\id 1PE - Gofa Full Bible Latin Version Final
\ide UTF-8
\h 1 Phexroosa Kiita
\toc1 1 Phexroosa Kiita
\toc3 1 Phex
\toc2 1 Phexroosa
\mt1 Phexroosi Xaafida
\mt2 Koyro Kiita
\imt Gaatha Qofa
\ip Hawaariya Phexroosi xaafida koyro kiitay, “Dooretida Xoossa Asata” geetetidi xeegetidaysatasinne Guutha Iisen pudeha baggan laaletida ammaniya asaasa. Ha kiitay xaafetida gaasoy, ammano gaason metoynne waayey gakida asaa minthethanaasa. Ha maxaafa xaafey, iya hayquwa, iya denduwa, iya nam7antho yuussaa odiya Yesuus Kiristoosa wongela qaala enta akeekisees. Yesuus Kiristoosa de7uwa leemiso oothi xeellidi, meto danda7an kanthana mela enta qofisees. Hessara gathidi, metoy enta ammanuwa paaceysanne Yesuus Kiristoosi qonciya gallas bessiya woyto enti ekanaw de7eysa hassaysees.
\ip Xaafey, enti meto danda7ana mela minthethi simmidi, Kiristoosa kaalliya asati de7eysada enti daana mela qofisees.
\iot Maxaafa Ayfe Qofata
\io1 Sarotho \ior (1:1-2)\ior*
\io1 Xoossay nuus immida atotetha \ior (1:3-12)\ior*
\io1 Geeshshatethan duussu \ior (1:13—2:17)\ior*
\io1 Kiristoosa waayiya leemiso \ior (2:18-25)\ior*
\io1 Meto wode ammaniya asa hanota \ior (3:1—4:19)\ior*
\io1 Cimatasinne na7atethatas imetida zore \ior (5:1-11)\ior*
\io1 Moyzo Sarotho \ior (5:12-14)\ior*
\ie
\c 1
\p
\v 1 Taani, Yesuus Kiristoosa hawaarey Phexroosi; Phanxoosan, Galatiyan, Qaphadooqan, Iiseninne Bitaanen betanchoda laaletidi de7iya Xoossay doorida, asaas ha dabdaabiya xaafas. 
\v 2 Yesuus Kiristoosas hinte kiitetana melanne iya suuthan geeyana mela, Xoossaa Aaway ba kase eran dooridaysatasinne Geeshsha Ayyaanan geeyida, hintew aadho keehatethaynne sarotethay gido.
\s1 Dhayona Ufaysi
\p
\v 3 Yesuus Kiristoosa hayqope denthidi ba gita maarotethan nam7antho yeletethaanne dhayonna ufaysaa immida nu Godaa Yesuus Kiristoosa Aaway, Xoossay galatetto. 
\v 4 Qassi Xoossay hintew dhayonna, iitonnanne buuqonna laata salon giigisis. 
\v 5 He laatay wode wursethan qoncanaw de7iya atotethas Xoossaa wolqan ammanon hintew naagetidi de7ees.
\p
\v 6 Ha77i guutha wodes hinte dumma dumma paacen un7etikoka hessan ufaytite. 
\v 7 He paacey hintena gakiday, taman yeggin dhayiya worqafe hinte ammanoy aadhonne tuma gideysa bessanaasa. He paacetida ammanuwan Yesuus Kiristoosi qonciya wode galataa, bonchonne saba hinte ekana. 
\v 8 Hinte Yesuusa be7ibeeketa, shin iya siiqeta. Hinte ha77i iya be7iboonaba gidikoka, iya ammaneta. Qassi odan qoncisanaw danda7etonna ufaysaninne bonchon kumideta. 
\v 9 Hinte ammanon naagiya hinte shempuwa atotetha ekana.
\p
\v 10 Aadho keehatetha baggara hintew giigida ha atotethaaba nabeti eranaw gita koshshaninne naagon koydosona. 
\v 11 Entan de7iya Kiristoosa Ayyaanay iya waayabanne hessafe guye, yaana bonchuwaba kasetidi markatishe, awude woyko waanidi hananeeko akeekan pilgidosona. 
\v 12 Nabeti odida tinbitey bantaw gidonashin, hintew gideysa Xoossay hintew qoncisis. Ha77i asay hintew odida Wongela salope kiitetida Geeshsha Ayyaana wolqan hintew odidosona. Kiitanchotika hessa be7anaw amotidosona.
\s1 Geeshshatethan De7ite
\p
\v 13 Hessa gisho, oosos hintena giigisite; hintena haarite. Yesuus Kiristoosi qonciya wode hinte ekana aadho keehatetha ufaysan naagite. 
\v 14 Xoossaa naytada iyaw kiitetite; hinte kase eronna oothida iita amuwa kaallopite. 
\v 15 Shin hintena xeegida Xoossay geeshshi gididaysada hinteka hinte duussa ubban geeshshi gidite. 
\v 16 Geeshsha Maxaafan, “Taani geeshshi gidida gisho hinteka geeshshi gidite” geetetidi xaafetis.\x - \xo 1:16 \xo*\xt Leewe 11:44-45; 19:2.\xt*\x*
\p
\v 17 Asa som7o be7onna iya oosuwada pirdiya Xoossaa, “Nu Aawaw” gidi xeegiyaba gidiko, ha sa7aa imathatetha duussaa yashshan de7ite. 
\v 18 Hinte, hinte aawatape laattida pathonna de7uwape wozetidaysi, dhayiya biran woyko worqan gidonnaysa ereeta. 
\v 19 Borey woyko borsoy bayna dorsa suuthada al7o gidida Kiristoosa suuthan wozetideta. 
\v 20 Xoossay alamey medhetanaape kase Kiristoosa dooris, shin ha wursetha wodiyan Kiristoosi hinte gisho qoncis. 
\v 21 Hinte ammanoynne hinte ufaysay Xoossan gidana mela iya hayqope denthidi, bonchida Kiristoosa baggara Xoossan ammaneta.
\p
\v 22 Hinte tumatethaas kiitetidi hintenatethaa geeshshideta. Hinte issoy issuwa wozanape siiqeta, shin ha77ika tuma wozanape minthidi siiqite.
\p
\v 23 Hinte nam7antho yeletiday dhayiya zerethafe gidonashin, merinaw de7iya Xoossaa qaalan dhayonna kochaafe yeletideta. 
\v 24 Xoossaa qaalay,
\q1 “Asi ubbay maata mela;
\q2 iya boncho ubbay ciishsha mela.
\q1 Maatay melees, ciishshayka qoletees.\x - \xo 1:24 \xo*\xt Isa 40:6-8.\xt*\x*
\q2
\v 25 Shin Godaa qaalay merinaw de7ees”
\m yaagees. Hintew odetida Wongela qaalay haysa.
\c 2
\s1 De7o Shuchinne Geeshsha Dere
\p
\v 1 Hiza, iitatethi ubbaa, cimo ubbaa, cubbotethi qanaatenne zigirsi ubbaa hintefe diggite. 
\v 2-3 Goday keeha gideysa hinte eridi meezetidaysada ha77i yeletida guutha naytada hinte atotethan diccishe baanaw Xoossaa geeshsha qaala maatha ubba wode amotite.\x - \xo 2:2-3 \xo*\xt Maz 34:8.\xt*\x*
\p
\v 4 Asan boretidi Xoossan dooretida al7o gidida de7o shuchaa, Godaa Yesuusako shiiqite. 
\v 5 Hinte Ayyaana keethi keexetiya de7o shuchata. Hinte Yesuus Kiristoosa baggara Xoossaa ufaysiya ayyaana yarsho yarshiya geeshsha kahineta. 
\v 6 Geeshsha Maxaafan,
\q1 “Heko, taani Xiyoone kataman godaa xaphuwa minthiya,
\q2 dooretida, al7o shuchaa wothas;
\q2 iyan ammaniya oonika yeellatenna”
\m yaagees.\x - \xo 2:6 \xo*\xt Isa 28:16.\xt*\x* 
\v 7 Ha shuchay hintew ammaneysatas al7o, shin ammanonaysatas,
\q1 “Gimbeysati kadhidi ixida shuchay
\q2 godaa xaphuwa minthiya,
\q2 ubbaafe aadhiya shuchu gidis.”\x - \xo 2:7 \xo*\xt Maz 118:22.\xt*\x*
\m
\v 8 Qassika,
\q1 “Ha shuchay ase dhubiya shuchinne ase kundisiya zaalla”
\m yaagees. Enti hessas qaadetida gisho Xoossaa qaala kiitetonna ixidi dhubetidosona.\x - \xo 2:8 \xo*\xt Isa 8:14-15.\xt*\x*
\p
\v 9 Shin Xoossay dhumape malaalsiya ba poo7uwako hintena xeegiday, hinte iya lo77otetha haratas odanaw dooretida koche, kawo kahine, geeshsha derenne Xoossaa dumma dere.\x - \xo 2:9 \xo*\xt Kessa 19:5-6; Isa 43:20-21; Zaare 4:20; 7:6; 14:2; Tito 2:14; Isa 9:2.\xt*\x* 
\v 10 Hinte kase Xoossaa dere gideketa, shin ha77i hinte iya dere. Hinte kase maarotethi demmibeketa, shin ha77i maarotethi demmideta.\x - \xo 2:10 \xo*\xt Hose 2:23.\xt*\x*
\s1 Xoossaa Asada De7ite
\p
\v 11 Ta ishato, hinte ha sa7an imathenne bete asi gididaysada hinte shempuwa oliya asho amope haakana mela taani hintena woossayis. 
\v 12 Ammanonna asay hintena iita oothiya asada zigirya wode Xoossay nuna be7anaw yaa gallas, enti hinte lo77o oosuwa be7idi Xoossaa galatana mela hintew lo77o de7oy de7o.
\p
\v 13 Godaa gisho gidi maatara de7iya asatas haaretite; ubbaafe bolla gidiya gisho kawuwasika haaretite. 
\v 14 Enti iita ootheyisata seeranawunne lo77o ootheyisata sabbanaw kawuwape kiitetida gisho deriya ayseysatas haaretite. 
\v 15 Hinte, hinte lo77o oosuwan eronna eeya asaa doona oythanaysi Xoossaa shene. 
\v 16 Xoossaa aylle gididi la77atethan de7itepe attishin, hinte la77atetha iita oosos kama oothopite. 
\v 17 Asa ubbaa bonchite; ammaniya asaa siiqite; Xoossaa yayyite; kawo bonchite.
\s1 Kiristoosa Waaye Leemiso
\p
\v 18 Aylleto lo77o godatasinne keeha godata xalaalas gidonashin, iitataska bonchon haaretite. 
\v 19 Asi Xoossaa gisho gidi bessonna waaye waayetiko Xoossay iya anjana. 
\v 20 Shin hinte nagara oothin hintena dechiya wode hinte danda7iko hintew ay galati de7ii? Shin lo77oba oothidi waaye danda7iko Xoossay hintena hessas anjana. 
\v 21 Xoossay hintena xeegiday hessa gishosa; Kiristoosi hintew waayetis; hinte iya kaallana mela, hintew leemiso gidis. 
\v 22 I nagara oothibeenna; iya doonan wordoy bentibeenna.\x - \xo 2:22 \xo*\xt Isa 53:9.\xt*\x* 
\v 23 Enti iya cayiya wode, zaaridi cayibeenna. Shin waaye ekishe xillo pirdiya Xoossaas ba pirda aggaagisipe attishin, mandibeenna.\x - \xo 2:23 \xo*\xt Isa 53:7.\xt*\x* 
\v 24 Nuuni nagaras hayqidi xillotethas daana mela Kiristoosi ba ashuwan nu nagaraa masqaliya bolla tookis; hinte iya madunthan paxideta.\x - \xo 2:24 \xo*\xt Isa 53:5.\xt*\x* 
\v 25 Kase hinte oge balidi dhayida dorsata mela, shin ha77i hinte shempuwa heemmeysakonne naageysako simmideta.\x - \xo 2:25 \xo*\xt Isa 53:6.\xt*\x*
\c 3
\s1 Azinabanne Machiba
\p
\v 1-2 Hessadaka, macheto, hinte azinatape Xoossaa qaalas kiitetonaysati de7ikoka aykoka odetonashin, hinte yashshatethaanne hinte geeshsha de7uwa be7idi ammanana mela entaw haaretite.\x - \xo 3:1-2 \xo*\xt Efe 5:22; Qola 3:18.\xt*\x* 
\v 3 Hinte, hinte huuphe pixoninne worqa alleeqon woyko lo77o ma7on hinte bolla asatethaa loyson gidopo.\x - \xo 3:3 \xo*\xt 1 Ximo 2:9.\xt*\x* 
\v 4 Shin hinte wozanaa giddon de7iya yegelsatethay Xoossaa sinthan hintew daro al7o gididi dhayonna, ashkenne wopu gida ayyaana gido. 
\v 5 Xoossay immana gidaysa ammanida geeshsha maccasati beni wode banta azinatas haaretidi, bantana hessada daro loythidosona. 
\v 6 Hessada Saara Abrahaame, “Ta godaw” yaagada xeegashe, iyaw kiitetasu; hinteka aykoka yayyonna lo77oba oothiko I nayta.\x - \xo 3:6 \xo*\xt Medhe 18:12.\xt*\x*
\p
\v 7 Azinatoo, hinte macheti hintefe daaburancho medheta gideysa eridi, entana bonchite; hinte woosa dhubonna mela Xoossay immida de7uwa enti hintera issife laattiya gisho enta bonchite.\x - \xo 3:7 \xo*\xt Efe 5:25; Qola 3:19.\xt*\x*
\s1 Lo77o Oothidi Meto Eko
\p
\v 8 Wursethan, ubbay issi qofan de7ite. Issoy issuwas qadhetishe, ishada siiqetite; qassi issoy issuwas keehatanne ashketa gidite. 
\v 9 Iita gisho iita woyko cashsha gisho cayidi zaaropite; hessa aggidi, Xoossay hintew anjuwa immanaw hintena xeegida gisho anjite. 
\v 10 Ayis giiko, Geeshsha Maxaafay,
\q1 “De7o doseynne lo77o wode
\q2 be7anaw koyey oona gidikoka
\q2 ba inxarsan iitabaanne wordo odeteysa aggo.\x - \xo 3:10 \xo*\xt Maz 34:12-16.\xt*\x*
\q1
\v 11 Iitabaa ootheysa aggidi lo77oba ootho;
\q2 sarotethaaka keehi koyonne kaallo.
\q1
\v 12 Godaa ayfey xillotako xeellees;
\q2 qassi I ubba wode enta woosa hayzees.
\q1 Shin Goday iitabaa ootheyisata ba hanqo som7uwan xeellees”
\m yaagees.
\p
\v 13 Hinte lo77oba oothanaw amotiko hintena qohanay oonee? 
\v 14 Hari attoshin, xillotetha gisho hinte waayetiko anjetidaysata. Asas yayyofitenne hirgofite.\x - \xo 3:14 \xo*\xt Maato 5:10; Isa 8:12-13.\xt*\x* 
\v 15 Kiristoosa hinte wozanan bonchitenne godayite. Xoossay hintew immida ufaysas gaaso oychiya oodeska zaaro immanaw ubba wode giigidi uttite, shin hessa ashketethaninne yashshan oothite. 
\v 16 Qassi Kiristoosan hinte de7iya lo77o de7uwa iitabaa oothidabaada, hintena cayiya asay zigiryaban yeellatana mela hinte kahay geeshshi gido. 
\v 17 Xoossay gidaba gidiko iitabaa oothida gisho waaye ekeysafe lo77oba oothida gisho waaye ekeysi lo77o. 
\v 18 Kiristoosi nuna Xoossaako shiishanaw baw xillo gididi de7ishe, nagaranchota gisho issi toho nagara ubbaas hayqis; I ba asatethan hayqis, shin ayyaanan paxis. 
\v 19 Qassi he ayyaanan I bidi qashon de7iya shempotas qaala odis. 
\v 20 Nohey markabiya keexiya wode he shempoti Xoossaas kiitetonna ixidosona, shin Xoossay entana danda7i gam7is. Hospun asa xalaali markabiyan gelidi, dhayo haathaafe attidosona.\x - \xo 3:20 \xo*\xt Medhe 6:1—7:24.\xt*\x* 
\v 21 He dhayo haathay ha77i hintena ashshiya xinqate leemiso gidis. Ha xinqatey bolla qita meecco gidonashin, lo77o kaha Xoossaafe ekanaw iya woossiya oge gididi, Kiristoosa denduwa baggara hintena ashshees. 
\v 22 I salo bidi Xoossaa ushachan uttidi, kiitanchota, maata aawatanne wolqaamata haarees.
\c 4
\s1 Xoossas Ammaneta
\p
\v 1 Hessa gisho, Kiristoosi ba ashuwan nuus waayetida gisho hinteka he qofan hintena dancisidi minnidi eqite. Kiristoosa gisho gidi ba ashuwan waaye ekida uray nagara oothike gidi qanxida asi. 
\v 2 He uray ba attida laythan Xoossaa shene oothanaw koyeesipe attishin, iita asho amon deenna. 
\v 3 Kase hinte ammanonna asay de7idaysada de7ideta. Hinte iita amon, laymatethan, mathon, tunatethi denthethiya yethan, pokiya eeqa goyinnon kase de7ida duussay gidana. 
\v 4 Ammanonna asaara hinte shori bayna oosuwa oothonna gisho malaaletidi hintena cayoosona. 
\v 5 Shin enti paxata bollanne hayqida asaa bolla pirdanaw de7iya Xoossaas zaaro immana. 
\v 6 Hayqida asaas Wongelay sabbaketiday haysa gishosa. Enti asatho banta ashuwan pirdetana qassi banta ayyaanan Xoossaatho de7on daana.
\p
\v 7 Hiza, ubbabaas wursethay matatis. Hessa gisho, woossanaw danda7etana mela wopu gida wozani de7o; maarara de7ite. 
\v 8 Siiqoy daro nagara kammiya gisho, ubbaafe aathidi issoy issuwara wozanape siiqetite.\x - \xo 4:8 \xo*\xt Leemi 10:12.\xt*\x* 
\v 9 Zuuzumonna issoy issuwa imathatethan mokite. 
\v 10 Hinte Xoossaafe dumma dumma aadho keehatetha imota ekidaysada hinte issoy issoy he imuwa bessiyada oykidi issoy issuwa haggaazite. 
\v 11 Yesuus Kiristoosa baggara ubbaban Xoossay galatetana mela oonika odiyaba gidiko Xoossaafe qaala ekidaada odo. Qassi oonika maaddiyaba gidiko Xoossay iyaw immiya wolqaada maaddo. Bonchoynne wolqi merinaape merina gakanaw iyaw gido. Amin7i.
\s1 Ammano Gaason Gakiya Waaye
\p
\v 12 Ta ishato, hinte tamada xuuggiya waaye paaciya giddora aadhiya wode oorathabay hanidaada malaaletofite. 
\v 13 Shin iya bonchoy qonciya wode hinte ufaysay gita gidana mela Kiristoosa waayiya hinte ekeysan ufaytite. 
\v 14 Kiristoosa sunthaa gisho asi hintena cayiya wode, Xoossaa boncho Ayyaanay hinte bolla shempiya gisho hinte anjetidaysata. 
\v 15 Hintefe waaye ekiya oonika shempo wodhidaada woyko kaysotidaada woyko iita oothidaada woyko gelsonnaban gelidaada hanidi waayetofo. 
\v 16 Gidoshin, kiristaane gidiya gisho waayetiko Kiristoosa sunthaa gisho Xoossaa galatope attishin, yeellatopo.
\p
\v 17 Pirdi Xoossaa asaa bolla doomiya wodey gakis. Hiza, he pirday koyro nu bolla doomiyaba gidiko, Xoossaa Wongelas Kiitetonna asaa wursethay ay gidanee? 
\v 18 Xilloy un7an attiyaba gidiko, makallanchoynne nagaranchoy yaatin waananee?\x - \xo 4:18 \xo*\xt Leemi 11:31.\xt*\x* 
\v 19 Hessa gisho, Xoossa sheneda waaye ekeysati banta shempuwa bantana medhida, ammanthiya Xoossas hadara immishe lo77oba ootho.
\c 5
\s1 Cimatasinne Na7atethatas Imetida Zore
\p
\v 1 Hiza, woosa keethaa cimatara cima gididaysi, Kiristoosa waayiya markateysinne qoncanaw de7iya bonchuwa shaaketanaw de7iya taani, hinte giddon de7iya cimata zorayis. 
\v 2 Hinte aawatethafe garsan de7iya Xoossaa wudiya heemmite. Xoossay koyeysada dosanaape attishin, un7etidi heemmofite. Qassi miishe koshshan gidonashin, haggaazanaw de7iya lo77o qofan heemmite.\x - \xo 5:2 \xo*\xt Yoha 21:15-17.\xt*\x* 
\v 3 Hinte aawatethafe garsan de7iya wudiyas leemiso giditepe attishin, godatopite. 
\v 4 Heemmeyisata halaqay qonciya wode qolettonna boncho kallacha hinte ekana.
\p
\v 5 Hessadaka, yalagato, cimatas haaretite. Hinte issoy issuwas ashke gidite. Geeshsha Maxaafan, “Xoossay otoranchota ixees, shin ashketas aadho keehatetha immees” yaagees.\x - \xo 5:5 \xo*\xt Leemi 3:34.\xt*\x* 
\v 6 Xoossay ba wode hintena bonchana mela wolqaama Xoossaa kushiyape garsan hintena kawushite.\x - \xo 5:6 \xo*\xt Maato 23:12; Luqa 14:11; 18:14.\xt*\x* 
\v 7 I hintew qopiya gisho hintena hirgisiya ubbaa iya bolla yeggite.
\p
\v 8 Hinte morkey Xalahey, mittiyaba koyidi, gaammoda gudishe hinte matara yuuyiya gisho hintena haaritenne barkite. 
\v 9 Alamen de7iya hinte ishati hessada waaye ekeysa eridi, ammanon minnidi, Xalahiyara eqetite. 
\v 10 Ba merinaa bonchuwas Kiristoos Yesuusa baggara hintena xeegida aadho keehatetha ubbaa Xoossay, guutha wodes hinte waayetidaape guye, I ba huuphen hintena shiishana, katisana, minthidi essana, xaalisana. 
\v 11 Merinaape merinaa gakanaw Xoossay kawoto. Amin7i.
\s1 Sarotho
\p
\v 12 Ammanetida ishaa gada ta ekiya Sillaase baggara ha dabdaabiya hintew qanthan xaafas. Ta hessa hintew xaafiday, hintena zoranawunne Xoossaa aadho keehatethay tuma gideysa markatanaasa. He aadho keehatethan minnidi eqite.\x - \xo 5:12 \xo*\xt Hawa 15:22, 40.\xt*\x*
\p
\v 13 Hintera issife dooretida Babiloonen\f + \fr 5:13 \fr*\fqa Babiloonen: \fqa*\ft Ha bessan Babiloone geetetiday Roome katamaa gidonna aggenna.\ft*\f* de7iya woosa keetha asaynne ta na7aa Marqoosi hintena, “Saro saro” yaagees.\x - \xo 5:13 \xo*\xt Hawa 12:12, 25; 13:13; 15:37-39; Qola 4:10; Filmo 24.\xt*\x* 
\v 14 Siiqo yeeretetha yeeretishe, issoy issuwa sarothite.
\p Kiristoosan de7iya hinte ubbaas saroy gido. Amin7i.