\id 2TH - GOOFA FULL BIBLE
\ide UTF-8
\h 2 ታሰሎንቀ ኪታ
\toc1 2 ታሰሎንቀ ኪታ
\toc3 2 ታሰ
\toc2 2 ታሰሎንቀ
\mt1 ጳዉሎስ ተሰሎንቀ አሳስ
\mt2 ፃፍዳ ናምአን ኪታ
\imt ጋ ቆፋ
\ip ክርስቶሳ ናምአን ዩሳ ቦላ ደንድዳ ኦይሾይ ፓላማ መዳ ግሾ፥ ተሰሎንቀ ዎሳ ኬን መቶይ ዳር ዳር ብስ። ጳዉሎስ ተሰሎንቀ አሳስ ፃፍዳ ናምአን ኪታይ፥ “ጎዳ ዩሳ ጋላሳይ ማትስ” ግያ አማኖ ትምርትያ ቦላ ምንድ ኦዴስ። ጳዉሎስ ኦድሸ፥ ክርስቶስ ያናፐ ስን፥ “ጌላ ኡራ” ጌተትያ “ክርስቶሳ እፀይስ ካለን፥ ሀ አላምያ ቦላ ኢታተነ ጌላተ ዳርሸ ባና” ያግድ ኤንታ አማኑዋ ሱርሴስ።
\ip ሀዋረይ፥ መቶይነ ዋየይ ዳርኮካ፥ ኤንቲ ባንታ አማኑዋን ምናናዳ፥ ባንታ ዱሳስ ኮሽያባ ደማናዉ ምንድ ኦና መላነ ሎኦ ኦሶ ኦናዉ ጉየ ጎና መላ ኤንታ ምንድ ዞሬስ።
\iot ማፃፋ አይፈ ቆፋታ
\io1 ገሎ ቆፋ (\ior 1:1-2\ior*)
\io1 ጎዳ ዩሳነ ሱረ ፕርዳ (\ior 1:3-12\ior*)
\io1 ጎዳይ ያና (\ior 2:1-12\ior*)
\io1 አማነታዳ ደአ (\ior 2:13-17\ior*)
\io1 ዎስተ፤ ምንድ ኦተ (\ior 3:1-15\ior*)
\io1 ሳሮነ አንጆ (\ior 3:16-18\ior*)
\c 1
\p
\v 1 ጳዉሎስ፥ ስላሰይነ ፅሞትዮስ ተሰሎንቀ ዎሳ ኬን ደእያ፥ ፆሳ አዋባነ ጎዳ የሱስ ክርስቶሳባ ግድዳ አሳስ ፃፈትዳ ኪታ።\x - \xo 1:1 \xo*\xt ሀዋ 17:1.\xt*\x*
\p
\v 2 ፆሳ ኑ አዋፐነ ጎዳ የሱስ ክርስቶሳፐ አ ኬሀተይነ ሳሮተይ ህንተዉ ግዶ።
\s1 ክርስቶስ ስምያ ዎደ
\p
\v 3 ኑ እሻቶ፥ ህንተ አማኖይነ ህንተ እሶይ እሱዋነ ሀራታ ሲቅያ ሲቆይ ዳሮ ድጭያ ግሾ፥ ኑኒ ሄሳስ ፆሳ ኡባ ዎደ ጋላታናዉ በሴስ። 
\v 4 ህንተና ጋክዳ ጎዳንነ ዋየ ኡባን ገንጫንነ አማኖን ምንድ ኤቅዳ ግሾ፥ ኑኒ ኑ ሁጰን ፆሳ ዎሳ ኬታን ህንተባ ማርካትሸ ህንተናን ጬቀቶስ።
\p
\v 5 ህንተ እያ ግሾ ግድ መቶ ኤክያ ፆሳ ካዎተስ በሰይሳታ ግድድ ታይበታና መላ ፆሳ ፅሎ ፕርዳስ ሀይስ ማላ። 
\v 6 ፆሳይ ቱማ ፕርዳ ፕርዳና። ፆሳይ ህንተና ዋይሰይሳታ ቦላ ዋየ ኤሀና። 
\v 7 ጎዳይ የሱሲ ባ ዎልቃማ ኪታንቾታራ፥ ታማ ላጮራ ሳሎፐ ያ ዎደ ዋየትያ ህንተናነ ኑና ሸምፕሳና። 
\v 8 ቃስ ፆሳይ ባና ኤሮናይሳታነ ኑ ጎዳ የሱስ ክርስቶሳ ዎንገላስ ኪተቶናይሳታ ፕርዳና። 
\v 9 ኤንቲ ጎዳ ስንፈነ እያ ቦንቹዋ ዎልቃፈ ሻከትድ መርና ዩዋን ፕርደታና።\x - \xo 1:9 \xo*\xt እሳ 2:10.\xt*\x* 
\v 10 ሄ ጋላስ፥ እ ባ ጌሻ አሳንነ ባና አማንያ ኡባን ቦንቸታናዉነ ሳበታናዉ ያ ዎደ ኑ ህንተዉ ኦድዳ ኪታ ህንተ አማንዳ ግሾ፥ ህንተ እያ ቦንቸይሳታ ግዶንነ ሳበይሳታ ግዶን ዳና።
\p
\v 11 ኑኒ ህንተዉ ኡባ ዎደ ፆሳ ዎሰይ ሄሳሳ። ኑ ፆሳይ ህንተና ፄግዳ ደኡዋስ በሰይሳታ ግድድ ታይበታና መላ ኑኒ ዎሶስ። ህንተ ሎኦባ ኦናዉ አሞትያ አሙዋነ ህንተ አማኖ ኦሱዋ እ ባ ዎልቃን ፖሎ። 
\v 12 ሄሳን ኑ ፆሳነ ኑ ጎዳ የሱስ ክርስቶሳ አ ኬሀተን፥ ጎዳ የሱሳ ሱን ህንተ ቦንቻና፤ ህንተናካ እ ቦንቻና።
\c 2
\s1 ጌላ ኡራ
\p
\v 1 ኑ እሻቶ፥ ኑ ጎዳ የሱስ ክርስቶሳ ዩሳባነ ኑ እያራ ጋሄታናዉ ሺቃናባስ ኑ ህንተና ዎሶስ።\x - \xo 2:1 \xo*\xt እሳ 2:10.\xt*\x* 
\v 2 ትንብተን ዎይኮ ሀራ አሳፐ ስእዳ ቃላን ዎይኮ ኑፐ ኤክዳ ኪታዳ ኦድ፥ “ጎዳ ጋላሳይ ጋክስ” ግድ ህንተ ዎዛናይ ዳጋሞፎነ ዋባቆፖ። 
\v 3 ህንተና ኦንካ አይ ኦገንካ ባለፎ። ካሰትድ ጌላተይ ቆንጮናነ ዮይ በሲያ ጌላ ኡራይ ዮና ደእሽን፥ ጎዳ ጋላሳይ ጋከና። 
\v 4 አስ ጎይንያባነ ፆሳያባ ኡባ እ እፃናነ ባና ቁ ኦና። ሀር አቶሽን፥ ፆሳ ኬ ገል ኡትድ፥ “ታኒ ፆሰ” ጋና።\x - \xo 2:4 \xo*\xt ዳነ 11:36፤ ህዝ 28:2.\xt*\x*
\p
\v 5 ታኒ ህንተራ ደአሸ ህንተዉ ኦድዳይሳ አኬከከቲ? 
\v 6 እ ባ ጋላሳን ያናፐ አትሽን፥ ሀእ ያናይሳ አይብ እያ ተቅያኮ ህንተ ኤሬታ።
\p
\v 7 አሳስ ቆንጭቦና ጌላተ ፁራ ዎልቃይ ሀእካ ኦስ፥ ሽን ሀእ እያ ተቀይስ ደኤስ። እያ ተቀይስ ኦገፐ ክቻና ጋካናዉ እ ቆንጨና። 
\v 8 ሄሳፈ ጉየ፥ ጌላ ኡራይ ቆንጫና፥ ሽን ጎዳ የሱሲ ባ ዶናፐ ከይያ ሸምፑዋን፥ ባ ቦንቾ ዩሳን እያ ዎና።\x - \xo 2:8 \xo*\xt እሳ 11:4.\xt*\x* 
\v 9 ጌላ ኡራይ፥ ፃላሄ ዎልቃን ይድ ዎርዶ ማላታታነ ማላልስያባታ ኦና።\x - \xo 2:9 \xo*\xt ማቶ 24:24.\xt*\x* 
\v 10 ሄሳዳካ፥ ዮስ ደእያ አሳታ ዱማ ዱማ ጭምያ ኢታ ኦሶን ባለና። ኤንቲ ይዳይ አሽያ ቱማ ዶስድ ኤኮና እፅዳ ግሾሳ። 
\v 11 ሄሳ ግሾ፥ ኤንቲ ዎርዶ ግድያባ አማናና መላ ፆሳይ ዎልቃማ ባለሶ ኤንታ ቦላ የዳና። 
\v 12 ሄስካ፥ ቱማ አማኖና አሳት፥ ናጋራ ኦሶን ኡፋይተይሳት ኡባይ ፕርደታና መላሳ።
\s1 አማንያ አስ ግዳ
\p
\v 13 ጎዳይ ዶስያ ኑ እሻቶ፥ ኑኒ ፆሳ ህንተ ግሾ፥ ኡባ ዎደ ጋላታናዉ በሴስ። ህንተ አታና መላ ፆሳይ ጌሻ አያና ዎልቃን ህንተና ጌሽዳይሳነ ህንተካ ቱማ አማንዳይሳን እ ህንተና ባይራዳ ዶርስ። 
\v 14 ፆሳይ፥ ኑ ህንተዉ ኦድዳ ዎንገላ ባጋራ ህንተና ፄግዳይ፥ ህንተ ኑ ጎዳ የሱስ ክርስቶሳራ እስፈ ቦንቸታናሳ። 
\v 15 ህዛ፥ ኑ እሻቶ፥ ምንድ ኤቅተ። ኑኒ ህንተና ኑ ዶናን ግድን ዎይኮ ዳብዳብያን ግድን ታማርስዳ ትምርትያ ኦይክተ።
\p
\v 16-17 ፆሳይ ኑ አዋይ ኑና ዶሴስ። እ ኑስ ኬሀ፤ እ መርና ምንነ ሎኦ ኡፋይሳ ኑስ እሚስ። ህንተ ኡባ ዎደ ሎኦባ ኦናዉነ ኦደታናዉ ምንና መላነ ማዳና መላ ኑ ጎዳ የሱስ ክርስቶሳነ ፆሳ ኑ አዋ ዎሶስ።
\c 3
\s1 ኑስ ዎስተ
\p
\v 1 ዉርሰን ኑ እሻቶ፥ ጎዳ ቃላይ ህንተ ግዶን ኤለስድ ዳልጋናዳነ ቦንቸታናዳ ኑስ ዎስተ። 
\v 2 ሄሳዳካ፥ አስ ኡባይ ቃላ ስእድ አማኖና ግሾ፥ ፆሳይ ጌላታፐነ ኢታ አሳታፐ ኑና አሻና መላ ኑስ ዎስተ።
\p
\v 3 ሽን ጎዳይ አማነትዳይሳ፤ እ ህንተና ምንናነ ፃላሄፐ ናጋና። 
\v 4 ኑኒ ህንተና ኪተይሳ ሀእካ ስንፈካ ህንተ ኦናይሳስ ጎዳን ኑኒ አማነቶስ።
\p
\v 5 ጎዳይ ህንተ ዎዛና ፆሳ ሲቁዋኮነ ክርስቶሳ ዳንዳኣኮ ካለ።
\s1 ቦዞፕተ
\p
\v 6 ኑ እሻቶ፥ ህንተ ኑፐ ኤክዳ ኪታ ካሎናይሳታፐነ ኦሶ ብልያ አዛላ አማንያ አሳታፐ ህንተ ሻከታናዳ ጎዳ የሱስ ክርስቶሳ ሱንን ህንተና ኪቶስ። 
\v 7 ኑዳ ሀንድ ዳናዉ በሰይሳ ህንተ፥ ህንተ ሁጰን ኤሬታ። ኑኒ ህንተራ ደእያ ዎደ ኦሶ ብልቦኮ። 
\v 8 ኑኒ ኦደፈካ ካ መላ ምቦኮ። ኑስ ዳንዳኤትዳ መላ ቃማነ ጋላስ ኦ ዳቡርድ ደእዳፐ አትሽን፥ ኦደስካ ቶሆ ግድቦኮ። 
\v 9 ኑኒ ሄሳ ኦዳይ፥ ህንተዉ ሌምሶ ግዳናሳፈ አትሽን፥ ህንተፈ ማደ ኦይቻናዉ ኑስ ማት ይና ግደና። 
\v 10 ኑ ህንተራ ደእያ ዎደካ፥ “ኦናዉ ኮዮና አስ ኦንካ ሞፖ” ያግድ ኪትዳ።
\p
\v 11 ኑኒ ሄሳ ግዳይ፥ ህንተ ግዶን እስ እስ አዛላት ደኤይሳ ስእዳ ግሾሳ። ሄ አሳት ገልሶናባን ገልድ ሀራታ ኦሶ ብልሶሶናፐ አትሽን፥ አይኮካ ኦኮና። 
\v 12 ኑኒ ሄሳ መላ አሳት ማራ ደኦ ዳናዳነ ባንታና ኮሽያባ ኦድ ደማናዳ ጎዳ የሱስ ክርስቶሳ ሱንን ኤንታ ኪቶስነ ዞሮስ።
\p
\v 13 ሽን ኑ እሻቶ፥ ሎኦ ኦሶ ኦናዉ አዛሎፍተ። 
\v 14 ሀእ ኑኒ ሀ ዳብዳብያን ኪትዳ ኪታስ ኪተቶና አስ ኦንካ ደእኮ ሄ ኡራ ኤርተ። እ ዬላታና መላ እያፐ ሻከትተ። 
\v 15 ሽን እያ እሻዳ ሴርተፐ አትሽን፥ ሞርከዳ ፄሎፍተ።
\s1 ሳሮ
\p
\v 16 ሳሮ እምያ ጎዳይ፥ ባ ሁጰን ህንተዉ ኡባ ዎደነ ኡባ ባጋራ ሳሮ እሞ። ጎዳይ ህንተ ኡባራ ግዶ።
\p
\v 17 ታኒ ጳዉሎስ፥ ሀ ኪታ ታ ኩሸን ፃፋስ። ታ ኪታ ኡባስ ማላይ ሀይሳ፤ ታኒ ሄሳዳ ፃፋይስ።
\p
\v 18 ኑ ጎዳ የሱስ ክርስቶሳ አ ኬሀተይ ህንተ ኡባራ ግዶ።