\id 2PE - GOOFA FULL BIBLE
\ide UTF-8
\h 2 ጰፅሮሳ ኪታ
\toc1 2 ጰፅሮሳ ኪታ
\toc3 2 ጰፅ
\toc2 2 ጰፅሮሳ
\mt1 ጰፅሮስ ፃፍዳ
\mt2 ናምአን ኪታ
\imt ጋ ቆፋ
\ip ሀዋርያ ጰፅሮስ ፃፍዳ ናምአን ኪታይ፥ ዱማ ዱማ በሳን ደእያ በን አማንያ አሳሳ። ሀ ኪታይ ፃፈትዳ ጋሶይ፥ ዎርዶ አስታማረታ ኢታ ኦሱዋነ ኤንታ ትምርትያ ጋሶን መትዳ ዬላ ደኡዋ አማንያ አሳይ እፃና መላሳ። ሄ መትዳ መቶታ ድጋናዉ ኦገ ግዳናይ፥ የሱሳ ባንታ አይፈን በእዳ አሳትነ እ ታማርስያ ዎደ ባንታ ሀይን ስእዳ አሳት ታማርስዳ ትምርትያ ባጋራ ፆሳባነ ጎዳ የሱስ ክርስቶሳባ አማንያ ኤራ ኦይከ። ፃፈይ ምንድ ኦድዳይ፥ “ክርስቶስ ናምአን ዬና” ግያ ዎርዶ ትምርትያባ። ሄ ቆፋ ምንድ ኦድሸ፥ “ክርስቶስ ስሚድ ዮና ጋምእዳይ፥ አስ ኡባይ ባ ናጋራፐ ስማና መላፐ አትሽን፥ ኦንካ ያና መላ ኮዮና ግሾሳ” ያጌስ።
\iot ማፃፋ አይፈ ቆፋታ
\io1 ሳሮነ ዎሳ (\ior 1:1-2\ior*)
\io1 አማንያ አሳይ ዳና ዱሳ (\ior 1:3-15\ior*)
\io1 ክርስቶሳ ቦንቹዋ (\ior 1:16-21\ior*)
\io1 ዎርዶ አስታማረታነ ናበታ (\ior 2:1-22\ior*)
\io1 ክርስቶሳ ናምአን ዩሳይ ቱማ (\ior 3:1-18\ior*)
\c 1
\p
\v 1 የሱስ ክርስቶሳ ሀዋረይነ እያ አይለይ፥ ታኒ፥ ስሞን ጰፅሮስ፥ ኑ ፆሳነ ኑና አሽያ የሱስ ክርስቶሳ ፅሎተ ባጋራ ኑይሳ መላ አልኦ አማኖ ኤክዳይሳታስ ሀ ዳብዳብያ ፃፋስ።
\p
\v 2 ፆሳነ ኑ ጎዳ የሱሳ ኤሮን አ ኬሀተይነ ሳሮይ ህንተዉ ኩሞ።
\s1 ፆሳ ፄሳነ ዶሩዋ
\p
\v 3 ባ ቦንቾንነ ሎኦተን ኑና ፄግዳ እያ ኤሮን ደኦስነ ፆሳ ዳንድ ዳናዉ ኮሽያባ ኡባ ፆሳይ ባ ዎልቃን ኑስ እሚስ። 
\v 4 ህንተ ኢታ አሞ ጋሶን መትያ ሀ አላምያን ደእያ ዮፐ ከስ ኤካናዳነ ፆሳ ፆሳተን ሻከታናዳ፥ ሀ እሞታታ ባጋራ ዳሮ አልኦነ ግታ ኡፋይሳ ኑስ እሚስ። 
\v 5 ሄሳ ግሾ፥ ምንድ፥ ህንተ አማኑዋ ቦላ ሎኦተ፥ ሎኦተ ቦላ ኤራተ፥ 
\v 6 ኤራተ ቦላ ባና ሃሮ፥ ባና ሃሮ ቦላ ገንጫ፥ ገንጫ ቦላ ፆሳ ዳኖ፥ 
\v 7 ፆሳ ዳኖ ቦላ እሻተ ኬሀተ፥ እሻተ ኬሀተ ቦላ ሲቆ ጉጅተ። 
\v 8 ሀይሳቲ ህንተዉ ዳርድ ደእያባ ግድኮ፥ ጎዳ የሱስ ክርስቶሳ ኤሮን ማድያ አስነ አይፈራ ደእያ አስ ኦና። 
\v 9 ሽን ሄሳት ባይና ኦንካ ማታን ደእያባ ፃላላ በእያ ቆቀ። እ ባ ካሰ ናጋራፐ ጌይዳይሳ ዶግስ።
\p
\v 10 ሄሳ ግሾ፥ ታ እሻቶ፥ ህንተ ፄሳነ ህንተ ዶሩዋ ምንናዉ ካሰይሳፈ አድ ምንተ። ህንተ ሄሳታ ኦያባ ግድኮ፥ በተከታ። 
\v 11 ሄሳን ኑ ጎዳነ ኑና አሽያ የሱስ ክርስቶሳ መርና ካዎተ ገልያ ኩመ ማታይ ህንተዉ እመታና።
\p
\v 12 ሄሳ ግሾ፥ ህንተ ሀይሳታ ኤርያባነ ሄ ኦይክዳ ቱማን ምንድ ደእያባ ግድኮካ፥ ታኒ ሀይሳታ ኡባ ዎደ ህንተና ሀሳይሶ አግከ። 
\v 13 ታኒ ሸምፖራ ደእዳ ዎደ ኡባን ህንተና ሀሳይሳናይስ ኮሽያባ ጋዳ ቆፓይስ። 
\v 14 ኑ ጎዳ የሱስ ክርስቶሲ ታዉ ቆንጭሳዳይሳዳ ታኒ ሀ ሀይቅያ አሳተ ጋምኦና ቃራ የጋዳ ባናይሳ ኤራይስ። 
\v 15 ታኒ ህንተፈ ሻከትኮካ ህንተ ሀይሳታ ኡባ ዎደ አኬካና መላ ታዉ ዳንዳኤትያባ ኡባ ኦና።
\p
\v 16 ኑኒ ጎዳ ክርስቶሳ ዎልቃነ እያ ዩሳባ ህንተዉ ኦደይ፥ እያ ግታ ቦንቹዋ በእድፐ አትሽን፥ መ ከስዳ ሀይሰ ግደና። 
\v 17 ዳሮ ዎልቃማ ቦንቹዋፈ፥ “ታኒ ኡፋይትያ፥ ታ ዶስያ ናአይ ሀይሳ” ግያ ቃላይ ይዳ ዎደ፥ ፆሳ አዋፐ ቦንቾነ ጋላታ ኤክስ።\x - \xo 1:17 \xo*\xt ማቶ 17:1-5፤ ማር 9:2-7፤ ሉቃ 9:28-35.\xt*\x* 
\v 18 ኑኒ ጌሻ ዙማ ቦላ እያራ ደእያ ዎደ ሄ ቃላይ ሳሎፐ ይሽን ስእዳ።
\p
\v 19 ኑስ ሄሳፈ አያ አማነትዳ ትንብተ ቃል ደኤስ። ሳእ ዎንታና ጋካናዉነ ባካል ህንተ ዎዛናን ዶላና ጋካናዉ፥ ማን ፖእያ ፖኦ አስ ናገይሳዳ፥ ህንተ ሄ ቃላ ናግኮ ሎኦ ኦታ። 
\v 20 ኡባፈ ካሰትድ ሀይሳ ኤርተ። ጌሻ ማፃፋን ፃፈትዳ ትንብተ ቃላ ኦንካ ባ ዶስዳዳ ብርሻናዉ ዳንዳኤና። 
\v 21 ትንብተ ኡባ፥ ፆሳይ ኪትዳ አሳት ጌሻ አያናይ ካለን፥ ኦድዶሶናፐ አትሽን፥ አሳ ሸነን ኦድቦኮና።
\c 2
\s1 ዎርዶ አስታማረታ
\p
\v 1 ሽን ዎርዶ ናበት ካሰ አሳ ግዶን ደኤይሳ መላ ሀእካ ዎርዶ አስታማረት ህንተ ግዶን ደንዳና። ኤንቲ ባንታና ዎዝዳ፥ ጎዳ ካድድ፥ ይስያ ዎርዶ ትምርትያ ኤሀና። ሄሳን ኤንቲ ባንታ ቦላ ኤለስድ ዮ ኤሆሶና። 
\v 2 ዳሮ አሳይ ዬላይያ ኤንታ ኢታ ኦግያ ካላና፤ ኤንታ ጋሶን ቱማ ኦገይ ጫየታና። 
\v 3 ዎርዶ አስታማረት ሚሸ ያርድ ባንታዉ መ ከስዳ ሀይሰን ህንተና ቦንቃና። በንፐ ዶምድ ኤንታ ፕርዳይ ጊግድ ኡትስ፤ ኤንታ ዮይካ ኤንታና ናግድ ኡትስ።
\p
\v 4 ናጋራ ኦዳ ኪታንቾታስ ፆሳይ ቃቶና፥ ፕርዳ ጋላስ ጋካናዉ ጋናመ ማ ኦላን ኤንታ ቃች የግስ። 
\v 5 ሄሳዳካ፥ ፆሳይ ፅሎተባ ኦድያ ኖሄነ ሀራ ላፑን አሳታ አሽድ፥ ፆሳ ጎይኖና አሳይ ደእያ በን አላምያ ቃቶና ዮ ሃን ይስስ።\x - \xo 2:5 \xo*\xt መ 6:1—7:24.\xt*\x* 
\v 6 ጌላታስ ሌምሶ ግዳና መላ ፆሳይ ሶዶመነ ጋሞራ ካታማታ ብዶ ኦድ ፁግድ ይስስ።\x - \xo 2:6 \xo*\xt መ 19:24.\xt*\x* 
\v 7 ህገስ ኪተቶና ላይማትያ አሳታ ግዶን ዋየትሸ ደእዳ ፅሎ ሎፀ ፆሳይ አሽስ።\x - \xo 2:7 \xo*\xt መ 19:1-16.\xt*\x* 
\v 8 ሄ ፅሎ አደይ ኤንታ ግዶን ደእሸ፥ ኤንቲ ኦያ ኢታ ኦሱዋ ጋላስ ጋላስ በእዳ ዎደነ ስእዳ ዎደ እያ ሎኦ ዎዛናይ ኡንኤቴስ። 
\v 9 ሄሳ ግድኮ፥ ጎዳይ፥ ባና ጎይንያ አሳታ ፓጨፐ ዋት አሻነኮ፥ ቃስ ናጋራንቾታ ፕርዳ ጋላሳስ ጋካናዉ ዋትድ ሴርሸ ናግሳኔኮ ኤሬስ። 
\v 10 ኡባፈ አድ ቱና አሞን አሾ ቆፋ ካለይሳታነ ማታ አዋታ ካይሳታ፥ ፕርዳ ጋላስ ጋካናዉ ጎዳይ ናግስስ።
\p ሄ አሳት ጋንጀ ምኖነ ኦቶራንቾ ግድያ ግሾ፥ ሳሎ መተታ ጫይሸ ያዮኮና። 
\v 11 ሽን ኪታንቾት ዎርዶ አስታማረታፐ ዎልቃንነ ምኖተን ዳሮ አሶናሽን ጎዳ ስንን ሳሎ መተታ ጫዮኮና። 
\v 12 ሽን ሄ አሳት ባንታ ኤሮናባን ገልድ ጫዮሶና። ኤንቲ ኦይከታናዉነ ሀይቃናዉ የለትዳ፥ ዎዛን ባይና ዶአ መላ ሀኖሶና፤ ኤንትካ ዎራ ዶአዳ ጮ ያና።
\p
\v 13 ኤንቲ ጋዳ መቱዋዳ ዛር መቶታና። ሴታ ጋላስ የፅሸ ጉፐይሳ ኡፋይስያባ ግድ ቆፖሶና። ኤንቲ ካዉሻታነ ቱናታ ግድ ደእሸ ህንተራ ሻከትያ ሲቆ እማቱዋን ኡፋይቶሶና። 
\v 14 ላይማትያ ማጫስ ፄልድ አጎና አይፈይ ኤንታዉ ደኤስ፤ ቃስ ናጋራ ኦይሳ አጎኮና። አማኖን ምንቦና አሳ ጭሞሶና። ኤንታዉ ኡባ ዎደ አሞትያ ዎዛን ደኤስ፤ ኤንቲ ባደትዳይሳታ። 
\v 15 ኤንቲ ሱረ ኦገ አግድ፥ ማካላ ሚሸ ሲቅድ ባልዳ፥ ብኦራ ናኣ ባላማ ኦግያ ካልዶሶና።\x - \xo 2:15 \xo*\xt ታይቦ 22:4-35.\xt*\x* 
\v 16 እ ባ ናጋራ ጋሶን ሀንቀትስ፤ ዶን ባይና ሀረይ አሳዳ ሃሳይድ ናብያ ጎሻተ ተቅስ።
\p
\v 17 ሄ አሳት መልዳ ፑልቶታ መላነ ጫርኮይ ቶክድ ኤፍያ ሻራ መላ፤ ኤንታ ናገይ ሳካና ማ። 
\v 18 ኤንቲ ሀዳነ ኦቶሮ ኦዳ ኦደትሸ ባላን ደእያ አሳ ግዶፈ ከስ ኤክድ ቡሮ ምንቦና አሳታ ላይማተ አሾ አሞን ጭምድ ባለሶና። 
\v 19 ኤንቲ ባንታዉ ዮ አይለተን ደእሸ ሀራታኮ፥ “ህንተ አይለተፈ ከያና” ያጎሶና። አይስ ጊኮ፥ አስ ባ ፆነትዳባ ኡባስ አይለ። 
\v 20 ኤንቲ አሽያ ኑ ጎዳ የሱስ ክርስቶሳ ኤርድ ሀ አላምያ ቱናተፈ ከስ ኤክዳፐ ጉየ፥ ዛር ቃፀትድ ፆነትኮ ካሰ ደእያ ደኡዋፐ ጉየይስ ኤንታዉ ኢታ ግዳና። 
\v 21 ኤንቲ ፅሎተ ኦግያ ኤር ስሚድ አገይሳፈ ኮይሮትድ ጌሻ ኪታ ኤሮናኮ ኤንታዉ ሎኦሽን። 
\v 22 “ካን ባ ጮሻኮ ጉየ ስሜስ” ቃስ፥ “ሜጨትዳ ጉዱንይ ጉየ ስሚድ ኡርቃን ጎንዶረቴስ” ግያ ሌምሶይ ቱማ ግደይስ ኤንታ ቦላ ኦስ።\x - \xo 2:22 \xo*\xt ሌም 26:11.\xt*\x*
\c 3
\s1 ጎዳይ ያና
\p
\v 1 ታ ሲቆ እሻቶ፥ ሀይስ ታ ህንተዉ ፃፍዳ ዳብዳበይ ናምአን። ታኒ ሀ ናምኡ ዳብዳበታካ ህንተዉ ፃፍዳይ፥ ህንተ ሱረ ቆፋ ቆፓናዳ ህንተና ደንናሳ። 
\v 2 ቃስ ጌሻ ናበት በን ኦድዳ ቃላነ ኑና አሽያ ጎዳይ፥ ሀዋረታ ባጋራ ኪትዳ ኪታ ህንተ ሀሳያና መላ ኮያይስ። 
\v 3 ኡባፈ ካሰትድ፥ ዎደ ዉርሰን ባንታ አሙዋ ካልድ አሰ ቶቸይሳት፥ ቶችሸ ያናይሳ ኤርተ።\x - \xo 3:3 \xo*\xt ይሁ 18.\xt*\x* 
\v 4 ኤንቲ፥ “ታ ያና ግዳይስ አዉን ደኢ? ኑ አዋት ሀይቅዶሶና፥ ሽን ኡባባይ ሳእ መቶሳፐ ዶምድ ደኤይሳዳ ደኤስ” ያጎሶና። 
\v 5 ዳሮ ዎደፐ ካሰ ሳሎይ ፆሳ ቃላን መትዳይሳ፤ ቃስ ሳእ ሃፈነ ሃን መትዳይሳ ኤርሸ ካዶሶና።\x - \xo 3:5 \xo*\xt መ 1:6-9.\xt*\x* 
\v 6 ሄ ዎደ ደእያ ሳአይ ሃን ምተትድ ይስ።\x - \xo 3:6 \xo*\xt መ 7:11.\xt*\x* 
\v 7 ሽን ሀእ ደእያ ሳሎይነ ሳእ፥ ጌላት ፕርደትያ ጋላሳይነ ይያ ጋላሳይ ጋካናዉ ሄ ቃላን ታማስ ናገትድ ደኦሶና።
\p
\v 8 ሽን ታ ሲቆ እሻቶ፥ ሀ እስባ ዶጎፕተ። ጎዳ ማታን እስ ጋላስ ሙኩሉ ላይ መላ ግደይሳነ ሙኩሉ ላይ እስ ጋላሳ መላ ግደይሳ ዶጎፕተ።\x - \xo 3:8 \xo*\xt ማዝ 90:4.\xt*\x* 
\v 9 እሶት እሶት ጋምእስ ግድ ቆፐይሳዳ፥ ጎዳይ ባ ኡፋይሳ ቃላ ግሾ ጋምኤና። ሽን ኦንካ ዮና መላ ኮይድ፥ ኡባይ ባንታ ናጋራፐ ስማና መላ ህንተ ግሾ ግድ ገንጬስ።
\p
\v 10 ሽን ጎዳ ጋላሳይ ካይሶዳ ያና። ሄ ጋላሳን ሳሎት ዎልቃማ ጉንን ያና፤ ሳሎ መተት ታማን ፁገታና፤ ሳእነ እያ ቦላ ደእያ ኡባይ ያና።\x - \xo 3:10 \xo*\xt ማቶ 24:43፤ ሉቃ 12:39፤ 1 ተሰ 5:2፤ ቆን 16:15.\xt*\x* 
\v 11 ህዛ፥ ኡባባይ ሄሳዳ ሀንዳ ይያባ ግድኮ ህንተ አይ መላ አስ ግዳናዉ በሲ? ህንተ ጌሽነ ፆሳ ዳንያ ደኦ ዳናዉ በሴስ። 
\v 12 ህንተ ስንራ ያ ፆሳ ጋላሳ ናግሸ ህንተዉ ዳንዳኤትያባ ኡባ ኦድ ሄ ጋላሳ ኤሶይተ። ሄ ጋላስ ሳሎትነ እያን ደእያባይ ታማን ፁገታና፤ ዎልቃማ ሱላን ትልአና። 
\v 13 ሽን ኑኒ ፅሎተ ሃርያ ኦራ ሳሎነ ኦራ ሳአ ፆሳ ኡፋይሳ ቃላዳ ናጎስ።\x - \xo 3:13 \xo*\xt እሳ 65:17፤ 66:22፤ ቆን 21:1.\xt*\x*
\p
\v 14 ሄሳ ግሾ፥ ታ ሲቆ እሻቶ፥ ኑ ሄ ጋላሳ ናግያ ግሾ ፖኮይነ ቦረይ ባይናይሳታ ግድድ፥ ጎዳራ ሳሮን ዳናዉ ምንተ። 
\v 15 አስ ኡባይ አታና መላ ኮይድ ጎዳይ ዳንዳኤይሳ ዶጎፕተ። ቃስ ኑ ሲቆ እሻይ፥ ጳዉሎስ፥ ፆሳይ እያዉ እምዳ ጭንጫተን ሄሳዳ ህንተዉ ፃፍስ። 
\v 16 እ ባ ዳብዳበታ ኡባን ሄሳታባ ፃፍስ። እያ ዳብዳበታ ግዶን አኬካናዉ ዋይስያ ቆፋት ደኦሶና። ታማርቦናነ ምንቦና አሳት ሀራ ፆሳ ቃላ ምርቀይሳዳ ሀ ኪታታካ ያናዉ ማችድ ምርቆሶና።
\p
\v 17 ሄሳ ግሾ፥ ታ ሲቆ እሻቶ፥ ህንተ ሄሳ ኤርያ ግሾ ማካላታ ባላን ጭመትድ፥ ዮና መላነ ምንድ ደእያ በሳፈ ኩንዶና መላ ናገትተ። 
\v 18 ሽን ህንተ ኑና አሽያ ኑ ጎዳ፥ የሱስ ክርስቶሳ አ ኬሀተንነ ኤራተን ድጭተ። እያዉ ሀእካ መርናዉካ ቦንቾይ ግዶ። አምንእ።