\id 2TI - GOOFA FULL BIBLE
\ide UTF-8
\h 2 ፅሞትዮሳ ኪታ
\toc1 2 ፅሞትዮሳ ኪታ
\toc3 2 ፅሞ
\toc2 2 ፅሞትዮሳ
\mt1 ጳዉሎስ ፅሞትዮሳስ
\mt2 ፃፍዳ ናምአን ኪታ
\imt ጋ ቆፋ
\ip ጳዉሎስ ፅሞትዮሳስ ፃፍዳ ናምአን ኪታይ፥ ጳዉሎሳራ እስፈ ኦያነ ጳዉሎሳ ማታን ማድያ ናአተ፥ ፅሞትዮሳ ዞርዳ ዞርያ ኦይክስ። ሄ ዞርያ አይፈ ቆፋይ፥ “ገንጫን ምናናዉ በሴስ” ግያ ዞረ። ፅሞትዮስ ዞረነ ምን ቃላ ኤክዳይ፥ የሱስ ክርስቶሳባ ቱማ ማርካታና መላ፥ ዎንገላ ቃላነ ጋልአ ጫቆ ትምርትያ ምንድ ኦይካና መላነ መቶይነ እፆይ ዳርኮካ ታማርሶንነ ዎንገላ ሳባኮን ምናና መላሳ።
\ip ፅሞትዮስ፥ ሀዳነ ኤያተ ፓላማፐ ሃካና መላ እያዉ ዱማ ምኖ ዞረይ እመትስ። ሄሳ መላ ኦዳይ አሰ ይሰስፐ አትሽን አይኮካ ማደና።
\ip ሄ ኡባን ፅሞትዮስ አኬካናዉ በሲያባይ፥ ጳዉሎሳ ሀኖታነ እያ ዱሳ፤ ሄስካ፥ እያ አማኑዋ፥ እያ ገንጫ፥ እያ ሲቁዋ፥ እያ ዳንዳኣነ እያ ጋክዳ መቱዋ ሌምሶ ኦድ ካላናይሳ። ጳዉሎስ ሀ ኪታ ፃፍዳይ፥ እ ባ ዎ ኦንግድ ሀይቆስ ጊገትዳ ዎደና።
\iot ማፃፋ አይፈ ቆፋታ
\io1 ገሎ ቆፋ (\ior 1:1-2\ior*)
\io1 ጎዳን ዬላቶፓ (\ior 1:3-18\ior*)
\io1 አማንያ ክርስቶሳ ዎታዳረ ግዳ (\ior 2:1-26\ior*)
\io1 ዉርሰ ዎደን አሳይ አይ ዳናነ (\ior 3:1-9\ior*)
\io1 አማነታዳ ደአ (\ior 3:10—4:8\ior*)
\io1 ሳሮነ አንጆ (\ior 4:19-22\ior*)
\c 1
\p
\v 1 ፆሳ ሸነን፥ የሱስ ክርስቶሳን በንትዳ ደኦ ኡፋይሳ ማርካታናዉ የሱስ ክርስቶሳ ሀዋረ ግድዳ ጳዉሎሳፐ፥ 
\v 2 ታ ዶስያ ናኣ ፅሞትዮሳስ ኪተትዳ ኪታ።
\p ፆሳ አዋፐነ ኑ ጎዳ ክርስቶስ የሱሳፐ አ ኬሀተይ፥ ማሮተይነ ሳሮተይ ነዉ ግዶ።\x - \xo 1:2 \xo*\xt ሀዋ 16:1.\xt*\x*
\s1 ፅሞትዮሳስ እመትዳ ዞረ
\p
\v 3 ታኒ፥ ታ ዎሳን ቃማነ ጋላስ ነና ቆፓይስ። ታኒ ዎስያ ዎደ ታ ማይዛታ ፆሳነ ታኒ ሎኦ ካሀን ሀጋዝያ ፆሳ ነ ግሾ ጋላታይስ። 
\v 4 ታኒ ነ አፉ ቆፓይስ፤ ነና በአዳ ኡፋይታናዉ ዳሮ ላሞታይስ።
\p
\v 5 ቃስ ነዉ ደእያ ቱማ አማኑዋ ኤራይስ። ሄ አማኖይ በን ነ ዎጋ አየ ሎይድንነ ነ አየ ኤዉንቅን ደእያ አማኑዋ መላ።\x - \xo 1:5 \xo*\xt ሀዋ 16:1.\xt*\x* 
\v 6 ሄሳ ግሾ፥ ታኒ ታ ኩሽያ ነ ቦላ ዎዳ ዎደ ፆሳይ ነዉ እምዳ እሞታ ኔኒ ዛራ ኤና መላ አኬክሳይስ። 
\v 7 አይስ ጊኮ፥ ፆሳይ ኑስ ዎልቃ፥ ሲቆነ ኑ ሁጰ ሃርያ አያና እሚስፐ አትሽን፥ ያሻ አያና እምቤና።
\p
\v 8 ህዛ፥ ኑ ጎዳስ ማርካታናዉ ዬላቶፓ፤ ቃስ እያ ግሾ ቃሸትዳ ታናንካ ዬላቶፓ። ሽን ፆሳይ ነዉ እምያ ዎልቃን ዎንገላ ግሾ፥ ታራ መቶ ኤካ። 
\v 9 ፆሳይ ባ ሸነንነ ባ አ ኬሀተን ኑና አሽድ፥ ባ ጌሻ ደረ ኦናዉ ኑና ዶርስፐ አትሽን፥ ኑኒ ኦዳ ኦሱዋ ግሾ ግደና። ሀ አ ኬሀተ ክርስቶስ የሱሳ ባጋራ መርና ዎደታፔ ስን ኑስ እሚስ። 
\v 10 ሀእ ሀ አ ኬሀተይ ኑና አሽያ ክርስቶስ የሱሳ ዩሳን ቆንጭስ። እ ሀይቆ ዎልቃ ይስድ፥ ዎንገላ ባጋራ ዮና ደኦ ኑስ ቆንጭስስ።
\p
\v 11 ታኒ ዎንገላ ሳባከ፥ ሀዋረነ አስታማረ ግዳና መላ ፆሳይ ታና ዶርስ።\x - \xo 1:11 \xo*\xt 1 ፅሞ 2:7.\xt*\x* 
\v 12 ታኒ ሄሳ ግሾ ሀ መቱዋ ኤካይስ፤ ሽን ታ አማነይ ኦነኮ ኤርያ ግሾ ዬላትከ። ታዉ እመትዳ ሀዳራ ሄ ጋላሳይ ጋካናዉ እ ናጋናዉ ዳንዳኤይሳ ኤራይስ።
\p
\v 13 ታኒ ነና ታማርስዳ ቱማ ቃላ ሌምሶ ኦ ኦይካዳ ክርስቶስ የሱሳ ባጋራ ኑባ ግድዳ አማኑዋንነ ሲቁዋን ደአ። 
\v 14 ኑ ግዶን ደእያ ጌሻ አያና ዎልቃን ነዉ እመትዳ ሎኦ ሀዳራ ናጋ።
\p
\v 15 ኢሰ ቢታን ደእያ ኡባይ ታፐ ሃክዳይሳ ኤራሳ፤ ኤንታ ግዶን ፍገሉስነ ሄርሞገኔስ ደኦሶና።
\p
\v 16 አነስፎር ታና ዳሮ ዎደ ምንዳ ግሾ ጎዳይ እያ ሶ አሳስ ቃቶ። ታኒ ቃሾ ኬን ደእያ ዎደ እ ታናን ዬላትቤና። 
\v 17 ሄሳ ቦላ እ ሮመ ካታማ ይዳ ዎደ ታና ምን ኮይድ ደምስ። 
\v 18 ዉርሰ ጋላሳን ጎዳይ እያዉ ቃታና መላ ታኒ ጎዳ ዎሳይስ። ኤፈሶና ካታማን እ ታና አይ መላ ማድዳኮ ነ ሎይ ኤራሳ።
\c 2
\s1 የሱስ ክርስቶሳን ምና
\p
\v 1 ህዛ፥ ታ ናአዉ፥ ክርስቶስ የሱሳን ደእያ ማሮተን ምና። 
\v 2 ዳሮ ማርካታ ስንን ታኒ ነና ታማርስዳ ትምርትያ፥ ሀራታ ታማርሳናዉ ዳንዳእያ አማነትዳ አሳስ ሀዳራ እማ።
\p
\v 3 የሱስ ክርስቶሳስ አማንያ ዎታዳረ ግዳዳ ታራ መቶ ኤካ። 
\v 4 ኦላ ዎታዳረይ ባ ቶራ ሞጮና ኡፋይሳናዉ ጊገቴስፐ አትሽን፥ ሀራ ኦሶን ባና ፔሸና። 
\v 5 ሄሳዳካ፥ ጋደ ዎፅያ ኦንካ በሲያ ኦገራ ጋደቶና እፅኮ ዎይቶ ኤከና። 
\v 6 ጎሻን ዳቡርያ ጎሻንቾይ ባ ዳቡራ አይፍያፐ ምያ ኮይሮ አስ ግዳናዉ በሴስ። 
\v 7 ነ አኬካና መላ ጎዳይ ነና ማዳና ግሾ፥ ታ ነዉ ኦድዳባ ነ ዎዛናን ናጋ።
\p
\v 8 ታኒ ማርካትያ ዎንገላ መላ ሀይቆፐ ደንድዳ፥ ዳዊታ ኮቸ ግድዳ የሱስ ክርስቶሳ ቆፓ። 
\v 9 ታኒ ዎንገላ ኦድያ ግሾ፥ ኢታባ ኦዳ አሳዳ፥ ቃሸታዳ መቶ ኤካይስ። ሽን ፆሳ ቃላይ ቃሸተና። 
\v 10 ሄሳ ግሾ፥ ፆሳይ ዶርዳ አሳት ክርስቶስ የሱሳን ደእያ አቶተ መርና ቦንቹዋራ ኤካና መላ ኤንታ ግሾ ኡባባን ዋየታይስ።
\p
\v 11 ሀይሳዳ ግያ ቱማ ቃል ደኤስ፤
\q1 “ኑኒ እያራ ሀይቅዳባ ግድኮ፥
\q2 እያራ እስፈ ደአና።
\q1
\v 12 ኑኒ ገንጭኮ፥
\q2 እያራ እስፈ ካዎታና።
\q1 ኑኒ እያ ካድኮ፥
\q2 እ ኑና ካዳና።\x - \xo 2:12 \xo*\xt ማቶ 10:33፤ ሉቃ 12:9.\xt*\x*
\q1
\v 13 ኑኒ አማነቶና እፅኮ፥
\q2 እ አማነትዳይሳ ግድድ ዳና።
\q1 አይስ ጊኮ፥ እ ባና
\q2 ካዳናዉ ዳንዳኤና” ያጌስ።
\s1 ምኖ ኦሳንቾ
\p
\v 14 ኔኒ ኤንታ ሀይሳ አኬክሳ፤ ኤንቲ ቃላታ ጋሶን ፓላሞና መላ፥ ጎዳ ስንን ኤንታ ዞራ። ሄስ ስኤይሳታ ይሰስፐ አትሽን፥ አይኮካ ማደና። 
\v 15 ኔኒ ቱማ ቃላ ሱረተን ታማርሰይሳነ ዬላዮና ኦሳንቾ ግዳዳ፥ ፆሳይ ናሽያ አሳዳ፥ ነናተ እያዉ እማናዉ ምና። 
\v 16 ሽን ሀ አላምያስ እንጀትያ ጎኦና ኦዳፐ ባቃታ። ሄሳ መላ ኦዳይ አሰ ፆሳፈ ሃሴስ። 
\v 17 ሄሳ መላ ኦዳይ አሳተ ምድግያ ፓፆና ዎይዛዝረ ማዱን መላ። ሄሳ መላ ኦዳ ኦደተይሳታ ግዶፈ ሄመነዮስነ ፍልፆስ ደኦሶና። 
\v 18 ሀ አሳት ቱማ ኦግያ አግድ፥ “ሀይቅዳ አሳይ ሀይቆፐ በን ደንድዶሶና” ያግድ ጉ አሳታ አማኑዋ ይስዶሶና።
\p
\v 19 ግዶሽን፥ ፆሳይ ምኖ ዛላ ሂፅዳ ግሾ ቃፃናዉ ዳንዳኤና። እያ ቦላ፥ “ጎዳይ ባ አሳ ኤሬስ። ጎዳ ሱን ፄግያ ኦንካ ኢታ ኦሶፐ ሃኮ” ግያ ቃላይ ፃፈትስ።\x - \xo 2:19 \xo*\xt ታይቦ 16:5.\xt*\x*
\p
\v 20 እስ ግታ ኬን ዎርቃፈ ዎይኮ ብራፐ ኦሰትዳ ሚሸታ ፃላላ ግዶናሽን፥ ምፈ ዎይኮ ኡርቃፈ ኦሰትዳ ሚሸትካ ደኦሶና። ሄሳታፐ ባጋት ቦንቾ ኦሶስ፥ ቃስ ባጋት ቶሸትያ ኦሶስ ፔኦሶና። 
\v 21 ሄሳ ግሾ፥ ኦንካ ኢታ ኡባ አግኮነ ባና ጌሽኮ፥ ቦንቾ ኦሶ ኦያ ሚሸ ግዳና። ኤንታ ደኦይ ጌሽነ ጎዳ ኡፋይስያባ፥ ቃስ ኤንቲ ሎኦ ኦሶ ኡባ ኦናዉ ዳንዳኤይሳታ ግዳና።
\p
\v 22 ናአተ ኢታ አሙዋፐ ባቃታ። ጌሻ ዎዛናን ጎዳ ፄግያ አሳታራ እስፈ፥ ፅሎተ፥ አማኑዋ፥ ሲቆነ ሳሮተ ካላ።
\p
\v 23 ሽን ኦሽ መይሳ ኤራዳ ኤያተነ ሀዳ ግድዳ ፓላማፐ ሃካ። 
\v 24 ጎዳ ኦሳንቾይ አሳ ኡባስ ኬሀ፥ ሎኦ ታማርሰይሳነ ዳንዳአንቾ ግዳናዉ በሴስፐ አትሽን፥ ኦየታናዉ በሰና። 
\v 25 እ ባራ ኤቀተይሳታ አሽከተን ሴረይሳ ግዳናዉ በሴስ። ኤንቲ ባንታ ናጋራፐ ስሚድ ቱማ ኤራናዳ ፆሳይ ኦነኮ ኦን ኤር። 
\v 26 ኤንቲ ባንታ ዎዛናኮ ስሚድ ባ ሸንያ ኦና መላ ኤንታ ኦይክዳ ፃላሄ ፅህያፐ ከስ ኤካና።
\c 3
\s1 ዎደ ዉርሰ ማላታታ
\p
\v 1 ዉርሰ ጋላሳን ኡንኤያ ዎደይ ያናይሳ ኤራ። 
\v 2 አሳይ ባንታና ዶሰይሳታ፥ ሚሸ ሲቀይሳታ፥ ጬቀተይሳታ፥ ኦቶረይሳታ፥ ጫየይሳታ፥ ባንታና የልዳይሳታስ ኪተቶናይስታ፥ ጋላቶናይስታ፥ ጌሻተ ባይናይሳታ፥ 
\v 3 ሲቆይ ባይናይሳታ፥ ማሮተ ኤሮናይሳታ፥ ዝግረይሳታ፥ ባንታና ሃሮናይሳታ፥ ዎዛና ምኖታ፥ ሎኦ ዶሶናይሳታ፥ 
\v 4 ሞርኬስ አድ እመይሳታ፥ ቆፍ ባይናይሳታ፥ ኦቶሮን ሱገተይሳታ፥ ፆሳፈ አድ አሾ ኡፋይሳናዉ ዶሰይሳታ ግዳና። 
\v 5 ኤንቲ አማንያ ዳኖሶናፐ አትሽን፥ አማኖ ዎልቃ ካዶሶና፤ ኔኒ ሄሳ መላ አሳታፐ ባቃታ።
\p
\v 6 ኤንታፈ እሶት እሶት አሳ ኬ ገልድ ናጋራን ኦይከትዳይሳታነ ዱማ ዱማ አሞን ሱገትያ ዳቡራንቾ ማጫሳታ ቦላ ጎዳቶሶና። 
\v 7 ሄ ማጫሳት ኡባ ዎደ ታማሮሶናሽን፥ ቱማ ኤራናዉ ዳንዳኦኮና። 
\v 8 ያነስነ ያምባሬስ ሙሰራ ኤቀትዳይሳዳ ሀ አሳት ጉገይ ኦናይሳታነ አማኖን ኩንድዳ አሳታ ግድያ ግሾ ቱማራ ኤቀቶሶና።\x - \xo 3:8 \xo*\xt ከሳ 7:11.\xt*\x* 
\v 9 ሽን ያነሳነ ያምባሬሳ ኤያተይ ቆንጭዳይሳዳ ኤንታ ኤያተይካ አሳ ኡባ ስንን ቆንጫና ግሾ ኤንታዉ ሀነና።
\s1 ዉርሰ ዞረ
\p
\v 10 ሽን ኔኒ ታ ትምርትያ፥ ታ ዱሳ፥ ታ ቆፋ፥ ታ አማኑዋ፥ ታ ዳንዳኣ፥ ታ ሲቁዋ፥ ታ ገንጫ፥ 
\v 11 ታ ጎደተነ ታ መቱዋ ኤራሳ። አንፆከ፥ እቆንዮነን፥ ልስፅራ ካታማታን ታና ጋክዳባነ ታኒ ዳንዳእዳ መቱዋ ኤራሳ፤ ጎዳይ ታና ሄ ኡባፈ አሽስ።\x - \xo 3:11 \xo*\xt ሀዋ 13:14-52፤ 14:1-20.\xt*\x* 
\v 12 ክርስቶስ የሱሳን ፆሳ ኡፋይስያ ደኦ ዳናዉ ኮይያ ኡባይ ጎደታና። 
\v 13 ኢታ አሳትነ ባለይሳት ባንታዉ ባለትሸነ ሀራታ ባለሸ ካሰፐ ኢት ኢት ባና።
\p
\v 14 ሽን ነ ታማርዳ ቱማንነ ነ አማንዳ አማኑዋን ኤቃ። ነ ኦደፈ ታማርዳኮ ኤራሳ። 
\v 15 ኔኒ ነ ናአተፈ ዶማዳ ክርስቶሳ የሱሳ አማናዳ፥ አቶተ ደምያ ጭንጫተ እማናዉ ዳንዳእያ ጌሻ ማፃፋታ ኤራዳሳ። 
\v 16 ጌሻ ማፃፋ ኡባይ ፆሳፈ እመትዳ ቃላ። ሄ ማፃፋይ ቱማ ታማርሳናዉ፥ ባልዳይሳታ ሴራናዉ፥ ሱርሳናዉነ ፅሎተ ዱሳስ ኮሽያ ዞረ እማናዉ ማዴስ። 
\v 17 ፆሳ አስ ፖሎነ ሎኦ ኦሶ ኡባ ኦናዉ ጊግዳይሳ ግዳና መላ ማዴስ።
\b
\c 4
\p
\v 1 ታኒ ነና ፆሳ ስንንነ፥ ካዎ ግድድ ሃራናዉ ቆንጭያ ዎደ ፓፃታነ ሀይቅዳይሳታ ፕርዳናዉ ደእያ ክርስቶስ የሱሳ ስንን ዞራይስ። 
\v 2 ቃላ ኦዳ፤ ዎደይ እንጀትን እንጀቶና እፅን ምናዳ ኦዳ። ዳሮ ዳንዳአንነ ታማርሶን አሳ ዞራ ሴራነ ደን። 
\v 3 አሳይ ቱማ ትምርትያ ስኦና እፅያ ዎደይ ያና። ኤንቲ ባንታ አሙዋ ካልድ፥ ባንታዉ ስአናዉ ኡፋይስያባ ኦድያ አስታማረታ ሺሾሶና። 
\v 4 ኤንቲ ቱማ ትምርትያ አግድ፥ ቱማ ግዶና ኦዳ ስአናዉ ባንታ ሀይ ዛሮሶና። 
\v 5 ሽን ኔኒ ኡባባን ነና ሃራ። መቶ ዳንዳአ። ዎንገላ ማርካተ ኦሱዋ ኦ። ነዉ እመትዳ ፆሳ ኦሶ ኡባ ፖላ።
\p
\v 6 ታኒ ያርሸትያ ዎደይ ጋክስ፤ ሀ አላምያ አጋዳ ብያ ዎደይ ማትስ። 
\v 7 ታኒ ሎኦ ኦላ ኦለታስ፤ ታ ጋድያ ዎፃዳ ዉርሳስ፤ አማኑዋ ናጋስ። 
\v 8 ስንፈ ፅሎተ ካላቻይ\f + \fr 4:8 \fr*\fq ፅሎተ ካላቻይ፦ \fq*\ft ፅሎተ ደኦ ግሾ፥ ታ ኤካና ካላቻ። ፅሎተ ታዉ ካላቻ ኦድ እሜስ ጉሱ።\ft*\f* ታና ናጌስ። ሄሳ ፅሎ ፕርዳ ፕርድያ ጎዳይ ሄ ጋላስ ታዉ እማና። ሄሳ ታ ፃላላስ ግዶናሽን፥ እያ ቆንጨ አሞትያ ኡባስ እማና።
\s1 ጳዉሎሳ ቡዞ ቆፋ
\p
\v 9 ኤለሳ ያዳ ታና በአ። 
\v 10 ዴማስ ሀእ አላምያ ዶስድ፥ ታና አግድ፥ ተሰሎንቀ ካታማ ብስ። ቀርቅስ ጋላትያ ቢታ፥ ቃስ ትቶይ ድልማፀ ቢታ ብስ።\x - \xo 4:10 \xo*\xt ቆላ 4:14፤ ፍልሞ 24፤ 2 ቆሮ 8:23፤ ጋላ 2:3፤ ትቶ 1:4.\xt*\x* 
\v 11 ሉቃሳ ፃላል ታራ ደኤስ። ማርቆስ ፆሳ ኦሶን ታና ማዳናዉ ዳንዳእያ ግሾ፥ ኔራ ኤካዳ ያ።\x - \xo 4:11 \xo*\xt ቆላ 4:14፤ ፍልሞ 24፤ ሀዋ 12:12፥ 25፤ 13:13፤ 15:37-39፤ ቆላ 4:10.\xt*\x* 
\v 12 ታኒ ትክቆሳ ኤፈሶና ካታማ ኪታስ።\x - \xo 4:12 \xo*\xt ሀዋ 20:4፤ ኤፈ 6:21-22፤ ቆላ 4:7-8.\xt*\x* 
\v 13 ኔኒ ያሸ፥ ፅሮኣዳ ካታማን ካርፖሳ ማታን አጋዳ ይዳ ታ ኮትያነ ማፃፋታ ታዉ ኤካዳ ያ። ኡባካ ጋልባን ፃፈትዳ ማፃፋታ ኤኮና ዮፓ።
\p
\v 14 ብራታ ቆፅያ እስክንድረይ ታና ዳሮ ቆህስ፤ ጎዳይ እያ ኦሱዋዳ እያዉ ዛራና።\x - \xo 4:14 \xo*\xt 1 ፅሞ 1:20፤ ማዝ 62:12፤ ሮመ 2:6.\xt*\x* 
\v 15 እ ኑ ትምርትያ ዳሮ እፅያ ግሾ እያፐ ነና ናጋ።
\p
\v 16 ኮይሮ ታ ሞተትያ ዎደ ኡባይ አግድ ብዶሶናፐ አትሽን፥ ኦንካ ታና ማድቤና። ፆሳይ ሄ ናቁዋ ኤንታዉ ታይቦፖ። 
\v 17 ሽን ታኒ ኩመ ኪታ አይሁደ ግዶና አሳ ኡባስ ማርካትን፥ ኤንቲ ስአና መላ ጎዳይ ታ ማታን ኤቅድ ታዉ ዎልቃ እሚስ። ቃስ ኮሻትዳ ጋሞዳ ዶና ዶይዳ ሀይቁዋፐ ታና አሽስ። 
\v 18 ጎዳይ ታና ኢታ ኡባፈ አሽድ ባ ሳሎ ካዎተ ሳሮን ኤፋና። እያዉ መርናፐ መርና ጋካናዉ ቦንቾይ ግዶ። አምንእ።
\s1 ሳሮ
\p
\v 19 ጵርስቅላስ፥ አቅላስነ አነስፎራ ሶ አሳስ ታ ሳሮዋ ኦዳ።\x - \xo 4:19 \xo*\xt ሀዋ 18:2፤ 2 ፅሞ 1:16-17.\xt*\x* 
\v 20 ኤራስፆስ ቆሮንቶሳ ካታማን አትስ። ፅሮፍሞስ ሀርገትዳ ግሾ፥ ምልፀ ካታማን አጋስ።\x - \xo 4:20 \xo*\xt ሀዋ 19:22፤ ሮመ 16:23፤ ሀዋ 20:4፤ 21:29.\xt*\x* 
\v 21 ባልጎይ ገላናፐ ስን ኤለሳዳ ያ።
\p ኤዉቡሉስ፥ ጱዴስ፥ ልኑስ፥ ቅላደይነ ሀራ አማንያ አሳት ኡባይ ነና ሳሮ ጎሶና።
\p
\v 22 ጎዳይ የሱስ ክርስቶሲ ነ አያናራ ግዶ።
\p ፆሳ ማሮተይ ህንተ ኡባራ ግዶ።