\id 1CH - GOOFA FULL BIBLE
\ide UTF-8
\h 1 ታርከ ማፃፋ
\toc1 1 ታርከ ማፃፋ
\toc3 1 ታር
\toc2 1 ታርከ
\mt 1 ታርከ ማፃፋ
\imt ጋ ቆፋ
\ip ታርከ ማፃፋት፥ ሳሜላ ማፃፋነ ካዎታ ማፃፋን ደእያ ታርከታራ ጉራ ጋሄትኮካ፥ እስራኤለ ድኤተፈ ስን ደእያ ሀኖታታ ዱማ ኦገራ ቆንጭሶሶና። ታርከ ማፃፋታን እስራኤለ ካዎታ አይሶ ታርከይ ናምኡ አይፈ ቆፋታ ብርሽድ ኦዴስ።
\ipi 1. ሸምፖ 1-9 ጋካናዉ ደእያ ክፍልያን፥ አዳመፐ አብራሃመ ጋካናዉ፥ አብራሃመፐ ዳዊታ ጋካናዉ፥ ዳዊታፐ ባብሎነ ድኡዋ ጋካናዉ ደእያ እስራኤለ ዎዘተ ታርከ ኦዴስ። አሳ ናአ ታርከይ ዶመትዳ ዎደፐ ዶምድ ድኦፐ ጉየ ደእያ ዎደ ጋካናዉ ፆሳይ ባ አሳ ዋትድ ዶርዳኮነ ናግዳኮ ሀ ክፍለይ ኦዴስ። እስራኤለነ ይሁዳ ካዎተት ናጋራ ኦኮካ፥ ፆሳይ ባ አሳስ ገልዳ ኡፋይሳ ቃላ ይሁዳ ኮቻ ባጋራ ፖልዳይሳ ሀ ክፍለይ በሴስ።
\ip 2. ሸምፖ 10-29 ጋካናዉ ደእያ ክፍለይ፥ ዳዊታ ካዎተ ታርክያ ኦይክስ። ሀ ክፍልያን ዳዊተራ ደእያ ምኖ አሳትነ (ሸም 11-12)፥ ዳዊቲ ፆንዳ ዎልቃማ ፆኖት (14:18-20) ስን በሲ ደምዶሶና። ዳዊታ ዎደ ደእያ ሌወት፥ ካህነትነ ዛማረት ግታ ሱን ኤክዶሶና (ሸም 23-26)። ፆሳ ኬ ኬፅዳይ ሶሎሞነ ግድኮካ፥ ፆሳ ኬን ጎይኖ ዎጋ ኮይሮ ኤስዳይ ዳዊታ ግደይሳ ሀ ክፍለይ ኤርሴስ።
\iot ማፃፋ አይፈ ቆፋታ
\io1 አዳመ ኮቻይ ካዋ ሳኦላ ጋካናዉ (\ior 1:1—10:14\ior*)
\io1 ዳዊታ ካዎቱዋነ የሩሳላመ ኦይከተ (\ior 11:1—12:40\ior*)
\io1 ጫቆ ታቦተይ የሩሳላመ ዩሳ (\ior 13:1—17:27\ior*)
\io1 ዳዊታ ፆኖታነ አሳ ታይቡዋ (\ior 18:1—21:30\ior*)
\io1 ዳዊቲ ፆሳ ኬ ኬፃናዉ ጊገተ (\ior 22:1—29:20\ior*)
\io1 ሶሎሞነ ካዎቱዋነ ዳዊታ ሀይቁዋ (\ior 29:21-30\ior*)
\c 1
\s1 አዳመፐ አብራሃመ ጋካናዉ
\r (መ 5:1-32፤ 10:1-32፤ 11:10-26)
\p
\v 1 አዳመይ ሴታ የልስ፤ ሴት ሄኖሳ የልስ፤ ሄኖስ ቃይናና የልስ፤ 
\v 2 ቃይናን ማላልኤላ የልስ፤ ማላልኤል ያረዳ የልስ፤ 
\v 3 ያረድ ሄኖከ የልስ፤ ሄኖከይ ማቱሳላ የልስ፤ ማቱሳል ላመሀ የልስ፤ 
\v 4 ላመህ ኖሄ የልስ፤ ኖሄይ ሴማ፥ ካማነ ያፈታ የልስ።
\p
\v 5 ያፈታ አደ ናይት ጋመራ፥ ማጎገ፥ ማዳያ፥ ያዋና፥ ቶቤላ፥ ሞሳሀነ ትራሳ። 
\v 6 ጋመራ አደ ናይት አስካናዛ፥ እርፋታነ ተጋርማ። 
\v 7 ያዋና አደ ናይት ኤልሳ፥ ታርሰሳ፥ ክፅማነ ሮዳ።
\p
\v 8 ካማ አደ ናይት ኩሻ፥ ምፅራይማ፥ ፉፃነ ካናነ። 
\v 9 ኩሻ አደ ናይት ሳባ፥ ኤዉላፀ፥ ሳብታ፥ ራእማነ ሳብቃታ። ራእማ አደ ናይት ሳባነ ድዳና። 
\v 10 ኩሽ ናምሩደ የልስ። ናምሩደይ ቢታ ቦላ ዎልቃማ ኦላንቾ ግድስ። 
\v 11 ምፅራይም ሉደታ፥ አናምመታ፥ ላሀበታ፥ ናፍቱሄታ፥ 
\v 12 ፓትሮሳታ፥ ፍልስፄመታ፥ ማይዛ ግድዳ ካስሉሄማታነ ቃፍቶረታ ኮቻታ ማይዛ። 
\v 13 ካናነይ ባይራ ናኣ ስዶናነ እያ ካሉዋ ሄታ የልስ። 
\v 14 ካናነይ ያቡሰታ፥ አሞረታ፥ ገርገሰታ፥ 
\v 15 ህወታ፥ አርከታ፥ ሲናታ፥ 
\v 16 አርዳወታ፥ ሳማረታነ ሀማተታ የልስ።
\p
\v 17 ሴማ አደ ናይት ኤላማ፥ አሶረ፥ አርፋክሳደ፥ ሉደ፥ አራማ፥ ኡፅ፥ ሁላ፥ ገተራነ ሞሳሀ። 
\v 18 አርፋክሳድ ሳላ የልስ፤ ሳል ኤቦራ የልስ። 
\v 19 ኤቦሪ ናምኡ ናይታ የልስ፤ እሶይ የለትዳ ዎደ ሳእ ሻከትዳ ግሾ እያ ሱንይ ፋለቃ ጌተትስ፤ እያ እሻ ሱንይ ዮቅፃና። 
\v 20 ዮቅፃን አልሞዳዳ፥ ሳለፋ፥ ሀዛርሞታ፥ ያራሀ፥ 
\v 21 ሀዶራማ፥ ኡዛላ፥ ድቅላ፥ 
\v 22 ኦባላ፥ አብማላ፥ ሳባ፥ 
\v 23 ኦፍራ፥ አዉላፃነ ዮባባ የልስ። ሀይሳቲ ዮቅፃና ኮቻታ።
\p
\v 24 ሴማፐ አብራሃመ ጋካናዉ ደእያ የለታይ ሀይሳፈ ካልድ ፃፈትዳይሳታ፤ ሴማ፥ አርፋክሳደ፥ ሳላ፥ 
\v 25 ኤቦራ፥ ፋለቃ፥ ራጋ፥ 
\v 26 ሳሩጋ፥ ናኮራ፥ ታራነ 
\v 27 አብራሃመ ጌተትያ አብራመ።
\s1 እስማኤላ ሼሽ
\r (መ 25:12-16)
\p
\v 28 አብራሃመ አደ ናይት ይሳቃነ እስማኤላ። 
\v 29 ኤንታ የለታይ ሀይሳፈ ካልድ ፃፈትስ።
\p እስማኤላ ባይራ ናአይ ናባዮታ፤ ሄሳፈ ካልድ፥ ቀዳረ፥ አድቤላ፥ ምብሳማ፥ 
\v 30 ምስማ፥ ዱማ፥ ማሳ፥ ኩዳነ፥ ቴማ፥ 
\v 31 እፁራ፥ ናፍሳነ ቀድማ የልስ። ሀይሳቲ እስማኤላ ናይታ።
\p
\v 32 አብራሃመይ ኬፁራፐ የልዳ አደ ናይት ዝምራና፥ ዮቅሳና፥ ማዳነ፥ ምድያመ፥ ያስቦቃነ ስዋ። ዮቅሳና አደ ናይት ሳባነ ድዳና። 
\v 33 ምድያመ አደ ናይት ገፈራ፥ ኤፈራ፥ ሄኖሀ፥ አብዳነ ኤልዳ። ሀይሳቲ ኬፁራ ኮቻታ።
\s1 ኤሳዌ ሼሽ
\r (መ 36:1-19)
\p
\v 34 አብራሃመይ ይሳቃ የልስ። ይሳቃ አደ ናይት ኤሳዌነ እስራኤለ። 
\v 35 ኤሳዌ አደ ናይት ኤልፋዛ፥ ራጉኤላ፥ የኡሳ፥ ያእላማነ ቆረ። 
\v 36 ኤልፋዛ አደ ናይት ተማና፥ ኦማራ፥ ስፎ፥ ጎቶማ፥ ቀነዛ፥ ትምናነ አማለቃ። 
\v 37 ራጉኤላ አደ ናይት ናሆታ፥ ዛራ፥ ሳማነ ምዛ።
\s1 ኤዶመን ደእዳ ሳይረ አሳታ
\r (መ 36:20-30)
\p
\v 38 ኤዶመን ኮይሮ ደእዳ ሳይረ አደ ናይት ሎፃነ፥ ሶባላ፥ ዝባኦና፥ አና፥ ድሶና፥ ኤፀራነ ድሳና። 
\v 39 ሎፃነ አደ ናይት ሆራነ ሄማማ፤ ሎፃነ ምችያ ትምናኦ። 
\v 40 ሶባላ አደ ናይት አልዋ፥ ማናሆታ፥ ኤባላ፥ ስፋነ ኦናማ። ፅባኦና አደ ናይት አያነ አና። 
\v 41 አና ናአይ ድሶና። ድሶና አደ ናይት ሄምዳና፥ ኤስባና፥ ይትራናነ ካራና። 
\v 42 ኤፀራ አደ ናይት ብልሃና፥ ዛዋናነ አቃና። ድሳና አደ ናይት ኡፃነ አራና።
\s1 ኤዶመ ካዎታ
\r (መ 36:31-43)
\p
\v 43 እስራኤለን ካዎይ ካዎታናፐ ካሰ ኤዶመ ቢታን ካዎትዳ ካዎት ሀይሳፈ ካልድ ፃፈትዳይሳታ።
\p ብኦራ ናአይ ባላቅ ካዎትስ፤ እያ ካታማ ሱንይ ድናባ።
\p
\v 44 ባላቅ ሀይቅን፥ ባሶራ አደይ ዛራ ናአይ ዮባብ እያ በሳን ካዎትስ።
\p
\v 45 ዮባብ ሀይቅን፥ ተማና አደይ ሁሳም እያ በሳን ካዎትስ።
\p
\v 46 ሁሳም ሀይቅን፥ ሞአበ ቢታን ምድያመታ ፆንዳ ባዳዳ ናአይ ሀዳድ እያ በሳን ካዎትስ፤ እያ ካታማ ሱንይ አዊታ።
\p
\v 47 ሀዳድ ሀይቅን፥ ማስሬቃ አደይ ሳምል እያ በሳን ካዎትስ።
\p
\v 48 ሳምል ሀይቅን፥ ሻፋ ማታን ደእያ ረሆቦታ አደይ ሳኡሊ እያ በሳን ካዎትስ።
\p
\v 49 ሳኡሊ ሀይቅን፥ አክቦራ ናአይ ባአል-ሀናን እያ በሳን ካዎትስ።
\p
\v 50 ባአል-ሀናን ሀይቅን፥ ሀዳድ እያ በሳን ካዎትስ፤ እያ ካታማ ሱንይ ፓኡ። እያ ማችያ መዛሃባ ናኤ ማፅሬድ ናእዉ ማሄፃቤሎ። ሄሳፈ ጉየ፥ ሀዳድ ሀይቅስ።
\p
\v 51 ኤዶመ ኮቻታ ሀላቃት ሀይሳታ፤ ትምናአ፥ አልዋ፥ የተታ፥ 
\v 52 ኦሆልባማ፥ ኤላ፥ ፕኖና፥ 
\v 53 ቃናዛ፥ ተማና፥ ምብሳራ፥ 
\v 54 ማግደላነ እራማ። ሀይሳቲ ኤዶመ ሀላቃታ።
\c 2
\s1 ይሁዳ ሼሽ
\p
\v 1 እስራኤለ አደ ናይት ሀይሳታ፤ ሮቤላ፥ ስሞና፥ ሌወ፥ ይሁዳ፥ ይሳኮራ፥ ዛብሎና፥ 
\v 2 ዳነ፥ ዮሰፋ፥ ብንያመ፥ ንፍታለመ፥ ጋደነ አሴራ።
\p
\v 3 ካናነ ማጫሰ ሰዋፐ ይሁድ የልዳ ሄ አደ ናይት ኤራ፥ ኦናናነ ሴላ። ይሁዳ ባይራ ናአይ ኤር ጎዳ ስንን ኢታባ ኦዳ ግሾ ጎዳይ እያ ዎስ። 
\v 4 ይሁድ ባ ናኣ ማቸ ትማርፐ ፋረሳነ ዛራ የልስ። ይሁዳስ እቻሹ አደ ናይት ደኦሶና።
\p
\v 5 ፋረሳ አደ ናይት ሄስሮማነ ሀሙላ።
\p
\v 6 ዛራ አደ ናይት ዝምራ፥ ኤታና፥ ሄማና፥ ካልኮላነ ዳራ፤ ኤንቲ ኩመ እቻሻ። 
\v 7 ዛራ ኮቸ ግድዳ ካርማ ናአይ አካን ፆሳስ ዱማትዳ ድኡዋፐ ካይሶትድ እስራኤለ አሳ ኡንኤዳይሳ። 
\v 8 ኤታና ናአይ አዛራ።
\s1 ኤስሮመፐ ዳዊታ ጋካናዉ
\p
\v 9 ሄስሮን የልዳ ናይት ይራምኤላ፥ አራመነ ካለባ። 
\v 10 አራም አምናዳበ የልስ። አምናዳበይ ይሁዳ ኮቻታ ሀላቃ ናአሶና የልስ። 
\v 11 ናአሶን ሳልሞና የልስ፤ ሳልሞን ቦኤዛ የልስ፤ 
\v 12 ቦኤዝ እዮበዳ የልስ፤ እዮበድ እሰየ የልስ። 
\v 13 እሰየይ ባ ባይራ ናኣ ኤልያባ፥ ካሎ ናኣ አምናዳበ፥ ሄን ናኣ ሳማ፥ 
\v 14 ኦይዳን ናኣ ናትናኤላ፥ እቻሻን ናኣ ራዳያ፥ 
\v 15 ኡሱፑን ናኣ አሳማ፥ ላፑን ናኣ ዳዊታ የልስ። 
\v 16 እሰየ ማጫ ናይት ፃሩዮነ አብግያ። ፃሩይ ናይት ሄት አብሳያ፥ እዮኣባነ አሳሄላ። 
\v 17 አብግያ አማሳ የላሱ፤ አማሳ አዋይ እስማኤላ አድያ የተራ።
\s1 ኤስሮመ ሼሽ
\p
\v 18 ሄስሮና ናኣ ካለባስ አዙቦነ ይርኦቶ ጌተትያ ናምኡ ማቸት ደኦሶና። እ አዙብፐ የሳራ፥ ሶባባነ አርዶና የልስ። 
\v 19 አዙብ ሀይቅን፥ ካለብ ኤፍራቶ ኤክስ፤ ኤፍራታ ሁራ የላሱ። 
\v 20 ሁር ኡረ የልስ፤ ኡረይ ባስልኤላ የልስ።
\p
\v 21 ሄስሮናስ ላይ ኡሱፑን ታሙ ግድን፥ ጋላዳ አዋ ማክራ ናእዉ ኤክድ ሳጉባ የልስ። 
\v 22 ሳጉብ ያእራ የልስ። ያእር ጋላዳ ቢታን ደእያ ላታማነ ሄ ካታማታ ሃርስ። 
\v 23 ሽን ገሹራነ ሶረ ካዎት ያእራ ካታማታ ቃናታነ እያ ዩሹዋን ደእያ ኡሱፑን ታሙ ካታማታ ኦልድ ኦይክዶሶና፤ ያን ደእያ አሳ ኡባይ ጋላዳ አዋ ማክራ ኮቸ። 
\v 24 ሄስሮን ካለባ ኤፍራታ ጌተትያ በሳን ሀይቅዳፐ ጉየ፥ ሄስሮና ማችያ አብያ ተቁሄ አዋ አሽሁራ የላሱ።
\s1 ይርማኤላ ሼሽ
\p
\v 25 ሄስሮና ባይራ ናኣ ይራማኤላ ባይራ ናአይ ራማ፤ ካሎት ቡና፥ ኦረና፥ ኦፄማነ አክያ። 
\v 26 ይራህምኤላስ አታሮ ጌተትያ ሀራ ማቻ ደአዉሱ፤ አታራ ኦናማ አይዉ።
\p
\v 27 ይራማኤላ ባይራ ናኣ ራማ ናይት ማአሳ፥ ያምናነ ኤቀራ።
\p
\v 28 ኦናማ ናይት ሻማያነ ያዳ።
\p ሳማየ ናይት ናዳበነ አብሱራ። 
\v 29 አብሱራ ማችያ አብካላ አህባናነ ሞልዳ የላሱ። 
\v 30 ናዳባ አደ ናይት ሰልዳነ አፋይማ፤ ሰልድ ናአ የሎና ሀይቅስ። 
\v 31 አፋይማ ናአይ ይሽአ፤ ይሽአ ናአይ ሶሳና፤ ሶሳና ናአይ አህላያ።
\p
\v 32 ሻማያ እሻ ያዳ ናይት የተራነ ዮናታና፤ የተር ናአ የሎና ሀይቅስ። 
\v 33 ዮናታና ናይት ፈልታነ ዛዛ።
\p ሀይሳቲ ይራማኤላ ኮቻታ።
\p
\v 34 ሶሳናስ ማጫ ናአፐ አትሽን፥ አደ ናእ ባዋ። ሶሳናስ እዮሄላ ጌተትያ ግብፀፈ አይለይ ደኤስ። 
\v 35 ሶሳን ባ ናእዉ ባ አይልያ እዮሄላስ እምን፥ አታያ ናአ የላሱ። 
\v 36 አታይ ናታና የልስ፤ ናታን ዛባዳ የልስ፤ 
\v 37 ዛባድ ኤፍላላ የልስ፤ ኤፍላል ኦቤዳ የልስ፤ 
\v 38 ኦቤድ እዩ የልስ፤ እዩይ አዛራ የልስ፤ 
\v 39 አዛርያስ ከለሳ የልስ፤ ከለስ ኤልኣሳ የልስ፤ 
\v 40 ኤልኣስ ስስማያ የልስ፤ 
\v 41 ስስማይ ሳሎማ የልስ፤ ሳሎም ይቃማ የልስ፤ ይቃም ኤልሳማ የልስ።
\s1 ካለባ ሼሽ
\p
\v 42 ይራማኤላ እሻ ካለባ ባይራ ናአይ ሞሳ። ሞሳ ናአይ ዚፋ፤ ዚፋ ናአይ መሬሳ፤ መሬሳ ናአይ ከብሮና። 
\v 43 ከብሮና ናይት ቆራሀ፥ ተፉዋ፥ ረቄማነ ሻማያ። 
\v 44 ሻማየይ ዮርቃኣማ አዋ ራሃማ የልስ። ረቄም ሻማያ የልስ። 
\v 45 ሻማያ ናአይ ማኦና። ማኦን ቤት-ፁራ የልስ።
\p
\v 46 ካለባ ላገያ ኤፋ፥ ሀራና፥ ሞዳነ ጋዜዛ የላሱ፤ ሀራን ጋዜዛ ጌተትያ ሀራ አደ ናአ የልስ።
\p
\v 47 ያህዳያ ናይት ረገማ፥ እዮአታማ፥ ገሻና፥ ፋለፃ፥ ኤፋነ ሻፋ።
\p
\v 48 ካለባ ላገያ ማእካ ሸበራነ ትርሃና የላሱ። 
\v 49 ቃስካ መድማና አዋ ሻፋነ ማክቤናነ ግብአ አዋ ሱሳና የላሱ።
\p ካለባ ማጫ ናኤ ሱንይ አክሶ።
\p
\v 50 ካለባ ናይት ሀራት ሀይሳፈ ካልድ ፃፈትዶሶና። ካለብ ባ ባይራ ናኣ ሁራ ባ ማቸ ኤፍራታፐ የልስ። ሁራ ናይት ቅርያት-ይኣርማ አዋ ሶባላ፥ 
\v 51 ቤተለመ አዋ ሳልሞናነ ቤት-ጋደራ አዋ ሀሬፋ። 
\v 52 ቅርያት-ይኣርማ አዋ ሶባላ ያራት ሀሮኤታታነ ማኑሆታ ያራታፐ ባጋታ። 
\v 53 ቅርያት-ይኣርማ ያራት ያትረታ፥ ፑተታ፥ ሹማተታነ ምሽረታ። ፆርአትነ ኤሽታኦለት ሀይሳታፐ የለትዶሶና። 
\v 54 ቤተለመ አዋ ሳልሞና ያራት ናፆፋታ፥ አፅሮት-ቤተዮአበታ፥ ማኑሆታ ያራታፐ ባጋታነ ፆርአታ። 
\v 55 ያበፃ ካታማን ደእያ ፃፈታ ያራት ትርኤታ፥ ሽምአታነ ሱካታ። ሀይሳቲ ረካባታ አዋ ሀማታፐ የለትዳ ቄናታ።
\c 3
\s1 ዳዊታ ሼሽ
\p
\v 1 ከብሮና ካታማን ዳዊቲ የልዳ ናይት ሀይሳፈ ካልድ ፃፈትዳይሳታ፤ እዝራኤለ ማጫሰ አክናሆምፐ የልዳ ባይራ ናአይ አምኖና። ቃርመሎሳ ማጫሰ አብግያፐ የልዳ ናምአን ናአይ ዳነላ። 
\v 2 ገሹራ ካዋ ታልማያ ናእያ ማእካ የልዳ ሄን ናአይ አበሰሎመ። አግታ የልዳ ኦይዳን ናአይ አዶንያሳ። 
\v 3 አብፃላ የልዳ እቻሻን ናአይ ሳፋፃ። ኤግላ የልዳ ኡሱፑን ናአይ ይትርሃማ። 
\v 4 ዳዊቲ ሀ ኡሱፑን ናይታ ከብሮናን የልስ። ዳዊቲ ከብሮናን ላፑን ላይነ ኡሱፑን አጌና ካዎትስ።
\p የሩሳላመን ሀስታማነ ሄ ላይ ካዎትስ። 
\v 5 ዳዊቲ የሩሳላመን አምኤላ ናኤ በርሳበፐ የልዳ ኦይዱ ናይት ሳሙሳ፥ ሶባባ፥ ናታነነ ሶሎሞነ። 
\v 6 ቃስ ሀራ ኡዱፉን አደ ናይት እያብሃራ፥ ኤልሹአ፥ ኤልፋላፃ፥ 
\v 7 ኖጋ፥ ነፈቃ፥ ያፋያ፥ 
\v 8 ኤልሳማ፥ ኤልዳሄነ ኤልፋላፃ። 
\v 9 ሀ አደ ናይታ ኡባ ቦላ ዳዊታስ ላገታፐ የለትዳ ሀራ አደ ናይት ደኦሶና፤ ትማሮ ጌተትያ ምቻ ኤንታዉ ደአዉሱ።
\s1 ይሁዳ ካዎታ
\p
\v 10 ካዋ ሶሎሞነ የለታይ ሀይሳፈ ካልድ ፃፈትዳይሳ። ሶሎሞነ ናአይ ሮብኣማ፤ ሮብኣማ ናአይ አብያ፤ አብያ ናአይ አሳ፤ አሳ ናአይ እዮሳፈፃ፤ 
\v 11 እዮሳፈፃ ናአይ እዮራማ፤ እዮራማ ናአይ አካዝያሳ፤ አካዝያሳ ናአይ እዮኣሳ፤ 
\v 12 እዮኣሳ ናአይ አማስያሳ፤ አማስያሳ ናአይ አዛርያሳ፤ አዛርያሳ ናአይ እዮአታማ፤ 
\v 13 እዮአታማ ናአይ አካዛ፤ አካዛ ናአይ ህዝቅያሳ፤ ህዝቅያሳ ናአይ ምናሰ፤ 
\v 14 ምናሰ ናአይ አሞፀ፤ አሞፀ ናአይ እዮስያሳ። 
\v 15 እዮስያሳ ናአይ ባይራይ ዮሃናና፤ ናምአንይ እዮኣቀመ፤ ሄንይ ሰደቅያሳ፤ ኦይዳንይ ሳሎማ። 
\v 16 እዮኣቀመ ናይት እኮንያናነ ሰደቅያሳ።
\s1 ካዎታ የለታ ሱሳ
\p
\v 17 ድኤትድ ባብሎነ ብዳ እኮንያና አደ ናይት ሳላትያላ፥ 
\v 18 ማልክራማ፥ ፓዳያ፥ ሸናፃራ፥ ይቃማ፥ ሆሻማነ ናዳባ። 
\v 19 ፓዳያ አደ ናይት ዛሩባበላነ ሳመአ። ዛሩባበላ አደ ናይት ማሱላማነ ሀናና፤ ኤንታ ምችያ ሳሎምቶ። 
\v 20 ሀይሳታ ቦላ ሀራ እቻሹ አደ ናይት ዛሩባበላስ ደኦሶና፤ ኤንትካ ሀሹባ፥ ኦሄላ፥ ባራካ፥ ሀሳድያነ ዮሻብ-ሄሰዳ።
\p
\v 21 ሀናና አደ ናይት ፓላፃነ የሻያ። የሻያ ናአይ ራፋያ፤ ራፋያ ናአይ አርናና፤ አርናና ናአይ አብድዩ፤ አብድዩ ናአይ ሳካና፤ 
\v 22 ሳካና ናአይ ሻማያ። ሻማያ ናይት እቻሻት ሀፁሳ፥ ይግኣላ፥ ባርሀ፥ ናአራነ ሻፋፃ። 
\v 23 ናአራ ናይት ሄት ኤልዮአና፥ ህዝቅያሳነ አዝርቃማ። 
\v 24 ኤልዮአና ናይት ላፑናት ሆዳዋ፥ ኤልያሴባ፥ ፓላያ፥ አቁባ፥ ዮሃናና፥ ዳላያነ አኔና።
\c 4
\s1 ሀራ ይሁዳ ሼሽ
\p
\v 1 ይሁዳ ኮቻት ፓረሳ፥ ሄስሮና፥ ካርማ፥ ሆራነ ሶባላ።
\p
\v 2 ሶባላ ናአይ ራይ ያሃታ የልስ፤ ያሃት አሁማያነ ላሀዳ የልስ። ሀይሳቲ ፆርአታ ያራታ። 
\v 3 ኤፃማ አደ ናይት እዝራኤለ፥ ይሽማነ ይድባሻ፤ ኤንታ ምችያ ሀፅለልፖኖ። 
\v 4 ፓኑኤል ጋዶራ የልስ። ኤፀር ሁሻ የልስ። ሁር ባ አየ ኤፍራታስ ባይራ ናአ፤ ሁር ቤተለመ አዋ። ሀይሳቲ ሁራ ያራታ።
\p
\v 5 ተቁሄ አዋ አሽሁራስ ሄሎነ ናእራ ጌተትያ ናምኡ ማቸት ደኦሶና። 
\v 6 ናእራ አሁዛማ፥ ሄፌራ፥ ተምናነ አሽታራ አሽሁራስ የላሱ፤ ሀይሳቲ ናእር ናይታ። 
\v 7 ሄላ አደ ናይት ደረታ፥ ይፅሃራነ ኤትናና። 
\v 8 ቆፀ አደ ናይት አኑባ፥ ፆበባነ አሀርሄላ።
\p
\v 9 ያበፅ ባ እሻታፐ አድ ቦንቸትዳ አስ። እያ አይያ፥ “ታኒ እያ ኢታ እቀን የልዳ ግሾ፥ እያ ሱንይ ያበፃ” ጋዳ ፄጋሱ። 
\v 10 ያበፅ እስራኤለ ፆሳ ፄግድ፥ “አቤት ፆሳዉ፥ ታና አንጃ፤ ታ ዛዋ ዳልግሳ። ነ ኩሸይ ታራ ግዶ፤ ታና አዛንና መላ ቆህያባፐ ናጋ” ያግድ ዎስን ፆሳይ እያ ዎሳ ስእስ።
\p
\v 11 ሹሀ እሻይ ካሉባ ማህራ የልስ፤ ማህር ኤሽቶና የልስ። 
\v 12 ኤሽቶን ቤት-ራፋ፥ ፓሰሀነ እርናሀሻ አዋ ታህና የልስ። ታህን ናሃሳ ካታማ አሳ የልስ። ሀይሳቲ ረካ ቢታን ደእዶሶና።
\p
\v 13 ቀነዛ አደ ናይት ጎቶንያላነ ሳራያ፤ ጎቶንያላ አደ ናይት ሀታታነ ማኦኖታያ። 
\v 14 ማኦኖታይ ኦፍራ የልስ። ሳራይ እዮኣባ የልስ። እዮኣብ ኩሸ ሂላታ ዛንጋራ ጌተትያ በሳን ደእያ አሳ የልስ።
\p
\v 15 ዮፎነ ናኣ ካለባ ናይት እራ፥ ኤላነ ናኣማ። ኤላ ናአይ ቀነዛ።
\p
\v 16 ይሀልኤላ ናይት ዚፋ፥ ዝፋሀ፥ ትራያነ አሳርኤላ።
\p
\v 17 ኤዝራ አደ ናይት የተራ፥ መሬዳ፥ ኤፈራነ ያሎና። መሬድ ግብፀ ካዋ ናእዉ ብትያ ኤክን እያ ማይራሞ፥ ሻማያነ ይሽባ የላሱ። ይሽብ ኤሽታሞአ የልስ። 
\v 18 ይሁዳ ቢታፈ ኤክዳ ማችያ ጋዶራ አዋ የረዳ፥ ሶኮ አዋ ሄቤራነ ዛኖሀ አዋ ያቅትኤላ የላሱ። 
\v 19 ናሀማ ምቸ፥ ሆድያ ማቸ ናይት ጋርማን ደእያ ቃእላ አዋነ ማእካን ደእያ ኤሽታሞአ አዋ።
\p
\v 20 ሽሞና ናይት አምኖና፥ እርና፥ በንሀናነ ትሎና።
\p ይሽአ ናይት ዞሄታነ በንዞሄታ።
\p
\v 21 ይሁዳ ናኣ ሴላ ኮቻት ሌካ አዋ ኤራ፥ ማሬሳ አዋ ለአዳነ ቤት-አሽበአ ካታማን ደእያ ሊኖ ማኦ ዳደይሳታ ያራታ። 
\v 22 ሀራት ቃስ ዮቅማ፥ እዮኣሳ፥ ያሹብለሄማ፥ ሞአበ ሃርዳ ሳራፋነ ኮዘባ ካታማን ደእያ አሳታ። ሀ የለታ ማዝጋበይ በንፐ ዶምድ ደኤስ። 
\v 23 ሀይሳቲ ናፃእማንነ ጋዴራን ደእያ መቃ ሚሸ መያ አሳታ። ኤንቲ ካዋ ኦሶ ኦናዉ እያራ እስፈ ደእዶሶና።
\s1 ስሞና ሼሽ
\p
\v 24 ስሞና ናይት ነሙኤላ፥ ያምና፥ ያርባ፥ ዛራነ ሳኡላ። 
\v 25 ሳኡላ ናአይ ሳሉማ፤ ሳሉማ ናአይ ምብሳማ፤ ምብሳማ ናአይ ማስማአ፤ 
\v 26 ማስማአ ናአይ ሀሙኤላ፤ ሀሙኤላ ናአይ ዛኩራ፤ ዛኩራ ናአይ ሳመአ። 
\v 27 ሳመእ ታማነ ኡሱፑን አደ ናይታነ ኡሱፑን ማጫ ናይታ የልስ። ሽን እያ እሻቲ ዳሮ ናአ የልቦኮና። ይሁዳ ኮቻዳ ስሞና ኮቻይ ዳርቦኮና።
\p
\v 28 ስሞና ኮቻት በርሳበ ካታማንነ ሞላዳ፥ ሀፃር-ሹኣላ፥ 
\v 29 ባላ፥ ኤፀማ፥ ቶላዳ፥ 
\v 30 ባቱኤላ፥ ሆርማ፥ ፅቅላጋ፥ 
\v 31 ቤት-ማርካቦታ፥ ሆፃር-ሱስማ፥ ቤት-ብራነ ሻኣርማ ካታማታን ደእዶሶና። ዳዊቲ ካዎታና ጋካናዉ ሀይሳቲ ካታማታ ግድድ ደእዶሶና። 
\v 32 ቃስ ኤንታ ጉታት ኤፃማ፥ አይና፥ እርሞና፥ ቶከናነ አሻና። ኤንቲ ኩመ እቻሹ ካታማታ። 
\v 33 ባኣለ ጋካናዉ ሀ ካታማታ ዩሹዋን ደእያ ጉታት ኡባይ ኤንታን ጉጀቶሶና። ሀይሳቲ ኤንቲ ደእያ በሳታነ ባንታ የለታ ማራ ማዝጋበን ፃፍድ ኦይክዶሶና።
\p
\v 34 ስሞና ያራታ ሀላቃት ሀይሳፈ ካልድ ፃፈትዳይሳታ። ኤንቲ ማሾባባ፥ ያምለካ፥ አማስያሳ ናኣ እዮስያ፥ 
\v 35 እዩኤላነ ዮሽባ ናኣ እዩ። እዩ አዋ አዋይ አሳኤላ ናአ ሳራያ። 
\v 36 ሀራ ሀላቃት ቃስ ኤልዮአና፥ ያይቆባ፥ ያሾሀያ፥ አሳያ፥ አድኤላ፥ ያስምኤላ፥ ባናያነ 
\v 37 ዚዛ። ዚዝ ሽፋ ናአ፤ ሽፍ አሎና ናአ፤ አሎን ያዳያ ናአ፤ ያዳይ ሽምራ ናአ፤ ሽምር ሻማያ ናአ። 
\v 38 ስሞና ያራታ ሀላቃት ሀይሳታ።
\p ኤንታ አዋታ ኮቻይ ዳርሸ ብስ። 
\v 39 ኤንቲ ባንታ መህያስ ሄምያ በሲ ኮይሸ ጋዶራ ገልያ በሳ ማታን ደእያ ዛንጋራፐ ዶሎሀ ባጋራ ደእያ በሳ ጋካናዉ ብዶሶና። 
\v 40 ያን አራዳነ ሎኦ ሄምያ በሲ ደምዶሶና፤ ሄ ቢታይ ዎፓተነ ሳሮይ ኩምዳ ዳልጋ ቢታ። በን ዎደ ሄ ቢታን ደእዳይሳት ካማ ኮቻ። 
\v 41 ሀይሳፈ ቆሞን ሱንይ ፃፈትዳ ስሞና ኮቻት ይሁዳ ካዋ ህዝቅያሳ ዎደ ጋዶራ ቢታ ብድ ያን ደእያ ካማ ኮቻነ ማኡና አሳታ ኦልድ ይስዶሶና። ሄ ቢታን ኤንታ መህያስ ሄምያ በሲ ደእያ ግሾ፥ ስሞና ኮቻት ሀች ጋካናዉ ያን ኡትዶሶና።
\p
\v 42 ስሞና ኮቻፈ እቻሹ ፄቱ አሳይ ሳይረ ዙማ ብዶሶና። ኤንታ ሀላቃት ይሽአ ናይታ ፓላፃ፥ ናራ፥ ራፋያነ ኡዝኤላ። 
\v 43 ባቃትድ አትዳ አማለቃ አሳ ይስድ ኤንቲ ሀች ጋካናዉ ሄ ቢታን ደኦሶና።
\c 5
\s1 ሮቤላ ሼሽ
\p
\v 1 እስራኤለ ባይራ ናኣ ሮቤላ የለታይ ሀይሳፈ ካልድ ፃፈትዳይሳ። ሮቤል ባይራ ናአ፤ ሽን ባ አዋ ሂፃ ቱንስዳ ግሾ፥ ባይራተ ማታይ እስራኤለ ናኣ ዮሰፋ ናይታስ እመትስ። ሄሳ ግሾ፥ እያ የለታይ ባይራተ ማራ ናግድ ፃፈትቤና። 
\v 2 ይሁድ ባ እሻታፐ አድ ምኖ፤ ባይራተይ ዮሰፋስ እመትዳባ ግድኮካ፥ እስራኤለ አሳ ሃረይስ ይሁዳፐ ከይስ። 
\v 3 እስራኤለ ባይራ ናኣ ሮቤላ አደ ናይት ሄኖሀ፥ ፓላ፥ ሄስሮናነ ካርማ።
\p
\v 4 እዩኤላ ናአይ ሻማያ፤ ሻማያ ናአይ ጎጋ፤ ጎጋ ናአይ ሳመአ፤ 
\v 5 ሳማአ ናአይ ምካ፤ ምካ ናአይ ራያ፤ ራያ ናአይ ብኤላ። 
\v 6 ብኤላ ናአይ አሶረ ካዎይ ተልገልተልፈልሶሪ ድእድ ኤፍዳ ብኤራ፤ ብኤር ሮቤላ ኮቻታ ሀላቃ። 
\v 7 ብኤራ ዳቦት፥ ባንታ የለታ ማዝጋበን ፃፍዳ ሮቤላ ያራታ ሀላቃት እዩኤላነ፥ ዛካርያሳ። 
\v 8 ብኤል አዛዛ ናአ፤ አዛዝ ሻማአ ናአ፤ ሻማእ እዩኤላ ኮቸ። እዩኤላ ኮቻት አሮኤራ ካታማን፥ ነቦ ቢታንነ ባኣል-ማኦና ቢታን ደእዶሶና።
\p
\v 9 ሮቤላ ኮቻታስ መሄይ ጋላዳን ዳርዳ ግሾ፥ ኤንቲ ያፐ ዶሎሀ ባጋ ብድ፥ ኤፍራፂሳ ሻፋ ጋካናዉ ደእያ መላ ቢታን ኡትዶሶና። 
\v 10 ሳኦላ ላይን አጋራ ያራታራ ሮቤላ ያራት ኦለትድ ፆንዶሶና። ጋላዳፐ ዶሎሀ ባጋራ ደእያ አጋራ ያራታ ቢታን ኡትዶሶና።
\s1 ጋደ ሼሻ
\p
\v 11 ጋደ ኮቻት ሮቤላ ኮቻታፐ ፑደሀ ባጋን፥ ሳልካ ጋካናዉ ደእያ ባሳነ ቢታን ኡትዶሶና። 
\v 12 እዩኤል ኮይሮ ያራታስ ሀላቃ፤ ሳፋም ናምአን ያራታስ ሀላቃ። ያናይነ ሳፋም ባሳነን ኡትዳ ያራታስ ሀላቃ። 
\v 13 ኤንታ ዳቦት፥ ባንታ ሶ አሳን አሳን፥ ምካኤላ፥ ማሱላማ፥ ሳባ፥ ዮራያ፥ ያቅካና፥ ዙኤነ ኤቤራ። ኤንቲ ኩመ ላፑና። 
\v 14 ሀይሳቲ አብካላ ናይት ቡዛ ኮቻታ። ቡዝ የዳያ የልስ፤ የዳየይ እየሳያ የልስ፤ እየሳይ ምካኤላ የልስ፤ ምካኤል ጋላዳ የልስ፤ ጋላድ እዳያ የልስ፤ እዳይ ሁራ የልስ፤ ሁር አብሃላ የልስ። 
\v 15 ኤንታ ሶ አሳ ሀላቃይ ጉና ናኣ ናኣ አብድኤላ ናኣ አካ። 
\v 16 ኤንቲ ጋላዳንነ ባሳነን፥ ያን ደእያ ካታማታንነ ሳሮና ቢታን መሄይ ሄመትያ በሳታን ኡትዶሶና። 
\v 17 ሀይሳታ የለታይ ይሁዳ ካዋ እዮአታማ ዎደ እስራኤለ ካዋ እዮርባማ ዎደ ማዝጋበን ፃፈትስ።
\p
\v 18 ሮቤላ ኮቻፈ፥ ጋደ ኮቻፈነ ምናሰ ኮቻ ባጋፈ ጎንዳለ ኦይከይሳት፥ ማሸ ዳንጨይሳትነ ዶንገ ዱከይሳት ምኖነ ኦላን ሎህዳይሳት 44፥ 760. 
\v 19 ኤንቲ አጋራ ያራራ፥ እፁራ ያራራ፥ ናፈሳራነ ኖዳባራ ኦለትዶሶና። 
\v 20 ኤንቲ ሄ አሳራ ኦለትሸ ፆሳኮ ዋስዳ ግሾ፥ ማዶ ደምዶሶና። ኤንቲ ፆሳን አማነትዳ ግሾ፥ እ ኤንታዉ ዎሰትስ። ሄሳ ግሾ፥ አጋራ ያራትነ ኤንታራ ደእያ ሀራት ኤንታ ኩሸን ገልዶሶና። 
\v 21 ባንታ ሞርከታፐ እሻታሙ ሙኩሉ ግማለታ፥ ናምኡ ፄታነ እሻታሙ ሙኩሉ ዶርሳታ፥ ናምኡ ሙኩሉ ሀረታነ ፄቱ ሙኩሉ አሳ ድእድ ኤፍዶሶና። 
\v 22 ኦላይ ፆሳባ ግድዳ ግሾ ዳሮት ሀይቅዶሶና። ድኤተ ዎደይ ጋካናዉ ሄ ቢታን ደእዶሶና።
\s1 ምናሰ ኮቻፈ ባጋ
\p
\v 23 ምናሰ ኮቻፈ ባጋ ያራይ ባሳነፐ ዶምድ፥ ባኣል-አርሞና፥ ሳንራነ አርሞና ዙማ ጋካናዉ ደእያ ቢታን ኡትዶሶና፤ ኤንቲ ሄ ቢታን ዳርዶሶና። 
\v 24 ኤንታ ሶ ሀላቃት ኤፈራ፥ ይሽአ፥ ኤልኤላ፥ አዝርኤላ፥ ኤርምያሳ፥ ሆዳዋነ እዮድኤላ። ሀይሳቲ ኤንታ ሶ አሳን ኤረትዳይሳታ፥ ፃላነ ዎልቃማ።
\p
\v 25 ሽን ባንታ ማይዛታ ፆሳስ አማነትቦኮና፤ ፆሳይ ኤንታ ስንፈ ይስዳ ሄ ቢታ ፆሳታ ጎይንዶሶና። 
\v 26 ሄሳ ግሾ፥ እስራኤለ ፆሳይ አሶረ ካዋ ፖሀ (ሄስካ ተልገልተልፈልሶራ) አያና ደንድ ሮቤላ ኮቻ፥ ጋደ ኮቻነ ምናሰ ኮቻፈ ባጋ ድእድ፥ ሀላሀ፥ ሀቦራነ ሃራ ቢታነ ጎዛና ሻፋ ኤፍስ። ኤንቲ ሀች ጋካናዉ ያን ደኦሶና።
\c 6
\s1 ሌወ ሼሽ
\p
\v 1 ሌወ አደ ናይት ገድሶና፥ ቃሃታነ ማራራ።
\p
\v 2 ቃሃታ አደ ናይት አምራማ፥ ይስሃራ፥ ከብሮናነ ኡዝኤላ።
\p
\v 3 አምራማ አደ ናይት አሮና፥ ሙሰነ ማይራሞ።
\p አሮና አደ ናይት ናዳባ፥ አብዮዳ፥ አላዛራነ እታማራ።
\p
\v 4 አላዛር ፕንሃሳ የልስ፤ ፕንሃስ አብሱ የልስ፤ አብሱይ ቡቃ የልስ፤ 
\v 5 ቡቅ ኦዛ የልስ፤ 
\v 6 ኦዝ ዛራ የልስ፤ ዛራህ ማራዮታ የልስ፤ 
\v 7 ማራዮት አማረ የልስ፤ አማረይ አክፆባ የልስ፤ 
\v 8 አክፆብ ሳዶቃ የልስ፤ ሳዶቅ አክማሳ የልስ፤ 
\v 9 አክማስ አዛርያሳ የልስ፤ አዛርያስ ዮሃና የልስ፤ 
\v 10 ዮሃን አዛርያሳ የልስ። ሶሎሞነይ የሩሳላመን ኬፅስዳ ፆሳ ኬን ኦዳ ካህነይ አዛርያሳ። 
\v 11 አዛርያስ አማረ የልስ፤ አማረይ አክፆባ የልስ፤ 
\v 12 አክፆብ ሳዶቃ የልስ፤ ሳዶቅ ሳሉማ የልስ፤ 
\v 13 ሳሉም ካልቀ የልስ፤ ካልቀይ አዛርያሳ የልስ፤ 
\v 14 አዛርያስ ሳራያ የልስ፤ ሳራይ እዮሳደቃ የልስ። 
\v 15 ጎዳይ ይሁዳነ የሩሳላመ ናቡካዳናፆራን ድኤታና መላ ኦዳ ዎደ እዮሳደቅ ድኤትድ ብስ።
\p
\v 16 ሌወ አደ ናይት ገድሶና፥ ቃሃታነ ማራራ። 
\v 17 ገድሶና አደ ናይታ ሱንይ ልብናነ ሳመአ። 
\v 18 ቃሃታ አደ ናይት አምራማ፥ ይስሃራ፥ ከብሮናነ ኡዝኤላ። 
\v 19 ማራራ አደ ናይት ማህላነ ሙሰ። ባንታ ሶ አሳን አሳን ፃፈትዳ ሌወ ያራይ ሀይሳ።
\p
\v 20 ገድሶና ናአይ ልብና፤ ልብና ናአይ ያሃታ፤ ያሃታ ናአይ ዛማታ። 
\v 21 ዛማታ ናአይ ዮኣካ፤ ዮኣካ ናአይ አዶ፤ አዶ ናአይ ዛራ፤ ዛራ ናአይ ያትራ።
\p
\v 22 ቃሃታ ናአይ አምናዳበ፤ አምናዳበ ናአይ ቆረ፤ ቆረ ናአይ አሴራ፤ 
\v 23 አሴራ ናአይ ሄልቃና፤ ሄልቃና ናአይ አብሳፋ፤ አብሳፋ ናአይ አሴራ፤ 
\v 24 አሴራ ናአይ ታሀታ፤ ታሀታ ናአይ ኡርኤላ፤ ኡርኤላ ናአይ ኦዝያና፤ ኦዝያና ናአይ ሳዉላ።
\p
\v 25 ሄልቃና አደ ናይት አማሳነ አክሞታ። 
\v 26 አክሞታ ናአይ ሄልቃና፤ ሄልቃና ናአይ ፆፋያ፤ ፆፋያ ናአይ ናሃታ፤ 
\v 27 ናሃታ ናአይ ኤልያባ፤ ኤልያባ ናአይ ይሮሃማ፤ ይሮሃማ ናአይ ህልቃና።
\p
\v 28 ሳሜላ ባይራ ናአይ እዩኤላ፤ ካሎይ አብያ።
\p
\v 29 ማራራ አደ ናይት ማህላ፤ ማህላ ናአይ ልብና፤ ልብና ናአይ ሳመአ፤ ሳመአ ናአይ ኦዛ፤ 
\v 30 ኦዛ ናአይ ሳምአ፤ ሳምአ ናአይ ሀግያ፤ ሀግያ ናአይ አሳያ።
\s1 ፆሳ ኬ ዛማረታ
\p
\v 31 ዳዊቲ ታቦትያ የሩሳላመ ኤህዳፐ ጉየ፥ ጎዳ ኬን ሹምዳ ዛማረታ ሀላቃት ሀይሳፈ ካልድ ፃፈትዳይሳታ። 
\v 32 ሶሎሞነይ የሩሳላመን ጎዳ ፆሳ ኬ ኬፃና ጋካናዉ፥ ጎዳ ታቦተይ ደእያ ዱንካንያ ስንን እሶይ እሶይ ባ ማራን ማራን ማዝሙረ የፅሸ ጎዳስ ኦዶሶና። 
\v 33 ባንታ አደ ናይታራ የፅዳይሳት ሀይሳፈ ካልድ ፃፈትዳይሳታ።
\p ቃሃታ ያራፐ ዛማርያ ሄማና፤ ሄማን እዩኤላ ናአ፤ እዩኤላ ሳሜላ ናአ፤ 
\v 34 ሳሜል ሄልቃና ናኣ፤ ህልቃን ይሮሃማ ናአ፤ ይሮሃም ኤልኤላ ናአ፤ ኤልኤል ቶሀ ናአ፤ 
\v 35 ቶህ ፆፋያ ናአ፤ ፆፋያ ሄልቃና ናአ፤ ህልቃን ማሃታ ናአ፤ ማሃት አማሳያ ናአ፤ 
\v 36 አማሳይ ሄልቃና ናአ፤ ሄልቃን እዩኤላ ናአ፤ እዩኤላ አዛርያሳ ናአ፤ አዛርያስ ሶፎንያሳ ናአ፤ 
\v 37 ሶፎንያስ ታሀታ ናአ፤ ታሀት አሴራ ናአ፤ አሴር አብሳፋ ናአ፤ አብሳፍ ቆረ ናአ፤ 
\v 38 ቆረይ ይሳራ ናአ፤ ይሳር ቃሃታ ናአ፤ ቃሃት ሌወ ናአ፤ ሌወይ እስራኤለ ናአ።
\p
\v 39 ሄማና ዳቦይ አሳፍ እያ ኡሻቻ ባጋራ ኤቅድ ኦስ። አሳፍ ባራካ ናአ፤ ባራካ ስምአ ናአ፤ 
\v 40 ሽምእ ምካኤላ ናአ፤ ምካኤል ባአሳያ ናአ፤ ባኣስ ማልክያ ናአ፤ 
\v 41 ማልከይ ኤታና ናአ፤ ኤታን ዛራ ናአ፤ ዛር አዳያ ናአ፤ 
\v 42 አዳይ ኤታና ናአ፤ ኤታን ዛማታ ናአ፤ ዛማት ሳመአ ናአ፤ 
\v 43 ሳመእ ያሃታ ናአ፤ ያሃት ገድሶና ናአ፤ ገድሶን ሌወ ናአ።
\p
\v 44 ኤንታፈ ሀድርሳ ባጋራ ኤንታ ዳቦት፥ ማራራ ያራት ኤቆሶና። ኤታን ቂሳ ናአ፤ ቂስ አብድ ናአ፤ አብድ ማሉካ ናአ፤ 
\v 45 ማሉክ ሀሻባያ ናአ፤ ሀሻባያ አማስያሳ ናአ፤ አማስያስ ካልቀ ናአ፤ 
\v 46 ክልቀይ አሜሳ ናአ፤ አሜስ ባና ናአ፤ ባን ሳማራ ናአ፤ 
\v 47 ሳማር ማህላ ናአ፤ ማህል ሙሰ ናአ፤ ሙስ ማራራ ናአ፤ ማራር ሌወ ናአ። 
\v 48 ኤንታ ዳቦ ግድዳ ሌወት ፆሳ ዱንካንያን ኦናዉ ሱንትዶሶና።
\s1 አሮና ሼሽ
\p
\v 49 ሽን አሮንነ እያ ኮቻት እፃነ ጩይሶሶና፤ ያርሾ በሳን ፁሳ ያርሾ ያርሾሶና። ፆሳ አይለይ ሙሰይ ኪትዳይሳዳ ኡባፈ ጌሻ በሳን ጎይንያ ጎይኖ ኡባስነ ፆሳይ እስራኤለ ናጋራ አቶ ያግስያ ያርሹዋ ያርሻናዉ አዋተ ኤንታዉ ደኤስ።
\p
\v 50 አሮና የለታይ ሀይሳፈ ካልድ ፃፈትዳይሳታ። አሮና ናአይ አላዛራ፤ አላዛራ ናአይ ፕንሃሳ፤ ፕንሃሳ ናአይ አብሱ፤ 
\v 51 አብሱ ናአይ ቡቃ፤ ቡቃ ናአይ ኦዛ፤ ኦዛ ናአይ ዛራሀ። 
\v 52 ዛራሀ ናአይ ማራዮታ፤ ማራዮታ ናአይ አማረ፤ አማረ ናአይ አክፁባ፤ 
\v 53 አክፁባ ናአይ ሳዶቃ፤ ሳዶቃ ናአይ አክማሳ።
\p
\v 54 አሮና ኮቻት ዳና መላ ኤንታዉ እመትዳ በሳት ሀይሳፈ ካልድ ፃፈትዳይሳ።
\p ኮይሮ ሳማይ ቃሃታ ያራስ ከይዳ ግሾ 
\v 55 ይሁዳን ደእያ ከብሮና ካታማነ እያ ዩሹዋን ደእያ ሄን በሳታ ኤንታዉ እምዶሶና። 
\v 56 ሽን ከብሮና ጎሻ ጋደታነ እያ ዩሹዋን ደእያ ጉታታ ዮፎነ ናኣ ካለባስ እምዶሶና። 
\v 57 አሮና ናይታስ ባቃትድ አትያ ካታማታ፥ ከብሮና፥ ያትራ፥ ልብና፥ ኤሽታሞአነ ኤንታ ሄራን ደእያ ሄን በሳታ። 
\v 58 ሆሎና፥ ዳብራነ ኤንታ ሄራን ደእያ ሄን በሳታ፥ 
\v 59 አሳና፥ ቤት-ሳሜሳነ ኤንታ ሄራን ደእያ ሄን በሳታ እምዶሶና። 
\v 60 ቃስ ብንያመ ቢታ ዛዋፐ ግብአ፥ ጋለማታ፥ አናቶተነ ኤንታ ሄራን ደእያ ሄን በሳታ ኤንታዉ እምዶሶና። አሮና ናይታስ እመትዳ ካታማት ኩመ ታማነ ሄ። 
\v 61 ምናሰ ያራ ባጋ ቢታፈ ታሙ ካታማታ አትዳ ቃሃታ ያራስ እምዶሶና።
\p
\v 62 ይሳኮራ፥ አሴራ፥ ንፍታለመነ ባሳነን ደእያ ምናሰ ያራ ቢታ ዛዋፐ ታማነ ሄ ካታማታ ገድሶና ያራስ እምዶሶና።
\p
\v 63 ሮቤላ፥ ጋደነ ዛብሎና ቢታ ዛዋፐ ታማነ ናምኡ ካታማታ ማራራ ያራስ እምዶሶና።
\p
\v 64 ሄሳዳ ኦድ፥ እስራኤለ አሳይ ሌወታስ ሀ ካታማታነ ኤንታ ሄራን ደእያ ሄን ቢታ እምዶሶና። 
\v 65 ይሁዳፐ፥ ስሞናፐነ ብንያመ ቢታ ዛዋፐ ሀይሳፈ ቆሞን ፃፈትዳ ካታማታ ኤንታዉ እምዶሶና።
\p
\v 66 ቃሃታ ያራፐ ጉት ኤፍሬማ ቢታ ዛዋፐ ካታማታነ ኤንታ ሄራን ደእያ ሄን በሳታ ኤክዶሶና። 
\v 67 ኤንታዉ አሳይ ባቃትድ አትያ ካታማታ፥ ደረይ ዳርያ ኤፍሬማ ቢታን ደእያ ሴከማ፥ ገዘራ፥ 
\v 68 ዮቅምኣማ፥ ቤት-ሆሮና፥ 
\v 69 ኤሎና፥ ጋት-ርሞናነ ኤንታ ሄራን ደእያ ሄን በሳታ እምዶሶና። 
\v 70 ምናሰ ኮቻ ባጋፈ አኔራ፥ ብልኣማነ ኤንታ ሄራን ደእያ ሄን በሳታ፥ አትዳ ቃሃታ ያራስ እምዶሶና።
\p
\v 71 ምናሰ ኮቻ ባጋፈ ባሳነን ደእያ ጎላና፥ አስታሮታነ ኤንታ ሄራን ደእያ ሄን በሳታ ገድሶና ያራስ እምዶሶና። 
\v 72 ይሳኮራ ኮቻፈ ቃደሳ፥ ዳብራተነ ኤንታ ሄራን ደእያ ሄን በሳታ፥ 
\v 73 ራሞታ፥ አነማናነ ኤንታ ሄራን ደእያ ሄን በሳታ እምዶሶና። 
\v 74 አሴራ ኮቻፈ ማሻላ፥ አብዶና፥ 
\v 75 ሁቆቃ፥ ረሆባነ ኤንታ ሄራን ደእያ ሄን በሳታ እምዶሶና። 
\v 76 ንፍታለመ ኮቻፈ ጋልላን ደእያ ቃደሳ፥ ሀሞና፥ ቅራታይማነ ኤንታ ሄራን ደእያ ሄን በሳታ እምዶሶና።
\p
\v 77 አትዳ ማራራ ያራስ ዛብሎና ኮቻፈ እርሞና፥ ታቦረነ ኤንታ ሄራን ደእያ ሄን በሳታ እምዶሶና። 
\v 78 ሮቤላ ኮቻፈ እያርኮፈ ሄፍንን ዮርዳኖሰፐ ዶሎሀ ባጋራ፥ ቃ ደንባን ደእያ ቦሶራ፥ ያሳነ፥ 
\v 79 ቅድሞታ፥ መፋታነ ኤንታ ሄራን ደእያ ሄን በሳታ እምዶሶና። 
\v 80 ጋደ ኮቻፈ ጋላዳን ደእያ ራሞታ፥ ማሀናይማ፥ 
\v 81 ሀሰቦና፥ እያዜራነ ኤንታ ሄራን ደእያ ሄን በሳታ እምዶሶና።
\c 7
\s1 ይሳኮራ ሼሽ
\p
\v 1 ይሳኮራ ኦይዱ አደ ናይት ቶላ፥ ፑዋ፥ ያሱባነ ሽምሮና።
\p
\v 2 ቶላ አደ ናይት ኦዛ፥ ራፋያ፥ ይርኤላ፥ ህማያ፥ ይብሳማነ ሽሙኤላ፤ ሀይሳቲ ቶላ ሶ አሳ ሀላቃታ። ኤንቲ ዎልቃማነ ምኖ አስ። ዳዊታ ዎደ ኤንታ ታይቦይ 22,600.
\p
\v 3 ኦዛ ናአይ ይዝራሀ፣ ይዝራሀ ናይት ምካኤላ፥ አብድዩ፥ እዩኤላነ ይሽያ፤ ሀ እቻሻት ሶ አሳ ሀላቃታ። 
\v 4 ባንታ ሶ አሳ የለታዳ ኦዛ ያራፐ ኦላንቾት 36,000፤ ኤንታዉ ዳሮ ማቸትነ ናይት ደኦሶና።
\p
\v 5 ይሳኮራ ኮቻፈ ኦላንቾት ባንታ የለታ ማዝጋበን ታይበትድ፥ ኩመ 87,000 ግድዶሶና።
\s1 ብንያመ ሼሽ
\p
\v 6 ብንያመ ሄ አደ ናይት ቤላ፥ በከራነ ይድኤላ።
\p
\v 7 ቤላ አደ ናይት ኤሰቦና፥ ኦዛ፥ ኡዝኤላ፥ እያርሞታነ እራ፤ ሀ እቻሻት ሶ አሳ ሀላቃታ። ኤንቲ ዎልቃማነ ምኖ አስ። ባንታ የለታን ታይበትዳ ኦላንቾት 22,034 ግድዶሶና።
\p
\v 8 በከራ አደ ናይት ዛምራ፥ እዮኣሳ፥ አላዛራ፥ ኤልዮአና፥ ኦምራ፥ እያርሞታ፥ አብያ፥ አናቶታነ አለሜታ። 
\v 9 ባንታ የለታ ማዝጋበን ታይበትዳ ዎልቃማነ ምኖ አሳት 20,200 ግድዶሶና።
\p
\v 10 ይድኤላ ናአይ ብልሃና። ብልሃና አደ ናይት ይኡሳ፥ ብንያመ፥ ኤሁዳ፥ ክንአና፥ ዘታና፥ ታርሰሳነ አክሳራ፤ 
\v 11 ሀይሳቲ ባንታ ሶ አሳ ሀላቃ፤ ዎልቃማነ ምኖ አስ። ባንታ የለታዳ ታይበትዳ ኦላንቾት 17,200. 
\v 12 ሱፍምነ ሁፍም እራ ናይታ። ሁሽም አሄረ ናአ።
\s1 ንፍታለመ ሼሻ
\p
\v 13 ንፍታለመ ናይት ያህፅኤላ፥ ጉና፥ የፀራነ ሽለማ፤ ሀይሳቲ ባላ ኮቻታ።
\s1 ምናሰ ሼሽ
\p
\v 14 ምናሰ ኮቻት ሀይሳፈ ካልድ ፃፈትዳይሳታ። ምናሰ ሶረ ላገፈ የልዳ አደ ናይት አስርኤላነ ጋላዳ አዋ ማክራ። 
\v 15 ማክር ሁፍማፐነ ሳፍማፐ እስ እስ ማቾ ኤክስ። ማክራ ምቸ ሱንይ ማእኮ። ማክራ ናአይ ካሎይ ሰሎጳዳ፤ ሰሎጳድ ማጫ ናአ ፃላላ የልስ።
\p
\v 16 ማክራ ማችያ ማእካ ፓሬሳነ ሱሮሳ ጌተትያ ናምኡ አደ ናይታ የላሱ። ፓረሳ ናይት ኡላማነ ራቄማ። 
\v 17 ኡላማ ናአይ ባዳና። ሀይሳቲ ምናሰ ናኣ ናአ ማክራ ናኣ ጋላዳ ኮቻታ።
\p
\v 18 ጋላዳ ምችያ ሀሞለከታ፥ እሱደ፥ አብኤዘራነ ማህላ የላሱ።
\p
\v 19 ሻምዳ አደ ናይት አህያ፥ ሴከማ፥ ልቃነ አንኣማ።
\s1 ኤፍሬማ ሼሽ
\p
\v 20 ኤፍሬማ ናአይ ሹቱላ፤ ሹቱላ ናአይ ባረዳ፤ ባረዳ ናአይ ታሀታ፤ ታሀታ ናአይ ኤላዳ፤ ኤላዳ ናአይ ታሀታ፤ 
\v 21 ታሀታ ናአይ ዛባዳ፤ ዛባዳ ናአይ ሹቱላ።
\p ኤፍሬማስ ኤደራነ ኤላዳ ጌተትያ ሀራ ናምኡ ናይት ደኦሶና። ኤንቲ ጌተ አሳ መሄ ካይስን አሳይ ኤንታ ዎስ። 
\v 22 ሄሳ ግሾ፥ ኤንታ አዋይ ኤፍሬም ዳሮ ዎደ አዛንን እያ እሻት እያ ምንናዉ ይዶሶና።
\p
\v 23 ሄሳፈ ጉየ፥ እ ባ ማቸራ አቅስ፤ እያ ቃንታዳ አደ ናአ የላሱ። ኤፍሬማ ሶ ጋክዳ ኢታ መቱዋ ግሾ እ ባ ናኣ ባርአ ግድ ሱንስ።
\p
\v 24 ሸእራ ጌተትያ ኤፍሬማ ናእያ ደአዉሱ፤ ጋርሳን ቤት-ሆሮና፥ ቆሞን ኡዘን-ሼራ ጌተትያ ካታማታ ኬፃሱ።
\p
\v 25 ኤፍሬማ አደ ናአይ ራፋ፤ ራፋ ናአይ ረሼፋ፤ ረሼፋ ናአይ ቴላ፤ ቴላ ናአይ ታሀና፤ 
\v 26 ታሀና ናአይ ላዳና፤ ላዳና ናአይ አምሁዳ፤ አምሁዳ ናአይ ኤልሳማ፤ 
\v 27 ኤልሳማ ናአይ ናወ፤ ናወ ናአይ እያሱ።
\p
\v 28 ኤፍሬማ ኮቻት ኤክድ ባንታዉ ዳና በሲ ኦዳ ቢታይ፥ ቤተለነ እያ ዩሹዋን ደእያ ጉታታ፤ ዶሎሀ ባጋን ናአራ፥ ዉሎሀ ባጋን ገዘራነ ኤንታ ዩሹዋን ደእያ ጉታታ፥ ሴከማ፥ አያነ ኤንታ ዩሹዋን ደኢያ ጉታታ ኡባ ኦይኬስ። 
\v 29 ምናሰ ቢታ ዛዋን ደእያ ቤት-ሳናነ እያ ዩሹዋን ደእያ ጉታታ፥ ታናካነ እያ ዩሹዋን ደእያ ጉታታ፥ ማግዶነ እያ ዩሹዋን ደእያ ጉታታ፥ ዶራነ እያ ዩሹዋን ደእያ ጉታታ። እስራኤለ ናኣ ዮሰፋ ኮቻት ሀ ካታማታን ደእዶሶና።
\s1 አሴራ ሼሽ
\p
\v 30 አሴራ አደ ናይት ይምና፥ የሱዋ፥ ይስዋነ በርአ፤ ኤንታ ምችያ ሳራሆ።
\p
\v 31 በርአ አደ ናይት ሄቤራነ በርዛወታ አዋ ማልካኤላ።
\p
\v 32 ሄቤር ያፍለፃ፥ ሳሜራ፥ ሆታማ የልስ፤ ኤንታ ምቸ ሱንይ ሶሳኖ።
\p
\v 33 ያፍለፃ አደ ናይት ፓሳካ፥ ብምሃላነ አስታ።
\p
\v 34 ሳሜራ አደ ናይት አካ፥ ሮጋ፥ ያሁባነ አራመ።
\p
\v 35 ሆታማ አደ ናይት ፆፋ፥ ይምና፥ ሰለሳነ አማላ።
\p
\v 36 ፆፋ አደ ናይት ሱሀ፥ ሀርነፈራ፥ ሶጋላ፥ ቤራ፥ ይምራ፥ 
\v 37 በፀራ፥ ሆዳ፥ ሳማ፥ ሰልሳ፥ ይትራናነ ብኤራ።
\p
\v 38 የተራ አደ ናይት ዮሮና፥ ፕስፓነ አራ። 
\v 39 ኡላ አደ ናይት ኤራ፥ ሀንኤላነ እርፃ።
\p
\v 40 ሀይሳቲ ኡባት አሴራ ኮቻታ። ኤንቲ ባንታ ሶ አሳ ሀላቃታነ ዶረትዳ ዎልቃማነ ምኖ አስ። ባንታ የለታዳ ታይበትዳ ኦላንቾት 26,000 ግድዶሶና።
\c 8
\s1 ብንያመ ሼሽ
\p
\v 1 ብንያመ ባይራ ናአይ ቤላ፤ ካሎይ አስቤላ፤ ሄንይ አህራ፤ 
\v 2 ኦይዳንይ ኖሄ፤ እቻሻንይ ራፋ።
\p
\v 3 ቤላ አደ ናይት አዳረ፥ ጌራ፥ አብሁዳ፥ 
\v 4 አብሱ ናእማነ፥ አሆሀ፥ 
\v 5 ጌራ፥ ሳፉፋማነ ክራማ።
\p
\v 6-7 ኤሁዳ አደ ናይት ናእማነ፥ አክያነ ጌራ። ኤንቲ ግብአን ደእዳነ ጉየፐ ማናሃታ ቢታ ድኤትድ ብዳ ባንታ ሶ አሳ ሀላቃታ። ኤንታ ያ ካለድ ኤፍዳይ ኦዛነ አሁዳ አዋ ጌራ።
\p
\v 8 ሻሀራም ባ ማቸታ ሁሽሞነ ባኢራ የድዳፐ ጉየ ሞአበ ቢታን አደ ናይታ የልስ። 
\v 9 ሻሀራም ባ ማቸ ሆድሽፐ ዮባባ፥ ድባያ፥ ሜሳ፥ ማልካማ፥ 
\v 10 የኡፃ፥ ሳክያነ ምርማ የልስ። እያ ናይት ኡባይ ባንታ ሶ አሳ ሀላቃታ ግድዶሶና። 
\v 11 እ ባ ማቸ ሁሽምፐ፥ አብፁባነ ኤልፋኣላ የልስ።
\p
\v 12 ኤልፋኣላ አደ ናይት ኤቤራ፥ ማሸማነ ሻመዳ። ሻመድ ኦኖነ ሎዳ ካታማታነ ኤንታ ሄራን ደእያ ጉታታ ኬፅስ።
\p
\v 13 ሻሀራም በርአነ ሸምአ የልስ። ኤንቲ ኤሎና ካታማን ደእያ ባንታ ሶ አሳ ሀላቃታ። ኤንቲ ጌተ ካታማን ደእያ አሳ ጎድዶሶና። 
\v 14 በርአ አደ ናይት ሻሀራማ፥ አህያ፥ ሻሻቃ፥ ይረሞታ።
\p
\v 15 ዛባዳ፥ አራዳ፥ ኤደራ፥ 
\v 16 ምካኤላ፥ ይሽጳነ ዮሀ።
\p
\v 17 ኤልፋላአ አደ ናይት ዛባዳ፥ ማሱላማ፥ ህዝቃ፥ ሄቤራ፥ 
\v 18 ይሽማራያ፥ ዩዝላነ ዮባባ።
\p
\v 19 ሳመአ አደ ናይት ያቅማ፥ ዝክራ፥ ዝባዳ 
\v 20 ኤላናያ፥ ፅልታያ፥ ኤለላ፥ 
\v 21 አዳያ፥ ብራያነ ሽምራታ።
\p
\v 22 ሻሻቃ አደ ናይት ይሽጳና፥ ኤቤራ፥ ኤልኤላ፥ 
\v 23 አብዶና፥ ዝክራ፥ ሀናና፥ 
\v 24 ሀናንያ፥ ኤላማ፥ አንቶታ፥ 
\v 25 ይፍዳያነ ፓኑኤላ።
\p
\v 26 ይሮሃማ አደ ናይት ሸምሽራያ፥ ሸሃራ፥ አታላ፥ 
\v 27 ያረሻ፥ ኤልይአሳነ ዝክራ።
\p
\v 28 ሀይሳቲ ባንታ የለታን የሩሳላመን ኡትዳ ባንታ ሶ አሳ ሀላቃታ።
\p
\v 29 ጋባኦና አዋይ ይኤል ጋባኦና ካታማን ደእስ፤ እያ ማቸ ሱንይ ማእኮ። 
\v 30 እያ ናኣ ባይራይ አብዶና፤ ሀራ እያ አደ ናይት ፁራያ፥ ቂሳ፥ ባኣላ፥ ኔራነ ናዳባ፥ 
\v 31 ገዶራ፥ አህያ፥ ዘከራነ 
\v 32 ማቅሎታ። ማቅሎት ሽምአ የልስ። ሀይሳቲ የሩሳላመን ደእያ ባንታ ዳቦታ ማታን ደእዶሶና።
\p
\v 33 ኔር ቂሳ የልስ፤ ቂስ ሳኦላ የልስ። ሳኦል ዮናታና፥ ማልክሳ፥ አብናዳበነ አስባኤላ የልስ። 
\v 34 ዮናታና ናአይ ማርባኣላ የልስ፤ ማርባኣል ምክያሳ የልስ።
\p
\v 35 ምክያሳ አደ ናይት ፕቶና፥ መለካ፥ ታረአነ አካዛ። 
\v 36 አካዝ ያሆአዳ የልስ። ያሆኣድ አለሜታ፥ አዝማወታነ ዝምራ የልስ። ዝምር ሞፃ የልስ፤ 
\v 37 ሞፅ ብንአ የልስ፤ ብንእ ራፋ የልስ፤ ራፍ ኤልኣሳ የልስ፤ ኤልኣስ አፄላ የልስ።
\p
\v 38 አፄላስ ኡሱፑን አደ ናይት ደኦሶና። ኤንታ ሱንይ አዝርቃማ፥ ቦኬራ፥ እስማኤላ፥ ሻኣራ፥ አብድዩነ ሀናና።
\p
\v 39 አፄላ እሻ ኤሸቃስ ሄ ናይት ደኦሶና። እያ ናአይ ባይራይ ኡላማ፤ ካሎይ ይኡሳ፤ ሄንይ ኤልፋላፃ።
\p
\v 40 ኡላማ ናይት ዎልቃማነ ምኖ አስ፤ ኤንቲ ዶንገን ዱከይሳታ። ኡላማስ ፄታነ እሻታሙ ግድያ ናይትነ ናይታ ናይት ደኦሶና።
\p ሀይሳቲ ኡባይ ብንያመ ኮቻታ።
\c 9
\s1 የሩሳላመን ደእያ አሳ
\p
\v 1 እስራኤለ አሳ ኡባይ ባ የለታን የለታን፥ እስራኤለ ካዎታ ማፃፋን ፃፈትድ ደኤስ።
\p ይሁዳ አሳይ ጎዳስ አማነትቦና ግሾ ባብሎነ ቢታ ድኤትድ ብዶሶና። 
\v 2 ኮይሮ ስሚድ ባንታ ቢታንነ ባንታ ካታማታን ኡትዳይ ጉ እስራኤለ አሳታ፥ ካህነታ፥ ሌወታነ ፆሳ ኬ ኦሳንቾታ። 
\v 3 ይሁዳፐ፥ ብንያመፐ፥ ኤፍሬማፐነ ምናሰፐ ጉ አሳት ይድ የሩሳላመን ደእዶሶና።
\p
\v 4 ይሁዳ ናኣ ፓረሳ ያራፐ ኡታይ የሩሳላመን ደኤይሳታስ ሀላቃ። ኡታይ አምሁዳ ናአ፤ አምሁድ ኦምራ ናአ፤ ኦምር እምራ ናአ፤ እምር ባና ናአ።
\p
\v 5 ይሁዳ ናኣ ሴላ ያራፐ አሳይነ እያ ናይት የሩሳላመን ደኤይሳታስ ሀላቃ።
\p
\v 6 ይሁዳ ናኣ ዛራ ያራፐ ይኡኤል የሩሳላመን ደኤይሳታስ ሀላቃ።
\p ይሁዳ ኮቻ ታይቦይ ኡሱፑን ፄታነ ኡዱፉን ታማ።
\p
\v 7 ብንያመ ያራ ሀላቃት ሀይሳፈ ካልድ ፃፈትዳይሳታ።
\p ማሱላማ ናኣ ሳሉ፥ ሆዳዋ ናኣ ማሱላማ፥ ሀሰናኡ ናኣ ሆዳዋ፥ 
\v 8 ይሮሃማ ናኣ ይብናያ፥ ኦዛ ናኣ ኤላ፥ ምክራ ናኣ ኦዛ፥ ሳፋፃ ማሱላማ፥ ራኡላ ናኣ ሳፋፃ፥ ይብና ናኣ ራጉኤላ። 
\v 9 ብንያመ ኮቻ ታይቦይ ኡዱፉን ፄታነ እሻታማነ ኡሱፑና። ሀይሳቲ ኡባይ ባንታ ሶ አሳ ሀላቃታ።
\p
\v 10 የሩሳላመን ደእዳ ካህነት ሀይሳፈ ካልድ ፃፈትዳይሳታ።
\p ኤንቲ ዮዳሀ፥ ዮራባ፥ ያክናነ 
\v 11 ፆሳ ኬን አዋትያ አዛርያሳ። አዛርያስ ካልቀ ናአ፤ ካልቀይ ማሱላማ ናአ፤ ማሱላም ሳዶቃ ናአ፤ ሳዶቅ ማርዮታ ናአ፤ ማርዮት አክፆባ ናአ።
\p
\v 12 ሀራት ቃስ ይሮሃማ ናኣ አዳያነ አድኤላ ናኣ ማእሰያ። ይሮሃም ፓስኮራ ናአ፤ ፓስኮር ማልክያ ናአ። አድኤል ያህዜራ ናአ፤ ያህዜር ማሱላማ ናአ፤ ማሱላም ማሽልሞታ ናአ፤ ማሽልሞት እመራ ናአ።
\p
\v 13 ባንታ ሶ አሳስ ሀላቃ ግድዳ ካህነታ ታይቦይ 1,760. ሀይሳቲ ፆሳ ኬን ኦናዉ ዳንዳእያ አሳታ።
\p
\v 14 የሩሳላመን ደእያ ሌወት ሀይሳፈ ካልድ ፃፈትዳይሳታ።
\p ሀሹባ ናአይ ሻማየይ ማራራ ያራ። ሀሹብ አዝርቃማ ናአ፤ አዝርቃም ሀሳባያ ናአ።
\p
\v 15 ሀራት ቃስ ባቅባቃራ፥ ሄሬሳ፥ ጋላላነ ማታና። ማታን ምካ ናአ፤ ምክ ዝክራ ናአ፤ ዝክር አሳፋ ናአ።
\p
\v 16 ሀራት ቃስ ናፆፋታ ጉታን ኡትዳይ አብድዩነ ባራካ። አብድዩይ ሻማእያ ናአ፤ ሻማኤይ ጋላላ ናአ፤ ጋላል የዱቱና ናአ፤ ባራክ አሳ ናአ፤ አስ ኤልቃና ናአ።
\p
\v 17 ካዎ ፐንግያ ናገይሳት፥ ሳሉማ፥ አቁባ፥ ታልሞና፥ አህማናነ ኤንታ እሻታ፤ ሳሉም ኤንታ ሀላቃ። 
\v 18 ኤንቲ ዉሎሀ ባጋራ ደእያ፥ ካዎ ፐንግያ ናግዶሶና። ሀይሳፈ ካሰ ኤንቲ ሌወት ዱንካንዳ ጉታ ናጎሶና።
\p
\v 19 አብሳፋ ናኣ ናአይ ቆረ ናአይ ሳሉም ቆረ ያራ። ቆረ ያራይ ካሰ ጎዳ ዱንካንያ ናግዳይሳዳ ሳሉምነ ቆረ ኮቸ ግድዳ እያ ዳቦት ፆሳ ኬ ፐንግያ ናጎሶና።
\p
\v 20 አላዛራ ናአይ ፕንሃስ ካሰ ቆረ ያራ ሀላቃ፤ ጎዳይ እያራ ደኤስ።
\p
\v 21 ማሱላማ ናአይ ዛካርያስ ዱንካንያ ግዶ ገልያ ፐንግያ ናጌስ።
\p
\v 22 ፐንግያ ናጋናዉ ዶረትዳይሳት ኩመ ናምኡ ፄታነ ታማነ ናምአ፤ ሄሳት ባንታ ጉታን ጉታን ታይበትድ ፃፈትዶሶና። ኤንታ ያራስ ሀ አዋተ እምዳይ ካዋ ዳዊታነ ናብያ ሳሜላ። 
\v 23 ሄሳ ግሾ፥ ኤንትነ ኤንታ ናይት ፆሳ ኬ ፐንግያ ናጎሶና። 
\v 24 ኦይዱ ባጋራ ዶሎሀን፥ ዉሎሀን፥ ፑደሀን ዱገሀን እስ እስ ፐንገይ ደኤስ፤ ሄ ፐንገታ ናገይሳት ደኦሶና። 
\v 25 ሄ ጉታን ደእያ ኤንታ ዳቦት ላፑን ጋላሳን ጋላሳን ላመትድ፥ ናግድ ኤንታ ማዶሶና።
\p
\v 26 ፐንግያ ናግያ ኦይዱ ሌወት ሀላቃ፤ ኤንቲ ፆሳ ኬ ክፍለታነ ክፍለታ ግዶን ደእያ ሚሸታ አዋተን አይሶሶና። 
\v 27 ፆሳ ኬ ናገይነ ዎንታ ጉራ ካርያ ዶየይ ኤንታ ግድያ ግሾ ያን አቆሶና።
\p
\v 28 ሌወታፐ ጉት ጎይኖ ዎደ ጎኤትያ ሚሸታ ናጎሶና፤ ሄ ሚሸታ ካረ ከሰይነ ሶ ገልሰይ ኤንታ። 
\v 29 ኤንታፈ እሶት እሶት ፆሳ ኬን ጎኤትያ ሀራ ሚሸታ፥ ለ፥ ዎይነ ኡሹ፥ ዛይተ፥ እፃነነ ሳዎታ አዋተን አይሶሶና። 
\v 30 ሽን ካህነታ ናይታፐ ባጋት ሳዉዋ ዋላኮሶና።
\p
\v 31 ቆረ ኮቻፈ ሳሉማ ባይራ ናአይ ማታታስ ያርሾ ኡይ ኡክስያ አዋተ ደኤስ። 
\v 32 ቃሃታ ያራ ግድያ ኤንታ ዳቦታፐ ባጋት ሳምባታን ሳምባታን ፃርጴዛ ቦላ ዎያ ኡይ ጊግስያ አዋተ ኤክዶሶና።
\p
\v 33 ሌወ ኮቻፈ ጉ ሀላቃት ፆሳ ኬን የፀይሳታ። ቃማነ ጋላስ ኤንቲ ኦያ ግሾ ሀራ ኦሶ ኦና ፆሳ ኬ ድርሳ ግዶን ደእያ ኬታን ደኦሶና።
\p
\v 34 ሀይሳቲ ኡባይ ሌወ ሶ አሳ ሀላቃታ፤ ኤንቲ የሩሳላመን ደእዶሶና።
\s1 ካዋ ሳኦላ ሼሽ
\p
\v 35 ጋባኦና አዋይ ይኤል ጋባኦና ካታማን ደእስ፤ እያ ማቸ ሱንይ ማእኮ። 
\v 36 እያ ናአይ ባይራይ አብዶና፤ እያ ናይት ሀራት ፁራያ፥ ቂሳ፥ ባኣላ፥ ኔራ፥ ናዳባ፥ 
\v 37 ጋዶራ፥ አህያ፥ ዛካርያሳነ ምክሎታ። 
\v 38 ምክሎት ስምአ የልስ። ሀይሳቲ የሩሳላመን ደእያ ባንታ ዳቦታ ማታን ደእዶሶና።
\p
\v 39 ኔር ቂሳ የልስ፤ ቂስ ሳኦላ የልስ። ሳኦል ዮናታና፥ ማልክሳ፥ አብናዳበነ ኤሽባኣላ የልስ። 
\v 40 ዮናታና ናአይ ማርባኣላ የልስ፤ ማርባኣል ምክያሳ የልስ።
\p
\v 41 ምክያሳ ናይት ፕቶና፥ መለካ፥ ታረአነ አካዛ። 
\v 42 አካዝ ያእራ የልስ። ያእር አለሜታ፥ አዝማወታነ ዝምራ የልስ። ዝምር ሞፃ የልስ፤ 
\v 43 ሞፅ ብንአ የልስ፤ ብንእ ራፋያ የልስ፤ ራፋይ ኤልኣሳ የልስ፤ ኤልኣስ አፄላ የልስ።
\p
\v 44 አፄላስ ኡሱፑን አደ ናይት ደኦሶና። ኤንታ ሱንይ አዝርቃማ፥ ቦኬራ፥ እስማኤላ፥ ሻኣራ፥ አብድዩነ ሀናና።
\c 10
\s1 ካዋ ሳኦላ ሀይቁዋ
\r (1 ሳሜ 31:1-13)
\p
\v 1 ፍልስፄመት እስራኤለ አሳራ ኦለትዶሶና። እስራኤለት ፍልስፄመታ ስንፈ ባቃትዶሶና። ሄ ዎደ ዳሮ እስራኤለ አሳይ ግልቦአ ደርያ ቦላ ሀይቅዶሶና። 
\v 2 ፍልስፄመት ሳኦላነ እያ አደ ናይታ ጎድ ኤፍድ ሳኦላ ናይታ ዮናታና፥ አብናዳባነ ማልክሳ ዎዶሶና። 
\v 3 ኦላይ ሳኦላ ተቅድ ኡንኤስ፤ ዶንገን ዱከይሳት ሳኦላ ደምድ ማዱንፅስዶሶና።
\p
\v 4 ሳኦል ባ ኦላ ሚሽያ ቶከይሳኮ፥ “ሀ ቃፃረትቦና ፍልስፄመት ታና ካኦና መላ ነ ማሻን ታና ዎ” ያግስ።
\p ሽን እያ ኦላ ሚሽያ ቶከይስ ዳሮ ያይዳ ግሾ እፅስ፤ ሄሳ ግሾ፥ ሳኦል ባ ማሻ ሳአን ኤስድ እያ ቦላ ኩንድድ ሀይቅስ። 
\v 5 እያ ኦላ ሚሽያ ቶከይስ ሳኦል ሀይቅዳይሳ በእድ፥ እካ ባ ማሻ ሳአን ኤስድ እያ ቦላ ኩንድድ ሀይቅስ። 
\v 6 ሄሳዳ ሀንድ ሳኦል፥ እያ ሄ ናይትነ እያ ሶ አሳ ኡባይ ሄ ጋላስ ሀይቅዶሶና። 
\v 7 ዛንጋራን ደእያ እስራኤለት ኡባይ ባንታ ኦላንቾት ባቃትዳይሳ፥ ሳኦልነ እያ ናይት ሀይቅዳይሳ በእዳ ዎደ ባንታ ካታማታ አግድ ባቃትዶሶና። ፍልስፄመት ይድ ሄ ካታማታን ደእዶሶና።
\p
\v 8 ዎንተ ጋላስ ፍልስፄመት አሀታ ቦላፈ ኦላ ሚሸታ ቃር ኤካናዉ ይድ፥ ሳኦልነ እያ ናይት ግልቦአ ደርያን ሀይቅድ፥ ዝንእዳይሳታ ደምዶሶና። 
\v 9 ኤንቲ ሳኦላ ቆያ ቃንፅድ እያ ኦላ ሚሽያ ቃር ኤክዶሶና። ያትድ ባንታ ኤቃታ ኬንነ ባንታ አሳ ግዶን ፆኑዋ አዋጃና መላ ፍልስፄመ ቢታ ኡባስ አሰ ኪትዶሶና። 
\v 10 ኤንቲ ሳኦላ ኦላ ሚሽያ ባንታ ፆሳታ ኬታፐ እሱዋን ዎዶሶና፤ እያ ሁጵያ ባንታ ፆሳ ዳጎና ኤቃ ኬን ካቅዶሶና።
\p
\v 11 ፍልስፄመት ሳኦላ ቦላ ኦዳባ ኡባ ጋላዳን ደእያ ያበሳ ካታማ አሳይ ስእዳ ዎደ፥ 
\v 12 ምኖ አሳት ኡባይ ብድ፥ ሳኦላ አሃነ እያ ናይታ አሀ ኤክድ ያበሳ ካታማ ኤህዶሶና። ያበሳን ደእያ ዎላ ጋርሳን ኤንታ ሞግዶሶና፤ ያትድ ላፑን ጋላስ ፆምዶሶና።
\p
\v 13 ሳኦል ጎዳስ አማነትቦና ግሾ ሀይቅስ። ጎዳ ቃላ እ ናግቤና፤ ጎዳ ዞረ ኦይቸይሳ አግድ፥ 
\v 14 ሞይትለ ፄግያ አስ ዞረ ኦይችስ። ሄሳ ግሾ፥ ጎዳይ እያ ዎድ እያ ካዎተ እሰየ ናኣ ዳዊታስ አድ እሚስ።
\c 11
\s1 ዳዊቲ እስራኤለ ቦላ ካዎትስ
\r (1 ሳሜ 5:1-10)
\p
\v 1 ሄሳፈ ጉየ፥ እስራኤለ አሳ ኡባይ እስፈ ከብሮናን ደእያ ዳዊታኮ ብድ፥ “ኑኒ ነ ሱነ ነ አሾ። 
\v 2 ካሰ ሳኦል ካዎ ግድድ ደእያ ዎደካ፥ እስራኤለ አሳ ኦላስ ካለዳይ ነና። ጎዳይ ነ ፆሳይ፥ ‘ታ አሳ እስራኤለ ኔኒ ሄማና፤ ኤንታ ቦላ ኔኒ ካዎታና’ ” ያግስ። 
\v 3 እስራኤለ ጭማት ኡባይ ካዋ ዳዊታኮ ይዳ ዎደ እ ኤንታራ ከብሮናን ጎዳ ስንን ጫቅስ። ጎዳይ ሳሜላ ባጋራ ኦድዳ ቃላዳ ዳዊቲ እስራኤለ ቦላ ካዎታናዳ ኤንቲ እያ ትይዶሶና።
\p
\v 4 ዳዊቲነ እስራኤለ አሳ ኡባይ የሩሳላመ ካታማ ብዶሶና። ሄ ዎደ ያቡሰ አሳይ ሄ በሳን ደእያ ግሾ ሄ ካታማይ ያቡሰ ጌተቴስ። 
\v 5 ያቡሰት ዳዊታኮ፥ “ኔኒ ሀ ካታማ ገላናዉ ዳንዳአካ” ያግዶሶና። ግዶሽን፥ ዳዊቲ ፅዮነን ደእያ ኤንታ ሚፃ ኦይክን፥ ፅዮነይ ዳዊቲ ካታማ ጌተትስ። 
\v 6 ዳዊቲ ባ ኦላንቾታ፥ “ያቡሰታ ኮይሮትድ ኦልያ ኦንካ ቶራ ሞጮና ግዳና” ያግስ። ፃሩያ ናአይ እዮኣብ ኮይሮትድ ኦልድ ሀላቃ ግድስ። 
\v 7 ዳዊቲ ሄ ሚፃን ደእዳ ግሾ ሄ ካታማይ ዳዊታ ካታማ ጌተትስ።
\p
\v 8 ዳዊቲ ሚሎፐ ዶምድ ሄ ካታማ ዛሪድ ኬፅስ፤ አትዳ ባጋ እዮኣብ ዛሪድ ኬፅስ። 
\v 9 ኡባፈ ዎልቃማ ጎዳይ እያራ ደእያ ግሾ ዳዊቲ ምን ምን ብስ።
\s1 ምኖ ግድዳ ዳዊታ አሳታ
\r (2 ሳሜ 23:8-39)
\p
\v 10 ምኖ ግድዳ ዳዊታ አሳት ሀይሳፈ ካልድ ፃፈትዶሶና። ጎዳይ እስራኤለስ ግዳ ቃላዳ ዳዊቲ ካዎታና መላ ሀ አሳት እስራኤለ አሳራ ዳሮ ማድዶሶና። ቃስ እያ ካዎተ ምንዶሶና።
\p
\v 11 ምኖ ግድዳ ዳዊተ አሳት ሀይሳፈ ካልድ ደኤይሳታ። ኤንታፈ ሄት ዳሮ ኤረትዳይሳታ። ሄታፐ ኮይሮይ ሀክሞና አድያ ያሾብኣማ፤ እ እስ ቶሆ ኦላን ሄ ፄቱ አሳ ባ ቶራን ዎስ። 
\v 12 እያ ካለይ፥ ሄ ምኖ አሳታፐ እሶይ አሆሀ አድያ ዶዳ ናአ አላዛራ። 
\v 13 ፍልስፄመ አሳይ ኦለታናዉ ፓስዳምማ ጌተትያ በሳ ሺቅዳ ዎደ አላዛር ዳዊታራ ደኤስ። እስራኤለ ኦላንቾት ፍልስፄመ አሳታ ስንፈ ባቃትያ ዎደ አላዛር ባንጋ ጋደን ደኤስ። 
\v 14 እነ እያ አሳት ጋድያ ግዶን ፍልስፄመ አሳራ ኦለትን፥ ጎዳይ ግታ ፆኖ እምድ ኤንታ አሽስ።
\p
\v 15 ፍልስፄመ ኦላንቾት ራፋይመ ዛንጋራን ዱንካንዳ ዎደ ሀስታሙ ሀላቃታፐ ሄት ዳዊቲ ደእያ አዱላማ ጎንጎሉዋን ደእያ ዛላኮ ብዶሶና። 
\v 16 ሄ ዎደ ዳዊቲ ሚፃን ደኤስ፤ ፍልስፄመ ኦላንቾታፐ እስ ጩጋይ ቤተለመ ኦልድ ኦይክስ። 
\v 17 ዳዊቲ ሃ ኡያናዉ አሞትድ፥ “ቤተለመ ፐንግያ ማታን ደእያ ፑልቶ ሃፈ ታና ኡሻናይ ኦነ!” ያግስ። 
\v 18 ሄ ምኖ አሳት ፍልስፄመት ዱንካንዳ በሳ ካን ብድ ቤተለመ ፐንግያ ማታን ደእያ ፑልቶ ሃፈ ዱቅድ ዳዊታስ ኤህዶሶና። ሽን ዳዊቲ ኡዮና እፅድ ሃ ጎዳ ስንን ትግስ። 
\v 19 “ሀ ሃ ኡሽ ታፐ ሃኮ! ባንታ ሸምፑዋ ባይዝድ ኤህዳ ሀ አሳታ ሱ ታኒ ኡዮ? ኤንቲ ባንታ ሸምፑዋ አድ እምድ ኤህዶሶና” ያግስ። ሄሳ ግሾ፥ ዳዊቲ ሃ ኡይቤና። ሄ ምኖ አሳት ሄሳ ኦዶሶና።
\p
\v 20 እዮኣባ እሻይ አብስ ሀስታሙ ኦላንቾታስ ሀላቃ። እ ባ ቶራን ሄ ፄቱ አሳ ዎድ፥ እካ ሀ ሄታዳ ኤረትዳ አስ ግድስ። 
\v 21 አብስ ሄታራ ታይበቶና እፅኮካ፥ እ ሄታፐ አድ ቦንቸትዳ አስ፤ እ ኤንታዉ ሀላቃ ግድስ።
\p
\v 22 ቃብፄላ አደይ ዮዳሄ ናአይ ባናይ ምኖ አስ፤ እ ምኖ ኦሶ ኦስ። እ ናምኡ ኤረትዳ ሞአበ አሳታ ዎስ። ቃስ ሻች ዎዳ እስ ጋላስ ኦላ ግዶ ገልድ ጋሞ ዎስ። 
\v 23 ባናይ እቻሹ ዋ ግድያ ግብፀ አድያ ዎስ። ግብፀ አድያ ኩሸን ዋንዳራሸ መላ ቶር ደኤስ፤ ሽን ባናይ ፃምአ ኦይክድ አድያኮ ብድ እያ ኩሽያን ደእያ ቶራ ዳፍ ኤክድ እያ ቶራን እያ ዎስ። 
\v 24 ዮዳሄ ናአይ ባናይ ሀይሳ ኦስ። እያ ሱንይ ሄ ሄታይሳዳ ኤረትስ። 
\v 25 እ ሀስታማታ ግዶን ዳሮ ቦንቸትስ፤ ሽን እ ሄታ ታይቡዋን ዴና። ዳዊቲ እያ ባና ናገይሳታ ሀላቃ ኦስ።
\p
\v 26 ምኖ አሳት እዮኣባ እሻ አሳሄላ፥ ቤተለመ አድያ ዶዳ ናኣ ኤልያና፥ 
\v 27 ሀሮዳ አድያ ሳሞታ፥ ፕሎና አድያ ሰለሳ፥ 
\v 28 ተቁሄ አድያ ኤስካ ናኣ እራ፥ አናቶታ አድያ አብኤዘራ፥ 
\v 29 ኩሳታ አድያ ሳባካ፥ አሆሀ አድያ ኤላያ፥ 
\v 30 ናፆፋ አድያ ኖኤራነ ባናሀ ናኣ ሄለዳ፥ 
\v 31 ብንያመን ደእያ ግብአ አድያ ራባያ ናአ ኤታያ፥ ፕርአቶና አድያ ባናያሳ፥ 
\v 32 ጋኣሳ ዛንጋራ ማታፐ ይዳ ኡራያ፥ አራባ አድያ አብኤላ፥ 
\v 33 ባርሁማ አድያ አዝሞታ፥ ሳአልቦና አድያ አብኤላ፥ 
\v 34 ግዞና አድያ ሀሰማ፥ ሀራራ አድያ ሻገ ናአ ዮናታና፥ 
\v 35 ሀራራ አድያ ሳካራ ናአ አህኣማ፥ ኡረ ናኣ ኤልፋላ፥ 
\v 36 ማኬራ አድያ ሄፌራ፥ ፕሎና አድያ አክያ፥ 
\v 37 ቃርመሎሳ አድያ ሄፅራ፥ ኤዝባያ ናኣ ናእራያ፥ 
\v 38 ናታና እሻ እዩኤላ፥ ሀግራ ናኣ ምብሃራ፥ 
\v 39 አሞነ አድያ ፀለቃ፥ ፃሩያ ናኣ እዮኣባ ኦላ ሚሽያ ቶክያ ባኤሮታ አድያ ናህራያ፥ 
\v 40 ያትራ አድያ እራነ ጋሬባ፥ 
\v 41 ህተ አድያ ኦርዮና፥ አህላያ ናኣ ዛባዳ፥ 
\v 42 ሮቤላ ኮቸ ግድዳ ሺዛ ናኣ አድና። እ ሮቤላ ኮቻታ ሀላቃ፤ ሀስታማት እያራ እስፈ ደኦሶና። 
\v 43 ሀራ ምኖ አሳት ማእካ ናኣ ሀናና፥ ምታነ አድያ እዮሳፈፃ፥ 
\v 44 አስታሮታ አድያ ኦዝያና፥ አሮኤራ አድያ ሆታማ ናይታ ሻማአነ ይኤላ፥ 
\v 45 ሽምራ ናኣ ይድኤላነ እያ እሻ ቲፃ አድያ ዮሀ፥ 
\v 46 ማሃዋ አድያ ኤልኤላ፥ ኤልናማ ናይታ ይርባያነ ዮሻዋ፥ ሞአበ አድያ ይትማ፥ 
\v 47 ፆባ አድያ ኤልኤላ፥ ኦቤዳነ ያእስኤላ።
\c 12
\s1 ዳዊታ ካልዳ ኦላንቾታ
\p
\v 1 ዳዊቲ ቂሳ ናኣ ሳኦላፐ ባቃትድ ፅቅላጋን ኡትዳ ዎደ እያኮ ይዳ አሳት ሀይሳፈ ካልድ ፃፈትዳይሳታ። ኤንታ ካሰ ዳዊታ ኦላን ማድዳ ምኖ አሳታ ግዶን ደኦሶና። 
\v 2 ኤንቲ ዶንገን ዱከይሳታ፤ ቃስ ኡሻቻ ኩሸንነ ሀድርሳ ኩሸን ያምባራናዉነ ዶንገ ዱካናዉ ዳንዳኦሶና። ኤንቲ ብንያመ ኮቸ ግድዳ ሳኦላ ኮቻታ። 
\v 3 ኤንታ ሀላቃይ አህኤዘራ፤ እያፐ ካልድ እዮኣሳ፤ ኤንቲ ግብአ አድያ ሻማአ ናአ።
\p ሀራት ቃስ አዝማወ ናይታ ግድዳ ይዝኤላነ ፓላፃ፥ ባራካ፥ አናቶተ አድያ እዩ፥ 
\v 4 ሀስታማታ ግዶን ዎልቃማ ግድድ፥ ኤንታ ካለያ ጋባኦና አድያ ይሽማእያ፥ ኤርምያሳ፥ ያሀዝኤላ፥ ዮሃና፥ ገዳራ አድያ ዮዛባታ፥ 
\v 5 ኤሉዛያ፥ ያርሞታ፥ ባላያ፥ ሳማራ፥ ሀርፋ አድያ ሳፋፃ፥ 
\v 6 ቆረ ኮቸ ግድዳ ኤልቃና፥ ይሽያ፥ አዛርኤላ፥ ዮኤዘራነ ያሾብኣማ፥ 
\v 7 ጋዶራ አድያ ይሮሃማ ናይታ ዮኤላነ ዛባዳ።
\p
\v 8 ዳዊቲ ባዞን ደእያ ሚፃን ደእሽን፥ ጋደ ኮቻፈ ጉ አሳት እያኮ ይዶሶና። ኤንቲ ምኖነ ኦላስ ጊግዳይሳታ፤ ጎንዳለነ ቶራ ኦይካናዉ ዳንዳኤይሳታ። ኤንታ ሶምኦይ ጋሞ ሶምኦ መላ፤ ኤንቲ ደረ ሁጰራ ጉፕያ ገንኤ መላ ኤሶቶሶና። 
\v 9 ኤንታ ሀላቃይ ኤፀራ፤ ናምአንይ አብድዩ፤ ሄንይ ኤልኣባ፤ 
\v 10 ኦይዳንይ ምስማና፤ እቻሻንይ ኤርምያሳ፤ 
\v 11 ኡሱፑንይ አታያ፤ ላፑንይ ኤልኤላ፤ 
\v 12 ሆስፑንይ ዮሃና፤ ኡዱፉንይ ኤልዛባዳ፤ 
\v 13 ታማንይ ኤርምያሳ፤ ታማነ እሳንይ ማክባናያ። 
\v 14 ሀይሳቲ ጋደ ኮቻ ኦላንቾታስ ሀላቃታ። ኤንታፈ ዝቃይ ማቶ ሀላቃ፤ ቃይ ቃስ ሻላቃ ግድስ። 
\v 15 ዮርዳኖሰ ሻፋይ፥ ጋፃፐ ጋፃ ጋክድ ክፅዳ ኮይሮ አጌናን ፕንዳይሳት ሀይሳታ። ኤንቲ ዛንጋራን ዶሎሀነ ዉሎሀ ባጋን ደእያ አሳ ኡባ የደዶሶና።
\p
\v 16 ብንያመ ኮቻፈነ ይሁዳ ኮቻፈ ጉ አሳት ዳዊቲ ደእያ ሚፃ ብዶሶና። 
\v 17 ዳዊቲ ኤንታራ ጋሄታናዉ ከይድ፥ “ህንተ ታና ማዳናዉ ሳሮ ታኮ ይዳባ ግድኮ ታ ዎዛናይ ህንተራ ግዳና። ሽን ህንተ ታና ታ ሞርከታስ አድ እማናዉ ይዳባ ግድኮ፥ ህንተና ኤርተ! ታኒ ኦዳ ኢታባይ ባይና ግሾ ኑ አዋታ ፆሳይ ሄሳ በኦ፤ እ ህንተና ፕርዶ!” ያግስ።
\p
\v 18 ሄሳፈ ጉየ፥ ሀስታማታ ሀላቃ አማሳያ ቦላ ፆሳ አያናይ ዎን፥
\q1 “ዳዊታ፥ ኑኒ ነይሳታ!
\q2 እሰየ ናአዉ፥ ኑኒ ኔራ ደኦስ!
\q1 ሳሮይ ነዉ ግዶ!
\q2 ነና ማደይሳታስ ሳሮይ ግዶ!
\q1 ነ ፆሳይ ነና ማዳና” ያግስ።
\m ዳዊቲ ኤንታ ኤክድ ባ ኦላንቾታስ ሀላቃ ኦስ።
\p
\v 19 ዳዊቲ ፍልስፄመታራ ግድድ ሳኦላ ኦላናዉ ብዳ ዎደ፥ ምናሰ ኮቻፈ ጉ አሳት ዳዊታራ ጋሄትዶሶና። ሽን ፍልስፄመታ ሀላቃት ዳዊቲነ ዳዊታ አሳይ ባንታራ ቦናዳ ድግዶሶና። ዳዊቲነ ዳዊታ አሳይ፥ ኤንታ ካዋ ሳኦላስ አድ እማነኮ ግድ ያይዳ ግሾ ፍልስፄመት ዞረትዳፐ ጉየ ኤንታ ጉየ ዛርዶሶና። 
\v 20 ዳዊቲ ፅቅላጋ ስምዳ ዎደ ምናሰ ኮቻፈ ዳዊታ ማዳናዉ ከይዳ አሳት አድና፥ ዮዛባታ፥ ይድኤላ፥ ምካኤላ፥ ዮዛባታ፥ ኤልሀነ ፅልታያ። ሀይሳቲ ካሰ ምናሰ ቢታን ሻላቃ። 
\v 21 ኤንቲ ኡባይ ምኖነ ዎልቃማ አስ ግድያ ግሾ ዳዊቲ ዙግድ ኦልያ አሳ ኦልድ እያ ማድዶሶና። 
\v 22 ዳዊቲ ኦላንቾት፥ ፆሳ ኦላንቾዳ ዳራና ጋካናዉ እያ ማድያ አሳይ ጋላስ ጋላስ ጉዠቴስ።
\p
\v 23 ጎዳይ እያዉ ግዳይሳዳ ሳኦላ ካዎተ ዳዊታኮ ዛራናዉ ዳንጨትድ ዳዊታኮ ከብሮና ብዳ ኦላንቾታ ታይቦይ ሀይሳፈ ካልድ ፃፈትዳይሳታ። 
\v 24 ጎንዳለነ ቶራ ኦይክድ ኦላስ ጊግዳ ይሁዳ ኮቻይ 6,800. 
\v 25 ስሞና ኮቻፈ ኦላስ ጊግዳ ምኖነ ዎልቃማ ኦላንቾት 7,100. 
\v 26 ሌወ ኮቻፈ 4,600. 
\v 27 አሮና ኮቻ ሀላቃይ ዮዳሄ፤ ዮዳሄራ እስፈ 3,700 አሳት ደኦሶና። 
\v 28 ሳዶቅ ናአተ፥ ምኖነ ዎልቃማ አስ፤ ሳዶቃ ሶ አሳፐ ላታማነ ናምኡ ሀላቃት እያራ ደኦሶና። 
\v 29 ብንያመ ኮቸ ግድዳ ሳኦላ ዳቦት 3,000. ሽን ብንያመ ኮቻፈ ዳርያ ባጋይ ሳኦላ ሶ አሳስ ሄ ዎደ ጋካናዉ አማነትዶሶና። 
\v 30 ኤፍሬማ ኮቻፈ ባንታ ሶ አሳን ኤረትዳ ምኖነ ዎልቃማ አሳት 20,800. 
\v 31 ዳዊታ ካዎያናዉ ባናዉ ዶረትዳ ምናሰ ኮቻፈ ባጋት 18,000. 
\v 32 እስራኤለ አሳይ አይ ኦናዉ በሲያኮ ዎድያባ ሻክድ ኤርያ አኬካንቾ አሳት፥ ይሳኮራ ኮቻ ሀላቃት፥ ናምኡ ፄታ፤ ኤንታ ዳቦት ኡባይ ኤንታዉ ኪተቶሶና። 
\v 33 ኦላ ሚሸ ኡባ ኦይክድ ባንታ ኩመ ዎዛናን ዳዊታ ማዳናዉ ጊግዳ ኦላንቾታን ዛብሎና ኮቻይ 50,000. 
\v 34 ንፍታለመ ኮቻፈ 1,000 ሀላቃትነ ጎንዳለነ ቶራ ኦይክያ 37,000 አሳት ኤንታራ ደኦሶና። 
\v 35 ዳነ ኮቻፈ ኦላስ ጊግዳ አሳት 28,600. 
\v 36 ኦላስ ከያናዉ አሴራ ኮቻፈ ጊግዳ አሳት 40,000. 
\v 37 ዮርዳኖሰ ሻፋፐ ሄፍን ዶሎሀ ባጋን ደእያ ሮቤላ ኮቻፈ ጋደ ኮቻፈነ ምናሰ ኮቸ ባጋፈ ኦላ ሚሸ ኡባ ኦይክድ ይዳ አሳት 120,000.
\p
\v 38 ሀ ኡባ ኦላንቾት ዳዊታ እስራኤለ ቦላ ካዎናዉ ባንታ ቆፋ ቃችድ፥ ከብሮና ካታማ ይዶሶና። ቃስ እስራኤለፐ አትዳይሳት ዳዊታ ካዎናዉ እስ ዎዛናን ግድዶሶና። 
\v 39 ኤንታ ዳቦት ኤንታዉ ኮሽያባ ጊግስዳ ግሾ ምሸነ ኡይሸ ዳዊታራ ሄ ጋላስ ኡትዶሶና። 
\v 40 እስራኤለ አሳስ ኡፋይስ ግድያ ግሾ፥ ፑደሀ ባጋን ደእያ ይሳኮራፐ፥ ዛብሎናፐነ ንፍታለመፐ ዳሮ አሳይ ለ፥ ባላሰ ኑካ፥ ዎይነ ቴራ፥ ዎይነ ኡሹነ ዛይተ ሀረን፥ ባቁሎን፥ ግማለንነ ቦራን ጫንድ ኤህዶሶና፤ ቃስ ኤንቲ መሄነ ዶርሰ ሹክድ ማናዉ ኤህዶሶና።
\c 13
\s1 ታቦተይ እስራኤለ ስምስ
\r (2 ሳሜ 6:1-11)
\p
\v 1 ዳዊቲ ሻላቃታራነ ማቶ ሀላቃታራ ዞረትስ። 
\v 2 እስራኤለ አሳ ኡባ፥ “ህንተዉ ሎኦ ዳንያባ ግድኮነ ጎዳ ኑ ፆሳ ሸነ ግድኮ፥ እስራኤለ ቢታ ጋፃን ደእያ ኑ ዳቦት፥ ሄሳዳካ ባንታ ካታማታንነ ሄን በሳታን ደእያ ካህነትነ ሌወት ኑኮ ሺቃና መላ አሰ ኪቶስ። 
\v 3 ሳኦላ ካዎተ ዎደ ቀል ጌተትዳ ኑ ፆሳ ታቦትያ አነ ዛሪድ ኤሆስ” ያግስ። 
\v 4 ዳዊታ ኦዳይ ሎኦ ግድዳ ግሾ አሳ ኡባይ ማእስ።
\p
\v 5 ሄሳ ግሾ፥ ዳዊቲ ፆሳ ታቦትያ ቅርያት-ይኣርመፐ ኤሀና መላ ግብፀ ዛዋፐ ዶምድ ሀማታ ፕኖ ጋካናዉ ደእያ እስራኤለ አሳ ኡባ ሺሽስ። 
\v 6 ዳዊቲነ እስራኤለ አሳ ኡባይ ክሩበታፐ ግዶን ባ አራታ ቦላ ኡትዳ ጎዳ ሱንይ ፄገትዳ ፆሳ ታቦትያ ኤሀናዉ ይሁዳ ቢታን ደእያ ባላ ጌተትያ ቅርያት-ይኣርማ ብዶሶና። 
\v 7 ፆሳ ታቦትያ ኦራ ፓራ ጋረን ዎድ፥ አምናዳበ ሶፐ ኤህዶሶና፤ ኦዝነ አህዮይ ጋርያ ላጎሶና። 
\v 8 ዳዊቲነ እስራኤለ አሳ ኡባይ ዲነ ማስንቆ ካእሸ፥ ካራቦ ባቅሸ፥ ዳላ ጊርስሸ፥ ዛየ ፑንሸ ባንታ ኩመ ዎልቃን ፆሳ ስንን ኡፋይትድ፥ የፅሸ ፆሳ ቦንችዶሶና።
\p
\v 9 ኤንቲ ክዶና ዉዱማ ጋክያ ዎደ ቦራት በትዳ ግሾ ኦዝ ታቦትያ ኦይካናዉ ባ ኩሽያ የድስ። 
\v 10 ኦዛ ኩሸይ ታቦትያ ቦችዳ ግሾ፥ ጎዳ ሀንቆይ ኦዛ ቦላ ኤፅስ። ሄሳ ግሾ፥ ጎዳይ እያ ፃድክን፥ እ ሄ በሳን ፆሳ ስንን ሀይቅስ።
\p
\v 11 ጎዳይ ሀንቀትድ ኦዛ ዎዳ ግሾ፥ ዳዊቲ ይሎትስ። ሀች ጋካናዉ ሄ በሳይ ኦዝ ከትዳ በሳ ጌተቴስ። 
\v 12 ሄ ጋላስ ዳዊቲ ፆሳ ያይዳ ግሾ፥ “ፆሳ ታቦትያ ታኮ ዋታ ኤሀናዉ ዳንዳእያና?” ያግስ። 
\v 13 ዳዊቲ ታቦትያ የሩሳላመ ኤፋናፐ ግድ ጋተ አድያ አብዳራ ሶ ኤፍስ። 
\v 14 ፆሳ ታቦተይ አብዳራ ሶን እያ ሶ አሳራ ሄ አጌና ጋምእስ። ጎዳይ እያ ሶ አሳነ እያዉ ደእያ ኡባ አንጅስ።
\c 14
\s1 ዳዊታ ሶ አሳ
\r (2 ሳሜ 5:11-16)
\p
\v 1 ፅሮሳ ካዎይ ክራም ዳዊታስ ጋ ኬፃና መላ ኪተትያ አሳታ፥ ሹቹ ማሰይሳታነ አናፀታ ዝጋ ምራ የድስ። 
\v 2 ጎዳይ እስራኤለ ቦላ እያ ካዎ ኦድ ምንዳይሳነ ባ አሳ እስራኤለ ግሾ እያ ካዎተ ቦንችዳይሳ ዳዊቲ ኤርስ።
\p
\v 3 ሄሳፈ ጉየ፥ ዳዊቲ የሩሳላመን ሀራ ማቾ ኤክድ አደ ናይታነ ማጫ ናይታ የልስ። 
\v 4 ዳዊቲ የሩሳላመን የልዳ አደ ናይት ሳሙሳ፥ ሶባባ፥ ናታና፥ ሶሎሞነ፥ 
\v 5 ይብሃራ፥ ኤልሱአ፥ ኤልፋላፃ፥ 
\v 6 ኖጋ፥ ናፈጋ፥ ያፋያ፥ 
\v 7 ኤልሳማ፥ ኤልዳና፥ ኤልፋላፃ።
\s1 ዳዊቲ ፍልስፄመታ ፆንስ
\r (2 ሳሜ 5:17-25)
\p
\v 8 ዳዊቲ እስራኤለ ኡባ ቦላ ካዎ ግድድ ትየትዳይሳ ፍልስፄመት ስእዳ ዎደ ኡባይ ዳዊታ ኦልድ ኦይካናዉ ከይዶሶና። ዳዊቲ ሄሳ ስእድ ኤንታራ ኦለታናዉ ከይስ። 
\v 9 ፍልስፄመት ራፋይመ ዛንጋራ ይድ ኦይክዶሶና። 
\v 10 ዳዊቲ፥ “ታኒ ፍልስፄመታ ኦሎ? ኔኒ ኤንታ ታዉ አ እማኔ?” ያግድ ፆሳ ኦይችስ።
\p ጎዳይ፥ “ባዳ ኦላ፤ ታኒ ኤንታ ነዉ አ እማና” ያግስ።
\p
\v 11 ዳዊቲነ እያ አሳይ ባአል-ፓራስመ ጌተትያ በሳ ብድ ያን ኤንታ ፆንዶሶና። ዳዊቲ፥ “ሃ ስድ ከየይሳዳ ፆሳይ ታ ሞርከታ ግዶራ ታና ካንስስ” ያግስ። ሄ በሳ ሱንይ ባአል-ፓራስመ ጌተትስ። 
\v 12 ፍልስፄመት ባንታ ኤቃታ ሄ በሳን የግድ ብን፥ ዳዊቲ ኪትድ ኤንታ ኤቃታ ፁግስስ።
\p
\v 13 ፍልስፄመት ዛር ሄ ዛንጋራ ይድ ኦልዶሶና። 
\v 14 ዳዊቲ ፆሳ ዛሪድ ኦይችስ። ፆሳይ፥ “ኤንታ ጉየራ ዩያ አዳ ዎላ ማታን ኤቃዳ ኦላፐ አትሽን፥ ስን ባጋራ ከዮፓ። 
\v 15 ዎላ ሁጰን ሳልፐ ግርስ ኔኒ ስእያ ዎደ ኦላናዉ ከያ። ሄስ ፍልስፄመ ኦላንቾታ ሾጫናዉ ፆሳይ ኔፐ ስን አዳይሳስ ማላ” ያግስ። 
\v 16 ፆሳይ ኪትዳይሳዳ ዳዊቲ ኦስ። ጋባኦናፐ ገዘራ ጋካናዉ እስራኤለ አሳይ ፍልስፄመ ኦላንቾታ ዎዶሶና። 
\v 17 ዳዊታ ሱንይ ቢታ ኡባ ጋክስ። ካዎተ ኡባይ ዳዊታስ ያያና መላ ጎዳይ ኦስ።
\c 15
\s1 ታቦተይ የሩሳላመ ስምስ
\p
\v 1 ዳዊቲ ባ ካታማን ባዉ ኬ ኬፅስ፤ ፆሳ ታቦትያስ በሰ ጊግስድ፥ ዱንካነ ኤስስ። 
\v 2 ዳዊቲ፥ “ፆሳ ታቦትያ ቶካናዳነ መርናዉ ፆሳስ ኦናዳ ጎዳይ ዶርዳይ ሌወታ ግድያ ግሾ ሀር ኦንካ ፆሳ ታቦትያ ቶካናዉ በሰና” ያግስ። 
\v 3 ዳዊቲ ጎዳ ታቦትያስ ጊግስዳ በሳ ታቦትያ ኤሀና መላ እስራኤለ አሳ ኡባ የሩሳላመ ሺሽስ። 
\v 4 ካልድ ዳዊቲ አሮና ኮቻታነ ሌወታ ፄግድ ሺሽስ። 
\v 5 ቃሃታ ያራፐ ሀላቃይ ኡርኤልነ እስ ፄታነ ላታሙ እያ ዳቦት ይዶሶና። 
\v 6 ማራራ ያራፐ ሀላቃይ አሳይነ ናምኡ ፄታነ ላታሙ እያ ዳቦት ይዶሶና። 
\v 7 ገድሶና ያራፐ ሀላቃይ እዩኤልነ ፄታነ ሀስታሙ እያ ዳቦት ይዶሶና። 
\v 8 ኤልዛፋና ያራፐ ሀላቃይ ሻማእነ ናምኡ ፄቱ እያ ዳቦት ይዶሶና። 
\v 9 ከብሮና ያራፐ ሀላቃይ ኤልኤልነ ሆስፑን ታሙ እያ ዳቦት ይዶሶና። 
\v 10 ኡዝኤላ ያራፐ ሀላቃይ አምናዳበይነ ፄታነ ታማነ ናምኡ እያ ዳቦት ይዶሶና።
\p
\v 11 ዳዊቲ ካህነታ ሳዶቃነ አብያታራ፥ ሌወታ ኡርኤላ፥ አሳያ፥ እዩኤላ፥ ሻማአ፥ ኤልኤላነ አምናዳበ ፄግስ። 
\v 12 ኤንታኮ፥ “ህንተ ሌወ ኮቻስ ሀላቃታ። ጎዳ እስራኤለ ፆሳ ታቦትያ ታኒ ጊግስዳ በሳ ኤሀናዉ ህንተነ ህንተ ዳቦት ጌይተ። 
\v 13 ህንተ ሌወት ኮይሮ ፆሳ ታቦትያ ቶክቦና ግሾነ ኑኒ እያ ዎጋ መላ ዋት ኤፋነኮ ፆሳ ኦይችቦና ግሾ፥ ጎዳይ ኑ ፆሳይ ኑና ሴርስ” ያግስ።
\p
\v 14 ጎዳ እስራኤለ ፆሳ ታቦትያ ኤሀናዉ ካህነትነ ሌወት ባንታና ጌሽዶሶና። 
\v 15 ጎዳይ ሙሰ ባጋራ ካሰ ኪትዳይሳዳ ሌወት ፆሳ ታቦትያ ባንታ ሀሽያን ካሶራ ቶክዶሶና።
\p
\v 16 ዲ፥ ማስንቆነ ዳላ ካእሸ ኡፋይሳ የ የፃና መላ ባንታ ዳቦ ግድዳ ሌወታፐ ዛማረታ ሹማና መላ ዳዊቲ ኪትስ። 
\v 17 ሌወት እዩኤላ ናኣ ሄማና፥ እያ ዳቦታፐ ባራካ ናኣ አሳፋነ ኤንታ ዳቦታፐ ማራራ ያራ ቁሳያ ናኣ ኤታና ሹምዶሶና። 
\v 18 ቃስ ናምአን ደን ዛካርያሳ፥ ያዝኤላ፥ ሻምራሞታ፥ ይኤላ፥ ኡና፥ ኤልኣባ፥ ባናያ፥ ማእሰያ፥ ማትታ፥ ኤልፋላ፥ ምቅነያነ ፐንገ ናግያ አብድዩነ ይኤላ ሹምዶሶና።
\p
\v 19 ናሰ ዳላ ቃና መላ ሄማን አሳፍነ ኤታን ሹመትዶሶና። 
\v 20 ቃስ ዛካርያስ፥ ያእዝኤል፥ ሻምራሞት፥ ይኤል፥ ኡን፥ ኤልኣብ፥ ማእሰይነ ባናይ ማስንቆ ካኦሶና። 
\v 21 ማትታ፥ ኤልፋል፥ ምቅነይ፥ አብድዩይ ይኤልነ አዛዘይ ዲ ዲፆሶና።
\p
\v 22 ሌወታ ሀላቃይ ካናነይ ማዝሙረ ኤርያ ግሾ ኤንታ ካለናዉ ሹመትስ። 
\v 23 ባራክነ ኤልቃን ታቦትያ ዱንካንያ ፐንግያ ናጋናዉ ዶረትዶሶና። 
\v 24 ካህነት ሳባን፥ እዮሳፈፅ፥ ናትናኤል፥ አማሳይ፥ ዛካርያስ፥ ባናይነ አላዛር ፆሳ ታቦትያ ስንን ሞይዘ ፑናናዉ ዶረትዶሶና። ኦቤድ-ኤዶመይነ ይሄይ ታቦትያ ናጋናዉ ዶረትዶሶና።
\p
\v 25 ዳዊቲ፥ እስራኤለ ጭማትነ ሻላቃት ጎዳ ጫቆ ታቦትያ አብዳራ ሶፐ ኤሀናዉ ኡፋይትሸ ብዶሶና። 
\v 26 ጎዳ ጫቆ ታቦትያ ቶክዳ ሌወታ ፆሳይ ማድዳ ግሾ ኤንቲ ላፑን ኮርማነ ላፑን ማራዘ ያርሽዶሶና። 
\v 27 ዳዊቲ፥ ታቦትያ ቶክዳ ሌወት፥ ማዝሙረ የፀይሳትነ ኤንታ ሀላቃይ ካናነይ ሊኖፐ ኦሰትዳ ማኦ ማእዶሶና። ዳዊቲካ ሊኖፐ ኦሰትዳ ኤፉደ ማእስ። 
\v 28 ሄሳዳ ኦድ፥ እስራኤለ ኡባይ ኡፋይትድ ሞይዘነ ዛየ ፑንሸ፥ ዳላ ቃሸ፥ ዲነ ማስንቆ ካእሸ ጎዳ ጫቆ ታቦትያ ኤህዶሶና።
\p
\v 29 ጎዳ ጫቆ ታቦተይ ዳዊታ ካታማ ገልዳ ዎደ ሳኦላ ናእያ መልኮላ ካዎይ ዳዊቲ ኡፋይትድ ዱርሽንነ ካእሽን ማስኮተራ በአዳ ባ ዎዛናን ካሱ።
\c 16
\p
\v 1 ኤንቲ ፆሳ ታቦትያ ኤህድ ዳዊቲ ታቦትያ ዎናዉ ኤስዳ ዱንካንያ ግዶን ዎድ፥ ፁሳ ያርሾነ እስፈተ ያርሾ ፆሳስ ያርሽዶሶና። 
\v 2 ዳዊቲ ፁሳ ያርሾነ እስፈተ ያርሾ ያርሽድ ፖልዳፐ ጉየ ጎዳ ሱንን አሳ አንጅስ። 
\v 3 እስራኤለ አሳ ኡባስ ማጫስነ አደስ፥ ሁጰን ሁጰን እስ ሙመ ኡይ፥ እስ ቃንፆ አሾነ እስ ዎይነ ኑካ ግሽስ።
\p
\v 4 ጎዳ ታቦትያ ስንን ኦና መላነ ጎዳ እስራኤለ ፆሳ ሳባና መላ፥ ጋላታና መላነ ቦንቻና መላ ጉ ሌወታ ዳዊቲ ሹምስ። 
\v 5 ሌወታ ሀላቃይ አሳፋ፤ አሳፋ ካልድ ዛካርያሳ። ዛካርያሳ ካልድ ደኤይ ይኤላ፥ ሻምራሞታ፥ ይኤላ፥ ማትታ፥ ኤልኣባ፥ ባናያነ ኦቤድ-ኤዶመ። ኤንቲ ማስንቆነ ዲ ዲፃናዉ ሹመትዶሶና፤ ሽን አሳፍ ዳላ ግርሳናዉ ሹመትስ። 
\v 6 ካህነይ ባናይነ ያሀዝኤል ፆሳ ጫቆ ታቦትያ ስንን ኡባ ዎደ ሞይዘ ፑናናዉ ሹመትዶሶና። 
\v 7 ሄ ጋላስ ዳዊቲ አሳፍነ እያ ዳቦት ጎዳ ሳባና መላ ሀ ማዝሙርያ ኮይሮ ኪትስ።
\s1 ጋላታ ማዝሙረ
\r (ማዝ 105:1-15፤ 96:1-13፤ 106:1፥ 47-48)
\q1
\v 8 ጎዳ ጋላትተ፤ እያ ሱን ፄግተ፤
\q2 እያ ኦሱዋ ካዎተታ ግዶን ኦድተ።
\q1
\v 9 እያ ሳቢተ፤ ጋላታ ማዝሙርያ እያዉ የፅተ፤
\q2 ማላልስያ እያ ኦሶ ኡባ ኦድተ።
\q1
\v 10 እያ ጌሻ ሱንን ጬቀትተ፤
\q2 ጎዳ ኮየይሳታ ዎዛናይ ኡፋይቶ።
\q1
\v 11 ጎዳነ እያ ዎልቃ በእተ፤
\q2 ኡባ ዎደ እያ ስን ኮይተ።
\q1
\v 12-13 ህንተኖ፥ እስራኤለ ኮቻቶ፥
\q2 ዶረትዳ ያይቆባ ናይቶ፥
\q2 እያ ማላታ፥ እ እምዳ ፕርዳነ ማላልስያባታ ሀሳይተ።
\q1
\v 14 እ ጎዳ ኑ ፆሳ፤
\q2 እያ ፕርዳይ ቢታ ኡባ ቦላና።
\q1
\v 15 እያ ጫቁዋ መርናዉ
\q2 ሙኩሉ የለተ ጋካናዉ፥
\q2 እያ ቃላ ናግተ።
\q1
\v 16 አብራሃመራ ጫቅዳ ጫቁዋ ናጌስ፤
\q2 ይሳቃስ ገልዳ ቃላ ምንስ።
\q1
\v 17 ያይቆባስ ዎጋ፥
\q2 እስራኤለስ መርና ጫቁዋ፥
\q2 ኦድ ምንስ።
\q1
\v 18 “ታኒ ነዉ ካናነ ቢታ እማና፤
\q2 እ ነ ኮቻስ ላታ ግዳና” ያግስ።
\q1
\v 19 ሄስ ህንተ ታይቦን ጉነ
\q2 ካናነን በተ ግድድ ደእያ ዎደ ሀንስ።
\q1
\v 20 እስ ደርያፐ ሀራ ደረ ፕንዶሶና፤
\q2 እስ ካዎተፈ ሀራ ካዎተ ዩይዶሶና።
\q1
\v 21 ፆሳይ ኤንታ ኦንካ ናቃና መላ እምቤና፤
\q2 ኤንታ ግሾ ካዎታ ሴርስ።
\q1
\v 22 “ታኒ ትይዳይሳታ ቦቾፍተ፤
\q2 ታ ናበታ ቆሆፕተ” ያግስ።
\q1
\v 23 ሳአን ደእያ አሳ ኡባይ ጎዳስ የፅተ፤
\q2 እያ አሹዋ ጋላስ ጋላስ ኦድተ።\x - \xo 16:23 \xo*\xt ማዝ 96:1-13.\xt*\x*
\q1
\v 24 ካዎተታ ግዶን እያ ቦንቹዋ፥
\q2 ማላልስያ እያ ኦሱዋ አሳ ኡባ ግዶን አዋጅተ።
\q1
\v 25 ጎዳይ ግታ፤ አ ጋላታይ እያዉ በሴስ፤
\q2 ፆሳታ ኡባፈ አድ ቦንቸታናዉ በሴስ።
\q1
\v 26 ሀራ ካዎተታ ፆሳት ኡባይ ኤቃታ፤
\q2 ሽን ጎዳይ ሳሎታ መዳ ፆሳ።
\q1
\v 27 እያ ስንን ቦንቾይነ ቴም ደኤስ፤
\q2 ምኖተነ ኡፋይስ እ ደእያ በሳን ደኤስ።
\q1
\v 28 ህንተኖ፥ ቢታ ካዎተቶ፥
\q1 ጎዳ ቦንቾነ ዎልቃ እምተ።
\q1
\v 29 እያ ሱንስ በሲያ ቦንቾ እምተ፤
\q2 ያርሾ ኤክድ እያ ስን ዪተ፤
\q2 እያ ጌሻተ ቴማን ጎዳ ጎይንተ።
\q1
\v 30 ቢታን ደእያ አሳ ኡባይ እያ ስንን ኮኮርተ፤
\q2 ሳአይ ምን ኤቅዳ ግሾ ቃፀና።
\q1
\v 31 ሳሎት ኡፋይቶ፤ ሳእ ሀሹ ጎ!
\q1 ካዎተታ ግዶን ኤንቲ “ጎዳይ ካዎትስ!” ያጎ።
\q1
\v 32 አባይነ እያ ግዶን ደእያ ኡባይ ጉሞ፤
\q2 ጋደይነ እያን ደእያ ካ ኡባይ ኡፋይቶ።
\q1
\v 33 ሄ ዎደ ዎራን ደእያ ም ኡባይ
\q2 ኡፋይሳን ጎዳ ስንን የፃና።
\q2 እ ሳኣ ቦላ ፕርዳናዉ ዬስ።
\q1
\v 34 ጎዳይ ኬሀ ግድያ ግሾነ
\q2 እያ ሲቆይ መርናሳ ግድያ ግሾ፥
\q2 ጎዳ ጋላትተ።
\q1
\v 35 “አቤት ኑና አሽያ ፆሳዉ ኑና አሻ፤\x - \xo 16:35 \xo*\xt ማዝ 106:47-48.\xt*\x*
\q2 ኑኒ ነ ጌሻ ሱን ጋላታና መላነ
\q2 ነ ቦንቹዋን ኑ ቦንቸታና መላ፥
\q2 ካዎተታ ግዶፈ ሺሻዳ ኑና አሻ” ያግተ።
\q1
\v 36 ጎዳይ እስራኤለ ፆሳይ፥
\q2 መርናፐ መርና ጋካናዉ ጋላተቶ!
\p አሳ ኡባይ፥ “አምንእ” ግድ፥ ጎዳ ጋላትዶሶና።
\p
\v 37 ጎዳ ጫቆ ታቦትያ ስንን ጋላስ ጋላስ ጎይኖስ ኮሽያባ ኡባ ዎደ ኤንቲ ኦና መላ ዳዊቲ አሳፋነ እያ ዳቦታ ዎስ። 
\v 38 ቃስ ኦቤድ-ኤዶመነ ኡሱፑን ታማነ ሆስፑን እያ ዳቦታ ኤንታራ ኦና መላ ዎስ፤ የዱቱና ናኣ ኦቤድ-ኤዶመነ ሆሳ ፐንግያ ናጋና መላ ዎስ።
\p
\v 39 ካህነይ ሳዶቅነ እያራ ኦያ ካህነት ጋባኦናን ደእያ ቃ በሳን፥ ዱንካንያ ስንን ኦና መላ ኤንታ ያን አግስ። 
\v 40 ጎዳይ እስራኤለስ እምዳ ህግያን ፃፈትዳይሳዳ ኤንቲ ዎንታነ ኦማርስ ኡባ ዎደ ፁሳ ያርሾ ያርሻና መላ ኦስ። 
\v 41 እያ ሲቆይ መርናሳ ግድያ ግሾ ጎዳ ማዝሙረን ጋላታና መላ ሄማና፥ የዱቱናነ ዶረትዳ ሀራታ ዳዊቲ ኤንታራ እስፈ ዎስ። 
\v 42 ሄማንነ የዱቱን ሞይዘ ፑኖሶና፥ ዳላ ጊርሶሶና ጋላታ ማዝሙረ የፅሸ ካእያ ሀራ ሚሸታ ካኦሶና። የዱቱና አደ ናይት ፐንግያ ናጋናዉ ሹመትዶሶና።
\p
\v 43 ሄሳፈ ጉየ አሳ ኡባይ ባ ሶ ሶ ብስ። ዳዊቲካ ባ ሶ አሳ አንጃናዉ ስምስ።
\c 17
\s1 ናታን ዳዊታስ ኦድዳ ትንብተ
\r (2 ሳሜ 7:1-17)
\p
\v 1 ዳዊቲ ባ ጋን ኡትዳፐ ጉየ ናብያ ናታናኮ፥ “ታኒ ዝጋፐ ኬፀትዳ ኬን ደአይስ፤ ሽን ጎዳ ጫቆ ታቦተይ ዱንካነ ግዶን ደኤስ” ያግስ።
\p
\v 2 ናታን ዳዊታኮ፥ “ጎዳይ ኔራ ደእያ ግሾ ነ ዎዛናይ ቆፕዳባ ኡባ ኦ” ያግስ።
\p
\v 3 ሽን ሄ ቃማ ጎዳ ቃላይ ናታናኮ ሀይሳዳ ያግሸ ይስ፤ 
\v 4 “ባዳ ታ አይልያ ዳዊታኮ ሀይሳዳ ያጋ፤ ‘ታኒ ዳና ኬ ኬፃናይ ነና ግዳካ። 
\v 5 ታኒ እስራኤለ ግብፀፈ ከስዳ ዎደፐ ዶማዳ ሀች ጋካናዉ ኬን ደአብከ፤ ታኒ ዱንካነፐ ዱንካነ፥ በሳፈ በሲ ዩያሸ ደአስ። 
\v 6 ታኒ እስራኤለ አሳ ኡባራ ዩይዳ በሳ ኡባን፥ ታ አሳ ሄማና መላ ታኒ ሹምዳ አሳፐ ኦና ታዉ ዝጋ ኬ አይስ ኬፃብኪ?’ ጋዳ ኦይቻብከ” ያጌስ።
\p
\v 7 “ሄሳ ግሾ፥ ታ አይልያ ዳዊታኮ ባዳ ኡባፈ ዎልቃማ ጎዳይ ሀይሳዳ ያጌስ፤ ‘ታኒ ነና ዶርሰ ሄምያ በሳፔ ደንዳ ታ አሳ እስራኤለ ካለና መላ ኤሀስ። 
\v 8 ኔኒ ብዳ በሰ ኡባን ታኒ ኔራ ግዳስ፤ ነ ሞርከታ ኡባ ነ ስንፈ ድጋስ። ህዛ ታኒ ሀ ሳአን ኤረትዳ ግታ አሳዳ ነ ሱን ግታያና። 
\v 9 ታኒ ታ አሳ እስራኤለስ በሰ እማዳ፥ ኤንታ ሄ በሳን ቶካና። ሄሳ ግሾ፥ ኤንቲ ባንታ በሳን ደአና፤ ኤንቲ ዛሪድ ዋባቆኮና። ካሰ ታኒ ታ አሳ እስራኤለ ቦላ ዳይናታ ሹማዳ ዎደ ሞርከት ናቅዳይሳዳ፥ 
\v 10 ዛሪድ ኢታ አሳት ኤንታ ናቆኮና። ታኒ ነ ሞርከታ ኡባ ነዉ ሃርሳና።
\p “ ‘ሄሳ ቦላ ጎዳይ ባ ሁጰን ነዉ ኬ ኬፃናይሳ ኦዴስ። 
\v 11 ነ ሀይቃዳ ነ ማይዛታን ጋሄትያ ዎደ ታኒ ኔፐ ጉየ ነ ናይታፐ እሱዋ ደንዳ እያ ካዎተ ምንና። 
\v 12 ታዉ ኬ ኬፃናይ\f + \fr 17:12 \fr*\ft ኬ ኬፃናይ፦ ሀ በሳን ኬ ኬፃናይ ጌተትያ ሶ አሳ ዎይኮ ሼሻ ዎይኮ የለተ ድቻናይ እያ ጉሱ። ፓይዶ 17፥ 23፥ 24፥ 25፥ 27 ፄላ\ft*\f* እያ፤ ታኒ እያ አራታ መርናዉ ምን ኤሳና። 
\v 13 ታኒ እያዉ አዋ ግዳና፤ እካ ታዉ ናአ ግዳና። ኔፐ ስን ካዎትዳ ሳኦላፐ ታ ማሮተ\f + \fr 17:13 \fr*\ft ማሮተ፦ ሀ በሳን ኦደትዳ ማሮተይ ዱፆና ሲቆ ዎይኮ መርናዉ አጎና ሲቆ ዎይኮ ላመቶና ሲቆ ጉሱ።\ft*\f* ኤክዳይሳዳ ታኒ እያፐ ኤክከ። 
\v 14 ታኒ እያ ታ አሳ ቦላነ ታ ካዎተ ቦላ መርናዉ ሹማና፤ እያ አራታይ መርናዉ ምን ኤቃና’ ” ያግስ።
\p
\v 15 ናታን ፆሳይ እያዉ ቆንጭስዳ ቃላ ኡባ ዳዊታስ ኦድስ።
\s1 ዳዊታ ዎሳ
\r (2 ሳሜ 7:18-29)
\p
\v 16 ሄሳፈ ጉየ፥ ካዎይ ዳዊቲ ዱንካንያ ግዶ ገልድ፥ ጎዳ ስንን ኡትድ፥ ሀይሳዳ ያግድ ዎስስ፤ “አቤት ጎዳዉ፥ ፆሳዉ ኔኒ ሀይሳ ኡባ ታዉ ኦናዉ ታኒ ኦኔ? ታ ሶ አሳይካ አይቤ? 
\v 17 አቤት ጎዳዉ፥ ሄስ ነ አይፍያ ስንን ጉ ዳንን፥ ነ አይልያ ሶ አሳስ ስንፈ ሀናናባ ኦዳዳሳ። ኔኒ ታና ግታ አስ ኦዳ ፄላዳሳ። 
\v 18 ኔኒ ታና ነ አይልያ ቦንችዳ ግሾ፥ ዳዊቲ አይ ጋናዉ ዳንዳኢ? ኔኒ ታና ነ አይልያ ኤራሳ። 
\v 19 አቤት ጎዳዉ፥ ነ አይልያ ግሾነ ነ ዎዛና ቆፋዳ ሀ ግታባ ኡባ ኦዳ፥ ሀ ግታ ኡፋይሳ ቃላ ኡባ ታና ኤርሳዳሳ። 
\v 20 አቤት ጎዳዉ፥ ነ መል ኦንካ ባዋ። ኑኒ ኑ ሀይን ስእዳይሳዳ ኔፐ አትሽን፥ ሀራ ፆሲ ባዋ። 
\v 21 ኔኒ ነ አሰ ኦናዉ ዎዝዳ ነ አሳ እስራኤለ ዳንያ ሀራ ካዎተ ሳአ ቦላ ባዋ። ኔኒ ኦዳ ግታነ ማላልስያ ኦሶታ ጋሶን ነ ሱንይ ቢታን ኤረትስ። ኔኒ ግብፀፈ ዎዝዳ ነ አሳ ስንፈ ካዎተታ ጎዳ ከሳዳሳ።\x - \xo 17:21 \xo*\xt ዛረ 4:7.\xt*\x* 
\v 22 ኔኒ ነ አሳ እስራኤለ መርናዉ ነባ ኦዳሳ። አቤት ጎዳዉ፥ ኔኒ ኤንታ ፆሰ ግዳዳሳ።
\p
\v 23 “አቤት ጎዳዉ፥ ኔኒ ነ አይልያስነ እያ ሶ አሳስ ኦድዳባይ መርናዉ ምንድ ደኦ፤ ኔኒ ኦና ግዳይሳዳ ኦ። 
\v 24 ‘ኡባፈ ዎልቃማ ጎዳይ፥ እስራኤለ ፆሳይ ቱማ እስራኤለ ፆሰ’ አሳይ ጋናዳ ነ ሱንይ መርናዉ ምንድ ዳናነ ግታ ግዳና። ነ አይልያ ዳዊታ ሶ አሳይ ነ ስንን ምንድ ዳና።
\p
\v 25 “አቤት ታ ፆሳዉ፥ ኔኒ ነ አይልያስ ኬ ኬፃና ጋዳ ቆንጭሳዳሳ። ሄሳ ግሾ፥ ታኒ ነ አይለይ ሀ ዎሳ ዎሳናዉ ምናስ። 
\v 26 አቤት ጎዳዉ፥ ኔኒ ፆሰ! ኔኒ ሀ ሎኦ ኡፋይሳ ቃላ ታዉ ነ አይልያስ ኦና ጋዳሳ። 
\v 27 ነ ስንን መርናዉ ዳና መላ ነ አይልያ ሶ አሳ አንጃናዉ ኮያዳሳ። አቤት ጎዳዉ፥ ነ አንጅዳይስ መርናዉ አንጀትዳይሳ ግዳና” ያግድ ዎስስ።
\c 18
\s1 ዳዊታ ፆኖታ
\r (2 ሳሜ 8:1-18)
\p
\v 1 ሄሳፈ ጉየ፥ ዳዊቲ ፍልስፄመታ ፆንድ ሃርስ፤ ጌተ ካታማነ እያ ጉታታ ፍልስፄመታ ኩሸፐ ኤክስ። 
\v 2 ዳዊቲ ሞአበ አሳ ፆንን፥ ኤንቲ እያዉ ሃረትድ ጊርዶሶና።
\p
\v 3 ሀማታ ካታማ ማታን ደእያ ሱባ ካዎይ አድራዛር፥ ባ ካዎተ ኤፍራፂሳ ሻፋ ጋካናዉ አሳናዉ ብሽን ዳዊቲ እያ ኦልስ። 
\v 4 ዳዊቲ አድራዛራፐ እስ ሙኩሉ ፓራ ጋረታ፥ ላፑን ሙኩሉ ፓራ አሳታነ ላታሙ ሙኩሉ ቶሆ አሳታ ድእስ። ዳዊቲ ፄቱ ጋረታስ ግድያ ፓራታ አሽድ ሀራ ፓራታ ኡባስ ገዳ ፃጱዋ ቃንፅስ።
\p
\v 5 ዳማስቆ ካታማን ደእያ ሶረት ሱባ ካዋ አድራዛራ ማዳናዉ ይዳ ዎደ ዳዊቲ ኤንታፈ 22,000 አሳ ዎስ። 
\v 6 ሄሳፈ ጉየ፥ ሶረ ቢታን ዳማስቆ ካታማን ኦላ ሚፃ መስ። ሶረ አሳት ዳዊታስ ሃረትድ ጊርዶሶና። ዳዊቲ ብዳ በሳ ኡባን ጎዳይ እያዉ ፆኖ እሚስ።
\p
\v 7 ዳዊቲ አድራዛራ ኦሳንቾት ቶክዳ ዎርቃ ጎንዳለታ ኤክድ የሩሳላመ ኤፍስ። 
\v 8 ቃስ ዳዊቲ አድራዛር ሃርያ ፀባሀነ ኩና ካታማታፐ ዳሮ ናሰ ብራታ ኤክስ። ሄሳፈ ጉየ፥ ሶሎሞነይ ሄ ናሰ ብራታፐ ኦሰትዳ ከረታ፥ ቱሳታነ ዱማ ዱማ ሚሸታ ኦስ።
\p
\v 9 ዳዊቲ ሱባ ካዋ አድራዛራ ኦላንቾታ ኡባ ፆንዳይሳ ሀማታ ካዎይ ቶይ ስእስ። 
\v 10 ቶይ አድራዛራራ ኦለትሸ ጋምእዳ ግሾ ዳዊቲ አድራዛራ ኦልድ ፆንዳ ግሾ እያ ሀሹ ጋናዉነ ሳሮናዉ ባ ናኣ ሀዶራማ ካዋ ዳዊታኮ ኪትስ። ሀዶራም ዎርቃፈ፥ ብራፐነ ናሰ ብራታፐ ኦሰትዳ ሚሸታ እሞታ ኤክድ ብስ። 
\v 11 ካዎይ ዳዊቲ ኤዶመፐ፥ ሞአበፐ፥ አሞነፐ፥ ፍልስፄመታፐነ አማለቃታፐ ድእድ ኤክዳ ብራነ ዎርቃ ሀ ሚሸታራ ጋድ ጎዳስ ዱማይድ ዎስ።
\p
\v 12 ፃሩያ ናአይ አብስ ኤዶመ አሳፐ 18,000 አሳ፥ ማፅነ ዛንጋራን ዎስ። 
\v 13 ዳዊቲ ኤዶመን ኦላ ሚፃ መስ፤ ያትን፥ ሄ ቢታ አሳ ኡባይ ዳዊታስ ሃረትስ። ዳዊቲ ብዳ በሳ ኡባን ጎዳይ እያዉ ፆኖ እሚስ።
\p
\v 14 ሄሳዳ ኦድ፥ ዳዊቲ እስራኤለ ኡባ ቦላ ካዎትድ ባ አሳ ኡባ ፅሎተንነ ሱረ ፕርዳን አይስስ። 
\v 15 ፃሩያ ናአይ እዮኣብ ቶራ ሞጮና፤ አህሉዳ ናአይ እዮሳፈፅ ታርከ ፃፈ። 
\v 16 አህፁባ ናአይ ሳዶቅነ አብያታራ ናአይ አብመለከይ ካህነ፤ ሳራይ ዋና ፃፈ። 
\v 17 ዮዳሄ ናአይ ባናይ ዳዊቲ ናግያ አሳ ሀላቃ፤ ዳዊታ አደ ናይት እያ ካዎተን ቃ በሳ ኦይክዳ ሀላቃታ።
\c 19
\s1 ዳዊቲ አሞነታ ፆኑዋ
\r (2 ሳሜ 10:1-19)
\p
\v 1 ሄሳፈ ጉየ፥ አሞነ ካዎይ ናኦስ ሀይቅን እያ ናአይ እያ በሳን ካዎትስ። 
\v 2 ዳዊቲ፥ “እያ አዋይ ናኦስ ታዉ ኬህዳ ግሾ ታኒ እያ ናኣ ሀኑናስ ኬሀና” ያግስ። ሀኑና አዋይ ሀይቅዳ ግሾ ዳዊቲ እያ ምንናዉ አሰ ኪትስ።
\p ዳዊቲ ኪትዳ አሳት ሀኑና ምንናዉ አሞነ ጋክዳ ዎደ፥ 
\v 3 አሞነ ሞርናት ሀኑናኮ፥ “ዳዊቲ ነ አዋ ቦንችድ ነና ምንናዉ ሀ አሳታ ኪትስ ጋዳ ኔ ቆፓይ? እ ሀ አሳ ኪትዳይ ሀ ካታማ ዎችድ፥ ኦላናሳ” ያግዶሶና።
\p
\v 4 ሀኑኒ ዳዊቲ ኪትዳ አሳታ ኦይክድ፥ ኤንታ ቡቻ ሜድስ፤ ኤንታ ማኡዋ ጋርሳፈ ዱለ ጋካናዉ ቃንፅድ ኤንታ የድስ። 
\v 5 ሄሳ ግሾ፥ አሳት ዳሮ ዬላትዶሶና። ዳዊቲ ሄሳ ስእድ፥ ኤንታኮራ አስ ኪትድ፥ “ህንተ ቡቻይ ድጫና ጋካናዉ እያርኮ ካታማን ደእተ፤ ሄሳፈ ጉየ ሃ ዪተ” ያግስ።
\p
\v 6 አሞነት ባንታ ኩሸን ዳዊቲ ኤንታ ሞርካና መላ ኦዳይሳ ኤርዳ ዎደ ማሰጰፆመንነ ሶረን ደእያ ማእካነ ሱባ ካታማታፐ ፓራ ጋረታነ ፓራታ ጋርፃናዉ 34,000 ክሎ ግራመ ብራ ሳንትመ የድዶሶና። 
\v 7 32,000 ፓራ ጋረታ፥ ፓራታ፥ ማእካ ካዋነ እያ ኦላንቾታ ሚሸን ጋርፅን ይድ መዳባን ዱንካንዶሶና። ቃስ አሞነት ባንታ ካታማፐ ከይድ ኦላስ ጊገትዶሶና።
\p
\v 8 ዳዊቲ ሄሳ ስእዳ ዎደ እዮኣባነ ኦላንቾታ የድስ። 
\v 9 አሞነት ከይድ ካታማ ፐንገን ኦላስ ሳልፕዶሶና። ኤንታ ማዳናዉ ይዳ ካዎት ባንታ በሳ ኦይክድ ደንባን ሺቅዶሶና።
\p
\v 10 እዮኣብ ኦል ስንራነ ጉየራ ተቅዳይሳ በእዳ ዎደ እስራኤለታ ግዶፈ ምኖ ኦላንቾታ ዶርድ፥ ሶረ ኦላንቾታ ስንን ሳልፕስስ። 
\v 11 አትዳ አሳ ባ እሻ አብሳ አዋተ ጋርሳን ዎስ፤ ኤንቲ አሞነታ ስንን ሳልፕዶሶና። 
\v 12 እዮኣብ ባ እሻ አብሳኮ፥ “ሶረ አሳት ታ ቦላ ዎልቃምኮ፥ ኔኒ ያዳ ታና ማዳ። አሞነ አሳት ነ ቦላ ዎልቃምኮ፥ ታኒ ያዳ ነና ማዳና። 
\v 13 ህዛ ምና! ኑ አሳ ግሾነ ኑ ፆሳ ካታማታ ግሾ አነ ምንድ ኦለቶስ። ጎዳይ ባና ሎእያባ ኦ” ያግስ።
\p
\v 14 ሄሳፈ ጉየ፥ እዮኣብነ እያራ ደእያ አሳይ ሶረ ኦላንቾታራ ኦለታናዉ ከይዶሶና። ያትን፥ ሶረ አሳይ እያ ስንፈ ባቃትዶሶና። 
\v 15 ሶረ አሳይ ባቃትዳይሳ አሞነ አሳይ በእዳ ዎደ ኤንትካ እያ እሻ አብሳያ ስንፈ ባቃትድ ካታማ ገልዶሶና። ሄሳፈ ጉየ፥ እዮኣብ የሩሳላመ ስምስ።
\p
\v 16 ሶረ አሳይ እስራኤለ አሳይ ኤንታ ፆንዳይሳ ኤርዳ ዎደ አሰ ኪትድ ኤፍራፂሳ ሻፋፐ ሄፍንራ ደእያ ሶረ አሳ ኤህዶሶና። ቶራ ሞጮናይ አድራዛር፥ ሾፋክ ኤንታ ካለስ።
\p
\v 17 ዳዊቲ ሄሳ ስእዳ ዎደ እስራኤለ ኦላንቾታ ሺሽድ፥ ዮርዳኖሰ ሻፋ ፕንድ ሶረ አሳራ ኦለታናዉ ኤንታ ስንን ሳልፕዶሶና። ዳዊቲ ኤንታራ ኦለታናዉ ሳልፕን ኤንትካ እያራ ኦለትዶሶና። 
\v 18 ሶረ አሳይ እስራኤለታ ስንፈ ባቃትዶሶና፤ ዳዊቲ ሶረ አሳፐ ፓራ ጋረ ላግያ 7,000 አሳነ 40,000 ቶሆ አሳነ ኤንታ ቶራ ሞጮና ሾፋካ ዎስ። 
\v 19 አድራዛራ ኦላንቾት እስራኤለታን ፆነትዳይሳ ኤርዳ ዎደ ዳዊታራ ስገትድ፥ እያዉ ሃረትዶሶና። ሄሳፈ ጉየ፥ ሶረ አሳይ አሞነ አሳ ማዳናዉ ዶስቦኮና።
\c 20
\s1 ዳዊቲ ራባ ኦልድ ኦይክስ
\r (2 ሳሜ 12:26-31)
\p
\v 1 ላይ ላመን ካዎት ኦላስ ከይያ ዎደ እዮኣብ ኦላንቾታ ካለድ አሞነ ቢታ ኦልድ ራባ ካታማ ኦይክስ። ሽን ዳዊቲ የሩሳላመን አትስ፤ እዮኣብ ራባ ካታማ ኦልድ ይስስ። 
\v 2 ሄሳፈ ጉየ ዳዊቲ ይድ ኤንታ ካዋ ዎርቃ ካላቻ እያ ሁጰፐ ኤክስ። ካላቻ ዴፆይ ሀስታማነ ኦይዱ ክሎ ግራመ ግድስ፤ እያ ግዶን አልኦ ሹች ደኤስ። ሄ ካላቻ ኤክድ ዳዊቲ ባ ሁጰን ዎስ። ቃስ ዳዊቲ ሄ ካታማፐ ዳሮ ድኦ ድእስ። 
\v 3 ካታማን ደእያ አሳ ከስድ ማጋዘን፥ ኮንተንነ ካልታን ኦስስስ። አሞነን ደእያ አሳ ኡባ ሄሳዳ ኦስስስ። ሄሳፈ ጉየ፥ ዳዊቲነ እያ አሳ ኡባይ የሩሳላመ ስምስ።
\s1 ፍልስፄመታራ ኦለትዳ ኦላ
\r (2 ሳሜ 21:15-22)
\p
\v 4 ሄሳፈ ጉየ፥ ፍልስፄመራ ገዘራን ኦል ደንድን፥ ኩሳታ አደይ ሳባክ፥ ራፋይመ ያራ ግድዳ ስፋያ ዎስ። ያትን፥ ፍልስፄመት ፆነትዶሶና።
\p
\v 5 ፍልስፄመታራ ደንድዳ ሀራ ኦላን ቃስ ያእራ ናአይ ኤልያን፥ ቶራ ቶማይ ዋንዳራሸ መላ ግድዳ፥ ጌተ አድያ ጎልያዳ እሻ፥ ላህማ ዎስ።
\p
\v 6 ቃስ ሀራ ኦል ጌተን ደንድስ። ሄ በሳን እስ ዎጋ አዱሳ አደይ ደኤስ። ሄ አድያስ እስ እስ ኩሽያንነ እስ እስ ቶሁዋን ኡሱፑን፥ ዎል ቦላ ላታማነ ኦይዱ ብራት ደኦሶና። እካ ራፋ ያራ። 
\v 7 ሄ ኡራይ እስራኤለታራ ቄለትዳ ዎደ ዳዊታ እሻ ሳምአ ናአይ ዮናታን እያ ዎስ። 
\v 8 ሀይሳቲ ጌተን ደእያ ራፋ ያራታ፤ ኤንቲ ዳዊቲ ኩሸንነ እያ አሳ ኩሸን ሀይቅዶሶና።
\c 21
\s1 ዳዊቲ አሳ ታይብስ
\r (2 ሳሜ 24:1-25)
\p
\v 1 ፃለሄይ እስራኤለ ቦላ መቶ ኤሀናዉ ኮይድ፥ ዳዊቲ እስራኤለ አሳ ታይባና መላ ደንስ። 
\v 2 ዳዊቲ እዮኣባኮነ ቶራ ሞጮናታኮ፥ “ዳነፐ በርሳበ ጋካናዉ ብድ፥ እስራኤለ አሳ ታይብተ። ያትድ፥ አሳ ታይቦይ አፑነኮ ታና ኤርስተ” ያግስ።
\p
\v 3 ሽን እዮኣብ፥ “ጎዳይ፥ ሀ ደእያ ባ አሳ ቦላ ፄቱ ኩሸ ጉጆ! ታ ጎዳዉ፥ ካዋዉ፥ ኤንቲ ኡባይ ታ ጎዳ አይለታ ግዶኮናዬ? ታ ጎዳይ ሄሳ መላባ ኦናዉ አይስ ኮዪ? እስራኤለ ቦላ አይስ ባላ ኦይ?” ያግስ። 
\v 4 ሽን ካዋ ቃላይ እዮኣባ ፆንን፥ እዮኣብ ከይድ እስራኤለ ቢታ ኡባ ዩይድ የሩሳላመ ስምስ። 
\v 5 እዮኣብ ታይብዳ አሳ ታይቡዋ ዳዊታስ እሚስ። እስራኤለ ቢታ ኡባን ማሻን ኦለታናዉ ዳንዳእያ እስ 1,100,000 አሳት ደኦሶና። ቃስ ይሁዳ ቢታን ማሻን ኦለታናዉ ዳንዳእያ 470,000 አሳት ደኦሶና። 
\v 6 እዮኣብ ካዋ ኪታ ዶስቦና ግሾ ሌወታነ ብንያመ ኮቻታ ታይቤና።
\p
\v 7 ፆሳይ ሄሳን ኡፋይትቦና ግሾ እስራኤለ ሴርስ። 
\v 8 ዳዊቲ ፆሳኮ፥ “ታኒ ሀይሳን ግታ ናጋራ ኦስ። ሽን ሀእ ነና ዎሳይስ፤ ነ አይልያ ናጋራ አቶ ጋ፤ ታኒ ዳሮ ኤያባ ሀናስ” ያግስ።
\p
\v 9 ጎዳይ ዳዊታ ቆንጨ በእያ ጋደኮ ሀይሳዳ ያግስ፤ 
\v 10 “ባዳ ዳዊታኮ፥ ጎዳይ፥ ‘ታኒ ነና ሄ ዶሮ በሳይስ፤ ታኒ ነ ቦላ ኦና መላ ኤንታፈ ታዉ እሱዋ ዶራ’ ያጌስ” ያጋ።
\p
\v 11 ጋድ ዳዊታኮ ብድ፥ “ጎዳይ ሀይሳታፐ እሱዋ ዶራ ያጌስ፤ 
\v 12 ሄ ላይ ኮሻ ዎይኮ ሄ አጌና ነ ሞርከታ ኩሸን አዳ እመታናይሳ ዎይኮ ሄ ጋላስ ጎዳ ማሻይ ነ ቢታ ሾጫናይሳነ ጋዶ እስራኤለ ቦላ ኤህያ ሀይቆ ኪታንቾ ኪተይሳፈ አዉሳ ዶራይ? ታና ኪትዳይሳስ ኦዳናባ ታዉ ኦዳ” ያግስ።
\p
\v 13 ዳዊቲ ጋደኮ፥ “ታኒ ዳሮ ኡንኤታስ። ጎዳ ማሮታይ ግታ ግድያ ግሾ ታኒ እያ ኩሸን ኩንዳና፤ አሳ ኩሸን ኩንድከ” ያግስ።
\p
\v 14 ሄሳ ግሾ፥ ጎዳይ እስራኤለ ቦላ ጋዶ የድን፥ 70,000 እስራኤለ አሳት ሀይቅዶሶና። 
\v 15 ፆሳይ የሩሳላመ ይሳናዉ ኪታንቾ ኪትስ። ሽን ኪታንቾይ የሩሳላመ ይሳናዉ ዶምዳ ዎደ ጎዳይ አዛንስ። ይስያ ኪታንቹዋኮ፥ “አጋ! ህዛ ግዳና!” ያግስ። ሄ ዎደ ጎዳ ኪታንቾይ ያቡሰ አድያ ኦርና ዉዱማ ማታን ኤቅስ።
\p
\v 16 ኪታንቾይ ባ ማሻ ባ ኩሸን ኦይክድ የሩሳላመ ይሳናዉ ሳአፐነ ሳሎፐ ግዶን ኤቅዳይሳ ዳዊቲ በእስ። ሄ ዎደ ዳዊቲነ ጭማት ካዮ ማኦ ማእድ፥ ሳአን ጉፋንዶሶና። 
\v 17 ዳዊቲ፥ “አሳይ ታይበታና መላ ኦዳይ ታና ግድክና? ናቅዳይነ ኢታባ ኦዳይ ታና። ሽን ሀ ዶርሳት አይ ኦዶና? አቤት ጎዳዉ፥ ታ ፆሳዉ፥ ሀያና ነ ኩሸይ ታናነ ታ ሶ አሳ ሴሮ። ነ ኩሸይ ነ አሳ ሴሮፖ!” ያግስ።
\p
\v 18 ጎዳ ኪታንቾይ ጋደኮ ሀይሳዳ ያግስ፤ “ዳዊቲ ያቡሰ አድያ ኦርና ዉዱማ ብድ ጎዳስ ያርሾ በሲ ግምባና መላ ኦዳ” ያግስ። 
\v 19 ጎዳ ሱንን ጋድ ኦድዳይሳ ስእድ ዳዊቲ ብስ።
\p
\v 20 ሄ ዎደ ኦርንነ እያ ኦይዱ አደ ናይት ዉዱማን ግስተ ቆፆሶና። እ ጉየ ስሚድ ኪታንቾ በእስ፤ እያራ ደእያ ኦይዱ ናይት በእድ ቆሰትዶሶና። 
\v 21 ዳዊቲ ኦርናኮ ይዳ ዎደ ኦርን እያ በእድ፥ ዉዱማፈ ጋፃ ከይድ ዝግድ ሳሮስ።
\p
\v 22 ዳዊቲ፥ “ጋዶይ አሳ ቦላፈ ክቻና መላ ታኒ ጎዳስ ያርሾ በሲ ኬፃና መላ ነ ዉዱማ ታዉ ባይዛ። ታኒ ነዉ ኩመ ጋትያ ቃንፃና” ያግስ።
\p
\v 23 ኦርን፥ “ኤካ፤ ታ ጎዳይ ካዎይ ባና ኡፋይስያባ ኦ። ሄኮ፥ ቦራት ፁሳ ያርሾስ፥ ካ ቡክያ ሚሽያ ኤናዉ፥ ግስተ ካ ያርሾስ እማና። ታኒ ሀ ኡባ ነዉ እማና” ያግስ።
\p
\v 24 ሽን ካዎይ ዳዊቲ፥ “አካይ፥ ታኒ ኩመ ጋተ ቃንፃዳ ሻማና። ታኒ ነባነ ታ ሚሸን ሻሞናባ ኤካዳ ፁሳ ያርሾ ኦዳ ጎዳስ ያርሽከ” ያግስ።
\p
\v 25 ዳዊቲ ዉዱማ ኡሱፑን ፄቱ ዎርቃ ሳንትመን ሻምስ። 
\v 26 ዳዊቲ ያን ጎዳስ ያርሾ በሲ ኬፅስ። ያትድ ፁሳ ያርሾነ እስፈተ ያርሾ ያርሽስ። ጎዳ ዎስን፥ ጎዳይ ፁሳ ያርሹዋ ቦላ ሳሎፐ ታማ የድድ እያዉ ዛርስ።
\p
\v 27 ጎዳይ ኪታንቹዋ ኪትን፥ ኪታንቾይ ባ ማሻ ሾሁዋን ዛርስ። 
\v 28 ዳዊቲ፥ ጎዳይ እያ ዎሳ ዛርዳይሳ በእድ፥ ያቡሰ አድያ ኦርና ዉዱማን ዛሪድ ያርሽስ። 
\v 29 ሙሰይ መላ ቢታን ጊግስዳ፥ ጎዳ ዱንካነይነ ፁሳ ያርሾ በሳይ ሄ ዎደ ጋባኦናን ጎይንያ ቃ በሳን ደኤስ። 
\v 30 ሽን ዳዊቲ ጎዳ ኪታንቹዋ ማሻ ያይዳ ግሾ ፆሳ ኦይቻናዉ ሄ በሳ ባናዉ ዳንዳእቤና።
\c 22
\p
\v 1 ሄሳፈ ጉየ፥ ዳዊቲ፥ “ጎዳ ፆሳ ኬይነ እስራኤለ አሳይ ፁሳ ያርሾ በሳይ ሀይሳን ግዳና” ያግስ።
\s1 ፆሳ ኬ ኬፃናዉ ጊገተ
\p
\v 2 ዳዊቲ እስራኤለ ቢታን ደእያ በተ አሳታ ሺሻና መላ ኪትስ። ፆሳ ኬ ኬፃናዉ ሹቹ ማሰይሳት ማስድ ሎይና መላ ኤንታ ግዶፈ ዶርስ። 
\v 3 ዳዊቲ፥ ድርሳ ፐንግያ ጊግሳናዉ ምስማረነ ማፃፈ ቆፃናዉ ዳሮ ብራታነ ዛው ባይና ናሰ ብራታ ጊግስስ። 
\v 4 ስዶናነ ፅሮሳ አሳት ዳዊታስ ዝጋ ኤህያ ግሾ ዳዊቲ፥ ታይቦይ ባይና ዝጋ ጊግስስ። 
\v 5 ዳዊቲ፥ “ታ ናአይ ሶሎሞነይ ዮጋነ ኤራተን ሎህቤና። ጎዳስ ኬፀትያ ኬይ ቢታ ኡባን ኤረትዳነ ቦንቸትዳ ሎኦ ኬ ግዳናዉ በሴስ። ሄሳ ግሾ፥ እያዉ ኮሽያባ ታኒ ጊግሳና” ያግስ። ዳዊቲ ሀይቃናፐ ስን ዳሮባ ጊግስድ ዎስ።
\p
\v 6 ሄሳፈ ጉየ፥ ዳዊቲ ባ ናኣ ሶሎሞነ ፄግድ፥ ጎዳስ እስራኤለ ፆሳስ ኬ ኬፃና መላ ኪትስ። 
\v 7 ዳዊቲ ሶሎሞነኮ፥ “ታ ናአዉ፥ ታኒ ጎዳ ታ ፆሳ ሱንስ ኬ ኬፃናዉ ታ ዎዛናን ቆፓስ። 
\v 8 ግዶሽን፥ ጎዳ ቃላይ፥ ‘ኔኒ ዳሮ ሱ ጉሳዳሳ፤ ዳሮ ኦላ ኦለታዳሳ። ኔኒ ሀ ሳኣ ቦላ ታ ስንን ዳሮ ሱ ጉስዳ ግሾ ታ ሱንስ ኬ ኬፃካ። 
\v 9 ግዶሽን፥ ሳሮነ ሸምፖ ግድዳ ናእ የለታና፤ እያ ዩሹዋን ደእያ ሞርከታፐ ታኒ እያ ሸምፕሳና። እያ ሱንይ ሶሎሞነ፤ ታኒ እያ ካዎተ ላይን እስራኤለ አሳስ ሳሮተነ ዎፓ እማና። 
\v 10 እ ታ ሱንስ ኬ ኬፃና። እ ታ ናአ ግዳና፤ ታኒ እያዉ አዋ ግዳና። እያ አራታ እስራኤለን መርናዉ ምንዳ ኤሳና’ ” ያግስ።
\p
\v 11 “ህዛ ታ ናአዉ፥ ጎዳይ ኔራ ግዶ። ጎዳ ነ ፆሳ ኬ ኬፃና መላ ጎዳይ ካሰ ኦድዳይሳዳ ነና ፖልሶ። 
\v 12 ጎዳይ ነና እስራኤለ አሳ ቦላ ካዎ ኦያ ዎደ፥ ጎዳ ነ ፆሳ ህግያ ናጋና መላ ጎዳይ ነዉ ጭንጫተነ አኬካ እሞ። 
\v 13 ጎዳይ ሙሰ ባጋራ እስራኤለስ እምዳ ዎጋነ ኪታ ኔኒ ናግኮ ኡባይ ነዉ ሀናና። ምና፤ ያዮፋ፤ ዳጋሞፋ፥ ኡፋይስ ቃንፆፋ! 
\v 14 ታኒ ታዉ ዳንዳኤትዳ መላ ጎዳ ኬ ኬፃናዉ 3,400 ክሎ ግራመ ዎርቃ፥ 34,000 ክሎ ግራመ ብራ፥ ዛው ባይና ናሰነ ብራታ ሺሻስ፤ ሄሳዳካ ምነ ሹቹ ጊግሳስ። ነካ ነ ባጋራ ሄሳ ቦላ ሀራ ጉጃናዉ ኮሼስ። 
\v 15 ነ ማታን ዳሮ ኦሳንቾት ሹቹ ቆኤይሳትነ ማሰይሳት፥ አናፀትነ ኡባ ኦሶ ኦናዉ ዳንዳእያ ሂላንቾት ደኦሶና። 
\v 16 ዎርቃ፥ ብራ፥ ናሰነ ብራታ ኦያ አሳስ ዛው ባዋ። ህዛ ኔኒ ኦሱዋ ዶማ፤ ጎዳይ ኔራ ግዶ” ያግስ።
\p
\v 17 እስራኤለ ካለይሳት ኡባይ ባ ናኣ ሶሎሞነ ማዳና መላ ዳዊቲ ሀይሳዳ ያግድ ኪትስ፤ 
\v 18 “ጎዳይ፥ ህንተ ፆሳይ ሀእ ጋካናዉ ህንተራ ደኤነዬ? እ ህንተና ኡባ ባጋራ ሸምፕስበነዬ? ሀ ቢታን ደእያ አሳ እ ታ ኩሸን አድ እምዳ ግሾ ሀ ቢታይ ጎዳስነ እያ አሳስ ሃረትስ። 
\v 19 ህዛ ጎዳ ህንተ ፆሳ ኮያናዉ ህንተ ዎዛናነ ህንተ ሸምፑዋ እምተ። ጎዳ ሱንስ ኬፀትዳ ኬ ግዶን ጎዳ ጫቆ ታቦትያነ ፆሳ ጌሻ ሚሸታ ኤህድ ዎና መላ ደንድድ ጎዳ ፆሳ ኬ ኬፅተ” ያግስ።
\c 23
\s1 ሌወታ
\p
\v 1 ዳዊቲ ጭምዳ ዎደ ባ ናኣ ሶሎሞነ እስራኤለ ቦላ ካዎስ።
\p
\v 2 ዳዊቲ እስራኤለ ካለይሳታ ኡባ፥ ካህነታነ ሌወታ እስፈ ሺሽስ። 
\v 3 ላይ ሀስታማነ እያፐ ቦላ ግድዳ ሌወት ታይበትድ ኩመ 38,000 ግድዶሶና። 
\v 4 ኤንታፈ ጎዳ ኬ አዋተን አይስያ 24,000 ሌወታ ካዎይ ዎስ፤ 6,000 ሌወታ ሀላቃታነ ፕርዳ ዳይናታ ኦድ ዎስ። 
\v 5 4,000 ሌወታ ፐንገ ናገይሳታ ኦድ ዎስ። ቃስ ጎዳ ጋላታናዉ ዳዊቲ ጊግስዳ የ ሚሸን ጎዳ ጋላትያ 4,000 ሌወታ ዎስ።
\p
\v 6 ዳዊቲ ሌወ አደ ናይታ ገድሶና፥ ቃሃታነ ማራራ ኤንታ ያራን ያራን ሄ ጩጋን ሻክስ።
\s2 ገድሶናታ
\p
\v 7 ገድሶና አደ ናይት ላእዳነነ ሳምአ። 
\v 8 ላእዳነ ሄ አደ ናይት ይኤላ፥ ዘታማነ እዩኤላ። 
\v 9 ሳመአ ሄ አደ ናይት ሳሎሞታ፥ ሀዝኤላነ ሀራና፤ ሀይሳቲ ላእዳነ ያራ ሀላቃታ። 
\v 10 ሳማአ ኦይዱ አደ ናይት ያሃታ፥ ዚዛ፥ ኡሳነ ባርአ። 
\v 11 ኡስ ባይራ፥ ዚዝ ካሎ። ሽን ኡሳስነ ባርአስ ናይት ዳሮና ግሾ ኤንቲ እስ ያራዳ ታይበትዶሶና።
\s2 ቃሃተታ
\p
\v 12 ቃሃታ ኦይዱ አደ ናይት አንባራማ፥ ይስሃራ፥ ከብሮናነ ኡዝኤላ። 
\v 13 አንባራማ አደ ናይት አሮናነ ሙሰ። አሮንነ እያ ኮቻይ ኡባፈ ጌሽ ግዳና መላ ዱማትዶሶና። ኤንቲ ጎዳ ስንን እፃነ ጩይሳናዉ፥ ጎዳስ ኦናዉነ ጎዳ ሱንን አሳ አንጃናዉ መርናዉ ዱማትዶሶና። 
\v 14 ፆሳ አሰ ግድዳ ሙሰ ናይታ ሌወ ኮቻታራ ጋድ ታይብዶሶና። 
\v 15 ሙሰ ናይት ገድሶና አላዛራ። 
\v 16 ገድሶና ናይታ ግዶፈ ሀላቃይ ሳቡኤላ። 
\v 17 አላዛራ ናአይ ራሃባ። አላዛራስ ሀራ ናእ ባዋ፤ ሽን ራሃባስ ናይት ዳሮ።
\p
\v 18 ይስሃራ ናይታ ሀላቃይ ሳሎምታ። 
\v 19 ከብሮና ናአይ ባይራይ ይርያ፤ ካሎይ አማረ፤ ሄንይ ያሀዝኤላ፤ ኦይዳንይ ያቅምኣማ። 
\v 20 ኡዝኤላ ባይራ ናአይ ምክያሳ፤ ካሎይ ይሽያ።
\s2 ማራራታ
\p
\v 21 ማራራ ናይት ማህላነ ሙሳ። ማህላ ናይት አላዛራነ ቂሳ። 
\v 22 አላዛር ማጫ ናአፐ አትሽን፥ አደ ናአ የሎና ሀይቅስ። ሄሳ ግሾ፥ ኤንታ አዋ እሻ ቂሳ ናይት ኤንታ ማችዶሶና። 
\v 23 ሙሳ ሄ ናይት ማህላ፥ ኤደራነ ይረሞታ።
\p
\v 24 ሌወ የለታን ባንታ ኮቻንነ ሶ አሳን ባንታ ሱንን ማዝጋበትዳ ሌወ ኮቻት ሀይሳታ። ላይ ላታማነ እያፐ ቦላ ግድዳ ሌወ ኮቻት ኡባይ ጎዳ ፆሳ ኬን ኦዶሶና። 
\v 25 ዳዊቲ፥ “ጎዳይ፥ እስራኤለ ፆሳይ ባ አሳ ሸምፕስስ። ጎዳይ የሩሳላመን መርናዉ ዳና። 
\v 26 ሌወት ዱንካንያነ እያ ግዶን ጎኤትያ ሚሸታ ህዛፐ ጉየ ቶካናዉ በሰና” ያግስ። 
\v 27 ዳዊቲ ዉርሰ ኪታን፥ ላይ ላታማነ እያፐ ቦላ ግድዳ ሌወት ታይበትዶሶና። 
\v 28 ኤንቲ ጎዳ ፆሳ ኬን ኦያ አሮና ኮቻታ ማዶሶና። ጎዳ ፆሳ ኬን ካረራነ ሶራ ኦሶና፤ ጌሻ ሚሸ ኡባ ቱኖና መላ ናጎሶና። 
\v 29 ኤንቲ ፆሳ ስንን ዎያ ኡይ፥ ካ ያርሾስ ሺሽያ ልያ፥ እርሾይ ባይና ኡይነ ዛይተራ ሙኑቀትያ ልያ አዋተን አይሶሶና፤ ፆሳ ኬን ማከትያባነ ልከያባ ኡባ አዋተን ፄሎሶና። 
\v 30 ቃስ ኤንቲ ኡባ ጋላስ ዎንታነ ኦማርስ ጎዳ ጋላታናዉነ ሳባናዉ ኤቆሶና። 
\v 31 ሳምባታ ጋላስ፥ አጌና ፄሮን፥ ዎጋይ ኪትያ ሀራ ባኣለ ጋላሳይ ጋክያ ዎደ ጎዳስ ፁሳ ያርሾ ያርሾሶና። ኤንታዉ እመትዳ ታይቡዋዳነ ኪታዳ ኡባ ዎደ ጎዳ ስንን ኦሶና። 
\v 32 ዱንካንያነ ጎዳ ፆሳ ኬ ናጋና መላነ ባንታ እሻ ግድዳ፥ አሮና አደ ናይታ፥ ማዳና መላ አዋተ ሌወታስ እመትስ።
\c 24
\s1 ካህነታ ኦሶ ሻሁዋ
\p
\v 1 አሮና ኮቻት ባንታ ኦሶ ማራን ሀይሳፈ ካልድ ፃፈትዳይሳታ። አሮና አደ ናይት ናዳባ፥ አብዮዳ፥ አላዛራነ እታማራ። 
\v 2 ሽን ናዳበይነ አብዮዳ ናአ የሎና ባንታ አዋፐ ስን ሀይቅዶሶና። ሄሳ ግሾ፥ አላዛርነ እታማር ካህነ ግድዶሶና። 
\v 3 ዳዊቲ አላዛራ ያራፐ ሳዶቃ፥ እታማራ ያራፐ አብመለከ ኤክድ አሮና ኮቻታ ኤንታ ኦሱዋ ማራን ጩጋን ጩጋን ሻክስ። 
\v 4 አላዛራ ያራታ ሀላቃት እታማራ ያራታ ሀላቃታፐ ዳር በንትዳ ግሾ አላዛራ ያራት ታማነ ኡሱፑን ጩጋን ሻከትን እታማራ ያራት ሆስፑን ጩጋን ሻከትዶሶና። 
\v 5 አላዛራ ያራታ ግዶንነ እታማራ ያራታ ግዶን ፆሳ ኬ ሀላቃትነ ፆሳ ኦሱዋስ በሲያ ሀላቃት ደእያ ግሾ ኦሶይ ኤንታዉ ሳማን ሻከቴስ። 
\v 6 አላዛራ ያራትነ እታማራ ያራት ባንታ ማራን ማራን ሳማ ከስዶሶና። ሌወ ኮቸ ግድዳ ናትናኤላ ናአይ ፃፈይ ሻማየይ ኤንታ ማዝጋቤስ። ካዎይነ እያ ሞርናት፥ ካህነይ ሳዶቅነ አብያታራ ናአይ አብመለከይ፥ ካህነታነ ሌወታ ያራታ ሀላቃት ኡባይ ሄሳስ ማርካ።
\p
\v 7 ኮይሮ ሳማይ ዮኣርባስ ከይስ፤ ናምአንይ ያዳያስ ከይስ። 
\v 8 ሄንይ ሀርማስ ከይስ። ኦይዳንይ ሳኦርማስ ከይስ። 
\v 9 እቻሻንይ ማልክያስ ከይስ። ኡሱፑንይ ምያምናስ ከይስ። 
\v 10 ላፑንይ አቆሳስ ከይስ፤ ሆስፑንይ አብያስ ከይስ። 
\v 11 ኡዱፉንይ እያሱስ ከይስ። ታማንይ ሳካናስ ከይስ። 
\v 12 ታማነ እስንይ ኤልያሴባስ ከይስ። ታማነ ናምአንይ ያቅናስ ከይስ። 
\v 13 ታማነ ሄንይ ሁፓስ ከይስ። ታማነ ኦይዳንይ የሸባስ ከይስ። 
\v 14 ታማነ እቻሻንይ ብልጋስ ከይስ። ታማነ ኡሱፑንይ እመራስ ከይስ። 
\v 15 ታማነ ላፑንይ ሄዝራስ ከይስ። ታማነ ሆስፑንይ ሀፍፄፃስ ከይስ። 
\v 16 ታማነ ኡዱፉንይ ፓታሀስ ከይስ። ላታማንይ የዘከላስ ከይስ። 
\v 17 ላታማነ እስንይ ያክናስ ከይስ። ላታማነ ናምአንይ ጋሙላስ ከይስ። 
\v 18 ላታማነ ሄንይ ዳላያስ ከይስ። ላታማነ ኦይዳንይ ማዛስ ከይስ።
\p
\v 19 ጎዳይ እስራኤለ ፆሳይ ኤንታ ማይዛ አሮና ኪትን፥ እ ኤንታዉ ዎዳ ዎጋ፥ ባንታ ፆሳ ኬ ገልያ ዎደ፥ ኤንቲ ኦና ማራይ ሀይሳ።
\s1 ሀራ ሌወታ
\p
\v 20 ሀራ ሌወ ኮቻታ ሀላቃት፥ ሀይሳፈ ካልድ ፃፈትዳይሳታ።
\p የህዳይ ሳቡኤላ ባጋራ አምራማ ኮቸ።
\p
\v 21 ይሸይ ራሃባ ኮቸ።
\p
\v 22 ያሃት ሳሎምታ ባጋራ ይስሃራ ኮቸ።
\p
\v 23 ይርየይ፥ አማረይ፥ ያሀዝኤልነ ይቃምኣም ከብሮና ኮቸ።
\p
\v 24 ሻምር ምክያሳ ባጋራ ኡዝኤላ ኮቸ።
\p
\v 25 ዛካርያስ ምክያሳ እሻ ይሽያ ባጋራ ኡዝኤላ ኮቸ።
\p
\v 26 ማህል፥ ሙስነ ያእዝ ማራራ ኮቻታ። 
\v 27 ያእዛ ሄ አደ ናይት ሾሃማ፥ ዛኩራነ እባራ። 
\v 28 ማህላ ናምኡ አደ ናይት አላዛራነ ቂሳ። አላዛራስ አደ ናእ ባዋ። 
\v 29 ቂሳ ይራህማኤላ ጌተትያ አደ ናእ ደኤስ። 
\v 30 ሙሳ ሄ አደ ናይት ማህላ፥ ኤደራነ ይረሞታ።
\p ሀይሳቲ ሌወ ኮቻታ ሀላቃታ።
\p
\v 31 ካሰ ኤንታ ዳቦት አሮና ኮቸ ግድዳ ካህነት ኦዳይሳዳ ሀይሳቲካ ካዎይ ዳዊቲ፥ ሳዶቅ፥ አብመለከይ፥ ካህነታነ ሌወታ ሀላቃት ደእያ በሳን ሳማ የግዶሶና። ባይራ እሻ ሶ አሳስነ ካሎ እሻ ሶ አሳስ እስ ግና ሳም ዎስ።
\c 25
\s1 ፆሳ ኬ ዛማረታ
\p
\v 1 ዳዊቲነ ሌወታ ሀላቃት፥ አሳፋ፥ ሄማናነ የዱቱና ናይታፐ ሱሱልኤን፥ ዲንነ ዳላን ትንብተ ኦዳና መላ ዱማይዶሶና። ሀ ኦሱዋስ ዱማትዳ አሳ ሱንይ ሀይሳፈ ካልድ ፃፈትዳይሳ።
\p
\v 2 አሳፋ ናይት ዛኩራ፥ ዮሰፋ፥ ናታናነ አሳርኤላ። አሳፋ ናይት አሳፋፐ ጋርሳራ ኦሶና፤ አሳፍ ካዋ ኪታን ትንብተ ኦዴስ።
\p
\v 3 የዱቱና ናይት ጋዳልያ፥ ፃራ፥ ያሻያ፥ ሳምአ፥ ሀሳባያነ ማትታ። ሀ ኡሱፑናት ማስንቆን ጎዳ ጋላትሸነ ቦንችሸ ባንታ አዋ፥ ናብያ የዱቱናፐ ጋርሳራ ኪተቶሶና።
\p
\v 4 ሄማና ናይት ቡቃያ፥ ማታና፥ ኡዝኤላ፥ ሳቡኤላ፥ ያርሞታ፥ ሀናንያ፥ ሀናና፥ ኤልኣታ፥ ግዳልታ፥ ኦሮማንትኤዘራ፥ ዮሽባቃሻ፥ ማሎታ፥ ሆትራነ ማዝኣታ። 
\v 5 ሀይሳቲ ኡባይ ካዋስ ቆንጨ በእያ ሄማና ናይታ። ፆሳይ እማና ግዳይሳዳ ሄማና ቁ ቁ ኦና መላ ሀ ታማነ ኦይዱ አደ ናይታነ ሄ ማጫ ናይታ እያዉ እሚስ። 
\v 6 ሀይሳቲ ኡባይ ፆሳ ኬን ዳላ ቃናዉ፥ ዲነ ማስንቆ ካእድ ጎይናናዉ ባንታ አዋፐ ጋርሳራ ደኦሶና።
\p አሳፍ፥ የዱቱንነ ሄማን ካዉዋፐ ጋርሳራ ደኦሶና። 
\v 7 ሄሳት ባንታ ዳቦታራ ግድድ ፆሳስ ሺቅያ ማዝሙረን ሎህዳይሳታ፤ ኤንቲ ኩመ 288. 
\v 8 ኤንቲ ባንታ ኦሱዋ ሻክድ ኤራናዉ ናእ ጭም፥ አስታማረይ ታማረይ ሻሆይ ባይና ሳማ የግዶሶና።
\p
\v 9 ኮይሮ ሳማይ አሳፋ ናኣ ዮሰፋስ ከይስ። ናምአን ሳማይ ጋዳላስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 
\v 10 ሄን ሳማይ ዛኩራስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 
\v 11 ኦይዳን ሳማይ ፃራስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 
\v 12 እቻሻን ሳማይ ናታናስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 
\v 13 ኡሱፑን ሳማይ ቡቃያስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 
\v 14 ላፑን ሳማይ ይሽራኤላስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 
\v 15 ሆስፑን ሳማይ ያሻያስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 
\v 16 ኡዱፉን ሳማይ ማታናስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 
\v 17 ታማን ሳማይ ሳምአስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 
\v 18 ታማነ እስን ሳማይ ኡዝኤላስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 
\v 19 ታማነ ናምአን ሳማይ ሀሳባያስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 
\v 20 ታማነ ሄን ሳማይ ሳቡኤላስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 
\v 21 ታማነ ኦይዳን ሳማይ ማትታስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 
\v 22 ታማነ እቻሻን ሳማይ ያርሞታስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 
\v 23 ታማነ ኡሱፑን ሳማይ ሀናና ከይስ፤ እ፥ እያ ናይትነ እያ ዳቦት ኩመ ታማነ ናምአ። 
\v 24 ታማነ ላፑን ሳማይ ዮሽባቃሻስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 
\v 25 ታማነ ሆስፑን ሳማይ ሀናንያስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 
\v 26 ታማነ ኡዱፉን ሳማይ ማሎታስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 
\v 27 ላታማን ሳማይ ኤልኣታስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 
\v 28 ላታማነ እስን ሳማይ ሆትራስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 
\v 29 ላታማነ ናምአን ሳማይ ግዳልታስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 
\v 30 ላታማነ ሄን ሳማይ ማህዝኣታ ከይስ፤ እ፥ እያ ናይትነ እያ ዳቦት ኩመ ታማነ ናምአ። 
\v 31 ላታማነ ኦይዳን ሳማይ ኦሮማንትኤዘራስ ከይስ፤ እ፥ እያ ናይትነ እያ ዳቦት ኩመ ታማነ ናምአ።
\c 26
\s1 ፆሳ ኬ ፐንገ ናገይሳታ
\p
\v 1 ፆሳ ኬ ፐንግያ ናገይሳት ሀይሳፈ ካልድ ፃፈትዳይሳታ።
\p ኮይሮይ ቆረ ኮቻፈ አሳፋ አደ ናይታፐ ቆረ ናአ ማሱላማ። 
\v 2 ማሱላም ላፑን አደ ናይታ የልስ፤ ኤንቲ ባንታ የለታ ማራን ዛካርያሳ፥ ይድኤላ፥ ዮዞባታ፥ ያትንኤላ፥ 
\v 3 ኤላማ፥ ይሆናነ ኤልሆና።
\p
\v 4 ፆሳይ ኦቤድ-ኤዶማ አንጅዳ ግሾ፥ እ ሆስፑን አደ ናይታ የልስ። ኤንቲ ባንታ የለታ ማራን ሻማያ፥ ዮዛባታ፥ እዮኣሳ፥ ሳካራ፥ ናትናኤላ፥ 
\v 5 አምኤላ፥ ይሳኮራነ ፑላታ። 
\v 6 ኦቤድ-ኤዶማ ናአይ ሻማየይ ኡሱፑን አደ ናይታ የልስ፤ ኤንቲ ምኖ አስ ግድዳ ግሾ፥ ባንታ አዋ ሶ አሳስ ሀላቃ ግድዶሶና። 
\v 7 ሻማያ ናይት ኦትና፥ ራፋኤላ፥ ዮቤዳነ ኤልዛባዳ፤ ኤንታ እሻት ኤልሁይነ ሳማክ ቃራ አሳታ። 
\v 8 ሀይሳቲ ኡባይ ኦቤድ-ኤዶማ ኮቻታ፤ ኤንቲ፥ ኤንታ ናይታነ ኤንታ ዳቦት ኦሶስ ምኖ። ኦቤድ-ኤዶማ ኮቻት ኩመ ኡሱፑን ታማነ ናምአ።
\p
\v 9 ማሱላማስ ምኖ ናይትነ ምኖ ዳቦት ደኦሶና፤ ኤንቲ ኩመ ታማነ ሆስፑና።
\p
\v 10 ማራራ ያራፐ ሆሳ ጌተትያ አድያስ ኦይዱ አደ ናይት ደኦሶና። ሽምር ባይራ ናአ ግደና፥ ሽን እያ አዋይ እያ ሀላቃ ኦስ። 
\v 11 እያ እሻት ካልቀ፥ ዛባላነ ዛካርያሳ። ሆሳ ናይትነ እያ ዳቦት ኩመ ታማነ ሄ።
\p
\v 12 ፆሳ ኬ ፐንግያ ናገይሳት ባንታ ሶ አሳ ሀላቃታ ጩጋን ጩጋን ሻከትዶሶና። ሀራ ሌወታዳ ኤንታካ ፆሳ ኬ ኦሶይ ሻሆን ጋክስ። 
\v 13 እስ እስ ፐንግያ ናጋናዉ ባንታ ሶ አሳን አሳን ናአ ጭማ ጎና ሳማ የግዶሶና። 
\v 14 ዶሎሀ ፐንግያ ናጋናዉ ሳማይ ሳላማስ ከይስ። ሎኦ ዞረ ዞርያ እያ ናኣ ዛካርያሳ ፑደሀ ፐንግያ ናጋናዉ ሳም ከይስ። 
\v 15 ኦቤድ-ኤዶማስ ዱገሀ ፐንግያ ናጋናዉ ሳም ከይስ። እያ ናይታስ ቡቁራ ምንጅያ ኬ ናጋናዉ ሳም ከይስ። 
\v 16 ዉሎሀ ፐንግያነ ቆሞ ባጋራ ደእያ ሻለኮታ ፐንግያ ናጋናዉ ሳም ሱፍማስነ ሆሳስ ከይስ። ናጎይ ማራን ማራን ጋኬስ።
\p
\v 17 ጋላስ ጋላስ ዶሎሀ ባጋራ ኡሱፑን፥ ፑደሀ ባጋራ ኦይዳ፥ ዱገሀ ባጋራ ኦይዱ ሌወት ናጎሶና። ቃስ ቡቁራ ምንጅያ ኬ ናምኡ ናምኡ ሌወት ናጎሶና። 
\v 18 ዉሎሀ ባጋራ ዳባባኮ ኤፍያ ኦግያ ኦይዱ፥ ቃስ ዳባባ ናምኡ ሌወት ናጎሶና። 
\v 19 ህዛ ቆረስነ ማራራ ኮቻስ እመትዳ ፐንገ ናጎ ኦሶይ ሀይሳ።
\s1 ምንጃ ኬ ሹማታ
\p
\v 20 አክያ ጌተትያ ሌወይ ፆሳ ኬን ደእያ ቡቁራነ ፆሳስ ዱማይ ዎዳ እሞታታ ናጋናዉ ሹመትስ። 
\v 21 ገድሶና ናኣ ላዳና ያራፐ ይኤል ዱማ ዱማ ሶ አሳስ አዋተስ። 
\v 22 ይኤላ ናይት ዘታማነ እያ እሻ እዩኤላ፤ ኤንቲ ፆሳ ኬን ደእያ ቡቁራ ናጋናዉ ሹመትዶሶና።
\p
\v 23 አምራማ፥ ይስሃራ፥ ከብሮናነ ኡዝኤላ ያራታስ ኦሶይ ሻከትድ እመትስ። 
\v 24 ሙሰ ናኣ ገድሶና ያራ ግድዳ ሳቡኤል ፆሳ ኬን ደእያ ቡቁራ ናገይሳታ ሀላቃታ ቦላ ሹመትስ። 
\v 25 እ ገድሶና እሻ አላዛራ ባጋራ ሳሎሞታስ ዳቦ። አልአዛር ራሃብያ የልስ፤ ራሃብ የሻያ የልስ፤ የሻይ ዮራማ የልስ፤ ዮራም ዝክራ የልስ፤ ዝክር ሳሎምታ የልስ። 
\v 26 ሳሎሞትነ እያ ዳቦት ካዎይ ዳዊቲ፥ እያ ሶ አሳ ሀላቃት፥ ሻላቃት፥ ማቶ ሀላቃትነ ቶራ ሞጮናታ ፆሳስ ዱማይዳ ሚሸ ኡባ ቦላ ሹመትዶሶና። 
\v 27 ሀ አሳት ኦላን ድኤትድ ይዳ ሚሸታፐ ባጋ ፆሳ ኬን ዱማይድ ዎዶሶና። 
\v 28 ቆንጨ በእያ ሳሜል፥ ቂሳ ናአይ ሳኦል፥ ኔራ ናአይ አበኔርነ ፃሩያ ናአይ እዮኣብ ካሰ ዱማይድ ዎዳ እሞታ ኡባ ሳሎሞትነ እያ ዳቦት ናጎሶና።
\p
\v 29 ይስሃራ ያራታፐ ካናነይነ እያ ናይት ፆሳ ኬፈ ካረራ ደእያ ኦሶን እስራኤለ አሳ አይሳናዉነ ዳይናታናዉ ሹመትዶሶና።
\p
\v 30 ከብሮና ያራታፐ ሀሻብነ እያ ዳቦት 1,700 ምኖ አሳት፥ ጎዳ ኦሱዋስነ ካዋ ኦሱዋስ ዮርዳኖሰፐ ዉሎሀ ባጋራ ደእያ እስራኤለ አሳ ቦላ ሹመትዶሶና። 
\v 31 ከብሮና ያራታ ማዝጋብያ ማራን ይርይ ኤንታ ሀላቃ። ዳዊቲ ካዎትዳ ኦይታማን ላይን ማዝጋበን ኮይን ኤንታ አሳ ግዶፈ ምኖ አሳት ጋላዳ ቢታን ያእዜራ ጌተትያ በሳን በንትዶሶና። 
\v 32 ኤንታ ሶ አሳስ ሀላቃ ግድዳ ይርያ ዳቦት ምኖት 2,700. ካዎይ ዳዊቲ ፆሳ ኦሱዋስነ ካዋ ኦሱዋስ ሮቤላ፥ ጋደነ ምናሰ ኮቻታፐ ባጋታ ቦላ ኤንታ ሹምስ።
\c 27
\s1 እስራኤለ ቶራ ሞጮናታ
\p
\v 1 ባንታ ጩጋን ጩጋን ካዎተ አይስያ እስራኤለ ሶ አሳ ሀላቃት፥ ሻላቃትነ ማቶ ሀላቃት ሀይሳፈ ካልድ ፃፈትዳይሳታ። እስ እስ ጩጋን 24,000 አሳት ደኦሶና። እስ እስ ጩጋይ ላይን እስ አጌና ማራን ማራን ካዎተ ኦሶ ኦናዉ ከዬስ።
\p
\v 2 ኮይሮ አጌናን ከያ ጩጋ ካለይ ዛብድኤላ ናኣ ያሾብኣማ፤ እያ ጩጋን 24,000 አስ ደኤስ። 
\v 3 ያሾብኣም ፓረሳ ኮቸ፤ እ ኮይሮ አጌናስ ቶራ ሞጮናታ።
\p
\v 4 ናምአን አጌናን ከይያ ጩጋ ካለይ አሆሀ አድያ ዶዳያ፤ እያ ጩጋን 24,000 አስ ደኤስ። ሄ ጩጋ ካለያ ናምአን ሀላቃይ ምክሎታ።
\p
\v 5 ሄን አጌናን ከይያ ጩጋ ካለይ ካህንያ ዮዳሄ ናኣ ባናያ፤ እያ ጩጋን 24,000 አስ ደኤስ። 
\v 6 ባናይ ሀስታሙ ኤረትዳ አሳታ ግዶን ምኖ አስ፤ ቃስ ሀስታማታ ሀላቃ። እያ በሳን እያ ናአይ አምዛባድ ሀላቃ ግድስ።
\p
\v 7 ኦይዳን አጌናን ከይያ ጩጋ ካለይ እዮኣባ እሻ አሳሄላ፤ እያ ጩጋን 24,000 አስ ደኤስ። እያ በሳን እያ ናአይ ዛባድ ሀላቃ ግድስ።
\p
\v 8 እቻሻን አጌናን ከይያ ጩጋ ካለይ ይስሃራ ያራፐ ሻምሁታ፤ እያ ጩጋን 24,000 አስ ደኤስ።
\p
\v 9 ኡሱፑን አጌናን ከይያ ጩጋ ካለይ ተቁሄ አድያ እስካ ናኣ እራ፤ እያ ጩጋን 24,000 አስ ደኤስ።
\p
\v 10 ላፑን አጌናን ከይያ ጩጋ ካለይ ኤፍሬማ ኮቸ ግድዳ ፕሎና አድያ ሰለሳ፤ እያ ጩጋን 24,000 አስ ደኤስ።
\p
\v 11 ሆስፑን አጌናን ከይያ ጩጋ ካለይ ሁሻ አድያ ስባካያ፤ እያ ጩጋን 24,000 አስ ደኤስ። ስባካይ ይሁዳ ኮቸነ ዛራ ያራ።
\p
\v 12 ኡዱፉን አጌናን ከይያ ጩጋ ካለይ ብንያመ ኮቸ ግድዳ አናቶተ አድያ አብኤዘራ፤ እያ ጩጋን 24,000 አስ ደኤስ።
\p
\v 13 ታማን አጌናን ከይያ ጩጋ ካለይ ናፆፋ አድያ ዛራ ያራ ግድዳ ማህራ፤ እያ ጩጋን 24,000 አስ ደኤስ።
\p
\v 14 ታማነ እስን አጌናን ከይያ ጩጋ ካለይ ኤፍሬማ ኮቸ ግድዳ ፕርአቶና አድያ ባናያ፤ እያ ጩጋን 24,000 አስ ደኤስ።
\p
\v 15 ታማነ ናምአን አጌናን ከይያ ጩጋ ካለይ ጎቶንያላ ያራፐ ግድዳ ናፆፋ ሄልዳያ፤ እያ ጩጋን 24,000 አስ ደኤስ።
\s1 እስራኤለ ሞርናታ
\p
\v 16 እስራኤለ ኮቻታ አይሳናዉ ሹመትዳይሳት ሀይሳፈ ካልድ ፃፈትዳይሳታ።
\p ሮቤላ ኮቻ አይሰይ ዝክራ ናኣ አላዛራ።
\p ስሞና ኮቻ አይሰይ ማእካ ናኣ ሳፋፃ።
\p
\v 17 ሌወ ኮቻ አይሰይ ቃሙኤላ ናኣ ሀሳባያ።
\p አሮና ኮቻ አይሰይ ሳዶቃ።
\p
\v 18 ይሁዳ ኮቻ አይሰይ ዳዊታ እሻ ኤልሁ።
\p ይሳኮራ ኮቻ አይሰይ ምካኤላ ናኣ ኦምራ።
\p
\v 19 ዛብሎና ኮቻ አይሰይ አብድዩ ናኣ ያሽማያ።
\p ንፍታለመ ኮቻ አይሰይ አዝርኤላ ናኣ ያርሞታ።
\p
\v 20 ኤፍሬማ ኮቻ አይሰይ አዛዛ ናኣ ሆሰአ።
\p ምናሰ ኮቻፈ ባጋ አይሰይ ፓዳያ ናኣ እዩኤላ።
\p
\v 21 ጋላዳን ደእያ ምናሰ ኮቻፈ ባጋ አይሰይ ዛካርያሳ ናኣ እዶ።
\p ብንያመ ኮቻ አይሰይ አበኔራ ናኣ የእስኤላ።
\p
\v 22 ዳነ ኮቻ አይሰይ ይሮሃማ ናኣ አዛርኤላ።
\p ሀይሳቲ እስራኤለ ኮቻ አይሰይሳታ።
\p
\v 23 ጎዳይ እስራኤለ አሳ ሳሎ ፆልንቶዳ ዳርሳና ግዳ ግሾ ዳዊቲ ላታሙ ላይነ እያፐ ጋርሳራ ደኤይሳታ ታይቦን ገልስቤና። 
\v 24 ፃሩያ ናአይ እዮኣብ አሳ ታይቦ ዶምድ ዉርሶና አግስ። አሳ ታይብዳ ግሾ ጎዳይ እስራኤለ አሳ ቦላ ሀንቀትዳ ግሾ ኤንታ ታይቦይ ካዋ ዳዊታ ታርከ ማዝጋበን ፃፈትቤና።
\s1 ካዋ ቡቁራ አይስያ አሳታ
\p
\v 25 ካዎ ቡቁራ ምንጅያ በሳ አዋተን አይስያ አሳ ሱንይ ሀይሳፈ ካልድ ፃፈትዳይሳታ። አድኤላ ናኣ አዝሞት ካዎ ኬ ቡቁራ አዋተን አይሴስ።
\p ኦዝያና ናአይ ዮናታን ጋፃረን፥ ካታማንነ ጉታን ደእያ ካዎ ኬ ሚሸታ አዋተን አይሴስ። 
\v 26 ካሉባ ናአይ እዝር ጎሻንቾታ አዋተን አይሴስ። 
\v 27 ራማ አደይ ሳመእ ዎይነ ጋደታ አዋተን አይሴስ። ሳፋማ አደይ ዛብድ ዎይነ ኡሻ ምንጅያ ኬ አዋተን አይሴስ።
\p
\v 28 ጋዳራ አደይ ባአል-ሀናን ዙማ ቦላ ደእያ ዛይተ ሻማሁዋነ ቦባ አዋተን አይሴስ። ዛይተ ዎያ ኬ አዋተን አይሰይ እዮኣሳ። 
\v 29 ሳሮና ደንባን ሄመትያ መህያ አዋተን አይሰይ ሳሮና አድያ ሳፅራ። ዛንጋራን ሄመትያ መህያ አዋተን አይሰይ አድላያ ናኣ ሻፋፃ። 
\v 30 ግማለታ አዋተን አይሰይ እስማኤላ አድያ ኡብሳ። ሀረታ አዋተን አይሰይ መሮኖታ አድያ የህዳያ። 
\v 31 ዶርሳታነ ዴሻታ አዋተን አይሰይ አጋራ አደይ ያዝዛ። ሀይሳቲ ኡባይ ዳዊታ ሻሉዋ ቦላ አዋተይሳታ።
\p
\v 32 ዳዊታ አዋ እሻይ፥ ፃፈይ ዮናታን አኬካነ ካዋ ዞርያ አስ። ሀክሞና ናአይ ይኤል ካዋ ናይታ ታማርሴስ። 
\v 33 አክፆፈል ካዋ ዞረይሳ። አርካ አደይ ኩስ ካዋ ላገ። 
\v 34 አክፆፈል ሀይቅን፥ እያ በሳን ባናያ ናአይ ዮዳሄይነ አብያታር ካዋ ዞርያ አስ ግድዶሶና፤ እዮኣብ ካዋ ቶራ ሞጮና።
\c 28
\s1 ፆሳ ኬ ሀልቹዋ
\p
\v 1 እስራኤለ ሀላቃት ኡባይ የሩሳላመን ሺቃና መላ ካዎይ ዳዊቲ ኪትስ። ሄሳ ግሾ፥ እስ እስ ኮቻ ሀላቃት፥ ካዎ ሞርናት፥ ሻላቃት፥ ማቶ ሀላቃት፥ ካዋስነ ካዋ ናይታስ ደእያ ሻሉዋነ መህያ አይሰይሳት፥ ካዎ ጋን ኦይሳት፥ ኤረትዳነ ምኖ አሳት ኡባይ የሩሳላመን ሺቅዶሶና።
\p
\v 2 ካዎይ ዳዊቲ ደንድ ኤቅድ ሀይሳዳ ያግስ፤ “ታ እሻቶ፥ ታ አሳዉ፥ ስእተ! ጎዳ ጫቆ ታቦትያ ዎያነ ኑ ፆሳ ቶሆይ ሸምፕያ ኬ ኬፃናዉ ታ ዎዛናን ቆፓስ፤ ኮሽያባ ኡባ ጊግሳስ። 
\v 3 ሽን ፆሳይ፥ ‘ኔኒ ኦላንቾነ ሱ ጉስዳ አስ ግድያ ግሾ ታ ሱንስ ኬ ኬፃካ’ ያግስ። 
\v 4 ታኒ እስራኤለ ቦላ መርናዉ ካዎታናዳ፥ ጎዳይ እስራኤለ ፆሳይ ታ አዋ ሶፐ ታና ዶርስ። ካለናዳ ኮይሮ ይሁዳ ኮቻ ዶርስ፤ ይሁዳ ኮቻፈ ታ አዋ ሶ አሳ ዶርስ፤ ታ አዋ ናይታ ግዶፈ ታና ዶርድ እስራኤለ ኡባ ቦላ ካዎያናዉ ዶስስ። 
\v 5 ጎዳይ ታዉ ዳሮ ናይታ እሚስ፤ ታ ናይታ ኡባፈ ጎዳ ካዎተ አራታን ኡትድ እስራኤለ ቦላ ካዎታናዳ ታ ናኣ ሶሎሞነ ዶርስ።
\p
\v 6 “ጎዳይ፥ ‘ታ ኬነ ታ ዳባባ ኬፃናይ ነ ናኣ ሶሎሞነ። እ ታዉ ናአ ግዳና መላ ታኒ እያ ዶራስ፤ ታኒ እያዉ አዋ ግዳና። 
\v 7 እ ሀእ ኦይሳዳ ታ ኪታነ ታ ህግያ ምንድ ናግኮ ታኒ እያ ካዎተ መርናዉ ምንና’ ያግስ። 
\v 8 ህዛ ጎዳ ሺቆ ግድዳ እስራኤለ አሳ ኡባይ በእሽን፥ ኑ ፆሳይ ስእሽን፥ ጎዳ ህንተ ፆሳ ኪታ ኡባ ህንተ ምንድ ናጋና መላ ታኒ ህንተዉ ኦዳይስ። ያትኮ፥ ህንተ ሀ ሎኦ ቢታ ላታና፤ ህንተ ናይታካ መርናዉ ላትሳና።
\p
\v 9 “ሶሎሞነ፥ ታ ናአዉ፥ ፆሳይ አሳ ዎዛናነ ቆፋ ኡባ ኤርያ ግሾ ነ አዋ ፆሳ ኤራ፤ ኩመ ዎዛናንነ ሸነን እያዉ ኦ። ኔኒ እያ ኮይኮ እ ነዉ በንታና፤ ሽን ኔኒ እያ አግኮ እ ነና መርናዉ አጋና። 
\v 10 ፆሳ ኬ ኬፃና መላ ጎዳይ ነና ዶርዳይሳ ዶጎፓ፤ ኦሶ ኡባ ምናዳ ኦ” ያግስ።
\p
\v 11 ሄሳፈ ጉየ፥ ዳዊቲ ባ ናኣ ሶሎሞነስ ፆሳ ኬ፥ ባራንዳ፥ ቡቁራ ምንጅያ ኬ፥ ፖቅያነ ግዶ ክፍለታ፥ ሄሳዳካ ናጋራ አቶተ ካማ ዎያ ክፍልያ ሀልቹዋነ ቆፋ እሚስ። 
\v 12 ዳዊቲ ጎዳ ኬ ዳባባ ኬፃናዉ ባ ዎዛናን ደእያ ቆፋ፥ እያ ዩሹዋን ደእያ ኡባ ክፍለታ ሀልቹዋነ ፆሳ ኬ ቡቁራ ዎያ ክፍልያነ ጎዳስ ዱማትዳ እሞታታ ዎያ ክፍለታ ኦሱዋ ቆፋ እሚስ።
\p
\v 13 ሄሳዳካ ዳዊቲ ካህነታነ ሌወታ ኦሶ ማራ፥ ፆሳ ኬ ኦሶ ማራነ ፆሳ ኬ ሚሸታ ናግያ ማራ ኦድያ ቆፋ እያዉ እሚስ።
\p
\v 14 ዱማ ዱማ ኦሶስ ጎኤትያ ሚሸታ ኦናዉ ማድያ ዎርቃነ ብራ ምዛነን ልክስድ ሶሎሞነስ እሚስ። 
\v 15 ሄስካ ፆምፐ ዎያ ዎርቃ ኮጫታነ እያ ፆምፐታ፥ ፆምፐ ዎያ ብራ ኮጫታነ እያ ፆምፐታ፥ 
\v 16 ጎዳ ስንን ኡይ ዎያ ዎርቃ ፃርጴዛታ፥ ብራ ፃርጴዛታ፥ 
\v 17 ዎርቃ ቃጰታ፥ ዎርቃ ከረታ፥ ዎርቃ ዋንጫታ፥ ዎርቃ ፃሮታ፥ ብራ ፃሮታ 
\v 18 እፃነ ጩይስያ ጌሻ ዎርቃ ሳፅነ፥ ጎዳ ጫቆ ታቦትያ ቦላ ባንታ ቀፍያ ምጭድ ካምያ ክሩበታ ዎያ ዎርቃ ጋርያ ጊግስያ ሀልቹዋ እያዉ እሚስ። 
\v 19 ዳዊቲ፥ “ጎዳይ ባ ኩሽያ ታ ቦላ ዎድ ሀ ፃፈትዳ ቆፋ ኡባ ታና ኤርስስ” ያግስ።
\p
\v 20 ዳዊቲ ባ ናኣ ሶሎሞነኮ፥ “ህዛ ምና! ኦሱዋ ኦ! ጎዳይ ታ ፆሳይ ኔራ ደእያ ግሾ ያዮፋ፤ ዳጋሞፋ! ፆሳ ኬ ኦሶይ ፖለታና ጋካናዉ ፆሳይ ነና የገናነ አገና። 
\v 21 ፆሳ ኬን ደእያ ኦሶ ኡባስ ካህነትነ ሌወት ሹመትዶሶና። ኩሸ ሂል ደእያ አሳ ኡባይ ነና ኦሶ ኡባን ማዳና። ሀላቃትነ አሳ ኡባይ ነዉ ኪተታና” ያግስ።
\c 29
\s1 ፆሳ ኬስ እመትዳ እሞታታ
\p
\v 1 ሄሳፈ ጉየ፥ ካዎይ ዳዊቲ ሺቅዳ አሳ ኡባ ሀይሳዳ ያግስ፤ “ፆሳይ ዶርዳ ታ ናኣ ሶሎሞነይ ዮጋነ ኤራተን ሎህቤና። ሀ ኬፀታና ኬይ አሳ ኬ ግዶናሽን ጎዳ ፆሳ ኬ ግድያ ግሾ ኦሶይ ግታ። 
\v 2 ታኒ ታዉ ደእያ ዎልቃ መላ ታ ፆሳ ኬስ ዎርቃን ኦሰትያባስ ዎርቃ፥ ብራን ኦሰትያባስ ብራ፥ ናሰ ብራታን ኦሰትያባስ፥ ናሰ ብራታ፥ ብራታን ኦሰትያባ ብራታነ ምን ኦሰትያባስ ም ጊግሳ ዎስ። ቃስ ማርግደ፥ እብነባራደ፥ ዱማ ዱማ ማል ደእያ አሌቆ ሹቻታ፥ አልኦ ሹቻታነ ሀራ ሹቻታ ጊግሳዳ ዎስ። 
\v 3 ፆሳ ኬ ታኒ ዳሮ ዶስያ ግሾ፥ ታኒ ታ ፆሳ ኬስ ጊግስዳይሳፈ ሀራ ታ ቡዞ ሻሉዋፐ ዎርቃነ ብራ እማስ። 
\v 4 ኬ ጎዳ ላንፃናዉ 100,000 ክሎ ግራመ ኦፍራ ዎርቃነ 240,000 ክሎ ግራመ ዋላህ ባይና ብራ እማስ። 
\v 5 ኩሸ ሂላንቾት ኦና ኦሶ ኡባስ ዎርቃን ኦሰትያባስ ዎርቃ፥ ብራን ኦሰትያባስ ብራ እማስ። ያትን፥ ሀች ህንተፈ ባ ሸነን ባና ጎዳስ ዱማየይ ኦኔ?” ያግስ።
\p
\v 6 እስራኤለ ኮቻታ ሶ አሳ ሀላቃት፥ ኮቻታ ሀላቃት፥ ሻላቃት፥ ማቶ ሀላቃትነ ካዎ ሞርናት ባንታ ሸነን ባንታዉ ደእያባ ዶሳን እምዶሶና። 
\v 7 ኤንቲ ፆሳ ኬ ኦሱዋስ 170,000 ክሎ ግራመ ዎርቃ፥ 340,000 ክሎ ግራመ ብራ፥ 620,000 ክሎ ግራመ ናሰ ብራታነ 3,000,000 ክሎ ግራመ ብራታ እምዶሶና። 
\v 8 አልኦ ሹች ደእያ አሳ ኡባይ ቡቁራ አይስያ ገድሶና ያራ ግድዳ ይኤላ ባጋራ ጎዳ ፆሳ ኬ ቡቁራ ምንጅያ ኬስ እሚስ። 
\v 9 አሳይ ባ ሸነን ባ ኩመ ዎዛናን ጎዳስ እምዳ ግሾ ኡፋይትስ፤ ካዎይ ዳዊቲካ ዳሮ ኡፋይትስ።
\s1 ዳዊታ ዎሳ
\p
\v 10 ሄሳ ግሾ፥ ዳዊቲ ደርያ ኡባ ስንን ሀይሳዳ ያግድ ጎዳ ጋላትስ፤ “አቤት ጎዳዉ፥ ኑ አዋ እስራኤለ ፆሳዉ ኔኒ መርናፐ መርናዉ ጋላተታ። 
\v 11 አቤት ጎዳዉ፥ ሳሎንነ ሳአን ደእያ ኡባይ ነባ! ግታተ፥ ዎልቅ፥ ቦንቾይ፥ ፆኖይነ አንግ ነባ! አቤት ጎዳዉ፥ ማት ነባ፤ ኔኒ ኡባፈ ቦላነ ሁጰ። 
\v 12 ዱረተነ ቦንቾይ ኔፐ ዬስ፤ ኔኒ ኡባባ ሃራሳ። ዎልቅነ ምኖተ ነ ኩሸና፤ ኔኒ አሳ ኡባ ግታነ ምኖ ኦናዉ ዳንዳኣሳ። 
\v 13 ሀእካ ኑ ፆሳዉ፥ ኑኒ ነና ጋላቶስ፤ ነ ቦንቾ ሱን ሳቦስ።
\p
\v 14 “ኑኒ ሀይሳ መላ እማናዉ ታነ ታ አሳይ ኦኔ? ኡባይ ኔፐ ዬስ፤ ኑኒ ነ ኩሸፐ ኤክዳባ ነዉ ዛሪድ እምዳ። 
\v 15 ካሰ ኑ አዋታዳ ኑካ ነ ስንን በተ አስነ እማ። ሀ ሳአን ኑ ደኦ ላይይ ኡፋይስ ባይና ኩያ መላ። 
\v 16 አቤት ጎዳዉ፥ ኑ ፆሳዉ፥ ነ ጌሻ ሱንስ ኑኒ ኬ ኬፃናዉ ሺሽዳ ኡባይ ነ ኩሸፐ ይዳባ፤ ኡባይ ነባ።
\p
\v 17 “ታ ፆሳዉ ኔኒ ዎዛና ፓጨይሳነ ሱረተ ዶሰይሳ ታኒ ኤራይስ። ታኒ ታ ዎዛና ሱረተን ታ ሸነን ሄሳ ኡባ እማስ። ሀ በሳን ደእያ ነ አሳይ ነዉ ባ ሸነን ኡፋይሳን እምዳይሳ ታኒ በአስ። 
\v 18 አቤት ጎዳዉ፥ ኑ ማይዛታ አብራሃመ፥ ይሳቃነ እስራኤለ ፆሳዉ፥ ነ አሳ ዎዛናን ሀ ግታ ሲቁዋ መርናዉ ናጋ፤ ኤንታ ዎዛና ኔኮ ዛራ። 
\v 19 ነ ዎጋ፥ ነ ኪታነ ነ ህግያ ናጋና መላነ ታኒ ቆፓዳ ጊግሳዳባን ፆሳ ኬ ኬፃና መላ ታ ናኣ ሶሎሞነስ ኩመ ዎዛና እማ” ያግድ ዎስስ።
\p
\v 20 ሄሳፈ ጉየ፥ ዳዊቲ ደርያኮ፥ “ጎዳ ህንተ ፆሳ ጋላትተ” ያግስ። ደረ ኡባይ ጎዳ ባንታ አዋታ ፆሳ ጋላትዶሶና። ሳአን ጉፋንድ ጎዳ ጎይንዶሶና፤ ካዋስካ ቦንቾ እምዶሶና።
\s1 ሶሎሞነይ ካዎ ግደይስ ኤረትስ
\p
\v 21 ዎንተ ጋላስ አሳይ ያርሾነ ፁሳ ያርሾ ጎዳስ ያርሽዶሶና። ሄስካ እስ ሙኩሉ ኮርማ፥ እስ ሙኩሉ ማራዘ፥ እስ ሙኩሉ ዶርሳ ኡርገ፥ ኡሻ ያርሾነ ሀራ ዳሮ ያርሾ ያርሽዶሶና። 
\v 22 አሳይ ሄ ጋላስ ጎዳ ስንን ዳሮ ኡፋይትድ ምስነ ኡይስ። ያትድ አሳይ ካዋ ዳዊታ ናኣ ሶሎሞነ ናምአን ዛይተ ትይድ እያ ካዎተን ምንስ። ሳዶቃ ካህነ ግዳና መላ ጎዳ ስንን ትይዶሶና።
\p
\v 23 ሄሳፈ ጉየ፥ ሶሎሞነይ ባ አዋ ዳዊታ በሳን ጎዳ ካዎተ አራታን ኡትስ። እያዉ ኡባባይ እንጀትስ፤ እስራኤለ ኡባይ እያዉ ኪተትዶሶና። 
\v 24 ሀላቃት፥ ምኖ አሳትነ ካዋ ዳዊታ ናይት ካዋ ሶሎሞነስ ኪተታናዉ ቃላ ገልዶሶና። 
\v 25 ጎዳይ ሶሎሞነ እስራኤለ አሳ ኡባ ስንን ቁ ቁ ኦስ፤ ካሰ እስራኤለ ካዎታስ እመትቦና ቦንቾ ሶሎሞነስ እሚስ።
\s1 ዳዊታ ሀይቁዋ
\p
\v 26 እሰየ ናአይ ዳዊቲ እስራኤለ ኡባ ቦላ ካዎትስ። 
\v 27 ዳዊቲ እስራኤለ ቦላ ኦይታሙ ላይ ካዎትስ፤ ከብሮናን ላፑን ላይ፥ የሩሳላመን ሀስታማነ ሄ ላይ ካዎትስ። 
\v 28 ዳዊቲ ዳሮ ላይ ደእድ፥ ዱረትድ፥ ቦንቸትድ፥ ሎኦ ጭምድ ሀይቅስ። እያ በሳን እያ ናአይ ሶሎሞነይ ካዎትስ። 
\v 29 ዳዊቲ ኮይሮፐ ዶምድ ዉርሰ ጋካናዉ ኦዳባይ፥ ቆንጨ በእያ ሳሜላ፥ ናብያ ናታናነ ቆንጨ በእያ ጋደ ታርከ ማፃፋን ፃፈትስ። 
\v 30 እ ዋት ሃርዳኮ፥ ዋንዳ ዎልቃማ አሴኮ፥ እ ኦዳባይ፥ እስራኤለ አሳይነ ሄራን ደእያ ካዎተት ኡባይ ሀንዳባይ ሄ ማፃፋታን ፃፈትስ።