\id ACT - GOOF FULL BIBLE
\ide UTF-8
\h ሀዋረታ ኦሶ
\toc1 ሀዋረታ ኦሶ
\toc3 ሀዋ
\toc2 ሀዋረታ
\mt ሀዋረታ ኦሶ
\imt ጋ ቆፋ
\ip ሀዋረታ ኦሶ ማፃፋይ፥ ሉቃሳ ዎንገላ ካልድ ፃፈትዳ ማፃፋ። ማፃፋስ ደእያ ዋና ቆፋይ፥ የሱሳ ካልዳ ኮይሮ አሳት ጌሻ አያን ካለን፥ “የሩሳላመን፥ ይሁዳ ቢታ ኡባን፥ ሳማረን፥ ሳአ ጋፃፐ ጋፃ ጋካናዉ” (\xt 1:8\xt*) ዎንገላ ቢታ ኡባ ዋት ጋዳኮ ኦዳናሳ። ማፃፋይ፥ አማኖይ አይሁደ አሳ ግዶን ዶመትድ፥ ኩመ አላመን ኤረትዳ አማኖ ግዳና ጋካናዉ ዋንድ ዳልግዳኮ ኦዴስ።
\ip ሀዋረታ ኦሶ ማፃፋይ፥ የሱሳ ዎንገላይ ጋክያ በሳይ ዎደን ዎደን ዳልግ ዳልግ በይሳነ ዎሳ ኬ ኤቅዳይሳ ቆንጭስያ ሄ አይፈ ቆፋታን ሻከቴስ።
\ip 1. አማኖይ የሱሲ ሳሎ ብዳፐ ጉየ ዶመትዳይሳ ኦዴስ።
\ip 2. አማኖይ እስራኤለ ቢታ ኡባ ጋክዳይሳ ኦዴስ።
\ip 3. አማኖይ ሮመ ጉጅድ መደትራነ አባ ዩሾን ደእያ ቢታ ኡባን ዳልግዳይሳ በሴስ።
\ip ሀዋረታ ኦሶ ማፃፋን አድ በንተይ ጌሻ አያና ኦሶ ግድሽን፥ ጳንፀቆስፀ ጋላስ የሩሳላመን ደእያ አማንያ አሳ ቦላ ጌሻ አያን ዎልቃራ ዎዳይሳ ኦዴስ። ሄሳዳካ፥ ማፃፋ ግዶን ቆንጭዳ ኦሶታ ኡባን በንትዳይሳዳ፥ ጌሻ አያን ዎሳ ኬነ ዎሳ ኬ አይሰይሳታ ካለዳይሳነ ምንዳይሳ ጉጅድ ኦዴስ።
\ip ሀዋረታ ኦሶ ማፃፋን ኦሰትዳ ኦሶታ ኪታይ፥ አማንያ አሳ ደኦንነ ዎሳ ኬ እስፈተን ደእያ ዎልቃይ አይ መላ ግቴኮ በሴስ።
\iot ማፃፋ አይፈ ቆፋታ
\io1 ማርካተስ ጊገተ (\ior 1:1-26\ior*)
\io2 የሱሳ ዉርሰ ኪታነ እመትዳ ኡፋይሳ (\ior 1:1-14\ior*)
\io2 ይሁዳ በሳን ሀራ ዶሮ (\ior 1:15-26\ior*)
\io1 የሩሳላመን ማርካተ (\ior 2:1—8:3\ior*)
\io1 ይሁዳንነ ሳማረን ማርካተ (\ior 8:4—12:25\ior*)
\io1 ጳዉሎስ ሀዋረተን ኦዳ ኦሱዋ (\ior 13:1—28:31\ior*)
\io2 ኮይሮ ሀዋረተ ቡሳ (\ior 13:1—14:28\ior*)
\io2 የሩሳላመ ሺቁዋ (\ior 15:1-35\ior*)
\io2 ናምአን ሀዋረተ ቡሳ (\ior 15:36—18:22\ior*)
\io2 ሄን ሀዋረተ ቡሳ (\ior 18:23—21:16\ior*)
\io2 ጳዉሎስ የሩሳላመን፥ ቅሳረንነ ሮመን (\ior 21:17—28:31\ior*)
\c 1
\s1 ማርካተስ ጊገተ
\p
\v 1-2 ተዎፍሎሳ፥ የሱሲ ባ ኦሱዋ ኦይክዳ ዎደፐ ሳሎ ብዳ ጋላሳ ጋካናዉ፥ ኦዳባነ ታማርስዳባ ኡባ ታኒ ታ ኮይሮ ማፃፋን ፃፋስ። ሳሎ ባናፐ ስን እ ባ ዶርዳ ሀዋረታ፥ ጌሻ አያናን ኪትስ።\x - \xo 1:1-2 \xo*\xt ሉቃ 1:1-4.\xt*\x* 
\v 3 እ ባ ዋያፐ ጉየ፥ ሀይቆፐ ደንድዳይሳ ስይ ባይና ቆንጭስድ ኤንታዉ ባና በስስ። ኦይታሙ ጋላስ ኤንታዉ ቆንጭድ ፆሳ ካዎተባ ኤንታ ታማርስስ። 
\v 4 እስ ዎደ ኤንታራ እስፈ ደእሸ ኤንታ ሀይሳዳ ያግድ ኪትስ፦ “ታ ህንተዉ ኦድዳ፥ ታ አዋይ እማና ግዳ ኡፋይሳ ቃላ ናግተፐ አትሽን፥ የሩሳላመፐ ከዮፕተ።\x - \xo 1:4 \xo*\xt ሉቃ 24:49.\xt*\x* 
\v 5 ዮሃንስ ሃን ፃማቅስ፥ ሽን ጉ ዎደፐ ጉየ፥ ጌሻ አያናን ህንተ ፃማቀታና” ያግስ።\x - \xo 1:5 \xo*\xt ማቶ 3:11፤ ማር 1:8፤ ሉቃ 3:16፤ ዮሀ 1:33.\xt*\x*
\p
\v 6 ሀዋረት እስፈ የሱሳራ ሺቅዳ በሳን፥ “ጎዳዉ፥ እስራኤለታስ ነ ካዎተ ዛራና ዎደይ ሀይሴ?” ያግድ ኦይችዶሶና።
\p
\v 7 የሱሲ ኤንታኮ፥ “ታ አዋይ ባ ማታን ኦያ ዎደነ ላይ ህንተ ኤራናዉ ዳንዳኤከታ። 
\v 8 ሽን ጌሻ አያናይ ህንተ ቦላ ዎያ ዎደ፥ ህንተ ዎልቃን ኩማና። ያን ስሚድ፥ የሩሳላመን፥ ይሁዳ ቢታ ኡባን፥ ሳማረንነ ሳአ ጋፃ ጋካናዉ ታዉ ማርካታ ግዳና” ያግስ።\x - \xo 1:8 \xo*\xt ማቶ 28:19፤ ማር 16:15፤ ሉቃ 24:47-48.\xt*\x*
\p
\v 9 ሄሳ ግዳፐ ጉየ ኤንቲ ፄልሽን፥ ቁ ቁ ግድ፥ ሳሎ ብን፥ እያ ኤንታ አይፈፐ ሻር ገንስ።\x - \xo 1:9 \xo*\xt ማር 16:19፤ ሉቃ 24:50-51.\xt*\x*
\p
\v 10 የሱሲ ብያ ዎደ ኤንቲ ሳሎ ትሽ ኦድ ፄልሽን፥ ቦ ማኦ ማእዳ ናምኡ አሳት አኬኮና ኤንታ ማታን ኤቅድ፥ 
\v 11 “ጋልላ አሳቶ፥ ሳሎ ፄልሸ፥ ህንተ አይስ ኤቅደቲ? ሀ ህንተ በእሽን ሳሎ ብዳ የሱሲ ሄሳዳካ ስሚድ ያና” ያግዶሶና።
\s1 ይሁዳ በሳን ማትያሳ ዶረተ
\r (ማቶ 27:3-10)
\p
\v 12 ሄሳፈ ጉየ፥ ሀዋረት ሻማሆ ዙማፐ የሩሳላመ ስምዶሶና። ሻማሆ ዙማይ የሩሳላመስ ማታን ደኤስ። 
\v 13 ኤንቲ የሩሳላመ ገልድ፥ ባንታ ደእያ በሳ፥ ፖቅያ ቦላ ከይዶሶና። ኤንትካ፦ ጰፅሮሳ፥ ዮሃንሳ፥ ያይቆባ፥ እንድርያሳ፥ ፍልጶሳ፥ ቶማሳ፥ ባርተለሞሳ፥ ማቶሳ፥ እልፍዮሳ ናአ ያይቆባ፥ ባ ቢታስ ምሸትያ ስሞናነ ያይቆባ ናአ ይሁዳ።\x - \xo 1:13 \xo*\xt ማቶ 10:2-4፤ ማር 3:16-19፤ ሉቃ 6:14-16.\xt*\x* 
\v 14 ሀይሳቲ ኡባይ ማጫሳታራ፥ የሱሳ አየ ማይራምራነ የሱሳ እሻታራ ኡባይ እስ ዎዛናን ግድድ ምንድ ዎሶሶና።
\p
\v 15 ሄ ዎደ፥ ጰፅሮስ ፄታነ ላታማ ግድያ አማንያ አሳይ ሺቅዳ በሳን ደንድ ኤቅድ፥ ሀይሳዳ ያግስ፦ 
\v 16 “አሳዉ፥ የሱሳ ኦይክዳይሳታ ካለዳ ይሁዳባ፥ ጌሻ አያናይ ካሰ ዳዊታ ዶናን ኦድዳ ፆሳ ቃላይ ፖለታናዉ በሴስ። 
\v 17 ይሁድ ኑራ እስፈ ሀ ኦሱዋ ኦናዉ ዶረትዳ አስ።”
\p
\v 18 ሽን ይሁድ ባ ኢታ ኦሱዋን ደምዳ ሚሸን ጋደ ሻምስ። እ ስን ጉ ኩንድን፥ እያ ኡሎይ ዳከትስ፤ እያ ማራጨ ኡባይ ካረ ከይስ።\x - \xo 1:18 \xo*\xt ማቶ 10:2-4፤ ማር 3:16-19፤ ሉቃ 6:14-16.\xt*\x* 
\v 19 ይሁዳ ቦላ ሀንዳባ የሩሳላመን ደእያ አሳ ኡባይ ስእስ። ሄሳ ግሾ፥ ሄ ጋድያ ባንታ ቃላን አከልዳማ (ሱ ጋደ) ግድ ፄግዶሶና።
\p
\v 20 “ሄስካ ማዝሙረ ማፃፋን፥
\q1 “ ‘እያ ኬይ ካሎ አቶ፤
\q2 ኦንካ እያን ደኦፖ።
\q1 ቃስ እያ ሹማተ ሀር ኤኮ’ ጌተትድ ፃፈትስ።\x - \xo 1:20 \xo*\xt ማዝ 69:25፤ 109:8.\xt*\x*
\p
\v 21 “ሄሳ ግሾ፥ ጎዳ የሱሲ ኑ ግዶን ስመረትዳ ዎደ ኡባን ኑራ ደኤይሳታፐ፥ 
\v 22 ቃስ ፃማቅያ ዮሃንሳ ዎደፐ ዶምድ ጎዳ የሱሲ ሳሎ ብዳ ጋላስ ጋካናዉ ኑራ ደኤይሳታፐ እስ አስ እያ ደንዱዋስ ኑራ ማርካ ግዳናዉ በሴስ” ያግስ።\x - \xo 1:22 \xo*\xt ማቶ 3:16፤ ማር 1:9፤ ሉቃ 3:21.\xt*\x*
\p
\v 23 ሄሳ ግሾ፥ አሳይ ዶሩዋስ ዮስፆሳ ዎይኮ ባርሳባሳ ጌተትያ ዮሰፋነ ማትያሳ ናምአ ሺሽዶሶና። 
\v 24 ሄሳፈ ጉየ፥ ፆሳ ዎስሸ፥ “አሳ ኡባ ዎዛና ኤርያ ጎዳዉ፥ ሀ ናምአታፐ ነ ኦና ዶርዳኮ ኑና በሳ። 
\v 25 ይሁድ ባ በሳ ብድ፥ አግዳ ኦሱዋነ ሀዋረተ ኦሱዋ ኤካና መላ ሀይሳታፐ ኑስ ቆንጭሳ” ያግዶሶና። 
\v 26 ኤንታ ቦላ ሳማ የግዶሶና። ሳማይ ማትያሳ ቦላ ዎን፥ ማትያስ ታማነ እስ ሀዋረታ ቦላ ጉዠትስ።
\c 2
\s1 ጌሻ አያና ዎ
\p
\v 1 ጰንፀቆስፀ ጋላሳይ ጋክዳ ዎደ አማንያ አሳ ኡባይ እስፈ እስ በሳን ሺቅድ ደኦሶና።\x - \xo 2:1 \xo*\xt ሌወ 23:15-21፤ ዛረ 16:9-11.\xt*\x* 
\v 2 ቆፖና ዎልቃማ ጎተዳ ጉምያ ጉንይ አኬኮና ሳሎፐ ይድ ኤንቲ ደእያ ኬ ኩምስ። 
\v 3 ቃስ ታማ ላጮ ዳንያ እንፃርሳት ኤንታዉ በንትሸ፥ ሻከት ሻከት ኤንታ ኡባ ቦላ ዎዶሶና። 
\v 4 ኤንቲ ኡባይ ጌሻ አያናን ኩምድ ዱማ ዱማ ዶናን ኦደታና መላ ጌሻ አያናይ ኤንታ ዳንዳእስን ሃሳያ ዶምዶሶና።
\p
\v 5 ሄ ዎደ ቢታ ኡባፈ ይዳ ፆሳስ ባቢያ አይሁደት የሩሳላመን ደኦሶና። 
\v 6 ሄ ጉን ስእዳ ዎደ ዳሮ አሳይ ሺቅዶሶና። አማንያ አሳይ ኤንታ ቃላን ኦደትሽን ስእዳ ግሾ፥ 
\v 7 ማላለትድ፥ “ሀ ኦደትያ አሳ ኡባይ ጋልላ አሰ ግዶኮናዬ? 
\v 8 ያትን፥ ኑኒ፥ ኑ የለትዳ ቢታ ዶናን ኤንቲ ኦደትሽን ዋንድ ስአናዉ ዳንዳእዶ? 
\v 9 ኑኒ ጳርፀን፥ ሜዶናን፥ ኤላማን፥ ማሰጰፆመን ደኤይሳት፥ ይሁዳን፥ ቃጳዶቃን፥ ጳንፆሳን፥ ኢሰን፥ 
\v 10 ፕርገን፥ ጵንፍለን፥ ግብፀን፥ ቃረና ማታን ደእያ ሊበን ደኤይሳታ። ኑፐ ባጋትካ ሮመፐ ይዳ አሳታ። 
\v 11 አይሁደትነ አይሁደተ አማኖ ገልዳ አሳት፥ ቃርፄሳነ አራበ አሳት፥ ፆሳይ ኦዳ ግታ ኦሱዋ ኑ ቃላን ኦደትሽን ስኦስ” ያግዶሶና። 
\v 12 ኡባይ ማላለትድ፥ ጋናባ ይድ፥ “ላ ሀይስ አይ ጉሴ?” ያግዶሶና። 
\v 13 ሽን ሀራት፥ “ሀይሳቲ ዎይነ ኡይድ ማትዶሶና” ያግድ ቀልቅስዶሶና። \fig ጴንፄቆስፄ ባልያስ አሳይ ይዳ ዱማ ዱማ ጋደታ|alt="Pentecost" src="GPS_Pentecost_B&W_Flat_English.tiff" size="span" ref="2:9-11"\fig*
\s1 ጰፅሮሳ ሃሳያ
\p
\v 14 ሽን ጰፅሮስ፥ ታማነ እስ ሀዋረታራ ደንድ ኤቅድ፥ ባ ቃላ ቁ ኦድ፥ ኤንታዉ ሀይሳዳ ያግድ ኦድስ፦ “አይሁደቶ፥ የሩሳላመን ደእያ ኡባቶ፥ ታኒ ኦደይሳ ስእተ። 
\v 15 ዎንታፈ ሄ ሳተ ግድያ ግሾ ህንተ ቆፐይሳዳ ሀ አሳት ማትቦኮና፤ ሄስ ህንተዉ ኤረቶ። 
\v 16 ሽን ሀይስ ሀንዳይ ናበይ እዩኤል ኦድዳይስ ፖለታና መላሳ።
\q1
\v 17 “ ‘ፆሳይ፥ ዎድያ ዉርሰን ሀይሳዳ ሀናና ያጌስ፦
\q2 ታኒ አሳ ኡባ ቦላ ታ አያና ጉሳና።
\q1 ህንተ አደ ናይትነ ማጫ ናይት፥
\q2 ትንብተ ኦዳና።
\q1 ህንተ ያላጋት ቆንጨ በአና፤
\q2 ህንተ ጭማት አሙሆ አሙሀና።\x - \xo 2:17 \xo*\xt እዩ 2:28-32.\xt*\x*
\q1
\v 18 ሄ ጋላሳታን ታና አማንያ አደ አይለታ ቦላነ ማጫ አይለታ ቦላ
\q2 ታኒ ታ አያና ጉሳና፤
\q2 ኤንቲ ትንብተ ኦዳና።
\q1
\v 19 ቃስ ታኒ ቦላ ሳሎን ኦራባ፥
\q2 ጋርሳ ሳአንካ ማላ በሳና።
\q1 ሱይ፥ ታማይነ ዎልቃማ ጫጋናይ በንታና።
\q1
\v 20 ግታነ ቦንቾ ግድዳ ጎዳ ጋላሳይ
\q2 ጋካናፐ ስን አው ማና፤
\q2 አጌን ሱ ዳናና።
\q1
\v 21 ሄ ዎደ ሄሳዳ ሀናና፤
\q2 ጎዳ ሱን ፄግያ ኦንካ አታና’ ያግስ።
\p
\v 22 “እስራኤለ አሳቶ፥ ሀ ቃላ ስእተ። ናዝረተ የሱሳ ኦናተይ፥ ፆሳይ ህንተ ግዶን ኦዳ ዎልቃማ ኦሱዋንነ ማላታታን ህንተዉ ቆንጮይሳ ህንተ፥ ህንተ ሁጰን ኤሬታ። 
\v 23 ፆሳ ካሰ ኤራንነ እያ ሸነን፥ የሱሲ ህንተዉ አድ እመትስ። ህንተ፥ ናጋራንቾት እያ ማስቃለ ቦላ ካቅድ ዎና መላ አድ እምደታ።\x - \xo 2:23 \xo*\xt ማቶ 27:35፤ ማር 15:24፤ ሉቃ 23:33፤ ዮሀ 19:18.\xt*\x* 
\v 24 ሽን ፆሳይ ሀይቆ ዎልቃ ድግድ እያ ደንስ። ሄሳ ግሾ፥ ሀይቆይ እያ ኦይካናዉ ዳንዳእቤና።\x - \xo 2:24 \xo*\xt ማቶ 28:5-6፤ ማር 16:6፤ ሉቃ 24:5.\xt*\x* 
\v 25 ዳዊቲ እያባ ኦድሸ፥
\q1 “ ‘ታኒ ያርኮና መላ፥
\q2 ጎዳይ ታ ኡሻቻን ደኤስ።
\q2 ጎዳ ኡባ ዎደ ታ ማታን በአይስ።
\q1
\v 26 ሄሳ ግሾ፥ ታ ዎዛናይ ኡፋይትስ፤
\q2 ታ እንፃርሳን ኡፋይስ ኩምስ፤
\q2 ሀይቅያ ታ አሳተይ ኡፋይሳን ዳና።
\q1
\v 27 አይስ ጊኮ፥ ታ ሸምፑዋ ስኦለን አጋካ።
\q2 ቃስ ነ ጌሻ ናአ አሀ ዎቅሳካ።
\q1
\v 28 ኔኒ ታና ደኦ ኦገ ኤርሳዳሳ።
\q2 ኔኒ ታራ ደኤይሳን ታ ኡፋይሳይ ኩመ ግዴስ’\x - \xo 2:28 \xo*\xt ማዝ 16:8-11.\xt*\x* ያግስ።
\p
\v 29 “አሳዉ፥ ኑ አዋ ዳዊታባ ታ ህንተዉ ጌሻዳ ኦዳና። ዳዊቲ ሀይቅድ ሞገትስ፤ እያ ዱፎይ ሀች ጋካናዉ ኑ ማታን ደኤስ። 
\v 30 ዳዊቲ ናበ ግድዳ ግሾ፥ ፆሳይ እያ ሼሻፐ እሱዋ እያ ካዎተ አራታ ቦላ ኡትሳናዉ እያዉ ጫቅዳ ጫቁዋ ኤሬስ።\x - \xo 2:30 \xo*\xt ማዝ 132:11፤ 2 ሳሜ 7:12-13.\xt*\x* 
\v 31 ሄሳ ግሾ፥ ክርስቶሳ ደንዱዋ ስን ፄልድ፥ ‘እያ ሸምፖይ ስኦለን አትቤና፤ እያ አሳተይካ ዎቅቤና’ ግድ ኦድስ።
\p
\v 32 “ፆሳይ፥ ሀ የሱሳ ሀይቆፐ ደንዳይሳስ ኑኒ ኡባይ ማርካ። 
\v 33 ሄሳ ግሾ፥ ፆሳይ ባራ ሃራና መላ ባፐ ኡሻቻ ባጋራ እያ ቁ ቁ ኦድ፥ እያዉ እማና ጌተትዳ ጌሻ አያና ኤክድ፥ ሀይሳ ህንተ ሀእ በኤይሳነ ስኤይሳ ኑ ቦላ ጉስስ። 
\v 34-35 ጋሶይካ፥ ዳዊቲ ባ ሁጰን ሳሎ ብቤና ሽን ያግስ።
\q1 “ጎዳይ፥ ታ ጎዳ፥ ‘ታኒ ነ ሞርከታ
\q2 ነ ቶሆይ የያሶ ኦና ጋካናዉ
\q2 ሀይሳን፥ ታፐ ኡሻቻ ባጋራ ኡታ’ ” ግስ።
\m ያግስ።\x - \xo 2:34-35 \xo*\xt ማዝ 110:1.\xt*\x*
\p
\v 36 “ሄሳ ግሾ፥ ሀ ህንተ ማስቃለ ቦላ ካቅዳ የሱሳ፥ ፆሳይ ጎዳነ ክርስቶሳ ኦዳይሳ እስራኤለ አሳ ኡባይ ቱማ ኤሮ” ያግስ።
\p
\v 37 አሳይ ጰፅሮስ ግዳይሳ ስእዳ ዎደ ባንታ ዎዛናን ቦሸትድ ጰፅሮሳነ ሀንኮ ሀዋረታኮ፥ “እሻቶ፥ ያትን ኑኒ አይ ኦኖ?” ያግዶሶና።
\p
\v 38 ጰፅሮስ ኤንታኮ፥ “ህንተ ናጋራይ አቶ ጌተታና መላ ናጋራፐ ስሚድ፥ ህንተ እሶይ እሶይ የሱስ ክርስቶሳ ሱንን ፃማቀትተ። ፆሳይ እምያ ጌሻ አያና ህንተ ኤካና። 
\v 39 ጋሶይካ ፆሳይ እማና ግዳ ኡፋይሳ ቃላይ ህንተዉ፥ ህንተ ናይታስነ ጎዳይ ኑ ፆሳይ ባኮ ፄግያ ሃሆን ደእያ ኡባሳ” ያግስ።
\p
\v 40 ጰፅሮስ ኤንታዉ ሀራ ቃላካ ጉጅ ማርካትድ፥ “ሀ ዎድያ ጌላ አሳ ቦላ ያናዉ ደእያ ፕርዳፈ ህንተ ሁጵያ አሽተ” ያግድ ዞርስ። 
\v 41 ጰፅሮስ ኦድዳይሳ ኤክዳይሳት ፃማቀትዶሶና። ሄ ጋላስ ሄ ሙኩሉ ግድያ አሳይ አማንዶሶና። 
\v 42 ኤንቲ ሀዋረታ ትምርትያን፥ እስፈተን፥ ኡይ ሙሳንነ ዎሳን ምኖሶና።
\p
\v 43 ሀዋረታ ኩሸን ዳሮ ኦራባይነ ማላት ኦሰትያ ግሾ አሳ ኡባይ ያይዶሶና። 
\v 44 አማንዳ ኡባይ እስፈ ደኦሶና፤ ባንታዉ ደእያባ ኡባ እስፈ ሻከቶሶና።\x - \xo 2:44 \xo*\xt ሀዋ 4:32-35.\xt*\x* 
\v 45 ኤንቲ ባንታዉ ደእያባ ባይዝድ ሚሽያ እሱዋስ እሱዋስ ኮሽዳ መላ ሻኮሶና። 
\v 46 ኡባ ጋላስ እስ ዎዛናን ግድድ ፆሳ ኬን ሺቆሶና። ባንታ ኬን እሶይ እሱዋ ፄግድ ኡፋይሳንነ አሽከ ዎዛናን ካ ሞሶና። 
\v 47 ፆሳ ጋላትሸ አሳ ኡባን ሳበትዶሶና። ጎዳይ አተይሳታ ጋላስ ጋላስ ኤንታ ቦላ ጉጄስ።
\c 3
\s1 ጉንዳ ኡራ
\p
\v 1 እስ ጋላስ ጰፅሮስነ ዮሃንስ ዎሳናዉ ኡዱፉን ሳተን ፆሳ ኬ ብዶሶና። 
\v 2 የለቶሶፐ ዶምድ ዎበ ግድዳ እስ አደይ ፆሳ ኬ ገልያ አሳፐ ሚሸ ዎሳና መላ ኡባ ጋላስ ሎኦ ጌተትያ ፆሳ ኬ ፐንገን ኤህድ ዎሶና። 
\v 3 ሄ ዎበ አደይ ጰፅሮስነ ዮሃንስ ፆሳ ኬ ገላና ሀንሽን በእድ ኤንታ ሚሸ ዎስስ።
\p
\v 4 ኤንትካ እያ ጫድ ፄልድ፥ “ኑኮ ሃ ፄላ” ያግዶሶና። 
\v 5 ዎበ አደይ ኤንታፈ አይኮ ኤካና ዳንን ኤንታኮ ፄልስ። 
\v 6 ሽን ጰፅሮስ እያኮ፥ “ታዉ ሚሸይ ባዋ፥ ሽን ታዉ ደእያባ ታኒ ነዉ እማና። ናዝረተ የሱስ ክርስቶሳ ሱንን ደንዳዳ ሄመታ” ያግስ።
\p
\v 7 ሄሳፈ ጉየ፥ ዎበ አድያስ ኡሻቻ ኩሽያ ኦይክድ ደንስ። ኤለስድ እያ ቶሆይነ ቅንጫፍለይ ምን አግስ። 
\v 8 አደይ ጉፕድ ደንድ ኤቅስ። ገደነ ሃ ሄመ ዶምስ። ሄመትሸ፥ ጉፕሸነ ፆሳ ጋላትሸ ኤንታራ እስፈ ፆሳ ኬ ገልስ።
\p
\v 9 እ ሄመትሽንነ ፆሳ ጋላትሽን አሳ ኡባይ እያ በእዶሶና። 
\v 10 በእዳ ኡባይ ሚሸ ዎሳናዉ ሎኦ ጌተትያ ፆሳ ኬ ፐንገን ኡትዳይስ፥ እያ ግድዳይሳ ኤርዶሶና፤ እ ሀንዳባ በእድ ማላለትዶሶና።
\s1 ጰፅሮሳ ሃሳያ
\p
\v 11 አደይ ጰፅሮሳፐነ ዮሃንሳፐ ዱፅከ ግድ ኦይክድ ደእሽን፥ አሳ ኡባይ ማላለትድ፥ ሶሎሞነ ባራንዳ ጌተትያ በሳን እስፈ ኤንታኮ ዎፅዶሶና። 
\v 12 ጰፅሮስ አሳ በእዳ ዎደ አሳኮ፥ “እስራኤለ አሳዉ፥ አይስ ሀይሳን ማላለተቲ? ዎይኮ አይስ ኑና ጫድ ፄለቲ? ኑኒ ኑ ዎልቃን ዎይኮ ኑ ፅሎተን ሀ አድያ ሄመዳባ ህንተዉ ዳኒ? 
\v 13 አብራሃመ፥ ይሳቃ፥ ያይቆባ ፆሳይ፥ ኑ አዋታ ፆሳይ፥ ባ ናኣ የሱሳ ቦንችስ። ሽን ህንተ ሀይቆስ አድ እምዳይሳ ጵላፆስ ብላናዉ ኮይንካ ህንተ እያ ስንን፥ ‘ኑኒ እያ ኤሮኮ’ ያግደታ።\x - \xo 3:13 \xo*\xt ከሳ 3:15.\xt*\x* 
\v 14 ህንተ ጌሻነ ፅሉዋ፥ ‘ኑኒ እያ ኤሮኮ’ ግድ፥ ሸምፖ ዎዳይሳ ህንተዉ ብላና መላ ጵላፆሳ ዎስደታ።\x - \xo 3:14 \xo*\xt ማቶ 27:15-23፤ ማር 15:6-14፤ ሉቃ 23:13-23፤ ዮሀ 19:12-15.\xt*\x* 
\v 15 ደኦ እመይሳ ህንተ ዎደታ፥ ሽን ፆሳይ ሀይቆፐ እያ ደንስ። ሄሳስ ኑኒ ማርካ። 
\v 16 ሀ ህንተ በኤይስነ ኤርያ አደይ፥ ፓፅድ ምንዳይ የሱሳ ሱንን አማንዳይሳና። ሀ ህንተ ኡባ ስንን እያ ሀይሳዳ ፓዳይ፥ እ የሱሳ አማንዳ ግሾሳ።
\p
\v 17 “ሀእካ ታ እሻቶ፥ ህንተካ ህንተና ካለይሳታዳ፥ ኤሮና ኦዳይሳ ታኒ ኤራይስ። 
\v 18 ሽን ፆሳይ በን ናበታ ኡባ ዶናን፥ ‘ክርስቶስ ዋየ ኤካናዉ በሴስ’ ያግዳይስ ሀይሳዳ ፖለታና መላ ኦስ። 
\v 19 ህዛ፥ ፆሳይ ህንተ ናጋራ አቶ ጋና መላ ጎዳኮ ስምተ። 
\v 20 ጎዳ ማታፐ ምን ዎደይ ህንተዉ ያና። ፆሳይ ክርስቶሳ ግዳና መላ ስንትድ ዶርዳ የሱሳ ህንተዉ የዳና። 
\v 21 ፆሳይ ባ ጌሻ ናበታ ዶናን በን ኦድዳይሳ መላ ኡባባይ ኦራፅያ ዎደይ ጋካናዉ የሱሲ ሳሎን ጋምአናዉ በሴስ። 
\v 22 ሙሰይ፥ ‘ጎዳ ፆሳይ ታና ደንዳይሳ መላ ህንተ ግዶፈ ህንተዉ ናበ ደንና። ህንተ እ ገይሳ ኡባ ስእተ።\x - \xo 3:22 \xo*\xt ዛረ 18:15፥ 18.\xt*\x* 
\v 23 ሄ ናበይ ኦደይሳ ስኦና አስ ኦንካ አሳ ግዶፈ ሻከትድ ዮ’ ያግስ።\x - \xo 3:23 \xo*\xt ዛረ 18:19.\xt*\x*
\p
\v 24 “ቃስ ሳሜላፐ ዶምድ ደእያ ናበት ኡባይ ሀ ዎድያባ ኦድዶሶና። 
\v 25 ህንተ ናበታ ናይታ፤ ቃስ ፆሳይ አብራሃመስ፥ ‘ሳአን ደእያ አሳ ኡባ ታኒ ነ ሼሻ ባጋራ አንጃና’ ያግድ ኑ አዋታስ ገልዳ ቃላ ላትያ ናይታ።\x - \xo 3:25 \xo*\xt መ 22:18.\xt*\x* 
\v 26 ፆሳይ ህንተና ኡባ ህንተ ኢታ ኦገፐ ዛሪድ አንጃና መላ ባ ናአ ደንድ ህንተዉ ኮይሮ የድስ” ያግስ።
\c 4
\s1 ጰፅሮስነ ዮሃንስ ሻንጎ ስንን
\p
\v 1 ጰፅሮስነ ዮሃንስ አሳስ ኦድሽን ካህነ ሀላቃት፥ ፆሳ ኬ ናገይሳታ ሀላቃይነ ሳዱቃወት ኤንታኮ ይዶሶና። 
\v 2 ኤንቲ የሱሲ ሀይቆፐ ደንዶይሳነ እያ ጋሶን ሀይቆፐ ደንዶይ ደኤይሳ አሳ ታማርስዳ ግሾ ይሎትዶሶና። 
\v 3 ሄሳ ግሾ፥ ኤንታ ኦይክድ ሳእ ኦማርስዳ ግሾ ዎንታና ጋካናዉ ቃሾ ኬ ገልስዶሶና። 
\v 4 ሽን ቃላ ስእዳይሳታፐ ዳሮት አማንዶሶና። አማንዳ አደ አሳ ታይቦይ እቻሹ ሙኩሉኮ ብስ።
\p
\v 5 ዎንተ ጋላስ ደርያ ሃረይሳት፥ ጭማትነ፥ ህገ አስታማረት የሩሳላመን ሺቅዶሶና። 
\v 6 ሄ አሳ ግዶን ካህነ ሀላቃይ ሃን፥ ቃያፍ፥ ዮሃንስ፥ እስክንድረይነ ካህነ ሀላቃ ሶ አሳት ኡባይ ደኦሶና። 
\v 7 ሀዋረታ ባንታ ስንን ኤስድ፥ “አይብ ዎልቃን ዎይኮ ኦደ ሱንን ሀይሳ ህንተ ኦደቲ?” ያግድ ኦይችዶሶና።
\p
\v 8 ሄ ዎደ ጰፅሮስ ጌሻ አያናን ኩምድ፥ “ደርያ ሃረይሳቶ፥ ጭማቶ፥ 
\v 9 ሀች ሀ ዎበ አድያስ ኦሰትዳ ሎኦ ኦሱዋስነ እ ዋንድ ፓፅዳኮ ህንተ ኑና ኦይችኮ፥ 
\v 10 ማስቃልያ ቦላ ህንተ ካቅን፥ ፆሳይ ሀይቆፐ ደንዳ ናዝረተ የሱስ ክርስቶሳ ሱንን ሀ አደይ ፓፅድ ህንተ ስንን ኤቅዳይስ ህንተዉነ እስራኤለ አሳ ኡባስ ኤረቶ።
\q1
\v 11 “ ‘ግምበይሳት ቦርድ እፅዳ ሹቻይ፥
\q2 ጎዳ ፃጱዋ ምንያ፥
\q2 ኡባፈ አያ ሹቹ ግድስ።
\q1 ሄ ሹቻይ የሱሳ።’\x - \xo 4:11 \xo*\xt ማዝ 118:22.\xt*\x*
\m
\v 12 ሄሳ ግሾ፥ አቶተ እያ ባጋራፐ አትሽን፥ ሀራ ኦደ ባጋራካ ባዋ። ኑኒ እያ ሱንን አታና መላ አሳ ኡባስ ፆሳይ ሳሎፐ ጋርሳን እምዳ ሀራ ሱን ባዋ” ያግስ።
\p
\v 13 ሺቅዳ አሳይ ጰፅሮስነ ዮሃንስ ምንዳ ምኖተ በእዳ ዎደ ኤንቲ ታማርቦና ጮ አስ ግድዳይሳ አኬክድ፥ ማላለትዶሶና፤ ኤንቲ የሱሳራ ደኤይሳ ኤርዶሶና። 
\v 14 ቃስ ፓፅዳ አደይ ጰፅሮሳራነ ዮሃንሳራ ኤቅዳይሳ አሳይ በእድ ግያባ ይዶሶና። 
\v 15 ሽን ጰፅሮሳነ ዮሃንሳ ካረ ከያና መላ ኦድ ባንታ ግዶን፥ 
\v 16 “ሀ አሳታ ኑ አይ ኦኖ? ኤንታ ኩሸን ኦሰትዳ ግታ ማላታይ የሩሳላመን ደእያ ኡባስ በንቴስ። ኑኒ ሄሳ ኤሮኮ ጋናዉ ዳንዳኦኮ። 
\v 17 ሽን ሀ ኦዳይ አሳ ግዶን ላለቶና መላ ህዛፐ ጉየ፥ ሀ አሳት የሱሳ ሱንን ኦደስካ ኦዶና መላ ምንድ ናግሳና” ያግድ ዞረትዶሶና።
\p
\v 18 ኤንታ ፄግድ፥ የሱሳ ሱንን ህዛፐ ኦዶና መላ ዎይኮ ታማርሶና መላ ኪትዶሶና። 
\v 19 ሽን ጰፅሮስነ ዮሃንስ ኤንታኮ ዛሪድ፥ “ፆሳስ ኪተታናይሳፈነ ህንተዉ ኪተታናይሳፈ ፆሳ ስንን አዉስ ሎኦኮ? አነ ህንተ ፕርድተ። 
\v 20 ኑኒ በእዳባነ ስእዳባ ኦዶና አጋናዉ ዳንዳኦኮ” ያግዶሶና።
\p
\v 21 ቢታ ጭማትነ ደርያ ሃረይሳት ካሰፐ ምን ናግስድ ኤንታ የድ አግዶሶና። አሳይ ሀንዳባስ ፆሳ ጋላትያ ግሾ ኤንታ ሴራናዉ ዳንዳእቦኮና። 
\v 22 ሄ ማላታን ሀርገፈ ፓፅዳ አድያስ ላይ ኦይታማፐ አስ።
\s1 አማንያ አሳ ዎሳ
\p
\v 23 ጰፅሮስነ ዮሃንስ ብርሸትድ ባንታ ዳቦታኮ ብድ፥ ካህነ ሀላቃትነ ጭማት ባንታኮ ግዳባ ኡባ ኤንታዉ ኦድዶሶና። 
\v 24 ኤንቲ ሄሳ ስእዳ ዎደ እስ ዎዛናን ግድድ ፆሳ ሀይሳዳ ያግድ ዎስዶሶና፦ “ኡባ ሃርያ ጎዳዉ፥ ሳሉዋ፥ ሳኣ፥ አባነ ኤንታ ግዶን ደእያ ኡባባ መዳይሶ፥\x - \xo 4:24 \xo*\xt ከሳ 20:11፤ ናህ 9:6፤ ማዝ 146:6.\xt*\x* 
\v 25 ኔኒ ነ አይልያ፥ ኑ አዋ ዳዊታ ዶናን ጌሻ አያናን፥
\q1 “ ‘ደረይ አይስ ይሎትዶና?
\q2 አሳይ አይስ ጮ ማቀትዶና?\x - \xo 4:25 \xo*\xt ማዝ 2:1-2.\xt*\x*
\q1
\v 26 ሳኣ ካዎትነ
\q2 ደርያ ሃረይሳት እስፈ ጎዳ ቦላነ
\q2 ክርስቶሳ ቦላ ደንድዶሶና’ ያጋዳሳ።
\p
\v 27 “ቱማካ፥ ሄሮዲስነ ጰንፀ ጵላፆስ አይሁደ ግዶና አሳራነ እስራኤለ አሳራ ነ ዶርዳ ነ ጌሻ ናኣ የሱሳ ቦላ ደንዳናዉ ሀ ካታማን ሺቅዶሶና።\x - \xo 4:27 \xo*\xt ማቶ 27:1-2፤ ማር 15:1፤ ሉቃ 23:1፥ 7-11፤ ዮሀ 18:28-29.\xt*\x* 
\v 28 ቃስ ኔኒ ነ ዎልቃንነ ነ ሸንያን ኦና ጋዳ ቆፓ ኡትዳባ ኡባ ፖልዶሶና። 
\v 29 ሀእካ ጎዳዉ፥ ኤንታ ማንደ በአ፤ ኑኒ ነ አይለት ነ ቃላ ኩመ ዎዛናን ኦዳና መላ ኑና ዳንዳእሳ። 
\v 30 ነ ጌሻ ናኣ የሱሳ ሱንን ሀርጋንቾታ ፓናዉ፥ ኦራባይነ ማላታት ኦሰታና መላ ነ ኩሽያ ምጫ” ግድ ዎስዶሶና።
\p
\v 31 ኤንቲ ፆሳ ዎስዳፐ ጉየ፥ ሄ ኤንቲ ሺቅዳ በሳይ ቃፅስ። ኤንታ ኡባን ጌሻ አያን ኩምን ፆሳ ቃላ ምኖተን ኦድዶሶና።
\s1 ኮይሮ አማንዳ አሳ እስፈተ
\p
\v 32 አማነይሳት ኡባይ ቆፋንነ ዎዛናን እስኖ ግድዶሶና። ኤንቲ ባንታዉ ደእያባ ታባ ጎናሽን እስፈ ሻከቶሶና።\x - \xo 4:32 \xo*\xt ሀዋ 2:44-45.\xt*\x* 
\v 33 ሀዋረት፥ ጎዳ የሱሲ ሀይቆፐ ደንድዳይሳ ግታ ዎልቃን ማርካቶሶና። ፆሳይ ኤንታ ኡባስ አ ኬሀተ ዳርስድ እሚስ። 
\v 34 ቢት ዎይኮ ኬ ደኤይሳት ኡባይ ባይዝ ኤክዳ ሚሽያ ኤህያ ግሾ፥ አማነይሳታ ግዶን መቶታንቾይ እሶይካ ባዋ። 
\v 35 ሚሸ ኤህድ ሀዋረታስ እሞሶና፤ ሄ ሚሽያ አሳስ ኮሽዳይሳዳ እሱዋስ እሱዋስ ሻክ ሻክ እሜስ።
\p
\v 36 ቆጵሮሳ ጌተትያ በሳን የለትዳ ዮሰፋ ጌተትያ ሌወ ሼሻፐ ግድዳ እሶይ ደኤስ። እያ ሱን ሀዋረት ባርናባሳ (ምን ናአ) ግዶሶና። 
\v 37 ባርናባስ ባዉ ደእያ ቢታ ባይዝድ ሚሽያ ኤህድ ሀዋረታስ እሚስ።
\c 5
\s1 ሀናንያነ ሳፕሂሮ
\p
\v 1 እስ ሀናንያ ጌተትያ አደይ ባ ማቸ ሳጵርራ ጋደ ባይዝስ። 
\v 2 ሄ ባይዝዳ ሚሽያፐ ባ ማችያ ኤርሽን ባጋ አሽድ፥ አትዳይሳ ኤህድ ሀዋረታስ እሚስ።
\p
\v 3 ሽን ጰፅሮስ ሀናንያኮ፥ “ኔኒ ጌሻ አያና ጭማና መላነ ጋድያ ባይዝዳ ሚሽያፐ ሻካዳ አሻና መላ ፃላሄይ ነ ዎዛናን አይስ ገልዴ? 
\v 4 ኔኒ ባይዛናፐ ካሰ ጋደይ ነባ ግደነዬ? ቃስ ኔኒ ባይዛ ስምንካ ሚሸይ ነባ ግደነዬ? ያትን፥ ሄሳ መላባ ኦናዉ አይስ ነ ዎዛናን ቆፓዲ? ኔኒ ፆሳ ቦላ ዎርዶታዳሳፐ አትሽን፥ አሳ ቦላ ዎርዶታባካ” ያግስ።
\p
\v 5 ሀናን ሄ ቃላ ስእዳ መላ ኩንድድ ሀይቅስ፤ ሄሳ ስእዳ ኡባይ ዳሮ ያይስ። 
\v 6 ናአተ አሳት ሶ ገልድ እያ አሀ ፃፅድ ኤፍድ ሞግዶሶና።
\p
\v 7 ሄ ሳተፐ ጉየ ሀናንያ ማችያ ሄሳ ኤሮና ደአሸ ጰፅሮስ ደእያሱዋ ገላሱ። 
\v 8 ጰፅሮስ ኢኮ፥ “ህንተ ጋድያ ሀይሳ መላ ሚሸስ ባይዝደቲ? አነ ታዉ ኦዳ” ያግስ።
\p እያካ፥ “ኤ፥ ሀይሳ መላ ሚሸስ ባይዝዳ” ያጋሱ።
\p
\v 9 ጰፅሮስ ማጫስዉ፥ “ኔራነ ነ አዝናራ ጎዳ አያና ፓጫናዉ አይስ ዞረትደቲ? ሄኮ፥ ነ አዝና ሞግዳ አሳት ካረን ደኦሶና፤ ነናካ ኤንቲ ካረ ከሳና” ያግስ።
\p
\v 10 ማጫስያ ኢራካ ጰፅሮሳ ቶሁዋ ማታን ኩንዳዳ ሀይቃ አጋሱ፤ ናአተት ገልያ ዎደ ሀይቅዳሮ ደምድ ካረ ከስድ፥ እ አዝና ማታን ሞግዶሶና። 
\v 11 ኩመ ዎሳ ኬይነ ሄሳ ስእዳ ሀራ አሳ ኡባይ ዳሮ ያይዶሶና።
\s1 ማላልስያባታነ ማላታታ
\p
\v 12 ሀዋረት ዳሮ ማላታታነ ኦራባታ አሳ ግዶን ኦሶና። አማንያ ኡባይ ሶሎሞነ ባራንዳን እስፈ ሺቆሶና። 
\v 13 ሀራ አሳፐ ኤንታራ ጋሄታናዉ እስ አስካ ምንቤና፥ ሽን አሳይ ኤንታ ቦንቼስ። 
\v 14 አማንያ አደታነ ማጫሳታ ታይቦይ ካሰይሳፈ ዳርሸ ብስ። 
\v 15 ሄሳ ግሾ፥ አሳይ ሀርጋንቾታ ሀላንነ አልጋን ቶክድ ጰፅሮስ አያ ዎደ እያ ኩያይ ኤንታፈ እሶታ እሶታ ቦላ ሸምፓና መላ ኦገ ዶናን ከስድ ዎሶና። 
\v 16 ቃስ ዳሮ አሳይ የሩሳላመ ማታን ደእያ ካታማታፐ ሀርጋንቾታነ ቱና አያን ዋይስያ አሳታ ኤክድ ዮሶና፤ ኡባይካ ፓፅዶሶና።
\s1 ሀዋረታ ቦላ ጎድ ደንድስ
\p
\v 17 ካህነ ሀላቃይነ እያራ ደእያ ሳዱቃወት ኡባይ ቃናተን ኩምድ ሀዋረታ ቦላ ደንድዶሶና። 
\v 18 ሀዋረታ ኦይክድ ደርያ ቃሾ ኬን የግዶሶና። 
\v 19 ሽን ጎዳ ኪታንቾይ ቃማ ቃሾ ኬ ፐንግያ ዶይድ ሀዋረታ ካረ ከስድ፥ 
\v 20 “ብድ፥ ፆሳ ኬን ኤቅድ ሀ ኦራ ደኦ ቃላ አሳ ኡባስ ኦድተ” ያግስ። 
\v 21 ሀዋረት ሄሳ ስእዳ ዎደ ዎንታ ጉራ ፆሳ ኬ ገልድ ታማርሶ ዶምዶሶና።
\p ካህነታ ሀላቃይነ እያራ ደኤይሳት ይድ፥ እስራኤለ ጭማታ ኡባ ፄግ ሺሽድ ሀዋረታ ባንታ ስን ኤሀና መላ ዎታዳረታ ቃሾ ኬ ኪትዶሶና። 
\v 22 ሽን ዎታዳረት ቃሾ ኬ ብድ ሀዋረታ ደምቦኮና። ጉየ ስም ይድ ደርያስ፥ 
\v 23 “ኑኒ ብያ ዎደ ቃሾ ኬ ፐንገይ ምን ጎርደትን፥ ናገይሳት ፐንገን ኤቅዳይሳታ ደምዳ። ሽን ኑኒ ካርያ ዶይያ ዎደ ግዶን ሀር አቶሽን እስ አስካ ባዋ” ያግዶሶና። 
\v 24 ሄሳ ግሾ፥ ፆሳ ኬ ዎታዳረታ ኪተይስነ ካህነ ሀላቃት ሄሳ ስእዳ ዎደ፥ “ሀዋረታ ቦላ አይብ ሀንዴ?” ያግድ ህርግዶሶና።
\p
\v 25 ሄ ዎደ እስ አደይ ኤንታኮ ይድ፥ “ሄኮ፥ ቃሾ ኬ ህንተ ገልስዳ አሳት ፆሳ ኬን ኤቅድ አሳ ታማርሶሶና” ያግድ ኤንታዉ ኦድስ። 
\v 26 ፆሳ ኬ ዎታዳረታ ኪተይስ ባ ዎታዳረታራ ብድ ሀዋረታ ኤህስ። ሽን ኤንቲ ባንታና አሳይ ሹቻን ጫዳና ግድ ያይዳ ግሾ ኤንታ አዳሽድ ኤህዶሶና።
\p
\v 27 ኤንቲ ሀዋረታ ኤህድ፥ ሺቅዳ ሻንጉዋ ስንን ኤስን ካህነ ሀላቃይ ኤንታኮ፥ 
\v 28 “ህንተና ኑኒ ሄ ኡራ ሱንን ታማርሶና መላ ምንድ ኪትቦኮ? ሄኮ፥ ህንተ ትምርትያ የሩሳላመ ካታማ ኡባ ጋደታ። ሄ ኡራ ሸምፑዋስ ኑና ኦይናዉ ቆፔቲ?” ያግድ ኦይችስ።\x - \xo 5:28 \xo*\xt ማቶ 27:25.\xt*\x*
\p
\v 29 ጰፅሮሳራነ ሀንኮ ሀዋረታራ ኤንታዉ ዛርሸ፥ “ኑኒ አሳስ ኪተታናፐ ፆሳስ ኪተታናዉ በሴስ። 
\v 30 ማስቃልያ ቦላ ህንተ ካቅድ ዎዳ የሱሳ፥ ኑ አዋታ ፆሳይ ሀይቆፐ ደንስ። 
\v 31 እስራኤለት ናጋራፐ ስማና መላነ ኤንታ ናጋራይ አቶ ጌተታና መላ ፆሳይ የሱሳ ሃረይሳነ አሸይሳ ኦድ ቦንቾን ባፐ ኡሻቻ ባጋን ኡትስስ። 
\v 32 ሄሳስ ኑኒ ማርካ፤ ቃስ ፆሳይ ባና አማነይሳታስ እምዳ ጌሻ አያናይካ ማርካ” ያግዶሶና።
\p
\v 33 ሺቅዳ አሳይ ሄሳ ስእዳ ዎደ ዳሮ ይሎትድ፥ ሀዋረታ ዎናዉ ቆፕዶሶና። 
\v 34 ሽን አሳ ኡባን ዳሮ ቦንቸትዳ ጋማልያለ ጌተተይስ፥ እስ ህገ አስታማረይነ ፋርሳወይ ደንድ ኤቅድ ሀዋረታ ጉ ዎደስ ካረ ከሳና መላ ኪትስ። 
\v 35 ሄሳፈ ጉየ፥ ሺቅዳ አሳኮ፥ “እስራኤለ አሳዉ፥ ሀ አሳታ ቦላ ህንተ ኦናዉ ቆፕያባፐ ናገትተ። 
\v 36 አይስ ጊኮ፥ ሀይሳፈ ካሰ ተዎዳስ ባና፥ ‘ታኒ ግታ’ ግድ ደንድን፥ ኦይዱ ፄቱ ግድያ አሳት እያራ እስፍዶሶና። ሽን እያ ዎን እያ ካልዳ ኡባይ ላለትን ፓና አስ ግድድ አትዶሶና። 
\v 37 ሄሳፈ ጉየ፥ አሳይ ታይበትያ ዎደ ጋልላ ይሁድ ደንድድ ዳሮ አሳ ፓንጋይድ ካለስ፥ ሽን እያካ ዎን እያ ካልዳ አሳ ኡባይ ላለትስ። 
\v 38 ሀእካ ታ ህንተዉ ኦዳይስ፤ ሀ አሳታፐ ሻከትተ፤ ኤንታ ቦቾፍተ። አይስ ጊኮ፥ ሀ ቆፋነ ሀ ኦሱዋ አስ ኦያባ ግድኮ ያና። 
\v 39 ሽን ሀ ቆፋይነ ሀ ኦሶይ ፆሳፈ ይዳባ ግድኮ፥ ህንተ ኤንታ ይሳናዉ ዳንዳኤከታ። ሄሳዳ ሀንሸ ህንተ ፆሳራ ካጨታና” ያግድ ኦድስ። ሄሳ ግሾ፥ ሺቅዳ አሳይ ጋማልያለ ዞርያ ኤክዶሶና።
\p
\v 40 ሀዋረታ ሶ ፄግድ ልሶን ጋራፍስስ። ሄሳፈ ጉየ፥ ኤንታኮ፥ “የሱሳ ሱን ናምአን ደንፍተ” ግድ ብርሽድ የድዶሶና። 
\v 41 የሱሳ ሱን ግሾ፥ ኤንቲ ካዉያናይስ በሲያባ ግደይሳ ኤርዳ ግሾ ሻንጉዋ ስንፈ ኡፋይትሸ ከይዶሶና። 
\v 42 ኤንቲ ኡባ ጋላስ ፆሳ ኬንነ አሳ ሶን የሱሲ እ ክርስቶሳ ግደይሳ ታማርሶነ ሳባኮ አግቦኮና።
\c 6
\s1 ላፑን አሳታ ዶረተ
\p
\v 1 ሄ ዎደ ካለይሳታ ታይቦይ ዳር ዳርድ ብሽን፥ ግርከ ዶና ኦደትያ አይሁደት ይሁዳን የለትድ ደእያ አይሁደታ ቦላ ዙዙምዶሶና። አይስ ጊኮ፥ ግርከ ዶና ኦደትያ አይሁደት፥ “ጋላስ ጋላስ እመትያ ካን ኑ አምኤት ናቀቶሶና” ያግዶሶና። 
\v 2 ታማነ ናምኡ ሀዋረት ዎሳ ኬ አሳ ኡባ ፄግድ፥ “ኑኒ ፆሳ ቃላ ኦደይሳ አግድ ካ ግሻናዉ በሰና። 
\v 3 ህዛ፥ እሻቶ፥ ሎኦ አሳታ፥ ጌሻ አያናንነ ጭንጫተን ኩምዳ ላፑን አሳታ ህንተ ግዶፈ ዶርተ፤ ኑኒ ኤንታ ሀ ኦሱዋስ ሹማና። 
\v 4 ሽን ኑኒ፥ ኑ ኩመ ዎድያ ዎሳንነ ቃላ ታማርሶን ፔሻና” ያግዶሶና።
\p
\v 5 ሀዋረት ኦድዳ ኦዳይ አሳ ኡባ ኡፋይስስ። ሄሳ ግሾ፥ አማኖይነ ጌሻ አያን ኩምዳ እስፅፋኖሰ፥ ፍልጶሳ፥ ጵሮኮሮሳ፥ ንቃሮና፥ ፅሞና፥ ጳርመናነ አይሁደ አማኖ ገል ስምዳ አንፆከ አድያ ንቆላዎሳ ዶርዶሶና። 
\v 6 ኤንታ ሀዋረታ ስንን ኤስን፥ ሀዋረት ኤንታ ቦላ ኩሸ ዎድ ዎስዶሶና።
\p
\v 7 ፆሳ ቃላይ ዳልግ ዳልግ ብስ። የሩሳላመን ደእያ አማነይሳታ ታይቦይ ዳር ዳርድ ብስ፤ ዳሮ ካህነትካ አማንዶሶና።
\s1 እስፅፋኖሰይ ኦይከትስ
\p
\v 8 እስፅፋኖሰይ አ ኬሀተንነ ዎልቃን ኩምድ አሳ ግዶን ኦራባታነ ማላታታ ኦስ። 
\v 9 አይለተፈ ከይዳ አይሁደ ዎሳ ኬ አሳይ ቀሬናፐነ እስክንድረፐ ክልቀፈነ ኢሰፐ ይዳ እስ እስ አሳት ደንድድ እስፅፋኖሰራ ፓላምዶሶና። 
\v 10 ሽን እስፅፋኖሰይ አያና ዎልቃን ኦደትያ ጭንጫተ ኤንቲ ኤቀታናዉ ዳንዳእቦኮና።
\p
\v 11 ሄ ዎደ ኤንቲ፥ “ሙሰነ ፆሳ እ ጫይሽን ስእዳ” ግያ ዎርዶ አሳታ ሻምዶሶና። 
\v 12 ሄሳዳ ኦድ ቢታ ጭማታነ ህገ አስታማረታ እያ ቦላ ደንዶሶና። እስፅፋኖሰ ኦይክድ ሻንጉዋ ስን ኤፍዶሶና። 
\v 13 እያ ቦላ ፓይድዳ ዎርዶ ማርካት፥ “ሀ ኡራይ ሀ ፆሳ ኬነ ሙሰ ህግያ ዛር ዛር ጫዬስ። 
\v 14 እ፥ ‘ሀይስ ናዝረተ የሱሲ፥ ሀ ፆሳ ኬ ላላና፤ ቃስ ሙሰይ ኑስ እምዳ ህግያ ላማና’ ያግሽን ኑኒ ስእዳ” ያግዶሶና።
\p
\v 15 ሻንጎ ሺቆን ኡትዳ አሳ ኡባይ እስፅፋኖሰ ሎይድ ፄልያ ዎደ እያ ሶምኦይ ኪታንቾ ሶምኦ ዳኔስ።
\c 7
\s1 እስፅፋኖሰ ሃሳያ
\p
\v 1 ካህነታ ሀላቃይ እስፅፋኖሰኮ፥ “ሀይስ ቱሜ?” ያግድ ኦይችስ።
\p
\v 2 እስፅፋኖሰይ፥ “ታ እሻቶ፥ ታ አዋቶ፥ ስእተ! ኑ አዋ አብራሃመይ ካራነን ዳናዉ ባናፐ ስን ማሰጰፆመን ደእሽን፥ ቦንቾ ፆሳይ እያዉ ቆንጭድ፥\x - \xo 7:2 \xo*\xt መ 12:1.\xt*\x* 
\v 3 ‘ነ ቢታፈነ ነ ዳቦታፐ ሻከታዳ ታኒ ነና በሲያ ቢታ ባ’ ያግስ። 
\v 4 ሄ ዎደ አብራሃመይ ካልዳወታ ቢታፈ ከይድ ካራነን ዳናዉ ብስ። እያ አዋይ ሀይቅዳፐ ጉየ ፆሳይ እያ ሀ ቢታ ሀእ ህንተ ደእያ በሳ ኤህስ።\x - \xo 7:4 \xo*\xt መ 11:31፤ 12:4.\xt*\x* 
\v 5 እ ሀ ቢታፈ ሀር አቶሽን ቶሆይ የያ በስካ አብራሃመስ እምቤና። ሽን ናእ እያዉ ባይና ዎደ ፆሳይ ሀ ቢታ እያዉነ እያ ሼሻስ ላታ ኦድ እማናይሳ ቃላ ገልስ።\x - \xo 7:5 \xo*\xt መ 12:7፤ 13:15፤ 15:18፤ 17:8.\xt*\x* 
\v 6 ፆሳይ አብራሃመኮ፥ ‘ነ ሼሻይ ሀራ ቢታን እማተን ዳና፤ ያን ኦይዱ ፄቱ ላይ ኤንቲ አይለተን ሃረታና።\x - \xo 7:6 \xo*\xt መ 15:13-14.\xt*\x* 
\v 7 ሽን ታኒ ነ ሼሻ ሃርያ ካዎተታ ፕርዳና። ሄሳፈ ጉየ፥ ኤንቲ ሄ ቢታፈ ከይድ ሀይሳን ታዉ ጎይናና’ ያግስ።\x - \xo 7:7 \xo*\xt ከሳ 3:12.\xt*\x* 
\v 8 ፆሳይ አብራሃመ ሼሻይ ቃፃረታና መላ እያራ ጫቅን፥ ይሳቅ የለትዳ ሆስፑን ጋላሳን ቃፃርስ። ይሳቅ ያይቆባ ቃፃርስ፤ ቃስ ያይቆብ ታማነ ናምኡ ባ ናይታ፥ ኑ አዋታ ማይዛታ ቃፃርስ።\x - \xo 7:8 \xo*\xt መ 17:10-14፤ 21:2-4፤ 25:26፤ 29:31-35.\xt*\x*
\p
\v 9 “ያይቆባ ናይት ዮሰፋ ቃናትድ ግብፀ ቢታን አይለተስ ባይዝዶሶና፥ ሽን ፆሳይ እያራ ደኤስ።\x - \xo 7:9 \xo*\xt መ 37:11፥ 28፤ 39:2፥ 21.\xt*\x* 
\v 10 እያ፥ እያ ዋየ ኡባፈ ከስስ። ግብፀ ካዋ ስንን ሳባነ ጭንጫተ እያዉ እሚስ። ግብፀ ካዎይ ዮሰፋስ ግብፀ ቢታነ ባ ጋዋ ኡባ አይሳናዳ አዋተ እሚስ።\x - \xo 7:10 \xo*\xt መ 41:39-41.\xt*\x*
\p
\v 11 “ግብፀ ቢታንነ ካናነ ቢታን ኡባን ኮሽ ገልድ ዳሮ አሳ ኡንኤስ። ሄ ዎደ ኑ ማይዛት ካ ደማናዉ ዳንዳእቦኮና።\x - \xo 7:11 \xo*\xt መ 42:1-2.\xt*\x* 
\v 12 ያይቆብ ግብፀ ቢታን ካ ደኤይሳ ስእድ ኑ አዋታ ኮይሮ ያ የድስ። 
\v 13 ናምአን ቡሳን ዮሰፍ ባ እሻታስ ባናተ ኤርስስ። ግብፀ ካዎይካ ዮሰፋ ሶ አሳ ኤርስ።\x - \xo 7:13 \xo*\xt መ 45:1፥ 16.\xt*\x* 
\v 14 ዮሰፍ ባ አዋ ያይቆባነ ባ ሶ አሳ ኡባ፥ ላፑን ታማነ እቻሹ አሳ ባኮ ያና መላ ኪትድ ኤህስስ።\x - \xo 7:14 \xo*\xt መ 45:9-10፥ 17-18፤ 46:27.\xt*\x* 
\v 15 ያይቆብ ግብፀ ቢታ ዎስ፤ እነ እያ ናይት ያን ሀይቅዶሶና።\x - \xo 7:15 \xo*\xt መ 46:1-7፤ 49:33.\xt*\x* 
\v 16 ኤንታ አሀይ ሄ በሳፈ ሴከማ ቢታ ቶከትድ ብድ፥ ያን አብራሃመይ ሀሞረ ናይታፐ ዳሮ ብራን ሻምዳ ዱፎን ሞገትስ።\x - \xo 7:16 \xo*\xt መ 23:3-16፤ 33:19፤ 50:7-13.\xt*\x*
\p
\v 17 “ሽን ፆሳይ አብራሃመስ እማና ግዳይሳ ፖልያ ዎደይ ጋካናዉ ማትዳ ዎደ ግብፀ ቢታን ደእያ ኑ አሳይ ዳር ዳር ብስ።\x - \xo 7:17 \xo*\xt ከሳ 1:7-8.\xt*\x* 
\v 18 ሄሳፈ ጉየ፥ ዮሰፋ ኤሮና ሀራ ካዎይ ግብፀ ቢታን ካዎትስ። 
\v 19 ሄ ካዎይ ኑ ኮቻ ገንድ ጉ ናይት ሀይቃና መላ ኤንታ ካረ ከስ የጋና መላ ኑ አዋታ ኡንኤስ።\x - \xo 7:19 \xo*\xt ከሳ 1:10-11፥ 22.\xt*\x*
\p
\v 20 “ሄ ዎደ ሙሰይ የለትስ፤ እ ፆሳ ስንን ዳሮ ሎኦ ናአ። ባ አዋ ኬን ሄ አጌና ጋካናዉ ድጭስ።\x - \xo 7:20 \xo*\xt ከሳ 2:2.\xt*\x* 
\v 21 ሙሰይ ዎራ ሆለትዳ ዎደ ግብፀ ካዋ ናእያ ደማ ኤካዳ ባ ናአ ኦዳ እያ ድቻሱ።\x - \xo 7:21 \xo*\xt ከሳ 2:3-10.\xt*\x* 
\v 22 ሙሰይ ግብፀታ ጭንጫተ ኡባ ታማርድ ኦዳንነ ኦሶን ምኖ አስ ግድስ።
\p
\v 23 “ሙሰስ ላይ ኦይታማ ኩምዳ ዎደ ባ እሻታ፥ እስራኤለታ በአናዉ ባ ዎዛናን ቆፕስ።\x - \xo 7:23 \xo*\xt ከሳ 2:11-15.\xt*\x* 
\v 24 እስራኤለታፐ እሱዋ ግብፀ እሶይ ቆህሽን በእድ ሄ እስራኤለ ኡራ ማድድ፥ ሄ ቆህዳ ግብፀ ኡራ ዎድ ኩሸ ዛርስ። 
\v 25 ሙሰይ ባ እሻታ ባ ባጋራ ፆሳይ አሻናዉ ሀነይሳ ኤንቲ አኬካና ግድ ቆፕስ፥ ሽን ኤንቲ አኬክቦኮና።
\p
\v 26 “ዎንተ ጋላስ ናምኡ እስራኤለ አሳት እሶይ እሱዋራ ዋትሽን ደምድ ኤንታ ስገናዉ ኮይድ፥ ‘አሳዉ፥ ህንተ እሻንታ፤ አይስ እሶይ እሱዋ ቆሄቲ?’ ያግስ።
\p
\v 27 “ሽን ባ ላግያ ቆሄይስ ሙሰኮ፥ ‘ነና ኑ ቦላ ሃረይሳነ ዳይና ኦዳይ ኦኔ? 
\v 28 ኔኒ ዝነ ግብፀ ኡራ ዎዳይሳዳ ታናካ ዎናዉ ኮያይ?’ ያግድ ሙሰ ሱግ የድስ። 
\v 29 ሙሰይ ሄሳ ስእዳ ዎደ ግብፀፈ በትድ ምድያመ ቢታን በተ አስ ግድድ ደእሸ ናምኡ አደ ናይታ የልስ።\x - \xo 7:29 \xo*\xt ከሳ 18:3-4.\xt*\x*
\p
\v 30 “ጎዳ ኪታንቾይ ኦይታሙ ላይፈ ጉየ፥ ሲና ዙማ ማታን ደእያ ባዞ ቱሽያ ግዶን ኤፅያ ታማ ላጮ ግዶን ሙሰስ በንትስ።\x - \xo 7:30 \xo*\xt ከሳ 3:1-10.\xt*\x* 
\v 31 ሙሰይ ባ በእዳይሳን ማላለትድ፥ ሎይ በአናዉ ቱሽያ ማት ሺቅድ ደእሽን፥ ጎዳ ቃላይ፥ 
\v 32 ‘ታኒ ነ አዋታ፥ አብራሃመ ፆሳ፥ ይሳቃ ፆሳ፥ ያይቆባ ፆሳ’ ያግሸ ሙሰኮ ይስ። ሙሰይ ያሻን ኮኮርድ ፄላናዉ ዳንዳእቤና።
\p
\v 33 “ጎዳይ ሙሰኮ፥ ‘ኔኒ ኤቅዳ ቢታይ ጌሽ ግድያ ግሾ ነ ቶሁዋን ደእያ ጫማ ከሳ። 
\v 34 ታኒ ግብፀን ደእያ ታ አሳ ኡንኤተ በአስ። ኤንታ ዋሱዋ ስአዳ ኤንታ አሻናዉ ዎስ። ሀእ ሃያ! ታኒ ነና ግብፀ ኪታና’ ያግስ።
\p
\v 35 “እስራኤለት ሙሰ፥ ‘ነና ኑ ቦላ ሃረይሳነ ዳይና ኦዳይ ኦኔ?’ ያግድ እፅዳይሳ ቱሽያ ግዶን እያዉ በንትዳ ኪታንቹዋ ባጋራ ሃረይሳነ አሸይሳ ኦድ ፆሳይ ኪትስ።\x - \xo 7:35 \xo*\xt ከሳ 2:14.\xt*\x* 
\v 36 ሄ ሙሰይ እስራኤለታ ግብፀፈ ከስድ ማላልስያባታነ ኦራባታ ግብፀ ቢታንነ ዞኦ አባን ኦድ ኤንታ ኦይታሙ ላይ መላ ቢታን ካለስ።\x - \xo 7:36 \xo*\xt ከሳ 7:5፤ 14:21፤ ታይቦ 14:33.\xt*\x*
\p
\v 37 “እስራኤለ አሳኮ፥ ‘ፆሳይ ታና ደንዳይሳዳ ህንተ ሼሻ ግዶፈ ታ መላ ናበ ህንተዉ ደንና’ ያግዳይ ሄ ሙሰ።\x - \xo 7:37 \xo*\xt ዛረ 18:15፥ 18.\xt*\x* 
\v 38 መላ ቢታን ሺቅዳ እስራኤለ አሳራ ደእዳይስ፥ ኑ አዋታራነ ሲና ዙማ ቦላ እያዉ ኦድዳ ኪታንቹዋራ ደእዳ ሙሰይ እያ። ያትድ፥ ፆሳ ደኦ ቃላ ኑስ እማናዉ ኤክስ።\x - \xo 7:38 \xo*\xt ከሳ 19:1—20:17፤ ዛረ 5:1-33.\xt*\x*
\p
\v 39 “ሽን ኑ ማይዛት ሙሰስ ኪተታናዉ ዶስቦኮና፤ እያ እፅድ ጉየ ግብፀ ስማናዉ አሞትዶሶና። 
\v 40 ቃስ አሮናኮ፥ ‘ኑና ካለያ ፆሳታ ኑስ ኦ። አይስ ጊኮ፥ ሀይስ ኑና ግብፀፈ ኤህዳ ሙሰይ፥ ዋንዳኮ ኑኒ ኤሮኮ’ ያግዶሶና።\x - \xo 7:40 \xo*\xt ከሳ 32:1.\xt*\x* 
\v 41 ሄ ዎደ ማር ዳንስድ ኤቃ ኦዶሶና። ሄ ኤቃስ ያርሾ ያርሽድ ባንታ ኩሸን ኦዳ ኦሱዋን ኡፋይትዶሶና።\x - \xo 7:41 \xo*\xt ከሳ 32:2-6.\xt*\x* 
\v 42 ሽን ፆሳይ ኤንታዉ ዞኮ ዛርስ። ኤንቲ ሳሉዋ ፆልንቶታስ ጎይናና መላ ኤንታ የግ አግስ። ናበታ ማፃፋን፥
\q1 “ ‘እስራኤለ አሳቶ ኦይታሙ ላይ ኩመ
\q2 መላ ቢታን ሹክዳ መህያነ
\q2 ያርሽዳ ያርሹዋ ታዉ ያርሽደቲ?\x - \xo 7:42 \xo*\xt አሞ 5:25-27.\xt*\x*
\q1
\v 43 ህንተ፥ ህንተዉ ጎይናናዉ ከስዳ ኤቃነ ሞሎካ ዱንካንያ
\q2 ራፋና ጌተትያ ህንተ ፆሳ ፆልንቶ ምስልያ ቶክደታ።
\q1 ታኒ ህንተና ባብሎነፐ
\q2 ህን ባጋ የዳና’ ጌተትድ ፃፈትስ።
\p
\v 44 “ኑ አዋታስ መላ ቢታን ማርካ ዱንካነይ ደኤስ። እያካ ፆሳይ ሙሰ ኪትዳይሳዳነ እያ በስዳይሳዳ ኦስ።\x - \xo 7:44 \xo*\xt ከሳ 25:9፥ 40.\xt*\x* 
\v 45 ቃስ ኑ አዋት ሄ ዱንካንያ ባንታ አዋታፐ ኤክድ ፆሳይ ካሰ ጎድዳ አይሁደ ግዶና አሳ ቢታ ኦይክዳ ዎደ እያሱራ ያ ኤክድ ገልዶሶና። ሄ ዱንካነይ ዳዊታ ዎደ ጋካናዉካ ሄ በሳን ደእስ።\x - \xo 7:45 \xo*\xt እያ 3:14-17.\xt*\x* 
\v 46 ዳዊቲ ፆሳን ሳበትስ። ቃስ ያይቆባ ጎዳይ ደአና ኬ ኬፃናዉ ፆሳ ዎስስ።\x - \xo 7:46 \xo*\xt 2 ሳሜ 7:1-16፤ 1 ታር 17:1-14.\xt*\x* 
\v 47 ሽን እያዉ ኬ ኬፅዳይ ሶሎሞነ።\x - \xo 7:47 \xo*\xt 1 ካዎ 6:1-38፤ 2 ታር 3:1-17.\xt*\x*
\p
\v 48 “ሀኖሽን፥ ኡባፈ ቦላ ፆሳይ አስ ኬፅዳ ኬን ዴና። ናበይ ግዳይሳ መላ፥
\q1
\v 49 “ ‘ሳሎይ ታ አራታ፥
\q2 ሳእካ ታ ቶሆይ የያሶ።
\q1 ያትን፥ ታዉ ህንተ አይ መላ ኬ ኬፃኔ?
\q2 ዎይኮ ታኒ ሸምፕያ በሲ አዉኔ?\x - \xo 7:49 \xo*\xt እሳ 66:1-2.\xt*\x* 
\v 50 ሀ ኡባ ታ ኩሸን ኦብክና?’ ያጌስ ጎዳይ።
\p
\v 51 “ህንተ ዋንዳ ስኦና አሴ? ህንተ ዎዛናይ ፆሳ ቃላ ኤካናዉ አይስ እፅዴ? ህንተ ሀይይ አይስ ቱልዴ? ህንተ፥ ህንተ አዋታ ኡባ ዎደ ጌሻ አያናራ ኤቀተታ።\x - \xo 7:51 \xo*\xt እሳ 63:10.\xt*\x* 
\v 52 ናበታ ግዶፈ ህንተ አዋት ጎዶናይ ኦኔ? ፆሳ ናአይ፥ ፅሎይ ያናይሳ ካሰትድ ኦድዳይሳታ ዎዶሶና። ሀእ ህንተ እያ አ እምድ ዎደታ። 
\v 53 ህንተ ኪታንቹዋ ኩሸፐ ፆሳ ህግያ ኤክደታ፥ ሽን ኪተትበከታ” ያግስ።
\s1 እስፅፋኖሰ ሹቻን ጫደተ
\p
\v 54 ኤንቲ ሄሳ ስእዳ ዎደ ባንታ ዎዛናን እስፅፋኖሰ ቦላ ዳሮ ይሎትድ፥ ባንታ መተርሻ ሳፅድ ማንድዶሶና። 
\v 55 ሽን እስፅፋኖሰይ ጌሻ አያናን ኩምድ፥ ሳሎ ፑደ ፄልድ፥ ፆሳ ቦንቹዋነ የሱሳ፥ ፆሳ ኡሻቻ ባጋን ኤቅዳይሳ በእስ። 
\v 56 “ሄኮ፥ ታኒ ሳሎይ ዶየትን፥ አሳ ናአይ፥ ፆሳ ኡሻቻ ባጋን ኤቅዳይሳ በአይስ” ያግስ።
\p
\v 57 ቃላ ቁ ኦድ ዋስሸ፥ ባንታ ሀይ ኦይክድ እስፈ እያኮ ዎፅዶሶና 
\v 58 እያ ካታማፐ ጋፃ ከስድ፥ ሹቻን ጫድዶሶና። ማርካት ባንታ ማኡዋ እስ ሳኦላ ጌተትያ ናአተ ማታን ዎዶሶና።
\p
\v 59 እስፅፋኖሰይ፥ “ታ ጎዳ የሱሳ፥ ታ ሸምፑዋ ኤካ” ያግድ ፄግሽን ኤንቲ እያ ሹቻን ጫዶሶና። 
\v 60 ጉልባትድ፥ ባ ቃላ ቁ ኦድ፥ “ታ ጎዳዉ፥ ሀ ናጋራ ኤንታዉ አቶ ጋ” ያግስ። ሄሳ ያግድ ስምዳ መላ ሀይቅ አግስ።
\c 8
\s1 ሳኦል አማንያ አሳ ጎዳ
\p
\v 1 ሳኦል እስፅፋኖሰ ሀይቁዋን ኡፋይትስ። ሄ ጋላስ የሩሳላመን ደእያ ዎሳ ኬን ግታ ጎድ ደንድስ። ሀዋረት አትሽን፥ አማነይሳት ኡባይ ይሁዳ ቢታንነ ሳማረ ቢታን ላለትዶሶና። 
\v 2 እስ እስ ፆሳ አሳት እስፅፋኖሰ ሞግዶሶና፤ ቃስ እያዉ ዳሮ ዬክዶሶና። 
\v 3 ሽን ሳኦል ዎሳ ኬ ይሳናዉ ኮዬስ። ሶ ሶ ዩይ ገልድ፥ አማንያ አደታነ ማጫሳታ ጎች ጎች ከስድ ቃሾ ኬ ገልሴስ።\x - \xo 8:3 \xo*\xt ሀዋ 22:4-5፤ 26:9-11.\xt*\x*
\s1 ዎንገል ሳማረ ገልስ
\p
\v 4 ላለትዳ አማነይሳት ብዳ በሳ ኡባን ቃላ ኦድዶሶና። 
\v 5 ፍልጶስ ሳማረ ካታማ ብድ ክርስቶሳባ አሳስ ኦድስ። 
\v 6 ዳሮ አሳይ ፍልጶስ ኦድዳይሳ ስእዳ ዎደነ እ ኦያ ማላታታ በእዳ ዎደ እያ አኬክድ ስእዶሶና። 
\v 7 ቱና አያናት ዋስድ ዳሮ አሳፐ ከይዶሶና፤ ቃስ ዳሮ ጉንዳትነ ዎበት ብለትዶሶና። 
\v 8 ሄ ካታማን ደእያ አሳይ ዳሮ ኡፋይትዶሶና።
\p
\v 9 ሽን ስሞና ጌተትያ እስ ኡራይ ሄ ካታማን ደኤስ። እ፥ “ባና ግታ” ግድ ሳማረ አሳ ማሮተን ማላልስሸ ጋምእስ። 
\v 10 ጉፈ ግታ ጋካናዉ ደእያ አሳ ኡባይ፥ “ግታ ፆሳ ዎልቃይ ሀይሳ” ግድ እያባ ስኦሶና። 
\v 11 ዳሮ ዎደፐ ዶምድ ማሮትሸ ሳማረ አሳ ማላልስዳ ግሾ አሳይ እያባ ስኦሶና። 
\v 12 ሽን ፍልጶስ ፆሳ ካዎተባነ የሱስ ክርስቶሳ ሱንባ አደታስነ ማጫታስ ኦድን፥ ኤንቲ እያባ አማንድ ፃማቀትዶሶና። 
\v 13 ቃስ ስሞንካ ባ ሁጰን አማንድ ፃማቀትስ። ፍልጶሳራ እስፈ ብዳ በሳ ኡባን ኦሰትያ ግታ ማላታታ በእድ ማላለትስ።
\p
\v 14 የሩሳላመን ደእያ ሀዋረት ሳማረ አሳይ ፆሳ ቃላ ኤክዳይሳ ስእዳ ዎደ ጰፅሮሳነ ዮሃንሳ ኤንታኮ የድዶሶና። 
\v 15 ጰፅሮስነ ዮሃንስ ብድ፥ አማነይሳት ጌሻ አያና ኤካና መላ ኤንታዉ ፆሳ ዎስዶሶና። 
\v 16 አይስ ጊኮ፥ ሳማረ አሳት ጎዳ የሱሳ ሱን ፃላላን ፃማቀትዶሶናፐ አትሽን፥ ኤንታፈ እሱዋ ቦላካ ጌሻ አያናይ ዎቤና። 
\v 17 ሄ ዎደ ጰፅሮስነ ዮሃንስ ባንታ ኩሸ ኤንታ ቦላ ዎን፥ ኤንቲ ጌሻ አያና ኤክዶሶና።
\p
\v 18 ሀዋረት ባንታ ኩሸ ኤንታ ቦላ ዎን፥ ኤንታዉ ጌሻ አያናይ እመትዳይሳ ስሞን በእዳ ዎደ ጰፅሮሳስነ ዮሃንሳስ ሚሸ ኤህድ፥ 
\v 19 “ታንካ ታ ኩሸ ዎያ ኡባይ ጌሻ አያና ኤካና መላ ሀ ማታ ታዉ እመርከት” ያግስ።
\p
\v 20 ሽን ጰፅሮስ እያኮ፥ “ኔኒ ፆሳ እሞታ ሚሸን ሻማናዉ ቆፕዳ ግሾ ነ ሚሸይ ኔራ ዮ። 
\v 21 ነ ዎዛናይ ፆሳ ስንን ሱረ ግዶና ግሾ፥ ነዉ ሀይሳን ግሾይ ዎይኮ ቃድ ባዋ። 
\v 22 ህዛ፥ ሀ ነ ዎዛና ኢታተ ግሾ ናጋራፐ ስማ። ነ ዎዛናን ደእያ ኢታ ቆፋ ፆሳይ አቶ ጋና መላ ፆሳ ዎሳ። 
\v 23 ጋሶይካ፥ ኔኒ ኢታ ቃናተንነ ናጋራ ቃሾን ደኤይሳ ታኒ በአይስ” ያግስ።
\p
\v 24 ስሞን ዛሪድ፥ “ህንተ ግዳይሳፈ እሶይካ ታና ጋኮና መላ ታዉ ፆሳ ዎስተ” ያግስ።
\p
\v 25 ጰፅሮስነ ዮሃንስ ማርካትዳፐነ ጎዳ ቃላ ኦድዳፐ ጉየ የሩሳላመ ስምዶሶና። ሳማረን ደእያ ዳሮ ጉታታን ዎንገላ ኦድዶሶና።
\s1 ፍልጶሳነ ቶጰ ሞርና
\p
\v 26 ጎዳ ኪታንቾይ ፍልጶሳኮ፥ “ደንዳዳ የሩሳላመፐ ጋዛ ኤፍያ መላ ቢታ ኦግያኮ ባ። ሄ ኦገይ ዱገሀ ባጋራ ደኤስ” ያግስ። 
\v 27 ፍልጶስ ደንድድ ብስ። ህንደከ ጌተትያ ቶጰ ካዌስ እ ሚሸ ኡባ ናግያ ቶጰ አስ ደኤስ። እካ ጎይናናዉ የሩሳላመ ብስ። 
\v 28 ፓራ ጋረን ኡትድ፥ የሩሳላመፐ ባ ቢታ ስምሸ ናብያ እሳያሳ ማፃፋ ናባቤስ።
\p
\v 29 ጌሻ አያናይ ፍልጶሳኮ፥ “ሄ ጋርያኮ ባዳ እያ ማት ሺቃ” ያግስ።
\p
\v 30 ያትን ፍልጶስ ዎፅ ብድ ጋክያ ዎደ ሞርናይ ናብያ እሳያሳ ማፃፋፐ ናባብሽን ስእድ፥ “ነ ናባበይስ ነዉ ገሊ?” ያግስ።
\p
\v 31 ሞርናይ፥ “ታዉ ኦድ ገልስያ አስ ባይና ዋንድ ገላኔ?” ያግስ። ባራ ጋርያን ከይድ ኡታና መላ ፍልጶሳ ዎስስ። 
\v 32 ሞርናይ ናባብያ ማፃፋ ክፍለይ፥\x - \xo 8:32 \xo*\xt እሳ 53:7-8.\xt*\x*
\q1 “እ ዶርሳዳ ሹከታናዉ ላገትስ፤
\q2 ዶርሳ ማር ባ እክስያ ሜደይሳታ ስንን ስእ ገይሳዳ፥
\q2 እካ ባ ዶና ዶይቤና።
\q1
\v 33 እ ካዉይስ፤ እያዉ ፅሎ ፕርድ ይስ፤
\q2 እያ ደኦይ ሀ ሳአፐ ቃንፀትዳ ግሾ፥
\q2 እያ ሼሻባ ኦነ ኦዳናይ?” ያጌስ።
\p
\v 34 ሞርናይ ዛሪድ ፍልጶሳኮ፥ “ናበይ ኦደባ ኦዲ? ባባ ኦድየ ዎይኮ ሀራ አሳባ ኦዲ? ታዉ ኦዳርኪ” ያግስ። 
\v 35 ፍልጶስ፥ ፆሳ ቃላ ሄ በሳፈ ዶምድ፥ የሱሳባ ኦድያ ዎንገላ እያዉ ኦድስ።
\p
\v 36 ኤንቲ ብሸ ሃ ደእያሶ ጋክዶሶና። ሞርናይ፥ “ሃ ሀይሳ በአ፤ ታ ፃማቀቶና መላ አይበ ድገይ?” ያግስ።
\p
\v 37 ፍልጶስ እያኮ፥ “ኔኒ ነ ኩመ ዎዛናፐ አማንኮ ዳንዳኣሳ” ያግስ።
\p እ ዛሪድ፥ “የሱስ ክርስቶሲ ፆሳ ናኣ ግደይሳ ታኒ አማናይስ” ያግስ።
\p
\v 38 ጋረይ ኤቃና መላ ሞርናይ ኪትን፥ ናምአይ ዎድ ሃን ገልዶሶና፤ ፍልጶስ እያ ፃማቅስ። 
\v 39 ኤንቲ ሃፈ ጋፃ ከይዳ ዎደ ጎዳ አያናይ ፍልጶሳ ቆፖና ኤክስ። ናምአን ሞርናይ ፍልጶሳ በእቤና፥ ሽን ባ ኦግያ ኡፋይትሸ ብስ። 
\v 40 ፍልጶስ አዛፆናን ባና ደምስ። ቃስ ቅሳረ ያና ጋካናዉ ካታማታን ዩይድ ዎንገላ ማርካትስ።
\c 9
\s1 ሳኦል ክርስቶሳ አማንስ
\r (ሀዋ 22:6-16፤ 26:12-18)
\p
\v 1 ሄ ዎደ ሳኦል ጎዳ ካለይሳታ ዎናዉ ማንድድ ካህነ ሀላቃኮ ብስ። 
\v 2 ጎዳ ኦግያ ካልያ አደነ ማጫ ደምኮ፥ ቃችሸ የሩሳላመ ኤሀናዉ፥ ዳማስቆን ደእያ አይሁደ ዎሳ ኬታስ ዳብዳበ ባዉ ፃፋና መላ ዎስስ።
\p
\v 3 እ ብድ፥ ዳማስቆ ካታማ ጋካናዉ ማትሽን፥ ቆፖና ሳሎፐ ዎልቃማ ፖኦይ እያ ዩሾን ፖእስ። 
\v 4 እ ሳአን ኩንድዳሽን፥ “ሳኦላ፥ ሳኦላ፥ አይስ ታና ጎዳይ?” ግያ ቃላ ስእስ።
\p
\v 5 ሳኦል፥ “ጎዳዉ፥ ኔኒ ኦኔ?” ያግድ ኦይችስ።
\p “ታኒ፥ ኔኒ ጎድያ የሱሳ” ያግስ።
\p
\v 6 ሽን ሳኦል ኮኮርሸነ ማላለትሸ፥ “ጎዳዉ፥ ታኒ አይ ኦና መላ ኮያይ?” ያግስ።
\p ጎዳይ እያኮ፥ “ደንዳዳ ካታማ ገላ፤ ኔኒ ኦናዉ በሲያባይ ያን ነዉ ኦደታና” ያግስ።
\p
\v 7 ሳኦላራ ኦገ ብያ አሳት አይኮካ ኦደቶና ኤቅ አትዶሶና። ቃላ ስኦሶና፥ ሽን ኦናካ በእቦኮና። 
\v 8 ሳኦል ኩንድዳ በሳፈ ደንድድ ፄልያ ዎደ እያ አይፈይ ደሞና እፅስ። ሄሳ ግሾ፥ ኤንቲ እያ ኩሽያ ኦይክድ ካለድ ዳማስቆ ገልስዶሶና። 
\v 9 ሄ ጋላስ ጋካናዉ እ ፄላናዉ ዳንዳእቤና፤ አይኮካ ምቤና፤ ኡይቤና።
\p
\v 10 ዳማስቆን እስ ሀናንያ ጌተትያ የሱሳ ታማረይ ደኤስ። ጎዳይ ቆንጨን፥ “ሀናንያ” ያግድ ፄግስ።
\p ሀናን ዛሪድ፥ “ታ ጎዳዉ፥ ሀይሳን ደአይስ” ያግስ።
\p
\v 11 ጎዳይ እያኮ፥ “ደንዳዳ ሱረ ጌተትያ ኦግያ ባዳ፥ ይሁዳ ሶን ሳኦላ ጌተትያ ታርሰሳፐ ይዳ ኡራ ኮያ፤ ሳኦል ዎሴስ። 
\v 12 ቃስ ሀናንያ ጌተትያ አደይ ገልድ፥ ሳኦል ናምአን ፄላና መላ ባ ኩሽያ እያ ቦላ ዎሽን ቆንጨን በእስ” ያግስ።
\p
\v 13 ሀናን ዛሪድ፥ “ጎዳዉ፥ የሩሳላመን ነ ጌሻ አሳ ቦላ ሄ ኡራይ አይ መላ ኢታባ ኦዳኮ ታኒ ዳሮ አሳፐ ስአስ። 
\v 14 ቃስ ዳማስቆን ነ ሱን ፄገይሳታ ኡባ ቃቻናዉ፥ ካህነ ሀላቃት እያዉ ማታ እምዶሶና” ያግስ።
\p
\v 15 ሽን ጎዳይ እያኮ፥ “ሳኦል አይሁደ ግዶና አሳ ስንን፥ ካዎታ ስንንነ እስራኤለ አሳ ስንን፥ ታ ሱን ኤርሳናዉነ ታዉ ኦናዉ ዶረትዳ ሚሸ ግድያ ግሾ ኔኒ እያኮ ባ። 
\v 16 አይስ ጊኮ፥ ታ ሱን ግሾ፥ እ አይ መላ ዋየ ኤካናዉ በሲያኮ ታኒ እያ በሳና” ያግስ።
\p
\v 17 ሀናን ብድ፥ ሶ ገልድ፥ ባ ኩሽያ ሳኦላ ቦላ ዎድ፥ “ታ እሻ ሳኦላ፥ ኔኒ ያ ኦግያን ነዉ በንትዳ የሱሲ፥ ኔኒ ፄላና መላነ ጌሻ አያናን ኩማና መላ ጎዳይ ታና ኪትስ” ያግስ። 
\v 18 ኤለስድ፥ ሳኦላ አይፈፐ እስ ፖቆ መላባይ ዎን፥ ሳኦል ናምአን ፄልስ። ቃስ ደንድድ ፃማቀትስ። 
\v 19 ካ ምድ ፃልድ፥ ዳማስቆን ደእያ አማነይሳታራ ጉ ጋላስ ጋምእስ።
\p
\v 20 ኤለስድ ሳኦል፥ “የሱሲ ፆሳ ናአ” ያግድ ዳማስቆን ደእያ አይሁደ ዎሳ ኬታን ቃላ ታማርስስ።
\p
\v 21 ሄሳ ስእዳ ኡባይ ማላለትድ፥ “ሀይስ የሩሳላመን የሱሳ ሱን ፄገይሳታ ቃቸይሳ ግደነዬ? ቃስ ሃ ይዳይ ኤንታ ቃችድ፥ ካህነ ሀላቃታ ስን ኤፋናሳ ግደኔ?” ያግዶሶና።
\p
\v 22 ሽን ሳኦል ቃላ ኦዶን ምን ምንድ ብስ። የሱሲ፥ እ ክርስቶሳ ግደይሳ ቆንጭስድ ኦድዳ ግሾ ዳማስቆን ደእያ አይሁደት እያዉ ዛርያባ ይዶሶና።
\p
\v 23 ዳሮ ጋላሳፐ ጉየ፥ አይሁደት ሺቅድ፥ ሳኦላ ዎናዉ ዞረትዶሶና።\x - \xo 9:23 \xo*\xt 2 ቆሮ 11:32-33.\xt*\x* 
\v 24 ሽን አይሁደት ባና ዎናዉ ቆፕዳይሳ ሳኦል ስእስ። ኤንቲ እያ ዎናዉ ቃማነ ጋላስ ካታማ ፐንገን ናጎሶና። 
\v 25 ሽን እያ ታማረት እያ ቃማ ኤፍድ፥ ግምበ ድርሳ ማስኮተራ ዳቾራ ዎስዶሶና።
\p
\v 26 ሳኦል የሩሳላመ ጋክዳ ዎደ አማነይሳታራ ጋሄታናዉ ኮይስ። ሽን እ ክርስቶሳ አማንዳይስ ኤንታዉ ቱማ ዳኖና እፅን እያዉ ያይዶሶና። 
\v 27 ሽን ባርናባስ ሳኦላ ሀዋረታኮ ኤፍስ። ኦገን ጎዳይ ዋንድ ቆንጭዳኮነ ኦድስዳኮ፥ ቃስ ሳኦል ዳማስቆን የሱሳ ሱንን ያዮና ዋትድ ቃላ ኦድዳኮ ኤንታዉ ጌሽድ ኦድስ። 
\v 28 ሳኦል የሩሳላመን ዩይድ ጎዳ ሱንን ያዮና ቃላ ኦድሸ፥ ሀዋረታራ እስፈ ደእስ። 
\v 29 ቃስ ሳኦል ግርከ ዶናን ሃሳያ አይሁደታራ ኦደትሸ ፓላሜስ። ሽን ኤንቲ እያ ዎናዉ ኮይዶሶና። 
\v 30 አማንያ አሳት ሄሳ ስእድ፥ ሳኦል ቅሳረ ኤፍድ ታርሰሳ የድዶሶና።
\p
\v 31 ይሁዳን፥ ጋልላንነ ሳማረ ኡባን ደእያ ዎሳ ኬት ሳሮተን ደእዶሶና። ቃስ ምንዶሶና፤ ጎዳስ ያይሸ ጌሻ አያና ምንን ዳር ዳርድ ብዶሶና።
\s1 ጰፅሮስ ሊደንነ ዮጰን
\p
\v 32 ጰፅሮስ ቢታ ኡባ ዩይሸ ሊዳን ደእያ አማንያ አሳታኮ ጋክስ። 
\v 33 ያን ሆስፑን ላይ ኩመ ጉንድድ አርሳን ዝንእድ ደእያ ኤንያ ጌተትያ አድያ ደምስ። 
\v 34 ጰፅሮስ፥ “ኤንያ፥ የሱስ ክርስቶሲ ነና ፓና፤ ደንዳዳ ነ ሂፃ ደን” ያግስ። እካ ኤለስድ ደንድ ኤቅስ። 
\v 35 ሊዳንነ ሳሮናን ደእያ አሳ ኡባይ ኤንያ በእድ፥ ጎዳኮ ስምዶሶና።
\p
\v 36 ዮጰ ካታማን እስ ፃብቶ ጌተትያ አማንያራ ደአዉሱ። እ ሱንይ አራምከ ዶናን፥ “ፃብቶ”፤ ግርከ ዶናን፥ “ዶርቃ”፤ ሄ ናምኡ ሱን ብርሸይ “ገንኤ” ጉሱ። እያ ባ ደእዳ ዎደ ኡባን ሎኦባ ኦሸነ ማንቆታ ማዳሸ ደአሱ። 
\v 37 ሄ ዎደ እያ ሀርጋዳ ሀይቅን፥ አሳይ እ አሀ ሜጭድ፥ ፖቀ ቦላ ከስድ ዝንእስዶሶና። 
\v 38 ሊደይ ዮጰስ ማታ። አማነይሳት ጰፅሮስ ሊዳን ደኤይሳ ስእድ፥ “ሀያና ኑኮ ኤለሳዳ ያ” ያግድ ናምኡ አሳታ እያኮ ኪትዶሶና።
\p
\v 39 ሄሳ ግሾ፥ ጰፅሮስ ደንድድ፥ ኤንታራ ብስ። ያ ጋክን፥ ፖቀ ቦላ ደእያ ክፍለ እያ ገልስዶሶና። አምኤት ጰፅሮሳ ዩሾን ኤቅድ ዬክሸ ዶርቃ ኤንታራ ፓፃ ደአሸ ኦዳ ቃምሰታነ አፍላታ ኡባ ጰፅሮሳ በስዶሶና። 
\v 40 ጰፅሮስ ኤንታ ኡባ ካረ ከስድ፥ ጉልባትድ ዎስስ። ቃስ አሃኮ ስሚድ፥ “ፃብተ፥ ደንዳ” ያግስ። ፃብታ ባ አይፍያ ዶያዳ ጰፅሮሳ በአዳ፥ ደንዳ ኡታሱ። 
\v 41 ጰፅሮስ እዮ ባ ኩሸን ማድድ ደንድ ኤስስ። ሄሳፈ ጉየ፥ አማነይሳታነ አምኤታ ፄግድ፥ ደንድዳሮ ኤንታ ስን ሺሽስ።
\p
\v 42 ሀ ኦዳይ፥ ዮጰ ካታማ ኡባ ጋክስ፤ ዳሮ አሳይ ጎዳ አማንዶሶና። 
\v 43 ጰፅሮስ ዮጰን ስሞና ጌተትያ ጋልባ ሃሸይሳ ሶን ዳሮ ጋላስ ጋምእስ።
\c 10
\s1 ጰፅሮሳነ ቆርነልዮሳ
\p
\v 1 ቅሳረን፥ “ፃለ ኦላ አሳታ” ጌተትያ ኦላንቾታ ግዶን እስ ቆርነልዮሳ ጌተትያ ማቶ ሀላቃይ ደኤስ። 
\v 2 ቆርነልዮስ ባ ሶ አሳራ ፆሳ ምን አማንያ አስነ ፆሳ ጎይንያ አስ። አይሁደ ማንቆታካ ዳሮ ማዴስ፥ ቃስ ፆሳ ኡባ ዎደ ዎሴስ። 
\v 3 እስ ጋላስ ኡዱፉን ሳተ ሄራን ፆሳ ኪታንቾይ እያኮ ይድ፥ “ቆርነልዮሳ” ግድ ፄግሽን እ ቆንጨን ጌሽድ በእስ።
\p
\v 4 ቆርነልዮስ ዳጋምድ ኪታንቹዋ ትሽ ኦ ፄልድ፥ “ጎዳዉ፥ እ አይቤ?” ያግስ።
\p ኪታንቾይ ዛሪድ፥ “ነ ዎሳይነ ማንቆታ ነ ማደይስ ፆሳ ስንን ሀሳየትስ። 
\v 5 ሀእ ዮጰ አሰ ኪታዳ፥ ጰፅሮሳ ጌተትያ ስሞና ኤህሳ። 
\v 6 ጰፅሮስ አባ ዶናን ጋልባ ሃሽያ ስሞና ሶን እማተ ሲራትስ” ያግስ።
\p
\v 7 ቆርነልዮስ ባዉ ኦድዳ ኪታንቾይ ብን፥ ባ አይለታፐ ናምአታነ ፆሳ ጎይንያ ባ ማታ ዎታዳረታፐ እሱዋ ፄግድ፥ 
\v 8 ኤንታዉ ኡባባ ኦድድ ዮጰ ኪትስ።
\p
\v 9 ዎንተ ጋላስ ኤንቲ ብድ፥ ዮጰ ካታማ ማትሽን ኡሱፑን ሳተ ሄራን ፆሳ ዎሳናዉ ጰፅሮስ ፖቀ ቦላ ከይስ። 
\v 10 እ ኮሻትድ ካ ማናዉ ኮይስ፥ ሽን ካ ካፅሽን እ ቆንጨ በእስ። 
\v 11 ሳሎይ ዶየትን፥ ግታ አፍላ ዳንያባይ ኦይዱ ባጋራ ኦይከትድ ዎሽን እ በእስ። 
\v 12 እያን ኦይዱ ቶሆራ ደእያ መሄት፥ ዎራ ዶአት፥ ኡሎራ ጎሸትያ መተትነ ሳሎ ካፎት ኡባይ ደኤስ። 
\v 13 ሄ ዎደ፥ “ጰፅሮሳ፥ ደንዳ ኤቃዳ ሹካዳ ማ” ግያ ቃላይ እያኮ ይስ።
\p
\v 14 ሽን ጰፅሮስ፥ “ጎዳዉ፥ አካይ! ታ ቱናባ ኡባራካ ማ ኤርከ” ያግስ።
\p
\v 15 ቃስ፥ “ፆሳይ ጌሽዳይሳ ኔኒ ቱና ጎፓ” ግያ ቃላይ ናምአን እያኮ ይስ። 
\v 16 ሄስካ፥ ሄ ቶሆ ሀንዳፐ ጉየ ሄ ግታ አፍላ ዳነይስ ኤለስድ ፑደ ሳሎ ኤከትስ።
\p
\v 17 ጰፅሮስ ባ በእዳ ቆንጨ ብርሸይ፥ “አይ ግዳንደሻ?” ግድ ባ ዎዛናን ቆፕሽን፥ ቆርነልዮስ ኪትዳ አሳት ስሞና ሶ ኦይች ደምድ ካረን ኤቅዶሶና። 
\v 18 ባንታ ቃላ ቁ ኦድ፥ “ጰፅሮሳ ጌተትያ ስሞና ጌተትያ እማይ ሀይሳን ደኢ?” ያግድ ኦይችዶሶና።
\p
\v 19 ጰፅሮስ ቆንጨን በእዳባ ቆፋ ቦላ ደእሽን፥ ጌሻ አያናይ እያኮ፥ “ሄኮ፥ ሄ አሳት ነና ኮዮሶና። 
\v 20 ደንዳዳ ዎ፥ ታኒ ኤንታ ኪትዳ ግሾ ስና ኤንታራ ባ” ያግስ።
\p
\v 21 ጰፅሮስ አሳታኮ ዎድ፥ “ህንተ ኮየይ ታና፤ አይስ ይደቲ?” ያግስ።
\p
\v 22 ኤንቲ ዛሪድ፥ “ኑና ማቶ ሀላቃይ ቆርነልዮስ ኪትስ። እ ፅሎ፥ ፆሳ ጎይንያ አስነ አይሁደ አሳ ኡባን ዳሮ ቦንቸትዳ አስ። ቆርነልዮስ፥ ነና ባ ሶ ኤህስድ ቃላ ኔፐ ስአና መላ ጌሻ ኪታንቾይ እያዉ ኦድስ” ያግዶሶና። 
\v 23 ጰፅሮስ አሳታ ሶ ገልስድ ሞክስ።
\p ዎንተ ጋላስ፥ ደንድድ ኤንታራ ብስ። ዮጰ ካታማን ደእያ አማነይሳታፐ እሶት እሶት እያራ እስፈ ብዶሶና። 
\v 24 ዎንተ ጋላስ፥ ቅሳረ ጋክዶሶና። ቆርነልዮስ ባ ዳቦታነ ባ ማታ ላገታ እስፈ ፄግ ሺሽድ፥ ጰፅሮሳ ናጌስ። 
\v 25 ጰፅሮስ ሶ ገላና ሀንሽን፥ ቆርነልዮስ እያራ ጋሄትድ እያ ስንን ኩንድድ እያዉ ጎይናናዉ ኮይስ። 
\v 26 ሽን ጰፅሮስ፥ “ደንዳ፥ ታካ ታ ሁጰን ነ መላ አሰ” ያግድ እያ ደንስ።
\p
\v 27 ጰፅሮስ ቆርነልዮሳራ ኦደትሸ ሶ ገልያ ዎደ ዳሮ አሳይ ሺቅዳይሳ ደምስ። 
\v 28 እ አሳኮ፥ “አይሁደ አስ ሀራ ደረራ እስፋናዉ ዎይኮ ጋሄታናዉ ዎጋ ግዶናይሳ ህንተ ኤሬታ። ሽን ታኒ ኦናካ ቱና ዎይኮ ጌሽ ግደና ጎና መላ ፆሳይ ታና በስስ። 
\v 29 ሄሳ ግሾ፥ ህንተ ታኮ ኪትን እፆይ ባይና ያስ። ሀእ ታና አይስ ፄግስዳኮ ታዉ ኦድተ” ያግስ።
\p
\v 30 ቆርነልዮስ፥ “ታኒ ሀች ኦይዱ ጋላሳፐ ካሰ ሀኖደ ኡዱፉን ሳተ ዎሳ ዎስሽን፥ ጶልያ ማኦ ማእዳ አስ ታ ስንን ኤቅስ። 
\v 31 እ ታኮ፥ ‘ቆርነልዮሳ፥ ፆሳይ ነ ዎሳ ስእስ፥ ኔኒ ማንቆታ ማድዳይሳካ ሀሳይስ። 
\v 32 ህዛ፥ አሰ ዮጰ ኪታዳ፥ ስሞን ጰፅሮሳ ገይሳ ፄግሳ። ስሞን ጰፅሮስ ስሞና ጌተትያ ጋልባ ሃሽያ ኡራ ሶን አባ ዶናን ሲራትስ’ ያግስ። 
\v 33 ሄሳ ግሾ፥ ታኒ ኔኮ ኤለሳዳ ኪታስ፤ ነ ሎኦ ያዳሳ። ህዛ፥ ፆሳይ ነና ኪትዳባ ኡባ ስአናዉ ሀእ ኑኒ ኡባይ ሀይሳን ጎዳ ስንን ደኦስ” ያግስ።
\s1 ጰፅሮሳ ሃሳያ
\p
\v 34 ካልድካ፥ ጰፅሮስ፥ “ፆሳይ አሳ ሶምኦ በእድ አሰ አሳፐ ሻከና።\x - \xo 10:34 \xo*\xt ዛረ 10:17.\xt*\x* 
\v 35 ሽን አሰ ኡባ ኦና ግድኮካ ባዉ ያየይሳነ ፅሎ ኦሶ ኦይሳን ፆሳይ ኡፋይተይሳ ታኒ ቱማ አኬካስ። 
\v 36 ፆሳይ፥ ኡባ ጎዳ ግድዳ የሱስ ክርስቶሳ ባጋራ ሳሮተ ኦድሸ ሀ ዎንገላ እስራኤለ አሳስ ኪትዳይሳ ህንተ ኤሬታ። 
\v 37 ዮሃንስ ፅንቃተባ ጋልላን ሳባክዳ ዎድያፐ ዶምድ ይሁዳ ቢታ ኡባ ጋካናዉ ሀንዳባ ህንተ ኤሬታ። 
\v 38 ፆሳይ ናዝረተ የሱሳስ ጌሻ አያናነ ዎልቃ እሚስ። ፆሳይ እያራ ደእያ ግሾ ሎኦባ እ ኦሸ ፃላሄ ኩሸን ሃረትዳ ኡባ ፓሸ ዩይስ።
\p
\v 39 “አይሁደ ቢታንነ የሩሳላመን እ ኦዳ ኡባባስ ኑኒ ማርካታ። ኤንቲ ማስቃልያ ቦላ ካቅድ እያ ዎዶሶና። 
\v 40 ሽን ፆሳይ ሄን ጋላሳን ሀይቆፐ እያ ደንድ አሳስ ቆንጫና መላ ኦስ። 
\v 41 ሄ ቆንጨይ ፆሳይ ኮይሮ ዶርዳ ማርካታሳፈ አትሽን፥ አሳ ኡባሳ ግደና። እ ሀይቆፐ ደንድዳፐ ጉየ እያራ ምዳነ ኡይዳ። 
\v 42 ፆሳይ ዎንገላ አሳስ ኑኒ ኦዳና መላነ ፓፃ ደኤይሳታ ቦላነ ሀይቅዳይሳታ ቦላ ፕርዳናዉ ሹመትዳይ የሱሳ ግደይሳ ማርካታና መላ ኑና ኪትስ። 
\v 43 ፆሳይ እያ አማንያ ኡባ ናጋራይ፥ እያ ሱንን አቶ ጌተተይሳ ናበት ማርካቶሶና” ያግስ።
\p
\v 44 ጰፅሮስ ቡሮ ሄ ኦዳ ኦንጎናሽን ቃላ ስእያ ኡባ ቦላ ጌሻ አያናይ ዎስ። 
\v 45 ጰፅሮሳራ ዮጰፈ ይዳ አማንያ ቃፃረትዳ አይሁደ ኡባይ፥ አይሁደ ግዶናይሳት ቦላ ጌሻ አያናይ ጉክዳ ግሾ ማላለትዶሶና። 
\v 46 ጋሶይካ፥ ኤንቲ ዱማ ዱማ ዶናን ኦደትሽንነ ፆሳ ግታተ ሳቢሽን ስእዶሶና።
\p ሄ ዎደ ጰፅሮስ ዛሪድ፥ 
\v 47 “ሀይሳቲ ቃስ ኑ መላ ጌሻ አያና ኤክዳይሳት ፃማቀቶና መላ ሃ ድጋናይ ኦኔ?” ያግስ። 
\v 48 ኤንቲ የሱስ ክርስቶሳ ሱንን ፃማቀታና መላ ኤንታ ኪትስ። ሄሳፈ ጉየ፥ ኤንቲ ባንታራ ጉ ጋላስ ኡታና መላ ጰፅሮሳ ዎስዶሶና።
\c 11
\s1 ጰፅሮስ ባ ኦዳ ኦሱዋ ኦድስ
\p
\v 1 ሀዋረትነ ይሁዳ ኡባን ደእያ አማነይሳት፥ አይሁደ ግዶናይሳትካ ፆሳ ቃላ ኤክዳይሳ ስእዶሶና። 
\v 2 ጰፅሮስ የሩሳላመ ብዳ ዎደ ቃፃረትዳ አማነይሳት፥ 
\v 3 እያኮ፥ “ኔኒ ቃፃረትቦናይሳታኮ ገላዳ ኤንታራ ካ አይስ ማዲ?” ያግዶሶና።
\p
\v 4 ሽን ጰፅሮስ ሀንዳባ ኮይሮፐ ዶምድ ማራን ማራን ኦድስ፦ 
\v 5 “ታኒ ዮጰ ካታማን ፆሳ ዎሳሸ ቆንጨ በአስ። ግታ አፍላ ዳንያባይ ኦይዱ ባጋራ ኦይከትድ ሳሎፐ ዎሸ ታኮ ይስ። 
\v 6 ታኒ ትሽ ኦ እያ ግዶ ፄልያ ዎደ ኦይዱ ቶሆራ ደእያ መሄታ፥ ዎራ ዶአታ፥ ኡሎራ ጎሸትያ መተታነ ሳሎ ካፎታ በአስ። 
\v 7 ‘ጰፅሮሳ፥ ደንዳ፥ ሹካዳ ማ’ ግያ ቃላ ስአስ።
\p
\v 8 “ሽን ታኒ፥ ‘ጎዳዉ፥ አካይ፥ ቱናባይ ዎይኮ ጌዮናባይ ኡባካ ታ ዶናኮ ሺቅ ኤረና’ ያጋስ።
\p
\v 9 “ ‘ፆሳይ ጌሽዳይሳ ኔኒ ቱና ጎፓ’ ግያ ቃላይ ናምአን ሳሎፐ ይስ።
\p
\v 10 “ሄስ ሄ ቶሆ ሀንን፥ ዉርሰን ኡባባይ ሳሎ ፑደ ኤከትስ። 
\v 11 ሄ ሳተንካ ሄ አሳት ቅሳረፐ ታኮ ኪተትድ ታኒ ደእያ ኬ ጋክ አግዶሶና። 
\v 12 ስና ኤንታራ ባና መላ አያናይ ታዉ ኦድስ። ቃስ ሀ ኡሱፑን እሻት ዮጰፈ ታራ ቅሳረ ብዳይሳታራ ቆርነልዮሳ ሶ ገልዳ። 
\v 13 ኪታንቾይ እያ ሶን ኤቅድ፥ ‘ዮጰ ኪታዳ ጰፅሮሳ ጌተትያ ስሞና ፄግሳ። 
\v 14 ነናነ ነ ሶ አሳ ኡባ አሽያ ቃላ እ ነዉ ኦዳና’ ግዳይሳ ቆርነልዮስ ኑስ ኦድስ።
\p
\v 15 “ታኒ ሃሳያ ዶምያ ዎደ ጌሻ አያናይ ኮይሮ ኑ ቦላ ዎዳይሳዳ ኤንታ ቦላካ ዎ አግስ። 
\v 16 ሄ ዎደ፥ ‘ዮሃንስ ሃን ፃማቅስ፥ ሽን ህንተ ጌሻ አያናን ፃማቀታና’ ያግዳ ጎዳ ቃላይ ታዉ ቆፈትስ።\x - \xo 11:16 \xo*\xt ሀዋ 1:5.\xt*\x* 
\v 17 ፆሳይ ኑስ ጎዳ የሱስ ክርስቶሳ አማንዳይሳታስ እምዳ እሞታ አይሁደ ግዶናይሳታስካ እምኮ፥ ያትን ፆሳ ድጋናዉ ታኒ ኦኔ?” ያግስ።
\p
\v 18 ኤንቲ ሄሳ ስእዳ ዎደ ባንታ ፓላማ አግድ፥ “ያትን፥ ፆሳይ አይሁደ ግዶናይሳትካ ናጋራፐ ስሚድ ደኦን ዳናዳ ቃዳ እሚስ” ያግድ ፆሳ ጋላትዶሶና።
\s1 አንፆከ ዎሳ ኬ
\p
\v 19 እስፅፋኖሰ ሀይቆስ ጋዳ ጎዳ ጋሶን ላለትዳ አማነይሳት ቃላ አይሁደታ ፃላላስ ኦድሸ ስሮፍንቀ፥ ቆጵሮሳነ አንፆከ ጋካናዉ ዩይዶሶና።\x - \xo 11:19 \xo*\xt ሀዋ 8:1-4.\xt*\x* 
\v 20 ሽን ቆጵሮሳፐነ ቀሬናፐ ይዳ እስ እስ አማንያ አሳት አንፆከ ብድ፥ ጎዳ የሱሳ ዎንገላ ግርከ አሳስካ ኦድዶሶና። 
\v 21 ጎዳ ዎልቃይ ኤንታራ ደኤስ፤ ቃስ ዳሮ አሳይ አማንድ ጎዳኮ ስምዶሶና።
\p
\v 22 ሄ ኦዳ የሩሳላመን ደእያ ዎሳ ኬይ ስእዳ ግሾ ባርናባሳ አንፆከ ኪትስ። 
\v 23 ባርናባስ አንፆከ ብዳ ዎደ ፆሳ አ ኬሀተ ኦሱዋ በእድ ኡፋይትስ። ኤንቲ ኡባይ ባንታ ኩመ ዎዛናን ጎዳን ምንድ ዳና መላ ኤንታ ዞርስ። 
\v 24 ባርናባስ ጌሻ አያናይነ አማኖይ ኩምዳ ሎኦ አስ ግድያ ግሾ ዳሮ አሳይ ጎዳ አማንዶሶና።
\p
\v 25 ሄሳፈ ጉየ፥ ባርናባስ ሳኦላ ኮያናዉ ታርሰሳ ብስ። 
\v 26 ያን ሳኦላ ደምዳ ዎደ አንፆከ ኤክድ ይስ። ባርናባስነ ሳኦል ዎሳ ኬ አሳራ ላይ ኩመ ኡትድ ዳሮ አሳ ታማርስዶሶና። አማነይሳት አንፆከን “ክርስታነ” ጌተትድ ኮይሮ ፄገትዶሶና።
\p
\v 27 ሄ ዎደ እስ እስ ናበት የሩሳላመፐ አንፆከ ዎዶሶና። 
\v 28 ኤንታ ግዶፈ አጋቦሳ ገይስ ደንድድ ቢታ ኡባን ግታ ኮሽ ከያናይሳ አያና ዎልቃን ትንብተ ኦድስ። ሄስ ሀንዳይ ሮመ ካዋ ቃላዉድዮሳ ዎደና።\x - \xo 11:28 \xo*\xt ሀዋ 21:10.\xt*\x* 
\v 29 አማነይሳት ሁጰን ሁጰን ባንታ ዎልቃ መላ ሚሸ ከስድ ይሁዳን ደእያ አማነይሳታስ ማደ የዳናዉ ቆፋ ቃችዶሶና። 
\v 30 ኤንቲ ሄሳዳ ኦድ፥ ሚሽያ ባርናባሳ ቦላነ ሳኦላ ቦላ ዎሳ ኬ ጭማታስ የድዶሶና።
\c 12
\s1 ጰፅሮስ ቃሾ ኬፈ ከስ ኤክስ
\p
\v 1 ሄ ዎደ ካዎይ ሄሮዲስ\f + \fr 12:1 \fr*\fq ካዎይ ሄሮዲስ፦ \fq*\ft ሀይስ ካዎይ ሄሮዲስ፥ ሄሮዲሳ አግርጳ ጌተትያ ኮይሩዋ። እ፥ 37-44 ማሮተ ላይ ጋካናዉ ሃርስ። እ ካዋ ሄሮዲሳስ ናአ ናአ\ft*\f* ዎሳ ኬ አሳፐ ባጋ ጎዳ ዶምስ። 
\v 2 ዮሃንሳ እሻ ያይቆባ ማሻን ዎስስ። 
\v 3 ሄስ አይሁደታ ኡፋይስዳይሳ በእድ፥ ጉጅድ ጰፅሮሳካ ኦይስ። ሄስ ሀንዳይ ፓስካ ባኣለ ቦንችያ ጋላሳታና። 
\v 4 ጰፅሮሳ ኦይክድ ቃችስ። ፓስካ ቦንችያ ጋላሳታፐ ጉየ ደርያ ስን አናዉ ቆፕድ፥ ኦይዱ ኦይዱ ዎታዳረት እያ ናጋና መላ ታማነ ኡሱፑን ዎታዳረታስ አድ እሚስ።\x - \xo 12:4 \xo*\xt ከሳ 12:1-27.\xt*\x* 
\v 5 ሄሳ ግሾ፥ ጰፅሮስ ቃሾ ኬን ናገቴስ። ሽን ዎሳ ኬ አሳይ እያዉ ምንድ ፆሳ ዎሶሶና።
\p
\v 6 ሄሮዲስ ጰፅሮሳ አሳ ስን ሺሻናፐ ካሰ ቃማ ጰፅሮስ ናምኡ ባጋራ ናምኡ ዎታዳረታራ ሳንላታን ቃሸትድ ኤንታ ግዶን ስክስ። ናገይሳት ቃሾ ኬ ፐንገታን ኤቅድ ናጎሶና። 
\v 7 አኬኮና ደእሽን ጎዳ ኪታንቾይ ቆንጭስ። ቃሾ ኬን ፖኦይ ፖእስ። ኪታንቾይ ጰፅሮሳ ምያ ቦች ባርክስድ፥ “ኤለ ደንዳ” ያግስ። ኢራካ ሳንላታይ እያ ኩሽያፐ ዎ አግስ። 
\v 8 ኪታንቾይ እያኮ፥ “ነ ማኡዋ ማአ፥ ነ ጫማካ አ” ያግስ። ጰፅሮስ ሄሳዳ ኦስ፤ ኪታንቾይ፥ “ነ ላፃና ማአዳ ታና ካላ” ያግስ።
\p
\v 9 ጰፅሮስ ቃሾ ኬፈ ከይድ ኪታንቹዋ ካልስ። እያዉ ቆንጨ በእያባ ዳንስፐ አትሽን፥ ኪታንቾይ ኦያባይ ቱማ ዳንቤና። 
\v 10 ኪታንቾይነ ጰፅሮስ ኮይሩዋነ ናምአን ዎታዳርያ አድ ካታማ ኤፍያ ብራታ ፐንግያኮ ጋክዶሶና። ፐንገይ ኤንታዉ ባርካ ዶየት አግስ። ኤንቲ ከይድ እስ ኦግያራ ብሽን ኪታንቾይ አኬኮና ጰፅሮሳፐ ሻከት አግስ።
\p
\v 11 ጰፅሮሳስ ዎዛን ስምን፥ “ታና ጎዳይ ባ ኪታንቹዋ ኪትድ፥ ሄሮዲሳ ኩሸፐነ ናግድ ኡትዳ አይሁደ አሳ ኡባፈ አሽዳይሳ ሀእ ቱማ ኤራስ” ያግስ።
\p
\v 12 እ ሄሳ አኬክዳ ዎደ ዳሮ አሳይ እስፈ ሺቅድ ፆሳ ዎስያ በሳ፥ ማርቆሳ ጌተትያ ዮሃንሳ አየ ማይራም ሶ ብስ። 
\v 13 ያን ካረን ኤቅድ ፄግስ። እስ ሮዳ ጌተትያ ኦሳንችያ ፐንግያ ዶያናዉ ያሱ። 
\v 14 ሮዳ ጰፅሮሳ ቃላ ግድዳይሳ ኤርዳ ዎደ ኡፋይሳን ኩማዳ ካርያ ዶየና ጉየ ዎፃ ባዳ፥ “ጰፅሮስ ካረን ኤቅስ” ያጋዳ አሳስ ኦዳሱ።
\p
\v 15 አሳይ ኢኮ፥ “ኔኒ ጎያይ!” ያግዶሶና። ሮዳ ጰፅሮሳ ግድዳይሳ ጌሻዳ ኦዳሱ። ኤንቲ፥ “ሄስ እያ ናግያ ኪታንቹዋ” ያግዶሶና።
\p
\v 16 ሽን ጰፅሮስ ካረን ኤቅድ ፄግድ አጎና እፅን አሳይ ካርያ ዶይድ እያ በእድ ማላለትዶሶና። 
\v 17 ሽን ኤንቲ ስእ ጋና መላ ጰፅሮስ ባ ኩሽያን ማልድ ጎዳይ ቃሾ ኬፈ እያ ዋት ከስዳኮ ኤንታዉ ቆንጭስ ኦድድ፥ “ሀይሳ ያይቆባስነ አማንያ አሳታስ ኦድተ” ግድ ያፐ ከይድ ሀራሶ ብስ።
\p
\v 18 ሳአይ ዎንትያ ዎደ፥ “ጰፅሮስ አዉ ብደ” ግድ ዎታዳረት ዎል ግዶን ዳሮ ካጭዶሶና። 
\v 19 ሄሮዲስ ጰፅሮሳ ኮይስን፥ እ ይዳ ዎደ ናገይሳታ ቆርድ፥ ኤንታ ዎና መላ ኪትስ። ሄሳፈ ጉየ፥ ሄሮዲስ ይሁዳፐ ቅሳረ ዎድ ያን ጉ ዎደ ኡትስ።
\s1 ሄሮዲሳ ሀይቁዋ
\p
\v 20 ሄሮዲስ ፅሮሳ አሳ ቦላነ ስዶና አሳ ቦላ ዳሮ ሀንቀትስ። ኤንታ ቢታይ ካ ሄሮዲሳ ቢታፈ ደምያ ግሾ ኤንቲ እስፈ ግድድ እያ ሞርና ብላስፆሳ ባንታዉ ጭማ ኦድ ጊጋናዉ ሄሮዲሳኮ ብዶሶና።
\p
\v 21 ሄሮዲስ ባርዳ ጋላሳን ባ ካዎተ አፍላ ማእድ፥ አራታ ቦላ ኡትድ አሳስ ኦድስ። 
\v 22 አሳይ፥ “ሄስ ፆሳ ቃላ፥ አሳ ቃላ ግደና” ያግድ ዋስዶሶና። 
\v 23 ሄሮዲስ ፆሳ ቦንችቦና ግሾ ኢራካ ጎዳ ኪታንቾይ እያ ደችን ጉፁነን ሜተትድ ሀይቅስ።
\p
\v 24 ሽን ፆሳ ቃላይ ድጭሸነ ዳልግሸ ቤስ።
\p
\v 25 ባርናባስነ ሳኦል ባንታ ኦሱዋ ፖልድ ማርቆሳ ጌተትያ ዮሃንሳ ባንታራ ኤክድ የሩሳላመፐ ስምዶሶና።
\c 13
\s1 ባርናባሳነ ሳኦላ
\p
\v 1 አንፆከን ደእያ ዎሳ ኬን ናበትነ አስታማረት ደኦሶና። ኤንቲ ባርናባሳ፥ ካሬ ጌተትያ ስሞና፥ ቀሬናፐ ይዳ ሉክዮሳ፥ ካዋ ሄሮዲሳራ ድጭዳ ምናሄነ ሳኦላ። 
\v 2 ኤንቲ ጎዳ ጎይንሽንነ ፆምሽን ጌሻ አያናይ፥ “ታኒ ፄግዳ ኦሱዋስ ባርናባሳነ ሳኦላ ታዉ ዱማይተ” ያግስ።
\p
\v 3 ሄሳ ግሾ፥ ኤንቲ ፆምዳፐነ ዎስዳፐ ጉየ ባንታ ኩሽያ ኤንታ ቦላ ዎድ የድዶሶና።
\s1 ባርናባስነ ሳኦል ቆጵሮሳን
\p
\v 4 ሄሳ ግሾ፥ ጌሻ አያናይ ኤንታ ኪትስ። ሰለዉቀ ብዶሶና፤ ያፐ ማርካበን ገልድ ቆጵሮሳ ሃን ተቀትዳ ቢታ ብዶሶና። 
\v 5 ኤንቲ ስልማና ጋክድ አይሁደ ዎሳ ኬታን ፆሳ ቃላ ኦድዶሶና። ዮሃንስ\f + \fr 13:5 \fr*\fq ዮሃንስ፦ \fq*\ft ሀ በሳን ፃፈትዳ ዮሃንስ፥ ሀዋርያ ዮሃንሳ ግዶናሽን ዮሃንስ ማርቆሳ ጌተትያ ማርቆሳ ዎንገላ ፃፍዳይሳ።\ft*\f* ማድሸ ኤንታራ ደኤስ።
\p
\v 6 ኤንቲ ዩሾይ አባን ተቀትዳ ቢታ፥ ቆጵሮሳ ካንድ ጳፉ ጋክያ ዎደ፥ እስ ዎርዳንቾ ናብያ፥ ባር-የሱሳ ጌተትያ አይሁደ ማሩዋ ደምዶሶና። 
\v 7 ሄ ማሮይ ደርያ አይስያ ሳርግዮስ ጳዉሎሳ ጌተትያ አኬካንቾ አድያራ ደኤስ። ሳርግዮስ ጳዉሎስ ባርናባሳነ ሳኦላ ባኮ ፄግድ ፆሳ ቃላ ስአናዉ ኮይስ። 
\v 8 ሽን ግርከ ዶናን ማሩዋ ሱንይ “ኤልማሳ” ጌተቴስ። እ ደርያ ሃረይስ አማኖና መላ ድጋናዉ ኮይድ ባርናባሳራነ ጳዉሎሳራ ኤቀትስ።
\p
\v 9 ሽን ጳዉሎሳ ጌተትያ ሳኦል ጌሻ አያናን ኩምድ ማሩዋ ጫድ ፄልድ፥ 
\v 10 “ላ፥ ፃላሄ ናአዉ፥ ኢታተ ኡባይ ኩምዳይሶ፥ ፅሎተ ኡባስ ሞርክያዉ፥ ሱረ ጎዳ ኦግያ ምርቀይሳ አግኪ? 
\v 11 ሄኮ፥ ሀእ ጎዳ ኩሸይ ነ ቦላ ደኤስ። ኔኒ ቆቀ ግዳና፤ ጉ ዎደስ አዋ ፖኦ በአካ” ያግስ።
\p ኢራ ጫጋንነ ሚ እያ አይፍያ ጎዝን፥ ባ ኩሽያ ኦይክድ ካለያ አስ ኮይሸ ዩይስ። 
\v 12 ደርያ አይሰይስ ሄሳ በእዳ ዎደ ጎዳባ ታማርስያ ትምርትያን ማላለትድ አማንስ።
\s1 ባርናባስነ ጳዉሎስ ጵስደ አንፆከን
\p
\v 13 ጳዉሎስነ እያራ ደኤይሳት ጳፉፐ ደንድድ፥ ጵንፍለን ደእያ ጳርገ ማርካበራ ብዶሶና። ዮሃንስ ኤንታፈ ሻከትድ የሩሳላመ ስምስ። 
\v 14 ሽን ኤንቲ ጳርገፈ አድ ጵስደን ደእያ አንፆከ ጋክዶሶና። ሳምባታ ጋላስ አይሁደ ዎሳ ኬ ገልድ ኡትዶሶና። 
\v 15 ሙሰ ህገይነ ናበታ ማፃፋይ ናባበትዳፐ ጉየ አይሁደ ዎሳ ኬ ሀላቃት፥ “ኑ እሻቶ፥ አሳ ምንያ ቃል ህንተዉ ደእያኮ አሳስ ኦደርከት” ያግድ ኤንታኮ ኪትዶሶና።
\p
\v 16 ጳዉሎስ ደንድ ኤቅድ ባ ኩሸ ማልድ፥ “እስራኤለ አሳቶነ፥ ፆሳ ጎይንያ አይሁደ ግዶና አሳዉ፥ ስእተ። 
\v 17 ሀ እስራኤለ አሳ ፆሳይ ኑ ማይዛታ ዶርስ። ግብፀ ቢታን እማተን ኤንቲ ደእሽን፥ ኤንታ ዳርስድ ባ ግታ ዎልቃን ግብፀ ቢታፈ ኤንታ ከስስ።\x - \xo 13:17 \xo*\xt ከሳ 1:7፤ ከሳ 12:51.\xt*\x* 
\v 18 መላ ቢታን ኦይታሙ ላይ መላ ኤንታ ዳንዳእስ።\x - \xo 13:18 \xo*\xt ታይቦ 14:34፤ ዛረ 1:31.\xt*\x* 
\v 19 ካናነ ቢታን አይሁደ ግዶና ላፑን ካዎተታ ድግድ ኤንታ ቢታ ባ አሳ ላትስስ።\x - \xo 13:19 \xo*\xt ዛረ 7:1.\xt*\x*
\p
\v 20 “ሄሳፈ ጉየ፥ ናብያ ሳሜላ ዎደ ጋካናዉ ኦይዱ ፄታነ እሻታሙ ላይ መላ አይስያ ዳይናታ ኤንታዉ እሚስ።\x - \xo 13:20 \xo*\xt ዛረ 2:16፤ 1 ሳሜ 3:20.\xt*\x* 
\v 21 ሄሳፈ ጉየ፥ ኤንቲ ባንታዉ ካዎ እማና መላ ዎስን፥ ፆሳይ ብንያመ ሼሻፐ ቂሳ ናኣ፥ ሳኦላ ኦይታሙ ላይ ካዎታና መላ ኤንታዉ እሚስ።\x - \xo 13:21 \xo*\xt 1 ሳሜ 8:5፤ 10:21.\xt*\x* 
\v 22 ፆሳይ ሳኦላ ሻርዳፐ ጉየ ኤንታ ቦላ ዳዊታ ካዎስ። ፆሳይ ዳዊታባ ማርካትሸ፥ ‘ታኒ ኮይያ ኡባ ታ ዎዛና መላ ኦያ እሰየ ናኣ ዳዊታ ደማስ’ ያግስ።\x - \xo 13:22 \xo*\xt 1 ሳሜ 13:14፤ 16:12፤ ማዝ 89:20.\xt*\x*
\p
\v 23 “ፆሳይ፥ ‘ታኒ ዳዊታ ሼሻፐ እስራኤለ ደርያ አሸይሳ ኤሀና’ ግዳይሳ መላ የሱሳ ኤህስ። 
\v 24 የሱሲ ያናፐ ስን እስራኤለ አሳ ኡባይ ባንታ ናጋራፐ ስሚድ ፃማቀታና መላ ዮሃንስ ቃላ ኦድስ።\x - \xo 13:24 \xo*\xt ማር 1:4፤ ሉቃ 3:3.\xt*\x* 
\v 25 ቃስ ዮሃንስ ባ ኦሱዋ ዉርሳና ሀንሸ አሳኮ፥ ‘ታና ኦና ግድ ቆፔቲ? ታኒ ህንተ ናግያ ክርስቶሳ ግድከ፥ ሽን ታኒ እያ ጫማ ብርሻናዉ ታዉ በሶናይስ ታፐ ጉየራ ዬስ’ ያግስ።\x - \xo 13:25 \xo*\xt ማቶ 3:11፤ ማር 1:7፤ ሉቃ 3:16፤ ዮሀ 1:20፥ 27.\xt*\x*
\p
\v 26 “ታ እሻቶ፥ አብራሃመ ሼሻቶ፥ ቃስ ሀይሳን አይሁደ ግዶናሽን ፆሳስ ያየይሳቶ፥ ሀ አቶተ ቃላይ ኑስ ኪተትስ። 
\v 27 አይስ ጊኮ፥ የሩሳላመን ደእያ አሳይነ ኤንታ ሀላቃት የሱሳ ኤርቦኮና። ሳምባታ ኡባን ናባበትያ ናበታ ቃላ አኬክቦና ግሾ እያ ቦላ ፕርድድ ናበት ኦድዳ ቃላ ፖልዶሶና። 
\v 28 የሱሳ ዎሳናዉ እስ ጋሶይካ ኤንታዉ ይን ጵላፆስ እያ ዎና መላ ዎስዶሶና።\x - \xo 13:28 \xo*\xt ማቶ 27:22-23፤ ማር 15:13-14፤ ሉቃ 23:21-23፤ ዮሀ 19:15.\xt*\x* 
\v 29 ኤንቲ የሱሳባይ ጌሻ ማፃፋን ፃፈትዳባ ኡባ ፖልዳ ዎደ ማስቃልያፐ እያ ዎስድ ሞግዶሶና።\x - \xo 13:29 \xo*\xt ማቶ 27:57-61፤ ማር 15:42-47፤ ሉቃ 23:50-56፤ ዮሀ 19:38-42.\xt*\x* 
\v 30 ሽን ፆሳይ ሀይቆፐ የሱሳ ደንስ። 
\v 31 ሄሳፈ ጉየ፥ እ ባራ ጋልላፐ የሩሳላመ ይዳይሳታስ ዳሮ ቶሆ በንትስ። ኤንቲ ሀእ እያባ አሳስ ማርካቶሶና።\x - \xo 13:31 \xo*\xt ሀዋ 1:3.\xt*\x*
\p
\v 32 “ፆሳይ ኑ አዋታስ እማና ግዳ ዎንገላ ኑኒ ህንተዉ ኦዶስ። 
\v 33 ዳዊቲ ባ ማዝሙረ ማፃፋን ናምአን ሸምፑዋን፥
\q1 “ኔኒ፥ ታ ናአ፥
\q2 ታኒ ሀች ነና የላስ”
\m ጌተትድ ፃፈትዳይሳ የሱሳ፥ ፆሳይ ሀይቆፐ ደንድ ኑ ማይዛታስ እማና ግዳይሳ ኑስ ኤንታ ናይታስ ፖልስ።\x - \xo 13:33 \xo*\xt ማዝ 2:7.\xt*\x* 
\v 34 እ ዎቆና መላ ፆሳይ ሀይቆፐ እያ ደንን ኤርሳናዉ፥
\q1 “ ‘ታኒ ዳዊታስ እማና ግዳ
\q2 አማነትዳ ጌሻ አንጁዋ ህንተዉ እማና’ ያግድ ኦድስ።\x - \xo 13:34 \xo*\xt እሳ 55:3.\xt*\x*
\m
\v 35 ሄሳ ግሾ፥ ማዝሙረ ማፃፋን ሀራ በሳን፥
\q1 “ ‘ነ ጌሻ ናኣ አሀ ዎቅሳካ’ ያጌስ።\x - \xo 13:35 \xo*\xt ማዝ 16:10.\xt*\x*
\p
\v 36 “ዳዊቲ ባ ዎደ ፆሳ ቆፋ ፖልዳፐ ጉየ ሀይቅድ ባ አዋታራ ሞገትድ ዎቅስ። 
\v 37 ሽን ፆሳይ ሀይቆፐ ደንዳይስ ዎቅቤና።
\p
\v 38 “ሄሳ ግሾ፥ ታ እሻቶ፥ ናጋራ አቶተይ የሱሳ ባጋራ ካሰትድ ህንተዉ ኦደትዳይሳ ኤርተ። ሙሰ ህገይ ናጋራፐ ፅልሳናዉ ዳንዳኤና። 
\v 39 ሽን የሱሳ አማንያ ኡባይ ናጋራፐ ፅሌስ። 
\v 40 ሄሳ ግሾ፥ ናበት ግዳይስ ህንተ ቦላ ጋኮና መላ ናገትተ።
\q1
\v 41 “ ‘ፆሳይ ግዳባ ለቅሰይሳቶ!
\q2 በእተ! ማላለትተ! ይተ!
\q2 ኦንካ ኦድን፥ ህንተ አማኖና ኦሱዋ
\q2 ታኒ ህንተ ዎድያን ኦና’ ” ያግስ።\x - \xo 13:41 \xo*\xt እብራ 1:5.\xt*\x*
\p
\v 42 ጳዉሎስነ ባርናባስ አይሁደ ዎሳ ኬፈ ከይሽን፥ ካልያ ሳምባታን ሄሳ ጉጅድ ኦዳና መላ አሳይ ኤንታና ዎስዶሶና። 
\v 43 ሺቆይ ላለትዳፐ ጉየ፥ ዳሮ አይሁደትነ አይሁደታ አማኑዋን ገልድ ፆሳ ጎይንያ ዳሮት ጳዉሎሳነ ባርናባሳ ካልዶሶና። አማንዳይሳት ፆሳ አ ኬሀተን ምንድ ዳና መላ ኤንታ ዞርዶሶና። 
\v 44 ካልያ ሳምባታን ካታማን ደእያ አሳፐ ዳሮት ፆሳ ቃላ ስአናዉ ሺቅዶሶና። 
\v 45 ሽን አይሁደት ዳሮ አሳ በእዳ ዎደ ጳዉሎሳ ቃናትድ እያ ሃሳያ እፅድ እያ ጫይዶሶና።
\p
\v 46 ጳዉሎስነ ባርናባስ ያዮና፥ “ፆሳ ቃላይ ኮይሮትድ ህንተዉ ኦደታናዉ ኮሼስ። ሽን ህንተ ቃላ እፅድ መርና ደኡዋ ኤካናዉ ኑስ በሰና ግድ ህንተ፥ ህንተ ሁጰን ፕርድዳ ግሾ ህዛ ኑኒ አይሁደ ግዶናይሳታኮ ስሞስ። 
\v 47 ጋሶይካ ጎዳይ፥
\q1 “ ‘አላመ ኩመይ ነ ባጋራ አታና መላ፥
\q2 ታኒ ነና አይሁደ ግዶና ደርያስ ፖኦ ኦስ’ ያግድ ኑና ኪትስ” ያግዶሶና።\x - \xo 13:47 \xo*\xt እሳ 42:6፤ 49:6.\xt*\x*
\p
\v 48 አይሁደ ግዶናይሳት ሄሳ ስእዳ ዎደ ኡፋይትድ ፆሳ ቃላ ቦንችዶሶና። ቃስ መርና ደኡዋስ ዶረትዳ ኡባይ አማንዶሶና።
\p
\v 49 ጎዳ ቃላይ ሄ ቢታ ኡባ ጋክስ። 
\v 50 ሽን አይሁደት፥ አይሁደ ግዶና ፆሰ ጎይንያ ዱረ ማጫሳታነ ካታማን ደእያ ግታ አሳታ ጳዉሎሳ ቦላነ ባርናባሳ ቦላ ደንዶሶና። ሄ አሳት ኤንታ ጎዳ ዶምድ ባንታ ቢታፈ ከስዶሶና። 
\v 51 ሽን ጳዉሎሳራነ ባርናባሳራ እፀይሳታስ ማላ ግዳና መላ ባንታ ቶሁዋፐ ባና ፕትድ እቆንዮነ ካታማ ብዶሶና።\x - \xo 13:51 \xo*\xt ማቶ 10:14፤ ማር 6:11፤ ሉቃ 9:5፤ 10:11.\xt*\x* 
\v 52 ቃስ አንፆከን ደእያ አማነይሳት ጌሻ አያናንነ ኡፋይሳን ኩምዶሶና። \fig ጳዉሎስ ዎንገላ ሳባካናዉ ብዳ ኮይሮ ኦግያ|alt="Paul's 1st Journey" src="Paul1-BW.tif" size="span" loc="ACT 13:1—14:28" ref="13:1—14:28"\fig*
\c 14
\s1 ጳዉሎስነ ባርናባስ እቆንዮነን
\p
\v 1 ካሰይሳዳካ፥ ጳዉሎስነ ባርናባስ እቆንዮነን አይሁደታ ዎሳ ኬ ገልድ ዳሮ አይሁደትነ አይሁደ ግዶናይሳት አማናና ጋካናዉ ቃላ ኦድዶሶና። 
\v 2 ሽን አማንቦና አይሁደት፥ አይሁደ ግዶናይሳታ ዎዛና ላምድ እሻታ ቦላ ደንዶሶና። 
\v 3 ሀዋረት ያን ዳሮ ዎደ ጋምእዶሶና። ኤንቲ ያዮና ጎዳባ ኦድዶሶና። ጎዳይ ማላታታነ ኦራባ ኤንቲ ኦና መላ ኤንታዉ ማታ እምድ፥ እ ባ አ ኬሀተ ቃላይ ቱማ ግደይሳ ቆንጭስስ። 
\v 4 ሽን ሄ ካታማ አሳይ ሻከትድ፥ ባጋይ አይሁደታራ ባጋይ ቃስ ሀዋረታራ ግድስ።
\p
\v 5 አይሁደ ግዶናይሳትነ አይሁደት ባንታ ሀላቃታራ እስፈ ግድድ ሀዋረታ ቆሀናዉነ ሹቻን ጫዳናዉ ኮይዶሶና። 
\v 6 ሀዋረት ሄሳ ኤርድ፥ ልስፅራነ ዳርበ ጌተትያ ልቃኦና ካታማታነ ኤንታ ሄራን ደእያ ቢታ ባቃትዶሶና። 
\v 7 ያን ዎንገላ ኦድዶሶና።
\s1 ጳዉሎስነ ባርናባስ ልስፅራንነ ዳርበን
\p
\v 8 የለቶሳፐ ዶምድ ናምኡ ቶሆይ ዎቢን ሄመት ኤሮና እስ አደይ ልስፅራን ደኤስ። 
\v 9 ሄ አደይ ጳዉሎስ ኦድሽን ኡትድ ስኤስ። ጳዉሎስ እያ ትሽ ኦ ፄልያ ዎደ ፓፃናዉ እያዉ አማኖይ ደኤይሳ በእድ፥ 
\v 10 ባ ቃላ ቁ ኦድ፥ “ስት ጋዳ ነ ቶሁዋን ኤቃ” ያግስ። ያትን፥ ጉፕ ደንድ ኤቅድ ሄመ ዶምስ።
\p
\v 11 ጳዉሎስ ኦዳይሳ አሳይ በእድ ባንታ ቃላ ቁ ኦድ ልቃኦና ዶናን፥ “ፆሳት አሰ ዳንድ ኑኮ ዎዶሶና” ያግዶሶና። 
\v 12 ባርናባሳ፥ “ድያ” ግድ፥ ጳዉሎስ ኦዳን ዋናትያ ግሾ፥ እያ፥ “ሄርመና” ግድ ሱንዶሶና። 
\v 13 ካታማፐ ጋፃን ደእያ ኤቃ ድያ ኬ ካህነይነ አሳይ ኮርማታነ አሌቆ ጪሻታ ሀዋረታስ ያርሻናዉ ኮይድ ካታማ ፐንገ ኤህዶሶና።
\p
\v 14 ሽን ባርናባስነ ጳዉሎስ ሄሳ ስእዳ ዎደ ኤንቲ ኦናዉ ቆፕዳይሳ እፅድ፥ ባንታ ማኡዋ ፔዶሶና። አሳ ግዶ ዎፅ ገልድ፥ 
\v 15 ባንታ ቃላ ቁ ኦድ፥ “አሳዉ፥ ሀይሳ አይስ ኦቲ? ኑካ ህንተ መላ አሰ። ሀ ፓናባፐ ሳሎነ ሳአ፥ አባነ ኤንታ ግዶን ደእያ ኡባባ መዳ ደኦ ፆሳኮ ህንተ ስማና መላ ህንተዉ ኑኒ ዎንገላ ኦዶስ።\x - \xo 14:15 \xo*\xt ከሳ 20:11፤ ማዝ 146:6.\xt*\x* 
\v 16 እ፥ በን አሳይ ባንታ ኦገ ባና መላ የድ አግስ። 
\v 17 ሽን እራ ሳሉዋፐ ቡክስስ፥ ካካ ዎድያን ዎድያን እሚስ፥ ካ እምድ ህንተና ዳሮ ኡፋይስስ፥ ያትድ ህንተዉ ሎኦባ ኦድ ባዉ ማርካ ይስቤና” ያግዶሶና። 
\v 18 ሀዋረት ሄሳ ግድ፥ ባንታዉ አሳይ ያርሾና መላ ዋይድ ድግዶሶና።
\p
\v 19 አንፆከፐነ እቆንዮነፐ ይዳ አይሁደት፥ አሳ ባንታ ባጋ ዛሪድ ሹቻን ጳዉሎሳ ጫድዶሶና። እ ሀይቅዳባ ዳንን ካታማፐ ጋፃ ጎች ኤፍድ የግዶሶና። 
\v 20 ሽን አማነይሳት ይድ፥ እያ ዩሾን ኤቅዳሽን እ ደንድድ ካታማ ገልስ። ዎንተ ጋላስ ባርናባሳራ እስፈ ዳርበ ብስ።
\s1 ጳዉሎስነ ባርናባስ ሶረ አንፆከ ስሙዋ
\p
\v 21 ኤንቲ ዳርበ ካታማን ዎንገላ ኦድድ ዳሮታ አማንዳፐ ጉየ ልስፅራ፥ እቆንዮነነ ጵስደን ደእያ አንፆከ ስምዶሶና። 
\v 22 ያን አማነይሳታ ምንሸነ ኤንቲ አማኖን ምንድ ደአና መላ ዞርሸ፥ “ፆሳ ካዎተ ገላናዉ ኑኒ ዳሮ ዋየ ኤካናዉ በሴስ” ያግድ ታማርስዶሶና። 
\v 23 ቃስ ዎሳ ኬታስ ሁጰን ሁጰን ጭማታ ዶርዶሶና። ፆምዳፐነ ዎስዳፐ ጉየ ኤንቲ አማንዳ ጎዳስ ኤንታ ሀዳራ እምዶሶና።
\p
\v 24 ጵስደ ቢታ ካን አድ ጵንፍለ ብዶሶና። 
\v 25 ጰርገን ቃላ ኦድዳፐ ጉየ አፃለ ብዶሶና። 
\v 26 ባንታ ኦሱዋ ፖልዳፐ ጉየ፥ አፃለፕ ፆሳ አ ኬሀተስ ኤንታ ሀዳራ እምዳ አንፆከ ማርካበራ ጉየ ስምዶሶና።
\p
\v 27 አንፆከ ጋክዳ ዎደ ዎሳ ኬ አሳ ሺሽድ ፆሳይ ኤንታራ ኦዳ ኦሱዋ ኡባነ አይሁደ ግዶና አሳይ አማናና መላ ኤንታዉ ዋት ፐንገ ዶይዳኮ ኦድዶሶና። 
\v 28 ሄሳን አማነይሳታራ ዳሮ ዎደ ጋምእዶሶና።
\c 15
\s1 የሩሳላመ ሺቁዋ
\p
\v 1 እስ እስ አሳት ይሁዳፐ አንፆከ ብድ፥ “ሙሰ ዎጋ ህንተ ቃፃረቶና እፅኮ አታናዉ ዳንዳኤከታ” ግድ አማነይሳታ ታማርሶ ዶምዶሶና።\x - \xo 15:1 \xo*\xt ሌወ 12:3.\xt*\x* 
\v 2 ሄስ ጳዉሎሳነ ባርናባሳ ኤንታራ ዳሮ ፓላማናዳነ ካጫናዳ ኦስ። ሄሳ ግሾ፥ አንፆከን ደእያ እስ እስ አሳት ጳዉሎሳራነ ባርናባሳራ የሩሳላመ ብድ ሀዋረታራነ ጭማታራ ጋሄትድ ሄ ኦዳ ብላናዉ ቆፋይ ቃሸትስ።
\p
\v 3 ዎሳ ኬይ ኤንታ ኪትን ብዶሶና። ኤንቲ ስሮፍንቀ ሳማረራ አሸ አይሁደ ግዶናይሳት ፆሳኮ ዋንድ ስምዳኮ ኦድዶሶና። ሄስ አማነይሳታ ኡባ ዳሮ ኡፋይስስ። 
\v 4 ኤንቲ የሩሳላመ ጋክዳ ዎደ ዎሳ ኬይ፥ ሀዋረትነ ጭማት ኤንታ ሞክዶሶና። ፆሳይ ባንታራ ኦዳባ ኡባ ኦድዶሶና። 
\v 5 ሽን ፋርሳወታ ባጋፈ አማንዳ እስ እስ አሳት ደንድ ኤቅድ፥ “አይሁደ ግዶናሽን አማንዳ አሳት ቃፃረታናዉነ ሙሰ ህገ ናጋናዉ በሴስ” ያግዶሶና።
\p
\v 6 ሀዋረትነ ጭማት ሄሳ ዞረታናዉ ሺቅዶሶና። 
\v 7 ዳሮ ዞረትዳፐ ጉየ፥ ጰፅሮስ ደንድ ኤቅድ፥ “ታ እሻቶ፥ አይሁደ ግዶናይሳት ዎንገላ ቃላ ታ ዶናፐ ስእድ አማናና መላ ካሰትድ ታና ፆሳይ ህንተ ግዶፈ ዶርዳይሳ ህንተ ኤሬታ።\x - \xo 15:7 \xo*\xt ሀዋ 10:1-43.\xt*\x* 
\v 8 አሳ ዎዛና ኤርያ ፆሳይ ጌሻ አያና ኑስ እምዳይሳዳ ኤንታዉካ እምድ ቱማይስ።\x - \xo 15:8 \xo*\xt ሀዋ 2:4፤ 10:44.\xt*\x* 
\v 9 አማኖን ኤንታ ዎዛና ጌሽዳ ግሾ ኑ ግዶንነ ኤንታ ግዶን ዱማተ ዎቤና። 
\v 10 ሄሳ ግሾ፥ ኑ አዋትነ ኑኒ ቶካናዉ ዳንዳእቦና ቃምባራ አማነይሳታ ሞርገን ዎድ ሀእ አይስ ህንተ ፆሳ ፓጨቲ? 
\v 11 ጎዳ የሱስ ክርስቶሳ አ ኬሀተን ኤንቲ አትዳይሳዳ ኑካ አትዳይሳ አማኖስ” ያግስ።
\p
\v 12 አሳይ ስእ ግድ፥ ባርናባስነ ጳዉሎስ አይሁደ ግዶና አሳ ግዶን ባንታ ባጋራ ፆሳይ ኦዳ ማላታታነ ኦራባ ኡባ ኦድሽን ስኦሶና።
\p
\v 13 ኤንቲ ሃሳያ ኦንግዳፐ ጉየ ያይቆብ፥ “እሻቶ፥ ታ ገይሳ ስእተ። 
\v 14 ፆሳይ አይሁደ ግዶናይሳታ ግዶፈ ባ አሰ ዶራናዉ ኮይድ ኤንታና ኮይሮ ዋትድ ቆፕዳኮ ስሞን ኦድስ። 
\v 15 ናበታ ቃላይ ሀይሳራ እስኖ። ጌሻ ማፃፋን፥
\q1
\v 16 “ ‘ሀይሳፈ ጉየ፥ ታኒ ስማና፥
\q2 ኩንድዳ ዳዊታ ካዎተ ደንና።\x - \xo 15:16 \xo*\xt አሞ 9:11-12.\xt*\x*
\q2 ላለትዳ ኬካ ዛራ ኤሳና።
\q1
\v 17 አትዳ አሳ ኡባይ ታኮ ያና፥
\q2 ታኒ ፄግዳ አይሁደ ግዶና አሳ ኡባይ ታና ኮያና።
\q1
\v 18 በንፐ ዶማዳ ሄስ ኤረታና መላ ኦዳ
\q2 ፆሳይ፥ ታኒ ያጋይስ’ ያጌስ።
\p
\v 19 “ሄሳ ግሾ፥ ታ ቆፋይ ፆሳኮ ስምያ አይሁደ ግዶናይሳታ ኑኒ ዋይሶናኮ ሎኦ። 
\v 20 ሽን ኤንቲ ኤቃስ ያርሸትድ ቱንዳባ ሞና መላ፥ ላይማቶና መላ፥ ባዉታ ሞና መላነ ሱ ኡዮና መላ ኤንታዉ ኑኒ ዳብዳበ ፃፋናዉ ኮሼስ።\x - \xo 15:20 \xo*\xt ከሳ 34:15-17፤ ሌወ 17:10-16፤ 18:6-23.\xt*\x* 
\v 21 ሙሰ ህገይ በንፐ ዶምድ ሳምባታን ሳምባታን አይሁደ ዎሳ ኬታን ናባበትሸ ካታማ ኡባን ሳባከቴስ” ያግስ።
\p
\v 22 ሄሳፈ ጉየ፥ ሀዋረትነ ጭማት ዎሳ ኬ አሳ ኡባራ እስፈ ባንታ ግዶፈ ጉ አሳታ ዶርድ ጳዉሎሳራነ ባርናባሳራ አንፆከ የዳናዉ ቆፋ ቃችዶሶና። ኤንቲ ዳሮ ቦንቸትዳ ናምኡ አሳታ ባርሳባሳ ጌተትያ ይሁዳነ ስላሰ ዶርዶሶና። 
\v 23 ሀይሳዳ ጌተትድ ፃፈትዳ ዳብዳበ ኤንታ ቦላ የድዶሶና፦ “ኑኒ ሀዋረትነ ጭማት ህንተ እሻት፥ አንፆከን፥ ሶረንነ ክልቀን ደእያ አይሁደ ግዶና እሻታስ ኑ ሳሮዋ ኪቶስ።
\p
\v 24 “ኑኒ ኪቶና አሳት ኑ ግዶፈ ብድ፥ ‘ህንተ ቃፃረታናዉነ ህግያ ናጋናዉ በሴስ’ ግድ፥ ህንተና ዋይስዳይሳነ ይሎይዳይሳ ስእዳ። 
\v 25 ኑኒ ዶስያ ባርናባሳነ ጳዉሎሳ ዶረትዳ አሳታራ እስፈ ህንተኮ ኪታናዉ እስ ዎዛናን ኑ ቆፋ ቃችዳ። 
\v 26 ኤንቲ ኑ ጎዳ የሱስ ክርስቶሳ ግሾ ባንታ ደኡዋ አድ እምዶሶና። 
\v 27 ሄሳ ግሾ፥ ኑኒ ፃፍዳይሳ ኤንቲ ባንታ ዶናን ጉጅድ ህንተዉ ኦዳና መላ ይሁዳነ ስላሰ ኪትዳ።
\p
\v 28 “ሀ ኮሸይሳታፐ አትሽን፥ ሀራ ቶሆ ህንተና ቶሶና መላ ኑነ ጌሻ አያናይ ኦዳ ቃችዳ። 
\v 29 ኤቃስ ያርሸትድ ቱንዳባ ሞፕተ፥ ሱ ኡዮፕተ፥ ባዉታ ሞፕተ፥ ላይማቶፕተ። ሀ ኡባፈ ህንተ ሁጵያ ናግኮ ህንተ ሎኦባ ኦታ። ህዛ፥ ሳሮ ደእተ” ያግዶሶና።
\p
\v 30 ሄሳ ግሾ፥ ኪተትዳይሳት ሞይዘትድ አንፆከ ብድ አማንያ አሳ ሺሽድ፥ ዳብዳበ እምዶሶና። 
\v 31 ኤንቲ ሄ ምንያ ዳብዳብያ ናባብዳ ዎደ ኡፋይትዶሶና። 
\v 32 ቃስ ይሁድነ ስላሰይ ባንታ ሁጰን ናበ ግድያ ግሾ አማነይሳታ ሎይ ዞርድ ምንዶሶና። 
\v 33 ኤንቲ አንፆከን ጉ ጋላስ ኡትዳፐ ጉየ እሻት ሎኦራ ሞይዝን ባንታና ኪትዳይሳታኮ ስምዶሶና። 
\v 34 \f + \fr 15:34 \fr*\ft እስ እስ ማፃፋታን ፓይዶ 34 ባዋ።\ft*\f* [ሽን ስላሰይ ያን አታናዉ ኮይስ]።
\p
\v 35 ቃስ ጳዉሎስነ ባርናባስ ሀራ ዳሮ አሳታራ እስፈ ጎዳ ቃላ ታማርስሸነ ዎንገላ ኦድሸ አንፆከን ጋምእዶሶና።
\s1 ጳዉሎሳነ ባርናባሳ ሻከተ
\p
\v 36 ጉ ጋላሳፐ ጉየ ጳዉሎስ ባርናባሳኮ፥ “ኑኒ ጎዳ ቃላ ኦድዳ ካታማ ኡባን አማነይሳት ዋንድ ደእያኮ ጉየ ስምሸ ፆሞስ በኦስ” ያግስ። 
\v 37 ባርናባስ ማርቆሳ ጌተትያ ዮሃንሳ ባንታራ ኤፋናዉ ኮይስ። 
\v 38 ሽን ጳዉሎስ ማርቆሳ ባንታራ ኤፋናዉ ኮይቤና። ጋሶይካ፥ እ ጵንፍለን ሻከትድ ኤንታራ ኦናዉ ብቤና።\x - \xo 15:38 \xo*\xt ሀዋ 13:13.\xt*\x* 
\v 39 ኤንታ ግዶን ኢታ ኦሽ ከይን እሶይ እሱዋፈ ሻከትዶሶና። ባርናባስ ማርቆሳ ኤክድ ማርካበራ ቆጵሮሳ ብስ። 
\v 40 ሽን ጳዉሎስ ስላሰ ዶርስ፤ አማነይሳት ጳዉሎሳ ፆሳ አ ኬሀተስ ሀዳራ እምዳፐ ጉየ፥ እ ከይድ ብስ። 
\v 41 ያትድ፥ ዎሳ ኬታ ምንሸ ሶረራነ ክልቅያራ አስ። \fig ጳዉሎስ ዎንገላ ሳባካናዉ ብዳ ናምአን ኦግያ|alt="Paul's 2nd Journey" src="Paul2-BW.tif" size="span" loc="ACT 15:36—18:22" ref="15:36—18:22"\fig*
\c 16
\s1 ፅሞትዮስ ጳዉሎሳራነ ስላሰራ ጋሄትስ
\p
\v 1 ጳዉሎስ ዳርበነ ልስፅራ ብስ። ያን ፅሞትዮሳ ጌተትያ አማንያ አስ ደኤስ። እያ አይያ አማንያ አይሁደ ማጫስ፥ እያ አዋይ ግርከ አስ። 
\v 2 ልስፅራንነ እቆንዮነን ደእያ አማነይሳት ፅሞትዮሳባ ሎይድ ማርካትዶሶና። 
\v 3 ጳዉሎስ ፅሞትዮሳ ባራ ኤፋናዉ ኮይድ፥ እያ አዋይ ግርከ አስ ግድዳይሳ ሄ በሳን ደእያ አይሁደ ኡባይ ኤርያ ግሾ እያ ቃፃርስ። 
\v 4 ኤንቲ ካታማታራ ብሸ የሩሳላመን ደእያ ሀዋረትነ ጭማት ዎዳ ህግያ አማነይሳት ናጋና መላ ኤንታዉ ኦድሸ አዶሶና። 
\v 5 ሄሳ ግሾ፥ ዎሳ ኬት አማኖን ምንሸ፥ ታይቦንካ ጋላስ ጋላስ ዳር ዳር ብዶሶና።
\s1 ጳዉሎስ ማቀዶነ ባናዉ ፄገትስ
\p
\v 6 ኢሰን ቃላ ኦዶና መላ ጌሻ አያናይ ኤንታ ድግዳ ግሾ፥ ፕርገራነ ጋላትያ ቢታራ አዶሶና። 
\v 7 ኤንቲ ሚሰ ዛዋ ጋክዳ ዎደ ብታነ ባናዉ ኮይዶሶና። ሽን የሱሳ አያናይ ኤንታ ድግስ። 
\v 8 ሄሳ ግሾ፥ ኤንቲ ሚሰ ማታራ አሸ ፅሮኣዳ ዎዶሶና። 
\v 9 ጳዉሎስ ቃማ ቆንጨን እስ ማቀዶነ አስ ባኮ፥ “ማቀዶነ ፕናዳ ኑና ማዳርክ” ያግሸ ኤቅድ ዎስሽን በእስ። 
\v 10 ቆንጨ እ በእዳፐ ጉየ ኤለስድ ኑኒ ማቀዶነ ባናዉ ኮይዳ። አይስ ጊኮ፥ ዎንገላ ያን ደእያ አሳስ ኦዳናዉ ፆሳይ ኑና ፄግዳይሳ ኤርዳ።
\s1 ሊድያ ክርስቶሳ አማናሱ
\p
\v 11 ፅሮኣዳፐ ደንድድ ማርካበን ገልድ ሳሞትራቀ ብዳ፥ ዎንተ ጋላስ ናጱለ ብዳ። 
\v 12 ያፐ ደንድድ ማቀዶነ ቢታን ደእያ ፍልጵስዩሳ ካታማ ብዳ። ፍልጵስዩስ ሮመ አሳይ ደእያ ካታማ። ኑኒ ሄ ካታማን ጉ ጋላስ ኡትዳ።
\p
\v 13 ሳምባታ ጋላስ ካታማፐ ጋፃን ሻፋ ዶናን አይሁደት ፆሳ ዎስያ በሲ ደኤይሳ ኤርድ ያ ብዳ። ሄ በሳን ሺቅዳ ማጫሳስ ቃላ ኦድዳ።
\p
\v 14 ኑና ስእያ አሳፐ እስ ሊድያ ጌተትያ ትያትሮና ካታማፐ ይዳ፥ ፆሳ አማንዳ ዞኦ አፍላ ዛልእያ፥ ማጫስያ ደአዉሱ። ጳዉሎስ ኦደይሳ እያ ስአና መላ ፆሳይ እ ዎዛና ዶይስ። 
\v 15 ሊድያ ባ ሶ አሳራ እስፈ ፃማቀትዳፐ ጉየ ኑኮ፥ “ህንተ ታና ጎዳ ቱማ አማናሱ ጊኮ ታ ሶ የተ” ጋዳ ምንዳ ዎሳሱ።
\s1 ጳዉሎስነ ስላሰይ ቃሸትዶሶና
\p
\v 16 ኑኒ ፆሳ ዎስያ በሳ ብሽን ኢታ አያናይ እ ቦላ ደእድ ማሮያ እስ ጌላኦ ጋንዶይ ኑራ ጋሄታሱ። እያ ካያዳ ዳሮ ሚሸ ባ ጎዳታስ ኤሀዉሱ። 
\v 17 ጳዉሎሳነ ኑና ካላዳ፥ “ሀይሳቲ ኡባፈ ቦላ ፆሳ አይለታ! ኤንቲ ህንተ አታና ኦገ ኦደይሳታ” ጋዳ ዋሳሱ።
\p
\v 18 ኡባ ጋላስ ሄሳዳ ጋዉሱ። ሽን ጳዉሎስ ይሎትድ ጉየ ስሚድ፥ ሄ አያና፥ “የሱስ ክርስቶሳ ሱንን ኔኒ ኢፐ ከያ” ግድ ኪትስ። ኢራካ ኢታ አያናይ ኢፐ ከይ አግስ።
\p
\v 19 ሽን እ ጎዳት ባንታዉ ሚሸ ደምያ ኦገይ ይዳይሳ በእድ፥ ጳዉሎሳነ ስላሰ ኦይክድ፥ ዳባባ ዳይናታ ስን ጎች ኤፍዶሶና። 
\v 20 ዳይናታ ስን ኤንታ ኤፍድ፥ “ሀይሳቲ አይሁደ አስ ግድሸ ኑ ካታማ አሳ ዳሮ ዋይሶሶና። 
\v 21 ኑኒ ሮመ ቢታ አስ ግድሸ ኤካናዉነ ኦናዉ ዎጋ ግዶናባ ታማርሶሶና” ያግዶሶና።
\p
\v 22 አሳይ እስ ባጋ ግድድ፥ ጳዉሎሳ ቦላነ ስላሰ ቦላ ደንድዶሶና። ዳይናት ኤንታ ማኡዋ ቃርድ ፃምአን ሾጫና መላ ኪትዶሶና። 
\v 23 ኤንታ ዳሮ ዋዳፐ ጉየ፥ ቃሾ ኬ ገልስዶሶና። ቃሾ ኬ ናገይስካ ኤንታ ምን ናጋና መላ ኪትዶሶና። 
\v 24 ቃሾ ኬ ናገይስ ሄ ኪታ ኤክድ፥ ጳዉሎሳነ ስላሰ ቃሾ ኬስ ቆልአ ገልስስ። ኤንታ ቶሁዋ ዱፅስ።
\p
\v 25 ሽን ግድ ብላሄ ግድያ ዎደ ጳዉሎሳራነ ስላሰራ ዎስሸነ ማዝሙረ የፅሸ ፆሳ ጋላቶሶና። ቃሾ ኬን ደእያ ሀራ አሳትካ ኤንቲ ግያባ ስኦሶና።\fig ጳዉሎስነ ስላሰይ ዱፀትድ ደእሽን|alt="Paul and Silas in stocks" src="LB00337B.tif" size="span" ref="16:25"\fig* 
\v 26 ቆፖና ቃሾ ኬ ባሶይ ቃፃና ጋካናዉ ቢታ ቃፆይ ሀንስ። ሄ ሳተንካ ፐንገ ኡባይ ዶየትስ፤ ቃሸትዳ አሳ ኡባ ሳንላታይ ብርሸት ዎስ። 
\v 27 ቃሾ ኬ ናገይስ ስኮፈ ባርክዳ ዎደ ቃሾ ኬ ፐንገ ኡባይ ዶየትዳይሳ በእድ ቃሾ አሳይ ከስ ኤክ ብዳባ ዳንን ባና ዎናዉ ማሸ ኤክስ። 
\v 28 ሽን ጳዉሎስ ቃላ ቁ ኦድ “ኑ ኡባይ ሀይሳን ደእያ ግሾ ኔኒ ነና ቆሆፓ” ያግስ።
\p
\v 29 ቃሾ ኬ ናገይስ ፆምፐ ዎስ ኤክድ ኤለስድ ጋ ዎፅስ። ኮኮርሸ ጳዉሎሳ ስንንነ ስላሰ ስንን ጉፋንስ። 
\v 30 ኤንታ ካረ ከስድ፥ “ታ ጎዳቶ፥ ታኒ አታናዉ አይ ኦናዉ በሲ?” ያግስ።
\p
\v 31 ጳዉሎሳራነ ስላሰራ እያኮ፥ “ጎዳ የሱስ ክርስቶሳ አማና፤ ኔራነ ነ ሶ አሳራ አታና” ያግዶሶና። 
\v 32 ኤንቲ እያስነ እያ ሶን ደእያ ኡባስ ጎዳ ቃላ ኦድዶሶና። 
\v 33 ቃማ ሄ ሳተንካ ቃሾ ኬ ናገይስ ኤንታ ኤፍድ ኤንታ ማዱን ሜጭስ። ኤለስድ ባ ሶ አሳ ኡባራ ፃማቀትስ። 
\v 34 ጳዉሎሳነ ስላሰ ባ ሶ ኤፍድ ኤንታዉ ካ አስ። እ ባ ሶ አሳ ኡባራ ፆሳ አማንዳ ግሾ ኡፋይትስ።
\p
\v 35 ሳእ ዎንትን ዳይናት፥ “ሄ አሳታ ብላ” ያግድ ዎታዳረታ ሀላቃታ እያኮ ኪትዶሶና። 
\v 36 ቃሾ ኬ ናገይስ፥ “ህንተ ብለታና መላ ዳይናት ኪትዶሶና። ህዛ፥ ከይድ ሳሮ ቢተ” ያግድ ሄ ኪታ ጳዉሎሳስ ኦድስ።
\p
\v 37 ሽን ጳዉሎስ፥ “ኑኒ ሮመ አስ\f + \fr 16:37 \fr*\fq ሮመ አስ፦ \fq*\ft ጳዉሎስ ሮመ አስ ያግድ ባና ፄግዳይ ሄ ዎደ አይሁደ ቢታ ሃረይ ሮመ ካዎተ ግድዳ ግሾሳ። ሄ ዎደ ሮመ ቢታን ደእያ አሳይ ፕርድ ባይና ጋራፈቶኮና።\ft*\f* ግድሽን ኤንቲ ኑና ፕርድ ባይና አሳ ስንን ዋድ፥ ቃሾ ኬን የግዶሶና። ሀእ ኑና ጌማን ከይድ ቦ ጎና? ሀነና፥ ኤንቲ ባንታ ሁጰን ይድ ኑና ከሶ” ያግስ።
\p
\v 38 ዎታዳረ ሀላቃት ዳይናታስ ሄሳ ኦድን፥ ጳዉሎሳራነ ስላሰራ ሮመ ቢታ አሰ ግድዳይሳ ስእዳ ዎደ ያይዶሶና። 
\v 39 ሄሳ ግሾ፥ ዳይናት ይድ ኤንታኮ፥ “ኑኒ ህንተና ቆህዳ” ግዶሶና። ቃሾ ኬፈ ካረ ኤንታ ከስድ፥ ካታማፐ ከይድ ባና መላ ዎስዶሶና። 
\v 40 ጳዉሎሳራነ ስላሰራ ቃሾ ኬፈ ከይድ ሊድያ ሶ ብዶሶና። ያን አማነይሳታራ ጋከትድ ኤንታ ምንድ ከይድ ብዶሶና።
\c 17
\s1 ጳዉሎስ ተሰሎንቀን
\p
\v 1 ጳዉሎሳራነ ስላሰራ አምፍጶልሳራነ አጶሎናራ አድ ተሰሎንቀ ብዶሶና። ያን አይሁደ ዎሳ ኬ ደኤስ። 
\v 2 ጳዉሎስ ካሰይሳዳ ያ ገልስ። ሄሳን ሄ ሳምንታ ፆሳ ቃላፐ አሳስ ኦድስ። 
\v 3 ክርስቶስ ዋየ ኤካናዉነ ሀይቆፐ ደንዳናዉ በሰይሳ ኤንታዉ ቆንጭስድ ኦድሸ፥ “የሱሲ ሀ ታኒ ህንተዉ ኦደይስ ክርስቶሳ” ያግስ። 
\v 4 ኤንታፈ እሶት እሶት ኦዳይ ቱማ ግደይሳ ማእድ ጳዉሎሳራነ ስላሰራ እስፍዶሶና። ሄሳዳካ፥ ፆሳ ጎይንያ ዳሮ ግርከ አሳይነ ዳሮ ቦንቸትዳ ማጫሳትካ ኤንታራ እስፍዶሶና።
\p
\v 5 ሽን አይሁደት ቃናትድ እስ እስ ኦሶይ ባይና ኢታ አሳታ ኦገፐ ሺሽዶሶና። ካታማን ቡቀ ከስዶሶና፤ ጳዉሎሳነ ስላሰ አሳስ አድ እማናዉ ኮይድ ያሶና ኬ ተቅዶሶና። 
\v 6 ጳዉሎስነ ስላ ኤንታዉ በንቶና እፅን፥ ያሶናነ እስ እስ አማነይሳታ ካታማ ሀላቃታኮ ጎች ኤፍድ፥ “ሀይሳቲ ቢታ ኡባ ቡቀይሳት ሀእ ኑኮ ይዶሶና። 
\v 7 ያሶን ኤንታ ባ ሶን ዎስ። ሀይሳቲ፥ ‘የሱሳ ጌተትያ ሀራ ካዎይ ደኤስ’ ግድ ቄሳረ ኪታ መንሶና” ያግድ ቁ ግዳ ቃላን ኦድዶሶና።
\p
\v 8 ሺቅዳ አሳይነ ካታማ ሀላቃት ሄሳ ስእድ ሀናናባ ይዶሶና። 
\v 9 ሀላቃት ያሶናነ ሀራታ ዋሰራ ብልዶሶና።
\s1 ጳዉሎስ ቤርያን
\p
\v 10 አማነይሳት ጳዉሎሳነ ስላሰ ቃማራ ቤርያ የድዶሶና። ቤርያ ጋክድ፥ አይሁደ ዎሳ ኬ ገልዶሶና። 
\v 11 ቤርያ አሳይ ተሰሎንቀ አሳፐ አዳ ሱረታ። ኤንቲ ቃላ ኩመ ዎዛናፐ ኤክዶሶና፤ ጳዉሎስ ግዳይስ ቱማ ግደይሳ ሻክ ኤራናዉ ጋላስ ጋላስ ጌሻ ማፃፋታ ፕልጎሶና። 
\v 12 ሄሳ ግሾ፥ ኤንታፈ ዳሮት፥ ግርከታፐካ ቦንቸትዳ ዳሮ ማጫሳትነ ዳሮ አደት አማንዶሶና።
\p
\v 13 ሽን ተሰሎንቀን ደእያ አይሁደት ጳዉሎስ ፆሳ ቃላ ቤርያንካ ኦድዳይሳ ስእዳ ዎደ ቤርያ ይድ አሳ ቡቅዶሶና። 
\v 14 ሄሳፈ ጉየ፥ አማነይሳት ኤለስድ ጳዉሎሳ አባ ማት የድዶሶና። ሽን ስላሰይነ ፅሞትዮስ ቤርያን አትዶሶና። 
\v 15 ጳዉሎሳ ሞይዝዳ አሳት አቴና ጋዶሶና። ሄ አሳት ስላሰይነ ፅሞትዮስ ባንታዉ ዳንዳኤትዳ መላ ኤለስድ ባኮ ያና መላ ጳዉሎስ ኪትዳ ኪታ ኤክድ ቤርያ ስምዶሶና።
\s1 ጳዉሎስ አቴናን
\p
\v 16 ጳዉሎስ አቴናን ስላሰነ ፅሞትዮሳ ናግሸ፥ ካታማን ኤቅ ኩምዳይሳ በእድ ይሎትስ። 
\v 17 ሄሳ ግሾ፥ አይሁደ ዎሳ ኬን አይሁደታራነ ፆሳ ጎይንያ አይሁደ ግዶና አሳራ ቃስ ባራ ጋሄትያ አሳራ ኡባ ጋላስ ፓላሜስ። 
\v 18 ኤፕቆሮሰነ እስቶይከ ጌተትያ ጩጋታፐ እስ እስ ኤራንቾት ጳዉሎሳራ ፓላምዶሶና። ኤንታፈ እሶት እሶት፥ “ሀ ዮያማይ አይ ኦዳናዉ ኮዪ?” ያግዶሶና።
\p ሀራት ጳዉሎስ የሱሳባነ ሀይቆፐ እ ደንድዳይሳ ባንታዉ ኦድዳ ግሾ፥ “ኦራ ፆሳታባ ኦድያ ዳኔስ” ያግዶሶና።
\p
\v 19 ጳዉሎሳ ኦይክድ አርዮስፓጎሳ ጌተትያ ሺቆ በሳ ኤፍድ፥ “ሀ ኔኒ ታማርስያ ኦራባይ አይበኮ ኑና ኤርስኪ? 
\v 20 አይስ ጊኮ፥ ኔኒ ኑስ ኦራባ ኦዳሳ፤ ህዛ ሄስ አይበኮ ኑኒ ኤራናዉ ኮዮስ” ያግዶሶና። 
\v 21 አቴና አሳ ኡባይነ ያን ደእያ እማ አሳይ ኦራባ ኦደቶናነ ስኦና ፔኦኮና።
\p
\v 22 ጳዉሎስ አርዮስፓጎሳ ስንን ኤቅድ፥ “አቴና አሳቶ፥ ፆሳታስ ኡባባን ህንተ ዳሮ ያየይሳ ታኒ በአይስ። 
\v 23 ታኒ ህንተ ካታማራ ዩያሸ ህንተ ጎይንያ በሳታ በእያ ዎደ፥ ‘ኤረቶና ፆሳስ’ ጌተትድ ፃፈትዳ ያርሾ በሳ ደማስ። ሀ ህንተ ኤሮናሽን ጎይነይሳ ታኒ ህንተዉ ኦዳይስ። 
\v 24 ሳአነ ሳአን ደእያ ኡባባ መዳ ፆሳይ፥ ሳሎነ ሳአ ጎዳይ፥ አስ ኬፅዳ ኬን ዴና።\x - \xo 17:24 \xo*\xt 1 ካዎ 8:27፤ እሳ 42:5፤ ሀዋ 7:48.\xt*\x* 
\v 25 እ ደኦ፥ ሸምፖነ ኡባባ አሳ ኡባስ እምያ ግሾ ፓጭ ደእያ አሳዳ አሳ ማደ ኮየና። 
\v 26 ፆሳይ አሳ ኮቸ ኡባ እስ አድያፈ መድ ቢታ ኡባን ዎስ። ያትድ ኤንቲ ዳና ዎድያስነ በሳስ ዛዋ እሚስ። 
\v 27 እ ሄሳ ኦዳይ አስ እያ ኮያና መላነ ፕልግድ ደማና መላሳ። ሀንኮካ እ ኑፐ ጌምቤና። 
\v 28 ህንተፈ እስ እስ የፀይሳት፥ ‘ኑኒ እያ ናይታ’ ግዳይሳዳ፥ ‘ኑኒ እያን ፓፃ ደኦስ፥ ቃፆስ።’ 
\v 29 ህዛ፥ ኑኒ ፆሳ ናይታ ግድያ ግሾ፥ ‘ፆሳይ አሳ ሂላተንነ ቆፋን ዎርቃፈ ዎይኮ ብራፐ ዎይኮ ሹቻፈ ኦሰትዳባ ዳኔስ’ ያግድ ቆፓናዉ በሰና። 
\v 30 ሄሳ ግሾ፥ ፆሳይ በን ዎደ አሳይ ኤሮና ኦዳይሳ አግድ አስ። ሽን ሀእ ኡባ በሳን ደእያ አሳይ ናጋራፐ ስማና መላ ኪቴስ። 
\v 31 አይስ ጊኮ፥ ፆሳይ ባ ዶርዳ አድያን ሳአን ደእያ አሳ ኡባ ቦላ ፅሎ ፕርዳ ፕርዳናዉ ቃማ ጊግስ ዎስ። እያ ሀይቆፐ ደንድ ሄሳ አሳ ኡባስ ቱማይስ” ያግስ።
\p
\v 32 ኤንታፈ እስ እስ አሳት ሀይቆፐ ደንዶባ ጳዉሎሳፐ ስእድ፥ እያ ቦላ ቀልቅስዶሶና። ሽን ሀራት፥ “ኑኒ ሄሳ ኔፐ ጉጅድ ስአናዉ ኮዮስ” ያግዶሶና። 
\v 33 ሄሳ ግሾ፥ ጳዉሎስ ኤንታ ግዶፈ ከይስ። 
\v 34 ሽን እስ እስ አደት ጳዉሎሳራ ጋከትድ አማንዶሶና። ኤንታ ግዶፈ አርዮስፓጎሳን ሺቁዋን ደእያ ድዮናስዮሳ ጌተትያ አደይ፥ ዳማርሶ ጌተትያ እስ ማጫስያነ ሀራት ደኦሶና።
\c 18
\s1 ጳዉሎስ ቆሮንቶሳን
\p
\v 1 ሄሳፈ ጉየ፥ ጳዉሎስ አቴናፐ ከይድ፥ ቆሮንቶሳ ብስ። 
\v 2 ያን ጳንፆሳን የለትዳ እስ አይሁደ አድያ አቅላ ደምስ። አይሁደ አሳ ኡባይ ሮመፐ ከያና መላ ካዎይ ቃላዉድዮስ ኪትዳ ግሾ ጉ ዎደፐ ካሰ እ ባ ማቸ ጵርስቅላራ ፃለፐ ይስ። ጳዉሎስ ኤንታራ ጋሄታናዉ ብስ። 
\v 3 እያ ኦሶይ ኤንታይሳዳ ዱንካነ ስኮ ግድያ ግሾ፥ ኤንታራ ኡትድ እስፈ ኦስ። 
\v 4 ጳዉሎስ ሳምባታ ኡባን አይሁደታነ ግርከታ አማንናዉ አይሁደ ዎሳ ኬን ፓላሜስ።
\p
\v 5 ስላሰይነ ፅሞትዮስ ማቀዶነፐ ይዳ ዎደ ጳዉሎስ ባ ኩመ ዎድያ እምድ አይሁደታስ የሱሲ እ፥ ክርስቶሳ ግድ ቃላ ኦድስ። 
\v 6 ሽን ኤንቲ ጳዉሎሳ እፅድ እያ ጫይን ጳዉሎስ ባ ማኡዋፐ ባና ቆቆፍሸ፥ “ህንተ ጎመይ ህንተና ኦይኮ፤ ታኒ ሄሳን ደእከ። ህዛፐ ጉየ፥ ታኒ አይሁደ ግዶና አሳኮ ባይስ” ያግስ።
\p
\v 7 ያፐ ከይድ ፆሳ ጎይንያ ትቶስ ዮስፆሳ ጌተትያ ኡራ ሶ ብስ። ዮስፆሳ ኬይ አይሁደ ዎሳ ኬ ማታን ደኤስ። 
\v 8 አይሁደ ዎሳ ኬ ሀላቃይ ቃርስጶስ ባ ሶ አሳ ኡባራ ጎዳ አማንስ። ቆሮንቶሳ አሳታፐካ ዳሮት ፆሳ ቃላ ስእዳ ዎደ አማንድ ፃማቀትዶሶና።
\p
\v 9 ጎዳይ እስ ቃማ ጳዉሎሳስ ቆንጭድ፥ “ያዮፋ፤ ኦዳ፥ ስእ ጎፓ። 
\v 10 ታኒ ኔራ ደአይስ። ታዉ ሀ ካታማን ዳሮ አስ ደእያ ግሾ ነና ቆህድ ኢታባን የጋና አስ ኦንካ ባዋ” ያግስ። 
\v 11 ሄሳ ግሾ፥ ጳዉሎስ ፆሳ ቃላ አሳ ታማርስሸ እስ ላይነ ኡሱፑን አጌና ኤንታራ ኡትስ።
\p
\v 12 ጋልዮስ አካያ ቢታ አይስያ ዎደ አይሁደት እስፈ ጳዉሎሳ ቦላ ደንድድ ፕርዳ ኬ እያ ኤፍድ፥ 
\v 13 “ሀ አደይ ህግያ እፅድ፥ አሳይ ፆሳ ጎይናና መላ ኦስ” ያግዶሶና።
\p
\v 14 ጳዉሎስ ኦደታና ሀንሽን፥ ጋልዮስ አይሁደታኮ፥ “አይሁደቶ፥ ሄስ ኢታ ኦሶ ዎይኮ ናቆ ግድያኮ ታኒ ህንተባ ዳንዳአዳ ስአናዉ በሴስ። 
\v 15 ሽን ቃላስ፥ ሱንስነ ህንተ ህግያስ ህንተ ፓላምያባ ግድኮ ህንተ፥ ህንተዉ ብልተ፤ ሄሳ ታኒ ፕርድከ” ያግስ። 
\v 16 ያትድ፥ ኤንታ ፕርዳ ኬፈ ካረ ከስስ። 
\v 17 ሄሳፈ ጉየ፥ ግርከ አሳ ኡባይ አይሁደ ዎሳ ኬ ሀላቃ ሶስተኔሳ ኦይክድ ፕርዳ ኬ ስንን ዋዶሶና። ሽን ጋልዮስ ሄሳ ፓፃባ ግቤና።
\s1 ጵርስቅላ፥ አቅላነ አጵሎሳ
\p
\v 18 ጳዉሎስ ዳሮ ጋላስ ቆሮንቶሳን ኡትዳፐ ጉየ አማንያ አሳ ሳሮድ፥ ጵርስቅልራነ አቅላራ ማርካበን ሶረ ብስ። ሽን እ ባናፐ ስን ባዉ ጋሶይ ደእያ ግሾ ክንክራ ካታማን ባ ሁጵያ ቡሉሰትስ።\x - \xo 18:18 \xo*\xt ታይቦ 6:18.\xt*\x* 
\v 19 ኤንቲ ኤፈሶና ጋክዳ ዎደ ጳዉሎስ ጵርስቅሎነ አቅላ ያን አግስ። ሽን ባዉ አይሁደ ዎሳ ኬ ገልድ አይሁደታራ ኦደትስ። 
\v 20 ኤንቲ ባንታራ ዳሮ ዎደ ኡታና መላ ጳዉሎሳ ዎስዶሶና ሽን እ እፅስ። 
\v 21 ኤንታፈ ሻከትሸ፥ “ታኒ ያ ባልያ የሩሳላመን ቦንቻናዉ በሴስ። ሽን ፆሲ ጊኮ ህንተኮ ስማ ያና” ያግድ ኤፈሶናፐ ማርካብያን ብስ። 
\v 22 ቅሳረ ጋክዳ ዎደ የሩሳላመ ብድ ዎሳ ኬ አሳ ሳሮዳፐ ጉየ አንፆከ ብስ።
\p
\v 23 ያን ጉ ዎደ ጋምእዳፐ ጉየ አማንያ አሳታ ኡባ ምንሸ ጋላትያራነ ፕርገራ አስ።
\p
\v 24 እስክንድረን የለትዳ እስ አጵሎሳ ጌተትያ አይሁደ አስ ኤፈሶና ብስ። እ ኦዳ ኤርያ አስነ ፆሳ ቃላ ዳሮ ኤርያ አስ። 
\v 25 ጎዳ ኦግያካ ታማርስ፥ አያናን ፁገትድ የሱሳባ ሱረ ታማርሴስ። ግዶሽን፥ ዮሃንሳ ፅንቃትያ ፃላላ ኤሬስ። 
\v 26 እ አይሁደ ዎሳ ኬን ያዮና ታማርሴስ። ጵርስቅላነ አቅል እ ኦደይሳ ስእዳ ዎደ ባንታራ ሶ እያ ኤፍድ ፆሳ ኦግያ ካሰይሳፈ ጌሽድ እያዉ ኦድዶሶና።
\p
\v 27 አጵሎስ አካያ ባናዉ ኮይን ኤፈሶናን ደእያ አማንያ አሳይ እያ ቆፋ ኤክድ አካያን ደእያ አማነይሳት እያ ሞካና መላ ኤንታዉ ዳብዳበ ፃፍዶሶና። እ ያ ጋክዳ ዎደ ፆሳ አ ኬሀተ ባጋራ የሱስ ክርስቶሳ አማንዳይሳታ ዳሮ ማድስ። 
\v 28 አይስ ጊኮ፥ የሱሲ፥ እ፥ ክርስቶሳ ግደይሳ አይሁደታስ ፆሳ ቃላፐ ቆንጭስድ ደርያ ስንን ምን ኦድድ ኤንታ ላስ። \fig ጳዉሎስ ዎንገላ ሳባካናዉ ብዳ ሄን ኦግያ|alt="Paul's 3rd Journey" src="Paul3-BW.tif" size="span" loc="ACT 18:23—21:17" ref="18:23—21:17"\fig*
\c 19
\s1 ጳዉሎስ ኤፈሶናን
\p
\v 1 አጵሎስ ቆሮንቶሳን ደእሽን፥ ጳዉሎስ ቆሞ ባጋራ አድ ኤፈሶና ብስ። ያን እስ እስ አማንያ አሳታ ደምስ። 
\v 2 ኤንታኮ፥ “ህንተ አማንዳ ዎደ ጌሻ አያና ኤክደቲ?” ያግድ ኦይችስ።
\p ኤንቲ፥ “አካይ፥ ኤክቦኮ፤ ሀር አቶሽን፥ ጌሻ አያን ደእያባካ ስእቦኮ” ያግዶሶና።
\p
\v 3 ጳዉሎስ ኤንታኮ፥ “ያትን፥ አይብን ፃማቀትደቲ?” ያግስ።
\p ኤንቲ፥ “ኑኒ ዮሃንሳ ፅንቃተን ፃማቀትዳ” ያግድ ዛርዶሶና።
\p
\v 4 ጳዉሎስ፥ “ዮሃንስ ባፐ ጉየራ ያ የሱስ ክርስቶሳን አሳይ አማናና መላ አሳስ ኦድሸ፥ ናጋራፐ ስሞ በሲያ ፅንቃተን ፃማቅስ” ያግስ።\x - \xo 19:4 \xo*\xt ማቶ 3:11፤ ማር 1:4፥ 7-8፤ ሉቃ 3:4፥ 16፤ ዮሀ 1:26-27.\xt*\x*
\p
\v 5 ኤንቲ ሄሳ ስእዳ ዎደ ጎዳ የሱስ ክርስቶሳ ታማረ ግዳናዉ ፃማቀትዶሶና። 
\v 6 ጳዉሎስ ባ ኩሽያ ኤንታ ቦላ ዎዳ ዎደ ጌሻ አያናይ ኤንታ ቦላ ዎን፥ ዱማ ዱማ ዶናን ኦደትዶሶና፤ ቃስ ትንብተ ኦድዶሶና። 
\v 7 ሄ በሳን ታማነ ናምአ ግድያ አሳት ደኦሶና።
\p
\v 8 ጳዉሎስ አይሁደ ዎሳ ኬ ገልድ፥ ፆሳ ካዎተባ ያዮና ፓላምሸነ ሎይ ቆንጭስሸ ኤንታራ ሄ አጌና ጋካናዉ ጋምእስ። 
\v 9 ሽን ኤንታፈ እሶት እሶት በ ግድድ ዳሮ አሳ ስንን ጎዳ ኦግያ ጫይድ አማኖና እፅዶሶና። ጳዉሎስ አማነይሳታ ኤንታፈ ሻክ ኤክድ ፅራኖሳ ጌተትያ ትምርተ ኬን ኡባ ጋላስ ኤንታ ታማርስስ። 
\v 10 ጳዉሎስ ናምኡ ላይ ጋካናዉ ቃላ ኦድስ። ሄሳ ግሾ፥ ኢሰን ደእያ አሳ ኡባይ፥ አይሁደትነ አይሁደ ግዶናይሳት ጎዳ ቃላ ስእዶሶና።
\s1 አስቀዋ ናይታ
\p
\v 11 ፆሳይ ጳዉሎሳ ኩሸን ዎልቃማ ማላታታ ኦስ። 
\v 12 ሄሳ ግሾ፥ አሳይ እያ አሳተ ቦችዳ ማራበ ዎይኮ ማኦ ሀርጋንቾታስ ኤፎሶና። ኤንትካ ፓፆሶና፤ ቱና አያናት ኤንታፈ ከዮሶና።
\p
\v 13 ቱና አያናታ ከስሸ ዩይያ አይሁደታፐ እሶት እሶት፥ “ጳዉሎስ ሳባክያ የሱሳ ሱንን ከይተ ግድ ህንተና ኪቶስ” ያግድ፥ ቱና አያናት ኦይክዳ አሳታ ቦላ ጎዳ የሱሳ ሱን ፄግዶሶና። 
\v 14 ካህነ ሀላቃ አስቀዋ ጌተትያ እስ አይሁደ አድያስ ሄሳ ኦያ ላፑን ናይት ደኦሶና።
\p
\v 15 ሽን ቱና አያናይ ኤንታኮ፥ “ታኒ የሱሳካ ጳዉሎሳካ ኤራይስ፥ ሽን ህንተ ኦናንቴ?” ያግስ።
\p
\v 16 ቱና አያን ኦይክዳ አደይ ኤንታ ቦላ ጉፕ ዎድ፥ ኤንታ ማዱንፅስድ፥ ሄ ኬፈ ካሎ ባቃታና ጋካናዉ ዎልቃምስ። 
\v 17 ኤፈሶናን ደእያ አይሁደትነ አይሁደ ግዶናይሳት ኡባይ ሄሳ ስእድ ዳሮ ያይዶሶና። ጎዳ የሱሳ ሱንይ ዳሮ ቦንቸትስ። 
\v 18 አማነይሳታፐ ዳሮት ባንታ ኦዳ ኢታ ኦሱዋ ፓፅሸነ ቆንጨን ኦድሸ ዮሶና። 
\v 19 ማሮታፐ ዳሮት ባንታ ማፃፋታ ሺሽድ አሳ ኡባ ስንን ፁግዶሶና። ሄ ማፃፋታ ጋትያ ታይቦይ እሻታሙ ሙኩሉ ብራ ሳንትመ\f + \fr 19:19 \fr*\fq ብራ ሳንትመ፦ \fq*\ft ማቶሳ 26:15 ፄልተ።\ft*\f* ግድስ። 
\v 20 ሄሳዳ ሀንድ ፆሳ ቃላይ ድጭሸነ ዳልግሸ ብስ።
\s1 ኤፈሶናን ኦሽ ከይስ
\p
\v 21 ሄስ ሀንዳፐ ጉየ ጳዉሎስ፥ “ታኒ የሩሳላመ ባ ስማዳ ሮመ ባናዉ በሴስ” ያግድ ማቀዶነራነ አካያራ አድ የሩሳላመ ባናዉ ቆፋ ቃችስ። 
\v 22 ቃስ ባና ማደይሳታፐ ናምአታ ፅሞትዮሳነ ኤራስፆሳ ማቀዶነ ኪትድ፥ ባዉ ኢሰን ጉ ዎደ ጋምእስ።
\p
\v 23 ሄ ዎደ ጎዳ ኦግያ ግሾ ኤፈሶናን ዎልቃማ ካች ከይስ። 
\v 24 እስ ብራ ኦያ ድመፅሮሳ ጌተትያ ኡራይ አርፀምስ ኤቃ ኬ ምስልያ ብራፐ ኦድ ዳሮ ዎ ደሜስ። 
\v 25 ሄሳ ግሾ፥ ሄሳ መላ ኦሶ ኦይሳታ እስፈ ሺሽድ፥ “አሳዉ፥ ኑ ዱረተይ ሀ ኦሱዋን ግደይሳ ህንተ ኤሬታ። 
\v 26 ሀይስ ጳዉሎስ፥ ‘አሳ ኩሸን ኦሰትዳይሳት ፆሳታ ግዶኮና’ ያግድ፥ ኤፈሶናንነ ጉ ቢታታፐ አትሽን፥ ኩመ ኢሰ ኡባን ደእያ ዳሮ አሳ ኦድ አማንዳይሳነ ባለዳይሳ ህንተ በእደታነ ስእደታ። 
\v 27 መቶ ግድዳይ፥ ኑ ኦሶይ ካተይሳ ፃላላ ግዶናሽን፥ ኢሰነ ቢታ ኡባን ደእያ አስ ጎይንያ ግታ ፆሰ አርፀምስ ኬይ ቦንቸቶና አተይሳነ እ ግታተይ ኩንዳናይሳ” ያግስ።
\p
\v 28 አሳይ ሄሳ ስእዳ ዎደ ሸነን ፁገትድ፥ “ኤፈሶና አርፀምሳ ግታ” ያግድ ዋስዶሶና። 
\v 29 ሄ ዋሶይ ካታማ ኡባ ጋክስ። ጳዉሎሳራ ሄመትያ ማቀዶነ አሳታ፥ ጋዮሳነ አርስፅሮኮሳ ኦይክድ ጎችሸ ካሳ በሳ ዎፅዶሶና። 
\v 30 ጳዉሎስ አሳይ ሺቅዳ በሳ ገላናዉ ኮይስ፥ ሽን አማነይሳት እያ ድግዶሶና። 
\v 31 ኢሰ ቢታ ሀላቃታፐ ጳዉሎሳ ላገ ግድዳ እሶት እሶት ጳዉሎሳኮ ኪትድ፥ “ካሳ በሳ ቆንጨን ከያዳ በንቶፋ” ግድ እያ ዎስዶሶና።
\p
\v 32 ሺቅዳ አሳስ ሀናናባይ ይስ፤ ዳርያ ባጋ አሳይ ሀር አቶሽን አይስ ሺቅዳኮ ኤሮና ግሾ፥ እሶይ እስባስ ዋስያ ዎደ ሀንኮይ ሀራባስ ዋሴስ። 
\v 33 አይሁደት እስክንድረ ጌተትያ አድያ አድ በስን፥ እስ እስ አሳይ እ ጋናባ ኦድድ እያ ስን አዶሶና። እ አሳይ ስእ ጋና መላ ባ ኩሸን ማል በስድ፥ አሳስ ሞተታናዉ ኤቅስ። 
\v 34 ሽን እስክንድረይ አይሁደ አስ ግድዳይሳ አሳይ ኤርዳ ዎደ ናምኡ ሳተ ግዳናይሳ መላ ኡባይ እስ ቃላን፥ “ኤፈሶና አርፀምሳ ግታ” ያግድ ዋስዶሶና።
\p
\v 35 ዉርሰን፥ ካታማ ፃፈይ አሳ ስእ ኦድ፥ “ኤፈሶና አሳዉ፥ ኤፈሶና ካታማይ ግታ አርፀምስ ኤቃ ኬነ ሳሎፐ ዎዳ እ ሹቻ ምስልያ ናገይ ኤፈሶና አሳ ግደይሳ ኤሮናይ ኦኔ? 
\v 36 ሀይሳ ካሽ ግያ አስ ባይና ግሾ፥ ህንተ ስእ ጋናዉነ ድርግድ አይኮ ኦና አጋናዉ በሴስ። 
\v 37 ህንተ፥ ሀ አሳታ ኤቃ ኬ ሚሸ ካይሶቶናሽን ዎይኮ ኑ ፆሳታ ጫይቦናሽን ጮ ሀ አሳታ ኦይክድ ኤህደታ። 
\v 38 ሄሳ ግሾ፥ ድመፅሮስነ እያራ ደእያ ኦሳንቾት አሳ ሞታናዉ ኮይኮ፥ ፕርዳ ኬይ ዶያ ደኤስ፤ ዳይናትካ ደኦሶና፤ ኤንቲ ሞታናዉ ዳንዳኦሶና። 
\v 39 ሽን ህንተ ሀራ ኦዳ ኮይኮ፥ ሻንጎ ሺቆን ኦዳይ በኤቶ። 
\v 40 ሄሳ ግዶና እፅኮ ሀች ሀንዳባስ ሮመ ካዎተይ ኑና ኦይቻና። ሀ ቡቀስ ጋሶይ ባይና ግሾ፥ ኑኒ ጋሶ ኦዳናዉ ዳንዳኦኮ” 
\v 41 ያግድ ሺቁዋ ላልስ።
\c 20
\s1 ጳዉሎስ ማቀዶነንነ ግርከን
\p
\v 1 ዋሶይ ዶችዳፐ ጉየ፥ ጳዉሎስ አማንያ አሳታ ፄግስድ ኤንታ ዞርዳፐ ጉየ፥ ሳሮድ ማቀዶነ ባናዉ ከይስ። 
\v 2 ሄ ቢታራ አሸ ቃላ ኦድሸ አሳ ዳሮ ምንዳፐ ጉየ ግርከ ቢታ ብስ። 
\v 3 እ ያን ሄ አጌና ኡትድ፥ ማርካበራ ሶረ ባናዉ ቆፕድ ደእሽን፥ አይሁደት ባና ዎናዉ ኮየይሳ ኤርድ ማቀዶነራ ጉየ ስማናዉ ኮይስ።
\p
\v 4 ጳዉሎሳ ሞይዝዳይሳት ቤርያፐ ጳርሁሳ ናኣ ሶጳፅሮሳ፥ ተሰሎንቀፈ አርስፅሮኮሳነ ስኮንዱሳ፥ ዳርበፈ ጋዮሳ፥ ኢሰፐ ትክቆሳ፥ ፅሮፍሞሳነ ፅሞትዮሳ። 
\v 5 ሄሳት ስን ብድ ኑና ፅሮኣዳን ናጎሶና። 
\v 6 ኑኒ ኡይ ባልያ ቦንችዳፐ ጉየ፥ ፍልጵስዩሳፐ ማርካበራ ደንድድ፥ እቻሻን ጋላሳን ኤንታ ፅሮኣዳን ጋክድ ያን ላፑን ጋላስ ጋምእዳ።
\s1 ጳዉሎስ ፅሮኣዳን
\p
\v 7 ሳምንታፈ ኮይሮ ጋላሳን ኑኒ ኡይ መንናዉ ሺቅድ ደእሽን፥ ጳዉሎስ ዎንተ ባናዉ ቆፕዳ ግሾ፥ ኤንታዉ ቃላ ኦድሸ ግድ ብላሄ ጋካናዉ ኦዳ አዱስስ። 
\v 8 ኑኒ ሺቅድ ኡትዳ ፖቅያን ዳሮ ፖኦይ ደኤስ። 
\v 9 ኤዉፅኮሳ ጌተትያ እስ ናአተይ ማስኮተ ቦላ ኡትድ፥ ባና ዶግድ ስክስ። ጳዉሎስ ኦዳ አዱስዳ ዎደ ኤዉፅኮስ ስኮ ኤይድ ሄን ፖቅያፐ ኩንድድ ሀይቅዳይሳ አሳይ ደንስ። 
\v 10 ሽን ጳዉሎስ ዎድ፥ እያ ቦላ ጉፋንስ። እያ እድምድ፥ “እ ሀይቅቤና፥ ህርጎፍተ” ያግስ። 
\v 11 ሄሳፈ ጉየ፥ ፑደ ፖቅያ ቦላ ከይድ ኡይ መንድ ምስ። ሳአይ ዎንታና ጋካናዉ አሳስ ኦድዳፐ ጉየ ደንድድ ብስ። 
\v 12 ሄ ፓፅዳ ናአተ ሶ ኤፍድ ዳሮ ኡፋይትዶሶና።
\s1 ጳዉሎስ ኤፈሶናፐ ሞይዘትስ
\p
\v 13 ሽን ጳዉሎስ ባና ያፐ ሞካና መላ ኑስ ኦድዳ ግሾ፥ ካሰትድ ማርካብያኮ ብድ፥ አሶሳ ባናዉ ደንድዳ። አይስ ጊኮ፥ እ ቶሆን ባናዉ ቆፕዳ ግሾ ኑና ሄሳ ኪትስ። 
\v 14 እ ኑራ አሶሳን ጋሄትን ማርካብያን እያ ኤክድ ምፅልነ ብዳ። 
\v 15 ዎንተ ጋላስ ያፐ ደንድድ ማርካበን ክዮሳ ስንን ደእያ በሳ ጋክዳ፤ ቃስ ዎንተ ጋላስ ሳሞሳ ፕንድ ካልያ ጋላስ ምልፀ ጋክዳ። 
\v 16 ጳዉሎስ ኢሰን ዳሮ ጋምኦና ኤፈሶና ማታራ አናዉ ቆፕስ። ባዉ ዳንዳኤትኮ ጳንፀቆስፀ ባልያ ጋላስ የሩሳላመ ጋካናዉ ኤሶቴስ።
\p
\v 17 ጳዉሎስ ምልፀፐ ኤፈሶና ኪትድ ዎሳ ኬ ጭማታ ፄግስስ። 
\v 18 ዎሳ ኬ ጭማት እያኮ ይን፥ ኤንታኮ ሀይሳዳ ያግስ፦ “ታኒ ኢሰ ገልዳ ኮይሮ ጋላሳፐ ዶምዳ ህንተራ ደእዳ ዎደ ኡባን ዋና ደእዳኮ ህንተ ኤሬታ። 
\v 19 አይሁደት ዱላትድ ታ ቦላ መቶ ጋኮካ ታኒ አሽከተንነ ዳሮ አፉን ጎዳስ ኦስ። 
\v 20 ዳባባንካ ህንተ ኬን ኬን ህንተና ታማርስሸ ህንተና ማድያባፐ እስባካ ፓጭሳብከ። 
\v 21 ታኒ አይሁደታስነ አይሁደ ግዶናይሳታስ ናጋራፐ ፆሳኮ ስማና መላነ ኑ ጎዳ የሱሳ አማናና መላ ማርካታስ።
\p
\v 22 “ያን ታና አይብ ጋካኔኮ ኤርከ፥ ሽን ሀእ ታኒ ጌሻ አያናስ ኪተታዳ የሩሳላመ ባይስ። 
\v 23 ጌሻ አያናይ ቃሾይነ ዋየይ ታና ናገይሳ ካታማ ኡባን ታዉ ማርካትስ። 
\v 24 ሽን ታ ዎ ፖላናዉነ ጎዳ የሱስ ክርስቶሳፐ ኤክዳ ኦሱዋ፥ ፆሳ አ ኬሀተ ዎንገላ ማርካተይሳ ፖላናዉ ታ ሸምፕዉ ፓናባዳ ታይባስ።\x - \xo 20:24 \xo*\xt 2 ፅሞ 4:7.\xt*\x*
\p
\v 25 “ታኒ ሀእካ ፆሳ ካዎተ ማርካታሸ ህንተ ኡባ ግዶን ዩያስ። ህዛፐ ጉየ፥ ህንተፈ ኦንካ ታና በኦናይሳ ኤራይስ። 
\v 26 ሄሳ ግሾ፥ ህንተፈ እስ ኡራይ ይኮካ ታ ኦይሸቶናይሳ ሀች ህንተዉ ጌሻዳ ኦዳይስ። 
\v 27 አይስ ጊኮ፥ ፆሳይ ኦናዉ ቆፕዳባ ኡባ ህንተዉ አይብባካ አሾና ኦዳስ።
\p
\v 28 “ባ ናኣ ሱን ዎዝዳ ፆሳ ዎሳ ኬ ናግተ። ጌሻ አያናይ ህንተና ሀላቃ ኦድ ዶርዳ ዉድያስነ ህንተ ሁጵያስ ናገትተ። 
\v 29 ታኒ ብዳፐ ጉየ፥ ዉድያስ ቃቶና ዎዛና ምኖ ሱመት ህንተ ግዶ ገላናይሳ ታኒ ኤራይስ። 
\v 30 አማነይሳታ ባንታ ጌዶ ካለናዉ ዎርዶ ታማርስያ አሳት ህንተ ግዶፈ ደንዳና። 
\v 31 ሄሳ ግሾ፥ ታኒ ሄ ላይ ቃማነ ጋላስ አፉን ህንተና ሁጰን ሁጰን ምንዳይሳ ቆፕሸ ናገትተ።
\p
\v 32 “ሀእካ ህንተና ምንናዉነ ጌሻ አሳራ ላትሳናዉ ዳንዳእያ ፆሳስነ እያ አ ኬሀተ ቃላስ ህንተና ሀዳራ እማይስ።
\p
\v 33 “ታኒ ኦደ ብራ ዎይኮ ዎርቃ ዎይኮ አፍላ አሞታብከ። 
\v 34 ታኒ ታ ኩሸን ኦዳ ታናነ ታራ ደኤይሳታ ኮሽዳባ ማድዳይሳ ህንተ፥ ህንተ ሁጰን ኤሬታ። 
\v 35 ህንተ ሀይሳዳ ዳቡርድ ኦሸ ዳቡራንቾታ ማዳናይሳነ ጎዳ የሱሲ፥ ‘ኤከይሳፈ እመይስ አንጀትዳይሳ’ ግዳ ቃላ ህንተ ቆፓናዉ በሰይሳ ታኒ ህንተና ኡባባን በሳስ” ያግስ።
\p
\v 36 ጳዉሎስ ሄሳ ኦድ ኦንግድ ኤንታ ኡባራ ጉልባትድ ፆሳ ዎስስ። 
\v 37 ኤንቲ ኡባይካ ጳዉሎሳ እድምድ ዬክድ ዬርዶሶና። 
\v 38 እ ዛሪድ፥ “ታና በኤከታ” ያግዳ ቃላይ ኤንታ ዳሮ አዛንስ። ኤንቲ ማርካብያ ጋካናዉ እያ ሞይዝዶሶና።
\c 21
\s1 ጳዉሎስ የሩሳላመ ቡሳ
\p
\v 1 ኑኒ ኤፈሶና ጭማታፐ ሻከትዳ መላ ቆሳ ብዳ። ዎንተ ጋላስ ሮዳ ጋክድ ያፐ ጳፃራ ብዳ። 
\v 2 ስሮፍንቀ ፕንያ ማርካበ ደምድ እያን ገልድ ባናዉ ደንድዳ። 
\v 3 ኑኒ ቆጵሮሳ በአናዉ ዳንዳእያ ሶ ይድ፥ ቆጵሮሳ ሀድርሳ ባጋ አግድ ሶረ ብዳ። ማርካበይ ባ ጫና ያን ዎናዉ ኮይዳ ግሾ ፅሮሳ ብዳ። 
\v 4 ያን አማንያ አሳታ ደምድ ኤንታራ ላፑን ጋላስ ኡትዳ። ጳዉሎስ የሩሳላመ ቦና መላ ኤንቲ እያዉ አያናን ኦድዶሶና። 
\v 5 ኑኒ ኤንታራ ኡትያ ዎደይ ዉርን ከይድ ብዳ። ኤንቲ ኡባይ ባንታ ማጫሳታራነ ባንታ ናይታራ እስፈ ካታማፐ ካረ ከስድ ኑና ሞይዝዶሶና። ኑኒ አባ ዶናን ጉልባትድ ፆሳ ዎስዳ። 
\v 6 ሄሳፈ ጉየ፥ ዎል ሳሮድ ኑ ማርካብያን ገልዳ፤ ኤንቲ ባንታ ሶ ስምዶሶና።
\p
\v 7 ኑኒ አባ ኦግያ ኦንግድ፥ ፅሮሳፐ ጳፀለማሳ ጋክዳ። ያን አማንያ አሳታ ሳሮድ፥ ኤንታ ማታን እስ ጋላስ ፔእዳ። 
\v 8 ዎንተ ጋላስ ከይድ፥ ቅሳረ ብዳ። ሳባክያ ፍልጶሳ ሶ ጋክድ እያ ማታን ኡትዳ። እ የሩሳላመን ካሰ ዶረትዳ ላፑናታፐ እሱዋ።\x - \xo 21:8 \xo*\xt ሀዋ 6:5፤ 8:5.\xt*\x* 
\v 9 ፍልጶሳስ ናበ ግድዳ ኦይዱ ጌላኦ ናይት ደኦሶና።
\p
\v 10 ኑኒ ኡንደና ጋላስ ያን ኡትድ ደእሽን ትንብተ ኦድያ እስ አጋቦሳ ጌተትያ አደይ ይሁዳፐ ቅሳረ ይስ።\x - \xo 21:10 \xo*\xt ሀዋ 11:28.\xt*\x* 
\v 11 ኑኮ ይድ ጳዉሎሳ ሳቅያ ኤክድ ባ ኩሽያነ ባ ቶሁዋ ቃችድ፥ “ጌሻ አያናይ ሀ ሳቅያ ጎዳ፥ የሩሳላመን አይሁደት ሀይሳዳ ቃችድ፥ አይሁደ ግዶና አሳስ አድ እማና ያጌስ” ያግስ።
\p
\v 12 ኑኒ ሄሳ ስእዳ ዎደ ኑነ ያን ደእያ አሳት ጳዉሎስ የሩሳላመ ቦና መላ ዎስዳ። 
\v 13 ሽን ጳዉሎስ ዛሪድ፥ “ህንተ ሀይሳዳ ዬክሸ አይስ ታ ዎዛና ሹግሴቲ? ታኒ፥ ጎዳ የሱሳ ሱን ግሾ ቃሸተ ፃላላ ግዶናሽን የሩሳላመን ሀይቃናዉካ ጊገታስ” ያግስ።
\p
\v 14 ኑ ዞርያ እ ኤኮና እፅን፥ “ጎዳ ሸነይ ሀኖ” ያግድ ስእ ግዳ።
\p
\v 15 ያን ጉ ዎደ ጋምእዳፐ ጉየ ጊገትድ የሩሳላመ ባናዉ ከይዳ። 
\v 16 ቅሳረን ደእያ አማንያ አሳታፐ ጉት ኑራ ብዶሶና። ኤንቲ ኑኒ ሸምፓና በሲ ምናሶና ጌተትያ ቆጵሮሳ አድያ ሶ ኤፍዶሶና። ምናሶን ኮይሮ አማንዳ አሳፐ እሱዋ።
\s1 ጳዉሎስ የሩሳላመ ጋክስ
\p
\v 17 ኑኒ የሩሳላመ ጋክዳ ዎደ አማንያ አሳት ኑና ኡፋይሳን ሞክዶሶና። 
\v 18 ዎንተ ጋላስ ጳዉሎስነ ኑኒ ያይቆባራ ጋሄታናዉ ብዳ። ዎሳ ኬ ጭማት ኡባትካ ያን ደኦሶና። 
\v 19 ጳዉሎስ ኤንታ ሳሮዳፐ ጉየ አይሁደ ግዶና አሳ ግዶን ባ ባጋራ ፆሳይ ኦዳባ ኡባ ኤንታዉ ኦድስ።
\p
\v 20 ኤንቲ ሄሳ ስእዳ ዎደ ፆሳ ጋላትድ ጳዉሎሳኮ ሀይሳዳ ያግዶሶና፦ “ኑ እሻዉ፥ አይሁደታ ግዶን አፑን ሙኩላት ፆሳ አማንዳኮ ነ በኣሳ፤ ኤንቲ ኡባይካ ህግያ ምን ናጎሶና። 
\v 21 ኔኒ አይሁደ ግዶናይሳታ ቢታን ደእያ አይሁደ ኡባይ ባንታ ናይታ ቃፃሮና መላ፥ አይሁደታ ዎጋ ካሎና መላነ ሙሰ ህግያ እፃና መላ ኔኒ ታማርሰይሳ የሩሳላመን ደእያ አይሁደት ስእዶሶና። 
\v 22 ያትን አይብ ሎኦ? ኔኒ ይዳይሳ ዳሮት ስአና።
\p
\v 23 “ሄሳ ግሾ፥ ኑኒ ነዉ ኦደይሳ ስአ፤ ጋሶይ ደእያ ኦይዱ አሳት ኑ ማታን ደኦሶና።\x - \xo 21:23 \xo*\xt ታይቦ 6:13-21.\xt*\x* 
\v 24 ኤንታ ኤካዳ ኤንታራ ጌያ፤ ቃስ ኤንቲ ባንታ ሁጵያ ሜደታና መላ ኤንታዉ ሚሸ እማ። ኤንቲ ካሰ ነባ ስእዳይስ ቱማ ግዶናይሳነ ኔኒ ነ ሁጰንካ ህገ ናግያ አስ ግደይሳ ኡባይ ኤራና።
\p
\v 25 “ሽን አማንዳ አይሁደ ግዶና አሳታ ግድኮ፥ ኤንቲ ኤቃስ ያርሸትዳባ ሞና መላ፥ ሱ ኡዮና መላ፥ ባዉታ ሞና መላነ ላይማቶና መላ፥ ኑኒ ኦዳ ቃችድ፥ ኤንታዉ ዳብዳበ ፃፍዳ” ያግዶሶና።\x - \xo 21:25 \xo*\xt ሀዋ 15:29.\xt*\x*
\p
\v 26 ሄሳፈ ጉየ፥ ጳዉሎስ ዎንተ ጋላስ አሳታ ኤክድ፥ ኤንታራ ጌይስ። እ ባንታ ጌይያ ጋላሳይ አዉደ ፖለትያኮ ኤርሳናዉነ ባንታ ያርሹዋ አዉደ ያርሻነኮ ኤርሳናዉ ፆሳ ኬ ገልስ።
\s1 ጳዉሎስ ኦይከትስ
\p
\v 27 ላፑን ጋላሳይ ዉራና ሀንሽን፥ ኢሰፐ ይዳ አይሁደት ፆሳ ኬን ጳዉሎሳ በእድ፥ አሳ ኡባ ደንድ ጳዉሎሳ ኦይክዶሶና። 
\v 28 “እስራኤለ አሳዉ፥ ኑና ማድተ፤ ሀ ኡራይ፥ ኑ ደርያ፥ ኑ ህግያነ ሀ ፆሳ ኬ እፃና መላ አሳ ኡባ ታማርሴስ። ሄስካ ግዶና እፅን አይሁደ ግዶናይሳታ ፆሳ ኬ ገልስድ፥ ሀ ጌሻ በሳ ቱንስስ” ያግድ ዋስዶሶና። 
\v 29 ኤንቲ ሄሳ ግዳይ ካሰ ኤፈሶና ፅሮፍሞሳ ጳዉሎሳራ ካታማን በእዳ ግሾ ሀእ ጳዉሎስ ፆሳ ኬ እያ ኤክ ገልዳባ ኤንታዉ ዳንስ።\x - \xo 21:29 \xo*\xt ሀዋ 20:4.\xt*\x*
\p
\v 30 ካታማ ኡባይ ቡቀትስ፤ አሳ ኡባይ ሺቅድ ጳዉሎሳ ኦይክድ ፆሳ ኬፈ ካረ ጎችዶሶና። ፆሳ ኬ ፐንገት ኤለስድ ጎርደትዶሶና። 
\v 31 አሳይ ጳዉሎሳ ዎና ሀንሽን፥ “የሩሳላመ ካታማይ ኩመ ቡቀትስ” ግያ ኦዳይ ሮመ ሻላቃኮ ጋክስ። 
\v 32 ሻላቃይ ዎታዳረታነ ማቶ ሀላቃታ ኤክድ ዎፅሸ ይስ። አሳይ ሻላቃነ ዎታዳረታ በእዳ ዎደ ጳዉሎሳ ዋይሳ አጋግዶሶና።
\p
\v 33 ሄ ዎደ ሻላቃይ ሺቅድ፥ ጳዉሎሳ ኦይክድ፥ ናምኡ ሳንላታን ቃሸታና መላ ኪትስ። ያትድ፥ እ ኦነኮነ አይ ኦዳኮ አሳ ኦይችስ። 
\v 34 አሳፐ ባጋይ እስባ ግድ ዋስያ ዎደ፥ ሀራት ሀራባ ግድ ዋሴስ። ዋሶይ ዳርዳ ግሾ፥ ሻላቃይ ቱማ ሻካናዉ ዳንዳኤቶና እፅን፥ ዎታዳረት ጳዉሎሳ ባንታ ደእያሶ ኤፋና መላ ኪትስ። 
\v 35 ጳዉሎስ የ ከይያ ደ ጋክያ ዎደ አሳ ሱገ ግሾ ዎታዳረት እያ ቶክዶሶና። 
\v 36 ዳሮ አሳይ፥ “እ ሀይቆ!” ያግድ ዋስሸ ካሎሶና።
\s1 ጳዉሎስ አሳስ ዛሮ እሚስ
\p
\v 37 ዎታዳረት ጳዉሎሳ ባንታ ደእያሱዋ ገልሳና ሀንሽን፥ ጳዉሎስ ሻላቃኮ፥ “ታኒ ነዉ እስባ ኦዶ?” ያግስ።
\p እ ጳዉሎሳኮ፥ “ኔኒ ግርከ ዶና ኤራይ? 
\v 38 ኔኒ ሀይሳፈ ስን ቡቀ መድ ሸምፖ ዎዳ ኦይዱ ሙኩሉ አሳታ ኤክድ ባዞ ገልዳ ግብፀ ኡራ ግድኪ?” ያግስ።
\p
\v 39 ሽን ጳዉሎስ፥ “ታኒ፥ ክልቅያን ደእያ ኤረትዳ ተርሰሴ ካታማን የለትዳ አይሁደ አስ። ሀያና ታና ኦድሳርኪ?” ያግስ።
\p
\v 40 ሻላቃይ እያኮ፥ “ኦዳ” ያግን ጳዉሎስ ደ ቦላ ኤቅድ፥ አሳይ ስእ ጋና መላ ባ ኩሽያን ማልስ። አሳይ ስእ ግን እብራወ ዶናን ሀይሳዳ ያግስ፦
\b
\c 22
\p
\v 1 “ታ እሻቶ፥ ታ አዋቶ፥ ታኒ ሀእ ህንተዉ እምያ ዛሩዋ ስእተ።” 
\v 2 ጳዉሎስ ኤንታዉ እብራወ ዶናን ኦደይሳ ስእድ ካሰይሳፈ አድ ስእ ግዶሶና። እ ካልድ፥
\p
\v 3 “ታኒ ክልቅያን ደእያ ተርሰሴ የለታዳ ሀ ካታማን ድጫስ። ታ አስታማረይካ ጋማልያለ፤ ታኒ ኑ አዋታ ህግያ ምን ታማርዳ፥ ሀች ህንተ ኡባይ ሀነይሳዳ ፆሳስ ምሸትያ አይሁደ አስ።\x - \xo 22:3 \xo*\xt ሀዋ 5:34-39.\xt*\x* 
\v 4 ታኒ ሀ ኦግያ ካልያ ማጫታነ አደታ ኦይካዳ ቃሾ ኬን የጋሸነ ኤንታ ዎሳና ጋካናዉ ዋየ በስዳ አስ።\x - \xo 22:4 \xo*\xt ሀዋ 8:3፤ 26:9-11.\xt*\x* 
\v 5 ሄሳዳካ፥ ካህነ ሀላቃይነ ሻንጎ ኡባይ ታባ ማርካታናዉ ዳንዳኤስ። ታኒ ዳማስቆን ደእያ ኤንታ እሻታስ ኤንታፈ ዳብዳበ ኤካዳ ያን ደእያ አሳት ቃሸትድ ሴረታና መላ የሩሳላመ ኤንታ ኤሀናዉ ያ ባስ።
\p
\v 6 “ታኒ ባዳ ዳማስቆ ማትዳ ዎደ ሴታ ጋላስ ቆፖና ሳሎፐ ግታ ፖኦይ ታ ዩሹዋን ፖእስ። 
\v 7 ታኒ ሳአን ኩንዳ ደእሽን፥ ‘ሳኦላ፥ ሳኦላ፥ ታና አይስ የደይ?’ ግያ ቃላ ስአስ። 
\v 8 ታኒ ዛራዳ፥ ‘ጎዳዉ፥ ኔኒ ኦኔ?’ ያጋስ። እ ዛሪድ፥ ‘ታኒ፥ ኔኒ ጎድያ ናዝረተ የሱሳ’ ያግስ። 
\v 9 ታራ ደኤይሳት ፖኡዋ በእዶሶናፐ አትሽን፥ ታዉ ኦደይሳ ቃላ አኬክቦኮና።
\p
\v 10 “ታኒ፥ ‘ጎዳዉ፥ ታ አይ ኦ?’ ያጋስ።
\p “ጎዳይ ታኮ፥ ‘ደንዳዳ ዳማስቆ ባ። ኔኒ ኦና መላ ፆሳይ ኦናዉ ቆፕዳባ ኡባይ ያን ነዉ ኦደታና’ ያግስ። 
\v 11 ሄ ዎልቃማ ፖኡዋ ጋሶን ታ አይፈይ ቆቅን፥ ታራ ደእያ አሳት ታ ኩሽያ ኦይክድ፥ ታና ጎችን ዳማስቆ ጋካስ።
\p
\v 12 “ዳማስቆን ደእያ አይሁደ ኡባይ ዳሮ ቦንችያ እስ ሀናንያ ጌተትያ አደይ፥ ኑ ህግያ ቦንቸይስነ ፆሳ ምን ዎሰይስ ደኤስ። 
\v 13 ሀናን ታኮ ይድ፥ ታ ማታን ኤቅድ፥ ‘ታ እሻዉ ሳኦላ፥ ፄላ’ ያግስ። ኤለሳዳ ታኒ እያ ፄላ አጋስ።
\p
\v 14 “እ ታኮ፥ ‘ኑ አዋታ ፆሳይ ኔኒ እያ ሸንያ ኤራና መላ፥ እያ ፅሎ ናኣ በአና መላነ እያ ዶናፐ ቃላ ስአና መላ ካሰትድ ነና ዶርስ። 
\v 15 ኔኒ በእዳባነ ስእዳባ አሳ ኡባ ስንን እያዉ ማርካታና። 
\v 16 ሀእ አይስ ጋምአይ? ደንዳዳ ፃማቀታ፤ እያ ሱን ፄጋዳ ነ ናጋራፐ ሜጨታ’ ያግስ።
\p
\v 17 “ታኒ ጉየ የሩሳላመ ስማዳ ፆሳ ኬን ዎስሽን፥ ታዉ ቆንጨ በንትስ። 
\v 18 ቆንጨን ጎዳይ ታኮ፥ ‘ነ ታዉ ማርካትያ ማርካተ አሳይ ኤኮና ግሾ ኤለሳዳ የሩሳላመፐ ከያ’ ያግሽን ታኒ በአስ።
\p
\v 19 “ታኒ፥ ‘ጎዳዉ፥ አይሁደ ዎሳ ኬ ኡባን ነና አማነይሳታ ኦይካዳ ዋዳይሳነ ቃሾ ኬን የግዳይሳ ኤንቲ ኤሮሶና። 
\v 20 ኤንቲ ነ ማርካ እስፅፋኖሰ ዎያ ዎደ ታኒ ሄ ኦዳን እስፋስ። ቃስ ኤንታ ማታን ኤቃዳ እያ ዎይሳታ ማኡዋ ናጋይስ’ ያግስ።\x - \xo 22:20 \xo*\xt ሀዋ 7:58.\xt*\x*
\p
\v 21 “ጎዳይ ታኮ፥ ‘ታኒ ነና አይሁደ ግዶና አሳኮ ሃሆሶ ኪትያ ግሾ ደንዳዳ ባ’ ” ያግስ።
\s1 ጳዉሎስ ሮመ አስ
\p
\v 22 ጳዉሎስ ሄ ቃላ ኦድድ ኦንጋና ጋካናዉ አሳይ እ ገይሳ ስኦሶና። ሄሳፈ ጉየ፥ ባንታ ቃላ ቁ ኦድ፥ “ሀይሳ ቢታፈ ይሳ! እ ዳናዉ በሰና” ያግዶሶና።
\p
\v 23 ኤንቲ ዎጫምሽን፥ ባንታ ማኡዋ ቦላ ሆልሽንነ ባና ቦላ ላልሽን፤ 
\v 24 ሻላቃይ በእድ ዎታዳረት ጳዉሎሳ ባንታ ደእያሱዋ ኤፋና መላ ኪትስ። ቃስ አሳይ አይስ ሄሳዳ ዎጫምዳኮ ኤራናዉ ኮይድ ጳዉሎሳ ልሶን ጋራፍድ ፕልጋና መላ ኤንታ ኪትስ። 
\v 25 ሽን ዎታዳረት ጳዉሎሳ ዳፎን ምን ቃችድ ጋራፋና ሀንያ ዎደ ጳዉሎስ ባ ማታን ኤቅዳ ማቶ ሀላቃኮ፥ “ሮመ አስ ፕርድ ባይና ጋራፈይስ ህንተዉ ዎጌ?” ያግስ።
\p
\v 26 ማቶ ሀላቃይ ሄሳ ስእዳ ዎደ ሻላቃኮ ብድ፥ “ሀ አደይ ሮመ አስ። ኔኒ አይ ኦናዉ ቆፓይ?” ያግድ ኦይችስ።
\p
\v 27 ሻላቃይ ጳዉሎሳኮ ሺቅድ፥ “ኔኒ ሮመ አሴ? አነ ታዉ ኦዳ” ያግስ።
\p ጳዉሎስ፥ “ኤ” ያግስ።
\p
\v 28 ሻላቃይ ዛሪድ፥ “ታኒ ሀ ጋደተ ዳሮ ሚሸን ሻማስ” ያግስ።
\p ሽን ጳዉሎስ፥ “ታ ሀ ጋደተ የለተን ደማ ኤካስ” ያግስ።
\p
\v 29 ሄሳ ግሾ፥ ጳዉሎሳ ፕልጋናዉ ቆፕዳይሳት ኢራ እያፐ ሻከትዶሶና። ሻላቃይ ሮመ አስ ሳንላታን ቃችዳይሳ ኤርዳ ዎደ ያይስ።
\s1 ጳዉሎስ አይሁደ ሻንጎ ስንን
\p
\v 30 ዎንተ ጋላስ ሻላቃይ፥ አይሁደት ጳዉሎሳ አይስ ሞትዳኮ ጌሽ ኤራናዉ ኮይስ። ካህነ ሀላቃትነ ሻንጎይ ኡባይ ሺቃና መላ ኪትስ፤ ቃስ ጳዉሎሳ ቃሾፐ ብልስድ ኤንታ ስንን ኤስስ።
\b
\c 23
\p
\v 1 ጳዉሎስ ሺቁዋ ጫድ ፄልድ፥ “ታ እሻቶ፥ ታኒ ሀች ጋካናዉ ፆሳ ስንን ታ ደኦ ኡባን ሎኦ ዎዛናን ደአስ” ያግስ። 
\v 2 ካህነ ሀላቃይ ሀናን፥ ጳዉሎሳ ዶናን ባቃና መላ እያ ማታን ኤቅዳይሳታ ኪትስ። 
\v 3 ሄ ዎደ ጳዉሎስ እያኮ፥ “ላ ሀ ቦቅንተ ትይዳ ጎዳ ዳነይሶ፥ ፆሳይ ነና ባቃና። ኔኒ ታ ቦላ ህግያ ፕርዳናዉ ኡታዳ ደአሸ ህገይ ባይና ታና ባቃና መላ ኪታይ?” ያግስ።\x - \xo 23:3 \xo*\xt ማቶ 23:27-28.\xt*\x*
\p
\v 4 ጳዉሎሳ ማታን ኤቅዳይሳት እያኮ፥ “ነ ፆሳ ካህነ ሀላቃ ጫያይ?” ያግዶሶና።
\p
\v 5 ጳዉሎስ፥ “ታ እሻቶ፥ እ ካህነ ሀላቃ ግድዳይሳ ታኒ ኤራብከ፤ አይስ ጊኮ ፆሳ ቃላን፥ ‘ነ ደርያ አይሰይሳ ቦላ ኢታ ቃላ ሃሳዮፓ’ ጌተትድ ፃፈትስ” ያግስ።\x - \xo 23:5 \xo*\xt ከሳ 22:28.\xt*\x*
\p
\v 6 ሽን ጳዉሎስ ሄ በሳን ደእያ አሳፐ ባጋት ሳዱቃወታ፥ ባጋት ፋርሳወታ ግደይሳ በእድ፥ “ታ እሻቶ፥ ታኒ ፋርሳወነ ፋርሳወ ናአ፤ ‘ሀይቅዳይሳት ሀይቆፐ ደንዳና’ ጋዳ ታኒ ኡፋይሳን ናግያ ግሾ ኤንቲ ታ ቦላ ፕርዶሶና” ያግድ ኦድስ።\x - \xo 23:6 \xo*\xt ሀዋ 26:5፤ ፍልጵ 3:5.\xt*\x*
\p
\v 7 ጳዉሎስ ሄሳ ግዳ ዎደ ፋርሳወታ ግዶንነ ሳዱቃወታ ግዶን ኦሽ ከይን ሻከትዶሶና። 
\v 8 አይስ ጊኮ፥ ሳዱቃወት፥ “ሀይቅዳ አስ ደንደና፤ ኪታንቾይካ አያንካ ባዋ” ያጎሶና። ሽን ፋርሳወት ናምአይካ ደኤይሳ አማኖሶና።\x - \xo 23:8 \xo*\xt ማቶ 22:23፤ ማር 12:18፤ ሉቃ 20:27.\xt*\x* 
\v 9 ግታ ካች ከይስ፤ ፋርሳወታ ባጋ ግድዳ ህገ አስታማረት ደንድ ኤቅድ፥ “ሀ ኡራ ቦላ አይብ ባላካ ደምቦኮ፤ እያዉ አያን ዎይኮ ኪታንቾይ ሃሳዮና አገና” ያግድ ፓላምዶሶና።
\p
\v 10 ኦሻይ ዳርን አሳይ ጳዉሎሳ ሻቀረና መላ ግድ፥ ሻላቃይ ባ ዎታዳረት ዎድ ኤንታ ግዶፈ እያ ኤለስ ከስድ ባንታ ደእያሱዋ ኤፋና መላ ኪትስ።
\p
\v 11 ሄ ቃማ ጎዳይ ጳዉሎሳ ማታን ኤቅድ፥ “ጳዉሎሳ፥ ኔኒ ታዉ የሩሳላመን ማርካትዳይሳዳ ሮመንካ ማርካታናዉ በሴስ፤ ምና፤ አይኮይ ባዋ” ያግስ።
\s1 ጳዉሎሳ ዎናዉ ማቀትዶሶና
\p
\v 12 ዎንተ ጋላስ አይሁደት፥ “ጳዉሎሳ ዎና ደእሸ ሞኮ ኡዮኮ” ግድ ጫቅዶሶና። 
\v 13 ጳዉሎሳ ቦላ ሄሳ ማቀትዳ አሳት ኦይታማፐ ዳሮሶና። 
\v 14 ኤንቲ ካህነ ሀላቃታኮነ ደርያ ጭማታኮ ብድ፥ “ኑኒ ጳዉሎሳ ዎና ደእሸ ካ ግያባ ሞኮ ግድ ጫቀትዳ። 
\v 15 ህዛ፥ ህንተነ ሻንጎይ እያባ ጌሽድ ፕልግያባይ ደእያ ዳንስድ፥ ጳዉሎሳ ህንተኮ ኤሀና መላ ሻላቃ ኦይችተ። ኑኒ እ ሀ ሺቁዋ ጋካናፐ ስን እያ ዎናዉ ጊግድ ኡትዳ” ያግዶሶና።
\p
\v 16 ሽን ጳዉሎሳ ምቸ ናአይ ሄ ማቁዋ ስእዳ ዎደ፥ ብድ ዎታዳረት ደእያሱዋ ገልድ፥ ጳዉሎሳስ ኦድስ። 
\v 17 ጳዉሎስ ማቶ ሀላቃታፐ እሱዋ ፄግድ፥ “ሀ ናአይ ሻላቃስ ኦድያባይ ደእያ ግሾ እያ ሻላቃኮ ኤፋ” ያግስ።
\p
\v 18 ማቶ ሀላቃይ ናኣ ሻላቃኮ ኤፍድ፥ “ቃሾ ኬን ደእያ ጳዉሎስ ታና ባኮ ፄግድ፥ ሀ ናአይ ነዉ ኦድያባይ ደእያ ግሾ፥ እያ ኔኮ ኤሀና መላ ታና ዎስስ” ያግስ።
\p
\v 19 ሻላቃይ ናኣ ኩሽያ ኦይክድ፥ ዱማ ካረ ከስድ፥ “ኔኒ ታዉ ኦዳናባይ አይቤ?” ያግድ ኦይችስ።
\p
\v 20 ናአይ ሻላቃኮ፥ “አይሁደት ጳዉሎሳባ ካሰፐ ምን ፕልጋናዉ ኮይዳባ ዳንስድ ኔኒ ዎንቶ እያ ሺቁዋ ኤሀና መላ ነና ዎሳናዉ ዞረታ ቃችዶሶና። 
\v 21 ሽን ኔኒ ኤንቲ ግያባ ስኦፓ። አይስ ጊኮ፥ ኦይታማፐ ዳርያ አሳት ጳዉሎሳ ዎና ደእሸ ‘ካ ሞኮ፥ ሃ ኡዮኮ’ ግድ ጫቀትድ፥ ቆሰትድ እያ ናጎሶና። ሀእ ነ ግያባ ፃላላ ስአናዉ ናጎሶና” ያግስ።
\p
\v 22 ሻላቃይ ዛሪድ፥ “ሀ ኦዳ ነ ታዉ ኦድዳይሳ ሀራ ኦደስካ ኦዶፓ” ያግድ ኪትድ ናኣ ጉየ የድስ።
\s1 ጳዉሎስ ፍልክሳ ስንን
\p
\v 23 ሻላቃይ ማቶ ሀላቃታፐ ናምአታ ፄግድ፥ “ቃማፈ ሄ ሳተን ቅሳረ ባናዉ፥ ናምኡ ፄቱ ዎታዳረታ፥ ላፑን ታሙ ፓራ አሳታነ ናምኡ ፄቱ ቶራንቾታ ጊግስተ። 
\v 24 ደርያ አይስያ ፍልክሳኮ ጳዉሎሳ ሳሮ ጋናዉ ቶጋ መሄ ጊግስተ” ያግድ ኤንታ ኪትስ። 
\v 25 ሻላቃይ ፍልክሳስ ሀይሳዳ ግያ ዳብዳበ ፃፍስ፦
\p
\v 26 “ቃላዉድዮሳ ሉስዮሳፐ ደርያ አይስያ ቦንቾ ፍልክሳስ፥ ሳሮይ ነዉ ግዶ። 
\v 27 አይሁደት ሀ ኡራ ኦይክድ ዎና ሀንሽን፥ እ ሮመ ቢታ አስ ግዶይሳ ኤራዳ ዎታዳረታራ ጋካዳ እያ አሻስ። 
\v 28 ኤንቲ እያ አይስ ሞትያኮ ኤራናዉ ኮያዳ ኤንታ ሺቁዋን እያ ሺሻስ። 
\v 29 ኤንቲ ባንታ ህግያስ እያ ሞትዳይሳፈ አትሽን፥ እያ ዎስያባ ዎይኮ ቃሽስያባ ግዶናይሳ ታ ደማስ። 
\v 30 ኤንቲ ሀ ኡራ ቦላ ማቀትዳ ዝግርሳይ ታና ጋክን፥ ታኒ ኤለሳዳ እያ ኔኮ የዳስ። እያ ሞተይሳት ነ ስንን ብድ ሞታና መላ ኪታስ” ያግስ።
\p
\v 31 ሄሳ ግሾ፥ ዎታዳረት ኪተትዳይሳዳ ጳዉሎሳ ኤክድ፥ ቃማ አንትጳፅርሳ ጋዶሶና። 
\v 32 ዎንተ ጋላስ ፓራ አሳት እያራ ባና መላ ኦድ ቶሆ አሳት ጉየ ስምዶሶና። 
\v 33 ቶጋይ ቅሳረ ጋክድ ዳብዳብያ ደርያ አይሰይሳስ እምድ፥ ጳዉሎሳ እያ ስን አዶሶና። 
\v 34 ደርያ አይሰይስ ዳብዳብያ ናባብዳፐ ጉየ፥ “ጳዉሎሳ፥ ነ አዉ አዉራጃ አሴ?” ግድ እያ ኦይችስ። እ ክልቅያ አስ ግዶይሳ ኤርዳ ዎደ፥ 
\v 35 “ታኒ ነባ ነና ሞተይሳት ያ ዎደ ስአና” ያግስ። ዎታዳረት ጳዉሎሳ ሄሮዲሳ ጋን ናጋና መላ ኪትስ።
\c 24
\s1 አይሁደት ጳዉሎሳ ሞትዶሶና
\p
\v 1 እቻሹ ጋላሳፐ ጉየ ካህነ ሀላቃይ፥ ሀናን፥ ጭማታራነ ፀርፀሉሳ ጌተትያ እስ ፃባቃራ ቅሳረ ብስ። ኤንቲ ደርያ አይሰይሳ ቦላ ጳዉሎሳ ሞትዶሶና። 
\v 2 ጳዉሎስ ፄገትድ ገልዳ ዎደ፥ ፀርፀሉስ እያ ሀይሳዳ ያግድ ሞትስ፦
\p “ቦንቾ ፍልክሳ፥ ኑኒ ነ ባጋራ ዳሮ ሳሮተ ደምዳ፥ ነ ሎኦ አይሱዋን ኑ ቢታይ ዳሮ ላመትስ። 
\v 3 ቦንቾ ፍልክሳ፥ ኑኒ አዉንካ አዉደ ግድን ዳሮ ጋላታን ሄሳ ኤኮስ። 
\v 4 ታኒ ነና ጋምእሶናሽን ኔኒ ነ ኬሀተን ኑባ ቃንን ስአና መላ ነና ዎሳይስ። 
\v 5 ሀ ኡራይ በ ግድድ ቢታ ኡባን ደእያ አይሁደታ ግዶን ቡቀ መድ ናዝራወታ ባጋ አሳ ካለይሳ ግዶይሳ ኤርዳ። 
\v 6 ሀር አቶሽን፥ ፆሳ ኬ ቱንሳና ሀንሽን ኑኒ እያ ኦይክዳ፤ ኑ ህግያዳ እያ ቦላ ፕርዳናዉ ቆፕዳ። 
\v 7 ሽን ሻላቃ ሉስዮስ ይድ፥ ዎልቃን ኑ ኩሸፐ እያ ዎ ኤክስ። 
\v 8 እያ ሞተይሳት ኔኮ ያና መላ ኪትስ። ኔኒ ነ ሁጰን ሀ ኡራ ፕልጋዳ ኑኒ እያ ሞትያ ሞቱዋ ኡባ ኤራናዉ ዳንዳኣሳ” ያግስ።
\p
\v 9 አይሁደትካ፥ “ሀ ኦዳይ ቱማ” ግድ እያ ቆፋ ማእዶሶና።
\p
\v 10 ደርያ አይሰይስ ጳዉሎሳ ኦዳ ግድ ማልስ። ጳዉሎስ ሀይሳዳ ግድ ዛርስ፦ “ኔኒ ዳሮ ዎደፐ ዶማዳ፥ ሀ አሳስ ፕርዳሸ ደኤይሳ ኤራዳ ታ ኦዳስ ኡፋይሳን ዛሮ እማይስ። 
\v 11 ታኒ የሩሳላመ ጎይናናዉ ከይን ታማነ ናምኡ ጋላሳፐ አናይሳ ኔኒ ነ ሁጰን ኤራናዉ ዳንዳኣሳ። 
\v 12 አይሁደት ታና ፆሳ ኬን ግድን አይሁደ ዎሳ ኬን ግድን ካታማን ግድን ኦደራካ ፓላምሽን ዎይኮ አሳ ሺሻዳ ማቅሽን እስ አስካ ደምቤና። 
\v 13 ሀእካ ኤንቲ ታና ሞትያባስ ማርካ ደማናዉ ዳንዳኦኮና።
\p
\v 14 “ሽን ታኒ ሀይሳ እስባ አማናይስ፤ ታኒ ህገን ደእያባነ ናበት ፃፍዳ ኡባባ አማናዳ፥ ኑ አዋታ ፆሳ፥ ኤንቲ ዎርዶ ግያ ኦግያን ጎይናይስ። 
\v 15 ኤንቲ ባንታ ሁጰን አማነይሳ መላ ፅሎትነ ናጋራንቾት ሀይቆፐ ደንዳናይሳ ታካ አማናይስ። 
\v 16 ሄሳ ግሾ፥ ታኒ ፆሳ ስንንነ አሳ ስንን ኡባ ዎደ ሎኦ ካህ ታዉ ዳና መላ ምናይስ።
\p
\v 17 “ታኒ የሩሳላመፐ ከዮሳፐ ዳሮ ላይፈ ጉየ ታ ቢታ ማንቆታስ ማደ እማናዉነ ያርሾ ያርሻናዉ የሩሳላመ ባስ።\x - \xo 24:17 \xo*\xt ሀዋ 21:17-28.\xt*\x* 
\v 18 ታኒ ፆሳ ኬን ሄሳ ኦዳ ጌሻ ዎጋ ፖላ ስምን ታና ደምዶሶና። ሄ ዎደ ታራ አስ ባዋ፥ ኦሽካ ከይቤና። 
\v 19 ሽን ኢሰፐ ይዳ እስ እስ አይሁደት ሄሳን ደኦሶና፤ ኤንቲ ታ ቦላ ኦዳ ኮይኮ ይድ ታና ነ ቦላ ሞታናዉ ዳንዳኦሶና። 
\v 20 ዎይኮ ታኒ ሻንጉዋ ስን ሺቅዳ ዎደ ኦዳ ባል ደእኮ ሀይሳቲ ነ ስንን ደኤይሳት ኦዶና። 
\v 21 ታኒ ኤንታ ግዶን ኤቃዳ፥ ‘ሀይቅዳይሳት ደንዳና ጋዳ ዋሳዳ ኦድዳ ግሾ ሀች ህንተ ስንን ታ ቦላ ፕርዶሶና’ ጋስ፤ ሄሳፈ ሀራባ ኦብከ” ያግስ።\x - \xo 24:21 \xo*\xt ሀዋ 23:6.\xt*\x*
\p
\v 22 ሽን ፍልክስ ፆሳ ኦግያባ ጌሽ ኤርዳ ግሾ፥ “ታኒ ህንተ ኦዳ ሻላቃ ሉስዮስ ያ ዎደ ፕርዳና” ያግድ ሞይዝስ። 
\v 23 ፍልክስ ቃስ ጳዉሎሳ ቃቾና ናጋና መላነ እያ ዳቦታፐ ኦንካ እያ ኦይቻናዉ ይሽን ድጎና መላ ማቶ ሀላቃ ኪትስ።
\p
\v 24 ጉ ጋላሳፐ ጉየ፥ ፍልክስ አይሁደ ባጋ ግድዳ ባ ማቸ ድሩስላራ ይድ ጳዉሎሳ ኪት ኤህስድ የሱስ ክርስቶሳን አማኖባ እያፐ ስእስ። 
\v 25 ጳዉሎስ ፅሎተባ፥ ባ ሁጰ ሃሮባነ ያናዉ ደእያ ፕርዳባ ኦድሽን፥ ፍልክስ ያይድ፥ “ኔኒ ሀእስ ባ፤ ታዉ እንጀትዳ ዎደ ነና ፄግሳና” ያግስ። 
\v 26 ሄ ዎደ ጳዉሎሳፐ ዎፈ ኤካናዉ ቆፕድ፥ እያ ዛር ዛር ፄግስድ እያራ ኦደቴስ።
\p
\v 27 ናምኡ ላይፈ ጉየ፥ ፍልክሳ በሳ ጶርቅዮስ ፍስፆስ ኤክስ። ፍልክስ አይሁደታ ኡፋይሳናዉ ኮይድ ጳዉሎሳ ብሎና አጋግስ።
\c 25
\s1 ጳዉሎስ ፍስፆሳ ስንን
\p
\v 1 ፍስፆስ ካዎትዳ ሄ ጋላሳፐ ጉየ ቅሳረፐ የሩሳላመ ብስ። 
\v 2 ያን ካህነ ሀላቃትነ አይሁደታ ካለይሳት ጳዉሎሳ ሞትዶሶና። 
\v 3 ጳዉሎሳ የሩሳላመ ኤህሽን ኦገን ቆሰትድ እያ ዎናዉ ኤንታዉ እንጀታና መላ ባንታና ማዶ ግድ ፍስፆሳ ዎስዶሶና። 
\v 4 ፍስፆስ ኤንታኮ፥ “ጳዉሎስ፥ ቅሳረን ቃሾ ኬን ደኤስ፤ ታኒ ታ ሁጰንካ ኤለሳዳ ጉየ ስማና ሀናይስ። 
\v 5 እ ባልዳባይ ደእኮ ህንተ ግዶን አዋተይሳት ታራ ቅሳረ ብድ እያ ሞቶና” ያግድ ዛርስ።
\p
\v 6 ፍስፆስ ኤንታ ማታን ሆስፑን ዎይኮ ታሙ ጋላሳ መላ ጋምእዳፐ ጉየ ቅሳረ ብስ። ዎንተ ጋላስ ፕርዳ ኦይደን ኡትድ ጳዉሎሳ ኤሀና መላ ኪትስ። 
\v 7 እ ይን የሩሳላመፐ ይዳ አይሁደት እያ ዩሹዋን ኤቅድ ኤንቲ ላናዉ ዳንዳኦና ዳሮ ዴፆ ሞቶ እያ ቦላ ሺሽዶሶና። 
\v 8 ጳዉሎስ ዛሪድ፥ “ታኒ አይሁደ ህግያ ግድን ፆሳ ኬ ዎይኮ ሮመ ካዋ ቄሳረ ናቃብከ” ያግስ።
\p
\v 9 ሽን ፍስፆስ አይሁደታ ኡፋይሳናዉ ኮይድ ጳዉሎሳኮ፥ “የሩሳላመ ባዳ ሀ ሞቱዋባ ያን ታ ስንን ፕርደታናዉ ኮያይ?” ያግድ ኦይችስ።
\p
\v 10 ሽን ጳዉሎስ፥ “ታኒ ፕርደታናዉ በሲያ ቄሳረ ፕርዳ ኬን ኤቃ ክቻስ። ኔኒ ሎይ ኤረይሳዳ ታኒ አይሁደታ አይብንካ ናቃብከ። 
\v 11 ህዛ፥ ታኒ ናቅዳባይ ዎይኮ ሀይቆስ ጋያባ ኦዳባ ግድኮ ሀይቆፐ ታና አሻ ጊከ። ሽን ኤንቲ ታና ሞትያ ሞቶይ መላ ግድዳፐ ጉየ ኦንካ ታና ኤንታዉ አድ እማናዉ ዳንዳኤና። ቄሳረይ ታባ ፕርዶ ጋዳ ኦይቻይስ” ያግስ።
\p
\v 12 ሄ ዎደ ፍስፆስ ባ ዞራንቾታራ ዞረትድ፥ “ኔኒ ቄሳረይ ታባ ፕርዶ ጋዳ ኦይቻዳሳ፤ ቄሳረኮ ባሳ” ያግድ ዛርስ።
\s1 ጳዉሎስ አግርጳነ ባርንቀ ስንን
\p
\v 13 ጉ ጋላሳፐ ጉየ ካዎይ አግርጵነ ባርንቀይ ፍስፆሳ ሳሮናዉ ቅሳረ ብዶሶና። 
\v 14 ያን ኤንቲ ዳሮ ጋላስ ጋምእን፥ ፍስፆስ ካዋስ ጳዉሎሳባ ሀይሳዳ ያግድ ኦድስ፤ “ፍልክስ ብሎና አግድ ብዳ እስ አደይ ሀይሳን ደኤስ። 
\v 15 ታኒ የሩሳላመ ብዳ ዎደ ካህነ ሀላቃትነ አይሁደ ጭማት እያ ቦላ ፕርዳና መላ ታና ዎስድ እያባ ታዉ ኦድዶሶና። 
\v 16 ታኒ፥ ‘ሞተትዳ ኡራይ ባና ሞተይሳታ ስንን ኤቅድ ባ ሞትዳባስ ዛሮ እሞናሽን፥ ኦና ግድኮካ አድ እመተይስ ሮመ ህገ ግደና’ ያጋዳ ኤንታዉ ዛራስ።
\p
\v 17 “ሄሳ ግሾ፥ ኤንቲ ሀይሳን ሺቅዳ ዎደ ታኒ ጋምኦና ዎንተ ጋላስ ፕርዳ ኬ ገላዳ ጳዉሎሳ ኤሀና መላ ኪታስ። 
\v 18 እያ ሞተይሳት እያ ማታን ኤቅድ፥ ኢታባን እያ ሞቶና አጎኮና ጋዳ ታኒ ቆፕዳይሳ መላ እያ ሞትቦኮና። 
\v 19 ሽን ኤንቲ ባንታ ሀይማኖተባነ ጳዉሎስ፥ ‘ፓፃ ደኤስ’ ግያ እስ ሀይቅዳ የሱሳ ጌተትያ አድያባ እያራ ፓላሞሶና። 
\v 20 ሀ ኦዳይ ታና ሻካናዉ መትዳ ግሾ፥ ጳዉሎስ የሩሳላመ ብድ፥ ያን ፕርደታናዉ ኮያኮ ጋዳ እያ ኦይቻስ። 
\v 21 ሽን ጳዉሎስ ባ ኦዳ ቄሳረይ እያባ በአና ጋካናዉ ቃሾ ኬን ጋምአናዉ ኦይችስ። ታኒ እያ ቄሳረኮ የዳና ጋካናዉ እ ቃሸታና መላ ኪታስ” ያግስ።
\p
\v 22 ሄሳ ግሾ፥ አግርጵ ፍስፆሳኮ፥ “ታኒ ታ ሁጰንካ ሄ ኡራይ ግያባ ስአናዉ ኮያይስ” ያግስ።
\p ፍስፆስ እያኮ፥ “ኔኒ ዎንቶ እ ግያባ ስአና” ያግስ።
\p
\v 23 ዎንተ ጋላስ አግርጵነ ባርንቀይ ግታ ቦንቾን ሻላቃታራነ ካታማን ደእያ ግታ አሳታራ ይድ ፕርዳ ኬ ገልዶሶና። ፍስፆስ ጳዉሎሳ ፄግስድ ኤህስ። 
\v 24 ፍስፆስ፥ “ካዋዉ አግርጳ፥ ሀይሳን ኑራ ደእያ አሳዉ፥ አይሁደት የሩሳላመንካ ሀይሳንካ ዋስድ፥ ‘እ ህዛፐ ጉየ ፓፃ ዳናዉ በሰና’ ያግድ፥ ታና ዎስዳ ኡራ ሀይሳ በኤታ። 
\v 25 ሽን እያ ሀይቆስ ጋያባ አይብባካ ታኒ ደማብከ። እ ባ ሁጰን፥ ‘ቄሳረይ ታባ ፕርዶ ያጋዳ ኦይቻይስ’ ግዳ ግሾ፥ ቄሳረኮ እያ የዳናዉ ቆፋ ቃቻስ። 
\v 26 ታኒ እያባ ታ ጎዳ ቄሳረስ ፃፋናዉ ግድያ ጋሶይ አይብካ ባዋ። ሄሳ ግሾ፥ እያባ ህንተ በእኮ ታ ፃፍያባይ በንታነኮ ጋዳ ህንተ ስን ኡባራካ ካዋዉ፥ አግርጳ፥ ነ ስን እያ ኤሀስ። 
\v 27 አይስ ጊኮ፥ ቃሸትዳ አስ ቦላ ዳይናስ አያ ዎደ እ አይስ ሞተትዳኮ ቆንጭሶና አገይስ ታዉ ኤያተ ዳኔስ” ያግስ።
\c 26
\s1 ጳዉሎሳ ዛሩዋ
\p
\v 1 አግርጵ ጳዉሎሳኮ፥ “ኔኒ ነባ ኦዳናዉ ዳንዳኣሳ” ያግስ። ሄ ዎደ ጳዉሎስ ባ ኩሽያ ደንድ ሀይሳዳ ያግስ፦
\p
\v 2 “ካዋዉ፥ አግርጳ፥ አይሁደት ታና ሞትዳባስ ዛሮ እማናዉ ሀች ነ ስንን ኤቃሸ ታ ቃዳይ ሎኦ ጋዳ ቆፓይስ። 
\v 3 ኔኒ አይሁደ ዎጋነ ፓላማ ሎይዳ ኤርያ ግሾ ታና ሳለቶና ስአና መላ ነና ዎሳይስ።
\p
\v 4 “ታኒ ናአተፈ ዶማዳ ታ አሳ ግዶንነ የሩሳላመን ደእዳ ታ ደኡዋ አይሁደ ኡባይ ኤሮሶና። 
\v 5 ታኒ ኮይሮፐ ዶማዳ፥ ኑ ሀይማኖተ ህግያ ምንድ ናግያ ፋርሳወታ ያራፐ ግደይሳ ኤንቲ ማርካታናዉ ኮይኮ ኤሮሶና።\x - \xo 26:5 \xo*\xt ሀዋ 23:6፤ ፍልጵ 3:5.\xt*\x* 
\v 6 ሀእካ ታኒ ፆሳይ ኑ አዋታስ እማና ግዳ ኡፋይሳ ናግያ ግሾ ሞተታዳ ሀይሳን ኤቃስ። 
\v 7 ቃስ ታማነ ናምኡ ኑ አዋታ ሼሻይ ፆሳ ቃማነ ጋላስ ምንድ ጎይንሸ ፆሳይ እማና ግዳይሳ ኤካናዉ ኡፋይሳን ናጎሶና። ካዋዉ አግርጳ፥ አይሁደት ታና ሞተይ ታኒ ኡፋይሳን ሄሳ ናግያ ግሾሳ። 
\v 8 አይሁደቶ፥ ፆሳይ ሀይቅዳይሳታ ደንይሳ አይስ አማነከቲ?
\p
\v 9 “ካሰ ታኒ ታ ሁጰንካ ናዝረተ የሱሳ ሱን ተቃናዉ ዳንዳኤትዳባ ኡባ ኦናዉ በሴስ ጋዳ ቆፓስ።\x - \xo 26:9 \xo*\xt ሀዋ 8:3፤ 22:4-5.\xt*\x* 
\v 10 ታኒ የሩሳላመን ኦዳይ ሀይሳ። ካህነ ሀላቃታፐ ማታ ኤካዳ ፆሳ አሳታፐ ዳሮታ ቃሽሳስ። ኤንታ ዎያ ዎደካ ኤንታ ሀይቁዋ ዶሳስ። 
\v 11 ዳሮ ዎደ አይሁደ ዎሳ ኬ ኡባን ኤንቲ ሴረታና መላነ የሱሳ ጫይድ ካዳና መላ ኡንኤስ። ታኒ ዎግ ባይና ኤንታ ሀንቀታዳ ሀር አቶሽን፥ ሀራ ቢታ ካታማታ ጋካናዉ ኤንታ ጎዳስ።
\p
\v 12 “ታኒ ሀ ኦዳስ ካህነ ሀላቃታፐ ማታነ ኪታ ኤካዳ ዳማስቆ ባይስ። 
\v 13 ካዋዉ፥ ታኒ ሴታ ጋላስ ኦገን ደእሽን አዋ ፖኦፐ ዳሮ አያ ፖኦይ ታ ዩሹዋንነ ታራ በይሳታ ዩሹዋን ሳሎፐ ፖእስ። 
\v 14 ኑኒ ኡባይካ ሳአን ኩንድዳ ዎደ እብራወ ዶናን፥ ‘ሳኦላ፥ ሳኦላ፥ ታና አይስ ጎዳይ? ኔኒ፥ ነና ጫድያ ብራታ ፃምአ ቃክኮ ነና ቆሃሳ’ ያግድ ታዉ ኦድሽን ስአስ።
\p
\v 15 “ታኒ፥ ‘ጎዳዉ፥ ኔኒ ኦኔ?’ ያጋስ።
\p “ጎዳይ፥ ‘ታኒ፥ ኔኒ ጎድያ የሱሳ፤ 
\v 16 ሽን ደንዳ ኤቃ። ሀች ኔኒ ታና በእዳይሳንነ ስንፈ ታ ነዉ በሳናይሳ ሀራታስ ማርካታና መላ ታ ኦሳንቾ ኦዳ ነና ሹማናዉ ነዉ በንታስ። 
\v 17 እስራኤለ አሳታፐነ ታኒ ነና ኤንታኮ ኪትያ አይሁደ ግዶናይሳታፐ ነና አሻና። 
\v 18 ኔኒ ኤንታ አይፍያ ዶያና፥ ማፐ ፖኦኮ፥ ፃላሄ ኩሸፐ ፆሳኮ ኤንታ ዛራና። ኤንቲ ታናን አማንድ ናጋራ አቶተ ኤካና። ፆሳይ ዶርዳ አሳ ግዶን ባንታ ላታ ደማና’ ያግስ።
\p
\v 19 “ካዋዉ አግርጳ፥ ሄሳ ግሾ፥ ታዉ ሳሎፐ በንትዳ ቆንጨስ ኪተታናይሳ እፃብከ። 
\v 20 ሽን ታኒ ኮይሮታዳ ዳማስቆን ሄሳፈ ጉየ የሩሳላመንነ ይሁዳ ቢታ ኡባን ደኤይሳትነ አይሁደ ግዶናይሳት ባንታ ናጋራፐ ፆሳኮ ስማና መላነ ናጋራፐ ስሙዋ በሲያ ኦሶ ኦና መላ ቃላ ኦዳስ።\x - \xo 26:20 \xo*\xt ሀዋ 9:20፥ 28-29.\xt*\x* 
\v 21 ሄሳ ግሾ፥ አይሁደት ታና ፆሳ ኬን ኦይክድ ዎናዉ ኮይዶሶና። 
\v 22 ሀች ጋካናዉ ፆሳ ማደይ ታፐ ሻከትቤና፤ ያንያ ግሾ፥ ጉስነ ግታስ ማርካታሸ ሀይሳን ኤቃስ። ናበትነ ሙሰይ ሀናና ግድ ኦድዳይሳፈ ሀራ እስባካ ታኒ ኦድዳባይ ባዋ። 
\v 23 ሄስካ፥ ‘ክርስቶስ ዋየ ኤካናዉ በሴስ፤ ቃስ ሀይቆፐ ኮይሮ ደንድድ አይሁደታስነ አይሁደ ግዶናይሳታስ አቶተ ፖኦ ኦዳናዉ በሴስ’ ግዳይሳ” ያግስ።
\p
\v 24 ጳዉሎስ ሄሳ ያግድ ዛርሽን፥ ፍስፆስ ባ ቃላ ቁ ኦድ፥ “ጳዉሎሳ፥ ነ ጎያዳሳ፤ ነ ዳሮ ትምርተይ ነና ጎሻተስ ጋስ” ያግስ።
\p
\v 25 ሽን ጳዉሎስ፥ “ቦንቾ ፍስፆሳ፥ ታኒ ቱማባነ በሲያባ ኦዳይስፐ አትሽን፥ ጎያብከ። 
\v 26 ታኒ ቆንጨን ኦድያ ኦዳ ካዎይ ኤሬስ። ሀ ኦዳይ ጌማን ኦሰትቦና ግሾ እሶይካ እያፐ ጌሞናይሳ ታኒ ጌሻዳ ኤራይስ።
\p
\v 27 “ካዋዉ አግርጳ፥ ኔኒ ናበታ አማናሳ ግድኪ? ኔኒ አማነይሳ ታኒ ኤራይስ” ያግስ።
\p
\v 28 ካዎይ አግርጵ፥ ጳዉሎሳኮ፥ “ሀ ጉ ሳተን ታና ክርስታነ ኦናዉ ኮያይ?” ያግስ።
\p
\v 29 ጳዉሎስ፥ “ዳሮ ዎደ ግድን ጉ ዎደ ነ ፃላላ ግዶናሽን ሀች ታና ስእያ ኡባይ ሀ ቃሹዋፐ አትሽን፥ ታ መላ ግዳና መላ ፆሳ ዎሳይስ” ያግስ።
\p
\v 30 ሄሳፈ ጉየ፥ ካዎይ ፍስፆስ፥ ባርንቀይነ ኤንታራ ኡትዳ ኡባይካ ደንድዶሶና። 
\v 31 ያፐ ከይድ ብሸ እሶይ እሱዋራ፥ “ሀ ኡራይ ሀይቆስ ዎይኮ ቃሾስ ጋያባ አይኮካ ኦቤና” ያግድ ኦደትዶሶና። 
\v 32 አግርጵ ፍስፆሳኮ፥ “ሀ ኡራይ ‘ቄሳረይ ታባ ፕርዶ’ ጎናኮ ብለታናዉ ዳንዳኤስ ሽን” ያግስ።
\c 27
\s1 ጳዉሎስ ሮመ ብስ
\p
\v 1 ኑኒ ማርካበን ፃለ ባናዉ ቆፋ ቃችዳ ዎደ አዉግስፆሳ ዎታዳረታ ጌተተይሳታፐ እስ ዩልዮሳ ጌተትያ ማቶ ሀላቃስ ጳዉሎሳነ ሀራ ጉ ቃሾ አሳታ አድ እያዉ እምዶሶና። 
\v 2 ኢሰ ጋፃን ደእያ ቢታታ ብያ አድራምፅዮነ ማርካበን ገልድ ደንድዳ። ማቀዶነ አስ ግድዳ ተሰሎንቀ አርስፅሮኮስ ኑራ ደኤስ።
\p
\v 3 ዎንተ ጋላስ ኑኒ ስዶና ጋክሽን፥ ዩልዮስ ጳዉሎሳስ ኬህድ ባ ላገታኮ ብድ ኮሽያባን ማዳና መላ ኤንታኮ እያ የድስ። 
\v 4 ያፐ ደንድድ ስንራ ኑ ቦላ ጫርክያ ግሾ ሃን ተቀትዳ ቢታ፥ ቆጵሮሳን ዘምፕድ አዳ። 
\v 5 ክልቅያነ ጵንፍለ ማታን ደእያ አባ ፕንድ ሊቀን ደእያ ሙራ ጋክዳ። 
\v 6 ያን ማቶ ሀላቃይ ፃለ ብያ እስክንድረ ማርካበ ደምድ፥ እያን ኑና ገልስስ።
\p
\v 7 ኑኒ ዳሮ ጋላስ ሎዳራ ብድ፥ ዳሮ መቶን ቃንዶሳ ካታማ ማት ጋክዳ። ያራ ባናዉ ኑና ጫርኮይ ድግን ሳልሞናራ አድ ሃን ተቀትዳ ቢታ፥ ቃርፄሳን ዘምፕድ አዳ። 
\v 8 ዳሮ መቶን ጋፃ ጋፃ ኦይክድ ላሳ ካታማ ማታን ደእያ አባ ዶናን “ማርካበይ ዎፑ ግድ ሸምፕያ በሲ” ጌተትያ በሳ ጋክዳ።
\p
\v 9 ኑኒ ያን ዳሮ ዎደ ጋምእዳፐ ጉየ ፆም ብለትዳ ግሾ ህዛፐ ማርካበን ቡስ መትያ ግሾ ጳዉሎስ ኤንታ ዞርስ። 
\v 10 “አሳዉ፥ ኑ ቡሳን ግታ ቦሽነ ዳሮ ቆሆይ ደኤይስ ታዉ በንቴስ፤ ቆሆይ ጫና ቦላነ ማርካብያ ቦላ ፃላላ ግዶናሽን ኑ ደኡዋ ቦላካ ጋካና” ያግስ። 
\v 11 ሽን ማቶ ሀላቃይ ጳዉሎስ ግዳይሳፈ አድ ማርካብያ ላገይስነ ማርካብያ ጎዳይ ገይሳን አማንስ። 
\v 12 ሄ አባ ዶናን ደእያ ካታማይ ባልጎ አጌና አናዉ ኤንታዉ እንጀቶና ግሾ፥ ዳርያ አሳት ባንታዉ ዳንዳኤትኮ ፍንቀ ካታማ ጋክድ ባልጎ አጌና ያን አናዉ ዞረትዶሶና። ፍንቀይ ፑደሀ-ዉሎሀፐነ ዱገሀ-ዉሎሀፐ ግዶን አባ ዶናን ደእያ ካታማ።
\s1 አባ ቦላ ጎተይ ደንድስ
\p
\v 13 ካዉሻ ዱገሀ ጫርኮይ ሎዳራ ጫርክዳ ዎደ ባንታ ቆፕዳይሳዳ ሀንዳባ ኤንታዉ ዳንን ደንድድ፥ ማርካበይ ቃፆና መላ ኦይክያ ብራታ ፑደ ኤክድ ቃርፄሳ ማታራ አዶሶና። 
\v 14 ሽን ዳሮ ጋምኦና “አዉራቅስ” ጌተትያ ዎልቃማ ጎተይ ሃን ተቀትዳ ቢታፈ ዱገ ኤንታ ቦላ ደንድስ። 
\v 15 ሄ ጎተይ ማርካብያ ሱግድ ኤፎና ድግዳ ግሾ ጫርኮይ ማርካብያ ባ ዶስዳ ሶ ኤፍስ።
\p
\v 16 ኑኒ ዩሾይ አባን ተቀትዳ ቢታ፥ ቄዳን ዘምፕድ ብሸ ዳሮ መቶተትድ ማርካብያ ዎጎሉዋ አሻናዉ ዳንዳእዳ። 
\v 17 ኤንቲ ዎጎሉዋ ፑደ ከስዳፐ ጉየ ዎዶሩዋን ማርካብያ ቦላ ፃፅድ፥ ምን ቃችዶሶና። ሱርትሳ ጌተትያ ሻፍያን ባንታና ዶምኤና ግድ ህርግድ፥ ማርካብያ ሻራ ዎስድ ማርካብያ ጮ የድ አግዶሶና።
\p
\v 18 ጎተይ ዎልቃምሸ ብን ዎንተ ጋላስ ጫናፐ ባጋ አባን ሆሎ ኦይክዶሶና። 
\v 19 ሄን ጋላስ ማርካብያ ሚሽያ ኤክድ ባንታ ኩሸን ሆልዶሶና። 
\v 20 ኑኒ ዳሮ ጋላስ አዋ አይፈነ ፆልንቶ በኦና ግሾነ ዎልቃማ ኡሾይ ኑ ቦላ ኡሽዳ ግሾ ስንፈ ኑኒ ሸምፖራ አታና ግድ ቆፕቦኮ።
\p
\v 21 ሄ ዎደ ኤንቲ ዳሮ ጋላስ ካ ሞና ጋምእዳ ግሾ ጳዉሎስ ኤንታ ግዶን ደንድ ኤቅድ፥ “አሳዉ፥ ህንተ ታ ዞርያ ኤክድ ቃርፄሳፐ ደንዶና አግዳኮ ሀ መቶይነ ቆሆይ ኑና ጋከና። 
\v 22 ሽን ታኒ ህንተና ያዮፍተ ጋዳ ዞራይስ፤ አይስ ጊኮ፥ ሀ ማርካበይ ያናፐ አትሽን፥ ህንተፈ እስ አሳ ሸምፖይካ የና። 
\v 23 ዝነ ቃማ ታ እያባ ግድዳይስነ ታ ጎይንያ ፆሳይ ኪትዳ ኪታንቾይ ታ ማታን ኤቅድ፥ 
\v 24 ‘ጳዉሎሳ፥ ያዮፋ፤ ኔኒ ሮመ ቢታ ካዋ ቄሳረ ስንን ኤቃናዉ በሴስ። ሄኮ ፆሳይ ነ ግሾ ኔራ ብያ አሳ ኡባ ሸምፑዋ አሽስ’ ያግስ። 
\v 25 ሄሳ ግሾ፥ አሳዉ፥ ያዮፍተ። ሄ ኪታንቾይ ታዉ ኦድዳይስ ሀናናይሳ ታኒ አማናይስ። 
\v 26 ሽን ጫርኮይ ኑና ኤፍድ እስ ዩሾይ አባን ተቀትዳ ቢታ ጋፃን ሆላና” ያግስ።
\s1 ማርካበይ መቅስ
\p
\v 27 ታማነ ኦይዳን ቃማን አድረ አባን ኑና ጫርኮይ ገደነ ሃ ሱግሽን፥ ግድ ብላሄ ግድያ ዎደ ማርካብያን ኦይሳታስ ቢታኮ ማትዳባ ዳንስ። 
\v 28 ኤንቲ ጪሞተ ኤራናዉ ኮይድ ዎዶሮ ፄራን ዴፅያባ ቃችድ አባን የግን፥ አባይ ሆስፑን ታሙ ዋ ግድስ። ጉ ጋምእድ፥ ዛር የግን ኡሱፑን ታሙ ዋ ግድስ። 
\v 29 ኤንቲ አባ ጋፃን ደእያ ሹቻን ዶምኤቶና መላ ያይድ፥ ማርካበይ ቦና መላ ኦይክያ ኦይዱ ብራታታ ማርካብያፐ ጉየራ አባን የግድ፥ ሳእ ዎንታና መላ ፆሳ ዎሶሶና። 
\v 30 ማርካብያን ኦይሳት ማርካብያፐ ባቃታናዉ ኮይድ፥ ማርካበይ ቦና መላ ኦይክያ ብራታታ ማርካብያፐ ስን ባጋራ አባን የግያ ዳንን ዎጎሉዋ አባን የግዶሶና። 
\v 31 ጳዉሎስ ማቶ ሀላቃኮነ ዎታዳረታኮ፥ “ሀይሳቲ ማርካብያን ሸምፕ ኡቶና እፅኮ ህንተ አታናዉ ዳንዳኤከታ” ያግስ። 
\v 32 ሄሳ ግሾ፥ ዎታዳረት ዎጎሎይ ቃሸትዳ ዎዶሩዋ ቃንፅድ የድ አግዶሶና።
\p
\v 33 ሳአይ ዎንታና ሀንሽን ኡባይ ካ ማና መላ ጳዉሎስ አሳኮ፥ “ህንተ ካ ሞና ናግሸ ሀችራ ታማነ ኦይዱ ጋላስ ጋምእደታ። 
\v 34 ሄሳ ግሾ፥ ጉ ካ ህንተ ማና መላ ታኒ ህንተና ዎሳይስ። ህንተ ጋሽትሳና መላ ጉ ካ ማናዉ ኮሼስ፤ ሀር አቶሽን ህንተ ሁጰ ብናናፐ እሶይካ የና” ያግስ። 
\v 35 ጳዉሎስ ሄሳ ግድ ኡይ ኤክድ ኡባ ስንን ፆሳ ጋላትስ፤ ኡይ መንድ ሙሱ ዶምስ። 
\v 36 ኡባይ ምነትድ ባንታዉ ካ ኤክድ ምዶሶና። 
\v 37 ኑኒ ማርካብያን ደኤይሳት ናምኡ ፄታነ ላፑን ታማነ ኡሱፑና። 
\v 38 ኤንቲ ምድ ካልዳ ዎደ ጫና ግስትያ አባን የግድ ማርካብያ ዴፁዋ ካዉሽዶሶና። 
\v 39 ሳአይ ዎንትዳ ዎደ ማርካብያ ኦሳንቾት አዉ ቢታ ጋክዳኮ ኤሮናሽን፥ አባ ጋፃን ደእያ ሻፈነ ስልሞ በእዶሶና። ባንታዉ ዳንዳኤትኮ ማርካብያ ሄ ሻፍያኮ ሺሻናዉ ቆፕዶሶና። 
\v 40 ያትድ፥ ማርካበይ ቦና መላ ኦይክያ ብራታታ ብርሽድ አባን የግዶሶና። ሄ ዎደ ላግያ ም ቃችያ ዎዶሩዋ ብርሽዶሶና። ሄሳፈ ጉየ፥ ጫርኮይ ማርካብያ ስን ሱጋና መላ ማርካብያ ኤፍያ ሻራ ስን ባጋራ ቁ ኦድ ቡሱ ዶምዶሶና። 
\v 41 ሽን ማርካበይ ሻፈ ዶረን ዶምኤትድ ምተትስ። ማርካብያስ ስን ባጋይ ፁጉንድ ሻፍያ ጫድ ኦይክድ ቃፆና እፅን፥ ጉየ ባጋይ ዙልያ ሱገን መቀረተ ኦይክስ።
\p
\v 42 ዎታዳረት ቃሾ አሳፐ እሶይካ ሃ ዋድ ከስ ኤኮና መላ ኤንታ ዎናዉ ዞረትዶሶና። 
\v 43 ሽን ማቶ ሀላቃይ ጳዉሎሳ አሻናዉ ኮይድ ዎታዳረታ ዞረታ እፅስ። ሃ ዋ ኤርያ ኡባይ ማርካብያፐ ሃን ጉፕ ጉፕ ዎድ ካሰትድ ጋፃ ከያና መላ ኪትስ። 
\v 44 አትዳይሳት ሳንቃ ቦላነ፥ ማርካብያ መኡዋ ቦላ ከያና መላ ኪትስ። ሄሳዳ ሀንድ ኡባይ ጋፃ ሳሮራ ከይዶሶና። \fig ሮመ ቡሳ|alt="Paul's Journey to Rome" src="Paul4-BW.tif" size="span" loc="ACT 27:1—28:14" ref="27:1—28:14"\fig*
\c 28
\s1 ጳዉሎስ ዩሾይ አባን ተቀትዳ ቢታ ማልታን
\p
\v 1 ኑኒ ጋፃ ሳሮ ከይዳ ዎደ ጋክዳ በሳይ ዩሾይ አባን ተቀትዳ ቢታ፥ ማልታ ግደይሳ ኤርዳ። 
\v 2 ማልታ አሳይ ኑስ ዳሮ ኬሀ ኬህዶሶና። እር ቡክያ ግሾነ ሜግያ ግሾ ታማ ኤድ ኑና ኡባ ሞክዶሶና። 
\v 3 ጳዉሎስ ዳሮ አፍራ ሺሽድ ታማን ዎሽን፥ ሾሽ ሴላ ግሾ ከይድ እያ ኩሽያ ቦላ ፃፀትድ እያ ዱክስ። 
\v 4 ማልታ አሳይ ሾሽ ጳዉሎሳ ኩሸን ፃፀትዳይሳ በእዳ ዎደ እሶይ እሱዋኮ፥ “ቱማ ሀ ኡራይ ሸምፖ ዎዳ አስ፤ ሀር አቶሽን አባፈ እ አትንካ ፆሳ ፕርዳፈ\f + \fr 28:4 \fr*\fq ፆሳ ፕርዳፈ፦ \fq*\ft ሄ ዎደ ሄ ቢታን ዱማ ዱማ ማጫ ፆሳት ደኦሶና። ኤንታፈ እስንያ ኢታ ኦያ አሳ ፕርድያሮ። እያ ፕርዳ ፆሲ ጌተታ ፄገታሱ።\ft*\f* አትድ ፓፃ ዳናዉ ዳንዳእቤና” ያግዶሶና። 
\v 5 ሽን ጳዉሎስ ባ ኩሽያፐ ሾሻ ዉፃርክድ፥ ታማን የግስ፤ እያ አይኮካ ቆህቤና። 
\v 6 ኤንቲ፥ “እያ አሳተይ ክፄስ፥ ዎይኮ አኬኮና ኩንድድ ሀይቄስ” ግድ እያ ናጎሶና። ሽን ዳሮ ዎደ ናግድ እያ አሳተን አይብካ ዱማትዳባይ ይን፥ “ሄስ ፆሰ” ያግድ ባንታ ቆፋ ላምዶሶና። 
\v 7 ሄ ሄራን ዩሾይ አባን ተቀትዳ ቢታ ሀላቃ፥ ፑፕልዮሳ ጌተተይሳስ ጋደይ ደኤስ፤ ሄ ጋላስ ጋካናዉ እ ኑና ሲቆን ሞክስ። 
\v 8 ፑፕልዮሳ አዋይ ቆፆ፥ ምሻነ ኡሎ ኡትሶን ሀርገትድ ዝንእድ ደኤስ። ጳዉሎስ እያ ሶ ገልድ እያዉ ፆሳ ዎስስ፤ ባ ኩሽያ እያ ቦላ ዎድ ፓስ። 
\v 9 ሄሳፈ ጉየ፥ ዩሾይ አባን ተቀትዳ ቢታ፥ ማልታን ደእያ ሀርግያ ሀራ አሳትካ ይድ ፓፅዶሶና። 
\v 10 ኤንቲ ኑና ዳሮ ቦንቾ ቦንችዶሶና፤ ኑኒ ማርካበን ባናዉ ደንድዳ ዎደ ኦገስ ኮሽያባ ኑስ እምዶሶና።
\s1 ጳዉሎስ ሮመ ጋክስ
\p
\v 11 ሄ አጌናፐ ጉየ፥ ማልታን ባልጎ አድ ማርካበን ገልድ እስክንድረ ባናዉ ደንድዳ። ሄ ማርካብያ ቦላ ድዮስቆሮሳ ጌተትያ መንተ ኤቃታ ምስለይ ደኤስ። 
\v 12 ስራኩሰ ካታማ ገልድ ያን ሄ ጋላስ ኡትዳ። 
\v 13 ያፐ ደንድድ ረግዩመ ካታማ ጋክዳ። እስ ጋላሳፐ ጉየ፥ ዱገሀ ባጋ ጫርኮይ ጫርክን፥ ዎንተ ጋላስ ፑትዮላ ካታማ ጋክዳ። 
\v 14 ያን ኑኒ እስ እስ አማንያ አሳታ ደምን፥ ባንታራ ሳምንታ ጋምአና መላ ኑና ዎስዶሶና። ሄሳፈ ጉየ፥ ሮመ ብዳ።
\p
\v 15 ሮመን ደእያ አማንያ አሳት ኑባ ስእድ፥ አፍዮሳ ግያን፥ ሄ እማ ኬ ጋካናዉ ኑና ሞካናዉ ይዶሶና። ጳዉሎስ ኤንታ በእዳ ዎደ ፆሳ ጋላትድ ምነትስ።
\p
\v 16 ኑኒ ሮመ ገልዳ ዎደ ጳዉሎስ ባና ናግያ ዎታዳርያራ ባርካ ደኦ ጌተትስ።
\p
\v 17 ሄ ጋላሳፐ ጉየ፥ ጳዉሎስ አይሁደታ ሀላቃታ ባኮ ፄግስስ። ኤንቲ ሺቅዳ ዎደ ኤንታኮ፥ “ታ እሻቶ፥ ታኒ ኑ አሳ ዎይኮ ኑ አዋታ ዎጋ ቦላ አይብ ቆሆካ ኦብከ፥ ሽን ታና የሩሳላመን ቃችድ ሮመ አሳስ አድ እምዶሶና። 
\v 18 ኤንቲ ታ ሞቱዋ በእድ ሀይቆስ ጋያባ ታ ቦላ አይብባካ ደምቦና ግሾ ታና ብላናዉ ቆፕዶሶና። 
\v 19 ሽን አይሁደት ሄሳ እፅዳ ዎደ፥ ‘ታባ ቄሳረይ ፕርዶ’ ያጋስፐ አትሽን፥ ታኒ ታ ደርያ ሞትያባይ ደእን ግደና።\x - \xo 28:19 \xo*\xt ሀዋ 25:11.\xt*\x* 
\v 20 ታኒ ህንተና ፄግስዳይ ህንተና በአናዉነ ህንተዉ ሀይሳ ኦዳናሳ። ታኒ ሀ ሳንላታን ቃሸትዳይ እስራኤለ አሳይ ናግያ ኡፋይሳ ግሾሳ” ያግስ።
\p
\v 21 አይሁደ ሀላቃት ጳዉሎሳኮ፥ “ኑስ ይሁዳፐ ነባ ፃፈትዳ ዳብዳበይ ጋክቤና። ያፐ ይዳ አሳታፐ እሶይካ ነባ ኢታ ኦድዳይ ባዋ። 
\v 22 ሽን ሀ ነ ካልያ አማኑዋ ዱማ ዱማ በሳን አሳይ እፀይሳ ኑኒ ኤርያ ግሾ ነ ቆፋ ስአናዉ ኮዮስ” ያግዶሶና።
\p
\v 23 ኤንቲ ባንታ ያና ጋላስ ጳዉሎሳስ ቃፃርድ፥ ሄ ጋላስ ዳርድ እ ደእያሱዋ ይዶሶና። እ ዎንታፈ ኦማርስ ጋካናዉ ፆሳ ካዎተባ ኤንታዉ ማርካትስ። ቃስ ኤንቲ የሱሳባ አማናና መላ ሙሰ ህግያፈነ ናበታ ማፃፋፐ ቆንጭስድ ኤንታ ታማርስስ። 
\v 24 እሶት እሶት ጳዉሎስ ግዳይሳ አማንዶሶና፥ ሽን ሀራት አማንቦኮና። 
\v 25 ኤንቲ ባንታ ግዶን ኦዳ ማኦና እፅዳ ዎደ ጳዉሎስ እስባ ግዳፐ ጉየ ብዶሶና። እ ሀይሳዳ ያግስ፦ “ጌሻ አያናይ ኑ አዋታስ ናብያ እሳያሳ ዶናን ኦድዳይስ ቱማ።
\q1
\v 26 “ ‘ኔኒ ሄ አሳኮ ባዳ፥
\q2 ህንተ ስስ ስኤታ፥ ሽን ህንተዉ ገለና፤
\q2 ህንተ በኦ በኤታ፥ ሽን ደመከታ።\x - \xo 28:26 \xo*\xt እሳ 6:9-10.\xt*\x*
\q1
\v 27 አይስ ጊኮ፥ ሀ ደርያ ዎዛናይ ሙምስ፤
\q2 ኤንታ ሀይይ ቱልስ፤
\q2 ኤንታ አይፈይካ ጎዘትስ።
\q1 ሄስ ባይነኮ፥ ኤንቲ ባንታ አይፍያን በእድ፥
\q2 ባንታ ሀይን ስእድ፥ ባንታ ዎዛናን አኬክድ፥
\q2 ታኮ ስማናሽን፤
\q2 ታካ ኤንታ ፓናሽን’ ያጋ” ያግስ።
\p
\v 28 “ህዛ፥ ሀይስ ፆሳ አቶተ ኪታይ አይሁደ ግዶናይሳታስ ግደይሳ ኤሬታ። ኤንትካ ስአና” ያግስ።
\p
\v 29 ጳዉሎስ ሄሳ ግዳፐ ጉየ፥ አይሁደት ባንታ ግዶን ዳሮ ፓላምሸ ከይድ ብዶሶና።
\p
\v 30 ጳዉሎስ ከራ ኬን ናምኡ ላይ ኩመ ደእስ፤ ያን ደእሸ ባኮ ያ ኡባ ሞኬስ። 
\v 31 ያሽ ባይናነ ኦንካ ድጎናሽን ፆሳ ካዎተባ ሳባክስ፤ ጎዳ የሱስ ክርስቶሳባ ቆንጭስድ ታማርሴስ።