\id ZEC - Gamo Full Bible final version
\ide UTF-8
\h ዛካራሳ ቲንቢቴ
\toc1 ዛካራሳ ቲንቢቴ
\toc2 ዛካራሳ ቲንቢቴ
\toc3 ዛካ
\mt ዛካራሳ ቲንቢቴ
\imt ጊዶ ቆፋ
\ip ናቤ ዛካራሳ ማጻፋይ ናምኡ ኬዚ ሻኬቲዴስ። 1። ሼም 1-8 ኪርስቶሲ ዬሌታናፔ ካሴ ኢቻሽ ጼታኔ ናምኡ ታሙ ላይፌ ቢዲ ኢቻሽ ጼታኔ ታማኔ ኦስፑን ላይ ጋካና ዲዛ ላይታ ጋርሳን ዱማ ዱማ ዎዴታን ናቤ ዛካራሲ ዮቲዳ ቡሮፔ ሃናና ቃላታ ኦይኪዳ ኪፊሌታኮ። ሄይቲካ ሄ ቲንቢቴ ቃላቲ ኣጁታ ማላን ሺቂዳይታ ጊዲሺን ዬሩሳላሜ ኦራጾ ጊሻስ ጎዳ ኬይ ሲሚ ኬጼታናይሳ ጊሻስ፥ ጎዳይ ዴሬዛ ቡሮ ጌሻናይሳ ጊሻሲኔ ሲንፌ ያና ማሲሄዛ ጊሻስ ዮቲዳይታ። 2። ሼም 9-14 ጋካናስ ዲዛ ኪፊሌዚ ጉዬፔ ታኪዲ ሃናናይሳ ዮቲዳ ቃላታ። ሄይቲ ሄ ቡሮፔ ሃናና ቃላቲ ዮቲዛይ ቡሮፔ ያና ኪርስቶሳ ጊሻሲኔ ዉርሴ ፒርዳ ጊሻሳ።
\iot ሃ ማጻፋይ ኦይኪዳ ኩሜ ቆፋይ
\io1 ኮይሮ ኣጁታይ ፓራታኔ ቶጋ ኣሳታ \ior 1፡1-7 \ior*
\io1 ናምኣን ኣጁታይ ሜዶሳታ ካጬታ \ior 1፡18-21 \ior*
\io1 ሄን ኣጁታይ ዋ ዎዶሮ \ior 2፡1-13 \ior*
\io1 ኦይዳን ኣጁታይ ናቤ ዛካራሲ ቄሴታ ሃላቃ ጊሻስ ቤኢዳ ኣጁታ \ior 3፡1-10 \ior*
\io1 ኢቻሻን ኣጁታይ ጾምፔኔ ዎጋራ ሚታ \ior 4፡1-14 \ior*
\io1 ኡሱፑን ኣጁታይ ፒራዛ ጻ ማጻፋ \ior 5፡1-4 \ior*
\io1 ላፑን ኣጁታይ ዳቾ ጊዶን ዲዛ ማጫሳዮ \ior 5፡5-11 \ior*
\io1 ኦስፑን ኣጁታይ ፓራ-ጋሬታ \ior 6፡1-8 \ior*
\io1 ኢያሶ ቲይዲ ካዎሳና ማላ ኢሜቲዳ ኣዛዞ \ior 6፡9-15 \ior*
\io1 ጾሲ ቤሶንታ ጾማ ኤኮንታይሳ \ior 7፡1-7 \ior*
\io1 ኣዛዜቶንታ ኢጾይ ጎዴቴስ ጋሶ ጊዴ \ior 7፡8-14 \ior*
\io1 ጾሲ ዬሩሳላሜ ጊሻስ ኢሚዳ ሂዶታ \ior 8፡1-23 \ior*
\io1 ጾሲ ባ ዴሬዛ ኣሺዲ ኢስታ ሞርኬታ ቃጻያናይሳ \ior 9፡1—11፡3 \ior*
\io1 ኢስራኤሌ ኣሳ ካሌዛ ናምኣታ \ior 11፡4-17 \ior*
\io1 ዬሩሳላሜ ጾኖ \ior 12፡1-9 \ior*
\io1 ዴሬዚ ኦላን ጫዴቲዳይሳስ ቃቲዲ ጎዳኮ ሲሞ \ior 12፡10—13፡9 \ior*
\io1 ዉርሴ ኦላኔ ጎዳ ጾኖ \ior 14፡1-21 \ior*
\c 1
\s ኣሳይ ጾሳኮ ሲማና ማላ ጎዳይ ጼይጌስ
\p
\v 1 ዳሪዮሲ ካዎቲዳ ናምኣን ላይን ኦስፑን ኣጊናን ጎዳ ቃላይ ኢዶ ና ባራካዬ ና ናቤ ዛካራሳኮ ዪዴስ፤\x - \xo 1፡1 \xo*\xt ኢዝ 4፡24—5፡1፤ 6፡14\xt*\x*
\p
\v 2 «ጎዳይ ካሴ ኢንቴ ኣዋታ ቦላ ኬሂ ሃንቄቲዴስ። 
\v 3 ሃኢ ጊዲኮ ኣሳስ፥ ‹ታኮ ሃ ሲሚቴ፤ ታኒካ ኢንቴኮ ሲማና› ጌስ ኡባፌ ዎልቃማ ጎዳይ። 
\v 4 ካሴ ናቤቲ ኢንቴ ኣዋታስ፥ ‹ኢንቴ ኢንቴ ኢታ ኦጌፔኔ ኢንቴ ኦሶፔ ሲሚቴ› ጊዲ ሚን ዮቲዳ፤ ጊዶ ኣቲን ኢስቲ ቃሴ ሲዪቤቴናኔ ታ ኣዛዞካ ናጊቤቴና፤ ሄሳ ማላ ኢንቴ ኢንቴ ኣዋታ ማላ ሃኖፒቴ። 
\v 5 ካሴ ኢንቴ ኣዋቲ ሃኢ ኣዋን ዲዞ? ናቤቲካ ሜርናስ ዴኣንዴቶ? 
\v 6 ጊዶ ኣቲን ታኒ ታ ናቤታ ባጋራ ዮቲዳ ቃላቲኔ ዎጋቲ ኢንቴ ኣዋታ ቦላ ጋኪቤቴኔ? ‹ኢስቲካ ማሮቴን ጌልሼ ኡባፌ ዎልቃማ ጎዳይ ባ ኮዪዳ ማላ ኑ ኦሶ ማላኔ ኑ ኦጌ ማላ ኑስ ቤሲዛዝ ኑ ቦላ ኦዴስ› » ጊዳ።
\s ዛካራሲ ኣጁታን ቤኢዳ ፓራታ
\p
\v 7 ዳሪዮሲ ካዎቲዳ ናምኣን ላይን ሼባጼ ጌቴቲዛ ታማኔ ኢሲን ኣጊናን ናምኡ ታማኔ ኦይዳን ጋላሳን ጎዳ ቃላይ ኢዶ ና ባራካዬ ና ናቤ ዛካራሳኮ ዪዴስ። 
\v 8 ኦማርሳ ዎዴ ኣጁታን ዞኦ ፓራ ቶጊዳ ኢሳዴ ቤኣዲስ፤ ሄ ኢዚካ ሾባ ጊዶን ባርሲኔቴ ሚታ ጋርሳን ኤቂዴስ፤ ቃሴ ኢዛ ጉዬራ ዳማ፥ ዞኦኔ ቦ ፓራቲ ዴቴስ።\x - \xo 1፡8 \xo*\xt ኣጁ 6፡2-8\xt*\x*
\p
\v 9 ታኒካ፥ «ታ ጎዶ ሃይታንቲ ኣዜ?» ጋዳ ኦይቻዲስ፤ ታናራ ሃሳይዛ ኪታንቻዚ ቃሴ፥ «ሃይታንቲ ኢስቲ ኣዛኮ ታኒ ኔና ቤሳና» ጊዴስ። 
\v 10 ሄ ባርሲኔቴ ሚ ጋርሳን ኤቂዳይሲ፥ «ሃይቲ ቢታ ኡባ ቦላ ሲሜሬቲ ጾሞሳና ማላ ጎዳይ ኪቲዳይታ» ጊዴስ። 
\v 11 ኢስቲካ ባርሲኔቴ ሚ ጋርሳን ኤቂዳ ጎዳ ኪታንቻስ፥ «ኑ ቢታ ኡባ ቦላ ሲሜሬቲ ጾሞሲዶስ፤ ቢታ ኡባይ ዎፑ ጊዲ ዴስ» ጊዳ።
\p
\v 12 ሄሳፌ ጉዬ ጎዳ ኪታንቻይ፥ «ኡባፌ ዎልቃማ ጎዳዉ! ላፑን ታሙ ላይታን ኔ ኢስታ ቦላ ሃንቄቲዳ ዬሩሳላሜኔ ዩሁዳ ካታማታ ኔ ኣዪዴ ጋካናስ ማርኪ?» ጊዴስ። 
\v 13 ጎዳይካ ታናራ ሃሳይዛ ኪታንቻስ ኡፋይሲዛ ቃላኒኔ ሚንዛ ቃላን ማል ዛሪዴስ። 
\v 14 ቃሴካ ታናራ ሃሳይዛ ኪታንቻዚ፥ «ሃይሳ ቃላ ዮታ፤ ኡባፌ ዎልቃማ ጎዳይ፥ ‹ታኒ ጺዮኔሲኔ ዬሩሳላሜስ ኬሃ ቃታይስ። 
\v 15 ጊዶ ኣቲን ሳሮቴ ዴሚዲ ዎፓን ዲዛ ካዎቴታ ኬሃ ሃንቄታዲስ፤ ሄሳስ ጋሶይካ ታኒ ታ ዴሬዛ ቦላ ጉራ ሃንቄቲን ካዎቴቲ ታ ቆፋፔ ቦላራ ታ ዴራ ቆሂዳ› ጊዴስ።
\p
\v 16 «ሄሳ ጊሻስ ኡባፌ ዎልቃማ ጎዳይ፥ ‹ታኒ ታ ማሮቴ ዬሩሳላሜስ ኢማና፤ ሄንካ ታ ኬይ ሲሚ ኦራጺዲ ኬጼታና፤ ዬሩሳላሜ ካታማያካ ዎዶሮን ዋታና› ጌስ።
\p
\v 17 «ካሌዲካ ኪታንቻዚ፥ ‹ኡባፌ ዎልቃማ ጎዳይ ታ ካታማቲ ኬሂ ዱሬታና፤ ጎዳይ ዬሩሳላሜ ካሴ ማላ ማዳናኔ ባ ካታማ ሂስቲ ዶራና› » ጊ ኣዋጂቴ።
\s ዛካራሲ ኣጁታን ቤኢዳ ኦይዱ ካጬታ
\p
\v 18 ሄሳፌ ጉዬ ኣጁታን ኦይዱ ካጬታ ቤኣዲስ። 
\v 19 ታናራ ሃሳይዛ ኪታንቻዛ፥ «ሃይቲ ኣዜ?» ጋ ኦይቻዲስ፤ ኢዚካ፥ «ሃይቲ ዩሁዳ ኣሳ፥ ኢስራኤሌ ኣሳኔ ዬሩሳላሜ ኣሳ ላሊዳ ካጬታ» ጊዴስ።
\p
\v 20 ሄሳፌ ካሌዲ ጎዳይ ናሪቃ ኦይኪዳ ኦይዱ ዎጋጬታ ታና ቤሲዴስ። 
\v 21 ታኒካ፥ «ሃይታንቲ ኣይ ኦና ዪዶ?» ጋ ኦይቻዲስ። ኢዚካ፥ «ሃይቲ ኦኒካ ቁ ጊ ጼሎንታ ማላ ዩሁዳ ቢታ ላሊዳ ካጬታ፤ ሃ ዎጋጬቲ ዪዳይ ኢስታ ዳጋንናሲኔ ዴራ ላላናስ ዩሁዳ ቦላ ባንታ ካጬ ዴንዳ ካዎቴታ ካጬ ሜን ኦላናሳ» ጊዴስ።
\c 2
\s ዛካራሲ ኣጁታን ቤኢዳ ዋ ዎዶሮ
\p
\v 1 ቃሴካ ታ ኣጁታን ዋ ዎዶሮ ባ ኩሼን ኦይኪዳይሳ ቤኣዲስ። 
\v 2 ታኒካ ኢዛ፥ «ኔ ኣዋ ባይ?» ጋ ኦይቻዲስ። ኢዚ ቃሴ፥ «ዬሩሳላሜ ኣዱሳቴይኔ ኣኮቴይ ኣፑን ዋኮ ዋ ቤያና ባይስ» ጊዴስ።
\p
\v 3 ሄ ታናራ ሃሳይዛ ኪታንቻይ ቢዴስ። ሃራ ኪታንቻይካ ኢዛራ ጋጋናስ ዪዴስ። 
\v 4 ሂስቲዲ ኢዛስ፥ «ዎጻ ባዳ ሄሳ ናቴ ኣዴዛስ፥ ‹ዬሩሳላሜይ ኢዚን ዲዛ ኣሳ ዳሮቴፌኔ ሜሄ ዳሮቴፌ ዴንዶይሳን ካታማ ዩሾን ጊምቤ ዲርሳ ኮሼና። 
\v 5 ታኒ ታርካ ኢዚስ ታማ ዲርሳ ጊዳና፤ ኢዚ ጊዶን ታኒ ኢዚስ ቦንቾ ጊዳና› ጌስ ጋዳ ዮታ» ጊዴስ።
\s ቤቲዳ ኣሳ ሲሞ
\p
\v 6 ጎዳይ ባ ዴራ፥ «ታ ካሴ ኢንቴና ኦይዱ ባጋ ላላዲስ፤ ሃኢ ጊዲኮ ፑዴሃ ባጋፌ ባቃቲ ኬዚቴ፤ ሃ ዪቴ። 
\v 7 ሃኔ ጺዮኔ ሃ ያ፤ ባቢሎኔ ማጫ ናይታራ ዴኢዛሬ ኢስታ ጊዶፌ ባቃታ። 
\v 8 ኡባፌ ዎልቃማ ጎዳይ፡ ባ ቦንቾ ቆንጪሳና ማላ ባ ኣሳ ቦንቂዳይታ ካዎቴኮ ታና ኪቲዴስ፤ ኢንቴና ቦቺዛይ ታስ ኣይፌ ጪሮ ቦቺዛ ማላ። 
\v 9 ሄኮ ታኒ ታ ኩሼ ኢስታ ቦላ ዴንና፤ ኢስታ ኣይሌቲ ኢስታ ቦንቃና፤ ሄሳፌ ጉዬ ኡባፌ ዎልቃማ ጎዳይ ታና ኪቲዳይሳ ኢንቴ ኤራና።
\p
\v 10 «ሃኔ ጺዮኔ ናዬ ኣኔ ኢሊላ፤ ኡፋዬታ፤ ታኒ ያዳ ኔ ጊዶን ዳና» ጌስ ጎዳይ። 
\v 11 ሄ ጋላስ ዳሮ ካዎቴቲ ጎዳኮ ሺቂዲ ኢዛ ዴሬ ጊዳና፤ ኢዚካ ኔ ጊዶን ዴኣና፤ ኡባፌ ዎልቃማ ጎዳይ ታና ኔኮ ኪቲዳይሳ ኔካ ኤራና። 
\v 12 ጎዳይ ጌሻ ቢታይን ዩሁዳ ባስ ቡዞ ሂስቲ ላታና፤ ዬሩሳላሜካ ዛሪ ዶራና። 
\v 13 ጎዳይ ጌሽ ጊዲዳ ባሶዛፔ ዴንዲዳ ጊሻስ ኣሾ ማይኢዳ ኡባይ ኢዛ ሲንን ጮኡ ጎ።
\c 3
\s ቄሴታ ሃላቃስ ጊዲዛ ጌሻ ማይኦ
\p
\v 1 ሄሳፌ ጉዬ ቄሴታ ሃላቃ ኢያሶይ ጎዳ ኪታንቻ ሲንን ኤቂዳይሳኔ ጻላኤይካ ኢዛ ሞታናስ ኢዛፔ ኡሻቻ ባጋራ ኤቂዳይሳ ታና ኣጁታን ቤሲዴስ።\x - \xo 3፡1 \xo*\xt ኢዝ 5፡2፤ ኣጁ 12፡10\xt*\x* 
\v 2 ጎዳይ ቃሴ ጻላኤ፥ «ሃይሶ ጻላኤ ጎዳይ ኔና ሴሮ፤ ዬሩሳላሜ ዶሪዳ ጎዳይ ኔና ሃንቆ፤ ሃይሲ ኣዴዚ ታማፔ ኣቲዳ ዱርጫ ጊዴኔ?» ጊዴስ።\x - \xo 3፡2 \xo*\xt ዩሁ 9\xt*\x*
\p
\v 3 ኢያሶይካ ቂታ ማይኦ ማይኢዲ ኪታንቻዛ ሲንን ኤቂዴስ። 
\v 4 ኪታንቻዚ ባ ሲንን ኤቂዳይታ፥ «ሄሳ ቂታ ማይኦዛ ኢዛ ቦላፌ ቃሪ ዲጊቴ» ጊዴስ፤ ኢያሶስካ፥ «ሄኮ ታ ኔ ናጋራ ኔፔ ዲጋዲስ፤ ታ ኔና ሎኦ ማይኦ ማይዛና» ጊዴስ።
\p
\v 5 ቃሴ ታኒካ፥ «ጌሻ ጎሴ ኢዛ ሁኤን ጎዚሲቴ» ጋ ኣዛዛዲስ፤ ጎዳ ኪታንቻይ ኢዛ ኣቻን ኤቂ ዲሺን ጌሻ ጎሴ ኢዛ ሁኤን ጎዚሲዳኔ ማይኦካ ማይዚዳ።
\p
\v 6 ጎዳ ኪታንቻይካ ኢያሶይ ናጌታና ማላ ኢዛስ ዞሬ ኢሚዴስ። 
\v 7 ኡባፌ ዎልቃማ ጎዳይ፥ «ኔ ታ ኦጌን ቢኮ፥ ኔ ታ ኣዛዞ ናጊኮ ታ ኬ ኔ ኣይሳና፤ ጊቤዛሲካ ኔ ኣዋታና። ቃሴካ ሃይሳን ኤቂዳይታራ ኢሲፌ ኔ ጌላና ማላኔ ኬዛና ማላ ታ ኔስ ማታ ኢማና።
\p
\v 8 «ሃይሶ ቄሴታ ሃላቃ ኢያሶ ሲያ! ኔ ማታን ኔና ኦ ማዲዛይቲ ቡሮ ሲንፌ ሃናና ሎኦ ማላታ ጊዲዳ ጊሻስ ኢስቲካ ሲዬቶ፤ ሄኮ ታኒ ቡሮ ፑርጪዛ ታ ኣይሌዛ ኤሃና።\x - \xo 3፡8 \xo*\xt ኤር 23፡5፤ 33፡15፤ ዛካ 6፡12\xt*\x* 
\v 9 ቤያ! ታኒ ኢያሶ ሲንን ላፑን ኣይፌይ ዲዛ ሹች ዎና፤ ታ ሄ ሹቻ ቦላን ጻፌቲዛዝ ዎጫ ዎጫ ጻፋና፤ ሄ ቢታይ ናጋራካ ታ ኢሲ ጋላስ ዲጋና» ጌስ።
\p
\v 10 ኡባፌ ዎልቃማ ጎዳይ፥ «ሄ ዎዴ ኢሶይ ኢሶይ ባ ዎይኔ ሚ ጋርሳኒኔ ባ ባላሴ ሚ ጋርሳን ባ ላጌ ዲጊሳስ ጼይጋና» ጌስ።\x - \xo 3፡10 \xo*\xt ሚኪ 4፡4\xt*\x*
\c 4
\s ዛካራሲ ኣጁታን ቤኢዳ ጾምፔ ዎዛሶኔ ዎጋራ ሚ
\p
\v 1 ታና ሃሳይሲዳ ኪታንቻዚ ሲሚ ዪዲ ኢሲ ኢሲ ኣሲ ስኮፌ ቤጊዛ ማላ ታና ቤጎዴስ። 
\v 2 ኢዚካ፥ «ሃይሶ ሄሲ ኔ ቤኢዛይሲ ኣዜ?» ጊዴስ። ታኒካ «ሄኮ ኢዛ ቦላ ዛይቴ ኦቶይ ዲዛ ኩሜራ ዎርቃ ጊዲዳ ጾምፔ ዎዛ ባላ ቤኣዲስ፤ ሄ ባላታ ቦላ ላፑን ቦምባይ ዲዛ ላፑን ጾምፔታ ቤኣዲስ። 
\v 3 ቃሴካ ናምኡ ዎጋራ ሚታ ቤኣዲስ፤ ኢስታፌ ኢሶይ ዛይቴራ ዲዛ ኦቶዛፔ ኡሻቻ ባጋራ ዲዛይሳ ቃሴ ኢሶይ ሃዲርሳ ባጋራ ዲዛይሳ ቤኣዲስ» ጋዲስ።\x - \xo 4፡3 \xo*\xt ኣጁ 11፡4\xt*\x*
\p
\v 4 ታናራ ሃሳይዛ ኪታንቻዛ፥ «ታ ጎዶ! ሃይታንቲ ኣዜ?» ጋ ኦይቻዲስ።
\p
\v 5 ኢዚካ ታስ፥ «ሃይቲ ኣዛኮ ኔ ኤርኪ?» ጊ ዛሪዴስ። ታኒካ ኢዛስ፥ «ታ ጎዳዉ! ታ ኤሪኬ» ጋዲስ።
\p
\v 6 ቃሴካ፥ «ጎዳይ ዜሩባቤሌስ ዮቲዳ ቃላይ ሃይሳ፥ ‹ታ ኣያናንፔ ኣቲን ዎልቃኒኔ ሚኖቴን ጊዴና› ጌስ ኡባፌ ዎልቃማ ጎዳይ።\x - \xo 4፡6 \xo*\xt ኢዝ 5፡2\xt*\x*
\p
\v 7 «ሃይሶ ጊታ ዙማዞ ኔ ኣዜ? ኔ ዜሩባቤሌ ሲንን ቲ ጊዳ ዴምባ ጊዳና፤ ቃሴ ዜሩባቤሌይ ጾሳ ኬ ኬጺ ጊጊዲ ቁስቴ ሹቻ ፑዴ ኬሲዛ ዎዴ ኣሳይ፥ ‹ሃሹ ሃሹ ሎኦን ፖሌቲዴስ› ጊ ሳባና» ጌስ። 
\v 8 ቃሴ ጎዳ ቃላይ ታኮ ዪዴስ፤ 
\v 9 «ዜሩባቤሌ ኩሼይ ሃይሳ ጎዳ ኬስ ዮቻ ሹች ዎዴስ፤ ኢዛ ኩሼይ ኬጺ ፖላና፤ ሄሳፌ ጉዬ ኡባፌ ዎልቃማ ጎዳይ ታና ኢንቴኮ ኪቲዳይሳ ኢንቴ ኤራና።
\p
\v 10 «ጉ ሚሻቲ ሃኒዛ ጋላሲ ካዳይ ኦኔ? ኣሳይ ዜሩባቤሌ ኩሼን ቱምቤ ቤኢዲ ኡፋዬታና፤ ሄይቲ ላፑን ጾምፔታ ኢስታ ቦላ ዎዛ ላፑን ባላቲ ኣላሜ ቦላ ዩዪ ጼሊዛ ጎዳ ኣይፌታ።»\x - \xo 4፡10 \xo*\xt ኣጁ 5፡6\xt*\x* 
\v 11 ሄሳፌ ጉዬ ታኒ ኪታንቻዛ፥ «ጾምፔዛፔ ኢስታ ቦላ ዎዛ ባላታፔ ኡሻቻ ባጋራኔ ሃዲርሳ ባጋራ ዲዛይቲ ሃይቲ ዎጋራ ሚቲ ኢስቲ ኣዜ?» ጋ ኦይቻዲስ።\x - \xo 4፡11 \xo*\xt ኣጁ 11፡4\xt*\x* 
\v 12 ቃሴካ፥ «ናምኡ ዎርቃ ቦምባታ ኣቻን ዎጋራ ዛይቴይ ኢስታፌ ጉኪዛ ናምኡ ቦምባታ ማታን ዲዛ ናምኡ ዎጋራ ሃጋቲ ኣዜ?» ጋ ኦይቻዲስ።
\p
\v 13 ኢዚካ ታና፥ «ሄይቲ ኣዛኮ ኔ ኤርኪ?» ጊዴስ፤ ታኒካ ኢዛስ፥ «ታ ጎዶ! ታ ኤሪኬ» ጋዲስ።
\p
\v 14 ኢዚ ቃሴካ፥ «ሃይቲ ናምኣቲ ሜቴ ኡባ ጎዳ ሲንን ኦና ቲዬቲዳ ኣሳታ» ጊዴስ።
\c 5
\s ፒራዛ ጻ ማጻፋ
\p
\v 1 ታ ዛራዳ ጼሊሺን ሄን ታ ሲንን ኢሲ ፒራዛ ጻ ማጻፋ ቤኣዲስ። 
\v 2 ኢዚካ ታና፥ «ኣይ ጼላይ?» ጊ ኦይቺዴስ። ታኒካ ኢዛስ፥ «ኣዱሳቴይ ናምኡ ታሙ ዋ፥ ጎምፓይ ታሙ ዋ ጊዲዳ ኢሲ ፒራዛ ጻ ማጻፋ ቤኣዲስ» ጋዲስ።
\p
\v 3 ኢዚካ ታስ፥ «ሃ ጻ ማጻፋ ጊዶን ቢታ ኡባ ቦላ ያና ቃንጌ ጻፌቲ ኡቲዴስ፤ ሄ ማጻፋን ኢሲ ባጋራ፥ ‹ካይሶ ኡባይ ቢታ ቦላፌ ያና› ጌቴቲ ጻፌቲዴስ፤ ቃሴካ ሃንኮ ባጋራ፥ ‹ዎርዶ ጫቂዛ ኡባይ ያና› ጌቴቲ ጻፌቲዴስ። 
\v 4 ኡባፌ ዎልቃማ ጎዳይ፥ ‹ታኒ ቃንጌ ኤሃና፤ ኢዚካ ካይሶታ ኬኔ ታ ሱንን ዎርዶ ጫቂዛይታ ኬ ጌላና፤ ኢስታስ ሄን ዲዛ ኬ፥ ሚኔ ሹቻ ኡባ ይሳና› ጌስ» ጊዴስ።
\s ዳቾ ጊዶን ዛካራሲ ኣጁታን ቤኢዳ ማጫሳዮ
\p
\v 5 ሄሳፌ ካሊዲ ታናራ ሃሳዬቲዛ ኪታንቻይ ታኮ ዪዲ፥ «ሃይሲ ዪዛይ ኣዛኮ ቁ ሂስታ ጼላ» ጊዴስ።
\p
\v 6 ታኒካ ኢዛ፥ «ሃይሲ ኣዜ?» ጋ ኦይቻዲስ። ኢዚካ «ሃይሲ ማካ ዳቾ» ጊዴስ፤ ቃሴካ ጉጂዲ፥ «ሃይሲ ቢታ ቦላ ዲዛ ኣሳይ ኦዳ ቆሆዛ ቤሲዛ ማላታ» ጊዴስ።
\p
\v 7 ሄሳፌ ጉዬ ኢርሳሴ ጌቴቲዛ ቢራታፔ ኦሴቲዳ ካማይ ቃሬቲዛ ዎዴ ዳቾዛ ጊዶን ኡቲዳ ኢሲ ማጫሳዮ ቤኣዲስ። 
\v 8 ኪታንቻዚካ ታስ፥ «ሃና ቱና» ጊ ዮቲዲ ኢዞ ጉዬ ዛሪ ዳቾዛ ጊዶ ናቂ ጌልዴስ፤ ሄ ዳቾ ካማዛካ ዛሪ ካሚዴስ።
\p
\v 9 ሄሳፌ ጉዬ ታኒ ፑዴ ቁ ጋ ጼሊሺን ኢስታስ ቄፌታን ጫርኮይ ዲዛ ናምኡ ማጫሳታ ቤኣዲስ፤ ኢስታስ ቄፌይካ ካፎ ዎሌ ቄፌ ማላ፤ ኢስቲ ሄ ዳቾዛ ዴን ኤኪዲ ፑዴ ሳሎ ፒራዳ።
\p
\v 10 ታኒካ ታናራ ሃሳይዛ ኪታንቻዛ፥ «ሃይቲ ዳቻ ኣዋ ኤፊዞ?» ጋ ኦይቻዲስ። 
\v 11 ኢዚካ፥ «ኢዛስ ኬ ኬጻናስ ሳናኦሬ ዴሬ ኤፌቴስ፤ ኬጼቲ ጊጊዛ ዎዴ ዳቾዛ ሄን ዎና» ጊዴስ።
\c 6
\s ዛካራሲ ኣጁታን ቤኢዳ ፓራ-ጋሬታ
\p
\v 1 ቃሴካ ሃራ ኣጁታን ኦይዱ ፓራ-ጋሬቲ ናምኡ ጻርቂማላ ዙማታ ጊዶራ ዪዛይታ ቤኣዲስ። 
\v 2 ኮይሮ ጋሬዛ ጎቺዛ ፓራዚ ዞኦ፥ ናምኣንዚ ካሬ፥\x - \xo 6፡2 \xo*\xt ኣጁ 6፡4-5\xt*\x* 
\v 3 ሄንዚ ቦ፥ ኦይዳንዚ ቃሴ ማሳራ ጊዲሺን ፓራቲ ኡባይካ ዎልቃማ።\x - \xo 6፡3 \xo*\xt ኣጁ 6፡2\xt*\x* 
\v 4 ታኒካ ታናራ ሃሳይዛ ኪታንቻዛ፥ «ታ ጎዳዉ! ሃይታንቲ ኣዜ?» ጋ ኦይቻዲስ።
\p
\v 5 ኪታንቻዚካ፥ «ሃይቲ ሳኣ ኡባ ጎዳ ሲንን ኦዛሶፔ ኬዚዳ ሳሎ ኣያና ኦይዳታ።\x - \xo 6፡5 \xo*\xt ኣጁ 7፡1\xt*\x* 
\v 6 ካሬ ፓራቲ ጎቺዛ ጋሬይ ፑዴሃ ባጋ፥ ቦ ፓራቲ ጎቺዛ ጋሬይ ኣርሼ ጌሎሶ ባጋ፥ ማሳራ ፓራቲ ጎቺዛ ፓራይ ዱጌሃ ባጋራ ዲዛ ዴሬ ቤቴስ» ጊዴስ።
\p
\v 7 ሚኖ ፓራቲ ቡሮ ኬዚሼ ቢታ ኡባ ቦላ ሲሜሬታናስ ሌሶቴቴስ፤ ኢዚካ ኢስታ፥ «ኢንቴ ሳኣ ኡባ ጋርስ ቢዲ ጾሞሲቴ» ጊዴስ፤ ኢስቲካ ቢዲ ጾሞሲዳ። 
\v 8 ቃሴካ ኪታንቻዚ ታስ፥ «ፑዴሃ ባጋ ዴሬታ ቢዳ ፓራቲ ታ ኣያና ሼምፒሲዳ» ጊዲ ባ ቃላ ቁ ሂስቲ ዮቲዴስ።
\s ኢያሶ ሁኤ ቦላ ዎዳ ካላቻ
\p
\v 9 ጎዳ ቃላይ ታኮ ዪዴስ። 
\v 10 ባቢሎኔ ዴሬፔ ዲኦፔ ሲሚዳ ሄልዳዬፔኔ ያዳያፔ ዎርቃኔ ቢራ ኤካዳ ሄ ጋላሲካ ሶፎናሳ ና ኢዮሲያሳ ሶ ባ። 
\v 11 ኢስቲ ኢሚዳ ቢራፔኔ ዎርቃፌ ካላቻ ሜዳ ኢዮሳዶቄ ና ቄሴታ ሃላቃ ኢያሶ ሁኤን ጎጻ። 
\v 12 ኔኒ ኢዛስ፥ «ኡባፌ ዎልቃማ ጎዳይ፥ ‹ኢዛ ሱንይ ሃጋ› ጌቴቲዳይሲ ሃይሳ፤ ኢዚካ ባ ዲዛሶን ዳያና፤ ኢዚ ጎዳ ኬ ዛሪዲ ኬጻና።\x - \xo 6፡12 \xo*\xt ኤር 23፡5፤ 33፡15፤ ዛካ 3፡8\xt*\x* 
\v 13 ኢዚ ጎዳ ኬ ኬጻና፤ ኢዚ ካዎ ማላ ቦንቾ ማይኣና፤ ባ ካዎቴ ኣራታን ኡቲዲ ሃራና፤ ቃሴካ ኢዚ ባ ኣራታን ኡቲዲ ቄሴቴን ኦና፤ ሄ ናምኣቲካ ሳሮቴኒኔ ሲጋን ኦና» ጌስ ጋ ዮታ። 
\v 14 ሄ ካላቻዚካ ሄሌሜስ፥ ጾቢያስ፥ ያዳያሲኔ ሶፎናሳ ና ሄኔስ ጎዳ ኬ ጊዶን ኢስቲ ሃሳኢሲዛዝ ጊዳና። 
\v 15 ሄይቲ ሃሆን ዲዛይቲ ዪዲ ጎዳ ኬይ ኬጼቲሺን ኢስታ ኦሶን ማዳና፤ ኢንቴካ ታና ኡባፌ ዎልቃማ ጎዳይ ኪቲዳይሳ ኤራና። ጎዳ ኢንቴ ጾሳስ ኢንቴ ዎዚናፔ ኣዛዜቲኮ ሄሲ ዉሪ ኢንቴስ ሃናና።
\c 7
\s ጎዳይ ኤኮንታ ጾማ
\p
\v 1 ዳሪዮሲ ካዎቲዳ ኦይዳን ላይን ካሴሎ ጌቴቲዛ ኡዱፉን ኣጊናን ኦይዳን ጋላስ ጎዳ ቃላይ ዛካራሳኮ ዪዴስ። 
\v 2 ቤቴሌ ኣሳይ ጎዳይ ዎሳናስ ሳርሳሬኔ ኤርጌሜ-ሜሌኬ ኢስታራ ዲዛይታራ ኢሲፌ ኪቲዳ። 
\v 3 ኢስቲካ ኡባፌ ዎልቃማ ጎዳ ኬ ቄሴታኔ ናቤታ፥ «ኑ ካሴ ዳሮ ዎዴ ኦዳይሳ ማላ ኢቻሻን ኣጊናን ጬጫናሲኔ ጾማናስ ኑስ ቤሲዜ?» ጊዲ ኦይቺዳ።
\p
\v 4 ቃሴካ ጎዳ ቃላይ ታኮ ዪዴስ፤ 
\v 5 «ሃ ዴሬ ኣሳኔ ቄሴታ፥ ‹ካሴ ኣዳ ላፑን ታሙ ላይታን ኢቻሻን ኣጊናኒኔ ላፑን ኣጊናን ኢንቴ ጾሚዳ ጾማይኔ ኢንቴ ጬጪዳ ጬጬይ ታ ቦንቾሴ? 
\v 6 ካሴ ኢንቴ ሚዳይሲኔ ኡዪዳይሲ ኢንቴስ ጻላ ጊዴኔ? 
\v 7 ዬሩሳላሜይኔ ኢዚ ኣቻን ዩዪ ኣ ዲዛ ካታማቲ ሳሮቴኒኔ ዱሬቴን ዲዛ ዎዴ ዱጌሃ ባጋ ዙማታ ጋርሳኒኔ ኣርሼይ ጌሊዛ ባጋን ዲዛ ዙማታ ጋርሳን ካሴ ኣሲ ሄን ዲዛ ዎዴ ጎዳይ ባ ናቤታ ባጋራ ዮቲዳ ቃላይ ሃይሳ ጊዴኔ?› ጋ ኦይቻ።»
\p
\v 8 ጎዳ ቃላይ ቃሴካ ዛካራሳኮ ዪዴስ፤ 
\v 9 «ኡባፌ ዎልቃማ ጎዳይ፥ ‹ቱሙ ፒርዳ ፒርዲቴ፤ ኢንቴ ጋርሳን ኢሶይ ኢሳራ ማሬቲቴኔ ኢሶይ ኢሳስ ቃቲቴ። 
\v 10 ኣምኤታ፥ ዪኦታ፥ ቤቴ ኣሳታኔ ማንቆታ ሜቶፍቴ፤ ኢሶይ ኢሳስ ኢንቴ ዎዚናን ኢታ ቆፖፍቴ› ጌስ።
\p
\v 11 «ኢስቲ ቃሴ ሲያና ኮዪቤቴና፤ ዞኮ ዛሪዲ ባ ሃይ ቱጪዳ። 
\v 12 ባ ዎዚና ዛላ ሹቻ ማላ ሚንዳ፤ ኡባፌ ዎልቃማ ጎዳይ ካሴ ናቤታ ባጋራ ባ ኣያናን ኪቲዳ ቃላ ዎይኮ ዎጋ ሲዮንታ ኢጺዳ፤ ሄሳ ጊሻስ ኡባፌ ዎልቃማ ጎዳይ ኢስታ ቦላ ኬሂ ሃንቄቲዴስ። 
\v 13 ‹ታ ኢስታ ጼይጊሺን ኢስታ ሲዪቤቴና፤ ሄሳ ጊሻስ ኢስቲ ታና ጼይጊሺን ታኒካ ሲዪኬ› ጌስ ኡባፌ ዎልቃማ ጎዳይ። 
\v 14 ኢስቲ ኤሮንታ ኣላጋ ዴሬ ጊዶ ጎቴ ጫርኮን ኢስታ ላላዲስ፤ ኢስታፌ ጉዬራ ሃራይ ኦኒካ ሄ ቦንታ ማላኔ ሃ ዮንታ ማላ ቢታያ ኣሲ ባይንዳ ቡላ ቢታ ጊዳዱስ፤ ኢስቲ ሎኦ ቢታዮ ቡላ ኦዳይ ሄሳ ማላና።»
\c 8
\s ዬሩሳላሜ ኦራናስ ጎዳይ ኢሚዳ ሂዶታ
\p
\v 1 ቃሴካ ኡባፌ ዎልቃማ ጎዳይ ታኮ ዪዴስ፤ 
\v 2 ኡባፌ ዎልቃማ ጎዳይ፥ «ታ ጺዮኒስ ዳሮ ሚሼታይስ፤ ኢዚ ሚሻይ ታና ጹጌስ» ጌስ።
\p
\v 3 ጎዳይ፥ «ታ ጌዴ ጺዮኒኮ ሲማና፤ ዬሩሳላሜንካ ዴኣና። ዬሩሳላሜይካ ቱሙ ካታማ ጌቴታዉስ፤ ኢዛካ ኡባፌ ዎልቃማ ጎዳስ ጌሻ ዙማ ጌቴታና» ጌስ።
\p
\v 4 ኡባፌ ዎልቃማ ጎዳይ፥ «ኣዴ ጪማቲኔ ማጫ ጪማቲ ካሴ ማላ ዬሩሳላሜ ዱቡሻን ኡታና፤ ኢስታፌ ኢሶይ ኢሶይ ጪማቴ ጋሶን ጉፌ ኦይኪዲ ሄሜታና። 
\v 5 ካታማይን ዲዛ ኦጌታን ካኢዛ ማጫ ናይቲኔ ኣቱማ ናይቲ ኩማና» ጌስ።
\p
\v 6 ኡባፌ ዎልቃማ ጎዳይ፥ «ሃይሲ ካሴ ዲኤቶንታ ኣቲዳ ኢስራኤሌ ናይታስ ማላሊሲዛዝ ሚሳታና ሺን ታና ኡባፌ ዎልቃማ ጎዳ ማላሊሳናስ ዳንዳይዜ?» ጌስ።
\p
\v 7 ኡባፌ ዎልቃማ ጎዳይ፥ «ታኒ ታ ዴሬታ ኣርሼይ ሞኪዛ ባጋ ዴሬታፔኔ ዉሊዛ ባጋ ዴሬታፔ ኣሻና። 
\v 8 ኢስቲ ዬሩሳላሜን ዴኣና ማላ ታ ኢስታ ዛራ ሃ ኤሃና፤ ኢስቲካ ታ ዴሬታ ጊዳና፤ ታኒካ ጺሎቴኒኔ ኣማኔቴን ኢስታ ጾሳ ጊዳና» ጌስ።
\p
\v 9 ኡባፌ ዎልቃማ ጎዳይ፥ «ኡባፌ ዎልቃማ ጎዳ ኬስ ዮቺ ዬጌቲሺን ሄን ዲዛ ናቤቲ ዮቲዳ ቃላ ሃኢ ሲዪዛይቲ ኡባይ ኡባፌ ዎልቃማ ጎዳ ኬ ኬጻናስ ኢንቴ ኩሼ ሚንቴ። 
\v 10 ሃይሳፌ ካሴ ኣሳስ ዳሞዛይ ኢሜቲ ኤሬና፤ ሜሄስካ ኪራይ ኢሜቲ ኤሬና። ሞርኬይ ዲዛ ጊሻስ ኦኒካ ባ ኦሶ ዎጋራ ኦ ኤሬና፤ ካሴ ታኒ ኣሳይ ላጌይ ላጌ ቦላ ዴንዳና ማላ ኦዳ ጊሻስ ሄሲ ሃኒዴስ። 
\v 11 ሃኢ ቃሴ ታ ካሴ ኦዳ ማላ ሃይሳ ሃን ኣቲዳ ዴሬዛ ቦላ ኦኬ» ጊ ኣዋጄስ።
\p
\v 12 ዜሬይ ሎኦ ሞካና፤ ዎይኔ ሚይ ኣይፋና፤ ቢታይካ ካ ኢማና፤ ሳሎይካ ኢራ ኢማና፤ ሄይታ ዉርሳካ ሃን ሃይሳን ኣቲዛ ዴሬዛስ ጺንጾ ሂስቲ ኢማና። 
\v 13 ዩሁዳ ዴሬኔ ኢስራኤሌ ዴሬ ኣሳቶ! ኢንቴ ካሴ ካዎቴታ ጊዶን ቃንጌቲዳ ዴሬ ማላ ቆዴቲዴታ፤ ሃኢ ጊዲኮ ታ ኢንቴና ኣሻና፤ ኢንቴካ ኣንጆስ ጊዳና፤ ሄሳ ጊሻስ ባቦፍቴ፤ ሚኒቴ።
\p
\v 14 ኡባፌ ዎልቃማ ጎዳይ፥ «ካሴ ኢንቴ ኣዋቲ ታና ሃንቄዳ ጊሻስ ታኒካ ሚሻይ ባይንዳ ኢንቴና ቃጻያና ቃቻዲስ» ጌስ። 
\v 15 «ሃኢ ቃሴ ዬሩሳላሜሲኔ ዩሁዳ ዴራስ ሎኦ ኦናስ ታ ቃቺዳ ጊሻስ ባቦፍቴ። 
\v 16 ኢንቴ ኦናስ ቤሲዛ ሚሻቲ ሃይታንታ፤ ኢንቴ ኢንቴ ጋርሳን ኢሶይ ኢሳራ ቱሙ ሃሳዬቲቴ፤ ኢንቴ ዱቡሻንካ ቱማኔ ሱሬ ፒርዳ ፒርዲቴ።\x - \xo 8፡16 \xo*\xt ኤፌ 4፡25\xt*\x* 
\v 17 ኢሶይ ኢሳ ቆሃናስ ጌኔ ቆፖፍቴ፤ ዎርዶ ማርካቶፍቴ፤ ታ ሃይታንታ ኡባ ኢጻይስ» ጌስ ጎዳይ።
\p
\v 18 ቃሴካ ኡባፌ ዎልቃማ ጎዳ ቃላይ ታኮ ዪዴስ፤ 
\v 19 «ኦይዳን ኣጊናን፥ ኢቻሻን ኣጊናን፥ ላፑን ኣጊናኒኔ ታማን ኣጊናን ኢንቴ ጾሚዛ ጾማይ ዩሁዳ ዴራስ ኡፋይሳ ጋላሲኔ ባኣሌ ጋላስ ጊዳና፤ ሄሳ ጊሻስ ኢንቴ ቱማቴኔ ሳሮቴ ኮዪቴ።»
\p
\v 20 ኡባፌ ዎልቃማ ጎዳይ፥ «ዳሮ ካታማታን ዲዛ ዴሬይ ዬሩሳላሜ ጎጋና ዎዴይ ያና። 
\v 21 ኢሲ ካታማይን ዲዛ ኣሳይካ፥ ‹ጎዳ ኣንጆ ዎሳናሲኔ ኡባፌ ዎልቃማ ጎዳ ኮያናስ ኣኔ ሃ ዪቴ፤ ኣኔ ኤሶን ቦስ፤ ኑኒካ ቦስ› ጊሼ ሃራ ካታማ ባና። 
\v 22 ዳሮ ዴሬይኔ ዎልቃማ ካዎቲካ ኡባፌ ዎልቃማ ጎዳ ኮያናሲኔ ኢዛ ዎሳናስ ዬሩሳላሜ ያና።
\p
\v 23 «ሄ ጋላሳታን ዱማ ዱማ ዴሬፔ ዱማ ዱማ ቃላን ሃሳይዛ ታሙ ኣሳቲ ኢሲ ኣይሁዳ ኣሳ ማይኦ ማጫራ ኦይኪዲ፥ ‹ኢንቴናራ ጾሲ ዲዛይሳ ኑ ሲዪዳ ጊሻስ ኑ ኢንቴናራ ኢሲፌ ባና› ጋና» ጊዴስ።
\c 9
\s ኢስራኤሌ ኣሳ ሞርኬታ ቦላ ያና ፒርዳ
\q1
\v 1 ኢስራኤሌ ኣሳ ኡባ ኣይፌይ
\q2 ፑዴ ጎዳኮ ጼሌስ፤
\q2 ሄሳ ጊሻስ ጎዳይ
\q3 ካሴ ዮቲ ዎዳ ማላ
\q2 ሴዲሬኬ ቦላኔ
\q3 ዳማስቆ ቦላ ፒርዳና።\x - \xo 9፡1 \xo*\xt ኢሳ 17፡1-3፤ ኤር 49፡23-27፤ ኣሞ 1፡3-5\xt*\x*
\q1
\v 2 ሃ ፒርዳዚካ ዳማስቆ ዛዋን ዲዛ
\q2 ሃማቴ ቦላ፥
\q2 ኣ ኤራቴ ዲዛ
\q2 ጺሮሴ ካታማታ ቦላኔ
\q2 ሲዶና ካታማታ ቦላ ጋካና።
\q1
\v 3 ጺሮሴ ካታማያ ባስ ሚኖ
\q2 ሚጻ ጊጊሳዱስ፤
\q2 ቢራ ቢታ ማላ፥
\q2 ዎርቃካ ጉዱላ ማላ
\q3 ሺሻ ጉፓዱስ።
\q1
\v 4 ጊዶ ኣቲን ጎዳይ
\q2 ኢዛ ጉፒዳይሳ
\q2 ዎ ኤካና፤
\q2 ኢዚስ ኣባ ጊዶን ዲዛ ዎልቃ
\q3 ኡባ ይሳና፤
\q2 ኢዛካ ታማን ጹጌታ ያና።\x - \xo 9፡1-4 \xo*\xt ኢሳ 23፡1-18፤ ሂዚ 26፡1—28፡26፤ ኢዩ 3፡4-8፤ ኣሞ 1፡9-10፤ ማቶ 11፡21-22፤ ሉቃ 10፡13-14\xt*\x*
\q1
\v 5 ኣስቄሎናይ ሄሳ ቤኢዲ ያያና፤
\q2 ጋዛይ ሜቶን ኡንኤታና፤
\q2 ሄሳካ ኣቃሮኔይ
\q2 ሂዶታካ ቃንጻና፤
\q2 ጋዛይ ቃሴ
\q2 ካዎይ ባይንዳሮ ጊዳና፤
\q2 ኣስቄሎናይ ቡላ ጊዳና።\x - \xo 9፡5-7 \xo*\xt ኢሳ 14፡29-31፤ ኤር 47፡1-7፤ ሂዚ 25፡15-17፤ ኢዩ 3፡4-8፤ ኣሞ 1፡6-8፤ ሶፎ 2፡4-7\xt*\x*
\q1
\v 6 ዋላካ ዴሬይ ኣዛጾኔ ኦይካና፤
\q2 ጬቄቲዛ ፊሊስጼሜ ኣሳ
\q3 ታ ይሳና።
\q1
\v 7 ታኒ ኢስታ ዶናፔ ሱ፥
\q2 ኢስታ ጋጮፔ ሞንታ ማላ
\q3 ዲጌቲዳ ካ ዲጋና፤
\q2 ሃንኮ ኣቲዳይቲ ታ ዴሬ ጊዳና፤
\q2 ዩሁዳ ቢታን ሃላቃታና፤
\q2 ኣቃሮኔ ኣሳይካ
\q3 ያቡሴ ኣሳ ማላ ጊዳና።
\q1
\v 8 ታኒ ጊዲኮ ታ ኬ
\q2 ቦንቂዛ ዎልቃማታፔ ናጋና፤
\q2 ሃይሳፌ ጉዬ ኡንኤዛይ
\q3 ታ ዴራ ላቴና።
\q2 ታኒ ሃኢ ሚና ናጋይስ።
\s ቡሮ ያና ጺዮኔ ካዎ
\q1
\v 9 ሃኔ ጺዮኔ ናዬ
\q2 ኬሃ ኡፋዬታ።
\q2 ሃኔ ዬሩሳላሜ ናዬ
\q3 ኡፋይሳን ኢሊላ፤
\q2 ጺሎኔ ኣሺዛ ኔ ካዎይ
\q3 ኣሽኬ ጊዲዲ ሃሬዮኔ
\q3 ሃሬይ ጉቴ ቶጊዲ ኔኮ ዬስ።\x - \xo 9፡9 \xo*\xt ማቶ 21፡5፤ ዮሃ 12፡15\xt*\x*
\q1
\v 10 ፓራ-ጋሬታ ኤፍሬሜፔ
\q2 ኦላ ፓራታ ዬሩሳላሜፔ
\q3 ታ ኤካ ይሳና።
\q2 ታኒ ኦላ ቶራታ
\q2 ሜንሬና።
\q2 ሳሮቴ ካዎቴታስ ኣዋጃና።
\q2 ኢዚ ኣባፌ ኣባን
\q2 ጋካናስ ሃራና፤
\q2 ኤፊራጺሴ ሻፋፔ ሳኣ ጋጻ
\q2 ጋካናስ ኢዚ ኣይሳና።\x - \xo 9፡10 \xo*\xt ማዛ 72፡8\xt*\x*
\q1
\v 11 ታ ኔናራ ሱን
\q2 ጫቄቲዳ ጫቆዛ ጊሻስ
\q2 ሃ ባይንዳ ኦላን
\q2 ቃሼቲዳ ኣሳታ
\q3 ታ ቢርሻዳ ዬዳና።\x - \xo 9፡11 \xo*\xt ኬሳ 24፡8\xt*\x*
\q1
\v 12 ኢንቴኖ ሂዶታይ ዲዛ ቃሾ ኣሳቶ!
\q2 ኢንቴ ካሴ ዲዛ ሚጻን ሲሚቴ፤
\q2 ካሴ ኢንቴስ ዲዛ ኣቆታ
\q3 ዳኮ ሂስታ ታ ኢንቴስ ዛራና።
\q1
\v 13 ዩሁዳ ዎንዳፌ ማላ
\q2 ኤፍሬሜካ ዪሻ ማላ
\q2 ታ ጎኤታና፤
\q2 ሃኔ ጺዮኔ ታኒ ኔ ናይታ
\q2 ጊሪኬ ዴሬ ቦላ
\q2 ዴንና፤
\q2 ኔናካ ታኒ ዎልቃማ
\q2 ማሻ ማላ
\q3 ሂስታ ጎኤታና።
\s ጎዳይ ቆንጫና
\q1
\v 14 ጎዳይ ኢስታ ቦላ ቆንጫና፤
\q2 ኢዛ ዪሻይ ዎልቃን ማላ
\q3 ፖፖልኡ ጋና፤
\q2 ኡባፌ ዎልቃማ ጎዳይ
\q3 ጹሩምባ ፑናና።
\q2 ዱጌሃፔ ኬዚዛ ጎቴ ጫርኮ ማላ
\q3 ኢዚ ባና።
\q1
\v 15 ኡባፌ ዎልቃማ ጎዳይ
\q2 ኢስታስ ጎንዳሌ ጊዳና፤
\q2 ኢስቲ ባ ሞርኬታ
\q2 ኡባ ይሳና፤
\q2 ኢስቲ ያንባርሻን
\q2 ኦሊዛይታ ዬና፤
\q2 ኢስቲ ዎይኔ ኡሹ
\q3 ኡዪዳ ኣሳ ማላ ዋሳና፤
\q2 ያርሾ ሱ ኬሬ ኩሚ
\q3 ያርሾሶሆ ቦላ ጉኪዛ ማላ
\q2 ኢስታ ሞርኬታ
\q2 ሱካ ጉካና።
\q1
\v 16 ሄ ዎዴ ጎዳይ ኢስታ ጾሳይ
\q2 ባ ዴራ ባስ ዉዴ ሜሄ
\q3 ሂስቲ ኣሻና፤
\q2 ካላቻ ቦላ ዲዛ
\q2 ሴሎይ ጾልቂዛ ማላ
\q3 ኢስቲካ ጾሳ ዴሬን ጶላና።
\q1
\v 17 ኢስቲ ኣይ ማላ ሎኦኔ
\q2 ፑላ ኣስ ጊዳኔሻ!
\q2 ካ ናቴታ
\q2 ዎይኔ ኡሺ ጌላኦታ
\q2 ኣንቃርሳና።
\c 10
\s ጎዳይ ዩሁዳ ናጋናስ ዎዳ ሂዶታ
\q1
\v 1 ጎዳይ ኢንቴስ ኣሱራ ኢራ
\q2 ኢማና ማላ ዎሲቴ።
\q2 ኢራ ሻራ ኪቲዛይ ጎዳ፤
\q2 ኢዚ ኡባ ኣሳስ
\q3 ጊዲዛ ኢራ ኢሜስ፤
\q2 ኢሳስ ኢሳስ ቶካናስ
\q2 ዶዛ ኢሜስ።
\q1
\v 2 ኤቃ ጾሳቲ
\q2 ባሌ ዮኦ ዮቴቴስ፤
\q2 ማሮቲ ዎርዶ ኣጁታ ቤዬቴስ፤
\q2 ካዪዛይቲ ዎርዶ
\q3 ኣጉሞ ኣጉሜቴቴስ፤
\q2 ኣሳካ ጮ ሃዳ ዮኦን
\q2 ሚንቴስ፤
\q2 ሄሳ ጊሻስ ዴሬይ
\q3 ሄሚዛዴይ ባይንዳ ዶርሳ ማላ
\q3 ጮ ሜላ ቶይላቲሼ ቆሄቲዴስ።
\p
\v 3 ጎዳይ፥ «ታ ሃንቆይ
\q2 ሄንንቻታ ቦላ
\q2 ታማ ማላ ኤጺ ኬዚዴስ።
\q2 ዴራ ካሌዛይታ
\q2 ታ ቃጻያና።
\q2 ታኒ ኡባፌ ዎልቃማ ጎዳይ
\q3 ባ ዉዴ ጊዲዳ ዩሁዳ ኣሳ
\q3 ኦላስ ጊጊዳ ፓራ ማላ ኦና።
\q1
\v 4 ዩሁዳፔ ጉላን ዎዛ
\q2 ሹቺ፥
\q2 ዱንካኔ ቶሊዛ ሽኬይ፥
\q2 ኦላ ቶራይኔ
\q3 ዴሬ ኡባ ሃሪዛይ ኬዛና።
\q1
\v 5 ኢስቲ ኡባይካ ኢሲ ቦላ
\q2 ኦጌን ዲዛ ኡርቃ ዬዛ
\q2 ሚኖ ኦላንቻታ ማላ ጊዳና፤
\q2 ጎዳይ ኢስታራ ዲዛ ጊሻስ
\q2 ፓራን ኦሌቲዛይታ ኢስቲ ጾናና።
\b
\q1
\v 6 «ታኒ ዩሁዳ ኬ ሚንና፤
\q2 ታ ኢስታስ ቃቲዛ ጊሻስ
\q2 ኢስቲ ካሴ ዲዛሶታ ኢስታ ዛራና፤
\q2 ታኒ ጎዳ ኢስታ ጾሳ ጊዲዳ ጊሻስ
\q3 ታ ኢስታ ዎሳ ሲያና፤
\q2 ኢስቲካ ሃይሳፌ ካሴ
\q3 ታ ዬጋ ኤሮንታ
\q3 ኣሳ ማላ ጊዳና።
\q1
\v 7 ኤፍሬሜ ኣሳይ
\q2 ዎልቃማ ኣሳ ማላ ጊዳና፤
\q2 ኢስታ ዎዚናይ
\q2 ዎይኔ ኡሹ ኡዪዳ
\q3 ኣሳ ማላ ኡፋዬታና፤
\q2 ኢስታ ናይቲ ኢስታ
\q3 ቤያናኔ ኡፋዬታና፤
\q2 ኢስቲካ ጎዳን ኡፋዬታና።
\q1
\v 8 ታኒ ኢስታ ዋይቄን ጼይጋዳ
\q2 ኢሲ ቦላ ሺሻና፤
\q2 ቱማፔ ታ ኢስታ ዎዛና፤
\q2 ካሴ ማላ ታ ኢስታ ዳርሳና።
\q1
\v 9 ታኒ ኢስታ ዴሬታ ጊዶን ላሊኮካ
\q2 ኢስቲ ሄን ሃሆ ዴሬን ዲሼ
\q3 ታና ቆፓና፤
\q2 ኢስታኔ ኢስታ ናይቲ
\q2 ሼምፖራ ፓጻ ኣቲዲ
\q2 ጉዬ ሲማና።
\q1
\v 10 ታኒ ኢስታ ጊብጼፔ ኬሳና፤
\q2 ኣሶሬፔካ ሺሻና፤
\q2 ኢስታስ ኡቲዛሶይ
\q2 ኡንኣናሼ ጋካናስ
\q2 ታኒ ኢስታ ጋላኣዴኒኔ
\q3 ሊባኖሴን ሺሻና።
\q1
\v 11 ኢስቲ ኣባ ጊዶራ
\q2 ዋዬቲ ኣና፤
\q2 ኣባ ዳምባላይ ጮኡ ጋና፤
\q2 ጪማ ኣባይካ ዉሪ ሚጫና፤
\q2 ኦቶራንቻ ኣሶሬ ዴሬ
\q3 ኣሳይ ካዉያና፤
\q2 ጊብጼ ካዎቴ
\q2 ጻምኣይ ሜቃና።
\q1
\v 12 ታኒ ኢስታ ጎዳን ሚንና፤
\q2 ኢስቲካ ኢዛ ሱንን
\q3 ሲሜሬታና» ጌስ።
\c 11
\s ፒርዳ ሌሚሶ
\q1
\v 1 ሊባኖሴ ኔናን ዲዛ
\q2 ዚጋ ሚ
\q2 ታማይ ማና ማላ
\q2 ኔ ፔንጌታ ዶያ።
\q1
\v 2 ጺዳቶ! ዚጋ ሚይ
\q2 ኩንዲዳ ጊሻስ ዬኪቴ፤
\q2 ቦንቼቲዳ ሚቲ ይዳ፤
\q2 ባሳኔ ዎላቲ «ዉ! ዉይ»
\q3 ጊ ዋሲቴ፤
\q2 ፒ ጊዳ ዎራይ ቄጼቲዴስ።
\q1
\v 3 ሄን ናይታ ዋሶ ሲዪቴ፤
\q2 ኢስታ ቦንቾይ ቃሬቲዴስ፤
\q2 ዮርዳኖሴ ሻፋ ዶናን ዲዛ
\q3 ፒ ጊዳ ዎራይ
\q2 ዉሪዳ ጊሻስ
\q3 ጋሞታ ጻጎ ሲዪቴ።
\s ናምኡ ቆሞ ሄንንቻታ
\p
\v 4 ጎዳ ታ ጾሳይ ኔና፥ «ሹኬታናስ ዶሬቲዳ ዶርሳታ ካ። 
\v 5 ኢስታ ሻሚ ሹኪዳይቲ ቃጻዬቴቴና፤ ኢስታ ባይዚዳይቲ፥ ‹ጎዳይ ጋላቴቶ፤ ኑ ዱሬቲዶስ› ጌቴስ። ኢስታ ሄሚዛይቲካ ኢስታስ ቃቴቴና።
\p
\v 6 «ሃይሳፌ ጉዬ ሃ ቢታይ ቦላ ዲዛ ኣሳስ ታ ቃቲኬ፤ ታኒ ታ ባጋራ ኢሳ ኢሳ ኢዛ ላጌሲኔ ኢዛ ካዎስ ኣ ኢማና፤ ኢስቲካ ቢታ ኡንኤና፤ ታኒካ ኢስታ ኢስታ ኩሼፔ ኣሺኬ» ጌስ።
\p
\v 7 ሄሳ ጊሻስ ታኒ ባይዚዛይታሲኔ ሻሚዛይታስ ቃጻሬታ ሹኬታናስ ዶሬቲዳ ዶርሳታ ሄሚዛዴ ጊዳዲስ፤ ዶርሳታካ ሄማሼ ናምኡ ጉፌታ ኤካዳ ኢሳ፥ «ኪያቴ» ናምኣንዛ፥ «ኢሲፌቴ» ጋ ሱንዲስ። 
\v 8 ኢሲ ኣጊና ጊዶን ሜሄ ሄሚዛ ሄታ ዲጋዲስ፤ ኢስቲካ ታና ኢጺዳ ጊሻስ ታኒካ ኢስታ ሳሌታዲስ። 
\v 9 ታኒ ኢስታስ፥ «ሃይሳፌ ጉዬ ታኒ ኢንቴና ሄሚኬ፤ ሃይቃናይቲ ሃይቄቶ፤ ያናይቲካ ዬቶ፤ ኣቲዳይቲካ ኢሶይ ኢሳ ኣሾ ሞ» ጋዲስ።
\p
\v 10 ቃሴካ ዴሬ ኡባራ ታ ጫቄቲዳ ቃላ ላላናስ፥ «ኪያቴ» ጋዳ ሱንዳ ታ ጉፌዛ ሜንዲስ። 
\v 11 ሄ ጋላስ ካሴ ጫቆዚ ላሌቲዴስ፤ ኡንኤቲ ኡቲዲ ታና ጼሊዛ ዶርሳቲ ሄሲ ጎዳ ቃላ ጊዲዳይሳ ኤሪዳ። 
\v 12 ታኒካ ኢስታስ፥ «ኢንቴስ ሎኦ ሚሳቲኮ ታ ዋጋ ታስ ቃንጺቴ፤ ኣካይ ጊኮ ኣጋጊቴ» ጋዲስ፤ ሄሳ ጊሻስ ኢስቲ ታስ ሄ ታሙ ሳቂሌ ቢራ ቃንጺዳ።\x - \xo 11፡12 \xo*\xt ማቶ 26፡15\xt*\x*
\p
\v 13 ጎዳይካ ኢስቲ ታስ ኢማና ጊጊዳ ካቲዳ ቢራ ኤካዳ፥ «ሚንጃ ኬን ዎ!» ጊዴስ። ታኒካ ሄ ሄ ታሙ ሳቂሌ ቢራ ኤካዳ ጎዳ ኬ ጊዶን ሚንጃሶን ዎዲስ።\x - \xo 11፡13-14 \xo*\xt ማቶ 27፡9-10\xt*\x* 
\v 14 ሄሳፌ ቃሴ ኢስራኤሌኔ ዩሁዳ ኢሻቴ ላላዳ፥ «ኢሲፌቴ» ጋዳ ታ ሱንዳ ናምኣን ጉፌዛካ ሜንዲስ።
\p
\v 15 ቃሴካ ጎዳይ ታና፥ «ኣዛላ ሄንንቻቲ ኦይኪዛ ሚሽ ኢስታፌ ዎ ኤካ። 
\v 16 ሄኮ ታኒ ቢታ ቦላ ኦራ ሄንንቻ ዴንና፤ ሄ ሄንንቻይ ካሴ ይዳይሳ ዛሪ ቆፔና፤ ላሌቲዳይሳካ ኮዬና፤ ሜቂዳይሳካ ኮሌና፤ ፓጺዳይሳካ ኬና፤ ጊዶ ኣቲን ሞዳይሳ ኣሾ ማና፤ ቂንጪፊሌካ ኣሾንታ ዲፒ ሂስታና። 
\v 17 ዉዴዛ ዬጊ ኣጊዛ ጎኣይ ባይንዳ ሄንንቻስ ኣዬ ኣና!
\q1 «ኢዛ ኡሻቻ ኣይፌኔ
\q2 ኢዛ ቄሴ ማሻይ ጫዶ፤
\q2 ኢዛ ቄሴይ ሲሎ፤
\q2 ኢዛ ኡሻቻ ኣይፌይካ
\q3 ቂልች ጊ ቆቆ» ጊዴስ።
\c 12
\s ዬሩሳላሜስ ዲዛ ሂዶታ
\p
\v 1 ሳሎ ሚጪዳ ጎዳይ፥ ሳኣ ሜዳ ጎዳይ ኣሳ ናይታስ ዴኦ ሼምፖ ኢሚዳ ጎዳይ ኢስራኤሌ ናይታስ ዮቲዳ ቃላይ ሃይሳፌ ካሊዛይሳ፤ 
\v 2 «ታኒ ዬሩሳላሜ ኢዞ ዩዪ ኣ ዲዛ ዴሬታስ ማሲዛ ዎይኔ ኡሹ ኢዛን ቲጊዛ ቢሪሌ ማላ ኦና፤ ዬሩሳላሜ ዶዳና ማላ ዩሁዳ ካታማዮካ ዶዳና። 
\v 3 ቢታ ቦላ ዲዛ ዴሬይ ኢዚ ቦላ ዴንዲዛ ጋላስ ታኒ ዬሩሳላሜ ዴሬ ኡባስ ሱጊን ቃጾንታ ዛላ ኬሳና፤ ኢዞ ቃና ፓጪ ጼሊዛይ ባስ ቆሄታና። 
\v 4 ሄ ጋላስ ታኒ ቶጋ ፓራታ ዳጋማን፥ ፓራታ ቶጊዳ ኣሳ ጎሻና፤ ኢስታ ሞርኬታ ፓራታ ቆቂሳና፤ ጊዶ ኣቲን ዩሁዳ ኣሳ ታኒ ታ ኪያ ኣይፌን ናጋና። 
\v 5 ዩሁዳ ኣሳ ካሌዛይቲ ባንታ ዎዚናን፥ ‹ኡባፌ ዎልቃማ ጎዳይ ኢስታ ጾሲ ጊዲዳ ጊሻስ ዬሩሳላሜን ዲዛ ኣሳይ ሚኖ› ጋና።
\p
\v 6 «ታ ሄ ጋላስ ዩሁዳ ካሌዛይታ ዶሬ ሚ ጊዶን ዲዛ ታማ ጮጬ ኬሳና፤ ካ ሚርቄ ጊዶን ዲዛ ጾምፔ ላጮ ኬሳና፤ ኢስቲ ባፔ ሃዲርሳራኔ ኡሻቻራ ዩዪ ኣ ዲዛ ዴሬታ ጹጋና፤ ዬሩሳላሜይ ጊዲኮ ባ ዲዛሶፔ ሙሌካ ቃጹኩ።
\p
\v 7 «ዳዊቴሶ ኣሳኔ ዬሩሳላሜን ዲዛይታ ቦንቾይ ዩሁዳ ቦንቾፌ ኣንታ ማላ ታኒ ጎዳይ ካሴታዳ ዩሁዳ ኣሳስ ጾኖ ኢማና። 
\v 8 ሄ ጋላስ ኢስታ ጊዶን ዳሮ ላፋ ጊዲዳይ ዳዊቴ ማላ ሚኖ ጊዳና፤ ዳዊቴሶ ኣሳይ ቃሴ ኢስታፌ ሲን ሲን ቢዛ ጾሳ ማላኔ ጎዳ ኪታንቻ ማላ ጊዳና፤ ዬሩሳላሜን ዲዛይታስ ጎዳይ ጎንዳሌ ጊዳና። 
\v 9 ሄ ጋላስ ዬሩሳላሜ ኦላና ዴንዲዛ ካዎቴታ ኡባ ይሳናስ ታ ዴንዳና።
\s ባንቲ ጫዲዳይሳስ ዬኪዳ ዬሆ
\p
\v 10 «ሄ ዎዴ ዳዊቴ ኬ ኣሳ ቦላኔ ዬሩሳላሜን ዲዛ ኣሳ ቦላ ኪያቴ ኣያናኔ ዎሳ ኣያና ታ ጉሳና፤ ታና ጫዲዳይቲ ታኮ ጼላና፤ ኢስቲካ ኣሲ ባስ ዲዛ ኢሲ ናይ ሃይቂን ዬኪዛ ኣሳ ማላ ኢዛስ ዬካና፤ ባይራ ናስ ኣሲ ዬኪዛ ማላ ጫሞ ዬሆ ዬካና።\x - \xo 12፡10 \xo*\xt ዮሃ 19፡37፤ ኣጁ 1፡7\xt*\x* 
\v 11 ሄ ዎዴ ማጊዶ ጌቴቲዛ ሃዳዴይ ኤርሞናስ ዬኮይሳ ዬሩሳላሜንካ ሄሳ ማላ ጊታ ዬሆ ጊዳና። 
\v 12 ቢታ ቦላ ዲዛ ቆሞይ ኡባይ ባስ ባስ ዬካና፤ ኢስታ ማቼቲካ ባስ ባስ ዬካና፤ ሄሳ ማላን ዳዊቴ ባጋፌ ኣቱማሳይ ባ ማቼታራ፥ ናታኔሶ ኣሳይ ባንታ ማቼታራ ዬካና። 
\v 13 ሌዌ ባጋቲ ባንታ ማቼታራ፥ ሺምኤ ባጋቲ ባንታ ማቼታራ፥ 
\v 14 ሃንኮ ኣቲዳ ቆሞታፔ ኣቱማሳይ ኡባይ ባንታ ማቼታራ ዬካና» ጌስ።\x - \xo 12፡10-14 \xo*\xt ማቶ 24፡30፤ ኣጁ 1፡17\xt*\x*
\c 13
\s ናጋራፔ ጌማዛሙሬ
\p
\v 1 ኡባፌ ዎልቃማ ጎዳይ፥ «ሄ ጋላስ ዳዊቴ ኬ ኣሳኔ ዬሩሳላሜን ዲዛ ኣሳ ናጋራፔኔ ቱናቴፌ ጌሻናስ ፑልቶይ ፑልታና።
\p
\v 2 «ታኒ ሄ ዎዴ ቢታፌ ኤቃ ጾሳታ ሱን ይሳና፤ ሄሳፌ ናምኣን ኢስቲ ቆፌቴቴና፤ ኢስታ ናቤታኔ ቱና ኣያናታ ቢታይ ቦላፌ ታ ዲጋና። 
\v 3 ኦኒካ ታኒ ናቤ ጊኮ ኢዛዴ ዬሊዳ ኣዋይኔ ኣዬያ ኢዛ ኔ ጎዳ ሱንን ዎርዶ ሃሳይዳ ጊሻስ ኔስ ሃይቆይ ቤሴስ ጌቶ፤ ኢዚ ቲንቢቴ ሃሳይሺን ኢዛ ዬሊዳይቲ ኢዛ ጫዴቶ። 
\v 4 ሄ ዎዴ ዎርዶ ሃሳይዳዴይ ኦኒካ ባ ሃሳይዳ ዎርዶ ቲንቢቴን ዬላታና፤ ባሌናስ ኢስኬራ ዲዛ ናቤታ ማይኦ ማይኤና። 
\v 5 ኢዚካ፥ ‹ታ ጎሻ ኣሳ ኣቲን ናቤ ጊዲኬ፤ ታ ናቴቴፌ ዶማዳ ሃኖ ጋካናስ ጎሻንቻ› ጋና። 
\v 6 ኢሲ ኣሲ፥ ‹ሄሲ ኔ ቦላ ኣይ ማዱን?› ጊ ኦይቺኮ ኢዚ፥ ‹ታ ሃይሳ ታ ላጌታሶን ዳሼ ማዱንጻዲስ› ጊዴስ።
\s ሄንንቻይ ሾጬቲን ኢዛ ዶርሳታ ላሌቴ
\p
\v 7 «ኡባፌ ዎልቃማ ጎዳይ፥
\q2 ‹ማሻ! ታ ሄንንቻ
\q3 ታ ዳሮ ዶሲዛይሳ ቦላ ቤጋ!
\q2 ሄሚዛይሳ ሾጫ፤
\q2 ዶርሳቲካ ላሌታና፤
\q2 ታኒካ ታ ቄሴ ጉታ ቦላ
\q3 ዴንና› » ጌስ።\x - \xo 13፡7 \xo*\xt ማቶ 26፡31፤ ማር 14፡27\xt*\x*
\p
\v 8 ጎዳይ፥ «ቢታ ኡባን ዲዛ
\q2 ሄ ኩሼ ኣሳፔ
\q2 ናምኡ ኩሼይ ያና፤
\q2 ኢሲ ኩሼ ኣሲ ኣታና።
\q1
\v 9 ሄ ኣቲዳ ኢሲ ኩሼ ኣሳ
\q2 ታ ጌዴ ታማን ዬጋና፤
\q2 ቢራ ታማን ጌሺዛ ማላ
\q2 ታ ጌሻና፤
\q2 ዎርቃ ማላካ ፓጫና፤
\q2 ኢስቲ ታ ሱን ጼይጋና፤
\q2 ታኒካ ኢስታስ ኮያና፤
\q2 ታ ኢስታስ፥ ‹ታ ዴሬታ› ጋና፤
\q2 ኢስቲካ፥ ‹ኑ ጎዳ›
\q2 ጋና» ጊዴስ።
\c 14
\s ዬሩሳላሜኔ ካዎቴታ
\p
\v 1 ሄኮ ጎዳይ ፒርዲዛ ጋላሲ ጋኪዴስ፤ ኔፔ ቦንቂዳ ሚሻ ኔ ኣይፌይ ቤኢሺን ኢስቲ ጊሼቲ ኤካና። 
\v 2 ዬሩሳላሜ ኦላና ማላ ካዎቴታ ኡባ ታ ሺሻና፤ ካታማያካ ኦይኬታና፤ ኬ ጊዶን ዲዛ ሚሺ ቦንቄታና፤ ማጫሳታራካ ዎልቃን ኢቻና፤ ካታማ ኣሳፔ ባጋይ ዲኤታና፤ ኣቲዳ ዴሬይ ቃሴ ካታማይፔ ኬዜና።
\p
\v 3 ሄሳፌ ጉዬ ጎዳይ ካሴ ኦላ ጋላስ ኦሌቲዛ ማላ ሄ ካዎቴታ ኦላናስ ዴንዳና። 
\v 4 ሄ ዎዴ ኢዛ ቶሆይ ዬሩሳላሜፔ ኣርሼይ ሞኪዛ ባጋራ ዳብራዛይቴ ዙማ ቦላ ኤቃና። ዳብራዛይቴ ዙማይካ ኣርሼይ ሞኪዛሶፔ ዉሊዛሶ ጋካናስ ናምኡ ኬዚ ሻኬቲ ዎና፤ ባጋ ዙማይ ፑዴሃ ባጋ፥ ባጋይ ዱጌሃ ባጋ ሻኬቲዲ ጊዶን ዎልቃማ ሾባይ ሜታና። 
\v 5 ኢንቴኒካ ኣዜሌ ጋካናስ ዙማ ታኒ ናምኡ ኬሲ ሻኪዳ ሾባራ ባቃታና፤ ካሴ ዩሁዳ ካዎ ኦዚያ ዎዴ ቢታይ ቃጺን ቤኒ ኢንቴ ኣዋቲ ጋንጊዳ ማላ ኢንቴ ጋንጋና፤ ሄሳፌ ጉዬ ጎዳ ታ ጾሳይ ጌሻታራ ኢሲፌ ያና።
\p
\v 6 ሄ ዎዴ ታ ኬንቾይ፥ ሻቺኔ ፖኦይ ሙሌካ ዴና። 
\v 7 ሄ ጋላሳይ ጋላሲኔ ቃማይ ባይንዳ ጎዳይ ኤሪዛ ዱማ ጋላስ ጊዳና፤ ሄ ጋላሲ ፖኦይ ፖኦሺን ዴኣና።
\p
\v 8 ሄ ዎዴ ዬሩሳላሜፔ ዴኦ ሃ ፑልታና፤ ኢዛፔ ባጋይ ኣርሼይ ሞኪዛ ባጋን ዲዛ ሃይቆ ኣባን ጌላና፤ ባጋይ ቃሴ ኣርሼይ ዉሊዛ ባጋራ ዲዛ ሜዲቴራኔ ኣባን ጌላና፤ ቦኔ ጊዲን ባልጎ ጊዲን ላይ ኩሜ ፓጬይ ባይንዳ ጎጊሼ ዴኣና።\x - \xo 14፡8 \xo*\xt ሂዚ 47፡1፤ ዮሃ 7፡38፤ ኣጁ 22፡1\xt*\x* 
\v 9 ሄ ዎዴ ጎዳይ ቢታ ኡባ ቦላ ካዎታና፤ ሄ ዎዴ ጎዳይ ኢሳ ጻላ፤ ኢዛ ሱንይካ ኢሳ ጊዳና።
\p
\v 10 ፑዴሃ ባጋራ ጌባፔ ዶሚዲ ዬሩሳላሜ ዱጌሃ ባጋራ ዲዛ ኣርሞኔ ካታማ ጋካናስ ዲዛ ኣዉራጃይ ቲ ዴምባ ጊዳና፤ ዬሩሳላሜ ካታማያ ቢኒያሜ ፔንጌፌ ቤኒ ፔንጌ ጊናራኔ ጉላ ፔንጌ ጋካናስ ሄሳካ ሃናኒኤሌ ጊምቤፌ ጌዴ ካዎ ኬሶ ዎይኔ ኡሹ ጉምኢዛሶሆ ጋካናስ ቁ ጋዳ ኢዛ ሚና ዴኣና። 
\v 11 ዬሩሳላሜይ ዳሮ ኣሲ ዳናሶ ጊዳና፤ ሄሳፌ ጉዬ ኢዛ ዩኩ፤ ኢዚን ዲዛ ዴሬይ ሂርጋይ ባይንዳ ዎፓን ዳና።\x - \xo 14፡11 \xo*\xt ኣጁ 22፡3\xt*\x*
\p
\v 12 ዬሩሳላሜ ኦላና ዴንዲዛ ዴሬ ቦላ ጎዳይ ቦሻ ሃርጌ ኤሃና፤ ኢስታ ሼምፖራ ፓጻ ዲሺን ኢስታ ኣሾይ ዎቃና፤ ኢስታ ኣይፌይኔ ኢንጻርሳይ ሄን ባ ዲዛሶን ዎቃና። 
\v 13 ሄ ዎዴ ጎዳይ ኢስታ ቦላ ሂርጋኔ ባቦ ዬዳና፤ ኢስቲካ ኢሶይ ኢሶይ ባ ላጌዛ ቦላ ቆሆ ጋና። 
\v 14 ዩሁዳ ኣሳይ ዬሩሳላሜ ባጋ ጊዲዲ ኦሌታና፤ ባና ዩዪ ኣዳ ካዎቴቲ ሃሪዳ ኣቆታ ኡባ ዎርቃ፥ ቢራ፥ ማይኦኔ ቆዳይ ባይንዳ ሚሽ ዲኢ ኤካና። 
\v 15 ሄሳ ሚሳቲዛ ቦሻይ ሞርኬቲ ዲዛሶን ዲዛሶን፥ ፓራታ፥ ባቁሎታ፥ ጋሜላታኔ ሃሬታ ቦላኔ ሃራ ሜሄ ኡባ ቦላ ያና።
\p
\v 16 ሄሳፌ ጉዬ ዬሩሳላሜ ኦላና ኬዚዳ ካዎቴታፔ ሃይቆንታ ኣቲዳ ኡባይ ኡባፌ ዎልቃማ ጎዳስ ጎይናናሲኔ ዳሴ ባኣሌ ቦንቻናስ ላይን ላይን ዬሩሳላሜን ሺቃና።\x - \xo 14፡16 \xo*\xt ሌዌ 23፡39-43\xt*\x* 
\v 17 ኡባፌ ዎልቃማ ጎዳስ ጎይናናስ ዬሩሳላሜ ሺቆንታ ቢታ ካዎቴታ ኡባስ ኢራይ ቡኬና። 
\v 18 ጊብጼ ኣሳይካ ሄ ቦንታ ኢራይ ኢስታስ ቡኬና፤ ዬሩሳላሜ ኬዚዲ ዳሴ ባኣሌ ቦንቾንታ ኢጺዳ ካዎቴታ ቦላ ጎዳይ ኤሃና ቦሻ ኢስታ ቦላ ኤሃና። 
\v 19 ጊብጼ ኣሳካ ጊዲን ሃራ ዴሬ ኣሳ ካዎታ ጊዲን፥ «ዳሴ ባኣሌ ኑ ቦንቾኮ» ጊኮ ኢስታ ቦላ ያና ቂጻቴይ ሃይሳፌ ቦላን ዲዛይታ፤ 
\v 20 ሄ ዎዴ ፓራታ ቆን ቃሼቲዛ ዳላ ኡባ ቦላ፥ «ሃይሲ ጾሳስ ዱማቲዳይሳ» ጊዛ ቃላይ ጻፌታና፤ ጎዳ ኬ ጊዶን ካ ካዛ ኦቶቲካ ያርሾ ያርሺዛሶ ሲንን ዲዛ ሳኔታ ማላ ዱማታና። 
\v 21 ዬሩሳላሜኒኔ ዩሁዳን ዲዛ ኦቶይ ዉሪካ ሜቴ ኡባፌ ዎልቃማ ጎዳስ ዱማቲዳዝ ጊዳና፤ ያርሾ ሺሺዛ ኣሳይ ዉሪካ ኦቶታ ኤኪዲ ያርሾ ኣሾ ኢስታን ዶይሳና፤ ሄ ዎዴ ኡባፌ ዎልቃማ ጎዳ ኬ ጊዶን ኣይ ዛልኣንቻይካ ዴና።