\id EPH - Gofa Full Bible Latin Version Final
\ide UTF-8
\h Efesoona Kiita
\toc1 Efesoona Kiita
\toc3 Efe
\toc2 Efesoona
\mt1 Phawuloosi Efesoona Asaas
\mt2 Xaafida Kiita
\imt Gaatha Qofa
\ip Phawuloosi Efesoonan de7iya ammaniya asaas xaafida kiitan ubbaafe aathidi bessey, “Wodey gakiya wode Xoossay polanaw qopida qofay, saloninne sa7an de7iya medhetetha ubbay Kiristoosape garsan gidana melasa” giya qofa (\xt 1:10\xt*). Yesuus Kiristoosara de7iya issifetethan, asa kochi ubbay issino gidana mela ha gita qofa ooson peeshana mela Xoossa asaa akeekisees.
\ip Efesoona kiitan, koyro shaahuwan, xaafey kaara qofa gidida issifetethaba xaafanaw doomidaysa dalgisidi, Xoossa Aaway ba asaa waatidi dooridako, entika iya na7aa, Yesuus Kiristoosan banta nagarape maarota demmidi waanidi la77a keydakonne, Xoossa gita ufaysa qaalay Geeshsha Ayyaana baggara tuma gideysi waanidi eretidako odees. Nam7antho shaahuwan qassi, xaafey ha kiita nabbabiya asay, Kiristoosan entaw de7iya issifetethay tuma gidana mela enti waanidi daanaw bessiyako qofisees.
\ip Asay Kiristoosan de7iya issifetethan waanidi daanaw bessiyako dumma dumma leemison qoncis. Woosa keethi asatethaa leemiso gidiya wode Kiristoosi he asatethaas huuphe. Woosa keethi gimbe keethan leemisetiya wode Kiristoosi keetha minthiya maazane shuchu. Woosa keethi machin leemisetiya wode Kiristoosi azinan leemisetis. Xaafey Kiristoosa baggara qoncida Xoossa aadho keehatetha daro nashshidi odishe, qofay ciimmo gidida oda odis. Phawuloosi, ubbaba Kiristoosa siiquwa, iya yarshetetha, I immida nagara atotetha, iya aadho keehatethaanne iya geeshshatetha baggara xeellees.
\iot Maxaafa Ayfe Qofata
\io1 Sarotho \ior (1:1-2)\ior*
\io1 Kiristoosanne woosa keethi \ior (1:3—3:21)\ior*
\io1 Kiristoosan de7iya ooratha de7uwa \ior (4:1—6:20)\ior*
\io1 Akeekisonne sarotho \ior (6:21-24)\ior*
\ie
\c 1
\p
\v 1 Xoossaa shenen Kiristoos Yesuusa hawaare gidida Phawuloosape, Efesoonan de7iya geeshshatasinne Kiristoos Yesuusa ammaneysatas xaafetida kiitaa.\x - \xo 1:1 \xo*\xt Hawa 18:19-21; 19:1.\xt*\x*
\p
\v 2 Xoossaa nu Aawapenne Godaa Yesuus Kiristoosape aadho keehatethaynne sarotethay hintew gido.
\s1 Kiristoosan de7iya ayyaana anjuwa
\p
\v 3 Salon de7iya ayyaana anjo ubban Kiristoosa baggara nuna anjida, nu Godaa Yesuus Kiristoosa Aaway, Xoossay galatetto. 
\v 4 Nuuni iya sinthan geeshshatanne borey baynayisata gidana mela Xoossay alamey medhetanaape kase Kiristoosa baggara ba siiquwan nuna dooris. 
\v 5 Xoossay ba sheniyan ba dosidaysada Yesuus Kiristoosa baggara nuna ba nayta oothanaw kasetidi qopi wothis. 
\v 6 Xoossay ba siiqiya Na7aa baggara nuus coo immida aadho keehatethay bonchetana mela hessa oothis.
\p
\v 7 Xoossaa aadho keehatetha duretethaada Kiristoosa suuthan wozetidi nagara atotetha demmida. 
\v 8 Ba aadho keehatetha cincatethaninne eratethan kunthidi nuus immis.\x - \xo 1:8 \xo*\xt Qola 1:14.\xt*\x* 
\v 9 Xoossay ba dosidaysada Kiristoosa baggara iya sheniya xuuraa nu erana mela oothis. 
\v 10 Wodey gakiya wode Xoossay polanaw qopida qofay, saloninne sa7an de7iya medhetetha ubbay Kiristoosape garsan gidana melasa.
\p
\v 11 Ubbabaa ba sheniyada oothiya Xoossay, kasetidi halchidaysa Kiristoosa baggara nuuni iyabaa gidana mela nuna dooris. 
\v 12 Hessa I oothiday, Kiristoosan ufaysi wothidi naagon koyro gidida nuuni Xoossaa bonchuwa galatan qoncisana melasa. 
\v 13 Hinteka hinte atotetha Wongela, hessika tuma qaala si7ida wode Kiristoosa ammanideta. Xoossay hintew immana gida Geeshsha Ayyaanan hinte attametideta. 
\v 14 Xoossaa bonchoy galatetana mela Xoossay ba asaa wozana gakanaw Geeshsha Ayyaana nuus oythu oothidi immis.
\s1 Phawuloosa woosa
\p
\v 15 Hessa gisho, Godaa Yesuusa hinte ammaneysanne geeshshata ubbaa hinte siiqeysa ta si7ida wode 
\v 16 ta woosan hintena qopashe hinte gisho Xoossaa galateysa aggabike. 
\v 17 Godaa Yesuus Kiristoosa Xoossay, boncho Aaway, Xoossaa hinte aathidi eranaada cincatethaanne qoncetha ayyaana hintew immanaada taani Xoossaa woossayis. 
\v 18 Xoossay hintena xeegida ufaysaynne geeshshati laattiya boncho laatay ay mela daroko hinte erana mela Xoossay hinte wozana ayfiya dooyana mela taani Xoossaa woossayis.
\p
\v 19 Qassi iya ammaniya nunan oothiya iya wolqay ay mela aadhida giteeko hinte erana mela woossayis. He wolqay xoonetonanne daaburonna wolqaa. Ha nunan de7idi oothiya wolqaynne, 
\v 20 Kiristoosa hayqope denthidi, salon Xoossaafe ushacha baggara utisida gita wolqay issino.\x - \xo 1:20 \xo*\xt Maz 110:1.\xt*\x* 
\v 21 Iya sunthay, ayseysatapenne maata aawatape, haareysatapenne godatape, bolla gididi ha alamiya xalaalan gidonashin, sinthafe yaana alamiyanka hara sunthata ubbaafe dhoqa. 
\v 22 Xoossay ubba Kiristoosa tohope garsan haarisis; qassi woosa keethan, ubbaban Godaa gidana mela iya shuumis.\x - \xo 1:22 \xo*\xt Maz 8:6; Qola 1:22-23; 1:18.\xt*\x* 
\v 23 Woosa keethi Kiristoosa kumethi oothiya iya asatethi. Medhetethay de7iya bessa ubban Kiristoosi ba huuphen ubbaba kuntheysa.
\c 2
\s1 Kiristoosan hayqope de7o pinethi
\p
\v 1 Haysafe kase hinte, hinte nagaraanne hinte qohuwa gaason hayqidaysata.\x - \xo 2:1 \xo*\xt Qola 2:13.\xt*\x* 
\v 2 He wode hinte ha alamiya iita ogiya kaallideta. Carkuwa bolla de7iya ayyaana wolqata halaqaasinne ha77ika Xoossaas kiitetonna asaa haariya ayyaanas kiitetideta. 
\v 3 Nu ubbayka kase he asata giddon nu asho amuwanne nu wozanaa sheniya kaallidi de7ida. Nuka harata mela nu medhetethan Xoossaa hanquwa ekanaw de7eyisata.
\p
\v 4 Shin Xoossaa gita maarotethaafenne nuus de7iya gita siiquwape dendidaysan, 
\v 5 hari attoshin nuuni nu qohuwan hayqidi de7ishin Kiristoosa baggara nuus de7o immis. Hinteka attiday Xoossaa aadho keehatethaana. 
\v 6 Xoossay nuna Kiristoosara issife hayqope denthidi salon iyara issife wothis. 
\v 7 I hessa oothiday, Kiristoos Yesuusa baggara nuus qoncisida ba keehatethaanne zawi bayna ba aadho keehatetha duretetha yaana laythan nuna bessanaasa. 
\v 8 Hinte aadho keehatethan ammanon attideta. Hessika, Xoossaa imotape attishin, hinte ooson bentidaba gidenna. 
\v 9 Oonika ceeqetonna mela atotethay bentiday ooson gidenna. 
\v 10 Nuuni Xoossaa medhetethi; I nuus kasetidi giigisi wothida lo77o oosota oothana mela Kiristoos Yesuusa baggara oorathi medhetida.
\s1 Kiristoosara de7iya issifetetha
\p
\v 11 Hessa gisho, hinteno yeletan Ayhude gidonaysato, Ayhudeti bantaw asa kushen qaxaretidi, hintena qassi qaxaretiboonayisata gidi xeegeysa akeekite. 
\v 12 He wode hinte Kiristoosape shaaketi de7idaysa, Isra7eele asaas allaga gididi de7idaysa, Xoossaa ufaysa qaalape haakidi de7idaysanne ha alamiyan ufaysinne Xoossi bayna de7idaysa akeekite. 
\v 13 Shin hinte kase haakidi de7idaysati, ha77i Kiristoos Yesuusan de7idi Kiristoosa suuthan mata shiiqideta.
\p
\v 14 Kiristoosi nu sarotethaa; I Ayhudenne Ayhude gidonna asaa timidi, nam7aa shaaki wothida morketetha godaa laallis. 
\v 15 I banan ha nam7u kochatape issi ooratha ase medhidi, higgiya iya kiitaranne wogatara issife ba asatethan dhaysidi sarotethi immis.\x - \xo 2:15 \xo*\xt Qola 2:14.\xt*\x* 
\v 16 Kiristoosi masqaliya bolla hayqidi morketetha dhaysis; qassi nam7u kochata issi asatethi oothidi Xoossara sigethis.\x - \xo 2:16 \xo*\xt Qola 1:20.\xt*\x* 
\v 17 Kiristoosi yidi, Xoossaafe haakidi de7iya hintew, qassi matidi de7iya entaw sarotetha Wongela odis.\x - \xo 2:17 \xo*\xt Isa 57:19.\xt*\x* 
\v 18 Nu ubbay iya baggara issi Ayyaanan Aawa sinthe shiiqanaw danda7oos.
\p
\v 19 Hizape hinte allaga woyko imathe gideketa, shin hinte ha77i geeshshata biitta asinne Xoossaa soo asi. 
\v 20 Hinte hawaaretinne nabeti baasida baasuwa bolla keexetideta. Godaa xaphuwa minthiya shuchay Kiristoos Yesuusa. 
\v 21 Iyan keetha ubbay issife oyketidi Godan geeshsha Xoossa keethi gidanaw diccees. 
\v 22 Hinte qassi Xoossay ba Ayyaanan de7iya keethi gidanaw Kiristoosan issife keexeteta.
\c 3
\s1 Ayhude gidonna asaas hawaare gidida Phawuloosa
\p
\v 1 Hessa gisho, taani, Phawuloosi, Ayhude gidonna hinte gisho Kiristoos Yesuusan qasho asi gidas. 
\v 2 Ta hintena maaddana mela Xoossay ba aadho keehatethan taw immida ha oosuwaba hinte loythi si7ideta. 
\v 3 Ta hintew kase qanthan xaafidaysada Xoossay ba xuuraa qoncethan taw qoncisis. 
\v 4 Ta xaafidaysa hinte nabbabiya wode Kiristoosa xuuraa ta ay mela eridaako hinte akeekanaw danda7eeta.\x - \xo 3:4 \xo*\xt Qola 1:26-27.\xt*\x* 
\v 5 Ha xuuray geeshsha hawaaretasinne nabetas ha77i Ayyaana baggara qoncidaysada beni wode asaas hessada qoncisibeenna. 
\v 6 Xuuray haysa: Ayhude gidonna asay Wongela baggara Isra7eeletara issife Xoossaa anjuwa laattoosona. Isra7eeletara issi keetha asi gidoosona; Kiristoos Yesuusa baggara Xoossaa ufaysa qaala ekoosona.
\p
\v 7 Xoossay ba oothiya wolqaa baggara taw immida aadho keehatethan ha Wongelas oosancho gidas. 
\v 8 Taani geeshshata ubbaafe laafa gidikoka Ayhude gidonna asaas zawi bayna Kiristoosa duretetha Wongela odana mela ha aadho keehatethay taw imetis. 
\v 9 Qassi kase wodiyan ubbaa medhida Xoossan qosetidi de7iya xuuras, Xoossaa qofay aybeko qoncisanaw aadho keehatethay taw imetis. 
\v 10 Xoossay hessa oothiday ha77i wodiyan woosa keetha baggara salon de7iya halaqatasinne haareysatas ba dumma dumma qoncethaa erisanaasa. 
\v 11 Xoossay ba merinaa qofaa nu Godaa Kiristoos Yesuusa baggara polanaw hessa oothis. 
\v 12 Nu ammanon yashshi bayna Xoossako shiiqana mela Kiristoosi nuus minotethinne la77atethi immis.
\p
\v 13 Taani hinte gisho waaye ekiya gisho, hinte ta waayan yeellatonnaada hintena woossayis; taani hinte bonchuwas waayetayis.
\s1 Efesoona asaas woosetida woosa
\p
\v 14 Taani aawa sinthan gulbatada woossey hessa gishosa. 
\v 15 Saloninne sa7an de7iya issi issi soo asay iyan sunthetees. 
\v 16 Xoossay ba boncho duretethaafe hinte garsa asatethaa minthiya wolqaa ba Ayyaana baggara immana mela hintew woossayis. 
\v 17 Qassi ammanon Kiristoosi hinte wozanan daana melanne hinte siiqon xapho yeddidi minnidi daana mela woossayis. 
\v 18 Hessadaka, Kiristoosa siiqoy ay mela dalgeko, adusseko, dhoqekonne ciimmoko geeshshata ubbaara, hinte akeekana wolqa demmana mela woossayis. 
\v 19 Eratethaafe aadhiya Kiristoosa siiquwa hinte erana mela qassi de7o immiya Xoossaa wolqan hinte kumana mela ta woossayis.
\p
\v 20 Hiza, nu giddon oothiya ba wolqaa baggara nuuni woosseysafe woyko qopeysafe aathidi oothanaw danda7iya Xoossaas, 
\v 21 woosa keethaninne Kiristoos Yesuusan wode ubban merinaape merinaa gakanaw bonchoy gido. Amin7i.
\c 4
\s1 Nuuni Kiristoosan Issino
\p
\v 1 Hiza, Godaa gisho qashetida taani, hinte xeegetida xeessas bessiya de7o daana mela hintena woossayis. 
\v 2 Hinte ubba wode aadatanne hayo gidite; issoy issuwa danda7itenne siiqon de7ite.\x - \xo 4:2 \xo*\xt Qola 3:12-13.\xt*\x* 
\v 3 Sarotethan qashetidi Ayyaanay immiya issifetetha naaganaw minnite. 
\v 4 Xoossay hintena xeegida wode issi ufaysas xeegidaysada issi asatethinne issi Ayyaani de7ees. 
\v 5 Issi Goday, issi ammanoynne issi xinqatey de7ees. 
\v 6 Ubbaafe bolla gidida, ubbaa baggara oothiyanne ubbaa giddon de7iya issi Xoossay, ubbaa Aaway de7ees.
\p
\v 7 Shin Kiristoosi immanaw koydaysada nu issoy issoy dumma dumma imota ekida. 
\v 8 Hessa gisho, Xoossaa qaalay,
\q1 “I pude keyida wode
\q2 di7etida darota baara ekidi bis;
\q2 asaaska imota immis”
\m yaagees.\x - \xo 4:8 \xo*\xt Maz 68:18.\xt*\x* 
\v 9 Yaatin, “Pude keyis” guussay woy guussee? I koyro duge, sa7aa ziqa bessaa wodhis guussu gidonna ixiko ay guussee? 
\v 10 Ha duge wodhidaysi, ubba bessan bentanaw ubbaafe dhoqa saluwa keydaysi iya.
\p
\v 11 I issota issota hawaareta, issota issota nabeta, issota issota Wongela sabaaketa, issota issota woosa keethi heemmeyisata, issota issota astamaareta oothidi immis. 
\v 12 I hessa oothiday Kiristoosa asatethi gidida woosa keethi dichanawunne ammaniya asaa Xoossaa oosos giigisanaasa. 
\v 13 Hessadaka, nu ubbay Xoossaa Na7aa eridi ammanon bentiya issifetethaako gakidi, Kiristoosa ayyaana de7uwa kumethi gakidi diccana melasa.
\p
\v 14 Hizape guye, asaa gene cimon giigida balethiya wordo timirte carkoninne hobben gedenne haa kuullo kaa7iya nayta mela gidanaw bessenna. 
\v 15 Shin nuuni tumaa siiqon odishe, asatethaas huuphe gidiya Kiristoosara de7iya issifetetha guji guji dichoos. 
\v 16 Kumetha asatethay Kiristoosa bolla zempees qassi dumma dumma asatethaa billiteti issoy issuwara oyketidi uttis. Issi issi asatethaa kifiley ba oosuwa oothiya wode kumetha asatethay siiqon diccees.\x - \xo 4:16 \xo*\xt Qola 2:19.\xt*\x*
\s1 Gal7a De7onne Ooratha De7o
\p
\v 17 Hessa gisho, taani haysa hintew Godaa sunthan odaysinne markatayis. Go77i bayna qofaa qopiya Ayhude gidonna asatada de7opite. 
\v 18 Enta qofay dhumis; banta wozanaa muumisidosona. Enti eratetha dhayoninne ixas gidi Xoossay immiya de7uwape haakidosona. 
\v 19 Enti yeella giyaba erokona; enti laymatethas bantana aathidi immidosona; qassi tunabaa ubbaa guye goonna oothosona.
\p
\v 20 Shin hinte Kiristoosa eriday hessa mela ogen gidenna. 
\v 21 Iyabaa tuma si7ideta. Qassi Yesuusan de7iya tumaa mela iyape tamaarideta. 
\v 22 Hinte kase de7ida de7o ogiya aggite. Qassi ba cimmiya amon dhayiya hinte ceega asatethaa diggite.\x - \xo 4:22 \xo*\xt Qola 3:9.\xt*\x* 
\v 23 Hinte wozanaa qofan ooraxite. 
\v 24 Tuma xillotethaninne geeshshatethan Xoossaa leemison medhetida ooratha asatethaa ma7ite.\x - \xo 4:24 \xo*\xt Medhe 1:26; Qola 3:10.\xt*\x*
\p
\v 25 Hiza, wordo odetofite. Nuuni ubbay Kiristoosa asatethaa billiteta gidiya gisho asa ubbaara tuma odetite.\x - \xo 4:25 \xo*\xt Zaka 8:16.\xt*\x* 
\v 26 Hanqetite, shin hinte hanquwan nagara oothopite. Hinte hanqeti de7ishin awi wullofo.\x - \xo 4:26 \xo*\xt Maz 4:4.\xt*\x* 
\v 27 Xalahes besse immofite. 
\v 28 Kaysotiya uray hizape guye kaysotopo. Shin manqota maaddiyabay iyaw daana mela ba kushen lo77oba ootho.
\p
\v 29 Hinte doonape iita qaali keyopo. Shin si7eyisata go77ana melanne harata minthethiya koshshiya lo77o qaali hinte doonape keyo. 
\v 30 Xoossay hintena woziya gallasas hintena attamidi wothida Xoossaa Ayyaana azzanthofite. 
\v 31 Cametethi, yilo, hanqo, waaso, cashshenne iita ubbaa hintefe haassite. 
\v 32 Aathidi issoy issuwas keehanne qadheteyisata gidite. Xoossay Kiristoosa baggara hintew atto gidaysada hinteka wolis atto giite.\x - \xo 4:32 \xo*\xt Qola 3:13.\xt*\x*
\b
\c 5
\p
\v 1 Hiza, Xoossay dosiya naytada iya daanite. 
\v 2 Kiristoosi nuna dosidi bana nu gisho Xoossaas sawiya imonne yarsho oothidi immidaysada hinteka siiqon de7ite.\x - \xo 5:2 \xo*\xt Kessa 29:18; Maz 40:6.\xt*\x*
\p
\v 3 Shin laymatethi, tunatethinne uuzetethi ammaniya asaas bessonna gisho hinte giddon ubbaraka si7etofo. 
\v 4 Xoossaa galatitepe attishin, yeellayabaynne eeya odi woyko qidhey hintew bessonna gisho hinte giddon ubbaka de7opo. 
\v 5 Haysa erite; oonika laymatey woyko tunabaa oothey woyko uuzetey Kiristoosa kawotethaanne Xoossaa kawotethaa laattanaw danda7enna. Uuzetethi eeqa goyinno mela.
\p
\v 6 Hayisata gaason Xoossaa hanqoy kiitetonna asaa bolla yaana gisho oonika hintena pathonna odan cimmofo. 
\v 7 Hessa mela asaara issifetethi oothopite. 
\v 8 Kase hinte dhuman de7ideta, shin ha77i Godaa baggara poo7on de7eeta. Hiza, poo7o asada poo7on simeretite. 
\v 9 Poo7oy lo77otethi, xillotethinne tumatethi ayfees.
\p
\v 10 Godaa ufaysiyabaa oothanaw koyite. 
\v 11 Go77i bayna dhuma ooso qoncisitepe attishin, iyara issifopite. 
\v 12 Enti geeman oothiya oosuwa hari attoshin odanawuka yeellayees. 
\v 13 Shin ubbabay poo7on keyiya wode qoncen bentees. 
\v 14 Poo7oy ubbaba qoncen bessees. Hessa gisho,
\q1 “Neno dhiskeyso barka;
\q2 hayqope denda;
\q1 Kiristoosi ne bolla poo7ana” yaagetis.
\p
\v 15 Hiza, hinte waanidi de7iyako akeeki be7ite. Cincata giditepe attishin, eeyata gidopite. 
\v 16 Laythay iita gidiya gisho injetiya wode ubbaa go7etite.\x - \xo 5:16 \xo*\xt Qola 4:5.\xt*\x* 
\v 17 Hessa gisho, Godaa sheney aybeko akeekitepe attishin, eeyopite.
\p
\v 18 Geeshsha Ayyaanan gallas gallas kumitepe attishin, dhayoko hintena kaalethiya gisho woyne ushshan mathotofite. 
\v 19 Mazmuren, sabaninne ayyaana yethan, issoy issuwara odetite. Qassi hinte wozanan yexishenne sabbishe Godaa galatite.\x - \xo 5:19 \xo*\xt Qola 3:16-17.\xt*\x* 
\v 20 Nu Godaa Yesuus Kiristoosa sunthan ubba wode Xoossaa Aawa ubbabaas galatite.
\p
\v 21 Kiristoosa bonchuwas gidi issoy issuwas haaretite.
\s1 Azinabanne Machiba
\p
\v 22 Macheto, Godaas haareteysada hinte azinatas haaretite.\x - \xo 5:22 \xo*\xt Qola 3:18; 1 Phex 3:1.\xt*\x* 
\v 23 Kiristoosi woosa keethaas huuphe gideysada azinika ba machees huuphe. Qassi Kiristoos ba asatethi gidida woosa keethaa ashsheysa. 
\v 24 Shin woosa keethay Kiristoosas haareteysada macheti banta azinatas ubbaban haaretanaw bessees.
\p
\v 25 Azinatoo, Kiristoosi woosa keethaa dosidi bana iw immidaysada hinteka hinte macheta dosite.\x - \xo 5:25 \xo*\xt Qola 3:19; 1 Phex 3:7.\xt*\x* 
\v 26 I woosa keethaa ba qaala baggara haathan meeccidi geeshshis. 
\v 27 Kiristoosi woosa keethaa qiti woyko som7o tuussi woyko hessa melabay bayna I kumetha bonchuwara geeshshinne boretonaaro oothidi baako shiishanaw koyidi hessa oothis. 
\v 28 Hessadaka, azinati bantana doseysada banta macheta dosanaw bessees. Ba machiw doseysi bana dosees. 
\v 29 Bana ixiya asi oonika baawa, shin Kiristoosi woosa keethaas ootheysada ba asatethaa muzeesinne naagees. 
\v 30 Nuuni Kiristoosa asatethaa billiteta.
\p
\v 31 Xoossaa qaalay, “Hessa gisho, asi ba aawanne ba aayiw aggidi, ba machera issife daana; enti nam7ayka issi asho gidana” yaagees.\x - \xo 5:31 \xo*\xt Medhe 2:24.\xt*\x* 
\v 32 Haysi gita xuura, shin taani hessa Kiristoosabaanne woosa keethabaa leemiso oothada odayis. 
\v 33 Gidoshin, hinte issoy issoy hinte macheta hinte, hintena doseysada dosite. Issi issi macha ba azinaa bonchanaw bessees.
\c 6
\s1 Naytanne Enta Yelidaysata
\p
\v 1 Nayto, hinte Godaaba gidiya gisho hintena yelidaysatas kiitetite. Hessi hintew bessiyaba.\x - \xo 6:1 \xo*\xt Qola 3:20.\xt*\x* 
\v 2 “Ne aayiwunne ne aawa boncha.” Hessi ufaysa qaali de7iya koyro kiitaa.\x - \xo 6:2 \xo*\xt Kessa 20:12; Zaare 5:16.\xt*\x* 
\v 3 “Ne hessa poliyaba gidiko ubbay new injetana; ne laythay sa7a bolla aduqana.”
\p
\v 4 Aawato, hinte nayta Godaa qaala tamaarsoninne enta kaaleson dichitepe attishin, entana caamisopite.\x - \xo 6:4 \xo*\xt Qola 3:21.\xt*\x*
\s1 Godatanne Aylleta
\p
\v 5 Aylleto, Kiristoosas kiiteteysada hinte sa7a godatas yashshan, bonchoninne suure wozanan kiitetite.\x - \xo 6:5 \xo*\xt Qola 3:22-25.\xt*\x* 
\v 6 Enta sinthan saba demmanaw enti be7iya wode xalaala oothopite. Shin Kiristoosa aylletada Xoossaa sheniya wozanape polite. 
\v 7 Asas gidonashin, Godaas gidi hinte kumetha wozanaape oothite. 
\v 8 Aylle gidin woyko godaa gidin issoy issoy ba oothida lo77o oosuwas Godaape woyto ekanaysa ereeta.
\p
\v 9 Godato, asa som7o be7idi maaddonna Goday, saluwan de7eysa ereeta. Hessa gisho, hinte aylleta mandeysa aggidi enti hintew bonchon kiiteteysa mela hinte entaw lo77oba oothite.\x - \xo 6:9 \xo*\xt Qola 4:1; Zaare 10:17; Qola 3:25.\xt*\x*
\s1 Xoossa Ola Miishe
\p
\v 10 Wursethan, Godaaninne iya gita wolqan minnite. 
\v 11 Xalahe cimuwa eqetanaw danda7ana mela Xoossay hintew immida ola miishiya ubbaa ma7ite. 
\v 12 Nu olay asara gidonashin, salon de7iya tuna ayyaana olanchotara, maata aawatara, haareysataranne ha dhuma alamiya wolqatara.
\p
\v 13 Hessa gisho, iita gallasaa teqanawunne ubbaa polidi, minnidi eqanaw hinte danda7ana mela Xoossaa ola miisheta ubbaa ma7ite. 
\v 14-15 Tumaa xeessan dancoda dancidi, xillotethaa xurureda tiran wothidi, sarotethaa Wongela hinte tohuwan caammada aathidi minnidi eqite.\x - \xo 6:14-15 \xo*\xt Isa 11:5; Isa 59:17; 52:7.\xt*\x* 
\v 16 He ubbaafe aathidi, Xalahey yeddiya laxiya tama donge ubbaa toysanaw danda7iya ammanuwa ubba wode gondalleda oykite. 
\v 17 Xoossaa atotetha birata barneexada hinte huuphen wothite; qassi Geeshsha Ayyaana mashsha ika, Xoossaa qaala oykite.\x - \xo 6:17 \xo*\xt Isa 59:17.\xt*\x* 
\v 18 Woossa aggofite; haratasika gaannatite; ubba wode Ayyaanan woossite. Hessan, geeshshatas saletonna minnidi ubba wode woossite. \fig Roome Wotaadarey Kumetha Ola Miishe Ma77idi|alt="Roman soldier in armor" src="LB00196B.tif" size="span" ref="6:18"\fig*
\p
\v 19 Taani Wongela xuuraa yashshi bayna qoncisada odana mela Xoossay taw qaala immana mela woossite. 
\v 20 Taani hessa oothanaw kiitetas ha77ika qashon de7ey he Wongela gishosa. Yaaniya gisho, taani yashshi bayna besseysada odana mela taw woossite.
\s1 Sarotho
\p
\v 21 Taani waana de7iyakonne ay oothiyako hinte erana mela nu siiqo ishay, Godaa oosuwan ammanetida oosanchoy, Tikiqoosi, tabaa ubbaa hintew odana.\x - \xo 6:21 \xo*\xt Hawa 20:4; 2 Ximo 4:12; Qola 4:7-8.\xt*\x* 
\v 22 Nuuni ubbay waanidi de7iyako hintew odana melanne hintena minthethana mela taani iya hinteko kiittas.\x - \xo 6:22 \xo*\xt Medhe 21:10.\xt*\x*
\p
\v 23 Xoossaa Aawape, Godaa Yesuus Kiristoosape sarotethaynne siiqoy ammanora issife ammaniya ubbaas gido. 
\v 24 Irxonna siiqon nu Godaa Yesuus Kiristoosa siiqiya ubbaara Xoossaa aadho keehatethay gido.