\id 1TI - GOOFA FULL BIBLE
\ide UTF-8
\h 1 ፅሞትዮሳ ኪታ
\toc1 1 ፅሞትዮሳ ኪታ
\toc3 1 ፅሞ
\toc2 1 ፅሞትዮሳ
\mt1 ጳዉሎስ ፅሞትዮሳስ
\mt2 ፃፍዳ ኮይሮ ኪታ
\imt ጋ ቆፋ
\ip ፅሞትዮሳ ጌተትያ፥ አማንያ ናአተይ፥ ጉ ኢሰን የለትስ (\xt ሀዋ 16:1-3\xt*)። እያ አይያ አይሁደ፤ እያ አዋይ ቃስ ግርከ አስ። እ ጳዉሎሳራ እስፈ ኦስ፤ ቃስ ዎንገላ ኦሶን ጳዉሎሳ ማታን ማድያ አስ። ጳዉሎስ፥ ፅሞትዮሳስ ፃፍዳ ኮይሮ ኪታይ፥ ሄ አይፈ ኦዳታ ምንድ ፄሌስ።
\ipi ሀ ኪታ ኮይሮ ቆፋይ፥ ዎሳ ኬን ደንድዳ ዎርዶ ትምርትያባ ምንድ ኦዴስ። ሀ እማ ትምርተይ አይሁደ ትምርትያፈ ባጋ፥ ቃስ አይሁደ ግዶና አሳ ትምርትያፈ ባጋ ኤኬስ። ሄስካ፥ “ሀ በንትያ አላመይ ናጋራን ኢትዳ ግሾ፥ አስ አቶተ ደማናዉ ዱማ ግድዳ ፁራ ኤራናዉ፥ እስ እስ ካታ ሞና አጋናዉነ ማቾ ኤኮና ዎይኮ አዝና ገሎና ዳናዉ ኮሼስ” ግያ ቆፋ ባሶ ኦድ ደንድስ።
\ipi ናምአን ቆፋይ፥ ዎሳ ኬ አይሶባነ ጎይኖ ዎጋባ ታማርስያ ትምርተ፥ ሄሳዳካ ዎሳ ኬ ካለይሳትነ ኤንታ ማደይሳት አይ መላ ማራ ዱሱ ዳናዉ በሲያኮ ኦዴስ።
\ipi ሄን ቆፋይ፥ ፅሞትዮስ የሱስ ክርስቶሳስ ኦያ ሎኦ አስ ዋንድ ግዳናዉ በሲያኮ፥ ቃስ አማንያ አሳ ማታን እያዉ ደእያ አዋተይ አይበኮ፥ ጳዉሎስ እያ ዞርዳ ዞርያ በሴስ።
\iot ማፃፋ አይፈ ቆፋታ
\io1 ገሎ ቆፋ (\ior 1:1-2\ior*)
\io1 ዎሳ ኬ አይስያ አሳ (\ior 1:3—3:13\ior*)
\io1 ኑ አማኑዋ ፁራ (\ior 3:14—4:5\ior*)
\io1 ፅሞትዮሳስ እመትዳ ዞረ (\ior 4:6—6:21\ior*)
\c 1
\p
\v 1 ኑና አሽያ ፆሳንነ ኑ ኡፋይሳን ናግያ የሱስ ክርስቶሳን ኪተትዳ፥ የሱስ ክርስቶሳ ሀዋረ ግድዳ፥ ጳዉሎሳፐ፥ 
\v 2 አማኖን ታዉ ቱማ ናአ ግድዳ ፅሞትዮሳስ።\x - \xo 1:2 \xo*\xt ሀዋ 16:1.\xt*\x*
\p ፆሳ ኑ አዋ፥ ኑ ጎዳ ክርስቶሳ አ ኬሀተይ፥ ማሮተይነ ሳሮተይ ነዉ ግዶ።
\s1 ዎርዶ ትምርተፈ ናገተ
\p
\v 3 ታኒ ማቀዶነ ባሸ ነና ሀዳርዳይሳዳ፥ እስ እስ አሳት ዎርዶ ትምርትያ ታማርሰይሳ ድጋናዉ ነ ኤፈሶናን ጋምአና መላ ኮያይስ። 
\v 4 ኤንቲ ጎእ ባይና ሀይሰ ኦዳነ ባንታ ኮቻ ታይቡዋ አጋናዳ ኦዳ። ሄሳ መላባይ ፓላማ ካለስፐ አትሽን፥ አማኖን ኦሰትያ ፆሳ ኦሱዋስ ማደና። 
\v 5 ሀ ኪታ ሁጰ ቆፋይ ጌሻ ዎዛናፐ፥ ሎኦ ካሀፐነ ቱማ አማኑዋፐ በንትያ ሲቁዋ ደንናሳ። 
\v 6 እስ እስ አሳት ሀይሳ አግድ፥ ፓና ኦዳኮ ስምዶሶና። 
\v 7 ኤንቲ ፆሳ ህግያ አስታማረ ግዳናዉ ኮዮሶና። ሽን ኤንቲ አይ ኦድያኮ ዎይኮ ቱማ ኦድ ኦደይስ እ አይበኮ ኤሮኮና።
\p
\v 8 አስ በሰይሳዳ ህግያን ጎኤትኮ ህገይ ሎኦ ግደይሳ ኤሮስ። 
\v 9 እስባ አኬካናዉ ኮሼስ። ህገይ ሎኦ አሳስ መትቤና። ሽን ህገይ፥ ህገ መንይሳታ፥ ዎራንታ፥ ፆሰ ያዮናይሳታ፥ ሸምፖ ዎይሳታ፥ ናጋራንቾታ፥ ጌሻተ ባይናይሳታ፥ ቱናታ፥ ሀር አቶሽን ባንታ አይዉ ዎይኮ አዋ ዎይሳታ፥ 
\v 10 ላመይሳታ፥ አደይ አደራ ላይማተይሳታ፥ አሰ ባይዘይሳታ፥ ዎርዳንቾታ፥ ዎርዶን ጫቀይሳታ፥ ዎይኮ ቱማ ትምርትያራ ጋሄቶና አይ ኦሶ ኦይሳታ ሴራናዉ ከይስ። 
\v 11 ሄ ትምርተይ ቦንቾነ አንጀትዳ ፆሳይ ታኒ አዋጃና መላ ታዉ ሀዳራ እምዳ ዎንገላ ግዶን ደኤስ።
\s1 ፆሳ ማሮተስ ጋላታ
\p
\v 12 ታኒ ኦያ ኦሱዋን ታዉ ዎልቃ እምዳ ኑ ጎዳ ክርስቶስ የሱሳ ጋላታይስ። ታና ባ ኦሱዋስ ሹምድ ሄ ኦሱዋስ በሰይሳ ግድ ታይብዳ ግሾ እያ ጋላታይስ። 
\v 13 ታኒ ሀይሳፈ ካሰ እያ ጫየይሳ፥ እያ የደይሳነ መቶይሳ ግድኮካ ታኒ ሄሳ ኤሮናነ አማኖና ኦዳ ግሾ ፆሳይ ታና ማርስ።\x - \xo 1:13 \xo*\xt ሀዋ 8:3፤ 9:4-5.\xt*\x* 
\v 14 ኑ ጎዳይ ባ አ ኬሀተ ታ ቦላ ጉስድ፥ ሄ አ ኬሀተራ አማኖነ ሲቆ ክርስቶስ የሱሳ ባጋራ ታዉ እሚስ።
\p
\v 15 “ክርስቶስ የሱሲ ናጋራንቾታ አሻናዉ ሀ አላምያ ይስ” ግያ ቃላይ አማንይሳነ አሳ ኡባይ ኤካናዉ በሰይሳ። ኡባፈ አዳ ናጋራንቾይ ታና። 
\v 16 ሽን መርና ደኡዋ ኤካናዉ እያ አማንያ አሳስ ታኒ ሌምሶ ግዳና መላ የሱስ ክርስቶሲ ዳሮ ዳንዳእስ። ታዉ ኡባፈ አዳ ናጋራንቹዋስ ፆሳይ ባ ማሮታ ዳርስስ። 
\v 17 አይፈን በንቶናይሳስ፥ እስ ፆሳስ፥ ሀይቆናይሳስ፥ መርና ካዋስ፥ መርናፐ መርና ጋካናዉ ጋላታይነ ቦንቾይ ግዶ። አምንእ።
\p
\v 18 ፅሞትዮሳ፥ ታ ናአዉ፥ ካሰ ነባ ናበት ኦድዳ ቃላ ቦላ ኤቃዳ ሀ ኪታ ሀዳራ ነዉ እማይስ። ነ ሄ ቃላ ካልኮ ሎኦ ኦላ ኦለታና። 
\v 19 አማኖይነ ሎኦ ካህ ነዉ ደኦ። እሶት እሶት ካሀ ይድ ማርካበይ ሆበን የይሳዳ ባንታ አማኑዋ ይስዶሶና። 
\v 20 ሄሳ ሀንዳይሳታ ግዶን ሄመነዮስነ እስክንድረይ ደኦሶና። ኤንቲ ታማርድ ፆሳ ጫየይሳ አጋና መላ ታኒ ፃላሄስ ኤንታና አ እማስ።
\c 2
\s1 ኡባስ ዎስተ
\p
\v 1 ኡባፈ ስንታዳ፥ አሳ ኡባስ ፆሳ ኦይቻናዉ፥ ዎሳናዉ፥ ጋናታናዉነ ጋላታናዉ በሰይሳ ታኒ ነና አኬክሳይስ። 
\v 2 ኑኒ ቱማ አያና ደኦንነ ጌሻተን ፆሳ ጎይንሸ ሳሮተንነ ዎፑ ግዳ ደኦን ዳና መላ ካዎታስነ ሹማታ ኡባስ ዎስተ። 
\v 3 ሄሳ መላ ዎሳይ ኑና አሽያ ፆሳ ስንን ሎኦነ ኡፋይስያባ። 
\v 4 ፆሳይ አስ ኡባይ አታናዳነ ቱማ ኤራናዳ ኮዬስ። 
\v 5 እስ ፆሲ ደኤስ። ፆሳፈነ አሳፐ ግዶን ግድድ ስገያ እሶይ ደኤስ፤ እካ አሰ ግድዳ ክርስቶስ የሱሳ። 
\v 6 እ አሳ ኡባ ዎዛናዉ ባና አድ እሚስ። ፆሳይ ባ ዎድያን አሳ ኡባ ዎዛናዉ ኮየይሳ በሲያ ማርካይ ሀይሳ። 
\v 7 ፆሳይ ታና ዎንገላስ አስታማረነ ሀዋረ ኦድ ዶርዳይ ሄሳሳ። ታኒ ቱማ ኦዳይስ፤ ዎርዶትከ፤ አማኖንነ ቱማን አይሁደ ግዶና አሳስ ማርካታና መላ ፆሳይ ታና ሹምስ።\x - \xo 2:7 \xo*\xt 2 ፅሞ 1:11.\xt*\x*
\p
\v 8 ሄሳ ግሾ፥ ኡባ በሳን ደእያ አደት፥ ባንታና ፆሳስ ዱማይድ፥ ሀንቆነ ፓላማ ድግድ፥ ባንታ ኩሽያ ፑደ ደንድ ፆሳ ዎሳና መላ ኮያይስ።
\p
\v 9 ሄሳዳ ማጫሳይ ባንታና ሃርዳይሳ ቆንጭስያ፥ ቦንቾይነ ማር ደእያ ማኡዋ ማአናዉ በሴስ። ኤንቲ ማር ባይና ሁጰ ዳን፥ ዎርቃን ዎይኮ እንቆን፥ ዎይኮ አልኦ አፍላን ባንታና አሌቅሶፖ።\x - \xo 2:9 \xo*\xt 1 ጰፅ 3:3.\xt*\x* 
\v 10 ሽን ፆሳስ ጎይናይስ ግያ ማጫሳይ ባንታዉ በሰይሳዳ ሎኦባ ኦና።
\p
\v 11 ማጫስ ኪተተን ስእ ግድ ታማሮ። 
\v 12 ታኒ ማጫሳይ ታማርሳና መላ ዎይኮ አደ ቦላ አዋታና መላ ግዶናሽን፥ ስእ ግድ ዳና መላ ኮያይስ። 
\v 13 አዳመይ ኮይሮ መትስ፤ ጉየፐ ሄዋና መታሱ።\x - \xo 2:13 \xo*\xt መ 2:7፥ 21-22.\xt*\x* 
\v 14 ቃስ ጭመታዳ ፆሳ ህግያ መንዳይ ማጫስፐ አትሽን፥ አዳመ ግደና።\x - \xo 2:14 \xo*\xt መ 3:1-6.\xt*\x* 
\v 15 ሽን ማጫስ አማኖን፥ ሲቆንነ ጌሻተን ባንታና ሃርድ ደእኮ\f + \fr 2:15 \fr*\fq ባንታና ሃርድ ደእኮ፦ \fq*\ft ዎይኮ እያ የልዳ ናይት አማኖን፥ ሲቆንነ ጌሻተን ባንታና ሃርድ ደእኮ።\ft*\f* ናይታ የሎን አታና።
\c 3
\s1 ዎሳ ኬ ጭማታ
\p
\v 1 ኦንካ፥ “ዎሳ ኬ ካለያ አስ ግዳናዉ ኮይኮ ሎኦባ አሞቴስ” ግያ ኦዳይ ቱማ። 
\v 2 ዎሳ ኬ ካለያ አስ ቦረቶናይሳ፥ እስ ማቸ ፃላል ደኤይሳ፥ ማራን ደኤይሳ፥ ባና ሃረይሳ፥ በሰይሳዳ ኦይሳ፥ እማ ሞከይሳ፥ ታማርሳናዉ ዳንዳኤይሳ፥\x - \xo 3:2 \xo*\xt ትቶ 1:6-9.\xt*\x* 
\v 3 ማቶናይሳ፥ ኦየቶናይሳ፥ ፓላሞናይሳ፥ ሚሸ ሲቆናይሳ፥ 
\v 4 እያ ናይት እያዉ ኪተተይሳነ ቦንቸይሳ፥ ባ ኬ አይሳናዉ ዳንዳኤይሳ ግዳናዉ በሴስ። 
\v 5 እስ አስ ባ ኬ አይሳናዉ ዳንዳኦና እፅኮ፥ ፆሳ ዎሳ ኬ ዋት አይሳናዉ ዳንዳኢ?
\p
\v 6 ኦቶሮን ሱገትድ፥ ፃላሄይ ፆሳ ፕርዳን ኩንድዳይሳዳ ኩንዶና መላ፥ ኦራ አማንዳ አስ ግዳናዉ በሰና። 
\v 7 ቦረንነ ፃላሄ ፅሄን ገሎና መላ ሄ ኡራይ አማኖና አሳ ማታን ናሸተይሳ ግዳናዉ በሴስ።
\s1 ዎሳ ኬ ዳቆነታ
\p
\v 8 ሄሳዳ ቃስ ዎሳ ኬ ዳቆነት ቦንቸትዳይሳታ፥ ናምኡ ዶና ኦደቶናይሳታ፥ ዳሮ ዎይነ ኡሹ ኡዮናይሳታ፥ ሚሸ ያረቶናይሳታ፥ 
\v 9 አማኑዋ ፁራ ጌሻ ካሀን ናገይሳታ ግዳናዉ በሴስ። 
\v 10 ኤንቲ ኮይሮትድ ፓጨታናዉ ኮሼስ፤ ኤንታ ቦላ ቦረይ ባይና እፅኮ፥ ዎሳ ኬ ዳቆነ ግድድ ኦ።
\p
\v 11 ሄሳዳካ፥ ኤንታ ማጫሳት ቦንቸትዳይሳታ፥ ዝግሮናይሳታ፥ ማራን ደኤይሳታ፥ ኡባባን አማነተይሳታ ግዳናዉ በሴስ።
\p
\v 12 ዎሳ ኬ ዳቆነት እስ ማች ፃላል ደኤይሳ ግዶ። ባ ናይታነ ባ ኬ ሎይ አይሰይሳ ግዳናዉ በሴስ። 
\v 13 ዎሳ ኬ ዳቆነ ግድድ፥ ሎኦ ኦሶ ኦይሳት፥ ኤንታዉ ግታ ቦንቾ ቃስ ክርስቶስ የሱሳን ባንታዉ ደእያ አማኑዋባ ኦዳናዉ ዳሮ ምኖተ ደማና።
\s1 አማኖ ግታ ፁራ
\p
\v 14 ታኒ ሀ ኪታ ነዉ ፃፋሸ፥ ኤለሳዳ ኔኮ ባና ጋዳ ኡፋይስ ዎይስ። 
\v 15 ሽን ታኒ ቦና ጋምእኮ፥ ፆሳ ኬን አሳይ ዋንድ ዳናዉ በሲያኮ ኤራና መላ ሀይሳ ነዉ ፃፋይስ። ደኦ ፆሳ ኬይ ቱማተስ ቱስነ ባሶ። 
\v 16 ኑ አማኑዋ ፁራይ ስይ ባይና ግታ።
\q1 ክርስቶስ አሾ ማእድ ቆንጭስ፤
\q2 እያ ቱማተ ጌሻ አያናይ ማርካትስ።
\q1 ኪታንቾታስ በንትስ፤
\q2 እ ካዎተ ኡባስ ሳባከትስ።
\q1 አላመን ደእያ አሳን አማነትስ፤
\q2 ቦንቾን ሳሎ ኤከትስ።
\c 4
\s1 ዎርዶ አስታማረታ
\p
\v 1 ያና ዎድያን ባለያ አያናታነ ቱና አያናታ ትምርተ ካልድ፥ እስ እስ አሳይ አማኑዋ ካዳናይሳ ጌሻ አያናይ ቆንጭስድ ኦድስ። 
\v 2 ሄሳ መላ ትምርተይ ኤንታ ካሀይ ዶጭን፥ አሳ ባለያ ዎርዳንቾ አስታማረታፐ ዬስ።
\p
\v 3 ሄሳ መላ አሳት ኤኮነ ገሎ ቃስ እስ እስ ካታ ሞና መላ ድጎሶና። ሽን አማነይሳትነ ቱማ ኤረይሳት ፆሳ ጋላት ዎስድ ማና መላ ፆሳይ ካ መስ። 
\v 4 ፆሳይ መዳ ኡባባይ ሎኦ። ፆሳ ጋላትድ ሚኮ ዎራ ዎያባይ አይብካ ባዋ። 
\v 5 ኡባባይ ፆሳ ቃላንነ ዎሳን ጌሽ ግዴስ።
\s1 ክርስቶሳ አማንያ አይለ
\p
\v 6 ሄሳ ግሾ፥ ኔኒ ሀ ትምርትያ አማነይሳታ ታማርስኮ፥ ኑ አማኑዋንነ ሎኦ ትምርትያ ኪተታዳ ድጭዳ፥ ክርስቶስ የሱሳ ሎኦ አይለ ግዳና። 
\v 7 ሽን ጎእ ባይና ቱማ ግዶና ኦዳፐነ ጭማ ማጫሳ ሀይሰፐ ባቃታ። ቱማ አያና ደኦን ዳናዉ ነና ሎህሳ። 
\v 8 አስ ባ አሳተ ምንናዉ ኦያ ኦሶይ ጉስ ማዴስ። ሽን ቱማ አያና ደኦን ባና ሎህሶይ ሀእስካ መርናዉካ ደኦ እምያ ኡፋይስ ደእያ ግሾ፥ ኡባስ ማዴስ። 
\v 9 ሀ ቃላይ አሳ ኡባይ ኤካናዉ በሲያ ቱማ ኦዳ። 
\v 10 ኑኒ አሳ ኡባ፥ ኡባፈ አድ አማነይሳታ አሽያ ደኦ ፆሳፈ ኤካና ግድ ኡፋይሳን ናግያ ግሾ፥ ሄሳስ ኑኒ ኦሶን ዳቡሮስነ ባፀቶስ።
\p
\v 11 ሀይሳ ኪታነ ታማርሳ። 
\v 12 ኔኒ ያላጋ ግድያ ግሾ፥ ነና ኦንካ ካፖ። ሽን አማነይሳታስ ኔኒ ኦዳን፥ ኦሶን፥ ሲቆን፥ አማኖንነ ጌሻተን ሌምሶ ግዳ። 
\v 13 ታኒ ያና ጋካናዉ አሳስ ጌሻ ማፃፋ ናባቦን፥ ሳባኮንነ ታማርሶን ምና። 
\v 14 ትንብተይ ኦደትን፥ ጭማት ባንታ ኩሽያ ነ ቦላ ዎዳ ዎደ ኔኒ ኤክዳ፥ ነናን ደእያ ጌሻ አያና እሞታ ካፓ።
\p
\v 15 ነ ድቻይ አሳ ኡባስ ቆንጫና መላ ሄሳ ምን ቆፓ፤ ሀይሳ ኡባ ዎደ ኦ። 
\v 16 ነ ሁጵያስነ ነ ትምርትያስ ናገታ። ኔኒ ሄሳ ኡባ ዎደ ኦኮ ነናነ ነና ስኤይሳታ አሻሳ።
\c 5
\s1 አምኤታባ እመትዳ ዞረ
\p
\v 1 ጭማ አደታ ነ አዋዳ ቦንቻፈ አትሽን፥ ሀንቀቶፋ። ያላጋ አደታ ነ እሻዳ ኦዳ ፄላ። 
\v 2 ጭማ ማጫሳታ ነ አይዳ፥ ያላጋ ማጫሳታ ነ ምችዳ፥ ፖሎ ጌሻተን ኦይካ።
\p
\v 3 አዝን ሀይቅዳ ቱማ አምኤታ ቦንቻ። 
\v 4 ሽን አምኤስ ናይት ዎይኮ ናይታ ናይት ደእኮ፥ ሄ ናይት ቱማ አያና ደኦን ደኤይሳ በሳናዉ ባንታና የልዳይሳታነ፥ ባንታ ዎጋ አይዉነ ዎጋ አዋ ማድድ ኩሸ ዛሮ ታማሮ። ሄስ ፆሳ ኡፋይስያባ።
\p
\v 5 ባርካ ደእያ ቱማ አምእያ ፆሳፈ ማደ ደማናዉ ኡፋይሳን ናጋሱ። ጋላስነ ቃማ ፆሳይ ባና ማዳና መላ ዎሳዉሱነ ኦይቻዉሱ። 
\v 6 ሽን ሀ አላምያን ሎኦ ዱሳ ፃላላ ኮይያ አምእያ ፓፃ ደአሸ ሀይቅዳሮ። 
\v 7 ኦንካ ኤንታ ቦሮና መላ ሀ ኪታ ኤንታዉ እማ። 
\v 8 ሽን ባ ዳቦታስ፥ ኡባፈ አድ ባ ሶ አሳስ ቆፖና ኦንካ ባ አማኑዋ ካድዳይሳ፤ አማኖና አሳፐካ አዳ ኢታ።
\p
\v 9 ላይ ኡሱፑን ታሙ ኩምቦና አምኤ ሱን ማዝጋበን ፃፎፓ። ቃስ ሄሳ ቦላ እያ ባ አዝናስ አማነትዳሮ ግዳናዉ ኮሼስ። 
\v 10 ናይታ ድሾን፥ እማ ሞኮን፥ ጌሻታ ቶሁዋ ሜቻን፥ መቶትያ አሳ ማደን፥ ሎኦ ኦሶ ኡባስ ባና አ እምዳሮነ ሎኦ ኦሶን ኤረትዳሮ ግዳናዉ በሴስ።
\p
\v 11 ሽን ያላጋ አምኤታ ሱን ማዝጋበን ፃፎፓ። ኤንታና አዝና ገሎ ገሎ ግያ አሾ አሞይ ኦይክያ ዎደ ክርስቶሳ አጋና። 
\v 12 ኤንቲ ኮይሮ ገልዳ ቃላ መንዳ ግሾ ፕርደታና። 
\v 13 ሄሳ ቦላ ኤንቲ ኦሶ ይድ ኬፈ ኬ ዩያና። ዩሻ ፃላላ ግዶናሽን፥ ዝግርሳንነ ባንታና ጋናባን ገልድ በሶናባ ኦደቶሶና። 
\v 14 ሄሳ ግሾ፥ ኑ ሞርከት ኑ ቦላ ኦደትያ ኢታባ ደሞና መላ ያላጋ አምኤት አዝና ገልድ፥ ናአ የልድ፥ ባንታ ኬ አይሳና መላ ዞራይስ። 
\v 15 ሀይሳፈ ካሰ ጉ አምኤት ፃላሄ ካላናዉ ጉየ ስምዶሶና።
\p
\v 16 እስ አማንያ ማጫሴስ ሶ አሳ ግዶን አምኤት ደእኮ፥ እያ ኤንታ ማዳናዉ በሴስ። ሄሳዳ ኦኮ፥ ዎሳ ኬስ ቶሆይ ካዉዬስ። ሄ ዎደ ዎሳ ኬይ ማደ በሲያ ቱማ አምኤታ ማዳናዉ ዳንዳኤስ።
\p
\v 17 ዎሳ ኬ ሎይ ሄምያ ጭማት፥ ኡባፈ አድ፥ ቃላ ሳባኮንነ ታማርሶን ዳቡረይሳት ዳኮ ቦንቾ ኤካናዉ በሴስ። 
\v 18 ጌሻ ማፃፋይ፥ “ዉዱማን ካ የያ ቦራ ዶና ቃቾፋ” ሄሳዳካ፥ “ኦሳንቾይ ባ ዳሞዝያ ኤካናዉ በሴስ”\x - \xo 5:18 \xo*\xt ዛረ 25:4፤ ማቶ 10:10፤ ሉቃ 10:7.\xt*\x* ያጌስ።
\p
\v 19 ናምኡ ዎይኮ ሄ ማርክ ባይና፥ ዎሳ ኬ ጭማ ሞትያባ ስኦፓ።\x - \xo 5:19 \xo*\xt ዛረ 17:6፤ 19:15.\xt*\x* 
\v 20 ሀራት ያያና መላ ናጋራ ኦያ ኦናካ አሳ ኡባ ስንን ሀንቀታ።
\p
\v 21 ኔኒ አሳ ሶምኦ በኦና፥ እሱዋ እሱዋፈ ዱማዮና ሀ ኪታ ናጋና መላ ፆሳ፥ ጎዳ የሱስ ክርስቶሳነ ዶረትዳ ኪታንቾታ ስንን ታ ነና ዞራይስ። 
\v 22 ኦደ ቦላካ ነ ኩሽያ ዎዳ ሹማናዉ ኤለሶፓ። ሀራታ ናጋራን ገሎፓ፤ ነና ጌሻተን ናጋ።
\p
\v 23 ኔኒ ኡባ ዎደ ሀርገትያ ግሾነ ነ ኡሎ ሀርግያ ግሾ ሃ ፃላላ ኡዮፓ፤ ጉ ዎይነ ኡያ።
\p
\v 24 እስ እስ አሳታ ናጋራይ ቆንጨ፤ ኤንታ ናጋራይ ኤንታ ፕርዳናዉ ኤንታፈ ስን አስ፥ ሽን ሀራታ ናጋራይ ጉየፐ ጋምእድ ቆንጬስ። 
\v 25 ሄሳዳ፥ ሎኦ ኦሶይካ ቆንጨ፤ ቆንጮና እፅኮካ ጌማናዉ ዳንዳኤና።
\c 6
\s1 አይለታስ እመትዳ ዞረ
\p
\v 1 ፆሳ ሱንይነ ኑ ትምርተይ ጫየቶና መላ አይለተን ደኤይሳት ባንታና ሃርያ ጎዳታ ቦንቾ። 
\v 2 አማንያ ጎዳት ደእያ አይለት፥ ኤንታ ጎዳት ኤንታዉ እሻ ግድያ ግሾ ኤንታ ካፖ። ኤንታ ኦሱዋን ማደትያ ጎዳት፥ አማነይሳታነ ዶሰትዳይሳታ ግድያ ግሾ ኤንቲ ካሰፐ አድ ኦናዉ በሴስ። ኔኒ ሀይሳ ታማርሳናዉነ ኤንቲ ኦና መላ ዞራናዉ በሴስ።
\s1 ቱማ ዱረተ
\p
\v 3 ኦንካ ዱማ ትምርተ ታማርስያባ ግድኮ፥ ኑ ጎዳ የሱስ ክርስቶሳ ቱማ ቃላራነ ኑ አማኖ ትምርትያራ ጋሄተና። 
\v 4 ሄ ኡራይ ኦቶሮን ሱገቴስፐ አትሽን፥ አይኮካ ኤረና። ኤንታዉ እስ ቆፋ ቦላ ፓላማናዉነ ኦየታናዉ ኢታ አሞይ ደኤስ። ሄስ ቃናተ፥ ኦሽ፥ ጫሸ፥ ኢታ ስነ፥ 
\v 5 ጊጎና ፓላማ ካለስ። ቃስ ኤንታዉ ኢታ ዎዛን ደኤስ፤ ቱማ ባልዶሶና፤ ኤንቲ ፆሳ አማኖይ ዱረተስ ኦገ ግድ ቆፖሶና።
\p
\v 6 ሽን ታዉ ደእያባይ ግዳና ግያ አሳስ ቱማ አያና ደኦይ ግታ ዎ። 
\v 7 ኑኒ ሀ አላምያ አይኮካ ኤህቦኮ፤ ቃስ እያፐ አይኮካ ኤክድ ቦኮ። 
\v 8 ኑስ ካነ ማኦይ ደእኮ ሄስ ግዳና። 
\v 9 ሽን ዱረተ ኮየይሳት ፓጨንነ ፅሄን ገሎሶና። ቃስ ኤንታና ዱገ ዳፍያነ ይስያ ኤያተነ ቆህያ አሞን ኩንዶሶና። 
\v 10 ሚሸ ሲቆይ ኢታተ ኡባስ ፑልቶ። እሶት እሶት ሚሸ አሞትሸ አማኖፐ ባለትድ ዳሮ መቶን ባንታና የግዶሶና።
\s1 ዞረነ ኪታ
\p
\v 11 ሽን ነኖ፥ ፆሳ አሶ፥ ሄሳፈ ባቃታ። ፅሎተ፥ ፆሳ ዳኖ፥ አማኖ፥ ሲቆ፥ ዳንዳአነ አሽከተ ካላ። 
\v 12 አማኖ ባፅያ ሎይ ባፀታ። ዳሮ አሳ ስንን ነ ማርካትዳ ነ አማኑዋባ፥ ፆሳይ ነና እያዉ ፄግዳ መርና ደኡዋ ኦይካ። 
\v 13 ኡባስ ደኦ እምያ ፆሳ ስንንነ፥ ጰንፀ ጵላፆሳ ስንን ሎኦ ማርካ ማርካትዳ ክርስቶስ የሱሳ ስንን ታ ነና ኪታይስ።\x - \xo 6:13 \xo*\xt ዮሀ 18:37.\xt*\x* 
\v 14 ኑ ጎዳ የሱስ ክርስቶሲ ቆንጫና ጋካናዉ ሀ ኪታ ባልነ ቦረይ ባይና ናጋ። 
\v 15 ባ ፃላላ ኡባ ሃርያ ቦንቾ ፆሳይ፥ ካዎታ ካዎይ፥ ጎዳታ ጎዳይ፥ ባ ቆፕዳ ቃማን የሱስ ክርስቶሳ ዛር ኪታና። 
\v 16 እስ እያ ፃላል ሀይቀና። ኦንካ ሺቃናዉ ዳንዳኦና ፖኦን ደኤስ። ኦንካ እያ በእቤና፤ ቃስ በአናዉካ ዳንዳኤና። ቦንቾይነ መርና ዎልቃይ እያዉ ግዶ። አምንእ።
\p
\v 17 ሀ አላምያ ዱረት ጮ ይያ ሻሎን ኦቶርቶና መላነ ጬቆና መላ ኦዳ። ኑስ ኮሽያባ ፓላህስድ እምያ ኑና አንጅያ፥ ዱረ ፆሳን አማነታና መላ ኤንታ ኪታ። 
\v 18 ኤንቲ ሎኦ ኦሶ ኦናዳ ሎኦ ኦሶን ዱረታናዳ፥ ኬሀታነ ሀራታስ ሻከይሳታ ግዳና መላ ኪታ። 
\v 19 ሄስ ኤንታዉ ስንስ ምኖ ባሶ ግድያ ግሾ፥ ሄ ዎደ ኤንቲ ቱማ ደኦይ አይ ዳንያኮ ኤራና።
\p
\v 20 ፅሞትዮሳ፥ እስ እስ አሳይ፥ “ኤራተ” ግያ ኤያ ፓላማፐነ ሀዳ ኦዳፐ ባቃታ፤ ነዉ እመትዳ ሀዳራ ናጋ። 
\v 21 እሶት እሶት ኑስ ኤራተ ደኤስ ያግሸ አማኑዋ አግዶሶና።
\p ፆሳ አ ኬሀተይ ህንተ ኡባራ ግዶ።