\id COL - GOOFA FULL BIBLE
\ide UTF-8
\h ቆላስያሳ ኪታ
\toc1 ቆላስያሳ ኪታ
\toc3 ቆላ
\toc2 ቆላስያሳ
\mt1 ጳዉሎስ ቆላስያሳ አሳስ
\mt2 ፃፍዳ ኪታ
\imt ጋ ቆፋ
\ip ጳዉሎስ ቆላስያሳ አሳስ ፃፍዳ ኪታይ ፃፈትዳይ፥ ጉ ኢሰን፥ ኤፈሶናፐ ዶሎሀ ባጋራ ደእያ ቆላስያሳ ካታማን ደእያ ዎሳ ኬሳ። ሄ ዎሳ ኬ ኤስዳይ ጳዉሎሳ ግዶና እፅኮካ፥ ሮመ ቢታን ኢሰ ዋና ካታማ ግድዳ ኤፈሶናፐ ዎንገላ ኦድያ አሳ ኪተይ እያ ግድያ ግሾ፥ ቆላስያሳስካ እያዉ አዋተ ደኤስ። ቆላስያሳ ዎሳ ኬን፥ “ፆሰ ኤራናዉነ ኩመ አቶተ ደማናዉ አስ ኡባይ አያና ዎልቃታነ ማታታ ጎይናናዉ ኮሼስ” ግያ ዎርዶ አስታማረት ደኤይሳ ጳዉሎስ ስእስ። ሄ አስታማረት ታማርስያ ሀራባይ ቃስ፥ “አስ ኡባይ ቃፃሮ ዳንያ ዎጋታስ ሃረታናዉነ ካ ዎጋ ኡባ ናጋናዉ ኮሼስ” ያጎሶና።
\ip ጳዉሎስ ሀ ኪታ ፃፍዳይ፥ ቱማ አማኖ ትምርትያ ታማርስድ፥ ኤንታ ዎርዶ ትምርትያ ላላናሳ። እ ዛርዳ ዛሮታፐ እሶይ፥ “የሱስ ክርስቶሲ ኩመ አቶተ እሜስ፤ ሀራ ሀይማኖተትነ ኦሶት እያፐ ሃሶሶና” ያጌስ። ፆሳይ ክርስቶሳ ባጋራ አላምያ መስ፤ ቃስ እያ ባጋራ ዛሪድ ባኮ ኤሀና። ሀ አላምያስ አቶተ ኡፋይስ ደኤይ ክርስቶሳ አማኖና። ሄሳ ግሾ፥ ጳዉሎስ ሀ ግታ ትምርተይ አማንያ አሳ ደኦን ዋንድ ኦሶን ፔአናዉ በሲያኮ ኦዴስ። ሀ ኪታይነ ኤፈሶና አሳስ ፃፍዳ ኪታይ፥ ባንታ ኦይክዳ ቆፋንነ ኪታን ዎል ዳኖሶና። ሀ ናምኡ ማፃፋታ ግዶን ደእያ ዱማተይ፥ ኤፈሶናን ክርስቶስ ዎሳ ኬስ ሁጰ፥ ቆላስያሳን ክርስቶስ መተስ ሁጰ።
\ip ሀ ኪታ ጳዉሎሳፐ ኤክድ ቆላስያሳ ጋናዉ ብዳ ትክቆሳራ እስፈ ደኤይ አናስሞሳ ግደይሳ ኤርሶይ ማድያባ። አይስ ጊኮ፥ ጳዉሎስ አናስሞሳ ጌተትያ ባ ኦሳንቹዋባ ፍልሞናስ ሀራ ኪታ ፃፍስ።
\iot ማፃፋ አይፈ ቆፋታ
\io1 ገሎ ቆፋ (\ior 1:1-8\ior*)
\io1 ጋላታ ዎሳ (\ior 1:3-8\ior*)
\io1 ክርስቶስ ኦነ (\ior 1:9—2:19\ior*)
\io1 ክርስቶሳን ደእያ ኦራ ደኦ (\ior 2:20—4:6\ior*)
\io1 ኩሻ ቆፋነ ሳሮ (\ior 4:7-18\ior*)
\c 1
\p
\v 1 ፆሳ ሸነን ክርስቶስ የሱሳ ሀዋረ ግድዳ ጳዉሎስነ ኑ እሻ ፅሞትዮስ፥ 
\v 2 ቆላስያሳ ካታማን ደእያ ክርስቶሳን ጌሻታስነ አማነትዳ አሳስ ፃፍዳ ኪታ።
\p ፆሳ ኑ አዋፐ አ ኬሀተይነ ሳሮተይ ህንተዉ ግዶ።
\s1 ጋላታ ዎሳ
\p
\v 3 ኑኒ ህንተዉ ዎስያ ዎደ ፆሳ ኑ ጎዳ፥ የሱስ ክርስቶሳ አዋ ኡባ ዎደ ጋላቶስ። 
\v 4 ኑኒ ክርስቶስ የሱሳን ደእያ ህንተ አማኑዋነ ጌሻታ ኡባስ ደእያ ህንተ ሲቁዋ ስእዳ። 
\v 5 ሄሳ ህንተ ኦዳይ ህንተ ኡፋይሳይ ሳሎን ህንተዉ ናገትዳ ግሾሳ። ህንተ ቱማ ኪታ ግድዳ ዎንገላ ኮይሮ አማንዳ ዎደ ሄ ኡፋይሳ ስእደታ። 
\v 6 ህንተ ሄ ዎንገላ ስእዳ ዎደነ ፆሳ አ ኬሀተ ቱማ ሻክ ኤርዳ ዎደፐ ዶምድ ህንተ ግዶን ሀንዳይሳዳ ቢታ ኡባን ድጭሸነ አይፍሸ ደኤስ።
\p
\v 7 ህንተ ሄሳ ኑራ እስፈ ክርስቶሳስ ኦያ አማነትዳ፥ ዶሰትዳ ኤጳፍራፐ ታማርደታ።\x - \xo 1:7 \xo*\xt ቆላ 4:12፤ ፍልሞ 23.\xt*\x* 
\v 8 እ ሄሳ ቦላ ጉጅድ አያናይ ህንተዉ እምዳ ሲቁዋባ ኑስ ኦድስ።
\p
\v 9 ሄሳ ግሾ፥ ኑኒ ህንተባ ስእዳ ጋላሳፐ ዶምድ፥ ፆሳይ ባ ሸንያ ህንተና በሳና መላነ፥ ጌሻ አያናይ እምያ ኤራተንነ ጭንጫተ ኡባን ህንተና ኩንና መላ ኡባ ዎደ ህንተዉ ፆሳ ዎሶስ። 
\v 10 ሄሳዳካ፥ ህንተ፥ ጎዳይ ኮየይሳዳ ዳና መላ፥ ኡባ ዎደ እያ ኡፋይሳና መላ፥ ሎኦ ኦሶ ኡባን ህንተ አይፈ አይፋና መላነ ፆሳ አድ ኤርሸ ድጫና መላ ፆሳ ዎሶስ።
\p
\v 11 ፆሳ ቦንቾ ዎልቃይ ህንተ ኡባባ ገንጫናዳነ ዳንዳአናዳ ባ ምኖተ እምድ ህንተና ኡፋይሶ። 
\v 12 ቃስ ጌሻታ ፖኦ ካዎተ ላታና መላ ህንተና ኦዳ አዋ ጋላትተ። 
\v 13 እ ኑና ማ ዎልቃፈ አሽድ ባ ዶስያ ናኣ ካዎተኮ ኤህስ። 
\v 14 እያን ዎዘትድ እያ ሱን ናጋራ አቶተ ደምዳ።\x - \xo 1:14 \xo*\xt ኤፈ 1:7.\xt*\x*
\p
\v 15 ክርስቶስ በንቶና ፆሳስ ቱማ ሌምሶ። እ መተ ኡባፈ ባይራ። 
\v 16 ኡባባይ እያ ባጋራ መትስ። በንትያባትነ በንቶናባት፥ ዎልቃትነ ጎዳት፥ ሃረይሳትነ ማታ አዋት፥ ሳሎንነ ሳአን ደእያ ኡባይ እያዉነ እያ ባጋራ መትስ። 
\v 17 እ ኡባባፐ ካሰ ደኤስ። ኡባባይ እያን ባ በሳን በሳን ኦይከትድ ደኤስ። 
\v 18 እ ባ አሳተ ግድዳ ዎሳ ኬስ ሁጰ። እ ኡባፈ ቦላ ግዳናዉ ሀይቆፐ ደንዶን ስንነ ባይራ።\x - \xo 1:18 \xo*\xt ኤፈ 1:22-23.\xt*\x*
\p
\v 19 ፆሳይ ባ ኩመ ፆሳተራ እያን ዳናዉ ኮይስ። 
\v 20 ቃስ ማስቃልያ ቦላ ጉስዳ ባ ናኣ ሱን ሳሮተ መድ ሳሎንነ ሳአን ደእያ ኡባ እያ ባጋራ ባራ ስገስ።\x - \xo 1:20 \xo*\xt ኤፈ 2:16.\xt*\x*
\p
\v 21 ሀይሳፈ ካሰ ህንተ ቆፋ ኢታተይ ህንተና ፆሳፈ ሻክስነ እያራ ሞርከ ኦስ፤ ህንተ ኦሶይካ ኢታ። 
\v 22 ሽን ሀእ ክርስቶስ አሾን ሀይቅዳ ሀይቁዋ ባጋራ ፆሳይ ህንተና ባራ ስገድ፥ ጌሻታ፥ ቦረይ ባይናይሳታነ ፅሎታ ኦስ። 
\v 23 ህንተ፥ ህንተ አማኑዋን ቃፆና ምንድነ ፃጵድ ዳናዉ በሴስ። ህንተ ዎንገላ ቃላ ስእዳ ዎደ ኤክዳ ኡፋይሳ ምን ኦይክተ። ሄ ዎንገላይ ህንተ ስእዳይሳነ ቢታ ኡባን ሳባከትዳይሳ። ታ፥ ጳዉሎስካ ሀ ዎንገላስ ኦሳንቾ ግዳስ።
\s1 ጳዉሎሳ ሀዋረተ ኦሶ
\p
\v 24 ታኒ ህንተ ግሾ ሀእ ኤክያ ዋያን ኡፋይታይስ። ክርስቶስ እያ አሳተ ግድዳ ዎሳ ኬስ ኤክዳ ዋይያ ታኒ ታ አሹዋን ፖላይስ። 
\v 25 ፆሳ ቃላ ህንተዉ ፖላዳ ኦዳና መላ ታዉ እመትዳ ማታን ዎሳ ኬስ ኦሳንቾ ግዳስ። 
\v 26 ሀ ቃላይ ካሰ አዳ ዎድያን የለተ ኡባፈ ጌምድ ደእስ። ሽን ሀእ ፆሳይ ሀ ፁራ አማንያ ኡባስ ቆንጭስስ። 
\v 27 ፆሳይ አይሁደ ግዶና አሳ ግዶን ሀ ፁራ ቦንቾ ዱረተ ቆንጭስስ። እካ ቦንቾ ኡፋይስ ግድዳ ህንተ ግዶን ደእያ ክርስቶሳ።
\p
\v 28 ሄሳ ግሾ፥ እስ እስ አስ ክርስቶሳን ኩመ አስ ኦድ ሺሻናዉ ጭንጫተ ኡባን አሳ ታማርሶንነ ዞረን ክርስቶሳባ ሳባኮስ። 
\v 29 ፆሳይ ባ ግታ ዎልቃን ታናን ኦያ ግሾ፥ ሀእ ጋካናዉ እያ ዎልቃን ባፀታይስነ ዳቡራይስ።
\b
\c 2
\p
\v 1 ታ ህንተዉነ ሎዶቀ ካታማን ደእያ አሳስ፥ ሄሳዳካ ታና አይፈን በእቦና አሳ ኡባስ አይ መላ ባፀትያኮ ህንተ ኤራና መላ ኮያይስ። 
\v 2 ታ ባፀትያ ጋሶይካ ኤንቲ ባንታ ዎዛናን ምንድ፥ ሲቆን ቃሸትድ፥ ፖሎ ግድዳ ኩመ አኬካ ዱረተ ደምድ ፆሳ ፁራ ክርስቶሳ ኤራና መላሳ። 
\v 3 እያን ፆሳይ ምንጅዳ ኤራይነ ጭንጫተ ኡባይ ደኤስ።
\p
\v 4 ታ ሄሳ ኦንካ ህንተና ጭሞ ቃላን ባለና መላ ኮያዳ ጋይስ። 
\v 5 ታ ህንተፈ ሃካዳ ደእኮካ አያናን ህንተራ ደአይስ። ህንተ ዱሳ ማራነ ክርስቶሳ ህንተ ምንድ አማነይሳ በአዳ ኡፋይታይስ።
\s1 ክርስቶሳን ኩመ ደኦ
\p
\v 6 ህንተ ጎዳ ክርስቶስ የሱሳ ኤክዳይሳዳ እያን ደእተ። 
\v 7 እያን ፃጶ የድተ፤ እያን ኬፀትተ። ህንተ ታማርዳይሳዳ አማኖን ምንተ፤ ፆሳስ ኩምድ ፓላህዳ ጋላታ እምተ።
\p
\v 8 ክርስቶሳፐ ግዶናሽን፥ አሳ ዎጋንነ ሀ አላምያ ጮ ዎጋን ካትዳ ትምርተንነ አሳፐ ይዳ ኤራተን ኦንካ ህንተና ጭም ባለድ ድኦና መላ ናገትተ። 
\v 9 ፆሳ ፆሳተይ ክርስቶሳ አሳተን ኩመ ደኤስ። 
\v 10 ህንተካ ማታስነ ዎልቃ ኡባስ ሁጰ ግድያ ክርስቶሳን ኩምደታ።
\p
\v 11 ህንተ ክርስቶሳ አማንድ ቃፃረትደታ። ሄስካ አሳ ኩሸን ግዶናሽን፥ ህንተና ኢታ ሀኖተፈ ድግያ ክርስቶሳን ኦሰትዳ ቃፃረተ። 
\v 12 ህንተ ፃማቀትዳ ዎደ ክርስቶሳራ እስፈ ሞገትድ፥ ክርስቶሳ ሀይቆፐ ደንዳ ፆሳ ዎልቃ አማንድ፥ ክርስቶሳራ እስፈ ደንድደታ።\x - \xo 2:12 \xo*\xt ሮመ 6:4.\xt*\x*
\p
\v 13 ህንተ፥ ህንተ ናጋራ ግሾነ ህንተ ጬጋ አሳተ ቃፃረቶና ግሾ ሀይቅድ ደእሽን፥ ፆሳይ ህንተ ናጋራ አቶ ግስ። ክርስቶሳራ ህንተዉ ደኦ እሚስ።\x - \xo 2:13 \xo*\xt ኤፈ 2:1-5.\xt*\x* 
\v 14 እ ኑና ሞትያነ ኑራ ኤቀትያ፥ ኑ ቦላ ፃፈትዳ አጩዋ ዳክድ ማስቃልያ ቦላ ሽድ ኦገፐ ድግስ።\x - \xo 2:14 \xo*\xt ኤፈ 2:15.\xt*\x* 
\v 15 ክርስቶስ ዎልቃታነ ማታታ ማስቃልያን ፆንድ፥ ኤንታ ኦላ ዳንጩዋ ብልስድ፥ ድኤትዳ አሳዳ ኤንታ ቆንጨን ዩሽ በስስ።
\p
\v 16 ሄሳ ግሾ፥ ምያባን ዎይኮ ኡያባን፥ ባኣለ ጋላስ ዎይኮ አጌን ፄርያ ቃማ ቦንቾን ኦንካ ህንተ ቦላ ፕርዶፎ።\x - \xo 2:16 \xo*\xt ሮመ 14:1-6.\xt*\x* 
\v 17 ሀይሳቲ ስንፈ ያናዉ ደእያባታስ ኤሾ፥ ሽን ቱማይ ክርስቶሳ። 
\v 18 ቆፐ ቆሞ አሽከተንነ ኪታንቾ ጎይኖን ጬቀትያ ኦንካ ህንተና ህንተ ዎይቱዋፐ አሾፎ። ሄሳ መላ አስ ባ በእዳ ቆንጨን ናሸትሸ ባ አሾ ቆፋን ጮ ኦቶርቴስ። 
\v 19 ሄሳ መላ አሳስ ሁጰ ግድዳ ክርስቶሳራ ጋሄተ ባዋ። እ አሳተ ኡባ ሻያንነ ከሶን ከሶን ጋ ኦይድ ሙዝድ ድቼስ። ፆሳይ ሄሳ መላ ኦገን አሳተ ኡባስ ድች እሜስ።\x - \xo 2:19 \xo*\xt ኤፈ 4:16.\xt*\x*
\s1 ኦራ ደኦ
\p
\v 20 ህንተ ክርስቶሳራ ሀይቅድ ሀ አላምያ ሃርያ አያናታ ዎልቃፈ ላአ ከይደታ። ያትን፥ አይስ ሻከቶና አሳዳ ግድድ ሀ ዎጋታስ ሀረተቲ? 
\v 21 ሄ ዎጋት፥ “ኦይኮፋ፤ ላጮፋ፤ ቦቾፋ” ጌተተይሳታ። 
\v 22 ሀ ኡባይ አሳ ዎጋነ ትምርተ ግድያ ግሾ ኦሶ ቦላ ፔእዳፐ ጉየ ያና። 
\v 23 ሀ ኪታት ቦንቾነ ጭንጫተ ዳንድ በንታናዉ ዳንዳኦሶና። ሀ ዎጋት ፆሰ ዳሮ ዶስስያባ፥ አሽከነ ህንተ አሳተ ሃርስያባ ዳኖሶና፥ ሽን ኑ ኢታ አሞተ ቦላ ኤንታዉ ዎልቅ ባዋ።
\c 3
\p
\v 1 ህዛ፥ ህንተ ክርስቶሳራ ሀይቆፐ ደንድዳይሳዳ፥ ፆሳፈ ኡሻቻ ባጋን ኡትዳ ክርስቶስ ደእያ በሳን፥ ሳሎን ደእያባታ ኮይተ።\x - \xo 3:1 \xo*\xt ማዝ 110:1.\xt*\x* 
\v 2 ሳሎን ደኤይሳታ ቦላ ህንተ ቆፋ ዎተፐ አትሽን፥ ሳአን ደእያባታ ቦላ ዎፍተ። 
\v 3 ህንተ ሀይቆን ሻከትዳ መላ ሀ አላምያፐ ሻከትደታ። ህንተ ደኦይ ክርስቶሳራ እስፈ ፆሳን ጌምስ። 
\v 4 ህንተዉ ደኦ ግድዳ ክርስቶስ ቆንጭያ ዎደ ሄ ዎደ ህንተካ እያራ ቦንቾን ቆንጫና።
\p
\v 5 ሄሳ ግሾ፥ ህንተናን ደእያ አላመ አሞታ ዎተ። ሄሳትካ ላይማተ፥ ቱናተ፥ ላይማታናዉ አሞተ፥ ኤቃ ጎይኖ መላ ግድዳ ኡዘተ። 
\v 6 ሀይሳታ ጋሶን ፆሳ ሀንቆይ ኪተቶና አሳ ቦላ ያና። 
\v 7 ህንተካ ካሰ ሄ ኢታ ኦግያን ብያ አሳ ግዶን ደእሸ ሀይሳታ ኦደታ።
\p
\v 8 ሀእ ህንተ ሄሳታ ኦፍተ። ቃስ ሀንቆ፥ እፆ፥ ካች፥ ዝግርስነ ቦርሶ ኦዳ ህንተፈ ድግት። 
\v 9 ጬጋ አሳተ እያ ኦሱዋራ ህንተፈ ቃርዳ ግሾ፥ እሶይ እሱዋስ ዎርዶቶፕተ።\x - \xo 3:9 \xo*\xt ኤፈ 4:22.\xt*\x* 
\v 10 ፆሳ መ ዳንያ፥ ኤራተን ላመትዳ ኦራ አሳተ ማእተ።\x - \xo 3:10 \xo*\xt መ 1:26፤ ኤፈ 4:24.\xt*\x* 
\v 11 ሀ ኦራ መተን፥ ግርከ አስ ዎይኮ አይሁደ አስ፥ ቃፃረትዳይ ዎይኮ ቃፃረቶናይ፥ ባርባረ አስ\f + \fr 3:11 \fr*\fq ባርባረ አስ፦ \fq*\ft ጉሳይ ታማርቦና ዎይኮ ኤሮና ዎይኮ የለትዳ መላ ስእ ግድ ደእያ አስ ጉሱ።\ft*\f* ዎይኮ እስኩተ አስ\f + \fr 3:11 \fr*\fq እስኩተ አስ፦ \fq*\ft ጉሳይ ዎዛና ምኖ አስ ዎይኮ ዎዛና ኢታ አስ ጉሱ።\ft*\f* አይለይ ዎይኮ ዎማኖይ ባዋ። ክርስቶስ ኡባ፤ እ ኡባን ደኤስ።
\p
\v 12 ሄሳ ግሾ፥ ፆሳን ዶረትዳ አሳዳ ጌሻታነ ዶሰትዳይሳታ ግድድ፥ ማሮተ፥ ኬሀተ፥ አሽከተነ ዳንዳአ ማእተ።\x - \xo 3:12 \xo*\xt ኤፈ 4:2.\xt*\x* 
\v 13 እሶይ እሱዋ ዳንዳእተ። ኦንካ ባ ላግያን ቆሄትዳባይ ደእኮ እያዉ አቶ ጎ። ጎዳይ ህንተዉ አቶ ግዳይሳዳ ህንተካ ዎልስ አቶ ጊተ።\x - \xo 3:13 \xo*\xt ኤፈ 4:32.\xt*\x* 
\v 14 ሄ ኡባ ቦላ ኡባባ እስፈ ሺሽድ ቃችያ ሲቆ ማእተ። 
\v 15 ፆሳይ ህንተና እስ አስ ኦድ ፄግዳይ፥ ሳሮተስ ግድያ ግሾ ክርስቶሳ ሳሮተይ ህንተ ዎዛና ሃሮ።
\p
\v 16 ክርስቶሳ ቃላይ ህንተ ዎዛናን ኩምድ ደኦ። ጭንጫተ ኡባን እሶይ እሱዋ ታማርስተነ ዞርተ። ማዝሙረን፥ ሳባንነ አያና የን ፆሳ ዎዛናፐ ጋላትሸ የፅተ።\x - \xo 3:16 \xo*\xt ኤፈ 5:19-20.\xt*\x* 
\v 17 ፆሳ አዋ የሱሳ ባጋራ ጋላትሸ ህንተ ኦደትያባ ዎይኮ ኦያባ ኡባ ጎዳ የሱሳ ሱንን ኦተ።
\s1 አማንያ አሳ ዱሱ
\p
\v 18 ማቸቶ፥ አማንያ አሳስ በሲያባ ግድያ ግሾ፥ ህንተ አዝናታስ ሃረትተ።\x - \xo 3:18 \xo*\xt ኤፈ 5:22፤ 1 ጰፅ 3:1.\xt*\x*
\p
\v 19 አዝናቶ፥ ህንተ ማቸታ ሲቅተ፤ ኤንታዉ ኢቶፕተ።\x - \xo 3:19 \xo*\xt ኤፈ 5:25፤ 1 ጰፅ 3:7.\xt*\x*
\p
\v 20 ናይቶ፥ ህንተና የልዳይሳታስ ኡባባን ኪተትተ፤ ሄስ ጎዳ ኡፋይስያባ።\x - \xo 3:20 \xo*\xt ኤፈ 6:1.\xt*\x*
\p
\v 21 አዋቶ፥ ህንተ ናይት ኡፋይስ ቃንፆና መላ ኤንታ ጫመፍተ።\x - \xo 3:21 \xo*\xt ኤፈ 6:4.\xt*\x*
\p
\v 22 አይለቶ፥ ሳአን ህንተዉ ጎዳ ግድዳይሳታስ ኡባባን ኪተትተ። ጎዳ ቦንችሸ ሱረ ዎዛናፐ ኪተትድ ኤንታ ኡፋይስተፐ አትሽን፥ አስ በኦ ግድ ኦፍተ።\x - \xo 3:22 \xo*\xt ኤፈ 6:5-8.\xt*\x* 
\v 23 ህንተ ኦያ ኦሶ ኡባ አሳስ ግዶናሽን፥ ጎዳስ ኦያ መላ ዎዛናፐ ኦተ። 
\v 24 ጎዳፐ ላታ ዎይቶ ኦድ ህንተ ኤከይሳ ኤርተ፤ ህንተ ጎዳ ክርስቶሳ ሀጋዜታ። 
\v 25 ፆሳይ አሳ ሶምኦ በእድ ፕርዶና ግሾ፥ ኦንካ ኢታ ኦሶ ኦኮ ባ ኢታ ኦሱዋ ግሾ ዛሮ ኤካና።\x - \xo 3:25 \xo*\xt ኤፈ 6:5-8.\xt*\x*
\b
\c 4
\p
\v 1 ጎዳቶ፥ ህንተዉካ ቃስ ሳሎን ጎዳይ ደኤይሳ ኤርድ፥ ህንተ አይለታስ ፅሎተንነ እሱዋ እሱዋፈ ሻኮና ኮሽያባ ኦተ።\x - \xo 4:1 \xo*\xt ኤፈ 6:9.\xt*\x*
\p
\v 2 ፆሳ ባርክድ ጋላትሸ ቃንፆና ዎስተ። 
\v 3 ፆሳይ ባ ቃላስ ፐንገ ዶያና መላነ ታኒ ሄሳ ጋሶን ቃሾን ደእያ ክርስቶሳ ፁራ አዋጃና መላ ኑስካ ዎስተ። 
\v 4 ቃስ ታካ በሰይሳዳ ቃላ ቆንጭሳዳ ኦዳና መላ ታዉ ፆሳ ዎስተ።
\p
\v 5 እንጀትያ ዎደ ኡባ ጎኤትሸ አማኖና አሳ ማታን ጭንጫተን ደእተ።\x - \xo 4:5 \xo*\xt ኤፈ 5:16.\xt*\x* 
\v 6 ህንተ አሳ ኡባስ ኮሽያ ዛሮ እሞ ኤራና መላ ህንተ ኦዳይ ኡባ ዎደ አ ኬሀተን ኩምዳይሳነ ማፅነዳ ማልእያባ ግዳናዉ በሴስ።
\s1 ሳሮ
\p
\v 7 ኑ ሲቆ እሻይ ትክቆስ፥ ታራ እስፈ ጎዳ ኦሱዋን አይለ ግድዳ፥ አማነትያ ኦሳንቾይ፥ ታ ደኡዋባ ህንተዉ ኦዳና።\x - \xo 4:7 \xo*\xt ሀዋ 20:4፤ 2 ፅሞ 4:12.\xt*\x*\x - \xo 4:7 \xo*\xt ኤፈ 6:21-22.\xt*\x* 
\v 8 ታኒ እያ ህንተኮ ኪትዳይ፥ ኑ ዋንድ ደእያኮ ህንተዉ ኦድድ ህንተና ምንና መላሳ። 
\v 9 አናስሞስ፥ አማነትያ ሲቆ እሻይ፥ ህንተ ባጋይ፥ እያራ ህንተኮ ቤስ። ኤንቲ ሀይሳን ሀንያባ ኡባ ህንተዉ ኦዳና።\x - \xo 4:9 \xo*\xt ፍልሞ 10-12.\xt*\x*
\p
\v 10 ታራ ቃሸትዳ አርስፅሮኮስነ ባርናባሳ እሻ ናአይ ማርቆስ፥ ህንተና ሳሮ ያጎሶና። ታ ህንተዉ ካሰ ኦድዳይሳዳ ማርቆስ ህንተኮ ቢኮ እያ ሞክተ።\x - \xo 4:10 \xo*\xt ሀዋ 19:29፤ 27:2፤ ፍልሞ 24፤ ሀዋ 12:12፥ 25፤ 13:13፤ 15:37-39.\xt*\x* 
\v 11 የሱሳ ጌተትያ ያስፆስ ህንተና ሳሮ ሳሮ ያጌስ። ፆሳ ካዎተ ግሾ ታራ ኦያ አሳታ ግዶፈ አይሁደ ግድዳይሳት ሀ ሄታ፤ ኤንቲ ታና ዳሮ ምንዶሶና።
\p
\v 12 ህንተ ባጋይ፥ ክርስቶስ የሱሳ አይለይ፥ ኤጳፍር ህንተና ሳሮ ሳሮ ያጌስ። እ ህንተ ፆሳ ስንን ምንድ ኤቃናዳነ ፆሳ ሸንያ ኤርድ ፖላና መላ ኡባ ዎደ ፆሳ ህንተ ግሾ ዎሴስ።\x - \xo 4:12 \xo*\xt ቆላ 1:7፤ ፍልሞ 23.\xt*\x* 
\v 13 እ ህንተ ግሾነ ሎዶቀንነ ህራፖልሳ ካታማን ደእያ አሳ ግሾ ዳሮ ዳቡርዳይሳ ታ ማርካታይስ።
\p
\v 14 ኑ ሲቆ እሻይ ዶቶረይ ሉቃስነ ዴማስ፥ ህንተና ሳሮ ሳሮ ያጎሶና።\x - \xo 4:14 \xo*\xt 2 ፅሞ 4:10-11፤ ፍልሞ 24.\xt*\x* 
\v 15 ሎዶቀን ደእያ ኑ እሻታስ፥ ንምፋስነ እ ኬን ሺቅያ አሳስ ኑ ሳሮዋ ኦድተ።
\p
\v 16 ሀ ዳብዳብያ ህንተ ናባብዳፐ ጉየ፥ ሎዶቀ ዎሳ ኬን ናባብስተ። ህንተካ ሎዶቀ ዎሳ ኬይ ህንተዉ የድያ ዳብዳብያ ናባብተ። 
\v 17 ቃስ አርክጳሳ፥ “ጎዳይ ነዉ እምዳ ኦሱዋ ፖላናይሳ ዶጎፓ” ያግድ ቆፍስተ።\x - \xo 4:17 \xo*\xt ፍልሞ 2.\xt*\x*
\p
\v 18 ታኒ፥ ጳዉሎስ፥ ሀ ሳሮዋ ታ ኩሸን ፃፋስ። ታ ቃሹዋ ቆፕተ።
\p ፆሳ አ ኬሀተይ ህንተራ ግዶ።