\id JON - Gamo Full Bible final version
\ide UTF-8
\h ዮናሳ ቲንቢቴ
\toc1 ዮናሳ ቲንቢቴ
\toc2 ዮናሳ ቲንቢቴ
\toc3 ዮና
\mt ዮናሳ ቲንቢቴ
\imt ጊዶ ቆፋ
\ip ዮናሳ ቲንቢቴይ ጾሳስ ኣዛዜቲኬ ጊዳ ኢሲ ናቤ ቦላ ጋኪዳ ዱማ ዱማ ሜቶታ ዮቲዛ ማጻፋ ጊዲዳ ጊሻስ ሃራ ቲንቢቴ ማጻፋታፔ ዱማቴስ። ጾሲ ዮናሳ፥ «ኢስራኤሌ ኣሳስ ሚኖ ሞርኬ ጊዲዳ ጊታ ኣሶሬ ካዎቴስ ዋና ካታማ ናናዌ ባ!» ጊዲ ኢዛ ኣዛዚዴስ።
\ip ዮናሲ ጊዲኮ፥ «ጾሳይ ካታማዮ ይሳናስ ኢሚዳ ሚኖ ቆፊሶዛስ ኢዚ ጊዳ ማላ ኦና» ጊ ቆፒዳ ጊሻስ ጾሳ ቃላ ኤኪዲ ናናዌ ባናስ ኮዪቤና፤ ዳሮ ሃኖቲ ሃንዳፔ ጉዬ ኬሂ ኡፋዬቶንታ ዲሼ ኣዛዜቲዴስ፤ ኢዚ ቡሮ ሃናና ጊዳ ኢዛ ቃላዚ ፖሌቶንታ ኣጊን ላንጬቲዴስ።
\ip ሃ ማጻፋዚ ጾሳስ ኢዛ ሜቴ ኡባ ቦላ ጎዳቴ ዲዛይሳ ኤሪሴስ። ሃራፔካ ጾሲ ሲቆኔ ማሪዛ ጎዳ ጊዲዳ ጊሻስ ባ ዴራ ሞርኬታ ቦላ ሃንቄቲዲ ሙሌራ ይሳናፔ ኣቶ ጊዲ ማራናስ ዶሲዛይሳ ቤሴስ።
\iot ሃ ማጻፋይ ኦይኪዳ ኩሜ ቆፋ
\io1 ጎዳፔ ዮናሳ ባቃታ \ior 1፡1-7 \ior*
\io1 ዮናሳ ዎሳ \ior 2፡1-10 \ior*
\io1 ዮናሲ ናናዌ ቢን ዴሬዛ ማሬቴ \ior 3፡1-11 \ior*
\io1 ጾሲ ዴሬዛ ማሪዳ ጊሻስ ዮናሳ ሃንቄቴ \ior 4፡1-11 \ior*
\c 1
\s ዮናሲ ኣዛዜቶንታ ኢጾ
\p
\v 1 ኣማቴ ና ዮናሳኮ ጎዳ ቃላይ፥\x - \xo 1፡1 \xo*\xt 2ካዎ 14፡25\xt*\x* 
\v 2 «ዴንዳዳ ሄ ጊታ ካታማ ናናዌ ባ፤ ሄ ካታማ ኣሳ ኢታቴ ታ ቤኢዳይሳ ኢስታስ ዮታ» ጊሼ ዪዴስ። 
\v 3 ጊዶ ኣቲን ዮናሲ ጎዳ ሲንፌ ባቃቲዲ ታርሴሴ ቢታ ባናስ ዴንዲዴስ፤ ኢዚ ዮጴ ካታማ ዎዲ ታርሴሴ ቢዛ ማርካቤ ዴሚዴስ፤ ጎዳ ሲንፌ ባቃቲዲ ኢስታራ ታርሴሴ ባናስ ሚሽ ቃንጺዲ ማርካቤዛን ጌሊዴስ።
\p
\v 4 ማርካቤዚ ቢሺን ጎዳይ ኣባ ቦላ ጎቴ ጫርኮ ዴንን ኣባ ዳምባላይ ኬሂ ዳሪዳ ጊሻስ ማርካቤዚ ሜቃና ጋኪዴስ። 
\v 5 ሂስቲን ማርካቤዛን ዲዛ ኣሳይ ባቢዳ ጊሻስ ዉሪካ ባ ጾሳኮ ዋሲዴስ፤ ቃሴ ማርካቤዚ ካዉያና ማላ ኢዛ ጊዶን ዲዛ ጫና ዴንዲ ኣባን ኦሊዳ፤ ጊዲኮካ ዮናሲ ማርካቤዛስ ጋርሳ ኪፊሌ ዎዲ ሄን ዴጾ ስኮ ዎዴስ።
\p
\v 6 ማርካቤዛ ሃላቃይ ኢዛኮ ቢዲ፥ «ኣይስ ስካዲ? ዴንዳዳ ኔ ጾሳ ዎሳ! ኢዚ ባ ሎኦ ኣይፌን ጼሊዲ ኑና ኣሻናኮ ኦኒ ኤሪዜ!» ጊዴስ።
\p
\v 7 ማርካቤዛን ዲዛ ኣሳይ ኢሶይ ኢሳ፥ «ሃ ዪቴ! ሃይሲ ኢታ ሚሺ ኦና ጋሶን ኑና ጋኪዳኮ ኤራናስ ኣኔ ሳማ ዬጎስ» ጊዳ፤ ሂስቲን ኢስቲ ሳማ ዬጊን ሳማይ ዮናሳ ቦላ ዎዴስ። 
\v 8 ሄሳፌ ጉዬ ኢስቲ ዮናሳ፥ «ሃይሲ ኢታ ሚሺ ኦና ጋሶን ኑ ቦላ ጋኪዳኮ ኣኔ ኑስ ዮታ! ኔ ኦሶይ ኣዜ? ኣዋፔ ያዲ? ኔ ዴሬይ ኣዋ? ኔኒ ኦና ዜሬ?» ጊ ኦይቺዳ።
\p
\v 9 ሂስቲን ዮናሲ ዛሪዲ፥ «ታኒ ኢብራዌ ኣሳ፤ ኣባኔ ቢታ ሜዳ ሳሎ ጎዳ ጎይናይስ» ጊዴስ።
\p
\v 10 ሄሳ ጊሻስ ጾሳ ሲንፌ ኢዚ ባቃቲዛይሳ ኢዚ ኢስታስ ዮቲዳይሳፌ ኣሳይ ኤሪዳ ጊሻስ ኬሂ ባቢዲ፥ «ሃይሶ ኣይ ፓላ ሚሽ ኦዲ?» ጊዳ።
\p
\v 11 ቃሴ ኣባ ዳምባላይ ካሴይሳፌ ሃ ዳሪዳ ጊሻስ ኣሳይ ዮናሳ፥ «ኑስ ኣባይ ጮኡ ጋና ማላ ኔና ኑኒ ዎስቲኖ?» ጊዲ ኦይቺዳ።
\p
\v 12 ኢዚካ ኢስታስ፥ «ሃይሲ ዎልቃማ ዳምባላይ ኢንቴ ቦላን ዴንዲዳይ ታ ጋሶን ጊዲዳይሳ ታ ኤራይስ፤ ሄሳ ጊሻስ ታና ዴንዲ ኣባን ኦሊቴ፤ ሂስቲኮ ኣባይ ኢንቴስ ጮኡ ጋና» ጊዴስ።
\p
\v 13 ጊዶ ኣቲን ማርካቤዛን ዲዛ ኣሳይ ማርካቤዛ ጉዬ ኣባ ላንቄ ኬሳናስ ሚን ላጊዳ ሺን ኣባ ዳምባላይ ኬሂ ዳሪዳ ጊሻስ ኬሳናስ ዳንዳይቤቴና። 
\v 14 ሄሳ ጊሻስ ኢስታስ፥ «ኣቤት ጎዳዉ! ሃይሳ ኣዴዛ ሼምፖ ጊሻስ ኔኒ ኑና ይሶንታ ማላኔ ሃይሳ ጌሻ ሱ ኣጮዛካ ኔኒ ኑፔ ኦይቾንታ ማላ ኑኒ ኔና ኬሂ ዎሶስ። ኣይስ ጊኮ ጎዳዉ ኔኒ ኔ ኮዪዳ ማላ ኦዳሳ» ጊዲ ጎዳኮ ዋሲዳ።
\p
\v 15 ሄሳፌ ጉዬ ዮናሳ ዴንዲ ኣባን ኦሊን ኣባ ዳምባላይ ጮኡ ጊዴስ። 
\v 16 ሂስቲን ኣሳይ ጎዳስ ኬሂ ባቢዴስ፤ ጎዳስ ያርሾ ያርሺዳ፤ ኣዲናካ ኣዲኔቲዳ።
\p
\v 17 ዮናሳ ሚታና ማላ ኢሲ ጊታ ሞሌ ጎዳይ ጊግሲን ሄ ሞሌዛ ኡሎን ዮናሲ ሄ ጋላሲኔ ሄ ኦማርስ ኣቂዴስ።\x - \xo 1፡17 \xo*\xt ማቶ 12፡40\xt*\x*
\c 2
\s ዮናሳ ዎሳ
\p
\v 1 ዮናሲ ሞሌዛ ኡሎን ዲሼ ባ ጎዳኮ፥ 
\v 2 «ታኒ ቱጋ ጊዶን ዳሼ ጎዳ ጼይጊን ኢዚ ታስ ኮዪዴስ፤ ታኒ ሃይቂዳይቲ ዲዛ ጪማ ጊዶን ዳሼ ኔኮ ዋሳዲስ፤ ኔካ ታ ዋሶ ሲያዳሳ። 
\v 3 ኔ ታና ጪማ ኣባ ጊዶ ዱጌ ዬጋዳሳ፤ ሃ ታና ዶዲዴስ፤ ኔ ዳምባላይ ታ ቦላራ ኣዴስ። 
\v 4 ሄሳ ጊሻስ ታኒ፥ ‹ታ ኔ ሲንፌ ዎራ ኦሌታዲስ፤ ጊዲኮካ ታ ኔ ጌሻ ኬ ቃሴካ ዛራ ቤኣና› ጋዲስ።
\p
\v 5 «ሃይ ታስ ቆ ጋካናስ ሚቲዴስ፤ ጪማ ኣባይ ታና ሚቲዴስ፤ ኣባ ጊዶን ዲዛ ማታይካ ታ ሁኤ ቦላ ጻጼቲዴስ። 
\v 6 ታኒ ዙማታ ጋርስ ዱጌ ዎዲስ፤ ሄን ቢታ ጋርሳን ሜርናስ ጎርዳን ኡታዲስ፤ ጊዲኮካ ኣቤት ታ ጎዳዉ! ኔኒ ታ ሼምፖ ጪማ ኦላፌ ኬሳዳሳ።
\p
\v 7 «ታኒ ሃይቃና ማቲዳ ዎዴ ኔና ጎዳ ቆፓዲስ። ታ ዎሳይካ ኔኮ ፑዴ ጌሻ ኬ ጋኪዴስ። 
\v 8 ሃዳ ኤቃታ ካሊዛይቲ ዉሪ ኔናን ጎዳን ኣማኔታናይሳ ኣጊዳ። 
\v 9 ጊዶ ኣቲን ታ ጋላታ ኔስ ያርሻና፤ ታ ኣዲኔቲዳይሳ ኡባካ ጋና፤ ኣይስ ጊኮ ኣቶቴ ጎዳፔ ዬስ» ጊ ዎሲዴስ።
\p
\v 10 ሄሳፌ ጉዬ ጎዳይ ሞሌዛ ኣዛዚን ሞሌዚ ዮናሳ ቢታ ቦላ ጮዪዴስ።
\c 3
\s ዮናሳ ኣዛዜቴ
\p
\v 1 ጎዳ ቃላይ ናምኣን ዮናሳኮ፥ 
\v 2 «ዴንዳዳ ሄ ጊታ ካታማ ናናዌ ባዳ ታኒ ኔስ ዮቲዛ ቃላ ኢስታስ ኣዋጃ» ጊሼ ዪዴስ።
\p
\v 3 ሂስቲን ዮናሲ ዴንዲዲ ጎዳ ቃላ ናናዌ ቢዴስ። ናናዌይ ኬሂ ጊታ ካታማ፤ ሃ ጋጻፔ ሄ ጋጻ ጋካናስ ሄ ጋላስ ሄሜስ። 
\v 4 ዮናሲ ናናዌ ካታማ ቢ ጋኪዲ ኢሲ ጋላሳ ኦጌ ማላ ካታማስ ጊዶ ቢዲ፥ «ኦይዱ ታሙ\f + \fr 3፡4 \fr*\ft ኦይዱ ታሙ ጊዛይሳ ላፑን ታሙ ኤራንቻታ ቢርሼን ሄ ጋላስ ጌስ።\ft*\f* ጋላሳፌ ጉዬ ናናዌይ ያና» ጊዲ ኣዋጂዴስ።
\p
\v 5 ሂስቲን ናናዌ ኣሳይ ጾሳ ኣማኒዲ ጾማ ኣዋጂዴስ፤ ጊታታፔ ጉታ ጋካናስ ዉሪካ ማቃ ማይኢዳ።\x - \xo 3፡4-5 \xo*\xt ማቶ 12፡41፤ ሉቃ 11፡32\xt*\x*
\p
\v 6 ዮኦዚ ናናዌ ካዎኮ ጋኪን ኢዚ ባ ካዎቴ ኣራታፔ ዎዲ ካዎቴ ማይኦ ማይኢዳይሳ ቃሪዲ ማቃ ማይኢዲ ቢዲንን ኡቲዴስ። 
\v 7 ሂስቲዲ ናናዌ ኣሳስ፥ «ካዎዛፔኔ ካዎ ኦሳንቻታፔ ኢሜቲዳ ኣዛዞ ማላ ሃቺፌ ዶሚዲ ኣሲኔ ሜሄይ ኡባይ ኣይኮካ ሞፖ፤ ሃካ ኡዮፖ። 
\v 8 ኣሳይካ ሜሄይካ ዉሪ ማቃ ማይኦ፤ ኣሲ ዉሪ ሚንዲ ጾሳኮ ዋሶ፤ ባ ኢታ ኦጌፔኔ ቆሆ ኦሶፔካ ሲሞ። 
\v 9 ሂስቲኮ ጾሳይ ኑስ ቃቲዲ ኑ ዮንታ ማላ ባ ዎልቃማ ሃንቆፌ ሲማናኮ ኦኔ ኤሪዛይ» ጊዴስ።
\p
\v 10 ኢስቲ ባ ኢታ ኦጌፔ ሲሚዳይሳ ጾሳይ ቤኢዲ ኢስታስ ቃቲዲ ኢስታ ቦላ ኤሃና ጊዳ ፒርዳ ኣጊዴስ።
\c 4
\s ዮናሳ ዪሎኔ ጾሳ ቃቴ
\p
\v 1 ዮናሲ ጊዲኮ ሄ ሃኖዛ ኡባን ኡፋዬቲቤና፤ ሄሳ ጊሻስ ኬሂ ሃንቄቲዴስ፤ 
\v 2 ሄሳፌ ጉዬ ጎዳ፥ «ኣቤት ጎዳዉ! ታኒ ቡሮ ታ ዴሬን ዳሼ ጊዳይሲ ሃይሳ ጊዴኔ? ታ ኔ ሲንፌ ቤታዳ ታርሴሴ ባናስ ኤሶቲዳይሲ ሄሳሳ፤ ቃታይኔ ማሮታይ ኔናን ኩሚዳ ጾሳ ኔ ጊዲዳይሳ፥ ሃንቆስ ኤሶቶንታይሳኔ ኣጎንታ ሲቆን ኩሚዳይሳ፥ ቃሴ ኤሃና ጊዳ ኢታ ሚሺካ ኣጊዛ ጾሳ ኔ ጊዲዳይሳ ታኒ ካሴካ ኤራይስ።\x - \xo 4፡2 \xo*\xt ኬሳ 34፡6\xt*\x* 
\v 3 ኣቤት ጎዳዉ! ሃኢ ታ ሼምፖ ኤካ፤ ፓጻ ዱሳፌ ታስ ሃይቆይ ሎኦ» ጊ ዎሲዴስ።\x - \xo 4፡3 \xo*\xt 1ካዎ 19፡4\xt*\x*
\p
\v 4 ሂስቲን ጎዳይ ኢዛስ፥ «ቱሙ ኔ ሃይሳስ ሃንቄታናስ ቤሲዜ?» ጊዴስ።
\p
\v 5 ዮናሲ ካታማፔ ኬዚ ቢዲ ኣርሼይ ሞኪዛ ባጋን ኡቲዴስ፤ ካታማ ቦላ ጋኪዛዝ ቤያናስ ሄን ባስ ዳሴ ዳሲዲ ኢዛ ኩዋን ኡቲዴስ። 
\v 6 ኣርሼ ሴላፔ ዮናሳ ኣሻናስ ጎዳይ ኢሲ ጎሴ ዶሊሲዴስ፤ ሄ ጎሴይ ዲጪዲ ዮናሳ ኩዋሲዴስ፤ ዮናሲ ሄ ጎሴይ ጊሻስ ኬሂ ኡፋዬቲዴስ። 
\v 7 ጊዶ ኣቲን ዎንቴ ጋላስ ማላዶ ጾሳይ ጉጹኔ ኪቲዴስ፤ ሄ ጉጹኔያ ጎሴይ ጻጶ ዱን ጎሴያ ሜላዱስ። 
\v 8 ኣርሼይ ሞኪዛ ዎዴ ጾሳይ ጹጊዛ ጫርኮ ኣርሼይ ሞኪዛ ባጋፌ ዬዲዴስ፤ ሄሳፌ ዴንዲዳይሳን ዮናሲ ዳቡራና ጋካናስ ኣዋይ ዮናሳ ሁኤ ጹጊዴስ፤ ሂስቲን ኢዚ፥ «ፓጻ ዳናፔ ታስ ሃይቆይ ሎኦ» ጊዴስ።
\p
\v 9 ሂስቲን ጾሳይ ዮናሳስ፥ «ቱሙ ኔኒ ሃ ጎሴይ ጊሻስ ሃንቄታናስ ታስ ቤሲዜ?» ጊዴስ።
\p ዮናሲካ፥ «ኤ! ሃይቃና ጋካናስ ሃንቄታናስ ቤሴስ» ጊዴስ።
\p
\v 10 ሂስቲን ጎዳይ ዮናሳስ፥ «ኢሲ ጋላስ ሞካዳ፥ ናምኣን ጋላስ ሜሊዳ ጎሴይስ ኔኒ ኢዚን ዳቡሮንታሪሲኔ ኢዞ ዲቾንታሪስ ሃይሳ ማላ ሚሼታሳሺን፥ 
\v 11 ኡሻቺኔ ሃዲርስ ሻኪ ኤሮንታ ጼታኔ ናምኡ ታሙ ሺያፔ ቦላራ ዲዛ ዴሬይኔ ዳሮ ሜሄይ ዲዛ ሃ ጊታ ናናዌ ካታማይስ ታ ሚሼታናስ ቤሴኔ?» ጊዴስ።