\id 3JN - Gofa Full Bible Latin Version Final
\ide UTF-8
\h 3 Yohaanisa Kiita
\toc1 3 Yohaanisa Kiita
\toc3 3 Yoha
\toc2 3 Yohaanisa
\mt1 Yohaanisi Xaafida
\mt2 Heedzantho Kiita
\imt Gaatha Qofa
\ip Yohaanisi xaafida heedzantho kiita, Yesuusa hawaare gidida cimay, Yohaanisi xaafis. I ha kiita xaafiday, Gaayoosa geetetiya issi woosa keetha addiyasa. Xaafey issi baggara, Gaayoosi hara ammaniya asaa maaddida gisho iya galatees; hara baggara qassi, Diyotrafisa geetetiya woosa keetha halaqa gidanaw koya geella uraape naagetana mela akeekisees.
\iot Maxaafa Ayfe Qofata
\io1 Sarothonne woosa \ior (1-4)\ior*
\io1 Gaayoosi sabetis \ior (5-8)\ior*
\io1 Diyotrafisi boretis \ior (9-10)\ior*
\io1 Dimexroosi nashetis \ior (11-12)\ior*
\io1 Sarotho \ior (13-15)\ior*
\ie
\c 1
\s1 Sarothonne woosa
\p
\v 1 Taani cimay, tumaa dosiya Gaayoosas kiitida kiita.\x - \xo 1 \xo*\xt Hawa 19:29; Roome 16:23; 2 Qoro 1:14.\xt*\x* 
\v 2 Ta siiquwaw, neeni ne shempuwan lo77o de7eysa ta ereysada new payyatethi daana melanne ne oothiyabay suurana mela new Xoossaa woossayis. 
\v 3 Guutha ammaniya asati yidi, ubba wode neeni tuman de7eysanne ne tumatethaba markatida wode taani daro ufaytas. 
\v 4 Ta nayti tumatethan de7eysa si7eysafe aadhidi, tana ufaysiyabay baawa.
\s1 Gaayoosi Sabetis
\p
\v 5 Ta siiquwaw, enti new imathe gidikoka, neeni ammaniya asatas ammanthiya ooso oothaasa. 
\v 6 Enti ne siiquwaba woosa keethan markatoosona. Ha77ika enti biya ogiyan Xoossay doseysada oothada enta maaddiko lo77o oothaasa. 
\v 7 Enti Kiristoosa sunthaa gisho keyishe, ammanonna asatape aykoka ekibookona. 
\v 8 Nuuni tuma oosuwa entara issife oothanaw haysa mela asata maaddanaw bessees.
\s1 Diyotrafisi Boretis
\p
\v 9 Taani woosa keethatas dabdaabe xaafas, shin enta halaqaa gidanaw koyiya Diyotrafisi nuuni geysa ekenna. 
\v 10 Hessa gisho, taani yaa biya wode I nu bolla odetiya iita odanne I oothida oosuwa odana. I hessi guuxis gidi, nu ishati yaa wode mokenna. Hari attoshin, enta mokanaw koyeysataka diggidi woosa keethafe kessees.
\s1 Dimexroosi Nashetis
\p
\v 11 Ta siiquwaw, lo77oba daanape attishin, iitabaa daanopa. Lo77oba oothiya oonika Xoossaa asi, shin iitabaa oothiya oonika Xoossaa be7ibeenna.
\p
\v 12 Dimexroosi lo77o asi gideysa asa ubbay markatees. Tumay ba huuphen iyabaa markatees; nuka iyabaa markatoos; nu markatethay tuma gideysa hinte ereeta.
\s1 Sarotho
\p
\v 13 Taani new xaafanaw koyida darobay de7ees, shin qalameninne worqaten xaafanaw koyke. 
\v 14 Shin taani matara neera gahetanaw qopayis; he wode nuuni odetana.
\p
\v 15 Saroy new gido.
\p Ne dabboti nena saro yaagosona. Nu dabbota ubbaa enta sunthaa sunthaa xeegada tana “Saro gis” yaaga.