\id JOB - Gamo Full Bible final version
\ide UTF-8
\h ኢዮቤ ማጻፋ
\toc1 ኢዮቤ ማጻፋ
\toc2 ኢዮቤ ማጻፋ
\toc3 ኢዮ
\mt ኢዮቤ ማጻፋ
\imt ጊዶ ቆፋ
\ip ኢዮቤ ማጻፋን ኑኒ ቤኢዛ ታሪኬይ ዎልቃማ ሜቶይኔ ቆሆይ ኢዛ ቦላ ጋኪዳ ኢሲ ሱሬ ኣሳ ጊሻስ ቆንጪሴስ። ሄ ኣዴዚካ ባ ናይታኔ ባ ሃሮ ኡባፌ ሜላ ኣቶይሳፌካ ቦላራ ኢታ ማዱን ማዱንጺዲ ዋዬቴስ፤ ሄሳፌ ጉዬ ጊንጾ ማላን ሄቶ ሺቂዳ ሃሳያን ኢዮቢኔ ኢዛ ላጌቲ ሃ ኢታ ዋዪሲዛ ሜቶዛን ባስ ሴቴቲዛ ዮኦዛ ቆንጪሴቴስ፤ ዉርሴንካ ጾሲ ኢዮቤስ ቆንጪሲዴስ።
\ip ኢዮቤ ላጌቲ ኢዛ ቦላ ጋኪዳ ዋዬዛ ጊሻስ ካሴ ባንቲ ኤሪዛ ሃይማኖቴ ዎጋፔ ዴንዲዲ ባንታስ ዲዛ ዱማ ዱማ ቆፋ ሺሼቴስ፤ ሄሲካ፥ «ጾሲ ኪያ፤ ኣሳስ ሎኦ ዎጋ ኢሜስ፤ ኢታ ኣስ ጊዲኮ ቃጻዬስ» ጌቴስ። «ሄሳካ ኢዮቤ ሃ ኡባ ሜቶይ ጋኪዳይ ኢዚ ናጋራ ኦዳ ጊሻስ ጊዶንታ ኣጌና» ጌቴስ። ኢዮቤ ጊዲኮ ኢዛ ቦላ ዎሶይ ባይንዳዴኔ ሱሬ ኣስ ጊዲዳ ጊሻስ ሃይሳ ማላ ዎልቃማ ቂጻቴይ ኢዛስ ቤሴና። ኢዮቤ ማላ ሱሬ ኣሳ ቦላ ሃይሳ ማላ ዎልቃማ ሜቶይ ጋኪዳይሲ ቢርሼቶንታ ማሌ ጊዲዴስ። ሃ ኡባ ሜቶዛን ኢዮቤ ኣማኖይ ያኔ ሃ ቃጾንታ ኣጊኮካ ቱማ ፒርዲዛ ጾሳይ ሊኬ ፒርዳ ኢዛስ ኢሚዲ ኢዛ ጋኪዳ ሜቶዛፔ ኬሳና ማላኔ ካሴ ዴኦዛ ኢዛስ ዛራና ማላ ጾሳ ሚኒዲ ዎሳፔኔ ኦይሾፔ ጉዬ ጊቤና።
\ip ጾሲ ኢዮቤ ኢዛ ኦይቺዳ ኦይሻታስ ዛሮ ማራራ ማራራ ኢሞንታ ኣጊኮካ ኢዮቤስ ዲዛ ሚኖ ኣማኖዛ ናሺዲ ጾሲ ባ ዎልቃኔ ባ ኤራቴ ማላሊሲዛ ኦጌራ ጊንጾን ኢዛስ ቆንጪሲዴስ። ሄሳፌ ጉዬ ኢዮቢ ጾሲ ባይራኔ ኤራ ጊዲዳይሳ ሻኪ ኤሪዴስ። ጾሳ ጾሳቴ ሻኪ ኤሪዳፔ ጉዬ ካሴ ኢዚ ሃንቆን ኩሚዲ ኬሲዳ ዴጾ ቃላታ ጊሻስ ዬላቲዲ ማሮቴን ጌሊዴስ።
\ip ማጻፋስ ዉርሴ ሼምፖይ ኢዮቢ ባና ጋኪዳ ሜቶዛፔ ዛሮ ዴሚዲ ካሴ ዴኦዛን ሲሚዳይሳኔ ቃሴካ ሃሮ ባጋራ ካሴይሳፌ ሃ ኣ ዴሚዳይሳ ቆንጪሴስ። ሃራ ባጋራ ቃሴ ኢዮቤ ቦላ ጋኪዳ ሜቶይ ኣይ ጋሶን ኢዛ ቦላ ጋኪዳኮን ኢዮቤ ላጌታስ ጌሎንታ ጊሻስ ጾሳይ ኢስታ ሚን ሴሪዴስ።
\ip ሎሴ ጊዲዳ ዱማ ዱማ ሃይማኖቴ ዎጋታፔ ጾሲ ባ ባጋራ ባይራ ጊዲዳይሳ ኢዮቢ ጻላላ ኤሪዳ ጊሻስ ባ ላጌታ ጊሻስ ዎሲዴስ፤ ጾሲካ ኢዛ ዎሳ ሲዪዴስ። ጾሲ ኢዮቤስ ዉርሴ ዴኦዛ ኮይሮይሳፌ ኣ ሎኤዴስ።
\iot ሃ ማጻፋይ ኦይኪዳ ኩሜ ቆፋ
\io1 ኢዮቤ ጋኪዳ ሜቶታ \ior 1፡1—2፡13 \ior*
\io1 ኢዮቢ ባ ዬሌታ ጋላሳ ቃንጊዴስ \ior 3፡1-26 \ior*
\io1 ኮይሮ ዩሾ ሃሳያ \ior 4፡1—14፡22 \ior*
\io1 ናምኣን ዩሾ ሃሳያ \ior 15፡1—21፡34 \ior*
\io1 ሄን ዩሾ ሃሳያ \ior 22፡1—26፡14 \ior*
\io1 ኢዮቤስ ዉርሴ ሃሳያ \ior 27፡1—31፡40 \ior*
\io1 ኤሊሁ ሃሳያ \ior 32፡1—37፡24 \ior*
\io1 ጾሲ ኮይሮ ዩሾ ሃሳይዳ ሃሳያ \ior 38፡1—39፡30 \ior*
\io1 ናምኣን ዩሾ ጾሳ ሃሳያኔ ኢዮቤ ዛሮ \ior 40፡1—42፡6 \ior*
\io1 ጾሲ ኢዮቤስ ዛሮ ኢሚዲ ኣንጂዴስ \ior 42፡7-17 \ior*
\c 1
\s ኢዮቤ ቦላ ጋኪዳ ፓጬ
\p
\v 1 ኡጼ ጌቴቲዛ ዴሬን ኢሲ ኢዮቤ ጌቴቲዛ ኣሲ ዴስ። ኢዚካ ኢታ ኡባፌ ሃኪዳዴ፤ ዎሶይ ኢዛ ቦላ ባይንዳዴ፤ ጾሳስ ያዪዛዴኔ ሱሬ ኣሳ። 
\v 2 ኢዛስ ላፑን ኣቱማ ናይቲኔ ሄ ማጫ ናይቲ ዴቴስ። 
\v 3 ሃሮ ባጋራካ ኢዛስ 7,000 ዶርሳቲ፥ 3,000 ጋሜላቲ፥ 500 ዋ ቦራቲኔ 500 ሃሬቲ ዴቴስ፤ ቃሴካ ኬሂ ዳሮ ኣይሌቲ ዴቴስ። ኣርሼይ ሞኪዛሶ ባጋራ ኢዛ ማላ ዱሬኔ ጊታ ኣሲ ሃራይ ዴና።
\p
\v 4 ኢዮቤ ኣቱማ ናይቲ ኢሶይ ኢሶይ ባሶን ታራን ታራን ዲጊሳ ጊግሲዲ ኢሲፌ ሺቂ ኡፋዬቴቴስ፤ ሄ ሚቼታካ ባንታኮ ጼይጊሲዲ ኢስታራ ኢሲፌ ሜቴሲኔ ኡዬቴስ። 
\v 5 ዲጊሳ ጋላሳቲ ኣዳፔ ጉዬ ኢዮቢ ዎንታራ ዴንዲዲ ባ ናይታ ጼይጊሲዲኔ ኢሳ ኢሳ ሱንን ያርሾ ሺሼስ። ኢዚ ሄሳ ኦዛይ፥ «ታ ናይቲ ጌሊ ጊዳ ጾሳ ጫዪዲ ኣዉኮራ ናጋራ ኦዳኮኔ!» ጉሳ ሂርጋን ናይታ ናጋራፔ ጌሻናስ ጊዲ ኦስ። ኢዮቢ ሃይሳ ያርሾ ዎጋ ቃንጾንታ ኡባ ዎዴ ኦስ።
\p
\v 6 ጋላሳታፔ ኢሲ ጋላስ ሳሎ ኪታንቻቲ ጎዳ ሲን ሺቂዳ ዎዴ ጻላኤይካ ኢስታራ ኢሲፌ ሺቂዴስ።\x - \xo 1፡6 \xo*\xt ሜ 6፡2\xt*\x* 
\v 7 ጾሲካ፥ «ኣዋፔ ያዲ?» ጊዲ ጻላኤ ኦይቺዴስ። ጻላኤይካ፥ «ሳኣ ጋጻ ኡባ ያኔ ሃ ዩዬሬታዳ ያዲስ» ጊዲ ጎዳስ ዛሪዴስ።
\p
\v 8 ጎዳይ ጻላኤዛ፥ «ታ ኣይሌዛ ኢዮቤ ሎኤ ቤያዲ? ኢዛ ማላ ኣማኔቲዳኔ ሱሬ ኣስ ቢታ ቦላ ቤቲቤና፤ ኢዚ ኢታ ኡባፌ ሃኪዲ ታስ ያዪዛ ሱሬ ኣሳ» ጊዴስ።
\p
\v 9 ጻላኤይካ ዛሪዲ፥ «ኢዮቢ ኔስ ጾሳስ ጮ ያዪዜ? 
\v 10 ኢዚ ኔስ ያዪዛይ ኔኒ ኢዛኔ ኢዛ ናይታ፥ ኢዛስ ዲዛ ሃሮ ኡባ ሎኤ ናጊዳ ጊሻሳ፤ ኢዚ ኦዛ ኦሶዛ ኩሜ ኣንጂዳ ጊሻሲኔ ዳሮ ዉዴ ሜሄታ ኔ ኢዛስ ኢሚዳ ጊሻስ ጊዴኔ? 
\v 11 ኣኔ ኔ ኩሼ ዬዳዳ ኢዛስ ዲዛይሳ ኡባ ኔ ይሲዳኮ ቱማ ኢዚ ኔና ቆንጬን ጫያና» ጊዴስ።\x - \xo 1፡9-11 \xo*\xt ኣጁ 12፡10\xt*\x*
\p
\v 12 ጎዳይካ ጻላኤስ፥ «ኤሮ ኣኔ ኢዮቤ ቦላ ኢሲ ሜቶካ ጋፋ ኣቲን ኢዛስ ዲዛ ሃሮዛ ቦላ ኔ ኮዪዳዚ ኦናዉ ዳንዳያሳ» ጊዴስ። ሄሳፌ ጉዬ ጻላኤይ ጾሳ ሲንፌ ኬኢዲ ቢዴስ።
\s ኢዮቤ ናይታ ሃይቆኔ ኢዛ ሃሮ ዮ
\p
\v 13 ጋላሳታፔ ኢሲ ጋላስ ኢዮቤ ናይቲ ባይራ ኢሻሶን ዉሪ ሺቂዲ ሚዲኔ ዎይኔ ጫጄ ኡዪዲ ኡፋዬቴቴስ። 
\v 14 ሄ ጋላስ ኢሶይ ኪቴቲ ዪዲ፥ «ኑኒ ቦራታ ዋጺዲ ጎዪሺን፤ ሃሬቲካ ኑ ማታ ዴምባን ሄሜቲሺን፥ 
\v 15 ሳባ ዴሬ ኣሳቲ ዪዲ ኑ ቦላ ኦላ ዴንዲ ኡባካ ዲኢ ኤኪ ቢዳ፤ ኔ ኣይሌታ ኡባታካ ማሻን ዎዳ፤ ታኒ ጻላላ ኣታዳ ሃኒዳ ኡባ ኔስ ዮታናስ ያዲስ» ጊዴስ።
\p
\v 16 ኮይሮ ኪታንቻይ ባ ሃሳይዛ ሃሳያ ቡሮ ኦንጎንታ ዲሺን ናምኣን ኪታንቻይ ዪዲ፥ «ዶርሳታኔ ሄሚዛ ሄንንቻ ኡባ ዎልቃን ሳሎፔ ዎዲ ዎዴስ፤ ታኒ ጻላ ኣታዳ ሃኒዳ ኡባ ኔስ ዮታናስ ያዲስ» ጊዴስ።
\p
\v 17 ሃይሳ ኪታንቻይ ሃሳዪ ኦንጎንታ ሃራ ኪታንቻይ ዪዲ፥ «ሄ ቡቴን ሻኬቲዳ ቦንቂዛ ካላዳዌ ኣሳቲ ዪዲ ቆፖንታ ዲሺን ኑ ቦላ ኢታ ሜቶ ጋዳ፤ ጋሜላታ ኡባ ዲኢ ኤፊቺዳ፤ ኔ ኣይሌታ ኡባ ማሻን ዎዳ፤ ታኒ ጻላ ኣታዳ ሃኒዳ ሚሽ ኡባ ኔስ ዮታናስ ያዲስ» ጊዴስ።
\p
\v 18 ሃይሳ ሃ ኪታንቻይ ሃሳዪ ኦንጎንታ ሃራ ኪታንቻይ ዪዲ፥ «ኔ ናይቲ ኡባቲካ ባንታስ ባይራ ኢሻሶን ሺቂዲ ሚሼኔ ዎይኔ ጫጄ ኡዪሼ ኡፋዬቲዛ። 
\v 19 ባዞፌ ዪዳ ጎቴ ጫርኮይ ቆፖንታ ዲሺን ዪዲ ኬ ኩሜ ሺሬቺ ዬጊዴስ፤ ኬዚካ ኢስታ ቦላ ዎን ዉሪካ ሃይቂዳ፤ ታኒ ጻላ ኣታዳ ሃኒዳ ሚሽ ኡባ ኔስ ዮታናስ ያዲስ» ጊዴስ።
\p
\v 20 ሄሳፌ ጉዬ ኢዮቢ ዴንዲዲ ካዮቲዲ ባ ማይኦዛ ዳኪዴስ፤ ባ ሁኤ ቡሉሲዴስ፤ ቢታን ጉፋኒ ጎይኒዴስ። 
\v 21 «ታኒ ታ ኣዬይ ኡሎፔ ካሎ ዬሌታዲስ፤ ሃይቂዛ ዎዴካ ካሎ ባና፤ ጎዳይ ኢሚዴስ፤ ጎዳይ ኤኪዴስ፤ ጎዳ ሱን ጋላቴቲዳዝ ጊዶ» ጊዴስ።
\p
\v 22 ሃ ፓጬይ ኡባይ ኢዮቤ ቦላ ጋኪንካ ኢዚ ኡባካ ናጋራ ኦቤና፤ ጾሳ ቦላካ ጫሞ ቃላ ኬሲቤና።
\c 2
\s ቃሴካ ኢዮቤ ጋኪዳ ፓጬ
\p
\v 1 ጋላሳታፔ ኢሲ ጋላስ ሳሎ ኪታንቻቲ ጾሳ ሲን ሺቂዛ ዎዴ ጻላኤይካ ኢስታራ ኢሲፌ ሺቂዴስ።
\p
\v 2 ጎዳይካ፥ «ኣዋፔ ያዲ?» ጊዲ ጻላኤ ኦይቺዴስ። ጻላኤይካ፥ «ቢታ ኡባ ቦላ ያኔ ሃ ሲሜሬታዳ ያዲስ» ጊዴስ።
\p
\v 3 ጎዳይካ ጻላኤ፥ «ታ ኣይሌዛ ኢዮቤ ሎኤ ቤያዲ? ኢዛ ማላ ኣማኔቲዳይኔ ኪያ ኣስ ቢታ ቦላ ቤቴና፤ ኢዚ ኢታ ኡባፌ ሃኪዲ ታስ ያዪዛ ሱሬ ኣሳ፤ ኢዛ ይሳናስ ኔ ዳንዳያና ማላ ታ ኔስ ኣ ኢማና ማላ ኔ ታና ዴንዳይ ሃዳና። ቤያ ኢዮቢ ጊዲኮ ሃኖ ጋካናስ ባ ሱሬቴን ሚኒ ኤቂዴስ» ጊዴስ።
\p
\v 4 ጻላኤይካ፥ «ጋልባ ጊሻስ ጋልባ»\f + \fr 2፡4 \fr*\ft ጋልባ ጊሻስ ጋልባ ጊዛይሲ ታልኤ ዎይኮ ኩሼ ዛሮ ጊዲዳይሳ ቆንጪሴስ።\ft*\f* ጊዛይሳ ማላ «ኣሲ ባ ኣሾ ኣሻናስ ጊሼ ባስ ዲዛይሳ ኡባ ኢሜስ። 
\v 5 ሃኢ ጊዲኮ ኔ ኩሼ ኢዛ ቦላ ሚጫዳ ኢዛስ ኩሜ ኣሳቴ ቦላ ቆሆ ኔ ጋዳኮ ቱማ ኔና ቆንጬራ ጫያና» ጊዴስ። 
\v 6 ጎዳይካ ጻላኤዛ፥ «ኣኔ ሎኦ፤ ዎ ዎፓ ኣቲን ኢዛ ቦላ ኔ ኮዪዳይሳ ኦናስ ዳንዳያሳ» ጊዴስ።
\p
\v 7 ሄሳፌ ጉዬ ጻላኤይ ጾሳ ሲንፌ ኬኢዲ ኢዮቤስ ሁኤ ቢናናፔ ዶሚዲ ቶሆ ጹጉን ጋካናዉ ዎልቃማ ማዱንን ዋዬታና ማላ ኦዴስ። 
\v 8 ሄሳፌ ዴንዲዳይሳን ኢዮቢ ቢዲን ቦላ ኡቲዲ ባ ማዱን ኮንኣን ቃች ዶሚዴስ።
\p
\v 9 ኢዮቤስ ማቼያ፥ «ሃኢካ ጾሳ ቦላ ዲዛ ኔ ኣማኖዚ ሚኖ ዲዜ? ጾሳ ጫያዳ ሃይቃ!» ጋዱስ።
\p
\v 10 ኢዮቢካ፥ «ዋናዳ ኤያ ማጫሳ ሃሳያ ሃሳያይ? ጾሲ ሎኦ ሚሽ ኢሚዛ ዎዴ ኡፋይሳን ኤኮስ፤ ሃኢ ጊዲኮ ኢታ ኢዚ ኑ ቦላ ኤሂሺን ኢዛ ቦላ ዙዙማናስ ቤሲዜ?» ጊዴስ። ኢዮቢ ሃ ኡባ ሜቶይኔ ዋዬይ ኢዛ ቦላ ጋኪንካ ኢዚ ጾሳ ቦላ ኢታ ሚሽ ሃሳይዲ ናጋራ ኦቤና።
\s ኢዮቤ ላጌ ሄታ
\p
\v 11 ቴማኔ ዴሬ ኣስ ኤልፋዜ፥ ሹሃ ዴሬ ኣስ ቤሊዳዲኔ ናኢማኔ ዴሬ ኣስ ዞፋሬ ጌቴቲዛ ሄ ላጌቲ ኢዮቤስ ዴቴስ። ኢስቲካ ኢዮቤ ቦላ ጋኪዳ ሜቶዛ ሲዪዳ ዎዴ ኢዛስ ኢስቲ ቃቶይሳ ቆንጪሳናሲኔ ኢዛ ሚንናስ ባንታ ዴሬፔ ጼይጌቲዲ ኢሲፌ ኢዮቤኮ ዪዳ። 
\v 12 ቡሮ ሃኮራ ዪሺን ኢዮቤ ቤኢዳ፤ ጊዶ ኣቲን ኢዚ ኢዮቤ ጊዲዳይሳ ሻኪ ኤራናስ ዳንዳይቤቴና። ኢስታስ ዎዚናይ ሜቂን ኢዛስ ሚሼቲዲ ባንታ ማይኦዛ ዳኪዳ፤ ጉዱላዛ ኤኪዲ ፑዴ ሳሎ ላሊዳ፤ ባንታ ሁኤንካ ማኪዲ ኣዳፌ ዋሲዲ ዬሆ ዶሚዳ። 
\v 13 ኢዛስ ዋዬዛ ዳራ ቤኢዳ ጊሻስ ኣይኮ ሃሳዮንታ ኢዛራ ላፑን ጋላሳኔ ላፑን ኦማርስ ቢታ ቦላ ኡቲዲ ጋምኢዳ።
\c 3
\s ኢዮቢ ባ ዬሌቲዳ ጋላስ ቃንጌ
\s ኢዮቤ ሃሳያ
\p
\v 1 ሃይሳፌ ጉዬ ኢዮቢ ሃሳያ ዶሚዴስ፤ ባ ዬሌቲዳ ጋላሳ፥
\q1
\v 2-3 «ታኒ ታ ኣዬይ ኡሎን
\q2 ሜቲዳ ኦማርሳያኔ
\q2 ታኒ ዬሌቲዳ ጋላሳያ
\q3 ቃንጌቲዳይታ ጊዴቶ!
\q1
\v 4 ሄ ጋላሳይ ማን ላሜቶ፤
\q2 ሳሎ ጾሳይ ኢዛ ቆፖፎ፤
\q2 ፖኦይ ሙሌካ ኢዛን ቤቶፎ።
\q1
\v 5 ሻሩማኒኔ ጊርዲ ጊዳ ማን
\q2 ካሜቲዳይሳ ጊዶ፤
\q2 ሻራይ ካሚን ማይ
\q2 ኢዛ ፖኦ ሚቶ።
\q1
\v 6 ሄ ጋላሳ ኦማርሳዮ
\q2 ጊርዲ ጊዳ ማይ ካሞ፤
\q2 ላይ ጋላሳታራ
\q2 ኢሲፌ ታይቤቶፎ፤
\q2 ኣጊናታ ቆዳን ጌሊ ቆፌቶፎ።
\q1
\v 7 ሄ ጋላሳ ኦማርሳይ
\q2 ኣይኮይ ባይንዳዝ ጊዶ፤
\q2 ኡፋይሳ ቃላይካ ኢዛን ሴቴቶፎ።
\q1
\v 8 ሌዋታኔ\f + \fr 3፡8 \fr*\ft ሌዋታኔ ጌቴቲዛይሲ ቤኒ ዎዴን ሃይላሾ ሚሳቲዛ ጊታ ዶኣኮ።\ft*\f* ጌቴቲዛ ዶኣ
\q2 ቃሴናስ ዳንዳይዛይቲ፥
\q2 ጋላሳታ ቃንጊዛይቲ፥
\q3 ሄ ጋላሳዮ ቃንጌቶ።
\q1
\v 9 ሄ ጋላሳ ኦማርስ
\q2 ባካሌ ጾሊንቴቲ ሜቶ፤
\q2 ፖኦ ሂዶታይ ኢዛን ቤቶፎ፤
\q2 ዎንታ ጻልቄይ ኢዛን ጻልቆፎ።\x - \xo 3፡1-9 \xo*\xt ኤር 20፡14-18\xt*\x*
\q1
\v 10 ታ ኣይፌታፔ ሜቶ ጌንና፥
\q2 ታ ኣዬይ ኡሎ ታ ቦላ
\q2 ጎርዶንታ ኣጊዳ ጊሻስ
\q3 ሄ ጋላሳይ ቃንጌቲዳይሳ ጊዶ።
\b
\q1
\v 11 «ታ ኣዬይ ኡሎን ዳሼ
\q2 ሃ ጊዳ ኣቲዳኮ ኣዜ!
\q2 ታ ኣዬይ ኡሎፔ ኬኢዳ ማላ
\q2 ኣይስ ሃይቃቤኪና?
\q1
\v 12 ጉልባቴቲ ታና ሞኪ ኤካናስ፥
\q2 ንቲካ ታና ንናስ
\q2 ኣይስ ቤቲዶ?
\q1
\v 13 ሃኢ ታኒ ሳሮን ኢቺዳኮ፥
\q2 ስካዳካ ሼምፖ
\q2 ዴማናኮሺን።
\q1
\v 14 ሃኢ ላሌቲ ቤቲዛይታ
\q2 ባስ ኬጺዳ ቢታ ካዎታራኔ
\q3 ዞሪዛይታራ ታ ስካዳ
\q3 ሼምፖ ዴማናኮሺን።
\q1
\v 15 ባ ኬ ዎርቃኒኔ
\q2 ቢራን ኩንዳ፤
\q2 ዳናታራ ታ ኢሲፌ
\q2 ሼምፓናኮሺን።
\q1
\v 16 ቃሴካ ኣይስ ቢታ ጋርሳን
\q2 ሞጌቲዳ ኣዉጫያ፥
\q2 ዎይኮ ኢሲ ጋላሳ ፖኦ
\q2 ሙሌካ ቤኦንታ ና ማላ
\q2 ኣይስ ጊዳቤኪና?
\q1
\v 17 ሄን ኢታታ ዋዪሶይ ኣታና፤
\q2 ዳቡርሲዛ ኦሶን
\q2 ዴኢዳይቲ ሼምፓና።
\q1
\v 18 ቃሼቲ ዲዛ ኣሳቲካ ሳሮ ዴማና፤
\q2 ባና ኦሲሲዛ ኣሳታ ሃንቆ ቃላ
\q2 ሲያናይሳፌካ ኣታና።
\q1
\v 19 ላፋቲኔ ጊታ ኣሳቲ
\q2 ኢሲፌ ቤታና፤
\q2 ኣይሌቲካ ሄን
\q2 ባ ጎዳታፔ ዎዜታና።
\b
\q1
\v 20 «ጾሲ ኡንኦ ቦላ ዲዛይታስ ፖኦ፥
\q2 ዱሳዚ ጫሞ ቆፋን ኩሚዳዴስ
\q2 ዴኦ ኣይስ ኢሚዜ?
\q1
\v 21 ሃይቆ ላሞቲዛይታሲኔ
\q2 ቆቴቲ ዲዛ ኣቆፔ
\q2 ኣ ኮዪዲ ዴሞንታይታስ
\q3 ዴኦ ኣይስ ኢሚዜ?\x - \xo 3፡21 \xo*\xt ኣጁ 9፡6\xt*\x*
\q1
\v 22 ዱጌ ዱፎን ጌሊሼ ኡፋዬቲዛይታስ
\q2 ዴኦይ ኣይስ ኢሜቲዜ?
\q1
\v 23 ኢዚ ቢዛ ኦጌይ
\q2 ኢዛዴፌ ጌሜቲዳዴሲኔ
\q2 ጾሲ ጎርዲ ዎዳ ኣሳስ
\q3 ፖኦይ ኣይስ ኢሜቲዜ?
\q1
\v 24 ዬሆይ ታስ ካ ጊዲዴስ፤
\q2 ዋሶይካ ታስ
\q2 ጎጊዛ ሃ ማላ ጊዲዴስ።
\q1
\v 25 ታ ያዪዳ ሚሽ ታ ቦላ ዪዴስ፤
\q2 ታ ዳጋሚዳይሲካ
\q2 ታ ቦላ ጋኪዴስ።
\q1
\v 26 ታ ጊዶን ሂርጋይ ጻላ ዲዛ ጊሻስ
\q2 ሳሮይ፥ ዎፓይኔ
\q2 ሼምፖይ ዴና» ጊ ቃንጊዴስ።
\c 4
\s ኤልፋዜይ ኮይሮ ሃሳይዳ ሃሳያ
\p
\v 1 ቴማኔ ዴሬ ኣስ ኤልፋዜይ ሂዝጊ ዛሪዴስ፤
\q1
\v 2 «ኢዮቤ! ኢሲ ኣሲ ኔ ቦላ
\q2 ዎልቃ ሃሳይኮ
\q2 ኢዛዴ ኔ ዳንዳያን ኤዝጋኔ?
\q2 ሃሳያናፔ ኣቲን
\q2 ኦኒ ኣጋኔ?
\q1
\v 3 ኔኒ ዳሮ ኣሳታ ታማርሳዳሳ፤
\q2 ዳቡርዳ ቄሴታካ ሚንዳሳ።
\q1
\v 4 ካሴ ኔ ቃላቲ ጴቲዛይታ
\q2 ማዴቴስኮሺን፤
\q2 ኔኒ ኮኮሪዛ ጉልባቴታካ
\q3 ሚንሳኮሺን።
\q1
\v 5 ሃኢ ጊዲኮ ሜቶይ
\q2 ኔ ቦላ ጋኪዳ ጊሻስ
\q2 ሂዶታይ ባይንዳዴ ጊዳዳሳ፤
\q3 ሜቶይካ ኔ ቦላ
\q3 ሚኒዳ ጊሻስ
\q3 ሂዶታ ቃንጻዳሳ።
\q1
\v 6 ጾሳስ ኔ ያዪዛ ያሻይ
\q2 ኣማንዛዝ ጊዴኔ?
\q2 ኔ ሱሬ ኦጌቲካ
\q3 ኔስ ሂዶታታ ዴቴኔ?
\q1
\v 7 ጺሎ ኣስ ጊዲ ዲሺን
\q2 ኢዛ ሜቶይ ጋኪዳዴይ፥
\q2 ሱሬ ኣስ ጊዲ ዲሼ
\q2 ቲምኢ ጊ ይዳዴይ፥
\q3 ዲኮ ኣኔ ቆፓ።
\q1
\v 8 ታኒ ኣኬኪዳ ማላ፥
\q2 ኢታቴ ጎዪዲ ሜቶ ዜሪዛይቲ
\q2 ሄይታንቲ ባ ኦሮ
\q2 ሺሻና።
\q1
\v 9 ኢስቲ ጾሳ ፔኖን ያና፤
\q2 ኢዛ ሃንቆ ዳምባላን
\q2 ኢስቲ ዲፒ ጊ ያና።
\q1
\v 10 ኢታቲ ጋሞ ማላ ጻጋና፤
\q2 ባ ቃላ ቁ ኦዲ
\q2 ዋሳና፤
\q2 ጾሲ ጊዲኮ ኢስታስ
\q2 ኣቻ ሜንሬና።
\q1
\v 11 ጋሞይ ሻንካቲዲ
\q2 ሚዛዝ ይዳ ዎዴ
\q2 ሃይቂዛ ማላ ኢስቲካ ሃይቃና፤
\q3 ጋሞ ማራቲካ ላሌቲዛ ማላ
\q3 ኢስታ ናይቲካ ላሌታና፤
\q1
\v 12 ጋላሳፌ ኢሲ ጋላስ ጹራ ጊዲዳ
\q2 ኪታይ ታኮ ዪዴስ፤
\q2 ሄሳ ሄ ኪታዛ ሳሱኬን
\q2 ታ ሲያዲስ።
\q1
\v 13 ኣሳይ ኦማርስ ዎልቃማ ስኮ
\q2 ሴሪዳ ዎዴ፥
\q2 ታና ኢታ ኣጉሞይ ኣጉንዴስ።\x - \xo 4፡13 \xo*\xt ኢዮ 33፡15\xt*\x*
\q1
\v 14 ባቦይኔ ኮኮርሲ ታና ኦይኪን፥
\q2 ታስ ሜቄቲ ኡባይ
\q2 ኮኮራና ማላ ኦዴስ።
\q1
\v 15 ኣያናይ ታ ሲንራ ኣዴስ፤
\q2 ዳጋማፔ ዴንዲዳይሳን
\q2 ታ ሃሳይ ኤቂዴስ።
\q1
\v 16 ሄንካ ኢሲ ሚሺ
\q2 ኤቂ ዲዛይሳ ቤያዲስ፤
\q2 ቲሺ ኦ ጼላዲስ ሺን
\q3 ኢዚ ኣዛኮ ሻካ
\q2 ኤራናዉ ዳንዳያቤኬ።
\q2 ሄሳፌ ጉዬ ጮኡ ጊዳሶሆፔ
\q2 ሂዝጊዛ ቃላ ሲያዲስ፥
\q1
\v 17 ‹ጾሳ ሲንን ጺሎ ጊዲ
\q2 ቤታናስ ዳንዳይዛ ኣሲ ዲዜ?
\q2 ዎይኮ ባና ሜዳይሳ
\q2 ሲንን
\q3 ጌሻ ኣሲ ቤታኔ?
\q1
\v 18 ጾሲ ባስ ኦዛይታን
\q2 ኣማኔቶንታ ኣጊኮ፥
\q2 ባ ኪታንቻታ ቦላካ
\q2 ኢዚ ሞሮ ሚሽ
\q2 ዴሚዛዝ ጊዲኮ፥
\q1
\v 19 ሂስቲን ሃራይ
\q2 ሞንታ ዲሺን ላሌቲዛ
\q2 ኢስታ ዮቻይ ቢታፌ ጊዲዳ
\q2 ኡርቃፌ ኦሴቲዳ ኬ ጊዶን
\q2 ዲዛይታ ቦላ
\q2 ዋኒ ኣማኔታኔ?\f + \fr 4፡19 \fr*\ft ኦላ ጌቴቲዛይሲ ኢሲ ኢሲ ባጋ ጋሞ ቃላን ሃራ ጌቴቴስ።\ft*\f*
\q1
\v 20 ማላዶፔኔ ኦማርሳፌ ጊዶን
\q2 ኢስቲ ሜቄሬታና፤
\q2 ኤሬቶንታ ዲሺን
\q2 ኢስቲ ሜርናስካ ያና።
\q1
\v 21 ቶሌ ሽኬይ
\q2 ሾዴቲቺዳ
\q2 ዱንካኔ ማላ
\q2 ኢስቲ ኤራቴ ባይንዳ ሃይቃና።›
\c 5
\q1
\v 1 «ኢዮቤ! ኔ ጼይጊን
\q2 ኔስ ኮያናዴይ ዲኮ ጼይጋ፤
\q2 ኔስ ማዶ ኢማና ማላ
\q3 ኪታንቻታፔ
\q3 ኣዋይሳኮ ጼላይ?
\q1
\v 2 ኤያ ኣስ ዪሎይ ዎና፤
\q2 ቃናቴይካ ኣስ ይሳና።
\q1
\v 3 ኤያ ኣሲ ሚኒዲ ዲሺን ቤያዲስ፤
\q2 ጊዶ ኣቲን ኢዛ ኣቆይ
\q2 ቆፖንታ ዲሺን
\q3 ጾሳ ሃንቆን ላሌቲዴስ።
\q1
\v 4 ኢዛ ናይቲካ ባ ዴኦዛስ
\q2 ኣማንዛዝ ዴሜቴና፤
\q2 ዱቡሻንካ ኢስታ ጊሻስ
\q2 ሃሳይዛ ኣስ
\q3 ኢስቲ ዴሞንታ ጊሻስ
\q3 ኢስታ ቦላ ቆሆይ ጋካና።
\q1
\v 5 ኢዚ ዜሪዳ ካካ
\q2 ኮሻቲዳ ኣሳቲ ማና፤
\q2 ሃራይ ኣቲን ኣጉን ጊዶን
\q2 ሞኪዳይሳካ ኢዛስ ኣሼቴና፤
\q2 ሳሜቲ ኡቲዳ ኣሳቲ
\q3 ኢዛ ሃሮዛ ኤካናስ ኣሞቴቴስ።
\q1
\v 6 ሜቶይ ጮ ቢታፌ ዴንዴና፤
\q2 ዋዬይካ ጋዴፔ ጮ ኬዜና።
\q1
\v 7 ታማ ፊንጼ ቦንቆፌ ዴንዲዲ
\q2 ፑዴ ፊንጺዛ ማላ፥
\q2 ኣሲካ ዋዬስ ዬሌቴስ።
\b
\q1
\v 8 «ታኒ ኔና ጊዲዳኮ
\q2 ጾሳ ዎሳና፤
\q2 ታ ሜቶ ኡባ ኢዛስ ቆንጪሳና።
\q1
\v 9 ኢዚ ቆዳይ ባይንዳ
\q2 ማላሊሲዛ ሚሽ፥
\q2 ፒልጊን ጋኬቶንታ
\q2 ጊታ ሚሽ ኦስ።
\q1
\v 10 ቢታ ቦላ ኢራ ቡኪሴስ፤
\q2 ጎሻታካ
\q2 ሃን ሹጊሴስ።
\q1
\v 11 ካዉዪዳይታ ቦንቾን
\q2 ቁ ሂስቴስ፤
\q2 ሙዞቲዛይታ ሚንዲ
\q2 ኡፋይሴስ።
\q1
\v 12 ኢስታ ኦሶይ ፖሌቶንታ ማላ
\q2 ጌኔ ኣሳታ ቆፋ ሃዳ ኦስ።
\q1
\v 13 ጪንጫታ ኢስታ ጌኔ ኦሶዛን
\q2 ዛሪ ኦይኬስ።
\q2 ጌኔ ኣሳታ ቆፋካ
\q2 ኤሶራ ይሴስ።\x - \xo 5፡13 \xo*\xt 1ቆሮ 3፡19\xt*\x*
\q1
\v 14 ጋላሳይ ኢስታስ ማ ጊዴስ፤
\q2 ቡሮ ሴታ ጋላሳን
\q3 ኦማርስ ማ ጊዶን ዲዛ ማላ
\q3 ኢስቲ ታታፌታና።
\q1
\v 15 ማንቆታ ኢስታ ሞርኬታ
\q2 ማሻፌ ኣሼስ፤
\q2 ሜቶታንቻታካ
\q2 ዋዪሲዛይታ ኩሼፔ
\q3 ኬሲ ኤኬስ።
\q1
\v 16 ማንቆታስ ሂዶታ ኢሜስ፤
\q2 ማካላቴካ
\q2 ቢታ ቦላፌ ይሴስ።
\b
\q1
\v 17 «ጾሲ ሴሪዛ ኣሲ ኣንጄቲዳይሳ፤
\q2 ሄሳ ጊሻስ ኡባ ዳንዳይዛ
\q3 ጾሳ ሴራ ሌቆፋ።\x - \xo 5፡17 \xo*\xt ሌሚ 3፡11፤ ኢብ 12፡5-6\xt*\x*
\q1
\v 18 ጾሲ ማዱንኮካ
\q2 ዛሪዲ ፓስ፤
\q2 ኢዚ ሜንስ፤
\q2 ባ ኩሼን ዛሪዲ ኮሌስ።\x - \xo 5፡18 \xo*\xt ሆሴ 6፡1\xt*\x*
\q1
\v 19 ኡሱፑን ቆሞ ቦሻፔ
\q2 ኔና ኣሺ ኤካና፤
\q2 ላፑንዛንካ ኣይ ቆሆይካ
\q3 ኔ ቦላ ጋኬና።
\q1
\v 20 ኮሻ ላይን ኢዚ ኔና
\q2 ሼምፖራ ፓጻ ዎና፤
\q2 ኦላ ላይንካ ኢዚ ኔና
\q3 ሃይቆፔ ኣሻና።
\q1
\v 21 ጾሲ ኔና ኢታ
\q2 ኢንጻርሳፌ ናጋና፤
\q2 ቦሻይ ኔ ቦላ
\q2 ዪኮካ ያያካ።
\q1
\v 22 ዎልቃማታ ቆሆይኔ
\q2 ኮሻይ ኔና ዳጋንና፤
\q2 ቢታ ዶኣታስካ ኔ ያያካ።
\q1
\v 23 ኔ ጎዪዛ ጋዴን ኔና
\q2 ሹቺ ዋዪሴና፤
\q2 ዶኣታራካ ኔ ሳሮን ዳና።
\q1
\v 24 ኔ ኬን ሳሮይ ኩማናይሳ
\q2 ኔ ሻካ ኤራና፤
\q2 ኔ ሜሄ ጼሊሺን
\q2 ኣቆፔ ፓጬና።
\q1
\v 25 ኔ ዜሬይ ዳራናይሳ ኔ ኤራና፤
\q2 ኔ ዜሬይካ ዴምባን ዲዛ
\q2 ማታ ማላ ዳራና።
\q1
\v 26 ካ ካጺዲ ማጼቲዛይሳ ማላ
\q2 ኔካ ሎኤ ጪማዳ
\q2 ዱፎን ባና።
\q1
\v 27 ኑኒ ሃይሳ ኡባ ፒልጊዲ
\q2 ቱሙ ጊዲዳይሳ ኤሪዶስ፤
\q2 ኔኒካ ኣኬካዳ
\q2 ሃይሳ ኦሶን ፔይሻ።»
\c 6
\s ኢዮቤ ሃሳያ
\p
\v 1 ሃይሳፌ ጉዬ ኢዮቢ ሂዝጊ ዛሪዴስ፤
\q1
\v 2 «ታ ሙዞቴ ጌዳሬቲ
\q2 ኡቲዳኮ ኣዜ ዲዛይ!
\q2 ታ ሜቶይ ኡባይ
\q2 ጌዳራን ጌዳሬቲ ኡቲዳኮ
\q3 ኣዜ ዲዛይ!
\q1
\v 3 ኣባ ላንቄን ዲዛ
\q2 ኣጬፔ ኣ
\q2 ዴጻናኮሺን፤
\q2 ሄሳ ጊሻስ ዳንዳያይ ፓጪዳ
\q2 ታ ሃሳያይ
\q3 ኔና ማላሊሳናስ ቤሴና።
\q1
\v 4 ኡባ ዳንዳይዛ ጾሳይ
\q2 ታና ባ ዪሻታን ጫዲዴስ፤
\q2 ኢስታ ማርዜቲካ
\q2 ታ ኣሳቴ ጊዶን ላሌቲዳ፤
\q2 ዳጋንዛ ጾሳ ቦሻይ
\q3 ታ ዩሾን ዩዪ ኣዴስ።
\q1
\v 5 ቱማፔ ሃርዲዳይ ጪሊላ ማታ
\q2 ዴሚዲ ጫጊ ኤሪዜ?
\q2 ቦራይካ ባሶ ማታ ዴሚኮ
\q3 ጻጊ ኤሪዜ?
\q1
\v 6 ማጺኔይ ጌሎንታ ማልኦንታ
\q2 ካ ሜቴቲዜ?
\q2 ጱጱሌ ሃ ማልኢዜ?
\q1
\v 7 ሃይሳ ማላ ካ
\q2 ማናስ ኮይኬ፤
\q2 ሙሲ ኣቲን ኩሼንካ ቦቺኬ።
\b
\q1
\v 8 «ታ ኣሞቲዛይሳ ጾሲ
\q2 ታስ ኢሚዳኮ ኣዜ ዲዛይ!
\q2 ኢዚ ታ ዋሶ ሲዪዳኮ
\q2 ኣዜ ዲዛይ!
\q1
\v 9 ሃይሳ ኡባፌ ኢዛስ ሼኔ ጊዲን
\q2 ኢዚ ታና ሜንሬ
\q2 ዬጊዛኮ!
\q2 ባ ኩሼዛ ዬዲዲ
\q2 ኢዚ ታና ይሲዳኮ!
\q1
\v 10 ሼምፖ ኢሞንታ ኣይ ሃርጌይ
\q2 ታና ሳኪኮካ
\q2 ታኒ ኡፋይሳን ጉፓና፤
\q2 ታኒ ጌሻዛ ቃላ
\q2 ኣይ ዎዴንካ ካዳቤኬ፤
\b
\q2
\v 11 «ዴኦን ዴኣና ማላ ዳንዳይዛ
\q2 ኣይ ሚኖቴ ታስ ዲዜ?
\q2 ሂዶታይ ባይንዳ ኣጊኮ
\q2 ኣይስ ዴኣዚና?
\q1
\v 12 ታኒ ሹቻ ማላ ሚኖ?
\q2 ታ ኣሳቴይካ
\q2 ጻርቂማላ ሚኖ?
\q1
\v 13 ታና ማዳናስ
\q2 ታስ ኣይኮ ዎልቃይ ዴና፤
\q2 ታስ ዲዛ ዎልቃይ
\q2 ኡባይ ኤኬቲቺዴስ።
\b
\q1
\v 14 «ኡባ ዳንዳይዛ ጾሳስ
\q2 ያሽ ኣጊዳዴሲኔ
\q2 ዳቡርዳዴስካ ኢዛ ላጌይ
\q3 ኢዛስ ኪያቴ ቤሳናስ ኮሼስ።
\q1
\v 15 ታ ኢሻቲ ጊዲኮ ሃሮይ ሃሮቲ
\q2 ዎዳፔ ጉዬ ሜሊዛ
\q2 ኣማንንታ
\q2 ሻፋታ ማላ ባሌዛይታ።
\q1
\v 16 ሻፋታን ባልጎ ባልጎ
\q2 ሻቺ ኩሜስ።
\q1
\v 17 ቦኔ ኣጊናታን ጊዲኮ
\q2 ማዪ ዬስ፤
\q2 ሻፋቲካ ሃ ባይንዳ
\q2 ሜላታ ጊዴቴስ።
\q1
\v 18 ጫና ሜሄታ ላጊ ኦጌራ ቢዛ
\q2 ኣሳቲ ሃ ኮሻስ
\q2 ኦጌፔ ኬኢ ባዞ ቢታ ጌሊዲ
\q2 ቶይሉ ቶይሊሼ ዬቴስ።
\q1
\v 19 ቴማ ቢታፌ ቢዛ ማንዳራ ኣሳቲ
\q2 ሃ ኮዬቴስ፤
\q2 ሳባ ዴሬ ዛልኣንቻቲካ
\q3 ሃ ዴማናስ
\q3 ሂዶታ ኦቴስ።
\q1
\v 20 ባንቲ ኣማኔቲ ኡቲዳ ሻፋቲ
\q2 ሜሊዳይሳ ቤኢዲ
\q2 ሂዶታ ቃንጼቴስ፤
\q2 ሃኮ ጋኪዛ ዎዴ
\q3 ዪሎቴቴስ።
\q1
\v 21 ኢንቴካ ታስ ሃይታ
\q2 ሃ ሻፋታ ማላ፤
\q2 ታ ቦላ ጋኪዳ ሜቶዛ ቤኢዲ
\q2 ጌዴ ጉዬ ባቃቲዴታ።
\q1
\v 22 ሂስቲን ታ ኢንቴና ሄሳ ዎይኮ
\q2 ሃይሳ ታስ ኢሚቴ፥
\q2 ዎይኮ ኢንቴ ሃሮዛፔ ኬሲዲ
\q2 ታና ኣሺቴ ጋዲና?
\q1
\v 23 ቃሴ ታ ሞርኬታ
\q2 ኩሼፔ ታና ኣሺቴ፤
\q2 ዎይኮ ታና ዋዪሲዛይታ
\q2 ኩሼፔ ታና
\q3 ኬሲ ኤኪቴ ጋዲና?
\b
\q1
\v 24 «ታና ታማርሲቴ፤
\q2 ታኒካ ጮኡ ጋና፤
\q2 ታ ሞሮዛካ ታና ቤሲቴ።
\q1
\v 25 ቱማ ቃላይ
\q2 ጫሞ ጊዲኮካ ኤኬቴስ፤
\q2 ኢንቴ ዋላሳይ ጊዲኮ
\q2 ኣይኮስካ ጎኤና።
\q1
\v 26 ኢንቴ ታ ሃሳያ
\q2 ጫርኮ ማላ ቆዴታ፤
\q2 ሂስቲኮ ሂዶታ ቃንጺዳ ታስ
\q2 ዛሮ ኢማናስ ኣይስ ኮዬቲ?
\q1
\v 27 ዪኦ ናይታ ቦላ ሳማ ዬጌታ፤
\q2 ኢንቴ ኢንቴ ሲቆ ላጌታ
\q2 ባይዛናስ ሚሻን
\q2 ማርሼቴቲ?
\b
\q1
\v 28 «ኣኔ ታና ሃ ጼሊቴ፤
\q2 ኢንቴ ሲንን ታ ዎርዶታዲና?
\q1
\v 29 ኢንቴስ ቆሆ ጊዶንታ ማላ ሲሚቴ፥
\q2 ታኒ ሊኬ ኣሳኮ!
\q1
\v 30 ቱሙካ ታ ኢንጻርሳን
\q2 ቆሆይ ቤታኔ?
\q2 ታ ዶናይካ ጌኔ ሚሽ
\q2 ሻኪ ኤራናስ ዳንዳዬኔ?
\c 7
\p
\v 1 «ኣሳስ ቢታ ዱሳይ ባጼ ዱስ ዴኔ?
\q2 ኢስታስ ጋላሳይካ
\q3 ኡኔ ኦዛ ኦሳንቻታ
\q3 ጋላሳ ማላ ጊዴኔ?
\q1
\v 2 ኢስቲካ ኩዋ ጋርሳን ሼምፓናስ
\q2 ኣሞቲዛ ኦሳንቻታኔ
\q2 ባ ዳሞዛ ኤካናስ ናጊዛ
\q2 ኡኔ ኣሳ ማላ ጊዴቴኔ?
\q1
\v 3 ታ ዳቡርዳ ኣጊናቲ ታስ
\q2 ጎኣይ ባይንዳይታ ጊዲዳ፤
\q2 ሜቶ ኦማርሳቲካ
\q2 ታስ ቆፋ ኦማርስ ጊዲዳ።
\q1
\v 4 ኢቺዛ ዎዴ ኣዉዴ
\q2 ዴንዳንዲናሻ ጋዳ ቆፓይስ፤
\q2 ኦማርሳይካ ጊዲኮ
\q2 ታስ ጌዴ ኣዱቄስ፤
\q2 ታኒካ ዎንታና ጋካናስ
\q3 ሃ ሄ ሺሬታሼ ኣቃይስ።
\q1
\v 5 ታስ ኩሜ ኣሳቴይ
\q2 ጉጹኔን ኩሚዴስ፤
\q2 ታስ ኣሾይካ ማዱንጺ ጎጊዴስ፤
\q2 ታስ ማዱንይካ
\q2 ቂዲ ኡዛዜስ።
\q1
\v 6 ታ ላይታ ጋላሳቲ
\q2 ዳ ሞቄ ጾንጌፌ
\q2 ኤሶቴቴስ፤
\q2 ኢሲ ሂዶታይ ባይንዳ
\q2 ዉርሴ ጋኬቴስ።
\q1
\v 7 ታ ጎዳዉ! ታ ሼምፖያ
\q2 ፔኖ ማላ ጊዲዳይሳ ቆፓ፤
\q2 ሃይሳፌ ጉዬ ኡባካ
\q2 ሎኦ ሚሽ ዴሚኬ።
\q1
\v 8 ሃኢ ታና ቤኢዛይሲ
\q2 ናምኣን ዛሪዲ ቤዬና፤
\q2 ኢዚ ኮይዛ ጊዲኮካ
\q2 ታና ዴማናዉ ዳንዳዬና።
\q1
\v 9 ሻራይ ላሌቲ ይዛይሳ ማላ
\q2 ሃይቂዲ ዱፎን ቢዛ ኣሲ
\q2 ሃ ሲሚዲ ዬና።
\q1
\v 10 ናምኣን ዛሪዲ
\q2 ባሶ ሲሜና፤
\q2 ኢዛዴ ኤሪዛይቲ ኡባይ
\q2 ኢዛ ባሌታና።
\b
\q1
\v 11 «ሃይሳፌ ጉዬ ጮኡ ጊኬ!
\q2 ታስ ኣያናይ ጬጪዳይሳፌ
\q2 ዴንዲዳይሳን ታ ሃሳያይስ፤
\q2 ታ ሼምፖያ ኢራዬቲዳ
\q2 ጊሻስ ዙዙማይስ።
\q1
\v 12 ሃይሳ ሊኬ ናጌቲዛዴ
\q2 ኔ ታና ኦዳይ ታኒ ኣባዬ?
\q2 ዎይኮ ኣባ ጊዶን ዲዛ
\q2 ዶኣዬ?
\q1
\v 13 ታ ሂጻይ ታና ሚንስ፤
\q2 ታ ኢቺዛሶይ
\q2 ታ ሳኮዛ ባሌስ
\q2 ጋዳ ታ ቆፓዲስ።
\q1
\v 14 ኔኒ ጊዲኮ ታና
\q2 ኣጉሞን ያሺሳሳ፤
\q2 ኣጁታንካ ዳጋንሳ።
\q1
\v 15 ሃይሳ ሜቶይ ዳሪዳ ኣሳቴ
\q2 ቶካዳ ዳናፔ
\q2 ታ ጩሌታ
\q2 ሃይቃናይሳ ዶራይስ።
\q1
\v 16 ሂዶታ ቃንጻዲስ፤
\q2 ዳናስካ ታ ኮይኬ፤
\q2 ታስ ላይይካ
\q2 ቃን ጊዲዳ ጊሻስ
\q3 ታና ኣጋጋ።
\b
\q1
\v 17 «ኔ ሶሆ ኢማናሲኔ
\q2 ቆፓናስ ኣሲ ኣዜ?\x - \xo 7፡17 \xo*\xt ማዛ 8፡4፤ 14፡3\xt*\x*
\q1
\v 18 ዎንታን ዎንታን ፒልጋና ማላ፥
\q2 ዎዴን ዎዴንካ
\q2 ኔ ፓጫና ማላ ኣሲ ኣዜ?
\q1
\v 19 ጩች ሚቲዛ
\q2 ጉ ዎዴካ ታስ ኢሚኪ?
\q1
\v 20 ኣሳ ካሌቲዛ ጎዳዉ!
\q2 ታኒ ናጋራ ኦይሳን
\q2 ኔኒ ኣይ ቆሄታዲ?
\q3 ኣይስ ታ ቦላ ኔ ቶራ ዛራዲ?
\q3 ኣይስ ሃይሳ ኬና
\q3 ታ ኔና ዴጻዲና?
\q1
\v 21 ኡባካ ታ ናጋራ ኣቶ ጊኪ?
\q2 ታ ኦዛ ቆሆ
\q2 ታፔ ዲጊኪ?
\q3 ታ ዱፎን
\q3 ጌላና ዎዴይ ጋኪዴስ፤
\q3 ሃይሳፌ ጉዬ ኔ ታና
\q3 ኮዪዳኮካ ታ ቤቲኬ።»
\c 8
\s ቤሊዳዴ ሃሳያ
\p
\v 1 ሹሃ ዴሬ ኣስ ቤሊዳዴ ጌቴቲዛይሲ ሂዝጊዲ ዛሪዴስ፤
\q1
\v 2 «ኔ ዶናፔ ኬኢዛ ቃላቲ
\q2 ጎቴ ጫርኮ ማላ፤
\q2 ኣዉዴ ጋካናስ ሃይሳ
\q2 ኔ ሃሳያኔ?
\q1
\v 3 ጾሲ ፒርዳ ቦካሲ ኤሪዜ?
\q2 ኡባ ዳንዳይዛ ጾሳይ
\q2 ጺሎቴ ቦካሲ ኤሪዜ?
\q1
\v 4 ኔ ናይቲ ጾሳ ቆሂዳ ጊዲኮ፥
\q2 ኢስቲ ባንታ ፒርዳ ኤኪዳ ጉሳ።
\q1
\v 5 ጊዲኮካ ኔ ጾሳኮ ሲሚኮ፥
\q2 ኡባ ዳንዳይዛ
\q2 ጾሳ ዎሲኮ፥
\q2
\v 6 ሱሬኔ ጌሽ ጊዲኮ
\q3 ኢዚ ኤሶቲ ኔስ ቤሲዛ ሶሆን
\q3 ኔና ዛራና።
\q1
\v 7 ኔ ዶሜይ
\q2 ጉ ሚሳቲኮካ፥
\q2 ኔስ ፖሎይ ኬሂ ሎኦ ጊዳና።
\b
\q1
\v 8 «ኣኔ ካሴ ዬሌታ ኦይቻ፤
\q2 ካሴ ኣዋቲ ጋኪዳሶዛ
\q2 ፒልጋ ጼላ።
\q1
\v 9 ኑ ላይዚ
\q2 ቡሮ ጉ ጊዲዳ ጊሻስ
\q2 ኑኒ ኣይኮካ ኤሮኮ፤
\q2 ኑ ላይይካ
\q2 ኤሾ ማላ ኣዛዛ።
\q1
\v 10 ኢስቲ ኔስ ታማርሲዛይሲኔ
\q2 ኔስ ዮቲዛይሲ
\q2 ባ ኣኬኪዛይሳፌ
\q2 ኤኪዲ ጊዴኔ?
\q1
\v 11 ቱሙካ ጫሬይ ባይንዳሶን
\q2 ሻጫ ማታይ ሞኪ ኤሪዜ?
\q2 ሃ ባይንዳሶን
\q2 ማርጮይ ጪሊሊዜ?
\q1
\v 12 ሃይሲ ሃኖንታ ኣጊኮ ዲጪዲ
\q2 ቡች ጋካናፔ ሲንን
\q2 ቡሮ ጪሊላን ዲሼ ሜሌስ።
\q1
\v 13 ጾሳ ዶጊዛ ኣሳታ
\q2 ኡባ ዉርሴይ
\q2 ሄሳ ማላ ሃናና፤
\q2 ጾሲ ባዋ ጊዛ ኣሳታ
\q2 ሂዶታይ ቃንጼታና።
\q1
\v 14 ኣቻሮ ኬ ማላ
\q2 ሚሻን ኣማኔቴቴስ፤
\q2 ኢስቲ ሂዶታ ኦዛ
\q2 ሚሺ ዲኮካ
\q2 ካዉሻራ ያና።
\q1
\v 15 ኣቻሮ ኬ ቦላ
\q2 ኢስቲ ዜምፒዛ ጊዲኮ
\q2 ኢዚ ሚኒ ኤቄና፤
\q3 ኣቻሮ ኬዛ ኢዚ ኦይኪኮ
\q3 ዱጼሬቲ ዎና።
\q1
\v 16 ሃ ካሊዳ ሃሩማይ
\q2 ሆኦ ዴሚዲ ዳዬስ፤
\q1
\v 17 ጻጶዛ ሹቻ
\q2 ሙሄ ጊዶን ዬዴስ፤
\q2 ዛላ ዛኣን ጻጴስ።
\q1
\v 18 ባ ዲዛሶፔ ሾዴቲዛ ዎዴ
\q2 ኢዚ ዲዛሶዚ ኤሬቴና።
\q1
\v 19 ኢዛ ዉርሴ ሄሳ ማላ ጊዴስ፤
\q2 ሃራ ማታቲ ቢታፌ ዶሌቴስ።
\b
\q1
\v 20 «ጾሲ ዎሶይ ባይንዳ
\q2 ኣሳታ ኦሌና፤
\q2 ኢታ ኣሳታ ቄሴ ሚንና።
\q1
\v 21 ሄሳ ጊሻስ ኔኒካ
\q2 ኡፋይሳን ሚጫና ማላኔ
\q2 ‹ኢሊላና› ማላ ኢዚ ኦና።
\q1
\v 22 ኔና ኢጺዛ ኣሳቲ ጊዲኮ
\q2 ዬላ ማይኣና፤
\q2 ኢታ ኣሳታ ኬካ ያና።»
\c 9
\s ኢዮቤ ሃሳያ
\p
\v 1 ኢዮቢ ሂዝጊ ዛሪዴስ፤
\q1
\v 2 «ኤ! ታኒ ሃይሲ
\q2 ቱሙ ጊዲዳይሳ ኤራይስ፤
\q2 ጊዶ ኣቲን ኣሲ ጾሳ ሲንን
\q3 ዋኒ ጺሎ ጊዳናስ ዳንዳይዜ?\x - \xo 9፡2 \xo*\xt ኢዮ 4፡17\xt*\x*
\q1
\v 3 ኢዛራካ ኦኒ ማርሼታናስ
\q2 ዳንዳይዜ?
\q2 ኢዚ ኢሲ ሺ ኦይሾታ
\q2 ኦይቺዛ ጊዲኮ
\q3 ኢስታፌ ኢሲኖካ
\q3 ዛራናስ ዳንዳይዛዴይ ዴና።
\q1
\v 4 ጾሲ ኤራንቻኔ ዎልቃማ፤
\q2 ኢዛራ ኤቄቲዲ ጾኔቶንታይ?
\q1
\v 5 ኣኬኮንታ ዙማታ ኮኮርሳና፤
\q2 ባ ሃንቆዛንካ
\q2 ሺሬቺ ዬጋና።
\q1
\v 6 ጾሲ ቢታ ዲዛሶፔ ኮኮርሳና፤
\q2 ቢታ ቱሳታካ ቃሴና።
\q1
\v 7 ኣዋ ኣርሼይ ሞኮንታ ማላ
\q2 ኦናዉ ዳንዳዬስ፤
\q2 ጾሊንቴቲካ
\q2 ፖኢሶንታ ማላ
\q2 ኦና።
\q1
\v 8 ኦኒካ ማዶንታ ዲሺን
\q2 ሳሎታ ሚጪዳይ ኢዛ፤
\q2 ኢዚ ኣባ ዳምባላ ቦላ ሄሜቴስ።
\q1
\v 9 ዛርዶ፥ ኦሪዮኒኔ
\q2 ፒሊያዲሴ ጌቴቲዛ ጾሊንቴታ፥
\q2 ቃሴካ ዱጌ ባጋራ ዲዛ
\q2 ዳሮ ጾሊንቴታ፥
\q2 ሳሎ ቦላ ሜ
\q2 ዎዳይ ጾሳ።\x - \xo 9፡9 \xo*\xt ኢዮ 38፡31፤ ኣሞ 5፡8\xt*\x*
\q1
\v 10 ኢዚ ኦዛ ማላሊሲዛ ሚሻታ
\q2 ኑኒ ፒልጊዲ
\q2 ኣኬካናዉ ዳንዳዮኮ፤
\q3 ኢዚ ፖሊዛ ማካላ ሚሻታ
\q3 ኑኒ ቆዳናዉ ዳንዳዮኮ።
\b
\q1
\v 11 «ጾሲ ታ ማታራ ኣኮካ
\q2 ታ ዴሚኬ፤
\q2 ሃ ታኮ ሺቂኮካ
\q2 ሻካዳ ኤሪኬ።
\q1
\v 12 ኢዚ ባ ኮዪዳይሳ ኤኪኮ
\q2 ኦኒካ ኢዛ ዲጌና፤
\q2 ‹ኣይስ ሃይሳ ኦይ?› ጊዲ
\q2 ኢዛ ኦይቻናስ ጻሊዛይ ዴና።
\q1
\v 13 ጾሳይ ባ ሃንቆዛፔ
\q2 ጉዬ ሲሜና፤
\q2 ኤራኣቤ ጌቴቲዛ
\q2 ኣባ ጊዶ ዶኣታ
\q2 ማዲዛይቲካ
\q3 ኢዛ ቶሆ ጋርሳን ጉልባታና።
\b
\q1
\v 14 «ሂስቲን ታኒ ኢዛስ ዛሮ
\q2 ዋና ኢማና ዳንዳያዚና?
\q2 ኢዛራ ማርሼታናስ
\q2 ኣይ ቃላ ታ ዴማኔ?
\q1
\v 15 ጌሽ ጊዳ ታ ቤቲዳኮካ፤
\q2 ታ ቦላ ፒርዲዛዴይ
\q2 ታና ማራና ማላ
\q3 ዎሳና ኣቲን
\q3 ኢዛስ ዛሮ ኢማናስ ጻሊኬ።
\q1
\v 16 ታ ኢዛ ሱን ጼይጊኮ
\q2 ኢዚ ዛሮ ታስ ኢሚዛ ጊዲኮካ
\q3 ታ ማጋና ኢዚ ሲያና ጋዳ
\q3 ታ ኣማኔቲኬ።
\q1
\v 17 ኢዚ ታና ጎቴ ጫርኮን ሊቂሳና፤
\q2 ኣይኮ ጋሶይካ ባይንዳ
\q2 ታስ ማዱን ሃ ዳርሳና።
\q1
\v 18 ሼምፖ ታ ዛራና ዎዴይ
\q2 ጋካናስካ
\q2 ታስ ሼምፖ ኢሜና፤
\q2 ታ ሼምፖን ዋዬ ኩንዴስ።
\q1
\v 19 ታስ ዲዛ ዎልቃን
\q2 ታ ኢዛራ ባጼታና ጎንታ ማላ
\q2 ዎልቃን ኢዛራ ኤቄቲዲ
\q3 ዳንዳያናይ ዴና፤
\q2 ታ ሞቴታዳ ኢዛ
\q2 ላና ጎንታ ማላ
\q3 ኢዛ ፒርዲዛ ኣሳታኮ
\q3 ሺሻናስ
\q3 ዳንዳይዛ ኣሲ ዴና።
\q1
\v 20 ታኒ ጌሺኔ ጺሎኮሺን
\q2 ታ ሃሳያይ ታና
\q2 ቆሃንቻ ኬሴስ፤
\q2 ታ ሃሳይዛ ሃሳያቲ ኡባይ
\q2 ታ ቦላ ፒርዴቴስ።
\b
\q1
\v 21 «ኣይኮካ ታኒ
\q2 ቦሬይ ባይንዳዴ ጊዲኮካ
\q2 ታ ጊሻስ ቆፒኬ፤
\q2 ታ ሼምፖዮካ ሃራሴታይስ።
\q1
\v 22 ጾሲ ጺሎዛኔ ቆሃንቻዛካ
\q2 ይሲዛ ጊሻስ
\q2 ኣይኮ ዱማቴካ ዴና
\q3 ታ ጊዳይ ሄሳ ጊሻሳ።
\q1
\v 23 ኣሲ ኢታ ሜቶን ዉርሺን
\q2 ኢዚ ጌሻ ኣሳ ሜቶ ቂስ።
\q1
\v 24 ቢታይ ኢታ ኣሳታ ኩሼን
\q2 ኣ ኢሜቲሺን
\q2 ኢዚ ፒርዲዛ ኣሳታ ኣይፌ ጎዜስ፤
\q3 ሃይሳ ኦዳይ ጾሳ
\q3 ጊዶንታ ኣጊኮ ሃራይ ኦኔ?
\b
\q1
\v 25 «ታ ላይቲ ዎጺዛይታፔ
\q2 ሃ ኣ ኤሶቴቴስ፤
\q2 ኣይኮ ኡፋይሲካ
\q2 ታ ዴሞንታ ኣቴስ።
\q1
\v 26 ኢስቲካ ሶኬ ጊዛይሳፌ ኦሴቲዳ
\q2 ዎጎሎ ማላ ኤሶቴቴስ፤
\q2 ባቂ ኤኪዛ ጎሌ ካፎ ማላ
\q2 ኤሶቴቴስ።
\q1
\v 27 ታኒ ታ ዙዙን ባላና፤
\q2 ‹ታ ሲንካ ካሬ ኣጋዳ
\q2 ኣኔ ፖኢሳ ቤሳይስ› ጊኮ፥
\q2
\v 28 ጾሲ ታና ጌሽ ኦዲ
\q2 ቆዶንታይሳ ታኒ ኤሪዛ ጊሻስ
\q2 ሜቶይኔ ዋዬይ
\q2 ታ ቦላ ጋካና ጋዳ ያያይስ።
\q1
\v 29 ሂስቲን ታ ቆሃንቻ
\q2 ጌቴታ ቆዴቲዳ ጊዲኮ
\q2 ታስ ሃዳ ዳቡራይ ኣዛሴ?
\q1
\v 30 ታኒ ታ ኣሳቴ
\q2 ሳሙናን ሜጪዛ ጊዲኮ፥
\q2 ታ ኩሼዛካ
\q2 ኬሃ ጌሺዛ ጊዲኮ፥
\q1
\v 31 ሃ ኡባ ኦንካ
\q2 ኔኒ ዱጌ ኢታ ጪማን ታና ኦላና፤
\q3 ታ ማይኦቲካ ታና ሻቴታና።
\q1
\v 32 ኢዚ ታ ማላ ኣስ ጊዶንታ ጊሻስ፥
\q2 ፒርዲዛ ኣሳታኮ ቢዲ
\q3 ፒርዴቶስ ጋናዉ ዳንዳይኬ።
\q1
\v 33 ኑ ቦላ ባ ኩሼዛ
\q2 ጋ ዎዲ
\q2 ፒርዲ ኑና ሻኪዛ ኣሲ
\q3 ኑ ጊዶን ዲዛኮ፥
\q2
\v 34 ኢዛ ቴማቴ
\q2 ታና ሂርጊሶንታ ማላ
\q2 ጾሲ ባ ጉፌዛ
\q2 ታ ቦላፌ ዴንዳኮ፥
\q1
\v 35 ታኒ ኢዛስ ያዮንታ
\q2 ሃሳያናኮሺን፤
\q3 ሃኢ ጊዲኮ ታ ዲዛ ሃኖን ዳሼ
\q3 ሃሳያና ዳንዳይኬ።
\c 10
\q1
\v 1 «ዱሲ ታና ሳሌዴስ፤
\q2 ታ ዴኢዛ ጫሞ ዴኦዛ
\q3 ቆንጬን ሲሳና።
\q1
\v 2 ታኒ ጾሳ ሂዝጋና፤
\q2 ታ ቦላ ኔስ ላንጬይ ዲኮ
\q3 ታስ ቆንጪሳ ኣቲን
\q3 ታ ቦላ ፒርዶፋ!
\q1
\v 3 ሃይሳ ሊኬ ኔ ታና ሜቶይሲ
\q2 ኔስ ዎጋ?
\q2 ኔኒ ኔርካ ሜዳ ኣሳ
\q3 ኔ ካናስ ኔስ ቤሲዜ?
\q2 ኢታ ኣሳታ ዱላታይ
\q2 ኔና ኡፋይሲዜ?
\q1
\v 4 ኔ ኣይፌይ ኣሳ ኣይፌ ማላ?
\q2 ዎይኮ ኔ ኣሳ ጼላይ?
\q1
\v 5 ኔ ዎዴቲ ኣሳይሳ ማላ?
\q2 ዎይኮ ኔ ላይቲ
\q2 ኣሳ ላይ ማላ ቃን?
\q1
\v 6 ኣይስ ኔ ታ ቆሆዛ ጼላይ?
\q2 ኣይስ ኔ ታ ናጋራካ
\q3 ካላ ካላዳ ኣጎንታ ኢጻይ?
\q1
\v 7 ታኒ ቆሆንታይሳኔ
\q2 ኔ ኩሼፔ ኦኒካ
\q2 ታና ኣሾንታይሳ ኔ ኤራሳ።
\q1
\v 8 ታስ ሜኔ ማላ
\q2 ኢሚ ሜዳይ
\q2 ኔ ኩሼታ፤
\q2 ሂስቲን ሃኢ ሃ ኩሼቲ
\q2 ታና ዛሪ ላሊ ይሳኔ?
\q1
\v 9 ማና ሚሻ ማላ ኔ ታና
\q2 ቢታፌ ሜይሳ ቆፓ፤
\q2 ሂስቲን ሃኢ ኔ ታና
\q2 ጉዱላ ማላ ሊቂሳኔ?
\q1
\v 10 ታና ማ ማላ ቲጋዳ፥
\q2 ሜቆ ማ ማላ
\q2 ኢርኪሳ ኦዳሳ።
\q1
\v 11 ታ ኣሳቴ ጋልባኒኔ
\q2 ኣሾን ካማዳሳ፤
\q2 ሜቄኒኔ ሻያን
\q2 ጋ ኦይዳሳ።
\q1
\v 12 ዴኦኔ ሜርና ሲቆ
\q2 ታስ ኢማዳሳ፤
\q2 ኔ ናጎይካ
\q2 ታ ኣያና ሚንዴስ።
\b
\q1
\v 13 «ሄኮ ሃይታ ሃ ሚሻታ
\q2 ኔ ዎዚናን
\q2 ቆታ ዎዳ ዳሳ፤
\q2 ኔ ቆፋይካ ሃይሳ ጊዲዳይሳ
\q2 ታ ኤራዲስ።
\q1
\v 14 ታ ቆሂዳ ጊዲኮ
\q2 ኔ ኣይፌቲ ቤያና፤
\q2 ታ ናጋራ ጊሻስ
\q2 ታና ቃጻዮንታ ኣካ።
\q1
\v 15 ታ ናጋራ ኦዳኮ
\q2 ኤሶራ ሜቶ ጊዶን ኩንዳና፤
\q2 ሎኦ ሚሽ ኦዳ ጊዲኮካ
\q2 ጋላቴቲኬ፤
\q2 ታ ጊልቂን ዬላይ ታና ጋኪዴስ።
\q1
\v 16 ታ ኦቶሬቲዳኮ
\q2 ኔ ታና ጋሞ ማላ
\q2 ሻንካታዳ ኦይካና፤
\q2 ኔ ታና ቆሃናስ
\q2 ዛራ ዛራ ሻንካታና።
\q1
\v 17 ታ ቦላ ማርካቲዛ ኣሳታ
\q2 ኔ ኡባ ጋላስ ዴማና፤
\q2 ታ ቦላ ኔ ሃንቆይ
\q2 ጌዴ ዳሪ ዳሪ ባና፤
\q3 ኔኒ ታና ቆሃናስ
\q3 ኡባ ጋላስ ኦራ ቆፋታ
\q3 ኦላ ኣሳታ ማላ
\q3 ታ ቦላ ዴንሳ።
\b
\q1
\v 18 «ታ ጎዳ ጾሳዉ!
\q2 ኣይስ ታ ዬሌታና ማላ ኦዲ?
\q2 ኦኒካ ታና ቤኦንታ
\q3 ታ ሃይቃይቺዳኮ
\q3 ሎኦኮሺን!
\q1
\v 19 ታ ሜቶንታ ኣታርኪና፤
\q2 ታኒ ታ ኣዬይ ኡሎፔ
\q2 ዱፎን ቢዳኮ
\q3 ታስ ሎኦ ጊዳናኮሺን!
\q1
\v 20 ታ ዳና ላይያ
\q2 ቃን ጊዴኬ?
\q2 ሄ ቃን ላይይን
\q2 ጉራ ታ ኡፋዬታና ማላ
\q2 ታና ኣጋርኪ!
\q1
\v 21 ሄሲካ ታኒ ናምኣን
\q2 ሃ ሲማናስ ዳንዳዮንታ
\q2 ጊርዲ ጊዳ ማሶ
\q2 ባናፔ ሲንና።
\q1
\v 22 ታ ባናሶዚ ማ ኩዋይኔ
\q2 ሺሮይ ኩሚዳ ቢታ፤
\q2 ሄን ዲዛ ፖኦዚ ማ ማላ።»
\c 11
\s ዞፋሬ ሃሳያ
\p
\v 1 ናኢማኔ ዴሬ ኣስ ዞፋሬይ ሂዝጊዴስ፤
\q1
\v 2 «ሃይሳ ሃ ሃዳ ቃላታስ ኡባስ
\q2 ዛሮ ኢሚዛይ ባዬ?
\q2 ኣሲ ሃሳያ ዳሮን
\q2 ጺሎ ጊዳና ዳንዳይዜ?
\q1
\v 3 ኢዮቤ! ኔ ሃሳይዳ
\q2 ሃዳ ሃሳያታስ
\q2 ዛሮይ ኢሜቶንታ ሚሳቲዜ?
\q2 ኔ ሃይሳ ማላ ቂልጪሺን
\q2 ኔና ሴራና ኣሲ
\q2 ባይንዳዝ ሚሳቲዜ?
\q1
\v 4 ኔ ቆፋን፥ ‹ታኒ ጺሎ› ጋሳ፤
\q2 ጾሳስካ፥ ‹ኔ ሲንን
\q2 ታኒ ጌሻ› ጋሳ።
\q1
\v 5 ጾሲ ኔስ ሃሳይዳኮኔ
\q2 ሊኬ ዛሮ ኢሚዳኮ
\q2 ኣዜ ዲዛይ!
\q1
\v 6 ኤራቴስ ኦጌይ
\q2 ዳሮ ጊዲዳ ጊሻስ፥
\q2 ጾሳይ ኔስ ኤራቴ
\q2 ጹራ ቆንጪሲዳኮ
\q2 ኣዜ ዲዛይ!
\q2 ሄሳ ጊሻስ
\q2 ጾሲ ኔና ቃጻዪዛይ
\q3 ኔስ ቤሲዛይሳፌ
\q3 ጉራ ጊዲዳይሳ ኤራ።
\b
\q1
\v 7 «ኔኒ ጾሳስ ጪማ ጊዲዳ ጹራ
\q2 ኤራናስ ዳንዳያይ?
\q2 ኡባ ዳንዳይዛ ጾሳ
\q2 ፒልጋዳ ጋካናዉ ዳንዳያይ?
\q1
\v 8 ኢዛ ጊታቴይ ሳሎፔ ቦላ፤
\q2 ኔኒ ኣይ ኦናዉ ዳንዳያይ?
\q3 ኢዛ ጪማቴይካ
\q3 ሲኦሌፔካ ዚቃ፤
\q2 ኔኒ ኣይ ኤራይ?
\q1
\v 9 ጾሳ ጊታቴይ ቢታፌ ዳሬስ፤
\q2 ኣባፌ ኣኬስ።
\q1
\v 10 ጾሲ ዪዲ ቃቺኮ፥
\q2 ጌዴ ፒርዳ ኬ ሺሺዳኮ
\q3 ኦኔ ኢዛ ዲጋናይ?
\q1
\v 11 ጾሲ ጎኦንታ ኣሳታ ኤሬስ፤
\q2 ኢዚ ቆሆ ቤዪሼ
\q2 ጮኡ ጊዲ ጼሌና።
\q1
\v 12 ኤያ ኣሲ ኤራንቻ ጊዳናፔ
\q2 ሃሬይ ኣስ ጊዲዲ
\q2 ዬሌታናይሲ ካዉያና፤
\q2
\v 13 ጊዲኮካ ኔኒ
\q2 ኔ ዎዚና ሱሪሲኮ፥
\q2 ኔ ኩሼዛ ሚጫዳ
\q2 ፑዴ ጾሳኮ ዎሲኮ፥
\q2
\v 14 ኔኒ ናጋራፔ ሃኪኮ፥
\q2 ኢታ ሚሺካ
\q2 ኔሶን ቤቶንታ ማላ
\q2 ኔ ኦኮ፥
\q2
\v 15 ሄ ዎዴ ቁ ጋዳ
\q2 ዬላይ ባይንዳ ኡባ ሚሽ
\q3 ኔ ቤያና፤
\q2 ዬላይ ባይንዳ
\q3 ሚና ኤቃናዉ ዳንዳያሳ።
\q1
\v 16 ኔ ሜቶዛ ኡባ ኔ ዶጋና፤
\q2 ኔ ኣኬኪዛይካ
\q2 ኣ ቢቺዳ
\q3 ሃሮ ሃ ማላ ጊዳና።
\q1
\v 17 ኔ ሼምፖያ ሴታ ጋላሳ
\q2 ኣዋፔ ኣዳ ፖኣና፤
\q2 ማይካ ዎንታ
\q2 ፖኦ ማላ ጊዳና።
\q1
\v 18 ኔስ ሂዶታይ ዲዛ ጊሻስ
\q2 ኔኒካ ኣማኔታዳ ዳና፤
\q2 ጾሲ ኔና ናጊዛ ጊሻስ
\q3 ኔኒ ሂርጋይ ባይንዳ
\q3 ዎፑ ጋዳ ዳና።
\q1
\v 19 ኔ ኦናስካ ባቦንታ ኢቻና፤
\q2 ዳሮ ኣሳቲካ ኔ ሲንን
\q2 ቦንቾ ዴማናስ ኮያና።
\q1
\v 20 ኢታታ ኣይፌይ ቆቃና፤
\q2 ኢስቲ ኣታና ኦጌቲ ኡባይ
\q3 ጎርዳ ጊዳና፤
\q2 ኢስታ ዉርሴይካ ሃይቆ።»
\c 12
\s ኢዮቤ ሃሳያ
\p
\v 1 ኢዮቢ ሂዝጊ ዛሪዴስ፤
\q1
\v 2 «ቱሙካ ኢንቴ ኬሂ ኤራንቻታ፤
\q2 ኢንቴ ሃይቂሺንካ ኤራቴ
\q2 ኢንቴናራ ኢሲፌ ሃይቃና
\q3 ሚሳቴስ።
\q1
\v 3 ጊዶ ኣቲን ታስካ ኢንቴይሳ ማላ
\q2 ኣኬካይ ዴስ፤
\q2 ታኒ ኢንቴፌ
\q2 ኣይ ሚሻንካ ጉጺኬ፤
\q2 ኢንቴ ሃሳይዳይሳ
\q3 ኣሲ ኡባይ ኤሬስ።
\b
\q1
\v 4 «ታ ጾሳ ጼይጊን
\q2 ታስ ኢዚ ዛሪዳ ዎዴይ ዴስ፤
\q2 ሃኢ ታኒ ታ ላጌታስ
\q3 ቂስ ጊዳዲስ፤
\q2 ታኒ ሞሮይ ባይንዳ ጺሎ
\q3 ኣሳ ኡባስ ቂስ ኣታዲስ።
\q1
\v 5 ሜቶይ ኢዛ ቦላ ጋኮንታ ኣሳ
\q2 ማታን ሜቶቲዳ ኣሳ ሜቶ
\q2 ሌቃናይሲ ካዉሻ ሚሻ፤
\q2 ጊዶ ኣቲን ኩንዳናስ
\q2 ጋንዲጋርዛዴ ሱጊ ዬጌታ።
\q1
\v 6 ባ ኤቃ ጾሳታ ጎይኒዛይቲ፥
\q2 ካይሶቲኔ ጾሳ ካዲዳ
\q2 ኣሳቲካ ሳሮን ዴቴስ።
\b
\q1
\v 7 «ጊዲኮካ ሜዶሳታ ኦይቻ፤
\q2 ኢስቲ ኔና ታማርሳና፤
\q3 ሳሎ ካፎታ ኦይቻ፤
\q3 ኢስቲ ኔስ ዮታና።
\q1
\v 8 ዎይኮ ቢታይስ ዮታ፤
\q2 ኢዛካ ኔና ታማርሳና፤
\q3 ኣባ ጊዶ ሞሌቲካ
\q3 ኔስ ዮታና።
\q1
\v 9 ሃይሳ ኡባ ጊዶፌ ጾሳ ኩሼይ
\q2 ሃይሳ ኦዳይሳ
\q2 ኤሮንታይ ኦኔ?
\q1
\v 10 ሼምፖራ ፓጻ ዲዛ
\q2 ሜቴ ኡባይኔ
\q2 ኢሲ ኢሲ ኣሳ ሼምፖይ
\q3 ጾሳ ማታ ጊዶን ዴስ።
\q1
\v 11 ኢንጻርሲ ካ ቃና
\q2 ሻኪ ኤሪዛይሳ ማላ፥
\q2 ሃይካ ሃሳያ ቆሞታ
\q2 ሻኪ ኤሬስ።
\q1
\v 12 ኤራቴይ ጪማቴን፥
\q2 ኣኬካይካ ላይ
\q2 ኣዱሳቴን ቤቴቴስ።
\b
\q1
\v 13 «ጾሳስ ጊዲኮ
\q2 ኣ ኤራቴኔ
\q2 ዎልቃይ ዴስ፤
\q2 ዞሬይኔ ኣኬካይ
\q2 ኢዛ ማታፔ ቤቴቴስ።
\q1
\v 14 ጾሲ ላሊዳይሳ
\q2 ኦኒካ ዛሪ ኬጻናዉ
\q3 ዳንዳዬና፤
\q2 ጾሲ ቃቺዳይሳ
\q2 ኦኒካ ቢርሻናዉ ዳንዳዬና።
\q1
\v 15 ጾሲ ኢራ ዲጊኮ ኮሻ ጊዳና፤
\q2 ኢራ ቡኪሲኮ
\q2 ቃሴ ቢታይ ሃሮን ሜጬታና።
\q1
\v 16 ጾሲ ሚኖኔ ጾኒዛዴ፤
\q2 ባሌቲዛዴይኔ
\q2 ባሌዛዴይ፥
\q2 ናምኣቲካ ኢዛ ጎዳቴ
\q3 ጋርሳና።
\q1
\v 17 ኢዚ ዞሪዛይታ ኤራቴ ዲጋና፤
\q2 ዴሬ ካሌዛይታ
\q2 ኢዚ ኤያ ኦና።
\q1
\v 18 ኢዚ ካዎታ ካዎቴ
\q2 ኣራታፔ ዎና፤
\q2 ቃሾ ኣሳ ማላ ዳንጮ ቢርሺሳና።
\q1
\v 19 ቄሴታፔ ኢስታ ቄሴቴ
\q2 ዎ ኤኪዲ ኢስታ ጎዳና፤
\q2 ጎዳቴ ቦላ ዲዛይታ
\q2 ኢስታ ጎዳቴፌ ዲጋና።
\q1
\v 20 ኣማኔቲዳ ኣሳታ ጮኡ ኦና፤
\q2 ጪማታፔካ ኣኬካ ዲጋና።
\q1
\v 21 ጊታ ኣሳታ ዬላቻና፤
\q2 ዎልቃማታ ዎልቃ ዲጋና።
\q1
\v 22 ማሶን ቆቴቲዳ
\q2 ጹራ ቆንጪሳና፤
\q2 ሳካና ማ
\q2 ፖኦን ላማና።
\q1
\v 23 ካዎታካ ጊታሳና፤
\q3 ዛሪዲካ ይሳና፤
\q2 ካዎቴካ ዳርሳና፤
\q3 ዛሪዲካ ላላና።
\q1
\v 24 ካሌዛይታስ ኣኬካይ
\q2 ፓጫና ማላኔ
\q2 ኦጌይ ባይንዳ ባዞ ቢታን
\q2 ቶይላታና ማላ ኢዚ ኦና።
\q1
\v 25 ፖኦይ ባይንዳ ማሶን
\q2 ኢስቲ ጴታና ማላኔ
\q3 ማቲዳ ኣሳ ማላ
\q3 ኢስቲ ጋዲጋዳና ማላ ኦና።
\c 13
\q1
\v 1 «ሄኮ ሃይሳ ኡባ
\q2 ታ ኣይፌይ ቤዪዴስ፤
\q2 ታ ሃይካ ሲዪዲ ኣኬኪዴስ።
\q1
\v 2 ኢንቴ ኤሪዛይሳ ኬና
\q2 ታኒካ ኤራይስ፤
\q2 ታ ኣይኮንካ
\q2 ኢንቴፌ ጉጺኬ።
\q1
\v 3 ጊዲኮካ ታ ሃሳያይ
\q2 ኡባ ዳንዳይዛ ጾሳራ፤
\q2 ታ ኢዛራካ ማርሼታና።
\q1
\v 4 ኢንቴ ጊዲኮ ዎርዶን ኩሚዴታ፤
\q2 ኦናካ ፓናዉ
\q2 ዳንዳዮንታ ኣኪሜታ ማላ።
\q1
\v 5 ሃይሳ ኡባፌ ኢንቴ ጮኡ ጊዳኮ
\q2 ኤራንቻታ ሚሳቲ ቤታናኮሺን!
\q1
\v 6 ታኒ ሺሺዛ
\q2 ማርሼ ቃላ ሲዪቴ፤
\q2 ታ ቆሆካ ታኒ ዮቲሺን
\q2 ጮኡ ጊዲ ኤዝጊቴ።
\q1
\v 7 ጾሳ ሱንን
\q2 ኣይስ ዎርዶ ሃሳዬቲ?
\q2 ባሌን ኢንቴ ጾሳ ኡፋይሳና
\q3 ኢንቴስ ሚሳቲዜ?
\q1
\v 8 ኢዛ ቤሶንታ ኦጌራ ማዴቲ?
\q2 ኢዛስ ጻባቃ ኤቃንዴቲ?
\q1
\v 9 ጾሲ ኢንቴና ቆሪዳኮ
\q2 ኢሲ ሎኦ ሚሽ
\q2 ኢንቴፌ ዴማንዴሻ?
\q3 ኢንቴ ኣሳታ ኤይሲዛይሳ ማላ
\q3 ጾሳካ ኤይሳናዉ ዳንዳያና
\q3 ኢንቴስ ሚሳቲዜ?
\q1
\v 10 ኢንቴ ጌማራ ዎርዶ ማዲኮ
\q2 ቱማፔ ጾሲ ኢንቴና ሃንቃና።
\q1
\v 11 ኢዛ ቦንቾይ
\q2 ኢንቴና ያሼኔ?
\q2 ኢዛ ቴማይካ
\q2 ኢንቴና ዳጋንኔ?
\q1
\v 12 ኢንቴ ሌሚሶን ሃሳይዛ ሃሳያቲ
\q2 ቢዲን ማላ
\q2 ጎኣይ ባይንዳይታ፤
\q2 ኢንቴ ማርሼቴይካ
\q2 ማና ሚሻ ማላ ሜቄሬታና።
\q1
\v 13 ኣኔ ጮኡ ጊቴ!
\q2 ታኒ ሃሳያና ማላ
\q2 ታስ ጊሻ ኢሚቴ፤
\q3 ሄሳፌ ጉዬ ባ ዶሶይሳ ሃኖ።
\b
\q1
\v 14 «ታኒ ኣች ሳጻዳ ጌንጬጫሼ
\q3 ዲዛይ ኣዛሴ?
\q2 ታ ሼምፖያካ
\q2 ታ ኩሼን ዳዉስ።
\q1
\v 15 ሄሳ ጊሻስ ጾሲ
\q2 ታና ዎና ኮይኮካ
\q2 ታፔ ኣቲዛ ሚሺ
\q3 ኣይኮይካ ዴና፤
\q3 ጊዲኮካ ታ ሃኖዛ ኢዛስ ኤሪሳና።
\q1
\v 16 ናጋራንቻ ኣሲ ጾሳ ሲን
\q2 ሺቃናስ ዳንዳዮንታ ጊሻስ
\q2 ኦኔ ኤሪዛይ ሃይሲ ታ ጻላቴ
\q2 ፓጻናስ ጋሶ ጊዳናስ
\q2 ዳንዳዬስ።
\q1
\v 17 ኣኔ ታ ሃሳይዛ ቃላታ
\q2 ዎጋራ ኤዝጊቴ፤
\q2 ታ ዶናራ ታ
\q2 ማርካቲዛይሳ ሲዪቴ።
\q1
\v 18 ታ ማርሼቴ
\q2 ሎኤ ጊጊሳዳ ሺሻዲስ፥
\q2 ኢዚ ታስ ፒርዳናይሳካ
\q3 ታ ኤራይስ።
\q1
\v 19 ታና ሞቲዛይ ዲኮ
\q2 ታኒ ማርሼቶንታ
\q2 ጮኡ ጋዳ ሃይቃና።
\b
\q1
\v 20 «ጎዳዉ! ታ ኔ ሲንፌ
\q2 ቆቴቶንታ ማላ
\q2 ሄይታ ናምኡ ሚሻታ
\q2 ታስ ኦ።
\q1
\v 21 ሄይቲካ ኔ ሃንቆ ቄሴታ
\q3 ታ ቦላፌ ዴን፤
\q2 ያሺሲዛ ኔ ታማን
\q2 ታና ዳጋንፋ።
\q1
\v 22 ጾሳዉ! ኮይሮ ኔ ሃሳያ፤
\q2 ታ ኔስ ዛሮ ኢማና፤
\q2 ታኒካ ሃሳያና፤
\q3 ኔካ ዛሮ ኢማ።
\q1
\v 23 ኤሮ ጊዶ ታ ኦዳ ናጋራይኔ
\q2 ቆሆይ ኣይ ሊኬ?
\q2 ኣኔ ታ ሞሮዛኔ ታ ናጋራ
\q3 ታና ኤሪሳ።
\q1
\v 24 ኔ ሲን ታፔ ጌንዳ
\q2 ታና ኔ ሞርኬ ማላ
\q2 ኣዛስ ቆዳይ?
\q1
\v 25 ጫርኮይ ቆቆፊዛ ቦንጮ ማላኔ
\q2 ሜላ ሃፓ ማላ
\q3 ኔ ኣይስ ታና
\q3 ያሺሴን ጎዳይ?
\q1
\v 26 ታ ቦላ ኔ ጻፊዳ ሞቶይ
\q2 ኬሂ ጫሞ፤
\q2 ታኒ ዬላጋቴን
\q2 ኦዳ ቆሆዛካ
\q2 ታስ ኣጋቤካ።
\q1
\v 27 ኔ ታ ቶሆታ
\q2 ዱሩማታ ጊዶን ቃቻዳሳ፤
\q2 ታ ታንጎ ኡባ ዎዴ
\q2 ኔ ካሌታሳ፤
\q2 ታ ጌዶን ኔ ኤቃሳ።\x - \xo 13፡27 \xo*\xt ኢዮ 33፡11\xt*\x*
\b
\q1
\v 28 «ሄሳ ጊሻስ ታኒ ዎቂዳ
\q2 ሚሻ ማላ
\q2 ጊዳዳ ኣታና፤
\q2 ባዳይ ሚዳ ማይኦ ማላካ
\q2 ታ ያና።
\c 14
\q1
\v 1 «ኣሾ ማይኢዳ ኣሳስ
\q2 ላይይ ቃን፤
\q2 ሄሲካ ሜቶን ኩሚዴስ።
\q1
\v 2 ጪሻ ማላ ቤቲዲ
\q2 ሄራካ ቆኬስ፤
\q2 ኤሾ ማላ ዳሮ ጋምኦንታ
\q3 ሄራ ኣስ።
\q1
\v 3 ሂስቲን ኔኒ ሃይሳ ማላ
\q2 ኣሳ ሜቴ ካሌታይ?
\q2 ኔ ሲንካ
\q2 ፒርዳስ ሺሻኔ?
\q1
\v 4 ቱና ሚሻፌ
\q2 ጌሻ ሚሽ ዴማናስ
\q2 ዳንዳይዛዴይ ኦኒካ ዴና።
\q1
\v 5 ኣሳ ላይስ ዎዳ ዛዋይ ዴስ፤
\q2 ኣሲ ዳና ኣጊናቲካ
\q3 ኔ ማታን ቆዳን ዴቴስ፤
\q2 ኔኒካ ዎዳ
\q2 ላይ ዛዋፔ
\q2 ኣዛዴይ ዴና።
\q1
\v 6 ኡኔቲ ኣቂዛዴይ
\q2 ባ ኦና ጋላሳ ኦሶዮ
\q2 ፖሊዲ ኡፋዬቲዛ ማላ፥
\q2 ኣሲካ ባ ዳቡራ ጋላሳን
\q2 ኡፋዬታና ማላ
\q3 ኔ ኣይፌ ኢዛ ቦላፌ ዴን።
\q1
\v 7 ቃንጼቲዳ ሚ ኡስካ
\q2 ሂዶታይ ዴስ፤
\q2 ናምኣን
\q2 ሲሚ ኣጫናሲኔ
\q2 ሃጋታ ኬሳናስ ዳንዳዬስ።
\q1
\v 8 ኣይኮካ ጻጶቲ
\q2 ቢታ ጊዶን ጪሚኮካ፥
\q2 ኣኖይካ ቢታ ጊዶን ሙሲኮ፥
\q1
\v 9 ኢርጻ ዴሚኮ
\q2 ናምኣን ኣጬስ፤
\q2 ኦራ ቶኬቲዳ ሚ ማላ
\q3 ሃጋታ ኬሴስ።
\q1
\v 10 ኣሲ ጊዲኮ ሃይቂዲ
\q2 ካሴ ባይንዳ ማላ ሃኔስ፤
\q2 ሃይቂዳፔ ጉዬ
\q2 ኣዋን ቤታኔ?
\q1
\v 11 ኣባ ሃ ዉሪዛ ማላ፥
\q2 ሻፋ ሃካ ሜሊዛ ማላ፥
\q1
\v 12 ኣሲካ ሄሳ ማላ
\q2 ሃይቂዳፔ ጉዬ
\q3 ሃ ሲሜና፤
\q2 ሳሎይ ኣናሼ
\q2 ጋካናስ ዴንዴና፤
\q2 ስኮፌካ ቤጌና።
\b
\q1
\v 13 «ሃይቂዳይታ ጊዶን
\q2 ኔ ታና ቆቲዳኮ ኣዜ ዲዛይ!
\q2 ኔ ሃንቆዚ ኣና
\q2 ዎዴይ ጋካናስ
\q3 ኔ ታና ቆቲዳኮ!
\q2 ቃጻሮ ጋላስ ቃቻዳ
\q2 ኔ ታና ቆፒዳኮ!
\q1
\v 14 ኣሲ ሃይቂዳፔ ጉዬ
\q2 ኣሾራ ፓጻ ዳናስ ዳንዳይዜ?
\q2 ታስ ዎዴይ ላሜታና ጋካናስ፥
\q2 ታ ሃይሳ ባጼ ላይ
\q3 ጌንጫ ኣና።
\q1
\v 15 ሄ ዎዴ ኔኒ ታና ጼይጋና፤
\q2 ታኒካ ኔስ፥ ‹ዬ› ጋና፤
\q3 ኔ ሜታ ጊዲዳ ታና
\q3 ቤያናስ ኔ ላሞታና።
\q1
\v 16 ሄኮ ሃኢ
\q2 ኔ ታ ሄሜታ ካሌታሳ፤
\q2 ጊዲኮካ ታ ናጋራ ቆፓካ።
\q1
\v 17 ታ ቆሆይ ካራጺቴን ጹንቴታና፤
\q2 ታ ናጋራካ ኔ ካማና።
\b
\q1
\v 18 «ዙማይ ሃሮቲዛ ማላኔ
\q2 ዎዲዛ ማላ፥
\q2 ዛላይካ ባ ዲዛሶፔ
\q2 ቃሌቲዛ ማላ፥
\q2
\v 19 ሃ ሹች ዎጪዲ
\q2 ኦንጊዛ ማላ፥
\q3 ዲኦይ ቢታ ሜጪዛ ማላ
\q3 ኔኒካ ኣሳ ሂዶታ ይሳሳ።
\q1
\v 20 ኔ ዎልቃይ ሜርናስ
\q2 ኢዛዴ ቦላ ሚኔስ፤
\q2 ኢዚካ ካሴ ባይንዳ ማላ ሃኔስ፤
\q3 ኔ ኢዛ ሜካ ላማዳ
\q3 ኔ ሲንፌ ይሳሳ።
\q1
\v 21 ኢዛ ናይቲ ቦንቾ ዴሚዳኮካ
\q2 ኢዚ ኤሬና፤
\q2 ካዉዪዛኮካ ኢዚ ጼሌና።
\q1
\v 22 ኢዛስ ኢዛ ኣሳቴ
\q2 ዋዬዚ ሲዬቴስ፤
\q2 ኢዚካ ባ ሜቶዛ ጊሻስ ጻላ
\q2 ዬኬስ።»
\c 15
\s ኤልፋዜ ሃሳያ
\p
\v 1 ቴማኔ ዴሬ ኣስ ኤልፋዜይ ሂዝጊዴስ፤
\q1
\v 2 «ቱሙ ኤራ ኣሲ
\q2 ጫርኮ ማላ ኩሼን ኦይኬቶንታ
\q3 ሚሽ ሃሳዪ ኤሪዜ?
\q2 ኢዛ ኡሎን ቆሂዛ ቆፋይ
\q3 ዳናስ ቤሲዜ?
\q1
\v 3 ኤራ ኣሲ ኣይኮ
\q2 ጎኦንታ ቃላታኒኔ
\q2 ጎኣይ ባይንዳ ሃሳያን
\q2 ማርሼቲዜ?
\q1
\v 4 ኔኒ ጾሳስ ያዪዛይሳ ኣጋዳሳ፤
\q2 ጾሳስ ቤሲዛ
\q2 ጎይኖዛካ ዲጋሳ።
\q1
\v 5 ኔ ቆሃንቻ ጊዲዳይሲ
\q2 ኔ ሃሳያን ኤሬቴስ፤
\q2 ጊዶ ኣቲን
\q2 ጪንጫቴ ሃሳያን
\q3 ካማናስ ባጼታሳ።
\q1
\v 6 ኔ ቦላ ፒርዲዛይ
\q2 ኔ ዶናፔ ኣቲን
\q2 ታና ጊዲኬ፤
\q2 ኔ ሃሳያይ ኔናቴ ቆንጪሴስ።
\b
\q1
\v 7 «ኣሳፔ ሲንን
\q2 ዬሌቲዳይ ኔኔ?
\q2 ዙማቲ ሜታናፔ
\q2 ሲንን ኔ ዬሌታዲ?
\q1
\v 8 ቱሙ ጾሳ ጹራ ሲያዲ?
\q2 ኣሳ ኤራቴ ኤሪዛይ
\q3 ኔና ጻላ ኔስ ሚሳቲዜ?
\q1
\v 9 ኑኒ ኤሪዛይሳፌ ዱማ ሚሽ
\q2 ኔ ኤሪዛይሲ ኣዜ?
\q2 ኑ ኤሪዛይሳፌ ኔስ ቆንጪዳ
\q3 ዱማ ሚሺ ኣዜ?
\q1
\v 10 ዬሌታን ኔ ኣዋፔ ጪሚዛ
\q2 ሁኤይ ፑሉሚዳ ጪማቲ
\q3 ቆፋን ኑናራ ዴቴስ።
\q1
\v 11 ኑ ባጋራ ኔስ ዮቴቲዛ
\q2 ጾሳፌ ኢሜቲዳ ሚንይ
\q2 ኔስ ጊዴኔ?
\q1
\v 12 ኔና ኔ ዎዚናይ
\q2 ኣይስ ሃራሶ ኤፊዜ?
\q2 ኣይስ ሃንቆን ዴሬቃ ጼላይ?
\q1
\v 13 ሃይሳ ኦሶን ጾሳ ቦላ
\q2 ኔ ኣያና ዴንዳሳ።
\q2 ሃይሳ ማላ ሃንቆ ቃላ
\q3 ሃሳያናዉ ጋካዳሳ።
\b
\q1
\v 14 «ኣሲ ጌሽ ጊዳናስ ዳንዳይዜ?
\q2 ኣሾ ማይኢዳይ
\q2 ጺላናስ ዳንዳይዜ?
\q1
\v 15 ጾሳይ ባ ኪታንቻታ ቦላ
\q2 ኣማኔቴና፤
\q2 ሳሎይካ ኢዛ ሲንን
\q2 ጌሽ ጊዴና።
\q1
\v 16 ሞሬቲዳይኔ ቱኒዳይ
\q2 ናጋራካ ሃ ማላ
\q2 ኡዪዛ ኣሲ ኣይ ማላ ኢታ?\x - \xo 15፡14-16 \xo*\xt ኢዮ 25፡4-6\xt*\x*
\b
\q1
\v 17-18 «ኢስታ ኣዋቲ ቆቶንታ
\q2 ኢስታስ ኦዳይሳ፥
\q2 ኤራንቻቲ ቆንጪሲዳይሳ፥
\q3 ታኒካ ፒልጊዳይሳ
\q3 ታ ኔና ኤሪሳይስ፤
\q3 ሲያ ታ ኔስ ዮታይስ።
\q1
\v 19 ቢታያ ኢስታስ ጻላ ኢሜታዱስ፤
\q2 ኢማቲካ ኢስታ ጊዶን
\q2 ዋላኬቲቤቴና።
\q1
\v 20 ኣስ ዋዪሲሼ ዴኢዛ ኢታ ኣሲ
\q2 ባ ላይ ኩሜን
\q2 ዋዬቲሼ ዳና።
\q1
\v 21 ዳጋንዛ ጊሪስ ኢዚ
\q2 ባ ሃይን ሲያና፤
\q2 ኡባ ሚሺ ሳሮ ሚሳቲዲ
\q3 ኢዛስ ቤቲዛ ዎዴ
\q3 ኢዛ ይሲዛ ሚሺ
\q2 ኢዛ ቦላ ያና።
\q1
\v 22 ኢዛስ ቃዳይ
\q2 ማሻን ሃይቆ ጊዲዳ ጊሻስ፥
\q2 ማፔ ኣታና ሂዶታይ
\q3 ኢዛስ ዴና።
\q1
\v 23 ካፎስ ዎራ ኣቲዳ ካ ማላ
\q2 ኢዚ ዎራ ኣታና፤
\q2 ኢዚ ያና ማ ጋላሳይ
\q3 ኢዛኮ ማቲዳይሳ ኢዚ ኤሬስ።
\q1
\v 24 ሜቶይኔ ጬጬይ ኢዛ ያሻና፤
\q2 ኦላስ ጊጌቲዳ ካዎ ማላ
\q3 ኢዛ ቦላ ሚናና።
\q1
\v 25 ሃይሲ ሃናናይ ጾሳ ቦላ
\q2 ባ ኩሼ ዴንዳ ጊሻሳ፤
\q2 ኡባ ዳንዳይዛ ጾሳ ቦላ
\q2 ጻሊዳ ጊሻሳ።
\q1
\v 26 ኢዚ ባ ኦርዴኔ
\q2 ሚኖ ጎንዳሌ ኤኪዲ
\q2 ጾሳራ ኤቄታና ኬዚዴስ።
\b
\q1
\v 27 «ኢዛ ኣይፌይ ሞን ጎዜቲዴስ፤
\q2 ኢዛ ጼሳይካ ኦርዲዴስ።
\q1
\v 28 ሃይሲ ሃ ኣዴዚ
\q2 ሙሌራ ኩንዲዲ
\q2 ይዳ ካታማታን፥
\q2 ላሌታናስ ማቲዳ
\q3 ካይሳ ኬታ ጊዶን ዴስ።
\q1
\v 29 ዱሬቴና፤ ኢዛ ሃሮይካ
\q2 ዳሮ ዎዴ ጋምኤና፤
\q2 ቢታ ቦላካ ኣኬና።
\q1
\v 30 ማፔ ኣቲ ባናዉ
\q2 ዳንዳዬና፤
\q2 ታማ ላጮይ ሃጋታ
\q3 ሜሊሲዳይሳ ማላኔ
\q3 ጪሻቲካ ጫርኮን
\q2 ቆኪዳ ሚ ማላ ጊዳና።
\q1
\v 31 ሃዳ ሚሻን ኣማኔቲሼ
\q2 ባና ባርካ ባሌፎ፤
\q2 ሄሳንካ ኢዚ ጎኣይ ባይንዳይሳ
\q3 ጊዲ ኣታና።
\q1
\v 32 ኢዚ ዎዴይ ጋኮንታ ዲሺን
\q2 ኡይ ሜሊዛ ማላኔ
\q2 ሃጋቲካ ጪሊሎንታ
\q2 ሚ ማላ ሃናና።
\q1
\v 33 ኢዚ ቡሮን ካጾንታ ዲሼ
\q2 ኣይፌዚ ቆቆፌቲዛ
\q2 ዎይኔ ሚ ማላኔ
\q2 ጪሻይ ቆቆፌቲዛ
\q3 ዎጋራ ሚ ማላ ጊዳና።
\q1
\v 34 ጾሳ ጾሳቴ ኤሮንታ ኣሳታስ
\q2 ዜሬ ዴኤና፤
\q2 ጉቦን ኦሴቲዳ ኬቲካ
\q3 ታማን ዲፒ ጊ ጹጌታና።
\q1
\v 35 ሃይሳ ማላ ኣሳቲ
\q2 ጌኔ ሚሽ ቆፔቴስ፤
\q2 ሜቶካ ሜቴስ፤
\q3 ኢስታ ዎዚናይካ
\q3 ባሌን ኩሚዴስ።»
\c 16
\s ኢዮቤ ሃሳያ
\p
\v 1 ኢዮቢካ ሂዝጊ ዛሪዴስ፤
\q1
\v 2 «ታኒ ሃይሳ ማላ ሃሳያ
\q2 ዳሮ ዎዴ ሲያዲስ፤
\q2 ኢንቴ ሳሌዛ ዞራንቻታ።
\q1
\v 3 ሃይሳ ኢንቴ ሃዳ ሃሳያስ
\q2 ዉርሴ ባዬ?
\q2 ሃይሳ ላጌ ታናራ
\q2 ማርሼታና ማላ
\q2 ኢንቴና ዴንዳይ ኣዜ?
\q1
\v 4 ኢንቴ ታ ሶሆን
\q2 ታኒ ኢንቴ ሶሆን ጊዲዳኮ
\q3 ካን ታኒ ሁኤ ቃዳ
\q3 ሃኢ ኢንቴ ጊዛይሳ ኡባ
\q2 ኢንቴ ቦላ ሎኤ
\q2 ሃሳያናኮሺን።
\q1
\v 5 ሄሳ ማላካ ታ ዶናን
\q2 ኢንቴና ሚንናኔ
\q2 ሚንናስ ዳሮ
\q2 ሃሳያናኮሺን።
\b
\q1
\v 6 «ጊዶ ኣቲን ዳሮ ሃሳይኮካ
\q2 ታ ሃርጌይ ሃ ሎኤና፤
\q2 ጮኡ ጋ ዳንዳይኮካ
\q2 ታ ዋዬይ ታፔ ኪቼና።
\q1
\v 7 ጾሳዉ! ታና ኣሳቴፌ
\q2 ካሬ ኬሳዳሳ፥
\q2 ታ ዴሬ ኣሳ ኡባ ይሳዳሳ።
\q1
\v 8 ታ ኣሳቴይ ጉንዶይሲ
\q2 ታ ቦላ ዴንዲዲ
\q2 ኔኒ ናጋራንቻ ጊዲ
\q2 ታ ቦላ ማርካቴስ።
\q1
\v 9 ጾሲ ታና ሃንቂዲ
\q2 ታ ኣሳቴ ቃንጼሬዴስ፤
\q2 ታና ኢጺዲ ባ ኣች
\q3 ታ ቦላ ጋርጪዴስ፤
\q3 ታ ሞርኬይ ባ ኣይፌ
\q3 ታ ቦላ ማጺ ኬሲዴስ።
\q1
\v 10 ኣሳይ ታ ዩሾን ሺቄቲዲ
\q2 ታ ቦላ ጬቄቲዴስ፤
\q2 ታና ቂ ቃላን ባቂዳ።
\q1
\v 11 ጾሲ ታና ኢታ ኣሳታስ
\q2 ኣ ኢሚዴስ፤
\q2 ማካላንቻታ
\q2 ኩሼን ዬጊዴስ።
\q1
\v 12 ታ ሳሮን ዳይሲኮሺን
\q2 ጊዲኮካ ጾሲ ባ ሃንቆዛን
\q2 ታና ሜንሬዴስ፤
\q2 ታ ቆ ጩሊ ኦይኪዲ
\q2 ታና ዳቡርሲዴስ፤
\q3 ባ ቆፋ ታ ቦላ ፖሊዴስ።
\q1
\v 13 ዎንዳፋንቻቲ
\q2 ታና ጊዶዳ፤
\q2 ቃቴ ባይንዳ
\q2 ታ ኪላሆታ ቃንጼሬዳ፤
\q2 ታ ጪዬዛካ ቢታ ቦላ ጉሲዳ።
\q1
\v 14 ኢዚ ታና ዛሪ ዛሪ ማዱንዴስ፤
\q2 ሚኖ ኦላንቻ ማላ
\q2 ዚዚሚ ዪዲ
\q3 ታና ሾጪዴስ።
\b
\q1
\v 15 «ታ ካዮቴስ
\q2 ማቃ ሲካ ማይኣዲስ፤
\q2 ጉዱላ ቦላ ጉፋናዲስ።
\q1
\v 16 ታ ኣይፌሶይ ዬኮን ዞኢዴስ፤
\q2 ሳካና ማይ
\q2 ታ ሲጲን ካሚዴስ።
\q1
\v 17 ሃይሲ ኡባይ ሃንሺን
\q2 ታ ኦዳ ቆሆይ ዴና፤
\q2 ታኒ ታ ዎሳ
\q2 ጾሳኮ ሺሺዛይ
\q3 ዎዚና ጌሻቴና።
\b
\q1
\v 18 «ቢታዞ! ታና ጋኪዳ ቆሆዛ
\q2 ኔ ካሞፋ!
\q2 ሱሬ ፒርዳ ጊሻስ
\q2 ታ ሺሺዛ ማጋናይ
\q2 ካሜቲ ኣታና ማላ
\q2 ኔ ኦፋ!
\q1
\v 19 ሄኮ ታስ ማርካቲዛዴይኔ
\q2 ኣፋካቶ ኤቂዛዴይ ሳሎን ዴስ።\x - \xo 16፡19 \xo*\xt ኢዮ 19፡25\xt*\x*
\q1
\v 20 ታ ላጌቲ ታና ሌቆን ጼሌቴስ፤
\q2 ታኒ ጊዲኮ
\q2 ፑዴ ጾሳስ ዬካይስ።
\q1
\v 21 ኣስ ኣሳራ ጋ ሃሳይሲዲ
\q2 ማቃዪንዛዴይ
\q2 ዲዛይሳ ማላ፤
\q2 ኣስ ጾሳራ ጋ
\q2 ማቃዪንዛ ኣሲ ዲዳኮ
\q2 ኣዜ ዲዛይ?
\b
\q1
\v 22 «ታ ላይስ ዉርሴይ ጋኬስ፤
\q2 ታ ሃ ሲማ ዮንታሶ ባናስ
\q3 ጉ ዎዴይ ጻላ ኣቲዴስ።
\c 17
\q1
\v 1 «ታ ኣያናይ ዳቡርዴስ፤
\q2 ታ ዳና ላይይካ
\q3 ፖሌታናዉ ማቲዴስ፤
\q3 ዱፎይካ ታና ናጌስ።
\q1
\v 2 ታና ቂዛይቲ ታና ዩዪ ኣዳ፤
\q2 ታ ኣይፌይካ
\q3 ኢስቲ ኢጺዛይሳ ጼሌስ።
\q1
\v 3 ታ ጾሳዉ! ኔፔ ኣቲን
\q2 ታስ ኤቃናይ ሃራይ ዴና፤
\q2 ኔኒ ኔ ሁኤራ ታስ ዋሴ ጊዳ።
\q1
\v 4 ኢስቲ ፒልጊዲ
\q2 ኣኬካናዉ ዳንዳዮንታ ማላ
\q2 ኢስታ ቆፋ ጎርዳዳሳ፤
\q3 ሄሳ ጊሻስ ኢስቲ
\q3 ጾናና ማላ ኦፋ።
\q1
\v 5 ሚሼ ዴማናዉ ጊዲ
\q2 ባ ላጌዛ ኣ ኢሚዛ
\q2 ኣሳ ናይታ
\q2 ቦላ ጎሜይ ጋካና።
\b
\q1
\v 6 «ጾሲ ታና ኣሳስ
\q2 ካሳ ሚሽ ኦዴስ፤
\q2 ኣሳይ ኢዛዴ ቦላ ጩቲዛ
\q3 ኣሳ ማላ ጊዳዲስ።
\q1
\v 7 ኣፉንፌ ዴንዲዳይሳን
\q2 ታ ኣይፌቲ ዶልጁሚዳ፤
\q2 ኩሜ ታ ኣሳቴይካ
\q2 ኤሾ ማላ ጊዲዴስ።
\q1
\v 8 ጺሎ ኣሳቲ ሃይሳን ዳጋሜቲዳ፤
\q2 ጌሻቲ ጾሳ ኣማኖንታ
\q2 ኣሳታ ቦላ ሃንቄቲዳ።
\q1
\v 9 ጊዶ ኣቲን ጺሎቲ ቱማ ኦጌፔ
\q2 ካሬ ኬኤቴና፤
\q2 ጌሻቲ ሚኖቴ ቦላ
\q2 ሚኖቴ ጉጄቴስ።
\b
\q1
\v 10 «ኢንቴ ኡባይካ ናምኣን ዪዲ
\q2 ታ ሲንን ማርሼቲኮ፤
\q2 ኢንቴ ጊዶፌ ኢሲ ኣኬካራ ዲዛ
\q3 ኣስ ዴሚኬ።
\q1
\v 11 ታ ላይይ ዉሪዴስ፤
\q2 ታ ቆፋይኔ ታስ ዎዚና ኣሞይ
\q3 ሃዳ ጊዲ ኣቲዴስ።
\q1
\v 12 ሃይቲ ሃ ኣሳቲ
\q2 ኦማርሳ ጋላስ ጌቴስ፤
\q2 ፖኦዛ ቃሴ ማና
\q2 ሃኔስ ጌቴስ።
\q1
\v 13 ሃይሳፌ ጉዬ ታስ ዲዛ ቃዳይ
\q2 ዱጌ ሃይቂዳ ኣሳቲ ዲዛሶ
\q3 ዱፎን ዎ፤
\q3 ያን ማሶን ታኒ
\q3 ታ ሂጻ ኦንጋና።
\q1
\v 14 ዱፎ፥ ‹ታ ኣዋዉ!›
\q2 ጋዳ ታ ጼይጋና፤
\q2 ታና ሚዛ ጉጹኔታ ታኒ፥
\q3 ‹ታ ኣዬ፥ ታ ሚቼዬ!›
\q3 ጋዳ ጼይጋና።
\q1
\v 15 ሂስቲን ታስ ኣይ ሂዶታይ ዲዜ?
\q2 ታስ ሂዶታ ጊዲዛ ሚሽ
\q3 ኦኔ ታስ ጼላናይ?
\q1
\v 16 ታኒ ዱጌ ሲኦሌ ዎሺን
\q2 ሂዶታይ ታናራ ኢሲፌ ዎኔ?
\q2 ኢሲፌካ ዱጌ ዱፎን
\q2 ኑ ጌላኔ?»
\c 18
\s ቤሊዳዴ ሃሳያ
\q1
\v 1 ሹሃ ዴሬ ኣስ ቤሊዳዲ
\q2 ሂዝጊ ዛሪዴስ፤
\q2
\v 2 ኢዮቤ! ኔ ኣይስ
\q2 ሃይሳ ማላ ሃሳያ ዳርሳይ?
\q3 ኣኔ ኤዝጋ፤ ኑኒካ ሃሳዮስ።
\q1
\v 3 ኔኒ ኑና ኣይስ ሜሄታ ማላ ቆዳይ፤
\q2 ኔኒ ኣይስ ኑና ቱሌታ ማላ
\q2 ኣኬኮንታ ኣስ ኦ ጼላይ?
\q1
\v 4 ኔኒ ሃንቄቲኮ ኔና ቆሃሳ ኣቲን
\q2 ኔ ሃንቆዛን ቢታይ
\q2 ሜላ ኣቴና።
\q2 ዛላቲካ ባ ዲዛሶፔ
\q2 ቃጼቴና።
\q1
\v 5 ናጋራንቻ ጾምፔይ ቶኣና፤
\q2 ታማ ላጮይካ ናምኣን ቤቴና፤
\q1
\v 6 ኢዛ ዱንካኔ ጊዶን ዲዛ
\q2 ፖኦይ ቶኣና፤
\q2 ፖኦዚካ ማና።\x - \xo 18፡5-6 \xo*\xt ኢዮ 21፡17\xt*\x*
\q1
\v 7 ኢዛስ ሚኖ ታንጎይ
\q2 ቃሚ ቃሚ ባና፤
\q2 ጌኔ ቆፒዛዴ ቆፋይ
\q3 ኢዛ ዛሪ ኩንዲሳና።
\q1
\v 8 ኢዚ ባርካ ቢዲ ዎጺማዴን ጌላና፤
\q2 ኢዛ ቶሆይካ ጊቴን ቃጼታና።
\q1
\v 9 ዎጺማዴይ ኢዛ ቂርጴ ኦይካና፤
\q2 ሄንካ ዋጺ ኣሻና።
\q1
\v 10 ሳኣ ቦላ ያርዴ ዎዶሮይ
\q2 ሚጬቲዴስ፤
\q2 ኢዛ ኦጌንካ ዎጺማዴይ
\q2 ጊጌቲዴስ።
\q1
\v 11 «ያሺ ኢዛ ጊዶዴስ፤
\q2 ጉዬራ ካሊ ካሊ
\q2 ጎዴሬስ።
\q1
\v 12 ኢዛ ዎልቃይ ኮሻን ዉሪዴስ፤
\q2 ቦሻይካ ኢዛ ይሳናስ
\q2 ጊጌቲዴስ።
\q1
\v 13 ሃርጌይ ኢዛ ኣሳቴ ጊልቂሳና፤
\q2 ሃይቆይካ ሙሌራ ኤኪ ባና።
\q1
\v 14 ሂርጋይ ባይንዳ ኣማኔቲ ዲዛ
\q2 ኬፌ ኢዚ ጎዴታና፤
\q2 ኣስ ኡባ ሃሪዛ ሃይቆይ
\q2 ኢዛ ኤካና።
\q1
\v 15 ኢዛ ኬን
\q2 ኣይ ሚሺካ ኣቴና፤
\q2 ኢዚ ኣቂዛሶዛንካ
\q3 ዲኔ ታማይ ላሌታና።
\q1
\v 16 ጻጶፔ ሜሊዛ ሚ ማላኔ
\q2 ሃጋቲካ ሜቄሬቲዛ
\q3 ሚ ማላ ጊዳና።
\q1
\v 17 ቢታ ቦላ ኢዛ ቆፒዛ ኣሲ ዴና፤
\q2 ኢዛ ጎባቴካ
\q2 ቢታፌ ያና።
\q1
\v 18 ኢዚ ፖኦሶፔ
\q2 ጌዴ ማን ጎዴታና፤
\q2 ቢታ ቦላፌ ኢዚ ኪቻና።
\q1
\v 19 ኢዛ ዳቦታ ጊዶፌ
\q2 ኢዛ ላታና ዬሌታይ ቤቴና፤
\q2 ኢዛ ባቻንካ
\q2 ዛሬይ ኢዛስ ኣቴና።
\q1
\v 20 ኡሻቻ ባጋራኔ
\q2 ሃዲርሳ ባጋራ ዲዛ ኣሳይ፤
\q2 ኢዛ ቦላ ጋኪዳ ሜቶዛ ጊሻስ
\q3 ኬሂ ባቢዲ ኮኮራና።
\q1
\v 21 ኣይ ዎዴካ ኢታ ኣሳታ ዉርሴይ
\q2 ሄሳ ማላ፤
\q2 ጾሳስ ያዮንታ
\q2 ኣሳ ቃዳይ ሃይሳ።»
\c 19
\s ኢዮቤ ሃሳያ
\p
\v 1 ኢዮቢ ሂዝጊ ዛሪዴስ፤
\q1
\v 2 «ኢንቴ ታና
\q2 ኣዉዴ ጋካናስ ዋዪሳንዴቲ?
\q2 ኣዉዴ ጋካናስ ዮኦን
\q2 ታስ ሜቄ ሜንንዴቲ?
\q1
\v 3 ሄኮ ኢንቴ ታና ታሙቶ ጫዬታ፤
\q2 ታና ካዉሺሼካ
\q2 ዬላቴኬታ።
\q1
\v 4 ቱሙካ ታኒ ባሌቲዳ ጊዲኮ
\q2 ታ ባላይ ታና ጻላ ቆሃና።
\q1
\v 5 ቱሙ ኢንቴ ኢንቴና ቂሲዲ
\q2 ታ ካዉሻቴ ኢንቴስ
\q3 ማርሼ ሚሽ ኦታ።
\q1
\v 6 ጊዲኮካ ሃይሳ ኡባ ሜቶዛ
\q2 ታ ቦላ ጋዳይኔ፥
\q2 ጊቴ ጊዶ ታና ዬጊዳይ
\q2 ጾሳ ጊዲዳይሳ
\q3 ኢንቴ ኤራና ማላ ታ ኮያይስ።
\q1
\v 7 ታ ቆሄታዲስ ጋዳ ዎሲን
\q2 ታና ሲዪዛ ኣስ ዴማቤኬ፤
\q2 ታ ቃላ ቁ ኦዳ
\q2 ማጋኒኮካ
\q2 ሱሬ ፒርዳ ዴማቤኬ።
\q1
\v 8 ጾሲ ታስ ኦጌዛ ጎርዲዳ ጊሻስ
\q2 ኣናሶይ ዴና፤
\q2 ታ ባናሶዛካ
\q2 ማን ጎርዲዴስ።
\q1
\v 9 ታ ቦንቾዛ ታ ሁኤፔ ቃሪዲ
\q2 ታና ካዉሺዴስ።
\q1
\v 10 ታ ኣሳቴ ኡባሶራ
\q2 ቆጼሬዲ
\q2 ሙሌራ ላሊዴስ፤
\q2 ታስ ዲዛ ሂዶታ
\q3 ጻጶፔ ሾዴቲዲ ኩንዲዛ
\q3 ሚ ማላ ኦዴስ።
\q1
\v 11 ጾሲ ታና ሃንቄቲዲ ጊታ ሜቶ
\q2 ታ ቦላ ጋዴስ፤
\q2 ባስ ሞርኬ ማላ ታና ቆዲዴስ።
\q1
\v 12 ታና ይሳናስ
\q2 ባ ኦሳንቻታ ኪቲዴስ፤
\q2 ታስ ዱንካኔዛ ዩዪ ኣዲ
\q3 ታና ጊዶዳ።
\b
\q1
\v 13 «ጾሲ ታ ኢሻቲ
\q2 ታፔ ሃካና ማላ
\q2 ኦዴስ፤
\q2 ታና ኤሪዛ ኣሳቲ ኡባይ ታና
\q3 ኣሳ ዴሬ ኣስ ኬሲዳ።
\q1
\v 14 ታ ዳቦቲ ታፔ ሃኪዳ፤
\q2 ታ ላጌቲካ ታና ባሊዳ።
\q1
\v 15 ታኒ ታሶን ኢማቴ
\q2 ሞካ ኤኪዳይቲ
\q2 ኡባይ ታና ባሊዳ፤
\q2 ታ ጋራዴቲ
\q2 ታና ኢማ ማላ ቆዲዳ፤
\q3 ኣላጋ ማላካ ጼሊዳ።
\q1
\v 16 ታኒ ታ ኦሳንቻዛ ጼይጊሺን
\q2 ኢዚ ታስ ኮዬና፤
\q2 ‹ታና ማዳርኪ›
\q2 ጋ ታ ዋሲሺንካ
\q3 ኤሮ ጌና።
\q1
\v 17 ታ ማቻ ታፔ ኬኢዛ
\q2 ፔኖዛ ሻቴታዱስ፤
\q2 ታ ኢሻቲካ ሃራሬቲዳ።
\q1
\v 18 ቄሪ ናይቲካ ታና ካቴስ፤
\q2 ታና ቤኢዛ ዎዴ
\q3 ታ ቦላ ቂልጬቴስ።
\q1
\v 19 ታስ ማታ ላጌቲካ
\q2 ታና ሻቴቲዳ፤
\q2 ታ ሲቆቲ ታ ቦላ
\q3 ሞርኬ ጊዲ ዴንዲዳ።
\q1
\v 20 ታስ ኣሾዚ ዉሪን
\q2 ጋልባዚ ሜቄራ ኦይኬቲዴስ፤
\q3 ታና ሺሺን ኣታዲስ።
\b
\q1
\v 21 «ታ ሲቆቶ! ጾሳ ኩሼይ
\q2 ታና ሾጪዳ ጊሻስ
\q3 ኣኔ ዛይ ታስ ሚሼቲቴ!
\q3 ታስ ቃቲቴ!
\q1
\v 22 ጾሲ ታና ጎዶይሳ ማላ
\q2 ኢንቴካ ታና ኣዛስ ጎዴቲ?
\q3 ሃይሳ ጋካናስ ኢንቴ ታና
\q3 ዋዪሲዳይሲ ጊዴኔ?
\q1
\v 23 ሃይሳ ጋካናስ
\q2 ታ ሃሳይዳ ቃላ ኣኬኪዛይኔ
\q2 ማጻፋን ጻፊዛ ኣሲ ዲዛኮ
\q3 ታና ኣይ ማላ ኡፋይሳኔሺን!
\q1
\v 24 ኢስኪርቶኒኔ ኢርሳሴን ጻፌቲዲ
\q2 ዎይኮ ሹቻ ቦላ
\q2 ዎጬቲ ኡቲዲ
\q3 ሜርናስ ዳና ማላ
\q3 ኦዳኮ
\q3 ኣይ ማላ ታና ኡፋይሳንዴሺን!
\q1
\v 25 ጊዶ ኣቲን ታና ኣሺዛይሲ
\q2 ፓጻ ዴኢዛ ማላ
\q2 ዉርሴ ዎዴን
\q2 ታና ዎዛናስ
\q3 ቢታ ቦላ ኢዚ ኤቃናይሳ
\q3 ታኒ ኤራይስ።
\q1
\v 26 ታስ ጋልባዚ ሜቴቲ ዉሪኮካ
\q2 ታኒ ታ ኣሳቴፌ ሻኬታዳ
\q3 ታኒ ጾሳ ቤያናይሳ ኤራይስ።
\q1
\v 27 ሃራ ኣስ ጊዶንታ
\q2 ኢዛካ ታኒ ታ ሁኤን
\q3 ታ ኣይፌራ ቤያና፤
\q2 ታ ዎዚናይካ ሄ ጋላሳዮ
\q3 ኬሂ ላሞቴስ።
\b
\q1
\v 28 «ታ ሲቆቶ!
\q2 ታና ዋላሲዲ ዋዪሳናስ፥
\q2 ‹ሃይሳ ሜቶዛ ኢዚ ባርካ
\q2 ባስ ኤሂዴስ› ጊዲ ሃሳዬታ።
\q1
\v 29 ጾሳ ሃንቆይ ማሻን
\q2 ቃጻዬቴን
\q2 ጋዛ ጊሻስ ማሻይ
\q2 ኢንቴና ሞንታ ማላ ናጌቲቴ።
\q3 ጾሳ ፒርዳይ ዲዛይሳካ ኤሪቴ።»
\c 20
\s ዞፋሬ ሃሳያ
\p
\v 1 ናኢማኔ ዴሬ ኣስ ዞፋሬይ
\q2 ሂዝጊ ዛሪዴስ፤
\q1
\v 2 «ኢዮቤ! ታና ዪሎ ቆፋይ
\q2 ኔ ቦላ ዛሮ
\q2 ኢማና ማላ ሱጊዴስ፤
\q3 ሄሳ ጊሻሳ
\q3 ታ ሃሳያናዉ ኤሶቲዳይ።
\q1
\v 3 ታኒ ታና ካዉሺዛ ሴራ ሲያይስ፤
\q2 ታ ኣኬኪዛ ኣኬካዚ
\q2 ታና ኔስ
\q3 ዛሮ ኢማ ኢማ ጌስ።
\b
\q1
\v 4 «ኣሲ ቢታ ቦላ
\q2 ቤቶሶፌ ዶሚዲ
\q2 ካሴፔ ሃይሳ ማላ
\q2 ጊዶይሳ ኔ ኤራይ?
\q1
\v 5 ኢታ ኣሳ ጬቄቴ
\q2 ጉ ዎዴሳ፤
\q2 ጾሳ ካዲዛ ኣሳታስ ዲዛ
\q2 ኡፋይሳይ ቂጲዳ ኣይፌይ
\q2 ጼላና ጋካናሳ።
\q1
\v 6 ኢታ ኣሲ ኣይኮካ ኦቶሬቲዲ
\q2 ሳሎ ጋኪኮካ፥
\q2 ኢዛ ሁኤይ ሻራ ጋኪ
\q2 ቦቺንካ፥
\q2
\v 7 ኢዚ ባ ሼሻ ኡቴ ማላ
\q2 ሙሌራ ፒቴታና፤
\q3 ካሴ ኢዛ ቤዪሼ ዲዛ ኣሳቲካ፥
\q3 ‹ኢዚ ኣዋን ዲዜ ጋኔ?›
\q1
\v 8 ኣጉሞ ማላ ቲምኢ ጊ
\q2 ይዛ ጊሻስ ቤቴና፤
\q2 ኦማርሳ ኤሉን ማላ
\q2 ኢዚ ያና።
\q1
\v 9 ኢዚ ዲዛሶፔ ኤሾራ
\q2 ይዛ ጊሻስ፥
\q2 ኢሲቶ ኢዛ ቤኢዳ ኣስ
\q3 ናምኣን ዛሪ ቤዬና።
\q1
\v 10 ኢዛ ናይቲ ኣዳሺዲ
\q2 ኢስታ ኣዋይ ማንቆታፔ
\q2 ጌኔራ ቦንቂዳ
\q2 ሚሻ ዛራና።
\q1
\v 11 ዎልቃን ኩሚዳ ዬላጋቴ
\q2 ኣሳቴይ ጉ
\q2 ዎዴፔ ጉዬ ቢታ ጊዳና።
\b
\q1
\v 12 «ኢታቴ ኢዛ ዶናን
\q2 ካ ማላ ኣይ ማልኢኮካ
\q2 ባ ኢንጻርሳን ኢዚ ላጪ ጼሊኮካ፥
\q2
\v 13 ዉሮንታ ማላ ዶናን
\q2 ጮሚሼ ጋምኢኮካ
\q2
\v 14 ኢዛ ኡሎ ጊዶን
\q2 ጫሞን ላሜታና፤
\q2 ኢዛስ ሾሻ
\q2 ማርዜ ማላ ጊዳና።
\q1
\v 15 ኢታ ኣሲ ባ ሚዳ ሚሻ
\q2 ኡንኤቲ ዛራና፤
\q2 ኡሎ ጊዶን ዲዛይሳካ
\q3 ጾሲ ኢዛ ጮሻና።
\q1
\v 16 ኢታ ኣሲ ሚዛይሲ ዉሪ
\q2 ኢዛስ ሾሻ
\q2 ማርዜ ማላ ጊዳና፤
\q2 ሾሻ ማርዜ ማላ ጊዲዲ
\q2 ኢዛ ዎና።
\q1
\v 17 ዎጋራ ዛይቴይ ዲኦ ማላ ጎጊሺን
\q2 ኤሲኔ ማ ሻፋ
\q2 ሃ ማላ ጎጊሺን
\q3 ኢዚ ቤኦንታ ሃይቃና።
\q1
\v 18 ኢዚ ባ ዳቡርዳ ዳቡራ ኣይፌ
\q2 ዛሬ ጌዴ ኢማና ኣቲን
\q3 ባ ሁኤስ ሜና።
\q2 ዛልኢዲ ኢዚ ሺሺዳ
\q3 ዴኦዛንካ ኡፋዬቴና።
\q1
\v 19 ሃይሲካ ሃንዛይሲ
\q2 ኢዚ ማንቆታ ኡንኤዳ
\q2 ጊሻሲኔ
\q2 ባ ኦንታ ኬ
\q2 ጌኔን ኤኪዳ ጊሻሳ።
\b
\q1
\v 20 «ኢዛ ሂርጌቴዚ
\q2 ኢዛስ ሼምፖ ይሲዴስ፤
\q2 ኢዚ ሺሺዳ ሃሮይካ
\q3 ኢዛ ኣሻናዉ ዳንዳዬና።
\q1
\v 21 ኢዛ ሃሮይ ዉሪ
\q2 ቁጬቲ ዉሪዛ ጊሻስ
\q2 ኢዛስ ዶናን ጌልናዚካ
\q2 ኣቴና።
\q1
\v 22 ኣይኮካ ኢዚ ዱሬ ኣስ ጊዲንካ፤
\q2 ኢዛ ዪሎይ ጋካና፤
\q3 ዳሮ ሜቶይካ ኢዛራ ጋይታና።
\q1
\v 23 ኢዚ ታ ማዳ ካላና ጊሺን
\q2 ጾሲ ዎልቃማ ሃንቆ
\q3 ኢዛ ቦላ ዬጋና፤
\q3 ባ ሃንቆዛካ ኢዛ ቦላ ጉሳና።
\q1
\v 24 ኢዚ ቢራታ ማሻፌ ኣቲኮ
\q2 ጻርቂማላ ዎንዳፌን ጫዴታና።
\q1
\v 25 ዎንዳፌዚካ ዞካራ
\q2 ካን ኬኣና፤
\q2 ጾጾልቁ ጊዛ ጼራዚ ኢዛስ
\q3 ቲሬዛ ዱሴሬዲ ኣና፤
\q3 ዎልቃማ ሂርጋን
\q2 ኢዛ ዎዚናይ ዳጋማና።
\q1
\v 26 ኢዚ ሺሺዳ ሃሮዚ
\q2 ኡባይ ጊርዲ ጊዳ
\q2 ማ ጊዶን ያና፤
\q3 ኣሲ ኦይንታ ታማይ ጹጋና፤
\q3 ኢዛሶን ኣቲዛ ሚሽ ኡባ
\q3 ዲፒ ሂስታና።
\q1
\v 27 ኢዚ ኦዳ ናጋራ
\q2 ሳሎይ ቆንጪሳና፤
\q2 ሳኣያካ ኢዛስ
\q2 ሞርኬ ጊዳዳ ዴንዳና።
\q1
\v 28 ጾሳስ ሃንቆ ጋላስ
\q2 ኢዛ ሶን ዲዛ ሃሮይ ዉሪ
\q3 ዲኦን ቁጬቲ ያና።
\q1
\v 29 ጾሲ ማካላንቻታስ
\q2 ዎዳ ቃዳይ፥
\q2 ኢታ ኣሳቲ ኤካና ዋጋይ ሃይሳ።»
\c 21
\s ኢዮቤ ሃሳያ
\p
\v 1 ኢዮቢካ ሂዝጊ ዛሪዴስ፤
\q1
\v 2 «ኣኔ ታ ሃሳያ
\q2 ዎዚናፔ ኤዝጊቴ፤
\q2 ሃይሲ ኢንቴ ታና
\q2 ሚንዳ ማላ
\q3 ኢንቴስ ቆዴታና።
\q1
\v 3 ኢሲቶ ሃሳያና ማላ
\q2 ታስ ጊሺ ኢሚቴ፤
\q2 ሄሳፌ ጉዬ ኢንቴ ኮዪዳ ማላ
\q3 ታና ቂናዉ ዳንዳዬታ።
\b
\q1
\v 4 «ታኒ ኣሾ ማይኢዳ ኣሳ
\q2 ቦላ ሚሼታዚና?
\q2 ሂስቲን ታስ ዳንዳዮንታ ኣጊኮ
\q3 ኢዛን ኣዚ ማላሊሲዜ?
\q1
\v 5 ኣኔ ታኮ ሃ ጼሊቴ፤
\q2 ሃሳያይ ኢንቴና
\q2 ጾናናሼ ጋካናስ
\q3 ታ ሃኖዚ ኢንቴና ሻጴስ።
\q1
\v 6 ታኒ ቆፒሺን ታናካ ዳጋንስ፤
\q2 ታ ኣሳቴካ
\q2 ያሻን ኮኮሪሴስ።
\b
\q1
\v 7 «ኣይስ ኢታ ኣሳታ
\q2 ላይይ ኣዱቂዲ
\q2 ኢስታ ሃሮይካ ዳሪዲ
\q3 ቢታ ቦላ ዲዜ?
\q1
\v 8 ኣይስ ኢስታ ናይቲኔ ናይታ ናይቲ
\q2 ዲጪዲ ሎኢ ዲሺን ቤዪዞ?
\q1
\v 9 ኢስቲ ኣይኮ ሂርጋይ ባይንዳ
\q2 ሳሮን ዴቴስ፤
\q2 ጾሳፌ ቦሻይ
\q2 ኢስታ ቦላ ጋኪ ኤሬና።
\q1
\v 10 ኢስታ ሜሄቲካ
\q2 ኢሲ ሜቶይ ባይንዳ ዬሌቴቴስ፤
\q2 ኢስታስ ሚዛቲካ
\q3 ኣዉጫዮንታ ዬሌቴስ።
\q1
\v 11 ባንታ ናይታ
\q2 ዶርሳ ዉዴ ማላ ሄሜቴስ፤
\q2 ኢስታ ናይቲካ
\q2 ጉፒ ጉፒ ካኤቴስ።
\q1
\v 12 ካራቤ ባቂሼ፥ ዲ ዲጺሼ፥
\q2 ዲንኬ ፑኒሼ
\q2 ኡፋይሳን ዬጼቴስ።
\q1
\v 13 ባንታ ላይ ዎጌቴኒኔ
\q2 ኡፋይሳን ኣቴስ፤
\q2 ዋዬቶንታ ሃ ቢታፌ
\q3 ሃይቆን ሻኬቴቴስ።
\b
\q1
\v 14 «ሄሲ ሄሳ ጊዲ ዲሺን
\q2 ኢስቲ ጾሳ፥
\q2 ‹ኑፔ ሃካ፤ ኔ ኦጌ ኤራናስ
\q3 ኑ ኮዮኮ› ጌቴስ።
\q1
\v 15 ‹ኑ ኢዛስ ጎይናና ማላ
\q2 ኡባ ዳንዳይዛ ጾሳይ
\q2 ኢዚ ኦኔ?
\q2 ኑ ኢዛ ዎሲን ኢዚ ኑና
\q2 ኣይ ማዳኔ?› ጌቴስ።
\q1
\v 16 ኢስቲ ሄሳ ጊዛይ
\q2 ኢስታ ኩሼን ዲዛ ሃሮይ ዉሪ
\q2 ኢስታ ዎልቃን ኢስታስ ሺቂዳ
\q2 ሚሳቲዛ ጊሻሳ።
\q2 ታኒ ጊዲኮ
\q3 ኢታ ኣሳታ ቆፋ ኤኪኬ።
\b
\q1
\v 17 «ሂስቲን ኢታ ኣሳታስ ጾምፔይ
\q2 ቶኢ ኤሪዜ?
\q2 ቦሻይ ኢስታ ቦላ ጋኪ ኤሪዜ?
\q2 ጾሲካ ኢስታ ቦላ
\q2 ሃንቄቲ ኤሪዜ?
\q1
\v 18 ኢስቲ ሃፓ ማላ ጫርኮን ቢዳሶይ
\q2 ጉዱላ ማላ ጎቴ ጫርኮን
\q3 ኢስቲ ፒቴቲ
\q3 ይዳ ዎዴይ ዲዜ?
\q1
\v 19 ኢንቴ፥ ‹ኣዋቲ ቆሂዳ ቆሆን
\q2 ጾሲ ናይታ ሃንቄቴስ› ጌታ፤
\q2 ኣኔ ጾሲ ናጋራንቻታ
\q2 ቃጻዮ፤
\q3 ሄሳ ሃንኮ ባንታ ቆሆ
\q3 ኢስቲ ኣኬካናዉ ዳንዳዬቴስ።
\q1
\v 20 ናጋራንቻቲ ባንቲ ኦዳ
\q2 ቆሆን ባንታ ቂጻቴ ኤኬቶ፤
\q2 ኡባ ዳንዳይዛ ጾሲ
\q3 ባ ሃንቆዛ ኢስታ ቦላ ኤሆ።
\q1
\v 21 ኣሲ ሃይቂዳፔ ጉዬ
\q2 ባ ናይታስ ቆፒ ኤሪዜ?
\b
\q1
\v 22 «ጾሲ ጊታ ኣሳታ ቦላካ ፒርዳና፤
\q2 ሂስቲን ኣሲ ኢዛ ፒርዳ
\q3 ታማርሳና ዳንዳይዜ?
\q1
\v 23 ኢሲ ኢሲ ኣሳቲ
\q2 ባንታ ላይ ዉርሴ
\q2 ጋካናስ ኣይኮ ሜቶይ
\q3 ኢስታ ቦላ ጋኮንታ ሚኖታኔ
\q3 ሃርጌይ ባይንዳይታ ጊዲዲ
\q2
\v 24 ኢስታ ቦላይ ኦርዲዲ
\q2 ካይሺዳ ማላ፥
\q3 ኢስታ ሜቄይካ
\q3 ሺጪዳ ማላ ሃይቄቴስ።
\q1
\v 25 ሃራቲ ጊዲኮ ዪሎኔ
\q2 ጫሞን ኩሚዳ ማላ
\q2 ሜቶን ኦይኬቲዳ ማላ
\q2 ኣይኮ ሎኦ ሚሽ
\q3 ቤኦንታ ሃይቄቴስ።
\q1
\v 26 ኡባይካ ዱጌ ዱፎን ጌሊዲ
\q2 ቢታ ጊዴቴስ፤
\q2 ጉጹኔይካ ኢስታ ላታና።
\b
\q1
\v 27 «ቤኢቴ! ታና ቆሃናስ
\q2 ቆፒዲ ኢንቴ ቃቺዳ
\q2 ጌኔዛ ታ ኤራይስ።
\q1
\v 28 ኢንቴ፥ ‹ሃይሳ
\q2 ጊታ ኣዳሶይ ኣዋኔ?
\q2 ናጋራንቻዛ
\q2 ዱሳሶይ ኣዋኔ?› ጌታ።
\q1
\v 29 ማንዳራ ኣሳታ ኦይቺቤኬቲ?
\q2 ኢስቲ ኢንቴስ ማርካቲዳ
\q2 ማርካቴ
\q3 ኢንቴ ኤኬኬቲ?
\q1
\v 30 ሄይቲ፥ ‹ኢታ ኣሳታ ቦላ
\q2 ቦሻይ ዪዛ ዎዴ
\q3 ቆሆይ ኢስታ ጋኬና፤
\q2 ጾሳ ሃንቆይ ቆንጪዛ ዎዴ
\q3 ኢስቲ ኣቲ ባና› ጊዲ ሃሳይዳ።
\q1
\v 31 ኢታ ኣስ ኢዛ ኢታቴ ጊሻስ
\q2 ዋላሲዛይ ኦኔ?
\q2 ኢታ ኦሶዛ ጊሻስ
\q3 ኢዛ ቃጻያናይ ኦኔ?
\q1
\v 32 ኢዚ ሃይቂዳፔ ጉዬ
\q2 ኢዛ ኣሃ ቶኪ ኤኪዲ
\q2 ዱፎን ኤፌቴስ፤
\q2 ኢዛ ዱፎይካ ናጌቴስ።
\q1
\v 33 ሾባን ዲዛ ቢታይ
\q2 ኢዛስ ጊጋ ጊዴስ፤
\q2 ኣሳቲ ኡባይካ ኢዛ ካሌቴስ፤
\q2 ኣዳፌ ዳሮ ኣሳቲካ
\q3 ኢዛፔ ሲንራ ቤቴስ።
\b
\q1
\v 34 «ሂስቲን ኢንቴ ሃዳ ጊዲዳ ዮኦራ
\q2 ታና ሚንናስ
\q2 ኣይስ ቆፔቲ?
\q2 ኢንቴ ታስ ኢሚዛ
\q3 ዛሮቲ ኡባይ ዎርዶ።»
\c 22
\s ኤልፋዜ ሃሳያ
\p
\v 1 ቴማኔ ዴሬ ኣስ ኤልፋዜይ
\q2 ሂዝጊ ዛሪዴስ፤
\q1
\v 2 «ኣሲ ጾሳ ጎኣናዉ ዳንዳይዜ?
\q2 ሃራይ ኣቶሺን
\q2 ኤራ ኣስ ጊዲኮካ
\q3 ጎኣዚ ኢዛዴሳፌ ኣቲን
\q3 ጾሳስ ጊዴና።
\q1
\v 3 ኔ ጺሎቴ ኡባ ዳንዳይዛ
\q2 ጾሳ ኣይ ጎኣኔ?
\q2 ዎሶይ ባይንዳ ኔ ዴኦዚ
\q3 ኢዛ ኣይ ማዳኔ?\x - \xo 22፡2-3 \xo*\xt ኢዮ 35፡6-8\xt*\x*
\q1
\v 4 ሂስቲን ኔ ቦላ ኢዚ ፒርዲዳይኔ
\q2 ሃይሳ ኔና ሃንቂዳይ
\q3 ኔኒ ጾስ ያዪዛ ጊሻሴ?
\q1
\v 5 ሃይሲ ኡባይ ኔና ጋኪዳይ
\q2 ኔ ኢታቴ ዳሪዳ
\q2 ጊሻሲኔ
\q2 ኔ ናጋራይ ዛዋይ ባይንዳይሳ
\q3 ጊዲዳ ጊሻስ ጊዴኔ?
\q1
\v 6 ኢሲ ጋሶይካ ባይንዳ
\q2 ኔ ኢሻታፔ ኦይሶ ኤካዳሳ፤
\q2 ቃሴ ኢስታ ማይኦ ቃራ ኤካዳ
\q3 ኢስታ ካሎ ኣሻዳሳ።
\q1
\v 7 ጋፊዲኔ ሳሜቲዲ ዳቡርዳይታ
\q2 ካኔ ሃ ዲጋዳሳ።
\q1
\v 8 ኔ ጋዳዴኔ ዎልቃማ
\q2 ኣስ ጊዳዳ
\q2 ኢዛን ዲዛ ቦንቾ
\q2 ኣስ ጊዲኮካ፥
\q2
\v 9 ኔኒ ኣምኤ ማጫሳታ
\q2 ሜላ ኩሼ ዬዳዳሳ፤
\q2 ዪኦ ናይቲካ
\q3 ባና ኣይሳና ዴኦዛ ይሳዳሳ።
\q1
\v 10 ሃይሳ ጋሶን
\q2 ኔና ኦይካና ዎጺማዴይ
\q2 ኔና ዩዪ ኣዴስ፤
\q3 ኔ ኤዝጎንታ
\q3 ሜቶይ ኔና ዳጋንና።
\q1
\v 11 ኔና ጼሎይ ሜታና ጋካናስ
\q2 ኔስ ሚዴስ፤
\q2 ዲኦ ሃካ ኔና ሜጪዴስ።
\b
\q1
\v 12 «ጾሳይ ቃ ሳሎን
\q2 ዲዛይሳ ጊዴኔ?
\q2 ጾሊንቴቲ ኣይኮካ
\q2 ቃሶሆን ዲኮካ
\q3 ኢዚ ኢስታፌ ቦላራ ዲዲ
\q2 ኢስታ ጼሌስ።
\q1
\v 13 ኔኒ ጊዲኮ፥ ‹ጾሲ ኣይ ኤሪዜ?
\q2 ጊርዲ ጊዳ ማን
\q3 ኢዚ ዋኒ ኑ ቦላ
\q3 ፒርዳናዉ ዳንዳይዜ?
\q1
\v 14 ሳሎ ቦላን ኢዚ ሲሜሬቲሺን
\q2 ፒ ጊዳ ሻራይ
\q2 ኢዛ ካሚዛ ጊሻስ
\q2 ኢዚ ቤያናዉ ዳንዳዬና› ጋሳ።
\b
\q1
\v 15 «ናጋራንቻቲ ሲሜሬቲዛ
\q2 ቤኒ ኦጌዛ ኔ ካላይ?
\q1
\v 16 ኢስቲካ ዎዴይ ጋኮንታ
\q2 ሲንራ ቦሻን ሾጬቲዳ፤
\q2 ዲኦንካ ሜጬቲዲ
\q2 ጻጶራ ይዳ።
\q1
\v 17 ኢስቲካ ኡባ ዳንዳይዛ ጾሳ፥
\q2 ‹ኑፔ ኔ ሃካ፤
\q3 ኔ ኑስ ኣይ ኦናስ
\q3 ዳንዳያይ?› ጊዳ።
\q1
\v 18 ጊዲኮካ ኢስታ ኬ
\q2 ዱሬቴን
\q2 ኩንዳይ ጾሳ።
\q2 ሄሳ ጊሻስ ታኒ
\q2 ኢታ ኣሳታ ቆፋ ኤኪኬ።
\b
\q1
\v 19 «ኪያ ኣሳቲ ኢታ ኣሳቲ
\q2 ቃጻዬቲሺን
\q2 ቤኢዲ ኡፋዬቴቴስ፤
\q2 ሱሬ ኣሳቲ ኢስታ ቦላ ቂልጬቴስ፥
\q1
\v 20 ‹ቱንካ ኑ ሞርኬቲ ይዳ፤
\q2 ኢስታ ሃሮዚ ኩሜ
\q2 ታማን ጹጌቲዴስ።›
\b
\q1
\v 21 «ሄሳ ጊሻስ ኢዮቤ
\q2 ኔናቴ ጾሳስ ሃሪሳ፤
\q2 ኢዛራካ ኔ ሳሮን ዳ፤
\q3 ኔ ሃይሳ ኦኮ
\q3 ሎኦ ሚሽ ዴማና።
\q1
\v 22 ጾሲ ኔስ ኢሚዛ ቲሚርታ ኤካ፤
\q2 ኢዛ ቃላካ ኔ ዎዚናን ዎ።
\q1
\v 23 ኔናቴ ኡባ
\q2 ዳንዳይዛ ጾሳኮ
\q2 ኔ ዛሪዳኮ፥
\q2 ኔ ካሴ ማላ ሃናና፤
\q3 ኔ ሶፔ ኢታ ኦሶ ዲጋ።
\q1
\v 24 ዎርቃ ጉዱላን ኦላ፤
\q2 ኦፊሬ ዎርቃ
\q2 ሻፋ ሹቻ ማላ
\q3 ዎራ ኦላ።
\q1
\v 25 ሄ ዎዴ ኡባ ዳንዳይዛ
\q2 ጾሳይ ኔስ
\q2 ዎርቃኔ ሙሩታ ቢራ ጊዳና።
\q1
\v 26 ሄ ዎዴ ኡባ ዳንዳይዛ ጾሳን
\q2 ኔኒ ኡፋዬታና፤
\q2 ኢዛን ኣማኔታዳ ኔ ዳና።
\q1
\v 27 ኔ ኢዛኮ ዎሲዛ ዎዴ
\q2 ኢዚ ኔ ዎሳ ሲያና፤
\q3 ኔ ኣዲኔቲዳይሳ ኢዛስ ጋና።
\q1
\v 28 ኔ ቆፋይ ኡባይ ኔስ ፖሌታና፤
\q2 ኔስ ኦጌ ኡባይ ፖኦ ጊዳና።
\q1
\v 29 ጾሲ ኦቶራንቻታ ካዉሻና፤
\q2 ኣሽኬታ ጊዲኮ ኢዚ ኣሻና።
\q1
\v 30 ኔኒካ ሱሬ ዎዚናይ
\q2 ዲዛዴ ጊዲኮ
\q2 ጾሲ ኢታ ኡባፌ ኔና ናጋና፤
\q3 ኔ ኩሼቲካ ቆሆ ኦሶፔ
\q3 ጌሽ ጊዲኮ
\q3 ጾሲ ኔና ኣሺ ኤካና።»
\c 23
\s ኢዮቤ ሃሳያ
\p
\v 1 ኢዮቢካ ሂዝጊ ዛሪዴስ፤
\q1
\v 2 «ሃኢካ ታ ዎዚናይ
\q2 ጫሞ ቆፋኒኔ
\q2 ዙዙንን ኩሚዴስ፤
\q2 ጌንጬጫን ታ ዎሲንካ
\q3 ኢዛ ኩሼይ ታ ቦላ
\q3 ዴጺዳ ማላ ዴስ።\f + \fr 23፡2 \fr*\ft ኢዛ ኩሼይ ታ ቦላ ዴጺዳ ማላ ዴስ ጊዛይሲ ኢብራዌታ ማጻፋን ታ ኩሼ ፑዴ ዴንናስ ታና ዴጼስ ጌስ።\ft*\f*
\q1
\v 3 ኢዚ ዲዛሶታ ኤሪዳኮ
\q2 ኣይ ማላ ዶሳዚናሺን፤
\q2 ጌዴ ኢዚ ዲዛሶ ጋኪዳኮ
\q2 ታ ኣይ ማላ ኡፋዬታኔሺን፤
\q2
\v 4 ታ ማጋና
\q2 ታ ኢዛስ ሺሻናኮሺን፤
\q2 ታ ሚሻዛ ማራራ
\q2 ታ ኢዛስ ሺሻናኮሺን።
\q1
\v 5 ታስ ኢሜቲዛ ዛሮዛካ
\q2 ታ ኤራናኮሺን፤
\q2 ታና ኢዚ ኣይ ጋናኮ
\q2 ታ ኤራናኮሺን።
\q1
\v 6 ሂስቲን ጾሲ ባ ጊታ ዎልቃራ
\q2 ታና ፒርዳንዴሻ?
\q2 ኣካይ፤ ታ ጊዛይሳ ኢዚ ኤዝጋና።
\q1
\v 7 ሄንካ ሱሬ ኣሲ
\q2 ኢዛራ ማርሼታና፤
\q2 ታስ ፒርዲዛ ጾሳይ
\q2 ሜርናስ ታና ናጻ ኬሳና።
\b
\q1
\v 8 «ጊዶ ኣቲን ታ ኣርሼይ ሞኪዛ ባጋ
\q2 ቢኮ ሄን ኢዚ ዴና፤
\q2 ኣርሼይ ዉሊዛ ባጋካ ሲሚኮ
\q3 ኢዛ ዴማናዉ ዳንዳይኬ።
\q1
\v 9 ኢዚ ጊዲኮ ፑዴሃን
\q2 ባ ኦሳ ኦስ፤
\q2 ታኒ ጊዲኮ ኢዛ ቤያናዉ
\q2 ዳንዳያቤኬ፤
\q2 ዱጌ ባጋ ሲማዳካ
\q2 ኢዛ ዴማናዉ
\q2 ዳንዳያቤኬ።
\q1
\v 10 ኢዚ ታ ታንጎ ኡባ ኤሬስ፤
\q2 ታና ኢዚ ፓጪኮካ
\q2 ታኒ ዎርቃ ማላ ጌሽ ጊዳ ዲሺን
\q3 ኢዚ ታና ዴማና።
\q1
\v 11 ታ ቶሆቲ
\q2 ኢዚ ዶሲዛ ኦጌታራ ቤቴስ፤
\q2 ባሌን ሃዲርሲካ
\q2 ኡሻቺካ ጊኬ።
\q1
\v 12 ታኒ ኢዛ ኣዛዞታፔ ኬኢኬ፤
\q2 ኢዛ ቃላካ
\q2 ታ ሚዛ ቁማፔካ ኣዳ
\q2 ታ ዎዚናን ናጋዲስ።
\b
\q1
\v 13 «ኢዚ ባርካ ባና ዳንዳይ ዴስ፤
\q2 ኢዛራ ኤቄታናይ ዴና፤
\q3 ኢዚ ባ ዶሲዳይሳ ኡባ
\q3 ኦሶ ዳንዳዬስ።
\q1
\v 14 ታ ቦላ ኢዚ ቆፒዳይሳ
\q2 ኡባ ፖላና፤
\q2 ሃይሳ ሚሳቲዛ
\q2 ዳሮ ቆፋቲ ዴቴስ።
\q1
\v 15 ሄሳ ጊሻስ ኢዛ ሲንን
\q2 ኤቆይ ኬሂ ያሼስ፤
\q2 ታ ሃይሳ ቆፓዳ ያያዲስ።
\q1
\v 16 ጾሲ ታስ
\q2 ዎዚናይ ዳቡራና ማላ
\q2 ኦዴስ፤
\q2 ኡባ ዳንዳይዛ ጾሳይ
\q3 ታና ዳጋንዴስ።
\q1
\v 17 ጊርዲ ጊዳ ማይ
\q2 ታ ኣይፌታ ጎዚኮካ፤
\q2 ሳካና ማይ ታ ሃሳዮንታ ማላ
\q2 ታና ዲጊቤና።
\c 24
\q1
\v 1 «ኡባ ዳንዳይዛ ጾሳይ
\q2 ኣይስ ባ ፒርዳ
\q3 ኢማና ጋላሳ ባሪቤኔ?
\q3 ኢዛስ ኣማኔቲዳይቲ
\q2 ኣዉዴ ጋካናስ
\q2 ኢዛ ፒርዳ ቃላ ናጌታንዴቶ?
\q1
\v 2 ኢታ ኣሳቲ ዛዋ ላሌቴስ፤
\q2 ካይሲ ኤሂዳ ዶርሳታ ሄሜቴስ።
\q1
\v 3 ዪኦታ ሃሬ ቦንቄቴስ፤
\q2 ኣምኤ ማጫሳያ ቦራ ኦይዱስ
\q3 ጊዲ ባንታስ ኤኬቴስ።
\q1
\v 4 ማንቆታ ሻቴቲዲ
\q2 ጮ ኦጌፔ ጎዴቴስ፤
\q2 ኢስታ ሲንፌ ባቃቲዲ
\q2 ቆቴታና ማላ ኦቴስ።
\q1
\v 5 ማንቆቲ ባዞን ዲዛ ሃርዲዳ ማላ፥
\q2 ባንታ ናይታስ ካ
\q3 ኮያና ኬኢዲ ዳቡሬቴስ።
\q1
\v 6 ኡኔቲዲ ሃራታስ
\q2 ካ ሺሺዛይታ ጊዴቴስ፤
\q2 ኢታ ኣሳታ ሃሮ
\q2 ጊዲዳ ዎይኔ ቶኪዛሶሆዛን
\q3 ጌዶን ኣቲዳ ፑሹሎ ማጼቴስ።
\q1
\v 7 ኩሜ ኦማርስ
\q2 ካሎ ኢቺ ኣቄቴስ፤
\q2 ሞጬ ኣሺዛ ማይኦይ
\q2 ኢስታስ ዴና።
\q1
\v 8 ዙማ ቦላ ቡኪዛ ኢራን
\q2 ኢስታ ኣሳቴይ ሙሴስ፤
\q2 ኣቂዛሶይ ዪን
\q2 ዛላ ጋርስ ሺቂ ኣቄቴስ።
\q1
\v 9 ኣዋይ ሃይቂዳ ናይ
\q2 ኢስታስ ኣይሌ ጊዳና ማላ
\q2 ኣዬይ ን ዲጊዲ
\q2 ቦንቄቴስ፤
\q2 ሜቶቲዳይሳ ናዛ
\q2 ባ ኣጮ ጊሻስ ጊዲ
\q2 ኦይሶ ኤኬቴስ።
\q1
\v 10 ማንቆቲ ኣይኮ ማይኦይ ባይንዳ
\q2 ፓጻ ካሎ ኦሶን ጌሌቴስ።
\q2 ካ ሺሾ ዎዴ
\q3 ሚርቄዛ ቶኪ ሚዪሼ
\q3 ባንታስ ጋፋን ሃይቄቴስ።
\q1
\v 11 ኢታ ኣሳታ ጋዴን ዎጋራ ኣይፌፔ
\q2 ዛይቴ ኬሴቴስ፤
\q2 ዎይኔ ሚ ኣይፌፔ
\q3 ጫጄ ኣጌቴሴሺን
\q3 ኢስቲ ጊዲኮ ሳሜቴቴስ።
\q1
\v 12 ካታማታን ሃይቃናስ
\q2 ቶቂዛ ኣሳቲ ጎታሬቴስ፤
\q2 ማዱንጺዳ ኣሳቲካ
\q2 ማዶ ኦይሾን ዋሴቴስ።
\q3 ጾሲ ጊዲኮ ኢስታ ቦላ
\q3 ኦሴቲዳ ጌኔዛ ቤዪቤና።
\q1
\v 13 ፖኦ ኢጺዛ ኣሳቲ ዴቴስ፤
\q2 ፖኦይ ኣዛኮ ኤሮንታ ጊሻስ
\q3 ፖኦ ኦጌ ካሌቴና።
\q1
\v 14 ሼምፖ ዎዛ ኡራይ
\q2 ዎንቶንታ ዴንዲዲ
\q2 ማንቆታኔ ሜቶታንቻታ
\q2 ዎስ፤
\q3 ኦማርሲካ ካይሶስ ኬዜስ።
\q1
\v 15 ላይማ ኡራይ
\q2 ጋዴይ ኦማርሳናይሳ ናጌቴስ፤
\q2 ኦኒካ ቤኦንታ ማላ
\q2 ባ ሲን ጎዜቴስ።
\q1
\v 16 ካይሶቲ ካይሶታናስ
\q2 ኦማርሳራ ኬ ቦኪ ጌሌቴስ፤
\q2 ጋላስ ጊዲኮ ቆቴቲ ፔኤቴስ።
\q2 ፖኦካ ኢጼቴስ።
\q1
\v 17 ማራ ሺሮቴ
\q2 ኢስታ ኡፋይሲዛ ጊሻስ
\q2 ኡባሲካ ጊርዲ ጊዳ ማይ
\q2 ኢስታስ ዎንታ ማላዶ ማላ።
\b
\q1
\v 18 «ጊዲኮካ ኢስቲ ሃ ቦላ
\q2 ቤቲዛ ሆሞ ማላ
\q2 ጉ ዎዴስ ጻላ ኢስቲ ቤታና።
\q2 ኢስታ ቢታይካ
\q2 ቃንጌቲዳይሳ ጊዳና፤
\q2 ኢስቲ ዎይኔ ሚ
\q2 ቶኪዛሶሆዛ
\q3 ኦኒካ ቤና።
\q1
\v 19 ሻቺ ሆኦን ማዪዲ
\q2 ይዛይሳ ማላ
\q2 ሲኦሌይካ ናጋራንቻታ
\q2 ባኮ ቦንቃ ኤካና።
\q1
\v 20 ኢስታ ኣዬቲ ኡባይ
\q2 ኢስታ ዶጋና፤
\q2 ኢስታ ኣሾዛካ ጉጹኔይ ማና፤
\q2 ኢታ ኣሳቲ ቆፌቶኮና፤
\q2 ሄሳካ ሚ ማላ
\q2 ሜቄሬታና።
\q1
\v 21 ሃይሲ ኡባይ ኢስታ ቦላ ጋኪዳይ
\q2 ኢስቲ ዬሎንታ ማይኒዳ ማጫሳታ
\q2 ቦንቂዳ ጊሻሲኔ
\q3 ኢስታ ኣዚናቲ
\q3 ሃይቂዳ ማጫሳታስ
\q3 ኣይኮ ቃቴካ
\q3 ቤሶንታ ጊሻሳ።
\q1
\v 22 ጊዶ ኣቲን ጾሲ ባ ዎልቃን
\q2 ዳናቴን ዲዛ ኣሳታ ዲጋና፤
\q2 ኢስታስ ዴኦይ ጊጋ ሚሳቲኮካ
\q3 ኢስታ ዱሳስ
\q3 ኣማንዛ ሚሺ ዴና።
\q1
\v 23 ጾሲ ኢስታ
\q2 ሳሮን ዳና ማላ ኦኮካ፥
\q2 ኢስቲ ቢዛ ኦጌ ኡባ
\q2 ቲሺ ሂስቲ ጼሌስ
\q1
\v 24 ኢታ ኣሳቲ ጉ ዎዴስ ዱሬታና፤
\q2 ጊዶ ኣቲን ኤሶራ ሻራፋ ማላ
\q2 ሹሊ ያና፤
\q3 ሹላ ካ ማላ ቡጬታና።
\b
\q1
\v 25 «ሃይሳ ማላ ጊዴና ጌቴቲኮ
\q2 ታኒ ዎርዳንቻታኔ
\q2 ታ ሃሳይዳ ቃላይ ሊኬ ጊዶንታይሳ
\q3 ኦኔ ኣማንናይ?»
\c 25
\s ቤሊዳዴ ሃሳያ
\p
\v 1 ሹሃ ዴሬ ኣስ ቤሊዳዴይ
\q2 ሂዝጊ ዛሪዴስ፤
\q1
\v 2 «ማታይኔ ያሻቴ ጾሳሳ፤
\q2 ቦላን ባ ሃሪዛሶን ሳሎን
\q3 ሳሮቴ ሜና።
\q1
\v 3 ኢዛ ዎታዳራታ ቲሪፓቴ
\q2 ቆዴታናዉ ዳንዳይዜ?
\q2 ጾሳ ፖኦይ ኢዛስ
\q2 ፖኢሶንታዴይ ኦኔ?
\q1
\v 4 ኣሲ ጾሳ ሲንን
\q2 ዋኒ ጺሎ ጊዲ
\q2 ቤታናዉ ዳንዳይዜ?
\q2 ኣሾ ማይኢዳ ሜታ ጊዲዲ
\q2 ዋኒ ጌሽ ጊዳናዉ
\q2 ዳንዳይዜ?
\q1
\v 5 ሄኮ ጾሳ ሲንን ኣጊናይካ
\q2 ሙቃ ቦ ጊዴና፤
\q2 ጾሊንቴቲካ ኢዛ ሲንን
\q3 ጌሻታ ጊዴቴና።
\q1
\v 6 ሙሳኔ ጉጹኔ ጊዳዳ ሃይቂዛ ኣሲ
\q2 ሄሳፌካ ኣይ ማላ ኢታ!»
\c 26
\s ኢዮቤ ሃሳያ
\p
\v 1 ኢዮቢ ሂዝጊ ዛሪዴስ፤
\q1
\v 2 «ሃይሳ ኔ ሃሳዮይሳን
\q2 ዳቡራንቻታ ማዲዳ
\q2 ኔስ ሚሳቲዜ?
\q2 ቄሴይ ኣርጋጪዳዴ ሚንዳ
\q3 ኔስ ሚሳቲዜ?
\q1
\v 3 ኣ ኤራቴ ፓጪዳዴስ
\q2 ኔ ኣይ ዞሬ ኢማዲ!
\q2 ኣይ ኤራቴካ
\q3 ኢዛዴስ ቆንጪሳዲ!
\q1
\v 4 ሂስቲን ሃይሳ ኔ ሃሳያና ማላ
\q2 ኔና ማዲዳይ ኦኔ?
\q2 ኔ ሃሳያና ማላ
\q2 ኔና ዴንዳይ
\q3 ኦና ኣያና!»
\q1
\v 5 «ዎልቃማ ዎጋ ጊታ ኣባፌ
\q2 ጋርሳን ዲዛ ሃይቂዳይታ ሼምፖቲ
\q2 ዎልቃማ ኮኮርሳን ዴቴስ።
\q1
\v 6 ሲኦሌይካ ጾሳ ሲንን
\q2 ቆንጬን ዴስ፤
\q2 ኣባዶኔ ጌቴቲዛሶዛ
\q2 ኣይ ሚሺካ
\q2 ካማናዉ ዳንዳዬና።
\q1
\v 7 ጾሲ ፑዴሃ ባጋራ ዲዛ ሳሎዛ
\q2 ጫርኮ ቦላ ሚጪዴስ፤
\q2 ቢታካ ኣይኮይ ባይንዳሶን
\q3 ኩሎቲ ዳና ማላ ኦዴስ።
\q1
\v 8 ጾሲ ሻራቲ
\q2 ሃ ጹንጺ ኦይካና ማላ ኦስ፤
\q2 ሃፌ ዴንዶይሳን
\q3 ሻራቲ ዳኬቴቴና።
\q1
\v 9 ኢዚ ኡቲዛ
\q2 ካዎቴ ኣራታ ጌንና፤
\q2 ሻራራካ ካማና።
\q1
\v 10 ፖኦኔ ማ ሻካናስ
\q2 ዎልቃማ ዎጋ ጊታ ኣባ ሲንን
\q3 ሳሎዛ ዛዋ ኦዲ ሚጪዴስ።
\q1
\v 11 ኢዚ ሃንቂዛ ዎዴ
\q2 ሳሎ ቱሳቲ ዳጋማን ኮኮሬቴስ።
\q1
\v 12 ኢዚ ባ ዎልቃን ኣባ ጮኡ ኦስ፤
\q2 ኢዛ ኣ ኤራቴይካ
\q3 ኤራኣቤ ጌቴቲዛይሳ ይሳና።
\q1
\v 13 ባ ፔኖዛን ሳሎዛ ጌሻና፤
\q2 ጾንጌቲዛ ሾሻ
\q2 ባ ኩሼን ጫዳና።
\q1
\v 14 ሃይታንቲ ኡባይ
\q2 ጾሲ ኦዛ ኦሶታፔ
\q2 ጉታ፤
\q2 ኑ ሲዪዛይሲ ኢዛስ ሳሱኬ ጻላ፤
\q3 ዎልቃማ ጊሪሳ ኢዛይሳ
\q3 ኦኒ ኣኬካናዉ ዳንዳይዜ?»
\c 27
\s ኢዮቤ ሃሳያ
\p
\v 1 ኢዮቢካ ባ ሃሳያ
\q2 ሲንዉ ጉጂዲ ሂዝጊዴስ፤
\q1
\v 2 «ሱሬ ፒርዳ ዲጊዲ
\q2 ታ ሼምፖዮ
\q2 ኣዳፌ ጫሞ ኦዳ፤
\q2 ኡባ ዳንዳይዛ ዴኦ ጾሳ
\q3 ሱንን ጫቃይስ፤
\q2
\v 3 ጾሲ ታና
\q2 ሼምፖራ ዎዳ
\q2 ዎዴይ ጋካናስ፥
\q2
\v 4 ኡባካ ኢታ ቃላይ
\q2 ታ ዶናፔ ኬኤና፤
\q2 ታ ኢንጻርሳንካ ዎርዶ ሃሳይኬ።
\q1
\v 5 ኢንቴ ሃሳይዳይሲ ዉሪ
\q2 ሊኬ ጋዳ ሙሌካ ኤኪኬ፤
\q2 ታ ሃይቃናሼ ጋካናስ
\q2 ሱሬቴን ሚና
\q2 ኤቃናይሳ ኣጊኬ።
\q1
\v 6 ታኒ ታ ጺሎቴን
\q2 ሚና ኤቃና ኣቲን
\q2 ጺሎቴ ኣጊኬ፤
\q2 ሼምፖራ ፓጻ ዲዛ
\q2 ላይ ኡባን
\q2 ታ ዎዚናይ ሃ ሚሻን ሲና።
\b
\q1
\v 7 «ናጋራንቻታ ቦላ
\q2 ፒርዴቲዛ ማላ
\q2 ታ ሞርኬታ ቦላ ፒርዴቶ፤
\q2 ታና ኢጺዛይታ ቦላካ
\q3 ጌኔ ኣሳታ ቦላ
\q3 ፒርዴቲዛ ማላ ፒርዴቶ።
\q1
\v 8 ጾሲ ኢስታ ሼምፖዮ
\q2 ኢስታ ኣሾፔ ሻኪዲ
\q2 ኢስታ ላይ ቃንጺዳ ዎዴ
\q3 ጾሳ ካዲዳ ኣሳታስ
\q3 ኣይ ሂዶታይ ዳንዴ?
\q1
\v 9 ሜቶይ ኢስታ ቦላ ዪዛ ዎዴ
\q2 ጾሲ ኢስታ ዋሶዛ ሲያንዴ?
\q1
\v 10 ኡባ ዳንዳይዛ ጾሳን
\q2 ኢስቲ ኡፋዬታንዴቶ?
\q2 ዎዴን ዎዴንካ
\q2 ጾሳ ሱን ጼይጋንዴቶ?
\b
\q1
\v 11 «ጾሳ ዎልቃይ ኣይ ማላ ጊታኮ
\q2 ታ ኢንቴና ታማርሳና፤
\q2 ኡባ ዳንዳይዛ ጾሳይ
\q2 ቆፒ ዎይሳ
\q2 ታ ኢንቴፌ ቆቲኬ።
\q1
\v 12 ኢንቴኒካ ሃይሳ ኡባ ኤሬታ፤
\q2 ሂስቲን ሃይሳ ሃዳ ሚሽ
\q3 ኣይስ ሃሳዬቲ?
\b
\q1
\v 13 «ሄኮ ኡባ ዳንዳይዛ ጾሳይ
\q2 ኢታ ኣሲኔ ጌናንቻቲ
\q2 ኤካና ላታይ
\q2 ሃይሳፌ ካሊዛይሳ።
\q1
\v 14 ኢዛ ናይቲ ቲሪፒኮካ ኦላን ዉራና፤
\q2 ኢዛ ዜሬቲካ
\q2 ካ ዪን ኮሻታና።
\q1
\v 15 ሄሳፌ ኣቲዳይቲ ሃርጌን ዉራና፤
\q2 ኣምኤቲካ ኢስታስ ዬኬቴና።
\q1
\v 16 ኢታ ኣሲ ቢራ
\q2 ቢታ ማላ ሺሻናዉ፥
\q2 ማይኦካ ማና ቢታ ማላ
\q3 ዶራናዉ ዳንዳዬስ።
\q1
\v 17 ጊዶ ኣቲን ኢታ ኣሲ ሺሺዳ
\q2 ማይኦዛ ጺሎ ኣሲ ማይኣና፤
\q2 ኢዚ ሺሺዳ ቢራካ
\q3 ጌሻቲ ጊሼቲ ኤካና።
\q1
\v 18 ኢዚ ኬጺዛ ኬቲካ
\q2 ኣቻሮ ኬ ማላኔ
\q3 ካ ናጊዛዴይ ኣቂዛ
\q3 ጋባ ማላ ላሌታና።
\q1
\v 19 ኢታ ኣሲ ዉርሴ ዎዴ
\q2 ዱሬ ጊዲዲ ኢቼስ፤
\q2 ኢዚ ቤጊዛ ዎዴ ጊዲኮ
\q3 ኢዛ ኣቆታይ ኡባይ ይዴስ።
\q1
\v 20 ዳጋማይ ኢዛ ቦላ ዲኦ ማላ
\q2 ቆፖንታ ዲሺን ጋካና፤
\q2 ጊዶካ ጎቴ ጫርኮይ
\q3 ኢዛ ዴን ኤፋና።
\q1
\v 21 ኣርሼይ ሞኪዛሶ ባጋ ጫርኮይ
\q2 ኢዛሶፔ ኢዛ ፒቲ ይሳና።
\q1
\v 22 ኢዚ ባቃቲዲ ኣቲ ባናስ
\q2 ባጼቲኮካ
\q2 ጫርኮዚ ቃቴ ባይንዳ
\q2 ኢዛ ቦላ ጌዴ ሚናና።
\q1
\v 23 ጫርኮዚ ኢዛ ቦላ ኩሼ ባቂዴስ፤
\q2 ኢዚ ዲዛሶፔ ዋይቄን
\q3 ፒጺሪ ዬጊዴስ።
\c 28
\s ኣ ኤራቴ ናሻናስ ሺቂዳ ጊንጾ
\q1
\v 1 «ቱማፔ ቢታ ጋርሳን ዲዛ
\q2 ማኢዲኔቲ ቦኬቲዲ
\q3 ቢራ ኬኢዛሶይኔ
\q3 ዎርቃይ ሴሪ ኦሴቲዛሶይ ዴስ።
\q1
\v 2 ቢራታይ ቢታፌ ቤቴስ፤
\q2 ጻርቂማላይ ማኢዲኔ ሹቻፌ
\q2 ሴሪዲ ኬኤስ።
\q1
\v 3 ኣሳይ ማ ካንዲ፥
\q2 ዱጌ ቢታ ጊዶ ቦኪ ጌሊዲ
\q3 ሃኪ ዲዛሶዛ ዱጌ ዎዲ
\q3 ጊርዲ ጊዳ ማ ጊዶን
\q3 ማኢዲኔ ሹቻ ኮዬቴስ።
\q1
\v 4 ኣሲ ዲዛሶፔ ሃኪዲ፥
\q2 ኣሳ ቶሆይ ዬ ኤሮንታሶ
\q2 ጋኬቴስ።
\q2 ሄንካ ጪማ ኦላ
\q2 ቦኬቴስ፤
\q2 ዎዶሮ ቦላራ
\q3 ኩሎቲ ኩሎቲ ዎዲ
\q3 ኣሳፔ ሻኬቲ ባርካ
\q3 ኦቴስ።
\q1
\v 5 ቢታይ ሜቴቲዛ ካ ኢሜስ።
\q2 ኢዛስ ጊዶይ ታማን ሴሪዲ
\q3 ሺሬቲ ሺሬቲ ዎስ።
\q1
\v 6 ሴምፔሬ ጌቴቲዛ ኣልኦ ሹቻይ
\q2 ቢታን ዲዛ ሹቻታ ጊዶን ቤቴስ፤
\q2 ሄ ቢታ ጊዶንካ
\q2 ዎርቃይ ቤቴስ።
\q1
\v 7 ጌዴ ማኢዲኔዛኮ ኤፊዛ ኦጌ
\q2 ጺሎይካ ኤሬና፤
\q2 ኣንኮታ ኣይፌይካ ቤዪቤና።
\q1
\v 8 ኢታ ዶኣቲ ሄ ሶሆዛ
\q2 ዬቤቴና፤
\q2 ጋሞይካ ኢዛ ባጋራ
\q2 ኣቤና።
\q1
\v 9 ኣሲ ጋዴ ጎዪሼ ሚኖ ሹቻታ
\q2 ባ ኩሼን ዴንስ፤
\q2 ዙማታካ ጻጶፔ
\q2 ሺሪ ዬጌስ።
\q1
\v 10 ዛላካ ጳልቂዲ
\q2 ኢዛ ጊዶራ ኣናስ
\q2 ኦጌ ኬሴስ፤
\q2 ኣልኦ ጊዲዳ ማኢዲኔ
\q2 ሹቻታካ ዴሜስ።
\q1
\v 11 ሻፋታ ፑልቶታ ቴቄስ፤
\q2 ቢታ ጊዶን ቆታን ዲዛ
\q2 ሚሻታ ቆንጬ ኬሴስ።
\q1
\v 12 ሂስቲን ኣ ኤራቴ
\q2 ኣዋፔ ቤቲዜ?
\q2 ኣኬካሲካ ዲዛሶይ ኣዋ?
\q1
\v 13 ኣ ኤራቴ
\q2 ሼምፖራ ፓጻ ዲዛ ሜታቲ
\q3 ዲዛ ቢታን ቤቱኩ፤
\q2 ኢዚስ ቱማ ዋጋካ
\q3 ኤሪዛ ኣሲ ዴና።
\q1
\v 14 ‹ዎጋ ጊታ ኣባይካ
\q2 ታ ጊዶን ዱኩ፤
\q2 ኣባይካ ታናራ ዱኩ› ጌስ።
\q1
\v 15 ኤራቴ ጌሻ
\q2 ዎርቃን ሻሜቱኩ፤
\q2 ኢዚ ዋጋይካ
\q2 ቢራን ሄሬጌቴና።
\q1
\v 16 ኣ ኤራቴ
\q2 ኦፊሬ ጌቴቲዛ ዎርቃፌ፥
\q2 ማርጊዴኔ ሴምፔሬ ጌቴቲዛ
\q3 ኣልኦ ሹቻታፔ
\q3 ኣ ቦንቼቲዳሮ።
\q1
\v 17 ዎርቃይኔ ጌሻ ሄሬጋይ
\q2 ኢዚራ ጊናቴቴና፤
\q2 ጺንታ ዎርቃፌ ኦሴቲዳ
\q2 ጌጼይካ ኢዞ ላማና።
\q1
\v 18 ቦንቼቲዳ ሄሌሎይኔ
\q2 ኣልማዜ ጌቴቲዛይቲ
\q3 ኣ ኤራቴራ ጊናቴቴና፤
\q2 ኣ ኤራቴ ጋቴይ
\q3 ሉሌ ጌቴቲዛይሳፌካ ቦላ።
\q1
\v 19 ቶጳዚዮኔ ጌቴቲዛ
\q2 ቶጵያ ቢታ ኢንቁይካ
\q2 ኢዚራ ጊኔና፤
\q2 ኬሂ ጌዪዳ
\q2 ዎርቃፌካ ኣዉስ።
\b
\q1
\v 20 «ሂስቲኮ ኤራቴ ኣዋፔ ያዜ?
\q2 ኣኬካይካ ኣዋፔ ቤታዜ?
\q1
\v 21 ሼምፖራ ፓጻ ዲዛ
\q2 ሜታታፔ ጌሚዳሮ፤
\q2 ሳሎራ ፒራዛ ካፎቲካ
\q2 ኮዪዲ ኢዞ ዴሜቴና።
\q1
\v 22 ዮይኔ ሃይቆይ፥
\q2 ‹ኑ ኢዚ ጊሻስ ኤሪዛይ
\q3 ዎሬን ጻላ› ጌቴስ።\f + \fr 28፡22 \fr*\ft ዎሬ ጊዛይሳ ኢሲ ኢሲ ባጋ ጋሞ ቃላን ፓፑን ጌቴስ። \ft*\f*
\q1
\v 23 ኣ ኤራቴኮ ኤፊዛ ኦጌዛኔ
\q2 ኢዛ ዲዛሶዛ ኤሪዛይ ጾሳ ጻላ።
\q1
\v 24 ኢዚካ ሳኣ ጋጻ ኩሜ ዴሜስ፤
\q2 ሳሎፔ ጋርሳን ዲዛይሳ
\q2 ኡባ ቤዬስ።
\q1
\v 25 ኢዚ ጫርኮ ዎልቃ ኦዳ ዎዴ
\q2 ዎጋ ጊታ ኣባ
\q2 ኢዚ ማኪዳ ዎዴ፥
\q2
\v 26 ኢራሲኔ ዎልቃንራ ዲዛ
\q2 ዳዳስ ዎጋ ዎዳ ዎዴ፥
\q2
\v 27 ጾሲ ኤራቴ ቤዪዴስ፤
\q3 ፓጪ ጼሊዲ ኢዞ ቦንቺዴስ፤
\q3 ፒልጊ ቤኢዲ ሚን ዎዴስ።
\q1
\v 28 ሄ ዎዴ ኣሳስ፥
\q2 ‹ሄኮ ኤራቴ ጉሲ
\q2 ጾሳስ ያሻቴ፤
\q2 ኣኬካ ጉሲ
\q2 ኢታፔ ሃኮ› ጊዴስ።»\x - \xo 28፡28 \xo*\xt ማዛ 111፡10፤ ኢሳ 1፡7፤ 9፡10\xt*\x*
\c 29
\s ኢዮቢ ዉርሴን ሺሺዳ ማጋና
\p
\v 1 ኢዮቢካ ባ ሃሳያ
\q2 ሲን ጉጂዲ ሂዝጊዴስ፤
\q1
\v 2 «ታስ ሃኢ ዴኦዚ
\q2 ካሴ ጾሲ ታና
\q2 ናጊዛ ዎዴዛ ማላ ጊዲዳኮ
\q3 ታና ኣይ ማላ ኡፋይሳንዴሻ!
\q1
\v 3 ሄ ዎዴ ማ ጊዶራ ታ ቢሺን
\q2 ጾሲ ታስ ፖኢሲሺን
\q3 ታኒ ፖኦን ሄሜታይሲኮሺን።
\q1
\v 4 ጾሳ ማዶይ ታ ኬ
\q2 ካሴ ናቴቴ ዎዴ
\q2 ናጊዛይሳ
\q3 ሃኢካ ናጊዳኮ
\q3 ኣዜ ዲዛይ?
\q1
\v 5 ኡባ ዳንዳይዛ ጾሳይ
\q2 ታናራ ዲዛ ጊሻስ
\q2 ታ ናይቲ ኡባይ
\q2 ታ ዩሾን ዴቴስኮሺን።
\q1
\v 6 ታኒ ቶሆ ማን
\q2 ሜጬታናሼ ጋካናስ
\q2 ዳሮ ማ ዴማይስኮሺን፤
\q3 ዎጋራ ሚቲ
\q3 ሜላ ቢታንካ ቶኬቲዲ
\q3 ዲኦ ማላ ጎጊዛ ዳሮ ዛይቴ
\q3 ታስ ኢሜቴስኮሺን።
\q1
\v 7 ካታማ ፔንጌ ኣቻን ዲዛ
\q2 ዱቡሻ ባዳ
\q2 ዱላታን ታ ኡቲዛ ዎዴ፥
\q2
\v 8 ናቴ ናይቲ ታና ቤኢዲ፥
\q3 ቦንቾስ ታ ሲንፌ
\q3 ኢሲ ባጋ ጌቴሲሺን፤
\q3 ጪማቲካ ታ ቦንቾ ጊሻስ
\q3 ባ ኡቲዳሶሆፔ
\q3 ዴንዲ ኤቄቴሲሺን።
\q1
\v 9 ሃሳይሼ ዲዛ ዴሬ ካሌዛይቲ
\q2 ታና ቤኢዲ ባንታ ኩሼታን
\q3 ባ ዶና ዶና ኦይኪዲ
\q3 ጮኡ ጌቴስኮሺን።
\q1
\v 10 ዴሬ ዳናቲካ ታኒ ዲዛሶን
\q2 ጮኡ ጌቴሲሺን፤
\q2 ኢስታስ ኢንጻርሲ ኦይኬቲን
\q2 ሃሳያይካ ኢስታ ጾኔስኮሺን።
\q1
\v 11 ታና ሲዪዳ ኡባይ ናሺዴስ፤
\q2 ታና ቤኢዳ ኡባይ ጋላቲዴስ።
\q1
\v 12 ሃይሲካ ሃኒዳይ
\q2 ታኒ ማንቆታ ዎሳ ሲያዳ
\q2 ኢስታ ኣሺዛይሳኔ
\q2 ዪኦ ናይታ ታ ማዲዛ ጊሻሳ።
\q1
\v 13 ሃይቃና ማቲዳ ኣሳታ
\q2 ታ ማዲዛ ጊሻስ
\q3 ታና ኢስቲ ኣንጂዳ፤
\q2 ኣምኤ ማጫሳታ
\q2 ታ ማዲዛ ጊሻስ
\q2 ኡፋይሳን ዬጺዳ።
\q1
\v 14 ጺሎቴ ማይኦ ማላ ማይኣዲስ፤
\q2 ሱሬ ፒርዳካ
\q3 ካባ ማላ ጎጳ ማይኣዲስ፤
\q2 ቆቤ ማላካ
\q2 ሁኤን ዎዲስ።
\q1
\v 15 ቆቄታስ ኣይፌ፥
\q2 ዎቤታስካ ቶሆ ጊዳዲስኮሺን።
\q1
\v 16 ማንቆታስ ኣዋ፥
\q2 ታ ኤሮንታ ኣሳታስካ
\q2 ኣፓካቶኮሺን።
\q1
\v 17 ጌኔ ኣሳ ባንቂላ ሜንዲስ፥
\q2 ኢዚ ቦንቂ ኤኪዳይሳካ
\q3 ኢዛ ዶናፔ ዬጊሳዲስ።
\b
\q1
\v 18 «ታኒ፥ ‹ታ ላይይ
\q2 ኣንጮ ማላ ዳሪን
\q2 ታኒ ታሶን ዲዛ ማላ
\q3 ቦንቾን ሃይቃና›
\q3 ጋዲስኮሺን።
\q1
\v 19 ጻጶቲ ኡባ ዎዴ
\q2 ሃ ዴሚዛ ማላኔ
\q2 ሃጋቲካ ጻዛን
\q2 ጪሊሊዛ ሚ ማላኮሺን።
\q1
\v 20 ኡባ ዎዴ
\q2 ታ ቦንቼቲዳ ማላ
\q2 ዳይስኮሺን፤
\q2 ታ ዎልቃይካ
\q3 ኡባ ዎዴ ኦራጼስኮሺን።
\q1
\v 21 ኣሳይ ታ ዞሬዛ
\q2 ላሞታን ጮኡ ጊዲ ኤዝጌስ።
\q1
\v 22 ታ ሃሳያይ ኢስታ ኣሊዛ ጊሻስ
\q2 ታፔ ጉዬራ ሃሳይዛ
\q2 ኣሲ ዴና።
\q1
\v 23 ጎሻንቻይ ባሳ
\q2 ኢራ ዴማናዉ
\q2 ኣሞቲዛይሳ ማላ
\q2 ኢስቲካ ታ ሃሳያ ሲያናዉ
\q3 ባንታ ዶና ዶይዲ
\q3 ናጌቴስኮሺን።
\q1
\v 24 ታ ሚጫ ቤሲሺን
\q2 ኢስቲ ኡፋዬቴቴስ፤
\q2 ታ ሲንይ ፖኢሺን ጺርጶቲዳ
\q3 ኢስታ ሲንይ ቢርሼቴስ።
\q1
\v 25 ካሴ ታ ኢስቲ
\q2 ኮዪዳ ማላ ኣይሳይስኮሺን፤
\q2 ባ ኦላ ኣሳ ካሌዛ
\q2 ካዎ ማላ
\q3 ታ ኢስታ ካሌዲስኮሺን፤
\q3 ኢስቲ ሙዞቲሺን
\q3 ታኒ ኢስታ
\q3 ሚንይሲኮሺን።
\c 30
\q1
\v 1 «ኢስታ ኣዋቲ
\q2 ታስ ዶርሳ ዉዴዛ ሄሚዛ
\q3 ታ ካናታራ ሞንታ ማላ
\q3 ኢስቲ ታ ካዛ ኣሳታኮሺን፤
\q2 ሃኢ ጊዲኮ
\q2 ላይን ታፔ ናቲዛ ኣሳቲ
\q2 ታ ቦላ ቂልጬቴስ።
\q1
\v 2 ኢስታስ ዎልቃይ ኢጺዳ ጊሻሲኔ
\q2 ኢስታ ቦላይ ጊልቂዳ ጊሻስ
\q3 ኣይኮካ ታና ጎኤቴና።
\q1
\v 3 ሜቶፔኔ ኮሻ ዳሮፔ
\q2 ዴንዲዳይሳን
\q2 ባዞ ቢታ ቢ ቢዲ
\q3 ሚ ጻጶ ማጼ
\q3 ጋንጬቴስ።
\q1
\v 4 ማጺኔ ማላ ማልኢዛ ባዞን
\q2 ሞኪዛ ዱማ ዱማ
\q2 ሚ ሃይታ ማጼቴስ፤
\q3 ማልኦንታ ሳንካራ ጻጶ
\q3 ቆሬሬ ሜቴስ።
\q1
\v 5 ኣሲ ካይሶታ ዋሲዲ
\q2 ጎዲዛይሳ ማላ
\q2 ኢስቲካ ዴራ ጊዶፌ ጎዴቴስ።
\q1
\v 6 ኢስቲ ባንታ ዱሳሶ
\q2 ሃ ባይንዳ ሻፋ ጊዶን፥
\q2 ኣሲ ባይንዳ ባዞ ቢታኒኔ
\q2 ኬልካ ጊዶን ቦኬቲዳ
\q2 ጎንጎሎታን
\q3 ዶሳይ ባይንዳ ዴኢዳ።
\q1
\v 7 ዎራይ ዲዛሶ ዩዪ ዩዪ
\q2 ዎራ ዶኣታ ማላ ዋሴቴስ፤
\q2 ዎራ ጋርሳን ኢሲ ቦላ
\q3 ሺቄቲ ኣቄቴስ።
\q1
\v 8 ባንታ ቢታፌ ጹርቃፌን ሾጬቲ
\q2 ጎዴቲዳ ጊሻስ
\q3 ሎኦ ሱንኔ ዎዚናይ
\q3 ባይንዳይታ ጊዲዲ ዴቴስ።
\q1
\v 9 ሃኢ ቃሴ ኢስታ ናይቲ
\q2 ዬን ታና ቂቴስ፤
\q2 ታኒ ኢስታ ጊዶንካ
\q2 ሚጬቴስ ኣታዲስ።
\q1
\v 10 ታና ሻቴቲዲ
\q2 ታፔ ሃኬቴስ፤
\q2 ኣይኮ ዬላይካ ባይንዳ
\q3 ታ ሲንን ጩቴቴቴስ።
\q1
\v 11 ጾሳይ ታ ዎልቃ ዳቡርሲዲ
\q2 ታና ካዉሺዳ ጊሻስ
\q2 ኢስቲ ቃሴ ቢጻላይ ባይንዳ
\q2 ፓራ ማላ
\q3 ታ ቦላ  ቴስ።
\q1
\v 12 ታፔ ኡሻቻ ባጋራ
\q2 ዬዳ ዲጪዳይቲ
\q2 ታ ቦላ ዴንዲዳ፤
\q2 ታና ኦይካናስ
\q2 ዎጺማዴ ዎዳ፤
\q3 ታና ጊዶዳ።
\q1
\v 13 ታስ ኣዛሶ ይሲዲ
\q2 ታና ዎና ኮዬቴስ።
\q2 ኢስቲ ሃይሳ ኦናይሳ
\q3 ዲጋናዴይ ዴና።
\q1
\v 14 ዲኦይ ሜን ጌሊዛይሳ ማላ
\q2 ኢስቲካ ታና ጩጊ ጌሊዳ፤
\q2 ኡባካ ሜንሬዲ
\q2 ታ ቦላ ዪዳ።
\q1
\v 15 ጊታ ዳጋማይ ታና ጋኪዴስ፤
\q2 ታስ ዲዛ ቦንቾይ
\q2 ጫርኮ ማላ ኣዴስ፤
\q3 ታ ኣታና ጊዛ ሂዶታይ
\q3 ሻራ ማላ ዴንዲ ይዴስ።
\b
\q1
\v 16 «ታ ሼምፖያ ኬሃ ጬጫዱስ፤
\q2 ሃይቆስካ ማታዱስ።
\q1
\v 17 ኦማርስ ኩሜ ታ ሜቄቲ
\q2 ሃርጌን ዋዬቴቴስ፤
\q2 ሳኮዚካ ታስ ሼምፖ
\q3 ኢሜና።
\q1
\v 18 ታና ሳኪዛ
\q2 ዎልቃማ ሳኮዛ ጋሶን
\q2 ታ ማይኦይ ጉንዲ ሞሬቲዴስ፤
\q3 ቆ ጹን ሻሚዜ ማላ
\q3 ታና ጩሊ ኦይኪዴስ።
\q1
\v 19 ጾሲ ታና ዱጌ
\q2 ቢታን ኦሊዳ ጊሻስ
\q2 ታኒ ጉዱላኔ
\q2 ቢዲን ሚሳታዲስ።
\q1
\v 20 ጾሶ፥ ታ ኔና ዎሳዲስ፤
\q3 ጊዶ ኣቲን ኔ ታስ ዛራቤካ፤
\q2 ታ ኤቃዳ ኔኮ ዎሳዲስ፤
\q3 ኔኒ ጊዲኮ ኔ ሲን
\q3 ታኮ ዛራቤካ።
\q1
\v 21 ኔ ታስ ኣዳፌ ሜንጼ ኢታዳሳ፤
\q2 ኔኒ ኔ ጊታ ዎልቃንካ
\q2 ታና ጎዳዳሳ።
\q1
\v 22 ኔ ታና ዴንዳ
\q2 ጫርኮ ቦላ ዎዳሳ፤
\q2 ኢዚ ታና ዩሻና ማላካ
\q2 ኦዳሳ፤
\q2 ጎቴ ጫርኮይካ
\q3 ታና ሺሬቺ ሺሬቺ
\q3 ዬጌስ።
\q1
\v 23 ኣሳ ኡባስ ቃዳ ጊዲዳ ሃይቆስ
\q2 ኔ ታና ኣዳ ኢማናይሳ
\q3 ታ ኤራይስ።
\b
\q1
\v 24 «ኢሲ ሜቶቲዳ ኡራይ
\q2 ማዶ ዴማናስ
\q2 ባ ኩሼ ሚጪዲ ዎሲሺን
\q3 ቱማፔ ኣይ ኣሲካ ኢዛ ቆሄና።
\q1
\v 25 ታኒ ሜቶቲዳ ኣሳታስ
\q2 ዬካቤኪና?
\q2 ማንቆታስካ ሚሼታቤኪና?
\q1
\v 26 ሎኦ ሚሽ ዴማና ጋ
\q2 ታ ናጊሺን
\q2 ኢታ ሚሺ ታና ጋኪዴስ፤
\q2 ፖኦይ ያና ጋ ታ ናጌቲሺን
\q3 ታስ ጋላሳይ ሚዴስ።
\q1
\v 27 ታ ዎዚናይ ዳሮ ጬጪዴስ፤
\q2 ኣይ ሳሮካ ዴማቤኬ፤
\q3 ሜቶ ጋላሳቲካ
\q3 ታ ቦላ ጋኪዳ።
\q1
\v 28 ታ ቦላይ ኣዋ ጹሳን ጊዶንታ
\q2 ሙዞቴን ካሬጺዴስ፤
\q2 ዱላታ ኣሳ ሲንን ኤቃዳ
\q3 ማዶ ታስ ኦይቻይስ።
\q1
\v 29 ኣሳፔ ሻኬታዳ
\q2 ዎራካናታስ ኢሻ፥
\q2 ጉቶታስ ላጌ ጊዳዲስ።
\q1
\v 30 ታስ ጋልባዚ ካሬጺዲ ዴንዲዴስ፤
\q2 ታስ ቦላዚካ
\q2 ሚሻን ጹጌቲዴስ።
\q1
\v 31 ታኒ ታ ኡፋይስ
\q2 ኢስታን ቆንጪሲዛ
\q2 ባጋናኔ ዛዬይ
\q2 ሃኢ ታ ካዮታዳ
\q2 ኬሲዛ ዚላሳ ቃላ
\q3 ሲሲዛ ሚሽ ጊዲዳ።
\c 31
\s ኢዮቢ ባ ዉርሴ ሃሳያ ፖሊዴስ
\q1
\v 1 «ሎኦ ማጫሳኮ ጼላዳ
\q2 ኣሞቶንታ ማላ፤
\q2 ታኒ ታ ኣይፌታራ ጫቆ ጌላዲስ።
\q1
\v 2 ቦላን ዴኢዛ ጾሳይ
\q2 ኣሳስ ኣይ ቃዳ ኢማንዴሻ?
\q2 ሳሎን ዲዛ ኡባ
\q2 ዳንዳይዛ ጾሳፌ
\q3 ኣሳስ ኢሜቲዳ ጊሻይ ኣዜሻ?
\q1
\v 3 ኢታ ኣሳ ቦላ ቆሆይ፥
\q2 ናጋራንቻ ኣሳ ቦላካ ዮይ
\q3 ጋካናይሲ ኤሬቲዳዝ ጊዴኔ?
\q1
\v 4 ጾሳይ ታ ኦዛይሳ
\q2 ኡባ ቤዬኔ?
\q2 ታ ሄሜታካ ሻኪ ኤሬኔ?
\q1
\v 5 ታኒ ዎርዶ ሃሳይዳ ጊዲኮ፥
\q2 ኣሳካ ባሌዳ ጊዲኮ፤
\q1
\v 6 ጾሲ ታና ሱሬ
\q2 ጌዳራን ጌዳሮ።
\q2 ታኒ ጺሎ ጊዲዳይሳ ሻኪ ኤሮ።
\q1
\v 7 ታ ሱሬ ኦጌፔ ኬኢዳ ጊዲኮ፥
\q2 ታ ኣይፌይ ቤኢዳ ኡባ
\q2 ታ ዎዚናይ ኣሞቲዳ ጊዲኮ፥
\q2 ቃሴካ ታ ኩሼይ
\q3 ናጋራን ቱኒዳ ጊዲኮ፥
\q2
\v 8 ታኒ ዜሪዳይሳ ሃራ ኣሲ ሞ።
\q3 ታ ጫሬቻዚካ ኩሜ
\q3 ሾዴቲ ኦሌቶ።
\b
\q1
\v 9 «ታ ዎዚናይ
\q2 ሃራ ማጫ ኣሞቲዳ ጊዲኮ፥
\q2 ታ ሾሮዛ ማቾ
\q2 ላይማታናስ ኢዛ ፔንጌን
\q2 ታ ዙጊዳ ጊዲኮ፥
\q2
\v 10 ታ ማቻ ሃራ ኣሳስ ጋጩ፤
\q2 ቃሴካ ሃራ ኣዴይ ኢዚራ ዚንኦ።
\q1
\v 11 ሃይሲካ ኬሂ ቱና፤
\q2 ዎጋንካ ቃጻይሲዛ ናጋራ።
\q1
\v 12 ሃ ናጋራይ ታማ ማላ
\q2 ጹጊዛ ጊሻስ
\q2 ታ ሃይሳ ኦዳኮ
\q2 ታ ኣቆታ ጹጊ
\q2 ይሳናኮሺን።
\b
\q1
\v 13 «ማጫኔ ኣቱማ ጊዲዳ
\q2 ታ ኣይሌቲ ታና ሞቲን
\q3 ኢስታ ሞቶዛ
\q3 ታ ካዳ ኣጊዳ ጊዲኮ፥
\q1
\v 14 ጾሲ ታና ፒርዲዛ ዎዴ
\q2 ታኒ ዋናኔ?
\q2 ቃሴ ኢዚ ታና ኦይቺዛ ዎዴ
\q3 ታኒ ኣይ ዛሮ ኢማኔ?
\q1
\v 15 ታ ኣዬይ ኡሎን ታና ሜዳይሲ
\q2 ታ ኣይሌታካ ሜዳይ
\q3 ኢዛ ጊዴኔ?
\q2 ኑና ኡባታካ
\q3 ኣዪ ኡሎን ሜዳይ
\q3 ኢዛ ዴኔ?
\b
\q1
\v 16 «ማንቆቲ ታና ዎሲን
\q2 ታ ዲጋ ኤሪኬ፤
\q2 ቃሴካ ኣምኤ ማጫሳታ
\q2 ሚንንታ
\q2 ኣጋ ኤሪኬ።
\q1
\v 17 ዪኦኔ ዪቶ ናይታ ኣጋዳ
\q2 ታ ካ ታርካ ማቤኬ።
\q1
\v 18 ታኒ ታ ዬላጋቴፌ ዶማዳ
\q2 ታኒ ኢስታ ኣዋ ማላ ዲቻዲስ፥
\q2 ታ ዴኦ ላይ ኡባን
\q3 ኣምኤ ማጫሳታ ማዳዲስ።
\q1
\v 19 ማይኦይ ዪን
\q2 ሜጎይ ዎዛዴ፤
\q2 ዎይኮ ሜቶፔ ዴንዲዳይሳን
\q3 ካሎ ዲዛዴ ቤያዳ፥
\q2
\v 20 ታ ዶርሳታ ኢስኬፌ
\q2 ኦሴቲዳ ማይኦ ታ ማይዚን፥
\q2 ኢዛዴ ሆኢን ታና ዛሪ ጋላቶንታ
\q2 ኣጊዳ ዎዴይ ዴና።
\q1
\v 21 ታኒ ሞቶን ኢስታ
\q2 ላናይሳ ኤራዳ
\q2 ኣዋይ ባይንዳ ናይታ
\q2 ናቂዳ ጊዲኮ፥
\q2
\v 22 ታ ኩሼይ ሃሼፔ ኬኦ።
\q3 ታ ቄሴይካ ኩሬዛፔ ኮልዶ።
\q1
\v 23 ታኒ ጾሳ ሃንቆስ
\q2 ያዪዛ ጊሻሲኔ
\q2 ኢዛ ቴማቴስ ያዪዛ ጊሻስ
\q2 ሃይሳ ማላ ዮኦታ ኦናዉ
\q2 ታ ዳንዳይኬ።
\b
\q1
\v 24 «ታኒ ታስ ዲዛ
\q2 ኣቆታን ኣማኔታቤኬ።
\q2 ዎይኮ ፓያ ዎርቃካ
\q2 ታስ ኣማኔቲዛ
\q2 ሚሽ ኦቤኬ።
\q1
\v 25 ‹ታስ ዲዛ ኣቆይ ዳሪዴስ፤
\q2 ታኒ ዱሬቴፌ ዴንዲዳይሳን
\q3 ዳሮ ሚሽ ዴማዲስ› ጋዳ
\q2 ኡፋዬታ ኤሪኬ።
\q1
\v 26 ኣርሼ ፖኦዛ ቤያዳ፥
\q2 ኣጊና ሎኤቴ ቤያዳ፥
\q2
\v 27 ታ ዎዚናን ኢስታ
\q2 ጌማራ ቦንቻቤኬ፤
\q3 ቃሴካ ታ ኩሼ ሚጫ ዬራዳ
\q3 ኢስታስ ጎይናቤኬ።
\q1
\v 28 ታኒ ሃይሳ ማላ ኦዳኮ
\q2 ሳሎን ዲዛ ጾሳ
\q2 ካዶ ጊዲዳ ጊሻስ
\q3 ሃይቲ ሃ ኦሶቲ
\q3 ታ ቦላ ፒርዳ ኤሂዛ ናጋራታ።
\b
\q1
\v 29 «ታ ሞርኬታ ኩንዴን
\q2 ታኒ ኡፋዬታቤኬ፤
\q2 ኢታ ሚሺ ኢስታ ቦላ
\q2 ጋኪሺንካ ሚጫቤኬ።
\q1
\v 30 ‹ታ ሞርኬቲ ዬቶ› ጋ ቃንጋዳ
\q2 ናጋራ ኦቤኬ።
\q1
\v 31 ታኒ ኡባ ዎዴ
\q2 ኢማ ሞኪዛይሳ
\q2 ታሶ ኣይሌቲ
\q3 ታ ጊሻስ ማርካቴቴስ።
\q1
\v 32 ታኒ ታ ኬ ካሬ
\q2 ኦጌራ ኣ ቢዛ ማንዳራስ
\q3 ዶያ ዎዲስ።
\q2 ሄሳ ጊሻስ ጋዴይ ቃሚን
\q3 ዪዳ ኢማ
\q3 ካሬን ኣይሳ ኤሪኬ።
\q1
\v 33 ታኒ ታ ሞሮ ጌንቤኬ፤
\q2 ሃራ ኣሳታ ማላ
\q3 ታ ናጋራካ ቆታቤኬ።
\q1
\v 34 ታና ኣሳ ዳሮይ ያሺሲኒኔ
\q2 ሶ ኣሳታ ካይ ዳጋንን
\q3 ታኒ ታሶን ጮኡ ጋዳ
\q3 ቆቴቲዳ ዎዴይ ዴና።
\b
\q1
\v 35 «ታ ጊዛይሳ ሲዪዛዴይ
\q2 ቤቴሬኔሺን!
\q2 ታኒካ ቴቄ ቃላ
\q2 ሺሻናኮሺን!
\q2 ኡባ ዳንዳይዛ ጾሳይ
\q3 ታ ጊዛይሳ ዛሮ ኢዚ ኢሞ!
\q3 ታና ሞቲዛ ሞታንቻይ
\q3 ታና ሞቲዛይሳ
\q3 ጻፊ ሺሺን
\q3 ታ ቤያርኪናሺን!
\q1
\v 36 ዎይቶ ማላ ታኒ
\q2 ታ ሃሼን ቶካናኮሺን፤
\q2 ካላቻ ማላካ
\q2 ታ ሁኤ ቦላ ጎጻና።
\q1
\v 37 ዳናቴ ዲዛ ኣሳ ማላ
\q2 ጾሳ ሲንን
\q2 ያዮንታ ኤቃዳ
\q3 ታ ኦዳ ኡባ
\q3 ቆንጪሳ ዮታናኮሺን።
\b
\q1
\v 38 «ኣሳ ጋዴ ዎጋይ ባይንዳ
\q2 ቦንቃ ኤካዳ
\q2 ታኒ ጎዪዳ ጊዲኮ፥
\q2
\v 39 ሄ ጋዳ ጎዳታ
\q2 ታ ሚሺሲዳ ጊዲኮ፥
\q3 ኣይኮካ ኢስታስ ኢሞንታ ዳሼ
\q3 ሞኪዳ ካ
\q3 ታኒ ሚዳ ጊዲኮ፥
\q2
\v 40 ሄ ታ ጎዪዛ ጎሻሶን ዲዛ
\q2 ጊስቴ ጊሻስ ኣጉን፥
\q3 ባንጋ ጊሻስ
\q3 ሻራፋይ ሞኮ» ጊዴስ።
\q2 ኢዮቢ ባ ሃሳያ
\q3 ሃይሳን ፖሊዴስ።
\c 32
\s ኤሊሁ ሃሳያ
\r (32፡1—37፡24)
\p
\v 1 ኢዮቢ፥ «ታኒ ጺሎ ኣሳ» ጊዛ ቆፋ ላሞንታ ጊሻስ ሄ ኣሳቲ ኢዛ ዞሪዛይሳ ኣጊዳ። 
\v 2 ኤራማ ዜሬፌ ቡዜ ዴሬ ኣስ ባራኬሌ ና ኤሊሁይ ኢዮቢ ባና ጾሳፌ ኣዲ ጺሊሲዳ ጊሻስ ኢዮቤ ቦላ ኬሂ ሃንቄቲዴስ። 
\v 3 ቃሴካ ኢዮቤ ላጌ ሄቲ ኢዮቤ ቦላ ፒርዳፌ ኣቲን ኢዛ ኣማንዛ ቃላ ዮቲ ኣማንንታ ጊሻስ ኢስታ ቦላካ ሃንቄቲዴስ። 
\v 4 ኤሊሁይ ሃንኮይታፔ ዬላጋ ጊዲዳ ጊሻስ ሃንኮይቲ ባንታስ ዲዛይሳ ሃሳዪ ዉርሳናሼ ጋካናስ ኢዮቤራ ሃሳያናዉ ባ ታራ ናጎ ቦላ ዴስ። 
\v 5 ኢዮቤ ላጌ ሄቲ ኢዮቤስ ቤሲዛ ዛሮ ኢማናስ ዳንዳዮንታይሳ ቤኢዲ ኬሂ ሃንቄቲዴስ።
\p
\v 6 ቡዜ ዴሬ ኣስ ባራኬሌ ና ኤሊሁይ፥
\q1 «ታኒ ኢንቴፌ ዬላጋ ጊዲዳ
\q2 ጊሻሲኔ
\q2 ኢንቴ ጪማ ጊዲዳ ጊሻስ
\q3 ፖኮይኔ ያሺ ታና ኦይኪን
\q3 ሃኖ ጋካናስ
\q3 ታ ቆፋ ቆንጪሶንታ ጋምኣዲስ።
\q1
\v 7 ‹ጪማቲ ሲንቲ ሃሳዬቶ፤
\q2 ባንታ ላይን ዴሚዳ
\q3 ኣ ኤራቴፌ ታማርሴቶ›
\q3 ጋ ቆፓዲስ።
\q1
\v 8 ጊዶ ኣቲን ኣሳ ጊዶን ኣቂዲ
\q2 ኣ ኤራቴ ኣሳስ ኢሚዛይ
\q3 ኡባ ዳንዳይዛ ጾሳ ኣያና።
\q1
\v 9 ኣስ ኣ ኤራንቻ ኬሲዛይ
\q2 ጪማቴ ጊዴና፤
\q2 ቃሴካ ኣሲ ኣኬካናስ
\q2 ዳንዳይዛይ
\q2 ኢዛዴስ ላይ
\q3 ኣዱቂዳ ጊሻስ ጊዴና።
\b
\q1
\v 10 «ሄሳ ጊሻስ ሎኤ ሲዪቴ፤
\q2 ታኒካ ታ ቆፋ ኢንቴስ ዮታና።
\q1
\v 11 ኢንቴ ሃሳይዛ ዎዴ
\q2 ታኒ ጮኡ ጋዳ ኤዝጋይስ፤
\q3 ኢንቴ ሃሳያና ቃላ
\q3 ቆፒሺንካ ታኒ ናጋይስ።
\q1
\v 12 ታኒ ኢንቴ ሃሳይዛይሳ
\q2 ሎኤ ሲያዲስ፤
\q2 ጊዶ ኣቲን ኢንቴፌ
\q3 ኦኒካ ኢዮቢ ሞራንቻ
\q3 ጊዲዳይሳ ኣማንዳይኔ
\q3 ቃሴካ ኢዛ ሃሳያስ
\q3 ቤሲዛ ዛሮ ኢሚዳይ ዴና።
\q1
\v 13 ኢዮቤ ሃሳያስ ቤሲዛ ዛሮ
\q2 ኢማናስ ዳንዳይዛይ
\q3 ጾሳፌ ኣቲን ኣስ ጊዶንታ ጊሻስ
\q2 ኢንቴ፥ ‹ኑኒ ኣ ኤራቴ
\q2 ዴሚዶስ› ጊዲ
\q2 ጮ ሃዳ ጬቄቶፍቴ።
\q1
\v 14 ኢዮቢ ማርሼቲዳይ
\q2 ኢንቴናራፔ ኣቲን
\q2 ታናራ ጊዴና፤
\q2 ታኒካ ኢንቴ ሃሳይዛይሳ ማላን
\q2 ኢዛስ ዛሮ ኢሚኬ።
\b
\q1
\v 15 «ኢስቲ ዳጋሚዲ
\q2 ሃሳይዛ ቃላይ ይዳ ጊሻስ
\q2 ኣይኮ ሃሳያናዉ
\q2 ዳንዳይቤቴና።
\q1
\v 16 ሄኮ! ኢስቲ ሃሳይዛ ሚሺ
\q2 ዪን ጮኡ ጊዲ ኤቂዳ፤
\q2 ሂስቲን ታኒካ ጮኡ ጋ
\q3 ናጋናሲ ታስ ቤሲዜ?
\q1
\v 17 ኣካይ! ጮኡ ጊኬ፤
\q2 ታኒካ ታ ባጋራ ዲዛ
\q2 ዛሮዛ ኢማና፤
\q3 ታ ቆፋካ ቆንጪሳና።
\q1
\v 18 ታ ሃሳያናስ ቤሲዛዚ
\q2 ዳሮይ ዲዛ ጊሻስ፤
\q2 ታናን ዲዛ ኣያናይ
\q3 ታና ዎልቃራ ሃሳይሴስ።
\q1
\v 19 ቤኢቴ! ታኒ ሃሳዮንታ ኣጊኮ
\q2 ዎይኔ ጫጄ ዎዛ
\q2 ኦራ ሉካሞይ
\q3 ሼምፒዛሶ ይዲ
\q3 ቃናስ ፑሪዛይሳ ማላ
\q3 ታ ጊዶይ ፑሪዲ
\q2 ቃና ጋኪዴስ።
\q1
\v 20 ኣኔ! ታኒ
\q2 ሃይሳፌ ሃሳያዳ ሼምፓይስ፤
\q2 ታ ዶና ዶያዳ
\q3 ታኒ ሃሳያናስ ቤሴስ።
\q1
\v 21 ሃይሳ ሃ ዮኦዛን
\q2 ታኒ ኦናካ ማዲኬ፤
\q2 ዎይኮ ኣይ ኣሳካ ኣዳሺኬ።
\q1
\v 22 ታኒ ኣስ ኣዳሾይ ሙሌካ ሃኔና፤
\q2 ታ ሄሳ ማላ ኦኮ
\q2 ታና ሜዳይሲ
\q3 ታና ሃንቃና።
\c 33
\q1
\v 1 «ኢዮቤ! ታ ኔስ
\q2 ዮቲዛይሳ ሲያ፤
\q2 ታ ኔስ ጊዛይሳካ ኣኬካን ኤዝጋ፤
\q2
\v 2 ታ ኔስ ዛሮ ኢማናስ
\q3 ጊጌታ ኡታዲስ፤
\q3 ታ ዶናይካ
\q3 ጊጌቲ ኡቲዴስ።
\q1
\v 3 ታ ሃሳይዛ ቃላቲ
\q2 ታ ዎዚና ሱሬቴ
\q2 ቆንጪሴቴስ፤
\q2 ታ ኢንጻርሳይ
\q3 ታ ኤሪዛ ቱማ ሃሳዬስ።
\q1
\v 4 ታና ሜዳይ ጾሳ ኣያና፤
\q2 ታስ ዴኦ ኢሚዳይ
\q3 ኡባ ዳንዳይዛ ጾሳ ኣያና።
\q1
\v 5 ኔኒ ዳንዳይዛ ጊዲኮ
\q2 ታ ጎይሳስ ዛሮ ኢማ፤
\q2 ኔ ጋናይሳ ጊጊሳዳ
\q2 ታናራ ሃሳዬታ።
\q1
\v 6 ሄኮ! ታኒ ጾሳ ሲንን
\q2 ኔናራ ጊና፤
\q2 ታኒካ ሜቲዳይ ኡርቃፌ።
\q1
\v 7 ኔኒ ታስ ያያናስ ቤሴና፤
\q2 ታኒካ ኔና
\q2 ናቃናዉ ኮሼና።
\q1
\v 8 ኔኒ ሃሳይዳ ኡባ ኤዝጋሼ
\q2 ታ ጋምኣዲስ፤
\q2 ኔ ኢንጻርሳፌ ኬኢዳ ቃላታ
\q3 ታ ሲያዲስ።
\q1
\v 9 ኔኒ ሃሳያሼ፥ ‹ታኒ ቆሆይኔ
\q2 ቦሬይ ባይንዳ ኣሳ፤
\q2 ታኒ ናጋራ ኦንታዴኔ
\q2 ጺሎ ኣሳ።
\q1
\v 10 ጊዶ ኣቲን ጾሲ ታና ቃጻያናስ
\q2 ጋሶ ኮዬስ፤
\q2 ታናካ ባስ ሞርኬ ማላ ቆዴስ።
\q1
\v 11 ታ ቶሆታ ኢዚ
\q2 ዱሩማን ዱጺ ቃቺዴስ።
\q2 ታ ቢዛሶ ኡባን
\q2 ታና ጼሌስ› ጋዳሳ።\x - \xo 33፡11 \xo*\xt ኢዮ 13፡27\xt*\x*
\b
\q1
\v 12 «ኢዮቤ! ሃይሲ ኔ ሃሳያይ
\q2 ባላ ጊዲዴስ፤
\q2 ታኒካ ኔስ
\q2 ቆንጪሳናስ ኮያይስ፤
\q3 ጾሲ ኣሳ ኡባፌ ኣስ።
\q1
\v 13 ሂስቲን፥ ‹ኔኒ ጾሲ
\q2 ኣሲ ማጋኒዛ ማጋና
\q2 ሲዬና› ጋዳ
\q2 ኣይስ ጾሳ ቦላ ዙዙማይ?
\q1
\v 14 ኣሲ ኣኬኬናፌ ኣቲን
\q2 ጾሲ ዱማ ዱማ
\q2 ኦጌራ ሃሳዬስ።
\q1
\v 15 ኦማርስ ኣሲ ሂጻን ኢቺ ዲዛ ዎዴ
\q2 ኣሲ ኮይሮ ስኮ
\q2 ሴራጊዳ ዎዴ፤
\q3 ኣጉሞኒኔ ኣጁታንካ
\q3 ጾሲ ሃሳዬስ።\x - \xo 33፡15 \xo*\xt ኢዮ 4፡13\xt*\x*
\q1
\v 16 ሄ ዎዴ ኣሲ ኢዛ ቃላ ሲያና ማላ
\q2 ሃይ ዶዬስ፤
\q2 ኢዚ ባ ኢሚዛ ሴራንካ
\q2 ዳጋንስ።
\q1
\v 17 ሄሳ ማላ ኦሶን ኣሲ
\q2 ናጋራ ኦንታ ማላ ዲጌስ፤
\q2 ኦቶሬቴካ ኢስታፌ ዴንስ።
\q1
\v 18 ጾሲ ኣሳ ሼምፖ
\q2 ዮፔ ኣሼስ፤
\q2 ባሻ ሃይቆፔካ ዎዜስ።
\q1
\v 19 ዎይኮ ኣሲ ሜቄን ጌሊዳ
\q2 ሳኮን ዲሺን
\q2 ኣሲ ባ ባላፔ ሲማና ማላ
\q3 ሃርጌ ሂጻን ጾሲ ዞሬስ።
\q1
\v 20 ሃይሳ ማላን ሃርጋንቻ ካ
\q2 ላንቃናስ ኢዛ ኢቴስ፤
\q2 ሎኦ ካካ ሃራሴስ።
\q1
\v 21 ጊልቃቴፔ ዴንዶይሳን
\q2 ኢዛስ ኣሾዚካ ዉሪዴስ፤
\q2 ሜቄ ጻላ ኣቲዴስ።
\q1
\v 22 ኢዛ ሼምፖይ ኬዛናሲኔ
\q2 ሞጌታናስ ማቲዴስ።
\b
\q1
\v 23 «ኣሲ ሱሬ ኦጌ ቤሳናስ
\q2 ሺያን ቆዴቲዛ
\q2 ጾሳ ኪታንቻታፔ
\q3 ኢሶይ ኢዛ ማዳናስ ዪዳኮ፥
\q2
\v 24 ኪታንቻይ ኢዛስ ቃቲዲ፥
\q3 ‹ኢዛ ዎዚዛዴ
\q3 ታ ዴሚዳ ጊሻስ
\q3 ኢዚ ዱጌ ዱፎን
\q3 ዎንታ ማላ
\q3 ኣጋጋ!› ጊዲ
\q3 ሃይቆ ኦይኪዳኮ፥
\q2
\v 25 ሄሳ ጊሻስ ኢዛ ኣሳቴይ፥
\q3 ቄሪ ና ኣሾ ማላ
\q3 ዛሪ ኦራጻና፤
\q3 ኢዛስ ዬላጋቴ ዎዴ ማላ
\q3 ቃሴካ ሃናና።
\q1
\v 26 ሄ ዎዴ ጾሳኮ ኢዚ ዎሳና።
\q2 ኢዛ ዎሳካ ጾሲ ሲያና፤
\q2 ጾሳ ሲን
\q2 ኢዚ ቤኢዲ ኡፋዬታና፤
\q2 ጾሲካ ኢዛ ዎሳስ
\q2 ዛሮ ኢማና።
\q1
\v 27 ኢዚ ኣሳ ሲንን፥
\q2 ‹ታኒ ናጋራ ኦዲስ፤
\q2 ሱሬ ጊዲዳይሳካ ጌላሳዲስ።
\q3 ጾሳይ ጊዲኮ ታ ሞራ ማላ
\q3 ታስ ኦቤና።
\q1
\v 28 ታኒ ዱፎን ጌሎንታ ማላ
\q2 ታና ኣሺዴስ፤
\q2 ሄኮ ሃኢ ፓጻ ዳዳ
\q3 ታኒ ፖኦ ቤያይስ› ጊ ዬጺዴስ።
\b
\q1
\v 29 «ሄኮ! ጾሲ ሃይሳ
\q2 ኡባ ሚሻ
\q2 ኣሳስ ዛሪ ዛሪ ኦስ።
\q1
\v 30 ዴኦን ዲዲ ፖኦ ቤያና ማላ
\q2 ኢዛ ሼምፖ ሃይቆፔ ኣሼስ።
\b
\q1
\v 31 «ኢዮቤ! ታ ኔስ ዮቲዛይሳ
\q2 ሎኤ ሲያ፤
\q2 ታኒ ኔስ ዮታይስ
\q3 ኣኔ ኔኒ ጮኡ ጋ።
\q1
\v 32 ኔኒ ሃሳያናስ
\q2 ኮይዛ ሚሺ ዲኮ
\q2 ታስ ዮታ፥
\q2 ታ ኔኒ ጺሎ ጊዲዳይሳ
\q3 ኔና ቤሳና ኮያይስ።
\q1
\v 33 ኣካይ ጊኮ!
\q2 ታኒ ሃሳይዛይሳ
\q2 ጮኡ ጋዳ ሲያ፤
\q2 ታኒ ኔና
\q2 ኤራቴ ታማርሳና» ጊዴስ።
\c 34
\p
\v 1 ኤሊሁይ ባ ሃሳያ ጉጂዲ ሂዝጊዴስ፤
\q1
\v 2 «ኢንቴኖ ኣ ኤራንቻቶ!
\q2 ታ ኢንቴስ ሃሳይዛይሳ ሲዪቴ፤
\q2 ኢንቴኖ ኤራንቻቶ
\q3 ታ ሃሳያ ኤዝጊቴ።
\q1
\v 3 ኢንጻርሲ ካ ማልኦ
\q2 ሻኪ ኤሬስ፤
\q2 ሄሳካ ሃይ ዮኦ
\q2 ሻኪ ኤሬስ።\x - \xo 34፡3 \xo*\xt ኢዮ 12፡11\xt*\x*
\q1
\v 4 ቱሙ ጊዲዳ ዮኦ
\q2 ኣኔ ሻኪ ኤሮስ፤
\q2 ሎኦ ጊዲዳ ሚሺካ
\q2 ኢሲፌ ታማሮስ።
\b
\q1
\v 5 «ኢዮቢ፥ ‹ታኒ ጺሎ ሺን
\q2 ጾሲ ታና ሱሬ ፒርዳ ዲጊዴስ።
\q1
\v 6 ታኒ ቱማንቻሺን
\q2 ዎርዳንቻ ማላ ቆዴታዲስ፤
\q2 ታ ኣይኮካ ሞሮንታ ዳሼ
\q3 ፓጾንታ ማዱንን
\q3 ዋዬታይስ› ጊዴስ።
\q1
\v 7 ኢዮቤ ማላ ጾሳ ቦላ
\q2 ቂልጪዛዴይ ቤታንዴሻ?
\q1
\v 8 ኢዚ ኢታ ኦዛይታራ ላጌቴስ፤
\q2 ኢዛስ ፔይሻይካ ኢታ ላጌታራ።
\q1
\v 9 ‹ጾሳ ኡፋይሳና ጊዲ ኦሶይ
\q2 ኣስ ኣይኮካ ማዴና› ጌስ።
\b
\q1
\v 10 «ኣኬኪዛ ኣሳቶ
\q2 ኣኔ ታና ኤዝጊቴ!
\q2 ኢታ ኦሶይ ጾሳፌ፤
\q3 ባላ ኦሶይ
\q3 ኡባ ዳንዳይዛ
\q3 ጾሳፌ ሃኮ!
\q1
\v 11 ጾሲ ኣሳስ
\q2 ኢዛዴ ኦሶ ማላ ኢሜስ፤
\q2 ኢዛስ ኢዛዴ ሄሜ ማላ
\q2 ኦስ።\x - \xo 34፡11 \xo*\xt ማዛ 62፡12\xt*\x*
\q1
\v 12 ኡባ ዳንዳይዛ ጾሳይ
\q2 ሙሌካ ኢታ ሚሽ ኦና፤
\q2 ኣይ ኣሳስካ
\q2 ሱሬ ፒርዳ ጌላሴና።
\q1
\v 13 ጾሳሲ ቢታ
\q2 ሃዳራ ኢሚዳዴይ ዴና፤
\q2 ኢዛ ኣላሜ ቦላካ
\q2 ሹሚዳዴይ ዴና።
\q1
\v 14 ጾሲ ባ ኣያናዛኔ
\q2 ባ ሼምፖዛ
\q2 ባኮ ዛሪ ኤካና ኮዪዳኮ፥
\q2
\v 15 ኣሾ ማይኢዳይ ኩሜ ያና፤
\q3 ኣሳ ዜሬካ
\q3 ዱጌ ቢታን ሲማና።
\q1
\v 16 ኔኒ ኣኬኪዛ ጊዲኮ ሃይሳ ሲያ፤
\q2 ታ ኔስ ሃሳይዛይሳ ኤዝጋ።
\q1
\v 17 ሱሬ ፒርዳ ኢጺዛዴይ
\q2 ዴሬ ኣይሳናስ ዳንዳይዜ?
\q2 ኔኒ ጺሎኔ ዎልቃማ ጾሳ
\q3 ናጋራንቻ ኬሳይ?
\q1
\v 18 ካዎታ ኢንቴ ሌኬታ፤
\q2 ሹሜታካ ኢንቴ ኢታ
\q2 ጋናይ ኦኔ?
\q1
\v 19 ኡባቲካ ኢዛ ሜታታ ጊዲዳ
\q2 ጊሻስ ኢዚ ሹሜታ
\q2 ሻኪ ማዴና፤
\q2 ዱሬታካ ማንቆታፔ
\q2 ሻኬና።
\q1
\v 20 ኢስቲ ሌላ ጊዶ
\q2 ቆፖንታ ሃይቃና፤
\q2 ኡባይ ኮኮሪ ያና፤
\q2 ዎልቃማቲካ ኦና ኩሼይካ
\q3 ቦቾንታ ኪቻና።
\b
\q1
\v 21 «ጾሲ ኣሳ ኡባ
\q2 ታንጎዛ ጼሌስ፤
\q2 ኢሳ ኢሳ ሄሜ ካሌቴስ።
\q1
\v 22 ኢታ ኣሳቲ ቆቴታና ማላ
\q2 ጊርዲ ጊዳ ማይ ዴና።
\q1
\v 23 ጾሲ ኣሳ ቦላ ፒርዳናስ
\q2 ባሬ ኢሜና።
\q1
\v 24 ዎልቃማ ዳናታ
\q2 ዳናቴፌ ዴንናስ፥
\q2 ኢስታሶሆን ሃራ ዎናስ፥
\q3 ኣይኮ ኦይሻይ ሺቆንታ
\q3 ኢዚ ሄሳ ኦስ።
\q1
\v 25 ኢዚ ኢስታ ኦሳ ኤሪዛ ጊሻስ
\q2 ኢሲ ኦማርስ
\q3 ኢስታ ዳናቴፌ ይሳና።
\q1
\v 26 ኢስቲ ኦዳ ማካላቴ
\q2 ጋሶን ኡባ ኣሳ ሲንን
\q3 ማካላንቻታ ቃጻዬስ።
\q1
\v 27 ኢዚ ኢስታ ቃጻዪዛይሲ
\q2 ኢስቲ ኢዛ ካሊዛይሳ ኣጊዳ
\q2 ጊሻሳ፤
\q3 ኢዛ ኣዛዞታካ
\q3 ኢስቲ ካዳ ጊሻሳ።
\q1
\v 28 ኢስቲ ማንቆታ ኡንኤዳ፤
\q2 ፑዴ ጾሳኮ ዋሳና ማላ
\q2 ኦዳ።
\q2 ጾሲካ ማንቆታ
\q2 ዋሶዛ ሲዪዴስ።
\q1
\v 29 ጾሲ ጮኡ ጊኮ
\q2 ኦኔ ኢዛ ቦላ ፒርዳናይ?
\q2 ኢዚ ባ ዞኮ ዛሪኮ
\q3 ኦኔ ኢዛ ቤያናይ?
\q1
\v 30 ሄሳካ ጾሳስ
\q2 ያዮንታ ዴራ
\q2 ኡንኤዛ ካዎይ
\q2 ዴራ ቦላ ዴንዲኮ
\q2 ኢዛ ኦኔ ዲጋናይ?
\b
\q1
\v 31 «ኢዮቤ! ኔኒ ኔ ናጋራ
\q2 ጾሳስ ፓጻዳ
\q2 ዛራ ናጋራ ኦኬ ጋ
\q2 ቃላ ጌላዲ?
\q1
\v 32 ታ ኦዳ ናጋራይ ኣዋይሳኮ
\q2 ታና ታማርሳ፤
\q2 ታ ሞሪዳ ጊዲኮ
\q2 ዛራዳ ኢዛ
\q2 ኦኬ! ጋዲ?
\q1
\v 33 ሂስቲን ኔኒ ማሬታናፔ
\q2 ኢጺስ ጋዳ
\q2 ኔኒ ሺሺዛ ቆፋ ማላ
\q2 ጾሲ ኔ ኣሞዛ
\q2 ኔስ ፖላና ማላ
\q3 ኔ ኮያይ?
\b
\q1
\v 34 «ታና ሲዪዛ ኣሳቲ
\q2 ኣኬኪዛ ኤራንቻቲካ፥
\q1
\v 35 ‹ኢዮቢ ኤራቴ ባይንዳ ሃሳዬስ፤
\q2 ሁኤይ ባይንዳ ሃሳያታ
\q2 ሃሳዬስ› ጌቴስ።
\q1
\v 36 ኢታ ኣሳታ ዛሮ ማላ
\q2 ዛሪዛ ጊሻስ
\q2 ኢዮቢ ዉርሴ ጋካናዉ
\q3 ፓጬቲዳኮ ኣዜ ዲዛይ!
\q1
\v 37 ኑ ጊዶን ዎጋፔ ካሬ ኬኢዴስ፤
\q2 ጾሳ ቦላ ካ ዳርሲዴስ፤
\q2 ባ ናጋራ ቦላካ
\q3 ማካላቴ ጉጂዴስ» ጌቴስ።
\c 35
\p
\v 1 ኤሊሁይ ባ ሃሳያ ጉጂዲ ሂዝጊዴስ፤
\q1
\v 2 «ኢዮቤ ኔ ኔና፥
\q2 ‹ታኒ ጾሳ ሲንን ጺሎ›
\q3 ጊዛይሲ ሊኬ?
\q1
\v 3 ‹ናጋራ ኦንታ ኣጊኮ
\q2 ታ ኣይ ጎኤታኔ?
\q2 ቃሴካ ኣይ ዴማኔ?› ጋዳ
\q3 ኔኒ ኦይቻዳሳ።
\q1
\v 4 ታኒ ኔሲኔ ኔናራ ዲዛይታስ
\q2 ዛሮ ኢማና።
\b
\q1
\v 5 «ቁ ጋዳ ፑዴ ሳሎ ጼላ፤
\q2 ኔፔ ቁ ጊዲ ዲዛ
\q2 ሻራ ኣኬካ።
\q1
\v 6 ኔኒ ናጋራ ኦኮ
\q2 ጾሳ ኣዛን ቆሃይ?
\q2 ኔኒ ኢዛ ዳርሳ ዳርሳ ቆሂኮ
\q3 ኢዛ ኣይ ኦናዉ ዳንዳያይ?
\q1
\v 7 ኔኒ ጺሎ ጊዲኮ ኢዛስ ኣይ ኢማኔ?
\q2 ኢዚ ኔፔ ኣይኮካ ኮዬና።
\q1
\v 8 ኔ ናጋራ ኦኮ ቆሃናይ
\q2 ኔ ማላ ኣሳታ ጻላ።
\q2 ኔ ሎኦ ሚሽ ኦኮካ
\q3 ኔ ጎኢዛይ ኣስ ጻላ።\x - \xo 35፡6-8 \xo*\xt ኢዮ 22፡2-3\xt*\x*
\b
\q1
\v 9 «ኣሲ ሃራይ ዳርሲ
\q2 ቆሂሺን ዋሴስ፤
\q2 ባፔ ዎልቃቲዛዴ ኩሼፔ
\q2 ባና ኣሺ ኤካናዴስ
\q2 ማጋኔስ።
\q1
\v 10 ጊዶ ኣቲን ኢስታፌ ኦኒካ፥
\q2 ‹ታና ሜዳ
\q2 ጾሳይ ኣዋኔ?
\q3 ሌላ ጊዶ
\q2 ማዛሙሬ ኢሚዛይሲ ኣዋኔ?
\q1
\v 11 ሜሄታፔ ኑና ኣ
\q2 ታማርሲዳ፤
\q2 ሳሎ ካፎታፔካ
\q2 ኣ ኤራንቻታ
\q2 ኦዳይ ኢዛ› ጊዳይ ባዋ።
\q1
\v 12 ኢስቲ ዋሴቴስ፤
\q2 ኢዚ ጊዲኮ ኢስቲ ኦቶራንቻታኔ
\q3 ኢታታ ጊዲዳ ጊሻስ
\q3 ኢስታስ ዛሮ ኢሜና።
\q1
\v 13 ጾሲ ቱማ ዎዚናፔ ጊዶንታ
\q2 ዋሶ ሲዬና፤
\q2 ኡባ ዳንዳይዛ ጾሳይ
\q3 ሄሳ ማላ ኤዝጌና።
\q1
\v 14 ኢዮቤ! ኔኒ ታ ጾሳ ኣይኮካ
\q2 ቤኢኬ ጊኮካ፥
\q2 ኔ ሜቶይ ኢዛ ሲንን
\q3 ዴኢዛ ጊሻስ፥
\q3 ኔኒ ዳንዳያን
\q3 ናጋና ኮሼስ።
\q1
\v 15 ቃሴካ ጾሲ ኔና
\q2 ባ ሃንቆን ሃንቆንታ
\q2 ኣሳ ኢታቴ ጮኡ ጊዲ
\q2 ኣና ኔስ ሚሳቲዜ?
\q1
\v 16 ኢዮቤ! ኔኒ ጮ ሜላ
\q2 ሃሳያ ዳርሳሳ፤
\q2 ኤራቴ ባይንዳ
\q2 ጮ ጋዳ ሃሳያሳ።»
\c 36
\p
\v 1 ኤሊሁይ ባ ሃሳያ ጉጂዲ ሂዝጊዴስ፤
\q1
\v 2 «ጾሳ ጊሻስ ታኒ ሃሳያና
\q2 ሃራይ ዲዛ ጊሻስ
\q2 ጉ ዳንዳያዳ ታ ጊዛይሳ ሲያ።
\q1
\v 3 ታኒ ዳሮሶፔ ዴሚዳ
\q2 ኤራቴን፥ ታና ሜዳ
\q2 ጾሲ ጺሎ ጊዲዳይሳ
\q3 ታኒ ኔስ ኤሪሳይስ።
\q1
\v 4 ታ ቃላይ ዎርዶ ጊዶንታይሳ
\q2 ኔኒ ሎኤ ኤራ፤
\q2 ኔናራ ሃሳያና ታስ ኩሜ
\q2 ኤራቴ ዲዛይሳ ኤራ።
\b
\q1
\v 5 «ቱሙካ ጾሲ ዎልቃማ፤
\q2 ጊዶ ኣቲን ኦናካ ካና፤
\q3 ኢዚ ኡባካ ኣኬኬስ።
\q1
\v 6 ኢዚ ኢታ ኣሳታ ፓጻ ዎና።
\q2 ሜቶቲዳ ኣሳታስ ጊዲኮ
\q2 ሱሬ ፒርዳ ፒርዴስ።
\q1
\v 7 ጾሲ ጺሎ ኣሳታ ናጌስ፤
\q2 ካዎታ ማላ
\q2 ቦንቾ ኣልጋን ኡቲሴስ፤
\q2 ሜርናስ ኢስታ
\q2 ቁ ቁ ሂስቴስ።
\q1
\v 8 ጊዶ ኣቲን ኣሲ
\q2 ሳንሳላታን ቃሼቲኮ፥
\q2 ዎይኮ ሜቶ ጊቴን ኦይኬቲኮ፥
\q2
\v 9 ኢስቲ ባ ኦቶሬቴን
\q3 ኦዳ ናጋራ ቆንጪሴስ።
\q1
\v 10 ኢስቲ ሴራ ሲያና ማላ
\q2 ኢስታ ሃይ ዶዬስ፤
\q2 ኢስቲ ባንታ ኢታ ኦሳፔ ሲሚዲ
\q3 ማሬታና ማላ ኣዛዜስ።
\q1
\v 11 ኢስቲ ጾሳስ ኣዛዜቲዲ ኦኮ፥
\q2 ባንታስ ኣቲዳ ላይ
\q2 ዱሬቴኒኔ
\q3 ኡፋይሳን ኦንጋና።
\q1
\v 12 ጊዶ ኣቲን ኢዛ ሲዮንታ ኢጺኮ
\q2 ኢስቲ ኦላን ዉራና፤
\q2 ኢስቲ ባንታ ኤያቴን
\q3 ዲሼ ሃይቃና።
\b
\q1
\v 13 «ባንታ ዎዚናራ ጾሳ ካዲዛይቲ
\q2 ቃጻዬቲዳ ማላ ዳና፤
\q2 ኢዚ ኢስታ ቃጻይሺንካ
\q3 ኢስታ ካሌዛይቲ
\q3 ዎሴቴና።
\q1
\v 14 ኢስቲ ባ ፖሊዛ
\q2 ኢታ ላይማቴ
\q2 ቦሻን ያና፤
\q2 ባንታ ዬላጋቴ ላይንካ
\q3 ሙልቄቲ ሃይቃና።
\q1
\v 15 ጾሲ ሜቶን ኡንኤቲዛይታ
\q2 ኢስታ ሜታፔ ኣሻና፤
\q2 ኢስታ ጋኪዳ ሜታን
\q3 ኢስታስ ቲሚርቴ ኢማና።
\b
\q1
\v 16 «ሃይሳ ሃ ዎዴዛን
\q2 ጾሲ ኔስ ቆፒዛይ
\q2 ኔና ኔ ዲዛ ሜታፔ ኬሲዲ
\q3 ሎኦ ካ ኩሚዳ
\q3 ማዳን ኤፋናሳ።
\q1
\v 17 ሃኢ ጊዲኮ
\q2 ኔ ኦዳ ሞራፔ
\q2 ዴንዶይሳን ኔ ቦላ
\q2 ፒርዴቲዳ ጊሻስ፥
\q3 ኔስ ቤሲዛ ቂጻቴ
\q3 ኤኮ ቦላ ዳሳ።
\q1
\v 18 ኦኒካ ኔና ዱሬቴ ዳሮን
\q2 ጪሞንታ ማላ፤
\q2 ማታኤንካ ኔና
\q2 ባሌንታ ማላ ናጌታ።
\q1
\v 19 ኔስ ዲዛ ኣቆታይኔ ጎዳቴ
\q2 ዳሮ ጊዲኮካ
\q2 ኔና ሜቶፔ ኣሼቴና።
\q1
\v 20 ዴራ ዲዛሶፔ ይሲዛ
\q2 ማ ዎዴይ
\q2 ያና ማላ ኣሞቶፋ።
\q1
\v 21 ኔኒ ሜቶ ጊዶን ፓጬቲዛይ
\q2 ሄሳ ጋሶን ጊዲዳ ጊሻስ
\q3 ሲማዳ ናጋራ
\q3 ኦንታ ማላ ናጌታ።
\b
\q1
\v 22 «ጾሳ ዎልቃይ
\q2 ኣይ ማላ ጊታኮ ኣኬካ፤
\q2 ጾሲ ኡባፌ ኣ ኣስታማሬ።
\q1
\v 23 ‹ሃይሳ ኦ› ጊዲ
\q2 ጾሳ ኣዛዚዛ ኣሲ ዎይኮ፥
\q2 ‹ኢታ ኦሶ ኦዳሳ› ጊዲ
\q3 ኢዛ ዋላሲዛይ ኦኔ?
\q1
\v 24 ኢዚ ኦዛ ኦሳ ጊሻስ
\q2 ኣሳይ ኡባ ዎዴ ዬን
\q2 ጋላቲዛይሳ ማላ፥
\q2 ኔኒካ ኢዛ ኦሳስ
\q2 ዬን ጋላታ።
\q1
\v 25 ኣሳ ዜሬ ኡባይ
\q2 ጾሳ ኦሳ ቤዪዴስ፤
\q2 ኣሳይ ቲሺ ኦ
\q2 ሃኮን ቤዪዴስ።
\q1
\v 26 ጾሳ ጊታቴ
\q2 ፒልጊዲ ጋካናስ
\q2 ኑኒ ዳንዳዮኮ፤
\q2 ኢዛ ላይ ቆዳይካ
\q2 ኑ ኤራፔ ቦላ።
\b
\q1
\v 27 «ጾሲ ሃ ኣባፌ
\q2 ፑዴ ሳሎ ኤፌስ፤
\q2 ዛሪዲካ ኢራ ሳሎፔ
\q2 ዱጌ ቡኪሴስ።
\q1
\v 28 ኢራ ሻራፔ ኬሲዲ
\q2 ዎልቃማ ኢራ ኣሳስ ቡኪሴስ።
\q1
\v 29 ጊዶ ኣቲን ጾሲ
\q2 ሻራ ዎስቲ ሚጪዛኮ፥
\q2 ዎልቃን ጊዶን ኡቲዲ
\q3 ኢዚ ዋኒ ሃሳይዛኮ
\q3 ኦኒ ኤራናዉ ዳንዳይዜ?
\q1
\v 30 ጾሲ ኣባ ጪማቴ ካሚዲ
\q2 ኢዚ ባ ዩሾን ዎልቃን
\q3 ዎስቲ ላሊዛኮ ጼላ።
\q1
\v 31 ሃይሳ ማላ ኦዲ
\q2 ጾሲ ባ ዴራ ኣይሴስ፤
\q2 ኣሳይ ሚዛ ዳሮ ካካ ሞኪሴስ።
\q1
\v 32 ዎልቃን ኢዚ
\q2 ባ ኩሼን ኦይኬስ፤
\q2 ኦይኪዲ ባ ዶሲዳ
\q3 ባጋ ባና ማላ ኣዛዜስ።
\q1
\v 33 ዳዳይ ዎልቃማ ኢራይ
\q2 ያናይሳ ማላቴስ፤
\q2 ሜሄቲካ ኢራ ኡሾይ
\q3 ዪዛይሳ ኤሬቴስ።
\c 37
\q1
\v 1 «ዎልቃማ ኡሾፔ ዴንዶይሳን
\q2 ታ ዎዚናይ ኮኮሪዴስ፤
\q2 ያሻቴፌ ዴንዶይሳን
\q3 ፒሪ ባና ጋኪዴስ።
\q1
\v 2 ኢዛ ዶናፔ ኬኢዛ ቃላ ሲዪቴ፤
\q2 ዳዳ ማላ ጉሚዛ
\q3 ጊሪሳ ቃላ ሲዪቴ።
\q1
\v 3 ሳሎፔ ጋርሳን ዎልቃን
\q2 ዎልቃሜስ፤
\q2 ቢታ ጋጻ ጋካናዉ ኪቴስ።
\q1
\v 4 ሄሳፌ ጉዬ ዎልቃማ
\q2 ባ ጊሪሳ ሲሴስ፤
\q2 ያሺሲዛ ባ ጊሪሳ
\q2 ዳዳ ማላ ጉንስ፤
\q2 ዎልቃን ፖኦይካ
\q2 ዛሪ ዛሪ ቤቴስ፤
\q2 ባ ያሺሲዛ ጊሪሳን ጉሜስ፤
\q3 ኢዚ ባ ጊሪሳ ሲሲዛ ዎዴ
\q3 ዎልቃን ዲጌና።
\q1
\v 5 ጾሳ ጊሪሳ ጉንይ
\q2 ማላሊሲዛ ጊታ ጉን
\q2 ጉሜስ፤
\q2 ኑኒ ኤራናዉ ዳንዳዮንታ
\q3 ጊታ ሚሻታ ኦስ።
\q1
\v 6 ቢታ ቦላ ሻቺ
\q2 ዎና ማላ ኦስ፤
\q2 ዎልቃማ ኢራይካ
\q3 ቡካና ማላ ኣዛዜስ።
\q1
\v 7 ኢዚ ሜዳ ኣሳቲ
\q2 ኢዛ ኦሶ ኤራና ማላ
\q3 ኡባ ኣሳይ ባንታ ኦሶዛ
\q2 ኦንታ ማላ ቴቄስ።
\q1
\v 8 ሄ ዎዴ ዎራ ዶኣቲ፥
\q2 ባቃቲዲ ባንታ ቆቴቴሶ
\q2 ጌሌቴስ፤
\q2 ባንታ ጎንጎሎዛን ቆቴቴቴስ።
\q1
\v 9 ዎልቃማ ጫርኮይ
\q2 ፑዴሃፔ ዴንዴስ፤
\q2 ሞጪዛ ጫርኮይ ፑዴሃፔ ዬስ።
\q1
\v 10 ጾሳ ፔኖይ ሃ ሞጪሴስ፤
\q2 ኢዛፔ ሻች ሜስ።
\q1
\v 11 ሻራይ ሃ
\q2 ቶካና ማላ ኦስ፤
\q2 ባ ጊዶን ዎልቃን
\q3 ዎልቃማና ማላ ኦስ።
\q1
\v 12 ጎዳ ካሌን ሻራቲ
\q2 ቢታ ዩሾን ዩዬቴስ፤
\q2 ባንታና ማዲዛ
\q2 ኣዛዞታካ ፖሌቴስ።
\q1
\v 13 ጾሲ ኢራ ቡኪሲዛይ
\q2 ቢታ ኢርጺሳናስ፥
\q2 ኣሳታ ቃጻያናስ
\q3 ዎይኮ ባ ሲቆ ቆንጪሳናሳ።
\q1
\v 14 ኢዮቤ! ኔኒ ታኪ ጋዳ ሲያ፤
\q2 ጾሲ ኦዛ
\q2 ማላሊሲዛ ኦሶታ
\q3 ዎዚናን ዎዳ ኣኬካ።
\q1
\v 15 ጾሲ ሻራ ዎስቲ ኣዛዚዛኮ፥
\q2 ዎልቃንካ
\q2 ዎስቲ ዎልቃንዛኮ
\q3 ኔኒ ኤራይ?
\q1
\v 16 ሻራ ሳሎ ቦላ
\q2 ዎስቲ ዎዳኮ፥
\q2 ማላሊሲዛ ኡባ ኤሪዛ ጾሳ
\q3 ኦሶዛ ኔ ኤራይ?
\q1
\v 17 ሳሎይ ጻርቂማላ ሚሳቲዛ ዎዴ፥
\q2 ዎልቃማ ባዞ ጫርኮይ
\q3 ቢታ ቦላ ጫርኪዛ ዎዴ
\q3 ኔኒ ሆምቤን ሴራና።
\q1
\v 18 ጾሲ ሳሎ ሴሪዳ
\q2 ማስቶቴ ማላ ሚጪኮ፥
\q2 ኔኒ ኢዛ ማታን ኡታዳ
\q3 ማዳናዉ ዳንዳያይ?
\b
\q1
\v 19 «ኑስ ኤራይ ፓጬ ጊዲዳ ጊሻስ
\q2 ኑኒ ኣይ ጊዲ
\q2 ጾሳስ ዛራናኮ
\q3 ኔኒ ኑና ኣኔ ታማርሳ።
\q1
\v 20 ጾሳራ ሃሳያና
\q2 ጋዳ ኦይቺኬ፤
\q2 ታ ኢዛ ኦይቻዳ ኣዛስ
\q2 ኢዚ ታና ይሳና ማላ
\q2 ዴን?
\q1
\v 21 ጫርኮይ ሻራ ሳሎፔ
\q2 ቁጪ ጌሺዛ ዎዴ፥
\q2 ኦኒካ ጾልቂዛ ኣርሼ
\q2 ቲሺ ሂስቲ
\q3 ጼላናስ ዳንዳዬና።
\q1
\v 22 ፑዴሃፔ ዎርቃ ማላ
\q2 ጾልቂዛ ፖኦይ ያና፤
\q2 ጾሲ ማላሊሲዛ
\q2 ቴማን ቆንጫና።
\q1
\v 23 ኡባ ዳንዳይዛ ጾሳይ
\q2 ኑ ቆፋፔ ቦላ፤
\q2 ኢዛ ዎልቃይ ጊታ፤
\q3 ኢዚካ ቱሙ ፒርዲዛዴ።
\q1
\v 24 ባንታ ቆፋን፥
\q2 ‹ኑኒ ኣ ኤራንቻታ› ጊዛይታ
\q3 ኢዚ ካስ፤
\q2 ሄሳ ጊሻስ ኣሳይ ዉሪ
\q2 ኢዛስ ያዬስ።»
\c 38
\s ጾሳፌ ኢዮቤስ ኢሜቲዳ ዛሮ
\p
\v 1 ሃይሳፌ ጉዬ ጎዳይ
\q2 ጎቴ ጫርኮ ጊዶን ጊዲዲ
\q2 ኢዮቤስ ሂዝጊዴስ፥
\q1
\v 2 «ሃይሲ ኤራይ ባይንዳ ሃሳያን
\q2 ታ ዞሬዛ ካዛይ
\q2 ኢዚ ባስ ኦኔ?
\q1
\v 3 ኣኔ ኣዴ ጊዲኮ
\q2 ዳንጬታ ታ ሲንን ኤቃ፤
\q2 ታኒ ኔና ኦይቺዛይሳ
\q2 ታስ ዛራ።
\q1
\v 4 ታኒ ሃይሳ ኣላሜዛ ሜሺን
\q2 ኔኒ ኣዋን ዳይ?
\q2 ኔ ኤሪዛኔ ኣኬኪዛ ጊዲኮ
\q3 ኣኔ ታስ ዮታ።
\q1
\v 5 ሃይሲ ሳኣይ ኣይ ኬና ጊዳናኮ
\q2 ቆፋ ቃቺዳይ ኦኔ?
\q2 ሳኣ ቦላ ኢዚ
\q3 ሚጼ ዎዶሮታ ሚጪዳይ
\q3 ኦናኮ ኔ ኤራይ?
\q1
\v 6 ቢታ ቱሳቲ ኩንዶንታ ማላ
\q2 ሚን ኦይኪዳ ዎልቃይ ኣዜ?
\q2 ኣላሜዛ ኦሶ ዶሚሺን
\q3 ዮቻ ሹች ዬጊዳይ ኦኔ?
\q1
\v 7 ባካሌ ጾሊንቴቲ
\q2 ኢሲ ቦላ ዬጺዛሼ፥
\q2 ኪታንቻቲ ኡባይ ኢሊሊዛሼ
\q3 ኔኒ ኣዋን ዳይ?
\b
\q1
\v 8 «ኣባይ ቢታፌ
\q2 ቂ ኬኢዛ ዎዴ
\q2 ፑልቶ ኣይፌታ ጎርዲዳይ ኦኔ?
\q1
\v 9 ኣባ ሻራን ካሚዳይ
\q2 ቃሴካ ጊርዲ ጊዳ ማን
\q3 ጎርዲዳይ ታና።
\q1
\v 10 ኣባስ ዛዋ ሜዳይ
\q2 ፔንጌኔ ዛዋ ዎዳይ ታና።
\q1
\v 11 ሃይሳ ጋካናዉ ያ!
\q2 ሃይሳፌ ኣፋ!
\q3 ኔ ዎልቃማ ዳምባላይ፥
\q3 ‹ሃይሳን ኤቆ› ጋዲስ።\x - \xo 38፡8-11 \xo*\xt ኤር 5፡22\xt*\x*
\b
\q1
\v 12 «ኢዮቤ! ኔኒ ዬሌቶሶፌ
\q2 ዎንታይ ዎንታና ማላ
\q2 ኣዛዛ ኤራይ?
\q2 ዎንታ ፖኦስካ
\q2 ሶሆ ጊጊሳ ኤራይ?
\q1
\v 13 ዎንታይ ቢታ ቦላ
\q2 ፖኦ ቤሳና ማላ
\q2 ኢታ ኣሳቲ ቆቴቲዳሶፔ
\q2 ቆንጬ ኬዛና ማላ
\q3 ኔ ኢስታ ኣዛዛ ኤራይ?
\q1
\v 14 ዎንታ ፖኦይ ቢታ
\q2 ቃላምኤቲ ዲዛ ማይኦ ማላ
\q3 ቤታና ማላ ኦስ፤
\q2 ማና ሚሻ ቦላ ዲዛ
\q2 ማታሜ ማላ
\q3 ቆንጬን ቤሴስ።
\q1
\v 15 ኢታቲ ፖኦ ዲጌቲዳ፤
\q2 ኢስቲ ማካላቴን ዴንዳ
\q3 ኩሼይካ ሜቂዴስ።
\b
\q1
\v 16 «ኔ ዱጌ ጪማ ኣባን
\q2 ዎዲ?
\q2 ዎጋ ጊታ ኣባ ጋርሳን
\q3 ሲሜሬታ ኤራይ?
\q1
\v 17 ሃይቆ ፔንጌታ ኔና ቤሲዴ?
\q2 ጊርዲ ጊዳ ማ
\q2 ፔንጌታካ ቤያዲ?
\q1
\v 18 ሳኣይ ኣይ ኬና ዳልጋ ጊዲዳኮ
\q2 ኔ ኤራይ?
\q2 ኣኔ ሃይሳ ኡባ ኤሪዛ ጊዲኮ
\q3 ኔ ታስ ዮታ።
\b
\q1
\v 19 «ፖኦይ ዲዛሶ ኤፊዛ ኦጌይ ኣዋኔ?
\q2 ቃሴካ ማይ
\q2 ዴኢዛሶይ ኣዋኮ
\q3 ኔ ኤራይ?
\q1
\v 20 ኔኒ ፖኦኔ ማ
\q2 ኢስቲ ዲዛሶ ዲዛሶ
\q3 ኤፋናስ ዳንዳያዪ?
\q2 ኢስታሶይ ዲዛሶ ኤፊዛ ኦጌዛ
\q3 ኔ ኤራይ?
\q1
\v 21 ኔኒ ቢታይ ሜቲዛ ዎዴ
\q2 ዬሌቲዳ ጊሻሲኔ
\q3 ኔስ ላይይካ
\q2 ዳሮ ጊዲዳ ጊሻስ
\q3 ኔ ኤሮንታ ኣጋካ!
\q1
\v 22 ሻቺ ዎዛ
\q2 ኬን ጌላዲዬ?
\q2 ዎይኮ ኡቲዳ ሻቻ
\q2 ዶሬ ቤያዲ?
\q1
\v 23 ሃይሳ ሃ ሻቻዛ
\q2 ታ ኦላ ጋላሳሲኔ
\q2 ሜቶ ጋላሳስ
\q3 ጎኤታናስ ሚንጃ ዎዳዛ።
\q1
\v 24 ዎልቃን ኣዋፔ ዴንዲዜ?
\q2 ዎይኮ ኣርሼይ ሞኪዛ ባጋፌ
\q3 ጫርኮይ ቢታ ቦላ ላሌቲዛሶ
\q3 ኤፊዛ ኦጌይ ኣዋኔ?
\q1
\v 25 ኢራ ዎዛሶ ጊግሲዳይ
\q2 ዳዳይ ዋላኬቲዳ ኡሾስ
\q3 ኦጌ ጊግሲዳይ ኦኔ?
\q1
\v 26 ኦኒካ ባይንዳ ቢታን
\q2 ኣሲካ ዶንታ ባዞን ኣሺዛይ፥
\q2
\v 27 ኢራይ ቡካና ማላካ
\q2 ኦዛይ ኦኔ?
\q2 ኣሲ ባይንዳ ሶሆዛኔ
\q2 ባዞ ቢታ
\q3 ሃ ካልሲዳይ
\q3 ቢታይካ ማታ ሞካና ማላ
\q3 ኦዳይ ኦኔ?
\q1
\v 28 ኢራኔ ጻዛ ኢሚዛይ ኦኔ?
\q1
\v 29 ሻቺኔ ኬንቾ
\q2 ኢሚዛይ ኦኔ?
\q1
\v 30 ኬንቾ ሃ ሹቻ ማላ
\q2 ሚንስ፤
\q2 ኣባ ሃካ ሻቻ
\q2 ሹቻታና ማላ ኦስ።
\b
\q1
\v 31 «ፒሊያዲሴ ጌቴቲዛ ጾሊንቴታ
\q2 ኢሲ ቦላ ቃቻናስ ዳንዳያይ?
\q2 ኦሪዮ ጌቴቲዛ ጾሊንቴቲ
\q3 ኢሲ ቦላ ኦይኬቲዳ ዎዶሮዛ
\q3 ዱናዉ ዳንዳያይ?\x - \xo 38፡31 \xo*\xt ኢዮ 9፡9፤ ኣሞ 5፡8\xt*\x*
\q1
\v 32 ጾሊንቴታ ኡባ
\q2 ኢስታ ዎዴን ዎዴን
\q2 ኬሳናዉ ዳንዳያይ?
\q2 ዛርዶ ጌቴቲዛ ዶኣ
\q2 ሜይ ዲዛ ጾሊንቴ፥
\q3 ኢስታ ማራታራ
\q2 ኔ ካሌናዉ ዳንዳያይ?
\q1
\v 33 ሳሎቲ ኣይ ማላ ዎጋን
\q2 ኣቂዛኮ ኤራይ?
\q2 ሃይሳ ሃ ዎጋዛካ
\q2 ቢታ ቦላ ኦሲሳና ዳንዳያይ?
\b
\q1
\v 34 «ዳሮ ኢራ ኔስ ቡኪሳና ማላ
\q2 ሻራ ኔ ኣዛዛናዉ ዳንዳያይ?
\q1
\v 35 ዎልቃን ኔ ኣዛዞን ዎልቃሚዜ?
\q2 ዎልቃን ኔ ዬዳናስ ዳንዳያይ?
\q3 ኢስቲካ ኔስ፥
\q3 ‹ሄኮ ኑ ሃን ዶስ› ጊ ኤሪዞ?
\q1
\v 36 ዎዚናስ ጪንጫቴ
\q2 ቆፓናስ ካሃ ኢሚዳይ ኦኔ?
\q1
\v 37 ባ ኤራን ሻራታ ቆዳናስ
\q2 ዳንዳይዛይ ኦኔ?
\q2 ሳሎፔ ሃ ዱጌ ቲጋናስ
\q3 ዳንዳይዛይ ኦኔ?
\q1
\v 38 ጉዱላ ኦይሴዲ
\q2 ጳሼ ኬሳናስ
\q2 ዳንዳይዛይ ኦኔ?
\b
\q1
\v 39 «ማጫ ጋሞይ ዎራ ጊዶን
\q2 ዛማዳ ኡቲዳሺን
\q2 ኔ ኢዚስ ሚዛ ሚሽ ሻንካታዳ
\q3 ኢማናስ ዳንዳያይ?
\q1
\v 40 ዎይኮ ጋፊ ኡቲዳ ኢዚ ማራታ
\q2 ካልሳናዉ ዳንዳያይ?
\q1
\v 41 ቁሮቲ ጋፊዲ ቢቻሪዛ ዎዴ
\q2 ኢስታ ጪዬቲካ ሚዛ ሚሽ
\q3 ይዲ ታኮ ዋሲዛ ዎዴ
\q3 ኢስታስ ሚዛ ሚሽ
\q3 ኢሚዛይ ኦኔ?
\c 39
\q1
\v 1 «ጌኔሳቲ ዬሊዛ ዎዴ ኔ ኤራይ?
\q2 ዉሻ ጌቴቲዛ ዶኣይ ሚጻቲዲ
\q3 ዬሊሺን ቤያ ኤራይ?
\q1
\v 2 ኢስቲ ሴባቲዲ
\q2 ኣይ ላጌ ዎዴ ጋምኢዛኮ
\q2 ኣዉዴ ዬሊዛኮ ኔ ኤራይ?
\q1
\v 3 ጉልባቲ ሚጻቲሼ ባንታ ማራታ
\q2 ኢስቲ ዬሊዛይ
\q2 ኣዉዴኮ ኔ ኤራይ?
\q1
\v 4 ኢስታ ማራቲ
\q2 ዎራን ዲጪዲ ሚኔቴስ፤
\q2 ኢስታፌ ሻኬቲዲ ቤቴስ፤
\q3 ቢዳፔ ጉዬ
\q2 ባንታ ኣዬታኮ ሲሜቴና።
\q1
\v 5 ሃርዲዳይ ዬዳ ዳና ማላ
\q2 ኦዳይ ኦኔ?
\q2 ኢስታ ቃሾፔ ቢርሺዳይ ኦኔ?
\q1
\v 6 ባዞዛ ኢስታስ
\q2 ዲዛሶ ሂስታ ኢማዲስ፤
\q2 ማጺኔይ ዲዛ ዴምባን
\q3 ኢስታ ዎዲስ።
\q1
\v 7 ካቺ ዳሪዛ ካታማታፔ
\q2 ሃኪዲ ዴቴስ፤
\q2 ጉዬራ ላጊዛይቲ
\q2 ቆዲዛይሳ ዶሴቴና።
\q1
\v 8 ዙማታ ቦላን ፔኤቴስ፤
\q2 ሄን ባስ ጊዲዛ
\q3 ጪሊላ ማታ ኮዬቴስ።
\b
\q1
\v 9 «ሜን ኔስ ኦናስ
\q2 ኤኖ ጋንዴ?
\q2 ዎይኮ ኔ ዜን
\q2 ኤኖ ጊ ኤቃንዴ?
\q1
\v 10 ሜን ዋጻዳ
\q2 ጎሽ ጎያናዉ ዳንዳያይ?
\q1
\v 11 ኢዛ ሚኖቴን ኔ ኣማኔታይ?
\q2 ኔስ ዴጺዛ ኦሶዛ
\q3 ኢዚ ኦና ማላ
\q3 ኢዛስ ኣጋ ኤራይ?
\q1
\v 12 ኢዚ ኔኮ ሲሚ ያና ማላ፥
\q2 ኔ ካ ቡኪዛ ባሌይ ዲዛሶ
\q3 ሚያናይሳ ኣማኔታይ?
\b
\q1
\v 13 «ያንቻይ ባ ቄፌ
\q2 ኤሶን ሚጫዉስ፤
\q2 ጊዶ ኣቲን
\q2 ሳንጋኖ ካፎ ማላ ፒራኩ።
\q1
\v 14 ያንቻይ ባ ጱጱሌ
\q2 ቢታን ዬጋዉስ፤
\q2 ቢታ ጊዶን ኡቲዲ
\q3 ሆኣና ማላ ኦዉስ።
\q1
\v 15 ‹ሄራ ኣዛዴይ
\q2 ባ ቶሆን ሜንስ፤
\q2 ዎራ ዶኣቲካ
\q2 ዬ ሊቂሴቴስ›
\q3 ጋዳ ቆፑኩ።
\q1
\v 16 ባ ጪዬታስ ኣላጋ ማላ
\q2 ሜንጼ ኢታዉስ፤
\q2 ኢዚ ዳቡራይ ሃዳን ኣቲኮካ
\q3 ዉዳ ጉኩ።
\q1
\v 17 ሃይሳ ኢዚስ ጪንጫቴ
\q2 ይሳዳ ኢዛ ኤሮንታ ማላ
\q2 ኦዳይ ታና።
\q1
\v 18 ኢዛ ዴንዳዳ ዎጺዛ ዎዴ፥
\q2 ባናራ ጋዴ ዎጺዛ
\q3 ቶጋታ ቦላ ሚጫዉስ።
\b
\q1
\v 19 «ኢዮቤ! ፓራታስ ዎልቃ
\q2 ኢሚዳይኔ ኣዱሳ ጋማ
\q2 ኢስታ ሞርጌን ማይዚዳይ ኔኔ?
\q1
\v 20 ፓራታ ቦሌ ማላ ጉፒዛይ
\q2 ኢስቲ ሃርቡቂሼ ኣሳታ
\q2 ዳጋንና ማላ
\q2 ኦዛይ ኔኔ?
\q1
\v 21 ፓራቲ ኦላ ዴምባ ቶጌቲ ቢሼ፥
\q2 ባንታ ዎልቃንካ ጬቄቲሼ፥
\q3 ሎዳን ኣዳራሶ ዶሜቴስ።
\q1
\v 22 ያሽ ጊዛ ሚሽ ሙሌካ ኤሬቴና፤
\q2 ኣይ ሚሺካ
\q2 ኢስታ ዳጋንና፤
\q3 ኢስታ ቦላ ጊ ማሻ
\q3 ዴንዳኮካ
\q3 ጉዬ ሲሜቴና።
\q1
\v 23 ኢስታ ቶጊዛ ኦላንቻቲ
\q2 ኦይኪዳ ኦላ ሚሻቲ፥
\q2 ዋዋጪ ጊሼ ባንታ ጊዶን
\q3 ጊሬቲሼ ሲዬቴቴስ።
\q1
\v 24 ዛዬይ ዛዬቲሺን ጮኡ ጊ
\q2 ኤቃናዉ ዳንዳዬቴና፤
\q2 ዪሎኒኔ ሃንቆን ኩሚዲ
\q3 ኦላ ዴምባ ዎጼቴስ።
\q1
\v 25 ዛዬይ ፑኔቲዳ ታይቦን
\q2 ኡፋይሳን ዋይቄቴስ፤
\q2 ሃኮን ዲሼ ኦላ ፔኖ ኤሬቴስ፤
\q3 ኦላ ካሌዛይቲ
\q3 ኢሚዛ ኣዛዞዛኔ
\q3 ኦላንቻታ ጬቄቴ ሲዬቴስ።
\b
\q1
\v 26 «ጺሎይ ሳሎ ቦላ ፓሊዛይ፥
\q2 ኢዚ ባ ቄፌዛ ዱጌሃ ሚጪዛይ
\q3 ኔ ኤራቴኔ?
\q1
\v 27 ጎሌይ ፑዴ ኬኢዲ
\q2 ቃሶሆን ባ ኬ ኬጺዛይ
\q3 ኔ ኣዛዚኔ?
\q1
\v 28 ጎሌይ ዛላታ ጊዶን ኣቄስ፤
\q2 ኬልካ ጊዶን ባ ኬ ኬጼስ፤
\q3 ዛላቲካ ኢዛስ
\q3 ቆቴቲዛሶ ጊዴቴስ።
\q1
\v 29 ሄን ኡቲዲ ባስ
\q2 ሚዛ ሚሽ ጼሌስ፤
\q2 ኢዛ ኣይፌቲካ
\q3 ሃኮን ዲዛዝ ዴሜቴስ።
\q1
\v 30 ሃይሳ ማላን ጎሌቲ
\q2 ሚዛዚ ዲዛሶ ሺቄቴስ፤
\q2 ኢስታ ጪዬቲካ
\q3 ሱ ኡዬቴስ» ጊዴስ።\x - \xo 39፡30 \xo*\xt ማቶ 24፡28፤ ሉቃ 17፡37\xt*\x*
\c 40
\p
\v 1 ቃሴካ ጾሲ ኢዮቤስ፥
\q1
\v 2 «ኢዮቤ! ኣሲ ኡባ
\q2 ዳንዳይዛ ጾሳራ ማርሼቲዲ
\q3 ላና ኔስ ሚሳቲዜ?
\q2 ታናራ ጾሳራ ማርሼቲዛይ
\q2 ኔና ጊዲዳ ጊሻስ
\q3 ኣኔ ታስ ዛራ» ጊዴስ።
\q1
\v 3 ኢዮቢ ዛሪዲ፥
\q1
\v 4 «ጎዶ! ታኒ ኣይኮ ማዶንታ
\q2 ላፋ ኣሳ፥
\q2 ሃኒፌ ጉዬ ታ ኩሼን
\q3 ታ ዶና ጎርዳዳ፤
\q3 ጮኡ ጉሳፌ ኣቲን
\q3 ኔስ ታ ዛራና ዛሮይ
\q3 ታስ ዴና።
\q1
\v 5 ታኒ ኢሲቶ ጋናይሳ ጋዲስ፤
\q2 ጊዶ ኣቲን ታስ
\q2 ዛሪዛ ሚሺ ባዋ፤
\q3 ሃይሳፌ ጉዬ ኡባካ
\q3 ታ ሃሳይኬ» ጊዴስ።
\q1
\v 6 ሄሳፌ ጉዬ ጎዳይ
\q2 ጎቴ ጫርኮ ጊዶን ጊዲዲ
\q3 ኢዮቤስ ሂዝጊዴስ፥
\b
\q1
\v 7 «ኣኔ ኣዴ ጊዲኮ ዴንዳዳ ጊጼታ፤
\q2 ታ ኦይቺዛይሳ ታስ ዛራ።
\q1
\v 8 ታና ፒርዳ ጌላሲዛዴ ኬሳዳ
\q2 ኔና ጺሎ ኣስ ኬሳናስ ዳፌታይ?
\q1
\v 9 ጾሳ ዎልቃ ማላ
\q2 ሚኖ ዎልቃይ ኔስ ዲዜ?
\q2 ጾሳ ቃላ ጉን ማላ
\q3 ኔ ቃላይ ጉማናዉ
\q3 ዳንዳይዜ?
\q1
\v 10 ሄሳ ማላ ጊዲኮ
\q2 ኣኔ ኔ ቦንቾኒኔ
\q2 ኔ ጊታቴን ዴንዳ!
\q3 ኔ ቴማቴኔ
\q3 ጊታቴ ማይኣ።
\q1
\v 11 ኦቶራንቻታ ቤያዳ ካዉሻ፤
\q2 ኔ ሃንቆዛ ኢስታ ቦላ ጉሳ።
\q1
\v 12 ኣኔ ሎኤ ጼላዳ
\q2 ኦቶራንቻታ ኡባ ዬላቻ፤
\q2 ኢታ ኦዛይታ
\q3 ኢስቲ ዲዛሶን ሄን ይሳ።
\q1
\v 13 ኢስታ ኡባ ሞጎ ማይኦን ጻጻዳ
\q2 ኢሲ ቦላ ዱፎን ሞጋ።
\q1
\v 14 ሄሳፌ ጉዬ ኔኒ
\q2 ኔ ዎልቃን ጾኒዛይሳ
\q2 ታኒ ኔስ ማርካታና።
\b
\q1
\v 15 «ታኒ ኔና ሜዳይሳ
\q2 ሆሪቄ ጌቴቲዛ
\q2 ዶኣ ሜዲስ፤
\q3 ኢዚካ ቦራ ማላ ማታ ሜስ።\fig ሆሪቄ|alt="Hippopotamus" src="BK00026B.TIF" size="col" ref="40፡15"\fig*
\q1
\v 16 ኢዛስ ጼሳን ዲዛ ዎልቃ ቤያ፤
\q2 ኢዛስ ኡሎ ጊዶን ዲዛ
\q2 ሻያ ሚኖቴ ጼላ።
\q1
\v 17 ኢዛስ ጎይናይ
\q2 ሊባኖሴ ዚጋ ሚ ማላ
\q3 ሲቲ ጊዳይሳ፤
\q2 ኢዛስ ጌዳ ጻጶቲካ
\q2 ሚኖኔ ኦርዴታ።
\q1
\v 18 ኢዛ ሜቄቲካ ጻርቂማላኔ
\q2 ቢራታ ማርጮ ማላ ሚኖታ።
\q1
\v 19 ታ ሜዳ ሜታ
\q2 ኡባፌ ዎልቃማ፤
\q2 ታፔ ኣቲን ኢዛ ጾናናይ
\q2 ሃራይ ዴና።
\q1
\v 20 ዎራ ዶኣቲ ኡባይ ካኢዛ ዙማይ፥
\q2 ኢዛስ ሚዛ ሚሽ ሞኪሴስ።
\q1
\v 21 ኩዋይ ዲዛ ሚ ጋርሳን፥
\q2 ማቃ ጊዶኒኔ
\q2 ሃ ዲዛሶ
\q2 ጫሬ ጊዶን ኢቼስ።
\q1
\v 22 ኩዋይ ዲዛ ሚቲ
\q2 ኢዛ ባንታ ኩዋን ጌንቴስ፤
\q2 ሻፋ ዶናን ዲጪዛ ሚቲ
\q3 ኢዛ ካሜቴስ።
\q1
\v 23 ሻፋ ሃ ኪጻስ
\q2 ኢዚ ዳጋሜና፤
\q2 ዮርዳኖሴ ሻፋይ
\q3 ኬሂ ኩሚዲ ጎጊንካ
\q3 ኢዚ ያዬና።
\q1
\v 24 ኢዛ ኣይፌታ ቶይሲዲ
\q2 ኢዛ ኦይካና ኣሲ ዲዜ?
\q2 ኢዛ ሲካ ዳፎን ቃቺዲ
\q3 ኢዛ ኦይካናስ ዳንዳይዛይ ኦኔ?
\c 41
\q1
\v 1 «ኔኒ ሌዋታኔ ጌቴቲዛ
\q2 ኣባ ጊዶን ዲዛ ዶኣ
\q3 ሞሌ ኦይኪዛ ማንጻኮን
\q3 ኦይካናስ ዳንዳያይ?
\q3 ዎይኮ ኢዛ ኢንጻርሳ
\q3 ዎዶሮን ቃቻናስ ዳንዳያይ?\x - \xo 41፡1 \xo*\xt ማዛ 74፡14፤ 104፡26፤ ኢሳ 27፡1\xt*\x*
\q1
\v 2 ኢዛ ሲዛን ዳፎ ኣዳ፥
\q2 ዎይኮ ኢዛ ጋጮዛ
\q3 ማንጻኮን ጌልዳ፥
\q3 ኦይካናስ ዳንዳያይ?
\q1
\v 3 ኢዚ፥ ‹ታና ማራርኪ!› ጊ
\q2 ኔና ዎሳኔ?
\q2 ዎይኮ ሎኦ ቃላን
\q2 ኔና ኦይቻንዴ?
\q1
\v 4 ኔስ ሜርናስ ኣይሌ ጊዲዲ
\q2 ኔስ ኦናዉ
\q2 ኢዚ ኔስ ቃላ ጌላኔ?
\q1
\v 5 ኣሳራ ሜዜ ካፎ ማላ
\q2 ኔ ኢዛ ኔናራ ሜዜሳኔ?
\q2 ዎይኮ ኔስ ማጫ ናይታ
\q2 ካሳና ማላ
\q2 ኔ ቃቻ ዎኔ?
\q1
\v 6 ሞሌ ዛልኣንቻቲ
\q2 ኢዛ ሻማናዉ
\q2 ሚሻን ማርሼታኔ?
\q2 ዎይኮ ቃንጼሬዲ
\q3 ኢዛ ባንታስ ጊሼታኔ?
\q1
\v 7 ኢዛ ጋልባካ ኔ ኮዪዳሶራ
\q2 ቶራን ጫዳ ዳካናስ
\q2 ዳንዳያይ?
\q2 ዎይኮ ኢዛ ሁኤዛ
\q2 ሆጼ ሚሻን
\q3 ጫዳ ሉካናዉ ዳንዳያይ?
\q1
\v 8 ኣኔ ኔኒ ኢዛ ዳንዳያና ጊዲኮ
\q2 ኩሼን ቦቻ!
\q2 ኢዛራ ኔ ባጼቲዳ ባጼ
\q2 ዎዴናዉካ ባላካ፤
\q3 ናምኣን ኢዛራ
\q3 ኔ ባጼታናስ ካጃላካ።
\q1
\v 9 ሌዋታኔ ጌቴቲዛ
\q2 ኣባ ጊዶ ዶኣራ ባጼቲዲ
\q2 ኢዛ ጾናና ካጃሎስ
\q2 ሌይ ዴና።
\q2 ኢዛ ቤኢዛ ኡባይ
\q3 ባቦን ኮኮሬስ።
\q1
\v 10 ኢዛ ቦላ ሜቶ ጋና ጉሲ፥
\q2 ሄሳ ኬና ዴጾ ጊዲኮ፥
\q3 ሂስቲን ታናራ ኤቄታናስ
\q3 ጻሊዛዴይ ኢዚ ባስ ኦኔ?
\q1
\v 11 ሳሎፔ ጋርሳን ዲዛ ሚሺ
\q2 ዉሪካ ታሳ፤
\q2 ሂስቲን ታ ኢዛስ ዛራና ማላ
\q3 ታስ ታልኢዳይ ኦኔ?
\q1
\v 12 ሌዋታኔ ጌቴቲዛ
\q2 ኣባ ዶኣ ጊሻስ፥
\q2 ኢዛ ሚኖ ዎልቃ ጊሻሲኔ
\q2 ኢዛስ ሎኢዛ ቦላ ጊሻስ፥
\q2 ታ ቆንጪሶንታ ኣጊኬ።
\q1
\v 13 ኦርዴ ጊዲዳ ኢዛ ጋልባ ሾቃናስ፥
\q2 ዎይኮ ኢዛ ባንቂላ ፖቃናስ
\q3 ዳንዳይዛይ ኦኔ?
\q1
\v 14 ኬሂ ያሺሲዛ ኣቻቲ ዲዛ
\q2 ኢዛ ባንቂላታ ፖቃና
\q3 ዳንዳይዛይ ኦኔ?
\q1
\v 15 ኢዛስ ዞኮ ጋልባይ
\q2 ማራራ ኡቲዳ ጎንዳሌታ ማላ፤
\q3 ኣዳፌ ሺዲ ኦይኬቲዳይታ።
\q1
\v 16 ኢስቲ ኢሶይ ኢሳራ
\q2 ሺጲ ጊዳ ጊሻስ
\q2 ኢስታ ጊዶራ ሃራይ ኣቲን
\q3 ጫርኮይካ ኣና።
\q1
\v 17 ኢስቲ ኡባይካ ኢሶይ ኢሳራ
\q2 ኦይኬቲ ኡቲዳ ጊሻስ
\q2 ኣይ ሚሺካ
\q2 ኢስታ ሻካናዉ ዳንዳዬና።
\q1
\v 18 ኢዚ ሺዛ ዎዴ
\q2 ጾጾልቁ ጊዛ ፖኦይ ቤቴስ፤
\q2 ኢዛ ኣይፌቲካ ዎንታ ማላዶ
\q3 ኣርሼ ማላ ፖኤቴስ።
\q1
\v 19 ኢዛ ዶናፔ ታማ ላጮይ ኬዜስ፤
\q2 ታማ ፒንጼካ
\q2 ላሌቲሼ ቤቴስ።
\q1
\v 20 ፔንቲዛ ዲስቴይ
\q2 ኡቲዳ ጮጬን ዲዛ
\q2 ኣፊራይ ጩዋቲዛ ማላ፤
\q2 ኢዛ ሲፔ ጩዋይ
\q3 ኬዚሼ ቤቴስ።
\q1
\v 21 ኢዚ ሼምፒዛ ሼምፖዛ ሴላይ
\q2 ጺጺን ኦይሴስ፤
\q2 ታማ ላጮይካ ኢዛ ዶናፔ ኬዜስ።
\q1
\v 22 ኢዛ ሞርጌን ዎልቃይ
\q2 ኩሚዳ ጊሻስ
\q2 ኢዛ ሲንይ ያሺሴስ።
\q1
\v 23 ኢዛ ኣሾይ ዲላኣ ጊዲዳ ጊሻስ
\q2 ኢዛ ቦላይ ቢራታ ማላ ሚኔስ።
\q1
\v 24 ኢዛስ ቲራይ ሹቻ ማላ ሚኖ፤
\q2 ጋጪዛ ዎጻ ማላካ ሚኖ።
\q1
\v 25 ሃ ዶኣዚ ዴንዲዛ ዎዴ
\q2 ዎልቃማቲ
\q2 ኣቶንታ ባቦን ኮኮሬቴስ።
\q1
\v 26 ኣይ ማሻኒኔ ቶራን
\q2 ዎይኮ ዎንዳፌኒኔ
\q2 ጫዲዛዛን
\q3 ኢዛ ኢስቲ ጫዲኮካ ጾኔቴና።
\q1
\v 27 ኢዚ ቢራታ ማቃ ማላ
\q2 ሜንሬስ፤
\q2 ጻርቂማላካ ሙሳ ሚ ማላ
\q2 ቲፌሬስ።
\q1
\v 28 ኢዛ ቦላ ዎንዳፌ ጾንጊኮካ
\q2 ኢዚ ያዪዲ ባቃቴና፤
\q2 ያንባርሻ ሹቺካ
\q3 ኢዛ ሲንን ኢሺና ማላ።
\q1
\v 29 ኮጼ ማታ ማላ ቆዴስ፤
\q2 ኣሲ ኢዛ ቦላ ቶራ ጾንጊሺን
\q3 ቂ ሚች ሚጬስ።
\q1
\v 30 ኢዛስ ኡሎ ጋልባ ሃንቻዚ
\q2 ኢዚ ኡርቃ ጊዶራ ቢሺን
\q3 ቢታ ማራሻ ማላ ቦኬስ።
\q1
\v 31 ኣባ ሃ ፔንታ ማላ ፖጪሴስ፤
\q2 ኦቶን ፔንቲዛ
\q3 ዛይቴ ማላ ፖሴስ።
\q1
\v 32 ኢዚ ኣ ቢዛ ኦጌይ ፖኢሴስ፤
\q2 ኣባ ሃካ
\q2 ሆሞ ጮፑ ሂስቴስ።
\q1
\v 33 ኢዚ ያሽ ኤሮንታ ሜታ፤
\q2 ቢታ ቦላ ኢዛ ሚሳቲዛ ሜታይ
\q3 ሙሌካ ዴና።
\q1
\v 34 ኬሂ ጊታ ጊዲዳ ሜታታካ
\q2 ኢዚ ካስ፤
\q2 ኢዚ ዶኣ ኡባ ቦላ ካዎ።»
\c 42
\s ኢዮቢ ባና ካዉሺዴስ
\p
\v 1 ሃይሳፌ ጉዬን ኢዮቢ ጾሳስ ሂዝጊ ዛሪዴስ፤
\q1
\v 2 «ታ ጎዳዉ!
\q2 ኔኒ ኡባ ሚሽ ኦናስ
\q3 ዳንዳይዛይሳ ታ ኤራዲስ፤
\q2 ኔ ቆፋካ
\q2 ጲ ዲጋናይ ዴና።
\q1
\v 3 ታ ኤሪዛራ ኬሂ ጉ ጊዲሺን
\q2 ታ ዳሮ ሃሳይዛይሳ
\q2 ኣዛስ ጊዲዳኮ
\q2 ኔ ኦይቻዳሳ፤
\q2 ቱሙካ ታኒ ኤሮንታይሳኔ
\q3 ኣኬኮንታ ኡባ ሃሳያዲስ።\x - \xo 42፡3 \xo*\xt ኢዮ 38፡2\xt*\x*
\q1
\v 4 ‹ታ ኦይሻ ኤዝጋ ሲያዳ
\q3 ታስ ዛሮ ኢማ› ጋዳሳ።\x - \xo 42፡4 \xo*\xt ኢዮ 38፡3\xt*\x*
\q1
\v 5 ታ ሃኖ ጋካናስ ኔ ጊሻስ ኤሪዛይሲ
\q2 ኣሳፔ ሲዮይሳን ጻላ፤
\q2 ሃኢ ጊዲኮ ታ ኣይፌታን
\q3 ታ ኔና ቤያዲስ።
\q1
\v 6 ሄሳፌ ዴንዲዳይሳን
\q2 ታ ሃሳይዳ ሚሻቲ
\q3 ታና ዬላቺዳ ጊሻስ
\q3 ቢዲንኒኔ ጉዱላን ኡታዳ
\q3 ታ ኔፔ ማሬታና።»
\s ኩሻ ቆፋ
\p
\v 7 ጾሲ ኢዮቤራ ሃይታንታ ኡባ ሃሳዬቲዳፔ ጉዬ ቴማኔ ዴሬ ኣስ ኤልፋዜስ፥ «ኢንቴ ታ ኣይሌ ኢዮቤ ማላ ታ ጊሻስ ሊኬ ሃሳዮንታ ጊሻስ ታኒ ኔ ቦላኔ ኔ ላጌታ ቦላ ሃንቄታዲስ። 
\v 8 ሄሳ ጊሻስ ሃኢ ላፑን ዎፋኖታኔ ላፑን ርሾታ ኤኪዲ ታ ኦሳንቻ ኢዮቤኮ ቢቴ። ሄን ኢንቴ ናጋራ ጊሻስ ጹጌቲዛ ያርሾ ሺሺቴ። ታ ኦሳንቻ ኢዮቢ ኢንቴስ ዎሳና፤ ታኒካ ኢዛ ዎሳ ሲያዳ ኢንቴና ኢንቴ ናጋራ ማላ ቃጻይኬ። ኢንቴ ታስ ኢዮቤ ማላ ሎኦ ሚሽ ሃሳይቤኬታ» ጊዴስ።
\p
\v 9 ሄሳፌ ጉዬ ቴማኔ ዴሬ ኣስ ኤልፋዜይ፥ ሹሃ ዴሬ ኣስ ቤሊዳዲኔ ናኢማኔ ዴሬ ኣስ ዞፋሬይ ቢዲ ጾሲ ኢስታ ኣዛዚዳ ማላ ኦዳ። ጾሲካ ኢዮቤ ዎሳ ሲዪዴስ።
\p
\v 10 ኢዮቢ ባ ሄ ላጌታስ ዎሲዳፔ ጉዬ ጾሲ ኢዚ ዛሪ ዱሬታና ማላ ኦዴስ። ካሴ ኢዛስ ዲዛይሳፌ ኣዲ ዳኮ ኢዛስ ኢሚዴስ።\x - \xo 42፡10 \xo*\xt ኢዮ 1፡1-3\xt*\x* 
\v 11 ሄ ዎዴ ኢዮቤ ኢሻቲ፥ ኢዛ ሚቼቲኔ ካሴ ኢዛ ኤሪዛይቲ ኡባይ ኢዛ ቤያናስ ዪዳ። ኢዛራ ኢሲፌ ኢዛሶን ካ ሚዳ፤ ኢስቲ ኢዛስ ሚሼቲዛይሳ ቆንጪሲዲ ጾሲ ኢዛ ቦላ ጋዳ ሜቶዛ ጊሻስ ኢዛ ሚንዳ። ኢሶይ ኢሶይ ቢራፔኔ ዎርቃፌ ኦሴቲዳ ሚዲጋ ኢዛስ ኢሞታ ኢሚዳ። 
\v 12 ጾሲ ኢዮቤስ ዉርሴ ዴኦዛ ኮይሮይሳፌ ኣ ኣንጂዴስ። ሄሳ ጊሻስ ኢዮቤስ 14,000 ዶርሲ፥ 6,000 ጋሜላቲ፥ 1,000 ዋ ቦራቲ፥ 1,000 ማጫ ሃሬቲ ዴቴስ። 
\v 13 ቃሴካ ላፑን ኣቱማ ናይታኔ ሄ ማጫ ናይታ ዛሪ ዬሊዴስ። 
\v 14 ማጫ ናይታፔ ኮይሮሮ ዪሚማ፥ ናምኣንዮ ቄጺኦ፥ ሄንዮ ቄሬኔ-ሃፊኮ ጊዲ ሱንዴስ። 
\v 15 ቢታ ቦላ ኢዮቤ ማጫ ናይታ ማላ ሜ ሎኦ ማጫይ ቤቲቤና። ኢስታ ኣዋይ ኢስታስ ኢስታ ኢሻታራ ቢታ ላታና ማላ ሻኪ ኢሚዴስ።
\p
\v 16 ሄሳፌ ጉዬ ኢዮቢ 140 ዴኢዴስ። ባ ናይታ ኦይዳን ዬሌታ ጋካናስ ቤዪዴስ። 
\v 17 ኢዮቢ ዳሮ ላይ ዲዲ ሎኦ ጪማ ጪሚዲ ሃይቂዴስ።