\id REV - ጎፋ 
\h ዮሃኒሳ ቆንጬ 
\toc1 ዮሃኒሳ ቆንጬ 
\toc2 ዮሃኒሳ ቆንጬ 
\toc3 ዮ.ቆ 
\mt1 ዮሃኒሳ ቆንጬ 
\imt1 ጋ ቆፋ 
\ip ዮሃኒሳ ቆንጬይ ፃፌቲዳይ፥ ኣማኒያ ኣሳይ ዬሱስ ኪሪስቶሳ ባንታው ጎዳ ኦዲ፥ ጌሻቴን ዴዒዳ ጊሾ ኤንታ ሜቶይኔ ዋዬይ ጋኪዳ ዎዴና። ፃፌይ ዉዲዲ ፄሊዳ ኣይፌ ቆፋይ፥ ኣማኒያ ኣሳ ኡፋይሳይ ኩሜ ጊዳና ሜላ ኤንታ ሚንድ፥ ኤንታ ጋኪዳ ጎዳኔ ሜቱዋ ጊዶን ባንታ ኣማኑዋን ሚኒዲ ኤቃና ሜላ ዴንናሳ። 
\ip ማፃፋን ዳሪያ ኪፊሌይ ዳሮኔ ካሊ ካሊዲ ቆንጪዳ ቆንጬ ኦይኬስ። ሃ ቆንጬቲ ሄ ዎዴ ዴዒያ ኣሳስ ጌሌስ፥ ሺን ሃራታስ ፁራ ጊዲዲ ጋምዒስ። ኤንቲ ኦዴቲዳይካ ሌሚሶ ኦዳና። ሃ ማፃፋን ዴዒያ ታይቦቲ፥ ማካ ሚሼቲኔ ዶዓቲ ዴሬታኔ ኣያና ሜቴታ ሌሚሶ። ማዝሙሬ ኣዝማቼይ ሲሚ ሲሚዲ ዬፄቴይሳዳ፥ ሄ ማፃፋን ዴዒያ ሁዔ ቆፋቲ ዱማ ዱማ ቆንጬታ ባጋራ ዱማ ዱማ ኦጌን ሲሚ ሲሚ ሺቂዶሶና። ሃ ማፃፋ ቢርሼስ ዱማ ዱማ ቆፋይ ዴዒኮካ፥ ኢያው ሁዔ ቆፋይ ቆንጬ። ሄሲካ፥ «ፆሳይ ጎዳ ኪሪስቶሳ ባጋራ ዛሬና ኦጌን ባ ሞርኬታ፥ ፃላሄራ ጉጂዲ፥ ኢሲ ቶሆኔ ዉርሴ ጋካናው ፆናና። ሄ ፆኑዋፔ ጉዬ፥ ኢያው ኣማኔቲዲ ዴዒዳ ባ ባጋታ ኦራ ሳሎኔ ኦራ ሳዓ ኣንጆ ላቲሳና» ያጌይሳ። 
\iot ዮሃኒሳ ቆንጬ ኣይፌ ቆፋታ 
\io1 ጌሎ ቆፋ 1፡1-8 
\io1 ዬሱሲ ላፑን ዎሳ ኬታ ጊዶን 1፡9-20 
\io1 ላፑን ዎሳ ኬታስ ፃፌቲዳ ኪታ 2፡1-3፡22 
\io1 ኣራታ፥ ፃ ማፃፋኔ ዶርሳ 4፡1-5፡14 
\io1 ላፑን ማታሜታ 6፡1-8፡1 
\io1 ላፑን ሞይዜታ 8፡2-11፡19 
\io1 ዳዊያኔ ናምዑ ዶዓታ 12፡1-13፡18 
\io1 ዱማ ዱማ ቆንጬታ 14፡1-15፡8 
\io1 ላፑን ሃንቆ ፁዓታ 16፡1-21 
\io1 ባቢሎኔ ኩንዴ፥ ዶዓኔ ዎርዶ ናቢያ 17፡1-20፡10 
\io1 ዉርሴ ፒርዳ 20፡11-15 
\io1 ኦራ ሳሎ፥ ኦራ ሳዓኔ ኦራ ዬሩሳላሜ 21፡1-22፡5 
\io1 ኩሻ ቆፋ 22፡6-21 
\ie  
\c 1  
\p  
\v 1 ኤሶን ሃናናው ዴዒያባ ባ ኣይሌታ ቤሳና ሜላ ፆሳይ ኢያው ኢሚዳ ዬሱስ ኪሪስቶሳ ቆንጬይ ሃይሳ። ዬሱሲ ባ ኪታንቹዋ ኪቲዲ፥ ባ ኣይሊያ ዮሃኒሳስ ቆንጪሲስ።  
\v 2 ዮሃኒሲ ፆሳ ኪታ፥ ዬሱስ ኪሪስቶሲ ኦዳባኔ ኦዲዳባ ኡባ ማርካቲስ።  
\v 3 ሃ ኡባይ ሃናናው ዎዴይ ማቲዳ ጊሾ ሃ ቲንቢቴ ቃላ ናባቢያ ኦኒካ ኣንጄቲዳይሳ፤ ቃሲ ሃ ቃላ ሲዔይሳቲኔ ፃፌቲዳ ኪታ ናጊያ ኡባይ ኣንጄቲዳይሳታ። 
\s1 ላፑን ኢሲያ ዎሳ ኬታስ ኪቴቲዳ ሳሮ 
\p  
\v 4-5 ሃ ዳብዳቤይ፥ ዮሃኒሳፔ፥ ኢሲያ ቢታን ዴዒያ ላፑን ዎሳ ኬታስ ፃፌቲስ። ካሴካ፥ ሃዒካ ዴዒያ፥ ሲንፌካ ያናው ዴዒያ ፆሳፌ፥ ቃሲ ኢያ ኣራታ ሲንን ዴዒያ ላፑን ኣያናታፔ፥ ሄሳዳካ፥ ሃይቆፔ ዴንዶን ኮይሮ ጊዲዳይሳፌ፥ ሳዓ ካዎታ ሃሪያ ኣማኔቲያ ማርካ ጊዲዳ ዬሱስ ኪሪስቶሳፔ፥ ኣ ኬሃቴይኔ ሳሮቴይ ሂንቴው ጊዶ።\x - \xo 1:4-5 \xt ኬሳ 3፡14፤ ዮ.ቆ 4፡5\x* 
\p ዬሱሲ ኑና ሲቄስ፥ ቃሲ ባ ሱን ናጋራ ኣይሌቴፌ ኑና ላዓ ኬሲስ።\x - \xo 1:4-5 \xt ኢሳ 55፡4፤ ማዝ 89፡27\x* 
\v 6 ኑኒ ፆሳ ኢያ ኣዋስ ኦና ሜላ ኑና ካዎቴ ካሂኔ ኦስ። ኢያው ሜሪናፔ ሜሪና ጋካናው ቦንቾይኔ ዎልቃይ ጊዶ። ኣሚንዒ።\x - \xo 1:6 \xt ኬሳ 19፡6፤ ዮ.ቆ 5፡10\x* 
\p  
\v 7 ሄኮ፥ ዬሱሲ ሻራራ ዬስ። ኣሳ ኡባይ ሃሪ ኣቶሺን፥ ኢያ ጫዲዳ ኣሳይካ ኢያ ቤዓና። ሳዓን ዴዒያ ኣሳ ኡባይ ኢያ ጊሾ ዬካና። ሄሲ ቱማ ሃናና! ኣሚንዒ።\x - \xo 1:7 \xt ዳኔ 7፡13፤ ማቶ 24፡30፤ ማር 13፡26፤ ሉቃ 21፡27፤ 1ቴሴ 4፡17፤ ዛካ 12፡10፤ ዮሃ 19፡34\x* 
\p  
\v 8 «ካሴካ፥ ሃዒካ ዴዔይሲ፥ ሲንፌካ ያና ጎዳይ፥ ኡባፌ ዎልቃማ ፆሳይ፥ ኣልፋኔ ኦሜጊ ታና» \f + \fr 1:8 \fq ኣልፋኔ ኦሜጋ፡ \ft ጊሪኬ ዶናን ኣልፋኔ ኦሜጊ ኮይሮኔ ዉርሴ ፒዳሌታ፤ ቢርሼይካ ኮይሮኔ ዉርሴ ጉሱ።\f* ያጌስ ጎዳ ፆሳይ።\x - \xo 1:8 \xt ዮ.ቆ 22፡13፤ ኬሳ 3፡14\x* 
\s1 ጎዳ ቆንጬ 
\p  
\v 9 ታኒ፥ ዮሃኒሲ፥ ሂንቴ ኢሻይ፥ ሂንቴራ ኢሲፌ ዬሱሳን ዋያ፥ ኢያ ካዎቴኔ ኢያ ዳንዳዓ ቤዓስ። ታኒ ፆሳ ቃላ ጊሾኔ ዬሱሳባ ማርካቲዳ ጊሾ ፓፂሞ ጊያ ሃን ቴቄቲዳ ቢታን ዴዓይስ።  
\v 10 ጎዳ ጋላሳን ታ ጌሻ ኣያናን ሃሬታዳ ዴዓይስ፤ ታፔ ጉዬራ ሞይዜ ፑኖ ሜላ ጊታ ጊርሲ ሲዓስ።  
\v 11 ሄ ጊርሳይ ታና፥ «ኔ ቤዔይሳ ማፃፋን ፃፋዳ፥ ኢሲያን ዴዒያ ላፑን ዎሳ ኬታስ፥ ኤፌሶና፥ ሳሚርኔሳ፥ ጴርጋሞና፥ ቲያቲሮና፥ ሳርዴሳ፥ ፊላዴልፊያኔ ሎዶቂያ ዬዳ» ያጊስ። 
\p  
\v 12 ታኒ ታው ኦዲያ ጊርሳ ቤዓናው ጉዬ ሲማዳ ፆምፔ ዎያ ላፑን ዎርቃ ኮጫታ ቤዓስ።  
\v 13 ሄ ኮጫታ ጊዶን ኣሳ ናዓ ዳኔይሳ ቤዓስ። ኢ ኣዱሳ ኣፊላ ባ ቶሁዋ ጋ ማዒስ፥ ዎርቃ ዳንጮን ባ ቲራ ዳንጪስ።\x - \xo 1:13 \xt ዳኔ 7፡13፤ ዳኔ 10፡5\x* 
\v 14 ኢያ ሁዔይኔ ኢያ ቢናናይ ቦ ዶርሳ ኢኪሴ ሜላ ዎይኮ ሻቻ ሜላ ቦ፤ ኢያ ኣይፌይ ታማ ላጮ ዳኔስ።\x - \xo 1:14 \xt ዳኔ 7፡9\x*\x - \xo 1:14 \xt ዳኔ 10፡6\x* 
\v 15 ኢያ ቶሆይ ታማን ሴሪዲ ዞዒዳ ናሴ ቢራታ ዳኔስ፤ ኢያ ጊርሳይካ ጊታ ሻፋ ኮሺንቻ ሜላ።\x - \xo 1:15 \xt ሂዝ 1፡24፤ 43፡2\x* 
\v 16 ኢ ባ ኡሻቻ ኩሼን ላፑን ፆሊንቶታ ኦይኪስ። ኢያ ዶናፔ ናምዑ ባጋራ ቃራቲዳ ማሺ ኬዬስ። ኢያ ሶምዖይ ሴታ ጋላሳ ኣዋ ኣይፌ ዳኔስ። 
\p  
\v 17 ታኒ ኢያ ቤዒዳ ዎዴ ሃይቂዳ ኣሳዳ ሃናዳ ኢያ ቶሁዋ ማታን ኩንዳስ። ኢ ባ ኡሻቻ ኩሺያ ታ ቦላ ዎዲ፥ «ያዮፋ፤ ኮይሮይ ዉርሴይ ታና።\x - \xo 1:17 \xt ኢሳ 44፡6፤ 48፡12፤ ዮ.ቆ 2፡8፤ 22፡13\x* 
\v 18 ታኒ ዴዖን ዴዓይስ፤ ታኒ ሃይቃስ፥ ሺን ሄኮ ሜሪ ሜሪናዉካ ዴዖን ዴዓይስ። ሃይቆኔ ሲዖሌ ቁልፔይ ታ ኩሼና።  
\v 19 ሂዛ፥ ሃዒ ሃኒያባኔ ሲንፌ ሃናናባ ኔ ቤዒዳባ ፃፋ።  
\v 20 ኔኒ ታ ኡሻቻ ኩሼን ቤዒዳ ላፑን ፆሊንቶታኔ ላፑን ዎርቃ ኮጫታ ቢርሼይ ሃይሳ፡ ላፑን ፆሊንቶቲ ላፑን ዎሳ ኬታ ኪታንቾታ፤ ላፑን ዎርቃ ኮጫቲ ላፑን ዎሳ ኬታ።» 
\c 2  
\s1 ኤፌሶና ዎሳ ኬስ ኪቴቲዳ ኪታ 
\p  
\v 1 «ኤፌሶና ዎሳ ኬ ኪታንቹዋስ ሃይሳዳ ያጋዳ ፃፋ። 
\pi1 ባ ኡሻቻ ኩሼን ላፑን ፆሊንቶታ ኦይኪዳይሲኔ ላፑን ዎርቃ ኮጫታ ጊዶራ ሃሙቴይሲ ሃይሳዳ ያጌስ፡  
\v 2 ታኒ ኔ ኦሱዋ፥ ኔ ዳቡራኔ ኔ ጌንጫ ኤራይስ። ኔኒ ኢታ ኣሳታባ ጌንጫናው ዳንዳዓቦናይሳ ኤራይስ። ቃሲ ሃዋሬ ጊዶናሺን ባንታና፥ ሃዋሬ ጌይሳታ ፒልጋ ኤራዳ ኤንቲ ዎርዳንቾ ጊዴይሳ ዴሚዳይሳ ታ ኤራይስ።  
\v 3 ኔኒ ጌንጫዳሳ፤ ታ ሱን ጊሾ ሜቶ ዳንዳዓዳሳ፤ ፆኔታባካ።  
\v 4 ጊዶሺን፥ ሃዒ ታ ኔና ቦሪያባይ ዴዔስ፤ ሄሲካ ኔኒ ካሴ ኔ ሲቁዋ ኣጋዳሳ።  
\v 5 ሂዛ፥ ኔ ኣይ ሜላ ቃ ቤሳፌ ኩንዲዳኮ ኣኬካ! ኔ ናጋራፔ ሲማ፤ ኔኒ ካሴ ኦያ ኦሱዋ ኦ። ኔኒ ኔ ናጋራፔ ሲሞና ኢፂኮ፥ ኔ ፆምፔ ዎያ ኮጫ ኢያ ቤሳፌ ኤካና።  
\v 6 ሃዒ ታ ኔና ናሺያ ኢሲባይ ዴዔስ፤ ታ ኢፂያ ኒቆላዌታ ኦሱዋ ኔካ ኢፃዳሳ። 
\pi1  
\v 7 ጌሻ ኣያናይ ዎሳ ኬታስ ጊያባ ሲዓናው ሃይ ዴዒያ ኦኒካ ሲዖ። ፆኒያ ኦኒካ ፆሳ ጋናቲያን ዴዒያ ዴዖ ሚ ኣይፌፔ ማና ሜላ ማታ ኢማና።\x - \xo 2:7 \xt ሜ 2፡9፤ ዮ.ቆ 22፡2፤ ሂዝ 28፡13፤ 31፡8\x* 
\s1 ሳሚርኔሳ ዎሳ ኬስ ኪቴቲዳ ኪታ 
\p  
\v 8 «ሳሚርኔሳ ዎሳ ኬ ኪታንቹዋስ ሃይሳዳ ያጋዳ ፃፋ። 
\pi1 ኮይሮይኔ ዉርሴይ፥ ሃይቂዳይሲኔ ሃይቆፔ ዴንዲዳይሲ ሃይሳዳ ያጌስ፡ \x - \xo 2:8 \xt ኢሳ 44፡6፤ 48፡12፤ ዮ.ቆ 1፡17፤ 22፡13\x* 
\pi1  
\v 9 ታኒ ኔ ዋያኔ ኔ ማንቆቴ ኤራይስ፤ ጊዶሺን ኔኒ ዱሬ። ኣይሁዴ ጊዶናሺን ባንታና ኣይሁዴ ጌይሳቲ ጫያ ጫሻ ታ ኤራይስ፥ ሺን ኤንቲ ፃላሄ ማባራን ዴዖሶና።  
\v 10 ኔኒ ኤካናው ዴዒያ ዋያ ባቦፋ። ፃላሄይ ሂንቴፌ ኢሶታ ኢሶታ ፓጫናው ቃሾ ኬን ዬጋና፤ ታሙ ጋላስ ጋካናው ሂንቴ ዋዬታና። ሃይቃና ጋካናው ኣማኔቲዳይሳ ጊዳ፤ ታ ኔው ዴዖ ካላቻ ኢማና። 
\pi1  
\v 11 ጌሻ ኣያናይ ዎሳ ኬታስ ጊያባ ሲዓናው ሃይ ዴዒያ ኦኒካ ሲዖ። ፆኒያ ኦኒካ ናምዓን ሃይቁዋን ቆሄቴና።\x - \xo 2:11 \xt ዮ.ቆ 20፡14፤ 21፡8\x* 
\s1 ጴርጋሞና ዎሳ ኬስ ኪቴቲዳ ኪታ 
\p  
\v 12 «ጴርጋሞና ዎሳ ኬ ኪታንቹዋስ ሃይሳዳ ያጋዳ ፃፋ። 
\pi1 ናምዑ ባጋራ ቃራቲዳ ማሺ ዴዔይሲ ሃይሳዳ ያጌስ፡  
\v 13 ታኒ ኔ ዴዒያ ቤሳ ኤራይስ፤ ኔኒ ፃላሄ ኣራታይ ዴዒያ ቤሳን ዴዓሳ፤ ታ ሱን ሚን ናጋዳሳ። ሃሪ ኣቶሺን፥ ፃላሄይ ዴዒያ ሂንቴ ካታማን ሃይቂዳ ታው ኣማኔቲዳ ማርካይ፥ ኣንቲጳሲ፥ ዴዒያ ዎዴካ ኣማኑዋ ኣጋባካ። 
\pi1  
\v 14 ጊዶሺን፥ ታ ኔና ቦሪያ ጉባቲ ዴዖሶና። ሄሲካ ኢስራዔሌ ኣሳይ ኤቃስ ያርሼቲዳ ካ ሚዲ ቱናና ሜላኔ ላይማቴ ናጋራ ኦና ሜላ ባላቃ ታማርሲዳ ባላማ ቲሚርቲያ ኤኪዳ ኢሲ ኢሲ ኣሳቲ ኔራ ዴዖሶና።\x - \xo 2:14 \xt ታይ 22፡5\x* 
\v 15 ሄሳዳካ፥ ኒቆላዌታ ቲሚርቲያ ታማሪያ ኣሳቲ ኔራ ዴዖሶና።  
\v 16 ሄሳ ጊሾ፥ ኔኒ ኔ ናጋራፔ ሲማ። ሄሲ ሃኖና ኢፂኮ፥ ታ ኔኮ ኤሌሳ ያዳ ሄ ኣሳታ ታ ዶናፔ ኬያ ማሻን ኦላና። 
\pi1  
\v 17 ጌሻ ኣያናይ ዎሳ ኬታስ ጊያባ ሲዓናው ሃይ ዴዒያ ኦኒካ ሲዖ። ፆኒያ ኦዴስካ ቆሴቲዲ ዴዒያ ማናፌ \f + \fr 2:17 \fq ማና፡ \ft ኢስራዔሌ ኣሳይ ባዞ ቢታን ሃሙቲያ ዎዴ ሳሎፔ ፆሳይ ኤንታው ኢሚዳ ዱማ ካ ዎይኮ ኪታንቾ ካ።\f* ኢማና። ቃሲ ኤኪያ ኡራፔ ኣቲን ሃራ ኣሲ ኤሮና ኦራ ሱንይ ፃፌቲዳ ቦ ሹቻ ታ ኢያው ኢማና።\x - \xo 2:17 \xt ኬሳ 16፡14\x* 
\s1 ቲያቲሮና ዎሳ ኬስ ኪቴቲዳ ኪታ 
\p  
\v 18 «ቲያቲሮና ዎሳ ኬ ኪታንቹዋስ ሃይሳዳ ያጋዳ ፃፋ። 
\pi1 ታማ ላጮ ዳኒያ ኣይፌይ ዴዔይሲ፥ ቃሲ ታማን ሴሪዳ ናሴ ቢራታ ዳኒያ ቶሆይ ዴዔይሲ፥ ፆሳ ናዓይ፥ ሃይሳዳ ያጌስ፡  
\v 19 ታኒ ኔ ኦሱዋ፥ ኔ ሲቁዋ፥ ኔ ኣማኑዋ፥ ኔ ኦሱዋኔ ኔ ጌንጫ ኤራይስ። ኔኒ ኮይሮ ኦይሳፌ ሃዒ ኣዳ ኦይሳካ ኤራይስ። 
\pi1  
\v 20 ጊዶሺን፥ ታ ኔና ቦሪያ ኢሲባይ ዴዔስ፤ ባና ናቤ ጊያ ማጫሲው፥ ኤልዛቤሎ፥ ኣይኮካ ጋባካ። ሄ ማጫሲያ ኤቃስ ያርሼቲዳ ካ ሚዲ ቱናናዳኔ ላይማታናዳ ኦዳ ታ ኣይሌታ ባሌሱ።\x - \xo 2:20 \xt 1ካዎ 16፡31፤ 2ካዎ 9፡22\x* 
\v 21 ኢያ ባ ናጋራፔ ሲማና ሜላ ታ ኢው ዎዴ ኢማስ፥ ሺን ኢያ ሲማናው ኮያቡኩ።  
\v 22 ኤንቲ ኢ ባላ ኦጊያፔ ሲሞና ኢፂኮ፥ ታ ኢዮ ኢታ ሃርጌን ዬጋና፤ ኢራ ላይማቴይሳቲካ ኢታ ዋዬ ዋዬታና።  
\v 23 ታኒ ኢ ናይታ ዎና፤ ቃሲ ዎሳ ኬ ኡባይ ታ ኣሳ ቆፋኔ ኣሳ ዎዛና ኤሬይሳ ጊዴይሳ ኤራና። ታ ኢሱዋስ ኢሱዋስ ሂንቴ ኦሱዋዳ ኦሱዋዳ ኢማና።\x - \xo 2:23 \xt ማዝ 7፡9፤ ኤር 17፡10፤ ማዝ 62፡12\x* 
\v 24 ሺን ቲያቲሮናን ዴዒያ ሃራታ፥ ሄ ኢታ ቲሚርቲያ ኤኪቦናይሳታኔ፥ «ፃላሄ ጊታ ፁራ» ጌቴቲያ ሃ ቲሚርቲያ ታማሪቦና ሂንቴና ሃራ ዴፆ ቶሆ ቶሲኬ።  
\v 25 ጊዶሺን፥ ታ ያና ጋካናው ሂንቴው ዴዒያባ ሚን ናጊቴ። 
\pi1  
\v 26 ፆኔይሳሲኔ ዉርሴ ጋካናው ታው ኪቴቲያ ኦዴስካ ካዎቴታ ሃራና ሜላ ማታ ኢማና።\x - \xo 2:26 \xt ማዝ 2፡8-9\x* 
\q1  
\v 27 ‹ኢ ኤንታ ቢራታ ፃምዓን ሃራና፤ 
\q2 ሜቃ ሚሼዳካ ሜንሬና።› 
\mi ሄ ማታይ ታኒ ታ ኣዋፔ ኤኪዳ ማታ ሜላ።  
\v 28 ቃሲ ታ ኢያው ባካላ ፆሊንቶ ኢማና።  
\v 29 ጌሻ ኣያናይ ዎሳ ኬታስ ጊያባ ሲዒያ ሃይ ዴዒያ ኦኒካ ሲዖ። 
\c 3  
\s1 ሳርዴሳ ዎሳ ኬስ ኪቴቲዳ ኪታ 
\p  
\v 1 «ሳርዴሳ ዎሳ ኬ ኪታንቹዋስ ሃይሳዳ ያጋዳ ፃፋ። 
\pi1 ላፑን ፆሳ ኣያናታኔ ላፑን ፆሊንቶታ ኦይኪዳይሲ ሃይሳዳ ያጌስ፡ ታኒ ኔ ኦሱዋ ኤራይስ፤ ኣሲ ኔና ፓፃ ዴዔስ ጊኮካ፥ ኔ ሃይቃዳሳ።  
\v 2 ባርካ! ጉ ኣቲዳባኔ ሃይቃናው ማቲዳባ ሚን። ኔ ኦሶይ ፆሳ ሲንን ፖሎ ጊዶናይሳ ዴማስ።  
\v 3 ሂዛ፥ ኔ ኤኪዳባኔ ሲዒዳባ ኣኬካ፤ ናጋ፤ ኔ ናጋራፔ ሲማ። ኔኒ ባርኮና ኢፂኮ ታ ካይሶዳ ያና፤ ታ ኣይ ዎዴ ያኔኮ ኔ ኤራካ።\x - \xo 3:3 \xt ማቶ 24፡43\x* 
\pi1  
\v 4 ሺን ባንታ ማዑዋ ቂታዮና ጉ ኣሳቲ ሳርዴሳን ዴዖሶና። ኤንታው ቤሲያባ ጊዲያ ጊሾ ቦ ማዖ ማዒዲ ታራ ሃሙታና።  
\v 5 ፆኒያ ኦኒካ ኤንታይሳዳ ቦ ማዖ ማዓና። ታኒ ኢያ ሱን ዴዖ ማፃፋፔ ቁቺኬ። ታኒ ታ ኣዋ ሲንኒኔ ኢያ ኪታንቾታ ሲንን ኢ ታባ ጊዴይሳ ማርካታና።\x - \xo 3:5 \xt ኬሳ 32፡32\x* 
\v 6 ጌሻ ኣያናይ ዎሳ ኬታስ ጊያባ ሲዒያ ሃይ ዴዒያ ኦኒካ ሲዖ። 
\s1 ፊላዴልፊያ ዎሳ ኬስ ኪቴቲዳ ኪታ 
\p  
\v 7 «ፊላዴልፊያ ዎሳ ኬ ኪታንቹዋስ ሃይሳዳ ያጋዳ ፃፋ። 
\pi1 ጌሻይኔ ቱማንቾይ፥ ዳዊቴ ቁልፒያ ባ ኩሼን ኦይኪዳይሲ፥ ሃይሳዳ ያጌስ፡ ኢ ጎርዲን ኦኒካ ዶያናው ዳንዳዔና፤ ቃሲ ኢ ዶዪን ኦኒካ ጎርዳናው ዳንዳዔና።\x - \xo 3:7 \xt ኢሳ 22፡22፤ ኢዮ 12፡14\x* 
\v 8 ታኒ ኔ ኦሱዋ ኤራስ፤ ሄኮ ታ ኔ ሲንን ኦኒካ ጎርዳናው ዳንዳዖና ዶያ ፔንጌ ዎስ። ኔ ዎልቃይ ጉ ጊዲኮካ፥ ታ ቃላ ናጋዳሳ፤ ታና ካዳባካ።  
\v 9 ኣይሁዴ ጊዶናሺን ባንታና ኣይሁዴ ጊያ ዎርዶታኔ ፃላሄ ባጋታ ኔኮ ኤሃናኔ ኔ ሲንን ጉልባቲሳና። ታ ኔና ዶሴይሳ ኤንታና ኤሪሳና።\x - \xo 3:9 \xt ኢሳ 49፡23፤ 60፡14፤ ኢሳ 43፡4\x* 
\v 10 ኔኒ፥ ‹ጌንጫ› ጋዳ ታ ኪቲዳ ኪታ ናጊዳ ጊሾ ኩሜ ኣላሚያ ፓጫናው ያ ዋዬ ዎዲያፔ ታኒ ኔና ናጋና። 
\pi1  
\v 11 ታኒ ኤሌሳዳ ያና፤ ኦኒካ ኔ ካላቻ ኤኮና ሜላ ኔው ዴዒያባ ሚንዳ ኦይካ።  
\v 12 ፆኒዳይሳ ታ ፆሳ ኬን ቱሱ ኦና፤ ኢ ያን ሜሪናው ዳና። ታኒ ታ ፆሳ ሱንኔ ታ ፆሳ ካታማ ሱን ኢያ ቦላ ፃፋና፤ ኢያካ ታ ፆሳ ማታፔ ዎያ ኦራ ዬሩሳላሜ። ቃሲ ታ ታ ኦራ ሱንካ ኢ ቦላ ፃፋና።\x - \xo 3:12 \xt ዮ.ቆ 21፡2፤ ኢሳ 62፡2፤ 65፡15\x* 
\v 13 ጌሻ ኣያናይ ዎሳ ኬታስ ጊያባ ሲዒያ ሃይ ዴዒያ ኦኒካ ሲዖ። 
\s1 ሎዶቂያ ዎሳ ኬስ ኪቴቲዳ ኪታ 
\p  
\v 14 «ሎዶቂያ ዎሳ ኬ ኪታንቹዋስ ሃይሳዳ ያጋዳ ፃፋ። 
\pi1 ‹ኣሚንዒ› ጊዲዳ ኣማኔቲዳ ቱማ ማርካይ፥ ፆሳ ሜቴ ሃሬይሲ ሃይሳዳ ያጌስ፡ \x - \xo 3:14 \xt ሌሚ 8፡22\x* 
\v 15 ታኒ ኔ ኦሱዋ ኡባ ኤራይስ፤ ኔኒ ኢርፃ ዎይኮ ሚሻ ጊዳካ፤ ኔኒ ናምዓፌ ኢሱዋ ጊዲኮ ሎዖ!  
\v 16 ኔኒ ኢርፃ ዎይኮ ሚሻ ጊዶናሺን ቦልዖ ጊዲያ ጊሾ ታ ኔና ታ ዶናፔ ጩታና ሃናይስ።  
\v 17 ሂዛ፥ ኔኒ፥ ‹ታኒ ዱሬ፥ ሻሎራ ዴዓይስ፥ ታው ኣይቢባይካ ፓጪቤና› ያጋሳ። ሺን ኔኒ ሜቶታንቾ፥ ማንቆ፥ ቆቄኔ ካሎቲዳ ኣሲ ጊዴይሳ ኤራካ።  
\v 18 ሄሳ ጊሾ፥ ኔ ዱሬታናው ታማን ጌዪዳ ዎርቃ፥ ኔ ዬላ ካሉዋ ካማናው ቦ ማዖኔ ሎይ ፄላናው ማዲያ ኣይፌ ሌ ታፔ ሻማና ሜላ ኔና ዞራይስ። 
\pi1  
\v 19 ታ ዶሴይሳ ሴራይሲኔ ሃንቃይስ፤ ሂዛ ሚና፤ ኔ ናጋራፔ ሲማ።\x - \xo 3:19 \xt ሌሚ 3፡12፤ ኢብ 12፡6\x* 
\v 20 ሄኮ፥ ታ ካሬን ኤቃዳ ፄጋይስ። ኦኒካ ታ ፄሳ ሲዒዲ፥ ዉላ ዶዪኮ፥ ኢያኮ ጌላና፤ ኢያራ ኢሲፌ ካ ማና፤ ኢካ ታራ ኢሲፌ ማና። 
\pi1  
\v 21 ታ ፆናዳ ታ ኣዋራ ኢያ ኣራታን ኡቲዳይሳዳ ፆኒዳይ ታራ ታ ኣራታን ኡታና ሜላ ማታ ኢማና።  
\v 22 ጌሻ ኣያናይ ዎሳ ኬታስ ጊያባ ሲዒያ ሃይ ዴዔይ ኦኒካ ሲዖ» ያጊስ። 
\c 4  
\s1 ሳሎን ዴዒያ ጎይኖ ዎጋ 
\p  
\v 1 ሄሳፌ ጉዬ፥ ታኒ ሳሎ ፄሊያ ዎዴ ዶዬቲዳ ፔንጌ ቤዓስ። ቃሲ ታ ካሴ ሲዒዳ ሞይዜ ጊርሳ ሜላይ ታኮ፥ «ሃ ኬያ፤ ሃይሳፌ ጉዬ፥ ሃናናው ዴዒያባ ታ ኔና ቤሳና» ያጊስ።  
\v 2 ሄ ዎዴ ታ ኣያናን ሃሬታዳ ዴዓይስ። ሄኮ፥ ሳሉዋን ኣራታ ቦላ ኢሶይ ኡቲዳይሳ ቤዓስ።\x - \xo 4:2 \xt ሂዝ 1፡26-28፤ 10፡1\x* 
\v 3 ሄ ኡቲዳይሳ ማላይ ኢያስጴዴኔ ሳርዲዮና ጊያ ኣልዖ ሹቻ ሜላ። ኢያ ኣራታ ዩሹዋን ኣልዖ ሹቺ ዳኒያ ዙላይ ዴዔስ።  
\v 4 ሄ ኣራታ ዩሹዋን ላታማኔ ኦይዱ ኣራታቲ ዴዖሶና፤ ኤንታ ቦላ ቦ ማዖ ማዒዲ፥ ሁዔን ዎርቃ ካላቻ ዎዳ ላታማኔ ኦይዱ ጪማቲ ኡቲዶሶና።  
\v 5 ኣራታፔ ዎልዓን፥ ጉንኔ ዴሾይ ኬዬስ። ኣራታ ሲንን ላፑን ፖዒያ ፆምፔቲ ዴዖሶና፤ ኤንቲ ላፑን ፆሳ ኣያናታ።\x - \xo 4:5 \xt ኬሳ 19፡16፤ ዮ.ቆ 1፡4፤ ዮ.ቆ 8፡5፤ 11፡19፤ 16፡18፤ ሂዝ 1፡13፤ ዛካ 4፡2\x* 
\v 6 ኣራታ ሲንን ቢሪሌ ዳኒያ ጶሊያ ቡርጩኮ ኣባይ ዴዔስ።\x - \xo 4:6 \xt ሂዝ 1፡22\x*\x - \xo 4:6 \xt ሂዝ 1፡5-10፤ 10፡14\x* 
\p ሲንራኔ ጉዬራ ኣይፌይ ዴዒያ ኦይዱ ዴዖራ ዴዒያ ሜቴቲ ኣራታ ዩሹዋኒኔ ኣራታ ጊዶን ዴዖሶና።  
\v 7 ኮይሮ ሜቴ ሜይ ጋሞ ዳኔስ፤ ናምዓንይ ቦሪ ዳኔስ፤ ሄንይ ኣሴ ዳኔስ፤ ቃሲ ኦይዳንይ ፒራያ ኣርጋን ዳኔስ።  
\v 8 ኦይዱ ሜቴታ ኡባስ ኡሱፑን ቄፌይ ዴዔስ፤ ኤንታ ኣሳቴ ኡባይ ኣይፌን ኩሚስ።\x - \xo 4:8 \xt ሂዝ 1፡18፤ 10፡12፤ ኢሳ 6፡2\x* ኤንቲ ቃማኔ ጋላስ ቃንፆና፥ 
\qc «ጌሻው፥ ጌሻው፥ ጌሻው፥ 
\qc ጎዳው፥ ኡባፌ ዎልቃማ ፆሳው፥ 
\qc ካሴካ፥ ሃዒካ ዴዔይሶ፥ ሲንፌ ያናይሶ» 
\m ያጎሶና።  
\v 9 ሄ ሜቴቲ ኣራታን ኡቲዳይሳሲኔ ሜሪናው ዴዔይሳስ ሳባ፥ ቦንቾኔ ጋላታ ኢሚዳ ዎዴ  
\v 10 ላታማኔ ኦይዱ ጪማቲ ኣራታን ኡቲዳይሳኔ ሜሪናው ዴዔይሳ ሲንን ጉፋኒዲ ጎይኒዶሶና፤ ባንታ ካላቻ ኣራታ ሲንን ዎዲ፥ 
\q1  
\v 11 «ኑ ጎዳው፥ ኑ ፆሳው፥ 
\q2 ኔኒ ቦንቾ፥ ሳባኔ ዎልቃ ኤካናው ቤሳሳ። 
\q1 ኔኒ ኡባ ሜዳሳ፤ 
\q2 ኡባባይ ኔ ሼኒያዳ ሃኒስ፥ ሜቲስ» 
\m ያጊዶሶና። 
\c 5  
\s1 ዶርሳይ ፃ ማፃፋ ዶዪስ 
\p  
\v 1 ሄሳፌ ጉዬ፥ ኣራታ ቦላ ኡቲዳይሳ ኡሻቻ ኩሼን ጊዶራኔ ካሬራ ፃፌቲዳ ላፑን ማታሜን ጎርዴቲዳ ፃ ማፃፋ ቤዓስ።\x - \xo 5:1 \xt ሂዝ 2፡9\x* 
\v 2 ኢሲ ሚኖ ኪታንቾይ ባ ቃላ ቁ ኦዲ፥ «ማታሚያ ቢላናዉኔ ማፃፋ ዶያናው ቤሴይ ኦኔ?» ያጊዲ ኣዋጂሺን ቤዓስ።  
\v 3 ሺን ሳሎን ጊዲን ሳዓን ዎይኮ ሳዓፔ ጋርሳን ጊዲን ሄ ፃ ማፃፋ ቢላናዉኔ ጊዱዋ ቤዓናው ዳንዳዔይ ኦኒካ ቤንቲቤና።  
\v 4 ፃ ማፃፋ ቢላናዉኔ ኢያ ጊዱዋ ቤዓናው ቤሲያ ኣሲ ዪዳ ጊሾ ታ ዳሮ ዬካስ።  
\v 5 ያቲን፥ ጪማታፔ ኢሶይ ታኮ፥ «ዬኮፋ! ሄኮ፥ ዪሁዳ ዜሬ ጊዲያ ጋሞይ፥ ዳዊቴ ሼሻይ፥ ላፑን ማታሜታ ቢላናዉኔ ማፃፋ ዶያናው ዳንዳዒስ» ያጊስ።\x - \xo 5:5 \xt ሜ 49፡9፤ ኢሳ 11፡1\x* 
\p  
\v 6 ሄሳፌ ጉዬ፥ ሹኬቲዳ ዶርሳይ ኣራታስ፥ ኦይዱ ዴዖን ዴዒያ ሜቴታሲኔ ጪማታስ ጊዶን፥ ኤቂዳይሳ ቤዓስ። ኢያው ላፑን ካጬቲኔ ላፑን ኣይፌቲ ዴዖሶና። ሄሳቲ ሳዓ ኡባ ኪቴቲዳ ፆሳ ላፑን ኣያናታ።\x - \xo 5:6 \xt ኢሳ 53፡7፤ ዛካ 4፡10\x* 
\v 7 ሄ ዶርሳይ ቢዲ፥ ኣራታ ቦላ ኡቲዳይሳ ኡሻቻ ኩሼፔ ፃ ማፃፋ ኤኪስ።  
\v 8 ኢ ሄ ፃ ማፃፋ ኤኪዳ ዎዴ ዴዖን ዴዒያ ኦይዱ ሜቴቲኔ ላታማኔ ኦይዱ ጪማቲ ዶርሳ ሲንን ኩንዲዶሶና። ኤንቲ ኢሶይ ኢሶይ ዲኔ ጌሻታ ዎሳ ጊዲዳ ኢፃኔይ ኩሚዳ ዎርቃ ሻቴ ኦይኪዶሶና።\x - \xo 5:8 \xt ማዝ 141፡2\x* 
\v 9 ኤንቲ፥ 
\q1 «ፃ ማፃፋ ኤካናው፥ 
\q2 ማታሚያ ቢላናው ኔው ቤሴስ።\x - \xo 5:9 \xt ማዝ 33፡3፤ 98፡1፤ ኢሳ 42፡10\x* 
\q1 ኣይስ ጊኮ፥ ኔኒ ሹኬታዳሳ፤ 
\q2 ዜሬ ኡባፌ፥ ዱማ ዱማ ዶናፔ፥ 
\q1 ያራታፔኔ ካዎቴታ ኡባፌ 
\q2 ኔ ሱን ፆሳስ ዎዛዳሳ። 
\q1  
\v 10 ኤንቲ ኢያ ፆሳ ኣዋስ ኦና ሜላ 
\q2 ኤንታና ካሂኔ ካዎቴ ኦዳሳ። 
\q1 ኤንቲካ ቢታ ኡባ ሃራና» 
\m ያጊዲ ኦራ ማዝሙሬ ዬፂዶሶና።\x - \xo 5:10 \xt ኬሳ 19፡6፤ ዮ.ቆ 1፡6\x* 
\p  
\v 11 ታ ቤዒያ ዎዴ ሙኩሉ ቶሆ ሙኩሉኔ ታሙ ሙኩሉ ቶሆ ታሙ ሙኩሉ ጊዲያ ኪታንቾታ ጊርሳ ሲዓስ። ኤንቲካ ኣራታ፥ ኦይዱ ዴዖን ዴዒያ ሜቴታኔ፥ ጪማታ ዩሹዋን ኤቂዶሶና።\x - \xo 5:11 \xt ዳኔ 7፡10\x* 
\v 12 ሄ ኪታንቾቲ ቁ ጊዳ ቃላን፥ 
\q1 «ሹኬቲዳ ዶርሳይ ዎልቃ፥ ዱሬቴ፥ 
\q2 ጪንጫቴኔ ሚኖቴ፥ 
\q1 ቦንቾ፥ ሳባኔ ጋላታ ኤካናው ቤሴስ» 
\m ያጊዶሶና። 
\p  
\v 13 ሄሳፌ ጉዬ፥ ሳዓን፥ ሳሎን፥ ሳዓፔ ጋርሳኒኔ ኣባ ጊዶን ዴዒያ ሜቴ ኡባይ፥ 
\q1 «ኣራታ ቦላ ኡቲዳይሳሲኔ ዶርሳስ፥ 
\q2 ጋላታይ፥ ቦንቾይ፥ ሳባይኔ ዎልቃይ 
\q1 ሜሪ ሜሪናው ጊዶ» 
\m ያጊዲ ዬፂሺን ሲዓስ። 
\p  
\v 14 ኦይዱ ዴዖን ዴዒያ ሜቴቲ፥ «ኣሚንዒ» ያጊዶሶና፤ ቃሲ ጪማቲ ጉፋኒዲ ጎይኒዶሶና። 
\c 6  
\s1 ማታሚያ ዶዬቴ 
\p  
\v 1 ዶርሳይ ላፑን ማታሚያፔ ኢሱዋ ዶዪሺን ቤዓስ። ቃሲ ኦይዱ ዴዖን ዴዒያ ሜቴታፔ ኢሶይ፥ ዳዳ ዴሾ ጊርሳን፥ «ሃያ!» ያጊሺን ሲዓስ።  
\v 2 ሄኮ ቦ ፓራ ቤዓስ። ሄ ፓራ ቶጊዳሲ ዶንጌ ኦይኪስ፤ ኢያ ሁዔን ካላቺ ዴዔስ። ኢካ ፆኒሼ ፆናናው ኬዪስ።\x - \xo 6:2 \xt ዛካ 1፡7\x* 
\p  
\v 3 ቃሲ ዶርሳይ ናምዓን ማታሚያ ዶዪዳ ዎዴ ዴዖን ዴዒያ ናምዓን ሜቴይ፥ «ሃያ!» ያጊሺን ሲዓስ።  
\v 4 ቃሲ ሃራ ሲሃ ዞዖ ፓሪ ኬዪስ። ሄ ፓራ ቶጊዳይሳስ ሳዓፔ ሳሮ ይሳና ሜላኔ ኣሳይ ዎሊ ዉርሳና ሜላ ማቲኔ ጊታ ማሺ ኢሜቲስ።\x - \xo 6:4 \xt ዛካ 1፡7\x* 
\p  
\v 5 ዶርሳይ ሄን ማታሚያ ዶዪዳ ዎዴ ዴዖን ዴዒያ ሄን ሜቴይ፥ «ሃያ!» ያጊሺን ሲዓስ። ሄኮ ካሬ ፓራ ቤዓስ፤ ኢካ ባ ኩሼን ሚዛኔ ኦይኪስ።\x - \xo 6:5 \xt ዛካ 6፡2\x* 
\v 6 ኦይዱ ዴዖን ዴዒያ ሜቴታ ጊዶፌ፥ «ኢሲ ጋላሳ ኦሶስ ዳሞዜ፥ ባጋ ኪሎ ጊስቴ፤ ቃሲ ኢሲ ጋላሳ ኦሶስ ዳሞዜ፥ ኢሲ ኪሎኔ ባጋ ባንጋ ጊዶ። ሺን ዛይቲያኔ ዎይኒያ ቆሆፓ» ያጊሺን ሲዓስ። 
\p  
\v 7 ዶርሳይ ኦይዳን ማታሚያ ዶዪዳ ዎዴ ኦይዳን ዴዖን ዴዒያ ሜቴይ፥ «ሃያ!» ያጊሺን ሲዓስ።  
\v 8 ሄኮ ዋንጮ ፓራ ቤዓስ። ሄ ፓራ ቶጊዳይሳ ሱንይ ሃይቆ፤ ኢያ ጌዶ ሲዖሌይ ካሌስ። ኤንታው ኣላሜፔ ኦይዳን ኩሺያ ኦላን፥ ኮሻን፥ ጋዶኒኔ ዶዓን ዎሳና ሜላ ማቲ ኢሜቲስ።\x - \xo 6:8 \xt ሂዝ 14፡21\x* 
\p  
\v 9 ዶርሳይ ኢቻሻን ማታሚያ ዶዪዳ ዎዴ ኤንቲ ፆሳ ቃላ ኦዲዳ ጊሾኔ ባንታ ማርካቴን ኣማኔቲዳ ጊሾ ሹኬቲዳ ኣሳ ሼምፖታ ያርሾ ቤሳፌ ጋርሳን ቤዓስ።  
\v 10 ኤንቲ ባንታ ቃላ ቁ ኦዲ፥ «ኡባ ሃሪያ ጎዳው፥ ጌሻው፥ ቱማንቹዋው፥ ሳዓን ዴዒያ ኣሳ ቦላ ኔ ፒርዳናይኔ ኑ ሱ ጊሾ ሃሎ ኬያናይ ኣዉዴ?» ያጊዶሶና።  
\v 11 ኤንታ ኢሱዋስ ኢሱዋስ ቦ ማዖይ ኢሜቲስ። ኤንታይሳዳ ሃኒዲ ሃይቃናው ቤሲያ ኤንታ ላጌታ ታይቦይ ኩማና ጋካናው ጉ ዎዴ ሼምፓና ሜላ ኤንታው ኦዴቲስ። 
\p  
\v 12 ዶርሳይ ኡሱፑን ማታሚያ ዶዪዳ ዎዴ ታ ቤዓስ፤ ዎልቃማ ቢታ ቃፆይ ሃኒስ። ኣዋ ኣይፌይ ካሬፂዲ ካሌ ዳኒስ። ኣጌናይካ ዞዒዲ ሱ ዳኒስ።\x - \xo 6:12 \xt ዮ.ቆ 11፡13፤ 16፡18፤ ኢሳ 13፡10፤ ኤር 2፡10\x* 
\v 13 ዎልቃማ ጫርኮይ ጫርኪዲ ባላሴ ሚ ቃዉዔ ኣይፊያ ቆቆፌይሳዳ ሳሉዋ ፆሊንቶቲ ሳዓን ቆቆፌቲዶሶና።\x - \xo 6:13 \xt ኢሳ 34፡4\x* 
\v 14 ሳሎይ ፃ ማፃፋዳ ፃፄቲዲ ኣስ፤ ዙማይኔ ኣባን ቴቄቲዳ ቢታቲ ባንታ ቤሳፌ ዪዶሶና።\x - \xo 6:14 \xt ዮ.ቆ 16፡20\x* 
\v 15 ቢታ ካዎቲ፥ ዴሪያ ሃሬይሳቲ፥ ኦላ ካሌይሳቲ፥ ዱሬቲ፥ ዎልቃማቲ፥ ኣይሌቲኔ፥ ዎማኖቲ ጎንጎሎኒኔ ዴሪያ ቦላ ዴዒያ ዛላ ሆምዖን ቆሴቲዶሶና።\x - \xo 6:15 \xt ኢሳ 2፡19\x* 
\v 16 ኤንቲካ ዙማኮኔ ዛላኮ፥ «ኑ ቦላ ዎቴ፤ ኑና ቆሲቴ፤ ኣራታን ኡቲዳይሳ ኣይፊያፔኔ ዶርሳ ሃንቁዋፌ ኑና ጌንቴ።\x - \xo 6:16 \xt ሆሴ 10፡8፤ ሉቃ 23፡30\x* 
\v 17 ሂዛ፥ ጊታ ሃንቆ ጋላሳይ ጋኪስ፤ ኦኔ ዳንዳዒዲ ኤቃናይ?» ያጊዶሶና። \x - \xo 6:17 \xt ኤር 2፡11፤ ሚል 3፡2\x* 
\c 7  
\s1 144፥000 ኣሳታ ቦላ ማታሜይ ዎሴቲስ 
\p  
\v 1 ሄሳፌ ጉዬ፥ ኦይዱ ኪታንቾቲ ኦይዱ ሳዓ ጋፃን ኤቂዳይሳታ ቤዓስ። ሄ ኪታንቾቲ ሳዓ ቦላ ዎይኮ ኣባ ቦላ ዎይኮ ኣይ ሚ ቦላ ጫርኮይ ኦይዱ ሳዓ ጋፃፔ ጫርኮና ሜላ ቴቂዶሶና።\x - \xo 7:1 \xt ኤር 49፡36፤ ዳኔ 7፡2፤ ዛካ 6፡5\x* 
\v 2 ቃሲ ዴዖ ፆሳ ማታሚያ ኦይኪዳ ሃራ ኪታንቾይ ዶሎሃ ባጋፌ ኬዬይሳ ቤዓስ። ሄ ኪታንቾይ ባ ቃላ ቁ ኦዲ፥ ሳዓኔ ኣባ ቆሃናው ዎልቂ ኢሜቲዳ ኦይዱ ኪታንቾታ፥  
\v 3 ፄጊዲ፥ «ኑኒ ፆሳ ኣይሌታ ሶምዖን ማታሚያ ዎና ጋካናው ቢታ ዎይኮ ኣባ ዎይኮ ሚ ቆሆፒቴ» ያጊስ።\x - \xo 7:3 \xt ሂዝ 9፡4\x* 
\p  
\v 4 ያቲን፥ ታኒ ፆሳ ማታሜይ ሶምዖን ዎሴቲዳይሳታ ፓይዱዋ ሲዓስ። ኢስራዔሌ ማይዛታ ኡባፌ ፄታኔ ኦይታማኔ ኦይዱ ሙኩሉ ኣሳስ ሶምዖን ማታሜ ዎስ። 
\q1  
\v 5 ዪሁዳ ዜሬፌ ታማኔ ናምዑ ሙኩሉ፥ 
\q1 ሮቤላ ዜሬፌ ታማኔ ናምዑ ሙኩሉ፥ 
\q1 ጋዴ ዜሬፌ ታማኔ ናምዑ ሙኩሉ፥ 
\q1  
\v 6 ኣሴሬ ዜሬፌ ታማኔ ናምዑ ሙኩሉ፥ 
\q1 ኒፍታሌሜ ዜሬፌ ታማኔ ናምዑ ሙኩሉ፥ 
\q1 ሚናሴ ዜሬፌ ታማኔ ናምዑ ሙኩሉ፥ 
\q1  
\v 7 ሲሞና ዜሬፌ ታማኔ ናምዑ ሙኩሉ፤ 
\q1 ሌዌ ዜሬፌ ታማኔ ናምዑ ሙኩሉ፥ 
\q1 ዪሳኮሬ ዜሬፌ ታማኔ ናምዑ ሙኩሉ፥ 
\q1  
\v 8 ዛቢሎኔ ዜሬፌ ታማኔ ናምዑ ሙኩሉ፥ 
\q1 ዮሴፋ ዜሬፌ ታማኔ ናምዑ ሙኩሉ፥ 
\q1 ቢኒያሜ ዜሬፌ ታማኔ ናምዑ ሙኩሉ፥ 
\m ኣሳ ሶምዖን ማታሜ ዎስ። 
\s1 ቦ ማዖ ማዒዳ ዳሮ ኣሳታ 
\p  
\v 9 ሄሳፌ ጉዬ፥ ዜሬ ኡባፌ፥ ካዎቴ ኡባፌ፥ ያራ ኡባፌኔ ዱማ ዱማ ዶናፔ ዛዊ ባይና ዳሮ ኣሳ ቤዓስ። ሄ ኣሳይ ቦ ማዖ ማዒዲ፥ ዛምባ ሃይ ባንታ ኩሼን ኦይኪዲ፥ ኣራታ ሲንኒኔ ዶርሳ ሲንን ኤቂዶሶና።  
\v 10 ኤንቲ ባንታ ቃላ ቁ ኦዲ፥ «ኣቶቴይ ኣራታን ኡቲዳ ኑ ፆሳፌኔ ዶርሳፌ ዬስ» ያጊዶሶና። 
\p  
\v 11 ኪታንቾቲ ኡባይ፥ ኣራታ፥ ጪማታኔ ኦይዱ ሜቴታ ዩሹዋን ኤቂዶሶና። ኤንቲ ኣራታ ሲንን ጉፋኒዲ ፆሳ ጎይኒዶሶና። 
\q1  
\v 12 «ኣሚንዒ! 
\q2 ኣንጆይ፥ ቦንቾይ፥ ጪንጫቴይ፥ ጋላታይ፥ ሳባይ 
\q1 ዎልቃይ፥ ሚኖቴይ ሜሪ ሜሪናው 
\q2 ኑ ፆሳስ ጊዶ። 
\q1 ኣሚንዒ!» 
\m ያጊዶሶና። 
\p  
\v 13 ጪማታፔ ኢሶይ ታኮ፥ «ሃ ቦ ማዑዋ ማዒዳ ኣሳቲ ኦናንቴ? ኤንቲ ኣዉፔ ዪዶና?» ያጊዲ ኦይቺስ። 
\p  
\v 14 ታኒ ዛራዳ፥ «ጎዳው፥ ኔ ኤራሳ» ያጋስ። 
\p ኢካ ታኮ፥ «ሃይሳቲ ዳሮ ዋዬ ዋዪዲ ኣዳይሳታ። ኤንቲ ባንታ ማዑዋ ዶርሳ ሱን ሜጪዲ ጌሺዶሶና።\x - \xo 7:14 \xt ዳኔ 12፡1፤ ማቶ 24፡21፤ ማር 13፡19\x* 
\v 15 ሄሳ ጊሾ፥ 
\q1 ኤንቲ ፆሳ ኣራታ ሲንን ጊዲዲ 
\q2 ቃማኔ ጋላስ ኢያ ኬን ኦሶና። 
\q1 ቃሲ ኣራታ ቦላ ኡቲዳይሲ ኤንታው ኩያ ጊዳና። 
\q1  
\v 16 ሂዛፔ ጉዬ፥ ኤንቲ ኮሻቶኮና፥ ሳሞቶኮና። 
\q2 ኣዊ ዎይኮ ሚሺ ኤንታ ሜና።\x - \xo 7:16 \xt ኢሳ 49፡10\x* 
\q1  
\v 17 ኣራታ ጊዶን ኡቲዳ ዶርሳይ ኤንታ ሄማና። 
\q2 ዴዖ ፑልቶ ሃኮ ኤንታ ካሌና።\x - \xo 7:17 \xt ማዝ 23፡1፤ ሂዝ 34፡23፤ ማዝ 23፡2፤ ኢሳ 49፡10፤ ኢሳ 25፡8\x* 
\q1 ፆሳይ ኤንታ ኣይፊያፔ ኣፉ ኡባ ቁቻና» 
\m ያጊስ። 
\c 8  
\s1 ላፑን ማታሜይ ዶዬቲስ 
\p  
\v 1 ዶርሳይ ላፑን ማታሚያ ዶዪዳ ዎዴ ባጋ ሳቴ ጊዴይሳ ሜላ ሳሎይ ሲዒ ጊስ። 
\p  
\v 2 ሄሳፌ ጉዬ፥ ታኒ ላፑን ሞይዜቲ ኢሜቲዳ ላፑን ኪታንቾታ ፆሳ ሲንን ኤቂዳይሳታ ቤዓስ። 
\p  
\v 3 ኢፃኔ ጩዪሲያ ዎርቃ ሻቴ ኦይኪዳ ሃራ ኪታንቾይ ዪዲ፥ ያርሾ ቤሳ ማታን ኤቂስ። ኢ ኣራታ ሲንን ዴዒያ ዎርቃ ያርሾ ቤሳ ቦላ ጌሻታ ኡባ ዎሳራ ጉጂዲ ያርሻና ሜላ ኢያው ዳሮ ኢፃኔይ ኢሜቲስ።  
\v 4 ኢፃኒያ ጩያይ ጌሻታ ዎሳራ ኢሲፌ ኪታንቹዋ ኩሼፔ ፑዴ ፆሳኮ ኬዪስ።  
\v 5 ሄሳፌ ጉዬ፥ ኪታንቾይ ኢፃኔ ጩዪሲያ ሻቲያ ኤኪዲ፥ ኢያን ያርሾ ቤሳፌ ቦንቆ ታማ ኩንዲ ሳዓ ዱጌ ሆሊስ። ያቲን ዴሾይ፥ ዎልዓን፥ ጊርሲኔ ቢታ ቃፆይ ሃኒስ።\x - \xo 8:5 \xt ሌዌ 16፡12፤ ሂዝ 10፡2፤ ኬሳ 19፡16፤ ዮ.ቆ 11፡19፤ 16፡18\x* 
\s1 ላፑን ሞይዜታ 
\p  
\v 6 ሄሳፌ ጉዬ፥ ላፑን ኪታንቾቲ ባንታ ሞይዚያ ፑናናው ጊጌቲዶሶና። 
\p  
\v 7 ኮይሮ ኪታንቾይ ባ ሞይዚያ ፑኒያ ዎዴ ሻቺኔ ሱራ ዋላኬቲዳ ታሚ ሳሎፔ ቡኪስ። ሳዓፔ ሲኮይ ፁጌቲስ፤ ሚፌ ሲኮይ ፁጌቲስ፤ ጪልዖ ማታ ኡባይ ፁጌቲስ።\x - \xo 8:7 \xt ኬሳ 9፡23-25፤ ሂዝ 38፡22\x* 
\p  
\v 8 ናምዓን ኪታንቾይ ባ ሞይዚያ ፑኒዳ ዎዴ ዎልቃማ ዴሬ ዳኒያባይ ታማን ኤፂሼ ኣባን ዬጌቲስ። ያቲን፥ ኣባፌ ሲኮይ ሱ ጊዲስ።  
\v 9 ኣባን ዴዖን ዴዒያ ሜቴፌ ሲኮይ ሃይቂስ፤ ማርካቤታፔ ሲኮይ ይስ። 
\p  
\v 10 ሄን ኪታንቾይ ባ ሞይዚያ ፑኒዳ ዎዴ ፆምፔዳ ኤፂያ ዎልቃማ ፆሊንቶይ ሻፋፔ ሲኩዋ ቦላኔ ፑልቶታ ቦላ ሳሎፔ ዎስ።\x - \xo 8:10 \xt ኢሳ 14፡12\x* 
\v 11 ሄ ፆሊንቱዋ ሱንይ ጫሞ ጌቴቴስ። ሃፌ ሲኩዋ ጫሚሲስ፤ ሃይ ጫሚዳ ጊሾ ዳሮ ኣሳይ ሄ ሃ ኡዪዲ ሃይቂዶሶና።\x - \xo 8:11 \xt ኤር 9፡15\x* 
\p  
\v 12 ኦይዳን ኪታንቾይ ባ ሞይዚያ ፑኒስ። ኣዋፔ፥ ኣጌናፔኔ ፆሊንቶታፔ ሲኩዋ ዴቺስ፤ ኤንታ ፖዑዋፔ ሲኮይ ሚስ። ጋላሳፔ ሲኮይ፥ ቃማፌካ ሲኮይ ሚስ።\x - \xo 8:12 \xt ኢሳ 13፡10፤ ሂዝ 32፡7፤ ኢዩ 2፡10\x* 
\p  
\v 13 ኢሲ ኣርጋን ሳሎ ቁ ጊዲ፥ ፒራሺን ቤዓስ። ሄ ኣርጋንይ ባ ቃላ ቁ ኦዲ፥ «ኣቲዳ ሄ ኪታንቾቲ ባንታ ሞይዚያ ፑናናው ዴዒያ ጊሾ ሳዓን ዴዒያ ኣሳ ኣዬ! ኣዬ! ኣዬ!» ያጊሺን ሲዓስ። 
\b  
\c 9  
\p  
\v 1 ሄሳፌ ጉዬ፥ ኢቻሻን ኪታንቾይ ባ ሞይዚያ ፑኒን ሳሎፔ ዱጌ ሳዓ ኩንዲዳ ፆሊንቶ ቤዓስ። ሄ ፆሊንቱዋስ ዎልቃማ ኦላ ቁልፔይ ኢሜቲስ።  
\v 2 ፆሊንቶይ ኦላ ዶዪዳ ዎዴ ዳልጋ ጮጬፔ ኬያ ጩያ ሜላ ጩያይ ሄ ኦላፌ ኬዪስ። ሄ ኦላፌ ኬዪዳ ጩያን ኣዋይኔ ሳሎይ ሚዶሶና።\x - \xo 9:2 \xt ሜ 19፡28\x* 
\p  
\v 3 ሄ ጩያፔ ቦሌይ ኬዪዲ ሳዓን ዎስ። ሳዓን ዴዒያ ኮርኔታስ ዴዒያ ዎልቃ ሜላ ዎልቂ ቦሌታስ ኢሜቲስ።\x - \xo 9:3 \xt ኬሳ 10፡12\x* 
\v 4 ፆሳ ማታሜይ ሶምዖን ባይና ኣሳ ፃላላፔ ኣቲን ሳዓን ዴዒያ ማታ ዎይኮ ሚ ዎይኮ ኣይ ጪልዖባ ጊዲን ቆሆና ሜላ ቦሌታስ ኦዴቲስ።\x - \xo 9:4 \xt ሂዝ 9፡4\x* 
\v 5 ቦሌቲ ኣሳ ኢቻሹ ኣጌና ጋካናው ፓፃ ካዓና ሜላ ማቲ ኢሜቲስፔ ኣቲን ኣሳ ዎና ሜላ ጊዴና። ኮርኔይ ኣሴ ዱኪን ዛሜይሳ ሜላ ቦሌይ ዱኪዲ ዛሚሴስ።  
\v 6 ሄ ጋላሳታን ኣሳይ ሃይቆ ኮያና፥ ሺን ዴሜና። ኤንቲ ሃይቃናው ኣሞታና፥ ሺን ሃይቆይ ኤንታፌ ሃካና።\x - \xo 9:6 \xt ኢዮ 3፡21፤ ኤር 8፡3\x* 
\p  
\v 7 ቦሌይ ኦላስ ጊጊ ኡቲዳ ፓራ ዳኔስ። ቦሊያ ሁዔን ዎርቃ ካላቺ ዴዔስ፤ ኤንታ ሶምዖይካ ኣሳ ሶምዖ ዳኔስ።\x - \xo 9:7 \xt ኢዩ 2፡4\x* 
\v 8 ኢያ ቢናናይ ማጫሳ ቢናና ሜላ ኣዱሴ። ኤንታ ኣቻይካ ጋሞ ኣቺ ዳኔስ።\x - \xo 9:8 \xt ኢዩ 1፡6\x* 
\v 9 ኤንታው ቲራ ቦላ ዎያ ቢራታ ፁሩሬይ ዴዔስ፤ ኤንታ ቄፊያ ጊርሳይ ኦሌታናው ጋላቢያ ፓራኔ ፓራ ጋሬ ጊርሳ ሜላ።\x - \xo 9:9 \xt ኢዩ 2፡5\x* 
\v 10 ኤንታው ኮርኔ ጎይና ዳኒያ ጎይኒኔ ዱኪያ ዪሺ ዴዔስ። ሄ ጎይናን ኢቻሹ ኣጌና ኣሳ ቆሃና ሜላ ማቲ ኢሜቲስ።  
\v 11 ኤንታና ሃሪያ ካዎይ ዴዔስ፤ ሄ ካዎይ ኦላ ኪታንቹዋ። ኢያ ሱንይ ኢብራይስፄ ዶናን ኣብዶና፤ ቃሲ ጊሪኬ ዶናን ኣጶሊዮና ጌቴቴስ። ኢያ ሱን ቢርሼይ «ይሴይሳ» ጉሱ። 
\p  
\v 12 ኮይሮ ኣዬይ ኣስ፤ ሄኮ፥ ቡሮ ሃራ ናምዑ ኣዬቲ ኤሶን ሃናና። 
\p  
\v 13 ኡሱፑን ኪታንቾይ ባ ሞይዚያ ፑኒስ። ፆሳ ሲንን ኤቂዳ፥ ዎርቃ ያርሾ ቤሳን ዴዒያ ኦይዱ ካጬታፔ ኢሲ ጊርሲ ሲዓስ።\x - \xo 9:13 \xt ኬሳ 30፡1\x* 
\v 14 ሄ ጊርሳይ ሞይዜ ኦይኪዳ ኡሱፑን ኪታንቹዋኮ፥ «ኤፊራፂሴ ጊያ ጊታ ሻፋን ቃሼቲዳ ኦይዱ ኪታንቾታ ቢርሻ» ያጊስ።  
\v 15 ቢታ ቦላ ዴዒያ ኣሳፔ ሲኩዋ ዎና ሜላ ሄ ሳቲያስ፥ ሄ ጋላሳስ፥ ሄ ኣጌናሲኔ ሄ ላይስ ጊጊዲ ኡቲዳ ኦይዱ ኪታንቾቲ ቢርሼቲዶሶና።  
\v 16 ኦላ ፓራ ቶጊያ ኦላንቾታ ፓይዶይ ዳሮ ፄቱ ሚሎኔ ጊዴይሳ ሲዓስ። 
\p  
\v 17 ቃሲ ታ ቆንጬን ፓራታኔ ሄ ፓራታ ቶጊዳ ኣሳ ቤዓስ። ሄ ኣሳይ ቲራን ዎያ ቢራታ ፁሩሬይ ታማ ቦንቆ ሜላ ዞዖ፥ ያኪንቴ ሜላ፥ ካሬ ካሎሴ ሜላኔ ዲኔ ሜላ ጪሊሎ። ፓራታ ሁዔይ ጋሞ ሁዔ ሜላ፤ ኤንታ ዶናፔ ታሚ፥ ጩዪኔ ዲኔይ ኬዪስ።  
\v 18 ፓራታ ዶናፔ ኬዪዳ ታማን፥ ጩያኒኔ ዲኒያን ሄ ሄ ጋዶታን ሳዓን ዴዒያ ኣሳፔ ሲኮይ ሃይቂስ።  
\v 19 ሄ ፓራታ ዎልቃይ ኤንታ ዶና ጊዶኒኔ ጎይናን ዴዔስ። ኤንታ ጎይናይካ ሾሻ ሁዔ ሜላ፤ ኤንቲ ኢያራ ኣሳ ቆሆሶና። 
\p  
\v 20 ሃ ጋዶታፔ ኣቲዳይሳቲ ባንታ ኩሼ ኦሱዋፔ ሲሚቦኮና። ኤንቲ ቱና ኣያናን ዎርቃፌ፥ ቢራፔ፥ ናሴ ቢራታፔኔ ሹቻፌ ኦሴቲዳ ኤቃስ ጎይኖሶና።\x - \xo 9:20 \xt ማዝ 115፡4\x* ፄላናው፥ ሲዓናው፥ ሃሙታናው ዳንዳዖና ኤቃታስ ጎይኔይሳ ኣጊቦኮና።  
\v 21 ኣሳይ ዎይሳ፥ ቢቴይሳ፥ ላይማቴይሳኔ ካይሴይሳ ኣጊዲ ማሮታ ኦይቺቦኮና። 
\c 10  
\s1 ኪታንቹዋኔ ጉ ማፃፋ 
\p  
\v 1 ሄሳፌ ጉዬ፥ ታ ሃራ ዎልቃማ ኪታንቾይ ሳሎፔ ሳዓ ዎሺን ቤዓስ። ኢ ሻራ ማዒስ፤ ኢያ ሁዒያ ቦላ ዙላይ ዴዔስ። ኢያ ሶምዖይ ኣዋ ሜላ፤ ኢያ ቶሆይ ታማ ቱሳ ሜላ።  
\v 2 ሄ ኪታንቾይ ዶያ ዴዒያ ኢሲ ጉ ፃ ማፃፋ ባ ኩሼን ኦይኪዲ፥ ባ ኡሻቻ ቶሁዋ ኣባ ቦላ፥ ባ ሃዲርሳ ቶሁዋ ቢታ ቦላ ኤሲስ።  
\v 3 ጉዲያ ጋሞዳ ባ ቃላ ቁ ኦዲ ዋሲስ። ኢ ዋሲዳ ዎዴ ላፑን ዳዳቲ ባንታ ጉን ሲሲዶሶና። 
\p  
\v 4 ላፑን ዳዳቲ ኦዴቲዳ ዎዴ ታ ፃፋናው ጊጌታስ። ሺን ሳሎፔ፥ «ላፑን ዳዳቲ ኦዲዳይሳ ማታሜን ጎርዳፌ ኣቲን ፃፎፓ» ያጊያ ጊርሳ ሲዓስ። 
\p  
\v 5 ያቲዲ፥ ኣባ ቦላኔ ቢታ ቦላ ኤቂዳ፥ ታ ቤዒዳ ኪታንቾይ፥ ባ ኡሻቻ ኩሺያ ሳሎ ፑዴ ሚጪስ።\x - \xo 10:5 \xt ኬሳ 20፡11፤ ዛሬ 32፡40፤ ዳኔ 12፡7፤ ኣሞ 3፡7\x* 
\v 6 ኢ ሚጪዲ ሳሎኒኔ ኢያ ጊዶን ዴዒያ ኡባ፥ ሳዓኒኔ ኢያ ጊዶን ዴዒያ ኡባ፥ ኣባኔ ኢያ ጊዶን ዴዒያ ኡባ ሜዳ፥ ሜሪናው ዴዒያ ፆሳ ሱንን ጫቂዲ፥ «ሂዛፔ ጉዬ፥ ፆሳይ ጋምዔና።  
\v 7 ሺን ላፑን ኪታንቾይ ባ ሞይዚያ ፑኒያ ዎዴ ፆሳይ ባ ኣይሌ ጊዲዳ ናቤታ ባጋራ ቆንጪሲዳ ፁራ ቆፋይ ፖሌታና» ያጊስ። 
\p  
\v 8 ሄሳፌ ጉዬ፥ ኣባ ቦላኔ ቢታ ቦላ ኤቂዲ፥ «ኢያ ኩሼን ዶዬቲዲ ዴዒያ ፃ ማፃፋ ኪታንቹዋ ኩሼፔ ኤካ» ያጊዲ ናምዓን ታው ኦዲሺን ሲዓስ።\x - \xo 10:8 \xt ሂዝ 2፡8-3፡3\x* 
\p  
\v 9 ታኒ ሄ ኪታንቹዋኮ ባዳ፥ ጉ ፃ ማፃፋ ኢማ ጋዳ ኦይቻስ። ኢ ታኮ፥ «ኤካዳ ማ፤ ኢ ኔ ኡሎን ጫማና፥ ሺን ኔ ዶናን ኤሳዳ ማልዓና» ያጊስ። 
\p  
\v 10 ታኒ ኪታንቹዋ ኩሼፔ ሄ ጉ ፃ ማፃፋ ኤካዳ ማስ፤ ታ ዶናን ኤሳዳ ማልዒስ፥ ሺን ታ ኡሎን ጫሚስ።  
\v 11 ሄሳፌ ጉዬ፥ ታኮ፥ «ኔኒ ያራ ኡባስ፥ ዴሬ ኡባስ፥ ዱማ ዱማ ዶናን ኦዴቴይሳታሲኔ ካዎታስ ቲንቢቴ ዛራ ኦዳናው ቤሴስ» ያጊስ። 
\c 11  
\s1 ናምዑ ማርካታ 
\p  
\v 1 ሄሳፌ ጉዬ፥ ታው ዋ ፃምዓ ኢሚዲ፥ «ባዳ ፆሳ ኬኔ ያርሾ ቤሳ ዋ፤ ያን ጎይኒያ ኣሳታካ ፓይዳ።\x - \xo 11:1 \xt ሂዝ 40፡3፤ ዛካ 2፡1\x* 
\v 2 ሺን ፆሳ ኬ ካሬ ዳባባይ ኣይሁዴ ጊዶና ኣሳስ ኢሜቲዳ ጊሾ ዋና ኣጋጋ። ኣይሁዴ ጊዶና ኣሳይ ጌሻ ካታማ ኦይታማኔ ናምዑ ኣጌና ሃራና።\x - \xo 11:2 \xt ሉቃ 21፡24\x* 
\v 3 ታኒ ካሌ ማዒዳ ታ ናምዑ ማርካታ ኪታና፤ ኤንቲ 1260 ጋላስ ቲንቢቴ ኦዳና» ያጊስ። 
\p  
\v 4 ሄ ናምዑ ማርካቲ ኣላሚያ ጎዳ ሲንን ኤቂያ ናምዑ ሻማሆ ሚታኔ ናምዑ ፆምፔ ዎያ ኮጫታ።\x - \xo 11:4 \xt ዛካ 4፡3\x* 
\v 5 ኦኒካ ኤንታ ቆሃናው ኮይኮ ኤንታ ዶናፔ ታሚ ኬዪዲ፥ ኤንታ ሞርኬታ ይሴስ። ኤንታ ቆሃናው ኮያ ኦኒካ ሄሳዳ ሃይቃና።  
\v 6 ኤንቲ ቲንቢቴ ኦዲያ ዎዴ ኢሪ ቡኮና ሜላ ሳሉዋ ጎርዳናው ኤንታው ማቲ ዴዔስ። ኤንታው ሃ ሱ ኬሳናው፥ ቃሲ ኤንቲ ኮዪዳ ሜላ ቢታ ዱማ ዱማ ጋዶን ይሳናው ኤንታው ማቲ ዴዔስ።\x - \xo 11:6 \xt 1ካዎ 17፡1፤ ኬሳ 7፡17\x* 
\p  
\v 7 ኤንቲ ባንታ ማርካቴ ኦንጊዳፔ ጉዬ፥ ኦላፌ ኬያ ዶዓይ ኤንታና ኦላና። ሄ ዶዓይ ኤንታ ፆናና፤ ዎና።\x - \xo 11:7 \xt ዳኔ 7፡7፤ ዮ.ቆ 13፡5\x* 
\v 8 ኤንታ ጎዳይ ማስቃሊያ ቦላ ካቄቲዳ ጊታ ካታማ ኦጊያ ቦላ ኤንታ ኣሃይ ዬጌታና። ሄ ካታማይ ሌሚሶን ሶዶሜ ዎይኮ ጊብፄ ጌቴቲ ፄጌቴስ።\x - \xo 11:8 \xt ኢሳ 1፡9\x* 
\v 9 ቃሲ ዜሬ ኡባፌ፥ ያራ ኡባፌ፥ ዱማ ዱማ ዶናፔኔ ካዎቴ ኡባፌ ዪዳ ኣሳይ ኤንታ ኣሃ ሄ ጋላሲኔ ባጋ ጋካናው ቤዓና። ኤንታ ኣሃይ ሞጌቶና ሜላ ኣሳይ ዲጋና።  
\v 10 ሃ ናምዑ ናቤቲ ሳዓን ዴዒያ ኣሳ ዋይሲዳ ጊሾ ኣሳይ ኤንታ ሃይቁዋን ኡፋይታና። ባንታ ኡፋይሳ ቤሳናው ኢሶይ ኢሱዋስ ኢሞታ ኢማና። 
\p  
\v 11 ሄ ጋላሲኔ ባጋፌ ጉዬ፥ ዴዖ ኣያናይ ፆሳ ማታፔ ዪዲ ኤንታን ጌሊን፥ ኤንቲ ዴንዲ ኤቂዶሶና። ኤንታ ቤዒዳ ኡባይ ጊታ ያሺ ያዪዶሶና።\x - \xo 11:11 \xt ሂዝ 37፡10\x* 
\v 12 ሄሳፌ ጉዬ፥ ሄ ናምዑ ናቤቲ፥ «ሃ ፑዴ ኬዪቴ» ጊያ ቃላ ሳሎፔ ሲዒዶሶና። ኤንታ ሞርኬቲ ኤንታና ቤዒሺን፥ ኤንቲ ሻራን ጌሊዲ ፑዴ ሳሎ ቢዶሶና።\x - \xo 11:12 \xt 2ካዎ 2፡11\x* 
\p  
\v 13 ሄ ሳቲያን ቢታይ ዎልቃማ ቃፆ ቃፂን፥ ካታማፔ ታማን ኩሼይ ይስ። ቃሲ ቢታ ቃፆን ላፑን ሙኩሉ ኣሳይ ሃይቂስ። ኣቲዳ ኣሳይ ዳሮ ኮኮሪዲ ባቢዲ፤ ሳሎ ፆሳስ ቦንቾ ኢሚዶሶና።\x - \xo 11:13 \xt ዮ.ቆ 6፡12፤ 16፡18\x* 
\p  
\v 14 ናምዓን ኣዬይ ኣስ፥ ሺን ሄኮ ሄን ኣዬይ ኤሶን ያና። 
\s1 ላፑን ሞይዚያ 
\p  
\v 15 ላፑን ኪታንቾይ ባ ሞይዚያ ፑኒስ። ሳሎፔ፥ «ሳዓ ካዎቴይ ኑ ጎዳሲኔ ኪሪስቶሳስ ጊዲስ፤ ኢ ሜሪናፔ ሜሪና ጋካናው ሃራና» ያጊያ ዎልቃማ ቃላይ ሲዔቲስ።\x - \xo 11:15 \xt ኬሳ 15፡18፤ ዳኔ 2፡44፤ 7፡14\x* 
\v 16 ያቲን፥ ፆሳ ሲንን፥ ባንታ ኣራታን ኡቲዳ ላታማኔ ኦይዱ ጪማቲ ጉፋኒዲ፥ ፆሳስ ጎይኒዲ፥ 
\q1  
\v 17 «ሃዒካ ካሴካ ዴዔይሶ፥ 
\q1 ጎዳው፥ ኡባፌ ዎልቃማ ፆሳው፥ 
\q2 ኔኒ ጊታ ዎልቃ ኦይካዳሳ። 
\q1 ኔኒ ሃራናው ዶሚዳ ጊሾ 
\q2 ኑኒ ኔና ጋላቶስ።\x - \xo 11:17 \xt ኬሳ 3፡14\x* 
\q1  
\v 18 ኣይሁዴ ጊዶና ኣሳይ ሃንቄቲዶሶና፥ 
\q2 ሺን ኔ ሃንቆይ ዪስ።\x - \xo 11:18 \xt ማዝ 2፡5፤ 110፡5፤ 115፡13\x* 
\q1 ሃይቂዳይሳታ ቦላ ኔ ፒርዲያ ዎዴይ ዪስ። 
\q2 ኔኒ ኔ ኣይሌታ፥ ናቤታስ 
\q1 ጌሻታሲኔ ኔ ሱንስ ያዬይሳታስ፥ 
\q2 ጉታሲኔ ጊታታስ፥ ኤንታ ኦሱዋዳ ኢሚያ ዎዴይ ጋኪስ። 
\q1 ኣላሚያ ይሴይሳታ ይሲያ ዎዴይ ዪስ» 
\m ያጊዶሶና። 
\p  
\v 19 ሳሎን ዴዒያ ፆሳ ኬይ ዶዬቲስ፤ ኢያ ጊዶን ፆሳ ጫቆ ታቦቴይ ቤንቲስ። ቃሲ ዎልዓን ዎልዓሚስ፥ ዴሾይ ዴቺስ፤ ዳዲ ቂስ፤ ቢቲ ቃፂስ፤ ሻቺ ቡኪስ።\x - \xo 11:19 \xt ዮ.ቆ 8፡5፤ 16፡18፣ 21\x* 
\c 12  
\s1 ማጫሲዉኔ ዳዊያ 
\p  
\v 1 ሄሳፌ ጉዬ፥ ሳሎን ዎልቃማ ማላቲ ቤንቲስ። ኣዋ ማዓዳ፥ ኣጌና ቦላ ኤቃዳ፥ ታማኔ ናምዑ ፆሊንቶ ካላቻ ባ ሁዔን ዎዳ ዴዒያ፥ ኢሲ ማጫሲያ ቤንታሱ።  
\v 2 ሄ ማጫሲያ ቃንሺን፥ ኢዮ ኢቄ ኦይኪን ኡንዔታዳ ዋሳሱ። 
\p  
\v 3 ቃሲ ሃራ ማላቲ ሳሎን ቤንቲስ። ላፑን ሁዔቲኔ ታሙ ካጬቲ ዴዒያ ጊታ ዞዖ ዳዌይ ቤንቲስ። ኢ ባ ሁዔታ ቦላ ላፑን ካላቻ ዎስ።\x - \xo 12:3 \xt ዳኔ 7፡7\x* 
\v 4 ሄ ዳዌይ ባ ጎይናን ፆሊንቶታፔ ሲኩዋ ሳሎፔ ዳፊዲ ሳዓን ዬጊስ። ሄ ዳዌይ ናዓይ ዬሌቲ ዎዳ ሜላ ሚታናው ኮዪዲ፥ ዬላናው ኤቄቲያ ማጫሴ ሲንን ኤቂስ።\x - \xo 12:4 \xt ዳኔ 8፡10\x* 
\p  
\v 5 ሄ ማጫሲያ ካዎቴ ኡባ ቢራታ ፃምዓን ሃራናው ዴዒያ ኣዴ ናዓ ዬላሱ። ናዓይ ፆሳኮኔ ኢያ ኣራታኮ ፑዴ ኤኬቲስ።\x - \xo 12:5 \xt ኢሳ 66፡7፤ ማዝ 2፡9\x* 
\v 6 ማጫሲያ 1260 ጋላስ ጋካናው ኢዮ ናጋና ሜላ ፆሳይ ኢው ጊጊሲ ዎዳ ቤሳ ባዞ ቢታ ባቃታሱ። 
\p  
\v 7 ሳሎን ኦሊ ሜቲስ። ሚካዔሌይ ባ ኪታንቾታራ ዳዊያራ ኦሌቲስ፤ ዳዌይ ባ ኪታንቾታራ ጊዲዲ ዛሪ ኦሌቲስ።\x - \xo 12:7 \xt ዳኔ 10፡13\x* 
\v 8 ሺን ዳዌይ ፆኔቲዲ ሳሎን ኤንታው ዴዒያ ቤሲ ዪዶሶና።  
\v 9 ጊታ ዳዌይ፥ ቤኒ ሾሻይ፥ ሳዓን ዬጌቲስ። ኢካ ዳቡሎሳ ዎይኮ ፃላሄ ጌቴቲያ ኣላሚያ ባሌይሳ። ኢ ባ ኪታንቾታራ ኢሲፌ ዱጌ ኣላሚያ ዬጌቲስ።\x - \xo 12:9 \xt ሜ 3፡1፤ ሉቃ 10፡18\x* 
\p  
\v 10 ሄሳፌ ጉዬ፥ ሳሎን ሃይሳዳ ያጊያ ቃላ ሲዓስ። 
\q1 «ሃዒ ኣቶቴይ፥ ዎልቃይኔ ካዎቴይ፥ ኑ ፆሳሳ፤ 
\q2 ማታይ ኪሪስቶሳስ ጊዲስ። 
\q1 ሂዛ፥ ቃማኔ ጋላስ ፆሳ ሲንን፥ 
\q2 ኑ ኢሻታ ሞቴይሲ ሳሎፔ ዱጌ ሆሌቲስ።\x - \xo 12:10 \xt ኢዮ 1፡9\x* 
\q1  
\v 11 ኤንቲ ዶርሳ ሱኒኔ ባንታ ማርካቴ ቃላን፥ 
\q2 ኢያ ኦሊዲ ፆኒዶሶና። 
\q1 ኤንቲ ባንታ ሼምፑዋስ ሚሼቶና 
\q2 ባንታና ሃይቆስ ኣ ኢሚዶሶና። 
\q1  
\v 12 ሄሳ ጊሾ፥ ሳሎኒኔ ኢያ ጊዶን ዴዔይሳቶ ኡፋይቲቴ። 
\q2 ሺን ቢታኔ ኣባ ኣዬ! 
\q1 ሂዛ፥ ፃላሄይ ባው ጉ ዎዴይ ኣቲዳይሳ ኤሪዳ ጊሾ 
\q2 ዎልቃማ ሃንቆን ሂንቴኮ ዎስ» 
\m ያጊስ። 
\p  
\v 13 ቃሲ ዳዌይ ባና ሳዓ ዬጊዳይሳ ቤዒዳ ዎዴ ኣዴ ናዓ ዬሊዳ ማጫሲው ጎዲስ።  
\v 14 ማጫሲው ሾሻይ ቆሆና ሜላ ሄ ላይኔ ባጋ ማሼኔ ኡያሼ ኢያ ናጌቲያ ቤሲ ባዞ ቢታ ፒራዳ ባና ሜላ ናምዑ ዎልቃማ ኣርጋን ቄፌይ ኢው ኢሜቲስ።\x - \xo 12:14 \xt ዳኔ 7፡25፤ 12፡7\x* 
\p  
\v 15 ያቲዲ፥ ማጫሲው ዲዖይ ዲዒዲ ኤፋና ሜላ ዳዌይ ሻፋ ሃ ሜላ ባ ዶናፔ ማጫሴ ጉዬራ ጮዪስ።  
\v 16 ሺን ቢታይ ማጫሲው ማዲስ፤ ቢታይ ባ ዶና ዶዪዲ ዳዊያ ዶናፔ ኬዪዳ ሃ ሚቲስ።  
\v 17 ሄ ዳዌይ ማጫሴ ቦላ ዳሮ ሃንቄቲዲ፥ ኢ ዜሬታ፥ ፆሳ ኪታ ናጌይሳታኔ ዬሱሲ ቆንጪሲዳ ቱማስ ኣማኔቲዳይሳታ ኦላናው ቢዲ።  
\v 18 ኣባ ጋፃን ዴዒያ ሻፊያን ኤቂስ። 
\c 13  
\s1 ናምዑ ዶዓታ 
\p  
\v 1 ሄሳፌ ጉዬ፥ ኢሲ ዶዓይ ኣባፌ ኬዪሺን ቤዓስ። ኢያው ታሙ ካጬይኔ ላፑን ሁዔይ ዴዔስ። ሄ ታሙ ካጬታ ቦላ ታሙ ካላቻቲ ዴዖሶና። ሄ ሁዔታ ቦላ ፆሳ ጫሻ ሱንቲ ፃፌቲዲ ኡቲስ።\x - \xo 13:1 \xt ዳኔ 7፡3፤ ዮ.ቆ 17፡3\x* 
\v 2 ታ ቤዒዳ ዶዓይ ማሄ ዳኔስ፤ ኢያ ቶሆይ ባባን ቶሆ ሜላ፤ ኢያ ዶናይካ ጋሞ ዶና ዳኔስ። ዳዌይ ባ ዎልቃ፥ ባ ኣራታኔ ባ ጊታ ማታ ሄ ዶዓስ ኢሚስ።\x - \xo 13:2 \xt ዳኔ 7፡4\x* 
\p  
\v 3 ሄ ዶዓ ሁዒያፔ ኢሱዋ ቦላ ሃይቆስ ጋያ ማዱን ቤዓስ፥ ሺን ሄ ማዱንይ ፓፂስ። ኣላሚያ ኣሳ ኡባይ ማላሌቲዲ ሄ ዶዓ ካሊስ።  
\v 4 ዳዌይ ባ ማታ ዶዓስ ኢሚዳ ጊሾ ኣሳ ኡባይ ዳዊያ ጎይኒዶሶና። ቃሲ ኣሳይ፥ «ዶዓ ሜሊ ኦኔ? ኢያራ ኦሌታናው ዳንዳዔይ ኦኔ?» ያጊዲ ዶዓስ ጎይኒዶሶና። 
\p  
\v 5 ሄ ዶዓስ ኦቶርታና ሜላኔ ጫያና ሜላ ዶኒ ኢሜቲስ፤ ኦይታማኔ ናምዑ ኣጌና ሃራና ሜላ ማቲ ኢያው ኢሜቲስ።\x - \xo 13:5 \xt ዳኔ 7፡8፣ 25፤ 11፡36\x* 
\v 6 ሄ ዶዓይ ፆሳ፥ ኢያ ሱን፥ ኢ ዴዒያ ቤሳኔ ሳሎን ዴዒያ ኡባ ቃንጌ ኦይኪስ።  
\v 7 ሄ ዶዓይ ጌሻታራ ኦሌቲዲ፥ ኤንታና ፆናና ሜላ ዎልቂ ኢያው ኢሜቲስ። ያራ ኡባ፥ ዴሬ ኡባ፥ ዱማ ዱማ ዶና ኡባ ቦላኔ ዜሬ ኡባ ቦላ ማቲ ኢያው ኢሜቲስ።\x - \xo 13:7 \xt ዳኔ 7፡21\x* 
\v 8 ኣላሜይ ሜቶሳፔ ዶሚዲ፥ ሹኬቲዳ ዶርሳ ዴዖ ማፃፋን ኤንታ ሱንይ ፃፌቶና ሃ ሳዓን ዴዒያ ኣሳ ኡባይ ሄ ዶዓስ ጎይናና።\x - \xo 13:8 \xt ማዝ 69፡28\x* 
\p  
\v 9 ሲዒያ ሃይ ዴዒያ ኣሲ ሲዖ።  
\v 10 ኦኒካ ዲዔታናው ዴዔይ ዲዔቴስ። ማሻን ሃይቃናው ዴዔይ ማሻን ሹኬታና። ሄሳንካ ጌሻታ ዳንዳዓይኔ ኣማኖይ ኤሬታና።\x - \xo 13:10 \xt ኤር 15፡2፤ 43፡11\x* 
\p  
\v 11 ቃሲካ፥ ሃራ ዶዒ ሳዓፔ ኬዪሺን ቤዓስ። ኢያው ዶርሳ ካጬ ዳኒያ ናምዑ ካጬይ ዴዔስ፤ ኢያ ሃሳያይ ዳዌይሳ ሜላ።  
\v 12 ሄ ዶዓይ ኮይሮ ዶዓ ቤሳን፥ ኢያ ማታን ኦስ። ኢካ ሃይቆስ ጋያ ማዱንፌ ፓፂዳ ኮይሮ ዶዓስ፤ ቢታን ዴዒያ ኣሳ ኡባይ ጎዪናና ሜላ ኦስ።  
\v 13 ሄ ናምዓን ዶዓይ ሃሪ ኣቶሺን፥ ታማ ሳሎፔ ኣሳ ኡባ ሲንን ዎሳና ጋካናው ጊታ ማላታታ ኦስ።  
\v 14 ኮይሮ ዶዓ ቤሳን ኦና ሜላ፥ ኢያው ኢሜቲዳ ማላታታን ሳዓን ዴዒያ ኣሳ ኡባ ኢ ባሌስ። ማሻን ማዱንፂዲ ፓፂዳ ዶዓ ቦንቾስ ሚሲሌ ጊጊሳና ሜላ ኤንታና ኪቲስ።  
\v 15 ናምዓን ዶዓይ ኮይሮ ዶዓ ሚሲሊያስ ሼምፖ ኢሚዲ ኦዴታና ሜላኔ ኢያው ጎይኖናይሳቲ ሃይቃና ሜላ ኦያ ማቲ ኢሜቲስ። 
\p  
\v 16 ሄ ናምዓን ዶዓይ ጊቲኔ ጉ፥ ማንቆይኔ ዱሬይ፥ ዎማኖይኔ ኣይሌይ ባ ኡሻቻ ኩሼን ዎይኮ ባ ሶምዖን ማላ ዎና ሜላ ኦስ።  
\v 17 ሄ ዶዓ ሱንይ ዎይኮ ኢያ ሱን ፓይዱዋ ማላይ ባይና ኣሲ ኦኒካ ባይዛናዉኔ ሻማናው ዳንዳዔና። 
\p  
\v 18 ጪንጫቴ ኮሼይ ሄሳና። ኤራቴ ዴዒያ ኦኒካ ሄ ዶዓ ፓይዱዋ ቢርሼ ኤሮ፤ ሄ ፓይዶይ ኣሳ ሱን። ሄ ፓይዶይ ኡሱፑን ፄታኔ ኡስፑን ታማኔ ኡሱፑና። 
\c 14  
\s1 ዶርሳኔ 144፥000 ኣሳ 
\p  
\v 1 ሄሳፌ ጉዬ፥ ዶርሳይ ፂዮኔ ዴሪያ ቦላ ኤቂዳይሳ ቤዓስ። ኢያራ ኢያ ሱንይኔ ኢያ ኣዋ ሱንይ ኤንታ ሶምዖን ፃፌቲዳ፥ 144፥000 ኣሳይ ዴዔስ።\x - \xo 14:1 \xt ሂዝ 9፡4፤ ዮ.ቆ 7፡3\x* 
\v 2 ሳሎፔ ጊታ ሃ ጉንኔ ዳዳ ጉን ዳኒያ ዎልቃማ ጊርሲ ሲዓስ። ቃሲ ታ ሲዒዳ ጊርሳይ ዲ ዲፂሺን ሲዔቲያ ጊርሳ ሜላ።  
\v 3 144፥000 ኣሳይ ኣራታ ሲንን፥ ኦይዱ ዴዖን ዴዒያ ሜቴታ ሲንኒኔ ጪማታ ሲንን ኤቂዲ ኤንታፌ ሃራ ኦኒካ ታማራናው ዳንዳዖና ኦራ ማዝሙሬ ዬፂዶሶና።  
\v 4 ሃይሳቲ ማጫሳራ ባንታና ቱኒሶና ናጊዳ ጌሻታ። ኤንቲ ዶርሳይ ቢያሶ ኡባ ካሎሶና። ኤንቲ ፆሳሲኔ ዶርሳስ ባይራ ጊዲዲ፥ ሺቃናው ሳዓ ኣሳ ጊዶፌ ዎዜቲዶሶና።  
\v 5 ኤንቲ ዎርዶይኔ ቦሬይ ባይና ኣሳታ።\x - \xo 14:5 \xt ሶፎ 3፡13\x* 
\s1 ሄ ኪታንቾታ 
\p  
\v 6 ሄሳፌ ጉዬ፥ ሜሪና ዎንጌላ ሳዓ ቦላ ዴዒያ ካዎቴ ኡባስ፥ ዜሬ ኡባስ፥ ያራ ኡባሲኔ ዱማ ዱማ ዶና ኡባስ ማርካታናው ሳሎራ ፒራያ ሃራ ኪታንቾ ቤዓስ።  
\v 7 ሄ ኪታንቾይ ባ ቃላ ቁ ኦዲ፥ «ፆሳይ ኣላሚያ ፒርዲያ ሳቴይ ጋኪዳ ጊሾ ፆሳስ ያዪቴ፤ ኢያ ቦንቺቴ። ሳሎ፥ ሳዓ፥ ኣባኔ ፑልቶ ሃ ሜዳ ፆሳ ጎይኒቴ» ያጊስ። 
\p  
\v 8 ኮይሮይሳ ካሊዲ ሃራ ናምዓን ኪታንቾይ፥ «ዴሬ ኡባ ቱናኔ ማያ ዎይኔ ኡሺዳ፥ ጊታ ባቢሎኔይ ኩንዳሱ! ኩንዳሱ!» ያጊዲ ዋሲስ።\x - \xo 14:8 \xt ኢሳ 21፡9፤ ኤር 51፡8፤ ዮ.ቆ 18፡2\x* 
\p  
\v 9 ሄን ኪታንቾይ ኤንታ ካሊዲ፥ ባ ቃላ ቁ ኦዲ፥ «ዶዓኔ ኢያ ሚሲሊያ ጎይኒያ ቃሲ ኢያ ማላ ባ ሶምዖን ዎይኮ ባ ኩሼን ዎያ ኦኒካ ዴዒኮ፥  
\v 10 ኢ ሃንቆ ፁዓን ኩሚዳ ፆሳ ሃንቆ ዎይኒያ ኡያና። ኤንቲ ጌሻ ኪታንቾታ ሲንኒኔ ዶርሳ ሲንን ኤፂያ ዲኔ ታማን ዋዬታና።\x - \xo 14:10 \xt ኢሳ 51፡17፤ ሜ 19፡24፤ ሂዝ 38፡22\x* 
\v 11 ኤንታ ዋያ ጩያይ ሜሪ ሜሪናው ጩዪሼ ዳና። ዶዓኔ ኢያ ሚሲሊያ ጎይኔይ ቃሲ ሄ ዶዓ ሱን ማላይ ዴዒያ ኦኒካ ቃማኔ ጋላስ ሼምፖይ ባይና ካዔታና» ያጊስ።\x - \xo 14:11 \xt ኢሳ 34፡10\x* 
\p  
\v 12 ፆሳ ኪታ ናጌይሳቲኔ ዬሱሳ ኣማኔቴይሳቲ ጌንጪያ ሚኖቴይ ቆንጪያ ዎዴይ ሄሳ። 
\p  
\v 13 ሄሳፌ ጉዬ፥ «ሂዛፔ ጎዳን ሃይቄይሳቲ ኣንጄቲዳይሳታ» ያጊያ ቃላ ሳሎፔ ሲዓስ። 
\p ኣያናይ፥ «ኤ ቱማ፥ ኤንታ ኦሶይ ኤንታ ካሊያ ጊሾ ኤንቲ ባንታ ዳቡራፔ ሼምፓና» ያጌስ። 
\s1 ካ ሺሾ ዎዴ 
\p  
\v 14 ሄሳፌ ጉዬ፥ ቦ ሻራ ቦላ ኡቲዳ ኣሳ ናዓ ዳኔይሳ ቤዓስ። ኢ ባ ሁዔን ዎርቃ ካላቻ ዎስ፤ ቃሲ ባ ኩሼን ባጫ ኦይኪስ።\x - \xo 14:14 \xt ዳኔ 7፡13-14\x* 
\v 15 ሃራ ኪታንቾይ ፆሳ ኬፌ ኬዪዲ፥ ሻራ ቦላ ኡቲዳይሳኮ ባ ቃላ ቁ ኦዲ፥ «ካ ሺሾ ዎዴይ ጋኪዳ ጊሾ ኔ ባጫ ዬዳዳ ካ ጫካ፤ ሳዓን ዴዒያ ካይ ጋኪስ» ያጊስ።\x - \xo 14:15 \xt ኢዩ 3፡13\x* 
\v 16 ያቲን ሻራ ቦላ ኡቲዳይሲ ባ ባጫ ሳዓ ዬዲዲ፥ ሳዓን ዴዒያ ካ ጫኪስ። 
\p  
\v 17 ቃሲካ ሳሎን ዴዒያ ፆሳ ኬፌ ሃራ ኪታንቾይ ኬዪስ፤ ኢያዉካ ኦጮ ባጪ ዴዔስ። 
\p  
\v 18 ታማ ቦላ ማቲ ዴዒያ ሃራ ኪታንቾይ ያርሾ ቤሳፌ ኬዪስ። ኢ ባ ቃላ ቁ ኦዲ ኦጮ ባጫ ኦይኪዳ ኪታንቹዋኮ፥ «ዎይኔ ኣይፌይ ቴሪዳ ጊሾ ኔ ኦጮ ባጫ ዬዳዳ፥ ሳዓን ዴዒያ ዎይኒያፔ ቃንፃ» ያጊስ።  
\v 19 ሄ ኪታንቾይ ባ ባጫ ዬዲዲ፥ ሳዓን ዴዒያ ዎይኒያፔ ቃንፂዲ፥ ፆሳ ጊታ ሃንቁዋ ጉምዒያ ቤሳን ዬጊስ።  
\v 20 ኤንቲ ካታማፔ ጋፃን ዴዒያ ዎይኔ ኣይፌ ጉምዒያ ቤሳን ዬቲዶሶና። ሱ ዎይኒያ ጉምዒያ ቤሳፌ ኬዪዲ ኢሲ ሙኩሉኔ ኡስፑን ፄቱ ኪሎ ሚቲሬ ሜላ ሃኪዲ፥ ፓራ ፑሎ ጋኪያ ሜላ ኤሊዲ ቁ ጊስ።\x - \xo 14:20 \xt ኢሳ 63፡3፤ ኤር.ዜ 1፡15፤ ዮ.ቆ 19፡15\x* 
\c 15  
\s1 ዉርሴ ቦሻታ 
\p  
\v 1 ታኒ ሳሎን ሃራ ጊታኔ ማላሊሲያ ማላታ ቤዓስ። ፆሳ ዉርሴ ሃንቁዋ ቆንጪሲያ ላፑን ቦሻታ ኦይኪዳ ላፑን ኪታንቾቲ ዴዖሶና። 
\p  
\v 2 ቃሲ ታማራ ዋላኬቲዳ ቡርጩኮ ኣባ ዳኔይሳ ቤዓስ። ሄ ኣባ ጋፃን ዶዓ፥ ኢያ ሚሲሊያኔ ኢያ ሱን ታይቡዋ ፆኒዳይሳታ ቤዓስ። ፆሳይ ኤንታው ኢሚዳ ዲ ኦይኪዲ ኤቂዶሶና።  
\v 3 ኤንቲ ፆሳ ኣይሊያ ሙሴ ማዝሙሪያኔ ዶርሳ ማዝሙሪያ ሃይሳዳ ያጊድ ዬፆሶና። 
\q1 «ጎዳው፥ ኡባፌ ዎልቃማ ፆሳው፥ 
\q2 ኔ ኦሶይ ጊታኔ ማላሊሲያባ። 
\q1 ዴሬ ኡባ ካዋው፥ 
\q2 ኔ ኦጌይ ፂሎኔ ቱማ።\x - \xo 15:3 \xt ኬሳ 15፡1\x* 
\q1  
\v 4 ጌሺ ኔ ፃላላ ጊዲያ ጊሾ 
\q2 ጎዳው፥ ኔው ያዮናይኔ 
\q2 ኔ ሱን ቦንቾናይ ኦኔ? 
\q1 ኔ ፂሎ ኦሶይ ኣሳ ኡባስ ቆንጬ ጊዲያ ጊሾ 
\q2 ካዎቴ ኡባይ ኔ ሲን ዪዲ ጎይናና» 
\m ያጊዲ ዬፆሶና።\x - \xo 15:4 \xt ኤር 10፡7፤ ማዝ 86፡9\x* 
\p  
\v 5 ሄሳፌ ጉዬ፥ ሳሎን ዶዬቲዲ ዴዒያ ፆሳ ኬ፥ ኢካ ማርካቴ ዱንካኒያ ቤዓስ።\x - \xo 15:5 \xt ኬሳ 38፡21\x* 
\v 6 ላፑን ቦሻታ ኦይኪዳ ላፑን ኪታንቾቲ ፆሳ ኬፌ ኬዪዶሶና። ኤንቲ ጌሺኔ ጶሊያ ሊኖ ማዖ ማዒዶሶና፤ ባንታ ቲራን ዎርቃ ዳንጮ ዳንጪዶሶና።  
\v 7 ኦይዱ ሜቴታፔ ኢሶይ፥ ሜሪናው ዴዒያ ፆሳ ሃንቆይ ኩሚዳ ላፑን ዎርቃ ፁዓታ ላፑን ኪታንቾታስ ኢሚስ።  
\v 8 ፆሳ ቦንቹዋፌኔ ኢያ ዎልቃፌ ዴንዶይሳን ፆሳ ኬይ ጩያን ኩሚስ። ላፑን ኪታንቾቲ ኦይኪዳ ላፑን ቦሻቲ ፖሌታና ጋካናው ፆሳ ኬ ኦኒካ ጌላናው ዳንዳዒቤና።\x - \xo 15:8 \xt ኬሳ 40፡34፤ 1ካዎ 8፡10\x* 
\c 16  
\s1 ፆሳ ሃንቆይ ኩሚዳ ፁዓታ 
\p  
\v 1 ሄሳፌ ጉዬ፥ ፆሳ ኬፌ ላፑን ኪታንቾታኮ፥ «ቢዲ ፆሳ ሃንቁዋ ላፑን ፁዓታፔ ሳዓን ጉሲቴ» ያጊዲ፥ ኦዲያ ዎልቃማ ቃላ ሲዓስ። 
\p  
\v 2 ኮይሮ ኪታንቾይ ቢዲ፥ ባ ፁዓን ዴዔይሳ ሳዓን ጉሲን፥ ዶዓ ማላይ ዴዔይሳታ ቦላኔ ኢያ ሚሲሊያ ጎይኒዳይሳታ ቦላ ኢታኔ ዛሚያ ማዱን ኬዪስ።\x - \xo 16:2 \xt ኬሳ 9፡10\x* 
\p  
\v 3 ናምዓን ኪታንቾይ ባ ፁዓን ዴዔይሳ ኣባን ጉሲን፥ ኣባይ ሃይቂዳ ኣሳ ሱ ዳኒስ። ቃሲ ኣባን ዴዒያ ሜቴ ኡባይ ሃይቂስ። 
\p  
\v 4 ሄን ኪታንቾይ ባ ፁዓን ዴዔይሳ ሻፋታኒኔ ፑልቶ ሃታን ጉሲን፥ ሃቲ ሱ ጊዲዶሶና።\x - \xo 16:4 \xt ኬሳ 7፡17\x* 
\v 5 ሄሳፌ ጉዬ፥ ሃ ቦላ ማቲ ዴዒያ ኪታንቾይ ሃይሳዳ ያጊሺን ሲዓስ። 
\q1 «ሃዒካ ቤኒካ ዴዒያ ጌሻው፥\x - \xo 16:5 \xt ኬሳ 3፡14\x* 
\q2 ሃይሳዳ ኔ ፒርዲዳ ጊሾ ኔኒ ፂሎ። 
\q1  
\v 6 ኤንቲ ጌሻታ ሱኔ ናቤታ ሱ ጉሲዳ ጊሾ 
\q2 ኤንቲ ሱ ኡያና ሜላ ኦዳሳ። 
\q1 ኤንቲ ባንታው ቤሲያባ ኤኪዶሶና» 
\m ያጊስ።  
\v 7 ያርሾ ቤሳፌ፥ 
\q1 «ጎዳው፥ ኡባፌ ዎልቃማ ፆሳው፥ 
\q2 ኔ ፒርዳይ ቱማኔ ፂሎ» 
\m ያጊያ ቃላ ሲዓስ። 
\p  
\v 8 ኦይዳን ኪታንቾይ ባ ፁዓን ዴዔይሳ ኣዋ ቦላ ጉሲን፥ ኣዋይ ባ ሴላን ኣሳ ፁጋና ሜላ ኣዋስ ዎልቂ ኢሜቲስ።  
\v 9 ኣሳይ ዎልቃማ ሴላን ፁጌቲዲ፥ ሄ ቦሻታ ቦላ ማቲ ዴዒያ ፆሳ ሱን ባዲዶሶና፤ ባንታ ናጋራፔ ሲሚዲ ፆሳ ቦንቺቦኮና። 
\p  
\v 10 ኢቻሻን ኪታንቾይ ባ ፁዓን ዴዔይሳ ዶዓ ኣራታ ቦላ ጉሲን፥ ሄ ዶዓ ካዎቴይ ሚስ። ኣሳይ ኡንዓ ጊሾ ባንታ ኢንፃርሳ ሳፆሶና።\x - \xo 16:10 \xt ኬሳ 10፡21\x* 
\v 11 ቃሲ ኣሳይ ኡንዓ ጊሾኔ ማዱን ጊሾ ሳሎ ፆሳ ባዲዶሶና፤ ባንታ ኦዳ ናጋራፔ ሲሚቦኮና። 
\p  
\v 12 ኡሱፑን ኪታንቾይ ባ ፁዓን ዴዔይሳ ጊታ ኤፊራፂሴ ሻፋን ጉሲን፥ ዶሎሃ ባጋፌ ያና ካዎታስ ኦጌይ ጊጋና ሜላ ሃይ ሜሊስ።\x - \xo 16:12 \xt ኢሳ 11፡15\x* 
\v 13 ሄሳፌ ጉዬ፥ ሾ ዳኒያ ሄ ቱና ኣያናቲ ዳዊያ ዶናፔ፥ ዶዓ ዶናፔኔ ዎርዶ ናቢያ ዶናፔ ኬዪሺን ቤዓስ።  
\v 14 ኤንቲ ማላታታ ኦያ ቱና ኣያናታ። ሄ ሄ ቱና ኣያናቲ ኡባፌ ዎልቃማ ፆሳ ጊታ ጋላሳን ሃናናው ዴዒያ ኦላስ ሺሻናው ኣላሜ ካዎታ ኡባኮ ባና። 
\p  
\v 15 «ሄኮ፥ ታ ካይሶዳ ያና! ኣሳ ሲንን ካሎቶናዳኔ ዬላቶናዳ ባርኪዲ፥ ባ ማዑዋ ናጊያ ኡራይ ኣንጄቲዳይሳ!» ያጊስ።\x - \xo 16:15 \xt ማቶ 24፡43\x* 
\p  
\v 16 ሄ ቱና ኣያናቲ ካዎታ ኢብራይስፄ ዶናን ኣርማጌዶኔ ጊያ ቤሳን ሺሺዶሶና።\x - \xo 16:16 \xt 2ካዎ 23፡29፤ ዛካ 12፡11\x* 
\p  
\v 17 ላፑን ኪታንቾይ ባ ፁዓን ዴዔይሳ ጫርኮ ቦላ ጉሲን፥ ፆሳ ኬን ዴዒያ ኣራታፔ፥ «ፖሌቲስ» ያጊያ ዎልቃማ ቃላይ ዪስ።  
\v 18 ሄሳፌ ዎልዓን ዎልዓሚስ፤ ዳዳይ ቂስ፥ ቢታይ ቃፂስ። ኣሲ ሳዓን ሜቶሳፔ ቢቲ ሄሳ ሜላ ቃፆ ቃፂቤና። ሄሲ ኡባፌ ኣዳ ቃፆ።\x - \xo 16:18 \xt ዮ.ቆ 8፡5፤ 11፡13\x* 
\v 19 ጊታ ካታማይ ሄ ኬዪዲ ሻኬቲስ፤ ቢታ ኡባን ዴዒያ ካታማቲ ዪዶሶና። ፆሳይ ጊታ ካታማ ባቢሎኔ ቆፒዲ፥ ባ ኢታ ሃንቆ ዎይኔ ኡሻይ ኩሚዳ ፁዓ ኢው ኢሚስ።\x - \xo 16:19 \xt ኢሳ 51፡17\x* 
\v 20 ሃን ቴቄቲዳ ቢታቲ ዪዶሶና፤ ዴሬቲካ ቤንቲቦኮና።\x - \xo 16:20 \xt ዮ.ቆ 6፡14\x* 
\v 21 ኣሳ ቦላ ኦይታማኔ ኢቻሹ ኪሎ ጊራሜ ሜላ ዴፂያ ዎልቃማ ሻቺ ሳሎፔ ቡኪስ። ቦሻይ ዳሮ ኢታ ጊዲያ ጊሾ ኣሳይ ሻቻ ቦሻ ጊሾ ፆሳ ባዲዶሶና።\x - \xo 16:21 \xt ኬሳ 9፡23\x* 
\c 17  
\s1 ጊታ ላይማቲያ ማጫሲው 
\p  
\v 1 ላፑን ፁዓታ ኦይኪዳ ላፑን ኪታንቾታፔ ኢሶይ ታኮ ዪዲ፥ «ሃያ፤ ዳሮ ሃታ ቦላ ኡቲዳ ጊታ ላይማቲያ ማጫሴ ቦላ ያናው ዴዒያ ፒርዳ ታ ኔና ቤሳና።\x - \xo 17:1 \xt ኤር 51፡13\x* 
\v 2 ኣላሚያ ካዎቲ ኢራ ላይማቲዶሶና፤ ኣላሜን ዴዒያ ኣሳይካ ኢ ላይማቴ ዎይኒያ ኡዪዲ ማቲዶሶና» ያጊስ።\x - \xo 17:2 \xt ኢሳ 23፡17፤ ኤር 51፡7\x* 
\p  
\v 3 ሄ ኪታንቾይ ታና ጌሻ ኣያናን ባዞ ቢታ ኤፊስ። ያን ኢሲ ማጫሲያ ጫሻ ሱንይ ኢ ቦላ ኡባን ፃፌቲዲ ኡቲዳ፥ ዞዖ ዶዓ ቶጊዳሮ ቤዓስ፤ ሄ ዶዓስ ላፑን ሁዔይኔ ታሙ ካጬይ ዴዔስ።\x - \xo 17:3 \xt ዮ.ቆ 13፡1\x* 
\v 4 ሄ ማጫሲያ ካሎሴ ማዖኔ ዞዖ ማዖ ማዓሱ፤ ኢያ ዎርቃን፥ ቦንቾ ሹቻኒኔ ኢንቆ ጊያ ኣልዖ ሹቻን ኣሌቄታሱ። ኢያ ባ ኩሼን ቦርሲያባኔ ላይማቴ ቱናቴን ኩሚዳ ዎርቃ ፁዓ ኦይካሱ።\x - \xo 17:4 \xt ኤር 51፡7\x* 
\v 5 ኢ ሶምዖን ፁራ ኦሶ ቢርሼይ ዴዒያ ሱንይ፥ «ጊታ ባቢሎኔይ፥ ላይማቴሲኔ ሳዓን ዴዒያ ቱናባ ኡባስ ኣዮ» ያጊያ ፁፌይ ፃፌቲዲ ኡቲስ።  
\v 6 ቃሲ ሄ ማጫሲያ ጌሻታ ሱኔ ዬሱሳስ ማርካቲሼ ሃይቂዳይሳታ ሱ ኡያዳ ማቲዳሮ ታ ቤዓዳ ማላሌታስ። 
\p  
\v 7 ኪታንቾይ ታኮ፥ «ኔኒ ኣይስ ማላሌታይ? ታኒ ኔው ማጫሴ ፁራኔ ኢያ ቶኪዳ ላፑን ሁዔይኔ ታሙ ካጬይ ዴዒያ ዶዓ ፁራ ኦዳና።  
\v 8 ኔኒ ቤዒዳ ዶዓይ ኮይሮ ዴዔስ፥ ሺን ሃዒ ባዋ። ሄ ዶዓይ ጪሞ ኦላፌ ኬዪዲ ዮስ ባና። ሳዓይ ሜቶሳፔ ዶሚዲ፥ ዴዖ ማፃፋን ኤንታ ሱንይ ፃፌቲቦና ሳዓን ዴዒያ ኣሳይ ዶዓ ቤዒዲ ማላሌታና። ሂዛ፥ ኢ ካሴ ዴዔስ፤ ሃዒ ባዋ፥ ሺን ሲንፌ ያና።\x - \xo 17:8 \xt ዳኔ 7፡7፤ ዮ.ቆ 11፡7፤ ማዝ 69፡28\x* 
\p  
\v 9 «ሃይሲ ጪንጫቴኔ ኣኬካ ኮዬስ። ላፑን ሁዔቲ ማጫሲያ ኡቲያ ላፑን ዴሬታ፤ ሄሳቲ ቃሲ ላፑን ካዎታ።  
\v 10 ኤንታፌ ኢቻሹ ካዎቲ ኩንዲዶሶና። ኢሶይ ሃዒ ጋካናው ሃሬስ፤ ሃንኮ ካዎይ ዪቤና። ኢ ዪዲ ጉ ዎዴ ታካናው ቤሴስ።  
\v 11 ሲን ዴዒዳ ዶዓይ፥ ሃዒ ባይናይሲ፥ ኢ ባ ሁዔን ሆስፑን ዶዓ። ኢ ላፑን ዶዓታፔ ኢሱዋ፤ ኢ ያናው ቤስ። 
\p  
\v 12 ኔኒ ቤዒዳ ታሙ ካጬቲ ሃሮ ዶሚቦና ታሙ ካዎታ። ሺን ኤንቲ ዶዓራ ኢሲፌ ኢሲ ሳቴ ካዎቲዲ ሃራናው ኤንታው ማቲ ኢሜታና።\x - \xo 17:12 \xt ዳኔ 7፡24\x* 
\v 13 ኤንታ ኡባስ ኢሲ ቆፋይ ዴዔስ፤ ኤንቲ ባንታ ዎልቃኔ ባንታ ማታ ዶዓስ ኢማና።  
\v 14 ኤንቲ ዶርሳራ ኦሌታና፥ ሺን ዶርሳይ ጎዳታ ጎዳኔ ካዎታ ካዎ ጊዲያ ጊሾ ኢ ፄጊዳይሳቲ፥ ዶሪዳይሳቲኔ ኣማኔቲዳይሳቲ ሄ ካዎታ ፆናና» ያጊስ። 
\p  
\v 15 ኪታንቾይ ቃሲካ ታኮ፥ «ላይማቲያራ ኡቲዳ ሄ ኔኒ ቤዒዳ ሃቲ ያራታ፥ ካዎቴታ፥ ዜሬታኔ ዱማ ዱማ ዶናን ኦዴቴይሳታ።  
\v 16 ቃሲ ኔኒ ቤዒዳ ታሙ ካጬይኔ ዶዓይ ላይማቲያሮ ኢፃና። ኤንቲ ኢው ዴዒያ ኡባባ ኤካና። ቃሲ ኢዮ ካሎ ኣሻናኔ ኢ ኣሹዋ ሚዲጋና፤ ያቲዲ ኤንቲ ኢዮ ታማን ፁጋና።  
\v 17 ሂዛ፥ ፆሳ ቃላይ ፖሌታና ጋካናው ኤንታ ቆፋይ ኢሲኖ ጊዳና ሜላ ኤንቲ ባንታ ኣይሲያ ዎልቃ ዶዓስ ኢማናዳኔ ፆሳይ ቆፒዳይሳ ኤንቲ ኦናዳ ኤንታ ዎዛናን ፆሳይ ኣሞ ዎስ።  
\v 18 ሄ ኔኒ ቤዒዳ ማጫሲያ ሳዓ ካዎታ ሃሪያ ጊታ ካታሚው» ያጊስ። 
\c 18  
\s1 ባቢሎኔ ኩንዴ 
\p  
\v 1 ያቲዲ፥ ጊታ ማቲ ዴዒያ ሃራ ኪታንቾይ ሳሎፔ ዎሺን ታ ቤዓስ። ሄ ኪታንቹዋ ቦንቾይ ሳዓ ፖዒሲስ።  
\v 2 ሄ ኪታንቾይ ባ ቃላ ቁ ኦዲ፥ 
\q1 «ኢያ ኩንዳሱ! ጊታ ባቢሎኔይ ኩንዳሱ! 
\q2 ባቢሎኔይ ቱና ኣያናቲ ኣቂያ ቤሲ ጊዳሱ። 
\q1 ዱማ ዱማ ኢታባታስ ኬ ጊዳሱ፤ 
\q2 ቱና ካፎቲኔ ዶዓቲ ሼምፒያ ቤሲ ጊዳሱ።\x - \xo 18:2 \xt ኢሳ 21፡9፤ ኤር 51፡8፤ ዮ.ቆ 14፡8፤ ኢሳ 13፡21፤ ኤር 50፡39\x* 
\q1  
\v 3 ኣሳ ዜሬ ኡባ ባ ላይማቴ ዎይኒያ ኡሻሱ። 
\q2 ሳዓ ካዎቲ ኢራ ላይማቲዶሶና። 
\q1 ኢ ሚኮቴፌ ዴንዶይሳን 
\q2 ቢታን ዴዒያ ዛልዓንቾቲ ዱሬቲዶሶና» 
\m ያጊስ።\x - \xo 18:3 \xt ኢሳ 23፡17፤ ኤር 51፡7\x* 
\p  
\v 4 ሄሳፌ ጉዬ፥ ታ ሳሎፔ ሃይሳዳ ያጊያ ሃራ ቃላ ሲዓስ። 
\q1 «ኢ ናጋራ ኢራ ኮፆና ሜላኔ፥ 
\q2 ኢያ ኤካናው ዴዒያ ሴራ ሂንቴ ኤኮና ሜላ፥ 
\q2 ታ ዴሪያው ኢፔ ኬዪቴ። 
\q1  
\v 5 ሂዛ፥ ኢ ናጋራይ ሳሎ ጋካናው ዶሬቲስ። 
\q2 ፆሳይ ኢ ናቁዋ ኣኬኪስ።\x - \xo 18:5 \xt ሜ 18፡20\x* 
\q1  
\v 6 ኢያ ኢሚዳይሳ ሜላ ዛሪዲ ኢው ኢሚቴ። 
\q2 ኢያ ኦዳ ኦሱዋስ ናምዑ ኩሼ ኢው ዛሪቴ። 
\q2 ኢያ ጊጊሲዳ ኡሻ ቦላ ሂንቴ ናምዑ ኩሼ ማያ ኡሻ ኢ ፁዓን ኩንቴ።\x - \xo 18:6 \xt ማዝ 137፡8፤ ኤር 50፡29\x* 
\q1  
\v 7 ኢያ ቦንቼቲዳይሳዳኔ ኢው ኢንጄቲዳይሳ ሜላ፥ 
\q2 ኢዮ ሜቶቴኔ ካዮዪቴ። 
\q1 ኢያ ባ ዎዛናን፥ 
\q2 ‹ታኒ ካዌዳ ኡታስ፤ ታ ኣዚኒ ባይና ማጫስ ጊዲኬ፤ 
\q2 ታኒ ኡባካ ካዮቲኬ› ያጋሱ። 
\q1  
\v 8 ሄሳ ጊሾ፥ ቦሻ ኡባይ፥ 
\q2 ሃርጌይ፥ ካዮይኔ ኮሺ ኢዮ ኢሲ ጋላስ ኦይካና። 
\q1 ቃሲ ኢያ ታማን ፁጌታና፤ 
\q2 ኣይስ ጊኮ፥ ኢ ቦላ ፒርዲያ ፆሳይ ዎልቃማ» 
\m ያጊስ።\x - \xo 18:8 \xt ኢሳ 47፡7-9\x* 
\p  
\v 9 «ኢራ ላይማቲዳይሳቲኔ ኢ ሚኮቴን ዴዒዳ፥ ኣላሚያ ካዎቲ ሄ ካታሚያ ፁጌቲን ኬያ ጩያ ቤዒዳ ዎዴ ኢው ዋሲዲ ዬካና።\x - \xo 18:9 \xt ሂዝ 26፡16-17\x* 
\v 10 ኤንቲ ሄ ካታሜ ዋያ ቤዒዲ ያዪዳ ጊሾ ሃኪ ኤቂዲ፥ 
\q1 ‹ሃ ጊታ ካታሜ! ዎልቃማ ካታሜ! 
\q2 ባቢሎኔ፥ ኔና ኣዬ! 
\q1 ኔኒ ኢሲ ሳቴ ጊዶን ኔ ፒርዳ ኤካዳሳ› ያጋና። 
\p  
\v 11 «ኤንታ ማርካቢያ ጫና ሂዛፔ ሻሚያ ኣሲ ባይና ጊሾ ሳዓን ዴዒያ ዛልዓንቾቲ ሄ ካታሜስ ዋሳናኔ ካዮታና።\x - \xo 18:11 \xt ሂዝ 27፡31\x* 
\v 12 ኤንታ ዎርቃ፥ ቢራ፥ ቦንቾ ሹቻ፥ ኢንቆ ጊያ ኣልዖ ሹቻ፥ ካሎሴ ማዖ፥ ሊኖ ማዖ፥ ሃሬ ማዖ፥ ዞዖ ማዖ፥ ዱማ ዱማ ሳዎ ሚ፥ ዛሌ፥ ኣልዖ ሚ፥ ናሴ ቢራታ፥ ጎሌ ሹቹ፥\x - \xo 18:12 \xt ሂዝ 27፡12፣ 13፣ 22\x* 
\v 13 ቃራፋ፥ ቂማሜ፥ ኢፃኔ፥ ካርቤ፥ ሺቶ፥ ዎይኔ፥ ዛይቴ፥ ሊቆ ሌ፥ ጊስቴ፥ ሜሄ፥ ዶርሴ፥ ፓራ፥ ፓራ ጋሬ፥ ኣይሌታኔ ሃራ ኣሳታ ሻሚያ ኦኒካ ባዋ። 
\p  
\v 14 «ዛልዓንቾቲ ማጫሴኮ፥ ‹ኔኒ ኣሞቲዳ ሎዖባ ኡባይ ኔፔ ይስ። ኔ ኣቆይኔ ኣሌቄቲዳባ ኡባይ ኔፔ ሃኪስ። ኔኒ ዛራዳ ኤንታ ኡባ ዴማካ› ያጊዶሶና።  
\v 15 ሄ ካታማን ዛልዒዲ ዱሬቲዳ ዛልዓንቾቲ ኢ ሜቱዋ ባቢዲ ኢፔ ሃኪዲ ኤቃና። ኤንቲ ዬካናኔ ካዮታና።\x - \xo 18:15 \xt ሂዝ 27፡31\x* 
\v 16 ቃሲ፥ 
\q1 ‹ሊኖ ማዖ፥ ካሎሴ ማዖኔ ዞዖ ማዖ ማዓዳ፥ 
\q2 ዎርቃን፥ ቦንቾ ሹቻኒኔ ኢንቆ ጊያ ኣልዖ ሹቻን ኣሌቄቲዳ፥ 
\q2 ሄ ጊታ ካታሜስ ኣዬ!  
\v 17 ሃይሳ ሜላ ጊታ ሻሎ ኡባይ ኢሲ ሳቴ ጊዶን ይስ› ያጊዶሶና። 
\p «ማርካቢያ ላጊያ ኡባይ፥ ማርካቢያን ቢያ ኡባይ፥ ማርካቢያ ቦላ ኦያ ኡባይኔ ኣባን ዛልዒያ ኡባይ ሃኪ ኤቂዶሶና።\x - \xo 18:17 \xt ኢሳ 23፡14፤ ሂዝ 27፡26\x* 
\v 18 ሄ ካታሚያ ፁጌቲን ኬያ ጩያ ቤዒዳ ዎዴ ‹ሃ ጊታ ካታሚው ዳኒያ ሃራ ካታሚ ዴዒሻ?› ያጊዶሶና።\x - \xo 18:18 \xt ሂዝ 27፡32\x* 
\v 19 ኤንቲ ባንታ ሁዔን ባና ቆሊዲ፥ ዋሲዶሶናኔ ካዮቲዶሶና። 
\q1 ‹ኣባ ቦላ ማርካቤቲ ዴዒያ ኡባይ፥ 
\q2 ኢ ሻሉዋን ዱሬቲዳ ኡባይ፥ 
\q1 ሄ ካታሚያ ኢሲ ሳቴን ዪዳ ጊሾ 
\q2 ኣዬ! ኣዬ! 
\q1  
\v 20 ሳሉዋው፥ ኢ ዩዋን ኡፋይታ! 
\q2 ጌሻቶ፥ ሃዋሬቶ፥ ናቤቶ፥ 
\q1 ፆሳይ ሂንቴ ጊሾ ኢ ቦላ ፒርዲዳ ጊሾ ኡፋይቲቴ።› ያጊዶሶና።»\x - \xo 18:20 \xt ሂዝ 27፡30፤ ዛሬ 32፡43፤ ኤር 51፡48\x* 
\p  
\v 21 ያቲን፥ ሚኖ ኪታንቾይ ዎፃ ዳኒያ ጊታ ሹቹ ዴንዲ ኣባን ሆሊሼ፥ «ጊታ ካታሚያ ባቢሎኔይ ዎልቃን ሆሌታዳ ሃይሳዳ ኩንዳና፤ ኢያ ሃቺፌ ጉዬ ኡባካ ቤንቱኩ።\x - \xo 18:21 \xt ኤር 51፡63\x* 
\v 22 ዲ ዲፄይሳቲኔ ዬፄይሳቲ፥ ሱሱልዔኔ ሞይዜ ፑኔይሳቲ፥ ሂዛፔ ጉዬ ኔ ጊዶን ኡባካ ሲዔቶኮና። ኣይ ኮቻ ዛልዔ ዛልዒያ ኣሲካ ኔ ጊዶን ቤንቴና። ዎፃ ጊርሲ ሂዛፔ ጉዬ ኔ ጊዶን ሲዔቴና።\x - \xo 18:22 \xt ኢሳ 24፡8፤ ሂዝ 26፡13\x*\x - \xo 18:22 \xt ኤር 7፡34፤ 25፡10\x* 
\v 23 ፆምፔ ፖዖይ ዛሪዲ ኔ ጊዶን ፖዔና። ማቾ ኤኬይሳኔ ኣዚና ጌሊያሪ ቃሊ ሂዛፔ ጉዬ ኔ ጊዶን ሲዔቴና። ኔ ዛልዓንቾቲ ቢታ ኡባን ኤሬቲዳ ዎልቃማታ። ኔ ቢታን ካዎቴታ ኡባ ጪማዳሳ» ያጊስ። 
\p  
\v 24 ናቤታ ሱይ፥ ጌሻታ ሱይኔ ቢታ ቦላ ሃይቂዳ ኣሳ ኡባ ሱይ ኢ ጊዶን ቤንቲዳ ጊሾ ባቢሎኔይ ፒርዴታሱ።\x - \xo 18:24 \xt ኤር 51፡49\x* 
\b  
\c 19  
\p  
\v 1 ያቲን፥ ሳሎን ዳሮ ኣሳይ፥ 
\q1 «ፆሳይ ጋላቴቶ! 
\q2 ኣቶቴይ፥ ቦንቾይኔ ዎልቃይ ኑ ፆሳስ ጊዶ። 
\q1  
\v 2 ኢያ ፒርዳይ ቱማኔ ፂሎ። 
\q2 ሳዓ ቱኒሲዳ ኢታ ላይሚው ፆሳይ ፒርዲስ። 
\q1 ፆሳይ ባ ኣይሌታ ሱ ኢፔ ኣቺስ» 
\m ያጊሺን ሲዓስ።\x - \xo 19:2 \xt ዛሬ 32፡43፤ 2ካዎ 9፡7\x* 
\p  
\v 3 ሄ ኣሳይ ዛሪዲ ባንታ ቃላ ቁ ኦዲ፥ 
\q1 «ፆሳ ጋላቲ ጋኮ። 
\q2 ሄ ካታሚያ ሜሪናው ጩያሼ ዳና» 
\m ያጊዶሶና።\x - \xo 19:3 \xt ኢሳ 34፡10\x* 
\p  
\v 4 ላታማኔ ኦይዱ ጪማቲኔ ዴዖን ዴዒያ ኦይዱ ሜቴቲ ኣራታን ኡቲዳ ፆሳስ ጉፋኒዲ፥ 
\q1 «ኣሚንዒ! ፆሳ ጋላቲ ጋኮ» 
\m ያጊዲ ጎይኒዶሶና። 
\p  
\v 5 ያቲን፥ 
\q1 «ፆሳ ኣይሌቲ፥ 
\q2 ፆሴ ያያ ጉኔ ጊቲ ኡባይ፥ 
\q1 ኑ ፆሳ ጋላቲቴ» 
\m ያጊያ ቃላይ ኣራታፔ ኬዪስ።\x - \xo 19:5 \xt ማዝ 115፡13\x* 
\p  
\v 6 ያቲን፥ ዳሮ ኣሳዳ ዎጫሚያ፥ ዎልቃማ ሻፋዳ ጉሚያ፥ ዳዳዳ ዴቺያ ጊርሳይ፥ 
\q1 «ፆሳ ጋላቲ ጋኮ፤ 
\q2 ኑ ጎዳይ፥ ኡባፌ ዎልቃማ ፆሳይ ካዎቲስ።\x - \xo 19:6 \xt ሂዝ 1፡24፤ ማዝ 93፡1፤ 97፡1፤ 99፡1\x* 
\q1  
\v 7 ዶርሳ ያጋኖይ ጋኪዳ ጊሾኔ ኢያ ጌሊያራ ጊጊዳ ጊሾ 
\q2 ኑ ኡፋይቶስ፥ ጋላቶሲኔ ዶርሳ ቦንቾስ። 
\q1  
\v 8 ጌሎስ ጊጊዳራ ጶሊያኔ ጌሺ ጊዲዳ 
\q2 ሊኖ ማዖ ማዓና ሜላ ኢው ኢሜቲስ» 
\m ያጊሺን ታ ሲዓስ። (ሊኖ ማዖይ ጌሻታ ፂሎ ኦሶ ሌሚሶ።) 
\p  
\v 9 ሄሳፌ ጉዬ፥ ኪታንቾይ ታኮ፥ «ዶርሳ ያጋኑዋ ፄጌቲዳይሳቲ ኣንጄቲዳይሳታ» ጋዳ ፃፋ። ሄ ኪታንቾይ ጉጂዲ፥ «ሃይሲ ፆሳ ቱማ ቃላ» ያጊስ።\x - \xo 19:9 \xt ማቶ 22፡2\x* 
\p  
\v 10 ሄ ዎዴ ታ ኢያ ጎይናናው ኢያ ቶሁዋ ቦላ ኩንዳስ። ሺን ኢ፥ «ሄሳ ኦፋ! ታኒ ዬሱሳባ ማርካቲያ ኔ ሜላኔ ኔ ኢሻታ ሜላ። ኔ ፆሳ ጎይና» ያጊስ። ሂዛ፥ ዬሱሳባ ማርካቲዳይሳታስ ናቤቴ ኣያኒ ዴዔስ። 
\s1 ቦ ፓራ ቶጊዳይሳ 
\p  
\v 11 ያቲን፥ ሳሎይ ዶዬቲን፥ ያን ቦ ፓሪ ዴዔይሳ ቤዓስ። ሄ ፓራ ቶጊዳይሲ ኣማኔቲዳይሳኔ ቱማንቾ ጌቴቴስ። ኢ ፂሎቴን ፒርዴሲኔ ኦሌቴስ።\x - \xo 19:11 \xt ሂዝ 1፡1\x* 
\v 12 ኢያ ኣይፌይ ታማ ላጮ ዳኔስ፤ ኢያ ሁዔን ዳሮ ካላቺ ዴዔስ። ኢያ ቦላ ኢ ኣቲን ሃሪ ኦኒካ ኤሮና ፃፌቲዳ ሱን ዴዔስ።\x - \xo 19:12 \xt ዳኔ 10፡6\x* 
\v 13 ኢ ሱን ሙኬቲዳ ማዖ ማዒስ፤ ኢያ ሱንይካ ፆሳ ቃላ።  
\v 14 ጶሊያኔ ጌሺ ጊዲዳ ሊኖ ማዖ ማዒዳ ሳሎ ኦላንቾቲ ቦ ፓራታ ቶጊዲ ኢያ ጌዶ ካሎሶና።  
\v 15 ካዎቴታ ቃንፂያ ማሺ ኢያ ዶናፔ ኬዬስ። ኢ ቢራታ ፃምዓን ኣሳ ሃራና። ኡባፌ ዎልቃማ ፆሳ ሃንቆ ዎይኔ ኡሻ ጉምዒያ ቤሳ ኢ ዬና።\x - \xo 19:15 \xt ማዝ 2፡9፤ ኢሳ 63፡3፤ ኢዩ 3፡13፤ ዮ.ቆ 14፡20\x* 
\v 16 ኢያ ማዑዋ ቦላኔ ኢያ ዎዲሪያ ቦላ፥ «ካዎታ ካዉዋኔ ጎዳታ ጎዳ» ያጊያ ሱንይ ፃፌቲስ። 
\p  
\v 17 ሄሳፌ ጉዬ፥ ኢሲ ኪታንቾይ ኣዋ ቦላ ኤቂዳይሳ ቤዓስ። ሄ ኪታንቾይ ሳሎራ ፒራያ ካፎ ኡባስ ባ ቃላ ቁ ኦዲ፥ «ሃ ዪቴ! ፆሳ ጊቢራ ማናው ኢሲ ቤሲ ሺቂቴ።\x - \xo 19:17 \xt ሂዝ 39፡17-20\x* 
\v 18 ዪዲ ካዎታ ኣሹዋ፥ ሻላቃታ ኣሹዋ፥ ዎታዳሬታ ኣሹዋ፥ ፓራታ ኣሹዋ፥ ፓራታ ቶጌይሳታ ኣሹዋ፥ ኣሳ ኡባ ኣሹዋ፥ ኣይሌታ ኣሹዋ፥ ዎማኖታ ኣሹዋ፥ ጊታታኔ ጉታ ኣሹዋ ሚቴ» ያጊስ። 
\p  
\v 19 ዶዓይ፥ ፓራ ቶጊዳይሳራኔ ኢያ ኦላንቾታራ ኦሌታናው ሳዓ ካዎቲኔ ኤንታ ኦላንቾቲ ኢሲ ቤሲ ሺቂዳሺን ቤዓስ።  
\v 20 ሺን ሄ ዶዓይኔ ኢያ ሱንን ማላታታ ኦዳ ዎርዶ ናቤይ ኢያራ ኢሲፌ ኦይኬቲስ። ሄ ማላታታን ዶዓ ማላይ ዴዔይሳታኔ ኢያ ሚሲሊያ ጎይኔይሳታ ኢ ባሌስ። ዶዓይኔ ዎርዶ ናቤይ ናምዓይካ ዲኔን ኤፂያ ታማ ኣባን ፓፃ ዬጌቲዶሶና።\x - \xo 19:20 \xt ዮ.ቆ 13፡1-18\x* 
\v 21 ኣቲዳይሳቲ ፓራ ቶጊዳይሳ ዶናፔ ኬያ ማሻን ሃይቂዶሶና። ካፎቲ ኡባይ ኤንታ ኣሹዋ ሚዲ ካሊዶሶና። 
\c 20  
\s1 ሙኩሉ ላይ 
\p  
\v 1 ዛዊ ባይና ኦላ ቁልፒያኔ ጊታ ሳንላታ ባ ኩሼን ኦይኪዳ ኢሲ ኪታንቾይ ሳሎፔ ዎሺን ቤዓስ።  
\v 2 ኢ ዳዊያ ኦይኪዲ ሙኩሉ ላይስ ቃቺስ። ሄ ዳዌይ ኮይሮ ሾሻ፥ ዳቡሎሳ ዎይኮ ፃላሄ።\x - \xo 20:2 \xt ሜ 3፡1\x* 
\v 3 ኪታንቾይ ዛዊ ባይና ኦላን ኢያ ዬጊዲ፥ ሙኩሉ ላይ ዉራና ጋካናው ካዎቴታ ዛሪ ባሌና ሜላ ቁልፔን ጎርዲዲ ኣታሚስ። ሄሳፌ ጉዬ፥ ዳዌይ ጉ ዎዴስ ቢሌታናው ቤሴስ። 
\p  
\v 4 ሄሳፌ ጉዬ፥ ኣራታታኔ ኣራታታ ቦላ ኡቲዲ ፒርዳና ሜላ ማቲ ኢሜቲዳይሳታ ቤዓስ። ዬሱሳስ ማርካቲዳ ጊሾኔ ፆሳ ቃላ ኦዲዳ ጊሾ ባንታ ቆያ ጎይሬቲዳ ኣሳ ሼምፑዋ ቤዓስ። ኤንቲ ዶዓ ዎይኮ ዶዓ ሚሲሊያ ጎይኒቦኮና። ኤንቲ ዶዓ ማላ ባንታ ሶምዖን ዎይኮ ባንታ ኩሼን ዎቦኮና። ኤንቲ ሃይቆፔ ዴንዲዲ ኪሪስቶሳራ ኢሲፌ ሙኩሉ ላይ ሃሪዶሶና።\x - \xo 20:4 \xt ዳኔ 7፡9\x* 
\v 5 ሃይሲ ኮይሮ ዴንዱዋ፤ ኣቲዳ ሃንኮ ሃይቂዳይሳቲ ሙኩሉ ላይይ ዉራና ጋካናው ሃይቆፔ ዴንዲቦኮና።  
\v 6 ኮይሮ ዴንዱዋስ ቃዲ ዴዔይሳቲ ኣንጄቲዳይሳታኔ ጌሻታ። ኤንታ ቦላ ናምዓን ሃይቁዋስ ዎልቂ ባዋ። ኤንቲ ፆሳሲኔ ኪሪስቶሳስ ካሂኔ ጊዳና፤ ኢያራ ኢሲፌ ሙኩሉ ላይ ሃራና። 
\s1 ፃላሂያ ፆኔቴ 
\p  
\v 7 ሙኩሉ ላይይ ዉሪዳፔ ጉዬ ፃላሄይ ቃሾፔ ቢሌታና።  
\v 8 ኢ ሳዓ ጋፃፔ ጋፃ ጋካናው ዴዒያ ካዎቴታ፥ ኤንቲካ፥ ጎጌኔ ማጎጌ ጌቴቴይሳታ ባሌዲ ኦላስ ሺሻናው ኬያና። ኤንታ ፓይዶይ ኣባ ጋፃን ዴዒያ ሻፌ ሜላ።\x - \xo 20:8 \xt ሂዝ 38፡2\x* 
\v 9 ኤንቲ ቢታ ኡባን ላሌቲዲ፥ ጌሻታ ሄራኔ ፆሳይ ዶሲያ ካታማ ቴቂዶሶና። ሺን ታሚ ሳሎፔ ዎዲ ኤንታና ሚስ። 
\p  
\v 10 ኤንታ ባሌዳ ፃላሄይ፥ ዶዓይኔ ዎርዶ ናቤይ ዬጌቲዳ ኤፂያ ዲኔ ታማ ኣባን ዬጌቲስ። ኤንቲ ቃማኔ ጋላስ ሜሪናው ፓፃ ካዔታና። 
\s1 ዉርሴ ፒርዳ 
\p  
\v 11 ሄሳፌ ጉዬ፥ ጊታ ቦ ኣራታ ቦላ ኡቲዳይሳ ቤዓስ። ሳዒኔ ሳሎይ ኢያ ሲንፌ ባቃቲዶሶና፤ ኤንቲ ዛሪ ቤንቲቦኮና።\x - \xo 20:11 \xt ዳኔ 7፡9-10\x* 
\v 12 ሃይቂዳይሳቲ፥ ጊታቲኔ ጉቲ ኣራታ ሲንን ኤቂዳይሳታ ቤዓስ፤ ማፃፋቲ ዶዬቲዶሶና፤ ቃሲ ዴዖ ማፃፋ ጊዲዳ ሃራ ማፃፊ ዶዬቲስ። ሃይቂዳይሳቲ ማፃፋን ፃፌቲዳ ባንታ ኦሱዋዳ ፒርዳ ኤኪዶሶና።  
\v 13 ኣባይ ባ ጊዶን ዴዒያ ሃይቂዳይሳታ ኢሚስ፤ ሃይቆይኔ ሲዖሌይ ባንታ ጊዶን ዴዒያ ሃይቂዳይሳታ ኢሚዶሶና። ኢሲ ኢሲ ኣሲ ባ ኦሱዋዳ ፒርዳ ኤኪስ።  
\v 14 ያቲን፥ ሃይቆይኔ ሲዖሌይ ታማ ኣባን ዬጌቲዶሶና። ሄ ታማ ኣባይ ናምዓን ሃይቆ።  
\v 15 ዴዖ ማፃፋን ኢያ ሱንይ ፃፌቲቦና ኦኒካ ታማ ኣባን ዬጌቲስ። 
\c 21  
\s1 ኦራ ሳሎኔ ኦራ ሳዓ 
\p  
\v 1 ታኒ ኦራ ሳሎኔ ኦራ ሳዓ ቤዓስ። ኮይሮ ሳሎይኔ ኮይሮ ሳዓይ ይስ፤ ኣባይካ ይስ።\x - \xo 21:1 \xt ኢሳ 65፡17፤ 66፡22፤ 2ጴፂ 3፡13\x* 
\v 2 ጌሻ ካታሚያ፥ ኦራ ዬሩሳላሜይ፥ ኣዚና ጌላናው ኣሌቄታዳ ጊጋዳ ዴዒያ ማጫሳዳ ሳሎፔ ፆሳ ማታፔ ዱጌ ዎሺን ቤዓስ።\x - \xo 21:2 \xt ኢሳ 52፡1፤ ዮ.ቆ 3፡12፤ ኢሳ 61፡10\x* 
\p  
\v 3 ኣራታፔ ሃይሳዳ ያጊዲ፥ ኦዲያ ጊታ ቃላ ሲዓስ፤ «ፆሳ ኬይ ኣሳራ ዴዔስ፤ ፆሳይ ባ ቦንቹዋራ ኣሳራ ኢሲፌ ዳና። ኤንቲ ኢያ ዴሬ ጊዳና፤ ፆሳይ ባ ሁዔን ኤንታራ ዳና፤ ኢ ኤንታ ፆሳ ጊዳና።\x - \xo 21:3 \xt ሂዝ 37፡27፤ ሌዌ 26፡11\x* 
\v 4 ፆሳይ ኤንታ ኣይፌፔ ኣፉ ኡባ ቁቻና። ሂዛፔ ሃይቆይ ዎይኮ ካዮይ ዎይኮ ዋሶይ ዎይኮ ዋዬይ ዴና። ጋልዓ ኡባይ ኣስ» ያጊስ።\x - \xo 21:4 \xt ኢሳ 25፡8፤ ኢሳ 35፡10፤ 65፡19\x* 
\p  
\v 5 ኣራታ ቦላ ኡቲዳይሲ፥ «ታኒ ኡባ ኦራ ኦና» ያጊስ። ቃሲ ዛሪዲ ታኮ፥ «ታኒ ኦዴይሲ ኣማንይሳኔ ቱማ ጊዲያ ጊሾ ፃፋ» ያጊስ።  
\v 6 ቃሲ ታኮ፥ «ፖሌቲስ! ታኒ ኣልፋኔ ኦሜጋ፤ ዶሜኔ ፖሎ።\x - \xo 21:6 \xt ኢሳ 55፡1\x* ሳሞቲዳ ኦናካ ዴዖ ሃ ፑልቱዋፌ ጪጊ ባይና ጮ ኡሻና።  
\v 7 ፆኒያ ኦኒካ ሄሳ ኡባ ላታና፤ ታኒ ኢያው ፆሳ ጊዳና፤ ኢካ ታ ናዓ ጊዳና።\x - \xo 21:7 \xt 2ሳሙ 7፡14፤ ማዝ 89፡26\x* 
\v 8 ሺን ያሻንቾታ፥ ኣማኔቶናይሳታ፥ ቱናታ፥ ሼምፖ ዎይሳታ፥ ላይማቴይሳታ፥ ቢቴይሳታ፥ ኤቃ ጎይኔይሳታኔ ዎርዳንቾታ ቃዳይ ዲኔይ ኤፂያ ታማ ኣባን ጊዳና። ሄሲ ናምዓን ሃይቆ» ያጊስ። 
\p  
\v 9 ላፑን ዉርሴ ቦሻቲ ኩሚዳ ላፑን ፁዓታ ኦይኪዳ ላፑን ኪታንቾታፔ ኢሶይ ታኮ ዪዲ፥ «ሃያ፥ ታኒ ኔና ጌሎስ ጊጊዳ ዶርሳ ማቺው ቤሳና» ያጊስ።  
\v 10 ኪታንቾይ ታና ዳሮ ቃ ዴሪያ ሁዔ ጌሻ ኣያናን ኬሲዲ፥ ጌሻ ካታማይ፥ ዬሩሳላሜይ፥ ሳሎፔ ፆሳ ማታፔ ዱጌ ዎሺን ቤሲስ።\x - \xo 21:10 \xt ሂዝ 40፡1\x* 
\v 11 ሄ ካታማይ ፆሳ ቦንቾን ፖዔስ። ሄ ካታማ ፖዖይ ያስጲዴ ጊያ ኣልዖ ሹቻ ሜላ፤ ጌሻ ቢሪሌዳ ጶሌስ።  
\v 12 ሄ ካታማ ዲርሳይ ዎልቃማኔ ኣዱሴ። ኢያው ታማኔ ናምዑ ፔንጌቲኔ ሄ ፔንጌታ ናጊያ ታማኔ ናምዑ ኪታንቾቲ ዴዖሶና። ፔንጌታ ቦላ ታማኔ ናምዑ ኢስራዔሌ ዜሬታ ሱንይ ፃፌቲስ።\x - \xo 21:12 \xt ሂዝ 48፡30-35\x* 
\v 13 ዶሎሃ ባጋራ ሄ ፔንጌቲ፥ ፑዴሃ ባጋራ ሄ ፔንጌቲ፥ ዱጌሃ ባጋራ ሄ ፔንጌቲኔ ዉሎሃ ባጋራ ሄ ፔንጌቲ ዴዖሶና።  
\v 14 ካታማ ጊምቤ ዲርሳይ ታማኔ ናምዑ ሹቻ ባሶታ ቦላ ኤቂስ። ኤንታ ቦላ ታማኔ ናምዑ ዶርሳ ሃዋሬታ ሱንይ ፃፌቲስ። 
\p  
\v 15 ታው ኦዲያ ኪታንቹዋስ፥ ካታማ፥ ኢያ ፔንጌታኔ ኢያ ዲርሳ ዋያ ዎርቃ ፃምዓይ ዴዔስ።\x - \xo 21:15 \xt ሂዝ 40፡3\x* 
\v 16 ካታማስ ኦይዱ ማዛኔቲ ዴዖሶና፤ ካታማ ጌሳይኔ ጎምፓይ ኢሲ ጊና። ኪታንቾይ ካታማ ባ ፃምዓን ዋን፥ ካታማይ ታማኔ ናምዑ ሙኩሉ ኪሎ ሚቲሬ ጊዲስ፤ ካታማ ጌሳይ፥ ጎምፓይኔ ቃቴይ ኢሲ ጊና።  
\v 17 ኪታንቾይ ቃሲ ዲርሳ ዋን፥ ኪታንቾይ ጎዔቲያ ኣሳ ኩሼን ኢሲ ፄታኔ ኦይታማኔ ኦይዱ ዋ ጊዲስ። 
\p  
\v 18 ካታማ ዲርሳይ ያስጲዴ ጊያ ሹቻን ዲሬቲስ። ካታማይ ማስቶቴዳ ጶሊያ ጌሻ ዎርቃን ኦሴቲስ።  
\v 19 ካታማ ዲርሳ ባሶይ ኡባ ቆሞ ቦንቼቲዳ ሹቻን ኣሌቄቲስ። ኮይሮ ሂፄቲዳ ሹቻይ ያስጲዴ፥ ናምዓንይ ሳምፔሬ፥ ሄንይ ኬልቄዶኔ፥ ኦይዳንይ ባሉሬ፥  
\v 20 ኢቻሻንይ ሳርዶንኪሴ፥ ኡሱፑንይ ሳርዲዮኔ፥ ላፑንይ ኪሪስቲሎቤ፥ ሆስፑንይ ቢሪሌ፥ ኡዱፉንይ ቶጳዚዮኔ፥ ታማንይ ኪሪስጲራሲሴ፥ ታማኔ ኢሲንይ ያኪንቴ፥ ታማኔ ናምዓንይ ኣሜቴስፂኖሴ። 
\p  
\v 21 ታማኔ ናምዑ ፔንጌታስ ታማኔ ናምዑ ኢንቆ ጊያ ኣልዖ ሹቺ ዴዔስ። ኢሲ ኢሲ ፔንጌይ ኢሲ ኢንቆን ኦሴቲስ። ካታማ ዎጋ ኦጌይ ማስቶቴዳ ጶሊያ ጌሻ ዎርቃፌ ኦሴቲስ።\x - \xo 21:21 \xt ኢሳ 54፡11-12\x* 
\p  
\v 22 ጎዳይ፥ ኡባፌ ዎልቃማ ፆሳይኔ ዶርሳይ ካታማስ ኬ ጊዲያ ጊሾ ታ ሄ ካታማን ፆሳ ኬ ቤዓቢኬ።  
\v 23 ፆሳ ቦንቾይ ሄ ካታማስ ፖዒያ ጊሾኔ ዶርሳይ ኢያው ፆምፔ ጊዲያ ጊሾ ካታማስ ኣዋ ዎይኮ ኣጌና ፖዖ ኮሼና።\x - \xo 21:23 \xt ኢሳ 60፡19\x* 
\v 24 ካዎቴቲ ሄ ካታማ ፖዖን ሃሙታና፤ ካዎቲካ ባንታ ቦንቹዋ ያ ኤሃና።\x - \xo 21:24 \xt ኢሳ 60፡3\x* 
\v 25 ቃሚ ያን ባይና ጊሾ ካታማ ፔንጌቲ ኡባ ዎዴ ዶያ ጊዳና፤ ጎርዴቶኮና።\x - \xo 21:25 \xt ኢሳ 60፡11\x* 
\v 26 ካዎቴታ ጊታቴይኔ ቦንቾይ ሄ ካታማ ያና።  
\v 27 ዶርሳ ዴዖ ማፃፋን ሱንይ ፃፌቲዳይሳታ ፃላሊ ኣቲን ቱናባ ዎይኮ ዬላያባ ኦይ ዎይኮ ዎርዶቴይ ኦኒካ ሄ ካታማ ጌሌና።\x - \xo 21:27 \xt ኢሳ 52፡1፤ ሂዝ 44፡9\x* 
\b  
\c 22  
\p  
\v 1 ያቲዲ፥ ኪታንቾይ ታና ፆሳ ካዎቴ ኣራታፔኔ ዶርሳ ካዎቴ ኣራታፔ ጎጊያ ማስቶቴዳ ጶሊያ ዴዖ ሃ ሻፋ ቤሲስ።\x - \xo 22:1 \xt ሂዝ 47፡1፤ ዛካ 14፡8\x* 
\v 2 ሄ ሻፋይ ካታማ ኦጊያ ጊዶራ ዱጌ ጎጌስ። ሻፋፔ ሄፊን ባጋራኔ ሃፊን ባጋራ ኣጌናን ኢሲ ቶሆ፤ ላይን ታማኔ ናምዑ ቶሆ ኣይፊያ ዴዖ ሚ ዴዔስ። ሄ ሚ ቦንጮይ ካዎቴታ ኡባ ሃርጌፌ ፓስ።\x - \xo 22:2 \xt ሜ 2፡9\x* 
\p  
\v 3 ሄ ካታማን ኣይቢ ቃንጌካ ዴና። ፆሳ ካዎቴ ኣራታይኔ ዶርሳ ካዎቴ ኣራታይ ሄ ካታማን ዳና። ፆሳ ኣይሌቲ ፆሳስ ኦና።\x - \xo 22:3 \xt ዛካ 14፡10\x* 
\v 4 ኤንቲ ኢያ ሶምዑዋ ቤዓና፤ ኢያ ሱንይ ኤንታ ሶምዖን ፃፌታና።  
\v 5 ሂዛፔ ቃሚ ዴና፤ ጎዳ ፆሳይ ኤንታው ፆምፔ ጊዲያ ጊሾ ኤንታው ፆምፔ ዎይኮ ኣዋ ፖዖ ኮሼና። ኤንቲ ሜሪ ሜሪናው ካዎታና።\x - \xo 22:5 \xt ኢሳ 60፡19፤ ዳኔ 7፡18\x* 
\s1 ዬሱሳ ዩሳ 
\p  
\v 6 ኪታንቾይ ታኮ፥ «ሃ ታ ኦዲያ ቃላይ ቱማኔ ኣማንይሳ። ጎዳይ፥ ናቤታ ባ ጌሻ ኣያናን ኪቲያ ፆሳይ፥ ማታን ሃናናባ ባ ኣይሌታ ቤሳናው ባ ኪታንቹዋ ኪቲስ» ያጊስ።  
\v 7 ዬሱሲ፥ «ሄኮ ታ ኤሌሳዳ ያና፤ ሃ ማፃፋን ዴዒያ ቲንቢቴ ቃላ ናጊያ ኦኒካ ኣንጄቲዳይሳ» ያጊስ። 
\p  
\v 8 ታኒ፥ ዮሃኒሲ፥ ሄ ኡባባ ሲዓስ፤ ቤዓስ። ታኒ ሄሳ ሲዒዳ ዎዴኔ ቤዒዳ ዎዴ ሄሳ ታና ቤሲዳ ኪታንቹዋ ጎይናናው ኢያ ቶሁዋ ቦላ ኩንዳስ።  
\v 9 ሺን ኪታንቾይ ታኮ፥ «ሄሳ ኦፋ! ታኒ ኔዳ፥ ናቤታዳ ኔ ኢሻታዳኔ ሃ ማፃፋን ዴዒያ ኡባ ኪቴቲያ ኣይሌታ ሜላ፤ ፆሳ ጎይና» ያጊስ። 
\p  
\v 10 ኪታንቾይ ዛሪዲ፥ «ሃ ኡባይ ፖሌቲያ ዎዴይ ማታቲዳ ጊሾ ሃ ማፃፋን ፃፌቲዳ ቲንቢቴ ቃላ ማታሜን ጎርዶፋ።  
\v 11 ኢታ ኦይ ጉጂዲ ኢታ ኦ፤ ቱኔይ ጉጂዲ ቱኖ። ሎዖ ኦይ ጉጂዲ ሎዖ ኦ፤ ጌዬይ ጉጂዲ ጌዮ» ያጊስ።\x - \xo 22:11 \xt ዳኔ 12፡10\x* 
\p  
\v 12 ዬሱሲ፥ «ሄኮ፥ ታኒ ኤሌሳዳ ያና። ኢሱዋስ ኢሱዋስ ኢያ ኦሱዋዳ ኢማናው ታ ዎይቶይ ታራ ዴዔስ።\x - \xo 22:12 \xt ኢሳ 40፡10፤ 62፡11፤ ማዝ 28፡4፤ ኤር 17፡10\x* 
\v 13 ታኒ ኣልፋኔ ኦሜጋ፤ ኮይሮኔ ዉርሴ፤ ዶሜኔ ፖሎ።\x - \xo 22:13 \xt ዮ.ቆ 1፡8፣ 17፤ 2፡8፤ ኢሳ 44፡6፤ 48፡12\x* 
\p  
\v 14 «ባንታ ማዑዋ ሜጪዲ ጌሼይሳቲ ኣንጄቲዳይሳታ። ዴዖ ሚ ኣይፊያ ማናዉኔ ካታማ ፔንጊያራ ጌላናው ኤንታው ማቲ ኢሜቲስ።\x - \xo 22:14 \xt ሜ 2፡9፤ 3፡22\x* 
\v 15 ሺን ካናቲ፥ ቢቴይሳቲ፥ ላይማቴይሳቲ፥ ሼምፖ ዎይሳቲ፥ ኤቃ ጎይኔይሳቲ፥ ዎርዶ ዶሴይሳቲኔ ኦይሳቲ ካሬን ዴዖሶና። 
\p  
\v 16 «ታኒ፥ ዬሱሲ፥ ሃ ማርካቴ ሂንቴው፥ ዎሳ ኬታስ ኦዳና ሜላ ታ ኪታንቹዋ ኪታስ። ታኒ ዳዊቴ ሼሺኔ ዜሬ። ታኒ ፖዒያ ጉራ ባካላ» ያጊስ።\x - \xo 22:16 \xt ኢሳ 11፡1\x* 
\p  
\v 17 ጌሻ ኣያናይኔ ጌላናው ጊጊዳ ማጫሲያ፥ «ሃያ» ያጎሶና። ቃሲ ሃይሳ ሲዒያ ኦኒካ፥ «ሃያ» ያጎ። ሳሞቲዳ ኦኒካ ሃዮ፤ ዴዖ ሃ ኮያ ኦኒካ ጮ ኤኮ።\x - \xo 22:17 \xt ኢሳ 55፡1\x* 
\p  
\v 18 ታኒ ሃ ማፃፋን ፃፌቲዳ ቲንቢቴ ቃላ ሲዒያ ኦናካ ዞራይስ። ኦኒካ ሃ ቃላ ቦላ ኢሲባ ጉጂኮ፥ ፆሳይ ሃ ማፃፋን ፃፌቲዳ ቦሻ ኢያ ቦላ ጉጃና።\x - \xo 22:18 \xt ዛሬ 4፡2፤ 12፡32\x* 
\v 19 ኦኒካ ማፃፋን ዴዒያ ቲንቢቴ ቃላፔ ኢሲባ ፓጪሲኮ፥ ፆሳይ ሃ ማፃፋን ፃፌቲዳ ዴዖ ሚ ኣይፊያፔኔ ጌሻ ካታማፔ ኢያ ቃዳ ፓጪሳና። 
\p  
\v 20 ሃ ኡባ ማርካቴይሲ፥ «ቱማ፥ ታኒ ኤሌሳዳ ያና» ያጌስ። 
\p ኣሚንዒ፤ ጎዳ ዬሱሳ፥ ሃያ። 
\p  
\v 21 ጎዳ ዬሱስ ኪሪስቶሳ ኣ ኬሃቴይ ሂንቴ ኡባራ ጊዶ። ኣሚንዒ።