\id PRO - Gamo Full Bible final version
\ide UTF-8
\h ሌሚሶ ማጻፋ
\toc1 ሌሚሶ ማጻፋ
\toc2 ሌሚሶ ማጻፋ
\toc3 ሌሚ
\mt ሌሚሶ ማጻፋ
\imt ጊዶ ቆፋ
\ip ሌሚሶ ማጻፋይ ቶሴኒኔ ሌሚሶ ሃሳያን ጊጊዳ ኦሶኔ ኣማኖ ቲሚርቴ። ኢዛፔ ዳሪዛ ባጋይ ኣሳ ዴኦን ሃች ሃች ጋይቲዛ ሃኖታ ጊሻስ ዮቴስ። ኮይሮፔ ዶሚሼ፥ «ኣ ኤራቴስ ኮይሮይ ጾሳስ ያሻቴ» ጊዛ ቆፋ ሃሳኢሶን ዶሜስ። ኢዚካ ታማርሲዛይሲ ኣማኖ ዎጋን ኣሲ ኦናይሳ ጻላ ጊዶንታ፥ ኣሲ ባስ ሃች ሃች ዴኦን ሃናናስ ቤሲዛ ሎኦ ካንዶኔ ኦናስ ቤሲዛ ሎኦ ኦሶ ጉጂዲ ታማርሴስ። ሃ ማጻፋ ጊዶን ኣሽኬቴ ጊሻስ፥ ዳንዳያ ጊሻስ፥ ኣሳስ ቃቴ ጊሻሲኔ ኣማኔቴ ጊሻስ ዳሮ ቲሚርቴይ ሌሚሶን ኢሜቲዴስ።
\iot ሃ ማጻፋይ ኦይኪዳ ኩሜ ቆፋ
\io1 ሌሚሶታ ዎስቲ ጎኤታናኮ ቤሲዛ ኦጌ \ior 1፡1-7 \ior*
\io1 ኣ ኤራቴ ኮያና ማላ ኢሜቲዳ ዞሬ \ior 1፡8—7፡27 \ior*
\io1 ኤራቴ ሳባናስ ዬጼቲዳ ማዛሙሬ \ior 8፡1—9፡18 \ior*
\io1 ሶሎሞኔ ሌሚሶታ \ior 10፡1—29፡27 \ior*
\io1 ኣጉሬይ ሃሳይዳ ዮኦታ \ior 30፡1-33 \ior*
\io1 ሊሙኤሌ ኣያ ባ ናዛ ታማርሲዳ ቲሚርቴ \ior 31፡1-31 \ior*
\c 1
\s ሌሚሶታ ዎስቲ ጎኤታናኮ ቤሲዛ ኦጌ
\q1
\v 1 ሃይቲ ኢስራኤሌ ካዎ ዳዊቴ ና
\q2 ሶሎሞኔ ሌሚሶታ።\x - \xo 1፡1 \xo*\xt 1ካዎ 4፡32\xt*\x*
\q1
\v 2 ሌሚሶቲ ኣሳይ ኣ ኤራቴ፥
\q2 ሴራኔ ኤራቴ ሃሳያ
\q3 ኣኬካናስ ማዴቴስ።
\q1
\v 3 ኢስቲካ ዴኣና ዴኦን
\q2 ኣ ኤራቴ፥
\q2 ጺሎቴ፥ ሱሬ ፒርዳኔ
\q2 ሱሬ ሃኖ ታማርሲዛይታ።
\q1
\v 4 ኤራቴ ፓጪዳይታስ ኣኬካ፥
\q2 ናቴታስ ኤራቴኔ
\q3 ዎዚናማቴ ኢሚዛይታ።
\q1
\v 5 ኣ ኤራንቻቲ
\q2 ሃ ሌሚሶታ ሲዪዲ
\q2 ኤራቴ ጉጄቴስ፤
\q2 ኣኬካንቻ ኣሳቲካ
\q3 ሎኦ ዞሬታ ኤኬቴስ።
\q1
\v 6 ሄሳ ማላን ሌሚሶታኔ
\q2 ኢስታ ቢርሼታ፥
\q2 ኣ ኤራንቻታ ሃሳያኔ
\q2 ኢስታ ማሌ
\q3 ኣኬካናስ ዳንዳዬቴስ።
\b
\q1
\v 7 ኣ ኤራቴስ ኮይሮይ
\q2 ጎዳስ ያሻቴ፤
\q2 ኤያቲ ጊዲኮ
\q2 ኣ ኤራቴኔ
\q3 ሴራ ካቴስ።\x - \xo 1፡7 \xo*\xt ኢዮ 28፡28፤ ማዛ 111፡10፤ ሌሚ 9፡10\xt*\x*
\b
\s ዬላጋ ናይታስ ኢሜቲዳ ዞሬ
\q1
\v 8 ታ ናዞ!
\q2 ኔ ኣዋ ዞሬ ኤዝጋ፤
\q2 ኔ ኣያ ታማርሲዛይሳካ ኣጎፋ።
\q1
\v 9 ሄሲ ኔ ሁኤስ
\q2 ቦንቾ ካላቻ፤
\q2 ኔስ ቆን ኣዛ
\q3 ኣሌቆ ማላ ጊዳና።
\b
\q1
\v 10 ታ ናዞ!
\q2 ኔና ናጋራንቻቲ
\q2 ባሌኮ ኤኖ ጎፓ።
\q1
\v 11 ኢስቲ ኔና፥ «ኣኔ ሃያ፤
\q2 ኢሲፌ ቢዲ
\q2 ሱ ጉሳናስ ዙጎስ፤
\q2 ጺሎታካ ዎናስ
\q2 ቆቴቲ ኡቶስ።
\q1
\v 12 ዱፎይ ሚቲዛ ማላ
\q2 ኑኒካ ኣኔ ኢስታ
\q2 ፓጻ ዲሺን ሚቶስ፤
\q3 ኑኒ ኢስታ ጪማ ኦላን
\q2 ኦሌቲዛ ኣሳ ማላ
\q2 ኣኔ ኦስ።
\q1
\v 13 ኑኒ ኣልኦ ሚሽ
\q2 ኡባ ዴማና፤
\q2 ሂስቲዲ ኑ ኬ
\q2 ቦንቂ ኤኪዳ
\q3 ሚሻን ኩንና።
\q1
\v 14 ኑናራ ዙፔታ፤
\q2 ዴሚዳዝ ኢሲፌ
\q2 ጎኤታና» ጋና።
\q1
\v 15 ታ ናዞ!
\q2 ኢስታራ ኢሲፌ
\q2 ኦጌ ሄሜቶፋ፤
\q2 ኢስቲ ቢዛ ኦጌ ባና ጋዳ
\q3 ኔ ቶሆ ዴንፋ።
\q1
\v 16 ጋሶይካ ኢስቲ ኢታ ሚሽ
\q2 ኦናስ ዎጼቴስ፤
\q2 ኣሳ ሱ ጉሳናስካ
\q2 ጃሜቴስ።
\q1
\v 17 ካፎይ ጼሊሺን
\q2 ኢዛ ኦይካናስ
\q2 ያርዴ ዎኮ
\q2 ኣይኮካ ማዴና።
\q1
\v 18 ሃይቲ ሃ ኣሳቲ ባንታ
\q2 ሱ ጉሳናስ ዙጌቴስ፤
\q2 ባንታ ሼምፖ ዎናስ
\q3 ቆቴቲ ኡቴቴስ።
\q1
\v 19 ቤሶንታ ኦጌራ ጎኣ ዴማናስ
\q2 ዎጺዛ ኡባታ ዉርሴይ
\q3 ሃይሳ ማላ፤
\q3 ኢስቲ ሺሺዳ ኣቆታይ
\q3 ኢስታ ሼምፖ ኤኪ ባና።
\s ኣ ኤራቴ ካዛይታስ ኢሜቲዳ ሴራ
\q1
\v 20 ኣ ኤራቴያ
\q2 ኦጌ ቦላ ዴኣሼ ጼይጋዉስ፤
\q2 ዱቡሻን ባ ቃላ
\q3 ቁ ሂስታዳ ዋሳዉስ።
\q1
\v 21 ኣ ኤራቴያ ጮራ ኣሲ
\q2 ሺቂዛሶን ዋሳዉስ፤
\q2 ካታማ ጌሊዛ ፔንጌን ኤቃዳ፥\x - \xo 1፡20-21 \xo*\xt ሌሚ 8፡1-3\xt*\x*
\b
\q1
\v 22 «ኢንቴኖ ዎዚና ፓጬቶ!
\q2 ኢንቴ ኣዉዴ ጋካናስ
\q3 ኤያቴ ኦጌ ካላኔ?
\q2 ቂልጪዛይቶ! ኢንቴ ቂልጪዛይሳን
\q2 ኣዉዴ ጋካናስ ኡፋዬቴቲ?
\q2 ኤያቶ! ኤራቴ
\q2 ኣዉዴ ጋካናስ ኢጻኔ?
\q1
\v 23 ታ ሴራን ኢንቴ ሲሚዳኮ፥
\q2 ታኒ ታ ቆፋ
\q2 ኢንቴስ ቆንጪሳናኮሺን፤
\q2 ታ ቃላካ
\q2 ኢንቴና ታማርሳናኮሺን።
\q1
\v 24 ታኒ ጼይጊዳ ዎዴ
\q2 ኢንቴ ኮዮንታ ኢጺዴታ፤
\q2 ታኒ ታ ኩሼዛ ሚጪን
\q3 ኦኒካ ዉዱ ጊቤና።
\q1
\v 25 ታ ዞሬ ኡባ ካዴታ፤
\q2 ታ ሴራካ ኤኪቤኬታ።
\q1
\v 26 ሄሳ ጊሻስ
\q2 ኢንቴና ሜቶይ ጋኪዛ ዎዴ
\q2 ታኒ ኢንቴ ቦላ ሚጫና፤
\q2 ባሺ ኢንቴ ቦላ ጋኪዛ ዎዴ
\q3 ታኒ ኢንቴ ቦላ ቂልጫና።
\q1
\v 27 ባሺ ኣባ ዳምባላ ማላ
\q2 ኢንቴና ቃዛ ዎዴ፥
\q2 ሜቶይ ጎቴ ጫርኮ ማላ
\q2 ኢንቴና ዴንዛ ዎዴ፥
\q2 ቱጋይኔ ዋዬይ
\q2 ኢንቴና ሚቲዛ ዎዴ
\q3 ታኒ ኢንቴና ቂልጫና።
\b
\q1
\v 28 «ሄ ዎዴ ኢስቲ ታና ጼይጋና፤
\q2 ታ ጊዲኮ ኢስታስ ኮይኬ፤
\q2 ኢስቲ ታና ሚን ኮያና፤
\q2 ጊዶ ኣቲን ታና ዴሜቴና።
\q1
\v 29 ኢስቲ ኤራቴ ኢጺዳ፤
\q2 ጎዳስ ያሻቴ
\q2 ዶሪቤቴና።
\q1
\v 30 ታ ዞሬ ኤካናስ ኮዪቤቴና፤
\q2 ታ ሴራ ኡባ ካዳ።
\q1
\v 31 ሄሳ ጊሻስ
\q2 ኢስቲ ባንቲ ኦዳ
\q2 ኦሶ ኣይፌዛ ማና፤
\q2 ባንቲ ቆፒዳ
\q2 ቆፋ ኣይፌካ ካላና።
\q1
\v 32 ዎዚናይ ፓጪዳይታ
\q2 ኣ ኤራቴፌ
\q2 ሃኮይ ኢስታ ዎና፤
\q3 ባላታ ዉዳ ዮይ
\q3 ኢስታ ይሳና።
\q1
\v 33 ጊዶ ኣቲን ታና ሲዪዛይቲ
\q2 ኡባይ ሳሮን ዳና፤
\q2 ኣይኮ ሂርጋይ ባይንዳ
\q3 ዎፓን ዳና» ጋዉስ።
\c 2
\s ኣ ኤራቴፌ ቤቲዛ ኣንጆ
\q1
\v 1 ታ ናዞ! ኔኒ ታ ቃላ ሲዪኮ፥
\q2 ታ ኣዛዞካ ኔኒ ኔ ዎዚናን ዎኮ፥
\q2
\v 2 ኔ ሃይ ኣ ኤራቴኮ
\q2 ዛሪኮ፥
\q3 ኔ ዎዚና ኣኬካኮ
\q3 ኔ ዛሪኮ፥
\q1
\v 3 ሻኪ ኤሪሲዛ ኤራቴ
\q2 ኔ ኮይኮ፥
\q3 ኔ ቃላ ቁ ሂስታዳ
\q3 ኣኬካ ጼይጊኮ፥
\q1
\v 4 ኢዞካ ቢራ ኮይዛ ማላ
\q3 ኔ ኮይኮ፥
\q3 ቆታን ዲዛ ኣቆታ ማላ
\q3 ኔ ኢዞ ሚን ኮይኮ፥
\q2
\v 5 ሄ ዎዴ ኔኒ
\q3 ጎዳስ ያሻቴ ኣኬካና፤
\q3 ጾሳካ ሎኤዳ ኤራና።
\q1
\v 6 ጎዳይ ኣ ኤራቴ
\q2 ኢሚዛ ጊሻስ
\q2 ኢዛፔ ኤራቴኔ
\q2 ኣኬካይ ቤቴስ።
\q1
\v 7 ኢዚ ሱሬታስ ጾኖ ሚንጄስ፤
\q2 ኢስታ ቦላ ዎሶይ ባይንዳይታስ
\q3 ጎንዳሌ ጊዴስ።
\q1
\v 8 ሱሬ ፒርዳ ኦጌ ናጌስ፤
\q2 ባስ ኣማኔቲዛይታ
\q2 ሄሜ ሚንስ።
\q1
\v 9 ሄ ዎዴ ኔኒ ጺሎቴ፥
\q2 ሱሬ ፒርዳ፥
\q2 ጌላይ ባይንዳ ፒርዳኔ
\q3 ሎኦ ኦጌ ኡባ ሻካ ኤራና።
\q1
\v 10 ጋሶይካ ኣ ኤራቴ
\q2 ኔ ዎዚናን ጌላና፤
\q2 ኤራቴይካ
\q2 ኔ ሼምፖ ኡፋይሳና።
\q1
\v 11 ሻኪ ኤሮይ ኔስ ጎንዳሌ ጊዳና፤
\q2 ኣኬካይካ ኔና ናጋና።
\q1
\v 12 ኣ ኤራቴ ኔና
\q2 ኢታ ኣሳታ ኦጌፔ ኣሻና፤
\q2 ጌላ ሃሳይዛይታፔካ ኔና ናጋና።
\q1
\v 13 ኢስቲ ማ ኦጌን ባናስ
\q2 ሱሬ ኦጌ ኣጊዛይታ፤
\q2
\v 14 ኢስቲ ኢታ ኦሶን ኡፋዬቲዛይታ፤
\q2 ጌላ ኦጌን ሆምቦጪዛይታ።
\q1
\v 15 ኢስታ ኦጌይ ጌላ፤
\q2 ኢስታ ሄሜታይ ሚርቄ።
\b
\q1
\v 16 ኣ ኤራቴ
\q2 ላይማ ማጫሳፌ ናጋና፤
\q2 ባ ኢንጻርሳን ጪሚዛሪፔ
\q3 ኔና ኣሻና።
\q1
\v 17 ኢዛ ባ ዬላጋቴ
\q2 ኣዚና ኣጊዳሮ፤
\q2 ጾሳ ሲንን ጌሊዳ
\q3 ጫቆ ቃላ ካዳሮ።
\q1
\v 18 ኢዚ ሶ ቤ ሃይቆስ ጋስ፤
\q2 ኢዚ ኦጌቲካ
\q2 ሞይቲሌታ ዱላታን ጋቴስ።
\q1
\v 19 ኢዚኮ ጌሊዳ
\q2 ኦኒካ ጉዬ ሲሜና፤
\q2 ዴኦ ኦጌካ ዴሜና።
\b
\q1
\v 20 ሄሳ ጊሻስ ኔኒ
\q2 ሎኦ ኣሳታ ሌሚሶ ካላ፤
\q2 ጺሎታ ኦጌን ሄሜታ።
\q1
\v 21 ሱሬ ኣሳቲ ቢታ ቦላ ጋምኣና፤
\q2 ዎሶይ ባይንዳ ኣሳቲካ
\q2 ኢዚ ቦላ ሚኒ ዳና።
\q1
\v 22 ጊዶ ኣቲን ኢታቲ ቢታፌ ያና፤
\q2 ኣማኔቶንታይቲካ ቃሌታና።
\c 3
\s ጎዳን ኣማኔቴ
\q1
\v 1 ታ ናዞ!
\q2 ታኒ ኔና ታማርሲዛይሳ
\q2 ዶጎፓ፤
\q2 ታ ኣዛዞታካ
\q2 ኔ ዎዚናን ዎ።
\q1
\v 2 ኢስቲ ኔ ላይ ኣዱሳና፤
\q2 ኢሻሎ ዴኦኔ
\q2 ሳሮቴ ኔስ ጉጃና።
\q1
\v 3 ሲቆይኔ ቱማቴ
\q2 ኔፔ ሃኮፌቶ፤
\q2 ኢስታ ኔ ቆን ቃቻ፤
\q3 ኔ ዎዚናንካ ጻፋ።
\q1
\v 4 ሂስቲኮ ኔኒ ጾሳ ሲንኒኔ
\q2 ኣሳ ሲንን ሳቤታናኔ
\q3 ሎኦ ሱን ዴማና።\x - \xo 3፡4 \xo*\xt ሉቃ 2፡52\xt*\x*
\b
\q1
\v 5 ኔኒ ፖሎ ዎዚናን
\q2 ጎዳን ኣማኔታ፤
\q2 ኔኒ ኔ ኣኬካን ዜምፖፋ።
\q1
\v 6 ኔኒ ቢዛ ኦጌ ኡባን
\q2 ኢዛ ሲንሳ፤
\q2 ኢዚካ ኔ ቢዛ ኦጌ ሱሪሳና።
\q1
\v 7 ኔርካ ኔና
\q2 ኣ ኤራንቻ ጎፓ፤
\q2 ጎዳስ ያያ፤
\q2 ኢታፔካ ሃካ።\x - \xo 3፡7 \xo*\xt ኦሮ 12፡16\xt*\x*
\q1
\v 8 ሄሲ ኔ ቦላ ፓያ ዎና፤
\q2 ኔ ሜቄታካ ጻሊሳና።
\b
\q1
\v 9 ጎዳ ኔ ኣቆታን ቦንቻ፤
\q2 ቢታይ ኔስ ኢሚዛ ኣይፌ ኡባፌ
\q3 ጼራ ኢዛስ ኢሞን ቦንቻ።
\q1
\v 10 ኔ ሄሳ ኦኮ
\q2 ኔ ጎታራቲ ኩሚ ፓላሃና፤
\q3 ኔኒ ዎይኔ ኡሹ ኣጊዛሶቲ
\q3 ጪፒ ጊ ኩማና።
\q1
\v 11 ታ ናዞ!
\q2 ጎዳ ሴራ ካፓ፤
\q2 ኢዚ ኔና ሃንቂዛ
\q2 ዎዴካ ላንጮፋ።\x - \xo 3፡11 \xo*\xt ኢዮ 5፡17\xt*\x*
\q1
\v 12 ኣዋይ ባ ሲቂዛ ና
\q2 ሴሪዛይሳ
\q2 ጎዳይካ ባ ዶሲዛ
\q2 ና ሴሬስ።\x - \xo 3፡11-12 \xo*\xt ኢብ 12፡5-6\xt*\x*\x - \xo 3፡12 \xo*\xt ኣጁ 3፡19\xt*\x*
\q1
\v 13 ኣ ኤራቴ ዴማናስ
\q2 ዎጺዛ ኣሲ፥
\q2 ኣኬካካ ባስ ሚሼ
\q3 ኦዛ ኣሲ ኣንጄቲዳዴ።
\q1
\v 14 ጋሶይካ ኢዚፔ ዴሚዛ ጎኣይ
\q2 ቢራፔ ዴሚዛ
\q2 ጎኣፔ ኣስ፤
\q2 ኢዚፔ ቤቲዛ ጎኣይ
\q3 ዎርቃፌ ቤቲዛ ጎኣፔ ኣስ።
\q1
\v 15 ኣ ኤራቴ ዞኦ ኢንቁፌ
\q2 ኬሂ ኣልኦ፤
\q2 ኔኒ ዴማናስ ኣሞቲዛ ኡባይ
\q3 ኢዚራ ጊናቴና።
\q1
\v 16 ኢዛ ኡሻቻ ኩሼን ኣዱሳ ላይ፥
\q2 ሃዲርሳ ኩሼን ኣቆታኔ
\q3 ቦንቾ ኦይካዱስ።
\q1
\v 17 ኢዚ ኦጌቲ ኡፋይሲዛ ኦጌታ፤
\q2 ኢዛ ሄሜቲዛ ኦጌ ኡባይካ ሳሮ።
\q1
\v 18 ኢዛ ባና ኢዲሚዛይታስ
\q2 ዴኦ ሚ፤
\q2 ኢዞ ኦይኪዛይቲካ ኣንጄታና።
\b
\q1
\v 19 ጎዳይ ባ ኣ ኤራቴን
\q2 ሳኣ ሜዴስ፤
\q2 ባ ኣኬካንካ ሳሎታ
\q2 ኢስቲ ዲዛሶን ሚንዴስ።
\q1
\v 20 ሻፋቲ ኢዛ ኤራቴን ጎጌቴስ፤
\q2 ሻራቲ ኢራ ኢሜቴስ።
\q1
\v 21 ታ ናዞ! ሱሬ ፒርዳኔ
\q2 ሻኪ ኤሮ ናጋ፤
\q2 ኢስቲ ኔ ሲንፌ ሃኮፌቶ።
\q1
\v 22 ኢስቲ ኔስ ዴኦ ጊዳና፤
\q2 ኔ ቆስካ ኣሌቆ ጊዳና።
\q1
\v 23 ሄ ዎዴ ኔኒ ኦጌን
\q2 ሂርጋይ ባይንዳ ሄሜታና፤
\q2 ኔ ቶሆይካ ጴቴና።
\q1
\v 24 ኔኒ ኢቺዳ ዎዴ ባባካ፤
\q2 ኢቻዳካ
\q2 ማልኦ ስኮ ስካና።
\q1
\v 25 ኣኬኮንታ ጋኪዛ ሜቶኔ
\q2 ኢታታ ቦላ ጋኪዛ
\q2 ይሳስ ባባካ።
\q1
\v 26 ኣይስ ጊኮ ጎዳይ ኔስ
\q2 ኣማኔቲዛዴ ጊዳና፤
\q2 ኔ ቶሆይ
\q2 ዎጺማዴን ኦይኬቶንታ ማላ
\q3 ኢዚ ኔና ናጋና።
\b
\q1
\v 27 ኔስ ማዳና ዎልቃይ ዲሺን
\q2 ማዶ ቤሲዛይታስ
\q3 ሎኦ ኦሶ ኣጎፋ።
\q1
\v 28 ሃኢ ኔስ ዲሺን ኔ ሾሮዛስ፥
\q2 «ሲማዳ ያ፤
\q3 ታኒ ኔስ ዎንቶ ኢማና» ጎፓ።
\q1
\v 29 ኔናን ኣማኔቲዲ ኔ ማታን ዲሺን
\q2 ኔ ሾሮዛ ቦላ
\q2 ኢታ ሚሽ ኦናስ ሃልቾፋ።
\q1
\v 30 ኔና ቆሆንታ ኣስ
\q2 ጋሶይ ባይንዳ ጮ ሞቶፓ።
\b
\q1
\v 31 ጌኔ ኦዛ ኣሳታ ቁሎፋ፤
\q2 ኢስታ ኢታ ኦጌካ ካሎፋ።
\q1
\v 32 ጋሶይካ ጎዳይ
\q2 ኢታ ኦዛይታ ኢጼስ፤
\q2 ጊዶ ኣቲን ሱሬታስ ኢዚ
\q3 ባ ዎዚና ቆፋ ቆንጪሴስ።
\b
\q1
\v 33 ጎዳ ቃንጌ
\q2 ኢታ ኦዛይታ ኬና፤
\q2 ጊዶ ኣቲን
\q2 ኢዛ ኣንጆይ ጺሎታሶና።
\q1
\v 34 ኦቶሬቴን ቂልጪዛይታ ቦላ
\q2 ጎዳይካ ቂልጬስ፤
\q2 ጊዶ ኣቲን ባንታና
\q3 ካዉሺዛይታ ቦንቼስ።\x - \xo 3፡34 \xo*\xt ያቆ 4፡6፤ 1ጴጽ 5፡5\xt*\x*
\q1
\v 35 ኣ ኤራንቻቲ
\q2 ቦንቾ ላታና፤
\q2 ኤያቲ ጊዲኮ ካዉሻቴስ
\q3 ኣ ኢሜታና።
\c 4
\s ኣ ኤራቴ ጎኣ
\q1
\v 1 ታ ናይቶ! ኢንቴ ኣዋ ዞሬ ሲዪቴ፤
\q2 ዎዚናን ዎ ኤዝጊቴ፤
\q2 ኣኬካካ ኢንቴስ ሚሽ ሂስቲቴ።
\q1
\v 2 ታኒ ኢንቴስ ሎኦ ቲሚርቴ
\q2 ኢሚዛ ጊሻስ
\q2 ታ ቲሚርቴ ኣጎፍቴ።
\q1
\v 3 ታኒ ታ ሁኤንካ
\q2 ታ ኣዋስ ዬላጋ ና፤
\q2 ታ ኣዬይስካ ሜጺ ኢሲ ና።
\q1
\v 4 ታ ኣዋይ ታና ታማርሲሼ፥
\q2 «ታ ቃላ ኩሜ
\q2 ዎዚናን ኦይካ፤
\q2 ታ ኣዛዞታካ ናጋ፤
\q2 ኔ ሂስቲኮ ፓጻ ዴኣና።
\q1
\v 5 ኣ ኤራቴኔ ኣኬካ ኦይካ፤
\q2 ታ ቃላ ዶጎፓ፤
\q2 ኢዚፔካ ካሬ ኬዞፓ።
\q1
\v 6 ኣ ኤራቴ ኣጎፋ፤
\q2 ኢዛ ኔስ ጎንዳሌ ጊዳና፤
\q3 ኢዞ ሲቃ፤
\q3 ኢዛካ ኔና ናጋና።
\q1
\v 7 ኣ ኤራቴ ባይራ፤
\q2 ሄሳ ጊሻስ ኢዞ ዴማ።
\q2 ኣኬካይ ኔ ኣቆዛ ኡባ
\q3 ኤኪዛ ጊዲኮካ ኢዛ ዴማ።
\q1
\v 8 ኔኒ ኣ ኤራቴ ቦንቻ፤
\q2 ኢዛ ኔና
\q2 ቁ ቁ ኦና፤
\q2 ኔኒ ኢዞ ኢዲማ፤
\q2 ኢዛ ኔና ቦንቻና።
\q1
\v 9 ኢዛ ኔ ሁኤን
\q2 ሳባ ኣኪሊሌ ዎና፤
\q2 ቦንቾ ካላቻካ
\q2 ኢማና» ጌስ።
\q1
\v 10 ታ ናዞ! ታ ጊዛይሳ ኤዝጋ፤
\q2 ታ ቃላካ
\q2 ኔ ዎዚናን ዎ፤
\q3 ኔ ላይ ኣዱቃና።
\q1
\v 11 ታኒ ኔና ኣ ኤራቴ
\q2 ኦጌ ካሌና፤
\q2 ሱሬ ኦጌካ ቤሳና።
\q1
\v 12 ኔ ሄሜታሼ ጴታካ፤
\q2 ዎጺኮካ ኩንዳካ።
\q1
\v 13 ታ ቲሚርቴ ሎኤ ኦይካ፤
\q2 ኢዞ ዬዶፋ፤
\q3 ኢዛ ኔስ ዴኦ ጊዲዳ ጊሻስ
\q3 ኢዞ ናጋ።
\q1
\v 14 ናጋራንቻታ ኦጌ ዬፋ፤
\q2 ኢታ ኣሳታ ኦጌንካ ሄሜቶፋ።
\q1
\v 15 ኢዚፔ ሃካ፤ ኢዚን ሄሜቶፋ፤
\q2 ኢዚፔ ጉዬ ሲማ፤
\q3 ሂስታዳ ኔ ኦጌይራ ባ።
\q1
\v 16 ኢስቲ ኢታ ኦንታ ዲሼ
\q2 ስኪ ኤሬቴና፤
\q2 ኣስ ጴንታ ዲሺን
\q2 ስኮይ ኢስታ ኣይፌን ዬና።
\q1
\v 17 ኢስቲ ኢታቴ ካ ማላ ሜቴስ፤
\q2 ጌኔካ ኡሻ ማላ ኡዬቴስ።
\b
\q1
\v 18 ጺሎታ ኦጌይ ሴታ ጋላስ ጋካናስ
\q2 ፖኢ ፖኢ ቢዛ
\q2 ማላዶ ጻልቄ ማላ።
\q1
\v 19 ጊዶ ኣቲን ናጋራንቻታ ኦጌይ
\q2 ሳካና ማ ማላ፤
\q2 ኢስቲ ኣዛን ጴታናኮካ
\q2 ኤሬቴና።
\q1
\v 20 ታ ናዞ! ታ ጊዛይሳ ኣኬካ፤
\q2 ታ ቃላካ ሎኤ ኤዝጋ።
\q1
\v 21 ኔ ኣይፌ ሲንፌ ሃሶፋ፤
\q2 ኔ ዎዚናን ዎ።
\q1
\v 22 ጋሶይካ ኢስቲ ዴሚዛ ኣሳስ
\q2 ዴኦ ኢሜቴስ፤
\q2 ኢስቲ ኣሳቴስካ
\q3 ፓያቴ ኢሜቴስ።
\q1
\v 23 ኡባፌካ ቦላራ
\q2 ኔኒ ኔ ዎዚና
\q2 ሚንዳ ናጋ፤
\q2 ኣይስ ጊኮ ዴኦይ ኢዛፔ ፑልቴስ።
\q1
\v 24 ኔ ዶናፔ ጌኔ ሃሳያ ዲጋ፤
\q2 ኢታ ሃሳያ
\q2 ኔ ሜቴርሻፌ ሃሳ።
\q1
\v 25 ኔ ኣይፌቲ ሲቲ ጊዲ
\q2 ሲን ጼሌቶ፤
\q2 ቲሺ ሂስታዳ
\q3 ኔ ሲንን ዲዛይሳ ጼላ።
\q1
\v 26 ኔ ቶሆስ ኦጌ ጊጊሳ፤
\q2 ሱሬ ኦጌ ጻላ ሄሜታ።\x - \xo 4፡26 \xo*\xt ኢብ 12፡13\xt*\x*
\q1
\v 27 ኡሻች ሃዲርሲ ጎፓ፤
\q2 ኔ ቶሆ ኢታፔ ናጋ።
\c 5
\s ላይማቴፌ ናጌቴ
\q1
\v 1 ታ ናዞ! ታ ኣ ኤራቴ
\q2 ኔ ዎዚናን ዎ፤
\q2 ታኒ ኣኬካን ዮቲዛ ቃላ
\q3 ሎኤ ኤዝጋ።
\q1
\v 2 ሄሲካ ዎዚናማቴ
\q2 ኔስ ሚሽ ጊዳና ማላኔ
\q2 ኔ ሜቴርሻቲ
\q3 ኤራቴ ናጋና ማላሳ።
\q1
\v 3 ላይማ ማጫሳ ኢንጻርሳፌ
\q2 ኤሳ ኢሊሎይ ጾኬስ፤
\q2 ኢዚ ሃሳያይ ኦይሳፌካ
\q2 ኣ ሹጌስ።
\q1
\v 4 ጊዶ ኣቲን ኢዛ ዉርሴን
\q2 ጎዳሬ ኡ ማላ ጫማዉስ፤
\q2 ናምኡ ባጋራ ቃንጺዛ
\q3 ቃራ ማሻ ማላ።
\q1
\v 5 ኢዚ ቶሆቲ ዱጌ ሃይቆሶ ቤቴስ፤
\q2 ኢዚ ታንጎይ ሲቲ ሂስቲ
\q3 ዱጌ ዱፎን ካሌስ።
\q1
\v 6 ኢዛ ዴኦ ኦጌስ ዉዱ ጉኩ፤
\q2 ኢዚ ኦጌቲ ጌላ፤
\q3 ጊዶ ኣቲን ጌላ ጊዲዳይሳካ
\q3 ኢዛ ኤሩኩ።
\b
\q1
\v 7 ታ ናይቶ! ታና ኤዝጊቴ፤
\q2 ታ ዮቲዛ ቃላፔ ኬኦፒቴ።
\q1
\v 8 ኢንቴ ኦጌ ኢዚፔ ሃሲቴ፤
\q2 ኢዚ ፔንጌራካ ኣፍቴ።
\q1
\v 9 ሄሲካ ኢንቴ ኢንቴ
\q2 ጎባቴ ሃራታስ፥
\q2 ኢንቴ ላይካ ሜንጼ ኢታታስ
\q3 ኢንቴ ኢሞንታ ማላሳ።
\q1
\v 10 ኣላጋቲ ኢንቴ ኣቆታን
\q2 ካኦንታ ማላኔ
\q2 ኢንቴ ዳቡራንካ ሃራ ኣሳሶይ
\q3 ዱሬቶንታ ማላሳ።
\q1
\v 11 ኢንቴ ኣሾይ ዉሪን፥
\q2 ኢንቴ ሜቄ ጊልቂን
\q2 ዉርሴ ላይን
\q2 ኢንቴ ጎታራና።
\q1
\v 12 ቃሴካ ኔኒ፥
\q2 «ታኒ ኣይስ ሴራ ኢጻዲና!
\q2 ታ ዎዚናይካ ዞሬ
\q2 ኣይስ ካዴ!
\q1
\v 13 ታና ታማርሲዛይቲ
\q2 ዮቲዳይሳ ኤካቤኬ፤
\q2 ታና ዞሪዛይታ
\q2 ዞሬዛካ ኤዝጋቤኬ።
\q1
\v 14 ሄሳ ጊሻስ ታኒ
\q2 ሺቂዳ ዱላታ ሲንፌ
\q2 ያና ማታዲስ» ጋና።
\b
\q1
\v 15 ኔኒ ኤሊሲዳ ኔ ፑልቶ ሃፌ
\q2 ኡያዳ ኣሊዛ ማላ
\q2 ኔ ማቼይስ ኣማኔታዳ
\q2 ኢዚ ሲቆን ኣላ።
\q1
\v 16 ቤታ ቤታ ማጫሲ
\q2 ኡዪዛ ፑልቶ ሃ ጊዶፓ።
\q1
\v 17 ኔናቴ ኔ ማቼይስ ናጋ፤
\q2 ሃራ ማጫሳራ ዚንኦፋ።
\q1
\v 18 ኔ ማቼያ ኔስ
\q2 ኣንጄቲዳ ፑልቶ ጊዱ፤
\q2 ዬላጋቴን ኔኒ ኤኪዳ
\q3 ኔ ማቼይራ ኡፋዬታ።
\q1
\v 19 ሎኢዛ ጋራ ማላኔ
\q2 ኡፋይሲዛ ጌኔሳ ማላ፥
\q2 ኢዚ ንቲ ኡባ ዎዴ
\q3 ኔና ኣሌቶ፤
\q2 ኢዚ ሲቆይ ኔና ኡባቶ ኦይኮ።
\q1
\v 20 ታ ናዞ!
\q2 ላይማ ማጫሳይ ሲቆን
\q2 ኣይስ ማታይ?
\q2 ሃራ ኣሳ ማቺራ
\q2 ኣይስ ቆሜታይ?
\b
\q1
\v 21 ጋሶይካ ኣሲ ኦዛ ኡባ
\q2 ጎዳይ ቤዬስ፤
\q2 ኢዚ ሄሜቲዛ ሄሜታ ኡባ
\q3 ፒልጊ ጼሌስ።
\q1
\v 22 ናጋራንቻ ኢዚ ኦዳ
\q2 ናጋራይ ዛሪ ኦይኬስ።
\q2 ኢዛ ናጋራ ጊቴይ ኢዛ ቃቼስ።
\q1
\v 23 ኢዚ ባ ኤያቴ ዳሮን
\q2 ኦጌ ባላና፤
\q2 ባና ሃራና ዳንዳዮንታ
\q2 ኣጊዳ ጊሻስ
\q3 ኢዚ ሃይቃና።
\c 6
\s ሃቻስ ሃቻስ ቤሲዛ ዞሬ
\q1
\v 1 ታ ናዞ! ኔኒ ኔ ሾሮዛስ
\q2 ዋሴ ጌሊዳ ጊዲኮ፥
\q2 ሃራ ኣሳ ጊሻስ ኔኒ
\q2 ኩሼ ባቃ ጫቂዳ ጊዲኮ፥
\q2
\v 2 ኔኒ ጌሊዳ ቃላን
\q3 ኦይኬቲዳ ጊዲኮ፥
\q3 ኔ ዶናፔ ኬኢዳ ቃላን
\q3 ኔ ኦይኬቲዳ ጊዲኮ፥
\q2
\v 3 ታ ናዞ! ኔኒ ኔ ሾሮዛ
\q2 ኩሼን ኩንዲዳ ጊሻስ
\q3 ኔና ኣሻናስ ባዳ
\q3 ኢዛ ሲንን ኩንዳ፤
\q3 ኔ ሾሮዛኮ ባዳ ሾባ።
\q1
\v 4 ሄሳ ኦንታ
\q2 ዳሼ ስኮፋ፤
\q2 ኔ ሲጲንቲ ሊጶፔቶ።
\q1
\v 5 ሻንካንቻታፔ ጌኔሲ
\q2 ኬሲ ኤኪ ኣቲዛ ማላ፥
\q2 ያርዴን ኦይኬቶንታ ኣቲዳ
\q3 ካፎ ማላ ኔና ኣሻ።
\b
\q1
\v 6 ኔኖ ኣዛላዞ!
\q2 ጩንጫሌታኮ ባ፤
\q2 ሂስታዳ ኢስታፌ ታማራዳ
\q3 ኣ ኤራንቻ ጊዳ።
\q1
\v 7 ጩንጫሌታስ ኣዛዚዛይ ዴና፤
\q2 ኢስታ ሃሪዛይ ዴና።
\q1
\v 8 ጊዶ ኣቲን ባንታስ ማና ሚሽ
\q2 ቦኔ ሺሼቴስ፤
\q2 ካ ሺሺዛ ዎዴ
\q2 ባንታስ ካ ሺሼቴስ።
\b
\q1
\v 9 ኔኖ ኣዛላዞ!
\q2 ኔኒ ኣዉዴ ጋካናስ
\q2 ስካኔ?
\q2 ስኮፌካ
\q2 ኔ ኣዉዴ ቤጋኔ?
\q1
\v 10 «ታኒ ጉራ ስካ ኤካና፤
\q2 ጉራ ሊጳ ዴንዳና፤
\q2 ታ ኩሼ ቦርኮታዳ
\q2 ጉራ ሼምፓ ኤካና»
\q2 ኔ ጊሺን፥
\q2
\v 11 ሄ ዎዴ ማንቆቴ
\q3 ፓንጋ ማላ፥
\q3 ፓጬይ ኦላ ሚሻ
\q3 ኦይኪዳ ኣሳ ማላ
\q3 ኔ ቦላ ፑቱ ጋና።\x - \xo 6፡10-11 \xo*\xt ሌሚ 24፡33-34\xt*\x*
\b
\q1
\v 12 ዎማሌይኔ ሜንጼ ኢታ ኣሲ
\q2 ዩዪ ዩዪዲ
\q2 ኢታ ቃላ ሃሳይዛይ፥
\q2
\v 13 ባ ኣይፌራ ቂምኦቲዛይ፥
\q3 ባ ቶሆን ቤሲዛይ፥
\q3 ባ ቢራታንካ ማላቲዛይ፥
\q2
\v 14 ባ ዎዚናን ኢታ ሚሽ
\q2 ዎ ዴን ቆፒዛይ
\q3 ኣይ ዎዴካ ኦሽ ዴንስ።
\q1
\v 15 ሄሳ ጋሶን ባሺ ኣኬኮንታ
\q2 ኢዛ ቦላ ያና፤
\q2 ኢዚ ሃሳኣይ ባይንዳ ሜቃና፤
\q2 ሜቂዲካ ፓጼና።
\b
\q1
\v 16 ጎዳይ ኢጺዛ ኡሱፑን
\q2 ዮኦቲ ዴቴስ፤
\q2 ላፑንዛ
\q2 ኬሂ ሃራሴቴስ።
\q1
\v 17 ኦቶሬቴን ጼሊዛ ኣይፌ፥
\q2 ዎርዶቲዛ ኢንጻርስ፥
\q3 ጺሎ ኣሳታ ዎዛ ኩሼ፥
\q2
\v 18 ኢታ ሚሽ ቆፒዛ ዎዚና፥
\q3 ኢታሶ ኤሶቲዛ ቶሆታ፥
\q2
\v 19 ዎርዶ ቦላ ዎርዶ ጉጂ ጉጂዲ
\q2 ዮቲዛ ዎርዶ ማርካ፥
\q3 ኢሻንታ ጊዶን
\q2 ኦሽ ሜዛ ኣሳ።
\s ላይማፔ ሃኮ
\q1
\v 20 ታ ናዞ! ኔ ኣዋ ኣዛዞ ፖላ፤
\q2 ኔ ኣያ ታማርሲዳይሳካ ኣጎፋ።
\q1
\v 21 ኢስታ ኡባቶ ኔ ዎዚናን ኦይካ፤
\q2 ኔ ቆንካ ቃቻ።
\q1
\v 22 ኔኒ ሄሜቲዛ ዎዴ
\q2 ኢስቲ ኔና ካሌና፤
\q2 ኔኒ ኢቺዛ ዎዴ
\q2 ኢስቲ ኔና ናጋና፤
\q2 ኔኒ ቤጎቲዛ ዎዴካ
\q3 ኢስቲ ኔና ዞራና።
\q1
\v 23 ኣይስ ጊኮ ሃ ኣዛዞቲ ኔስ ጾምፔ፤
\q2 ቲሚርቴቲካ ፖኦ፤
\q2 ቃሴ ሴራይካ
\q2 ዴኦኮ ኤፊዛ ኦጌ።
\q1
\v 24 ሃ ኣዛዞቲ ኢታ ማጫሳፌ
\q2 ኔና ናጋና፤
\q2 ዶናን ጪሚዛ ሃዉሻ
\q3 ማጫሳፌካ ናጋና።
\q1
\v 25 ኢዚ ሎኤቴ
\q2 ኔ ዎዚናን ኣሞቶፋ፤
\q2 ኢዚ ቂምኦቴን ኦይኬቶፋ።
\q1
\v 26 ኢሲ ኣዴይ
\q2 ባና ባይዛ ዲዛ ማጫሳዮ
\q2 ጉ ሚሻን
\q2 ዴማናስ ዳንዳዬስ፤
\q2 ኣሳ ማቺ ጌዶ ካሎይ
\q3 ኔስ ሼምፖ ይሳና።
\q1
\v 27 ኢሲ ኣሲ ታማ ኢዲሚን
\q2 ኢዛ ማይኦይ
\q2 ሜቴቶንታ ኣታናስ ዳንዳይዜ?
\q1
\v 28 ኢሲ ኣሲ ቦንቆ ታማ ዬ ቢሺን
\q2 ኢዛ ቶሆይ
\q2 ጹጌቶንታ ኣታና ዳንዳይዜ?
\q1
\v 29 ኣሳ ማቾ ላጌዛ ኣሲ
\q2 ሄሳ ማላ፤
\q2 ኢዞ ቦቺዛ ኡባይ
\q3 ቃጻዬቶንታ ኣቴና።
\b
\q1
\v 30 ካይሶይ ጋፋ ኣታናስ ካይሲኮ
\q2 ኣሳይ ኢዛ ካና።
\q1
\v 31 ጊዶ ኣቲን ኢዛስ ዲዛ ኣቆታ
\q2 ኡባ ኦይቺኮካ
\q2 ኢዚ ኦይኬቲዳ ጊዲኮ
\q3 ላፑን ኩሼ ቃንጻና ቤሴስ።
\q1
\v 32 ላይማ ላይማቲዛ ኣሳስ
\q2 ዎዚናይ ፓጬ፤
\q2 ሄሳዴይ ባርካ
\q2 ባ ሼምፖ ይሴስ።
\q1
\v 33 ቡካይኔ ካዉሻቴ ኢዛስ ቃዳ፤
\q2 ዬላቴ ኢዛፔ
\q2 ሙሌካ ቁጬቴና።
\q1
\v 34 ቃናቴይ ኣዚና ሃንቄታና ማላ ዴንስ፤
\q2 ኢዚ ሃሎ ኬሲዛ ዎዴ
\q3 ኢዛስ ቃቴና።
\q1
\v 35 ኢዚ ኣይ ኤዳካ ኤኬና፤
\q2 ኣይ ኬና ኢሞታይካ
\q3 ኢዛ ሃንቆ ዶሺሴና።
\c 7
\s ላይማፔ ናጌታና ማላ ኢሜቲዳ ሴራ
\q1
\v 1 ታ ናዞ! ታ ቃላ ናጋ፤
\q2 ታ ኣዛዞካ ኔ ዎዚናን
\q2 ቁምኣ ኦይካ።
\q1
\v 2 ኔ ፓጻ ዴኣና ማላ
\q2 ታ ኣዛዞታ ናጋ፤
\q2 ታ ቲሚርቴዛካ
\q3 ኔ ኣይፌ ጪሮ ማላ ናጋ።
\q1
\v 3 ሃይታ ኔ ቢራታን ቃቻ፤
\q2 ኔ ዎዚናንካ ጻፋ።
\q1
\v 4 ኣ ኤራቴ ኔ ታስ ሚቾ ጋ፤
\q2 ኣኬካካ ኔ ታስ ዳቦ ጋ።
\q1
\v 5 ኢስቲ ኔና ላይማ ማጫሳፌኔ
\q2 ባ ቃላን ባሌዛ
\q3 ሃዉሻ ማጫሳፌ ናጋና።
\q1
\v 6 ኢሲ ጋላስ ታኒ
\q2 ታ ኬ ማስኮቴዛራ
\q2 ካሬ ጼላዲስ።
\q1
\v 7 ኣኬካይ ፓጪዳ ዬላጋታ ቤኣዲስ።
\q2 ኢስታ ጊዶፌ ኢሶይ ኬሂ ኤያ።
\q1
\v 8 ሄ ዎዳላይ ኢዚ ሶ ኤፊዛ
\q2 ኦጌ ባጋራ ኦይኪ ቢሼ
\q2 ኢዚ ኬ ኣቻራ
\q2 ኣ ቢሺን፥
\q1
\v 9 ሄ ዎዴ ሳኣይ ቃማናስ
\q2 ላንኪላንኪሺን፥
\q2 ማይ ኣይፌ ኦይኪሺን፥
\b
\q2
\v 10 ኢሲ ማጫሳያ
\q2 ኢዛ ዴማናስ ኬዛዱስ፤
\q2 ላይማ ማጫሳ ማይኦ ማይኣዳ
\q3 ባሌናስ ሙርታ ኬዛዱስ።
\q1
\v 11 ኢዛ ጻላኔ
\q2 ዬላይ ባይንዳ ማጫሳ፤
\q2 ሶሆን ዎፑ ጋዳ ኡቱኩ።
\q1
\v 12 ኢዛ ኢሲቶ ኦጌን፥ ኢሲቶ ጉላን፥
\q2 ኢሲቶ ዱቡሻን ኤቃዳ ናጋዉስ።
\q1
\v 13 ኢዛ ሄ ናዛ
\q2 ሺሻ ኦይካዳ ዬራዉስ፤
\q2 ዬላይ ባይንዳ ኢዛ ኣይፌ
\q3 ቲሺ ሂስታ ጼላሼ፥
\b
\q2
\v 14 «ታኒ ታሶን ኢሲፌቴ ያርሾ
\q2 ያርሻናስ ቤሴስ፤
\q3 ታኒ ታ ኣዲና ሃች ፖላዲስ።
\q1
\v 15 ሂስታዳ ኔና ጼላናዉ ኬኣዲስ፤
\q2 ኔና ኬሃ ኮያዲስ፤
\q2 ሃኢ ቤያ ኔና ዴማዲስ።
\q1
\v 16 ታኒ ጊብጼፔ ዪዳ
\q2 ኣሌቂሲዛ ኣንሶላካ
\q3 ታ ሂጻን ዬጋዲስ።
\q1
\v 17 ታኒ ካርቤ፥ ኣልሙኒዬሜኔ
\q2 ቃራፋ ጌቴቲዛ
\q2 ሳዎታፔ ኦሴቲዳ
\q2 ሺቶ ታ ሂጻን ጫጫፋዲስ።
\q1
\v 18 ሃ ያ፤ ኣኔ ዎንታና ጋካናስ
\q2 ሲቆ ኣሎስ፤
\q2 ቆሜቲዲካ ኡፋዬቶስ።
\q1
\v 19 ታ ኬዋይ ሶን ዴና፤
\q2 ሃኮ ዴሬ ቢዴስ።
\q1
\v 20 ሚሽ ካራጺቴ ኩን
\q2 ኤኪ ቢዳ ጊሻስ
\q2 ኣጊናይ ዶርስ ዳጋንንታ
\q3 ሲሜና» ጋዱስ።
\b
\q1
\v 21 ሂስታዳ ባ ማልኦ ሃሳያን
\q2 ኢዛ ባሌዱስ፤
\q2 ባ ሊቆ ኢንጻርሳንካ ጪማዱስ።
\q1
\v 22 ሹካስ ላጌቲ ቢዛ ቦራ ማላ፥
\q2 ዎጺማዴን ኦይኬታና
\q3 ቢዛ ጮፎሾ ማላ
\q3 ሄራካ ኣሙሶንታ
\q3 ኢዞ ካሊዲ ቢዴስ።
\q1
\v 23 ዎንዳፌ ዪሺ
\q2 ኢዛ ቲሬ ጫዳና ጋካናስ፥
\q2 ኢዛ ሼምፖ ይሳናይሳ
\q2 ኤሮንታ ዲሼ ፒራዲ ያርዴን
\q3 ጌሊዛ ካፎ ማላ ጊዲዴስ።
\b
\q1
\v 24 ታ ናዞ! ኣኔ ሃኢ ሲያ፤
\q2 ታ ዶናፔ ኬዚዛ
\q2 ቃላካ ኤዝጋ።
\q1
\v 25 ኔ ዎዚናይ ኢዚኮ ቦፖ፤
\q2 ኢዛ ቢዛ ባላ ኦጌን ጌሎፓ።
\q1
\v 26 ኢዛ ካዉሻዳ ኦሊዳይቲ ኡንዴና፤
\q2 ኢዛ ዎዳይታ ቆዳይ
\q2 ኬሂ ዳሮ።
\q1
\v 27 ኢዚ ሶይ ዱፎን ኤፊዛ ኦጌ፤
\q2 ሄ ኦጌይ ዱጌ ሃይቆሶ ጋስ።
\c 8
\s ኣ ኤራቴ ሳባ
\q1
\v 1 ሲዪቴ! ኣ ኤራቴያ ባ ቃላ
\q2 ዶቁ ሂስታ ጼይጌኬ?
\q2 ኣኬካይካ ባ ጬንጉርሳ
\q3 ቁ ሂስታ ሲሴኬ?
\q1
\v 2 ኦጌ ዶናን ዴኢዛ
\q2 ዙምቡላታ ቦላኔ
\q2 ዳጋላ ኦጌታን ኤቃዉስ።
\q1
\v 3 ጊምቤዛ ላንቄን ካታማታ
\q2 ጌሊዛ ፔንጌን ኤቃዳ
\q2 ባ ቃላ ቁ ሂስታዳ፥\x - \xo 8፡1-3 \xo*\xt ሌሚ 1፡20-21\xt*\x*
\q2
\v 4 ሃይቶ ኣሳቶ!
\q2 ታኒ ኢንቴና ጼይጋይስ፤
\q2 ታኒ ኣሳ ዜሬ ኡባ ጼይጋይስ።
\q1
\v 5 ኢንቴኖ ኣኬካይ ፓጪዳይቶ!
\q2 ዎዚናማ ጊዲቴ፤
\q2 ኢንቴኖ ኤያቶ ኣኬካ ዴሚቴ።
\q1
\v 6 ታኒ ጎኢዛ ሚሽ
\q2 ዮቲዛ ጊሻስ ኤዝጊቴ፤
\q2 ታ ዶናፔ ሱሬ ዮኦይ ኬዜስ።
\q1
\v 7 ታ ዶናይ ቱማ ሃሳዬስ፤
\q2 ታ ሜቴርሻቲካ
\q3 ኢታ ሚሽ ኢጼቴስ።
\q1
\v 8 ታ ዶናፔ ኬዚዛ ቃላቲ
\q2 ኡባይ ቱማ፤
\q2 ጌላ ዎይኮ ቦካ ጊዴቴና።
\q1
\v 9 ኣኬካይ ዲዛ ኣሳስ
\q2 ታ ሃሳያይ ሊኬ፤
\q2 ኤራቴ ዲዛይታስ
\q3 ታ ሃሳያን ዎርዶይ ዴና።
\q1
\v 10 ቢራፔ ኣዲ ታ ዞሬ ኤኪቴ፤
\q2 ሙሩታ ዎርቃፌ ኣዲ
\q3 ኤራቴ ዶሪቴ።
\b
\q1
\v 11 ኣይስ ጊኮ፥ «ታኒ ኣ ኤራቴ
\q2 ዞኦ ኢንቁፌካ ኬሃ ኣልኣይስ፤
\q2 ኔኒ ኣሞቲዛ ሚሽ ኡባይካ
\q2 ታናራ ጊናታናስ ዳንዳዬና።
\q1
\v 12 ታኒ ኣ ኤራቴ
\q2 ኣኬካራ ዳይስ፤
\q2 ኤራቴኔ ዎዚናማቴ
\q2 ታ ሚሻታ።
\q1
\v 13 ጎዳስ ያሻቴ ኢታ ኢጾ፤
\q2 ታኒ ኦቶሮኔ ሃላጫ፥
\q2 ሜንጼ ኢታቴኔ
\q3 ጌላ ሃሳያ ኢጻይስ።
\q1
\v 14 ዞሬይኔ ሎኦ ፒርዳይ ታይታ፤
\q2 ታስ ኣኬካይኔ ዎልቃይ ዴስ።
\q1
\v 15 ካዎቲ ታናን ካዎቴቴስ፤
\q2 ዴሬ ኣይሲዛይቲ
\q3 ሱሬ ዎጋ ኬሴቴስ።
\q1
\v 16 ዳናቲ ታኒ ማዲን
\q2 ዴራ ኣይሴቴስ፤
\q2 ዴራ ሃሪዛ ጊታ ኣሳቲ
\q3 ኡባይ ሃሬቴስ።
\q1
\v 17 ታና ሲቂዛይታ ታኒ ሲቃይስ፤
\q2 ሚኒ ኮይዛይቲ ታና ዴማና።
\q1
\v 18 ዱሬቴኔ ቦንቾይ
\q2 ታ ማታን ዴቴስ፤
\q2 ዉሮንታ ኣቆታይኔ
\q2 ኢንጄይ ታ ማታና።
\q1
\v 19 ኢንቴ ታፔ ዴሚዛ ጎኣይ
\q2 ሙሩታ ዎርቃፌ ኣስ፤
\q2 ታ ኢሞታይካ
\q2 ሴሪሲ ኬሲዳ ቢራፔ ዳሬስ።
\q1
\v 20 ታኒ ጺሎቴ ኦጌን ሄሜታይስ፤
\q2 ሱሬ ፒርዳ ካላይስ።
\q1
\v 21 ታና ሲቂዛይታስ
\q2 ታኒ ዱሬቴ ኢማና፤
\q2 ኢስታ ሚንጃ ኬካ
\q2 ታኒ ኩንና።
\b
\q1
\v 22 «ጎዳይ ታና ባ ኦሶ ኡባፌ
\q2 ኮይሮ ሜዴስ፤
\q2 ቤኒፔካ ኢዛ ኦሳስ
\q2 ኮይሮይ ታና።\x - \xo 8፡22 \xo*\xt ኣጁ 3፡14\xt*\x*
\q1
\v 23 ሳሎይኔ ሳኣይ
\q2 ሜታናፔ ካሴ
\q2 ቤኒ ሜርናሶፌ ታኒ ሹሜታዲስ።
\q1
\v 24 ዎጋ ጊታ ኣባቲ ባይንዳ ዎዴ፥
\q2 ሃ ፑልቶቲ ቃናፔ ካሴ
\q3 ታኒ ዬሌታዲስ።
\q1
\v 25 ዙማቲኔ ዙምቡላቲ
\q2 ሜታናፔ
\q2 ካሴ ታኒ ዬሌታዲስ።
\q1
\v 26 ጎዳይ ሳኣኔ
\q2 ሳኣ ቦላ ዲዛ ዴምባታ
\q2 ዎይኮ ኣላሜ ቦላ ዲዛ ጉዱላታ
\q3 ሜናፔ ካሴ ታኒ ዬሌታዲስ።
\q1
\v 27 ጎዳይ ሳሎታ ሚጪዳ ዎዴኔ
\q2 ጊታ ኣባታፔ ቦላራ
\q3 ሳሎ ጉፋን ጊግሲዳ ዎዴ
\q3 ታኒ ሄን ዴኣይስ።
\q1
\v 28 ጎዳይ ሻራታ ቦላን
\q2 ዎዳ ዎዴ፥
\q2 ጊታ ኣባ ፑልቶታ
\q2 ሲዳ ዎዴ፥
\q2
\v 29 ኣባ ሃቲ
\q2 ባንታስ ኢሜቲዳ ዛዋፔ
\q3 ፒኒዲ ኣንታ ማላ
\q3 ዛዋ ዎዳ ዎዴ፥
\q3 ሳኣስ ዮች ዬጊዳ ዎዴ፥
\q2
\v 30 ሄ ዎዴ ታኒ ኢዛ ማታን
\q2 ዋና ኦሳንቻ፤
\q3 ኡባ ጋላስ ታኒ
\q3 ኡፋይሳን ኩማይስ፤
\q3 ታኒካ ኢዛ ሲንን ኡፋዬታይስ።
\q1
\v 31 ኢዛስ ጊዲዳ ኣላሜ ኡባን
\q2 ታ ኡፋዬታይስ፤
\q2 ኣሳ ናይታንካ ታ ኡፋዬታይስ።
\b
\q1
\v 32 «ሃኢካ ታ ናይቶ!
\q2 ታኒ ጊዛይሳ ኤዝጊቴ፤
\q2 ታ ኦጌ ናጊዛይቲ ኣንጄቲዳይታ።
\q1
\v 33 ታ ቲሚርቴ ሲዪቴ፤
\q2 ኣ ኤራንቻታ ጊዲቴ፤
\q2 ዉዳ ዮፒቴ።
\q1
\v 34 ታኒ ዮቲዛይሳ ሲዪዛ ኣሲ፥
\q2 ሃች ሃች ታ ፔንጌን ቤቲዛ ኣሲ፥
\q3 ታሶ ጌሊዛሶንካ
\q3 ናጊዛ ኣሲ ኣንጄቲዳዴ።
\q1
\v 35 ታና ዴሚዳይ ዴኦ ዴሜስ፤
\q2 ጎዳፔ ኢዚ ሳባ ዴሜስ።
\q1
\v 36 ጊዶ ኣቲን ታና
\q2 ዴሞንታ ኣጊዳ ኣሲ
\q2 ባና ቆሄስ፤
\q2 ታና ኢጺዛ ኡባቲ
\q3 ሃይቆ ሲቄቴስ» ጋዱስ።
\c 9
\s ኣ ኤራቴኔ ኤያቴ
\q1
\v 1 ኣ ኤራቴያ
\q2 ባስ ኬ ኬጻዱስ፤
\q2 ኬስ ላፑን
\q2 ቱሳታ ኤሳዱስ።
\q1
\v 2 ኢዛ ሞ ሜሄ ሹካዱስ፤
\q2 ዎይኔ ኡሹ ኣጋዱስ፤
\q2 ማዳካ ጊጊሳዱስ።
\q1
\v 3 ሂስታዳ ኣሳ ጼይጋናስ
\q2 ባ ማጫ ኣይሌታ ኪታዱስ።
\q2 ኢዛ ካታማይፔ ቃ ሶን
\q3 ኤቃዳ ጼይጋዱስ፤
\q1
\v 4 «ኢንቴኖ! ኤራይ ፓጪዳይቶ
\q2 ሃ ጌሊቴ!» ጋዱስ።
\q2 ኤያታካ ኢዛ፥
\q1
\v 5 «ሃ ዪዲ ታ ቁማ ሚቴ፤
\q2 ታኒ ኣጊዳ
\q2 ዎይኔ ኡሻካ ኡዪቴ!
\q1
\v 6 ኢንቴ ኤያቴ ኦጌዛ ኣጊቴ፤
\q2 ኢንቴ ሼምፖራ ፓጻ ዴኣና፤
\q2 ኣኬካ ኦጌን ሄሜቲቴ» ጋዱስ።
\q1
\v 7 ቂልጪዛ ኣስ ሴሪዛ ኣሲ ኡባይ
\q2 ባስ ጫሼ ካላና፤
\q2 ኢታ ኣስ ዞሪዛዴይካ
\q2 ባስ ካዉያና።
\q1
\v 8 ቂልጪዛ ኣስ ዞሮፓ፤
\q2 ኔ ኢዛ ዞሪኮ ኢዚ ኔና ኢጻና።
\q2 ኣ ኤራንቻ ኣስ ሴራ፤
\q3 ኔ ኢዛ ሴሪኮ ኢዚ ኔና ዶሳና።
\q1
\v 9 ኣ ኤራንቻ ኣስ ታማርሳ፤
\q2 ሂስቲኮ ኢዚ ካሴይሳፌካ
\q3 ኣ ኤራንቻ ጊዳና።
\q2 ጺሎ ኣስ ታማርሳ፤
\q3 ሂስቲኮ ኢዚ ኤራቴ ጉጃና።
\b
\q1
\v 10 ኣ ኤራቴስ ኮይሮይ
\q2 ጎዳስ ያሻቴ፤
\q2 ጌሻዛ ኤሮይካ ኣኬካ።\x - \xo 9፡10 \xo*\xt ኢዮ 28፡28፤ ማዛ 111፡10፤ ሌሚ 1፡7\xt*\x*
\q1
\v 11 ታ ጋሶን ኔስ ባሬይ ኣዱቃና፤
\q2 ኔስ ዴኦ ላይይካ ጉጄታና።
\q1
\v 12 ኔኒ ኣ ኤራንቻ ጊዲኮ
\q2 ጎኤታና፤
\q2 ኔ ቂልጪዛዴ ጊዲኮ ቆሄታና።
\b
\q1
\v 13 ኤያ ማጫሲ ዎጫማ ዳራዉስ፤
\q2 ኢዛ ባና ሃሩኩ፤
\q2 ኢዛ ኣይኮካ ኤሩኩ።
\q1
\v 14 ኢዛ ባ ካሬን ኡታ ፔኣዉስ፤
\q2 ካታማ ጊዶን ቃሶ
\q3 ኬዛ ኡታዉስ።
\q1
\v 15 ሄራ ኣ
\q2 ባ ኦጌ ቢዛይታ ጼይጋዉስ።
\q1
\v 16 ኢዛካ ዎዚና ፓጬታስ፥
\q2 «ኢንቴኖ! ኣኬካይ ፓጪዳይቶ
\q3 ታኮ ሃ ዪቴ።
\q1
\v 17 ካይሲ ኡዪዛ ሃ ማልኤስ፤
\q2 ጌማን ሚዛ ቁማይካ
\q3 ሱኬሴስ» ጋዉስ።
\q1
\v 18 ጊዶ ኣቲን ሃይቂዳ ኣሳይ
\q2 ሄን ዴኢዛይሳ፥
\q2 ኢዚ ኢማቲካ ዱፎ ጊዶን
\q3 ዲዛይሳ ኢስቲ ኤሬቴና።
\c 10
\s ሶሎሞኔ ሌሚሶታ
\q1
\v 1 ሃይቲ ሶሎሞኔ ሌሚሶታ።
\q2 ኣ ኤራቴ ዲዛ ናይ
\q2 ባ ኣዋ ኡፋይሴስ፤
\q2 ጊዶ ኣቲን ኤያ ናይ
\q3 ባ ኣዮ ጬጪሴስ።
\q1
\v 2 ቤሶንታ ኦጌራ ዪዳ
\q2 ኣቆታይ ጎኤና፤
\q2 ጊዶ ኣቲን ጺሎቴ
\q3 ሃይቆፔ ኣሼስ።
\q1
\v 3 ጎዳይ ጺሎታ ጋፊሴና፤
\q2 ጊዶ ኣቲን ናጋራንቻታ
\q3 ኣሞ ጫልቃሚሳና።
\q1
\v 4 ኣዛላቴ ማንቂሴስ፤
\q2 ሚኒ ኦሶይ ጊዲኮ ዱሬሴስ።
\q1
\v 5 ኣ ኤራንቻይ
\q2 ካ ዎዴራ ሺሼስ፤
\q2 ካ ሺሺዛ ዎዴ ስኪዛ
\q3 ኣሲ ጊዲኮ ካዉዬስ።
\q1
\v 6 ጺሎ ኣሲ ኣንጄቴስ፤
\q2 ኢታ ኣሳ ዶና
\q2 ማካላቴ ጎርዴስ።
\q1
\v 7 ጺሎታ ሱንይ
\q2 ኣንጆን ጼይጌቲሼ ዳና፤
\q2 ኢታታ ሱን ጊዲኮ ዶጌታና።
\q1
\v 8 ኣ ኤራንቻይ
\q2 ኣዛዞ ኤሮ ጊ ኤኬስ፤
\q2 ሎምኡሎምኢዛ ኤያቲ ጊዲኮ
\q2 ባሻሶ ቤቴስ።
\q1
\v 9 ሱሬ ኣሲ ሂርጋይ ባይንዳ ዴስ፤
\q2 ጌላ ኦጌ ቢዛ ኣሲ ጊዲኮ
\q3 ባ ሞሮን ኦይኬታና።
\q1
\v 10 ጌኔ ኦሶስ ቂምኦቲዛ ኣሲ
\q2 ሜቶ ኤሄስ፤
\q2 ሎምኡሎምኢዛ ኤያይካ
\q3 ሜቶ ኤሄስ።
\q1
\v 11 ጺሎታ ሃሳያይ ዴኦ ፑልቶ፤
\q2 ኢታታ ሃሳያይ
\q3 ማካላቴ ጌንስ።
\q1
\v 12 ኢጾይ ፓላማ ዴንስ፤
\q2 ሲቆይ ጊዲኮ
\q3 ባላ ኡባ ካሚ ኣስ።\x - \xo 10፡12 \xo*\xt ያቆ 5፡20፤ 1ጴጽ 4፡8\xt*\x*
\q1
\v 13 ዎዚናማ ኣሳይ
\q2 ኣ ኤራን ሃሳዬስ፤
\q2 ኤያ ዞኮን ጊዲኮ
\q2 ጻምኣይ ሜቄስ።
\q1
\v 14 ኣ ኤራንቻቲ
\q2 ኤራቴ ዳጋሴቴስ፤
\q2 ኤያ ሃሳያይ ጊዲኮ
\q2 ባሽ ጼይጌስ።
\q1
\v 15 ዱሬታ ኣቆታይ ኢስታስ
\q2 ጊምቤቲዳ ካታማ፤
\q2 ማንቆታ ማንቆቴ
\q3 ኢስታስ ዮሶ።
\q1
\v 16 ጺሎ ኣሳ ዳሞዛይ ዴኦ፤
\q2 ኢታ ኣሳታስ
\q3 ዎይ ጊዲኮ ቂጻቴ።
\q1
\v 17 ሴራ ኤኪዛ ኣሲ
\q2 ዴኦ ኦጌን ሄሜቴስ፤
\q2 ሴራ ኢጺዛ ኣሲ ጊዲኮ
\q3 ሜቶ ቦላ ዎስ።
\q1
\v 18 ኢጺሼ ባ ኢጺዛይሳ
\q2 ቆቲዛ ኣሲ ዎርዳንቻ፤
\q2 ዚጊርስ ዚጊርዛ
\q2 ኣሲ ጊዲኮ ኤያ።
\q1
\v 19 ዳሮ ሃሳያ ጊዶን
\q2 ሞሮይ ዬና፤
\q2 ባ ዶና ሺሺ ኤኪዛ
\q2 ኣሲ ጊዲኮ
\q3 ኣ ኤራንቻ።
\q1
\v 20 ጺሎታ ሃሳያቲ
\q2 ጌሻ ቢራ ማላ፤
\q2 ኢታ ኣሳ ቆፋስ ጊዲኮ
\q3 ጎኣይ ዴና።
\q1
\v 21 ጺሎታ ሃሳያይ ዳሮታ ጎኤስ፤
\q2 ኤያቲ ጊዲኮ
\q2 ባ ዎዚና ፓጬን ሃይቄቴስ።
\q1
\v 22 ጎዳ ኣንጆይ ዱሬ ኬሴስ፤
\q2 ኢዚ ሄ ዱሬቴን
\q2 ሜቶ ጉጄና።
\q1
\v 23 ኤያ ኣሲ ኢታ ኦሶን ኡፋዬቴስ፤
\q2 ዎዚናማ ኣሲ ጊዲኮ
\q2 ኣ ኤራቴን ኡፋዬቴስ።
\q1
\v 24 ኢታ ኣስ ሂርጊዛ ሚሽ
\q2 ኢዛ ቦላ ጋካና፤
\q2 ጊዶ ኣቲን ጺሎ ኣሞይ
\q3 ኢዛስ ፖሌታና።
\q1
\v 25 ጎቴ ጫርኮይ ዴንዲሺን
\q2 ኢታቲ ፒቴቲ ያና፤
\q2 ጺሎቲ ጊዲኮ
\q2 ሜርናስ ሚኒ ዳና።
\q1
\v 26 ጫላይ ኣች ዚልኢሲዛ ማላኔ
\q2 ጩዋይ ኣይፌ ቆሂዛ ማላ
\q3 ኣዛላ ኣሲ ኪቲዳዴንታስ
\q3 ሄሳ ማላ።
\q1
\v 27 ጎዳስ ያሺ ላይ ኣዱሴስ፤
\q2 ኢታታ ባሬይ ጊዲኮ ቃን።
\q1
\v 28 ጺሎታ ሂዶታይ ኡፋይሳን ጋስ፤
\q2 ኢታታ ሂዶታይ ጊዲኮ
\q3 ሃዳ ጊዲ ኣቴስ።
\q1
\v 29 ጎዳ ኦጌይ ጺሎታስ
\q2 ባቃቲ ኣቲዛሶሆ፤
\q2 ኢታ ኦዛይታስ ጊዲኮ ባሻ ሶሆ።
\q1
\v 30 ጺሎቲ ሙሌካ ቃሌቴቴና፤
\q2 ኢታቲ ጊዲኮ ቢታ ቦላ
\q2 ዴኤቴና።
\q1
\v 31 ጺሎታ ዶናይ
\q2 ኣ ኤራቴ ሃሳዬስ፤
\q2 ጌላታ ኢንጻርሲ ጊዲኮ ቃንጼታና።
\q1
\v 32 ጺሎታ ሜቴርሻይ
\q2 ቤሲዛ ዮኦ ሃሳዬስ፤
\q2 ኢታ ዶናይ ጊዲኮ
\q2 ቦካ ዮቴስ።
\c 11
\q1
\v 1 ጎዳይ ዎርዶ ጌዳራ ኢጼስ፤
\q2 ጊዶ ኣቲን ሱሬ
\q2 ጌዳራን ኡፋዬቴስ።
\q1
\v 2 ኦቶሮቴ ካዉሻቴ ካሌስ፤
\q2 ኣሽኬቴ ጊዲኮ
\q3 ኣ ኤራቴ ኤሄስ።
\q1
\v 3 ጺሎታ ኢስታ ሱሬቴ ካሌስ፤
\q2 ጊዶ ኣቲን ዎርዳንቻታ
\q2 ኢስታ ዎርዶቴ ይሴስ።
\q1
\v 4 ሃንቆ ጋላስ ዱሬቴ ጎኤና፤
\q2 ጊዶ ኣቲን ጺሎቴ
\q2 ሃይቆፔ ኣሼስ።
\q1
\v 5 ቦሬይ ባይንዳ ኣሳታ
\q2 ኢስታ ጺሎቴ
\q2 ኢስታስ ኦጌ ሱሪሴስ፤
\q2 ጊዶ ኣቲን ኢታቲ ባንታ
\q3 ኢታቴን ኩንዴቴስ።
\q1
\v 6 ሱሬታ ኢስታ ጺሎቴ ኣሼስ፤
\q2 ጊዶ ኣቲን ማልቴቲ
\q2 ባንታ ኢታ
\q3 ኣሞን ኦይኬታና።
\q1
\v 7 ኢታ ኣሲ ሃይቂዛ ዎዴ
\q2 ኢዛ ሂዶታይ
\q2 ሃዳ ጊዴስ፤
\q2 ባ ዎልቃን ኢዚ ጬቄቲዛዚ
\q2 ኡባይካ ዬስ።
\q1
\v 8 ጺሎይ ሜቶፔ ኣቴስ፤
\q2 ጊዶ ኣቲን ሜቶይ
\q2 ኢታ ኣሳ ቦላ ጋኬስ።
\q1
\v 9 ኢታ ኣሲ ባ ዶናን
\q2 ባ ላጌዛ ይሴስ፤
\q2 ጊዶ ኣቲን ጺሎቲ ኤራቴን
\q3 ኬሲ ኤኪ ኣቴቴስ።
\q1
\v 10 ጺሎታስ ኢንጄቲዛ ዎዴ
\q2 ካታማይ ኡፋዬቴስ፤
\q2 ቃሴ ኢታቲ ይዛ ዎዴ
\q2 ሃሹ ጌስ።
\q1
\v 11 ሱሬታ ኣንጆ ጋሶን
\q2 ካታማይ ዲጬስ፤
\q2 ኢታ ሃሳያን ጊዲኮ
\q2 ካታማይ ዬስ።
\q1
\v 12 ዎዚና ፓጬ ኣሲ
\q2 ባ ሾሮዛ ካስ፤
\q2 ኣኬካንቻ ኣሲ ጊዲኮ
\q3 ባ ዶና ሺሺ ኤኬስ።
\q1
\v 13 ዚጊርዛ ኣሲ ጹራ ላሌስ፤
\q2 ኣማኔቲዛ ኣሲ ጊዲኮ ጹራ ናጌስ።
\q1
\v 14 ካሌ ፓጬን
\q2 ካዎቴ ኩንዴስ፤
\q2 ዳሮ ዞራንቻቲ ዴኢኮ
\q2 ሳሮይ ዴስ።
\q1
\v 15 ኤሮንታ ኣሳስ ዋሴቲዛይ
\q2 ሜቶን ጌሌስ፤
\q2 ዋሴ ጌላናስ ጫቆንታዴ
\q3 ኣይኮይካ ቦቼና።
\q1
\v 16 ኡሎ ኪያ ማጫሳያ
\q2 ቦንቼታዉስ፤
\q2 ዎልቃዛ ኣሳቲ
\q2 ዱሬቴ ጻላ ዱሬቴቴስ።
\q1
\v 17 ኪያ ኣሲ ባና ጎኤስ፤
\q2 ሜንጼ ኢታ ኣሲ ጊዲኮ
\q3 ባ ቦላ ሜቶ ኤሄስ።
\q1
\v 18 ኢታ ኣሲ ዴሚዛ ዎይ ዴና፤
\q2 ጺሎቴ ዜሪዛ ኣሲ ጊዲኮ
\q3 ሱሬ ዎይቶ ኤካና።
\q1
\v 19 ጺሎይ ዴኦ ዴማና፤
\q2 ጊዶ ኣቲን ኢታቴ
\q3 ካሊዛ ኣሲ ሃይቃና።
\q1
\v 20 ጎዳይ ኢታ ቆፋይ
\q2 ዴኢዛ ኣሳታ ሻቴቴስ፤
\q2 ጊዶ ኣቲን ሱሬ
\q2 ሄሜቲዛይታን ኡፋዬቴስ።
\q1
\v 21 ኢታ ኣሲ ቃጻዬቶንታ ኣቴና፤
\q2 ጊዶ ኣቲን ጺሎቲ
\q2 ቃጻዬቴቴና።
\q1
\v 22 ኣኬካይ ፓጪዳ
\q2 ማጫሳ ፑላቴ
\q2 ጉዱን ሲን
\q2 ኣዳ ዎርቃ ማላ።
\q1
\v 23 ጺሎታ ኣሞስ ዉርሴ ሎኦ ጻላ፤
\q2 ጊዶ ኣቲን ኢታታ ኣሞስ
\q2 ዉርሴ ሃንቆ ጻላ።
\q1
\v 24 ኢሲ ኢሲ ኣሳቲ
\q2 ጮ ኪያቴ ኢሜቴስ፤
\q2 ጊዶ ኣቲን ኢስታስ ኣቆይ
\q3 ሃ ሃ ዳሬስ።
\q2 ባጋቲ ኬሂ ኡዜቴቴስ፤
\q3 ጊዶ ኣቲን ኢስቲ
\q3 ማንቂ ማንቂ ቤቴስ።
\q1
\v 25 ኪያ ኣሲ ዱሬታና፤
\q2 ሃራታስ ኢሚዛይ
\q2 ባስ ዎፓ ዴሜስ።
\q1
\v 26 ጌማራ ካ ዳጋሲዛዴ
\q2 ዴሬይ ቃንጌስ፤
\q2 ኬሲ ባይዚዛዴይ ጊዲኮ
\q2 ኣንጄቴስ።
\q1
\v 27 ሎኦ ሚሽ ሚን ኮይዛዴ
\q2 ሎኦ ሚሺ ናጌስ፤
\q2 ጊዶ ኣቲን ኢታ ሚሽ ኮይዛዴ
\q3 ኢታ ሚሺ ጋኬስ።
\q1
\v 28 ባ ዱሬቴን
\q2 ኣማኔቲዛ ኣሲ ኩንዳና፤
\q2 ጺሎቲ ጊዲኮ
\q2 ሎኦ ሚ ማላ ጪሊላና።
\q1
\v 29 ሶ ኣሳ ቦላ ሺሮ ዴንዛ
\q2 ኣሲ ጎኣይ ባይንዳ ኣታና፤
\q2 ኤያቲካ ኣ ኤራንቻታስ
\q3 ኣይሌ ጊዳና።
\q1
\v 30 ጺሎ ኣሲ ዴኦ ኣይፌ
\q2 ኣይፊዛ ሚ ማላ፤
\q2 ሼምፖታ ኣሺዛይ
\q2 ኣ ኤራንቻ።
\q1
\v 31 ጺሎቲ ሳኣን
\q2 ባንታ ኦሶ ዋጋ
\q2 ኤኪዛ ጊዲኮ፥
\q2 ኢታቲኔ ናጋራንቻቲ
\q3 ባንታ ኦሶስ ኤካና ዋጋይ
\q3 ዋኒ ዳራንዴሻ!\x - \xo 11፡31 \xo*\xt 1ጴጽ 4፡18\xt*\x*
\c 12
\q1
\v 1 ሴራ ዶሲዛ ኣሲ ኤራቴ ዶሴስ፤
\q2 ጊዶ ኣቲን ሴራ ኢጺዛ
\q2 ኣሲ ዳማ።
\q1
\v 2 ሎኦ ኣሲ ጎዳፔ ሳባ ዴሜስ፤
\q2 ጊዶ ኣቲን ጎዳይ
\q2 ጌናንቻታ ፒርዴስ።
\q1
\v 3 ኣሲ ኢታቴን ኤቂዲ
\q2 ሚኒ ካንናዉ ዳንዳዬና፤
\q2 ጺሎቲ ጊዲኮ
\q2 ባ ዲዛሶፔ ቃጼቴና።
\q1
\v 4 ዎዚናማ ማጫሳያ
\q2 ባ ኬዋስ
\q2 ካላቻ ማላ፤
\q2 ዬላቺዛ ማቻ
\q2 ባ ኣዚናስ
\q3 ሜቄ ጋርሳን ዲዛ
\q3 ዎይዛዚሬ ሃርጌ ማላ።
\q1
\v 5 ጺሎታ ቆፋይ ሱሬ፤
\q2 ኢታታ ዞሬይ ጊዲኮ ጪሞ።
\q1
\v 6 ኢታታ ሃሳያይ ኣስ ዎስ፤
\q2 ጺሎታ ሃሳያይ ጊዲኮ
\q2 ኣስ ኣሼስ።
\q1
\v 7 ኢታ ኣሳቲ ኩንዳና፤
\q2 ኢስታስ ዜሬካ ኣቴና፤
\q2 ጺሎታ ዜሬ ጊዲኮ
\q2 ሚኒ ዳና።
\q1
\v 8 ኣሲ ባ ኣ ኤራቴ ማላ
\q2 ጋላቴቴስ፤
\q2 ጊዶ ኣቲን ጌላ ቆፋይ
\q3 ዴኢዛ ኣሲ ካቴስ።
\q1
\v 9 ኣይኮይ ባይንዳ ዲሺን
\q2 ዱሬ ኣሳ ማላ ጬቄቲዛ ኣሳፔ
\q2 ባና ዚቂ ሂስቲ
\q2 ባስ ኦ ኣቂዛ ኣሲ ኪያ።
\q1
\v 10 ጺሎ ኣሲ ባ ሜሄስ ቃቴስ፤
\q2 ኢታ ኣሲ ኪያቴስ ጊኮካ
\q3 ሜንጼ ኢታ።
\q1
\v 11 ባ ቢታ ሚን ኦዛ ኣሲ
\q2 ካ ካሌስ፤
\q2 ኣኬካይ ፓጪዳ ኣሲ
\q2 ጎኣይ ባይንዳ ሂዶታ ጎዴስ።
\q1
\v 12 ናጋራንቻቲ ኢታቲ
\q2 ዲኢ ኤሂዳይሳ ኣሞቴቴስ፤
\q2 ጺሎታ ዜሬ ጊዲኮ ዳያና።
\q1
\v 13 ኢታ ኣሲ ባ ሃሳይዳ
\q2 ኢታ ሃሳያን ኦይኬቴስ፤
\q2 ጺሎይ ጊዲኮ ሜቶፔ
\q2 ኬሲ ኤኪ ኣቴስ።
\q1
\v 14 ኣሲ ባ ዶናፔ ኬኢዛ ቃላን
\q2 ሎኦ ሚሽ ካሌስ፤
\q2 ባ ኦዳ ኦሶ
\q2 ዋጋካ ዴሜስ።
\q1
\v 15 ኤያ ኣሳስ ኢዚ ቢዛ ኦጌይ
\q2 ኢዛስ ሎኦ ሚሳቴስ፤
\q2 ኣ ኤራንቻይ ዞሬ ሲዬስ።
\q1
\v 16 ኤያ ኣሳ ሃንቆይ ሄራካ ኤሬቴስ፤
\q2 ጪንጫ ኣሲ ጊዲኮ
\q3 ጫሼ ዉዱ ጌና።
\q1
\v 17 ሱሬ ማርካይ ቱማ ማርካቴስ፤
\q2 ዎርዶይ ጊዲኮ
\q2 ዎርዶ ማርካቴስ።
\q1
\v 18 ኣኬኮንታ ሃሳይዛ ሃሳያይ
\q2 ቶራ ማላ ጫዴስ፤
\q2 ኣ ኤራንቻ
\q2 ኢንጻርሲ ጊዲኮ ፓስ።
\q1
\v 19 ዎርዶ ሃሳያይ ጉ ዎዴሳ፤
\q2 ቱማ ሃሳያይ ጊዲኮ
\q2 ሜርናሳ።
\q1
\v 20 ኢታ ቆፒዛይታ ዎዚናን
\q2 ባሌይ ዴስ፤
\q2 ጊዶ ኣቲን ሳሮ ሚሽ ቆፒዛይታ
\q3 ዎዚናን ኡፋይሲ ዴስ።
\q1
\v 21 ጺሎታ ቆሆይ ጋኬና፤
\q2 ኢታቲ ጊዲኮ ሜቶ ካላና።
\q1
\v 22 ጎዳይ ዎርዶ ሃሳያ ሃራሴቴስ፤
\q2 ቱማንቻታን ጊዲኮ
\q2 ኡፋዬቴስ።
\q1
\v 23 ኣኬካራ ዲዛ ኣሲ
\q2 ባ ኤራቴ ቆቴስ፤
\q2 ዎዚናይ ባይንዳ ኣሲ
\q3 ባ ኤያቴ ናሼስ።
\q1
\v 24 ሚኒ ኦዛ ኣሲ ዴሬ ሃሬስ፤
\q2 ኣዛላይ ኣይሌ ጊዴስ።
\q1
\v 25 ሂርጋን ኩሚዳ ዎዚናይ
\q2 ኣስ ጬጬን ዬጌስ፤
\q2 ሾንጋራ ዲዛ ሃሳያይ ጊዲኮ
\q2 ኡፋይሴስ።
\q1
\v 26 ጺሎ ኣሲ ባ ላጌ
\q2 ሎኦ ዞሬ ዞሬስ፤
\q2 ኢታታ ዞሬይ ጊዲኮ
\q3 ቱማ ኦጌፔ ሃሴስ።
\q1
\v 27 ኣዛላ ኣሲ ሻንካቲዲ
\q2 ኤሂዳ ኣሾዛ ጺጼና፤
\q2 ሚኒ ኦዛ ኣሲ ጊዲኮ
\q3 ባ ኣቆታስ ሚሼቴስ።
\q1
\v 28 ጺሎቴ ኦጌን ዴኦይ ዴስ፤
\q2 ሄ ኦጌን ሃይቆይ ዴና።
\c 13
\q1
\v 1 ኤራ ናይ ባ ኣዋ ዞሬ
\q2 ዎዚናፔ ሲዬስ፤
\q2 ቂልጪዛይ ጊዲኮ ሴራ ሲዬና።
\q1
\v 2 ኣሲ ባ ዶናፔ ኬኢዛ ቃላን
\q2 ሎኦ ሚሽ ዴሜስ፤
\q2 ኣማኔቶንታይቲ ጊዲኮ
\q3 ማካላቴ ኣሞቴቴስ።
\q1
\v 3 ባ ዶና ናጊዛ ኣሲ
\q2 ባ ሼምፖ ናጌስ፤
\q2 ዶናን ዪዳ ማላ ሃሳይዛ ኣሲ
\q3 ባና ይሴስ።
\q1
\v 4 ኣዛላይ ኬሂ ኣሞቴስ ሺን
\q2 ኣይኮካ ዴሜና፤
\q2 ሚኒ ኦዛይታ
\q3 ኣሞይ ጊዲኮ ኩማና።
\q1
\v 5 ጺሎ ኣሳቲ ዎርዶ ሃሳያ ኢጼቴስ፤
\q2 ኢታ ኣሳታ ሃሳያይ ጊዲኮ
\q3 ዬላሴሲኔ ካዉሼስ።
\q1
\v 6 ጺሎቴ ሱሬ ኣስ ናጌስ፤
\q2 ኢታቴ ጊዲኮ
\q2 ናጋራንቻ ይሴስ።
\q1
\v 7 ኣይኮይ ባይንዳ
\q2 ባና ዱሬ ሚሳቲሲዛ ኣሲ ዴስ፤
\q2 ሃራ ባጋራ ባስ
\q2 ዳሮ ኣቆታይ ዲሺን
\q3 ማንቆ ሚሳቲ ቤቲዛ ኣሲ ዴስ።
\q1
\v 8 ኣሲ ባ ዱሬቴን
\q2 ባ ሼምፖ ዎዛና ጊዳና፤
\q2 ማንቆይ ጊዲኮ
\q3 ሂርጋይ ባይንዳ ኡቴስ።
\q1
\v 9 ጺሎታ ፖኦይ ኬሂ ፖኤስ፤
\q2 ኢታታ ጾምፔይ ጊዲኮ ቶኣና።
\q1
\v 10 ኦቶሮይ ኦሽ ዬሌስ፤
\q2 ኣ ኤራቴ ጊዲኮ
\q2 ዞሬ ኤኪዛይታ ማታን ዴስ።
\q1
\v 11 ቤሶንታ ኦጌራ ዴሚዳ ሚሺ
\q2 ዪ ዪ ቤስ፤
\q2 ባ ጫዋ ጉሲዲ ዴሚዳ ኣቆታይ
\q3 ዳሪ ዳሪ ቤስ።
\q1
\v 12 ሂዶታይ ፖሌቶንታ ጋምኢኮ
\q3 ዎዚናይ ሜቄስ፤
\q2 ጊዶ ኣቲን ኣሞቲዳይሲ
\q2 ፖሌቲሺን ኡፋይሴስ።
\q1
\v 13 ዞሬ ካዛ ኣሲ ሜቶን ጌሌስ፤
\q2 ኣዛዞ ቦንቺዛ ኣሲ ጊዲኮ
\q3 ባ ዋጋ ኤካና።
\q1
\v 14 ኣ ኤራንቻይ ኢሚዛ ቲሚርቴይ
\q2 ዴኦ ፑልቶ፤
\q2 ሄሲ ኣሲ ሃይቆ ዎጺማዴን
\q3 ጌሎንታ ማላ ናጌስ።
\q1
\v 15 ኣኬካይ ዴኢዛ ኣሲ ቦንቼቴስ፤
\q2 ኣማኔቶንታ ኣጎይ
\q2 ባሻ ኦጌ ኤፌስ።
\q1
\v 16 ኣኬኪዛ ኣሲ ኤራን ኦስ፤
\q2 ኤያይ ጊዲኮ
\q2 ባ ኤያቴ ቆንጪሴስ።
\q1
\v 17 ኢታ ኣሲ ኪቴቲኮ ሜቶን ጌሌስ፤
\q2 ኣማኔቲዳ ኣሲ ኪቴቲኮ
\q3 ሳሮቴ ኤሄስ።
\q1
\v 18 ሴራ ኢጺዛ ኣሲ
\q2 ማንቄሲኔ ካዉዬስ፤
\q2 ሃንቆ ሲዪዛ ኣሲ ጊዲኮ
\q2 ቦንቼቴስ።
\q1
\v 19 ኣሞይ ፖሌቲኮ ኬሂ ኡፋይሴስ፤
\q2 ኤያቲ ጊዲኮ
\q3 ኢታፔ ሃካናስ ኮዬቴና።
\q1
\v 20 ኣ ኤራንቻታራ ሄሜቲዛ ኣሲ
\q2 ኣ ኤራንቻ ጊዴስ፤
\q2 ጊዶ ኣቲን ኤያታራ ሄሜቲዛ ኣሲ
\q3 ሜቶን ጌሌስ።
\q1
\v 21 ናጋራንቻታ
\q2 ኢታ ቃዳይ ካሌስ፤
\q2 ዱሬቴ ጊዲኮ
\q3 ጺሎታስ ኢሜቲዛ ዎይቶ።
\q1
\v 22 ሎኦ ኣሲ ባስ
\q2 ና ናይታ ጋካናስ ላቲሴስ፤
\q2 ናጋራንቻ ኣቆታይ ጊዲኮ
\q3 ጺሎታስ ዳጋቴስ።
\q1
\v 23 ማንቆ ጋዴይ
\q2 ዳሮ ካ ኢማና ዳንዳዬስ፤
\q2 ጊዶ ኣቲን ሱሬ ፒርዳይ ይኮ
\q3 ፒቴቲ ዬስ።
\q1
\v 24 ሴሮንታ ዲቺዛይ ባ ና ኢጼስ፤
\q2 ጊዶ ኣቲን ሴሪ ዲቺዛይ
\q3 ባ ና ዶሴስ።
\q1
\v 25 ጺሎይ ካላናሼ ጋካናስ ሜስ፤
\q2 ኢታቲ ጊዲኮ ጋፊዳ ማላ ዳና።
\c 14
\q1
\v 1 ኣ ኤራቴ ዲዛ ማጫሳያ
\q2 ባ ኬ ኬጻዉስ፤
\q2 ኤያያ ጊዲኮ ባ ኬ
\q3 ባ ኩሼን ላላዉስ።
\q1
\v 2 ሱሬ ሄሜቲዛ ኣሲ
\q2 ጎዳስ ያዬስ፤
\q2 ጌላ ኦጌ ሄሜቲዛይ ጊዲኮ
\q3 ኢዛ ካስ።
\q1
\v 3 ኤያ ሃሳያይ ኢዛ ዞኮስ
\q2 ጋቱማ ኤሄስ፤
\q2 ኣ ኤራንቻታ
\q2 ኢንጻርሳይ ጊዲኮ
\q3 ኢስታ ናጌስ።
\q1
\v 4 ቦራይ ባይንዳሶን
\q2 ጎታራይ ሜላ ዴስ፤
\q2 ጊዶ ኣቲን ኔስ ቦራታ ዎልቃን
\q3 ዳሮ ካ ቤቴስ።
\q1
\v 5 ኣማኔቲዛ ማርካይ ኡባቶ
\q2 ቱማ ማርካቴስ፤
\q2 ዎርዶ ማርካይ ጊዲኮ
\q2 ዎርዶ ማርካቴስ።
\q1
\v 6 ቂልጪዛይ ኣ ኤራቴ
\q2 ኮይኮካ ዴሜና፤
\q2 ኣኬካይ ዲዛ ኣሲ ዋዬቶንታ
\q3 ኤራቴ ዴሜስ።
\q1
\v 7 ኤያ ኣሳፔ ሃካ፤
\q2 ኣይስ ጊኮ ኔኒ ኢዛ ሃሳያፔ
\q3 ኤራቴ ዴማካ።
\q1
\v 8 ኣኬካንቻ ኣሳስ
\q2 ኣ ኤራቴ
\q2 ባ ኦጌ ናጎ፤
\q2 ኤያታ ኤያቴ ጊዲኮ
\q3 ኢስታ ጪሜስ።
\q1
\v 9 ኤያቲ ናጋራ ኦዲ
\q2 ሞታናይሳ ኣጊዲ
\q2 ቂልጬቴስ፤
\q2 ሱሬ ኣሳታፔ ጊዲኮ
\q3 ሎኦ ቆፋይ ቤቴስ።
\q1
\v 10 ኢሶይ ኢሶይ
\q2 ባ ዎዚናን ዲዛ
\q2 ጬጬ ኤሬስ፤
\q2 ኢዛ ኡፋይሳ ኦኒካ ኢዛራ ኮጼና።
\q1
\v 11 ኢታታ ኬይ ላሌታና፤
\q2 ሱሬታ ኬይ ጊዲኮ
\q2 ሚኒ ዴኣና።
\q1
\v 12 ኣሳስ ሊኬ ሚሳቲዛ ኦጌይ ዴስ፤
\q2 ዉርሴን ጊዲኮ
\q2 ሃይቆስ ጋስ።\x - \xo 14፡12 \xo*\xt ሌሚ 16፡25\xt*\x*
\q1
\v 13 ሚቻንካ ዎዚናይ
\q2 ሜቂ ኤሬስ፤
\q2 ሙዞቴን ኡፋይሲ
\q3 ፖሌታና ዳንዳዬስ።
\q1
\v 14 ባ ዎዚና ጺሎቴፌ ሃሲዛይቲ
\q2 ባ ኦሶ ዋጋ ኤካና፤
\q2 ሎኦ ኣሲካ ባ ሎኦ ኦሶ
\q3 ዋጋ ኤካና።
\q1
\v 15 ኤያ ኣሲ ኡባ ሚሽ ኣማኔስ፤
\q2 ጪንጫይ ጊዲኮ
\q3 ኣኬኪዲ ታንጌስ።
\q1
\v 16 ኣ ኤራንቻይ
\q2 ጎዳስ ያዬሲኔ
\q2 ሳቲ ታንጌስ፤
\q2 ኢታፔካ ሃኬስ፤
\q2 ኤያይ ጊዲኮ
\q3 ዉዳይ ባይንዳ ቢቻሬስ።
\q1
\v 17 ኤሌ ሃንቄቲዛ ኣሲ
\q2 ኤያ ኦሶ ኦስ፤
\q2 ዮኦ ቃቺዛ ኣሲ ዶሴቴና።
\q1
\v 18 ዎዚና ፓጬቲ ኤያቴ ላታና፤
\q2 ኣኬካንቻቲ ጊዲኮ
\q3 ኤራቴ ካላቻ ማላ ጎጻና።
\q1
\v 19 ኢታቲ ሎኦታ ሲንን ጉልባታና፤
\q2 ናጋራንቻቲ
\q2 ጺሎታ ፔንጌን ሆካና።
\q1
\v 20 ማንቆታ ኢስታ ላጌቲካ ኢጼቴስ፤
\q2 ዱሬታስ ጊዲኮ
\q2 ዳሮ ላጌቲ ዴቴስ።
\q1
\v 21 ባ ሾሮ ካዛ ኣሲ
\q2 ናጋራ ኦስ፤
\q2 ጊዶ ኣቲን ማንቆ ማዲዛይ
\q2 ኣንጄቲዳይሳ።
\q1
\v 22 ኢታ ሃልቺዛይቲ
\q2 ሱሬ ኦጌፔ
\q2 ካሬ ኬዜቴስ ዴቴኔ?
\q3 ሎኦ ቆፒዛይቲ ጊዲኮ
\q3 ሲቆኔ ኣማኔቴ ኤሄቴስ።
\q1
\v 23 ሚኒ ኦሶን ኡባን ዎይ ዴስ፤
\q2 ሃዳ ዮኦይ ጊዲኮ ማንቂሴስ።
\q1
\v 24 ኣ ኤራንቻታስ
\q2 ኢስታ ዱሬቴ ኢስታስ ካላቻ፤
\q2 ኤያታ ኤያቴ ጊዲኮ
\q2 ጮ ሃዳ።
\q1
\v 25 ቱሙ ማርካይ ሼምፖ ኣሼስ፤
\q2 ዎርዶ ማርካይ ጊዲኮ ባሌስ።
\q1
\v 26 ጎዳስ ያዪዛ ኣሳስ
\q2 ሚኖ ሚጻይ ዴስ፤
\q2 ኢዛ ናይታስካ
\q2 ባቃቲ ኣቲዛ ሶሆይ ዴስ።
\q1
\v 27 ጎዳስ ያሺ ዴኦ ፑልቶ፤
\q2 ሃይቆ ዎጺማዴፔ ኣስ ኣሼስ።
\q1
\v 28 ዴሬ ጮራቴይ ካዎስ ቦንቾ፤
\q2 ዴሬ ጉቴ
\q2 ካዎስ ባሽ ጊዴስ።
\q1
\v 29 ዳንዳያንቻ ኣሳስ
\q2 ጊታ ኣኬካይ ዴስ፤
\q2 ኤሌ ሃንቄቲዛ ኣሲ ጊዲኮ
\q3 ባ ኤያቴ ቆንጪሴስ።
\q1
\v 30 ዎፑ ጊዳ ዎዚናይ
\q2 ቦላስ ፓያቴ ኢሜስ፤
\q2 ቃናቴይ ጊዲኮ
\q3 ሜቄ ጊዶን ጌሊዳ
\q3 ዎይዛዚሬ ማላ።
\q1
\v 31 ማንቆታ ናቂዛ ኣሲ
\q2 ኢስታ ሜዳይሳ ጫዬስ፤
\q2 ሜቶታንቻታስ
\q2 ቃቲዛ ጊዲኮ
\q3 ጾሳ ቦንቼስ።
\q1
\v 32 ኢታቲ ባንታ ኢታ ኦሶን ኩንዳና፤
\q2 ጊዶ ኣቲን ጺሎቲ
\q3 ሃይቆ ዎዴካ
\q3 ባቃቲ ኣቲዛሶይ ዴስ።
\q1
\v 33 ኣኬካንቻ ኣሳ ዎዚናን
\q2 ኣ ኤራቴ ኩሚዴስ፤
\q3 ጊዶ ኣቲን ኤያቲ
\q3 ኣ ኤራቴ ጊሻስ
\q3 ኣይኮካ ኤሬቴና።
\q1
\v 34 ጺሎቴ ካዎቴ
\q2 ቁ ቁ ኦስ፤
\q2 ጊዶ ኣቲን ናጋራይ
\q3 ኣይ ኣሲካ ካዉሼስ።
\q1
\v 35 ኣ ኤራቴ ዲዛ ኣይሌይ
\q2 ካዎ ኡፋይሴስ፤
\q2 ጊዶ ኣቲን ዬላቺዛ ኣይሌይ
\q3 ባ ቦላ ሃንቆ ኤሄስ።
\c 15
\q1
\v 1 ሊቆ ዛሮይ ሃንቆ ኢርጺሴስ፤
\q2 ፖርዶሎ ቃላይ ጊዲኮ
\q3 ሃንቆ ዴንስ።
\q1
\v 2 ኣ ኤራንቻ ኢንጻርሳፌ
\q2 ኤራቴ ፑልቴስ፤
\q2 ጊዶ ኣቲን ዶጋታ ዶናፔ
\q3 ኤያቴ ፑልቴስ።
\q1
\v 3 ጎዳ ኣይፌቲ ኡባሶ ጼሌቴስ፤
\q2 ኢታታኔ ሎኦታ ኡባ
\q2 ሎኤ ቤኤቴስ።
\q1
\v 4 ሾንጋይ ዴኢዛ ሎኦ ሃሳያይ
\q2 ዴኦ ሚ ማላ፤
\q2 ጊዶ ኣቲን ባሌ ሃሳያይ
\q3 ኣያና ቆሄስ።
\q1
\v 5 ኤያይ ባ ኣዋ ሴራ ካስ፤
\q2 ጊዶ ኣቲን ዞሬ ኤኪዛይ
\q2 ባ ኣኬካቴ ቆንጪሴስ።
\q1
\v 6 ጺሎ ኣሳ ኬን
\q2 ዳሮ ኣቆታይ ዴስ፤
\q2 ጊዶ ኣቲን ኢታታስ
\q3 ጌሊዛ ሚሺ ሜቶ ኤሄስ።
\q1
\v 7 ኣ ኤራንቻታ ዶናይ
\q2 ኤራቴ ዜሬስ፤
\q2 ኤያታ ዎዚናይ ጊዲኮ
\q3 ሄሳ ማላ ዴና።
\q1
\v 8 ጎዳይ ኢታታ ያርሾ ሻቴቴስ፤
\q2 ሱሬታ ዎሳይ ጊዲኮ
\q3 ኢዛ ኡፋይሴስ።
\q1
\v 9 ጎዳይ ኢታ ኣሳታ ኦጌ ሻቴቴስ፤
\q2 ጊዶ ኣቲን ጺሎቴ
\q3 ካሊዛይታ ዶሴስ።
\q1
\v 10 ሱሬ ኦጌ ኣጊዲ ካሬ ኬኢዳዴ
\q2 ሃንቆይ ናጌስ፤
\q2 ሴራ ኢጺዛ ኣሲ ሃይቄስ።
\q1
\v 11 ዱፎኒኔ ዮ ጊዶን ዲዛይሲ
\q2 ጎዳ ሲንን ቆንጬ፤
\q3 ሂስቲን ኣሳ ዎዚና ቆፋይ
\q3 ዋኒ ኢዛፔ ጌማኔ?
\q1
\v 12 ቂልጪዛ ኣሲ ሴራ ዶሴና፤
\q2 ኣ ኤራንቻታፔካ
\q3 ዞሬ ኦይቼና።
\q1
\v 13 ዎዚና ኡፋይሲ ሲን ፖኢሴስ፤
\q2 ዎዚና ጬጬይ ጊዲኮ
\q3 ኣያና ቆሄስ።
\q1
\v 14 ኣኬኪዛ ዎዚናይ ኤራቴ ኮዬስ፤
\q2 ጊዶ ኣቲን ዶጋታ ዶናይ
\q3 ኤያቴ ባንቺኬስ።
\q1
\v 15 ማንቆታ ዴኦይ
\q2 ኡባ ጋላሲካ ባጼ።
\q2 ኡፋዬቲዛ ኣሳቲ ኡባቶካ
\q2 ባንታ ዴኦን ኡፋዬቴቴስ
\q1
\v 16 ኦሺ ዲዛሶን ዲዛ ጊታ ኣቆታፔ
\q2 ጎዳ ያሻቴራ ዲዛ
\q3 ጉ ኣቆታይ ኣስ።
\q1
\v 17 ኦሺ ዲዛሶን
\q2 ሞ ኣሾ ማናፔ
\q2 ሲቆይ ዲዛሶን
\q2 ሳን ሙሲ ኣስ።
\q1
\v 18 ኤሶን ሃንቄቲዛ ኣሲ ኦሽ ኬሴስ፤
\q2 ዳንዳይዛ ኣሲ ጊዲኮ
\q3 ኦሽ ኢርጺሴስ።
\q1
\v 19 ኣዛላ ኣሳ ኦጌይ
\q2 ኣጉንን ዲሬቲ ኡቲዴስ፤
\q2 ሱሬ ኣሳ ኦጌይ ጊዲኮ
\q2 ባሳ ጊዴስ።
\q1
\v 20 ኣ ኤራራ ዲዛ ናይ
\q2 ባ ኣዋ ኡፋይሴስ፤
\q2 ጊዶ ኣቲን ኤያ ናይ
\q3 ባ ኣዮ ካስ።
\q1
\v 21 ዎዚና ፓጬ ኣሲ
\q2 ባ ኤያቴን ኡፋዬቴስ፤
\q2 ጊዶ ኣቲን ኣኬኪ
\q3 ሱሬ ኦጌ ካሌስ።
\q1
\v 22 ዞሬይ ይኮ
\q2 ሃልቾይ ኦጌን ኣቴስ፤
\q2 ዳሮ ዞራንቻቲ ዲዛሶን
\q3 ሃልቾይ ፖሌቴስ።
\q1
\v 23 ኣሲ ቤሲዛ ዛሮ ኢሚዲ
\q2 ኡፋይስ ዴሜስ፤
\q2 ኮሺዛ ዎዴን ኢሜቲዳ ቃላይ
\q3 ኣይ ማላ ሎኦ!
\q1
\v 24 ዱጌ ዱፎን ዎዛ
\q2 ኦጌ ቦንታ ማላ
\q2 ዴኦ ኦጌይ ኣ ኤራንቻ
\q3 ፑዴ ካሌዉስ።
\q1
\v 25 ጎዳይ ኦቶራንቻታ
\q2 ኬ ላሌስ፤
\q2 ጊዶ ኣቲን ኣምኤይ ዛዋ ናጌስ።
\q1
\v 26 ጎዳይ ኢታታ ቆፋ ሻቴቴስ፤
\q2 ጌሻታ ቆፋይ ጊዲኮ
\q3 ኢዛ ኡፋይሴስ።
\q1
\v 27 ኡዜ ኣሲ ባሶ ኣሳ ቦላ
\q2 ሜቶ ኤሄስ፤
\q2 ጊዶ ኣቲን ማታኤ ኢጺዛ ኣሲ
\q3 ፓጻ ዳና።
\q1
\v 28 ጺሎ ኣሲ ሃሳያናፔ
\q2 ካሴቲዲ ቆፔስ፤
\q2 ጊዶ ኣቲን ኢታ ኣሳ ዶናፔ
\q3 ኢታ ቃላይ ጎጌስ።
\q1
\v 29 ጎዳይ ኢታታፔ ሃኮን ዴስ፤
\q2 ጊዶ ኣቲን ጺሎታ ዎሳ ሲዬስ።
\q1
\v 30 ፓሽካ ሃኖይ ዎዚና ኡፋይሴስ፤
\q2 ሚሺራቾ ቃላይ
\q3 ሜቄ ጪሊሊሴስ።
\q1
\v 31 ዴኦ ኢሚዛ ሴራ ኤኪዛ ኣሲ
\q2 ኣ ኤራንቻታራ
\q2 ኢሲፌ ዳና።
\q1
\v 32 ሴራ ኢጺዛ ኣሲ ባና ካስ፤
\q2 ሴራ ኤኪዛ ኣሲ ጊዲኮ
\q3 ኣኬካ ዴሜስ።
\q1
\v 33 ጎዳስ ያሺ
\q2 ኣ ኤራቴ ታማርሴስ፤
\q2 ቦንቼታና ኮዪዳ ኣሲ
\q2 ኮይሮ ባና
\q2 ካዉሻናስ ኮሼስ።
\c 16
\q1
\v 1 ኣሲ ባ ዎዚናን ሃልቼስ፤
\q2 ጊዶ ኣቲን ዛሮይ
\q3 ጎዳፔ ቤቴስ።
\q1
\v 2 ኣሲ ቢዛ ኦጌ ኡባይ
\q2 ኢዛስ ሎኦ ሚሳቴስ፤
\q2 ጎዳይ ኮይሮ ዴን ቆፋ
\q3 ጫዲ ጼሌስ።
\q1
\v 3 ኔ ኦዛ ኡባ ሃዳራ
\q2 ጎዳስ ኢማ፤
\q2 ሂስቲኮ ኔ ሃልቾይ ፖሌታና።
\q1
\v 4 ጎዳይ ኡባ ሚሽ
\q2 ሜዳ ጋሶይካ ዴስ፤
\q2 ማካላንቻታ ጊዲኮካ
\q2 ባሻ ጋላሳስ
\q2 ጊግሲ ዎዴስ።
\q1
\v 5 ጎዳይ ኦቶሬቲዛ
\q2 ኡባ ሻቴቴስ፤
\q2 ኢስቲ ቃጻዬቶንታ ኣቴቴና።
\q1
\v 6 ሲቆኒኔ ኣማኔቴን
\q2 ናጋራይ ኣቶ ጌቴቴስ፤
\q2 ጎዳስ ያሻቴን
\q2 ኣሲ ኢታፔ ሃኬስ።
\q1
\v 7 ኣሳ ሄሜታይ
\q2 ጎዳ ኡፋይሲዛዝ ጊዲኮ
\q2 ኢዛ ሞርኬቲ
\q1 ኢዛራ ሳሮ ዳና ማላ ኦስ።
\q1
\v 8 ጺሎቴን ቤቲዛ
\q2 ጉ ሚሺ
\q2 ዎርዶራ ዴሚዛ
\q2 ዳሮ ዎፔ ኣስ።
\q1
\v 9 ኣሲ ባ ዎዚናን
\q2 ባ ኦና ሚሽ ሃልቼስ፤
\q2 ሃልቾዚ ጎዳይ ጊኮ
\q2 ፖሌቴስ።
\q1
\v 10 ካዎ ሜቴርሻቲ
\q2 ጾሳፌ ኤኪዳ ማታን
\q2 ሃሳዬቴስ፤
\q3 ኢዛ ኢንጻርሲ
\q3 ፒርዳ ጌላሳናስ ቤሴና።
\q1
\v 11 ሱሬ ጌዳራቲኔ
\q2 ማካ ሚሻቲ ጎዳፔ፤
\q2 ካራጺቴ ጊዶን ዲዛ ጌዳራቲ
\q3 ኡባይ ኢዛ ኦሶታ።
\q1
\v 12 ካዎቲ ኢታ ኦሶ ሃራሴቴቴስ፤
\q2 ኣይስ ጊኮ ካዎቴ ኣራታይ
\q3 ጺሎቴን ኤቄስ።
\q1
\v 13 ጺሎ ሃሳያን ካዎቲ ኡፋዬቴቴስ፤
\q2 ቱማ ሃሳይዛይታካ ዶሴቴስ።
\q1
\v 14 ካዎ ሃንቆይ
\q2 ሃይቆ ኪታንቻ ማላ፤
\q2 ኣ ኤራንቻይ ጊዲኮ
\q3 ሃንቆ ኢርጺሴስ።
\q1
\v 15 ካዎይ ፓሽኪ ጊሺን ዴኦይ ዴስ፤
\q2 ኢዛስ ኪያቴ
\q2 ኢራ ቶኪዳ ባሳ
\q2 ሻራ ማላ።
\q1
\v 16 ኣ ኤራቴ ዴሞይ
\q2 ዎርቃ ዴሚዛይሳፌ ኣስ፤
\q2 ኣኬካ ዴሞይ
\q3 ቢራ ዴሞፔካ ኣስ።
\q1
\v 17 ሱሬታ ኦጌይ ኢታታፔ ሃኮን ዴስ፤
\q2 ባ ሄሜታ ናጊዛ ኣሲ
\q3 ባ ሼምፖ ናጌስ።
\q1
\v 18 ኦቶሮ ጌዶ ባሺ ካሌስ፤
\q2 ሃላጫ ጌዶካ
\q2 ኩንዴ ካሌስ።
\q1
\v 19 ኦቶራንቻታራ ዙፔቲዲ
\q2 ዲኢ ኤሂዳ ሚሽ
\q2 ሻኬቲ ኤካናፔ
\q2 ማንቆታራ ማንቄቴን
\q2 ዱሲ ኪያ።
\q1
\v 20 ዞሬ ኤኪዛ ኣሲ ዱሬቴስ፤
\q2 ጎዳን ኣማኔቲዛ ኣሲ
\q2 ኣንጄቲዳዴ።
\q1
\v 21 ዎዚናን ኣ ኤራንቻ ጊዲዳ
\q2 ኣሳቲ ኣኬካንቻ
\q2 ጌቴቴቴስ፤
\q2 ሎኦ ቃላይ ኤራቴ ጉጄስ።
\q1
\v 22 ባስ ሚሽ ኦዳዴስ
\q2 ኣኬካይ ዴኦ ፑልቶ፤
\q2 ዶጋታስ ጊዲኮ
\q2 ኤያቴ ሃንቆ ኤሄስ።
\q1
\v 23 ኣ ኤራንቻ ዎዚናይ
\q2 ኢዛ ዶና ካሌስ፤
\q2 ኢዛ ሜቴርሻቲካ
\q2 ኤራቴ ጉጂ ጉጂ ቤቴስ።
\q1
\v 24 ሎኦ ቃላይ
\q2 ኤሳ ኢሊሎ ማላ ማልኤስ፤
\q2 ቦላካ ማዴሲኔ
\q2 ፓስ።
\q1
\v 25 ኣሳስ ሱሬ ሚሳቲዛ ኦጌይ ዴስ፤
\q2 ጊዶ ኣቲን ዉርሴን
\q3 ሃይቆስ ጋስ።\x - \xo 16፡25 \xo*\xt ሌሚ 14፡12\xt*\x*
\q1
\v 26 ካ ኮሺ
\q2 ኣሲ ሚኒ ኦና ማላ ዴንስ፤
\q2 ጋፋይካ ኦሶስ
\q2 ሚንስ።
\q1
\v 27 ኢታ ኣሲ ኢታቴ ቆፔስ፤
\q2 ኢዛ ሃሳያይካ ጹጊዛ ታማ ማላ።
\q1
\v 28 ጌላ ኣሲ ኦሽ ዴንስ፤
\q2 ዚጊርሲ ኣማኔቲዛ
\q2 ላጌታ ሻኬስ።
\q1
\v 29 ጌኔ ኣሲ ባ ሾሮዛ ጪሜስ፤
\q2 ሎኦ ጊዶንታ ኦጌ
\q2 ኢዛ ካሌስ።
\q1
\v 30 ኣይፌራ ቂምኦቲ ቤሲዛ ኣሲ
\q2 ጌላቴ ቆፔስ፤
\q2 ባ ሜቴርሻ ሳጺዛ ኣሲ
\q3 ኢታሶ ቤስ።
\q1
\v 31 ፑሉን ቦንቾ ካላቻ፤
\q2 ሄሲ ጺሎቴ
\q2 ዱሳን ቤቴስ።
\q1
\v 32 ዎልቃማ ኣስ ጊዳናፔ
\q2 ዳንዳያ ኣስ ጊዴ ሎኦ፤
\q2 ባና ሃሪዛዴይ ካታማ ዎልቃን
\q3 ሃሪዛዴፌ ኣስ።
\q1
\v 33 ኣሲ ሳማ ዬጌስ፤
\q2 ጊዶ ኣቲን ዉርሴ ፖሎ
\q3 ኢሚዛይ ጎዳ።
\c 17
\q1
\v 1 ኦሺ ዴኢዛሶን ዴኢዛ
\q2 ጊታ ጊቢራ ማናፔ
\q2 ሳሮይኔ ዎፓይ ዴኢዛሶን
\q3 ኡኬ ሜላ ሜ ኪያ።
\q1
\v 2 ኣኬካንቻ ኣይሌስ ሹፉሮ ጊዲዳ
\q2 ባ ጎዳ ና ቦላ ማታይ ዴስ፤
\q2 ሂስቲዲ ኢሻንታ ማላ
\q3 ኢስታራ ኢሲፌ ላቴስ።
\q1
\v 3 ዎርቃይኔ ቢራይ
\q2 ታማን ፓጬቲዛይሳ ማላ
\q2 ጎዳይ ኣሳ ዎዚና ፒልጊ ጼሌስ።
\q1
\v 4 ኢታ ኣሲ ኢታ ሃሳያ ሲዬስ፤
\q2 ዎርዳንቻይካ
\q3 ጌናንቻ ሃሳያ ኤዝጌስ።
\q1
\v 5 ሂዬሳታ ቦላ ቂልጪዛ ኣሲ
\q2 ኢስታ ሜዳይሳ ጫዬስ፤
\q3 ሃራ ኣስ ጋኪዛ ሜቶን
\q3 ኡፋዬቲዛ ኣሲ
\q3 ቃጻዬቶንታ ኣቴና።
\q1
\v 6 ናይታ ናይቲ
\q2 ጪሚዳ ኣሳታስ ካላቻ፤
\q2 ዬሊዳይቲ ባንታ ናይታስ ቦንቾ።
\q1
\v 7 ሎኦ ሃሳያይ ኤያስ ጊጌና፤
\q2 ዎርዶ ሃሳያይ ዴሬ ኣይሲዛዴስ
\q3 ኣይ ማላ ዴጾ!
\q1
\v 8 ማታኤይ ኢሚዛዴስ ቢታ ማላ፤
\q2 ኢዚ ቢዳ ሶሆ ኡባን ኢዛስ
\q3 ኢንጄታና ሚሳቴስ።
\q1
\v 9 ቆሄቲዲ ባ ቆሆዛ ጌንዛ ኣሲ
\q2 ሲቆ ኮዬስ፤
\q2 ጊዶ ኣቲን ዮኦ
\q3 ዛሪ ዛሪዲ ፒቂዛ ኣሲ
\q3 ኣማኔቲዛ ላጌታ ሻኬስ።
\q1
\v 10 ኤያይ ጼቱቶ
\q2 ሊሶን ሾጪን ኤሪዛይሳፌ
\q2 ኣኬካይ ዴኢዛ ኣሲ ጮ ሴሪን
\q3 ኤሪዛይሲ ኣስ።
\q1
\v 11 ኢታ ኣሲ ማካላ ሚሽ ጻላ ኮዬስ፤
\q2 ሄሳ ጊሻስ ኢዛ ቦላ
\q2 ሜንጼ ኢታ ኣሲ ኪቴታና።
\q1
\v 12 ኤያ ኣሳራ
\q2 ኢዛ ኤያቴ ማላ
\q2 ጋይታናፔ
\q2 ማራታ ቦንቂ ኤኪቺዳ
\q3 ማሄይራ ጋይቴ ኪያ።
\q1
\v 13 ሎኦ ኦዳዴስ ኢታ
\q2 ዛሪዛዴሶፔ
\q2 ኢታይ ሙሌካ ዬና።
\q1
\v 14 ኦሽ ዶሜ ኤሌ ሃ
\q2 ፖጊ ዬዶ ማላ፤
\q2 ሄሳ ጊሻስ ኦሺ
\q2 ሜታናፔ
\q2 ካሴታዳ ኪቻይቻ።
\q1
\v 15 ዎርዳንቻ ጺሎ
\q2 ጺሎዛ ዎርዶ ጉሲ
\q2 ናምኣይካ ጎዳ ሲንን
\q3 ኢጼቲዳ ኦሶ።
\q1
\v 16 ኣ ኤራቴ ዴማናስ
\q2 ኢዚ ኮዮንታ ጊሻስ
\q2 ኤያ ኩሼን ጌሊዳ ሚሽ
\q3 ኢዛ ኣይ ጎኣኔ?
\q1
\v 17 ላጌይ ኣይ ዎዴካ ላጌ፤
\q2 ኢሻይካ ሜቶ ዎዴስ ዬሌቴስ።
\q1
\v 18 ኣኬካይ ፓጪዳ ኣሲ ባቂ ጫቂዲ
\q2 ሃራ ኣሳስ ዋሴ ጌሌስ።
\q1
\v 19 ኦሽ ዶሲዛ ኣሲ ናጋራ ዶሴስ፤
\q2 ኡባቶ ባና ቁ ሂስቲዛዴይ
\q3 ባ ቦላ ባሽ ጼይጌስ።
\q1
\v 20 ጌላ ቆፋይ ዴኢዛዴስ ኢንጄቴና፤
\q2 ዎርዶ ሃሳይዛ ኣሲካ
\q2 ሜቶን ጌሌስ።
\q1
\v 21 ኤያ ና ዬሎይ ጬጪሴስ፤
\q2 ኤያ ና ኣዋስ ኡፋይሲ ዴና።
\q1
\v 22 ኡፋዬቲዛ ዎዚናይ ሎኦ ሌ፤
\q2 ጊዶ ኣቲን ሜቂዳ ዎዚናይ
\q3 ኣሳስ ዎልቃ ይሴስ።
\q1
\v 23 ኢታ ኣሲ ፒርዳ ጌላሳናስ
\q2 ጌማን ማታኤ ኤኬስ።
\q1
\v 24 ኣኬካይ ዴኢዛ ኣሲ
\q2 ኣ ኤራቴ
\q2 ባ ሲንፌ ይሴና፤
\q3 ጊዶ ኣቲን ኤያ ኣይፌይ
\q3 ሳኣ ጋጻ ጋካናስ ዩዬስ።
\q1
\v 25 ኤያ ናይ ባ ኣዋ ጬጪሴስ፤
\q2 ባና ዬሊዳ ኣዮካ ጹጌስ።
\q1
\v 26 ጺሎ ኣስ ቃጻዮ ቤሴና፤
\q2 ሱሬ ኣስ ሾጮይ ሎኦ ጊዴና።
\q1
\v 27 ኣማርዳ ቃላ ሃሳይዛ ኣሲ
\q2 ኣ ኤራንቻ፤
\q2 ዎፓ ኣያናይ ዴኢዛ
\q3 ኣሲካ ኣኬካንቻ።
\q1
\v 28 ኤያ ኣሲ ጮኡ ጊኮ
\q2 ኣ ኤራንቻ ሚሳቴስ፤
\q2 ባ ዶናካ ሺሺ ኦይኪኮ
\q3 ኣኬካንቻ ሚሳቴስ።
\c 18
\q1
\v 1 ላጌቴ ኮዮንታ ኣሲ
\q2 ባ ኣሞ ካሌስ፤
\q2 ሱሬ ፒርዳካ ኡባ ፓልቄስ።
\q1
\v 2 ኤያይ ባ ቆፋ
\q2 ቆንጪሳናሮ ጻላ ዶሴስ፤
\q2 ጊዶ ኣቲን ሃራ ኣሳፔ
\q3 ኤራ ኤካናስ ዶሴና።
\q1
\v 3 ኢታቴ ካ ካሌስ፤
\q2 ዬላቴ ዪሺን
\q2 ካዉሻቴ ዬስ።
\q1
\v 4 ኣሳ ዶናፔ ኬኢዛ ሃሳያይ
\q2 ጪማ ሃ ማላ፤
\q3 ኣ ኤራቴ ፑልቶይካ
\q3 ጾንጌቲዛ ፒሳ ሃ ማላ።
\q1
\v 5 ኢታ ኣስ ማዲዲ፥
\q2 ጺሎዛ ፒርዳ ጌላሲዛይሲ
\q2 ሎኦ ጊዴና።
\q1
\v 6 ኤያ ኣሳ ዶናይ ኢዛ ቦላ
\q2 ኦሽ ዴንስ፤
\q2 ኢዛ ዶናፔ ኬኢዛ ቃላይ
\q3 ኢዛ ቦላ ዱርቃ ጼይጌስ።
\q1
\v 7 ኤያ ኣሳ ሃሳያይ ኢዛ ይሴስ፤
\q2 ኢዛ ሜቴርሻቲ ኢዛስ
\q3 ዎጺማዴ ጊዴቴስ።
\q1
\v 8 ዚጊራንቻ ቃላይ ማልኦ ቁማ ማላ፤
\q2 ኣሳስ ዱጌ ማራጬ ጋኬስ።
\q1
\v 9 ኣዛላ ኣሲ ይሲዛ ኣሳስ ኢሻ።
\q1
\v 10 ጎዳ ሱን ሚኖ ጊምቤ ማላ፤
\q2 ጺሎ ኣሲ ሄ ዎጺዲ
\q3 ኢታፔ ኣቴስ።
\q1
\v 11 ዱሬታ ዱሬቴ
\q2 ኢስታስ ዩሾይ
\q2 ጊምቤቲዳ ካታማ ማላ፤
\q3 ኢስቲ ባንታ ዱሬቴ ኬኤቶንታ
\q3 ኣዱሳ ጊምቤ ማላ ቆዴቴስ።
\q1
\v 12 ኣሲ ኩንዳናፔ ካሴ
\q2 ኢዛ ዎዚናይ ኦቶሬቴስ፤
\q2 ኣሽኬቴ ቦንቾፌ
\q2 ሲንቴስ።
\q1
\v 13 ሎኤ ሲዮንታ ዲሼ ዛሮይ፥
\q2 ኢዛዴስ ኤያቴኔ
\q2 ዬላ ጊዴስ።
\q1
\v 14 ኣሳ ኣያናይ
\q2 ሃርጌ ዳንዳያና ማላ ማዴስ፤
\q2 ጊዶ ኣቲን ኣያናይ
\q2 ሜቄሬቲቺኮ
\q3 ኢዛ ኦኒ ዳንዳያኔ?
\q1
\v 15 ኣኬካንቻ ዎዚናይ
\q2 ኤራቴ ኮዬስ፤
\q2 ኣ ኤራንቻ ሃይ
\q2 ሚን ኮዬስ።
\q1
\v 16 ኢሞታይ ኢሚዛዴስ ኦጌ ዶዬስ፤
\q2 ኢዛ ጊታ ኣሳታራካ ኤሪሴስ።
\q1
\v 17 ባልጋራይ ዪዲ
\q2 ባ ቃላ ኢማና ጋካናስ
\q2 ካሴቲዲ ዮኦ ሃሳይዳዴይ
\q3 ጺሎ ሚሳቴስ።
\q1
\v 18 ሳማ ዬሲ ፓላማ ቴቄስ፤
\q2 ናምኡ ዎልቃማ
\q3 ባሊጋራታካ ሻኬስ።
\q1
\v 19 ቆሄቲዳ ኢሻይ
\q2 ጊምቤቲዳ ካታማፔ
\q2 ኣ ሚኔስ፤
\q2 ኢዛ ፓላማይካ ጊምቤ ፔንጌ
\q3 ጎርዲዛ ሚኖ ኮላታ ማላ።
\q1
\v 20 ባ ዶናን ሃሳይዳዛፔ
\q2 ኣሲ ባ ኡሎ ኩንስ፤
\q2 ባ ኢንጻርሳፌ ኬኢዳ
\q2 ዮኦን ካሌስ።
\q1
\v 21 ኢንጻርሳ ቦላ ሃይቆይኔ
\q2 ዴኦ ዎልቃይ ዴስ፤
\q2 ኢዞ ዶሲዛይቲ ኢዚ ኣይፌ ሜቴስ።
\q1
\v 22 ማቾ ዴሚዳ ኣሲ
\q2 ሎኦ ሚሽ ዴሜስ፤
\q2 ሄሳዴይ ጎዳፔ
\q2 ቦንቾ ኤኬስ።
\q1
\v 23 ሂዬሳ ኣሲ ኣዳሺዲ ሃሳዬስ፤
\q2 ጊዶ ኣቲን ዱሬይ
\q2 ቺዲ ዛሬስ።
\q1
\v 24 ላጌ ዳርሲዛ ኣሲ
\q2 ባስ ሜቶ ዳሪሴስ፤
\q2 ጊዶ ኣቲን ኢሻፔ ኣዲ
\q3 ኣማኔቲዛ ላጌይ ዴስ።
\c 19
\q1
\v 1 ጌላ ዮኦ ሃሳይዛ ኢታ ኣሳፔ
\q2 ባ ዴኦን ቦሬይ ባይንዳ
\q3 ሂዬሳ ኣሲ ሎኦ።
\q1
\v 2 ኤራቴ ባይንዳ ዚልኤቴ
\q2 ሎኦ ጊዴና፤
\q2 ኤሶ ሄሜታይ ኦጌ ባሌስ።
\q1
\v 3 ኢሲ ኢሲ ኣሳይ ባ ኤያቴን
\q2 ባ ዴኦ ሞሬስ፤
\q2 ሂስቲዲ ጎዳ ቦላ ዪሎቴስ።
\q1
\v 4 ዱሬቴ ዳሮ ላጌ ሜስ፤
\q2 ጊዶ ኣቲን ማንቆቴ
\q3 ካሴ ዲዛ ላጌ ሃሴስ።
\q1
\v 5 ዎርዶ ማርካይ
\q2 ቃጻዬቶንታ ኣቴና፤
\q2 ዎርዶ ፑኪዛይካ
\q3 ቃጻዬቶንታ ኣቴና።
\q1
\v 6 ዳሮ ኣሳይ ሎኦ ሚሳታናስ
\q2 ዳና ሲንን ኣላንስ፤
\q2 ጮ ኢሚዛ ኣሳራ
\q3 ኣሲ ኡባይ ዳቦቴስ።
\q1
\v 7 ማንቆ ኢዛ ዳቦ ኡባይ ኢጼስ፤
\q2 ሂስቲን ኢዛ ላጌቲ ኣይ ኬና
\q3 ኢዛፔ ባቃታኔ!
\q2 ካሊ ኣዳሺዲካ
\q3 ኢዚ ኢስታ ዴሜና።
\q1
\v 8 ኣ ኤራቴ
\q2 ባስ ሚሽ ኦዛይ
\q3 ባና ሲቄስ፤
\q2 ኣኬካ ሲቂዛዴስ ኢንጄቴስ።
\q1
\v 9 ዎርዶ ማርካይ
\q2 ቃጻዬቶንታ ኣቴና፤
\q2 ዎርዶ ፑኪዛይካ ያና።
\q1
\v 10 ኤያቲ ኢሻሎ ዱስ
\q2 ዳናስ ቤሴና፤
\q2 ኣይሌይ ጎዳ ቦላ ጎዳቲኮ
\q3 ሄሲ ኣይ ኬና ኢታ!
\q1
\v 11 ኣ ኤራቴ
\q2 ኣስ ዳንዳያንቻ ኬሴስ፤
\q2 ቆሆ ዬ ኣ ቦንቾን ጋስ።
\q1
\v 12 ካዎ ሃንቆይ ጋሞ ጻጎ ማላ፤
\q2 ጊዶ ኣቲን ኢዛ ሲንን
\q2 ሳባ ዴሞይ
\q3 ማታ ጪሊሊሲዛ ኢራ ማላ።
\q1
\v 13 ኤያ ናይ ባ ኣዋ
\q2 ባሻስ ኣ ኢሜስ፤
\q2 ኦሽ ኤሂዛ ማቻ
\q3 ኢራ ኣዛ ኬ ማላ።
\q1
\v 14 ኬኔ ኣቆታይ
\q2 ዬሊዳይታፔ ላቴቴስ፤
\q2 ኣኬካራ ዲዛ ማቻ ጎዳፔ ቤታዉስ።
\q1
\v 15 ኣዛላቴ ዴጾ ስኮ ኤሄስ፤
\q2 ኦሶ ኦንታ ኣሲ ጋፌስ።
\q1
\v 16 ኣዛዞ ናጊዛይ
\q2 ባ ሼምፖ ናጌስ፤
\q2 ጊዶ ኣቲን
\q2 ኢዞ ኢጺዛዴይ ሃይቄስ።
\q1
\v 17 ማንቆስ ኪዪዛ ኣሲ
\q2 ጎዳስ ታልኤስ፤
\q2 ጎዳይ ሄ ሎኦ ኦሶ
\q3 ዋጋ ቃንጻና።
\q1
\v 18 ዎዴራ ኔ ና ሴራ፤
\q2 ኢዚ ሃይቆስ ቢሺን
\q3 ጮኡ ጋ ጼሎፋ።
\q1
\v 19 ኤሶን ዪሎቲዛ ኣሲ
\q2 ቃጻዬታናስ ቤሴስ፤
\q2 ኔኒ ኣጋ ኣኮ
\q3 ሃራ ዎዴካ
\q3 ኔስ ሄሳ ኦሶይ ኣቴና።
\q1
\v 20 ዞሬ ሲያ፤ ሴራካ ኤካ።
\q2 ሂስቲኮ ኔኒ ዉርሴን
\q3 ኣ ኤራንቻ ጊዳና።
\q1
\v 21 ኣሳ ዎዚናን ዳሮ ሃልቾይ ዴስ፤
\q2 ጊዶ ኣቲን
\q2 ጎዳ ቆፋይ ፖሌቴስ።
\q1
\v 22 ኣሳፔ ኮዬቲዛይ ሚኖ ሲቆ፤
\q2 ዎርዳንቻ ጊዳናፔ
\q2 ማንቆቴ ሎኦ።
\q1
\v 23 ጎዳስ ያሺ ዴኦስ ካሌስ፤
\q2 ሄሳ ማላ ኣሲ ዎፓን ዴስ፤
\q3 ኢታይካ ኢዛ ቦቼና።
\q1
\v 24 ኣዛላይ ባ ኩሼ ማዳን ዬዴስ፤
\q2 ጊዶ ኣቲን ፑዴ ባ ዶናን
\q3 ዛራናዉ ዋዬቴስ።
\q1
\v 25 ቂልጪዛዴ ሾጪኮ
\q2 ዎዚና ፓጬይ ኣኬካ ታማራና፤
\q3 ኣኬካንቻ ኣሳ ሴሪኮ
\q3 ኢዚ ኤራቴ ዴማና።
\q1
\v 26 ባ ኣዋ ቦንቂዛ ናይ፥
\q2 ባ ኣዮካ ኬሲ ዬዴዛ ናይ
\q3 ኢዚ ዬላቴኔ
\q2 ካዉሻቴ ኤሂዛ ና።
\q1
\v 27 ታ ናዞ!
\q2 ታ ዞሬ ኔ ሲዮንታ ኣጊኮ፥
\q2 ኔ ኤሪዛ ቃላካ ባላና።
\q1
\v 28 ዎርዶ ማርካይ
\q2 ሱሬ ፒርዳ ቦላ ቂልጬስ፤
\q2 ኢታ ኣሳ ዶናይ
\q3 ኢታቴ ባንቺኬስ።
\q1
\v 29 ቂልጪዛይታስ ፒርዳይ፥
\q2 ኤያታ ዞኮስ ሊሶይ
\q3 ጊጊ ኡቲዴስ።
\c 20
\q1
\v 1 ማሲዛ ኡሺ ኡዪዛይ
\q2 ቂልጪዛዴኔ ኤያ ጊዴስ፤
\q2 ሃይታንታን ባሌቲዳ ኡባይ
\q3 ኣ ኤራንቻ ጊዴና።
\q1
\v 2 ካዎ ሃንቆይ ጋሞ ጻጎ ማላ፤
\q2 ኢዛ ዪሎቺዛይ
\q3 ባ ሼምፖ ቦላ ፒርዴስ።
\q1
\v 3 ፓላማፔ ሃኮይ
\q2 ኢዛዴስ ቦንቾ፤
\q2 ጊዶ ኣቲን ኤያ ኣሲ ኡባይ
\q3 ኦሻስ ኤሶቴስ።
\q1
\v 4 ኣዛላ ጎሻንቻይ
\q2 ዎዴራ ጎዬና፤
\q2 ካ ሺሺዛ ዎዴ
\q2 ሺሻናስ ኮዬስ፤
\q3 ጊዶ ኣቲን ኣይኮካ ዴሜና።
\q1
\v 5 ኣሳ ዎዚና ሃልቾይ
\q2 ጪማ ኦላን ዴኢዛ
\q2 ሃ ማላ፤
\q3 ጊዶ ኣቲን ዎዚናማ ኣሲ
\q3 ሄፔ ዱቂ ኬሴስ።
\q1
\v 6 ዳሮ ኣሳቲ ባንታ
\q2 ኪያቴ ዮቴቴስ፤
\q2 ጊዶ ኣቲን ኣማኔቲዛ ኣስ
\q3 ኦኒ ዴማናስ ዳንዳይዜ?
\q1
\v 7 ጺሎ ኣሲ ቦሬይ ባይንዳ ዴኦ ዴስ፤
\q2 ኢዛፔ ካሊዲ
\q2 ኢዛ ናይቲካ ኣንጄቲዳይታ።
\q1
\v 8 ካዎይ ፒርዳናስ ባ ካዎቴ
\q2 ኣልጋን ኡቲዛ ዎዴ
\q2 ኢታ ኡባ ባ ኣይፌታን
\q3 ሃርቂዲ ኬሴስ።
\q1
\v 9 «ታ ዎዚና ጌሻዲስ፤
\q2 ታ ጌሻ፤
\q2 ታናን ናጋራይ ባዋ»
\q3 ጋናይ ኦኔ?
\q1
\v 10 ጎዳይ ዎርዶ ሜዛኔኔ
\q2 ናምኡ ቆሞ ጌዳራ
\q2 ሚሽ ኢጼስ።
\q1
\v 11 ናይ ጌሺኔ ሱሬ ጊዲዛይሲ
\q2 ኢዚ ኦዛ ኦሶን ኤሬቴስ።
\q1
\v 12 ሲዪዛ ሃይኔ ጼሊዛ ኣይፌ፥
\q2 ኢስታካ ጎዳይ ሜዴስ።
\q1
\v 13 ስኮ ሲቆፓ!
\q2 ኔ ሂስቶንታ ኣጊኮ ማንቃና።
\q2 ሚናዳ ኦ፤
\q3 ሂስቲኮ ኔኒ ካ ካላና።
\q1
\v 14 ሻሚዛ ኣሲ፥
\q2 «ሃይሲ ኣልኦ! ቆሄስ!» ጌስ፤
\q2 ጊዶ ኣቲን ሻሚ
\q2 ሲሚዳፔ ጉዬን፥
\q3 «ሂራይሶን ሻማዲስ»
\q3 ጊዲ ጬቄቴስ።
\q1
\v 15 ኤራይ ኩሚዳ ቃላ ሃሳይዛ
\q2 ሜቴርሻቲ ዎርቃፌኔ
\q2 ዞኦ ኢንቁፌካ
\q3 ኣ ጌጼ።
\q1
\v 16 ኤሮንታ ኣሳስ
\q2 ዋሴ ጌሊዛ ኣሳ ማይኦ
\q2 ቃሪ ኤኪቴ፤
\q2 ሃዉሻ ማጫሳስ
\q2 ዋሴ ጌሊዛ ኣስ ኦይኪቴ።\f + \fr 20፡16 \fr*\ft ሃዉሻ ማጫስ ጊዛይሳስ ቢርሼይ ካዉሻ ጉሳ።\ft*\f*
\q1
\v 17 ዎርዶን ዴሚዳ ካ ማልኤስ፤
\q2 ጊዶ ኣቲን ኣቂ ፔኢዲ
\q3 ዶናን ኣጬ ጊዴስ።
\q1
\v 18 ዞሬ ኤካዳ ሃልቾ ሃልቻ፤
\q2 ዞሬ ኤኮንታ ዴኣሼ
\q2 ኦላስ ቦፓ።
\q1
\v 19 ዚጊራንቻይ ጹራ ላሌስ፤
\q2 ሄሳ ጊሻስ ሎምኡሎምኣ
\q3 ኣሳፔ ሃካ።
\q1
\v 20 ባ ኣዋ ዎይኮ
\q2 ባ ኣዮ ጫዪዛዴስ፥
\q2 ጾምፔይ ሳካና
\q2 ማን ቶኣና።
\q1
\v 21 ኮይሮራ ኤሶን ቤቲዳ ኣቆታስ
\q2 ዉርሴን ኣንጆይ ዴና።
\q1
\v 22 ኔሲ ኢታ ኦዳ ኣሳስ፥
\q2 «ታኒ ኢዛስ ሃሎ ኬሳና» ጎፓ፤
\q3 ጎዳን ኣማኔታዳ ናጋ፤
\q3 ኢዚ ኔና ኣሻና።
\q1
\v 23 ጎዳይ ዎርዶ ሜዛኔን
\q2 ኡፋዬቴና
\q2 ናምኡ ቆሞ ጌዳራ
\q2 ሚሽ ኢጼስ።
\q1
\v 24 ኣሳይ ባናስ ቤሲዛ ኦጌ
\q2 ጎዳይ ካሌስ፤
\q2 ሂስቲን ኣሲ ባርካ
\q3 ባ ባና ኦጌ
\q3 ዎስቲ ኣኬካናስ ዳንዳይዜ?
\q1
\v 25 ኢሲ ሚሽ ኤሶቲዲ፥
\q2 «ሃይሳ ታኒ ጾሳስ ኢማና»
\q3 ጊዲ ኣዲኔቲዳፔ ጉዬ
\q3 ዚልኤቴ ኣስ ኦይኪዛ ያርዴ።
\q1
\v 26 ኣ ኤራቴ ዲዛ ካዎይ
\q2 ማካላንቻታ ሻኪ ኤሬስ፤
\q3 ኢዚ ኢስታ ቃቶንታ ቃጻዬስ።
\q1
\v 27 ኣሳ ኣያናይ ጎዳ ጾምፔ፤
\q2 ሄሳ ጊሻስ
\q2 ጊዶ ኣሳቴ ኡባ
\q3 ኢዚ ፒልጊ ጼሌስ።
\q1
\v 28 ኪያቴኔ ቱማቴ
\q2 ካዎ ናጌቴስ፤
\q2 ኢዛ ካዎቴ ኣራታይካ
\q3 ሲቆን ሚኔስ።
\q1
\v 29 ዬላጋታ ዎልቃይ ኢስታስ ቦንቾ፤
\q2 ጪማታ ፑሉን
\q2 ኢስታስ ቦንቾ።
\q1
\v 30 ሚኖ ቂጻቴይ ኢታቴ ዲጌስ፤
\q2 ዋይ ኢታ ዎዚና ላሜስ።
\c 21
\q1
\v 1 ካዎ ዎዚናይ
\q2 ጎዳ ኩሼን ዴስ፤
\q2 ኢዚ ኢዛ ዎዚና
\q2 ጎጊዛ ሃ ማላ
\q2 ባ ዶሲዳሶ ዛሬስ።
\q1
\v 2 ኣሲ ቢዛ ኦጌይ ኢዛዴስ
\q2 ሱሬ ሚሳቴስ፤
\q2 ጎዳይ ጊዲኮ
\q2 ዎዚና ፒልጊ ጼሌስ።
\q1
\v 3 ያርሾፌ ቦላራ ጺሎኔ
\q2 ሱሬ ፒርዳ ጎዳይ ዶሴስ።
\q1
\v 4 ኦቶሮይኔ ሃላጫይ
\q2 ኢታ ኣሳታ ቤሲዛ ማላታ፤
\q2 ሄሲካ ናጋራ።
\q1
\v 5 ሚኖ ኦሳንቻ
\q2 ሃልቾይ ዱሬሴስ፤
\q2 ጊዶ ኣቲን ቢቻሪሲ ማንቂሴስ።
\q1
\v 6 ዎርዶቲዲ ዳጋሲዳ ኣቆታይ
\q2 ይዛ ፔንታ ማላ፤
\q2 ቃሴካ ዎዛ ዎጺማዴ ማላ።
\q1
\v 7 ኢታቲ ሱሬ ኦሶ ዶሶንታ ጊሻስ
\q2 ኢታታ ኢስታ ማካላቴ
\q2 ይሳና።
\q1
\v 8 ሞራንቻቲ
\q2 ጌላ ኦጌራ ሄሜቴቴስ፤
\q2 ጊዶ ኣቲን ጌሻቲ ሱሬ ሃኔቴስ።
\q1
\v 9 ዱናማ ማቺራ ዳናፔ
\q2 ኬ ዳራንቻን
\q2 ኣቆይ ሎኦ።
\q1
\v 10 ኢታቲ ኢታ ሚሽ ኦናስ
\q2 ኬሂ ኣሞቴቴስ።
\q2 ኢዛ ላጌይ ኢዛፔ
\q2 ቃታ ዴሜና።
\q1
\v 11 ቂልጪዛዴይ ቃጻዬቲዳ ዎዴ
\q2 ዎዚናይ ፓጪዳ ኣሲ
\q3 ኣ ኤራቴ ታማሬስ፤
\q2 ዎዚናማ ኣሲካ ታማርዲ
\q3 ኤራቴ ዴሜስ።
\q1
\v 12 ጺሎ ጾሳይ ኢታታሶን
\q2 ኦሴቲዛ ኡባ ጫዲ ጼሌስ፤
\q2 ኢስታ ሙሌራ ይሴስ።
\q1
\v 13 ማንቆ ዋሶ ሲያናፔ ጊዲ
\q2 ባ ሃይ ቱጪኮ
\q2 ኢዚካ ዋሲዛ ዎዴ
\q3 ኣሊዛ ኣሲ ያና።
\q1
\v 14 ጌማን ኢሚዛ ኢሞታይ
\q2 ሃንቆ ዶሺሴስ፤
\q2 ኣፋላ ጊዶራ ኢሚዳ ማታኤይ
\q3 ሱሌ ሃንቆ ኢርጺሴስ።
\q1
\v 15 ሱሬ ፒርዳይ ጺሎታ ኡፋይሴስ፤
\q2 ኢታ ኦዛይታ ጊዲኮ
\q2 ሺሮሴስ።
\q1
\v 16 ኣኬካ ኦጌፔ ካሬ ኬዚዛ ኣሲ
\q2 ሞይቲሌ ዱላታን ሼምፔስ።
\q1
\v 17 ሃላጫ ዱስ ዳና
\q2 ኮይዛ ኣሲ ማንቄስ፤
\q2 ኡሺኔ ሙስ
\q2 ጎዲዛ ኣሲ ዱሬቴና።
\q1
\v 18 ጺሎታ ቦላ ዪዳ ሜቶይ
\q2 ኢታታ ቦላ ሲማና፤
\q2 ሱሬ ኣሳታ ቦላ ዪዳ ሜቶይ
\q3 ኣማኔቶንታይታ ቦላ ጋካና።
\q1
\v 19 ዎጫሚዛኔ ዶናቲዛ
\q2 ማቺራ ዳናፔ
\q2 ባዞን ዱሲ ኪያ።
\q1
\v 20 ዎዚናማ ኣሳ ሶን
\q2 ማልኦ ቁማይኔ
\q3 ዛይቴይ ዳጋቲ ዴስ፤
\q2 ጊዶ ኣቲን ኤያ ኣሲ
\q3 ባስ ዲዛይሳ፥ ባይንዳ
\q3 ኡባ ዲፒ ሂስቲ ሜስ።
\q1
\v 21 ጺሎቴኔ ሲቆ
\q2 ካሊዛዴይ ዴኦ፥
\q2 ዱሬቴኔ
\q2 ቦንቾ ዴሜስ።
\q1
\v 22 ዎዚናማ ኣሲ
\q2 ዎልቃማ ኦላንቻቲ ዲዛ
\q2 ካታማ ሜን ጌሌስ፤
\q3 ኢስቲ ኣማኔቲዳ ሚጻታካ
\q3 ላሊ ዬጌስ።
\q1
\v 23 ባ ዶናኔ ባ ኢንጻርስ ናጊዛ ኣሲ
\q2 ባና ቦሻፔ ናጌስ።
\q1
\v 24 ኦቶራንቻይኔ ሃላጫ ኣሲ
\q2 ቂንቻ ጌቴቴስ፤
\q3 ኢዚ ኦቶሮ ሃኖ ሃኔስ።
\q1
\v 25 ኣዛላ ኣሞይ ዎስ፤
\q2 ኣይስ ጊኮ
\q2 ኢዚ ኦናስ ኮዬና።
\q1
\v 26 ኣዛላይ ጋላስ ኩሜ
\q2 ኣሞቲሼ ፔኤስ፤
\q2 ጺሎይ ጊዲኮ ኡዜቶንታ ኢሜስ።
\q1
\v 27 ኢታ ኣሳ ያርሾይ ሃራሴስ፤
\q2 ኢታ ቆፋን ሺሺዛ ጊዲኮ
\q3 ኣይ ማላ ኢታ ጊዳኔ?
\q1
\v 28 ዎርዶ ማርካይ ያና፤
\q2 ጊዶ ኣቲን ቱሙ ማርካቲዛይ
\q3 ሚኒዲ ዴኣና።
\q1
\v 29 ኢታ ኣሲ ቤሶንታዝ ጻላ ጻሌስ፤
\q2 ጊዶ ኣቲን ሱሬ ኣሲ
\q2 ዩሺ ቆፔስ።
\q1
\v 30 ኣሲ ባ ኤራን፥ ኣኬካኒኔ
\q2 ሃልቾን ጎዳራ
\q2 ኤቄታናስ ዳንዳዬና።
\q1
\v 31 ኦላ ጋላሳስ ፓራ ጊጊሴስ፤
\q2 ጊዶ ኣቲን ጾኖይ
\q2 ጎዳፔ ዬስ።
\c 22
\q1
\v 1 ሎኦ ሱን
\q2 ዳሮ ዱሬቴፌ ኣስ፤
\q2 ኣሳ ማታን ቦንቼቴካ
\q2 ቢራፔኔ ዎርቃፌ ኣስ።
\q1
\v 2 ዱሬኔ ማንቆ ኡባ
\q2 ጎዳይ ሜዴስ፤
\q2 ሄሳን ኢስታ ናይካ ኢሲ ጊና።
\q1
\v 3 ኣኬካንቻ ኣሲ ኢታ ቤኢዲ
\q2 ኣታናስ ባቃቴስ፤
\q2 ጊዶ ኣቲን ኣኬካይ ፓጪዳ ኣሲ
\q3 ሜቶን ጌሊዲ ቆሄቴስ።
\q1
\v 4 ኣሽኬቴኔ ጎዳስ ያሺ፥
\q2 ዱሬቴ፥ ቦንቾኔ
\q2 ዴኦ ኢሜስ።
\q1
\v 5 ኢታ ኣሳ ኦጌን ኣጉንኔ
\q2 ያርዴይ ዴስ፤
\q2 ጊዶ ኣቲን ባና ናጊዛ ኣሲ
\q3 ሄሳፌ ሃኬስ።
\q1
\v 6 ናይ ዋኒዲ ዴኣና ቤሲዛኮ
\q2 ታማርሳ፤
\q2 ሂስቲኮ ኢዚ ጪሚዲካ
\q3 ሄሳፌ ሃኬና።
\q1
\v 7 ዱሬይ ማንቆ ሃሬስ፤
\q2 ታልኤ ኤኪዳዴይ ታልኤ
\q3 ኢሚዳዴስ ኣይሌ ጊዴስ።
\q1
\v 8 ኢታቴ ዜሪዛ ኣሲ ዋዬ ጫኬስ፤
\q2 ኢዛ ሃንቆ ጉፌይ ያና።
\q1
\v 9 ኪያ ኣሲ ኣንጄቴስ፤
\q2 ባ ቁማፔካ ሂዬሳስ ኢሜስ።
\q1
\v 10 ቂልጪዛ ኣስ ዲጋ፤
\q2 ሂስቲኮ ፓላማይ ኣታና፤
\q3 ኦሺኔ ጫሺካ ያና።
\q1
\v 11 ዎዚና ጌሻቴ ዶሲዛ ኣሲኔ
\q2 ዶናፔ ሎኦ ሃሳይዛ ኣሳራ
\q3 ካዎይ ላጌቴስ።
\q1
\v 12 ጎዳ ኣይፌቲ ኤራቴ ናጌቴስ፤
\q2 ጊዶ ኣቲን ዎርዳንቻታ ቃላ
\q3 ሃዳ ኬሴስ።
\q1
\v 13 ኣዛላ ኣሲ፥
\q2 «ጋሞይ ካሬን ዴስ፤
\q2 ታና ኦጌን ዎና» ጌስ።
\q1
\v 14 ላይማ ማጫሳ ዶናይ
\q2 ጪማ ኦላ ማላ፤
\q2 ጎዳይ ሃንቄቲዳ ኣሲ
\q3 ኢዚን ዉሌስ።
\q1
\v 15 ና ዎዚና ኤያቴ
\q2 ባቂ ኦይኬስ፤
\q2 ጊዶ ኣቲን ሴራ ሾች
\q3 ኢዛፔ ሃሴስ።
\q1
\v 16 ባስ ኣቆታ ጉጃና ጊዲ
\q2 ሂዬሳ ናቂዛይኔ
\q2 ዱሬሲ ኢሞታ ኢሚዛይ
\q3 ናይካ ማንቃና።
\b
\s ኣ ኤራንቻ ዞሬ ሄ ታማታ
\q1
\v 17 ኣ ኤራንቻ ዞሬ
\q2 ዎዚናፔ ሲያ፤
\q2 ኔ ዎዚናይካ
\q2 ታ ቲሚርቴኮ ሲሞ!
\q1
\v 18 ኣይስ ጊኮ
\q2 ኢስታ ኔ ዎዚናን ዎኮ፥
\q2 ኔ ዶናንካ
\q2 ኢስታ ኡባ ሃሳይኮ
\q3 ኔ ኡፋዬታና።
\q1
\v 19 ኔ ኣማኖይ
\q2 ጎዳን ጊዳና ማላ
\q2 ታኒ ኔና ሃች ታማርሳይስ።
\q1
\v 20 ታኒ ኔሲ ዞሬኔ
\q2 ኤራቴ ኢሚዛ
\q2 ሎኦ ቲሚርቴታ ጻፋቤኪና?
\q1
\v 21 ኔና ኪቲዳይሳስ ቤሲዛ
\q2 ዛሮ ዛራና ማላ፥
\q2 ታኒ ኔና ቱማኔ
\q2 ኣማኔቲዳ ቃላታ
\q3 ታማርሳና ማላ ጊዴኔ?
\q1
\v 22 ሂዬሳታሲ ኣይኮይካ ባይንዳ
\q2 ጊሻስ ኢስታ ቦንቆፋ፤
\q2 ሺሎታንካ ሜቶታንቻታ
\q2 ዋዪሶፓ።
\q1
\v 23 ኣይስ ጊኮ ጎዳይ
\q2 ኢስታ ጊሻስ ሞቴታና፤
\q2 ኢስታ ቦንቂዳይታካ
\q2 ኢዚ ቦንቃና።
\q1
\v 24 ሃንቄቲዛ ኣሳራ ላጌቶፓ፤
\q2 ሃንቄታናስ ኤሶቲዛ
\q3 ኣሳራካ ዙፔቶፓ።
\q1
\v 25 ኔኒ ኢዛ ሃኖዛ ሜዜቲኮ፥
\q2 ጉዬፔ ኣጋናዉ ዳንዳያካ።
\q1
\v 26 ዋሴ ጌላናስ ጫቆፋ፤
\q2 ኣሳ ኣጮ ቃንጻናስ
\q2 ዋሴ ጌሎፓ።
\q1
\v 27 ኔሲ ቃንጺዛዚ ይኮ፥
\q2 ኔ ኢቺዛ ኣልጋይካ
\q3 ኣቶንታ ኤኬታና።
\q1
\v 28 ኔ ኣዋቲ ኤሲዳ
\q2 ቤኒሶፌ ዲዛ ዛዋ ሾዶፋ።
\q1
\v 29 ባ ኦሶን ሎሂዳ ኣስ ቤያዲ?
\q2 ኢዚ ካዎታስ ኦሲፔ ኣቲን
\q3 ቤሶንታ ኣሳታስ ኦና።
\c 23
\q1
\v 1 ኔኒ ዴሬ ሃሪዛይሳራ
\q2 ካ ማናስ ኡቲዳ ዎዴ፥
\q2 ኔ ሲንን ዴኢዛይሳ
\q3 ሎኤዳ ኣኬካ።
\q1
\v 2 ኔኒ ዳሮ ዮራ ኣስ ጊዲኮ፥
\q2 ኬሂፔ ናጌታ።
\q1
\v 3 ኢዚ ኔና ፓጫናስ
\q2 ዳንዳይዛ ጊሻስ፥
\q2 ሺቂዳ ማልኦ ቁማስ ዪቄቶፓ።
\q1
\v 4 ዱሬታና ጋዳ ዳቡሮፓ፤
\q2 ሃይሳ ማላ ቆፋ ኣጋናስ
\q3 ኣኬካንቻ ጊዳ።
\q1
\v 5 ሄሳ ማላ ዱሬቴ ቦላ
\q2 ኔኒ ኔ ኣይፌ ዎኮ
\q2 ሄራ ያና፤
\q2 ቄፌ ኬሲዳ ጎሌ ካፎ ማላ
\q3 ሳሎራ ፓላና።
\b
\q1
\v 6 ኡዜ ኣሳ ካ ሞፓ፤
\q2 ማልኢዛ ኢዛ ካ
\q2 ማናስ ኣሞቶፋ።
\q1
\v 7 ቆፔ ቆሞን ኢዚ ኔና፥
\q2 «ማ፤ ኡያ» ጌሲፔ ኣቲን
\q3 ኢዛ ዎዚናይ ኔናራ ዴኤና።
\q1
\v 8 ኔኒ ሚዳ ጉ ካይካ
\q2 ኔና ጮሻና፤
\q2 ኔ ጋላታይካ ሃዳ ጊዳና።
\b
\q1
\v 9 ኤያራ ሃሳዮፓ፤
\q2 ኣይስ ጊኮ
\q2 ኔ ኣ ኤራ ሃሳያ
\q3 ኢዚ ካና።
\q1
\v 10 ቤኒሶፌ ዲዛ ሳ ሾዶፋ።
\q2 ቃሴ ዪኦ ናይታ ጋዴ ሱጎፓ፤
\q2
\v 11 ኣይስ ጊኮ ኢስታ
\q2 ኣሺዛ ጎዳይ ሚኖ፤
\q2 ኢዚ ኢስታ ጊሻስ ኔናራ ሞቴታና።
\q1
\v 12 ኔ ዎዚና ዞሬስ፥
\q2 ኔ ሃይካ ኤራቴ
\q2 ቃላኮ ዛራ።
\b
\q1
\v 13 ኔ ና ሴራናፔ ጉዬ ጎፓ፤
\q2 ኔኒ ቂርጩንቻን ሾጪኮ
\q3 ኢዚ ሃይቄና።
\q1
\v 14 ኔኒ ቂርጩንቻን ሾጫ፤
\q2 ኢዛ ሼምፖ ሃይቆፔ ኣሻ።
\q1
\v 15 ታ ናዞ!
\q2 ኔ ዎዚናይ ኣ
\q2 ኤራንቻ ጊዲኮ
\q2 ታ ዎዚናይካ ኡፋዬቴስ።
\q1
\v 16 ኔ ኢንጻርሳይ ሱሬ ሃሳይዛ ዎዴ
\q2 ታ ዎዚናይ ኡፋዬቴስ።
\b
\q1
\v 17 ናጋራንቻታ ቦላ ቃናቶፓ፤
\q2 ጊዶ ኣቲን ኡባቶ ጎዳስ
\q3 ያሻቴ ኣጎፋ።
\q1
\v 18 ሂስቲኮ ኔስ ሲንፌ ኪያና፤
\q2 ኔ ሂዶታይ ሃዳ ጊዴና።
\b
\q1
\v 19 ታ ናዞ! ሲያ፤ ዎዚናማ ጊዳ፤
\q2 ኔ ዎዚናይ ሱሬ ኦጌፔ
\q2 ካሬ ኬዞፖ።
\q1
\v 20 ዳሮ ዎይኔ ኡሹ ኡዪዛይታራኔ
\q2 ኣሾ ሙሳስ
\q2 ያሬቲዛይታራ ዙፔቶፓ።
\q1
\v 21 ኣይስ ጊኮ ማቲዛይቲኔ
\q2 ዮራቲ ማንቃና፤
\q2 ስኮ ዳሮይ ጫርቃ ማይዜስ።
\b
\q1
\v 22 ኔና ዬሊዳ ኣዋይ ዮቲዛይሳ ሲያ፤
\q2 ኔ ኣዪያካ
\q2 ጬጊዳ ዎዴ ካፓ።
\q1
\v 23 ቱማ ሻማፌ ኣቲን
\q2 ሙሌካ ባይዞፓ፤
\q2 ኣ ኤራቴ፥ ሴራኔ
\q3 ኣኬካ ኔስ ሚሼ ኦ።
\q1
\v 24 ጺሎ ና ኣዋይ
\q2 ኬሂፔ ኡፋዬቴስ፤
\q2 ዎዚናማ ና ዬሊዳ ኣሲካ
\q3 ኢዛን ኡፋዬቴስ።
\q1
\v 25 ኔ ኣዋይኔ ኔ ኣያ ኡፋዬቴቶ፤
\q2 ኔና ዬሊዳራካ ኡፋዬቱ።
\b
\q1
\v 26 ታ ናዞ!
\q2 ኔ ዎዚና ሃ ታኮ ዛራ፤
\q2 ኔ ኣይፌቲ ታ ኦጌፔ
\q3 ካሬ ኬዞፔቶ።
\q1
\v 27 ኣይስ ጊኮ ላይማ ማጫሳያ
\q2 ጪማ ኦላ ማላ፤
\q2 ላጌ ማቻ
\q2 ጹን ኦላ ማላ።
\q1
\v 28 ኢዛ ፓንጋ ማላ ዛማዳ ናጋዉስ፤
\q2 ኣማኔቶንታ ኣዴታ
\q3 ዴሬ ጊዶን ዳርሳዉስ።
\b
\q1
\v 29 «ዎ!» ጊዛ ዋሶይ ኦሴ?
\q2 ጬጬይ ኦሴ? ኦሺ ኦሴ?
\q2 ዙዙን ኦሴ?
\q2 ጋሶይካ ባይንዳ
\q2 ማዱን ኦሴ?
\q3 ኣይፌይ ዞኢዛይ ኦሴ?
\q1
\v 30 ዎይኔ ኡሹ ኡዪሼ
\q2 ጋምኢዛይታስ ጊዴኔ?
\q2 ዋላኬቲዳ ዎይኔ ኡሹ
\q2 ዩዪ ዩዪ
\q2 ጋንጺዛይታስ ጊዴኔ?
\q1
\v 31 ዎይኔ ኡሺ ዞኢዳ ዎዴ፥
\q2 ኢዛ ሜይ ቢሪሌ ጊዶን
\q3 ጶሊዛ ዎዴ፥
\q2 ዱቂሺን ጮሮሩ ጊ ጌሊዛ ዎዴ
\q3 ኢዛ ቲሺ ሂስታ ጼሎፋ።
\q1
\v 32 ዉርሴን ኢዚ
\q2 ሾሻ ማላ ዱኬስ፤
\q2 ጎፔ ሾሻ ማላካ
\q2 ባ ዪሻ ፑኬስ።
\q1
\v 33 ኔ ኣይፌይ ቤዪ ኤሮንታዝ ቤያና፤
\q2 ኔ ዎዚናይካ ኤሉሜታና።
\q1
\v 34 ኔኒ ኣባ ጊዶን ዲዛ
\q2 ማርካቤ ጼራን
\q2 ኢቺዳ ኣሳ ማላ ጊዳና።
\q1
\v 35 ኔኒ፥ «ኢስቲ ታና ዴቺዳ፤
\q2 ጊዶ ኣቲን ታኒ ቆሄታቤኬ፤
\q3 ኢስቲ ታና ዋዳ፤
\q3 ጊዶ ኣቲን ታስ ኤሬቲቤና።
\q2 ሃራ ኡሻ ኡያናስ
\q2 ታኒ ኣዉዴ
\q2 ዴንዳንዲናሻ?» ጋና።
\c 24
\q1
\v 1 ታ ናዞ! ኢታ ኣሳታ ማላ
\q2 ጊዳርኪና ጎፓ፤
\q2 ኢስታራ ላጌቴካ
\q2 ኔና ሎኦፖ።
\q1
\v 2 ኢስቲ ኡባቶ ማካላ
\q2 ሚሽ ማቄቴቴስ፤
\q2 ባንታ ኢንጻርሳንካ
\q2 ጌኔ ሃሳዬቴስ።
\q1
\v 3 ኬ ኣ ኤራቴን
\q2 ኬጼቴስ፤
\q2 ኣኬካንካ ሚኔስ።
\q1
\v 4 ኤራይ ዴኢኮ፥
\q2 ኬ ኣልኦኒኔ
\q3 ሎኦ ሚሻን ኩሜስ።
\b
\q1
\v 5 ዎዚናማ ኣሳስ ጊታ ዎልቃይ ዴስ፤
\q2 ኤራንቻ ኣሲካ
\q2 ሚኖቴ ጉጄስ።
\q1
\v 6 ኦላ ኦሌታናስ ኔስ ሎኦ ዞሬ
\q2 ጾኖ ዴማናስካ
\q3 ዳሮ ዞራንቻታ ኮሼስ።
\b
\q1
\v 7 ኤያ ኣሲ ኣ ኤራቴፌ
\q2 ኬሂ ሃሆን ዴስ፤
\q2 ዱላታ ሲንን ኤቂዲ
\q3 ሃሳያና ዳንዳዬና።
\b
\q1
\v 8 ኢታ ኦናስ ሃልቺዛ ኣሲ
\q2 «ጌናንቻ» ጌቴቴስ።
\q1
\v 9 ኤያቴ ቆፋይ ናጋራ፤
\q2 ቂልጪዛዴ ኣሲ ኢጼስ።
\b
\q1
\v 10 ኔኒ ሜቶ ጋላስ ላፊኮ፥
\q2 ኔ ዎልቃይ ኣይ ማላ ጉ?
\b
\q1
\v 11 ሃይቆስ ላጌቲ ቢዛይታ ኣሻ፤
\q2 ሹኬታናስ ጎሼቲ
\q2 ቢዛይታ ኣሻ።
\q1
\v 12 ኔኒ፥ «ታ ሃይሳ ኤሪኬ» ጊኮ፥
\q2 ዎዚና ፒልጊ ኤሪዛይሲ
\q3 ኢዚ ኣኬኬኔ?
\q2 ኔ ሼምፖ ናጊዛይሲ ኤሬኔ?
\q2 ኣስ ኡባስ ኢዛ
\q3 ኦሶ ኦሶ ማላ ኢሜኔ?
\b
\q1
\v 13 ታ ናዞ!
\q2 ሎኦ ጊዲዳ ጊሻስ ኤሳ ማ፤
\q2 ኢሊሎ ኤሲ ዶናን ማልኤስ።
\q1
\v 14 ኣ ኤራቴካ ሄሳ ማላ፤
\q2 ኢዚ ኔ ሼምፖስ
\q3 ማልኦ ጊዲዳይሳ ኤራ።
\q2 ኔኒ ኢዞ ዴሚዛ ጊዲኮ
\q2 ዎንቶ ኔስ ዜምፖ ጊዳና፤
\q2 ኔ ሂዶታይካ ሃዳ ጊዴና።
\b
\q1
\v 15 ጺሎ ኣሳ ኬ ቦንቃናስ
\q2 ፓንጋ ማላ ዛማዶፓ፤
\q2 ኢዛ ኬ ቦላ ሜቶ ጋፋ።
\q1
\v 16 ጺሎ ኣሲ
\q2 ላፑንቶ ኩንዲኮካ ዴንዴስ፤
\q2 ጊዶ ኣቲን ኢታቲ
\q3 ሜቶን ዬቴስ።
\q1
\v 17 ኔ ሞርኬይ
\q2 ኩንዲዛ ዎዴ ኡፋዬቶፋ፤
\q2 ኢዚ ጴቲዛ ዎዴካ
\q3 ኔ ዎዚናን፥ «ሃሹ!» ጎፓ።
\q1
\v 18 ኔ ሂስቶንታ ኣጊኮ
\q2 ጎዳይ ሄሳ ቤኢዲ ኡፋዬቴና፤
\q2 ኢዚ ባ ሃንቆዛ
\q3 ኔ ሞርኬዛ ቦላፌ ዛራና።
\b
\q1
\v 19 ኢታ ኣሳታ ኦሶን ጬጮፓ፤
\q2 ኢስታ ማላ ጊዳርኪና ጎፓ።
\q1
\v 20 ኢታ ኣሳስ ሂዶታይ ባዋ፤
\q2 ኢታታ ጾምፔይ ቲፒ ጊዲ ቶኣና።
\b
\q1
\v 21 ታ ናዞ! ጎዳሲኔ
\q2 ካዋስ ያያ፤
\q2 ማካሊዛይታራካ ዙፔቶፓ።
\q1
\v 22 ኣይስ ጊኮ ሄሳ ማላ ኣሳታ
\q2 ቆፖንታ ሜቶይ ጋኬስ፤
\q2 ካዎፔኔ ጎዳፔ ያና
\q2 ሜቶ ኦኔ ኤሪዛይ?
\s ኣ ኤራንቻይ ጉጂ ዮቲዳ ሃራ ሌሚሶታ
\p
\v 23 ኣ ኤራንቻቲ
\q2 ጉጂዲካ ሃይሳ ጊዳ፤
\q1 ፒርዲሼ ማዶ ፒርዳይ
\q2 ሎኦ ጊዴና።
\q1
\v 24 ሞራንቻ፥ «ኔኒ ጺሎ» ጊዛዴ
\q2 ዴሬይ ቃንጌስ፤
\q2 ካዎቴቲካ ኢዛ ሂሌቴስ።
\q1
\v 25 ጊዶ ኣቲን ሞራንቻ፥
\q2 «ኔኒ ሞራዳሳ» ጊዛይታ
\q2 ኢስታራ ሎኦ ሚሺ ጋይታና፤
\q2 ኢስታስ ኬሂ ዳሮ ኣንጆይ ያና።
\b
\q1
\v 26 ሱሬ ዛሮ ኢሞይ
\q2 ዶና ዬሬቴ ማላ።
\b
\q1
\v 27 ካሴታዳ ኔ ካሬን ዲዛ ኦሶ ኦ፤
\q2 ኔ ጎሻ ጊጊሳ፤
\q3 ሄሳፌ ጉዬ ኔ ኬ ኬጻ።
\b
\q1
\v 28 ኔ ሾሮዛ ቦላ
\q2 ጋሶይ ባይንዳ ማርካቶፋ፤
\q2 ኔ ዶናንካ ጪሞፋ።
\q1
\v 29 ኢዚ ታስ ኦዳ ማላ
\q2 ታኒ ኢዛስ ኦና፤
\q2 «ታኒ ኢዛስ ኢዛ ኦሶ
\q3 ኩሼ ዛራና» ጎፓ።
\b
\q1
\v 30 ታኒ ኣዛላ ኣሳ ጋዴራ ኣዲስ፤
\q2 ኣኬካይ ፓጪዳ ኣሳ
\q2 ዎይኔ ቱራ ጊዶራ ካንዲስ።
\q1
\v 31 ኡባሶን ኣጉን ሞኪዴስ፤
\q2 ጋዳ ሻራፋይ ጎዚዴስ፤
\q3 ጊምቤይካ ላሌቲዴስ።
\q1
\v 32 ታኒ ቤኢዳይሳ ዩሻ ቆፓዲስ፤
\q2 ታኒ ቤዮይሳፌ
\q2 ቲሚርቴ ዴማዲስ።
\q1
\v 33 ኔኒ፥ «ጉራ ሊጲጲ ጋይስ፤
\q2 ጉራ ስካ ኤካይስ፤
\q2 ኔ ኩሼዛካ ሺሻዳ
\q2 ጉራ ሼምፓ
\q2 ኤካይስ» ጊኮ፥
\q2
\v 34 ማንቆቴ ኔ ቦላ
\q2 ፓንጋ ማላ ያና፤
\q2 ፓጬይካ ኦላ ሚሻ
\q2 ኦይኪዳ ኣሳ ማላ ፑቱ ጋና።\x - \xo 24፡33-34 \xo*\xt ሌሚ 6፡10-11\xt*\x*
\c 25
\s ሶሎሞኔይ ጻፊዳ ሃራ ሌሚሶታ
\p
\v 1 ዩሁዳ ካዎ ሂዝቂያሳ ኣሳቲ ዱቂዲ ጻፊዳ ሶሎሞኔ ሌሚሶቲ ሃይሳፌ ካሊዛይታ።
\q1
\v 2 ጹራ ጌንይ ጾሳስ ቦንቾ፤
\q2 ጹራ ፒልጊዲ ኬሶይ
\q3 ካዎታስ ቦንቾ።
\b
\q1
\v 3 ሳሎታ ቃቴኔ
\q2 ሳኣ ጪማቴ
\q2 ኣሲ ጋኮንታይሳ ማላ፥
\q3 ካዎታ ቆፋካ ኣሲ ፒልጊ
\q3 ኤራናስ ዳንዳዬና።
\q1
\v 4 ቢራፔ ቂታ ዲጋይቻ፤
\q2 ዎጋጬይካ ቆጺዲ
\q3 ሎኦ ሚሽ ኬሳና።
\q1
\v 5 ካዎ ሲንፌ ኢታታ ዲጋይቻ፤
\q2 ሂስቲኮ ኢዛ ካዎቴ ኣራታይ
\q3 ጺሎቴን ሚኒ ኤቃና።
\b
\q1
\v 6 ካዎ ሲንን ኔና
\q2 ቁ ቁ ሂስቶፋ፤
\q2 ጊታ ኣሳታ ጊዶን
\q3 ቤታናስ ኣሞቶፋ።
\q1
\v 7 ጊታ ኣሳ ሲንን
\q2 ኔና ካዉሻናፔ
\q2 ኢዚ ባርካ ኔና፥
\q2 «ሃይሶ ቁ ጋ»
\q3 ጊኮ ኔስ ሎኦ።\x - \xo 25፡6-7 \xo*\xt ሉቃ 14፡8-10\xt*\x*
\b
\q1
\v 8 ኔ ኣይፌዛን ቤኢዳ ኡባ
\q2 ማርካታናስ ዱቡሻ
\q2 ባናስ ኤሶቶፓ፤
\q3 ኣይስ ጊኮ
\q3 ኔኒ ማርካታ ሲሚን፥
\q3 ሃራ ኣሲ ኔ ማርካቴይ
\q3 ባላ ጊዲዳይሳ ቆንጪሲኮ
\q3 ኔኒ ዬላታና።
\b
\q1
\v 9 ኔሲኔ ኔ ላጌዛስ ጊዶን
\q2 ፓላማይ ሜቲኮ፥
\q2 ሄ ፓላማ ጋርሳን
\q3 ሃራ ኣሳ ጹራ ቆንጪሶፓ።
\q1
\v 10 ሂስቶንታ ኣጊኮ
\q2 ኔኒ ዮቲዛይሳ ሲዪዳ ኣሲ
\q2 ኔና ካዉሻና፤
\q3 ሄሳን ኔ ሱንይ
\q3 ናምኣን ሲሚዲ
\q3 ሎኦንታ ማላ ሞሬታና።
\b
\q1
\v 11 ኮሺዛ ዎዴዛን
\q2 ሃሳዬቲዳ ሊኬ
\q2 ቃላይ ቢራ ቦላ ቲጌቲዳ
\q3 ዎርቃ ኣሌቆ ማላ።
\b
\q1
\v 12 ኣ ኤራቴ ዲዛ ኣሲ
\q2 ዞሪዛ ዞሬይ ኤዝጊዛ ኣሳስ
\q2 ሃይን ኣዛ ዎርቃ ማላ፤
\q2 ዎይኮ ሙሩታ ዎርቃፌ
\q2 ኦሴቲዳ ኣሌቆ ማላ።
\b
\q1
\v 13 ካ ሺሺዛ ዎዴ ኢርጻ ሃ
\q2 ኡዪን ኣሊዛ ማላ፤
\q2 ኣማኔቲዛ ኪታንቻይ
\q3 ባና ኪቲዛይታ ኡፋይሴስ።
\b
\q1
\v 14 ኢሞንታይሳ፥ «ኢማና» ጊዲ
\q2 ጮ ፓፖቲዛ ኣሲ
\q2 ኢራይ ባይንዳ ሻራኔ ጫርኮ ማላ።
\b
\q1
\v 15 ዳንዳያንቻ ኣሲ
\q2 ዴሬ ሃሪዛዴ
\q2 ዮቲ ማይዜስ፤
\q2 ሊቆ ቃላይ
\q2 ሜቄ ካን ጌሌስ።
\b
\q1
\v 16 ኤስ ዴሚኮ ጊናራ ማ፤
\q2 ጊዶ ኣቲን ዳርሲኮ
\q2 ኔና ጹጋና።
\q1
\v 17 ኔና ኡፊዲ ኢጾንታ ማላ
\q2 ኔ ላጌ ሶ ኡባቶ ቦፓ።
\b
\q1
\v 18 ባ ላጌዛ ቦላ ዎርዶራ
\q2 ማርካቲዛ ኣሲ ኮጼይ፥
\q2 ጊ ማሻይኔ ዎንዳፌይ
\q2 ኣስ ቆሂዛ ማላ ቆሄስ።
\b
\q1
\v 19 ሜቶ ዎዴ ኣማኔቶንታ
\q2 ኣሳን ዜምፖይ፥
\q2 ቃጺዛ ኣቻን
\q2 ጮሚዛ ማላኔ
\q2 ሲሊዳ ቶሆን ሄሜቲዛ ማላ።
\b
\q1
\v 20 ጬጪ ኡቲዳ ኣሳስ ማዛሙሬ ዬጼ
\q2 ሜጎ ጋላስ
\q2 ማይኦ ቃሪዛ ማላኔ
\q2 ማዱን ቦላ ጹጊዛ ሚሽ
\q3 ቲጊዛ ማላ።
\b
\q1
\v 21 ኔ ሞርኬይ ጋፊኮ ሚዛ፤
\q2 ሳሜቲኮ ኡሻ።
\q1
\v 22 ኔኒ ሄሳ ኦኮ
\q2 ኢዛ ሁኤን ታማ ቦንቆ ካሺዲ
\q3 ቆሊዛዴ ማላ።
\q2 ጎዳይካ ኔ ኦሶስ
\q2 ዋጋ ኢማና።\x - \xo 25፡21-22 \xo*\xt ኦሮ 12፡20\xt*\x*
\b
\q1
\v 23 ኣርሼይ ሞኪዛ ባጋ ጫርኮይ
\q2 ኢራ ኤሂዛ ማላ፥
\q2 ዚጊርሲ ሃንቆ ኤሄስ።
\q1
\v 24 ዱናማ ማቺራ
\q2 ኢሲ ኬን ዴኣናፔ
\q2 ኬ ዳራንቻን
\q2 ዴ ሎኦ።
\b
\q1
\v 25 ዳቡርዳ ኣሲ ኢርጻ ሃ
\q2 ኡዪዲ ኣሊዛ ማላ
\q2 ሃኮ ቢታፌ ዪዛ
\q3 ሎኦ ቃላይ ኡፋይሴስ።
\q1
\v 26 ኢታ ኣሳ ሲንን
\q2 ኩንዲዛ ጺሎ ኣሲ
\q2 ቡልቆቲዳ ፑልቶኔ
\q3 ሞሬቲዳ ኦላ ሃ ማላ።
\q1
\v 27 ዳሮ ኤሳ ሙሲ ሎኦ ጊዴና፤
\q2 ሄሳካ ባስ ቦንቾ
\q2 ኮሺ ቦንቺሴና።
\b
\q1
\v 28 ባና ሃሮንታ ኣሲ
\q2 ጊምቤይ ላሌቲዳ ካታማ ማላ።
\c 26
\q1
\v 1 ቦኔን ሻቺ፥ ካ ሺሺዛ ዎዴንካ
\q2 ኢራይ ኮሾንታይሳ ማላ፥
\q3 ኤያስ ቦንቾይ ኮሼና።
\q1
\v 2 ካፎቲ ያኔ ሃ ፓሊሼ
\q2 ኣስ ቆሆንታይሳ ማላ፥
\q2 ጋሶይካ ባይንዳ
\q2 ቃንጊዛ ቃንጌ
\q3 ኣስ ጋኬና።
\q1
\v 3 ፓራሲ ሊሶ፥
\q2 ሃሬስ ኣንጫፋ ኮሺዛይሳ ማላ፥
\q2 ኤያ ዞኮዛስ ዱርቃ ኮሼስ።
\q1
\v 4 ኤያ ኣሳስ
\q2 ኢዛ ኤያቴ ማላ ዛሮፓ፤
\q2 ዛሪኮ ኔኒካ
\q2 ኢዛ ማላ ጊዳና።
\q1
\v 5 ጊዲኮካ ኤያስ
\q2 ኢዛ ኤያቴ ቤሳ፤
\q2 ሂስቶንታ ኣጊኮ ኢዚ ባና
\q3 ኤራንቻ ማላ ቆዳና።
\q1
\v 6 ኤያ ኣሳ ቦላ ኪታ ዬዶይ
\q2 ባርካ ባ ቶሆታ
\q2 ቃንጺዛይሳ ማላ፤
\q2 ዎይኮ ዎዛ
\q2 ማርዜ ኡሻ ማላ።
\q1
\v 7 ኤያ ኣሳ ሌሚሶይ
\q2 ሲሊዳ ቶሆ ማላ።
\q1
\v 8 ኤያ ኣሳስ ቦንቾ ኢሞይ
\q2 ያንባርሻ ቦላ
\q2 ቃቺ ዎዲ
\q3 ዩሺዛ ሹቻ ማላ።
\q1
\v 9 ኤያ ኣሳ ሌሚሶይ
\q2 ማቲዳ ኣሳ ኩሼን ኤቂዳ
\q3 ኣጉን ማላ።
\q1
\v 10 ኤያ ኣስ ዎይኮ
\q2 ባስ ኦጌራ ካን ቢዛ ኣስ
\q2 ኦሶስ ቃጻሪዛ ኣሲ
\q3 ባ ዎንዳፌን ጮ ዴሚዳ ኣስ
\q3 ዱኪ ማዱንዛ ኣሳ ማላ።
\q1
\v 11 ካናይ ባ ጮሺ
\q2 ሲሚ ላጪዛ ማላ፥
\q2 ኤያይ ባ ኤያቴ ኦሶ
\q3 ዛሪ ዛሪ ዬጌስ።
\b
\q1
\v 12 ባርካ ባና፥
\q2 «ታኒ ኣ ኤራንቻ»
\q2 ጊዛ ኣስ ቤያዲ?
\q2 ኢዛፔ ኤያ ኣሳስ
\q3 ሎኦ ቃዳይ ዴስ።
\b
\q1
\v 13 ኣዛላይ፥ «ኦጌን ጋሞይ ዴስ፤
\q2 ያሺዛ ጋሞይ
\q3 ዎጋ ኦጌን ዩዬስ» ጌስ።
\b
\q1
\v 14 ፔንጌይ ባ ማጻፋ ቦላን
\q2 ያኔ ሃ ቃጺዛ ማላ
\q2 ኣዛላይካ ባ ሂጻን ያኔ ሃ
\q3 ሺሬቲ ሺሬቲ ዎስ።
\b
\q1
\v 15 ኣዛላይ ባ ኩሼ ማዳን ዬዴስ፤
\q2 ጊዶ ኣቲን ፑዴ ባ ዶናን
\q3 ዛራናስ ዋዬቴስ።
\b
\q1
\v 16 ኣዛላ ኣሲ ኣኬካን ዮቲዛ
\q2 ላፑን ኤራንቻታፔ
\q2 ባና ኣ ኤራንቻ
\q2 ጊዲ ቆፔስ።
\q1
\v 17 ባና ጋንታ ኣሳ ዮኦን
\q2 ጉፒ ጌሊዛ ኣሲ
\q2 ካና ሃይ ኦይኪዛ ኣሳ ማላ።
\q1
\v 18 ጎዪዛ ኣሲ ታማ ጺፋ ኦሊዛ ማላ
\q2 ዎይኮ ዎንዳፌ ዱኪዛ ማላ፤
\q1
\v 19 «ታኒ ካሳስ ኦዲስ» ጊሼ
\q2 ባ ላጌዛ ጪሚዛ ኣሲካ
\q2 ሄሳ ማላ።
\q1
\v 20 ሚ ዉሪኮ ታማይ ቶኤስ፤
\q2 ዚጊርሲ ይኮ ኦሺ ኣቴስ።
\q1
\v 21 ጺጺን ቦንቆ ዳርሲዛይሳ ማላኔ
\q2 ሚ ታማ
\q2 ዳርሲዛይሳ ማላ፥
\q2 ዶናማ ኣሲ ኦሽ ዳሪሴስ።
\q1
\v 22 ዚጊርሳንቻ ቃላይ
\q2 ማልኦ ቁማ ማላ
\q2 ኣሳስ ዱጌ ማራጬ ጋኬስ።
\q1
\v 23 ዎዚናን ኢታ ሚሺ ዲሺን፥
\q2 ባ ኢንጻርሳን ሊቆ ቃላ
\q2 ሃሳይዛ ኣሲ
\q2 ቢራን ሜሼቲዳ
\q2 ማና ሚሻ ማላ።
\q1
\v 24 ጌኔ ኣሲ ባ ዶናን ጪሜስ፤
\q2 ጊዶ ኣቲን ባ ዎዚናን
\q3 ኢታቴ ጹንቴስ።
\q1
\v 25 ኢዛ ዎዚናን ላፑን ቱናቴ
\q2 ኩሚ ኡቲዴስ፤
\q2 ሄሳ ጊሻስ ኢዚ
\q2 ሎኦ ቃላ ሃሳይኮካ
\q2 ኣማኖፓ።
\q1
\v 26 ኢዚ ባ ጌኔ ባሌን
\q2 ጌንናስ ዳንዳዬስ፤
\q2 ጊዶ ኣቲን ኢዚ ኦዳ
\q2 ኢታቴ ዱላታን ቆንጫና።
\q1
\v 27 ሃራታስ ኦላ ቦኪዛ ኣሲ
\q2 ሄ ኦላን ባስ ኩንዳና፤
\q2 ሃራታ ቦላ ሹች
\q2 ቡሉሊዛ ኣሳ ቦላ
\q3 ሄ ሹቻይ ሲሚ
\q3 ኢዛ ቦላ ኩንዳና።
\q1
\v 28 ዎርዶቲዛ ኢንጻርሲ
\q2 ባ ቆሂዳ ኣሳታ ኢጻዉስ፤
\q2 ጪሚዛ ሜቴርሺካ ባሽ ኤሃዉስ።
\c 27
\q1
\v 1 ዎንቶይሳን ጬቄቶፋ፤
\q2 ዎንቶ ኣዚ ሃናናኮ
\q3 ኔ ኤራካ።\x - \xo 27፡1 \xo*\xt ያቆ 4፡13-16\xt*\x*
\q1
\v 2 ኔና ሃራ ኣሲ ጋላቶፔ ኣቲን
\q2 ኔርካ ኔና ጋላቶፓ፤
\q2 ሃራ ኣሲ ኔና ሳቦፌ ኣቲን
\q3 ኔኒ ኔርካ ኔና ሳቦፋ።
\q1
\v 3 ሹቺ ዴጾ፤
\q2 ኣንጮይ ቶኮ፤
\q2 ጊዶ ኣቲን ኤያ ኣሲ
\q2 ዴንዛ ኦሺ
\q2 ናምኣታፔካ ዴጼስ።
\q1
\v 4 ሼኔይ ሜንጼ ኢታ፤
\q2 ሃንቆይ ሜንጼ ኢታ፤
\q2 ቃናቴ ሲንን ኤቂ
\q2 ዳንዳያናይ ኦኔ?
\q1
\v 5 ጌሚዳ ሲቆፔ
\q2 ቆንጬን ሴሪዛ ሴራይ ሎኦ።
\q1
\v 6 ሞርኬይ ኔና ዳሮቶ ዬራናፔ
\q2 ሲቆይ ኔና ዴቺዛይሲ ኪያ።
\q1
\v 7 ካሊዳ ኣስ ኤሳ ኢሊሎይ ኢቴስ፤
\q2 ጊዶ ኣቲን ጋፊዳ ኣስ
\q2 ጋራ ማላ ጫሚዛ
\q2 ሚሺካ ማልኤስ።
\q1
\v 8 ባ ሶ ኣጊዲ ዩዪዛ ኣሲ፥
\q2 ባ ኬፌ ሃካ ፓሊዛ
\q2 ካፎ ማላ።
\q1
\v 9 ሺቶይኔ ኤጻኔይ
\q2 ኣስ ኡፋይሲዛይሳ ማላ፥
\q2 ሲቆ ላጌ ዞሬይካ ኡፋይሴስ።
\q1
\v 10 ኔ ላጌኔ ኔ ኣዋ ላጌ ኣጎፋ፤
\q2 ኔ ኢሻኮ ቦፓ።
\q2 ሃሆን ዲዛ ኢሻፔ
\q2 ኔስ ማታን ዲዛ
\q3 ሾሮይ ኪያ።
\q1
\v 11 ታ ናዞ!
\q2 ኔኒ ኣ ኤራንቻ ጊዳ፤
\q2 ታ ዎዚና ኡፋይሳ፤
\q2 ሂስቲኮ ታና ካዛይታ
\q3 ኦይሻካ ዛራና።
\q1
\v 12 ጪንጫ ኣሲ ሜቶይ ዪዛ ዎዴ
\q2 ቤኢዲ ቆቴቴስ፤
\q2 ጊዶ ኣቲን ኣኬካይ ፓጪዳ ኣሲ
\q3 ሜቶ ጋርስ ቢ ጌሌስ፤
\q2 ሂስቲዲ ጉዬፔ ቆሄቴስ።
\q1
\v 13 ኤሮንታ ኣሳስ ሁርቡታ ጌሊዛ
\q2 ኣሳ ማይኦ ቃራ ኤካ፤
\q2 ሃዉሻ ማጫሳስ ዋሴ ጌሊዛ
\q3 ኣሳ ማይኦ ኦይካ።
\q1
\v 14 ማላዶ ዎንታራ
\q2 ባ ቃላ ቁ ሂስቲዲ
\q2 ባ ሾሮ ኣንጆይ
\q3 ቃንጌ ማላ ቆዴቴስ።
\q1
\v 15 ኡባ ዎዴ ኦሽ ኦዬቲዛ ማቻ
\q2 ኢራ ጋላስ ፓጬይ ባይንዳ
\q3 ኣዛ ኬ ማላ።
\q1
\v 16 ጫርኮ ቴቃናስ ዎይኮ
\q2 ዛይቴ ጩጩሚዲ ኦይካናስ
\q3 ዳንዳዬቶንታይሳ ማላ
\q2 ኢዞ ጮኡ ኦናስ
\q2 ዳንዳዬቴና።
\q1
\v 17 ቢራታይ ቢራታ ቃራሲዛ ማላ
\q2 ኣሲካ ኢሶይ ኢሳ ቃራሴስ።
\q1
\v 18 ባላሴ ሚዮ
\q2 ኢሻልሲዲ ናጊዳ ኣሲ
\q2 ኢዚ ኣይፌ ማና፤
\q2 ባ ጎዳስ ኦዛ
\q2 ኣሲ ቦንቼታና።
\q1
\v 19 ሃይ ሄሬጋ
\q2 ሲን ቤሲዛ ማላ
\q2 ኣሳ ዎዚናይ
\q2 ኢዛዴ ካንዶ ቤሴስ።
\q1
\v 20 ሃይቆይኔ ባሺ ካሊ ኤሬቴና፤
\q2 ሄሳካ ኣሳ ኣይፌይ ካሌና።
\q1
\v 21 ቢራይኔ ዎርቃይ ታማን ፓጬቲዲ
\q2 ጌይዛ ማላ
\q2 ኣሲካ ባ ኤኪዛ
\q2 ጋላታን ፓጬቴስ።
\q1
\v 22 ኤያ ኣስ ካ ማላ
\q2 ኡዱላን ዬጋዳ፥
\q2 ኡዱላ ሚን ጫዲዛኮካ
\q3 ኢዛፔ ኤያቴ ኪቼና።
\q1
\v 23 ኔ ዶርሳቲ ዴኢዛ ሃኖታ
\q2 ሎኤዳ ኤራ፤
\q2 ኔ ዉዴካ ዎዚናፔ ሄማ።
\q1
\v 24 ኣይስ ጊኮ
\q2 ዱሬቴ ሜርናስ ዴኤና፤
\q2 ካላቻይካ ዬሌታፔ
\q2 ዬሌታ ጋካናስ
\q3 ሚኒ ዴኤና።
\q1
\v 25 ሜላ ማታይ ቡጬቲዳፔ፥
\q2 ኣጫ ማታይ ኬኢዳፔ፥
\q2 ዙምቡላታ ቦላን ዴኢዛ ማታይ
\q3 ሺቂዳፔ ጉዬን፥
\q2
\v 26 ዶርሳታ ኢስኬፌ
\q2 ኔኒ ኔስ
\q2 ማይኦ ኬሳና፤
\q2 ዴይሻታን ኔስ
\q2 ጎሻ ጋዴ ሻማና።
\q1
\v 27 ኣቲዳ ዴይሻታ ማ
\q2 ኔሲኔ ኔ ሶ ኣሳስ፥
\q2 ኔ ማጫ ኣይሌታስካ
\q2 ቁማ ጊዳናስ
\q3 ኩሚ ፓላሃና።
\c 28
\q1
\v 1 ኢታ ኣሲ ኦኒካ
\q2 ዬዴንታ ባቃቴስ፤
\q2 ጊዶ ኣቲን ጺሎይ
\q2 ጋሞ ማላ ዎዚና ኩሜ።
\q1
\v 2 ዴሬይ ማካሊኮ
\q2 ሃሪዛይ ጮራቴስ፤
\q2 ጊዶ ኣቲን ኤራ ኣሲኔ
\q2 ኣኬኪዛ ኣሲ ዎጋ ኤሴስ።
\q1
\v 3 ሂዬሳታ ኡንኤዛ ዳናይ
\q2 ካ ይሲዛ
\q2 ዎልቃማ ኢራ ማላ።
\q1
\v 4 ዎጋ ቦንቾንታ ኣሲ
\q2 ሞራንቻታ ሳቤስ፤
\q2 ጊዶ ኣቲን ዎጋ ቦንቺዛይ
\q3 ኢስታ ቆፋ ፓልቄስ።
\q1
\v 5 ኢታ ኣሳታስ ሱሬ ፒርዳይ ጌሌና፤
\q2 ጊዶ ኣቲን ጎዳስ ጎይኒዛይቲ
\q3 ኡባካ ኤሬቴስ።
\q1
\v 6 ጌላ ኣስ ጊዲ ኡቲዲ
\q2 ዱሬ ጊዳናፔ
\q2 ቦሬይ ባይንዳ ሂዬሳ
\q2 ጊዴ ሎኦ።
\q1
\v 7 ዎጋ ናጊዛ ናይ ኣኬካንቻ፤
\q2 ጊዶ ኣቲን
\q2 ጋንጃማታራ ዙፔቲዛይ
\q3 ባ ኣዋ ዬላሴስ።
\q1
\v 8 ቤሶንታ ዲሾን
\q2 ባ ኣቆታ ዳጋሲዛ ኣሲ
\q2 ሄ ኣቆታ ሂዬሳስ
\q3 ኪዪዛ ኣሳስ ሺሼስ።
\q1
\v 9 ዎጋ ሲያናፔ ባ ሃይ
\q2 ዎራ ዛሪዛ ኣሳ ዎሳይ
\q2 ጾሳ ሃራሴስ።
\q1
\v 10 ሱሬታ ኢታ ኦጌ ካሌዛ ኣሲ
\q2 ባ ቦኪዳ ኦላን ኩንዳና፤
\q3 ጊዶ ኣቲን ጌሻ ኣሲ
\q3 ሎኦ ሚሽ ላታና።
\q1
\v 11 ዱሬ ኣሲ ባና
\q2 ኣ ኤራንቻ ጊዲ ቆፔስ፤
\q2 ጊዶ ኣቲን ኣኬካይ ዴኢዛ
\q2 ሂዬሳይ ኢዛ ፓጬስ።
\q1
\v 12 ጺሎቲ ጾኒዳ ዎዴ ኣሳይ
\q2 ኡባይ ኡፋዬቴስ፤
\q2 ጊዶ ኣቲን ኢታቲ ማታ
\q2 ኦይኪዳ ዎዴ ኣሳይ ባቃቴስ።
\q1
\v 13 ባ ናጋራ ጌንዛ ኣሲ ኣጬና፤
\q2 ጊዶ ኣቲን ፓጺዛይኔ
\q3 ናጋራ ኣጊዛይ ማሬታና።
\q1
\v 14 ጎዳስ ኡባቶ
\q2 ያዪዛ ኣሲ ኣንጄቲዳዴ፤
\q2 ጊዶ ኣቲን ባ ዎዚና ዳማሲዛ
\q2 ኣሲ ሜቶን ጌላና።
\q1
\v 15 ሂዬሳ ሃሪዛ ኢታ ዳናይ
\q2 ጻጊዛ ጋሞኔ
\q2 ጉፒ ኦይኪዛ ዛርዶ ማላ።
\q1
\v 16 ዎዚናይ ፓጪዳ ዳናይ
\q2 ሜንጼ ኢቴስ፤
\q2 ጊዶ ኣቲን ቤሶንታ
\q2 ጎኣ ኢጺዛዴይ
\q3 ዳሮ ላይ ዴኤስ።
\q1
\v 17 ኣስ ዎዳ ኣሲ ሃይቃና
\q2 ጋካናስ
\q2 ቶይላቲሼ ዴስ፤
\q2 ኢዛ ኦኒካ ሺሺ ኤኬና።
\q1
\v 18 ቦሬይ ባይንዳ ሄሜቲዛ ኣሲ
\q2 ቆሄቶንታ ኣታና፤
\q2 ጊዶ ኣቲን ጌላ ኣሲ
\q2 ኢሲ ጋላስ ኩንዳና።
\q1
\v 19 ባ ጋዴ ጎዪዛ ሚኖ ኣሲ
\q2 ካ ካሌስ፤
\q2 ጊዶ ኣቲን ሃዳ ዮኦ ካሊዛ ኣሲ
\q3 ማንቆቴፌ ኬኤና።
\q1
\v 20 ኣማኔቲዳ ኣሲ ኬሂ ኣንጄታና፤
\q2 ጊዶ ኣቲን ዱሬታናስ ጃሚዛይ
\q3 ቃጻዬቶንታ ኣቴና።
\q1
\v 21 ሻኪዲ ማዶይ ሎኤና፤
\q2 ጊዶ ኣቲን ኣሲ ጉ ካስ
\q3 ጊዲ ሞሮ ኦስ።
\q1
\v 22 ኡዜቲዛ ኣሲ ዱሬታናስ ጃሜስ፤
\q2 ባና ሂዬሳቴ
\q2 ኦይካናይሳካ ኤሬና።
\q1
\v 23 ኣስ ጮ ሳቢዛ ኣሳፔ
\q2 ሴሪዛ ኣሲ ጉዬፔ ዶሴቴስ።
\q1
\v 24 ባ ኣዋፔኔ ባ ኣይፔ ካይሲዲ፥
\q2 «ታኒ ኣይኮካ ናጋራ
\q2 ኦቤኬ» ጊዛ ኣሲ
\q3 ባሺዛ ኣሳራ ኢሲ ማላ።
\q1
\v 25 ዪቄይ ኣሲ ኦሽ ዴንስ፤
\q2 ጊዶ ኣቲን ጎዳን
\q2 ኣማኔቲዛይ ኣንጄቴስ።
\q1
\v 26 ባናን ኣማኔቲዛ ኣሲ ኤያ፤
\q2 ጊዶ ኣቲን ኣ ኤራቴን
\q3 ሄሜቲዛይ ሳሮን ዴኤስ።
\q1
\v 27 ሂዬሳስ ኢሚዛ ኣሳስ ፓጬና፤
\q2 ጊዶ ኣቲን ኢስቲ
\q2 ቤኢሼ ቤኦንታ
\q3 ሃኒዛዴ ቃንጌ ጋካና።
\q1
\v 28 ኢታ ኣሳቲ ማታ ዴሚዛ ዎዴ
\q2 ዴሬይ ባቃቴስ፤
\q2 ጊዶ ኣቲን ኢስቲ ይዛ ዎዴ
\q3 ጺሎቲ ጮራቴቴስ።
\c 29
\q1
\v 1 ዳሮ ዎዴ ሴሪን ኢጺዲ
\q2 ባ ሞርጌ ዞዲሲዳ ኣሲ
\q2 ሃሳኦንታ ሜቃና፤
\q2 ሄሳዴስ ፓጼቴካ ዴና።
\q1
\v 2 ጺሎ ኣሳቲ ማታ ኦይኪዛ ዎዴ
\q2 ኣሳይ ኡፋዬቴስ፤
\q2 ጊዶ ኣቲን ኢታ ኣሳቲ
\q2 ቢታ ሃሪዛ ዎዴ ኣሳይ ኦሌስ።
\q1
\v 3 ኣ ኤራቴ ዶሲዛ ኣሲ
\q2 ባ ኣዋ ኡፋይሴስ፤
\q2 ጊዶ ኣቲን ላይማታራ ላጌቲዛይ
\q2 ባ ኣቆታ ይሴስ።
\q1
\v 4 ቱማ ፒርዲዛ ካዎይ
\q2 ባ ዴሬ ዎፑ ሂስቴስ፤
\q2 ጊዶ ኣቲን ማታኤ
\q2 ማናስ ዪቄቲዛይ
\q3 ባ ዴራ ላሌስ።
\q1
\v 5 ባ ላጌዛስ ጪሞ ሃሳይዛ ኣሲ
\q2 ኢዛ ቶሆስ ዎጺማዴ ዋጼስ።
\q1
\v 6 ኢታ ኣሲ ባርካ
\q2 ባ ናጋራን ኦይኬቴስ፤
\q2 ጊዶ ኣቲን ጺሎ ኣሲ
\q3 ኡፋዬቴሲኔ ዬጼስ።
\q1
\v 7 ጺሎ ኣሲ ሂዬሳታስ
\q2 ሱሬ ፒርዳይ
\q2 ፒርዴታና ማላ ቆፔስ፤
\q3 ጊዶ ኣቲን ኢታ ኣሲ
\q3 ሄሳ ማላ ዉዱካ ጌና።
\q1
\v 8 ሚሪዛይቲ ካታማን
\q2 ሺሮ ዴንቴስ፤
\q2 ጊዶ ኣቲን ኣ ኤራቴ ዲዛ
\q2 ኣሳቲ ሃንቆ ኢሪጺሴቴስ።
\q1
\v 9 ኣ ኤራቴ ዲዛ ኣሲ
\q2 ኤያ ኣሳራ ፒርዳሶ ቢኮ
\q2 ኤያይ ሃንቄቴሲኔ ቂስ፤
\q3 ኢዛስ ሳሮይካ ዴና።
\q1
\v 10 ሱ ጉሳናስ ጃሚዛ ኣሳቲ
\q2 ሱሬ ኣስ ኢጼቴስ፤
\q2 ቃሴ ጺሎ ኣሳካ
\q2 ዎናስ ኮዬቴስ።
\q1
\v 11 ኤያ ኣሲ ዛዋይ ባይንዳ ሃንቄቴስ፤
\q2 ጊዶ ኣቲን ኣ ኤራንቻይ
\q3 ባ ሃንቆ ሚቴስ።
\q1
\v 12 ዴሬ ሃሪዛዴይ
\q2 ዎርዶ ዮኦ ኤኪኮ
\q2 ኢዛ ሹሜቲ ኡባይ
\q2 ኢታ ጊዴቴስ።
\q1
\v 13 ሂዬሳይኔ ኣስ ናቂዛዴስ
\q2 ኮ ሚሺ ዴስ፤
\q2 ጎዳይ ናምኣታስካ
\q3 ጼሊዛ ኣይፌ ኢሚዴስ።
\q1
\v 14 ኢሲ ካዎይ ሂዬሳስ ሱሬ ፒርዲኮ
\q2 ኢዛ ካዎቴ ኣራታይ
\q3 ሜርናስ ሚኒ ዳና።
\q1
\v 15 ጹንዱቂ ዲሾይ ናይታስ
\q2 ኣ ኤራቴ ኢሜስ፤
\q2 ጊዶ ኣቲን ዬዳ ዲጪዳ ናይ
\q3 ባ ኣዮ ካዉሼስ።
\q1
\v 16 ኢታ ኣሳቲ ማታ ኦይኪዛ ዎዴ
\q2 ናጋራይ ዳሬስ፤
\q2 ጊዶ ኣቲን ጺሎቲ
\q2 ኢስታ ኩንዴ ቤኣና።
\q1
\v 17 ኔ ና ሴራ፤
\q2 ሂስቲኮ ኔኒ ሳሮ ዴማና፤
\q3 ኢዚ ኔና ኡፋይሳና።
\q1
\v 18 ኣጁታይ ባይንዳሶን
\q2 ዴሬይ ዬዳ ዳና፤
\q2 ጊዶ ኣቲን ዎጋ ናጊዛ
\q2 ኣሲ ኣንጄቲዳዴ።
\q1
\v 19 ኣሽካራይ ጮ ዶናን ዮቲን
\q2 ጻላ ኤሬና፤
\q2 ዮኦይ ኢዛስ ጌሊዛኮካ
\q3 ኢዚ ኣዛዜቴና።
\q1
\v 20 ኤሶን ሃሳይዛ ኣስ ቤያይ?
\q2 ኢዛፔ ኤያ ኣሳስ ሂዶታይ ዴስ።
\q1
\v 21 ኣሲ ባ ኣይሌ
\q2 ናቴቴፌ ዶሚዲ
\q2 ኣልኢሶን ዲቺኮ
\q2 ዉርሴን ኢዛዴ ቦላ
\q3 ጬጬይ ጋካና።
\q1
\v 22 ሃንቄቲዛ ኣሲ
\q2 ኦሽ ዴንስ፤
\q2 ኤሌ ዪሎቲዛ ኣሲ
\q3 ዳሮ ናጋራ ኦስ።
\q1
\v 23 ኦቶሮይ ኣስ ካዉሼስ፤
\q2 ጊዶ ኣቲን
\q1 ኣሽኬቴ ቦንቺሴስ።
\q1
\v 24 ካይሶራ ዙፔቲዛ ኣሲ
\q2 ባና ኢጺዛ ኣሳ፤
\q2 ቃንጊ ጫቂሲሺን ሲዪሼካ
\q3 ኢዚ ጮኡ ጌስ።
\q1
\v 25 ኣሳስ ያዪዛይሲ
\q2 ኢዛዴስ ዎጺማዴ ጊዴስ፤
\q2 ጊዶ ኣቲን
\q2 ጎዳን ኣማኔቲዛ ኣሲ
\q3 ሳሮን ዴኤስ።
\q1
\v 26 ዳሮቲ ዴሬ ሃሪዛይታ ሲንን
\q2 ኤሬታና ኮዬቴስ፤
\q2 ጊዶ ኣቲን ኣሳስ ሱሬ ፒርዳይ
\q3 ጎዳ ኣቻፌ ቤቴስ።
\q1
\v 27 ጺሎቲ ኣስ ባሌዛይታ
\q2 ሻቴቴቴስ፤
\q2 ኢታቲ ሱሬ ኣሳታ ኢጼቴስ።
\c 30
\s ኣጉሬይ ሃሳይዳ ሌሚሶታ
\p
\v 1 ሃይሳፌ ካሊዲ ጻፌቲዳይሲ ያቄ ና ኣጉሬይ ሃሳይዳ ሌሚሶታ።
\q2 ኣጉሬይ ኢቲኤሌሲኔ
\q2 ኡካላስ ሃይሳ ሃሳይዴስ።
\b
\q1
\v 2 «ታኒ ኣሳ ኡባፌካ ኤያ ዳራይስ፤
\q2 ኣሳስ ዴኢዛ ኣኬካይ ታስ ባዋ።
\q1
\v 3 ታኒ ኣ ኤራቴ ታማራቤኬ፤
\q2 ጌሻዛ ጊሻሲካ
\q2 ታኒ ኤሪዛ ሚሺ ዴና።
\q1
\v 4 ሳሎ ፑዴ ኬኢዲ
\q2 ዱጌ ዎዳይ ኦኔ?
\q2 ጫርኮ ባ ኩሼን ኦይኪዳይ፥
\q2 ሃ ባ ኣፋላን ዪጪዳይ
\q2 ሳኣ ጋጻ ኢዛ ሶን ሶን
\q2 ዎዳይ ኦኔ?
\q2 ኣኔ ኤሪኮ ኢዛ ሱን ታስ ዮታ፤
\q2 ኢዛ ናዛ ሱን
\q2 ኦና ጌቴቲዜ?
\b
\q1
\v 5 «ጾሳይ ዮቲዛ ቃላይ
\q2 ኡባይ ቱማ፤
\q2 ኢዛን ኣማኔቲዛ ኡባስ
\q3 ኢዚ ጎንዳሌ።
\q1
\v 6 ኢዛ ቃላ ቦላ ኣይኮካ ጉጆፋ፤
\q2 ጉጂኮ ኢዚ ኔና ሴራና፤
\q3 ኔኒ ዎርዳንቻ ጊዲዳይሳካ
\q3 ኢዚ ቆንጪሳና።
\b
\q1
\v 7 «ጎዳዉ! ታኒ ኔና
\q2 ናምኡ ሚሽ ኦይቻይስ፤
\q2 ታኒ ሃይቃና ጋካናስ
\q3 ኢስታ ታና ዲጎፋ።
\q1
\v 8 ታኒ ኣስ ጪሞንታ ማላኔ
\q2 ዎርዶ ሃሳዮንታ ማላ
\q2 ታና ናጋ፤
\q2 ታና ዱሬ ዎይኮ
\q2 ማንቆ ሂስቶፋ፤
\q2 ጊዶ ኣቲን ሃቺስ ሃቺስ
\q2 ጊዲዛ ካ ታስ ኢማ።
\q1
\v 9 ሂስቶንታ ኣጊኮ
\q2 ታኒ ኬሃ ካላዳ ኔና ካዳና፤
\q2 ‹ጎዳይ ኢዚ ኦኔ?› ጋና፤
\q2 ዎይኮ ማንቃዳ ካይሳና፤
\q2 ሂስታዳ ታኒ ጾሳ
\q2 ሱን ጫይሳና።
\b
\q1
\v 10 «ኔና ቃንጎንታ ማላኔ
\q2 ኢዚ ቃንጊን ኔስ
\q2 ጎሜቶንታ ማላ፥
\q3 ኣይሌ ኢዛ ጎዳ ሲንን
\q3 ኢታን ዴንፋ።
\q1
\v 11 ባ ኣዋ ቃንጊዛኔ
\q2 ባ ኣዮካ ኣንጆንታ
\q2 ዬሌታይ ዴስ።
\q1
\v 12 ቱና ጊዲ ኡቲዲ
\q2 ባንታና ጌሻ ማላ
\q3 ቆዲዛ ኣሳቲ ዴቴስ።
\q1
\v 13 ኦቶሮን ኩሚዳ ኣሳቲኔ
\q2 ኣስ ካዲ ጼሊዛ ኣሳቲ ዴቴስ።
\q1
\v 14 ሂዬሳታኔ ሜቶታንቻታ
\q2 ዴሬ ጊዶፌ ይሳናስ
\q2 ኢስታ ኣቻይ ማሻ ማላ ጊዲዳ
\q3 ኢስታ ጋጊናይ ቢላማ ማላ
\q3 ጊዲዳ ኣሳቲ ዴቴስ።
\b
\q1
\v 15 «ኡሎስ ናምኡ ማጫ ናይቲ ዴቴስ።
\q2 ኢስቲ፥ ‹ኑስ ኢማ! ኑስ ኢማ!›
\q3 ጊዲ ዋሴቴስ።
\q2 ሙሌካ ካሊ ኤሮንታ
\q2 ሄቲ ዴቴስ፤
\q3 ኦይዳንዚ ቃሴ ሙሌራ፥
\q3 ‹ጊዳና› ጊ ኤሬና።
\q1
\v 16 ሄሳንቲካ ዱፎ፥ ማይኒዳ ኡሎ፥
\q2 ሃ ካሊ ኤሮንታ
\q2 ሜላ ቢታኔ፥
\q2 ‹ታስ ጊዳና!› ጊ ኤሮንታ ታማ።
\b
\q1
\v 17 «ባ ኣዋ ቂዛ ና ኣይፌኔ፥
\q2 ባ ኣዮ ካዛ ና ኣይፌ
\q3 ኬልካን ዴኢዛ ቁሮቲ ዎጫና፤
\q3 ኢዛ ኣሾዛ ኣንኮቲ ማና።
\q1
\v 18 ታና ኬሂ ማላሊሲዛ
\q2 ሄ ሚሻቲ ዴቴስ፤
\q2 ኦይዳንዚ
\q2 ኡባራካ ታስ ጌሌና።
\q1
\v 19 ሄሳንቲካ ጎሌቲ
\q2 ሳሎራ ፓሊዛ ፓሎ፥
\q2 ሾሺ ሹቻ ቦላራ
\q2 ሶሎሉ ጊ ቡስ፥
\q2 ማርካቤይ ኣባ ቦላራ ቢዛ
\q2 ቡስ ኣዴይ ማጫ ና ሲቆ
\q3 ዴማናስ ሃኒዛ ሃኖታ።
\b
\q1
\v 20 «ላይማ ማጫሳያ
\q2 ሃኒዛ ሃኖይካ
\q3 ሄሳ ማላ።
\q2 ኢዛ ሙሳ ማዉስ፤
\q2 ጊዶ ኣቲን ሚዳፔ ጉዬን፥
\q3 ባ ዶና ቁጫዳ፥
\q3 ‹ታኒ ኣይኮካ
\q3 ሞራቤኬ› ጋዉስ።
\b
\q1
\v 21 «ሄ ዮኦታን
\q2 ቢታይ ቃጼስ፤
\q2 ኦይዳንዛ ኡባካ
\q2 ቶካናስ ዳንዳዬና።
\q1
\v 22 ሄሳንቲካ ኣይሌይ ካዎቲዳ ዎዴ፥
\q2 ኤያይ ካ ካሊዳ ዎዴ፥
\q1
\v 23 ኣሲ ኢጺዳ ማጫሳያ
\q2 ኣዴ ጌሊዳ ዎዴኔ
\q2 ማጫ ኣሽካሪያ ባ ጎዳቴዮ
\q2 ላቲዳ ዎዴ ሃኒዛ ሃኖታ።
\b
\q1
\v 24 «ሳኣ ቦላ ኦይዱ
\q2 ጉ ሜታቲ ዴቴስ፤
\q2 ጊዶ ኣቲን ኢስቲ
\q3 ኬሂ ኣ ኤራንቻታ።
\q1
\v 25 ሄሳንቲካ ጩንጫሌቲ
\q2 ዎልቃይ ባይንዳ ሜታ፤
\q2 ጊዶ ኣቲን ባንታስ ሚዛ ሚሽ
\q3 ቦኔ ሺሺ ዳጋሴቴስ።
\q1
\v 26 ጉፓሌቲ ጉ
\q2 ዎልቃይ ዴኢዛይታ፤
\q2 ጊዶ ኣቲን ባንታ ኬ
\q3 ዛላ ጊዶን ኬጼቴስ።
\q1
\v 27 ቦሌታስ ካዎይ ዴና፤
\q2 ጊዶ ኣቲን ኢስቲ ኡባይካ
\q3 ማራን ማራን ዛቴቴስ።
\q1
\v 28 ዛሬቲ ኩሼን
\q2 ኦይኪንካ ኦይኬቴቴስ፤
\q2 ጊዶ ኣቲን ኢስቲ
\q2 ካዎ ኬንካ ዴኤቴስ።
\b
\q1
\v 29 «ባንታ ማታ ቤሲሼ ሄሜቲዛ፥
\q2 ሄ ሜታቲ ዴቴስ፤
\q2 ኦይዳንዚካ
\q2 ፑላቲዲ ሄሜቴስ።
\q1
\v 30 ሄሳንቲካ ዶኣ ኡባፌ
\q2 ዎልቃማኔ
\q2 ኣይኮስካ ያዪዲ
\q3 ባቃቲ ኤሮንታ ጋሞ።
\q1
\v 31 ማጫሳታ ጊዶን ኮሶሲ
\q2 ሄሜቲዛ ኣዴ ኩቶ፥
\q2 ዴይሻ ኦርጌኔ
\q3 ባ ኦላንቻታን
\q3 ኣጃቤቲዳ ካዎ።
\b
\q1
\v 32 «ኔኒ ኤያዳ
\q2 ኦቶሬቲዳ ጊዲኮኔ
\q2 ኢታ ሚሽ ኦናስ
\q2 ሃልቺዳ ጊዲኮ
\q3 ኣኔ ታኪ ጋዳ ቆፓ።
\q1
\v 33 ማ ቡኪን ኦይሲ ኬኢዛ ማላ፥
\q2 ሲ ኢጪንካ
\q2 ሱ ዪዛ ማላ
\q3 ሃንቆ ዴንኮ
\q2 ኦሽ ሜስ።»
\c 31
\s ካዎ ሊሙኤሌ ኣያ ባ ናዛስ ኢሚዳ ቲሚርቴ
\p
\v 1 ካዎ ሊሙኤሌ ኣያ ካዎ ሊሙኤሌ ታማርሲዳ ቲሚርቴይ ሃይሳፌ ካሊዳይሳ።
\q1
\v 2 «ታ ናዞ!
\q2 ታ ኡሎፔ ዎዳ ታ ናዞ!
\q2 ታኒ ኣዲኔታ ዬሊዳ ታ ናዞ!
\q1
\v 3 ማጫሳን ኔ ዎልቃ ዉርሶፋ፤
\q2 ካዎታ ባሺዛ ሚሻን
\q3 ኔ ኣካታ ይሶፋ።
\b
\q1
\v 4 «ሊሙኤሌ ሃይሲ ካዎታስ
\q2 ቤሴና፤
\q2 ካዎቲ ዎይኔ ኡሹ
\q2 ኡያናስ ቤሴና፤
\q3 ዴሬ ኣይሲዛይቲ
\q2 ማሲዛ ኡሹ
\q3 ያሬታናስ ቤሴና።
\q1
\v 5 ኢስቲ ኡዪዛ ዎዴ ዎጋ ባሌቴቴስ፤
\q2 ቆሄቲዳይታ ማታ ሱጌቴስ።
\q1
\v 6 ሃይቃና ሃኒዛይታስ
\q2 ማሲዛ ኡሹ
\q2 ሜቶ ቦላ ዲዛይታስ
\q3 ዎይኔ ኡሹ ኢሚቴ።
\q1
\v 7 ኢስቲ ኡዪዲ
\q2 ባንታ ማንቆቴ ዶጌቶ፤
\q2 ባንታ ቱጋካ ዛሪ ቆፖፌቶ።
\b
\q1
\v 8 «ባንታ ጊሻስ ሃሳያናስ
\q2 ዳንዳዮንታይታስ
\q2 ኔኒ ሃሳያ፤
\q3 ሜቶታንቻታ ማታ ጊሻስ
\q3 ኔኒ ሞቴታ።
\q1
\v 9 ሃሳያዳ ኢስታስ ሱሬ ፒርዳ ፒርዳ፤
\q2 ሂዬሳታኔ
\q2 ሜቶታንቻታ ማታ
\q2 ቦንቺሳ» ጋዳ ታማርሳዱስ።
\b
\s ዎዚናማ ማቾ
\q1
\v 10 ዎዚናማ ማቾ
\q2 ኦኒ ዴማናዉ ዳንዳይዜ?
\q2 ኢዛ ዞኦ ኢንቁፌካ
\q2 ኬሃ ኣዉስ።
\q1
\v 11 ኢዚ ኬ ኣዋይ
\q2 ኢዞ ኡባ ሚሻንካ
\q2 ኣማኔስ፤
\q3 ኢዛስ ኣይኮይካ ፓጬና።
\q1
\v 12 ኢዛ ባ ዴኦ ላይ ኡባን
\q2 ኢዛስ ሎኦ ኣቲን
\q3 ኢታ ሚሽ ኦኩ።
\q1
\v 13 ዶርሳ ኢስኬፌኔ
\q2 ታልባ ቡጻ ኤካዳ፥
\q2 ኦሶ ዶሲዛ ባ ኩሼን ሱቃዉስ።
\q1
\v 14 ኢዛ ዛልኣንቻታ ማርካቤ ማላ፤
\q2 ባ ካ ሃኮ ቢታፌ ኤሃዉስ።
\q1
\v 15 ኢዛ ባ ሶ ኣሳስ
\q2 ቁማ ካናሲኔ
\q2 ባ ማጫ ኣይሌታስ
\q3 ኦሶ ሻካ ኢማናስ፥
\q2 ሳኣይ ቡሮ ዎንታና ጊሺን
\q2 ዴንዳዉስ።
\q1
\v 16 ኢዛ ባርካ ቆፓዳ
\q2 ጎሻ ጋዴ ሻማዉስ፤
\q2 ባ ዴሚዳ ሚሻን
\q2 ዎይኔ ቶካዉስ።
\q1
\v 17 ኢዛ ሚናዳ ባ ኦሶ ፖላዉስ፤
\q2 ኢዚ ቄሴቲካ ኦሶስ ሚኖ።
\q1
\v 18 ኢዛ ባ ኦሶስ
\q2 ዎይ ዲዛይሳ ኣኬካዉስ፤
\q2 ኦማርሲካ ኢዚ ጾምፔይ ቶኤና።
\q1
\v 19 ኢዛ ባ ሊቃቃን ሱቃዉስ፥
\q2 ባ ኣፋላ ዳዳዉስ።
\q1
\v 20 ኢዛ ሂዬሳታስ ባ ኩሼ ሚጫዉስ፤
\q2 ሜቶታንቻታስ
\q2 ኪያቴ ኢማዉስ።
\q1
\v 21 ኢዚ ሶ ኣሳይ ኡባይ
\q2 ሆኢዛ ማይኦ ማይኢዳ፤
\q2 ሄሳ ጊሻስ ኢዛ
\q3 ሻቺ ቡኪኮካ ሂርጉኩ።
\q1
\v 22 ሂን ኦንጊዛ
\q2 ማይኦ ኦዉስ፤
\q2 ላይኖኔ ኦቻ ቴራ ሚሳቲዛ
\q3 ማይኦ ማይኣዉስ።
\q1
\v 23 ዴሬ ጪማቲ ዱቡሻ ሺቂዛሶን
\q2 ኢዚ ኬ ኣዋይ
\q2 ቦንቼቲዳ ኣሳ።
\q1
\v 24 ላይኖፔ ሴሎ ማይኦታ
\q2 ኦዳ ባይዛዉስ፤
\q2 ዛልኣንቻታስካ ዳንጮ
\q3 ዳዳ ሺሻዉስ።
\q1
\v 25 ኢዛ ሚኖኔ ፑላራ ዲዛ ማጫሳ፤
\q2 ኢዛ ዪዛ ላይታ
\q3 ኡፋይሳን ሞካዉስ።
\q1
\v 26 ኣ ኤራን ኢዛ ሃሳያዉስ፤
\q2 ኢዚ ኢንጻርሳፌ
\q3 ሱሬ ዞሬይ ኬኤስ።
\q1
\v 27 ኢዛ ባ ሶ ኣሳ ሃኖ
\q2 ሎኤ ካላዉስ፤
\q2 ኣዛላ ሃኖይ ኢዚ ቦላን
\q3 ቤቲ ኤሬና።
\q1
\v 28 ኢዚ ናይቲ ኢዞ፥
\q2 «ኣንጄቲዳሬ» ጌቴስ፤
\q2 ኢዚ ኬ ኣዋይካ
\q2 ኢዞ ጋላቲሼ፥
\q1
\v 29 «ሎኦ ሚሽ ኦዳ
\q2 ዳሮ ማጫሳቲ ዴቴስ፤
\q2 ጊዶ ኣቲን ኔኒ ኢስታ
\q3 ኡባፌ ኣሳ» ጌስ።
\q1
\v 30 ማላ ሎኦይ ባሌስ፤
\q2 ፑላይካ ቆኬስ፤
\q3 ጊዶ ኣቲን ጎዳስ ያዪዛ
\q2 ማጫሲ ኢዛ ኣንጄቲዳሮ።
\q1
\v 31 ኢዚስ ቤሲዛ ኢሞታ ኢሚቴ፤
\q2 ኢዛ ኦዳ ኦሶይ ኡባይ
\q3 ዱቡሻን ኢዞ ጋላቲሶ።