\id 1TH - GOOFA FULL BIBLE
\ide UTF-8
\h 1 ተሰሎንቀ ኪታ
\toc1 1 ተሰሎንቀ ኪታ
\toc3 1 ተሰ
\toc2 1 ተሰሎንቀ
\mt1 ጳዉሎስ ተሰሎንቀ አሳስ
\mt2 ፃፍዳ ኮይሮ ኪታ
\imt ጋ ቆፋ
\ip ተሰሎንቀይ፥ ሮመ ካዎተን ደእያ ማቀዶነ ቢታስ ዋና ካታማ። ጳዉሎስ ተሰሎንቀን ዎሳ ኬ ፍልጵስዩሳ የድድ ብዳፐ ጉየ ኤስስ። ግዶሽን፥ አይሁደታ አማኖ ካላናዉ ጊገትድ ኡትዳ አይሁደ ግዶና አሳይ፥ ጳዉሎስ ታማርስያ አማኖ ትምርትያን ፆነትዳ ግሾ፥ አይሁደት ቃናትድ፥ ጳዉሎሳ ትምርትያ ጳልቅዶሶና። ሄሳ ግሾ፥ ጳዉሎስ ጋምኦናሽን ተሰሎንቀ የድድ፥ ቤርያ ብስ (\xt 1:9-10\xt*)። ጉየፐ፥ እ ተሰሎንቀ ጋክዳ ዎደ እያ ማድያ ፅሞትዮስ፥ ተሰሎንቀ ዎሳ ኬን ደእያ ሀኖታታ እያዉ ጌሽድ ኦድስ።
\ip ጳዉሎስ ኮይሮ ኪታ ተሰሎንቀ አሳስ ፃፍዳይ፥ አማንያ አሳ ዞራናሳነ ምንናሳ። እ ኤንታ አማኑዋባነ ኤንታ ሲቁዋባ ሎኦ ማርካተ ስእዳ ዎደ ፆሰ ጋላትስ። ካሰ እ ኤንታ ግዶን ደእዳ ዎደ አይ መላ ዱሱ ደእዳኮ ኤንታ ሀሳይሴስ። ሄሳፈ ጉየ፥ ክርስቶሳ ናምአን ዩሳባ ኦይሸትዳ ኦይሻስ ዛሮ እሜስ። ሄ ኦይሻታፐ ጉት፥ “ክርስቶስ ናምአን ያናፐ ስን ሀይቅዳ አማንያ አስ፥ ክርስቶሳ ዩሳይ እምያ መርና ደኦ ኤካናዉ ዳንዳኢ? ክርስቶስ ናምአን ያናይ አዉዴ?” ጌተተይሳታ። ጳዉሎስ ሄ እንጀ ዎድያ ጎኤትድ፥ “ክርስቶሳ ናምአን ዩሳ ኡፋይሳን ናግሸ እ ያና ጋካናዉ ዎፑ ግድ ህንተ ኦሶ ኦተ” ያግድ ዞሬስ።
\iot ማፃፋ አይፈ ቆፋታ
\io1 ገሎ ቆፋ (\ior 1:1-3\ior*)
\io1 ተሰሎንቀ አሳ አማኖነ ሌምሶ ዱሳ (\ior 1:4—3:13\ior*)
\io1 ፆሰ ኡፋይስያ ደኦ (\ior 4:1-12\ior*)
\io1 ክርስቶሳ ናምአን ዩሳባ (\ior 4:13—5:11\ior*)
\io1 ዉርሰ ዞረነ ሳሮ (\ior 5:12-28\ior*)
\c 1
\p
\v 1 ጳዉሎስ ስላሰይነ ፅሞትዮስ ተሰሎንቀ ዎሳ ኬን ደእያ፥ ፆሳ አዋባነ ጎዳ የሱስ ክርስቶሳባ ግድዳ አሳስ ፃፍዳ ኪታ።\x - \xo 1:1 \xo*\xt ሀዋ 17:1.\xt*\x*
\p አ ኬሀተይነ ሳሮይ ህንተዉ ግዶ።
\s1 ተሰሎንቀ አሳ ደኦነ አማኖ
\p
\v 2 ኑኒ ፆሳ ዎስያ ዎደ ኡባን ህንተና ቆፕሸ ህንተ ግሾ ኡባ ዎደ ፆሳ ጋላቶስ። 
\v 3 ፆሳ ኑ አዋ ስንን አማኖን ህንተ ኦዳ ኦሱዋ፥ ሲቆን ህንተ ዳቡርዳ ዳቡራነ የሱስ ክርስቶሳን ደእያ ኡፋይሳ ኤካናዉ ህንተ ምንድ ኤቅዳ ኤቁዋ ኡባ ዎደ ኑኒ ቆፖስ።
\p
\v 4 ኑ እሻቶ፥ ፆሳይ ህንተና ዶሰይሳነ ባ አሰ ኦድ ህንተና ዶርዳይሳ ኑኒ ኤሮስ። 
\v 5 አይስ ጊኮ፥ ኑኒ ዎንገላ ዶና ፃላላን ግዶናሽን፥ ዎልቃን፥ ጌሻ አያናንነ ዎንገላ ቱማ አማኖን ህንተዉ ኤህዳ። ኑኒ ህንተራ ጋምእዳ ዎደ ኡባን ህንተ ግሾ ዋንድ ደእዳኮ ህንተ ኤሬታ። 
\v 6 ህንተ ዳሮ መቶ ኤክኮካ ጌሻ አያናይ እምያ ኡፋይሳን ኪታ ኤክደታ፤ ኑናነ ጎዳ ዳንደታ።\x - \xo 1:6 \xo*\xt ሀዋ 17:5-9.\xt*\x* 
\v 7 ሄሳ ግሾ፥ ማቀዶነነ አካያ ቢታን ደእያ አማንያ ኡባስ ሌምሶ ግድደታ። 
\v 8 ጎዳ ቃላይ ህንተፈ ከይድ፥ ማቀዶነንነ አካያ ፃላላን ግዶናሽን፥ ፆሳ ህንተ አማነይስ ኡባሶን ስኤትስ። ህዛ፥ ኑኒ ጋናባይ አይኮይካ ባዋ። 
\v 9 ኑኒ ህንተኮ ብዳ ዎደ ህንተ ኑና ሞክዳ ሞኩዋነ ህንተ፥ ህንተ ኤቃ አግድ ቱማነ ደኦ ፆሳ ሀጋዛናዉ ህንተ ስምዳይሳ ኤንቲ ባንታ ሁጰን ኦዶሶና። 
\v 10 ቃስ ፆሳ ናአይ፥ የሱሲ፥ ፆሳይ ሀይቆፐ ደንዳይስ፥ ስንፈ ያና ፆሳ ሀንቁዋፈ ኑና አሻናይስ፥ ሳሎፐ ያናይሳ ህንተ ናገይሳ ኤንቲ ማርካቶሶና።
\c 2
\s1 ጳዉሎስ ተሰሎንቀን ኦዳ ኦሶ
\p
\v 1 ታ እሻቶ፥ ኑኒ ህንተኮ ብዳይ መላ ግዶናይሳ ህንተ፥ ህንተ ሁጰን ኤሬታ። 
\v 2 ሽን ኑኒ ህንተኮ ተሰሎንቀ ያናፐ ስን ፍልጵስዩሳ ካታማን ዋየትዳይሳነ ጫየትዳይሳ ህንተ ኤሬታ። ዳሮ እፆይ ደእኮካ ህንተዉ እያ ዎንገላ ኦዳና መላ ፆሳይ ኑስ ምኖተ እሚስ።\x - \xo 2:2 \xo*\xt ሀዋ 16:19-24፤ 17:1-9.\xt*\x* 
\v 3 ኑኒ ህንተና ዞርዳይ ባለን ዎይኮ ጭሞን ዎይኮ ገነን ግደና።
\p
\v 4 ሽን ፆሳይ ኑናን አማነትድ ባ ዎንገላ ኦዳና መላ ኑስ ሀዳራ እምዳ ግሾ ኦዶስ። ኑ ሄሳ ኦይ ኑ ዎዛና በእያ ፆሳ ኡፋይሳናሳፈ አትሽን፥ አሰ ኡፋይሳናሳ ግደና። 
\v 5 ኑ ሚሸ ያርድ ዎርዶ ህንተና ሳቢሸ ህንተኮ ዮናይሳ ሎይድ ኤሬታ፤ ፆሳይ ኑስ ማርካ። 
\v 6 ኑኒ ህንተፈ ግድን ዎይኮ ሀራ አሳ ኦደፈካ ቦንቾ ኮይቦኮ። 
\v 7 ኑኒ ክርስቶሳ ሀዋረ ግደይሳዳ ኑስ ኮሽያባ እምተ ግድ ኤካናዉ ዳንዳኦስ፥ ሽን አይያ ባ ናይታ ድቸይሳ መላ ህንተ ግዶን አሽከ ግድዳ። 
\v 8 ኑ ህንተና ዶስዳ ግሾ ፆሳ ዎንገላ ህንተዉ ሻኮ ፃላላ ግዶናሽን፥ ኑ ደኡዋካ ህንተዉ እማናዉ ጊግዳ። ህንተ ኑስ ዳሮ አልኦ። 
\v 9 ኑ እሻቶ፥ ኑ ኦሱዋነ ኑ ዳቡራ ኤሬታ። ህንተዉ ፆሳ ዎንገላ ኦድሸ፥ ህንተና ዋይሶና መላ ቃማነ ጋላስ ኦዳ።
\p
\v 10 ኑ ደኦይ ህንተ አማነይሳታ ማታንነ ፆሳ ስንን ጌሽ፥ ፅሎነ ቦረቶናይሳ ግደይሳስ ህንተ ማርካ። 
\v 11 ኑኒ ህንተዉ ሁጰን ሁጰን የልዳይሳት ባንታ ናይታስ ሀነይሳዳ ሀንዳይሳ ኤሬታ። 
\v 12 ኑ ህንተና ዞርዳ፥ ምንዳ። ቃስ ባ ካዎተነ ባ ቦንቹዋ ሻካናዉ ህንተና ፄግያ ፆሳ ኡፋይስያ ደኦ ህንተ ዳና መላ ህንተዉ ምንድ ኦድዳ።
\p
\v 13 ህንተዉ ኑኒ ፆሳ ቃላ ኦድዳ ዎደ አሳ ቃላዳ ግዶናሽን፥ ፆሳ ቃላዳ ስእድ ኤክዳ ግሾ ኑኒ ኡባ ዎደ ፆሳ ጋላቶስ። እ ቱማ ፆሳ ቃላ፤ ፆሳ ቃላይ አማንያ ህንተናን ኦስ።
\p
\v 14 ታ እሻቶ፥ ህንተ ይሁዳ ቢታን ደእያ ዎሳ ኬታነ ያን ክርስቶስ የሱሳ ካልያ አሳታዳ ሀንደታ። ኤንታ አይሁደት ዋይስዳይሳዳ ህንተናካ ህንተ ቢታ አሳይ ዋይስዶሶና።\x - \xo 2:14 \xo*\xt ሀዋ 17:5.\xt*\x* 
\v 15 ሄ አይሁደት ጎዳ የሱሳነ ናበታ ዎዶሶና፤ ቃስ ኑና ጎድዶሶና። ኤንቲ ፆሳ ኡፋይሶናይሳታነ አሰ ኡባ እፀይሳታ።\x - \xo 2:15 \xo*\xt ሀዋ 9:23፥ 29፤ 13:45፥ 50፤ 14:2፥ 5፥ 19፤ 17:5፥ 13፤ 18:12.\xt*\x* 
\v 16 ኤንቲ ሀር አቶሽን፥ አይሁደ ግዶና አሳይ አታና መላ ኑኒ ኤንታዉ ቃላ ኦደይሳ ድጎሶና። ሄሳዳ ሀንድ ኤንታ ናጋራ ፁአይ ኩማና ጋካናዉ ኡባ ዎደ ናጋራ ኦሶና። ዉርሰን፥ ፆሳ ሀንቆይ ኤንታ ቦላ ዎስ።
\s1 ተሰሎንቀ አሳ በአናዉ አሞቴስ
\p
\v 17 ሽን ኑ እሻቶ፥ ኑኒ ኑ ቆፋን ግዶናሽን፥ አሾን ህንተፈ ሻከትድ ጉ ዎደ ጋምእዳይሳን ህንተና ዳሮ ላሞትድ በአናዉ ኮይዳ። 
\v 18 ኑ ስም ህንተኮ ባናዉ ኮይዳ። ታኒ ታ ሁጰን ህንተኮ ባናዉ ኮያስ፥ ሽን ፃላሄይ ኑና ድግስ። 
\v 19 ህዛ፥ ኑ ጎዳ የሱስ ክርስቶሲ ያ ዎደ፥ ኑ ኡፋይሳይ ዎይኮ ኑ ጬቀትያ ኑ ካላቻይ ኦኔ? ህንተና ግደከትዬ? 
\v 20 ቱማ ህንተ ኑ ቦንቾነ ኑ ኡፋይስ።
\b
\c 3
\p
\v 1 ሄሳ ግሾ፥ ኑስ ገንጫናዉ ዳንዳኤቶና እፅን፥ አቴና ካታማን ኑርካ አታናዉ ቆፋ ቃችዳ።\x - \xo 3:1 \xo*\xt ሀዋ 17:15.\xt*\x* 
\v 2 ህንተና ዞራናዳነ አማኖን ህንተና ምንናዳ ኑራ እስፈ ፆሳስ ኦይሳነ ክርስቶሳ ዎንገላ ኦድያ ኑ እሻ ፅሞትዮሳ ህንተኮ ኪትዳ። 
\v 3 ህንተና ጋክዳ ጎዳን ህንተፈ ኦንካ ጉየ ስሞፎ። ሄ ጎዳይ ኑስ ፆሳ ሸነ ግደይሳ ህንተ፥ ህንተ ሁጰን ኤሬታ። 
\v 4 ኑ ህንተራ ደእያ ዎደ ጎድ ጋካናይሳ ህንተዉ ኮይሮትድ ኦድዳ። ህንተ ኤረይሳ መላ ሄሳዳ ሀንስ። 
\v 5 ሄሳ ግሾ፥ ታዉ ገንጫናዉ ዳንዳኤቶና እፅን፥ “ኦን ኤር ፃላሄይ ኤንታ ፓጭድ ኑ ዳቡራ መላ አሾና አገና” ጋዳ ህንተ አማኑዋባ ኤራናዉ ፅሞትዮሳ ህንተኮ ኪታስ።
\p
\v 6 ሀእ ፅሞትዮስ ህንተ ማታፐ ይድ፥ ህንተ አማኑዋባነ ህንተ ሲቁዋባ ሎኦ ዎረ ኑስ ኦድስ። ቃስ ህንተ ኡባ ዎደ ኑስ ሎኦ ቆፐይሳነ ኑኒ ህንተና በአናዉ ላሞተይሳዳ ህንተካ ኑና በአናዉ ላሞተይሳ እ ኑስ ኦድስ።\x - \xo 3:6 \xo*\xt ሀዋ 18:5.\xt*\x* 
\v 7 ታ እሻቶ፥ ኑና ጋክያ ዋያንነ ኑ መቶ ኡባን ህንተ አማኑዋ ግሾ ህንተናን ምነትዳ። 
\v 8 ህንተ ጎዳን ምንድ ደእኮ ኑካ ደኦን ደኦስ። 
\v 9 ህዛ፥ ኑኒ ህንተ ጋሶን ደምዳ ኡፋይሳስ ፆሳ ዋት ጋላትኖ? 
\v 10 ኑኒ ህንተና በአናዉነ ህንተ አማኑዋን ፓጭዳባ ኩንናዉ ቃማነ ጋላስ ኑ ኩመ ዎዛናን ፆሳ ዎሶስ።
\p
\v 11 ፆሳይ ኑ አዋይ ባ ሁጰንነ ኑ ጎዳይ የሱስ ክርስቶሲ ኑ ህንተኮ ባና ኦግያ ጊግሶ። 
\v 12 ኑ ህንተና ዳሮ ዶሰይሳዳ ጎዳይ ህንተ እሶይ እሱዋ ሲቅያ ሲቆነ አሰ ኡባ ሲቅያ ሲቆ ህንተዉ ዳርሶነ ጉጆ። 
\v 13 ኑ ጎዳይ የሱስ ክርስቶሲ ባ ጌሻታራ ያ ዎደ ፆሳ፥ ኑ አዋ ስንን ህንተ ዎዛናይ ጌሽነ ቦረይ ባይናይሳ ኦድ እ ህንተና ምንና።
\c 4
\s1 ፆሰ ኡፋይስያ ደኦ
\p
\v 1 ዉርሰን፥ ታ እሻቶ፥ ፆሳ ኡፋይሳናዉ ህንተ ዋንድ ዳናዉ በሲያኮ ኑፐ ታማርደታ። ሄስ ህንተ ኮይሮፐ ደእዳ ደኡዋ፥ ሽን ሀእ ህንተ ካሰይሳፈ አድ ኦናዳ ጎዳ የሱሳ ሱንን ህንተና ዎሶስነ ዞሮስ። 
\v 2 ኑኒ ጎዳ የሱሳ ማታን ህንተና ኪትዳ ኪታይ አዉሰኮ ኤሬታ።
\p
\v 3 ፆሳይ፥ ህንተ ጌሽ ግዳና መላነ ላይማቶና መላ ኮዬስ። 
\v 4 ህንተ እሶይ እሶይ፥ ህንተ ማቸታራ ጌሻተንነ ቦንቾን ዳናዉ በሴስ። 
\v 5 ፆሳ ኤሮናነ አማኖና አሳዳ ላይማተ አሞን ፁገቶፍተ። 
\v 6 ኑ ካሰ ህንተዉ ኦድዳይሳዳነ ምን ዞርዳይሳዳ ጎዳይ ሄሳ መላባ ኦያ ኡባ ፕርድያ ግሾ፥ ኦንካ ሀይሳታን ባ አማንያ እሻ ናቃናዉነ ጭማናዉ በሰና። 
\v 7 ፆሳይ ኑና ጌሻተን ዳና መላ ፄግስፐ አትሽን፥ ቱናተን ዳና መላ ፄግቤና። 
\v 8 ሄሳ ግሾ፥ ሀ ትምርትያ እፅያ ኦንካ ህንተዉ ጌሻ አያና እምያ ፆሳ እፄስፐ አትሽን፥ አሰ ግደና።
\p
\v 9 ህንተ እሶይ እሱዋ ዋት ሲቃነኮ ፆሳይ ህንተና ታማርስዳ ግሾ፥ ሀእ ሲቆባ ኑ ህንተዉ ፃፋናዉ ኮሸና። 
\v 10 ቃስ ማቀዶነ ቢታን ደእያ አማንያ እሻታ ኡባ ቱማ ህንተ ዶሴታ። ሽን ኑ እሻቶ፥ ሀእካ ህንተ ኤንታ አድ ዶሳና መላ ህንተና ዎሶስ።
\p
\v 11 ኑኒ ካሰ ህንተዉ ኦድዳይሳዳ ዎፑ ግዳ ደኡዋ ደእተ። ህንተ፥ ህንተ ኦሶ ኦድ ህንተዉ ዱሳስ ኮሽያባ ደምተ። 
\v 12 ሄሳዳ ሀንኮ፥ አማኖናይሳታ ማታን ህንተ ቦንቸታና፤ ቃስ ህንተና ኮሽያባስ ኦናካ አዳሸከታ።
\s1 ጎዳይ ያና
\p
\v 13 ኑ እሻቶ፥ አማንድ ሀይቅዳ አሳት ሀናናባ ህንተ ኤራና መላ ኑ ኮዮስ። ህንተ ኤንታ ግሾ ኡፋይስ ባይና አሳዳ ካዮቶፍተ። 
\v 14 ኑኒ፥ የሱሲ ሀይቅዳይሳነ ቃስ ሀይቆፐ ደንድዳይሳ አማኖስ። ሄሳዳካ፥ ፆሳይ የሱሳ አማንድ ሀይቅዳይሳታ እያራ ዎላ ኤሀናይሳ አማኖስ።
\p
\v 15 ጎዳይ ኑስ ኦድዳይሳዳ ጎዳይ ያ ጋላስ እያራ ጋሄታናዉ ኑኒ ፓፃ ደኤይሳት፥ ሀይቅዳይሳታፐ ስንቶኮ። 
\v 16 ጎዳይ ዎልቃማ ኪታራ፥ ኪታንቾታ ሀላቃ ግርሳራ፥ ፆሳ ሞይዘ ፑኖራ፥ ሳሎፐ ዎና። ክርስቶሳ አማንድ ሀይቅዳይሳት ኮይሮትድ ሀይቆፐ ደንዳና። 
\v 17 ሄሳፈ ጉየ፥ ሄ ዎደ ኑኒ ፓፃ ደኤይሳት፥ ጎዳራ ሻራን ጋሄታናዉ ኤንታራ እስፈ ሳሎ ኤከታና። ሄሳፈ ጉየ፥ ኑኒ ጎዳራ እስፈ መርናዉ ዳና። 
\v 18 ሄሳ ግሾ፥ ሀ ቃላን እሶይ እሱዋ ምንተ።
\c 5
\p
\v 1 ታ እሻቶ፥ ሀ ሀኖት ሀናና ዎድያነ አጌና ህንተዉ ፃፋናዉ ኮሸና። 
\v 2 ጎዳ ጋላሳይ ካይሶይ ቃማ የይሳዳ ያናይሳ ህንተ ሎይ ኤሬታ።\x - \xo 5:2 \xo*\xt ማቶ 24:43፤ ሉቃ 12:39፤ 2 ጰፅ 3:10.\xt*\x* 
\v 3 አሳይ፥ “ሳእ ሳሮ፥ አይኮይካ ሀነና” ያግሽን፥ ማጫስ እቀ ኦይከይሳዳ ዮይ ኤንቲ ቆፖና ኤንታ ቦላ ያና። ኤንቲ አይ ኦገንካ ከስ ኤኮኮና።
\p
\v 4 ሽን ኑ እሻቶ፥ ሄ ጋላሳይ ህንተዉ ካይሶይ የይሳዳ ያናዉ ህንተ ማን ደኤከታ። 
\v 5 ህንተ ኡባይ ፖኦ አስነ ጋላሳን ደእያ አስ፤ ኑኒ ቃማ አስ ዎይኮ ማ አስ ግዶኮ። 
\v 6 ሄሳ ግሾ፥ ኑኒ ሀራት ስከይሳዳ ስካናዉ በሰና፤ ኑኒ ባርካናዉነ ጊግድ ዳናዉ በሴስ። 
\v 7 ስከይሳት ቃማ ስኮሶና፤ ማተይሳት ቃማ ማቶሶና። 
\v 8 ሽን ኑኒ ጋላሳ አስ ግድያ ግሾ ጊግድ ዳናዉ በሴስ። አማኖነ ሲቆ ፁሩረዳ ትራን ማእድ፥ አቶተ ኡፋይሳ ሁጰን ዎያ ኦላ ብራታ ባርኔፃዳ ዎድ ዳናዉ በሴስ።\x - \xo 5:8 \xo*\xt እሳ 59:17፤ ኤፈ 6:13-17.\xt*\x* 
\v 9 ፆሳይ ኑና ኑ ጎዳ የሱስ ክርስቶሳ ባጋራ ኩመ አቶተ ኤካና መላ ዶርስፐ አትሽን፥ ሀንቆስ ዶርቤና። 
\v 10 ኑኒ ፓፃ ደእን ዎይኮ ሀይቅን፥ ክርስቶስ ያ ዎደ እያራ እስፈ ዳና መላ ክርስቶስ ኑ ግሾ ሀይቅስ። 
\v 11 ሄሳ ግሾ፥ ህንተ ካሰ ኦይሳዳ፥ እሶይ እሱዋ ምንተነ ድችተ።
\s1 ዞረነ ሳሮ
\p
\v 12 ኑ እሻቶ፥ ህንተ ግዶን ኦይሳታ፥ ህንተና ካለና መላነ ዞራና መላ ጎዳይ ዶርዳይሳታ ቦንቻና መላ ህንተና ዎሶስ። 
\v 13 ኤንቲ ኦያ ኦሱዋ ግሾ፥ ኤንታ ዳሮ ቦንችተነ ሲቅተ። እሶይ እሱዋራ ሳሮተን ደእተ።
\p
\v 14 ኑ እሻቶ፥ ኑኒ ህንተና ዞሮስ። ቦዛታ ሀንቅተ፤ ባበይሳታ ምንተ፤ ዳቡራንቾታ ማድተ፤ አሰ ኡባ ዳንዳእተ። 
\v 15 ኦንካ ኢታ ግሾ ኢታ ዛሮና መላ ናገትተ። ህንተ ዎልስነ አሳ ኡባስ ሎኦባ ኦናዉ ምንተ።
\p
\v 16 ኡባ ዎደ ኡፋይትተ። 
\v 17 ኡባ ዎደ ፆሳ ዎስተ። 
\v 18 ኡባባን ጋላትተ። ክርስቶስ የሱሳ ባጋራ ፆሳይ ህንተፈ ኮየይ ሄሳ።
\p
\v 19 ጌሻ አያና ኦሱዋ ቶይሶፕተ። 
\v 20 ትንብተ ቃላ ካፕተ። 
\v 21 ኡባባ ፓጭተ፤ ሎኦባ ኤክተ። 
\v 22 ኢታ ኦሶ ኡባፈ ሃክተ።
\p
\v 23 ሳሮ እምያ ፆሳይ ባ ሁጰን ህንተና ፖሎ ጌሾ። ኑ ጎዳይ የሱስ ክርስቶሲ ያና ጋላሳስ፥ ፆሳይ ህንተ አያና፥ ህንተ ሸምፑዋነ ህንተ ኩመ አሳተ ቦረይ ባይና ናጎ። 
\v 24 ህንተና ፄገይስ አማነትዳይሳ ግድያ ግሾ፥ ሄሳ እ ፖላና።
\p
\v 25 ኑ እሻቶ፥ ኑስ ፆሳ ዎስተ።
\p
\v 26 አማንያ አሳ ኡባ ጌሻ ዬረተን ሳሮተ።
\p
\v 27 ህንተ ሀ ኪታ አማንያ አሳ ኡባስ ናባባናዳ ጎዳ ሱንን ህንተና ዎሳይስ።
\p
\v 28 ኑ ጎዳ የሱስ ክርስቶሳ አ ኬሀተይ ህንተራ እስፈ ግዶ። አምንእ።