\id 3JN - GOOFA FULL BIBLE
\ide UTF-8
\h 3 ዮሃንሳ ኪታ
\toc1 3 ዮሃንሳ ኪታ
\toc3 3 ዮሀ
\toc2 3 ዮሃንሳ
\mt1 ዮሃንስ ፃፍዳ
\mt2 ሄን ኪታ
\imt ጋ ቆፋ
\ip ዮሃንስ ፃፍዳ ሄን ኪታ፥ የሱሳ ሀዋረ ግድዳ ጭማይ፥ ዮሃንስ ፃፍስ። እ ሀ ኪታ ፃፍዳይ፥ ጋዮሳ ጌተትያ እስ ዎሳ ኬ አድያሳ። ፃፈይ እስ ባጋራ፥ ጋዮስ ሀራ አማንያ አሳ ማድዳ ግሾ እያ ጋላቴስ፤ ሀራ ባጋራ ቃስ፥ ድዮትራፍሳ ጌተትያ ዎሳ ኬ ሀላቃ ግዳናዉ ኮያ ጌላ ኡራፐ ናገታና መላ አኬክሴስ።
\iot ማፃፋ አይፈ ቆፋታ
\io1 ሳሮነ ዎሳ (1-4)
\io1 ጋዮስ ሳበትስ (5-8)
\io1 ድዮትራፍስ ቦረትስ (9-10)
\io1 ድመፅሮስ ናሸትስ (11-12)
\io1 ሳሮ (13-15)
\c 1
\s1 ሳሮነ ዎሳ
\p
\v 1 ታኒ ጭማይ፥ ቱማ ዶስያ ጋዮሳስ ኪትዳ ኪታ።\x - \xo 1 \xo*\xt ሀዋ 19:29፤ ሮመ 16:23፤ 2 ቆሮ 1:14.\xt*\x* 
\v 2 ታ ሲቁዋዉ፥ ኔኒ ነ ሸምፑዋን ሎኦ ደኤይሳ ታ ኤረይሳዳ ነዉ ፓያተ ዳና መላነ ነ ኦያባይ ሱራና መላ ነዉ ፆሳ ዎሳይስ። 
\v 3 ጉ አማንያ አሳት ይድ፥ ኡባ ዎደ ኔኒ ቱማን ደኤይሳነ ነ ቱማተባ ማርካትዳ ዎደ ታኒ ዳሮ ኡፋይታስ። 
\v 4 ታ ናይት ቱማተን ደኤይሳ ስኤይሳፈ አድ፥ ታና ኡፋይስያባይ ባዋ።
\s1 ጋዮስ ሳበትስ
\p
\v 5 ታ ሲቁዋዉ፥ ኤንቲ ነዉ እማ ግድኮካ፥ ኔኒ አማንያ አሳታስ አማንያ ኦሶ ኦሳ። 
\v 6 ኤንቲ ነ ሲቁዋባ ዎሳ ኬን ማርካቶሶና። ሀእካ ኤንቲ ብያ ኦግያን ፆሳይ ዶሰይሳዳ ኦዳ ኤንታ ማድኮ ሎኦ ኦሳ። 
\v 7 ኤንቲ ክርስቶሳ ሱን ግሾ ከይሸ፥ አማኖና አሳታፐ አይኮካ ኤክቦኮና። 
\v 8 ኑኒ ቱማ ኦሱዋ ኤንታራ እስፈ ኦናዉ ሀይሳ መላ አሳታ ማዳናዉ በሴስ።
\s1 ድዮትራፍስ ቦረትስ
\p
\v 9 ታኒ ዎሳ ኬታስ ዳብዳበ ፃፋስ፥ ሽን ኤንታ ሀላቃ ግዳናዉ ኮይያ ድዮትራፍስ ኑኒ ገይሳ ኤከና። 
\v 10 ሄሳ ግሾ፥ ታኒ ያ ብያ ዎደ እ ኑ ቦላ ኦደትያ ኢታ ኦዳነ እ ኦዳ ኦሱዋ ኦዳና። እ ሄስ ጉፅስ ግድ፥ ኑ እሻት ያ ዎደ ሞከና። ሀር አቶሽን፥ ኤንታ ሞካናዉ ኮየይሳታካ ድግድ ዎሳ ኬፈ ከሴስ።
\s1 ድመፅሮስ ናሸትስ
\p
\v 11 ታ ሲቁዋዉ፥ ሎኦባ ዳናፐ አትሽን፥ ኢታባ ዳኖፓ። ሎኦባ ኦያ ኦንካ ፆሳ አስ፥ ሽን ኢታባ ኦያ ኦንካ ፆሳ በእቤና።
\p
\v 12 ድመፅሮስ ሎኦ አስ ግደይሳ አሳ ኡባይ ማርካቴስ። ቱማይ ባ ሁጰን እያባ ማርካቴስ፤ ኑካ እያባ ማርካቶስ፤ ኑ ማርካተይ ቱማ ግደይሳ ህንተ ኤሬታ።
\s1 ሳሮ
\p
\v 13 ታኒ ነዉ ፃፋናዉ ኮይዳ ዳሮባይ ደኤስ፥ ሽን ቃላመንነ ዎርቃተን ፃፋናዉ ኮይከ። 
\v 14 ሽን ታኒ ማታራ ኔራ ጋሄታናዉ ቆፓይስ፤ ሄ ዎደ ኑኒ ኦደታና።
\p
\v 15 ሳሮይ ነዉ ግዶ።
\p ነ ዳቦት ነና ሳሮ ያጎሶና። ኑ ዳቦታ ኡባ ኤንታ ሱን ሱን ፄጋዳ ታና “ሳሮ ግስ” ያጋ።