\id ROM - Gofa Full Bible Latin Version Final
\ide UTF-8
\h Roome Kiita
\toc1 Roome Kiita
\toc3 Roome
\toc2 Roome
\mt1 Phawuloosi Roome Asaas
\mt2 Xaafida Kiita
\imt Gaatha Qofa
\ip Hawaariya Phawuloosa kiitay Roome asaas xaafetiday, Phawuloosi Roomen de7iya woosa keetha be7anaw qopida gisho, I biya wode enti giigidi naagana mela oothanaasa. Phawuloosa qofay Roomen de7iya ammaneysatara guutha wode oothidaape guye, enti iya maaddin Ispeene baanaasa. Roome kiitan ammanoba I eridaysa, ammaniya asay he timirtiya ooson peeshana mela qoncisidi xaafis.
\ip Phawuloosi Roomen de7iya ammaniya asaa koyro sarothi simmidi, kaallidi entaw woosseysa odees. Iya kiittas gul7a qofay, “Wongelan Xoossa xillotethay qoncis; he xillotethay koyrope wursethi gakanaw ammanon qoncis” gidi odees (\xt 1:17\xt*).
\ip Hessafe guye, he qofa dalgisidi xaafees. Ayhudeta gidin Ayhude gidonna ase gidin, ubbay nagari haarin de7ida gisho, enti Xoossara sigetanaw koshshees. Asay Xoossara sigetanaw danda7ey Yesuus Kiristoosa ammanonna. Enti Xoossara medhiya ooratha gahetetha ayfey, ooratha de7o gideysa Phawuloosi dalgisidi odees. Ammaniya asi Xoossara saro de7ees; qassi Xoossa Ayyaana baggara nagarapenne hayqo wolqafe kessi ekees. Shempo 5-8 gakanaw Phawuloosi Xoossa higgeynne ammaniya asa de7on oothiya Xoossa Ayyaana wolqa qofay aybeko odees. Hessafe kaallidi, Phawuloosi, “Xoossay asa na7as qopida qofa giddon Ayhudetinne Ayhude gidonna asay waanidi issife waaxetanaw danda7ii?” giya oyshaas zaaro immanaw baaxetis.
\ip Qassi Ayhudeti Yesuusa ekonna ixiday Xoossa qofa gideysa odees. Hessi haniday Yesuus Kiristoosa baggara qoncisida aadho keehatetha giddon asa zare ubba haphana melasa. Gidoshin, Ayhudeti Yesuusa ekana wodey yaanaysa Phawuloosi ammanees. Wursethan Phawuloosi ammano de7o waanidi daanaw bessiyako odees. Xoossas oothanaba, ammaniya asati banta biittasinne banta giddon issoy issuwas aawatethan oothanabaanne kahaa gaason medhetiya oyshetaba qoncisidi odees.
\iot Maxaafa Ayfe Qofata
\io1 Gelo qofa \ior (1:1-15)\ior*
\io1 Roome kiita huuphe qofa \ior (1:16-17)\ior*
\io1 Asa na7as atotethi koshshees \ior (1:18—3:20)\ior*
\io1 Xoossi ase ashshiya oge \ior (3:21—4:25)\ior*
\io1 Kiristoosan bentiya ooratha de7o \ior (5:1—8:39)\ior*
\io1 Xoossi Isra7eeles qopiya qofa \ior (9:1—11:36)\ior*
\io1 Ammaniya asa duussa \ior (12:1—15:13)\ior*
\io1 Kuusha qofanne sarotho \ior (15:14—16:27)\ior*
\ie
\c 1
\p
\v 1 Yesuus Kiristoosa aylle gidida, hawaare gidana mela xeegetidaysafenne Xoossaa Wongela sabbakana mela dooretida Phawuloosi kiitida kiitaa.
\p
\v 2 Xoossay daro wodepe sinthe ba nabeta baggara immana yaagida Xoossaa Wongelay Geeshsha Maxaafatan xaafetis. 
\v 3 He Wongelay ashon Dawita sheeshape yeletida, Xoossaa Na7aa, nu Godaa Yesuus Kiristoosaba. 
\v 4 Qassi I ba geeshsha Ayyaanan hayqope dendidi, Xoossaa Na7aa gideysa gita wolqan bessis. 
\v 5 Iya baggara Ayhude gidonna asa ubbay, ammanidi kiitetana mela Kiristoosa sunthaa gisho, Xoossay aadho keehatethinne hawaaretetha maata nuus immis. 
\v 6 Yesuus Kiristoosas gidana mela xeegetida asatape baggati hintena.
\p
\v 7 Roomen de7iya, Xoossay siiqeysatasinne iya geeshsha dere gidana mela dooridaysatas.
\p Xoossaa nu Aawapenne Godaa Yesuus Kiristoosape aadho keehatethaynne sarotethay hintew gido.
\s1 Galata Woosa
\p
\v 8 Ubbaafe koyrottada, hinte ammanoy biitta ubban si7etida gisho, Yesuus Kiristoosa baggara hinte gisho ta Xoossaa galatayis. 
\v 9 Taani iya Na7aa wongelaba kumetha wozanan odiya Xoossay, taani ta woosan ubba wode hintena qopeysas I marka. 
\v 10 Wursethan, Xoossaa shene gidiko, taani hinteko baanaw ogey taw injetana mela ubba wode woossayis. 
\v 11 Taani hintew Ayyaana imuwa shaakanawunne hintena be7anaw laamotayis. 
\v 12 Hessika, taani hinte ammanuwan, qassi hinte ta ammanuwan minettana melasa.
\p
\v 13 Ta ishato, taani Ayhude gidonna asaape ayfe demmidaysada, hintefeka ayfe demmanaw hinteko baanaw qopas, shin digetas.\x - \xo 1:13 \xo*\xt Hawa 19:21.\xt*\x* 
\v 14 Tamaarida asaasinne tamaariboonna asaas qassi cincatasinne eeyatas taw acoy de7ees.
\p
\v 15 Hessa gisho, Roomen de7iya hintewuka wongela odanaw amottayis.
\s1 Wongeli Xoossa Wolqa
\p
\v 16 Iya ammaniya ubbaa, koyrottidi Ayhudeta, kaallidi Ayhude gidonnayisata ashshanaw Wongelay Xoossaa wolqaa gidiya gisho, ta Wongelan yeellatike.\x - \xo 1:16 \xo*\xt Mar 8:38.\xt*\x* 
\v 17 Xilloy ammanon de7on daana geetetidi Geeshsha Maxaafan xaafetis. Wongelan Xoossaa xillotethay qoncis; koyrope wursethi gakanaw, asay xilley ammanonna.\x - \xo 1:17 \xo*\xt Ibra 2:4.\xt*\x*
\s1 Asa Iitatethi
\p
\v 18 Tumay eretonna mela banta iita ooson kammiya asaa bollanne nagara ubbaa bolla, Xoossaa hanqoy salope wodhees. 
\v 19 Xoossay entaw qoncanaw bessiyaba qoncisida gisho, enti Xoossaba eroosona. 
\v 20 Alamey medhetoosape doomidi, asaas bentonna Xoossaa kandoy, hessika iya merinaa wolqaynne Xoossatethay iya medhetethan qoncidi de7iya gisho, asay banta iitatethaas gaasoyabay baawa.
\p
\v 21 Enti Xoossaa erishe, iya bonchibookonanne galatibookona. Enta qofay maaddonnaba gidis; enta akeekona wozanay dhumis.\x - \xo 1:21 \xo*\xt Efe 4:17-18.\xt*\x* 
\v 22 Enti bantana cincata goosona, shin eeyata. 
\v 23 Enti hayqonna Xoossaa goyinnanaysa aggidi, hayqiya asa medhon, kafota medhon, do7ata medhoninne ulora gooshetiyabata daanisidi oothida misileta goyinnidosona.\x - \xo 1:23 \xo*\xt Zaare 4:16-18.\xt*\x*
\p
\v 24 Hessa gisho, enti issoy issuwara borsoba oothidi, banta asatethaa kawushana mela Xoossay enta wozanay amotiya tuna oosos enta yeggi aggis. 
\v 25 Hessi haniday enti Xoossaa tumaa wordon laammida gishonne medhida Xoossaa aggidi, medhetethi goyinnida gishosa. Xoossay merinaw galatetidaysa. Amin7i.
\p
\v 26 Hessa gisho, Xoossay entana enta borso amuwas yeggi aggis. Enta maccasay bantaw bessiya addera gahetethi aggidi, bessonnaba hanidi maccasi maccasara gahetidosona. 
\v 27 Hessadaka, addeti bantaw bessiya maccasara gahetethi aggidi, addey addera gahetidosona. Addeti issoy issuwara amon xuugetidi, borsoba oothidosona. Banta oothida nagaraas bessiya pirdaa ekidosona.
\p
\v 28 Enti Xoossaa erishe, hari attoshin iyabaa qopanaw koyonna ixida gisho, bessonnaba oothana mela Xoossay entana pathonna qofas aathidi immis. 
\v 29 Entan geellatethi, iitatethi, yiiqey, geney, qanaatey, shempo wodhoy, palami, cimoynne iita amoy kumis. Enti zigireyisata, 
\v 30 asa sunthi iisseyisata, Xoossaa ixeyisata, cayeyisata, otoreyisata, ceeqeteyisata, iitabaa oothanaw koyeysatanne banta aayesinne aawas kiitetonayisata, 
\v 31 akeekonayisata, caaqo mentheyisata, siiqoy baynayisata, qadhey baynayisata. 
\v 32 Hayisata mela ootheysatas hayqoy bessees giya Xoossaa higgiya erishe, haysata oothosona. Enti bantaw ooso xalaala gidonashin, oothiya harataka nashshoosona.
\c 2
\s1 Xoossa Xillo Pirda
\p
\v 1 Hessa gisho, neno harata bolla pirdeyso, neeni gaasoyabay baawa. Neeni harata bolla pirdashe, he neeni pirdiya uraa mela oothiko, neeni, ne bolla pirdaasa.\x - \xo 2:1 \xo*\xt Maato 7:1; Luqa 6:37.\xt*\x* 
\v 2 Hessa mela ooso ootheyisata bolla Xoossay xillo pirdaa pirdeysa nu eroos. 
\v 3 Neno, hessa mela ooso ootheyisata bolla pirdeyso, enti ootheysa mela ootheyso, neeni Xoossaa pirdaafe attanaba daanii? 
\v 4 Woyko Xoossaa keehatetha, gencanne danda7a darotethaa kadhayee? Xoossay new keehiday nena nagaraape zaaranaw gideysa erikiyee?
\p
\v 5 Shin hintew shucha wozaninne si7onna haythi de7ees. Hessa gisho, Xoossaa hanqoynne xillo pirday qonciya gallas, ne bolla pirday darana mela oothaasa. 
\v 6 Xoossay issuwas issuwas iya oosuwa mela immana.\x - \xo 2:6 \xo*\xt Maz 62:12; Leemi 24:12.\xt*\x* 
\v 7 Lo77o ooson minnidi, galataa, bonchonne dhayonna de7uwa koyeysatas Xoossay merinaa de7uwa immana. 
\v 8 Shin bantana siiqeyisata, tumaa ixeysatanne iitabaa oothanaw koyeyisata bolla Xoossaa hanqoynne pirday yaana. 
\v 9 Iitabaa oothiya asa ubbaa, koyrottidi Ayhudeta, kaallidi Ayhude gidonna asaa metoynne waayey gakana. 
\v 10 Shin Xoossay lo77o ooso oothiya ubbaas, koyrottidi Ayhudetas, kaallidi Ayhude gidonaysatas galataa, bonchonne sarotethaa immana. 
\v 11 Xoossay som7o be7idi ase shaakenna.\x - \xo 2:11 \xo*\xt Zaare 10:17.\xt*\x*
\p
\v 12 Higgey bayna nagara oothida ubbay higgey bayna dhayana. Higgey de7ishin, nagara oothida ubbay higgen pirdetana. 
\v 13 Xoossaa sinthan xilleysati higge naageysatape attishin, higge sissa xalaala si7eyisata gidokona. 
\v 14 Higgey bayna Ayhude gidonna asay medhon higgey kiitteysa oothosona. Entaw xaafetida higgey bayna ixikoka enti banta wozanan higgiya eroosona. 
\v 15 Enta hanotay, higge kiitay enta wozanan xaafetidaysa bessees. Qassi enta kahay enta bolla markatees. Enta qofay issi issi toho entana bala gees; issi issi toho entana like gees. 
\v 16 Ta tamaarsida Wongela mela Xoossay Yesuus Kiristoosa baggara asa wozanan geemmida qofaa pirdiya wode hessi eretana.
\s1 Ayhudetanne Enta Higgiya
\p
\v 17 Shin ne nena Ayhude gaasa; higgen zempaasa; Xoossan ceeqasa. 
\v 18 Ne oothana mela Xoossay koyiyabay aybeko eraasa. Higgiya tamaarida gisho, tuma gidiyaba dooranaw eraasa. 
\v 19 Neeni qooqeta kaaletheysa, qassi dhuman de7eysatas poo7o gideysa shaaka eraasa. 
\v 20 Neeni higgiyafe demmida eratethaninne tumatethan eeyata eriseysanne yoogata tamaarseysa gideysa eraasa. 
\v 21 Yaatin, ne harata tamaarseysi ne nena ayis tamaarsikii? Neeni, “Kaysotopa” gashe, neeni ne huuphen kaysotayee? 
\v 22 Neeni, “Laammofa” gashe, neeni ne huuphen laammayee? Neeni eeqa ixashe, eeqay de7iya keethaa bonqayee? 
\v 23 Neeni Xoossaa higgiyan ceeqetasa, shin higgiyas kiitetonna ixada Xoossaa yeellayay? 
\v 24 Geeshsha Maxaafan, “Hinte gaason Xoossaa sunthay Ayhude gidonna asatan cayetees” geetetidi xaafetis.\x - \xo 2:24 \xo*\xt Isa 59:7-8.\xt*\x*
\p
\v 25 Ne higges kiitetiko, ne qaxaretethaas maadey de7ees, shin neeni higgiyas kiitetonna ixiko ne qaxaretethay qaxaretiboona mela gidees. 
\v 26 Ayhude gidonna asi qaxaretonna de7ishe, higgiyas kiitetiko, Xoossay iya qaxaretida mela taybennee? 
\v 27 Hinte, Ayhude asati, hintew xaafetida higgeynne qaxaroy de7ishin, hinte higges kiitetonna ixiko, Ayhude gidonna asay qaxaretonna ixikoka higges kiitetidi, hinte bolla pirdana.\f + \fr 2:27 \fr*\fqa Hinte bolla pirdana: \fqa*\ft Enta hanotay woyko enta kiitetethay hinte bolla pirdana.\ft*\f*
\p
\v 28 Hiza, sunthan Ayhude gidida ubbay tuma Ayhude gidenna. Qassi kare asatethaa qaxaroy tuma qaxaro gidenna. 
\v 29 Shin tuma Ayhudetethi gaatha baggan Ayhude gideysa. Tuma qaxaretethi Xoossaa Ayyaanan oosetiya wozana qaxaretethafe attishin, xaafetida higgiyan oosetiya asatethaa qaxaro gidenna. He uray galataa Xoossafe ekeesipe attishin, asape gidenna.\x - \xo 2:29 \xo*\xt Zaare 30:6.\xt*\x*
\c 3
\s1 Ayhudeta Ammano Ixo
\p
\v 1 Yaatin, Ayhude giddon ay dummatethi de7ii? Woyko qaxaretethan ay maadey de7ii? 
\v 2 Tumaka Ayhude gidoy daro ogera maaddees. Ubbaafe sinthe Xoossay ba qaala hadara Ayhudetas immis.
\p
\v 3 Yaatin, entafe issoti issoti qaala ammanonna ixiko, enta ixoy Xoossaa ammanetetha diggiyee? 
\v 4 Diggenna! Asa ubbay wordancho gidikoka Xoossay tuma gido. Geeshsha Maxaafan,
\q1 “Ne qaalan ne xillaasa;
\q2 nena mooteysa pirdan lathaasa”
\m geetetidi xaafetis.\x - \xo 3:4 \xo*\xt Maz 51:4.\xt*\x*
\p
\v 5 Yaatin, nu nagaray Xoossay xillo gideysa bessiyaba gidiko, nu woyganee? Xoossay nu nagaraa gisho, nu bolla pirdiko, like gidenneyee? Haysa taani asa qofatho gayis. 
\v 6 Hessi ubbaraka hanenna. Hessada haniko, Xoossay ha alamiya bolla waati pirdanee?
\p
\v 7 Shin ta wordotethay Xoossa tumaa qoncisidi, iya bonchuwa darsi bessiyaba gidiko, yaatin, ayis ta bolla nagaranchoda pirdeetii? 
\v 8 Issi issi asay, “Lo77oy yaana mela iita oothoos” yaagidi tamaarsiyada oothidi tana mootosona. Hessa mela asaa bolla yaa Xoossaa pirday like.
\s1 Asi Ubbay Nagarancho
\p
\v 9 Yaatin, nuuni woyganee? Nu Ayhudeti, Ayhude gidonaysatape aadhonayee? Gidenna! Ayhude gidin, Ayhude gidonna ixin ubbay nagarancho gideysa taani kasetada hintew odas.
\p
\v 10 Geeshsha Maxaafan,
\q1 “Xillo asi issoyka baawa.\x - \xo 3:10 \xo*\xt Maz 14:1-3; 53:1-3.\xt*\x*
\q1
\v 11 Akeekiya asi baawa,
\q2 Xoossaa koyiya oonika baawa.
\q1
\v 12 Asa ubbay Xoossaas zoko zaaridosona;
\q2 ubbay issife pathonnaba gididosona.
\q1 Lo77o oothiya oonika baawa;
\q2 issi asika baawa.
\q1
\v 13 Enta doonape keyiya qaalay,
\q2 dooyetida duufope keyiya xinqo mela;
\q2 banta inxarsan cimmoosona.
\q1 Enta doonape ase wodhiya,
\q2 shoosha marzey keyees.\x - \xo 3:13 \xo*\xt Maz 5:9; 140:3.\xt*\x*
\q1
\v 14 Enta doonan camo odaynne baadethi kumis.\x - \xo 3:14 \xo*\xt Maz 10:7.\xt*\x*
\q1
\v 15 Enti suuthi gussanaw ellesoosona.\x - \xo 3:15 \xo*\xt Isa 59:7-8.\xt*\x*
\q1
\v 16 Enta ogiyan dhayoynne qohoy de7ees.
\q1
\v 17 Enti sarotetha ogiya erokona.
\q1
\v 18 Banta de7uwan Xoossaas yayyokonna”
\m geetetidi xaafetis.\x - \xo 3:18 \xo*\xt Maz 36:1.\xt*\x*
\p
\v 19 Ase ubbaa doona oythanawunne kumetha alamiya Xoossaa pirdaafe garsan shiishanaw, higgey imetiday higgefe garsan aqeysatas gideysa nu eroos. 
\v 20 Hessa gisho, oonika higges kiitetidi Xoossaa sinthan xillanaw danda7enna. Higgey asi ubbay nagarancho gideysa bessees.\x - \xo 3:20 \xo*\xt Maz 143:2; Gala 2:16.\xt*\x*
\s1 Xillotethi Ammanona
\p
\v 21 Shin ha77i Xoossay asi higgey baynashin xilliya oge qoncisis. He ogiya Muse higgeynne nabeti markatidosona. 
\v 22 Ha xillotethaa, Xoossay Yesuus Kiristoosa baggara asa ubbaas shaakoy bayna immees.
\p
\v 23 Asa ubbay nagara oothidosona; Xoossay entaw immida bonchuwafe haakidi attidosona. 
\v 24 Shin enti Xoossaa aadho keehatethan, woziya Kiristoos Yesuusa baggara coo xillidosona. 
\v 25 Xoossay Yesuus Kiristoosa yarsho oothidi immiday, iya ammaniya ubbay iya suuthan nagara atotethi demmana melasa. Xoossay hessa oothiday ba danda7an kase nagaraa taybonna aggidi, ba xillotethaa bessanaasa. 
\v 26 Ha77i wodiyan Yesuusa ammaniya ubbaa xillisidi, Xoossay ba huuphen xillo gideysa bessees.
\p
\v 27 Yaatin, nu ceeqetiyabay aybi de7ii? Aybika baawa. Nuuni ceeqetey higges kiitetiya gishoyee? Akay! Ammano gishosa. 
\v 28 Xoossay ase xillisey ammanonape attishin, higges kiitetethan gidonnaysa nu akeekos.
\p
\v 29 Woyko Xoossay Ayhudeta xalaala Xoosseyee? Ayhude gidonaysatas Xoosse gidenneyee? Tuma, Ayhude gidonaysataska I Xoosse. 
\v 30 Xoossay isso; Ayhudetanne Ayhude gidonnayisata ammanon xillisey iya.\x - \xo 3:30 \xo*\xt Zaare 6:4; Gala 3:20.\xt*\x* 
\v 31 Yaatin, nuuni higgiya ammano gisho shaaros guusseyee? Gidenna! Higgiya minthosipe attishin.
\c 4
\s1 Abrahaamey Ammanon Xillis
\p
\v 1 Yaatin, nu mayzay Abrahaamey ay demmidee? 
\v 2 Abrahaamey ooson xillidaba gidiyako, I ceeqetiyabay de7ees, gidoshin, Xoossaa sinthan ceeqetanaw danda7enna. 
\v 3 Geeshsha Maxaafay, “Abrahaamey Xoossaa ammanis; Xoossay hessa iyaw xillotethi oothidi ekis” yaagees.\x - \xo 4:3 \xo*\xt Medhe 15:6; Gala 3:6.\xt*\x*
\p
\v 4 Oothiya uray ekiya damoozey, iya ooso wolqaas cigetiya gatepe attishin, iyaw imota gidenna. 
\v 5 Shin ooso oothonna oonika nagaranchuwa xillisiya Xoossaa ammaniko, iya ammanoy iyaw xillotethi gididi taybetees. 
\v 6 Geeshsha Maxaafan Dawiti, oosoy bayna Xoossay xillisiya asati ay mela anjetidako haysada yaagidi qoncisees:
\q1
\v 7 “Enta balay atto geetetidaysatinne
\q2 enta nagaray kametidaysati anjetidaysata.\x - \xo 4:7 \xo*\xt Maz 32:1-2.\xt*\x*
\q1
\v 8 Goday iya nagaraa taybonna asi anjetidaysa” yaagees.
\p
\v 9 Yaatin, Dawiti odida anjoy qaxaretida asaa xalaalaseyee? Woyko qaxaretiboona asaasee? Nuuni, “Geeshsha Maxaafay, ‘Abrahaamey Xoossaa ammanis; Xoossay hessa iyaw xillotethi oothidi ekis’ yaagees” gida. 
\v 10 Yaatin, hessi awude hanidee? Abrahaamey qaxaretineyee? Woyko qaxaretona de7ishinee? Qaxaretanaape sinthe hanisipe attishin, guye gidenna.
\p
\v 11 Abrahaamey qaxaretanaape sinthe iya ammanoy iyaw xillotethi gididi taybetidaysa erisanaw, iya qaxaroy malaata gidis. Hessa gisho, Abrahaamey qaxaretonna ammaneysatasinne ammanon xilleyisata ubbaas aawa gidis.\x - \xo 4:11 \xo*\xt Medhe 17:10.\xt*\x* 
\v 12 I qaxaretidaysataska aawa. Abrahaamey entaw aawa gididay enti qaxaretida gisho, xalaalas gidonashin, I qaxaretanaape sinthe ammanida ammanuwa enti kaallida gishosa.
\p
\v 13 Abrahaamesinne iya sheeshas, “Alamiya ta hintew immana” yaagida ufaysay, Abrahaamey ammanon xillida gishosafe attishin, higge naagidi polida gisho gidenna.\x - \xo 4:13 \xo*\xt Medhe 17:4-6; 22:17-18; Gala 3:29.\xt*\x* 
\v 14 Higges kiitetidaysati Xoossay immana gida ufaysa laateyisata gidiko, asaa ammanoy maaddenna; Xoossaa ufaysay hada gidis.\x - \xo 4:14 \xo*\xt Gala 3:18.\xt*\x* 
\v 15 Higge menthoy Xoossaa hanqo ehees, shin higgey baynason higge menthoy baawa.
\p
\v 16 Hessa gisho, Xoossay immida ufaysay ammanon eketees. Ha ufaysay Abrahaame sheesha ubbaas Xoossaa aadho keehatetha baggara imetidaysa qoncisees. Hessika higge naageysata xalaalas gidonashin, Abrahaameda ammanida ubbaasa. Abrahaamey nu ubbaas aawa.\x - \xo 4:16 \xo*\xt Gala 3:7.\xt*\x* 
\v 17 Geeshsha Maxaafan, “Ta nena daro kawotethatas aawa oothas” geetetidi Abrahaame gisho, xaafetis. Ha ufaysay Abrahaames imetiday hayqidaysatas de7o immeysinne oorathaba oothiya Xoossay iya gideysa I ammanida gishosa.\x - \xo 4:17 \xo*\xt Medhe 17:5.\xt*\x*
\p
\v 18 Xoossay Abrahaames daro koche immanaysa caaqis. Ufaysi oothanaw aykoka danda7etonna wode Abrahaamey Xoossan ammanida gishonne ufaysi oothida gisho, daro kawotethatas aawa gidis.\x - \xo 4:18 \xo*\xt Medhe 15:5.\xt*\x* 
\v 19 Abrahaames xeetu laythi kumana hanikoka, ba daaburida asatethanne Saara na7a yelanaw danda7onnaysa erishe ba ammanuwan daaburibeenna.\x - \xo 4:19 \xo*\xt Medhe 17:17.\xt*\x*
\p
\v 20 Gidoshin, I ba ammanuwan minnidi Xoossaas boncho immispe attishin, Xoossay immida ufaysaa ammanonna ixidi, sidhibeenna. 
\v 21 Abrahaamey, Xoossay caaqida caaquwa polanaysa ba kumetha wozanan ammanis. 
\v 22 Hessa gisho, Xoossay iya ammanuwa xillotethan taybis.
\p
\v 23 Shin, “Iyaw xillotethan taybis” giya qaalay Abrahaame xalaalas xaafetibeenna. 
\v 24 He qaalay nu Godaa Yesuusa hayqope denthida Xoossaa ammaniya nuuska nu ammanoy xillotethan taybetana mela xaafetis. 
\v 25 Xoossay iya nu nagara gisho, hayqos aathidi immis; I nuna xillisanaw hayqope dendis.\x - \xo 4:25 \xo*\xt Isa 53:4-5.\xt*\x*
\c 5
\s1 Xoossan De7iya Sarotethi
\p
\v 1 Hiza, nu ammanon xillida gisho, nu Godaa Yesuus Kiristoosa baggara Xoossara nuus sarotethi de7ees. 
\v 2 Nuuni iya baggara ha77i nu eqida aadho keehatetha giddo ammanon gelida. Hessa gisho, nu Xoossaa bonchuwa shaaketanaw de7iya ufaysan ceeqetoos.
\p
\v 3 Hessa xalaala gidonashin, metoy danda7a eheysa nu eriya gisho, nu metuwanka ceeqetoos. 
\v 4 Qassi danda7ay genca, gencay ufaysi immeysa nu eroos. 
\v 5 Nuus immida Geeshsha Ayyaana baggara Xoossay ba siiquwa nu wozanan gussida gisho he ufaysay nuna yeellayenna.
\p
\v 6 Nuuni buroo daaburanchota gididi de7ishin, Xoossaa wodey gakin, Kiristoosi nagaranchota gisho hayqis. 
\v 7 Xillo asa gisho hayqana asi demmanaysi daro meto, shin keeha asa gisho hayqana asi ooni eri bentonna aggenna. 
\v 8 Shin nuuni buroo nagarancho gididi de7ishin, Kiristoosi nu gisho hayqis. Hessi Xoossay nuna ay mela siiqiyako iya siiquwa bessees. 
\v 9 Hiza, nuuni Kiristoosa suuthan xillidaba gidiko, ubbaafe aathidi iya baggara Xoossaa hanquwafe attana. 
\v 10 Nuuni Xoossara kase morke, shin iya Na7aa hayquwan iyara sigetida. Hessafe aathidi, ha77i nuuni Xoossara sigetidaape guye, iya na7aa de7uwa gaason nuuni attana. 
\v 11 Hessa xalaala gidonashin, ha77i nuna Xoossara sigethida nu Godaa Yesuus Kiristoosa baggara nu Xoossan ceeqetoos.
\s1 Addaamenne Kiristoosa
\p
\v 12 Addaame baggara nagari ha alamiya gelis. He nagaraa baggara hayqoy yis. Asi ubbay nagara oothida gisho hayqoy asa zare ubbaa gakis.\x - \xo 5:12 \xo*\xt Medhe 3:6.\xt*\x* 
\v 13 Higgey imetanaape sinthe alamen nagari de7ees, shin higgey bayna wode nagari nagara gididi taybetenna. 
\v 14 Shin Addaamepe Muse gakanaw hayqoy asa ubbaa haaris. Hari attoshin, Addaameda higges kiitetonna ixidi, nagara oothiboonayisata bollaka hayqoy kawotis.
\p Addaamey yaana Yesuusas leemiso. 
\v 15 Shin Xoossaa aadho keehatethay Addaame nagaraa mela gidenna. Issi asa nagara baggara daro asay hayqis. Shin Yesuus Kiristoosa baggara Xoossaa aadho keehatethay asa ubbaas daridi imetis. 
\v 16 Addaame nagaraa giddoninne Xoossaa imota giddon daro dummatethi de7ees. Issi asa nagara gaason Xoossay iya bolla pirdis. Shin asay daro nagara oothinka Xoossaa aadho keehatethay xillotethaa ehis. 
\v 17 Issi asa nagara gaason hayqoy asa ubbaa bolla kawotis. Shin Yesuus Kiristoosa baggara Xoossaa aadho keehatethaanne xillotetha imota ekiya ubbay, xoono de7on de7oosona.
\p
\v 18 Hiza, issi asi nagara oothida gaason asa ubbaa bolla pirdi yidaysada issi asi xillo oothida gaason, Xoossay ase ubbaa xillisidi entaw de7o immees. 
\v 19 Issi asi kiitetonna ixida gaason, daro asay nagarancho gididaysada issi asa kiitetethan daro asay xillana.
\p
\v 20 Asay nagara wolqaa erana mela higgey yis, shin nagara wolqay darida wode Xoossaa aadho keehatethay aadhidi daris. 
\v 21 Nagari hayqo wolqan kawotidaysa mela Xoossa aadho keehatethay xillotethaa wolqan kawotidi, nu Godaa Yesuus Kiristoosa baggara nuna merinaa de7uwako kaalethees.
\c 6
\s1 Nagaras Hayqo Kiristoosas De7o
\p
\v 1 Yaatin, nuuni woyganee? Xoossaa aadho keehatethay darana mela nagaran minnidi de7ino? 
\v 2 Akay, nuuni nagaras hayqidaba gidiko, yaatin, nuuni hizape waanidi nagaran daanee? 
\v 3 Nu ubbay Kiristoos Yesuusara issifanaw xammaqetida wode iya hayquwan iyara issifanaw xammaqetidaysa ereketiyee? 
\v 4 Nu xammaqetida wode Kiristoosara hayqidanne moogetida. Kiristoosi Xoossaa Aawa boncho wolqan hayqope dendidaysa mela nuka ooratha de7on daana.\x - \xo 6:4 \xo*\xt Qola 2:12.\xt*\x*
\p
\v 5 Nu iya hayquwan iyara issino gidiko, hessadaka, iya denduwan iyara issino gidana. 
\v 6 Nu hizape nagaras aylle gidonna melanne nu nagarancho asatethaa wolqay dhayana mela nu cima asatethay Kiristoosara kaqetidaysa eroos. 
\v 7 Issi asi Kiristoosan hayqidaba gidiko, I nagara wolqafe la77a keyis. 
\v 8 Nuuni Kiristoosara hayqiko, iyara de7on daanaysa ammanoos. 
\v 9 Kiristoosi hayqope dendida gisho, zaari I hayqonaysanne hayqoy sinthafe iya haaronnaysa nu eroos. 
\v 10 I hayqida wode nagaras issitoho wursethi gakanaw hayqis, shin ha77i de7on Xoossaas de7ees. 
\v 11 Hessadaka, hinte nagaras hayqidi, Godaa Kiristoos Yesuusa baggara Xoossas de7on de7eysa qopite.
\p
\v 12 Hessa gisho, hinte, hinte asatethaa amuwas kiitetonna mela hayqiya hinte asatethaa nagari haaropo. 
\v 13 Qassi hinte asatethaa nagara oothanaw geellatetha miishe oothidi immofite. Shin hinte hayqope dendidi, de7on de7iya asada hinte asatethaa Xoossaas immite. Qassi hinte kumetha asatethaa xillo ooso oothanaw Xoossaas aathidi immite. 
\v 14 Hinte Xoossaa aadho keehatetha garsan de7eetape attishin, higgefe garsan de7onna gisho nagari hintena haaranaw bessenna.
\s1 Xillotetha Aylle
\p
\v 15 Yaatin, nu woyganee? Higgefe garsan gidonashin, Xoossaa aadho keehatetha garsan de7iya gisho nagara oothaneyee? Akay! 
\v 16 Hinte issi asas kiitetanaw hintena aylle oothidi immiya wode he hinte kiiteteysas aylle gideysa ereeta. Hessadaka, hinte nagaras kiitetiko, hintew hayqo ehiya nagaraas aylle gideeta. Woyko hinte Xoossas kiitetiko xillotethi ehiya Xoossaas aylle gideeta. 
\v 17 Kase hinte nagaras aylle, shin ha77i hinte ekida tuma timirtiyas kumetha wozanape kiitetida gisho Xoossaas galati gido. 
\v 18 Hinte nagara aylletetha qashope biletidi xillotetha aylle gidideta.
\p
\v 19 Hinte hinte qofan daaburancho gidiya gisho, taani oodeska geliya ogen odayis. Kase hinte, hinte asatethaa tunanne iitabaa oothanaw aylle oothidi immidaysa mela ha77i hinte asatethaa geeshshi gidana mela xillotetha aylle oothidi immite.
\p
\v 20 Hinte nagaras aylletidi de7iya wode xillotethas haareteketa. 
\v 21 Hintena ha77i yeellayiya beni hinte iita oosuwape ay maade demmidetii? He oosota wursethay hayqo. 
\v 22 Shin hinte nagara aylletetha qashope biletidi, Xoossaas aylle gidideta. Hessi hintena geeshshi oothidi merinaa de7uwako kaalethees. 
\v 23 Nagara gatey hayqo. Shin Xoossay, nu Godaa Kiristoos Yesuusa baggara immiya imotay merinaa de7o.
\c 7
\s1 Eko Gelo Leemiso
\p
\v 1 Ta ishato, taani odey higge eriya asatasa. Higgey issi asi paxa de7iya wode ubban iya haarees. 
\v 2 Leemisos, azina gelida maccasiya I azinay paxa de7iya wode higgen iyara qashetasu. Shin I azinay hayqiko iyara iya caaqida caaqoy iyo haarenna. 
\v 3 Hessa gisho, iya ba azinay paxa de7ishin, hara adde geliko, iya laammidaaro geetetawusu. Shin I azinay hayqiko, caaqoy iyo haaronna gisho iya hara azina geliko, iya laammidaaro geetetuku.
\p
\v 4 Hessa gisho, ta ishato, hinte Kiristoosa asatethaa baggara higge wolqaas hayqidi, Xoossaas ayfe ayfanaw hayqope dendida Kiristoosas gidideta. 
\v 5 Nu asho amoy nuna haarin, nu de7iya wode higgey guji nagara oothana mela nuna denthethees. Nu asatethaa giddon iita amotethi de7iya gisho nuuni hayqo ayfe ayfana mela oothis. 
\v 6 Shin ha77i nuuni nuna qachida higgiyas hayqida gisho nuuni higge qashope biletida. Hessa gisho, Geeshsha Ayyaana ogen Xoossaas kiitetosipe attishin, xaafetida cima higgiyas kiitetoko.
\s1 Higgenne Nagara
\p
\v 7 Yaatin, nuuni woyganee? Higgey ba huuphen nagaree? Gidenna! Shin higgey nagari aybeko tana erisis. Higgey, “Amotofa” goonnako, amotethi aybeko taani erike.\x - \xo 7:7 \xo*\xt Kessa 20:17; Zaare 5:21.\xt*\x* 
\v 8 Shin ta ubbaba amottana mela nagari higge baggara tanan oge demmis. Higgey bayneko nagari hayqidaysa.
\p
\v 9 Kase higgey bayna wode ta paxa, shin higgey imetida wode nagari paxin ta qassi hayqas. 
\v 10 Taani de7on daana mela Xoossay immida higgey taw hayqo ehis. 
\v 11 Nagari higge baggara tana cimmiya ogiya demmidi, wodhis.\x - \xo 7:11 \xo*\xt Medhe 3:13.\xt*\x*
\p
\v 12 Hessa gisho, higgey geeshshi; iyan xaafetida kiitayka geeshshi, xillonne lo77o.
\p
\v 13 Yaatin, lo77o gididabay ta bolla hayqo ehideyee? Gidenna! Shin nagari nagara gideysi qoncana mela lo77oban maaddetidi taw hayqo ehis. Hessa gisho, nagara nagaratethay higge baggara aadhidi eretis.
\p
\v 14 Nuuni higgey ayyaanaba gideysa eroos. Shin taani nagaras bayzetida asho asi. 
\v 15 Taani oothiyaba akeekike; taani dosiyaba oothanaysa aggada ta ixiyaba oothayis.\x - \xo 7:15 \xo*\xt Gala 5:17.\xt*\x* 
\v 16 Taani ixiyaba oothiya gidiko, higgey lo77o gideysa ta ma7ayis. 
\v 17 Hessa gidiko, he oosuwa tanan de7iya nagaray oothaysipe attishin, ta oothike.
\p
\v 18 Tanan, hessika ta ashuwan lo77obay baynaysa erayis. Lo77oba oothiya amotethi tanan de7ees, shin lo77oba oothanaw danda7ike. 
\v 19 Taani ixiya iitabaa oothaysipe attishin, ta dosiya lo77oba oothike. 
\v 20 Taani ixiyaba oothiya gidiko, hessa tanan de7iya nagaray ootheesipe attishin, oothey tana gidike.
\p
\v 21 Hiza, ta lo77oba oothanaw dosishin, iitabaa oosoy woga gideysa demmas. 
\v 22 Taani ta wozanan Xoossaa higgiyan ufaytayis. 
\v 23 Shin ta asatethaa giddon de7iya ta qofaa higgiyara oletiya dumma higge be7ayis. He higgey ta asatethaa giddon oothiya nagara higgiyas tana aylle oothidi immis. 
\v 24 Taani waanida yibbata asee? Hayqos efiya ha asatethafe tana ashshanay oonee? 
\v 25 Nu Godaa Yesuus Kiristoosa baggara tana ashshiya Xoossaas galatay gido.
\p Hiza, taani ta qofan Xoossaa higgiyas haaretayis; shin ta asatethan tana nagara oosisiya higgiyas haaretayis.
\c 8
\s1 Geeshsha Ayyaanan De7o
\p
\v 1 Hessa gisho, Kiristoos Yesuusan de7eysati ha77i pirdetokona. 
\v 2 Kiristoos Yesuusa baggara nuus de7o immiya Geeshsha Ayyaana higgey, tana nagaranne hayqo higge aylletethaafe kessis. 
\v 3 Nu nagara asatethaa gaason, higgey daaburancho gidiya gisho nuna ashshanaw danda7ibeenna. Xoossay ba na7aa nagarancho asa leemison nagaras yarsho gidana mela kiittidi hessa oothis. Yaatidi, Xoossay Kiristoosa ashuwa baggara nagara, nagarancho asa giddon pirdis. 
\v 4 Xoossay hessa oothiday, nu asho amoy koyeysada gidonashin, Geeshsha Ayyaanay koyeysada de7iya nu bolla higgiya xillo kiitay poletana melasa.
\p
\v 5 Banta asho amuwa kaallidi de7eysati bantana ufaysiyabaa qopoosona. Shin Geeshsha Ayyaana shenen de7eysati Geeshsha Ayyaana ufaysiyabaa qopoosona. 
\v 6 Nu qofay asho amos haaretiko hayqo ehees, shin ayyaana amos haaretiko de7onne sarotethi ehees. 
\v 7 Asho amos haaretiya asi Xoossaa higgiyas kiitetanaw koyonna gishonne kiitetanaw danda7onna gisho, Xoossara morke. 
\v 8 Banta asho amuwas haareteysati Xoossaa ufaysanaw danda7okona.
\p
\v 9 Shin Xoossaa Ayyaanay hintenan de7ikonne hintena haariko, hinte Ayyaana shenen de7eetape attishin, hinte asho amuwas haareteketa. Kiristoosa Ayyaanay bayna oonika Kiristoosaba gidenna. 
\v 10 Shin Kiristoosi hintenan de7iko, hinte asatethay nagara gaason hayqidaysa. Shin hinte ayyaanay xillotethaa gaason de7on de7ees. 
\v 11 Shin Yesuusa hayqope denthida Xoossaa Ayyaanay hintenan de7iko, Kiristoosa hayqope denthida Xoossay, hintenan de7iya ba Geeshsha Ayyaanan hayqiya hinte asatethaas de7o immana.\x - \xo 8:11 \xo*\xt 2 Qoro 3:16.\xt*\x*
\p
\v 12 Hiza, ta ishato, nuuni nu asho amuwa kaallidi daanaw bessenna. 
\v 13 Hinte, hinte asho amuwas de7iko hayqana, shin Geeshsha Ayyaana wolqan nagara oosuwa wodhiko hinte de7on daana. 
\v 14 Xoossaa Ayyaanay kaalethiya ubbay Xoossaa nayta. 
\v 15 Nuuni, “Abbaa, ta Aawaw” yaagidi xeegiya, Xoossaa nayta oothiya Geeshsha Ayyaana ekidaape attishin, zaaridi yashshan daanaw aylle oothiya ayyaana ekibooko.\x - \xo 8:15 \xo*\xt Mar 14:36; Gala 4:6.\xt*\x* 
\v 16 Xoossaa Ayyaanay nu ayyaanara gididi nuuni Xoossaa nayta gideysa markatees. 
\v 17 Nuuni iya nayta gidiko Xoossaa anjuwa laattana; Kiristoosara wolla he anjuwa laattana. Qassi nuuni Kiristoosara metuwa ekiko iyara wolla iya bonchuwan shaaketana.
\s1 Yaana Bonchuwa
\p
\v 18 Nuuni ha77i waayetiya waayiya, sinthafe nuus qoncana bonchuwara gathi be7iko, ginisanaw danda7etenna gada qopayis. 
\v 19 Medhetetha ubbay Xoossaa nayta qoncethaa daro laamotidi naagoosona. 
\v 20 Medhetetha ubbay hada gidis; hessika, medhetetha dooron gidonashin, ufaysan naagana mela oothida Xoossaa shenen hanis.\x - \xo 8:20 \xo*\xt Medhe 3:17-19.\xt*\x* 
\v 21 Medhetethay ba huuphen dhayo aylletethaafe wozetidi, Xoossaa naytara wolla boncho la77a shaaketana. 
\v 22 Medhetethay issife hanno gakanaw iqethi oykida maccasada ooleninne un7an de7eysa nu eroos. 
\v 23 Qassi hessa medhetetha xalaala gidonashin, Geeshsha Ayyaana bayra imotada ekida nuuni, nu huuphen nu asatethaas wozo gidida Xoossaa nayta gidana ufaysaa naagishe nu asatethan oolos.\x - \xo 8:23 \xo*\xt 2 Qoro 5:2-4.\xt*\x* 
\v 24 Ha ufaysan nuuni attida. Shin nuuni ufaysi oothiyabay bentiya gidiko hessa ooni ufaysi oothii? 
\v 25 Shin nu be7onnaba demmana gidi ufaysan naagiko hessa danda7an naagoos.
\p
\v 26 Hessada Geeshsha Ayyaanay nu daaburan maaddees. Nuuni Xoossaa waati woossanaw bessiyako eroko, shin Geeshsha Ayyaanay ba huuphen, asi odanaw danda7etonna qaalan nuus gaannatees. 
\v 27 Qassi asa wozana eriya Xoossay Geeshsha Ayyaana qofay aybeko erees. Geeshsha Ayyaanay Xoossaa sheniyada geeshshatas gaannatees.
\p
\v 28 Xoossaa siiqeysatasinne iya sheniyada xeegetidaysatas Xoossay ubbaa lo77os ootheysa eroos. 
\v 29 Xoossay koyrottidi eridaysati ba Na7aa daanana melanne na7ayka ammaneyisata giddon bayra gidana mela enta dummayidi wothis. 
\v 30 Xoossay koyrottidi dummayidaysata xeegis; he xeegidaysata xillisis; he xillisidaysata qassi bonchis.
\s1 Xoossa Siiqo
\p
\v 31 Yaatin, nu ha ubbaas woyganee? Xoossay nu bagga gidiko nuura oone eqetanay? 
\v 32 I hari attoshin, ba na7aas qadhetonnashin, nu gisho aathidi immis. Yaatin, ba na7aa nuus aathidi immidaysi waanidi ubbaba coo immennee?
\p
\v 33 Xoossay entana xillisida gisho I dooridaysata oone mootanay? 
\v 34 Yaatin, enta bolla pirdanaw danda7ey oonee? Oonika baawa. Hayqope dendidi Xoossaa ushachan uttida, Kiristoos Yesuusi, I nuus gaannatees.
\p
\v 35 Hiza, nuna Kiristoosa siiquwape shaakanay oonee? Waayeye woyko metoye woyko goodeye woyko kosheye woyko kallotetheye woyko yashsheye woyko oleyee? 
\v 36 Geeshsha Maxaafan,
\q1 “Nuuni ne gisho kumetha gallas hayqoos;
\q2 shukas efiya dorsada taybetida”\x - \xo 8:36 \xo*\xt Maz 44:2.\xt*\x*
\m geetetidi xaafetidaysa mela gidis.
\p
\v 37 Shin nuuni, nuna siiqida Kiristoosan ha ubbaa polo xoonos.
\p
\v 38 Hessa gisho, hayqo gidin de7o gidin kiitanchota gidin haareyisata gidin ha77i de7eysa gidin sinthafe yaanaysa gidin wolqaamata gidin, 
\v 39 salo wolqaa gidin sa7a wolqaa gidin ay medhetethi gidin nu Godaa, Kiristoos Yesuusan de7iya Xoossaa siiquwape nuna shaakanaw danda7onnaysa taani eras.
\c 9
\s1 Isra7eele Dooretethi
\p
\v 1 Taani Kiristoosan tuma odayis, wordotike. Geeshsha Ayyaanay kaalethiya ta kahay taani wordotonnaysa taw markatees. 
\v 2 Ta wozanan Isra7eeletas daro qadhetaysinne qamma gallas qopayis. 
\v 3 Taani, ta ishata gisho, Kiristoosape shaaketada Xoossaa baadethafe garsan de7idaako dosaysishin. 
\v 4 Enti Isra7eeleta, Xoossay enta ba nayta oothis, ba bonchuwa entaw qoncisis. Entara caaqis; higgiya entaw immis. Enti Xoossaa goyinnana tuma ogiya bessis; Xoossay ufaysa qaala entaw immis.\x - \xo 9:4 \xo*\xt Kessa 4:22.\xt*\x* 
\v 5 Enti yeletethan mayzata koche; qassi Kiristoosi ashon enta koche gididi yis. Ubbaafe bolla gidida Xoossay merinaw galatetto. Amin7i!
\p
\v 6 Gidoshin, Xoossay gelida qaalay poletonna attis guussu gidenna. Isra7eele asa ubbay Xoossaa asi gidokona. 
\v 7 Qassi Abrahaame zare ubbay Abrahaame nayta gidokona. Xoossay Abrahaames, “Ne kochay Yisaaqa baggara xeegetana” yaagis.\x - \xo 9:7 \xo*\xt Medhe 21:12.\xt*\x* 
\v 8 Hessa guussay ashon yeletida nayti ubbay Xoossaa nayta gidokona. Shin tuma Isra7eele nayti Xoossay Abrahaames gelida qaalada yeletida nayta.\x - \xo 9:8 \xo*\xt Medhe 21:12.\xt*\x* 
\v 9 Xoossay immana gidi gelida qaalay, “Taani wonto laythi hannoode yaana; Saaraka adde na7a yelana”\x - \xo 9:9 \xo*\xt Medhe 18:10.\xt*\x* yaageysa.
\p
\v 10 Hessa xalaala gidonashin, Irbiqinne Yisaaqi yelida mente adde naytabaa akeekite. 
\v 11 Enti yeletanaape woyko iita woyko lo77o oothanaape sinthe Xoossaa dooroy ooson gidonashin xeessan gideysa qoncisanaw, 
\v 12 “Bayray kaaluwas kiitetana” yaagidi Goday Irbiqas odis.\x - \xo 9:12 \xo*\xt Medhe 25:23.\xt*\x* 
\v 13 Hessika Geeshsha Maxaafan, “Yayqooba dosas, Eesawe ixas”\x - \xo 9:13 \xo*\xt Milki 1:2.\xt*\x* geetetidi xaafetis.
\p
\v 14 Yaatin, nuuni woyganee? Xoossay ase asape shaakiyee? Gidenna. 
\v 15 Goday Museko,
\q1 “Ta maaranaw koydaysata maarana;
\q2 ta qadhetanaw koydaysatas qadhetana”\x - \xo 9:15 \xo*\xt Kessa 33:19.\xt*\x* yaagis.
\m
\v 16 Hiza, Xoossaa dooroy asa shenen woyko ooson gidonashin iya maarotethaana.
\p
\v 17 Geeshsha Maxaafan, Gibxe kawako, “Taani, ta wolqaa nenan bessanawunne ta sunthay alame ubban eretana mela hessas nena kawothas”\x - \xo 9:17 \xo*\xt Kessa 9:16.\xt*\x* geetetidi xaafetis. 
\v 18 Hiza, Xoossay maaranaw koyeysa maarees; wozanaa muumisanaw koyeysa wozanaa muumisees.
\s1 Xoossa Hanqonne Maarotethi
\p
\v 19 Hintefe issoy, “Yaatin, Xoossay ase iita ooso gisho ayis borii? Xoossaa sheniya ixas gaanay oonee?” yaagidi oychanaw danda7ees.
\p
\v 20 Shin ta ishaw, Xoossara palamanaw neeni oonee? Urqafe Medhetida miishey bana medhidaysa, “Tana haysada oothada ayis medhadii?”\x - \xo 9:20 \xo*\xt Isa 29:16; 45:9.\xt*\x* gidi oychanaw danda7ii? 
\v 21 Woyko urqa medheysi issi urqafe issuwa boncho miishe, hankuwa qassi tooshe miishe oothidi medhanaw maati baawee?
\p
\v 22 Xoossay ba hanquwa bessanawunne ba wolqaa erisanaw koyidi, pirdas giigida hanqo nayta daro gencan danda7idaako ne ay eray? 
\v 23 Hessa I oothiday koyrottidi bonchoos giigisida, ba doorida naytas ba bonchuwa qoncisanaasa. 
\v 24 Ayhude gidin, woyko Ayhude gidonna asa ubbay Xoossan dooretida.
\p
\v 25 Nabiya Hose maxaafan,
\q1 “Ta ase gidonnayisata, ‘Ta ase’ gada xeegana.
\q2 Ta siiqaboonna deriya, ‘Siiqetidaysata’ gada xeegana.\x - \xo 9:25 \xo*\xt Hose 2:23.\xt*\x*
\q1
\v 26 Enti, ‘Ta ase gideketa’ geetetidi xeegetida bessan,
\q2 ‘De7o Xoossaa nayta’ geetetidi xeegetana”\x - \xo 9:26 \xo*\xt Hose 1:10.\xt*\x* yaagees.
\p
\v 27 Nabiya Isayaasi Isra7eele asaaba,
\q1 “Isra7eele asay abba gaxan de7iya shafeda darikoka,
\q2 entafe guutha asa xalaali attana.\x - \xo 9:27 \xo*\xt Isa 10:22-23.\xt*\x*
\q1
\v 28 Goday alamiya ubbaa bolla ellesidi polo pirdaa pirdana.”
\p
\v 29 Qassika Isayaasi,
\q1 “Ubbaafe Wolqaama Goday nuus guutha koche ashshonaba gidiyako,
\q2 nuuni Soodomenne Gamoora katamaada dhayanashin”\x - \xo 9:29 \xo*\xt Isa 1:9.\xt*\x*
\m yaagidi koyrottidi odis.
\p
\v 30 Yaatin, nu woyganee? Xillotethaa koyiboona Ayhude gidonna asay ammanon xillotethi demmidosona. 
\v 31 Shin xillotethako gathiya higgey de7iya Isra7eele asay xillotethi demmibookona. 
\v 32 Ayis demmibookona? Enti xillotethaa ammanon gidonashin, ooson ekanaw koyida gishosa. Yaaniya gisho, enti, “Dhubiya shuchan” dhubetidosona. 
\v 33 Geeshsha Maxaafan,
\q1 “Taani Xiyoonen dhubbi kundisiya shuchaa wothana.
\q2 Iyan ammaniya oonika yeellatenna”\x - \xo 9:33 \xo*\xt Isa 28:16.\xt*\x*
\m geetetidi xaafetis.
\b
\c 10
\p
\v 1 Ta ishato, ta kumetha wozanan ta amotteynne Xoosse woossey Isra7eeley attana melasa. 
\v 2 Enti Xoossaas mishetoosonashin, tuma eratethan mishetonnaysa ta markatayis. 
\v 3 Enti Xoossaa xillotethaa ogiya eronna ixidi, banta huuphe xillotethaa kaallidosonape attishin, Xoossaa xillotethaa koybookona. 
\v 4 Asi ubbay ammanon xillana mela Kiristoosi higgiya polis.
\s1 Atotethi Ubbaasa
\p
\v 5 Asi higge naagidi ekiya xillotethabaa Musey xaafishe, “Higge naagiya oonika he higgiya naagida mela de7ees”\x - \xo 10:5 \xo*\xt Leewe 18:5.\xt*\x* yaagis. 
\v 6 Shin ammanon ekiya xillotethabaa geetetiday haysa: “Ne wozanan, ‘Ooni salo keyanee?’ yaagopa; hessi Kiristoosa wodhisanaasa.\x - \xo 10:6 \xo*\xt Zaare 30:12-14.\xt*\x* 
\v 7 Woyko, ‘Duge sa7a garsi wodhanay oonee?’ goopa; hessi Kiristoosa duufope kessanaasa. 
\v 8 Shin yaagidi xaafetis: ‘Xoossaa qaalay ne matana; ne doonaninne ne wozanan de7ees’ Nuuni hintew odiya ammano qaalay haysa.
\p
\v 9 “Yesuusi Godaa” gada ne doonan markatikonne Xoossay iya hayqope denthidaysa ne wozanan ammaniko, ne attana. 
\v 10 Asi ba wozanan ammanidi xillees; ba doonan markatidi attees. 
\v 11 Geeshsha Maxaafay, “Iyan ammaniya oonika yeellatenna”\x - \xo 10:11 \xo*\xt Isa 28:16.\xt*\x* yaagees. 
\v 12 Issi Xoossay ubbaa Godaa gidiya gisho, Ayhudeta giddoninne Ayhude gidonna asaa giddon dummatethi baawa. I bana xeegiya ubbaas daro keeha. 
\v 13 Geeshsha Maxaafay, “Godaa sunthaa xeegiya oonika attana”\x - \xo 10:13 \xo*\xt Iyyu 2:32.\xt*\x* yaagees.
\p
\v 14 Yaatin, enti ammanonna de7ishe waanidi iya xeeganaw danda7onna? Enti iyabaa si7onna de7ishe waatidi iya ammananaw danda7onna? Qassi entaw qaala odiya asi bayna de7ishin, waanidi si7anaw danda7oona? 
\v 15 Kiitetida asi bayna de7ishin, qaalay waanidi odetanaw danda7ii? Geeshsha Maxaafan, “Ufaysa Wongela odiya asaa tohoti waanidi lo77oona!”\x - \xo 10:15 \xo*\xt Isa 52:7.\xt*\x* yaagidi xaafetis.
\p
\v 16 Shin Isayaasi, “Godaw, nu markatethaa ooni ammanidee?”\x - \xo 10:16 \xo*\xt Isa 53:1.\xt*\x* yaagidaysada, ubbay Wongela ammanibookona. 
\v 17 Hessa gisho, ammanoy sissafe yees; sissi Kiristoosa qaalape yees.
\p
\v 18 Gidoshin, Isra7eele asay qaala si7ibookona guusseyee? Akay, si7idosona. Geeshsha Maxaafan,
\q1 “Enta qaalay biitta ubban si7etis,
\q2 enta oday sa7aa gaxa gakis”\x - \xo 10:18 \xo*\xt Maz 19:4.\xt*\x*
\m yaagetis. 
\v 19 Shin Isra7eele asay eribookona guusseyee? Musey kase,
\q1 “Taani hintena leqetida asan qiiroysana;
\q2 qassi eeya asan hintena yiloyana”\x - \xo 10:19 \xo*\xt Zaare 32:21.\xt*\x* yaagis.
\p
\v 20 Qassi Isayaasi,
\q1 “Tana koyiboona asaas bentas;
\q2 tana oychiboona asaas qoncas”\x - \xo 10:20 \xo*\xt Isa 65:1.\xt*\x*
\m yaagidi yayyonna odis.
\p
\v 21 Shin Isayaasi Isra7eeletaba odishe,
\q1 “Ubbaa gallas kiitetonna asaasinne
\q2 tana ixiya asaas ta kushiya miccas”\x - \xo 10:21 \xo*\xt Isa 65:2.\xt*\x* yaagees.
\c 11
\s1 Xoossi Isra7eeleta Aggibeenna
\p
\v 1 Ane ta oychayis: yaatin, Xoossay ba asaa aggideyee? Aggibeenna! Taani ta huuphen Isra7eele; Abrahaame sheeshi; Biniyaame koche.\x - \xo 11:1 \xo*\xt Filphi 3:5.\xt*\x* 
\v 2 Xoossay koyro doorida ba asata yeggenna. Geeshsha Maxaafan, Eeliyaasi Isra7eeleta Xoossaa sinthan waati mootidaako, hinte ereketii? 
\v 3 Eeliyaasi, “Godaw, enti ne nabeta wodhidosona, ne yarsho bessaaka laallidosona. Ta tarka attas; enti tanaka wodhanaw koyoosona”\x - \xo 11:3 \xo*\xt 1 Kawo 19:10, 14.\xt*\x* yaagis.
\p
\v 4 Xoossay iyaw woygidi zaaridee? “Ba7aale geetetiya eeqas goyinniboona laapun mukulu asaa taw ashshas”\x - \xo 11:4 \xo*\xt 1 Kawo 19:18.\xt*\x* yaagis.
\p
\v 5 Hessadaka, ha wodiyan Xoossay ba aadho keehatethan doorida guutha Isra7eeleti de7oosona. 
\v 6 I enta dooriday ba aadho keehatethanaape attishin, enta ooson gidenna. Dooroy ooson gidiko, iya aadho keehatethay tuma aadho keehatethi gidenna.
\p
\v 7 Yaatin, waanidee? Isra7eeleti banta koyaba demmibookona, shin Xoossay doorida guuthati demmidosona. Attidaysati banta wozanaa muumisidosona. 
\v 8 Hessika, Geeshsha Maxaafan,
\q1 “Enti banta ayfiyan be7onnaada
\q2 banta haythan si7onnaada,
\q2 hanno gakanaw entaw
\q2 Xoossay azalla ayyaana immis”\x - \xo 11:8 \xo*\xt Zaare 29:4; Isa 29:10.\xt*\x*
\m geetetidi xaafetidaysada hanis. 
\v 9 Qassi Dawiti,
\q1 “Enti miya gaytay enta xiheda oyko;
\q2 enta gufanthiya aafo gido;
\q2 enta iitatethay enta bolla gako.\x - \xo 11:9 \xo*\xt Maz 69:22-23.\xt*\x*
\q1
\v 10 Enti xeellonnaada enta ayfey goozeto;
\q2 ubba wode meton enti kuunidi de7o” yaagis.
\p
\v 11 Yaatin, Ayhudeti zaari dendonna mela kundidonayee? Gidenna! Enta kundethay Ayhude gidonna asay attana mela gaaso gidis. Hessika Ayhudeti enta bolla qanaatanaada oothis. 
\v 12 Ayhudeta nagaray alamiyas daro anjo ehis; qassi enta kundethay Ayhude gidonna asaas daro anjo gidis. Yaatin, dooretida Ayhudeti kumethi attiya wode anjoy ay mela darandeesha!
\p
\v 13 Taani, ha77i hintew Ayhude gidonna asaas odayis. Ayhude gidonna asaas hawaare gidada ootheysan taani daro ceeqetayis. 
\v 14 Ta hessa oothiday taw ashon koche gidida Isra7eeleta qiiroyada entafe guuthata ashshanaasa. 
\v 15 Xoossay enta yeggida wode, ha alamey Xoossara sigetis. Xoossay enta shiishi ekiya wode hayqida asi hayqope dendida mela gidees.
\p
\v 16 Koyro menthida baso uythay Xoossaas yarshetidi geeshshi gidiko, muume uythayka geeshshi. Mithas xaphoy geeshshi gidiko, tasheyka geeshshi. 
\v 17 Gaden tokida shamaho tashe gidida Ayhudeti karetin, hinte bazzon dolida shamaho tashe gidida Ayhude gidonnaysati enta bessan dhanthetidi enta anjuwanne duretetha shaaketideta. 
\v 18 Hiza, hinte tasheda karetidi wodhida Ayhudeta bolla otortofite. Hinte otortiyaba gidiko, xaphoy hintena tookesipe attishin, hinte xaphuwa tookonnaysa akeekite.
\p
\v 19 Neeni, “He tasheti karetiday, ta enta bessan dhanthetana melasa” gaanaw danda7aasa. 
\v 20 Hessi tuma. Enti ammanibona gisho karetidosona. Neeni ammanida gisho he bessan eqadasa. Neeni yayyanaw besseesipe attishin, otoranaw bessenna. 
\v 21 Xoossay medhon tashe gidida Ayhudetas qadhetonna ixiko hintewuka qadhetenna.
\p
\v 22 Hiza, Xoossay ay mela keehekonne ay mela yashshiyako be7a. I yashshey kiitetonayisata, qassi I keehey iya ammanidi minnidi eqidaysatasa. Minnidi eqonna ixiko hinteka karetana. 
\v 23 Ayhudeti ammaniko, kase enti de7iya bessaa simmana. Xoossay enta zaaridi, wothanaw danda7ees. 
\v 24 Hintena bazzon de7iya shamaho gidida Ayhude gidonnayisata qanxidi, gaden tooketida shamahuwa bolla hintena tokiko, medhon gade shamaho gidida Ayhudeta banta koyro bessan zaari tokanaw waanidi danda7etennee? \fig Shamaho Mithinne Iya Ayfiya|alt="Olive tree with its fruits" src="BK00119B.tif" size="span" ref="11:24"\fig*
\s1 Xoossa Maarotethi Ubbaasa
\p
\v 25 Ta ishato, hinte hintena erancho gidi ceeqetofite. Ta hintew odiya issi xuuri de7ees. Hessika Isra7eeletape baggay si7onna ixiday wursethi gakanaw gidonashin, attanaw de7iya Ayhude gidonna asay kumethi Xoossako yaana gakanaasa. 
\v 26 Hessadaka, Isra7eele asa ubbay attana. Geeshsha Maxaafan,
\q1 “Nuna ashsheysi Xiyoonepe yaana;
\q2 Yayqooba kochaafe iita ubbaa diggana.\x - \xo 11:26 \xo*\xt Isa 59:20-21.\xt*\x*
\q1
\v 27 Taani enta nagara atto giya wode
\q2 entara caaqana caaqoy haysa”\x - \xo 11:27 \xo*\xt Isa 27:9.\xt*\x*
\m geetetidi xaafetis.
\p
\v 28 Ayhudeti Wongela ekonna ixidi, hinte gisho Xoossara morke gididosona. Gidoshin, ha77ika enti dooretidaysata, Xoossay enta aawata gisho enta dosees. 
\v 29 Xoossay ba imuwaninne ba xeessan qiirotenna. 
\v 30 Hinte Ayhude gidonnaysati kase Xoossaas kiitetibeketa. Shin ha77i Ayhudeti kiitetonna ixin, hinte Xoossaa maarotethaa ekideta. 
\v 31 Hessadaka, hinte ekida maarotethaa Ayhudeti ekana mela ha77i Xoossaas kiitetonna ixidosona. 
\v 32 Xoossay asa ubbaa ba maarotethaa bessanaw koyidi, asi ubbay kiitetonna ixana mela oothis.
\p
\v 33 Xoossaa duretetha, cincatethaanne eratethaa akeekidi odanay oonee? Iya pirday pilgetenna, iya ogey eretenna.\x - \xo 11:33 \xo*\xt Isa 55:8.\xt*\x* 
\v 34 Geeshsha Maxaafan,
\q1 “Godaa qofaa erey oonee?
\q2 Iya zoranaw danda7ey oonee?\x - \xo 11:34 \xo*\xt Isa 40:13.\xt*\x*
\q1
\v 35 Xoossaas tal7eynne
\q2 tal7iya zaaridi ekey oonee?”\x - \xo 11:35 \xo*\xt Iyyo 41:11.\xt*\x*
\m yaagees.
\p
\v 36 Ubbaa I medhis; ubbay iyan de7ees; ubbay iya bonchosa. Xoossaas merinaw bonchoy gido. Amin7i.\x - \xo 11:36 \xo*\xt 2 Qoro 8:6.\xt*\x*
\c 12
\s1 De7o Yarsho
\p
\v 1 Hiza, ta ishato, hinte, hinte asatethaa Xoossaa ufaysiya, de7onne geeshsha yarsho oothidi, immana mela taani hintena Xoossaa maarotethan woossayis. Xoossaa hinte goyinnanaw bessiya tuma ogey hessa. 
\v 2 Lo77o, ufayseysanne polo gidida Xoossaa sheniya hinte shaaki eranaw hinte qofan laametitepe attishin, ha alamiya daanopite.
\p
\v 3 Xoossay hinte issuwas issuwas immida ammanuwa mela wozanaama asada qopite. Qopanaw besseysafe aathidi hintena dummayidi, otoron qopofite gada taw imetida aadho keehatethan hintew odayis. 
\v 4 Nu issi asatethaa giddon dumma dumma kifileti de7oosona; he dumma dumma kifiletas dumma dumma oosoy de7ees.\x - \xo 12:4 \xo*\xt 2 Qoro 12:12.\xt*\x* 
\v 5 Hessada, nuuni daro asi gidikoka, Kiristoosan issi asatethi gidida. Nuuni issi asatethi gididi dumma dumma kifileti issoy issuwara oyketida. 
\v 6 Nuus imetida aadho keehatethan dumma dumma imotati de7oosona. Nu imoy tinbit odo gidiko, nuus de7iya ammanuwa mela odanaw bessees.\x - \xo 12:6 \xo*\xt 2 Qoro 12:4-11.\xt*\x* 
\v 7 Nu imoy harata maade gidiko, he oosuwan minnanaw bessees; tamaarso gidiko, he tamaarsuwan minnanaw bessees. 
\v 8 Nu imoy harata minthetho gidiko, minnidi minthethanaw bessees. Nu imoy nuus de7iyabaape haratas imo gidiko, wozanape immanaw bessees. Nu imoy ayso gidiko, minnidi aysanaw bessees. Nu imoy haratas keeho gidiko, ufaysan keehanaw bessees.
\p
\v 9 Hinte siiqoy qoodhepe qommon gidanaw bessenna. Iitaba ixite; lo77oba minthidi oykite. 
\v 10 Issoy issuwara ishada siiqetite; issoy issuwa bonchite. 
\v 11 Azallofite; hinte ayyaanan minnidi, Godaas oothite. 
\v 12 Xoossay immida ufaysan ufaytite; metuwa danda7ite; ubba wode Xoossaa woossite. 
\v 13 Ammaniya geeshshata koshshiyaban maaddite; imathata mokite.
\p
\v 14 Hintena goodeyisata anjite; anjitepe attishin, baaddofite.\x - \xo 12:14 \xo*\xt Maato 5:44; Luqa 6:28.\xt*\x* 
\v 15 Ufayteysatara ufaytite; yeekeysatara yeekite. 
\v 16 Issoy issuwara issi qofan de7ite. Otoro qofaa aggidi, hintena kawushidi, kawusha ooso oothite. Hinte hintena cinca gidi qopofite.\x - \xo 12:16 \xo*\xt Leemi 3:7.\xt*\x*
\p
\v 17 Oonika hintew iitabaa oothiko, he uraas iita zaaropite. Asa ubbaa sinthan nashisiya lo77o ooso oothite. 
\v 18 Asa ubbaara saron daanaw hintew danda7etiya ubbaa oothite. 
\v 19 Ta ishato, hinte, hinte huuphen asas halo keyopite. Xoossay halo kessana mela iyaw aggaagite. Geeshsha Maxaafan,
\q1 “Taani halo kessana;
\q2 taani kushe zaarana”\x - \xo 12:19 \xo*\xt Zaare 32:35.\xt*\x*
\m yaagees Goday, geetetidi xaafetis.
\p
\v 20 Shin Geeshsha Maxaafan,
\q1 “Ne morkey koshatiko muza;
\q2 I saamotiko ushsha.
\q1 Neeni hessa oothiko iya huuphen
\q2 yeella tama bonqo qolaasa”\x - \xo 12:20 \xo*\xt Leemi 25:21.\xt*\x*
\m geetetidi xaafetis.
\p
\v 21 Iitaa lo77on xoonape attishin, iitan xoonetofa.
\c 13
\s1 Deriya Ayseysatas Kiitetethi
\p
\v 1 Xoossaa shene gidonashin maati imetonna gishonne ha77i de7iya shuumatika Xoossaa shenen shuumetida gisho asi ubbay deriya ayseysatas kiitetanaw bessees. 
\v 2 Hessa gisho, maatara de7eysatas kiitetonna ixiya oonika Xoossaa kiitaa ixees. Kiitetonna ixiya oonika ba bolla pirdaa ehees. 
\v 3 Ayseysati iita ootheysatape attishin, lo77o ootheyisata yashshokona. Ayseysatas yayyonna agganaw koyay? Yaako lo77o ootha; enti nena galatana. 
\v 4 Enti new lo77oba oothanaw shuumetida Xoossaa aylle. Shin neeni iitabaa oothiko, enti iitabaa oothidaysa seeriya gisho iyaw yayya. Enti iita ootheyisata seeridi, Xoossaa hanquwa qoncisiya Xoossaa aylle. 
\v 5 Hessa gisho, Xoossaa hanquwa xalaalas gidonashin, hinte kahay markatiya gisho deriya ayseysatas kiitetanaw bessees.
\p
\v 6 Hinte giira giireyka hessasa. Deriya ayseysati he oosuwa oothey, enti Xoossaa aylleta gidida gishosa.\x - \xo 13:6 \xo*\xt Maato 22:21; Mar 12:17; Luqa 20:25.\xt*\x* 
\v 7 Issuwas issuwas besseysa immite. Giira giiranaw besseysas giirite; qaraxa qanxanaw besseysas qaraxa qanxite; yayyanaw besseysas yayyite; bonchoy besseysa bonchite.
\s1 Issoy Issuwara Dosetite
\p
\v 8 Issoy issuwara siiqetite. Siiqo acope attishin, hinte bolla hara acoy doopo. Ase siiqiya oonika higgey geysa polis. 
\v 9 “Laammofa; wodhopa; kaysotopa; amottofa” giya kiitaynne hara kiita ubbay, “Ase ne huupheda dosa” giya kiitan qashetis.\x - \xo 13:9 \xo*\xt Kessa 20:13-17; Zaare 5:17-19; Leewe 19:18.\xt*\x* 
\v 10 Ase siiqiya oonika iya bolla iitabaa oothenna. Hessa gisho, ase siiqeysi higge kiitaa polis.
\p
\v 11 Dhiskofe hinte barkiya wodey ha77i gideysa akeekidi hessa oothite. Nu attana wodey koyro nu ammanida wodiyape ha77i nuuko matis. 
\v 12 Dhuma wodey aadhanaw hanees; wontay matis. Hiza, nuuni dhuma ooso aggidi poo7o ola miishe oykoos. 
\v 13 Ane gallas poo7on de7iya asada maaran de7oos. Mathoninne laymatethara gahetiya dumma dumma tuna oosotan,\f + \fr 13:13 \fr*\fk Laymatethara gahetiya dumma dumma tuna oosotan: \fk*\ft Woyko yethan, mathon, laymaton, qayxen gidopo gidi billanaw danda7etees. Laymatethara gahetiya dumma dumma tuna oosoti asi Xoossaa haarope kare keyidi do7a kando ekidi poliya ooso guussu.\ft*\f* palamaninne qanaaten gidopo. 
\v 14 Godaa Yesuus Kiristoosa kanduwa ma7ite; hinte nagarancho asatethay ba amuwa polana mela iyaw qopofite.
\c 14
\s1 Asa Bolla Pirdofite
\p
\v 1 Ammanon daaburida oonaka shiishi ekitepe attishin, iya qofaa bolla pirdofite.\x - \xo 14:1 \xo*\xt Qola 2:16.\xt*\x* 
\v 2 Leemisos, ammanon minnida issi asi ay kathika maanaw danda7ees. Shin ammanon daaburiya asi atakilte xalaala mees. 
\v 3 Ubbabaa miya asi moonna uraa kadhopo. Ubbabaa moonna asi miya uraa bolla pirdofo. Xoossay ubbaa miya uraa shiishi ekis. 
\v 4 Hara asa aylle bolla pirdey neeni oonee? I daaburin woyko minnin ba Godaasa. Goday iya essanaw danda7iya gisho I minnidi eqana.
\p
\v 5 Qassi “Issi gallasay hara gallasape aadhees” yaagidi qopiya asi de7ees. Haray qassi, “Gallasati ubbay issi mela” gidi qopees. Shin issoy issoy ba qofaa akeekidi qacho. 
\v 6 Issi gallasaa hara gallasatape aathidi bonchiya oonika Godaa bonchoos gidi oothees. Ubba kathi miya asi Godaa bonchoos gidi mees. I miya he kathaa gisho, Xoossaa galatees. Ubba kathi moonna asi Godaa bonchoos moonna aggees; qassi moonna agon Xoosse galatees. 
\v 7 Nuupe oonika baw deenna; qassi nu giddofe oonika baw hayqenna. 
\v 8 Nu de7on de7iko Godaas de7oos; qassi hayqikoka Godaas hayqoos. Hiza, nu de7on de7in woyko hayqin Godaasa.
\p
\v 9 Kiristoosi hayqidi hayqope dendiday, de7on de7eysatasinne hayqidaysatas Godaa gidanaasa. 
\v 10 Yaatin, neeni ne ishaa bolla ayis pirday? Woyko neeni ne ishaa ayis kadhay? Nuuni ubbay Xoossaa pirda araata sinthan eqana.\x - \xo 14:10 \xo*\xt 2 Qoro 5:10.\xt*\x*
\p
\v 11 Geeshsha Maxaafan Goday,
\q1 “Taani de7on de7ayis;
\q2 asa ubbay ta sinthan gulbatana;
\q2 taani Xoossaa gideysa markatana”\x - \xo 14:11 \xo*\xt Isa 45:23.\xt*\x*
\m yaagees. 
\v 12 Hiza, nu oothidabaas nu huuphen huuphen Xoossaa sinthan shiiqidi zaaro immana.
\s1 Hara Asi Dhubethofa
\p
\v 13 Hessa gisho, nuuni issoy issuwa bolla pirdeysa aggoos. Shin hinte ishaa dhubisidi woyko qaxidi nagaran gelsiyaba oothonnaada naagetite. 
\v 14 Godaa Yesuusa ammaniya asada, ba huuphen tuna gidida kathi baynaysa taani geeshshada erayis. Shin issi asi issiba tuna gidi qopiko hessi iyaw tuna gidees. 
\v 15 Ne miya katha gisho ne ishaa dhubiyaba gidiko, Kiristoosan de7iya ne ishaa siiqaka. Kiristoosi iya gisho hayqida uraa ne miya kathan iya ayyaana de7uwa dhaysofa. 
\v 16 Hiza, hintew de7iya la77atetha harati borana mela oothopite. 
\v 17 Xoossaa kawotethay Geeshsha Ayyaanay immiya xillotethi, sarotethinne tuma ufaysife attishin, muussabaanne ushshaba gidenna. 
\v 18 Hessada Kiristoosas oothiya asi Xoossaa ufaysees; asanka anjetees.
\p
\v 19 Hessa gisho, ane nuuni sarotethi bentiya ogiyanne issuwa issuwa ammanon minthiya ogiya koyoos. 
\v 20 Katha gisho gada Xoossaa oosuwa dhaysofa. Ubba kathi meetetees, shin hara asi nagaran dhubisiya kathi muussi iita. 
\v 21 Ne ishay dhubetonna mela asho moonna woyko ushshu uyonna woyko ne ishaa dhubiya haraba oothonna agoy lo77o.
\p
\v 22 Hiza, ha ne ammanuwa ne giddoninne ne Xoossaa giddon naaga. Like gidi qopidaba oothiya wode iya kahay mootonna uray anjetidaysa. 
\v 23 Shin sidhishe miya uraas iya muussay ammanon gidonna gisho pirdetees. Ammanoy bayna oosetida ooso ubbay nagara.
\c 15
\p
\v 1 Nuuni ammanon minnidaysati daaburanchota toohuwa tookanaw bessees. Nuuni nuna ufaysanaw bessenna. 
\v 2 Nuuni nu ishaa ammanon minthanaw iya maaddanawunne ufaysanaw bessees. 
\v 3 Kiristoosi bana ufaysibeenna. Shin Geeshsha Maxaafan, “Asay nena cayida cashshay tana gakis”\x - \xo 15:3 \xo*\xt Maz 69:9.\xt*\x* geetetidi xaafetidaysada hanis. 
\v 4 Geeshsha Maxaafay immiya gencaninne minthethuwan nu ufaysaa ekana mela Geeshsha Maxaafan xaafetida ubbay nuna tamaarsanaw xaafetis.
\p
\v 5 Gencanne minotethi immiya Goday hinte Kiristoos Yesuusa kaalliya wode issifetethi hintew immo. 
\v 6 Hessika, nu Godaa Yesuus Kiristoosa Aawa, Xoossaa, issi wozananinne issi qaalan hinte bonchana melasa.
\s1 Wongeli Asa Ubbaasa
\p
\v 7 Kiristoosi hintena ekidaysada Xoossaa bonchoos issoy issuwa ekite. 
\v 8 Xoossay beni aawatas immida ufaysay poletana melanne iya tumatethay eretana mela Kiristoosi Ayhudeta aylle gididi yidaysa ta hintew odayis. 
\v 9 Kiristoosi Ayhudeta aylle gidida hara gaasoy qassi Ayhude gidonna asati Xoossaa iya maarotethaa gisho galatana melasa. Geeshsha Maxaafan,
\q1 “Ta nena Ayhude gidonna asaa giddon galatana;
\q2 ne sunthaa sabbana”\x - \xo 15:9 \xo*\xt 2 Same 22:50; Maz 18:49.\xt*\x*
\m geetetidi xaafetidaysada hanis.
\p
\v 10 Qassi,
\q1 “Ayhude gidonna asato,
\q2 Xoossaa deriyara ufaytite”\x - \xo 15:10 \xo*\xt Zaare 32:43.\xt*\x*
\m yaagetis.
\p
\v 11 Qassi zaaridi,
\q1 “Ayhude gidonna asato,
\q2 Godaa galatite;
\q2 kawotetha ubbay iya sabbite”\x - \xo 15:11 \xo*\xt Maz 117:1.\xt*\x*
\m yaagetis.
\p
\v 12 Hessada Isayaasi,
\q1 “Isseye kochaafe yeletiya issoy yaana;
\q2 I kawotetha ubbaa haarana.
\q2 Enti banta ufaysaa iya bolla wothana”\x - \xo 15:12 \xo*\xt Isa 11:10.\xt*\x*
\m yaagees.
\p
\v 13 Geeshsha Ayyaana wolqan hinte diccana mela ufaysi immiya Xoossay, hinte ammanuwa gaason hintew ufaysinne sarotethi kumethi immo.
\s1 Phawuloosi Kiita Xaafida Gaaso
\p
\v 14 Ta ishato, hintenan lo77otethinne eratethi kumidaysa qassi issoy issuwa zoranaw danda7eysa ta geeshshada erayis. 
\v 15 Taani hintena issi issiba guja akeekisanaw koyada yayyonna ha dabdaabiya hintew xaafas. 
\v 16 Taani Kiristoos Yesuusa aylle gidada, Ayhude gidonna asaas kahineda oothada, Wongela odana mela Xoossay taw aadho keehatetha immis. Ayhude gidonna asay Geeshsha Ayyaanan geeyidi, Xoossaa ufaysiya yarsho gidana mela Xoossay hessa oothis.
\p
\v 17 Taani Kiristoos Yesuusan gidada Xoossaas oothiya oosuwan ceeqetayis. 
\v 18 Ayhude gidonna asay Xoossaas kiitetanaada, Kiristoosi ta qaalanne ta oosuwa baggara oothida oosuwape attishin, hari ta ceeqetiyabay baawa. 
\v 19 Xoossay hessa malaataninne Geeshsha Ayyaana wolqan waati oothidaako ta hintew odana. Taani Yerusalaamepe doomada, Iliwarqoone gakanaw Kiristoosa Wongela sabbakas. 
\v 20 Taani hara asi baasida bessan keexanaw koyke. Kiristoosa sunthay xeegetiboona bessan Wongela odanaw amottayis. 
\v 21 Geeshsha Maxaafan,
\q1 “Iyabay odetiboonna asati iya be7ana;
\q2 iyabaa si7iboona asati akeekana”\x - \xo 15:21 \xo*\xt Isa 52:15.\xt*\x*
\m geetetidi xaafetis.
\p
\v 22 Hessa gaason, taani hinteko yaanaw danda7abike.\x - \xo 15:22 \xo*\xt Roome 1:13.\xt*\x* 
\v 23 Shin taani ha77i ha heeran ta oosuwa ongida gishonne daro laythafe doomada hintena be7anaw laamotida gisho, 
\v 24 taani Ispeene bashe hintena be7anaw qopas. Qassi guutha wode hintera ufaytidaape guye, Ispeene biya wode hinte ta ogiyas tana maaddana mela koyayis.
\p
\v 25 Shin ha77i taani Xoossaa asata maaddanaw Yerusalaame bayis. 
\v 26 Maqedoonenne Akayan de7iya Xoossa asati, Yerusalaamen de7iya manqota miishen maaddanaw koyida gishosa. 
\v 27 Enti manqota maaddanaysi entaw attonnaba gidida gisho banta huuphen hessa oothanaw qofa qachidosona. Ayhudeti Ayhude gidonaysatara ayyaana anjuwa shaaketiko, enti qassi bantaw de7iyaban Ayhudeta maaddanaw bessees.\x - \xo 15:27 \xo*\xt 2 Qoro 9:11.\xt*\x* 
\v 28 Hessa gisho, taani he shiiqida miishiya entaw immidaape guye, Ispeene bashe hinte matara aadhana. 
\v 29 Taani hinteko biya wode Kiristoosa anjuwan kumada baanaysa erayis.
\p
\v 30 Ta ishato, taw Xoossaa woossishe ta baaxiyan taara eqana mela Godaa Yesuus Kiristoosaninne Geeshsha Ayyaana siiquwan hintena woossayis. 
\v 31 Xoossay tana Yihudan de7iya ammanonna asatape ashshanaadanne Yerusalaamen ta oothana oosoy Xoossaa asata matan eketana mela taw woossite. 
\v 32 Qassi Xoossay giiko, taani hinteko bada ufaysan hintera shempana mela taw woossite. 
\v 33 Sarotethaa Xoossay hinte ubbaara gido. Amin7i.
\c 16
\s1 Sarotho
\p
\v 1 Kinkire kataman de7iya woosa keethan oothiya nu michiya Feebena lo77o maccas gideysa hinte erana mela koyayis. 
\v 2 Hinte ammaniya asati Godaa sunthan mokanaw bessiya ammaniya asatape issuwada iyo mokite. Iya hintefe koyaba ubbaa iyo maaddite. Iya ba huuphen daro asaa maaddasu; qassi tana ta huuphenka daro maaddasu.
\p
\v 3 Kiristoos Yesuusa oosuwa taara issife oothiya Phirisqillanne Aqila saro giite.\x - \xo 16:3 \xo*\xt Hawa 18:2.\xt*\x* 
\v 4 Enti ta gisho banta shempuwa aathidi immidosona. Ta xalaala gidonashin, Ayhude gidonna asaa woosa keetha ubbay enta galatees. 
\v 5 Enta son shiiqiya ammaniya asaa saro giite.
\p Iise biittan Kiristoosa koyro ammanida, ta dosiya Ephanexoosas ta sarothuwa odite.
\p
\v 6 Hinte gisho ooson daro daaburida Mayraamo saro giite. 
\v 7 Taara qasho keethan aathida ta Ayhude laggeta Andiraniqosanne Yuniyasa saro giite. Enti Yesuusa hawaareta giddon eretidaysata. Qassi enti Kiristoosa taape sinthe ammanidosona.
\p
\v 8 Godan ammaniya ta siiqo laggiya, Philiyaxoona saro giite. 
\v 9 Kiristoosa oosuwa nuura issife oothiya Urbaanosanne ta dosiya Istakuusa saro giite. 
\v 10 Kiristoosan ammanthiya aylliya Aphelisas ta sarothuwa odite. Arsxobuloosa soo asaas ta sarothuwa odite. 
\v 11 Ta Ayhude laggiya Herodiyoona saro giite.
\p Narsisasinne iya soo asaape Kiristoosa ammanidaysata saro giite.
\p
\v 12 Godaa oosuwan daaburiya Tirufaynanne Tirufoosa saro giite. Qassi Godaas daro daaburada oothiya, ta dosiya Xarsido saro giite. 
\v 13 Godaa oosuwan daro eretida Rufoosasinne tana ba na7ada be7iya iya aayes ta sarothuwa odite.\x - \xo 16:13 \xo*\xt Mar 15:21.\xt*\x* 
\v 14 Asqarixoonas, Afilesonphas, Hermeesas, Phaxrobaanas, Hermaasinne entara de7iya ammaniya ishata ubbaas ta sarothuwa odite. 
\v 15 Filologuusa, Yuula, Neera, iya michiw, Alinxoosanne entara de7iya ammaniya asa ubbaa saro giite.
\p
\v 16 Geeshsha yeeretethi yeeretishe, issoy issuwa sarothite. Kiristoosa woosa keetha ubbay hintena saro yaagosona.
\s1 Wursetha Zore
\p
\v 17 Ta ishato, hinte tamaarida timirtiya ixidi, hinte giddon shaaketethinne meto medhiya asatape naagetite. Entafe haakite. 
\v 18 Hessa mela asati bantaw oothosonape attishin, nu Godaa Kiristoosas oothokona. Banta mal7iya doonaninne saphothiya qaalan ayko eronna asaa wozanaa balethoosona. 
\v 19 Wongelas hinte kiitetidaysa asa ubbay si7idaysi tana ufaysees. Shin hinte lo77oba erana melanne iitabaape haakana mela ta koyayis. 
\v 20 Sarotethaa Xoossay Xalahiya hinte tohuwape garsan gaaci yeggana.
\p Nu Godaa Yesuus Kiristoosa aadho keehatethay hintera gido.
\p
\v 21 Taara oothiya Ximotiyoosi hintena saro yaagees.\x - \xo 16:21 \xo*\xt Hawa 16:1.\xt*\x* Hessadaka, ta dabboti Luqiyoosi, Yaasoninne Sosiphaxroosi hintena saro yaagosona.
\p
\v 22 Taani, ha dabdaabiya xaafida, Xarxiyoosi, hintena Godaa sunthan saro yaagayis.
\p
\v 23 Tana mokidaynne woosa keetha ubbay iya son shiiqiya Gaayoosi, hintena saro yaagees. Katamaa miishiya oykiya Erasxoosinne nu ishaa Qarxoosi hintena saro yaagosona.\x - \xo 16:23 \xo*\xt Hawa 19:29; 2 Qoro 1:14; 2 Ximo 4:20.\xt*\x* 
\v 24 [Nu Godaa Yesuus Kiristoosa aadho keehatethay hinte ubbaara gido. Amin7i.]\f + \fr 16:24: \fr*\ft Beni koyro maxaafatan paydo 24 deenna.\ft*\f*\x - \xo 16:24 \xo*\xt Hawa 19:29; 2 Qoro 1:14; 2 Ximo 4:20.\xt*\x*
\p
\v 25 Galatay Xoossaas gido. Taani, Yesuus Kiristoosaba odiya Wongela qaalanne daro wodepe qosetidi gam7ida tumatethan, Xoossay hintena ammanon minthidi essanaw danda7ees. 
\v 26 Shin ha77i he tumay qoncis. Kawotetha ubbay ammanidi kiitetana mela merinaa Xoossaa kiitan nabeti he tumabaa xaafidosona.
\p
\v 27 Yesuus Kiristoosa baggara cincatethi iya xalaalas de7iya, issi Xoossaas merinaw bonchoy gido. Amin7i.