\id MIC - Gamo Full Bible final version
\ide UTF-8
\h ሚኪያሳ ቲንቢቴ
\toc1 ሚኪያሳ ቲንቢቴ
\toc2 ሚኪያሳ ቲንቢቴ
\toc3 ሚኪ
\mt ሚኪያሳ ቲንቢቴ
\imt ጊዶ ቆፋ
\ip ሚኪያሲ ኢሳያሳይ ዲዛ ዎዴ ዲዛ ናቤ ጊዲሺን ኢዛስ ዬሌታይ ዱጌሃ ባጋ ዩሁዳን ካዎቴ ጋርሳን ዲዛ ኢሲ ዴሬ ጋርሳን ዲዛ ካታማን ዴስ፤ ኣሞጼይ ፑዴሃ ባጋ ካዎቴ ቦላ ሜቶይ ጋካናይሳ ዮቶይሳ ሚኪያሲካ ሄ ሃኖቲ ዩሁዳ ካዎቴ ቦላ ጋካናይሳ ካሴቲ ዮቲዴስ። ዴሬዚ ኦዛ ኢታ ሃኖቲ ፒርዳ ፓጬ ጊሻስ ጾሲ ባ ፒርዳ ኤሃናይሳ ቆፍሲዴስ፤ ጊዶ ኣቲን ሚኪያሳ ቲንቢቴ ቃላይ ሲንፌ ሂዶታይ ዲዛይሳ ቤሲዛ ማላታታካ ጋ ኦይኪዴስ። ሃራፔካ ሎኤ ጼላናስ ቤሲዛ ኪፊሌቲ ጾሳ ጎዳቴ ጋርሳን ኩሜ ኣላሜን ሳሮቴ ዳናይሳ (4፡1-40)፥ ዳዊቴ ዜሬፌ ጊታ ካዎይ ዪኮ ዴሬዛስ ሳሮቴ ኢሜታናይሳ (5፡2-40) ሄሳካ ካሴ ኢስራኤሌ ናቤቲ ዮቲዳ ቃላይ ኡባይካ ኢሲ ጺቂሴን ቃሼቲዳ ማላ ቆንጪሴቴስ፤ ሂና ሄ ጺቂሴያካ፥ «ኢዚ ኑፔ ኮይዛይሳ ኑ ኦና ማላ፥ ኪያቴ ኩሚዳ ሲቆ ኑ ቤሳና ማላኔ ኑኒ ኑ ጎዳራ ኩሜ ኣሽኬቴን ዳና ማላሳ።» [6፡8]
\iot ሃ ማጻፋይ ኦይኪዳ ኩሜ ቆፋ
\io1 ጎዳይ ባ ኣሳ ቃጻዬስ \ior 1፡1—2፡11 \ior*
\io1 ሲንራ ዲዛ ሂዶታ \ior 2፡12-13 \ior*
\io1 ጾሲ ዴሬ ካሌዛ ኢታታኔ ዎርዶ ናቤታ ቃጻያና \ior 3፡1-12 \ior*
\io1 ኦራ ኢስራኤሌን ጾሳ ኬ ኦራ \ior 4፡1—5፡15 \ior*
\io1 ኢስራኤሌይ ኦዳ ቆሆ ቆንጬ \ior 6፡1—7፡7 \ior*
\io1 ዴሬዚ ጾሳኮ ሲሞ \ior 7፡8-20 \ior*
\c 1
\p
\v 1 ዩሁዳ ካዎ ኢዮኣታሜ፥ ኣካዜኔ ሂዝቂያሳ ዎዴ ሞሬሼቴ ኣስ ጊዲዳ ሚኪያሳኮ ሳማሪያ ጊሻሲኔ ዬሩሳላሜ ጊሻስ ዪዳ ጾሳ ቃላይ ሃይሳ፥\x - \xo 1፡1 \xo*\xt 2ካዎ 15፡32—16፡20፤ 18፡1—20፡21፤ 2ታሪ 27፡1-7፤ 28፡1—32፡33\xt*\x*
\b
\q1
\v 2 ኢንቴኖ ዴሬቶ፤
\q2 ኢንቴ ዉሪካ ሲዪቴ!
\q2 ሃ ቢታ ቦላ ዲዛይቲ ዉሪካ
\q3 ሃ ኤዝጊ ሲዪቴ፤
\q2 ሳሎ ጎዳይ ባ ጌሻ ኬን
\q3 ኡቲዲ ኢንቴ ኢታ ኦሶዛ
\q3 ኢንቴ ቦላ ማርካቴስ።
\s ሳማሪያ ቦላኔ ዬሩሳላሜ ቦላ ዪዳ ፒርዳ
\q1
\v 3 ሄኮ ጾሲ ባ ዲዛሶፔ ያና፤
\q2 ዪዲካ ቢታ ቦላን
\q2 ቃሶሆን
\q3 ቃሶሆን ሄሜታና።
\q1
\v 4 ሙቃዳይ ታማ ቤኢዲ
\q2 ሴሪዛ ማላኔ
\q2 ሃ ኣፎራ
\q2 ዱጌ ጎጊዛ ማላ
\q3 ሄ ዎዴ ዙማቲ
\q3 ኢዛ ቶሆ ጋርሳን ሴራና፤
\q2 ሾባቲካ ጳልቄቲ
\q2 ዎና።
\p
\v 5 ሄሲ ዉሪ ሃናናይ ያቆቤይ ኦዳ ሞሮ ጊሻሲኔ ኢስራኤሌ ናይታ ናጋራ ጊሻሳ፤ ኢስራኤሌ ኣሳይ ኢታ ኦናስ ጋሶ ጊዲዳይ ኦኔ? ኢዚስ ዋና ካታማዮ ሳማሪያ ጊዴኬ? ዩሁዳ ኣሳይ ኤቃ ጎይኒዲ ናጋራ ኦና ማላ ጋዳይ ኦኔ? ዬሩሳላሜ ጊዴኬ? 
\v 6 ሄሳ ጊሻስ ታኒ ሳማሪያ ኬ ላሌቲዳሶኔ ዎይኔ ሚ ቶኬቲዛሶ ኬሳና፤ ኢዛ ኬጼቲዳ ዮቻ ሹቻ ታ ዱጌ ሾባን ኦላናኔ ኢዚ ጻጶ ሾዳ ይሳና። 
\v 7 ኢዚ ኤቃቲ ዉሪካ ሜቄሬታና፤ ኢዚ ኤቃ ኬን ዲዛ ላይማቲዛይታስ ኢሜቲዳዚ ዉሪ ታማን ጹጌታና፤ ኢዚ ሚስሌታካ ኡባ ታ ይሳና፤ ኢዛ ባስ ኢሜቲዳይሳ ላይማን ሺሺዳ ማላ ሃኢካ ኢዚስ ዲዛዚ ላይማን ኤኪዛዝ ጊዳና።
\s ዬሆኔ ጬጬ
\p
\v 8 ሄሳ ጌዶን ታኒ ዬካይስ፥ ዉ! ዉይ ጋይስ፤ ታ ጫማይ ባይንዳ ሜላ ቶሆኒኔ ሜላ ካሎ ባይስ፤ ዎራካና ማላ ዋሳይስ፤ ጉቶ ማላ ዋሳይስ። 
\v 9 ኢዚ ማዱንይ ፓጾንታዝ ጊዳና፤ ኢዚፔ ኣ ዩሁዳሳራ ጊዳና፤ ታ ዴሬይ ጌሊዛ ፔንጌ ዬሩሳላሜ ጋኪዴስ። 
\v 10 ጌቴ ዴሬን ሃሳዮፒቴ፤ ዬሆ ሙሌካ ዬኮፍቴ፤ ቤቲ-ሊኦፋራን ጉዱላ ቦላ ጌንዴሬቲቴ። 
\v 11 ኢንቴኖ ሻፊሬን ዲዛይቶ ማይኦይ ባይንዳ ካሎ ዬላቲሼ ኣቴ፤ ጻኢናን ዲዛይቲ ሄፔ ኬዜቴና፤ ቤቲ-ኤዜሌይ ጬጬ ቦላ ዳዉስ፤ ኢንቴስካ ጋኪ ሼምፓናሶ ጊዳናስ ዳንዳዩኩ። 
\v 12 ሜቶፔ ሼምፓናስ ኮሻን ማሮቴን ዲዛይቲ ሜቶን ዋዬቴቴስ፤ ሄሲካ ዬሩሳላሜ ፔንጌ ጋካናስ ኢታ ሜቶይ ጾሳ ኣቻፌ ዪዳ ጊሻሳ። 
\v 13 ኢንቴኖ ላኪሼን ዲዛይቶ ፓራታ ጋሬራ ጋ ኦይሴቴ። ጺዮኔ ማጫ ናይታስ ኮይሮ ናጋራይ ኢንቴናኮ። ኢስራኤሌስ ቆሆይ ኢንቴ ኣቻፌ ቤቲዴስ። 
\v 14 ሄሳ ጊሻስ ኢንቴ ሞሬሼት-ጋቴስ ኢሞታ ኢማና፤ ኣኪዚቤ ካታማይ ኢስራኤሌ ካዎታ ባሌዛ ካታማ ጊዳና። 
\v 15 ኢንቴኖ ማሬሻን ዲዛይቶ! ታ ኢንቴና ጾኒዛዴ ኢንቴ ቦላ ኤሃና፤ ኢስራኤሌስ ቦንቾ ጊዲዳዚ ኣዱላሜ ሃ ያና። 
\v 16 ኢንቴ ኢስታን ኡፋዬቲዛ ኢንቴ ናይቲ ኢንቴፌ ዲኤቲ ባና ጊሻስ ኢንቴ ሁኤ ቡሉሲቴ።
\c 2
\s ኣሳ ቆፋኔ ጾሳ ቆፋ
\p
\v 1 ኢታ ኦናስ ቆፒዛይታሲኔ ሂጻን ዲሼ ጌኔ ኦናስ ዮኦ ቱኪዛይታስ ኣዬ ኣና! ኦማርስ ቆፖይሳ ማላዶ ዎንታራ ፖሌቴሲኔ ሄሳ ኦናስካ ዎልቃራ ዴቴስ። 
\v 2 ኣሳ ጋዴ ኣሞቲዳ ማላ ኦይኬቴስ፤ ኣሳ ኬካ ኣሞቲዲ ኤኬቴስ፤ ባ ላጌ ኬኔ ቢታ ባሌን ኤኬቴስ። 
\v 3 ሄሳ ጊሻስ ጾሲ፥ «ሄኮ ታ ሄሳ ማላ ዴሬ ቦላ ይሲዛዝ ኤካ ያና ቆፓዲስ፤ ኢንቴ ቃሴ ሄሳፌ ኬሲ ኤካና ዳንዳዬኬታ፤ ኢንቴ ቦላ ሜቶይ ዪዛ ጊሻስ ሄሳፌ ጉዬ ኢንቴ ኦቶሬቴን ሲሜሬቴኬታ። 
\v 4 ሄ ዎዴ ዴሬይ ኢንቴ ቦላ ሚጪ ካኣና፤ ኢንቴና ቂሼ፥
\q1 « ‹ኑ ሙሌራ ይዶስ፤
\q2 ታ ዳቦ ጋዴይ ሃራስ ጊሼቲዴስ፤
\q2 ታፔ ቦንቂ ኤኪዲ
\q3 ኑ ቢታ ኑና ጾኒዳይታስ
\q2 ጊሺዴስ› ጊ ዚላላና» ጊዴስ።
\b
\q1
\v 5 ሄሳ ጊሻስ
\q2 ጾሳ ዱላታ ጊዶን
\q2 ጋዴ ሳማ ዬጊ ጊሻናዴይ
\q3 ኦኒካ ዴና።
\s ዎርዶ ናቤታ
\p
\v 6 ኢስታ ናቤቲ፥ «ቲንቢቴ ኑ ቦላ ዮቶፓ፤ ሄይታንታ ጊሻስ ቲንቢቴ ኑስ ዮቶፓ፤ ኑ ቦላ ካዉሻቴ ጋኬና» ጋና። 
\v 7 «ያቆቤ ሶ ኣሳቶ ሄሳ ጌቴታናስ ቤሲዜ? ጾሳ ኣያናይ ኣጊ ኣሬኔ? ሄይታንታ ማላካ ኦዜ?» ጊ ኦይቻና፤ «ሱሬ ኦጌ ሄሜቲዛይታስ ታ ቃላይ ሎኦ ኦ ኤሬኔ? 
\v 8 ዉርሴን ኢንቴ ታ ዴሬታ ቦላ ሞርኬ ጊዲ ዴንዲዴታ፤ ኢስታስ ኦላ ቆፋይ ባይንዳ ዲሺን ሳሮቴራ ኣዛይታ ቦላፌ ሴሎ ማይኦ ኢንቴ ቃሪ ኤኪዴታ። 
\v 9 ኢስቲ ዶሲዛ ኢስታ ኬፌ ታ ኣሳ ማጫ ናይታ ኬሲ ኤፊዴታ፤ ታ ቦንቾካ ኢስታ ናይታፔ ሜርናስ ኤኪዴታ። 
\v 10 ዴንዲዲ ሄሳፌ ኪቺቴ፤ ሄሲ ኢንቴስ ሼምፖሶ ጊዴና፤ ጋሶይካ ቱኒዴሲኔ ዳሮ ሞሬቲዴስ። 
\v 11 ባሌዛ ዎርዶ ኣሲ ዪዲ፥ ‹ዳሮ ዎይኔ ኡሹ ጊሻሲኔ ማሲዛ ኡሻ ጊሻስ ጊዲ ቲንቢቴ ኢንቴስ ዮታና› ጊኮ ሃይሳ ዴሬዛስ ዶሴቲዳ ናቤ ጊዳና።
\s ኣስ ኣሻናስ ኢሜቲዳ ሂዶታ
\p
\v 12 «ያቆቤ! ቱማፔ ታ ኢንቴና ኢሲሶ ሺሻና፤ ኢስራኤሌታፔ ኣቲዳይታ ታ ኢሲ ቦላ ኤሃና፤ ዪሬ ጊዶን ዲዛ ሜሄ ማላኔ ዴምባን ሄሜቲዛ ሜሄ ማላ ታኒ ኢንቴና ኢሲ ቦላ ሺሻና፤ ኢንቴ ዴሬይ ዉሪ ኣስ ጻላ ጊዳና። 
\v 13 ሜንዛይ ኢስታፌ ካሴቲ ኬዚ ባና፤ ኢስቲካ ፔንጌዛ ሜንዲ ኬዚ ባና፤ ኢስታ ካዎይ ጾሳይ ኢስታፌ ሲን ኣ ካሌና» ጊዳ።
\c 3
\s ኢታ ኦጌ ካሌዛይታኔ ዎርዶ ናቤታ ቦላ ጾሳ ሃንቆ
\p
\v 1 ቃሴካ፥ «ኢንቴኖ ያቆቤ ካሌዛይታኔ ኢስራኤሌ ኬ ኣሳ ሃሪዛይቶ ሲዪቴ፤
\q2 ኢንቴ ቱሙ ፒርዳ ኤራናስ
\q3 ኢንቴስ ቤሴኔ?
\q1
\v 2 ኢንቴ ሎኦ ኢጺዴታ፤
\q2 ኢታ ቃሴ ዶሲዴታ፤
\q2 ታ ኣሳ ጋልባ ሾቂዴታ፤
\q2 ኢስታ ኣሾካ
\q2 ሜቄፌ ሻኪዴታ።
\q1
\v 3 ታ ኣሳ ኣሾ ሚዴታ፤
\q2 ጋልባካ ሾቂዴታ፤
\q2 ኢስታ ሜቄካ
\q2 ሜንሬዴታ፤
\q2 ኣሾ ጫጪዛ ባሼን
\q2 ጫጪዛ ማላኔ
\q3 ዲስቴን ዶይሲዛ ኣሾ ማላ
\q3 ቃንጼሬዴታ» ታ ጋዲስ።
\q1
\v 4 ኢስቲካ ፑዴ ጾሳኮ
\q2 ዋሳና ሺን
\q2 ጾሲ ኢስታ ዋሶ ሲዬና፤
\q2 ኢታቴ ጊሻስ ሄ ዎዴ
\q2 ጾሳይ ባ ኣይፌሶ
\q3 ኢስታፌ ሃራሶ ዛራና።
\p
\v 5 ጾሲ፥ «ታ ዴሬ ባሌዛ ናቤቲ
\q2 ኣሲ ኢስታ ሚዚኮ፥
\q2 ‹ሳሮቴ ዴስ› ጌቴስ።
\q2 ሙዞንታ ኣጊኮ ቃሴ፥
\q2 ‹ኦላይ ዬስ›
\q2 ጊ ኣዋጃናስ ዴንዴቴቴስ።
\q1
\v 6 ሄሳ ጊሻስ ኢስታ ቦላ
\q2 ቃማይ ቤቶንታ፥
\q2 ማይ ኤሮንታ ጋኪ
\q2 ዎና፤
\q2 ናቤታ ቦላ ኣርሼይ ጌላናኔ
\q3 ጋላሳይ ኢስታስ ቃማና።
\q1
\v 7 ቡሮ ማሮቲዛይቲ ካዉያና፤
\q2 ቲንቢቴ ዮቲዛይቲ ዬላታና፤
\q2 ዉሪካ ባ ኣይፌሶ ካማና፤
\q2 ጋሶይካ ኢስታስ ዛሮይ
\q2 ጾሳ ኣቻፌ ባይንዳ
\q2 ጊሻሳ» ጊዴስ።
\b
\q1
\v 8 ታ ቃሴ ያቆቤስ
\q2 ኢዛ ቆሆዛ፥
\q2 ኢስራኤሌሲካ
\q2 ኢዛ ናጋራ ዮታናስ
\q3 ዎልቃን፥ ጾሳ ኣያናን፥
\q2 ቱማ ፒርዳኒኔ
\q3 ሚኖቴን ኩማዲስ።
\q1
\v 9 ኢንቴኖ ያቆቤ ሶ ኣሳ
\q2 ካሌዛይቶ!
\q2 ኢንቴኖ ኢስራኤሌ ዴሬ ሃሪዛይቶ!
\q2 ቱሙ ፒርዳ ካዛይቶ!
\q2 ቱሙ ጊዲዳዝ
\q2 ኡባ ሚርቂዛይቶ!
\q3 ኣኔ ሲዪቴ።
\q1
\v 10 ጺዮኔ፥ ኣሳ ሱ ጉሶኒኔ
\q2 ዬሩሳላሜ ኢታቴን
\q2 ኩንዛይቶ!
\q3 ኣኔ ሲዪቴ።
\q1
\v 11 ካሌዛይቲ ማታኤስ ፒርዴቴስ፤
\q2 ቄሴቲ ሚሻ ጊሻስ
\q2 ታማርሴቴስ፤
\q2 ናቤቲካ ሚሼ
\q2 ሚዳ ጊሻስ ዮቴቴስ።
\q1 ሄሳ ኡባ ኦዲካ፥
\q2 «ጾሲ ኑ ጊዶን ዴስ ጊዴኔ?
\q2 ኣይ ኢታይካ ኑ ቦላ ጋኬና» ጊሼ
\q3 ጾሳን ጬቄቴቴስ።
\q1
\v 12 ሄሳ ጊሻስ ኢንቴ ጌዶን
\q2 ጺዮኔይ ጎሻ ቢታ ማላ
\q2 ጎዬታና፤
\q1 ዬሩሳላሜይካ ቆሌቲዳ
\q2 ኬ ዶሬ ጊዳና፤
\q2 ጾሳ ኬይ ዲዛ ዙማይካ
\q3 ሻራፋ ማታይ ኢዛ ቦላ
\q3 ዲጪዳ ዙማ ጊዳና።\x - \xo 3፡12 \xo*\xt ኤር 26፡18\xt*\x*
\c 4
\s ጾሳ ዙማ
\p
\v 1 ዉርሴ ዎዴ
\q1 ጾሳ ኬ
\q2 ኢዛ ቦላ ዲዛ ዙማይ
\q2 ሃራ ዙማ ኡባፌ
\q2 ኣ ቤታና፤
\q2 ሃራ ዙማታፔ ቦላራ
\q2 ቁ ጋና፤
\q2 ዴሬይካ ኢዛኮ ጎቻና።
\q1
\v 2 ዳሮ ካዎቴቲ ኢዛኮ ዪዲ፥
\q2 «ጾሳ ዙማኮ ሃ ዪቴ፤
\q2 ያቆቤ ጎዳኮ ኣኔ ቦስ፤
\q2 ኑ ኢዛ ኦጌራ ባና ማላ
\q3 ኑና ኢዚ ባ ኦጌ
\q3 ታማርሳና» ጊዳ፤
\q2 ዎጋይ ጺዮኔፔ፥ ጾሳ ቃላይ
\q3 ቃሴ ዬሩሳላሜፔ ያና።
\q1
\v 3 ኢዚ ዳሮ ኣሳ ጊዶን ፒርዳና፤
\q2 ሃሆኒኔ ማታን ዲዛ
\q3 ዎልቃማ ካታማ ጊዶን ዲዛ
\q3 ኦሽ ኤሳና፤
\q2 ኢስቲ ባ ጊ
\q2 ማሻ ማራሻ፥
\q2 ባ ቶራካ ባጫ ሂስቲ ቆጻና፤
\q2 ኢሲ ካዎይ ሃራ ካዎ ቦላ
\q3 ማሻ ዴንና፤
\q2 ሄሳፌ ጉዬ ኢስቲ
\q2 ኦላ ቲሚርቴ ታማሬቴና።\x - \xo 4፡3 \xo*\xt ኢዩ 3፡10\xt*\x*
\q1
\v 4 ኢሲ ኣሲ ባ ዎይኔ ሚ ጋርሳንካ
\q2 ባ ባላሴ ሚ ጋርሳን ኡታና፤
\q2 ኢስታ ባቢሲዛ ሚሺ ዴና፤
\q2 ኡባፌ ዎልቃማ
\q2 ጎዳ ዶናይ
\q3 ሃይሳ ዮቲዴስ።
\p
\v 5 ሃንኮ ዴሬይ ባ ኤቃ ሱንን ቤስ፤ ኑኒ ቃሴ ሜርናፔ ሜርና ጋካናስ ኑ ጎዳ ሱንን ባና።
\s ቡሮፔ ሃናና ጾሳ ቆፋ
\p
\v 6 ጎዳይ፥ «ታኒ ሄ ጋላስ ጉንዲዳይታ ሺሻና፤ ቤቴ ቢዳይታኔ ሙዞታና ማላ ታ ኣ ኢሚዳይታ ኡባ ኢሲሶ ሺሻና። 
\v 7 ጉንዳታፔ ኣቲዳይታኔ ቆሄቲዳይታ ታ ኢስታ ሚኖ ዴሬ ኬሳና፤ ሄ ጋላሳይፌ ዶሚዲ ሜርና ጋካናስ ጎዳይ ጺዮኔ ዙማን ኢስታ ቦላ ካዎታና። 
\v 8 ሃይሶ ኔናን ኡቲዲ ሜሄ ሄሚዛ ቃ ዙማዞ! ጺዮኔ ማጫ ናይታ ናጋና ጊጋ ኡቲዳ ዙማዞ! ቤኒ ኔ ሃሪዛ ዴሬይ ኔስ ሲማና፤ ኔ ካዎቴይ ዬሩሳላሜ ማጫ ናይስ ጊዳና። 
\v 9 ሂስቲን ኔ ሃኢ ኣዛስ ዋሳይ? ኔስ ካዎይ ባዬ? ኔኒ ሚጻይ ኦይኪዳ ማጫሳይ ማላ ኡንኤቲዳይ ኔና ዞሪዛይ ይኔ? 
\v 10 ሃኔ ጺዮኔ ማጫ ናዬ! ሚጻቲዛ ማጫሳይ ማላ ኔ ሜቶታና፤ ሃኢ ቃሴ ኔ ካታማፔ ጌዴ ኬዛዳ ጮ ዴምባን ዴኣና ቤሲዛ ጊሻስ ባቢሎኔ ባና፤ ኔ ሄ ባዳ ሄን ኔ ሞርኬታ ኩሼፔ ኣታና፤ ጎዳይ ኔና ሄን ኔ ሞርኬታፔ ኣሻና። 
\v 11 ሃኢ ቃሴ ዳሮ ሃንኮ ዴሬ ኣሳይ ኔ ቦላ ሺቂዴስ፤ ኢስቲካ፥ ‹ሃና ቱኒዳዝ ጊዱ! ኑ ኣይፌይ ጺዮኖ ቂን ጼሎ› ጋና። 
\v 12 ጊዶ ኣቲን ኢስቲ ጾሳ ቆፋ ኤሬቴና፤ ቡኬታናስ ባሌን ሺቂዛ ሚርቄ ካ ማላ ባና ሺሺዛዴ ቆፋ ኢስቲ ኤሬቴና። 
\v 13 ሃኔ ጺዮኔ ናዬ ዴንዳዳ ካ ቡካ፤ ታ ኔስ ቢራታ ካጬኔ ጻርቂማላ ጹጉን ኢማና፤ ኔካ ሃንኮ ዴሬዛ ኢዛን ሊቂሳና» ጊዴስ። ኢስቲ ጌኔን ሺሺዳይሳ ጾሳስ፥ ኢስታ ሃሮካ ኡባ ቢታ ኡባ ሃሪዛ ጎዳስ ኔ ሺሻንዳሳ።
\c 5
\s ቤቴሊሄሜፔ ሃሪዛዴይ ያናይሳስ ኢሜቲዳ ሂዶታ ቃላ
\p
\v 1 ሃኔ ኔኒ ኦላ ኣሳታ ካታማዬ፥ ኔ ኦላ ኣሳ ዚርሳ። ኑና ኦይካናስ ዩዪ ኣዳ፤ ኢስራኤሌ ሃሪዛይሳስ ሻጋላን ጉፌራ ሾጫና። 
\v 2 ሃኔ ኔ ቃሴ ቤቴሊሄሜ ኤፍራታ፥ ዩሁዳ ዛርኬታፔ ኔኒ ጉ ጊዲኮካ ኢዛስ ኬሳይ ካሴ ቤኒ ዎዴፔ ጊዲዳ ኢስራኤሌ ሃሪዛዴይ ኔ ጊዶፌ ታስ ኬዛና።\x - \xo 5፡2 \xo*\xt ማቶ 2፡6፤ ዮሃ 7፡42\xt*\x* 
\v 3 ሄሳ ጊሻስ ዬሊዛራ ሚጻታዳ ዬላና ጋካናስ ኢስራኤሌይ ዬጌታ ኣታና፤ ሃንኮ ኣቲዳ ኢሻቲካ ሲሚዲ ኢስራኤሌ ኣሳራ ዋላኬታና። 
\v 4 ጎዳ ዎልቃን ጎዳ ባ ጾሳ ሱን ጊታቴን ሚኒ ኤቃናኔ ባ ሜሄ ኢዚ ሄማና፤ ሄ ዎዴ ኢዛ ዎልቃቴይ ቢታ ጋጻ ጋካና ጊሻስ ኣሳይ ጊጋ ዱስ ዳና። 
\v 5 ኢስታስ ሳሮቴ ኢዛ ጊዳና።
\p ጎዳይ ኢስራኤሌ ኣሳ ኣሻናኔ ኢስታ ሞርኬታ ይሳና ኣሶሬ ኣሳይ ኑ ቢታ ዎራጂሺን ኑ ሚጻታካ\f + \fr 5፡5 \fr*\ft ኑ ሚጻታ ጊዛይሳ ካሴ ዎዴ ቢርሼቲ ኑ ቢታ ጌቴስ።\ft*\f* ሜን ጌሊሺን ላፑን ሄሚዛይታ ሄሳፌካ ኦስፑን ሃላቃታ ኑ ኢዛ ቦላ ዴንና። 
\v 6 ኣሶሬ ዴሬይ ማሻን ናሙሩዴ ዴሬይ ኮሆፔ ሾዴቲዳ ጊ ማሻን ሃሬታና፤ ኣሶሬ ኣሳይ ኑ ቢታ ዎራጂሺኒኔ ኑ ስ ቦቺሺን ኢዚ ኑና ኣሻና። 
\v 7 ያቆቤ ዜሬፌ ኣቲዳይቲ ዳሮ ዴሬ ጊዶን ጾሳ ኣቻፌ ዎዛ ኢራ ማላ ማታ ቦላ ሎዳራ ፑሲሼ ቢታ ካሌዛ ፑሴ ኢራ ማላ ኣሳፔ ኣይኮካ ኮዮንታ ኣሳ ጊዳና። 
\v 8 ዎራ ዶኣታ ጊዶን ዲዛ ጋሞይ፥ ባ ቶሆራ ኢጪ ሜንሬሼ ቢዛ ማላ፥ ሜንሬይሳካ ኢዛፔ ኦኒካ ዎ ኤካናስ ዳንዳዮንታይሳ ማላ፤ ዳሮ ዶርሳ ጊዶን ዲዛ ዎዳላ ጋሞ ማላ፤ ያቆቤ ዜሬፌ ኣቲዳይቲ ሃንኮ ዴሬታ ጊዶኒኔ ዳሮ ኣሳ ጊዶን ሄሳ ማላ ጊዳና። 
\v 9 ኔ ኩሼይ ኔ ሞርኬታ ጾኒዲ ቁ ቁ ጋና፤ ኔ ሞርኬቲ ዉሪካ ያና። 
\v 10 ሄ ዎዴ ጾሲ፥ «ታ ኢንቴ ጊዶፌ ኢንቴ ፓራታ ይሳና፤ ፓራ-ጋሬታካ ሙሌራ ይሳና። 
\v 11 ኢንቴ ቢታን ዲዛ ካታማታካ ይሳና፤ ኢንቴ ሚጻታካ ኡባ ላላና። 
\v 12 ኢንቴ ማሮቲዛይሳካ ይሳና፤ ሄሳፌ ጉዬ ማሮቴኬታ። 
\v 13 ማሴቲ ኬዚዳ ኢንቴ ኤቃ ሚስሌታኔ ኢንቴ ኤቃሶሆታካ ታ ኢንቴ ጊዶፌ ይሳና፤ ሃይሳፌ ጉዬ ኢንቴ ኢንቴ ኩሼን ኦዳይታስ ጎይኔኬታ። 
\v 14 ኣሼሮ ጌቴቲዛ ኤቂዛ ሚስሌዮ ታ ኢንቴ ጊዶፌ ሾዳና፤ ታ ኢንቴ ካታማካ ይሳና። 
\v 15 ታስ ኣዛዜቶንታ ዴሬታ ዎልቃማ ሃንቆን ታ ሃሎ ኬሳና» ጌስ።
\c 6
\s ጾሳይ ኢስራኤሌ ናይታ ሞቲዛ ሞቶ
\p
\v 1 ጾሲ ጊዛይሳ ሲዪቴ፤ «ዴንዲቴ! ኢንቴ ሜቶ ዙማታስ ዮቲቴ፤ ዙማቲካ ኢንቴ ጊዛይሳ ሲዬቶ። 
\v 2 ዙማቶ! ጾሳ ሞቶ ሲዪቴ፤ ኢንቴኖ ቢታ ሚኖ ጻጶቶ ሲዪቴ፤ ጾሳስ ኣሳራ ፓላማይ ዴስ፤ ኢዚ ኢስራኤሌ ናይታራ ፒርዴቴስ። 
\v 3 ታ ዴሬዞ! ታ ኔና ዎስታዲና? ታ ኔስ ኣዛን ቶሆ ጊዳዲና? ኣኔ ታስ ዛሮ ኢማ። 
\v 4 ታ ኔና ጊብጼፔ ኬሳዲስ፤ ኣይሌቴ ቢታፌካ ዎዛዲስ፤ ኔና ካሌና ማላ ሙሴ፥ ኣሮኔኔ ማራሞ ኔስ ዬዳዲስ።\x - \xo 6፡4 \xo*\xt ኬሳ 12፡50-51፤ 15፡20\xt*\x* 
\v 5 ታ ዴሬዞ! ሞኣቤ ካዎይ ባላቄይ ኢዛ ዞሪን ቢኦሬ ና ባላሜይ ኢዛስ ዛሮይሳ ኣኔ ዩሺ ቆፒቴ፤ ጾሳ ጺሎቴ ኦሶ ኢንቴ ሻኪ ኤራና ማላ፥ ሺጺሜፔ ጌልጌላ ጋካናስ ኢንቴ ሄሜቶይሳ ኣኔ ቆፒቴ» ጊዴስ። 
\v 6 ታ ኣይ ኤካዳ ጾሳ ሲን ሺቆ? ዴኦ ጾሳስ ዎስታ ጎይኖ? ጹጌቲዛ ያርሾ ኢሲ ላይ ማራራ ጋ ኤካ ባዳ ኢዛ ሲን ሺቆሻ? 
\v 7 ኢሲ ሺ ርሾታኔ 10,000 ጎጊዛ ዛይቴይ ጾሳ ኡፋይሳንዴሻ? ታ ኢዛ ቆሆይሳ ጊሻስ ታ ባይራ ናዛ ኢሚዛኮ ታ ሼምፖ ናጋራ ጊሻስ ታ ኡሎፔ ዎዳ ዬሎ ኢዛስ ኢሞሻ? 
\v 8 ኣሳ ናዉ! ኢዚ ኔና ሎኦ ሚሽ ቤሲዴስ ጾሲ ኔፔ ኮይዛይ ኣዜ? ሎኦ ኦና ማላ ማሮቴ ኔ ዶሳና ማላኔ ጾሳ ሲንን ኔኒ ኣሽኬቴራ ባና ማላ ጊዴኔ?
\s ኢስራኤሌ ናይታ ቆሆኔ ጾሳ ሃንቆ
\p
\v 9 ጾሳስ ባቦይ ኣዳ ኤራቴ፤ ሲዪቴ! ጾሲ ካታማዮ ሂዝጊ ጼይጌስ፥ «ኢዛ ሃንቆ ጉፌዛ ቆፒቴ፤ ሄሳካ ጊግሲዳይ ኦናኮ ዎዚናን ዎቴ።» 
\v 10 ኢታቴ ኬቶ! ኢንቴ ጌኔን ሺሺዳ ኢንቴ ሚሽ ዎርዶ ማካ ሚሻን ማኪ ኢንቴ ሺሺዳ ሹኒዛ ሚሻ ታ ዶጋኔ? 
\v 11 ባሌዛ ማካ ሚሽ ኦይኪዳዴ፥ ዎርዶ ማካ ሚሻ ካራጺቴን ጹንቲዳዴ ጺሊሳናስ ታስ ቤሲዜ? 
\v 12 ኢዚ ዴሬን ዱሬ ኣሳቲ ኣስ ቆሂዛዴንታ፤ ኢዚን ዲዛ ኣሳይ ዎርዳንቻ ጻላ፤ ኢስታ ኢንጻርሳይ ባሌዛ ኢንጻርሳ። 
\v 13 ሄሳ ጊሻስ ታ ኔና ይሳና ዴንዳዲስ፤ ኔ ናጋራ ጌዶን ታ ኔና ላላና። 
\v 14 ኔ ማናሺን ካላካ፤ ኔ ቃንይ ጮ ሜላ ዳና፤ ኔ ሺሻናሺን ኣይኮካ ኔስ ሺቄና፤ ኔ ሺሺዳይሳ ታኒ ማሻሲኔ ቶራስ ኣ ኢማና። 
\v 15 ኔ ዜራና ሺን ማጻካ፤ ዎጋራ ሚ ዛይቴ ኔ ጉምኣና ሺን ሄ ዛይቴዛ ቲዬታ፤ ዎይኔ ሚ ኣይፌ ጹንቃ ሺሻናሺን ዎይኔ ኡሹ ኔ ኡያካ። 
\v 16 ካዎ ኦሚሬ ዎጋኔ ካዎ ኣካቤ ኬ ዎጋ ኔ ኡባ ሺሻ ኦይካዳሳ፤ ኔካ ኢስታ ሃይሲኤ ካላዳሳ። ሄሳ ጊሻስ ኔና ይሳስ፥ ኔ ዴሬዛካ ታኒ ቂስ ኣ ኢማና፤ ዴሬይ ኔ ቦላ ቂ ካኣና።\x - \xo 6፡16 \xo*\xt 1ካዎ 16፡23-34፤ 21፡25-26\xt*\x*
\c 7
\s ኢስራኤሌ ኣሳ ዋዬ
\p
\v 1 ታና ኣዬ ኣና! ዎይኔ ሚ ጊዶፌ ማጺሺን ኣቲዳ ሚ ኣይፌ ቦኔ ቆሪዛ ኣሳ ማላ ጊዳዲስ፤ ሜቴቲዛ ዎይኔ ሚ ኣይፌይ ዴና፤ ኑ ኢዛስ ኣሞቲዛ ኤሌሊ ጋኪዛ ባላሴ ሚ ኣይፌይካ ቤቲቤና። 
\v 2 ጾሳስ ባቢዛ ኣሲ ቢታ ቦላፌ ይዴስ፤ ሱሬ ኣሲ ኢሳዴይካ ባዋ፤ ኣሲ ዉሪካ ሱ ጉሳናስ ዙጌስ፤ ኢሲ ኢሲ ኣሲ ባ ኢሻ ያርዴን ኦይኬስ። 
\v 3 ኢዛ ኩሼይ ኢታ ኦናስ ታማርዴስ፤ ዴሬ ሄሚዛዴይ ኩሼ ጌን ኮዬስ፤ ፒርዲዛ ዳናይካ ማታኤ ኤኬስ፤ ዎልቃማቲ ባና ኮሺዳዚ ኦቴስ፤ ዉሪካ ኢሲ ቦላ ዱላቴቴስ። 
\v 4 ኢስታ ጋርሳፌ ሎኦ ጌቴቲዳዴይ ኣጉን ማላ ኬሂ ሎኦ ጌቴቲዛዴይ ቃሴ ኪንዲቾ ማላ ኢንቴና ናጊዛይታስ ዎዴይ ጋኪዴስ፤ ጾሳ ፒርዳ ጋላሳይ ጋኪዴስ፤ ኣሳይ ሺሮታና ዎዴይ ጋኪዴስ፤ 
\v 5 ኔ ላጌ ኣማኖፓ፤ ኔ ላጌንካ ኣማኔቶፋ፤ ኔ ኪኦን ኔናራ ኣቂዛሪስካ ኔ ዮቲዛዝ ኣኬካዳ ዮታ። 
\v 6 ኣቱማ ናይ ባ ኣዋ ካና፤ ማጫ ናይካ ባ ኣዪ ቦላ፥ ና ማቻካ ባ ቦሎቴይ ቦላ ዴንዳና፤ ኣሳስ ሞርኬይ ሶ ኣሳ ጊዳና።\x - \xo 7፡6 \xo*\xt ማቶ 10፡35-36፤ ሉቃ 12፡53\xt*\x* 
\v 7 ታኒ ጊዲኮ ጾሳ ሂዶታ ኦይስ፤ ታና ኣሺዳ ታ ጾሳ ናጋይስ፤ ታ ጎዳይካ ታስ ሲያና።
\s ጾሳፌ ዪዳ ማሮታ
\p
\v 8 ታ ሞርኬዞ! ታ ቦላ ጋኪዳዚ ኔና ኡፋይሶፎ፤ ኩንዲኮካ ታ ዴንዳና፤ ታ ማን ኡቲኮካ ጾሳይ ታስ ፖኦ ጊዳና። 
\v 9 ታ ኢዛ ቆሂዳ ጊሻስ ኢዚ ታ ጊሻስ ኤቃና ጋካናሲኔ ታስ ፒርዳና ጋካናስ ጾሳይ ሃንቄቲኮካ ታ ዳንዳያና፤ ኢዚ ታና ፖኦን ኬሳና፤ ታኒካ ኢዛ ጺሎቴ ቤያና። 
\v 10 ታ ሞርኬዛካ ሄሳ ቤያንዱስ፤ ኢዛ ዬላታና። ታና፥ «ጎዳ ኔ ጾሳይ ኣዋን ዲዜ?» ጊዳሪ ኩንዴ ታ ኣይፌቲ ቤያና፤ ኦጌ ኡርቃ ማላ ኢዛ ዬታና። 
\v 11 ኢንቴ ኢንቴ ካታማ ጊምቤ ጊምቢዛ ዎዴይኔ ኢንቴ ሲካ ኣሲዛ ጋላሲ ያና። 
\v 12 ሄ ጋላስ ኣሳይ ኣሶሬፔ ጊብጼ ካታማታ፥ ጊብጼፔ ኤፊራጺሴ ሻፋ ጋካናስ፥ ኣባፌ ኣባኮ፥ ዙማፔ ዙማኮ ጋካናስ ኢንቴኮ ያና። 
\v 13 ኢስታ ኦሶ ጌዶኔ ኢዚን ዲዛ ኣሳ ጋሶን ቢታያ ኣይኮይ ባይንዳዝ ጊዳና።
\s ጋላታኔ ዎሳ
\p
\v 14 ዎራ ጊዶኒኔ ጪሊላ ማታ ጊዶን ባርካ ዲዛይቲ ኔ ሜሄ ጊዲዳ ኔ ዴሬታ ኔኒ ኔ ጉፌራ ሄማ፤ ቤኒ ዎዴ ማላ ኢስቲ ባሳኔኒኔ ጋላኣዴን ሄሜቴቶ። 
\v 15 ኔ ካሴ ጊብጼፔ ኬዚዳ ዎዴዛ ማላ ታኒ ታ ማላታ ኢስታ ቤሳና። 
\v 16 ኣይዛቤቲ ሄሳ ቤያናኔ ዬላታና፤ ኢስታስካ ዎልቃይ ያና፤ ኢስቲ ባ ዶና ባ ኩሼን ቱጫና፤ ኢስታ ሃይካ ቱላና። 
\v 17 ቢታ ቦላራ ቲራን ጎሼቲዛ ሜቴታ ማላ፥ ሾሻ ማላ ኢስቲ ቢታ ላጫና፤ ባ ዲዛ ጎንጎሎ ጊዶፌ ኮኮሪሼ ኬዛና፤ ባቢሼ ጎዳ ኑ ጾሳኮ ሲማና፤ ኢስቲካ ኢንቴስ ባባና። 
\v 18 ይሼ ኣቲዳ ዜሬ ናጋራ ኣቶ ጊ ማሪዛ ኔ ማላ ጾሲ ኦኔ? ኔኒ ሜርናስ ሃንቄታካ፤ ማሮ ጌሊዛይሳን ኔ ኡፋዬታሳ። 
\v 19 ሲማዳካ ኑስ ኔ ቃታሳ፤ ኑ ናጋራካ ኔ ቶሆ ጋርሳን ዬሳ፤ ኑ ቆሆዛካ ኡባ ጌዴ ጪማ ኣባ ጊዶ ዬጋሳ። 
\v 20 ቤኒ ዎዴፔ ኦይካዳ ካሴ ኑ ኣዋታስ ጫቆ ቃላ ኔ ጌሊዳ ማላ ያቆቤስ ኣማኔቴ ኣብራሃሜስ ማሮቴ ኦሳ።