\id NEH - Gofa Full Bible Latin Version Final
\ide UTF-8
\h Nahime Maxaafa
\toc1 Nahime Maxaafa
\toc3 Nahi
\toc2 Nahime
\mt1 Nahime Maxaafa
\imt Gaatha Qofa
\ip Nahime maxaafa, heedzu bessan shaakidi be7anaw danda7etees.
\ipi 1. Yihuda biitta aysana mela, Farse kawoy kiitida Nahimey, kaalethin, Yerusalaame dirsa gimbey ooraxidaysa odiya taarike.
\ipi 2. Iziri, higge maxaafa nabbabidaysanne asay banta nagara paaxidysa odiya maxaafa.
\ipi 3. Nahimey Yihuda biitta aysishe oothida hara oosota odees.
\ip Ha maxaafan daro qoncidi bentey Nahimey Xoossan ammanetidaysanne I woossida woosata.
\ip Iziranne Nahime maxaafan de7iya waanna qofati,
\ipi 1. Yihuda maaddanaw Xoossay allaga kawota go7etis
\ipi 2. Yihuda asay allaga biitta asan sugetidosona
\ipi 3. Yihudi geeyidi Xoossako simmanaw bessees.
\ip Izira maxaafay xoossa keethaanne yarsho bessa bolla dummayidi odees; Nahime maxaafay Yerusalaame katama gimbe dirsa keexo bolla caddidi odees.
\iot Maxaafa Ayfe Qofata
\io1 Yerusalaame katama gimbe dirsa oosetetha \ior (1:1—7:73)\ior*
\io2 Nahimey Yerusalaames woossida woosa \ior (1:1—2:8)\ior*
\io2 Nahimey ayso oosos Yerusalaame buussaa \ior (2:9-20)\ior*
\io2 Gimbe dirsa oosuwa \ior (3:1—7:4)\ior*
\io2 Nahimey di7ope simmida asaa mazgabis \ior (7:5-53)\ior*
\io1 Izira gaason asaa ayyaana de7oy laametis \ior (8:1—10:39)\ior*
\io1 Nahime gaason biitta bolla yida laamiya \ior (11:1—12:47)\ior*
\ie
\c 1
\s1 Nahime woosa
\p
\v 1 Hakaliya na7aa Nahime qaalay haysa. Arxekisisi Farse biittan kawotin laatamantho laythan, Kisile geetetiya ageenan, taani Nahimey waanna katama gidiya Suusan de7ayis. 
\v 2 Ta ishatape issoy, Hanaani, hara asatara issife Yihudape taako yin, taani Yerusalaamebanne Babiloone di7etonna attida Ayhudetaba enta oychas.
\p
\v 3 Enti zaaridi, “Babiloone di7etonna attida asaynne di7etidi simmida Ayhudeti gita metoninne kawushan de7oosona. Yerusalaame gimbe dirsay laaletis qassi gimbiya pengeti taman xuugetidosona” yaagidosona.
\p
\v 4 Ta haysa ubbaa si7ida wode uttada yeekas. Daro gallas azzanoninne xooman salo Xoossaa haysada yaagada woossas.
\p
\v 5 “Abeeti Godaw, salo Xoossaw, gitaw, bonchetidayso, nena doseysatasinne ne kiita naageysatas ne merina siiqo caaquwa naagasa. 
\v 6 Taani ne aylley, ne aylle gidida Isra7eele asaa gisho qammanne gallas woossiya woosa si7anaw ne haythay hayzo; ne ayfey tana xeello. Nu Isra7eele asay oothida nagaraa ubbaa new paaxayis; tuma taaninne ta mayzati nena naaqida. 
\v 7 Nuuni ne bolla daro iita nagara oothida; neeni ne aylliya Muse baggara nuus immida kiitaa, wogaanne higgiya naagibooko. 
\v 8 Ne aylliya Muses ne odida qaala hayyana qopa; neeni, ‘Hinte taw ammanetona ixiko, taani hintena Ayhude gidonna biittatan laallana. 
\v 9 Shin hinte taako simmidi, ta kiita naagiko, hinte hari attoshin sa7aa gaxaa gakanaw laaletikoka, ta sunthay xeegetana mela doorida bessaa zaarada ehana’ gidaysa qopa.
\p
\v 10 “Neeni ne gita wolqaaninne ne mino qesiyan woza ekida ne aylletanne ne asata. 
\v 11 Abeeti Godaw, taani ne aylley woossiya woosaanne nena bonchanaw dosiya, ne aylleta woosa ne haythay si7o. Ta ne aylley hachi oothanaw koyidabay taw ushacanaada, kawa sinthan taw saba imma” yaagas.
\p Taani he wode kawas woyne ushsha tigiya asi.
\c 2
\s1 Nahimey Yerusalaame Buussaa
\p
\v 1 Arxekisisi kawotida laatamantho laythan, Nisaane geetetiya ageenan, issi gallas kawa sinthan woyne ushsha shiishas. He gallasepe attishin, kase kawa sinthan azzana erike. 
\v 2 Hessa gisho, kawoy, “Nena sakiyabay baawa, shin haysa mela ayis azzanadii? Hessi ne wozanay issiban azzanidaysa bessees” yaagis.
\p Yaagin, taani daro yayyada, kawako, 
\v 3 “Kawoy merinaw kawoto! Ta mayzati moogetida katamay laaletidi dhayin, qassi he katamaa dirsa pengeti taman xuugetin ayis azzanikina?” yaagas.
\p
\v 4 Kawoy zaaridi, “Yaatin, ha77i ta new ay oothana mela koyay?” yaagis.
\p Taani salo Xoossaa woossa simmada, 
\v 5 kawako, “Kawaw, ta ne sinthan saba demmidaba gidikonne ta oyshay ufaysiyabaa gidiko, Yihuda biitta, ta mayzati moogetida katamaa bada zaara keexana mela tana yeddarki” yaagas.
\p
\v 6 He wode kawiya, Kawa Arxekisisa matan uttida de7ishin, kawoy zaaridi, “Ne ogey ay mela wode ekanee? Ne awude simmanee?” yaagidi tana oychis. Taani ta simmana wodiya iyaw odin, kawoy ufaytidi tana yeddis.
\p
\v 7 Qassi, “Kawa, nena ufaysiyabaa gidiko, ta Yihuda gakanaw he biittara kanthada aadhana mela Efraxiisa shaafape wuloha baggara de7iya biitta haareysatas dabdaabey xaafeto” yaagada kawa woossas. 
\v 8 Hessadaka, “Xoossa keetha pengiya giigisanaw, katamaa gimbe dirsaa diranawunne ta daana keethaa keexanaw taw mithi immana mela kawo wora naagiya Asaafas dabdaabey xaafeto” yaagada oychas. Xoossaa lo77o kushey taara de7iya gisho kawoy taani oychidaba ubba immis.
\p
\v 9 Kawoy taara guutha toora moconatanne para toggeyisata yeddis. Taani entara issife Efraxiisa shaafape wuloha bagga biitta gakada kawoy yeddida dabdaabiya he biitta haareysatas immas. 
\v 10 Shin Horoona katama asi gidida Sanbalaaxinne Amoone biitta halaqa gidida Xoobbey, “Isra7eele asaas lo77oba oothiya asi yis” geetetidaysa si7ida wode daro yilotidosona.
\s1 Nahimey Yerusalaame Gimbe dirsa Be7is
\p
\v 11 Taani Yerusalaame gakada heedzu gallas yan gam7as. 
\v 12 Yerusalaames taani oothana mela Xoossay ta wozanan wothida qofaa oodeska odabike. Hessafe guye, taara de7iya asaape guuthata ekada qamma dendada bas. He wode taani toggida mehiyape hara toga mehey nuus baawa. 
\v 13 Taani bilahe dendada Zangaara Pengiyara kanthada, Dawe Pulto geetetiya bessaara aadhada, Pito Penge\f + \fr 2:13 \fr*\fqa Pito Penge: \fqa*\ft Yerusalaame katamaa buuren keetha pito ubba yeggiya bessi guussu.\ft*\f* geetetiya bessaa gakanaw bas. Yaara aadhashe laaletida Yerusalaame gimbiyanne taman xuugetida gimbe pengeta be7as. 
\v 14 Hessafe simmada Pulto Pengiyakonne kawa teqe haathay de7iya bessaa bas. Gidoshin, ta toggida mehey aadhiya oge demmabike. 
\v 15 Hessa gisho, qamma Qediroona Zangaara giddora aadhada gimbiya be7as. Wursethan, guye simmada Zangaara Pengiyara katamaa gelas.
\p
\v 16 Yan de7iya halaqatape oonika taani awu bidaako, woyko ay oothidaako eribeenna. Ayis giiko, taani Ayhudetas, kahinetas, bonchetida asatas, halaqatasinne oosuwa oothanaw de7iya asaape oodeska ta qofaa odabike. 
\v 17 Hessefe guye, entako, “Nuuni ay mela meton de7iyako be7eeta; Yerusalaame katamay laaletis; gimbe pengeti taman xuugetidosona. Ha yiite, Yerusalaame gimbiya zaaridi gimboos; nuna gakida yeella ane diggoos” yaagas. 
\v 18 Qassi Xoossaa lo77o kushey taara de7eysanne kawoy taw odidaba ubbaa entaw odas.
\p Enti zaaridi, “Ane dendoos; zaaridi gimboos” yaagidi banta kushiya lo77o oosos minthidosona.
\p
\v 19 Shin Horoona katamaa asi gidida Sanbalaaxi, Amoone biitta asi gidida Xoobeynne Araba biitta asi gidida Geesamey hessa si7ida wode, nu bolla qelqisidi miicidosona. “Haysi hinte oothiyabay ayibee? Woyko kawa bolla makallanaw koyeetii?” yaagidi oychidosona.
\p
\v 20 Taani zaarada, “Salo Xoossay nuna polisana; nuuni iya aylleti dendidi oothana. Shin Yerusalaamen hintew gishoy woyko hintena gathiyabay woyko hintena qofisiyabay baawa” yaagas.
\c 3
\s1 Gimbe Dirsa Oosanchota
\p
\v 1 Kahine halaqay Eliyaseebinne hara kahineti Dorsa Pengiya zaari gimbidi Xoossas dummayidosona; sanqa aathidosona. Enti Xeeta geetetiya gimbe shakuwafe bidi Hanaani7eela geetetiya gimbe shakuwa gakanaw gimbidi Xoossas dummayidosona.
\p
\v 2 Enta lanqen de7iya bessaa Iyaarko asay gimbin, kaallidi de7eysa Imira na7ay Zakuri gimbis.
\p
\v 3 Hasinaa7a nayti Molo Pengiya gimbidosona. Enti gobane essidi, sanqa aathidosona; sanqa gordiya kasuwanne kasuwa gelsiya sagaayuwa giigisidosona.
\p
\v 4 Enta kaallidi de7iya bessaa Haqooxa na7a gidida Uraya na7ay Maremooti gimbis.
\p Iyape kaallidi de7iya bessaa Masezabeela na7a Baraka na7ay Masulaami gimbis.
\p Iyape kaallidi de7iya bessaa Ba7ana na7ay Saadoqi gimbis.
\p
\v 5 Iya matan de7iya bessaa Taqoha katamaa asati gimbidosona. Shin he katamaa halaqati bantaw imetida oosuwa oothonna ixidosona.
\p
\v 6 Paseha na7ay Yodaaheynne Baasodiya na7ay Masulaami Gal7a Pengiya gimbidosona. Enti gobane essidi, sanqa aathidosona; sanqa gordiya kasuwanne kasuwa gelsiya sagaayuwa giigisidosona.
\p
\v 7 Enta lanqen de7iya bessaa Gaba7oona katamaa asi gidida Malaaxinne Meronoota katamaa asi gidida Yadooni gimbidosona. Gaba7oonanne Mixipha katamaa asay entara issife gididi, Efraxiisa shaafape wuloha bagga biitta haareysi de7iya keethaa gakanaw de7iya bessaa gimbidosona.
\p
\v 8 Worqa sheeshiya Harihaya na7ay Uzi7eeli enta matan de7iya bessaa gimbis. Qassi iya matan de7iya bessaa shitto oothiya Hanaani gimbis. Enti nam7ay issife Yerusalaame Dalga Gimbiya geetetiya bessaa gakanaw de7iya bessaa gimbidosona.
\p
\v 9 Enta matan de7iya bessaa Huura na7ay, Yerusalaame woradaas baggaa haariya Rafayi gimbis.
\p
\v 10 Haruma na7ay Yadayi ba keethaafe sintha baggara de7iya bessaa gimbis.
\p Iya matan de7iya bessaa Asebaana na7ay Hatushi gimbis.
\p
\v 11 Harima na7ay Malkeynne Pahati-Moo7aba na7ay Hashubi iya matan de7iya bessaanne Itoone Shako gimbiya gimbidosona.
\p
\v 12 Enta matan de7iya bessaa Haloheesa na7ay, Yerusalaame woradaas nam7antho baggaa haariya Saluminne iya macca nayti gimbidosona.
\p
\v 13 Hanuninne Zanoha kataman de7iya asay issife Zangaara Pengiya gimbidosona. Enti gobane essidi, sanqa aathidosona; sanqa gordiya mithaanne mithaa gelsiya sagaayuwa giigisidosona. Pito Pengiya gakanaw issi mukulu wadha adussa gimbiya gujidi gimbidosona.
\p
\v 14 Rakaaba na7ay, Beet-Hakareema woradaa haariya Malkey Pito Pengiya gimbis. Enti gobane essidi, sanqa aathidosona; sanqa gordiya kasuwanne kasuwa gelsiya sagaayuwa giigisidosona.
\p
\v 15 Kolihaaza na7ay, Mixipha woradaa haariya Salumi Pulto Pengiya zaaridi gimbis. I pengiyas kama giigisidi sanqa aathis; sanqa gordiya kasuwanne kasuwa gelsiya sagaayuwa giigisis. Qassi, Selaha teqe haathay de7iya baggara kawa atakilte bessaafe doomidi, Dawita Katamaape dugethe wodhisiya dethaa gakanaw de7iya gimbiya gimbis. 
\v 16 Beet-Xura woradaas baggaa haariya Azibuuqe na7ay Nahimey gimbis. I Dawita duufuwape sintha baggara de7iya bessaa gakanaw, asi oothida teqe haathay de7iya bessaa gakanaw, olanchota keethaa gakanaw de7iya bessaa gimbis.
\p
\v 17 Haysafe kaalleysa Baana na7aa Rehuuma aawatetha garsan de7iya Leeweti gimbidosona.
\p Enta matan de7iya bessaa Qi7aala woradaas baggaa haariya Hashabi ba woradaa sunthan gimbis. 
\v 18 Iyape kaallidi Henadaada na7ay, Qi7aala woradaas nam7antho bagga haariya Bawi gimbidosona. 
\v 19 Enta matan de7iya bessaa Iyyasu na7ay, Mixipha woradaa haariya Ezeri gimbis. I ola miishe wothiya keethaafe sintha baggara gimbiya maazaniya gakanaw de7iya bessa gimbis. 
\v 20 Iyape kaalleysa Zabaya na7ay Baaroki, gimbiya maazaniyape bidi, kahine halaqaa Eliyaseeba keethaa pengiya gakanaw de7iya bessaa gimbis. 
\v 21 Iyape kaalleysa Haqooxa na7aa gidida Uraya na7ay Maremooti Eliyaseeba keetha pengiyafe doomidi, wursethi gakanaw de7iya bessaa gimbis.
\p
\v 22 Iyape kaallidi de7eysa heeran de7iya kahineti gimbidosona. 
\v 23 Entafe kaallidi Biniyaameynne Hashubi banta keethaa sinthan de7iya bessaa gimbidosona.
\p Entafe kaallidi Ananiya na7a gidida Ma7iseya na7ay Azaari ba keethaa sinthan de7iya bessaa gimbis. 
\v 24 Iyape kaallidi Azaara keethaafe bidi, gimbiya maazaniya gakanaw de7iya bessaa Henadaada na7ay Benuyi gimbis. 
\v 25 Uzaya na7ay Palali gimbiya maazaniyape doomidi, I naageysata dabaaba matan de7iya qommo bagga kawo gadho naago gimbiya gakanaw de7iya bessaa gimbis.
\p Iyape kaallidi de7eysa Paanose na7ay Padaynne 
\v 26 Ofeela deriya bolla de7iya Xoossa keethaa aylleti gimbidosona. Enti Haatha Pengiya matan doloha baggan de7iya bessaanne naago gimbiya gakanaw de7iya bessaa gimbidosona. 
\v 27 Entafe kaallidi Taqoha katamaa asay gimbiya sinthan de7iya bessaafe bidi, Ofeela matan de7iya gimbiya gakanaw de7iya bessaa gimbidosona.
\p
\v 28 Para Pengiyafe qommo baggan, banta keethaa sinthan de7iya bessaa kahineti gimbidosona. 
\v 29 Entafe kaallidi Imera na7ay Saadoqi ba keethaa sinthan de7iya bessaa gimbis.
\p Iyape kaallidi Doloha Pengiya naagiya Sakana na7ay Shamayey gimbis. 
\v 30 Iyape kaallidi Salama na7ay Hananinne Zalafa usupuntho na7a gidida Hanunra gimbidosona.
\p Entafe kaallidi Baraka na7ay Masulaami ba kifiliyape sinthan de7iya bessaa gimbis. 
\v 31 Iyape kaallidi Xomooso Pengiya sinthan de7iya Xoossa keetha oosanchotanne zal7anchota keethaa gakanaw de7iya bessaa worqa sheeshiya Malkey gimbis. Qassi I gimbe maazaniyas bolla baggara de7iya bessaaka gimbis. 
\v 32 Maazaniyas qommo bagga kifiliyapenne Dorsa Pengiyafe giddon de7iya bessaa worqa sheesheysatinne zal7anchoti gimbidosona.
\c 4
\s1 Morkey Medhida Eqetethi
\p
\v 1 Nuuni dirsa gimbe oosuwa doomidaysa Sanbalaaxi si7ida wode yilo eexidi nuna leqis. 
\v 2 Ba laggetanne Samaare olanchota sinthan, “Ha pathonna Ayhudeti ay oothanaw qopoona? Dirsa gimbiya zaari gimbanaw koyoonayee? Yarsho yarshanaw koyoonayee? Enti issi gallasan oosuwa oothidi wursana daanii? Enti gimbees haniya shuchata xuugetidi dooretidaysa giddofe kessanaw danda7oona?” yaagis.
\p
\v 3 Iya matan eqida Amoone biitta asi gidida Xoobbey, “Enti waanida gimbe gimbanaw danda7oona? Enti gimbiya bolla workani keyako laaletana” yaagidi leqis.
\p
\v 4 Taani haysada yaagada woossas; “Nu Xoossaw, enti nuna waati leqisiyako, haysa be7a! Enti nuna cayiya cashshay entaw gido. Banta aquwa bonqetidi allaga biittan di7etida asi gido. 
\v 5 Enti gimbeyisata cashshan kawushida gisho, enta naaqoy geemmofo; enta nagaraa ne sinthafe quchofa” yaagas.
\p
\v 6 Nuuni gimbiya oosuwa qanxonna oothida. Asay oosuwa minni oothida gisho gimbiya oosoy ellesidi bagga gakis.
\p
\v 7 Sanbalaaxi, Xoobbey, Arabe asay, Amoone asaynne Ashdooda asay Yerusalaame gimbe oosoy lo77o oosetishe de7eysanne dooya bessati gordetidaysa si7ida wode daro yilotidosona. 
\v 8 Hessa gisho enti issife Yerusalaame yidi nuna olanawunne meto medhanaw maqetidosona. 
\v 9 Shin nuuni nu Xoossaa woossida; enta teqanaw qammanne gallas naageysata wothida.
\p
\v 10 He wode Yihuda asay, “Toohoy nuna daabursis; buroo dendanaw koshshiya dooretida daro shuchi de7ees; yaaniya gisho, nuuni gimbiya gimbanaw danda7oko” yaagidosona.
\p
\v 11 Nu morketi, “Enti nu oothiyaba eranaapenne be7anaape sinthe nu enta giddo gelidi enta wodhana; enta oosuwaka essana” yaagidosona.
\p
\v 12 Nu morketa heeran de7iya Ayhudeti tamma simmidi nu morketi nuna ubba baggara olanaw giigetoysa nuus odidosona.
\p
\v 13 Hessa gisho, nu asaape mashshe, tooranne donge oykida asaa enta soo asan asan giigisada oosoy wuriboona heeran gimbiyas guyera garsa baggan naagana mela oothas. 
\v 14 Asay daggamidaysa taani be7ida wode denda eqada, asaako, enta kaaletheysatakonne halaqatako, “Nu morketa yayyofite! Gitaanne yashshiya Xoossaa qopite. Hinte ishatas, hinte adde naytasinne macca naytas, hinte machetasinne hinte keethaas oletite” yaagas.
\p
\v 15 Nu morketi nuna qohanaw maqetidaysa nuuni eridaysa enti si7idosona. Qassi Xoossay enta maquwa hada kessidaysa akeekidosona. Hessafe guye, nu ubbay simmidi, gimbe oosuwa doomida. 
\v 16 He wodepe doomidi ta asaape baggay oosuwa oothiya wode, baggay xurure ma7idi, toora, gondallenne donge oykidi naagana mela oothas. Qassi halaqati Yihuda asa ubbaafe guyera eqidi minthethoosona; 
\v 17 gimbiya gimbeysatinne koshshiyaba tookeysati issi kushen ola miishe oykidi, issi kushen ooso oothosona. 
\v 18 Gimbiya oothiya issoy issoy mashshe ba xeessan dancidi de7ees. Moyze punneysi ubba wode taape shaaketidi erenna.
\p
\v 19 Kaaletheysatako, halaqatakonne asa ubbaako, “Gimbiya oosoy gitanne dalga gidiya gisho nuuni issoy issuwafe haakidi de7oos. 
\v 20 Hessa gisho, hinte moyze puno si7iya wode he bessaa taako haa shiiqite. Nu Xoossay nu gisho oletana” yaagas. 
\v 21 Hessa gisho, wonta gontey zo7o wadhiya wodepe doomidi omarsi xoolintoy keyana gakanaw baggay oothiya wode baggay toora oykidi naagees.
\p
\v 22 He wode taani asaako, “Qamma nuna naaganawunne gallas oosuwa oothanaw hinte ubbay hintena maaddeysatara Yerusalaamen aqite” yaagas. 
\v 23 Tana gidin, ta ishata gidin, ta asaa gidin, woyko tana naageysata gidin, nu ubbay nu ma7uwa kessonna aqoos; nu ola miishey nuupe shaaketenna.
\c 5
\s1 Nahimey Manqota Maaddis
\p
\v 1 Issi wode addetinne enta macheti banta koche gidida Ayhudeta bolla waassidosona. 
\v 2 Entafe issoti issoti, “Nuus, daro adde naytinne macca nayti de7iya gisho nu shempuwa ashshanaw nuus kathi koshshees” yaagidosona.
\p
\v 3 Harati qassi, “Nuna gakida iita koshaape dendoysan kathi demmana gidi, nu goshsha gadiya, nu woyne gadiyanne nu keethaa oythida” yaagidosona.
\p
\v 4 Qassi attidaysati, “Kawo giira giiranaw miishe dhayidi nu goshsha gadiyanne nu woyne bessaa oythidi miishe tal7ida. 
\v 5 Ayhude kochatara nuuni issi ashonne issi suuthi; nu nayti enta nayta mela. Shin nuuni nu yelida nayta aylletethas aathidi immanaw un7etida; nu macca naytape issoti issoti aylletethas bayzetidosona. Nu goshshanne nu woyne gadiya nuupe eketida gisho nu wolqa dhayida” yaagidosona.
\p
\v 6 Taani enta waasuwanne oysha si7ida wode daro yilotas. 
\v 7 Ta wozanan oothanaba qopidaape guye, kaaletheysatanne halaqata xeegada, “Hinte, hinte ishatas yelora tal7ishe un7etheeta” yaagada enta kaccas.
\p He metuwaba entara odetanaw deriya shiishada, 
\v 8 “Ayhude gidonaysatas bayzetida Ayhude koche gidida nu ishata wozanaw nuus danda7etidaba ubbaa oothida. Shin hinte isha gidida Ayhudeti banta koche gidida hintew, bantana bayzana mela ootheeta; nu enta zaari wozanaw koshshees” yaagas. Kaaletheysati zaaranaba dhayidi si77i gidoosona.
\p
\v 9 Taani kaallada, “Hinte oothiyabay woga gidenna; Ayhude gidonna nu morketi nuna qelqisonna mela hinte nu Xoossaas yayyanawunne suureba oothanaw bessennee? 
\v 10 Taani, ta ishatinne ta oosanchoti asaas miishenne kathi tal7ida; gidoshin, entafe yelo ekeysi atto. 
\v 11 Enta goshsha, woynenne shamaho zayte gadiyanne keethaa ubbaa entaw zaarite. Qassi miishepe, kathafe, woynepenne zaytepe hinte entafe ekida xeetape issi kushe yelo ekidaysa elle zaarite” yaagas.
\p
\v 12 Enti zaaridi, “Nuuni ekidaba ubbaa entaw guye zaarana; enti nuupe tal7idaysa zaaro gidi achoko; ne nuna kiitidaysada oothana” yaagidosona.
\p Taani kahineta taako xeegada kaaletheysati banta gida qaala polana mela caaqisanaada oothas. 
\v 13 Taani ta ma7uwa qaarada qoqofashe, “Hintefe oonika ba gida qaala polonna ixiko, Xoossay iya, iya keethaafenne iya aquwape haysada qoqofidi mela kushe asho” yaagas.
\p Shiiqida asa ubbay issi qaalan, “Amin7i” yaagidi Godaa galatidosona. Asa ubbay caaqidaysada oothidosona.
\p
\v 14 Arxekisisi kawotida laatamantho laythafe doomidi hastamanne nam7antho laythi gakanaw taani Yihuda biitta haaras. He tammanne nam7u laytha giddon tana gidin woyko ta ishati shuumas bessiya katha damooze ekibooko. 
\v 15 Shin taape kase shuumetidaysati asaas deexo tooho gididi, gallas gallas kathasinne woyne ushshas oytamu bira qanxisidosona. Hari attoshin shuumata aylleti asaa bolla godaa gididi un7ethidi gam7idosona. Shin taani Xoossas yayyida gisho, hessada oothabike. 
\v 16 Taw de7iya wolqa ubbaa Yerusalaame gimbe oosuwas immas; ta oosanchotika taara issife he oosuwa bolla gam7idosona; nu aybi biittaka shammibooko. 
\v 17 Nu heeran de7iya kawotethatape yida asay attishin, gallas gallas taara miya Ayhudetinne kaaletheysati xeetanne ishatama. 
\v 18 Gallas gallas issi boori, usupun modho dorsatanne daro kuttota shukidi asaas shiishosona; qassi tammu gallasape issi toho daro baatha woyne ushsha aggoosona. Shin asaa bolla de7iya deexo toohuwa ta eriya gisho biitta shuumas bessiya katha damooze oychabike.
\p
\v 19 Ta Xoossaw, ta ha asaas oothida keehatetha ubbaa qopada taw keeha.
\c 6
\s1 Nahime Bolla Medhetida Ixo
\p
\v 1 Sanbalaaxi, Xoobbey, Arabe biitta asi gidida Geesameynne hanko nu morketi nuuni gimbiya oothidi polidaysanne dooya bessi baynaysa si7idosona. Gidoshin, ta gimbe pengetas sanqa aathabike. 
\v 2 Sanbalaaxinne Geesamey, “Ono Demban de7iya gutatape issuwan yada nuura gaheta” yaagidi kiita yeddidosona. Hessi enti tana qohanaw maqida maqo.
\p
\v 3 Taani entaw, “Taw gita oosoy de7iya gisho hessa aggada hinte gida bessaa baanaw danda7ike. Taani yaa bin, oosoy ayis dhubetii?” yaagada zaaras. 
\v 4 He kiitaa zaari zaari oyddu toho kiittidosona; shin taani issi qommo zaaro entaw immas.
\p
\v 5 Ichashantho Sanbalaaxi ba aylletape issuwa dooya de7iya dabdaabe oythidi taako kiittis. Dabdaabey haysada yaagidi xaafetis; 
\v 6 “Neeninne ne koche gidida Ayhudeti makallanaw qopidaysanne hessa gaason gimbiya gimbeysa shooro biittan de7iya asa ubbay odeteysa Geesamey taw odis. Qassi neeni nena kawo kessanaw koyeysanne 
\v 7 neeni Yihuda kawo gideysa Yerusalaamen awaajana mela nabe wothidaysa taw odis. Ha woriya kawoy si7anaysi attenna. Hessa gisho, taara gahetada zorettanaw haaya” yaagees.
\p
\v 8 Taani, “Ha neeni giya oda ubbay tuma gidonnabaanne ne neepe medhidaba” yaagada zaaras.
\p
\v 9 Nu oothiya oosoy poletonna mela, “Enta kushey argaacana; oosoyka poletonna eqi attana” yaagidi nuna yashisanaw qopidosona.
\p Shin taani, “Xoossaw, ha77i ta kushiya minthetha” yaagada woossas.
\p
\v 10 Taani issi gallas soope keyonna mela gordi wothida Mahexabeela na7aa na7aa Dalaya na7aa Shamayako bas. I taako, “Qamma yidi enti nena wodhanaw danda7iya gisho neera taara Xoossa keethi gelidi, pengiya gordidi qosetana” yaagis.
\p
\v 11 Shin taani, “Ta mela asi yayyidi qosetii? Woyko tana daaniya asi ba shempuwa ashshanaw Xoossa keethi gelii? Ta hessa hanike” yaagas. 
\v 12 Ta qopa be7iya wode Shamayey Xoossay kiitida nabe gidonashin Xoobeynne Sanbalaaxi iya miishen shammidi yeddin ta bolla wordo tinbite odeysa akeekas. 
\v 13 I miishen shametida gaasoy tana yashisanaasa; ta hessa oothada nagaran gelana melanne tana borisiyabaa demmidi tana kawushanaassa.
\p
\v 14 Taani, “Ta Xoossaw, Xoobeynne Sanbalaaxi oothidaba ubbaa be7a. No7aado geetetiya macca nabiyanne hara wordo nabeti tana yashisanaw oothidaba ubba be7a” yaagada woossas.
\p
\v 15 Gimbe oosoy doometin ishatammanne nam7u gallasape guye Eluule geetetiya ageenan laatamanne ichashantho gallasan oosoy poletis. 
\v 16 Nu yuushuwan de7iya kawotethatan de7iya nu morketi hessa si7ida wode yayyidosonanne yeellatidosona. Ayis giiko, oosoy nu Xoossaa maaden poletidaysa akeekidosona.
\p
\v 17 He wode Yihuda shuumati Xoobbiyas dabdaabe xaafishe gam7idosona; ika entaw zaarishe gam7is. 
\v 18 Era na7ay Sakani, Xoobbiya bollo gidiya gishonne iya na7ay Yohaanani Baraka na7aa Masulaama na7iw ekida gisho, Ayhudetape daroti iyara caaqidi de7oosona. 
\v 19 He asati Xoobbey oothida lo77oba ubbaa ta sinthan nashidi haasayoosona; taani giyaba iyaw odoosona. Hessa gisho, Xoobbey ubba wode tana yashisanaw dabdaabe xaafo aggibeenna.
\c 7
\p
\v 1 Gimbiya oosoy wurin, sanqayka gelis; pengiya naageysati, zammaretinne Leeweti banta oosuwa oykidosona. 
\v 2 Taani Yerusalaame katamaa aysiya maata ta ishaa Hananesinne miixa naageysata halaqaa Anaanas immas. Hanaani haratape aadhida tumanchonne Xoosse yayiya asi. 
\v 3 Taani entako, “Wonta away keyidi ho77ana gakanaw Yerusalaame gimbe pengeta dooyopite. Qassi omarsi naageysati banta oosuwa ongidi baanape sinthe pengeta minthi gordanaada oothite. Hessadaka, Yerusalaamen de7iya asaape dooridi baggati banta ooso bessan, harati qassi banta keethaa heeran naagana mela oothite” yaagas.
\s1 Di7ope Simmida Asaa Sunthu
\p
\v 4 He wode Yerusalaame katamay daro dalganne gita; shin iya giddon de7iya asaa tayboy daro guutha; qassi daro keethati buroo keexetibeenna. 
\v 5 Hessafe guye, asa kaaletheyisata, halaqatanne asa ubbaa shiishada enta soo asan asan mazgabana mela Xoossay tana qofisis. Di7etethaafe sinthe simmida asaa enta soo asan asan xaafetida maxaafaka demmas; he maxaafan xaafetiday haysa.
\p
\v 6 Babiloone kawoy Nabukadanaxoori di7idi, ba biitta efida asape guye banta katamaa Yerusalaamenne Yihudan de7iya banta katamata simmida asay haysafe kaallidi de7eyisata. 
\v 7 Enta halaqati Zarubaabela, Iyyasu, Nahime, Azaara, Rama, Nahamane, Mardikiyoosa, Bilshana, Mispereta, Bigiwaya, Nahumanne Baana.
\p Di7ope simmida Isra7eele asaa tayboy haysa;
\li1
\v 8 Paroosa yarati 2,172;
\li1
\v 9 Safaaxa yarati 372;
\li1
\v 10 Era yarati 652;
\li1
\v 11 Iyyasunne Iyo7aaba koche gidida Pahati-Moo7aba yarati 2,818;
\li1
\v 12 Elama yarati 1,254;
\li1
\v 13 Zaatu yarati 845;
\li1
\v 14 Zakaya yarati 760;
\li1
\v 15 Binuya yarati 648;
\li1
\v 16 Bebaya yarati 628;
\li1
\v 17 Azgada yarati 2,322;
\li1
\v 18 Adonqaama yarati 667;
\li1
\v 19 Bigiwaya yarati 2,067
\li1
\v 20 Adina yarati 655;
\li1
\v 21 Hizqiyaasa yara gidida Axeera yarati 98;
\li1
\v 22 Hashuma yarati 328;
\li1
\v 23 Besaya yarati 324;
\li1
\v 24 Harifa yarati 112;
\li1
\v 25 Gaba7oona yarati 95;
\li1
\v 26 Beetelemeninne Naxoofan de7iya asay 188;
\li1
\v 27 Anatoota katamaa asay 128;
\li1
\v 28 Beet-Azmootan de7iya asay 42;
\li1
\v 29 Qiriyat-Ariman, Kafiraninne Ba7erootan de7iya asay 743;
\li1
\v 30 Ramanne Gib7an de7iya asay 621;
\li1
\v 31 Mikmaasan de7iya asay 122;
\li1
\v 32 Beeteleninne Gayen de7iya asay 123;
\li1
\v 33 Nam7antho Nabon de7iya asay 52;
\li1
\v 34 Nam7antho Elama yarati 1,254;
\li1
\v 35 Hariman de7iya asay 320;
\li1
\v 36 Iyaarkon de7iya asay 345;
\li1
\v 37 Loodan, Hadidaninne Onon de7iya asay 721;
\li1
\v 38 Sana7an de7iya asay 3,930.
\p
\v 39 Haysafe kaallidi de7eysati di7etethaafe simmida kahineta.
\li1 Iyyasu yara gidida Yadaya yarati 973;
\li1
\v 40 Imera yarati 1,052;
\li1
\v 41 Paskora yarati 1,247;
\li1
\v 42 Harima yarati 1,017.
\p
\v 43 Haysafe kaallidi de7eysati di7etethaafe simmida Leeweta;
\li1 Hodawa yara gidiya Iyyasunne Qadimi7eela yarati 74;
\li1
\v 44 Asaafa yara gidida zammaareti 148;
\li1
\v 45 Pengiya naagiya
\li1 Saluma, Axeera, Talmoona, Aquba, Hatitanne Shobaya yarati 138.
\p
\v 46 Haysafe kaallidi de7eysati Xoossa keethan oothiya oosanchota yarata;
\m Xiha yarata, Hasufa yarata, Xaba7oota yarata, 
\v 47 Keroosa yarata, Sii7a yarata, Padoona yarata, 
\v 48 Libana yarata, Hagaba yarata, Samala yarata, 
\v 49 Hanana yarata, Gidela yarata, Gahaara yarata, 
\v 50 Raya yarata, Raxina yarata, Naqooda yarata, 
\v 51 Gazama yarata, Oza yarata, Paasa yarata, 
\v 52 Besaya yarata, Ma7unima yarata, Nafusesima yarata, 
\v 53 Baqibuuqa yarata, Haqufa yarata, Harhura yarata, 
\v 54 Baasilota yarata, Mahida yarata, Harsha yarata, 
\v 55 Barqoosa yarata, Sisaara yarata, Teema yarata, 
\v 56 Nasiya yaratanne Haxifa yarata.
\p
\v 57 Haysafe kaallidi de7eysati Solomone aylleta yarata;
\m Soxaya yarata, Sofeereta yarata, Parida yarata, 
\v 58 Ya7ila yarata, Darqoona yarata, Gidela yarata, 
\v 59 Safaaxa yarata, Haxila yarata, Pokereet-Haxabayma yaratanne Amoone yarata.
\p
\v 60 Di7etethaafe simmida Xoossa keethan ootheysatinne solomone aylleta tayboy 392.
\p
\v 61 Talmela, Telharsha, Karuba, Adaananne Imera katamatape Yerusalaame simmidosona. Shin enti woyko enta aawati Isra7eele sheeshi gideysa erisanaw danda7ibookona. 
\v 62 Enti Dalaya, Xoobbiyanne Naqooda yarata; enta tayboy 642.
\p
\v 63 Kahinetape Hobaya yarati, Haqooxa yaratinne Barzile yarati Yerusalaame simmidosona. Barzile geysi Galada biitta asi gidida Barzile na7iw ekidi, ba bolluwa sunthaa ekis. 
\v 64 Enti banta yeletaa susa eranaw yeleta maxaafan koydosona, shin demmibookona. Hessa gisho, enti tunada taybetidi kahinetethan oothonna mela digetidosona. 
\v 65 Uriimeninne Tumiimen shaakidi pirdiya kahiney dendana gakanaw enti geeshsha kathaafe maanaw danda7onnaysa Yihuda haareysi entaw odis.
\p
\v 66-67 Di7etethaafe Yihuda biitta simmida 7,337 addenne macca aylleta gujonna de7ishin, kumetha asaa tayboy 42,360. Qassi entara 245 addenne macca zammaareti simmidosona. 
\v 68 Parata tayboy 736; baqulota tayboy 245; 
\v 69 gimaleta tayboy 435; hareta tayboy 6,720.
\p
\v 70 Yarata halaqatape guuthati oosuwas imota immidosona. Biittaa haareysi 8 kilo giraame worqa, 50 distenne 530 kahine ma7ota immis. 
\v 71 Yarata halaqati 168 kilo giraame worqanne 1,250 kilo giraame bira immidosona. 
\v 72 Attida asay 168 kilo giraame worqa, 140 kilo giraame biranne 67 kahine ma7ota immidosona.
\p
\v 73 Hessafe guye kahineti, Leeweti, naageysati, zammaareti, asaape issoti issoti, Xoossa keetha oosanchotinne hara Isra7eele asay banta kataman kataman uttidosona.
\c 8
\s1 Iziri Higge Maxaafa Nabbabis
\p
\v 1 Laapuntho ageenay geliya wode Isra7eele asay banta kataman kataman uttidosona. He ageenan enti ubbay issife Haatha Penge sinthan de7iya dabaaban shiiqidosona. Enti Goday Muse baggara Isra7eele asaas immida Higge Maxaafa ehana mela xaafiya Izira oychidosona. 
\v 2 Yaatin, kahiney Iziri, laapuntho ageenan koyro gallasan, addey, maccinne akeekanaw danda7iya asi ubbay shiiqida bessaa Higge Maxaafa ehis. 
\v 3 Haatha Penge sinthan de7iya dabaaban eqidi, addes, maccasinne akeekanaw danda7iya ase ubbaas Higge Maxaafa wontafe gallas gakanaw nabbabis. Asayka hayzidi si7idosona.
\p
\v 4 Xaafey Iziri, nabbabanaw mithafe oosetida dhoqa bessan keyidi eqis. Iyape ushacha baggara Matita, Shamaya, Anaya, Uraya, Kalqenne Ma7iseya geetetiya asati eqidosona. Haddirsa baggara Padaya, Misa7eela, Malkiya, Hasuma, Hashibada, Zakariyasanne Masulaama geetetiya asati eqidosona.
\p
\v 5 Iziri asa ubbaafe dhoqiya bessan eqiya wode ubbay iya loythidi xeellishin, enta sinthan Higge Maxaafa dooyis. I dooyiya wode enti ubbay uttida bessaafe dendi eqidosona. 
\v 6 Iziri Godaa, gita Xoossaa galatis. Asa ubbay banta kushiya denthidi, “Amin7i! Amin7i!” yaagidosona. Enta som7oy sa7a bochana gakanaw gufannidi Godaa goyinnidosona.
\p
\v 7 Enti banta eqida bessan de7ishin, Leeweti, Iyyasuy, Baani, Saraba, Yamina, Aquba, Sabata, Hoda, Maseya, Qalixa, Azaara, Yozabaata, Hananinne Palahi higgiya asay akeekanaada birshethaa qoncisidosona. 
\v 8 Enti Xoossaa Higge Maxaafa nabbabidosona; qassi nabbabeteysi woygiyako asay erana mela birshethaa qoncisidosona.
\p
\v 9 Asay higge qaala si7ida wode yeekida gisho, biitta haariya Nahimey, kahinenne xaafe gidida Izirinne asaas maxaafa birshiya Leeweti, “Ha gallasay Godaas, hinte Xoossaas geeshsha gallas gidiya gisho, yeekofite woyko afuxofite” yaagidosona.
\p
\v 10 Nahimey, “Bidi dooretida kathaa miite; mal7iya ushshi uyite; qassi aykoy baynaysatas hinteysafe shaakidi immite. Hachi gallasay nu Godaas geeshsha gallas. Godaa ufaysay hintew wolqa gidiya gisho azzanopite” yaagis.
\p
\v 11 Leeweti, “Hachi gallasay geeshsha gallas gidiya gisho, azzanopite; si77i giite” yaagidi asa si77i oothidosona. 
\v 12 Nabbebetida qaala birshethay entaw gelida gisho, asay ufaysan maanaw, uyanawnne aykoy baynaysatas shaakidi immanaw soo bidosona.
\p
\v 13 He ageena nam7antho gallasan kochata halaqati, kahinetine Leeweti higge qaala entaw birshana mela Izirako yidosona. 
\v 14 Enti tamaariya wode laapuntha ageenan Shaqara Ba7aale bonchiya wode Isra7eele asay shaqara garsan uttidi bonchana mela Xoossay Muse baggara kiitidaysa demmidosona. 
\v 15 Shaqara Ba7aale bonchanaw katamataninne Yerusalaamen haysada yaagidi awaajidosona; “Shaqara shaqaranaw dere bolla keyidi zayte shamaho, wora shamaho, barseneete mitha, zamba haythinne mitha ubbaafe higgen xaafetidaysada tashe ehite” yaagidosona.
\p
\v 16 Hessa gisho, asay bidi mitha tashe ehidi banta pooqe keetha bolla de7iya denban, banta zabban, Xoossa keetha dabaaban, Haatha Pengiya dabaabaninne Efreema Pengiya dabaaban shaqara shaqaridosona. 
\v 17 Di7etethafe simmida asa ubbay shaqara shaqaridi iya garsan uttidosona. Nawe na7aa Iyyasu wodepe haa simmin enti haysa mela ba7aale bonchi erokona. Hessa gisho, enti ubbay daro ufaytidosona. 
\v 18 Ba7aaley doometidi wurana gakanaw gallas gallas Iziri Xoossaa Higge Maxaafape asaas nabbabees. Baaliya laapun gallas bonchidaape guye hospuntho gallasan higgey kiiteysada geeshsha duulatta oothidosona.
\c 9
\s1 Asay Banta Nagara Paaxidosona
\p
\v 1 He ageenan laatamanne oyddantho gallasan Isra7eele asay issife shiiqidi, kayo ma7o ma7idi, banta huuphen baana qolidi xoomidosona. 
\v 2 Bantana allaga dere asaape shaakidosona. Hessefe guye dendi eqidi entinne enta aawati oothida nagaraa ubbaa paaxidosona. 
\v 3 Enti yan eqidi de7ishin heedzu saate kumethi Godaa enta Xoossaa Higge Maxaafay entaw nabbabetis. Qassi hara heedzu saate banta nagaraa paaxishe Godaa banta Xoossaa goyinnidosona.
\p
\v 4 Leeweti, Iyyasuy, Baani, Qadimi7eeli, Sabana, Buni, Saraba, Bananinne, Kenaani madirake bolla keyidi banta qaala dhoqu oothidi Godaa, banta Xoossaa woossidosona. 
\v 5 Leeweti, Iyyasuy, Qadimi7eeli, Baani, Asabaani, Sarabi Hodi, Sabaninne Patahi, “Dendi eqidi, merinaape merinaa gakanaw de7iya Godaa hinte Xoossa galatite!”
\b
\pi “Iya boncho sunthaa anjite; galatapenne anjofe aadhiya iya sunthaa sabbite.” 
\v 6 Xoossaw, ne xalaali Godaa! Neeni salotanne dhoqa salotan de7iya medhetethata, sa7aanne iya bolla de7iya medhetethata, abbatanne enta giddon de7iya medhetethata ubbaa medhadasa. Ubbaas de7o immadasa; salo medhetethati new goyinnoosona.
\pi
\v 7 Godaw, neeni Xoosse! Neeni Kaldaaweta biitta Uurepe Abrame doorada kessadasa. Iya sunthaa laammada Abrahaame gada sunthadasa. 
\v 8 I new ammanthiya asi gideysa be7ada, Kanaaneta, Hiteta, Amooreta, Parzeta, Yaabusetanne Gergeseta biitta iya kochaas laata biitta oothada immanaw iyaw caaqadasa. Neeni xillo gidiya gisho ne gida qaala poladasa.
\pi
\v 9 Neeni nu mayzata Gibxe biittan gakida un7aa be7adasa; qassi Zo7o Abbaa matan de7ishe enti waassida waasuwa si7adasa. 
\v 10 Gibxe kawoy, iya shuumatinne he biitta asa ubbay Isra7eele asaa bolla otortida gisho enta bolla mallatanne malaalsiyabata oothadasa. Hessa oothada hachi gakanaw ne sunthay bonchon xeegetanaada oothadasa. 
\v 11 Abbaa shaakada ne asaa mela biittara pinthadasa. Shin shuchi ciimmo haathan holin, miteteysada enta goodiya morketa abban mitisada dhaysadasa. 
\v 12 Isra7eele asaa gallas shaara tuussan, qamma tama tuussan enta ogiya poo7isada kaalethadasa.
\pi
\v 13 Neeni salope wodhada ne asaa Siina zuma bolla odisadasa. Suure pirdaanne tuma gidida higgiya, lo77o wogaanne kiita entaw immadasa. 
\v 14 Geeshsha ne Sambaata enti bonchana mela enta tamaarsadasa. Ne aylliya Muse baggara entaw kiita, wogaanne higge immadasa. 
\v 15 Enti koshatida wode salope kathi immadasa; qassi enti saamotida wode zaallafe haathe pultisadasa. Neeni entaw immana gada caaqida biitta enti gelidi laattana mela kiittadasa.
\pi
\v 16 Shin nu mayzati otortidosona; si7onna ixidi new kiitetibookona. 
\v 17 Kiitetonna ixidosona; neeni entaw oothida malaalsiyaba ubbaa hassaybookona. Enti si7onna asi gididosona; banta geellatethan aylletethas Gibxe biitta guye kaalethana mela halaqa bantaw dooridosona. Gidoshin, neeni atto giya Xoossi, keehanne maariya Xoossi; siiqon kumidaysanne hanqos ellesonna Xoossi gidiya gisho enta aggabaaka.
\pi
\v 18 Enti mara malan eeqa medhidi, “Hintena Gibxe biittafe kessida hinte xoossay haysa” yaagidi nena gita cashshe cayidosona. 
\v 19 Ne daro maarotethan neeni enta mela biittan aggabaaka. Enti biya ogiya poo7isana mela gallas shaara tuussan, qamma tama tuussan enta kaalethadasa. 
\v 20 Enta tamaarsana mela ne lo77o Ayyaana entaw immadasa. Maanaw manna, uyanaw haathe entaw immadasa. 
\v 21 Oytamu laythi kumethi mela biittan hemetiya wode entaw koshshiyabaape issibaaka pacisabaaka. Enta ma7oy wuribeenna; enta tohoy kixibeenna.
\pi
\v 22 Ne enta kawotethatanne dereta hari attoshin haahon de7iya biittata xoonidi oykana mela oothadasa. Kawoy Sihooney haariya Haseboona biittanne kawoy Oogey haariya Baasane biitta entana laatisadasa. 
\v 23 Enta kochaa taybuwa salo xoolintoda darsadasa. Enta mayzatas immana gada caaqida biitta enta laatisadasa. 
\v 24 Enta nayti Kanaane biitta laattidosona. He biittan de7iya Kanaane asaa enta sinthan neeni kawushadasa. Enti Kanaane asaa bolla, enta kawota bollanne biittan de7iya asaa bolla dosidaba oothana mela enta kushen aatha immadasa. 
\v 25 Enti yuushoy gimbetida katamatanne aradda biitta xoonidi ekidosona. Lo77oba ubbay kumida keethata, booketida haatha ollata, woyne bessata, shamahonne hara ayfe ayfiya daro mithata laattidosona. Iyape midi kallidi ordidosona; ne gita keehatethan ufaytidosona.
\pi
\v 26 Gidoshin, enti kiitetonna ixidi, ne bolla makallidosona; ne higgiya bolla zoko zaaridosona. Neeko simmanaada entaw minthidi odida ne nabeta wodhidosona. Daro iita cashshi nena cayidosona. 
\v 27 Hessa gisho, enta un7ethiya morketa kushen aatha immin, morketi enta un7ethida wode neeko waassidosona. Enta waasuwa salon gidada si7adasa; ne maarotethaa daruwan enta, enta morketa kushepe ashshiya asata kiittadasa.
\pi
\v 28 Shin enti shempo demmi simmidi zaaridi ne sinthan nagara oothidosona. Ne zaarada enta morketa kushen aathada immin, enta morketi enta haaridosona. Shin ha77ika enti neeko waassin, enta waasuwa salon gidada si7adasa. Ne maarotethan enta zaara zaaradaka ashsha ekadasa.
\pi
\v 29 Ne higgiyako enti simmana mela entaw minthada odadasa, shin enti otortidosona; new kiitetonna ixidosona. Asi kiitetidi de7o demmiya ne higgiya menthidosona. New zoko zaaridi si7onna ixidosona; kiitetonna ixidosona. 
\v 30 Gidikoka ne enta daro laythi danda7adasa; ne Ayyaanan nabeta baggara entaw odadasa, shin enti si7ibookona. Hessa gisho, shooro kawotethati enta haarana mela aatha immadasa. 
\v 31 Shin neeni keehanne maariya Xoossi gidiya gisho, ne gita maarotethan enta aggabaaka; burxora dhaysabaka.
\pi
\v 32 Hiza nu Xoossaw, gitaw, wolqaamanne yayetida Xoossaw, ne merinaa siiqo caaquwa naageyso, beni Asoore kawotethaafe hachi gakanaw nu bolla, nu kawota bolla, nu halaqata bolla, nu kahineta bolla, nu nabeta bolla, nu mayzata bollanne ne asa ubbaa bolla gakida metoy ne sinthan laafaba daanopo. 
\v 33 Nuna gakidaba ubban neeni xillo. Nuuni nena naaqikoka ne ammanetetha aggabaaka. 
\v 34 Nu kawoti, nu halaqati, nu kahinetinne nu mayzati ne higgiya naagibookona. Qassi ne entaw immida kiitaanne naagisuwa si7ibookona. 
\v 35 Ne enta kawotethan entaw gita anjuwa immadasa; dalganne aradda biitta entaw immadasa. Shin enti nena goyinnibookona; banta iita oosuwape simmibokona.
\pi
\v 36 “Hiza, hachi nuuni aylle gideysa be7a. Nu mayzati he biitte ayfiyanne iya immiya anjuwa ubbaa maana mela ne immida biittan nu hachi aylle gidida. 
\v 37 Nu nagaraa gisho, ne nu bolla denthida kawoti biittay immiya ayfiya ubbaa go77etoosona. Nu bollanne nu mehiya bolla banta koydaba oothosona; nuuni gita meto giddon de7oos” yaagidosona.
\p
\v 38 Hanidaba ubbaa gisho, nuuni haasayidi, he haasaya xaafidi qoncisanaw qofa qachida. Xaafetida xuufiya bolla nu halaqati, nu Leewetinne nu kahineti banta maatame wothidosona.
\c 10
\p
\v 1 Maatame wothida asaa sunthay, biitta aysiya Nahimey, Hakaliya na7ay,
\p Kahinetape, Sedeqiyaasa, 
\v 2 Saraya, Azaara, Ermiyaasa, 
\v 3 Paskora, Amaare, Malka, 
\v 4 Haxusa, Sabana, Maluka, 
\v 5 Harima, Maremoota, Obaada, 
\v 6 Daanela, Ginetoona, Baaroka, 
\v 7 Masulaama, Abiya, Miyamina, 
\v 8 Ma7aaza, Belgayanne Shamaya.
\p
\v 9 Leewetape, Aznaata na7aa Iyyasu, Henadaada kochi gidida Binuya, Qadimi7eelanne 
\v 10 entara oothiya Sabana, Hodiya, Qalixa, Palaya, Hanaana, 
\v 11 Mika, Rahooba, Hasabaya, 
\v 12 Zakura, Saraba, Sabana, 
\v 13 Hodiya, Bananne Banina.
\p
\v 14 Halaqatape, Paroosa, Pahati-Moo7aba, Elama, Zata, Baana, 
\v 15 Buna, Azgada, Bebaya, 
\v 16 Adoona, Bigiwaya, Adina, 
\v 17 Axeera, Hizqiyaasa, Azuura, 
\v 18 Hodiya, Hasuma, Besaya, 
\v 19 Harifa, Anatoota, Nebaya, 
\v 20 Magiphaasa, Masulaama, Ezira, 
\v 21 Masezabeela, Saadoqa, Yadu7a, 
\v 22 Palaxa, Hanana, Anaya, 
\v 23 Hose, Hanaana, Hasuba, 
\v 24 Haloheesa, Piliha, Sobeqa, 
\v 25 Rehuuma, Hasabina, Maseya, 
\v 26 Akiya, Hanana, Anaana, 
\v 27 Maluka, Harimanne Ba7ana.
\p
\v 28 Attida asay, kahineti, Leeweti, pengiya naageysati, zammaareti, Xoossa keetha oosanchoti, Xoossa higgiyas kiitetanaw bantana Ayhude gidonna deretape shaakida ubbay, enta macheti, akeekanaw danda7iya enta adde naytinne macca nayti, 
\v 29 bantana kaaletheysatara issife caaqidosona. Enti Xoossa aylliya Muse baggara Xoossay immida nu Godaa, Xoossaa kiitta, higgiyanne wogaa naaganaw qangethaninne caaqon qaala gelidosona.
\p
\v 30 Enti haysada yaagidi caaqidosona; “Nu macca nayta Ayhude gidonna adde naytas immoko; enta macca nayta nu adde naytas macho oothidi ekooko.
\p
\v 31 “Ayhude gidonna asati kathi gidin woyko haraba Sambaata gallas woyko hara ba7aale gallas bayzanaw ehiko entafe shammoko. Laapuntha laythi gakiya wode wode nu biitta goyoko; nuuni tal7ida acuwa achoko.
\p
\v 32 “Xoossa keetha oosuwas oyddu giraame bira laythan laythan qanxonna immana. 
\v 33 Hessika, Godaa sinthan wothiya uythaas, gallas gallas yarshetiya katha yarshuwas, xuussa yarshuwas, Sambaata gallasan, ageena xeeron, laythan de7iya hara ba7aaletan, geeshsha yarshotas, Isra7eele asa nagaraa atotethas yarshetiya yarshuwasinne nu Xoossa keetha oosuwas koshshiya ubbaa kunthanaasa.
\p
\v 34 “Nu, kahineti, Leewetinne hara asa ubbay, laythan laythan oosetiya gallasan, higgiyan xaafetidaysada Godaa, nu Xoossaa yarsho bessan eexiya mithaa issi issi kochay awude ehanaw bessiyako eranaw saama yeggida.
\p
\v 35 “Katha nu shiishiya wodenne dumma dumma mitha ayfiya nu maxiya wode bayraa Xoossa keethi ehana.
\p
\v 36 “Higgiyan xaafetidaysada nuuni koyro yeletiya nu adde nayta, qassi nu miizati, nu dorsatinne nu deeshati yeliya koyro marata Xoossa keethan oothiya kahinetako ehidi Xoossas dummayana.
\p
\v 37 “Nuuni nu biittan kaxida kathaafe koyruwa, nu mitha ubbaa ayfiya, woyniyanne zaytiya imota oothidi, Xoossa keethan oothiya kahinetako ehana. Leeweti nu de7iya katamata goshshan ayfiyabape asraata ekiya gisho, nu biittay ayfiyabape asraata ehana. 
\v 38 Leeweti asraata shiishiya wode, Aarona yara gidida kahineti entara issife gidanaw bessees. Leeweti asraata shiishidaape guye, asraatape asraata kessidi nu Xoossa keethi ehidi, miishe wothiya kifiliyan wotho. 
\v 39 Isra7eele asaynne Leeweti kathaa, woyniyanne shamaho zayte imota geeshsha miisheti uttiya bessaanne kahineti, pengiya naageysatinne zammaareti shempiya kifiliya eho.
\p “Nuuni Xoossa keethaa ubbaka aggoko” yaagidi caaqidosona.
\c 11
\s1 Yerusalaamen De7iya Asaa
\p
\v 1 Asaa kaaletheysati Yerusalaamen de7idosona. Hanko asay tammaafe issoy geeshsha kataman Yerusalaamen de7ana mela saama yeggidi dooridosona. Shin hara uddufun kushe asay banta kataman kataman de7idosona. 
\v 2 Ba shenen Yerusalaamen de7anaw dosida asa ubbaa asay anjidosona.
\p
\v 3 Hara katamatan de7iya Isra7eele asay, kahineti, Leeweti, Xoossa keetha oosanchoti, Solomone aylleta sheeshati ubbay banta kataman kataman de7iya gadiya oykidi de7idosona.\x - \xo 11:3 \xo*\xt Nahi 7:73.\xt*\x* Haysafe kaallidi xaafetidaysati, Yerusalaamen de7anaw yida biitta shuumata; 
\v 4 Yihuda kochaafe yida asay Paaresa yara gidida Atayanne Seela yara gidida Ma7iseya. Atayi Ooziyana na7a; Ooziyani Zakaryaasa na7a; Zakaryaasi Amaare na7a; Amaarey Safaaxa na7a; Safaaxi Malal7eela na7a. 
\v 5 Ma7iseyi Baaroka na7a; Baaroki Kolihooza na7a; Kolihoozi Ooza na7a; Oozi Adaya na7a; Adayi Yoyaariba na7a; Yoyaaribi Zakaryaasa na7a. Haysati Seela kochata. 
\v 6 Paaresa yarape wolqaama gidida 468 asati Yerusalaamen de7idosona.
\p
\v 7-8 Biniyaame kochaafe yida asay Saala, Gabayanne Salaya. Saalu Masulaama na7a; Masulaami Yo7eeda na7a; Yo7eedi Padaya na7a; Padayey Qolaya na7a; Qolayi Ma7iseya na7a; Ma7iseyi Iti7eela na7a; Iti7eeli Yeshaya na7a. Biniyaame zariyape 928 asay Yerusalaamen de7idosona. 
\v 9 Zikira na7ay Iyyu7eeli enta halaqa; qassi Hasanu7a na7ay Yihudi kataman nam7antho halaqa.
\p
\v 10 Kahinetape yida asay Yoyaariba na7aa Yadaya, Yakina na7aa; 
\v 11 Saraya; Sarayi Kilqiya na7a; Kilqey Masulaama na7a; Masulaami Saadoqa na7a; Saadoqi Marayoota na7a; Marayooti Xoossa keetha halaqa gidida Ahixuuba na7a. 
\v 12 Entara issife Xoossa keethan oothiya oosanchoti kumethi 822. Adayi Yirohaama na7a; Yirohaami Palala na7a, Palali Amoxe na7a; Amoxey Zakaryaasa na7a; Zakaryaasi Paskora na7a; Paskora Malkiya na7a. 
\v 13 Adayara issife de7iya asaynne enta soo asaa halaqati kumethi 242. Amasasayi Azari7eela na7a; Azari7eeli Ahizaya na7a; Ahizayi Mashilmoota na7a; Mashilmooti Imera na7a. 
\v 14 Amasayara issife de7iya olanchoti kumthi 128. Hagidolima na7ay Zabdi7eeli kahineta ayseysa.
\p
\v 15 Leewetape yida asay Shamaya; Shamayey Hashuba na7a; Hashubi Aziriqaama na7a; Aziriqaami Hasabaya na7a; Hashabey Buna na7a. 
\v 16 Leeweti Sabatinne Yozabaata Xoossa keethafe karera oosetiya oosuwas halaqa. 
\v 17 Mataani Mika na7a; Miki Zabida na7a; Zabidi galata woosa kaalethiya Asaafa na7a; Asaafi iya nam7antho halaqa gidida Baqibuuqa na7a; Baqibuuqi Samusa na7a; Samusi Galaala na7a; Galaali Yedutuuna na7a. 
\v 18 Leewetape 284 asay geeshsha kataman Yerusalaamen de7idosona.
\p
\v 19 Pengiya naageysatape, Aquba, Talmoonanne entara issife oothiya oosanchota tayboy 172.
\p
\v 20 Attida kahineti, Leewetinne Isra7eele asa ubbay banta laata biittan Yihuda katamatan de7idosona. 
\v 21 Shin Xoossa keetha oosanchoti Yerusalaame kataman de7iya Ofeela deriya bolla de7idosona. Sihanne Gishipa geetetiya nam7u asati enta halaqata.
\p
\v 22 Yerusalaamen de7iya Leeweta halaqay Oza. Ozi Baana na7a; Baani Hasabaya na7a; Hashabey Mataana na7a; Mataani Mika na7a. Ozi Xoossa keetha zammaareta halaqa gidida Asaafa na7a. 
\v 23 Zammaareti gallas gallas yexana mazmuriya kawoy enta kiittees.
\p
\v 24 Yihuda na7aa Zaraha yaraape yeletida Masezabeela na7aa Pataha Isra7eele asaas doona gididi, kawa matan de7ees. 
\v 25 Yihuda asaape guuthati goshsha gadetaninne gutatan, Qiriyaat-Arbaninne iya gutatan, Diboonaninne iya gutatan, Yaqabxi7eelaninne iya gutatan de7idosona. 
\v 26 Qassi Iyyasun, Molaadan, Beet-Phalexan, 
\v 27 Haxar-Shu7aalaninne iya gutatan, Barsaabeninne iya gutatan, 
\v 28 Xiqilaagan, Makonaaninne enta gutatan, 
\v 29 Enirmoonan, Xor7aninne Yarmutan, 
\v 30 Zanohan, Adulaamaninne enta gutatan, Laakisoninne iya heeran de7iya goshsha gadiyan, Azeeqaninne iya gutatan de7idosona. Hessada hanidi Yihuda asay Barsaabepe bidi Hinooma Zangaara gakanaw de7iya bessan de7idosona.
\p
\v 31 Biniyaame kochati Gib7an, Mikmaasan, Ayan, Beeteleninne enta gutatan, 
\v 32 Anatootan, Nooban, Ananiyan, 
\v 33 Haxooran, Raman, Gitaman, 
\v 34 Hadidan, Xabo7iman, Nabalaaxan 
\v 35 Loodan, Ononinne Kushe Hiillata Zangaara geetetiya bessan de7idosona. 
\v 36 Yihudan de7ida Leewetape baggati Biniyaame asaara daanada oosetidosona.
\c 12
\s1 Kahinetanne Leeweta
\p
\v 1 Salatiyaala na7aa Zarubaabelaranne kahine halaqaa Iyyasura di7ope simmida kahinetinne Leeweti haysata:
\p Saraya, Ermiyaasa, Izira, 
\v 2 Amaare, Maluka, Haxusa, 
\v 3 Sakana, Rehuuma, Maremoota, 
\v 4 Ida, Ginetoona, Abiya, 
\v 5 Miyamina, Ma7ada, Belga, 
\v 6 Shama7a, Yoyaariba, Yadaya, 
\v 7 Saala, Amoka, Hilqiyaanne Yadaya. Haysati Iyyasu laythan kahinetasinne yaratas halaqa gididaysata.
\p
\v 8 Entara issife simmida Leeweti Iyyasu, Binuya, Qadimi7eela, Saraba, Yihudanne galata mazmure zamareyisata halaqa gidida Mataana. 
\v 9 Entara issife zamariya Baqbuqeynne Unoy entafe sinthara haa simmi eqidi yexoosona.
\p
\v 10 Iyyasuy Yoyaaqima yelis; Yoyaaqimi Eliyaseeba yelis; Eliyaseebi Yoyada yelis; 
\v 11 Yoyadi Yoonataana yelis; Yoonataani Yadu7a yelis. 
\v 12 Yoyaaqimi kahine halaqa gididi de7iya laythi, haysafe kaallidi xaafetidaysati kahineta yarata halaqata.
\p Saraya yaraa halaqay Maraya.
\p Ermiyaasa yaraa halaqay Hananiya.
\p
\v 13 Izira yaraa halaqay Masulaama.
\p Amaare yara halaqay Yehohanana.
\p
\v 14 Maluka yaraa halaqay Yoonataana.
\p Sabana yaraa halaqay Yoosefa.
\p
\v 15 Harima yaraa halaqay Adina.
\p Marayoota yaraa halaqay Hilqaya.
\p
\v 16 Ido yaraa halaqay Zakaryaasa.
\p Ginetoona yaraa halaqay Masulaama.
\p
\v 17 Abiya yaraa halaqay Zikira.
\p Miniyaminanne Ma7ada yaraa halaqay Pilxaya.
\p
\v 18 Bilga yaraa halaqay Samu7a.
\p Shamaya yaraa halaqay Yoonataana.
\p
\v 19 Yoyaariba yaraa halaqay Matanaya.
\p Yadaya yaraa halaqay Oza.
\p
\v 20 Salaya yaraa halaqay Qalaya.
\p Amoka yaraa halaqay Ebeera.
\p
\v 21 Kelqe yaraa halaqay Hasabaya.
\p Yadaya yaraa halaqay Natina7eela.
\p
\v 22 Leeweta halaqati Eliyaseebi, Yoyada, Yohaaninne Yadu7i kahine halaqa gidida dumma dumma laythan enti xaafetidosona. He mazgabey giigiday Farse biitta kawa Daariyosa laythana. 
\v 23 Gidoshin, Leeweta yarata halaqati mazgaben xaafetiday Eliyaseeba na7aa na7a gidida Yohaani hayqana gakanaw de7iya wode xalaalana.
\p
\v 24 Leeweta halaqati Hasabaya, Sarabanne Qadimi7eela na7aa Iyyasu. Enti Xoossa asi gidida kawoy Dawiti kiittidaysada, nam7an shaaketi eqidi, taran taran Xoossaa bonchoosonanne galata mazmure yexoosona.
\p
\v 25 Xoossa keetha gimbe dirsaa pengiya matan keexetida dumma dumma miishe wothiya keethaa naageysati Mataana, Baqbuuqa, Abdiyu, Masulaama, Xalmoonanne Aquba. 
\v 26 Haysati Yoxedeqa na7aa na7aa gidada Iyyasu na7aa Yoyaaqimey, biitta aysiya Nahimeynne kahinenne xaafe gidida Iziri de7ida laythan oothidosona.
\s1 Yerusalaame Gimbe Dirsaa Anjiso Ba7aale
\p
\v 27 Yerusalaame gimbe dirsay gimbetidi wurida ba7aale bonchiya wode Leeweti banta de7iya bessaafe koyetidi, daalan, diithan, maasinqon, galata mazmure yexishe ufaysan ba7aale bonchanaw Yerusalaame yidosona. 
\v 28 Ha baaliya bonchanaw zammaareti Yerusalaame heeran de7iya Naxoofata gutatape, 
\v 29 Beet-Gelgalape, Gib7apenne Azmaawetape shiiqidosona. Enti Yerusalaame heeran bantaw gutata keexidosona. 
\v 30 Kahinetinne Leeweti bantana wogada geeshidaape guye asaa, pengetanne gimbe dirsaa geeshshidosona.
\p
\v 31 Taani Yihuda halaqata gimbe dirsaa bolla kessas. Nam7u gita mazmure koyreta galata mazmure yexana mela oothas. Issi koyrey gimbiya huuphesoora ushachi simmidi, Pito Penge bagga bis. 
\v 32 Hoshayanne Yihuda halaqatape baggati entana kaallidosona. 
\v 33 Entara de7iya harati Azaara, Izira, Masulaama, 
\v 34 Yihuda, Biniyaame, Shama7iya, Ermiyaasinne 
\v 35 moyze punniya guutha kahineti kaallidosona. Entana kaallidi yiday Zakaryaasa; Zakaryaasi Yoonataana na7a; Yoonataani Shama7a na7a; Shama7i Mataana na7a; Mataani Mikaya na7a; Mikayey Zakura na7a; Zakuri Asaafa na7a. 
\v 36 Zakaryaasa yara gidida Shama7ey, Azari7eeli, Milaala, Gilaalay, Ma7ayey, Natina7eeli, Yihudinne Hanaani Xoossa asi gidida Dawiti zammariya wode go7etiya mazmure miishiya ubbaa ekidi, Zakaryaasa kaallidosona. Enta kaalethey xaafiya Izira. 
\v 37 Pulto Pengiya gakidaape guye Dawita Katamaako simmidi, gimbiya bolla keyidi, Dawita keethaafe pude baggara aadhidi, doloha baggara de7iya Haatha Pengiyako bidosona.
\p
\v 38 Nam7antho koyrey gimbiya huuphiya oykidi haddirsi simmidi bis. Taani asaape baggara gidada entafe guyera kaallas. Itoone Adussa Gimbiya aadhidi, Dalga Gimbiya bessaa gakida. 
\v 39 Yaape simmidi, Efreema Pengiya, Yeshaana Pengiya, Molo Pengiya, Hanaani7eela Adussa Gimbiyanne Xeetata Adussa Gimbiya gakanaw bida. Wursethan Dorsa Pengiya matara aadhidi Naageyisata Pengiya gakidi eqida.
\p
\v 40 Galata mazmure yexiya nam7u koyreti Xoossa keethan banta besse besse oykidosona. Qassi taka taara de7iya halaqatara yaa gakas. 
\v 41 Hessadaka, kahineti Eliyaqeemi, Ma7iseyi, Miniyamini, Mikayey, Eliyo7ani, Zakaryaasinne Hanaani banta moyziya oykidi, 
\v 42 Ma7iseyi, Shamayey, Alaazari, Uzi, Yehohanani, Malkiyey, Elaaminne Exeri banta bessaa bessaa oykidosona. Yizira enta kaalethin banta qaala dhoqu oothidi mazmure yexidosona.
\p
\v 43 He gallas daro yarsho yarshidosona. Xoossay entaw gita ufaysi immida gisho daro ufaytidosona. Maccasay nayti ubbay ufaytidosona. Yerusalaamen asay ufaytiya ufaysa kooshinchay haahon si7etees.
\p
\v 44 He gallas asay immiya imotata, asraatanne laythan kaxiya katha ayfiyape koyruwa shiishidi wothiya keetha naagiya halaqata dooridosona. Ha dooretida asati dumma dumma katamatan de7iya goshshatape higgey kiitteysada kahinetasinne Leewetas bessiya kathaa shiishosona. Ayis giiko, Yihuda asay kahinetinne Leeweti oothiya oosuwan daro ufaytidosona. 
\v 45 Enti Xoossay kiitidaysa oothidosona; geeshsho wogaa polidosona. Enta xalaala gidonashin zammaretinne naageysati Dawitinne iya na7aa Solomoney kiitida oosuwa polidosona. 
\v 46 Beni Dawita wodenne Asaafa wode zammaretinne Xoossas shiiqiya galata mazmureta kaalethiya halaqati de7oosona. 
\v 47 Zarubaabela laythaninne Nahime laythan Isra7eele asa ubbay zammaretasinne naageysatas bessiya kathaa gallas gallas immoosona. Leewetaska bessiya kathaa immoosona. Leeweti qassi Aarona yara gidida kahinetas bessiya kathaa immoosona.
\c 13
\s1 Nahimey Ehida Laame
\p
\v 1 He gallas asa ubbay si7ishin, Muse Maxaafay nabbabetis; he wode enti, “Moo7abe asaynne Amoone asay Xoossaa asaara merinaw gahetanaw bessenna” giya bessaa maxaafan demmidosona. 
\v 2 Ayis giiko, Isra7eele asay Gibxefe keyidi, Kanaane biya wode Moo7abenne Amoone biitta asay entaw kathinne haathe immidi mokanaysa aggidi, Isra7eele asaa baaddana mela Balaamas miishe immidi shammidosona. Gidoshin, nu Xoossay baadetha anjon laammis. 
\v 3 He higgiya Isra7eele asay si7ida wode allaga asaa banta giddofe shaakidosona.
\p
\v 4 Hessafe kase Xoossa keetha miisheta wothiya keethaas halaqa gidida kahiney, Eliyaseebi Xoobara dabbotethi medhis. 
\v 5 Hessafe gaason Eliyaseebi, katha imotata, ixaane, Xoossa keetha geeshsha miisheta, kathaa woyniyanne zaytiya, Leewetas, zammaretasinne naageysatas immiya asraatanne kahinetas immiya kathaa wothiya wogga kifiliyan Xoobbey daana mela immis.
\p
\v 6 Ha ubbay haniya wode ta Yerusalaamen de7ike. Arxekisisey Babiloone biittan kawotida hastamanne nam7antho laythan taani simmada Babiloone biitta kawako bas. Gidoshin, guutha wodepe guye kawa oychada, 
\v 7 Yerusalaame simmada yas. Xoossa keetha zabban Eliyaseebi Xoobbiyas daana kifile giigisidi wothida iitabaa si7as. 
\v 8 Daro yilotada, Xoobbiya soo miishe ubbaa kifiliyape kessada kare holas. 
\v 9 Kifilya wogaada geeshshana mela kiittas. Xoossa keetha miisheta, kathaa, imotatanne ixaaniya zaarada keethaa gelsas.
\p
\v 10 Qassi asay Leewetas bessiya kathaa immiboona gisho Leewetinne zammaareti banta Xoossa keetha oosuwa aggidi goshshas guye bidaysa be7as. 
\v 11 Hessa gisho, taani halaqatako, “Xoossa keetha oosuwa ayis yeggi aggidetii?” yaagada hanqetas. Hessafe guye, Leeweta xeegada ubbaa enta oosuwan oosuwan zaaras. 
\v 12 Yaatin Yihuda asay kathaafe, woyniyape, zaytiyape immiya asraata wothiya keethaa zaaridi eho doomis. 
\v 13 Taani kahiniya Salama, xaafiya Saadoqanne Leewiya Padaya miishe wothiya keethaas halaqa oothada shuumas. Qassi Mataana na7aa na7aa Zakura na7ay Hanaani enta maaddeysa. Haysati ubbay koshshiyaba ubbaa banta ishatas shaaki shaaki imon ammanetidaysata gididosona.
\p
\v 14 “Ta Xoossaw tana qopa; qassi ne keetha oosoy giigana mela taani oothida lo77o oosuwa dogopa” yaagas.
\p
\v 15 He wode taani Yihudan de7iya asay Sambaata gallas woyne gum7ishin be7as; harati kathi, woyne ushsha, woyne ayfiya, balase ayfiyanne harabata banta haren caanidi, Sambaata gallas Yerusalaame ehishin be7as. Hessa gisho, enti Sambaata gallasa zal7onaada taani entaw minthada odas. 
\v 16 Hessa bolla qassi Yerusalaamen de7iya Xiroosa asay molonne hara issi issi zal7e miisheta ehidi Sambaata gallas Yihuda asaasinne Yerusalaamen bayzoosona. 
\v 17 Taani Yihuda halaqata, “Haysa mela iita ooso oothidi Sambaata ayis tuniseetii? 
\v 18 Xoossay nu bollanne nu katamaa bolla haysa mela meto ehiday, kase hinte aawati hessa mela iitabaa oothida gisho gidennee? Ha77i hinte Sambaata tunisidi, Isra7eele asaa bolla hara hanqo ehanaw haneeta” yaagada hanqetas.
\p
\v 19 Hessafe guye, Sambaati gelanaape sinthe Yerusalaame gimbiya pengeti gordetanaadanne Sambaati aadhonashin dooyetonna mela kiittas. Qassi Sambaata gallasan ayba toohoyka gelonnaada naagana mela ta oosanchotape issota issota gimbe pengiya bolla essas. 
\v 20 Hessa gisho, dumma dumma zal7e miisheta ehiya zal7anchoti issi toho woyko nam7u toho Yerusalaame gimbiyafe kare baggara aqidosona. 
\v 21 Shin taani entako, “Gimbiyafe karera waananaw aqeetii? Hinte nam7antho haysada oothiko taani wolqan hintena teqana” yaagada hanqetas. He gallasape simmin nam7antho Sambaata gallas yibookona. 
\v 22 Taani Leeweti banta huuphiya geeshshana mela, pengeta naagana melanne Sambaata gallasaa geeshshi oothana mela kiittas.
\p “Ta Xoossaw, ha ubbaa gisho tana qopa; ne merinaa siiquwa gisho taw qadheta” yaagada woossas.
\p
\v 23 He wode taani Yihuda adde asape issoti issoti Ashdooda, Amoonenne Moo7abe biittafe macho ekidaysa be7as. 
\v 24 Enta naytape baggay Ashdooda biitta woyko hara biitta doona haasayoosona; banta biitta, Yihuda doona odetanaw danda7okona. 
\v 25 Taani entara ooyetas; enta baaddas; entafe issota issota dechada, enta huuphiya binaana shoddas. Hessa xalaala gidonashin, enti banta macca nayta enta adde naytas immonnaada, enta macca nayta bantawunne banta adde naytas ekonnaada Xoossaa sunthan caaqisas. 
\v 26 Qassi entako, “Kawoy Solomoney nagara oothiday allaga biitta maccasata ekoysana gidennee? Solomone mela kawoy hara biitta kawota giddon baawa; Xoossay iya dosida gisho, Isra7eele asa ubbaa bolla kawoyis. Shin, hara attoshin iyaka allaga biitta maccasati haysa mela nagara oosisidosona. 
\v 27 Yaatin, nuka hintena si7idi, allaga maccasa ekidi hessa mela iitabaa oothidi Xoossaa naaqaneyee?” yaagas.
\p
\v 28 Kahine halaqaa Eliyaseeba naytape issoy Yoyada. Shin iya naytape issoy Beet-Horona katama asi gidida Sanbalaaxa na7iw macho ekis. Yaatin, taani Yoyada Yerusalaame katamaape gooddas.
\p
\v 29 “Ta Xoossaw, haysati kahinetetha wogaanne kahinetaranne Leewetara caaqida caaquwa waati tunisidaako be7a” yaagada woossas.
\p
\v 30 Enta allaga biitta tunatethaafe geeshidaape guye kahinetasinne Leewetas enta oosuwa oosuwa immas. 
\v 31 Yarshos eethiya mithay woden woden yaana melanne asay baw ayfidabape koyro ayfiya imota oothidi ehana mela wogaa wothas.
\p “Ta Xoossaw, ne keehatethan tana qopa” yaagada woossas.