\id 1PE - GOOFA FULL BIBLE
\ide UTF-8
\h 1 ጰፅሮሳ ኪታ
\toc1 1 ጰፅሮሳ ኪታ
\toc3 1 ጰፅ
\toc2 1 ጰፅሮሳ
\mt1 ጰፅሮስ ፃፍዳ
\mt2 ኮይሮ ኪታ
\imt ጋ ቆፋ
\ip ሀዋርያ ጰፅሮስ ፃፍዳ ኮይሮ ኪታይ፥ “ዶረትዳ ፆሳ አሳታ” ጌተትድ ፄገትዳይሳታስነ ጉ ኢሰን ፑደሀ ባጋን ላለትዳ አማንያ አሳሳ። ሀ ኪታይ ፃፈትዳ ጋሶይ፥ አማኖ ጋሶን መቶይነ ዋየይ ጋክዳ አሳ ምንናሳ። ሀ ማፃፋ ፃፈይ፥ እያ ሀይቁዋ፥ እያ ደንዱዋ፥ እያ ናምአን ዩሳ ኦድያ የሱስ ክርስቶሳ ዎንገላ ቃላ ኤንታ አኬክሴስ። የሱስ ክርስቶሳ ደኡዋ ሌምሶ ኦ ፄልድ፥ መቶ ዳንዳአን ካንና መላ ኤንታ ቆፍሴስ። ሄሳራ ጋድ፥ መቶይ ኤንታ አማኑዋ ፓጨይሳነ የሱስ ክርስቶሲ ቆንጭያ ጋላስ በሲያ ዎይቶ ኤንቲ ኤካናዉ ደኤይሳ ሀሳይሴስ።
\ip ፃፈይ፥ ኤንቲ መቶ ዳንዳአና መላ ምን ስሚድ፥ ክርስቶሳ ካልያ አሳት ደኤይሳዳ ኤንቲ ዳና መላ ቆፍሴስ።
\iot ማፃፋ አይፈ ቆፋታ
\io1 ሳሮ (\ior 1:1-2\ior*)
\io1 ፆሳይ ኑስ እምዳ አቶተ (\ior 1:3-12\ior*)
\io1 ጌሻተን ዱሱ (\ior 1:13—2:17\ior*)
\io1 ክርስቶሳ ዋይያ ሌምሶ (\ior 2:18-25\ior*)
\io1 መቶ ዎደ አማንያ አሳ ሀኖታ (\ior 3:1—4:19\ior*)
\io1 ጭማታስነ ናአተታስ እመትዳ ዞረ (\ior 5:1-11\ior*)
\io1 ሞይዞ ሳሮ (\ior 5:12-14\ior*)
\c 1
\p
\v 1 ታኒ፥ የሱስ ክርስቶሳ ሀዋረይ ጰፅሮስ፤ ጳንፆሳን፥ ጋላትያን፥ ቃጳዶቃን፥ ኢሰንነ ብታነን በታንቾዳ ላለትድ ደእያ ፆሳይ ዶርዳ፥ አሳስ ሀ ዳብዳብያ ፃፋስ። 
\v 2 የሱስ ክርስቶሳስ ህንተ ኪተታና መላነ እያ ሱን ጌያና መላ፥ ፆሳ አዋይ ባ ካሰ ኤራን ዶርዳይሳታስነ ጌሻ አያናን ጌይዳ፥ ህንተዉ አ ኬሀተይነ ሳሮተይ ግዶ።
\s1 ዮና ኡፋይስ
\p
\v 3 የሱስ ክርስቶሳ ሀይቆፐ ደንድ ባ ግታ ማሮተን ናምአን የለተነ ዮና ኡፋይሳ እምዳ ኑ ጎዳ የሱስ ክርስቶሳ አዋይ፥ ፆሳይ ጋላተቶ። 
\v 4 ቃስ ፆሳይ ህንተዉ ዮና፥ ኢቶናነ ቡቆና ላታ ሳሎን ጊግስስ። 
\v 5 ሄ ላታይ ዎደ ዉርሰን ቆንጫናዉ ደእያ አቶተስ ፆሳ ዎልቃን አማኖን ህንተዉ ናገትድ ደኤስ።
\p
\v 6 ሀእ ጉ ዎደስ ህንተ ዱማ ዱማ ፓጨን ኡንኤትኮካ ሄሳን ኡፋይትተ። 
\v 7 ሄ ፓጨይ ህንተና ጋክዳይ፥ ታማን የግን ይያ ዎርቃፈ ህንተ አማኖይ አነ ቱማ ግደይሳ በሳናሳ። ሄ ፓጨትዳ አማኑዋን የሱስ ክርስቶሲ ቆንጭያ ዎደ ጋላታ፥ ቦንቾነ ሳባ ህንተ ኤካና። 
\v 8 ህንተ የሱሳ በእቤከታ፥ ሽን እያ ሲቀታ። ህንተ ሀእ እያ በእቦናባ ግድኮካ፥ እያ አማነታ። ቃስ ኦዳን ቆንጭሳናዉ ዳንዳኤቶና ኡፋይሳንነ ቦንቾን ኩምደታ። 
\v 9 ህንተ አማኖን ናግያ ህንተ ሸምፑዋ አቶተ ኤካና።
\p
\v 10 አ ኬሀተ ባጋራ ህንተዉ ጊግዳ ሀ አቶተባ ናበት ኤራናዉ ግታ ኮሻንነ ናጎን ኮይዶሶና። 
\v 11 ኤንታን ደእያ ክርስቶሳ አያናይ እያ ዋያባነ ሄሳፈ ጉየ ያና ቦንቹዋባ ካሰትድ ማርካትሸ፥ አዉደ ዎይኮ ዋንድ ሀናኔኮ አኬካን ፕልግዶሶና። 
\v 12 ናበት ኦድዳ ትንብተይ ባንታዉ ግዶናሽን፥ ህንተዉ ግደይሳ ፆሳይ ህንተዉ ቆንጭስስ። ሀእ አሳይ ህንተዉ ኦድዳ ዎንገላ ሳሎፐ ኪተትዳ ጌሻ አያና ዎልቃን ህንተዉ ኦድዶሶና። ኪታንቾትካ ሄሳ በአናዉ አሞትዶሶና።
\s1 ጌሻተን ደእተ
\p
\v 13 ሄሳ ግሾ፥ ኦሶስ ህንተና ጊግስተ፤ ህንተና ሃርተ። የሱስ ክርስቶሲ ቆንጭያ ዎደ ህንተ ኤካና አ ኬሀተ ኡፋይሳን ናግተ። 
\v 14 ፆሳ ናይታዳ እያዉ ኪተትተ፤ ህንተ ካሰ ኤሮና ኦዳ ኢታ አሙዋ ካሎፍተ። 
\v 15 ሽን ህንተና ፄግዳ ፆሳይ ጌሽ ግድዳይሳዳ ህንተካ ህንተ ዱሳ ኡባን ጌሽ ግድተ። 
\v 16 ጌሻ ማፃፋን፥ “ታኒ ጌሽ ግድዳ ግሾ ህንተካ ጌሽ ግድተ” ጌተትድ ፃፈትስ።\x - \xo 1:16 \xo*\xt ሌወ 11:44-45፤ 19:2.\xt*\x*
\p
\v 17 አሳ ሶምኦ በኦና እያ ኦሱዋዳ ፕርድያ ፆሳ፥ “ኑ አዋዉ” ግድ ፄግያባ ግድኮ፥ ሀ ሳኣ እማተ ዱሳ ያሻን ደእተ። 
\v 18 ህንተ፥ ህንተ አዋታፐ ላትዳ ፓና ደኡዋፐ ዎዘትዳይስ፥ ይያ ብራን ዎይኮ ዎርቃን ግዶናይሳ ኤሬታ። 
\v 19 ቦረይ ዎይኮ ቦርሶይ ባይና ዶርሳ ሱዳ አልኦ ግድዳ ክርስቶሳ ሱን ዎዘትደታ። 
\v 20 ፆሳይ አላመይ መታናፐ ካሰ ክርስቶሳ ዶርስ፥ ሽን ሀ ዉርሰ ዎድያን ክርስቶስ ህንተ ግሾ ቆንጭስ። 
\v 21 ህንተ አማኖይነ ህንተ ኡፋይሳይ ፆሳን ግዳና መላ እያ ሀይቆፐ ደንድ፥ ቦንችዳ ክርስቶሳ ባጋራ ፆሳን አማነታ።
\p
\v 22 ህንተ ቱማተስ ኪተትድ ህንተናተ ጌሽደታ። ህንተ እሶይ እሱዋ ዎዛናፐ ሲቀታ፥ ሽን ሀእካ ቱማ ዎዛናፐ ምንድ ሲቅተ።
\p
\v 23 ህንተ ናምአን የለትዳይ ይያ ዘረፈ ግዶናሽን፥ መርናዉ ደእያ ፆሳ ቃላን ዮና ኮቻፈ የለትደታ። 
\v 24 ፆሳ ቃላይ፥
\q1 “አስ ኡባይ ማታ መላ፤
\q2 እያ ቦንቾ ኡባይ ጪሻ መላ።
\q1 ማታይ መሌስ፥ ጪሻይካ ቆለቴስ።\x - \xo 1:24 \xo*\xt እሳ 40:6-8.\xt*\x*
\q2
\v 25 ሽን ጎዳ ቃላይ መርናዉ ደኤስ”
\m ያጌስ። ህንተዉ ኦደትዳ ዎንገላ ቃላይ ሀይሳ።
\c 2
\s1 ደኦ ሹችነ ጌሻ ደረ
\p
\v 1 ህዛ፥ ኢታተ ኡባ፥ ጭሞ ኡባ፥ ጩቦተ ቃናተነ ዝግርስ ኡባ ህንተፈ ድግተ። 
\v 2-3 ጎዳይ ኬሀ ግደይሳ ህንተ ኤርድ ሜዘትዳይሳዳ ሀእ የለትዳ ጉ ናይታዳ ህንተ አቶተን ድጭሸ ባናዉ ፆሳ ጌሻ ቃላ ማ ኡባ ዎደ አሞትተ።\x - \xo 2:2-3 \xo*\xt ማዝ 34:8.\xt*\x*
\p
\v 4 አሳን ቦረትድ ፆሳን ዶረትዳ አልኦ ግድዳ ደኦ ሹቻ፥ ጎዳ የሱሳኮ ሺቅተ። 
\v 5 ህንተ አያና ኬ ኬፀትያ ደኦ ሹቻታ። ህንተ የሱስ ክርስቶሳ ባጋራ ፆሳ ኡፋይስያ አያና ያርሾ ያርሽያ ጌሻ ካህነታ። 
\v 6 ጌሻ ማፃፋን፥
\q1 “ሄኮ፥ ታኒ ፅዮነ ካታማን ጎዳ ፃጱዋ ምንያ፥
\q2 ዶረትዳ፥ አልኦ ሹቻ ዎስ፤
\q2 እያን አማንያ ኦንካ ዬላተና”
\m ያጌስ።\x - \xo 2:6 \xo*\xt እሳ 28:16.\xt*\x* 
\v 7 ሀ ሹቻይ ህንተዉ አማነይሳታስ አልኦ፥ ሽን አማኖናይሳታስ፥
\q1 “ግምበይሳት ካድ እፅዳ ሹቻይ
\q2 ጎዳ ፃጱዋ ምንያ፥
\q2 ኡባፈ አያ ሹቹ ግድስ።”\x - \xo 2:7 \xo*\xt ማዝ 118:22.\xt*\x*
\m
\v 8 ቃስካ፥
\q1 “ሀ ሹቻይ አሰ ብያ ሹቻነ አሰ ኩንድስያ ዛላ”
\m ያጌስ። ኤንቲ ሄሳስ ቃደትዳ ግሾ ፆሳ ቃላ ኪተቶና እፅድ በትዶሶና።\x - \xo 2:8 \xo*\xt እሳ 8:14-15.\xt*\x*
\p
\v 9 ሽን ፆሳይ ማፐ ማላልስያ ባ ፖኡዋኮ ህንተና ፄግዳይ፥ ህንተ እያ ሎኦተ ሀራታስ ኦዳናዉ ዶረትዳ ኮቸ፥ ካዎ ካህነ፥ ጌሻ ደረነ ፆሳ ዱማ ደረ።\x - \xo 2:9 \xo*\xt ከሳ 19:5-6፤ እሳ 43:20-21፤ ዛረ 4:20፤ 7:6፤ 14:2፤ ትቶ 2:14፤ እሳ 9:2.\xt*\x* 
\v 10 ህንተ ካሰ ፆሳ ደረ ግደከታ፥ ሽን ሀእ ህንተ እያ ደረ። ህንተ ካሰ ማሮተ ደምበከታ፥ ሽን ሀእ ማሮተ ደምደታ።\x - \xo 2:10 \xo*\xt ሆሰ 2:23.\xt*\x*
\s1 ፆሳ አሳዳ ደእተ
\p
\v 11 ታ እሻቶ፥ ህንተ ሀ ሳአን እማነ በተ አስ ግድዳይሳዳ ህንተ ሸምፑዋ ኦልያ አሾ አሞፐ ሃካና መላ ታኒ ህንተና ዎሳይስ። 
\v 12 አማኖና አሳይ ህንተና ኢታ ኦያ አሳዳ ዝግርያ ዎደ ፆሳይ ኑና በአናዉ ያ ጋላስ፥ ኤንቲ ህንተ ሎኦ ኦሱዋ በእድ ፆሳ ጋላታና መላ ህንተዉ ሎኦ ደኦይ ደኦ።
\p
\v 13 ጎዳ ግሾ ግድ ማታራ ደእያ አሳታስ ሃረትተ፤ ኡባፈ ቦላ ግድያ ግሾ ካዋስካ ሃረትተ። 
\v 14 ኤንቲ ኢታ ኦይሳታ ሴራናዉነ ሎኦ ኦይሳታ ሳባናዉ ካዉዋፐ ኪተትዳ ግሾ ደርያ አይሰይሳታስ ሃረትተ። 
\v 15 ህንተ፥ ህንተ ሎኦ ኦሱዋን ኤሮና ኤያ አሳ ዶና ኦይናይስ ፆሳ ሸነ። 
\v 16 ፆሳ አይለ ግድድ ላአተን ደእተፐ አትሽን፥ ህንተ ላአተ ኢታ ኦሶስ ካማ ኦፍተ። 
\v 17 አሳ ኡባ ቦንችተ፤ አማንያ አሳ ሲቅተ፤ ፆሳ ያይተ፤ ካዎ ቦንችተ።
\s1 ክርስቶሳ ዋየ ሌምሶ
\p
\v 18 አይለቶ ሎኦ ጎዳታስነ ኬሀ ጎዳታ ፃላላስ ግዶናሽን፥ ኢታታስካ ቦንቾን ሃረትተ። 
\v 19 አስ ፆሳ ግሾ ግድ በሶና ዋየ ዋየትኮ ፆሳይ እያ አንጃና። 
\v 20 ሽን ህንተ ናጋራ ኦን ህንተና ደችያ ዎደ ህንተ ዳንዳእኮ ህንተዉ አይ ጋላት ደኢ? ሽን ሎኦባ ኦድ ዋየ ዳንዳእኮ ፆሳይ ህንተና ሄሳስ አንጃና። 
\v 21 ፆሳይ ህንተና ፄግዳይ ሄሳ ግሾሳ፤ ክርስቶስ ህንተዉ ዋየትስ፤ ህንተ እያ ካላና መላ፥ ህንተዉ ሌምሶ ግድስ። 
\v 22 እ ናጋራ ኦቤና፤ እያ ዶናን ዎርዶይ በንትቤና።\x - \xo 2:22 \xo*\xt እሳ 53:9.\xt*\x* 
\v 23 ኤንቲ እያ ጫይያ ዎደ፥ ዛሪድ ጫይቤና። ሽን ዋየ ኤክሸ ፅሎ ፕርድያ ፆሳስ ባ ፕርዳ አጋግስፐ አትሽን፥ ማንድቤና።\x - \xo 2:23 \xo*\xt እሳ 53:7.\xt*\x* 
\v 24 ኑኒ ናጋራስ ሀይቅድ ፅሎተስ ዳና መላ ክርስቶስ ባ አሹዋን ኑ ናጋራ ማስቃልያ ቦላ ቶክስ፤ ህንተ እያ ማዱንን ፓፅደታ።\x - \xo 2:24 \xo*\xt እሳ 53:5.\xt*\x* 
\v 25 ካሰ ህንተ ኦገ ባልድ ይዳ ዶርሳታ መላ፥ ሽን ሀእ ህንተ ሸምፑዋ ሄመይሳኮነ ናገይሳኮ ስምደታ።\x - \xo 2:25 \xo*\xt እሳ 53:6.\xt*\x*
\c 3
\s1 አዝናባነ ማችባ
\p
\v 1-2 ሄሳዳካ፥ ማቸቶ፥ ህንተ አዝናታፐ ፆሳ ቃላስ ኪተቶናይሳት ደእኮካ አይኮካ ኦደቶናሽን፥ ህንተ ያሻተነ ህንተ ጌሻ ደኡዋ በእድ አማናና መላ ኤንታዉ ሃረትተ።\x - \xo 3:1-2 \xo*\xt ኤፈ 5:22፤ ቆላ 3:18.\xt*\x* 
\v 3 ህንተ፥ ህንተ ሁጰ ፕፆንነ ዎርቃ አሌቆን ዎይኮ ሎኦ ማኦን ህንተ ቦላ አሳተ ሎይሶን ግዶፖ።\x - \xo 3:3 \xo*\xt 1 ፅሞ 2:9.\xt*\x* 
\v 4 ሽን ህንተ ዎዛና ግዶን ደእያ የገልሳተይ ፆሳ ስንን ህንተዉ ዳሮ አልኦ ግድድ ዮና፥ አሽከነ ዎፑ ግዳ አያና ግዶ። 
\v 5 ፆሳይ እማና ግዳይሳ አማንዳ ጌሻ ማጫሳት በን ዎደ ባንታ አዝናታስ ሃረትድ፥ ባንታና ሄሳዳ ዳሮ ሎይዶሶና። 
\v 6 ሄሳዳ ሳራ አብራሃመ፥ “ታ ጎዳዉ” ያጋዳ ፄጋሸ፥ እያዉ ኪተታሱ፤ ህንተካ አይኮካ ያዮና ሎኦባ ኦኮ እ ናይታ።\x - \xo 3:6 \xo*\xt መ 18:12.\xt*\x*
\p
\v 7 አዝናቶ፥ ህንተ ማቸት ህንተፈ ዳቡራንቾ መታ ግደይሳ ኤርድ፥ ኤንታና ቦንችተ፤ ህንተ ዎሳ ቦና መላ ፆሳይ እምዳ ደኡዋ ኤንቲ ህንተራ እስፈ ላትያ ግሾ ኤንታ ቦንችተ።\x - \xo 3:7 \xo*\xt ኤፈ 5:25፤ ቆላ 3:19.\xt*\x*
\s1 ሎኦ ኦድ መቶ ኤኮ
\p
\v 8 ዉርሰን፥ ኡባይ እስ ቆፋን ደእተ። እሶይ እሱዋስ ቃትሸ፥ እሻዳ ሲቀትተ፤ ቃስ እሶይ እሱዋስ ኬሀታነ አሽከታ ግድተ። 
\v 9 ኢታ ግሾ ኢታ ዎይኮ ጫሻ ግሾ ጫይድ ዛሮፕተ፤ ሄሳ አግድ፥ ፆሳይ ህንተዉ አንጁዋ እማናዉ ህንተና ፄግዳ ግሾ አንጅተ። 
\v 10 አይስ ጊኮ፥ ጌሻ ማፃፋይ፥
\q1 “ደኦ ዶሰይነ ሎኦ ዎደ
\q2 በአናዉ ኮየይ ኦና ግድኮካ
\q2 ባ እንፃርሳን ኢታባነ ዎርዶ ኦደተይሳ አጎ።\x - \xo 3:10 \xo*\xt ማዝ 34:12-16.\xt*\x*
\q1
\v 11 ኢታባ ኦይሳ አግድ ሎኦባ ኦ፤
\q2 ሳሮተካ ኬህ ኮዮነ ካሎ።
\q1
\v 12 ጎዳ አይፈይ ፅሎታኮ ፄሌስ፤
\q2 ቃስ እ ኡባ ዎደ ኤንታ ዎሳ ሀይዜስ።
\q1 ሽን ጎዳይ ኢታባ ኦይሳታ ባ ሀንቆ ሶምኡዋን ፄሌስ”
\m ያጌስ።
\p
\v 13 ህንተ ሎኦባ ኦናዉ አሞትኮ ህንተና ቆሀናይ ኦኔ? 
\v 14 ሀር አቶሽን፥ ፅሎተ ግሾ ህንተ ዋየትኮ አንጀትዳይሳታ። አሳስ ያዮፍተነ ህርጎፍተ።\x - \xo 3:14 \xo*\xt ማቶ 5:10፤ እሳ 8:12-13.\xt*\x* 
\v 15 ክርስቶሳ ህንተ ዎዛናን ቦንችተነ ጎዳይተ። ፆሳይ ህንተዉ እምዳ ኡፋይሳስ ጋሶ ኦይችያ ኦደስካ ዛሮ እማናዉ ኡባ ዎደ ጊግድ ኡትተ፥ ሽን ሄሳ አሽከተንነ ያሻን ኦተ። 
\v 16 ቃስ ክርስቶሳን ህንተ ደእያ ሎኦ ደኡዋ ኢታባ ኦዳባዳ፥ ህንተና ጫይያ አሳይ ዝግርያባን ዬላታና መላ ህንተ ካሀይ ጌሽ ግዶ። 
\v 17 ፆሳይ ግዳባ ግድኮ ኢታባ ኦዳ ግሾ ዋየ ኤከይሳፈ ሎኦባ ኦዳ ግሾ ዋየ ኤከይስ ሎኦ። 
\v 18 ክርስቶስ ኑና ፆሳኮ ሺሻናዉ ባዉ ፅሎ ግድድ ደእሸ፥ ናጋራንቾታ ግሾ እስ ቶሆ ናጋራ ኡባስ ሀይቅስ፤ እ ባ አሳተን ሀይቅስ፥ ሽን አያናን ፓፅስ። 
\v 19 ቃስ ሄ አያናን እ ብድ ቃሾን ደእያ ሸምፖታስ ቃላ ኦድስ። 
\v 20 ኖሄይ ማርካብያ ኬፅያ ዎደ ሄ ሸምፖት ፆሳስ ኪተቶና እፅዶሶና፥ ሽን ፆሳይ ኤንታና ዳንዳእ ጋምእስ። ሆስፑን አሳ ፃላል ማርካብያን ገልድ፥ ዮ ሃፈ አትዶሶና።\x - \xo 3:20 \xo*\xt መ 6:1—7:24.\xt*\x* 
\v 21 ሄ ዮ ሃይ ሀእ ህንተና አሽያ ፅንቃተ ሌምሶ ግድስ። ሀ ፅንቃተይ ቦላ ቅታ ሜጮ ግዶናሽን፥ ሎኦ ካሀ ፆሳፈ ኤካናዉ እያ ዎስያ ኦገ ግድድ፥ ክርስቶሳ ደንዱዋ ባጋራ ህንተና አሼስ። 
\v 22 እ ሳሎ ብድ ፆሳ ኡሻቻን ኡትድ፥ ኪታንቾታ፥ ማታ አዋታነ ዎልቃማታ ሃሬስ።
\c 4
\s1 ፆሳስ አማነታ
\p
\v 1 ሄሳ ግሾ፥ ክርስቶስ ባ አሹዋን ኑስ ዋየትዳ ግሾ ህንተካ ሄ ቆፋን ህንተና ዳንጭስድ ምንድ ኤቅተ። ክርስቶሳ ግሾ ግድ ባ አሹዋን ዋየ ኤክዳ ኡራይ ናጋራ ኦከ ግድ ቃንፅዳ አስ። 
\v 2 ሄ ኡራይ ባ አትዳ ላይን ፆሳ ሸነ ኦናዉ ኮዬስፐ አትሽን፥ ኢታ አሾ አሞን ዴና። 
\v 3 ካሰ ህንተ አማኖና አሳይ ደእዳይሳዳ ደእደታ። ህንተ ኢታ አሞን፥ ላይማተን፥ ማን፥ ቱናተ ደንያ የን፥ ፖክያ ኤቃ ጎይኖን ካሰ ደእዳ ዱሳይ ግዳና። 
\v 4 አማኖና አሳራ ህንተ ሾር ባይና ኦሱዋ ኦና ግሾ ማላለትድ ህንተና ጫዮሶና። 
\v 5 ሽን ኤንቲ ፓፃታ ቦላነ ሀይቅዳ አሳ ቦላ ፕርዳናዉ ደእያ ፆሳስ ዛሮ እማና። 
\v 6 ሀይቅዳ አሳስ ዎንገላይ ሳባከትዳይ ሀይሳ ግሾሳ። ኤንቲ አሳ ባንታ አሹዋን ፕርደታና ቃስ ባንታ አያናን ፆሳ ደኦን ዳና።
\p
\v 7 ህዛ፥ ኡባባስ ዉርሰይ ማታትስ። ሄሳ ግሾ፥ ዎሳናዉ ዳንዳኤታና መላ ዎፑ ግዳ ዎዛን ደኦ፤ ማራራ ደእተ። 
\v 8 ሲቆይ ዳሮ ናጋራ ካምያ ግሾ፥ ኡባፈ አድ እሶይ እሱዋራ ዎዛናፐ ሲቀትተ።\x - \xo 4:8 \xo*\xt ሌም 10:12.\xt*\x* 
\v 9 ዙዙሞና እሶይ እሱዋ እማተን ሞክተ። 
\v 10 ህንተ ፆሳፈ ዱማ ዱማ አ ኬሀተ እሞታ ኤክዳይሳዳ ህንተ እሶይ እሶይ ሄ እሙዋ በሲያዳ ኦይክድ እሶይ እሱዋ ሀጋዝተ። 
\v 11 የሱስ ክርስቶሳ ባጋራ ኡባባን ፆሳይ ጋላተታና መላ ኦንካ ኦድያባ ግድኮ ፆሳፈ ቃላ ኤክዳዳ ኦዶ። ቃስ ኦንካ ማድያባ ግድኮ ፆሳይ እያዉ እምያ ዎልቃዳ ማዶ። ቦንቾይነ ዎልቅ መርናፐ መርና ጋካናዉ እያዉ ግዶ። አምንእ።
\s1 አማኖ ጋሶን ጋክያ ዋየ
\p
\v 12 ታ እሻቶ፥ ህንተ ታማዳ ፁግያ ዋየ ፓጭያ ግዶራ አያ ዎደ ኦራባይ ሀንዳዳ ማላለቶፍተ። 
\v 13 ሽን እያ ቦንቾይ ቆንጭያ ዎደ ህንተ ኡፋይሳይ ግታ ግዳና መላ ክርስቶሳ ዋይያ ህንተ ኤከይሳን ኡፋይትተ። 
\v 14 ክርስቶሳ ሱን ግሾ አስ ህንተና ጫይያ ዎደ፥ ፆሳ ቦንቾ አያናይ ህንተ ቦላ ሸምፕያ ግሾ ህንተ አንጀትዳይሳታ። 
\v 15 ህንተፈ ዋየ ኤክያ ኦንካ ሸምፖ ዎዳዳ ዎይኮ ካይሶትዳዳ ዎይኮ ኢታ ኦዳዳ ዎይኮ ገልሶናባን ገልዳዳ ሀንድ ዋየቶፎ። 
\v 16 ግዶሽን፥ ክርስታነ ግድያ ግሾ ዋየትኮ ክርስቶሳ ሱን ግሾ ፆሳ ጋላቶፐ አትሽን፥ ዬላቶፖ።
\p
\v 17 ፕርድ ፆሳ አሳ ቦላ ዶምያ ዎደይ ጋክስ። ህዛ፥ ሄ ፕርዳይ ኮይሮ ኑ ቦላ ዶምያባ ግድኮ፥ ፆሳ ዎንገላስ ኪተቶና አሳ ዉርሰይ አይ ግዳኔ? 
\v 18 ፅሎይ ኡንአን አትያባ ግድኮ፥ ማካላንቾይነ ናጋራንቾይ ያትን ዋናኔ?\x - \xo 4:18 \xo*\xt ሌም 11:31.\xt*\x* 
\v 19 ሄሳ ግሾ፥ ፆሳ ሸነዳ ዋየ ኤከይሳት ባንታ ሸምፑዋ ባንታና መዳ፥ አማንያ ፆሳስ ሀዳራ እምሸ ሎኦባ ኦ።
\c 5
\s1 ጭማታስነ ናአተታስ እመትዳ ዞረ
\p
\v 1 ህዛ፥ ዎሳ ኬ ጭማታራ ጭማ ግድዳይስ፥ ክርስቶሳ ዋይያ ማርካተይስነ ቆንጫናዉ ደእያ ቦንቹዋ ሻከታናዉ ደእያ ታኒ፥ ህንተ ግዶን ደእያ ጭማታ ዞራይስ። 
\v 2 ህንተ አዋተፈ ጋርሳን ደእያ ፆሳ ዉድያ ሄምተ። ፆሳይ ኮየይሳዳ ዶሳናፐ አትሽን፥ ኡንኤትድ ሄሞፍተ። ቃስ ሚሸ ኮሻን ግዶናሽን፥ ሀጋዛናዉ ደእያ ሎኦ ቆፋን ሄምተ።\x - \xo 5:2 \xo*\xt ዮሀ 21:15-17.\xt*\x* 
\v 3 ህንተ አዋተፈ ጋርሳን ደእያ ዉድያስ ሌምሶ ግድተፐ አትሽን፥ ጎዳቶፕተ። 
\v 4 ሄመይሳታ ሀላቃይ ቆንጭያ ዎደ ቆለቶና ቦንቾ ካላቻ ህንተ ኤካና።
\p
\v 5 ሄሳዳካ፥ ያላጋቶ፥ ጭማታስ ሃረትተ። ህንተ እሶይ እሱዋስ አሽከ ግድተ። ጌሻ ማፃፋን፥ “ፆሳይ ኦቶራንቾታ እፄስ፥ ሽን አሽከታስ አ ኬሀተ እሜስ” ያጌስ።\x - \xo 5:5 \xo*\xt ሌም 3:34.\xt*\x* 
\v 6 ፆሳይ ባ ዎደ ህንተና ቦንቻና መላ ዎልቃማ ፆሳ ኩሽያፐ ጋርሳን ህንተና ካዉሽተ።\x - \xo 5:6 \xo*\xt ማቶ 23:12፤ ሉቃ 14:11፤ 18:14.\xt*\x* 
\v 7 እ ህንተዉ ቆፕያ ግሾ ህንተና ህርግስያ ኡባ እያ ቦላ የግተ።
\p
\v 8 ህንተ ሞርከይ ፃላሄይ፥ ምትያባ ኮይድ፥ ጋሞዳ ጉድሸ ህንተ ማታራ ዩይያ ግሾ ህንተና ሃርተነ ባርክተ። 
\v 9 አላመን ደእያ ህንተ እሻት ሄሳዳ ዋየ ኤከይሳ ኤርድ፥ አማኖን ምንድ፥ ፃላህያራ ኤቀትተ። 
\v 10 ባ መርና ቦንቹዋስ ክርስቶስ የሱሳ ባጋራ ህንተና ፄግዳ አ ኬሀተ ኡባ ፆሳይ፥ ጉ ዎደስ ህንተ ዋየትዳፐ ጉየ፥ እ ባ ሁጰን ህንተና ሺሻና፥ ካትሳና፥ ምንድ ኤሳና፥ ፃልሳና። 
\v 11 መርናፐ መርና ጋካናዉ ፆሳይ ካዎቶ። አምንእ።
\s1 ሳሮ
\p
\v 12 አማነትዳ እሻ ጋዳ ታ ኤክያ ስላሰ ባጋራ ሀ ዳብዳብያ ህንተዉ ቃንን ፃፋስ። ታ ሄሳ ህንተዉ ፃፍዳይ፥ ህንተና ዞራናዉነ ፆሳ አ ኬሀተይ ቱማ ግደይሳ ማርካታናሳ። ሄ አ ኬሀተን ምንድ ኤቅተ።\x - \xo 5:12 \xo*\xt ሀዋ 15:22፥ 40.\xt*\x*
\p
\v 13 ህንተራ እስፈ ዶረትዳ ባብሎነን\f + \fr 5:13 \fr*\fq ባብሎነን፦ \fq*\ft ሀ በሳን ባብሎነ ጌተትዳይ ሮመ ካታማ ግዶና አገና።\ft*\f* ደእያ ዎሳ ኬ አሳይነ ታ ናኣ ማርቆስ ህንተና፥ “ሳሮ ሳሮ” ያጌስ።\x - \xo 5:13 \xo*\xt ሀዋ 12:12፥ 25፤ 13:13፤ 15:37-39፤ ቆላ 4:10፤ ፍልሞ 24.\xt*\x* 
\v 14 ሲቆ ዬረተ ዬረትሸ፥ እሶይ እሱዋ ሳሮተ።
\p ክርስቶሳን ደእያ ህንተ ኡባስ ሳሮይ ግዶ። አምንእ።