\id 2JN - GOOFA FULL BIBLE
\ide UTF-8
\h 2 ዮሃንሳ ኪታ
\toc1 2 ዮሃንሳ ኪታ
\toc3 2 ዮሀ
\toc2 2 ዮሃንሳ
\mt1 ዮሃንስ ፃፍዳ
\mt2 ናምአን ኪታ
\imt ጋ ቆፋ
\ip ዮሃንስ ፃፍዳ ናምአን ኪታ፥ የሱሳ ሀዋረ ግድዳ ጭማይ፥ ዮሃንስ ፃፍስ። ሀ ኪታይ ፃፈትዳይ ዶረትዳ ጎዳተሳነ እ ናይታሳ። ሀ ቃን ኪታይ ፃፈትዳይ፥
\ipi 1. ኤንቲ እሶይ እሱዋራ ሲቀታና መላ አኬክሳናሳ፤
\ipi 2. ዎርዶ አስታማረታፐነ ኤንታ ትምርትያፈ ናገታና መላ ቆፍሳናሳ።
\iot ማፃፋ አይፈ ቆፋታ
\io1 ሳሮነ ዎሳ (1-3)
\io1 ሲቆነ ቱማተ (4-6)
\io1 ዎርዶ ትምርተፈ ናገተ (7-11)
\io1 ሳሮ (12-13)
\c 1
\p
\v 1 ታ ጭማይ ዶረትዳ ጎዳተስነ እ ናይታስ ኪትዳ ኪታ። ታ ፃላላ ግዶናሽን፥ ቱማ ኤርያ ኡባይ ህንተና ዶሶሶና። 
\v 2 ሀ ቱማይ ኑናን ደእያ ግሾነ መርናዉ ኑራ ዳና ግሾ ታኒ ህንተና ቱማ ዶሳይስ።
\p
\v 3 ፆሳ ኑ አዋነ እያ ናኣ የሱስ ክርስቶሳ አ ኬሀተይ፥ ማሮተይነ ሳሮተይ ቱማንነ ሲቆን እስፈ ኑራ ግዶ።
\s1 ቱማነ ሲቆ
\p
\v 4 አዋይ ኑና ኪትዳይሳዳ፥ ነ ናይታፐ ባጋት፥ ቱማስ ኪተተይሳ በአዳ ታኒ ዳሮ ኡፋይታስ። 
\v 5 ጎዳተ፥ ሀእካ ኑኒ ኡባይ እሶይ እሱዋ ሲቃና መላ ታኒ ነና ዎሳይስ። ሀ ኪታይ ኮይሮፐ ኑራ ደእያ ኪታፐ አትሽን፥ ታኒ ነዉ ኦራ ኪታ ፃፍከ።\x - \xo 5 \xo*\xt ዮሀ 13:34፤ 15:12፥ 17.\xt*\x* 
\v 6 ቱማ ሲቆይ ኑኒ ፆሳ ኪታ ናግድ ዳናይሳ። ቃስ ኮይሮፐ ህንተ ስእዳይሳዳ እያ ኪታይ፥ ህንተ ኡባይ ሲቆን ዳና መላሳ።
\p
\v 7 የሱስ ክርስቶሲ አሰ ግድድ ይዳይሳ አማኖና፥ ዳሮ ባለያ አሳት፥ አላመን ደንድዶሶና። ሄሳ መላ አስ ኦንካ ባለይሳነ ክርስቶሳ ሞርከ። 
\v 8 ህንተ ኦዳ ኩመ ዎይቱዋ ኤካናዉ ምንተ። ህንተ ኦዳይስ ዮና መላ ናገትተ።
\p
\v 9 ክርስቶሳ ትምርትያን ዶናይሳስነ እያፐ ሃክያ ኡራስ ፆሳይ ባዋ። ክርስቶሳ ትምርትያን ደእያ ኡራስ አዋይነ ናአይ ደኦሶና። 
\v 10 ኦንካ ህንተኮ ይሸ ሀ ትምርትያ ኤሆና እፅኮ፥ ህንተ ሶ ገልሶፍተ፤ ሳሮካ ጎፕተ። 
\v 11 እያ ሳሮ ግያ ኦንካ እያ ኢታ ኦሱዋን እያራ ሻከቴስ።
\s1 ሳሮ
\p
\v 12 ታኒ ህንተዉ ፃፋናዉ ኮይዳ ዳሮባይ ደኤስ፥ ሽን ዎርቃተንነ ቃላመን ፃፋናዉ ኮይከ። ኑ ኡፋይሳይ ፖለታና መላ ህንተራ ሶምኦን ጋሄታዳ ኦደታናዉ ህንተኮ ባና ጋዳ ቆፓይስ።
\p
\v 13 ፆሳይ ዶርዳ ነ ምቸ ናይት ነና ሳሮ ያጎሶና።