\id PHM - Gamo Full Bible final version
\ide UTF-8
\h ፒልሞናስ
\toc1 ጳዉሎሲ ፒልሞናስ ጻፊዳ ኪታ
\toc2 ፒልሞናስ
\toc3 ፒልም
\mt2 ጳዉሎሲ
\mt ፒልሞናስ
\mt2 ጻፊዳ ኪታ
\imt ጊዶ ቆፋ
\ip ፒልሞናይ ዳሮ ኤሬቲዳ ኣማኒዛዴ፤ ኢዚ ቆላሲያሴ ዎሳ ኬን ኣማኒዛ ኣሳ ጋርሳን ዲዛዴ ሚሳቴስ። ፒልሞናስ ኣናስሞሳ ጌቴቲዛ ኣይሌይ ዴስ፤ ሄሳዴይ ባ ጎዳ ሶፔ ቤቴ ቢዲ ቃሾ ኬን ዲዛ ጳዉሎሳራ ጋጊዴስ፤ ኢዚ ጳዉሎሳ ባጋራ ኣማኒዴስ። ጳዉሎሲ ፒልሞናስ ጻፊዳ ኪታይ ፒልሞናይ ሲሚዲ ኢዛኮ ቢዛ ሄ ኦሳንቻዛራ ማቃይናና ማላ ቆፍሴስ። ቃሴካ ኣናስሞሲ ሃኢ ኣማኒዳዴ ጊዲዳ ጊሻስ ሃይሳፌ ጉዬ ፒልሞናይ ኣማኖን ባስ ኢሻ ማላ ኤካናፔ ኣቲን ኣይሌ ቆዶንታ ማላ ዮቴስ።
\iot ሃ ማጻፋይ ኦይኪዳ ኩሜ ቆፋ
\io1 ጌሎሶ \ior 1-3 \ior*
\io1 ፒልሞናስ ጳዉሎሲ ሺሺዳ ቃላታ \ior 4-7 \ior*
\io1 ጳዉሎሲ ኣናስሞሳ ጊሻስ ሺሺዳ ሚኖ ዎሳ \ior 8-22 \ior*
\io1 ኩሻ ቆፋ \ior 23-25 \ior*
\c 1
\p
\v 1 ዬሱስ ኪርስቶሳ ጊሻስ ቃሼቲዳ ታፔ ጳዉሎሳፔኔ ኑ ኢሻ ጺምቶሳፔ ኑ ሲቆ ኢሻ ጊዲዲ ኑናራ ኢሲፌ ኦዛ ፒልሞናስ፥ 
\v 2 ኔ ኬን ሺቂዛ ኣማኒዛ ኣሳሲኔ ኑ ሚቼዮ ኣምፒብያስ ቃሴካ ኑናራ ኢሲፌ ኪርስቶሳ ዎታዳራ ጊዲዳ ኣርኪጳሴስ፥\x - \xo 1፡2 \xo*\xt ቆላ 4፡17\xt*\x*
\p
\v 3 ኑ ኣዋ ጾሳፌ ኑ ጎዳ ዬሱስ ኪርስቶሳፔ ኪያቴኔ ሳሮቴ ኢንቴስ ጊዶ።
\s ፒልሞና ሲቆኔ ኣማኖ
\p
\v 4 ታኒ ታ ዎሳን ኔና ቆፓሼ ኡባ ዎዴ ጾሳ ጋላታይስ። 
\v 5 ጋሶይካ ኔ ጾሳ ኣሳ ሲቂዛይሳኔ ጎዳ ዬሱስ ኪርስቶሳን ኔ ኣማኒዛይሳ ታ ሲያዲስ። 
\v 6 ኑኒ ኪርስቶሳስ ጊዲዳይሳኔ ኑስ ዲዛ ሎኦ ዮኦይ ዉሪ ቆንጬን ኤሬታና ማላ ኔኒካ ኔ ኣማኖ ሃራ ኣሳስ ቤሳና ማላ ታ ኔስ ሚና ዎሳይስ። 
\v 7 ታ ኢሻዞ! ኔ ሃኖን ጾሳ ኣሳ ዎዚናይ ኦራጺዳ ጊሻስ ኔ ሲቆይ ታ ዎዚና ኬሂ ሚንዴስ።
\s ኣናስሞሲ ፒልሞናኮ ሲማና ማላ ጳዉሎሳ ዎሳ
\p
\v 8 ሄሳ ጊሻስ ኔ ኦናስ ቤሲዛይሳ ኦና ማላ ኔና ኣዛዛናስ ታስ ኪርስቶሳን ጻላቴ ዴሲኮሺን። 
\v 9 ጊዲኮካ ታ ኔና ኣዛዛናፔ ሲቆራ ዎሳይስ፤ ጋሶይካ ታኒ ዬሱስ ኪርስቶሳ ጊሻስ ቃሼታዳ ቃሾ ኬን ዲዛ ጳዉሎሳ። 
\v 10 ታ ኔና ዎሲዛይ ታኒ ቃሾ ኬን ዳሼ ዬሱስ ኪርስቶሳን ዬሊዳ ና ኣናስሞሳ ጊሻሳ።\x - \xo 1፡10 \xo*\xt ቆላ 4፡9\xt*\x* 
\v 11 ኣናስሞሲ ሃይሳፌ ካሴ ኔና ጎኢቤና ሺን ሃኢ ጊዲኮ ኢዚ ኔናካ ታናካ ጎኢዛዴ።\f + \fr 1፡11 \fr*\ft ኣናስሞሳ ጉሲ ጊሪኬ ቃላን ጎኢዛዴ ጉሳ።\ft*\f*
\p
\v 12 ታ ሃኢ ኢዛ ኔኮ ዛራ ዬዳዲስ፤ ታኒ ኔኮ ዬዲዛይ ኢዛ ጊዶንታ ታ ዎዚና ኔኮ ዛራ ዬዲዛ ማላ ቆዳይስ። 
\v 13 ሚሺራቾ ቃላ ጋሶን ታ ሃን ቃሼታ ዲሺን ኔ ታና ኦ ማዳናይሳ ኢዚ ታናራ ዴኢዳኮ ታና ኡፋይሴስ። 
\v 14 ጊዶ ኣቲን ኔ ሎኦ ኦሶይ ኔ ዶሳንፔ ኣቲን ዎልቃራ ጊዶንታ ማላ ጋዳ ኔና ኦይቾንታ ኣይኮካ ኦና ኮያቤኬ።
\p
\v 15 ኣናስሞሲ ሃኖ ጋካናስ ኔፔ ጉ ዎዴ ሻኬቲኮካ ኦኔ ኤሪዛይ ሃይሳፌ ጉዬ ኡባ ዎዴ ኔናራ ዳና ዳንዳዬስ። 
\v 16 ሃይሳፌ ጉዬ ኢዚ ኔናራ ዳናይ ኣይሌ ማላ ጊዶንታ ኣይሌፌ ኣ ኔስ ኣሾ ኢሻ ማላ ጊዳና፤ ኢዚ ታስ ዶሴቲዳ ኢሻ፤ ጊዶ ኣቲን ኢዚ ኔና ኦ ጎኣና ኣስ ጊዲዳ ጊሻሲኔ ኢዚ ኔስ ኪርስቶሳ ባጋራ ኢሻ ጊዲዳ ጊሻስ ኔስ ኬሂ ዶሴቲዳዴ ጊዳና።
\p
\v 17 ኑስ ዲዛ ኢሲፌቴ ጋሶን ኔ ታና ኔስ ኢሻ ማላ ቆዲዛ ጊዲኮ ታና ኔ ሞካ ኤኪዛ ማላ ኢዛካ ሞካ ኤካ። 
\v 18 ኢዚ ኔ ቦላ ጋዳ ቆሆይ ዲኮ ዎይኮ ኔ ኣጮይ ኢዛ ቦላ ዲኮ ኢዛ ኣጮዛ ታ ቦላ ቆዳ። 
\v 19 ሄኮ ታ ጳዉሎሲ፥ «ኢዛ ኣጮዛ ታ ኔስ ቃንጻና» ጋዳ ታ ኩሼራ ጻፋዲስ፤ ጊዲኮካ ኔ ኪርስቶሳ ኣማኒዳይ ታ ባጋራ ጊዲዳ ጊሻስ ሃራይ ኣቶሺን ኔካ ታስ ቃንጻና ኣጮይ ዲዛዴ ጊዲዳይሳ ታ ኔና ኤሪሳናስ ኮሼና። 
\v 20 ሂኣ ታ ኢሻዞ! ሄሳ ሎኦ ኦሶ ኔ ታስ ኦና ማላ ጎዳ ሱንን ኪርስቶሳ ጊሻስ ጋዳ ኔ ታ ዎዚና ሼምፒሳና ማላ ታ ኔና ዎሳይስ።
\p
\v 21 ታ ኔስ ሃይሳ ጻፊዳይ ኔ ታስ ኣዛዜታናይሳ ኣማናዳኮ! ታ ኔና ኦይቺዳይሳፌ ኔ ኣ ኦናይሳ ታ ኤራይስ። 
\v 22 ጾሲ ኢንቴ ዎሳ ሲዪዲ ታ ኢንቴኮ ባና ማላ ታስ ሂዶታይ ዲዛ ጊሻስ ታ ባዳ ኢንቴኮን ሼምፓናሶ ሃያና ታስ ጊጊሳ።
\s ዉርሴ ሳሮካ
\p
\v 23 ዬሱስ ኪርስቶሳ ጋሶን ታናራ ቃሼቲዳ ኤጳፊራይ ኔና ሳሮ ጌስ።\x - \xo 1፡23 \xo*\xt ቆላ 1፡7፤ 4፡12\xt*\x* 
\v 24 ሄሳካ ታናራ ኦዛይቲ ማርቆሲ ኣርሲጺሮኮሲ፥ ዴማሲኔ ሉቃሲ ኔና ሳሮ ጌቴስ።\x - \xo 1፡24 \xo*\xt ሃዋ 12፡12፥25፤ 13፡13፤ 15፡37-39፤ 19፡29፤ 27፡2፤ ቆላ 4፡10፥14፤ 2ጺም 4፡10-11\xt*\x* 
\v 25 ጎዳ ዬሱስ ኪርስቶሳ ኪያቴ ኢንቴናራ ጊዶ።