\id TIT - Gofa Full Bible Latin Version Final
\ide UTF-8
\h Tito Kiita
\toc1 Tito Kiita
\toc3 Tito
\toc2 Tito
\mt1 Phawuloosi Titos
\mt2 Xaafida Kiita
\imt Gaatha Qofa
\ip Titoy Ayhude gidonna asi, shin guyepe ammanidi, Phawuloosi wongela oosuwa oothiya wode matan iya maaddida asi. He wode Titoy, woosa keetha xeellanawunne naaganaw Qarxeesa woosa keethan attis. Ha kiitay heedzu ayfe qofata oykees.
\ipi 1. Woosa keethi aysiya asay, iita duussu de7iya Qarxeesa asaa matan ay mela lo77o duussu daanaw koshshiyako Tito akeekisees.
\ipi 2. Woosa keetha giddon de7iya dumma dumma cugata, hessika, cima asata, dondza addetanne aylleta waati tamaarsanaw bessiyako Tito zorees.
\ipi 3. Ammaniya asi ammanon waanidi daaneko, hessika, sarotethaninne siiqon daanaba, woosa keetha giddofe ooshshi, palamanne shaahetethi digganaba Titos zore immees.
\iot Maxaafa Ayfe Qofata
\io1 Gelo qofa \ior (1:1-4)\ior*
\io1 Woosa keethi kaalethiya asaas imetida kiita \ior (1:5-16)\ior*
\io1 Dumma dumma cugata imetida zore \ior (2:1—3:11)\ior*
\io1 Zorenne sarotho \ior (3:12-15)\ior*
\ie
\c 1
\p
\v 1 Yesuus Kiristoosa hawaareynne Xoossa aylley, Phawuloosi, xaafida dabdaabiya. Xoossay doorida asaa ammanuwa dichanaadanne tuma ayyaana de7uwa waanidi daaneko bessiya tumaa eraako enta kaalethanaw taani kiitetas. 
\v 2 He ammanoynne eratethay merinaa de7uwa ufaysaa bolla zempis. Hessa daro wodepe sinthe wordotonna Xoossay nuus immana gidi qaala gelis. 
\v 3 Nuna ashshiya Xoossay ba woden ha kiitaa odana mela taw hadara immis.
\p
\v 4 Nu kothe ammanuwan ta tuma na7aa gidida Tito,
\p Xoossaa Aawapenne nuna ashshiya Yesuus Kiristoosape aadho keehatethay, maarotethaynne sarotethay new gido.\x - \xo 1:4 \xo*\xt 2 Qoro 8:23; Gala 2:3; 2 Ximo 4:10.\xt*\x*
\s1 Titoy Qarxeesan
\p
\v 5 Taani nena Qarxeesan aggada yiday, neeni attidaba giigisanaadanne taani kiittidaysada katamaa ubban woosa keetha cimata doorana melasa. 
\v 6 Cimi boretonaysa, issi mache azinaa, maara dhayon woyko kiitetetha ixon asi boronna ammaniya nayti de7iya asi gidanaw bessees.\x - \xo 1:6 \xo*\xt 1 Ximo 3:2-7.\xt*\x* 
\v 7 Woosa keetha cimi Xoossaa oosuwa hadara ekida gisho, boretonaysa, otortonaysa, elle yilotonnaysa, mathotonaysa, oda medhonaysanne bessonna go77as dafetonaysa gidanaw bessees. 
\v 8 Shin imathe mokeysa, lo77oba ubbaa doseysa, akeekancho, xillo, geeshshinne bana haareysa gidanaw bessees. 
\v 9 Harata suure timirtiyan minthethanawunne he timirtiya ixeyisata zaaranaw ba tamaarida tuma qaalan minnidi eqanaw bessees.
\p
\v 10 Kiitetonaysati, pathonna oda odeteysati, cimmeysati ubbaka qaxaretetha wogaa naagiya daro asati de7oosona. 
\v 11 Enti bessonna ogen miishe demmanaw koyidi, tamaarsanaw bessonnaba tamaarsishe keetha asaa ubbaa iissiya gisho enta timirtiya teqanaw bessees. 
\v 12 Enta nabetape issoy, “Qarxeesa asay ubba wode wordo odetoosona; iita do7atanne azalla yarambata”\f + \fr 1:12 \fr*\fk Qarxeesa asay ubba wode wordo odetoosona; iita do7atanne azalla yarambata: \fk*\ft Hessa yaagidi odida nabey Ephimendeesa geetetees.\ft*\f* yaagis. 
\v 13 Ha markatethay tuma markatethi. Hessa gisho, entaw tuma ammanoy daana mela enta hanqeta. 
\v 14 Tumaa ixiya asaa timirtiyanne Ayhudeta pathonna tossiya si7onna mela enta seera. 
\v 15 Bantaw geeshshi gididaysatas ubbay geeshshi, shin tunatasinne ammanonaysatas enta qofaynne kahay tunida gisho, entaw aybika geeshshi gidenna. 
\v 16 Enti nu Xoossaa eroos goosona, shin banta oosuwan iya kaddoosona. Enti Xoossan ixetidaysata, kiitetonaysatanne lo77o ooso ubbaas gidonnayisata.
\b
\c 2
\s1 Dumma Dumma Kiita
\p
\v 1 Shin neeni suure timirtiya phalqonna timirte tamaarsanaw bessees. 
\v 2 Cima addeti bantana haareyisata, wopu gidaysata, bonchetidaysata, ammanon, siiqoninne danda7an, mino gidana mela zora. 
\v 3 Hessadaka, cima maccasay banta duussan geeshshata, zigironnayisata, woyne ushshan haaretonnaysatanne lo77oba tamaarseyisata gidana mela tamaarsa. 
\v 4 Enti hessada haniko yalaga maccasay banta azinatanne banta nayta siiqana mela tamaarsanaw danda7oosona. 
\v 5 Xoossaa qaalay boretonna mela bantana haareyisata, geeshshata, banta son ootheyisata, keehatanne banta azinatas kiiteteyisata gidana mela yalaga maccasa tamaarsonna.
\p
\v 6 Hessadaka, dondza addeti bantana haarana mela zora. 
\v 7 Neeni ne huuphen lo77o ooso ubban entaw leemiso gida. Neeni ne timirtiyan eqidaysanne ammanetidaysa gida. 
\v 8 Nu morketi nuna zigiranaw gaasoyabay entaw dhayin enti yeellatana mela neeni boretonna lo77o oda odeeta.
\p
\v 9 Aylleti ubbaban banta godatas kiitetana mela enta ufaysana melanne entara palamonna mela zora. 
\v 10 Enti banta godatape kaysotopo. Hessika, nuna ashshiya Xoossaa timirtey, ubba ogen dosetidaysa gidana mela banta oothiya oosuwan ammaneteyisata gideysa bessaana mela enta zora.
\p
\v 11 Ase ashshiya Xoossa aadho keehatethay asa ubbaas qoncis. 
\v 12 He aadho keehatethay, nu nagaranne ha alamiya amuwa aggidi, ha wodiyan nuna haaridi, tuma ayyaana de7uwaninne xillotethan daana mela nuna tamaarsees. 
\v 13 Nuuni anjetida ufaysaa gidida gita Xoossaanne nuna ashshiya Yesuus Kiristoosa boncho qoncethaa naagoos. 
\v 14 Iita ooso ubbaafe nuna wozanawunne lo77oba oothanaw amotiya ba geeshsha asi kessanaw nu gisho bana aathidi immis.\x - \xo 2:14 \xo*\xt Maz 130:8; Kessa 19:5; Zaare 4:20; 7:6; 14:2; 1 Phex 2:9.\xt*\x*
\p
\v 15 Neeni haysa tamaarsa; kumetha maatan zora, seera; oonika nena kadhopo.
\c 3
\s1 Go77iya Oosota
\p
\v 1 Asay deriya haareysatas, aawatethay de7eysatas haaretanaw, kiitetanawunne lo77o ooso ubbaa oothanaw giigetidaysata gidana mela akeekisa. 
\v 2 Qassi enti oodde bollaka iita odetonna mela, saro asi gidana mela, ashketanne asa ubbaas qadheteyisata gidana mela zora. 
\v 3 Nuuni kase eeyata, kiitetonayisata, baletidaysata, dumma dumma asho ufaysasinne amos aylletidaysata. Nuuni iitatethaninne qanaaten kumidaysata; nu ase ixeyisata, asika nuna ixeyisata. 
\v 4 Shin ashshiya Xoossaa keehatethaynne siiqoy qoncida wode, 
\v 5 nu oothida xillo oosuwa gisho gidonashin, ba maarotethaa gisho nuna ashshis. Nuna I ashshiday, nam7antho yeletethaa meechaninne Geeshsha Ayyaana baggara immida ooratha de7uwana. 
\v 6 He Ayyaana, Xoossay nuna ashshiya Yesuus Kiristoosa baggara nu bolla darsidi gussis. 
\v 7 Ba aadho keehatetha baggara nuna xillisidi merinaa de7uwa laata ufaysaa oykana mela hessa oothis. 
\v 8 Ha qaalay ammanetida qaala. Xoossaa ammaneysati lo77o ooso oothanaw giigidaysata gidana mela ne ha qaala minthada odana mela ta koyayis. Haysati ase ubbaas lo77onne go77eyisata. 
\v 9 Shin eeyatetha palamape, kocha taybope, kachafenne higge gaason dendiya ooshshafe naageta. Hessi go77inne wodhey baynaba. 
\v 10 Shaahetethi medhiya uraa koyro zora; nam7antho hanqeta, hessafe guye, iyape haaka. 
\v 11 Hessa mela asi geellanne nagarancho; I ba bolla pirdeysa era.
\s1 Wursetha Zore
\p
\v 12 Taani balgo yan shaacanaw qopida gisho, Arxemaasa woyko Tikiqoosa neeko kiittiya wode ne taako Niqophilyoona yaanaw minna.\x - \xo 3:12 \xo*\xt Hawa 20:4; Efe 6:21-22; Qola 4:7-8; 2 Ximo 4:12.\xt*\x* 
\v 13 Higge eriya Zeemasinne Aphiloosi oge biya wode entaw koshshiyabay paconna mela enta maadda. 
\v 14 Nu asayka pathonna asi gididi attonna mela bantaw koshshiyaba demmana mela lo77o ooso oothanaw minnidi tamaaro.
\p
\v 15 Taara de7iya ubbay nena saro goosona; ammanon nuna siiqiya asaa saro ga.
\p Xoossaa aadho keehatethay hinte ubbaara gido. Amin7i.