\id JER - Gamo Full Bible final version
\ide UTF-8
\h ኤርማሳ ቲንቢቴ
\toc1 ኤርማሳ ቲንቢቴ
\toc2 ኤርማሳ ቲንቢቴ
\toc3 ኤር
\mt ኤርማሳ ቲንቢቴ
\imt ጊዶ ቆፋ
\ip ቲንቢቴ ዮቲዛ ኤርማሲ ኪርስቶሲ ዬሌታናፔ ካሴ ላፑን ጼቱ ላይ ዉርሴኒኔ ኡሱፑን ጼቱ ላይ ዶሜቲዛ ዎዴ ዴኢዴስ። ኤርማሲ ዳሮ ዎዴ ኦዳ ባ ኦሶን ኢስታ ኤቃ ጾሳ ጎይኖኒኔ ኢስታ ናጋራ ኦሶ ጋሶን ጾሳ ኣሳ ቦላ ጊታ ባሺ ጋካናይሳ ሚንዲ ኤሪሲዴስ፤ ኢዚ ዮቲዳ ቲንቢቴታፔ ባጋይ ፖሌቲዛ ዎዴ ፓጻ ዲዲ ባ ኣይፌን ቤኢዴስ። ባቢሎኔ ካዎ ናቡካዳናጾሬይ ዬሩሳላሜ ኦይኪዲ ካታማዮኔ ጾሳ ኬ ላሎይሳ፥ ዩሁዳ ካዎይኔ ኣሳፔካ ዳሪዛ ባጋይ ዲኤቲዲ ባቢሎኔ ቢዳይሳ ቤኢዴስ። ጉጂዲካ ኤርማሲ ኣሳይ ዲኦፔ ሲማናይሳኔ ኢስራኤሌ ካዎቴ ሲሚ ኤቃናይሳ ካሴቲዲ ዮቲዴስ።
\ip ኤርማሳ ማጻፋ ኦይዱ ኬሲዲ ቤኣናስ ዳንዳዬቴስ። 1። ኢዮሲያሳ፥ ኢዮኣቄሜ፥ ኢዮኣኪኔኔ ሴዴቂያሳ ካዎቴ ላይታን ዩሁዳ ኣሳሲኔ ኢስታ ካሌዛይታስ ጾሳፌ ዪዳ ቃላ። 2። ዱማ ዱማ ቲንቢቴታ፥ ኤርማሳ ዴኦን ፖሌቲዳ ኣይፌ ዮኦታኔ ኤርማሳ ጻፌ ባሮኬይ ጻፊ ዎዳ ዮኦታ። 3። ዱማ ዱማ ኣላጋ ቢታ ኣሳስ ጾሳፌ ዮቴቲዳ ቲንቢቴ ቃላ። 4። ዬሩሳላሜ ኦይኬቴኔ ኣሳይ ዲኤቲዲ ባቢሎኔ ባናይሳ ዮቲዛ ጉጆ ታሪኬታ።
\ip ኤርማሲ ባ ኣሳ ኬሂ ዎዚናፔ ሲቂዛዴኔ ኢስታ ቦላ ባሻ ፒርዳ ቲንቢቴ ኣናስ ኬሂፔ ዳሮ ኢጺዛ ኣሳ። ናቤቴን ኢዚ ኦና ማላ ጾሲ ኢዛ ጼይጊዳ ጊሻስ ባና ጋኪዳ ሜቶ ጋሶን ኢዚ ጬጪዳ ሚኖ ጬጬይ ኢዛ ማጻፋ ጊዶን ዳሮ ሶሆን ጻፌቲ ኡቲዴስ። ጾሳ ቃላይ ኢዛ ዎዚና ጊዶን ታማ ማላ ጹጊዛ ጊሻስ ካሚዲ ዲጋናስ ዳንዳዮንታይሳ ቆንጪሲዴስ።
\ip ሃ ማጻፋን ዲዛ ጊታ ቲንቢቴ ቃላታፔ ኢሶቲ ኢሶቲ ሜቶይ ኩሚዳ ኤርማሳ ላይፌ ካንዲ ጾሲ ኢስታስ ኢሚዛ ኦራ ጫቆ ቃላይ ፖሌታና ዎዴዛ ቤሲዛይታ፤ ሄ ኦራ ጫቆ ቃላይ ኣሳ ዎዚናን ጻፌቲዛ ጊሻስ ኢስታ ኣኬኪሲዛ ኣስታማሬ ኮሾንታ ኢስታ ናጋና። (31፡31-34)።
\iot ሃ ማጻፋይ ኦይኪዳ ኩሜ ቆፋ
\io1 ጾሳን ኤርማሳ ዶሬቴ \ior 1፡1-19 \ior*
\io1 ዩሁዳ ቦላኔ ኢስራኤሌ ቦላ ጾሲ ኤሃና ቂጻቴ \ior 2፡1—25፡38 \ior*
\io1 ዎርዶ ናቤታራ ኤርማሳ ኤቄቴ \ior 26—29 \ior*
\io1 ጾሲ ባ ዴራ ዲኤቲዳሶፔ ዛራናይሳ \ior 30—33 \ior*
\io1 ዱማ ዱማ ኤርማሳ ኦሶታ \ior 34—38 \ior*
\io1 ዬሩሳላሜ ኩንዴኔ ዩሁዳን ሜቲዳ ሃኖታ \ior 39—42 \ior*
\io1 ጊብጼ ቢታን ኤርማሳ \ior 43—44 \ior*
\io1 ባሮኬስ ኪቴቲዳ ኪታ \ior 45 \ior*
\io1 ናቤዚ ዱማ ዱማ ዴሬታስ ዮቲዳ ቲንቢቴ \ior 46—51 \ior*
\io1 ዬሩሳላሜ ኩንዴ ጊሻስ ዮቴቲዳ ዮኦታ \ior 52 \ior*
\c 1
\p
\v 1 ቢኒያሜ ቢታን ኣናቶቴ ካታማን ዲዛ ቄሴታፔ ኢሳ ኪልቂያሳ ና ኤርማሲ ዮቲዳ ቃላይ ሃይሳፌ ካሊዛይሳ። 
\v 2 ኣሞኔ ና ዩሁዳ ካዎ ኢዮሲያሲ ካዎቲዳ ታማኔ ሄን ላይን ጎዳ ቃላይ ኤርማሳኮ ዪዴስ።\x - \xo 1፡2 \xo*\xt 2ካዎ 22፡3—23፡27፤ 2ታሪ 34፡8—35፡19\xt*\x* 
\v 3 ቃሴ ኢዮሲያሳ ና ዩሁዳ ካዎ ኢዮኣቄሜይ ካዎቲዳ ላይታን ጎዳ ቃላይ ኤርማሳኮ ዪዴስ። ሄሳፌ ጉዬ ኢዮሲያሳ ና ሴዴቂያሲ ካዎቲን ታማኔ ኢሲን ላይን ሄ ዎዴ ኢቻሻን ኣጊናን ዬሩሳላሜ ኣሳይ ዲኤቲዲ ባና ጋካናስ ጎዳ ቃላይ ኤርማሳ ባጋራ ኢዛስ ዮቴቲዴስ።\x - \xo 1፡3 \xo*\xt 2ካዎ 23፡36—24፡7፤ 24፡18—25፡21፤ 2ታሪ 36፡5-8፤ 11፡21\xt*\x*
\s ኤርማሳ ዶሬቴ
\p
\v 4 ጎዳ ቃላይ ታኮ ሂዝጊሼ ዪዴስ።
\q1
\v 5 «ኤርማሳ! ታኒ ኔና
\q2 ኔ ኣዬይ ኡሎን ሜናፔ
\q3 ካሴ ኤራይስ።
\q2 ኔኒ ዬሌታናፔ ሲንን
\q3 ታ ኔና ዱማሳ ዎዲስ።
\q2 ቃሴካ ካዎቴታስ ናቤ
\q3 ጊዳና ማላ ሹማዲስ።»
\p
\v 6 ሂስቲን ታኒ፥ «ኡባ ሃሪዛ ጎዳዉ! ታኒ ቡሮ ና ጊዲዳ ጊሻስ ኣይ ጋ ሃሳያናኮ ታ ኤሪኬ» ጋዲስ።
\p
\v 7 ጊዶ ኣቲን ጎዳይ ታና፥ « ‹ታኒ ና› ጎፓ። ታኒ ኔና ኪቲዛ ኣሳ ኡባኮ ባ። ታኒ ኣዛዚይሳ ኡባካ ዮታ። 
\v 8 ታኒ ኔና ኣሻናስ ኔናራ ዲዛ ጊሻስ ኔ ኢስታስ ያዮፋ፤ ታኒ ጎዳይ ሃይሳ ኔስ ዮታይስ» ጊዴስ።
\p
\v 9 ጎዳይ ባ ኩሼ ዬዲዲ ታ ሜቴርሻታ ቦቺዲ፥ «ሄኮ ኔ ዮታና ታ ቃላ ኔ ዶናን ዎዲስ። 
\v 10 ኔኒ ሾዳናሲኔ ላላናስ፥ ይሳናሲኔ ሺራ ዬጋናስ፥ ኬጻናሲኔ ቶካናስ ዴሬታ ቦላኔ ካዎቴታ ቦላ ታኒ ሃች ኔና ሹማዲስ» ጊዴስ።
\p
\v 11 ጎዳ ቃላይ ታኮ ዪዲ፥ «ኤርማሳ! ኔ ኣይ ቤኣይ?» ጊ ኦይቺዴስ። ታኒካ፥ «ኦቾሎኔ ሃጋ ቤኣይስ» ጋዲስ።
\p
\v 12 ጎዳይ ታና፥ «ኔኒ ሊኬ ቤኣዳሳ። ታኒካ ታ ቃላይ ፖሌታናይሳ ቲሺ ሂስታ ቤኣይስ» ጊዴስ።
\p
\v 13 ጎዳ ቃላይ ቃሴካ ታኮ ዪዲ፥ «ሃራይ ኣዚ ኔስ ቤቲዜ?» ጊ ኦይቺዴስ። ታኒካ ዛራዳ፥ «ኢሲ ፔንቲዛ ኦቶይ ፑዴሃ ባጋፌ ሃ ጌዲ ጊ ኡቲዳይሲ ቤቴስ» ጋዲስ።
\p
\v 14 ጎዳይ ታስ፥ «ፑዴሃ ባጋፌ ባሺ ቂዲ ሃ ቢታን ዲዛ ኣሳ ኡባ ቦላ ጉካና። 
\v 15 ታኒ ፑዴሃ ባጋን ዲዛ ካዎቴታ ሃ ያና ማላ ጼይጋና፤ ዬሩሳላሜኒኔ ኢዚ ዩሾን ዲዛ ዩሁዳ ካታማታ ቦላ ሜቶ ጋዲ ኢስታ ኦይካና፤ ሄሳፌ ጉዬ ዬሩሳላሜ ጌሊዛ ፔንጌታ ቦላ ባንታ ኣራታ ሚጫና።
\q1
\v 16 «ዩሁዳ ኣሳይ ታና ኣጊዲ፥
\q2 ሃራ ኤቃ ጾሳታስ
\q3 ኤጻኔ ጩዋሲዳ ጊሻስ፥
\q2 ባ ኩሼን ኦ ኬሲዳይታ
\q3 ጎይኒዳ ጊሻስ
\q3 ታ ዴራ ቦላ ፒርዳ ኣዋጃዲስ።
\p
\v 17 «ኔኒ ጊዲኮ ጊጌታ! ዴንዳ ኤቃዳ ታኒ ኔና ኣዛዚዛይሳ ኡባ ኢስታስ ዮታ፤ ኢስታስ ያዮፋ። ኔኒ ኢስታስ ያዪኮ ታኒ ኔና ኢስታ ሲንን ጉጃ ያሺሳና።
\p
\v 18 «ሃች ታኒ ኔና ሃ ቢታ ኡባ ቦላ፥ ዩሁዳ ካዎታ ቦላ፥ ሃላቃታ ቦላ፥ ቄሴታ ቦላኔ ሃ ቢታ ኣሳ ቦላ ኔ ኤቄታ ዳንዳያና ማላ ጊምቤቲዳ ካታማ፥ ቢራታ ቱሲኔ ጻርቂማላፔ ኦሴቲዳ ቢራታ ዲርሳ ማላ ኦዲስ። 
\v 19 ኢስቲ ኔናራ ኦሌታና፤ ጊዶ ኣቲን ታኒ ኣሻናስ ኔናራ ኢሲፌ ዲዛ ጊሻስ ኔና ጾኔቴና። ታኒ ጎዳይ ሃይሳ ኔስ ዮታይስ» ጊዴስ።
\c 2
\s ኢስራኤሌ ኣሳይ ኦዳ ናጋራ
\p
\v 1 ጎዳ ቃላይ ዪዲ ታስ፥ 
\v 2 «ባ! ባዳ ዋሳ፤
\q2 ዬሩሳላሜ ኣሳ
\q2 ሃይን ሲሳ፤
\q2 ጎዳይ፥ ‹ኔኒ ናቴቴን
\q3 ኣይ ኬና ኣማኔቲዳኮ፥
\q2 ቃሴ ኔኒ ቡሮ ሚሺራን ዳሼ
\q3 ታና ኣይ ኬና ሲቂዳኮ፥
\q3 ዜሬ ዜሬቶንታ
\q3 ባዞ ቢታን
\q3 ኔ ዎስታ ካሊዳኮ
\q3 ታ ኣኬካይስ።
\q1
\v 3 ሄ ዎዴ ኢስራኤሌይ
\q2 ጎዳስ ጌሻ፥
\q2 ኮይሮ ሺሺዛ
\q2 ጼራ ካ ማላ፤
\q2 ኢዞ ሚቲዳይቲ
\q2 ሞራንቻ ጊዲዳ፤
\q2 ኢስታ ቦላ ባሺ ዪዴስ› » ጌስ።
\q1
\v 4 ኢንቴኖ ያቆቤ ኬ ኣሳቶ!
\q2 ኢስራኤሌ ዛሬ ኡባቶ!
\q2 ጎዳ ቃላ ሲዪቴ!
\q1
\v 5 ጎዳይ፥ «ካሴ ኢንቴ ኣዋቲ
\q2 ታፔ ሃኪዳይ፥
\q2 ሃዳ ዮኦ ካሊዳይ፥
\q2 ባ ሁኤሲካ
\q3 ጎኣይ ባይንዳይታ ጊዲዳይ
\q3 ታፔ ኣይ ሞሮ ዴሚዲ?
\q1
\v 6 ኢስቲካ፥ ‹ኑና ጊብጼፔ ኬሲዳይ፥
\q2 ባዞን ሳሚዳ ኦጌራ፥
\q2 ኩንዱኩርጮ ቢታራ፥
\q2 ሜላኔ ማ ቢታራ፥
\q2 ኣሲ ኣንታሶራ
\q2 ኑና ካሌ ኤሂዳ
\q2 ጎዳይ ኣዋን ዲዜ?›
\q2 ጊ ኦይቺቤቴና።
\q1
\v 7 ኢንቴ ኢዚ ኣይፌኔ
\q2 ኢዚ ኣንጆ ማና ማላ
\q2 ታኒ ኢንቴና ኣራዳ ቢታ ኤሃዲስ፤
\q2 ጊዶ ኣቲን ኢንቴ ዪዲ
\q3 ታ ቢታ ቱኒሲዴታ፤
\q2 ታ ጺንጾዮ
\q3 ሃራሴታና ማላ ኦዴታ።
\q1
\v 8 ቄሴቲካ፥ ‹ጎዳይ ኣዋን ዲዜ?›
\q2 ጊ ኦይቺቤቴና፤
\q2 ታ ዎጋይ ኢስታ ኩሼን ዲዛ
\q3 ኣሳቲካ ታና ኤሪቤቴና።
\q2 ዴሬ ካሌዛይቲካ
\q3 ታ ቦላ ማካሊዳ።
\q2 ናቤቲ ባኣሌ ሱንን
\q2 ቲንቢቴ ዮቲዳ፤
\q2 ጎኦንታ ሚሻታካ
\q2 ካሊዳ» ጊዴስ።
\b
\q1
\v 9 ቃሴካ ጎዳይ፥
\q2 «ሄሳ ጊሻስ ታኒ
\q2 ኢንቴናራ ቡሮ ፒርዴታና፤
\q2 ኢንቴ ናይታ ናይታራካ ሞቴታና።
\q1
\v 10 ኪቲሜ ፒኒ ጼሊቴ፤
\q2 ቄዳሬ ኪቲዲ
\q2 ሎኤ ጾሞሲቴ፤
\q2 ሂስቲዲ ኣኔ ሃይሳ ማላ ሃኖይ
\q2 ካሴ ሃኒ ኤሪዛኮ ቤኢቴ።
\q1
\v 11 ኢስቲ ቱሙ ጾሳታ
\q2 ጊዶንታ ኣጊኮካ ባ ኤቃ ጾሳታ
\q3 ላሚዳ ካዎቴ ዲዜ?
\q2 ታ ዴሬይ ጊዲኮ
\q3 ኢስታስ ቦንቾ ጊዲዳይሳ
\q3 ላሚዴስ» ጌስ።
\q1
\v 12 ቃሴካ ኡባፌ
\q2 ዎልቃማ ጎዳይ፥
\q2 «ሳሎቶ፥ ‹ሃኖ ፖራ!› ጊቴ፤
\q2 ኬሂ ዳጋሚዲ ኮኮሪቴ!
\q1
\v 13 ታ ዴሬይ ናምኡ
\q2 ኢታ ሚሻታ ኦዴስ፤
\q2 ዴኦ ሃ ፑልቶ ጊዲዳ
\q3 ታና ኣጊዴስ፤
\q2 ሃ ኦይካናስ ዳንዳዮንታ
\q2 ሉኬቲዳ ኦላታ ባስ ቦኪዳ።
\q1
\v 14 ኢስራኤሌይ ካሬፔ ዪዳ ኣይሌ?
\q2 ዎይኮ ሶን ዬሌቲዳ ኣይሌ?
\q2 ሂስቲን ኣይስ
\q3 ቦንቃስ ኣ ኢሜቲዴ?
\q1
\v 15 ጋሞቲ ኢዛ ቦላን ጻጊዳ፤
\q2 ኢስቲ ባንታ ቃላ ቁ ሂስቲዲ
\q3 ኢዛ ቦላ ጋርማሚዳ፤
\q2 ኢስቲ ኢዛ ቢታ ቡላ ኬሲዳ፤
\q2 ኢዛ ካታማቲካ ጹጌቲዳኔ ካይዚዳ።
\q1
\v 16 ቃሴካ ሜምፒሳኔ
\q2 ጻፊናሴ ኣሳቲ
\q2 ኔ ሁኤ ቡሉሲዳ።
\q1
\v 17 ኦጌ ኔና ካሌዛይሳ
\q2 ጎዳ ኔ ጾሳ ኣጋዳ
\q2 ሃይሳ ኔ ቦላ ኤሂዳይ
\q2 ኔና ጊዲኪ?
\q1
\v 18 ሺሆሬ ሻፋፔ ሃ ኡያናስ፥
\q2 ኣይ ኤካናስ
\q2 ዱጌ ጊብጼ ዎዲ?\f + \fr 2፡18 \fr*\ft ሺሆሬ ሻፋይ ናይሌ ሻፋስ ጋባራ ሃ።\ft*\f*
\q2 ዎይኮ ኤፊራጺሴ ሻፋፔ
\q3 ሃ ኡያናስ
\q2 ዱጌ ኣሶሬ ቤ
\q2 ኣይስ ኮሺዴ?
\q1
\v 19 ኔ ኢታቴ ኔ ቦላ
\q2 ቂጻቴ ጋና፤
\q2 ኔ ታና ካዶይሲ ኔ ቦላ
\q3 ሃንቆ ኤሃና።
\q2 ጎዳ ኔ ጾሳ ኔ ኣጊሺን፥
\q2 ታስ ያሻቴ
\q2 ኔ ዉዱ ጎንታ ኢጺሺን
\q2 ኣይ ማላ ኢታይኔ
\q3 ጫሞ ሚሺ
\q2 ኔ ቦላ ጋካናኮ ቆፓ፤
\q2 ኣኔ ኣኬካ» ጌስ።
\b
\q1
\v 20 ኡባ ሃሪዛ ጎዳይ፥
\q2 «ቤኒፔ ዶማዳ ታኒ
\q3 ኔ ቃምባራ ሜንዲስ፤
\q2 ኔና ቃቺዳ
\q2 ሚሺካ ዱዲስ።
\q2 ሂስቲንካ፥
\q3 ‹ታኒ ኔስ ኦኬ› ጋዳሳ።
\q2 ሂስታዳ ቃ ዙምቡላታ
\q2 ኣቻን ሚ ጋርሳን
\q2 ላይማታናስ ኢቻዳሳ።
\q1
\v 21 ታኒ ኔና ሙሩታ
\q2 ዜሬፌ ኤካዳ፥
\q2 ሎኦ ዎይኔ ቱራ ማላ ቶካዲስ።
\q2 ሂስቲን ኔኒ ዋና ጉዬ ሲማዳ
\q2 ዎራን ሞኪዲ ሞሬቲዳ
\q3 ዎይኔ ቱራ ማላ ጊዳዲ?
\q1
\v 22 ኔኒ ሃዲንጬን ሜጬቲኮካ፥
\q2 ዎይኮ ዳሮ ሳሙናን ሜጬቲኮካ
\q2 ኔ ሞሮ ቂታይ ሃኢካ
\q2 ታ ሲንን ዴስ» ጌስ
\q2 ኡባ ሃሪዛ ጎዳይ።
\q1
\v 23 ኔኒ ዋናዳ፥ «ታኒ ቱናቤኬ፤
\q2 ታኒ ባኣሌ ኤቃታስ
\q2 ጎይናናስ ዎጻቤኬ»
\q3 ጋናስ ዳንዳያይ?
\q2 ኔኒ ሾባን ኦዳይሳ
\q2 ኣኔ ቆፓ፤
\q2 ኔኒ ኦዳይሳ ኣኔ ኣኬካ፤
\q2 ኔኒ ያኔ ሃ ዎጼሬቲዛ
\q3 ጋሜላ ማላ ጊዳዳሳ።
\q1
\v 24 ኔኒ ባዞ ቢታን ባስ ዶሴ
\q2 ሂስታዳ ዚታ ኬዛ
\q2 ሲንጌሼ ዎጺዛ
\q3 ሃርዲዳ ማላ ጊዳዳሳ፤
\q2 ኢዛ ቢራሳስ ኬዛይቺኮ
\q3 ኦኔ ኢዞ ቴቃናስ ዳንዳይዛይ?
\q2 ኢዛ ቢራስ ኬዚን
\q3 ኢዞ ኮይዛይቲ ኡባቲ
\q3 ዋዮንታ ዴሜቴስ።
\q1
\v 25 ኔ ቶሆይ ኣርጋጫና
\q2 ጋካናስ ዎጾፋ፤
\q2 ኔ ዶናይ ሳሞን ሜላና
\q3 ጋካናስ ቶይላቶፋ፤
\q2 ኔ ጊዲኮ፥ «ጮ ዳቡሮፓ፤
\q2 ታኒ ኤቃ ጾሳታ ዶሳዲስ፤
\q2 ታኒ ኢስታ ካላና» ጋዳሳ።
\b
\q1
\v 26 «ካይሶይ ኦይኬቲዲ ዬላቲዛ ማላ
\q2 ኢስራኤሌ ኣሳይ ዬላቲዴስ፤
\q2 ኢስቲካ፥ ኢስታ ካዎቲ፥
\q3 ኢስታ ሹሜቲ፥
\q2 ኢስታ ቄሴቲኔ ኢስታ ናቤቲ
\q3 ኡባይ ሄሳ ዬላታና።
\q1
\v 27 ኢስቲ ሚ፥
\q2 ‹ኔኒ ታ ኣዋ› ጌቴስ፤
\q2 ቃሴ ሹች፥
\q2 ‹ኔኒ ታና ዬላዳሳ› ጌቴስ።
\q2 ኢስቲ ታስ ባ ሲን
\q3 ዛራናይሳ ኣጊዲ
\q2 ዞኮ ዛሪዳ፤
\q2 ጊዶ ኣቲን ኢስታ
\q3 ሜቶይ ጋኪዳ ዎዴ፥
\q2 ‹ያዳ ኑና ኣሻ› ጌቴስ።
\q1
\v 28 ሂስቲን ኣኔ ኢንቴ ኢንቴስ
\q2 ሜዳ ጾሳቲ ኣዋን ዲዞ?
\q2 ዩሁዳ፥ ኢንቴ ሜቶቲዛ ዎዴ
\q2 ኢስቲ ኢንቴና ኣሻናስ
\q2 ዳንዳይኮ
\q2 ኣኔ ኢንቴና ዪዲ ኣሼቶ!
\q3 ኢንቴኖ ዩሁዳ ኣሳቶ!
\q3 ኢንቴ ጾሳቲ ኢንቴ
\q3 ካታማታ ማላ ጮራ» ጊዴስ።
\b
\q1
\v 29 ጎዳይ፥ «ኢንቴ ታናራ
\q2 ኣይስ ሞቴቴቲ?
\q2 ኢንቴ ኡባይካ
\q3 ታ ቦላ ማካሊዴታ።
\q1
\v 30 ታኒ ኢንቴ ናይታ
\q2 ጮ ሜላ ቃጻያዲስ፤
\q2 ኢስቲ ጊዲኮ ባይቤቴና፤
\q2 ጋፊዳ ጋሞ ማላ
\q3 ኢንቴ ማሻይ
\q3 ኢንቴ ናቤታ ሚዴስ» ጌስ።
\q1
\v 31 ኢንቴኖ ሃ ዎዴ ዬሌታቶ!
\q2 ጎዳ ቃላ ዩሺ ቆፒቴ፤
\q2 «ታኒ ኢንቴስ ኢስራኤሌ
\q2 ኣሳስ ባዞ ማላ
\q3 ዎይኮ ሳካና ማይ ዲዛ
\q3 ቢታ ማላ ጊዳዲና?
\q2 ሂስቲን ኣይስ ታ ኣሳይ፥
\q2 ‹ኑኒ ኑ ሼኔ ማላ ሃናና፤
\q2 ሲሚዲካ ኔኮ ዮኮ› ጊዜ?
\q1
\v 32 ጌላኦይ ባ ኣሌቆ ዎይኮ
\q2 ሚሺራያ ባ ሚሺራቴ
\q3 ማይኦ ባላ ኤራዜ?
\q2 ታ ዴሬይ ጊዲኮ
\q2 ታና ዳሮ ዎዴ
\q2 ጋካናስ ባሊዴስ።
\q1
\v 33 ዚታን ኣስ ኦይካናስ
\q2 ኔ ኣይ ማላ ኤራንቻ?
\q2 ሁስኩ ሁስኪዛ
\q2 ኢታ ማጫሳቲካ
\q2 ኔ ሃኖቴፌ ዳሮ
\q3 ኢታ ሚሽ ታማሬቴስ።
\q1
\v 34 ኔ ኢስታ ካይሶቴን ኦይኮንታ
\q2 ጺሎ ማንቆታ ሱ
\q3 ኔ ማይኦ ቦላ ቤቲዴስ።
\q2 ኔኒ ሃይሳ ኡባ
\q2 ኦ ዎዳካ፥
\q1
\v 35 ‹ታኒ ጺሎ፤ ቱማፔ ኢዛ ሃንቆይ
\q2 ታና ጋኬና› ጋሳ።
\q2 ኔኒ፥ ‹ታኒ ናጋራ
\q2 ኦቤኬ›
\q3 ጊዛ ጊሻስ
\q2 ታኒ ኔ ቦላ ፒርዳና።
\q1
\v 36 ሂስቲን ኔ ኦጌ ላማ ላማ
\q2 ኣይስ ዎጻይ?
\q2 ካሴ ኔና ኣሶሬ ቢታይ
\q3 ካዉሺዳ ማላ
\q2 ጊብጼ ቢታይ ኔና ካዉሻና።
\q1
\v 37 ኔኒ ኣማኔቲዛይታ
\q2 ጎዳይ ካዉሺዳ
\q2 ጊሻሲኔ
\q2 ኢስታፌካ ማዶ
\q2 ዴሞንታ ጊሻስ
\q2 ሃይሳፌካ ኔ ሁኤ ኩሼን
\q3 ባቃ ኦይካዳ ኬዛና።
\c 3
\s ኣማኔቶንታ ኢጺዳ ኢስራኤሌ
\p
\v 1 «ኢሲ ኣሲ ባ ኬዮ ኣንጂ ዬዲን
\q2 ኢዛ ባዳ ሃራ ኣዚና ጌሊኮ፥
\q2 ካሴ ኣንጂ ዬዲዳዴይ
\q3 ሲሚ ኢዚኮ ቢዜ?
\q2 ኢዚ ቢኮ ሄ ቢታያ
\q2 ሙሌ ቱኔኬ?
\q3 ኔኒ ጊዲኮ ኔ ሲቂዛ
\q3 ጮራ ላጌታራ ላይማታዳሳ፤
\q2 ሂስታዳካ ሃኢ ኔኒ
\q3 ታኮ ሲማና ኮያይ?» ጌስ።
\q1
\v 2 «ኣኔ ቁ ጋዳ ኣይኮይ ባይንዳ
\q2 ዙምቡላታ ጼላ፤
\q2 ኔኒ ላይማስ ኢቾንታሶይ
\q3 ሄሳን ዲዜ?
\q2 ቦንቃና ባዞን ኡቲዳ
\q2 ፓንጋ ማላ
\q2 ኦጌ ዶናን ኡታዳ
\q3 ኔ ላጌታ ናጋዳሳ፤
\q2 ሂስታዳ ኔኒ ላይማቴኒኔ
\q2 ኢታቴን ቢታዮ ቱኒሳዳሳ።
\q1
\v 3 ሄሳ ጊሻስ ፑሴይካ
\q2 ፑሶንታ ማላ ዲጌቲዴስ፤
\q2 ባልጎ ኢራይካ ቡኮንታ ኣጊዴስ፤
\q2 ኔ ጊዲኮ ሃኖ ጋካናስ
\q3 ላይማቴ ኣጋቤካ፤
\q2 ኔኒ ዬላቶንታካ ኢጻዳሳ።
\q1
\v 4 ሃኢ ኔኒ ታና፥
\q2 ‹ታ ኣዋዉ፥
\q2 ታስ ናቴቴ ላጌዞ!
\q1
\v 5 ኔኒ ኡባቶ ታ ቦላ ሃንቄታኔ?
\q2 ኔ ሃንቆይ ሜርናሴ?› ጋዳሳ።
\q2 ኤ ኔኒ ሂዝጋሳ፤
\q2 ጊዶ ኣቲን ኔኒ ዳንዳይዳ ኬና
\q2 ኢታ ሚሽ ኡባ
\q2 ኦሳ» ጌስ።
\s ማሮቴስ ኢስራኤሌኔ ዩሁዳ ጼይጌቴ
\p
\v 6 ካዎ ኢዮሲያሲ ካዎቲዳ ላይ ጎዳይ ታስ፥ «ሃና ኣማኖይ ባይንዳ ኢስራኤሌይ ኦዳይሳ ኔኒ ቤኣዲ? ኢዛ ቃ ዙምቡላታ ቦላ ኬዛዳ ዳሻ ሚታ ጋርሳን ላይማታዱስ።\x - \xo 3፡6 \xo*\xt 2ካዎ 22፡1—23፡30፤ 2ታሪ 34፡1—35፡27\xt*\x* 
\v 7 ኢዛ ሃይሳ ኡባ ኦዳካ ታኮ ሲማና ጋዳ ቆፓዲስ ሺን ሲማቤኩ። ቃሴ ኣማኔቶንታ ኢዚ ሚቾ ዩሁዳይካ ሄሳ ቤያዱስ። 
\v 8 ኣማኖይ ባይንዳ ኢስራኤሌ ዴሬቲ ላይማቲዳ ጊሻስ ኣንጆ ዋራቃታ ኢማ ዬዳዲስ፤ ኢስራኤሌ ሚቾ ኣማኔቶንታ ዩሁዳይካ ሃይሳ ቤኣሼ ያዮንታ ኬዛዳ ላይማቲሺን ቤኣዲስ። 
\v 9 ባ ካዉሻቴን ቢታ ቱኒሳዱስ፤ ሚራካ ሹቻራካ ላይማታዱስ። 
\v 10 ሄሳን ኡባንካ ኢዚ ሚቺያ፥ ኣማኔቶንታ ዩሁዳይ ጮ ሲሚዳ ሚሳታዉሲፌ ኣቲን ኩሜ ዎዚናፔ ታኮ ሲማቤኩ» ጊዴስ።
\p
\v 11 ጎዳይ ታስ፥ «ኣማኔቶንታ ዩሁዳፔ ኣማኖይ ባይንዳ ኢስራኤሌይ ጺላ ቤታዱስ።
\q1
\v 12 «ባ፤ ባዳ ፑዴሃ ባጋስ፥
\q2 ‹ሃኔ ኣማኖይ ባይንዳ
\q3 ኢስራኤሌ ሲማ!
\q2 ታኒ ማሮታይ
\q2 ኩሚዳዴ ጊዲዳ ጊሻስ
\q2 ኔና ኢታ ኣይፌን ጼሊኬ፤
\q2 ሜርናስካ ሃንቄቲኬ›
\q2 ጌስ ጎዳይ።
\q1
\v 13 ጊዲኮኔ ኔኒ፥
\q2 ‹ጎዳ ኔ ጾሳ ቦላ
\q2 ማካላቴን፥
\q2 ኔ ቦንቾካ ኣላጋ ጾሳታስ
\q2 ዳሻ ሚታ ጋርሳን
\q2 ኣ ኢሞኒኔ
\q3 ታስ ኣዛዜቶንታ ኢጾን ኔኒ
\q3 ሞራንቻ ጊዲዳይሳ
\q3 ጻላ ኣማና›
\q3 ጌስ ጎዳይ» ጊዴስ።
\p
\v 14 ቃሴካ ጎዳይ፥ «ኢንቴኖ
\q2 ኣማኔቶንታ
\q2 ኣሳቶ፥ ሲሚቴ፤
\q2 ታኒ ኢንቴስ ኣዚና፤
\q2 ታኒ ኢንቴ ጊዶፌ
\q3 ኢሲ ካታማፔ ኢሳ፥
\q2 ኢሲ ቆሞፌ ናምኣታ ዶራዳ
\q3 ጺዮኔ ኤሃና።
\p
\v 15 «ሄሳፌ ጉዬ ታኒ ታ ዎዚና ማላ ኢንቴና ኤራቴኒኔ ኣኬካን ሄሚዛ ሄንንቻታ ኢንቴስ ኢማና። 
\v 16 ቃሴካ ጎዳይ ኢንቴ ቆዳይ ቢታ ቦላ ጮራቲዛ ዎዴ፥ ‹ጎዳ ጫቆ ቃላ ታቦታ› ጊ ጼይጌኬታ። ኢዚ ኢስታስ ቆፌቴናኔ ኣኬኬቴና፥ ዬናኔ ሃራይ ኦሴቴና። 
\v 17 ሄ ዎዴን ኢስቲ ዬሩሳላሜ፥ ‹ጎዳ ኣራታ› ጊ ጼይጋና። ካዎቴ ኡባፌ ኣሳይ ጎዳ ሱን ቦንቻናስ ዬሩሳላሜ ሺቃና። ሄሳፌ ኢስቲ ባንታ ኢታ ዎዚና ሃኖቴ ካሌቴና። 
\v 18 ሄ ጋላሳታን ዩሁዳ ኣሳቲ ኢስራኤሌ ኣሳታራ ጋይቲዲ ፑዴሃ ባጋ ቢታፌ ታኒ ካሴ ኢንቴ ኣዋታስ ጺንጾ ሂስታ ኢሚዳ ቢታ ኢሲፌ ያና» ጌስ።
\s ጾሳ ዴሬይ ኤቃ ሚስሌታስ ጎይኒዳ ጎይኖ
\q1
\v 19 ጎዳይ፥ «ታኒ ኔና
\q2 ኣቱማ ናይታ ማላ
\q2 ዎስታ ዎናኮ፥
\q2 ዶሬቲዳ ቢታዮኔ
\q2 ኣይ ካዎቴካ ዴሞንታ
\q2 ሎኦ ቢታዮ
\q2 ኔና ላቲሳና ቆፓዲስ።
\q2 ቃሴ ታና፥ ‹ታ ኣዋዉ!› ጋዳ
\q3 ጼይጋና ሚሳቲዴስ፤
\q2 ታና ካሊዛሶፔ
\q3 ጉዬ ሲሞንታ ሚሳታዳሳ፤
\q1
\v 20 ጊዶ ኣቲን ኢስራኤሌ ኣሳዉ!
\q2 ኢንቴ ባ ኣዚናስ
\q3 ኣማኔቶንታ ማጫሳ ማላ
\q2 ታስ ኣማኔቲቤኬታ» ጌስ።
\q1
\v 21 ኢስቲ ጎዳ ባንታ ጾሳ ባሊዲ
\q2 ባንታ ኦጌ ጌላሲዳ ጊሻስ
\q2 ኢስራኤሌ ዴራ ዋሶይ፥
\q2 ሚሻ ዬሆይ ኣይኮይ ባይንዳ
\q3 ዙምቡላታ ቦላ ሲዬቴስ፤
\q1
\v 22 ኢስቲ፥ «ኢንቴኖ ኣማኖይ ባይንዳ
\q2 ኣሳቶ! ታኮ ሲሚቴ።
\q2 ኢንቴ ኣማኔታና ማላ፥
\q2 ታኒ ኢንቴና ፓና» ጊዴስ።
\q1 ሂስቲን ኢስታስ፥
\q2 «ኤሮ፥ ኑኒ ኔኮ ሲማና።
\q2 ኣይስ ጊኮ ኔኒ ጎዳ
\q2 ኑ ጾሳ።
\q1
\v 23 ኑኒ ዙምቡላታ ቦላኔ
\q2 ዙማታ ቦላ ኤቃ ጾሳታስ
\q3 ጎይኖይ ቱማፔ ኑስ ባላ፤
\q2 ቱማፔ ኑስ ኢስራኤሌታስ
\q3 ኣቶቴ ጎዳ ኑ ጾሳፌ።
\q1
\v 24 ኑኒ ዬላጋቴፌ ዶሚን
\q2 ኑ ኣዋቲ ዳቡሪ
\q2 ዴሚዳ ኣይፌታ፥
\q2 ኢስታ ዶርሳታኔ ሜሄታ፥
\q2 ኢስታ ማጫ ናይታኔ
\q2 ኣቱማ ናይታ
\q2 ቱና ጾሳቲ ሚ ይሲዳ።
\q1
\v 25 ኑኒ ዬላጋቴፌ ዶሚዲ
\q2 ሃች ጋካናስ፥
\q2 ኑኒካ ኑ ኣዋቲካ
\q2 ጎዳ ኑ ጾሳ ቦላ
\q2 ናጋራ ኦዶስ፤
\q2 ጎዳስ ኑ ጾሳስ
\q2 ኣዛዜቲቤኮ፤
\q2 ሄሳ ጊሻስ ኣኔ ኑኒ ዬላቴ
\q3 ጉሉንቲዲ ኢቾስ፤
\q2 ቃሴ ካዉሻቴ ኑና
\q3 ኣፋላ ማላ ካሞ» ጌቴስ።
\c 4
\s ማሬታናስ ጼይስ
\p
\v 1 ጎዳይ፥ «ኢስራኤሌ ኣሳዉ!
\q2 ሲሚኮ ሃ ታኮ ሲሚቴ።
\q2 ኢንቴ ሃራሲዛ ሚሻታ
\q3 ታ ሲንፌ ዲጊኮ፥
\q2 ያዮንታ ሚኒ ኤቂኮ፥
\q2
\v 2 ኢንቴ ቱማን፥
\q2 ሱሬቴኒኔ ጺሎቴን፥
\q3 ‹ዴኦ ጎዳይ ቤዪን!›
\q3 ጊዲ ጫቂኮ፥
\q3 ሄ ዎዴ ካዎቴቲ
\q2 ኢዛን ኣንጄታናኔ
\q2 ቦንቼታና» ጌስ።
\q1
\v 3 ጎዳይ ዩሁዳ ኣሳሲኔ
\q2 ዬሩሳላሜን ዲዛይታስ፥
\q2 «ኦ ጋዴ ጎዪቴ፤
\q2 ኣጉን ጊዶን ዜሮፒቴ።\x - \xo 4፡3 \xo*\xt ሆሴ 10፡12\xt*\x*
\q1
\v 4 ኢንቴኖ ዩሁዳ ኣሳቶ፥
\q2 ዬሩሳላሜን ዲዛይቶ!
\q2 ጎዳስ ኢንቴ ቃጻሬቲቴ፤
\q2 ኢንቴ ዎዚና
\q2 ኢታቴ ዲጊቴ፤
\q2 ሂስቶንታ ኣጊኮ
\q3 ኢንቴ ኦዳ
\q2 ኢታቴ ጊሻስ
\q2 ታ ሃንቆይ ታማ ማላ
\q2 ኤጺ ኬዛና፤
\q2 ኦኒካ ኢዛ ቶይሳናስ
\q2 ዳንዳዬና» ጌስ።
\s ፑዴሃ ባጋፌ ያና ባሽ
\p
\v 5 ጎዳይ፥ « ‹ቢታ ኡባን
\q2 ዛዬ ፑኒቴ!›
\q2 ጊዲ ዩሁዳን ዮቲቴ።
\q2 ዬሩሳላሜንካ ኣዋጂቴ፤
\q2 ‹ኢሲፌ ሺቂቴ!
\q2 ኣኔ ጊምቤቲዳ ካታማታኮ
\q3 ባቃቶስ!› ጊ ዋሲቴ።
\q1
\v 6 ጺዮኔ ጌላናስ ባንዲራ ኦይኪቴ!
\q2 ኤሶን ባቃቲ ኣቲቴ፤
\q2 ኣይስ ጊኮ ታኒ ፑዴሃ ባጋፌ
\q3 ሃንቆኔ ባሽ ኤሃና።
\q1
\v 7 ጋሞይ ባ ዲዛሶፔ ኬዚዴስ፤
\q2 ካዎቴታ
\q2 ይሲዛይ ኪቴቲዴስ፤
\q2 ኔ ቢታዮካ ቡላሳናስ
\q3 ባ ዲዛሶፔ ኬዚዴስ፤
\q2 ኔ ካታማቲ ላሌታና፤
\q2 ኩንዲዲካ ካይዚ ኣታና።
\q1
\v 8 ሄሳ ጊሻስ ማቃ ማይኢቴ፤
\q2 ካዮቲሼ፥ ‹ዉ! ዉይ›
\q2 ጊ ዬኪቴ።
\q3 ኣይስ ጊኮ ጎዳ ሃንቆ ሴላይ
\q3 ኑ ቦላፌ ሲሚቤና» ጌስ።
\q1
\v 9 ቃሴካ ጎዳይ፥
\q2 «ሄ ጋላስ ካዎ ዎዚናይኔ
\q2 ሹሜታ ዎዚናይ ታሃና፤
\q2 ቄሴቲ ዳጋማና፤
\q2 ናቤቲካ ኮኮራና» ጌስ።
\p
\v 10 ሂስቲን ታኒ፥ «ኣቤት ኡባ ሃሪዛ ጎዳዉ! ማሻይ ኢስታ ቆን ዎን፥ ‹ኢንቴስ ሳኣይ ሳሮ ጊዳና› ጋዳ ሃ ኣሳኔ ዬሩሳላሜ ኣይስ ኬሃ ባሌዲ?» ጋዲስ።
\p
\v 11 ሄ ዎዴን ሃ ኣሳሲኔ ዬሩሳላሜስ፥ «ባዞን ዲዛ ኣይኮይ ባይንዳ ዙምቡላታፔ ጹጊዛ ጫርኮይ ታ ዴራ ቦላ ጫርካና፤ ጊዶ ኣቲን ሄሲ ካ ሱራጋናሲኔ ጌሻናስ ጊዴና።
\m
\v 12 ሄሳፌካ ኬሂ ዎልቃሚዛ ጫርኮይ ታ ኣዛዞን ጫርካና፤ ሃኢ ታኒ ኢስታ ቦላ ፒርዳና» ጌቴቲ ዮቴታና።
\s ሞርኬን ዩሁዳ ዶዴቴ
\q1
\v 13 ቤኢቴ! ሞርኬይ ሻራ ማላ
\q2 ቢታ ኩሚዴስ፤
\q2 ኢዛ ፓራ-ጋሬቲካ
\q3 ጎቴ ጫርኮ ማላ ዬቴስ፤
\q2 ኢዛ ፓራቲካ
\q2 ጎሌ ካፎታ ማላ ኤሶቴቴስ፤
\q2 ኣዬ ኣና ኑ ያና ጎስ!
\q1
\v 14 ኔኖ ዬሩሳላሜ!
\q2 ኔ ኣታና ኮይኮ ኔ ዎዚና
\q3 ኢታቴ ሜጬታ፤
\q2 ኢታ ቆፋይ ኔ ዎዚናን
\q3 ኣይዴ ጋካናስ ጋምኣኔ?
\q1
\v 15 ጬንጉርሲ ዳኔፔ ሴቴቴስ፤
\q2 ኤፍሬሜ ዙማታ ቦላ
\q3 ባሺ ኣዋጄቴስ።
\q1
\v 16 «ካዎቴታስ ዮቲቴ፤
\q2 ዬሩሳላሜስካ፥
\q2 ‹ዶዲ ኡንኤዛይቲ
\q3 ሃሆ ቢታፌ ያና፤
\q2 ዩሁዳ ካታማታ
\q2 ቦላካ ጬቄታና፤
\q1
\v 17 ኢዛ ታ ቦላ ማካሊዳ ጊሻስ
\q2 ካ ናጊዛ ኣሳ ማላ
\q2 ኢስቲ ዩሁዳ ጊዶና› ጊቴ።
\b
\m
\v 18 ኔ ሃኖይኔ ኔ ኦሶይ
\q2 ሄሳ ኔ ቦላ ኤሂዴስ፤
\q2 ሄሲ ኔስ ቂጻቴ፤
\q2 ሄሲካ ኣይ ማላ ጫሚዛዜ!
\q2 ኣይ ማላ ዎዚና ሜንዛዜ!»
\q3 ጌስ ጎዳይ።
\b
\q1
\v 19 ዋኖ ታኒ!
\q2 ታኒ ሃይሳ ዎስታ ዳንዳያኔ!
\q2 ታና ሜቲዴስ!
\q3 ታ ዎዚናይ ሂርጌስ፤
\q2 ታኒ ጮኡ ጋናስ ዳንዳይኬ።
\q2 ኣይስ ጊኮ ታኒ ዛዬ
\q2 ጬንጉርሲኔ
\q3 ኦላ ጬንጉርስ ሲያዲስ።
\q1
\v 20 ኢታ ሚሺ ኢታ ሚሽ ካሌስ፤
\q2 ሙሌ ቢታይ ሞሬቲዴስ፤
\q2 ታ ዱንካኔቲኔ ማጋላሻቲ
\q3 ኤሶን ይዳ።
\q1
\v 21 ታኒ ኣይዴ ጋካናስ
\q2 ኦላ ማላታ ጼላኔ?
\q2 ታ ኣይዴ ጋካናስ
\q3 ዛዬ ጊሪስ ሲያኔ?
\b
\q1
\v 22 ጎዳይ፥ «ታ ኣሳይ ኤያ፤
\q2 ኢስቲ ታና ኤሬቴና።
\q2 ኢስቲ ዩሺ ቆፖንታይታ፤
\q2 ኢስቲ ኣኬካይ ባይንዳይታ፤
\q2 ኢስቲ ኢታ ሚሽ
\q3 ኦናስ ኤራንቻታ፤
\q2 ሎኦ ኦናስ
\q3 ኤራይ ፓጪዳይታ» ጌስ።
\b
\q1
\v 23 ታኒ ሳኣ ጼላዳ ሳኣይ
\q3 ሎኢ ጊጎንታይሳኔ
\q2 ጮ ሜላ ዲዛይሳ ቤኣዲስ።
\q2 ቃሴ ሳሎታ ጼላዳ ኢስታን
\q3 ፖኦይ ባይንዳይሳ ቤኣዲስ።
\q1
\v 24 ታኒ ዙማታ ጼላዳ
\q2 ኢስቲ ኮኮሪሺኒኔ
\q2 ዙምቡላቲ ኡባይ
\q2 ዮንኢዮንኢሺን ቤኣዲስ።
\q1
\v 25 ታኒ ጼላዲስ ሺን
\q2 ኣይ ኣሲካ ቤኣቤኬ፤
\q2 ሳሎ ካፎቲካ ኡባይ
\q3 ፒራዲ ይዳ።
\q1
\v 26 ኣራዳ ቢታይ
\q2 ባዞ ጊዲዳይሳ ቤኣዲስ፤
\q2 ጎዳ ሲንን፥
\q2 ኢዛ ሱሌ ሃንቆ ሲንን
\q3 ሄ ካታማቲካ ላሌቲዳ።
\q1
\v 27 ጎዳይ፥ «ሙሌ ቢታይ ቡላታና፤
\q2 ጊዶ ኣቲን ታኒ ኢዞ
\q3 ሙሌራ ይሲኬ።
\q1
\v 28 ሄሳ ጊሻስ ሳኣይ ዬካና፤
\q2 ሳሎይካ ማና።
\q2 ኣይስ ጊኮ ታኒ ጋዲስ፤
\q2 ሄ ቆፋ ታ ላሞንታ ማላ
\q3 ቃቻዲስ» ጌስ።
\q1
\v 29 ፓራ ኣሳታኔ ዎንዳፌ
\q2 ኣሳታ ካቻ ጋሶን
\q2 ኣሳይ ካታማ ኡባፌ ባቃታና።
\q2 ባጋይ ዎጺዲ ዎራ ጋርስ ጌላና፤
\q2 ባጋይ ቃሴ
\q2 ዛላ ቦላ ኬዛና፤
\q2 ካታማይ ኡባይ ኣሲ ባይንዳ
\q3 ካይዚ ኣታና።
\q1
\v 30 ሃኔ ባሻስ ኡቲዳሬ!
\q2 ኔኒ ኣይ ኦይ?
\q2 ኔ ዞኦ ማይኦ ኣይስ ማይኣይ?
\q2 ዎርቃ ኣሌቆካ ኣይስ ኣይ?
\q2 ኔ ኣይፌ ጪሮ ኣይስ ቲያይ?
\q2 ኔኒ ጮ ሜላ
\q2 ኔና ሎኤሳ፤
\q2 ኔ ላጌቲ ኔና ካዳ፤
\q2 ኢስቲ ኔና ዎናስ ኮዬቴስ።
\q1
\v 31 ታኒ ኮይሮ ባይራ ና ዬላናስ
\q2 ሚጻቲዛ ማጫሳ ማላ
\q2 ኔ ዋሲሺን ታ ሲያዲስ፤
\q2 ዬሩሳላሜ ማጫ ናያ
\q3 ፔኖይ ቱጬታናሼ
\q2 ጋካናስ ዋሲሺኒኔ
\q2 ባ ኩሼ ሚጫዳ፥
\q2 «ታ ዋኖ! ሄኮ ታና
\q2 ዎና ጌቴስ!»
\q2 ጊሺን ሲያዲስ።
\c 5
\s ዬሩሳላሜ ኣሳ ናጋራ
\p
\v 1 ጎዳይ፥ «ኣኔ ዬሩሳላሜ ኦጌታ ቦላ ኬዚዲ
\q1 ፑዴኔ ዱጌ ዩሺ
\q2 ጼሊቴኔ ኣኬኪቴ፤
\q2 ዴሬይ ዱላቲዛሶታን
\q3 ጺሎቴ ኮይዛይኔ
\q2 ሱሬ ፒርዲዛ ኬዚዲ
\q2 ኢንቴ ኢሳዴካ ዴሚኮ
\q2 ታኒ ዬሩሳላሜ ማራና።
\q1
\v 2 ጊዶ ኣቲን ኢስታስ፥
\q2 ‹ጎዳይ ቤዪን› ጊ ጫቂኮካ
\q2 ኢስቲ ቱማፔ
\q2 ዎርዶ ጫቄቴስ» ጌስ።
\q1
\v 3 ኣቤት ጎዳዉ!
\q2 ኔ ኣይፌቲ ቱማ ጼሌቴኔ?
\q2 ኔኒ ኢስታ ሾጫዳሳ ሺን
\q3 ኢስታ ሳኪቤና።
\q2 ኔኒ ኢስታ ኪንቼሬዳሳ፤
\q2 ጊዶ ኣቲን
\q2 ኢስቲ ሲሚቤቴና፤
\q2 ኢስቲ ባንታ ዎዚና
\q3 ሹቻፌ ኣ ሚንዳ፤
\q2 ባንታ ናጋራፔካ
\q2 ሲሞንታ ኢጺዳ።
\q1
\v 4 ሄሳፌ ጉዬ ታኒ ታ ዎዚናን፥
\q2 «ሃይቲ ማንቆታኔ ኤያታ፤
\q2 ሄይቲ ጎዳ ኦጌኔ
\q3 ባንታ ጾሳ ዎጋ ኤሮንታይታ።
\q1
\v 5 ሄሳ ጊሻስ ታኒ
\q2 ጊታ ኣሳታኮ ባና፤
\q2 ኢስታስካ ዮታና፤
\q2 ጋሶይካ ጎዳ ኦጌኔ
\q2 ባንታ ጾሳ ዎጋ ኤሬቴስ»
\q3 ጋዳ ቆፓዲስ።
\q2 ጊዶ ኣቲን ኢስቲ ኡባይካ
\q2 ኢሲፌ ኢዛ ቃምባራ ሜንዳ፤
\q2 ቃሾዛካ ዱዳ።
\q1
\v 6 ሄሳ ጊሻስ ጋሞይ
\q2 ዎራፔ ኬዚዲ
\q2 ኢስታ ሜንሬና፤
\q3 ኢስታ ፑዜሬና፤
\q2 ማሄይ ኢስታ ካታማታ ዩሾ
\q2 ዛማዲ ናጋና።
\q2 ሄ ካታማታፔ ኬዚዛ ኡባ
\q2 ኢዚ ፑዛና።
\q2 ጋሶይካ ኢስታ
\q2 ማካላቴኔ
\q3 ካዶይ ዳሪዴስ።
\q1
\v 7 ጎዳይ፥ «ታኒ ኢንቴ ናጋራ
\q2 ኣይስ ኣቶ ጎ?
\q2 ኢንቴ ናይቲ ታና ኣጊዳ፤
\q2 ኤቃ ጾሳታንካ ጫቂዳ፤
\q2 ታኒ ኢስታ ካልሳ ሚዛዲስ፤
\q2 ኢስቲ ጊዲኮ ላይማቲዳኔ
\q3 ላይማ ኬ ቢዳ።
\q1
\v 8 ኢስቲ ኬቲዳ
\q2 ኮርማ ፓራ ማላ ጊዲዳ፤
\q2 ኢስቲ ኢሶይ ኢሶይ
\q2 ኣሳ ማቾ
\q2 ላጌናስ ካሊዳ።
\q1
\v 9 ቱሙፔ ታኒ ሃ ዮኦታ ጊሻስ
\q2 ኢስታ ቃጻያናስ ቤሴኔ?
\q2 ታኒ ታ ሁኤራ
\q3 ሄሳ ማላ ካዎቴ ቦላ
\q2 ሃሎ ኬሳና ቤሴኔ?» ጌስ።
\q1
\v 10-11 ቃሴካ ጎዳይ፥
\q2 «ዎይኔ ቱራ ጊዶ ቢዲ
\q3 ኢዛ ሞሪቴ፤
\q2 ጊዶ ኣቲን ሙሌራ ይሶፍቴ።
\q2 ኢስቲ ጎዳስ ጊዶንታ ጊሻስ
\q2 ኢዚ ሃጋታ ታርሺ ታርሺ ዬጊቴ፤
\q3 ኢስራኤሌ ኣሳይኔ
\q3 ዩሁዳ ኣሳይ ሙሌራ
\q3 ታና ካዲዳ» ጌስ።
\q1
\v 12 ኢስቲ ጎዳ ቦላ ዎርዶ ሃሳይዳ፤
\q2 «ኢዚ ኑና ኣይኮካ ኦና፤
\q2 ኢታ ሚሺካ
\q2 ኑ ቦላ ጋኬና፤
\q2 ኦላኔ ኮሻ
\q2 ኑኒ ሙሌካ ቤኦኮ።
\q1
\v 13 ናቤቲ ጫርኮ ማላ ኣቲን
\q2 ኢስታ ጊዶን ቃላይ ዴና፤
\q2 ኢስቲ ጊዛዚ ኡባይ
\q3 ኢስታ ቦላ ጋኮ» ጌቴስ።
\q1
\v 14 ሄሳ ጊሻስ ጎዳይ
\q2 ኡባፌ ዎልቃማ ጾሳይ፥
\q2 «ኢስቲ ሃ ቃላ ሃሳይዳ ጊሻስ
\q2 ታኒ ታ ቃላ
\q2 ኔ ዶናን ታማ ኬሳና።
\q2 ሃ ኣሳካ ሚ ኬሳና፤
\q2 ታማይካ ኢስታ
\q2 ሚ ይሳና» ጌስ።
\q1
\v 15 ጎዳይ ኢንቴና፥
\q2 «ኢንቴኖ ኢስራኤሌ ኣሳቶ!
\q2 ታኒ ኢንቴ ቦላ ሃሆ ቢታፌ
\q3 ኢሲ ካዎቴ ኤሃና።
\q2 ኢዚ ዎልቃማኔ
\q3 ቤኒሶፌ ዲዛ ካዎቴ።
\q2 ኢዛ ቃላይ ኢንቴስ ኤሬቴና፤
\q2 ኢዛ ሃሳያይ ኢንቴስ ጌሌና።
\q1
\v 16 ኢስታ ማሻ ኮሆይ ዶያ ዲዛ
\q2 ዱፎ ማላ፤
\q2 ኢስቲ ኡባይካ ዎልቃማ
\q2 ኦላንቻታ።
\q1
\v 17 ኢስቲ ኢንቴ ካኔ
\q2 ቁማ ፒቲ ማና።
\q2 ኢንቴ ኣቱማ ናይታኔ
\q3 ማጫ ናይታ ዎና።
\q2 ኢንቴ ዶርሳኔ ሚዛ
\q2 ቦንቂዲ ማና።
\q2 ኢንቴ ዎይኔ ቴራኔ
\q2 ባላሴ ቴራ
\q3 ቦንቂዲ ማና።
\q2 ኢንቴ ኣማኔቲዛ ጊምቤቲዳ
\q3 ካታማታካ ኢስቲ ባንታ
\q2 ማሻን ይሳና» ጌስ።
\q1
\v 18 ጎዳይ ኤርማሳ፥ «ጊዶ ኣቲን
\q2 ሄ ጋላሳታን
\q2 ታኒ ኢንቴና ሙሌራ ይሲኬ።
\q1
\v 19 ኣሳይ ኔና፥ ‹ኑ ጎዳ ኑ ጾሳይ
\q2 ኑ ቦላ ሃይሳ ኡባ
\q2 ኣይስ ኦዴ?›
\q3 ጊዲ ኦይቺዛ ዎዴ
\q3 ኔኒ ኢስታስ፥ ‹ኢንቴ ታና ጎዳ
\q3 ኣጊዲ ኢንቴ ቢታን
\q3 ኣላጋ ጾሳታስ ኦዳ ማላ፥
\q3 ኢንቴካ ኣሳ ቢታን ኣላጋታስ
\q3 ሄሳ ኦና› ጋ» ጊዴስ።
\q1
\v 20 ቃሴካ ጎዳይ፥
\q2 «ሃይሳ ያቆቤሶ ኣሳታስ ዮታ፤
\q2 ዩሁዳ ቢታንካ ሂዝጋ ኣዋጃ፤
\q1
\v 21 ኢንቴኖ ኣይፌይ ዲሺን
\q2 ዴሞንታይቶ!
\q2 ሃይ ዲሺን ሲዮንታይቶ!
\q2 ኤያኔ ዩሺ ቆፖንታይቶ!
\q2 ሃይሳ ሲዪቴ!\x - \xo 5፡21 \xo*\xt ኢሳ 6፡9-10፤ ሂዚ 12፡2፤ ማር 8፡18\xt*\x*
\q1
\v 22 ኢንቴ ታስ ያያናስ ቤሴኔ?
\q2 ኢንቴ ታ ሲንን
\q2 ኮኮራናስ ቤሴኔ?
\q2 ኣይስ ጊኮ ኢዚ ሜርናስ
\q3 ካን ቦንታ ማላ፥
\q2 ታኒ ኣንጮ ኣባስ ዛዋ ኦዲስ።
\q2 ዳምባላይ ቡላኬቲኮካ
\q3 ዛዋፔ ኣና፤
\q2 ኢዚ ጉሚኮካ
\q2 ፒናናስ ዳንዳዬና።\x - \xo 5፡22 \xo*\xt ኢዮ 38፡8-11\xt*\x*
\q1
\v 23 ጊዶ ኣቲን ሃ ዴራስ ሙሜኔ
\q2 ማካላ ዎዚናይ ዴስ፤
\q2 ኢስቲ ኦጌ ኣጊ ዎራ ቢዳ።
\q1
\v 24 ኢስቲ ባንታ ዎዚናን፥
\q2 ‹ኑስ ሲላ ኢራኔ ጋባ ኢራ
\q3 ዎዴን ዎዴን ቡኪሲዛ፥
\q3 ካ ሺሾ ዎዴ
\q3 ኑስ ዎዴራ ኤሂዛ ጎዳ
\q3 ኑ ጾሳስ
\q3 ኣኔ ያዮስ› ጊቤቴና።
\q1
\v 25 ‹ኢንቴ ኢታ ኦሶይ
\q2 ሃይታ ኢንቴና ዲጊዴስ።
\q2 ኢንቴ ናጋራይ ኢንቴና
\q2 ሎኦ ሚሻፌ
\q2 ኣሺዴስ› ጋ» ጌስ።
\q1
\v 26 ጎዳይ፥ «ታ ኣሳ ጊዶን
\q2 ኢታ ኣሳቲ ዴቴስ።
\q2 ካፎታ ኦይካናስ
\q2 ናጊዛ ኣሳ ማላ
\q2 ኢስቲ ዎጺማዴ ዎዲ
\q3 ኣሳ ኦይካናስ ናጌቴስ።
\q1
\v 27 ካፎ ኬን ካፎይ ኩሚዳ ማላ
\q2 ኢስታ ኬን
\q2 ባሌይ ኩሚዴስ።
\q2 ሄሳ ጊሻስ ኢስቲ
\q3 ዱሬኔ ዎልቃማ ጊዲዳ።
\q1
\v 28 ኢስቲ ኦርዲዳኔ ሞዳ፤
\q2 ኢስታ ኢታቴስ ዛዋይ ዴና።
\q2 ዪኦቲ ሱሬ ፒርዳ ዴማና ማላ
\q3 ኢስታስ ኤቂቤቴና፤
\q2 ማንቆታ ማታ ጊሻሲካ
\q2 ሞቴቴቴና።
\q1
\v 29 ሂስቲን ታኒ ሃይታ
\q2 ሃ ዮታ ጊሻስ፥
\q2 ኢስታ ቃጻያናስ ቤሴኔ?
\q3 ሄሳ ማላ ካዎቴ ቦላ
\q3 ታ ሃሎ ኬሳናስ
\q3 ቤሴኔ?» ጌስ።
\q1
\v 30 ቃሴካ ጎዳይ፥
\q2 «ዳሮ ባቢሲዛ ሚሺኔ
\q2 ዳጋንዛ ሚሺ
\q2 ቢታ ቦላን ሃኒዴስ።
\q1
\v 31 ናቤቲ ዎርዶ ቲንቢቴ ዮቴቴስ፤
\q2 ቄሴቲካ ኢስታ ዞሬን ኣይሴቴስ።
\q2 ታ ኣሳይካ ሄሳ ማላ
\q2 ሚሽ ዶሴስ!
\q2 ሂስቲን ዉርሴን
\q2 ኢንቴ ኣይ ኦኔ?» ጌስ።
\c 6
\s ዬሩሳላሜይ ሞርኬታን ዶዴቴ
\p
\v 1 ጎዳይ፥ «ኢንቴኖ ቢኒያሜ ዛሬቶ!
\q2 ፑዴሃ ባጋፌ ኢታ ሚሺኔ
\q3 ባሺ ያና ጊዛ ጊሻስ
\q2 ኢንቴ ሼምፖ
\q2 ኣሻናስ ባቃቲቴ!
\q2 ዬሩሳላሜፔ ኬዚቴ!
\q2 ቴቁሄ ካታማን ዛዬ ፑኒቴ!
\q2 ቤቲ-ሃካሪሜን ማላታ ቤሲቴ!
\q1
\v 2 ታኒ ማላ ሎኦኔ
\q2 ኡፋይሲዛ ጺዮኔ
\q2 ናዮ ይሳና።
\q1
\v 3 ሄንንቻቲ
\q2 ባንታ ዉዴ ኤኪዲ
\q2 ኢዚ ቦላ ያና፤
\q2 ሂስቲዲ ኢዚ ዩሾን
\q3 ባንታ ዱንካኔ ቶካና፤
\q2 ባንታ ዉዴ ባንታ
\q3 ሶሆን ሶሆን ሄማና።
\q1
\v 4 ኢስቲ ኢሶይ ኢሳ፥ ‹ዬሩሳላሜራ
\q2 ኦሌታናስ ጊጌቲቴ! ዴንዲቴ!
\q2 ኣኔ ኑኒ ኢዞ ሴታ ጋላስ ኦሎስ።
\q2 ጊዶ ኣቲን ኣዬ ኣና!
\q2 ሳኣይ ቃሜስ፤
\q2 ኦማርሳ ኩዋይ
\q2 ኣዱቂ ኣዱቂ ቤስ።
\q1
\v 5 ሄሳ ጊሻስ ዴንዲቴ!
\q2 ኣኔ ኦማርስ ኦሎስ፤
\q2 ሂስቲዲ ኢዚ ሚጻካ
\q3 ኣኔ ላሎስ›
\q3 ጊዲ ማቄቲዳ» ጌስ።
\q1
\v 6 ኡባፌ ዎልቃማ ጎዳይ፥
\q2 «ሚታ ቃንጺቴ።
\q2 ዬሩሳላሜ ጊምቤ ላንቄን
\q3 ቢታ ዶሪቴ፤
\q2 ሃ ካታማይን ቆሆይ
\q2 ኩሚዳ ጊሻስ
\q3 ኢዚስ ቂጻቴይ ቤሴስ።
\q1
\v 7 ኦላፌ ሃ ፑልቲዛ ማላ ኢዛካ
\q2 ባ ኢታቴ ፑልቲሳዉስ፤
\q2 ማካላ ሚሺኔ
\q2 ባሻ ሚሺ
\q3 ኢዚ ጊዶን ሴቴቴስ፤
\q2 ኡባ ዎዴ ኢዚ ሳኮይኔ
\q3 ማዱን ታስ ቤቴስ።
\q1
\v 8 ሃኔ ዬሩሳላሜ ናጌታ፤
\q2 ኔ ኣካይ ጊኮ
\q2 ታ ኔፔ ሻኬታና፤
\q2 ቃሴ ኔ ቢታካ
\q2 ቡላሳና» ጌስ።
\s ኢስራኤሌ ኣሳ ማካላቴ
\q1
\v 9 ኡባፌ ዎልቃማ ጎዳይ፥
\q2 «ዎይኔ ቴራ ኢሲኖካ
\q3 ኣሾንታ ማጺዛ ማላ
\q2 ኢስራኤሌ ኣሳፔ
\q2 ኣቲዳይታ ሄሳካ
\q3 ማጺ ሺሺቴ።
\q2 ዎይኔ ቴራ ማጺዛ ኣሳ ማላ
\q2 ኢንቴ ኩሼ ሃጋታ ጊዶ
\q3 ናምኣንካ ዬዲቴ» ጌስ።
\q1
\v 10 ታኒ ኦናስ ዮቶ?
\q2 ኦና ሴሮ?
\q2 ኦኒ ታ ጊዛዝ ሲያኔ?
\q2 ሄኮ ኢስታ ሃይ
\q2 ቱሌ ጊዲዳ ጊሻስ
\q3 ኢስቲ ሲዬቴና፤
\q3 ጎዳ ቃላይ
\q3 ኢስታስ ቂስ ኬዚዴስ፤
\q3 ኢስቲ ኢዛን ኡፋዬቴቴና።
\q1
\v 11 ሄሳ ጊሻስ ጎዳ ሃንቆይ
\q2 ታናን ኩሚ ኡቲዴስ፤
\q2 ታኒ ሃ ሃንቆዛ
\q3 ታ ኡሎን ኦይካና ዳንዳይኬ።
\q2 ሂስቲን ጎዳይ ታና፥
\q3 «ታ ሃንቆዛ ኦጌን ዲዛ
\q3 ጉ ናይታ ቦላኔ
\q3 ሺቂዳ ዬላጋ ናይታ ቦላ ጉሳ፤
\q3 ማቻኔ ኣዚናይ፥
\q3 ጪሚዳ ኣሳቲካ
\q3 ኬሲ ኤኪ ኣቴቴና።
\q1
\v 12 ታኒ ሄ ቢታን ዲዛይታ ቦላ
\q2 ታ ኩሼ ዬዲዛ ዎዴ
\q2 ኢስታ ኬቲ፥ ኢስታ ጋዴቲኔ
\q2 ኢስታ ማቼቲካ ኣቶንታ
\q3 ኡባይ ሃራታስ ጊዳና» ጌስ።
\q1
\v 13 ቃሴካ ጎዳይ፥
\q2 «ጉይካ ጊታይካ
\q2 ኡባይ ባ ጎኣስ ዪቄቴስ።
\q2 ናቤቲኔ ቄሴቲ ኡባይ
\q3 ኣስ ባሌቴስ።
\q1
\v 14 ኢስቲ ታ ዴራ ማዱን
\q2 ቄሪ ሚሻ ማላ ጼሊዳ፤
\q2 ፓጻና ማላ ኮሺዛ
\q2 ኦሶ ኦቤቴና፤
\q2 ሳሮይ ባይንዳ፥
\q3 ‹ሳሮ፤ ሳሮ› ጌቴስ።\x - \xo 6፡14 \xo*\xt ሂዚ 13፡10\xt*\x*
\q1
\v 15 ሃ ሃራሲዛ ኦሶዛ ጊሻስ
\q2 ኢስቲ ዬላቲዶ?
\q2 ኣካይ ሙሌካ ዬላቲቤቴና፤
\q2 ኢስቲ ዬላይ ኣዛኮ ኤሬቴና።
\q2 ሄሳ ጊሻስ ኢስቲ ኩንዲዛይታራ
\q3 ኢሲፌ ኩንዳና፤
\q2 ታኒ ኢስታ ቃጻዪዛ ዎዴ
\q3 ኢስቲ ካዉያና» ጌስ።\x - \xo 6፡12-15 \xo*\xt ኤር 8፡10-12\xt*\x*
\q1
\v 16 ጎዳይ፥ «ዳጋላ ኦጌ ቦላ
\q2 ኤቂ ጼሊቴ፤
\q2 ቤኒ ኦጌዮ ኦይቺቴ፤
\q2 ሎኦ ኦጌይ ኣዋሪ? ኢዚራ ቢቴ፤
\q2 ኢንቴ ኢንቴ ሼምፖስ
\q3 ሼምፖ ዴማና፤
\q2 ኢንቴ ጊዲኮ፥
\q3 ‹ኑ ኢዚራ ቦኮ!› ጊዴታ።\x - \xo 6፡16 \xo*\xt ማቶ 11፡29\xt*\x*
\q1
\v 17 ታ ኢንቴና ናጊዛይታ ዎዲስ፤
\q2 ‹ዛዬይ ፑኔቲሺን ሲዪቴ› ጋዲስ፤
\q2 ኢንቴ ጊዲኮ፥
\q3 ‹ኑኒ ሲዮኮ› ጊዴታ።
\m
\v 18 ሄሳ ጊሻስ ካዎቴቶ፥ ሲዪቴ!
\q2 ኢንቴኖ ማርካቶ!
\q2 ኢስታ ቦላ ኣዚ
\q2 ጋካናኮ ኣኬኪቴ።
\q1
\v 19 ቢታዬ ሲያ!
\q2 ኢስቲ ታ ቃላ
\q3 ሲዮንታ ኢጺዳ ጊሻሲኔ
\q3 ታ ዎጋካ ካዳ ጊሻስ
\q3 ታኒ ዴራ ቦላ
\q2 ኢስታ ኢታ ቆፋ ማላ ባሽ ኤሃና።
\q1
\v 20 ኤጻኔይ ሳባ ቢታፌ
\q2 ሳዊዛ ቂማሜይ
\q2 ሃኮ ቢታፌ ዪኮ
\q2 ታና ኣይ ጋኔ?
\q2 ጹጌቲዛ ኢንቴ ያርሾዛካ
\q2 ታ ኤኪኬ፤
\q2 ኢንቴ ሺሺዛ ሃራ ያርሾይካ
\q3 ታና ኡፋይሴና» ጌስ።
\q1
\v 21 ሄሳ ጊሻስ ጎዳይ፥
\q2 «ታኒ ሃ ዴራ ሲንን
\q3 ጲዛ ሚሽ ዎና፤
\q2 ኣዋቲኔ ኣቱማ ናይቲ
\q3 ኢዛን ጴታና፤
\q2 ሾሮቲኔ ላጌቲ
\q2 ያና» ጌስ።
\s ፑዴሃ ባጋፌ ዎራጂዛ ኦላንቻታ
\b
\q1
\v 22 ቃሴካ ጎዳይ፥
\q2 «ሄኮ ፑዴሃ ባጋፌ
\q2 ኦላንቻቲ ዬቴስ፤
\q2 ጊታ ካዎቴ ሳኣ ጋጻፔ
\q3 ዴን ቦላ ዴስ።
\q1
\v 23 ኢስቲ ዎንዳፌኔ ቶራ ኦይኪዳ።
\q2 ኢስቲ ሜንጼ ኢታታኔ
\q3 ቃታይ ባይንዳይታ፤
\q2 ኢስቲ ባንታ ፓራታ ቶጊዛ ዎዴ
\q2 ኣባይ ጉሚዛ ማላ
\q2 ጉሜቴስ።
\q3 ኢንቴኖ ጺዮኔ ማጫ ናይቶ!
\q3 ኢስቲ ጊጌቲዲ ኢንቴና
\q3 ኦላናስ ዬቴስ» ጌስ።
\b
\q1
\v 24 ኑኒ ሄ ዮኦ ሲዪን
\q2 ኑ ቄሴይ
\q2 ኪምኢሊሽ ጊዴስ።
\q2 ማጫስ ሚጻይ ኦይኪዳ ማላ
\q3 ኑና ጬጬይ ኦይኪዴስ።
\q1
\v 25 ሞርኬይ ማሻ ጊጺዴስ፤
\q2 ኡባሶን ሺሮይ ኩሚዴስ፤
\q2 ሄሳ ጊሻስ ካሬ ኬዞፒቴ፤
\q2 ኦጌንካ ሄሜቶፍቴ።
\q1
\v 26 ታ ዴሬቶ ማቃ ማይኢቴ፤
\q2 ቢዲን ቦላ ቡሉሌቲቴ፤
\q2 ሜጺ ኢሲ ናይ ሃይቂዳ ኣሳ ማላ
\q2 ጫሞ ዬሆ ዬኪቴ፤
\q2 ጋሶይካ ኑ ቆፖንታ ዲሺን
\q2 ይሲዛይ ኑ ቦላ ያና።
\q1
\v 27 ጎዳይ ኤርማሳ፥ «ኤርማሳ!
\q2 ቢራታ ፓጪዛዴ ማላ
\q3 ኔኒ ታ ዴሬዛ ኦጌኔ
\q2 ኢስታ ሄሜታ ፓጫና ማላ
\q3 ታ ኔና ዎዲስ፤
\q1
\v 28 ኢስቲ ኡባይ ዚጊርሼ ዩዪዛይታኔ
\q2 ዮቲን ኤኮንታ
\q2 ማካላንቻታ፤
\q2 ኢስቲ ጻርቂማላ ማላኔ
\q2 ቢራታ ማላ፤
\q2 ኢስቲ ኡባይካ ሞሮ ኦዛይታ።
\q1
\v 29 ቢራታ ሴሪሳናስ ዎምፒና
\q2 ሎኤ ፑና፤
\q2 ጊዶ ኣቲን ኢታቲ ሙሌራ
\q3 ፒቴቲ ኬዞንታ ጊሻስ
\q2 ሄሲ ጮ ሃዳ ዳቡራ።
\q1
\v 30 ጎዳይ ኢስታ ካዳ ጊሻስ
\q2 ኢስቲ ካቲዳ ቢራ
\q3 ጌቴቲ ጼይጌታና» ጌስ።
\c 7
\s ኤርማሲ ጾሳ ኬን ታማርሲዳ ቲሚርቴ
\p
\v 1 ጎዳፔ ኤርማሳስ ዪዳ ቃላይ ሃይሳፌ ካሊ ዲዛይሳ፤ 
\v 2 «ኔኒ ጎዳ ጾሳ ኬ ፔንጌን ኤቃ፤ ሂስታዳ ሃ ቃላ፥ ‹ኢንቴኖ ጎዳስ ጎይናናስ ሃ ፔንጌታራ ጌሊዛ ዩሁዳ ኣሳቶ፥ ኡባይካ ጎዳ ቃላ ሲዪቴ!› ጋ ኣዋጃ። 
\v 3 ኡባፌ ዎልቃማ ጎዳ ኢስራኤሌ ጾሳይ፥ ‹ኢንቴ ኦጌኔ ኢንቴ ኦሶ ሎኤቴ፤ ኢንቴ ሂስቲኮ ታ ኢንቴና ሃይሳን ዳና ማላ ኦና› ጌስ። 
\v 4 ጪሞ ቃላን፥ ‹ሃይሲ ጎዳ ጾሳ ኬ! ሃይሲ ጎዳ ጾሳ ኬ! ሃይሲ ጎዳ ጾሳ ኬ!› ጊዲ ኣማኔቶፍቴ። 
\v 5 ኢንቴ ኢንቴ ኦጌኔ ኢንቴ ኦሶ ሎኤኮ፥ ኢንቴ ጊዶን ሱሬቴ ዲኮ፥ 
\v 6 ቤቴ ዪዳ ኣሳታኔ ዪኦታ፥ ኣምኤታ ኢንቴ ቆሆንታ ኣጊኮ፥ ሃይሳ ሃ ቢታ ቦላ ጺሎ ሱ ጉሶንታ ኣጊኮ፥ ኢንቴና ቆሂዛ ኤቃ ጾሳታ ኢንቴ ካሎንታ ኣጊኮ፥ 
\v 7 ታኒ ኢንቴ ኣዋታስ ሜርናስ ጺንጾ ሂስታ ኢሚዳ ሃ ቢታይን ታ ኢንቴና ዎና። 
\v 8 ሄኮ ኢንቴ ሃዳ ጊዲዳ ዎርዶ ቃላን ኣማኔቲዴታ።»
\p
\v 9 ጎዳይ፥ «ኢንቴ ካይሶቴታ፥ ኣስ ዎታ፥ ላይማቴታ፥ ዎርዶ ጫቂ ማርካቴታ፥ ባኣሌ ኤቃ ጾሳስ ያርሾ ያርሼታ፥ ሃይሳፌ ካሴ ኢንቴ ኤሮንታ ኤቃ ጾሳታስ ጎይኔታ። 
\v 10 ሂስቲዲ ታ ሱንን ጼይጌቲዳ ጾሳ ኬ ዪ ታ ሲንን ኤቂዲ፥ ‹ኑኒ ሎኦ ዶስ!› ጊሼ ሃይታ ሃራሲዛ ሚሻታ ኦሶን ዴታ። 
\v 11 ታ ሱንን ጼይጌቲዳ ሃ ጾሳ ኬይ ኢንቴስ ፓንጋቲ ቆቴቲዛ ጎንጎሎ ጊዲዴ? ኢንቴ ኦዛይሳ ኡባ ታኒ ታ ኣይፌራ ቤኣዲስ» ጌስ።\x - \xo 7፡11 \xo*\xt ማቶ 21፡13፤ ማር 11፡17፤ ሉቃ 19፡46\xt*\x*
\p
\v 12 ጎዳይ፥ «ታኒ ታ ሱንይ ኢዛን ዳና ማላ ታ ዶሪዳሶ ሴሎ ቢቴ፤ ታ ኣሳ ኢስራኤሌ ኢታቴ ጋሶን ታኒ ሄን ኦዳይሳ ቢዲ ቤኢቴ። 
\v 13 ኢንቴ ሄሳ ኡባ ኦሺን ታኒ ኢንቴስ ዛራ ዛራዳ ዮታዲስ፤ ጊዶ ኣቲን ኢንቴ ሲዮንታ ኢጺዴታ፤ ታኒ ኢንቴና ጼይጋዲስ ሺን ኢንቴ ታስ ኮዪቤኬታ። 
\v 14 ሄሳ ጊሻስ ታኒ ሴሎን ኦዳይሳ ማላ ሃኢካ ሃይሳን ኢንቴ ኣማኔቲዛ፥ ታ ሱንይ ኢዛን ጼይጌቲዛ ሃ ጾሳ ኬ ቦላካ ኦና፤ ኢንቴሲኔ ካሴ ኢንቴ ኣዋታስ ኢሚዳ ሶሆን ሃይሳን ታኒ ሴሎ ቦላ ኦዳይሳ ማላ ዛራዳ ኦና።\x - \xo 7፡12-14 \xo*\xt ኢያ 18፡1፤ ማዛ 78፡60፤ ኤር 26፡6\xt*\x* 
\v 15 ኢንቴ ኢሻታ ኤፍሬሜ ዛሬታ ታኒ ዲጊዳ ማላ ታ ሲንፌ ኢንቴናካ ዲጋና» ጌስ።
\p
\v 16 ጎዳይ፥ «ኤርማሳ፥ ኔ ዎሲንካ ታ ሲዮንታ ጊሻስ ኔ ሃይሳ ዴራስ ዎሶፋ፤ ኢስታስ ሾቦፋ ዎይኮ ኢስታስ ጋናቶፓ። 
\v 17 ኢስቲ ዩሁዳ ካታማታኒኔ ዬሩሳላሜ ኦጌታን ኣይ ኦዛኮ ኔ ቤኢኪ? 
\v 18 ‹ሳሎ ጎዳቴዮ› ጌቴቲዛ ጾሳይሲ ኡኬ ኡካናስ ማጫሳቲ ሌ ሙኑቄቴስ፤ ናይቲ ሚ ሚጼቴስ፤ ኣዋቲ ታማ ኤቴስ። ኢስቲ ታና ቆሃና ጊዲ ኡሻ ያርሾ ሃራ ጾሳታስ ያርሼቴስ።\x - \xo 7፡18 \xo*\xt ኤር 44፡7-19\xt*\x* 
\v 19 ኢስቲ ሃይሳ ኡባ ኦዛይ ታና ቆሃናሴ? ሃይሳን ቆሄቲዲ ዬላታናይ ባንታ ሁኤስ ኢስታ ጊዴቴኔ?» ጊዴስ።
\p
\v 20 ሄሳ ጊሻስ ኡባፌ ዎልቃማ ጎዳይ፥ «ታ ዪሎይኔ ታ ሃንቆይ ሃ ሶሆ ቦላ፥ ሜዶሳታ ቦላ፥ ጋዴን ዲዛ ሚ ቦላኔ ካ ቦላ ጉካና፤ ሂስቲዲ ኤጻና፤ ቶኣናስካ ዳንዳዬና» ጌስ። 
\v 21 ኡባፌ ዎልቃማ ጎዳ ኢስራኤሌ ጾሳይ፥ «ኢንቴ ጹጊ ሺሺዛ ያርሾዛ ጊዲን ሃራ ያርሾታራ ጉጂዲ ኣሾዛራ ኢንቴስ ሚቴ። 
\v 22 ታኒ ኢንቴ ኣዋታ ጊብጼ ቢታፌ ኬሲዳ ዎዴ ጹጌቲዛ ያርሾ ጊሻስ ጊዲን፥ ሃራ ያርሾ ጊሻስ ጊዲን፥ ታ ኢስታስ ዮታቤኬ ዎይኮ ኢስታ ኣዛዛቤኬ። 
\v 23 ጊዶ ኣቲን ታኒ ኢስታስ፥ ‹ታስ ኣዛዜቲቴ፤ ሂስቲኮ ታኒ ኢንቴ ጾሳ ጊዳና፤ ኢንቴካ ታ ዴሬ ጊዳና፤ ኢንቴስ ሎኣና ማላ ታኒ ኢንቴና ኣዛዚዛ ኦጌ ኡባራ ቢቴ› ጋዳ ኣዛዛዲስ። 
\v 24 ኢስቲ ጊዲኮ ታ ጊዛዝ ሲዪቤቴና፤ ዎዚናን ዎ ሲያናስካ ኮዪቤቴና፤ ኢስቲ ባንታ ኢታ ዎዚና ቆፋ ሚን ካሊዳ፤ ኢስቲ ሲን ቡስ ኣጊዲ ጉዬ ጉዬ ቢዳ። 
\v 25 ኢንቴ ኣዋቲ ጊብጼ ቢታፌ ኬዚዳ ጋላሳፌ ዶሚዲ ሃኖ ጋካናስ ታኒ ታ ኣይሌ ጊዲዳ ናቤታ ኢስታስ ኪታሼ ዳይስ። 
\v 26 ዴሬዚ ጊዲኮ ታ ጊዛዝ ሲዪቤና፤ ዎዚናን ዎ ሲያናስካ ኮዪቤና፤ ኢስቲ ባንታ ሞርጌ ሚንዳኔ ኢስታ ኣዋቲ ኦዳ ኢታ ሚሻፌ ኣዛ ኢታ ሚሽ ኦዳ።
\p
\v 27 «ሃይሳ ኡባ ኔኒ ኢስታስ ዮታና፤ ጊዶ ኣቲን ኢስቲ ኔ ጊዛይሳ ሲዬቴና፤ ኔኒ ኢስታ ጼይጋና ሺን ኢስቲ ኔስ ኮዬቴና። 
\v 28 ሄሳ ጊሻስ ኔኒ ኢስታስ፥ ‹ሃይሲ ዴሬዚ ጎዳ ባ ጾሳስ ኣዛዜቶንታኔ ኢዛ ዞሬ ኤኮንታ ዴሬ፤ ቱማይ ዴና፤ ኢስታ ኢንጻርሳፌ ይዴስ። 
\v 29 ሃንቆይ ኢዛ ቦላ ጋኪዳ ሃ ዬሌታ ጎዳይ ካዳ ጊሻሲኔ ኣጊዳ ጊሻስ ኢንቴ ሁኤ ሜዲዲ ዎራ ዬጊቴ፤ ኣይኮይካ ባይንዳ ዙምቡላታ ቦላ ኬዚዲ ዚላሊቴ› ጋ» ጌስ።
\s ሹካ ሹኪዛሶ ሄኖሜ ሾባ
\p
\v 30 ቃሴካ ጎዳይ፥ «ዩሁዳ ኣሳቲ ታ ሲንን ኢታ ሚሽ ኦዳ፤ ሃራሲዛ ኤቃ ጾሳታ ኤሂዲ ታ ሱንን ጼይጌቲዳ ጾሳ ኬን ዎዲ ቱኒሲዳ። 
\v 31 ኢስቲ ባንታ ኣቱማ ናይታኔ ማጫ ናይታ ታማን ጹጊዲ ያርሻናስ፥ ሄኖሜ ና ሾባን ቶፌቴ ጌቴቲዛ ያርሾሶሆ ጊምቢዳ። ጊዶ ኣቲን ሄሲ ታኒ ኢስታ ኣዛዞንታይሳኔ ታ ቆፋን ባይንዳይሳ።\x - \xo 7፡31 \xo*\xt ሌዌ 18፡21፤ 2ካዎ 23፡10፤ ኤር 32፡35\xt*\x* 
\v 32 ሄሳ ጊሻስ ሄ ሶሆይ ሄኖሜ ና ሾባ ዎይኮ ቶፌቴ ጌቴቲዛይሲ ኣቲዲ ሹካ ዙሌ ጌቴቲ ጼይጌታና ጋላሳቲ ዬቴስ። ጋሶይካ ሞጎሶይ ያና ጋካናስ ሃይቂዳ ኣሳቲ ቶፌቴን ሞጌታና። 
\v 33 ሄ ዎዴ ሄ ኣሳታ ኣሃይ ሳሎ ካፎታሲኔ ሳኣ ዶኣታስ ቁማ ጊዳና፤ ኢስታ ባቢሲዲ ጎዲዛ ሚሺ ዴና። 
\v 34 ታኒ ኢሊሲ፥ ኡፋይሳ ጬንጉርሲኔ ሚሺራታ ጬንጉርስ ዩሁዳ ካታማታፔኔ ዬሩሳላሜ ኦጌታፔ ይሳና፤ ቢታያካ ቡላ ጊዳ ኣታና» ጌስ።\x - \xo 7፡34 \xo*\xt ኤር 16፡9፤ 25፡10፤ ኣጁ 18፡23\xt*\x*
\c 8
\p
\v 1 ኡባፌ ዎልቃማ ጎዳይ፥ «ሄ ዎዴን ዩሁዳ ካዎታ ሜቄ፥ ሹሜታ ሜቄ፥ ቄሴታ ሜቄ፥ ናቤታ ሜቄኔ ዬሩሳላሜን ዲዛ ኣሳታ ሜቄ ኡባይ ዱፎፔ ማጼቲዲ ኬዛና። 
\v 2 ሂስቲዲ ኢስቲ ሲቂዳ፥ ኪቴቲዳ፥ ካሊዳ፥ ዞሬ ኦይቺዳኔ ጎይኒዳ ኣርሼ ሲንን፥ ኣጊና ሲንኒኔ ሳሎ ጾሊንቴታ ኡባ ሲንን ሚጬታና። ኢስታ ሜቄይ ሺቄና ዎይኮ ሞጌቴና፤ ጊዶ ኣቲን ቢታ ቦላ ኦሌቲዳ ቡራ ማላ ጊዳና። 
\v 3 ሃ ኢታ ኣሳ ኩሼፔ ኣቲዳይቲ ኡባይ ታ ኢስታ ጎዳ ዬዲዳሶ ኡባን ዴኦፔ ሃይቆ ዶራና» ጌስ።
\s ናጋራ ጋሶን ጋኪዛ ቂጻቴ
\p
\v 4 ጎዳይ ታና፥ «ኣሳስ፥ ‹ኣሲ ኩንዲኮ ኩንዲዳሶሆፔ ሲሚዲ ዴንዴኔ?
\q2 ዎይኮ ኣሲ ባሊዳ ጊዲኮ
\q2 ጉዬፔ ባ ባላፔ ሲሜኔ?
\q1
\v 5 ሂስቲን ሃይሲ ዴሬዚ
\q2 ኣይስ ጉዬ ሲሚ ቢዜ?
\q2 ዬሩሳላሜይ ኣይስ ኡባቶ
\q3 ጉዬ ሲማዜ?
\q2 ኢስቲ ጌኔ ኦሶ ሚን ኦይኪዳ፤
\q2 ሲማናስካ ኮዬቴና።
\q1
\v 6 ታኒ ኢስታ ሎኤ ኤዝጋዲስ፤
\q2 ኢስቲ ሱሬ ሃሳዬቴና፤
\q2 ታ ኣይ ኦዲና?› ጌስ።
\q2 ጊዶ ኣቲን ባ ኢታ ኦሶ
\q3 ፓጺዛይ ኢሶይካ ዴና፤
\q3 ኦላስ ዲርጊዛ ፓራ ማላ
\q3 ኡባይካ ባስ ባስ ዎጼስ።
\q1
\v 7 ሺሜላ ጌቴቲዛ ካፎቲ
\q2 ባንቲ ሲሚዛ ዎዴ ኤሬቴስ፤
\q2 ሃራጴቲ፥ ዳጊጬቲኔ
\q3 ዋላ ጌቴቲዛ ካፎቲ
\q3 ባ ዴንዲ ቢዛ ዎዴ ኤሬቴስ፤
\q3 ጊዶ ኣቲን ታ ዴሬይ
\q3 ጎዳ ዎጋ ኤሪቤና።\f + \fr 8፡7 \fr*\ft ዳጊጬይ ካፎ ቆሞ ጊዲዳይሳ ቆንጪሴስ።\ft*\f*
\m
\v 8 ዎርዳንቻ ጻፌቲ ባንታ ቢኢሬን
\q2 ታ ዎጋ ዎርዶራ ጻፊዳ፤
\q2 ሂስቲን ዋኒዲ፥
\q2 ‹ኑኒ ኣ ኤራንቻ፤
\q2 ጎዳ ዎጋይ
\q2 ኑናራ ዴስ› ጌቲ?
\q1
\v 9 ኣ ኤራንቻቲ ዬላታና፤
\q2 ኢስቲ ካዉያናኔ
\q2 ዎጺማዴን ኦይኬታና።
\q3 ጎዳ ቃላራ
\q3 ኢስቲ ኤቄቲቺን
\q3 ኢስታስ ኣዛ ኤራቴ ዲዜ?
\q1
\v 10 ሄሳ ጊሻስ ታኒ ኢስታ ማቼታ
\q2 ሃራ ኣዚናታስ፥
\q2 ኢስታ ቢታታካ
\q2 ኣላጋታስ ኢማና፤
\q3 ጉይካ ጊታይካ ኡባይ
\q3 ባንታ ጎኣስ ዪቄቴቴስ።
\q3 ናቤቲኔ ቄሴቲካ ኡባይ
\q3 ኣስ ባሌቴስ።
\q1
\v 11 ኢስቲ ታ ዴሬዛ ማዱን
\q2 ቄሪ ሚሻን ቆዲዲ
\q2 ማዶንታ ሌ ኢሜቴስ፤
\q2 ሳሮይ ባይንዳ፥
\q3 ‹ሳሮ፥ ሳሮ› ጌቴስ።\x - \xo 8፡11 \xo*\xt ሂዚ 13፡10\xt*\x*
\q1
\v 12 ቱና ኦሶ ኦዲ ዬላቲዶ?
\q2 ቺ! ሙሌካ ዬላቲቤቴና።
\q2 ኢስቲ ዬላይ ኣዛኮካ ኤሬቴና።
\q2 ሄሳ ጊሻስ
\q2 ኢስቲካ ኩንዲዳይታራ
\q3 ኢሲፌ ኩንዳና፤
\q2 ታ ኢስታ ቃጻዪዛ ዎዴ
\q3 ኢስቲ ካዉያና» ጌስ።\x - \xo 8፡10-12 \xo*\xt ኤር 6፡12-15\xt*\x*
\b
\q1
\v 13 ጎዳይ፥ «ኢስቲ ጎዪ ኬሲዳ
\q2 ካ ኡባ
\q2 ታ ኢስታፌ ኤካይቻና፤
\q3 ኢስታ ዎይኔ ቱራን
\q3 ኣይፌይ ያና፤
\q3 ባላሴ ሚካ ኣይፌ ኢሜና፤
\q3 ኢስታ ቦንጮቲካ ቆካና፤
\q3 ታኒ ኢስታስ ኢሚዳይሲ
\q3 ኢስታፌ ኤኬቲቻና» ጌስ።
\b
\q1
\v 14 ሂስቲን ኣሳቲ፥
\q2 «ኑኒ ሃይሳን ኣይስ ኡቲኖ?
\q2 ኣኔ ኢሲ ቦላ ሺቂቴ፤
\q2 ጊምቤቲ ኡቲዳ ካታማታን
\q3 ባቃቲ ቢዲ ሄን ሃይቆስ፤
\q2 ጎዳ ኑ ጾሳይ ኑና
\q3 ሃይቃና ማላ ፒርዲዴስ፤
\q2 ኑኒ ኢዛ ቦላ
\q2 ናጋራ ኦዳ ጊሻስ
\q2 ኑ ኡያና ማላ ማርዜራ ዲዛ
\q3 ሃ ኢሚዴስ።
\q1
\v 15 ‹ሳሮይ ያና› ጊዲ
\q2 ሂዶታ ኦዶስ፤
\q2 ጊዶ ኣቲን
\q2 ሎኦ ሚሺ ዪቤና።
\q2 ‹ኑኒ ፓጻና› ጊዲ ኣሞቲዶስ፤
\q2 ጊዶ ኣቲን ዳጋማ ጻላ ጊዲዴስ።
\q1
\v 16 ሞርኬታ ፓራ ፔኖይ
\q2 ዳኔ ካታማፔ ሲዬቴስ፤
\q2 ኢስታ ዎዳላ ፓራታ ጫሻን
\q3 ቢታይ ኡባይ ቃጼስ፤
\q2 ቢታዮኔ ቢታይ ቦላ
\q2 ዲዛ ኡባ፥
\q2 ካታማዮኔ ኢዚን ዲዛ ኡባ
\q3 ሚታናስ ዪዳ» ጌቴስ።
\b
\q1
\v 17 ጎዳይ፥ «ቤኢቴ፥
\q2 ታኒ ማርዜራ ዲዛ ሾሻታ፥
\q2 ሙሬኒዛይታ ሂላቴ
\q3 ቴቃናስ ዳንዳዮንታ
\q2 ሃሶ ሾሻታ
\q2 ኢንቴ ጊዶ ዬዳና፤
\q2 ኢስቲ ኢንቴና ዱካና» ጌስ።
\s ኤርማሲ ዴራስ ጬጪዳ ጬጬ
\q1
\v 18 ታ ጬጪዛ ዎዴ
\q2 ታና ሚንዛይሶ!
\q2 ታ ዎዚናይ ኬሂ ሜቂዴስ።
\q1
\v 19 ታ ኣሳይ ሃሆ ቢታን ዲሼ
\q2 ዋሲዛ ዋሶ ሲያ።
\q2 ኢስቲ፥ «ጎዳይ ጺዮኔን ዴኔ?
\q2 ኢዚ ካዎይካ ሄን ዴኔ?»
\q3 ጊዲ ዋሴቴስ።
\q2 ሂስቲን ጎዳይ ኢዛስ፥
\q2 «ኢስቲ ባስ ማሲዳ ሚስሌታን፥
\q3 ሃዳ ጊዲዳ ኤቃ ጾሳታን
\q3 ታና ኣይስ ሃንቄዶ?» ጌስ።
\b
\q1
\v 20 ሂስቲን ኣሳይ፥
\q2 «ሄኮ ካ ሺሾ
\q2 ዎዴይ ኣዴስ፤
\q2 ቦኔይካ ዉሪዴስ፤
\q2 ኑኒካ ኣቲቤኮ»
\q2 ጊዲ ዋሴቴስ።
\q1
\v 21 ታ ዴሬይ ማዱንጺሺን
\q2 ታኒካ ማዱንጻዲስ፤
\q2 ዬካዲሲኔ ዳጋማዲስ።
\q1
\v 22 ጋላኣዴን ቲዪዛ ሌይ ዴኔ?
\q2 ዎይኮ ሄን ኣኪሜይ ዴኔ?
\q2 ሂስቲን ታ ዴራ ማዱን
\q3 ኣይስ ፓጺቤኔ?
\c 9
\p
\v 1 ሹኬቲዳ ታ ዴራ ጊሻስ ኦማርሲኔ
\q2 ጋላስ ታ ዬካና ማላ
\q3 ታ ሁኤይ ሃ ኦላ፥
\q3 ታ ኣይፌቲካ ፑልቶ ማላ
\q3 ኣፉን ጎጊሲዳኮ
\q3 ታ ኣይ ማላ ዶሳንዲና!
\q1
\v 2 ታኒ ታ ዴራፔ ሻኬታዳ
\q2 ሃካ ባና ማላ
\q2 ባዞን ማንዳራይ ኣቂዛሶሆ
\q3 ታስ ኦኔ ኢማናይ!
\q2 ኢስቲ ኡባይካ ላይማቲዛይታኔ
\q3 ባሌዛይታ ጊዲዳ።
\q1
\v 3 ጎዳይ፥ «ኢስቲ ባንታ ኢንጻርስ
\q2 ዎርዶ ሃሳያናስ
\q2 ዎንዳፌ ማላ ጊግሲዳ፤
\q2 ቱማን ጊዶንታ ዎርዶራ
\q3 ቢታይ ቦላ ሚኒዳ፤
\q2 ኢስቲ ኢታ ቦላ ኢታ
\q3 ጉጂ ጉጂ ቢዳ፤
\q2 ታናካ ኤሬቴና» ጌስ።
\q1
\v 4 ቃሴካ ጎዳይ፥
\q2 «ኢሻይ ኢሻ ባሌስ፤
\q2 ላጌይ ባ ላጌ ዚጊሬስ፤
\q2 ሄሳ ጊሻስ ኢሻይ
\q2 ኢሻፔ ናጌቶ፤
\q2 ላጌይ ባ ላጋን ኣማኔቶፎ።
\q1
\v 5 ላጌይ ባ ላጌ ጪሜስ፤
\q2 ቱማ ሃሳይዛይ ዴና፤
\q2 ኢስቲ ባንታ ኢንጻርስ
\q3 ዎርዶ ሃሳያ ታማርሲዳ።
\q2 ናጋራ ኦሶን
\q2 ባንታና ዳቡርሴቴስ።
\q1
\v 6 ኔኒ ባሌይ ኩሚዳሶን ዳሳ፤
\q2 ኢስቲ ባንታ ጪሞ ጋሶን ታና
\q3 ኤራና ኮዪቤቴና» ጌስ።
\q1
\v 7 ሄሳ ጊሻስ ኡባፌ
\q2 ዎልቃማ ጎዳይ፥
\q2 «ታኒ ኢስታ ቢራታ ማላ
\q3 ፓጫዳ ሴሪሳ ጌሻና።
\q2 ታ ዴራ ናጋራ ጊሻስ
\q2 ታ ሃይሳፌ ሃራ
\q3 ኣይ ኦና ዳንዳያዚና?
\q1
\v 8 ኢስታ ኢንጻርሳይ
\q2 ዎዛ ዪሻ ማላ፤
\q2 ኢስቲ ጪሞ ሃሳያ ሃሳዬቴስ።
\q2 ኡባይካ ባንታ ላጌታራ
\q3 ሲቆ ቃላን ሃሳዬቴስ፤
\q2 ጊዶ ኣቲን ባንታ ዎዚናራ
\q3 ዎጺማዴ ጊጊሴቴስ።
\q1
\v 9 ሂስቲን ሃይታ ሃ ዮኦታ ጊሻስ
\q2 ታ ኢስታ ቃጻያና ቤሴኔ?
\q3 ታኒ ታ ሁኤስ ሃይሳ ማላ
\q3 ካዎቴ ቦላ
\q3 ሃሎ ኬሲኪና?» ጌስ።
\q1
\v 10 ታኒ ቃ ዴሬታስ
\q2 ዬካናኔ ዋሳና፤
\q2 ባዞን ሄንሶሆታስ
\q2 ካዮታና።
\q2 ጋሶይካ ኢስቲ ይዳ፤
\q2 ሄራ ኢሲ ኣሲኔ ካንና።
\q2 ሜሄ ዋሶይ ሲዬቴና፤
\q2 ሳሎ ካፎቲኔ ዶኣቲ
\q3 ባቃቲዲ ቢቺዳ።
\q1
\v 11 ጎዳይ፥ «ዬሩሳላሜ ካታማ
\q2 ታኒ ቡቲ ካይዚዳሶኔ
\q2 ዎራካናቲ ካኢዛሶ ኦና።
\q2 ዩሁዳ ካታማታካ
\q2 ኣሲ ባይንዳሶ
\q3 ቡላ ኬሳና» ጌስ።
\p
\v 12 ሄሳ ኣኬካናስ ዳንዳይዛ ኣ ኤራንቻይ ኦኔ? ጎዳይ ኢዛስ ቆንጪሲን ሃይሳ ኢዛስ ዮታና ዳንዳይዛይ ኦኔ? ቢታያ ኣሲ ባይንዳ ካይስ ኣይስ ጊዳዴ?
\p
\v 13 ጎዳይ፥ «ሃይሲ ሃኒዳይ ኢስታስ ታኒ ኢሚዳ ዎጋ ኢስቲ ኣጊዲ ኣዛዜቶንታ ጊሻሲኔ ታ ማራ ካሎንታ ኣጊዳ ጊሻሳ። 
\v 14 ሂስቲዲ ኢስቲ ባንታ ዎዚና ሙሜቴን ቢዲ ባንታ ኣዋቲ ታማርሲዳ ማላካ ባኣሌ ጌቴቲዛ ኤቃ ጾሳ ካሊዳ» ጊዴስ።
\p
\v 15 ሄሳ ጊሻስ ኡባፌ ዎልቃማ ጎዳ ኢስራኤሌ ጾሳይ፥ «ቤኢቴ፥ ታኒ ሃ ኣሳ ጫሚዛ ቁማ ሚዛናኔ ማርዜራ ዲዛ ሃ ኡሻና። 
\v 16 ኢስታ ዎይኮ ኢስታ ኣዋቲ ኤሮንታ ካዎቴታ ጊዶን ታኒ ኢስታ ላላና። ታኒ ኢስታ ይሳና ጋካናስ ማሻን ዬዴና» ጌስ።
\s ዬሩሳላሜ ኣሳ ዚላስ
\q1
\v 17 ቃሴካ ኡባፌ ዎልቃማ ጎዳይ፥
\q2 «ኣኔ ዬሆ ዬኪዛ ማጫሳታ ጼይጊቴ፤
\q2 ዚላስ ሎኤ ኤሪዛ ማጫሳታ ኤሂቴ።
\q1
\v 18 ኢስቲ ኤሶን ዬቶ፤
\q2 ኑ ኣይፌራ ኣፉን
\q3 ጎጋናሼ ጋካናሲኔ
\q2 ኑ ሲጲንራ ኣፉን ፑልታና
\q3 ጋካናስ ኑ ጊሻስ ዚላሌቶ።
\q1
\v 19 ጺዮኔን ዚላሳ ጬንጉርሲ ሲዬቴስ፤
\q2 ‹ኑኒ ይዶስ!
\q2 ኑኒ ኬሂ ካዉዪዶስ!
\q2 ኑ ኬ ላሌቲቺዳ ጊሻስ
\q2 ኑ ቢታ ኣጊዲ ዴንዲ ቦስ›
\q3 ጊ ዚላሌቴስ» ጌስ።
\q1
\v 20 ኢንቴኖ ማጫሳቶ!
\q2 ጎዳ ቃላ ሲዪቴ!
\q2 ኢንቴ ሃይይ ኢዛ ዶናፔ ኬዚዛ
\q3 ቃላ ኤዝጎ።
\q2 ኢንቴ ማጫ ናይታ
\q3 ዚላስ ታማርሲቴ፤
\q2 ኢሲኒያ ሃንኮሮ ዬሆ ታማርሱ።
\q1
\v 21 ሃይቆይ ናይታ ኦጌፔ፥
\q2 ናቴ ናይታ ዱቡሻፔ
\q3 ፒቲ ይሲዴስ፤
\q2 ኑ ማስኮቴታራ ጌሊዴስ፤
\q2 ኑ ቆልኣ ጊዶ ካንዴስ።
\q1
\v 22 ሄሳ ጊሻስ ጎዳይ ታና፥
\q2 « ‹ኣሳ ኣሃይ ቡራ ማላ
\q3 ዴምባን ላሌታና፤
\q2 ካ ሺሺዛይቲ ጉዬን ኣጊዳ
\q3 ፑሹሎ ማላ ኣታና፤
\q2 ኢስታ ኦኒካ ሺሼና› ጋ»
\q3 ጊዲ ኣዛዚዴስ።
\q1
\v 23 ጎዳይ፥ «ኣ ኤራንቻይ
\q2 ባ ኣ ኤራቴን ጬቄቶፎ፤
\q2 ዎልቃማይ ባ ዎልቃን ጬቄቶፎ፤
\q2 ዎይኮ ዱሬይ ባ ዱሬቴን ጬቄቶፎ።
\q1
\v 24 ጊዶ ኣቲን ጬቄቲዛ ኦኒካ
\q2 ታኒ ጎዳ ጊዲዳይሳ ኤሮኒኔ
\q2 ቢታ ቦላ ሲቆ፥ ሱሬ ፒርዳኔ
\q2 ጺሎቴ ኦዛይ ታና ጊዶይሳ
\q3 ኣኬኮን ጬቄቶ።
\q2 ታኒ ሃይታን ኡፋዬታይስ» ጌስ።\x - \xo 9፡24 \xo*\xt 1ቆሮ 1፡31፤ 2ቆሮ 10፡17\xt*\x*
\p
\v 25 ቃሴካ ጎዳይ፥ «ቤኢቴ፥ ባንታ ኣሾ ጻላ ቃጻሬቲዳ ኣሳ ታኒ ቃጻያና ዎዴይ ዬስ። 
\v 26 ሄይቲካ ጊብጼ፥ ዩሁዳ፥ ኤዶሜ፥ ኣሞኔ፥ ሞኣቤኔ ባንታ ሁኤ ጪሪ ሜዲዲ ባዞን ዲዛ ኣሳ ኡባታ። ሃ ካዎቴታን ዲዛ ኣሳይ ኡባይ ቱሙካ ቃጻሬቲቤና፤ ኢስራኤሌ ኣሳ ኡባ ዎዚናይካ ቃጻሬቲቤና» ጌስ።
\c 10
\s ጾሴኔ ኤቃ ጾሳታ
\p
\v 1 ኢንቴኖ ኢስራኤሌ ኣሳቶ!
\q2 ጎዳይ ኢንቴስ ዮቲዛ ቃላ ሲዪቴ!
\q1
\v 2 ጎዳይ፥ «ካዎቴታ ኦጌ
\q2 ኢንቴ ታማሮፒቴ።
\q2 ኢስቲ ሳሎ ቦላ
\q3 ማላታ ቤኢዲ ሺሮቲኮካ፥
\q2 ኢንቴ ሺሮቶፒቴ።
\q1
\v 3 ጋሶይካ ዴሬታ ዎጋይ ሃዳ።
\q2 ኢስቲ ሚ ዎራፔ ቃንጼቴስ፤
\q2 ሂላይ ማሲ ጊጊሴስ።
\q1
\v 4 ኢስቲ ቢራኒኔ
\q2 ዎርቃን ኣሌቂሴቴስ፤
\q2 ቃጾንታ ማላ ናሪቃራ
\q3 ሚሲማሬን ሺኪዲ
\q2 ኦይቴስ።
\q1
\v 5 ኢስታ ኤቃ ጾሳቲ
\q2 ኢስታ ካ ጊዶን
\q2 ዶኣ ዳጋንናስ
\q3 ኤሲዛ ሚስሌ ማላ።
\q2 ሃሳያናስ ዳንዳዬቴና።
\q2 ሄሜታናስ
\q2 ኢስቲ ዳንዳዮንታ ጊሻስ
\q3 ኣሳይ ኢስታ ቶኬስ።
\q2 ኢስቲ ኢታ ጊዲን
\q3 ዎይኮ ሎኦ ሚሽ
\q2 ኢንቴ ቦላ ኦናስ
\q3 ዳንዳዮንታ ጊሻስ
\q3 ኢስታስ ሙሌካ ያዮፍቴ» ጌስ።
\q1
\v 6 ኣቤት ጎዳዉ!
\q2 ኔ ማላይ ኦኒካ ዴና።
\q2 ኔኒ ጊታ፤
\q2 ኔ ሱንይካ ጊታኔ ዎልቃማ።
\q1
\v 7 ኣቤት ካዎቴታስ ካዎ!
\q2 ኔስ ያዮንታይ ኦኔ?
\q2 ኔስ ቦንቾይ ቤሴስ፤
\q3 ጋሶይካ ኣ ኤራንቻታ
\q2 ጋርሳኒኔ
\q3 ኢስታ ካዎቴታ ኡባ ጋርሳን
\q3 ኔ ማላይ ዴና።\x - \xo 10፡7 \xo*\xt ኣጁ 15፡4\xt*\x*
\q1
\v 8 ሃዳ ጊዲዳ ሚፌ ማሴቲዳ
\q2 ኤቃ ጾሳታፔ
\q2 ቲሚርቴ ታማርዛ ኡባይ
\q3 ኤያኔ ዳማ።
\q1
\v 9 ሄ ኤቃ ጾሳቲ ታርሴሴፔ
\q2 ዪዳ ቢራኒኔ
\q2 ኡፋዜፔ ዪዳ
\q2 ዎርቃን ኣሌቄቲዳ።
\q2 ኢስቲ ዎይኔ ኡሻኒኔ
\q3 ኦቻ ቴራ ሚሳቲዛ
\q3 ሜራ ዲዛ
\q3 ማይኦን ካሜቲዳ።
\q3 ኢስቲ ኡባይ ኩሼ ኦሶ
\q3 ሂላታን ኦሴቲዳ።
\q1
\v 10 ጊዶ ኣቲን ጎዳይ ቱሙ ጾሳ፤
\q2 ኢዚ ዴኦ ጾሳኔ ሜርና ካዎ።
\q2 ኢዚ ሃንቄቲዛ ዎዴ
\q2 ቢታይ ቃጼስ፤
\q2 ካዎቴቲካ
\q2 ኢዛ ዪሎ ዳንዳዬቴና።
\q1
\v 11 ጎዳይ፥ «ኢንቴካ፥ ‹ሄይቲ ሳሎኔ
\q2 ሳኣ ሜንታ ጾሳቲ
\q2 ሳኣፔኔ ሳሎ ጋርሳፌ
\q2 ያና› ጌታ» ጌስ።
\q1
\v 12 ባ ዎልቃን ሳኣ ሜዳይ፥
\q2 ባ ኣ ኤራቴን
\q2 ኣላሜ ኤሲዳይ፥
\q2 ባ ኣኬካን
\q2 ሳሎ ሚጪዳይ ጎዳ።
\q1
\v 13 ኢዚ ጉሚዛ ዎዴ፥
\q2 ሳሎን ዲዛ ኡባይ ቃጼስ።
\q2 ኢዚ ሻራ ሳኣ ጋጻፔ
\q2 ፑዴ ዴንስ።
\q2 ኢዚ ኢራራ ዳዳ ዬዴስ፤
\q2 ጫርኮካ ባ ሚንጃሶፔ ኬሴስ።
\q1
\v 14 ኣሲ ኡባይ ኤራ ይዲ ዳሚዴስ፤
\q2 ዎርቃ ሴሪሲዛ ኣሲ ኡባይ
\q2 ባ ኦዳ ኤቃ ጾሳታን
\q2 ዬላቲዴስ።
\q2 ጋሶይካ ኤቃ ጾሳቲ ዎርዶ፤
\q2 ኢስታስ ሼምፖይ ዴና።
\q1
\v 15 ኢስቲ ጮ ቂስ
\q2 ሜቲዳ ሚሻ።
\q2 ፒርዳይ ኢስታ ቦላ ጋኪዛ ዎዴ
\q3 ኢስቲ ያና።
\q1
\v 16 ጊዶ ኣቲን ያቆቤ ቃዳይ
\q2 ሄይታ ማላ ጊዴና።
\q2 ጋሶይካ ኢዚ ኡባ ሜዳይሳ፤
\q2 ኢስራኤሌይ ዶሬቲዳ ዴሬ።
\q3 ኢዛ ዶሪዳይሳ ሱንይ
\q3 ኡባፌ ዎልቃማ
\q2 ጎዳ ጾሳ።
\s ቡሮፔ ያና ኢታ
\q1
\v 17 ኢንቴኖ ሞርኬይ ጊዶዳይቶ!
\q2 ዲዛ ሚሽ ዲዛሶፔ ሺሺቴ።
\q1
\v 18 ጋሶይካ ጎዳይ፥
\q2 «ታኒ ሃ ሳኣ ቦላ ዲዛ ኣሳ
\q2 ሃኢ ጌዴ ካሬ ኬሳዳ ጎዳና።
\q2 ኢስታስ ኤሬታና ማላ
\q2 ታ ኢስታ ቦላ ሜቶ ኤሃና» ጌስ።
\q1
\v 19 ዋኖ ኣይ ሃኖ!
\q2 ታ ማዱንይ
\q2 ፓጾንታ ማዱን።
\q2 ጊዶ ኣቲን ታ ታና፥
\q3 «ሃይሲ ታ ሃርጌ፤
\q2 ታኒ ዳንዳያናስ ቤሴስ» ጋዲስ።
\q1
\v 20 ታ ዱንካኔይ ላሌቲዴስ፤
\q2 ኢዛ ዎዶሮይ ኡባይ ዱጼሬቲዴስ።
\q2 ታ ናይቲ ኡባይ
\q3 ታፔ ሻኬቲዲ ቢቺዳ፤
\q2 ሃይሳፌ ጉዬ ሲሜቴና፤
\q3 ታ ዱንካና ዛሪዲ ቶላናስ
\q3 ዎይኮ ታ ማጋላሻ ካቃናስ
\q3 ሃኢ ኢሲ ኣሲኔ ኣቲቤና።
\q1
\v 21 ሄንንቻቲ ዳሚዳ፤
\q2 ኢስቲ ጎዳ ኦይቺቤቴና።
\q2 ሄሳ ጊሻስ ኢስታስ ኢንጄቲቤና፤
\q2 ኢስታ ዉዴ ኡባይ ላሌቲዴስ።
\q1
\v 22 ሲዪቴ! ኢታ ዮኦይ ዩሳ ቦላ ዴስ፤
\q2 ሄሲ፥ «ፑዴሃ ባጋራ ዲዛ
\q2 ካዎቴን
\q2 ጊታ ቡልኣኬቴ
\q3 ዩሳን ዴስ» ጊዛይሳ።
\q2 ኢዛ ኦላንቻቲ ዪዲ
\q3 ዩሁዳ ካታማታ ባዞኔ
\q2 ዎራካናታ ዱሳሶ ኬሳና።
\q1
\v 23 ኣቤት ጎዳዉ! ኣሳ ዴኦይ
\q2 ኢዛዴ ኩሼን ዶንታይሳኔ
\q2 ባ ሄሜታካ ባርካ
\q2 ባ ሼኔ ማላ
\q2 ሎኤና ዳንዳዮንታይሳ
\q3 ታ ኤራይስ።
\q1
\v 24 ኣቤት ጎዳዉ! ታና ሴራ፤
\q2 ጊዶ ኣቲን ጊናራ ጊዶ።
\q2 ታኒ ሙሌራ ዮንታ ማላ
\q2 ኔኒ ሃንቆራ ታ ቦላ ዮፓ፤
\q1
\v 25 ያቆቤ ሙሌራ
\q2 ሚ ሚቲዳይታ ቦላኔ
\q2 ኔ ሱን ጼይጎንታ
\q2 ኣሳታ ቦላ ጉሳ።
\q2 ኢዛ ዱሳሶካ
\q2 ካይዚሲዳ ጊሻስ
\q3 ኔኒ ኔ ሃንቆዛ ኔና ኤሮንታ
\q3 ዴሬታ ቦላኔ
\q3 ኔ ሱን ጼይጎንታ
\q3 ካዎቴታ ቦላ ጉሳ።
\c 11
\s ኤርማሳኔ ጎዳ ጫቆ ቃላ
\p
\v 1 ጎዳፔ ኤርማሳስ ዪዳ ቃላይ ሃይሳፌ ካሊዛይሳ፤ 
\v 2 «ሃ ጫቆ ቃላታ ሲያ፤ ሂስታዳ ዩሁዳ ኣሳሲኔ ዬሩሳላሜ ካታማን ዲዛይታስ ዮታ። 
\v 3 ጎዳ ኢስራኤሌ ጾሳይ፥ ‹ሃይሳ ጫቆ ቃላስ ኣዛዜቶንታ ኣሲ ቃንጌቲዳዴ ጊዶ።
\p
\v 4 « ‹ሃይሲ ኣዛዞዚ ቤኒ ኢንቴ ኣዋታ ጊብጼ ቢታፌ፥ ቢራታ ሴሪሲዛ ጮጬፔ ኬሲዛ ዎዴ ታ ቃላ ሲዪዳኮ፥ ታ ኣዛዞ ናጊዳኮ ኢስቲ ታ ናይታ፤ ታኒ ኢስታ ጎዳ ጊዳና ማላ ታኒ ኢስታስ ኢሚዳ ቃላ። 
\v 5 ሄሳን ማኔ ኤሲ ጎጊዛ ቢታ ካሴ ኢንቴ ኣዋታስ ኢማናስ ታኒ ጫቂዳ ጫቆ ፖላና› ጋዲስ» ጌስ። ታኒካ፥ «ኤሮ፥ ጎዳዉ፥ ኣሚን» ጋዲስ።
\p
\v 6 ሄሳፌ ጉዬ ጎዳይ ታስ፥ «ሃይሳ ታ ቃላ ኡባ ዩሁዳ ካታማታኒኔ ዬሩሳላሜ ኦጌታን፥ ‹ሃ ጫቆ ቃላ ሲዪቴ፤ ሲዪዲ ኢዛ ካሊቴ። 
\v 7 ካሴ ኢንቴ ኣዋታ ታኒ ጊብጼ ቢታፌ ኬሶሳፔ ሃች ጋካናስ፥ ዛራ ዛራዳ፥ ታስ ኣዛዜቲቴ!› ጋዳ ሴራዲስ። 
\v 8 ኢስቲ ጊዲኮ ባ ዎዚና ኢታቴ ካሊዳ ኣቲን ታስ ኣዛዜቲቤቴና፤ ባ ሃይካ ሃ ታኮ ዬጊቤቴና፤ ሄሳ ጊሻስ ኢስቲ ካላና ማላ ታ ኣዛዚዳ ጫቆ ቃላ ፖሎንታ ኣጊዳ ጊሻስ ታ ኢስታ ቦላ ቃንጌ ኤሃዲስ» ጊዴስ።
\p
\v 9 ዛሪዲካ ጎዳይ ታስ፥ «ዩሁዳ ኣሳ ጊዶኒኔ ዬሩሳላሜን ዲዛይታ ጊዶን ኢታ ማቆይ ዴስ። 
\v 10 ኢስቲ ካሴ ታ ቃላ ሲዮንታ ኢጺዲ ናጋራ ኦዳ ባንታ ኣዋታ ማላካ ናጋራ ኦዳ፤ ኢስቲ ሃራ ጾሳታስ ጎይኒዳኔ ኢስታ ካሊዳ፤ ኢስራኤሌ ኣሳይኔ ዩሁዳ ኣሳይ ታኒ ካሴ ኢስታ ኣዋታራ ጫቄቲዳ ጫቆ ቃላ ላሊዳ። 
\v 11 ሄሳ ጊሻስ ጎዳይ ኢስታስ፥ ‹ኢስቲ ባቃቲዲ ኣታናስ ዳንዳዮንታ ሜቶ ታ ኢስታ ቦላ ኤሃና። ኢስቲ ታኮ ዋሲኮካ ታ ሲዪኬ። 
\v 12 ሄ ዎዴ ዩሁዳ ካታማታ ኣሳቲኔ ዬሩሳላሜ ኣሳቲ ቢዲ ባንቲ ኤጻኔ ጩዋሲዛ ኤቃ ጾሳታስ ዋሳና፤ ጊዶ ኣቲን ሜቶ ዎዴ ሄ ጾሳቲ ሙሌካ ኢስታ ማዴቴና። 
\v 13 ኢንቴኖ ዩሁዳ ኣሳቶ! ኢንቴ ጾሳቲ ኢንቴ ካታማታ ኬና ጮራ። ቃሴ ባኣሌ ጌቴቲዛ ሄ ዬላቺዛ ጾሳስ ኤጻኔ ጩዋሳናስ ኢንቴ ኤሲዳ ያርሺዛሶሆቲ ዬሩሳላሜ ኦጌታ ኬና ጮራ› ጌስ።
\p
\v 14 «ኤርማሳ፥ ኢስቲ ሜቶቲዲ ታና ዎሲኮ ታ ሲዮንታ ጊሻስ ኔ ኢስታ ጊሻስ ታና ዎሶፋ፤ ኢስታ ጊሻስ ጋናቶፓ ዎይኮ ኦይቾፋ።
\m
\v 15 ታ ሲቆያ ባ ኢታቴ
\q2 ዳሮታራ ቃጼሬሼ
\q2 ታሳራ ኢዚስ
\q3 ኣዛ ጋይቶቴ ዲዛይ?
\q2 ኣዲኔቴ ዎይኮ
\q2 ኣሾ ያርሾይ
\q3 ኔና ቂጻቴፔ
\q2 ኣሻና ዳንዳይዜ?
\q2 ኔ ሄይታንታ ፖላዳ
\q3 ኡፋዬታና ዳንዳያይ?
\q1
\v 16 ጎዳይ ኔና፥ ‹ዲጪዛ፥
\q2 ሎኦ ኣይፌ ኣይፊዛ ዎጋራ ሚ›
\q3 ጊዲ ሱንዴስ።
\q2 ጊዶ ኣቲን ኢዚ ዎልቃማ
\q3 ጎቴ ጫርኮ ጊሪሳን ጹጋና፤
\q2 ኢዚ ሃጋቲካ ሜቄሬቲ ዎና።
\p
\v 17 «ኢስራኤሌ ኣሳቲኔ ዩሁዳ ኣሳቲ ባኣሌስ ኤጻኔ ጩዋሲዲ ታና ዪሎሲዳ ጊሻስ ኢንቴና ቶኪዳ ኡባፌ ዎልቃማ ጎዳይ ኢንቴ ቦላ ኢታ ሚሽ ኤሃናስ ኣዋጃዲስ» ጊዴስ።
\s ኤርማሳ ዎናስ ማቄቲዳ ማቆ
\p
\v 18 ጎዳይ ኢስታ ማቆ ታስ ቆንጪሲዳ ጊሻስ ታኒ ኤራዲስ፤ ሄ ዎዴ ኢስቲ ኢታ ኦዛይሳ ኢዚ ታና ቤሲዴስ። 
\v 19 ታኒ ሹካስ ካሌዲ ኤፊዛ ዶርሳ ላቃ ማላ ጊዳዲስ። ኢስቲ ታ ቦላ፥ «ኣኔ ኑኒ ሚ ቃንጺዲ ኢዛ ኣይፌዛራ ጋ ይሶስ። ኢዛ ሱንይ ሙሌካ ሃሳኤቶንታ ማላ፥ ኣኔ ኑኒ ኢዛ ፓጻ ዲዛይታ ጊዶፌ ቃሊዲ ይሶስ» ጊዲ ኢስቲ ማቄቲዳይሳ ታኒ ኤራቤኬ።
\q1
\v 20 ዎዚናኔ ኪላሆ ፓጫ ጼሊዛ
\q2 ኡባፌ ዎልቃማ ጎዳዉ!
\q2 ታ ዮኦታ ኔስ ኢማዲስ፤
\q2 ኔኒ ኢስታ ቦላ
\q2 ሃሎ ኬሲሺን
\q3 ታ ቤያና።
\p
\v 21 ሄሳ ጊሻስ፥ «ጎዳ ሱንን ቲንቢቴ ዮቶፓ፤ ኔ ዮቲኮ ኑ ኩሼን ሃይቃና» ጊዲ ኔና ዎናስ ኮይዛ ኣናቶቴ ኣሳ ጊሻስ ጎዳይ ጊዛይሲ ሃይሳ። 
\v 22 ኡባፌ ዎልቃማ ጎዳይ፥ «ታኒ ኢስታ ቃጻያና፤ ኢስታ ናቴ ናይቲ ማሻን ሃይቃና፤ ኢስታ ማጫ ናይቲኔ ኣቱማ ናይቲ ኮሻን ሃይቃና፤ 
\v 23 ኢስታፌ ኢሶይኔ ኣቴና፤ ጋሶይካ ታኒ ኢስታ ቃጻዪዛ ላይ ኣናቶቴ ኣሳ ቦላ ኢታ ሚሽ ኤሃና» ጌስ።
\c 12
\s ኤርማሳ ኦይሻ
\q1
\v 1 ኣቤት ጎዳዉ!
\q2 ታኒ ኔናራ ፓላሜቲዛ ዎዴ
\q3 ኡባንካ ኔ ጺሎ።
\q2 ኢታ ኣሳቲ ኦዛይሲ
\q3 ኢስታስ ኣይስ ኢንጄቲዜ?
\q2 ኣማኔቶንታይቲ
\q2 ኣይስ ኢሻሎ ዱስ ዲዞ?
\q1
\v 2 ኔኒ ኢስታ ቶካዳሳ፤
\q2 ሂስቲን ጻጶ ዬዲዳ፤
\q3 ዲጪዲ ኣይፌ ኣይፊዳ።
\q2 ኢስቲ ኔና ዶናፔ ዬጌቴና፤
\q2 ኔኒ ጊዲኮ ኢስታ ዎዚናፔ
\q3 ሃኮን ዳሳ።
\q1
\v 3 ጊዶ ኣቲን ኣቤት ጎዳዉ!
\q2 ኔኒ ታና ኤራሳ።
\q2 ታና ቤኣሳ፤
\q2 ታኒ ኔስ
\q2 ኣይ ቆፒዛኮ ፓጫሳ።
\q2 ሹኬታና ቢዛ ዶርሳታ ማላ
\q3 ኔኒ ኢስታ ላጋ!
\q2 ሹካ ጋላሳስ ኢስታ ዱማ
\q2 ሻካ ዎ!
\q1
\v 4 ኢራይ ዪን ቢታይ
\q2 ኣይዴ
\q2 ጋካናስ ሜላኔ?
\q2 ማታይካ ኣይዴ ጋካናስ ሜላኔ?
\q2 ኣሳ ኢታቴፌ ዴንዲዳይሳን
\q3 ሜዶሳቲኔ ካፎቲ ይዳ።
\q2 ሄሳ ቦላካ ኣሳይ፥
\q1 «ጎዳይ ኑኒ ኦዛይሳ
\q2 ዴሜና» ጌስ።
\s ጎዳይ ኤርማሳ ኦይሻስ ኢሚዳ ዛሮ
\q1
\v 5 ጎዳይ ኤርማሳስ፥
\q2 «ኔኒ ቶሆን ዎጺዛ ኣሳታራ
\q3 ዎጻዳ ዳቡርኮ
\q2 ፓራራ ዋና ጋዴ ዎጻኔ?
\q2 ኔኒ ሳሮ ቢታን ጴቲኮ፥
\q2 ዮርዳኖሴ ዎራ ጋርሳን
\q3 ዋና ሄሜታኔ?
\q1
\v 6 ኔ ኢሻቲኔ
\q2 ኔ ሶሆ ኣሳቲ
\q2 ኔና ሂሊዳ፤
\q2 ኔ ቦላ ዋሲዳ፤
\q2 ሄሳ ጊሻስ ኢስቲ ኔስ
\q3 ሎኦ ሃሳይኮካ
\q2 ኔ ኢስታ ኣማኖፓ።
\q1
\v 7 ታኒ ታ ኬ ኣጋና፤
\q2 ታ ጺንጾዮካ ዬጋ ኣጋና፤
\q3 ታኒ ታ ሲቂዛ ኣሳ
\q3 ኢስታ ሞርኬታ ኩሼን
\q3 ኣ ኢማና።
\q1
\v 8 ታ ጺንጾያ
\q2 ዎራ ጊዶን ዲዛ ጋሞ ማላ
\q2 ታ ቦላ ዴንዳዱስ፤
\q2 ታ ቦላካ ጻጋዱስ፤
\q2 ሄሳ ጊሻስ ታኒ ኢዞ ኢጻዲስ።
\q1
\v 9 ታ ጺንጾያ ጲርጮቲ
\q2 ማና ጊዶዳ
\q2 ካፎ ማላ ጊዳቤኬ?
\q2 ቢዲ ዎራ ዶኣታ
\q2 ኡባ ሺሺቴ፤
\q2 ኢስቲ ኢዞ ዱ
\q3 ማና ማላ ጼይጊቴ።
\q1
\v 10 ዳሮ ሄንንቻቲ
\q2 ታ ዎይኔ ቱራ ሶሆ ሞሪዳ፤
\q2 ታኒ ኢዛን ኡፋዬቲዛ
\q3 ታ ጋዴዛ ቡላሲዳ።
\q1
\v 11 ሄ ቢታይ ታ ሲንን
\q2 ባዞ፥ ቡላኔ
\q2 ሜላ ቢታ ጊዳና፤
\q2 ኢዚስ ቆፒዛይ ባይንዳ ጊሻስ
\q3 ቢታያ ባዞ ጊዳና።
\q1
\v 12 ባዞን ዲዛ ዙምቡላታ ቦላፌ
\q2 ይሲዛይቲ ያና፤
\q2 ጋሶይካ ጎዳ
\q2 ማሻይ ቢታ
\q2 ሃ ጋጻፔ
\q2 ሄ ጋጻ ጋካናስ ማና።
\q2 ሄሳ ጊሻስ
\q2 ኦኒካ ኣታናስ ዳንዳዬና።
\q1
\v 13 ኢስቲ ጊስቴ ዜሪዲ
\q2 ኣጉን ጫካና፤
\q2 ኢስቲ ዳሮ ዳቡራናሺን
\q3 ኣይኮካ ዴሜቴና፤
\q2 ዳሮ ዜሪዲ ጎዳ ሃንቆ
\q2 ጋሶን ኢንቴ ጉ
\q2 ዴሚዲ ዬላታና» ጊዴስ።
\p
\v 14 ጎዳይ፥ «ታኒ ታ ዴሬ ኢስራኤሌስ ኢሚዳ ጺንጾ ቢታ ኦይኪዛ ኢታ ሾሮታ ታኒ ኢስታ ኢስታ ቢታፌ ቃላና። ቃሴ ዩሁዳ ኣሳታካ ኢስታ ጊዶፌ ቃላና። 
\v 15 ጊዶ ኣቲን ታኒ ኢስታ ኢስታ ቢታፌ ቃሊዳፔ ጉዬ ዛራዳ ማራና፤ ታኒ ኢስታ ዴሬኒኔ ኢስታ ጺንጾን ጺንጾን ዛራ ኤሃና። 
\v 16 ካሴ ታ ኣሳ ባኣሌ ሱንን ጫቃና ማላ ታማርሶይሳካ፥ ‹ጎዳይ ቤኢን!› ጊዲ ታ ሱንን ጫቂኮ ኢስቲ ታ ኣሳ ጊዶን ጻጵዲ ዳና። 
\v 17 ታ ጊዛዝ ኤኮንታ ካዎቴ ዲኮ ታ ኢዛ ሙሌራ ቃላ ይሳና» ጌስ።
\c 13
\s ላይኖፔ ኦሴቲዳ ዳንጮ
\p
\v 1 ጎዳይ ታና፥ «ባዳ ላይኖፔ ኦሴቲዳ ዳንጮ ሻማዳ ኔ ጼሳን ዳንጫ፤ ጊዶ ኣቲን ሃን ቦሺሶፓ» ጊዴስ። 
\v 2 ሄሳ ጊሻስ ታኒ ጎዳይ ኣዛዚዳ ማላ ዳንጮ ሻማዳ ታ ጼሳን ዳንጫዲስ።
\p
\v 3 ጎዳ ቃላይ ናምኣን ታኮ ዪዲ፥ 
\v 4 «ኔኒ ሻማ ዳንጪዳ ዳንጮዛ ኤካዳ ኤፊራጺሴ ሻፋ ባ፤ ሂስታዳ ዛላ ዛኣ ጊዶን ቆታ» ጊዴስ። 
\v 5 ሂስቲን ታኒ ጎዳይ ታስ ዮቲዳ ማላ ኤፋዳ ኤፊራጺሴ ሻፋ ላንቄን ቆታዲስ።
\p
\v 6 ዳሮ ጋላሳፌ ጉዬ ጎዳይ፥ «ዴንዳ ኤፊራጺሴ ሻፋ ባዳ ታኒ ኔና፥ ‹ሄን ቆታ› ጊዳ ዳንጮዛ ኬሳ» ጊዴስ። 
\v 7 ሂስቲን ታኒ ኤፊራጺሴ ሻፋ ባ ቦካዳ ዳንጮዛ ታ ቆቲዳሶፔ ኬሳዲስ፤ ጊዶ ኣቲን ሄ ዳንጮዚ ሞሬቲዲ ሙሌራ ጎኦንታዝ ጊዲዴስ።
\p
\v 8 ሄሳፌ ጉዬ ጎዳ ቃላይ ታኮ ዪዲ፥ 
\v 9 «ጎዳይ ታኒ ዩሁዳ ኣሳ ኦቶሬቴኔ ዬሩሳላሜ ኣሳ ጬቄቴ ሄሳ ማላ ይሳና። 
\v 10 ታ ቃላ ሲዮንታ ኢጺዲ፥ ባንታ ዎዚና ሙሜቴ ካሊዲ፥ ኤቃ ጾሳታስ ኦናሲኔ ጎይናናስ ቢዛ ሃ ኢታ ኣሳይ ሃይሳ ዳንጮዛ ማላ ሙሌካ ጎኦንታይሳ ጊዳና። 
\v 11 ዳንጮይ ኣሳ ጼሳ ባቂ ኦይኪዛ ማላ ዩሁዳ ኣሳይ ኡባይኔ ኢስራኤሌ ኣሳይ ኡባይ ታኮ ሺጵ ጋና ማላኔ ታ ሱንስ ጋላታኔ ቦንቾ ኢማና ማላ ታ ኦን ኢስቲ ታ ጊዛዝ ሲዪቤቴና» ጌስ።
\s ዎይኔ ኡሻ ኦቶ
\p
\v 12 ቃሴካ ጎዳ ኢስራኤሌ ጾሳይ፥ «ኤርማሳ! ኣሳስ፥ ‹ኦቶ ኡባን ዎይኔ ኡሻይ ኩማና› ጌስ። ኢስቲ ኔስ ዛሪዲ፥ ‹ኦቶ ኡባን ዎይኔ ኡሺ ኩማናይሳ ዋኒ ኑ ኤሮኮኒ?› ጊኮ፥ 
\v 13 ኔኒ ኢስታስ፥ ‹ጎዳይ ታኒ ሃ ቢታን ዲዛ ኣሳ ኡባ፥ ዳዊቴ ካዎቴ ኣራታን ኡቲዛ ካዎታ፥ ቄሴታ፥ ናቤታኔ ዬሩሳላሜን ዲዛ ኣሳ ኡባካ ታ ዎይኔ ኡሻን ማሳና። 
\v 14 ታኒ ኢሲ ኣስ ሃራ ኣሳራ፥ ኣዋ ናራ ኦሻና፤ ታኒ ኢስታ ይሳና ኣቲን ኢስታስ ሚሼቲኬ፤ ቃቲኬኔ ማሪኬ› ጌስ ጋ» ጊዴስ።
\s ኦቶሬቴ ኤሂዛ ኣይፌ
\q1
\v 15 ጎዳይ ዮቲዴስ፤
\q2 ዎዚናን ዎ ሲዪቴ፤
\q2 ኣጊቴ ኦቶራንቻ ጊዶፒቴ።
\q1
\v 16 ኢዚ ማ ኤሆንታ ዲሺን
\q2 ሚዳ ዙማታ ቦላ ኢንቴ ቶሆይ
\q3 ጴቶንታ ዲሺን
\q2 ጎዳስ ኢንቴ ጾሳስ
\q2 ቦንቾ ኢሚቴ፤
\q2 ኢንቴ፥ «ፖኦይ ያና»
\q3 ጊዲ ናጌታ፤
\q2 ጊዶ ኣቲን
\q2 ኢዚ ማን ላማና፤
\q3 ሳካና ማ ኦና።
\q1
\v 17 ኢንቴ ሲዮንታ ኢጺኮ፥
\q2 ኢንቴ ኦቶሬቴ ጊሻስ
\q2 ታ ሼምፖያ ጌማን ዬካና፤
\q3 ጎዳ ዉዴይ
\q2 ዲኤቲ ቢቺዳ ጊሻስ
\q3 ታኒ ጫሞ ዬሆ ዬካይስ፤
\q2 ታ ኣይፌፔ ኣፉን
\q3 ሃ ማላ ጎጌስ።
\q1
\v 18 ጎዳይ ታና፥ «ካዎዛሲኔ
\q2 ኢዛ ኣዮ ጎዳቴይስ፥
\q2 ‹ኢንቴ ቦንቾ ካላቻይ
\q2 ኢንቴ ሁኤፔ
\q2 ዎና ጊሻስ፥
\q2 ኢንቴ ካዎቴ ኣራታፔ
\q3 ዱጌ ዎቴ።
\q1
\v 19 ኔጌቤ ቢታን ዲዛ ካታማቲ
\q2 ኡባይ ጎርዴታና።
\q2 ኢስታ ዶያናዴይካ ዴና፤
\q2 ዩሁዳ ኣሳይ ኡባይ
\q2 ዲኤቲዲ ባና፤
\q2 ኢስታ ኦጌይካ
\q3 ጎርዴታና› ጋ» ጊዴስ።
\q1
\v 20 ቃሴካ ጎዳይ፥ «ኣኔ ቁ ጊዲ
\q2 ፑዴሃ ባጋፌ ዪዛይታ ጼሊቴ፤
\q3 ኢንቴስ ኢሜቲዳ ዉዴይ፥
\q3 ኢንቴ ጬቄቲዛ ዶርሳቲ
\q3 ኣዋን ዲዞ?
\q1
\v 21 ኔኒ ኔስ ዳቦ ጊዳና ማላ
\q2 ኮዪዳይቲ ኔና ጾኒዲ
\q2 ሃሪዛ ዎዴ
\q3 ኔ ኣይ ጋኔ?
\q2 ዬሎ ሚጻይ ኦይኪዳ
\q2 ማጫሳ ማላ
\q3 ኔና ሚጻይ ኦይኬኔ?
\q1
\v 22 ኔኒ ኔ ዎዚናን፥
\q2 ‹ሃይሲ ኡባይ ታ ቦላ
\q3 ኣይስ ጋኪዴ?› ጊኮ፥
\q2 ኔ ማይኦይ ቃሬቲን
\q2 ኔ ሱጌቲዳይ፥
\q2 ኔ ኣሳ ኩሼን ዋዬ ቤኢዳይ
\q2 ኔ ናጋራይ ዳሪዳ ጊሻሳ።
\q1
\v 23 ቱሙ ቶጵያ ኣሲ ባ ሜ፥
\q2 ዎይኮ ማሄይ ባ ማሳራቴ
\q3 ላማናስ ዳንዳይዜ?
\q2 ኢንቴ ኢታ ኦ ሜዜቲዳይቲ
\q2 ሎኦ ኦናስ
\q2 ዳንዳዬኬታ» ጊዴስ።
\q1
\v 24 ጎዳይ፥ «ባዞ ጫርኮይ
\q2 ሱላ ላሊዛ ማላ
\q2 ታኒካ ኢንቴና ላላና።
\q1
\v 25 ኢንቴ ታና ዶጊዳ ጊሻሲኔ
\q2 ዎርዶ ጾሳታን
\q2 ኣማኔቲዳ ጊሻስ
\q2 ኢንቴ ሳማይኔ
\q3 ኢንቴ ቃዳይ ሃይሳ።
\q1
\v 26 ኢንቴ ካሎቴ
\q2 ቤታናሼ ጋካናስ
\q2 ታኒ ኢንቴ ማይኦ ቃራዳ
\q3 ኢንቴ ሲን ካማና።
\q1
\v 27 ኢንቴ ዙምቡላታ ቦላኔ
\q2 ዴምባን ኦዳ ሃራሲዛ ኦሶ
\q3 ታኒ ቤኣዲስ፤
\q2 ኢንቴ ላይማቴኔ ኢንቴ ዚታ
\q3 ሃኖታ ታ ቤኣዲስ፤
\q2 ዬሩሳላሜ ኔስ ኣዬ ኣና!
\q3 ኔኒ ኣይዴ ጋካናስ
\q3 ኔ ቱናቴፌ
\q3 ጌዮንታ ዳኔ?» ጌስ።
\c 14
\s ኮሻ፥ ጋፋኔ ኦላ
\p
\v 1 ጎዳይ ኮሻ ጊሻስ ኤርማሳስ
\q2 ዮቲዳ ቃላይ ሃይሳፌ ካሊዛይሳ፤
\q1
\v 2 «ዩሁዳ ቢታይ ዬኬስ፤
\q2 ካታማቲካ ፖርቁ ጌቴስ፤
\q2 ኣሳይ ቢታ ቦላ ኡቲዲ ጬጬስ፤
\q2 ዬሩሳላሜፔካ
\q2 ዋሶይ ሴቴቴስ።
\q1
\v 3 ዱሬቲ ባንታ ኣይሌታ
\q2 ሃ ዱቃናስ ኪቴቴስ።
\q2 ኢስቲካ ሃ ኦላይ
\q2 ዲዛሶ ቤቴስ፤
\q2 ጊዶ ኣቲን ሃ ዴሜቴና፤
\q2 ባንታ ኦቶ ሜላ
\q3 ቶኪ ኤኪዲ ሲሜቴስ።
\q2 ዬላቲዲኔ ሂዶታ ቃንጺዲ
\q3 ባንታ ሁኤ ጉሉንቴቴስ።
\q1
\v 4 ኢራይ ቡኮንታ ጊሻስ
\q2 ቢታይ ሜሊዲ ዛኤስ።
\q2 ጎሻንቻቲ ዬላቲዲ
\q3 ባንታ ሁኤ ጉሉንቴቴስ።
\q1
\v 5 ማታይ ባይንዳ ጊሻስ
\q2 ቆርኬይ ባ ዬሊዳ ማራ
\q3 ዴምባን ዬጋዳ ባዉስ።
\q1
\v 6 ሃርዲዳቲ ኣይኮይ ባይንዳ
\q2 ዙምቡላታ ቦላ ኤቂዳ፤
\q2 ዎራካናታ ማላ
\q3 ሃ ኮዪዲ ሌሶቴቴስ።
\q2 ኢስታስ ሚዛ ሚሺ
\q2 ይዳ ጋሶን ኢስታ ኣይፌይ
\q3 ጼላናስ ዳቡርዴስ» ጊዴስ።
\q1
\v 7 ኣሳይ፥ «ኣቤት ጎዳዉ!
\q2 ኔ ሲንፌ ባቃታ ዳርሲዶስ፤
\q2 ኔ ሱን ጊሻስ
\q3 ኑስ ኢሲ ሚሽ ኦ፤
\q2 ኑኒ ኔፔ ዳሮቲ
\q2 ጉዬ ሲሚዶስ፤
\q2 ኔ ቦላን ናጋራ ኦዶስ።
\q1
\v 8 ኣቤት ኢስራኤሌ ሂዶታዉ!
\q2 ሜቶ ዎዴ ኣሺዛይሶ!
\q3 ኔኒ ቢታን ኢማ ማላ፥
\q3 ኢሲ ኦማርስ ኣቂዲ ቢዛ
\q2 ኦጌ ኣሳ ማላ ኣይስ ሃናይ?
\q1
\v 9 ኔኒ ሃኒዛዚ ይዳ ኣሳ ማላ፥
\q2 ኣሻናስ ዎልቃይ ይዳ
\q2 ኦላንቻ ማላ ኣይስ ጊዳይ?
\q2 ኣቤት ጎዳዉ!
\q2 ኔኒ ኑ ጊዶን ዳሳ፤
\q2 ኑኒካ ኔ ሱንን ጼይጌቲዶስ፤
\q2 ኑና ኔኒ ኣጎፋርኪ!» ጊዴስ።
\q1
\v 10 ሃ ኣሳታ ጊሻስ ጎዳይ፥
\q2 «ኢስቲ ቶይላቴቴ ኬሂ ዶሴቴስ፤
\q2 ባንታ ቶሆ ናጌቴና።
\q3 ሄሳ ጊሻስ ጎዳይ
\q3 ኢስታን ኡፋዬቴና፤
\q3 ሃኢ ኢዚ ኢስታ ቆሆ ቆፔስ፤
\q3 ኢስታ ናጋራ ጋሶን
\q3 ኢስታ ቃጻዬስ» ጌስ።
\p
\v 11 ሄሳፌ ጉዬ ጎዳይ ታና፥
\q2 «ሃ ዴራ ሎኦቴስ ዎሶፋ።
\q1
\v 12 ኢስቲ ጾሚ ዎሲኮካ
\q2 ታኒ ኢስታ ዋሶ ሲዪኬ፤
\q2 ጹጌቲዛ ያርሾኔ
\q2 ካ ያርሾዛ
\q3 ኢስቲ ያርሺኮካ
\q2 ታኒ ኢስታ ያርሾዛ ኤኪኬ።
\q3 ታኒ ኢስታ ማሻን፥
\q3 ኮሻኒኔ ኢታ ሃርጌን
\q3 ይሳና» ጊዴስ።
\p
\v 13 ሂስቲን ታኒ፥ «ኣቤት ኡባፌ ዎልቃማ ጎዳዉ! ኣዬ ኣና! ናቤቲ ኢስታስ፥ ‹ኢንቴ ኦላ ቤኤኬታ ዎይኮ ኮሻይ ኢንቴና ዴሜና፤ ታኒ ኢንቴስ ዉርሴ ጋካናስ ሳሮቴ ኢማና› ጌቴስ» ጋዲስ።
\p
\v 14 ሂስቲን ጎዳይ ታስ፥ «ናቤቲ ታ ሱንን ዎርዶ ዮቴቴስ። ታኒ ኢስታ ኪታቤኬ፥ ኣዛዛቤኬ፥ ኢስታስካ ዮታቤኬ። ኢስቲ ኢንቴስ ዎርዶ ኣጁታ፥ ሙሬኖ ዮኦ፥ ሃዳ ዮኦኔ ባንታ ዎዚናን ዲዛ ባሌ ዮኦ ዮቴቴስ። 
\v 15 ሄሳ ጊሻስ ታ ኪቶንታ ዲሺን፥ ‹ኦላይኔ ኮሻይ ሃ ቢታይ ቦላ ዬና› ጊዲ ታ ሱንን ዎርዶ ቲንቢቴ ዮቲዛ ናቤታ ታኒ ኦላኒኔ ኮሻን ይሳና። 
\v 16 ቃሴ ኢስቲ ቲንቢቴ ዮቲዳ ዴሬይካ ኮሻኒኔ ኦላ ጋሶን ዬሩሳላሜ ዱቡሻታን ኩንዳና፤ ኢስታስ፥ ኢስታ ማቼታ፥ ኢስታ ኣቱማ ናይታኔ ማጫ ናይታ ኣሃ ሞጊዛይ ያና፤ ታኒ ኢስታ ሞሮ ማላ ኢስታ ቦላ ቂጻቴ ኤሃና» ጊዴስ።
\q1
\v 17 ሃ ቃላ ኢስታስ፥
\q2 « ‹ታ ዴሬይ
\q2 ኬሂ ዴሼቲዲ
\q2 ማዱንጺዳ ጊሻስ፥
\q2 ታ ኣይፌቲ ኦማርሲኔ
\q3 ጋላስ ሼምፖንታ ኣፉንጼቴስ።
\q1
\v 18 ታኒ ጋጻሬ ቢኮ፥
\q2 ማሻን ሃይቂዳይታ ቤኣይስ፤
\q2 ካታማ ጌሊኮ
\q2 ኮሻይ ዉርሲዳይታ ቤኣይስ።
\q3 ናቤቲኔ ቄሴቲ
\q3 ባ ኤሮንታ ዴሬ ባቃቲዳ›
\q3 ጌስ ጎዳይ» ጊዴስ።
\q1
\v 19 ኣቤት ጎዳዉ!
\q2 ኔኒ ዩሁዳ ሙሌካ ኣጋዲ?
\q2 ጺዮኔ ኣሳ ሃራሴታዲ?
\q2 ኔኒ ኑና ፓጾንታ ማላ
\q2 ኦዳ ኣይስ ዴቻዲ?
\q2 ኑኒ ሳሮቴ ናጊዶስ፤
\q2 ጊዶ ኣቲን ሳሮቴ
\q2 ዴሚቤኮ፤
\q2 «ፓጻና ዎዴይ ያና»
\q2 ጊዲ ናጊዶስ፤
\q2 ጊዶ ኣቲን ዳጋማ ጻላ ጊዲዴስ።
\q1
\v 20 ኣቤት ጎዳዉ!
\q2 ኑኒ ኑ ኢታቴ ኤሪዶስ፤
\q2 ኑ ኣዋታ ቆሆካ ኣኬኪዶስ፤
\q2 ቱማፔካ ኔ ቦላ
\q2 ናጋራ ኦዶስ።
\q1
\v 21 ኑና ኔ ሱን ጊሻስ
\q2 ጋዳ ካፓርኪ!
\q2 ኔ ቦንቾ ኣራታ ካዉሾፋ።
\q2 ኔኒ ኑናራ ጫቄቲዳ
\q2 ጫቆዛ ቆፓ፤
\q2 ኔ ጫቂዳ ቃላ ሞፓ።
\q1
\v 22 ካዎቴታ ኤቃ ጾሳቲ
\q2 ኢራ ቡኪሳና ዳንዳይዞ?
\q2 ሳሎቲ ባ ሼኔን
\q2 ፑሴ ዱጌ ዬዳናስ ዳንዳይዞ?
\q2 ዳንዳዬቴና፤
\q3 ኣቤት ኑ ጎዳዉ!
\q3 ሄሳ ኡባ ኦና
\q3 ዳንዳይዛይ ኔና፤
\q3 ሄሳ ጊሻስ ኑኒ ኔናን
\q3 ሂዶታ ኦስ።
\c 15
\s ዩሁዳ ኣሳ ቦላ ጋካና ፒርዳ
\p
\v 1 ሄሳፌ ጉዬ ጎዳይ ታስ፥ «ሙሴይኔ ሳሜሊ ታ ሲንን ኤቂዳኮካ ታ ዎዚናይ ሃ ዴራስ ሚሼቴና፤ ኢስታ ታ ሲንፌ ዲጋ፤ ኢስቲ ቤቶ።\x - \xo 15፡1 \xo*\xt ኬሳ 32፡11-14፤ ታይ 14፡13-19፤ 1ሳሜ 7፡5-9\xt*\x* 
\v 2 ቃሴ ኢስቲ ኔና፥ ‹ኑኒ ኣዋ ቢኖ?› ጊ ኦይቺኮ፥
\q2 ኔ ኢስታስ፥ ‹ሃይቆስ
\q3 ፒርዴቲዳይቲ ሃይቃና፤
\q2 ማሻስ ፒርዴቲዳይቲ
\q3 ማሻን ሹኬታና፤
\q2 ኮሻስ ፒርዴቲዳይቲ
\q3 ኮሻን ዉራና፤
\q2 ዲኤታናስ ፒርዴቲዳይቲ
\q3 ዲኤቲ ባና።›\x - \xo 15፡2 \xo*\xt ኣጁ 13፡10\xt*\x*
\p
\v 3 «ጎዳይ፥ ‹ታኒ ኦይዱ ቆሞ ባሽ ኢስታ ቦላ ኤሃና፤ ሄይቲካ ኢስታ ዎናስ ማሻ፥ ኢስታ ኣሃ ጎቻናስ ካናታ፥ ኢስታ ኣሾዛ ሚዲ ይሳናስ ሳሎ ካፎታኔ ሳኣ ዶኣታ። 
\v 4 ሂዝቂያሳ ና፥ ዩሁዳ ካዎ ሚናሴይ ዬሩሳላሜን ኦዳ ፓላ ጊሻስ ታኒ ኢስታ ቦላ ሳኣ ካዎቴታ ኡባስ ዳጋንዛዝ ኦና› ጌስ ጋዳ ዮታ» ጊዴስ።\x - \xo 15፡4 \xo*\xt 2ካዎ 21፡1-16፤ 2ታሪ 33፡1-9\xt*\x*
\q1
\v 5 «ሃኔ ዬሩሳላሜ!
\q2 ኔስ ኦኔ ቃታናይ?
\q2 ኔስ ሚሼታናይ ኦኔ?
\q2 ኔ ሎኤቴ
\q2 ጌሊ ኦይቻናይ
\q3 ኦኔ?» ጌስ።
\q1
\v 6 «ኔ ታና ኣጋዳሳ፤
\q2 ጉዬ ጉዬ ባሳ፤
\q3 ሄሳ ጊሻስ ታኒ ኔ ቦላ
\q3 ታ ኩሼ ዴንዳ
\q3 ኔና ይሳና፤
\q3 ሃይሳፌ ጉዬ ኔስ ቃቲኬ።
\q1
\v 7 ታኒ ኢስታ ካ ሱራጊዛ ማላ
\q2 ሱራጋዳ ካታማታ
\q2 ፔንጌን ላላና፤
\q2 ኢስቲ ባ ኦጌፔ
\q3 ሲሞንታ ኣጊዳ ጊሻስ
\q3 ታኒ ታ ዴሬዛ ካዮን ኩንና፤
\q3 ኢስታ ቦላካ ባሽ ኤሃና።
\q1
\v 8 ታኒ ኢስታ ኣምኤታ ቆዳ
\q2 ኣባን ዲዛ ኣጬፔካ ዳርሳና፤
\q2 ሚኖ ኣዬታ ይሲዛዝ
\q2 ሴታ ጋላስ ታ ኢስታ ቦላ ኤሃና፤
\q3 ኢስቲ ቆፖንታ ዲሺን
\q3 ዳጋማኔ ሺሮ
\q3 ታ ኢስታ ቦላ ዬጋና።
\q1
\v 9 ላፑን ናይቲ ሃይቂዳ ኣያ
\q2 ዳጋማን ዳቡራና፤
\q2 ፔኖራ ያና
\q2 ኢዚስ ጋላሳይ ቃማና፤
\q2 ኢዛ ዬላታናኔ ካዉያና፤
\q3 ኣቲዳይታካ ሞርኬታ ማሻስ
\q3 ኣ ኢማና» ጌስ ጎዳይ።
\s ኤርማሲ ባ ሜቶ ጎዳስ ማጋኒዴስ
\q1
\v 10 ታ ኣዬ! ሃኖ ፖራ!
\q2 ታኒ ኣስ ኡባስ ኦሻሲኔ
\q2 ፓላማስ ጊዳና ማላ
\q3 ኣይስ ታና ዬላዲ?
\q2 ታኒ ኦናስካ ታልኤ ኢማቤኬ፤
\q2 ኦናፔካ ታልኤ ኤካቤኬ፤
\q2 ጊዶ ኣቲን ኣሲ ኡባይ
\q3 ታና ቃንጌስ።
\q1
\v 11 ጎዳይ፥ «ቱማፔ ታኒ ኔና
\q3 ሎኦ ሚሻስ ኣሻ ኤካና፤
\q2 ቱማፔ ኔ ሞርኬቲ
\q2 ሜቶ ዎዴኔ
\q2 ዋዬ ዎዴ
\q2 ኔና ሾባና ማላ
\q3 ታኒ ኦና።
\b
\m
\v 12 ኣሲ ቢራታ፥ ፑዴሃ ባጋፌ ዪዳ ቢራታ
\q2 ዎይኮ ጻርቂማላ
\q2 ሜንና ዳንዳይዜ?
\q1
\v 13 ኔ ዴሬ ኡባን ኦሴቲዳ
\q2 ናጋራ ጊሻስ
\q2 ኔ ኣቆታ ኡባ ዲኢዛይታስ
\q3 ጮ ኣ ኢማና።
\q1
\v 14 ታ ሃንቆይ ኢንቴ ቦላ
\q2 ታማ ማላ ኤጻና፤
\q2 ሄሳ ጊሻስ ኔኒ
\q2 ኔ ኤሮንታ ቢታን
\q2 ኔ ሞርኬታስ
\q2 ታኒ ኔና ኣይሌሳና» ጊዴስ።
\b
\q1
\v 15 ኣቤት ጎዳዉ! ኔ ኤራሳ።
\q2 ታና ቆፓ፤ ሞካካ ጼላ፤
\q2 ታና ዬዴዛይታ ቦላ
\q2 ሃሎ ኬሳ፤
\q2 ኔ ዳንዳያንቻ ጊዲዳ
\q2 ጊሻስ ታና ይሶፋ፤
\q2 ኔ ጋሶን ታና ጋኪዛ ካዛ
\q3 ኔ ቆፓ።
\q1
\v 16 ኣቤት ኡባፌ
\q2 ዎልቃማ ጎዳዉ!
\q2 ታኒ ኔ ሱንን
\q2 ጼይጌቲዳ ጊሻስ
\q2 ኔ ቃላይ ታኮ ዪን ማዲስ፤
\q3 ሂስቲን ኔ ቃላይ ታስ ፓሽካኔ
\q3 ዎዚና ኡፋይስ ኢሚዴስ።
\q1
\v 17 ጉፒዛይታራ ኡታቤኬ፤
\q2 ኢስታራካ ጉፓቤኬ።
\q2 ኔኒ ኔ ኩሼ ታ ቦላ
\q3 ዴንዳ ጊሻሲኔ
\q2 ኔ ሃንቆ ታ ቦላ ዬዲዳ ጊሻስ
\q3 ታኒ ታርካ ኡታዲስ።
\q1
\v 18 ታ ቦላ ሃርጌይ ኣይስ ሚኒዴ?
\q2 ታ ማዱንይ
\q2 ኣይስ ዳሪ ዳሪ ቢዴ?
\q2 ኣይስ ፓጾንታ ኢጺዴ?
\q3 ኔኒ ታስ ባሌዛ
\q2 ሻፋ ማላኔ
\q3 ጪሚዛ ፑልቶ ማላ
\q3 ኣይስ ጊዳዲ?
\q1
\v 19 ሄሳ ጊሻስ ጎዳይ፥
\q2 «ኔኒ ሲሚኮ ታ ኔና
\q3 ዛራ ኤሳና፤
\q2 ኔካ ታስ ኦና።
\q2 ሃዳ ዮኦ ኣጋዳ
\q3 ቦንቾ ቃላ ጻላ ሃሳይኮ
\q3 ኔኒ ታ ዶና ጊዳና።
\q2 ኢስቲ ኔኮ ሲማና ኣቲን
\q3 ኔ ኢስታኮ ሲማካ።
\q1
\v 20 ታ ኔና ሃ ዴራስ
\q2 ጊምቤ ኦና፤
\q2 ጻርቂማላፔ ኦሴቲዳ
\q3 ጊምቤ ማላ ሂስታና፤
\q2 ታኒ ኔና ኣሻናሲኔ
\q3 ዎ ኤካናስ
\q2 ኔናራ ዲዛ ጊሻስ
\q3 ኢስቲ ኔናራ ኦሌታና ሺን
\q3 ኔና ጾኔቴና።
\q1
\v 21 ኢታታ ኩሼፔ ታኒ ኔና ዎዛና፤
\q2 ሜንጼ ኢታታ ቆሆፔካ
\q3 ታ ኔና ኣሻና» ጌስ።
\c 16
\s ባሻ ጋላስ
\p
\v 1 ጎዳ ቃላይ ታኮ ዪዲ፥ 
\v 2 «ኔኒ ሃይሳን ማቾ ኤኮፋ፤ ኣቱማ ናካ፥ ማጫ ናካ ዬሎፓ» ጊዴስ። 
\v 3 ሃ ቢታ ቦላ ዬሌቲዛ ኣቱማ ናይታኔ ማጫ ናይታ ጊሻስ፥ ኢስታ ዬሊዳ ኣዬታኔ ኣዋታ ጊሻስ ጎዳይ፥ 
\v 4 «ኢስቲ ኢታ ሃርጌን ሃይቃና፤ ኢስታስ ዬሆይ ዴና፤ ሞጎካ ሞጌቴቴና፤ ኢስታ ኣሃይ ቢታ ቦላን ቡራ ማላ ዬጌቲ ኣታና፤ ኢስቲ ማሻኒኔ ኮሻን ዉራና፤ ኢስታ ኣሃይ ሳሎ ካፎታሲኔ ዎራ ዶኣታስ ቁማ ጊዳና» ጊዴስ።
\p
\v 5 ጎዳይ ታስ፥ «ታኒ ታ ኣንጆዛ፥ ታ ሲቆዛኔ ታ ማሮቴ ሃ ዴራ ቦላፌ ዴንዲስ፤ ሄሳ ጊሻስ ዬሆ ኬ ጌሎፓ፤ ዬካናሲኔ ካዮታናስ ሄ ቦፓ። 
\v 6 ዱሬቲኔ ማንቆቲ ሃ ቢታይ ቦላ ሃይቃና፤ ኢስቲ ሞጌቴቴና። ኢስታ ዬሆይካ ዬኬቴና፤ ኢስታስ ባ ቦላ ቃጫናይ ዴና፤ ባ ሁኤካ ቡጫናይ ዴና። 
\v 7 ካዮቲዛይታ ሚንናስ ሾች ኤሃናይ ዴና፤ ቃሴካ ኣዋይ ሃይቂዳ ዎይኮ ኣያ ሃይቂዳ ኣስ ሚንናስ ሾቻ ኡሹ ኤሃናይ ዴና።
\p
\v 8 «ጊቢራይ ዲዛ ኬካ ጌሎፓ፤ ማናሲኔ ኡያናስ ኢስታራ ኢሲፌ ኡቶፋ። 
\v 9 ታኒ ኢስራኤሌ ጾሳይ ኡባፌ ዎልቃማ ጎዳይ፥ ‹ሄኮ፥ ታኒ ኡፋይሲኔ ኢሊሊሳ ጬንጉርስ፥ ሚሺራዛ ጬንጉርሲኔ ሚሺራይ ጬንጉርሲ ሃይሳፌ ታ ዲጋና፤ ሄሳ ኢንቴ ዎዴን ኢንቴ ኢንቴ ኣይፌራ ቤኣና› ጌስ።\x - \xo 16፡9 \xo*\xt ኤር 7፡34፤ 25፡10፤ ኣጁ 18፡23\xt*\x*
\p
\v 10 «ኔኒ ሃ ቃላ ኡባ ሃ ኣሳስ ዮቲዛ ዎዴ ኢስቲ ኔና፥ ‹ጎዳይ ኣይስ ሃይሳ ማላ ጊታ ባሽ ኑ ቦላ ኣዋጂዴ? ኑኒ ኣይ ሞሪዶኒ? ጎዳ ኑ ጾሳስ ኣይ ናጋራ ኦዶኒ?› ጊ ኦይቻና። 
\v 11 ሄ ዎዴ ኔኒ ኢስታስ፥ ‹ካሴ ኢንቴ ኣዋቲ ታና ኣጊዳ ጊሻሳ፥ ኢስቲ ኤቃ ጾሳታ ካሊዲ ኢስታስ ኦዳ ጊሻሲኔ ጎይኒዳ ጊሻሳ፤ ታና ኣጊ ባቃቲዲ ታ ዎጋ ናጎንታ ኢጺዳ ጊሻሳ፤ 
\v 12 ኢንቴ ካሴ ኢንቴ ኣዋታፔካ ኣዳ ኢታ ኦዳ ጊሻሳ፤ ቤኢቴ፤ ኢንቴ ኢሶይ ኢሶይ ኢንቴ ዎዚና ኢታቴ ካሊዴታ፤ ታስካ ኣዛዜቶንታ ኢጺዴታ። 
\v 13 ሄሳ ጊሻስ ታኒ ኢንቴና ሃ ቢታይፌ ዴንዳ ኢንቴ ዎይኮ ኢንቴ ኣዋቲ ኤሮንታ ቢታ ኤፋ ኦላና፤ ሄን ኢንቴ ኤቃ ጾሳታስ ጋላሲኔ ኦማርስ ጎይናና። ታኒ ሙሌካ ኢንቴስ ቃቲኬ› ጋና» ጊዴስ።
\s ዲኤቴፌ ሲሞ
\p
\v 14 ጎዳይ፥ «ሄሳ ጊሻስ ኣሳይ፥ ‹ኢስራኤሌ ኣሳ ጊብጼ ቢታፌ ኬሲዳ ጎዳይ ቤዪን› ጊዲ ጫቆንታ ዎዴይ ያና። 
\v 15 ‹ጊዶ ኣቲን ኢስራኤሌ ኣሳ ፑዴሃ ባጋ ቢታፌኔ ኢስታ ኢዚ ላሊዳ ቢታታ ኡባፌ ዛሪዲ ኤሂዳ ጎዳይ ቤዪን› ጊዲ ጫቃና ዎዴይ ያና፤ ጋሶይካ ታኒ ካሴ ኢስታ ኣዋታስ ኢሚዳ ጺንጾ ቢታን ዛራዳ ኢስታ ኤሃና» ጌስ።
\s ያና ቂጻቴ
\p
\v 16 ጎዳይ፥ «ሃኢ ጊዲኮ ታኒ ሞሌ ኦይኪዛ ዳሮ ኣሳታ ኪታና፤ ኢስቲካ ኦይካና። ሄሳፌ ጉዬ ታኒ ዳሮ ሻንካቲዛ ኣሳታ ዬዳና፤ ኢስቲካ ዙማቲ ዲዛሶፔ፥ ዙምቡላቲ ዲዛሶፔኔ፥ ዛላታ ጎንጎሎፔ ሻንካቲዲ ኦይካና። 
\v 17 ታ ኣይፌይ ኢስታ ኦጌ ኡባ ቤኤስ፤ ኢስቲ ታፔ ጌሜቴና፤ ኢስታ ናጋራይካ ታ ኣይፌፔ ጌሚቤና። 
\v 18 ኢስቲ ታ ቢታ ኣሃ ማላ ጊዲዳ ሃራሲዛ ኤቃ ጾሳታን ቱኒሲዳ ጊሻሲኔ ታ ጺንጾካ ዬላቺዛ ሚሻታን ኩንዳ ጊሻስ ታኒ ኢስቲ ኦዳ ቆሆዛ ጊሻሲኔ ናጋራ ጊሻስ ናምኡ ኩሼ ቃጻያና» ጌስ።
\s ኤርማሳ ዎሳ
\q1
\v 19 ታስ ሚኖቴኔ ሚጻ ጊዳዳ
\q2 ሜቶ ጋላስ ታ ሺቃ
\q3 ኣቲዛሶ ጊዲዳ ጎዳዉ!
\q2 ካዎቴቲ ሳኣ ጋጻፔ ኔኮ ዪዲ፥
\q2 «ካሴ ኑ ኣዋቲ
\q3 ባና ኣይኮካ ማዶንታ
\q3 ኤቃ ጾሳታስ ጎይኒዳ።
\q1
\v 20 ኣሲ ባስ ጾስ
\q2 ሜናስ ዳንዳይዜ?
\q2 ኤ ዳንዳያናሺን
\q2 ኢስቲ ሜዛይቲ
\q3 ቱሙ ጾስ ጊዴቴና!» ጋና።
\q1
\v 21 ጎዳይ፥ «ሄሳ ጊሻስ
\q2 ሃኢ ታ ኢስታ ታ ዎልቃኔ
\q3 ታ ጊታቴ ታማርሳና፤
\q2 ኢስቲካ ታ ሱንይ
\q3 ጎዳ ጊዲዳይሳ ኤራና» ጌስ።
\c 17
\s ዩሁዳይ ኦዳ ናጋራ ጊሻስ ኢሜቲዳ ቂጻቴ
\q1
\v 1 ጎዳይ፥ «ዩሁዳ ናጋራይ
\q2 ቢራታ ቢኢሬኒኔ
\q2 ሆጼ ኣልማዜ ጼራን ጻፌቲዴስ፤
\q2 ኢስታ ዎዚና ቦላኔ
\q2 ኢስቲ ያርሺዛሶን ዲዛ
\q3 ካጬታ ቦላ ጻፌቲዴስ።
\q1
\v 2 ኢስታስ ናይቲካ ኣቶንታ ጪሊላ
\q2 ሚታ ጋርሳኒኔ
\q2 ቃ ዙምቡላታ ቦላ ዲዛ
\q2 ያርሾሶታኔ
\q2 ኣሼሮ ጌቴቲዛ
\q3 ኤቃ ሚስሌዮ ቆፔቴስ።
\q1
\v 3 ኔ ቢታን ኦሴቲዳ ናጋራ ጋሶን
\q2 ዙማታ ቦላኔ
\q2 ዙምቡላታ ቦላ ዲዛ
\q3 ኔ ኣቆታ፥
\q2 ኔ ዱሬቴኔ ኔ ጎይኖሶታ
\q3 ታኒ ዲኦስ ኣ ኢማና።
\q1
\v 4 ኔ ሞሮ ጋሶን
\q2 ታ ኔስ ኢሚዳ ጺንጾዛፔ
\q3 ኔ ሜላ ኣታና፤
\q2 ኔና ታኒ ኔ ኤሮንታ ቢታን
\q3 ኔ ሞርኬታስ ኣይሌሳና።
\q2 ጋሶይካ ሜርናስ
\q2 ታማ ማላ ኤጺዛ
\q2 ታ ሃንቆዛ
\q2 ኔ ዴንዳሳ» ጌስ።
\s ዱማ ዱማ ሌሚሶታ
\q1
\v 5 ጎዳይ፥ «ኣሳን ኣማኔቲዛይ፥
\q2 ኣሾ ማይኢዳ ኣሳን ጬቄቲዛይ፥
\q2 ባ ዎዚና ጎዳፔ
\q2 ሃሲዛይ ቃንጌቲዳዴ።
\q1
\v 6 ኢዚ ባዞን ዲዛ
\q2 ቄሪ ዎራ ማላ ጊዳና፤
\q2 ኢዚ ሎኦ ሚሽ ቤኤና፤
\q2 ኢዚ ኣሲ ባይንዳ ማጺኔ ቢታን
\q2 ባዞን ሜላ ሶሆን ኡታና።
\m
\v 7 ጊዶ ኣቲን ጎዳን ኣማኔቲዛ ኣሲ፥
\q2 ኢዚ ኣማኔቲዛይ
\q2 ጎዳ ጊዲዳዴይ ኣንጄቲዳዴ።
\q1
\v 8 ኢዚ ሃ ላንቄን ቶኬቲዲ፥
\q2 ባ ጻጶ ዱጌ ሃን ዬዲዳ
\q2 ሚ ማላ።
\q2 ኣዋ ሴላስካ ያዬና፤
\q2 ኢዛ ሃይይ
\q2 ጪሊሊዳ ማላ ዳና፤
\q2 ኣዋይ ዳሪዳ ላይካ ባቤና፤
\q2 ኣይፌ ኢሞፔካ ፓጬና።\x - \xo 17፡8 \xo*\xt ማዛ 1፡3\xt*\x*
\m
\v 9 ኣሳ ዎዚናይ ኡባ ሚሻፌካ ጌኔ፤
\q2 ኢዛስ ፓጻቴካ ዴና፤
\q2 ኢዛ ኤራናስ ኦኒ ዳንዳያኔ?
\q1
\v 10 ታኒ ጎዳይ ኣስ ኡባስ
\q2 ኢዛ ኦጌ ማላኔ
\q2 ኢዛ ኦሶ ማላ ኢማናስ
\q3 ኣሳ ዎዚና ፒልጋይሲኔ
\q2 ኢዛ ካሃ ፓጫይስ» ጌስ።\x - \xo 17፡10 \xo*\xt ማዛ 62፡12፤ ኣጁ 2፡23\xt*\x*
\b
\q1
\v 11 ቤሶንታ ኦጌራ ኣቆታ ዳጋሲዛ ኣሲ
\q2 ባ ጱቂሶንታ ጪዬ
\q3 ሃጵዛ ኩራቾ ማላ።
\q2 ኢዛ ላይይ ቡሮ ባጋቲሺን
\q3 ኢዚ ኣቆታ ኣጊ ባና፤
\q2 ዉርሴን ኢዛ ኤያቴ
\q3 ቆንጬ ኬዛና።
\q1
\v 12 ኑ ጾሳ ኬ ዲዛሶይ
\q2 ቤኒፔ ዶሚዲ ቁ ጊዳ
\q3 ቦንቾ ኣራታ።
\q1
\v 13 ኢስራኤሌስ ሂዶታ ጊዲዳ ጎዳዉ!
\q2 ኔና ኣጊ ቢዳ ኡባይ ዬላታና፤
\q2 ኔና ዴኦ ሃ ፑልቶ ጊዲዳ
\q3 ጎዳ ኣጊዳ ጊሻስ
\q2 ባ ኣይፌሶ ኔፔ
\q2 ሃራሶ ዛሪዛይቲ
\q2 ጉዱላ ቦላ
\q2 ጻፌቲዳይሳ ማላ ጊዳና።
\s ኤርማሳ ዎሳ
\p
\v 14 ኣቤት ጎዳዉ! ታና ፓ፤
\q2 ታኒካ ፓጻና፤
\q2 ታና ኣሻ፤
\q2 ታኒካ ኣታና፤
\q2 ጋሶይካ ታ ጋላታይ ኔና።
\q1
\v 15 ኣሳይ ታና ዛሪ ዛሪዲ፥
\q2 «ጎዳ ቃላይ ኣዋን ዲዜ?
\q2 ኣኔ ሃኢ ፖሌቶ!» ጌቴስ።
\q1
\v 16 ሄንንቻ ጊዳዳ
\q2 ኔስ ኦናፔ
\q2 ጉዬ ጋቤኬ፤
\q2 ታ ኢስታስ ኢታ ጋላስ
\q3 ኣሞቶንታይሳ ኔ ኤራሳ፤
\q2 ታ ዶናፔ ኬዚዛይሲ
\q3 ኔ ሲንን ቆንጬ።
\q1
\v 17 ታና ዳጋንዛዴ ጊዶፓ፤
\q2 ኔኒ ታስ ሜቶ ጋላስ
\q3 ታ ባቃታ ኣቲዛሶሆ።
\q1
\v 18 ታና ዬዴዛይቲ ዬላቴቶ፤
\q2 ታና ዬላሶፓ፤
\q2 ኢስቲ ዳጋሜቶ፤
\q2 ጊዶ ኣቲን ታና ዳጋማፔ ቆታ፤
\q2 ኢስታ ቦላ ኢታ ጋላስ ኤሃ፤
\q2 ኢስታ ቦላ ዳኮ ባሽ ኤሃ።
\s ሳምባታ ቦንቾ
\p
\v 19 ጎዳይ ታና፥ «ዩሁዳ ካዎቲ ካታማ ጌሊዛሶኒኔ ኬዚዛሶ ዴራ ፔንጌኒኔ ሃራ ዬሩሳላሜ ፔንጌታ ኡባን ባዳ ኤቃ። 
\v 20 ሂስታዳ ኢስታስ፥ ‹ሃ ፔንጌታራ ጌሊዛ ዩሁዳ ካዎቶ! ዩሁዳ ኣሳቶ! ዬሩሳላሜን ዲዛ ኣስ ኡባቶ ጎዳ ቃላ ሲዪቴ!› ጋ» ጌስ። 
\v 21 ጎዳይ ታስ፥ «ሳምባታ ጋላስ ቶሆ ቶኪዲ ዬሩሳላሜ ፔንጌታራ ጌሎንታ ማላ ኢንቴስ ናጌቲቴ!\x - \xo 17፡21 \xo*\xt ናሂ 13፡15-22\xt*\x* 
\v 22 ሳምባታ ጋላሳን ኢንቴ ኬፌ ቶሆ ቶኪዲ ኬሶፍቴ፤ ዎይኮ ኣይኮ ኦሶኔ ኦፍቴ። ካሴ ኢንቴ ኣዋታ ታኒ ኣዛዚዳ ማላ፥ ሳምባታ ጋላስ ዱማሲዲ ቦንቺቴ።\x - \xo 17፡22 \xo*\xt ኬሳ 20፡8-10፤ ዛሬ 5፡12-14\xt*\x* 
\v 23 ኢስቲ ጊዲኮ ሲዪቤቴና፤ ዎዚናንካ ዎቤቴና፤ ኢስቲ ሲዮንታ ማላኔ ሲሞንታ ማላ ባ ዎዚና ሙሚሲዳ። 
\v 24 ጊዶ ኣቲን ኢንቴ ታኒ ጎዳይ ዮቲዛይሳ ናጌቲ ኣዛዜቲኮ፥ ሳምባታ ጋላሳን ኣይ ሚሺካ ቶኪዲ ሃኖ ሃ ካታማይ ፔንጌታራ ጌሎንታ ኣጊኮ፥ ሳምባታ ጋላስ ዱማሲዲ ኢዛን ኣይ ኦሶኔ ኦንታ ቦንቺኮ፥ 
\v 25 ዳዊቴ ካዎቴ ኣራታን ኡቲዛ ካዎቲኔ ኢስታ ሹሜቲ ሃ ካታማይ ፔንጌራ ጌላና፤ ኢስቲ ባ ፓራታኒኔ ባ ፓራ-ጋሬታ ቦላ ኡቲዲ ዩሁዳ ኣሳይኔ ዬሩሳላሜ ኣሳይ ኣዣቢን ያና፤ ሃ ካታማያ ሜርናስ ኣሲ ዲዛ ካታማ ጊዳና። 
\v 26 ኣሳይ ጹጌቲዛ ያርሾኔ ሃራ ያርሾ፥ ካ ያርሾ፥ ኤጻኔኔ ጋላታ ያርሾ ኤኪዲ፥ ዩሁዳ ካታማታፔ፥ ዬሩሳላሜ ዩሾን ዲዛ ሞታፔ፥ ቢኒያሜ ቢታፌ፥ ጋፔኔ ጌዜፌ ቃሴካ ኔጌቤ ቢታፌ ጎዳ ኬ ያና። 
\v 27 ጊዶ ኣቲን ኢንቴ ሳምባታ ጋላሳታ ዱማሶንታ ኢጺዲ ሳምባታ ጋላስ ቶሆ ቶኪዲ ዬሩሳላሜ ፔንጌታራ ጌሊዲ ታ ኣዛዞ ሜንኮ ታኒ ዬሩሳላሜ ፔንጌታ ቦላ ኢዚ ሚጻታ ሚዛ ቶኦንታ ታማ ታ ኤና» ጊዴስ።
\c 18
\s ማና ኬን ኤርማሳ
\p
\v 1 ጎዳ ማታፔ ኤርማሳኮ፥ 
\v 2 «ዴንዳዳ ማናሶ ባ፤ ሄን ታ ኔስ ታ ኪታ ዮታና» ጊዛ ቃላይ ዪዴስ። 
\v 3 ታኒካ ዱጌ ማናዛሶ ባዲስ፤ ኢዚ ባ ሜዛ ኢርዞ ቦላ ኦቶ ሜሺን ቤኣዲስ። 
\v 4 ኢዚ ሜሺን ኦቶዚ ኢዛ ኩሼን ሞሬቲዴስ፤ ሂስቲን ኢዚ ሄ ኡርቃ ዛሪዲ ባ ኮዪዳ ማላ ሜዴስ። 
\v 5 ሄ ዎዴ ጎዳ ቃላይ፥ 
\v 6 «ኢስራኤሌ ኣሳዉ! ማናዚ ኦዛይሳ ታ ኢንቴና ኦናስ ዳንዳይኪና? ኢስራኤሌ ኣሳዉ! ኡርቃይ ማና ኩሼን ዲዛይሳ ኢንቴካ ታ ኩሼን ዴታ። 
\v 7 ታኒ ኢሲ ዴሬይ ዎይኮ ኢሲ ካዎቴ ሾዴታና ማላ፥ ላሌታና ማላኔ ያና ማላ ዮቲኮ፥ 
\v 8 ሄ ታኒ ዮቲዳ ካዎቴይ ባ ኢታቴፌ ኣጊዲ ሲሚኮ፥ ታኒ ኢስታ ቦላ ኤሃና ጊዳ ኢታ ሚሽ ኤሆንታ ኣጋጋና። 
\v 9 ቃሴ ሃራ ዎዴካ ታኒ ኢሲ ዴሬ ዎይኮ ኢሲ ካዎቴ ሚን ኤሳናስ ዮቲኮ፥ 
\v 10 ታ ሲንን ኢታ ሚሽ ኦኮኔ ታስ ኣዛዜቶንታ ኢጺኮ፥ ‹ታ ኢዛስ ኦና› ጊዳ ሎኦ ሚሻ ኡባ ኦንታ ኣጋጋና» ጌስ።
\p
\v 11 ጎዳይ፥ «ሄሳ ጊሻስ፥ ኤርማሳ ሃኢ ዩሁዳ ኣሳታሲኔ ዬሩሳላሜን ዲዛይታስ ባዳ፥ ‹ሄኮ ታኒ ኢንቴ ቦላ ባሽ ጊጊሶ ቦላ ዳይስ፤ ኢንቴ ቦላ ኢታ ሚሽ ሜሼ ዳይስ፤ ሄሳ ጊሻስ ኢንቴ ኡባይካ ኢንቴ ቢዛ ኢታ ኦጌፔ ሲሚቴ፤ ኢንቴ ኦጌኔ ኢንቴ ኦሶ ሱሪሲቴ› ጋ ዮታ። 
\v 12 ጊዶ ኣቲን ኢስታስ፥ ‹ዳቡሮፓ፤ ኑ ሃልቺዳ ኦጌራ ባና፤ ኑኒ ኢሶይ ኢሶይ ኑ ኢታ ዎዚና ቆፋ ካላና› ጌቴስ» ጊዴስ።
\q1
\v 13 ሄሳ ጊሻስ ጎዳይ፥
\q2 «ኣኔ ካዎቴታ፥
\q2 ‹ሃይሳ ማላ ሚሺ
\q2 ኢንቴ ጊዶን ሴቴቲ ኤሪዜ?›
\q3 ጊ ኦይቺቴ።
\q2 ጌላኦያ ኢስራኤሌይ ሃራሲዛ
\q3 ኢታ ሚሽ ኦዱስ።
\q1
\v 14 ሹች ጻላ ጊዲዳ
\q2 ሊባኖሴ ዙማታ
\q2 ቦላፌ ሻቺ ዪ ኤሪዜ?
\q2 ላዴ ቦላፌ ዱጌ ጎጊዛ
\q2 ኢርጻ ሃ
\q3 ጎጌ ኣጊ ኤሪዜ?
\q1
\v 15 ታ ዴሬይ ጊዲኮ ታና ባሊዴስ፤
\q2 ኢስቲ ጎኦንታ ጾሳታስ
\q3 ኤጻኔ ጩዋሴቴስ፤
\q2 ባንታ ኦጌራ ቢዲ ጴቲዳ፤
\q2 ቤኒ ኦጌፔ ካሬ ኬዚዳ፤
\q2 ባሴቶንታ ዲዛ ኩንዱኩርጮ
\q3 ኦጌራ ቢዳ።
\q1
\v 16 ኢስታ ቢታይ ቡላኔ
\q2 ሜርናስ ካቲዳዝ ጊዳና፤
\q2 ሄራ ኣዛ
\q2 ኡባይ ማላሌታና፤
\q2 ባ ሁኤካ ቂሼ ቃና።
\q1
\v 17 ኣርሼይ ሞኪዛ ባጋ ጫርኮ ማላ
\q2 ታኒ ኢስታ ኢስታ
\q3 ሞርኬታ
\q2 ሲንን ላላና።
\q2 ኢስቲ ይዛ ጋላስ ታ ኢስታስ
\q3 ዞኮ ዛራና ኣቲን
\q2 ታ ኣይፌሶ ቤሲኬ» ጌስ።
\s ኤርማሳ ቦላ ማቄቲዳ ማቆ
\p
\v 18 ኢስቲካ፥ «ኣኔ ሃ ዪቴ፤ ኤርማሳ ቦላ ማቄቶስ፤ ዎጋይ ቄሴታ ኣቻን፥ ዞሬይ ኣ ኤራንቻታ ኣቻን፥ ቃላይካ ናቤታ ኣቻን ዬና፤ ኣኔ ሃ ዪቴ፤ ኑ ኢንጻርሳን ኢዛ ቶቾስ፤ ኢዚ ጊዛይሳካ ኡባ ሲዮኮ» ጊዳ።
\q1
\v 19 ኣቤት ጎዳዉ! ታ ጊዛዝ ሲያ፤
\q2 ታ ሞርኬቲ ታ ቦላ
\q3 ሃሳይዛይሳ ኤዝጋ።
\q1
\v 20 ሎኦ ኦዳዴስ ኢታ ዛሪዞ?
\q2 ኢስቲ ጊዲኮ
\q2 ታስ ኦላ ቦኪዳ፤
\q3 ኔ ሃንቆይ ኢስታፌ ሲማና ማላ
\q3 ኔ ሲንን ኤቃዳ
\q2 ኢስታ ጊሻስ
\q3 ታ ዮቲዳይሳ ቆፓ።
\q1
\v 21 ሄሳ ጊሻስ
\q2 ኢስታ ናይታ ኮሻሲኔ
\q2 ማሻስ ኣ ኢማ፤
\q2 ኢስታ ማጫሳቲ ማይኔኔ
\q3 ኣምኤታ ጊዴቶ፤
\q2 ኢስታ ኣቱማሳቲካ
\q3 ፓራ ሃይቆን ዉሬቶ፤
\q2 ኢስታ ናቴ ናይቲ
\q3 ኦላሶን ማሻስ ጊዴቶ
\q1
\v 22 ኢስቲ ታና ኩንዲሳናስ
\q2 ኦላ ቦኪዛ ጊሻሲኔ
\q2 ታ ቶሆስካ ዎጺማዴ
\q2 ዎዳ ጊሻስ
\q3 ኢስቲ ቆፖንታ ኔኒ ኢስታ ቦላ
\q3 ቦንቂዛይታ ዬዲን
\q3 ኢስታ ኬን ዋሶይ ኬዞ።
\q1
\v 23 ጊዶ ኣቲን ኣቤት ጎዳዉ!
\q2 ኢስቲ ታና ዎናስ ማቄቲዳይሳ
\q3 ኡባ ኔኒ ኤራሳ፤
\q2 ኔኒ ኢስታ ኢታቴ
\q2 ኣቶ ጎፓ፥
\q2 ዎይኮ ኢስታ ናጋራ
\q3 ኔ ሲንፌ ቁጮፋ፤
\q2 ኢስቲ ኔ ሲንን
\q2 ጾኔቲዲ ኩንዴቶ፤
\q2 ኔ ሃንቆ ጋላስ
\q3 ኔ ኢስታ ማሮፓ።
\c 19
\s ሌሚሶስ ሜቂዳ ጎምቦ
\p
\v 1 ጎዳይ ኤርማሳስ፥ «ባዳ ማናፔ ጎምቦ ሻማ፤ ሂስታዳ ኔናራ ዴሬ ጪማታፔኔ ቄሴታፔ ጉታ ኤካዳ፥ 
\v 2 ኮንኣ ሜቆ ፔንጌ ኣቻራ ኣዳ ሄኖሜ ና ሾባ ባ፤ ሄን ታኒ ኔስ ዮቲዛ ቃላ ኣዋጃ።\x - \xo 19፡2 \xo*\xt 2ካዎ 23፡10፤ ኤር 7፡30-32፤ 32፡34-35\xt*\x* 
\v 3 ‹ኢንቴኖ ዩሁዳ ካዎቶ! ዬሩሳላሜን ዲዛ ዴሬዞ! ጎዳ ቃላ ሲዪቴ! ኡባፌ ዎልቃማ ጎዳ ኢስራኤሌ ጾሳይ፡ ሲያናስ ሃይስ ኢቲዛ ሚሽ ሃ ቢታ ቦላ ታኒ ኤሃና። 
\v 4 ጋሶይካ ኣሳይ ታና ኣጊዲ ሃይሳ ሃ ሶሆዛ ኤቃ ጎይኒዛሶሆ ኬሲዴስ፤ ኢስቲ ጊዲን ዎይኮ ካሴ ኢስታ ኣዋቲ፥ ዎይኮ ዩሁዳ ካዎቲ ኤሮንታ ኤቃ ጾሳታስ ያርሺዳ፤ ሃይሳ ሃ ሶሆዛን ጺሎ ሱ ጉሲዳ። 
\v 5 ቃሴ ታኒ ኢስታ ኣዛዞንታይሳ፥ ዎይኮ ኢስታስ ዮቶንታይሳ፥ ዎይኮ ታ ዎዚናን ቆፖንታይሳ ባንታ ኣቱማ ናይታ ባኣሌስ ታማን ጹጊ ያርሻናስ ጎይኒዛሶሆ ዙምቡላታ ኦዳ።\x - \xo 19፡5 \xo*\xt ሌዌ 18፡21\xt*\x* 
\v 6 ሄሳ ጊሻስ ኣሳይ ሃ ሶሆዛ ሹካ ሾባ ጋናፔ ኣቲን ቶፌቴ ዎይኮ ሄኖሜ ና ሾባ ጊ ጼይጎንታ ዎዴይ ያና።
\p
\v 7 « ‹ሃ ሶሆን ዩሁዳ ሃልቾኔ ዬሩሳላሜ ሃልቾ ታ ላላና፤ ኢስቲ ባንታ ሞርኬታ ማሻኒኔ ባንታና ዎናስ ኮይዛይታ ኩሼን ሃይቃና ማላ ታኒ ኦና፤ ኢስታ ኣሃ ሳሎ ካፎታሲኔ ዎራ ዶኣታስ ቁማ ሂስታ ኢማና። 
\v 8 ታኒ ሃ ካታማዮ ሙሌራ ይሳና፤ ሚቻስካ ኬሳና፤ ኢዚ ማታራ ኣዛ ኣሳይ ኡባይ ሃኖ ፓላ! ጊ ቂ ካኣና። 
\v 9 ኢስቲ ባንታ ማጫ ናይታ ኣሾኔ ባንታ ኣቱማ ናይታ ኣሾ ማና ማላ ታኒ ኦና፤ ኢስታ ዎናስ ኮይዛ ኢስታ ሞርኬቲ ኢስታ ጊዶን ኢስቲ ኡባይ ኢሶይ ኢሳ ኣሾ ማና› ጌስ።
\p
\v 10 «ሄሳፌ ጉዬ ኔናራ ኢሲፌ ቢዳ ኣሳታ ሲንን ሄ ጎምቦዛ ሜን። 
\v 11 ሂስቲዲ ኢስታስ ኡባፌ ዎልቃማ ጎዳ ጾሳይ፥ ‹ማናዛ ጎምቦይ ሜቂዳይሳኔ ሲሚ ኮሌታና ዳንዳዮንታይሳ ታኒ ሃ ካዎቴኔ ሃ ካታማ ሄሳ ኦና፤ ኣሳይ ኣሃ ሞጊዛሶይ ባይንዳ ጊሻስ ቶፌቴን ሞጋና። 
\v 12 ታኒ ሃ ሶሆዛኒኔ ኢዛን ዲዛ ኣሳ ቦላ ሄሳ ኦና፤ ታኒ ሃ ካታማዮ ቶፌቴ ማላ ኦና። 
\v 13 ባንታ ኬ ካራ ቦላ ሳሎ ሜቴታስ ኤጻኔ ጩዋሲዲኔ ኤቃ ጾሳታስ ኡሹ ሺሺዳይቲ ዬሩሳላሜ ኣሳ ኬቲኔ ዩሁዳ ካዎታ ኬቲ ቶፌቴ ማላ ቱናና› ጌስ።\f + \fr 19፡13 \fr*\ft ኬ ካራ ቦላ ኤጻኔ ጩዋሶይ ኢስራኤሌ ኣሳይ ባ ኬ ቦላ ፖቄ ማላ ኦዲ ያርሾ ሺሺዛ ዎጋ።\ft*\f*
\p
\v 14 «ሄሳፌ ጉዬ ኤርማሲ ጎዳይ ቲንቢቴ ዮታናስ ኪቲዳ ቶፌቴፔ ሲሚ ዪዲ ጎዳ ኬ ዱቡሻን ኤቂዲ፥ 
\v 15 ኡባፌ ዎልቃማ ጎዳ ኢስራኤሌ ጾሳይ፥ ‹ሲዪቴ! ኢስቲ ባንታ ዎዚና ሹቻሲዲ ታ ቃላ ሲዮንታ ኢጺዳ ጊሻስ ታኒ ሃ ካታማ ቦላኔ ኢዛ ማታን ዲዛ ሞታ ኡባ ቦላ ኤሃና ጊዳ ኢታ ሚሽ ኡባ ኢስታ ቦላ ኤሃና ጋይስ› ጌስ» ጊዴስ።
\c 20
\s ኤርማሳኔ ፓሽኩሬ
\p
\v 1 ሄ ዎዴ ጎዳ ኬን ኢሜሬ ና ቄሴ ፓሽኩሬይ ኤርማሲ ቲንቢቴ ዮቲሺን ሲዪዲ፥ 
\v 2 ናቤ ኤርማሳ ሾጪዴስ፤ ጾሳ ኬፌ ፑዴ ባጋራ ዲዛ ቢኒያሜ ጊምቤ ፔንጌ ቦላ ኣግሪሞቄን ቃቺዴስ። 
\v 3 ዎንቴ ጋላስ ፓሽኩሬይ ኤርማሳ ቃሾፔ ቢርሺን ኤርማሲ ኢዛስ፥ «ሃቺፌ ዶሚን ጎዳይ ኔ ሱን ማጎርሚሳቢቤ\f + \fr 20፡3 \fr*\fqa ማጎርሚሳቢቤ፡ \fqa*\ft ማጎርሚሳቢቤ ጌቴቲዛይሳ ኢብራዌታ ቃላ ቢርሼ ኡባ ሚሻንካ ዳጋማ ጉሳ።\ft*\f* ጋና ኣቲን ፓሽኩሬ ጌና። 
\v 4 ጋሶይካ ጎዳይ፥ ‹ታኒ ኔናኔ ኔ ላጌታ ኡባ ዳጋማስ ኣ ኢማና፤ ኢስቲ ኔኒ ጼሊሺን ባንታ ሞርኬታ ማሻን ዉራና፤ ታኒ ዩሁዳ ኣሳ ኡባ ባቢሎኔ ካዎ ኩሼን ኣ ኢማና፤ ኢዚ ኢስታ ዲኢዲ ባቢሎኔ ኤፋና፤ ሂስቲዲ ሄን ኢስታ ማሻን ሲፋና። 
\v 5 ሃ ካታማይ ኣቆታ፥ ኢዛ ኦ ዴሚዳ ኡባ፥ ዩሁዳ ካዎታ ኣቆታኔ ኢስታስ ዲዛ ኣልኦ ሚሽ ኡባ ታኒ ኢስታ ሞርኬታስ ኣ ኢማና፤ ኢስቲካ ዲኢ ኤኪዲ ባቢሎኔ ኤፋና። 
\v 6 ፓሽኩሬ! ኔኒኔ ኔ ሶሆን ዲዛ ኡባይካ ዲኤቲዲ ባቢሎኔ ባና። ኔኒኔ ኔ ኢስታስ ዎርዶ ቲንቢቴ ዮቲዳ ኔ ላጌቲ ኡባይ ሄን ሃይቃናኔ ሞጌታና› ጌስ» ጊዴስ።
\s ኤርማሳ ዙዙን
\q1
\v 7 ኣቤት ጎዳዉ!
\q2 ኔኒ ታና ጪማዳሳ፤
\q2 ታኒካ ጪሜታዲስ።
\q2 ኔኒ ታፔ ኬሃ ሚናዳ
\q2 ታና ጾናዳሳ።
\q2 ጋላስ ኩሜ ታኒ ኣሳስ
\q3 ሚቻስ ኣታዲስ፤
\q2 ኡባይካ ታና ቂስ።
\q1
\v 8 ታኒ ሃሳይዛ ዎዴ
\q2 ኡባን ዋሳይስ፤
\q2 «ሺሮኔ ባሽ» ጋ ኣዋጃይስ፤
\q3 ሄሳ ጊሻስ ጎዳ ቃላይ
\q3 ታስ ኩሜ ጋላስ ታ ቦላ
\q3 ጫሼኔ ቂ ኤሂዴስ።
\q1
\v 9 ታኒ፥ «ሃይሳፌ ጉዬ
\q2 ጎዳ ሱን ዴንኬ፤
\q2 ኢዛ ሱንንካ
\q2 ሃሳይኬ» ጊኮ
\q2 ኢዛ ቃላይ ታ ዎዚና ጊዶን
\q2 ታማ ማላ፥
\q2 ታ ሜቄ ጊዶንካ
\q3 ሱርቁንቶ ማላ ጊዲዴስ፤
\q2 ሄሳ ጊሻስ
\q3 ታ ካማ ኦይካናስ ጾኒዴስ፤
\q3 ሙሌራካ ኤቄታናዉ
\q3 ዳንዳያቤኬ።
\q1
\v 10 «ኡባሶን ሺሮይ ዴስ፤
\q2 ሂሊቴ ኣኔ ኑኒካ ሂሎስ» ጊዲ
\q2 ዳሮቲ ሳሱኬቲሺን ታ ሲያዲስ፤
\q3 ታ ኩንዴ ናጌቲሼ ዲዛ
\q3 ታ ላጌቲ ኡባይ፥
\q3 «ኦኔ ኤሪዛይ
\q3 ባሌታና ዳንዳይዛኮ
\q3 ሂስቲኮ ኑኒ ኢዛ ጾናናኮኔ
\q3 ኑ ሃሎ ኬሳናኮ» ጌቴስ።
\q1
\v 11 ጊዶ ኣቲን ጎዳይ ያሺሲዛ
\q2 ቶራ ቃራ ማላ ታናራ ዴስ፤
\q2 ሄሳ ጊሻስ ታና ዬዴዛይቲ
\q3 ጴታና ኣቲን ታና ጾኔቴና፤
\q2 ኢስቲ ኢታ ካዉሽ ካዉያና ኣቲን
\q3 ኢስታስ ጊጌና፤
\q3 ኢስታ ካዉሻቴይ
\q3 ሙሌካ ዶጌቴና።
\q1
\v 12 ኣቤት ኡባፌ
\q2 ዎልቃማ ጎዳዉ!
\q2 ጺሎዛ ፓጪዛይሶ!
\q2 ዎዚናኔ ካሃ
\q2 ፒልጋ ጼሊዛይሶ!
\q3 ታኒ ታ ሞቶ ኔስ
\q3 ኣ ኢሚዳ ጊሻስ
\q3 ኔኒ ኢስታ ቦላ ሃሎ ኬሲሺን
\q3 ታ ኣይፌን ቤኣናስ ታና ጋ።
\q1
\v 13 ጎዳስ ዬጺቴ!
\q2 ኢዛስ ጋላታ ሺሺቴ፤
\q2 ኢዚ ሜቶታንቻታ ሼምፖ
\q2 ኢታታ ኩሼፔ ኣሼስ።
\q1
\v 14 ታኒ ዬሌቲዳ ጋላሳያ
\q2 ቃንጌቲዳሮ ጊዱ!
\q2 ታ ኣዬያ ታና ዬሊዳ
\q3 ጋላሳያ ኣንጄቱፉ!
\q1
\v 15 ታ ኣዋስ፥ «ኔስ ሚሺራቾ፤
\q2 ኔስ ኣቱማ ናይ ዬሌቲዴስ!»
\q2 ጊ ዮቲዳይ ቃንጌቲዳዴ ጊዶ!
\q1
\v 16 ሄሳዴይ ጎዳይ ቃታይ ባይንዳ
\q2 ሺሬቺ ዬጊዳ
\q2 ካታማታ ማላ ጊዶ፤
\q2 ማላዶ ዋሶ፥ ጋላሳ ሴታን
\q3 ኦላ ሺሮ ሲዮ።
\q1
\v 17 ታ ኣያ ታስ ዱፎ ጊዳና ማላ፥
\q2 ኢዚ ኡሎይ ታስ ሜርና
\q3 ዱሳሶ ጊዳና ማላ
\q2 ታና ሄን ኣይስ ዎቤኔ?
\q1
\v 18 ታኒ ሜቶኔ ጬጬ ቤኣናሲኔ
\q2 ታ ዴኦ ላይ ኡባ
\q2 ካዉሻቴን
\q2 ዉርሳናስ ታ ኣዪ ኡሎፔ
\q3 ኣይስ ኬዛዲና?\x - \xo 20፡14-18 \xo*\xt ኢዮ 3፡1-19\xt*\x*
\c 21
\s ዬሩሳላሜ ጾኔቴ ጊሻስ ዮቴቲዳ ቲንቢቴ
\p
\v 1 ዩሁዳ ካዎ ሴዴቂያሲ ማልኪያ ና ፓሽኩሬኔ ማኢሳያ ና ቄሴ ሶፎናሳ ኤርማሳኮ ኪቲዳ ዎዴ ጎዳ ቃላይ ኤርማሳኮ ዪዴስ። 
\v 2 ኪቴቲዳይቲካ፥ «ባቢሎኔ ካዎ ናቡካዳናጾሬይ ባ ኦላንቻታራ ሃ ካታማ ጊዶዳ ጊሻስ ኣኔ ኑስ ጎዳ ኦይቻ። ጎዳይ ቤኒይሳ ማላ ማላሊሲዛ ኦሶ ኑ ጊሻስ ኦዲ ኢዛ ጉዬ ዛራናኮ ኦኒ ኤሪዜ» ጊ ኦይቺዳ።\x - \xo 21፡2 \xo*\xt 2ካዎ 25፡1-11፤ 2ታሪ 36፡17-21\xt*\x*
\p
\v 3 ኤርማሲ ጊዲኮ ኢስታስ፥ «ቢዲ ሴዴቂያሳስ፥ 
\v 4 ‹ጎዳ ኢስራኤሌ ጾሳይ ኔና ጊምቤዛፔ ካሬ ባጋራ ዶዲ ኡቲዳ ባቢሎኔ ካዎኔ ኢዛ ኦላንቻታ ኦላናስ ኢንቴ ኩሼን ኢንቴ ኦይኪዳ ኦላ ሚሻ ታኒ ኢንቴ ቦላ ጉዬ ዛራና። ኢስታ ሃ ካታማዮ ዛራ ጌልና። 
\v 5 ታኒ ታ ሁኤራ ቂጻቴስ ዴንዳ ኩሼኒኔ ሚኖ ቄሴን፥ ሃንቆኒኔ ባሻን፥ ጊታ ቦሻን ታ ኢንቴና ጫዳና።\x - \xo 21፡5 \xo*\xt ማቶ 23፡38፤ ሉቃ 13፡35\xt*\x* 
\v 6 ታኒ ሃ ካታማይን ዲዛ ኣሳኔ ሜሃ ሾጫና፤ ኢስቲካ ኢታ ሃርጌን ዉራና። 
\v 7 ሄሳፌ ጉዬ ዩሁዳ ካዎ ሴዴቂያሳኔ ኢዛ ሹሜታ፥ ኢታ ሃርጌፌ፥ ማሻፌኔ ኮሻፔ ኣቲዳ ዴራ ባቢሎኔ ካዎ ናቡካዳናጾሬሲኔ ኢስታ ዎናስ ኮይዛ ሞርኬታስ ታኒ ጎዳይ ኣ ኢማና። ኢዚ ኢስታ ቃራ ማሻን ዎና፤ ኢስታ ማሬና፤ ኢስታስ ሚሼቴናኔ ቃቴና› ጌስ» ጊቴ።
\p
\v 8 ጎዳይ ኤርማሳ፥ «ጉጃዳካ ሃይሳ ዴራስ፥ ‹ጎዳይ ሄኮ ታኒ ኢንቴ ሲንን ዴኦ ኦጌኔ ሃይቆ ኦጌ ዎዲስ። 
\v 9 ሃኖ ሃ ካታማይን ታኪዛ ኡባይ ማሻን፥ ኮሻኒኔ ኢታ ሃርጌን ሃይቃና፤ ጊዶ ኣቲን ካታማይፔ ኬዚ ቢዲ ካታማ ዶዲ ኦይኪዳ ባቢሎኔ ኣሳታስ ባ ኩሼ ኢሚዳ ኣሲ ባ ሼምፖ ኣሻናኔ ዴኦን ዳና። 
\v 10 ታኒ ሃ ካታማስ ሎኦ ኦናስ ጊዶንታ ኢታ ኦናስ ቃቻዲስ፤ ኢዛ ባቢሎኔ ካዎስ ኣ ኢሜታና፤ ኢዚካ ኢዞ ታማን ጹጋና› ጌስ።
\p
\v 11 «ቃሴካ ዩሁዳ ካዎ ኬ ኣሳስ፥
\q2 ‹ጎዳ ቃላ ሲዪቴ!
\q1
\v 12 ኢንቴኖ ዳዊቴ ሶ ኣሳዉ!
\q2 ኢንቴ ኦዳ ኢታ ኦሶ ጋሶን
\q3 ኤጺን ኦኒካ ቶይሳና
\q3 ዳንዳዮንታ ታማ ማላ
\q3 ታ ሃንቆይ ኢንቴ ቦላ
\q3 ኤጾንታ ማላ
\q3 ዎንታን ዎንታን ሱሬ ፒርዲቴ፤
\q2 ቦንቄቲዳይታ ኡንኤዛይታ
\q3 ኩሼፔ ኣሺቴ› ጌስ ጋ።
\q1
\v 13 ‹ሃኔ ሾባፌ ፑዴ ባጋራ
\q2 ሹቺ ዳሪ ዲዛሶን ዲዛ
\q2 ዬሩሳላሜ!
\q2 ታኒ ኔ ቦላ ዴንዳዲስ፤
\q2 ኑ ቦላ ኦኔ ዴንዳናይ?
\q2 ኑ ኬ ኦኔ
\q2 ጻሊ ጌላናይ?› ጊዛሬ!
\q1
\v 14 ታኒ ኔና ኔ ኦሶ ማላ ቃጻያና፤
\q2 ታኒ ኔ ዎራን ታማ ዬዳና፤
\q2 ኢዛ ዩሾን ዲዛይሳካ
\q3 ኡባ ጹጋና» ጌስ።
\c 22
\s ኤርማሲ ዩሁዳ ካዎ ኬ ኣሳስ ዮቲዳ ቃላ
\p
\v 1 ጎዳይ፥ «ዱጌ ዩሁዳ ካዎ ሶ ባዳ፥ 
\v 2 ‹ኔኖ ዳዊቴ ካዎቴ ኣራታ ቦላ ኡቲዳ ዩሁዳ ካዎ! ኔኒኔ ኔ ሹሜቲ፥ ሃ ፔንጌታራ ጌሊዛ ኣስ ኡባይ ጎዳ ቃላ ሲዪቴ› ጋ» ጌስ። 
\v 3 ጎዳይ፥ «ሱሬ ፒርዳኔ ጺሎ ኦቴ፤ ቦንቄቲዳይታ ኡንኤዛይታ ኩሼፔ ኣሺቴ፤ ቤቴታ፥ ዪኦታኔ ኣምኤታ ቆሆፒቴ፤ ሃ ሶሆንካ ጺሎ ሱ ጉሶፍቴ። 
\v 4 ሃይታ ኣዛዞታ ኢንቴ ሎኤ ናጊኮ ዳዊቴ ካዎቴ ኣራታ ቦላ ኡቲዛ ካዎቲ ባ ሹሜታራኔ ባ ዴሬ ኣሳራ ፓራ-ጋሬኔ ፓራ ቶጊዲ ሃይሳ ካዎቴ ኬ ፔንጌራ ጌላናኔ ኬዛና። 
\v 5 ጊዶ ኣቲን ኢንቴ ታ ኣዛዞታ ናጎንታ ኢጺኮ፥ ‹ሃ ካዎቴ ኬይ ሙሌራ ያና› ጋዳ ታኒ ታርካ ታናን ጫቃይስ» ጊዴስ።
\p
\v 6 ጎዳይ ዩሁዳ ካዎ ኬስ፥
\q1 «ኔኒ ታስ ጋላኣዴ ቢታኔ
\q2 ሊባኖሴ ዙማ ጼራ ማላ
\q2 ሎኢኮካ ታኒ ኔና
\q2 ኣዳፌ ባዞኔ
\q3 ኣሲ ኢዛን ባይንዳ
\q3 ካታማ ኦና።
\q1
\v 7 ታኒ ኔና ኦሊዛይታ ሁኤን ሁኤን
\q2 ኦላ ሚሽ ኦይዳ
\q2 ኔ ቦላ ዬዳና፤
\q2 ኢስቲ ዚጋፔ ማሴቲዳ ቱቄታ
\q3 ቃንጼሬዲ ታማን ዬጋና።
\p
\v 8 «ዱማ ዱማ ካዎቴፌ ዪዳ ኣሳይ ሃ ካታማይራ ኣ ቢሼ፥ ‹ጎዳይ ሃኖ ጊታ ካታማዮ ኣይስ ሃይሳ ኦዴ?› ጊዲ ባ ጋርሳን ሃሳዬታና።
\p
\v 9 «ኢስቲ፥ ‹ጎዳ ባንታ ጾሳራ ጫቄቲዳ ጫቆ ኣጊዲ ኤቃ ጾሳታስ ጎይኒዳ ጊሻሲኔ ኢስታስ ኦዳ ጊሻሳ› ጋና» ጌስ።
\s ኤርማሲ ሻሉሜ ጊሻስ ዮቲዳ ቃላ
\q1
\v 10 ሃይቂዳ ካዎ
\q2 ኢዮሲያሳስ ዬኮፍቴ
\q2 ዎይኮ ካዮቶፍቴ፤
\q2 ሄሳ ኣጊዲ ዲኤቲ ቢዳ
\q2 ሻሉሜስ ሚሼቲዲ ዬኪቴ።
\q2 ጋሶይካ ኢዚ ሙሌካ
\q2 ጉዬ ሲሜና፤
\q2 ባ ዬሌቲዳ ቢታ
\q2 ናምኣን ቤኤና።
\q1
\v 11 ባ ኣዋ ሶሆን
\q2 ዩሁዳን ካዎቲዲ ዲሼ
\q2 ሃ ሶሆፔ ቢዳ
\q2 ኢዮሲያሳ ና ሻሉሜ ጊሻስ
\q2 ጎዳይ፥ «ኢዚ ሙሌካ
\q2 ጉዬ ሲሜና።
\q1
\v 12 ኢዚ ዲኤቲ ቢዳ ቢታን
\q2 ሄን ሃይቃና፤
\q2 ሲሚ ዪዲ ሃ ቢታዮ ቤኤና።
\s ኤርማሲ ኢዮኣቄሜ ጊሻስ ዮቲዳ ቃላ
\b
\q1
\v 13 «ባ ካዎቴ ኬ
\q2 ጌኔን ኬጺዛይሳስ፥
\q2 ፒርዳ ጌላሲዲ
\q2 ፖቄ ኬጺዛይሳስ፥
\q2 ኣስ ጮ ሜላ ኦሲሲዛይሳስ፥
\q2 ኢዛ ዎልቃ ዋጋ ጪጎንታዴስ፥
\q1
\v 14 ኢዚ፥ ‹ጊታ ፖቄኔ
\q2 ኣሆ ካዎቴ ኬ
\q2 ታስ ኬጻና› ጊዛዴስ
\q2 ኣዬ ኣና!
\q2 ኢዚ ባ ኬስ
\q3 ጊታ ማስኮቴታ ኬሴስ፤
\q3 ዚጋ ሚን ኣሌቂሴስ፤
\q3 ዞኦ ቃላሜካ ቲዬስ።
\b
\q1
\v 15 «ኔ ካዎቴ ኬ
\q2 ዳሮ ዚጋ ሚን ኬጺዳይሲ
\q2 ኔስ ካዎቲዳ ሚሳቲዜ?
\q1 ኔ ኣዋይ ሱሬ ፒርዳኔ
\q3 ጺሎ ኦዳ ጊሻስ
\q2 ሚዛዚኔ ኡዪዛዚ ፓጪዴ?
\q3 ኢዛስ ኡባ ሚሺካ ኢንጄቲዴስ።
\q1
\v 16 ኢዚ ማንቆታሲኔ ሜቶታንቻታስ
\q2 ፒርዳ ጌላሲቤና፤
\q2 ሄሳ ጊሻስ ኡባ
\q2 ሚሺካ ኢዛስ ኤኖ ጊዴስ፤
\q2 ታስ ኤሮ ጉሲ ሄሳ ጊዴኔ?
\q1
\v 17 ጊዶ ኣቲን ኔ ኣይፌይኔ
\q2 ኔ ዎዚናይ ሼምፒዳይ
\q2 ሃ ሄ ሾጬቾን
\q2 ዴሚዛ ጎኣን፥
\q3 ጺሎታ ሱ ጉሶን፥
\q3 ኣሳ ኡንኤኒኔ
\q3 ጌኔ ኦሶና» ጌስ።
\b
\q1
\v 18 ሄሳ ጊሻስ ጎዳይ
\q2 ዩሁዳ ካዎ ኢዮሲያሳ ና
\q3 ኢዮኣቄሜ ጊሻስ፥
\q2 «ዎ ታ ኢሻዉ!
\q2 ዋይ ዋይ ታ ሚቼ!
\q2 ቃሴ፥ ‹ታ ጎዳዉ ዎ ዎ!
\q3 ኔ ጊታቴ ዎ ዎ!›
\q3 ጊዲ ዚላሌቴና።\x - \xo 22፡18 \xo*\xt 2ካዎ 23፡36—24፡6፤ 2ታሪ 36፡5-7\xt*\x*
\q1
\v 19 ሃሬይ ሞጌቲዛ ማላ
\q2 ኢዚ ሞጌታና፤
\q2 ኢዛ ኣሃይ ዬሩሳላሜ
\q3 ፔንጌታፔ ጎሼቲዲ
\q2 ካሬ ኦሌታና» ጌስ።
\s ዬሩሳላሜ ጊሻስ ኤርማሲ ዮቲዳ ቃላ
\b
\q1
\v 20 ጎዳይ ዬሩሳላሜ፥
\q2 «ፑዴ ሊባኖሴ ባዳ ዋሳ፤
\q2 ኔ ቃላካ ባሳኔን ሲሳ፤
\q2 ኣባሪሜን ኤቃዳ ዋሳ፤
\q2 ጋሶይካ ኔስ ኦላ ላጌቲ
\q3 ኡባይ ዉሪዳ።
\q1
\v 21 ኔኒ ሳሮ ዲሺን
\q2 ታ ኔስ ሚን ዮታዲስ፤
\q2 ጊዶ ኣቲን ኔኒ፥ ‹ሲዪኬ› ጋዳሳ።
\q2 ዬላጋቴፌ ዶሚን
\q2 ኔ ኦጌይ ሃይሳ፤
\q2 ኔኒ ታስ ኣዛዜቶንታ ኢጻዳሳ።
\q1
\v 22 ኔ ሄንንቻታ ኡባ
\q2 ጫርኮይ ኤፋና፤
\q2 ኔ ላጌቲ ኡባይ ዲኤቲ ባና፤
\q2 ኔ ኢታቴ ኡባ ጋሶን
\q3 ዬላታናኔ ካዉያና።
\q1
\v 23 ሃኔ ሊባኖሴን ዲዛሬ!
\q2 ኔ ኬ ዚጋ
\q2 ሚፌ ኬጺዳሬ!
\q2 ሚጻይ ኦይኪዳ ማጫሳ ማላ
\q2 ሜቶይ ኔ ቦላ ዪሺን
\q2 ዋና ዋሳንዲ!» ጌስ።
\p
\v 24 ጎዳይ፥ « ‹ታኒ ታ ዴኦን ጫቃይስ› ዩሁዳ ካዎ ኢዮኣቄሜ ና ኢኮኒያኔ ኔኒ ታስ ኡሻቻ ኩሼ ቃላባቴ ማታሜ ጊዲዳኮካ ታ ኔና ኬሳ ኦላና።\x - \xo 22፡24 \xo*\xt 2ካዎ 24፡8-15፤ 2ታሪ 36፡9-10\xt*\x* 
\v 25 ኔና ዎናስ ኮይዛይታስ፥ ኔኒ ያዪዛ ባቢሎኔ ካዎ ናቡካዳናጾሬሲኔ ኢዛ ኦላንቻታስ ታኒ ኔና ኣ ኢማና። 
\v 26 ታኒ ኔናካ ኔና ዬሊዳ ኔ ኣዬዮካ ኢንቴ ዬሌቶንታ ኣላጋ ቢታን ኦላ ኣጋና፤ ኢንቴካ ሄን ሃይቃና። 
\v 27 ኢንቴ ሲማናስ ላሞቲዛ ቢታዮ ሙሌካ ሲሜኬታ» ጌስ።
\q1
\v 28 ሃይሲ ኢኮኒያኔይ ካቲዲ
\q2 ሜቂዳ ኦቶ ማላ
\q2 ኦኒካ ኮዮንታ ሚሼ?
\q1 ኢዚኔ ኢዛ ናይቲ
\q2 ኣይስ ካሬ ኦሌቲ ኣቲዶ?
\q1 ኢስቲ ባ ኤሮንታ ኣላጋ ቢታን
\q3 ኣይስ ዬጌቲ ኣቲዶ?
\q1
\v 29 ሃኔ ቢታዬ፥ ሃኔ ቢታዬ!
\q2 ጎዳ ቃላ ሲያ!
\q1
\v 30 ጎዳይ፥ «ዩሁዳ ኣይሳናስ
\q2 ኣሲ ባይንዳ ጊሻስ፥
\q2 ዳዊቴ ኣራታን ኡታና
\q3 ኢሳዴይካ ኬኦንታ ጊሻስ፥
\q2 ኢሲ ፓጻ ኣሲ ኬዞንታ ጊሻስ
\q3 ኢዛስ ዴኦ ላይ
\q3 ኡባን ኢንጄቶንታ
\q3 ን ኣስ ጊዲ ጻፍቴ» ጌስ።
\c 23
\s ሲንፌ ያና ሂዶታ
\p
\v 1 ጎዳይ፥ «ታ ሄንሶሆን ዲዛ ታ ዶርሳታ ይሲዛይታሲኔ ላሊዛ ሄንንቻታስ ኣዬ ኣና!» ጌስ። 
\v 2 ጎዳ ኢስራኤሌ ጾሳይ ባ ኣሳ ሄሚዛ ሄንንቻታስ፥ «ኢንቴ ታ ዶርሳታ ላሊዲ ዎራ ዬዲዳ ጊሻሲኔ ኢንቴ ኢስታ ሎኤ ጼሎንታ ኣጊዳ ጊሻስ ኢንቴ ኢታቴስ ቤሲዛ ቂጻቴ ታ ኢማና። 
\v 3 ሄሳፌ ጉዬ ታ ዉዴፔ ኣቲዳይታ ካሴ ታ ጎዳ ዬዲዳ ዴሬ ኡባፌ ታኒ ታርካ ሺሻዳ ካሴ ታ ሄሚዛሶሆ ዛራ ኤሃና፤ ኢስቲካ ሄሳን ዬሌቲዲ ጮራታና። 
\v 4 ታኒ ሎኤ ሄሚዛ ሄንንቻታ ኢስታስ ዴንና፤ ኢስቲ ናምኣን ባቤቴናኔ ዳጋሜቴና፤ ኢስታፌ ኢሳዴይካ ዬና» ጌስ።
\p
\v 5 ጎዳይ፥ «ታኒ ዳዊቴስ ጺሎ ዛሬ
\q2 ዴንና ዎዴይ ያና፤
\q2 ኢዚ ቱሙ ፒርዳኔ
\q3 ጺሎቴ ኦዛዴ፥
\q2 ኣ ኤራቴን ሃሪዛ ካዎ ጊዳና።
\q1
\v 6 ኢዛ ካዎቴ ላይን
\q2 ዩሁዳይ ኣታና፤
\q2 ኢስራኤሌይካ ሳሮን ዳና፤
\q2 ኢዛ ሱን፥
\q2 ‹ጎዳይ ኑስ ጺሎቴ› ጌቴታና።\x - \xo 23፡5-6 \xo*\xt ኤር 33፡14-16\xt*\x*
\q1
\v 7 ሄሳ ጊሻስ ኣሳይ
\q2 ሃይሳፌ ጉዬ ኢዛ፥
\q2 ‹ኢስራኤሌ ኣሳ ጊብጼ ቢታፌ
\q3 ኬሲዲ ኤሂዳ ጎዳይ ቤኢን›
\q2 ጊ ጫቆንታ ዎዴይ ያና ጌስ ጎዳይ።
\q1
\v 8 ጊዶ ኣቲን፥ ‹ኢስራኤሌ ዛሬታ
\q2 ፑዴሃ ባጋ ቢታፌኔ
\q2 ኢዚ ኢስታ ላሊዳ ሃራ ዴሬታፔ
\q2 ኬሲዳ ዴኦ ጎዳይ ቤኢን›
\q3 ጊ ጫቃና ዎዴይ ያና፤
\q2 ሄሳፌ ጉዬ ኢስቲ
\q3 ባንታ ዴሬን ዳና» ጌስ።
\b
\s ዎርዶ ናቤታ
\q1
\v 9 ናቤታ ጊሻስ ታ ዎዚናይ ሜቂዴስ፤
\q2 ታ ሜቄቲ ኡባይካ ኮኮሪዳ።
\q3 ጎዳ ጋሶኒኔ
\q3 ኢዛ ጌሻ ቃላ ጋሶን
\q3 ዎይኔ ኡሹ ኡዪዲ
\q3 ማቲዛ ኣሳ ማላ ጊዳዲስ።
\q1
\v 10 ቢታያ ላይማን ጻላ ኩማዱስ፤
\q2 ቃንጌቲዳ ጊሻስ ዬካዉስ፤
\q2 ባዞን ዲዛ ሜሄ ሄንሶሆቲ ሜሊዳ፤
\q2 ናቤቲካ ጌላ ኦጌ ካሊዳ፤
\q2 ባስ ኢሜቲዳ ማታ
\q3 ዎጋይ ባይንዳ ጎኤቲዳ።
\q1
\v 11 ጎዳይ፥ «ናቤቲ፥ ቄሴቲ
\q2 ጺሎቴ ኦጌራ ቤቴና፤
\q2 ታ ኬ ጋርሳንካ ኢስቲ
\q3 ኦዛ ኢታቴ ታ ቤኣዲስ።
\q1
\v 12 ሄሳ ጊሻስ ኢስታ ኦጌይ ሃሊጻና፤
\q2 ኢስቲካ ማን ኩንዳና፤
\q2 ኢስቲ ጋንዲጋርዲ ኩንዳና፤
\q3 ኢስቲ ቃጻዬቲዛ ዎዴ
\q3 ታ ኢስታ ቦላ ፓላ ሚሽ ኤሃና።
\q1
\v 13 ታኒ ሳማሪያን ዲዛ ናቤታ ቦላ
\q2 ኡፋይሶንታ ሚሽ ቤኣዲስ፤
\q2 ኢስቲ ባኣሌ ሱንን
\q3 ቲንቢቴ ዮቲዳ፤
\q2 ታ ዴራ ኢስራኤሌካ ባሌዳ።
\q1
\v 14 ዬሩሳላሜን ዲዛ ናቤታ ቦላ
\q2 ዴጺዛ ኢታ ሚሽ ቤኣዲስ፤
\q2 ኢስቲ ላይማቴቴስ፤
\q2 ዎርዶቴን ዴኤቴስ፤
\q2 ኦኒካ ባ ኢታ ኦሶፔ
\q2 ሲሞንታ ማላ
\q2 ኢታታ ሚንቴስ፤
\q3 ታ ማታን ኢስቲ ኡባይካ
\q3 ሶዶሜ ማላ፥
\q2 ኢዚን ዲዛ ኣሳይካ
\q3 ጋሞራ ማላ» ጌስ።\x - \xo 23፡14 \xo*\xt ሜ 18፡20፤ ሂዚ 16፡49\xt*\x*
\q1
\v 15 ሄሳ ጊሻስ ኡባፌ ዎልቃማ ጎዳይ
\q2 ሃይታ ናቤታ ጊሻስ፥
\q3 «ዬሩሳላሜን ዲዛ ናቤታፔ
\q3 ቱና ሚሺ ኬዚዲ
\q3 ቢታ ኡባን ላሌቲዳ ጊሻስ
\q3 ታ ኢስታ ጫሞ ካ ሚዛና፤
\q3 ቃሴ ማርዜቲዳ
\q3 ሃ ኡሻና» ጌስ።
\b
\q1
\v 16 ኡባፌ ዎልቃማ ጎዳይ፥
\q2 «ሃይቲ ናቤቲ ቲንቢቴ
\q3 ኢንቴስ ዮቲዛይሳ ሲዮፒቴ፤
\q2 ኢስቲ ኢንቴና
\q3 ዎርዶ ሂዶታን ኩንቴስ፤
\q2 ኢስቲ ጎዳፔ ጊዶንታ
\q3 ባፔ ሜ ኤኪ ዮቴቴስ።
\q1
\v 17 ታና ካዛይታ ኢስታስ፥
\q2 ‹ጎዳይ ኢንቴስ
\q3 ሳሮ ጊዳና ጊዴስ› ጌቴስ፤
\q2 ባንታ ዎዚና ሙሜቴ
\q3 ካሊዛይታ ኡባ
\q2 ኢስታስ፥ ‹ኢታ ሚሺ
\q3 ኢንቴና ጋኬና› ጌቴስ።
\q1
\v 18 ኢዛ ቃላ ሲያናሲኔ ኣዛዜታናስ
\q2 ጎዳይ ዴኢዛ ሺቆን ኢስታፌ
\q3 ኦኔ ኤቃናይ?
\q2 ኢዛ ቃላ ኤዝጊ ሲዪዳይ ኦኔ?
\q1
\v 19 ጎዳ ሃንቆይ ጎቴ ጫርኮ ማላ ዴንዳና፤
\q2 ሚኖ ዳምባላይ
\q3 ኢታ ኣሳታ ሁኤ ሾጫና።
\q1
\v 20 ኢዛ ዎዚና ቆፋ
\q3 ሙሌራ ፖሎንታ ዲሼ
\q2 ኢዛ ሃንቆይ ጮ ሃዳ ሲሜና፤
\q2 ጉዬፔ ዪዛ ላይታን ሃይሳ
\q3 ቆንጬን ኢንቴ ኤራና።
\q1
\v 21 ሃይታ ሃ ናቤታ ታ ኪታቤኬ፤
\q2 ጊዶ ኣቲን ኢስቲ ባንታ ኪታ
\q3 ኤኪ ዎጼቴስ፤
\q2 ታ ኢስታስ ዮቶንታ
\q3 ቲንቢቴ ዮቴቴስ።
\q1
\v 22 ኢስቲ ታ ዞሬን ኤቂዳኮ
\q2 ታ ቃላ ታ ዴራ ሲሳና፤
\q2 ኢታ ኦጌፔኔ ኢታ ኦሶፔ
\q2 ኢስታ ዛራና።
\m
\v 23 ታኒ ማታስ ጻላ ጾሴ?
\q2 ሃሆስካ ጾስ ጊዲኪና?
\q1
\v 24 ታኒ ቤኦንታ ማላ ጌማሶን
\q2 ቆቴቲ ኣታና ኣሲ ዲዜ?
\q2 ሳሎኔ ሳኣ ኩሚዳይ
\q2 ታና ጊዲኪና!» ጌስ ጎዳይ።
\p
\v 25 ጎዳይ፥ «ታኒ ኣጉሜታዲስ፤ ታኒ ኣጉሜታዲስ» ጊሼ ታ ሱንን ዎርዶ ቲንቢቴ ሃሳይዛ ናቤታ ቃላ ሲያዲስ። 
\v 26 ሃ ዮኦይ ባንታ ዎዚና ባሌን ዎርዶ ቲንቢቴ ሃሳይዛ ናቤታ ዎዚናን ኣይዴ ጋካናስ ጋምኣኔ? 
\v 27 ኢስታ ኣዋቲ ባኣሌ ጌቴቲዛ ኤቃዛ ጋሶን ታ ሱን ዶጊዳ ማላ፥ ኢስቲ ኢሶይ ኢሳስ ዮቲዛ ኣጉሞን ታ ኣሳይ ታ ሱን ዶጋና ማላ ኦዳ ኢስታስ ሚሳቴስ። 
\v 28 ኣጉሜቲዛ ናቤይ ባ ኣጉማ ዮቶ፤ ታ ቃላይ ኢዛን ዲዛዴይ ጊዲኮ ሄ ቃላ ኣማኔቴን ዮቶ፤ ሃፓሲኔ ካ ኣይፌስ ኣይ ጋይቶቴ ዲዜ? 
\v 29 «ታ ቃላይ ታማ ማላኔ ሹች ቄሪዛ ናሪቃ ማላ ጊዴኔ?» ጌስ።
\p
\v 30 ጎዳይ፥ «ሄሳ ጊሻስ ቃላ ኢሶይ ኢሳፌ ካይሲ ካይሲ ኤኪዲ ታፔ ኤኪዳ ማላ ዮቲዛ ናቤታራ ታ ኤቄታይስ። 
\v 31 ባንታ ዶና ጪንጫቴን፥ ‹ጎዳይ ሂዝጌስ› ጊዛ ናቤታራ ታ ኤቄታይስ» ጌስ። 
\v 32 ጎዳይ፥ «ታኒ ዎርዶ ኣጉሞ ካሊዲ ቲንቢቴ ዮቲዛ ናቤታራ ኤቄታይስ፤ ታ ኪቶንታ ዲሺን ዎይኮ ታ ሹሞንታ ዲሺን ጻላቴን ዎርዶ ዮኦ ዮቴቴስ፤ ታ ዴሬዛካ ባሌቴስ፤ ሃይሳ ሃ ዴሬዛ ኣይኮካ ጎኤቴና» ጌስ።
\s ዎርዶ ናቤታ ቲንቢቴ
\p
\v 33 ጎዳይ ታስ፥ «ሃ ዴሬይ፥ ዎይኮ ናቤይ፥ ዎይኮ ቄሴይ፥ ‹ጎዳስ ቶሆ ጊዲዳይ ኣዜ?› ጊዲ ኦይቺኮ፥ ‹ጎዳስ ቶሆይ ኢንቴና፤ ሄሳ ጊሻስ ታኒ ኢንቴና ዎራ ኦላና› ጌስ ጋ ዮታ። 
\v 34 ናቤይ፥ ዎይኮ ቄሴይ፥ ዎይኮ ኣይ ኣሲካ፥ ‹ሃይሲ ጎዳ ቶሆ› ጊዲ ሃሳይኮ ታኒ ሄሳዴኔ ኢዛ ሶሆ ኣሳ ቃጻያና። 
\v 35 ኢሶይ ኢሶይ ባ ላጌ ዎይኮ ባ ዳቦ፥ ‹ጎዳይ ኣይ ዛሮ ኢሚዴ?› ዎይኮ፥ ‹ጎዳይ ዮቲዳይ ኣዜ?› ጊዲ ኦይቻናስ ቤሴስ። 
\v 36 ሃይሳፌ ጉዬን ጊዲኮ፥ ‹ጎዳ ቶሆ› ጊዲ ኢንቴ ሃሳያናስ ቤሴና። ጋሶይካ ኣስ ኡባስ ኢዚ ሃሳይዳ ቃላይ ኢዛስ ቶሆ ጊዲዛ ጊሻስ ዴኦ ጾሳ፥ ኡባፌ ዎልቃማ ጎዳ ኑ ጾሳ ቃላ ኢንቴ ቦኪሴታ። 
\v 37 ሄሳ ጊሻስ ናቤዛስ፥ ‹ጎዳይ ኢንቴስ ኣይ ዛሮ ኢሚዴ?› ዎይኮ፥ ‹ጎዳይ ዮቲዳይ ኣዜ?› ጋዳ ኦይቻናስ ቤሴስ። 
\v 38 ጊዶ ኣቲን ኢንቴ፥ ‹ሃይሲ ጎዳ ቶሆ› ጊኮ፥ ጎዳይ ታኒ ኢንቴና፥ ‹ሃይሲ ጎዳ ቶሆ› ጎፒቴ ጊንካ ኢንቴ፥ ‹ሃይሲ ጎዳ ቶሆ› ጊዴታ። 
\v 39 ሄሳ ጊሻስ ኢንቴና፥ ቃሴካ ኢንቴሲኔ ኢንቴ ኣዋታስ ታ ኢሚዳ ካታማይራ ጋዳ ዬጋ ኣጋና፤ ታ ሲንፌካ ዎራ ኦላና። 
\v 40 ሜርናስ ዶጌቶንታ ሜርና ዬላቴኔ ካዉሻቴ ታ ኢንቴ ቦላ ኤሃና» ጊዴስ።
\c 24
\s ኤርማሲ ኣጁታን ቤኢዳ ናምኡ ኬሼታ
\p
\v 1 ባቢሎኔ ካዎ ናቡካዳናጾሬይ ኢዮኣቄሜ ና፥ ዩሁዳ ካዎ ኢኮኒያኔኔ ኢዛ ሹሜታ፥ ኣናጼታኔ ዎጋጬታ ዬሩሳላሜፔ ዲኢዲ ባቢሎኔ ኤፊዳፔ ጉዬ ጾሳ ኬፌ ሲን ባጋራ ባላሴ ቴራይ ኢዛን ኩሚ ኡቲዳ ናምኡ ኬሼታ ጎዳይ ኣጁታን ታና ቤሲዴስ።\x - \xo 24፡1 \xo*\xt 2ካዎ 24፡12-16፤ 2ታሪ 36፡10\xt*\x* 
\v 2 ኢሲ ኬሼዛን ሻቼ ጋኪዳ ኬሂ ሎኢዛ ባላሴ ቴራ ሚሳቲዛይ ዴስ። ናምኣን ኬሼዛን ሜቴቶንታ ማላ ሞሬቲዳ ኬሂ ኢታ ባላሴ ቴራይ ዴስ።
\p
\v 3 ጎዳይ ታና፥ «ኤርማሳ፥ ሄሲ ኔኒ ቤኢዛይ ኣዜ?» ጊዲ ኦይቺዴስ። ታኒካ፥ «ባላሴ ቴራ ቤኣይስ፤ ሎኦ ቴራይ ኬሂፔ ሎኦ፤ ጊዶ ኣቲን ኢታ ቴራይ ሜቴቶንታ ማላ ሞሬቲዳ ኬሂ ኢታ» ጋዲስ።
\p
\v 4 ቃሴካ ጎዳ ቃላይ ታኮ ዪዲ፥ 
\v 5 «ጎዳ ኢስራኤሌ ጾሳይ፥ ‹ሃይሳ ሎኦ ባላሴዛ ማላ ታኒ ሃይሳፌ ባቢሎኔ ቢታ ዬዲዳ ዩሁዳፔ ዲኤቲዳይሳ ሎኦን ቆፓና። 
\v 6 ታኒ ሎኦ ኣይፌን ኢስታ ጼላና፤ ቃሴ ታኒ ኢስታ ዛራዳ ሃ ቢታ ኤሃና። ታ ኢስታ ጊጊሳና ኣቲን ላሊኬ፤ ታ ኢስታ ቶካና ኣቲን ሾዲኬ። 
\v 7 ታኒ ጎዳ ጊዲዳይሳ ኤሪዛ ዎዚና ኢስታስ ኢማና፤ ኢስቲ ባንታ ኩሜ ዎዚናፔ ታኮ ሲማና ጊሻስ ኢስቲ ታ ዴሬ ጊዳና፤ ታኒካ ኢስታ ጾስ ጊዳና።
\p
\v 8 « ‹ጊዶ ኣቲን ጎዳይ፥ ሜቴቶንታ ኬሂ ኢታ ባላሴዛ ማላ ዩሁዳ ካዎ ሴዴቂያሳኔ ኢዛ ሹሜታ፥ ቃሴካ ዬሩሳላሜን ጫሻ ኣቲዳይታኔ ጊብጼን ዲዛይታ ታ ሄሳ ኦና። 
\v 9 ቢታ ቦላ ካዎቴታ ኡባ ሲንን ሃራሴቲዛይታኔ ጫዬቲዳይታ ጊዳና፤ ኢስታ ላላ ዬዲዛሶ ኡባን ኢስቲ ቂስ፥ ሌሚሶስ፥ ካሲኔ ቃንጌስ ታ ኢስታ ኦና። 
\v 10 ታኒ ኢስታሲኔ ኢስታ ኣዋታስ ኢሚዳ ቢታፌ ኢስቲ ሙሌራ ያና ጋካናስ፥ ማሻ፥ ኮሻኔ ኢታ ሃርጌ ኢስታ ቦላ ዬዳና› ጌስ» ጊዴስ።
\c 25
\s ላፑን ታሙ ዲኤቴ ላይታ
\p
\v 1 ዩሁዳ ካዎ ኢዮሲያሳ ና ኢዮኣቄሜይ ካዎቲዳ ኦይዳን ላይን፥ ባቢሎኔ ካዎ ናቡካዳናጾሬይ ካዎቲዳ ኮይሮ ላይን ዩሁዳ ኣሳ ኡባ ጊሻስ ኤርማሳኮ ዪዳ ቃላይ ሃይሳ።\x - \xo 25፡1 \xo*\xt 2ካዎ 24፡1፤ 2ታሪ 36፡5-7፤ ዳኔ 1፡1-2\xt*\x* 
\v 2 ናቤ ኤርማሲ ዩሁዳ ኣሳ ኡባሲኔ ዬሩሳላሜን ዲዛ ኡባታስ፥ 
\v 3 «ዩሁዳ ካዎ ኣሞኔ ና ኢዮሲያሲ ካዎቲዳ ታማኔ ሄን ላይፌ ዶሚዲ ሃች ጋካናስ ናምኡ ታማኔ ሄ ላይ ኩሜ ጎዳ ቃላይ ታኮ ዪዴስ። ሂስቲን ታኒካ ዛራ ዛራዳ ኢንቴስ ዮታዲስ፤ ጊዶ ኣቲን ኢንቴ ሲዮንታ ኢጺዴታ።
\p
\v 4 «ጎዳይ ባ ኣይሌ ጊዲዳ ናቤታ ኡባ ዛሪ ዛሪዲካ ኢንቴኮ ኪቲዴስ፤ ጊዶ ኣቲን ኢንቴ ኢስታ ሲዮንታ ኢጺዴታ፤ ኢስታስካ ዉዱ ጎንታ ኢጺዴታ» ጊዴስ። 
\v 5 ኢስቲ፥ «ኢንቴ ኡባይካ ኢንቴ ኢታ ኦጌፔኔ ኢንቴ ኢታ ኦሶፔ ሃኢ ሲሚቴ። ሂስቲኮ ጎዳይ ኢንቴሲኔ ኢንቴ ኣዋታስ ሜሪ ሜርናስ ኢሚዳ ቢታን ኢንቴ ዳና። 
\v 6 ኤቃ ጾሳታስ ኦናሲኔ ጎይናናስ ካሎፍቴ፤ ቃሴ ኢንቴ ኩሼይ ኦዳ ሚሻን ታና ዪሎሶፒቴ። ሂስቲኮ ታ ኢንቴ ቦላ ኢታ ኦኬ» ጊዳ።
\p
\v 7 ጎዳይ፥ «ኢንቴ ታና ሲዮንታ ኣጊዳ ጊሻስ ኢንቴ ኩሼይ ኦዳ ሚሽ ኡባን ታና ሃንቄዴታ፤ ሂስቲዲ ኢንቴ ቦላ ኢታ ሚሽ ኤሂዴታ» ጌስ።
\p
\v 8 ሄሳ ጊሻስ ኡባፌ ዎልቃማ ጎዳይ፥ «ኢንቴ ታ ቃላስ ኣዛዜቶንታ ኢጺዳ ጊሻስ፥ 
\v 9 ታኒ ፑዴሃ ባጋ ዴራ ኡባኔ ታ ኣይሌ ጊዲዳ ባቢሎኔ ካዎ ናቡካዳናጾሬ ጼይጋና። ሂስታዳ ኢስታ ሃ ቢታ ቦላ፥ ሃ ቢታን ዲዛ ኣሳ ቦላኔ ሄራን ዲዛ ካዎቴታ ኡባ ቦላ ኤሃና፤ ታኒ ኢንቴና ሙሌራ ይሳና፤ ቃሴ ሜርናስ ኣሲ ካዛኔ ቂዛ ቡላ ኬሳና። 
\v 10 ታኒ ኢስታፌ ኡፋይሲኔ ኢሊሊሳ ጬንጉርሳ፥ ሚሺራዛኔ ሚሺራይ ጬንጉርሳ፥ ዎጻ ጊሪሲኔ ጾምፔ ፖኦ ይሳና።\x - \xo 25፡10 \xo*\xt ኤር 7፡34፤ 16፡9፤ ኣጁ 18፡22-23\xt*\x* 
\v 11 ሃ ቢታይ ሙሌራ ቡላኔ ካይስ ጊዳና፤ ሃ ካዎቴቲካ ባቢሎኔ ካዎስ ላፑን ታሙ ላይ ሃሬታና።\x - \xo 25፡11 \xo*\xt 2ታሪ 36፡21፤ ኤር 29፡10፤ ዳኔ 9፡2\xt*\x*
\p
\v 12 «ላፑን ታሙ ላይይ ፖሌቲዳፔ ጉዬ ባቢሎኔ ካዎ፥ ኢዛ ዴራኔ ኢዛ ቢታ ሞሮ ጊሻስ ታኒ ቃጻያና፤ ኢስታ ቢታካ ሜርናስ ቡላ ኦና። 
\v 13 ታኒ ሄ ቢታ ቦላ ሃሳይዳይሳ ኡባ፥ ሃ ማጻፋዛን ጻፌቲዳይሳ፥ ኤርማሲ ካዎቴታ ኡባ ቦላ ዮቲዳ ቲንቢቴታ ኤሃና። 
\v 14 ባቢሎኔ ዴሬይ ዳሮ ካዎቴታሲኔ ጊታ ካዎታስ ኣይሌ ጊዳና፤ ኢስታ ኩሼ ኦሶ ማላ ታ ኢስታስ ቃንጻና» ጌስ።
\s ጾሳ ሃንቆ
\p
\v 15 ጎዳ ኢስራኤሌ ጾሳይ ታስ፥ «ሃይሳ ታ ሃንቆ ዎይኔ ኡሻዚ ኩሚዳ ዋንጫ ሄይ፤ ኤፋዳ ታኒ ኔና ኪቲዛ ካዎቴታ ኡባ ኡሻ። 
\v 16 ኢስቲ ኡዪዳ ዎዴ ጋንዲጋራና፤ ኢስታ ቦላ ታ ዬዲዳ ኦላ ጋሶን ኢስቲ ጎያና» ጊዴስ።
\p
\v 17 ሂስቲን ታኒ ጎዳ ኩሼፔ ዋንጫ ኤካዳ ኢዚ ታና ኪቲዳ ካዎቴታኮ ባዳ ኢስታ ኡሻዲስ። 
\v 18 ሃች ሃኒዳይሳ ማላ ኢስቲ ቡላ፥ ኣሲ ሃራሴቲዛይታ፥ ካዛይታኔ ቃንጌቲዳይታ ጊዳና ማላ ዬሩሳላሜኔ ዩሁዳ ካታማ ኣሳታ፥ ኢስታ ካዎታኔ ኢስታ ሹሜታ ኡባ፥ 
\v 19 ጊብጼ ቢታ ካዎ፥ ኢዛ ኣይሌታ፥ ኢዛ ሹሜታ፥ ኢዛ ዴራ ኡባ፥ 
\v 20 ሄን ዲዛ ዋላካ ዴራ ኡባ፥ ኡጼ ቢታ ካዎታ ኡባ፥ ፊሊስጼሜ ካዎታ፥ ኣስቄሎናን፥ ጋዛን፥ ኣቃሮኔኒኔ ኣዛጾኔን ኣቲ ዲዛ ዴራ ኡባ፥ 
\v 21 ኤዶሜ፥ ሞኣቤኔ ኣሞኔ፥ 
\v 22 ጺሮሴኔ ሲዶና ኣባፌ ሄ ፒን ጋጻን ዲዛ ካዎታ፥ 
\v 23 ዳዳኔ፥ ቴማ፥ ቡዜኔ ባንታ ሁኤ ጋሜ ሜዲዛ ኣሳ ኡባታ፥ 
\v 24 ኣራቢያ ቢታ ካዎታ ኡባኔ ባዞ ቢታን ዲዛ ዋላካ ዴሬ ካዎታ ኡባ፥ 
\v 25 ዚሚሬ፥ ኤላሜኔ ሜዶኔ ካዎታ ኡባ ኡሻዲስ። 
\v 26 ሃሆኒኔ ማታን ዲዛ ፑዴሃ ባጋ ካዎታ ኡባ፥ ታራን ታራን ቢታ ቦላ ዲዛ ካዎቴታ ኡባ ኡሻዲስ። ኢስታ ኡባፌ ጉዬ ባቢሎኔ ካዎይካ ኡያና።
\p
\v 27 ሄሳ ጊሻስ ጎዳይ ታና፥ «ኡባፌ ዎልቃማ ጎዳ ኢስራኤሌ ጾሳይ ኢንቴና፥ ‹ኡዪቴ፤ ማቲቴ፤ ጮዪቴ ናምኣን ኢንቴ ዴንዶንታ ማላ ታ ኢንቴ ጊዶ ዬዲዛ ኦላ ሲንን ኩንዲቴ› ጌስ። 
\v 28 ጊዶ ኣቲን ኢስቲ ኔ ኩሼፔ ዋንጫ ኤኮንታኔ ኡዮንታ ኢጺኮ ኢስታስ፥ ‹ኡባፌ ዎልቃማ ጎዳይ ኢንቴ ዶሶንታ ኡያና። 
\v 29 ቤኢቴ፤ ታ ሱንይ ጼይጌቲዳ ካታማዮ ታ ይሶ ዶማና፤ ሂስቲን ኢንቴ ቃጻዬቶንታ ኣቲ ባኔ? ታኒ ሳኣን ዲዛ ኡባ ቦላ ኦላ ጼይጊዳ ጊሻስ ኢንቴ ቃጻዬቶንታ ኣቴኬታ› ጌስ» ጊዴስ።
\p
\v 30 ሄሳ ጊሻስ ጎዳይ ኤርማሳስ፥
\q1 «ሃ ቃላ ኡባ ኢስታ ቦላ
\q3 ቲንቢቴ ዮታ፤
\q2 ‹ጎዳይ ቦላፌ ዋሳና፤
\q3 ባ ዲዛ ጌሻ ሶሆፔ
\q3 ዳዳቲዛ ባ ጉን ሲሳና፤
\q3 ኢዚ ባ ቢታ ቦላ ኬሂ ዋሳና፤
\q2 ዎይኔ ማጺሼ ዬጺዛ ማላ
\q2 ሳኣን ዲዛ ኡባ ቦላ ኢዚ ጉማና።
\q1
\v 31 ጎዳይ ካዎቴታ ቦላ ፒርዲዛ ዎዴ
\q2 ኢዛ ጬንጉርሳይ
\q3 ቢታ ጋጻ ጋካናስ ሲዬታና፤
\q2 ኢዚ ኣስ ኡባ ቦላ ፒርዳና፤
\q2 ኢታታካ ማሻስ
\q3 ኣ ኢማና› » ጊዴስ።
\q1
\v 32 ጎዳይ ኡባፌ ዎልቃማ ጾሳይ፥
\q2 «ቤኣ፥ ኢታ ሚሺ ካዎቴፌ
\q2 ካዎቴ ኣኪ ኣኪ ቢዴስ፤
\q3 ሳኣ ጋጻፔ ዎልቃማ ጎቴ
\q3 ጫርኮይ ዴንዲዴስ» ጌስ።
\q1
\v 33 ሄ ዎዴን ጎዳይ ዎዳይታ ኣሃይ
\q2 ቢታ ጋጻፔ ቢታ ጋጻ ጋካናስ
\q3 ፖርጩ ጊ ኩንዳና፤
\q3 ኢስታስ ዬኬቴና፤
\q3 ኢስታ ኣሃይ ሺቄናኔ ሞጌቴና፤
\q3 ቢታ ቦላ ቡራ ማላ ኦሌታና።
\q1
\v 34 ኢንቴኖ ሄንንቻቶ!
\q2 ዬኪቴኔ ዋሲቴ።
\q2 ኢንቴኖ ዉዳ ሄሚዛይቶ!
\q2 ቢዲንን ጌንዴሬቲቴ።
\q3 ኢንቴ ሹኬታና
\q3 ዎዴይ ጋኪዳ ጊሻስ
\q3 ሎኢ ሜቲዳ ማና ሚሺ
\q3 ቲንቼቲዛ ማላ
\q3 ኢንቴ ኩንዲ ቲንቼታና።
\q1
\v 35 ሄንንቻቲ ባቃቲዛሶይ ዴና፤
\q2 ዉዴ ሄሚዛይቲ ኬሲ ኤኪ
\q3 ኣቲዛሶይ ባ።
\q1
\v 36 ጎዳይ ኢስቲ ሄሚዛሶሆ
\q2 ይሲዳ ጊሻስ ሄንንቻታ ዋሶኔ
\q2 ዉዴ ሄሚዛይታ ዬሆ ሲዪቴ።
\q1
\v 37 ጎዳ ሃንቆ ሴላ ጋሶን
\q2 ሳሮ ቢታይ ቡላ ጊዳና።
\q1
\v 38 ጋሞይ ባ ኣቂዛሶፔ ዬጊ ቢዛ ማላ
\q2 ኡንኤዛይሳ ማሻፌኔ
\q2 ጎዳ ሃንቆፌ ዴንዲዳይሳን
\q3 ኢስታ ቢታያ ቡላ ጊዳና።
\c 26
\s ኤርማሳ ቦላ ሺቂዳ ፒርዳ
\p
\v 1 ዩሁዳ ካዎ ኢዮሲያሳ ና ኢዮኣቄሜይ ካዎቲዳ ኮይሮ ላይን ሃይሳፌ ካሊ ዲዛ ቃላይ ጎዳ ኣቻፌ ዪዴስ።\x - \xo 26፡1 \xo*\xt 2ካዎ 23፡36—24፡6፤ 2ታሪ 36፡5-7\xt*\x*
\p
\v 2 ጎዳይ ታና፥ «ጎዳ ኬ ዛጎን ኤቃዳ ጎዳ ኬን ጎይናናስ ዩሁዳ ካታማታፔ ዪዛ ዴሬ ኡባስ ዮታ፤ ታኒ ኔና፥ ‹ዮታ› ጋዳ ኣዛዚዳ ቃላ ኡባፌ ኢሲኖካ ኣሾንታ ዉርሳ ዮታ። 
\v 3 ኢስቲ ሲዪዲ ባ ቢዛ ኢታ ኦጌፔ ሲማናኮ ኦኔ ኤሪዛይ? ታኒካ ኢስቲ ኦዳ ኢታቴ ጊሻስ ኢስታ ቦላ ኤሃና ጊዳ ቂጻቴዛ ኣጋና። 
\v 4 ኔ ኢስታስ፥ ‹ጎዳይ ኢንቴና ኢንቴ ታ ጊዛዝ ሲዮንታ ኢጺኮ፥ ታ ኢንቴስ ኢሚዳ ታ ዎጋ ናጎንታ ኢጺኮ፥ 
\v 5 ኢንቴ ሲያና ማላ ታ ኦሳንቻታ ዛራ ዛራ ታ ኢንቴኮ ዬዲዳ ናቤታ ቃላ ኢንቴ ሲዮንታ ኢጺኮ፥ 
\v 6 ታኒ ሃ ኬ ሴሎ ማላ ኦና፤ ሃ ካታማዮካ ሳኣ ቦላ ዲዛ ካዎቴ ኡባ ሲንን ቃንጌቲዳሮ ሂስታና› ጌስ ጋ» ጊዴስ።\x - \xo 26፡6 \xo*\xt ኢያ 18፡1፤ ማዛ 78፡60፤ ኤር 7፡12-14\xt*\x*
\p
\v 7 ኤርማሲ ጎዳ ኬን ሃ ቃላ ዮቲሺን ቄሴቲ፥ ናቤቲኔ ዴሬይ ዉሪ ሲዪዳ። 
\v 8 ጊዶ ኣቲን ኤርማሲ ዴሬዛስ ዮታና ማላ ጎዳይ ኢዛስ ዮቲዳይሳ ዴሬዛስ ዮቲ ዉርሲዳ ማላ ቄሴቲ፥ ናቤቲኔ ዴሬዚ ዉሪ ኢዛ ኦይኪዲ፥ «ኔና ዎናስ ቤሴስ! 
\v 9 ኔኒ፥ ‹ሃይሲ ኬዚ ሴሎ ማላ ጊዳና፤ ቃሴ ሃና ካታማያ ቡላኔ ካይስ ጊዳና› ጋዳ ጎዳ ሱንን ኣይስ ቲንቢቴ ዮታይ?» ጊዳ። ሂስቲዲ ጎዳ ኬን ሺቂዳ ኣሳይ ኡባይ ኤርማሳ ጊዶዴስ።
\p
\v 10 ዩሁዳ ሹሜቲ ሄሳ ኡባ ሲዪዳ ማላ ካዎቴ ኬፌ ኬዚዲ ጎዳ ኬ ቢዳ። ሂስቲዲ ጎዳ ኬስ፥ «ኦራ ፔንጌ» ጌቴቲዛሶ ፔንጌዛን ቢ ኡቲዳ። 
\v 11 ቄሴቲኔ ናቤቲ ሹሜታሲኔ ዴሬ ኡባስ፥ «ኢንቴ ኢንቴ ሃይን ሲዪዳ ማላ ሃ ኣዴዚ ሃኖ ካታማይ ቦላ ቲንቢቴ ዮቲዳ ጊሻስ ኢዛስ ሃይቆይ ቤሴስ!» ጊዳ።
\p
\v 12 ኤርማሲካ ሹሜታሲኔ ዴሬ ኡባስ፥ «ሃ ኢንቴ ሲዪዳ ቃላ ኡባ ሃ ኬ ቦላኔ ሃኖ ካታማይ ቦላ ታ ዮታና ማላ ጎዳይ ታና ኪቲዴስ። 
\v 13 ሃኢካ ኢንቴ ኦጌኔ ኢንቴ ኦሶ ሎኤቴ፤ ጎዳ ኢንቴ ጾሳስ ኣዛዜቲቴ፤ ኢንቴ ሂስቲኮ ጎዳይ ኢንቴ ቦላ ኤሃና ጊ ዮቲዳ ኢታ ሚሻ ኢዚ ኣጋጋና።
\p
\v 14 «ታኒ ጊዲኮ ሄኮ ኢንቴ ኩሼን ዳይስ፤ ኢንቴስ ሎኦኔ ሱሬ ሚሳቲዛይሳ ታ ቦላ ኦቴ። 
\v 15 ጊዶ ኣቲን ሃይሳ ኢንቴ ሲዪዳ ቃላ ኡባ ታኒ ኢንቴስ ዮታና ማላ ጎዳይ ታስ ኣዳፌ ዮቲዳ ጊሻስ ኢንቴ ታና ዎኮካ ኢንቴ ጺሎ ሱ ጉሲዲ ኢንቴ ኢንቴ ሁኤሲኔ ሃኖ ካታማይን ዲዛ ኣስ ኡባ ሞራንቻ ሂስቶንታ ማላ ናጌቲቴ» ጊዴስ።
\p
\v 16 ሂስቲን ሹሜቲኔ ዴሬዚ ኡባይ ቄሴታሲኔ ናቤታስ፥ «ሃይሲ ኣዴዚ ጎዳ ኑ ጾሳ ሱንን ሃሳይዳ ጊሻስ ሃይቃናስ ቤሴና!» ጊዳ።
\p
\v 17 ዴሬ ጪማታፔካ ኢሲ ኢሲ ኣሳቲ ዴንዲ ኤቂዲ ሺቂዳ ዴራስ፥ 
\v 18 «ሂዝቂያሲ ዩሁዳን ካዎቲዲ ዲዛ ዎዴ ሞሬሼቴፔ ዪዳ ሚኪያሲ ዩሁዳ ዴሬ ኡባስ፥
\q1 «ኡባፌ ዎልቃማ ጎዳ ጾሳይ፥
\q2 ‹ጺዮኔይ ጎሻ ጋዴ ማላ ጎዬታና፤
\q2 ዬሩሳላሜይ ላሊ ኮሪዳ
\q3 ኬ ማላ ጊዳና፤
\q2 ጾሳ ኬይ ኢዛ ቦላ
\q3 ኬጼቲዳ ዙማይ
\q3 ዎራ ማይኣና› ጊዴስ።\x - \xo 26፡18 \xo*\xt ሚኪ 3፡12\xt*\x*
\p
\v 19 «ሂስቲን፥ ዩሁዳ ካዎ ሂዝቂያሲኔ ዩሁዳ ኣሳይ ኡባይ ኢዛ ዎዶ? ሂዝቂያሲ ጎዳስ ያዪዲ ኢዛፔ ማሮ ዎሲቤኔ? ጎዳይካ ባ ኤሃና ጊ ቆፒዳ ቂጻቴዛ ኣጋጊቤኔ? ጊዶ ኣቲን ኑኒ ኑርካ ኑ ቦላ ፓላ ኢታ ሚሽ ኤሃና ሃኖስ» ጊዴስ።
\p
\v 20 ቃሴካ ቤኒ ዎዴ ቂሪያቴ-ዪኣሪሜ ጊዛሶን ዲዛ ሻማኤ ና ኦሪዮይ ዴስ፤ ኢዚካ ኤርማሲ ዮቲዳ ማላ ሃ ካታማ ቦላኔ ሃ ቢታ ቦላ ጎዳ ሱንን ቲንቢቴ ዮቲዴስ። 
\v 21 ካዎ ኢዮኣቄሜይ፥ ኢዛ ኦላንቻቲ፥ ኢዛ ኦሳንቻቲ ኦሪዮይ ዮቲዳይሳ ሲዪዳ ዎዴ ካዎዚ ኢዛ ዎናስ ኮዪዴስ። ኦሪዮይ ሄሳ ሲዪዲ ባቢዳ ጊሻስ ጊብጼ ቢታ ባቃቲዴስ። 
\v 22 ጊዶ ኣቲን ካዎ ኢዮኣቄሜይ ኣኪቦሬ ና ኤልናታኔኔ ሃራ ኣሳታካ ኢዛ ቦላ ጉጂዲ ጊብጼ ቢታ ኪቲዴስ። 
\v 23 ኢስቲ ኦሪዮ ጊብጼፔ ኦይኪ ኤሂዲ ካዎ ኢዮኣቄሜኮ ኤፊዳ። ካዎዚ ኢዛ ማሻን ዎዲ ኢዛ ኣሃ ቤቲዳይ ሞጌቲዛሶን ኤፊ ዬጊዴስ። 
\v 24 ጊዶ ኣቲን ሳፋኔ ና ኣኪቃሜይ ኤርማሳ ባጋ ጊዲዳ ጊሻስ ኣሳይ ኤርማሳ ዎና ማላ ኣ ኢሚቤና።
\c 27
\s ዩሁዳ ኩንዴ
\p
\v 1 ዩሁዳ ካዎ ኢዮሲያሳ ና ሴዴቂያሲ ካዎቲዳ ኮይሮ ላይን ጎዳ ቃላይ ኤርማሳኮ ዪዴስ።\x - \xo 27፡1 \xo*\xt 2ካዎ 24፡18-20፤ 2ታሪ 36፡11-13\xt*\x* 
\v 2 ጎዳይ ታስ፥ «ሚፌ ቃምባራ ጊጊሳዳ ዳፎ ኢዛን ጌልዳ ኔ ሞርጌን ዎ። 
\v 3 ዩሁዳ ካዎ ሴዴቂያሳኮ ዬሩሳላሜ ዪዳ ኣሳታ ቦላ ኤዶሜ ካዎስ፥ ሞኣቤ ካዎስ፥ ኣሞኔ ካዎስ፥ ጺሮሴ ካዎሲኔ ሲዶና ካዎስ ኪታ ዬዳ። 
\v 4 ኢስቲ ባንታ ጎዳታ ኤሪሳና ማላ ኢስታስ ኡባፌ ዎልቃማ ጎዳ ኢስራኤሌ ጾሳይ ኢንቴ ጎዳታስ ሃይሳ ዮቲቴ። 
\v 5 ታ ጊታ ዎልቃኒኔ ሚጬቲዳ ታ ኩሼን ሳኣኔ ሳኣ ቦላ ዲዛ ኣሲኔ ሜሄ ሜዲስ። ኢስታ ታ ዶሲዳዴስ ኢማና። 
\v 6 ሃኢካ ሃይታ ሃ ዴሬታ ኡባ ታ ኣይሌዛ ባቢሎኔ ካዎ ናቡካዳናጾሬስ ኣ ኢማና፤ ዎራ ዶኣታካ ታ ኢዛስ ሃሪሳና። 
\v 7 ኢዛ ዴሬይ ሃራስ ሃሬታና ጋካናስ ካዎቴቲ ኡባይ ኢዛስ፥ ኢዛ ናሲኔ ኢዛስ ና ናስ ሃሬታና። ሄሳፌ ጉዬ ዳሮ ካዎቴቲኔ ጊታ ካዎቲ ኢዛ ሃራና።
\p
\v 8 «ጊዶ ኣቲን ኣይ ዴሬይ ዎይኮ ኣይ ካዎቴኔ ሃ ባቢሎኔ ካዎ ናቡካዳናጾሬስ ኣዛዜቶንታ ኢጺኮኔ ኢዛ ቃምባራን ጌሎንታ ኢጺኮ፥ ታኒ ጎዳይ ሄ ካዎቴ ኢዛ ኩሼን ይሳና ጋካናስ፥ ኦላን፥ ኮሻኒኔ ኢታ ሃርጌን ቃጻያና። 
\v 9 ሄሳ ጊሻስ ኢንቴና፥ ‹ባቢሎኔ ካዎስ ሃሬቴኬታ› ጊዛ ኢንቴ ናቤታ፥ ሙሬኒዛይታ፥ ኣጉሞ ኣጉሜቲዛይታ፥ ሞይቲሌ ጼይጊዛይታ ሲዮፒቴ። 
\v 10 ጋሶይካ ኢንቴ ኢንቴ ቢታፌ ሾዴታና ማላ፥ ታ ኢንቴና ጎዳና ማላኔ ይሳና ማላ ኢስቲ ኢንቴስ ዎርዶ ቲንቢቴ ዮቴቴስ። 
\v 11 ጊዶ ኣቲን ኣይ ካዎቴካ ባቢሎኔ ካዎ ቃምባራን ጌሊዲ ባ ሁኤ ዚቂ ሂስቲዲ ኢዛስ ኦዛ ጊዲኮ ታኒ ጎዳይ ሄ ዴራ ሄን ባ ዴሬን ኣቲዲ ጎዪሼ ዳና ማላ ኦና» ጊዴስ።
\p
\v 12 ታኒ ዩሁዳ ካዎ ሴዴቂያሳሲካ ሃይሳ ሃ ኪታ ዮታዲስ፤ «ኢንቴ ሞርጌ ባቢሎኔ ካዎ ቃምባራ ጋርሳን ዚቂ ሂስቲቴ፤ ኢዛሲኔ ኢዛ ዴራስ ሃጋዚቴ፤ ሂስቲኮ ኢንቴ ሼምፖራ ፓጻ ዳና። 
\v 13 ጎዳይ ባቢሎኔ ካዎስ ሃሬቶንታ ኢጺዛ ካዎቴታ ቦላ ኤሃና ጊዳ ኦላን፥ ኮሻኒኔ ኢታ ሃርጌን ኔኒኔ ኔ ዴሬይ ኣይስ ዉሬቲ? 
\v 14 ዎርዶ ናቤቲ ኢንቴስ፥ ‹ኢንቴ ባቢሎኔ ካዎስ ሃሬቴኬታ› ጊዛ ዎርዶ ቲንቢቴ ሲዮፒቴ። 
\v 15 ‹ታኒ ኢስታ ኪታቤኬ፤ ኢስቲ ታ ሱንን ዎርዶ ቲንቢቴ ዮቴቴስ፤ ሄሳ ጊሻስ ታኒ ኢንቴናኔ ኢንቴስ ናቤታ ጎዳ ኬሳና፤ ኢንቴካ ያና› ጌስ ጎዳይ።»
\p
\v 16 ሄሳፌ ጉዬ ታኒ ቄሴታሲኔ ሃ ዴሬ ኡባስ፥ «ጎዳይ፥ ‹ጎዳ ኬ ሚሻይ ባቢሎኔፔ ኤሌ ሲማና› ጊዛ ናቤታ ቃላ ሲዮፒቴ። ጋሶይካ ኢስቲ ኢንቴስ ዎርዶ ቲንቢቴ ዮቴቴስ። 
\v 17 ሄሳ ጊሻስ ኢስቲ ዮቲዛይሳ ሲሲ ኣጊዲ ባቢሎኔ ካዎስ ሃሬቲቴ፤ ኢንቴ ሼምፖራ ፓጻ ዳና፤ ሃ ካታማያ ኣይስ ላሌታ ኣታኔ? 
\v 18 ኢስቲ ቱሙ ናቤታ ጊዲኮ፥ ቱሙካ ጎዳ ቃላይ ዲዛ ጊዲኮ ጎዳ ኬን፥ ዩሁዳ ካዎ ኬኒኔ ዬሩሳላሜን ኣቲዳ ሚሻቲ ባቢሎኔ ዲኤቲ ቦንታ ማላ ኣኔ ጎዳ ኡባፌ ዎልቃማ ጾሳኮ ሾቢ ዎሴቶ። 
\v 19 ጎዳይ ኡባፌ ዎልቃማ ጾሳይ ሃ ካታማን ኣቲዳ ቱሳታ ጊሻስ፥ ጻርቂማላፔ ኦሴቲዳ ጊታ ሳኔዛ ጊሻስ፥ ጋሬታ ጊሻሲኔ ሃራ ኣቲዳ ኡባ ሚሻታ ጊሻስ፥ 
\v 20 ሃይቲ ሃ ሚሻቲ ባቢሎኔ ካዎ ናቡካዳናጾሬይ ዩሁዳ ካዎ ኢዮኣቄሜ ና ኢኮኒያኔ፥ ዩሁዳኒኔ ዬሩሳላሜን ዲዛ ሹሜታ ዲኢዲ ኤፊዛ ዎዴ ኣቲዳ ጊሻስ፥ 
\v 21 ጎዳ ኬን፥ ዩሁዳ ካዎ ኬኒኔ ዬሩሳላሜን ኣቲዳ ሚሻታ ጊሻስ ኡባፌ ዎልቃማ ጎዳ ኢስራኤሌ ጾሳይ፥ 
\v 22 ‹ኢስቲ ባቢሎኔ ቢታ ዲኤቲ ባና፤ ታኒ ኢስታ ጾሞሳና ጋላሲ ጋካናስ ሄን ዳና፤ ሄ ዎዴ ታ ኢስታ ዛራ ኤሃዳ ካሴ ኢስታሶሆን ዎና› ጌስ» ጋዲስ።
\c 28
\s ኤርማሳኔ ዎርዶ ናቤ ሃናኒያ
\p
\v 1 ሄ ዎዴ ዩሁዳ ካዎ ሴዴቂያሲ ካዎቲዳ ኦይዳን ላይን ኢቻሻን ኣጊናን ጌባኦኔ ኣስ ኣዙሬ ና ናቤ ሃናኒያይ ጎዳ ኬን ቄሴታ ሲንኒኔ ዴሬ ኡባ ሲንን ታስ፥\x - \xo 28፡1 \xo*\xt 2ካዎ 24፡18-20፤ 2ታሪ 36፡11-13\xt*\x* 
\v 2 «ኡባፌ ዎልቃማ ጎዳ ኢስራኤሌ ጾሳይ፥ ‹ባቢሎኔ ካዎይ ኢንቴና ቶሲዳ ቃምባራ ታ ሜንና። 
\v 3 ባቢሎኔ ካዎ ናቡካዳናጾሬይ ጎዳ ኬፌ ዲኢ ኤኪዲ ኤፊዳ ሚሻታ ኡባ ታኒ ናምኡ ላይ ጊዶን ዛራዳ ሃ ሶሆ ኤሃና። 
\v 4 ቃሴ ታኒ ዩሁዳ ካዎ ኢዮኣቄሜ ና ኢኮኒያኔኔ ዩሁዳፔ ዲኤቲዲ ባቢሎኔ ቢዳ ኣሳ ኡባ ዛራዳ ሃ ሶሆ ኤሃና። ጋሶይካ ባቢሎኔ ካዎይ ኢንቴና ቶሲዳ ቃምባራ ታ ሜንና› ጌስ» ጊዴስ።
\p
\v 5 ሂስቲን ጎዳ ኬ ጊዶን ኤቂዳ ቄሴታ ሲንኒኔ ዴራ ሲንን ናቤ ኤርማሲ ናቤ ሃናኒያስ፥ 
\v 6 «ኣሚን! ጎዳይ ኦ! ጎዳ ኬ ሚሻታኔ ዲኤቲዲ ቢዳ ኣሳ ኡባ ባቢሎኔፔ ዛሪ ኤሂዲ ጎዳይ ባ ዮቲዳ ቃላ ፖሎ! 
\v 7 ጊዲኮካ ኣኔ ታ ኔሲኔ ሃ ኣሳስ ዮቲዛ ቃላ ሲያ። 
\v 8 ኔፔኔ ታፔ ካሴ ሲንን ዴኢዳ ናቤቲ ዳሮ ዴሬታ ቦላኔ ጊታ ካዎቴታ ቦላ ኦላ ጊሻስ፥ ባሻ ጊሻሲኔ ኢታ ሃርጌ ጊሻስ ቲንቢቴ ዮቲዳ። 
\v 9 ጊዶ ኣቲን ሳሮቴ ጊሻስ ቲንቢቴ ዮቲዳ ናቤይ ኢዚ ዮቲዳ ቃላይ ፖሌቲዛ ዎዴ ቱማፔ ጎዳይ ኢዛ ኪቲዳይሲ ሄሳን ኤሬቴስ» ጊዴስ።
\p
\v 10 ሄሳፌ ጉዬ ናቤ ሃናኒያይ ናቤ ኤርማሳ ሞርጌፌ ቃምባራ ኤኪዲ ሜንዴስ። 
\v 11 ሂስቲዲ ሃናኒያይ ኣሳ ኡባ ሲንን፥ «ጎዳይ፥ ‹ታኒ ናምኡ ላይታ ጊዶን ባቢሎኔ ካዎ ናቡካዳናጾሬ ቃምባራ ካዎቴታ ኡባ ሞርጌፌ ዴንዳ ሃይሳ ሜንና› ጌስ» ጊዴስ። ሄ ዎዴ ናቤ ኤርማሲ ኣጋጊዲ ባ ኦጌ ቢዴስ።
\p
\v 12 ናቤ ሃናኒያይ ናቤ ኤርማሳ ሞርጌፌ ቃምባራ ሜንዳ ጉ ዎዴፔ ጉዬ ጎዳ ቃላይ ናቤ ኤርማሳኮ ዪዲ፥ 
\v 13 «ባዳ ሃናኒያስ፥ ‹ኔኒ ሚ ቃምባራ ሜንዳሳ፤ ታኒ ጊዲኮ ኢዛ ጊሻስ ቢራታ ቃምባራ ጊጊሳና› ጌስ ጎዳይ ጋዳ ዮታ። 
\v 14 ቃሴካ ኡባፌ ዎልቃማ ጎዳ ኢስራኤሌ ጾሳይ፥ ‹ባቢሎኔ ካዎ ናቡካዳናጾሬስ ሃጋዛና ማላ ታኒ ሃ ካዎቴታ ኡባ ሞርጌን ቢራታ ቃምባራ ዎና፤ ኢስቲካ ኢዛስ ሃሬታና። ሃራይ ኣቶሺን ዎራ ዶኣታ ቦላካ ጎዳቴ ኢዛስ ኢማና› ጌስ» ጊዴስ።
\p
\v 15 ሄሳፌ ጉዬ ናቤ ኤርማሲ ናቤ ሃናኒያስ፥ «ሃናኒያ ሲያ! ጎዳይ ኔና ኪቲቤና፤ ጊዶ ኣቲን ኔኒ ሃ ኣሳይ ዎርዶ ሚሻን ኣማኔታና ማላ ኦዳሳ። 
\v 16 ሄሳ ጊሻስ ጎዳይ፥ ‹ታኒ ኔና ሃ ሳኣ ቦላፌ ዲጋና፤ ኔኒ ጎዳ ቦላ ማካላ ሃሳይዳ ጊሻስ ኔ ሃ ላይ ሃይቃና› ጌስ» ጊዴስ።
\p
\v 17 ናቤ ሃናኒያይ ሄ ላይ ላፑን ኣጊናን ሃይቂዴስ።
\c 29
\s ዲኤቲ ቢዳ ኣሳስ ጻፌቲዳ ዳብዳቤ
\p
\v 1 ናቤ ኤርማሲ ዲኤቲ ቢዲ ሃይቆንታ ሼምፖራ ፓጻ ዲዛ ጪማታስ፥ ቄሴታስ፥ ናቤታሲኔ ናቡካዳናጾሬይ ዬሩሳላሜፔ ዲኢዲ ባቢሎኔ ኤፊዳ ሃራ ኣስ ኡባስ ዬሩሳላሜፔ ዬዲዳ ዳብዳቤይ ሃይሳፌ ካሊዲ ጻፌቲዳይሳ። 
\v 2 ሃይሲ ሃኒዳይ ካዎ ኢኮኒያኔይ፥ ጎዳቴያ ኢዛ ኣያ፥ ካዎ ኬ ኦሳንቻቲ፥ ዩሁዳኔ ዬሩሳላሜ ካሌዛይቲ፥ ሂላንቻቲኔ ዎጋጬቲ ዬሩሳላሜፔ ዲኤቲ ቢዳፔ ጉዬና።\x - \xo 29፡1-2 \xo*\xt 2ካዎ 24፡12-16፤ 2ታሪ 36፡10\xt*\x* 
\v 3 ኤርማሲ ዩሁዳ ካዎ ሴዴቂያሲ ባቢሎኔ ካዎ ናቡካዳናጾሬስ ኪቲዛ ሳፋኔ ና ኤልኣሳ ቦላኔ ኪልቂያሳ ና ጋማሪያ ቦላን ሄ ዳብዳቤዛ ዬዲዴስ።
\p
\v 4 ዳብዳቤዚካ፥ «ኡባፌ ዎልቃማ ጎዳ ኢስራኤሌ ጾሳይ ታኒ ዬሩሳላሜፔ ባቢሎኔ ዲኢሳ ዬዲዳ ኣሳስ፥ 
\v 5 ‹ኬ ኬጺዲ ኡቲቴ፤ ዶዛታ ቶኪዲ ኢስታ ኣይፌ ሚቴ፤ 
\v 6 ኤኬቲዲ ማጫ ናይታኔ ኣቱማ ናይታ ዬሊቴ፤ ኢንቴ ኣቱማ ናይቲኔ ማጫ ናይቲ ኤኬታና ማላኔ ጌሌታና ማላ ኦቴ፤ ኢስቲካ ኣቱማ ናይታኔ ማጫ ናይታ ዬሌቶ፤ ኢንቴ ሄን ቆዳን ጮራቲቴ ኣቲን ጉጾፍቴ። 
\v 7 ኢንቴ ዲኤቲ ቢዳ ካታማይስ ሳሮቴኔ ዱሬቴ ኮዪቴ፤ ሄ ካታማይስ ጎዳ ዎሲቴ፤ ኢዛ ዱሬቲኮ ኢንቴካ ዱሬታና› ጌስ። 
\v 8 ቱሙካ ኡባፌ ዎልቃማ ጎዳ ኢስራኤሌ ጾሳይ፥ ‹ኢንቴ ጊዶን ዲዛ ናቤቲኔ ማሮቲ ኢንቴና ባሌፌቶ፤ ኢስቲ ኢንቴ ጊሻስ ኣጉሜቲዛ ኣጉሞ ሲዮፒቴ። 
\v 9 ኢስቲ ታ ሱንን ዎርዶ ቲንቢቴ ዮቴቴስ ታ ኢስታ ኪታቤኬ› ጌስ።
\p
\v 10 «ጎዳይ፥ ‹ኢንቴ ባቢሎኔን ዳና ላፑን ታሙ ላይ ፖሌቲዳፔ ጉዬ ታ ኢንቴና ሞካ ጼላና፤ ታኒ ኢንቴና ሃ ቢታ ዛራ ኤሃና ጊዳ ሎኦ ቃላዮካ ኢንቴስ ፖላና።\x - \xo 29፡10 \xo*\xt 2ታሪ 36፡21፤ ኤር 25፡11፤ ዳኔ 9፡2\xt*\x* 
\v 11 ታ ኢንቴስ ሃልቺዳ ሃልቾ ኤራይስ፤ ሄ ሃልቾዛስ ፖሎይ ሎኦኔ ሂዶታ ኢሚዛዛ፥ ኢንቴና ጎኢዛዛ ኣቲን ቆሂዛዝ ጊዴና። 
\v 12 ኢንቴካ ታና ጼይጋና፤ ሺቂዲ ታና ዎሳና፤ ታኒካ ሲያና። 
\v 13 ኢንቴ ታና ኮያና፤ ኢንቴ ታና ኩሜ ዎዚናፔ ኮይኮ ዴማና።\x - \xo 29፡13 \xo*\xt ዛሬ 4፡29\xt*\x* 
\v 14 ታኒካ ኢንቴስ ቤታና። ታ ኢንቴ ዲኤቲ ቢዳ ቢታፌ ዛራና፤ ታኒ ኢንቴና ላላ ዬዲዳ ካዎቴፌኔ ሶሆ ኡባፌ ሺሻና፤ ሂስታዳ ታኒ ኢንቴና ዲኦስ ዬዳናፔ ካሴ ኢንቴ ዴኢዳ ሶሆ ጉዬ ዛራዳ ኤሃና› ጌስ።
\p
\v 15 «ኢንቴካ፥ ‹ጎዳይ ናቤ ኑስ ባቢሎኔን ዴንዴስ› ጋና። 
\v 16 ጊዶ ኣቲን ጎዳይ ዳዊቴ ካዎቴ ኣልጋን ኡታና ካዎ ጊሻስ፥ ኢንቴናራ ዲኤቲ ቦንታ ሃን ኣቲዳ ዳቦታ ጊሻሲኔ ሃ ካታማን ኣቲዳ ዴራ ኡባ ጊሻስ፥ 
\v 17 ቱሙካ ጎዳይ ኡባፌ ዎልቃማ ጾሳይ፥ ‹ታኒ ኢስታ ቦላ ኦላ፥ ኮሻኔ ኢታ ሃርጌ ዬዳና፤ ቃሴ ታኒ ኢስታ ማናስ ጊጎንታ ሞሬቲዳ ባላሴ ቴራ ማላ ኦና። 
\v 18 ታኒ ኢስታ ማሻን፥ ኮሻኒኔ ኢታ ሃርጌን ዬዴና፤ ሂስታዳ ታኒ ኢስታ ሳኣ ካዎቴታ ኡባ ሲንን ካሲኔ ቂስ ኬሳና፤ ቃሴ ታኒ ኢስታ ዬዴ ዬዲዳ ዴራ ጊዶን ቃንጌሲኔ ዳጋማስ፥ ቦሬሲኔ ካስ ማላታ ጊዳና። 
\v 19 ጋሶይካ ታ ኦሳንቻ ናቤታ ቦላ ታኒ ኢስታስ ዛራ ዛራዳ ኪቲዳ ታ ቃላ ኢስቲ ሲዮንታ ኢጺዳ። ኢንቴካ ዲኤቲ ቢዳይቲ ሲዮንታ ኢጺዴታ› ጌስ።
\p
\v 20 « ‹ታኒ ዬሩሳላሜፔ ባቢሎኔ ዲኢሳ ዬዲዳ ኣሳቶ! ኢንቴ ኡባይካ ጎዳ ቃላ ሲዪቴ› ጌስ። 
\v 21 ኡባፌ ዎልቃማ ጎዳ ኢስራኤሌ ጾሳይ ታ ሱንን ዎርዶ ቲንቢቴ ኢንቴስ ዮቲዛ ቆላያ ና ኣካቤ ጊሻሲኔ ማኢሳያ ና ሴዴቂያሳ ጊሻስ ታኒ ኢስታ ባቢሎኔ ካዎ ናቡካዳናጾሬስ ኣ ኢማና፤ ኢንቴ ጼሊሺን ኢዚ ኢስታ ዎና። 
\v 22 ሄሳፌ ጉዬ ዩሁዳፔ ዲኤቲ ቢዲ ባቢሎኔን ዲዛ ኣሳይ ኡባይ፥ ‹ጎዳይ ኔና ባቢሎኔ ካዎይ ታማን ጹጊዳ ሴዴቂያሳ ማላኔ ኣካቤ ማላ ኦ› ጊዲ ቃንጋና። 
\v 23 ኢስቲ ባ ላጌታ ማቼታራ ላይማቴን ታ ኢስታስ ዮቶንታ ቃላ ታ ሱንን ዎርዶ ዮቶን ኢስራኤሌ ቦላ ቆሆ ጋዳ፤ ሄሳ ታኒ ኤራይስ፤ ታኒ ሄሳስ ማርካ» ጌስ ጎዳይ።
\s ሻማኤስ ኪቴቲዳ ኪታ
\p
\v 24 ኔሄላሜ ዴሬ ኣስ ሻማኤስ፥ 
\v 25 «ኡባፌ ዎልቃማ ጎዳ ኢስራኤሌ ጾሳይ፥ ‹ዬሩሳላሜን ዲዛ ኣስ ኡባስ፥ ማኢሳያ ና ቄሴ ሶፎናሳሲኔ ሃራ ቄሴታ ኡባስ ኔኒ ኔ ሱንን ዳብዳቤታ ዬዳዳሳ› ጌስ። ኔ ሶፎናሳስ፥ 
\v 26 ጎዳ ኬን ሃላቃ ጊዳና ማላ ኔና ጎዳይ ዮዳሄ ሶሆን ቄሴ ኦዲ ሹሚዴስ፤ ‹ታኒ ናቤ› ጊሼ ጎዪዲ ቲንቢቴ ዮቲዛ ኣይ ኣሳ ቶሆ ኣግሪሞቄን፥ ኢዛ ቆካ ሳንሳላታን ዜጻ ቃቻናስ ቤሴስ። 
\v 27 ሂስቲን፥ ‹ታኒ ናቤ› ኣናቶቴ ዴሬ ኣስ ኤርማሳ ኣይስ ሴራቤኪ? 
\v 28 ሃ ኣዴዚ፥ ‹ኢንቴ ዲኤቴን ጋምኣና ዎዴይ ኣዱሳ ጊዲዳ ጊሻስ ኢንቴስ ኬ ኬጺዲ ኢዛን ዲቴ፤ ዶዛታካ ቶኪዲ ኢስታ ኣይፌ ሚቴ› ጊዲ ኑስ ባቢሎኔ ኪታ ዬዲዴስ» ጊዴስ።
\p
\v 29 ቄሴ ሶፎናሲ ናቤ ኤርማሳስ ሃ ዳብዳቤዛ ናባቢዴስ። 
\v 30 ሂስቲን ጎዳ ቃላይ ኤርማሳኮ፥ 
\v 31 «ሃይሳ ሃ ኪታ ዲኤቴን ዲዛይታስ ኡባስ፥ ‹ኔሄላሜ ዴሬ ኣስ ሻማኤይ ታኒ ኪቶንታ ቲንቢቴ ዮቲዴስ፤ ኢንቴ ዎርዶን ኣማኔታና ማላ ኦዴስ› ጋ ኪታ። 
\v 32 ጎዳይ፥ ‹ታኒ ኔሄላሜ ዴሬ ኣስ ሻማኤኔ ኢዛ ሶ ኣሳ ቃጻያና። ታ ቦላ ኢዚ ማካላ ሚሽ ሃሳይዳ ጊሻስ ሃ ዴራ ጊዶን ኢዛስ ዛሬይ ኣቴና፤ ቃሴ ታኒ ታ ዴራስ ኦና ሎኦ ሚሻካ ጋኪ ቤዬና› ጊዴስ» ጊሼ ዪዴስ።
\c 30
\s ጎዳይ ባ ዴራስ ኢሚዳ ሂዶታ ቃላ
\p
\v 1 ጎዳፔ ኤርማሳኮ ዪዳ ቃላይ ሃይሳፌ ካሊዛይሳ። 
\v 2 ጎዳ ኢስራኤሌ ጾሳይ ኤርማሳ፥ «ታኒ ኔስ ዮቲዳ ቃላ ኡባ ማጻፋን ጻፋ። 
\v 3 ታኒ ታ ዴሬ ኢስራኤሌኔ ዩሁዳ ካሴ ኢስታ ኣዋታስ ታ ኢሚዳ ቢታ ኢስታስ ዛራ ኤሃና ዎዴይ ጋኪዴስ፤ ኢስቲካ ላታና» ጌስ።
\p
\v 4 ጎዳይ ኢስራኤሌሲኔ ዩሁዳስ ዮቲዳ ቃላይ ሃይሳፌ ካሊዛይሳ።
\p
\v 5 ጎዳይ፥ «ታኒ ባቦኔ
\q2 ሺሮ ዋሶ ሲያይስ፤
\q2 ሳሮይካ ዴና።
\q1
\v 6 ኣኔ ኦይቺቴኔ ኣኬኪቴ!
\q2 ኣዴይ ዬላናስ ዳንዳይዜ?
\q3 ሂስቲን ኣዴይ ኡባ
\q3 ሚጻይ ኦይኪዳ ማጫሳ ማላ
\q3 ባ ኩሼ ባ ኡሎ ቦላ ዎን
\q3 ኣሳ ኡባ ሲን ካሬቲን
\q3 ታ ቤኢዛይ ኣዛሴ?
\q1
\v 7 ሄ ጋላሳይ ኣይ ማላ
\q2 ዳጋንዛ ጋላስ ጊዳኔ!
\q2 ሄሳ ማላ ጋላሲ ዴና፤
\q2 ሄ ጋላሳይ ያቆቤ
\q2 ዜሬታስ
\q3 ሜቶ ጋላስ ጊዳና፤
\q2 ጊዶ ኣቲን ኢስቲ
\q3 ሄ ሜቶዛፔ ኣታና» ጌስ።
\q1
\v 8 ጎዳይ ኡባፌ
\q2 ዎልቃማ ጾሳይ፥
\q2 «ሄ ጋላስ ታኒ ኢስታ ሞርጌፌ
\q3 ቃምባራ ሜንና፤
\q2 ኢስቲ ቃሼቲዳ
\q2 ሳንሳላታካ ዱና፤
\q2 ሃይሳፌ ጉዬን
\q2 ኣላጋይ ኢስታ ሃሬና።
\q1
\v 9 ጊዶ ኣቲን ጎዳስ
\q2 ባንታ ጾሳሲኔ
\q2 ታኒ ኢስታስ ካዎዳ
\q3 ካዎ ዳዊቴ ዛሬስ
\q3 ኢስቲ ሃሬታና» ጌስ።
\b
\q1
\v 10 «ሄሳ ጊሻስ ታ ኣይሌ
\q2 ያቆቤ ዛሬቶ ያዮፍቴ!
\q2 ኢንቴኖ ኢስራኤሌቶ ዳጋሞፍቴ!
\q2 ኢንቴ ሃሆሶን ዲሺን
\q3 ታኒ ኢንቴና ኣሻና፤
\q2 ኢንቴ ዛሬታካ ኢስቲ ዲኤቲዳ
\q3 ቢታፌ ኬሳ ኤካና፤
\q2 ያቆቤ ዛሬቲ ሲሚዲ
\q3 ሳሮኒኔ ዎፓን ኡታና፤
\q2 ኢስታ ያሺሳና
\q2 ኣይ ሚሺካ ዴና።
\q1
\v 11 ታኒ ኢንቴና ኣሻናስ
\q2 ኢንቴናራ ዳይስ፤
\q2 ታኒ ኢንቴና
\q3 ካዎቴታ ጊዶን ላላዲስ፤
\q2 ሄ ካዎቴታ
\q1 ሙሌራ ይሳና፤
\q2 ጊዶ ኣቲን ኢንቴና
\q3 ሙሌራ ይሲኬ፤
\q2 ታኒ ቂጻቴይ ባይንዳ ጮ ኣጊኬ፤
\q2 ጊዲኮካ ታኒ ኢንቴና
\q3 ጊናራ ቃጻያና» ጌስ ጎዳይ።\x - \xo 30፡10-11 \xo*\xt ኤር 46፡27-28\xt*\x*
\b
\q1
\v 12 ጎዳይ፥ «ኢንቴ ሜቆይ ኮሌቴና፤
\q2 ኢንቴ ማዱንይ ፓጼና።
\q1
\v 13 ኢንቴ ጊሻስ ሞቴቲዛይ ዴና፤
\q2 ኢንቴ ማዱንስካ ሌይ ቤቴና፤
\q2 ኢንቴስ ፓጾይ ዴና።
\q1
\v 14 ኢንቴ ላጌቲ ኡባይ ኢንቴና ዶጊዳ፤
\q2 ኢስቲ ኢንቴ ጊሻስ ዉዴቴቴና፤
\q2 ታኒ ኢንቴና
\q3 ሞርኬ ሾጪዛ ማላ ሾጫዲስ፤
\q2 ሜንጼ ኢታ ኣሳ ማላ
\q3 ታ ኢንቴና ቃጻያዲስ።
\q3 ጋሶይካ ኢንቴ ቆሆይ ጊታ፤
\q3 ኢንቴ ናጋራይካ ዳሮ።
\q1
\v 15 ሌይ ባይንዳ ኢንቴ ሃርጌሲኔ
\q2 ኢንቴ ማዱን ጊሻስ ኣይስ ዋሴቲ?
\q3 ኢንቴ ሞሮይ ጊታኔ
\q3 ኢንቴ ናጋራይ ዳሮ ጊዲዳ ጊሻስ
\q3 ሃይታ ኡባ ታ ኢንቴ ቦላ
\q3 ኦዲስ» ጌስ።
\b
\q1
\v 16 «ጊዶ ኣቲን ኢንቴና
\q2 ዲፒ ሂስቲ ሚዳ ኡባቲ
\q2 ሄሳ ሜቴታና፤
\q2 ኢንቴ ሞርኬ ኡባቲካ ዲኤቲ ባና፤
\q2 ኢንቴና ቦንቂዳይቲ ቦንቄታና፤
\q2 ኢንቴና ቦጊዛይቲ ቦጌታና።
\q1
\v 17 ኢንቴና ጊዲኮ ታኒ ዛራዳ ፓዪሳና፤
\q2 ኢንቴ ማዱንካ ፓና።
\q2 ጋሶይካ ኢስታስ፥ ‹ካቲዳሮ፤
\q2 ኦኒካ ኮዮንታ ጺዮኖ›
\q3 ጊዳ ጊሻሳ» ጌስ ጎዳይ።
\p
\v 18 ጎዳይ፥
\q1 «ታኒ ያቆቤ ኬ ዛራ ኬጻና፤
\q2 ኢዚ ዲዛሶስካ ቃታና፤
\q2 ካታማያካ ካሴ ባ ላሌቲዳሶን
\q3 ሲማ ኬጼታና፤
\q2 ካዎቴ ኬይካ ካሴ ባ ዲዛሶን
\q3 ሲሚ ኬጼታና።
\q1
\v 19 ኢስታፌ ጋላታ ዬይኔ
\q2 ኢሊሊሳ ጬንጉርሲ ሲዬታና፤
\q2 ታኒ ኢስታ ዳርሳና፤
\q2 ኢስታ ቆዳይካ ፓጬና፤
\q2 ታኒ ኢስታ ቦንቼቲዳ ዴሬ ኦና፤
\q2 ኢስቲ ካቲዳይታ ጊዴቴና።
\q1
\v 20 ኢስታ ዜሬይ
\q2 ቤኒ ዎዴ ዲዛ ማላ ዳና፤
\q2 ኢስታ ማባራይካ ታ ሲንን
\q3 ሚኒ ኤቃና፤
\q2 ኢስታ ኡንኤዛ ኡባካ
\q3 ታኒ ቃጻያና።
\q1
\v 21 ኢስታ ካሌዛይ ኢስታ ባጋፌ ጊዳና፤
\q2 ኢስታ ኣይሲዛይ
\q3 ኢስታ ጊዶፌ ዴንዳና፤
\q2 ታኒ ኢዛ ታኮ ሺሻና፤
\q2 ኢዚካ ታኮ ሺቃና።
\q2 ታ ሺሾንታ ዲሺን ጻሊዲ
\q3 ታኮ ሺቃናይ ኦኔ?
\q1
\v 22 ሄሳ ጊሻስ ኢንቴ ታ ዴሬ ጊዳና፤
\q2 ታኒካ ኢንቴ ጾስ ጊዳና» ጌስ።
\q1
\v 23 ቤኢቴ ጎዳ ሃንቆይ
\q2 ዳምባላ ማላ ዴንዴስ፤
\q2 ቡልኣኬቲዛ ጎቴ ጫርኮይ
\q3 ኢታታ ዎና።
\q1
\v 24 ኢዛ ዎዚና ቆፋ ፖሎንታ ጎዳ ሃንቆይ
\q2 ጮ ሃዳ ጉዬ ሲሜና፤
\q2 ሄሳ ዪዛ ዎዴታን ኢንቴ ኣኬካና።
\c 31
\p
\v 1 ጎዳይ፥ «ሄ ዎዴ ታኒ ኢስራኤሌ
\q2 ቆሞ ኡባታስ ጾስ ጊዳና፤
\q2 ኢስቲካ ታ ዴሬ ጊዳና» ጌስ።
\p
\v 2 ጎዳይ፥ «ማሻፌ ኣቲዳ ዴሬይ
\q2 ባዞ ቢታን
\q2 ታፔ ኪያቴ ዴማና፤
\q2 ታኒካ ኢስራኤሌስ
\q3 ሼምፖ ኢማናስ ያና» ጌስ።
\q1
\v 3 ጎዳይ ኑስ ሃሆሶፔ ቆንጪዲ፥
\q2 «ታኒ ኢንቴና
\q3 ሜርና ሲቆን ዶሳዲስ፤
\q2 ሄሳ ጊሻስ ታ ቃቴን
\q2 ኢንቴና ታኮ ሺሻዲስ።
\q1
\v 4 ኢስራኤሌ ዴሬዞ!
\q2 ታኒ ኢንቴና ዛራ ኬጻና፤
\q2 ኢንቴካ ኬጼታና።
\q3 ኢንቴ ካራቤ ዛሪ ዴንዲ
\q3 ኡፋይሳን ሆምቦጪዛይታራ
\q3 ኢንቴ ሆምቦጫና።
\q1
\v 5 ኢንቴ ዛሪዲ ሳማሪያ
\q2 ዙምቡላታ ቦላ
\q2 ዎይኔ ቶካና፤
\q2 ጎሻንቻቲ ቶካና፤
\q2 ኢስቲ ኣይፊዛ
\q3 ኣይፌዛንካ ኡፋዬታና።
\q1
\v 6 ኤፍሬሜ ዙምቡላታ ቦላ
\q2 ናጊዛይቲ፥
\q2 ‹ሃ ዪቴ፤
\q2 ጎዳ ኑ ጾሳኮ
\q3 ፑዴ ጺዮኔ ኣኔ ኬዞስ›
\q2 ጊ ጼይጋና ዎዴይ ያና» ጌስ።
\p
\v 7 ጎዳይ፥ «ያቆቤ ዴራስ
\q2 ኡፋይሳን ዬጺቴ፤
\q2 ካዎቴታ ሃላቃስ ኢሊሊ ጊቴ፤
\q2 ኢንቴ ጋላታካ ሲሲቴ፤
\q3 ‹ጎዳዉ ኢስራኤሌፔ
\q2 ጫሻ ኣቲዳ
\q3 ኔ ዴራ ኣሻ› ጊቴ።
\q1
\v 8 ቤኢቴ ታኒ ኢስታ
\q2 ፑዴሃ ባጋፌ ኤሃና፤
\q2 ቢታ ጋጻፔካ
\q2 ታኒ ሺሻና፤
\q2 ኢስታ ጊዶን ቆቄቲኔ ዎቤቲ፥
\q3 ኣቤይ ባይንዳ ማጫሳቲኔ
\q3 ሚጻቲዛይቲ ዳና፤
\q3 ኬሂ ዳሪዲ
\q3 ባንታ ዴሬ ሲማና።
\q1
\v 9 ታኒ ኢስታ ዛራዳ ኤሂዛ ዎዴ
\q2 ኢስቲ ዬኪሼኔ
\q2 ዎሲሼ ያና።
\q2 ታኒ ኢስታ ፑልቶ
\q2 ሃ ኣቻራ
\q2 ሱሬ ኦጌራ ካሌና።
\q3 ጋሶይካ ታኒ ኢስራኤሌስ ኣዋ፤
\q3 ኤፍሬሜይካ ታስ ባይራ ና።
\b
\q1
\v 10 «ኢንቴኖ ካዎቴቶ
\q2 ጎዳ ቃላ ሲዪቴ!
\q2 ሃሆን ዲዛ ኣባ ጋጻታንካ፥
\q2 ‹ኢስራኤሌ ላሊዳይ
\q3 ኢዚ ኢስታ ዛሪ ሺሻና፤
\q2 ባ ዉዴዛካ
\q2 ሄንንቻ ማላ
\q3 ኢዚ ሄማና› ጊዲ ኣዋጂቴ።
\q1
\v 11 ጋሶይካ ጎዳይ
\q2 ያቆቤ ዎዛና፤
\q2 ኢዛፔ ሚኒዛይታ ኩሼፔ
\q3 ኢዛ ኬሲ ኤካና።
\q1
\v 12 ኢስቲ ዪዲ ጺዮኔ ዙማ ቦላ
\q2 ኡፋይሳ ማዛሙሬ ዬጻና፤
\q2 ኢስቲ ጎዳ ኪያቴ ጊዲዳ
\q2 ካን፥ ዎይኔ ኡሻን፥
\q2 ዛይቴን፥ ዴይሻኒኔ
\q2 ዶርሳ ላቃታን፥ ዎፋኖታኒኔ
\q2 ኡሳታን ኡፋዬታና፤
\q3 ኢስቲ ሃ ፓጮንታ
\q3 ኣታኪልቴ ሶሆ ማላ ጊዳና፤
\q3 ሃይሳፌ ጉዬ ኢስቲ ሙዞቴቴና።
\q1
\v 13 ሄ ዎዴ ጌላኦቲ
\q2 ኡፋዬቲዲ ዬጻና፤
\q2 ዎዳላቲኔ ጪማቲ ጉፓና፤
\q2 ታ ኢስታ ዬሆዛ
\q2 ኡፋይሳን ላማና፤
\q2 ታ ኢስታ ሙዞቴፌ
\q2 ሚንና፤
\q2 ታ ኢስታስ ኡፋይስ ኢማና።
\q1
\v 14 ታኒ ቄሴታ ኬሃ ኣንጃና፤
\q2 ታ ዴሬዛካ
\q2 ኪያቴ ካላና» ጌስ።
\p
\v 15 ጎዳይ፥ «ዋሶይኔ ጫሞ ዬሆይ
\q2 ኤራማ ካታማፔ ሴቴቲዴስ፤
\q2 ኢዚ ናይቲ ዉሪዳ ጊሻስ
\q3 ኤራሄላ ዬካዱስ፤
\q2 ሚኔቶንታካ ኢጻዱስ» ጌስ።\x - \xo 31፡15 \xo*\xt ሜ 35፡16-19፤ ማቶ 2፡18\xt*\x*
\p
\v 16 ጎዳይ፥ «ዬኮፋኔ ኣፉንጾፋ፤
\q2 ኔ ዳቡራይ ጮ ሃዳ ኣቴና፤
\q2 ሞርኬታ ቢታፌ ኢስቲ ሲማና።
\q1
\v 17 ሲንፌ ኔስ
\q2 ሂዶታይ ዲዛ ጊሻስ
\q2 ኔ ናይቲ ባንታ
\q3 ቢታ ሲማና» ጌስ።
\b
\q1
\v 18 «ኤፍሬሜይ ጫሞ ሚላስ ሚላሊሺን
\q2 ኣዳፌ ታ ሲያዲስ፤
\q2 ‹ሎሆንታ ዎፋኖ ማላ
\q3 ታና ቃጻያዳሳ፤
\q2 ታኒካ ቃጻዬታዲስ፤
\q2 ኔኒ ጎዳ ታ ጾሳ፤
\q3 ኔኒ ታና ዛራ፤
\q3 ታኒካ ሲማና።
\q1
\v 19 ታ ኔፔ ሃካ ቢዳፔ ጉዬ
\q2 ሲማዳ ሞታዲስ፤
\q2 ታ ኣኬኪዳ ዎዴ
\q3 ታ ሁኤ ባቃዲስ፤
\q2 ታ ዬላጋቴ
\q2 ካዉሻቴ ቶካዲስ፤
\q2 ዬላታዳ ጉጻዲስ› ጊዴስ።
\q1
\v 20 ኤፍሬሜይ ታ ዶሳዳ
\q2 ኡፋዬቲዛ ታ ናዛ ጊዴኔ?
\q2 ዳሮ ዎዴ ታ ኢዛራ
\q3 ኤቄታ ሃሳይኮካ
\q2 ዛራዳ ኢዛ ጊሻስ ታ ቆፓይስ፤
\q2 ታ ማራጬይ ኮኮሬስ፤
\q2 ታ ኢዛስ ኬሃ ቃታይስ»
\q2 ጌስ ጎዳይ።
\p
\v 21 ጎዳይ፥ «ኦጌን ማላታ ኤሳ፤
\q2 ቢዛሶ ቤሲዛ ማላታ ቶካ፤
\q2 ኔ ባና ዎጋ ኦጌዛ ኣኬካ፤
\q2 ጌላኦዬ ኢስራኤሌ ሲማ፤
\q2 ሂስታዳ ኔ ካታማታ ጌላ።
\q1
\v 22 ሃኔ ካዲዳ ናዬ!
\q2 ኔ ኣይዴ ጋካናስ ቶይላታኔ?
\q2 ጎዳይ ሳኣ ቦላ
\q2 ኦራ ሚሽ ሜና፤
\q2 ሄሲካ ማጫይ
\q2 ኣዴ ዶዳና» ጌስ።
\s ጾሳ ዴሬስ ሲንፌ ያና ኢሻሎ ዴኦ
\p
\v 23 ኡባፌ ዎልቃማ ጎዳ ኢስራኤሌ ጾሳይ፥ «ታኒ ኢስታፌ ዲኤቲዳ ሚሻ ታ ኢስታስ ዛሪዛ ዎዴ ኢስቲ ዩሁዳ ቢታኒኔ ኢዚ ካታማታን፥ ‹ኔኖ ጺሎቴ ኣቂዛ ጌሻ ዙማዞ! ጎዳይ ኔና ኣንጆ!› ጊዛ ቃላ ዛሪ ጎኤታና። 
\v 24 ጎሻንቻቲኔ ሜሄ ሃሮን ኣቂዛይቲ ዩሁዳኒኔ ዩሁዳ ካታማታን ኢሲፌ ዳና፤ 
\v 25 ታኒ ላባኒዳ ሼምፖዮ ኦራጺሳና፤ ዳቡርዳሮካ ሚንና» ጌስ።
\p
\v 26 ሄ ዎዴ ታኒ ስኮፌ ቤጋዳ ዩሻ ጼላዲስ፤ ታኒ ማልኦ ስኮ ስካዲስ።
\p
\v 27 ጎዳይ፥ «ታኒ ኢስራኤሌ ቢታኒኔ ዩሁዳ ቢታን ኣሲኔ ሜሄ ኩንዛ ዎዴይ ያና። 
\v 28 ኢስታ ቃላናስ፥ ላላናስ፥ ሺራ ዬጋናስ፥ ይሳናሲኔ ባሽ ኢስታ ቦላ ኤሃናስ ኬሃ ታኒ ሚኒዳ ማላ ኢስታ ዛራ ኬጻናሲኔ ቶካናስ ኬሃ ሚናና» ጌስ።
\p
\v 29 «ሄ ዎዴ ኣሳይ፥
\q2 ‹ኣዋቲ ዎይኔ ሚ ቴራ
\q2 ጫሊዳይሳ ሚን
\q2 ኢስታ ናይታ ኣቺ ዚልኢዴስ›
\q2 ጌቴቲዛ ሌሚሶ
\q3 ናምኣን ሃሳዬቴና።\x - \xo 31፡29 \xo*\xt ሂዚ 18፡2\xt*\x*
\m
\v 30 ጊዶ ኣቲን ኣሳይ ኢሶይ ኢሶይ ባ ናጋራን ናጋራን ሃይቃና፤ ዎይኔ ቴራ ቃዉኤ ሚዳ ኣሳ ኣቺ ኡባይ ዚልኣና» ጌስ ጎዳይ።
\q1
\v 31 ጎዳይ፥ «ታኒ ኢስራኤሌ ዴራራኔ
\q2 ዩሁዳ ዴራራ ኦራ ጫቆ
\q3 ጫቄታና ዎዴይ ያና።\x - \xo 31፡31 \xo*\xt ማቶ 26፡28፤ ማር 14፡24፤ ሉቃ 22፡20፤ 1ቆሮ 11፡25፤ 2ቆሮ 3፡6\xt*\x*\x - \xo 31፡31-34 \xo*\xt ኢብ 8፡8-12\xt*\x*
\q1
\v 32 ሄ ጫቆዚ ታኒ ኢስታ ጊብጼፔ
\q2 ኬሳናስ ኢስታ ኩሼ ኦይካዳ
\q2 ኢስታ ኣዋታራ ጫቄቲዳ
\q3 ጫቆዛ ማላ ጊዴና፤
\q2 ታኒ ኢስታስ
\q3 ኣዚና ማላ ጊዳ ዲሺን
\q2 ኢስቲ ታናራ ዲዛ
\q3 ጫቆ ቃላዛ ላሊዳ» ጌስ።
\b
\q1
\v 33 «ጊዶ ኣቲን ታኒ ጎዳይ
\q2 ሄ ዎዴፔ ጉዬ
\q2 ኢስራኤሌ ዴራራ
\q3 ታ ጫቄታና ጫቆይ ሃይሳ፤
\q2 ታኒ ታ ዎጋ
\q3 ኢስታ ዎዚናን ጻፋ ዎና፤
\q2 ታኒካ ኢስታስ ጾሳ ጊዳና፤
\q3 ኢስቲካ ታ ዴሬ ጊዳና።\x - \xo 31፡33 \xo*\xt ኢብ 10፡16\xt*\x*
\q1
\v 34 ሃይሳፌ ጉዬ ኦኒካ ባ ላጌ
\q2 ዎይኮ ባ ኢሻ፥
\q2 ‹ጎዳ ኤራ› ጊዲ ታማርሴና፤
\q2 ጋሶይካ ጉፌ ዶሚዲ
\q2 ጊታ ጋካናስ
\q2 ኢስቲ ኡባይ ታና ኤራና፤
\q2 ታኒካ ኢስታ ቆሆ ኣቶ ጋና፤
\q2 ኢስታ ናጋራካ ናምኣን
\q3 ዛራ ቆፒኬ» ጌስ ጎዳይ።\x - \xo 31፡34 \xo*\xt ኢብ 10፡17\xt*\x*
\q1
\v 35 ጋላሳን ፖኢሳና ማላ
\q2 ኣርሼ ዎዳይ፥
\q2 ኦማርሳን ፖኢሳና ማላ ኣጊናኔ
\q3 ጾሊንቴታ ኣዛዚዳይ፥
\q2 ዳምባላይ ጉማና ማላ ኣባ ቃዛይ
\q2 ኢዛ ሱንይ ጎዳ ኡባፌ
\q3 ዎልቃማ ጾሳ ጌቴቲዛይሲ፥
\q1
\v 36 «ሃ ኤቂዲ ዲዛ ሜታ ዎጋይ
\q2 ታ ሲንፌ ኪቺኮ
\q2 ሄ ዎዴ ኢስራኤሌ ዜሬቲ
\q2 ታ ሲንን
\q2 ሜርናስ ካዎቴ ጊዲዲ
\q3 ዱሳይ ኣታና» ጌስ።
\q1
\v 37 ጎዳይ፥ «ቦላን ዲዛ ሳሎታ
\q2 ጋኪ ዋናስ ዳንዳዬቲኮ፥
\q2 ዎይኮ ጋርሳን ዲዛ ቢታ ጻጶ
\q3 ጋኪ ፒልጊ ኤራናስ ዳንዳዬቲኮ
\q2 ሄ ዎዴ ታኒ ኢስራኤሌይ ኦዳ
\q3 ኦሶ ኡባ ጊሻስ
\q2 ታ ኢስታ ዬጋ ኣጋና» ጌስ።
\p
\v 38 ጎዳይ፥ «ሃናኒኤሌ ጊምቤፌ ዶሚዲ ጉላ ፔንጌ ጋካናስ ካታማያ ታስ ጎዳስ ኦሴታና ዎዴይ ያና። 
\v 39 ዋ ዎዶሮዚ ሄፔ ዶሚ ሲቲ ጊዲ ጋሬቤ ዙምቡላታራ ኣዲ ጎኣሃ ጋካናስ ሚጬታና። 
\v 40 ኣሃይኔ ቢዲን ዬጌቲዛ ሾባ ኡባይ ኣርሼይ ሞኪዛ ቄዲሮኔ ሾባራ ቢዲ ፓራ ፔንጌ ጋካናስ ዲዛ ቲ ጊዳ ዴምባይ ኡባይ ጎዳስ ዱማቲዳዝ ጊዳና፤ ሄሳፌ ጉዬ ሄ ካታማያ ሾዴቱኩኔ ላሌቱኩ» ጌስ።
\c 32
\s ኤርማሲ ሻሚዳ ጋዴ
\p
\v 1 ዩሁዳ ካዎ ሴዴቂያሲ ካዎቲዳ ታማን ላይን፥ ባቢሎኔ ካዎ ናቡካዳናጾሬይ ካዎቲዳ ታማኔ ኦስፑን ላይን ጎዳ ቃላይ ኤርማሳኮ ዪዴስ።\x - \xo 32፡1 \xo*\xt 2ካዎ 25፡1-7\xt*\x* 
\v 2 ሄ ዎዴ ባቢሎኔ ካዎ ኦላንቻቲ ዬሩሳላሜ ጊዶዳ፤ ናቤ ኤርማሲ ዩሁዳን ካዎቴ ኬ ዛጎን ዲዛ ዛቤታ ኬን ጎርዴቲ ኡቲዴስ።
\p
\v 3 ካሴ ዩሁዳ ካዎ ሴዴቂያሲ ኢዛ፥ «ኔ ሃይሳ ማላ ቲንቢቴ ዋና ዮታይ? ጎዳይ፥ ‹ታኒ ሃኖ ሃ ካታማዮ ባቢሎኔ ካዎ ኩሼን ኣ ኢማና፤ ኢዚካ ሃራና። 
\v 4 ዩሁዳ ካዎ ሴዴቂያሲ ባቢሎኔ ካዎስ ኣ ኢሜታና፤ ካዎዛ ሲንን ኤቂዲ ኢዛ ሃሳይሳና፤ ኢዚካ ባ ኣይፌራ ቤኣና ኣቲን ባቢሎኔታ ኩሼፔ ኬሲ ኤኪ ኣቴና። 
\v 5 ሄሳፌ ጉዬ ኢስቲ ሴዴቂያሳ ባቢሎኔ ኤፋና፤ ሂስቲን ታኒ ኢዛ ቦላ ፒርዳና ጋካናስ ኢዚ ሄን ዳና፤ ኢንቴ ባቢሎኔ ኣሳታራ ኦሌቲኮ ኢንቴስ ጊጌና› ጌስ ጋሳ» ጊዲ ሄሳ ጊሻስ ቃሺሲዴስ።
\p
\v 6 ኤርማሲካ ጎዳ ቃላይ ታኮ፥ 
\v 7 «ኔ ኣዋ ኢሻ ሻሎሜ ና ሃናምኤሌይ ኔኮ ዪዲ፥ ‹ኣናቶቴ ካታማን ዲዛ ታ ጋዴዛ ሻማ፤ ጋሶይካ ሻማናስ ዳቦቴ ጋዛይ ኔና› ጌስ» ጊሼ ዪዴስ።
\p
\v 8 ጎዳይ ጊዳ ማላ፥ ታ ኣዋ ኢሻ ና ሃናምኤሌይ ታኮ ዛቤቲ ናጊዛሶ ዛጎ ዪዲ፥ «ቢኒያሜ ቢታን ኣናቶቴን ዲዛ ታ ጋዴዛ ዎዛናስ ቤሲዛይ ኔና ጊዲዳ ጊሻስ ኔስ ቡዞ ሻማ» ጊዴስ፤ ሃይሲካ ጎዳ ቃላ ጊዲዳይሳ ኤራዲስ። 
\v 9 ሂስቲን ኣናቶቴ ካታማን ዲዛ ጋዴዛ ታ ኣዋ ኢሻ ና ሃናምኤሌፔ ታማኔ ላፑን ሳቂሌ ቢራ ኢማዳ ሻማዲስ። 
\v 10 ሂስታዳ ማርካታ ሲንን ዉሌ ዋራቃታ ፓራማዳ ጎርዳዲስ፤ ሚሻካ ሜዛኔን ዎዳ ቆዳ ኢማዲስ። 
\v 11 ሄሳፌ ጉዬ ኑ ሃሳዬቲዳ ፓቴ ዮኦታ ኦይኪዲ ጎርዴቲዳኔ ጎርዴቶንታ ዉሌ ዋራቃታ ታ ኩሼን ኤካዲስ። 
\v 12 ሂስታዳ ፓራሜቲዳ ዉሌ ዋራቃታ ታ ኣዋ ኢሻ ና ሃናምኤሌ ሲንን፥ ፓራሚዳ ማርካታ ሲንኒኔ ዛቤ ናጊዛ ኬ ዛጎን ኡቲዳ ኡባ ኣይሁዳታ ሲንን ማኢሴያ ና፥ ኔሪያ ና ባሮኬስ ኢማዲስ። 
\v 13 ሄሳፌ ጉዬ ኢስታ ሲንን ታኒ ባሮኬስ ኣዛዞ ኢማዲስ፤ 
\v 14 ኡባፌ ዎልቃማ ጎዳ ኢስራኤሌ ጾሳይ፥ «ጎርዴቲዳይሳኔ ጎርዴቶንታ ዲዛ ናምኡ ዉሌ ዋራቃታቲ ሞሬቶንታ ዲሼ ዳሮ ዎዴ ጋምኣና ማላ ኤፋዳ ኦቶ ጊዶን ዎ» ጌስ። 
\v 15 ኡባፌ ዎልቃማ ጎዳ ኢስራኤሌ ጾሳይ፥ «ሃ ቢታን ኣሳይ ኬ፥ ጎሻ ጋዴኔ ዎይኔ ቶኪዛሶሆ ዛሪ ሻማና» ጌስ።
\s ኤርማሳ ዎሳ
\p
\v 16 ታኒ ኔሪያ ና ባሮኬስ ጋዴዛ ሻሚዳ ዉሌ ዋራቃታ ኢሚዳፔ ጉዬ ጎዳ፥ 
\v 17 «ኣቤት ኡባፌ ዎልቃማ ጎዳዉ! ኔኒ ሳሎታኔ ሳኣ ኔ ጊታ ዎልቃኒኔ ሚጬቲዳ ኔ ኩሼን ሜዳሳ፤ ኔና ጾኒዛ ኢሲ ሚሺካ ዴና። 
\v 18 ኔኒ ኔ ሲቆኔ ኪያቴ ሺ ዬሌታ ጋካናስ ቤሳሳ፤ ጊዶ ኣቲን ኣዋታ ሞሮ ኢስታ ናይታ ቦላ ዛራሳ። ኣቤት ጊታኔ ዎልቃማ ጾሳዉ! ኔ ሱንይ ጎዳ ኡባፌ ዎልቃማ ጾሳ። 
\v 19 ኔ ሃልቾይ ጊታ፤ ኔኒ ኔ ኦሶን ሚኖ፤ ኔ ኣይፌቲ ኣሳ ኦጌ ኡባ ጼሌቴስ፤ ኢሳስ ኢሳስ ኢዛ ኦጌ ማላኔ ኢዛ ኦሶ ማላ ኔ ኢማና። 
\v 20 ኔኒ ጊብጼን ማላታታኔ ኦራ ሚሽ ኦዳሳ፤ ሃች ጋካናስካ ሃ ኦራ ኦሶታ ኢስራኤሌ ኣሳ ጊዶኒኔ ሃራ ካዎቴታ ኡባ ጊዶን ኦዛይሳ ኣጋቤካ። ሄሳፌ ዴንዲዳይሳን ኔ ሱንይ ኡባሶን ኤሬቲዴስ። 
\v 21 ኔኒ ማላታኒኔ ኦራ ሚሻን፥ ኔ ሚኖ ቄሴኒኔ ሚጬቲዳ ኩሼን ኬሂ ያሺሲዛ ፑላቴን ኔ ዴሬ ኢስራኤሌ ጊብጼፔ ኬሳዳሳ። 
\v 22 ኢስታ ኣዋታስ ኔኒ ኢማና ጋዳ ጫቂዳ ማኔ ኤሲ ኢዚፔ ጎጊዛ ሃኖ ሃ ቢታዮ ኔ ኢስታስ ኢማዳሳ። 
\v 23 ሂስቲን ኢስቲ ሄ ቢታ ጌሊዲ ላቲዳ፤ ጊዶ ኣቲን ኔስ ኣዛዜቲቤቴና፤ ኔ ዎጋካ ናጊቤቴና፤ ኢስቲ ኦና ማላ ኔኒ ኣዛዚዳይሳ ኡባካ ኦቤቴና፤ ሄሳ ጊሻስ ኔኒ ኢስታ ቦላ ሃ ቦሻ ኡባ ኤሃዳሳ።
\p
\v 24 «ሄኮ ባቢሎኔቲ ካታማዮ ኦይካናስ ጊምቤ ዩሾን ቢታ ዶሪዲ ጊዶዳ፤ ኦላፔ፥ ኮሻፔኔ ኢታ ሃርጌፌ ዴንዲዳይሳን ካታማያ ኢስታራ ኦሌቲዛ ባቢሎኔታ ኩሼን ኣ ኢሜታና ሃናዉስ፤ ኔኒ ሃኢ ቤኢዛይሳ ማላ ኔ ዮቲዳ ኡባይ ፖሌቲሼ ዴስ። 
\v 25 ኣቤት ኡባፌ ዎልቃማ ጎዳዉ! ካታማያ ባቢሎኔታስ ኣ ኢሜቴ ቦላ ዲሺን፥ ‹ጋዳ ቢራን ሻማ፤ ሻማሼ ማርካ ሲንን ሻማ› ጋሳ» ጋ ዎሳዲስ።
\p
\v 26 ሄሳፌ ጉዬ ጎዳ ቃላይ ኤርማሳኮ ዪዲ፥ 
\v 27 «ታኒ ጎዳይ ኣስ ኡባስ ጾሳ፤ ቱማፔ ታና ጾኒዛ ሚሺ ዲዜ?» ጊዴስ። 
\v 28 ሄሳ ጊሻስ ጎዳይ፥ «ታኒ ሃ ካታማዮ ባቢሎኔታሲኔ ባቢሎኔ ካዎ ናቡካዳናጾሬስ ኣ ኢማና፤ ኢስቲካ ኢዞ ኦይካና።\x - \xo 32፡28 \xo*\xt 2ካዎ 25፡1-11፤ 2ታሪ 36፡17-21\xt*\x* 
\v 29 ካታማዮ ኦሊዛ ባቢሎኔቲ ዪዲ ካታማይ ጊዶ ጌላና፤ ኢዞካ ታማን ጹጋና፤ ታና ሃንቄናስ ኣሳይ ባንታ ኬ ፖቄ ፖቄ ቦላ ባኣሌስ ኤጻኔ ጩኣሲዳሶሆታኔ ኤቃ ጾሳታስ ኡሻ ያርሾ ሺሺዳ ኬታ ኡባ ኢስቲ ጹጋና» ጌስ።
\p
\v 30 ጎዳይ፥ «ኢስራኤሌ ኣሳይኔ ዩሁዳ ኣሳይ ባንታ ዬላጋቴፌ ዶሚዲ ታ ሲንን ኢታ ሚሽ ኦዳፔ ኣቲን ሃራ ኢሲ ሎኦ ሚሽ ኦቤቴና፤ ኢስቲ ባንታ ኩሼን ኦዳ ኦሶን ታና ሃንቄዳ። 
\v 31 ሃና ካታማያ ኤቂዳሶፔ ሃች ጋካናስ ታኒ ኢዞ ታ ሲንፌ ይሳና ማላ ታ ሃንቆኔ ባሽ ዴንዱስ። 
\v 32 ኢስራኤሌ ኣሳይኔ ዩሁዳ ኣሳይ፥ ኢስታ ካዎቲኔ ሹሜቲ፥ ኢስታ ቄሴቲኔ ናቤቲ ኦዳ ኢታ ኦሶ ኡባን ታና ሃንቄዳ። 
\v 33 ኢስቲ ታስ ባንታ ሲን ኣጊዲ ዞኮ ዛሪዳ፤ ታኒ ኢስታ ዛራ ዛራዳ ታማርሲኮካ ኢስቲ ሲዬቴናኔ ሴራካ ኤኬቴና። 
\v 34 ታ ሱን ጼይጌቲዛ ኬ ሃራሲዛ ባንታ ኤቃ ጾሳታ ኤሲዲ ቱኒሲዳ።\x - \xo 32፡34 \xo*\xt 2ካዎ 23፡10፤ ኤር 7፡30-31፤ 19፡1-6\xt*\x* 
\v 35 ኢስቲ ባንታ ኣቱማ ናይታኔ ማጫ ናይታ ሞሎኬስ ያርሻናስ ሄኖሜ ና ሾባን ባኣሌስ ጎይኒዛ ቃሶሆታ ጊግሲዳ፤ ጊዶ ኣቲን ኢስቲ ዩሁዳ ናጋራ ኦሲሳናስ ሃይሳ ማላ ሃራሲዛ ኦሶ ኦና ማላ ታ ኢስታ ኣዛዛቤኬ፤ ታ ሄሳ ሙሌካ ቆፓቤኬ» ጊዴስ።\x - \xo 32፡35 \xo*\xt ሌዌ 18፡21፤ 2ካዎ 23፡10፤ ኤር 7፡31\xt*\x*
\s ኣማንዛ ሂዶታ
\p
\v 36 ኢንቴ፥ «ኦላን፥ ኮሻኒኔ ኢታ ሃርጌን ባቢሎኔ ካዎ ኩሼን ኣ ኢሜታና» ጊዳ ሃ ካታማይስ ጎዳ ኢስራኤሌ ጾሳይ፥ 
\v 37 «ታ ሚኖ ሃንቆኒኔ ጊታ ቦሻን ታ ኢስታ ጎዳ ዬዲዳ ቢታ ኡባፌ ሺሻና፤ ሂስታዳ ሃሶሆ ዛራ ኤሃዳ ሳሮቴን ታ ኢስታ ዎና። 
\v 38 ኢስቲ ታ ዴሬ ጊዳና፤ ታኒካ ኢስታ ጾስ ጊዳና። 
\v 39 ኢስታሲኔ ኢስታፌ ጉዬ ኢስታ ናይታስ ሎኦ ጊዳና ማላኔ ኢስቲ ታስ ኡባ ዎዴ ያያና ማላ ታኒ ኢስታስ ኢሲ ዎዚናኔ ኢሲ ቆፋ ኢማና። 
\v 40 ታኒ ኢስታራ ሜርናስ ጊዲዛ ጫቆ ጫቄታና፤ ታኒ ኢስታስ ሎኦ ሚሽ ኦሶ ኣጊኬ፤ ኢስቲ ታፔ ዎራ ሲሞንታ ማላኔ ኢስቲ ታስ ያያና ማላ ታ ኦና። 
\v 41 ታ ኢስታስ ሎኦ ኦዳ ኡፋዬታና፤ ቃሴ ታኒ ታ ኩሜ ዎዚናፔኔ ታ ኩሜ ሼምፖፌ ቱማፔ ሃ ቢታይ ቦላ ኢስታ ቶካና» ጌስ።
\p
\v 42 ቃሴካ ጎዳይ፥ «ታኒ ሃ ዴራ ቦላ ሃይሳ ዎልቃማ ባሽ ኡባ ኤሂዳ ማላ ታኒ ኢስታስ ሎኦ ኦና ጋዳ ጫቂዳ ቃላ ኡባ ፖላና። 
\v 43 ኢንቴካ፥ ‹ሃ ቢታያ ባቢሎኔታስ ኣ ኢሜቲዳ ጊሻስ ኢዚን ኣሲኔ ሜሄይ ባይንዳ ዲዛ ሜላ ቢታ› ኢንቴ ጊዳ ሃ ቢታይን ጋዴይ ዛልኤታና። 
\v 44 ታኒ ኢስታፌ ዲኤቲዳ ሚሽ ዛሪዛ ጊሻስ ቢኒያሜ ዴሬን፥ ዬሩሳላሜ ዩሾን ዲዛ ጉታታን፥ ዩሁዳ ካታማታኒኔ ጌዜ ቢታን ዲዛ ካታማታን፥ ኣርሼይ ዉሊዛ ባጋን ዲዛ ዙማታስ ዱጌ ባጋኒኔ ኔጌቤን ዲዛ ቢታይ ሳቂሌ ቢራን ሻሜታና፤ ዉሌዚ ፓራሜቲዲ ማርካታ ሲንን ጎርዴታና» ጌስ።
\c 33
\s ሲሞስ ዲዛ ሂዶታ
\p
\v 1 ኤርማሲ ዛቤ ናጊዛይታ ኪፊሌን ቃሾን ዲሺን ጎዳ ቃላይ ኢዛኮ ናምኣን ዪዴስ። 
\v 2 ሳኣ ሜዳይ፥ ጊግሲዳይኔ ዮች ዬጊዳ ጎዳይ፥ ኢዛስ ሱንይካ ጎዳ ጊዲዳይ፥ 
\v 3 «ኔ ሃ ታኮ ዋሳ፤ ታኒካ ኔስ ዛራና፤ ኔ ኤሮንታ ሚሽ ሄሲካ ዎልቃማኔ ፒልጊን ኤሬቶንታ ሚሽ ታ ኔስ ቆንጪሳና። 
\v 4 ጎዳ ኢስራኤሌ ጾሳይ ባቢሎኔታራ ዲዛ ኦላን ቢታ ዶሪዲ ማሻን ቆሂዛ ኦላ ቴቃናስ ላሌቲዳ ሃ ካታማይ ኬታሲኔ ዩሁዳ ካዎቴ ኬታ ጊሻስ፥ 
\v 5 ‹ሃይታንቲ ታ ሃንቆኒኔ ባሻን ዎዛ ኣሳታ ኣሃን ኩማና፤ ኢስታ ኢታቴ ጊሻስ ታኒ ታ ኣይፌሶ ሃ ካታማይፔ ሃራሶ ዛራና› ጌስ።
\p
\v 6 «ጊዶ ኣቲን ታኒ ኢዚስ ፓጻቴኔ ፓያቴ ዛራ ኢማና፤ ታ ዴሬዛካ ፓና፤ ታ ኢስታ ዳሮ ሳሮቴኒኔ ዎፓቴን ዎና። 
\v 7 ታኒ ዩሁዳ ኣሳኔ ኢስራኤሌ ኣሳ ዲኤቲ ኢስቲ ቢዳሶፔ ዛራና፤ ኢስቲ ካሴ ዲዛ ማላ ታ ኢስታ ሎኤ ዎና። 
\v 8 ኢስቲ ታ ቦላ ኦዳ ናጋራ ኡባፌ ታ ኢስታ ጌሻና፤ ኢስቲ ማካላቴን ታና ቆሂዳ ናጋራ ኡባ ታ ኢስታስ ኣቶ ጋና። 
\v 9 ሄሳፌ ጉዬ ሃና ሃ ካታማያ ታ ኢዚስ ኦዳ ሎኦ ሚሽ ኡባ ሲዪዛ ካዎቴታ ኡባ ሲንን ሳባስ፥ ኡፋይሳስ፥ ጋላታሲኔ ቦንቾስ ጊዳና፤ ታ ኢዚስ ኢሚዛ ዳሮ ዱሬቴፌኔ ሳሮቴፌ ዴንዲዳይሳን ኣሳይ ኢዚስ ያሻን ኮኮራና» ጌስ።
\p
\v 10 ጎዳይ፥ «ኢንቴ፥ ‹ሃና ሃ ሶሆያ ኣሲኔ ሜዶሳቲ ባይንዳሶ› ጌታ፤ ጊዶ ኣቲን ኣሲኔ ሜዶሳቲ ባይንዳ ቡላ ጊዲዳ ዩሁዳ ካታማታኒኔ ዬሩሳላሜ ኦጌታን ቃሴ ጬንጉርሲ ሴቴታና። 
\v 11 ኡፋይሳ ጬንጉርሲ፥ ሚሺራታ ጬንጉርሲ ሄሳካ ቡላቺዛይሳኔ ቡላቼቲዛሪ ቃላይ፥
\q1 « ‹ጎዳይ ኪያ፤
\q2 ኢዛ ማሮቴይካ ሜርናሳ፤
\q1 ጎዳ ኡባፌ ዎልቃማ
\q2 ጾሳ ጋላቲቴ›
\q3 ጊዛ ጋላታ ያርሾ ኤኪዲ
\q3 ጾሳ ኬ ዪዛ
\q3 ኣሳታ ጬንጉርሲ ሴቴታና፤
\q2 ሄ ቢታይፌ ዲኤቲዳ ሚሽ
\q2 ካሴ ዲዛሶታ ዛራና» ጌስ።\x - \xo 33፡11 \xo*\xt 1ታሪ 16፡34፤ 2ታሪ 5፡13፤ 7፡3፤ ኢዝ 3፡11፤ ማዛ 100፡5\xt*\x*
\p
\v 12 ጎዳይ ኡባፌ ዎልቃማ ጾሳይ፥ «ኣስ ጊዲን ዎይኮ ሜዶሳቲ ባይንዳ ቡላ ሶሆን ካታማታ ኡባን ሄንንቻቲ ባንታ ዉዴታ ሄሚዛሶሆ ዴማና። 
\v 13 ጌዜ ቢታን፥ ኣርሼይ ዉሊዛሶ ባጋን ዲዛ ዙማታ ጋርሳን፥ ኔጌቤን ዲዛ ካታማታን፥ ቢኒያሜ ቢታን፥ ዬሩሳላሜ ዩሾን ዲዛ ሄራታኒኔ ዩሁዳ ካታማታን ሄንንቻቲ ባንታ ዉዴ ሜሄታ ቆዳና።
\p
\v 14 «ታኒ ኢስራኤሌ ኣሳሲኔ ዩሁዳ ኣሳስ ኦና ጊዳ ሂዶታ ቃላ ፖላና ጋላሳቲ ያና።
\q1
\v 15 «ሄ ጋላሳታኒኔ ሄ ዎዴታን
\q2 ታኒ ዳዊቴ ዛሬፔ
\q2 ኢሲ ጺሎ ሃጋ ኣጪሳና፤
\q2 ኢዚ ሄ ቢታን ሱሬ ፒርዳኔ
\q3 ጺሎቴ ኦና።
\q1
\v 16 ሄ ዎዴ ዩሁዳ ኣሳይ ኣታና፤
\q2 ዬሩሳላሜ ኣሳይካ ሳሮን ዳና፤
\q2 ኢዛካ፥ ‹ጎዳይ ኑስ
\q2 ጺሎቴ› ጋና።\x - \xo 33፡14-16 \xo*\xt ኤር 23፡5-6\xt*\x*
\p
\v 17 «ጎዳይ፥ ‹ዳዊቴ ዜሬፌ ኢስራኤሌ ካዎቴ ኣራታን ኡቲዛ ኣሲ ሙሌካ ዬና።\x - \xo 33፡17 \xo*\xt 2ሳሜ 7፡12-16፤ 1ካዎ 2፡4፤ 1ታሪ 1፡11-14\xt*\x* 
\v 18 ሌዌ ዛሬፔ ጊዲዳ ቄሴታፔ ጹጌቲዛ ያርሾ፥ ካ ያርሾኔ ሃራ ያርሾ ሺሻናስ ኡባ ዎዴ ታ ሲንን ኤቂዛ ኣሲ ኢስታ ጋርሳፌ ዬና› » ጌስ።\x - \xo 33፡18 \xo*\xt ታይ 3፡5-10\xt*\x*
\p
\v 19 ጎዳ ቃላይ ኤርማሳኮ ዪዴስ። 
\v 20 ጎዳይ፥ «ታኒ ጋላሳሲኔ ኦማርሳስ ዎዳ ዎጋ ኢንቴ ላሊዲ ጋላሲኔ ኦማርሲ ባንታስ ዎዳ ዎጋን ኦንታ ማላ ታ ጫቆዛ ኢንቴ ላላና ዳንዳይኮ፥ 
\v 21 ሄ ዎዴ ታኒ ዳዊቴሲኔ ታስ ቄሴቴን ኦና ማላ ሌዌታስ ጌሊዳ ጫቆ ቃላ ላላና ዳንዳዬቴስ፤ ሄሳፌ ጉዬ ዳዊቴ ዛሬፔ ካዎቴ ኣራታን ኡታና ኣሲ ዴና። 
\v 22 ታኒ ታ ኦሳንቻ ዳዊቴ ዛሬታኔ ታ ሲንን ሃጋዚዛ ሌዌ ቆሞታ ቆዳይ ባይንዳ ሳሎ ጾሊንቴታ ማላኔ ማኪን ዉሮንታ ኣባ ሻሚንታ ማላ ዳርሳና» ጌስ።
\p
\v 23 ጎዳ ቃላይ ቃሴካ ኤርማሳኮ ዪዲ፥ 
\v 24 «ሃ ኣሳይ፥ ‹ጎዳይ ባ ዶሪዳ ናምኡ ካዎቴታ ዬጊ ኣጊዴስ› ጊ ሃሳይዛይሳ ኔ ኣኬካቤኪ? ኢስቲ ታ ዴራ ካዲ ካዎቴን ቆዲቤቴና» ጌስ። 
\v 25 ጎዳይ፥ «ጋላሳሲኔ ኦማርሳስ፥ ሳሎሲኔ ሳኣስ ዎጋ ኤሲዳይ ታና ጊዶንታ ኣጊኮ፥ 
\v 26 ታኒ ያቆቤ ዜሬታኔ ታ ኣይሌ ዳዊቴ ዜሬታ ኣጋጋና፤ ዳዊቴ ዛሬፔ ኣብራሃሜ፥ ዪሳቃኔ ያቆቤ ዛሬታ ቦላ ካዎታና ማላ ዶሪኬ፤ ታኒ ኢስታስ ቃታና፤ ኢስታፌ ዲኤቲዳይሳካ ኢስታስ ዛራና» ጌስ።
\c 34
\s ካዎ ሴዴቂያሳስ ዮቴቲዳ ሴራ ቃላ
\p
\v 1 ባቢሎኔ ካዎ ናቡካዳናጾሬይ፥ ኢዛ ኦላንቻቲ ኡባይኔ ኢዚ ሃሪዛ ካዎቴ ጋርሳን ዲዛ ካዎቲኔ ዴሬ ኡባይ፥ ዬሩሳላሜኔ ኢዚ ዩሾን ዲዛ ካታማታ ኡባ ኦሊዛ ዎዴ ሃ ቃላይ ጎዳፔ ኤርማሳኮ ዪዴስ።\x - \xo 34፡1 \xo*\xt 2ካዎ 25፡1-11፤ 2ታሪ 36፡17-21\xt*\x* 
\v 2 ጎዳ ኢስራኤሌ ጾሳይ፥ «ዩሁዳ ካዎ ሴዴቂያሳኮ ባዳ፥ ‹ታኒ ሃ ካታማዮ ባቢሎኔ ካዎ ኩሼን ኣ ኢማና፤ ኢዚካ ሃ ካታማዮ ታማን ጹጋና። 
\v 3 ኔኒ ኢዛ ኩሼፔ ኬሳ ኤካካ፤ ኔኒ ዲኤታናኔ ኢዛስ ኣ ኢሜታና፤ ኔኒ ኔ ኣይፌን ባቢሎኔ ካዎ ቤኣና፤ ኔናራ ኢዚ ቲራን ጋይቲ ሃሳያና፤ ሄሳፌ ጉዬ ኔኒ ባቢሎኔ ቢታ ባና።
\p
\v 4 « ‹ጊዶ ኣቲን ዩሁዳ ካዎ ሴዴቂያሳ! ጎዳ ቃላ ሲያ! ኔኒ ኦላን ሃይቃካ፤ 
\v 5 ኔኒ ሳሮ ሃይቆ ሃይቃና፤ ኔፔ ሲንን ካዎቲዳ ኔ ኣዋቲ ሃይቂን ኢስቲ ቦንቾስ ታማ ኤዳ ማላ ኔኒ ሞጌቲዛ ጋላሲካ ኢስቲ ኔ ቦንቾስ ታማ ኤና፤ ሂስቲዲ «ዎ! ዎ! ኑ ካዎዞ!» ጊዲ ኔስ ዬካና፤ ሃይሳ ሃ ቃላ ዮቲዳይ ታና ጎዳ› ጌስ ጋዳ ዮታ» ጊዴስ።
\p
\v 6 ሄሳፌ ጉዬ ናቤ ኤርማሲ ሃ ቲንቢቴ ኡባ ዩሁዳ ካዎ ሴዴቂያሳስ ዬሩሳላሜን ዮቲዴስ። 
\v 7 ሄ ዎዴ ባቢሎኔ ካዎ ኦላንቻቲ ዬሩሳላሜ ካታማኔ ዩሁዳን ኢስታ ዩሾይ ጊምቤቲ ኡቲን ኣቲዳ ላኪሼኔ ኣዜቄ ጌቴቲዛ ካታማታ ኦሊሼ ዴቴስ። ጊምቤቲ ኡቲዳ ካታማታፔ ኣቲዳይቲ ሃይታ ጻላ።
\s ኣይሌቴፌ ላኣ ኬስ
\p
\v 8 ካዎ ሴዴቂያሲ ኣይሌቴ ጋርሳን ዲዛይታ ላኣ ኬሳናስ ዬሩሳላሜን ዲዛ ኣሳ ኡባራ ጫቄቲዳፔ ጉዬ ጎዳ ቃላይ ኤርማሳኮ ዪዴስ። 
\v 9 ኢሶይ ኢሶይ ኢብራዌ ጊዲ ኡቲዲ ኣቱማ ኣስ ጊዲን ዎይኮ ማጫ ኣስ ጊዲን ኣይሌቴን ዲዛዴ ላኣ ዬዳና ቤሴስ፤ ኣይሁዳታፔ ኦኒካ ባ ኢሻ ኣይሌ ሂስቲ ሃራናስ ቤሴና። 
\v 10 ሃይሳ ሃ ጫቆ ቃላን ኩዪዳ ሹሜቲኔ ዴሬይ ኡባይ ባንታ ኣቱማኔ ማጫ ኣይሌታ ኣይሌቴፌ ኬሳናሲኔ ናምኣን ዛሪዲ ኣይሌቴን ሃሮንታ ኣጋናስ ቃላ ቃቺዳ። 
\v 11 ጊዶ ኣቲን ባንታ ቆፋ ላሚዲ ኣይሌቴፌ ላኣ ዬዲዳ ባንታ ኣቱማኔ ማጫ ኣይሌታ ዛሪዲ ኣይሌቴን ሃሪዳ።
\p
\v 12 ሄሳ ጊሻስ ጎዳ ቃላይ ኤርማሳኮ ዪዴስ። 
\v 13 ጎዳ ኢስራኤሌ ጾሳይ፥ «ታኒ ኢንቴ ኣዋታ ጊብጼፔ ኣይሌቴ ቢታፌ ኬሲዳ ዎዴ ኢስታራ፥ 
\v 14 ‹ባና ኣይሌቴስ ኣ ኢሚዳ ኢንቴ ዳቦ ኢብራዌታ ኡሱፑን ላይ ሃሪዳፔ ጉዬ ላፑን ላይን ላኣ ዬዶ› ጋዳ ጫቄዲስ፤ ጊዶ ኣቲን ኢንቴ ኣዋቲ ታ ጊዛዝ ሲዮንታ ኢጺዲ ባ ሃይ ሃራሶ ዬጊዳ። 
\v 15 ሃኢ ኢንቴ ማሮቴን ጌሊዲ ታ ሲንን ሎኦ ኦሶ ኦዴታ፤ ኢንቴ ኢሶይ ኢሶይ ኢብራዌ ጊዲዳ ኢንቴ ዳቦቲ ኣይሌቴፌ ላኣ ኬዛና ማላ ኣዋጂዴታ፤ ታ ሱንይ ኢዛን ጼይጌቲዛ ኬን ታ ሲንን ጫቆ ቃላ ጌሊዴታ። 
\v 16 ጊዶ ኣቲን ሃኢካ ኢንቴ ኢንቴ ቆፋ ላሚዲ ታ ሱን ቱኒሲዴታ። ኢንቴ ላኣ ዬዲዳ ኣቱማኔ ማጫ ኣይሌታ ዛሪዲ ኣይሌቴን ሃሪዴታ» ጌስ።
\p
\v 17 ሄሳ ጊሻስ ታኒ ጎዳይ፥ «ኢንቴ ታስ ኣዛዜቶንታ ኢጺዲ ኢንቴ ኢሻታኔ ኢንቴ ዳቦታ ኣይሌቴፌ ላኣ ዬዲዛ ኣዋጃ ኣዋጂቤኬታ፤ ቤኢቴ ታኒ ኢንቴ ቦላ፥ ‹ላኣ› ኣዋጃ ኣዋጃና፤ ሄሲካ ኦላን፥ ኢታ ሃርጌኒኔ ኮሻን ኢንቴ ኩንዳና ኣዋጃ፤ ታኒ ኢንቴና ሳኣ ቦላ ዲዛ ካዎቴቲ ሻጴቲዛ ሚሽ ኦና። 
\v 18 ታናራ ጫቄቲዳ ቃላ ሜንዳይታኔ ታ ሲንን ጫቄቲዳ ቃላ ፖሎንታ ኣሳታ ኢስቲ ማሪ ሹኪ ኢዛ ኣሾ ናምኡ ኬሲ ሻኪ ዎዲ ኢዛ ጊዶራ ኣዳይሳ ታኒካ ኢስታ ኦና። 
\v 19 ዩሁዳኔ ዬሩሳላሜ ካሌዛይታ፥ ካዎ ኬ ሹሜታ፥ ቄሴታኔ ማራ ኣሻ ጊዶራ ኣዳ ዴራ ኡባ፥ 
\v 20 ታኒ ኢስታ ሼምፖ ዎናስ ኮይዛ ኢስታ ሞርኬታ ኩሼን ኣ ኢማና፤ ኢስታ ኣሃይ ሳሎ ካፎታሲኔ ዶኣታስ ቁማ ጊዳና» ጌስ።
\p
\v 21 ጎዳይ፥ «ታኒ ዩሁዳ ካዎ ሴዴቂያሳኔ ኢዛ ሹሜታ ኢስቲ ዎና ኮይዛ ኢስታ ሞርኬታ ኩሼን ሄይቲካ ጉ ዎዴስ ኢንቴና ኦሎ ኣጊዳ ባቢሎኔ ካዎ ኦላንቻታ ኩሼን ኣ ኢማና። 
\v 22 ታኒ ኢስታ ኣዛዛና፤ ኢስቲ ሃ ካታማዮ ኦላና ማላ ታኒ ዛራ ኤሃና፤ ኢስቲካ ካታማዮ ኦሊ ኦይካናኔ ታማን ጹጋና፤ ታኒ ዩሁዳ ካታማታ ኣሲ ባይንዳሶ ቡላ ኬሳና» ጌስ።
\c 35
\s ኤሬካቤታ ኣማኔቴ
\p
\v 1 ዩሁዳ ካዎ ኢዮሲያሳ ና ኢዮኣቄሜ ካዎቴ ላይን ጎዳ ቃላይ ኤርማሳኮ ዪዲ፥\x - \xo 35፡1 \xo*\xt 2ካዎ 23፡36—24፡6፤ 2ታሪ 36፡5-7\xt*\x* 
\v 2 «ኤሬካቤታኮ ባዳ ኢስታ ሃ ጾሳ ኬ ኤካ ያ፤ ኢስታ ኪፊሌ ጌልዳ ኢስታስ ኡያናስ ዎይኔ ኡሹ ኢማ» ጊዴስ።
\p
\v 3 ሂስቲን ታኒ ባዳ ኤሬካቤ ና፥ ኤርማሳ ናዛ ያኢዛኔ፥ ኢዛ ኢሻታኔ ኢዛ ኣቱማ ናይታ ኡባኔ ኤሬካቤ ዛሬታ ኡባ ጼይጋዲስ። 
\v 4 ኢስታ ጾሳ ኬ ኤሃዳ ሃናኔ ናይታ ኪፊሌ ጌልዲስ፤ ሃናኔ ኣዋ ጌዴሊያይ ጾሳ ኣሳ፤ ሄ ኪፊሌዚ ፔንጌ ናጊዛ ሻሎሜ ና ማኢሳያ ኪፊሌፔ ቦላ ባጋራ ሹሜታ ኪፊሌ ማታን ዴስ። 
\v 5 ሄሳፌ ጉዬ ታኒ ኤሬካቤታ ሲንን ዎይኔ ኡሺ ኩሚዳ ኦቶታኔ ዋንጫታ ዎዳ፥ «ሃይሳ ዎይኔ ኡሻ ኡዪቴ» ጋዲስ።
\p
\v 6 ጊዶ ኣቲን ኢስቲ ዛሪዲ፥ «ኑኒ ዎይኔ ኡሹ ኡዮኮ፤ ኑ ኣዋ ኤሬካቤ ና ኢዮናዳቤይ ኑና፥ ‹ኢንቴካ ኢንቴ ናይቲካ ዎይኔ ኡሹ ሜርናስ ኡዮፒቴ፤ 
\v 7 ኬ ኬጾፍቴ፤ ካ ዜሮፒቴ፤ ዎይኔ ቶኮፍቴ፤ ኡባቶ ዱንካኔን ዲቴ፤ ሃይታፔ ኢሲናካ ኢንቴስ ዱፑ። ሄሳ ኢንቴ ኦኮ ኢንቴ ኢማቴ ዲዛ ቢታን ዳሮ ላይ ዳና› ጊዴስ። 
\v 8 ኑ ኣዋ ኤሬካቤ ና ኢዮናዳቤይ ኑና ኣዛዚዳ ኡባ ኑኒ ፖሊዶስ፤ ኑኒኔ ኑ ማቼቲ፥ ኑ ኣቱማ ናይቲኔ ኑ ማጫ ናይቲ ዎይኔ ኡሹ ኡዪ ኤሮኮ። 
\v 9 ኑ ኢዛን ዳና ኬካ ኬጺቤኮ፤ ዎይኔ ቶኪዛ ጋዴይ፥ ጎሻ ጋዴይ፥ ዜሬ ካካ ኑስ ዴና። 
\v 10 ኑኒ ዱንካኔ ጊዶን ዴኢዶስ፤ ኑ ኣዋ ኢዮናዳቤይ ኑና ኣዛዚዳ ኡባ ኑ ናጊዶስ። 
\v 11 ጊዶ ኣቲን ባቢሎኔ ካዎ ናቡካዳናጾሬይ ሃ ቢታዮ ዎራጂዳ ዎዴ፥ ‹ሃ ዪቴ ባቢሎኔ ኦላንቻታፔኔ ኣራሜ ኦላንቻታፔ ባቃቲ ኣታናስ ዬሩሳላሜ ቦስ› ጊዶስ፤ ሄሳ ጊሻስ ኑ ዬሩሳላሜን ኡቲዶስ» ጊዳ።
\p
\v 12 ሄሳፌ ጉዬ ጎዳ ቃላይ ኤርማሳኮ ዪዴስ። 
\v 13 ኡባፌ ዎልቃማ ጎዳ ኢስራኤሌ ጾሳይ፥ «ባዳ ዩሁዳ ኣሳሲኔ ዬሩሳላሜ ኣሳስ፥ ‹ታ ቃላ ናጋና ማላ ሃይሳፌ ታማሬኬቲ?› ጋ ዮታ። 
\v 14 ኤሬካቤ ና ኢዮናዳቤይ ባ ናይታ ዎይኔ ኡሹ ኡዮንታ ማላ ኣዛዚዴስ፤ ሄ ኣዛዞይካ ናጌቲዴስ፤ ኢስቲ ባንታ ኣዋ ኣዛዞ ናጊዳ ጊሻስ ሃች ጋካናስ ዎይኔ ኡሹ ኡዬቴና፤ ኢንቴ ጊዲኮ ታ ኢንቴስ ዛራ ዛራዳ ዮቲንካ ኣዛዜቲቤኬታ። 
\v 15 ታስ ኦሳንቻ ጊዲዳ ናቤታ ዛራ ዛራ ኢንቴኮ ኪታዲስ፤ ሂስታዳ፥ ‹ኢንቴ ኡባይካ ኢንቴ ኢታ ኦጌፔ ሃኢ ሲሚቴ፤ ኢንቴ ኦሶካ ሎኤቴ፤ ኤቃ ጾሳታስ ጎይኖፍቴኔ ኦፍቴ። ሂስቲኮ፥ ታኒ ጎዳይ ኢንቴሲኔ ኢንቴ ኣዋታስ ኢሚዳ ቢታን ኢንቴ ዳና› ጋዲስ። ኢንቴ ጊዲኮ ኢንቴ ሃይ ታኮ ዬጊዲ ሲዪቤኬታ። 
\v 16 ኤሬካቤ ና ኢዮናዳቤ ዜሬቲ ኢስታ ኣዋይ ኢስታ ኣዛዚዳ ኣዛዞ ፖሊዳ፤ ጊዶ ኣቲን ሃ ኣሳይ ታስ ኣዛዜቲቤና» ጌስ።
\p
\v 17 ሄሳ ጊሻስ ኡባፌ ዎልቃማ ጎዳ ኢስራኤሌ ጾሳይ፥ «ቤኢቴ፤ ታኒ ዩሁዳ ኣሳ ቦላኔ ዬሩሳላሜን ዲዛይታ ኡባ ቦላ ኤሃና ጊዳ ኢታ ሚሽ ታ ኤሃና፤ ጋሶይካ ታ ኢስታስ ዮቲን ሲዪቤቴና፤ ታ ኢስታ ጼይጊን ኢስቲ ታስ ኮዪቤቴና» ጌስ።
\p
\v 18 ሄሳፌ ጉዬ ኤርማሲ ኤሬካቤ ዜሬታስ፥ «ኡባፌ ዎልቃማ ጎዳ ኢስራኤሌ ጾሳይ ኢንቴና፥ ‹ኢንቴ ኢንቴ ኣዋ ኢዮናዳቤስ ኣዛዜቲዳ ጊሻስ፥ ኢዛ ዎጋ ካሊዳ ጊሻሲኔ ኢዚ ኣዛዚዳ ሚሽ ኡባካ ፖሊዳ ጊሻስ፥ 
\v 19 ኤሬካቤ ና ኢዮናዳቤይ ታስ ጎዳስ ኦዛ ኣቱማ ኣሲ ኣይዴካ ዬና› ጌስ» ጊዴስ።
\c 36
\s ባሮኬይ ዴራስ ናባቢዳ ጻ ማጻፋ
\p
\v 1 ዩሁዳ ካዎ ኢዮሲያሳ ና ኢዮኣቄሜይ ካዎቲዳ ኦይዳን ላይን፥ ጎዳ ቃላይ ኤርማሳኮ ዪዲ፥\x - \xo 36፡1 \xo*\xt 2ካዎ 24፡1፤ 2ታሪ 36፡5-7፤ ዳኔ 1፡1-2\xt*\x* 
\v 2 «ጻ ማጻፋ ኤካዳ ታኒ ኢዮሲያሳ ካዎቴ ዎዴፔ ዶማዳ ታ ኔስ ዮቶ ኦይኮሶፌ ሃች ጋካናስ ኢስራኤሌ ቦላ፥ ዩሁዳ ቦላኔ ሃራ ካዎቴታ ኡባ ቦላ ሃሳይዳ ቃላ ኡባ ጻፋ። 
\v 3 ታኒ ዩሁዳ ኣሳ ቦላ ኤሃና ጋዳ ሃልቺዳ ቦሻ ኡባ ኣሳይ ሲዪዲ ኢሶይ ኢሶይ ባ ቢዛ ኢታ ኦጌፔ ሲማናኮ ኦኔ ኤሪዛይ? ታኒካ ኢስታ ቆሆኔ ኢስታ ናጋራ ኣቶ ጋና» ጊዴስ።
\p
\v 4 ሄሳ ጊሻስ ኤርማሲ ኔሪያ ና ባሮኬ ጼይጊዴስ፤ ሂስቲዲ ጎዳይ ኢዛስ ዮቲዳይሳ ኡባ ባሮኬስ ዮቲን ኢዚ ጻ ማጻፋን ጻፊዴስ። 
\v 5 ሄሳፌ ጉዬ ኤርማሲ ባሮኬስ፥ «ታኒ ጎዳ ኬ ጌሎንታ ማላ ዲጌቲዳ ጊሻስ ጌላና ዳንዳይኬ። 
\v 6 ሄሳ ጊሻስ ኔኒ ኣሳይ ጾሚዛ ጋላስ ጎዳ ኬ ባዳ፥ ታኒ ዮቲን፥ ኔኒ ጻ ማጻፋን ጻፊዳ ጎዳ ቃላ ኢስታስ ናባባ፤ ባንታ ካታማታፔ ዪዳ ዩሁዳ ኣስ ኡባሲካ ናባባ። 
\v 7 ሃይሳ ዴራ ቦላ ጎዳይ ዮቲዳ ሃንቆይኔ ቦሻይ ዴጾ ጊዲዳ ጊሻስ ኢስታፌ ኢሶይ ኢሶይ ባ ናጋራ ጎዳ ሲንን ፓጺዲ ባንታ ኢታ ኦጌፔ ኢስቲ ሲማናኮ ኦኔ ኤሪዛይ?» ጊዴስ።
\p
\v 8 ኔሪያ ና ባሮኬይ ናቤ ኤርማሲ ኢዛስ ዮቲዳይሳ ኡባ ፖሊዴስ፤ ጎዳ ኬን ጎዳ ቃላ ጻ ማጻፋፔ ናባቢዴስ። 
\v 9 ዩሁዳ ካዎ ኢዮሲያሳ ና ኢዮኣቄሜይ ካዎቲዳ ኢቻሻን ላይን፥ ኡዱፉን ኣጊናን፥ ዬሩሳላሜን ዲዛ ኣስ ኡባሲኔ ዩሁዳ ካታማታፔ ዪዳ ኣሳስ ጎዳ ሲንን ጾማና ማላ ኣዋጂዳ። 
\v 10 ባሮኬይ ጻ ማጻፋን ጻፌቲዳ ኤርማሳ ቃላ ጎዳ ኬፌ ፑዴ ባጋን ዲዛ ዛጎን፥ «ኦራ ፔንጌ» ጌቴቲዛ ጾሳ ኬ ፔንጌ ኣቻን ዲዛ ሳፋኔ ና ጻፌ ጋማሪያ ኪፊሌን ኤቂዲ ዴሬ ኡባስ ናባቢዴስ።
\p
\v 11 ሳፋኔ ናዛ ጋማሪያ ና ሚኪያሲ ጻ ማጻፋፔ ናባቤቲዳ ጎዳ ቃላ ኡባ ሲዪዲ፥ 
\v 12 ካዎቴ ኬን ጻፌዛ ኪፊሌ ቢዴስ፤ ሹሜቲ ኡባይ ጻፌ ኤልሻማይ፥ ሻማኤ ና ዳላያይ፥ ኣኪቦሬ ና ኤልናታኔይ፥ ሳፋኔ ና ጋማሪያይ፥ ሃናኒያ ና ሴዴቂያሲኔ ሃራ ሹሜቲ ኡባይ ሄን ኡቲዳ። 
\v 13 ባሮኬይ ዴራስ ጻ ማጻፋፔ ናባቢሺን ሲዪዳ ቃላ ኡባ ሚኪያሲ ኢስታስ ዮቲዳፔ ጉዬ፥ 
\v 14 ሹሜቲ ኡባይ ኩሼ ና፥ ሼሌሚያ ና፥ ናታኒያ ና ዩሁዳ፥ «ዴራስ ኔ ናባቢዳ ጻ ማጻፋ ኤካዳ ያ» ጊዲ ባሮኬስ ኪታ ዬዲዳ፤ ኔሪያ ና ባሮኬይ ጻ ማጻፋ ኤኪዲ ኢስታኮ ዪዴስ፤ 
\v 15 ኢስቲካ ኢዛ፥ «ኣኔ ኡታዳ ኑስ ማጻፋ ናባባ» ጊዳ። ባሮኬይካ ኢስታስ ናባቢዴስ። 
\v 16 ኢስቲካ ቃላ ኡባ ሲዪዲ ባ ጋርሳን ኢሶይ ኢሳ ያሻቴን ጼሊዲ ባሮኬስ ሃይሳ ሃ ቃላ ኡባ፥ «ኑኒ ካዎዛስ ዮታናስ ቤሴስ» ጊዳ። 
\v 17 ቃሴካ ዛሪዲ፥ «ኔኒ ሃ ቃላ ኡባ ዎስታ ጻፊዳኮ ኑስ ዮታ፤ ኤርማሲ ባ ዶናን ዮቲን ጻፋዲ?» ጊዲ ባሮኬ ኦይቺዳ።
\p
\v 18 ባሮኬይካ፥ «ኤ፥ ሃ ቃላ ኡባ ኤርማሲ ባ ዶናፔ ታስ ዮቲዴስ፤ ታኒካ ቃላሜን ጻ ማጻፋን ጻፋዲስ» ጊ ዛሪዴስ።
\p
\v 19 ሹሜቲ ባሮኬ፥ «ኔኒኔ ኤርማሲ ቢዲ ቆቴቲቴ፤ ኢንቴ ኣዋን ዲዛኮ ኦኒካ ኢንቴና ኤሮፖ» ጊዳ።
\s ጻ ማጻፋዛ ጹጌቴ
\p
\v 20 ሹሜቲ ጻ ማጻፋዛ ጻፌ ኤልሻማ ኪፊሌን ዎዳፔ ጉዬ ካዎዚ ዲዛ ዛጎ ቢዲ ኢዛስ ሃኒዳ ኡባ ዮቲዳ። 
\v 21 ሂስቲን ሄ ማጻፋ ኤሃና ማላ ካዎዚ ዩሁዳ ኪቲዴስ፤ ዩሁዳይካ ጻ ማጻፋ ኤልሻማ ኪፊሌፔ ኤሂዲ ካዎዛሲኔ ኢዛ ዩሾን ኤቂዳ ሹሜታስ ናባቢዴስ። 
\v 22 ኡዱፉን ኣጊናን ሳኣይ ባልጎ ጊዲዳ ጊሻስ ካዎዚ ባልጎ ኢዛን ጋምኢዛ ኬን ዴስ፤ ሄ ዎዴ ኢዛ ሲንን ጮጬ ታማይ ኤጺሼ ዴስ። 
\v 23 ዩሁዳይ ሄ ዎይኮ ኦይዱ ሶሆታ ናባቢዳፔ ጉዬ ካዎዚ ሄ ሶሆታ ጻ ማጻፋፔ ጻፌዛ ማጋላን ቃንጺ ቃንጺዲ ኩሜ ማጻፋይ ጹጌቲ ዉራና ጋካናስ ታማዛን ዬጊዴስ። 
\v 24 ካዎዛ ጊዲን ዎይኮ ሄ ቃላ ሲዪዳ ሹሜቲ ኡባይ ኣይኮካ ያዪቤቴና፤ ባንታ ማይኦካ ዳኪቤቴና። 
\v 25 ኤልናታኔይ፥ ዳላያይኔ ጋማሪያይ ካዎዚ ጻ ማጻፋ ታማን ጹጎንታ ማላ ዎሲንካ ኢዚ ኢስታ ዎሳ ሲዪቤና። 
\v 26 ሄሳፌካ ቦላራ ጻፌ ባሮኬኔ ናቤ ኤርማሳ ኦይኪ ቃቻና ማላ ካዎዛ ና ዬራሂምኤሌ፥ ኣዛሪኤሌ ና ሳራያኔ ኣብዲኤሌ ና ሼሌሚያ ኣዛዚዴስ፤ ጊዶ ኣቲን ጎዳይ ኢስታ ቆቲዴስ።
\s ኤርማሲ ናምኣን ዛሪ ጻፊዳ ማጻፋ
\p
\v 27 ኤርማሲ ዮቲሺን ባሮኬይ ጻፊዳ ጻ ማጻፋ ካዎዚ ጹጊዳፔ ጉዬ ጎዳ ቃላይ ኤርማሳኮ ዪዲ፥ 
\v 28 «ሃኢካ ሃራ ጻ ማጻፋ ኤካዳ ዩሁዳ ካዎ ኢዮኣቄሜይ ካሴ ጹጊዳ ጻ ማጻፋ ጊዶን ዲዛ ቃላ ኡባ ጻፋ። 
\v 29 ቃሴ ዩሁዳ ካዎ ኢዮኣቄሜስ፥ ‹ባቢሎኔ ካዎይ ቱማፔ ዪዲ ሃ ቢታ ይሳና፤ ኢዚን ዲዛ ኣሳኔ ሜሄ ዉርሳና ጋዳ ኣይስ ጻፋዲ?› ጋዳ ጻ ማጻፋ ጹጋዳሳ» ጌስ ጎዳይ ጋዳ ዮታ። 
\v 30 ሄሳ ጊሻስ ጎዳይ ዩሁዳ ካዎ ኢዮኣቄሜ ጊሻስ፥ «ዳዊቴ ካዎቴ ኣራታን ኡታናይ ኢዛ ዛሬፔ ቤቴና፤ ኢዛ ኣሃይካ ጋላሳ ኣዋ ሴላሲኔ ኦማርሳ ኬንቾስ ዬጌቲ ኣታና። 
\v 31 ኢዛኔ ኢዛ ናይታ፥ ኢዛ ሹሜታ ኢስታ ኢታቴ ጊሻስ ታ ኢስታ ቃጻያና፤ ታ ጊዛዝ ኢስቲ ሲዮንታ ኢጺዳ ጊሻስ ታ ኢስታ ቦላ ኤሃና ጊዳ ባሽ ኡባ ኢስታ ቦላ፥ ዬሩሳላሜኒኔ ዩሁዳን ዲዛ ኣሳ ቦላ ኤሃና» ጌስ።
\p
\v 32 ሄሳፌ ጉዬ ኤርማሲ ሃራ ጻ ማጻፋ ኤኪዲ ኔሪያ ና ጻፌ ባሮኬስ ኢሚዴስ፤ ሂስቲን ባሮኬይ ዩሁዳ ካዎ ኢዮኣቄሜይ ታማን ጹጊዳ ጻ ማጻፋ ቃላ ኡባ ኤርማሲ ኢዛስ ዶናን ዮቲን ጻፊዴስ። ቃሴ ኤርማሲ ሄሳ ሚሳቲዛ ሃራ ቃላካ ጉጂን ኡባካ ባሮኬይ ጻፊዴስ።
\c 37
\s ኤርማሳኔ ካዎ ሴዴቂያሳ
\p
\v 1 ባቢሎኔ ካዎ ናቡካዳናጾሬይ ኢዮኣቄሜ ና ኢዮኣኪኔ ሶሆን ኢዮሲያሳ ና ሴዴቂያሳ ዩሁዳ ቢታን ካዎዴስ።\x - \xo 37፡1 \xo*\xt 2ካዎ 24፡17፤ 2ታሪ 36፡10\xt*\x* 
\v 2 ጊዶ ኣቲን ሴዴቂያሲ፥ ኢዛ ሹሜቲኔ ዴሬ ኣሳይ ኡባይ ጎዳይ ናቤ ኤርማሳ ባጋራ ዮቲዳ ቃላስ ኣዛዜቲቤቴና።
\p
\v 3 ካዎ ሴዴቂያሲ፥ ሼሌሚያ ና ዬካሌኔ ማኢሳያ ና ቄሴ ሶፎናሳ ናቤ ኤርማሳኮ፥ «ጎዳ ኑ ጾሳ ኑስ ዎሳ» ጊዲ ኪቲዴስ። 
\v 4 ሄ ዎዴ ኤርማሲ ቡሮ ቃሾ ኬ ጌሎንታ ዲዛ ጊሻስ ባ ሼኔ ማላ ሲሜሬቲሼ ዴስ። 
\v 5 ጊብጼ ካዎ ኦላንቻቲ ጊብጼፔ ኬዚዲ ዪዛይሳ ዬሩሳላሜ ጊዶዳ ባቢሎኔ ኦላንቻቲ ሲዪዳ ዎዴ ኢስቲ ዬሩሳላሜፔ ኣጊዲ ጉዬ ሲሚዳ።
\p
\v 6 ሄሳፌ ጉዬ ጎዳ ቃላይ ናቤ ኤርማሳኮ ዪዲ፥ 
\v 7 ጎዳ ኢስራኤሌ ጾሳይ፥ «ታና ኢንቴ ኦይቻና ማላ ኢንቴና ኪቲዳ ዩሁዳ ካዎስ፥ ‹ቤኢቴ፥ ኢንቴና ማዳናስ ኬዚዳ ጊብጼ ካዎ ኦላንቻቲ ባንታ ቢታ ጉዬ ሲሚ ባና። 
\v 8 ባቢሎኔ ኦላንቻቲካ ሲሚ ዪዲ ሃኖ ሃ ካታማዮ ኦሊ ኦይካናኔ ኢዞ ጹጋና› ጊቴ» ጌስ።
\p
\v 9 ጎዳይ፥ « ‹ባቢሎኔ ኦላንቻቲ ኑና ቱማፔ ኣጊ ቢዳ› ጊዲ ቆፖፍቴ፤ ኢስቲ ኣጊ ቦንታ ጊሻስ ኢንቴና ኢንቴርካ ባሌፍቴ። 
\v 10 ኢንቴናራ ኦሌቲዛ ባቢሎኔ ኦላንቻታ ኢንቴ ጾኒን ኢስታ ዱንካኔ ጊዶን ማዱንጺዳ ኣሲ ጻላ ኣቲኮካ ሄይቲ ዪዲ ሃኖ ሃ ካታማዮ ጹጋና» ጌስ።
\s ኤርማሳ ቃሼቴ
\p
\v 11 ባቢሎኔ ኦላንቻቲ ጊብጼ ካዎ ኦላንቻታ ጋሶን ዬሩሳላሜ ዬጊ ኬዚዳፔ ጉዬ፥ 
\v 12 ሄ ዎዴ ኤርማሲ ዴራ ጊዶን ባና ጋኪዛ ጺንጾ ኤካናስ ቢኒያሜ ቢታ ባናስ ዬሩሳላሜፔ ዴንዲዴስ። 
\v 13 ጊዶ ኣቲን ኢዚ ቢዲ ቢኒያሜ ፔንጌ ጋኪሺን ዛቤታ ሃላቃ ሃናኒያ ናዛ ሼሌሚያ ና ዪሪያይ ኢዛ፥ «ኔኒ ዴራ ካዳዳ ባቢሎኔ ኣሳኮ ባና ጋሳ!» ጊዲ ኦይኪዴስ።
\p
\v 14 ኤርማሲካ፥ «ኔኒ ጊዛይሲ ዎርዶ፤ ታኒ ካዳዳ ባቢሎኔ ቢዛ ኣስ ጊዲኬ» ጊዴስ፤ ጊዶ ኣቲን ዪሪያይ ኢዚ ጊዛይሳ ሲዮንታ ኢጺዲ ኤርማሳ ኦይኪ ኤኪዲ ሹሜታኮ ኤፊዴስ። 
\v 15 ሹሜቲካ ኬሂ ሃንቄቲዲ ኤርማሳ ዋዳ፤ ሄሳፌ ጉዬ ኢስቲ ቃሾ ኬ ሂስቲዳ ጻፌ ዮናታኔ ኬን ኤፊ ቃቺዳ።
\p
\v 16 ኤርማሲ ሄን ቢታ ጋርሳን ዲዛ ቃሾ ኬን ዳሮ ዎዴ ጋምኢዴስ። 
\v 17 ሄሳፌ ጉዬ ካዎ ሴዴቂያሲ ኣስ ኪቲዲ ኤርማሳ ባ ዲዛሶ ካዎ ኬ ጼይጊ ኤሂሲዴስ፤ ኢዛ ጻላ ኤፊዲ፥ «ጎዳፔ ዪዳ ቃላይ ኔኮን ዲዜ?» ጊ ኦይቺዴስ። ኤርማሲ ዛሪዲ፥ «ኤ ዴስ፤ ኔኒ ባቢሎኔ ካዎ ኩሼን ኣ ኢሜታና» ጊዴስ።
\p
\v 18 ቃሴካ ኤርማሲ ካዎ ሴዴቂያሳስ፥ «ኢንቴ ታና ቃሾ ኬን ዬጋናስ ታኒ ኢንቴ ቦላ፥ ኢንቴስ ኦዛ ሹሜታ ቦላ ዎይኮ ሃ ኣሳ ቦላ ኣይ ሞሮ ኦዲና? 
\v 19 ‹ኣኔ ባቢሎኔ ካዎይ ኢንቴናኔ ሃ ቢታዮ ዪዲ ኦሌና› ጊዲ ኢንቴስ ቲንቢቴ ዮቲዳ ናቤቲ ሃኢ ኣዋን ዲዞ? 
\v 20 ሄሳ ጊሻስ ታ ጎዳዉ ካዎ! ታ ጊዛዝ ኤዝጋ! ታ ኔና ዎሳይስ። ታኒ ሄን ሃይቆንታ ማላ ጻፌ ዮናታኔ ሶ ዛራ ዬዶፋ» ጊዴስ።
\p
\v 21 ካዎ ሴዴቂያሲ ዛቤ ናጊዛይታ ዛጎን ዳና ማላኔ ሄ ካታማይን ዲዛ ካ ዉራናሼ ጋካናስ ካ ካዛይታ ሄራፔ ጋላስ ጋላስ ኢሲ ኢሲ ቡዴናይ ኢዛስ ኢሜታና ማላ ኣዛዚዴስ፤ ሄሳ ጊሻስ ኤርማሲ ዛቤ ናጊዛይታ ዛጎን ዴኢዴስ።
\c 38
\s ኦላን ኤርማሳ ዬጌቴ
\p
\v 1 ማታኔ ና ሻፋጺያይ፥ ፓሽኩሬ ና ጎዶሊያሳይ፥ ሼሌሚያ ና ዬካሌይኔ ማልኪያ ና ፓሽኩሬይ ኤርማሲ ኣስ ኡባስ ዮቲዳ ቃላታ ሲዪዳ። 
\v 2 ጎዳይ፥ «ሃኖ ካታማይን ኣቲዛ ኦኒካ ኦላን፥ ኮሻኒኔ ኢታ ሃርጌን ሃይቃና፤ ጊዶ ኣቲን ባቢሎኔታኮ ቢዛ ኦኒካ ሃይቄና፤ ባ ሁኤ ኣሻና፤ ፓጻካ ዳና» ጌስ። 
\v 3 ቃሴካ ጎዳይ፥ «ሃና ካታማያ ቱማፔ ባቢሎኔ ካዎ ኦላንቻታ ኩሼን ኣ ኢሜታና፤ ኢስቲካ ኢዞ ሃራና» ጊዴስ።
\p
\v 4 ሄሳፌ ጉዬ ሹሜቲ ካዎዛኮ ቢዲ፥ «ሃይሲ ኣዴዚ ሃ ካታማይን ኣቲዳ ኦላንቻታኔ ዴራ ሂዶታ ቃንጺሲዛዴ ጊዲዳ ጊሻስ ኢዚ ሃይቃናስ ቤሴስ፤ ሃይሲ ኣዴዚ ዴሬይ ያና ማላ ኮዬስ ኣቲን ዴራስ ሎኦ ሚሽ ኮዬና» ጊዳ።
\p
\v 5 ካዎ ሴዴቂያሲ ዛሪዲ፥ «ኢዚ ኢንቴ ኩሼን ዴስ፤ ካዎዚ ኢንቴናራ ኤቄቲዲ ኣይኮካ ኦና ዳንዳዬና» ጊዴስ።
\p
\v 6 ሂስቲን ኢስቲ ኤርማሳ ካዎ ኬ ናጊዛ ዛቤታ ዱቡሻን ዲዛ ካዎ ና ማልኪያ ሃ ኦላን ዬጊዳ፤ ኢስቲ ኢዛ ዎዶሮራ ዱጌ ኦላን ዎዳ፤ ሄ ዎዴ ሄ ኦላዛን ኡርቃፌ ኣቲን ሃ ዴና፤ ኤርማሲ ሄ ኡርቃን ሚቴቲዴስ።
\p
\v 7 ጊዶ ኣቲን ቶጵያ ኣስ ጊዲዳ ካዎ ኬን ኦዛ ኣቢሜሌኬ ጌቴቲዛ ኢሲ ጉንዱላይ ኤርማሲ ኦላን ዬጌቲዳይሳ ሲዪዴስ፤ ሄ ዎዴ ካዎይ ቢኒያሜ ፔንጌን ኡቲ ዲሺን፥ 
\v 8 ኣቢሜሌኬይ ካዎ ኬፌ ኬዚዲ፥ 
\v 9 «ታ ጎዳዉ ካዎ! ሃይቲ ኣሳቲ ናቤ ኤርማሳ ቦላ ኬሂ ኢታ ሚሽ ኦዳ፤ ሃኖ ካታማይን ካ ይዳ ዎዴን ኢዚ ኮሻን ሃይቃና ማላ ኦላን ዬጊዳ» ጊዴስ።
\p
\v 10 ካዎዚካ ቶጵያ ኣስ ኣቢሜሌኬስ፥ «ሄ ታሙ ኣስ ኔናራ ኤካ ባዳ ኤርማሲ ሃይቆንታ ዲሺን ኦላፌ ኬሳ» ጊ ኣዛዚዴስ።
\p
\v 11 ሂስቲን ኣቢሜሌኬይ ኣሳ ባናራ ኤኪዲ ካዎቴ ሚንጃ ኬን ጋርሳ ባጋራ ዲዛ ኪፊላኮ ቢዴስ፤ ሄፔ ጬጋ ጫርቃኔ ጬጋ ማይኦ ኤኪ ዎዶሮን ቃቺዲ ዱጌ ኤርማሳስ ዬጊዴስ። 
\v 12 ቶጵያ ኣስ ኣቢሜሌኬይ ኤርማሳ ኦላ ጊዶ ዱጌ ጼይጊዲ፥ «ኔና ቁምኦንታ ማላ ሃይሳ ጬጋ ጫርቃይኔ ጬጋ ማይኦይ ኢዛ ቦላ ጻጼቲዳ ዎዶሮዛ ኔ ሾጳ ጊዶ ጌል» ጊዴስ። ኤርማሲካ ኢዚ ጎይሳ ኦዴስ። 
\v 13 ሂስቲን ሄ ዎዶሮዛን ኢዛ ኦላፌ ኬሲዳ፤ ኤርማሲካ ዛቤታ ዛጎን ጋምኢዴስ።
\s ሴዴቂያሲ ኤርማሳ ናምኣን ኦይቺዳ ኦይሻ
\p
\v 14 ሄሳፌ ጉዬ ካዎ ሴዴቂያሲ ኤርማሳ ኪቲ ኤሂሲዲ ጎዳ ኬ ጌሊዛ ሄን ፔንጌ ማታን ኢዛስ፥ «ታኒ ኢሲ ሚሽ ኔና ኦይቻይስ፤ ኔኒ ታፔ ኣይኮካ ቆቶፋ» ጊዴስ።
\p
\v 15 ኤርማሲ ዛሪዲ ሴዴቂያሳስ፥ «ታ ኔስ ዛሮ ኢሚኮ ኔ ታና ዎኪ? ታ ዞሪን ኔ ኤካካ» ጊዴስ።
\p
\v 16 ካዎ ሴዴቂያሲ ኤርማሳስ፥ «ሼምፖ ኑስ ኢሚዳ ዴኦ ጾሲ ቤኢን ታ ኔና ዎኬ፤ ኔና ዎናስ ኮይዛይታስካ ታ ኣ ኢሚኬ» ጊዲ ቆታን ጫቂዴስ።
\p
\v 17 ኤርማሲ ሴዴቂያሳስ ዛሪዲ፥ «ኡባፌ ዎልቃማ ጎዳ ኢስራኤሌ ጾሳይ፥ ‹ባቢሎኔ ካዎ ኦላ ሃላቃታስ ኔ ኩሼ ኔኒ ኢሚኮ ኔ ሼምፖይ ኣታና፤ ሃና ካታማያካ ጹጌቱኩ፤ ኔኒኔ ኔሶ ኣሳይ ሼምፖራ ፓጻ ዳና። 
\v 18 ጊዶ ኣቲን ባቢሎኔ ካዎ ኦላ ሃላቃታስ ኔኒ ኔ ኩሼ ኢሞንታ ኢጺኮ ሃና ካታማያ ባቢሎኔታስ ኣ ኢሜታና፤ ኢስቲካ ኢዞ ጹጋና፤ ኔኒካ ኢስታ ኩሼፔ ኬሳ ኤካካ› ጌስ» ጊዴስ።
\p
\v 19 ቃሴካ ካዎ ሴዴቂያሲ ኤርማሳስ፥ «ባቢሎኔ ባቃቲ ቢዳ ኣይሁዳቲ ታ ቦላ ቂ ካኦንታ ማላ ታና ኢስታ ኩሼን ኣ ኢማናኮ ጋዳ ባባይስ» ጊዴስ። 
\v 20 ኤርማሲካ ዛሪዲ፥ «ኣይኮይ ባዋ! ኢስቲ ኔና ኣ ኢሜቴና፤ ታ ኔስ ዮቲዛ ጎዳ ቃላስ ኣዛዜታ፤ ሄሲካ ኔስ ሎኦ ጊዳና፤ ኔ ሼምፖይካ ኣታና። 
\v 21 ጊዶ ኣቲን ኔኒ ኩሼ ኢሞንታ ኢጺኮ ጎዳይ ታና ቤሲዳ ሚሺ ዴስ። 
\v 22 ዩሁዳ ካዎቴ ኬን ኣቲዳ ማጫሳቲ ኡባይ ዲኤቲዲ ባቢሎኔ ሹሜታስ ኣ ኢሜታና፤ ሄ ማጫሳቲ፥
\q1 « ‹ኔኒ ኢስታን ኣማኔቲዳ
\q2 ኔ ሲቆቲ
\q2 ኔና ባሌዳኔ ጾኒዳ፤
\q2 ኔ ቶሆይ ኡርቃን ሚቴቲዴስ፤
\q2 ኔ ሲቆቲካ
\q3 ኔና ዬጊ ቢዳ› ጋና።
\p
\v 23 «ኔ ማቼቲኔ ኔ ናይቲ ኡባይ ባቢሎኔ ኣሳስ ኣ ኢሜታና፤ ኔኒካ ባቢሎኔ ካዎ ኩሼን ኦይኬታና ኣቲን ኢስታ ኩሼፔ ኬሳ ኤካካ፤ ሃና ካታማያካ ታማን ጹጌታና» ጊዴስ።
\p
\v 24 ሴዴቂያሲ ኤርማሳስ ዛሪዲ፥ «ሃይሳ ኑ ሃሳይዳይሳ ኦኒካ ኤሮፖ፤ ኣካይ ጊኮ ኔ ሃይቃና። 
\v 25 ሹሜቲ ታ ኔናራ ሃሳይዳይሳ ሲዪ ኔኮ ዪዲ፥ ‹ኔኒ ካዎዛ ኣይ ጊን ኢዚ ኔና ኣይ ጊዳኮ ኑስ ዮታ፤ ቆቶንታ ኑስ ዮታ፤ ኔ ሂስቶንታ ኣጊኮ ኑ ኔና ዎና› ኢስቲ ጊኮ፥ 
\v 26 ኔኒ ኢስታስ፥ ‹ታኒ ሄን ሃይቆንታ ማላ ታና ዛራዳ ዮናታኔ ሶ ዬዶፋ ጋዳ ዎሳዲስ› ጋዳ ዮታ» ጊዴስ።
\p
\v 27 ሄሳፌ ጉዬ ሹሜቲ ኡባይ ኤርማሳኮ ዪዲ ኢዛ ኦይቺዳ፤ ኢዚካ ካዎዚ ኢዛ ኣዛዚዳ ቃላ ኡባ ኢስታስ ዮቲዴስ። ኢዚ ካዎዛራ ሃሳይዳይሳ ሲዪዳ ኢሲ ኣሲካ ባይንዳ ጊሻስ ሄሳፌ ቦላራ ኢዛ ሃሳይሲቤቴና። 
\v 28 ዬሩሳላሜይ ኦይኬታና ጋካናስ ኤርማሲ ዛቤታ ዛጎን ጋምኢዴስ።
\c 39
\s ዬሩሳላሜ ኩንዴ (2ካዎ 25፡1-12፥ ኤርማ 52፡4-16)
\p
\v 1 ሴዴቂያሲ ዩሁዳን ካዎቲዳ ኡዱፉን ላይን፥ ታማን ኣጊናን፥ ባቢሎኔ ካዎ ናቡካዳናጾሬይኔ ኢዛ ኦላንቻቲ ኡባይ ዪዲ ዬሩሳላሜ ዎራጂ ጊዶ ኦይኪዳ። 
\v 2 ሴዴቂያሲ ካዎቲዳ ታማኔ ኢሲን ላይን፥ ኦይዳን ኣጊናን፥ ኡዱፉን ጋላሳን ባቢሎኔ ኦላንቻቲ ካታማይ ጊምቤ ሜንዳ። 
\v 3 ሄ ዎዴ ባቢሎኔ ካዎ ሹሜቲ፥ ኔቦ ዴሬ ኣስ ኔሪጋሌ-ሳርሳሬይ፥ ዋና ሹሜ ኔቦ ሳርሲኪኔይ፥ ቃ ሹሜ ኔሪጋሌ-ሳርሳሬይ፥ ሄሳካ ሃራ ባቢሎኔ ሹሜቲ ጌሊዲ ጊዶ ፔንጌን ኡቲዳ። 
\v 4 ዩሁዳ ካዎ ሴዴቂያሲኔ ኢዛ ኦላንቻቲ ኡባይ ባቢሎኔ ኦላንቻታ ቤኢዳ ዎዴ ባቃቲዳ፤ ኦማርሳራ ካዎይ ዶዛ ቶኪዛሶሆ ባጋራ ናምኡ ጊምቤታፔ ጊዶራ ካታማፔ ኬዚዲ ዮርዳኖሴ ዙሌ ቢዳ።
\p
\v 5 ጊዶ ኣቲን ባቢሎኔ ኦላንቻቲ ኢስታ ጉዬራ ዬዴ ኤኪዲ ኢያርኮ ዴምባን ጋኪ ኦይኪዳ፤ ሴዴቂያሲ ዲኢዲ ሃማቴ ቢታን ኤሬቢላ ካታማን ዲዛ ካዎ ናቡካዳናጾሬኮ ኤፊዳ፤ ሂስቲን ካዎ ናቡካዳናጾሬይ ሄን ሴዴቂያሳ ቦላ ፒርዲዴስ። 
\v 6 ባቢሎኔ ካዎይ ኤሬቢላ ካታማን ሴዴቂያሳ ኣቱማ ናይታ ኢዚ ቤዪሺን ሲፊዴስ፤ ዩሁዳን ዲዛ ሹሜታ ኡባካ ዎዴስ። 
\v 7 ሴዴቂያሳ ኣይፌታ ዎጪ ኬሲዲ ኢዛ ባቢሎኔ ቢታ ኤፋናስ ጻርቂማላ ሳንሳላታን ቃቺዴስ።
\p
\v 8 ሄ ዎዴ ባቢሎኔ ኦላንቻቲ ካዎ ኬኔ ኣሳይ ዲዛ ኬታ ኡባ ታማን ጹጊዳ፤ ዬሩሳላሜ ጊምቤካ ላሊዳ። 
\v 9 ባቢሎኔ ካዎ ቦንቾ ናጊዛ ዛቤታ ኣዛዚዛ ናቡዛራዳኔይ ካታማን ኣቲዳ ኣሳታኔ ካዲዲ ባናን ጋጊዳ ኣሳታ ኡባ ኢሲፌ ዲኢዲ ባቢሎኔ ቢታ ኤፊዴስ። 
\v 10 ጊዶ ኣቲን ካዎ ቦንቾ ናጊዛ ዛቤታ ኣዛዚዛ ናቡዛራዳኔይ ኣይኮይካ ኢስታስ ባይንዳ ማንቆታፔ ጉታ ዩሁዳን ኣጊዲ፥ ኢስታስ ዎይኔ ቱራ ሶሆታኔ ጎዪዛ ጋዴታ ኢሚዴስ።
\s ኤርማሳ ቢርሼቴ
\p
\v 11 ባቢሎኔ ካዎ ናቡካዳናጾሬይ ካዎ ቦንቾ ናጊዛ ዛቤታ ኣዛዚዛ ናቡዛራዳኔ ባጋራ ኤርማሳ ጊሻስ፥ 
\v 12 «ኢዛ ኤካዳ ቃላያ፤ ኢዚ ኮይዛይሳ ኡባ ፖላ ኣቲን ቆሆፓ» ጊዲ ኣዛዞ ኢሚዴስ።\f + \fr 39፡12 \fr*\ft ቃላያ ጊዛይሲ ቆሄቲዳ ኣሳስ ኢሜቲዛ ቃላባ ቤሴስ።\ft*\f* 
\v 13 ሄሳ ጊሻስ ናቡዛራዳኔይ፥ ዋና ሹሜ ኔቡሻዚባኔ፥ ቃ ሹሜ ኔሪጋሌ-ሳርሳሬ ሄሳካ ሃራ ባቢሎኔ ካዎ ሹሜታ ኡባ፥ 
\v 14 ኪቲዲ ኤርማሳ ዛቤታ ዛጎፔ ኬሲዳ፤ ሂስቲዲ ሳፋኔ ና፥ ኣኪቃሜ ና ጎዶሊያሳይ ባ ሶ ኤፋና ማላ ሃዳሪዳ፤ ሄሳፌ ዴንዲዳይሳን ኤርማሲካ ባ ዴሬ ኣሳራ ኢሲፌ ዴኢዴስ።
\s ኣቢሜሌኬስ ኢሜቲዳ ሂዶታ
\p
\v 15 ኤርማሲ ዛቤታ ዛጎን ቃሼቲ ዲዛ ዎዴ ጎዳ ቃላይ ኢዛኮ ዪዴስ፤ 
\v 16 ኡባፌ ዎልቃማ ጎዳ ኢስራኤሌ ጾሳይ ኤርማሲ ቢዲ ቶጵያ ዴሬ ኣስ ጊዲዳ ኣቢሜሌኬስ፥ «ሃይሳፌ ካሴ ታኒ ዮቲዳ ማላ ሃ ካታማይ ቦላ ዲች ጊዶንታ ባሽ ኤሃዳ ታ ቃላ ታ ፖላና፤ ሄሲ ኡባይ ሃኒዛ ዎዴ ኔኒካ ሃ ካታማን ኡታዳ ኔ ኣይፌን ቤኣና። 
\v 17 ጊዶ ኣቲን ሄ ጋላሳን ታኒ ኔና ኣሻና፤ ኔኒ ያዪዛ ኣሳታ ኩሼን ኣ ኢሜታካ። 
\v 18 ታኒ ኔና ኣሻና፤ ኔኒ ታናን ኣማኔቲዳ ጊሻስ ሼምፖራ ፓጻ ኣታና ኣቲን ማሻን ሲፌታካ» ጊዲ ዮታና ማላ ኣዛዚዴስ።
\c 40
\s ጎዶሊያሳ ማታን ኤርማሳ ዱስ
\p
\v 1 ካዎ ቦንቾ ናጊዛ ዛቤታ ኣዛዚዛ ናቡዛራዳኔይ ኤርማሲ ዬሩሳላሜፔኔ ዩሁዳፔ ዲኤቲዲ ባቢሎኔ ቢታ ቢዛ ኣሳታ ጊዶን ኤራማን ሳንሳላታን ቃሼቲ ዲዛይሳ ቤኢዲ ኢዛ ቃሾፔ ቢርሺሲዴስ፤ ሄሳፌ ጉዬ ጎዳ ቃላይ ኤርማሳኮ ዪዴስ። 
\v 2 ካዎ ቦንቾ ናጊዛ ዛቤታ ኣዛዚዛይሲ ኤርማሳ ጻላ ኤኪዲ ኢዛስ፥ «ጎዳ ኔ ጾሳይ ሃይሲ ባሻይ ሃ ቢታይ ቦላ ያናይሳ ዮቲዴስ። 
\v 3 ሃኢካ ጎዳይ ባ ጊዳ ማላ ኤሂዲ ባ ቃላ ፖሊዴስ፤ ሃይሲ ኡባይ ሃኒዳይ ኢንቴ ጎዳ ቦላ ናጋራ ኦዳ ጊሻሲኔ ኢዛስ ኣዛዜቶንታ ኢጺዳ ጊሻሳ። 
\v 4 ቤያ፥ ሃኢ ኔ ቃሼታ ኡቲዳ ሳንሳላታ ኔ ኩሼፔ ቢርሻዲስ፤ ታናራ ባቢሎኔ ቢታ ባና ጊኮ ኣ፤ ኔ ዶሲዛ ጊዲኮ ታናራ ባቢሎኔ ዬ፤ ታኒ ኔና ቃላያና፤ ኔ ዶሶንታ ኣጊኮ ቦፓ፤ ቤኣ ዴሬ ኡባይ ኔ ሲንን ዴስ፤ ኔ ዶሲዳሶ ባ» ጊዴስ።
\p
\v 5 ኤርማሲ ቡሮ ዛሮ ኢሞንታ ዲሺን ናቡዛራዳኔይ ጉጂዲ፥ «ባቢሎኔ ካዎ ናቡካዳናጾሬይ ኢዛ ዩሁዳ ካታማታ ቦላ ሹሚ ዎዳ ሳፋኔ ና፥ ኣኪቃሜ ና ጎዶሊያሳኮ ባ፤ ኢዛራ ኢሲፌ ዴራ ጊዶን ኡታ፤ ዎይኮ ኔና ሎኢዛሶ ባ» ጊዴስ። ዛቤታ ኣዛዚዛይሲ ኢሞታኔ ሺንቄ ኢሚዲ ኢዛ ሞይዚዴስ። 
\v 6 ኤርማሲ ሚጺጳን ዲዛ ኣኪቃሜ ና ጎዶሊያሳኮ ቢዴስ፤ ኢዛራ ኢሲፌ ሄን ኣቲዳ ዴራ ጊዶን ዴኢዴስ።
\s ጎዶሊያሳ ሃይቆ
\r (2ካዎ 25፡22-24)
\p
\v 7 ዩሁዳፔ ኢሲ ኢሲ ኣማርዳ ኦላ ቃራቲኔ ኦላንቻቲ ባንታ ኩሼ ባቢሎኔ ካዎስ ኢሞንታ ጊሻስ ዴምባን ላሌቲ ኡቲዳ፤ ባቢሎኔ ካዎይ ኣኪቃሜ ና ጎዶሊያሳይ ሄ ቢታዮ ሃራና ማላ ሹሚዳይሳኔ ዲኤቲዲ ባቢሎኔ ቦንታ ኣቲዳ ማንቆ ኣቱማሳታ፥ ማጫሳታኔ ናይታ ቦላ ማታ ኢሚ ዎዳይሳ ሲዪዴስ። 
\v 8 ሂስቲዲ ናታኒያ ና ኢስማኤሌይ፥ ቃሬሃ ናይቲ ዮሃናኔይኔ ዮናታኔይ፥ ታኒሁሜታ ና ሳራያ፥ ናጾፌ ካታማፔ ዪዳ ኤፋያ ናይቲኔ ማኢካቴ ካታማ ኣስ ያኢዛኔይ ባንታ ኦላንቻታ ኡባራ ጎዶሊያሳኮ ሚጺጳ ዪዳ። 
\v 9 ሳፋኔ ና ኣኪቃሜ ና ጎዶሊያሳይ ኢስታሲኔ ኢስታ ኦላንቻታስ፥ «ባቢሎኔታስ ሃሬታናስ ያዮፍቴ፤ ሃኖ ቢታይን ኡቲዲ ባቢሎኔ ካዎስ ሃጋዚቴ፤ ሂስቲኮ ኡባ ሚሺ ኢንቴስ ሎኦ ጊዳና።\x - \xo 40፡7-9 \xo*\xt 2ካዎ 25፡22-24\xt*\x* 
\v 10 ታኒ ሚጺጳን ኡታዳ ባቢሎኔ ቢታፌ ኑኮ ዪዛ ኣሳታራ ኢንቴ ጊሻስ ሃሳያና፤ ኢንቴ ጊዲኮ ኢንቴ ዲዛ ሄራን ሄራን ዎይኔ፥ ዎጋራ ዛይቴኔ ቦኔ ካ ኣይፌ ኡባ ሺሺቴ» ጊዲ ቃላ ጌሊዴስ።
\p
\v 11 ሄ ዎዴ ሞኣቤን፥ ኣሞኔን፥ ኤዶሜኒኔ ሃራ ቢታታን ዲዛ ኣይሁዳ ኡባይ ባቢሎኔ ካዎይ ኣማርዳ ኣሳታ ዩሁዳን ኣሺዳይሳኔ ኢስታ ቦላ ሳፋኔ ና ኣኪቃሜ ና ጎዶሊያሳ ሹሚዳይሳ ሲዪዳ። 
\v 12 ኡባቲካ ባ ላሌቲ ዲዛ ዴሬፔ ዩሁዳ ቢታ ሲሚዳ። ሂስቲዲ ጎዶሊያሳይ ዲዛሶ ሚጺጳ ዪዳ፤ ሄን ዳሮ ዎይኔኔ ቦኔ ካ ኣይፌ ዳጋሲዳ።
\p
\v 13 ሄሳፌ ጉዬ ቃሬሃ ና ዮሃናኔይኔ ቡሮ ኩሼ ኢሞንታ ዲዛ ኦላ ቃራቲ ኡባይ ጎዶሊያሳኮ ሚጺጳ ዪዲ፥ 
\v 14 «ኣሞኔ ካዎ ባኣሊሲ ናታኒያ ና ኢስማኤሌ ኔና ዎና ማላ ዬዲዳይሳ ኤርኪ?» ጊዳ። ጊዶ ኣቲን ኣኪቃሜ ና ጎዶሊያሳይ ኢስቲ ጊዛይሳ ኣማኒቤና።
\p
\v 15 ሄሳፌ ጉዬ ቃሬሃ ና ዮሃናኔይ ሚጺጳን ዲዛ ጎዶሊያሳኮ ዪዲ፥ «ኦኒካ ኤሮንታ ዲሺን ባዳ ናታኒያ ና ኢስማኤሌ ታኒ ዎና፤ ጋሶይካ ባቃቲዲ ኔኮ ዪዳ ኣሳይ ላሌታና ማላኔ ዩሁዳን ኣቲዳ ኣሳይካ ያና ማላ ኣይስ ኔና ዎና ጊዜ?» ጊዲ ጹራን ዮቲዴስ።
\p
\v 16 ጊዶ ኣቲን ኣኪቃሜ ና ጎዶሊያሳይ ቃሬሃ ና ዮሃናኔ፥ «ኔኒ ኢስማኤሌ ጊሻስ ታስ ዮቲዛይሲ ኡባይ ዎርዶ ጊዲዳ ጊሻስ ሄሳ ማላ ሚሽ ኦፋ» ጊዴስ።
\c 41
\p
\v 1 ዩሁዳን ካዎ ኬ ኣሳፔ ኦላንቻታ ሹሜታፔ ኢሶይ ኤልሻማ ና፥ ናታኒያ ና ኢስማኤሌይ ላፑን ኣጊናን ታሙ ኣሳታራ ኢሲፌ ሚጺጳን ዲዛ ኣኪቃሜ ና ጎዶሊያሳኮ ቢዴስ። ኢስቲ ኡባይ ካ ማዳን ዲሺን፥ 
\v 2 ናታኒያ ና ኢስማኤሌይኔ ኢዛራ ዲዛ ታሙ ኣሳቲ ባንታ ማሻ ማሻ ኬሲዲ ባቢሎኔ ካዎይ ዩሁዳ ሃራና ማላ ሹሚዳ ሳፋኔ ና ኣኪቃሜ ና ጎዶሊያሳ ዎዳ። 
\v 3 ሄሳ ቦላካ ቃሴ ኢስማኤሌይ ሚጺጳን ጎዶሊያሳራ ዲዛ ኣይሁዳታኔ ባቢሎኔ ኦላንቻታ ኡባ ዎዴስ።\x - \xo 41፡1-3 \xo*\xt 2ካዎ 25፡25\xt*\x*
\p
\v 4 ጎዶሊያሳይ ሃይቂን ዎንቴ ጋላስ ኦኒካ ኢዛ ሃይቆ ኤሮንታ ዲሺን፥ 
\v 5 ሴኬሜፔ፥ ሴሎፔኔ ሳማሪያፔ ኦስፑን ታሙ ኣሳቲ ካዮቲሼ፥ ባንታ ቡች ሜዲዲ፥ ባንታ ማይኦ ዳኪዲኔ ባንታ ቦላካ ፑዚዲ ካ ያርሾኔ ኤጻኔ ጎዳ ኬ ኤኪ ዪዳ። 
\v 6 ናታኒያ ና ኢስማኤሌይ ሚጺጳፌ ኬዚዲ ዬኪሼ ኢስታራ ጋጋናስ ቢዴስ፤ ኢስታራ ጋጊዲ፥ «ኣኪቃሜ ና ጎዶሊያሳኮ ሃ ዪቴ» ጊዴስ። 
\v 7 ኢስቲ ካታማይ ጊዶ ጌሊዳ ማላ ናታኒያ ና ኢስማኤሌይኔ ኢዛራ ዲዛ ኣሳቲ ሄ ኣሳታ ዎዲ ሃ ኦላን ዬጊዳ። 
\v 8 ጊዶ ኣቲን ሄ ሃይቂዳ ኣሳታራ ዲዛ ታሙ ኣሳቲ ኢስማኤሌ፥ «ኑና ዎፓርኪ! ኑኒ ኑ ሾቃን ቆቲዳ ዳሮ ጊስቴይ፥ ባንጋይ፥ ዎጋራ ዛይቴይኔ ኤሲ ዴስ» ጊዳ። ኢዚካ ኢስታ ሃንኮይታራ ዎንታ ኣጋጊዴስ። 
\v 9 ኢስማኤሌይ ጎዶሊያሳራ ኢሲ ቦላ ዎዳ ኣሳ ኡባ ኦሊዳ ኦላይ ኢስራኤሌ ካዎ ባሼይ ኦላናስ ዪዳ ዎዴ ካዎ ኣሳይ ኢዛስ ባቢዲ ባና ኣሻናስ ቦኪሲዳ ጊታ ኦላ። ናታኒያ ና ኢስማኤሌይ ሄ ኦላ ኣሃን ኩንዴስ።
\p
\v 10 ኢስማኤሌይ ካዎ ማጫ ናይታኔ ሚጺጳን ኣቲዳ ኣሳ ኡባ ዲኢዴስ። ሄይቲ ካዎ ቦንቾ ናጊዛ ዛቤታ ኣዛዚዛ ናቡዛራዳኔይ ኣኪቃሜ ና ጎዶሊያሳራ ኢሲፌ ሚጺጳን ዎዳይታ። ኢዚ ኢስታ ዲኢ ባናራ ኤኪዲ ኣሞኔ ቢታ ባናስ ዴንዲዴስ።
\p
\v 11 ቃሬሃ ና ዮሃናኔይኔ ኢዛራ ኢሲፌ ዲዛ ኦላ ኣሳ ሹሜቲ ኢስማኤሌይ ኦዳ ኢታ ሚሽ ኡባ ሲዪዲ፥ 
\v 12 ናታኒያ ና ኢስማኤሌ ኦላናስ ባ ኣሳ ኡባ ኤኪዲ ቢዳ፤ ኢስማኤሌካ ጌባኦኔን ዲዛ ጊታ ኤሌ ሃ ማታን ጋኪ ኦይኪዳ። 
\v 13 ኢስማኤሌይ ዲኢዲ ባናራ ኤፊዳ ኣሳይ ኡባይ ቃሬሃ ና ዮሃናኔኔ ኢዛራ ዲዛ ኦላ ኣሳ ሹሜታ ቤኢዳ ዎዴ ኬሂ ኡፋዬቲዳ። 
\v 14 ኢስማኤሌይ ሚጺጳፌ ዲኢ ኤፊዳ ኣሳይ ኡባይ ኬሲ ኤኪ ቢዲ ቃሬሃ ና ዮሃናኔን ጋይቲዴስ። 
\v 15 ጊዶ ኣቲን ናታኒያ ና ኢስማኤሌይኔ ሃራ ኦስፑን ኣሳቲ ኢሲፌ ዮሃናኔፔ ኬሲ ኤኪዲ ኣሞኔ ቢታ ባቃቲዳ።
\s ባቃቲ ጊብጼ ቡስ
\p
\v 16 ሄሳፌ ጉዬ ቃሬሃ ና ዮሃናኔይኔ ኢዛራ ዲዛ ኦላ ቃራቲ ኡባይ ናታኒያ ና ኢስማኤሌይ ኣኪቃሜ ና ጎዶሊያሳ ዎ ሲሚዲ ሚጺጳፌ ዲኢዲ ኤሂዳ ኦላንቻታ፥ ማጫሳታ፥ ናይታኔ ካዎ ኬን ኦዛ ሹሜታ ኡባ ጌባኦኔፔ ዛሪዲ ኤኪ ቢዳ። 
\v 17 ሄፔ ዴንዲዲ ጊብጼ ቢሼ ቤቴሊሄሜ ማታን ዲዛ ጌሮት-ኬሜኣሜ ጋኪ ሼምፒዳ፤ 
\v 18 ኢስቲ ጊብጼ ቢዳይ ባቢሎኔ ኣሳፔ ኬሲ ኤኪ ኣታናሳ፤ ናታኒያ ና ኢስማኤሌይ ባቢሎኔ ካዎይ ቢታዮ ሃራና ማላ ሹሚ ዎዳ ኣኪቃሜ ና ጎዶሊያሳ ዎዳ ጊሻስ ኢስቲ ባቢሎኔታስ ባቢዳ።
\c 42
\s ዴሬይ ኤርማሳ ኦይቺዳ ኦይሻ
\p
\v 1 ኦላ ቃራቲ፥ ቃሬሃ ና ዮሃናኔይ፥ ሆሻኢያ ና ኣዛሪያሲኔ ኣሳይ ኡባይ ጉፌ ጊታ ጋካናስ ዪዲ፥ 
\v 2 ናቤ ኤርማሳስ፥ «ኑኒ ካሴ ዳሮ፥ ሃኢ ኔ ቤኢዛ ማላ ጉ ኣቲዶስ፤ ሄሳ ጊሻስ ኑ ኔና ዎሲዛ ዎሳ ሲያ፤ ሃይሳ ኣቲዳ ዴራ ጊሻስ ጎዳ ኔ ጾሳ ዎሳ። 
\v 3 ኑኒ ቢዛ ኦጌኔ ኑ ኦና ሚሽ ኢዚ ኑና ቤሳና ማላ ጎዳ ኔ ጾሳ ዎሳ» ጊዳ።
\p
\v 4 ናቤ ኤርማሲ ዛሪዲ፥ «ሎኦ፤ ኢንቴ ጊዳ ማላካ ጎዳ ኢንቴ ጾሳ ታኒ ዎሳና፤ ቃሴ ኢንቴፌ ኣይኮካ ቆቶንታ ኢዚ ዮቲዳይሳ ኡባ ዛራዳ ታ ኢንቴስ ዮታና» ጊዴስ።
\p
\v 5 ኢስቲ ዛሪዲ ኤርማሳስ፥ «ጎዳ ኔ ጾሳይ ኔ ባጋራ ኑስ ኪቲዛይሳ ኡባ ኑኒ ፖሎንታ ኣጊኮ ጎዳይ ኑ ቦላ ቱሙኔ ኣማኔቲዳ ማርካ ጊዶ። 
\v 6 ጎዳ ኑ ጾሳስ ኣዛዜቲን ኑስ ሎኦ ጊዳና ማላ ኑስ ጊጊን ጊጎንታ ኣጊን ኔና ኑ ኢዛኮ ኪቲዛ ጎዳስ ኑ ጾሳስ ኑ ኣዛዜታና» ጊዳ።
\p
\v 7 ታሙ ጋላሳፌ ጉዬ ጎዳ ቃላይ ኤርማሳኮ ዪዴስ። 
\v 8 ሂስቲን ኢዚ ቃሬሃ ና ዮሃናኔ፥ ኢዛራ ዲዛ ኦላ ቃራታኔ ኣስ ኡባ ጉፌ ጊታ ጋካናስ ጼይጊዲ፥ 
\v 9 «ኢንቴ ዎሳ ታኒ ኢዛኮ ሺሻና ማላ ኢንቴ ታና ኪቲዳ ጎዳ ኢስራኤሌ ጾሳይ፥ 
\v 10 ‹ታ ኢንቴ ቦላ ኤሂዳ ባሻ ጋሶን ጬጪዳ ጊሻስ ኢንቴ ሃ ቢታን ኡቲኮ ታኒ ኢንቴና ኬጻናፔ ኣቲን ላሊኬ፤ ቶካናፔ ኣቲን ሾዲኬ። 
\v 11 ኢንቴ ሃኢ ባቢሲዳ ባቢሎኔ ካዎስ ባቦፍቴ! ታ ኢንቴና ኢዛ ኩሼፔ ዎ ኤካናሲኔ ኣሻናስ ኢንቴናራ ዲዛ ጊሻስ ያዮፍቴ! 
\v 12 ኢዚ ኢንቴና ማራና ማላኔ ኢንቴ ቢታ ዛራና ማላ ታኒካ ኢንቴና ማራና› ጌስ።
\p
\v 13 «ጊዶ ኣቲን ኢንቴ፥ ‹ሃ ቢታይን ኡቶኮ› ጊዲ ጎዳስ ኢንቴ ጾሳስ ኣዛዜቶንታ ኢጺኮ፥ 
\v 14 ቃሴ ኢንቴ፥ ‹ኦላ ቤዮንታሶ፥ ኦላ ዛዬይ ፑኔቶንታሶኔ ኮሻይ ባይንዳሶ ጊብጼ ቢዲ ሄን ዳና› ጊኮ፥ 
\v 15 ኢንቴኖ ዩሁዳን ጫሻ ኣቲዳይቶ! ጎዳ ቃላ ሲዪቴ። ኡባፌ ዎልቃማ ጎዳ ኢስራኤሌ ጾሳይ፥ ‹ኢንቴ ጊብጼን ዳና ጊዲ ቆፋ ቃቺዲ ቢዛ ጊዲኮ፥ 
\v 16 ኢንቴ ባቢዳ ማሻይ ኢንቴና ሄን ዴማና፤ ኢንቴ ሂርጊዳ ኮሻይካ ኢንቴና ካሊዲ ጊብጼ ጋካናስ ባና፤ ኢንቴካ ሄን ሃይቃና። 
\v 17 ጊብጼን ዳና ጊዲ ቆፋ ቃቺዲ ቢዳ ኣሳይ ኡባይ ኦላን፥ ኮሻኒኔ ኢታ ሃርጌን ሃይቃና፤ ታኒ ኢስታ ቦላ ኤሂዛ ኢታ ሚሻፌ ኢሳዴይካ ኬሲ ኤኪ ኣቴና› ጌስ።
\p
\v 18 «ኡባፌ ዎልቃማ ጎዳ ኢስራኤሌ ጾሳይ፥ ‹ታ ሃንቆይኔ ቦሻይ ዬሩሳላሜን ዲዛይታ ቦላ ጉኪዳ ማላ ኢንቴ ጊብጼ ጌሊዛ ዎዴ ኢንቴ ቦላካ ጉካና፤ ኢንቴ ዳጋማስ፥ ቂስ፥ ቃንጌሲኔ ፓልቄስ ማላታ ጊዳንዴታ፤ ሃ ቢታ ዛሪ ቤኤኬታ› ጌስ።
\p
\v 19 «ዩሁዳን ጫሻ ኣቲዳይቶ! ጎዳይ ኢንቴና፥ ‹ጊብጼ ቦፒቴ!› ጊዴስ። ታኒካ ሃች ኢንቴስ ሚን ዮቲዳይሳ ኤሪቴ። 
\v 20 ኢንቴ ታና፥ ‹ኔኒ ኑ ጊሻስ ጎዳ ኑ ጾሳ ዎሳ፤ ኢዚ ኔስ ዮቲዛይሳ ኡባካ ኑስ ዮታ፤ ኑኒካ ኢዛስ ኣዛዜታና› ጊዲ ታና ጎዳ ኢንቴ ጾሳኮ ኪቲዳ ዎዴ ኢንቴ ሼምፖ ይሲዛ ባላ ሚሽ ኦዴታ። 
\v 21 ታኒ ኢዚ ጊዳ ሚሽ ኡባ ሃች ኢንቴስ ቆንጬን ዮታዲስ፤ ጊዶ ኣቲን ኢንቴ ጎዳይ ታ ባጋራ ኢንቴስ ኪቲዳ ቃላስ ኢንቴ ሃኢካ ኣዛዜቲቤኬታ። 
\v 22 ሄሳ ጊሻስ ኢንቴ ቢዲ ዳናስ ኮይዛ ቢታን ኢንቴ ኦላን፥ ኮሻኒኔ ኢታ ሃርጌን ሃይቂዲ ዉራና» ጊዴስ።
\c 43
\s ጫሻ ኣቲዳ ኣሳ ባቃታ
\p
\v 1 ጎዳይ ኪቲዳ ቃላ ኡባ ኤርማሲ ኢስታስ ዮቲዲ ዉርሲዳፔ ጉዬ፥ 
\v 2 ሆሻኢያ ና ኣዛሪያሲ፥ ቃሬሃ ና ዮሃናኔይኔ ኦቶራንቻቲ ኡባይ ኤርማሳ፥ «ኔኒ ዎርዶ ዮታሳ! ጎዳ ኑ ጾሳይ፥ ‹ሄን ዳናስ ጊብጼ ቦፒቴ› ጋዳ ኔ ዮታና ማላ ኔና ኪቲቤና። 
\v 3 ጊዶ ኣቲን ባቢሎኔ ቢታ ኣሳይ ኑና ዎና ማላ ዎይኮ ዲኢዲ ባንታ ቢታ ኤፋና ማላ ኔኒ ኑና ኢስታ ኩሼን ኣዳ ኢማና ማላ ኔሪያ ና ባሮኬይ ኔና ኑ ቦላ ዴንዴስ» ጊዳ።
\p
\v 4 ሄሳ ጊሻስ ቃሬሃ ና ዮሃናኔይ ኦላ ቃራቲ ኡባይኔ ኩሜ ዴሬዚ ዩሁዳ ቢታን ዳና ማላ ጎዳይ ኢስታ ኣዛዚዳ ኣዛዞ ፖሎንታ ኢጺዳ። 
\v 5 ሂስቲዲ ቃሬሃ ና ዮሃናኔይኔ ኦላ ቃራቲ ኡባይ ዩሁዳ ቢታን ዳናስ ካዎቴታ ኡባፌ ሲሚዳይታኔ ዩሁዳኔ ጫሻ ኣቲዳይታ ኡባ ኤኪ ቢዳ። 
\v 6 ቃሴ ካዎ ቦንቾ ናጊዛ ዛቤታ ኣዛዚዛ ናቡዛራዳኔይ ሳፋኔ ና፥ ኣኪቃሜ ና ጎዶሊያሳ ኩሼን ዎዳ ካዎ ማጫ ናይታ፥ ናቤ ኤርማሳኔ ኔሪያ ና ባሮኬ፥ ቃሴካ ኣቱማሳታ፥ ማጫሳታኔ ቄሪ ናይታ ኤኪ ቢዳ። 
\v 7 ጎዳ ቃላስ ኣዛዜቶንታ ኢጺዲ ጊብጼ ቢታ ጌሊዳ፤ ጌዴ ጻፊናሴ ጋካናስ ካን ቢዳ።\x - \xo 43፡5-7 \xo*\xt 2ካዎ 25፡26\xt*\x*
\p
\v 8 ጻፊናሴን ጎዳ ቃላይ ኤርማሳኮ ዪዲ፥ 
\v 9 «ጊታ ሹቻታ ኤካዳ ዩሁዳ ኣሳይ ቤኢሺን ጻፊናሴን ዲዛ ጊብጼ ካዎቴ ኬ ፔንጌን ጹቤፔ ኦሴቲዳ ዉይጌዛን ሞጋ። 
\v 10 ኡባፌ ዎልቃማ ጎዳ ኢስራኤሌ ጾሳይ ታስ፥ ‹ታኒ ኪታዳ፥ ታ ኣይሌዛ ባቢሎኔ ካዎ ናቡካዳናጾሬ ኤሂሳና፤ ሂስታዳ ሃ ሞጌቲዳ ሹቻታ ቦላን ኢዛ ካዎቴ ኣራታ ዎና። ሂስቲዳፔ ጉዬ ኢዚ ባ ካዎቴ ዱንካና ኢዛ ቦላን ኤሳና። 
\v 11 ኢዚ ዪዲ ጊብጼ ኦላና፤ ሃይቆስ ቤሲዛይታ ሃይቆስ፥ ዲኦስ ቤሲዛይታ ዲኦስ፥ ማሻስ ቤሲዛይታ ማሻስ ኣ ኢማና። 
\v 12 ጊብጼን ኤቃ ጾሳታ ኬን ታማ ዬዳናኔ ኢስታ ሙሌራ ጹጋና፤ ኢስታ ኤቃ ጾሳታካ ዲኢ ኤፋና። ሄንንቻይ ባ ሄን ማይኦ ማይኢዛ ማላ ኢዚ ጊብጼ ቢታፌ ቡሪ ኤኪዲ ሳሮን ባና። 
\v 13 ጊብጼ ቢታን ሄሊዮፖሊሳ ጌቴቲዛ ካታማን ኣዋ ኣርሼ ጾስ ጌቴቲዛ ኤቃ ጾሳታ ሃዉልቴታ ኢዚ ሜንሬና፤ ጊብጼን ኤቃ ጾሳታ ኬታካ ታማን ጹጋና› ጌስ ጋዳ ኢስታስ ዮታ» ጊዴስ።
\c 44
\s ኤቃስ ጎይኖይ ኤሂዳ ሜቶ
\p
\v 1 ጊብጼን ፑዴሃ ባጋራ ዲዛ ሚጊዶሌን፥ ጻፊናሴኒኔ ሜምፒሳን ሄሳካ ጊብጼፔ ዱጌሃ ባጋን ዲዛ ኣይሁዳ ኣሳስ ጎዳ ቃላይ ኤርማሳኮ ዪዲ፥ 
\v 2 ኡባፌ ዎልቃማ ጎዳ ኢስራኤሌ ጾሳይ፥ «ዬሩሳላሜ ቦላኒኔ ዩሁዳ ካታማታ ኡባ ቦላን ታኒ ኤሂዳ ባሽ ኡባ ኢንቴ ኢንቴ ኣይፌራ ቤኢዴታ፤ ኢስቲ ሃች ጋካናስ ኦኒካ ዶንታ ባዞ ቢታ ጊዲ ኣቲዳ። 
\v 3 ሄሲ ሃኒዳይ ኢስቲ ኦዳ ኢታ ኦሶ ጊሻሳ፤ ኢስታ ጊዲን፥ ኢንቴና ዎይኮ ኢንቴ ኣዋታ ጊዲን፥ ባ ኤሮንታ ሃራ ኤቃ ጾሳታስ ኤጻኔ ጩዋሴኒኔ ኢስታስ ጎይኖን ታና ሃንቄዳ። 
\v 4 ታኒካ ኢስታስ፥ ‹ሃይሳ ታና ሃራሲዛ ሚሽ ኦፍቴ!› ጋዳ ታስ ኦዛ ናቤታ ኢስታኮ ዛራ ዛራ ዬዳዲስ። 
\v 5 ኢስቲ ጊዲኮ ኤሮ ጊ ኤኪቤቴና፤ ኢስቲ ባ ኦዛ ኢታ ኦሶፔ ሲሚቤቴና፤ ሃራ ኤቃ ጾሳታስ ኤጻኔ ጩዋሴ ኣጊቤቴና። 
\v 6 ሄሳ ጊሻስ ዩሁዳ ካታማታ ቦላኔ ዬሩሳላሜ ኦጌታ ቦላ ታ ሃንቆይኔ ባሺ ዎዲ ታማ ማላ ኤጺዴስ፤ ሃች ኢንቴ ቤኢዛ ማላ ኦኒካ ዶንታ ማላ ላሌቲዳሶ ጊዲዴስ።
\p
\v 7 «ሃኢካ ኡባፌ ዎልቃማ ጎዳ ኢስራኤሌ ጾሳይ፥ ‹ኢንቴስ ዜሬ ዩሁዳን ኣቶንታ ማላ፥ ማጫሳታ ቦላኔ ኣቱማታ ቦላ፥ ጊታ ናይታ ቦላኔ ቄሪ ናይታ ቦላ ባሺ ያና ማላ ኣይስ ኮዬቲ? 
\v 8 ኢንቴ ዳናስ ጌሊዳ ሃ ጊብጼ ቢታን ሃራ ኤቃ ጾሳታስ ኤጻኔ ጩዋሴን ኢንቴ ኢንቴ ኩሼን ሜዳ ሚሻታን ታና ኣይስ ሃንቄቲ? ቢታ ቦላ ዲዛ ካዎቴታ ኡባ ጊዶን ቃንጌሲኔ ቂስ ማላታ ጊዳና ማላ ኢንቴርካ ኢንቴና ይሳና ኮዬቲ? 
\v 9 ካሴ ኢንቴ ኣዋቲ፥ ዩሁዳ ካዎቲኔ ኢስታ ማቼቲ፥ ቃሴ ኢንቴኒኔ ኢንቴ ማቼቲ ዩሁዳ ካታማታኒኔ ዬሩሳላሜ ኦጌታን ኦዳ ኢታቴ ኡባ ዶጊዴቲ? 
\v 10 ኢንቴ ሃች ጋካናስ ኢንቴናቴ ዚቂሲዲ ታስ ቦንቾ ኢሚቤኬታ፤ ቃሴ ታኒ ኢንቴሲኔ ኢንቴ ኣዋታስ ዎዳ ዎጋኔ ማራ ካሊቤኬታ› ጌስ።
\p
\v 11 «ሄሳ ጊሻስ ኡባፌ ዎልቃማ ጎዳ ኢስራኤሌ ጾሳይ፥ ‹ታኒ ኢንቴ ቦላ ሜቶ ኤሃናሲኔ ዩሁዳ ኡባ ይሳናስ ቃቻ ዴንዳዲስ። 
\v 12 ዩሁዳን ጫሻ ኣቲዳይቲ ጊብጼ ቢዲ ሄን ዳና ቃቺዳ ኡባታ ታኒ ዴን ይሳና፤ ኢስቲ ኡባይ ያና፤ ጊብጼ ቢታን ማሻኒኔ ኮሻን ዉራና፤ ጊታፔ ጋሼ ጋካናስ ዲዛ ኡባይ ማሻኒኔ ኮሻን ሃይቃና፤ ፓልቄስ፥ ዳጋማስ፥ ቃንጌሲኔ ቂስ ኬዛና። 
\v 13 ታኒ ዬሩሳላሜ ኦላን፥ ኮሻኒኔ ኢታ ሃርጌን ቃጻይዳ ማላ ጊብጼ ቢታን ዲዛይታካ ቃጻያና። 
\v 14 ጊብጼ ቢዲ ዲዛ ጫሻ ኣቲዳ ዩሁዳ ኣሳቲ ሲሚዲ ዩሁዳ ቢታ ባና ኣሞቲኮካ ቤቲ ዪዳ ጉታፔ ኣቲን ኬሲ ኤኪዲ ዩሁዳ ቢታ ሲማና ኣሲ ኢሳዴይካ ዴና› ጌስ» ጊዴስ።
\p
\v 15 ኢስታ ማቼቲ ሃራ ኤቃ ጾሳታስ ኤጻኔ ጩዋሲዛይሳ ኤሪዛ ኣቱማሳቲ ኡባይኔ ሄን ዲዛ ማጫሳቲ ኡባይ ሄሲካ ፑዴሃ ባጋ ጊብጼኒኔ ዱጌሃ ባጋ ጊብጼን ዲዛ ዴሬ ኡባይ ኢሲፌ ሺቂዲ ኤርማሳስ፥ 
\v 16 «ኔኒ ጎዳ ሱንን ኑስ ዮቲዛይሳ ኡባ ኑኒ ሲዮኮ። 
\v 17 ኑኒ ኦና ጊዳ ሚሽ ኡባ ኦስ፤ ኑኒ፥ ኑ ኣዋቲ፥ ኑ ካዎቲኔ ኑ ሃላቃቲ ዩሁዳ ካታማታኒኔ ዬሩሳላሜ ኦጌታን ካሴ ኦዳ ማላ፥ ኑኒካ ሳሎ ካዎዮ ጌቴቲዛ ኤቃ ጾሳይስ ኤጻኔ ጩዋሶስ፤ ኡሻ ያርሾካ ኢዚስ ያርሾስ፤ ኑኒ ካሴ ሄሳ ኦዛ ዎዴ ኑስ ቲርፓ ካ ዴስ፤ ኑኒ ሎኦ ዱስ ዴኢዶስ ኣቲን ኣይኮ ኢታካ ቤኢቤኮ። 
\v 18 ጊዶ ኣቲን ሳሎ ካዎይስ ኤጻኔ ጩዋሴኔ ኡሻ ያርሾ ሺሾ ኑ ኣጎሶፔ ሃ ሲሚን ኡባ ሚሺ ኑስ ፓጪዴስ፤ ኑኒ ማሻኒኔ ኮሻን ዉሮን ዶስ» ጊዳ።
\p
\v 19 ማጫሳቲካ፥ «ኑኒ ሳሎ ካዎይስ ኤጻኔ ጩዋሲሺን፥ ኡሻ ያርሾ ሺሺን፥ ኢዚ ሚስሌ ሚሳቲሲዲ ቄሪ ኡኬ ኑ ሺሺን ሄሳ ኡባ ኑ ኣዚናቲ ኤሮንታ ዲሺን ኑ ኦዶኒ?» ጊዳ።
\p
\v 20 ኤርማሲ ባስ ዛሮ ኢሚዳ ኣቱማሳስ፥ ማጫሲኔ ኡባ ኣሳስ፥ 
\v 21 «ኢንቴኒኔ ኢንቴ ኣዋቲ፥ ኢንቴ ካዎቲኔ ኢንቴ ሹሜቲ፥ ቃሴ ቢታይን ዲዛ ኣሳይ ኡባይ ዩሁዳ ካታማታኒኔ ዬሩሳላሜ ኦጌታን ኢንቴ ኤጻኔ ጩዋሲዳይሳ ጎዳይ ኤሮንታኔ ዶጊዳ ኢንቴስ ሚሳቲዜ? 
\v 22 ኢንቴ ኦዳ ኢታኔ ሃራሲዛ ኦሶ ጎዳይ ጮኡ ጋናስ ዳንዳዮንታ ጊሻስ ሃች ኢንቴ ቤኢዛ ማላ ኢንቴ ቢታይ ቃንጌስ ማላታ፥ ኣሲ ባይንዳ ባዞ ቢታ ጊዲዴስ። 
\v 23 ቤኢቴ፥ ሃች ሃ ባሻይ ኡባይ ኢንቴና ጋኪዳይ ኢንቴ ሃራ ኤቃ ጾሳታስ ኤጻኔ ጩዋሲዳ ጊሻስ፥ ጎዳ ቆሂዳ ጊሻስ፥ ጎዳ ቃላ ናጎንታ ኢጺዳ ጊሻስ፥ ኢዛ ዎጋ፥ ማራኔ ኣዛዞ ቦንቾንታ ኣጊዳ ጊሻሳ» ጊዴስ።
\p
\v 24 ሄሳፌ ጉዬ ኤርማሲ ዴራስ፥ ኣቱማሲኔ ማጫስ ኡባስ፥ «ኢንቴኖ ዩሁዳፔ ዪዲ ጊብጼ ቢታን ዲዛ ኣሳቶ! ኡባይካ ጎዳ ቃላ ሲዪቴ! 
\v 25 ኡባፌ ዎልቃማ ጎዳ ኢስራኤሌ ጾሳይ ኢንቴኒኔ ኢንቴ ማቼቲ፥ ‹ኑኒ ሳሎ ካዎይስ ኤጻኔ ጩዋሳናሲኔ ኡሻ ያርሾ ሺሻናስ ኑ ኣዲኒዳ ኣዲና ኣዳፌ ኑ ፖላና› ኢንቴ ጊዳ ቃላ ፖሊዴታ፤ ሂስቲኮ ጉዬ ጎፒቴ፤ ኢንቴ ኣዲኒዳ ቃላ ፖሊቴ። 
\v 26 ኢንቴኖ ጊብጼ ቢታን ዲዛ ዩሁዳ ኣሳቶ! ጎዳ ቃላ ሲዪቴ! ጎዳይ፥ ‹ሃይሳፌ ጉዬ ጊብጼ ቢታን ኣዋ ባጋንካ ዲዛ ዩሁዳ ኣሲ ኦኒካ ዴኦ ጎዳይ ቤኢን!› ጊዲ ታ ሱን ጼይጊ ጫቆንታ ማላ ታኒ ታ ጊታ ሱንን ጫቃዲስ። 
\v 27 ታኒ ኢስታ ቦላ ሎኦ ሚሽ ኤሃናስ ጊዶንታ ኢታ ሚሽ ኤሃናስ ባጼታና፤ ጊብጼን ዲዛ ዩሁዳ ኣሳይ ሙሌራ ዉራና ጋካናስ፥ ኦላኒኔ ኮሻን ሃይቃና። 
\v 28 ጊዶ ኣቲን ኦላፔ ኣቲዳ ጉቲ ጊብጼፔ ሲሚዲ ዩሁዳ ጌላና፤ ሄ ዎዴ ጊብጼን ዳና ቢዲ ሄን ኣቲዳ ዩሁዳ ጫሻቲ ኡባይ ታ ቃላፔኔ ኢስታ ቃላፔ ኣዋይሲ ቱሙ ጊዳናኮ ኢስቲ ኤራና።
\p
\v 29 «ታኒ ኢንቴና ሃ ሶሆን ቃጻያናሲኔ ታኒ ኢንቴ ቦላ ኤሃና ጊዳ ኢታ ሚሺ ፖሌታናይሳ ኢንቴ ኤራና ማላ ታ ሃይሳን ኢንቴና ቃጻያናይሳስ ሃይሳፌ ካሊዛይሲ ኢንቴስ ማላታ ጊዶ። 
\v 30 ሄሲካ፥ ‹ታኒ ዩሁዳ ካዎ ሴዴቂያሲ ኢዛስ ሞርኬ ጊዲዲ ኢዛ ዎናስ ኮይዛ ባቢሎኔ ካዎ ናቡካዳናጾሬ ዎናስ ኮይዛ ኢዛ ሞርኬታስ ታ ኣ ኢማና› ጌስ ጎዳይ» ጊዴስ።\x - \xo 44፡30 \xo*\xt 2ካዎ 25፡1-7\xt*\x*
\c 45
\s ባሮኬስ ዮቴቲዳ ኪታ
\p
\v 1 ኢዮሲያሳ ና ኢዮኣቄሜይ ዩሁዳን ካዎቲዳ ኦይዳን ላይን፥ ኔሪያ ና ባሮኬይ ሃ ቃላታ ኤርማሲ ዮቲን ሲዪዲ ማጻፋን ጻፊዴስ። ሄ ዎዴ ኤርማሲ ኢዛስ ዮቲዳ ቃላይ፥\x - \xo 45፡1 \xo*\xt 2ካዎ 24፡1፤ 2ታሪ 36፡5-7፤ ዳኔ 1፡1-2\xt*\x* 
\v 2 «ባሮኬ! ኔና ጎዳ ኢስራኤሌ ጾሳይ፥ 
\v 3 ኔኒ፥ ‹ጎዳይ ታ ሳኮ ቦላ ጬጬ ጉጂዳ ጊሻስ ታስ ኣዬ ኣና! ታኒ ዳሮ ዬኪዳ ጊሻስ ዳቡራዲስ፤ ሼምፖይካ ታስ ባዋ› ጋዳሳ» ጌስ።
\p
\v 4 ጎዳይ፥ «ታኒ ቢታ ቦላ ኬጺዳይሳ ላላና፤ ታ ቶኪዳይሳካ ሾዳና። 
\v 5 ሂስቲን ኔኒ ኔስ ጊታ ሚሽ ኮያይ? ኣሳ ናይታ ኡባ ቦላ ታኒ ባሽ ኤሃና ጊሻስ ኔ ሄሳ ኮዮፓ፤ ጊዶ ኣቲን ኔኒ ቢዳሶ ኡባን ታ ኔ ሼምፖ ኣሻና» ጌስ።
\c 46
\s ጊብጼ ጊሻስ ዮቴቲዳ ኪታ
\p
\v 1 ካዎቴታ ጊሻስ ናቤ ኤርማሳኮ ዪዳ ጎዳ ቃላይ ሃይሳፌ ካሊ ዲዛይሳ፤
\p
\v 2 ጊብጼ ጊሻስ ዩሁዳ ካዎ ኢዮሲያሳ ና ኢዮኣቄሜይ ካዎቲዳ ኦይዳን ላይን፥ ኤፊራጺሴ ሻፋ ማታን ዲዛ ካርካሚሼን፥ ባቢሎኔ ካዎ ናቡካዳናጾሬይ ጾኒዳ ጊብጼ ካዎ ኒካ ኦላ ኣሳ ቦላ ዮቴቲዳ ኪታይ ሃይሳፌ ካሊ ዲዛይሳ፤\x - \xo 46፡2-26 \xo*\xt ኢሳ 19፡1-25፤ ሂዚ 29፡1—32፡32\xt*\x*
\q1
\v 3 «ኢንቴ ዎጋ ጎንዳሌኔ
\q2 ቄሪ ጎንዳሌ ጊግሲቴ፤
\q2 ሂስቲዲ ኦላስ ኬዚቴ!
\q1
\v 4 ኢንቴ ፓራታ ኮሪዲ ቶጊቴ፤
\q2 ኢንቴ ሁኤን
\q2 ቢራታ ቆቤ ዎዲ፥
\q2 ኢንቴ ሶሆ ሶሆ ኦይኪቴ!
\q2 ኢንቴ ቶራ ሌፍቴ፤
\q2 ኢንቴ ኦላ ማይኦካ ማይኢቴ!
\q1
\v 5 ጊዶ ኣቲን ሃይሲ
\q2 ታኒ ቤኢዛይ ኣዜ?
\q2 ኬሂ ያዪዲ ጉዬ ኡንዱዴቴስ፤
\q2 ዎልቃማ ኢስታ ኦላንቻቲ
\q2 ጾኔቲዳ፤
\q3 ጉዬ ሲሚ ጼሎንታ
\q3 ኤሶን ባቃቴቴስ፤
\q3 ኡባሶን ሺሮይ ዴስ።
\q1
\v 6 ፒላታይ ባቃቲ ኣቴና፤
\q2 ሚኖይካ ኬሲ ኤኪ ኣቴና፤
\q2 ፑዴሃ ባጋን ኤፊራጺሴ ሻፋ
\q3 ማታን ጴቲ ኩንዲዳ።
\q1
\v 7 ሃይሲ ኣባዬ ሻፋ ማላ
\q2 ኪጺዲ ጉፒዛይ
\q2 ቃሴ ዲኦ ሃ ማላ
\q2 ጎጊዛይ ኦኔ?
\q1
\v 8 ጊብጼይ ኣባዬ ሻፋይ
\q2 ኪጺዲ ጉፒዛ ማላ ጉፔስ፤
\q2 ዲኦ ሃ ማላ ጾንጌቴስ፤
\q2 ጊብጼይ፥ ‹ታኒ ኬዛዳ
\q3 ቢታ ካማና፤
\q2 ካታማታኔ ኢስታን ዲዛ
\q3 ኣሳ ይሳና› ጌስ።
\q1
\v 9 ፓራቶ ጉፒ ኬዚቴ፤
\q2 ፓራ-ጋሬቶ ኣዳራሲቴ፤
\q3 ጎንዳሌ ኦይኪዳ
\q3 ቶጵያ ኣሳይኔ
\q3 ፑጼ ኣሳይ፥
\q3 ዎንዳፌ ዋጺ ኦይኪዳ
\q3 ሚኖ ጊዲዳ ሉዲሜ ኣሳቲ፥
\q3 ኢንቴ ሚኖ ኦላንቻቲ
\q3 ኦላስ ዴንዲቴ።
\q1
\v 10 ሄ ጋላሳይ ጎዳ
\q2 ኡባፌ ዎልቃማ
\q2 ጾሳ ጋላሳ፤
\q2 ኢዚ ባ ሞርኬታ ቦላ
\q3 ሃሎ ኬሲዛ ጋላሳ፤
\q2 ማሻይ ካላና
\q2 ጋካናስ ማና፤
\q2 ሳሞ ኣላና ጋካናስካ
\q2 ሱ ኡያና፤
\q2 ጎዳይ ኡባፌ ዎልቃማ
\q3 ጾሳይ ፑዴሃ ባጋን ኤፊራጺሴ
\q3 ሻፋ ማታን
\q3 ኢስታስ ያርሾ ጊግሲ ዎዴስ።
\q1
\v 11 ሃኔ ጊብጼ ጌላኦዬ!
\q2 ፑዴ ጋላኣዴ ኬዛ፤
\q2 ቲዬቲዛ ሌ ኤካ ያ፤
\q2 ጊዶ ኣቲን ኔኒ
\q3 ሌ ጮ ሜላ ዳርሳሳ፤
\q2 ኔ ፓጻካ።
\q1
\v 12 ካዎቴቲ
\q2 ኔ ዬላቴ ሲያና፤
\q2 ኔ ዬሆይ ቢታ ኩማና፤
\q2 ኦላንቻይ ኦላንቻራ
\q3 ኦይኬቲ ኩንዳና»
\q3 ጌስ ጎዳይ።
\p
\v 13 ባቢሎኔ ካዎ ናቡካዳናጾሬይ ጊብጼ ቢታ ዪዲ ኦላናይሳ ጎዳይ ናቤ ኤርማሳስ ዮቲዳ ቃላይ ሃይሳፌ ካሊ ዲዛይሳ፤\x - \xo 46፡13 \xo*\xt ኤር 43፡10-13\xt*\x*
\m
\v 14 «ሃይሳ ጊብጼን ዮታ፤
\q2 ቃሴ ጊብጼ ካታማታን
\q2 ሚጊዶሌን፥ ሜምፒሳኒኔ
\q2 ጻፊናሴን ኣዋጃ።
\q1 ኢንቴ ዩሾን ዲዛይታ
\q2 ማሻይ ማና
\q2 ጊጌቲዳ ጊሻስ
\q2 ኢንቴ ዲዛሶን ዲዛሶን
\q2 ጊጌቲ ኡቲቴ።
\q1
\v 15 ዎልቃማ ጊዲዳ ኣጵሴ ጌቴቲዛ
\q2 ኤቃ ጾሳይ ኣይስ ኩንዲዴ?
\q2 ጎዳይ ኢዛ ሱጊ ዬጊዳ ጊሻስ
\q3 ኤቃና ዳንዳይቤና።
\q1
\v 16 ኢዛ ካሊዛ ኣሳቲ
\q2 ዛሪ ዛሪ ጴታና፤
\q2 ኢሶይ ኢሳ ቦላ ኩንዳና፤
\q2 ‹ኣኔ ዴንዲቴ!
\q2 ጌዴ ኑ ዴሬኔ
\q2 ኑ ኣሳኮ ኣኔ ሲሞስ፤
\q2 ሞርኬ ማሻፌካ
\q3 ኣኔ ኬሲ ኤኮስ› ጋና።
\q1
\v 17 ኢስቲ ሄን፥ ‹ጊብጼ ካዎ ፓሮኔይ
\q2 ባስ ኢሜቲዳ ቃዳን
\q2 ጎኤቶንታ ዲሼ
\q2 ጮ ታ ዳይስ ታ ዳይስ ጊ
\q2 ጬቄቲዛዴ ጊ ጼይጋና› ጊዴስ።
\q1
\v 18 ኢዛ ሱንይ ጎዳ
\q2 ኡባፌ ዎልቃማ
\q2 ጾሳ ጌቴቲዛ ካዎይ፥
\q2 ታኒ ታ ዴኦን ጫቃይስ፤
\q2 ዙማታ ጊዶን ዲዛ
\q3 ታቦሬ ዙማ ሚሳቲዛይ፥
\q2 ኣባ ኣቻን ዲዛ
\q2 ቃርሜሎሴ ዙማ
\q3 ሚሳቲዛ ኢሳዴይ ያናስ ዴስ።
\q1
\v 19 ኢንቴኖ ጊብጼ ቢታን ዲዛይቶ!
\q2 ዲኤቲ ባናስ
\q3 ኢንቴስ ዲዛዝ ጊግሲቴ፤
\q2 ሜምፒሳ ላሌታዳ ኢዚን
\q3 ኣሲ ባይንዳ ቡላ ጊዳና።
\q1
\v 20 ጊብጼ ቢታይ ሎኦ ኡሳ ማላ፤
\q2 ጊዶ ኣቲን ሳጺዛ
\q3 ቦጼይ ፑዴሃ ባጋፌ ያና።
\q1
\v 21 ሚሻን ሻሜቲ ዪዳ
\q2 ኢዚ ኦላንቻቲ
\q2 ሞዳ ዎፋኖ ማላ።
\q2 ኢስቲ ቃጻዬታና
\q3 ዎዴይ ጋኪዳ ጊሻሲኔ
\q2 ኢስቲ ያናስ ዎዴይ
\q2 ማቲዳ ጊሻስ
\q3 ኢስቲ ኢሲፌ
\q3 ጉዬ ሲሚ ባቃታና፤
\q2 ባ ዲዛሶን ሚኒ ኤቂዲ
\q3 ኤቄታናስ ዳንዳዬቴና።
\q1
\v 22 ሞርኬይ ጾኒ ጾኒ ዪሺን
\q2 ጊብጼ ኣሳይ ባቃቲሼ
\q2 ሾሺ ሱይቂዛ ማላ ሱይቃና፤
\q2 ሚ ቃንጻና ቢዛ ኣሳ ማላ
\q2 ኢዚ ሞርኬቲ ኢዞ ቃንጻና
\q3 ካልታ ኤኪ ያና።
\q1
\v 23 ፒ ጊዳ ዎራ ጊዲኮካ
\q2 ዎራይ ቄጼቴስ፤
\q2 ኢስታ ዳሮቴይ ቦሌ ማላ፤
\q2 ኢስቲ ቆዴታናስ ዳንዳዬቴና።
\q1
\v 24 ጊብጼ ማጫ ናያ ዬላታና፤
\q2 ፑዴሃ ባጋ ዴሬስ
\q2 ኣ ኢሜታና።»
\p
\v 25 ኡባፌ ዎልቃማ ጎዳ ኢስራኤሌ ጾሳይ፥ «ቴቤሴ ጾሳ ኣሞኔ ቦላ፥ ፓሮኔ ቦላ፥ ጊብጼ ቦላኔ ኢዚ ኤቃ ጾሳታ ቦላ፥ ኢዚ ካዎታ ቦላኔ ፓሮኔን ኣማኔቲዛይታ ቦላ ታኒ ቂጻቴ ኤሃና። 
\v 26 ኢስታ ዎናስ ኮይዛ ባቢሎኔ ካዎ ናቡካዳናጾሬ ኩሼኒኔ ኢዛ ኦላንቻታ ኩሼን ታ ኣ ኢማና። ጉ ዎዴፔ ጉዬ ጊብጼይ ካሴይሳ ኣሲ ዲዛሶ ጊዳና» ጌስ።
\b
\q1
\v 27 «ታ ኦሳንቻ ያቆቤ ያዮፋ፤
\q2 ኢስራኤሌ ሺሮቶፓ፤
\q3 ታ ኔና ሃሆ ቢታፌ
\q3 ኔ ዛሬካ ዲኤቲ
\q2 ቢዳሶፔ ኣሻና።
\q2 ያቆቤይካ ሲሚዲ
\q2 ሳሮቴን ዎፑ ጊ ዳና፤
\q2 ኢዛ ባቢሳና ሚሺካ ዴና።\x - \xo 46፡27-28 \xo*\xt ኤር 30፡10-11\xt*\x*
\q1
\v 28 ታ ኔናራ ዲዛ ጊሻስ
\q2 ታ ኦሳንቻ ያቆቤ ባቦፋ።
\q2 ታ ኔና ኢዛን ላሊዳ ካዎቴ
\q2 ኡባ ሙሌራ ይሲኮካ
\q2 ኔና ጊዲኮ
\q3 ሙሌራ ይሲኬ።
\q2 ታ ኔስ ቤሲዛ ቂጻቴ ቃጻያና ኣቲን
\q3 ሜላ ኣጊኬ» ጌስ ጎዳይ።
\c 47
\s ፊሊስጼሜ ጊሻስ ዮቴቲዳ ኪታ
\p
\v 1 ፓሮኔይ ጋዛ ኦሊ ኦይካናፔ ካሴ ፊሊስጼሜታ ጊሻስ ጎዳፔ ኤርማሳኮ ዪዳ ቃላይ ሃይሳፌ ካሊ ዲዛይሳ።\x - \xo 47፡1-7 \xo*\xt ኢሳ 14፡29-31፤ ሂዚ 25፡15-17፤ ኢዩ 3፡4-8፤ ኣሞ 1፡6-8፤ ሶፎ 2፡4-7፤ ዛካ 9፡5-7\xt*\x*
\p
\v 2 ጎዳይ፥ «ቤኢቴ፥ ፑዴሃ ባጋን
\q2 ሃ ኩሚ ኩሚ ቤስ፤
\q2 ዎልቃማ ዲኦ ጊዳና፤
\q2 ዴሬዮኔ ኢዚ ጊዶን
\q2 ዲዛይታ ኡባ
\q3 ኢዚ ካታማታኔ
\q3 ካታማታን ዲዛ
\q3 ኣሳ ኡባ ሚታና።
\q2 ዴሬዚካ ባ ቃላ
\q3 ቁ ሂስቲ ዋሳና፤
\q2 ሄ ቢታን ዲዛ ኣሳይ ኡባይ
\q3 ጫሞ ዬሆ ዬካና።
\q1
\v 3 ፓራ ቶሆ ጊሪሲ
\q2 ሞርኬ ፓራ-ጋሬታ ዋሶ፥
\q2 ፓራ-ጋሬታ ቶሆይ ጌንዴሪሼ
\q3 ጊሪዛ ጊሪሳ ጋሶን
\q2 ኣዋቲ ባንታ ናይታ ኣሻናስ
\q3 ጉዬ ሲሚ ጼሌቴና፤
\q2 ኢስታ ኩሼይካ ሲላ ጊዳና።
\q1
\v 4 ፊሊስጼሜ ኣሳ ኡባ ይሳናስ፥
\q2 ባስ ኣቲዲ ሃራታ ማዲዛይታ
\q2 ኡባ ጺሮሴፔኔ
\q2 ሲዶናፔ ዱ ኣሻናስ
\q3 ዎዴይ ጋኪዴስ።
\q2 ጎዳይ ካፍቶሬ ጋጻን
\q2 ኣቲዳ ፊሊስጼሜ ኣሳ
\q3 ይሳና ዴንዲዴስ።
\q1
\v 5 ጋዛይ ካዮስ
\q2 ባ ቢናና ሜዴታና፤
\q2 ኣስቄሎናይ ባ ዶና ቦላ
\q3 ኩሼ ዎና፤
\q2 ኢንቴኖ ዴምባ ቦላ
\q3 ጫሻ ኣቲዳይቶ!
\q2 ኢንቴ ኣይዴ ጋካናስ
\q3 ኢንቴ ቦላ ቃጪሼ ዳኔ?
\b
\q1
\v 6 «ኢንቴ፥ ‹ኔኖ ጎዳ ማሻዉ!
\q2 ኔ ኣይዴ ሼምፓኔ?
\q2 ኔ ኮሆን ሲማ ጌላ፤
\q2 ኔኒ ጮኡ ጋዳ ኡታ› ጋና።
\q1
\v 7 ጊዶ ኣቲን ጎዳይ ኣስቄሎናኔ
\q2 ኣባ ጋጻ ኦላና ማላ ኣዛዚሺን
\q2 ዋኒ ሼምፓናስ
\q2 ዳንዳዬቲዜ?» ጌስ።
\c 48
\s ሞኣቤ ጊሻስ ዮቴቲዳ ኪታ
\p
\v 1 ሞኣቤ ጊሻስ ኡባፌ ዎልቃማ ጎዳ ኢስራኤሌ ጾሳይ፥
\q1 «ኔቦይ ያና ጊሻስ
\q2 ኢዚስ ኣዬ ኣና!
\q2 ቂሪያታይሜይ ካዉያናኔ
\q2 ኦይኬታና፤
\q2 ሚጻቲካ ኦይኬታናኔ
\q2 ላሌታና።\x - \xo 48፡1-47 \xo*\xt ሂዚ 25፡8-11፤ ኣሞ 2፡1-3፤ ሶፎ 2፡8-11\xt*\x*
\q1
\v 2 ሃይሳፌ ጉዬ ሞኣቤይ
\q2 ቦንቼቱኩ፤
\q2 ኣሳይ ሃሴቦኔን ኡቲዲ፥
\q3 ‹ሃ ዪቴ! ሃኖ ካታማዮ
\q3 ኣኔ ይሶስ›
\q3 ጊዲ ኢዚ ቦላ ዱላታና።
\q2 ሃኔ ማዲሜኔ!
\q2 ኔና ቡሮ ጮኡ ሂስታና፤
\q2 ማሻይ ኔና ጎዳና።
\q1
\v 3 ሆሮናይሜፔ ኬዚዛ ይሳ
\q2 ዋሶኔ ጊታ ባሻ ዋሶ
\q2 ጊሪስ ሲዪቴ፤
\q1
\v 4 ሞኣቤይ ሜቃና፤
\q2 ኢዚ ናይቲካ ዋሶ ሲሳና።
\q1
\v 5 ጫሞ ዬሆ ዬካና፤
\q2 ሉሂቴ ፑዱን ኬዛና፤
\q3 ባና ጋኪዳ ኢታ ሜቶፔ
\q3 ዴንዲዳይሳን ጫሞ ዬሆ
\q2 ዬኪሼ ሆሮናይሜ
\q2 ዱጉን ዎና።
\q1
\v 6 ባቃቲዲ ኢንቴ ሼምፖ ኣሺቴ፤
\q2 ባዞን ቱሻ ዎራ ጊዲቴ።
\q1
\v 7 ኢንቴ ኦዳ ኦሶኒኔ
\q2 ኢንቴ ኣቆታን
\q2 ኢንቴ ኣማኔቲዛ
\q2 ጊሻስ ኢንቴካ ዲኤታና፤
\q3 ካሞሼይካ ባ ቄሴታራኔ
\q3 ባ ሹሜታራ ዲኤቲ ባና።
\q1
\v 8 ካታማ ኡባ ቦላ
\q2 ይሲዛይ ያና፤
\q2 ኢሲ ካታማይካ
\q2 ኬሲ ኤኪ ኣቴና፤
\q3 ጎዳይ ዮቲዳ ጊሻስ
\q2 ሾባይ ያና፤
\q3 ዴምባቲካ ያና።
\q1
\v 9 ሞኣቤይ ፒራ ኣታና ማላ
\q2 ኢዚስ ቄፌ ኢሚቴ፤
\q2 ኢዚ ካታማቲ ኣይኮይ ባይንዳ
\q3 ቡላ ጊዳና።
\b
\q1
\v 10 «ጎዳ ኦሶስ ዉዱ ጎንታዴይ
\q2 ቃንጌቲዳዴ ጊዶ!
\q2 ኢዛ ማሻይ
\q2 ሱ ጉሶንታ ማላ
\q2 ዲጊዛዴይ ቃንጌቲዳዴ ጊዶ።
\b
\q1
\v 11 «ሞኣቤይ ዬላጋቴፌ
\q2 ዶሚዲ ጋጬቶንታ
\q2 ቶጬራ ዲዛ ዎይኔ
\q2 ኡሻ ማላ ዎፓን ዴስ፤
\q2 ኦቶፔ ኦቶን ላሜቲቤና፤
\q2 ኢዚ ዲኤቲ ቢ ኤሬና፤
\q2 ኢዛ ማልኦይ
\q2 ካሴ ዲዛ ማላ ዴስ፤
\q2 ኢዛ ሳዎይካ ላሜቲቤና።
\q1
\v 12 ጊዶ ኣቲን ኦቶዛ ላሚዛ ኣሳታ
\q2 ታ ኪታና ዎዴይ ያና፤
\q3 ኢስታካ ዎራ ጉሲዲ
\q3 ኦታ ጻላ ኣሻና፤
\q2 ዱቂዛ ሚሻታካ
\q2 ሜንሬ ዬጋና።
\q1
\v 13 ኢስራኤሌ ኣሳይ ቤቴሌን
\q2 ኣማኔቲ ዲሼ
\q2 ዬላቲዳይሳ
\q2 ሞኣቤ ኣሳይካ
\q2 ባ ጾሳን
\q2 ካሞሼን ዬላታና።
\b
\q1
\v 14 «ኢንቴ፥ ‹ኑኒ ሚኖ ኦላንቻታ›
\q2 ጋናስ ዋኒ ዳንዳይዴቲ?
\q1
\v 15 ቤኢቴ ሞኣቤ ቢታይ ያና፤
\q2 ኢዚ ካታማቲካ ዎራጄታና፤
\q3 ዶሬቲዳ ኢዚ ዬላጋ ናይቲካ
\q3 ሹኬታናስ ዱጌ ዎና፤
\q3 ኢዛ ሱንይ ጎዳይ ኡባፌ
\q3 ዎልቃማ ጾሳይ፥
\b
\q1
\v 16 «ሞኣቤስ ኩንዴ
\q2 ዎዴይ ጋኪዴስ፤
\q2 ባሺ ኢዛ ቦላ ኤሶን ያና።
\q1
\v 17 ኢዛ ዩሾን ዲዛ ኡባይ
\q2 ኢዛ ጊታቴ ኤሪዛይቲ ኡባይ
\q3 ኢዛስ ዬኪቴ፤
\q2 ኢንቴ፥ ‹ሚኖ ኢዛ ጪካይ፥
\q3 ቦንቼቲዳ ጻንባሮይ
\q3 ዋኒ ሜቂዴ?› ጊቴ።
\b
\q1
\v 18 «ሞኣቤ ይሳናይ
\q2 ኔ ቦላ ያና፤
\q2 ጊምቤቲዳ ኔ ካታማታ
\q3 ኢዚ ይሳና፤
\q2 ሃኔ ዲቦኔ ናዬ!
\q2 ኔ ቦንቾዛፔ
\q2 ዱጌ ዎ፤
\q2 ሜላ ቢታ ቦላ ዎ ኡታ።
\q1
\v 19 ሃኔ ኣሮኤሬን ዲዛሬ!
\q2 ኔኒ ኦጌ ዶናን ኤቃዳ ጼላ፤
\q3 ባቃቲዛ ኣቱማስ፥
\q3 ኬሳ ኤካ ቢዛ ማጫስ፥
\q3 ‹ኣዜ ሜቲዳይ?›
\q3 ጋዳ ኦይቻ።
\q1
\v 20 ሞኣቤይ ላሌቲዲ ካዉዪዴስ፤
\q2 ‹ዉ! ዉይ› ጊዲ ዋሲቴ፤
\q2 ሞኣቤይ ሙሌራ ይዳይሳ
\q2 ኣርኖኔ ሻፋ ኣቻን ኣዋጂቴ!
\q1
\v 21 ፒርዳይ ቦላ ጌዜ ቢታን
\q2 ሆሎኔ ቦላ፥
\q2 ያሃጼ ቦላኔ
\q2 ሜፋኣቴ ቦላ፥
\q1
\v 22 ዲቦኔ ቦላ፥
\q2 ኔቦ ቦላኔ
\q2 ቤቲ-ዲቢላታይሜ ቦላ፥
\q1
\v 23 ቂሪያታይሜ ቦላ፥
\q2 ቤቲ-ጋሙሌ ቦላኔ
\q2 ቤቲ-ማኦኔ ቦላ፥
\q1
\v 24 ቂሪያቴ ቦላኔ ቦጺራ ቦላ፥
\q2 ሃሆኒኔ ማታን ዲዛ ሞኣቤ
\q2 ካታማታ ኡባ ቦላ ዪዴስ።
\q1
\v 25 ሞኣቤ ካጬይ ቃንጼቲዴስ፤
\q2 ኢዛ ቄሴይካ ሜቄሬቲዴስ።
\b
\q1
\v 26 «ኢዚ ጎዳ ካዳ ጊሻስ
\q2 ሞኣቤ ኡሻን ማሲቴ፤
\q2 ሞኣቤይ ባ ጮሻ ቦላ ጌንዴሬቶ፤
\q2 ቂስ ኣቶ።
\q1
\v 27 ኔኒ ካሴ ኢስራኤሌ ቂቤኪ?
\q2 ኢዚ ጊሻስ ኔ ሃሳይዛ ዎዴ
\q2 ኔኒ ኔ ሁኤ ቃቤኪ?
\q2 ኢዛ ካይሶታራ ካይሶታሼ
\q2 ኦይኬታዴ?
\q1
\v 28 ኢንቴኖ ሞኣቤን ዲዛይቶ!
\q2 ካታማፔ ኬዚ ቢዲ
\q2 ዛላ ጊዶን ዲቴ፤
\q2 ኣፎ ዶናን ባ ኬ ኬጺዛ
\q3 ሃራጴይ ማላ ጊዲቴ።
\q1
\v 29 ሞኣቤ ኦቶሬቴ፥
\q2 ባና ቁ ሂስቴ፥
\q2 ጬቄቴኔ
\q2 ዎዚና ሙሜቴ
\q3 ኑ ሲዪዶስ።
\q1
\v 30 ታኒ ኢዛ ዎልቃ ኤራይስ፤
\q2 ጊዶ ኣቲን ሄሲ ሃዳ፤
\q2 ኢዛ ጬቄቴስ ጎኣይ ዴና።
\q1
\v 31 ሄሳ ጊሻስ
\q2 ታኒ ሞኣቤስ ዬካይስ፤
\q2 ሞኣቤ ዴሬ ኡባስ፥
\q3 ‹ዉ! ዉይ› ጋይስ፤
\q2 ቂሬ-ሄሬሴ ኣሳሲካ
\q2 ዬሆ ጬንጉርስ ሲሳይስ።
\q1
\v 32 ኔኖ ሴባማ ዎይኔ ሚዞ!
\q2 ኢያዜሬስ ዬኮይሳፌ
\q2 ኣዳ ታኒ ኔስ ዬካይስ።
\q2 ኔ ሃጋቲ ዳዪዲ ኣባ ፒኒዲ
\q3 ኢያዜሬ ጋኪዳ፤
\q3 ጊዶ ኣቲን ኔስ ማጻ ጋኪዳ
\q3 ካ ኣይፌኔ
\q3 ዎይኔ ይሳናይ ዪዴስ።
\q1
\v 33 ሞኣቤን ኣታኪልቴሶፔኔ
\q2 ጎሻ ጋዴፔ
\q2 ሃሹ ሂስቲዛዚኔ
\q3 ኡፋይሲ ይዴስ፤
\q2 ዎይኔ ኡሺ ጉምኢን
\q2 ዎንታ ማላ ሜሊሳዲስ፤
\q2 ኦኒካ ኢዛ ኢሊሊሼ ጉምኤና፤
\q2 ሄን ኣሳ ቃላይ ሲዬቲኮካ
\q2 ኢሊሊሳ ጬንጉርስ ጊዴና።
\b
\q1
\v 34 «ሃሴቦኔፔ ቢዲ ኤልኤሌኔ
\q2 ያሃጼ ጋካናስ፥
\q2 ዞኣሬፔ ቢዲ ሆሮናይሜ፥
\q3 ኤጊላቴ-ሻሊሺያ ጋካናስ
\q2 ኢስታ ዋሶይ ኬሂ ሴቴቴስ፤
\q2 ኒሚሪሜ ሃ ሜሊዴስ።
\q1
\v 35 ቃሶሆታ ቦላ ያርሺዛይታኔ
\q2 ባንታ ኤቃ ጾሳታስ
\q3 ኤጻኔ ጩዋሲዛይታ
\q2 ታኒ ሞኣቤ ቢታፌ ይሳና።
\b
\q1
\v 36 «ታ ዎዚናይ ሞኣቤሲኔ
\q2 ቂሬ-ሄሬሴ ኣሳስ ዛዬን
\q3 ዬኪዛ ኣሳ ማላ ዬኬስ፤
\q2 ጋሶይካ ኢስታ ዱሬቴ
\q2 ይዴስ።
\q1
\v 37 ኣስ ኡባ ሁኤይኔ
\q2 ቡቺ ሜዴቲዴስ፤
\q2 ባንታ ኩሼካ ጫዴሬዳ፤
\q2 ቃሴ ማቃ ማይኢዳ።
\q1
\v 38 ሞኣቤን ዲዛ ኬ
\q2 ኡባኒኔ ዳባባን
\q2 ዬሆፔ ኣቲን
\q2 ሃራይ ዴና፤
\q3 ጋሶይካ ታኒ ሞኣቤ ዴሬ
\q3 ሞሆ ኦቶ ማላ
\q3 ሜንሬ ዬጋዲስ።
\b
\q1
\v 39 «ሞኣቤይ ኣይ ሜቆ ሜቂዴ!
\q2 ኣሳይ ኣይ ዬሆ ዬኪዜ!
\q2 ሞኣቤይ ኣይ ማላ
\q2 ዬላቲዲ ዞኮ ዛሪዴ!
\q2 ሞኣቤይ ባ ሄራን ዲዛ
\q2 ኣሳ ኡባስ
\q3 ጫሻሲኔ ሻባርሳስ
\q3 ማላታ ጊዲዴስ» ጌስ።
\q1
\v 40 ጎዳይ፥ «ጎሌይ ባ ቄፌ
\q2 ፒዲ ሂስቲ
\q2 ፒራ ዎዛ ማላ፥
\q2 ሞኣቤ ቦላ ዎና።
\q1
\v 41 ኢዛ ካታማቲኔ
\q2 ኢዛ ሚጻቲ ኦይኬታና፤
\q2 ሄ ጋላስ ሞኣቤ
\q2 ኦላንቻታ ዎዚናይካ
\q2 ሚጻ ኦይኬቲዳ ማጫሳ
\q3 ዎዚና ማላ ጊዳና።
\q1
\v 42 ሞኣቤይ ጎዳ
\q2 ካዉሺዳ ጊሻስ ያና፤
\q2 ኢዛ ካዎቴይካ ኣታና።
\q1
\v 43 ኔኖ ሞኣቤ ዴሬዞ!
\q2 ኔና ሻባርሲ፥ ኦላይኔ
\q3 ዎጺማዴይ ናጌስ።
\b
\q1
\v 44 «ሻባርሳፌ ባቃቲ ኣቲዳ ኡባይ
\q2 ኦላን ጌላና፤
\q2 ኦላፌ ኬዚዳይ
\q3 ዎጺማዴን ኦይኬታና፤
\q2 ታኒ ሞኣቤይ ቃጻዬቲዛ
\q2 ላይ ኤሃና ጊሻሳ።
\b
\q1
\v 45 «ሃሴቦኔፔ ሞኣቤ ሊጴ፥
\q2 ጬቄቲዛይታ ፒ
\q2 ጹጊዛ ታማይ፥
\q2 ታማ ላጮይ ሲሆኔ
\q3 ኬፌ ኬዚዴስ፤
\q2 ባቃቲ ቢዳይቲ
\q3 ሃሴቦኔ ኩዋ ጋርሳን
\q3 ባናሶ ይዲ ኤቂዳ።
\q1
\v 46 ሞኣቤ ኔስ ኣዬ ኣና!
\q2 ካሞሼስ ጎይኒዛ
\q3 ዴሬይ ዉሪ ዉሪዴስ።
\q2 ኔ ኣቱማ ናይቲ ኡባይ ዲኤቲዳ፤
\q2 ማጫ ናይቲ ኡባይካ ዲኤቲ ቢዳ።
\b
\q1
\v 47 «ጊዶ ኣቲን ዉርሴን ሞኣቤፔ
\q2 ዲኤቲ ቢዳይታ ታ ዛራና» ጌስ።
\q2 ሞኣቤ ቦላ ፒርዴቲዳ
\q2 ፒርዳይ ሄሳ።
\c 49
\s ኣሞኔ ዴሬስ ዮቴቲዳ ኪታ
\p
\v 1 ኣሞኔ ኣሳ ጎዳይ፥
\q1 «ኢስራኤሌይ ኣቱማ
\q2 ናይታ ዬሊቤኔ?
\q2 ዎይኮ ኢዛ ላታናይቲ ባዌ?
\q2 ሂስቲን ሚልኮሜይ\f + \fr 49፡1 \fr*\ft ሚልኮሜይ ኣሞኔቲ ጎይኒዛ ኤቃ ጾሳታፔ ኢሳ።\ft*\f*
\q3 ጋዴ ኣይስ ላቲዴ?
\q2 ኢዛ ኣሳቲ ኣይስ ካታማይን ዲዞ?\x - \xo 49፡1-6 \xo*\xt ሂዚ 21፡28-32፤ 25፡1-7፤ ኣሞ 1፡13-15፤ ሶፎ 2፡8-11\xt*\x*
\q1
\v 2 ኣሞኔ ካታማ ኤራባ ቦላ
\q2 ኦላ ዋሶ ጬንጉርሲ
\q2 ሴቴታና ዎዴይ ያና።
\q2 ኢዛ ቡታዳ ዶሬቲዳ
\q2 ዶሬ ጊዳና፤
\q2 ኢዚ ጉታቲ ኡባይ ጹጌታና፤
\q2 ኢስራኤሌይ ባና ኬሲ ጎዲዳይታ
\q3 ባ ዴሬፔ ኬሳ ጎዳና።
\q1
\v 3 ሃኔ ሃሴቦኔ!
\q2 ኣዬ ካታማይ
\q2 ይዳ ጊሻስ ዬካ፤
\q2 ኤራባ ማጫ ናይቶ ዋሲቴ፤
\q2 ማቃ ማይኢዲ ዬኪቴ፤
\q2 ጋሶይካ ሚልኮሜይ
\q2 ባ ቄሴታራኔ
\q3 ባ ሹሜታራ ዲኤቲዲ ባና፤
\q3 ዲርሳ ጊዶን
\q2 ያኔ ሃ ዎጼሬቲቴ።
\q1
\v 4 ሃኔ ካዲዳሬ!
\q2 ኔኒ ኔ ሾባታን
\q2 ኣይስ ኣማኔታይ?
\q2 ኔኒ ሎኦ ካ ኢሚዛ
\q2 ኔ ሾባን ኣይስ ጬቄታይ?
\q3 ኔኒ ኔ ዱሬቴን ጬቄታዳ፥
\q3 ‹ታና ኦኔ ቦቻናይ?› ጋሳ።
\q1
\v 5 ታኒ ኔ ዩሾን ዲዛይታፔ
\q2 ኔ ቦላ ሺሮ ኤሃና፤
\q2 ኢንቴ ኡባይካ ጎዴታና፤
\q2 ባቃታ ቦላ ዲዛይታ
\q3 ሺሻና ኣሲ ቤቴና።
\p
\v 6 «ሄሳፌ ጉዬ ታኒ
\q2 ኣሞኔ ኣሳፔ ዲኤቲዳ
\q2 ሚሻ ዛራና» ጌስ።
\s ኤዶሜ ጊሻስ ዮቴቲዳ ኪታ
\p
\v 7 ኤዶሜ ጊሻስ ጎዳይ ኡባፌ ዎልቃማ ጾሳይ፥
\q2 «ኣ ኤራቴ
\q2 ቴማኔ ኣሳፔ ይዴ?
\q2 ዞሬይ ኣኬካንቻታፔ
\q2 ሃኪዴ?
\q2 ኢስታ ኣ ኤራቴይ ጪንጊዴ?\x - \xo 49፡7-22 \xo*\xt ኢሳ 34፡5-17፤ 63፡1-6፤ ሂዚ 25፡12-14፤ 35፡1-5፤ ኣሞ 1፡11-12፤ ኣብ 1-14፤ ሚል 1፡2-5\xt*\x*
\q1
\v 8 ታኒ ኤሳዌ ቃጻዪዛ ዎዴ
\q2 ታ ኢዛ ቦላ ባሻ
\q2 ኤሂዛ ጊሻስ
\q3 ኢንቴ ዲዳኔን ዲዛይቲ
\q3 ጉዬ ሲሚ ባቃቲቴ፤
\q3 ጪማ ኦላ ጊዶን ቆቴቲቴ።
\q1
\v 9 ዎይኔ ማጺዛይቲ ኢንቴኮ ዪዲ
\q2 ማጺሼ ፑሹሎ
\q2 ኣሺ ኤሬቴኔ?
\q2 ካይሶቲ ካይሶታና ጌሊኮ
\q2 ባ ኮዪዳይሳ ጻላ
\q2 ኤኬቴስ ዴቴኔ?
\q1
\v 10 ጊዶ ኣቲን ታኒ ኤሳዌ
\q3 ፓጻ ካሎ ኣሻና፤
\q2 ኢዚ ቆቴቲ ኣቶንታ ማላ
\q2 ኢዚ ቆቴታናሶሆታ
\q3 ታኒ ቆንጬ ኬሳና፤
\q2 ኢዛ ናይቲ፥ ኢዛ ዳቦቲኔ
\q2 ኢዛ ሾሮቲ ያና፤
\q3 ኢዚካ ባ ሁኤስ ዴና።
\b
\q1
\v 11 «ዬሊዳ ኣያኔ ኣዋይ ባይንዳ
\q2 ኔ ጋርሳን ዲዛ ናይታ
\q3 ኔ ኣጋጋ፤
\q2 ታ ኢስታ ዲቻና፤
\q2 ኣምኤቲካ ታናን
\q2 ኣማኔቴቶ» ጌስ።
\p
\v 12 ጎዳይ፥ «ጻዋ ኡያና ቤሶንታይታስ ጻዋ ኡሺ ኣቶንታይሳ ጊዲኮ ኔኒ ዋና ቂጻቴፔ ኣታኔ? ኔስ ቃጻዬቴ ኣቴና፤ ኔ ኡያናስ ቤሴስ። 
\v 13 ቦጺራይ ላሌታዳ ዳጋማስ፥ ቂሲኔ ቃንጌስ ማላታ ጊዳና ማላ ታኒ ታናን ጫቃዲስ፤ ኢዚ ካታማቲ ኡባይ ሜርናስ ኣይኮይ ባይንዳ ቡላ ጊዳና» ጌስ።
\p
\v 14 ጎዳፔ ዪዳ ኢሲ ኪታ ሲያዲስ፤
\q1 «ኤዶሜ ቦላ
\q2 ዎራጃናስ ሺቂቴ፤
\q2 ኦሌታናስ ዴንዲቴ!» ጊ ዮቲዛ
\q2 ቃስታኔይ ካዎቴታኮ
\q2 ኪቴቲዴስ።
\p
\v 15 ጎዳይ፥ «ሃኢ ታኒ ኔና
\q2 ካዎቴታ ጊዶን ላፋ፤
\q2 ኣሳ ጊዶንካ
\q2 ካቲዳዴ ኦና።
\q1
\v 16 ኔኖ ዛላ ጎንጎሎ
\q2 ጊዶን ዲዛይሶ!
\q2 ኔኖ ቃ ዙምቡላ
\q2 ሁኤን ኡቲዳይሶ!
\q2 ኔ ዮምቢዛ ዮምባይኔ
\q2 ኔ ዎዚና
\q2 ኦቶሮይ ኔና ባሌዴስ፤
\q3 ኔኒ ኔ ኬ ጎሌ ማላ
\q3 ቃሶሆን ኬጺኮካ
\q3 ታኒ ኔና
\q3 ሄፔ ዱጌ ኦላና» ጌስ።
\p
\v 17 ጎዳይ፥ «ኤዶሜይ
\q2 ዳጋማስ ማላታ ጊዳና፤
\q2 ሄራ ኣዛ ኣስ ኡባይ
\q2 ኢዚ ቦላ ጋኪዳ ባሽ ቤኢዲ
\q3 ማላሌቲሼ ቂና።
\q1
\v 18 ሶዶሜይኔ ጋሞራይ
\q2 ባንታ ዩሾን ዲዛ ካታማታራ
\q2 ኢሲፌ ይዳ ማላ
\q3 ኤዶሜይ ያና፤
\q2 ኦኒካ ሄ ቢታን ዴኤና፤
\q2 ኢሳዴይካ ኢዚን ኡቴና» ጌስ።\x - \xo 49፡18 \xo*\xt ሜ 19፡24-25\xt*\x*
\b
\q1
\v 19 ጎዳይ፥ «ጋሞይ
\q2 ዮርዳኖሴ ዎራታፔ
\q2 ሜሄ ሄሚዛ ዴምባን
\q3 ኬዚ ዎዛ ማላ
\q2 ታኒካ ኤዶሜይ ቆፖንታ
\q2 ዲሺን ኬዛ ዎና፤
\q2 ኢዛ ቢታፌ ታ ኢዛ ጎዳና፤
\q2 ታ ዶሪዳይሳ
\q2 ኢዛ ቦላ ሹማና፤
\q3 ታ ማላይ ኦኔ?
\q3 ታናራ ኤቄታና
\q3 ዳንዳይዛይ ኦኔ?
\q3 ታናራ ኤቄታና ዳንዳይዛ
\q3 ሄንንቻይ ኦኔ?» ጌስ።
\q1
\v 20 ሄሳ ጊሻስ ታኒ ጎዳይ
\q2 ኤዶሜ ቦላ ፖላናስ ሃልቺዳ ሃልቾኔ
\q2 ቴማኔን ዲዛይታ ቦላ
\q3 ታ ቆፒዳ ቆፋ ሲዪቴ!
\q2 ጉ ዉዴቲ ጎሼቲ ባና፤
\q2 ሄሳ ጋሶን ዉዴይ ሄሜቲዛሶ
\q3 ሙሌራ ይሳና።
\q1
\v 21 ኤዶሜ ኩንዴ ጊሪሲ
\q2 ቢታ ቃና፤
\q2 ኢስታ ዋሶይካ
\q3 ዞኦ ኣባ ጋካናስ
\q3 ኮሹሜስ።
\q1
\v 22 ጎሌ ማላ ዱጌ ሲቲ ጊ
\q2 ኢዚ ቦላ ዎና፤
\q2 ባ ቄፌታካ ቦጺራ ቦላ ሚጫና፤
\q2 ሄ ዎዴ ኤዶሜ ኦላንቻቲ
\q2 ሚጻይ ኦይኪዳ
\q3 ማጫሳ ማላ ሂርጋና።
\s ዳማስቆ ጊሻስ ዮቴቲዳ ኪታ
\p
\v 23 ጎዳይ ዳማስቆ ጊሻስ፥
\q1 «ሃማቴ ኣሳይኔ ኣርፋዴ ኣሳይ
\q2 ዳማስቆ ካታማ
\q2 ዮ ሲዪዲ ዳጋሚዴስ፤
\q2 ኣባ ዳምባላ ማላ ሺሮቲዴስ፤
\q2 ኢስታ ዎዚናይካ ሴሪዴስ።
\q1
\v 24 ዳማስቆይ ዳቡራዱስ፤
\q2 ባቃታናስ ጉዬ ሲማዱስ፤
\q2 ኮኮራዱስ፤
\q3 ሚጻይ ኦይኪዳ
\q2 ማጫሳ ማላ ጬጬይኔ
\q3 ቱጋይ ኢዞ ኦይኪዴስ።\x - \xo 49፡24-27 \xo*\xt ኢሳ 17፡1-3፤ ኣሞ 1፡3-5፤ ዛካ 9፡1\xt*\x*
\q1
\v 25 ታ ኢዚን ኡፋዬቲዛ ኤሬቲዳ ካታማያ
\q2 ዋና ዬጌታ ኣታዴ?
\q1
\v 26 ሄ ዎዴ ኢዚስ ናቴ
\q2 ኣቱማ ናይቲ ኡባይ
\q2 ኬኢዳሶን ኬኢዳሶን
\q3 ኦጌ ቦላ ኩንዳና፤
\q2 ኦላንቻቲ ኡባይካ
\q2 ሃይቂ ዉራና።
\q1
\v 27 ታኒ ዳማስቆ ካታማ ዩሾን ዲዛ
\q2 ጊምቤ ቦላ ታማ ዬዳና፤
\q2 ሄ ታማይ ቤኒ-ሃዳዴ
\q2 ሻኮ ማና» ጌስ።
\s ቄዳሬ ጊሻሲኔ ሃጾሬ ጊሻስ ዮቴቲዳ ኪታ።
\q1
\v 28 ባቢሎኔ ካዎ
\q2 ናቡካዳናጾሬይ
\q2 ኦሊ ጾኒዳ ቄዳሬ
\q2 ካዎቴ ጊሻሲኔ
\q2 ሃጾሬ ካዎቴ ጊሻስ
\q2 ጎዳይ፥ «ዴንዲዲ ቄዳሬ ኦሊቴ!
\q3 ኣርሼይ ሞኪዛ ባጋራ ዲዛ
\q3 ዴራ ዲፒ ሂስቲቴ።
\q1
\v 29 ኢስታ ዱንካኔታኔ
\q2 ኢስታ ዉዴታ ኤኪቴ!
\q2 ኢስታ ኣቆሶይኔ ኢስታ ጋሜላቲ
\q2 ኡባይ ኣቶንታ ኤኬታና፤
\q2 ሂስቲዲ ኢስታስ፥ ‹ኢስታ ቦላ
\q2 ሺሮ ቦላ ሺሮይ ዪዴስ›
\q2 ጊዲ ዋሳና።
\b
\q1
\v 30 «ኢንቴኖ ሃጾሬን ዲዛይቶ!
\q2 ባቢሎኔ ካዎ
\q2 ናቡካዳናጾሬይ
\q2 ኢንቴ ቦላ ኢታ ሚሽ ኦና
\q2 ማቄቲ ኡቲዳ ጊሻስ ባቃቲቴ፤
\q2 ቢዲ ጪማ ጎንጎሎን ቆቴቲቴ።
\b
\q1
\v 31 «ዴንዲቴ! ሂርጋይ ባይንዳ
\q2 ባ ጊ ኡቲዳ
\q2 ባናን ኣማኔቲ ኡቲዳ
\q2 ካዎቴ ኦሊቴ!
\q2 ኢቢ ዎይኮ ኮላታይ
\q2 ባይንዳ ዲሺን ባርካ ዲዛ
\q2 ዴራ ቦላ ዎራጂቴ» ጌስ።
\p
\v 32 ጎዳይ፥ «ኢስታ ጋሜላቲ ቦንቄታና፤
\q2 ኢስታ ዉዴታካ ቡሪ ኤኪ ባና፤
\q2 ባንታ ሁኤ ጋሜ ሂስቲ
\q2 ሜዴቲዳይታ
\q2 ታኒ ጫርኮን ላላና፤
\q2 ታኒ ኡባሶራ ኢስታ ቦላ
\q2 ቦሻ ኤሃና።
\b
\q1
\v 33 «ሃጾሬይ ዎራካናታ
\q2 ዱሳሶ ጊዳና፤
\q2 ሜርናስ ቡላ ጊዳና፤
\q2 ኦኒካ ሄን ዴኤና፤
\q2 ኣይ ኣሲካ ኢዚን ኡቴና» ጌስ።
\s ኤላሜ ጊሻስ ዮቴቲዳ ኪታ
\q1
\v 34 ዩሁዳ ካዎ ሴዴቂያሲ ካዎቲዳ
\q2 ኮይሮ ላይ ጎዳፔ
\q2 ኤላሜ ጊሻስ
\q3 ታኮ ዪዳ ቃላይ፥
\q1
\v 35 ኡባፌ ዎልቃማ ጎዳይ፥
\q2 «ሄኮ ኢዚ ዎልቃቴስ
\q2 ዮች ጊዲዳ
\q2 ኤላሜ ዎንዳፌታ
\q2 ታ ሜንና።
\q1
\v 36 ኦይዱ ባጋ ጉላታፔ
\q2 ታኒ ኤላሜ ቦላ
\q3 ኦይዱ ጫርኮታ ኤሃና፤
\q2 ኢስታ ሄ ኦይዱ ባጋ ጫርኮታን
\q3 ታ ላላና፤
\q2 ኤላሜፔ ዲኤቲ ቢዳይቲ
\q3 ጋኮንታ ካዎቴይ ዴና።
\q1
\v 37 ኢስታ ሼምፖ ዎና ኮይዛ
\q2 ኢስታ ሞርኬታ ሲንን
\q2 ታኒ ኤላሜ ያርኪያርኪሳና፤
\q2 ኢስታ ቦላ ባሽ ኤሃና፤
\q2 ሄሲካ ታ ኢስታ ቦላ
\q2 ኤሃና ሃንቆ፤
\q3 ታኒ ኢስታ ሙሌራ
\q2 ይሳና ጋካናስ
\q3 ማሻን ዬዴና።
\q1
\v 38 ታኒ ኣራታ ኤላሜን ቶካና፤
\q2 ታኒ ኢዚ ካዎታኔ
\q3 ሹሜታ ይሳና።
\b
\q1
\v 39 «ጊዶ ኣቲን ዉርሴ ዎዴታን
\q2 ታኒ ኤላሜ ዛራ
\q2 ኢሻልሳና» ጌስ።
\c 50
\s ባቢሎኔ ጊሻስ ዮቴቲዳ ኪታ
\p
\v 1 ባቢሎኔ ቢታኔ ባቢሎኔ ኣሳ ጊሻስ ጾሲ ናቤ ኤርማሳ ባጋራ ዮቲዳ ቃላይ ሃይሳፌ ካሊዛይሳ፤\x - \xo 50፡1—51፡64 \xo*\xt ኢሳ 13፡1—14፡23፤ 47፡1-15\xt*\x*
\q1
\v 2 «ካዎቴታ ኡባ
\q2 ጊዶን ኣዋጂቴ!
\q2 ባንዲራ ቁ ሂስቲ
\q2 ኦይኪዲ ኣዋጂቴ!
\q2 ኣይኮካ ኣሾንታ ዲሼ፥
\q2 ‹ሄኮ ባቢሎኔይ ኦይኬታና፤
\q3 ቤሌይ ካዉያና፤
\q3 ማርዱኬይ ሺሮን ኩማና፤
\q3 ኢዚ ኤቃ ጾሳቲ ካዉያና፤
\q3 ኢዚ ኤቃ ሚስሌቲ
\q3 ሜቄሬታና› ጊቴ።
\q1
\v 3 ፑዴሃ ባጋፌ
\q2 ኢሲ ካዎቴይ ዪዲ
\q2 ባቢሎኔ ቢታ ኦላና፤
\q2 ሄሳፌ ዴንዲዳይሳን
\q3 ኣሲኔ ሜሄይ ባቃታና፤
\q2 ቢታዮካ ቡላ ኬሳና፤
\q2 ኦኒካ ኢዚን ዴና።»
\s ኢስራኤሌኔ ዩሁዳ ኣሳ ሲሞ
\q1
\v 4 ጎዳይ፥ «ሄ ዎዴኒኔ ሄ ጋላሳታን
\q2 ኢስራኤሌ ኣሳይኔ
\q3 ዩሁዳ ኣሳይ ኢሲፌ ያና፤
\q2 ጎዳ ባንታ ጾሳ
\q2 ኮዪሼኔ ዬኪሼ ያና።
\q1
\v 5 ኢስቲ ጺዮኔ ኤፊዛ ኦጌ ኦይቻና፤
\q2 ባንታ ሲን ሄ ዛራና፤
\q2 ዪዲ ሙሌራ ዶጌቶንታ ሜርና
\q2 ጫቆ ቃላን
\q2 ጎዳራ ኦይኬታና።
\b
\q1
\v 6 «ታ ዴሬይ ይዳ
\q2 ዶርሳ ማላ ጊዲዴስ፤
\q2 ኢስታ ሄንንቻቲ
\q2 ኢስታ ባሌዲ
\q2 ዎራ ካሌዳ፤
\q2 ዙማታ ቦላኔ
\q3 ዙምቡላታ ቦላ ቶይላቲዳ፤
\q2 ባ ኣቂዛሶካ ዶጊዳ።
\q1
\v 7 ዴሚዳ ኡባይ ኢስታ ቆሄስ፤
\q2 ኢስታ ሞርኬቲ፥
\q2 ‹ኑ ቦላ ሞሮይ ባ፤
\q3 ሃይሲ ሜቶይ ኢስታ ጋኪዳይ
\q3 ባንታ ኣዋታስ
\q3 ሂዶታ ጊዲዳ ጎዳ፥
\q3 ቱማፔ ኢስታስ ዱሳሶ ጊዲዳ
\q3 ጎዳ ቆሂዳ ጊሻሳ› ጊዳ።
\b
\q1
\v 8 «ባቢሎኔፔ ባቃቲቴ!
\q2 ኢስታ ቢታካ ዬዲቴ!
\q2 ዉዴ ካሌዛ
\q2 ዴይሻ ኦርጌ ማላ ጊዲቴ።\x - \xo 50፡8 \xo*\xt ኣጁ 18፡4\xt*\x*
\q1
\v 9 ታኒ ፑዴሃ ባጋፌ
\q2 ዎልቃማ ካዎቴታ
\q3 ባቢሎኔ ቦላ
\q2 ዴንና፤
\q2 ኢስቲካ ኢዚ ቦላ ሳልፋና፤
\q2 ሂስቲዲ ኢዞ ሄፔ ኦይካና፤
\q2 ኢስታ ዎንዳፌይ ዬዶንታ
\q3 ሎሂዳ ኦላንቻታ ማላ።
\q1
\v 10 ባቢሎኔ ቢታይ ቦንቄታና፤
\q2 ኢዞ ቦንቂዛይቲ ባስ ጊዳናሼ
\q3 ጋካናስ ቦንቃና» ጌስ።
\s ባቢሎኔ ኩንዴ
\q1
\v 11 «ኢንቴኖ ታ ጺንጾ
\q2 ቦንቂ ኤኪዳይቶ!
\q2 ኢንቴ ኡፋዬቲዳ ጊሻሲኔ
\q3 ኡፋይሳን ማጉሊዳ ጊሻስ፥
\q2 ዴምባን ጺኬቲዛ ኡሳ ማላ
\q3 ኢንቴ ሊፍጼቲዳ ጊሻስ፥
\q2 ዎዳላ ፓራ ማላ
\q3 ኢንቴ ጫጊዳ ጊሻስ፥
\q2
\v 12 ኢንቴ ኣያ ኬሃ ዬላታና፤
\q3 ኢንቴና ዬሊዳራካ ካዉያና፤
\q3 ካዎቴታ ኡባ ጊዶን
\q3 ኢዛ ጉ ጊዳና፤
\q3 ኢዛ ኣሲ ባይንዳሶ፥
\q3 ሃ ባይንዳ ቢታኔ
\q3 ባዞ ጊዳና።
\q1
\v 13 ጎዳ ሃንቆ ጋሶን
\q2 ኢዛ ባዞ ጊዳና ኣቲን
\q3 ኣሲ ኢዚን ዴና፤
\q3 ኢዚ ቦላ ጋኪዳ ባሻ ጋሶን
\q3 ባቢሎኔራ ኣ ቢዛ
\q3 ኡባይ ማላሌቲሼ ኢዛ ቂና።
\b
\q1
\v 14 «ኢንቴኖ ዪሻን ዱኪዛይቶ!
\q2 ባቢሎኔ ኦላናስ
\q3 ኢዚ ዩሾን ሳልፍቴ፤
\q3 ናጋራ ኦዳ ጊሻስ
\q2 ኢንቴ ዪሽ ኢሲኖካ ኣሾንታ
\q3 ኢዚ ቦላ ዬዲቴ።
\q1
\v 15 ኡባ ባጋራካ
\q2 ኢዚ ቦላ ማጉሊቴ!
\q2 ኢዛ ኢንቴስ ኩሼ ኢማና፤
\q2 ኢዚ ሚጻቲኔ
\q2 ጊምቤቲ ላሌታና፤
\q3 ሃይሲ ጎዳይ ሃሎ ኬሲዛ
\q3 ኦጌ ጊዲዳ ጊሻስ
\q3 ኢንቴ ኢዚ ቦላ ሃሎ ኬሲቴ፤
\q3 ኢዛ ሃራታ ቦላ ኦዳ ማላ
\q3 ኢንቴ ኢዚ ቦላ ኦቴ።
\q1
\v 16 ባቢሎኔፔ ዜሬ ዜሪዛይሳ፥
\q2 ካ ሺሾ ዎዴ ጫካናስ
\q2 ባጫ ኦይኪዳይሳ ይሲቴ፤
\q3 ኡንኤዛይታ
\q3 ማሻፌ ዴንዲዳይሳን
\q3 ኢሶይ ኢሶይ
\q3 ባ ኣሳኮ ሲሞ፤
\q3 ባ ዴሬካ ባቃቶ።
\p
\v 17 «ኢስራኤሌይ ጋሞይ ጎዲዲ ላሊዳ ዉዴ ማላ ጊዲዴስ፤
\q2 ኮይሮ ኣሶሬ ካዎይ
\q3 ፑዜሬ ሚዴስ፤
\q2 ጉዬፔ ባቢሎኔ ካዎ ናቡካዳናጾሬይ
\q2 ሜቄ ጊዴስ»
\q3 ጌስ ጎዳይ።
\q1
\v 18 ሄሳ ጊሻስ ኡባፌ ዎልቃማ
\q2 ጎዳ ኢስራኤሌ ጾሳይ፥
\q1 «ኣሶሬ ካዎ ታኒ ቃጻይዳ ማላ
\q2 ባቢሎኔ ካዎኔ
\q2 ኢዛ ቢታ ቃጻያና።
\q1
\v 19 ጊዶ ኣቲን ታኒ ኢስራኤሌ
\q2 ካሴ ኢዚ ሄሜቲዛሶ ኢዛ ዛራና፤
\q2 ቃርሜሎሴኒኔ ባሳኔ ዴሬን
\q3 ኢዚ ሄሜታና፤
\q2 ቃሴ ኢዚ ኤፍሬሜ
\q2 ዙምቡላታ ቦላኔ
\q3 ጋላኣዴ ዙምቡላታ ቦላ
\q3 ካላናሼ ጋካናስ
\q3 ማና» ጌስ።
\p
\v 20 ሄ ዎዴታኒኔ ሄ ጋላሳታን ጎዳይ፥
\q2 «ኢስራኤሌ ሞሮይ ኮዬታና፤
\q2 ጊዶ ኣቲን ኢሲናካ ቤቱኩ፤
\q2 ዩሁዳ ናጋራይካ ኮዬታና፤
\q2 ጊዶ ኣቲን ሙሌካ ቤቴና፤
\q2 ሃይቆፔ ታ ኣሺዳ ሾጌታ
\q3 ታ ማራና» ጌስ።
\s ባቢሎኔ ቦላ ያና ፒርዳ
\p
\v 21 «ሚራታይሜኒኔ ፓቆዴን ዲዛ ኣሳ ጎዲቴ፤
\q2 ዎቴኔ ሙሌራ ይሲቴ፤
\q2 ታኒ ኢንቴና ኣዛዚዳይሳ
\q2 ኡባ ኦቴ።
\q1
\v 22 ሄ ቢታን ኦላ ሺሮይኔ
\q2 ጊታ ባሻ ዋሶይ ሴቴቲዴስ።
\q1
\v 23 ኣላሜ ኡባ ሊቂሲዛ ማዶሻይ
\q2 ዋኒ ሜቂዴ?
\q2 ዋኒ ሊቂዴ?
\q2 ካዎቴታ ጊዶን ዋና
\q2 ባቢሎኔይ ቡላ ጊዳዴ?
\q1
\v 24 ሃኔ ባቢሎኔ!
\q2 ታ ኔስ ዎጺማዴ ዎዲስ፤
\q2 ኔካ ኤሮንታ ዳሼ ኦይኬታዳሳ፤
\q3 ኔኒ ጎዳራ ኤቄቲዳ ጊሻስ
\q3 ቤታዳ ኦይኬታዳሳ።
\q1
\v 25 ጎዳይ ባ ኦላ ማሳራ ዎዛ
\q2 ሚንጃ ኬ ዶይዴስ፤
\q2 ባ ሃንቆ ኦላ ማሳራ ኬሲዴስ፤
\q2 ጎዳይ ኡባፌ
\q2 ዎልቃማ ጾሳይ
\q2 ባቢሎኔ ቢታን ኦዛ
\q2 ኦሶይ ዴስ።
\q1
\v 26 ያራ ሃራ ኢዚ ቦላ ዎራጂቴ፤
\q2 ኢዚ ጎታራታ ላሊቴ፤
\q2 ዲኤቲዳ ሚሻ
\q2 ካ ማላ ዶሪቴ፤
\q2 ሙሌራ ኢዞ ይሲቴ፤
\q2 ኢዚን ኣይኮይካ ኣቶፎ።
\q1
\v 27 ኢዚ ዎፋኖታ ኡባ ሹኪቴ፤
\q2 ዱጌ ሹኬቲዛሶ ዎቶ!
\q3 ኢስቲ ቃጻዬታና ዎዴይኔ
\q3 ጋላሳይ ጋኪዳ ጊሻስ
\q3 ኣዬ ኣና!
\b
\q1
\v 28 «ጎዳ ኑ ጾሳይ
\q2 ሃሎ ኬሲዳይሳ፥
\q2 ጾሳ ኬ ጊሻስ
\q2 ሃሎ ኬሲዳይሳ
\q3 ባቢሎኔፔ ቤቲዳይቲኔ
\q3 ጎዴቲዳይቲ
\q3 ጺዮኔን ሃሳይዛይሳ ሲዪቴ።
\b
\q1
\v 29 «ዎንዳፌን ኦሊዛይታ
\q2 ባቢሎኔ ቦላ ጼይጊቴ፤
\q2 ኢሳዴይካ ኬሲ ኤኪ ቦንታ ማላ
\q2 ኢስታ ጊዶዲ ዱንካኒቴ፤
\q3 ጎዳ ኢስራኤሌ ጌሻ
\q2 ካዉሺዳ ጊሻስ
\q3 ኢዚ ኦሶ ማላ ኢዚስ ዛሪቴ፤
\q2 ኢዛ ሃራታ ቦላ ኦዳይሳ
\q3 ኢዚ ቦላ ኦቴ።\x - \xo 50፡29 \xo*\xt ኣጁ 18፡6\xt*\x*
\q1
\v 30 ሄሳ ጊሻስ
\q2 ኢዚ ናቴ ኣቱማ ናይቲ
\q2 ኣሶን ኣሶን
\q2 ሃይቃና፤
\q2 ኢዚ ኦላንቻቲ ኡባይ
\q3 ሄ ጋላስ ኩንዳና» ጌስ ጎዳይ።
\p
\v 31 ጎዳይ ኡባፌ ዎልቃማ ጾሳይ፥
\q1 «ኔኖ ኦቶራንቻዞ!
\q2 ታኒ ኔ ቦላ ዴንዳዲስ፤
\q2 ኔኒ ቃጻዬታና ዎዴይኔ
\q3 ጋላሳይ ጋኪዴስ።
\q1
\v 32 ኦቶራንቻይ ጴቲዲ ኩንዳና፤
\q2 ዴንናይካ ዴና፤
\q3 ኢዛ ዩሾን ዲዛይታ
\q3 ኡባ ሚዛ ታማ
\q3 ኢዛ ካታማታ ቦላ
\q3 ዬዳና» ጌስ።
\p
\v 33 ጎዳይ ኡባፌ ዎልቃማ ጾሳይ፥
\q1 «ኢስራኤሌ ኣሳይኔ ዩሁዳ ኣሳይ
\q2 ኢሲ ቦላ ቆሄቲዴስ፤
\q2 ዲኢዳይቲ ኡባይ
\q3 ኢስታ ሚን ኦይኪዳ፤
\q2 ኢስታ ዬዳናስ ኢጺዳ።
\q1
\v 34 ጊዶ ኣቲን ኢስታ ዎዚዛይ ሚኖ፤
\q2 ኢዛ ሱንይካ
\q3 ጎዳ ኡባፌ
\q3 ዎልቃማ ጾሳ፤
\q2 ኢስቲ ቢታስ ሼምፖ ኢማናስ
\q3 ኬሂ ባጼቴስ፤
\q2 ጊዶ ኣቲን ባቢሎኔን ዲዛይታስ
\q3 ሼምፖ ይሴስ» ጌስ።
\p
\v 35 ጎዳይ፥ «ማሻይ
\q2 ባቢሎኔ ኣሳ ቦላ ዪዴስ፤
\q2 ኢዚን ዲዛ ኣሳታ ቦላ፥
\q2 ማታይ ዲዛ ኣሳታ ቦላኔ
\q2 ኣ ኤራንቻታ ቦላ
\q3 ሲፋናስ ሾዴቲዴስ።
\q1
\v 36 ማሻይ ዎርዶ ጊዲዳ
\q2 ኢዚ ናቤታ ቦላ ዪዴስ፤
\q2 ኢስቲ ኤያታ ጊዳና፤
\q2 ማሻይ ኢስታ
\q3 ኦላንቻታ ቦላ ሾዴታና፤
\q2 ኢስቲካ ሺሮታና።
\q1
\v 37 ኢስታ ፓራታ ቦላኔ
\q2 ኢስታ ፓራ-ጋሬታ ቦላ
\q2 ቃሴ ኢዚ ጊዶን ዲዛ
\q3 ሃራ ዴሬ ዎታዳራታ ቦላ
\q2 ማሻይ ያና፤
\q3 ኢስቲካ ማጫሳታ ማላ ጊዳና፤
\q3 ማሻይ ኢዚ ኣቆታ
\q3 ኡባ ቦላ ያና፤
\q3 ኢስቲካ ቦንቄታና።
\q1
\v 38 ቢታያ ባቢሲዛኔ ኣስ ጎሺዛ
\q2 ኤቃ ጾሳታን ኩሚዳ ጊሻስ
\q2 ኢዚ ሃታ ቦላ
\q2 ኣርሼይ ኬዛና፤
\q2 ኢስቲካ ሜላና።
\b
\q1
\v 39 «ሄሳ ጊሻስ ባዞ ዶኣታሲኔ
\q2 ጎዳሬስ ዱሳሶ ጊዳና፤
\q2 ጉቶስ ኣቆሶ ጊዳና፤
\q3 ሃይሳፌ ጉዬ ኦኒካ
\q3 ኢዚን ዴና፤
\q3 ዬሌታፔ ዬሌታ ጋካናስ
\q3 ኢዚን ኡታናይ ቤቴና።\x - \xo 50፡39 \xo*\xt ኣጁ 18፡2\xt*\x*
\q1
\v 40 ሶዶሜኔ ጋሞራ ካታማ
\q2 ኢስታ ዩሾን ዲዛ ዴሬታ
\q3 ኣሲ ዶንታ ማላ ኦዴስ፤
\q2 ሄሳካ ኦኒካ
\q2 ሄን ዴና፤
\q2 ኢዚን ኡታናይካ ቤቴና» ጌስ።\x - \xo 50፡40 \xo*\xt ሜ 19፡24-25\xt*\x*
\b
\q1
\v 41 «ቤኢቴ! ፑዴሃ ባጋፌ
\q2 ኣሳይ ዬ ቦላ ዴስ፤
\q2 ኢሲ ዎልቃማ ካዎቴኔ
\q2 ዳሮ ካዎቲ
\q2 ሳኣ ጋጻፔ ዴንዲዳ።
\q1
\v 42 ኢስቲ ዎንዳፌታኔ
\q2 ማሻታ ኦይኪዳ፤
\q2 ኢስቲ ማሮንታ ሜንጼ ኢታታ፥
\q2 ማሮካ ኦቴና፤
\q2 ኢስቲ ፓራታ ቶጊሺን
\q3 ኢስታ ጊሪሳይ
\q3 ኣባ ዳምባላ ማላ ጉሜስ፤
\q3 ሃኔ ባቢሎኔ ማጫ ናዬ!
\q3 ኦላስ ጊጌቲዳ ኦላንቻታ ማላ
\q3 ኔ ቦላ ያና።
\q1
\v 43 ባቢሎኔ ካዎይ
\q2 ኢስታ ጊሻስ ሲዪዴስ፤
\q2 ኢዛ ኩሼቲካ ዶጪዳ፤
\q2 ኢዛ ጬጬይ ኦይኪዴስ፤
\q2 ሚጻይ ኦይኪዳ
\q2 ማጫሳ ማላ ሳኬቲዴስ።
\q1
\v 44 ጋሞይ ዮርዳኖሴ ዎራታፔ
\q2 ሜሄ ሄሚዛ ዴምባን
\q3 ኬዚ ዎዛ ማላ
\q2 ታኒካ ባቢሎኔይ ቆፖንታ
\q2 ዲሺን ኬዛ ዎና፤
\q2 ኢዚ ቢታፌ ታ ኢዞ ጎዳና፤
\q2 ታ ዶሪዳይሳ ኢዚ ቦላ ሹማና፤
\q3 ታ ማላይ ኦኔ?
\q3 ታናራ ኤቄታና
\q3 ዳንዳይዛይ ኦኔ?
\q3 ታናራ ኤቄታና ዳንዳይዛ
\q3 ሄንንቻይ ኦኔ?
\q1
\v 45 ሄሳ ጊሻስ ጎዳይ
\q2 ባቢሎኔ ቦላ
\q2 ሃልቺዳ ሃልቾ፥
\q2 ባቢሎኔ ቢታ ቦላ
\q2 ቆፒዳ ቆፋ ሲዪቴ!
\q2 ጉ ዉዴይ ጎሼቲ ባና፤
\q2 ኢስታ ጋሶን ሄሚዛሶሆዛ
\q3 ሙሌራ ይሳና።
\q1
\v 46 ባቢሎኔ ኩንዴ ጊሪሲ
\q2 ቢታ ቃና፤
\q2 ኢዚ ዋሶይ ካዎቴ
\q3 ኡባ ጋርሳን ኮሹማና» ጌስ።
\c 51
\s ባቢሎኔ ዮ ጊሻስ ዮቴቲዳ ኪታ
\p
\v 1 ጎዳይ፥ «ቤኢቴ! ባቢሎኔኔ
\q2 ኢዚን ዲዛይታ ቦላ
\q2 ይሲዛ ጫርኮ ታኒ ዬዳና።
\q1
\v 2 ኢዞ ሱራጋናሲኔ
\q2 ኢዞ ይሳናስ ኣላጋታ
\q2 ታ ባቢሎኔ ቦላ ኪታና፤
\q2 ኢዛ ሜቶቲዳ ጋላስ
\q3 ኢዞ ዶዲ ኦይኪዲ ኡንኤና።
\q1
\v 3 ዎንዳፌ ዱኪዛይቲ
\q2 ባ ዎንዳፌ ዱካናስ፥
\q2 ባ ኦላ ማይኦ
\q2 ማይኣና ጋካናስ
\q3 ሼምፖ ኢሞፍቴ፤
\q2 ናቴ ኢዚ ናይታስ ቃቶፍቴ፤
\q2 ኢዚ ኦላንቻታ ሙሌራ ይሲቴ።
\q1
\v 4 ኢስቲ ባቢሎኔ ቢታን ሲፌቲዲ፥
\q2 ኢዚ ኦጌታን ሃይቃና ጋካናስ
\q3 ማዱንጺዲ ኩንዳና።
\q1
\v 5 ኢስታ ቢታያ ኢስራኤሌ
\q2 ጌሻ ሲንን
\q2 ሞሮን ኩሚዳ ጊዲኮካ
\q2 ኢስራኤሌኔ ዩሁዳ ኡባፌ
\q2 ዎልቃማ ጎዳይ ኢስታ ጾሳይ
\q3 ኢስታ ዬጊ ኣጊቤና።
\b
\q1
\v 6 «ባቢሎኔፔ ባቃቲ ኬዚቴ!
\q2 ኤሌሊዲ ኢንቴ ሼምፖ ኣሺቴ፤
\q2 ኢዚ ናጋራ ጋሶን ዮፒቴ፤
\q3 ሃይሲ ጎዳይ ሃሎ ኬሲዛ ዎዴ
\q3 ኢዚ ኦሶ ማላ ኢዚስ ኢማና።
\q1
\v 7 ባቢሎኔይ ጎዳ ኩሼን
\q2 ዎርቃ ጹኣ፤
\q2 ቢታ ኡባ ማሳዱስ፤
\q2 ካዎቴቲ ኡባይ
\q3 ኢዚ ዎይኔ ኡሻ ኡዪዳ፤
\q2 ሄሳ ጊሻስ ሃኢ ጎዪዳ።\x - \xo 51፡7 \xo*\xt ኣጁ 17፡2-4፤ 18፡3\xt*\x*
\q1
\v 8 ባቢሎኔይ ቆፖንታ ዳሼ
\q2 ኩንዳ ሜቃና፤
\q2 ሄሳ ጊሻስ ኢዚስ ዋሲቴ!
\q2 ኦኔ ኤሪዛይ ኢዛ ፓጻናኮ
\q3 ኢዚ ማዱንስካ ሌ ኮዪቴ።
\b
\q1
\v 9 «ኣሳይ፥ ‹ኑኒ ባቢሎኔ
\q3 ፓናስ ባጼቲዶስ፤
\q2 ኢዛ ጊዲኮ ፓጻና ዳንዳዩኩ፤
\q3 ኢዚ ፒርዳይ
\q3 ፑዴ ሳሎ ጋኪዳ ጊሻስ
\q3 ሻራን ጋካናስካ
\q3 ቁ ጊዳ ጊሻስ
\q3 ኢዞ ኣጋጊዲ ኣኔ
\q3 ኑ ዴሬ ዴሬ ሲሞስ።\x - \xo 51፡9 \xo*\xt ኣጁ 18፡5\xt*\x*
\q1
\v 10 ጎዳይ ኑ ሱሬቴ ጊሻስ
\q2 ማርካቲዴስ፤
\q2 ኣኔ ሃ ዪቴ፤ ጎዳ ኑ ጾሳይ
\q2 ኦዳይሳ
\q2 ጺዮኔን ኣዋጆስ› ጊዴስ።
\b
\q1
\v 11 «ቶራታ ሌፍቴ፤
\q2 ጎንዳሌታካ ጊግሲቴ፤
\q2 ጎዳይ ባቢሎኔ ይሳና
\q2 ቆፒዳ ጊሻስ
\q2 ሜዶኔ ካዎታ ዴንዴስ፤
\q3 ጎዳይ ሃሎ ኬሳና፤
\q3 ባ ኬ ጊሻስ
\q3 ሃሎ ኬሳና።
\q1
\v 12 ባቢሎኔ ጊምቤታ ቦላ
\q2 ማላታ ኤሲቴ፤
\q2 ሚን ናጊቴ፤
\q2 ዛቤ ናጊዛይታ ኤሲቴ፤
\q2 ዛማዲ ኡቲዲ ኦሊዛይታ ጊግሲቴ።
\q3 ጎዳይ ባቢሎኔ ኣሳ ቦላ
\q3 ቆፒዳ ቆፋኔ ባ ሃልቾ ፖላና።
\q1
\v 13 ሃኔ ዳሮ ሻፋታ
\q2 ማታን ዲዛሬ!
\q2 ኣቆታን ኬሃ ዱሬቲዳሬ!
\q2 ኔ ያና ዎዴይ ጋኪዴስ፤
\q2 ኔስ ዉርሴ ጋኪዴስ» ጌስ።\x - \xo 51፡13 \xo*\xt ኣጁ 17፡1\xt*\x*
\q1
\v 14 ጎዳይ ኡባፌ
\q2 ዎልቃማ ጾሳይ፥
\q2 «ቦሌይ ቢታ ኩሚዛ ማላ
\q2 ዳሮ ኣስ ታ ኔ ቦላ ዬዳና፤
\q3 ሄይቲ ኔና ጾኒዳ ኡፋይሳፌ
\q3 ዴንዲዳይሳን ኔ ቦላ
\q3 ጬቄታና» ጊዲ
\q3 ባ ሱንን ጫቂዴስ።
\s ጋላታ ዬ
\q1
\v 15 «ጾሲ ባ ዎልቃን
\q2 ሳኣ ሜዴስ፤
\q2 ባ ኣ ኤራቴን
\q3 ኣላሜ ጊግሲዴስ፤
\q2 ሳሎታካ ባ ኣኬካን ሚጪዴስ።
\q1
\v 16 ኢዚ ባ ጬንጉርሳ ሲሲዛ ዎዴ
\q2 ሳሎን ዲዛ
\q2 ሃቲ ጉሜቴስ፤
\q2 ሻራታ ኢዚ ሳኣ ጋጻፔ ኤሄስ፤
\q2 ኢራራ ዎልቃን ኪቴስ፤
\q2 ባ ሚንጃሶሆፔካ
\q2 ጫርኮ ኪቴስ።
\b
\q1
\v 17 «ኣስ ኡባይ ዳማኔ
\q2 ኤራቴ ባይንዳይሳ ጊዲዴስ፤
\q2 ዎርቃ ሴሪሲዛይቲ ኡባይ
\q2 ባ ኦዳ
\q2 ኤቃ ሚስሌታን ዬላቲዳ፤
\q2 ኢስቲ ጊግሲዳ ሚስሌቲ ዎርዶኔ
\q3 ሼምፖይ ባይንዳይታ።
\q1
\v 18 ኢስቲ ሃዳኔ ካቲዳይታ፤
\q2 ኢስታ ቦላ ፒርዳይ ዪዛ ዎዴ
\q3 ኢስቲ ያና።
\q1
\v 19 ያቆቤ ቃዳይ ጊዲኮ
\q2 ሄይታንታ ማላ ጊዴና፤
\q2 ኢዚ ኡባ ሜዳይሳ፤
\q2 ኢስራኤሌ ኣሳይ
\q3 ኢዚ ባስ ዶሪዳ ዴሬ፤
\q2 ኢዛ ሱን ጎዳ
\q3 ኡባፌ ዎልቃማ ጾሳ» ጌስ።
\s ጾሳ ጻምኣ
\p
\v 20 ጎዳይ፥ «ባቢሎኔ
\q2 ኔኒ ታ ጻምኣኔ ኦላ ማሳራ፤
\q2 ኔናን ጎኤታዳ
\q2 ታኒ ዴሬ ኡባ
\q2 ሜንሬዲስ፤
\q2 ቃሴ ካዎቴታካ
\q2 ይሳዲስ።
\q1
\v 21 ኔናን ፓራታኔ
\q2 ፓራ ቶጊዛይታ ይሳዲስ፤
\q2 ፓራ-ጋሬታኔ
\q2 ኢስታ ላጊዛይታ
\q2 ሜንሬዲስ።
\q1
\v 22 ኔናን ማጫሳታኔ
\q2 ኣቱማሳታ ሜንሬዲስ፤
\q2 ጪማታኔ ናቴታ
\q2 ሜንሬዲስ፤
\q2 ፓንታኔ ጌላኦታ
\q2 ሜንሬዲስ።
\q1
\v 23 ኔናን ሄንንቻታኔ
\q2 ዉዴታ ሜንሬዲስ፤
\q2 ጎሻንቻታኔ ቦራታ
\q2 ሜንሬዲስ፤
\q2 ዴሬ ሃሪዛይታኔ ሹሜታ
\q3 ሜንሬዲስ» ጌስ።
\s ባቢሎኔ ቦላ ዪዛ ቂጻቴ
\p
\v 24 ጎዳይ፥ «ጺዮኔ ቦላ
\q2 ኢስቲ ኦዳ ኢታ ኦሶ ጊሻስ
\q2 ባቢሎኔሲኔ ኢዚን ዲዛ ኡባስ
\q2 ኢንቴ ኢንቴ ኣይፌን ቤኢሺን
\q2 ኢስታ ኦሶ ማላ
\q3 ታ ኢስታስ ኢማና» ጌስ።
\p
\v 25 ጎዳይ፥ «ሃኔ ይሲዛ ዙማዬ!
\q2 ቢታ ኡባ ይሲዛሬ!
\q2 ታ ኔ ሁኤ ቦላ ዳይስ፤
\q2 ታኒ ታ ኩሼ
\q2 ኔ ቦላ ዴንና፤
\q2 ታ ኔና ኣፎ ሁኤፔ
\q2 ዱጌ ቡሉላና፤
\q2 ታ ኔና ጹጌቲዳ
\q2 ዙማ ሂስታና።
\q1
\v 26 ኔፔ ዮቻ ሹቺ ቤቴና፤
\q2 ጉላስ ጊዲዛ
\q2 ሹቺ ኤኬቴና፤
\q2 ኔኒ ሜርናስ ቡላ ጊዳና» ጌስ።
\b
\q1
\v 27 «ቢታ ኡባ ቦላ
\q2 ባንዲራ ዴንቴ፤
\q2 ካዎቴታ ጊዶን
\q2 ዛዬ ፑኒቴ፤
\q2 ካዎቴታ ኢዚ ቦላ
\q2 ኦላስ ጊግሲቴ፤
\q2 ኣራራቴ፥ ሚናኔኔ
\q2 ኣሽኬናዜ ካዎታ
\q2 ኦላስ ኢዚ ቦላ ጼይጊ ሺሺቴ፤
\q3 ኦላ ጋዳዋ ኢዚ ቦላ ሹሚቴ፤
\q3 ቦሌ ዉዴ ማላ
\q3 ፓራታ ኢዚ ቦላ ዬዲቴ።
\q1
\v 28 ሜዶኔ ካዎታ፥
\q2 ኢዞ ኣይሲዛይታኔ
\q2 ኢዚ ሹሜታ ኡባ፥
\q3 ኢስቲ ሃሪዛሶን ዲዛ
\q3 ካዎቴታ ኡባ
\q3 ኢዚ ቦላ ኦላስ ጊግሲቴ።
\q1
\v 29 ባቢሎኔ ኦኒካ ዶንታ
\q2 ባዞ ቢታ ሂስታናስ
\q2 ጎዳይ ቆፒዳ ቆፋይ
\q2 ፖሌታና ዎዴይ ጋኪዳ ጊሻስ
\q3 ቢታይ ኮኮሬስ፤
\q3 ሜቶንካ ፖፖርቁ ጌስ።
\q1
\v 30 ባቢሎኔ ኦላንቻቲ ኦላ ኣጊዳ፤
\q2 ባንታ ሚጻን ኡቲዳ፤
\q2 ኢስታስ ዎልቃይ ዉሪዴስ፤
\q2 ኢስቲ ማጫሳ ማላ ጊዲዳ፤
\q2 ኢስታ ኬቲካ ጹጌቲዳ፤
\q2 ኢዚ ፔንጌ ኮላታቲ ሜቄሬቲዳ።
\q1
\v 31 ካታማያ ሙሌራ ኦይኬቲዳይሳ
\q2 ባቢሎኔ ካዎስ ዮታናስ
\q2 ኢሲ ዮምባይ ሃራ ዮምባስ፥
\q2 ኢሲ ቃስታኔይ ሃራ ቃስታኔስ
\q3 ሄራካ ቶሆ ቦላ ካሌስ።
\q1
\v 32 ሻፋ ፒኒዛ ፑርዴቲ
\q2 ኦይኬቲዳይሳ፥
\q2 ሻፋ ማታን ዲዛ ሚጻቲ
\q2 ጹጌቲዳይሳ፥
\q2 ኢስታ ዎታዳራቲ ባቦን
\q2 ቡልኣኬቲዳይሳ፥
\q2 ዳጋሚዳይሳ ዮታናስ
\q2 ዎጼሬቴቴስ» ጌስ።
\q1
\v 33 ኡባፌ ዎልቃማ ጎዳ
\q2 ኢስራኤሌ ጾሳይ፥
\q2 «ባቢሎኔ ማጫ ናይቲ
\q3 ካ ቡካናስ ጊጊዛ ባሌ ማላ፤
\q2 ካ ሺሾ ዎዴይ ኢዚ ቦላ
\q3 ኤሶን ጋካና» ጌስ።
\b
\q1
\v 34 ባቢሎኔ ካዎ
\q2 ናቡካዳናጾሬይ
\q2 ዬሩሳላሜ ኣቆታ ቦንቂዴስ፤
\q3 ጋጪ ሊቂሲዴስ፤
\q2 ኣይኮይ ባይንዳ
\q3 ካይሳ ኦቶ ኬሲዴስ፤
\q2 ዳዌይ ሚቲዛ ማላ
\q2 ዴራ ሚቲዴስ፤
\q2 ማልኦ ሚዛ ማላ ሚዲ
\q3 ጉዬፔ ኑና ኬሲ ጩቲዴስ።
\q1
\v 35 ሄሳ ጊሻስ ጺዮኔ ኣሳይ፥
\q2 «ኑ ቦላ ጋኪዳ ጌኔይ
\q3 ባቢሎኔ ቦላ ጋኮ» ጌስ፤
\q2 ዬሩሳላሜይ፥ «ኑ ሱ
\q2 ባቢሎኔን ዲዛ
\q2 ኣሳታ ቦላ ጊዶ» ጋዉስ።
\p
\v 36 ሄሳ ጊሻስ ጎዳይ፥
\q1 «ኔ ጊሻስ ታ ሞቴታና፤
\q2 ኔ ሃሎካ ኬሳና፤
\q2 ኢዚ ኣባኔ ፑልቶ ሃታ
\q3 ታ ሜሊሳና።
\q1
\v 37 ባቢሎኔይ ላሌ
\q2 ዶሬቲዛሶ ጊዳና፤
\q2 ዎራካናቲ ካኢዛሶ ጊዳና፤
\q2 ዳጋማሲኔ ቂስ
\q2 ማላታ ጊዳና፤
\q2 ኦኒካ ኢዚን ዴና።
\q1
\v 38 ኢዚን ዲዛ ኣሳይ
\q2 ዎዳላ ጋሞ
\q2 ማላ ጻጌስ፤
\q2 ጋሞ ማራ ማላ ዳሬስ፤
\q2 ኢስቲ ሆኤቲ ዴንዴቲሺን
\q3 ታ ኢስታስ ጊቢራ ጊጊሳና፤
\q2 ኢስቲ ማታና ማላ ኦና።
\q1
\v 39 ሚጪሼ ሜርናስ ቤጎንታ
\q2 ስኮ ስካና።
\q1
\v 40 ላቃ ማላ፥ ርሾ ማላኔ
\q2 ኮርቤ ማላ
\q2 ታ ኢስታ ሹካስ ኤፋና።
\b
\q1
\v 41 «ሼሻካ ዋና ዲኤታዴ!\f + \fr 51፡41 \fr*\ft ሼሻካይ ባቢሎኔ ካታማ ጉሳ።\ft*\f*
\q2 ሳኣ ኡባይ ኢዚን ጬቄቲዛራ
\q3 ዋና ኦይኬታዴ!
\q3 ባቢሎኔይ ካዎቴታ
\q2 ኡባ ሲንን
\q3 ኣይ ማላ ዳጋንዛዝ ጊዳዴ!
\q1
\v 42 ኣባይ ባቢሎኔ ቦላ ኬዛና፤
\q2 ዳምባላይካ ጉሚሼ
\q2 ኢዞ ሚታና
\q1
\v 43 ኢዚ ካታማቲ ኣሲ ባይንዳሶ፥
\q2 ኣሲ ሞኪ ጼሎንታሶ፥
\q3 ሜላኔ ባዞ ቢታ፥
\q2 ኣይኮይ ባይንዳ
\q3 ቡላ ቢታ ጊዳና።
\q1
\v 44 ቤሌ ታኒ ባቢሎኔን ቃጻያና፤
\q2 ኢዚ ሚቲዳይሳካ ታ ጮሻና፤
\q2 ሃይሳፌ ካዎቴይ
\q2 ኢዛኮ ጎጌና፤
\q2 ባቢሎኔ ጊምቤይ ኩንዳና።
\q1
\v 45 ታ ዴሬቶ! ኢዚፔ ኬዚቴ፤
\q2 ኢንቴ ሼምፖ ኣሺቴ፤
\q2 ያሺዛ ጎዳ ሃንቆፌ
\q3 ኬሲ ኤኪ ኣቲቴ።
\q1
\v 46 ዎሬይ ቢታይን ሴቴቲሺን
\q2 ሂዶታ ቃንጾፍቴኔ ባቦፍቴ፤
\q2 ካዎይ ካዎ ቦላ ዴንዲዛይሳ፥
\q2 ማካላቴ ቢታይ ቦላ
\q2 ዲዛይሳ ኢሲ ዎሬይ ሃ ላይን፥
\q3 ሃራይ ላይ ካሊዲ ያና።
\q1
\v 47 ቱማፔ ታኒ ባቢሎኔ
\q2 ኤቃ ጾሳታ
\q2 ቃጻያና ዎዴይ ያና፤
\q2 ቢታያ ኩሜ ካዉያና፤
\q2 ሲፌቲዳይቲ ኡባይ
\q3 ኢዚን ፖርጩ ጊ ኩንዳና።
\q1
\v 48 ይሲዛይቲ ፑዴሃ ባጋፌ ዪዲ
\q2 ኢዞ ኦሊዛ ጊሻስ
\q2 ሳሎይኔ ሳኣይ
\q2 ቃሴ ኢስታ ጊዶን ዲዛ ኡባይ
\q2 ባቢሎኔ ቦላ
\q2 ኢሊሊ ጋና» ጌስ።\x - \xo 51፡48 \xo*\xt ኣጁ 18፡20\xt*\x*
\p
\v 49 ጎዳይ፥ «ቢታ ኡባን ሲፌቲዳይቲ፥
\q2 ባቢሎኔ ጋሶን ኩንዲዳ ማላ
\q2 ኢስራኤሌን ሲፌቲዳይታ ጋሶን
\q2 ባቢሎኔይ ኩንዳና
\q2 ቤሳዉስ» ጌስ።\x - \xo 51፡49 \xo*\xt ኣጁ 18፡24\xt*\x*
\s ባቢሎኔን ዲዛ ኢስራኤሌ ኣሳስ ኪቴቲዳ ኪታ
\p
\v 50 ኢንቴኖ ማሻፌ ኬሲ ኤኪ ኣቲዳይቶ!
\q1 ቢቴ፤ ሃይሳን ታኮፍቴ፤
\q2 ሃኮ ቢታን ዲዛይቶ
\q2 ጎዳ ኣኬኪቴ፤
\q2 ዬሩሳላሜካ ቆፒቴ።
\b
\q1
\v 51 «ኣላጋቲ ጌሻሶሆ
\q2 ጎዳ ኬ ጌሊዳ
\q2 ጊሻስ፥ ‹ኑኒ ጫዬቲዶስ፤
\q2 ዬላይ ኑ ሲን ካሚዴስ፤
\q2 ካዉሻቴካ
\q2 ጉሉንቲዶስ› ጊቴ» ጌስ።
\p
\v 52 ጊዶ ኣቲን ጎዳይ፥
\q1 «ባቢሎኔ ኤቃ ጾሳታ
\q2 ቃጻያና ዎዴይ ያና፤
\q2 ኢዚ ቢታ ኡባን
\q3 ማዱንጺዳይቲ ጎታራና።
\q1
\v 53 ባቢሎኔይ ፑዴ ሳሎ ኬዚኮካ፥
\q2 ቁ ጊዳ ሚኖ ሚጻ
\q2 ኦኮካ ታኒ ይሲዛይታ
\q3 ኢዚ ቦላ ዬዳና» ጌስ።
\s ባቢሎኔ ዮ
\b
\q1
\v 54 «ባቢሎኔፔ ዋሶይ ሲዬታና፤
\q2 ኢስታ ቢታፌ ጊታ ባሻ
\q3 ጬንጉርሲ ሲዬታና።
\q1
\v 55 ጎዳይ ባቢሎኔ ይሳና፤
\q2 ኬሃ ዋሲዛ ኢዚ ዋሶዛ
\q3 ጮኡ ሂስታና፤
\q2 ኢስታ ሞርኬቲ
\q3 ጊታ ሃ ማላ ጉማና፤
\q2 ኢስታ ዋሶይካ ኮሹማና።
\q1
\v 56 ባቢሎኔ ይሲዛ ሚሺ ያና፤
\q2 ኢዚ ኦላንቻቲ ዲኤታና፤
\q2 ኢስታ ዎንዳፌይካ ሜቃና፤
\q2 ጎዳይ ጌኔ ኦሶ ጊሻስ
\q3 ሃሎ ኬሲዛዴኔ
\q2 ኢዚ ሃኒዛ ሚሽ ኡባስ
\q3 ቤሲዛ ዋጋ ቃንጺዛ ጾሳ።
\q1
\v 57 ኢዚ ሹሜታኔ ኣ ኤራንቻታ
\q2 ኢዞ ሃሪዛይታኔ ጊታ ኣሳታ፥
\q2 ኢዚ ኦላንቻታ ታኒ ማሳና፤
\q2 ኢስቲ ሜርናስ ኢቻና፤
\q2 ሲሚዲካ ቤጌቴና» ጌስ
\q2 ኢዛ ሱን ጎዳ
\q2 ኡባፌ ዎልቃማ
\q3 ጾሳ ጌቴቲዛ ካዎይ።
\p
\v 58 ጎዳይ ኡባፌ ዎልቃማ ጾሳይ፥
\q1 «ጉባይ ዳልጋ ጊዲዳ
\q2 ባቢሎኔ ጊምቤቲ ላሌታና፤
\q2 ቁ ጊዳ ኢዚ ፔንጌቲካ
\q2 ታማን ጹጌታና፤
\q3 ኣሳይ ሃዳ ዳቡሬስ፤
\q3 ካዎቴታ ዳቡራይ
\q3 ታማስ ጻላ ጊዳና» ጌስ።
\p
\v 59 ዩሁዳ ካዎ ሴዴቂያሲ ካዎቲዳ ኦይዳን ላይን ካዎዛ ጊቤ ዛቤዚ ማኢሴያ ናዛ ኔሪያ ና ሳራያይ ካዎዛራ ባቢሎኔ ቢዳ ዎዴ ናቤ ኤርማሲ ኢዛስ ዮቲዳ ኪታይ ሃይሳ። 
\v 60 ኤርማሲ ባቢሎኔ ጊሻስ ካሴ ጻፊ ዎዳይሳ ኡባ ባቢሎኔ ቦላ ያና ባሽ ኡባ ጻ ማጻፋን ጻፊዴስ። 
\v 61 ሳራያስካ፥ «ኔኒ ባቢሎኔ ጋኪዳ ማላ ሃይሳ ቃላ ኡባካ ኔ ቃላ ቁ ሂስታዳ ናባባናይሳ ባሎፓ። 
\v 62 ኔኒ፥ ‹ኣቤት ጎዳዉ! ኔኒ ሃኖ ሃ ሶሆዪን ኣስ ጊዲን ሜሄይ ሙሌራ ያና ጋካናስ ሜርናስ ቡላ ኬሳና ጋዳሳ› ጋ። 
\v 63 ኔኒ ሃይሳ ጻ ማጻፋዛ ናባባ ዉርሲዳፔ ጉዬ ኢዛ ጊዶን ሹች ቃቻዳ ኤፊራጺሴ ሻፋን ኤፋ ዬጋ። 
\v 64 ሂስታዳ፥ ‹ባቢሎኔይካ ታ ኢዚ ቦላ ኤሂዛ ባሻፌ ዴንዲዳይሳን ሃይሳ ሚቴታና፤ ናምኣን ሲማ ዴንዱኩ፤ ኢዚ ኣሳይካ ኩንዳና› ጋ» ጌስ።\x - \xo 51፡63-64 \xo*\xt ኣጁ 18፡21\xt*\x* ኤርማሲ ሃሳይዳ ቃላይ ሃይሳን ፖሌቲዴስ።
\c 52
\s ዬሩሳላሜ ኩንዴ
\r (2ታሪ 24፡18-20፤ 25፡1-7)
\p
\v 1 ሴዴቂያሲ ካዎቲዛ ዎዴ ኢዛስ ላይይ ናምኡ ታማኔ ኢሲኖ፤ ኢዚ ዬሩሳላሜን ታማኔ ኢሲ ላይ ካዎቲዴስ፤ ኢዛ ኣዬይ ሱን ኣምጻሎ ጊዲሺን ኢዛ ሊቢና ዴሬ ኣስ ኤርማሳ ና። 
\v 2 ሴዴቂያሲካ ኢዮኣቄሜይ ኦይሳ ጎዳ ሲንን ኢታ ሚሽ ኦዴስ። 
\v 3 ጎዳይ ዬሩሳላሜ ቦላኔ ዩሁዳ ቦላ ሄሳ ኡባካ ጋዳይኔ ዉርሴን ኢዚ ባ ሲንፌ ዲጊዳይ ሃንቄቲዳ ጊሻሳ።
\p ሴዴቂያሲካ ባቢሎኔ ካዎ ቦላ ማካሊዴስ። 
\v 4 ሄሳ ጊሻስ ሴዴቂያሲ ካዎቲዳ ኡዱፉን ላይን ታማን ኣጊናን ታማን ጋላስ ባቢሎኔ ካዎ ናቡካዳናጾሬይ ባ ኦላ ዎታዳራታ ኡባ ሺሺ ኤኪዲ ዬሩሳላሜ ቦላ ዎራጂዴስ። ካታማዮካ ጊዶዴስ፤ ዩዪ ኣናስ ኬላ ኬሊዴስ።\x - \xo 52፡4 \xo*\xt ሂዚ 24፡2\xt*\x* 
\v 5 ካታማያካ ካዎ ሴዴቂያሲ ካዎቲን ኢዛስ ላይይ ቢዲ ታማኔ ኢሲ ላይ ጊዳና ጋካናስ ጊዶዳ ማላ ጋምኣዱስ።
\p
\v 6 ኦይዳን ኣጊናን ኡዱፉን ጋላስ ሄ ካታማይን ኮሻይ ሚኒዳ ጊሻስ ዴሬዛስ ማና ካ ይዴስ። 
\v 7 ሄ ካታማይ ጊምቤይ ላሌቲዴስ፤ ኦላ ኣሳይ ኡባይካ ኬዚ ባቃቲዴስ። ባቢሎኔ ዴሬ ኣሳይ ሄ ካታማይ ዩሾን ዲኮካ ካዎዛ ኣታኪልቴ ኣቻን ናምኡ ጊምቤታ ጊዶን ዲዛ ፔንጌዛራ ጊዶ ካታማይፔ ኬሲ ኤኪ ባቃቲዲ ኣራቤ ጌቴቲዛሶ ቢዳ።\x - \xo 52፡7 \xo*\xt ሂዚ 33፡21\xt*\x* 
\v 8 ባቢሎኔ ዴሬ ኦላንቻቲ ካዎ ሴዴቂያሳ ዬዴዲ ኢያርኮ ዴምባን ኢዛ ጋኪዳ፤ ዎታዳራቲ ኡባይካ ኢዛፔ ሻኬቲዲ ላሌቴን ዲሺን ካዎዛ ኦይኪዳ።
\p
\v 9 ኢዛ ሃማቴ ዴሬን ኤሬቢላ ጌቴቲዛሶን ዲዛ ባቢሎኔ ካዎኮ ኤፊዳ፤ ባቢሎኔ ካዎይ ሄን ኢዛ ቦላ ፒርዲዴስ። 
\v 10 ኤሬቢላን ባቢሎኔ ካዎይ ሴዴቂያሳ ኣቱማ ናይታ ኢዛ ሲንን ሹኪዴስ፤ ዩሁዳ ዴሬ ሹሜታ ኡባካ ዎዴስ። 
\v 11 ሴዴቂያሳ ኣይፌታካ ዎጪ ኬሲዴስ፤ ጻርቂማላ ሳንሳላታን ኢዛ ቃቺዲ ባቢሎኔ ኤፊዴስ፤ ሂስቲዲ ኢዚ ሃይቃና ጋካናስ ሄን ቃሾ ኬን ጋምኢሲዴስ።\x - \xo 52፡11 \xo*\xt ሂዚ 12፡13\xt*\x*
\p
\v 12 ባቢሎኔ ካዎ ናቡካዳናጾሬይ ካዎቲዳ ታማኔ ኡዱፉን ላይን ኢቻሻን ኣጊናን ታማን ጋላስ ባቢሎኔ ካዎዛ ቦንቾ ናጊዛ ዎታዳራታ ሃላቃይ ካዎ ሹሜ ናቡዛራዳኔይ ዬሩሳላሜ ዪዴስ። 
\v 13 ጎዳ ኬዛኔ ካዎቴ ኬ ሄሳካ ዬሩሳላሜን ዲዛ ኬ ኡባካ ታማን ጹጊዴስ፤ ሃራ ዎልቃማ ኬታካ ዲፒ ሂስቲ ጹጊዴስ።\x - \xo 52፡13 \xo*\xt 1ካዎ 9፡8\xt*\x* 
\v 14 ካዎዛ ቦንቾ ናጊዛ ዎታዳራታ ሃላቃፔ ጋርሳራ ዲዛ ባቢሎኔ ኦላንቻቲ ኡባይ ዬሩሳላሜ ዩሾን ዲዛ ጊምቤዛ ኡባ ላሊዳ። 
\v 15 ናቡዛራዳኔይ ኢሲ ኢሲ ማንቆታ፥ ካታማይ ጊዶን ኣቲዳ ኣሳታ፥ ሂላንቻታኔ ባቃቲዲ ባቢሎኔ ካዎስ ኩሼ ኢሚዳይታ ዴን ኤፊዴስ። 
\v 16 ጊዶ ኣቲን ናቡዛራዳኔይ ሃንኮ ሄ ቢታን ዲዛ ማንቆታ ዎይኔ ቶካናሲኔ ጎሻንቻታ ጊዳና ማላ ሄን ኣጊዴስ።
\p
\v 17 ባቢሎኔ ዴሬ ኣሳይ ጎዳ ኬን ዲዛ ጻርቂማላ ቱሳታ፤ ሚሻታ ኢስታ ቦላ ዎዲ ኢሲ ሶሆፔ ሃራሶ ኤፊዛ ጋሬታኔ ጻርቂማላፔ ኦሴቲዳ ሃ ጎንጌታ ሜንሬ ዬጊዳ፤ ጻርቂማላ ኡባካ ባቢሎኔ ኤኪ ቢዳ።\x - \xo 52፡17-23 \xo*\xt 1ካዎ 7፡15-47\xt*\x* 
\v 18 ሄይታፔ ሃራካ ጻሮታ፥ ታማ ካሺዛ ኮንኣታ፥ ቃጴታ፥ ኬሬታ፥ ጪልፋታኔ ጎዳ ኬ ጊዶን ኦሶስ ጎኢዛ ጻርቂማላፔ ኦሴቲዳ ሚሻታ ኡባካ ኤኪ ቢዳ። 
\v 19 ካዎ ቦንቾ ናጊዛ ዎታዳራታ ሃላቃይ ሙሩታ ዎርቃፌኔ ሙሩታ ቢራፔ ኦሴቲዳ ሚሻታ ኡባ፥ ጉቃ ሳኔታ፥ ኤጻኔ ጩዋሲዛ ጺናታ፥ ኬሬታ፥ ቄሪ ጻሮታ፥ ጾምፔ ኢስታ ቦላ ዎዛ ሚሻታ፥ ጪልፋታኔ ኡሻ ያርሾ ኢስታን ሺሺዛ ጹኣታ ኤኪ ቢዴስ።
\p
\v 20 ካዎ ሶሎሞኔይ ጎዳ ኬስ ጻርቂማላፔ ኦሲሲዳ ናምኡ ቱሳቲ፥ ሃ ጎንጌ፥ ኢዛፔ ጋርሳ ባጋራ ዲዛ 12 ዎፋኖቲኔ ሚሻታ ኢስታ ቦላ ዎዲ ኢሲ ሶሆፔ ሃራሶ ኤፊዛ ጋሬቲ ኬሂ ዴጼቴስ። 
\v 21 ኢሲ ኢሲ ቱሳ ጌሳይ 18 ዋ፥ ጎምፓይ ዩዪ ኣናስ 12 ዋ፤ ኢዛስ ጊዶይ ዶያ ጊዲዳ ጊሻስ ኢሳ ኢሳ ዶና ኦርዴቴይ ኦይዱ ቢራይ ዎዛ ኬና። 
\v 22 ኢሲ ቱሳ ሁኤ ቦላ ዋዛ ጻርቂማላፔ ኦሴቲዳ ቁስቴይ ዴስ፤ ኢሲ ኢሲ ጻርቂማላፔ ኦሴቲዳ ቁስቴ ኣዱሳቴይ 5 ዋ ጊዲሺን ዩዪ ኣናስ ኦሮማኔ ሚ ኣይፌ ሚሳቲዛ ጌጼን ጌጼቲዴስ፤ ሃንኮ ቱሳይካ ሄ ኦሮማኔ ኣይፌ ሚሳቲዛ ጌጼን ጌጼቲ ካሴይሳራ ኢሲኖ ሚሳቲዴስ። 
\v 23 ኡዱፉን ታማኔ ኡሱፑን ኦሮማኔ ሚ ኣይፌቲ ሚሌ ባጋራ ዋዬይ ባይንዳ ቤቲዛይታ ጊዲሺን ዩሾዛን ዲዛ ኦሮማኔ ሚ ኣይፌታ ቆዳይ ጼታ።
\p
\v 24 ካዎዛ ቦንቾ ናጊዛ ዎታዳራታ ሃላቃይ ካሴ ቄሴታ ሃላቃ ሳራያ፥ ኢዛፔ ጋርሳራ ዲዛ ቄሴ ሶፎናሳኔ ፔንጌ ናጊዛ ሄ ዛቤታ ቃቺ ኤፊዴስ። 
\v 25 ካታማ ጊዶን ኣቲዳ ኣሳፔ ኦላንቻታስ ኣላፌ ጊዲዳ ኦላ ጋዳዋ፥ ካዎ ዞሪዛ ላፑናታ፥ ዴሬዛ ጊዶፌ ኦላንቻታ ዶሪዛ ኦላ ጋዳዋ፥ ጻፌዛኔ ካታማ ጊዶን ቤቲዳ ሃራ 60 ኣሳታ ኤኪ ቢዴስ። 
\v 26 ካዎዛ ቦንቾ ናጊዛ ዎታዳራታ ሃላቃ ናቡዛራዳኔይ ሄይታንታ ኡባ ኤኪዲ ባቢሎኔ ካዎይ ዲዛሶ ኤሬቢላ ጋዴስ። 
\v 27 ካዎዚካ ኢስታ ሄን ኤሬቢላን ዲፒ ሂስቲ ዎዴስ፤ ዩሁዳይካ ሄሳ ማላን ባ ቢታፌ ዲኤታ ባዱስ። 
\v 28 ናቡካዳናጾሬይ ዲኢ ኤፊዳ ዴሬዛ ቆዳይ ሃይሳፌ ካሊ ዲዛይሳ፤
\q2 ኢዚ ባ ካዎቲዳ ላፑን ላይን 3,023 ኣይሁዳታ፥
\q2
\v 29 ባ ካዎቲዳ ታማኔ ኦስፑን ላይን
\q3 ናቡካዳናጾሬይ 832 ኣስ፥
\q2
\v 30 ባ ካዎቲዳ ናምኡ ታማኔ ሄን ላይን
\q3 ናቡዛራዳኔይ 745 ኣይሁዳታ ዲኢ ኤፊዴስ፤
\q3 ኢዚ ዲኢ ኤፊዳ ኣሳ ቆዳይ ኢሲ ቦላ 4,600።
\s ኢዮኣኪኔ ቢርሼቴ
\p
\v 31 ዩሁዳ ካዎ ኢዮኣኪኔይ ዲኤቲዳ ሄ ታማኔ ላፑን ላይን ዮሪ-ማሮዴቄይ ባቢሎኔን ካዎቲዴስ፤ ሄ ላይንካ ታማኔ ናምኣን ኣጊናን ናምኡ ታማኔ ኢቻሻን ጋላሳን ዩሁዳ ካዎ ኢዮኣኪኔ ቆፒዴስ፤ ቃሾ ኬፌካ ኢዛ ኬሲዴስ። 
\v 32 ኢዛ ሎኦ ቃላን ሃሳይሲዴስ፤ ባቢሎኔን ኢዛራ ቃሾሶን ዲዛ ካዎታ ኡባታፔ ቦላራ ኣዲ ኢዛ ቦንቾሶን ዎዴስ። 
\v 33 ኢዮኣኪኔይ ቃሾሶን ዲሼ ማይኢዳ ማይኦዛ ኢዛፔ ቃሪ ዬጊዴስ፤ ሄሳፌ ቢዲ ሃይቃና ጋካናስ ባ ዲዛ ዎዴ ኡባን ካዎዛ ማዳፌ ሚሼ ጋምኢዴስ። 
\v 34 ባቢሎኔ ካዎ ኢዮኣኪኔይ ቢዲ ሃይቃና ጋካናስ ፓጬይ ባይንዳ ኡባ ዎዴ ኢዛስ ማና ቃላባ ኢሚዴስ።