\id 1CO - Gofa Full Bible Latin Version Final
\ide UTF-8
\h 1 Qorontoosa Kiita
\toc1 1 Qorontoosa Kiita
\toc3 1 Qoro
\toc2 1 Qorontoosa
\mt1 Phawuloosi Qorontoosa Asaas
\mt2 Xaafida Koyro Kiita
\imt Gaatha Qofa
\ip Phawuloosi Qorontoosa asaas xaafida koyro kiitay xaafetiday, Phawuloosi Qorontoosan essida woosa keethan ammaniya asaa de7oninne ammano bolla dendida metuwas zaaro immanaasa. He wode Qorontoosa katamay, dumma dumma asay de7iya Girike katamanne Akaya biittas waanna katama. Qorontoosa katamay zal7en eretida, wogan minnida, dumma dumma iita de7on dalgidanne haymaanote darotethan eretida biitta.
\ip Ha kiitan, hawaarey minthidi odey, Qorontoosa woosa keethan medhetida shaahetethaba, dumma dumma iita de7oba, laymatethaba, eko geloba, Geeshsha Ayyaana imotatabanne hayqope dendoba. Yesuus Kiristoosa wongeli ha oyshata waatidi zaariyako hawaarey minthidi odees.
\ip Phawuloosi, shempo tammanne heedzan, siiqoy ammanope, ufaysafenne dumma dumma Geeshsha Ayyaana imotatape odees. Ammaniya asay issoy issuwa siiqiyaba gidiko, woosa keethan medhetiya metoti qanthan simmees. Siiqoy dhayko, palami, shaaketethi, ixoynne hessa hessa melabati darees.
\iot Maxaafa Ayfe Qofata
\io1 Gelo qofa \ior (1:1-9)\ior*
\io1 Ammaniya asaa giddon medhetida shaaketethi \ior (1:9—4:21)\ior*
\io1 Laymatethinne issoy issuwara siga de7o \ior (5:1—7:40)\ior*
\io1 Eeqa aggidi Xoosse boncho \ior (8:1—11:1)\ior*
\io1 Woosa keethinne goyinno woga \ior (11:2—14:40)\ior*
\io1 Kiristoosi hayqo xoonidi dendis \ior (15:1-58)\ior*
\io1 Metootetida asaas imetiya imota \ior (16:1-4)\ior*
\io1 Oge buussaa halchonne sarotho \ior (16:5-24)\ior*
\ie
\c 1
\p
\v 1 Xoossaa sheniyan Yesuus Kiristoosa hawaare gidanaw xeegetida Phawuloosinne, nu isha Sosteneesi, 
\v 2 Qorontoosan de7iya Xoossa woosa keethaas, Yesuus Kiristoosan geeydaysatasinne geeshshi gidana mela xeegetidaysatas; qassi entawunne nuus Godaa gidiya nu Godaa Yesuus Kiristoosa suntha ubba bessan xeegiya ubbaas.\x - \xo 1:2 \xo*\xt Hawa 18:1.\xt*\x*
\p
\v 3 Xoossay, nu Aawaynne Goday Yesuus Kiristoosi hintew aadho keehatethaanne sarotethaa immo.
\s1 Phawuloosi Xoosse Galatees
\p
\v 4 Xoossay Kiristoos Yesuusa baggara hintew immida aadho keehatetha gisho, taani ubba wode Xoossaa galatayis. 
\v 5 Iyan odaninne eratetha ubban hinte duretideta. 
\v 6 Taani Kiristoosaba markatidaysi tuma gideysa hessi qoncisees. 
\v 7 Hessa gisho, hinte nu Godaa Yesuus Kiristoosa yuussaa naagishe de7ishin, ay ayyaana imoyka hintew pacenna. 
\v 8 Nu Godaa Yesuus Kiristoosi simmiya wode hinte boretonayisata gidana mela wursethi gakanaw I hintena minthana. 
\v 9 Ba Na7a, nu Godaa, Yesuus Kiristoosara issifetethi daana mela hintena xeegida Xoossay ammanetidaysa.
\s1 Woosa Keethan De7iya Shaaketethi
\p
\v 10 Ta ishato, hinte giddon shaaketethi doonna melanne hinte issi wozananinne issi qofan isso gididi daana mela, nu Godaa Yesuus Kiristoosa sunthan hintena woossayis. 
\v 11 Ta ishato, Qelo7e soo asay hinte giddon ooshshi de7eysa taw odidosona. 
\v 12 Ta hintew odeysi haysa: hintefe issoti issoti, “Taani Phawuloosasa; taani Aphiloosasa; taani Phexroosassa; taani Kiristoosassa” yaageeta.\x - \xo 1:12 \xo*\xt Hawa 18:24.\xt*\x* 
\v 13 Kiristoosi shaaketideyee? Hinte gisho, masqaliya bolla kaqetiday Phawulooseyee? Woyko hinte Phawuloosa sunthan xammaqetidetiyee?
\p
\v 14 Taani Qarisphoosinne Gaayoosi attishin, hintefe oonaka xammaqaboonna gisho, Xoosse galatayis.\x - \xo 1:14 \xo*\xt Hawa 18:8; Hawa 19:29; Roome 16:23.\xt*\x* 
\v 15 Hessa gisho, oonika hintena ta sunthan xammaqetideta gaanaw danda7enna. 
\v 16 [Qassi Isxifaanose soo asaaka ta xammaqidaysa akeekayis, shin hara oona xammaqidaako hassayike.] 
\v 17 Kiristoosi tana kiittiday wongela odana melasafe attishin, xammaqana mela gidenna. Kiristoosi masqaley hada gidonna mela taani asa cincatetha qaalan odike.
\s1 Kiristoosi Xoossa Wolqanne Cincatethi
\p
\v 18 Kiristoosa masqala qaalay dhayeysatas eeyatethi, shin nuus atteysatas Xoossa wolqa. 
\v 19 Geeshsha Maxaafan,
\q1 “Taani cincata cincatethaa dhaysana;
\q2 akeekanchota akeeka balethana”
\m yaagees.\x - \xo 1:19 \xo*\xt Isa 29:14.\xt*\x*
\p
\v 20 Yaatin, cinci awun de7ii? Higge astamaarey awunee? Woyko ha sa7a eranchoy awun de7ii? Xoossay ha sa7aa cincatetha eeyatethi oothibeennee?\x - \xo 1:20 \xo*\xt Iyyo 12:17; Isa 19:12; 33:18; 44:25.\xt*\x*
\p
\v 21 Ha sa7aa asay banta cincatethan Xoossa eronna mela ba cincatethan diggidi, eeyatethan taybetiya, nuuni odiya qaalan ammaneyisata ashshanaw Xoossa shene gidis. 
\v 22 Ayhudeti malaata be7anaw koyoosona; qassi Giriketi cincatethi koyoosona. 
\v 23 Shin nuuni masqale bolla kaqetida Kiristoosa sabbakoos. Hessi Ayhudetas dhube; qassi Giriketas eeyatethi gidis. 
\v 24 Shin Xoossay xeegidaysatas, Ayhude gidin, Girike gidin Kiristoosi Xoossa wolqaanne iya cincatethaa. 
\v 25 Xoossa eeyatethi asa cincatethafe aadhees; qassi Xoossa daaburay asa minotethafe minnees.
\p
\v 26 Hiza, ta ishato, Xoossay hintena xeegiya wode hinte ay mela aseeko qopite. Asa qofan, hinte giddofe daroti cinca, wolqaamanne dhoqa koche gideketa. 
\v 27 Shin Xoossay cincata yeellayanaw alamen de7iya eeyata dooris; qassi minota yeellayanaw alamen de7iya daaburanchota dooris. 
\v 28 Ha alamiyan gita geetetidaba dhaysanaw, Xoossi, ha sa7aa kawushaba, kadhetidabanne pathonaba dooris. 
\v 29 Xoossa sinthan oonika ceeqetonna mela hessa oothis. 
\v 30 Shin, hintew Kiristoos Yesuusara issifetethi daana mela Xoossay hessa oothis. I, nuus Xoossafe cincatethi, xillotethi, geeshshatethinne atotethi gidis. 
\v 31 Hessa gisho, Geeshsha Maxaafan, “Ceeqetiya oonika Godan ceeqo” yaagees.\x - \xo 1:31 \xo*\xt Ermi 9:24.\xt*\x*
\c 2
\p
\v 1 Ta ishato, taani koyro Xoossa qaala hintew odashe yida wode, doona bilatethaninne cincatethan yabiike. 
\v 2 Taani hintera de7iya wode masqaliya bolla kaqetida Yesuus Kiristoosape attishin, haraba eranaw koyke gada qofa qachas. 
\v 3 Ta hintera de7iya wode daaburan, yashshaninne daro kokorsan de7as.\x - \xo 2:3 \xo*\xt Hawa 18:9.\xt*\x* 
\v 4 Ta kiitaynne ta timirtey doona bilatethaninne cincatethan gidonashin, Geeshsha Ayyaana wolqa qoncisethaana. 
\v 5 Hessika, hinte ammanoy Xoossaa wolqaanape attishin, asa cincatethan zemponna melasa.
\s1 Xoossa Cincatethi
\p
\v 6 Ayyaana de7on diccidaysatas nuuni cincatetha qaalan odoos. Shin he cincatethay, ha sa7a cincatethi woyko dhayanaw de7iya ha sa7a haareyisata cincatethi gidenna. 
\v 7 Shin nuuni odiya cincetethay, daro wodepe sinthe Xoossay nu bonchuwas giigisidaysanne geemmidi de7iya xuura cincatethi. 
\v 8 Ha sa7aa haareysatape oonika ha cincatetha eribookona. Enti eridaba gidiyako, boncho Godaa masqaliya bolla kaqokona. 
\v 9 Shin Geeshsha Maxaafan,
\q1 “Ayfey be7iboonaba,
\q2 haythi si7iboonaba,
\q2 wozani qopiboonnaba,
\q2 Xoossay bana doseysatas giigisis” yaagees.\x - \xo 2:9 \xo*\xt Isa 64:4.\xt*\x*
\m
\v 10 Xoossay ba xuura ba Ayyaana baggara nuus qoncisis. Geeshsha Ayyaanay hari attoshin, geemmida Xoossa xuura ubba pilgees. 
\v 11 Asan de7iya asa ayyaanape attishin, asaba oonika erenna. Hessadaka, Xoossaba, Xoossa Ayyaanape attishin, oonika erenna. 
\v 12 Xoossay nuus coo immidaba nu erana mela Xoossa Ayyaana ekidaape attishin, ha sa7a ayyaana ekibooko.
\p
\v 13 Nuuni ayyaanaba, ayyaana asatas asa cincatethan gidonashin, Xoossa Ayyaanay immiya cincatethan tamaarsoos. 
\v 14 Geeshsha Ayyaani bayna asi Xoossa Ayyaana imotata ekenna. Hessi iyaw eeyatethi; ubbay Geeshsha Ayyaanan pilgetiya gisho, I eranaw danda7enna. 
\v 15 Geeshsha Ayyaani de7iya asi ubbaba pilgees, shin iya oonika pilgenna. 
\v 16 Geeshsha Maxaafan,
\q1 “Godaa wozana erey oonee?
\q2 Iya zoranaw danda7ey oonee?”
\m geetetidi xaafetidaysa mela. Shin nuus Kiristoosa wozani de7ees.\x - \xo 2:16 \xo*\xt Isa 40:13.\xt*\x*
\c 3
\s1 Woosa Keethan De7iya Shaaketethi
\p
\v 1 Ta ishato, hinte Kiristoosan buroo yooganne ammanonna asatho de7iya gisho, taani ayyaanaba hintew odanaw danda7abike. 
\v 2 Hinte mino kathi maanaw danda7iboona gisho, taani hintena maathi paahas; ha77ika danda7ibeeketa.\x - \xo 3:2 \xo*\xt Ibra 5:12-13.\xt*\x* 
\v 3 Ha77ika hinte ammanonna asada de7eeta. Hinte giddon de7iya qanaateynne ooshshi hinte ammanonna asada de7eysa erisennee? Hinte ammanonna asada haneeta. 
\v 4 Hintefe issoy, “Taani Phawuloosasa” haray qassi, “Taani Aphiloosasa” giiko, ammanonna asa mela gideketii?\x - \xo 3:4 \xo*\xt 2 Qoro 1:12.\xt*\x*
\p
\v 5 Yaatin, Aphiloosi oonee? Phawuloosi oonee? Nuuni hintena ammanthida Xoossaa oosanchota. Xoossay issuwas issuwas immida imota mela oothiya oosanchota gidokonaayee? 
\v 6 Taani tokas; Aphiloosi haathe ushshis, shin dichey Xoosse.\x - \xo 3:6 \xo*\xt Hawa 18:4-11, 24-28.\xt*\x* 
\v 7 Hessa gisho, dichiya Xoossafe attishin, tokeyka haathe ushsheyka aykoka gidenna. 
\v 8 Tokeynne haathe ushshey woli mela, shin issoy issoy ba oosuwa mela Xoossay immiya woytuwa ekana. 
\v 9 Nuuni issife Xoossas oothiya iya oosanchota gidiya gisho, hinte Xoossa shooqa; Xoossa keethi. 
\v 10 Xoossay taw immida aadho keehatetha mela hiillancho anaaxeda baaso yeggas. Hara asi iya bolla keexees. Shin iya bolla keexiya oonika waatidi keexiyako, baw naageto. 
\v 11 Issi toho yegetida baasope hara baaso yegganaw oonika danda7enna. He baasoyka Yesuus Kiristoosa. 
\v 12 Shin ha baasuwa bolla oonika worqan woyko biran gidin, al7o shuchan woyko mithan gidin, maatan woyko maqan keexiko, 
\v 13 issi issi asi he baasuwa bolla aybin keexidako pirda gallas taman paacetidi qoncana. 
\v 14 Oonika he baasuwa bolla keexida keethay taman xuugetonna attiko, ba woytuwa ekana. 
\v 15 Shin oodde oosoyka taman xuugetiko, he uraas woytoy baawa. Gidoshin, I ba huuphen tamape kessi ekida asada attana.
\p
\v 16 Hinte Xoossa keethi gideysanne Xoossa Ayyaani hintenan de7eysa ereketii? 
\v 17 Oonika Xoossaa keethi laalliko, Xoossi iya laallana. Xoossa keethi geeshshi; he keethayka hintena.
\p
\v 18 Oonika bana cimmofo. Ha sa7aa cincatethan bana cinca oothidi ekiya oonika Xoossaa sinthan cinca gidanaw eeya gido. 
\v 19 Ha sa7a cincatethay Xoossa sinthan eeyatethi. Geeshsha Maxaafan,
\q1 “Xoossay cincata enta gene qofan oykees” yaagees.\x - \xo 3:19 \xo*\xt Iyyo 5:13.\xt*\x*
\q1
\v 20 Qassi, “Cincata qofay maaddonnaba gideysa Goday erees” yaagees.\x - \xo 3:20 \xo*\xt Maz 94:11.\xt*\x*
\p
\v 21 Hessa gisho, ubbay hintebaa gidiya gisho, oonika asan ceeqetofo. 
\v 22 Phawuloosi, Aphiloosinne Phexroosi, ha alamey, de7oy, hayqoy, ha77i de7ey, sinthafe yaanaysi, ubbay hintesa. 
\v 23 Hinte Kiristoosassa; Kiristoosi Xoossasa.
\c 4
\s1 Kiristoosa Hawaareta
\p
\v 1 Asay nuna Kiristoosa aylledanne Xoossa xuura qoncisanaw hadari imetida asada oothidi qopo. 
\v 2 Hadara ekida asati banta Godaas ammanetidaysata gidanaw bessees. 
\v 3 Shin hinte woyko hari tana pirdiko, taw aykoka gidenna. Hari attoshin, taka ta bolla pirdike. 
\v 4 Ta kahay geeshshi, shin hessi taani polo xillo gideysa bessenna. Ta bolla pirdanay Godaa xalaala. 
\v 5 Hessa gisho, wodey gakonna, Goday yoonna oodde bollaka pirdofite. I dhuman geemmidaba poo7on kessenna; asa wozanan qosetida qofa qoncisana. He wode, issoy issoy Xoossafe galataa ekana.
\p
\v 6 Ta ishato, hinte gisho, tananne Aphiloosa, hintew leemiso oothada odas. Hessa ta oothiday, “Xaafetidaysafe aadhofa” giya zoriya hinte nuupe tamaarana melasa. Hessa gisho, oonika issuwa sabidi hankuwa kadhanaw bessenna. 
\v 7 Ne haratape aybin aadhay? Neeni ekaboonabay aybi de7ii? Neeni ekidaba hara asape ekida gidiko, yaatin, ekiboonna asada ayis ceeqetay?
\p
\v 8 Ha77i hinte kallideta. Ha77i hinte duretideta. Nuuni bayna hinte xalaala kawotideta. Hinte tuma kawotidaba gidiyako, nuka hintera kawotanashin. 
\v 9 Taw, Xoossay nuna hawaareta, hayqos pirdetida asada, asa ubbaafe nuna guye aathida daanees. Nuuni ha alamiyas, kiitanchotasinne asaas kaassaba gidida.
\p
\v 10 Nuuni Kiristoosa gisho eeya gidida, shin hinte Kiristoosan cincata gidideta. Nuuni daaburancho, shin hinte mino gidideta. Hinte bonchetideta, shin nuuni tooshetida. 
\v 11 Ha77i gakanaw nu koshatoos, saamotoos, kallotoos, wadhetoos; daana soo dhaydi toylatoos. 
\v 12 Nuuni nu kushen oothidi aqoos. Nuna asi baaddiya wode anjoos; nuna goodiya wode danda7oos.\x - \xo 4:12 \xo*\xt Hawa 18:3.\xt*\x* 
\v 13 Nu bolla iitabaa odetiya wode lo77o qaala zaaros. Nu ha77i gakanaw ha alamiya pitonne wora yegetiya buure gidida.
\p
\v 14 Taani hessa xaafiday, ta dosiya naytada, hintena zoranaw xaafasipe attishin, yeellayanaw gidenna. 
\v 15 Kiristoosan hintena dichiya taybope bolla gidida kaaletheysati de7ikoka, hintew daro aawati dookona. Ta hintena Kiristoos Yesuusa wongelan yelas. 
\v 16 Hiza, hinte tana leemiso oothidi kaallana mela hintena woossayis.\x - \xo 4:16 \xo*\xt 2 Qoro 11:1; Filphi 3:17.\xt*\x* 
\v 17 Hessa gisho, ammanetida, ta dosiya, Godan ta na7a, Ximotiyoosa hinteko kiittayis. I dumma dumma bessan de7iya woosa keethan taani tamaarsida, Kiristoosa Yesuusan de7iya, ta ogiya hintena hassayisana.
\p
\v 18 Taani hinteko yoonnaba daanin, otortiya issi issi asati de7oosona. 
\v 19 Shin Goday giiko, mata wode taani hinteko baana. He wode otoranchota haasaya xalaala gidonashin, enta wolqaaka erana. 
\v 20 Xoossaa kawotethay oda gidonashin, wolqa. 
\v 21 Taani hinteko xam7ara booye woyko siiqoranne ashke ayyaanara boo? Awusa dooretii?
\c 5
\s1 Asaa Giddon De7iya Yeellaya Ooso
\p
\v 1 Hinte giddon laymatethi de7eysi zigiretees. Hessa mela laymatethi hari attoshin, ammanonna asayka oothokona. Hinte giddon ba aawa machera tunida asi de7ees.\x - \xo 5:1 \xo*\xt Zaare 22:30.\xt*\x* 
\v 2 Hinte hessan qiirotanawunne yeellatanaw bessenne, shin otortideta. Hessa mela borsoba oothida ura hinte giddofe kessanaw bessennee?
\p
\v 3 Taani ashon hintera doona ixikoka ayyaanan ta hintera de7ayis. Taani hintera de7iya asada hanada hessa mela oosuwa oothida ura bolla pirdas. 
\v 4 Nu Godaa Yesuus Kiristoosa sunthan hinte shiiqiya wode taani ayyaanan hintera daana. Hessan Godaa Yesuus Kiristoosa wolqay hintera gidana. 
\v 5 He ura nagara ashoy\f + \fr 5:5 \fr*\fqa Nagara ashoy: \fqa*\ft Nagara medhoy woyko nagara asatethay.\ft*\f* dhaydi, iya ayyaanay Godaa Yesuusa pirda gallasan attana mela I, Xalahes aadhidi imeto.
\p
\v 6 Hinte ceeqoy lo77o gidenna. Guutha irshoy munuqa ubba dentheysa ereketiyee?\x - \xo 5:6 \xo*\xt Gala 5:9.\xt*\x* 
\v 7 Hinte ha77i irshoy bayna munuqa gidana mela, hintefe nagara irsho kessite. Nuus Paasika dorse gidida Kiristoosi yarshetis.\x - \xo 5:7 \xo*\xt Kessa 12:5.\xt*\x* 
\v 8 Hessi gisho, geneynne iitatethi de7iya irshora gidonashin, tumatethinne geeshshatethi de7iya uythara nu baaliya bonchoos.\x - \xo 5:8 \xo*\xt Kessa 13:7; Zaare 16:3.\xt*\x*
\p
\v 9 Ta kase xaafida dabdaabiyan hinte laymatiya asara gahetonna mela hintew odas. 
\v 10 Hessa guussay ha alamiyan de7iya laymateysatara woyko uuzetara woyko kaysotara woyko eeqa goyinneysatara polo gahetofite guussu gidenna. Hessa gidiko, ha alamiyape hinte keyanaw bessees shin attis. 
\v 11 Shin ammanayis yaagishe laymateysatara woyko uuzetara woyko eeqa goyinneysatara woyko cayeysatara woyko mathoteysatara woyko kaysotara gahetofite gada hintew odayis. Hessa mela asara hari attoshin, kathika moopite.
\p
\v 12 Woosa keethafe karera de7eyisata bolla pirdanaw tana aybe gathey? Woosa keethan de7eyisata bolla hinte pirdeketiyee? 
\v 13 Shin karera de7eyisata bolla Xoossay pirdana. He iitaba oothiya ura hinte giddofe kessite.\x - \xo 5:13 \xo*\xt Zaare 13:5; 17:7.\xt*\x*
\c 6
\s1 Asaa Giddon De7iya Mooto
\p
\v 1 Hinte giddofe issoy issuwara mootoy de7iko, hessa ammaniya asaa sinthan pirdetanaysa aggidi, ammanonna asa sinthan pirdetanaw waanidi bii? 
\v 2 Ammaniya asay alame bolla pirdanaysa hinte ereketii? Yaatin, hinte alame bolla pirdiyaba gidiko, haysa mela guuthaba pirdanaw waanidi danda7eketii? 
\v 3 Nuuni kiitanchota bolla pirdanaysa ereketii? Yaatin, ha sa7a duussaba bolla pirdanaysi hintena waanidi xoonii? 
\v 4 Yaatin, hessa mela metoy hinte giddon medhetiko, woosa keetha ayfen kadhetida asa sinthan pirdetanaw waatidi efeetii? 
\v 5 Taani hintena yeellayanaw hessa gayis. Hinte giddon kacetida ishata sigethanaw danda7iya akeeka asi baawee? 
\v 6 Yaatin, issi ammaniya ishay hanko ammaniya isha pirda keethan ammanonna asaa sinthan mootanaw bessii?
\p
\v 7 Hiza, hinte issoy issuwa mootiyaba gidiko hessi hinte kundethaa bessees. Hessafe hinte qohetiko keehennee? Hinte cimetiko lo77ennee? 
\v 8 Shin hinte woli giddon ammaneysati, issoy issuwa qohetanne cimmeeta.
\p
\v 9 Geellati Xoossa kawotethi laattonaysa hinte ereketii? Hintena cimmofite; laymateysati woyko eeqa goyinneysati woyko laammeysati woyko addera addera gaheteysati, 
\v 10 woyko kaysoti woyko uuzeti woyko mathoteysati woyko cayeysati woyko bonqeysati Xoossa kawotethi laattokona. 
\v 11 Hintefe issi issi asati kase hessa mela. Shin ha77i, hinte Godaa Yesuus Kiristoosa sunthaninne Xoossaa Ayyaanan meecetideta; geeydeta; xillideta.
\s1 Hinte Asatethan Xoosse Bonchite
\p
\v 12 Hinte, “Nu koydaba oothanaw danda7oos” yaageeta. Shin ubbay maaddenna. “Taani koydaba ubba oothanaw danda7ayis” yaageeta. Shin aybika tana haarenna. 
\v 13 Hinte, “Kathi ulosa; uloyka kathasa” yaageeta. Shin Xoossi uloka kathika dhaysanaysa ta hintew odayis. Nu asatethay Godasafe attishin, laymatethas gidenna. Godayka nu asatethasa. 
\v 14 Xoossay Godaa hayqope denthidaysada, nunaka hayqope ba wolqan denthana.
\p
\v 15 Hinte asatethay Kiristoosa asatethafe issi bagga gideysa ereketii? Yaatin, taani Kiristoosa asatethafe issi bagga efada laymatetha asatethi gidana mela ootho? Hanenna! 
\v 16 Laymatiya addey, I gahetiya maccaseera issi asatethi gideysa ereketii? Geeshsha Maxaafan, “Enti nam7ay issi asatethi gidana” geetetidi xaafetis.\x - \xo 6:16 \xo*\xt Medhe 2:24.\xt*\x* 
\v 17 Shin Godaara issifiya asi iyara ayyaanan issino gidees.
\p
\v 18 Laymatethafe haakite. Issi asi oothiya hara nagari iya asatethafe karera oosetees, shin laymatiya asi ba asatethaa bolla nagara oothees. 
\v 19 Hinte asatethay, Xoossay hintew immida hintenan de7iya Geeshsha Ayyaana keethi gideysa ereketii? Hinte hintebaa gideketa.\x - \xo 6:19 \xo*\xt 2 Qoro 3:16; 2 Qoro 6:16.\xt*\x* 
\v 20 Xoossay hintena gaten shammis. Hessa gisho, hinte asatethan Xoosse bonchite.
\c 7
\s1 Eko Gelobaa
\p
\v 1 Hinte taw xaafida dabdaabiyas zaaroy haysa. Issi asi maccas bochonna aggiko lo77o. 
\v 2 Shin laymatethafe attanaw issi issi addey macho eko; qassi issi issi maccasas azini de7o.
\p
\v 3 Azinay ba machees, qassi machiya ba azinaas bessiyaba kuntho. 
\v 4 Machees ba asatethaa bolla maati baawa, shin maati I azinasa. Hessadaka, azinas ba asatethaa bolla maati baawa, shin maati machesa. 
\v 5 Hinte woosan guutha wode gam7anaw zoretethan gidonna ixiko, issoy issuwa diggofite. Hessa gaason hintenatethaa haaranaw xoonetin, Xalahey hintena paaconna mela issife de7ite. 
\v 6 Shin taani hintena zoranaw haysa gaysipe attishin, kiita gidenna. 
\v 7 Asi ubbay taada macho ekonna de7iyako dosayis, shin Xoossi issuwas issuwas immida dumma imoti de7ees. Issuwas haysa mela hankuwas hessa mela imoti de7ees.
\p
\v 8 Macho ekiboonaysatasinne azina geliboonnaysatas qassi am7etas taani odey, taada de7ite gada zorayis. 
\v 9 Shin amon xuugeteysafe ekeysinne geleysi lo77o gidiya gisho, enti bantana haaranaw danda7onna ixiko, ekonne gelo.
\p
\v 10 Taani ekidaysatanne gelidaysata haysada gada zorayis; tana gidike Goday kiittees; machiya ba azinaape shaaketofo.\x - \xo 7:10 \xo*\xt Maato 5:32; 19:9; Mar 10:11-12; Luqa 16:18.\xt*\x* 
\v 11 Shin shaaketiko hara azina gelonna barka de7o woyko ba azinara sigeto. Azini ba machiw billofo.
\p
\v 12 Shin haratas Godaa gidonashin, taani haysada gayis. Ammanonna macha de7iya ammaniya azini de7iko, iya machiya iyara issife daanaw koyko iyo billofo. 
\v 13 Qassi ammanonna azini de7iya ammaniya macha de7iko, I azinay iira issife daanaw koyko iyape biletofo. 
\v 14 Ammanonna azini ba ammaniya mache baggara xillees; qassi ammanonna machiya ba ammaniya azina baggara xillawusu. Hessi bayneko, hinte nayti tuna gidoosona, shin ha77i enti geeshshi. 
\v 15 Shin ammanonna azinay woyko machiya billanaw koyko billo. Ammaniya machiya woyko azinay hessa melaban qashetokona. Xoossi nuna sarotethan daana mela xeegis. 
\v 16 Neno, ammaniya machete, neeni ammanonna ne azina ashshaneko ay eray? Woyko ammaniya azinaw, neeni ammanonna ne machiw ashshaneko ay eray?
\p
\v 17 Issi issi asi Goday iyaw immida imotadanne Xoossay iya xeegidaysada de7o. Woosa keetha ubban taani tamaarsiya wogay haysa. 
\v 18 Oonika qaxaretidi xeegetidaba gidiko, qaxaretonada hanopo. Qaxaretonna xeegetida oonika de7iko, qaxaretanaw koyopo. 
\v 19 Xoossa kiitaa polanaw besseesipe attishin, qaxaretin qaxaretonna aggin aykoka maaddenna.
\p
\v 20 Issi issi asi Xoossay bana xeegiya wode de7eysada de7o. 
\v 21 Xoossay nena xeegiya wode neeni ayllee? Aykoy baawa hessas un7etofa. Shin neeni aylletethafe la77a keyanaw danda7iko la77a keya. 
\v 22 Aylle gididi de7ishe Godan xeegetida asi Godan aylletethafe la77a keyis. Hessadaka, aylle gidonna de7ishe, Godan xeegetida asi Kiristoosa aylle. 
\v 23 Xoossay hintena gaten shammida gisho asa aylle gidopite. 
\v 24 Ta ishato, hinte issoy issoy xeegetiya wode de7iya de7uwan Xoossara issife de7ite.
\s1 Am7etabanne Soyzibonaysatabaa
\p
\v 25 Geela7otaba Goday tana kiittidabay baawa. Shin Goday taw immida maarotetha mela taani hintena zorayis. 
\v 26 Hiza, ha77i metuwa gisho, ekonna woyko gelonna duussi taw lo77o daanees. 
\v 27 Ne macho ekidaba gidiko, shaaketanaw koyopa. Neeni macho ekaboonaba gidiko, ekanaw koyopa. 
\v 28 Shin ne macho ekiko nagari baawa. Hessada geela7iya azina geliko nagari baawa. Shin ekiya geliya asaas ha sa7an daro metoy de7iya gisho hinte hessafe attana mela taani koyayis.
\p
\v 29 Ta ishato, ta gey hessa; wodey wuris. Hizape guye macha de7ey macho ekonnaada de7o. 
\v 30 Yeekeysati yeekonaada, ufayteysati ufaytonnaada, shammeysati aykoyka baynaada bantana taybo. 
\v 31 Ha sa7aa shalon maadeteysati maadetiboonada hano. Ha alamiya malay aadhana.
\p
\v 32 Hinte hirgi bayna daana mela ta dosayis. Macho ekiboonaysi Godaa ufaysanaw koya gisho, Godaaba qopees. 
\v 33 Shin macho ekidaysi ba machiw ufaysanaw koya gisho, ha sa7aba qopees. 
\v 34 Iya qofay nam7an shaaketees. Azina gelaboonna geela7iya ba asatethaninne ba shempuwan geeyada Godaa ufaysanaw koya gisho, Godaaba qopawusu. Shin azina gelidaara ba azina ufaysanaw koya gisho, sa7aba qopawusu. 
\v 35 Taani hessa hintew odey, hinte maadetana melasafe attishin, hintena un7ethanaw gidenna. Shin hinte qofay shaaketonna maaran de7idi Godaa ufaysiyaba hinte oothana mela taani odayis.
\p
\v 36 Oonika ba oychida geela7es gelo wodey aadhis gidi iyo agganaw qopiko, hessi qassi iw lo77o gidonnaysi iyaw si7etiko, ba koydaysa ootho; enti eketo, geleto; hessan nagari baawa. 
\v 37 Shin issi asi un7ethiyabay dhayin, ba wozanan minnidi, bana haaridi, ba oychida geela7iw ekenaw agganaw koyko loythis. 
\v 38 Hessa gisho, geela7iw ekiya uray lo77o oothis; qassi ekonna uray daro lo77o oothis.
\p
\v 39 Machiya ba azinay paxa de7iya wode ubban iyara qashetasu. Shin I azinay hayqiko, ba dosida azina gelanaw danda7awusu. Gidoshin, iya geliya addey ammaniya asi gidanaw bessees. 
\v 40 Ta qofan gidiko, iya gelonna de7iko ufaysan daana. Qassi taw, ta bolla Xoossa Ayyaani de7iya daanees.
\c 8
\s1 Eeqas Yarshetida Kathaba
\p
\v 1 Eeqas yarshetiya kathaba gidiko nu ubbay eroos. Eratethi otorsees, shin siiqoy dichees. 
\v 2 Oonika bana erayis gidi qopiko, I buroo eranaw besseysa eribeenna. 
\v 3 Shin oonika Xoosse siiqiko, I Xoossa matan eretidaysa.
\p
\v 4 Hessa gisho, eeqas yarshetida kathi muussaba gidiko, ha alamiyan Godi issi Xoossafe attishin, hari bayna gisho, eeqi pathonnaba gideysa nuuni eroos. 
\v 5 Xoosse gidonashin, saloninne sa7an xoosse geetetidi xeegetiya daro xoossatinne godati de7ikoka, 
\v 6 ubbaba medhida, nu iyabaa gidida, issi Xoossi, Aawi, nuus de7ees\x - \xo 8:6 \xo*\xt Zaare 6:4; 10:13.\xt*\x*. Ubbay iya baggara medhetida, nuka iya baggara de7o demmida issi Goday, Yesuus Kiristoosi nuus de7ees.
\p
\v 7 Shin ha erey ubba matan deenna. Issi issi asay eeqa goyinnora meezetida gisho, kathi miya wode eeqas yarshetidaba oothidi ekoosona. He wode enta kahay daabura gidiya gisho tunees. 
\v 8 Shin kathi nuna Xoossara daboyenna. Nu moonna aggidi aykoka qohetoko; qassi midi dumma go7etoko.
\p
\v 9 Shin hinte koydaba maanaw maati hintew de7ikoka hessi ammanon minnonna asata dhubonna mela naagetite. 
\v 10 Neeni nena erancho gada eeqas yarshetida kathi maanaw eeqa keethan uttidashin, ammanon minnonna asi nena be7iko, hessi eeqas yarshetida kathi I maana mela denthetheneyee? 
\v 11 Hiza, ne eratetha gaason Kiristoosi iya gisho hayqida, ammanon minnonna ne ishay dhayis. 
\v 12 Hessada oothidi, ammanon minnonna hinte ishata qohishenne enta kaha madunxisishe Kiristoosa qoheeta. 
\v 13 Hessa gisho, kathi ta isha dhubiyaba gidiko, I dhubetonna mela ubbaraka asho miike.
\c 9
\s1 Hawaareta Maata
\p
\v 1 Taani yeda de7iya asi gidikina? Ta hawaare gidikina? Taani nu Godaa Yesuus Kiristoosa be7abikina? Hinte Godan ta daabura ayfe gideketii? 
\v 2 Hinte Godaaba gidiya gisho, ta haratas hawaare gidonna ixikoka, hintew hawaare gideysas hinte marka.
\p
\v 3 Tana hawaare gidenna geysatas taani immiya zaaroy haysa. 
\v 4 Nu hintefe maanawunne uyanaw tuma nuus maati baawee? 
\v 5 Hanko hawaaretada, Godaa ishatadanne Phexroosada, ammaniya nu macheta ekidi hemetanaw nuus maati baawee? 
\v 6 Woyko oothidi aqanaw bessey taaranne Barnabaasa xalaalee? 
\v 7 Ba miishen wotaadaretathi oothey oonee? Woyko woyne tokidi, iyape ayfe moonnay oonee? Woyko wude heemmishe, he wudiyape maathi uyonnay oonee?
\p
\v 8 Taani hessa asa qofatho gaynayee? Muse higgey hessa geeneyee? 
\v 9 Muse Higgiyan, “Wuduman kathi yedhiya boora doona qachofa” geetetidi xaafetis. Yaatin Xoossay hessa booras qopidi odidee?\x - \xo 9:9 \xo*\xt Zaare 25:4; 1 Ximo 5:18.\xt*\x* 
\v 10 Xoossay hessa giday nuus qopidi gidennee? Ee, nu gishosa. Biitta goyeysinne katha geeshsheysi bana gakeysa ekana gidi ufaysan oothanaw bessees geetetidi tuma nu gisho xaafetis. 
\v 11 Nuuni hinte giddon ayyaana zerethi zerida gidiko, ashos koshshiyaba nu hintefe ekiko, hessi gitabayee?\x - \xo 9:11 \xo*\xt Roome 15:27.\xt*\x* 
\v 12 Harati hessa hintefe ekanaw entaw maati de7iko, nuus entafe aadhiya maati deennee?
\p Shin nuuni Kiristoosa wongelas dhube gidonna mela, ubbaba gencosipe attishin, he maatan go7etibooko. 
\v 13 Xoossa keethan oothiya asati banta katha xoossa keethafe ekeysa ereketii? Qassi yarsho bessan oothiya asati yarshuwafe ekeysa ereketii?\x - \xo 9:13 \xo*\xt Zaare 25:4; 1 Ximo 5:18.\xt*\x* 
\v 14 Hessadaka, wongela markateysati duussas koshshiyaba wongelape ekana mela Goday kiittis.\x - \xo 9:14 \xo*\xt Maato 10:10; Luqa 10:7.\xt*\x*
\p
\v 15 Shin taani ha maata ubban aykoka go7etabike. Taani hessa xaafiday ta maata bonchisanaw koyada gidenna. Oonika ta ceequwa hada oothanaape hayqoy taw lo77o. 
\v 16 Taani wongela odey kiitetida gishosafe attishin, tana ceeqisiyaba gidenna. Wongela odonna ixiko, tana ayye! 
\v 17 Taani wongela dosada odiko, taw woytoy de7ees. Shin taani wongela dosonna odiyaba gidiko, hessa Xoossi taw hadara immis. 
\v 18 Yaatin, ta woytoy aybee? Taani wongela odiya wode ta maatan go7etonna, wongela gatey bayna odeysi taw woyto.
\p
\v 19 Taani oodeska aylle gidike, shin darota maaddanaw ubbaas aylle gidas. 
\v 20 Taani Ayhudeta maaddanaw entara enta gidas. Ta huuphen higgefe garsan de7ike, shin higgefe garsan de7eyisata maaddanaw higgefe garsan de7iya asi gidas. 
\v 21 Xoossa higgiyafe kare keyonna, Kiristoosa higgiyas kiitetashe, higgey baynayisata maaddanaw higgey bayna asada hanas. 
\v 22 Taani daaburanchota maaddanaw daaburancho gidas. Taani issota issota maaddanaw ubbaara ubbaba hanas. 
\v 23 Taani wongela anjuwa shaaketanaw, wongela gisho, ha ubbaa hanas.
\p
\v 24 Wothan gaaddetiya ubbay woxees, shin issuwa xalaali woyto ekeysa ereketii? Hessada hinteka woyto ekanaw woxite. 
\v 25 Gaaddetiya asa ubbay ubbaban bantana haarees. Enti hessa daaburey dhayiya woyto ekanaasa. Shin nuuni daaburey merina woyto ekanaasa. 
\v 26 Hessa gisho, taani qofi bayna asada woxike. Carko yimpiya asada coo kushe yeddike. 
\v 27 Shin taani haratas wongela odidaape guye, taani ta huuphen yegetida asi gidonna mela ta asatethaa wolqan haarada taw kiitetana mela oothayis.
\c 10
\s1 Eeqa Goyinnofite
\p
\v 1 Ta ishato, taani hinte haysa akeekana mela koyayis. Nu mayzati ubbay shaarape garsara hemetidosona; ubbay abba pinnidosona.\x - \xo 10:1 \xo*\xt Kessa 13:21-22; 14:22-29.\xt*\x* 
\v 2 Enti Musera issifanaw shaaraninne abban xammaqetidosona. 
\v 3 Enti ubbay issi ayyaana kathi midosona.\x - \xo 10:3 \xo*\xt Kessa 16:35.\xt*\x* 
\v 4 Qassi ubbay issi ayyaana ushsha uyidosona. Enti bantana kaalliya ayyaana zaallafe pultida ushsha uyidosona; he zaallayka Kiristoosa.\x - \xo 10:4 \xo*\xt Kessa 17:6; Taybo 20:11.\xt*\x* 
\v 5 Shin Xoossay entafe darotan ufaytiboonna gisho, enta ahay mela biittan wodhidi attis.\x - \xo 10:5 \xo*\xt Taybo 14:29-30.\xt*\x*
\p
\v 6 Enti iitaba amotidaysada, nuka iitaba amottonna mela he ubbay nuus leemiso gidis.\x - \xo 10:6 \xo*\xt Taybo 11:4.\xt*\x* 
\v 7 Geeshsha Maxaafan, “Asay maanawunne uyanaw uttidosona; qassi yexanaw dendidosona” geetetidaysada entafe issoti issoti eeqa goyinnidaysa mela hinte eeqa goyinnofite.\x - \xo 10:7 \xo*\xt Kessa 32:6.\xt*\x* 
\v 8 Entafe issoti issoti laymatidaysada nu laymatanaw bessenna. Hessa gaason entafe issi gallas laatamanne heedzu mukulay hayqis.\x - \xo 10:8 \xo*\xt Taybo 25:1-18.\xt*\x* 
\v 9 Entafe issoti issoti Godaa paacidi shooshan duketidi hayqidaysada nu Godaa paacanaw bessenna.\x - \xo 10:9 \xo*\xt Taybo 21:5-6.\xt*\x* 
\v 10 Entafe issoti issoti zuuzumidi hayqo ehiya kiitanchuwan dhayidaysada hinteka zuuzumofite.\x - \xo 10:10 \xo*\xt Taybo 16:41-49.\xt*\x*
\p
\v 11 Ha enta bolla gakida ubbay nu naagetana mela nuus leemiso gidis. Qassi wode wursethaa bolla de7iya nuus timirte gidana mela ha ubbay xaafetis.
\p
\v 12 Hessa gisho, ta eqas giya oonika kundonna mela bana naago. 
\v 13 Ase ubbaa gakiya paacepe attishin, dumma paacey hintena gakibeenna. Hinte wolqay danda7eysafe aadhiya paacen hinte paacetonna mela aathidi immonna Xoossay ammanetidaysa. Hintena paacey gakiya wode he paaciya I hintena danda7isana. Qassi he paaciyape hinte keyana ogiya I giigisana.
\p
\v 14 Hiza, ta al7o ishato, eeqa goyinnofe haakite. 
\v 15 Hinte wozanaama asi gidida gisho ta haysa odayis. Taani geysi tuma gideysa hinte hinte huuphen pirdite. 
\v 16 Nuuni Xoossaa galatidi shaaketiya anjo xuu7ay Kiristoosa suuthara issifetethi de7eysa gidenneyee? Qassi nuuni bathiya uythay Kiristoosa ashuwara issifetethi de7eysa gidenneyee?\x - \xo 10:16 \xo*\xt Maato 26:26-28; Mar 14:22-24; Luqa 22:19-20.\xt*\x* 
\v 17 Nuuni daro gidikoka uythay issino, nu he issi uytha shaaketiya gisho issi asatethi.
\p
\v 18 Ane Isra7eele asay oothidaysa akeekite. Yarshetida yarshuwa meysati yarsho bessaara issifetethi baaweyee?\x - \xo 10:18 \xo*\xt Leewe 7:6.\xt*\x* 
\v 19 Taani ay gaanaw koyada gayna? Eeqas yarshetida kathay woyko eeqay pathiyaba guusseyee? 
\v 20 Gidenna, enti yarshey Xoossas gidonashin, tuna ayyaanatasa. Hessa gisho, hintew tuna ayyaanatara issifetethi daana mela koyke.\x - \xo 10:20 \xo*\xt Zaare 32:17.\xt*\x* 
\v 21 Hinte Godaa xuu7ape uyishe, qassi tuna ayyaanata xuu7ape uyanaw danda7eketa. Godaa gaytape mishe qassi tuna ayyaanata gaytape maanaw danda7eketa. 
\v 22 Nuuni hessa oothidi Godaa yiloyno? Nuuni iyape aadhiya minoyee?\x - \xo 10:22 \xo*\xt Zaare 32:21.\xt*\x*
\p
\v 23 Hinte, “Ubbabaa oothonna mela diggiyabay baawa” geeta, shin ubbay maaddenna. Hinte, “Ubbabaa oothonna mela diggiyabay baawa” geeta, shin ubbay dichenna.\x - \xo 10:23 \xo*\xt 2 Qoro 6:12.\xt*\x* 
\v 24 Issi issi asi, hara asi maaddiyaba qopanaw besseesipe attishin, bana maaddiyaba xalaala qopofo.
\p
\v 25 Hinte kaha sidhen gelsiya oysha denthonna giyan bayzetiya ashuwa coo miite. 
\v 26 Ayis giiko, sa7inne sa7an de7iya ubbay Godaaba.\x - \xo 10:26 \xo*\xt Maz 24:1.\xt*\x*
\p
\v 27 Issi ammanonna asi hintena imatanaw koydi xeegiko baanaw koyko biite. Hinte kahan medhetiya oyshan sidhonna hinte sinthe aathiyaba ubba miite. 
\v 28 Shin issi asi, “Haysi eeqas yarshetidaba” giiko, he hintew odida addiya gishonne kaha gisho he katha moopite. 
\v 29 Taani, kaha gisho gey, he hintew odida ura kaha guussufe attishin, hinte kaha gidenna.
\p Hara asa kaha gisho gada taani ta la77atetha bolla ayis pirdo? 
\v 30 Taani miya katha Xoossa galatada miiko balidada ayis boretiyana?
\p
\v 31 Hiza, hinte ay miiko ay uyiko, woyko ay oothikoka ubbaba Xoossa bonchoos oothite. 
\v 32 Ayhudeta gidin Giriketa gidin woyko Xoossa woosa keethi gidin oodeska dhube gidopite. 
\v 33 Taani ubba wode darota ashshanaw enti maadetiya oge koyaysipe attishin tana maaddiya oge koyke.
\b
\c 11
\p
\v 1 Taani Kiristoosa leemisuwa kaalleysada, hinteka tana kaallite.\x - \xo 11:1 \xo*\xt 2 Qoro 4:16; Filphi 3:17.\xt*\x*
\s1 Goyinno Maara
\p
\v 2 Hinte ubbaban tana qopiya gishonne taani tamaarsida timirtiya minthidi naagida gisho taani hintena galatayis. 
\v 3 Shin Kiristoosi adde ubbaas huuphe, addey maccasas huuphe, qassi Xoossi Kiristoosas huuphe gideysa hinte erana mela koyayis. 
\v 4 Ba huuphiya guuluntidi Xoosse woossiya woyko tinbite odiya addey ubbay huuphe gidida Kiristoosa toochees. 
\v 5 Ba huuphiya qaconna Xoosse woossiya woyko tinbite odiya maccasiya huuphe gidida ba azina toochawusu. Ba huuphiya qaconna maccasiya ba huuphiya meedetida maccasa mela.
\p
\v 6 Maccasi ba huuphe kammonna ixiko, ba huuphiya qanxeto. Shin iw huuphe qanxoy woyko meedoy borso gidiko, ba huuphiya qaco. 
\v 7 Addey Xoossa leemisonne Xoossa boncho gidiya gisho, ba huuphiya kammanaw bessenna, shin maccasi addes boncho.\x - \xo 11:7 \xo*\xt Medhe 1:26-27.\xt*\x* 
\v 8 Maccasi addefe medhetasupe attishin, addey maccasape medhetibeenna.\x - \xo 11:8 \xo*\xt Medhe 2:18-23.\xt*\x* 
\v 9 Maccasi addes medhetisipe attishin, addey maccasas medhetibeenna. 
\v 10 Haysa gishonne kiitanchota gisho maccasi baw maati de7eysa bessiya malla ba huuphen qacanaw bessees.
\p
\v 11 Shin Godaa qofan maccasi addey bayna deenna; addeyka maccasi bayna deenna. 
\v 12 Maccasi addefe medhetidaysada addeyka maccasape yeletis. Shin ubbayka Xoossafe medhetis.
\p
\v 13 Ane hinte pirdite; maccasi ba huuphe kammonna Xoossa woossanaw bessii? 
\v 14 Addey ba huuphiya dichiko iyaw borso gideysa hari attoshin medhetethi hintena tamaarsennee? 
\v 15 Shin maccasi ba huuphe dichiko iw boncho gidennee? Maccasas huuphey imetiday iya bana kammana melasa. 
\v 16 Shin haysa bolla palamanaw koya asi de7iko, nuus gidin woyko Xoossa woosa keethatas gidin haysafe hara wogi baawa.
\s1 Godaa Kaho Eko Maara
\r (Maato 26:26-29; Mar 14:22-25; Luqa 22:14-20)
\p
\v 17 Hinte issife shiiqey go77as gidonashin qohos gidiya gisho, ha77i taani immiya kiitan hintena nashike. 
\v 18 Taani koyro si7iday, woosa keethan shiiqiya wode hinte giddon shaaketethi de7eysa. Ha ta si7idaysi tuma gideysa ammanayis. 
\v 19 Hinte giddofe tumi de7eysati oonanteko eretana mela hinte giddon shaahoy daanaysi attenna. 
\v 20 Hinte issife shiiqiya wode hinte shiiqey Godaa kahuwa maanasa gidenna. 
\v 21 Hinte kathi miya wode issoy issuwa naagonna baysa baysa miya gisho, issoy koshatees hankoy qassi mathotees. 
\v 22 Tuma hinte maanawunne uyanaw hintew keethi baawee? Woyko Xoossa woosa keethi kadheetii? Aykoy bayna manqota yeellayetii? Ta hintena woygo? Haysas ta hintena nashoyee? Nashshike.
\p
\v 23 Taani hintew immida timirtiya Godaape ekas. Goday Yesuusi aadhidi imetiya qamma uythu ekidi, 
\v 24 Xoossaa galatis. Uythaa bathidi “He7ite; miite. Haysi hintew imetiya ta ashuwa. Haysa mishe tana hassayite” yaagis. 
\v 25 Hessadaka, kahuwa midi simmin, xuu7aa ekidi, “Haysi xuu7ay ta suuthan eqiya ooratha caaquwa. Hinte iyape uyaa wode ubban tana hassayite” yaagis.\x - \xo 11:25 \xo*\xt Kessa 24:6-8; Ermi 31:31-34.\xt*\x* 
\v 26 Hinte ha uytha miya wodenne ha xuu7a uyaa wode ubban Goday yaana gakanaw iya hayquwa odeeta.
\p
\v 27 Hessa gisho, bessonna ogen Godaa uytha miya woyko Godaa xuu7a uya oonika iya ashuwanne suutha toochida gisho ba nagaran oyshetees. 
\v 28 Shin asi bana paaco. Yaatidi uytha mo; xuu7ape uyo. 
\v 29 Godaa ashuwaba shaakidi eronna, uytha meynne xuu7ape uyey, ba bolla pirda meesinne uyees. 
\v 30 Hessa gisho, hinte giddofe daroti daaburidosona; hargidosona; qassi undenna asati hayqidosona. 
\v 31 Shin nuuni nuna paacidi be7idaba gidiyako, nu bolla pirdetanashin. 
\v 32 Alamey pirdetiya wode nuuni alamiyara pirdetonna mela ha77i Goday nuna seerees.
\p
\v 33 Hessa gisho, ta ishato, Godaa kahuwa ekanaw hinte shiiqiya wode issoy issuwa naagidi ekite. 
\v 34 Hinte shiiqoy pirdas gidonna mela koshatida oonika de7iko, ba son mo.
\p Attidaba taani yaa bada hintew odana.
\c 12
\s1 Geeshsha Ayyaana Imotata
\p
\v 1 Ta ishato, Geeshsha Ayyaana imotataba hinte erana mela ta koyas. 
\v 2 Hinte Xoossaa ammanonna wode dooni bayna eeqatan gooshetidi, hinte eronna soo bidaysa ereeta. 
\v 3 Xoossaa Ayyaanay kaalethiya asi oonika, “Yesuusi baadeto” yaagenna. Qassi Geeshsha Ayyaanay kaalethonna de7ishin, oonika, “Yesuusi Godaa” gaanaw danda7onaysa hinte erana mela koyayis.
\p
\v 4 Dumma dumma Ayyaana imotati de7oosona, shin imotata immiya Ayyaanay issuwa.\x - \xo 12:4 \xo*\xt Roome 12:6-8.\xt*\x* 
\v 5 Nu Godaas oothiya dumma dumma oosoti de7oosona, shin Goday issuwa. 
\v 6 Nu Godaas oothiya dumma dumma ogeti de7oosona, shin he ogetan oothiya asa ubban oothiya Xoossay issuwa. 
\v 7 Shin issuwas issuwas imetida imotatan harata maaddana mela Geeshsha Ayyaanay qoncees.
\p
\v 8 Geeshsha Ayyaanay issuwas cincatethi kumida qaala immees; qassi issuwas eratethi kumida qaala immees. 
\v 9 He Geeshsha Ayyaanay issuwas ammano, hankuwas qassi pathiya wolqaa immees. 
\v 10 Geeshsha Ayyaanay issuwas malaata oothiya wolqaa, issuwas tinbite odiya wolqaa immees. Issuwas ayyaanape ayyaana shaaki eriya wolqaa, issuwas dumma dumma doonan odiya wolqaa, qassi issuwas dumma dumma doonan odetidaysa birshiya wolqaa immees. 
\v 11 Shin ha ubbaa oothey he issi Geeshsha Ayyaana. I koyiya mela issi issi asaas dumma dumma imota immees.
\s1 Asatethinne Billiteta
\p
\v 12 Issi asatethan daro billiteti de7oosona, shin he dumma dumma billiteti issi asatethi gidoosona. Hessadaka, Kiristoosi dumma dumma billiteti de7iya asatethaa mela.\x - \xo 12:12 \xo*\xt Roome 12:4-5.\xt*\x* 
\v 13 Nuuni Ayhude gidin Girike gidin aylle gidin womaanno gidin, ubbay issi asatethi gidanaw Geeshsha Ayyaanan xammaqetida. Qassi nu ubbay issi Geeshsha Ayyaana ekida.
\p
\v 14 Nu asatethan dumma dumma billiteti de7oosonape attishin, issi billite gidenna. 
\v 15 Tohoy, “Taani kushe gidonna gisho billite gidike” giiko, I hessa gida gisho billitetethay attiyee? 
\v 16 Haythi, “Taani ayfe gidonna gisho billite gidike” giiko, I hessa gida gisho asatethafe issi billite gideysi attiyee? 
\v 17 Asatetha ubbay ayfe xalaala gididaako, nu aybin si7anee? Qassi asatethi ubbay haytha xalaala gididaako nu aybin singanee?
\p
\v 18 Shin Xoossay ba koydaysada, asatethaa giddon dumma dumma billiteta wothis. 
\v 19 Ubbay issi billite gididaako asatethi waanidi daanee? 
\v 20 Shin billiteti daro gidikoka, asatethay issuwa.
\p
\v 21 Ayfey kusheko, “Ne taw koshshaka” gaanaw danda7enna. Woyko huuphey tohoko, “Ne taw koshshaka” gaanaw danda7enna. 
\v 22 Shin daabura daaniya asatethaa billiteti nuus aadhidi koshshosona. 
\v 23 Boncho koshshenna gidi nu qopiya nu billitetape baggata daro bonchoos. Qassi nu borsetiya nu asatethaa billiteta aathidi bonchidi naagoos. 
\v 24 Nu be7in borsonna asatethaa billitetas boncho koshshenna. Shin Xoossay nu asatethaa billiteta wolira gasethidi borsiya billitetas aadhiya boncho immis. 
\v 25 Asatetha billiteti issoy issuwara shaako medhonna wolis qopana mela oothidi medhis. 
\v 26 Asatetha billitetape issoy saketiko billiteti ubbay iyara saketoosona. Asatetha billitetape issoy bonchetiko billiteti ubbay iyara ufaytoosona.
\p
\v 27 Hinte ubbay Kiristoosa asatethi; qassi hinte issoy issoy iya billiteta. 
\v 28 Woosa keethan Xoossay, koyro hawaareta, nam7antho nabeta, heedzantho astamaareta, kaallidi malaata ootheyisata, patheyisata, harata maaddeyisata, woosa keetha ayseysatanne, dumma dumma doonan odeteyisata wothis.\x - \xo 12:28 \xo*\xt Efe 4:11.\xt*\x*
\m
\v 29 Ubbay hawaaree? Ubbay nabee? Ubbay astamaaree? Ubbay malaata oothii? 
\v 30 Ubbay pathiyee? Ubbay dumma dumma doonan odeetii? Ubbay dumma dumma doonan odetoysa birshii? 
\v 31 Shin ubbaafe aadhiya imota minthidi koyite.
\p Qassi ubbaafe aadhiya ogiya ta hintena bessaana.
\c 13
\s1 Tuma Siiqo
\p
\v 1 Taani asa qaalanne kiitancho qaala odetanaw danda7ikoka, taw siiqoy dhayiko, coo giiriya daala mela. 
\v 2 Tinbite odiya imoti taw de7ikoka, xuura ubbaa erikoka, eratethi ubbay de7ikoka, qassi deriya denthidi haraso efiya ammanoy taw de7ikoka, siiqoy dhayiko, ta aykoka gidike.\x - \xo 13:2 \xo*\xt Maato 17:20; 21:21; Mar 11:23.\xt*\x* 
\v 3 Taw de7iyaba ubbaa manqotas immikoka, hari attoshin, tana tamas aatha immikoka, siiqoy dhayiko tana aykoka maaddenna.
\p
\v 4 Siiqoy danda7ancho. Siiqoy keeha. Siiqoy qanaatenna. Siiqoy ceeqetenna. Siiqoy otorenna. 
\v 5 Siiqoy bessonnaba oothenna. Siiqoy uuzetenna. Siiqoy yilotenna. Siiqoy ba qoho paydenna. 
\v 6 Siiqoy tuman ufaytesipe attishin, wordon ufaytenna. 
\v 7 Siiqoy ubbaa danda7ees; ubbaa ammanees; lo77obay hanana gidi, ufaysan naagees; ubbaa gencees.
\p
\v 8 Siiqoy wursethi gakanaw dhayenna. Shin tinbitey attana; dumma dumma doonan odeteysi attana; eratethika aadhana. 
\v 9 Nu eratethaafe guuthi eroos; tinbitepe baggaa odoos. 
\v 10 Shin polo gididaysi yaa wode polo gidonnaysi attana.
\p
\v 11 Taani na7a de7iya wode na7ada haasayis; na7ada qopayis; na7ada akeekayis. Ta kahaamida wode na7atetha hanuwa aggas. 
\v 12 Ha77i poo7oy bayna son mastooten be7eysada be7oos, shin he wode nu qoncen be7ana. Ha77i nu eratethaafe guutha eroos, shin he wode Xoossay nuna ereysada polo erana.
\p
\v 13 Hiza, ammanoy, ufaysinne siiqoy, ha heedzati eqidi daana. Shin haysatape aadhey siiqo.
\c 14
\s1 Tinbitenne Dumma Dumma Doona
\p
\v 1 Siiqo kaallite. Ayyaana imotata minthidi koyite; ubbaafe aathidi, tinbite imota minthidi koyite. 
\v 2 Dumma dumma doonan odetiya asi Xoossaas odeesipe attishin, asas odenna. Shin asas qonciboonna xuuraa Ayyaana wolqan odetiya gisho, oonika I odeteysa akeekenna. 
\v 3 Shin tinbite odeysati ase dichanaw, minthethanawunne minthanaw asas odees. 
\v 4 Dumma dumma doonan odiya asi bana dichees. Shin tinbite odiya asi woosa keethaa dichees.
\p
\v 5 Hinte ubbay dumma dumma doonan odetiyako ta dosayis, shin tinbite odanaysa aathada dosayis. Dumma dumma doonan odeteysa woosa keethi dichanaw birshiya asi dhayiko, dumma dumma doona odeteysafe tinbite odeysi aadhees.
\p
\v 6 Shin ta ishato, taani hinteko bada, qoncethan woyko eratethan woyko tinbite odon woyko timirten gidonashin, dumma dumma doonan odetiko hintena ay maaddanee? 
\v 7 Dumma dumma yetha miishetas issi qommo girsi de7iko, suusul7e girsinne diitha girsi waatidi shaaki eranee? 
\v 8 Qassi moyze punoy geeyidi eretonna ixiko olas giigetey oonee? 
\v 9 Hessadaka, dumma dumma doonan hinte odeteysi qonce gidonna ixiko hinte odeysa ooni eranee? Hessi carkos odiya mela.
\p
\v 10 Ha alamiyan daro doonati de7oosona; he ubbaas birshethi de7ees. 
\v 11 Shin issi asi odetiya doona taani eronna ixiko I taw imathe gidees; taka iyaw imathe gidayis. 
\v 12 Hessadaka, Geeshsha Ayyaana imota hinte ekanaw minthidi koyko, woosa keethi dichanaw ubbaafe aadhiya imota koyite.
\p
\v 13 Dumma dumma doonan odetiya asi ba odaa birshanaw birshetha imotay imetana mela Xoossaa woosso. 
\v 14 Taani dumma dumma doonan Xoossaa woossiko, ta ayyaanay woossees, shin ta wozanay aykoka go7etenna. 
\v 15 Yaatin, ta ay oothanaw koshshii? Taani ta ayyaanan woossayis; ta wozananka woossayis. Taani ta ayyaanan yexayis; ta wozananka yexayis. 
\v 16 Hessa gidonna ixiko neeni ne ayyaanan Xoossaa galatiya wode he bessan neeni geysa eronna asi ne galateysa woygidi, “Amin7i” gaanee? 
\v 17 Neeni Xoossaa galateysi lo77o, shin hara asi maaddenna.
\p
\v 18 Ta hinte ubbaafe aathada dumma dumma doonan odetiya gisho Xoossaa galatayis. 
\v 19 Shin taani woosa keethan harata tamaarsanaw dumma dumma doonan tammu mukulu qaala odetanaape ichashu qaala eretiya doonan odetanaw dosayis.
\p
\v 20 Ta ishato, hinte qofan naytada hanopite. Hinte iitabas naytada hanitepe attishin, hinte qofan kahaamata gidite. 
\v 21 Goday, Geeshsha Maxaafan,
\q1 “Taani ha asaas,
\q2 dumma dumma doonan odetiya asaaninne
\q2 imatha inxarsan odetiya asan odana.
\q1 Shin hessi haninika tana si7okona” yaagees.\x - \xo 14:21 \xo*\xt Isa 28:11-12.\xt*\x*
\p
\v 22 Hiza, dumma dumma doonan haasayoy, ammanonna asaas malla gideesipe attishin, ammaniya asaasa gidenna. Tinbitey ammaniya asaas malla gideesipe attishin, ammanonna asaasa gidenna.
\p
\v 23 Woosa keethaa asay issife shiiqiya wode, ubbay dumma dumma doonan odetiko eronna woyko ammanonna asay hinte shiiquwa yidi, “Haysati gooyosona” gookonayee? 
\v 24 Shin eronna woyko ammanonna asay woosa keethi yaa wode asay tinbite odishin, si7iko ba nagaraa akeekana; qassi I si7ida qaalan pirdetana. 
\v 25 Enti iya wozanan geemmida qofaa qoncisana. Hessadaka, “Tuma Xoossay hinte giddon de7ees” yaagidi markatidi, gufannidi Xoossaas goyinnana.
\s1 Goyinno Maara
\p
\v 26 Ta ishato, nu woygino? Hinte issife shiiqiya wode issuwas mazmurey de7ees; issuwas tamaarso imoti de7ees; issuwas qoncethi de7ees; issuwas dumma dumma doonan haasayoy de7ees; issuwas birshetha imoti de7ees. He ubbay woosa keethi dichiyaba gidanaw bessees. 
\v 27 Dumma dumma doonan odetiya asati de7iko, nam7a woyko dariko heedza gididi maaran maaran odetanaw bessees. Enti odeteysa hara asi birsho. 
\v 28 Shin birshiya asi dhayiko, dumma dumma doonan odeteysi woosa keethan si77i go. Bawunne ba Xoossaas odo.
\p
\v 29 Tinbite odeysati nam7a woyko heedza gididi odo. Qassi harati enti giyaba pirdona. 
\v 30 He shiiquwan de7iya hara asas issibay qonciko kase odeteysi si77i go. 
\v 31 Ubbay tamaarana melanne ubbay minnana mela maaran maaran tinbite odanaw danda7eeta. 
\v 32 Nabeta ayyaanay nabetas kiitetees. 
\v 33 Geeshshata woosa keetha ubbay meezetidaysada Xoossay sarotetha Xoossaafe attishin, buqethi medhiya Xoossi gidenna.
\p
\v 34 Maccasi woosa keethan si77i go. Muse higgey geysada enti haaretofe attishin, woosa keethan odanaw entaw maati baawa. 
\v 35 Maccasi woosa keethan haasayoy borso gidiya gisho issiba eranaw koyko son banta azinata oychonna.
\p
\v 36 Xoossaa qaala koyro hinte ehidetii? Woyko Xoossaa qaalay hinte xalaalako yidee? 
\v 37 Oonika bana nabe woyko bana Xoossaa asi gidi qopiko, taani hintew xaafeysi Godaa kiitta gideysa akeeko. 
\v 38 Shin oonika akeekona ixiko ika akeeketofo.
\p
\v 39 Hessa gisho, ta ishato, tinbite odanaw minthidi amotite; qassi dumma dumma doonan odeteysaka diggofite. 
\v 40 Shin ubbayka woganinne maaran gido.
\c 15
\s1 Kiristoosi Hayqope Denduwa
\p
\v 1 Ta ishato, ta hintew markatida wongela hinte ekidaysanne hinte ammanoy iyan eqidaysa hinte akeekana mela taani koyayis. 
\v 2 Ta tamaarsida wongela minthidi oykiko hinte iyan attana. Hessi hanonna ixiko hinte ammanoy hada gidana.
\p
\v 3 Taani ekida ubbaafe aadhiya kiitaa kasetada hintew immas. Hessika, Geeshsha Maxaafay geysada, Kiristoosi nu nagaraa gisho hayqis.\x - \xo 15:3 \xo*\xt Isa 53:5-12.\xt*\x* 
\v 4 Moogetis; Geeshsha Maxaafay geysada, heedzantho gallasan hayqope dendis.\x - \xo 15:4 \xo*\xt Maz 16:8-10; Maato 12:40; Hawa 2:24-32.\xt*\x* 
\v 5 Phexroosas qoncis. Hessafe guye, tammanne nam7u hawaaretas qoncis.\x - \xo 15:5 \xo*\xt Maato 28:16-17; Mar 16:14; Luqa 24:34, 36; Yoha 20:19.\xt*\x* 
\v 6 Hessafe guye, ichashu xeetape dariya asaas issitoho qoncis. Entafe dariya baggay ha77i gakanaw paxa de7oosona, shin guuthati hayqidosona. 
\v 7 Hessafe guye, Yayqoobas qoncis; guyepe ba hawaareta ubbaas qoncis.
\p
\v 8 Qassi wursethan awucaya mela gidida taw qoncis.\x - \xo 15:8 \xo*\xt Hawa 9:3-6.\xt*\x* 
\v 9 Taani Yesuusa hawaareta ubbaafe laafa. Taani Xoossaa woosa keethaa gooddida gisho Yesuusa hawaare geetetada xeegetanaw bessonnaysa.\x - \xo 15:9 \xo*\xt Hawa 8:3.\xt*\x* 
\v 10 Shin Xoossaa aadho keehatethan ta ha77i gididaysa gidas; I taw immida aadho keehatethay mela attibeenna. Taani hanko hawaaretape aathada daaburas. Shin taara de7iya Xoossaa aadho keehatethay oothisipe attishin, tana gidike. 
\v 11 Hiza, tana gidin enti, nu ubbay tamaarsey hessa; hinteka he kiitaa ammanideta.
\s1 Hayqida Asi Hayqope Dendo
\p
\v 12 Kiristoosi hayqope dendidaysa nu sabbakiya wode hintefe issoti issoti yaatin, woygidi, “Hayqope dendoy baawa” yaagona? 
\v 13 Hayqope dendoy baynaba gidiko Kiristoosi hayqope dendibeenna guussu. 
\v 14 Kiristoosi hayqope dendiboonaba gidiko nu timirtey qassi hinte ammanoyka hada. 
\v 15 Hayqope dendoy baynashin, nuuni Xoossay, “Kiristoosa hayqope denthis” yaagidi sabbakishe Xoossaa wordancho markata gidida guussu. 
\v 16 Hayqida asay hayqope dendiboonaba gidiko hiza, Kiristoosi hayqope dendibeenna. 
\v 17 Kiristoosi hayqope dendonaba gidiko, hinte ammanoy hada; qassi hinte ha77i gakanaw hinte nagaran de7eeta. 
\v 18 Hiza, Kiristoosa ammanidi hayqidaysatika dhayidosona guussu. 
\v 19 Nuuni ha alamiya de7uwa xalaalas Kiristoosan ufaysi oothidaba gidiko, ha sa7an de7iya asa ubbaafe nubay aadhida yibbata.
\p
\v 20 Shin Kiristoosi hayqidaysatas hayqope dendon bayra gididi tuma dendis. 
\v 21 Hayqoy issi asa baggara ha alamiya yidaysada hayqope dendoy issi asa baggara yis. 
\v 22 Addaame baggara asa ubbay hayqidaysada Kiristoosa baggara asa ubbay de7on daana. 
\v 23 Shin issoy issoy ba maaran maaran dendana. Kiristoosi ubbaafe kasetidi dendis; hessafe guye, Kiristoosaysati I yaa wode dendana.
\p
\v 24 Hessafe guye, Kiristoosi halaqatethi, maatanne wolqa ubbaa dhaysidi, kawotethaa Xoossa Aawas immiya wode wodiya wursethay yaana. 
\v 25 Xoossay iya morketa ubbaa iya tohuwape garsan wothana gakanaw Kiristoosi haaranaw bessees.\x - \xo 15:25 \xo*\xt Maz 110:1.\xt*\x* 
\v 26 Wursethan I dhaysanaw de7iya morkey hayqo. 
\v 27 Geeshsha Maxaafan, “Xoossay ubbaba iya maatape garsan haarisis” geetetidi xaafetis. Shin ubbaa iya maatape garsan haarisis geysi, ubbaba iya maatape garsan haarisida Xoossaa gujenna.\x - \xo 15:27 \xo*\xt Maz 8:6.\xt*\x* 
\v 28 Ubbabay Kiristoosa maatape garsan haaretidaape guye Kiristoosi qassi ba huuphen ubbaba baw haarisida Xoossaas haaretana. He wode Xoossay ba xalaala ubbaa haarana.
\p
\v 29 Hayqidaysati dendonaba gidiko enta gisho xammaqetiya asaas ayba wodhey de7ii? Hayqidaysati dendonaba gidiko yaatin, ayis, asay hayqidaysata gisho xammaqetoona?
\p
\v 30 Yaatin, nuuni ayis ubba wode nunatethaa metos aathidi immoona? 
\v 31 Ta ishato, ta gallas gallas hayqos aadhada imetayis. Hessika, Godaa Kiristoos Yesuusan de7iya de7uwa issifetethan hintenan ceeqiya gishosa. 
\v 32 Asa qofatho gidiko, taani Efesoonan do7ara butetidaysi tana ay maaddii? Hayqidaysati hayqope dendonaba gidiko, “Wonto nu hayqiya gisho hachi maana uyana” giya asaa mela gidoos.\x - \xo 15:32 \xo*\xt Isa 22:13.\xt*\x*
\p
\v 33 Cimetofite! Iita laggetethi lo77o amale iissees. 
\v 34 Hinte akeekako simmite. Nagara oothopite. Hintefe issi issi asay Xoossaa erokona. Taani hintena yeellayanaw hessa gayis.
\s1 Dendo Asatethi
\p
\v 35 Issi asi, “Hayqida asay waanidi dendanee? Enti ay mela asatethara yaanee?” yaagonna aggenna. 
\v 36 Neno eeyaw, neeni biittan zeriya zerethay hayqonna dolenna. 
\v 37 Neeni zerey giste gidin woyko hara katha qommo ayfe xalaala zerasaape attishin, dolida dolaa gidenna. 
\v 38 Shin Xoossay zerethaas ba dosida mela medhetethi immees. Dumma dumma zerethaas dumma dumma asatethi immees. 
\v 39 Medhetetha ubbaa ashoy isso gidenna. Shin asa ashoy issuwa; mehe ashoy dumma; kafota ashoy dumma; qassi molo ashoy dumma.
\p
\v 40 Salo asatethi de7ees; qassi sa7a asatethi de7ees. Shin salo asatethaa bonchoy dumma; qassi sa7a asatethaa bonchoy dumma. 
\v 41 Awa bonchoy dumma; ageena bonchoy dumma; xoolintota bonchoy dumma; issi xoolintoy hanko xoolintuwafe bonchon dummatees.
\p
\v 42 Hayqidaysati hayqope dendiya wode hessada hanana. Hayqiya asatethay zeretees; hayqonna asatethi gididi dendees. 
\v 43 Tooshen zeretidi, bonchon dendana; daaburan zeretidi, wolqan dendana. 
\v 44 Medhetetha asatethay zeretidi, ayyaana asatethi gididi dendana. Medheta asatethi de7iko, ayyaana asatethi\f + \fr 15:44 \fr*\fqa Ayyaana asatethi: \fqa*\ft Geeshsha Ayyaanay haarida woyko Geeshsha Ayyaanay de7o immida asatethi guussu.\ft*\f* de7ees.
\p
\v 45 Hessadaka, Geeshsha Maxaafan, “Koyro addey, Addaamey, paxa de7iya ase gididi medhetis”\x - \xo 15:45 \xo*\xt Medhe 2:7.\xt*\x* yaagees. Shin wursetha Addaamey, Kiristoosi, de7o immiya ayyaana gidis. 
\v 46 Shin medheta asi koyro yin, guyepe ayyaana asi yisipe attishin, ayyaana asi koyro yibeenna. 
\v 47 Koyro Addaamey biittafe medhetida biitta asi; nam7antho Addaamey salope yida salo asi. 
\v 48 Biittafe medhetidaysati biittafe medhetidaysa daanosona. Saloysati salope yidaysa daanosona. 
\v 49 Nuuni biittafe medhetida addiya daaneysa mela salope yida addiya daanana.
\p
\v 50 Ta ishato, ta geysi hessa; ha77i nu ma7ida asatethay Xoossaa kawotethaa laattanaw danda7enna. Wooqiya asatethay wooqonna asatethaa laattenna.
\p
\v 51 Ta hintew issi xuura odana. Nu ubbay hayqoko, shin wursethan ubbay laametana. 
\v 52 Moyzey punetiya wode, ayfey qiphi xeellanaw hassayonna laametana. Hayqida asay wooqonna asi gididi dendana; nuka laametana.\x - \xo 15:52 \xo*\xt 1 Tese 4:15-17.\xt*\x* 
\v 53 Haysi wooqeysi wooqonnaysa, haysi hayqeysi hayqonnaysa ma7anaw bessees.
\p
\v 54 Haysi wooqeysi wooqonnaysa, qassi haysi hayqeysi hayqonnaysa ma7iya wode, Geeshsha Maxaafan, “Hayqoy xoonon mitetis”\x - \xo 15:54 \xo*\xt Isa 25:8.\xt*\x* giya qaalay poletana. 
\v 55 Hessadaka,
\q1 “Hayqo, ne xoonoy awun de7ii?
\q2 Hayqo, ne qohiya wolqay awun de7ii?”\x - \xo 15:55 \xo*\xt Hose 13:14.\xt*\x*
\m gida qaalay poletana. 
\v 56 Hayqoy dukiya wolqay nagara; qassi nagara wolqay higge. 
\v 57 Shin nu Godaa Yesuus Kiristoosa baggara nuus xoono immiya Xoossaa galati gako.
\p
\v 58 Hessa gisho, ta siiqo ishato, qaaxonna minnidi eqite. Godaa oosuwan hinte daabureysi coo gidonnaysa eridi ubba wode Godaa oosuwa azallonna oothite.
\c 16
\s1 Ammaniya Asaas Shiiqida Imota
\p
\v 1 Ammaniya asaas miishe shiishobaa Galatiya woosa keethatas taani kiittidaysada hinteka oothite.\x - \xo 16:1 \xo*\xt Roome 15:25-26.\xt*\x* 
\v 2 Miishiya shiishoy ta hinteko biya wode gidonna mela issoy issoy saamintafe koyro gallas, wogga wode, wogga wode, ba demmeysafe kessidi ba son dagayo. 
\v 3 Taani yaa bida wode miishiya Yerusalaame gathana mela hinte dooriya asaas dabdaabe immada enta Yerusalaame kiittana. 
\v 4 Entara ta buussay koshshiyaba gidiko enti taara baanaw danda7oosona.
\s1 Phawuloosa Halcho
\p
\v 5 Taani Maqedoonera aadhanaw qopida gisho, yaa bada hinteko yaana.\x - \xo 16:5 \xo*\xt Hawa 19:21.\xt*\x* 
\v 6 Ta biya bessa aw gidikoka, ta buussan hinte tana maaddana mela hinte matan guutha wode gam7onna aggike. Balgo ageenata hinte matan aathona waaya aggana. 
\v 7 Taani ogera aadhashe hintena be7anaw koyke. Goday giiko, hinte matan guutha wode takanaw qopayis.
\p
\v 8 Shin taani Phanxeqosxe Ba7aaley gakanaw Efesoonan gam7ana. 
\v 9 Taw oosoy kumida dalga pengey dooyetis, shin daro eqetiya morketi de7oosona.\x - \xo 16:9 \xo*\xt Leewe 23:15-21; Zaare 16:9-11; Hawa 19:8-10.\xt*\x*
\p
\v 10 I ta mela Godaa ooso oothiya asi gidiya gisho, Ximotiyoosi hinteko biiko, hinte matan I hirgonna daana mela oothite.\x - \xo 16:10 \xo*\xt 2 Qoro 4:17.\xt*\x* 
\v 11 Oonika iya kadhopo. I taako saro simmana mela iya maaddidi moyzite. Taani I hanko ammaneysatara simmanaysa naagayis.
\p
\v 12 Nu ishaa Aphiloosi hanko ammaneysatara hinteko baana mela ta iya mintha woossas. Ha77i hinteko baanaw koybeenna, shin iyaw injetiya wode hinteko baana.
\s1 Zorenne Sarotho
\p
\v 13 Barkite; Ammanon eqite; xaalite; minnite. 
\v 14 Ooso ubbaa siiqon oothite.
\p
\v 15 Ta ishato, Isxifaanoseynne iya soo asay Akayan enti koyro ammanidaysata gideysanne ammaneyisata maaddanaw bantana aathidi immidaysa hinte ereeta.\x - \xo 16:15 \xo*\xt 2 Qoro 1:16.\xt*\x* 
\v 16 Hinteka enta mela asaasinne, entara ooson daaburiya ubbaas kiitetana mela ta hintena woossayis.
\p
\v 17 Isxifaanosey, Ferdonaxisinne Akayqoosi taako yidaysi tana ufaysis. Hinte bayna bessan enti hintena gididi ta pacaa kunthidosona. 
\v 18 Enti hintena ufaysidaysada tanaka ufaysidosona. Hessa mela asata dogopite.
\p
\v 19 Iise woosa keetha asay hintena saro goosona. Aqilinne Phirisqilla banta son shiiqiya woosa keetha asaara issife hintena Godaa sunthan wozanape sarothoosona.\x - \xo 16:19 \xo*\xt Hawa 18:2.\xt*\x* 
\v 20 Ammaniya ishati ubbay hintena saro yaagosona.
\p Geeshsha yeeretethi yeeretishe issoy issuwa sarothite. 
\v 21 Taani, Phawuloosi, ha sarothuwa ta kushen xaafas.
\p
\v 22 Godaa dosonna asi de7iko, baadetidaysa gido. Nu Godaw, haaya!
\p
\v 23 Godaa Yesuus Kiristoosa aadho keehatethay hintera gido.
\p
\v 24 Ta siiqoy Kiristoos Yesuusan de7iya hinte ubbaara gido. Amin7i.