ ሀራ ሀላቅ ደኤስ። ቃስ ኤንታፈ ቦላራ ሹመትድ ኤንታ ፄልያ ሀራ ሀላቃት ደኦሶና። 
\v 9 ቢታፈ በንትያ ዎይ ኡባሳ፤ ሀር አቶሽን፥ ካዎይካ ጎሻፈ ጎኤቴስ።
\p
\v 10 ብራ ዶስያ ኡራስ ብር ግድ ኤረና፤ ዱረተ ሲቅያ ኡራይ ሚሸ ካል ኤረና፤ ሄ ኡባይ ሀዳ። 
\v 11 ዱረተ ዳርያ ዎደ ምያ አስ ዳሬስ። ባ ሻሉዋ ጮ አይፈን ፄልድ፥ “ታኒ ዱረ” ጋናፐ ሀራባ አይ ማዲ?
\p
\v 12 ኦሶ ኦያ አስ ጉ ምን ዳሮ ምን፥ ሳሮ ስኮ ስኬስ፤ ሽን ዱረይ ባ ዱረተስ ኡባ ዎደ ኡንኤትያ ግሾ ስኮ ይድ ደኤስ።
\p
\v 13 ሳሎፐ ጋርሳን ዳሮ አዛንያባ ሀራባ ታኒ በአስ። ሄስካ ኢታ ዎደ ባና አሾ ግድ ምንጅዳ ሻሎ፥ 
\v 14 ዎይኮ እስ ኢታባይ ጋክን ይዳ ዱረተ። እ ናአ የልዳባ ግድኮካ ናኣ ላትስያባ ይድ መላ አቴስ። 
\v 15 አስ ኡባይ ካሎ የለትዳይሳዳ መላ ኩሸ ስሚድ ባና። አይ መላ እ ዳቡርድ ኦኮካ ኤክድ ብያባይ ባዋ።
\p
\v 16 አስ ካሎ የለትድ ካሎ ጉየ ስመይስ ዳሮ አዛንያ ኢታባ። እያ ዳቡራ ኡባይ ጫርኮ ኦይክያባዳ ሀዳ ግድኮ እያ አይ ማዲ? 
\v 17 እ ባ ላይ ኡባ ማ ደኦን፥ አዛኖን፥ ዬላን፥ ሀርገንነ ይሎን ዉርሴስ።
\p
\v 18 ህዛ፥ ታኒ አኬክዳ እስ ሎኦባይ፥ ሳሎፐ ጋርሳን ፆሲ አሳስ እምዳ ቃን ላይን፥ አስ ባ ዳቡራፐ ምድ ኡይድ ኡፋይተይስ ሎኦነ በሲያባ፤ እያ ቃዳይ ሄሳ። 
\v 19 ፆሲ አሳስ ዱረተነ ሻሎ እመይ፥ ባ ዳቡራ ጋትያ ደምድ፥ ምድ ኡይድ ኡፋይታና መላሳ፤ ሄስካ ፆሳፈ እያዉ እመትዳ እሞታ። 
\v 20 ፆሲ እያ ዎዛናን ኡባ ዎደ ኡፋይስ ኩንያ ግሾ እ ባ ደኦ ላይባ ዳሮ ቆፐና።
\c 6
\p
\v 1 ሳሎፐ ጋርሳን አሳ ቦላ ጋክያ ዳሮ ኢታባ ታኒ በአስ። 
\v 2 ፆሲ አሳስ ሻሎ፥ ዱረተነ ቦንቾ እሜስ፤ እያዉ ኮሽያባፐ እስባካ ፓጭሰና። ሽን እያዉ እመትዳ ሻሉዋንነ ዱረተን ኡፋይታና መላ ኩመ ማታ እመና። ሄሳ ፃላላ ግዶናሽን እ ዳቡርድ ደምዳባን ሀር ኡፋይታና መላ ኦስ፤ ሄስካ ሀዳነ አዛንያ ኢታባ።
\p
\v 3 እስ አስ ፄቱ ናአ የልድ፥ አዱሳ ላይ ደእድ ጭማናዉ ዳንዳኤስ። ሽን እ ባዉ እመትዳባን ኡፋይቶናነ ዉርሰን ቦንቾን ሞገቶና አትኮ እያፐ ቦሽ ሎኦ ጋይስ። 
\v 4 ሄ ቦሻይ ጮ የለትድ ኦንካ ሀሳዮና ማ ብያ ግሾ እያ ሱንይ ማን ካመትድ አቴስ። 
\v 5 እ፥ አዋ ፖኦ በኦና ዎይኮ አይብባካ ኤሮና አትኮካ ሄ ኡራፐ አድ እያዉ ሸምፖይ ደኤስ። 
\v 6 ሄሳ ግሾ፥ ኡፋይስ ባይና ናምኡ ሙኩሉ ላይ ደእያ አሳፐ ሄ ቦሻ ቃዳይ ሎኦ። ዉርሰን ናምአይ እስ በሲ ቦሶና።
\p
\v 7 አስ ዳቡርድ ኦያ ኡባይ ባዉ ምያባ ደማናሳ፤ ሽን እያ አሞይ አል ኤረና። 
\v 8 ያትን፥ ጭንጫ አስ ኤያ አሳፐ አይብን ዱማቲ? ማንቆይ ዳሮ ጭንጭድ፥ ሀራታ ስንን ዋንድ ዳነኮ ኤሮይ እያ አይ ማዲ? 
\v 9 አሞን ፁገታናፐ አይፈን በኦይ ሎኦ፤\f + \fr 6:9 \fr*\ft አይፈን በኦይ ሎኦ፦ አስ አሞን ፁገትሸ ዳናፐ ባዉ ደእያባን አልድ ደኦ ጉሱ።\ft*\f* ሄስካ ጫርኮ ኦይካናዉ ካሎ መላ ሀዳ።
\p
\v 10 ሀንያባ ኡባይ ኮይሮትድ ኤረትድ ደኤስ። እስ እስ አስ ዋናናዉ ደእያኮ አዱሳ ዎደፐ ካሰ ኤረትድ ኡትስ። አይ አስካ ባፐ ምነይሳራ ባፀታናዉ ዳንዳኤና። 
\v 11 ኦድ ዳርያ ዎደ ሀዳባይ ዳሬስ፤ ያትን ሄስ አሰ አይ ማዲ?
\p
\v 12 ሀዳ ግድድ ኩያዳ ጮ አያ ባ ጉ ላይ አስ ዋትድ አናዉ ኮሽያኮ ኤረይ ኦኔ? አስ ሀይቅድ አግን ሳሎፐ ጋርሳን ሀናናዉ ደእያባ አሳስ ኦዳናዉ ዳንዳኤይ ኦኔ?
\c 7
\s1 ጭንጫተ
\q1
\v 1 አልኦ ሽቶፈ ሎኦ ሱን አስ፤
\q2 የለትያ ጋላሳፐ ሀይቆ ጋላስ ሎኦ።
\q1
\v 2 አሳ ኡባ ዉርሰይ ሀይቆ ግድዳ ግሾ፥
\q2 ግብራ ኬ በይሳፈ ዬሆ ኬ በይስ ሎኦ፤
\q2 ደኦን ደእያ አስ ሄሳ ባ ዎዛናን ዎናዉ ኮሼስ።
\q1
\v 3 አዛኖይ ሶምኦ ካሬኮካ፥
\q2 ዎዛና ፖእስያ ግሾ ሚቻፈ አዛኖይ ሎኦ።
\q1
\v 4 ጭንጫ አሳ ዎዛን ዬሆ ሶን ደኤስ፤
\q2 ሽን ኤያ አሳ ዎዛን ኡፋይሳ ሶን ደኤስ።
\q1
\v 5 ኤያታ የ ስአናፐ
\q2 ጭንጫታ ሴራ ስስ ሎኦ።
\q1
\v 6 ኤያ አሳ ሚች አጉንን ታማ የድን
\q2 ቀይሳ መላ፤ ሄስካ ሀዳ።
\q1
\v 7 ገነ ኦሶይ ጭንጫ አስ ኤያ ከሴስ፤
\q2 ዎፈ ኤኮይ ዎዛና ኢሴስ።
\q1
\v 8 ዶመፈ ዉርሰ ሎኦ፤
\q2 ኦቶሮፐ ዳንዳእ ሎኦ።
\q1
\v 9 ኤያታ ሀንቆይ ኤንታ ክኦን ደእያ ግሾ፥
\q2 ኔኒ ነ ሸምፑዋን ሀንቆስ ኤለሶፓ።
\q1
\v 10 “ሀእ ዎድያፐ ካሰ ዎደይ አይስ ሎኦ ግድዴ?” ጋዳ ኦይቾፋ፤
\q2 ሄሳ መላ ኦይሾይ ጭንጫ አስ ኦይችያ ኦይሾ ግደና።
\q1
\v 11 ሀ ሳአን ደእያ አስ ኡባይ ጭንጫ ግዳናዉ ኮሼስ፤
\q2 ጭንጫተ ደሞይ ላታፐ ሎኦ።
\q1
\v 12 ሚሸይ አሰ ኢታፐ ካምድ አሸይሳዳ ጭንጫተካ አሼስ።
\q2 ሽን ጭንጫተ ሚሸፐ አይ አሳ ደኦ ናጋናዉ ዳንዳእያ ግሾሳ።
\q1
\v 13 አነ ፆሲ ኦዳባ አኬካ!
\q2 ፆሲ ጌላይዳባ ኦን ሱርሳናዉ ዳንዳኢ? 
\v 14 ሳእ ጊግዳ ዎደ ኡፋይታ፤ መቶይ ጋክያ ዎደ አኬካ።
\q2 ኡፋይስ ግድን መቶ ግድን ፆሲ የድያ ዎደን ዬስ።
\q2 ሽን አዉስ ኮይሮትድ ያነኮ ኔኒ ኤራካ።
\p
\v 15 ሀ ሀዳ ግድዳ ታ ላይን ዳሮባ በአስ። ሄስካ፥ ጌላይ ባ ጌላተን አዱሳ ላይ ደእያ ዎደ ፅሎይ ቃን ላይን ሀይቄስ። 
\v 16 ሄሳ ግሾ፥ ኔኒ ኤለ ዮናዳ ዳሮ ፅሎ ዎይኮ ዳሮ ጭንጫ ግዶፓ። 
\v 17 ኔኒ ዎደይ ጋኮና ሀይቆናዳ አዳ ኢታ ግዶፓ፤ አዳ ኤያ ግዶፓ። 
\v 18 ሀ ኡባን ፆሰ ያያ፤ አስ መቶ ኡባ ፆኖን ከያናዉ ዳንዳእያ ግሾ ኔኒ ዳሮ ኢታ ዎይኮ ዳሮ ፅሎ ግዶናሽን ግዶ አስ ግዳ።
\p
\v 19 ጭንጫተ ጭንጫስ እምያ ዎልቃይ እስ ካታማ ሃርያ ታሙ አሳታ ዎልቃፈ አስ።
\p
\v 20 ፅሎባ ፃላላ ኦድ ናጋራ ኦና ደእያ አስ ሀ ሳኣ ቦላ ባዋ።
\p
\v 21 አስ ሃሳያ ቃላ ኡባ ስአዳ ፖላና ጎፓ፤ ኔኒ ኡባ ስአና ጊኮ ነ አይለይ ነና ባድሽን ስአና። 
\v 22 ቃስ ኔኒ ነ ሁጰን ሀራታ ባድያባ ነ ዎዛናይ ኤሬስ።
\p
\v 23 ሄሳ ኡባ ታኒ ጭንጫተን ፕልጋዳ በአስ። ያታዳ፥ “ታኒ ጭንጫ ግዳና” ያጋስ። ሽን ታኒ ግዳይሳዳ ሀንቤና። 
\v 24 ጭንጫተ ኡባ ዎደ ሃሆን ደእያባነ ጪሞባ፤ ያትን፥ እያ ኮይድ ደማናዉ ዳንዳኤይ ኦኔ? 
\v 25 ታኒ ፕልጋዳ ፄላናዉ ጭንጫተነ ኦዳ ኡባ ዉርሰ ኤራናዉ ቆፓስ። ናጋር ኤያተ፥ ኤያተ ጎሻተ ግደይሳ ኤራናዉ ጋካስ።
\p
\v 26 ታኒ ሀይቆፐ አድ ጫምያ ሀራባ ደማስ። ሄስካ፥ እ ዎዛናይ ግተ፥ እ ኩሸይ ሳንላታ ግድድ ፅሄዳ ኦይክያ እስ ማጫስ በአስ። ፆሰ ያይያ አስ ኢፐ ከስ ኤካና፤ ሽን ናጋራንቹዋ እያ ባ ፅህያን ፃፃዳ ኦይካና።
\p
\v 27 አስታማረይ ሀይሳዳ ያግስ፤ “ታኒ ፕልጋዳ ደምዳባይ ሀይሳ። 
\v 28 ሄስካ፥ ታኒ ሀች ጋካናዉ ኮያዳ ደማቦናባ። ሙኩሉ አደ አሳ ግዶፈ ቦንቾይ በሲያ እስ አደ ፃላላ ደማስ፤ ሽን ማጫ አሳ ግዶፈ እስኖካ ደማናዉ ዳንዳአብከ። 
\v 29 ታኒ ፕልጋዳ ደምዳ ሀራባይ፥ ፆሲ አሰ ሱረ ቆፋራ መስ፤ ሽን አስ ዳሮ ገነ ኦገ ኮይድ ብስ” ያግስ።
\c 8
\q1
\v 1 ጭንጫ አስ ዳነይ ኦኔ?
\q2 ኡባባስ ብርሸ ኤረይ ኦኔ?
\q2 ጭንጫተ ፓሽክስድ፥ ምዳ ሶምኡዋ ፖእሴስ።
\s1 ካዎስ ኪተታ
\q1
\v 2 ካዎስ ኪተታ፤ ካሰ ኔኒ ኪተታና
\q2 ጋዳ ፆሳ ስንን ጫቃዳሳ።
\p
\v 3 ካዋ ስንፈ ኤለሳዳ ከዮፓ፤ ካዎይ ባ ኮይዳባ ኦናዉ ዳንዳእያ ግሾ ኢታ ኦሶ ኦናዉ ደንዶፋ። 
\v 4 ኡባባ ኦናዉ ካዋስ ማት ደእያ ግሾ፥ “አይስ ሀይሳ ኦዲ?” ያግድ እያ ኦይቻናዉ ዳንዳኤይ ኦኔ? 
\v 5 እያ ኪታ ፖልያ አስ ቆሄተና፤ ጭንጫ አስ ልከ ዎድያነ ኦያ ኦግያ ኤሬስ። 
\v 6 አሰ ዴፆ መቶይ ጋክኮካ ኡባባስ ዎደይነ ኦገይ ደኤስ። 
\v 7 ስንፈ ሀናናባ ኤርያ አስ ባዋ፤ “ሀይስ ሀናና” ግድ ኦዳናዉ ዳንዳኤይ ኦኔ? 
\v 8 ሸምፖይ ሻከትድ ብያ ጋላስ ኦይክድ ተቃናዉ ዳንዳእያ አስ ባዋ፤ ዎይኮ ሀይቆይ ባ ጋላሳን ዮናዳ ድጋናዉ ዳንዳእያ አስ ባዋ። ኦላ ዎደ ኦንካ ኦለትከ ጋናዉ ዳንዳኦናይሳዳ ኢታተ ኢታ ኦያ ኡራ የደና። 
\v 9 ሳሎፐ ጋርሳን ሀንያባ ኡባ ታኒ አኬካዳ ቆፕያ ዎደ አስ ባዉ ደእያ ማታ ሀራ አስ ቆሀናዉ ጎኤተይሳ በአስ።
\p
\v 10 ኢታ አሳት ቦንቾን ሞገትሽን በአስ። ኤንቲ ኢታተ ኦዳ ካታማ አሳይ ሺቅድ ኤንታ ሳቢሽን ስአስ፤ ሄስ ኡባይ ሀዳ።
\p
\v 11 አስ ቆፕድ ኢታባ ኦያ ጋሶይ፥ ኢታባ ኦዳ አሳታ ኤለስድ ሴረይ ባይና ግሾሳ። 
\v 12 ናጋራንቾይ ፄቱ ቶሆ ኢታባ ኦሽን እያ ባረይ አዱቅኮካ፥ ፆሰ ያየይሳታስነ ቦንቸይሳታስ ሳእ ሎአናይሳ ታ ኤራይስ። 
\v 13 ኢታት ፆሰ ያዮና ግሾ ሳሮተ ኤንታዉ ባዋ፤ ኤንቲ ፆሰ ያዮና ግሾ ኤንታ ባረይ ኩያዳ ቃማና።
\s1 አስ ፆሳ ኦገ ኤረና
\p
\v 14 ሀ ሳአን ኦሰትያ ሀራ ሀዳባይ ደኤስ። ሄስካ፥ ጌሻ አሳት፥ ናጋራንቾት ኤካናዉ በሲያ ሴራ ኤክያ ዎደ ናጋራንቾት ጌሻት ኤካናዉ በሲያ ሎኦባ ኤከይሳ፤ ሄስ ኡባይ ሀዳ። 
\v 15 አስ ምያባፐ፥ ኡያባፐነ ባና ኡፋይስያባፐ አድ ሎኦባይ ሳሎፐ ጋርሳን ሀር ባይና ግሾ፥ አስ ባ ደኦን ኡፋይትኮ ሎኦ ጋስ። ፆሲ እያዉ እምዳ ላይን እ ዳቡርድ ደምዳባን ኡፋይታናዉ ዳንዳኤስ።
\p
\v 16 ታኒ ጭንጫተ አይበኮ ኤራናዉነ አስ ሀ ሳአ ቦላ ዳቡርያ ዳቡራ አኬካናዉ ሀልቻስ፤ ዉርሰን አስ ስኮ ይድ ኦያ ኦሶይ ደኤይሳ በአስ። 
\v 17 ታኒ ፆሲ ኦዳባ ኡባ በአስ። ሳሎፐ ጋርሳን ኦሰትዳ ኦሶ አስ ፕልግድ ኤራናዉ ዳንዳኦናይሳ ኤራስ። አስ አይ መላ ዳቡርድ ፕልግ ፄልኮካ፥ እያ ብርሸ ኤራናዉ ዳንዳኤና። ቃስ ጭንጫ አስ ሀይሳ ኤራይስ ጋናዉ ዳንዳኤና።
\c 9
\s1 ኡባ ናግያ ዉርሰ ቃዳ
\p
\v 1 ሀ ኡባ ታ ዎዛናን ቆፕዳፐ ጉየ ጭንጫትነ ፅሎት፥ ኤንታ ኦሶት ፆሳ ኩሸን ደኦሶና ጋዳ ኩያስ። ሽን ሲቆ ግድን ዎይኮ እፆ አይብ እያ ናግያኮ ኦንካ ኤረና። 
\v 2 ዱማተ ባይና ኡባ ጋክያ ቃዳይ እስኖ፤ ፅሎ ግድን ጌላ፥ ሎኦ ግድን ኢታ፥ ቱና ግድን ቱና ግዶና እፅን፥ ያርሾ ያርሸይሳ ግድን ያርሾናይሳ ኡባ ቃዳይ እስኖ። ሎኦ አሳስ ናጋራንቹዋፈ ሎእያ ቃድ ባዋ፤ ጫቆ ያየይስ ያዮናይሳፈ ዱማተና።
\p
\v 3 አሳ ኡባ ቃዳይ እስኖ ግደይስ፥ ሀ ሳአን ደእያ ሀራ ኢታተ መላ ዳሮ ኢታ። አስ ደኦን ደእዳ ላይ ኡባን እያ ዎዛናይ ኢታተንነ ጎሻተን ኩምድ ደኤስ፤ ዉርሰን ሀይቅድ አጌስ። 
\v 4 ሀይቅዳ ጋሞፈ ፓፃ ደእያ ካን ሎኦ፤ ደኦን ደኤይሳታራ ደእያ ኡራስ ኡፋይስ ደኤስ።
\p
\v 5 ደኦን ደእያ አሳት እስ ቶሆ ሀይቃናዉ ደኤይሳ ኤሮሶና፤ ሽን ሀይቅዳይሳት እስባካ ኤሮኮና። ኤንቲ ዶገትዳይሳታ ግድያ ግሾ አይኮካ ማዶኮና። 
\v 6 ኤንታ ሲቆይ፥ እፆይነ ቃናተ ኡባይ ኤንታራ እስፈ ዬስ። ህዛፐ ጉየ ሳሎፐ ጋርሳን ሀንያባ ኡባን መርናዉ ኤንታዉ ቃድ ባዋ።
\p
\v 7 ባ፥ ነ ካ ኡፋይሳን ማ፤ ነ ዎይነ ኡሻ ነ ዎዛናይ ኡፋይትን ኡያ። ፆሳይ ሄሳ ነዉ ካሰፐ ጊግስድ ዎስ። 
\v 8 ኡባ ዎደ ነ ማኦይ ቦ ግዶ፤ ነ ሁጰን ዛይተ ትያ። 
\v 9 ሳሎፐ ጋርሳን ፆሳይ ነዉ እምዳ ሀ ሀዳ ደኡዋን፥ ሀዳ ግድዳ ነ ቃማታን ነ ሲቅያ ነ ማቸራ ኡፋይታዳ ደአ። ኔኒ ሳሎፐ ጋርሳን ዳቡራዳ ኦዳባ ኡባፈ ነና ጋክያ ሳማይ ሄሳ። 
\v 10 ነ ኩሸይ ኦናዉ ደምዳባ ኡባ ነ ኩመ ዎልቃን ኦ፤ ኔኒ ባና ዱፉዋን ኦሶይ ዎይኮ ሀልቾይ ዎይኮ ኤር ዎይኮ ጭንጫተ ባዋ።
\p
\v 11 ታኒ ሳሎፐ ጋርሳን ሀራባ በአስ። ሄስካ፥ ኤሶን ዎፀይሳት ኡባ ዎደ ፆኖኮና፤ ምኖ ኦላንቾት ኡባ ዎደ ኦላን ካንኮና፤ ጭንጫት ኡባ ዎደ ካ ደሞኮና፤ ሂላንቾት ኡባ ዎደ ዱረቶኮና፤ ታማርዳ አሳት ኡባ ዎደ ሳበቶኮና። ሽን ኡባ ቃድነ ዎደይ ጋዳይሳዳ ሀኔስ።
\p
\v 12 ግዶሽን ሄ ዎደይ አዉደ ያነኮ ኤራናዉ ዳንዳእያ አስ ባዋ። ካፎይ ፅሄን ገለይሳዳ ዎይኮ ሞሎይ ግተን ኦይከተይሳዳ አስ ኡባይ ቆፖና ጋክያ ኢታ ዎደን ኦይከቴስ።
\s1 ጭንጫተነ ኤያተ
\p
\v 13 ሳሎፐ ጋርሳን ታኒ በእዳባ ሀራባይ ደኤስ። ሄስካ ጭንጫተ ግታ ሌምሶ ግደይሳ። 
\v 14 ጉ አስ ደእያ እስ ጉ ካታምያ ደአዉሱ። ሄ ካታምዉ እስ ዎልቃማ ካዎይ ኦላናዉ ደንድስ፤ እዮ ተቅድ ኦይክስ። 
\v 15 ሄ ካታመን ማንቆ ግድዳ እስ ጭንጫ አደይ ደኤስ፤ እ ባ ጭንጫተን ሄ ካታምዉ አሽስ። ሽን ሄ ማንቆ አድያ ዛሪድ ሀሳይዳይ ባዋ። 
\v 16 ታኒ፥ “ጭንጫተ ዎልቃፈ አስ” ያጋስ። ግዶሽን፥ ጭንጫ ግድኮካ ማንቆ አስ ካቴስ፤ እ ኦድያባ ስኤይ ባዋ። 
\v 17 ሄስ ሀንኮካ፥ ደርያ ሃረይስ ኤያታ ሺቆን ዋስያ ዋሱዋ ስአናፐ ሎዳራ ኦደትያ ጭንጫ አሳ ቃላ ስኤይስ ሎኦ። 
\v 18 ጭንጫተ ኦላ ሚሸፐ አስ፤ ሽን እስ ናጋራንቾይ ዳሮ ሎኦባ ይሴስ።
\c 10
\p
\v 1 ሀይቅዳ ኡዱንፀት ሳውያ ሽቱዋ ፅንቅሶሶና፤ ሄሳዳካ፥ ጉ ኤያተ ጭንጫተነ ግታ ቦንቹዋ ኢሴስ።
\p
\v 2 ጭንጫ አሳ ዎዛናይ እያ ኡሻች ካለስ፤ ሽን ኤያ አሳ ዎዛን ሀድርስ ካለስ። 
\v 3 ኤያ አስ ኦገ ሄመትያ ዎደ እያዉ አኬክ ባዋ፤ እ ኤያ ግደይሳ አስ ኡባይ ኤሬስ።
\p
\v 4 ነ ሀላቃይ ነ ቦላ ሀንቀትኮ ነ በሳ የዶፋ፤ ስእ ግድ ዳንዳኦይ ግታ ናጋራ አቶ ጊሴስ።
\p
\v 5 ሳሎፐ ጋርሳን ታኒ በእዳ ሀራ ኢታባይ ደኤስ። ሄስካ ደርያ ሃረይሳት ኦያ ናቁዋ። 
\v 6 ኤያት ዳሮ ቃ ሹማተ ኦይክድ ደእያ ዎደ ዱረት ዝቃ በሳን ኡትዶሶና። 
\v 7 ታኒ አይለት ሃረይሳታዳ ፓራ ቶግድ ብሽን ቃስ ሃረይሳት አይለታዳ ቶሆን ሄመትሽን በአስ።
\p
\v 8 ኦላ ቦክያ አስ ሄ ኦላን ኩንዴስ፤ ግምበ ድርስ ላልያ ኡራ ሾሽ ዱኬስ። 
\v 9 ሹቹ ደንያ አስ ሄ ሹቻን፥ ም ቀርያ አስ ሄ ምን ደሸቴስ።
\p
\v 10 ዱንእዳ ካልታ ሌፎና ቀርኮ ዳሮ ዎልቃ ዉርሴስ፤ ሽን ጭንጫተን ኦያ ኦሱዋስ አይፈይ ደኤስ።
\p
\v 11 ሾሽ ዱክ አግን ሾሹ ዶቅያ ለ ዎይስ ሄ ኡራ አይኮካ ማደና።
\p
\v 12 ጭንጫ አሳ ኦድ እያዉ ቦንቾ እምሴስ፤ ሽን ኤያይ ባ ዶናፐ ከይዳ ቃላን ባዉ መቶን ገሌስ።
\p
\v 13 ኤያይ ባ ሃሳያ ኤያ ቃላን ዶምድ፥ ኢታተንነ ጎሻተን ፖሌስ።
\p
\v 14 ኤያ አስ ዳሮባ ኦደቴስ። ግዶሽን፥ ስንፈ ሀናናዉ ደእያባ ኦንካ ኤረና። አስ ሀይቅ አግን፥ ሀንያባ እያዉ ኦዳናዉ ዳንዳኤይ ባዋ።
\p
\v 15 ኤያ አስ ባ ኦሶን ዳቡሬስ፤ እ ባ ሶ ብያ ኦግያ ኤረና።
\p
\v 16 ናአ ግድዳ ካዎይነ ዎንታ ጉራ ግብራ ምያ ሀላቃት ደእያ ቢተ ነና አየ! 
\v 17 ቦንቸትዳ ካዎይነ ማታናዉ ግዶናሽን ዎልቃነ ምኖተ ደማናዉ ማራን ምያነ ኡያ ሀላቃት ደእያ ቢትያ አንጀትዳሮ።
\p
\v 18 አደይ አዛላ ግድኮ እያ ካራይ ዎዴስ፤ እያ ኩሸይ ኦናባ ግድኮ፥ እያ ኬይ ፆኬስ።
\p
\v 19 ካ ሙሳንነ ዎይነ ኡሻን ኡፋይስ በንቴስ፤ ሽን ሚሸይ ኡባባ ሻሜስ።
\p
\v 20 ስእያ አስ ባዋ ጋዳ ነ ዎዛናን ካዎ ጫዮፓ፤ ዎይኮ ነ ዝንእያ ክፍልያን ዱረ ኡራ ባዶፋ። ነ ግዳይሳ ሳሎ ካፎይ ብድ ኤንታዉ ኦዳናዉ ዳንዳኤስ።
\c 11
\s1 ዱማ ዱማ ዞረታ
\p
\v 1 ነ ካ ሃ ቦላ የጋ፤ ዳሮ ጋላሳፐ ጉየ ኔኒ ዛራዳ ደማና። 
\v 2 ነዉ ደእያ ሻሉዋ ላፑን ዎይኮ ሆስፑን በሳን ሻካዳ ዎ። ስንፈ ሀ ሳኣ ቦላ አይ ኢታባይ ያነኮ ኔኒ ኤራካ።
\p
\v 3 ሻር እራ ቶክኮ ቢታ ቦላ እር ቡኬስ።
\p ም ፑደ ኩንድን ዱገ ኩንድን ባ ኩንድዳ በሳን ደኤስ።
\p
\v 4 ጫርኮ ናግያ ኦንካ ካ ዘረና፤ ሻር ደንዳና ጋካናዉ ናግያ ኦንካ ባ ካ ጫከና።
\p
\v 5 ጫርኮይ ብያ ኦግያነ ናእ ባ አየ ኡሎን ዋንድ መትያኮ ነ ኤሮናይሳዳ ኡባባ መዳ ፆሳይ ባ ኦሱዋ ዋት ኦያኮ ኤራናዉ ዳንዳአካ።
\p
\v 6 ጉራ ግድን ኦማርስ ነ ዘረ ዘረይሳ አጎፋ፤ ዎንታይስ ዎይኮ ኦማርሳይስ ሎአነኮ ኔኒ ኤራካ።
\s1 ነ ናአተ ዎደን ፆሳ ቆፓ
\p
\v 7 ፖኦይ ኡፋይስያባ፤ አዋ አይፈ በኦይ ሎኦባ። 
\v 8 አስ አዱሳ ላይ ሀ ሳአን ደእኮ ሄ ላይን ኡፋይቶ። ሽን ሀ አላምያባይ ሀዳ ግደይሳነ ያና ማ ዎደይ መርናዉ ዳናይሳ ቆፖ።
\p
\v 9 ነኖ ናአተዉ፥ ናአተ ዳሮ ሎኦባ ግድያ ግሾ ነ ናአተ ላይን ኡፋይታ፤ ነ ዎዛናይካ ኡፋይቶ። ነ አይፈይ በእዳባነ ነ ዎዛናይ አሞትዳባ ኡባ ፖላ። ሽን ሄ ኔኒ ኦዳባ ኡባ ግሾ ነና ፆሳይ ፕርዳናዉ ደኤይሳ ዶጎፓ።
\p
\v 10 ናአተነ ጎባተ ሀዳ ግድያ ግሾ ነ ዎዛናፐ አዛኖ፥ ነ አሳተፈ ኢታተ ድጋ።
\c 12
\p
\v 1 ነ ናአተ ላይን ነና መዳይሳ ቆፓ። ኡንአ ጋላሳት ዮና ደእሽን፥ “ሀይስ ታና ኡፋይሰና” ጌተትያ ዎደት ጋኮና ደእሽን፥ 
\v 2 አውነ ፖኦይ፥ አጌንነ ፆልንቶት ሞና ደእሽን፥ እር ቡክድ አን፥ ሻር ስሞና ደእሽን፥ ነና መዳይሳ ቆፓ። 
\v 3 ሄ ዎደይ ኬ ናገይሳት ኮኮርያ ዎደ፥ ምኖ አስ ኩንያ ዎደ፥ ጋጨይሳት ታይቦን ጉፅዳ ግሾ ጋቸ አግያ ዎደነ ማስኮተራ ፄለይሳት ዳቡርያ ዎደ ግዳና። 
\v 4 ሄ ዎደይ፥ ዎጋ ኦግያኮ ስምዳ ፐንገት ጎርደትያ ዎደ፥ ጋጭያ ዎፃ ግርሳይ ዝቅ ግያ ዎደ፥ ካፎ ዋሶይ አሰ ስኮፈ ባርክስያ ዎደ፥ ማጫ ናይታ የ ግርሳይ ለፕያ ዎደ ግዳና። 
\v 5 ሄ ዎደይ፥ ደረ ከያናዉ ፆነትያ ዎደ፥ ዳልጋ ኦገታራ ሄመታናዉ ያሽያ ዎደ፥ ላዉዘ ም ጪይያ ዎደ፥ ቦለይ ቃፃናዉ ፆነትያ ዎደ፥ አሞያባይ አግያ ዎደ ግዳና። ሄ ዎደይ፥ አስ ባ መርና ኬ ብያ ዎደ፥ ዬከይሳት ዳልጋ ኦግያራ ዬክሸ ዩይያ ዎደ ግዳና።
\p
\v 6 ብራ ሳንላታይ ዱፆና ደእሽን፥ ዎርቃ ከረይ መቆና ደእሽን፥ ሃ ኦቶይ ፑልቱዋ ማታን መቆና ደእሽን፥ ሃ ኦላፈ ጎች ከስያ ዎዶሮይ ዱፆና ደእሽን፥ 
\v 7 ቢታይ ቢታኮ ስሞና ደእሽን፥ ሸምፖይ ባና እምዳ ፆሳኮ ስሞና ደእሽን፥ ነና መዳይሳ ቆፓ። 
\v 8 አስታማረይ፥ “ሀዳ! ሀዳ! ኡባባይ ሀዳ” ያግስ።
\s1 ኩሻ ቆፋታ
\p
\v 9 አስታማረይ ጭንጫ ፃላላ ግዶናሽን ኤራካ ግድያ ግሾ ደርያ ታማርስስ። እ ዳሮ ሌምሶታ ፕልግድ እሱዋ እሱዋ እያ ማራን ማራን ዱማይድ ዎስ። 
\v 10 አስታማረይ ልከ ግድዳ ቃላ ደማናዉ ኮይስ፤ ሄሳ ግሾ፥ እ ፃፍዳባይ ሱረነ ቱማ።
\p
\v 11 ጭንጫታ ቃላይ ሄንንቾይ ዉደ ላግያ ፄራ ኦጮ ፃምአ መላ። እስፈ ሺቅዳ ሌምሶት ጋ ኦይያ ምስማረ መላ።
\p
\v 12 ታ ናአዉ፥ ሀ ኡባፈ ቦላራ ኔኒ ናገታናዉ ኮሽያባይ ደኤስ። ማፃፋ ፃፍድ ዉርሳናዉ ዳንዳኤተና። ቃስ ዳሮባ ፕልግድ አጎና እፆይ አሳተ ዳቡርሴስ።
\p
\v 13 ሄኮ ኡባባይ ኦደትስ፤ ኡባባስ ኩሻይ ሀይሳ፤ ፆሰ ያይያ፤ እያ ኪታ ናጋ፤ ሄስ አሳስ ዋና ኦሶ። 
\v 14 ፆሳይ ኦሶ ኡባ ቃስ ጌምዳ ኡባ ሎኦ ግድን ኢታ ፕርዳናዉ ደኤስ።