\id 2TI - Gofa Full Bible Latin Version Final
\ide UTF-8
\h 2 Ximotiyoosa Kiita
\toc1 2 Ximotiyoosa Kiita
\toc3 2 Ximo
\toc2 2 Ximotiyoosa
\mt1 Phawuloosi Ximotiyoosas
\mt2 Xaafida Nam7antho Kiita
\imt Gaatha Qofa
\ip Phawuloosi Ximotiyoosas xaafida nam7antho kiitay, Phawuloosara issife oothiyanne Phawuloosa matan maaddiya na7atetha, Ximotiyoosa zorida zoriya oykis. He zoriya ayfe qofay, “Gencan minnanaw bessees” giya zore. Ximotiyoosi zorenne minthetho qaala ekiday, Yesuus Kiristoosaba tuma markatana mela, wongela qaalanne Gal7a Caaqo timirtiya minthidi oykana melanne metoynne ixoy darikoka tamaarsoninne wongela sabbakon minnana melasa.
\ip Ximotiyoosi, hadanne eeyatetha palamape haakana mela iyaw dumma mino zorey imetis. Hessa mela oday ase dhaysesipe attishin aykoka maaddenna.
\ip He ubban Ximotiyoosi akeekanaw bessiyabay, Phawuloosa hanotaanne iya duussa; hessika, iya ammanuwa, iya genca, iya siiquwa, iya danda7aanne iya gakida metuwa leemiso oothidi kaallanaysa. Phawuloosi ha kiita xaafiday, I ba wotha ongidi hayqos giigetida wodena.
\iot Maxaafa Ayfe Qofata
\io1 Gelo qofa \ior (1:1-2)\ior*
\io1 Godan yeellatopa \ior (1:3-18)\ior*
\io1 Ammanthiya Kiristoosa wotaadare gida \ior (2:1-26)\ior*
\io1 Wursetha woden asay ay daanane \ior (3:1-9)\ior*
\io1 Ammanetada de7a \ior (3:10—4:8)\ior*
\io1 Sarothonne anjo \ior (4:19-22)\ior*
\ie
\c 1
\p
\v 1 Xoossaa shenen, Yesuus Kiristoosan bentida de7o ufaysaa markatanaw Yesuus Kiristoosa hawaare gidida Phawuloosape, 
\v 2 ta dosiya na7aa Ximotiyoosas kiitetida kiita.
\p Xoossaa Aawapenne nu Godaa Kiristoos Yesuusape aadho keehatethay, maarotethaynne sarotethay new gido.\x - \xo 1:2 \xo*\xt Hawa 16:1.\xt*\x*
\s1 Ximotiyoosas Imetida Zore
\p
\v 3 Taani, ta woosan qammanne gallas nena qopayis. Taani woossiya wode ta mayzata Xoossaanne taani lo77o kahan haggaaziya Xoossaa ne gisho galatayis. 
\v 4 Taani ne afuthaa qopayis; nena be7ada ufaytanaw daro laamotayis.
\p
\v 5 Qassi new de7iya tuma ammanuwa erayis. He ammanoy beni ne wogga aaye Loydininne ne aaye Ewuniqin de7iya ammanuwa mela.\x - \xo 1:5 \xo*\xt Hawa 16:1.\xt*\x* 
\v 6 Hessa gisho, taani ta kushiya ne bolla wothida wode Xoossay new immida imota neeni zaara eethana mela akeekisayis. 
\v 7 Ayis giiko, Xoossay nuus wolqaa, siiqonne nu huuphe haariya Ayyaana immispe attishin, yashsha ayyaana immibeenna.
\p
\v 8 Hiza, nu Godaas markatanaw yeellatopa; qassi iya gisho qashetida tananka yeellatopa. Shin Xoossay new immiya wolqan Wongela gisho, taara meto eka. 
\v 9 Xoossay ba sheneninne ba aadho keehatethan nuna ashshidi, ba geeshsha dere oothanaw nuna doorisipe attishin, nuuni oothida oosuwa gisho gidenna. Ha aadho keehatetha Kiristoos Yesuusa baggara merinaa wodetape sinthe nuus immis. 
\v 10 Ha77i ha aadho keehatethay nuna ashshiya Kiristoos Yesuusa yuussan qoncis. I hayqo wolqaa dhaysidi, Wongela baggara dhayonna de7o nuus qoncisis.
\p
\v 11 Taani Wongela sabaake, hawaarenne astamaare gidana mela Xoossay tana dooris.\x - \xo 1:11 \xo*\xt 1 Ximo 2:7.\xt*\x* 
\v 12 Taani hessa gisho ha metuwa ekayis; shin ta ammaney ooneko eriya gisho yeellatike. Taw imetida hadara he gallasay gakanaw I naaganaw danda7eysa erayis.
\p
\v 13 Taani nena tamaarsida tuma qaala leemiso ootha oykada Kiristoos Yesuusa baggara nubaa gidida ammanuwaninne siiquwan de7a. 
\v 14 Nu giddon de7iya Geeshsha Ayyaana wolqan new imetida lo77o hadara naaga.
\p
\v 15 Iise biittan de7iya ubbay taape haakidaysa eraasa; enta giddon Figeluusinne Hermogeneesi de7oosona.
\p
\v 16 Anesfoori tana daro wode minthethida gisho Goday iya soo asaas qadheto. Taani qasho keethan de7iya wode I tanan yeellatibeenna. 
\v 17 Hessa bolla I Roome katamaa yida wode tana minthi koyidi demmis. 
\v 18 Wursetha gallasan Goday iyaw qadhetana mela taani Godaa woossayis. Efesoona kataman I tana ay mela maaddidaako ne loytha eraasa.
\c 2
\s1 Yesuus Kiristoosan Minna
\p
\v 1 Hiza, ta na7aw, Kiristoos Yesuusan de7iya maarotethan minna. 
\v 2 Daro markata sinthan taani nena tamaarsida timirtiya, harata tamaarsanaw danda7iya ammanetida asaas hadara imma.
\p
\v 3 Yesuus Kiristoosas ammanthiya wotaadare gidada taara meto eka. 
\v 4 Ola wotaadarey ba tora mocona ufaysanaw giigeteesipe attishin, hara ooson bana peeshshenna. 
\v 5 Hessadaka, gaadde woxiya oonika bessiya ogera gaaddetonna ixiko woyto ekenna. 
\v 6 Goshshan daaburiya goshshanchoy ba daabura ayfiyape miya koyro asi gidanaw bessees. 
\v 7 Ne akeekana mela Goday nena maaddana gisho, ta new odidaba ne wozanan naaga.
\p
\v 8 Taani markatiya Wongela mela hayqope dendida, Dawita koche gidida Yesuus Kiristoosa qopa. 
\v 9 Taani wongela odiya gisho, iitabaa oothida asada, qashetada meto ekayis. Shin Xoossaa qaalay qashetenna. 
\v 10 Hessa gisho, Xoossay doorida asati Kiristoos Yesuusan de7iya atotetha merinaa bonchuwara ekana mela enta gisho ubbaban waayetayis.
\p
\v 11 Haysada giya tuma qaali de7ees;
\q1 “Nuuni iyara hayqidaba gidiko,
\q2 Iyara issife de7ana.
\q1
\v 12 Nuuni genciko,
\q2 iyara issife kawotana.
\q1 Nuuni iya kaddiko,
\q2 I nuna kaddana.\x - \xo 2:12 \xo*\xt Maato 10:33; Luqa 12:9.\xt*\x*
\q1
\v 13 Nuuni ammanetona ixiko,
\q2 I ammanetidaysa gididi daana.
\q1 Ayis giiko, I bana
\q2 kaddanaw danda7enna” yaagees.
\s1 Mino Oosancho
\p
\v 14 Neeni enta haysa akeekisa; enti qaalata gaason palamonna mela, Godaa sinthan enta zora. Hessi si7eyisata dhaysesipe attishin, aykoka maaddenna. 
\v 15 Neeni tuma qaala suuretethan tamaarseysanne yeellayonna oosancho gidada, Xoossay nashshiya asada, nenatethaa iyaw immanaw minna. 
\v 16 Shin ha alamiyas injetiya go77onna odape baqata. Hessa mela oday ase Xoossaafe haassees. 
\v 17 Hessa mela oday asatethi midigiya paxonna woyzazire maduntha mela. Hessa mela odaa odeteyisata giddofe Hemeneyoosinne Filixoosi de7oosona. 
\v 18 Ha asati tuma ogiya aggidi, “Hayqida asay hayqope beni dendidosona” yaagidi guutha asata ammanuwa dhaysidosona.
\p
\v 19 Gidoshin, Xoossay mino zaalla hiixida gisho qaaxanaw danda7enna. Iya bolla, “Goday ba asaa erees. Godaa sunthaa xeegiya oonika iita oosope haako” giya qaalay xaafetis.\x - \xo 2:19 \xo*\xt Taybo 16:5.\xt*\x*
\p
\v 20 Issi gita keethan worqafe woyko birape oosetida miisheta xalaala gidonashin, mithafe woyko urqafe oosetida miishetika de7oosona. Hessatape baggati boncho oosos, qassi baggati tooshetiya oosos pee7osona. 
\v 21 Hessa gisho, oonika iita ubbaa aggikonne bana geeshshiko, boncho ooso oothiya miishe gidana. Enta de7oy geeshshinne Godaa ufaysiyabaa, qassi enti lo77o ooso ubbaa oothanaw danda7eyisata gidana.
\p
\v 22 Na7atetha iita amuwape baqata. Geeshsha wozanan Godaa xeegiya asatara issife, xillotethaa, ammanuwa, siiqonne sarotethaa kaalla.
\p
\v 23 Shin ooshshi medheysa erada eeyatethinne hada gidida palamape haaka. 
\v 24 Godaa oosanchoy asa ubbaas keeha, lo77o tamaarseysanne danda7ancho gidanaw besseesipe attishin, ooyetanaw bessenna. 
\v 25 I baara eqeteyisata ashketethan seereysa gidanaw bessees. Enti banta nagaraape simmidi tumaa eranaada Xoossay oothaneko ooni eri. 
\v 26 Enti banta wozanaako simmidi ba sheniya oothana mela enta oykida Xalahe xihiyape kessi ekana.
\c 3
\s1 Wode Wursetha Malaatata
\p
\v 1 Wursetha gallasan un7ethiya wodey yaanaysa era. 
\v 2 Asay bantana doseyisata, miishe siiqeyisata, ceeqeteyisata, otoreyisata, cayeyisata, bantana yelidaysatas kiitetonaysta, galatonaysta, geeshshatethi baynayisata, 
\v 3 siiqoy baynayisata, maarotethi eronnayisata, zigireyisata, bantana haaronnayisata, wozana minota, lo77o dosonnayisata, 
\v 4 morkees aathidi immeyisata, qofi baynayisata, otoron sugeteyisata, Xoossaafe aathidi asho ufaysanaw doseyisata gidana. 
\v 5 Enti ammaniya daanosonape attishin, ammano wolqaa kaddoosona; neeni hessa mela asatape baqata.
\p
\v 6 Entafe issoti issoti asa keethaa gelidi nagaran oyketidaysatanne dumma dumma amon sugetiya daaburancho maccasata bolla godatosoona. 
\v 7 He maccasati ubba wode tamaarosonashin, tumaa eranaw danda7okona. 
\v 8 Yaanesinne Yambareesi Musera eqetidaysada ha asati guuggey oothonaysatanne ammanon kundida asata gidiya gisho tumaara eqetoosona.\x - \xo 3:8 \xo*\xt Kessa 7:11.\xt*\x* 
\v 9 Shin Yaanesanne Yambareesa eeyatethay qoncidaysada enta eeyatethayka asa ubbaa sinthan qoncana gisho entaw hanenna.
\s1 Wursetha Zore
\p
\v 10 Shin neeni ta timirtiya, ta duussaa, ta qofaa, ta ammanuwa, ta danda7aa, ta siiquwa, ta gencaa, 
\v 11 ta goodetethanne ta metuwa eraasa. Anxooke, Iqoniyoonen, Lisxira katamatan tana gakidabaanne taani danda7ida metuwa eraasa; Goday tana he ubbaafe ashshis.\x - \xo 3:11 \xo*\xt Hawa 13:14-52; 14:1-20.\xt*\x* 
\v 12 Kiristoos Yesuusan Xoossaa ufaysiya de7o daanaw koyiya ubbay goodettana. 
\v 13 Iita asatinne baletheysati bantaw baletishenne harata balethishe kasepe iiti iiti baana.
\p
\v 14 Shin ne tamaarida tumaaninne ne ammanida ammanuwan eqa. Ne oodefe tamaaridaako eraasa. 
\v 15 Neeni ne na7atethafe doomada Kiristoosa Yesuusa ammanada, atotethi demmiya cincatethi immanaw danda7iya Geeshsha Maxaafata eradasa. 
\v 16 Geeshsha Maxaafaa ubbay Xoossaafe imetida qaala. He maxaafay tumaa tamaarsanaw, balidaysata seeranaw, suurisanawunne xillotetha duussas koshshiya zore immanaw maaddees. 
\v 17 Xoossaa asi polonne lo77o ooso ubbaa oothanaw giigidaysa gidana mela maaddees.
\b
\c 4
\p
\v 1 Taani nena Xoossaa sinthaninne, kawo gididi haaranaw qonciya wode paxatanne hayqidaysata pirdanaw de7iya Kiristoos Yesuusa sinthan zorayis. 
\v 2 Qaala oda; wodey injetin injetonna ixin minnada oda. Daro danda7aninne tamaarson asaa zora seeranne denthetha. 
\v 3 Asay tuma timirtiya si7onna ixiya wodey yaana. Enti banta amuwa kaallidi, bantaw si7anaw ufaysiyabaa odiya astamaareta shiishosona. 
\v 4 Enti tuma timirtiya aggidi, tuma gidonna odaa si7anaw banta haytha zaarosona. 
\v 5 Shin neeni ubbaban nena haara. Meto danda7a. Wongela markatetha oosuwa ootha. New imetida Xoossaa ooso ubbaa pola.
\p
\v 6 Taani yarshetiya wodey gakis; ha alamiya aggada biya wodey matis. 
\v 7 Taani lo77o ola oletas; ta gaaddiya woxada wursas; ammanuwa naagas. 
\v 8 Sinthafe xillotetha kallachay\f + \fr 4:8 \fr*\fqa Xillotetha kallachay: \fqa*\ft Xillotetha de7o gisho, ta ekana kallachaa. Xillotethaa taw kallacha oothidi immees guussu.\ft*\f* tana naagees. Hessa xillo pirdaa pirdiya Goday he gallas taw immana. Hessa ta xalaalas gidonashin, iya qoncethaa amotiya ubbaas immana.
\s1 Phawuloosa Buzo Qofa
\p
\v 9 Ellesa yada tana be7a. 
\v 10 Deemasi ha77i alamiya dosidi, tana aggidi, Teselonqe katamaa bis. Qerqisi Galatiya biitta, qassi Titoy Dilmaxe biitta bis.\x - \xo 4:10 \xo*\xt Qola 4:14; Filmo 24; 2 Qoro 8:23; Gala 2:3; Tito 1:4.\xt*\x* 
\v 11 Luqaasa xalaali taara de7ees. Marqoosi Xoossa ooson tana maaddanaw danda7iya gisho, neera ekada ya.\x - \xo 4:11 \xo*\xt Qola 4:14; Filmo 24; Hawa 12:12, 25; 13:13; 15:37-39; Qola 4:10.\xt*\x* 
\v 12 Taani Tikiqoosa Efesoona katama kiittas.\x - \xo 4:12 \xo*\xt Hawa 20:4; Efe 6:21-22; Qola 4:7-8.\xt*\x* 
\v 13 Neeni yashe, Xiro7aada kataman Karpoosa matan aggada yida ta kootiyanne maxaafata taw ekada ya. Ubbaka galban xaafetida maxaafata ekonna yoopa.
\p
\v 14 Birata qoxiya Iskindirey tana daro qohis; Goday iya oosuwada iyaw zaarana.\x - \xo 4:14 \xo*\xt 1 Ximo 1:20; Maz 62:12; Roome 2:6.\xt*\x* 
\v 15 I nu timirtiya daro ixiya gisho iyape nena naaga.
\p
\v 16 Koyro ta mootetiya wode ubbay aggidi bidosonape attishin, oonika tana maaddibeenna. Xoossay he naaquwa entaw taybopo. 
\v 17 Shin taani kumetha kiitaa Ayhude gidonna asa ubbaas markatin, enti si7ana mela Goday ta matan eqidi taw wolqa immis. Qassi koshatida gaammoda doona dooyida hayquwape tana ashshis. 
\v 18 Goday tana iita ubbaafe ashshidi ba salo kawotetha saron efana. Iyaw merinaape merinaa gakanaw bonchoy gido. Amin7i.
\s1 Sarotho
\p
\v 19 Phirisqillas, Aqilasinne Anesfoora soo asaas ta sarothuwa oda.\x - \xo 4:19 \xo*\xt Hawa 18:2; 2 Ximo 1:16-17.\xt*\x* 
\v 20 Erasxoosi Qorontoosa kataman attis. Xirofmoosi hargetida gisho, Milixe kataman aggas.\x - \xo 4:20 \xo*\xt Hawa 19:22; Roome 16:23; Hawa 20:4; 21:29.\xt*\x* 
\v 21 Balgoy gelanaape sinthe ellesada ya.
\p Ewubulusi, Phudeesi, Linuusi, Qilaadeynne hara ammaniya asati ubbay nena saro goosona.
\p
\v 22 Goday Yesuus Kiristoosi ne ayyaanara gido.
\p Xoossaa maarotethay hinte ubbaara gido.