\id 1SA - GOOFA FULL BIBLE
\ide UTF-8
\h 1 ሳሜላ ማፃፋ
\toc1 1 ሳሜላ ማፃፋ
\toc3 1 ሳሜ
\toc2 1 ሳሜላ
\mt 1 ሳሜላ ማፃፋ
\imt ጋ ቆፋ
\ip ሳሜላ ማፃፋን ኮይሮ ሻሆይ፥ እስራኤለ አሳይ ዳይናት አይስያ ካዎተፈ ካዎት አይስያ ካዎተኮ ፕንዳ ሀኖታ ኦዴስ። ሀ ላመይ እስራኤለ አሳ ደኡዋን ኦናዉ ዳንዳእዳይ፥ ሄ አሳታ ጋሶና። ኤንታፈ ኮይሮይ፥ ዉርሰን ደእዳ፥ አይሰይሳታ ግዶፈ ግታ ግድዳ ናብያ ሳሜላ። ሳሜል ሌወ ኮቸ ግዶና እፅኮካ ካህነታዳ ያርሾ ያርሽስ (\xt 7:17\xt*)። ናምአንይ፥ እስራኤለስ ኮይሮ ካዎ ግድዳ ሳኦላ፤ ሄንይ፥ ማታ ኦይካናፐ ካሰ እያ ታርከይ ሳሜላነ ሳኦላ ታርክያራ ጋሄትድ ደእያ ዳዊታ። ኤንታ ቦላ ቆሆ ጋዳ ግሾ፥ ናአተይ ሳሜል አይስያ አስ ግድድ ደንድያ ዎደ፥ ፍልስፄመ አሳይ እስራኤለ ኦልድ ታቦትያ ድእድ፥ ቅርያት-ይኣርመን ዎዶሶና (\xt 4:1—7:2\xt*)።
\ip ሀ ማፃፋስ ዋና ኪታይ፥ ጋልአ ጫቆን ደእያ ሀራ ታርከ ማፃፋታዳ ፆሳስ አማነተ፥ አንጆስነ እንጀ ዱሳስ ጋይሳነ ኪተተ እፆይ ኩንደነ ዮ ኤሄይሳ በሴስ። ሄስካ፥ ፆሳይ ካህንያ ኤለስ ኦድዳይሳዳ፥ “ታና ቦንቸይሳታ ታኒ ቦንቻና፤ ታና ካይሳት ባንታዉ ካታና” ግዳ ቃላ (\xt 2:30\xt*) ቆንጭስ።
\ip ሀ ማፃፋይ ካዎይ ሃርያ ካዎተ ኤስያ ዎደ አሳስ ስኤትያ ሀኖታ ቆንጭሴስ። እስራኤለ አሳስ ኤረትዳ ቱማ ካዎይ ፆሰ። ሽን ጉየፐ አሳይ ኦይሻ ደንን፥ ፆሳይ ኤንታዉ ካዎ ዶርስ። ሄስ ሀንኮካ፥ እስራኤለ አሳ ግድን፥ ኤንታና አይስያ ካዋ ግድን፥ ፆሳ ግታተፈነ እያ ፕርዳፈ ጋርሳን ደኤይሳ ኤራናዉ በሴስ (\xt 2:7-10\xt*)።
\iot ማፃፋ አይፈ ቆፋታ
\io1 ሳሜላ የለተነ ናአተ ዎድያ (\ior 1:1—2:10\ior*)
\io1 ሳሜል ጌሻ ዱንካንያ ግዶን (\ior 2:11—3:2\ior*)
\io1 ታቦትያ ድኤተነ ስሙዋ (\ior 4:1—7:2\ior*)
\io1 ሳሜል እስራኤለ ካለያ አስ ግድስ (\ior 7:3-17\ior*)
\io1 ሳኦል ካዎ ግዳናዉ ሹመተ (\ior 8:1—11:15\ior*)
\io1 ሳሜላ ሻከተ ሃሳያ (\ior 12:1-25\ior*)
\io1 ሳኦላ ኮይሮ አይሶ ላይታ (\ior 13:1—15:35\ior*)
\io1 ዳዊቲ ካዎ ግዳናዉ ዶረተ (\ior 16:1—16:23\ior*)
\io1 ዳዊቲ ጎልያዳ ዎዋነ ሳኦል ዳዊታ ዎናዉ ኮሻ (\ior 17:1—18:30\ior*)
\io1 ዮናታን፥ ሳሜልነ አብመለከይ ዳዊታ ማዱዋ (\ior 19:1—21:9\ior*)
\io1 ዳዊቲ ሳኦላፐ ባቃቱዋነ ሳኦል ካህነታ ዎዋ (\ior 21:10—22:23\ior*)
\io1 ዳዊቲ ሳኦላ ዎናዉ ኮይቤና (\ior 23:1—26:25\ior*)
\io1 ዳዊቲ ፍልስፄመ ባቃቱዋነ ሳኦል ሳሜላ ሞይትለ ኦድሱዋ (\ior 27:1—28:25\ior*)
\io1 ዳዊቲ ባ ሶ አሳ ዛርስ (\ior 29:1—30:31\ior*)
\io1 ሳኦላነ እያ ናይታ ሀይቁዋ (\ior 31:1-13\ior*)
\c 1
\s1 ሳሜላ የለተ
\p
\v 1 ደረይ ዳርያ ኤፍሬማ ቢታን፥ ራማ ካታማን ደእያ፥ ኤፍሬማ ኮቸነ ዙፋ ኮቸ ግድዳ፥ ህልቃና ጌተትያ እስ አደይ ደኤስ። እ ይሮሃማ ናአ፤ ይሮሃም ኤልሁ ናአ፤ ኤልሁ ቶሁ ናአ፤ ቶሁይ ዙፋ ናኣ። 
\v 2 ህልቃናስ ናምኡ ማቸት ደኦሶና፤ እስነ ሱንይ ሃኖ፤ ሀንኮር ሱንይ ፕናኖ። ፕናንስ ናይት ደኦሶና፥ ሽን ሃናስ ናእ ባዋ።
\p
\v 3 ህልቃን ላይን ላይን ኡባፈ ዎልቃማ ጎዳ ጎይናናዉነ እያዉ ያርሻናዉ ሴሎ ቤስ። ኤል ናይት ናምአይ፥ አፍናንነ ፍንሃስ ጎዳ ካህነ ግድድ ሴሎን ሀጋዞሶና። 
\v 4 ህልቃን ያርሾ ያርሽያ ዎደ ኡባን አሹዋፐ እስ እስ ኩሸ ባ ማቸ ፕናንስ፥ ባ አደ ናይታስነ ማጫ ናይታስ ሁጰን ሁጰን እሜስ። 
\v 5 ጎዳይ ሃኖ የሎ ድግኮካ፥ ህልቃን እዮ ዶስያ ግሾ፥ እዉ ናምኡ ኩሸ እሜስ። 
\v 6 ጎዳይ ሃኖ የሎ ድግዳ ግሾ፥ እ ዳዉያ እዮ ቶቻዳ ይሎያዉሱ። 
\v 7 ሄስ ላይን ላይን ኡባ ዎደ ሀንያባ። ሃና ጎዳ ኬ ብዳ ዎደ ኡባን እ ዳዉያ እያ ዬካና ጋካናዉነ ካ እፃና ጋካናዉ ይሎያዉሱ። 
\v 8 እ አዝናይ ህልቃን፥ “ሃነ፥ ነ አይስ ዬካይ? አይስ ካ ሚኪ? ነ ዎዛናይ አይስ አዛኒ? ታኒ ነዉ ታሙ ናይታፐ አክናዬ?” ያጌስ።
\p
\v 9 እስ ጋላስ ኤንቲ ሴሎን ምዳፐነ ኡይዳፐ ጉየ፥ ሃና ደንዳ ኤቃሱ። ካህነይ ኤል ጎዳ ኬ ፐንግያ ማታን ባ ኡትያ በሳን ኡትስ። 
\v 10 ሃና ዳሮ አዛንዳ ግሾ ጫመታዳ ዬካሸ ጎዳ ዎሳሱ። 
\v 11 እያ ሀይሳዳ ያጋዳ ቃንገታሱ፤ “ኡባፈ ዎልቃማ ጎዳዉ፥ ታና ነ አይልዉ በአ። ታ መቱዋ በአዳ፥ ታና ሀሳያ፤ ታና ነ አይልዉ ዶጎፓ። ኔኒ ታዉ ነ አይሌስ አደ ናአ እምኮ፥ እያ ደኦ ላይ ኡባን ታኒ እያ ነዉ እማና፤ እያ ሁጰይ ፖሎ ሜደተና” ያጋሱ።
\p
\v 12 ሃና ጎዳ ዎሳ አዱስዳ ዎደ ኤል እ ዶና በኤስ። 
\v 13 ሃና ባ ዎዛናን ፆሳ ዎስያ ዎደ እ መተርሻይ ቃፄስ፥ ሽን እ ቃላይ ስኤተና፤ ሄሳ ግሾ፥ ኤል እዮ ማትዳዳ ቆፕስ። 
\v 14 እ፥ “ኔኒ አዉደ ጋካናዉ ማታይ? ዎይነ ኡሻ ኔፐ ድጋ” ያግስ።
\p
\v 15 ሃን ዛራዳ፥ “ታ ጎዳዉ፥ ግደና፤ ታኒ ዳሮ አዛንዳ ማጫስ፤ ታኒ ታ ሸምፑዋፈ ጎዳ ዎሳይስፐ አትሽን፥ ዎይነ ዎይኮ ማይያ ኡሹ ኡያብከ። 
\v 16 ታኒ መቶይነ አዛኖይ ዳርዳ ግሾ ዎሳይስ። ታና ነ አይልዉ ፓና ማጫስ ኦዳ ቆፖፋ” ያጋሱ።
\p
\v 17 ኤል ዛሪድ፥ “ሳሮ ባ፤ ኔኒ ዎስያባ እስራኤለ ፆሳይ ነዉ እሞ” ያግስ።
\p
\v 18 ሃና፥ “ነ አይልያ ነ ስንን ሳባ ደሞ” ያጋሱ። ሄሳፈ ጉየ፥ እያ ባ ኦግያ ባዳ ካ ማሱ፤ ሄሳፈ ስማዳ እያ አዛናቡኩ።
\p
\v 19 ዎንተ ጋላስ ጉራ ደንድድ፥ ህልቃንነ እያ ሶ አሳይ ጎዳ ጎይንዳፐ ጉየ፥ ራማ ካታማን ደእያ ባንታ ሶ ስምዶሶና። ህልቃን ባ ማቸ ሃንራ አቅስ፤ ጎዳይ እዮ ቆፕስ። 
\v 20 እያ ቃንታዳ አደ ናአ የላሱ። ሃና፥ “ታኒ ጎዳ ዎስን እ ታና ስእስ” ጋዳ እያ ሱን ሳሜላ ሱንሱ።
\p
\v 21 ህልቃን ባ ሶ አሳ ኡባራ ላይ ያርሾ ጎዳስ ያርሻናዉነ ቃንገ ጋናዉ ሴሎ ብስ። 
\v 22 ሽን ሃና ባቡኩ። እያ ባ አዝናኮ፥ “ናአይ ን ዱዳፐ ጉየ፥ እያ ኤፋዳ፥ ጎዳስ እማና፤ እ መርናዉ ያን ዳና” ያጋሱ።
\p
\v 23 ህልቃን፥ “ነና ሎእዳባ ኦ፤ እ ን ዱና ጋካናዉ ሶን ጋምአናዉ ዳንዳኣሳ፤ ጎዳይ ባ ገልዳ ቃላ ነዉ ፖሎ” ያግስ። ሃና ባ ናኣ ን ዱና ጋካናዉ ሶን ጋምአሱ።
\p
\v 24 ሃና ናአይ ን ዱዳፐ ጉየ፥ ናኣነ ሄ ላይ ዎፋኖ\f + \fr 1:24 \fr*\fq ሜ ላይ ዎፋኖ፦ \fq*\ft እብራወ ብርሸይ ሄ ዎፋኖ ጌስ፤ ቃስ ግርከ ብርሸይ ሄ ላይ ዎፋኖ ጌስ።\ft*\f* ላታሙ ክሎ ግራመ ለነ ኦጎሮ ኩመ ዎይነ ኡሹ ኤካዳ ሴሎን ደእያ ጎዳ ኬ ባሱ፤ ሄ ዎደ ናአይ ጉ። 
\v 25 ኤንቲ ዎፋኑዋ ሹክዳፐ ጉየ ናኣ ኤልኮ ኤፍዶሶና። 
\v 26 ሃና፥ “ታ ጎዳዉ፥ ነ ሸምፖይ ኤሮ፤ ነ ስንን ኤቃዳ ጎዳ ዎስዳ ማጫስያ ታና። 
\v 27 ሀ ናኣ እማና መላ ዎስን፥ ጎዳይ ታ ዎስዳባ እሚስ። 
\v 28 ሄሳ ግሾ፥ ታኒ እያ ጎዳስ እማስ፤ እ ባ ደኦ ላይ ኡባን ጎዳስ እመትስ” ያጋሱ። ኤንቲ ያን ጎዳ ጎይንዶሶና።
\c 2
\s1 ሃን ዎሳ
\p
\v 1 ሃና ሀይሳዳ ያጋዳ ዎሳሱ፤
\q1 “ታ ዎዛናይ ጎዳን ኡፋይቴስ፤
\q2 ታ ካጨይ\f + \fr 2:1 \fr*\fq ካጨይ፦ \fq*\ft ሀ በሳንነ ሀራ በሳን አጨይ ምኖተ ማላ።\ft*\f* ጎዳን ቁ ግስ።
\q1 ታ ሞርከታ ቦላ ታኒ ጬቀታይስ፤
\q2 ነ አሾይ ታና ኡፋይሴስ።
\q1
\v 2 ጎዳ መላ ጌሽ ባዋ፤
\q2 ነ መል ኦንካ ባዋ።
\q1 ኑ ፆሳፈ አትሽን፥
\q2 ሀራ ዛል ባዋ።
\q1
\v 3 ኦቶሮ ሃሳያ አግተ፤
\q2 ኦቶሮ ቃል ህንተ ዶናፐ ከዮፖ።
\q1 ጎዳ ፆሳይ ኡባ ኤሬስ፤
\q2 አሳ ኦሶ ይግድ ፄሌስ።
\q1
\v 4 ኦላንቾታ ዶንገይ መቅስ፤
\q2 ሽን ዳቡራንቾት ዎልቃ ደምዶሶና።
\q1
\v 5 ካልዳይሳት ኮሻትድ ኡነትዶሶና፤
\q2 ሽን ኮሻትዳይሳት ሀእ ካልዶሶና።
\q1 ማይንያ ላፑን ናይታ የላሱ፤
\q2 ሽን ዳሮ ናይታ የልዳራ ባርካ አታሱ\f + \fr 2:5 \fr*\fq ባርካ አታሱ፦ \fq*\ft ሀራ ብርሸይ ዳቡራሱ ጉሱ።\ft*\f*
\q1
\v 6 ጎዳይ ዎስ፥ ፓስ፤
\q2 ስኦለን የጌስ፥ ያፐ ከሴስ።
\q1
\v 7 ጎዳይ ዱረዬስ፤ ጎዳይ ማንቀስ፤
\q2 ካዉሼስ፤ ቁ ኦስ።
\q1
\v 8 እ ማንቆታ ባናፐ ደንስ፤
\q2 መቶታንቾታ ብዶፐ ደንስ።
\q1 ኤንታ ቦንቾ አሳራ ኡትሴስ፤
\q2 ቦንቾ አራታ ላትሴስ።
\q1 ቢታ ባሶት ጎዳሳ፤
\q2 ኤንታ ቦላ አላምያ ኤስስ።
\b
\q1
\v 9 “እ ጌሻታ ቶሁዋ ናጌስ፤
\q2 ሽን ኢታታ ማን ስእ ኦና፤
\q2 አስ ባ ዎልቃን ፆነና፤
\q1
\v 10 ጎዳራ ኤቀተይሳት ሊቃና፤
\q2 ጎዳይ ሳሎፐ ኤንታ ቦላ ዳዳዳ ደቻና።
\q1 ጎዳይ ሳአን ደእያ ኡባ ፕርዳና፤
\q2 እ ባ ካዋስ ምኖተ እማና፤
\q2 እ ባ ትይዳይሳስ ፆኖ እማና።”
\p
\v 11 ሄሳፈ ጉየ፥ ህልቃን ራማን ደእያ ባ ሶ ብስ፤ ሽን ናአይ ሳሜል ካህንያ ኤልፐ ጋርሳራ ጎዳስ ኦስ።
\s1 ኤል ናይታ ኢታተ
\p
\v 12 ኤል አደ ናይት ኢታ፤ ኤንቲ ጎዳ ቦንቾኮና። 
\v 13 ሄ ዎደ ካህነት አሳራ ደእያ ጋሄተን ኦያ ዎግ ደኤስ። ሄስካ አሳይ ያርሾ ያርሽያ ዎደ ካህንያ ኦሳንቾይ ሄ አቻራ ደእያ ቃጰ ኤክድ ቡሮ አሾይ ካፅሽን ዬስ። 
\v 14 ዶይስያ ኦቱዋን ዎይኮ ድስትያን ዎይኮ ፃሩዋን ባ ቃጵያ የድድ፥ አይ ቆሞ አሾ ግድኮካ ከስ ኤፍድ ካህንያስ እሜስ። ያርሾ ያርሻናዉ ሴሎ ያ እስራኤለ አሳ ኡባ ቦላ ኤንቲ ሀይሳዳ ኦሶና። 
\v 15 ቃስ ሞዋ ያርሾ በሳን ፁጋናፐ ስን ካህንያ ኦሳንቾይ ያርሾ ያርሽያ አድያኮ ብድ፥ “ካህነይ ቃየ አሾፐ አትሽን፥ ካፅዳ አሾ ኔፐ ኤኮና ግሾ፥ እያዉ ጫጫናዉ አሾ ሀማ” ያጌስ።
\p
\v 16 አደይ ዛሪድ፥ “ኮይሮትድ ሞይ ፁገቶ፤ ሄሳፈ ጉየ፥ ነ ኮየይሳ ኤካ” ያጌስ፤ ሽን ካህንያ አይለይ፥ “አካይ፥ ታዉ ሀእ እማ፥ ነ ድግኮ፥ ታኒ ዎልቃን ኤካና” ያጌስ።
\p
\v 17 ጎዳስ እምያ ያርሹዋ ኤል ናይት ካዳ ግሾ፥ ኤንታ ናጋራይ ጎዳ ስንን አድ ዳርስ።
\p
\v 18 ሽን ሳሜል ናአ ደእሸ ሊኖፐ ኦሰትዳ ኤፉደ\f + \fr 2:18 \fr*\fq ኤፉደ፦ \fq*\ft እብራወ ዶናን ካህነይ ማእያ ማኦ ቃን ጉሱ።\ft*\f* ማኦ ማእድ ጎዳ ስንን ኦስ። 
\v 19 ሳሜላ አይያ ላይን ላይን ጉ ቆለ ጊግሳዳ፥ ላይ ያርሾ ያርሻናዉ ባ አዝናራ ባሸ እያዉ ኤካዳ ባዉሱ። 
\v 20 ኤል ህልቃናነ እያ ማችዉ፥ “ህንተ ጎዳስ ዱማይድ እምዳ ሀ ናኣ በሳን ጎዳይ ነዉ ሀ ማቸፈ ሀራ ናይታ እሞ” ያግድ አንጄስ፤ ያትን፥ ኤንቲ ባንታ ሶ ስሞሶና። 
\v 21 ጎዳይ ሃና አንጅን፥ ቃንታዳ ሄ አደ ናይታነ ናምኡ ማጫ ናይታ የላሱ። ናአይ ሳሜል ጎዳ ስንን ድጭስ።
\p
\v 22 ኤል ዳሮ ጭምስ። እያ ናይት እስራኤለ አሳ ኡባ ቦላ ኦዳ ኢታባነ ጌሻ ዱንካንያ ፐንገን ጎዳስ ኦያ ማጫሳታራ ቱንዳይሳ ስእስ። 
\v 23 ሄሳ ግሾ ኤንታኮ፥ “ህንተ ሀይሳ መላባ አይስ ኦቲ? ህንተ ኢታ ኦሱዋ ታኒ አሳ ኡባፈ ስአስ። 
\v 24 ታ ናይቶ፥ ሄሳ አግተ፤ ጎዳ አሳይ ህንተና ግያባይ ሎኦ ግደና። 
\v 25 እስ አስ አሰ ናቅኮ፥ ፆሳይ እያዉ ጋናታና፤ ሽን አስ ጎዳ ናቅኮ፥ እያዉ ጋናታናይ ኦኔ?” ያግስ።
\p ጎዳይ ኤንታና ዎናዉ ኮይዳ ግሾ ኤንቲ ባንታ አዋ ዞርያ ስኦና እፅዶሶና።
\p
\v 26 ናአይ ሳሜል ጎዳ ስንንነ አሳ ስንን ድጭስነ ሳበትስ።
\s1 ኤል ኬ ቦላ ኦደትዳ ትንብተ
\p
\v 27 እስ ጋላስ ናበይ ኤልኮ ይድ፥ “ጎዳይ ሀይሳዳ ያጌስ። ‘ነ አዋ ሶ አሳይ ግብፀ ቢታን ፓሮና ኩሸን ደእያ ዎደ ታ ኤንታዉ ቆንጫብክና? 
\v 28 ነ አዋይ ካህነ ግድድ ታ ያርሾ በሳ ከያና መላ፥ እፃነ ጩይሳና መላነ ታ ስንን ኤፉደ ማእድ ኦና መላ እስራኤለ ዛረ ኡባፈ እያ ዶራስ። እስራኤለ አሳይ ታማን ያርሽያ ያርሾ ኡባ ታኒ ነ አዋ ኮቻስ እማስ። 
\v 29 ታኒ ታ ደእያ በሳን ሺቃና መላ ኪትዳ ታ ያርሹዋነ እሙዋ ህንተ አይስ ካደቲ? ታ አሳ እስራኤለ፥ ታዉ ሺሽዳ ያርሾ ኡባፈ ዶረትዳይሳ ምድ ሞና መላ ኦዳ ነ ናይታ ታፐ አዳ አይስ ቦንቻዲ?’
\p
\v 30 “ሄሳ ግሾ፥ ጎዳይ፥ እስራኤለ ፆሳይ ሀይሳዳ ያጌስ። ነ ኮቻይነ ነ አዋ ኮቻይ መርናዉ ታዉ ኦና። ሽን ሀእ ሄስ ታፐ ሃኮ፤ ታና ቦንቸይሳታ ቦንቻና፤ ታና ካይሳት ካታና። 
\v 31 ነ ኮቻን አስ ጬጎና መላ ታኒ ነ ዎልቃነ ነ አዋ ሶ አሳ ዎልቃ ይስያ ዎደይ ያና። 
\v 32 ኔኒ ታ ኬን መቶ በአና፤ ታኒ እስራኤለ አሳስ እምያ አንጁዋ ኔኒ በአዳ ቃናታና፤ ሽን ነ ሶ አሳን ጬጋና አስ ኦንካ ባዋ። 
\v 33 ታኒ ታ ያርሾ በሳፈ ይሶና አስ ደእኮ፥ እያ ጋሶን ነ አይፈይ አፉፅሸ ቆቃና፤ ነ ዎዛናይ አዛኖን ፁገታና፤ ነ ኮቻ ኡባይ ናአተን ሀይቃና። 
\v 34 ነ ናይት ናምአይ፥ አፍናንነ ፍንሃስ እስ ጋላስ ሀይቃና፤ ሄሳ ነዉ ማላ ግዳና። 
\v 35 ታ ዎዛናዳነ ታ ቆፋዳ ኦያ ታዉ አማነትያ ካህነ ደንና። ታኒ እያዉ አማነትዳ ሶ አስ እማና፤ ታኒ ትይዳ ካዋ ስንን ኤንቲ ኡባ ዎደ ኦና። 
\v 36 ነ ኮቻ ግዶፈ አትዳ ኡባይ ጉ ሚሸ ዎይኮ ባሶ ኡይ ዎሳናዉ ይድ፥ እያ ስንን ጉፋንድ፥ ‘ታኒ ምያባ ደማና መላ ካህነ ኦዳ ታና ሹማርክ’ ያጋና” ያግስ።
\c 3
\s1 ሳሜላ ፄገተ
\p
\v 1 ናአይ ሳሜል ኤልፐ ጋርሳራ ጎዳስ ኦስ፤ ጎዳ ቃላይ ሄ ዎደ ዳሮ አልኦ፤ ቆንጨካ ባዋ። 
\v 2 አይፈይ ዳቡርን ዋየትድ ፄልያ ኤል እስ ቃማ ባ በሳን ዝንእስ። 
\v 3 ሄ ዎደ ፆሳ ፆምፐይ ቡሮ ቶእቤና፤ ጎዳ ታቦተይ ደእያ ኬን ሳሜል ስክስ። 
\v 4 ጎዳይ ሳሜላ ፄግስ፤ ሳሜል፥ “ዬ” ግድ ኮይስ። 
\v 5 እ ኤልኮ ዎፅ ብድ፥ “ኔኒ ፄግን ሄኮ ያስ” ያግስ።
\p ሽን ኤል፥ “ታ ነና ፄጋብከ፤ ባዳ ዝንአ” ያግን፥ ሳሜል ብድ ዝንእስ።
\p
\v 6 ቃስ ጎዳይ፥ “ሳሜላ” ያግድ ናምአን ፄግን፥ ሳሜል ደንድድ፥ ኤልኮ ብድ፥ “ኔኒ ፄግን ሄኮ ያስ” ያግስ።
\p ሽን ኤል፥ “ታ ናአዉ፥ ታ ነና ፄጋብከ፤ ባዳ ዝንአ” ያግስ።
\p
\v 7 ጎዳ ቃላይ ቡሮ እያዉ ቆንጭቦና ግሾ፥ ሳሜል ጎዳ ግደይሳ ኤርቤና። 
\v 8 ጎዳይ ሳሜላ ሄን ፄግን ደንድድ፥ ኤልኮ ብድ፥ “ኔኒ ፄግን ሄኮ ያስ” ያግስ።
\p ሄሳን ጎዳይ ናኣ ፄግዳይሳ ኤል አኬክድ፥ 
\v 9 “ባዳ ዝንአ፤ እ ነና ፄግያባ ግድኮ፥ ‘ጎዳዉ፥ ኦዳ፤ ታ ነ አይለይ ስአይስ’ ያጋ” ግድ፥ ኤል እያዉ ኦድን፥ ሳሜል ባ በሳ ብድ ዝንእስ።
\p
\v 10 ሄሳፈ ጉየ፥ ጎዳይ ይድ እያ ማታን ኤቅድ፥ ካሰይሳዳ፥ “ሳሜላ፥ ሳሜላ” ያግድ ፄግስ።
\p ሳሜል፥ “ነ አይለይ ስኤስ፥ ኦዳ” ያግስ።
\p
\v 11 ጎዳይ ሳሜላ፥ “ሄኮ፥ ታኒ አሳ ሀይስ ኢትያ እስባ እስራኤለ ቦላ ኦና ሀናይስ። 
\v 12 ሄ ጋላስ ታኒ ኤል ሶ አሳ ቦላ ኦና ጋዳ ኦድዳ ኡባ ኮይሮፐ ዉርሰ ጋካናዉ ፖላና። 
\v 13 ኤል ኤርድ ሴሮና አግዳ እያ ናይታ ናጋራ ግሾ፥ ታኒ እያ ሶ አሳ ቦላ መርናዉ ፕርዳናይሳ እያዉ ካሰ ኦዳ ዎስ። 
\v 14 ሄሳ ግሾ፥ ‘ኤል ሶ አሳ ናጋራይ ያርሾንነ እሞን ፖሎ አቶ ጌተተና’ ያጋዳ ታኒ እያ ሶ አሳስ ካሰ ጫቃስ” ያግስ።
\p
\v 15 ሳሜል ዎንታና ጋካናዉ ስክስ፤ ዎንትን ደንድድ፥ ፆሳ ኬ ፐንግያ ዶይስ። ሳሜል ቆንጭዳባ ኤልስ ኦዳናዉ ያይስ። 
\v 16 ኤል፥ “ታ ናአዉ፥ ሳሜላ” ያግድ ፄግስ።
\p ሳሜል፥ “ዬ” ግድ ኮይስ።
\p
\v 17 ኤል፥ “ጎዳይ ነዉ ኦድዳይ አይቤ? ታፐ አይኮካ ቆሶፓ፤ ኔኒ ፆሳይ ነዉ ኦድዳባፐ እስባካ ታፐ ቆስኮ፥ ፆሲ ነና ፕርዶ” ያግድ ኦይችስ። 
\v 18 ሳሜል አይኮካ ቆሶና ኡባ ኤልስ ኦድስ። ኤል፥ “እ ጎዳ፤ ባና ሎእዳባ ኦ” ያግስ።
\p
\v 19 ሳሜል ድጭሸ ብስ፤ ጎዳይ እያራ ደኤስ። ሳሜል ኦድዳባፐ እስ ቃልካ ሳአን ዎና። 
\v 20 ዳነፐ በርሳበ ጋካናዉ፥ ሳሜል ቱማ ጎዳ ናበ ግደይሳ እስራኤለ አሳ ኡባይ ኤርስ። 
\v 21 ጎዳይ ሴሎን ቆንጬስ፤ ያን ባ ቃላን ባናተ ሳሜላስ ቆንጭሴስ።
\c 4
\s1 ታቦትያ ድኤተ
\p
\v 1 ሳሜል ኦድዳ ቃላይ እስራኤለ ኡባ ጋክስ። እስራኤለት ፍልስፄማታራ ኦለታናዉ ከይዶሶና፤ እስራኤለት አበንኤዘራን ዱንካንን፥ ፍልስፄመት አፌቃን ዱንካንዶሶና። 
\v 2 ፍልስፄመት ጩጋን ጩጋን ግድድ፥ እስራኤለታራ ኦለታናዉ ደንድዶሶና፤ ኦላይ ምንዳ ዎደ ፍልስፄመት እስራኤለታ ፆንድ ኦይዱ ሙኩሉ ግድያ አሳ ዎዶሶና። 
\v 3 ኦላንቾት ዱንካንዳ ጉታ ስምዳ ዎደ እስራኤለ ጭማት፥ “ሀች ጎዳይ ኑና ፍልስፄመታ ኩሸን አይስ አድ እምዴ? ኑራ ባና መላነ ኑ ሞርከታ ኩሸፐ ኑና አሻና መላ ጎዳ ታቦትያ ሴሎፐ አነ ኤሆስ” ያግዶሶና። 
\v 4 ሄሳ ግሾ፥ አሳይ ሴሎ ኪትን፥ ክሩበታ ግዶን አራታን ኡትያ ኡባፈ ዎልቃማ ጎዳ ታቦትያ ኤህዶሶና። ኤል ናይት ናምአይ አፍናንነ ፍንሃስ ጫቆ ታቦትያራ ያን ደኦሶና።
\p
\v 5 ጎዳ ጫቆ ታቦተይ አሳይ ዱንካንዳ ጉታ ጋክዳ ዎደ እስራኤለ ኡባይ ቢት ቃፃና ጋካናዉ ባንታ ቃላ ቁ ኦድ፥ “ጎዳ ጫቆ ታቦተይ ጋክስ” ያግድ ዋስዶሶና።
\p
\v 6 እስራኤለታ ዋሱዋ ፍልስፄመት ስእድ፥ “እብራወታ ጉታን ስኤትያ ዎልቃማ ዋሶይ አይቤ?” ያግዶሶና።
\p ጎዳ ታቦተይ ኤንታ ጉታ ይዳይሳ ፍልስፄመት ኤርዳ ዎደ፥ 
\v 7 ያይድ ሀይሳዳ ያግዶሶና፤ “ፆሳይ ኤንታ ጉታ ይስ፤ ኑና አየ! ሀይሳ መላባይ ሀይሳፈ ካሰ ሀን ኤረና። 
\v 8 ኑና አየ! ሀ ዎልቃማ ፆሳ ኩሸፐ ኑና አሻናይ ኦኔ? ሀ ፆሳይ ግብፀታ መላ ቢታን ዱማ ዱማ ጋዶን ሾጭስ። 
\v 9 ህንተኖ ፍልስፄመቶ፥ ምንተ! አደ ግድተ! ሄስ ሀኖና እፅኮ፥ ህንተ ኤንታ ካሰ አይለተን ሃርዳይሳዳ ኤንቲ ህንተና ሃራና። አደ ግድተ፤ ኦለትተ” ያግዶሶና።
\p
\v 10 ፍልስፄመት ኦለትድ፥ እስራኤለታ ፆንን እስራኤለት ባንታ ሶ ሶ ባቃትዶሶና። ሄ ኦላን ዳሮ አሳይ ሀይቅዶሶና፤ እስራኤለ ቶሆ ኦላንቾታፐ ሀስታሙ ሙኩሉ አሳይ ሀይቅዶሶና። 
\v 11 ፆሳ ታቦተይ ድኤትስ፤ ኤል ናይት ናምአይ፥ አፍናንነ ፍንሃስ ሀይቅዶሶና።
\s1 ኤል ሀይቁዋ
\p
\v 12 ሄ ጋላስ ብንያመ ኮቸ ግድዳ እስ አደይ ኦላ ደምባፈ ዎፅሸ ይድ ሴሎ ጋክስ። ባ አዛኑዋ ኤርሳናዉ እ ባ ማኡዋ ዳክድ፥ ባ ሁጰን ቢታ ቆልስ። 
\v 13 ሄ አደይ ጋክያ ዎደ ኤል ባ ዎዛናን ፆሳ ታቦትያስ ህርግዳ ግሾ ናግሸ ኦገ ዶናን ደእያ ባ ኦይድያን ኡትስ። አደይ ካታማ ገልድ፥ ሀንዳባ ኦድን፥ ካታማ ኡባይ ዋሶ ጎች አግስ።
\p
\v 14 ኤል ሄ ዋሱዋ ስእድ፥ “ሀይስ አይብ ዋሶ?” ያግስ።
\p አደይ ኤለስ ብድ ኤልስ ኦድስ። 
\v 15 ኤል ኡዱፉን ታማነ ሆስፑን ላይ ግድዳ ጭማ፤ እያ አይፈይ ዳቡርድ ፄሎ አግስ። 
\v 16 አደይ ኤልኮ፥ “ኦላ ደምባፈ ይዳይ ታና፤ ታኒ ሀች ያፐ ባቃታዳ ያስ” ያግስ።
\p ኤል፥ “ታ ናአዉ፥ ያትን ዋንዴ?” ያግድ ኦይችስ።
\p
\v 17 አደይ፥ “እስራኤለት ፍልስፄመታ ስንፈ ባቃትዶሶና፤ ዳሮ አስ ዉርስ፤ ነ ናይት ናምአይ አፍናንነ ፍንሃስ ሀይቅዶሶና፤ ፆሳ ታቦተይ ድኤትስ” ያግስ።
\p
\v 18 አደይ ፆሳ ታቦትያባ ኦድዳ ዎደ ፐንግያ ማታን ደእያ ባ ኦይድያፐ ኤል ጉየ ኩንድስ። እ ጭማነ ሞሎ ግድያ ግሾ ሞርገይ መቅን ሀይቅስ። ኤል እስራኤለ ቢታ ኦይታሙ ላይ ሃርስ።
\p
\v 19 ኤል ናኣ ፕንሃሳ ማችያ የላናዉ ዎደይ ዉርዳ ቃን። ፆሳ ታቦተይ ድኤተ፥ ባ ቦሉዋነ ባ አዝና ሀይቁዋ ስእዳ ዎደ ቆፖና እቀ እዮ ኦይክን የላሱ። 
\v 20 እ ሸምፖይ ከይያ ዎደ የልሰይሳት፥ “አደ ናአ የላዳሳ፤ ያዮፋ” ያግዶሶና። ሽን ኤንታዉ አይኮካ ዛራቡኩ፤ ኤንቲ ግያባካ ስአቡኩ። 
\v 21 እያ ባ ናኣ እካቦዳ\f + \fr 4:21 \fr*\fq እካቦዳ፦ \fq*\ft እብራወ ዶናን ሀ ሱን ብርሸይ “ቦንቾይ ባዋ” ጉሱ።\ft*\f* ጋዳ ሱንሱ፤ ፆሳ ታቦተይ ድኤትዳ ግሾነ ባ ቦሎይነ ባ አዝናይ ሀይቅዳ ግሾ፥ “ቦንቾይ እስራኤለፐ ሻከትስ” ያጋሱ። 
\v 22 እያ፥ “ፆሳ ታቦተይ ድኤትዳ ግሾ ቦንቾይ እስራኤለፐ ሻከትስ” ያጋሱ።
\c 5
\s1 ታቦተይ ፍልስፄመ ካታማታን
\p
\v 1 ፍልስፄመት ፆሳ ታቦትያ ድእዳፐ ጉየ አበንኤዘራፐ አሽዶዳ ኤፍዶሶና። 
\v 2 ፆሳ ታቦትያ ኤፍድ፥ ዳጎነ ኤቃ ኬን ገልስድ፥ ዳጎነ ምስልያ ማታን ዎዶሶና። 
\v 3 አሽዶዳ አሳይ ዎንተ ጋላስ ጉራ ደንድድ በእያ ዎደ ጎዳ ታቦትያ ስንን ዳጎን ጉፋንዳይሳ በእዶሶና። ዳጎነ ደንድ፥ ካሰ በሳን ኤስዶሶና። 
\v 4 ቃስ ዎንተ ጋላስ ጉራ ደንድድ በእያ ዎደ ጎዳ ታቦትያ ስንን ዳጎን ሳአን ጉፋንዳይሳ በእዶሶና። ሄ ዎደ ዳጎነ ሁጰይነ እያ ናምኡ ኩሸይ መቅድ ፐንግያ ቦላ ደኤስ፤ ሀንኮ አሳተይ ዱማ አትስ። 
\v 5 ሀች ጋካናዉ ዳጎነ ካህነትነ አሽዶዳን ደእያ ዳጎነ ኬ ገልያ አሳት ኡባይ ዳጎነ ፐንግያ የና ፃምባል አይ ሄሳ ግሾሳ።
\p
\v 6 አሽዶዳ ካታማ ቦላነ እያ ሄራን ደእያ አሳ ቦላ ጎዳ ኩሸይ ዴፅስ፤ ጎዳይ ክፃ ሀርገ የድድ ኤንታ ሴርስ።
\p
\v 7 አሽዶዳ ካታማ አሳይ ሀንዳባ በእዳ ዎደ፥ “እስራኤለ ፆሳ ኩሸይ ኑ ቦላነ ኑ ፆሳ ዳጎነ ቦላ ዴፅዳ ግሾ፥ እስራኤለ ፆሳ ታቦተይ ኑ ማታን ጋምኦፎ” ያግዶሶና። 
\v 8 ሄሳ ግሾ፥ እቻሹ ፍልስፄመ ሀላቃታ ኡባ ፄግድ፥ “እስራኤለ ፆሳ ታቦትያ ዋትኖ?” ያግድ ኦይችዶሶና።
\p ሀላቃት፥ “እስራኤለ ፆሳ ታቦተይ ጋተ ካታማ ቦ” ያግድ ዛርዶሶና። እስራኤለ ፆሳ ታቦትያ ጋተ ኤፍዶሶና።
\p
\v 9 ሽን ታቦተይ ጋተ ጋክዳፐ ጉየ፥ ጎዳ ኩሸይ ሄ ካታማ ቦላ ዴፅድ፥ ዳሮ ዳጋንስ። ካታማን ደእያ አሳ ናአፐ ጭማ ጋካናዉ ክፃ ሀርገን ሾጭስ። 
\v 10 ሄሳ ግሾ፥ ፆሳ ታቦትያ ኤቅሮና ካታማ የድዶሶና።
\p ፆሳ ታቦተይ ኤቅሮና ገልያ ዎደ፥ ኤቅሮና አሳይ፥ “ኑናነ ኑ አሳ ይሳናዉ እስራኤለ ፆሳ ታቦትያ ኑኮ ኤህዶሶና” ያግድ ዋስዶሶና። 
\v 11 ሄሳ ግሾ፥ ኤንቲ ፍልስፄመ ሀላቃታ ፄግድ፥ “ኑናነ ኑ አሳ ይሳናፐ ስን እስራኤለ ፆሳ ታቦትያ ሀይሳፈ ድግተ፤ እያ እያ በሳ ጉየ ዛርተ” ያግዶሶና። ጎዳ ኩሸይ ካታማ ቦላ ዴፅዳ ግሾ ካታማ ኡባይ ሀይቆ ዳጋማን ኦይከትስ። 
\v 12 ሀይቆፐ አትዳ አሳ ክፃ ሀርገይ ኡንኤዳ ግሾ ሄ ካታማ አሳ ዬሆይ ሳሎ ጋክስ።
\c 6
\s1 ታቦተይ እስራኤለ ስምስ
\p
\v 1 ጎዳ ታቦተይ ፍልስፄመ ቢታን ላፑን አጌና ኡትስ። 
\v 2 ሄ ዎደ ፍልስፄመ አሳይ ባንታ ካህነታነ ማሮታ ፄግድ፥ “ጎዳ ታቦትያ ኑኒ ዋትኖ? ኑኒ ጉየ እያ በሳ እያ ዋት የዳኔኮ ኑስ ኦድተ” ያግዶሶና።
\p
\v 3 ኤንቲ ዛሪድ፥ “እስራኤለ ፆሳ ታቦትያ ጉየ የድሸ መላ ኩሸ የዶፍተ። አይ ሀንድካ ናጋራ ያርሾራ የድተ። ሄሳ ኦኮ ህንተ ፓፃና፤ እያ ኩሸይ ህንተ ቦላፈ አይስ ክችቦናኮ ህንተ ኤራና” ያግዶሶና።
\p
\v 4 ፍልስፄመ አሳይ፥ “ኑኒ የዳናዉ በሲያ ናጋራ ያርሾይ አይቤ?” ያግድ ኦይችዶሶና።
\p ኤንቲ፥ “ህንተናነ ህንተ ሀላቃታ ጋክዳ ጋዶይ እስኖ ግድያ ግሾ፥ ፍልስፄመ ሀላቃታ ታይቦን እቻሹ ዎርቃ ክፃታነ እቻሹ ዎርቃ ኤጨረታ የድተ። 
\v 5 ህንተ ሄ ክፃታነ ህንተ ቢታ ይስያ ሄ ኤጨረታ ምስለታ መድ፥ እስራኤለ ፆሳስ ቦንቾ እምተ። ኦን ኤር እ ህንተ ቦላፈ፥ ህንተ ፆሳታ ቦላፈነ ህንተ ቢታ ቦላፈ ባ ኩሽያ ደንና። 
\v 6 ግብፀ አሳይነ ኤንታ ካዎይ ዞረ ኤኮና እፅዳይሳዳ ህንተ አይስ ዞረ ኤከከቲ? ጎዳይ ኤንታ ዳሮ ሴርን እስራኤለት ባንታ ኦግያ ባና መላ የድቦኮና? 
\v 7 ሀእ እስ ኦራ ጋረ ጊግስተ፤ ቃምባራ ዎቦና ናምኡ ንያ ሚዛታ ሄ ጋርያን ዋፅተ፤ ሽን ማራታ ኤንታፈ ዱድ ሶን አሽተ። 
\v 8 ጎዳ ታቦትያ ጋርያ ቦላ ዎተ፤ ናጋራ ያርሾስ ጊግስዳ ዎርቃ ክፃታነ ዎርቃ ኤጨረታ ሳፅነን የግድ ጎዳ ታቦትያ ማታን ዎድ እ ባና መላ የድተ። 
\v 9 ሽን እ ብያ በሳ በእተ፤ እ ባ ዛዋ ኦይክድ፥ ቤት-ሳሜሳ ስሚድ ብያባ ግድኮ፥ ሀ ጋዱዋ ኑ ቦላ ኤህዳይ ጎዳ ግደይሳ በሴስ። ሽን እ ሀራ ሶ ቢኮ ሀይስ ኑ ቦላ ጮ ጋክስፐ አትሽን፥ ኑና ደችዳይ ጎዳ ኩሸ ግዶናይሳ ኤራና” ያግድ ዛርዶሶና።
\p
\v 10 ኤንቲ ጌተትዳይሳዳ ኦዶሶና፤ ናምኡ ንያ ሚዛታ ኤክድ፥ ጋረን ዋፅዶሶና፤ ማራታ ሶ ዛሪድ ጎርድዶሶና። 
\v 11 ኤንቲ ጎዳ ታቦትያ፥ ዎርቃ ክፃነ ኤጨረ ምስለት ደእያ ሳፅንያ ጋረን ዎዶሶና። 
\v 12 ሄሳፈ ጉየ፥ ሚዛት ቤት-ሳሜሳ ኤፍያ ኦግያ ኦይክድ ገደ ሃ ጎና “ህምባ” ግድ ዋስሸ ብዶሶና። ፍልስፄመ ሀላቃት ሚዛታ ጌዶ ካልድ፥ ቤት-ሳሜሳ ዛዋ ጋካናዉ ብዶሶና።
\p
\v 13 ቤት-ሳሜሳ አሳይ ሄ ዎደ ዛንጋራን ግስተ ጫኮሶና፤ ኤንቲ ቁ ግድ ፄልድ፥ ታቦትያ በእድ ኡፋይትዶሶና። 
\v 14 ጋረይ ቤት-ሳሜሳን ደእያ እያሱ ጌተትያ ኡራ ጋደ ጋክድ፥ እስ ግታ ሹቻ ማታን ኤቅስ። ኤንቲ ጋርያ ም ቀርድ፥ ፁሳ ያርሾ ኦድ ሄ ሚዛታ ጎዳስ ያርሽዶሶና። 
\v 15 ሌወት ጎዳ ታቦትያነ ዎርቃ ሚሸት ደእያ ሳፅንያ ጋርያፐ ዎስድ፥ ግታ ሹቻ ቦላ ዎዶሶና። ሄ ጋላስ ቤት-ሳሜሳ አሳይ ጎዳስ ፁሳ ያርሾነ ሀራ ያርሾታ ያርሽዶሶና። 
\v 16 እቻሹ ፍልስፄመ ሀላቃት ሀንዳባ ኡባ በእድ ሄ ጋላስ ኤቅሮና ስምዶሶና።
\p
\v 17 ዎርቃ ክፃት ፍልስፄመ ሀላቃት ናጋራ ያርሾ ኦድ ጎዳስ ኪትዳ አሽዶዳ፥ ጋዛ፥ አስቃሎና፥ ጋተነ ኤቅሮና ጌተትያ እቻሹ ካታማታ ሱንን እሱዋ እሱዋ እምዶሶና። 
\v 18 ዎርቃ ኤጨረታ ታይቦይ ፍልስፄመ ሀላቃታ እቻሻይ ደእያ ግምበትዳ ካታማታነ ሄራን ደእያ ጉታታ ታይቡዋ መላ። ቤት-ሳሜሳን ደእያ እያሱ ጌተትያ ኡራ ጋደን ጎዳ ታቦትያ ዎዳ ግታ ሹቻይ ሀች ጋካናዉ ማርካ ግድድ ደኤስ።
\p
\v 19 ሽን ኤንቲ ጎዳ ታቦትያስ ግዶ ባጋ በእዳ ግሾ ጎዳይ ቤት-ሳሜሳ አሳፐ ላፑን ታሙ አሳታ ዎስ። ጎዳይ ኤንታፈ ዳሮ አሳ ዎዳ ግሾ አሳይ ዬክዶሶና። 
\v 20 ሄሳ ግሾ፥ ቤት-ሳሜሳ አሳይ፥ “ጎዳ ስንን፥ ሀ ጌሻ ፆሳ ስንን ኦን ኤቃናዉ ዳንዳኢ? ታቦተይ ኑፐ ከይድ ኦደኮ ባኔ?” ያግዶሶና። 
\v 21 ቅርያት-ይኣርማን ደእያ አሳኮ ኪታ የድድ፥ “ፍልስፄመ አሳይ ጎዳ ታቦትያ ዛርዶሶና፤ ይድ እያ ህንተኮ ኤክተ” ያግዶሶና።
\c 7
\p
\v 1 ቅርያት-ይኣርማ አሳይ ይድ፥ ጎዳ ታቦትያ ኤፍድ ደረ ሁጰን ደእያ አምናዳበ ሶን ዎዶሶና። ጎዳ ታቦትያ ናጋና መላ አምናዳበ ናኣ አላዛራ ዱማይድ ሱንዶሶና።
\s1 ሳሜላ ሹመተ
\p
\v 2 ታቦተይ ቅርያት-ይኣርማን ዳሮ ዎደ ጋምእስ፤ ያን ላታሙ ላይ ኡትስ። እስራኤለ አሳ ኡባይ አዛንድ ጎዳ ኮይዶሶና።
\p
\v 3 ሳሜል እስራኤለ አሳኮ፥ “ኩመ ዎዛናፐ ህንተ ጎዳኮ ስምዳባ ግድኮ፥ አላጋ ፆሳታነ አስታሮተ ኤቃ ህንተ ግዶፈ ድግተ። ህንተናተ ጎዳስ ሼተ፤ እያ ፃላላስ ኪተትተ፤ እ ህንተና ፍልስፄመታ ኩሸፐ አሻና” ያግስ። 
\v 4 ሄሳ ግሾ፥ እስራኤለ አሳይ ባኣለነ አስታሮተ ኤቃ ባንታ ግዶፈ ድግድ፥ ጎዳ ፃላላ ጎይንዶሶና።
\p
\v 5 ሄሳፈ ጉየ፥ ሳሜል፥ “እስራኤለታ፥ ኡባይ ምፅጳ ሺቅተ፤ ታኒ ያን ህንተዉ ጎዳ ዎሳና” ያግስ። 
\v 6 ኤንቲ ምፅጳ ሺቅድ ሃ ዱቅድ፥ ጎዳ ስንን ጉስዶሶና፤ ሄ ጋላስ ፆምዶሶና፤ ሄ በሳን፥ “ኑኒ ጎዳ ቦላ ናጋራ ኦዳ” ያግድ ፓፅዶሶና። ምፅጳን ሳሜል እስራኤለ አሳ ቦላ ዳይናትስ።
\p
\v 7 እስራኤለት ምፅጳን ሺቅዳይሳ ፍልስፄመ አሳይ ስእዳ ዎደ ኤንታ ኦላናዉ ከይዶሶና። እስራኤለት ሄሳ ስእድ፥ ፍልስፄመታስ ያይዶሶና። 
\v 8 እስራኤለ አሳይ ሳሜላኮ፥ “ፍልስፄመ አሳ ኩሸፐ ኑና አሻና መላ ኔኒ ጎዳ፥ ኑ ፆሳ ዎሳ አጎፋ” ያግዶሶና። 
\v 9 ሳሜል እስ ምያ ዶርሳ ናአ ኤክድ፥ ኩመ ፁሳ ያርሾ ኦድ ጎዳስ ያርሽስ፤ እስራኤለ አሳ ግሾ ጎዳ ዎስስ፤ ጎዳይ እያ ዎሳ ስእስ።
\p
\v 10 ሳሜል ፁሳ ያርሾ ያርሽያ ዎደ ፍልስፄመት እስራኤለታ ኦላናዉ ሺቅዶሶና። ሽን ሄ ጋላስ ፍልስፄመታ ቦላ ጎዳይ ግታ ዳዳ ጉንድ ዳጋንን፥ ኤንቲ እስራኤለታ ስንፈ ባቃትዶሶና። 
\v 11 እስራኤለት ምፅጳፈ ከይድ፥ ፍልስፄመታ የደድ፥ ቤት-ካራፐ ጋርሳ ባጋራ ደእያ በሳ ጋካናዉ ኦገ ቦላ ዎዶሶና።
\p
\v 12 ሄሳፈ ጉየ፥ ሳሜል እስ ሹቹ ኤክድ፥ ምፅጳፈነ ሸናፐ ግዶን ኤስስ፤ “ሀእ ጋካናዉ ጎዳይ ኑና ማድስ” ያግድ ሄ በሳ አበንኤዘራ ግድ ሱንስ።\f + \fr 7:12 \fr*\fq አበንኤዘራ፦ \fq*\ft ሀ ሱን ብርሸይ “ማዶ ሹቹ” ጉሱ።\ft*\f* 
\v 13 ፍልስፄመ አሳይ ፆነትዶሶና፤ ኤንቲ እስራኤለ ቢታ ቦላ ናምአን ደንድቦኮና። ሳሜል ደእዳ ላይ ኡባን ጎዳ ኩሸይ ፍልስፄመ አሳ ቦላ ዴፅስ። 
\v 14 ፍልስፄመ አሳይ ኤቅሮናፐ ጋተ ጋካናዉ እስራኤለፐ ድእዳ ካታማት እስራኤለስ ስምዶሶና። እስራኤለ አሳይ ባንታ ካሰ ዛዋ ፍልስፄመ አሳ ኩሸፐ ዎ ኤክዶሶና። እስራኤለ አሳይነ አሞረ አሳይ ሳሮ ደእስ።
\p
\v 15 ሳሜል ባ ደኦ ላይ ኡባን እስራኤለ ቦላ ፕርዴስ። 
\v 16 ሳሜል ላይን ላይን ቤተለ፥ ጋልጋላነ ምፅጳ ዩይድ እስራኤለ ቦላ ፕርዴስ። 
\v 17 እያ ኬይ ራማን ደእያ ግሾ ያ ስሚድ ሄ በሳንካ እስራኤለ ቦላ ፕርዴስ። እ ራማን ጎዳስ ያርሾ በሲ ኬፅስ።
\c 8
\s1 እስራኤለት ካዎ ኮይዶሶና
\p
\v 1 ሳሜል ጭምዳ ዎደ ባ ናይታ እስራኤለ ቦላ ዳይና ኦድ ሹምስ። 
\v 2 እያ ባይራ ናኣ ሱንይ እዩኤላ፤ ካሎ ናአ ሱንይ አብያ፤ ኤንቲ በርሳበን ፕርዶሶና። 
\v 3 ሽን እያ ናይት ባንታ አዋ ኦግያ ካልቦኮና። ኤንቲ በሶና ጎአ ደማናዉ ጉየ ስምዶሶና፤ ዎፈ ኤክዶሶና፥ ሱረ ፕርዳ ዎቢስዶሶና።
\p
\v 4 ሄሳ ግሾ፥ እስራኤለ ጭማት እስፈ ሺቅድ፥ ሳሜላኮ ራማ ይድ፥ 
\v 5 “ሄኮ ኔኒ ጭማዳሳ፤ ነ ናይት ነ ኦግያ ካሎኮና፤ ሀራ ካዎተት ኦይሳዳ ኑና አይስያ ካዎ ሀእ ኑስ ሹማ” ያግዶሶና።
\p
\v 6 ኤንቲ፥ “ኑና አይስያ ካዎ ኑስ እማ” ግድ ኦይችዳይስ ሳሜላ ኡፋይስቤና። ሄሳ ግሾ፥ ሳሜል ጎዳ ዎስስ። 
\v 7 ጎዳይ ሳሜላ፥ “ታኒ ኤንታ ቦላ ካዎቶናዳ ነና ግዶናሽን ታና እፅዳ ግሾ አሳይ ኔኮ ግያባ ኡባ ስአ። 
\v 8 ኤንታ ታኒ ግብፀፈ ከስዳ ዎድያፐ ዶምድ ሀች ጋካናዉ ታና አግድ፥ ሀራ ፆሳታ ጎይንሸ ደእዶሶና። ሀእ ኤንቲ ታ ቦላ ኦዳ ኡባ ነ ቦላ ኦሶና። 
\v 9 ሀእ ኤንቲ ግያባ ስአ፤ ሽን ኤንታ ቦላ ካዎታና ካዋ ዎጋ ኤንታዉ ምንዳ ኦዳ” ያግስ።
\p
\v 10 ካዎ ኦይችዳ ደርያስ ጎዳይ ኦድዳ ቃላ ኡባ ሳሜል ያግድ ኦድስ። 
\v 11 “ህንተ ቦላ ካዎታና ካዎይ ኦናባይ ሀይሳ፤ እ ህንተ አደ ናይታ ኤክድ፥ ፓራ ጋረ አሳታነ ፓራ አሳታ ኦና፤ ኤንቲ እያ ጋርያ ስንን ዎፃና። 
\v 12 ኤንታፈ አትዳይሳታ ሻላቃታነ ሀምሳላቃታ፥ ሀራታ እያ ቢታ ጎየይሳታ እያ ካ ጫከይሳታ፥ ቃስ ሀራታ እያ ኦላ ሚሸነ ፓራ ጋረ ሚሸ ኦይሳታ ከሳና። 
\v 13 ህንተ ማጫ ናይታካ ኤፍድ፥ ባዉ ሽቶ ጊግሰይሳታ፥ ካይሳታነ ኡከይሳታ ኦና። 
\v 14 ህንተ ጎሻፈ፥ ዎይነ ጋደፐነ ሻማሆ ጋደፐ ሎኦ በሳታ ኤክድ፥ ባ ሞርናታስ እማና። 
\v 15 ካፈነ ዎይንያፐ ታማፈ እስ ኩሽያ ኤክድ ባ ሹማታስነ ባ ሞርናታስ እማና። 
\v 16 ህንተ አደ አይለታፐ፥ ማጫ አይለታፐ፥ ህንተ ናአተታፈነ ህንተ ሀርያፐ ሎኤይሳ ባዉ ጎኤታናዉ ኤካና። 
\v 17 ህንተ ዶርሳፈነ ዴሻፐ ታማፈ እስ ኩሸ ኤካና፤ ህንተ እያ ኦሳንቾ ግዳና። 
\v 18 ሄ ጋላሳይ ጋክዳ ዎደ ህንተ ዶርዳ ካዎይ ጋያ ቆሁዋ ግሾ ዋሳና፤ ሽን ሄ ጋላስ ጎዳይ ህንተ ዋሱዋ ስኤና” ያግስ።
\p
\v 19 ግዶሽን፥ አሳይ ሳሜላ ቃላ ስኦና እፅድ፥ “አካይ፥ ኑስ ካዎይ ደኦ። 
\v 20 ሀራ ካዎተታ መላ ኑና ካለያ፥ ኑ ስንን ብያነ ኑ ኦላ ኦለትያ ካዎይ ደኦ።”
\p
\v 21 ሳሜል አሳ ቃላ ኡባ ስእድ፥ ጎዳስ ኦድስ። 
\v 22 ጎዳይ ሳሜላኮ፥ “ኤንታ ቃላ ስአ፤ ኤንታ ቦላ ካዎ ካዎ” ያግስ።
\p ሳሜል እስራኤለ አሳኮ፥ “ህንተ ሶ ሶ ስምተ” ያግስ።
\c 9
\s1 ሳኦላነ ሳሜላ
\p
\v 1 ብንያመ ኮቸ ግድዳ እስ ቂሳ ጌተትያ አደይ ደኤስ፤ እ ኤረትዳ አስ። እ አብኤላ ናአ፤ አቤል ፃሮራ ናአ፤ ፃሮር ባኮራተ ናአ፤ ባኮራት ብንያመ ኮቸ ግድዳ አፌቃ ናአ። 
\v 2 እያዉ ሳኦላ ጌተትያ እስ ማላ ሎኦ ግድዳ ፓን ናእ ደኤስ። እስራኤለታ ግዶን እያ መላ ማላ ሎኦይ ባዋ፤ እ አስ ኡባይ እያ ሀሸፐ ጋርሳን አትያ አዱሳ አስ።
\p
\v 3 እስ ጋላስ ሳኦላ አዋ ቂሳ ሀረት ይዶሶና፤ ቂስ ባ ናኣ ሳኦላኮ፥ “ኦሳንቾታፐ እሱዋ ኤካዳ ሀረታ ኮያናዉ ባ” ያግስ። 
\v 4 ኤንቲ ደረይ ዳርያ ኤፍሬማ ቢታራነ ሻልሻ ቢታራ ኮይሸ አዶሶና፥ ሽን ሀረታ ደምቦኮና። ቃስ ሻአልማ ቢታራ ኮይሸ አዶሶና፥ ሽን ያንካ ሀረት ዶኮና። ብንያመ ቢታራ አዶሶና፥ ሽን ያንካ ደምቦኮና።
\p
\v 5 ኤንቲ ዙፋ ቢታ ጋክዳ ዎደ ሳኦል ባራ ደእያ ኦሳንቹዋኮ፥ “ሃያ፤ አነ ጉየ ስሞስ፤ አዋይ ሀረታባ ቆፐይሳ አግድ፥ ኑስ ህርጋና” ያግስ።
\p
\v 6 ሽን ኦሳንቾይ፥ “ሄኮ፥ እስ ቦንቸትዳ ፆሳ አስ ሀ ካታማን ደኤስ፤ እ ኦድያ ኡባይ ፖለቴስ። አነ ሀእ ያ ቦስ፤ ኦን ኤር ኑ ባና ኦግያ እ ኑስ ኦዳነኮ” ያግስ።
\p
\v 7 ሳኦል፥ “ኑ ብያባ ግድኮ እያዉ አይ እማኔ? ኑ ኦይክዳ ካይ ዉርስ፤ ኑ ፆሳ አሳስ እምያባይ ባዋ። ኑስ አይብ ደኢ?” ያግስ።
\p
\v 8 ኦሳንቾይ ዛሪድ፥ “ታ ኩሸን ጉ ብራ ሳንትመይ ደኤስ፤ ኑ ባና ኦግያ ኑስ ኦዳና መላ ፆሳ ኡራስ ሀኖ እማና” ያግስ።
\p
\v 9 (በን ዎደ እስራኤለ ቢታን እስ አስ ፆሰ ኦይቻናዉ ብሸ፥ “አነ ቆንጨ በእያ አሳኮ ቦስ” ያጌስ። ሀእ ናበ ጌተተይስ ሄ ዎደ ቆንጨ በእያ አስ ጌተቴስ።) 
\v 10 ሳኦል ዛሪድ፥ “ሎኦ፤ የ” ያግን፥ ፆሳ ኡራይ ደእያ ካታማ ብዶሶና። 
\v 11 ኤንቲ ፑደ ካታማ ከይሽን፥ ሃ ትካናዉ ያ ጌላኦታራ ኦገን ጋሄትድ፥ “ቆንጨ በእያ አስ ሀይሳን ደኢ?” ያግድ ኦይችዶሶና።
\p
\v 12 ኤንቲ፥ “ኤ ደኤስ፤ እ ህንተፈ ስንን ደኤስ፤ ኤለስድ ቢተ። ሀች አሳይ ቃ ጎይኖ በሳን ያርሾ ያርሽያ ግሾ፥ እ ኑ ካታማ ይስ። 
\v 13 ህንተ ካታማ ገልያ ዎደ እ ማናዉ ቃ ጎይኖ በሳ ከዮና ደእሽን ህንተ እያ ደማና። እ ያርሹዋ አንጃናዉ ኮሽያ ግሾ እ ጋኮና ደእሽን አሳይ ካ ሜና። እ አንጅዳፐ ጉየ ፄገትዳይሳት ማና። ኤለ ከይተ፤ ህንተ እያ ሀእ ደማና” ያግዶሶና። 
\v 14 ኤንቲ ካታማ ገልያ ዎደ ሳሜል ጎይኖ በሳ ከያናዉ ብሸ ኤንታራ ጋሄትስ።
\p
\v 15 ሳኦል ያናፐ ካሰ ጋላስ ሳሜላስ ጎዳይ ሀይሳዳ ያግድ ቆንጭስስ፤ 
\v 16 “ዎንቶ ሀኖደ ብንያመ ቢታፈ እስ አስ ታ ኔኮ የዳና፤ እ ታ አሳ እስራኤለ ካለና መላ ትያ። እ ታ አሳ ፍልስፄመ ኩሸፐ አሻና፤ ታ አሳ ዋሶይ ታኮ ጋክዳ ግሾ ታ ኤንታ በአስ” ያግስ።
\p
\v 17 ሳሜል ሳኦላ በእዳ ዎደ ጎዳይ፥ “ታኒ ነዉ ኦድዳ ኡራይ ሀይሳ፤ እ ታ አሳ ካለና” ያግስ።
\p
\v 18 ሳኦል ግምበ ድርሳ ፐንግያ ማታን ደእያ ሳሜላኮ ሺቅድ፥ “ቆንጨ በእያ ኡራ ሶይ አዉነኮ ታዉ ኦዳርኪ?” ያግስ።
\p
\v 19 ሳሜል ዛሪድ፥ “ቆንጨ በኤይ ታና። ሀች ህንተ ታራ ምያ ግሾ ታፐ ስንትድ ጎይኖ በሳ ቢተ። ታኒ ነና ዎንቶ ጉራ የዳና፤ ነ ዎዛናን ደእያ ኡባ ታ ነዉ ኦዳና። 
\v 20 ሄ ጋላሳፐ ስን ይዳ ሀረታባ ግድኮ ኤንቲ በንትዳ ግሾ ህርጎፋ። እስራኤለ አሳ ኡባ አሞይ ኦኔ? ነናነ ነ አዋ ሶ አሳ ግደኔ?”\f + \fr 9:20 \fr*\ft እስራኤለ ኡባን ኮየተይ ነና ግድኪ?\ft*\f* ያግስ።
\p
\v 21 ሳኦል ዛሪድ፥ “ሽን ታኒ እስራኤለ ዛረ ኡባፈ ላፋ ግድዳ ብንያመ ኮቸ ግድክና? ታ ሶ አሳይ ብንያመ ኮቻ ግዶን ጉ ግደኔ? ኔኒ አይስ ታዉ ሀይሳ መላባ ኦዳይ?” ያግስ።
\p
\v 22 ሄሳፈ ጉየ፥ ሳሜል ሳኦላነ እያ ኦሳንቾይ ኤፍድ፥ ዳልጋ ኬ ገልስድ ሄ በሳ ፄገትዳ ሀስታሙ ግድያ አሳ ግዶን ቦንቾ በሳን ኡትስስ። 
\v 23 ሳሜል ካ ካይሳኮ፥ “ነ ማታን ዱማ ዎሻ ጋዳ ታኒ ነዉ እምዳ አሹዋ ሀማ” ያግስ።
\p
\v 24 ካ ካይስ ምሳ አሹዋ ኤህድ፥ ሳኦላ ስንን ዎስ። ሳሜል ሳኦላኮ፥ “ታ ነዉ ዱማ ሻካዳ ዎዳ አሾይ ሀይሳ፤ ኤካዳ ማ። ታኒ እማታ ፄግዳ ዎደፐ ዶማዳ ሀይሳ ነዉ አሻስ” ያግስ። ሄ ጋላስ ሳኦል ሳሜላራ ምስ። 
\v 25 ኤንቲ ጎይኖ በሳፈ ዱገ ካታማ ዎን፥ ኬ ቦላ ደእያ በሳን ሳሜል ሳኦላራ ኦደትስ።
\p
\v 26 ሳእ ዎንትን፥ ሳሜል ሳኦላ ኬ ቦላፈ ፄግድ፥ “ደንዳ፤ ታ ነና ሞይዛና” ያግስ። ሳኦል ደንድን፥ ናምአይ ኦገ ቦላ ከይዶሶና። 
\v 27 ኤንቲ ካታማ ጋፃ ጋክሽን፥ ሳሜል ሳኦላኮ፥ “ነ ኦሳንቾይ ስን ባና መላ ኦዳ” ያግስ። ኦሳንቾይ ስን አድ ብን፥ ሳሜል ሳኦላኮ፥ “ፆሲ ግዳባ ታ ነዉ ኦዳና መላ ሀይሳን ጉ ጋምአ” ያግስ።
\c 10
\p
\v 1 ሄ ዎደ ሳሜል ትግያባራ ዛይተ ኤክድ፥ ሳኦላ ሁጰን ትይስ። ሳኦላ ዬርድ፥ ሀይሳዳ ያግስ፤ “ባ አሳ እስራኤለ ካለና መላ ጎዳይ ነና ትይስ።\f + \fr 10:1 \fr*\ft ግርከ ብርሸይ፥ “ኔኒ እያ አሳ ካለዳ ኤንታ ዩሹዋን ደእያ ሞርከታ ኩሸፐ ኤንታ አሻና። እያ ላታ ኔኒ ካለና መላ ጎዳይ ነና ትይዳይሳስ ሀይስ ማላ” ያግድ ጉጅስ።\ft*\f* 
\v 2 ኔኒ ሀች ታፐ ሻከታዳ ብያ ዎደ ራሄል ዱፉዋ ማታን ብንያመ ዛዋን ደእያ ፃልፃሀ ጌተትያ በሳን ናምኡ አሳታራ ጋሄታና። ኤንቲ ነና፥ ‘ነ ኮያናዉ ብዳ ሀረት በንትዶሶና፤ ሀእ ነ አዋይ ሀረታ ቆፐይሳ አግድ፥ ታ ናአይ ዋንደሻ?’ ያግድ ነዉ ህርጌስ” ያግድ ኦዳና።
\p
\v 3 ኔኒ ሄ በሳፈ ደንዳዳ፥ ታቦረ ግታ ም ጋካናዉ ባና። ፆሳኮ ቤተለ ብያ ሄ አሳት ያን ኔራ ጋሄታና። ኤንታፈ እሶይ ሄ ዴሻ ማር ቶክስ፤ ናምአንይ ሄ ኡይ ቶክስ፤ ሄንይ ኦጎሮ ኩም ዎይነ ቶክስ። 
\v 4 ኤንቲ ነና ሳሮና፤ ነዉ ናምኡ ኡይ እማና፤ ነ ኤንታ ኩሸፐ ሄ ኡይ ኤካናዉ ኮሼስ።
\p
\v 5 “ሄሳፈ ጉየ፥ ኔኒ ፍልስፄመ ኦላንቾታ ጩጋይ ደእያ ፆሳ ደርያ ግብአ ባና። ኔኒ ሄ ካታማ ጋክያ ዎደ ዲራ ካራቦራ፥ ሱሱልኤነ ዛየ ፑንድ ካእሸነ ትንብተ ኦድሸ፥ ጎይኖ በሳፈ ዎያ ናበ ጩጋራ ጋሄታና። 
\v 6 ጎዳ አያናይ ነ ቦላ ዎልቃን ዎና፤ ኔኒ ኤንታራ ትንብተ ኦዳና፤ ኔኒ ላመታዳ ሀራ አስ ግዳና። 
\v 7 ሀ ማላት ፖለትያ ዎደ ፆሳይ ኔራ ደእያ ግሾ ነ ኦናዉ ዳንዳእያባ ኡባ ኦ።
\p
\v 8 “ኔኒ ታፐ ስንታዳ ጋልጋላ ዎ። ታኒ ፁሳ ያርሾነ ሳሮተ ያርሾ ያርሻናዉ ኔኮ ባና። ታ ኔኮ ባዳ ነ ኦናባ ኦዳና ጋካናዉ ላፑን ጋላስ ጋምአ” ያግስ።
\s1 ሳኦል ካዎትስ
\p
\v 9 ሳኦል ሳሜላፐ ሻከትዳ ዎደ ፆሳይ ሳኦላ ዎዛና ላምስ፤ ሳሜል ኦድዳ ማላት ኡባይ ሄ ጋላስ ሀንዶሶና። 
\v 10 ሳኦልነ እያ አይለይ ግብአ ጋክያ ዎደ ናበ ጩጋይ እያራ ጋሄትስ። ፆሳ አያናይ እያ ቦላ ዎልቃራ ዎን እ ኤንታ ግዶን ትንብተ ኦደትስ። 
\v 11 ሳኦላ ካሰ ኤርያ ኡባይ እ ናበታራ ትንብተ ኦደተይሳ በእዳ ዎደ፥ “ቂሳ ናአይ ዋንዴ? ሳኦል ናበ ያሬ?” ያግዶሶና። 
\v 12 ሄ በሳን ደእያ እስ ኡራይ፥ “ኑ ኤንታ አዋይ ኦነኮ ኤርዉ?” ያግድ ኦይችስ። ሄሳ ግሾ፥ “ሳኦል ናበ ኮቼ?” ገይስ ሀይሰ ግድስ። 
\v 13 ሳኦል ትንብተ ኦደይሳ ዉርስዳፐ ጉየ ጎይኖ ዙማ ቦላ ከይስ።
\p
\v 14 ሳኦላ አዋ እሻይ ሳኦላነ እያ አይልያ፥ “አዉ ብደቲ?” ያግስ።
\p ሳኦል፥ “ሀረታ ኮያናዉ ብዳ፤ ሀረት በንቶና እፅን ሳሜላ ኦይቻናዉ ብዳ” ያግስ።
\p
\v 15 ሳኦላ አዋ እሻይ፥ “ሀያና ሳሜል ነዉ ግዳባ ታዉ ኦዳርኪ” ያግስ።
\p
\v 16 ሳኦል፥ “ሀረት በንትዳይሳ ናበይ ሳሜል ኑስ ጌሽድ ኦድስ” ያግስ። ሽን “ነ ካዎ ግዳና” ግድ ሳሜል እያዉ ኦድዳይሳ ባ አዋ እሻስ ኦድቤና።
\p
\v 17 ሄሳፈ ጉየ፥ ሳሜል ምፅጳን እስራኤለ አሳ ጎዳ ስንን ሺሽስ። 
\v 18 ኤንታ፥ “ጎዳይ፥ እስራኤለ ፆሳይ ሀይሳዳ ያጌስ፤ ‘ታኒ እስራኤለ ግብፀፈ ከሳስ፤ ግብፀ አሳ ኩሸፐነ ህንተና ኡንኤያ ካዎተታ ኡባ ኩሸፐ አሻስ።’ 
\v 19 ሽን ሀች ህንተና ህንተ መቱዋፐነ ዋያፐ አሽያ ታና ህንተ ፆሳ እፅደታ። ‘አካይ፥ ኑስ ካዎ ካዎ’ ያግደታ። ሄሳ ግሾ፥ ሀእ ህንተ፥ ህንተ ኮቻን ኮቻን ግድድ ጎዳ ስን ሺቅተ” ያግስ።
\p
\v 20 ሳሜል እስራኤለ ዛረ ሺሽን፥ ብንያመ ኮቻይ ዶረትስ። 
\v 21 ብንያመ ኮቻ ሺሽን፥ ማፅራ ኮቻይ ዶረትስ። ዉርሰን ቂሳ ናአይ ሳኦል ዶረትስ፤ ኤንቲ እያ ኮይዶሶና፥ ሽን እ በንትቤና። 
\v 22 ሄሳ ግሾ ኤንቲ፥ “አደይ ሀ በሳ ይዴ?” ያግድ ጎዳ ኦይችዶሶና።
\p ጎዳይ፥ “ኤ፥ ሳኦል ሚሸ ግዶን ቆሰትድ ኡትስ” ያግስ።
\p
\v 23 ኤንቲ ዎፅ ብድ፥ ቆሰትዳ በሳፈ ከስ ኤህዶሶና። አሳ ግዶን እ ኤቅያ ዎደ አስ ኡባይ እያ ሀሸፐ ጋርሳራ አትያ አዱሳ አስ። 
\v 24 ሳሜል አሳኮ፥ “ጎዳይ ዶርዳ አድያ በእቴ? እያ ዳንያ አስ ሀ አሳ ግዶን ኦንካ ባዋ” ያግስ።
\p አሳ ኡባይ ባንታ ቃላ ቁ ኦድ፥ “ካዎይ ብራታ ቱስ ግዶ” ያግስ።
\p
\v 25 ሄሳፈ ጉየ፥ ሳሜል ካዎተ ዎጋ አሳስ ኦድስ፤ ፃ ማፃፋን ሄ ዎጋ ፃፍድ ጎዳ ስንን ዎስ። ያትድ ሳሜል አሳ ኡባ ባ ሶ ሶ ሞይዝስ።
\p
\v 26 ሳኦል ባ ሶ ግብአ ብስ፤ ፆሳይ ኤንታ ዎዛና ቦችዳ ምኖ አሳት ሳኦላራ ብዶሶና። 
\v 27 ሽን እስ እስ ፓና አሳት፥ “ሀ አደይ ኑና ዋትድ አሻኔ?” ያግዶሶና። ኤንቲ እያ ካድ፥ እያዉ አይ እሞታካ እምቦኮና። ሽን ሳኦል ስእ ግስ።
\c 11
\s1 ሳኦል አሞነታ ፆንስ
\p
\v 1 እስ አጌናፐ ጉየ፥\f + \fr 11:1 \fr*\ft ግርከ ብርሸይ እስ አጌናፐ ጉየ ግድ ጉጄስ\ft*\f* አሞነ ካዎይ ናኦስ ደንድድ፥ ጋላዳን ደእያ ያበሳ ካታማ ተቅስ። ያበሳ አሳይ፥ “ኔኒ ኑራ ጫቃ፤ ኑኒ ነዉ ሃረታና” ያግዶሶና።
\p
\v 2 ናኦስ፥ “ታኒ ህንተራ ጫቃናይ ህንተ ኡሻቻ አይፍያ ዎጫ ከሳዳ እስራኤለ ካዉሽዳፐ ጉየና” ያግስ።
\p
\v 3 ያበሳ ጭማት ናኦሳኮ፥ “እስራኤለ ቢታ ኡባ ኑኒ ኪታ የዳና መላ ላፑን ጋላስ ታካ፤ ኑና አሽያ አስ ይኮ ኑኒ ነዉ ኩሸ እማና” ያግዶሶና።
\p
\v 4 ኪተትዳ አሳይ ሳኦል ደእያ በሳ ግብአ ጋክድ ሀ ኦዳ አሳስ ኦድዶሶና፤ አሳ ኡባይ ባንታ ቃላ ቁ ኦድ ዬክዶሶና። 
\v 5 ሄ ዎደ ሳኦል ባ ቦራታ ላግድ ጎሻፈ ይሸ፥ “አሳይ ዋንዴ? አይስ ዬኮና?” ያግድ ኦይችስ። ኤንቲ ያበሳ አሳይ ግዳባ እያዉ ኦድዶሶና።
\p
\v 6 ሀ ቃላ ሳኦል ስእዳ ዎደ ፆሳ አያናይ እያ ቦላ ዎልቃን ዎስ፤ ሳኦል ሸነ ኤፅስ። 
\v 7 ሳኦል ዋፃ ቦራታ ሙፀረድ፥ “ሳኦላነ ሳሜላ ካልድ፥ ከዮና አሳ ቦራት ሀይሳዳ ሙፀታና” ያግድ ኪተትዳ አሳታ ቦላ እስራኤለ ቢታ ኡባ የድስ።
\p ሄ ዎደ አሳ ኡባይ ጎዳስ ያይዶሶና፤ ኤንቲ እስ አሳዳ ሀንድ ከይዶሶና። 
\v 8 ሳኦል ቤዘቃን ኤንታ ሺሽድ ታይብዳ ዎደ እስራኤለ አሳይ ሄ ፄቱ ሙኩሉ፤ ይሁዳ አሳይ ሀስታሙ ሙኩሉ ግድስ። 
\v 9 ኪተትዳ አሳይ፥ “ብድ ያበሳ ጋላዳ አሳስ፥ ‘ዎንቶ ፃልቀይ ምችያ ዎደ ኑኒ ህንተና አሻና ያግድ ኦድተ’ ” ያግዶሶና። ኪተትዳ አሳይ ብድ፥ ያበሳ አሳስ ሄሳ ኦድን፥ ኤንቲ ዳሮ ኡፋይትዶሶና።
\p
\v 10 ያበሳ አሳይ አሞነታኮ፥ “ኑኒ ዎንቶ ህንተዉ ኩሸ እማና፤ ህንተ ኑ ቦላ ዶስዳባ ኦተ” ያግዶሶና።
\p
\v 11 ዎንተ ጋላስ ሳኦል ባ አሳ ሄ ጩጋን ሻክስ። ኤንቲ ሳእ ዎንትያ ዎደ አሞነ አሳይ ዱንካንዳ ጉታ ገልድ፥ ፃልቀይ ምቻና ጋካናዉ አሞነታ ጎይርዶሶና። ጎይረተፈ አትዳይሳት ናምኡ አስ እስፈ ዶናዳ ባዉ ባዉ ባቃቲስ።
\p
\v 12 እስራኤለ አሳይ ሳሜላኮ፥ “ሳኦል ኑ ቦላ ካዎታነ ያግዳ አሳት ኦናንቴ? ኤንቲ ኦነኮ ከስተ፤ ኑ ኤንታ ዎና” ያግስ።
\p
\v 13 ሽን ሳኦል፥ “ሀች ጎዳይ እስራኤለ አሽዳ ግሾ እስ አስካ ሀይቀና” ያግድ ዛርስ።
\p
\v 14 ሳሜል፥ “ሃይተ፤ ጋልጋላ ብድ፥ ያን ሳኦል ካዎ ግደይሳ ዛሪድ ኤርሶስ” ያግስ። 
\v 15 ሄሳ ግሾ፥ አሳ ኡባይ ጋልጋላ ብድ፥ ጎዳ ስንን ሳኦል ካዎ ግደይሳ ኤርስዶሶና። ያን እስፈተ ያርሾ ጎዳ ስንን ያርሽዶሶና። ሳኦልነ እስራኤለ አሳ ኡባይ ሄ በሳን ባኣለ ኡፋይሳን ቦንችዶሶና።
\c 12
\s1 ሳሜላ ዉርሰ ሃሳያ
\p
\v 1 ሳሜል እስራኤለ ኡባኮ፥ “ህንተ ታዉ ኦድዳ ኡባ ስአዳ፥ ህንተ ቦላ ካዎ ካዎስ። 
\v 2 ሀእ ህንተና ካለናዉ ካዎይ ደኤስ። ታኒ ዳሮ ጭማዳ ፑሉማስ፤ ታ ናይት ህንተራ ደኦሶና። ታኒ ታ ናአተፈ ዶማዳ ሀች ጋካናዉ ህንተና ካለስ። 
\v 3 ሄኮ፥ ታኒ ህንተ ስንን ኤቃስ፤ ጎዳ ስንንነ እ ትይዳ ካዋ ስንን ታ ቦላ ማርካትተ። ታኒ ኦደ ቦሩ ኤካድና? ኦደ ሀረ ኤካድና? ኦና ጭማድና? ኦና ኡንኤድና? በአሸ በኦናዳ ሀናናዉ ኦደፈ ዎፈ ኤካድና? ሀይሳታፐ እሱዋ ታኒ ኦዳባ ግድኮ ታዉ ኦድተ፤ ታ ቃንፃና” ያግስ።
\p
\v 4 ኤንቲ ዛሪድ፥ “ኔኒ ኑና ጭማባካ፤ ዎይኮ ኑና ኡንኤባካ፤ ነ ኦደ ኩሸፐ አይባካ ኤካባካ” ያግዶሶና።
\p
\v 5 ሳሜል፥ “ህንተ ታ ኩሸን አይ ባላካ ደምቦናይሳ ጎዳይነ እ ትይዳ ካዎይ ሀች ህንተ ቦላ ማርካ” ያግስ።
\p አሳይ፥ “ኤ፥ ፆሳይ ማርካ” ያግዶሶና።
\p
\v 6 ቃስካ ሳሜል፥ “ሙሰነ አሮና ዶርዳይነ ህንተ ማይዛታ ግብፀፈ ከስዳይ ጎዳ። 
\v 7 ሀእ ህንተዉነ ህንተ ማይዛታስ ጎዳይ ኦዳ ፅሎ ኦሶ ኡባስ ታኒ ህንተነራ ጎዳ ስንን ሞተታና መላ ሀይሳን ኤቅተ። 
\v 8 ያይቆብነ እያ ሶ አሳይ ግብፀን ደእሽን፥ ግብፀ አሳይ ኤንታ ኡንኤዳ ዎደ ህንተ ማይዛት ጎዳኮ ዋስዶሶና። ጎዳይ ሙሰነ አሮና ኪትስ፤ ኤንቲ ህንተ ማይዛታ ግብፀፈ ከስድ ሀይሳን ዎዶሶና።
\p
\v 9 “ሽን እስራኤለ አሳይ ጎዳ ባንታ ፆሳ ዶግዶሶና። ጎዳይ ኤንታ ሀፆራ ቶራ ሞጮና ስሳራ ኩሸን፥ ፍልስፄመ አሳ ኩሸንነ ሞአበ ካዋ ኩሸን አድ እምን ኤንታ ኦልዶሶና። 
\v 10 ኤንቲ፥ ‘ኑኒ ናጋራ ኦዳ፤ ጎዳ አግድ፥ ባኣለነ አስታሮታ ጎይንዳ። ሽን ሀእ ነ ኑና ኑ ሞርከታ ኩሸፐ አሻ፤ ኑኒ ነና ጎይናና’ ያግድ ጎዳኮ ዋስዶሶና። 
\v 11 ጎዳይ ገድዮና፥\f + \fr 12:11 \fr*\fq ገድዮና፦ \fq*\ft እብራወ ዶናን የሩባኣላ ጌተቴስ\ft*\f* ባራቃ፥\f + \fr 12:11 \fr*\fq ባራቃ፦ \fq*\ft እብራወ ዶናን ባዳና ጌተቴስ\ft*\f* ዮፍታሄነ ሳሜላ ኪትድ፥ ህንተ ዩሾ ኡባን ደእያ ሞርከታ ኩሸፐ ህንተና አሽስ። ያትን፥ ህንተ ሳሮ ደእደታ።
\p
\v 12 “አሞነ ካዎይ ናኦስ ህንተኮ ይዳይሳ በእዳ ዎደ ጎዳይ ህንተ ፆሳይ ህንተ ካዎ ግድኮካ፥ ህንተ፥ ‘አካይ፥ ኑኒ ካዎ ኮዮስ’ ያግደታ። 
\v 13 ሀእ ህንተ ዶርዳነ ኦይችዳ ካዎይ ሀይስሽ። ሄኮ፥ ጎዳይ ህንተ ቦላ ካዎስ። 
\v 14 ህንተ ጎዳስ ያይኮ፥ እያዉ ኪተትኮ፥ እያ ቃላ ስእኮ፥ እያ ኪታ ቦላ ማካሎና እፅኮ፥ ህንተነ ህንተ ቦላ ካዎትያ ካዎይ ጎዳ ህንተ ፆሳ ካልኮ ኡባባይ ሱራና። 
\v 15 ሽን ህንተ ጎዳ ቃላስ ኪተቶና እፅኮነ እያ ኪታ ቦላ ማካልኮ፥ ጎዳ ፕርዳይ ካሰ ህንተ አዋታ ቦላ ይዳይሳዳ ህንተ ቦላካ ያና።
\p
\v 16 “ህዛ ምንድ ኤቅተ፤ ጎዳይ ህንተ አይፍያ ስንን ኦና ግታባ በእተ። 
\v 17 ሀእ ግስተ ጫካ ዎደ ግደኔ? ጎዳይ ዳዳነ እራ የዳና መላ ታኒ ጎዳ ዎሳና። ህንተ ካዎ ኦይችድ፥ ጎዳ ስንን አይ መላ ኢታባ ኦዳኮ ህንተ አኬካና” ያግስ።
\p
\v 18 ሳሜል ጎዳ ዎስስ፤ ጎዳይ ሄ ጋላስ ዳዳነ እራ የድስ፤ ሄሳ ግሾ፥ አሳይ ጎዳነ ሳሜላ ዳሮ ያይዶሶና።
\p
\v 19 አሳይ፥ “ኑኒ ካዎ ኦይችድ፥ ኑ ናጋራ ኡባ ቦላ ሀ ኢታተ ጉጅዳ ግሾ ኑኒ ነ አይለት ሀይቆና መላ ኑስ ጎዳ ነ ፆሳ ዎሳርክ” ያግስ።
\p
\v 20 ሳሜል አሳኮ፥ “ያዮፍተ፤ ህንተ ሀ ኢታተ ኡባ ኦደታ፤ ሽን ህንተ ኩመ ዎዛናን ጎዳስ ኪተትተ፤ እያ ካሎ አጎፍተ። 
\v 21 ፓናባ ግድያ ግሾ ማዶናነ አሾና ኤቃታ ካሎፍተ። 
\v 22 ጎዳይ ባ ግታ ሱን ግሾ ባ አሳ አገና፤ እ ህንተና ባ አሰ ኦናዉ ኡፋይቴስ። 
\v 23 ህንተ ግሾ ዎሳ አጋዳ ጎዳ ቆሆይ ታፐ ሃኮ፤ ታኒ ህንተና ሎኦነ ሱረ ኦግያ ታማርሳና። 
\v 24 ጎዳ ያይተ፤ ህንተ ኩመ ዎዛናን አማነትድ፥ እያዉ ኪተትተ፤ ህንተዉ እ ኦዳ ግታባ ሀሳይተ። 
\v 25 ሽን ህንተ ዛር ዛር ናጋራ ኦኮ፥ ህንተነ ህንተ ካዎይ ያና” ያግስ።
\c 13
\s1 ሳሜል ሳኦላ ሀንቀትስ
\p
\v 1 ሳኦል ካዎትያ ዎደ እያዉ ላይ ሀስታማ፤ እ እስራኤለ ቦላ ናምኡ ላይ ካዎትዳፐ ጉየ፥ 
\v 2 እስራኤለታ ግዶፈ ሄ ሙኩሉ አስ ዶርስ። ኤንታፈ ናምኡ ሙኩሉ አሳይ ምክማሳንነ ደረይ ዳርያ ቤተለ ቢታን ሳኦላራ ደኤስ። እስ ሙኩሉ አሳይ ቃስ ብንያመን ደእያ ግብአን ዮናታናራ ደኤስ፤ አትዳ አሳ ሳኦል ኤንታ ሶ ሶ የድስ።
\p
\v 3 ዮናታን ግብአን\f + \fr 13:3 \fr*\ft ጋባኦናን\ft*\f* ደእያ ፍልስፄመ ኦላንቾታ ኦልስ፤ ፍልስፄመ አሳይ ሄሳ ስእዶሶና። ሄሳፈ ጉየ፥ ሳኦል፥ “እብራወት ሀይሳ ስኦ” ግድ ቢታ ኡባን ሞይዘ ፑንስስ። 
\v 4 ሳኦል ፍልስፄመ አሳ ኦልድ ፆንዳይሳ እስራኤለ አሳይ ስእዶሶና፤ እስራኤለ አሳይ ፍልስፄመ አሳ ማታን እፀትዳይሳታ ግደይሳ ኤርዶሶና። እስራኤለ አሳይ ሳኦላ ካላናዉ ፄገትድ ጋልጋላን ሺቅዶሶና።
\p
\v 5 ፍልስፄመ አሳይ እስራኤለ አሳ ኦላናዉ ሄ ሙኩሉ ፓራ ጋረታራ፥ ኡሱፑን ሙኩሉ ፓራ አሳታራነ አባ ዶናን ደእያ ሻፈዳ ዳርዳ ኦላንቾታራ ሺቅዶሶና። ኤንቲ ብድ፥ ቤት-አዌናፐ ዶሎሀ ባጋራ ደእያ ምክማሳን ዙግድ ኡትዶሶና። 
\v 6 እስራኤለ አሳይ ሳእ ኤንታዉ ኢታ ግደይሳነ ኦላንቾት ዳጋምዳይሳ በእዳ ዎደ ጎንጎሎን፥ ቡረን፥ ዛላ ግዶን፥ ካካን፥ ሃ ኦላን ቆሰትዶሶና። 
\v 7 እብራወታፐ ጉት ዮርዳኖሰ ሻፋ ፕንድ፥ ጋደነ ጋላዳ ቢታ ብዶሶና። ሽን ሳኦል ጋልጋላን አትስ፤ እያራ ደእያ ኦላንቾት ኡባይ ያሻን ኮኮርዶሶና።
\p
\v 8 ሳኦል ሳሜል ኬርዳ ላፑን ጋላስ ጋካናዉ ጋምእስ፤ ሽን ሳሜል ጋልጋላ ይቤና፤ ያትን፥ ሳኦላራ ደእያ ኦላንቾት ላለተ ዶምዶሶና። 
\v 9 ሄሳ ግሾ፥ ሳኦል፥ “ፁሳ ያርሾነ እስፈተ ያርሾታ ታዉ ኤህተ” ያግድ፥ ፁሳ ያርሾ ያርሽስ። 
\v 10 ሳኦል ፁሳ ያርሹዋ ያርሽድ ፖልዳፐ ጉየ ሳሜል ይስ። ያትን፥ ሳኦል ሳሜላ ሞካናዉ ካረ ከይስ።
\p
\v 11 ሳሜል፥ “ሀ ኔኒ ኦዳባይ አይቤ?” ያግድ ሳኦላ ኦይችስ።
\p ሳኦል፥ “አሳይ ላለታናዉ ማትዳይሳ፥ ነካ ግዳ ዎድያን ያናዉ ጋምእዳይሳነ ፍልስፄመት ምክማሳን ሺቅዳይሳ ታኒ በአስ። 
\v 12 ሄሳ ግሾ፥ ‘ፍልስፄመት ታራ ኦለታናዉ ጋልጋላ ዎና ሀኖሶና፤ ታኒ ጎዳ ማዶ ኦይቻብከ’ ጋዳ ቆፓስ። ያትን፥ ፁሳ ያርሾ ያርሻናይስ ታዉ አቶናባ ግድስ” ያግድ ዛርስ።
\p
\v 13 ሳሜል፥ “ኔኒ ቦዛባ ኦዳሳ፤ ጎዳይ፥ ነ ፆሳይ ነዉ እምዳ ኪታ ናጋባካ። ኔኒ ናግዳኮ ጎዳይ ሀች ነ ካዎተ እስራኤለ ቦላ መርናዉ ምንናሽን። 
\v 14 ሽን ሀእ ነ ካዎተይ ጋምኤና፤ ኔኒ ጎዳ ኪታ ናጋቦና ግሾ፥ ጎዳይ ባ ዎዛናዳ ኦያ አስ ደምስ፤ ባ አሳ ካለና መላ እያ ዶርስ” ያግስ።
\p
\v 15 ሳሜል ጋልጋላፐ ደንድድ፥ ብንያመን ደእያ ግብአ ብስ። ሳኦል ባራ ደእያ አሳ ታይብን፥ አሳይ ኡሱፑን ፄቱ ግድስ። 
\v 16 ሳኦል፥ እያ ናኣ ዮናታንነ ኤንታራ ደእያ አሳይ ብንያመን ደእያ ግብአን ጋምእዶሶና፤ ፍልስፄመ አሳይ ምክማሳን ዱንካንዶሶና። 
\v 17 ፍልስፄመ ኦላንቾት ሄ ጩጋን ሻከትድ ከይዶሶና። ኤንታፈ እስ ጩጋይ ሹኣላ ቢታን ደእያ ኦፍራኮ ስሚድ ብስ፤ 
\v 18 ናምአንይ ቤት-ሆሮናኮ ብስ፤ ሄን ጩጋይ መላ ቢታ ስንን ደእያ ሳቦይማ ዛንጋራ ዱገ ፄልያ ዛዋ ኦግያ ኦይክድ ብስ።
\p
\v 19 ፍልስፄመ አሳይ፥ “እብራወት ማሸነ ቶራ ቆፆፎ” ግዳ ግሾ፥ እስራኤለ ቢታን ብራታ ቆፅያ አስ ባዋ። 
\v 20 ሄሳ ግሾ፥ እስራኤለ አሳይ ባንታ ማራሻ፥ ኮንተ፥ ካልታነ ባጫ ፖሽሳናዉ ፍልስፄመ ቦሶና። 
\v 21 ማራሻነ ኮንተ ፖሽሳናዉ ሆስፑን ግራመ ዴፅያ ብራ ቃንፆሶና፤ ካልታነ ፆፀ ፖሽሳናዉ ኦይዱ ግራመ ቃንፆሶና። 
\v 22 ሄሳ ግሾ፥ ኦላ ጋላስ ሳኦልነ እያ ናኣ ዮናታን አትሽን፥ ሀራታ ኩሸን ቶርነ ማሽ ባዋ። 
\v 23 ፍልስፄመ ጩጋይ ምክማሳ ፕን ባናዉ ከይስ።
\c 14
\s1 ዮናታን ፍልስፄመታ ኦልስ
\p
\v 1 እስ ጋላስ ሳኦላ ናአይ ዮናታን ባ ኦላ ሚሽያ ቶክያ ፓንኮ ሀይሳዳ ያግስ፤ “ሃያ፤ ሄፍንን ደእያ ፍልስፄመት ዱንካንዳ ጉታ አነ ቦስ” ያግስ። ሽን ባ አዋስ ሄሳ ኦድቤና።
\p
\v 2 ሄ ዎደ ሳኦል ግብአ ማታን ምግሮናን፥ ኦሮማነ ም ጋርሳን ደኤስ። እያራ ኡሱፑን ፄቱ አሳት ደኦሶና። 
\v 3 ሴሎን ጎዳ ካህነ ግድዳ ኤል ናአይ፥ ካህነይ ፍንሃስ የልዳ እካቦዳ እሻይ፥ አክፁባ ናአይ፥ አክይ ኤፉደ ማእድ፥ ኤንታ ግዶን ደኤስ። ዮናታን ኤንታ ግዶን ባይናይሳ ኦንካ ኤርቤና።
\p
\v 4 ዮናታን ፍልስፄመት ዱንካንዳ ጉታ ፕናናዉ ብያ ኦግያ ቦላ ኡሻቻ ባጋንነ ሀድርሳ ባጋን፥ እሶይ ቦፀፃ፥ ሀንኮይ ሳና ጌተትያ ናምኡ ፖፀትዳ ግታ ዛላት ደኦሶና። 
\v 5 ዛላታፐ እሶይ ፑደሀ ባጋን ምክማሳ ስንን ደእያ ዎደ፥ እሶይ ቃስ ዱገሀ ባጋን ግብአ ስንን ደኤስ።
\p
\v 6 ዮናታን ባ ኦላ ሚሽያ ቶክያ ፓንኮ፥ “ሃያ፤ ሀ ቃፃረትቦና አሳይ ዱንካንዳ ጉታ አነ ቦስ። ጎዳይ ኑ ግሾ ኦለቶና አገና፤ ዳሮ አሳን ግድን ጉ አሳን፥ አሻናይስ ጎዳ ፆነና” ያግስ።
\p
\v 7 እያ ኦላ ሚሽያ ቶከይስ፥ “ኔኒ ቆፕዳባ ኡባ ኦ፤ ጉየ ጎፓ፤ ታ ዎዛናይ ኔራ ደኤስ” ያግስ።
\p
\v 8 ዮናታን፥ “ያኮ ሃያ፤ ሄፍን ፕንድ አሳስ በንቶስ። 
\v 9 ኤንቲ፥ ‘ኑኒ ህንተኮ ያና ጋካናዉ ያን ናግተ’ ጊኮ፥ ኑኒ ደእያ በሳን ናጋናፐ አትሽን፥ ኤንታኮ ቦኮ። 
\v 10 ሽን ኤንቲ፥ ‘ኑኮ ሃ ዪተ’ ጊኮ፥ ኑኒ ኤንታኮ ከያና። ሄስ ጎዳይ ኤንታ ኑ ኩሸን አድ እምዳይሳስ ማላ ግዳና” ያግስ።
\p
\v 11 ኤንቲ ናምአይ ከይድ ፍልስፄመታስ በንትዳ ዎደ ፍልስፄመት፥ “ሄኮ፥ እብራወት ባንታ ቆሰትዳ ኦላፈ ዙምድ ከዮሶና” ያግዶሶና። 
\v 12 ፍልስፄመ ኦላንቾት፥ ዮናታናነ ኦላ ሚሽያ ቶከይሳ ፄግድ፥ “ሃ ኑኮ ከይተ፤ ኑኒ ህንተና እስባ በሳና” ያግዶሶና።
\p ሄሳ ግሾ፥ ዮናታን ባ ኦላ ሚሽያ ቶከይሳኮ፥ “ታና ካላዳ ሀ ከያ። ጎዳይ ኤንታ እስራኤለ ኩሸን አድ እሚስ” ያግስ።
\p
\v 13 ዮናታን ባ ኦላ ሚሽያ ቶከይሳ ካለድ፥ ቶሆንነ ኩሸን ዙምድ ከይስ። ፍልስፄመታ ዮናታን ሾጭድ የግን፥ እያ ኦላ ሚሽያ ቶከይስ ካልድ ኤንታ ዎስ። 
\v 14 ሄ ኮይሮ ኦላን ዮናታንነ እያ ኦላ ሚሽያ ቶከይስ ባጋ ቦራ ሶ ጋደን ላታሙ ግድያ አስ ዎዶሶና። 
\v 15 ሄሳፈ ጉየ፥ ጉታንንን ጎሻን፥ ኦላስ ከይዳ አሳትነ ናጎን ደእያ ፍልስፄመት ዳጋምዶሶና። ቢት ቃፅስ፤ ሄ ዳጋማይ ፆሳፈ ኪተትስ።
\p
\v 16 ሳኦል ብንያመ ቢታን፥ ግብአን ዎዳ ዎችያ አሳት፥ ፍልስፄመ ኦላንቾት ያራ ሃራ ፕስክ ግድ ላለተይሳ በእዶሶና። 
\v 17 ያትን፥ ሳኦል ባራ ደእያ አሳኮ፥ “አነ ኦላንቾታ ሺሽድ ኑ ግዶፈ ኦን ብዳኮ በእተ” ያግስ። ኤንቲ ሺሽድ ታይብያ ዎደ ዮናታንነ እያ ኦላ ሚሽያ ቶከይስ ባይናይሳ በእዶሶና።
\p
\v 18 ሳኦል ካህንያ አክያ፥ “ፆሳ ታቦትያ ሃ ኤካዳ ያ” ያግስ። ሄ ዎደ ታቦተይ እስራኤለራ ደኤስ\f + \fr 14:18 \fr*\ft “ኤፉድያ ሃ ኤካዳ ያ” ያግስ። ሄ ዎደ አክይ ኤፉደ ማእድ እስራኤለ አሳ ስንን ደኤስ\ft*\f* 
\v 19 ሳኦል ካህንያራ ሃሳይሽን፥ ፍልስፄመት ዱንካንዳ ጉታን ዎጫማይ ዳር ዳር ብስ። ሄሳ ግሾ፥ ሳኦል ካህንያ፥ “ታቦትያፐ ነ ኩሽያ ከሳ” ያግስ።
\p
\v 20 ሄሳፈ ጉየ፥ ሳኦልነ እያ ኦላንቾት ሺቅድ ኦላ ብዶሶና። ፍልስፄመ አሳ ኡባይ ሀናና ባ ይድ፥ ባንታ ማሻን እሶይ እሱዋ ቡዶሶና። 
\v 21 ካሰ ፍልስፄመ አሳራ ዎላ ኦላ በሳ ብዳ እብራወት ኤንታ አግድ፥ ሳኦላራነ ዮናታናራ ደእያ እስራኤለ አሳራ ዋላከትዶሶና። 
\v 22 ደረይ ዳርያ ኤፍሬማ ቢታን ቆሰትዳ ሀራ እስራኤለትካ ፍልስፄመት ባቃተይሳ ስእዶሶና። ኤንትካ እስራኤለታራ ዋላከትድ የደ ኦይክዶሶና። 
\v 23 ጎዳይ ሄ ጋላስ እስራኤለ አሳ አሽስ። ቤት-አዌናፐ ሄፍን ጋካናዉ ኦላይ ካንስ።
\s1 ዮናታና ኤሳ ሙሳ
\p
\v 24 ሄ ጋላስ እስራኤለ አሳይ ኮሻን ላባንዶሶና። ሳኦል፥ “ሳእ ቃማናፐ ስን ታኒ ታ ሞርከታ ሀሎ ከዮና ደእሽን፥ ካ ምያ ኦንካ ባደትዳይሳ ግዶ” ያግድ አሳ ጫቅስድ ዎስ። ሄሳ ግሾ፥ ኦላንቾታፐ ካ ዶናኮ ሺሽዳ አስ ኦንካ ባዋ።
\p
\v 25 ኦላንቾት ኡባይ ዎራ ግዶ ገልያ ዎደ ም ቦላ ኤስ ደኤስ። 
\v 26 ኤንቲ ዎራ ግዶን ኤስ ፆከይሳ በእዶሶና፤ ሽን ጫቁዋ ያይዳ ግሾ፥ እስ አስካ ባ ኩሽያ ዶናኮ ሺሽበና። 
\v 27 ሽን ዮናታን እያ አዋይ አሳራ ኦዳ ቃችዳይሳ ስእቤና። ሄሳ ግሾ፥ ባ ኩሸን ደእያ ፃምአ ፄራ እልሎ ኤሳን የድ ከስድ፥ ላጭን እያ አይፈይ ፄልስ። 
\v 28 ሄሳፈ ጉየ፥ ኦላንቾታፐ እሶይ፥ “ነ አዋይ ኦላንቾታ ኡባ፥ ‘ሀች ካ ምያ አስ ባደትዳይሳ ግዶ’ ያግድ፥ ጫቅስድ ዎስ፤ አሳ ኡባይ ላባንዳይ ሄሳሳ” ያግስ።
\p
\v 29 ዮናታን፥ “ታ አዋይ ቢታስ መቶ መስ። ታኒ ሀ ኤሳፈ ጉራ ላጭዳ አይ መላ ምንዳኮ በአ። 
\v 30 አሳይ ባ ሞርከታፐ ድእዳ ካፈ ሀች ምዳባ ግድያኮ ሎኦሽን፤ ኤንቲ ዎና ፍልስፄመታ ታይቦይካ አይ መላ ዳራነሽን” ያግስ።
\p
\v 31 ሄ ጋላስ እስራኤለ አሳይ ምክማሳፐ ኤሎና ጋካናዉ ፍልስፄመታ ሾጭ ስሚድ ዳቡርዶሶና። 
\v 32 ኤንቲ ድእዳ ዶርሳታ፥ ሚዛታነ ማራታ ሹክድ ሱ ጉሶና ምዶሶና። 
\v 33 እስ አስ ሳኦላኮ፥ “ሄኮ፥ አሳይ ሱራ ደእያ አሾ ምድ፥ ጎዳ ስንን ናጋራ ኦሶና” ያግስ።
\p ሳኦል፥ “ህንተ ናጋራ ኦደታ፤ ግታ ሹቹ ጎንዶርስድ ኤለ ታኮ ሃ ሺሽተ” ያግስ። 
\v 34 ሄሳፈ ጉየ፥ “አሳ ግዶ ብድ፥ ‘ህንተ እሶይ እሶይ ህንተ መሄታነ ዶርሳታ ታኮ ሃ ኤህተ፤ ሀይሳን ዎጋዳ ሹክድ ሚተ። ሱራ ደእያ አሾ ምድ፥ ጎዳ ስንን ናጋራ ኦፕተ’ ያጋ” ያግስ።
\p ሄሳ ግሾ፥ ሄ ቃማ እሶይ እሶይ ባ ቦራ ኤህድ ያን ሹክዶሶና። 
\v 35 ሳኦል ሄ በሳን ጎዳስ ያርሾ በሲ ግምብስ፤ ጎዳስ ያርሾ በሲ ግምብሽን ሀይስ እያዉ ኮይሮ።
\p
\v 36 ሳኦል፥ “ሀች ቃማ ፍልስፄመታ ካል፥ ብድ ሳእ ዎንታና ጋካናዉ ኤንታባ ኡባ ቦንቆስ፤ ኤንታፈ እሱዋካ አሾና ዎኦስ” ያግስ።
\p ኤንቲ፥ “ኤሮ፥ ነና ሎእዳባ ኦ” ያግድ ዛርዶሶና።
\p ሽን ካህነይ፥ “አነ ፆሳ ሸነይ አይበኮ ኦይቾስ” ያግስ።
\p
\v 37 ሄሳ ግሾ፥ ሳኦል፥ “ፍልስፄመ አሳ ካላዳ ቦ? ኔኒ ኤንታ እስራኤለ ኩሸን አዳ እማኔ?” ያግድ ፆሳ ኦይችስ። ሽን ሄ ጋላስ ፆሳይ እያዉ ዛሮ እምቤና።
\p
\v 38 ሳኦል፥ “ካለይሳታ ፄግድ፥ ኡባይ ሃይተ፤ ሀች አይባ ናጋር ኦሰትዳኮ አነ ቆርድ ደሞስ። 
\v 39 እስራኤለ አሽያ ደኦ ጎዳይ ኤርያ መላ። ታ ናአ ዮናታና ግድኮካ፥ ሀይቃናዉ በሴስ” ያግስ። ሽን አሳፐ እስ አስካ ዶና ፖግቤና።
\p
\v 40 ሄሳፈ ጉየ፥ ሳኦል እስራኤለ አሳኮ፥ “ህንተ ኡባይ ያ ባጋን ኤቅተ፤ ታንነ ታ ናኣ ዮናታን ሀ ባጋን ኤቃና” ያግስ።
\p አሳይ፥ “ኤሮ፥ ነና ሎእዳባ ኦ” ያግዶሶና።
\p
\v 41 ሄሳፈ ጉየ፥ ሳኦል፥ “ታዉ ልከ ዛሮ እማ” ያግድ ጎዳ እስራኤለ ፆሳ ዎስስ። ሳማይ ሳኦላ ቦላነ ዮናታና ቦላ ዎን አሳይ ጌይስ። 
\v 42 ቃስ ሳኦል፥ “ታ ቦላነ ታ ናኣ ዮናታና ቦላ ሳማ የግተ” ያግስ። ሳማይ ዮናታና ቦላ ዎስ።
\p
\v 43 ሳኦል ዮናታና፥ “አነ ኔኒ ኦዳባ ኦዳ” ያግስ።
\p ዮናታን፥ “ታኒ ጉ ኤሳ እልሎ ታ ፃምኣ ፄራን ቦቻዳ ላጫስ። ሄኮ ታኒ ሀይሳን ደአይስ፤ ሀይቆስ ጊገታስ” ያግስ።
\p
\v 44 ሳኦል፥ “ዮናታና፥ ኔኒ ሀይቆና እፅኮ፥ ፆሲ ታና ፕርዶ” ያግስ።
\p
\v 45 ሽን አሳይ ሳኦላኮ፥ “ዮናታን፥ እስራኤለስ ሄሳ መላ ግታ ፆኑዋ ኤህዳይስ ሀይቃኔ? ሄስ ፖሎ ሀነና! ደኦ ፆሲ ኤርያ መላ! እያ ሁጵያፐ እስ ብናንካ ቢታን ዎና። እ ሀች ሀይሳ ፆሳ ማዶን ኦስ” ያግዶሶና። ያትድ አሳይ ዮናታና አሽን፥ እ ሀይቆፐ አትስ።
\p
\v 46 ሄሳፈ ጉየ፥ ሳኦል ፍልስፄመ አሳ የደይሳ አግን ኤንቲ ባንታ ቢታ ስምዶሶና።
\p
\v 47 ሳኦል እስራኤለ ቦላ ካዎትዳፐ ጉየ፥ ኡባ ባጋራ ደእያ ባ ሞርከታ ኦልስ። ሄሳትካ፥ ሞአበታ፥ አሞነታ፥ ኤዶመታ፥ ሱባ ካዎታነ ፍልስፄመታ። ኦላናዉ ብዳ በሳ ኡባን ፆንስ። 
\v 48 እ ምንድ ኦለትስ፤ አማለቃታ ፆንስ፤ እስራኤለ አሳ ቦንቀይሳታ ኩሸፐ አሽስ።
\p
\v 49 ሳኦላ አደ ናይት ዮናታና፥ የሱዋነ ማልክሳ፤ እያዉ ባይራ ናኤ ሱንይ መራቦ፤ ካሎ ናኤ ሱንይ መልኮሎ። 
\v 50 እያ ማችያ፥ አክማሳ ናእያ አክናሆሞ። እያ ቶራ ሞጮናይ እያ አዋ እሻ ኔራ ናኣ አበኔራ። 
\v 51 ሳኦላ አዋ ቂስነ አበኔራ አዋ ኔር አብኤላ ናይታ።
\p
\v 52 ሳኦል ደእዳ ላይ ኡባን ፍልስፄመታራ ሞርከተን ኦለትዳ መላ ደእስ። ምኖ አስ ዎይኮ ፃላ አስ ደምዳ ዎደ ኡባን እ ሄ ኡራ ባ ኦላንቾታን ጉጄስ።
\c 15
\s1 ሳኦል ቦረትስ
\p
\v 1 ሳሜል ሳኦላኮ፥ “ባ አሳ እስራኤለ ቦላ ኔኒ ካዎታናዳ ትያና መላ ጎዳይ ኪትዳይ ታና። ሄሳ ግሾ፥ ጎዳ ቃላ ስአ። 
\v 2 ኡባፈ ዎልቃማ ጎዳይ ሀይሳዳ ያጌስ፤ ‘እስራኤለት ግብፀፈ ከይድ ያ ዎደ አማለቃት ኦገን ኤንታራ ኤቀትዳ\x - \xo 15:2 \xo*\xt ከሳ 17:8-14፤ ዛረ 25:17-19.\xt*\x* ግሾ ታኒ አማለቃታ ሴራና። 
\v 3 ሀእ ባዳ አማለቃታ ሾጫ፤ ኤንታዉ ደእያባ ኡባ ፖሎ ይሳ። ኤንታ አሾፋ፤ ማጫነ አደ፥ ናይታነ ዮጋ ናይታ፥ ሚዝነ ዶርሰ፥ ግማለነ ሀረ ኡባ ዎ’ ” ያግስ።
\p
\v 4 ሳኦል አሳ ፄግድ፥ ፀላመ ጌተትያ በሳን ታይብስ። ታይብያ ዎደ እስራኤለፐ ናምኡ ፄቱ ሙኩሉ ቶሆ ኦላንቾታ፤ ይሁዳፐ ታሙ ሙኩሉ አስ ደምስ። 
\v 5 ሳኦል አማለቃታ ካታማ ብድ እስ ሻፋን ቆሰትድ ኡትስ። 
\v 6 ሳኦል፥ “እስራኤለት ግብፀፈ ከይያ ዎደ ህንተ ኤንታዉ ኬህዳ ግሾ ታኒ ህንተና አማለቃታራ እስፈ ይሶና መላ ደንድድ ኤንታ ግዶፈ ከይተ” ያግድ ቄና አሳስ ኦድስ። ያትን ቄና አሳይ አማለቃታ ግዶፈ ከይድ ብዶሶና።
\p
\v 7 ሳኦል አማለቃታ ሀውላፐ ዶምድ፥ ግብፀፈ ዶሎሀ ባጋን ደእያ ሹራ ጋካናዉ ሾጭስ። 
\v 8 አማለቃታ ካዋ አጋጋ ፓፃ ድእስ፤ እያ አሳ ኡባ ማሻን ዎድ ዉርስስ። 
\v 9 ሽን ሳኦልነ እያ ኦላንቾት፥ አጋጋነ ሎኦ ዶርሳታ፥ ሚዛታ፥ አንቃራ ማራታነ ማራዘታ፥ ሄሳዳካ ሀራ ሎኦባታ ኡባ አሽዶሶና። ኤንቲ ሀይሳታ ፖሎ ዎናዉ ኮይቦኮና፤ ሽን ኤንቲ ላፋታነ ፓናይሳታ ይስዶሶና።
\p
\v 10 ጎዳይ ሳሜላኮ፥ 
\v 11 “ሳኦል ታና ካለይሳ አግድ፥ ታ ኪታ ናግቦና ግሾ፥ ታኒ ሳኦላ ካዎዳይሳን ቂሮታስ” ያግስ። ሳሜል ሄሳ ስእዳ ዎደ ኡንኤትድ ቃማ ኩመ ጎዳኮ ዋስስ።
\p
\v 12 ሳሜል ዎንታ ጉራ ደንድድ፥ ሳኦላራ ጋሄታናዉ ብስ። ሽን አሳይ፥ “ሳኦል ቃርመሎሳ ካታማ ብድ፥ ያን ባና ሀሳይስያ ሀዉልተ ኤስዳፐ ጉየ፥ ጋልጋላ ዎስ” ያግድ ኦድዶሶና።
\p
\v 13 ሳሜል ሳኦላ ደምዳ ዎደ ሳኦል ሳሜላኮ፥ “ጎዳይ ነና አንጆ፤ ታኒ ጎዳ ኪታ ፖላስ” ያግስ።
\p
\v 14 ሽን ሳሜል ሳኦላኮ፥ “ያትን፥ ሀ ታኒ ስእያ ዶርሳ ዋሶይነ መሄ ዋሶይ አይቤ?” ያግስ።
\p
\v 15 ሳኦል፥ “ኦላንቾት ሀይሳታ አማለቃታፐ ኤህዶሶና፤ ኤንቲ ጎዳስ፥ ነ ፆሳስ ያርሻናዉ፥ ኡባፈ ሎእያ ዶርሳታነ መሄታ አሽዶሶና፥ ሽን ሀራታ ኡባ ይስዳ” ያግስ።
\p
\v 16 ሳሜል፥ “አነ አጋጋ፤ ጎዳይ ዝነ ቃማ ታዉ ኦድዳባ ታ ነዉ ኦዳና” ያግስ።
\p ሳኦል፥ “ኤሮ ኦዳ” ያግስ።
\p
\v 17 ሳሜል ዛሪድ፥ “ነ አይፈ ስንን ነ ጉ ግድኮካ፥ እስራኤለ ዘረስ ካዎ ግዳብኪ? እስራኤለ ቦላ ካዎታና መላ ጎዳይ ነና ትይስ። 
\v 18 ጎዳይ፥ ‘ኔኒ ባዳ ኢታ ግድዳ አማለቃታ ኩመ ይሳ፤ ኤንቲ ዉራና ጋካናዉ ዎ’ ያግድ ኪትስ። 
\v 19 ያትን፥ አይስ ጎዳስ ኪተታብኪ? ድኦስ ያረታዳ ጎዳ ስንን አይስ ኢታባ ኦዲ?” ያግስ።
\p
\v 20 ሳኦል፥ “ታኒ ጎዳስ ኪተታስ፤ እ ታና ኪትዳይሳዳ ባዳ አማለቃታ ዎ ዉርሳስ፤ ኤንታ ካዋ አጋጋ ኤሀስ። 
\v 21 ሽን ኦላንቾት ድኡዋፐ ሎእያ ዶርሰነ መህያ ጎዳስ፥ ነ ፆሳስ፥ ጋልጋላን ያርሻናዉ ኤህዶሶና” ያግስ።
\p
\v 22 ሳሜል፥ “ጎዳይ ባ ቃላስ ኪተተይሳን ኡፋይተይሳ መላ ፁሳ ያርሾንነ ሀራ ያርሾን ኡፋይቲ? ሄኮ፥ ኪተተ ያርሾፈ አስ፤ እያ ስስ ዶርሳ ሞ ያርሸይሳፈ አስ። 
\v 23 ጌላተ ማሮ ናጋራ መላ፤ ቃስ ኦቶሮይ ኢታ ኤቃ ጎይኖ መላ። ኔኒ ጎዳ ቃላ እፅዳ ግሾ ጎዳይ ነ ካዎ ግዶና መላ እፅስ” ያግስ።
\p
\v 24 ሳኦል፥ “ታኒ ናጋራ ኦስ፤ ጎዳ ኪታነ ነ ቃላ ቶቻስ። ታኒ አሳስ ያይዳ ግሾ ኤንቲ ግዳባ ኦስ። 
\v 25 ሀእ ታ ናጋራ አቶ ጋርክ፤ ታኒ ጎዳ ጎይናና መላ ታራ የርክ” ያግስ።
\p
\v 26 ሳሜል፥ “ታኒ ኔራ ስማዳ ቢከ፤ ኔኒ ጎዳ ቃላ እፅዳ ግሾ ነ እስራኤለ ቦላ ካዎ ግዶና መላ ጎዳይ እፅስ” ያግስ።
\p
\v 27 ሳሜል ባናዉ ደንድን፥ ሳኦል እያ ማኡዋ ማጫራ ኦይክን፥ ማኦይ ዳከትስ። 
\v 28 ሳሜል፥ “ጎዳይ ሀች እስራኤለ ካዎተ ኔፐ ዳክድ ኔፐ ሎእያ ሀራ አሳስ እሚስ። 
\v 29 እስራኤለ ቦንቾይ፥ ፆሳይ ዎርዶተና ዎይኮ ባ ቆፋ ላመና፤ ባ ቃላ ላማናዉ እ አስ ግደና” ያግስ።
\p
\v 30 ሳኦል፥ “ታኒ ናጋራ ኦስ፤ ሽን ታ ቢታ ጭማታ ስንንነ እስራኤለ አሳ ስንን ታና ቦንቻ። ታኒ ጎዳ፥ ነ ፆሳ ጎይናና መላ ታራ የርክ” ያግድ ዎስስ።
\p
\v 31 ሄሳ ግሾ፥ ሳሜል እያራ እስፈ ብን፥ ሳኦል ጎዳ ጎይንስ።
\p
\v 32 ሳሜል፥ “አማለቃታ ካዋ አጋጋ ታኮ ኤህተ” ያግስ።
\p አጋግ ኮኮርሸ\f + \fr 15:32 \fr*\fq ኮኮርሸ፦ \fq*\ft ዎይኮ ቃሸትድ\ft*\f* ሳሜላኮ ይድ፥ “ቱማ ሀይቆይ ሀይሳዳ ጫሚ?” ያግስ።\f + \fr 15:32 \fr*\fq ቱማ ሀይቆይ ሀይሳዳ ጫሚ \fq*\ft ቱማ ታ ሀይቃናዉ በሰና\ft*\f*
\p
\v 33 ሳሜል አጋጋኮ፥ “ነ ማሻይ ማጫሳ ናይታፐ መላ አሽዳይሳዳ ነ አያካ ማጫሳ ግዶን ናይታፐ መላ አታና” ያግስ። ሳሜል አጋጋ ጎዳ ስንን ጋልጋላን ቃንፀረስ።
\p
\v 34 ሳሜል ደንድድ፥ ራማ ብስ፤ ሳኦልካ ባ ሶ ግብአ ብስ። 
\v 35 ሳሜል ሀይቃና ጋካናዉ ሳኦላ በአናዉ ስሚድ ብቤና፥ ሽን ሳሜል ሳኦላ ግሾ ዬክስ። ሳኦላ እስራኤለ ቦላ ካዎ ኦዳይሳስ ጎዳይ አዛንስ።
\c 16
\s1 ዳዊቲ ካዎተስ ትየትስ
\p
\v 1 ጎዳይ ሳሜላኮ፥ “እስራኤለ ቦላ እ ካዎ ግዶና መላ ታኒ እፅዳ ሳኦላስ ኔኒ አዉደ ጋካናዉ ዬካይ? አነ ካጨን ዛይተ ኩንዳ ቤተለመ አድያ እሰየኮ ባ፤ ካዎ ግዳና መላ ታኒ እያ ናይታ ግዶፈ እሱዋ ዶራ ዎስ” ያግስ።
\p
\v 2 ሳሜል፥ “ታኒ ዋናዳ ቦ? ሳኦል ስእድ ታና ዎና” ያግስ።
\p ጎዳይ፥ “እስ ኡስ ኤካ ባዳ፥ ‘ታኒ ጎዳስ ያርሻናዉ ያስ’ ያጋ። 
\v 3 እሰየካ ያርሾስ ፄጋ። ነ ኦናባ ታ ነና በሳና፤ ታ ነና በሰይሳ ትያ” ያግስ።
\p
\v 4 ሳሜል ጎዳይ ኦድዳይሳ ኦስ፤ ቤተለመ ብድ ካታማ ጭማታራ ጋሄትዳ ዎደ ኤንቲ ኮኮርሸ እያኮ ይድ፥ “ነ ሳሮ ያዲ?” ያግድ ኦይችዶሶና።
\p
\v 5 ሳሜል፥ “ኤ፥ ሳሮ ያስ፤ ታ ጎዳስ ያርሻናዉ ያስ፤ ህንተካ ጌይድ ታራ ያርሾስ የተ” ያግስ። ቃስ እሰየነ እያ ናይታ ጌሽድ ኤንታ ያርሾስ ፄግስ።
\p
\v 6 ኤንቲ ያ ጋክያ ዎደ ሳሜል እሰየ ናኣ ኤልያባ በእድ፥ “ቱማ እያ ስንን ኤቅዳ፥ ጎዳይ ትያ ኡራይ ሀይሳ” ያግድ ቆፕስ።
\p
\v 7 ሽን ጎዳይ ሳሜላ፥ “እያ ማላ ዎይኮ እያ አዱሳተ ፄሎፋ፤ ታኒ እያ ካስ። ታኒ ጎዳይ አስ በኤይሳዳ በእከ፤ አስ ሶምኦ በኤስ፥ ሽን ጎዳይ ዎዛና በኤስ” ያግስ።
\p
\v 8 እሰየይ አብናዳበ ፄግድ፥ ሳሜላ ስን አን፥ ሳሜል፥ “ጎዳይ ሀይሳካ ዶርቤና” ያግስ። 
\v 9 እሰየይ ሳማ አን፥ ሳሜል፥ “ጎዳይ ሀይሳካ ዶርቤና” ያግስ። 
\v 10 ሄሳዳ ኦድ፥ እሰየይ ባ ናይታ ላፑናታ ሳሜላ ስን አስ፤ ሽን ሳሜል እሰየኮ፥ “ጎዳይ ሀይሳታ ዶርቤና” ያግስ። 
\v 11 ሳሜል፥ “ነዉ ደእያ አደ ናይት ሀይሳታ ፃላሌ?” ያግድ እሰየ ኦይችስ።
\p እሰየይ፥ “ኡባፈ ካሎ ናአይ አትስ፤ ሽን እ ዶርሰ ሄማናዉ ብስ” ያግስ።
\p ሳሜል፥ “ኪታዳ እያ ኤህሳ፤ እ ያና ጋካናዉ ኑ ማናዉ ኡቶኮ” ያግስ። 
\v 12 እሰየይ ኪትድ ናኣ ኤህስስ፤ ሄ ናአይ አርሰ፤ አይፈይ ሎኦነ ማላ ሎኦ ናአ።
\p ጎዳይ ሳሜላ፥ “ታ ዶርዳይ ሀይሳ ግድያ ግሾ ደንዳ ኤቃዳ ትያ” ያግስ። 
\v 13 ሳሜል ካጨን ኩምዳ ዛይተ ኤክድ፥ እያ እሻታ ስንን ዳዊታ ትይስ። ሄ ጋላሳፐ ዶምድ፥ ጎዳ አያናይ ዳዊታ ቦላ ዎልቃን ዎስ። ሄሳፈ ጉየ፥ ሳሜል ደንድድ፥ ራማ ብስ።
\s1 ዳዊቲ ሳኦላ ጋን
\p
\v 14 ጎዳ አያናይ ሳኦላፐ ሻከትን ጎዳፐ ኪተትዳ ኢታ አያናይ ሳኦላ ዋይሴስ። 
\v 15 ሳኦላ አይለት፥ “ፆሳፈ ኪተትዳ ኢታ አያናይ ነና ዋይሴስ። 
\v 16 ኑኒ ዲ ዲፅያ አስ ኮይድ ኤሀና መላ ኑ ጎዳይ ባ አይለታ ኪቶ። ፆሳፈ ኪተትዳ ኢታ አያናይ ነና ኦይክያ ዎደ ሄ ኡራይ ዲ ዲፅኮ ነዉ ሎኦ ግዳና” ያግዶሶና።
\p
\v 17 ሳኦል ባ አይለታ፥ “ዲ ዲፅያ አስ ኮይድ ታዉ ኤህተ” ያግስ።
\p
\v 18 አይለታፐ እሶይ፥ “ቤተለመን እሰየስ ዲ ዲፅያ እስ ናእ ደኤስ። ሄ ናአይ ፃላነ ቶራንቾ። እ ማላ ሎኦነ ጭንጫ፤ ጎዳይ እያራ ደኤስ” ያግስ።
\p
\v 19 ሳኦል እሰየኮ ኪትድ፥ “ዶርሰ ሄምያ ነ ናኣ ዳዊታ ታዉ የዳ” ያግስ። 
\v 20 እሰየይ ኡይነ ኦጎሮ ዎይነ ኡሹ ሀረን ጫንድ፥ እስ ኮለ ጎሽስድ ባ ናኣ ዳዊታራ ሳኦላስ የድስ።
\p
\v 21 ዳዊቲ ሳኦላኮ ይድ ኦሶ ዶምስ። ሳኦል ዳዊታ ዳሮ ዶስስ፤ ዳዊቲ ሳኦላስ ኦላ ሚሸ ቶከይሳ ግድስ። 
\v 22 ሳኦል፥ “ዳዊቲ ታዉ ኦሸ ታ ማታን ጋምኦ፤ ታኒ እያ ዶሳስ” ያግድ እሰየኮ ኪትስ።
\p
\v 23 ሄሳፈ ስምን፥ ፆሳፈ ኪተትዳ ኢታ አያናይ ሳኦላ ኦይክያ ዎደ ኡባን ዳዊቲ ዲ ኤክድ ዲፄስ። እ ዲፅያ ዎደ ኢታ አያናይ ሳኦላ የዴስነ እያዉ ሎኤስ።
\c 17
\s1 ዳዊታነ ጎልያዳ
\p
\v 1 ፍልስፄመት ባንታ ኦላንቾታ ይሁዳን ደእያ ሶኮ ጌተትያ በሳን ኦላስ ሺሽዶሶና። ኤንቲ ሶኮፐነ አዜቃፐ ግዶን ደእያ ኤፌስ-ዳምማ ጌተትያ በሳን ሺቅድ ኡትዶሶና። 
\v 2 ሳኦልነ እስራኤለት ኤላ ዛንጋራን ሺቅድ፥ ፍልስፄመታራ ኦለታናዉ ከይዶሶና። 
\v 3 ፍልስፄመ ኦላንቾት እስ ባጋ ዙማ ቦላ ሳልፕን፥ እስራኤለት ሀንኮ ባጋ ዙማን ሳልፕዶሶና፤ ዛንጋራይ ኤንታዉ ግዶን ደኤስ።
\p
\v 4 ጋተ ካታማን ደእያ ጎልያዳ ጌተትያ እስ ቶራ ቃራ አደይ ፍልስፄመት ዱንካንዳ ጉታፐ ከይስ፤ እያ ጌሳይ ኡሱፑን ዋነ ታካ። 
\v 5 እ እሻታማነ ላፑን ክሎ ግራመ ዴፅያ ናሰ ብራታ ፁሩረ ማእስ፤ ቃስ ናሰ ብራታ ባርኔፃ ባ ሁጰን ዎስ። 
\v 6 ናሰ ብራታ ጋምባለ ባ ቶሆን አስ፤ ባ ሀሽያን ናሰ ብራታ ቶራ ቶክስ። 
\v 7 እያ ቶራ ቶማይ ዋንዳራሸ መላ ኦርደ፤ እያ ቶራ አይፈይ ላፑን ክሎ ግራመ ዴፄስ፤ እያ ጎንዳልያ ቶክያ እስ አደይ እያ ስንን ሄመቴስ።
\p
\v 8 ጎልያድ ኤቅድ ባ ቃላ ቁ ኦድ፥ “እስራኤለ ኦላንቾታ ቦላ ሀይሳዳ ያግድ ጋይሬስ፤ ህንተ ዋናና ግድ ኦላስ ከይደቲ? ታኒ ፍልስፄመ አስ፤ ህንተ ቃስ ሳኦላ አይለታ ግደከቲ? አነ ህንተ ግዶፈ እስ አስ ዶርተ፤ ሄ አደይ ታኮ ዱገ ዎ። 
\v 9 ሄ አደይ ታራ ኦለትድ ታና ዎኮ፥ ኑኒ ህንተ አይለ ግዳና፤ ሽን ታኒ እያ ፆናዳ ዎኮ ህንተ ኑ አይለ ግዳናነ ኑስ ሃረታና” ያግስ። 
\v 10 ቃስካ ሄ ፍልስፄመ አደይ፥ “ታኒ ሀች እስራኤለ ኦላንቾታ ማንዳይስ፤ ታዉ እስ አስ እምተ፤ አነ ናምአይ ኦለታና” ያግስ። 
\v 11 ሳኦልነ እስራኤለት ፍልስፄመ አድያ ቃላ ስእድ ዳጋምዶሶና፥ ዳሮ ያይዶሶና።
\p
\v 12 ዳዊቲ ይሁዳ ቢታን ቤተለመን ደእያ ኤፍራታ አድያ እሰየ ናአ። እሰየስ ሆስፑን አደ ናይት ደኦሶና፤ ሳኦላ ካዎተ ላይን እሰየይ ዳሮ ላይ ደእዳ ጭማ። 
\v 13 እሰየ ሄ ባይራ አደ ናይት ሳኦላ ካልድ ኦላ ብዶሶና። ኤንታ ሱንይ:- ባይራይ ኤልያባ፤ ካሎይ አምናዳበ፤ ሄንይ ሳማ። 
\v 14 ዳዊቲ ናይታ ኡባፈ ካሎ፤ ባይራ ሄ ናይት ሳኦላ ካልዶሶና። 
\v 15 ሽን ዳዊቲ ባ አዋ ዶርሳታ ሄማናዉ ሳኦላ ማታፐ ቤተለመ ስመረቴስ።
\p
\v 16 ሄ ፍልስፄመ አደይ ኦይታሙ ጋላስ ዎንታነ ኦማርስ ይድ እስራኤለታ ማንዴስ።
\p
\v 17 እስ ጋላስ እሰየይ ባ ናኣ ዳዊታ ሀይሳዳ ያግስ፤ “ሀ ጫጨትዳ ትያፐ ላታሙ ክሎ ግራመነ ሀ ታሙ ኡይታ ኤካዳ ነ እሻታስ ኤፋዳ ነ እሻት ዱንካንዳ ጉታ ኤለ ጋ። 
\v 18 ሀ ታሙ ኑካ ፕላ ኤንታ ሻላቃስ ኤፋ፤ ነ እሻት ዋን ደእያኮ በአዳ፥ ኤንቲ ሳሮ ደኤይሳስ ማላታ ኤንታፈ ኤካዳ ያ። 
\v 19 ካዎይ ሳኦል፥ ነ እሻትነ እስራኤለ አሳ ኡባይ ፍልስፄመታራ ኦለትሸ ኤላ ዛንጋራን ደኦሶና” ያግስ።
\p
\v 20 ዳዊቲ ጉራ ደንድድ ዶርሳታ ሀራ አስ ሄንድ፥ እሰየይ ኪትዳባ ጫን ኤክድ ብስ። እስራኤለ ኦላንቾት ባንታ ቃላ ቁ ኦድ ጋይርሸ ኦላስ ከይሽን ዳዊቲ ጋክስ። 
\v 21 እስራኤለትነ ፍልስፄመት እሶይ እሱዋኮ ስሚድ ሳልፕዶሶና። 
\v 22 ዳዊቲ ባ ኤህዳባ ሽንቀ ናገይሳ ኩሸን ዎድ፥ ኦላ ሳልፕያ ግዶ ዎፅ ብድ፥ ባ እሻታ ሳሮስ። 
\v 23 ዳዊቲ ባ እሻታራ ሃሳይሽን፥ ጋተፐ ይዳ ቶራ ቃራይ፥ ፍልስፄመ ጎልያድ ባ ሳልፕያፈ ጋፃ ከይድ ካሰይሳዳ እስራኤለታ ማንድሽን ዳዊቲ ስእስ። 
\v 24 እስራኤለ አሳ ኡባይ ሄ አድያ በእዳ ዎደ ዳሮ ያይድ ባቃትዶሶና።
\p
\v 25 እስራኤለ አሳይ እሶይ እሱዋኮ፥ “ሀ ከይያ አድያ በእደቲ? እ ቱማ እስራኤለ ማንዳናዉ ከይስ። ሀ አድያ ዎያ ኡራስ ካዎይ ሳኦል ዳሮ ሻሎ እማና፤ ባ ናእዉካ እያዉ እማና፤ እያ አዋ ኬ አሳይ እስራኤለን ካዎ ጊራ ጊረና” ያግዶሶና።
\p
\v 26 ዳዊቲ ባ ማታን ኤቅዳ አሳ፥ “ሀ ፍልስፄመ አድያ ዎድ፥ ሀ ዬላ እስራኤለፐ ደንያ ኡራስ አይበ ኦሰታናይ? ሀ ቃፃረትቦና ፍልስፄመይ ደኦ ፆሳ ኦላንቾታ ማንደይ እ ኦኔ?” ያግድ ኦይችስ።
\p
\v 27 ኤንቲ፥ “ሀ አድያ ዎያ ኡራስ ሀይስ ሀይስ ኦሰታና” ያግድ ካሰይሳዳ ዛርዶሶና።
\p
\v 28 ዳዊቲ አሳራ ኦደተይሳ እያ ባይራ እሻይ ኤልያብ ስእድ፥ ዳዊታ ቦላ ሸነ ኤፅስ። “ኔኒ ሀ በሳ አይስ ያዲ? ሄ ጉ ዶርሳታ ባዞን ኦደስ የጋዲ? ነ ኦቶሩዋነ ነ ዎዛና ኢታተ ታ ኤራይስ፤ ኔኒ ኦላ በአናዉ ያዳሳ” ያግስ።
\p
\v 29 ዳዊቲ፥ “ታኒ ሀእ አይ ኦድና? ሀር አቶሽን ኦደታናዉካ ዳንዳእክና?” ያግስ። 
\v 30 ዳዊቲ ባ እሻ አግድ፥ ሀራ አሳኮ ስሚድ፥ ካሰይሳዳ ኦይችን አሳይ እያዉ ካሰይሳዳ ዛርዶሶና።
\p
\v 31 ዳዊቲ ኦድዳይሳ ስእዳ አሳይ ሳኦላስ ኦድን፥ ሳኦል ዳዊታ ፄግስስ። 
\v 32 ዳዊቲ ሳኦላኮ፥ “ሀ አድያ ጋሶን ኦደ ዎዛንካ ትልኦፎ፤ ታኒ ነ አይለይ ባዳ፥ ሀ ፍልስፄመ አድያራ ኦለታና” ያግስ።
\p
\v 33 ሳኦል ዳዊታኮ፥ “ኔኒ ናአ፤ እ ባ ናአተፈ ዶምድ ኦላ ሜዘትድ ድጭዳ ግሾ፥ ሀ ፍልስፄመ አድያራ ኔኒ ኦለታናዉ ዳንዳአካ” ያግስ።
\p
\v 34 ሽን ዳዊቲ፥ “ታኒ፥ ነ አይለይ ታ አዋ ዶርሳታ ሄምያ ዎደ ጋሞይ ዎይኮ ጋርማፌለይ ከይድ ዶርሰ ኦይክያ ዎደ፥ 
\v 35 እያ ካላ ባዳ እያ ዶናፐ ዎ ኤካይስ። ታኮ ስምያ ዎደ ቆያ ጩላዳ ዎይስ። 
\v 36 ታኒ ነ አይለይ ጋሞነ ጋርማፌለ ዎስ፤ ሀ ቃፃረትቦና ፍልስፄመ አደይ ደኦ ፆሳ ኦላንቾታ ጉዳ ግሾ እ ኤንታፈ እሱዋዳ ሀናና። 
\v 37 ጋሞፈነ ጋርማፌለፐ ታና አሽዳ ጎዳይ፥ ሀ ፍልስፄመ አድያ ኩሸፐ ታና አሻና” ያግስ።
\p ሳኦል ዳዊታኮ፥ “ባ፥ ጎዳይ ኔራ ግዶ” ያግስ።
\p
\v 38 ሳኦል ባ ማኡዋ ዳዊታ ማይዝስ፤ ዳዊታ ሁጰን ናሰ ብራታ ባርኔፃ ዎስ፤ ናሰ ብራታ ፁሩርያ ዳዊታ ማይዝስ። 
\v 39 ዳዊቲ ባ ኦላ ማኡዋ ቦላ ማሻ ዳንጭድ ሄመትድ በእስ። ሽን ሄሳ መላ ማኦ ማእድ ኤሮና ግሾ ሄመታናዉ ዳንዳእቤና።
\p ሄሳ ግሾ፥ ዳዊቲ ሳኦላኮ፥ “ታኒ ሀይሳ መላ ማኦ ማአዳ ሜዘታቦና ግሾ ሀይሳራ ባናዉ ዳንዳእከ” ያግድ ኦላ ማኡዋ ቃርስ። 
\v 40 ዳዊቲ ባ ሄን ፃምአ ኦይክድ፥ ሻፋፐ እቻሹ ሙሉሙቀ ሹቹ ዶር ኤክድ፥ ባ ሄን ቃርፂታን የግድ፥ ባ ያምባርሻ ኦይክድ፥ ጎልያዳኮ ሺቅስ።
\p
\v 41 ጎልያድ ባ ጎንዳልያ ቶክያ አድያራ እስፈ ሄመትሸ ዳዊታኮ ማትስ። 
\v 42 እ ዳዊታ ትሽ ኦ ፄልድ፥ ዳዊቲ አርሰ፥ ማላ ሎኦነ ናአ ግደይሳ በእድ ካስ። 
\v 43 እ ዳዊታኮ፥ “ኔኒ ፃምአ ኦይካዳ ታኮ ያናዉ ታና ካና ጋዲ?” ያግስ። ባ ፆሳታ ሱንን ዳዊታ ባድስ። 
\v 44 ካልድ ዳዊታኮ፥ “ሃያ፤ ታኒ ነ አሹዋ ሳሎ ካፎታስነ ሳአ ዶአታስ እማና” ያግስ።
\p
\v 45 ዳዊቲ፥ “ኔኒ ማሻ፥ ቶራነ ጉምባ ኦይካዳ ታኮ ያሳ፤ ሽን ታኒ ኡባፈ ዎልቃማ ጎዳ ሱንን፥ ኔኒ ጉዳ እስራኤለ ኦላንቾታ ፆሳ ሱንን ነ ቦላ ያይስ። 
\v 46 ሀች ጎዳይ ነና ታ ኩሸን አድ እማና፤ ታኒ ነና ሾጫና፤ ነ ቆያ ሙጫ ሆላና። ፍልስፄመ ኦላንቾታ አሀ ሳሎ ካፎታስነ ሳአ ዶአታስ ሀች እማና። ሄ ዎደ እስራኤለን ፆሲ ደኤይሳ ሳአን ደእያ አሳ ኡባይ ኤራና። 
\v 47 ጎዳይ ባ አሳ አሻናዉ ቶራ ዎይኮ ማሸ ኮዮናይሳ ሀይሳን ሺቅዳ አሳ ኡባይ ኤራና። ኦላይ ጎዳባ ግድያ ግሾ፥ እ ህንተና ኡባ ኑ ኩሸን አድ እማና” ያግስ። 
\v 48 ፍልስፄመ አደይ ደንድድ፥ ዳዊታራ ኦላ ጋሄታናዉ ሺቅዳ ዎደ ዳዊቲ እያራ ጋሄታናዉ ኦላ ደምባ ዎፅድ ብስ። 
\v 49 ዳዊቲ ባ ቃርፂታን ኩሸ የድድ፥ እስ ሹቹ ኤክ ያምባርድ፥ ፍልስፄመ አድያ ሶምኡዋን ጫድስ። ሹቻይ እያ ሶምኡዋ ሉክድ ገልስ፤ ያትን፥ አደይ ባ ሶምኡዋራ ሳአን ኩንድስ።
\p
\v 50 ዳዊቲ ፍልስፄመ አድያ ያምባርሻንነ ሹቻን ፆንስ። ዳዊቲ ባ ኩሸን ማሽ ባይና ፍልስፄመ አድያ ጫድድ ዎስ። 
\v 51 ዳዊቲ ዎፅ ብድ፥ እያ ቦላ ከይ ኤቅድ፥ እያ ዎድ፥ ፍልስፄመ አድያ ማሻ ሾሁዋፐ ሾድድ፥ እያ ቆያ ሙጭ የግስ።
\p ፍልስፄመት ባንታ ቶራ ቃራይ ሀይቅዳይሳ በእዳ ዎደ ባቃትዶሶና። 
\v 52 እስራኤለ አሳይነ ይሁዳ አሳይ ደንድድ ገሬርሸ፥ ፍልስፄመታ ጋተነ ኤቅሮና ፐንገታ ጋካናዉ የደዶሶና። ፍልስፄመ አሳ አሀይ ጋተነ ኤቅሮና ጋካናዉ ሻእራይማ ኤፍያ ኦግያ ኡባን ኩንድስ። 
\v 53 እስራኤለ አሳይ ፍልስፄመታ የደ ስሚድ፥ ኤንቲ ዱንካንዳ ጉታ ቦንቅዶሶና። 
\v 54 ዳዊቲ ፍልስፄመ አድያ ሁጵያ የሩሳላመ ኤህስ፤ ሽን ፍልስፄመ አድያ ኦላ ሚሽያ ባ ዱንካንያ ግዶን ዎስ።
\p
\v 55 ዳዊቲ ፍልስፄመ አድያራ ኦለታናዉ ብሽን፥ ሳኦል በእድ፥ ቶራ ሞጮና አበኔራ፥ “ሀ ናአይ ኦደ ናኤ?” ያግድ ኦይችስ።
\p አበኔር ዛሪድ፥ “ካዋዉ፥ ቱማ ነ አሾ ታኒ እያ ኤርከ” ያግስ።
\p
\v 56 ካዎይ ዛሪድ፥ “ሀ ናአይ ኦደ ናኤኮ አነ ኦይቻ” ያግስ።
\p
\v 57 ዳዊቲ ፍልስፄመ አድያ ዎድ ስምዳ ዎደ አበኔር እያ ሳኦላ ስን ኤህስ። ሄ ዎደ ዳዊቲ ሙጭዳ ፍልስፄመ አድያ ሁጵያ ባ ኩሸን ኦይክድ ኡትስስ። 
\v 58 ሳኦል፥ “ታ ናአዉ፥ ነ ኦደ ናኤ?” ያግድ ኦይችስ።
\p ዳዊቲ ዛሪድ፥ “ታኒ ቤተለመን ደእያ ነ ኦሳንቹዋ፥ እሰየ ናአ” ያግስ።
\c 18
\s1 ዳዊታነ ዮናታና
\p
\v 1 ዳዊቲ ሳኦላራ ሃሳያ ዉርስዳፐ ጉየ፥ ሳኦላ ናአይ ዮናታን ዳዊታራ ዳሮ ማታ ዳቦተ መስ፤ ዮናታን ዳዊታ ባ ሸምፑዋዳ ዶስስ። 
\v 2 ሄ ጋላሳፐ ዶምድ፥ ሳኦል ዳዊታ ባራ ዎስ፤ ባ አዋ ሶ ጉየ ስሞና መላ ድግስ። 
\v 3 ዮናታን ዳዊታ ባ ሁጰዳ ዶስያ ግሾ እያራ ጫቅስ። 
\v 4 ዮናታን ባ ማእዳ ካባ፥ ባ ኦላ ማኡዋ፥ ባ ማሻ፥ ባ ዶንግያነ ባ ሳቅያ ከስድ ዳዊታስ እሚስ።
\p
\v 5 ሳኦል ኪትዳ ኡባ ዳዊቲ ናገትድ ኦያ ግሾ፥ ሳኦል ዳዊታ ባ ኦላንቾታ ግዶን ሀላቃ ኦድ ሹምስ። ሄስ አሳ ኡባነ እያ ሞርናታ ኡፋይስስ።
\p
\v 6 ዳዉተ ፍልስፄመ አድያ ጎልያዳ ዎን፥ አሳይ ሶ ስምያ ዎደ ማጫሳይ ኡፋይሳ የ የፅሸነ ዱርሸ፥ ካራቦ ባቅሸነ ዲ ዲፅሸ፥ ካዋ ሳኦላ ሞካናዉ እስራኤለ ካታማታ ኡባፈ ከይዶሶና። 
\v 7 ማጫሳት ዱርሸ፥
\q1 “ሳኦል ሙኩላታ ዎስ፤
\q2 ዳዊቲ ታሙ ሙኩላታ ዎስ”
\m ያግድ የፅዶሶና። 
\v 8 ሳኦላ ሀ የይ ሻትን፥ ዳሮ ሀንቀትስ። ሳኦል ባ ቆፋን፥ “ዳዊቲ፥ ‘ታሙ ሙኩላታ ዎዳሳ ግድ፥ ታና ሙኩላታ ዎዳሳ’ ግዶሶና። ያትን፥ ካዎተፈ አትሽን ሀር አይብ አትዴ?” ያግስ። 
\v 9 ሄ ዎደፐ ዶምድ ሳኦል ዳዊታ ቃናተ አይፈን ፄሌስ።
\p
\v 10 ዎንተ ጋላስ ኢታ አያን ፆሳፈ ኪተትድ ሳኦላ ኦይክን፥ ሳኦል ባ ሶን ኤልሞቴስ። ዳዊቲ ካሰይሳዳ ዲ ዲፅሽን ሳኦል ቶራ ባ ኩሸን ኦይክድ ኡትስ። 
\v 11 እ፥ “ዳዊታ ጎዳራ ጋዳ ስካና” ያግ ቆፕድ ቶራ ፆንግስ። ሽን ዳዊቲ ናምኡ ቶሆ እያፐ አትስ።
\p
\v 12 ጎዳይ ሳኦላ አግድ ዳዊታራ ደእያ ግሾ ሳኦል ዳዊታ ያይስ። 
\v 13 ሳኦል ዳዊታ ባ ስንፈ ሃሳናዉ ኮይድ ሙኩሉ ኦላንቾታስ ሀላቃ ኦስ። ያትን፥ ዳዊቲ ባ ጩጋ ኦላስ ካለስ። 
\v 14 ጎዳይ ዳዊታራ ደእያ ግሾ እ ኦያባይ ኡባይ እያዉ እንጀቴስ። 
\v 15 ዳዊቲ ኦያባ ኡባይ እንጀተይሳ ሳኦል በእድ እያዉ ዳሮ ያይስ። 
\v 16 ሽን ዳዊቲ ኤንታ ኦላን ካለያ ግሾ እስራኤለ አሳይነ ይሁዳ አሳ ኡባይ እያ ዶሶሶና።
\p
\v 17 ሳኦል ዳዊታኮ፥ “ታ ናአ ባይርያ መራባ ሀናሹ፤ ታኒ እዮ ነዉ ማቾ እማና፤ ኔኒ ምኖ አስ ግዳ፤ ጎዳ ኦላ ኦለታ” ያግስ። ሳኦል ባ ዎዛናን፥ “ታኒ እያ ቦችከ፤ ፍልስፄመት እያ ዎ” ያግድ ቆፕስ። 
\v 18 ሽን ዳዊቲ፥ “ካዎራ ቦሎታናዉ ታኒ ኦኔ? ታ ሶ አሳይ አይቤ? ዎይኮ ታ አዋ ያራይ እስራኤለ አሳ ግዶን አይቤ?” ያግስ። 
\v 19 ሽን ሳኦላ ናእያ መራባ ዳዊታስ እመትያ ዎደይ ጋክን፥ ማሆላ አድያ አድርኤላስ እመታሱ።
\p
\v 20 ግዶሽን፥ ሳኦላ ናእያ መልኮላ ዳዊታ ዶሳሱ፤ ሳኦል ሄሳ ስእድ ኡፋይትስ። 
\v 21 እ ባ ዎዛናን፥ “እያዉ ፅሄ ግዳና መላነ ፍልስፄመት እያ ዎና መላ ታኒ ምልኮሎ ዳዊታስ እማና” ያግድ ቆፕስ። ሄሳ ግሾ፥ ሳኦል ዳዊታ፥ “ኔኒ ታራ ቦሎታናዉ ናምአን ቃዳ ነዉ እማስ” ያግስ።
\p
\v 22 ሳኦል ባ ኦሳንቾታ ፄግድ፥ “ ‘ካዎይ ነናን ኡፋይትስ፤ እያ አይለት ኡባይ ነና ዶሶሶና፤ ሀእ ኔኒ ካዉዋራ ቦሎታ’ ያግድ ዱማ ዳዊታስ ኦድተ” ያግድ ኪትስ።
\p
\v 23 ሳኦል ግዳይሳዳ ኤንቲ ዳዊታስ ኦድዶሶና። ሽን ዳዊቲ፥ “ካዎራ ቦሎታናይስ ህንተዉ ላፋባ ዳንዬ? ታኒ ማንቆነ ኤረቶና አስ” ያግድ ዛርስ።
\p
\v 24 ሳኦላ ሞርናት ዳዊቲ ግዳባ ሳኦላስ ኦድዶሶና። 
\v 25 ሳኦል ባ አይለታኮ፥ “ዳዊታስ ሀይሳዳ ያግድ ኦድተ፤ ‘ካዎይ ባ ሞርከታ ሀሎ ከያናዉ ፄቱ ፍልስፄመ አሳታ ቃራትድ ኤሀና መላፐ አትሽን፥ ኔፐ ሀራ ኮይታ ኮየና’ ያግተ” ያግስ። ሳኦል ሄሳ ግዳይ ዳዊቲ ፍልስፄመታ ኩሸን ሀይቃና መላ ቆፕዳ ግሾሳ።
\p
\v 26 ሳኦላ አይለት ሳኦል ግዳባ ዳዊታስ ኦድዶሶና፤ ካዋራ ቦሎታናይስ ዳዊታ ኡፋይስስ። ዎደይ አናፐ ስን፥ 
\v 27 ዳዊቲነ እያ አሳይ ደንድ ብድ ፍልስፄመታፐ ናምኡ ፄቱ አሳ ዎዶሶና። ዳዊቲ ካዋራ ቦሎታናዉ ሄ አሳታ ቃራት ኤህድ፥ ካዋስ ኩመ ታይብድ ሼስ። ሳኦል ባ ናእዉ መልኮሎ ዳዊታስ እሚስ።
\p
\v 28 ሳኦል ጎዳይ ዳዊታራ ደኤይሳነ እያ ናእያ ምልኮላ ዳዊታ ዶሰይሳ ኤርስ። 
\v 29 ሳኦል ዳዊታስ ካሰይሳፈ አድ ያይስ። ሳኦል ባ ደኦ ላይ ኡባን ዳዊታስ ሞርከ ግድስ።
\p
\v 30 ፍልስፄመ ኦላንቾት ኦላስ ከስ አግቦኮና። ሽን ኦላስ ከይዳ ዎደ ኡባን ሳኦላ ቶራ ሞጮናታፐ አድ ፆኖይ ሀነይ ዳዊታሳ፤ ሄሳ ግሾ እ ኤረትዳ አስ ግድስ።
\c 19
\s1 ሳኦል ዳዊታ ዎናዉ ኮይስ
\p
\v 1 ዳዊታ ዎና መላ ሳኦል ባ ናኣ ዮናታናስነ ባ ኦሳንቾታስ ኦድስ። ሽን ሳኦላ ናአይ ዮናታን ዳዊታ ዳሮ ዶሴስ። 
\v 2 ሄሳ ግሾ፥ ዮናታን ዳዊታኮ፥ “ታ አዋይ ሳኦል ነና ዎናዉ ኮይያ ግሾ ዎንቶ ዎንታ ነና ናጋ፤ እስ በሳን ቆሰታዳ ደኣሻ። 
\v 3 ታኒ ታ አዋራ ባዳ፥ ኔኒ ቆሰትዳ ጋድያን ኤቃና፤ ታኒ ነባ እያዉ ኦዳዳ፥ እያፐ ስእያባ ነዉ ኦዳና” ያግድ ኪትስ።
\p
\v 4 ዮናታን ዳዊታ ናሽድ፥ ባ አዋ ሳኦላኮ ሀይሳዳ ያግስ፤ “ካዎይ ባ አይልያ ዳዊታ ቆህድ ናጋራ ኦፎ፤ እ ነና ቆህቤና፤ እ ኦዳባይ ነና ዳሮ ጎእስ። 
\v 5 እ ፍልስፄመ አድያ ዎዳ ዎደ ባ ሸምፑዋስ ቃትቤና። ጎዳይ እስራኤለ ኡባስ ግታ ፆኖ እሚስ፤ ሄሳ በአዳ ነካ ኡፋይታዳሳ። ያትን፥ ኔኒ ጌሻ አስ ቆሀናዉ አይስ ቆፓይ? ጋሶይ ባይና ዳዊታ ዎናዉ አይስ ኮያይ?” ያግስ።
\p
\v 6 ሳኦል ዮናታን ኦድዳባ ስእድ፥ “ደኦ ፆሲ ኤርያ መላ፥ ታኒ ዳዊታ ዎከ” ያግድ ጫቅስ።
\p
\v 7 ዮናታን ዳዊታ ፄግድ ኤንቲ ኦደትዳባ ኡባ እያዉ ኦድስ። ያትድ ዳዊታ ሳኦላኮ ኤህን ዳዊቲ ካሰይሳዳ ሳኦላራ ደእስ።
\p
\v 8 ፍልስፄመታራ ዛሪድ ሀራ ኦል ደንድስ፤ ዳዊቲ ከይድ ፍልስፄመታራ ኦለትድ፥ ኤንታ ግታ ሾቹ ሾጭን፥ ኤንቲ እያ ስንፈ ባቃትዶሶና።
\p
\v 9 ሄሳፈ ስምን፥ ሳኦል ቶራ ኦይክድ ባ ሶን ኡትዳሽን፥ ኢታ አያን ጎዳፐ ኪተትድ እያ ኦይክስ። ያትን፥ ዳዊቲ ዲ ዲፅሽን፥ 
\v 10 ሳኦል ዳዊታ ጎዳራ ጋድ ስካናዉ ቶራ ፆንግስ፤ ሽን ዳዊቲ እያፐ ደሽ ግድ አትን፥ ቶራይ ጎዳን ቶከትስ። ሄ ቃማ ዳዊቲ ከስ ኤክድ ባቃትስ።
\p
\v 11 ዳዊታ ኬን ናግድ ዎንታ ዎና መላ ሳኦል አሰ ኪትስ።
\p ዳዊታ ማችያ መልኮላ፥ “ሀች ቃማ ኔኒ ነ ሸምፑዋ አሾና እፅኮ፥ ዎንቶ ሀይቃሳ” ያጋዳ ዳዊታስ ኦዳሱ። 
\v 12 ምልኮላ ዳዊታ ማስኮተራ ከስን፥ ዳዊቲ ከስ ኤክድ ባቃትስ። 
\v 13 ሄሳፈ ጉየ መልኮላ ኤቃ ምስለ ኤካዳ አርሳን ዝንእሳሱ፤ ሁጰሶን ዴሻ እክሰ ዎዳ አፍላ ማይዛሱ።
\p
\v 14 ዳዊታ ኦይክድ ኤሀና መላ ሳኦል አሰ ኪትን ምልኮላ፥ “ዳዊቲ ሳከትስ” ያጋሱ።
\p
\v 15 ዳዊታ በአና መላ ሳኦል ሄ አሳታ ጉየ ኪትድ፥ “ታኒ ዳዊታ ዎና መላ እያ አልጋራ ቶክድ ኤክ ዪተ” ያግስ። 
\v 16 ሽን አሳት ሶ ገልያ ዎደ ኤቃ ምስለይ አርሳን ዝንእዳይሳነ እያ ሁጰሶን ዴሻ እክሰይ ደኤይሳ ደምዶሶና።
\p
\v 17 ሳኦል መልኮሎ፥ “ኔኒ አይስ ሀይሳዳ ኦዳ ታና ጭማዲ? ታ ሞርከይ ከስ ኤካና መላ አይስ ኦዲ?” ያግስ።
\p ምልኮላ ዛራዳ፥ “እ ታኮ፥ ‘ታና ከሳዳ የዳ፤ እፅኮ ታ ነና ዎና’ ያግስ” ያጋሱ።
\p
\v 18 ዳዊቲ ከስ ኤክድ ራማን ደእያ ሳሜላኮ ብድ ሳኦል ባና ኦዳ ኡባ እያዉ ኦድስ። ዳዊትነ ሳሜል ናዮታ ብድ ያን ኡትዶሶና። 
\v 19 ሳኦል ዳዊቲ ራማን ደእያ ናዮታን ደኤይሳ ስእስ። 
\v 20 ዳዊታ ኦይክድ ኤሀና መላ አሰ ያ ኪትስ። ሽን ናበ ጩጋይ ሳሜላ ካለዋን ትንብተ ኦድሽን በእዳ ዎደ ሳኦል የድዳ አሳታ ቦላ ፆሳ አያናይ ዎን፥ ኤንትካ ትንብተ ኦድዶሶና። 
\v 21 ሳኦል ሄሳ ስእዳ ዎደ ሀራ አስ የድስ፤ ኤንትካ ቃስ ትንብተ ኦድዶሶና። ሳኦል ሄን አሰ የድን ኤንትካ ትንብተ ኦድዶሶና። 
\v 22 ዉርሰን፥ ሳኦል ባ ሁጰን ራማ ብድ፥ ሴኩን ደእያ ግታ ኦላ ጋክድ፥ “ሳሜልነ ዳዊቲ አዉን ደኦና?” ያግድ ኦይችስ።
\p ኤንቲ፥ “ህንን ራማን ደእያ ናዮታን ደኦሶና” ያግድ ዛርዶሶና።
\p
\v 23 ሄሳ ግሾ፥ ሳኦል ራማን ደእያ ናዮታ ብስ፤ ቃስ ፆሳ አያናይ እያ ቦላካ ዎን፥ ራማን ደእያ ናዮታ ጋካናዉ ትንብተ ኦድሸ ብስ። 
\v 24 እ ባ ማኡዋ ቃርድ፥ ሳሜላ ስንን ትንብተ ኦድስ፤ ጋላስነ ቃማ ኩመ ካሎ ዝንእስ። አሳይ፥ “ሳኦልካ ናበታፐ እሱዋ ግድደየ” ገይስ ሄሳሳ።
\c 20
\s1 ዮናታን ዳዊታ ማድስ
\p
\v 1 ዳዊቲ ራማን ደእያ ናዮታፐ ባቃትድ፥ ዮናታናኮ ብድ፥ “ታኒ አይ ኦድና? ታ ባላይ አይቤ? ነ አዋይ ታና ዎናዉ ኮየይ ታኒ እያ አይ ቆህኔ?” ያግድ ኦይችስ።
\p
\v 2 ዮናታን፥ “ሄስ ኔፐ ሃኮ፤ ኔኒ ሀይቃካ። ጉባ ግድን፥ ግታባ ግድን፥ ታ አዋይ ታፐ ቆስድ አይኮካ ኦና። ታ አዋይ ታፐ አይስ ሄሳ ቆስዴ? ሄስ ሀነና” ያግድ ዛርስ።
\p
\v 3 ሽን ዳዊቲ፥ “ነ ታና ዶሰይሳ ነ አዋይ ሎይ ኤሬስ። እ ባ ዎዛናን፥ ዮናታን ሀ ኦዳ ኤሮፖ፤ እ ኤርኮ አዛናና” ያግስ። ሽን፥ “ደኦ ፆሲ ኤርያ መላ፥ ነ ሸምፖይ ኤሮ፤ ታፐነ ሀይቆፐ ግዶን እስ ታንጎ ፃላል አትስ” ያግድ ጫቅስ።
\p
\v 4 ዮናታን፥ “ኔኒ ኦ ግዳባ አይባካ ታኒ ነዉ ኦና” ያግስ።
\p
\v 5 ዳዊቲ ዛሪድ፥ “ዎንቶ አጌና ፄሮ ባኣለ ቦንችያ ጋላስ፤ ታኒ ካዉዋራ ካ ማናዉ ኮሼስ። ሽን ዎንት ፔእን ኦማርስ ጋካናዉ ታኒ ጋደን ቆሰታና። 
\v 6 ነ አዋይ ታና ኮይኮ፥ ኔኒ፥ ‘ዳዊቲ ባ አሳራ ላይ ያርሾ ያርሽያ ዎደ ግድያ ግሾ ባ ሶ ቤተለመ ባናዉ ታና ኦይችድ ብስ’ ያጋ። 
\v 7 እ፥ ‘ያኮ ሎኦ’ ጊኮ፥ ታዉ ነ አይልያስ ሳሮ፤ ሽን እ ሀንቀትኮ፥ እ ታና ቆሀናዉ ባ ዎዛናን ቆፕዳይሳ ሄሳን ኤራ። 
\v 8 ሽን ኔኒ ታዉ ነ አይልያስ ሎኦባ ኦ፤ ኔኒ ታራ ነ አይልያራ ጎዳ ስንን ጫቃዳሳ። ታኒ ባላ ግድኮ፥ ታና ነ ዎ፤ ነ አዋስ ታና አዳ እሞፋ” ያግስ።
\p
\v 9 ዮናታን፥ “ሄስ ኔፐ ሃኮ፤ ታ አዋይ ነና ቆሀናዉ ቆፕዳባ ታ ኤርዳኮ፥ ነዉ ኦድክና?” ያግስ።
\p
\v 10 ዳዊቲ “ነ አዋይ ነዉ ኢታ ዛሮ ዛርኮ፥ ታዉ ኦዳናይ ኦኔ?” ያግድ ኦይችስ።
\p
\v 11 ዮናታን፥ “ሃያ፤ ጋደ ቦስ” ያግን፥ ናምአይ ጋደ ብዶሶና።
\p
\v 12 ዮናታን ዳዊታኮ፥ “ጎዳይ እስራኤለ ፆሳይ ኤሮ፥ ታኒ ዎንት ፔእን ታ አዋይ ነባ ግያባ ስአዳ ነዉ እ ቆፕያ ቆፋይ ሎኦ ግድኮ ታኒ ኪታዳ ነና ኤርሳና። 
\v 13 ሽን ታ አዋይ ነና ቆሀናዉ ኮያባ ግድኮ፥ ሄሳ ታኒ ነና ኤርሶናነ ኔኒ ሳሮን ከሳ ኤካና መላ ኦና እፅኮ፥ ጎዳይ ታና ፕርዶ፤ ጎዳይ ታ አዋራ ግድዳይሳዳ ኔራ ግዶ። 
\v 14 ታ ደኦ ላይ ኡባን ታ ሀይቆና መላ ጎዳ ሲቁዋ ታና በሳ። 
\v 15 ጎዳይ ዳዊታ ሞርከታ ኡባ ቢታፈ ይስያ ዎደካ ነ ሲቁዋ ታ ሶ አሳስ በሳ” ያግስ።
\p
\v 16 ሄሳ ግሾ፥ ዮናታን፥ “ጎዳይ ዳዊታ ሞርከታ ፕርዶ” ያግድ ዳዊታ ሶ አሳራ ጫቅስ። 
\v 17 ዮናታን ዳዊታ ባ ሁጰዳ ዶስያ ግሾ፥ “ኔኒ ታና ቱማ ዶሰይሳ ቆንጭሳናዉ ታዉ አነ ናምአን ጫቃ” ያግስ።
\p
\v 18 ሄሳፈ ጉየ፥ ዮናታን፥ “ዎንቶ አጌና ፄሮ ባኣለ ቦንችያ ጋላስ፤ ኔኒ ኡትያ በሳይ መላ አትኮ ነ ባይናይስ ኤረታና። 
\v 19 ዎንት ፔእን ኦማርስ ባዳ፥ ሀ መቶይ ዶምዳ ጋላስ ኔኒ ቆሰትዳ በሳን፥ ኤፀላ ዛላፈ ጉየራ ቆሰታ። 
\v 20 ታኒ እስባ ቦላ ፆንግያ አሳዳ ሀናዳ ሄ ዶንገ ቶራታ ሄ ዛላ ምየ የዳና። 
\v 21 ሄሳፈ ጉየ፥ ‘ባዳ ዶንገ ቶራታ ኮያ’ ያጋዳ እስ ናአ ኪታና። ታኒ እያኮ፥ ‘ዶንገ ቶራት ኔፐ ሀ ባጋራ ደኦሶና፤ ሃ ኤካዳ ያ’ ግያባ ግድኮ፥ ሃያ፤ ደኦ ጎዳይ ኤርያ መላ፥ ነዉ ሳእ ሳሮ፤ ነና አይኮይካ ቦቸና። 
\v 22 ሽን ታኒ ናኣኮ፥ ‘ዶንገ ቶራት ኔፐ ህን ባጋራ ደኦሶና’ ግያባ ግድኮ፥ ኔኒ አጋዳ ባ፤ ጎዳይ ነ ባና መላ ኮይያ ግሾ ባ። 
\v 23 ኔራ ታራ ኦደትዳ ኦዳስ ጎዳይ ኑ ግዶን መርናዉ ማርካ” ያግስ።
\p
\v 24 ሄሳ ግሾ፥ ዳዊቲ ጋደን ቆሰትስ። አጌና ፄሮ ባኣለ ቦንችያ ጋላስ ጋክዳ ዎደ ካዎይ ሳኦል ግብራ ቦላ ኡትስ። 
\v 25 ካዎይ ባ ኡትያ በሳን ጎዳ ማታን ኡትስ፤ ዮናታን እያፐ ስን ባጋን፥ አበኔር ሳኦላ ማታን ኡትስ፤ ሽን ዳዊታ በሳይ መላ ደኤስ። 
\v 26 ሳኦል ሄ ጋላስ አይኮካ ግቤና። ሳኦል ባ ዎዛናን፥ “ዳዊቲ ዎጋዳ ጌዮና መላ እስባይ እያ ጋክስ፤ እ ጌይቤና” ያግድ ቆፕስ። 
\v 27 ሽን ዎንተ ጋላስ፥ አጌናይ ፄርን ናምአን ጋላስ ዳዊታ በሳይ መላ ደኤስ። ሳኦል ባ ናኣ ዮናታና ፄግድ፥ “እሰየ ናአይ ዝነካ ሀችካ ግብራ ማናዉ አይስ ይበኔ?” ያግድ ኦይችስ።
\p
\v 28 ዮናታን፥ “ዳዊቲ ቤተለመ ባና ግድ ታና ምንድ ኦይችስ። 
\v 29 እ ታኮ፥ ‘ኑ ሶ አሳይ ካታማን ያርሾ ያርሽያ ግሾነ ታ ያን በንታና መላ ታ እሻይ ታና ኪትዳ ግሾ ታና የዳርክ። ታ ነ ስንን ሳባ ደምዳባ ግድኮ ታኒ ታ እሻታ በአና መላ ታና የዳ’ ያግድ ኦይችስ። ካዋ ግብራፐ ማናዉ እ ዮናይ ሄሳ ግሾሳ” ያግድ ዛርስ።
\p
\v 30 ሳኦል ዮናታና ቦላ ሸነ ኤፅ ከይድ፥ “ላ፥ ጌላነ ማካላንቾ ማጫሰ ናአዉ፥ ኔኒ ነዉ ካዉሸ፥ ነ አየስ ዬላ ኤሀናዉ እሰየ ናኣራ ላገተይሳ ታ ኤርክናዬ? 
\v 31 እሰየ ናአይ ሀ ሳአ ቦላ ደእዳ ፔሻን ነ ዎይኮ ነ ካዎተይ ኤቀና። ሀእ ኪታዳ ኤለ ኤህሳ፤ እ ሀይቃናዉ በሴስ” ያግስ።
\p
\v 32 ዮናታን ባ አዋ፥ “እ አይስ ሀይቂ? እ አይ ኢታባ ኦዴ?” ያግድ ኦይችስ።
\p
\v 33 ሳኦል ዮናታና ዎናዉ ቶራ እያ ቦላ ፆንግስ። ሄሳ ግሾ፥ ዮናታን ባ አዋ ሳኦል፥ ዳዊታ ዎናዉ ቆፕዳይሳ ጌሽድ ኤርስ። 
\v 34 ዮናታን ሸነትድ ግብራ ቦላፈ ደንድስ፤ ባ አዋይ፥ ዳዊታ ካዉሽዳ ግሾ ዮናታን አዛንድ፥ አጌና ፄሮ ባኣለ ቦንችያ ናምአን ጋላስ ካ ምቤና።
\p
\v 35 ዮናታን ባራ እስ ናአ ኤክድ ዎንታ ጉራ ዳዊታራ ጋሄታናዉ ጋደ ብስ። 
\v 36 ዮናታን፥ “ታኒ ዱክያ ዶንገ ቶራታ ዎፃ ባዳ ኤካዳ ያ” ያግስ። ናአይ ዎፅያ ዎደ እስ ዶንገ ቶራ ሄፍን ዱክስ። 
\v 37 ናአይ ዮናታና ዶንገ ቶራይ ዎዳ በሳ ጋክያ ዎደ ዮናታን ናኣ ፄግድ፥ “ዶንገ ቶራይ ኔፐ ህን ባጋራ ደኤኔ?” 
\v 38 ዮናታን ናኣ፥ “ኤለሳ፤ ባ፤ ኤቆፋ” ያግድ ባ ቃላ ቁ ኦድ ኦድስ። ናአይ ዶንገ ቶራ ማፅድ ባ ጎዳስ ኤህስ። 
\v 39 ዮናታናፐነ ዳዊቲፐ አትሽን፥ ናአይ ሄ ፁራ ኤረና። 
\v 40 ዮናታን ባ ኦላ ሚሽያ ናኣስ እምድ፥ “ሀይሳ ካታማ ኤካዳ ባ” ያግስ።
\p
\v 41 ናአይ ብዳፐ ጉየ፥ ዳዊቲ ሄ ዛላ ጉየፐ ከይድ ዮናታና ስንን ጉልባትድ፥ ባ ሶምኡዋ ሳአ ጋድ ሄ ቶሆ ዝግስ። ሄሳፈ ጉየ፥ እሶይ እሱዋራ ዬረትድ ዬክዶሶና፥ ሽን ዳዊቲ ዮናታናፐ አ ዬክስ።
\p
\v 42 ዮናታን፥ “ሳሮ ባ፤ ‘ነ ግዶንነ ታ ግዶን፥ ነ ኮቻ ግዶንነ ታ ኮቻ ግዶን፥ ጎዳይ መርናዉ ማርካ ግዶ’ ያግድ ኑ ናምአይ ጎዳ ሱንን ጫቅዳ” ያግስ። ሄሳፈ ጉየ፥ ዳዊቲ ደንድድ ብስ፤ ዮናታንካ ካታማ ጉየ ስምስ።
\c 21
\s1 ዳዊቲ ሳኦላፐ ባቃትስ
\p
\v 1 ዳዊቲ ካህንያ አብመለከኮ ኖባ ብስ። አብመለከይ ዳዊታራ ጋሄታናዉ ኮኮርሸ ይድ፥ “ኔኒ ነርካ ዋናዳ ያዲ? ኔራ አስ ዋንድ ባዌ?” ያግድ ኦይችስ።
\p
\v 2 ዳዊቲ ካህንያ አብመለከ፥ “ካዎይ ታኮ፥ ‘ታኒ ነና ኪትዳ ኪታነ ታ ነዉ ኦድዳባ ኦንካ ኤሮፖ’ ያግድ ታና ኪትስ። ታ አሳት እስ በሳን ታራ ጋሄታና መላ ኦዳ ዎስ። 
\v 3 ሀእ ነ ኩሸን አይብ ደኢ? እቻሹ ኡይ ዎይኮ ነዉ ደእያባ ታዉ እማ” ያግስ።
\p
\v 4 ካህነይ ዛሪድ፥ “ጮ አስ ምያ ኡይ ታዉ ባዋ፤ ሽን ነ አሳት ባንታና ማጫሳፐ ናግዳባ ግድኮ፥ ኤንቲ ማናዉ ዳንዳእያ ጌሻ ኡይ ደኤስ” ያግስ።
\p
\v 5 ዳዊተይ ዛሪድ፥ “ቱማ ኑኒ ሀ ኪታ ኤክድ ከይዳፐ ዶምድ፥ ማጫሳፐ ናገትዳ፤ ሀር አቶሽን ሀራ ኪታካ ኤክድ ከይያ ዎደ ኤንቲ ባንታ ጌሻተ ናጎሶና። ሽን ሀች ዋንድ ጌያናዉ ኮሸኔ?” ያግስ። 
\v 6 ሄሳ ግሾ፥ ካህነይ ዳዊታስ ጌሻ ኡይ እሚስ። ካህንያስ ደእያ ኡይይ፥ ጎዳ ስንን ዎናዉ ሄ ጋላስ ሆኦ ኡይራ ላመትዳ ኡይፈ አትሽን፥ ሀር ባዋ።
\p
\v 7 ሳኦላ አይለታፐ እሶይ፥ እያ መህያ ሄመይሳታ ሀላቃይ፥ ዶይቃ ጌተትያ ኤዶመ አደይ፥ ሄ ጋላስ ጎዳ ስንን ናግሸ ደኤስ።
\p
\v 8 ዳዊቲ አብመለከኮ፥ “ቶር ዎይኮ ማሽ ነዉ ዳንዴሻ? ካዋ ኪታይ ኤሶያ ግሾ ታኒ ታ ማሻ ዎይኮ ሀራ ኦላ ሚሸ ኤሀብከ” ያግድ ኦይችስ።
\p
\v 9 አብመለከይ፥ “ኔኒ ኤላ ዛንጋራን ዎዳ ፍልስፄመ አድያ ጎልያዳ ማሻይ ሀይሳን ደኤስ፤ ጩርቃራ ፃፀትድ፥ ኤፉደ ማኡዋፐ ጉየ ባጋራ ደኤስ። ኔኒ ኮያባ ግድኮ እያ ኤካ፤ እያፐ አትሽን፥ ሀራ ማሽ ሀይሳን ባዋ” ያግስ።
\p ዳዊቲ፥ “እያ መላ ማሽ ባዋ፤ እያ ታዉ ሀማ” ያግስ።
\p
\v 10 ሄ ጋላስ ዳዊቲ ሳኦላፐ ባቃትድ፥ ጋተ ካዋ አንኩሳኮ ብስ። 
\v 11 ሽን አንኩሳ ሞርናት፥ “ሀይስ ዳዊቲ ባ ቢታን ካዎ ግደኔ? ማጫሳይ የፅሸነ ዱርሸ፥ ‘ሳኦል ሙኩሉ ዎስ፤ ዳዊቲ ታሙ ሙኩሉ ዎስ’ ያግድ ሳቢዳ አድያ ግደኔ?” ያግዶሶና።
\p
\v 12 ዳዊቲ ኤንታ ሃሳያ ባ ዎዛናን ስእድ፥ ጋተ ካዋ አንኩሳ ዳሮ ያይስ። 
\v 13 ሄሳ ግሾ፥ ዳዊቲ ኤንታ ስንን ጎሹ ዳንስ። ኤንቲ እያ ኦይካና ሀንያ ዎደ ጎሻዳ ፐንገ እብ ቃጨ ኦይክስ፤ ቡቻራ ሳሶ ቆልስ። 
\v 14 አንኩስ ባ ኦሳንቾታኮ፥ “ሄኮ፥ ሀ አደይ ጎዬስ፤ ህንተ አይስ እያ ታኮ ኤህደቲ? 
\v 15 ሀ አደይ ታ ስንን ጎያናዳ ህንተ ኤህዳይ፥ ታ ማታን ሀር ጎየይ ይነዬ? ሀ አደይ ታ ሶ ገላናዉ በሲ?” ያግስ።
\c 22
\s1 ዳዊቲ አዱላማንነ ምፅጳን
\p
\v 1 ዳዊቲ ጋተፐ ባቃትድ፥ አዱላማ ማታን ደእያ ጎንጎሉዋ ብስ። እያ እሻትነ እያ አዋ ሶ አሳ ኡባይ ሄሳ ስእዳ ዎደ ያ እያኮ ብዶሶና። 
\v 2 መቶትዳይ፥ አጮትዳይነ ሳእ ኢትዳ ኡባይ ዳዊታኮ ሺቅን፥ ኤንታ ታይቦይ ኦይዱ ፄቱ ግድስ፤ እ ኤንታ ሀላቃ ግድስ።
\p
\v 3 ዳዊቲ ያፐ ደንድድ ሞአበን ደእያ ምፅጳ ብድ ሞአበ ካዋ፥ “ፆሳይ ታዉ ኦናባ ታ ኤራና ጋካናዉ ታ አዋነ አይዉ ነ ማታን ዎርክ” ያግድ ዎስስ። 
\v 4 ዳዊቲ ኤንታ ሞአበ ካዋ ማታን ዎስ፤ ዳዊቲ ቆሰትዳ በሳን ደእያ ዎደ ኡባን ኤንቲ ካዋ ማታን ደእዶሶና።
\p
\v 5 ሄሳፈ ጉየ፥ ናበይ ጋድ ዳዊታኮ ይድ፥ “ቆሰትዳ በሳን ጋምኦፋ፤ ሀይሳፈ ደንዳዳ ይሁዳ ቢታ ባ” ያግስ፤ ዳዊቲ ያፐ ከይድ ሄረታ ዎራ ብስ።
\p
\v 6 ዳዊቲነ እያ አሳይ በንትዳይሳ ሳኦል ስእስ። ሳኦል ግብአ ማታን ደእያ ደረ ቦላ፥ ታማርስከ ም ጋርሳን ቶራ ኦይክድ ኡትስ፤ እያ ሞርናት እያ ዩሹዋን ኤቅዶሶና። 
\v 7 ሳኦል ኤንታኮ፥ “ህንተኖ፥ ብንያመ አሳዉ፥ ስእተ፤ እሰየ ናአይ ጋደነ ዎይነ ቶክያ በሲ ህንተ ኡባስ እማኔ? ሻላቃታነ ማቶ ሀላቃታ ኦድ ህንተና ሹማኔ? 
\v 8 ህንተ ኡባይ ታ ቦላ ማቀትደታ፤ ታ ናአይ እሰየ ናኣራ ጫቅዳባ ታዉ ኦንካ ኦድቤና። ህንተፈ እስ አስካ ታዉ ቃተና፤ ሀች ሀንዳይሳዳ ታ ናአይ ታ አይልያን ታና ዎሳናዉ ደንዳይሳ ታዉ ኦንካ ኦድቤና” ያግስ።
\p
\v 9 ሳኦላ ሞርናታራ ኤቅዳ ኤዶመ አደይ ዶይቅ፥ “እሰየ ናአይ አክፁባ ናኣ አብመለከኮ ኖባ ብዳይሳ ታኒ በአስ። 
\v 10 ዳዊቲ አይ ኦነኮ አብመለከይ ጎዳ ኦይችስ፤ ያትድ ዳዊታስ ሽንቀነ ፍልስፄመ አድያ ጎልያዳ ማሻ እያዉ እሚስ” ያግድ ሳኦላስ ኦድስ።
\p
\v 11 ሄሳፈ ጉየ፥ አክፁባ ናኣ ካህንያ አብመለከነ ኖባን ካህነ ግድድ ደእያ እያ አዋ ሶ አሳ ኡባ ካዎይ ፄግስን፥ ኤንቲ ካዋኮ ይዶሶና። 
\v 12 ሳኦል፥ “አክፁባ ናአዉ፥ ስአ” ያግስ።
\p አብመለከይ፥ “ኤሮ ታ ጎዳዉ” ያግስ።
\p
\v 13 ሳኦል፥ “ኔራ እሰየ ናኣራ ታ ቦላ አይስ ማቀትደቲ? ኔኒ እያዉ ኡይነ ማሸ እማዳ፥ እ ታና ዎናዉ ደንዳና መላ እያ ግሾ ፆሳ አይስ ኦይቻዲ?” ያግስ።
\p
\v 14 አብመለከይ፥ “ነ ኦሳንቾታ ኡባ ግዶን ዳዊቲ መላ አማነተይ፥ ካዋ ቦሎይ፥ ነና ናገይሳታ ኪተይነ ነ ሶ አሳ ግዶን ዳሮ ቦንቸተይ እያ መል ኦኔ? 
\v 15 ታኒ እያ ግሾ ፆሳ ኦይችሽን፥ ሀይስ ታዉ ኮይሮ? ግደና፥ ካዋዉ፥ ታና ነ አይልያ ዎይኮ ታ አዋ ሶ አሳ ኡባ አይኮካ ሞቶፓ። ታኒ ነ አይለይ ሀ ኦዳባ ጉ ግድን ዎይኮ ግታ ግድን ኤርከ” ያግስ።
\p
\v 16 ካዎይ፥ “አብመለከ፥ ነነ ነ አዋ ሶ አሳ ኡባይ ሀይቃና” ያግስ። 
\v 17 ሳኦል ባ ማታን ኤቅድ ናገይሳታ፥ “ጎዳ ካህነታ ዎተ፤ ኤንቲ ዳዊታ ማድዶሶና። ዳዊቲ ባቃትዳይሳ ኤርሸ ታዉ ኦድቦኮና” ያግስ። ሽን ካዋ ናገይሳት ጎዳ ካህነታ ቦላ ባንታ ኩሽያ ደንና እፅዶሶና።
\p
\v 18 ካዎይ ዶይቃ፥ “ኤንታ ነ ዎ” ያግድ ኪትስ። ኤዶመ አደይ ዶይቅ ካህነታ ሾጭድ፥ ሄ ጋላስ ኤፉደ ማእዳ ሆስፑን ታማነ እቻሹ ካህነታ ዎስ። 
\v 19 ቃስ ዶይቅ ካህነታ ካታማ፥ ኖባ ማሻን ዉርስስ፤ ሄ ካታማን ደእያ አደነ ማጫ፥ ናይታነ ዮጋ ናይታ፥ መሄታ፥ ሀረታነ ዶርሳታ ማሻን ዎስ።
\p
\v 20 ሽን አክፁባ ናኣ አብመለከ ናይታፐ አብያታራ ጌተትያ እስ ናአይ ከስ ኤክድ፥ ዳዊታኮ ባቃትስ። 
\v 21 እ፥ ሳኦል ጎዳ ካህነታ ዎዳይሳ ዳዊታስ ኦድስ። 
\v 22 ዳዊቲ አብያታራ፥ “ኤዶመ አደይ ዶይቅ ሄ በሳን ደኤይሳ ታኒ በእዳ ዎደ እ ሳኦላስ ኦዳናይሳ ሄ ጋላስ ኤራስ። ነ አዋ ሶ አሳ ኡባ ሀይቆስ ጋዳይ ታና። 
\v 23 ህዛ ኔኒ ታራ ደአ፤ ያዮፋ። ነና ዎናዉ ኮይያ ኡራይ ታና ዎናዉ ኮዬስ፤ ኔኒ ታ ማታን ሳሮ ዳና” ያግስ።
\c 23
\s1 ዳዊቲ ቃእላ አሽስ
\p
\v 1 ፍልስፄመት ቃእላ ኦልድ፥ ዉዱማን ደእያ ካ ቦንቅዳይሳ ዳዊቲ ስእስ።
\p
\v 2 ዳዊቲ፥ “ታኒ ባዳ ፍልስፄመታ ኦሎ?” ያግድ ጎዳ ኦይችስ።
\p ጎዳይ፥ “ባ፤ ፍልስፄመታ ኦላ፤ ቃእላ አሻ” ያግስ።
\p
\v 3 ሽን ዳዊታ ካለይሳት፥ “ኑኒ ሀይሳን ይሁዳ ቢታን ደእሸ ዳሮባን ያዮስ። ፍልስፄመታራ ኦለታናዉ ቃእላ ኑ ቢኮ ኑና ኡባ ሳእ መታና” ያግዶሶና።
\p
\v 4 ዳዊቲ ዛሪድ ጎዳ ኦይችን ጎዳይ፥ “ፍልስፄመታ ታኒ ነዉ አ እማና፤ ደንዳዳ ቃእላ ባ” ያግስ። 
\v 5 ዳዊቲነ እያ ካለይሳት ቃእላ ብድ፥ ፍልስፄመታራ ኦለትድ ኤንታ መህያ ድእዶሶና። ኤንታፈ ዳሮ አሳ ዎድ፥ ዳዊቲ ቃእላ አሳ አሽስ።
\p
\v 6 አብመለከ ናአይ አብያታር ዳዊታኮ ቃእላ ባቃትዳ ዎደ ኤፉደ ማኡዋ ኤክድ ብስ።
\p
\v 7 ዳዊቲ ቃእላ ብዳይሳ ሳኦል ስእድ፥ “ፆሳይ ዳዊታ ታ ኩሸን አድ እሚስ፤ ዳዊቲ ግምበን ድረትዳ ካታማ ገልድ ባና ባዉ ቃችስ” ያግስ። 
\v 8 ቃእላ ብድ፥ ዳዊቲነ እያ አሳ ተቃና መላ ሳኦል ባ ኦላንቾታ ኡባ ፄግስ።
\p
\v 9 ሳኦል ባ ቦላ ኢታባ ኦናዉ ማቅዳይሳ ዳዊቲ ኤርድ ካህንያ አብያታራኮ፥ “ኤፉድያ ሃ ኤካ ያ” ያግስ። 
\v 10 ዳዊቲ፥ “አቤት ጎዳዉ፥ እስራኤለ ፆሳዉ፥ ታ ጋሶን ሳኦል ቃእላ ይሳናዉ ማቅዳይሳ ታኒ ነ አይለይ ስአስ። 
\v 11 ቃእላ አሳይ ታና ሳኦላስ አድ እማነሻ? ታኒ ነ አይለይ ስእዳይሳዳ ሳኦል ቱማካ ሃ ያነሻ? አቤት ጎዳዉ፥ እስራኤለ ፆሳዉ፥ ታዉ ነ አይልያስ ኦዳ” ያግስ።
\p ጎዳይ ዳዊታኮ፥ “ኤ፤ ሳኦል ያና” ያግድ ዛርስ።
\p
\v 12 ዳዊቲ፥ “ቃእላ አሳይ ታናነ ታ አሳ ሳኦላስ አድ እማነሻ?” ያግድ ዛሪድ ጎዳ ኦይችስ።
\p ጎዳይ፥ “ኤ፤ ኤንቲ ህንተና አድ እማና” ያግስ። 
\v 13 ዳዊቲነ ኡሱፑን ፄቱ ግድያ አደት ቃእላፐ ከይድ፥ እስ በሳፈ ሀራ በሲ ዩይዶሶና። ዳዊቲ ቃእላፐ ባቃትዳይሳ ሳኦል ስእዳ ዎደ ባናዉ ቆፕዳይሳ አጋግስ።
\p
\v 14 ዳዊቲ ባዞ ሚፃታንነ ዚፋ መላ ቢታን ደእያ ዙማታ ቦላ ደእስ። ሳኦል እያ ደማናዉ ኡባ ጋላስ ኮዬስ፥ ሽን ፆሳይ እያ ሳኦላ ኩሸን አድ እምቤና። 
\v 15 ዳዊቲ ዚፋ መላ ቢታን ደእያ ሆረሳን ደእሽን፥ ሳኦል እያ ዎናዉ ከይዳይሳ ዳዊቲ ኤርስ። 
\v 16 ሳኦላ ናኣ ዮናታን ደንድድ፥ ዳዊታኮ ሆረሳ ብድ ዳዊቲ ጎዳ ዎልቃን ምናናዳ ዞርድ፥ 
\v 17 “ያዮፋ፤ ታ አዋ ሳኦል ነና ኩሸራካ ቦቸና፤ ኔኒ እስራኤለ ቦላ ካዎታና፤ ታንካ ኔፐ ጋርሳራ ሃራና፤ ታ አዋይ ሳኦል ሄሳ ሎይድ ኤሬስ” ያግስ። 
\v 18 ኤንቲ ናምአይ ጎዳ ስንን እሶይ እሱዋራ ጫቅዶሶና፤ ዳዊቲ ሆረሳን ጋምእን ዮናታን ባ ሶ ብስ።
\p
\v 19 ዚፋ አሳይ ሳኦላኮ ግብአ ብድ፥ “ዳዊቲ ያስሞናፐ ዱገሀ ባጋን፥ ሀክላ ዙማ ቦላ ሆረሳ ሚፃታን ኑ ማታን ቆሰትድ ደኤስ። 
\v 20 ካዋዉ፥ ሀእካ ነ ዶስዳ ዎደ ዱገ ዎ፤ ኑኒ እያ ነ ኩሸን አድ እማና” ያግዶሶና።
\p
\v 21 ሳኦል፥ “ህንተ ታዉ ቆፕዳ ግሾ ህንተና ጎዳይ አንጆ። 
\v 22 ብድ አነ ጉጅድካ ጌሽተ፤ ዳዊቲ ዳሮ ቶሆ አዉ ብያኮካ ኦን እያ በእዳኮ፥ ሻክድ ኤርተ፤ እ ገነ አስ ግደይሳ ታ ስአስ። 
\v 23 ዳዊቲ ቆሰትያ በሳታ ኡባ በእድ፥ ሙሩታ ኦዳ ኤክድ ታኮ ስሚድ ዪተ። ሄሳፈ ጉየ፥ ታኒ ህንተራ ባና፤ እ ሄ ሄራን ደእኮ፥ ታኒ እያ ይሁዳ ቢታ ኡባን ደማና ጋካናዉ ኮያና” ያግስ።
\p
\v 24 ሄሳ ግሾ፥ ኤንቲ ሳኦላፐ ስንትድ ዚፋ ብዶሶና። ሄ ዎደ ዳዊቲነ እያ አሳይ ያስሞናፐ ዱገሀ ባጋራ ደእያ ማኦና መላ ቢታን አራባ ጋን ደኦሶና። 
\v 25 ሳኦልነ እያ አሳይ ዳዊታ ኮያናዉ ብዶሶና። ዳዊቲ ሄሳ ስእዳ ዎደ ዛላኮ ዎድ፥ ማኦና ባዙዋን ኡትስ። ሳኦል ሄሳ ስእዳ ዎደ ማኦና ባዙዋን ዳዊታ ኮይሸ ብስ። 
\v 26 ሳኦል ዙማፐ እስ ባጋ ምይያራ ቤስ፤ ዳዊቲነ እያ አሳይ ሀንኮ ባጋ ምይያራ ቦሶና። ኤንቲ ሳኦላፐ ባቃታናዉ ኤሶቶሶና፤ ሳኦልነ እያ አሳት፥ ዳዊቲነ እያ አሳታ ኦይካናዉ ማት ኡትዶሶና። 
\v 27 ሽን፥ “ኤለሳዳ ሃያ፤ ፍልስፄመት ኑ ቢታ ኦላናዉ ይዶሶና” ግያ ሀራ ኪት ሳኦላ ጋክስ። 
\v 28 ሳኦል ዳዊታ ኮየይሳ አግድ፥ ፍልስፄመታራ ኦለታናዉ ብስ። ሄሳ ግሾ፥ ሄ በሳይ “ከስ ኤክድ አትያ ዛላ” ጌተትስ። 
\v 29 ዳዊቲ ሄ በሳፈ ከይድ፥ ኤንጋዳ ማታን ደእያ ሚፃታን ኡትስ።
\c 24
\s1 ዳዊቲ ሳኦላ ዎና አግስ
\p
\v 1 ሳኦል ፍልስፄመታ ኦልድ ስምዳፐ ጉየ፥ ዳዊቲ ኤንጋዳ ባዙዋን ደኤስ ገይሳ ስእስ። 
\v 2 ሳኦል እስራኤለ ግዶፈ ዶረትዳ ሄ ሙኩሉ አሳ ኤክድ፥ ዳዊታነ እያ አሳ ኮያናዉ፥ “ባዞ ዴሻታ ዛላ” ጌተትያ በሳ ማታ ብስ።
\p
\v 3 ሳኦል ኦግያ ዶናን ዶርሳ ግርብያ ማታን ደእያ ጎንጎሉዋ ግዶ ገልድ ሼአናዉ ኡትስ። ዳዊቲነ እያ አሳይ ጎንጎሉዋስ ጉየ ባጋራ ሺቅድ ኡትዶሶና። 
\v 4 ዳዊታ አሳይ፥ “ ‘ሄኮ፥ ታኒ ነ ሞርክያ ነ ኩሸን አ እማና፤ ኔኒ እያ ቦላ ኮይዳባ ኦና’ ያግድ ጎዳይ ነዉ ኦድዳ ጋላሳይ ሀች” ያግዶሶና። ዳዊቲ ሳኦላ ኤርሶና ሺቅድ ሳኦላ ማኡዋ ማጫራፐ ቃንፅ ኤክስ።
\p
\v 5 ዳዊቲ ሳኦላ ማኡዋ ማጫራ ቃንፅዳ ግሾ እያ ዎዛናይ ቂሮትስ። 
\v 6 ዳዊቲ ባ አሳኮ፥ “ጎዳይ ትይዳ ካዋ፥ ታ ጎዳ ቦላ ታኒ ሄሳ ኦናይስ ዎይኮ እያ ቦላ ታ ኩሽያ ደንናይስ ታፐ ሃኮ፤ ጎዳይ ትይድ እያ ካዎስ” ያግስ። 
\v 7 ዳዊቲ ሀይሳዳ ግድ፥ ሳኦላ ባ አሳን ቦሽሶና ድግስ። ሳኦል ጎንጎሉዋ ግዶፈ ከይድ ባ ኦግያ ብስ።
\p
\v 8 ሳኦል ብዳፐ ጉየ፥ ዳዊቲ ጎንጎሉዋ ግዶፈ ከይድ፥ “ታ ጎዳዉ፥ ካዋዉ” ያግድ ሳኦላ ፄግን፥ ሳኦል ጉየ ስሚድ ፄልስ። ዳዊቲ ሳአን ጉፋንድ ሳኦላስ ዝግስ። 
\v 9 ዳዊቲ ሳኦላኮ፥ “ዳዊቲ ነና ቆሀናዉ ኮዬስ” ግያ አሳ ኔኒ አይስ ስአይ? 
\v 10 ሀች ሀ ጎንጎሉዋን ጎዳይ ነና ታዉ አድ እምዳይሳ ኔኒ ነ አይፈን በአዳሳ። ታኒ ነና ዎና መላ ጉ አሳት ታና ደንዶሶና። ሽን፥ “እ፥ ጎዳይ ትይድ ካዎዳይሳ ግድያ ግሾ ታኒ ታ ጎዳ ቦላ ታ ኩሽያ ደንከ” ያጋዳ ነና አጋስ። 
\v 11 ታ አዋዉ፥ ታ ኩሸን ደእያ ነ ማኡዋ ማጫራ ሀይሳ ፄላ። ነ ማኡዋ ማጫራፐ ቃንፃ ኤካስ፥ ሽን ነና ዎብከ። ታኒ ነና ቆሆናይሳነ ነ ቦላ ማካሎናይሳ አኬካ፤ ታኒ ነና ቆሀብከ፥ ሽን ኔኒ ታና ዎናዉ ሻንካታሳ። 
\v 12 ነባነ ታባ ጎዳይ ፕርዶ፤ ጎዳይ ኔኒ ታና ቆህዳይሳ ሃሉዋ ከሶ፥ ሽን ታኒ ነ ቦላ ታ ኩሽያ ደንከ። 
\v 13 “ኢታ ኦይሳታፐ ኢት ከዬስ” ግያ በን ሌምሶይ ደኤስ። ሄሳ ግሾ፥ ታኒ ነና ኩሸንካ ቦችከ።
\p
\v 14 “እስራኤለ ካዎይ ኦደ ቦላ ደንዲ? ኦና ኦይካናዉ ካሊ? ሀይቅዳ ካና ዎይኮ ካስቶለ ጎድዬ? 
\v 15 ጎዳይ ኑ ቦላ ዳናቶ፤ ነባነ ታባ እ ፕርዶ፤ ታ ግሾ እ ሞተቶ፤ ነ ኩሸፐ ታና እ አሾ” ያግስ።
\p
\v 16 ዳዊቲ ሃሳያ ዉርስዳ ዎደ ሳኦል ዳዊታኮ፥ “ታ ናአ ዳዊታ፥ ሄስ ነ ቃሌ?” ያግድ ሳኦል ባ ቃላ ቁ ኦድ ዬክስ።
\p
\v 17 “ኔኒ ታፐ አዳ ፅሎ፤ ታኒ ነዉ ኢታባ ኦን፥ ኔኒ ታዉ ሎኦባ ኦዳሳ። 
\v 18 ጎዳይ ታና ሀች ነዉ አድ እምን ኔኒ ታና ዎቦና ግሾ ኔኒ ታዉ ሎኦባ ኦዳ በሳዳሳ። 
\v 19 አስ ባ ሞርከ ደምድ ቆሆና የድዬ? ኔኒ ታዉ ሀች ኦዳ ኬሀተ ግሾ፥ ጎዳይ ነና አንጆ። 
\v 20 ኔኒ እስራኤሌ ካዎ ግዳናይሳነ እስራኤለ ካዎተይ ነ ማታ ጋርሳን ኤቃናይሳ ታ ኤራይስ። 
\v 21 ህዛ ታ ኮቻ ይሶና መላነ ታ ሱን ታ አዋ ሶ አሳ ግዶፈ ቁቾና መላ ጎዳ ሱንን ታዉ ጫቃ” ያግስ።
\p
\v 22 ዳዊቲ ሳኦላስ ጫቅስ። ሄሳፈ ጉየ፥ ሳኦል ባ ሶ ስሚድ ብስ፤ ዳዊቲነ እያ አሳይ ባንታ ሚፃ ብዶሶና።
\c 25
\s1 ዳዊታ ፥ ናባላነ አብግያ
\p
\v 1 ሳሜል ሀይቅን፥ እስራኤለ አሳ ኡባይ ሺቅድ፥ እያዉ ዬክዶሶና፤ ራማ ካታማን እያ ሞግዶሶና።
\p ሄሳፈ ጉየ፥ ዳዊቲ ማኦና መላ ቢታ ብስ። 
\v 2 ማኦና መላ ቢታን፥ ቃርመሎሳን ሻሎይ ደእያ እስ ዱረ አደይ ደኤስ። እያዉ እስ ሙኩሉ ዴሻትነ ሄ ሙኩሉ ዶርሳት ደኦሶና። እ ኤንታ እክስያ ቃርመሎሳን ሜዴስ። 
\v 3 ሄ አድያ ሱንይ ናባላ፥ እ ካለባ ያራ፤ እያ ማቸ ሱንይ አብግያ። እያ አኬካንቾነ ማላ ሎኦ ማጫስ፥ ሽን እ አዝናይ ዎዛን ባይና ኢታ አስ።
\p
\v 4 ዳዊቲ መላ ቢታን ደእሸ፥ ናባል ዶርሳ እክሰ ሜደይሳ ስእስ። 
\v 5 ዳዊቲ ታሙ ፓንታ ሀይሳዳ ያግድ ኪትስ፤ “ናባላኮ ቃርመሎሳ ብድ፥ ታ ሱንን እያ ሳሮተ። 
\v 6 ‘ነ ባረይ አዱቆ! ሳሮይ ነዉነ ነ ሶ አሳስ ግዶ፤ ነዉ ደእያ ኡባስ ሳሮይ ግዶ! 
\v 7 ነ ዶርሳ እክሰ ሜደይሳ ታኒ ስአስ፤ ነ ዶርሳ ሄመይሳት ኑራ ደእዳ ዎደ ኑኒ ኤንታ ገንቦኮ፤ ኤንቲ ቃርመሎሳን ደእዳ ዎደ ኡባን ኤንታባፐ አይብካ ፓጭቤና። 
\v 8 ሄሳ ኔኒ ነ አይለታ ኦይችኮ ኤንቲ ነዉ ኦዳና። ኑኒ ሀች ግብራ ጋላስ ኔኮ ይዳ ግሾ፥ ታ ፓንታስ ሀያና ኬሀ። ነ ኩሸን ደእያባፐ ነ አይለታስነ ነ ናኣ ዳዊታስ ሀያና እማ’ ያግተ” ያግድ ኪትስ።
\p
\v 9 ዳዊታ አሳት ናባላኮ ጋክድ፥ ዳዊታ ሱንነ ኪታ እያዉ ኦድድ፥ እ ጋናባ ናግሸ ያን ኡትዶሶና።
\p
\v 10 ናባል፥ “ዳዊቲ ኦኔ? እሰየ ናአይ ኦኔ? ሀ ዎድያን ዳሮ አይለት ባንታ ጎዳታፐ ባቃቶሶና። 
\v 11 ታ ካ፥ ታ ሃነ ታ ዶርሳታ ሜደይሳታስ ሹከትዳ አሹዋ ኤካዳ፥ ጉዬይ ኤረቶና አሳስ አይስ እሞ?” ያግስ።
\p
\v 12 ዳዊቲ አሳት ጉየ ስም ብድ ናባል ግዳባ ኡባ ዳዊታስ ኦድዶሶና። 
\v 13 ዳዊቲ፥ “ህንተ ማሻ ዳንጭተ” ያግን፥ ኡባይ ባንታ ማሻ ዳንጭዶሶና፤ ዳዊቲካ ባ ማሻ ዳንጭስ። ዳዊቲ ኦይዱ ፄቱ ግድያ አሳታራ ደንድድ ብስ፤ ናምኡ ፄቱ አሳይ ኤንታባ ናግድ አትስ።
\p
\v 14 ናባላ አይለታፐ እሶይ ናባላ ማቸ አብግያኮ ሀይሳዳ ያግስ፤ “ዳዊቲ መላ ቢታን ደእሸ ኑ ጎዳ ሳሮ ጋናዉ አሰ ኪትስ፥ ሽን እ ኤንታ ጫይድ የድስ። 
\v 15 ግዶሽን፥ ሀ አሳት ኑስ ዳሮ ሎኦ፤ ኤንቲ ኑና ገንቦኮና፤ ኑኒ ኤንታራ ባዞን ፔእዳ ዎደ ኡባን ኑባፐ አይኮይካ ፓጭቤና። 
\v 16 ኑኒ ኑ ዶርሳ ዉድያ ኤንታ ማታን ሄምያ ዎደ፥ ቃማነ ጋላስ ኤንቲ ኑስ ድርስ ግድዶሶና። 
\v 17 ኑ ጎዳ ቦላነ እያ ሶ አሳ ቦላ ኢታባይ ጋካና ሀንያ ግሾ፥ ሀያና ሀ ኦዳ ዋታነኮ ቆፓ። ኑ ጎዳይ አሳ ዞረ ስኦና ኢታ አስ ግድያ ግሾ፥ ኦንካ እያ ሃሳይሳናዉ ዳንዳኤና” ያግስ።
\p
\v 18 አብግያ ኤሶን ናምኡ ፄቱ ኡይ፥ ናምኡ ኦጎሮ ዎይነ ኡሹ፥ እቻሹ ጫጨትዳ ዶርሳታ፥ እሻታሙ ክሎ ግራመ ጫጨትዳ ትያ፥ እስ ፄቱ ኡከትዳ ዎይነ ሞርኤነ ናምኡ ፄቱ ባላሰ ኑካ ኤካዳ ሀረታ ቦላ ጫናሱ። 
\v 19 ባ አይለታኮ፥ “ህንተ ስንትድ ቢተ፤ ታ ህንተና ካላና” ያጋሱ፤ ሽን ባ አዝና ናባላስ አይኮካ ኦዳቡኩ። 
\v 20 ባ ሀርያ ቶጋዳ ዙማ ሎቡዋ ዱገ ዎያ ዎደ ዳዊቲነ እያ አሳይ ይሸ ኢራ ጋሄትዶሶና።
\p
\v 21 ዳዊቲ፥ “እያባፐ አይኮይካ ፓጮና መላ ታኒ ሀ አድያ ሻሉዋ ናግዳይ ጮ መላ፤ ታኒ ኦዳ ሎኦ ኦሱዋስ እ ታዉ ኢታ ኩሸ ዛርስ። 
\v 22 ዎንቶ ዎንታ ጋካናዉ፥ እያባ ግድዳ አደታፐ እሱዋ ታ ፓፃ አግኮ፥ ፆሲ ታና ፕርዶ” ያግስ።
\p
\v 23 አብግያ ዳዊታ በእዳ ዎደ ሀርያፐ ኤሶታ ዎዳ፥ ዳዊታ ስንን ጉፋናዳ ዝጋሱ። 
\v 24 እያ ቶሁዋ ቦላ ኩንዳዳ፥ “ታ ጎዳዉ፥ ታ ባላይ ታ ቦላ ግዶ! ታ እስባ ኦዳና፤ ታ ነ አይልያ ግያባ ስአ። 
\v 25 ሀ ዎዛን ባይና አደይ፥ ናባል\f + \fr 25:25 \fr*\fq ናባላ፦ \fq*\ft ናባላ ጉሳይ ኤያ ጉሱ።\ft*\f* ግያባ ስኦፓ፤ እ ባ ሱንዳ ኤያ። ታ ጎዳዉ፥ ነ ኪትዳ አሳታ ታ ነ አይልያ በአብከ። 
\v 26 ደኦ ጎዳይ ኤርያ መላ፥ ነ ሸምፖይ ኤርን፥ ነ ሱ ጉሶናዳነ ሀሎ ከዮናዳ ነና ተቅዳይ ጎዳ። ነ ሞርከትነ ነና ቆሀናዉ ኮየይሳት ናባላዳ ሀኖ። 
\v 27 ሀ እሞታይ ታኒ ነ አይልያ ነዉ፥ ታ ጎዳስ ኤህዳይስ ነና ካልያ አሳታስ እመቶ። 
\v 28 ታ ጎዳዉ፥ ነ አይለ ናጋራ አቶ ያጋ! ኔኒ ጎዳ ኦላ ኦለትያ ግሾ፥ ጎዳይ ነናነ ነ ሼሻ ካዎያና። ነ ደኦ ላይ ኡባን ኢታተ ነ ቦላ በንቶፎ። 
\v 29 አይ አስካ ነና ዎናዉ ኮይኮ፥ እስ አስ ባ አልኦ ሻሉዋ ናገይሳዳ ጎዳይ፥ ነ ፆሳይ ነና ሳሮ ናጋና። ሽን ያምባርሻን ሹቹ ሆለይሳዳ እ ነ ሞርከታ ሆላና። 
\v 30 ጎዳይ፥ ታ ጎዳስ ኦናዉ ቃላ ገልዳ ኬሀተ ኡባ ኦያ ዎደነ እስራኤለ ቦላ ካዎያ ዎደ፥ 
\v 31 ታ ጎዳይ አዛንያ ጋሶይ ዎይኮ ቂሮያባይ ባዋ። ጋሶይ ባይና ሱ ጉስዳባይ ዎይኮ ሀሎ ከይዳባይ ባይና ግሾ ነ ዎዛናይ ዳጋመና። ጎዳይ ነዉ ሎኦባ ኦዳ ዎደ ታና ነ አይልዉ ዶጎፓ” ያጋሱ።
\p
\v 32 ዳዊቲ አብግያኮ፥ “ታራ ጋሄታና መላ ሀች ነና ኪትዳ ጎዳይ፥ እስራኤለ ፆሳይ ጋላተቶ። 
\v 33 ታኒ አሳ ሱ ጉሶናዳነ ሀሎ ከዮናዳ ነ ሎኦ ቆፋይ ታና ተቅዳ ግሾ ኔኒ አንጀታ። 
\v 34 ታ ነና ቆሆናዳ ተቅዳ ደኦ ጎዳይ፥ እስራኤለ ፆሳይ ኤርያ መላ ነ ታራ ጋሄታናዉ ኤለሳዳ ዮናኮ፥ ሳእ ዎንታና ጋካናዉ ናባላ አሳፐ እስ አደይካ ፓፃ አተና” ያግስ። 
\v 35 አብግያ እያዉ ኤህዳ እሞታ እ ኩሸፐ ዳዊቲ ኤክድ፥ “ነ ሶ ሳሮ ባ፤ ታኒ ነ ግዳባ ስአስ፤ ነ ኦይሻካ ኤካስ” ያግስ።
\p
\v 36 አብግያ ስማዳ ናባላኮ ያ ዎደ፥ ካዎ ሶን ጊግያ ግብራ መላ ግብራ ሙዝሸ ሶን ኡትስ። ናባል ዳሮ ማትድ፥ ባ ዎዛናን ኡፋይትያ ግሾ ሳእ ዎንታና ጋካናዉ አብግያ እያዉ አይኮካ ኦዳቡኩ። 
\v 37 ዎንታ ናባላ ማይ ስምዳፐ ጉየ፥ እያ ማችያ ሀንዳባ ኡባ እያዉ ኦዳሱ፤ ናባላ ዎዛናይ ዎን፥ እ ዳቡርስ። 
\v 38 ታሙ ጋላሳፐ ጉዬ ጎዳይ ናባላ ሾጭን፥ እ ሀይቅስ።
\p
\v 39 ናባል ሀይቅዳይሳ ዳዊቲ ስእዳ ዎደ፥ “ጎዳይ ጋላተቶ! ናባል ታና ጫይዳይሳ ሀሎ ጎዳይ ከስስ። ታኒ እያ አይለይ ኢታባ ኦና መላ ታና ተቅስ። ናባል ኦዳ ኢታባ ጎዳይ እያ ቦላ ዛርስ” ያግስ።
\p ሄሳፈ ጉየ፥ ዳዊቲ አብግያ ኤካናዉ ኮይድ ኪታ የድስ። 
\v 40 ዳዊታ አይለት ቃርመሎሳን ደእያ አብግያኮ ብድ፥ “ዳዊቲ ነና ማቻናዉ ዶስዳ ግሾ ኑኒ ነና ኤካናዉ ይዳ” ያግዶሶና።
\p
\v 41 አብግያ ጉፋና ዝጋዳ፥ “ታኒ ነ አይልያ ነዉ ኪተታናዉነ ነ አይለታ ቶሁዋ ሜጫናዉ ጊገታ ኡታስ” ያጋሱ። 
\v 42 አብግያ ኤለሳ ደንዳዳ ባ ሀርያ ቶጋሱ፥ እያ ባ እቻሹ ማጫ አይለታራነ ዳዊታ ኪትዳ ኣሳራ ባዳ ዳዊታ ገላሱ።
\p
\v 43 ዳዊቲ ካሰ እዝራኤለ ማጫስዉ አክናሆሞ ኤክድ ደኤስ፤ ኤንቲ ናምአይ እያ ማቸታ። 
\v 44 ሳኦል ዳዊታ ማችዉ፥ ባ ናእዉ መልኮሎ ጋልማ አድያ ሌሳ ናኣ ፋልፃስ እሚስ።
\c 26
\s1 ዳዊቲ ዛርድካ ሳኦላ ዎና አግስ
\p
\v 1 ዚፋ አሳይ ሳኦላኮ ግብአ ብድ፥ “ዳዊቲ ያስሞና ስንን ደእያ ሀክላ ዙማን ቆሰትስ?” ያግዶሶና። 
\v 2 ሳኦል፥ እስራኤለታፐ ዶረትዳ ሄ ሙኩሉ አስ ኤክድ፥ ዳዊታ ኮያናዉ ዚፋ መላ ቢታ ብስ። 
\v 3 ሳኦል ያስሞና ስንን ደእያ ሀክላ ዙማ ቦላ ደእያ ኦግያ ማታን ዱንካንስ፤ ሽን ዳዊቲ ሄ መላ ቢታን ኡትስ። ሳኦል እያ ካልድ ይዳይሳ ዳዊቲ ኤርዳ ዎደ፥ 
\v 4 ዎችያ አስ የድድ፥ ሳኦል ቱማ ሄ በሳ ጋክዳይሳ ሻክድ ኤርስ። 
\v 5 ዳዊቲ ደንድድ፥ ሳኦል ዱንካንዳ በሳ ብድ ሳኦልነ ቶራ ሞጮናይ ኔራ ናአይ አበኔር ዝንእዳ በሳ በእስ። ሳኦል ዱንካንዳ ጉታን ኦላንቾት እያ ዩሹዋ ተቅን እ ስክስ።
\p
\v 6 ዳዊቲ ህተ አድያ አብመለከነ ፃሩያ ናኣ እዮኣባ እሻ አብሳያ፥ “ሳኦል ዱንካንዳ በሳ ታራ ባናይ ኦኔ?” ያግድ ኦይችስ።
\p አብሳይ፥ “ታኒ ኔራ ባና” ያግስ።
\p
\v 7 ሄሳ ግሾ፥ ዳዊቲነ አብሳይ ሄ ቃማ ኦላንቾታኮ ያ ዎደ ሳኦል ባ ሁጰ ሶን ቶራ ኤስድ፥ ዱንካንያ ግዶን ዝንእዳይሳ ደምዶሶና። አበኔርነ ኦላንቾት እያ ዩሹዋን ዝንእዶሶና።
\p
\v 8 አብሳይ፥ “ፆሳይ ነ ሞርክያ ሀች ነ ኩሸን አድ እሚስ፤ ታኒ ቶራን እያ እስ ቶሆ ሳአራ ኦይዳ ጫዳና፤ እያ ዛራ ጫዳናዉ ኮሸና” ያግስ።
\p
\v 9 ሽን ዳዊቲ አብሳያኮ፥ “ኔኒ እያ ዎፓ፤ ጎዳይ ትይዳ ካዋ ቦላ ባ ኩሽያ ደንያ ኦናካ ጎዳይ ሴራና። 
\v 10 ደኦ ጎዳይ ኤርያ መላ፥ ፆሳይ እያ ዎና፤ እ ባ ጋላሳን ዎይኮ ኦላን ሀይቃና። 
\v 11 ጎዳይ ትይዳ ካዋ ቦላ ታ ኩሽያ ደንናዳ ታና ጎዳይ ተቆ። አነ እያ ሁጰ ሶን ደእያ ቶራነ ሃ ኦይክያ ሚሽያ ኤክድ ቦስ” ያግስ።
\p
\v 12 ዳዊቲ ሳኦላ ሁጰ ሶን ደእያ ቶራነ ሃ ኦይክያ ሚሽያ ኤክን፥ ኤንቲ ብዶሶና። ኤንታ ኦንካ በእቤና ዎይኮ ኦንካ ኤርቤና ዎይኮ ኦንካ ባርክቤና። ጎዳይ ኤንታ ቦላ ዎልቃማ ስኮ የድዳ ግሾ ኡባይ ስኮ ሀይቅ አግዶሶና።
\p
\v 13 ዳዊቲ ሄፍን ፕንድ፥ ኤንታፈ ሃክድ ሀራ ደረ ቦላ ከይድ ኤቅስ። 
\v 14 ዳዊቲ ሳኦላ ኦላንቾታነ ኔራ ናኣ አበኔራ ፄግድ፥ “አበኔራ፥ ታኒ ፄግያ ዎደ ስእኪ?” ያግድ ዋስስ።
\p አበኔር፥ “ቃላ ቁ ኦ ፄግድ ካዋ ስኮ ድገይ ኦኔ?” ያግስ።
\p
\v 15 ዳዊቲ፥ “ኔኒ ዎዛናማ አስ ግድኪ? እስራኤለ ግዶን ነ መላ አስ ኦኔ? ያትን፥ ካዋ፥ ነ ጎዳ አይስ ናግኪ? እስ አስ ካዋ፥ ነ ጎዳ ዎናዉ ብስ። 
\v 16 ነ ኦዳባይ ሎኦ ግደና። ደኦ ጎዳይ ኤርያ መላ፥ ነነ ነ ኦላንቾት ፆሳይ ትይዳ ህንተ ጎዳ ናግቦና ግሾ ህንተ ሀይቃናዉ በሴስ። ካዋ ቶራይነ እያ ሁጰ ሶን ደእያ ሃ ኦይክያ ሚሸይ አዉን ደእያኮ በአ” ያግስ።
\p
\v 17 ዳዊታ ቃላ ግደይሳ ሳኦል ኤርድ፥ “ታ ናአዉ ዳዊታ፥ ሄስ ነ ቃሌ?” ያግስ።
\p ዳዊትቲ፥ “ኤ፥ ታ ጎዳዉ፥ ካዋዉ፥ ሄስ ታ ቃላ። 
\v 18 ታ ጎዳዉ፥ ታና ነ አይልያ ኔኒ አይስ ካላይ? ታኒ አይ ኦድና? ታ ባላይ አይቤ? 
\v 19 ታ ጎዳዉ፥ ካዋዉ፥ ኔኒ ነ አይልያ ቃላ ስአና መላ ታ ነና ዎሳይስ። ጎዳይ ነና ታ ቦላ ደንዳባ ግድኮ፥ እ ያርሾ ኤኮ። ሽን አስ ነና ደንዳባ ግድኮ፥ ‘ባዳ ሀራ ፆሳታ ጎይና’ ያግዶሶና። ጎዳ ቢታን ታዉ ደእያ ላታፐ ኤንቲ ታና ጎድዳ ግሾ ኤንቲ ጎዳ ስንን ባደትዳባ ግዶ! 
\v 20 ሀእ ጎዳ ስንፈ ሃክድ፥ አላጋ ቢታን ደእያ ኡራ ሱ ጉሶፋ። እስ አስ ኩራቾ ሻንካታናዉ ደረ ቦላ ከየይሳዳ፥ እስራኤለ ካዎይ ካስቶለ ኮያናዉ ከይስ” ያግስ።
\p
\v 21 ሳኦል፥ “ታኒ ነና ቆሀስ። ታ ናአዉ፥ ዳዊታ፥ ሃ ስማ! ሀች ነ ታ ሸምፕዉ ሀይቆፐ አሽዳ ግሾ ታኒ ነና ዛራዳ ገንከ። ቱማ ታኒ ኤያባ ሀናስ፤ ግታ ባላ ባላስ” ያግስ።
\p
\v 22 ዳዊቲ ዛሪድ፥ “ካዋዉ፥ ነ ቶራይ ሀይስሽ፥ ነ አሳፐ እስ አስ ይድ ኤኮ። 
\v 23 እስ እስ አሳስ እያ ፅሎተ መላነ እያ አማነተ መላ ጎዳይ ጋተ ቃንፄስ። ሀች ጎዳይ ነና ታ ኩሸን አድ እሚስ፤ ሽን ጎዳይ ትይዳ ካዋ ቦላ ታኒ ታ ኩሽያ ዎናዉ ኮያብከ። 
\v 24 ሀች ነ ሸምፑዋ ታ አሽዳይሳዳ ጎዳይ ታና መቶ ኡባፈ አሽድ ቦንቾ” ያግስ።
\p
\v 25 ሳኦል፥ “ታ ናአዉ፥ ዳዊታ፥ ኔኒ አንጀታ። ኔኒ ግታባ ኦና፤ ነዉ እንጀታና” ያግስ። ዳዊቲ ባ ኦግያ ብስ፤ ሳኦልካ ባ ሶ ስምስ።
\c 27
\s1 ዳዊቲ ፍልስፄመ ባቃትስ
\p
\v 1 ዳዊቲ ባ ዎዛናን፥ “እስ ጋላስ ታኒ ሳኦላ ኩሸን ዳፋታና፤ ታኒ ፍልስፄመ ቢታ ባቃታናፐ አትሽን፥ ሀራባይ ታዉ ሎኤና። ያንኮ፥ ሳኦል እስራኤለ ቢታ ኡባን ታና ኮየይሳ አጋና፤ ታኒ እያ ኩሸፐ ከሳ ኤካና” ያግድ ቆፕስ።
\p
\v 2 ሄሳ ግሾ፥ ዳዊቲነ እያራ ደእያ ኡሱፑን ፄቱ አሳት ደንድድ፥ ጋተ ካዋ ማኦካ ናኣ አንኩሳኮ ብዶሶና። 
\v 3 ዳዊቲነ እያ አሳይ አንኩሳራ ጋተን ኡትዶሶና። አሳ ኡባይ ባ ሶ አሳ አሳ ኤክድ ብስ፤ ዳዊቲካ ባ ማቸታ፥ እዝራኤለ አክናሆሞነ ናባላ አምእዉ፥ ቃርመሎሳ ማጫስዉ፥ አብግያ ኤክድ ብስ። 
\v 4 ዳዊቲ ጋተ ባቃትስ ገይሳ ስእድ፥ ሳኦል ዛሪድ እያ ኮየይሳ አግስ።
\p
\v 5 ዳዊቲ ካዋ አንኩሳኮ፥ “ኔኒ ታናን ኡፋይትኮ፥ ታኒ ያን ዳና መላ ነ ካዎተን ደእያ ካታማታፐ እሱዋ ታዉ እማ። ታኒ ነ አይለይ ካዎይ ደእያ ካታማን ኔራ አይስ ኡታኔ?” ያግስ።
\p
\v 6 ሄ ጋላስ አንኩስ ፅቅላጋ ካታማ ዳዊታስ እሚስ፤ ሀች ጋካናዉ ፅቅላጋ ካታማይ ይሁዳ ካዎታባ ግድድ አትስ። 
\v 7 ዳዊቲ ፍልስፄመ ቢታን እስ ላይነ ኦይዱ አጌና ደእስ።
\p
\v 8 ዳዊቲነ እያ አሳት ፑደ ከይድ፥ ጌሹረታ፥ ጋርዘታነ አማለቃታ ኦሎሶና። በንፐ ዶምድ፥ ሄ አሳት ሹራፐ ብድ ግብፀ ጋካናዉ ደእያ ቢታን ደእዶሶና። 
\v 9 ዳዊቲ ሄ ቢታ ኦልያ ዎደ ኡባን ሄ ቢታን ደእያ ማጫ ግድን፥ አደ ግድን፥ ፓፃ አግቤና። ዶርሰነ መሄ፥ ሀረነ ግማለ ማኦ ድኤስ፤ ያትድ አንኩሳኮ ስሜስ። 
\v 10 አንኩስ፥ “ሀች አዉን ኦልደቲ?” ግድ ዳዊታ ኦይቼስ።
\p ዳዊቲ፥ “ይሁዳ ዱገሀ ባጋ ዎይኮ ይራማኤላ ዱገሀ ባጋ ዎይኮ ቄና ዱገሀ ባጋ ኦልዳ” ያጌስ።
\p
\v 11 ኤንታፈ እስ አስ ጋተ ብድ፥ “ዳዊቲ ሀይሳ ኦስ” ግድ ኦዶና መላ ዳዊቲነ እያ አሳት ማጫ አደ አሾና ዎዶሶና። ዳዊቲ ፍልስፄመ ቢታን ደእዳ ዎደ ኡባን ሀይሳዳ ኦስ። 
\v 12 አንኩስ ዳዊታን አማነትድ፥ “ዳዊቲ ባ አሳን፥ እስራኤለን ዳሮ እፀትስ፤ ሄሳ ግሾ፥ እ ታዉ መርናዉ አይለ ግዳና” ያግድ ቆፕስ።
\c 28
\s1 ሳኦላነ ሞይትለ ፄግያ ማጫስዉ
\p
\v 1 ሄ ዎደ ፍልስፄመ አሳት እስራኤለታ ኦላናዉ ባንታ ኦላንቾታ ሺሽዶሶና። አንኩስ ዳዊታኮ፥ “ነነ ነ አሳት ታራ ኦላስ ባናይሳ ቱማ ኤራ ኡታ” ያግስ።
\p
\v 2 ዳዊቲ፥ “ሄሳ ግድኮ፥ ታ ነ አይለይ ኦናባ ነ በአና” ያግስ።
\p አንኩስ፥ “ዳሮ ሎኦ፤ ታኒ ነና ታ ደኦ ላይ ኡባን ታና ናገይሳ ኦና” ያግስ።
\p
\v 3 ሀይሳፈ ካሰ ሳሜል ሀይቅን፥ እስራኤለ አሳ ኡባይ እያዉ ዬክድ፥ እያ ካታማን ራማን እያ ሞግዶሶና። ሳኦል ሞይትለ ፄገይሳታነ ማሮታ እስራኤለ ቢታፈ የደድ ከስስ።
\p
\v 4 ፍልስፄመ ኦላንቾት ሺቅድ፥ ሱኔማ ካታማን ዱንካንዶሶና፤ ሳኦል እስራኤለ አሳ ኡባ ሺሽድ፥ ግልቦአ ዙማን ዱንካንስ። 
\v 5 ሳኦል ፍልስፄመ ኦላንቾታ በእድ ያይስ፤ እያ ዎዛናይ ዳሮ ዳጋምስ። 
\v 6 ሄሳ ግሾ፥ አይ ኦነኮ ጎዳ ኦይችስ፤ ሽን ጎዳይ አሙሆን ዎይኮ ኡሪመን\x - \xo 28:6 \xo*\xt ከሳ 28:30.\xt*\x* ዎይኮ ናበታ ባጋራ እያዉ ኦድቤና። 
\v 7 ሄሳፈ ጉየ፥ ሳኦል ባ አይለታ፥ “ሞይትለ ፄግያ ማሮ ታዉ ኮይተ፤ ታኒ ኢኮ ባዳ እዮ ኦይቻና” ያግድ ኪትስ።
\p ሳኦላ አይለት፥ “ሞይትለ ፄግያ እስ ማሮይ ኤንዶራን ደአኡሱ” ያግዶሶና።
\p
\v 8 ያግን ሳኦል ባና ኤርሶና መላ ሀራ ማኦ ማእድ፥ ናምኡ አሳታ ኤክድ፥ ቃማ ሄ ማሬኮ ብድ፥ ማጫስዉ፥ “ሀያና፥ ታዉ እስ ሞይትለ ፄጋርክ፤ ታኒ ሱን ኦድያ አሳ ታዉ ደንርክ” ያግስ።
\p
\v 9 ያግን ማጫስያ፥ “ሞይትለ ፄገይሳታነ ማሮታ እስራኤለ ቢታፈ ሳኦል ዋት የደ ከስዳኮ፥ ቱማ ኔኒ ኤራሳ። ታና ዎሳናዉ ኔኒ ታዉ አይስ ፅሄ የጋይ?” ያጋሱ።
\p
\v 10 ያግን ሳኦል ማጫስዉ፥ “ደኦ ፆሳይ ኤርያ መላ፥ ኔኒ ሀይሳ ግሾ ሴረታካ” ያግድ ጎዳን ጫቅስ።
\p
\v 11 ማጫስያ፥ “ታኒ ነዉ ኦና ደን?” ያጋዳ ኦይቻሱ።
\p ሳኦል፥ “ሳሜላ ታዉ ደን” ያግስ።
\p
\v 12 ማጫስያ ሳሜላ በአዳ፥ ዋሶ ጎቻዳ፥ ሳኦላኮ፥ “ኔኒ ታና አይስ ጭማዲ? ኔኒ ሳኦላ ግድክ!” ያጋሱ።
\p
\v 13 ካዎይ፥ “ያዮፋ! ነዉ አይበ በንተይ?” ያግስ።
\p ማጫስያ፥ “እስ ሞይትለይ ቢታ ግዶፈ ከይሽን በአስ” ያጋሱ።
\p
\v 14 ሳኦል ማጫስዉ፥ “እ አይ ዳኒ?” ያግስ።
\p ማጫስያ፥ “ካባ ማእዳ እስ ጭማ አደይ ከይስ” ያጋሱ።
\p ሳኦል ሄ አደይ ሳሜላ ግደይሳ ኤርድ፥ እያ ስንን ሳአን ጉፋንስ።
\p
\v 15 ሳሜል ሳኦላኮ፥ “ታና ደንዳ አይስ ዋይሳይ?” ያግስ።
\p ሳኦል፥ “ታኒ ዳሮ ኡንኤታስ፤ ፍልስፄመ አሳት ታና ኦሎሶና፤ ፆሳይ ታፐ ሻከትስ፤ ናበታ ባጋራ ዎይኮ አሙሆን እ ታኒ ኦይችያባ ኦደና። ሄሳ ግሾ፥ ታኒ ኦናባ ነ ታዉ ኦዳና መላ ነና ፄጋስ” ያግስ።
\p
\v 16 ሳሜል፥ “ጎዳይ ሻከትድ ነዉ ሞርከ ግድኮ ታና አይስ ዞረ ኦይቻይ? 
\v 17 ጎዳይ ታ ባጋራ ካሰት ኦድዳባ ኦስ፤ ጎዳይ ካዎተ ኔፐ ኤክድ፥ ነ ሾሩዋ ዳዊታስ እሚስ። 
\v 18 ኔኒ ጎዳስ ኪተታቦና ግሾነ እያ ኤፅያ እያ ሸንያ አማለቃ ቦላ ፖላቦና ግሾ ጎዳይ ሀች ሀይሳ ነ ቦላ ኤህስ። 
\v 19 ነናነ እስራኤለ፥ ጎዳይ ፍልስፄመታስ አድ እማና፤ ነነ ነ አደ ናይት ዎንቶ ታናን ጋሄታና፤ ጎዳይ እስራኤለ ኦላንቾታ ፍልስፄመታስ አድ እማና” ያግስ።
\p
\v 20 ሳኦል ሳሜላ ኦዳ ስእድ ያይዳ ግሾ ዳቡርድ፥ ባና ዶግድ ሳአን ኩንድስ። ሳኦል ቃማነ ጋላስ ካ ምቦና ግሾ እያዉ ዎልቅ እፅስ። 
\v 21 ሄ ማጫስያ ሳኦላኮ ያዳ፥ እ ዳሮ ኮኮረይሳ በአዳ፥ “ታኒ ነ አይልያ ነዉ ኪተታስ፤ ኔኒ ታና ኦይችዳባ ታ ሸምፑዋ ዶጋዳ ኦስ። 
\v 22 ሀእ ታኒ ነ አይልያ ግያባ ሀያና ስአ፤ ኔኒ ማዳ ጋሽታዳ ነ ኦግያ ባና መላ ታኒ ነዉ ጉ ካ ጊግሳስ” ያጋሱ።
\p
\v 23 ሳኦል፥ “ሚከ” ያግስ። ሽን እያ አሳት ሄ ማጫሴራ ግድድ እያ ዎስዶሶና፤ ኤንታ ዎሳ ስእስ፤ ቢታፈ ደንድድ ሂፃን ኡትስ። 
\v 24 ሄ ማጫስያ ባ ሶን ደእያ አንቃራ ማራ ሹካሱ፤ ለ ኤካ ሙኑቃዳ፥ ኡይ ኡካሱ። 
\v 25 ያታዳ ካ ሳኦላስነ እያ አሳታስ አን፥ ኤንቲ ምዶሶና። ሄ ቃማ ደንድድ ብዶሶና።
\c 29
\s1 አንኩስ ዳዊታ ፅቅላጋ ዛርስ
\p
\v 1 ፍልስፄመት ባንታ ኦላንቾታ ኡባ አፌቃን ሺሽዶሶና። እስራኤለት እዝራኤለን ደእያ ፑልቶ ሃ ማታን ዱንካንዶሶና። 
\v 2 ፍልስፄመ ሀላቃት ባንታ ኦላንቾታ ፄታንነ ሙኩሉ ጩጋን ሳልፕስዶሶና፤ ዳዊቲነ እያ አሳይ አንኩሳራ እስፈ ግድድ ጉየ ባጋራ ሳልፕዶሶና። 
\v 3 ፍልስፄመ ሀላቃት ኤንታ በእድ፥ “ሀ እብራወት ሀይሳን አይ ኦና?” ያግዶሶና።
\p አንኩስ፥ “ሀይስ እስራኤለ ካዋ ሳኦላ አይልያ ዳዊታ ግደኔ? እ ዳሮ ዎደ ታራ አስ፤ እ ሳኦላ ካድድ ከዮደፐ ሀች ጋካናዉ ታኒ እያፐ ባላ ደማብከ” ያግስ።
\p
\v 4 ሽን ፍልስፄመ ሀላቃት አንኩሳ ቦላ ሀንቀትድ፥ “ሀ አድያ ኔኒ እያዉ እምዳ ካታማ ጉየ ዛራ። ኦላይ ጎብያ ዎደ እ ኑ ቦላ ስሚድ ደንዶና መላ እ ኑራ ኦላ ቦፖ። እ ባ ጎዳራ ስገታናዉ ኑ አሳታ ቆያ ቃንፆፈ አትሽን፥ ሀራ አይ ኦኔ? 
\v 5 ሀይሳፈ ካሰ ማጫሳይ፥ ‘ሳኦል ሙኩላታ ዎስ፤ ዳዊቲ ታሙ ሙኩላታ ዎስ’ ያግድ ዱርሸነ የፅሸ ሳቢዳይ ዳዊታ ግደኔ?” ያግዶሶና።
\p
\v 6 ሄሳ ግሾ፥ አንኩስ ዳዊታ ፄግድ፥ “ደኦ ጎዳይ ኤርያ መላ፥ ኔኒ አማንያ አስ፤ ኔኒ ታራ ኦላስ በይሳ ታ ዶሳይስ። ኔኒ ታኮ ዮሳፐ ሀች ጋካናዉ ታኒ ነ ቦላ ባላ ደማብከ። ሽን ሀላቃት ኔኒ ኦላስ በይሳ ዶሶኮና። 
\v 7 ኔኒ ጉየ ስማዳ ሳሮ ባ፤ ፍልስፄመ ሀላቃታ ኡፋይሶናባ አይኮካ ኦፋ” ያግስ።
\p
\v 8 ዳዊቲ፥ “ታኒ አይ ኦድና? ታኒ ኔራ ደኦደፐ ሀች ጋካናዉ ነ ታፐ አይ ባላ ደማዲ? ያትን፥ ካዋ፥ ታ ጎዳ ሞርከታራ አይስ ኦለትክና?” ያግስ።
\p
\v 9 አንኩስ፥ “ፆሳ ኪታንቾዳ ኔኒ ታዉ ሎኦ ግደይሳ ታኒ ኤራይስ። ሽን ፍልስፄመ ሀላቃት፥ ‘እ ኑራ ኦላ ቦፖ’ ያግዶሶና። 
\v 10 ነነ ኔራ ይዳ ነ ጎዳ አይለታራ ዎንቶ ጉራ ደንድድ ቢተ” ያግስ።
\p
\v 11 ሄሳ ግሾ ዳዊቲነ እያ አሳት ፍልስፄመ ስማናዉ ዎንታ ጉራ ደንድዶሶና፤ ፍልስፄመት እዝራኤለ ብዶሶና።
\c 30
\s1 ዳዊቲ አማለቃታ ኦልስ
\p
\v 1 ዳዊቲነ እያ አሳት ሄን ጋላስ ፅቅላጋ ጋክዶሶና። አማለቃት ነገባነ ፅቅላጋ ኦልድ፥ ፅቅላጋ ታማን ፁግዶሶና። 
\v 2 ፅቅላጋን ደእያ ማጫሳነ ናአፐ ጭማ ጋካናዉ ደእያ ኡባ ድእዶሶና፤ ኤንታፈ እስ አስካ ዎና ኤንታ ኡባ ድእድ ኤፍዶሶና።
\p
\v 3 ዳዊቲነ እያ አሳት ፅቅላጋ ጋክያ ዎደ ካታማይ ታማን ፁገትዳይሳነ ኤንታ ማቸት፥ አደ ናይትነ ማጫ ናይት ድኤትዳይሳ በእዶሶና። 
\v 4 ዳዊቲነ እያራ ደእያ አሳይ ባንታ ዎልቃይ እፃና ጋካናዉ ዋስድ ዬክዶሶና። 
\v 5 ዳዊታ ማቸት እዝራኤለ አክናሆማነ ካሰ ናባላ ማችያ ቃርመሎሳ አብግያ ናምአይካ ድኤትዶሶና።
\p
\v 6 እያ አሳይ ባንታ አደ ናይትነ ማጫ ናይት ድኤትዳ ግሾ ይሎትድ ዳዊታ ሹቻን ጫዳናዉ ኦደትን፥ ዳዊቲ ዳሮ ኡንኤትስ። ግዶሽን፥ ዳዊቲ ጎዳን ባ ፆሳን ምነትስ።
\p
\v 7 ዳዊቲ አብመለከ ናኣ ካህንያ አብያታራኮ፥ “ኤፉድያ ኤካዳ ያ” ያግን፥ አብያታር ኤፉድያ ዳዊታስ ኤህስ። 
\v 8 ዳዊቲ፥ “ታኒ፥ ታና ኦልያ አሳታ ካላዳ ጋካኔ?” ያግድ ጎዳ ኦይችስ።
\p ጎዳይ፥ “ኤ፤ ኤንታ ካላዳ ባ፤ ቱማ ኤንታ ነ ጋካና፤ ቱማ ድኡዋ ዛራና” ያግስ።
\p
\v 9 ዳዊቲነ እያራ ደእያ ኡሱፑን ፄቱ አሳት ደንድድ ቦሶራ ሻፋ ጋክያ ዎደ ኤንታፈ ጉ አሳት ያን አትዶሶና። 
\v 10 ናምኡ ፄቱ አሳይ ሻፋ ፕናናዉ ዳሮ ዳቡርዶሶና። ሽን ዳዊቲነ ኦይዱ ፄቱ አሳይ ካልዶሶና።
\p
\v 11 ኤንቲ እስ ግብፀ አስ ደንባን ደምድ፥ ዳዊታኮ ኤህድ፥ እያዉ ሃነ ካ እምዶሶና። 
\v 12 ባላሰ ኦንጎቾነ ናምኡ ዎይነ ኑካ እያዉ እምን ምድ ጋሽትስስ። እ ሄ ጋላስነ ሄ ቃማ ካ ሞና ሃ ኡዮና ጋምእስ። 
\v 13 ዳዊቲ፥ “ኔኒ ኦደ አይሌ? አዉፐ ያዲ?” ያግድ አድያ ኦይችስ።
\p አደይ፥ “ታኒ አማለቃ አድያስ አይለትዳ ግብፀ አስ፤ ሄ ጋላሳፐ ካሰ ታ ሳከትን፥ ታ ጎዳይ ታና የግ አግድ ብስ። 
\v 14 ኑኒ ይሁዳ ዛዋ፥ ከልታወታ ዱገሀ ባጋነ ካለባ ዱገሀ ባጋ ኦልድ ፅቅላጋ ታማን ፁግዳ” ያግስ።
\p
\v 15 ዳዊቲ፥ “ኔኒ ታና ሄ ኦልዳ ጩጋታኮ ካለናዉ ዳንዳአይ?” ያግድ ኦይችስ።
\p እ ዛሪድ፥ “ኔኒ ታና ዎና መላነ ታ ጎዳስ አዳ እምከ ጋዳ ታዉ ፆሳን ጫቃ፤ ታኒ ነና ኤንታኮ ካለና” ያግስ።
\p
\v 16 ዳዊቲ ካለድ ኤንታኮ ጋስ። ኤንቲ ፍልስፄመፐነ ይሁዳፐ ዳሮ ድኦ ድእዳ ግሾ ኡፋይትድ ምሸነ ኡይሸ ላለትድ ኡትዶሶና። 
\v 17 ሄ ጋላስ ኦማርሳፈ ዶምድ ዎንተ ጋላስ ኦማርስ ጋካናዉ ዳዊቲ ኤንታ ሾጭስ። ግማለ ቶግድ ባቃትዳ ኦይዱ ፄቱ ፓንታፐ አትሽን፥ ሀር እስ አስካ አትቤና። 
\v 18 አማለቃ አሳት ኤፍዳ ኡባ፥ ባ ናምኡ ማቸታራ እስፈ ዳዊቲ ዎስስድ ኤክስ። 
\v 19 አሳት ድእድ ኤፍዳባፐ እስባይካ ፓጭቤና፤ ናእ ዎይኮ ጭም፥ አደይ ዎይኮ ማጭ፥ ሄሳዳካ ኤንቲ ድእድ ኤፍዳ ሀራባ ኡባይ ፓጮና ደእሽን ዳዊቲ ኡባ ዛርስ። 
\v 20 ዳዊቲ ዶርሰ፥ ዴሸነ መሄ ኡባ ድእስ፤ ዳዊቲ አሳይ እ ድእዳ መህያ ሀንኮ መህያፐ ስንራ ላግሸ፥ “ሀይስ ዳዊታ ድኦ” ያግዶሶና።
\p
\v 21 ዳዊቲ ዳቡርድ ቦሶራ ሻፋ አቻን አትዳ ናምኡ ፄቱ አሳኮ ይስ። ኤንቲ ዳዊታነ እያራ ደእያ አሳ ሞካናዉ ከይዶሶና። ዳዊቲ ባ አሳራ ሺቅድ ኤንታ ሳሮስ። 
\v 22 ሽን ዳዊታራ ብዳ አሳታ ግዶፈ ፓና ኢታ አሳት፥ “ኤንቲ ኑራ ቦና ግሾ ኑኒ ዛሪድ ኤህዳባፐ አይኮካ ኤንታዉ ሻኮኮ፤ ኤንቲ ባንታ ናይታነ ባንታ ማቸታ ኤክድ ቦና” ያግዶሶና።
\p
\v 23 ዳዊቲ ዛሪድ፥ “ታ እሻቶ፥ ጎዳይ ኑስ እምዳባን ህንተ ሀይሳዳ ኦናዉ በሰና። እ ኑና ናግድ፥ ኑና ኦልዳ ጩጋታ ኑስ አድ እሚስ። 
\v 24 ህንተ ግያባ ኦንካ ኤከና። ኦለታናዉ ብዳይሳታነ ኑባ ናግሸ ሀይሳን ጋምእዳይሳታ ግሾይ እስኖ፤ ኡባይ ግና ሻከታና” ያግስ። 
\v 25 ሄ ጋላሳፐ ዶምድ ሀች ጋካናዉ እስራኤለ ቢታን ሄስ ህገነ ዎጋ ግድስ።
\p
\v 26 ዳዊቲ ፅቅላጋ ጋክዳ ዎደ ባ ላገ ግድዳ ይሁዳ ጭማታኮ፥ “ጎዳ ሞርከታፐ ድኤትዳባፐ ታኒ ህንተዉ እመይሳ ኤክተ” ያግድ ጉራ የድስ። 
\v 27 እ ሄሳ ቤተለን፥ ራሞታ ነገባንነ ያትራን ደኤይሳታስ፥ 
\v 28 አሮኤራን፥ ስፍሞታን፥ ኤሽታሞአንነ 
\v 29 ራካላን፥ ይራህማኤላን፥ ቄና ካታማታን፥ 
\v 30 ሆርማና፥ ቦራሳና፥ አታካንነ 
\v 31 ከብሮናን ደኤይሳታስ የድስ። እነ እያ አሳት ዩይዳ በሳ ኡባን ደእያ አሳስ የድስ።
\c 31
\s1 ሳኦላ ሀይቁዋ
\r (1 ታር 10:1-12)
\p
\v 1 ፍልስፄመት እስራኤለታራ ኦለትዶሶና፤ እስራኤለት ፍልስፄመታ ስንፈ ባቃትዶሶና፤ ዳሮ እስራኤለት ግልቦአ ደርያ ቦላ ሀይቅዶሶና። 
\v 2 ፍልስፄመት ሳኦላነ እያ አደ ናይታ የደድ፥ እያ አደ ናይታ ዮናታና፥ አምናዳበነ ማልክሳ ዎዶሶና። 
\v 3 ኦላይ ተቅድ ሳኦላ ኡንኤስ፤ ዶንገን ዱከይሳት እያ ጫድድ ዳሮ ማዱንፅስዶሶና።
\p
\v 4 ሳኦል ባ ኦላ ሚሽያ ቶከይሳኮ፥ “ሀ ቃፃረትቦናይሳት ይድ፥ ታና ጫድድ ካኦና መላ ነ ማሻን ታና ጫዳዳ ዎ” ያግስ።
\p ሽን እያ ኦላ ሚሽያ ቶከይስ ያይድ እፅን፥ ሳኦል ባ ማሻ ሳአን ኤስድ፥ እያ ቦላ ኩንድስ። 
\v 5 እያ ኦላ ሚሽያ ቶከይስ ሳኦል ሀይቅዳይሳ በእድ፥ እካ ባ ማሻ ሳአን ኤስድ፥ እያ ቦላ ኩንድድ እያራ እስፈ ሀይቅስ። 
\v 6 ሀይሳዳ ሀንድ፥ ሳኦልነ እያ ሄ አደ ናይት፥ እያ ኦላ ሚሽያ ቶከይስነ እያ አሳት ኡባይ ሄ ጋላስ ሀይቅዶሶና።
\p
\v 7 ዛንጋራንነ ዮርዳኖሰ ሻፋፐ ሄፍን ባጋራ ደእያ እስራኤለ አሳይ፥ እስራኤለ ኦላንቾት ባቃትዳይሳ፥ ሳኦልነ እያ ናይት ሀይቅዳይሳ በእድ ባንታ ካታማ አግድ ባቃትዶሶና። ፍልስፄመት ይድ፥ ሄ ካታማታ ኦይክዶሶና።
\p
\v 8 ዎንተ ጋላስ ፍልስፄመት አሀ ቦላፈ ኦላ ሚሸታ ቃርድ ኤካናዉ ይድ፥ ሳኦልነ እያ ሄ አደ ናይት ግልቦአ ደርያ ቦላ ሀይቅድ ዝንእዳይሳታ ደምዶሶና። 
\v 9 ኤንቲ ሳኦላ ቆያ ቃንፅድ እያ ኦላ ሚሽያ ቃር ኤክዶሶና። ያትድ ባንታ ኤቃ ኬንነ ባንታ አሳ ግዶን ፆኑዋ አዋጃና መላ ፍልስፄመ ቢታ ኡባስ ኪታ የድዶሶና። 
\v 10 ሳኦላ ኦላ ሚሽያ አስታሮተ ጌተትያ ኤንታ ማጫ ፆሰ ኬን ዎዶሶና። ሳኦላ አሀ ቤት-ሳና ካታማ ግምብያ ቦላ ምስማረን ሽድ ካቅዶሶና።
\p
\v 11 ፍልስፄመት ሳኦላ ኦዳባ ጋላዳን ደእያ ያበሳ አሳይ ስእዳ ዎደ፥ 
\v 12 ምኖ አሳት ቃማ ደንድ ብድ፥ ሳኦላ አሃነ እያ ናይታ አሀ ቤት-ሳና ካታማ ግምብያ ቦላፈ ዎስድ ያበሳ ካታማ ኤህድ፥ ያን ፁግዶሶና። 
\v 13 ሄሳፈ ጉየ፥ ኤንታ መቀ ማፅ ኤክድ፥ ያበሳን ደእያ ታማርስከ ም ጋርሳን ሞግዶሶና፤ ያትድ ላፑን ጋላስ ፆምዶሶና።