\id 1JN - GOOFA FULL BIBLE
\ide UTF-8
\h 1 ዮሃንሳ ኪታ
\toc1 1 ዮሃንሳ ኪታ
\toc3 1 ዮሀ
\toc2 1 ዮሃንሳ
\mt1 ዮሃንስ ፃፍዳ
\mt2 ኮይሮ ኪታ
\imt ጋ ቆፋ
\ip ሀዋርያ ዮሃንስ ፃፍዳ ኮይሮ ኪታይ፥ ናምኡ አይፈ ቆፋታ ኦይኬስ።
\ipi 1. ኪታ ናባበይሳት ፆሳራነ እያ ናኣ የሱስ ክርስቶሳራ እስፈተ ዳና መላ ምንናሳ።
\ipi 2. እስፈተ ይስያ ዎርዶ ትምርተፈ ሃካና መላ ኤንታ አኬክሳናሳ።
\ip ሄ ዎደ ደንድዳ ዎርዶ ትምርተይ፥ “ፆሳይ በንቶና አያና አላመ መስ። ሀ በንትያ አላምያነ ኑ አሳተ ፆሲ መቦና ግሾ ኢታ። ቃስ ሀ በንትያ አላመይነ ኑ አሳተይ ኑ አያና ቆሀናዉነ ቱንሳናዉ ዳንዳኤና” ያግድ ታማርሶሶና። ሄሳ ጉሳይ፥
\ipi 1. የሱሲ አሰ ግድድ ይቤና ጉሱ፤
\ipi 2. እስ አስ ባ አያና ቱንሶና ደእሸ ባ አሾን ናጋራ ኦናዉ ዳንዳኤስ ጉሱ።
\ip ሄሳ ግሾ፥ ዮሃንስ ባ ኪታን፥ የሱሲ አሰ ግድድ ይዳይሳ ካድያ ኦንካ ፆሳ ናአ ግደና (\xt 4:2-3\xt*)። ቃስ ፆሳፈ የለትዳ ኦንካ ኡባ ዎደ ናጋራን ዴና (\xt 3:6\xt*) ያግድ ፃፍስ።
\ip ዎርዶ አስታማረት፥ “አቶተ ጉስ፥ ሀ ሳአ ዱሳስ ኡንኤተፈ ከይድ የዳ ግድድ ደኦ” ያጎሶና። ሄሳ ቦላ ጉጅድ፥ “ኢታነ ሎኦ ሻክድ ኦይከ ግድን፥ ቃስ ሀራ አስ ሲቆ ግድን፥ አቶተራ አይብ ጋሄተካ ባዋ” ያጎሶና።
\ip ሀ ኪታ ፃፈይ ሄ ትምርትያ ፓልቅድ፥ “የሱስ ክርስቶሲ ፖሎ አሰ። የሱሳ አማነይሳትነ ፆሰ ሲቀይሳት ኡባይ ባንታ ግዶን እሶይ እሱዋራ ሲቀታናዉ በሴስ” ያግድ ኦድስ።
\iot ማፃፋ አይፈ ቆፋታ
\io1 ደኦ እምያ ቃላ (\ior 1:1-4\ior*)
\io1 ፖኦነ ማ (\ior 1:5—2:6\ior*)
\io1 ኦራ ኪታ (\ior 2:7-17\ior*)
\io1 ክርስቶሳ ሞርከነ ፆሳ ናይታ (\ior 2:18—3:10\ior*)
\io1 ፆሳ ሲቆነ ኑ ሲቆ (\ior 3:11—4:21\ior*)
\io1 አላመ ፆንያ አማኖ (\ior 5:1-21\ior*)
\c 1
\s1 ደኦ ቃላ
\p
\v 1 ኑኒ ኮይሮፐ ዶምድ ደእያ፥ ኑ ሀይን ስእዳ፥ ኑ ፄልዳ፥ አይፈን በእዳ፥ ኑ ኩሸን ቦችዳ ደኦ ቃላባ ህንተዉ ፃፎስ።\x - \xo 1:1 \xo*\xt ዮሀ 1:1.\xt*\x* 
\v 2 ሄ ደኦይ ቆንጭን፥ ኑኒ እያ በእድ፥ እያባ ማርካቶስ። አዋ ማታን ደእያ ኑስ ቆንጭዳ፥ መርና ደኡዋባ ህንተዉ አዋጆስ።\x - \xo 1:2 \xo*\xt ዮሀ 1:14.\xt*\x* 
\v 3 ኑራ ህንተዉ እስፈተ ዳና መላ ኑኒ በእዳይሳነ ስእዳይሳ ህንተዉ ኦዶስ። ህንተዉ ኑራ እስፈተ ደእያ ግሾ፥ አዋራነ እያ ናኣ የሱስ ክርስቶሳራ እስፈተ ደኤስ። 
\v 4 ኑ ኡፋይሳይ ፖሎ ግዳና መላ ሄሳ ህንተዉ ፃፎስ።
\s1 ፆሳይ ፖኦ
\p
\v 5 ኑኒ ደኦ ግድዳ እያፐ ስእድ፥ ህንተዉ ኦድያ ኪታይ ሀይሳ፦ “ፆሳይ ፖኦ፤ እያን ም ባዋ” ያገይሳ። 
\v 6 ኑስ እያራ እስፈተ ደኤስ ያግሸ ማን ደእኮ፥ ኑ ኦዳንነ ኑ ኦሱዋን ዎርዶቶስ። 
\v 7 ሽን ፖኦን እ ደኤይሳዳ፥ ኑካ ፖኦን ደእኮ፥ ኑስ ዎል ግዶን እስፈተ ደኤስ። እያ ናኣ፥ የሱሳ ሱይ ናጋራ ኡባፈ ኑና ጌሼስ።
\p
\v 8 ኑኒ፥ ኑናን ናጋር ባዋ ጊኮ ኑ ኑና ጭሞስ፤ ኑናን ቱም ባዋ። 
\v 9 ሽን ፆሳስ ኑ ናጋራ ፓፅኮ፥ እ ኑ ናጋራ አቶ ጋናዉነ ኑ ቆሆ ኦሶ ኡባፈ ኑና ጌሻናዉ፥ አማነትዳይሳነ ቱማ። 
\v 10 ኑኒ ናጋራ ኦቦኮ ጊኮ ፆሳ ዎርዳንቾ ከሶስ፤ እያ ቃላይካ ኑናን ዴና።
\c 2
\s1 ክርስቶስ ኑስ ጋናቴስ
\p
\v 1 ታ ናይቶ፥ ናጋራ ህንተ ኦና መላ ታኒ ሀይሳ ህንተዉ ፃፋይስ። ሽን ኦንካ ናጋራ ኦኮ አዋ ማታን ኑስ ጋናትያ ፅሎይ፥ የሱስ ክርስቶሲ፥ ደኤስ። 
\v 2 ኑ ናጋራይ ክርስቶሳ ባጋራ አቶ ጌተቴስ። እ ኑ ናጋራ ፃላላስ ግዶናሽን፥ አሳ ኡባ ናጋራስ ያርሸትስ።
\p
\v 3 ኑኒ ፆሳ ኪታ ናግኮ፥ ስይ ባይናሽን፥ ቱማ ኑ እያ ኤሮስ። 
\v 4 ኦንካ፥ “ታኒ እያ ኤራይስ” ያግሸ፥ እያ ኪታ ናጎና እፅኮ ሄ ኡራይ ዎርዳንቾ፤ ቱማተ እያን ባዋ። 
\v 5 ሽን እያ ቃላስ ኑ ኪተትያባ ግድኮ ሄ ኡራይ ፆሳ ሲቅያ ሲቆይ ፖሎ ግዴስ። ኑኒ ፆሳን ደኤይሳስ ሄስ ባዉ ቱማ ማርካ። 
\v 6 ታኒ፥ “ፆሳን ደአይስ” ግያ ኦንካ ክርስቶስ ደእዳይሳዳ ዳናዉ በሴስ።
\s1 ኦራ ኪታ
\p
\v 7 ታ ሲቆ እሻቶ፥ ታኒ ህንተዉ ኮይሮፐ ደእያ ጋልአ ኪታ ፃፋይስፐ አትሽን፥ ኦራ ኪታ ፃፍከ። እካ ህንተ ስእዳ ሄ ጋልአ ኪታ።\x - \xo 2:7 \xo*\xt ዮሀ 13:34.\xt*\x* 
\v 8 ግድኮካ፥ ክርስቶሳንነ ህንተናን ቱማ ግድድ ደእያ፥ ኦራ ኪታ ፃፋይስ። ማይ ክችን፥ ሀእ ቱማ ፖኦይ ፖኤስ።
\p
\v 9 “ፖኦን ደአይስ” ግሸ ባ እሻ እፅያ ኦንካ፥ ሀእካ ማን ደኤስ። 
\v 10 ባ እሻ ዶስያ ኦንካ ፖኦን ደኤስ። ሄ ኡራን ሀራ አስ ብያባይ ባዋ። 
\v 11 ሽን ባ እሻ እፅያ ኦንካ ማን ደኤስ፤ ማን ሄመቴስ። ማይ እያ አይፍያ ቆቅስዳ ግሾ አዉ ብያኮ ኤረና።
\p
\v 12 ታ ናይቶ፥ ክርስቶሳ ሱን ባጋራ ህንተ ናጋራይ አቶ ጌተትዳ ግሾ ታኒ ህንተዉ ፃፋይስ። 
\v 13 አዋቶ፥ ኮይሮፐ ደእያ፥ እያ ህንተ ኤርዳ ግሾ ህንተዉ ፃፋይስ። ያላጋቶ፥ ፃላህያ ህንተ ፆንዳ ግሾ ህንተዉ ፃፋይስ። 
\v 14 ጉ ናይቶ፥ ፆሳ ህንተ ኤርዳ ግሾ ህንተዉ ፃፋይስ። አዋቶ፥ ኮይሮፐ ደእያ እያ ህንተ ኤርዳ ግሾ ህንተዉ ፃፋይስ። ያላጋቶ፥ ህንተ ምኖ ግድያ ግሾ፥ ፆሳ ቃላይ ህንተናን ደእያ ግሾነ ፃላህያ ህንተ ፆንዳ ግሾ ህንተዉ ፃፋይስ።
\p
\v 15 አላመ ዎይኮ አላመን ደእያባ ዶሶፕተ። አላምያ ዶስያ ኦንካ ፆሳ ዶሰና። 
\v 16 አላመን ደእያ ኡባባይ፥ አሾ አሞተ፥ አይፈን በእድ አሞትያባይነ ሚሸን ጬቀተ አላመባፐ አትሽን፥ ፆሳፈ ግደና። 
\v 17 አላመይነ አላመን አስ አሞትያ ኡባይ አና፥ ሽን ፆሳ ሸነ ፖልያ ኦንካ መርናዉ ዳና።
\s1 ክርስቶሳራ ኤቀትያ ሞርክያ
\p
\v 18 ታ ናይቶ፥ ዎድያ ዉርሰይ ማታትስ። ክርስቶሳ ሞርከይ ስንፈ ያናይሳ ህንተ ስእዳይሳዳ ሀር አቶሽን፥ ሀእካ እያ ሞርከት ዳሮት ደንድዶሶና። ሄሳ ግሾ፥ ዎድያ ዉርሰይ ማታትዳይሳ ኑኒ ሄሳን ኤሮስ። 
\v 19 ሄ ሞርከት ኑ ባጋ ግዶና ግሾ ኑ ግዶፈ ከይዶሶና። ኤንቲ ኑ ባጋ ግድያኮ ኑ ግዶን ደአና፥ ሽን ኤንታፈ ኦንካ ኑ ባጋ ግዶናይስ ኤረታና መላ ኑ ግዶፈ ከይዶሶና።
\p
\v 20 ሽን ክርስቶስ ህንተ ቦላ ጌሻ አያና ጉስስ፤ ቃስ ህንተ ኡባይ ቱማ ኤሬታ። 
\v 21 ቱማ ህንተ ኤርያ ግሾነ ቱማን አይባ ዎርዶይ ባይናይሳ ህንተ ኤርያ ግሾ፥ ታኒ ህንተዉ ፃፋይስፐ አትሽን፥ ቱማ ህንተ ኤሮና ግሾ ግደና።
\p
\v 22 የሱሲ፥ ፆሳይ ዶርዳይሳ ግደና ግድ ካድያ አሳፐ ሀር ዎርዳንቾይ ኦኔ? ሄሳ መላ አስ ክርስቶሳ ሞርከ። እ ናኣ ካድኮ አዋካ ካዴስ። 
\v 23 ናኣ ካድያ ኦደስካ አዋይ ባዋ፤ ቃስ ናኣስ ማርካትያ ኦደስካ አዋይ ደኤስ።
\p
\v 24 ሄሳ ግሾ፥ ኮይሮ ህንተ ስእዳ ቃላ ህንተ ዎዛናን ምንድ ናግተ። ኮይሮ ስእዳይሳ ህንተ ናግኮ ህንተዉ ናአራነ አዋራ እስፈተ ዳና። 
\v 25 ናአይ ኑስ መርና ደኡዋ እማና ግድ ቃላ ገልስ።
\p
\v 26 ህንተና ባለያ አሳ ግሾ ታኒ ሀይሳ ህንተዉ ፃፋስ። 
\v 27 ሽን ክርስቶስ ህንተ ቦላ ባ ጌሻ አያና ጉስስ። ጌሻ አያናይ ህንተናን ደእያ ግሾ ኦንካ ህንተና ታማርሶ ኮሸና። እያ ጌሻ አያናይ ህንተና ቱማ ታማርሰስፐ አትሽን፥ ዎርዶ ግደና። ጌሻ አያናይ ህንተና ታማርስዳይሳዳ ክርስቶሳን ደእተ።
\p
\v 28 ህዛ፥ ታ ናይቶ፥ እ ቆንጭያ ዎደ ኑኒ ያሽ ባይናነ እያ ዩሳ ጋላስ እያ ስንን ኑ ዬላን ቆሰቶና መላ እያን ደእተ። 
\v 29 ክርስቶስ ፅሎ ግደይሳ ህንተ ኤርኮ ፅሎ ኦያ ኡባይ ፆሳ ናአ ግደይሳ ኤርተ።
\c 3
\s1 ፆሳ ናይታ
\p
\v 1 ኑኒ ፆሳ ናይታ ጌተትድ ፄገታና መላ ፆሳይ ኑና አይ መላ ዶስዳኮ በእተ። ኑኒ ቱማካ ፆሳ ናይታ። ሀ አላመይ ፆሳ ኤሮና ግሾ ኑናካ ኤረና።\x - \xo 3:1 \xo*\xt ዮሀ 1:12.\xt*\x* 
\v 2 ታ ሲቆ እሻቶ፥ ሀእ ኑኒ ፆሳ ናይታ፤ ኑኒ አይ ሀናኔኮ ቡሮ ኤረትቤና። ሽን ክርስቶስ ቆንጭያ ዎደ ኑኒ እያ ዳናናይሳ ኤሮስ። እ ቱማ ደኤይሳ ኑኒ በአና። 
\v 3 ክርስቶሳ በአና ግድ ኡፋይሳን ናግያ ኦንካ፥ ክርስቶስ ጌሽ ግድዳይሳዳ ባና ጌሼስ።
\p
\v 4 ናጋር ህገ መን ግድያ ግሾ ናጋራ ኦያ ኡባይ ፆሳ ህገ መንስ። 
\v 5 ክርስቶስ አሳ ናጋራ ይሳናዉ ቆንጭዳይሳ ህንተ ኤሬታ፤ እያን ናጋር ባዋ።\x - \xo 3:5 \xo*\xt ዮሀ 1:29.\xt*\x* 
\v 6 ክርስቶሳን ደእያ ኦንካ ናጋራን ዴና። ቃስ ናጋራን ደእያ ኦንካ እያ በእቤና ዎይኮ ኤርቤና።
\p
\v 7 ታ ናይቶ፥ ህንተና ኦንካ ባለፎ። ክርስቶስ ፅሎ ግድዳይሳዳ ፅሎ ኦያ ኦንካ ፅሎ። 
\v 8 ፃላሄይ ኮይሮፐ ናጋራ ኦዳ ግሾ ናጋራ ኡባ ዎደ ኦያ ኦንካ ፃላሄ ዳቦ። ሄሳ ግሾ፥ ፆሳ ናአይ ፃላሄ ኦሶ ይሳናዉ ቆንጭስ። 
\v 9 ፆሳ ናአ ግድያ ኦንካ ፆሳ አያናይ እያን ደእያ ግሾ፥ እ ኡባ ዎደ ናጋራን ዴና። ፆሳይ እያ አዋ ግድያ ግሾ ናጋራን ዴና። 
\v 10 ፆሳ ናይታ ግዶንነ ፃላሄ ናይታ ግዶን ደእያ ዱማተይ ሄሳን ኤረቴስ፤ ፅሎ ኦና አስ ዎይኮ ባ እሻ ዶሶና አስ ፆሳ ናአ ግደና።
\s1 እሶይ እሱዋ ዶስተ
\p
\v 11 ኮይሮፐ ህንተ ስእዳ ኪታይ፥ “እሶይ እሱዋ ዶሳናዉ በሴስ” ግያ ኪታ።\x - \xo 3:11 \xo*\xt ዮሀ 13:34.\xt*\x* 
\v 12 ኑኒ ቃየላ መላ ግዳናዉ በሰና። ቃየላ ፃላሄ ዳቦ ግድድ ባ እሻ ዎስ። እ ባ እሻ አይስ ዎዴ? እያ ኦሶይ ኢታ ግድዳ ግሾነ እያ እሻ ኦሶይ ሎኦ ግድዳ ግሾ ዎስ።\x - \xo 3:12 \xo*\xt መ 4:8.\xt*\x*
\p
\v 13 ታ እሻቶ፥ ሀ አላምያ አሳይ ህንተና እፅኮ ማላለቶፍተ። 
\v 14 ኑኒ ኑ እሻታ ሲቅያ ግሾ፥ ሀይቆፐ ደኦ ፕንዳይሳ ኤሮስ። ባ እሻ ዶሶና ኦንካ ሀይቆ ኩያን ደኤስ።\x - \xo 3:14 \xo*\xt ዮሀ 5:24.\xt*\x* 
\v 15 ባ እሻ እፅያ ኦንካ ሸምፖ ዎስ። ቃስ ሸምፖ ዎያ ኦደስካ መርና ደኦይ ባይናይሳ ህንተ ኤሬታ። 
\v 16 ክርስቶስ ባ ሸምፑዋ ኑ ግሾ አድ እምዳይሳን ሲቆይ አይበኮ ኑኒ ኤርዳ። ኑካ ኑ እሻታ ግሾ ኑ ሸምፑዋ አድ እማናዉ በሴስ። 
\v 17 ሽን ዱረ ግድዳ ኦንካ መቶታንቹዋ በእሸ፥ እያዉ ቃቶና እፅኮ ባ ዎዛናን ፆሳ ሲቆይ ደኤስ ጋናዉ ዋንድ ዳንዳኢ? 
\v 18 ታ ናይቶ፥ ኑኒ ኦሶንነ ቱማተን ኑ ሲቁዋ ቆንጭሳናዉ በሴስፐ አትሽን፥ ጮ ኦዳ ፃላላን ዎይኮ ዶና ፃላላን ሲቀታናዉ በሰና።
\p
\v 19 ኑኒ እሶይ እሱዋ ሲቅኮ፥ ኑ ቱማ ባጋ ግደይሳ ኤሮስ፤ ሄሳስ ፆሳ ስንን ዬላቶኮ። 
\v 20 ኑ ዎዛናይ ኑ ቦላ ፕርድያባ ግድኮ፥ ፆሳይ ኑ ዎዛናፐ ግታ ግደይሳ ኤሮስ፤ እ ኡባባ ኤሬስ።
\p
\v 21 ታ ሲቆ እሻቶ፥ ኑ ዎዛናይ ኑ ቦላ ፕርዶናባ ግድኮ ኑኒ ፆሳ ስንን ያዮኮ። 
\v 22 ኑኒ እያ ኪታ ናግያ ግሾነ እያ ኡፋይስያባ ኦያ ግሾ ዎስያባ ኡባ እያፐ ኤኮስ። 
\v 23 ክርስቶስ ኑና ኪትዳይሳዳ ፆሳ ናኣ የሱስ ክርስቶሳ ሱንን አማናናዳነ እሶይ እሱዋ ሲቃናዳ ፆሳይ ኑና ኪትስ።\x - \xo 3:23 \xo*\xt ዮሀ 13:34፤ 15:12፥ 17.\xt*\x* 
\v 24 ፆሳ ኪታ ናግያ ኦንካ ፆሳን ደኤስ፤ ፆሳይካ እያን ደኤስ። ፆሳይ ኑስ እምዳ ጌሻ አያና ባጋራ እ ኑናን ደኤይሳ ኤሮስ።
\c 4
\s1 አያናታ ሻክድ ኤርተ
\p
\v 1 ታ ሲቆ እሻቶ፥ አያናታ ኡባ አማኖፕተ፥ ሽን ኤንቲ ፆሳፈ ይዳኮ ፓጭድ በእተ። አይስ ጊኮ፥ ዳሮ ዎርዶ ናበት አላመን ደንድዶሶና። 
\v 2 ፆሳ አያና ግደይሳ ህንተ ሀይሳን ኤራና፤ “የሱስ ክርስቶሲ አሰ ግድድ ይዳይሳ ማርካታይስ” ግያ አያና ኡባይ ፆሳፈ ዬስ። 
\v 3 ክርስቶስ አሰ ግድድ ይዳይሳ አማናይስ ጎና አያና ኡባይ ፆሳፈ ግደና። ሄስ ክርስቶሳ እፅያ አያና። ህንተ ሄ አያናይ ያናይሳ ካሰ ስእደታ፤ እ ሀር አቶሽን ሀእካ አላመን ደኤስ።
\p
\v 4 ታ ናይቶ፥ ህንተ ፆሳሳ። ህንተ ግዶን ደእያ ጌሻ አያናይ አላመን ደእያ አያናፐ ዳሮ ዎልቃማ ግድያ ግሾ ዎርዳንቾ ናበታ ህንተ ፆንደታ። 
\v 5 ኤንቲ ሀ አላምያ አሰ ግድያ ግሾ፥ ሀ አላምያባ ኦዶሶና፤ ሀ አላምያ አሳይ ኤንታ ኦዳ ስኦሶና። 
\v 6 ኑኒ ፆሳፈ የለትዳ፤ ፆሳ ኤርያ ኦንካ ኑና ስኤስ። ፆሳ ኤሮና ኦንካ ኑና ስኤና። ኑኒ ቱማ አያናነ ዎርዶ አያና ሄሳን ሻኮስ።
\s1 ፆሳይ ሲቆ
\p
\v 7 ታ ሲቆ እሻቶ፥ ሲቆይ ፆሳፈ ያ ግሾ፥ አነ እሶይ እሱዋራ ሲቀቶስ። ሲቅያ ኦንካ ፆሳ ናአ፤ እ ፆሳ ኤሬስ። 
\v 8 ፆሳይ ሲቆ ግድያ ግሾ ሲቆና ኦንካ ፆሳ ኤረና። 
\v 9 ኑኒ ክርስቶሳ ባጋራ ደኡዋ ደማና መላ ፆሳይ ባ እስ ናኣ ሀ አላምያ ኪትስ። ፆሳይ ኑና ባ ሲቁዋ ሄሳን በስስ። 
\v 10 ቱማ ሲቆ ጉሳይ ሀይሳ፦ ኑኒ ፆሳ ሲቅዳ ግሾ ግዶናሽን፥ ፆሳይ ኑና ሲቅዳ ግሾነ ኑ ናጋራፐ ኑና ማራናዉ ባ ናኣ ኪትዳ ግሾሳ።
\p
\v 11 ታ ሲቆ እሻቶ፥ ፆሳይ ኑና ሀይሳዳ ሲቅኮ፥ ኑካ እሶይ እሱዋ ሲቃናዉ በሴስ። 
\v 12 ፆሳ በእዳይ ኦንካ ባዋ። ኑኒ እሶይ እሱዋ ሲቅኮ ፆሳይ ኑናን ደኤስ፤ እያ ሲቆይካ ኑናን ፖሎ ግዴስ።\x - \xo 4:12 \xo*\xt ዮሀ 1:18.\xt*\x*
\p
\v 13 ፆሳይ ባ ጌሻ አያና ኑስ እምዳ ግሾ፥ ኑኒ ፆሳን ደኤይሳነ እካ ኑናን ደኤይሳ ኤሮስ። 
\v 14 አዋይ ባ ናኣ፥ ሀ አላምያ አሸይሳ ግዳና መላ ኪትዳይሳ ኑኒ በእድ ማርካቶስ። 
\v 15 የሱሲ ፆሳ ናኣ ግደይሳ ማርካትያ ኦደንካ ፆሳይ ደኤስ፤ እካ ፆሳን ደኤስ። 
\v 16 ፆሳይ ኑና ሲቀይሳ ኑኒ ኤሮስነ አማኖስ።
\p ፆሳይ ሲቆ። ሲቆን ደእያ ኦንካ ፆሳን ደኤስ፤ ፆሳይካ እያን ደኤስ። 
\v 17 ኑ ደኦይ ሀ አላምያን ክርስቶስ ደእዳይሳ መላ ግድያ ግሾ፥ ፕርዳ ጋላስ ያዮና እያ ስን ሺቃናዉ እያ ሲቆይ ኑናን ፖሎ ግዴስ። 
\v 18 ሲቆን ያሽ ባዋ፥ ቱማ ሲቆይ ያሽ ከስ ሆሌስ። ያሽነ ፕርድ እስፈ ብያ ግሾ፥ ያይያ ኡራ ሲቆይ ፖሎ ግደና።
\p
\v 19 ፆሳይ ኮይሮ ኑና ሲቅዳ ግሾ ኑ ሲቆስ። 
\v 20 ኦንካ፥ “ፆሳ ሲቃይስ” ግሸ ባ እሻ እፅኮ፥ እ ዎርዳንቾ። አይስ ጊኮ፥ በእያ ባ እሻ ሲቆና ኦንካ በእቦና ፆሳ ሲቃናዉ ዋንድ ዳንዳኢ? 
\v 21 ክርስቶስ ኑስ እምዳ ኪታይ ሀይሳ፤ “ፆሳ ሲቅያ ኦንካ ባ እሻ ሲቃናዉ በሴስ” ያገይሳ።
\c 5
\s1 አላምያ ፆኖ
\p
\v 1 የሱሳ፥ እ ክርስቶሳ ያግድ፥ አማንያ ኦንካ ፆሳ ናአ። አዋ ሲቅያ ኦንካ እያ ናኣካ ሲቄስ። 
\v 2 ኑኒ ፆሳ ሲቅያ ግሾነ እያ ኪታ ናግያ ግሾ ፆሳ ናይታ ሲቀይሳ ኤሮስ። 
\v 3 ኑኒ ፆሳ ሲቅኮ፥ እያ ኪታታ ናጎስ። እያ ኪታት ዴፆ ግዶኮና።\x - \xo 5:3 \xo*\xt ዮሀ 14:15.\xt*\x* 
\v 4 አይስ ጊኮ፥ ፆሳ ናአ ግድያ ኦንካ ሀ አላምያ ፆናናዉ ዳንዳኤስ። ኑኒ ሀ አላምያ ፆናናይ ኑ አማኑዋና። 
\v 5 አላምያ ፆናናዉ ዳንዳኤይ ኦኔ? የሱሲ ፆሳ ናኣ ግደይሳ አማንያ አሳ ፃላል ፆናና።
\s1 ክርስቶስ ኦኔ?
\p
\v 6 የሱስ ክርስቶሲ ሃ ፅንቃትያራነ ባ ሀይቁዋ ሱራ ይስ። እ፥ ሃራነ ሱራ ይስፐ አትሽን፥ ሃ ፃላላራ ይቤና። ጌሻ አያናይ ቱማ ግድያ ግሾ፥ ሄስ ቱማ ግደይሳ ማርካቴስ። 
\v 7 ሄ ማርካት ደኦሶና። 
\v 8 ሄሳት፥ ጌሻ አያና፥ ሃነ ሱ። ሀ ሄታ ማርካተይ እስኖ። 
\v 9 ኑ አሳይ ማርካተይሳ አማኖስ። ሽን ፆሳ ማርካተይ አሳይሳፈ ዳሮ አስ። ፆሳይ ባ ናኣስ ማርካትዳ ማርካተይ ሀይሳ። 
\v 10 ፆሳ ናኣ አማንያ ኡራ ዎዛናን ሀ ማርካተይ ደኤስ። ፆሳ አማኖና ኦንካ ፆሳይ ባ ናኣስ ማርካትዳ ማርካተ አማንቦና ግሾ፥ ፆሳ ዎርዳንቾ ኦስ።
\p
\v 11 ህዛ፥ ማርካተይ ሀይሳ፤ ፆሳይ ኑስ መርና ደኦ እሚስ፤ ሄ ደኦይካ እያ ናአን ደኤስ ያገይሳ።\x - \xo 5:11 \xo*\xt ዮሀ 3:36.\xt*\x* 
\v 12 ፆሳ ናአይ ደእያ ኦደስካ ደኦይ ደኤስ። ፆሳ ናአይ ባይና ኦደስካ ደኦይ ባዋ።
\s1 መርና ደኦ
\p
\v 13 ፆሳ ናአን አማንያ ህንተዉ መርና ደኦይ ደኤይሳ ህንተ ኤራና መላ ሀይሳ ህንተዉ ፃፋስ። 
\v 14 ፆሳ ሸንያዳ አይብባካ እያ ዎስኮ፥ እ ስኤይሳ ኑኒ ኤርያ ግሾ እያን አማነቶስ። 
\v 15 ኑኒ ዎስያ ኡባ እ ስኤይሳ ኤርኮ፥ ኑኒ ዎስያባ እ እማናይሳ ኤሮስ።
\p
\v 16 ኦንካ ባ እሻይ ሀይቆ በሶና ናጋራ ኦሽን በእኮ፥ ፆሳ እያዉ ዎሳናዉ በሴስ። ሀይቆ በሶና ናጋራ ኦዳይሳታስ ፆሳይ ደኦ እማና። ሀይቆ በሲያ ናጋር ደኤስ። ታኒ ህንተና ሄሳስ ፆሳ ዎስተ ጊከ። 
\v 17 ኢታ ኦሶ ኡባይ ናጋራ፥ ሽን ሀይቆ በሶና ናጋር ደኤስ።
\p
\v 18 ፆሳ ናአይ እያ ናግያ ግሾ፥ ፆሳ ናአ ግድዳ ኦንካ ናጋራን ኡባ ዎደ ደኦናይሳ ኑኒ ኤሮስ። ፃላሄይ እያ ቆሀናዉ ዳንዳኤና። 
\v 19 ኑኒ ፆሳሳ ግደይሳነ ሀ ኩመ አላመይ ፃላሄን ሃረተይሳ ኤሮስ።
\p
\v 20 ኑኒ ቱማ ፆሳ ኤራናዳ ፆሳ ናአይ ይዳይሳነ ኑስ አኬካ እምዳይሳ ኤሮስ። ኑኒ እያ ናአ፥ የሱስ ክርስቶሳ ባጋራ ቱማ ፆሳን ደኦስ። የሱሲ ቱማ ፆሳነ መርና ደኡዋ።
\p
\v 21 ታ ናይቶ፥ ኤቃታፐ ህንተ ሃክተ።