\id 2JN - ጎፋ 
\h 2 ዮሃኒሳ 
\toc1 ዮሃኒሲ ፃፊዳ ናምዓን ኪታ 
\toc2 2 ዮሃኒሳ 
\toc3 2ዮሃ 
\mt1 ዮሃኒሲ ፃፊዳ 
\mt2 ናምዓን ኪታ 
\imt1 ጋ ቆፋ 
\ip ዮሃኒሲ ፃፊዳ ናምዓን ኪታ፥ ዬሱሳ ሃዋሬ ጊዲዳ ጪማይ፥ ዮሃኒሲ ፃፊስ። ፃፌቲዳይካ ዶሬቲዳ ጎዳቴሳኔ ኢ ናይታሳ። ኦኒ ኤሪ፥ ሄሲካ ኢሲ ዎሳ ኬሲኔ ኢያን ጎይኒያ ኣሳስ ጊዶና ኣጌና። ሃ ቃን ኪታይ ፃፌቲዳይ፥ ኤንቲ ኢሶይ ኢሱዋራ ሲቄታና ሜላ ኣኬኪሳናሳኔ ዎርዶ ኣስታማሬታፔኔ ኤንታ ቲሚርቲያፌ ናጌታና ሜላ ቆፊሳናሳ። 
\iot 2 ዮሃኒሳ ኪታ ኣይፌ ቆፋታ 
\io1 ሳሮ 1-3 
\io1 ሲቆይ ኡባፌ ቦላ 4-6 
\io1 ዎርዶ ቲሚርቲያፌ ናጌቴ 7-11 
\io1 ኩሻ ቆፋ 12-13 
\ie  
\c 1  
\p  
\v 1 ታ ጪማይ ዶሬቲዳ ጎዳቴሲኔ ኢ ናይታስ ኪቲዳ ኪታ። ታ ፃላላ ጊዶናሺን ቱማ ኤሪያ ኡባይ ሂንቴና ዶሶሶና።  
\v 2 ሃ ቱማይ ኑናን ዴዒያ ጊሾኔ ሜሪናው ኑራ ዳና ጊሾ ታኒ ሂንቴና ቱማ ዶሳይስ። 
\p  
\v 3 ፆሳ ኑ ኣዋኔ ኢያ ናዓ ዬሱስ ኪሪስቶሳ ኣ ኬሃቴይ፥ ማሮቴይኔ ሳሮቴይ ቱማኒኔ ሲቆን ኢሲፌ ኑራ ጊዶ። 
\s1 ቱማባኔ ሲቆባ 
\p  
\v 4 ኣዋይ ኑና ኪቲዳይሳዳ፥ ኔ ናይታፔ ባጋቲ፥ ቱማስ ኪቴቴይሳ ቤዓዳ ታኒ ዳሮ ኡፋይታስ።  
\v 5 ጎዳቴ፥ ሃዒካ ኑኒ ኡባይ ኢሶይ ኢሱዋ ሲቃና ሜላ ታኒ ኔና ዎሳይስ። ሃ ኪታይ ኮይሮፔ ኑራ ዴዒያ ኪታፔ ኣቲን ታኒ ኔው ኦራ ኪታ ፃፊኬ።\x - \xo 1:5 \xt ዮሃ 13፡34፤ 15፡12፣ 17\x* 
\v 6 ቱማ ሲቆይ ኑኒ ፆሳ ኪታ ናጊዲ ዳናይሳ። ቃሲ ኮይሮፔ ሂንቴ ሲዒዳይሳዳ ኢያ ኪታይ፥ ሂንቴ ኡባይ ሲቆን ዳና ሜላሳ። 
\p  
\v 7 ዬሱስ ኪሪስቶሲ ኣሴ ጊዲዲ ዪዳይሳ ኣማኖና፥ ዳሮ ባሌያ ኣሳቲ፥ ኣላሜን ዴንዲዶሶና። ሄሳ ሜላ ኣሲ ኦኒካ ባሌይሳኔ ኪሪስቶሳ ሞርኬ።  
\v 8 ሂንቴ ኦዳ ኩሜ ዎይቱዋ ኤካናው ሚኒቴ። ሂንቴ ኦዳይሲ ዮና ሜላ ናጌቲቴ። 
\p  
\v 9 ኪሪስቶሳ ቲሚርቲያን ዶናይሳሲኔ ኢያፔ ሃኪያ ኡራስ ፆሳይ ባዋ። ኪሪስቶሳ ቲሚርቲያን ዴዒያ ኡራስ ኣዋይኔ ናዓይ ዴዖሶና።  
\v 10 ኦኒካ ሂንቴኮ ዪሼ ሃ ቲሚርቲያ ኤሆና ኢፂኮ፥ ሂንቴ ሶ ጌልሶፊቴ፤ ሳሮካ ጎፒቴ።  
\v 11 ኢያ ሳሮ ጊያ ኦኒካ ኢያ ኢታ ኦሱዋን ኢያራ ሻኬቴስ። 
\s1 ዉርሴ ሳሮታ 
\p  
\v 12 ታኒ ሂንቴው ፃፋናው ኮዪዳ ዳሮባይ ዴዔስ፥ ሺን ዎርቃቴኒኔ ቃላሜን ፃፋናው ኮዪኬ። ኑ ኡፋይሳይ ፖሌታና ሜላ ሂንቴራ ሶምዖን ጋሄታዳ ኦዴታናው ሂንቴኮ ባና ጋዳ ቆፓይስ። 
\p  
\v 13 ፆሳይ ዶሪዳ ኔ ሚቼ ናይቲ ኔና ሳሮ ያጎሶና።