\id 2SA 1SA - GOOFA FULL BIBLE
\ide UTF-8
\h 2 ሳሜላ ማፃፋ
\toc1 2 ሳሜላ ማፃፋ
\toc3 2 ሳሜ
\toc2 2 ሳሜላ
\mt 2 ሳሜላ ማፃፋ
\imt ጋ ቆፋ
\ip ናምአን ሳሜላ ማፃፋይ ኮይሮ ሳሜላ ማፃፋ ካሌስ። ሀ ማፃፋይ ዳዊቲ ኮይሮ ዱገሀ ባጋን ደእያ ይሁዳ ካዎ ግድድ (ሸም 1-4)፥ ጉ ጋምእድ፥ ፑደሀ ባጋን ደእያ እስራኤለ ጉጅድ ኩመ ቢታ ካዎ ግድድ ሃርዳ ታርከታ ኦዴስ (ሸም 5-24)። ሀ ማፃፋይ ዳዊቲ ባ ካዎተ ዳልግሳናዉነ ባ ማታ ምንናዉ፥ ሶራነ ካረራ ደእያ ሞርከታራ ኦለትዳ ኦላ ሎይድ ቆንጭሴስ።
\ip ዳዊቲ ፆሳ ኬ ኬፃናዉ ኮይስ፥ ሽን እ ሄሳ ኦና መላ ፆሲ ዶስቤና ዎይኮ ኮይቤና (7:1-3)።
\ip ፆሲ ዳዊታራ ጫቅዳባ ግድኮካ፥ እ ኦርዮ ማቸ በርሳብራ ላይማትዳ ዎደ እያ ካዎተይነ እያ ሶ አሳይ መቶ ቦላ ዎዶሶና (ሸም 13-18፤ 20-21)። ሄሳ ጋሶን እያ ሶ አሳ ግዶን ኢታባይ መትስ፤ እያ ናይታፐ ዳሮት ሀይቅዶሶና።
\ip ዳዊቲ ኦዳ ግታ ኦሶታፐ ጉት፥ እስራኤለ ካዎተ ሀራ ካዎተት ቆሆና መላ ናግስ (1 ሳሜ 31)፤ ታማነ ናምኡ እስራኤለ ኮቻት እስፈ ዳና መላ ኦስ፤ ካዎተ አቆ ዎጋ ዎስ (2 ሳሜ 8:15-18)። ዳዊቲ ባ ዱሳን ናጋር ዎይኮ ቦረይ ባይና አስ ግደና፥ ሽን እስ ቱማ ፆሳፈ አትሽን ሀራ ፆሲ ጎይንቤና። ይሁዳ ካዎተይ ኤቅድ ደእዳ ዎደ ኡባን፥ ፆሳይ ዳዊታስ ጫቅዳ ጫቁዋ ናግስ።
\iot ማፃፋ አይፈ ቆፋታ
\io1 ዳዊቲ ሳኦላስ ዬሁዋ (\ior 1:1-27\ior*)
\io1 ዳዊቲ ይሁዳ ቦላ ካዎቱዋ (\ior 2:1—4:12\ior*)
\io1 ዳዊቲ እስራኤለ ኡባ ቦላ ካዎቱዋ (\ior 5:1—6:23\ior*)
\io1 ፆሳይ ዳዊታስ ጫቅዳ ጫቁዋ (\ior 7:1-29\ior*)
\io1 ዳዊቲ ኦለትዳ ኦላ (\ior 8:1—10:19\ior*)
\io1 ዳዊታነ በርሳቦ (\ior 11:1—12:31\ior*)
\io1 ዳዊታ ሶን መትዳ ጌላተ (\ior 13:1—14:33\ior*)
\io1 አበሰሎመ ጌላተነ ሀራ ሀኖታታ (\ior 15:1—21:22\ior*)
\io1 ናምኡ ዳዊታ ማዝሙረታ (\ior 22:1—23:7\ior*)
\io1 ዳዊታ ቶራ ሞጮናታ (\ior 23:8-39\ior*)
\io1 ዳዊቲ እስራኤለ አሳ ታይቡዋ (\ior 24:1-25\ior*)
\c 1
\s1 ዳዊቲ ሳኦላ ሀይቁዋ ስእስ
\p
\v 1 ሳኦል ሀይቅዳፐ ጉየ፥ ዳዊቲ አማለቃታ ፆን ስሚድ ፅቅላጋን ናምኡ ጋላስ ጋምእስ። 
\v 2 ሄን ጋላስ እስ አደይ ባ ማኡዋ ዳክድ፥ ባ ሁጰን ባና ቆልድ፥ ሳኦል ዱንካንዳ ጉታፐ ይስ። እ ዳዊታኮ ይድ ሳአን ጉፋንድ ዝግስ። 
\v 3 ዳዊቲ፥ “ኔኒ አዋፐ ያዲ?” ያግድ ኦይችስ።
\p እ ዛሪድ፥ “ታኒ እስራኤለት ዱንካንዳ ጉታፐ ከሳ ኤካዳ ያስ” ያግስ።
\p
\v 4 ዳዊቲ፥ “አነ ሀንዳባ ታዉ ኦዳ” ያግስ።
\p እ ዛሪድ፥ “ኑ ኦላንቾት ኦላፐ ባቃትዶሶና፤ ኑ አሳፐ ዳሮት ሀይቅዶሶና፤ ሳኦልነ እያ ናአይ ዮናታን ሀይቅዶሶና” ያግስ።
\p
\v 5 ዳዊቲ እያዉ ኦድዳ ፓን፥ “ሳኦልነ እያ ናኣ ዮናታን ሀይቅዳይሳ ኔኒ አይብን ኤራይ?” ያግድ ኦይችስ።
\p
\v 6 ፓንይ፥ “ታኒ ግልቦአ ደርያ ቦላ ደእሽን፥ ሳኦል ባ ቶራ ጉፈትድ ኤቅዳይሳ በአስ፤ ፓራ ጋረትነ ፓራ አሳት ሳኦላኮ ማታትዶሶና። 
\v 7 ሄ ዎደ ሳኦል ጉየ ስሚድ ታና ደምድ ፄግስ። ታኒ፥ ‘ዬ’ ያጋዳ ኮያስ። 
\v 8 ሳኦል፥ ‘ኔኒ ኦኔ?’ ያግድ ኦይችን፥ ‘ታኒ አማለቃ አስ’ ያጋዳ ዛራስ። 
\v 9 ሄሳፈ ጉየ ሳኦል፥ ‘ታኒ ማዱንፃዳ፥ ሀይቆስ ጋካስ፤ ኔኒ ታ ቦላ ከይያ ኤቃዳ ታና ዎ’ ያግስ። 
\v 10 እ ኩንድዳፐ ጉየ ሀይቆፐ አቶናይሳ ኤርዳ ግሾ ታኒ እያ ቦላ ከያ ኤቃዳ እያ ዎስ። እያ ሁጰን ደእያ ካላቻነ እያ ቀሰን ደእያ አምባርያ ኤካዳ ኔኮ ታ ጎዳኮ ያስ” ያግስ።
\p
\v 11 ዳዊቲነ ዳዊታ አሳይ ካዮትድ፥ ባንታ ማኡዋ ዳክዶሶና። 
\v 12 ኤንቲ ሳኦል፥ ዮናታን፥ ጎዳ ኦላንቾትነ እስራኤለ አሳይ ኦላን ዉርዳ ግሾ ኦማርስ ጋካናዉ ካዮትዶሶና፤ ዬክዶሶና፤ ፆምዶሶና።
\p
\v 13 ዳዊቲ ሄሳ ኤንታዉ ኤህዳ ፓን፥ “ነ አዉፐ ያዲ?” ያግድ ኦይችስ።
\p እ ዛሪድ፥ “ታኒ በተ አስ ግድድ ደእያ አማለቃ አድያ ናአ” ያግስ።
\p
\v 14 ዳዊቲ፥ “ጎዳይ ትይዳ ካዋ ዎናዉ ነ ኩሽያ ደንሸ ዋናዳ ያያብኪ?” ያግስ። 
\v 15 ዳዊቲ ባ አሳታፐ እሱዋ ፄግድ፥ “እያ ዎ” ያግን፥ እ አማለቃ ፓን ጫድድ ዎስ። 
\v 16 ዳዊቲ አማለቃ አድያኮ፥ “ጎዳይ ትይዳ ካዋ ታኒ ዎስ” ያጋዳ “ኔኒ ነ ዶናን ማርካትዳ ግሾ ነ ሱ ጎመይ ነና ኦይኮ” ያግስ።
\s1 ዳዊቲ ሳኦላስነ ዮናታናስ ዬክስ
\p
\v 17 ዳዊቲ ሳኦላስነ እያ ናኣ ዮናታናስ ሀይሳዳ ያግድ ዘሌልስ። 
\v 18 ይሁዳ አሳይ፥ “ዶንገ ዬሆ” ጌተትያ ሀ ዘለልሳ ታማራና መላ ኪትስ፤ ሀ ዘለልሳይ ያሻራ\f + \fr 1:18 \fr*\fq ያሻራ፦ \fq*\ft ፅሎታ ማፃፋ ጉሱ\ft*\f* ማፃፋን ፃፈትስ።
\q1
\v 19 “ነኖ እስራኤለ፥ ነ ሀላቃት፥
\q2 ቃ በሳን ሀይቅዶሶና።
\q2 ዎልቃማት ዋንድ ኩንድዶና!
\q1
\v 20 ፍልስፄመ ማጫ ናይት ሄሳ ስእድ ኡፋይቶና መላ፥
\q2 ቃፃረትቦና አሳ ማጫ ናይት ሀሹ ጎና መላ፥
\q2 ሀይሳ ጋተ ካታማን ኦዶፕተ
\q2 አስቃሎና ኦገታን አዋጆፍተ።
\q1
\v 21 ህንተኖ ግልቦአ ደረቶ፥
\q2 ህንተ ቦላ እር ቡኮፎ፤ አክ ዎፎ።
\q1 ሄ በሳን ዎልቃማታ ጎንዳለይ ቱንዳ ግሾ፥
\q1 ሳኦላ ጎንዳለይ ዛይተን ቁሸትቦና ግሾ፥
\q2 ሄ ጋድያን ካ ዶሎፖ።
\q1
\v 22 ጎይረትዳይሳታ ሱፈ፥
\q2 ዎልቃማታ ሞዋፈ፥
\q1 ዮናታና ዶንገይ ጉየ ግቤና፤
\q2 ሳኦላ ማሻይ ካሎና ስምቤና።
\q1
\v 23 ሳኦልነ ዮናታን ዶሰተይሳታ፤
\q2 ሀይቆንነ ፓፃን ሻከትቦኮና።
\q1 ኤንቲ አርጋንፈ አድ ኤሶ፤
\q2 ጋሞፈ አድ ምኖ።
\q1
\v 24 ህንተኖ እስራኤለ ማጫሳዉ፥
\q2 ዞኦነ አሌቆ ማኦ ማይዝዳይሳስ፥
\q2 ህንተ ማኡዋ ዎርቃን አሌቅስዳ ሳኦላስ ዬክተ።
\q1
\v 25 ዎልቃማት ኦላን ዋንድ ኩንድዶና?
\q2 ዮናታን ቃ በሳን ሀይቅስ።
\q1
\v 26 ታ እሻ ዮናታና፥ ታ ነዉ አዛናይስ፤
\q2 ነ ታዉ ዳሮ አልኦ።
\q1 ኔኒ ታና ዶስያ ዶሶይ ማላልሴስ፤
\q2 ማጫ ሲቆፐካ አስ።
\q1
\v 27 ዎልቃማት ዋንድ ኩንድዶና?
\q2 ኦላ ሚሸይካ ዋንድ ይዴ?”
\m ያግድ ዳዊቲ ዘሌልስ።
\c 2
\s1 ዳዊቲ ይሁዳ ቦላ ካዎትስ
\p
\v 1 ሄሳፈ ጉየ፥ ዳዊቲ፥ “ይሁዳ ካታማታፐ እሱዋ ቦ?” ያግድ ጎዳ ኦይችስ።
\p ጎዳይ፥ “ኤ፥ ባ” ያግስ።
\p ዳዊቲ፥ “አዉ ቦ” ያግድ ኦይችስ።
\p ጎዳይ፥ “ከብሮና ባ” ያግድ ዛርስ።
\p
\v 2 ዳዊቲ ባ ናምኡ ማቸታ፥ እዝራኤለ አክናሆማነ ካሰ ናባላ ማችዉ ቃርመሎሳ አብግያ ኤክድ ከብሮና ካታማ ብስ። 
\v 3 ዳዊቲ ባራ ደእያ አሳታነ ኤንታ ሶ አሳ ኡባ ኤህን፥ ከብሮናንነ እያ ሄራን ደእያ ካታማታን ደእዶሶና። 
\v 4 ይሁዳ አሳት ከብሮና ካታማ ይድ፥ ዳዊታ ትይድ ይሁዳ ቦላ ካዎዶሶና።
\p ዳዊቲ ያበሳ ጋላዳ አሳይ ሳኦላ ሞግዳይሳ ስእዳ ዎደ፥ 
\v 5 እ አሰ ኪትድ፥ “ህንተ ህንተ ጎዳ ሳኦላ ሞግዳ ግሾ ሄ ኬሀተስ ጎዳይ ህንተና አንጆ። 
\v 6 ጎዳይ ሲቁዋነ ቱማተ ህንተዉ ቆንጭሶ፤ ታንካ ሀ ኬሀተ ግሾ ህንተዉ ሎኦ ኩሸ ዛራና። 
\v 7 ህዛ ምንተ፤ ፃልተ፤ ህንተ ጎዳይ ሳኦል ሀይቅስ። ይሁዳ አሳይ ታና ትይድ፥ ባንታ ቦላ ካዎዶሶና” ያግስ።
\s1 ናምኡ ኬታ ግዶን ደእያ ኦላ
\p
\v 8 ሳኦላ ቶራ ሞጮናይ ኔራ ናአይ አበኔር ሳኦላ ናኣ እያቡስተ ኤክድ፥ ማህናይማ ጌተትያ በሳ ኤፍስ። 
\v 9 እያ ጋላዳን፥ አሴራን፥ እዝራኤላን፥ ኤፍሬማን፥ ብንያመንነ እስራኤለ ቢታ ኡባን ካዎስ። 
\v 10 ሳኦላ ናአይ፥ እያቡስተይ እስራኤለ ቦላ ካዎትያ ዎደ እያዉ ኦይታሙ ላይ፤ እ ናምኡ ላይ ካዎትስ። ግዶሽን፥ ይሁዳ አሳይ ዳዊታ ካልዶሶና። 
\v 11 ዳዊቲ ከብሮናን ይሁዳ ቦላ ላፑን ላይነ ባጋ ካዎትስ።
\p
\v 12 ኔራ ናአይ አበኔርነ ሳኦላ ናአይ እያቡስተ አሳይ ማህናይማፐ ጋባኦና ብዶሶና። 
\v 13 ፃሩያ ናአይ እዮኣብነ ዳዊታ አሳይ ጋባኦና ኦላ ሃ ማታን ኤንታራ ጋሄትዶሶና። እስ ጩጋይ ኦላ ሃፈ ሄፍንን ኡትን፥ እስ ጩጋይ ሀፍንን ኡትስ። 
\v 14 አበኔር እዮኣባኮ፥ “አነ ህንተፈነ ኑፐ ፓንት ደንድድ፥ ኑ ስንን ኦለቶ” ያግስ።
\p እዮኣብ፥ “ኤሮ፥ ደንድድ ኦለቶ” ያግስ። 
\v 15 ሄሳ ግሾ፥ ብንያመፐ ሳኦላ ናኣ እያቡስተስ ታማነ ናምኡ አሳት ከይድ፥ ዳዊታስ ኤቅዳ ታማነ ናምኡ አሳታራ ኦላ ጋሄትዶሶና። 
\v 16 እሶይ እሶይ ባ ሞርክያ ሁጵያ ኦይክድ፥ ማሻን ምየን ጫድስ፤ ሄሳዳ ሀንድ ላታማነ ኦይዳይ ሀይቅዶሶና። ሄሳ ግሾ ጋባኦናን ደእያ ሄ በሳይ ማሻ ቢታ ጌተትስ። 
\v 17 ሄ ጋላስ ዎልቃማ ኦላ ኦለትድ፥ ዳዊታ አሳይ አበኔራነ እስራኤለ አሳ ፆንስ።
\p
\v 18 ፃሩያ ናይት ሄይ እዮኣብ፥ አብስነ አሳሄል ሄ በሳን ደኦሶና፤ አሳሄል ዎሽኤዳ ኤሶን ዎፅድ፥ 
\v 19 አሳሄል አበኔራ ኡሻች ዎይኮ ሀድርስ ጎና የደስ። 
\v 20 አበኔር ጉየ ስሚድ፥ “አሳሄላ፥ ነኔ?” ያግድ ኦይችስ።
\p አሳሄል፥ “ኤ ታና” ያግስ።
\p
\v 21 አበኔር፥ “ኡሻች ዎይኮ ሀድርስ ስማዳ፥ አሳታፐ እሱዋ ኦይካዳ እያ ኦላ ሚሽያ ኤካ” ያግስ። ሽን አሳሄል እያ የደይሳ አጎና እፅስ።
\p
\v 22 ቃስካ አበኔር፥ “ታኒ ነና ሳአራ ጋዳ ኦይና ደእሽን፥ ታና የደይሳ አጋ! ነና ዎዳ ታኒ ነ እሻ እዮኣባ ሶምኡዋ ዋታዳ ፄላኔ?” ያግድ ዋስስ። 
\v 23 ሽን አሳሄል እያ የደይሳ አጎና እፅስ። ሄሳ ግሾ፥ አበኔር ቶራ ጉየ የድድ፥ አሳሄላ ኡሉዋ ጫድን ቶራይ ዞኮራ ካንድ ከይስ። አሳሄል ሄ በሳን ኩንድድ ሀይቅስ፤ አሳሄል ሀይቅዳ በሳ ጋክዳ አሳ ኡባይ ያን ኤቅስ።
\p
\v 24 ሽን እዮኣብነ አብስ አበኔራ ጎድዶሶና፤ አው ዉልያ ዎደ ጋባኦና መላ ቢታኮ ኤፍያ ኦግያን ጋዳፐ ስን ባጋራ ደእያ አማ ዙማኮ ጋክዶሶና። 
\v 25 ብንያመ አሳይ አበኔራኮ ሺቅዶሶና፤ እስ ጩጋ መድ እስ ዙማ ቦላ ኤቅዶሶና። 
\v 26 አበኔር እዮኣባ ፄግድ፥ “መርናዉ ኦለትሸ ዳነዬ? ሀይሳ ዉርሰይ ጫሞ ግዳናይሳ ኔኒ ኤርኪ? ነ አሳይ፥ ባንታ እሻታ ጎደይሳ አጋና መላ አይስ ኦድኪ?” ያግስ።
\p
\v 27 እዮኣብ፥ “ደኦ ፆሳይ ኤሮ! ኔኒ ኦዶናባ ግድያኮ ታ አሳይ ባ እሻታ ሳእ ዎንታና ጋካናዉ ጎዳ አጎኮና” ያግስ። 
\v 28 እዮኣብ ሞይዘ ፑንን አሳ ኡባይ ኤስስ። እስራኤለታ ዛር ጎድቦኮና ዎይኮ ኦልቦኮና። 
\v 29 አበኔርነ እያ አሳይ ሄ ቃማ ኩመ ሄመትድ አራባ ጋ ጋክዶሶና። ዮርዳኖሰ ሻፋ ፕንድ፥ በትሮና ካንድ ማህናይመ ይዶሶና።
\p
\v 30 እዮኣብ አበኔራ ጎደይሳ አግድ፥ ባ አሳ ኡባ እስ በሲ ሺሽድ ፄልያ ዎደ፥ አሳሄላ ጉጆና ዳዊታ አሳፐ ታማነ ኡዱፉን አስ ፓጭስ። 
\v 31 ሽን ዳዊታ አሳይ አበኔራራ ደእያ ብንያመ ኮቻታፐ ሄ ፄታነ ኡሱፑን ታሙ አስ ዎዶሶና። 
\v 32 አሳሄላ አሀ ኤክድ፥ ቤተለመ ካታማን ደእያ እያ አዋ ዱፎን ሞግዶሶና። እዮኣብነ እያ አሳይ ቃማ ኩመ ሄመትድ ሳእ ዎንትያ ዎደ ከብሮና ጋክዶሶና።
\c 3
\p
\v 1 ሳኦላ ሶ አሳይነ ዳዊታ አሳይ ዳሮ ዎደ ኦለትዶሶና፤ ዳዊቲ ኦላን ምን ምን ብያ ዎደ ሳኦላ አሳይ ዳቡር ዳቡር ብስ።
\p
\v 2 ከብሮናን ዳዊታስ ናይት የለትዶሶና፤ እዝራኤለ አክናሆማ የልዳ ባይራ ናአይ አምኖና፤ 
\v 3 ቃርመሎሳ አብግያ ካሰ ናባላ ማችያ የልዳ ክልኣብ ናምአን ናአ። ጋሹራ ካዋ ታልማያ ናእያ ማእካ የልዳ አበሰሎመይ ሄን ናአ። 
\v 4 ኦይዳንይ ሃግታ ናኣ አዶና፤ እቻሻንይ አብፃላ ናኣ ሳፋፃ። 
\v 5 ኡሱፑንይ ዳዊታ ማቸ ኤግል ናኣ ይትራኣማ፤ ሀ ናይት ኡባይ ከብሮናን የለትዶሶና።
\s1 አበኔር ዳዊታራ ጫቅስ
\p
\v 6 ሳኦላ ሶ አሳራነ ዳዊታ ሶ አሳራ ኦለትያ ዎደ አበኔር ሳኦላ አሳ ቦላ ምን ምን ብስ። 
\v 7 ሳኦላስ እዮሄላ ናአ ግድዳ እርፅፎ ጌተትያ እስ ላገያ ደአዉሱ፤ እያቡስተይ አበኔራኮ፥ “ታ አዋ ላገራ አይስ አቃዲ?” ያግድ ኦይችስ።
\p
\v 8 አበኔር እያ ኦዳን ዳሮ ይሎትድ፥ “ታና ኔኒ ይሁዳኮ ስምዳ ጋታ ካና ጋድዬ? ታኒ ነ አዋ ሳኦላስ፥ እያ እሻታስነ እያ ዳቦታስ አማነታዳ ደአስ፤ ነናካ ዳዊታስ አዳ እማብከ። ሽን ሀእ ኔኒ ታና ሀ ማጫሰ ግሾ ሞታሳ! 
\v 9 ፆሳይ ዳዊታስ ኦና ግድ ጫቅዳ ቃላ ታኒ ፖሎና እፅኮ፥ ፆሲ ታና ፕርዶ። 
\v 10 ሳኦላ ኮቻፈ ካዎተ ዎስስድ፥ ዳነፐ በርሳበ ጋካናዉ እስራኤለ ቦላነ ይሁዳ ቦላ፥ ዳዊታ አራታ ምንናዉ ጎዳይ ጫቅስ” ያግስ። 
\v 11 እያቡስተይ አበኔራስ ያይዳ ግሾ ሀራ ቃላ ፖግቤና።
\p
\v 12 አበኔር ዳዊታኮ፥ “ቢታይ ኦሴ? ኔኒ ታራ ጫቃ፤ እስራኤለ አሳ ኡባይ ኔኮ ስማና መላ ታ ነና ማዳና” ያግድ አሰ ኪትስ።
\p
\v 13 ዳዊቲ፥ “ሎኦ! ታ ኔራ ጫቃና። ሽን ታኒ ነና እስባ ኦይቻይስ፤ ኔኒ ታና በአናዉ ያ ዎደ ሳኦላ ናእዉ መልኮሎ ኤኮና ዮፓ” ያግስ። 
\v 14 ሄሳፈ ጉየ፥ ዳዊቲ ሳኦላ ናአ እያቡስተኮ፥ “ፄቱ ፍልስፄመታ ቃራታዳ ኮይታ ኦዳ እምዳ ታ ማችዉ መልኮሎ ታዉ እማ” ያግድ አሰ ኪትስ። 
\v 15 እያቡስተይ አሰ ኪትድ እ አዝና ላዉሻ ናአ ፓልፅኤላፐ ከስ ኤክስ። 
\v 16 እ አዝናይ ብራቅማ ካታማ ጋካናዉ ዬክሸ እ ጌዶ ካልስ። አበኔር እያኮ፥ “ጉየ ሶ ባ” ያግን አደይ ጉየ ስሚድ ብስ።
\p
\v 17 አበኔር እስራኤለ ጭማታኮ ብድ፥ “ዳዊቲ ህንተ ቦላ ካዎታና መላ ዳሮ ዎደ አሞትደታ። 
\v 18 ሀእ ፖልተ! ጎዳይ፥ ‘ታ አሳ እስራኤለ፥ ፍልስፄመታ ኩሸፐነ ኤንታ ሞርከታ ኡባ ኩሸፐ ታ አይልያ ዳዊታ ባጋራ አሻና’ ግዳይሳ ሀሳይተ” ያግስ። 
\v 19 አበኔር ብንያመ ኮቻታስ ሄሳ ኦድስ። እስራኤለ አሳይነ ብንያመ አሳ ኡባይ ኦናዉ ኮይዳ ኡባ ዳዊታስ ኦዳናዉ አበኔር ከብሮና ብስ።
\p
\v 20 አበኔር ባራ ላታሙ አስ ኤክድ፥ ከብሮና ብን፥ ዳዊቲ እያዉነ እያ አሳስ ግብራ ጊግስስ። 
\v 21 አበኔር ዳዊታኮ፥ “ኤንቲ ኔራ ጫቃና መላነ ነ ዎዛናይ አሞትያ ኡባ ነ ሃራና መላ ታ ባዳ እስራኤለ አሳ ካዋስ ታ ጎዳስ ሺሻና” ያግስ። ያግን ዳዊቲ አበኔራ ሞይዝድ ሳሮ የድስ።
\s1 እዮኣብ አበኔራ ዎስ
\p
\v 22 ሄ ዎደ ዳዊታ አሳይነ እዮኣብ ኦላፐ ዳሮባ ድእድ ስምዶሶና። ሽን ዳዊቲ እያ ሳሮ ባ ግድ የድዳ ግሾ፥ አበኔር ከብሮናን ዳዊታራ ዴና። 
\v 23 እዮኣብነ እያራ ደእያ ኦላንቾት ጋክያ ዎደ አሳይ፥ “ኔራ ናኣ አበኔር ካዋ ዳዊታኮ ይን፥ ካዎይ እያ የድን ሳሮ ብስ” ያግድ ኦድዶሶና።
\p
\v 24 ሄሳ ግሾ፥ እዮኣብ ካዋኮ ብድ፥ “ሄስ ዋንድ ሀንዴ? አበኔር ኔኮ ይን፥ አይስ የዳዲ? ሄኮ እ ብክችስ! 
\v 25 ኔራ ናአይ አበኔር ነና ጭማናዉ፥ ኔኒ ገልያሶነ ከያሶ በአናዉነ ኔኒ ኦያ ኡባ ኤራናዉ ይስ” ያግስ።
\p
\v 26 እዮኣብ ዳዊታ ስንፈ ከይድ፥ አበኔራ ጌዶ ኪታ የድን፥ ኤንቲ እያ ሲራ ኦላ ሃ ማታፐ ጉየ ዛርዶሶና፤ ሽን ዳዊቲ ሄሳ ኤረና። 
\v 27 አበኔር ከብሮና ስሚድ ይዳ ዎደ እዮኣብ እያራ ዱማ ኦደታናዉ ኮይዳ ዳንስድ ድርሳ ፐንግያኮ ደእያ ክፍልያነ እያ ኤፍስ። ባ እሻ አሳሄላ ሱ ዛራናዉ አበኔራ ኡሎን ጫድን አበኔር ሄ በሳን ሀይቅስ።
\p
\v 28 ዳዊቲ ጉየፐ ሄሳ ስእዳ ዎደ፥ “ታንነ ታ ካዎተይ ኔራ ናኣ አበኔራ ሱ ግሾ ጎዳ ስንን መርናዉ ኦይሸቶኮ። 
\v 29 እያ ሱይ እዮኣባነ እያ አዋ ሶ አሳ አቾ፤ ማዱን ደእያ አስ ዎይኮ ጎጋ ሀርገይ ደእያ አስ ዎይኮ ዎበ አስ ዎይኮ ማሻን ሀይቅያ አስ ዎይኮ ኮሻትያ አስ እዮኣባ ኮቻን ዮፖ” ያግስ። 
\v 30 ጋባኦናን ከይዳ ኦላን ባንታ እሻ አሳሄላ አበኔር ዎዳ ግሾ፥ እዮኣብነ እያ እሻ አብስ አበኔራ ዎዶሶና።
\p
\v 31 ዳዊቲ እዮኣባነ እያራ ደእያ አሳ፥ “ህንተ ማኡዋ ዳክተ፤ ባና ቆልተ፤ አበኔራ ሀላ ስንን ዬክተ” ያግስ። ካዎ ዳዊቲ ሀላ ካልድ ዱፎ ብስ። 
\v 32 አበኔር ከብሮናን ሞገትስ፤ ካዎይ ባ ቃላ ቁ ኦድ ዱፎን ዬክስ፤ አሳ ኡባይ ዬክዶሶና። 
\v 33 ካዎይ አበኔራስ፥
\q1 “አበኔር ኤያ አሳዳ ሀይቃናዉ በሲ?
\q1
\v 34 ነ ኩሸይ ቃሸትቤና፤
\q2 ነ ቶሆይ ሳንላታን ኦይከትቤና።
\q1 አስ ኢታ አሳ ኩሸን ሀይቀይሳዳ ሀይቅስ”
\m ያግድ ዘሌልስ። አሳ ኡባይ አበኔራስ ዛሪድ ዬክዶሶና።
\p
\v 35 ሄ ጋላስ ዳዊቲ ካ ማና መላ አሳይ እያ ሾቢዶሶና። ሽን ዳዊቲ፥ “አዋ አይፈይ ደእሽን፥ ካ ዎይኮ ሀራባ ባርኮ ፆሲ ታና ፕርዶ” ያግድ ጫቅስ። 
\v 36 ካዎይ ኦዳባ አሳ ኡባይ በእድ ኡፋይትዶሶና፤ ቱማካ ካዎይ ኦዳባ ኡባይ አሳ ኡፋይስስ። 
\v 37 ሄሳ ግሾ፥ ሄ ጋላስ ዳዊታ አሳይነ እስራኤለ አሳ ኡባይ ካዎይ ኔራ ናኣ አበኔራ ዎስቦናይሳ ኤርዶሶና።
\p
\v 38 ካዎይ ባ አይለታኮ፥ “እስራኤለ ቢታን ግታ አስነ ሀላቅ ሀይቅዳይሳ ህንተ አኬከከቲ? 
\v 39 ታኒ ፆሳይ ትይዳ ካዎ ግድኮካ፥ ታኒ ዳቡራንቾ፤ ሀይሳቲ ፃሩያ ናይት ታ ቦላ ምንዶሶና፤ ኢታ ኦዳይሳታስ ጎዳይ ኤንታ ኦሱዋዳ ዛሮ” ያግስ።
\c 4
\s1 እያቡስተ ሀይቁዋ
\p
\v 1 ሳኦላ ናአይ እያቡስተይ አበኔር ከብሮናን ሀይቅዳይሳ ስእዳ ዎደ እያ ዎዛናይ ትልእስ፤ እስራኤለ አሳ ኡባይካ ዳጋምስ። 
\v 2 ሳኦላ ናኣ እያቡስተስ ኦላ ካለያ ናምኡ ሀላቃት ደኦሶና፤ እሱዋ ሱንይ ባአና፤ ሀንኮይ ቃስ ራካባ። ኤንቲ ብንያመ ኮቸ ግድዳ ባኣሮተ አድያ እርሞና ናይታ። ባኣሮተይ ብንያመ ባጋዳ ታይበቴስ። 
\v 3 ባኣሮታን ደእዳ ኮይሮ አሳት ግታይማ ቢታ ባቃትድ፥ ሀች ጋካናዉ በተ አሳዳ ያን ደእዶሶና።
\p
\v 4 ሳኦላ ናኣ ዮናታናስ ናምኡ ቶሆይ ስልዳ ናእ ደኤስ፤ ሳኦላነ ዮናታና ሀይቁዋ ዎረይ እዝራኤለፐ ስኤትያ ዎደ እ እቻሹ ላይ ናአ። ሄ ናኣ ድችያራ እያ ኤካዳ ባቃትሽን ናአይ ኩንድን እያ ቶሆይ ስልስ፤ ሄ ናኣ ሱንይ መምፕቦስተ።
\p
\v 5 ባኣሮተ አድያ እርሞና ናይት ረካብነ ባኣን እያቡስተ ሶ ብድ ሴታ ጋላስ ጋክዶሶና። ኤንቲ ጋክያ ዎደ እ ሸምፓናዉ አልጋ ቦላ ዝንእስ። 
\v 6 ኤንቲ ግስተ ኮይያ አሳዳ ሀንድ ሶ ገልድ፥ እያ ኡሉዋን ጫድዶሶና። ረካብነ እያ እሻ ባኣን ለፓራ ከይድ ብዶሶና።
\p
\v 7 እያቡስተይ ቆልአን አርሳን ዝንእዳይሳ ደምድ፥ እያዉ ኡሉዋን ጫድድ ዎዶሶና፤ እያ ሁጵያ ቃንፅ ኤክድ፥ አራባ ጋ ኤፍያ ኦግያ ኦይክድ፥ ቃማራ ብዶሶና። 
\v 8 እያቡስተ ሁጵያ ከብሮናን ደእያ ዳዊታስ ኤህዶሶና። ካዋ፥ “ነና ዎናዉ ኮይያ ነ ሞርክያ ሳኦላ ናኣ እያቡስተ ሁጵያ ሀይሳ በአ። ሳኦላ ቦላነ እያ ናይታ ቦላ ካዋ ኑ ጎዳ ግሾ ፆሳይ ሀች ሀሎ ከይስ” ያግዶሶና።
\p
\v 9 ሽን ባኣሮተ አድያ እርሞና ናይታ ረካባነ እያ እሻ ባአና ዳዊቲ ሀይሳዳ ያግስ፤ “መቶ ኡባፈ ታና አሽዳ ደኦ ጎዳይ ኤርያ መላ። 
\v 10 ታዉ ምሽራቾ ኦድያ አሳዳ፥ ‘ሳኦል ሀይቅስ’ ያግድ ታዉ ኦድን፥ ታኒ እያ ፅቅላጋን ኦይካዳ ዎስ፤ ታኒ እያ ምሽራቹዋስ እምዳ ዎይቶይ ሀይሳ። 
\v 11 ባ ሶን ባ አርሳን ዝንእዳ ፅሎ አድያ ዎዳ ኢታ አሳታስ እያ ሃሉዋ ከየይስ አይ መላ ኢታንደሻ! እያ ሱ ታኒ ህንተ ኩሸፐ አቻና፤ ህንተና ታኒ ቢታ ቦላፈ ይሳና!” ያግስ።
\p
\v 12 ረካባነ ባአና ዎና መላ ዳዊቲ ባ ኦላንቾታ ኪትን፥ ኦላንቾት ኤንታ ዎዶሶና። ኤንታ ኩሽያነ ቶሁዋ ቃንፅድ፥ ከብሮናን ኦላ ሃ ማታን ካቅዶሶና። እያቡስተ ሁጵያ ኤፍድ፥ አበኔራ ዱፎን ከብሮናን ሞግዶሶና።
\c 5
\s1 ዳዊቲ እስራኤለ ቦላ ካዎትስ
\r (1 ታር 11:1-9፤ 14:1-7)
\p
\v 1 እስራኤለ ዛረ ኡባይ ዳዊታኮ ከብሮና ይድ፥ “ኑኒ ነ አሾነ ነ ሱ። 
\v 2 ካሰ ሳኦል ኑስ ካዎ ግድድ ደእያ ዎደካ እስራኤለ አሳ ኦላስ ካለዳይ ነና። ጎዳይ ነና፥ ‘ኔኒ ታ አሳ እስራኤለ ሄማና፤ ኤንታ ቦላ ካዎታና’ ያግድ ቃላ ገልስ” ያግዶሶና። 
\v 3 እስራኤለ ጭማት ኡባይ ካዋ ዳዊታኮ ከብሮና ይዶሶና፤ እ ኤንታራ ከብሮናን ጎዳ ስንን ጫቅስ፤ እስራኤለ ቦላ ካዎታና መላ ዳዊታ ትይዶሶና።
\p
\v 4 ዳዊቲ ካዎትያ ዎደ እያዉ ሀስታሙ ላይ፤ እ ኦይታሙ ላይ ካዎትስ። 
\v 5 ከብሮናን ይሁዳ ቦላ ላፑን ላይነ ኡሱፑን አጌና ካዎትስ፤ የሩሳላመን እስራኤለ ቦላነ ይሁዳ ቦላ ሀስታማነ ሄ ላይ ካዎትስ።
\p
\v 6 የሩሳላመን ደእያ ያቡሰ አሳ ኦላናዉ ዳዊቲነ እያ አሳይ ብዶሶና። ያቡሰ አሳይ፥ “ዳዊቲ ሀ ካታማ ገላናዉ ዳንዳኤና” ግድ ቆፕዳ ግሾ ሀር አቶሽን፥ “ቆቀትነ ዎበት ነና ተቃናዉ ዳንዳኦሶና፤ ነ ሀ ካታማ ገላካ” ያግዶሶና። 
\v 7 ግዶሽን፥ ዳዊቲ ፅዮነን ደእያ ኤንታ ሚፃ ኦይክን፥ እያ ዳዊታ ካታማ ግዳሱ።
\p
\v 8 ሄ ጋላስ ዳዊቲ፥ “ያቡሰ አሳ ኦልድ ኦይክያ ኦንካ ዳዊታ ሞርከ ግድዳ ዎበትነ ቆቀት ደእያ በሳ ጋካናዉ ሻፋራ ፑደ ከያናዉ ኮሼስ” ያግስ። ሄሳ ግሾ፥ “ቆቀትነ ዎበት ጋ ገሎኮና” ጌተትስ። 
\v 9 ዳዊቲ ሄ ሚፃ ኦይክድ፥ ያን ደእስ፤ ሄ ሚፃ ዳዊታ ካታማ ያግድ ሱንስ። ዳዊቲ ሚሎፐ ዶምድ ሄ ካታማ ዩሽድ ግምብስ። 
\v 10 ኡባፈ ዎልቃማ ጎዳይ ፆሳይ እያራ ደእያ ግሾ ዳዊቲ ምን ምን ብስ።
\p
\v 11 ፅሮሳ ካዎይ ክራም ዳዊታስ ካዎ ጋ ኬፃና መላ ዝጋ ም፥ አናፀታነ ሹቹ ማሰይሳታ የድን፥ ኤንቲ እያዉ ኬ ኬፅዶሶና። 
\v 12 ጎዳይ እስራኤለ ቦላ እያ ካዎ ኦድ ምንዳይሳነ ባ አሳ እስራኤለ ግሾ እያ ካዎተ ቁ ኦድ ቦንችዳይሳ ዳዊቲ ኤርስ።
\p
\v 13 ዳዊቲ ከብሮናፐ የሩሳላመ ይዳፐ ጉየ፥ ሀራ ላገታነ ማቸታ ጉጅድ ኤክን፥ ሀራ ማጫ ናይትነ አደ ናይት እያዉ የለትዶሶና። 
\v 14 የሩሳላመን እያዉ የለትዳ አደ ናይታ ሱንይ ሳሙአ፥ ሾባባ፥ ናታና፥ ሶሎሞነ፥ 
\v 15 ይብሃራ፥ ኤልሹአ፥ ነፈጋ፥ ያፍአ፥ 
\v 16 ኤልሻማአ፥ ኤልያዳነ ኤልፋላፃ።
\s1 ዳዊቲ ፍልስፄመታ ፆንስ
\r (1 ታር 14:8-17)
\p
\v 17 ዳዊቲ እስራኤለ ቦላ ካዎ ግድድ ትየትዳይሳ ፍልስፄመት ስእዳ ዎደ ኤንቲ ኡባይ ዳዊታ ኮያናዉ ከይዶሶና፤ ሽን ዳዊቲ ሄሳ ስእድ ሚፃን ብድ ገልስ። 
\v 18 ፍልስፄመት ብድ፥ ራፋይመ ዛንጋራን ላለትድ ኡትዶሶና። 
\v 19 ሄሳ ግሾ፥ ዳዊቲ፥ “ታኒ ባዳ ፍልስፄመታ ኦሎ? ኔኒ ኤንታ ታዉ አዳ እማኔ?” ያግድ ጎዳ ኦይችስ።
\p ጎዳይ፥ “ኤ ኦላ፤ ቱማ ታ ኤንታ ነዉ አዳ እማና” ያግስ።
\p
\v 20 ዳዊቲ ባአል-ፓራስመ ጌተትያ በሳ ብድ፥ ያን ኤንታ ፆንስ። እ፥ “ድኦ ሃ መንድ ከየይሳዳ ጎዳይ ታ ሞርከታ ታ ስንን መንረስ” ያግስ። ሄሳ ግሾ፥ ሄ በሳ ሱንይ ባአል-ፓራስመ\f + \fr 5:20 \fr*\fq ባአል-ፓራስመ፦ \fq*\ft ሀ ሱን ብርሸይ “መንድ ገልዳ ጎዳ” ጉሱ።\ft*\f* ጌተትስ። 
\v 21 ፍልስፄመት ባንታ ኤቃታ ሄ በሳን የግድ ብን፥ ዳዊቲነ እያ አሳይ ሄ ኤቃታ ኤክድ ብዶሶና።
\p
\v 22 ፍልስፄመት ጉየ ብድ፥ ናምአን ራፋይመ ዛንጋራን ላለትድ ኡትዶሶና። 
\v 23 ዳዊቲ ጎዳ ናምአን ኦይችን፥ ጎዳይ፥ “ኤንታ ጉየ ባጋራ ተቃዳ ዎላ ስንን ኤንታ ኦላ፥ ሽን ኤንታዉ ሶምኦን ከዮፓ። 
\v 24 ዎላ ም ፄራን ሳልፐ ቃላ ኔኒ ስእያ ዎደ ፍልስፄመ ኦላንቾታ ሾጫናዉ ጎዳይ ኔፐ ስን አዳይሳ ኤራዳ ኤለሳ” ያግስ። 
\v 25 ዳዊቲ ጎዳይ ኪትዳይሳዳ ኦስ፤ ጌባፐ ገዘራ ጋካናዉ ፍልስፄመ ኦላንቾታ ዎስ።
\c 6
\s1 ታቦተይ የሩሳላመ ስምስ
\r (1 ታር 13:1-14፤ 15:25—16:6)
\p
\v 1 እስራኤለ ግዶፈ ዶረትዳ ሀስታሙ ሙኩሉ አሳታ ዳዊቲ ዛሪድ ሺሽስ። 
\v 2 ዳዊቲነ እያ አሳ ኡባይ ይሁዳ ባላ\f + \fr 6:2 \fr*\fq ይሁዳ ባላ፦ \fq*\ft ቅርያት ይኣርመ ጉሱ።\ft*\f* ካታማፐ ደንድድ፥ ክሩበታፐ ግዶን ባ ካዎተ አራታ ቦላ ኡትዳ ኡባፈ ዎልቃማ ጎዳ ሱንን ፄገትዳ ፆሳ ታቦትያ ኤሀናዉ ብዶሶና። 
\v 3 ኤንቲ ፆሳ ታቦትያ ኦራ ጋረን ዎድ፥ ደረ ሁጰን ደእያ አምናዳበ ሶፐ ኤህዶሶና። አምናዳበ ናይት ኦዝነ አህዮይ ኦራ ጋርያ ካለሶና። 
\v 4 ደረ ሁጰን ደእያ አምናዳበ ሶፐ ፆሳ ታቦትያ ኤህያ ዎደ አህዮይ ታቦትያፐ ስንራ ሄመቴስ። 
\v 5 ዳዊቲነ እስራኤለ አሳ ኡባይ ዲን፥ ማስንቆን፥ ካራቦን ዳላንነ ሻሾተን ካእሸ ባንታ ኩመ ዎልቃን ጎዳ ስንን ኡፋይትድ ቦንቾሶና።
\p
\v 6 ናኮን ካ ቡክያ ዉዱማ ጋክያ ዎደ ቦራት በትን፥ ኦዝ ባ ኩሽያ የድድ፥ ፆሳ ታቦትያ ኦይክስ። 
\v 7 ኦዝ ታቦትያ ቦችዳ ግሾ ጎዳ ሀንቆይ እያ ቦላ ኤፅስ። ፆሳይ እያ ሾጭን ሄ በሳን ፆሳ ታቦትያ ማታን ሀይቅስ። 
\v 8 ጎዳ ሀንቆይ ኦዛ ሾጭዳ ግሾ ዳዊቲ አዛንስ። ሄ በሳይ ሀች ጋካናዉ ኦዝ ሾጨትዳ በሳ ጌተቴስ።
\p
\v 9 ሄ ጋላስ ዳዊቲ ጎዳ ያይዳ ግሾ “ጎዳ ታቦተይ ታኮ ዋንድ ያኔ?” ያግስ። 
\v 10 ሄሳ ግሾ፥ እ ጎዳ ታቦትያ ባራ ዳዊታ ካታማ ኤሀናዉ ኮይቤና። ሄሳ አግድ ጋተ አድያ አብዳራ ሶ ኤፍስ። 
\v 11 ጎዳ ታቦተይ አብዳራ ሶን ሄ አጌና ጋምእስ፤ ጎዳይ አብዳራነ እያ ሶ አሳ ኡባ አንጅስ።
\p
\v 12 ፆሳ ታቦትያ ግሾ ጎዳይ አብዳራ ሶ አሳነ እያዉ ደእያ ኡባ አንጅዳይሳ ካዎይ ዳዊቲ ስእስ። ሄሳ ግሾ፥ ዳዊቲ አብዳራ ሶ ብድ፥ ፆሳ ታቦትያ ዳዊታ ካታማ ኡፋይሳን ኤህስ። 
\v 13 ዳዊቲ ጎዳ ታቦትያ ቶክዳ አሳት ኡሱፑና ታንጎ ታንግዳ ዎደ ኤንታ ኤስድ፥ እስ ኮርማነ እስ አንቃራ ማር ያርሽስ። 
\v 14 ዳዊቲ ሊኖፐ ኦሰትዳ ኤፉደ ማእድ፥ ባዉ ደእያ ዎልቃ ኡባን ጎዳ ስንን ዱርስ። 
\v 15 ዳዊቲነ እስራኤለ አሳ ኡባይ ኡፋይሳን እልልሸነ ሞይዘ ፑንሸ ጎዳ ታቦትያ ዳዊታ ካታማ ኤህዶሶና።
\p
\v 16 ጎዳ ታቦተይ ዳዊታ ካታማ ገልያ ዎደ ሳኦላ ናእያ መልኮላ ማስኮተራ ፄላዳ፥ ካዎይ ዳዊቲ ጎዳ ስንን ጉፕሽንነ ዱርሽን በአዳ ባ ዎዛናን ካሱ።
\p
\v 17 ዳዊቲ ጎዳ ታቦትያ ዎናዉ ቶልዳ ዱንካንያ ግዶን ታቦትያ ዎን፥ ዳዊቲ ፁሳ ያርሾነ እስፈተ ያርሾ ጎዳስ ያርሽስ። 
\v 18 ዳዊቲ ፁሳ ያርሾነ እስፈተ ያርሾ ያርሽዳፐ ጉየ ኡባፈ ዎልቃማ ጎዳ ሱንን አሳ አንጅስ። 
\v 19 እስራኤለ አሳ ኡባስ፥ ማጫስ አደስ ሁጰን ሁጰን እስ እስ ኡይ፥ እስ እስ ቃንፆ አሾነ እስ እስ ዎይነ ኑካ ግሽስ። ሄሳፈ ጉየ አሳ ኡባይ ባ ሶ ሶ ስምስ።
\p
\v 20 ዳዊቲ ባ ሶ አሳ አንጃናዉ ሶ ስምዳ ዎደ ሳኦላ ናእያ መልኮላ እያ ሞካናዉ ከያዳ፥ “ፓና አሳት ካሎ ሄመተይሳዳ ሀች እስራኤለ ካዎይ ባ ማጫ አይለታ ስንን ካሎትድ አይ መላ ቦንቸትደ!” ያጋሱ።
\p
\v 21 ዳዊቲ፥ “ነ አዋፐነ እያ ሶ አሳፐ አድ ባ አሳ እስራኤለ ካለና መላ ታና ዶርዳ ጎዳ ስንን ዱራስ። ታኒ ጎዳ ቦንቾስ ዱርሳ አግከ። 
\v 22 ታኒ ሀይሳፈ አዳ ቡሮ ታና ቶቻና፤ ታናተ ዝቅ ኦና። ሽን ኔኒ ግዳ ማጫ አይለታ ስንን ታ ቦንቸታና” ያግስ።
\p
\v 23 ሳኦላ ናእያ መልኮላ ሀይቃና ጋካናዉ ናአ የላቡኩ።
\c 7
\s1 ፆሳይ ዳዊታስ ገልዳ ቃላ
\r (1 ታር 17:1-15)
\p
\v 1 ካዎይ ባ ጋን ዎፑ ግድ ኡትዳፐነ ጎዳይ እያ ዩሹዋን ደእያ እያ ሞርከታፐ ሸምፕስዳፐ ጉየ፥ 
\v 2 ናብያ ናታናኮ፥ “ታኒ ዝጋፐ ኬፀትዳ ኬን ደአይስ፥ ሽን ፆሳ ታቦተይ ዱንካነን ደኤስ” ያግስ።
\p
\v 3 ናታን፥ “ኦናዉ ነ ዎዛናን ቆፕዳባ ኡባ ኦ፤ ጎዳይ ኔራ ደኤስ” ያግስ።
\p
\v 4 ሽን ሄ ቃማ ጎዳ ቃላይ ናታናኮ ይድ፥ 
\v 5 “ባዳ ታ አይልያ ዳዊታ ሀይሳዳ ያጋ፤ ‘ታኒ ዳና ኬ ኬፃናይ ነና ግዳካ። 
\v 6 ታኒ እስራኤለታ ግብፀ ቢታፈ ከስዳ ዎደፐ ዶማዳ ሀች ጋካናዉ ኬን ደአብከ፤ ታኒ ዱንካነን ያነ ሃነ ዩያሸ ደአስ። 
\v 7 ታኒ እስራኤለ አሳራ ዩይዳ በሳ ኡባን ታ አስ እስራኤለ ሄማና መላ ታኒ ሹምዳ፥ “ታዉ ዝጋ ምን አይስ ኬ ኬፃብኪ?” ጋዳ ኦይቻብከ’ ያግስ።
\p
\v 8 “ህዛ፥ ታ አይልያ ዳዊታስ ኦዳ፤ ‘ኡባፈ ዎልቃማ ጎዳይ ኔኮ ሀይሳዳ ያጌስ፤ ታኒ ነና ሄን በሳፈ፥ ዶርሰ ሄምያ ሶፐ ደንዳ ታ አሳ እስራኤለ ካለና መላ ኦስ። 
\v 9 ኔኒ ብዳ በሳ ኡባን ታኒ ኔራ ግዳስ፤ ነ ሞርከታ ኡባ ነ ስንፈ ይሳስ። ሀእ ዛራዳ ታኒ ሀ ሳአን ኤረትዳ ግታ አሳታዳ ነ ሱን ግታያና። 
\v 10 ታኒ ታ አሳ እስራኤለስ በሰ እማዳ፥ ኤንታ ሄ በሳን ቶካና። ኤንቲ ባንታ በሳን ዳና፤ ናምአን ዳጋሞኮና። ካሰ ዳይናታ ዎደፐ ዶምድ ሀንዳይሳዳ ህዛፐ ጉየ ኤንታ ኢታ አስ ሃረና። 
\v 11 ታኒ ነና ነ ሞርከታ ኡባፈ ሸምፕሳና።
\p “ ‘ሄሳ ቦላ ጉጅድ ጎዳይ ባ ሁጰን ታኒ ነዉ ኬ ኬፃና\f + \fr 7:11 \fr*\ft ነ አራታን ኡትያ ሼሽ እማና።\ft*\f* ያግድ ኦድስ። 
\v 12 ነ ባረይ ዉርን፥ ሀይቃዳ ነ ማይዛታ ነ ጋክያ ዎደ ነ ጉልባታፐ ከይዳ ናአ ታኒ ደንና፤ እያ ካዎተ ምንና። 
\v 13 ታ ሱንስ ኬ ኬፃናይ እያ፤ ታኒ እያ አራታ መርናዉ ምን ኤሳና። 
\v 14 ታኒ እያዉ አዋ ግዳና፤ እካ ታዉ ናአ ግዳና። እ ባልያ ዎደ ታኒ እያ አሳ ፃምአን፥ አስ ሾጭያ ልሶን ሴራና። 
\v 15 ሽን ታኒ ነ ስንፈ ድግዳ ሳኦላፐ ታ ኬሀተይ ኤከትዳይሳዳ እያፐ ኩም ኤከተና። 
\v 16 ነ ኮቻትነ ነ ካዎተይ ታ ስንን መርናዉ ዳና፤ ነ አራታይ መርናዉ ምንድ ኤቃና’ ” ያጋ።
\p
\v 17 ናታን ጎዳይ እያዉ ቆንጨን በስዳ ቃላ ኡባ ዳዊታስ ኦድስ።
\s1 ዳዊታ ዎሳ
\r (1 ታር 17:16-27)
\p
\v 18 ሄሳፈ ጉየ፥ ካዎይ ዳዊቲ ግዶ ገልድ ጎዳ ስንን ኡትድ ሀይሳዳ ያግድ ዎስስ። “አቤት ታ ጎዳ ፆሳዉ፥ ሀች ጋካናዉ ኔኒ ሀይሳ ኡባ ኦናዉ ታ ኦኔ? ታ ሶ አሳይካ አይቤ? 
\v 19 አቤት ታ ጎዳዉ፥ ፆሳዉ፥ ሀይስ ነ አይፈ ስንን ጉ ዳንን፥ ስንፈ ነ አይልያ ኮቻታስ ኦናባ ኦዳዳሳ። ታ ጎዳ ፆሳዉ፥ ኔኒ አሳራ ኦደትያ ኦገይ ሀይሴ?
\p
\v 20 “ሀይሳፈ አያባ ታኒ፥ ዳዊቲ አይ ጋናዉ ዳንዳእያና? ታ ጎዳ ፆሳዉ፥ ኔኒ ታና ነ አይልያ ኤራሳ። 
\v 21 ኔኒ ነ ቃላ ግሾ፥ ነ ዎዛና ቆፋዳ ሀ ግታባ ኦዳ ታና ነ አይልያ በሳዳሳ።
\p
\v 22 “አቤት ታ ጎዳ ፆሳዉ፥ ኔኒ ግታ። ነ መል ባዋ፤ ኑኒ ኑ ሀይን ስእዳይሳዳ ኔፐ አትሽን፥ ሀራ ፆሲ ባዋ። 
\v 23 ነ አሰ ኦናዉ ግብፀፈ ዎዝዳ ነ አሳ እስራኤለ ዳንያ ሀራ ካዎተ ሳአ ቦላ ባዋ። ኔኒ ኤንታዉ ኦዳ ግታነ ማላልስያ ኦሶታ ጋሶን ነ ሱንይ ቢታን ኤረትስ። ኔኒ ነ አሳ ስንፈ ሀራ ካዎተታነ ኤንታ ፆሳታ ጎዳ ከሳዳሳ። 
\v 24 ነ አሳ እስራኤለ መርናዉ ነባ ኦዳሳ፤ ምንዳሳ። አቤት ጎዳዉ፥ ነ ኤንታ ፆሳ ግዳዳሳ።
\p
\v 25 “አቤት ታ ጎዳዉ፥ ፆሳዉ፥ ኔኒ ነ አይልያስነ እያ ኬስ ኦና ጋዳ ገልዳ ቃላ መርናዉ ናጋ፤ ነ ቃላ ኦ። 
\v 26 ሄሳን ነ ሱንይ መርናዉ ግታ ግዳና። አሳይ ነና፥ ‘ኡባፈ ዎልቃማ ጎዳይ እስራኤለ ፆሳ’ ያጋና። ነ አይልያ ዳዊታ ኮቻትካ ነ ስንን ምንድ ኤቃና።
\p
\v 27 “አቤት ኡባፈ ዎልቃማ ጎዳዉ፥ እስራኤለ ፆሳዉ፥ ኔኒ፥ ‘ነ ኮቻት መርናዉ ካዎታና’ ያጋዳ ታዉ ነ አይልያስ ጫቃዳሳ። ሄሳ ግሾ፥ ታኒ ነ አይለይ ሀ ዎሳ ዎሳናዉ ፃላስ። 
\v 28 አቤት ታ ጎዳ ፆሳዉ፥ ኔኒ ፆሰ! ነ ቃላይ ቱማ፤ ኔኒ ሀ ሎኦባታ ኦና ጋዳ ታዉ ነ አይልያስ ኦዳዳሳ። 
\v 29 ነ ስንን መርናዉ ዳና መላ ነ አይልያ ኮቻ አንጃ። አቤት ታ ጎዳ ፆሳዉ ነ ግዳይሳዳ ነ አንጅኮ ነ አይልያ ኬይ መርናዉ አንጀታና” ያግድ ዎስስ።
\c 8
\s1 ዳዊታ ፆኖታ
\r (1 ታር 18:1-17)
\p
\v 1 ሄሳፈ ጉየ፥ ካዎይ ዳዊቲ ፍልስፄመታ ፆንድ ሃርስ፤ ያትድ መተግ-አማ ካታማ\f + \fr 8:1 \fr*\fq መተግ-አማ፦ \fq*\ft 1 ታርከ ማፃፋን ፃፈትዳይሳዳ ጋተነ እያ ሄራን ደእያ ጉታታ በሴስ።\ft*\f* ፍልስፄመታ ኩሸፐ ኤክስ።
\p
\v 2 ዳዊቲ ቃስ ሞአበታ ፆንስ። እ ኤንታ ቢታን ዝንእስድ ኩሸን ዋስ፤ ኤንታፈ ናምኡ ኩሽያ ዎድ፥ ሄን ኩሽያ ፓፃ አግስ። ያትን ሞአበት ዳዊታስ ሃረትድ ጊርዶሶና።
\p
\v 3 ረሆባ ናአይ፥ ሱባ ካዎይ፥ አድራዛር ኤፍራፂሳ ሻፋ ማታን ደእያ ባ ዛዋ ዛራናዉ ብዳ ዎደ ዳዊቲ እያ ኦልድ ፆንስ። 
\v 4 ዳዊቲ እያ አሳፐ እስ ሙኩሉነ ላፑን ፄቱ ፓራ አሳታነ ላታሙ ሙኩሉ ቶሆ አሳታ ድእስ። ዳዊቲ ጋረታ ጎቻናዉ ፄቱ ፓራታ አሽድ ሀራ ፓራታ ኡባስ ጋድያ ግልዳይስ።
\p
\v 5 ዳማስቆን ደእያ ሶረ ኦላንቾት ሱባ ካዋ አድራዛራ ማዳናዉ ይዳ ዎደ ዳዊቲ ኤንታፈ ላታማነ ናምኡ ሙኩሉ አሳ ዎስ። 
\v 6 ዳዊቲ ሶረ ካዎተን፥ ዳማስቆን፥ ኦላንቾታስ ሚፃ መስ። ያትን ሶረ አሳይ ዳዊታስ ሃረትድ ጊርዶሶና። ዳዊቲ ብዳ በሳ ኡባን ጎዳይ እያዉ ፆኖ እሚስ።
\p
\v 7 አድራዛራ ቶራ ሞጮናት ኦይክያ ዎርቃ ጎንዳልያ ዳዊቲ ኤክድ የሩሳላመ ኤህስ። 
\v 8 በፃሀነ በሮታ ጌተትያ አድራዛራ ካታማታፐ ካዎይ ዳዊቲ ዳሮ ናሰ ብራታ ኤክስ።
\p
\v 9 አድራዛራ ኦላንቾታ ኡባ ዳዊቲ ፆንዳይሳ ሀማታ ካዎይ ቶእ ስእስ። 
\v 10 ዳዊቲ አድራዛራ ኦልድ ፆንዳ ዎደ ሀዳድዘር ቶአራራ ኦለትሸ ጋምእዳ ግሾ እያ ሀሹ ጋናዉነ ሳሮናዉ ባ ናኣ ዮራማ ዳዊታኮ ኪትስ። ዮራም ዎርቃፈ፥ ብራፐነ ናሰ ብራታፐ ኦሰትዳ እሞታታ ዳዊታስ ኤህስ። 
\v 11 ካዎይ ዳዊቲ ካሰ ጊርስያ ካዎተታ ኡባፈ ኤክዳ ዎርቃነ ብራ ኦዳይሳዳ ሀ እሞታታካ ጎዳስ ዱማይስ። 
\v 12 እ ፆንዳ ካዎተት ኤዶመ፥ ሞአበ፥ አሞነ፥ ፍልስፄመነ አማለቃ። ሄሳዳካ ረሆባ ናኣ፥ ሱባ ካዋ አድራዛራ ኤክዳ ዲኡዋ ጎዳስ ዱማይስ።
\p
\v 13 ማፅነ ዛንጋራን ታማነ ሆስፑን ሙኩሉ ኤዶመ\f + \fr 8:13 \fr*\ft አራመ ዎይኮ ሶረ ጉሱ።\ft*\f* አሳታ ዳዊቲ ዎድ ስምዳፐ ጉየ እያ ሱንይ ከይስ። 
\v 14 ዳዊቲ ኤዶመ ቢታን ኦላንቾታ ሚፃ መስ፤ ሄ ቢታይ ዳዊታስ ሃረትስ። ዳዊቲ ብዳ በሳ ኡባን ጎዳይ እያዉ ፆኖ እሚስ።
\s1 ዳዊታ ሞርናታ
\p
\v 15 ዳዊቲ እስራኤለ ኡባ ቦላ ካዎትስ፤ ባ አሳ ኡባ ፅሎተንነ ሱረ ፕርዳን አይስስ። 
\v 16 ፃሩያ ናአይ እዮኣብ ቶራ ሞጮና ግድሽን፥ አህሉዳ ናአይ እዮሳፈፅ ታርከ ፃፈ። 
\v 17 አህፁባ ናአይ ሳዶቅነ አብያታራ ናአይ አብመለከ ካህነ ግድሽን፥ ሳራይ ቃስ ፃፈ። 
\v 18 ዮዳሄ ናአይ ባናያስ ካዋ ናገይሳታ\f + \fr 8:18 \fr*\fq ካዋ ናገይሳታ፦ \fq*\ft ከርታወታነ ከልታወታ ጌተቶሶና።\ft*\f* ሀላቃ ግድሽን፥ ዳዊታ አደ ናይት ካዋ ዞረይሳታ።\f + \fr 8:18 \fr*\fq ካዋ ዞረይሳታ፦ \fq*\ft ዎይኮ ካህነታ\ft*\f*
\c 9
\s1 ዳዊታነ መምፕቦስተ
\p
\v 1 ዳዊቲ፥ “ዮናታና ግሾ ታኒ እያዉ ኬሀተ ኦናዉ ሳኦላ ኬፈ አትዳ አስ ደእሻ?” ያግድ ኦይችስ።
\p
\v 2 ሄ ዎደ ሲባ ጌተትያ እስ አይለይ ሳኦላ ሶን ደኤስ። እ ዳዊታ ስን ያና መላ ፄግን፥ ካዎይ፥ “ኔኒ ሲቤ?” ያግድ ኦይችስ።
\p ሲብ፥ “ኤ፥ ታኒ ነ አይልያ ሲባ” ያግስ።
\p
\v 3 ካዎይ፥ “ፆሳ ኬሀተ ታኒ በሳና መላ ሳኦላ ኬፈ አትዳ አስ ባዌ?” ያግስ።
\p ሲብ፥ “ናምኡ ቶሆይ ስልዳ ዮናታና ናይታፐ እሶይ ሀኖ ጋካናዉ ፓፃ ደኤስ” ያግስ።
\p
\v 4 ካዎይ፥ “እ አዉን ደኢ?” ያግስ።
\p ሲብ፥ “ሎዶባራ ጌተትያ በሳን አምኤላ ናኣ ማክራ ሶን ደኤስ” ያግስ።
\p
\v 5 ካዎይ ዳዊቲ ሎዶባራፐ አምኤላ ናኣ ማክራ ሶፐ መምፕቦስተ ኤህስስ።
\p
\v 6 ሳኦላ ናኣ ዮናታና ናአይ መምፕቦስተይ ዳዊታኮ ይድ፥ ዳዊታ ስንን ዝግድ ቦንችስ።
\p ዳዊቲ፥ “መምፕቦስተ” ያግድ ፄግስ።
\p እ፥ “አበ ታ ጎዳዉ፥ ታ ነ አይልያ” ያግስ።
\p
\v 7 ዳዊቲ፥ “ያዮፋ፤ ነ አዋ ዮናታና ግሾ ታኒ ነዉ ኬሀና። ነ አዋ አዋ ሳኦላ ጋድያ ኡባ ታኒ ነዉ ዛራና፤ ቃስ ኔኒ ኡባ ዎደ ታ ጋይታፐ ማና” ያግስ።
\p
\v 8 መምፕቦስተይ ዝግድ፥ “ሀይቅዳ ካና ዳንያ ታና ኔኒ ዉዳዳ ፄላናዉ ነ አይለይ ታኒ ኦኔ?” ያግስ።
\p
\v 9 ካዎይ ሳኦላ አይልያ ሲባ ፄግድ፥ “ሳኦላባነ እያ ሶ አሳባ ግድዳባ ኡባ ታኒ ነ ጎዳ ናኣ ናኣስ እማስ። 
\v 10 ነ ጎዳ ናኣ ናአይ ማና መላ ኔኒ፥ ነ ናይትነ ነ አይለት እያ ጋድያ ጎይድ፥ ካፅዳ ካ እያዉ ኤህተ። ግዶሽን፥ ነ ጎዳ ናኣ ናአይ መምፕቦስተይ ኡባ ዎደ ታ ጋይታፐ ማና” ያግስ። ሲባስ ታማነ እቻሹ አደ ናይትነ ላታሙ አይለት ደኦሶና።
\p
\v 11 ሲብ፥ “ኔኒ ታ ጎዳይ፥ ካዎይ ነ አይልያ ኪትዳ ኡባ ታኒ ነ አይለይ ኦና” ያግስ። ሄሳ ግሾ፥ መምፕቦስተይ ካዋ ናይታፐ እሱዋ መላ ካዎ ጋይታፐ ሜስ።
\p
\v 12 መምፕቦስተስ ምካ ጌተትያ ጉ ናእ ደኤስ። ሲባ ሶን ደእያ አሳ ኡባይ መምፕቦስተስ አይለ ግድዶሶና። 
\v 13 ናምኡ ቶሆት ስልዳ መምፕቦስተይ ኡባ ዎደ ካዋ ጋይታፐ ምሸ የሩሳላመን ደእስ።
\c 10
\s1 ዳዊቲ ሶረታነ አሞነታ ፆንስ
\r (1 ታር 19:1-19)
\p
\v 1 ሄሳፈ ጉየ፥ አሞነታ ካዎይ ሀይቅን እያ ናአይ ሀኑኒ እያ በሳን ካዎትስ። 
\v 2 ዳዊቲ፥ “እያ አዋይ ታዉ ኬህዳይሳዳ ናኦሳ ናኣ ሀኑናስ ታካ ኬሀና” ያግስ። ሄሳ ግሾ፥ እያ ምንናዉ ዳዊቲ አሰ እያኮ ኪትስ።
\p ዳዊቲ ኪትዳ አሳይ አሞነ ቢታ ጋክዳ ዎደ፥ 
\v 3 አሞነ ሀላቃት ባንታ ጎዳ ሀኑናኮ፥ “ዳዊቲ ሀ አሳ ኪትዳይ ነ አዋ ቦንችድ ነና ምንናዉ ኮይዳ ግሾ ዳኒ? እ አሰ ኪትዳይ ሀ ካታማ ዎች በእድ ኦላናሳ” ያግዶሶና። 
\v 4 ሀኑኒ ዳዊቲ ኪትዳ አሳታ ኦይክድ፥ ኤንታ ቡቻፈ ባጋ ሜድስ፤ ኤንታ ማኡዋ ጋርሳፈ ዱለ ጋካናዉ ቃንፅድ ኤንታ የድስ።
\p
\v 5 ዳዊቲ ሄሳ ስእድ፥ ኤንቲ ዬላትዳ ግሾ፥ “ህንተ ቡቻይ ድጫና ጋካናዉ እያርኮን ደእሽተ፤ ሄሳፈ ጉየ ሃ ዪተ” ያግድ አሰ ኪትስ።
\p
\v 6 አሞነት ዳዊቲ ኤንታ ሞርክዳይሳ ኤርዳ ዎደ ቤት-ረሆባነ ሱባን ደእያ አራመ አሳፐ ላታሙ ሙኩሉ ቶሆ ኦላንቾታ፥ ፆባፐ ታማነ ናምኡ ሙኩሉ አሳታነ ማካ ካዉዋፐ እስ ሙኩሉ አሳታ ሻምዶሶና።
\p
\v 7 ዳዊቲ ሄሳ ስእዳ ዎደ እዮኣባ ኩመ ኦላንቾታራ ኤንታ ቦላ የድስ። 
\v 8 አሞነት ከይድ፥ ካታማ ፐንግያን ኦላስ ሳልፕዶሶና፤ ሱባፈነ ረሆባፐ ይዳ አራመ አሳት፥ ፆባ አሳትነ ማካ አሳት ደንባን ዱማ ሳልፕዶሶና።
\p
\v 9 እዮኣብ ባና ኦል ስንራነ ጉየራ ተቅዳይሳ በእድ፥ እስራኤለ ኦላንቾታፐ ምኖታ ዶርድ ሶረ አሳታ ስንን ኤስስ። 
\v 10 አትዳ አሳታ ባ እሻ አብስ ኪታና መላ ኦድ አሞነታ ስንን ሳልፕስስ። 
\v 11 እዮኣብ አብሳኮ፥ “ሶረ አሳት ታ ቦላ ዎልቃምኮ ነ ያዳ ታና ማዳ፤ አሞነ አሳት ነ ቦላ ዎልቃምኮ ታ ባዳ ነና ማዳና። 
\v 12 ህዛ ምና! ኑ አሳ ግሾነ ኑ ፆሳ ካታማታ ግሾ፥ አነ ምን ኦለቶስ። ጎዳይ ባና ሎእያባ ኦ” ያግስ።
\p
\v 13 እዮኣብነ እያራ ደእያ ኦላንቾት ሶረ አሳታ ኦላናዉ ከይዶሶና፤ ሶረ አሳት እያ ስንፈ ባቃትዶሶና። 
\v 14 ሶረ አሳት ባቃትዳይሳ አሞነ አሳት በእዳ ዎደ ኤንትካ አብሳ ስንፈ ባቃትድ፥ ካታማ ገልዶሶና። እዮኣብ አሞነታ ኦለይሳ አግድ፥ የሩሳላመ ስምስ።
\p
\v 15 ሶረ አሳት እስራኤለ አሳይ ኤንታ ፆንዳይሳ ኤርዳ ዎደ ባንታ ኦላንቾታ ኡባ ሺሽዶሶና። 
\v 16 ካዎይ ሀዳድዘር ሶረ አሳታ ኤፍራፂሳ ሻፋ ሄፍንፈ ኪትድ ኤህስን፥ ኤላማ ብዶሶና። አድራዛራ ቶራ ሞጮናይ ሾባክ ኤንታ ካለስ።
\p
\v 17 ዳዊቲ ሄሳ ስእዳ ዎደ፥ እስራኤለ ኦላንቾታ ሺሽድ፥ ዮርዳኖሰ ሻፋ ፕንድ ኤላማ ጋክስ። ሶረ አሳት በሰ ኦይክድ፥ ጊግድ፥ ዳዊታራ ኦለትዶሶና። 
\v 18 ሽን ሶረ አሳት እስራኤለታ ስንፈ ባቃትዶሶና። ዳዊቲይ ሶረ ኦላንቾታፐ ፓራ ጋረ ላግያ ላፑን ፄቱ አሳታነ ኦይታሙ ሙኩሉ ቶሆ ኦላንቾታ ዎስ። ኤንታ ቶራ ሞጮና ሾባክካ ሄ በሳን ሾጨትድ ሀይቅስ። 
\v 19 አድራዛራስ ሃረትድ ደእያ ካዎት እስራኤለት ኤንታ ፆንዳይሳ ኤርዳ ዎደ እስራኤለታራ ስገትድ፥ ኤንታዉ ሃረትዶሶና። ሄሳፈ ስምን፥ ሶረ አሳት አሞነ አሳታ ማዳናዉ ያይዶሶና።
\c 11
\s1 ዳዊታነ በርሳቦ
\p
\v 1 ላይ ላመን\f + \fr 11:1 \fr*\fq ላይ ላመ፦ \fq*\ft እስራኤለ ላይ ላመይ ማጋብተፐነ ማዘፐ ግዶን ደእያ ቃማ።\ft*\f* ካዎት ኦላስ ከይያ ዎደ ዳዊቲ ባ አሳራነ እስራኤለ ኦላንቾታራ እስፈ እዮኣባ ኦላስ የድስ። ኤንቲ አሞነ ኦልድ፥ ራባ ካታማ ተቅዶሶና። ሽን ዳዊቲ የሩሳላመን አትስ።
\p
\v 2 እስ ጋላስ ኦማርስ ዳዊቲ ባ ሂፃፐ ደንድድ፥ ኬ ቦላ ደእያ በሳ ከይድ ሄመትሸ ቦላ ሜጨትያ እስ ማጫስ በእስ፤ ሄ ማጫስያ ዳሮ ማላ ሎኦ። 
\v 3 ዳዊቲ እያ ኦነኮ ኤራናዉ ኮይድ አሰ ኪትስ። ኪተትዳ አደይ፥ “እያ ኤልያባ ናእዉ፥ ህተ አድያ ኦርዮና ማችዉ በርሳቦ” ያግስ። 
\v 4 ዳዊቲ አሰ ኪትድ፥ እዮ ኤህስስ፤ ኢራ አቅስ። ሄ ዎደ እያ ኩሸ መቶይ አን፥ ጌያዳ ደአዉሱ። እያ ባ ሶ ስማዳ ባሱ። 
\v 5 ጉየፐ እያ ቃንትዳይሳ ኤርዳ ዎደ ዳዊታኮ፥ “ነዉ ቃንታስ” ያጋሱ።
\p
\v 6 ዳዊቲ፥ “ህተ አድያ ኦርዮና ሃ የዳ” ያግድ እዮኣባኮ ኪትስ። እዮኣብ ኦርዮና ዳዊታኮ የድስ። 
\v 7 ኦርዮን ይን ዳዊቲ፥ “እዮኣብ አይ መሌ? ኦላንቾት አይ መሌ? ኦላይ ዋኒ?” ያግድ ኦይችስ። 
\v 8 ዳዊቲ ኦርዮናኮ፥ “ሶ ባዳ ሸምፓ” ያግን፥ ኦርዮን ካዎ ጋፐ ከይድ ብስ። ካዎይ ኦርዮና ጉየራ ካ የድስ። 
\v 9 ሽን ኦርዮን ሶ ቦና ካዎ ጋ ድርሳ ፐንግያን ባ ጎዳ አይለታራ አቅስ።
\p
\v 10 ኦርዮን ባ ሶ ቦናይሳ ዳዊቲ ስእድ፥ “ኔኒ ሃሆሶፐ ያዳሳ ግድኪ? ነ ሶ አይስ ባብኪ?” ያግድ ኦይችስ።
\p
\v 11 ኦርዮን ዳዊታኮ፥ “ታቦተይ፥ እስራኤለ አሳይ፥ ይሁዳ አሳይ፥ ታ ሀላቃይ እዮኣብነ ካዋ አሳይ ደንባን ዱንካነን ደኦሶና። ያትን ታ ዋናዳ ሶ ባዳ ሞ፥ ኡዮ፥ ቃስ ታ ማቸራ ዋናዳ አቆ? ነ ሸምፖይ ኤሮ! ታኒ ሀይሳ መላባ ኦከ” ያግድ ዛርስ።
\p
\v 12 ዳዊቲ፥ “እስ ጋላስ ሀይሳን ጋምአ፤ ዎንቶ ነና ጉየ የዳና” ያግስ። ኦርዮን ሄ ጋላስነ ዎንተ ጋላስ የሩሳላመን ጋምእስ። 
\v 13 ዳዊቲ ሾቢን ኦርዮን እያራ ምስ፤ እ ማታና ጋካናዉ ዳዊቲ እያ ኡሽስ። ሽን ሄ ዎደ ኦማርስ ኦርዮን ባ ሶ ቦና፥ ባ ሂፃ ሂፅድ ባ ጎዳ አይለታራ አቅስ።
\p
\v 14 ዎንተ ዳዊቲ እዮኣባስ ዳብዳበ ፃፍድ፥ ኦርዮና ቦላ የድስ። 
\v 15 ዳዊቲ ባ ዳብዳብያን፥ “ኦርዮና ኦላይ ጎብያ በሳን ስን ባጋ አ። እ ሾጨትድ ሀይቃና መላ እያ ማታፐ ሃክተ” ያግስ።
\p
\v 16 እዮኣብ ሄ ካታማ ተቅዳ ዎደ እ ኤርያ ምኖ ሞርከ ኦላንቾት ደእያ በሳን ኦርዮና ኤስስ። 
\v 17 ካታማ አሳት ከይድ እዮኣባራ ኦለትዶሶና። ዳዊታ ኦላንቾታፐ ጉ አሳት ሀይቅዶሶና፤ ኦርዮን ህተ አደይካ ሀይቅስ።
\p
\v 18 እዮኣብ ኦላን ሀንዳባ ኡባ ዳዊታስ ኪትስ። 
\v 19 እዮኣብ ኪተትድ ብያ አድያኮ፥ “ኦላን ሀንዳባ ነ ካዋስ ኦዳ ዉርስዳ ዎደ፥ 
\v 20 ካዎይ ሸነትድ፥ ‘ህንተ ኤንታራ ኦለታናዉ ካታማኮ አይስ ሺቅደቲ? ኤንቲ ግምብያ ቦላ ኤቅድ ዶንገን ዱካናይሳ ኤረከቲ? 
\v 21 ገድዮና ናአይ አብመለከይ ዋንድ ሀይቅዳኮ አኬከከቲ? ማይደ ግምብያ ቦላራ ዱገ ሆላዳ ተበሳ ጌተትያ በሳን ዎዳይ እስ ማጫስ ግደኬ? ያትን፥ ህንተ ግምብያኮ አይስ ሺቅደቲ?’ ያግድ ኦይችኮ፥ ኔኒ፥ ‘ነ አይለይ፥ ህተ አደይ ኦርዮንካ ሀይቅስ’ ” ያጋ።
\p
\v 22 ኪተትዳይስ ብድ እዮኣብ ኪትዳባ ኡባ ዳዊታስ ኦድስ። 
\v 23 አደይ፥ “ኑ ሞርከት ኑፐ ዎልቃምዶሶና፤ ኑራ ኦለታናዉ ካታማ ጋፃን ደእያ ደምባ በሳ ከይዶሶና። ሽን ኑ ኤንታ ካታማ ፐንግያ ጋካናዉ ጉየ ዛሪድ የደዳ። 
\v 24 ሄሳፈ ጉየ፥ ዶንገን ዱከይሳት ግምብያ ቦላ ግድድ ነ አይለታ ዶንገን ዱክዶሶና። ካዋዉ፥ ነ አሳታፐ ጉት ሀይቅዶሶና፤ ነ አይለይ፥ ህተ አደይ ኦርዮንካ ሀይቅስ” ያግስ።
\p
\v 25 ዳዊቲ ኪተትዳይሳኮ፥ “ኔኒ እዮኣባኮ ሀይሳዳ ያጋ፤ ‘ቶሪ ገደካ ሃካ ምያ ግሾ ሀይሳስ አዛኖፓ፤ ካታማ ኦላዳ ኦይካናዉ ምና’ ያጋዳ እያ ምን” ያግስ።
\p
\v 26 ኦርዮና ማችያ ባ አዝናይ ሀይቅዳይሳ ስእዳ ዎደ እያዉ ዬካሱ። 
\v 27 እያ ካዮ ዎ ስምን፥ ዳዊቲ ኪትድ እዮ ባ ሶ ኤህስ። እያ እያዉ ማቾ ግዳዳ አደ ናአ የላሱ። ሽን ዳዊቲ ኦዳ ኦሶይ ኢታ ግድያ ግሾ ጎዳይ ኡፋይትቤና።
\c 12
\s1 ናታን ዳዊታ ሀንቀትስ
\p
\v 1 ጎዳይ ናብያ ናታና ዳዊታኮ ኪትን፥ ናታን እያኮ ይድ፥ “እስ ካታማን ናምኡ አሳት ደኦሶና፤ ኤንታፈ እሶይ ዱረ፤ ቃስ ሀንኮይ ማንቆ። 
\v 2 ዱረ አድያስ ዳሮ ዶርስነ መሄይ ደኤስ። 
\v 3 ሽን ማንቆ አድያስ ሻምድ ሄምያ እስ ዶርሳ ማሬፐ አትሽን፥ ሀር ባዋ። ሄ ዶርስያ እያ ሶን እያ ናይታራ እስፈ ድጫሱ። እ ባ ምያ ካፈ ሙዜስ፤ ባ ኡያ ኡሻፈ ኡሼስ፤ እያ እያ ክኦነ ዝንአዉሱ። ሄ ዶርስያ እያዉ ማጫ ናአ መላ።
\p
\v 4 “እስ ጋላስ እስ እማ ዱርያ ሶ ይስ። ዱረይ ባ ዶርሳፈ ዎይኮ ባ መሄፐ ሹክድ፥ እማ ሞካናዉ ኮይቤና። ሽን እ ሄ ማንቆ አድያ ዶርስዉ ኤክድ፥ ሄ እማስ ምያባ ጊግስስ” ያግስ።
\p
\v 5 ዳዊቲ ሄ ዱረ አድያ ቦላ ሸነ ኤፅድ፥ “ደኦ ጎዳይ ኤርያ መላ፥ ሀይሳ ኦዳ አደይ ሀይቃናዉ በሴስ። 
\v 6 ቃስ ቃይ ባይና እ ሄሳ ኦዳ ግሾ፥ ሄ ዶርሳ ማረ ግሾ ኦይዱ ኩሸ ዛራናዉ ኮሼስ” ያግስ።
\p
\v 7 ናታን ዳዊታኮ፥ “ሄ አደይ ነና! ጎዳይ እስራኤለ ፆሳይ ሀይሳዳ ያጌስ፤ ‘ታኒ ነና እስራኤለ ቦላ ትያዳ ካዎስ፤ ሳኦላ ኩሽያፐ ነና አሻስ። 
\v 8 ታኒ ነ ጎዳ፥ ሳኦላ ኬ ነዉ እማስ፤ ነ ጎዳ ማቸታ ነ ክኦን የጋስ። እስራኤለ አሳነ ይሁዳ አሳ ታኒ ነዉ እማስ። ሀ ኡባይ ጉፅስ ጊኮ፥ ታኒ ነዉ ሀራ ጉጃ እማናሽን። 
\v 9 ሀይሳ መላ ኢታባ ጎዳ ስንን ኦዳ፥ አይስ ጎዳ ቃላ ካዲ? ህተ አድያ ኦርዮና ማሻን ዎዳሳ፤ እያ ማችዉ ነው ኤካዳሳ። አሞነ አሳታ ማሻን እያ ዎዳሳ። 
\v 10 ኔኒ ታና ካዳ፥ ህተ አድያ ኦርዮና ማችዉ ኤክዳ ግሾ ነ ሶ አሳፐ ማሽ ሻከተና’ ” ያጌስ።
\p
\v 11 ጎዳይ ሀይሳዳ ያጌስ፤ “ታኒ ነ ሶ አሳ ግዶፈ ነ ቦላ ኢታ ኤሀና፤ ነ ማቸታ ኔኒ ፄልሽን ደንዳ፥ ነዉ ማትያ አድያስ እማና፤ ሴታ ጋላስ ሄ አደይ ነ ማቸታራ ዝንአና። 
\v 12 ኔኒ ሄሳ ጌማን ኦዳሳ፤ ሽን ታኒ ሴታ ጋላስ እስራኤለ አሳ ኡባ ስንን ኦና” ያግስ።
\p
\v 13 ያትን፥ ዳዊቲ፥ “ታኒ ጎዳ ቦላ ናጋራ ኦስ” ያግስ።
\p ናታን፥ “ጎዳይ ነ ናጋራ አቶ ግስ፤ ኔኒ ሀይቃካ። 
\v 14 ሽን ነ ሀይሳ ኦዳ፥ ጎዳ ሞርከት እያ ካና መላ ኦዳ ግሾ የለትዳ ናአይ ቱማ ሀይቃና” ያግስ።
\p
\v 15 ናታን ባ ሶ ብዳፐ ጉየ፥ ኦርዮና ማችያ ዳዊታስ የልዳ ናኣ ጎዳይ ሾጭን እ ሀርግስ። 
\v 16 ዳዊቲ ባ ናኣ ግሾ ፆሳ ዎስስ፤ ዳዊቲ ፆምስ፤ ባ ክፍልያ ገልድ ቃማ ቃማ ሳአን ዝንእ አቄስ። 
\v 17 እያ ሶ ጭማት እያ ሳአፐ ደንዳና መላ እያ ማታን ኤቅድ ዎስዶሶና፤ ሽን እ ደንዶና እፅስ፤ እ ኤንታራ ካ ምቤና።
\p
\v 18 ላፑን ጋላስ ናአይ ሀይቅስ። ዳዊታ አይለት ናኣ ሀይቁዋ ኦዳናዉ ያይድ፥ “ናአይ ፓፃ ደእሽን ኑኒ ዳዊታስ ኦድን፥ ስኦና እፅስ። ያትን፥ ናአይ ሀይቅዳይሳ ኑኒ ዋትድ እያዉ ኦዳኔ? ኦን ኤር፥ እ ባና ቆሀነኮሺ?” ያግዶሶና።
\p
\v 19 ባ አይለት እሶይ እሱዋራ ካልካሸይሳ ዳዊቲ ስእዳ ዎደ ናአይ ሀይቅዳይሳ ኤርስ። ዳዊቲ፥ “ናአይ ሀይቅዴ?” ያግድ ኦይችስ።
\p ኤንቲ፥ “ኤ ሀይቅስ” ያግዶሶና።
\p
\v 20 ያትን፥ ዳዊቲ ሳአፐ ደንድድ ሜጨትስ፤ ቅባተ ትየትስ፤ ባ ማኡዋ ላምድ፥ ጎዳ ኬ ገልድ ጎይንስ። ሄሳፈ ጉየ ባ ሶ ብድ፥ ካ ኦይችን፥ ኤንቲ እያ ስን አን ምስ።
\p
\v 21 እያ አይለት፥ “ኔኒ ሀይሳዳ አይስ ሀናዲ? ናአይ ፓፃ ደእሽን ፆማዳሳነ ዬካዳሳ፤ ሽን ናአይ ሀይቅን ደንዳዳ፥ ካ ማዳሳ” ያግዶሶና።
\p
\v 22 ዳዊቲ፥ “ናአይ ፓፃ ደእሽን ታኒ ፆማስነ ዬካስ፤ ጎዳይ ታና ማርን፥ ናአይ ፓፃነኮነ” ጋዳ ቆፓስ። 
\v 23 ሽን፥ “ናአይ ሀይቅን፥ ታኒ አይስ ፆሞ? ታኒ ናኣ ጉየ ዛራናዉ ዳንዳእያና? ታኒ እያኮ ባናፐ አትን፥ እ ታኮ ዬና” ያግስ።
\p
\v 24 ሄሳፈ ጉየ፥ ዳዊቲ ባ ማችዉ በርሳቦ ምንስ። ዳዊቲ ኢኮ ገልድ ኢራ አቅስ፤ እያ እያዉ አደ ናአ የላሱ። ናኣ ሶሎሞነ ግድ ሱንስ፤ ጎዳይ ሄ ናኣ ዶስስ። 
\v 25 ጎዳይ ናኣ ዶስዳ ግሾ፥ እያ ሱን “ይድድያ” ግድ ሱንና መላ ናብያ ናታና ኪትስ።
\p
\v 26 ሄ ዎደ እዮኣብ አሞነታ ካታማ ራባ ኦልድ ካዎ ሚፃ ኦይክስ። 
\v 27 እዮኣብ ዳዊታኮ፥ “ታኒ ራባ ካታማ ኦላዳ፥ ሃ ዱቅያ በሳ ኦይካስ። 
\v 28 ሀእ አትዳ ኦላንቾታ ሺሻዳ ካታማ ኦላዳ ኦይካ። ሄስ ሀኖና እፅኮ፥ ታኒ ካታማ ኦይካዳ ታ ሱንን ፄገታና መላ ኦና” ያግስ።
\p
\v 29 ዳዊቲ ባ ኦላንቾታ ኡባ ሺሽድ፥ ራባ ካታማ ብድ፥ ኦልድ ኦይክስ። 
\v 30 ኤንታ ካዋ ካላቻ እያ ሁጰፐ ኤክስ። ሄ ዎርቃ ካላቻይ ሀስታማነ እቻሹ ክሎ ግራመ ዴፄስ። እያ ግዶን እንቆ ጌተትያ አልኦ ሹች ደኤስ። ሄ ካላቻ ዳዊቲ ባ ሁጰን ዎስ። ዳዊቲ ካታማፐ ዳሮ ድኦ ድእስ። 
\v 31 ሄ ካታማን ደእያ አሳ ከስድ፥ ማጋዘን፥ ብራታ ኮንተንነ ብራታ ካልታን ኦና መላ ኦስ። ቃስ ኤንቲ ፁበ መና መላ ኦስ። አሞነ ካታማ ኡባን ደእያ አሳ እ ሀይሳዳ ኦስ። ሄሳፈ ጉየ፥ ዳዊቲነ እያ ኦላንቾት የሩሳላመ ስምዶሶና።
\c 13
\s1 አምኖናነ ትማሮ
\p
\v 1 እስ ዎደ ሀይሳዳ ሀንስ። ዳዊታ ናኣ አበሰሎመስ ትማሮ ጌተትያ እስ ማላ ሎኦ ምቻ ደአዉሱ። ዳዊታ ናአይ አምኖን ትማሮ ዶስስ። 
\v 2 አምኖን ባ ምችዉ ትማሮ ዶስዳ ግሾ እዮ ቆፕሸ ዳሮ ግልቅስ። እያ ጌላኦ ግድዳ ግሾ እዮ አይኮካ ኦናዉ ዳንዳኤቶናባ እያዉ ዳንስ።
\p
\v 3 ሽን አምኖናስ ዳዊታ እሻ ሳማ ናኣ እዮናዳባ ጌተትያ ላገይ ደኤስ፤ እዮናዳብ ዳሮ ኤጫ አስ። 
\v 4 እዮናዳብ፥ “ኔኒ ካዎ ናአ ግዳሸ ዎንታ ዎንታ አይስ ግልቃይ? ኔኒ ታዉ አይስ ኦድኪ?” ያግድ አምኖና ኦይችስ።
\p አምኖን፥ “ታ እሻ አበሰሎመ ምችዉ ትማሮ ታኒ ዶሳስ” ያግስ።
\p
\v 5 እዮናዳብ፥ “ሀርገትያ አሳዳ ሀናዳ ሂፃን ዝንአ። ነ አዋይ ነና በአናዉ ያ ዎደ፥ ‘ታ ምችያ ትማራ ያዳ ታዉ ምያባ እሞ፤ ታኒ እዮ በእሽን ታ ስንን ካዳ ታና ባርሶ’ ያጋዳ ኦይቻ” ያግስ።
\p
\v 6 አምኖን ሀርገትዳ አሳዳ ሀንድ ሂፃን ዝንእስ። ካዎይ እያ በአናዉ ያ ዎደ አምኖን፥ “ታ ምችያ ትማራ ያዳ፥ ታ በእሽን ታ ስንን ኡይ ኡካዳ ታና ባ ኩሸራ ባርሶ” ያግስ።
\p
\v 7 ዳዊቲ፥ ካዎ ጋን ደእያ ትማርኮ ኪትድ፥ “ነ እሻ አምኖና ሶ ባዳ እያዉ ካ ካ” ያግስ። 
\v 8 ትማራ ባ እሻ አምኖና ሶ ባሱ፤ ሄ ዎደ እ ሂፃን ዝንእስ። ትማራ ጉ ለ ሙኑቃዳ አምኖን በእሽን ኡይ ኡካሱ። 
\v 9 ትማራ ኡይ ባሸፐ ከሳዳ እያዉ አሱ፤ ሽን እ ሞና እፅስ።
\p አምኖን፥ “አሳ ኡባ ካረ ከስተ” ያግን፥ አሳ ኡባይ እያ ማታፐ ከይስ። 
\v 10 ሄሳፈ ጉየ አምኖን፥ “ታኒ ነ ኩሸፐ ማና መላ ካ ሃ ቆልአ ኤካዳ ያ” ያግስ። ትማራ ባ ኡክዳ ኡይ ኤካዳ፥ ባ እሻ አምኖና ስን ሺሻሱ። 
\v 11 ትማራ ካ እያኮ ሺሽያ ዎደ እዮ ኦይክድ፥ “ታ ምቸ፥ ሃያ! ታራ ዝንአ” ያግስ።
\p
\v 12 እያ፥ “ታ እሻዉ፥ አካይ ሀነና! ታና ዎልቃንፋ! ሀይሳ መላባይ እስራኤለን ሀን ኤረና፤ ሀይሳ መላ ቦርሶባ ኦፋ። 
\v 13 ታ ፖኩዋ ታኒ ዋታዳ ገንናዉ ዳንዳእያና? ቃስ ነካ እስራኤለ ግዶን ካዉሻ አስ ግዳና። ሀያና ካዋ ኦይቻ፤ ታኒ ነና ገላናይሳ እ ድገና” ያጋሱ። 
\v 14 ሽን እ እዮ ስኦና እፅስ። እ ዎልቃማ ግድያ ግሾ፥ እዮ ዎልቃን ኦይክድ ኢስስ።
\p
\v 15 ሄሳፈ ጉየ፥ አምኖን እዮ ዳሮ እፅስ፤ ካሰ እዮ ዶስዳይሳፈ አድ እፅስ። አምኖን፥ ደንዳ፥ “ከያ! ከያዳ ባ!” ያግስ።
\p
\v 16 እያ፥ “ኔኒ ታና ከያዳ ባ ገይስ ካሰ ነ ታ ቦላ ኦዳ ኢታፐ አስ” ያጋሱ።
\p ሽን እ እዮ ስኦና እፅስ። 
\v 17 አምኖን ባ አይልያ ፄግድ፥ “ሀ ማጫስዉ ታ ስንፈ ከሳ፤ እዮ ካረ ከሳዳ ዉላ ጎርዳ” ያግስ። 
\v 18 አይለይ እዮ ካረ ከስድ ዉላ ጎርድስ።
\p ጌላኦ ግድዳ ካዎ ማጫ ናይት ማእያ አሌቆ ማኦ ማአሱ። 
\v 19 ትማራ ብዶ ባ ሁጰን ቆላዳ፥ ባ ማእዳ አሌቆ ማኡዋ ዳካዳ፤ ባ ሁጵያ ኦይካዳ፥ ዋሶ ጎቻሸ ባሱ።
\p
\v 20 እ እሻ አበሰሎመይ እዮ በእዳ ዎደ፥ “ነ እሻይ አምኖን ነና ኢስዴ? ታ ምቸ፥ ኔኒ ሀእ ስእ ጋ። እ ነ እሻ፤ ሀ ኦዳ ነ ኡሎን ኦይኮፋ” ያግስ። ያትን፥ ትማራ አዛናሸ፥ አሳን ከዮና ባ እሻ አበሰሎመ ሶን ደአሱ።
\p
\v 21 ካዎይ ዳዊቲ ሀ ኦዳ ስእዳ ዎደ ዳሮ ይሎትስ። 
\v 22 አበሰሎመይ አምኖናኮ ጫማ ማልአ ፖግቤና። ባ ምችዉ ትማሮ ኢስዳ ግሾ አምኖና ሞርክስ።
\s1 አበሰሎመይ አምኖና ዎስ
\p
\v 23 ናምኡ ላይፈ ጉየ፥ ኤፍሬማ ዛዋ ማታን ሀፆራ ጌተትያ በሳነ አበሰሎመይ ዶርሳ እክሰ ሜዴስ። ካዋ አደ ናይት ኡባይ ሄ በሳ ያና መላ አበሰሎመ ኤንታ ፄግስ። 
\v 24 አበሰሎመይ ካዋኮ ብድ፥ “ታኒ ነ አይለይ ታ ዶርሳታ እክስያ ሜድሳይስ፤ ነነ ነ ሞርናት ኑራ የርከቲ?” ያግስ።
\p
\v 25 ካዎይ፥ “አካይ፥ ታ ናአዉ! ኑ ኡባይ ቢኮ፥ ነዉ ቶሆ ግዳና” ያግስ። አበሰሎመይ ካዋ ዳሮ ሾቢንካ ካዎይ ቦና እፅስ፤ ሽን አበሰሎመ አንጅስ።
\p
\v 26 አበሰሎመይ፥ “ኔኒ ቦና እፅኮ፥ ታ እሻ አምኖን ኑራ ቦ” ያግስ።
\p ካዎይ፥ “እ ኔራ አይስ ቢ?” ያግስ። 
\v 27 ሽን አበሰሎመይ ሾቢድ አጎና እፅን፥ ዳዊቲ አምኖናነ ባ አደ ናይታ እያራ የድስ።
\p
\v 28 አበሰሎመይ ባ አይለታኮ፥ “አምኖን ዎይነ ኡይድ ማትያ ዎደ ታኒ ህንተና፥ ‘አምኖና ሾጭተ’ ያጋዳ ኪትያ ዎደ እያ ዎተ። ያዮፍተ! ህንተና ኪተይ ታና። ምንተ! ፃልተ!” ያግድ ኪትስ። 
\v 29 አበሰሎመ አይለት እ ኪትዳይሳዳ አምኖና ዎዶሶና። ሄሳፈ ጉየ፥ ካዋ አደ ናይት ኡባይ ደንድድ፥ ባንታ ባቁሉዋ ባቁሉዋ ቶግድ ባቃትዶሶና።
\p
\v 30 ኤንቲ ቡሮ ኦገ ቦላ ደእሽን፥ “አበሰሎመየ ካዋ ናይታ ኡባ ዉርስስ፤ ኤንታፈ እሶይካ አትቤና” ጌተትያ ዎረይ ዳዊታ ጋክስ። 
\v 31 ካዎይ ደንድ ኤቅድ፥ አዛንድ፥ ባ ማኡዋ ዳክድ ቢታን ዝንእስ። እያ አይለት ኡባይ ባንታ ማኡዋ ዳክድ፥ እያ ማታን ኤቅዶሶና።
\p
\v 32 ዳዊታ እሻ ሳማ ናአይ እዮናዳብ፥ “ታ ጎዳዉ፥ ካዎ ናይት ኡባይ ሀይቅዶሶና ጋዳ ቆፖፋ፤ አምኖና ፃላል ሀይቅስ። አምኖን ባ ምችዉ ትማሮ ኢስዳ ጋላሳፐ ዶምን፥ አበሰሎመይ እያ ቦላ ኦናዉ ቆፕዳባይ ሀንስ። 
\v 33 ህዛ ሀይቅዳይ አምኖና ፃላላ ግድያ ግሾ፥ ‘ካዋ አደ ናይት ኡባይ ሀይቅዶሶና’ ግያ ዎርያ ካዎይ ቱማ ጎፖ” ያግስ።
\p
\v 34 ሄ ዎደ አበሰሎመይ ባቃትስ።
\p ናግያ አደይ ቁ ግድ ፄልያ ዎደ ዉሎሀ ባጋራ ደእያ ኦግያራ ደረ ላንቅያ ኦይክድ ዳሮ አሳይ የይሳ በእድ ካዋስ ኦድስ። 
\v 35 ሄ ዎደ እዮናዳብ፥ “ሄኮ፥ ታኒ ነ አይለይ ኦድዳይሳዳ ካዋ አደ ናይት ይዶሶና” ያግስ።
\p
\v 36 እ ኦድ ዉርስያ ዎደ ካዋ አደ ናይት ገልድ ባንታ ቃላ ቁ ኦድ ዋስዶሶና። ቃስ ካዎይነ እያ ሞርናት ኡባይ ይባታ ዬሆ ዬክዶሶና።
\p
\v 37 አበሰሎመይ ባቃትድ፥ ገሹራ ካዎ ግድዳ አምሁዳ ናኣ ታልማያኮ ብስ። ሽን ካዎይ ዳዊቲ ባ ናኣስ ዳሮ ጋላስ ዬክስ።
\p
\v 38 አበሰሎመይ ባቃትድ ገሹራ ቢታ ብዳፐ ጉየ ያን ሄ ላይ ደእስ። 
\v 39 ካዎይ ዳዊቲ አምኖና ሀይቁዋን ጋክዳ አዛንያፐ ምንዳ ግሾ፥ አበሰሎመ በአናዉ ላሞትስ።
\c 14
\s1 አበሰሎመይ የሩሳላመ ስምስ
\p
\v 1 ፃሩያ ናአይ እዮኣብ ካዎይ ዳዊቲ አበሰሎመ ላሞትዳይሳ ኤርስ። 
\v 2 ሄሳ ግሾ፥ እዮኣብ ተቁሄ ካታማ ኪትድ፥ እስ ጭንጫ ማጫስ ኤህስስ። ኢኮ፥ “ኔኒ ካዮትያ አሳዳ ሀና፤ ካዮ ማኦ ማአ፤ ቅባተ ትየቶፋ፤ ዳሮ ዎደፐ ዶምድ፥ ሀይቅዳ አሳስ ካዮትያ ማጫሳዳ ሀና። 
\v 3 ካዋኮ ባዳ ሀ ቃላ እያዉ ኦዳ” ያግስ። እዮኣብ እያ ካዋስ ኦዳናባ እዉ ኦድስ።
\p
\v 4 ተቁሄ ማጫስያ ካዋኮ ባዳ ቢታን ጉፋናዳ፥ “ካዋዉ፥ ታና ማዳርክ!” ያጋሱ።
\p
\v 5 ካዎይ፥ “ነና አይበ መትዳይ?” ያግድ ኦይችስ።
\p እያ፥ “ታኒ አዝን ሀይቅዳ ማጫስ። 
\v 6 ታዉ ነ አይሌስ ናምኡ አደ ናይት ደኦሶና። ኤንቲ እሶይ እሱዋራ ደንባን ዋትዶሶና፤ ኤንታ ሻካናዉ አስ ይን፥ እሶይ እሱዋ ሾጭድ ዎስ። 
\v 7 ታ ዳቦት ኡባይ ታ ቦላ ደንድድ፥ ‘ባ እሻ እ ዎዳ ግሾ ኑኒ እያ ዎና መላ ባ እሻ ዎዳ ኡራ ኑስ ሀማ፤ ያትድ ኑኒ ላትያ አስ ይሳና’ ያግዶሶና። ኤንቲ ታዉ ላታስ አትዳ እስ ዱንቻ ቶይሶሶና፤ ታ አዝና ሱንነ እያ ኮቻ ቢታፈ ይሶሶና” ያጋሱ።
\p
\v 8 ካዎይ ማጫሴኮ፥ “ነ ሶ ባ፤ ታ ነ ግሾ ኪታና” ያግስ።
\p
\v 9 ሽን ተቁሄ ማጫስያ፥ “ታ ጎዳዉ፥ ካዋዉ፥ ጎመይ ታናነ ታ አዋ ሶ አሳ ኦይኮ፤ ሽን ካዎይነ እያ አራታይ ጌሽ ግዶ” ያጋሱ።
\p
\v 10 ካዎይ፥ “ነ ቦላ ዶና ፖግያ ኦናካ ታኮ ኤሀ፤ እ ነና ናምአን ቦቸና” ያግስ።
\p
\v 11 ማጫስያ፥ “ሱ ዛርያ ኡራይ ቆሆ ቦላ ቆሆ ኤሆናዳነ ታ ናኣካ ዎናዳ ካዎይ ጎዳ፥ ባ ፆሳ ሱንን ታዉ ጫቆ” ያጋሱ።
\p ካዎይ፥ “ደኦ ጎዳይ ኤርያ መላ፥ ነ ናኣ ብናናፐ እሶይካ ሳአን ዎና” ያግስ።
\p
\v 12 ማጫስያ ዛራዳ፥ “ታ ጎዳዉ፥ ታ ካዋዉ፥ ታ እስባ ኦደቶ” ያጋሱ።
\p ካዎይ፥ “ሃሳያ” ያግስ።
\p
\v 13 ማጫስያ፥ “ያትን፥ ኔኒ ፆሳ ደርያ ቦላ ሀይሳ መላ ቆሆ አይስ ኦዲ? ካዎይ ይዳ ባ ናኣ ጉየ ዛርቤና። ባ ኦድዳ ቃላን ካዎይ ባላ ግደኔ? 
\v 14 ኑ ኡባይ ሀይቃና፤ ጉክዳ ሃ ስሞናይሳዳ ኑ ስሞኮ። ሽን ፆሳይ ሸምፖ ዮ ዶሰና፤ ዶገትዳ አስ ኩመ ዮና መላ እያዉ ኦገ ጊግሴስ።
\p
\v 15 “ታና አሳይ ያሽስያ ግሾ ታ ጎዳ፥ ካዋስ፥ ሀይሳ ኦዳናዉ ሀእ ያስ። ‘ታኒ ነ አይልያ፥ ታኒ ካዋስ ኦዳና፤ ኦን ኤር፥ ታኒ እያ አይልያ ኦይችዳባ ካዎይ ኦና አገና። 
\v 16 ካዎይ ስእድ፥ ፆሳይ ኑስ እምዳ ላታፐ ታናነ ታ ናኣ ይሳናዉ ኮይያ አሳ ኩሸፐ አሻና’ ጋዳ ቆፓስ። 
\v 17 ሄሳዳካ ካዎይ ሎኦነ ኢታ ሻካናዉ ፆሳ ኪታንቾ መላ ግድያ ግሾ፥ ታ ጎዳ ካዋ ነ ቃላይ ታና ሸምፕሶ። ጎዳይ፥ ነ ፆሳይ ኔራ ግዶ” ያጋሱ።
\p
\v 18 ካዎይ፥ “ታኒ ነና ኦይቻና፤ ኔኒ ታፐ ቆቶፋ” ያግስ።
\p ማጫስያ፥ “ታ ጎዳይ፥ ካዎይ ኦደቶ” ያጋሱ።
\p
\v 19 ካዎይ ማጫስዉ፥ “ሀይሳ ኡባን እዮኣባ ኩሸይ ኔራ ደኢ?” ያግድ ኦይችስ።
\p ማጫስያ፥ “ታ ጎዳዉ፥ ካዋዉ፥ ነ ሸምፖይ ኤሮ! ኔኒ ታ ጎዳይ፥ ካዎይ፥ ኦድዳ ኡባፈ ኡሻች ዎይኮ ሀድርስ ጋናዉ ዳንዳእያ አስ ባዋ። ኤ፥ ሀይሳ ታና ኪትዳይ፥ ነ አይለ ዶናን ሀይሳ ዎዳይ ነ አይልያ እዮኣባ። 
\v 20 ነ አይለይ እዮኣብ ሀይሳ ኦዳይ ሀእ ደእያ ሀኖታ ላማናሳ። ካዋዉ፥ ነ ፆሳ ኪታንቾ መላ ጭንጫ ግድያ ግሾ ቢታን ሀንያባ ኡባ ኤራሳ” ያጋሱ።
\p
\v 21 ካዎይ እዮኣባኮ፥ “ሎኦ! ታኒ ሀይሳ ኦና! ባዳ ሄ ናአተ አበሰሎመ ኤካዳ ያ” ያግስ።
\p
\v 22 እዮኣብ ካዋ ስንን ጉፋንድ፥ “ታ ጎዳዉ፥ ካዋዉ፥ ባ አይለይ ኦይችዳባ ኦናዉ ኤሮ ግዳ ግሾ፥ ነ ስንን ሳባ ደምዳይሳ ነ አይለይ ሀች ኤርስ” ያግስ።
\p
\v 23 ሄሳፈ ጉየ፥ እዮኣብ ደንድድ ገሹራ ብድ አበሰሎመ የሩሳላመ ኤክድ ይስ። 
\v 24 ሽን ካዎይ፥ “አበሰሎመይ ባ ሶ ባናዉ በሴስ፤ እ ታ ሶምኦን ከዮፖ” ያግስ። አበሰሎመይ ባ ሶ ብስ፤ ካዋ ሶምኡዋ በእቤና።
\p
\v 25 እስራኤለ ግዶን ማላ ሎኦተን አበሰሎመ መላ ሳበትዳ አስ ባዋ። ሁጰፐ ቶሆ ጋካናዉ እያን ቦርያባይ ባዋ። 
\v 26 እ ባና ዴፅያ ዎደ ባ ሁጵያ ቃንፅሴስ። ባ ሁጵያ ቃንፅስያ ዎደ ኡባን ምዛነን ማዛኔስ፤ እያ ብናናይ ካዎ ምዛነ ልከን ናምኡ ክሎ ግራመፐ አስ። 
\v 27 አበሰሎመስ ሄ አደ ናእነ እስ ማጫ ናእ የለትዶሶና፤ ማጫ ናኤ ሱንይ ትማሮ፤ እያ ማላ ሎኦ ናአ።
\p
\v 28 አበሰሎመይ ናምኡ ላይ ኩመ ካዋ ሶምኦ በኦና የሩሳላመን ደእስ። 
\v 29 አበሰሎመይ፥ “ታኒ ነና ካዋኮ ኪታናዉ ኮይያ ግሾ ታኮ ሃያ” ያግድ እዮኣባኮ ኪትስ፤ ሽን እዮኣብ ዮና እፅስ። ናምአን ኪትስ፤ ሽን እዮኣብ ሀእካ ዮና እፅስ። 
\v 30 አበሰሎመይ ባ አይለታኮ፥ “ሄኮ፥ ታ ጋድያ ማታን እዮኣባስ ጋደይ ደኤስ፤ እያን ባንግ ደኤስ። ብድ እያን ታማ የድተ” ያግስ። አበሰሎመ አይለት እዮኣባ ባንጋን ታማ የድዶሶና።
\p
\v 31 እዮኣብ አበሰሎመ ሶ ብድ፥ “ነ አይለት ታ ባንጋን አይስ ታማ የድዶና?” ያግድ ኦይችስ።
\p
\v 32 አበሰሎመይ፥ “ታ ፄግን ነ ዮና እፅዳ ግሾሳ። ኔኒ ካዋኮ ባዳ፥ ‘ታኒ ገሹራፐ አይስ ያድና? ታኒ ሀኖ ጋካናዉ ያን ደእዳኮ ሎኦሽን’ ያጌስ ጋዳ ታዉ ኦይቻና መላ ኮያስ። ሀእ ታኒ ካዋ ሶምኦ በአናዉ ኮያይስ፤ ታኒ ባላ ግድኮ፥ እ ታና ዎ” ያግስ።
\p
\v 33 እዮኣብ ካዋኮ ብድ፥ አበሰሎመይ ግዳይሳ ኦድስ። ካዎይ አበሰሎመ ፄግስስ፤ አበሰሎመይ ሶ ገልድ፥ ካዋ ስንን ጉፋንድ ዝግስ፤ ካዎይ አበሰሎመ ዬርስ።
\c 15
\s1 አበሰሎመ ማቁዋ
\p
\v 1 ሄሳፈ ጉየ፥ አበሰሎመይ እስ ፓራ ጋረ፥ ፓራታነ ባ ስንን ዎፃናዉ እሻታሙ አሳታ ጊግስስ። 
\v 2 አበሰሎመይ ጉራ ደንድድ፥ ካታማ ፐንግያን ኤቄስ። ሞቶይ ደእያ አይ አስካ ካዋ ስን ፕርዳስ ብያ ዎደ አበሰሎመይ ፄግድ፥ “ኔኒ አዉ ካታማፐ ያይ?” ያግድ ኦይቼስ። ሄ ኡራይ፥ “ታ ነ አይለይ እስራኤለ ዛረ እሱዋፈ ያስ” ያግድ እያዉ ዛሬስ። 
\v 3 አበሰሎመይ፥ “ሄኮ፥ ነ ኦዳይ ሎኦነ ሱረ፤ ሽን ካዋ ባጋፈ ነና ስአናይ ባዋ” ያጌስ። 
\v 4 አበሰሎመይ ጉጅድ፥ “ታ እስራኤለ ቦላ ፕርዳናዉ ሹመትዳባ ግዳርክናሽን። ሄስ ሀንዳኮ፥ ሞቶይ ዎይኮ ኦድ ደእያ ኦንካ ታኮ ይን፥ ታኒ እያዉ ሱረ ፕርዳ ፕርዳናሽን” ያጌስ።
\p
\v 5 ኦንካ እያኮ ይድ እያዉ ዝግያ ዎደ አበሰሎመይ ባ ኩሽያ የድድ ሄ አድያ ኦይክድ ዬሬስ። 
\v 6 ፕርደታናዉ ካዋኮ ያ እስራኤለ ኡባስ አበሰሎመይ ሄሳዳ ሀንድ እስራኤለ አሳ ዎዛና ኤክስ።
\p
\v 7 ኦይዱ ላይፈ ጉየ፥ አበሰሎመይ፥ “ታኒ ጎዳስ ቃንግዳ ቃንገ ጋናዉ ከብሮና ባና። 
\v 8 ታኒ ነ አይለይ ሶረ ቢታን ገሹራ ካታማን ደአሸ፥ ‘ታና ጎዳይ የሩሳላመ ጉየ ዛርኮ፥ ጎዳስ ጎይናና’ ያጋዳ ቃንጋስ” ያግስ።
\p
\v 9 ካዎይ፥ “ሳሮ ባ” ግን፥ እ ደንድድ ከብሮና ካታማ ብስ።
\p
\v 10 ሽን አበሰሎመይ እስራኤለ ዛረ ኡባስ ቆሳን ኪታ የድድ፥ “ሞይዘ ፑኖ ህንተ ስእዳ ዎደ፥ ‘አበሰሎመይ ከብሮናን ካዎትስ’ ያግተ” ያግስ። 
\v 11 አበሰሎመይ ፄግን፥ የሩሳላመፐ እያራ ብዳ አሳታ ታይቦይ ናምኡ ፄታ። ኤንቲ ሄ ሀኖታባ አይኮካ ኤሮና አሽከተን ብዶሶና። 
\v 12 አበሰሎመይ ያርሾ ያርሽያ ዎደ ዳዊታ ዞርያ አሳፐ እሱዋ አክፆፈላ ግሎ ካታማፐ ፄግስስ። ካዋ ቦላ ደንድዳ ማቆይ ጎብስ፤ አበሰሎመ ካልያ አሳ ታይቦይ ጉጅ ጉጅ ብስ።
\s1 ዳዊቲ ባቃትስ
\p
\v 13 እስ ኪተትዳ አስ ይድ ዳዊታኮ፥ “እስራኤለ አሳ ዎዛናይ አበሰሎመራ ደኤስ” ያግስ።
\p
\v 14 ዳዊቲ ባራ የሩሳላመን ደእያ ባ ሞርናታኮ፥ “ደንድተ! ኑኒ ባቃቶስ! ያኖና እፅኮ፥ ኑ ግዶፈ አይ አስካ አበሰሎመፐ ከስ ኤከና። ኑኒ ኤለስድ ባናዉ ኮሼስ፤ ሀንኮደ፥ እ ኤለስ ይድ ኑና ይሳና፤ ኑ ካታማ ማሻን ቡና” ያግስ።
\p
\v 15 ካዋ ሞርናት፥ “ኑ ጎዳይ፥ ካዎይ ዶርዳ ኡባ ኑኒ ነ አይለት ኦናዉ ጊግድ ኡትዳ” ያግዶሶና።
\p
\v 16 ካዎይ ከይድ ቶሆራ ብስ፤ እያ ሶ አሳይነ እያ ሞርናት ኡባይ እያራ ብስ፤ ሽን ባ ጋዋ ናጋና መላ ታሙ ላገታ ሶን አሽስ። 
\v 17 ካዎይ ከይን አሳ ኡባይ እያራ ሃሆን ደእያ እስ ኬ ማታን ኤቅዶሶና። 
\v 18 እያ አሳት ኡባይ እያፐ ስንራ ሳልፕድ አዶሶና፤ ኤንታ ካልድ ካዋ ናገይሳት ሳልፕዶሶና። ቃስ ኤንታ ካልድ ጋተ ካታማፐ ይዳ ኡሱፑን ፄቱ አሳት፥ ካዋ ስንራ ሳልፕድ አዶሶና።
\p
\v 19 ካዎይ ጋተ አድያ እታያኮ፥ “ኔኒ ኑራ አይስ ያይ? ጉየ ስማዳ፥ ካዋ አበሰሎመራ ደኣሻ። ኔኒ አሳ ቢታ አስ፤ ነ ድኤታዳ ይዳ አስ። 
\v 20 ኔኒ ዝነ ያዳሳ፤ ታኒ ታ ሁጰን ብያ ሶ ኤሮና ደአሸ፥ ነና ዋታዳ ዳቡርሶ? ጉየ ስማ፤ ነ ቢታ አስ ኔራ ኤፋ። ጎዳይ ነዉ ኬሆነ አማነቶ!” ያግስ።
\p
\v 21 ሽን እታይ፥ “ደኦ ጎዳይ ኤርያ መላ፥ ታ ጎዳይ ካዎይ ኤርያ መላ፥ ታ ጎዳይ ካዎይ ደእያ አዉንካ፥ ፓፃን ግድን ሀይቆን ታኒ ነ አይለይ ኔፐ ሻከትከ” ያግስ።
\p
\v 22 ዳዊቲ፥ “ሎኦ! ባ፥ አ” ያግስ። ጋተ አደይ እታይ አሳራነ ናይታራ አሳ ኡባራ ብስ።
\p
\v 23 ሄ አሳ ኡባይ ብያ ዎደ ሄ ቢታ አሳይ ባንታ ቃላ ቁ ኦድ ዬክዶሶና። ካዎይ ቀድሮና ዛንጋራ ፕንስ፤ አሳ ኡባይ መላ ቢታኮ ስሚድ ብስ።
\p
\v 24 ካህነይ ሳዶቅ ሄ በሳን ደኤስ፤ ፆሳ ጫቆ ታቦትያ ቶክያ ሌወትነ ካህንያ አብያታር ያን ደኦሶና። አሳ ኡባይ ካታማፐ ከይድ ዉራና ጋካናዉ ፆሳ ታቦትያ ሳአን ሸምፕስዶሶና።
\p
\v 25 ሄሳፈ ጉየ ካዎይ ሳዶቃኮ፥ “ፆሳ ታቦትያ ካታማ ጉየ ዛራ። ጎዳይ ታናን ኡፋይትያባ ግድኮ፥ እስ ጋላስ ጉየ ዛሪድ ባ ታቦትያነ ባ ኬ በሳና። 
\v 26 ሽን እ፥ ‘ነናን ኡፋይትከ’ ጊኮ፥ እ ባና ሎእያባ ኦ፤ ታኒ ጊገታ ኡታስ” ያግስ።
\p
\v 27 ቃስ ካዎይ ካህንያ ሳዶቃኮ፥ አነ አኬካ “ኔኒ ነ ናኣ አክማሳነ አብያታራ ናኣ ዮናታና ኤክዳ ካታማ ሳሮ ባ። 
\v 28 ህንተ ታዉ ኪታና ጋካናዉ ታኒ መላ ቢታን ደእያ ሻፋ ፕኑዋን ደአሻና” ያግስ። 
\v 29 ሄሳ ግሾ፥ ሳዶቅነ አብያታር ፆሳ ታቦትያ የሩሳላመ ጉየ ኤፍድ ያን ደእዶሶና።
\p
\v 30 ሽን ዳዊቲ ዬክሸ ሻማሆ ደርያ ቦላ ከይስ። እ አዛኖን ባ ሁጵያ ጉሉንትድ መላ ቶሆን ሄመትስ፤ እያራ ደእያ አሳት ጉሉንትድ ዬክሸ ፑደ ከይዶሶና። 
\v 31 አክፆፈል አበሰሎመራ ማቀትዳይሳ ዳዊቲ ስእዳ ዎደ “ጎዳዉ፥ አክፆፈላ ዞርያ ኤያተ ላማ” ያግድ ዎስስ።
\p
\v 32 ዳዊቲ አሳይ ፆሳ ጎይንያ ዙማ ሁጰ ጋክዳ ዎደ፥ አርካያ አድያ\f + \fr 15:32 \fr*\ft አርካያ አድያ ገይስ በሰ ግዶናሽን ኮቸ ግዳናዉ ዳንዳኤስ።\ft*\f* ኩስ ባ ማኡዋ ዳክድ፥ ባ ሁጵያን ባና ቆልድ፥ ዳዊታራ ጋሄታናዉ ይስ። 
\v 33 ዳዊቲ፥ “ኔኒ ታራ ቢኮ ታዉ ቶሆ ግዳና። 
\v 34 ሽን ኔኒ ካታማ ጉየ ስማዳ አበሰሎመኮ፥ ‘ካዋዉ፥ ሀይሳፈ ካሰ ታኒ ነ አዋ አይለ ግድዳይሳዳ ሀእ ነዉካ አይለ ግዳና’ ያግኮ፥ አክፆፈላ ዞርያ ላላዳ ታና ማዳና። 
\v 35 ካህነት ሳዶቅነ አብያታር ኔራ ያን ደኦሶና ግዶኮና? ኔኒ ካዎ ጋን ስእያባ ኡባ ኤንታዉ ኦዳ። 
\v 36 ሳዶቃ ናኣ አክማስነ አብያታራ ናኣ ዮናታን ያን ኤንታራ ደኦሶና፤ ኔኒ ስእያባ ኡባ ኤንታ ቦላ ታዉ ኪታ” ያግስ።
\p
\v 37 አበሰሎመይ የሩሳላመ ገልሽን፥ ዳዊታ ላገይ ኩስ ካታማ ጋክስ።
\c 16
\s1 ዳዊታነ ሲባ
\p
\v 1 ዳዊቲ ደርያ ሁጵያራ ሄፍን አሽን፥ ሲባ ጌተትያ መምፕቦስተ አይለይ እያራ ጋሄትስ። ናምኡ ፄቱ ኡይ፥ እስ ፄቱ ዛብበ ኑካ፥ እስ ፄቱ ትያ አይፈ፥ እስ ኦጎሮ ዎይነ ኡሹ ናምኡ ሀረታን ጫንስ።
\p
\v 2 ካዎይ፥ “ሀይሳ አይስ ኤሀዲ?” ያግድ ኦይችስ።
\p ሲብ፥ “ሀረታ፥ ካዋ ሶ አሳይ ቶጋና መላ፥ ኡይነ ትይያ አይፍያ አሳይ ማና መላነ ዎይነ ኡሻይ ባዞን ዳቡርያ አሳት ኡያና መላሳ” ያግስ።
\p
\v 3 ካዎይ፥ “ነ ጎዳ ናኣ ናአይ አዉን ደኢ?” ያግድ ኦይችስ።
\p ሲብ፥ “ ‘እስራኤለ አሳይ ታ አዋ ካዎተ ሀች ታዉ ዛር እማና’ ያግድ የሩሳላመን ኡትስ” ያግስ።
\p
\v 4 ካዎይ፥ “መምፕቦስተስ ደእያባ ኡባይ ነዉ ግዶ” ያግስ።
\p ሲብ፥ “አቤት ጎዳዉ፥ ካዋዉ! ታኒ ነ ስንን ቴሞ ደማይስ” ያግድ ቢታን ጉፋንዳ ዝጋይስ።
\s1 ዳዊታነ ሳም
\p
\v 5 ካዎይ ዳዊቲ ብራቅማ ካታማ ያ ዎደ ሳኦላ ዳቦ ግድዳ እስ አደይ ያፐ ከይስ። እያ ሱንይ ጌራ ናኣ ሳም። እ ዳዊታ ባድሸ ከይስ። 
\v 6 ኦላንቾትነ ካዋ ናገይሳት ኡሻቻራነ ሀድርሳራ ዳዊታ ተቅድ ደእሽን፥ ሳም ዳዊታ ቦላነ ካዋ ሞርናታ ቦላ ሹቹ ሆልስ። 
\v 7 ሳም ዳዊታ ባድሸ፥ “ክቻ፤ ሀ ኢታይ ክቻ! አሳ ሱ ጉስያ ሀ ፓናይስ ክቻ። 
\v 8 ኔኒ ሳኦላ በሳን ካዎታዳሳ፤ ኔኒ ጉስዳ ሳኦላ ሶ አሳ ሱ ኡባ ጎዳይ ነ ቦላ ዛርስ። ጎዳይ ካዎተ ነ ናኣ አበሰሎመስ እሚስ፤ ኔኒ ሱ ጉስዳ አስ ግድያ ግሾ፥ ነዉ ዮ ዎደይ ጋክስ” ያግስ።
\p
\v 9 ሄሳፈ ጉየ፥ ፃሩያ ናአይ አብስ፥ ካዋኮ፥ “ሀ ባዉታ ካናይ፥ ታ ጎዳ ካዋ አይስ ባዲ? ታኒ ባዳ እያ ቆያ ቃንፃና” ያግስ።
\p
\v 10 ካዎይ፥ “ህንተኖ፥ ፃሩያ ናይቶ፥ ህንተራ ታራ አይብ ጋ? ጎዳይ፥ ‘ዳዊታ ባዳ’ ያግዳ ግሾ እ ባድያባ ግድኮ፥ ‘ኔኒ አይስ ሄሳ ኦይ?’ ያግድ ኦይቻናዉ ዳንዳኤይ ኦኔ?” ያግስ።
\p
\v 11 ሄሳፈ ጉየ፥ ዳዊቲ አብሳነ ባ ሞርናታ፥ “ታ ናአይ፥ ታ አሾይ፥ ታና ዎናዉ ኮዬስ፤ ያትን፥ ሀ ብንያመ አደይ ዋት አጋነ! ጎዳይ እያ ኪትዳ ግሾ እ ባዴስ፥ እያ ቦቾፍተ። 
\v 12 ኦን ኤር፥ ጎዳይ ታ መቱዋ በእድ፥ ታኒ ሀች ኤክያ ባደ ግሾ ታዉ ኬሀ ቆፓኔኮ” ያግስ።
\p
\v 13 ሄሳፈ ጉየ፥ ዳዊቲነ እያ አሳይ ኦግያ ኦይክድ ቦሶና። ሳም ዙማ ምያራ ብሸ ዳዊታ ባዴስ፤ ሹቹ ሆሌስ፤ እያ ቦላ ቢታ ላሌስ። 
\v 14 ካዎይነ እያራ ደእያ አሳት ባንታ ብያ በሳ ዳቡርድ ጋክን ካዎይ ያን ሸምፕስ።
\s1 አበሰሎመነ እያ ሞርናታ
\p
\v 15 አበሰሎመይነ እስራኤለ አሳ ኡባይ የሩሳላመ ገልዶሶና፤ አክፆፈል ኤንታራ ደኤስ። 
\v 16 ዳዊታ ላገይ አርካያ ኮቻይ ኩስ አበሰሎመኮ ይድ፥ “ካዎይ ብራታ ቱሱ ግዶ! ካዎይ ሙኩሉ ላይ ካዎቶ!” ያግስ።
\p
\v 17 አበሰሎመይ፥ “ኔኒ ነ ላግያ ዶስያ ዶሶይ ሀይሴ? ነ ላግያራ አይስ ባብኪ?” ያግስ።
\p
\v 18 ኩስ፥ “አካይ! ጎዳይ፥ ሀ አሳይነ እስራኤለ አሳይ ዶርዳይሳስ ታኒ አቃና፤ ታኒ እያራ አታና። 
\v 19 ህዛ ታኒ ታ ጎዳ ናኣስ ኦና ኦደስ ኦኔ? ታኒ ነ አዋስ ኦዳይሳዳ ሀእ ነዉካ ኦና” ያግስ።
\p
\v 20 አበሰሎመይ አክፆፈላኮ፥ “ኔኒ አነ ኑና ዞራ፤ ኑኒ አይ ኦኖ?” ያግስ።
\p
\v 21 አክፆፈል፥ “ካዎ ጋ ናጋናዉ ሶን አትዳ ነ አዋ ላገታራ ባዳ ዝንአ። ኔኒ ነ አዋ ካዉሽዳይሳ እስራኤለ አሳ ኡባይ ስአና፤ ኔራ ደእያ ኡባ ኩሸይ ምናና” ያግስ። 
\v 22 ካዎ ኬ ፖቅያ ቦላ አበሰሎመስ ዱንካነ ቶክዶሶና፤ አሳ ኡባይ ፄልሽን አበሰሎመይ ገልድ ባ አዋ ላገታራ ዝንእስ።
\p
\v 23 ሄ ዎደ አክፆፈል ዞርያ ዞረይ እስ አስ ጎዳ ኦይችድ ኤክያ ዞረ መላ። ዳዊቲነ አበሰሎመይ አክፆፈላ ዞርያ ሄሳዳ ኦድ ኤክዶሶና።
\c 17
\p
\v 1 ሄሳፈ ጉየ አክፆፈል፥ “ሀች ቃማ ታኒ ታማነ ናምኡ ሙኩሉ አሳታ ዶራዳ ዳዊታ የደዳ ኦይካና። 
\v 2 እ ዳቡርድ ዎልቃ ይድ ደእሽን ታኒ እያ ቦላ ዎና። ታኒ እያ ዳጋንና፤ ያን እያራ ደእያ አሳ ኡባይ ባቃትያ ዎደ ታኒ ካዋ ፃላላ ሾጫና። 
\v 3 ያታዳ ታኒ አሳ ኡባ ኔኮ ዛራና። ኔኒ እስ አሳ ፃላላ ዎናዉ ኮያሳ፤ ሀንኮ አሳይ ሳሮ አታና” ያግስ። 
\v 4 አክፆፈላ ዞረይ አበሰሎመነ እስራኤለ ጭማታ ኡባ ኡፋይስስ።
\p
\v 5 አበሰሎመይ፥ “ቃስ አርካያ ኮቻ ኩሳ ፄግተ፤ እ ግያባ አነ ስኦስ” ያግስ። 
\v 6 ኩስ እያኮ ይዳ ዎደ አበሰሎመይ፥ “አክፆፈል ዞርዳ ዞረይ ሀይሳ፤ ኑኒ እ ግያባ ኦናዉ በሲ? በሶናባ ግድኮ፥ ነ ቆፋይ አይቤ?” ያግስ።
\p
\v 7 ኩስ፥ “አክፆፈል ዞርዳ ዞረይ ሀ ዎድያን ሎኦ ግደና። 
\v 8 ነ አዋይነ ነ አዋ አሳት ምኖ ኦላንቾታ ግደይሳነ ባ ማራታ ቦንቀትዳ ማሄ መላ ያሸይሳታ ግደይሳ ኔኒ ኤራሳ። ነ አዋይ ኦላ ሜዘትዳ አስ፤ እ ቃማ ባ ኦላንቾታራ አቀና። 
\v 9 እ ሀኖደ ጎንጎሎ ግዶን ዎይኮ ሀራ በሳን ቆሰትድ ኡትስ። እ ህንተ ጩጋታ ኮይሮትድ ቆህኮ፥ ሄሳ ስእዳ ኦንካ፥ ‘አበሰሎመ ካልድ ብዳ አሳይ ሾጨትዶሶና’ ያጋና። 
\v 10 ነ አዋይ ቶራ ቃራ ግደይሳነ እያራ ደእያ አሳይ ምኖ ግደይሳ እስራኤለ አሳ ኡባይ ኤርያ ግሾ፥ ሀር አቶሽን ጋሞዳ ምኖታ ዎዛናይ ትልአና።
\p
\v 11 “ሽን ታኒ ነና ዞረይ ሀይሳ፤ አባ ጋፃን ደእያ ሻፈ መላ ዳርዳ፥ ዳነፐ በርሳበ ጋካናዉ ደእያ እስራኤለ ኡባ ኔኮ ሺሻ፤ ያታዳ ኔኒ ኤንታ ኦላስ ካለ። 
\v 12 ኑኒ እያ ደምዳ በሳ አዉንካ ሾጫና፤ አክ ሳአን ዎያዳ ኑኒ እያ ቦላ ዎና። እያ ግድን ዎይኮ እያራ ደእያ አሳ ግድን እሶይካ ፓፃ አተና። 
\v 13 እ ካታማ ገልኮካ፥ እስራኤለ አሳ ኡባይ ዎዶሮ ኤህድ፥ ካታማ ግዶን እስ ሹች አጎና ሄ ካታማ ጎችድ ዛንጋራን የጋና” ያግስ።
\p
\v 14 አበሰሎመይነ እስራኤለ አሳ ኡባይ፥ “አርካያ ኮቻ ኩሳ ዞረይ አክፆፈላ ዞርያፐ ሎኦ” ያግዶሶና። ጎዳይ አበሰሎመ ቦላ ኢታባ ኤሀናዉ ቆፕዳ ግሾ አክፆፈላ ዞርያ ኤኮናዳ ኦስ።
\p
\v 15 ኩስ ካህነታ ሳዶቃነ አብያታራ፥ “አክፆፈል አበሰሎመነ እስራኤለ ጭማታ ሀይሳ ሀይሳ ግድ ዞርስ፤ ታንካ ኤንታ ሀይሳ ሀይሳ ጋዳ ዞራስ። 
\v 16 ሀእ ዳዊታኮ ኤሶን ኪትድ፥ ‘ባዞን ደእያ ሻፋ ጋፃን ሀች ቃማ አቆፓ፤ ሄፍን ፕና ክቻ! ሄስ ሀኖና እፅኮ፥ ካዎይነ እያራ ደእያ አሳ ኡባይ ያና’ ያግድ ኦድተ” ያግስ።
\p
\v 17 ዮናታንነ አክማስ ቆንጨን ካታማ ገልሽን ኤንታ አስ በኦና መላ አይኖጌላ ጌተትያ በሳን ኡትድ ናጎሶና። እስ ማጫ አይልያ ያዳ ኤንታዉ ኦድን፥ ኤንቲ ብድ ካዋ ዳዊታስ ኦዶሶና። 
\v 18 ሽን እስ ፓንይ ኤንታ በእድ አበሰሎመስ ኦድስ። ሄሳ ግሾ፥ ኤንቲ ናምአይ ሄ በሳፈ ኤሶን ክችድ ብራቅማ ካታማን እስ አድያ ሶ ጋክዶሶና። ሄ አድያ ሶ ማታን ሃ ኦል ደኤስ፤ ኤንቲ ሄ ኦላን ገልዶሶና። 
\v 19 ሄ አድያ ማችያ ኦንካ ኤሮናዳ ኦላ ዶና ካማዳ እያ ቦላ ካ ምጫሱ።
\p
\v 20 አበሰሎመ አይለት አድያ ሶ ይድ ማችዉ፥ “አክማስነ ዮናታን አዉን ደኦና?” ያግድ ኦይችዶሶና።
\p ማችያ፥ “ኤንቲ ሻፋ ፕንድ ብዶሶና” ያጋሱ። ኤንቲ ኮይን፥ በንቶና እፅን፥ የሩሳላመ ስምዶሶና።
\p
\v 21 ሄ አሳት ብዳፐ ጉየ፥ ናምኡ አሳት ኦላፈ ከይድ፥ ካዋ ዳዊታስ ኦዳናዉ ብዶሶና። ዳዊታኮ፥ “አክፆፈል ህንተ ቦላ ሀይሳ ሀይሳ ኦና ግድ ዞር ዎዳ ግሾ ኤሶን ደንድድ፥ ሻፋ ፕንተ” ያግዶሶና። 
\v 22 ዳዊቲነ እያራ ደእያ አሳ ኡባይ ዮርዳኖሰ ፕንድ ብዶሶና። ሳእ ዎንትያ ዎደ ኡባይ ፕንድ ዉርዶሶና።
\p
\v 23 አክፆፈል ባ ዞረይ ኤከትቦናይሳ ኤርዳ ዎደ ባ ሀርያ ኮርድ ባ ደእያ ካታማ ብስ። አክፆፈል ባ ሶ ጊግስድ ሱለትድ፥ ሀይቅድ ባ አዋ ዱፎን ሞገትስ።
\p
\v 24 አበሰሎመይነ እያራ ደእያ አሳ ኡባይ ዮርዳኖሰ ፕንያ ዎደ ዳዊቲ ማሀናይማ ካታማ ጋክስ። 
\v 25 አበሰሎመይ ባ ኦላንቾታ ቦላ እዮኣባ በሳን አማሳያ ሹምስ። አማሳይ እስራኤለ አድያ ዮቶራ ናአ። ዮቶር ናኦሳ ናእዉ፥ እዮኣባ አይዉ ፃሩያ ምችዉ አብግያ ኤክስ። 
\v 26 እስራኤለትነ አበሰሎመይ ጋላዳ ቢታን ዱንካንዶሶና።
\p
\v 27 ዳዊቲ ማሀናይማ ካታማ ጋክያ ዎደ አሞነ ቢታን ራባፐ ይዳ ናኦሳ ናአይ ሾብ፥ ሎዶባራ ካታማፐ ይዳ አምኤላ ናአይ ማክርነ ኦሮጋልማ ካታማፐ ይዳ ጋላዳ አደይ ባርዝለይ፥ 
\v 28 ሂፅያባታ፥ ከረታነ ሻተታ ኤህዶሶና። ቃስ ኤንቲ ግስተ፥ ባንጋ፥ ለ፥ ሻሽ፥ ቆምኦሎነ ምስረ፥ 
\v 29 ኤስ፥ ፕላ፥ መቃ ማነ ዶርሰ ዳዊታነ እያ አሳይ ማና መላ ኤክድ ይዶሶና። ሄሳ ኤንቲ ኤህዳይ፥ “አሳይ ባዞን ኮሻትስ፥ ዳቡርስ፥ ሳሞትስ” ግድ ቆፕዳ ግሾሳ።
\c 18
\s1 አበሰሎመ ሀይቁዋ
\p
\v 1 ዳዊቲ ባራ ደእያ አሳ ታይብድ ሻላቃታነ ማቶ ሀላቃታ ኤንታ ቦላ ሹምስ። 
\v 2 ዳዊቲ አሳ ሄ ጩጋን ሻክስ፤ እስ ጩጋ እዮኣብ፥ ናምአን ጩጋ እዮኣባ እሻይ፥ ፃሩያ ናአይ አብስ፥ ሄን ጩጋ ጋተ አደይ እታይ ኪቴስ። ካዎይ አሳኮ፥ “ቱማ ታ ህንተራ እስፈ ባና” ያግስ።
\p
\v 3 ሽን አሳይ፥ “ኔኒ ባናዉ በሰና! ኑኒ ባቃትያኮ ኤንቲ ኑና ኮዮኮና፤ ሀር አቶሽን ኑፐ ባጋይ ሀይቅያኮካ ኑባ ዉዳ ጎኮና። ሽን ኔኒ ነ ፃላላ ታሙ ሙኩሉፐ ዳራሳ። ሄሳ ግሾ፥ ኔኒ ካታማን ኡታዳ ኑስ ማዶ ኪትኮ ሎኦ” ያግስ።
\p
\v 4 ካዎይ፥ “ህንተና ሎእያባ ታ ኦና” ያግስ።
\p ዳዊቲ ድርሳ ፐንግያ ማታን ኤቅድ፥ አሳ ኡባይ ፄታንነ ሙኩላን ሳልፕድ ከይሽን በእስ። 
\v 5 ካዎይ እዮኣባ፥ አብሳነ እታያ፥ “ታ ግሾ ግድ፥ ሄ ናአተ አድያ አበሰሎመ ቆሆፕተ” ያግድ ኪትስ። ካዎይ ሄሳ ሀላቃታስ ኦድያ ዎደ ኦላንቾት ኡባይ ስእዶሶና።
\p
\v 6 ዳዊታ ኦላንቾት እስራኤለታራ ኦለታናዉ ኤፍሬማ ዎራን ሳልፕዶሶና። 
\v 7 ሄ በሳን ዳዊታ ኦላንቾት እስራኤለ ኦላንቾታ ፆንዶሶና። ሄ ጋላስ ዳሮ አስ ዉርስ፥ ላታሙ ሙኩሉ አስ ሀይቅስ። 
\v 8 ኦላይ ጋፃረ ኡባ ጋክስ፤ ሄ ጋላስ ዎር ዉርስዳ አሳይ ማሽ ዉርስዳ አሳፐ ዳሮ።
\p
\v 9 አበሰሎመይ ቆፖና ደእሸ ዳዊታ አሳራ ጋሄትስ። አበሰሎመይ ባ ባቁሉዋ ቶግዳሽን ዳሻ ዎላ ጋርስ ባቁሎይ ገልን፥ አበሰሎመ ሁጰይ ምን ኦይከትስ። እ ቶግዳ ባቁሎይ እያ ቶሁዋ ጋርሳፈ ብን፥ አበሰሎመይ ጫርኮ ቦላ ካቃትድ አትስ። 
\v 10 አሳፐ እሶይ ሄሳ በእድ፥ “አበሰሎመይ እስ ዎላ ቦላ ካቀትዳይሳ ታ በአስ” ያግድ እዮኣባስ ኦድስ።
\p
\v 11 እዮኣብ ባዉ ኦድዳ አድያ፥ “ዬ፥ በአስ ጋይ? ያትን አይስ እያ ዎብኪ? ነ ሄሳ ኦዳባ ግድያኮ፥ ታኒ ነዉ ታሙ ብራ ሳንትመነ እስ ሳቀ እማናሽን” ያግስ።
\p
\v 12 አደይ ዛሪድ፥ “ኔኒ ሙኩሉ ብራ ሳንትመ ታ ኩሸን ዎያኮካ ታኒ ካዋ ናኣ ቦላ ታ ኩሽያ ደንከ! ኑኒ ኡባይ ስእሽን፥ ካዎይ ነና፥ አብሳነ እታያ፥ ‘ታ ግሾ ግድ፥ ናአተ አበሰሎመ ቆሆፕተ’ ያግድ ኪትስ። 
\v 13 ታኒ ካዋ እፃዳ አበሰሎመ ዎዳባ ግድያኮ፥ ካዎይ ኡባ ስኤይሳዳ ሄሳ ስአናይስ አተና። ሄ ዎደ ኔኒ ሃክ ኤቅያ አሳፐ እሱዋ ግዳና” ያግስ።
\p
\v 14 እዮኣብ፥ “ታኒ ኔራ ኦደታሸ ዎደ ዉርስከ” ያግድ ሄ ቶራ ኤክድ፥ አበሰሎመይ ዎላ ቦላ ካቀትድ፥ ፓፃ ደእሽን ዎዛና አይፈን ጫድስ። 
\v 15 እዮኣባ ኦላ ሚሽያ ቶክያ ታሙ አሳት አበሰሎመ ዩሹዋ ተቅድ እያ ሾጭድ ዎዶሶና።
\p
\v 16 ሄሳፈ ጉየ፥ እዮኣብ ኦላ ኤሳናዉ ሞይዘ ፑንን አሳይ እስራኤለታ የደይሳ አግስ። 
\v 17 ኤንቲ አበሰሎመ ኤፍድ ዎራን ደእያ ግታ ኦላን የግድ፥ ግታ ሹቹ እያ ቦላ ዶርዶሶና። ሄ ዎደ እስራኤለ አሳ ኡባይ ባ ሶ ሶ ባቃትስ።
\p
\v 18 አበሰሎመይ ፓፃ ደእሸ፥ “ታ ሱንን ፄገትያ አደ ናእ ታዉ ባዋ” ያግድ፥ ባና ቆፍስያ ሹቹ ማስዳ ሀዉልተ ካዎ ዛንጋራን ኤስድ ሄ ሀዉልትያ ባ ሱንን ፄግስ። ሀች ጋካናዉ ሄ ሀዉልተይ “አበሰሎመ ሀዉልትያ” ጌተቴስ።
\s1 ዳዊቲ አበሰሎመስ ዬክስ
\p
\v 19 ሄሳፈ ጉየ፥ ሳዶቃ ናኣ አክማስ እዮኣባኮ፥ “እያ ሞርከታ ኩሸፐ ጎዳይ እያ አሽዳ ምሽራቹዋ ስሳናዉ ታኒ ካዋኮ ዎፃ ባዳ ኦዳና” ያግስ።
\p
\v 20 እዮኣብ፥ “አካይ! ሀች ኔኒ ምሽራቾ ኦድያ ጋላስ ግደና፤ ሀራ ጋላስ ኦዳናዉ ዳንዳኣሳ። ካዋ ናአይ ሀይቅዳ ግሾ ሀች ኦዳናዉ ኮሸና” ያግስ።
\p
\v 21 እዮኣብ ቶጰ አስ ግድዳ እስ አድያ ፄግድ፥ “ባዳ፥ ነ በእዳባ ካዋስ ኦዳ” ያግስ። ሄ አደይ እዮኣባስ ጉፋን ዝግድ ዎፅስ።
\p
\v 22 ሳዶቃ ናአይ አክማስ ናምአን እዮኣባኮ፥ “አይብካ ሀኖ፤ ታኒ ሀ ቶጰ አድያ ጌዶ ዎፃና” ያግስ።
\p እዮኣብ፥ “ታ ናአዉ፥ ነዉ ዎይቶይ ባይናባን አይስ ዎፃናዉ ኮያይ?” ያግስ።
\p
\v 23 አክማስ፥ “አይብካ ሀኖ፤ ታኒ ዎፃናዉ ኮያይስ” ያግስ።
\p እዮኣብ፥ “ያኮ ዎፃ” ያግስ። ሄሳ ግሾ፥ አክማስ ደምባ ኦግያ ኦይክድ ዎፅሸ ብድ ቶጰ አድያ የግድ አስ።
\p
\v 24 ዳዊቲ ሶ ፐንግያፈነ ካረ ፐንግያፈ ግዶን ኡትዳሽን፥ ናግያ ኡራይ ኬ ቦላ ከይድ፥ እስ አደይ ባርካ ዎፅሸ የይሳ በእስ። 
\v 25 ናግያ ኡራይ ካዋ ፄግድ ኦድስ።
\p ካዎይ፥ “እ ባርካ ደእኮ፥ ምሽራቾ ኤክድ ዬስ” ያግስ። ዎፅያ አደይ ኤንታኮ ማትሸ ይስ።
\p
\v 26 ናገይስ ሀራ ዎፅያ አስ በእድ ፐንግያ ናግያ አድያኮ፥ “ሀራ አስካ ባርካ ዎፅሸ ዬስ” ያግስ።
\p ካዎይ፥ “ሀ አደይካ ቃስ ምሽራቾ ኤክድ ዬስ” ያግስ።
\p
\v 27 ናገይስ፥ “ኮይሮ አድያ ዎይ ሳዶቃ ናኣ አክማሳ ዎ ታዉ ዳኔስ” ያግስ።
\p ካዎይ፥ “እ ሎኦ አስ፤ እ ሎኦ ኦዳራ ዬስ” ያግስ።
\p
\v 28 አክማስ ካዋ ፄግድ፥ “ኡባባይ ሎኦ!” ያግስ። ካዋ ስንን ጉፋን ዝግድ፥ “ታ ጎዳ፥ ካዋ ቦላ ባንታ ኩሽያ ደንዳ አሳታ ነዉ አድ እምዳ ጎዳይ፥ ነ ፆሳይ ጋላተቶ” ያግስ።
\p
\v 29 ካዎይ፥ “ናአተይ፥ አበሰሎመይ ሳሮ?” ያግድ ኦይችስ።
\p አክማስ፥ “እዮኣብ ታና ኪታና ሀንያ ዎደ ዎልቃማ ዋሶ ስአስ፥ ሽን እ አይበኮ ታኒ ኤራብከ” ያግስ።
\p
\v 30 ካዎይ፥ “ያ ሺቃ ኤቃ” ያግን እ ሃክድ ኤቅስ።
\p
\v 31 ሄሳፈ ጉየ፥ ቶጰ አደይ ጋክድ፥ “ታ ጎዳዉ፥ ካዋዉ፥ ታ ነዉ ምሽራቾ ኦዳይስ! ነ ቦላ ደንድያ ኡባ ኩሸፐ ጎዳይ ሀች ነና አሽስ” ያግስ።
\p
\v 32 ካዎይ ቶጰ አድያኮ፥ “ናአተ አደይ አበሰሎመይ ሳሮ?” ያግድ ኦይችስ።
\p ቶጰ አደይ፥ “ታ ጎዳዉ፥ ካዋዉ፥ ነ ሞርከትነ ነ ቦላ ኢታባ ኦናዉ ደንደይሳት ኡባይ ሄ ናአተ አድያዳ ሀኖና” ያግስ።
\p
\v 33 ካዎይ ዳሮ አዛንስ፤ ፐንግያፈ ቆሞ ባጋን ደእያ ኬ ገልድ ዬክስ። ካዎይ፥ “ዪ፥ ታ ናአዉ አበሰሎመ ታሳ! ታ ናአዉ ታሳ! ነ ግሾ ታ ሀይቃርክና! ዪ፥ ታ ናአዉ አበሰሎመ ታሳ!” ያግድ ዬክስ።
\c 19
\p
\v 1 ካዎይ፥ “ባ ናኣ አበሰሎመስ ዬከስነ ዘሌለስ” ያግድ እዮኣባስ ኦድዶሶና። 
\v 2 ካዎይ ባ ናኣስ ዬከይሳ ስእዳ ግሾ፥ ሄ ጋላስ ኤንቲ ኡባይ ፆንዳ ፆኖይ ዬሆን ላመትስ። 
\v 3 ኦላፐ ባቃትድ ዬላን ጉየ ስምዳ ኦላንቾዳ ሄ ጋላስ አሳይ ዶና ፖጎና ካታማ ገልዶሶና። 
\v 4 ካዎይ ጉሉንትድ፥ ባ ቃላ ቁ ኦድ፥ “ዪ፥ ታ ናአዉ አበሰሎመ! ዪ፥ ታ ናአዉ! አበሰሎመ ዪ!” ያግድ ዘሌልስ።
\p
\v 5 ሄሳፈ ጉየ፥ እዮኣብ ካዋ ሶ ብድ፥ “ነና፥ ነ አደ ናይታ፥ ነ ማጫ ናይታ፥ ነ ማቸታነ ነ ላገታ አሽዳ ነ አሳ ኡባ ሀች ኔኒ ካዉሻዳሳ። 
\v 6 ነና እፀይሳታ ኔኒ ዶሳሳ፤ ነና ዶሰይሳታ ኔኒ እፃሳ። ነ ኦላንቾትነ ኤንታ ሀላቃት ነዉ አይኮካ ግዶናይሳ ኔኒ ሀች ቆንጭሳዳሳ። ኑኒ ኡባይ ሀይቅን፥ አበሰሎመይ ሀች ፓፃ አትዳኮ ኔኒ ኡፋይታናይሳ ታ በአስ። 
\v 7 ሀእ ደንዳ! ካረ ከያዳ ነ አሳ ምን። ታ ጎዳ ሱንን ጫቃይስ፤ ኔኒ ከዮና እፅኮ፥ ሀች ቃማ ኔራ እስ አስካ አተና። ናአተፈ ሀች ጋካናዉ ነና ጋክዳ ኢታ ኡባፈ ሀይስ ነዉ አዳ ኢታ ግዳና” ያግስ።
\s1 ዳዊቲ የሩሳላመ ስምስ
\p
\v 8 ሄሳ ግሾ፥ ካዎይ ደንድድ ፐንግያ ማታን ኡትስ። ካዎይ ፐንገን ኡትዳይሳ አሳ ኡባይ ስእዳ ዎደ ካዋኮ ይዶሶና።
\p ሄ ዎደ እስራኤለ አሳ ኡባይ ባንታ ሶ ሶ ባቃትዶሶና። 
\v 9 እስራኤለ ኮቻት ኡባይ እሶይ እሱዋራ ሀይሳዳ ያግድ ፓላምዶሶና፤ “ካዎይ ዳዊቲ ኑና ኑ ሞርከታ ኩሸፐ አሽስ፤ ኑና ፍልስፄመታ ኩሸፐ ዎስስስ፤ ሽን እ ሀእ አበሰሎመ ጋሶን ቢታ አግድ ባቃትስ። 
\v 10 ኑ ቦላ ካዎታናዳ ኑኒ ትይዳ አበሰሎመይ ኦላን ሀይቅስ። ያትን፥ ካዋ ጉየ ኤሀናባ ህንተ አይስ ስእ ግደቲ?” ያግዶሶና።
\p
\v 11 ካዎይ ዳዊቲ ካህነታ ሳዶቃነ አብያታራ ኪትድ፥ ይሁዳ ጭማታኮ ሀይሳዳ ያግስ፤ “እስራኤለ አሳ ኡባይ ኦደትያ ኦዳይ ካዋ ጋክስ። ያትን፥ ካዋ እያ ጋ ዛር ኤሀናዉ ህንተ አይስ ጉየ አቴቲ? 
\v 12 ህንተ ታ እሻታ፤ ህንተ ታ አሾነ ታ ሱ። ያትን፥ ካዋ ጉየ ዛር ኤሀናዉ ህንተ አይስ ሀራታፐ ጉየ አቴቲ?” ያግስ። 
\v 13 ቃስ ዳዊቲ አማሳኮ፥ “ኔኒ ታ አሾነ ታ ሱ ግድኪ? ሀችፈ ዶምን፥ ታኒ ነና እዮኣባ በሳን ታ ቶራ ሞጮና ኦና እፅኮ፥ ፆሲ ታና ፕርዶ” ያግስ።
\p
\v 14 እ ይሁዳ አሳ ኡባ ዎዛና እስኖ ኦድ ሻምስ። ሄሳ ግሾ፥ ኤንቲ ካዋኮ ኪትድ፥ “ኔራ ነ አሳራ ኡባይ ሃ ስምተ” ያግዶሶና። 
\v 15 ካዎይ ስሚድ፥ ዮርዳኖሰ ሻፋ ጋካናዉ ይስ። ይሁዳ አሳይ ካዋ ዮርዳኖሰ ሻፋ ፕንናዉ ጋልጋላ ብዶሶና።
\p
\v 16 ብራቅማ አደይ፥ ብንያመ ኮቻይ፥ ጌራ ናአይ ሳም ዳዊታ ሞካናዉ ኤለስድ ይሁዳ አሳራ ብስ። 
\v 17 እያራ ብንያመ ኮቸ ግድዳ ሙኩሉ አሳይ፥ ሳኦላ አይለይ ሲብ፥ ታማነ እቻሹ እያ ናይትነ ላታሙ አይለት እያራ ደኦሶና። ኤንቲ ካዎይ ደእያ በሳ ዮርዳኖሰ ሻፋ ድርግሸ ብዶሶና። 
\v 18 ካዋ ሶ አሳ ኤሀናዉነ ካዋ ኡፋይስያባ ኦናዉ ፕንያ በሳራ ፕንዶሶና።
\p ጌራ ናአይ ሳም ዮርዳኖሰ ሻፋ ፕንዳ ዎደ ካዋ ስንን ጉፋንድ፥ 
\v 19 “ካዋዉ ታ ናጋራ ታይቦፓ። ታ ጎዳይ፥ ካዎይ፥ የሩሳላመፐ ከይያ ዎደ ታኒ ነ አይለይ ቆህዳ ቆሁዋ ሀሳዮፓ። ሄሳ ነ ኡሎን ኦይኮፋ። 
\v 20 ነ አይለይ ታኒ ናጋራ ኦዳይሳ ኤራይስ፤ ሽን ታ ጎዳ፥ ካዋ ሞካናዉ ዮሰፋ ሶ አሳ\f + \fr 19:20 \fr*\ft ዎይኮ ፑደሀ ባጋን ደእያ እስራኤለ ዘረ ኡባፈ ጉሱ።\ft*\f* ኡባፈ ኮይሮታዳ ታኒ ሀች ያስ” ያግስ።
\p
\v 21 ፃሩያ ናአይ አብስ፥ “ሳም ጎዳይ ትይዳ ካዋ ባድዳ ግሾ ሀይቃናዉ በሰነዬ?” ያግስ።
\p
\v 22 ዳዊቲ አብሳኮ፥ “ህንተኖ፥ ፃሩያ ናይቶ፥ ህንተና ጋያባይ አይቤ? ህንተ ሀች ታዉ ሞርከ ግዴት! ሀች እስራኤለን አይ አስካ ሀይቀና! ሀች እስራኤለ ካዎይ ታና!” ያግስ።
\p
\v 23 ካዎይ ሳም፥ “ነ ሀይቃካ” ያግድ ጫቅስ።
\p
\v 24 ቃስ ሳኦላ ናአይ መምፕቦስተይ ካዋ ሞካናዉ ዱገ ዎስ። ካዎይ ብዳ ጋላሳፐ ዶምድ እ ሳሮን ጉየ ስምያ ጋላስ ጋካናዉ መምፕቦስተይ ባ ቶሁዋነ ባ ማኡዋ ሜጭቤና፤ ባ ቡቻ ሜድቤና። 
\v 25 መምፕቦስተይ ካዉዋራ ጋሄታናዉ የሩሳላመፐ ይዳ ዎደ ካዎይ፥ “መምፕቦስተ፥ ኔኒ ታራ አይስ ባብኪ?” ያግድ ኦይችስ።
\p
\v 26 መምፕቦስተይ፥ “ታ ጎዳዉ ካዋዉ፥ ታኒ ነ አይለይ ስላ ግድያ ግሾ ‘ታኒ ቶጋዳ ካዉዋራ ባና መላ ታ ሀርያ ኮራ’ ያጋስ። ሽን ታ አይለይ ሲብ ታና ጭምስ። 
\v 27 ታ ጎዳ፥ ካዋስ ዎርዶ ኦድድ ታ ሱን ኢስስ። ኔኒ ታ ጎዳይ፥ ካዎይ ፆሳ ኪታንቾ መላ ግድያ ግሾ ነና ሎእዳባ ኦ። 
\v 28 ታ አዋ ሶ አሳ ኡባይ ሀይቃናዉ በሴስ፥ ሽን ታኒ ነ አይለይ ነ ጋይታፐ መይሳታራ ማና መላ ታዉ በሰ እማዳሳ። ያትን፥ ሄሳፈ አያባ ካዋ ኦይቻናዉ ታዉ አይ ማት ደኢ?” ያግስ።
\p
\v 29 ካዎይ ዛሪድ፥ “ኔኒ ዳሮባ ኦደታናዉ ኮሸና። ኔራ ሲባራ ጋድያ ሻከትድ ኤካና መላ ኪታስ” ያግስ። 
\v 30 መምፕቦስተይ፥ “ታ ጎዳይ፥ ካዎይ ሳሮ ሶ ስማፈ አትሽን፥ ኡባይ ሲባስ ግዶ” ያግስ።
\p
\v 31 ጋላዳ አደይ ባርዝለይ ካዉዋራ እስፈ ዮርዳኖሰ ፕንድ እያ ሞይዛናዉ ሮጋልማፐ ይስ። 
\v 32 ባርዝለይ ላይ ሆስፑን ታሙ ግድዳ ጭማ አስ። እ ዳሮ ዱረ ግድያ ግሾ ካዎይ ማሀናይማ ካታማን ደእያ ዎደ ካዋስ ኮሽያባ እሚስ። 
\v 33 ካዎይ እያኮ፥ “ኔኒ ታራ የሩሳላመ የ፤ ታኒ ነዉ ኮሽያባ እማና” ያግስ።
\p
\v 34 ሽን ባርዝለይ፥ “ታኒ ህዛፐ ዳሮ ላይ ደእከ፤ ታኒ ካዉዋራ የሩሳላመ አይስ ቦ? 
\v 35 ታኒ ሀእ ሆስፑን ታሙ ላይ አስ፤ ታኒ ኢታነ ሎኦ ሻካዳ ኤራናዉ ዳንዳእያና? ታኒ ነ አይለይ ታ ምያባነ ኡያባ ማልኡዋ ሻካዳ ኤራናዉ ዳንዳእያና? ታኒ አደነ ማጫ የ ሻካዳ ስአናዉ ዳንዳእያና? ያትን፥ ታኒ ነ አይለይ፥ ታ ጎዳዉ ካዋዉ አይስ ቶሆ ግዶ? 
\v 36 ታኒ ነ አይለይ ነና ዮርዳኖሰ ፕንና። ሽን ካዎይ ታዉ ኩሸ ዛራናዉ አይስ ኮሺ? 
\v 37 ታኒ ታ አዋነ ታ አየ ዱፉዋ ማታን ታ ካታማን ሀይቃና መላ ስማይስ። ነ አይለይ ክምሃም ሀይስሽ፤ ታ ጎዳ፥ ካዉዋራ እ ቦ፤ ነና ኡፋይስያባ እያዉ ኦ” ያግስ።
\p
\v 38 ካዎይ፥ “ክምሃም ታራ ፕኖ፤ ነና ኡፋይስያባ ታኒ እያዉ ኦና። ቃስ ኔኒ ታና ኦይችያባ አይባ ግድኮካ ታኒ ነዉ ኦና” ያግስ። 
\v 39 ሄሳፈ ጉየ፥ አሳ ኡባይ ዮርዳኖሰ ፕንዶሶና፤ ካዎይካ ፕንስ። ካዎይ ባርዝለ ዬርድ አንጅስ፤ ባርዝለይ ባ ሶ ስምስ።
\p
\v 40 ካዎይ ዮርዳኖሰ ፕንድ ጋልጋላ ብያ ዎደ ክምሃም እያራ እስፈ ብስ። ይሁዳ ኦላንቾት ኡባይነ እስራኤለ ኦላንቾታፐ ባጋት ካዉዋራ ብዶሶና።
\p
\v 41 እስራኤለ ኡባይ ካዋኮ ብድ፥ “ኑ እሻት፥ ይሁዳ አሳይ ካዋነ እያ ሶ አሳ ቆስድ፥ እያ አሳራ እስፈ ዮርዳኖሰ አይስ ፕንዶና?” ያግዶሶና።
\p
\v 42 ይሁዳ አሳይ፥ “ኑኒ ሄሳ ኦዳይ ካዎይ ኑስ ማታ ዳቦ ግድያ ግሾሳ። ያትን፥ ህንተ ሄሳስ አይስ ይሎተቲ? ኑኒ ካዉዋፐ አይኮ ምዶ? ዎይኮ ኑኒ እያፐ አይኮ ኤክዶ?” ያግዶሶና።
\p
\v 43 እስራኤለ አሳይ፥ “ካዉዋፐ ታሙ ኩሸይ ኑሳ፤ ዳዊታ ማታን ኑስ ህንተፈ አ ማት ደኤስ! ያትን፥ ህንተ ኑና አይስ ካደቲ? ካዋ ጉየ ዛሪድ ኤሀናዉ ኮይሮትድ ኦድዳይ ኑና ግዶኮ?” ያግዶሶና።
\p ሽን እስራኤለ አሳፐ ይሁዳ አሳይ ዳሮ ዎልቃንድ ሃሳይዶሶና።
\c 20
\s1 ሳበእ ዳዊታ ቦላ ደንድስ
\p
\v 1 ብንያመ ኮቸ ግድዳ ብክራ ናአይ ሳበአ ጌተትያ መቶ መያ አደይ ያን ደኤስ። ሄ አደይ ሞይዘ ፑንድ፥ “ኑስ ዳዊታራ ግሾይ ባዋ! እሰየ ናኣራ ኑስ ላት ባዋ! እስራኤለ አሳዉ፥ ኡባይ ህንተ ሶ ሶ ገልተ!” ያግስ። 
\v 2 እስራኤለ አሳ ኡባይ ዳዊታ አግድ፥ ብክራ ናኣ ሳበኤራራ ብዶሶና። ሽን ይሁዳ አሳይ ዮርዳኖሰፐ የሩሳላመ ጋካናዉ አጎና ባንታ ካዋ ካልዶሶና።
\p
\v 3 ዳዊቲ የሩሳላመን ደእያ ባ ጋ ስምዳ ዎደ፥ ካዎ ጋ ናጋና መላ አሽዳ ታሙ ላገታ ኤፍድ እስ ኬን ናግስድ ዎስ። ኤንታዉ ኮሽያባ እሚስ፥ ሽን ኤንታራ አቅቤና። ኤንቲ ሄ ኬን ናገትድ፥ ሀይቃና ጋካናዉ አምኦ ግድድ ደእዶሶና።
\p
\v 4 ካዎይ አማሳኮ፥ “ይሁዳ አሳ ኡባ ሄ ጋላሳን ታዉ ፄጋዳ ሺሻ፤ ነካ ኤንታራ ሺቃ” ያግስ። 
\v 5 አማስ ይሁዳ አሳ ፄጋናዉ ብስ፤ ሽን ካዎይ ግዳ ጋላሳን ስማናዉ ዳንዳእቤና።
\p
\v 6 ዳዊቲ አብሳኮ፥ “ሀእ ብክራ ናኣ ሳበእ አበሰሎመፐ አድ ኑና ቆሀና። ነ ጎዳ ኦላንቾታ ኤካዳ ኔኒ እያ ጌዶ ካላ። ሄስ ሀኖና እፅኮ እ ግምበትዳ ካታማታ ደምድ ኑፐ ከስ ኤካና” ያግስ። 
\v 7 እዮኣባ አሳይ፥ ካዋ ናገይሳትነ ምኖ ኦላንቾት ኡባይ አብሳራ ብክራ ናኣ ሳበአ ጌዶ ካላናዉ የሩሳላመፐ ከይድ ብዶሶና።
\p
\v 8 ኤንቲ ብድ ጋባኦናን ደእያ ዎጋ ዛላ ጋክያ ዎደ አማስ ኤንታራ ጋሄታናዉ ይስ። እዮኣብ ኦላ ማኡዋ ማእ ኡትስ፤ ባ ፄሳን ማሻ ዳንጭስ። እ ታንግሽን እያ ማሻይ ሾሁዋፐ ከስ ኤክድ ዎስ።
\p
\v 9 እዮኣብ፥ “ታ እሻዉ፥ ነ ሳሮ ደአይ?” ያግድ፥ አማሳ ዬራናዉ ባ ኡሻቻ ኩሽያን እያ ቡቻ ኦይክስ። 
\v 10 ሽን አማስ እዮኣባ ሀድርሳ ኩሽያን ደእያ ማሻ በእቦና ግሾ፥ እያፐ ናገትቤና። እዮኣብ እያ ኡሉዋን ጫድድ ማራጭያ ቢታን ዛዝስ። አማስ እስ ጫቻን ሀይቅዳ ግሾ ዛር ጫድቤና።
\p እዮኣብነ እያ እሻ አብስ ብክራ ናኣ ሳበአ ጌዶ ካልዶሶና። 
\v 11 እዮኣባ አሳፐ እሶይ አማሳ አሀ ማታን ኤቅድ፥ “እዮኣባ ዶሰይነ ዳዊታባ ግድያ ኦንካ እዮኣባ ካሎ” ያግስ። 
\v 12 አማስ ሱን ኢትድ ኦግያስ ግዶን ኩንድድ ዝንእስ። ኦላንቾት ኡባይ ይድ፥ ሄ በሳን ኤቅዳይሳ ሄ አደይ በእድ፥ አማሳ አሀ ኦግያፐ ሾቃን ጎች ከስድ፥ እያ ቦላ ማኦ የግስ። 
\v 13 አማሳ ኦገፐ ድግዳፐ ጉየ፥ ብክራ ናኣ ሳበአ ጌዶ ካላናዉ ኦላንቾት ኡባይ እዮኣባራ ብዶሶና።
\p
\v 14 ሳበእ እስራኤለ ኮቻታ ቢታራ ካንድ፥ አቤል-ቤት-ማእካ ካታማ ጋክስ። በራታ ቢታራ ካንሽን፥ አሳ ኡባይ ሺቅድ እያ ካልዶሶና። 
\v 15 እዮኣባራ ደእያ አሳይ ጋክድ፥ ሳበእ ደእያ አቤል-ቤት-ማእካ ካታማ ተቅዶሶና። ኤንቲ ካታማ ግምብያስ ጉየ ባጋራ ቢታ ዶርዶሶና። እዮኣባራ ደእያ አሳይ ግምብያ ላላናዉ ቆፆሶና። ኤንቲ ቆፅሽን፥ 
\v 16 ካታማፐ እስ ጭንጫ ማጫስ ኤንታ ፄጋዳ፥ “ስእተ! ስእተ! ብድ፥ እዮኣባ ፄግተ። ታኒ እያዉ ኦዳናባይ ደኤስ” ያጋሱ። 
\v 17 እ ማጫሴኮ ይን፥ እያ፥ “ኔኒ እዮኣቤ?” ያጋዳ ኦይቻሱ።
\p እዮኣብ፥ “ኤ፥ ታና” ያግስ።
\p ማጫስያ፥ “ታኒ ነ አይልያ ግያባ ስአ” ያጋሱ።
\p እዮኣብ፥ “ታኒ ስአይስ” ያግስ።
\p
\v 18 ማጫስያ፥ “በን ዎደ አሳይ፥ ‘ነ ኦይሻስ አብኤላ ካታማ ባ’ ጊኮ ኦድ ዉሬስ። 
\v 19 እስራኤለ ግዶን ሳሮነ አማንያ አስ ኑና። እስራኤለ ቢታን አዮ ግድዳ ካታምዉ ኔኒ ይሳናዉ ቆፓሳ። ኔኒ ጎዳ ላታ ቢታ አይስ ይሳናዉ ኮያይ?” ያጋሱ።
\p
\v 20 እዮኣብ፥ “ሄስ ታፐ ሃኮ! ካታማ ይሶይ ዎይኮ ላለ ታፐ ሃኮ! 
\v 21 ኑ ቆፋይ ሄሳ ግደና። ደረይ ዳርያ ኤፍሬማ ቢታን ብክራ ናኣ ሳበአ ጌተትያ አደይ ካዋ ዳዊታ ቦላ ደንድስ። ሄ አድያ ታዉ እምተ፤ ታኒ ካታማ የዳዳ ባና” ያግስ።
\p ማጫስያ፥ “እያ ሁጵያ ግምብያ ቦላራ ነዉ ሆላና” ያጋሱ።
\p
\v 22 ሄሳፈ ጉየ፥ ማጫስያ ባ ጭንጫ ዞርያራ አሳኮ ባሱ። አሳይ ብክራ ናኣ ሳበአ ቆፐ ቃንፅድ ሁጵያ እዮኣባስ ሆልዶሶና። ያትን፥ እዮኣብ ሞይዘ ፑንን አሳ ኡባይ ካታማፐ ከይድ፥ ባ ሶ ሶ ብን፥ እዮኣብ ካዋኮ የሩሳላመ ስምስ።
\p
\v 23 እዮኣብ እስራኤለ ኦላንቾታ ኡባ ሀላቃ ግድሽን፥ ዮዳሄ ናአይ ባናያስ ዳዊታ ናገይሳታ ሀላቃ። 
\v 24 አዶንራም ዎልቃ ኦሶ ኦይሳታ ሀላቃ ግድሽን፥ አህሉዳ ናአይ እዮሳፍፅ ሀንዳባ ፃፈይሳ። 
\v 25 ሱስ ዋና ፃፈ ግድሽን፥ ሳዶቅነ አብያታር ካህነ። 
\v 26 ቃስ ያእራ አደይ እርክ ዳዊታ ካህነታፔ እሱዋ።
\c 21
\s1 ጋባኦናታ ሀሎ ከሳ
\p
\v 1 ዳዊታ ካዎተ ላይን ቢታይ ሄ ላይ ኩመ ኮሻትስ። ሄሳ ግሾ፥ ዳዊታ ጎዳ ኦይችን፥ ጎዳይ፥ “ሄስ ሀንዳይ ሳኦልነ እያ ሶ አሳይ ጋባኦና አሳ ዎዳ ግሾ ሱ ጎመይ ኤንታ ጋክስ” ያግስ።
\p
\v 2 ያትን ካዎይ ጋባኦና አሳ ፄግድ ኦድስስ። ጋባኦና አሳት እስራኤለ ዛረ ግዶናሽን፥ ኤንቲ አሞረ አሳፐ አትዳይሳታ። እስራኤለት ኤንታ አሻናዉ ኤንታራ ጫቅዶሶና፤ ሽን ሳኦል እስራኤለስነ ይሁዳስ ምሸትዳ ግሾ፥ ኤንታ ኩመ ይሳናዉ ኮይስ። 
\v 3 ዳዊቲ ጋባኦና አሳ፥ “ታኒ ህንተዉ አይ ኦ? ጎዳ ላታ ህንተ አንጃና መላ ታኒ ህንተና አይ አጮ?” ያግስ።
\p
\v 4 ኤንቲ ዛሪድ፥ “ኑኒ ሳኦላፐ ዎይኮ እያ ሶ አሳፐ ዎርቃ ዎይኮ ብራ ኦይቾኮ። ቃስ እስራኤለ ግዶፈ እስ አስካ ዎናዉ ኑስ ማት ባዋ” ያግዶሶና።
\p ዳዊቲ፥ “ያትን፥ ታኒ ህንተዉ አይ ኦና መላ ኮዬቲ?” ያግድ ኦይችስ።
\p
\v 5 ኤንቲ፥ “ሳኦል ኑና ይስስ፤ ኑፐ አይ አስካ እስራኤለ ቢታን አዉንካ ፓፃ ዶና መላ ማቀትስ። 
\v 6 ሄሳ ግሾ፥ ሳኦላ ኮቻፈ ላፑን አደታ ኑስ እማ። ጎዳይ ዶርድ እያ ካዎዳ ሳኦላ ካታማን፥ ግብአን፥ ጎዳ ስንን ኑኒ ኤንታ ካቃና” ያግዶሶና።
\p ካዎይ፥ “ታኒ ኤንታ ህንተዉ አዳ እማና” ያግስ።
\p
\v 7 ሳኦላ ናአይ ዮናታንነ ዳዊቲ ጎዳ ስንን ጫቅዳ ጫቁዋ ግሾ፥ ሳኦላ ናኣ፥ ዮናታና ናኣ መምፕቦስተ ካዎይ አሽስ። 
\v 8 ሽን ካዎይ ዳዊቲ እዮሄላ ናእያ ራፅፋ ሳኦላስ የልዳ ናምኡ አደ ናይታ፥ አርሞናነ መምፕቦስተ፥ ቃስ ሳኦላ ናእያ መሮባ፥ ማሆላ አድያ ባርዝለ ናኣ አድርኤላስ የልዳ እቻሹ አደ ናይታ ኤክስ። 
\v 9 ጋባኦና አሳስ አድ እምን፥ ኤንቲ ጎዳ ስንን ዙማ ሁጰን ካቅዶሶና፤ ላፑናይ እስፈ ሀይቅዶሶና። ኤንቲ ባንጋ ጫካ ዶምያ ዎደ ሀይቅዶሶና።
\p
\v 10 እዮሄላ ናእያ ራፅፋ ካዮ አፍላ ኤካዳ ዛላ ቦላ ባዉ ሂፃዳ፥ ካ ጫክያ ዎድያፐ ብድ አሀታ ቦላ እር ቡካና ጋካናዉ ጋላስ ካፎይ፥ ቃማ ዶእ ቦቾናዳ ናጋሱ።
\p
\v 11 ሳኦላ ላገያ፥ እዮሄላ ናእያ ራፅፋ ኦዳይሳ ዳዊቲ ስእስ። 
\v 12 ዳዊቲ ብድ፥ ሳኦላ መቀነ እያ ናኣ ዮናታና መቀ ጋላዳን ደእያ ያበሳ አሳፐ ኤክስ። ፍልስፄመት ሳኦላነ እያ ናይታ ግልቦአ ደርያ ቦላ ዎድ፥ ቤት-ሳና ጉታራፐ ያበሳ አሳይ ካይሶትድ ኤክዶሶና። 
\v 13 ዳዊቲ ሳኦላ መቀነ እያ ናኣ ዮናታና መቀ ሄ በሳፈ ኤህስ። ቃስ ካቀትዳ ላፑን አሳታ መቀካ ሺሽስ። 
\v 14 ሳኦላ መቀነ እያ ናኣ ዮናታና መቀ ብንያመ ቢታን ፀላ ካታማን እያ አዋ ቂሳ ዱፉዋን ሞግዶሶና። ካዎይ ኪትዳባ ኡባ ኤንቲ ፖልዶሶና። ሄሳፈ ጉየ፥ ኤንቲ ሄ ቢታ ግሾ ዎስዳ ዎሳ ፆሳይ ስእስ።
\s1 ፍልስፄመታራ ኦለትዳ ኦላ
\r (1 ታር 20:4-8)
\p
\v 15 ፍልስፄመታ ግዶንነ እስራኤለ አሳ ግዶን ዛሪድ ኦል ደንድን፥ ዳዊቲ ባ አሳራ ብስ። ፍልስፄመታራ ኦለትድ ዳዊቲ ዳቡርስ። 
\v 16 ራፋያ ያራፐ ይሽብብኖባ ጌተትያ አደይ ደኤስ። ናሰ ብራታፐ ኦሰትዳ እ ኦይክያ ቶራይ ሄ ክሎ ግራመነ ባጋ፤ እ ኦራ ማሽ ዳንጭድ፥ ዳዊታ ዎናዉ ቆፕድ ደኤስ። 
\v 17 ሽን ፃሩያ ናአይ አብስ ዳዊታ አሽስ፤ እ ፍልስፄመ አድያ ዎስ። ሄሳፈ ጉየ፥ ዳዊታ አሳይ፥ “እስራኤለ ፆምፐይ ቶኦናዳ ኔኒ ዛራዳ ኑራ ኦላ ባካ” ያግድ ጫቅዶሶና።
\p
\v 18 ጎባ ጌተትያ በሳን ፍልስፄመታራ ሀራ ኦል ደንድስ። ሄ ዎደ ኩሳታ አደይ ሳባክ፥ ራፋ ያራ ግድዳ ሳፋ ጌተትያ ኡራ ዎስ። 
\v 19 ቃስካ ሄ በሳን ፍልስፄመታራ ሀራ ኦል ደንድን፥ ቤተለመፐ ይዳ ያእራ ናኣ፥ ኤልሀናን፥ ቶራ ቶማይ ዋንዳራሸ መላ ግድዳ ጋተ አድያ ጎልያዳ ዎስ።
\p
\v 20 ቃስካ ጋተን ሀራ ኦል ደንድስ። ሄ በሳን እስ አዱሳ አደይ ደኤስ። ሄ አድያስ እስ እስ ኩሽያንነ እስ እስ ቶሁዋን ኡሱፑን፥ ዎል ቦላ ላታማነ ኦይዱ ብራት ደኦሶና። እካ ራፋያ ያራፐ ግድዳ አስ። 
\v 21 ሄ አደይ እስራኤለ ቡሻይዳ ዎደ ዳዊታ እሻ ሳማ ናአይ ዮናታን እያ ዎስ።
\p
\v 22 ሀ ኦይዳት ጋተን ደእያ ራፋያ ያራታ። ኤንታ ዳዊቲነ እያ አሳይ ዎዶሶና።
\c 22
\s1 ዳዊታ ፆኖ ማዝሙረ
\r (ማዝ 18:1-50)
\p
\v 1 ጎዳይ ሳኦላ ኩሸፐነ እያ ሞርከታ ኡባ ኩሸፐ አሽዳ ጋላስ ዳዊቲ ጎዳስ ሀ ማዝሙርያ የፅስ።
\q1
\v 2 ጎዳይ ታ ዛላ፤
\q2 ታዉ ሚፃ፤
\q2 እ ታና አሸይሳ።
\q1
\v 3 ታ ፆሳይ ታኒ ባቃታዳ አትያ ዛላ፤
\q2 እ ታ ጎንዳልያ፤
\q2 እ ታ አቶተ ዎልቃ።
\q1 እ ታኒ ባቃታዳ አትያ በሲ፤
\q2 ነ ታና ማካላንቾታ ኩሸፐ አሻሳ።
\q1
\v 4 ጋላት በሲያ ጎዳ ታኒ ፄጋና፤
\q2 ታኒ ታ ሞርከታፐ አታና።
\q1
\v 5 ሀይቆ ዙለይ ታና ተቅስ፤
\q2 ዮ ድኦይ ታና ዳጋንስ።
\q1
\v 6 ስኦለ ዎዶሮይ ታና ቃቻና ሀኔስ፤
\q2 ሀይቆይ ፅሄዳ ታና ኦይክስ።
\q1
\v 7 ታና መቶይ ኡንኤን ጎዳ ፄጋስ፤
\q2 ታና ማዳና መላ ታ ፆሳኮ ዋሳስ።
\q1 እ ባ ኬን ታ ቃላ ስእስ፤
\q2 ታ ዋስዳ ዋሶይ እያ ሀይን ዎስ።
\q1
\v 8 ፆሳይ ሀንቀትዳ ግሾ፥
\q2 ቢት ቃፅስ፤ ቡቀትስ፤
\q2 ሳሎታ ፃጶይ ኮኮርስ፤ ቃፅስ
\q1
\v 9 እያ ሲያፐ ጩያይ ከይስ፤
\q2 እያ ዶናፐ ታማ ላጮይነ
\q2 ፁግያ ቦንቆይ ከይስ።
\q1
\v 10 ሳሉዋ ጳልቅድ ዱገ ዎስ፤
\q2 እያ ቶሁዋፐ ጋርሳራ ሳካና ም ደኤስ።
\q1
\v 11 ክሩበታን ኡትድ ፓልስ፤
\q2 ጫርኮ ቀፍያ ቦላ ኡትድ ብስ።
\q1
\v 12 ባና ማን ተቅስ፤
\q2 እያ ዱንካነይ እራራ ስከትዳ ሻራ።
\q1
\v 13 እያ ስንን ደእያ ፖኡዋፐ
\q2 ታማ ቦንቆይ ከዬስ።
\q1
\v 14 ጎዳይ ሳሎፐ ጉምስ፤
\q2 ኡባፈ ቃ ፆሳይ ባ ቃላ ስስስ።
\q1
\v 15 ባ ዶንግያ ዱክድ፥ ባ ሞርከታ ላልስ፤
\q2 ዎልአን ፖኦ ኪትድ፥ ኤንታ የደስ።
\q1
\v 16 ጎዳይ ሴርዳ ዎደነ
\q2 ሀንቀትድ ፔኑቅዳ ዎደ፥
\q2 አባ ግዶን ቢታይ በንትስ፤
\q1 ሳኣ ባሶይካ ቆንጭስ።
\q1
\v 17 ጎዳይ ቦላፈ ኩሸ የድድ፥
\q2 ታና ኦይክስ፤
\q2 ጪሞ ሃፈ ታና ከስስ።
\q1
\v 18 እ ታና ታ ዎልቃማ ሞርከታፐ፥
\q2 ታ ዎልቃፈ ቦላ ግድዳ ታና እፀይሳታፐ አሽስ።
\q1
\v 19 ታ መቱዋ ጋላስ ኤንቲ ታ ቦላ ደንድዶሶና፤
\q2 ሽን ጎዳይ ታና ዘምፕሰይሳ።
\q1
\v 20 እ ታና ዳልጋ በሲ ከስስ፤
\q2 ታናን ኡፋይትዳ ግሾ ታና አሽስ።
\q1
\v 21 ታ ፅሎተዳ ጎዳይ ታዉ ቃንፅስ፤
\q2 ታ ኩሸ ጌሻተዳ ታዉ ዛርስ።
\q1
\v 22 አይስ ጊኮ ታኒ ጎዳ ኦግያ ካላስ፤
\q2 ቃስ ታ ፆሳ አጋዳ ኢታ ኦብከ።
\q1
\v 23 ታኒ እያ ህግያ ኡባ ናጋስ፤
\q2 እያ ዎጋ ፖላናይሳ አጋብከ።
\q1
\v 24 ታኒ እያ ስንን ሱረ ደአስ፤
\q2 ታና ናጋራፐ ናጋስ።
\q1
\v 25 ጎዳይ ታዉ ታ ፅሎተዳነ
\q2 ታ ጌሻተዳ ዛርስ።
\q1
\v 26 ኔኒ ኬሀታስ ኬሀ፤
\q2 ሱረታስ ኔኒ ሱረ።
\q1
\v 27 ጌሻታስ ኔኒ ጌሽ፤
\q2 ሽን ጌላታስ ኔኒ ሞርከ።
\q1
\v 28 ባንታና ካዉሸይሳታ አሻሳ፤
\q2 ሽን ኦቶራንቾታ ካዉሻሳ።
\q1
\v 29 አቤት ጎዳዉ፥ ታ ፆምፐይ ነና፤
\q2 ጎዳይ ታ ማ ፖእስስ።
\q1
\v 30 ነ ማዱዋን ታ ሞርከታ የዳ ባና፤
\q2 ታ ፆሳን ግምበ ድርሳ ጉፓ አና።
\q1
\v 31 ፆሳ ኦገይ ሱረ፤
\q2 ጎዳ ቃላይ ጌሽ፤
\q2 እያኮ ባቃትያ ኡባስ እ ጎንዳለ።
\q1
\v 32 ጎዳይ አትሽን፥ ሀራ ፆሲ ኦኔ?
\q2 ኑ ፆሳይ አትሽን፥ ሀራ ዛል ኦኔ?
\q1
\v 33 ፆሳይ ታዉ ምኖ ሚፃ፤
\q2 እ ታ ኦግያ ፖሎ ኦስ።
\q1
\v 34 እ ታ ቶሁዋ ገንኤ ቶሆዳ ምንስ፤
\q2 ታና ቃ በሳን ምንድ ኤሴስ።
\q1
\v 35 እ ታ ኩሽያ ኦላስ ሎህሴስ፤
\q2 ታ ቀሰይ ናሰ ብራታ ዶንገ ዱኬስ።
\q1
\v 36 ታና አሽያ ነ ጎንዳልያ ታዉ እማዳሳ፤
\q2 ነ ካትሶይ ታና ግታዬስ።
\q1
\v 37 ታ ሄመ ዳልግሳሳ፤
\q2 ታ ጋድያ ምንሳ።
\q1
\v 38 ታ ሞርከታ የደዳ መንረስ፤
\q2 ኤንቲ ዮና ደእሽን ጉየ ስምከ።
\q1
\v 39 ኤንቲ ዛሪድ ደንዶና መላ ሾጫስ፤
\q2 ታ ቶሁዋፐ ጋርሳን ኩንድዶሶና።
\q1
\v 40 ኦላስ ታዉ ዎልቃ ዳንጭሳዳሳ፤
\q2 ታ ሞርከታ ታዉ ጉልባትሳዳሳ።
\q1
\v 41 ታ ሞርከታ ታ ስንፈ ባቃትሳዳሳ፤
\q2 ታና እፀይሳታ ይሳስ።
\q1
\v 42 ማደ ኮይድ ዋስዶሶና፤
\q2 ሽን ኦንካ ኤንታ አሽቤና።
\q1 ጎዳ ኤንቲ ፄግዶሶና፤
\q2 ሽን እ ኤንታዉ ኮይቤና።
\q1
\v 43 ታኒ ኤንታ ባናዳ ሊቅሳስ፤
\q2 ኦገ ኡርቃዳ ኤንታ የስ።
\q1
\v 44 ማካላ ታ አሳፐ ታና አሻዳሳ፤
\q2 ካዎተታ ቦላ ታና ሹማዳሳ፤
\q2 ታ ኤሮና አሳይ ታዉ ሃረትስ።
\q1
\v 45 አላጋ ደረይ ታና አዳሼስ፤
\q2 ታ ዎርያ ስእድ ታዉ ኪተቶሶና።
\q1
\v 46 ኤንቲ ዎልቃ ይዶሶና፤
\q2 ባንታ ሚፃፐ ኮኮርሸ ከይድ ዮሶና።
\q1
\v 47 ጎዳይ ደኦን ደኤስ! ታ ዛላይ አንጀቶ።
\q2 ታና አሽያ ዛላይ ቁ ቁ ጎ።
\q1
\v 48 እ ታ ሃሉዋ ከይያ ፆሳ፤
\q2 ካዎተታ ታፐ ጋርሳን ሃርሴስ።
\q1
\v 49 ታ ሞርከታፐ ታና አሼስ፤
\q2 ታ ሞርከታ ቦላ ታና ቁ ቁ ኦሳ፤
\q2 ኦዳ መያ አሳፐ ታና አሻሳ።
\q1
\v 50 አቤት ጎዳዉ ታኒ ካዎተታ ግዶን ነና ጋላታና፤
\q2 ነ ሱን የፃና።
\q1
\v 51 ፆሳይ ባ ካዋስ ግታ ፆኖ እሜስ፤
\q2 ባ ትይዳ ዳዊታስነ እያ ኮቻስ፥
\q2 መርና ሲቁዋ በሴስ።
\c 23
\s1 ዳዊታ ዉርሰ ሃሳያ
\p
\v 1 ሀይስ ዳዊታ ዉርሰ ሃሳያ።
\q1 እሰየ ናኣ ዳዊታ ዉረሰይ ሀይሳ፤
\q2 እ ያይቆባ ፆሳን ትየትዳይሳ፤
\q2 ፆሳይ እያ ቁ ቁ ኦዳይሳ፤
\q2 እስራኤለን ሎኦ ማዝሙረ የፀይሳ።
\q1
\v 2 “ጎዳ አያናይ ታ ባጋራ ኦዴስ፤
\q2 እያ ቃላይ ታ እንፃርሳን ደኤስ።
\q1
\v 3 እስራኤለ ፆሳይ ታዉ ኦድስ፤
\q2 እስራኤለ ዛላይ ሀይሳዳ ያግስ።
\q1 ‘ፅሎተን ሃርያ ካዎይ፥
\q2 ፆሳ ያሻን አይስያ ካዎይ፥
\q2
\v 4 እ ሻር ባይና ጉራ ዶልያ
\q2 ፃልቀ ፖኦ መላ።
\q1 እ እር ቡክድ አን፥
\q2 ቢታፈ ማታ ዶልስያ ቦቃልሳ መላ።’
\q1
\v 5 ቱማ ታ ኬ አሳይ ፆሳ ስንን ሱረ፤
\q2 እ ታራ መርናዉ ጫቅስ፤
\q2 ሀ ጫቆይ ጊግድ፥ ምንድነ ናገትድ ደኤስ።
\q1 ፆሳይ ታዉ ፆኖ እማና፤
\q2 ታ አሞትዳባ ኡባ እ ቱማ ፖላና።
\q1
\v 6 ሽን ኢታ አሳት ኡባይ
\q2 ኩሸን ሺሻናዉ ሀኖና አጉንዳ ዎራ ሆለታና።
\q1
\v 7 አጉን ቦችያ ኦንካ
\q2 ዋለ ዎይኮ ፃምአ ባ ኩሸን ኦይካናዉ ኮሼስ፤
\q2 ሄስ ባ ደእያ በሳን ኤፃና” ያግስ።
\s1 ዳዊታራ ደእያ ምኖ አሳታ
\r (1 ታር 11:10-41)
\p
\v 8 ምኖ ዳዊታ አሳታ ሱንይ ሀይሳፈ ካልድ ደኤይሳታ። ኮይሮይ፥ ታክሞና የለታ ግድዳ ዮሴብ-በስትቤተ ጌተቴስ፤ እ ሄታ ሀላቃ፤ እስ ቶሆ ኦላን ባ ቶራን ሆስፑን ፄቱ አስ ዎስ።
\p
\v 9 ሄታፐ እሶይ፥ እያ ካልያ ናምአንይ፥ አሆሀ ሼሽ ግድዳ ዶዶ ናኣ አላዛራ። እስ ጋላስ እነ ዳዊቲ ኦላስ ሺቅዳ ፍልስፄመታ ማንድዶሶና፤ እስራኤለ አሳይ ጉየ ስምስ። 
\v 10 ሽን እ ባ በሳን ምን ኤቅድ፥ እያ ኩሸይ አርጋጭድ ማሻራ ኦይከታና ጋካናዉ ፍልስፄመታ ሾጭስ። ሄ ጋላስ ጎዳይ ግታ ፆኖ እሚስ። ኦላይ ኤቅን፥ ኦላንቾት አላዛራኮ ስሚድ ይዶሶና፤ ሽን ኤንቲ ሀይቅዳ ፍልስፄመታፐ ኦላ ማኦ ቃርዶሶናፐ አትሽን፥ ሀራባ ኦቦኮና።
\p
\v 11 እያፐ ካለይ ቃስ አሮዳ የለታ ግድዳ አጋ ናኣ ሳማ። እስ ጋላስ ፍልስፄመት ምስረይ ኩምዳ ሾቃን፥ ሌህ ጌተትያ በሳን ሺቅን፥ እስራኤለት ኤንታ ስንፈ ባቃትዶሶና። 
\v 12 ሽን ሳም ሾቃ ግዶን ሙርት ኤቅድ ኦለትስ። ፍልስፄመታ ዎስ፤ ሄ ጋላስ ጎዳይ ዎልቃማ ፆኖ እሚስ።
\p
\v 13 ካ ጫካ ዎደ ሀስታሙ ምኖ አሳታፐ ሄት አዱላማ ጎንጎሉዋ ዳዊታኮ ብዶሶና። ሄ ዎደ ፍልስፄመ ኦላንቾት ራፋይመ ዛንጋራን ዱንካንዶሶና። 
\v 14 ሄ ዎደ ዳዊቲ ሚፃን ደኤስ፤ ፍልስፄመ ኦላንቾታ ጩጋይ ቃስ ቤተለመን ኦላ ካምበ ደኤስ። 
\v 15 ዳዊቲ ሃ ኡያናዉ አሞትድ፥ “ቤተለመ ካታማ ፐንግያ ማታን ደእያ ኦላፐ ሃ ታና ኦነ ኡሻናይ” ያግስ። 
\v 16 ሀ ሄ ምኖ አሳት ፍልስፄመ ኦላንቾታ ጉታ ካንድ፥ ቤተለመ ካታማ ፐንገን ደእያ ኦላፈ ሃ ዱቅድ ዳዊታስ ኤህዶሶና። ሽን እ ኡዮና እፅድ፥ ጎዳ ስንን ትግድ፥ 
\v 17 “አቤት ጎዳዉ፥ ሀይሳ ኡያናይስ ታፐ ሃኮ! ሀ ሃ ባንታ ሸምፑዋ ባይዝድ ኤህዳ አሳታ ሱ ግደኔ?” ያግድ ኡዮና እፅስ።
\p ሀ ሄ ምኖ አሳት ሀይሳ ኦዶሶና።
\p
\v 18 ፃሩያ ናኣ እዮኣባ እሻይ አብስ ሀስታማታ ሀላቃ፤ እ ሄ ፄቱ አሳታ ባ ቶራን ኦልድ ዎስ፤ እካ ሄታዳ ኤረትስ። 
\v 19 እ ሀስታማታፐ አድ ቦንቸትዳ አስ፤ እ ሄታ መላ ኤረትዳ አስ ግዶና እፅኮካ ሀስታማታስ ሀላቃ።
\p
\v 20 ቃብፅኤላ የለታ ግድዳ ዮዳሄ ናአይ ባናያስ ምኖ ኦሶ ኦዳ ግታ አስ። እ ናምኡ ኤረትዳ ሞአበ አሳታ ዎስ። እስ ዎደ ሻች ዎያ ጋላስ ኦላን ዎድ ጋሞ ዎስ። 
\v 21 ቃስ እስ ግታ ግብፀ አድያ ዎስ፤ ግብፀ አደይ ቶራ ኦይክስ፤ ሽን እ ፃምአ ኦይክድ እያኮ ብድ፥ እያ ኩሸፐ ቶራ ዳፍ ኤክድ፥ እያ ቶራራ እያ ዎስ። 
\v 22 ዮዳሄ ናአይ ባናያስ ሀይሳ ኦስ፤ እያ ሱንይ ሄታይሳዳ ኤረትስ። 
\v 23 እ ሀስታማታ ግዶን ዳሮ ቦንቸትዳ አስ፥ ሽን እ ሄታ ታይቡዋን ዴና። ዳዊቲ እያ ባና ናግያ ዎታዳረታስ ቶራ ሞጮና ኦስ።
\p
\v 24 ሄ ሀስታማታ ግዶን ደኤይሳት፥ እዮኣባ እሻ አሳሄላ፥ ቤተለመ የለታ ግድዳ ዶዳ ናኣ ኤልያና፥ 
\v 25 አሮዳ የለታ ግድዳ ሳማነ ኤልቃ፥ 
\v 26 ፋልፃ ያራ ግድዳ ሰለሳ፥ ታቆሀ አድያ ኤስካ ናኣ እራሳ፥ 
\v 27 አናቶተ የለታ ግድዳ አብኤዘራ፥ ኩሳ የለታ ግድዳ ማቡናያ፥ 
\v 28 አሆሀ ያራ ግድዳ ፃልሞና፥ 
\v 29 ናፆፋ የለታ ግድዳ ማህራያነ ባአና ናኣ ሄለባ። ብንያመ ቢታን፥ ግብአ የለታ ግድዳ ርባያ ናኣ እታያ፥ 
\v 30 ጵርአቶና የለታ ግድዳ ባናያ፥ ጋኣሳ ዛንጋራ ማታፐ ይዳ ህዳያ፥ 
\v 31 አራባ የለታ ግድዳ አባልቦና፥ ባርሁማ አድያ አዝሞታ፥ 
\v 32 ሻአልቦና የለታ ግድዳ ኤልያባ፥ አሳና ናይታ፥ ዮናታና፥ 
\v 33 አሮዳ የለታ ግድዳ ሳማነ ሻራ ናኣ አህኣማ፥ 
\v 34 ማእካ የለታ ግድዳ አሀስባያ ናኣ ኤልፋላፃ፥ ግሎ የለታ ግድዳ አክፆፈላ ናኣ ኤልኣማ፥ 
\v 35 ቃርመሎሳ የለታ ግድዳ ሄፅራ፥ አራባ የለታ ግድዳ ፓኣራ፥ 
\v 36 ሱባ የለታ ግድዳ ናታና ናኣ ይግኣላ፥ ጋደ የለታ ግድዳ ባና፥ 
\v 37 አሞነ የለታ ግድዳ ሰለቃ፥ ፃሩያ ናኣ እዮኣባ ኦላ ሚሽያ ቶክያ ባኤሮታ የለታ ግድዳ ናህራያ፥ 
\v 38 ያትራ ያራ ግድያ እራያነ ጋሬባ፥ 
\v 39 ህተ አድያ ኦርዮና። ኤንቲ ኩመ ሀስታማነ ላፑና።
\c 24
\s1 ዳዊቲ አሳ ታይብስ
\r (1 ታር 21:1-27)
\p
\v 1 ጎዳ ሀንቆይ ቃስካ እስራኤለ ቦላ ኤፅስ፤ ጎዳይ ዳዊታ ኤንታ ቦላ ደንድ፥ “ባዳ እስራኤለነ ይሁዳ አሳ ታይባ” ያግስ። 
\v 2 ሄሳ ግሾ፥ ካዎይ ቶራ ሞጮናታ እዮኣባነ ባራ ደኤይሳታኮ ሀይሳዳ ያግስ፤ “እስራኤለ ኮቻታ ዳነፐ በርሳበ ጋካናዉ ታኒ ኤራና መላ እስራኤለ አሳ ብድ ታይብተ” ያግስ።
\p
\v 3 ሽን እዮኣብ፥ “ጎዳይ ነ ፆሳይ ሀ ደእያ አሳ ቦላ ፄቱ ኩሸ ጉጆ! ሄሳ ታ ጎዳ፥ ካዋ አይፈይ በኦ! ሽን ታ ጎዳይ፥ ካዎይ አይስ ሄሳ መላባ ኦናዉ ኮዪ?” ያግስ። 
\v 4 ሽን ካዋ ቃላይ እዮኣባነ ቶራ ሞጮናታ ፆንን፥ ኤንቲ ካዋ ስንፈ ከይድ፥ እስራኤለ አሳ ታይባናዉ ብዶሶና።
\p
\v 5 ኤንቲ ዮርዳኖሰ ፕንድ ዱገሀ ባጋን ደእያ፥ ዛንጋራ ግዶን ደእያ አሮኤራ ካታማን ዱንካንዶሶና፤ ያፐ ጋደ ካንድ እያዜራ ጋክዶሶና። 
\v 6 ያፐ ኤንቲ ጋላዳነ ህተታ ቢታን ደእያ ቃደሳ ብዶሶና፤ ያፐ ቃስ ዳነ ብዶሶና፤ ያራ ስዶና ጋክዶሶና። 
\v 7 ያፐ ደንድድ፥ ፅሮሳ ሚፃነ ህወታነ ካናነታ ካታማ ኡባ ብዶሶና። ዉርሰን ይሁዳ ነገባን ደእያ በርሳበ ብዶሶና።
\p
\v 8 ኤንቲ ቢታ ኡባ ዩይሸ ኡዱፉን አጌናነ ላታሙ ጋላስ ጋምእድ፥ የሩሳላመ ስምዶሶና።
\p
\v 9 እዮኣብ አሳ ታይቡዋ ካዋ ኤርስስ፤ እስራኤለን ማሻን ኦለታናዉ ዳንዳእያ ሆስፑን ፄቱ ሙኩሉ ምኖ ኦላንቾት፥ ይሁዳን ቃስ እቻሹ ፄቱ ሙኩሉ ኦላንቾት ደኦሶና።
\p
\v 10 አሳ ታይብዳፐ ጉየ፥ ዳዊታ ዎዛናይ ህርግን፥ ዳዊቲ፥ “ታኒ ሀ ኦሱዋን ግታ ናጋራ ኦስ። ሽን ሀእ አቤት ጎዳዉ፥ ታኒ ነና ዎሳይስ፤ ታ ናጋራ፥ ነ አይልያ ናጋራ አቶ ጋ። ታኒ ዳሮ ቦዛባ ሀናስ” ያግስ።
\p
\v 11 ዎንተ ጋላስ ዳዊቲ ሂፃፐ ደንድያ ዎደ ዳዊታስ ቆንጨ በእያ፥ ናብያ ጋደኮ ጎዳ ቃል ይስ። 
\v 12 “ባዳ፥ ዳዊታኮ፥ ‘ታኒ ነና ሄባፐ እሱዋ ዶራና መላ በሳይስ፤ ታኒ ነ ቦላ ፖላናዉ ኤንታፈ እሱዋ ዶራ’ ያጌስ ጎዳይ” ያግስ።
\p
\v 13 ጋድ ዳዊታኮ ብድ፥ “ሄ ላይ ነ ቢታ ቦላ ኮሻ ኤሆዬ? ዎይኮ ነ ሞርከት ነና የደን፥ ሄ አጌና ኤንታ ስንፈ ባቃታነዬ? ዎይኮ ነ ቢታ ቦላ ሄ ጋላስ ጋዶይ ያናይሳ ዶራይ? አነ ሀእ ቆፓዳ ታኒ ታና ኪትዳይሳስ ዛራናባ ኦዳ” ያግስ።
\p
\v 14 ዳዊቲ ጋደኮ፥ “ታኒ ዳሮ ኡንኤታስ። ጎዳ ማሮታይ ግታ ግድያ ግሾ፥ ኑኒ እያ ኩሸን ኩንዳና፤ ታና አሳ ኩሸን የጎፎ” ያግስ።
\p
\v 15 ሄሳ ግሾ፥ ዎንታፈ ብድ እ ግዳ ጋላሳይ ጋካናዉ ጎዳይ እስራኤለ ቢታን ጋዶ ኪትስ። እስራኤለ ቢታን ዳነፐ ብድ በርሳበ ጋካናዉ ላፑን ታሙ ሙኩሉ አስ ሀይቅስ። 
\v 16 የሩሳላመ ይሳናዉ ኪታንቾይ ባ ኩሽያ ምጭዳ ዎደ አሳ ቦላ ጋክዳ ጋዶይ ጎዳ አዛንዳ ግሾ፥ አሳ ሾጭያ ኪታንቹዋኮ፥ “ግዳና! ነ ኩሽያ ዛራ” ያግስ። ጎዳ ኪታንቾይ ሄ ዎደ ያቡሰ አድያ ኦርና ዉዱማን ደኤስ።
\p
\v 17 አሳ ሾጭያ ኪታንቹዋ ዳዊቲ በእዳ ዎደ ጎዳኮ፥ “ናጋራ ኦዳይ ታና፤ ታ ባላስ! ሀ ዶርሳት አይ ኦዶና? ሀያና፥ ታናነ ታ አዋ ሶ አሳ ነ ሴራና መላ ታኒ ዎሳይስ” ያግስ።
\s1 ዳዊቲ ያርሾ በሲ ጊግስስ
\p
\v 18 ሄ ጋላስ ጋድ ዳዊታኮ ይድ፥ “ባዳ፥ ያቡሰ አድያ ኦርና ዉዱማን ጎዳስ ያርሾ በሲ ጊግሳ” ያግስ። 
\v 19 ዳዊቲ፥ ጎዳይ ጋደ ባጋራ ኪትዳይሳዳ ኦናዉ ፑደ ብስ። 
\v 20 ኦርን ዱገ ፄልያ ዎደ፥ ካዎይነ እያ አሳት ባኮ የይሳ በእስ። እ ጋፃ ከይድ፥ ጉፋንድ ካዋስ ዝግስ።
\p
\v 21 ኦርን፥ “ታ ጎዳይ ካዎይ ባ አይልያኮ፥ አይስ ይዴ?” ያግስ።
\p ዳዊቲ፥ “አሳ ቦላፈ ጋዶይ ስማና መላ ታኒ ጎዳስ ያርሾ በሲ ጊግሳናዉ ነ ዉዱማ ሻማናዉ ያስ” ያግስ።
\p
\v 22 ኦርን፥ “ታ ጎዳይ፥ ካዎይ ባ ኮይዳባ ኤክድ ያርሾ! ፁሳ ያርሾስ ቦራት ደኦሶና፤ ኤሶ ምስ ቃስ ካ ቡክያ ሚሸይነ ቦራ ቃምባር ደኤስ። 
\v 23 ካዋዉ፥ ሀይሳ ኡባ ኦርን ካዋስ እምስ” ያግስ። ጉጅድ ኦርን፥ “ጎዳይ ነ ፆሳይ ነ ያርሹዋ ኤኮ” ያግስ።
\p
\v 24 ሽን ካዎይ፥ “አካይ፥ ታኒ ታ ሚሸን ሻማና። ታ ጎዳ፥ ፆሳስ ፁሳ ያርሾ ጋተይ ባይና ያርሽከ” ያግስ።
\p ሄሳ ግሾ፥ ካዎይ ዉዱማነ ቦራታ ኦርናፈ እሻታሙ ብራ ሳንትመን ሻምስ። 
\v 25 ዳዊቲ ሄ በሳን ያርሾ በሲ ጊግስድ ፁሳ ያርሾነ እስፈተ ያርሾ ጎዳስ ያርሽስ። ጎዳይ ቢታ ግሾ ዎሰትዳ ዎሳ ስእድ፥ ጋዱዋ እስራኤለፐ ድግስ።