\id ISA - Gamo Full Bible final version
\ide UTF-8
\h ኢሳያሳ ቲንቢቴ
\toc1 ኢሳያሳ ቲንቢቴ
\toc2 ኢሳያሳ ቲንቢቴ
\toc3 ኢሳ
\mt ኢሳያሳ ቲንቢቴ
\imt ጊዶ ቆፋ
\ip ኢሳያሳ ማጻፋይ ኪርስቶሲ ዬሌታናፔ ካሴ ኦስፑን ጼቱ ላይ ዉርሴ ሄራን ዲዛ ጊታ ናቤ ኢሳያሳ ሱንን ጼይጌቲዴስ፤ ሃይሲ ሃ ማጻፋዚ ሄ ኤሬቲዳ ኪፊሌታን ሻኬታናስ ዳንዳዬስ።
\ili 1. ሼም 1-39 ጋካናስ ዲዛ ኪፊሌዚ ዱጌሃ ባጋ ካዎቴ ዩሁዳ ዴሬ ቦላ ኣሶሬ ጌቴቲዛ ዎልቃማ ካዎይ ጋዳ ቆሆ ጊሻስ ዮቴስ፤ ዩሁዳ ዴሬ ሜቶን ዬጊዳይ ኣሶሬ ዎልቃ ጊዶንታ ዴሬዛ ናጋራኔ ኣሳይ ጾሳስ ኣዛዜቶንታ ኢጾ፤ ሄሳካ ኣሳይ ጾሳን ኣማኔቶንታ ኣጊዳይሳ ቤዪዴስ። ናቤዚ ዴሬዚኔ ዴራ ካሌዛይቲ ጺሎቴኮኔ ቱማቴ ዲዛሶ ሲማና ማላ ዮቲዴስ፤ ቃሴካ ጾሳስ ኣዛዜቶንታ ኢጾይ ፓጬኔ ይስ ኤሃናይሳ ኢስታስ ቆንጪሲዴስ፤ ሄሳካ ቡሮፔ ያና ላይታን ኣላሜ ዩሾን ሳሮቴ ኩማናይሳኔ ኩሜ ሎኤቴን ኣይሳናስ ዳዊቴ ዜሬፌ ካዎታናዴይ ያናይሳ ናቤ ኢሳያሲ ካሴቲ ዮቲዴስ።
\ili 2. ሼም 40-55 ጋካናስ ዲዛ ኪፊሌዛፔ ዳሪዛ ባጋይ ዩሁዳ ኣሳይ ዲኤቲ ባቢሎኔ ቢን ሄን ኢስታ ቦላ ካዉሻቴ ጋካናይሳኔ ሂዶታይ ኢስታስ ያናይሳ ዮቴስ። ናቤዚ ጾሲ ባ ዴሬዛ ዎዚን ኣሳይ ሎኦ ኦራ ዱስ ዳናስ ኢስታ ኢዚ ዬሩሳላሜ ዛራናስ ዎዴይ ማቲዳይሳ ዮቲዴስ። ሃይታ ሼምፖታ ጋርሳን ኬሂ ቆንጪ ቤቲዛ ኣይፌ ዮኦይ ጾሲ ሃኖ ኡባስ ኣዋ ጊዲዳይሳኔ ባ ዴራስ ኢዚ ሃልቺዳ ሃልቾይ፥ ጾሳ ኪታይ ኢስራኤሌ ኣሳ ባጋራ ዴሬ ኡባስ ጋካናይሳ ዮቴስ። «ጾሳ ኦሳንቻ ጊሻስ» ዮቲዛ ካሴ ጋልኣ ጫቆን ዲዛ ኤሬቲዳ ኪታታራ ኢሲፌ ቆዴቴቴስ።
\ili 3. ሼም 56-66 ጋካናስ ዲዛ ኪፊሌዛፔ ዳሪዛ ባጋይ ዮቲዛይ ጉዬ ባ ዴሬ ዬሩሳላሜ ሲሚ ቢዳይታ ጊሻሲኔ ጾሲ ኢስራኤሌ ኣሳስ ኢሚዳ ሂዶታ ቃላ ኡባ ፖላናኮ ጊዲ ናጌ ቦላ ዲዛ ኣሳስ ማርካ ጊዳና ማላሳ፤ ቲሺ ሂስቲ ጼላናስ ቤሲዛይቲ ጺሎቴኔ ቱማ ፒርዳ፥ ሳምባታ ቦንቾኔ ያርሾ ሺሾ፥ ቃሴካ ሚኒ ዎሶ። ሃይሳ ሃ ኪፊሌዛን ኤሬቲዳ ሼምፖይ 61፡1-2 ጊዲሺን ዬሱሲ ኮይሮ ኦሶ ኦይኪሼ ባ ጼይጌቴስ ማርካ ሺሺዳ ቃላቲ ዴቴስ።
\iot ሃ ማጻፋይ ኦይኪዳ ኩሜ ቆፋ
\io1 ጊዶ ቆፋ \ior 1፡1-31 \ior*
\io1 ዩሁዳ ጊሻሲኔ ኢስራኤሌ ጊሻስ ኣዳ ኪታታ \ior 2፡1—5፡30 \ior*
\io1 ኢሳያሳ ሃጋዞን ዲዛ ሃኖታታ \ior 6፡1—9፡7 \ior*
\io1 ዩሁዳ ጊሻሲኔ ኢስራኤሌ ጊሻስ ጉጄቲዳ ሃራ ኪታታ \ior 9፡8—12፡6 \ior*
\io1 ሃራ ዴሬታ ቦላ ጾሳ ቂጻቴ \ior 13፡1—23፡18 \ior*
\io1 ዋዬ ቦላ ዲዛ ጾሳ ዴሬስ ሂዶታ ኪታ \ior 24፡1—27፡13 \ior*
\io1 ጾሲ ማካሊዛ ባ ዴራ ቃጻያና ቃጻዮ \ior 28፡1—31፡9 \ior*
\io1 ጾሲ ኤዶሜ ቃጻዪዛዴኔ ዬሩሳላሜ ኣንጂዛዴ \ior 32፡1—35፡10 \ior*
\io1 ኣሶሬ፥ ባቢሎኔ፥ ካዎ ሂዝቂያሳኔ ኢሳያሳ \ior 36፡1—39፡8 \ior*
\io1 ጾሳይ ባ ዴሬ ኣሺዛዴ \ior 40፡1—48፡22 \ior*
\io1 ጾሳ ኦሳንቻ \ior 49፡1—53፡12 \ior*
\io1 ጾሳይ ባ ኢሚዳ ሂዶታ ናጊዛዴ \ior 54፡1—55፡13 \ior*
\io1 ዴሬይ ዉሪካ ጾሳ ባጋ ጊዳናስ ዳንዳዬስ \ior 56፡1-8 \ior*
\io1 ዴሬ ኣይሲዛይታ ጊዲ ኡቲዲ ጾሳስ ኣዛዜቶንታይቲ ቃጻዬታና \ior 56፡9—59፡21 \ior*
\io1 ሲንፌ ያናስ ዲዛ ዬሩሳላሜ ቦንቾ ሂዶታ \ior 60፡1—62፡12 \ior*
\io1 ማላሊሲዛ ጾሳ ኦራ ሜቴታ \ior 63፡1—66፡24 \ior*
\c 1
\p
\v 1 ዩሁዳ ካዎታ ኦዚያ፥ ኢዮኣታሜ፥ ኣካዜኔ ሂዝቂያሳ ካዎቴ ዎዴ ኣሞጼ ና ኢሳያሲ ዩሁዳ ጊሻሲኔ ዬሩሳላሜ ጊሻስ ቤኢዳ ኣጁታ።\x - \xo 1፡1 \xo*\xt 2ካዎ 15፡1-7፤ 15፡32—16፡20፤ 18፡1—20፡21፤ 2ታሪ 26፡1—32፡33\xt*\x*
\s ጾሳይ ባ ዴሬዛ ሴሪዳ ሴራ
\p
\v 2 ጎዳይ፥ «ሳሎቶ ሲዪቴ!
\q2 ቢታዬ ኔካ ኤዝጋ ሲያ!
\q3 ታኒ ናይታ ዬላዳ
\q3 ዲቻ ጋን
\q3 ኢስቲ ታ ቦላ ማካሊዳ።
\q1
\v 3 ቦራይ ባ ጎዳ ኤሬስ፤
\q2 ሃሬይ ኢዛ ጎዳይ ኢዛስ ጊግሲዳ
\q2 ዜካ ኤሬስ፤
\q3 ኢስራኤሌይ ጊዲኮ
\q3 ታና ኤሬና፤
\q3 ታ ዴሬይካ ኣኬኬና» ጊዴስ።
\q1
\v 4 ኢንቴኖ ናጋራንቻ
\q2 ካዎቴቶ!
\q2 ቆሆን ኩሚዳይቶ!
\q2 ኢታ ኦዛ ዜሬቶ!
\q2 ኢንቴ ኣዋታ ቱናቴ
\q3 ካሊዛ ናይቶ!
\q3 ኢንቴና ኣዬ ኣና!
\q3 ጎዳ ኣጋጊዴታ፤
\q3 ኢስራኤሌ ጌሻዛ
\q3 ዬጊ ኣጊዴታ፤
\q3 ዞኮካ ኢዛስ ዛሪዴታ።
\q1
\v 5 ማካላ ቦላ ማካላ ጉጂዲ
\q2 ኢንቴ ኣይስ ዛሪ ዛሪ
\q2 ቃጻዬቴቲ?
\q3 ኢንቴ ሁኤይ ሙሌ ሳኬቲዴስ፤
\q3 ኢንቴ ዎዚናይካ ዳቡርዴስ።
\q1
\v 6 ሄሳ ጋሶን ሂርኪ
\q2 ቶሆ ጹጉንፌ ቢዲ
\q2 ሁኤ ኢስኬ ጋካናስ
\q2 ፓጻቴ ኢንቴስ ባዋ።
\q2 ማዱን፥ ኪጻኔ
\q2 ኡዛስ ጻላ ጊዲዴስ።
\q2 ሄ ማዱንይ ሜጬቲቤና፤
\q3 ቃሼቲቤና፤
\q3 ዛይቴንካ ሹጊቤና።
\q1
\v 7 ኢንቴ ዴሬይ ኣይኮይ ባይንዳ
\q2 ባዞ ጊዳና፤
\q2 ኢንቴ ካታማቲ ታማን ጹጌታና፤
\q3 ኢንቴ ኣይፌይ ጼሊሺን
\q3 ኢንቴ ቢታ ኣላጋይ
\q3 ቦንቂ ኤካና፤
\q3 ኢስቲ ኢንቴ ቢታ ቡላ ኬሳና።
\q1
\v 8 ጺዮኔ ናያ
\q2 ዎይኔ ሚ ጊዶን ዲዛ
\q2 ጋባ ማላ፥
\q2 ሌሌሄ ጊዶን ዲዛ
\q2 ቄሪ ኬ ማላኔ
\q2 ሞርኬይ ጊዶዳ
\q2 ካታማ ማላ ጊዳዱስ።
\q1
\v 9 ኡባፌ ዎልቃማ ጎዳይ
\q2 ኑስ ዜሬ ኣሾንታኮ፥
\q2 ኑኒ ሶዶሜ ማላኔ
\q2 ጋሞራ ማላ ጊዳናኮሺን።\x - \xo 1፡9 \xo*\xt ሜ 19፡24፤ ኦሮ 9፡29\xt*\x*
\q1
\v 10 ኢንቴኖ ሶዶሜ ኣይሲዛይቶ!
\q2 ጎዳ ቃላ ሲዪቴ፤
\q3 ኢንቴኖ ጋሞራ ዴሬቶ!
\q3 ኑ ጾሳ ቲሚርቴ ኤዝጊ ሲዪቴ።
\b
\q1
\v 11 «ኢንቴ ያርሾ ዳሮይ
\q2 ታስ ኣይ ኦኔ?
\q2 ሃኖ ጋካናስ
\q2 ኢንቴ ታስ ሺሺዳ
\q3 ጹጌቲ ሺቂዛ
\q3 ርሾ ኣሾኔ
\q3 ሞ ሜሄታ ኣሾ ካላዲስ፤
\q3 ታኒ ቦራ ሱን፥
\q3 ዶርሳ ሱኒኔ
\q2 ዴይሻ ሱን ኡፋዬቲኬ።\x - \xo 1፡11-14 \xo*\xt ኣሞ 5፡21-22\xt*\x*
\q1
\v 12 ኢንቴ ታስ ጎይናናስ ዪዛ ዎዴ
\q2 ሄሳ ኡባ ኢንቴ
\q2 ኤኪ ያና ማላኔ
\q2 ታ ኬ ዛጎ
\q2 ኢንቴ ዬና ማላ
\q3 ኦኒ ኦይቺዴ?
\q1
\v 13 ሃይሳፌ ጉዬ ሃይሳ
\q2 ሚሳቲዛ ሃዳ ያርሾ
\q2 ናምኣን ሺሾፍቴ፤
\q2 ኢንቴ ጩዋሲዛ ኤጻኔይ
\q3 ታና ሻቴስ፤
\q3 ኣጊና ጼሮን፥
\q2 ሳምባታ ጋላሳታኒኔ
\q3 ኢንቴ ጎይኖስ ሺቂዛ ጋላሳታን
\q3 ኢንቴ ቦንቺዛ ባኣሌቲ
\q3 ኢታቴን ኩሚዳ ጊሻስ
\q3 ታኒ ሄይታ
\q3 ጌንጫ ኣናስ ዳንዳይኬ።
\q1
\v 14 ኣጊና ጼሮን
\q2 ኢንቴ ቦንቺዛ
\q2 ጋላሳታኔ
\q2 ካሴ ኢንቴ ዎዳ
\q2 ባኣሌ ጋላሳታ
\q2 ታ ሼምፖያ ሃራሴታዱስ፤
\q2 ሄይቲ ታስ ዳሮ ዴጾ
\q2 ቶሆ ጊዲዳ ጊሻስ
\q3 ታ ኢስታ ቶካናስ ዳንዳይኬ።
\q1
\v 15 ኢንቴ ኢንቴ ኩሼ
\q2 ዎሳስ ታኮ ሚጪኮ
\q2 ታኒ ታ ኣይፌ ኢንቴፌ
\q3 ሃራሶ ዛራና፤
\q3 ኢንቴ ኩሼን ሱ
\q3 ኩሚዳ ጊሻስ
\q3 ኢንቴ ኬሂ ዎሲኮካ
\q3 ታ ኢንቴ ዎሳ ሲዪኬ።
\q1
\v 16 ሜጬቲቴ፤ ኢንቴና ጌሺቴ፤
\q2 ኢንቴ ኢታ ኦሶዛ
\q3 ታ ሲንፌ ዲጊቴ፤
\q2 ኢታ ኦሶካ ኣጊቴ።
\q1
\v 17 ሎኦ ኦሶ ታማርቴ፤
\q2 ሱሬ ፒርዳ ኮዪቴ፤
\q2 ቆሄቲዳይታ ሚንቴ፤
\q2 ዪኦታስ ኤቂቴ፤
\q2 ኣምኤታስ ሞቴቲቴ» ጊዴስ።
\q1
\v 18 ቃሴካ ጎዳይ፥ «ሃ ዪቴ
\q2 ኢሶይ ኢሳራ ኣኔ ቡጼቶስ፤
\q2 ኢንቴ ናጋራይ
\q2 ጼቃ ዞኦ ጊዲኮካ
\q2 ሻቻ ማላ ቦታና፤
\q3 ሱ ማላ ዞኢኮካ
\q3 ፑቶ ማላ ፑቃ ቦ ጊዳና።
\q1
\v 19 ኢንቴ ታስ ኤኖ ጊ ኣዛዜቲኮ
\q2 ቢታ ኣንጆ ማና።
\q1
\v 20 ኢንቴ ታስ ኣካይ ጊ ማካሊኮ
\q2 ማሻይ ኢንቴና ማና፤
\q2 ሃይሳ ዮቲዳይ
\q2 ታና ጎዳ» ጊዴስ።
\s ናጋራይ ኩሚዳ ካታማዮ
\b
\q1
\v 21 ካሴ ኣማኔቲዳ ካታማያ
\q2 ዋናዳ ላይማ ጊዳዴ?
\q2 ካሴ ኢዚን ሱሬ ፒርዳይ
\q2 ኩሚዳራኔ
\q2 ጺሎቴ ኢዚን ኩሚዳራ
\q3 ሃኢ ጊዲኮ
\q3 ሼምፖ ዎዛይታስ
\q3 ዱሳሶ ጊዳዱስ።
\q1
\v 22 ሃኔ ኔ ቢራይ ሺይዴስ፤
\q2 ኔ ዎይኔ ኡሻይ
\q2 ሃን ዬሌቲዴስ።
\q1
\v 23 ኔና ካሌዛይቲ
\q2 ማካላንቻታራኔ
\q2 ካይሶታራ ላጌቲዳ፤
\q2 ኢስቲ ኡባይካ ማጋንጾ ዶሴቴስ።
\q2 ማታኤካ ኬሂ ኮዬቴስ፤
\q3 ዪኦታስ ኣ ኤቄቴና፤
\q3 ኣምኤታ ማጋና ሲዬቴና።
\q1
\v 24 ሄሳ ጊሻስ ጎዳይ፥
\q2 ኡባፌ ዎልቃማ ጎዳ
\q3 ኢስራኤሌ ጾሳይ፥
\q2 «ታኒ ታ ሞርኬታ ቦላ
\q3 ታ ሃንቆ ጉሳና፤
\q2 ታና ኮሚዛይታ ቦላካ
\q3 ታኒ ሃሎ ኬሳና።
\q1
\v 25 ታኒ ታ ኩሼ
\q2 ኔ ቦላ ዴንና፤
\q2 ኔ ቦላ ዲዛ ኪንካ
\q2 ታ ጌሻና፤
\q2 ኔ ቂታካ ኔ ቦላፌ ዲጋና።
\q1
\v 26 ካሴ ኔና ኣይሲዛይታ ማላ
\q2 ሃራ ኔና ኣይሳናይታኔ
\q2 ዞራናይታ ታኒ ኔስ ዴንና፤
\q2 ሄሳፌ ጉዬ ኔኒ፥
\q3 ‹ጺሎቴ ዲዛ ኣማኔቲዳ
\q3 ካታማዮ› ጌቴታና።
\q1
\v 27 ጺዮና ሱሬ ፒርዳን፥
\q2 ማሮቴን ሲሚዛይቲ
\q3 ጺሎቴን ዎዜታና።
\q1
\v 28 ጊዶ ኣቲን ማካላንቻቲኔ
\q2 ናጋራንቻቲ ኢሲ ቦላ ሊቃና፤
\q2 ጾሳ ኣጊዛይቲ ዉሪካ ያና።
\q1
\v 29 ካሴ ኢንቴ ዶሲዛ ካሻታን
\q2 ኢንቴ ዬላታና፤
\q2 ካሴ ኢንቴ ዶሪዳ ኣታኪልቴሶሆታን
\q3 ኢንቴ ካዉያና።
\q1
\v 30 ዉርሴን ኢንቴ ቦንጮይ
\q2 ቆኪዳ ዎላ ማላ፥
\q2 ሃ ባይንዳ ኣታኪልቴሶሆታ
\q3 ማላ ጊዳና።
\q1
\v 31 ሚኖ ኣሲ ሃፓ ማላ፤
\q2 ኢዛ ኦሶይካ ፒልኢ ጊዛ
\q3 ላጮ ማላ ጊዳና፤
\q2 ናምኣይካ ኢሲ ቦላ ጹጌታና፤
\q3 ሄ ታማ ቶይሳና
\q3 ኣሲካ ዴና» ጊዴስ።
\c 2
\s ሜርና ሳሮ
\ms (ሚኪ 4፡1-3)
\p
\v 1 ኣሞጼ ና ኢሳያሲ ዩሁዳ ዴሬ ጊሻሲኔ ዬሩሳላሜ ካታማ ጊሻስ ቤኢዳ ኣጁታይ ሃይሳ።
\q1
\v 2 ዎዴ ዉርሴን ጾሳ ኬ
\q2 ኢዛ ቦላ ኬጼቲዳ ዙማይ
\q3 ሃራ ዙማ ኡባፌ
\q3 ቂ ቤታና።
\q3 ዙምቡላታ ኡባፌ ቁ
\q3 ቁ ጋና፤
\q3 ኡባ ካዎቴቲ
\q3 ሄ ጎቻና።
\q1
\v 3 ዳሮ ኣሳይ ዪዲ፥
\q2 «ዎጋይ ጺዮኔፔ፥
\q2 ጎዳ ቃላይ ዬሩሳላሜፔ
\q3 ኬዚዛ ጊሻስ ሃ ዪቴ!
\q2 ጎዳ ዙማ፥
\q2 ያቆቤ ጾሳ ኬ
\q3 ኣኔ ፑዴ ኬዞስ።
\q3 ኢዚ ኮይዛይሳ
\q3 ኑኒ ባና ማላ
\q3 ኢዚ ኑና ባ ኦጌ ታማርሳና» ጋና።
\q1
\v 4 ኢዚ ካዎቴታ ጊዶን ፒርዳና፤
\q2 ዳሮ ኣሳታ ጋርሳን ዲዛ ፓላማ
\q3 ኢዚ ዲጋና።
\q2 ኢስቲ ባንታ ጊ
\q2 ማሻ ማራሻ፥
\q2 ባንታ ቶራካ
\q2 ባጫ ቆጺ ኬሳና።
\q2 ዴሬይ ዴሬ ቦላ
\q2 ማሻ ዴንና፤
\q3 ሄሳፌ ጉዬ
\q3 ኢስቲ ኦላ ታማሬቴና።\x - \xo 2፡4 \xo*\xt ኢዩ 3፡10\xt*\x*
\q1
\v 5 ኢንቴኖ ያቆቤ ዛሬቶ!
\q2 ሃ ዪቴ!
\q2 ኣኔ ጎዳ ፖኦን ሲሜሬቶስ።
\s ጎዳ ጋላስ
\q1
\v 6 ጎዳዉ! ኔኒ ኔ ኣሳ
\q2 ያቆቤ ዛሬታ ኣጋዳሳ።
\q2 ኢስቲ ኣርሼይ ሞኪዛ ባጋራ ዲዛ
\q2 ኣሳታ ማላ ቢታን ኩሚዳ፤
\q2 ፊሊስጼሜ ኣሳ ማላ
\q2 ሙሬኔቴስ።
\q2 ኢስቲ ኣላጋራ ኢሲፌ ዙፔቴቴስ።
\q1
\v 7 ኢስታ ቢታን ቢራይኔ
\q2 ዎርቃይ ኩሚዴስ፤
\q2 ኢስታ ዱሬቴስ ዛዋይ ባዋ፤
\q3 ኢስታ ቢታን ፓራይ ኩሚዴስ፤
\q3 ኢስታ ፓራ-ጋሬታስ
\q3 ዛዋይ ዴና።
\q1
\v 8 ኢስታ ቢታን ኤቃ ጾሳቲ ኩሚዳ፤
\q2 ባንታ ኩሼን ኦ ኬሲዳ
\q3 ሚሻስ ጎይኔቴስ።
\q1
\v 9 ሄሳ ጊሻስ ኣሲ ኡባይ
\q2 ዚቂ ጋናኔ ካዉያና።
\q2 ኢስታ ቆሆ ኣቶ ጎፓ።
\p
\v 10 ያሺሲዛ ጎዳ ሃንቆፌኔ
\q2 ኢዛ ቴማፔ ኣታናስ
\q2 ዛላታኮ ቢዲ
\q2 ቢታ ጊዶን ቆቴቲቴ!\x - \xo 2፡10 \xo*\xt ኣጁ 3፡10\xt*\x*\x - \xo 2፡10 \xo*\xt ኣጁ 6፡15፤ 2ታሶ 1፡9\xt*\x*
\q1
\v 11 ኦቶራንቻ ኣይፌይ ጉካና፤
\q2 ሞቲዛይቲ ካዉያና፤
\q2 ሄ ዎዴ ጎዳይ ጻላ
\q2 ቁ ቁ ጋና።
\q1
\v 12 ኡባፌ ዎልቃማ ጎዳይ
\q2 ኦቶራንቻታ፥
\q2 ሞቲዛይታኔ
\q2 ጬቄቲዛይታ ካዉሻናስ
\q3 ጋላስ ባሪ ዎዴስ።
\q1
\v 13 ኣዱሲኔ ቃ ጊዲዳ
\q2 ሊባኖሴ ዚጋታኔ
\q2 ባሳኔ ዎላታ ኡባ፥
\q2
\v 14 ጊታ ዙማታኔ
\q2 ቃ ዙምቡላታ ኡባ፥
\q2
\v 15 ካታማ ናጊዛ
\q2 ኣዱሳ ሚጻታኔ
\q2 ካታማ ዩሾን ዲዛ
\q2 ሚኖ ጊምቤታ ኡባ፥
\q2
\v 16 ታርሴሴ ማርካቤታኔ
\q2 ቦንቾ ዎጎሎታ ኡባ
\q3 ኢዚ ካዉሻና ዎዴይ ዴስ።
\q1
\v 17 ሞቲዛዴይ ካዉያና፤
\q2 ኦቶራንቻይ ኩንዳና፤
\q2 ሄ ጋላስ ጎዳይ ጻላ
\q2 ቁ ቁ ጋና፤
\q1
\v 18 ኤቃ ጾሳቲ ኡባይ
\q2 ሙሌራ ያና።
\q1
\v 19 ጎዳይ ሃይሳ ቢታ
\q2 ቃናስ ዴንዲዛ ዎዴ
\q2 ያሺሲዛ ጎዳ ሃንቆፌኔ
\q3 ኢዛ ቴማፔ ኣታናስ
\q3 ኣሳይ ቆቴታናስ
\q3 ሹቻ ጋርሲኔ
\q3 ኦላይ ዲዛሶ ባቃታና።
\q1
\v 20 ሄ ጋላስ ኣሳይ ጎይናናስ
\q2 ሜዳ ባንታ ቢራ፥
\q2 ዎርቃ ሚስሌታ
\q2 ጊሮሲኔ ካፎታስ ኦላና።
\q1
\v 21 ጎዳይ ሃ ቢታ ቃናስ
\q2 ዴንዲዛ ዎዴ
\q2 ኢዛ ያሺሴፌኔ
\q2 ኢዛ ቴማፔ ዴንዲዳይሳን
\q2 ሹቻ ጎንጎሎይኔ
\q2 ዛላ ዛኣይ ዲዛሶ ባቃታና።
\q1
\v 22 ሼምፖይ ሲራ ኬዚን
\q2 ኣሃ ጊዲዛ ኣሳን ኣማኔቶፍቴ፤
\q2 ኣሲ ኣይ ማዳኔ?
\c 3
\s ዬሩሳላሜ ቦላኔ ዩሁዳ ቦላ ያና ፒርዳ
\p
\v 1 ቤኢቴ፥ ጎዳይ ኡባፌ ዎልቃማ ጎዳይ
\q2 ኣሳስ ኮሺዛ ካ፥
\q2 ሃኔ ማዶ ኡባ
\q2 ዬሩሳላሜፔኔ
\q2 ዩሁዳፔ ዲጋና።
\q1
\v 2 ቃራታኔ ኦላንቻታ፥
\q2 ፒርዲዛይታኔ ናቤታ፥
\q2 ሙሬኒዛይታኔ ጪማታ፥
\q2
\v 3 ሃምሳ ሃላቃታኔ ኦላ ጋዳዋታ፥
\q2 ዞራንቻታኔ ሂላንቻታ፥
\q3 ጪንጫቴን ቢቲዛይታ
\q3 ኡባ ይሳና።
\q1
\v 4 ታኒ ዬላጋ ናይታ
\q2 ኢስታ ቦላ ሹማና፤
\q2 ቄሪ ናይቲ ኢስታ ሃራና።
\q1
\v 5 ዴሬይ ዴሬ ቦላ፥
\q2 ኣሲ ኢሶይ ኢሳ ቦላ፥
\q2 ሾሮይ ሾሮ ቦላ፥
\q2 ዬላጋ ናይቲ ጪማታ ቦላ፥
\q2 ሹፉሮይ ቦንቼቲዳይታ ቦላ
\q2 ዴንዳና።
\p
\v 6 ኣሲ ባ ኣዋ ኬን
\q2 ባ ኢሻንታፌ ኦይኪዲ፥
\q1 «ኔስ ማይኦይ ዲዛ ጊሻስ
\q2 ኑና ካሌዛይሳ ጊዳ፤
\q2 ሃ ላሌቲዳ ሶሆዛ ኣዋቴ
\q3 ኔ ኤካ» ጋና።
\q1
\v 7 ሂስቲን ኢዚ ሄ ዎዴ
\q2 ባ ቃላ ቁ ሂስቲዲ፥
\q2 «ታኒ ኣይኮካ ማዲኬ፤
\q3 ታሶን ማይኦይኔ ሚዛ ካ
\q3 ባይንዳ ጊሻስ ታና
\q3 ዴሬ ካሌዛዴ
\q3 ሂስቶፍቴ» ጋና።
\q1
\v 8 ዬሩሳላሜይ ጋንዲጋራዉስ፤
\q2 ዩሁዳይካ ኩንዳና ማታዱስ፤
\q2 ጋሶይካ ኢስቲ
\q2 ባንታ ሃሳያኒኔ
\q3 ኦሶን ጎዳራ ኤቄቲሼ
\q3 ኢዛ ቦንቾዛ ቶቼቴስ።
\q1
\v 9 ኢስታ ኣይፌሶይ
\q2 ኢስታ ቦላ ማርካቴስ፤
\q2 ኢስቲ ሶዶሜ ኣሳ ማላ
\q3 ባንታ ናጋራ ቆቶንታ
\q3 ቆንጬን ሃሳዬቴስ፤
\q3 ኢስቲ ባንታ ቦላ ኢታ ሚሽ
\q3 ኤሂዛ ጊሻስ
\q3 ኢስታስ ኣዬ ኣና!
\q1
\v 10 ጺሎታስ፥ «ጺሎቲ ባ ሎኦ ኦሶ
\q2 ኣይፌ ማና፤
\q2 ሄሳ ጊሻስ
\q2 ኢስታስ ሎኦ ጊዳና» ጋ ዮታ።
\q1
\v 11 ኢታታስ ኣዬ ኣና!
\q2 ኢስታ ቦላ ኢታ ሚሺ ያና፤
\q2 ኣይስ ጊኮ ኢስቲ
\q3 ባንታ ኦሶ ማላ ኤካና።
\q1
\v 12 ዬላጋቲ ታ ዴራ ኡንኤቴስ፤
\q2 ማጫሳቲካ ኢስታ ሃሬቴስ፤
\q2 ታ ዴሬዞ! ኢንቴና ካሌዛይቲ
\q3 ኢንቴና ባሌዳ፤
\q2 ኢንቴ ቢዛ ኦጌፔካ
\q3 ኢንቴና ካሬ ኬሲዳ።
\s ጎዳይ ባ ኣሳ ቦላ ፒርዳና ፒርዳ
\b
\q1
\v 13 ጎዳይ ፒርዳናስ ሺሎታን ኡቲዴስ፤
\q2 ዴራ ቦላ ፒርዳናስ ዴንዲዴስ።
\q1
\v 14 ጎዳይ ዴሬ ጪማታኔ
\q2 ካሌዛይታ ፒርዳናስ
\q3 ኢሲ ቦላ ሺሺዲ፥
\q2 «ታኒ ዎይኔ ቶኪዛሶሆዛ
\q2 ኢሲዴታ፤
\q2 ማንቆታፔ ኢንቴ ቦንቂዳይሲ
\q3 ኢንቴ ቆልኣን ዴስ።
\q1
\v 15 ታ ዴራ ኣይስ ሜቶን ሊቂሲዴቲ?
\q2 ማንቆታ ኣይስ ዬሴቲ?
\q3 ሃይሳ ዮቲዳይ ታና ጎዳ፥
\q3 ኡባፌ ዎልቃማ
\q3 ጎዳ ጾሳ» ጌስ።
\s ጺዮኔ ማጫሳታስ ኢሜቲዳ ሴራ
\b
\q1
\v 16 ጎዳይ፥ «ጺዮኔ ማጫሳቲ
\q2 ኦቶሬቲዳ፤
\q2 ባንታ ቆ ዋርጺ ሂስቲሼ፥
\q2 ባንታ ኣይፌን ሶምኢ ቤሲሼ፥
\q2 ባንታ ዱጫ ቃሼ፥
\q2 ባንታ ቶሆን ዲዛ ሳጋዮ
\q3 ጊሪሲሼ ሄሜቴቴስ።
\q1
\v 17 ሄሳ ጊሻስ ታኒ ጎዳይ
\q2 ጺዮኔ ማጫሳታ ሁኤ
\q3 ጪቶን ጎኢሳና፤
\q2 ታኒ ጎዳይ ኢስታ ሁኤ
\q3 ቦኣሳና» ጌስ።
\p
\v 18 ሄ ጋላስ ጎዳይ ጺዮኔ ማጫሳታ ኣሌቆ ሚሻታ፥ ሄይቲካ ቶሆ ሳጋዮታ፥ ሁኤ ኣሌቆታ፥ ቆ ጎዝዳታ፥ 
\v 19 ሃይ ጉቲቻታ፥ ኩሼ ሳጋዮታ፥ ኣይፌሶ ካሚዛ ቁራጬታ፥ 
\v 20 ሁኤ ጎሴታ፥ ሳጋዮታ፥ ሁኤ ኣሌቆታ፥ ጼሳን ዳንጪዛ ዳንጮታ፥ ሺቶ ቢልቃጼታ፥ ኣሼንኪታቤታ፥ 
\v 21 ሲ ሚዲጋታ፥ ቢራ ሚዲጋታ፥ 
\v 22 ሴሎ ማይኦታ፥ ጋርሳራ ማይኢዛ ማይኦታ፥ ካባታ፥ ኩሼ ካራጺቴታ፥ 
\v 23 ሄሬጋታ፥ ላይኖታ፥ ጊዶራ ማይኢዛ ማይኦታ፥ ቢናና ቃቺዛ ኣሌቆታኔ ኣይፌሶ ካሚዛ ቆሌታ ኡባ ዳፊ ኤካና።
\q1
\v 24 ሺቶ ጺንቆን፥ ዳንጮ ዎዶሮን፥
\q2 ጎፋሬ ቦኣን፥
\q2 ሴሎ ማይኦ ማቃን፥
\q2 ፑላቴ ፒጌን ላማና።
\p
\v 25 ኢንቴስ ኣቱማ ኣሳቲ ጊ ማሻን፥
\q2 ኦላንቻቲ ኦላን ሃይቃና።
\q1
\v 26 ጺዮኔ ፔንጌቲ
\q2 ካሎ ጋዴን ዎ ኡታዳ
\q3 ዬኪዛ ማጫሳ ማላ
\q3 ዬካናኔ ዚላላና።
\c 4
\p
\v 1 ሄ ዎዴ ላፑን ማጫሳቲ ኢሲ ኣዴ ኦይኪዲ፥
\q2 «ማና ካ ጊዲን
\q2 ማይኣና ማይኦ
\q2 ኑኒ ኑርካ ኑና ዳንዳያና፤
\q3 ኔ ሱንን ጻላ
\q3 ጼይጌታና ማላ ሂስታዳ
\q3 ኑ ካዉሻቴ
\q2 ኑፔ ዲጋርኪ!» ጊ ዎሳና።
\s ዬሩሳላሜ ኦራቴ
\p
\v 2 ሄ ዎዴ ጎዳ ሚ ሃጋይ ሎኣናኔ ቦንቼታና፤ ኢስራኤሌ ኣሳፔ ይሼ ኣቲዳይታስ ሄ ቢታ ካይ ጬቆሲኔ ቦንቾስ ጊዳና። 
\v 3 ጺዮኔን ኣቲዳይቲ፥ ዬሩሳላሜን ዮንታ ኣቲዳይቲ፥ ዬሩሳላሜን ሼምፖራ ፓጻ ዲሼ ጻፌቲዳ ኡባታራ፥ «ኢስቲ ጌሻታ» ጌቴታና። 
\v 4 ጎዳይ ጺዮኔ ማጫሳታ ቂታ ሜጫና፤ ማቲ ኡቲዳ ሱፌ ዬሩሳላሜ ፒርዳ ኣያናኒኔ ጹጊዛ ኣያናን ጌሻና። 
\v 5 ጎዳይ ጺዮኔ ዙማ ቦላኔ ሄን ሺቂዛ ኡባታ ቦላ ጋላስ ሻራኔ ጩዋ፥ ኦማርስ ኤጺዛ ታማ ፖኦ ኪታና፤ ጾሳ ቦንቾይ ካታማዮ ዱንካኔ ማላ ካሚ ናጋና።\x - \xo 4፡5 \xo*\xt ኬሳ 13፡21፤ 24፡16\xt*\x* 
\v 6 ኢዚ ጋላሳ ኣዋ ሱሌፔ ኣሺዛ ኩዋ፥ ኡሾፔኔ ኢራፔ ባቃቲ ኣቲዛሶሆ ጊዳና።
\c 5
\s ዎይኔ ቶኪዛ ጋዴ ጊሻስ ዮቴቲዳ ጊንጾ
\p
\v 1 ታኒ ታ ሲቆ ላጌዛ ጊሻሲኔ
\q2 ኢዛ ዎይኔ ቱራ
\q2 ቶኪዛሶሆ ጊሻስ
\q3 ሲቆ ማዛሙሬ ዬጻና።
\q2 ታኒ ሲቂዛ ላጌዛስ
\q2 ኣራዳ ዙምቡላን
\q2 ዎይኔ ቱራ ቶኪዛሶሆይ ዴስ።
\q1
\v 2 ቢታ ቦኪዲ፥
\q2 ሹቻ ቆሪ ኬሲዲ፥
\q2 ኡባፌ ሎኢዛ
\q2 ዎይኔ ቱራ ቶኪዴስ፤
\q2 ሂስቲዲ ኢዛ ናጋናስ
\q2 ሻኮ ጊግሲዴስ፤
\q2 ዎይኔ ኡሹ ጉምኢዛሶሆ
\q2 ኦላ ቦኪ ጊግሲዴስ።
\q1 ሄሳፌ ጉዬ ሎኦ ኣይፌ ኣይፋና
\q2 ጊዲ ናጊዴስ፤
\q2 ጊዶ ኣቲን ጫላ ጳንቂዳ
\q3 ኣይፌ ኣይፊዴስ።\x - \xo 5፡1-2 \xo*\xt ማቶ 21፡33፤ ማር 12፡1\xt*\x*
\b
\q1
\v 3 ሂስቲን ታ ሲቆይ፥
\q2 «ኢንቴኖ ዬሩሳላሜን
\q2 ዴኢዛይቶ!
\q2 ኢንቴኖ ዩሁዳ ኣሳቶ!
\q2 ታፔኔ ታ ዎይኔ ቱራ
\q2 ቶኪዛ ሶሆዛፔ ጊዶን
\q2 ዴኢዛ ዮኦዛ
\q2 ኣኔ ሃኢ ኢንቴ ፒርዲቴ።
\q1
\v 4 ታኒ ታ ዎይኔ ቱራ
\q2 ሶሆዛሲ ኦዳይሳፌ
\q2 ሃራ ኣይ ኦናይሲ ኣቲዴ?
\q2 ኢዚ ሎኦ ኣይፌ ኣይፋና ጋዳ
\q3 ታ ናጊሺን ኣይስ ጫላ ጳንቂዳ
\q3 ኣይፌ ኣይፊዴ?
\q1
\v 5 ሃኢ ታኒ ታ ዎይኔ
\q2 ቶኪዛ ጋዴዛ ቦላ
\q2 ኦናዝ ኢንቴስ ዮታይስ።
\q3 ዲርሳ ሾዳና፤
\q3 ኢዚካ ያና ማላ ኦና፤
\q3 ታኒ ጊምቤዛ ላላና፤
\q3 ሄ ሶሆይካ ዱሬታና።
\q1
\v 6 ታኒ ሄ ሶሆዛ
\q2 ማጎ ቢታ ኦና።
\q2 ሄ ቱራይ ጹንቄቴናኔ
\q2 ቡልኤቴና፤
\q2 ሂስቲን ኪንዲቾይኔ
\q2 ኣጉን ኢዛን ሞካና።
\q2 ኢራይ ኢዛን ቡኮንታ ማላ፥
\q2 ታኒ ሻራታ ኣዛዛና» ጊዴስ።
\b
\q1
\v 7 ኡባፌ ዎልቃማ
\q2 ጎዳ ዎይኔ ቶኪዛ ጋዴይ
\q2 ኢስራኤሌ ኣሳ።
\q2 ዩሁዳ ኣሳይ
\q2 ኢዚ ኡፋዬቲዛ ኣታኪልቴ።
\q2 ኢስቲ ሱሬ ፒርዳ ፒርዳና
\q3 ጊዲ ናጊዴስ፤
\q2 ጊዶ ኣቲን
\q2 ሱ ጉሲሺን ቤዪዴስ።
\q2 ኢዚ ጺሎቴ ኮዪዴስ፤
\q3 ጊዶ ኣቲን ሜቶ ዋሶ ሲዪዴስ።
\b
\q1
\v 8 ሃራታስ ሶሆይ
\q2 ያናሼ ጋካናስ፥
\q2 ኬ ኬ ቦላ ጉጂዛይቶ!
\q2 ጋዴ ጋዴራ ጋ ኦይዲ፥
\q2 ኢንቴርካ ጻላ ቢታ ቦላ
\q3 ኣኪ ዴኢዛይቶ!
\q3 ኢንቴስ ኣዬ ኣና!
\q1
\v 9 ኡባፌ ዎልቃማ ጎዳይ
\q2 ታኒ ታ ሃይራ ሲዪሺን፥
\q3 «ጊታ ኬቲ ካይዚ ኣታና፤
\q3 ሄ ሎኦ ኬታን ዴኣናስ
\q3 ኣሲ ያና።
\q1
\v 10 ታሙ ዋጻ ቦራታን
\q2 ቶኪዳ ዎይኔ ኣይፌፔ
\q2 ኢሲ ኦቶ ጊዲዛ ዎይኔ
\q2 ኡሺ ጻላ ኬኣና፤
\q3 ታሙ ቁንኣ ካ ዜሪን
\q3 ኢሲ ቁንኣ ካ
\q3 ጻላ ኣይፋና» ጊዴስ።
\b
\q1
\v 11 ማሲዛ ኡሹ ኮያናስ
\q2 ማላዶ ጉራራ ዴንዲዲ
\q2 ዎይኔ ኡሻን
\q2 ጹጌታና ጋካናስ፥
\q3 ሳኣ ቃሚሲዛይታስ ኣዬ ኣና!
\q1
\v 12 ኢስታ ጊቢራሶሆን ማሲንቆይ፥
\q2 ዲ፥ ካራቤይ፥ ሱሱልኤይኔ
\q3 ዎይኔ ኡሺ ዴስ፤
\q2 ጊዶ ኣቲን
\q2 ኢስቲ ጎዳ ኦሶዛስ
\q2 ዉዴቲቤቴና፤
\q2 ኢዚ ባ ኩሼን ኦዳ
\q3 ኦሶካ ቦንቺቤቴና።
\q1
\v 13 ሂስቲን ታ ዴሬይ
\q2 ኣኬካ ይዳ ጊሻስ
\q2 ዲኤቲ ባና፤
\q2 ኢስታ ሹሜቲ ኮሻን ሃይቃና፤
\q2 ኢስታ ዴሬ ኣሳይካ
\q3 ሃ ሳሞን
\q2 ጹጌቲ ሃይቃና።
\q1
\v 14 ዱፎይ ባ ጎምፓ ኣሳዱስ፤
\q2 ባ ዶናካ
\q2 ዛዋፔ ቦላራ ዶያዱስ፤
\q2 ዬሩሳላሜን ዴኢዛ
\q2 ጊታ ኣሳቲኔ
\q3 ሃንኮ ዴሬይ፥ ዎጫሚዛይታኔ
\q3 ጉፒዛይታ ኢሲ ቦላ ሚታና።
\b
\q1
\v 15 ኣሲ ኡባይ ቶሼታናኔ
\q2 ካዉያና፤
\q2 ኦቶራንቻቲ ኡባይ ዬላታና።
\q1
\v 16 ጊዶ ኣቲን ኡባፌ
\q2 ዎልቃማ ጎዳይ፥
\q2 ሱሬ ፒርዳን
\q2 ቁ ቁ ጋና፤
\q3 ጌሻ ጾሳይ
\q3 ባ ጌሻቴ
\q3 ባ ጺሎቴን ቤሳና።
\q1
\v 17 ሄ ዎዴ ዶርሳቲ
\q2 ባንታ ቆሮን
\q3 ሄሜቲዛ ማላ ሄሜታና፤
\q2 ዶርሳ ላቃቲ ላሌቲዳ ዱሬታ
\q3 ኬታ ሶሆን ማታ ማና።
\b
\q1
\v 18 ጪሞ ዎዶሮን ናጋራ
\q2 ጎቺዛይታስ፥
\q2 ፓራ-ጋሬ ዎዶሮን ኢታቴ
\q2 ጎቺዛይታስ ኣዬ ኣና!
\q1
\v 19 «ኑኒ ኑ ኣይፌራ ቤኣና ማላ
\q2 ኣኔ ጾሲ ኤሌሎ!
\q2 ባ ኦሶካ ኤሶሶ!
\q3 ኑኒ ኤራና ማላ
\q3 ኢስራኤሌ ጌሻይ
\q3 ቆፒዳ ቆፋይ
\q3 ማታን ፖሌቶ»
\q3 ጊዛይታስ ኣዬ ኣና!
\b
\q1
\v 20 ኢታ ሎኦ፥ ሎኦዛ ኢታ ጊዛይታስ፥
\q2 ማ ፖኦ
\q2 ፖኦዛ ማ ኦዛይታሲኔ
\q3 ጫሚዛይሳ ማልኦ፥
\q3 ማልኢዛይሳ ጫሞ
\q3 ኦዛይታስ ኣዬ ኣና!
\b
\q1
\v 21 ባንታና ባርካ፥
\q2 «ታኒ ኣ ኤራንቻ!
\q2 ታኒ ቃራ ጊዲኪና!»
\q3 ጊ ቆፒዛይታስ ኣዬ ኣና!
\b
\q1
\v 22 ዎይኔ ኡሻን ኤሬቲዳይታሲኔ
\q2 ማሲዛ ኡሹ ዋላካናስ
\q3 ጎቢዛይታስ ኣዬ ኣና!
\q1
\v 23 ማታኤ ኤኪዲ፥
\q2 ሞራንቻታ
\q2 ጺሊሲዛይታሲኔ
\q2 ጺሎ ኣሳታሲ ሱሬ ፒርዳ
\q3 ዲጊዛይታስ ኣዬ ኣና!
\q1
\v 24 ኢስቲ ኡባፌ ዎልቃማ ጎዳ
\q2 ዎጋ ኢጺዳ ጊሻስ፥
\q2 ኢስራኤሌ ጌሻ ቃላካ
\q2 ካዳ ጊሻስ፥
\q2 ታማ ላጮይ
\q2 ቡጻ ኦይኪዛ ማላኔ
\q2 ሜላ ማታይ ኤጺ ይዛ ማላ
\q3 ኢስታ ጻጶይ ዎቃና፤
\q2 ኢስታ ጪሻይካ ቡሄ ማላ
\q3 ላሌቲ ያና፤
\q1
\v 25 ጎዳ ሃንቆይ ኢዛ ዴራ ቦላ
\q2 ኤጺ ኬኢዴስ፤
\q2 ኢዚ ባ ኩሼ ዴንዲ
\q3 ኢስታ ሾጪዴስ።
\q2 ዙማቲ ቃጺዳ፤
\q3 ሃይቂዳ ኣሳ ኣሃይ
\q3 ኦጌ ቦላ ፒቲ ዬጊዳ
\q3 ቡራ ማላ ጊዲዴስ፤
\q3 ሂስቲ ፔኢንካ
\q3 ኢዛ ሃንቆይ ሲሚቤና፤
\q2 ኢዛ ኩሼይ ሃኢካ
\q3 ዴንዲዳ ማላ ዴስ።
\b
\q1
\v 26 ጎዳይ ሃኮን ዴኢዛ
\q2 ካዎቴታስ
\q2 ማላታ ቃን ኤሴስ፤
\q2 ሳኣ ጋጻን ዴኢዛ
\q3 ሞርኬታስካ ዋይቄስ፤
\q2 ኢስቲካ ኤሶን ቢቻሪሼ
\q2 ፑቱ ጋና።
\q1
\v 27 ኢስታ ጊዶን ዳቡራንቻይኔ
\q2 ዎቤይ ዴና፤
\q2 ኢስታፌ ኢሶይኔ
\q2 ስኬናኔ ኢቼና።
\q2 ጼሳን ጊጺዳ ቃባቶይካ
\q2 ቢርሼቴና፤
\q2 ኢስታ ጫማ ዳፎይካ
\q2 ዱጼና።
\q1
\v 28 ኢስታ ዪሻይ ሆጼ፤
\q2 ኢስታ ዎንዳፌይካ
\q3 ዋጼቲ ኡቲዴስ።
\q2 ኢስታ ፓራታ ቂንጫፊሌይ
\q3 ዛላ ሹቻ ማላ፤
\q2 ኢስታ ፓራ-ጋሬታ ኤርዞይካ
\q3 ጎቴ ማላ።
\q1
\v 29 ኢስታ ጻጎይካ
\q2 ጋሞ ጻጎ ማላ፤
\q2 ዎዳላ ጋሞታ ማላ
\q2 ጻጌቴስ፤
\q2 ባንታስ ሚዛ ሚሽ
\q3 ሻንካቲ ኦይኪዲ ጻጌቴስ፤
\q2 ኢስቲ ኦይኪዳይሳ
\q3 ቶኪ ኤኪ ቤቴስ፤
\q2 ኢስታፌ ዎ ኤካናይ
\q3 ኦኒካ ዴና።
\b
\q1
\v 30 ሄ ጋላስ ኢስቲ
\q2 ጊታ ኣባ ዳምባላ ማላ፥
\q2 ኢስራኤሌ ቦላ ጉማና፤
\q2 ኦኒካ ዱጌ ዛሪ
\q2 ቢታ ጼሊኮ
\q3 ማኔ ሜቶ ቤኣና፤
\q3 ፖኦይካ ሻራን ካሜታና።
\c 6
\s ናቤቴስ ኢሳያሳ ጼይጌቴ
\p
\v 1 ካዎ ኦዚያይ ሃይቂዳ ላይ ጎዳይ ቃ ኣራታ ቦላ ኡቲዳይሳ ቤያዲስ፤ ኢዚ ማይኢዳ ኣፋላ ማጫራይ ጾሳ ኬ ኩሚ ኡቲዴስ።\x - \xo 6፡1 \xo*\xt 2ካዎ 15፡7፤ 2ታሪ 26፡23\xt*\x* 
\v 2 ሱራፌሌ ጌቴቲዛ ኪታንቻቲ ኢዛፔ ቦላራ ዴቴስ፤ ኢሲ ኢሲ ሱራፌሌስ ኡሱፑን ቄፌቲ ዴቴስ፤ ናምኡ ቄፌታን ባ ኣይፌሶ ኣይፌሶ ካሜቴስ፤ ናምኡ ቄፌታን ባ ቶሆ ቶሆ ካሜቴስ፤ ናምኡ ቄፌታን ፒራቴስ። 
\v 3 ኢሶይ ኢሳራ፥
\q1 «ጌሻዉ፥ ጌሻዉ፥
\q2 ጌሻዉ
\q2 ኡባፌ ዎልቃማ
\q2 ጎዳ ጾሳዉ!
\q2 ሳኣ ኡባይ
\q2 ኢዛ ቦንቾን ኩሚዴስ» ጊዳ።\x - \xo 6፡3 \xo*\xt ኣጁ 4፡8\xt*\x*
\m
\v 4 ኢስታ ቃላ ጬንጉርሳፌ ዴንዲዳይሳን ጾሳ ኬስ ዮቻይ ቃጺዴስ፤ ቃሴካ ጾሳ ኬ ጩዋይ ፒ ጊ ኩሚዴስ።\x - \xo 6፡4 \xo*\xt ኣጁ 15፡8\xt*\x*
\p
\v 5 ሂስቲን ታኒ፥ «ታኒ ዶናይ ቱኒዳ ኣሳ፤ ቃሴ ዶናይ ቱኒዳ ኣሳታ ጊዶን ዴኣይስ፤ ታኒ ካዎዛ፥ ኡባፌ ዎልቃማ ጎዳ ጾሳ ታ ኣይፌን ቤኢዳ ጊሻስ ታስ ኣዬ ኣና! ታ ያዲስ» ጋዲስ።
\p
\v 6 ሂስቲን ሱራፌሌታፔ ኢሶይ ያርሺዛሶዛፔ ቃጴን ታማ ቦንቆ ኤኪዲ ፒራሼ ታኮ ዪዴስ። 
\v 7 ታማ ቦንቆዛን ታ ዶና ቦቺዲ፥ «ቤኣ፤ ሃይሲ ታማ ቦንቆዚ ኔ ዶና ቦቺዴስ፤ ኔ ሞሮይ ኔፔ ኪቺዴስ፤ ኔ ናጋራይካ ቁጬቲ ኪቺዴስ» ጊዴስ።
\p
\v 8 ሄሳፌ ጉዬ ጎዳይ፥ «ኦና ኪቶ? ኑስ ኦኔ ኪቴታናይ?» ጊሺን ሲያዲስ። ታኒካ ዛራዳ፥ «ሄኮ፥ ታና ኪታ» ጋዲስ።
\p
\v 9 ሂስቲን ጎዳይ፤
\q1 «ባ፤ ባዳ ሃ ኣሳስ፥
\q2 ‹ኢንቴ ሲሲ ሲዬታ፤
\q2 ጊዶ ኣቲን ዩሺ ቆፔኬታ፤
\q2 ኣይፌን ጼሌታ ሺን ኣኬኬኬታ›
\q3 ጋዳ ኢስታስ ዮታ።
\q1
\v 10 ሃይሳ ዴራ ዎዚና ዳሚሳ፤
\q2 ኢስታ ሃይካ ቱሊሳ፤
\q2 ኢስታ ኣይፌዛካ ቆቂሳ፤
\q3 ሂስቶንታ ኣጊኮ
\q3 ኢስቲ ባንታ ኣይፌን ቤኣና፤
\q3 ባንታ ሃይን ሲያና፤
\q3 ባንታ ዎዚናንካ ኣኬካና፤
\q3 ሂስቲዲ ኢስቲ ታኮ
\q3 ሲሚዲ ፓጻና» ጊዴስ።\x - \xo 6፡9-10 \xo*\xt ማቶ 13፡14-15፤ ማር 4፡12፤ ሉቃ 8፡10፤ ዮሃ 12፡40፤ ሃዋ 28፡26-27\xt*\x*
\p
\v 11 ታኒካ፥ «ኣቤት ጎዳዉ!
\q2 ሃይሲ ኣይዴ ጋካናስ
\q3 ሃናኔ?» ጋዲስ።
\q2 ኢዚካ ዛሪዲ ታስ፥
\q3 «ካታማቲ ኢስታን ዴኢዛ ኣሲ
\q3 ዪን ኢስቲ ላሌታና
\q3 ጋካናስ፥
\q3 ኬቲካ ኡባይ
\q3 ካይዛና ጋካናሲኔ
\q3 ቢታይካ ሙሌራ ኣይኮይ ባይንዳ
\q3 ቡላ ጊዳና ጋካናሳ።
\q1
\v 12 ታኒ ጎዳይ ኣሳ
\q2 ሃሳና ጋካናሳ፤
\q2 ቢታካ ኣይኮይ ባይንዳ
\q3 ባዞ ኬሳና ጋካናሳ።
\q1
\v 13 ታሙ ኣሳፔ ኢሲ ኣሲ
\q2 ቢታ ቦላ ኣቲኮ፥
\q2 ኢዚካ ያና፤
\q3 ቃንጺ ዬጊን ኣቲዳ
\q3 ዎላ ዱሩማ ማላ ጊዳና፤
\q3 ጌሻ ዛሬይ ሄሳ
\q3 ሄ ዱሩማ ማላ ጊዳና» ጊዴስ።
\c 7
\s ካዎ ኣካዜስ ዪዳ ኪታ
\p
\v 1 ኦዚያ ና ኢዮኣታሜይ ዬሊዳ ኣካዜይ ዩሁዳ ቢታን ካዎቲዳ ዎዴ ኣራሜ ቢታ ካዎ ኤራሶኒኔ ኢስራኤሌ ቢታ ካዎ ኤሮሜሊዮ ና ፋቁሄይ ዬሩሳላሜ ኦላናስ ኬዚዳ፤ ጊዶ ኣቲን ጾናናስ ዳንዳይቤቴና።\x - \xo 7፡1 \xo*\xt 2ካዎ 16፡5፤ 2ታሪ 28፡5-6\xt*\x*
\p
\v 2 ኣራሜ ዴሬይኔ ኤፍሬሜ ዴሬይ ኢሲ ቦላ ጊዲዲ ኦላስ ኬኢዳይሳ ዳዊቴ ዛሬፔ ካዎቲዳ ካዎይ ሲዪዳ ዎዴ ዎራ ሚ ጫርኮይ ቃዛ ማላ ኣካዜ ዎዚናይኔ ዴራ ዎዚናይ ቃጺዴስ።
\p
\v 3 ሂስቲን ጎዳይ ኢሳያሳስ፥ «ኔኒ ኔ ና ሻኣሪ-ያሹቤ\f + \fr 7፡3 \fr*\fqa ሻኣሪ-ያሹቤ፡ \fqa*\ft ሻኣሪ-ያሹቤ ጊዛይሳ ኢብራዌታ ሱን ቢርሼይ፥ «ኣማርዳይቲ ሲማና» ጌስ።\ft*\f* ኤካዳ ኣካዜራ ጋይታናስ ባዳ ማይኦ ሜጪዛይታ ጎሻኮ ኤፊዛ ኦጌ ማታን ጋና ባጋራ ዴኢዛ ኤሌ ሃ ዛራ ጼራን ኔኒ ኢዛ ዴማና። 
\v 4 ሂስታዳ ኢዛስ፥ ‹ናጌታ፤ ዎፑ ጋ፤ ባቦፋ፤ ሃይታ ታማይ ሚሺን ኣቲዲ ጩዋቲዛ ዱሩማ ናምኣታፔ ኣራሜስ፥ ኤራሶኔሲኔ፥ ኤሮሜሊዮ ና ሃንቆስ ሻባሬቶፋ› ጋ ዮታ። 
\v 5 ኣራሜ ቢታ ኣሳይ ኤፍሬሜ ኣሳራኔ ኤሮሜሊዮ ናራ ኔ ቦላ ኢታ ሚሽ ኦናስ፥ 
\v 6 ‹ኣኔ ዩሁዳ ቢታን ዎራጆስ፤ ኣኔ ላሎስ፤ ኣኔ ኑስ ኑስ ሻኬቲ ኤኪዲ ጻቢኤሌ ና ካዎስ› ጊ ማቄቲዳ» ጊዴስ።
\p
\v 7 ጊዶ ኣቲን ኡባ ሃሪዛ ጎዳይ፥
\q1 «ሃይሲ ሃ ኢስታ ማቆዚ ሚኔና፤
\q2 ሙሌካ ፖሌቴና።
\q1
\v 8 ጋሶይካ ዳማስቆይ
\q2 ኣራሜ ቢታስ ሁኤ፤
\q2 ካዎ ኤራሶኔይ ዳማስቆስ ሁኤ።
\q3 ኡሱፑን ታማን ኢቻሽ
\q3 ላይ ጋርሳን
\q3 ኤፍሬሜ ዴሬይ ላሌታና፤
\q2 ሲሚዲ ዴሬ ጊዳና ዳንዳዬና።
\q1
\v 9 ቃሴ ሳማሪያይ
\q2 ኤፍሬሜ ቢታስ ሁኤ፤
\q2 ኤሮሜሊዮ ናይ ሳማሪያስ ሁኤ፤
\q2 ኢንቴ ኢንቴ ኣማኖን
\q2 ሚኒዲ
\q2 ኤቆንታ ኢጺኮ
\q2 ሙሌካ ኤቃናስ
\q2 ዳንዳዬኬታ» ጌስ።
\s ኣማኑኤሌ ዩሳ ቤሲዛ ማላታ
\p
\v 10 ቃሴካ ጎዳይ ኣካዜስ፥ 
\v 11 «ጎዳይ ኔ ጾሳ ኔስ ቦላ ሳሎፔ፥ ዎይኮ ሳኣፔ፥ ጋርስ ጪማፌ ኢሲ ማላታ ኢማና ማላ ኦይቻ» ጊዴስ። 
\v 12 ኣካዜይ ጊዲኮ፥ «ኦይቺኬ፤ ጎዳካ ፓጪኬ» ጊዴስ።
\p
\v 13 ኢሳያሲ፥ «ኢንቴኖ ዳዊቴ ዛሬቶ፥ ሲዪቴ! ኢንቴ ኣሳ ሳሌዛይሲ ጉጺን ጾስ ሳሌናስ ዴንዲዴቲ? 
\v 14 ሂስቲኮ ጎዳይ ባርካ ኢንቴስ ማላታ ቤሳና፤ ጌላኦይ ሻራና፤ ኣቱማ ና ዬላና፤ ኢዛ ሱንካ፥ ‹ኣማኑኤሌ›\f + \fr 7፡14 \fr*\fqa ኣማኑኤሌ፡ \fqa*\ft ኣማኑኤሌ ኢብራዌታ ሱን ቢርሼን ጾሲ ኑናራ ዴስ ጉሳ። \ft*\f* ጋዳ ሱንና።\x - \xo 7፡14 \xo*\xt ማቶ 1፡23\xt*\x* 
\v 15 ኢዚ ኢታኔ ሎኦ ሻኪ ኤሪዛ ዎዴ ሃንጋራ ማኔ ኤስ ማና። 
\v 16 ጊዶ ኣቲን ናዚ ኢታኔ ሎኦ ሻኪ ኤራናፔ ሲንን ኔኒ ኬሂ ያዪዳ ናምኡ ካዎታ ቢታቲ ኣይኮይ ባይንዳ ቡላ ጊዳና።
\p
\v 17 «ኤፍሬሜ ቢታይ ዩሁዳ ቢታፌ ሻኬቶሶፌ ዶሚን ሃይሳፌ ሲንን ሃኒ ኤሮንታ ዎዴ ጎዳይ ኔ ቦላ፥ ኔ ዴራ ቦላኔ ኔ ኣዋ ኬ ቦላ ኤሃና፤ ኢዚ ኔ ቦላ ኤሃናይሲካ ኣሶሬ ካዎ» ጊዴስ።
\p
\v 18 ሄ ዎዴ ጎዳይ ሃኮ ቢታን ዲዛ ጊብጼ ሻፋፔ ኡዱንጼታ፥ ኣሶሬ ቢታፌ ማታ ዋይቄን ጼይጋና። 
\v 19 ኢስቲ ኡባይካ ዪዲ ባዞ ሾባን፥ ሹቻ ጎንጎሎን፥ ኣጉን ቱሻኒኔ ሃ ኦላታን ጋዉኣና።
\p
\v 20 ሄ ዎዴ ጎዳይ ኤፊራጺሴ ሻፋ ፒንፌ ጋርጺ ኤሂዳ ማጋላን፥ ሄሲካ ኣሶሬ ካዎይ ዪዲ ኢንቴስ ሁኤ ቢናና፥ ኢንቴ ቡቺኔ ኢንቴ ቦላ ዲዛ ኢስኬ ኡባ ሜዳና።
\p
\v 21 ሄ ዎዴ ኢሲ ኣሳስ ኢሲ ኡሳ ሚዚኔ ናምኡ ዴይሻቲ ጻላ ኣታና። 
\v 22 ጊዲኮካ ኢስቲ ማጺዛ ማ ኬሂ ዳሮ ጊዲዳ ጊሻስ ኢዚ ኦይስ ማና፤ ሄ ቢታን ኣቲዳ ኣሳይ ኡባይካ ሃንጋራኔ ኤስ ማና።
\p
\v 23 ሄ ዎዴ ኢሲ ሺ ቢራን ዋሼቲዛ ኢሲ ሺ ዎይኔ ቱራቲ ቶኬቲዳሶሆቲ ኡባይ ኣጉንኔ ኪንዲቾ ጻላ ጊዳና። 
\v 24 ቢታ ኡባን ኪንዲቾይኔ ኣጉን ኩሚዳ ጊሻስ ኣሳይ ሄ ቢዛ ዎዴ ዎንዳፌኔ ዪሽ ኦይኪ ባና። 
\v 25 ካሴ ጾይሌን ጎዬቲዲ ካ ኢሚዛ ዙምቡላቲ ኪንዲቾኒኔ ኣጉንን ኩሚዳ ጊሻስ ያዪዲ ኢሲ ኣሲካ ሄ ቤና፤ ሜሄይኔ ዶርሲ ላኤቲዛሶ ጊዳና።
\c 8
\s ኣሶሬ ካዎ ዩስ
\p
\v 1 ጎዳይ ታና፥ «ጊታ ጻ ዋራቃታ ኤካዳ፥ ‹ማሄር-ሻላል ሃሽ-ባዝ›\f + \fr 8፡1 \fr*\ft ማሄር-ሻላል ሃሽ-ባዝ ጉሲ ዲኣናሲኔ ቦንቃናስ ኤሌላ።\ft*\f* ጋዳ ናባቤቲዛ ፒዳሌን ጻፋ። 
\v 2 ቄሴ ኦሪያኔ ባራኪዮ ና ዛካራሳ ታስ ኣማኔቲዳ ማርካታ ጊዳና ማላ ታ ኢስታ ጼይጋና» ጊዴስ።
\p
\v 3 ሄሳፌ ጉዬ ባ ማቾ ናቤይራ ኣቂዴስ፤ ኢዛካ ሻራዳ ኣቱማ ና ዬላዱስ፤ ሂስቲን ጎዳይ ታና፥ «ኢዛ ሱን፥ ‹ማሄር-ሻላል ሃሽ-ባዝ› ጋዳ ሱን። 
\v 4 ናዚ፥ ‹ኣቦ! ኣዬ!› ጊ ጼይስ ኤራናፔ ካሴ ኣሶሬ ቢታ ካዎይ ሳማሪያኔ ዳማስቆ ኣቆታ ዲኢ ኤፋና» ጊዴስ።
\p
\v 5 ቃሴካ ጎዳይ ታስ፥
\q1
\v 6 «ሃ ዴሬይ ጮኡ ጊ ጎጊዛ
\q2 ሴሊሆሜ ሃታ
\q2 ኣጊዲ ኤራሶኔኒኔ
\q2 ኤሮሜሊዮ ናዛን ኡፋዬቲዴስ።
\q1
\v 7 ሄሳ ጊሻስ
\q2 ታኒ ጎዳይ ሚኖኔ
\q2 ዎልቃማ ጊዲዳ
\q2 ኤፊራጺሴ ሃ ሃሮ፥
\q2 ኣሶሬ ካዎ ኢዛ ቴማራኔ
\q2 ቦንቾዛራ ኢስታ ቦላ ኤሃና፤
\q3 ሃዚ ሻፋዛ
\q3 ኩሚ ፖሊችዲ
\q3 ሻፋ ዶናን ዲዛ
\q3 ቢታ ኡባ ሚታና።
\q1
\v 8 ቡሪ ኤኪዲ
\q2 ዱጌ ዩሁዳ ዎና፤
\q2 ቢታ ኩሚዲ ኣና፤
\q2 ቆ ጋካናስ
\q2 ሚታና» ጊዴስ።
\q3 ጊዶ ኣቲን ኣማኑኤሌ!
\q3 ሚጬቲዳ ኢዛ ቄፌይ
\q3 ኔ ቢታ ጋጻፔ
\q3 ጋጻ ጋካናስ
\q3 ካሚ ኦይኪዴስ።
\b
\q1
\v 9 ኢንቴኖ ካዎቴቶ!
\q2 ኦላስ ዴንዲዲ ዋሲቴ፤
\q2 ኢንቴ ዲፒ ጋና፤
\q2 ሃሆ ዴሬን ዲዛይቲ ኤዝጊቴ!
\q2 ኦላስካ ጊጌቲቴ!
\q2 ኢንቴ ዲፒ ጋና፤
\q2 ኦላስካ ጊጌቲቴ!
\q3 ኢንቴ ሜቄሬታና፤
\q1
\v 10 ኦላስ ዞሬቲቴ፤
\q2 ጊዶ ኣቲን ኢንቴስ ሱሬና፤
\q2 ሃልቾ ኬሲቴ፤
\q2 ጊዶ ኣቲን ኢንቴስ ሚኔና።
\q3 ጋሶይካ ጾሳይ ኑናራ ዴስ።
\s ጎዳን ኣማኔቴ
\p
\v 11 ጎዳይ ባ ሚኖ ኩሼ ታ ቦላ ዎዲ ታኒ ሃ ኣሳ ኦጌ ካሎንታ ማላ ሴሪዴስ፤
\q1
\v 12 «ሃይሲ ኣሳይ፥ ‹ኢታ ማቆ›
\q2 ጊ ጼይጊዛ ሚሽ
\q2 ኢንቴ ኣይኮካ፥
\q3 ‹ኢታ ማቆ› ጎፒቴ፤
\q2 ኢስቲ ባቢዛይሳስ ኢንቴ ባቦፍቴ፤
\q2 ኢዛስ ያርኪያርኮፍቴ።
\q1
\v 13 ኢንቴ ዱማሳና ቤሲዛይ
\q2 ኡባፌ ዎልቃማ ጎዳ ጻላ፤
\q3 ኢንቴ ያያናሲኔ
\q3 ኮኮራናስ ቤሲዛይ ኢዛ።\x - \xo 8፡12-13 \xo*\xt 1ጴጽ 3፡14-15\xt*\x*
\q1
\v 14 ኢዚ ጌሻሶሆ ጊዳና፤
\q2 ጊዶ ኣቲን ኢዚ
\q2 ዩሁዳ ቢታ ኣሳሲኔ
\q2 ኢስራኤሌ ኬ ኣሳስ
\q2 ጲዛ ሹቺኔ
\q2 ኩንዲሲዛ ዛላ ጊዳና፤
\q2 ዬሩሳላሜን ዲዛ ኣሳስ
\q2 ኢዚ ጊቴኔ ዎጺማዴ ጊዳና።
\q1
\v 15 ኢስታፌ ዳሮቲ ጴታና፤
\q2 ኩንዲዲካ ሜቃና፤
\q2 ዎጺማዴን
\q3 ጌሊ ኦይኬታና» ጊዴስ።\x - \xo 8፡14-15 \xo*\xt 1ጴጽ 2፡8\xt*\x*
\b
\q1
\v 16 ማርካቴ ሎኤ ኦይካ፤
\q2 ታ ታማሬታ ጊዶን
\q3 ዎጋ ማታሜን ሾጫ።
\q1
\v 17 ታኒ ባ ሲን ያቆቤ ዛሬታፔ
\q2 ጌንዳ ጎዳ ናጋና፤
\q2 ኢዛካ ሂዶታ ኦና።\x - \xo 8፡17 \xo*\xt ኢብ 2፡13\xt*\x*
\p
\v 18 ታናኔ ታስ ጎዳይ ኢሚዳ ናይታ ቤኢቴ። ኑኒ ጺዮኔ ዙማን ዲዛ ኡባፌ ዎልቃማ ጎዳፔ ኢስራኤሌስ ማላታኔ ማርካ።
\p
\v 19 ኣሳይ ኢንቴና፥ «ቤሶንታዝ ታታፌቲሼኔ ሳሱኬቲሼ ሃሳዬቲዛ ቢቲዛይታኔ ሞይቲሌ ጼይጊዛይታ ኦይቺቴ» ጊኮ ዴሬይ ባ ጎዳ ኦይቻናስ ቤሴኔ? ዴኦ ጾሳ ኣጊዲ ሃይቂዳይታ ኦይሾ ኣይስ ኮሺዜ? 
\v 20 ዎጋኮኔ ማርካቴ ቃላኮ ቢቴ! ኢስቲ ሃይሳ ማላ ቃላ ኢንቴስ ዮቶንታ ኣጊኮ ዎንታ ፖኦይ ኢስታስ ፖኤና።
\p
\v 21 ኢስቲ ጬጪሼኔ ጋፊሼ ቢታ ቦላ ቶይላታና፤ ኢስቲ ኬሂ ጋፊዳ ዎዴ ሃንቄታና፤ ፑዴ ጼሊዲ ባንታ ካዋኔ ባንታ ጾሳ ቃንጋና። 
\v 22 ሄሳፌ ጉዬ ኢስቲ ዱጌ ቢታ ጼላና፤ ኢስቲ ጼላናይሲካ ዋዬ፥ ማኔ ፒ ጊዳ ባቢሲዛ ሚሽ ጻላ፤ ኢስቲ ጊርዲ ጊዳ ማን ዬጌታና።
\c 9
\s ሲንፌ ካዎታና ሳሮቴ ካዎ
\p
\v 1 ጬጪሼ ዲዛይታስ ሃይሳፌ ጉዬን ሂዶታይ ዬና፤ ቤኒ ዎዴ ዛቢሎኔ ቢታኔ ኒፍታሌሜ ቢታ ካዉሺዴስ፤ ሲንፌ ያና ዎዴን ጊዲኮ ሜዲቴራኔ ኣባ ኦጌን ዴኢዛ ቢታኔ ዮርዳኖሴ ሻፋፔ ሄ ፒንን ዴኢዛ፥ «ኣይዛቤቲ ዴኢዛ ጋሊላ ቢታ» ኢዚ ቦንቻና።\x - \xo 9፡1 \xo*\xt ማቶ 4፡15\xt*\x*
\q1
\v 2 ማን ዴኢዛ ዴሬይ
\q2 ዎልቃማ ፖኦ ቤኢዴስ፤
\q2 ሃይቆ ኩዋ ጋርሳን ዲዛ ዴሬታስ
\q3 ፖኦይ ፖኢዴስ።\x - \xo 9፡2 \xo*\xt ማቶ 4፡16፤ ሉቃ 1፡79\xt*\x*
\q1
\v 3 ኔኒ ካዎቴ ዳርሳዳሳ፤
\q2 ኢስታስ ኡፋይሳ ቦላ
\q2 ኡፋይስ ጉጃዳሳ፤
\q3 ኣሳይ ካ ሺሺሼኔ
\q3 ዲኢ ኤኪዳ ሚሽ ጊሼቲሼ
\q3 ኡፋዬቲዛ ማላ
\q3 ኢስቲካ ኔ ሲንን ኡፋዬታና።
\q1
\v 4 ካሴ ኔኒ ሚዲያሜ ቢታ
\q2 ጾኒዳ ማላ
\q2 ኢስታ ዴጺዛ ቃምባራ፥
\q2 ኢስታ ሃሼ ቦላ
\q2 ዎዳ ዱርቃኔ
\q2 ኢስታ ዋዪሲ ሃሪዳ
\q2 ጉፌ ሜንዳሳ።
\q1
\v 5 ኦላንቻታ ጫማይ ኡባይ፥
\q2 ሱን ሞሬቲዳ
\q2 ማይኦ ኡባይካ
\q2 ታማን ዱኔ ጊዲ ኤጻና።
\q1
\v 6 ሄኮ ኑስ ናይ ዬሌቲዴስ!
\q2 ኣቱማ ናይካ ኑስ ኢሜቲዴስ!
\q2 ሃላቃቴ
\q2 ኢዛ ሃሼ ቦላ ጊዳና፤
\q3 ኢዛ ሱን፥
\q3 «ማላሊሲዛ ዞራንቻ፥
\q3 ዎልቃማ ጾሳ፥
\q3 ሜርና ኣዋ፥
\q3 ሳሮቴ ሃላቃ» ጌቴታና።
\q1
\v 7 ኢዛ ካዎቴ ኣኮቴሲኔ
\q2 ኢዛ ሳሮቴስ ዛዋይ ዴና፤
\q2 ሃቺፌ ዶሚዲ
\q2 ሜርና ጋካናስ
\q3 ባ ካዎቴ፥
\q3 ሱሬ ፒርዳኒኔ
\q2 ጺሎቴን ኤሳና፤
\q2 ሎኤ ኦይኪዲ ሚንና፤
\q1 ዳዊቴ ካዎቴ ኣራታን
\q2 ኢዚ ኡታና፤
\q2 ዴራ ኡባ ሃራና፤
\q2 ኡባፌ ዎልቃማ
\q2 ጎዳ ቃናቴይ
\q3 ሄሳ ፖላና።\x - \xo 9፡7 \xo*\xt ሉቃ 1፡32-33\xt*\x*
\s ኢስራኤሌ ቦላ ጾሳ ሃንቆ
\q1
\v 8 ጎዳይ ያቆቤ ዛሬታ ቦላ
\q2 ፒርዳ ቃላ ኪቲዴስ፤
\q2 ኢዚካ ኢስራኤሌ ቦላ ፖሌታና።
\q1
\v 9 ኤፍሬሜኒኔ ሳማሪያን ዴኢዛ
\q2 ዴሬ ኡባይ
\q2 ሄሳ ጾሲ ኦዳይሳ ኤራና፤
\q2 ኦቶሮኒኔ
\q2 ሞቴን ዴንዲዲ፥
\q2
\v 10 «ጹቤፔ ኦሴቲዳ
\q2 ጊምቤቲ ላሌቲዳ፤
\q2 ኑኒ ጊዲኮ
\q2 ማሴቲዳ ሹቻን
\q3 ዛሪ ጊምባና፤
\q2 ኤቲ ቃንጼቲዳ፤
\q2 ኑኒ ጊዲኮ ኢስታሶሆን
\q3 ዚጋ ላማና» ጊዳ።
\b
\q1
\v 11 ሄሳ ጊሻስ ጎዳይ
\q2 ኤራሶኔ ሞርኬታ ሚንና፤
\q2 ኢስታ ሞርኬታ ኢስታ ቦላ
\q3 ዴንዲ ኤሃና።
\q1
\v 12 ኣርሼይ ሞኪዛ ባጋፌ
\q2 ኣራሜ ቢታ ኣሳቲኔ
\q2 ኣርሼይ ዉሊዛ ባጋፌ
\q2 ፊሊስጼሜ ቢታ ኣሳቲ
\q3 ባንታ ዶና ሃንጊዲ
\q3 ኢስራኤሌ ሚታና።
\q2 ሄሲ ኡባይ ሃኒንካ
\q2 ጎዳ ሃንቆይ ኢርጺቤና፤
\q2 ኢዛ ኩሼይካ
\q2 ዴንዲዳሶፔ ሲሚቤና።
\b
\q1
\v 13 ዴሬዚ ጊዲኮ ባና ሾጪዳ
\q2 ጎዳኮ ሲሚቤና፤
\q2 ኡባፌ ዎልቃማ
\q2 ጎዳካ ኮዪቤና።
\q1
\v 14 ሄሳ ጊሻስ
\q2 ጎዳይ ሁኤኔ ጎይና፥
\q2 ዛምባ ሃጋኔ ማቃ
\q2 ኢስራኤሌፔ ኢሲ ጋላስ ቄጻና።
\q1
\v 15 ጪማቲኔ ቦንቼቲዳይቲ ሁኤ፤
\q2 ዎርዶ ታማርሲዛ ናቤቲ ጎይና።
\q1
\v 16 ሃይሳ ዴራ ካሌዛይቲ
\q2 ባሌቴስ፤
\q2 ካሊዛ ዴሬይካ ኦጌፔ
\q3 ካሬ ኬዚዲ ቶይላቴስ።
\q1
\v 17 ሄሳ ጊሻስ ጎዳይ
\q2 ናቴ ናይታን ኡፋዬቴና፤
\q2 ዪኦታሲኔ
\q2 ኣምኤታስ ቃቴና፤
\q2 ኡባይካ ኢታ ኦዛይታኔ
\q3 ጾሳ ያሻቴ ባይንዳይታ፤
\q3 ኡባ ኣሳ ዶናፔ
\q3 ሃራሲዛ ቃላይ ኬዜስ፤
\q2 ሄሲ ኡባይ ሃኒንካ
\q2 ጎዳ ሃንቆይ ኢርጺቤና፤
\q2 ኢዛ ኩሼይካ
\q3 ዴንዲዳሶፔ ሲሚቤና።
\b
\q1
\v 18 ዴራ ኢታቴ ኪንዲቾኔ
\q2 ኣጉን ጹጊዛ ታማ ማላ፤
\q2 ፒ ጊዳ ዎራይ ጹጌቲሺን
\q2 ኬዚዛ ጩዋ ቱሳ ማላ
\q2 ሲቲ ጊዲ ፑዴ ኬዜስ።
\q1
\v 19 ኡባፌ ዎልቃማ ጎዳ ሃንቆን
\q2 ቢታይ ጹጌታና፤
\q2 ዴሬይካ ታማን ጌሊዛ
\q3 ሚ ማላ ጊዳና፤
\q2 ኢሻይ ኢሻስ ቃቴና።
\q1
\v 20 ኡሻቻ ባጋራ ቱጻና፤
\q2 ጊዶ ኣቲን ጋፋ ቴቄና።
\q2 ሃዲርሳ ባጋራ ማና፤
\q2 ጊዶ ኣቲን ካሌቴና።
\q2 ኢሶይ ኢሶይ ባ ዬሊዳ
\q3 ናይታ ማና።
\q1
\v 21 ሚናሴይ ኤፍሬሜ ማና፤
\q2 ኤፍሬሜይካ ሚናሴ ማና፤
\q2 ኢስቲ ኢሲፌ ጊዲዲ
\q3 ዩሁዳ ቦላ ዴንዳና።
\q1 ሄሲ ኡባይ ሃኒንካ
\q2 ጎዳ ሃንቆይ ኢርጺቤና፤
\q2 ኢዛ ኩሼይካ ዴንዲዳሶፔ
\q2 ሲሚቤና።
\c 10
\q1
\v 1 ጌላ ዎጋኔ
\q2 ኣስ ኡንኤዛ ኣዋጃ
\q2 ኬሲዛይታስ ኣዬ ኣና!
\q1
\v 2 ማንቆታ ፒርዳ ጌላሲዛይታስ፥
\q2 ኡንኤቲዳ ታ ዴሬዛ
\q3 ፒርዳ ቦካሲዛይታስ፥
\q2 ኣምኤታ ኣቆታ ቦንቂዛይታስ፥
\q2 ዪኦታ ኣቆታ ቺ ሚዛይታስ
\q3 ኣዬ ኣና!
\q1
\v 3 ኢንቴና ጾሞሲዛ ዎዴ
\q2 ኢንቴ ኣዋ ጌላንዴቲ?
\q2 ሃኮፔ ባሺ ዪዛ ዎዴ
\q2 ኣይ ሃናንዴቲ?
\q2 ማዶ ዴማናስ
\q2 ኦናኮ ባቃታንዴቲ?
\q2 ኢንቴ ኣቆታ ኣዋን ቆታንዴቲ?
\q1
\v 4 ቃሼቲዳ ኣሳራ ኢሲፌ ቃሼቴፌ
\q2 ሹኬቲዛ ኣሳራ ኢሲፌ
\q2 ሹኬቴፌ ኣቲን
\q2 ሃራይ ኢንቴስ ኣታናሶይ ዴና።
\q2 ሄሲ ኡባይ ሃኒንካ
\q2 ጎዳ ሃንቆይ ዶቺቤና፤
\q2 ቃጻያናስ ኢዚ ባ ኩሼ
\q3 ዴን ዎዴስ።
\s ኣሶሬ ቦላ ያና ጾሳ ፒርዳ
\p
\v 5 ጎዳይ፥ «ታ ሃንቆስ ጉፌ፥
\q2 ታ ኤሂዛ ባሻስ
\q2 ጻምኣ ጊዲዳ ኣሶሬ ቢታ
\q2 ኣሳስ ኣዬ ኣና!\x - \xo 10፡5-34 \xo*\xt ኢሳ 14፡24-27፤ ናሆ 1፡1—3፡19፤ ሶፎ 2፡13-15\xt*\x*
\q1
\v 6 ኢስታ ኣቆታ ቦንቃና ማላ፥
\q2 ባንታስ ዲኦ
\q2 ቡሪ ሺሻና ማላ፥
\q2 ኢስቲ ኦጌ ኡርቃ
\q2 ዬታና ማላ፥
\q2 ጾስ ኤሮንታ
\q2 ካዎቴ ቦላ ኪታና።
\q3 ታና ሃንቄዳ ኣሳ ቦላ
\q3 ታኒ ኣሶሬታ ዬዳና።
\m
\v 7 ጊዶ ኣቲን ኣሶሬ ካዎይ
\q2 ሃይሳ ሃልቺቤና፤
\q2 ኢዛ ዎዚናን ሃይሳ ማላ
\q3 ቆፋይ ዴና፤
\q2 ኢዛ ሃልቾይ
\q3 ዳሮ ካዎቴታ
\q2 ባሻናሲኔ
\q2 ሙሌራ ይሳናሳ።
\q1
\v 8 ኢዚ፥ ‹ታ ኦላ ጋዳዋቲ ኡባቲ
\q2 ካዎ ጊዴቴኔ?› ጊ ጬቄቴስ።
\q1
\v 9 ‹ካልኖይ ካርካሚሼ ማላ፥
\q2 ሃማቴይ ኣርፋዴ ማላ፥
\q2 ሳማሪያይካ
\q2 ዳማስቆ ማላ ጊዴቴኔ?
\q1
\v 10 ዬሩሳላሜኒኔ
\q2 ሳማሪያን ዴኢዛ
\q2 ኤቃ ሚስሌታፔ
\q2 ዳሪዛ ሚስሌታ ጎይኒዛ
\q3 ካዎቴታ ሴራናስ
\q3 ታኒ ታ ኩሼ ዬዳዲስ።
\q1
\v 11 ሳማሪያ ቦላኒኔ
\q2 ኢዚ ሚስሌታ ቦላ
\q2 ታ ኦይሳ ዬሩሳላሜ ቦላኔ
\q3 ኢዚ ሚስሌታ ቦላ
\q3 ታ ኦኪና?› ጌስ» ጊዴስ።
\p
\v 12 ጎዳይ ጺዮኔ ዙማ ቦላኔ ዬሩሳላሜ ቦላ ባ ኦና ኦሶ ኡባ ፖሊዳፔ ጉዬ፥ «ኣሶሬ ካዎ ኢዛ ዎዚና ኦቶሬቴ ጊሻሲኔ ኢዚ ካ ኣይፌን ጼሊዛ ጊሻስ ታ ኢዛ ቃጻያና» ጌስ።
\p
\v 13 ኣሶሬ ካዎይ፥
\q1 «ሃይሳ ኡባ
\q2 ታኒ ታ ሚኖ ቄሴን ኦዲስ፤
\q2 ቃሴካ ታኒ ኣ ኤራንቻኔ
\q2 ኣኬካንቻ፤
\q2 ታኒ ካዎቴታ
\q2 ዛዋ ላላዲስ፤
\q2 ታኒ ኢስታ ኣቆታ ቦንቃ ኤካዲስ፤
\q2 ታ ቃራቴን
\q2 ኢስታ ካዎታ ካዉሻዲስ።
\q1
\v 14 ኣሲ ባ ኩሼ ካፎ ኬን ዬዲዛ ማላ
\q2 ታኒካ ታ ኩሼ
\q2 ካዎቴታ ኣቆታን ዬዳዲስ።
\q2 ቃሴ ኣሲ ዶጌቲ ኣቲዳ
\q3 ጱጱሌታ ሺሺዛ ማላ
\q2 ታኒካ ዴሬ ኡባ ሺሻዲስ።
\q2 ፓላናስ ባ ቄፌ
\q2 ሚጪዳይ ዴና፤
\q2 ዋሳናስ ባ ዶና
\q2 ዶይዳይ ዴና» ጊዴስ።
\b
\q1
\v 15 ካልታይ ባናን
\q2 ቃንጺዛዴ ቦላ ጬቄቲዜ?
\q2 ማጋዜይ ባና
\q2 ጎቺዛዴ ቦላ ኦቶሬቲዜ?
\q2 ጻምኣይ ባና ኦይኪዳ ኣሳ ቦላ
\q3 ባ ሁኤ ቃና ዳንዳይዜ?
\q3 ጉፌይ ኣሲ ባይንዳ ባርካ
\q3 ሄሜቲ ኤሪዜ?
\q1
\v 16 ሄሳ ጊሻስ ጎዳይ፥
\q2 ኡባፌ ዎልቃማ ጎዳይ፥
\q2 ሞዳ ኢዛ ኦላንቻታ ቦላ
\q3 ጊልቂሲዛ ሃርጌ ዬዳና፤
\q2 ኢዛ ቦንቾዛፔ ጋርሳራ
\q3 ላጪዛ ታማ ዬዳና።
\q1
\v 17 ኢስራኤሌ ፖኦይ ታማ ጊዳና፤
\q2 ጌሻዚካ ታማ ላጮ ጊዳና፤
\q2 ኢሲ ጋላሳን ኢዛ ኣጉንኔ
\q3 ኪንዲቾዛ ታማይ ማና።
\q1
\v 18 ሃርጋንቻይ ጊልቂዲ
\q2 ሃይቂዛ ማላ
\q2 ባ ዎራ ቦንቾኔ
\q2 ኣራዳ ቢታ፥
\q2 ኣሾኔ ሼምፖ
\q2 ሙሌራ ይሳና።
\q1
\v 19 ኢዛ ዎራን ጉ ሚቲ
\q2 ጫሻ ኣታና፤
\q2 ሄይታካ ቄሪ ናይ
\q3 ቆዲ ዉርሳና ዳዳዬስ።
\s ጫሻ ኣቲዳ ኢስራኤሌ ዛሬታ
\q1
\v 20 ሄ ዎዴ ኢስራኤሌ ዛሬፔ
\q2 ጫሻ ኣቲዳይቲ፥
\q2 ያቆቤ ኬፌ ኣቲዳይቲ
\q2 ሃይሳፌ ጉዬ ባንታና
\q2 ሾጪዳይታ ቦላ ዜምፔቴና፤
\q2 ጊዶ ኣቲን ጎዳን
\q2 ኢስራኤሌ ጌሻን
\q3 ቱማፔ ኣማኔታና።
\q1
\v 21 ጫሻ ኣቲዳይቲ ሲማና፤
\q2 ያቆቤ ኬፌ
\q2 ጫሻ ኣቲዳይቲ
\q2 ኡባፌ ዎልቃማ
\q2 ጾሳኮ ሲማና።
\q1
\v 22 ኔኖ ኢስራኤሌ! ኔ ኣሳይ
\q2 ኣባ ሻሚንታ ማላ ጊዲኮካ
\q2 ጫሻ ኣቲዳይቲ ጻላ ሲማና።
\q2 ጺሎቴን ኩሚዳ
\q3 ጊታ ባሺ ኣዋጄቲዴስ።
\q1
\v 23 ጎዳይ፥ ኡባፌ ዎልቃማ
\q2 ጎዳይ ሳኣ ኡባ ቦላን
\q2 ኤሃና ቃቺዳ
\q2 ባሽ ኤሃና።\x - \xo 10፡22-23 \xo*\xt ኦሮ 9፡27\xt*\x*
\s ኣሶሬ ቦላ ያና ጾሳ ፒርዳ
\p
\v 24 ሄሳ ጊሻስ ጎዳይ፥ ኡባፌ ዎልቃማ ጎዳይ፥
\q2 «ጺዮኔን ዲዛ ታ ዴሬዞ!
\q2 ጊብጼቲ ኔ ቦላ
\q2 ኦዳይሳ
\q2 ጉፌ ኔ ቦላ ዴንዳይታ
\q2 ዱርቃን ኔና ቆጺዳ
\q3 ኣሶሬ ኣሳስ ባቦፋ።
\q1
\v 25 ታ ኔ ቦላ ኤሂዳ ቂጻቴዛ
\q2 ጉ ዎዴ ጋርሳን ታ ኤሳና፤
\q2 ታ ኢስታ ቦላካ
\q2 ቦሻ ኤሃና» ጌስ።
\b
\q1
\v 26 ኡባፌ ዎልቃማ ጎዳይ፥
\q2 «ሚዲያሜ ኣሳ
\q2 ሄሬቤ ዛላ ኣቻን
\q2 ሾጮይሳ
\q2 ኢዚ ኢስታ ጹርቃፌራ ዋና፤
\q2 ኢዚ ጊብጼታ ቦላ
\q2 ኦዳይሳ
\q2 ባ ጉፌዛ
\q2 ኣባ ቦላ ዴንና።
\q1
\v 27 ሄ ጋላስ ኢስታ ቶሆይ
\q2 ኔ ሃሼፔ፥
\q2 ኢስታ ቃምባራይ
\q2 ኔ ሞርጌፌ ኪቻና፤
\q2 ኔ ኦርዴቴፌ ዴንዲዳይሳን
\q2 ኢዛ ቃምባራይ ሜቃና» ጌስ።
\s ዎራጂዛይቲ ዬጊዳ ኦላ
\b
\q1
\v 28 ኢስቲ ኣያቴራ ቢዲ
\q2 ሚጌሮኔ ካን ቤቴስ፤
\q2 ባስ ዲዛ ሚሻ
\q2 ማኪማሴን ሺሼቴስ።
\q1
\v 29 ኢስቲ ፒኒዛሶራ ኣ ቢዲ፥
\q2 ኑኒ ጌባን ዱንካኒ ኣቃና፤
\q2 ኤራማይ ዳጋማዱስ፤
\q2 ሳኦሌ ካታማ
\q2 ጊቢኣይ ባቃታዱስ።
\q1
\v 30 ጋሊሜ ናዬ ኔ ዋሳ!
\q2 ላይሻ ኤዝጋ ሲያ!
\q2 ማንቆ ጊዲዳ ኣናቶቴ፥
\q2 ኔ ኢዚስ ዛሮ ኢማ።
\q1
\v 31 ማዲሜናሃ ባቃታ ቦላ ዳዉስ፤
\q2 ጌባ ዴሬይ ቆቴታና
\q2 ዎን ዴስ።
\q1
\v 32 ኢስቲ ሃች ኖቤ ጋካና፤
\q2 ኢስቲ ባንታ ኩሼ
\q3 ዬሩሳላሜ ዙምቡላ ቦላ፥
\q2 ጺዮኔ ማጫ ናይ ዙማ ቦላ
\q3 ጬቄቴን ማንዳና።
\b
\q1
\v 33 ቤኢቴ ጎዳይ፥
\q2 ኡባፌ ዎልቃማ ጎዳይ
\q3 ባ ጊታ ዎልቃን
\q3 ሃጋታ ቃንጼሬና፤
\q2 ኣዱሳ ሚቲካ
\q2 ሺሬቲ ዎና፤
\q2 ቁ ቁ
\q2 ጊዳይቲካ ኩንዳና።
\q1
\v 34 ጊርዲ ጊዳ ዎራካ
\q2 ካልታራ ቄጻና፤
\q2 ሊባኖሴ ዚጋቲካ
\q3 ዎልቃማዛ ሲንን ኩንዳና።
\c 11
\s ሳሮቴ ኩሚዳ ካዎቴ
\q1
\v 1 ኢሴዬ ዱሩማፔ
\q2 ኣጫይ ፑርጫና፤
\q2 ኢዛ ጻጶታፔ
\q2 ኢሲ ሃጋይ ኣይፌ ኢማና።\x - \xo 11፡1 \xo*\xt ኣጁ 5፡5፤ 22፡16\xt*\x*
\q1
\v 2 ጎዳ ኣያናይ፥
\q2 ኣ ኤራቴኔ
\q2 ኣኬካ ኣያናይ፥ ዞሬ ኣያናይኔ
\q2 ዎልቃ ኣያናይ፥
\q2 ኤራቴ ኣያናይኔ
\q2 ጎዳስ ያሺሲዛ ኣያናይ
\q3 ኢዛ ቦላ ሼምፓና።
\q1
\v 3 ጎዳስ ያሻን ኢዚ ኡፋዬታና፤
\q2 ባ ኣይፌን ቤኢዳ ማላኔ
\q2 ባ ሃይን
\q2 ሲዪዳ ማላ ፒርዴና።
\q1
\v 4 ጊዶ ኣቲን ሂዬሳታስ
\q2 ጺሎ ፒርዳና፤
\q2 ሳኣ ቦላ ማንቆታስ
\q2 ሱሬ ፒርዳና፤
\q2 ባ ኢንጻርሳ ጻምኣን
\q2 ሳኣ ሾጫና፤
\q2 ባ ዶና ፔኖን
\q2 ኢታታ ዎና።\x - \xo 11፡4 \xo*\xt 2ታሶ 2፡8\xt*\x*
\q1
\v 5 ጺሎቴ ኢዛስ
\q2 ጼሳ ዳንጮ ጊዳና፤
\q2 ኣማኔቴይ ኢዛስ
\q3 ዳባላ ዳንጮ ጊዳና።\x - \xo 11፡5 \xo*\xt ኤፌ 6፡14\xt*\x*
\q1
\v 6 ካና ሱይቴይ ዶርሳ ላቃራ
\q3 ኢሲፌ ዳና፤
\q2 ማሄይካ ዴይሻ ላቃራ
\q3 ኢሲፌ ኢቻና፤
\q2 ሚዛ ማሪ፥ ጋሞ ማሪኔ
\q3 ሞ ሜሄይ
\q2 ኢሲፌ ሄሜታና፤
\q2 ጉ ናይ ኢስታ ሄማና።
\q1
\v 7 ሚዚኔ ዛርዶይ ኢሲፌ ሄሜታና፤
\q2 ኢስታ ማራቲካ ኢሲፌ ኢቻና፤
\q2 ጋሞይ ቦራ ማላ ሃፓ ማና።
\q1
\v 8 ሚዛ ናይ
\q2 ኢታ ሾሻ ኦላን ካኣና፤
\q2 ን ዱንታ ናይ
\q2 ባ ኩሼ ጎፔ ሾሻ
\q2 ኦላን ዬዳና።
\q1
\v 9 ጌሺ ጊዲዳ
\q2 ታ ዙማ ቦላ ቆሄቴና
\q2 ዎይኮ ኦኒካ ዬና፤
\q3 ሃ ኣባ ኩሚዛ ማላ
\q3 ሳኣ ኡባይ ጎዳ ኤሮን ኩማና።\x - \xo 11፡6-9 \xo*\xt ኢሳ 65፡25\xt*\x*\x - \xo 11፡9 \xo*\xt ኢም 2፡14\xt*\x*
\s ዲኤቲ ቢዳይታ ሲሞ
\p
\v 10 ሄ ዎዴ ኢሴዬ ዜሬ ካዎቴታስ ማላታ ጊዲ ኤቃና፤ ካዎቴቲ ኢዛኮ ያና፤ ኢዛ ሼምፖሶይ ቦንቼታና።\x - \xo 11፡10 \xo*\xt ኦሮ 15፡12\xt*\x* 
\v 11 ሄ ዎዴ ጎዳይ ናምኣን ባ ኩሼ ሚጪዲ ኣቲዳ ኣሳ ኣሶሬፔ፥ ፑዴሃ ጊብጼፔ፥ ዱጌሃ ጊብጼፔ፥ ቶጵያፔ፥ ኤላሜፔ፥ ሳናኦሬፔ፥ ሃማቴፔኔ ኣባ ጋጻን ዲዛ ዴሬታፔ ሺሻና።
\q1
\v 12 ካዎቴታስ ማላታ ኤሳና፤
\q2 ቁ ኦዲ ዴንና፤
\q2 ኢስራኤሌፔ ጎዴቲ ቢዳይታ
\q3 ዛሪ ኤሃና፤
\q2 ላሌቲዳ ዩሁዳ ኣሳ
\q3 ኦይዱ ባጋ ቢታ ጋጻፔ
\q3 ኢዚ ሺሻና።
\q1
\v 13 ኤፍሬሜ ቃናቴቴ ኤቃና፤
\q2 ዩሁዳ ሞርኬቲካ
\q2 ቃንጼታና፤
\q2 ኤፍሬሜይ ዩሁዳ ቦላ
\q2 ቃናቴና፤
\q2 ዩሁዳይካ ኤፍሬሜ ኢጼና።
\q1
\v 14 ኢስቲ ኣርሼይ ዉሊዛ ባጋራ
\q2 ፊሊስጼሜታ ዱጉን
\q2 ዎና፤
\q2 ናምኣይካ ኢሲፌ ጊዲዲ
\q3 ኣርሼይ ሞኪዛ ዴሬዛ ቦንቃና፤
\q3 ኢስቲ ኤዶሜ ቦላኔ
\q3 ሞኣቤ ቦላ
\q3 ባንታ ኩሼ ዴንና፤
\q3 ኣሞኔ ኣሳይ ኢስታስ ሃሬታና።
\q1
\v 15 ጎዳይ ኢታ ጫርኮን
\q2 ጊብጼ ኣባ ሜሊሳና፤
\q2 ኢዚ ባ ኩሼ ኤፊራጺሴ
\q3 ሻፋ ቦላ ዬዳና፤
\q2 ላፑን ኬሲ
\q2 ሻኬሬ ዬጋና፤
\q2 ሄሳ ጊሻስ
\q2 ኣሳይ ቶሆፔ ጫማ
\q3 ኬሶንታ ፒናና።\x - \xo 11፡15 \xo*\xt ኣጁ 16፡12\xt*\x*
\q1
\v 16 ካሴ ኢስራኤሌይ ጊብጼፔ
\q2 ኬዚሺን ሃኒዳይሳ
\q2 ኣሶሬን ኣቲዳ ኣሳይ
\q3 ኬዛና ኦጌ ኢስታስ ጊጊሳና።
\c 12
\s ሳባ ማዛሙሬ
\p
\v 1 ሄ ዎዴ ኔኒ፥
\q1 «ኣቤት ጎዳዉ፥
\q2 ካሴ ኔ ታ ቦላ ሃንቄታዳሳ፤
\q3 ሃኢ ጊዲኮ ኔኒ
\q3 ኔ ሃንቆዛፔ ሲማዳ
\q3 ታና ሚንዳ ጊሻስ
\q3 ታ ኔና ሳባይስ።
\q1
\v 2 ‹ቤኢቴ፥ ጾሳይ ታ ኣቶቴ፤
\q2 ታኒ ኢዛን ኣማኔቲዛ
\q2 ጊሻስ ባቢኬ፤
\q2 ጎዳይ፥ ጾሳይ ታስ
\q2 ሚኖቴኔ ዬ፤
\q3 ታ ኣቶቴይ ኢዛ› ጋንዳሳ።\x - \xo 12፡2 \xo*\xt ኬሳ 15፡2፤ ማዛ 118፡14\xt*\x*
\q1
\v 3 ፓዛ ታ ፑልቶታፔ
\q2 ሃ ኡፋይሳን ዱቃንዴታ።
\q1
\v 4 ሄ ዎዴ ኢንቴ ጎዳ ጋላቲቴ!
\q2 ኢዛ ሱንካ ጼይጊቴ።
\q2 ኢዚ ኦዳይሳ ካዎቴታ
\q3 ጊዶን ኤሪሲቴ።
\q2 ኢዛ ሱንይ ቁ ቁ
\q3 ጊዳይሳ ኣዋጂቴ።
\q1
\v 5 ጎዳይ ጊታ ኦሶ
\q2 ኦዳ ጊሻስ
\q2 ኢዛስ ዬጺቴ።
\q2 ሄሲ ኩሜ ኣላሜስ ኤሬቶ።
\q1
\v 6 ኢንቴ ጊዶን ዲዛ ኢስራኤሌ
\q2 ጌሻይ ጊታ ጊዲዳ ጊሻስ
\q2 ጺዮኔ ኣሳዉ ኢሊሊ ጊቴ፤
\q3 ኡፋይሳንካ ዬጺቴ» ጋንዴታ።
\c 13
\s ባቢሎኔ ቦላ ዮቴቲዳ ቲንቢቴ
\p
\v 1 ኣሞጼ ና ኢሳያሳስ ጎዳይ ባቢሎኔ ጊሻስ ቆንጪሲን ኢዚ ቤኢዳይሲ ሃይሳፌ ካሊዛይሳ፤\x - \xo 13፡1—14፡23 \xo*\xt ኢሳ 47፡1-15፤ ኤር 50፡1—51፡64\xt*\x*
\q2
\v 2 ኣይኮይ ባይንዳ ሜላ ዲዛ
\q2 ዙምቡላ ቦላ ማላታ ኤሲቴ፤
\q2 ኢንቴ ቃላ ቁ
\q2 ሂስቲ ዋሲቴ፤
\q2 ኢስታ ሹሜታ ፔንጌራ
\q2 ጌላና ማላ ማላታ ቤሲቴ።
\q1
\v 3 ታ ጾኖን ኡፋዬቲዛይታ
\q2 ታ ጌሻታ ኣዛዛዲስ፤
\q3 ታ ሃንቆ ኢስቲ ፖላና ማላ
\q3 ታ ኦላንቻታ ጼይጋዲስ።
\q1
\v 4 ዳሮ ዴሬይ ዎጫሚዛ ማላ
\q2 ዙማታ ቦላ ዎጫሚዛ
\q3 ዎጫማ ሲዪቴ!
\q2 ካዎቴታ ጊዶን
\q2 ሜቶቲዳ ዴሬይ
\q2 ጉጉሚዛ ጉጉን ሲዪቴ!
\q2 ኡባፌ ዎልቃማ
\q2 ጎዳይ ኦላንቻታ
\q3 ኦላስ ሳልፊሲዴስ።
\q1
\v 5 ጎዳይኔ ኢዚ ባ ሃንቆ ፖሊሳናስ
\q2 ጎኤቲዛ ሚሻቲ
\q2 ቢታ ኡባ ይሳናስ
\q2 ሃሆ ቢታፌ
\q3 ሳሎታ ጋጻፔ ዪዳ።
\q1
\v 6 ጎዳ ጋላሲ
\q2 ማቲዳ ጊሻስ ዬኪቴ!
\q2 ሄ ጋላስ ኡባ ዳንዳይዛ
\q3 ጾሳ ማታፔ ባሺ ያና።\x - \xo 13፡6 \xo*\xt ኢዩ 1፡15\xt*\x*
\q1
\v 7 ሄሳ ጊሻስ ኩሼ ኡባይ ሲላና፤
\q2 ኣሳ ኡባ ዎዚናይካ ሴራና።
\q1
\v 8 ኢስቲ ሺሮታና፤
\q2 ኢስታ ዋዬይኔ ሜቶይ ጋካና፤
\q2 ሚጻይ ኦይኪዳ ማጫሳ ማላ
\q3 ኢስቲ ሚጻታና፤
\q2 ኢሶይ ኢሳራ ዳጋማን ጼሌታና፤
\q2 ኢስታ ኣይፌሶይ ዳጋማን
\q3 ሻላ ማይኢዴስ።
\q1
\v 9 ቤኢቴ ጎዳ ጋላሳይ ሜንጼ ኢታ፤
\q2 ቢታ ሜላ ኣሻናስ
\q3 ኢዚን ዲዛ ናጋራንቻታ
\q2 ይሳናስ ባሻራኔ
\q2 ጊታ ሃንቆራ ያና።
\q1
\v 10 ሳሎ ጾሊንቴቲኔ
\q2 ኢስታ ቡቴቲ ፖኦ ኢሜቴና፤
\q2 ኣርሼይ ቡሮ
\q2 ሞኪዳ ማላ ማና፤
\q3 ኣጊናይካ ባ ፖኦ ኢሙኩ።\x - \xo 13፡10 \xo*\xt ሂዚ 32፡7፤ ማቶ 24፡29፤ ማር 13፡24-25፤ ሉቃ 21፡25፤ ኣጁ 6፡12-13\xt*\x*
\q1
\v 11 ጎዳይ፥ «ታኒ ኣላሜ
\q2 ኢዚ ኢታቴ ጊሻስ
\q2 ቃጻያና፤
\q2 ኢታታካ ኢስታ
\q3 ናጋራ ጊሻስ ቃጻያና።
\q2 ታኒ ኦቶራንቻታ
\q2 ኦቶሬቴ ሻራና፤
\q2 ሜንጼ ኢታታ ኦቶሬቴ
\q3 ታ ካዉሻና።
\q1
\v 12 ኣቲዳ ኣሳቲ ሙሩታ
\q2 ዎርቃፌ ቦላራ ኣልኦ ጊዳና፤
\q2 ኦፊሬ ዎርቃፌካ ኣልኦ ጊዳና።
\q1
\v 13 ሄሳ ጊሻስ ታኒ ኡባፌ
\q2 ዎልቃማ ጎዳይ፥
\q2 ‹ታኒ ታ ሃንቆ ቆንጪሲዛ ዎዴ
\q3 ሳሎ ቃና፤
\q2 ሳኣካ ኢዚ ዴኢዛሶን
\q3 ኮኮርሳና› ጌስ።
\q1
\v 14 ሻንካቲዛዴፌ
\q2 ባቃቲዛ ጌኔሳ ማላ፥
\q2 ሄሚዛዴይ ባይንዳ
\q2 ዶርሳ ዉዴ ማላ፥
\q3 ኣሲ ኡባይ
\q3 ባ ኣሳኮ ኣሳኮ ሲማና፤
\q3 ኢሶይ ኢሶይ ባ ዴሬ ባቃታና።
\q1
\v 15 ዲኤቲዳ ኡባይ ጫዴታና፤
\q2 ኦይኬቲዳ ኡባይ
\q2 ማሻን ሃይቃና።
\q1
\v 16 ኢስታ ኣይፌይ ቤኢሺን
\q2 ኢስታ ናይታ ቡሳካና፤
\q2 ኢስታ ኬቲካ ቦንቄታና፤
\q2 ኢስታ ማቼታካ
\q3 ሃራይ ጋይታና» ጌስ።
\b
\q1
\v 17 ቤኢቴ፥ ቢራስ ዉዱ ጎንታይታ፥
\q2 ዎርቃንካ ኡፋዬቶንታይታ
\q2 ሜዶኔ ዴሬ ኣሳ
\q3 ታ ኢስታ ቦላ ዴንና።
\q1
\v 18 ኢስታ ዎንዳፌቲ ዎዳላታ ዉርሳና፤
\q2 ቄሪ ናይታካ ማሬቴና፤
\q2 ኢስታ ዎዚናይካ
\q3 ናይታስ ሚሼቴና።
\q1
\v 19 ካዎቴታስ ቦንቾ፥
\q2 ካላዳዌታስ
\q2 ጬቆ ጊዲዳ ባቢሎኔ
\q2 ጎዳይ ሶዶሜ ማላኔ
\q2 ጋሞራ ማላ ኢዞ ሺሪ ዬጋና።\x - \xo 13፡19 \xo*\xt ሜ 19፡24\xt*\x*
\q1
\v 20 ሄ ቢታን ሙሌካ ኣሲ ዴኤና፤
\q2 ኢዚን ኡቲዛ ኣሲካ ዴና፤
\q2 ኣራቤ ኣሲካ ሄን
\q3 ባ ዱንካኔ ቶኬና፤
\q2 ሜሄ ሄሚዛይቲካ
\q2 ባንታ ዉዴ
\q2 ሄን ሼምፒሴቴና።
\q1
\v 21 ጊዶ ኣቲን ባዞ ዶኣቲ
\q2 ሄን ኢቻና፤
\q2 ኢዚ ኬን ዎራካናቲ ኩማና፤
\q2 ሄን ጉቶቲ ዴኣና፤
\q2 ባዞን ዴይሽ ሚሳቲዛ
\q2 ዳይዳንቲ
\q3 ኢዚ ቦላ ጉፓና።\x - \xo 13፡21 \xo*\xt ኢሳ 34፡14፤ ሶፎ 2፡14፤ ኣጁ 18፡2\xt*\x*
\q1
\v 22 ኢዚ ሚጻን ጎዳሬቲ ዋሳና፤
\q2 ሎኢዛ ኢዚ ካዎቴ
\q2 ኬንካ
\q3 ዎራካናቲ ዋሳና፤
\q3 ኢዚ ዎዴይ ማቲዴስ፤
\q2 ኢዚ ጋላሳይካ ኣዱቄና።
\c 14
\s ዲኤቴፌ ኢስራኤሌ ኣሳ ሲሞ
\q1
\v 1 ጎዳይ ያቆቤስ
\q2 ናምኣን ቃታና፤
\q2 ኢስራኤሌካ
\q2 ዛሬዲ ዶራና።
\q2 ኢስታ ኢስታ ቢታን ዎና፤
\q2 ኢማቲ ዪዲ ያቆቤሶ
\q2 ኣሳራ ዋላኬታና።
\q1
\v 2 ካዎቴቲ ኤፊዲ
\q2 ኢስታ ኢስታ ቢታ ዛራና።
\q2 ኢስራኤሌ ኣሳይ ካዎቴታ
\q3 ባስ ኦይኪዲ
\q2 ማጫሳኔ ኣቱማሳ
\q2 ኣይሌ ሂስቲዲ
\q3 ጎዳ ቢታን ሃራና።
\q3 ባና ዲኢዳይታ ዛሪ ዲኣና፤
\q3 ባና ኡንኤዳይታ
\q3 ዛሪዲ ሃራና።
\s ባቢሎኔ ካዎይ ሃይቂዳይታ ቦላ ጉጄቴ
\q1
\v 3 ጎዳይ ኢንቴና ኢንቴ ዋዬፔ፥
\q2 ሜቶፔኔ ኡንኤቴፌኔ
\q3 ኢታ ኣይሌቴፌ
\q3 ኔና ሼምፒሲዳ ጋላሲ፥
\q2
\v 4 ኢንቴ ባቢሎኔ ካዎ ቦላ
\q2 ቂልጪሼ፥ «ኡንኤዛይሳስ
\q3 ዎዴይ ዋኒ ዉሪዴ?
\q2 ኢዛስ ጊሪሲዛይሲ ዋኒ ኤቂዴ!
\q1
\v 5 ጎዳይ ኢታ ጻምኣኔ
\q2 ሃሪዛይታ ካዎቴ
\q2 ጉፌ ሜንዴስ።
\q1
\v 6 ካዎቴታ
\q2 ፓጬይ ባይንዳ ሾጪዳይሳ
\q2 ቃታይ ባይንዳ ጎዲ ጎዲ
\q3 ቆጺዳይሳ ሜንዴስ።
\q1
\v 7 ቢታያ ሳሮኔ
\q2 ሼምፖ ዴማዱስ፤
\q2 ኡፋይሳ ማዛሙሬ ዬጻዉስ።
\q1
\v 8 ሃራይ ኣቲን ዚጋቲካ፥
\q2 ሊባኖሴ ጺዳቲካ
\q2 ኡፋዬቲዳ፤
\q2 ኔካ ኩንዳዳሳ፤
\q3 ሚ ቃንጺዛዴይካ ሃይሳፌ ጉዬ
\q3 ካልታ ኑ ቦላ ዴንና።
\b
\q1
\v 9 «ኔኒ ዪዛ ዎዴ ሲኦሌይ
\q2 ኔና ሞካናስ ጊጌታዱስ፤
\q2 ኔና ሞኪ ኤካና ማላ
\q2 ሞይቲሌታ፥
\q2 ኣላሜ ቦላ ዴሬ ሃሪዛይታ
\q3 ኡባታ ዴንዱስ፤
\q2 ቃሴ ካዎቴታ ቦላ
\q3 ካዎቲዳ ካዎታ
\q3 ኢስታ ኣራታፔ
\q3 ዴን ኤሳዱስ።
\q1
\v 10 ኢስቲ ኔስ፥
\q2 ‹ኔካ ኑ ማላ ዳቡራዳሳ፤
\q2 ኑ ማላካ ጊዳዳሳ።
\q1
\v 11 ኔ ቦንቾይ ዲ ጊሪሳራ
\q2 ዱጌ ሲኦሌ ዎዴስ፤
\q2 ባዳቲ ኔስ ጋርሳራ ሂጼቲዳ፤
\q2 ጉጹኔቲ ኔስ ቦላራ
\q2 ማይኦ ጊዳና› ጋና» ጌታ።
\b
\q1
\v 12 ኔኖ ዎንታ ናዞ፥
\q2 ቶሮጄ ጾሊንቴዞ፥
\q2 ኔ ዋናዳ
\q2 ሳሎፔ ዱጌ ኩንዳዲ?
\q2 ካዎቴታ ካዉሺዳ
\q2 ኔኒ ዋናዳ ዱጌ ዬጌታዲ!\x - \xo 14፡12 \xo*\xt ኣጁ 8፡10፤ 9፡1\xt*\x*
\q1
\v 13 ኔኒ ኔ ዎዚናን፥
\q2 «ታኒ ፑዴ ሳሎ ኬዛና፤
\q2 ታ ካዎቴ ኣራታካ
\q2 ጾሳ ጾሊንቴታፔ ቦላራ
\q3 ቃን ዎና፤
\q2 ዙማ ቦላ ሺቂዛሶን
\q3 ኣንጄቲዳ ዙማ ቦላ
\q3 ቃሶሆን
\q3 ታ ካዎቴ
\q3 ኣራታ ቦላ ኡታና።
\q1
\v 14 ታኒ ሻራቲ ዲዛ ቃሶሆፔካ
\q2 ፑዴ ኣና፤
\q2 ታኒ ታና ኡባፌ
\q2 ቃ ጾሳ ማላ
\q2 ኦና» ጋዳሳ።
\q1
\v 15 ጊዶ ኣቲን ኔኒ ሲኦሌን
\q2 ዱጌ ጪማ ኦላን ዬጌታዳሳ።\x - \xo 14፡13-15 \xo*\xt ማቶ 11፡23፤ ሉቃ 10፡15\xt*\x*
\b
\q1
\v 16 ኔና ቤኢዛይቲ ኡባይ
\q2 ቲሺ ሂስቲ ጼሊዲ
\q2 ኔና፥ «ቢታ ቃዳይሲኔ
\q2 ካዎቴታ
\q2 ኮኮሪሲዳይሲ ሃይሴ?
\q1
\v 17 ሳኣ ባዞ ኬሲዳይሲ፥
\q2 ካታማታካ ላሊዳይ፥
\q3 ዲኤቲዳይቲ ባ ዴሬ
\q3 ሲሚ ቦንታ ማላ
\q3 ዲጊዳይ ሃይሴ?» ጋና።
\b
\q1
\v 18 ካዎቴታ ካዎቲ ኡባይ
\q2 ቦንቾን ስኪዳ፤
\q2 ባ ዱፎን ዱፎን ሼምፒዳ።
\q1
\v 19 ኔ ጊዲኮ ኮዬቶንታ ሃጋ ማላ
\q2 ዱፎፔ ዎራ ኦሌታዳሳ፤
\q2 ማሻን ጫዴቲዳይታን፥
\q2 ዱጌ ጪማ ሹቻ
\q3 ኦላን ዎዳይታን፥
\q3 ኣሳ ኩሼን ሃይቂዳይታን
\q3 ካሜታዳሳ፤
\q3 ኔኒ ቶሆን ዬቲዳ
\q3 ኣሃ ማላ ጊዳዳሳ።
\q1
\v 20 ኔኒ ኢስታራ ዱፎን ዳካ፤
\q2 ጋሶይካ ኔ ቢታ
\q2 ባሻዳሳ፤
\q2 ኔ ዴሬዛ ኔ ይሳዳሳ፤
\q3 ኢታ ኦዛይታ ዜሬ
\q3 ሙሌካ ኣኬኬቴና።
\q1
\v 21 ኢስቲ ዴንዲዲ
\q2 ቢታ ላቶንታ ማላ፥
\q2 ኣላሜን ባ ካታማ
\q3 ኢስቲ ኩንንታ ማላ
\q3 ካሴ ኢስታ ኣዋታ ናጋራ ጋሶን
\q3 ኣቱማ ናይቲ
\q3 ሲፌታናሶሆ ጊግሲቴ።
\b
\q1
\v 22 ኡባፌ ዎልቃማ ጎዳይ፥
\q2 «ታኒ ኢስታ ቦላ ዴንዳና፤
\q2 ሂስታዳ ኢስታ ሱን፥
\q2 ኢስታፌ ኣቲዳይታ፥
\q2 ኢስታ ዜሬኔ
\q3 ዬሌታ ባቢሎኔፔ ይሳና።
\q1
\v 23 ታኒ ባቢሎኔ ቁጻርሳ ኣቆሶኔ
\q2 ጫሬ ኬሳና፤
\q2 ባሻ ፔይጻን ታኒ ኢዞ
\q3 ፒታ ይሳና» ጌስ።
\s ኣሶሬ ቦላ ዮቴቲዳ ቲንቢቴ
\q1
\v 24 ኡባፌ ዎልቃማ ጎዳይ፥
\q2 «ታኒ ሃልቺዳ ማላ ፖሌታና፤
\q2 ታ ቆፒዳ ማላካ ሃናና።\x - \xo 14፡24 \xo*\xt ኢሳ 10፡5-34፤ ናሆ 1፡1—3፡19፤ ሶፎ 2፡13-15\xt*\x*
\q1
\v 25 ታኒ ኣሶሬ ታ ቢታ ቦላ ሊቂሳና፤
\q2 ታኒ ኢዛ
\q2 ታ ዙማ ቦላ ዬና፤
\q2 ኢዛ ቃምባራይ
\q3 ታ ዴሬዛ ቦላፌ ዴንዳና፤
\q3 ኢዛ ቶሆይካ
\q3 ኢስታ ሃሼፔ ኪቻና»
\q3 ጊ ጫቂዴስ።
\q1
\v 26 ሳኣ ኡባስ ቆፌቲዳ
\q2 ቆፋይ ሃይሳ፤
\q2 ካዎቴታ ኡባ ቦላን
\q3 ሚጬቲዳ ኩሼይ ሃይሳ።
\q1
\v 27 ኡባፌ ዎልቃማ ጎዳይ
\q2 ሃይሳ ቆፒዴስ፤
\q2 ሄሳ ኢዛ ኦኔ ዲጋናይ?
\q2 ኢዚ ባ ኩሼ ዴንዴስ፤
\q2 ሄሳ ዛራናይ ኦኔ?
\s ፊሊስጼሜታ ቦላ ዮቴቲዳ ቲንቢቴ
\p
\v 28 ካዎ ኣካዜይ ሃይቂዳ ላይ ሂዝጊዛ ቃላይ ዪዴስ፤\x - \xo 14፡28 \xo*\xt 2ካዎ 16፡20፤ 2ታሪ 18፡27\xt*\x*
\q1
\v 29 ኢንቴኖ ፊሊስጼሜ ኣሳቶ፥
\q2 ኢንቴና ሾጪዳ ጉፌይ
\q2 ሜቂዳ ጊሻስ
\q2 ኡባቲ ኡፋዬቶፍቴ፤
\q2 ሾሻ ጋርሳፌ
\q2 ሃሶ ሾሺ ኬዛና፤
\q2 ኢዛ ዜሬካ
\q2 ጾንጌቲዛ ማርዜራ
\q3 ዲዛ ሃሶ ሾሽ ጊዳና።
\q1
\v 30 ፑቴሳ ማንቆቲ
\q2 ዱሳሶ ዴማና፤
\q2 ሜቶታንቻቲ
\q2 ዎፑ ጊዲ ኢቻና።
\q2 ጊዶ ኣቲን ታኒ ኔ ዛሬ
\q3 ኮሻን ዉርሳና፤
\q2 ቃሴ ኔፔ ኣቲዳይታካ
\q2 ዲፒ ሂስታና።
\q1
\v 31 «ኔኖ ፔንጌዞ! ዉ! ዉይ ጋ፤
\q2 ኔኖ ካታማዞ! ዋሳ፤
\q2 ኢንቴኖ ፊሊስጼሜ ኣሳቶ!
\q2 ኢንቴ ኡባይካ ሂርጋን ሴሪቴ!
\q3 ጋሶይካ ፑዴሃ ባጋፌ
\q3 ጩዋይ ኢንቴ ቦላ ዪዴስ፤
\q3 ሄ ጪፍራፔ
\q3 ዱጺ ኣታናይ ዴና።\x - \xo 14፡29-31 \xo*\xt ኤር 47፡1-7፤ ሂዚ 25፡15-17፤ ኢዩ 3፡4-8፤ ኣሞ 1፡6-8፤ ሶፎ 2፡4-7፤ ዛካ 9፡5-7\xt*\x*
\q1
\v 32 ሄ ካዎቴታፔ
\q2 ኪቴቲ ዪዛ ቃስታኔታስ
\q2 ኣይ ጊ ዛራኔ?
\q3 ‹ጎዳይ ጺዮኔ
\q3 ሚን ኤሲዴስ፤
\q2 ዋዬ ኤኪዳ ዴሬይ
\q3 ኢዚ ጋርሳን ሼምፖሶ
\q3 ዴሚዴስ› ጊ ዛሮ።»
\c 15
\s ሞኣቤ ቦላ ዮቴቲዳ ቲንቢቴ
\p
\v 1 ሞኣቤ ቢታ ጊሻስ ጎዳይ ዮቲዳ ቃላይ ሃይሳ፤\x - \xo 15፡1—16፡14 \xo*\xt ኢሳ 25፡10-12፤ ኤር 48፡1-47፤ ሂዚ 25፡8-11፤ ኣሞ 2፡1-3፤ ሶፎ 2፡8-11\xt*\x*
\q2 ቂሬ-ሞኣቤን ዲዛ
\q3 ኤሬያ ላሌታዱስ፤
\q2 ኢሲ ጋላሳ ኦማርሳን ዲፒ ጋዱስ፤
\q2 ቃሴ ቂሬ-ሞኣቤን ዲዛ
\q3 ቂሬያ ላሌታዱስ፤
\q2 ኢሲ ጋላሳ ኦማርስ ዲፒ ጋዱስ።
\q1
\v 2 ዲቦኔ ኣሳይ ጾሳ ኬ ኬዚዴስ፤
\q2 ዬካናስ ፑዴ
\q2 ዙምቡላታ ቦላ ኬዚዴስ፤
\q3 ሞኣቤ ኣሳይ ኔቦ ጊሻሲኔ
\q3 ሜዴባ ጊሻስ ዋሴስ፤
\q2 ሁኤይኔ ቡቻይ
\q3 ሚልጺ ጊ ሜዴቲዴስ።
\q1
\v 3 ኦጌይ ዲዛሶ ኡባን
\q2 ማቃ ማይኤቴስ፤
\q2 ፖቄታ ቦላኒኔ
\q3 ዳባባይ ዲዛሶን ዬኬቴስ፤
\q2 ኣፉን ጉሴቴስ።
\q1
\v 4 ሃሴቦኔይኔ ኤልኤሌይ ዋሲዳ፤
\q2 ኢስታ ዋሶይካ
\q3 ያሃጼ ጋካናስ ሴቴቲዴስ።
\q2 ሄሳ ጊሻስ
\q2 ሞኣቤ ኦላንቻቲ ዋሲዳ፤
\q2 ኢስታ ዎዚናይካ ኮኮሪዴስ።
\q1
\v 5 ታ ዎዚናይ ሞኣቤ
\q2 ጊሻስ ዬኪዴስ፤
\q2 ኢዚፔ ጎዴቲዳ ኣሳቲ
\q3 ዞኣሬ ጋካናስ፥
\q2 ኤጊላቴ-ሻሊሺያ
\q2 ጋካናስ ባቃቲዳ፤
\q2 ኢስቲ ኣፉን ጉሲሼ
\q3 ፑዴ ሉሂቴ ኬዚዳ፤
\q2 ቃሴ ሆሮናይሜ
\q3 ኤፊዛ ኦጌራ ቢሼ
\q3 ባንቲ ያናይሳስ ዋሲዳ።
\q1
\v 6 ኒሚሪሜ ሃቲ ሚጪዳ፤
\q2 ማታይ ሹሊዴስ፤
\q2 ጫሬቻይካ ይዴስ፤
\q3 ጪሊላ ሚሺካ ቤቴና።
\q1
\v 7 ሄሳ ጊሻስ
\q1 ኢስቲ ሃሪዳ ኣቆታኔ
\q2 ኢስቲ ሺሺዳ ሃሮ
\q3 ኣሃያ ሻፋ
\q3 ቶኪ ፒንቴስ።
\q1
\v 8 ኢስታ ዋሶይ
\q2 ሞኣቤ ዛዋ
\q2 ጋካናስ ሴቴቴስ፤
\q2 ኢስታ ዋሶይ ኤጊላይሜ ጋካናስ
\q3 ኢስታ ዚላሳይካ
\q3 ቢኤሪ-ኤሊሜ ጋኬስ።
\q1
\v 9 ዲሞና ሻፋቲ
\q2 ሱን ኩሚዳ፤
\q2 ጊዲኮካ ታኒ ዲሞና ቦላ
\q3 ሄሳፌ ኣዛዝ ኤሃና።
\q2 ሞኣቤፔ ባቃቲዛይታ ቦላ
\q3 ቢታይን ጫሻ ኣቲዳይታ ቦላ
\q3 ጋሞ ዬዳና።
\c 16
\s ሞኣቤስ ሂዶታ ዮ
\q1
\v 1 ባዞ ቢታፌ ሄ ፒንን ዲዛ ሴላፔ
\q2 ጺዮኔ ማጫ ናይ ዙማን
\q3 ዴራ ሃሪዛይሳስ
\q3 ዶርሳ ላቃ ዬዲቴ።
\q1
\v 2 ባንታ ኬፌ ጎዴቲዲ
\q2 ዋዬቲዛ ካፎታ ማላ
\q2 ሞኣቤ ማጫሳቲ
\q2 ኣርኖኔ ሻፋ ፑርዴን
\q2 ሄሳ ሃናና።
\q1
\v 3 ሞኣቤ ኣሳይ ዩሁዳ ኣሳስ፥
\q2 «ኑስ ዞሬ ኢሚቴ፤
\q2 ኑስ ፒርዲቴ፤
\q3 ሴታ ጋላስ ኢንቴ ኤሾን
\q3 ኦማርሳ ማ ማላ
\q3 ኑና ካሚቴ።
\q3 ባቃቲዳይታ ቆቲቴ፤
\q3 ጎዴቲዳይታካ
\q3 ኣ ኢሞፍቴ።
\q1
\v 4 ሞኣቤፔ ጎዴቲዳይቲ
\q2 ኢንቴኮን ታኬቶ፤
\q2 ኢስታ ይሲዛይታፔ
\q2 ኢስቲ ቆቴቲ
\q2 ኣቲዛሶሆ ጊዲቴ» ጌስ።
\b
\q1 ኡንኤዛይሳስ ዉርሴ ያና፤
\q2 ባሺ ኣታና፤
\q2 ኦቶራንቻይ
\q2 ቢታ ቦላፌ ያና።
\q1
\v 5 ኣራታይ ሲቆን ሚኔስ፤
\q2 ሄ ኣራታን
\q2 ዳዊቴ ኬፌ ጊዲዳይ፥
\q2 ሱሬ ፒርዳ ኣሞቲዛይ፥
\q2 ጺሎቴ ኤሶሲዛይ
\q3 ኢሲ ኣሲ ኣማኔቴን
\q3 ኢዛ ቦላ ኡታና።
\b
\q1
\v 6 ዩሁዳ ኣሳይ፥ «ሞኣቤታ ሃላጫ፥
\q2 ኦቶሬቴኔ ሞቴ፥
\q2 ጬቄቴኔ
\q2 ካዛ ሲዪዶስ፤
\q3 ጊዶ ኣቲን ኢስታ ኦቶሬቴ
\q3 ሃዳ» ጋና።
\p
\v 7 ሄሳ ጊሻስ ሞኣቤቲ ዋሳና፤
\q2 ኢሲ ቦላ ሞኣቤስ ዬካና፤
\q3 ቂሬ-ሄሬሴቴ ካታማ
\q3 ኣሳ ጊሻስ
\q3 ዩሺ ቆፒዲ
\q3 ካዮቲሼ ዬካና።
\q1
\v 8 ሃሴቦኔ ጎሻ ጋዴቲ
\q2 ሴባማ ዎይኔ
\q2 ሚቲ ሹሊዳ፤
\q3 ካዎቴታ ሃሪዛይቲ
\q1 ኢያዜሬ ኣ ቢዲ
\q2 ባዞ ቢታ ካንዲ
\q2 ባንታ ጻጶ
\q2 ኣባ ጋካናስ ዬዲዳይታ
\q3 ዶሬቲዳ ዎይኔ ሚታ
\q3 ዬቲዳ።
\q1
\v 9 ሴባማ ዎይኔ ሚ ጊሻስ
\q2 ኢያዜራ ዬኪዛ ማላ
\q2 ታኒካ ዬካይስ፤
\q2 ሃሴቦኔ! ኤልኤሌ!
\q2 ታኒ ታ ኣፉንን
\q3 ኢንቴና ሎጺኪሳይስ።
\q1 ጋሶይካ ኢንቴስ ሚ ኣይፌቲ
\q2 ጋኪዳ ዎዴ ዲዛ ሆምቦጫይኔ
\q3 ካ ሺሺዛ ዎዴ ዲዛ
\q3 ኡፋይሲ ኣቲዴስ።
\q1
\v 10 ኡፋይሳይኔ ኢሊሊሳይ
\q2 ኔ ኣታኪልቴይ
\q2 ዲዛሶፔ ኪቺዴስ፤
\q2 ዎይኔ ቶኪዛሶሆን ዬጺዛ
\q3 ዬይ ዴና፤
\q2 ኢሊሲካ ኣቲዴስ።
\q2 ዎይኔ ቴራ
\q2 ጉምኢዛሶሆይ ዴና፤
\q2 ጉምኢዛይታ ሆምቦጫካ
\q3 ታ ይሳዲስ።
\q1
\v 11 ሄሳ ጊሻስ ታ ዎዚናይ
\q2 ሞኣቤ ጊሻስ
\q2 ቃታ ሚላስ ሲሳዉስ፤
\q2 ቂሬ-ሄሬሴታ ጊሻስ
\q3 ታ ማራጬያ ዬካዉስ።
\q1
\v 12 ሞኣቤይ ፑዴ
\q2 ባ ዙምቡላ ቦላ ኬዚኮካ
\q2 ዳቡራ ጻላ፤
\q2 ኢዛ ዎሳስ
\q2 ባ ኤቃ ኬ ጌሊኮካ
\q3 ጎኣይ ዴና።
\p
\v 13 ጎዳይ ሞኣቤ ጊሻስ ካሴቲ ዮቲዳ ቃላይ ሃይሳ። 
\v 14 ሃኢ ጊዲኮ ጎዳይ፥ ቃጻሬቲ ኦዛ ኦሳንቻይ ጋላስ ቆዲዛ ማላ ሞኣቤ ቦንቾይኔ ኣሳ ጮራቴይ ሄ ላይ ጊዶን ካዉያና፤ ሄን ኣቲዳ ኣሳቲ ጉታኔ ዎልቃይ ባይንዳይታ ጊዳና።
\c 17
\s ዳማስቆ ቦላኔ ኢስራኤሌ ቦላ ጾሳ ቂጻቴ
\p
\v 1 ዳማስቆ ጊሻስ፥
\q1 «ቤኢቴ፥ ሃይሳፌ ሲንን
\q2 ዳማስቆ ካታማቴ ኣታና፤
\q2 ላሌ ዶሬ ጊዳና።
\q1
\v 2 ኣሮኤሬ ካታማቲ ካይስ ጊዳና፤
\q2 ሜሄ ሄንሶሆ ጊዳና፤
\q3 ኢስታ ባቢሲዛ ሚሺካ ዴና።
\q1
\v 3 ጊምቤቲዳ ካታማይ ኤፍሬሜፔ፥
\q2 ካዎቴ ማታይ
\q2 ዳማስቆፌ ያና፤
\q1 ኣራሜፔ ጫሻ
\q2 ኣቲዳይታ ቦንቾይ
\q2 ኢስራኤሌታይሳ ማላ
\q2 ካዉያና» ጌስ
\q2 ኡባፌ ዎልቃማ ጎዳይ።\x - \xo 17፡1-3 \xo*\xt ኤር 49፡23-27፤ ኣሞ 1፡3-5፤ ዛካ 9፡1\xt*\x*
\q1
\v 4 «ሄ ዎዴ ያቆቤ
\q2 ቦንቾይ ሻሩማታና፤
\q2 ኢዛ ሞቴይካ
\q2 ሹማና።
\q1
\v 5 ካ ማጺዛዴይ
\q2 ኤቂዳ ካ ሺሺዲ
\q2 ሞ ባ ኩሼን ማጺዛ ማላ
\q3 ኤራፋይሜ ሾባፌ ማጼቲዛ
\q3 ፑሹሎ ማላ ጊዳና።
\q1
\v 6 ዎጋራ ሚ ሾጪን
\q2 ናምኡ ዎይኮ ሄ ኣይፌቲ
\q3 ሃጋ ጼራ ቦላ ኣቲዛ ማላ
\q3 ኦይዱ ዎይኮ ኢቻሽ ኣይፌቲ
\q3 ፒ ጊዳ ሃጋታ ቦላ
\q3 ኣቲዛ ማላ
\q3 ጉ ሃጋቲ ኣታና»
\q2 ጊ ጎዳ ኢስራኤሌ
\q2 ጾሳይ ሃሳይዴስ።
\q1
\v 7 ሄ ዎዴ ኣሳይ
\q2 ባና ሜዳይሳኮ ጼላና፤
\q2 ኢስታ ኣይፌይ
\q3 ኢስራኤሌ ጌሻኮ ጼላና።
\q1
\v 8 ኢስቲ ባንታ ኩሼን ኦዳ
\q2 ያርሾሶሆታ ጼሌቴና፤
\q2 ኢስቲ ባንታ ኤቃታስ
\q3 ኤጻኔ ጩኣሲዛሶሆታሲኔ
\q3 ኣሼሪስ ጎይናና ኤሲዳ
\q3 ቱሳታስ ቦንቾ ኢሜቴና።
\q1
\v 9 ሄ ዎዴ ኢስራኤሌ ኣሳ ጋሶን
\q2 ቦሼቶንታ ኣቲዳ ሚኖ ካታማቲ
\q2 ዎራኔ ኣይኮይ ባይንዳሶ ጊዳና።
\q1
\v 10 ኔና ኣሺዛ ጾሳ ባላዳሳ፤
\q2 ኔ ኢዛን ቆቴታ ኣቲዛ
\q3 ኔ ዛላካ ኣኬካቤካ፤
\q3 ሄሳ ኔኒ ዶሬቲዳ
\q3 ኣታኪልቴ ቶኪኮካ፥
\q3 ኦራ ዜሬ ኔ ዜሪኮካ፥
\q2
\v 11 ኔ ቶኪዳ ጋላስ
\q2 ኢዚ ሞካና ማላ
\q2 ኔ ኦኮካ፥
\q3 ኔ ዜሪዳ ዎንቴ ጋላስ
\q3 ኢዚ ጪያና ማላ ኔ ኦኮካ
\q3 ሄ ካይ ሃርጌኒኔ
\q3 ፓጾንታ ሳኮን ሙሌራ ያና።
\s ሞርኬ ካዎቴታ ጾኔቴ
\q1
\v 12 ቤኣ፥ ዳሮ ኣሳ ሃንቆ ጊሪሲ
\q2 ኣባ ዳምባላ ማላ ጊሬስ፤
\q2 ቤኣ፥ ኣሳ ዋሶ ዳሮይ
\q3 ዎልቃማ ሃ ማላ
\q3 ጉሜስ።
\q1
\v 13 ኣሳይ ዎልቃማ
\q2 ሃ ማላ ጉሚኮካ፥
\q2 ኢዚ ኢስታ ሴሪኮ
\q3 ዙምቡላ ቦላራ ጫርኮን ቢዛ
\q3 ጉዱላ ማላ
\q3 ጎቴ ጫርኮይ ላሊዛ
\q3 ሃፓ ማላ ላሌታና።
\q1
\v 14 ሄኮ ሳኣይ ቃሚሺን
\q2 ቆፋይ ባይንዳ
\q2 ሺሮ ጊዲዴስ፤
\q2 ሳኣይ ዎንታናፔ ካሴቲዲ
\q3 ኦኒካ ቤቲቤና።
\q2 ኑ ኣቆታ ቦንቂዳይታ፥
\q3 ኡባ ዎልቃን ኤኪዛይታ
\q3 ቃዳይ ሄሳ።
\c 18
\s ቶጵያ ቦላ ዮቴቲዳ ቲንቢቴ
\q1
\v 1 ቶጵያ ሻፋታ ማታን ዲዛ
\q2 ጊሬቲዛ ቄፌይ ዲዛ ቢታይስ
\q3 ኣዬ ኣና!\x - \xo 18፡1-7 \xo*\xt ሶፎ 2፡12\xt*\x*
\q1
\v 2 ሄ ቢታያ ቃስታኔታ
\q2 ሻጫፌ ኦሴቲዳ ዎጎሎን
\q3 ኣባ ቦላራ ሻፋፔ ሄ ፒን
\q3 ኪታ ዬዲዛሮ።
\q2 ኢንቴኖ ፒላታ ቃስታኔቶ!
\q3 ኣዱሳኔ ቦላ ሹጎ ኣሳታኮ፥
\q2 ሃኮኒኔ ማታን ዲዛይ
\q3 ኢስታስ ያዪዛ ዴሬታኮ፥
\q3 ዎልቃማኔ ቃላይ
\q3 ኤሬቶንታ ዴሬታኮ፥
\q3 ሻፋ ሃቲ
\q3 ኢዛ ዴሬ ሻኪ ቢዛ
\q3 ካዎቴኮ ቢቴ።
\q1
\v 3 ኢንቴኖ ሳኣ ቦላ ዲዛ ኣስ ኡባቶ!
\q2 ዙማታ ቦላ ማላታይ ካቄቲሺን
\q3 ኢንቴ ቤኣና፤
\q2 ዛዬይ ፑኔቲሺን ኢንቴ ሲያና።
\q1
\v 4 ጎዳይ ታስ፥ «ታ ጮኡ ጋ ኡታና፤
\q2 ሴታ ጋላስ ኣዋ ሴላን
\q3 ጾልቄቲዛ ሚሻ ማላ
\q2 ቦኔ ሆምቤ ማላ፥
\q2 ሻራፔ ቡኪዛ
\q2 ኢራ ማላ ጊዳዳ
\q3 ታ ጼላና» ጊዴስ።
\q1
\v 5 ካ ማጺዛ ዎዴፔ ካሴ
\q2 ጪሻ ዎዴይ ኣሺን፥
\q2 ጪሻይ ጋኪዲ ዎይኔይ
\q3 ኣይፌ ኣይፋና ጊሺን፥
\q2 ዎይኔ ቦላ ዲዛ
\q2 ኮሾንታይሳ ጹንቃና፤
\q2 ዳዪዳ ሃጋታካ
\q2 ቃንጼሬ ዲጋና።
\q1
\v 6 ኢስቲ ኡባይካ ዙማ ቦላ ዲዲ
\q2 ባቂ ሚዛ ካፎታሲኔ
\q2 ባዞ ዶኣታስ ኣታና፤
\q2 ካፎቲ ቦኔ ኩሜ
\q3 ሚሼ ሻጫና፤
\q2 ባዞ ዶኣቲ ባልጎ ኡባን
\q2 ሚሼ ሻጫና።
\q1
\v 7 ሄ ዎዴ ጎዳስ
\q2 ኡባፌ ዎልቃማ
\q2 ጾሳስ ኣዱሳኔ
\q2 ሊቆ ኣሳፔ፥
\q2 ማታፔ ሃሆፔ
\q2 ያዪዛ ዴሬፔ፥
\q2 ዎልቃማኔ ኢዛ ቃላይ
\q3 ኤሬቶንታ ዴሬፔ፥
\q2 ሻፋቲ ሻኪ ቢዛ
\q2 ካዎቴፌ
\q3 ኢሞታይ ያና፤
\q3 ሜቴ ጎዳይ ዲዛሶ
\q3 ፑዴ ጺዮኔ ዙማ ቦላ ያና።
\c 19
\s ጊብጼ ቦላ ዮቴቲዳ ቲንቢቴ
\p
\v 1 ጊብጼ ጊሻስ ዮቴቲዳ ቃላይ፥
\q1 «ቤኢቴ፥ ጎዳይ ኤሶቲዛ ሻራ
\q2 ቶጊዲ ጊብጼ ዬስ።
\q2 ጊብጼ ኤቃ ጾሳቲ
\q3 ኢዛ ሲንን ኮኮሬቴስ፤
\q2 ጊብጼ ዎዚናይ
\q2 ኢስታ ጊዶን ሴሬስ» ጌስ።
\b
\q1
\v 2 «ታኒ ጊብጼታ
\q2 ኢሳ ኢሳ ቦላ ዴንና፤
\q2 ኢሻይ ኢሻራ፥ ሾሮይ ሾሮራ፥
\q2 ካታማይ ካታማራ፥
\q3 ካዎይ ካዎራ ኦሌታና።
\q1
\v 3 ጊብጼታ ዎዚናይ ላቤታና፤
\q2 ታኒ ኢስታ ሃልቾ
\q2 ሃዳ ኦና።
\q2 ኢስታ ኤቃ ጾሳታኔ ሞይቲሌታ፥
\q3 ቱና ኣያና ጼይጊዛይታኔ
\q3 ማሮታ ዞሬ ኦይቻና።
\q1
\v 4 ቃሴ ሜንጼ ኢታ ኣሳ ኩሼን
\q2 ታ ጊብጼታ ኣ ኢማና፤
\q2 ባቢሲዛ ካዎይ
\q3 ኢስታ ሃራና» ጌስ
\q2 ጎዳይ፥ ኡባፌ
\q2 ዎልቃማ ጾሳይ።
\b
\q1
\v 5 ኣባዬ ሻፋ ሃ ፓጫና፤
\q2 ሃ ጉጺ ጉጺ ሜላና።
\q1
\v 6 ዛራ ሃቲ ጺንቃና፤
\q2 ጊብጼ ካንቼቲ ሚጪ ያና፤
\q2 ሻጫቲኔ ጫሬ
\q2 ማታቲ ሹላና።
\q1
\v 7 ኣባዬ ሻፋ ላንቄን
\q2 ሃ ማታን ዲዛ
\q2 ሚቲ ሹላና፤
\q3 ሻፋ ማታን ዜሬቲዳ
\q3 ካ ኡባይ
\q3 ጫርኮን ፒቴቲ ያና፤
\q3 ኣይኮይካ ኣቴና።
\q1
\v 8 ሞሌ ኦይኪዛይቲ ጬጫና፤
\q2 ኣባዬ ሻፋን
\q2 ጋቲሌ ዬጊዛይቲ
\q3 ኡባይ ዬካና፤
\q2 ሃ ቦላ ባንታ
\q2 ጊቴ ዬጊዛይታ
\q3 ኡባ ዎልቃይ ኢጻና።
\q1
\v 9 ፓቴቲዳ ታልባ
\q2 ሱቂዛይቲ ያና፤
\q2 ቃሴ ቦ ፑቶፌ
\q2 ማይኦ ዳዲዛይቲ
\q2 ሂዶታ ቃንጻና።
\q1
\v 10 ማይኦ ዳዲዛይቲ ጬጫና፤
\q2 ዳሞዛን ኣቂዛይታ
\q2 ዎዚናይ ሜቃና።
\b
\q1
\v 11 ጻኖሴ ቢታ ሃላቃቲ ኬሂ ኤያ፤
\q2 ኣ ኤራንቻ ጊዲዳ
\q2 ካዎ ፓሮኔ ኣ ኤራንቻታ
\q3 ዞሬይ ሃዳ።
\q1 ፓሮኔስ፥ «ታኒ ኣ
\q2 ኤራንቻታፔ ኢሳ፤
\q2 ታኒ ካሴ ካዎታ ካሊዛዴ»
\q3 ዋኒዲ ጌቲ?
\q1
\v 12 ኢንቴ ኣ ኤራንቻቲ
\q2 ሃኢ ኣዋን ዲዞ?
\q2 ኡባፌ ዎልቃማ ጎዳይ
\q3 ጊብጼ ቦላ ኦና ቆፒዳይሳ
\q3 ኣኔ ኢንቴና ቤሴቶኔ ኤሪሴቶ።
\q1
\v 13 ጻኖሴ ሃላቃቲ ኤይዳ፤
\q2 ሜምፒሳ ሹሜቲ ባሌቲዳ፤
\q3 ኢዚ ዴሬ ካሌዛ ኤሬቲዳይቲ
\q3 ጊብጼ ኣሳ ባሌዳ።
\q1
\v 14 ጎዳይ ኢስታ ቦላ
\q2 ዶቺዛ ኣያና ጉሲዴስ፤
\q2 ማቲዳ ኣሲ ባ ጮሻን
\q3 ጋንዲጋርዛ ማላ
\q2 ጊብጼይ ባ ኦሶ ኡባን
\q3 ጋንዲጋራና ማላ ኦዳ።
\q1
\v 15 ካጬ ዎይኮ ጎይና፥
\q2 ዛምባ ዎይኮ ሻጫ
\q2 ሄይቲ ኡባይ
\q3 ጊብጼስ ኣይኮካ ማዴቴና።
\p
\v 16 ሄ ዎዴ ጊብጼ ኣሳይ ማጫሳ ማላ ጊዳና። ቃሴ ኡባፌ ዎልቃማ ጎዳይ ኢስታ ቦላ ባ ቄሴ ዴንዛ ዎዴ ኢስቲ ያሻን ኮኮራና። 
\v 17 ዩሁዳ ኣሳይ ጊብጼ ኣሳ ቦላ ሺሮ ዴንና፤ ኡባፌ ዎልቃማ ጎዳይ ኢስታ ቦላን ኦና ሃልቺዳ ሃልቾፌ ዴንዲዳይሳን ዩሁዳ ጊሻስ ሲዪዳ ኡባይ ሺሮታና።
\p
\v 18 ሄ ዎዴ ጊብጼ ቢታን ዲዛ ኢቻሽ ካታማቲ ካናኔ ቃላን ሃሳያና፤ ኡባፌ ዎልቃማ ጎዳ ባጋ ጊዳናስ ጫቃና። ሄ ካታማታፔ ኢሲኒያ ባሻ ካታማ ጌቴታ ጼይጌታና።
\p
\v 19 ሄ ዎዴ ጊብጼ ቢታን ጎዳስ ያርሾሶይ ኦሴታና፤ ቃሴ ጊብጼ ቢታ ዛዋን ጎዳስ ቱሲ ኤቃና። 
\v 20 ሄሲ ኡባፌ ዎልቃማ ጎዳስ ጊብጼ ቢታን ማላታኔ ማርካ ጊዳና፤ ኢስቲ ባንታና ኡንኤዛይታፔ ዴንዲዳይሳን ጎዳኮ ዋሲዛ ዎዴ ኢዚ ኢስታ ኣሺዛዴኔ ማዲዛዴ ኪቲዲ ኢስታ ኣሻና። 
\v 21 ጎዳይ ባና ጊብጼታስ ቆንጪሳና፤ ኢስቲካ ሄ ጋላስ ጎዳ ኤራና፤ ያርሾኒኔ ካ ያርሾን ኢዛ ጎይናና። ኢስቲ ጎዳስ ኣዲኔታና፤ ባ ኣዲኔቲዳይሳካ ጋና። 
\v 22 ጎዳይ ጊብጼ ቦሻን ሾጫና፤ ዛሪዲካ ኢስታ ፓና፤ ኢስቲካ ጎዳኮ ሲማና፤ ኢዚካ ኢስታ ዎሳ ሲዪዲ ኢስታ ፓና።
\p
\v 23 ሄ ዎዴ ጊብጼፔ ኣሶሬ ጋካናስ ዎጋ ኦጌይ ኦሴታና፤ ኣሶሬቲ ጊብጼ፥ ጊብጼ ኣሳይ ኣሶሬ ባና፤ ቃሴ ጊብጼቲኔ ኣሶሬቲ ኢሲ ቦላ ጎይናና። 
\v 24 ሄ ዎዴ ኢስራኤሌይ ቢታስ ኣንጆ ጊዳናስ ሄን ማራን ጊብጼራኔ ኣሶሬራ ኢሲፌ ቆዴታና። 
\v 25 ኡባፌ ዎልቃማ ጎዳይ ኢስታስ፥ «ታ ዴሬ ጊብጼይ፥ ታ ኩሼይ ሜዳ ኣሶሬይ፥ ታ ጺንጾ ኢስራኤሌይ ኣንጄቲዳይታ ጊዴቶ» ጊ ኣንጃና።\x - \xo 19፡1-25 \xo*\xt ኤር 46፡2-26፤ ሂዚ 29፡1—32፡32\xt*\x*
\c 20
\s ጊብጼ ቦላኔ ቶጵያ ቦላ ዮቴቲዳ ቲንቢቴ
\p
\v 1 ኣሶሬ ካዎ ሳርጎኔይ ኦላ ጋዳዋ ኪቲን ኣሽዶዴ ጌቴቲዛ ፊሊስጼሜ ካታማ ኦሊ ኦይኪዳ ላይ፥ 
\v 2 ሄ ዎዴ ጎዳይ ኣሞጼ ና ኢሳያሳ፥ «ማቃ ኔ ቦላፌ ቃራ፤ ኔ ጫማ ቶሆፔ ኬሳ» ጊ ዮቲዴስ፤ ኢዚካ ሄሳ ኦዴስ፤ ካሎኔ ጫማይ ባይንዳ ሲሜሬቲዴስ።
\p
\v 3 ሄሳፌ ጎዳይ፥ «ታ ኣይሌ ኢሳያሲ ጊብጼ ቦላኔ ቶጵያ ቦላ ጋካናይሳስ ማላታ ጊዳና ማላ ሄ ላይ ማይኦ ማይኦንታኔ ጫማ ኣንታ ዴኢዳ ማላ፥ 
\v 4 ኣሶሬ ካዎይ ጊብጼፔ ዲኤቲዳ ጪማታኔ ዬላጋታ፥ ቶጵያፔ ቤቲ ዪዳይታ ካሎኔ ጫማ ኣንታ ኤኪ ባና፤ ኢስቲ ዱጫ ካሎ ቃሪ ዬጊዲ ዬዴሬሼ ጊብጼታ ካዉሻና። 
\v 5 ቶጵያ ሂዶታ ኦዳይቲኔ ጊብጼን ጬቄቲዛይቲ ባባናኔ ካዉያና። 
\v 6 ሄ ዎዴ ኣባ ማታን ዴኢዛ ዴሬይ፥ ‹ካሴ ኢስቲ ጬቄቲዳይቲ፥ ኣሶሬ ካዎፔ ኣታናሲኔ ላኣ ኬዛናስ ኑ ኢስታ ጊዶን ቆቴቲዳይታ ኣዚ ጋኪዳኮ ኣኔ ጼሊቴ፤ ሂስቲን ኑኒ ዋኒ ኬሲ ኤኪ ኣታኔ? ጋና› » ጊዴስ።
\c 21
\s ባቢሎኔ ቦላ ዮቴቲዳ ቲንቢቴ
\p
\v 1 ኣባ ላንቄን ዲዛ ባዞ ቢታስ ዮቴቲዳ ጎዳ ቃላይ ሃይሳፌ ካሊዛይሳ።
\q1 ዱጌሃ ባጋፌ ጎቴ ጫርኮይ
\q2 ፒቲ ኤኪ ዪዛ ማላ
\q2 ዎራጂዛይ ሺሮ ዴንዛ
\q3 ባዞ ቢታፌ ዬስ።
\b
\q1
\v 2 ያሺዛ ኣጁታ ታ ቤኣዲስ፤
\q2 ኣ ኢሚዛይሲ
\q2 ኣ ኢሜስ፤
\q2 ዲኢዛይሲ ዲኤስ።
\q3 ኤላሜ ዴንዳ!
\q2 ሜዶኔ ጊዶ!
\q2 ኢዛ ጋዳ ዋዬ ኡባ
\q2 ታ ኤሳና።
\b
\q1
\v 3 ሄሳ ጊሻስ ታ ጼሳይ
\q2 ሳኮ ጻላላ ጊዲዴስ፤
\q2 ሚጻይ ኦይኪዳ ማጫሳ ማላ
\q3 ታና ሌሶይ ኦይኪዴስ፤
\q2 ታኒ ሲዪዳ ዮኦይ
\q3 ታና ጋዲጋዲሲዴስ፤
\q2 ታ ቤኢዳ ዮኦን ሺሮታዲስ።
\q1
\v 4 ታ ዎዚናይ ፖዱ ጊዴስ፤
\q2 ታና ያሺ ኮኮሪሲዴስ፤
\q2 ታ ኡፋይሳን ናጊዳ ኦማርሳይ
\q3 ታ ቦላ ሂርጋ ዬጊዴስ።
\b
\q1
\v 5 ኢስቲ ማዳ ጊግሲዳ፤
\q2 ኡቲዛሶ ጊግሲዳ፤
\q2 ሚዳኔ ኡዪዳ።
\q2 ኢንቴኖ ሹሜቶ ዴንዲቴ!
\q2 ጎንዳሌዛ ዛይቴን ቁጪቴ!
\b
\q1
\v 6 ጎዳይ ታና፥
\q2 «ባ፤ ዎቺዛ ኣስ ዎ፤
\q2 ኢዚ ባ ቤኢዳይሳ ዮቶ።
\q1
\v 7 ፓራን ጎሼቲዛ
\q2 ፓራ-ጋሬታ ቤኢዛ ዎዴ
\q2 ሃሬ ቶጊዛይታ
\q2 ጋሜላ ቶጊዛይታ
\q3 ቤኢዛ ዎዴ ኢዚ ዩሺ ቆፖ፤
\q3 ሎኤ ዎቾ» ጊዴስ።
\b
\q1
\v 8 ናጊዛይሲካ ዋሲሼ፥
\q2 «ጎዳዉ፥ ታኒ ጋላስ ጋላስ
\q3 ፓጬይ ባይንዳ
\q3 ሻኮ ቦላ ኤቃዲስ፤
\q3 ኦማርስ ኡባን
\q3 ታ ናጊዛሶሆን ኤቃዲስ።
\q1
\v 9 ቤኢቴ፥ ኢሲ ኣሲ ፓራታን
\q2 ጎሼቲዛ ፓራ-ጋሬታን ዪዴስ፤
\q2 ሂስቲዲ፥ ‹ባቢሎኔይ
\q2 ኩንዳዱስ! ኩንዳዱስ!
\q2 ኢዚ ኤቃ ጾሳ ሚስሌቲካ
\q2 ሜቄሬቲ ጋዴን ኩንዲዳ›
\q3 ጊ ዛሪዴስ» ጊ ዋሲዴስ።\x - \xo 21፡9 \xo*\xt ኣጁ 14፡8፤ 18፡2\xt*\x*
\q1
\v 10 ባሌን ቡኬቲዳ ታ ዴሬዞ!
\q2 ኡባፌ ዎልቃማ ጎዳ
\q3 ኢስራኤሌ ጾሳፌ
\q3 ታ ሲዪዳ ቃላ ኔስ ዮታይስ።
\s ኤዶሜ ቦላ ዮቴቲዳ ቲንቢቴ
\b
\q1
\v 11 ኤዶሜ ጊሻስ ዮቴቲዳ
\q2 ሚኖ ዮኦ፤
\q2 ኢሲ ኣሲ ሴይሬፔ
\q3 ታና ጼይጊዲ «ናጊዛይሶ!
\q2 ጋዴይ ዎንታናስ
\q3 ኣይ ኬና ሳቴይ ኣቲዴ?
\q2 ናጊዛይሶ! ጋዴይ ዎንታናስ
\q2 ኣይ ኬና ሳቴይ ኣቲዴ?» ጊዴስ።
\q1
\v 12 ናጊዛይሲ ዛሪዲ፥ «ዎንታና፤
\q2 ጊዶ ኣቲን ሲሚዲ ቃማና፤
\q2 ኦይቻና ኮይኮ ኦይቺቴ፤
\q2 ጊዶ ኣቲን ሲሚዲ
\q3 ሃ ዪቴ» ጊዴስ።
\s ኣራቤ ቦላ ዮቴቲዳ ቲንቢቴ
\b
\q1
\v 13 ኣራቤ ጊሻስ ዮቴቲዳ ሚኖ ዮኦ፤
\q2 ኢንቴኖ ዳዳኔ ዛልኣንቻቶ!
\q2 ኢንቴ ኢንቴ ጫና
\q2 ጋሜላታራ ኣራቤ ባዞን ኣቃና።
\q1
\v 14 ሳሜቲዳይታስ ሃ ኤሂቴ፤
\q2 ኢንቴኖ ቴማኔን ዲዛይቶ!
\q3 ቤቴ ኣሳታስ ካ ኤሂቴ።
\q1
\v 15 ኢስቲ ጊ ማሻፌኔ
\q2 ኮሆፔ ሾዴቲዳ ጊ ማሻፌ፥
\q2 ዋጼቲዳ ዎንዳፌፔኔ
\q2 ሱሊዳ ኦላፔ ባቃቲዳ።
\p
\v 16 ጎዳይ ታና፥ «ኮንቲራቴ ኦሳንቻ ኦሶ ጋላሲ ዉሪዛ ማላ ኢሲ ላይ ጊዶን ቄዳሬ ቦንቾይ ኡባይ ዉራና። 
\v 17 ቄዳሬ ቢታን ዎንዳፌን ዱኪዛ ዎልቃማ ኦላንቻታፔ ጉቲ ኣታና፤ ሄሳ ጎዳ ኢስራኤሌ ጾሳይ ዮቲዴስ» ጊዴስ።
\c 22
\s ዬሩሳላሜ ቦላ ዮቴቲዳ ቲንቢቴ
\p
\v 1 ኣጁታ ዙሌ ቦላ ዮቴቲዳ ሚኖ ዮኦ፤
\q1 ኢንቴና ኣዚ ሜቲን ኡባይ
\q2 ፖቄ ቦላ ኬዚዴቲ?
\q1
\v 2 ሃኔ ዎጫማይ ኩሚዳ
\q2 ካታማዬ!
\q2 ሺሮይኔ ዲርባይ
\q2 ኩሚዳ ካታማዬ!
\q2 ኔፔ ሃይቂዳይቲ
\q3 ማሻን ሃይቂቤቴና፤
\q2 ዎይኮ ኦላን ሃይቂቤቴና።
\q1
\v 3 ኔና ኣይሲዛይቲ ኡባይ
\q2 ኢሲፌ ባቃቲዳ፤
\q2 ዎንዳፌ ዴንንታ
\q2 ዲሼ ዲኤቲዳ፤
\q2 ሞርኬይ ሃሆን ዲሺን
\q3 ባቃቲዳ ኡባቶ!
\q2 ኢንቴ ኦይኬቲዲ
\q2 ኢሲ ቦላ ቃሼቲዴታ።
\q1
\v 4 ሄሳ ጊሻስ ታኒ፥
\q2 «ታፔ ሃኪቴ፤
\q2 ኣኔ ጫሞ ዬሆ ታ ዬካይስ፤
\q2 ይዳ ታ ኣሳ ጊሻስ
\q2 ታና ሚንና ቆፖፍቴ» ጋዲስ።
\q1
\v 5 ጎዳይ ኡባፌ ዎልቃማ
\q2 ጾሳይ ኣጁታ ዙሌን ዎጫማ፥
\q3 ዲርባኔ ሺሮ፥
\q2 ዲርሳታ ላሌኔ ዙማታኮ
\q3 ዋሶ ጋላሲ ዴስ።
\q1
\v 6 ኤላሜይ ዎንዳፌ ዪሻ ኮሆ፥
\q2 ባ ፓራታኔ
\q2 ፓራ-ጋሬታ ጊግሲዴስ፤
\q2 ቂሬይካ ባ ጎንዳሌ ኦይኪዴስ።
\q1
\v 7 ሎኦ ዙሌቲ ፓራ-ጋሬታን ኩሚዳ፤
\q2 ቶጋ ኣሳቲ ካታማይ
\q2 ፔንጌን ኤቂዳ።
\q1
\v 8 ዩሁዳ ሚጻታ ላሊዳ፤
\q2 ሄ ዎዴ ዎራ ጊዶን
\q3 ሚንጃ ኬን ዲዛ
\q3 ኦላ ማሳራ
\q3 ኔ ጼላዳሳ።
\q1
\v 9 ዳዊቴ ካታማይ
\q2 ዳሮ ላሌቲዳይሳ ቤኢዴታ፤
\q2 ዱጌ ባጋራ ሃ ኤሊሲዴታ።
\q1
\v 10 ዬሩሳላሜን ዲዛ
\q2 ኬታ ቆዲዴታ፤
\q2 ዲርሳ ኦራናስ
\q2 ኬታ ላሊዴታ።
\q1
\v 11 ካሴ ጋልኣ ኤሌ ሃ ዛሪዲ፥
\q2 ኢዛ ሚንጂዛሶ ናምኡ ጊምቤታፔ
\q3 ጊዶን ጊግሲዴታ።
\q1 ጊዶ ኣቲን ኢንቴ ሄሳ ኦዳይ
\q2 ኦናኮ ኤሪቤኬታ፤ ኮይሮ ሃልቺ
\q3 ኦዳይሳ ኣኬኪቤኬታ።
\b
\q1
\v 12 ሄ ጋላስ
\q2 ጎዳይ ኡባፌ ዎልቃማ ጾሳይ
\q2 ኢንቴ ዬካና ማላኔ
\q2 ዋሳና ማላ፥
\q2 ኢንቴ ሁኤ ቢናና
\q2 ቡጫና ማላኔ
\q2 ማቃ ማይኣና ማላ ጼይጊዴስ።
\q1
\v 13 ጊዶ ኣቲን ኢንጄኔ ኡፋይስ፥
\q2 ቦራኔ ርሾ ሹካይ፥
\q2 ኣሾ ሙሲኔ
\q2 ዎይኔ ኡሺ ዴስ፤
\q3 «ኑኒ ዎንቶ ሃይቃና ጊሻስ
\q3 ኣኔ ሞሲኔ ኡዮስ» ጊዴታ።\x - \xo 22፡13 \xo*\xt 1ቆሮ 15፡32\xt*\x*
\p
\v 14 ጎዳይ ኡባፌ ዎልቃማ ጾሳይ ሃይሳፌ ካሊዛይሳ ታስ ቆንጪሲዴስ፤ ኢዛካ ታ ሃይን ሲያዲስ፤ «ሃይሲ ሃ ናጋራዚ ኢንቴ ሃይቃና ጋካናስ ዉርሲን ዉሬና።»
\q1
\v 15 ጎዳይ፥ ጎዳይ ኡባፌ
\q2 ዎልቃማ ጾሳይ፥
\q2 «ባዳ ካዎ ኬ
\q2 ኣላፌ ሼቢና፥
\q1
\v 16 ሃይሳን ኣይ ኦይ?
\q2 ሃይሳ ኔስ ዱፎ ጊጊሳናስ፥
\q2 ቃሶሆን ኔ ሞጌታናሶ
\q2 ዎጫናስ፥ ኔ ኣሃይ
\q2 ኡታናሶ ዛላ ዎጫናስ
\q3 ኦኒ ኔና ኣዛዚዴ?
\q1
\v 17 ሃይሶ ሚኖ ኣዴዞ! ናጌታ፤
\q2 ጎዳይ ኔና ሚን ኦይኪዲ
\q3 ባ ኩሼን ጩጩሚ ኦይኪዲ
\q3 ኦላና ሃኔስ።
\q1
\v 18 ኔና ያንባርሻ ማላ ዩሺዲ
\q2 ኣኮ ቢታን ኦላና፤
\q2 ኔ ጎዳ ኬስ
\q2 ኔ ዬላ ጊዳዳሳ፤
\q2 ኔ ሄን ሃይቃና፤
\q2 ኔ ቦንቾ ፓራ-ጋሬቲካ
\q2 ሄን ኣታና።
\q1
\v 19 ኔ ቦንቼቲዳሶፔ
\q2 ታ ኔና ካዉሻና፤
\q2 ኣላፌቴፌካ
\q2 ኔ ጎዴታና» ጋ።
\p
\v 20 «ሄ ጋላስ ታኒ ኪልቂያሳ ና ታ ኣሽካራ ኤልያቄሜ ጼይጋና። 
\v 21 ኔ ሴሎዛ ታ ኢዛ ማይዛና፤ ኔ ጊ ኢዛ ጊጺሳና፤ ኔ ዳናቴካ ታ ኢዛስ ኣ ኢማና። ኢዚ ዬሩሳላሜን ዲዛ ኣሳሲኔ ዩሁዳ ኣሳስ ኣዋ ጊዳና። 
\v 22 ታኒ ዳዊቴ ኬ ቁልፔ ኢዛ ሃሼን ዎና፤ ኢዚ ዶዪን ኦኒካ ጎርዴና፤ ኢዚ ጎርዲን ኦኒካ ዶዬና።\x - \xo 22፡22 \xo*\xt ኣጁ 3፡7\xt*\x* 
\v 23 ታኒ ኢዛ ኣማኔቲዛሶሆን ሽኬ ማላ ኤሳና፤ ኢዚ ባ ኣዋ ኬስ ቦንቾ ኣራታ ጊዳና። 
\v 24 ቄሪ ጻሮፔ ቢዲ ባ ጋካናስ ሶን ዲዛ ሚሽ ኡባ ኮጫን ካቂዛ ማላ ኢዛ ኣዋ ኬ ቦንቾ ኡባይ ናይታፔ ቢዲ ና ና ጋካናስ ኢዛ ቦላ ቃጴታና» ጊዴስ።
\p
\v 25 ጎዳይ ኡባፌ ዎልቃማ ጾሳይ፥ «ሄ ጋላስ ኣማንዛሶን ኤቂዳ ሽኬይ ሾዴታና፤ ሜቂ ዎና፤ ኢዛ ቦላ ካቄቲዳ ኡባይ ኩንዲዲ ሜቄሬታና» ጊዴስ፤ ሃይሳ ጎዳይ ዮቲዴስ።
\c 23
\s ጺሮሴ ቦላ ዮቴቲዳ ቲንቢቴ
\p
\v 1 ጺሮሴ ቦላ ዮቴቲዳ ሚኖ ዮኦ፤
\q1 ጺሮሴይ ዲፒ ጊ ይዳ ጊሻስ
\q2 ታርሴሴ ማርካቤቶ ዋሲቴ፤
\q2 ኬኔ ዎዴቤይ
\q2 ባይንዳሶ ጊዳዱስ።
\q2 ቆጲሮሴ ቢታፌ
\q2 ዎሬይ ኬዚዴስ።
\q1
\v 2 ኢንቴኖ ሃሩሮቶ!
\q2 ኢንቴኖ ዱሬቲዳ
\q2 ሲዶና ዛልኣንቻቶ!
\q3 ጮኡ ጊቴ!
\q1
\v 3 ጊታ ኣባራ ሺሆሬፔ
\q2 ጺሮሴስ ካ ዬስ፤
\q2 ጺሮሴ ኣቆታይ
\q2 ኣባዬፔ ቤቴስ፤
\q2 ኢዛ ካዎቴታስ
\q3 ዛልኤ ባች ጊዳዱስ።
\q1
\v 4 ሃኔ ሲዶና ካታማዬ!
\q2 ሃኔ ኣባ ሚጻዬ ኔኒ ዬላታ፤
\q2 ኣባይ፥ «ታኒ ሚጻታቤኬ፤
\q2 ናካ ዬላቤኬ፤
\q2 ኣቱማ ናይታኔ ማጫ ናይታ
\q3 ዲቻቤኬ» ጊዴስ።
\q1
\v 5 ጺሮሴፔ ኬዚዛ ፓፑንይ
\q2 ጊብጼ ቢታን ሲዬቲዛ ዎዴ
\q3 ኢስቲ ጬጫና።
\q1
\v 6 ኢንቴኖ ሃሩሮቶ! ዚላሊቴ፤
\q2 ታርሴሴ ፒኒቴ።
\q1
\v 7 ኢዚ ቶሆይ ኢዞ ሃኮ ዴሬ ኤፊዳራ
\q2 ሄን ኢዛ ኡታና ማላ
\q2 ኦዳራ፥
\q2 ካሴ ቤኒ ካታማያ
\q3 ኢንጄኔ ኡፋይሳ ካታማያ ሃኒ?
\q1
\v 8 ካላቻ ጎጺሲዳሪ ቦላ፥
\q2 ባ ዛልኣንቻታ
\q2 ዳናሲዳሪ ቦላ፥
\q3 ቢታ ቦላ ቦንቼቲዲ
\q3 ባይዚዛይቲኔ
\q3 ላሚዛይቲ ኢዚን ዲዛ
\q3 ጺሮሲ ቦላ
\q3 ሃይሳ ቆፒዳይ ኦኔ?
\q1
\v 9 ኦቶሬቲዛይታ ኡባ
\q2 ቦንቾ ካዉሻናስ
\q2 ቃሴ ቢታ ቦላ
\q2 ቁ ቁ ጊዳይታ
\q3 ዚቂ ሂስታናስ
\q3 ጎዳይ ኡባፌ ዎልቃማ
\q3 ጾሳይ ሃልቺዴስ።
\p
\v 10 ኢንቴኖ ታርሴሴ ቢታ ኣሳቶ!
\q2 ኢንቴና ቴቂዛይ ባይንዳ ጊሻስ
\q3 ኣባዬ ሻፋ ማላ ኢንቴ
\q3 ቢታ ቦላን ኩሚዲ ጎጊቴ።
\q1
\v 11 ጎዳይ ባ ኩሼዛ
\q2 ኣባ ቦላ ሚጪዴስ፤
\q2 ኢዚ ካዎቴታካ
\q2 ዳጋንዴስ፤
\q2 ካናኔ ሚጻቲ
\q2 ላሌታና ማላ ኣዛዚዴስ።
\q1
\v 12 ቃሴካ፥ «ሃኔ ቆጼቲዳ
\q2 ሲዶና ጌላኦዬ!
\q2 ሃይሳፌ ጉዬ ኡፋዬቶፋ፤
\q2 ዴንዳ ቆጲሮሴ ፒና፤
\q2 ሄንካ ኔ ሳሮ ዴማካ» ጊዴስ።
\b
\q1
\v 13 ኣኔ ባቢሎኔ ቢታ ቤኢቴ፤
\q2 ሄ ቢታ ኣሳይ
\q2 ፓንታ ኣስ ጊዲዴስ፤
\q2 ኣሶሬ ኣሳይ ኢዞ ባዞ ዶኣስ
\q3 ጉፋሶ ኬሲዴስ፤
\q2 ኢስቲ ባንታ ሻኮታ
\q3 ኢዚ ቦላ ጊምቢዳ፤
\q2 ኢዚ ሚጻታ ላሊዳ፤
\q2 ቡቶይሲ ዶሬ ጊዲዴስ።
\b
\q1
\v 14 ኢንቴኖ ታርሴሴ
\q2 ማርካቤቶ፥ ዋሲቴ!
\q2 ኢንቴ ሚጻይ ላሌቲዴስ።
\p
\v 15 ሄ ዎዴ ጺሮሴ ካታማይ ኢሲ ካዎስ ዴኦ ላይ ኬና ላፑን ታሙ ላይ ዶጌታና፤ ሄሳፌ ጉዬ ላይማ ማጫሳይ ጊሻስ ዬጼቲዳ ዬ ጺሮሴ ቦላ ዬጼታና።
\q1
\v 16 ኢስቲ፥ «ሃኔ ዶጌቲዳ
\q2 ላይማ ማጫሳዬ!
\q2 ባጋና ዴን፤
\q2 ካታማይ ጊዶን ዩያ፤
\q2 ኔ ሃሳኤታና ማላ
\q3 ባጋና ሎኤ ሾጫ፤
\q2 ዳሮ ማዛሙሬ ዬጻ» ጋና።
\p
\v 17 ላፑን ታሙ ላይ ፖሌቲዳፔ ጉዬ ጎዳይ ጺሮሴ ቆፓና፤ ጊዶ ኣቲን ኢዛ ካሴ ባ ላይማ ኦሶን ሲማና፤ ሳኣ ቦላ ካዎቴታ ኡባራ ባ ላይማቴ ዛልኤ ዛልኣና። 
\v 18 ጊዲኮካ ኢዛ ዴሚዳ ኡባይኔ ዎይ ጎዳስ ዱማታና፤ ዳጋቴናኔ ሱዴና፤ ኢዚ ዎይ ጎዳ ሲንን ዴኢዛይታስ ፓላሂዳ ካኔ ሎኦ ማይኦ ጊዳና።\x - \xo 23፡1-18 \xo*\xt ሂዚ 26፡1—28፡19፤ ኢዩ 3፡4-8፤ ኣሞ 1፡9-10፤ ዛካ 9፡1-4፤ ማቶ 11፡21-22፤ ሉቃ 10፡13-14\xt*\x*
\c 24
\s ጎዳይ ሳኣ ቦላ ኤሃና ቂጻቴ
\q1
\v 1 ቤኢቴ! ጎዳይ ቢታ
\q2 ቡላ ኬሳና፤
\q2 ሙሌራ ይሳና፤
\q2 ቡ ዶሬ ሂስታና፤
\q2 ኢዚን ዲዛ ኣሳ ላላና።
\q1
\v 2 ኡባ ሚሺካ ኢሲ ማላ ጊዳና፤
\q2 ዴሬዛ ቦላ ሃንዛይሲ
\q3 ቄሴዛ ቦላ ሃናና፤
\q2 ኣይሌ ቦላ ሃንዛይሲ
\q3 ጎዳ ቦላ ሃናና፤
\q2 ኣሽካራይ ቦላ ሃንዛይሲ
\q3 ጎዳቴይ ቦላ ሃናና፤
\q2 ሻሚዛይሳ ቦላ ሃንዛይሲ
\q3 ባይዚዛይሳ ቦላ ሃናና፤
\q2 ታልኤ ኤኪዛይሳ ቦላ ሃንዛይሲ
\q3 ታልኤ ኢሚዛይሳ ቦላ ሃናና፤
\q2 ኣጮ ጪጊዛይሳ ቦላ ሃንዛይሲ
\q3 ኣጮ ጪጊሲዛይሳ ቦላ ሃናና።
\q1
\v 3 ቢታይ ሙሌራ ቡላ ጊዳና፤
\q2 ሙሌራ ቦንቄታና፤
\q3 ሃ ቃላ ጎዳይ ሃሳይዴስ።
\b
\q1
\v 4 ቢታያ ሜላና፤
\q2 ኢዚን ዲዛ ኡባይ ቆካና፤
\q2 ኣላሜይ ዳቡራና፤
\q2 ቢታ ቦላ ኤሬቲዳ
\q3 ጊታ ኣሳቲ ዳቡራና።
\q1
\v 5 ቢታይ ባ ኣሳን ቱናዱስ፤
\q2 ኢስቲ ዎጋ ሜንዳ፤
\q2 ማራ ሞሪዳ፤
\q2 ሜርና ጫቆ ቃላ ሜንዳ።
\q1
\v 6 ሄሳ ጊሻስ ቃንጌ
\q2 ቢታ ሜስ፤
\q2 ኢዚን ዴኢዛ ዴሬቲ
\q2 ባንታ ሞሮን
\q3 ቃጻዬታና ቤሴስ፤
\q2 ሄሳ ጊሻስ ሳኣ ቦላ ዲዛ
\q3 ኣሳቲ ጹጌቲዳ፤
\q3 ኢስታፌ ቆዳን ጉ
\q3 ኣሳቲ ኣቲዳ።
\q1
\v 7 ዎይኔ ቱራይ ሜሊን
\q2 ዎይኔ ኡሺ ዉሪዴስ፤
\q2 ካሴ ኡፋዬቲዛ ኡባይ ጬጪዴስ።
\q1
\v 8 ኡፋይሳን ካራቤ ባቃይ
\q2 ጮኡ ጊዴስ፤
\q2 ካኢዛይታ ሆምቦጫይካ ኤቂዴስ፤
\q2 ኡፋይሲዛ ዲ ጊሪሲ
\q3 ጮኡ ጊዴስ።
\q1
\v 9 ሃይሳፌ ጉዬ ኢስቲ ዬጺሼ
\q2 ዎይኔ ኡሹ ኡዬቴና፤
\q2 ኡሻይካ ኡዪዛይታ ጫማና።
\q1
\v 10 ላሌቲዳ ካታማያ ካይዛዱስ፤
\q2 ኬ ፔንጌቲካ ጎርዴቲዳ።
\q1
\v 11 ዎይኔ ኡሻ ጊሻስ
\q2 ዱቡሻን ዋሴቴስ፤
\q2 ኡፋይሲ ኡባይ
\q3 ጬጬን ላሜታና፤
\q2 ሆምቦጫ ካሲ
\q3 ቢታ ቦላፌ ይዴስ።
\q1
\v 12 ካታማያ ሙሌራ ላሌታዱስ፤
\q2 ፔንጌቲካ ሜቄሬቲ ኩንዲዳ።
\q1
\v 13 ዎጋራ ሚ ኣይፌ ሾጪ ቆቆፊን
\q2 ዎይኔ ሚ ቃንጺ ኤኪን
\q3 ኣቲዛ ኣቲዳ ፑሹሎ ማላ
\q3 ቢታ ቦላ፥ ካዎቴታ ቦላ
\q3 ሄሳ ሃናና።
\q1
\v 14 ኢስቲ ባንታ ቃላ ቁ ሂስቲዲ
\q2 ኡፋይሳን ዬጻና፤
\q2 ኣርሼይ ዉሊዛ ባጋፌ
\q3 ጎዳ ጊታቴ ዮታና።
\q1
\v 15 ሄሳ ጊሻስ ኣርሼይ
\q2 ሞኪዛ ባጋራ ዲዛይቶ፥
\q3 ኣባን ዲዛ ሃሩሮቲ
\q3 ጎዳ ኢስራኤሌ ጾሳ፥
\q3 ሱን ቁ ቁ
\q3 ሂስቲቴ።
\q1
\v 16 ቢታ ጋጻፔ፥
\q2 «ጺሎዛስ ቦንቾይ ጊዶ»
\q3 ጊዛ ማዛሙሬ ኑ ሲዪዶስ፤
\b
\q2 «ታኒ ጊዲኮ ጊልቃዳ
\q3 ሜቄ ኣታዲስ፤
\q2 ታና ኣዬ ኣና!
\q2 ካዲዛይቲ ካዴቴስ፤
\q2 ኣ ኢሚዛይቲ
\q3 ኣ ኢሜቴስ» ጋዲስ።
\q1
\v 17 ኢንቴኖ ሳኣ ቦላን ዲዛ ኣሳቶ፥
\q2 ዳጋማይ፥ ኦላይኔ ዎጺማዴይ
\q3 ኢንቴና ናጌስ።
\q1
\v 18 ሳሎ ማስኮቴቲ
\q2 ዶዬቲዳ ጊሻስ፥
\q2 ቢታ ዮቻቲካ ቃጺዳ፤
\q2 ሺሮፔ ባቃቲዛይ
\q2 ኦላን ኩንዳና፤
\q2 ኦላፌ ኬሲ ኤኪዳይካ
\q3 ዎጺማዴን ኦይኬታና።
\q1
\v 19 ቢታይ ቃጺዴስ፤
\q2 ዛኢዴሲኔ ጳልቄቲ
\q2 ዎዴስ።
\q1
\v 20 ቢታይ ማቲዳ
\q2 ኣሳ ማላ ዪጮቲዴስ፤
\q2 ጫርኮይ ሱጊዳ
\q2 ጋባ ማላ ጊዳዱስ።
\q2 ቢታ ማካላቴይ
\q3 ዴጾ ጊዲዳ ጊሻስ ኩንዳና፤
\q2 ናምኣንካ ሲሚ ዴንዴና።
\q1
\v 21 ሄ ጋላስ ጎዳይ
\q2 ቦላ ሳሎን ዲዛ ዎልቃማታ
\q2 ጋርስ ቢታ ቦላ ዲዛ
\q3 ካዎታካ ቃጻያና።
\q1
\v 22 ኢስቲ ኦላን ዲዛ ቃሾ ኣሳ ማላ
\q2 ኢሲ ቦላ ኡጬታና፤
\q2 ኢስቲ ቃሾ ኬን
\q2 ጎርዴቲ ኡታና፤
\q2 ዳሮ ዎዴፔ ጉዬ
\q3 ኢስቲ ፒርዳ ኤካና ሺቃና።
\q1
\v 23 ኡባፌ ዎልቃማ ጎዳይ
\q2 ጺዮኔ ዙማኒኔ
\q2 ዬሩሳላሜን ጪማታ ሲንን
\q3 ቦንቾን ካዎታና፤
\q2 ሄ ዎዴ ኣጊናይ ሻጴታና፤
\q2 ኣዋ ኣይፌይካ ዬላታና።
\c 25
\s ጾሳስ ሺቂዛ ጋላታ
\q1
\v 1 ኣቤት ጎዳዉ!
\q2 ኔኒ ታ ጾሳ።
\q2 ታኒ ኔና
\q2 ቁ ቁ ሂስታና፤
\q2 ኔ ሱንካ ሳባና።
\q1 ጋሶይካ ቤኒፔ ቆፌቲዳይሳ
\q2 ማላሊሲዛ ሃኖ ኩሜ
\q3 ኣማኔቴን ኦዳሳ።
\q1
\v 2 ኔኒ ካታማዮ
\q2 ሹቻ ዶሬ ኦዳሳ፤
\q2 ጊምቤቲዳ ካታማዮካ
\q2 ላላዳሳ፤
\q2 ሃይሳፌ ሲንን ጊምቤቲዳ
\q3 ኣላጋታ ካታማቲ ዴቴና፤
\q2 ሲሚዲ ሙሌካ ኦሴቴቴና።
\q1
\v 3 ሄሳ ጊሻስ ሚኖ ዴሬቲ
\q2 ኔና ቦንቻና፤
\q2 ሜንጼ ኢታ ካዎቴቲ
\q2 ኔስ ያያና።
\q1
\v 4 ኔኒ ሂዬሳታስ ዜምፖ፤
\q2 ሜቶታንቻታስ ሜቶ ዎዴ
\q3 ኔኒ ዜምፖ፤
\q2 ጎቴ ጫርኮፌ ጌሚ ኣቲዛሶ፤
\q2 ኣዋ ሴላፔ
\q2 ኩዋቲዛሶ ጊዳዳሳ።
\q3 ጋሶይካ ሜንጼ ኢታታ ፔኖይ
\q3 ኬ ጎዳራ ኢጬቲዛ
\q3 ጎቴ ጫርኮ ማላ።
\q1
\v 5 ባዞ ቢታ ሴላ ማላ።
\q2 ኣላጋ ኦቶሬቴ ዋሶ
\q2 ጮኡ ኦሳ።
\q2 ኣዋ ሴላይ ሻራ ኩዋን
\q3 ኢርጺዛ ማላ
\q3 ሜንጼ ኢታታ
\q3 ማዛሙሬ ሲርጲ ጋና።
\q1
\v 6 ጎዳይ ኡባፌ ዎልቃማ ጾሳይ
\q2 ሃይሳ ዙማ ቦላ ዴሬ ኡባስ
\q3 ጊዲዛ ጊታ ጊቢራ፥
\q2 ሎኢ ካጺዳ ዎይኔ ኡሹ፥
\q2 ሎኦ ኣሾኔ ዶሬቲዳ
\q3 ዎይኔ ኡሹ ጊጊሳና።
\q1
\v 7 ሃይሳ ሃ ዙማን
\q2 ዴሬ ኡባ ቦላን
\q2 ዎዳ ማጋላሻ፥
\q2 ካዎቴታ ኡባ ጎዚ
\q2 ኦይኪዳ ጎሳ ኢዚ ይሳና።
\q1
\v 8 ሃይቆ ኢዚ ሜርናስ ሚታና፤
\q2 ኡባ ሃሪዛ ጎዳይ
\q2 ኣሳ ኡባ ኣይፌፔ
\q2 ኣፉን ቁጫና፤
\q2 ባ ዴራ ካዉሻቴ
\q3 ቢታ ኡባፌ ዲጋና።
\q2 ሃይሳ ጎዳይ ሃሳይዴስ።
\q1
\v 9 ሄ ጋላስ ኢስታስ፥ «ቤኢቴ
\q2 ኑ ጾሳይ ሃይሳ፤
\q2 ኑኒ ኢዛን ኣማኔቲዶስ፤
\q2 ኢዚካ ኑና ኣሺዴስ፤
\q2 ሃይሲ ጎዳ፤
\q2 ኑኒ ኢዛን ኣማኔቲዶስ፤
\q2 ኢዚ ኣሺዳይሳን ኡፋዬቶስ፤
\q2 ኡፋይሳን ሆምቦጮስ» ጋና።
\s ሞኣቤ ቃጻዬቴ
\q1
\v 10 ጎዳ ኩሼይ
\q2 ሃ ዙማ ቦላ ሼምፓና።
\q2 ጊዶ ኣቲን ኡቱላይ
\q3 ኡርቃን ዬቲዛ ማላ
\q2 ሞኣቤይካ ዬታና።
\q1
\v 11 ሃ ዋዛይ
\q2 ባ ኩሼ ሚጪዛ ማላ
\q2 ኢዛ ጊዶን ዲዛይቲ
\q3 ባንታ ኩሼ ሚጫና፤
\q3 ጾሲ ኢስታ ጌኔ ኦሶ ባሌቶንታ
\q3 ኢስታ ኦቶሬቴ ካዉሻና።
\q1
\v 12 ኢስቲ ቁ ሂስቲ ጊምቢዳ ጊምቤዛ
\q2 ኢዚ ዱጌ ዚቂ ሂስታና፤
\q2 ዱጌ ዎና፤
\q2 ካዉሺዲ ዱጌ
\q2 ሳኣን ዎዲ
\q3 ጉዱላ ቦላ ዬጋና።
\c 26
\s ጋላታ ማዛሙሬ
\p
\v 1 ሄ ጋላስ ሃ ዬይ ዩሁዳ ቢታን ዬጼታና።
\b
\q2 ኑስ ሚኖ ካታማይ ዴስ፤
\q2 ጾሲ ኢዛ ጊምቤታኔ
\q2 ሚጻታ ኣቶቴስ ኦዴስ።
\q1
\v 2 ባ ኣማኖ ናጊዳ፥
\q2 ጺሎ ካዎቴቲ
\q3 ጌላና ማላ ፔንጌታ ዶይቴ።
\q1
\v 3 ኔናን ኣማኔቲዳ ጊሻስ
\q2 ኔናን ዜምፒዳ ሼምፖዮ
\q3 ኔኒ ኩሜ
\q3 ሳሮቴን ናጋሳ።
\q1
\v 4 ሜርናስ ጎዳን ኣማኔቲቴ፤
\q2 ጎዳይ ኑስ ሜርና ዛላ።
\q1
\v 5 ቃሶሆን ዲዛይታ
\q2 ዚቂ ኦና፤
\q2 ቁ ጊዳ ካታማ
\q2 ካዉሻና፤
\q2 ዱጌ ቢታን ኦላና፤
\q2 ጉዱላራ ዋላካና።
\q1
\v 6 ቶሆን ዬታና፤
\q2 ኡንኤቲዳይታ ቶሆይኔ
\q2 ማንቆታ ቶሆይ ኢዛ ዬና።
\b
\q1
\v 7 ጺሎታ ኦጌይ ሞሌ።
\q2 ኔኖ ሱሬዞ፥
\q3 ኔኒ ጺሎታ ኦጌ ሞሊሳሳ።
\q1
\v 8 ኣቤት ጎዳዉ!
\q2 ኔ ዎጋ ኦጌራ ሄሜቲሼ
\q2 ኑኒ ኔና ሂዶታ ኦዶስ፤
\q2 ኔ ሱንኔ ኔ ጊታቴ
\q3 ኑ ዎዚናስ ኣሞ።
\q1
\v 9 ታ ሼምፖያ
\q2 ኦማርሲ ኔና ላሞታዉስ፤
\q2 ታ ኣያናይ ማላዶ
\q2 ኔና ኮያዉስ፤
\q2 ኔ ፒርዳይ ቢታ ቦላ ዪዳ ዎዴ
\q3 ሳኣን ዴኢዛ ኣሳይ
\q3 ጺሎቴ ታማሬስ።
\q1
\v 10 ኢታ ኣሳታስ ኪያ ኦኮካ፥
\q2 ኢስቲ ጺሎቴ ታማሬቴና።
\q2 ሱሬ ቢታን ኢታ ኦቴስ፤
\q1 ጎዳ ጊታቴካ
\q2 ኣኬኬቴና።
\q1
\v 11 ኣቤት ጎዳዉ!
\q2 ኔ ቄሴይ ቁ ቁ ጊዴስ።
\q2 ኢስቲ ጊዲኮ ቤኤቴና፤
\q1 ኔ ኣሳስ ኔ ሚሼቲዛይሳ
\q3 ቤኤቶኔ ዬላቴቶ፤
\q2 ኔ ሞርኬታስ ጊጊዳ
\q2 ታማይ ኢስታ ሞ።\x - \xo 26፡11 \xo*\xt ኢብ 10፡27\xt*\x*
\q1
\v 12 ኣቤት ጎዳዉ!
\q2 ኔኒ ኑስ ሳሮቴ
\q2 ዮች ኦዳሳ፤
\q2 ኑ ኦሶ ኡባ ኔኒ ኦዳሳ።
\q1
\v 13 ኣቤት ጎዳዉ ኑ ጾሳዉ!
\q2 ኔፔ ሃራ ኣላጋ ጾሳቲ
\q2 ኑና ሃሪዳ፤
\q2 ኑኒ ጊዲኮ ኔ ሱን
\q2 ጻላ ቦንቾስ።
\q1
\v 14 ኢስቲ ሃይቂዳ፤
\q2 ሲሚዲ ሼምፖራ
\q2 ፓጻ ዴኤቴና፤
\q2 ኢስታ ሼምፖይ ሲሚ ዬና፤
\q3 ኔኒ ኢስታ ቃጻያዳሳኔ
\q3 ይሳዳሳ፤
\q3 ኢስታ ሃሳኢሲዛ ሚሽ ኡባ
\q3 ፒታ ይሳዳሳ።
\q1
\v 15 ኣቤት ጎዳዉ!
\q2 ኔኒ ካዎቴ ዳርሳዳሳ፤
\q2 ኔኒ ዴራ ዳርሳዳሳ።
\q2 ኔኒ ቦንቼታዳሳ፤
\q2 ቢታ ዛዋ ኡባካ ኣሳዳሳ።
\b
\q1
\v 16 ኣቤት ጎዳዉ!
\q2 ኢስቲ ሜቶቲዳ ዎዴ ኔኮ ዪዳ፤
\q2 ኔኒ ኢስታ ሴሪዳ ዎዴ፥
\q2 ሳሱኪ ኔና ዎሴቴስ።
\q1
\v 17 ኣቤት ጎዳዉ! ሻራ ማጫሲ
\q2 ሚጻን ሜቶቲዛ ማላኔ
\q2 ዋሲዛ ማላ
\q3 ኑኒካ ኔ ሲንን
\q3 ሜቶቲዲ ዋሶስ።
\q1
\v 18 ኑኒ ሻሪዶስ፤
\q2 ሚጻንካ ኡንኤቲዶስ፤
\q2 ጊዶ ኣቲን ጫርኮ ዬሊዶስ።
\q3 ኑኒ ሳኣስ ኣቶቴ ኤሂቦኮ፤
\q3 ሳኣን ዲዛ ዴራካ ዬሊቦኮ።
\q1
\v 19 ጊዶ ኣቲን ሃይቂዳ
\q2 ኔ ኣሳይ ፓጻና፤
\q2 ኢስታ ኣሃይካ ዴንዳና።
\q2 ኢንቴኖ ቢታ ጋርሳን ዲዛይቶ!
\q2 ዴንዲቴ ኡፋይሳን ዬጺቴ፤
\q3 ኔ ጻዛይ ቢታ ያኪሲዛ
\q3 ማላዶ ጻዛ ማላ
\q3 ሳኣይ ሚቲዳይታ ዛራ ጩታና።\x - \xo 26፡19 \xo*\xt ዳኔ 12፡2\xt*\x*
\q1
\v 20 ታ ዴሬዞ! ባ ኔ ኬ ጌላ፤
\q2 ኔ ፔንጌ ኔ ቦላ ጎርዳ፤
\q3 ኢዛ ሃንቆይ ኣና ጋካናስ
\q3 ጉ ዎዴስ ቆቴታሻ።
\q1
\v 21 ቢታ ቦላን ዲዛ ኣሳ
\q2 ኢስታ ናጋራ ጊሻስ
\q2 ቃጻያናስ፥
\q2 ጎዳይ ባ ዴኢዛሶፔ ኬዚዲ ዬስ።
\q3 ቢታይካ ባ ቦላን ጉኪዳ
\q3 ሱ ቆንጪሳና፤
\q2 ሃይቂዳይታካ
\q2 ሃይሳፌ ጉዬ ቆቱኩ።
\c 27
\p
\v 1 ሄ ጋላስ ጎዳይ ሌዋታኔ ጌቴቲዛ
\q2 ጾንጌቲዛ ሾሻኔ
\q3 ጻጼቲዛ ሾሻ
\q3 ባ ሚኖ፥ ጊታኔ ዎልቃማ
\q3 ጊ ማሻን ቃጻያና፤
\q2 ኣባን ዲዛ ዎጋ ዶኣ
\q3 ቃንጼሬ ዬጋና።
\q1
\v 2 ሄ ጋላስ፥ «ዎይኔ ሚ ቶኪዛ
\q2 ሎኦሶዛስ ዬጺቴ!
\q1
\v 3 ታኒ ጎዳይ ኢዛ ናጋይስ፤
\q2 ታኒ ኡባ ጋላስ ሃ ኡሻይስ፤
\q2 ኦማርሲኔ ጋላስ ኢዛ ናጋይስ፤
\q2 ሄሳ ጊሻስ ኦኒኔ
\q2 ኢዛ ቆሄና።
\q1
\v 4 ታኒ ሃንቄቲኬ፤
\q2 ታናራ ኦሌታናስ ኣጉንኔ
\q3 ኪንዲቾይ ኬዚዳኮ
\q2 ታ ኢስታ ኢሲ ቦላ ጹጋና!
\q1
\v 5 ዎይኮ ታኮ ዪዲ ታና ባንታስ
\q2 ቆቴቲዛሶ ኬሴቶ፤
\q2 ታናራ ጊጌቶ፤
\q2 ኤ ታናራ ጊጌቶ» ጌቴታና።
\b
\q1
\v 6 ያና ጋላሳታን
\q2 ያቆቤይ ጻጶ ዬዳና፤
\q2 ኢስራኤሌይ ኣጫናኔ ጪያና፤
\q2 ሂስቲን ኢስታ ኣይፌይ
\q3 ሳኣ ኩማና።
\q1
\v 7 ኢዞ ሾጪዳይታ ሾጪዳ ማላ
\q2 ጎዳይ ኢዞ ሾጪዴ?
\q2 ኢዞ ዎዳይታ ኢዚ ዎዳ ማላ
\q3 ኢዞ ዎዴ?
\q1
\v 8 ኦላኒኔ ዲኦን ኔ ኢዞ ቃጻያዳሳ፤
\q2 ኣርሼይ ሞኪዛ ባጋ ጫርኮይ
\q3 ጫርኪዛ ማላ
\q3 ዎልቃማ ጎቴ ጫርኮን
\q3 ኔ ኢዞ ጎዳዳሳ።
\q1
\v 9 ያቆቤይ ያርሾ
\q2 ያርሺዛሶ ሹቻታ
\q2 ቦቂንታ ሹቻ ማላ
\q2 ጋጪ ሊቂሲሺን
\q2 ኣሼሮ ጌቴቲዛ
\q2 ኤቃ ጾሳይ ሚስሌኔ
\q2 ኤጻኔ ጩዋሲዛ ሶሆታ
\q2 ኢስቲ ዲዛሶሆታፔ ሾዲ ኦሊሺን
\q2 ሄ ጋላስ ሞሮይ ኣቶ ጌቴታና፤
\q2 ሄሲ ኢዚ ባ ናጋራ ዲጎይሳስ
\q3 ኩሜ ኣይፌ ጊዳና።
\p
\v 10 ጊምቤቲዳ ካታማያ ካይዛዱስ፤
\q2 ባዞ ቢታ ማላ
\q2 ኦሌቲዳሶ ጊዳዱስ፤
\q2 ማራቲ ሄን ሄሜቲዲ
\q2 ሄን ኢቻና፤
\q2 ኢዚ ሃጋታካ ፖቂ ማና።
\q1
\v 11 ኢዚ ጼራይ ሜሊዲ ሜቃና፤
\q2 ማጫሳቲካ ሚጺ ኤና፤
\q2 ኣኬካይ ባይንዳ
\q3 ዴሬ ጊዲዳ ጊሻስ
\q3 ኢዛ ሜዳይ
\q3 ኢዛስ ቃቴና፤
\q3 ኦዳይሲካ ኢዛ ማሬና።
\p
\v 12 ሄ ጋላስ ኤፊራጺሴ ሻፋፔ ሃ ባይንዳ ጊብጼ ሻፋ ጋካናስ ጎዳይ ባ ካ ቡካና፤ ኢንቴኖ ኢስራኤሌ ኣሳቶ፥ ኢንቴ ኢሶይ ኢሶይ ሺቃና።
\p
\v 13 ሄ ጋላስ ጊታ ዛዬይ ፑኔታና፤ ኣሶሬን ዲኤቲዳይቲኔ ጊብጼን ኡንኤቲዳይቲ ጉዬ ዬሩሳላሜ ሲሚ ዪዲ ጌሻ ዙማ ቦላ ጎዳስ ጎይናና።
\c 28
\s ኤፍሬሜስ ኢሜቲዳ ሴራ
\q1
\v 1 ኤፍሬሜን ዲዛ ማቲዛይታስ፥
\q2 ኦቶሬቴስ፥
\q2 ካላቻ ጊዲዳሪስ፥
\q2 ጪሊላ ሾባ ሁኤን
\q3 ኪፒ ጋ ኡቲዳ፥
\q2 ኢዛስ ቦንቾ ሴሎ ጊዲዳ
\q3 ሹላ ጪሻይስ፥
\q2 ዎይኔ ኡሻይ ኢስታ ዜሬስ
\q2 ኦቶሬቴስ ጊዲዳ ካታማይስ
\q3 ኣዬ ኣና!
\q1
\v 2 ቤኢቴ፥ ጎዳስ ዎልቃማኔ
\q2 ሚኖ ጊዲዳ ኢሶይ ዴስ፤
\q2 ሄሲካ ሻቻ ኡሾ ማላ፥
\q2 ይሲዛ ጎቴ ጫርኮ ማላ፥
\q2 ዎልቃማ ዳምባላ ማላኔ
\q3 ዎልቃማ ኢራ ማላ
\q3 ዎልቃን ኢዚ ኢዞ
\q3 ዱጌ ቢታን ዬጋና።
\q1
\v 3 ማቲዛ ኤፍሬሜ ኣሳታ
\q2 ኦቶሮ ካላቻይ
\q2 ቶሆን ዬታና።
\q1
\v 4 ጪሊላ ሾባ ሁኤን ኪፒ ጋ ኡቲዳ
\q2 ኢዛስ ቦንቾ ሴሎ ጊዲዳ
\q3 ሹላ ጪሻያ፥
\q2 ካ ሺሾፔ
\q2 ሲንን ጋኪን
\q3 ኣሲ ቤኢዳ ማላ ጹጲ ኤኪዲ
\q3 ሄራካ ሚቲዛ
\q3 ባላሴ ማላ ጊዳና።
\b
\q1
\v 5 ሄ ጋላስ ኡባፌ
\q2 ዎልቃማ ጎዳይ
\q2 ባ ኣሳፔ ጫሻ ኣቲዳይታስ
\q2 ቦንቾ ካላቻኔ
\q2 ፑላ ኣኪሊሌ ጊዳና።
\q1
\v 6 ኢዚ ፒርዲዛይታስ
\q2 ሱሬ ፒርዳ ፒርዲዛ ኣያና
\q2 ኦላ ካታማ ፔንጌፌ ዛሪዛይታስ
\q3 ዎልቃ ጊዳና።
\s ማቲዛ ዩሁዳ ናቤታኔ ቄሴታ፥
\b
\q1
\v 7 ሃይቲ ዎይኔ ኡሹ
\q2 ኡዪዲ ዪጮቴቴስ፤
\q2 ማሲዛ ኡሻን
\q2 ጋንዲጋሬቴስ።
\q2 ቄሴቲኔ ናቤቲ ማሲዛ
\q3 ኡሻን ጋንዲጋርዳ፤
\q2 ዎይኔ ኡሻ ጋሶን
\q3 ዮኦይ ኢስታፌ ባሌቲዴስ፤
\q2 ማሲዛ ኡሻን ጋንዲጋርዳ፤
\q2 ኣጁታ ሊኬራ ቤኤቴና፤
\q2 ፒርዳ ፒርዲሼ ጴቴቴስ።
\q1
\v 8 ኢስታ ማዳ ኡባይ ጮሽ ጻላ፤
\q2 ጮሻን ሞሬቶንታሶይ
\q2 ዴና።
\b
\q1
\v 9 ኢስቲ፥ «ኢዚ ኦና ታማርሲዜ?
\q2 ኪታካ ኦስ ቆንጪሲዜ?
\q1 ማ ኣጊዳ ናይታሴዬ
\q2 ን ዱሶ ናይታሴ?
\q1
\v 10 ኣዛዞ ቦላ ኣዛዞ፥ ኣዛዞ ቦላ ኣዛዞ
\q2 ዎጋ ቦላ ዎጋ፥
\q2 ዎጋ ቦላ ዎጋ፥
\q2 ሃንካ ጉራ፥
\q3 ሄንካ ጉራ
\q3 ኦስ» ጋና።
\b
\q1
\v 11 ሂስቲኮ ሲንፌ
\q2 ጾሳይ ኣላጋታ ቃላኒኔ
\q2 ኢማታ ዶናን
\q2 ሃ ኣሳስ ሃሳያና።
\q1
\v 12 ኢዚ ኢስታስ፥ «ሃና ሼምፖሶ፤
\q2 ዳቡርዳይ ሼምፖ፤
\q2 ሃና ሼምፖሶ»
\q2 ጊዳይ ኦናሴ?
\q2 ኢስቲ ጊዲኮ
\q2 ሲያና ኮዪቤቴና።\x - \xo 28፡11-12 \xo*\xt 1ቆሮ 14፡21\xt*\x*
\q1
\v 13 ሄሳ ጊሻስ ጎዳ ቃላይ
\q2 ኢስቲ ቢዲ ጉዬ ኩንዳና ማላ፥
\q2 ማዱንጻና ማላኔ
\q3 ዎጺማዴን ኦይኬታና ማላ፥
\q2 ዲኤታና ማላ
\q2 ኣዛዞ ቦላ ኣዛዞ፥
\q3 ኣዛዞ ቦላ ኣዛዞ፥
\q2 ዎጋ ቦላ ዎጋ፥
\q3 ዎጋ ቦላ ዎጋ ጊዲዲ፥
\q2 ሃን ጉራ፥
\q2 ሄን ጉራ ሃናና።
\s ጺዮኔን ጉላ ሹች
\b
\q1
\v 14 ሄሳ ጊሻስ
\q2 ኢንቴኖ ዬሩሳላሜን
\q2 ዲዛ ኣሳ ሃሪዛ ቂልጪዛይቶ!
\q3 ጎዳ ቃላ ሲዪቴ።
\q1
\v 15 ኢንቴ፥ «ኑኒ ሃይቆራ ጫቄቲዶስ፤
\q2 ዱፎራካ ሲጌቲዶስ፤
\q2 ዎርዶ ኑስ ዜምፖሶኔ
\q2 ቆቴቲዛሶ ኦዶስ፤
\q2 ዎልቃማ ቦሻይ ፒቲ ኤኪ ቢሼ
\q3 ኑና ቦቻናስ ዳንዳዬና»
\q3 ጊ ኦቶሬቲዴታ።
\b
\q1
\v 16 ሄሳ ጊሻስ ኡባ
\q2 ሃሪዛ ጎዳይ፥
\q2 «ቤኢቴ! ታኒ ጺዮኔን
\q2 ፓጬቲዳ ሹች፥
\q2 ዮቻ ሹች፥
\q2 ሚኖ ዮቻስ ጊዲዛ
\q3 ቦንቼቲዳ ጉላ
\q3 ሹች ዎና፤
\q3 ኢዛን ኣማኒዛይ ዬላቴና።\x - \xo 28፡16 \xo*\xt ማዛ 118፡22-23፤ ኦሮ 9፡33፤ 10፡11፤ 1ጴጽ 2፡6\xt*\x*
\q1
\v 17 ታኒ ሱሬ ፒርዳ ዋ ዎዶሮ፥
\q2 ጺሎቴካ
\q2 ቱምቤ ማላ ኦና፤
\q2 ኢንቴ ዎርዶ ዜምፖሶ ኦዳይሳ
\q2 ሻቻ ኢራይ ሜጫና፤
\q2 ኢንቴ ቆቴቲ ኣቲዛሶዛካ
\q3 ሃ ሚታና» ጌስ።
\q1
\v 18 ኢንቴ ሃይቆራ ጫቄቲዳ
\q2 ጫቆይ ኣታና፤
\q2 ኢንቴ ዱፎራ ሲጌቲዳ
\q3 ሲጋይ ላሌታና፤
\q2 ዎልቃማ ቦሻይ ፒቲ ኤኪ ቢሼ
\q3 ኢንቴናካ ፒቲ ኤኪ ባና።
\q1
\v 19 ኢዚ ዪዳ ዎዴ ዎዴ
\q2 ኢንቴና ኤኪ ባና፤
\q2 ማላዶ ማላዶ፥
\q2 ቃማኔ ጋላስ
\q3 ኢንቴና ፒቲ ኤፋና፤
\q2 ሃ ቃላ ኢንቴ ኣኬኪዛ ጊዲኮ
\q3 ሺሮ ቦላ ሺሮ ኤሃና።
\q1
\v 20 ቶሆ ጮጎቲ ኢቾንታ ማላ
\q2 ሂጻይ ቃን፤
\q2 ጋ ማይኣናስ
\q2 ኣፋላይካ ጉ።
\q1
\v 21 ጎዳይ ፓራጺሜ ዙማን
\q2 ኦዳ ማላ፥
\q2 ባ ኦሶ፥ ባ ኢማ ኦሶ፥
\q2 ሄሲካ ባ ኦራ
\q2 ኦሶ ኦናስ ዴንዳና።
\q3 ቃሴ ጌባኦኔ ዙሌን
\q3 ኦዳ ማላካ ኦና።\x - \xo 28፡21 \xo*\xt ኢያ 10፡10-12፤ 2ሳሜ 5፡20፤ 1ታሪ 14፡11\xt*\x*
\b
\q1
\v 22 ጎዳይ፥ ኡባፌ ዎልቃማ ጎዳይ
\q2 ኢዚ ቦሻ ቢታ ኡባ ቦላ
\q3 ኤሃናስ ኣዋጂዳይሳ
\q3 ታኒ ሲዪዳ ጊሻስ
\q3 ሃኢ ኢንቴ ቂልጪዛይሳ ኣጊቴ፤
\q2 ኣካይ ጊኮ ኢንቴ ቦላ
\q3 ቃሾይ ሚናና።
\s ጾሳ ኣ ኤራቴ
\b
\q1
\v 23 ኤዝጊዲ ታ ዮቲዛይሳ ሲዪቴ፤
\q2 ኣኬኪዲ ታ ቃላ ሲዪቴ።
\q1
\v 24 ጎሻንቻይ ካ ዜራናስ
\q2 ኡባ ዎዴ
\q2 ሄ ሶሆ ጎዪሼ ዴኢዜ?
\q2 ቃሴ ኢዚ ሄምኤ ሊቂሲሼኔ
\q2 ኡባቶ ፒጺሼ ዴኢዜ?
\q1
\v 25 ጎሻ ሊቂሲዲ ኣሱታኔ
\q2 ኣኑጋ ዜሬኔ?
\q2 ጊስቴዛ ኢዛስ ጊጊዳሶሆን፥
\q2 ባንጋ ኢዛስ ጊጊዳሶሆን
\q2 ኣርዳ ኢዛስ
\q2 ጊጊዳሶሆን ዜሬኔ?
\q1
\v 26 ኢዛ ጾሳይ ኢዛ ታማርሴስ፤
\q2 ሱሬ ኦጌካ ኢዛ ቤሴስ።
\q1
\v 27 ኣሱታይ ሎዳን ቡኬቴና፤
\q2 ኣኑጋይ ፓራ-ጋሬን ቡኬቴና፤
\q2 ኣሱታይ ጉፌን፥
\q2 ኣኑጋይ ቄሪ ሎዳን ቡኬቴስ።
\q1
\v 28 ሶሎ ኡካናስ
\q2 ካ ጋጬቴስ፤
\q2 ሄሳ ጊሻስ ኢሲ ኣሲ
\q3 ሜርናስ ካ ቡኬና፤
\q2 ካ ቡኪዛ ፓራ-ጋሬታ
\q2 ኢዛ ቦላራ ላጊኮካ
\q2 ካ ጋጬቴና።
\q1
\v 29 ሃይሲ ኡባይ ባ ዞሬን ማላሊሲዛዝ፥
\q2 ባ ኣ ኤራቴን
\q3 ማላሊሲዛዝ ጊዲዳ
\q2 ኡባፌ ዎልቃማ
\q2 ጎዳፔ ሃኔስ።
\c 29
\s ዳዊቴ ካታማስ ኣዬ ኣና
\q1
\v 1 ሃኔ ዳዊቲ ኔናን ዴኢዳ
\q2 ኣርኤሌ ካታማዬ!\f + \fr 29፡1 \fr*\ft ኢብራዌታ ቃላራ ኣርኤሌ ጉሲ ጾሳ ያርሾሶሆ ጉሳ።\ft*\f*
\q2 ኔና ኣዬ ኣና!
\q1 ላይ ቦላ ላይ ጉጃ፤
\q2 ባኣሌታካ ዛራ
\q2 ዛራዳ ቦንቻ።
\q1
\v 2 ጊዶ ኣቲን ታኒ
\q2 ኣርኤሌ ካታማዮ ጊዶና፤
\q2 ኢዛ ዬካናኔ ዋሳና፤
\q2 ኢዛ ታስ ያርሾ
\q2 ያርሺዛሶ ጊዳና።
\q1
\v 3 ታኒ ኔ ዩሾን ዱንካናና፤
\q2 ታ ኔ ዩሾን ጊምቤ
\q2 ዩሻ ኣና፤
\q2 ኔ ዩሾን ሻኮ ኦዳ
\q3 ታ ኔና ኡንኤና።
\q1
\v 4 ኔኒ ዱጌ ዎና፤
\q2 ቢታ ጋርሳፌ ፑዴ ሃሳያና፤
\q2 ኔ ሃሳያይ ጉዱላ
\q2 ጊዶፌ ኬዛና፤
\q2 ኔ ጬንጉርሲ
\q2 ሞይቲሌ ጬንጉርሳ ማላ
\q3 ቢታ ጋርሳፌ ፑዴ ኬዛና፤
\q2 ኔ ሃሳያይካ
\q3 ጉዱላ ጊዶፌ ሳሱኬታና።
\q1
\v 5 ጊዶ ኣቲን ዳሮ ኔ ሞርኬቲ
\q2 ጉዱላ ሱላ ማላ፥
\q2 ሜንጼ ኢታቲ ጫርኮን ቢዛ
\q3 ሃፓ ማላ ጊዳና፤
\q3 ቆፋይ ባይንዳ ዲሺን፥
\q2
\v 6 ኡባፌ ዎልቃማ
\q2 ጎዳይ ዳዳን፥
\q2 ቢታ ቃን፥
\q2 ጊታ ጬንጉርሳን፥
\q3 ጎቴ ጫርኮኒኔ ዎልቃማ
\q3 ኣባ ዳምባላን
\q3 ኡባ ሚዛ ታማ ላጮን ያና።
\q1
\v 7 ኣርኤሌ ኦሊዛ ካዎቴታ
\q2 ኡባ ዉዴይ
\q2 ኢዚ ቦላኔ ኢዚ ሻኮ ቦላ
\q3 ዳፋ ዬጊዛይቲኔ ዶዲዛይቲ፥
\q3 ኣጉሞ ማላኔ ኦማርስ ቤቲዛ
\q3 ኣጁታ ማላ ጊዳና።
\q1
\v 8 ጋፊዳ ኣሲ ኣጉሞራ ሚሼ ኣቄስ፤
\q2 ጊዶ ኣቲን ኢዚ
\q3 ስኮፌ ዴንዲሺን
\q3 ጋፋይ ኣጎንታይሳ ማላ፥
\q2 ሳሜቲዳ ኣሲ
\q3 ኣጉሞራ ኡዪሼ ኣቄስ፤
\q2 ጊዶ ኣቲን ቤጊሺን
\q3 ዳቡራይኔ ሳሞይ
\q3 ኢዛ ኣጎንታይሳ ማላ
\q3 ጺዮኔ ዙማ ኦሊዛ
\q3 ካዎቴታ ኡባ ዉዴይ
\q3 ሄሳ ሃናና።
\s ጾሳ ኣዛዞ ኢጾይ ኤሂዛ ቂጻቴ
\b
\q1
\v 9 ዳማቲዲ ማላሌቲቴ፤
\q2 ኢንቴና ኢንቴርካ ቆቂሲዲ
\q3 ቆቄ ጊዲቴ።
\q2 ጊዶ ኣቲን ዎይኔ ኡሹ
\q3 ኡዮንታ ጮ ማቲቴ፤
\q2 ማሲዛ ኡሹ ኡዮንታ
\q3 ዲሼ ጋንዲጋርቴ።
\q1
\v 10 ጎዳይ ኢንቴ ቦላ ዎልቃማ
\q2 ስኮ ዬጊዴስ፤
\q2 ኢንቴ ናቤታ ኣይፌ ጎዚዴስ፤
\q2 ኣጁታ ቤኢዛይታ
\q3 ሁኤ ጉሉንቲሲዴስ።\x - \xo 29፡10 \xo*\xt ኦሮ 11፡8\xt*\x*
\p
\v 11 ሃ ኣጁታይ ኢስታስ ጻ ማጻፋ ጊዶን ጎርዴቲ ዲዛ ቃላ ማላ ጊዲዴስ። ሃ ጻ ማጻፋ ናባባናስ ዳንዳይዛ ኣሲ፥ «ሾቤ ኑስ ናባባ» ጊዲ ኢንቴ ኢሚኮ፥ ኢዚ ኢንቴስ፥ «ጎርዴቲዳ ጊሻስ ታኒ ናባባናስ ዳንዳይኬ» ጋና። 
\v 12 ቃሴ ጻ ማጻፋ ናባቦ ዳንዳዮንታ ኣሳስ፥ «ሾቤ ኑስ ናባባ» ጊዲ ኢንቴ ኢዛስ ኢሚኮ ኢዚ ኢንቴስ፥ «ታ ናባቦ ዳንዳይኬ» ጋና።
\p
\v 13 ጎዳይ፥
\q1 «ሃይሲ ዴሬይ ዶናን ጻላ
\q2 ታኮ ሺቄስ፤
\q2 ባ ሜቴርሻን ጻላ
\q3 ታና ቦንቼስ፤
\q2 ጊዶ ኣቲን ኢዛ ዎዚናይ
\q3 ታፔ ሃኮን ዴስ።
\q3 ኢስቲ ኣሲ ታማርሲዳኔ
\q3 ኣሲ ዎዳ ዎጋን
\q3 ታስ ጎይኔቴስ።\x - \xo 29፡13 \xo*\xt ማቶ 15፡8-9፤ ማር 7፡6-7\xt*\x*
\q1
\v 14 ሄሳ ጊሻስ ታኒ ሃ ኣሳ ቦላ
\q2 ማላሊሲዛ ሚሻ ቦላ
\q3 ማላሊሲዛ ሚሽ ኦሼ
\q3 ዛራ ዛራ ኢስታ ማላሊሳና፤
\q3 ኣ ኤራንቻታ
\q3 ኤራቴ ያና፤
\q3 ኣኬካንቻታ ኣኬካይካ
\q3 ፔንቲ ባና» ጊዴስ።\x - \xo 29፡14 \xo*\xt 1ቆሮ 1፡19\xt*\x*
\s ሲንፌ ያና ሂዶታ
\p
\v 15 ባንታ ሃልቾ
\q2 ጎዳፔ ጌንናስ
\q2 ዱጌ ጪማ ኦላን
\q2 ዎዛይታስ
\q2 ባንታ ኦሶ ማን
\q2 ኦዛይታስ
\q2 «ኑና ኦኒ ቤኣኔ?
\q2 ኑና ኦኒ ኤራኔ?»
\q3 ጊዛይታስ ኣዬ ኣና!
\q1
\v 16 ኢንቴ ዮኦታ ላሚ ዬጌታ፤
\q2 ማናታ ኡርቃ ማላ ጼሌታ!
\q2 ሜቲዳይሲ
\q2 ሜዳይሳ፥
\q2 «ኢዚ ታና ሜቤና» ጊዜ?
\q2 ማና ሚሺ ባና ሜዳይሳ፥
\q2 «ኢዚ ኣይኮካ ኤሬና» ጊዜ?\x - \xo 29፡16 \xo*\xt ኢሳ 45፡9\xt*\x*
\b
\q1
\v 17 ሊባኖሴይ ላሜቲዲ
\q2 ኣራዳ ጋዴ ጊዳናስ፥
\q2 ኣራዳ ቢታይ ላሜቲዲ
\q3 ዎራ ጊዳናስ
\q2 ጉ ዎዴይ
\q2 ኣቲዴስ ጊዴኔ?
\q1
\v 18 ሄ ጋላስ ቱሌይ
\q2 ጻ ማጻፋ ቃላ ሲያና፤
\q2 ቆቄ ኣይፌቲካ ሻሩማፔኔ
\q2 ማፔ ሻኬቲዲ ጼላና።
\q1
\v 19 ኣሽኬቲ ጎዳን፥
\q2 ሂዬሳቲ ኢስራኤሌ ጌሻን
\q2 ዛሪ ዛሪ ኡፋዬታና።
\q1
\v 20 ሜንጼ ኢታቲ ኡባይ ዉራና፤
\q2 ቂልጪዛይቲ ቲምኢ ጋና፤
\q2 ኢታ ኦናስ
\q3 ዛማዲ ኡቲዳይቲ ያና።
\q1
\v 21 ኣስ ዮኦን ሞራንቻ ኬሲዛይቲ፥
\q2 ሺሎታን ሞቴቲዛይሳ ቦላ
\q3 ዎጺማዴ ዋጺዛይቲ፥
\q2 ዎርዶ ማርካን ቱማቴ
\q3 ጺሎታፔ ቦንቂዛይቲ ያና።
\p
\v 22 ሄሳ ጊሻስ ኣብራሃሜ ዎዚዳ
\q2 ጎዳይ ያቆቤሶስ፥
\q1 «ያቆቤይ ሃይሳፌ
\q2 ጉዬ ዬላቴና፤
\q2 ኢዛ ሲንካ ላሜቴና።
\q1
\v 23 ባንታ ጊዶን ታ ኩሼ ኦሶ ጊዲዳ
\q3 ባንታ ናይታ ቤኢሼ
\q3 ታ ሱን
\q3 ጌሻቴን ናጋና፤
\q2 ኢስቲ ያቆቤ ጌሻዛ
\q2 ጌሻቴ ኤራና፤
\q2 ኢስራኤሌ ጾሳ ሲንን
\q3 ያሻቴን ኤቃና።
\q1
\v 24 ኣያናን ባሊዳይቲ
\q2 ሲሚዲ ኣኬካና፤
\q2 ዙዙሚዛይቲካ
\q3 ቲሚርቴ ኤካና» ጌስ።
\c 30
\s ጊብጼራ ጫቄቲዳ ሃዳ ጫቆ
\p
\v 1 ጎዳይ፥ «ማካላንቻ ጊዲዳ ናይታስ
\q2 ኣዬ ኣና!
\q2 ታፔ ጊዶንታ ቆፋ ካሌቴስ፤
\q2 ታ ኣያናፔ ጊዶንታ
\q3 ጫቆ ጫቄቴስ፤
\q2 ናጋራ ቦላ ናጋራ ጉጄቴስ።
\q1
\v 2 ታና ዞሬ ኦይቾንታ
\q2 ጊብጼ ዎቴስ፤
\q2 ካዎ ፓሮኔይ ኢስታስ
\q3 ጎንዳሌ ጊዳና ማላ
\q3 ጊብጼ ኩዋን ኣታና ኮዬቴስ።
\q1
\v 3 ጊዶ ኣቲን ፓሮኔ
\q2 ጎንዳሌቴ
\q2 ኢስታስ ካዉሻቴ ጊዳና፤
\q2 ጊብጼ ካዎን ኣቴ
\q3 ኢስታ ቦላ ዬላ ኤሃና።
\q1
\v 4 ኢስታ ሹሜቲ ጻኖሴን ዲኮካ፥
\q2 ኢስታ ኪቲዳይቲ
\q2 ሃኔሴን ዲኮካ፥\x - \xo 30፡4 \xo*\xt ማቶ 24፡29፤ ማር 13፡25፤ ሉቃ 21፡26፤ ኣጁ 6፡13-14\xt*\x*
\q2
\v 5 ኢስታስ ዬላቴኔ
\q2 ካዉሻቴ ጻላ ጊዳና ኣቲን
\q2 ማዶ ዎይኮ ዎ
\q2 ኢስታስ ኤሆንታ
\q3 ኣይኮ ጎኣካ ኢስታስ
\q3 ኢሞንታ ኣሳታ ጋሶን
\q3 ኡባይካ ዬላታና» ጌስ።
\p
\v 6 ኔጌቤን ዲዛ ሜዶሳታ ጊሻስ ጎዳይ ዮቲዳ ቃላይ
\q2 ዎዳላ ጋሞቲኔ
\q3 ማጫ ጋሞቲ ዲዛሶን፥
\q2 ማርዜራ ዲዛ ሾሻቲኔ
\q2 ጾንጌቲዛ ሾሻቲ ዲዛሶን፥
\q2 ሜቶይኔ ጬጬይ ኩሚዳ ቢታራ
\q3 ኣ ቢዲ፥
\q2 ኢስቲ ጎኦንታ ዴሬታኮ፥
\q2
\v 7 ኢዚ ማዶስ
\q2 ሙሌካ ጎኣይ ባይንዳ
\q2 ዴሬ ኢስቲ ጊብጼ ባና፤
\q2 ሄሳ ጊሻስ ታኒ ኢዚ ሱን
\q3 «ኣይኮካ ጎኦንታሮ ኤራኣቤ»
\q3 ጋ ጼይጋና።
\s ኣዛዜቶንታ ካዎቴታ
\p
\v 8 ሃኢ ባ፤ ሳሌዳን ኢስታስ ጻፋ፤
\q2 ጻ ማጻፋ ቦላካ ጫዳ፤
\q2 ሄሲ ቡሮፔ ያና ዎዴታን
\q2 ሜርናስ ማርካ ጊዳና።
\q1
\v 9 ሃይቲ ጎዳ ኣዛዞ
\q2 ሲያና ኮዮንታይቲ፥
\q2 ማካላንቻ ዴሬኔ
\q2 ባሌዛ ናይታ።
\q1
\v 10 ኣጁታ ቤኢዛይታ፥
\q2 «ሃይሳፌ ጉዬ ኣጁታ
\q3 ቤኦፒቴ» ጋና፤
\q2 ናቤታ፥ «ሃይሳፌ ጉዬ ኑስ
\q3 ቱማ ቲንቢቴ ዮቶፒቴ፤
\q2 ኑና ኡፋይሲዛዚኔ
\q2 ሚቺዛዝ ዮቲቴ።
\q1
\v 11 ሃይሳ ኦጋፔ ኪቺቴ፤
\q2 ሃ ዎጋ ኦጋፔ ሃኪቴ፤
\q2 ኢስራኤሌ ጌሻራ ኑና
\q3 ቲራን ጋፍቴ» ጋና።
\p
\v 12 ሄሳ ጊሻስ ኢስራኤሌ ጌሻይ፥
\q2 «ኢንቴ ሃ ቃላ ካዳ ጊሻስ፥
\q2 ጌኔን ኢንቴ ኣማኔቲዳ
\q2 ጊሻሲኔ
\q2 ባሌን ዜምፒዳ ጊሻስ፥
\q2
\v 13 ሃይሲ ሃ ናጋራዚ
\q2 ጳልቄቲ ኩንዳናኔ
\q3 ቆፖንታ ዲሺን ኩንዲዛ
\q3 ጊታ ጊምቤ ማላ
\q3 ኢስታስ ጊዳና።
\q1
\v 14 ሜቄሬቶይሳ ጊዶፌ
\q2 ታማ ቦንቆ ካሺዛ ኮንኣይ፥
\q2 ሃ ዱቂዛ ኮንኣይ
\q2 ያናሼ ጋካናስ፥
\q2 ኣይኮይካ ኣቶንታ ቲፌቲዛ
\q3 ማና ሚሻ ማላ
\q2 ቲፌታና» ጌስ።
\p
\v 15 ኡባ ሃሪዛ ጎዳይ፥
\q2 ኢስራኤሌ ጌሻይ፥
\q1 «ኢንቴ ታኮ ሲሞኒኔ
\q3 ታናን ሼምፖን ኣታና፤
\q2 ዎፓኒኔ ኣማኖን
\q2 ኢንቴ ሚናና፤
\q2 ኢንቴ ጊዲኮ ሄሳ
\q2 ኦቤኬታ።
\q1
\v 16 ቃሴካ፥ ‹ቺ! ኑኒ
\q2 ፓራን ኡቲ ባቃታና› ጊዴታ፤
\q2 ሄሳ ጊሻስ ኢንቴ ባቃታና።
\q2 ዛሪዲካ ኢንቴ፥
\q2 ‹ኑኒ ፒላታ ፓራን
\q3 ኬሲ ኤኪ ባና› ጊዴታ፤
\q2 ሄሳ ጊሻስ ኢንቴና
\q2 ዬዴዛይቲ
\q3 ፒላታታ ጊዳና።
\q1
\v 17 ኢንቴ ዙማ ሁኤን
\q2 ኤቂዳ ባንዲራ ማላ
\q2 ዙምቡላታ ጼራን ኤቂዳ
\q2 ማላታ ማላ
\q2 ጊዲ ኢንቴ ኣታናሼ ጋካናስ
\q2 ኢሲ ኣሳ ማንዴን 1,000
\q3 ኣሲ ባቃታና፤
\q2 ኢቻሽ ኣሳ ማንዴን
\q3 ኢንቴ ኡባይ ባቃታና» ጌስ።
\q1
\v 18 ጊዶ ኣቲን ጎዳይ ኢንቴስ
\q2 ኪያ ኦናስ ናጌስ፤
\q2 ኢንቴና ባ ቃቴ
\q3 ቤሳናስ ዴንዴስ፤
\q1 ጎዳይ ቱሙ ፒርዲዛ
\q2 ጾሳ ጊዲዳ ጊሻስ
\q2 ኣማኔቲዲ ኢዛ ናጊዛይቲ
\q3 ኣንጄቲዳይታ።
\s ጾሳ ዴራ ኣንጄቴ
\p
\v 19 ኢንቴኖ ዬሩሳላሜን ዴኢዛ ጺዮኔ ዴሬዞ! ሃይሳፌ ሲንን ኢንቴ ዬኬኬታ፤ ኢንቴ ኢዛኮ ዋሲሺን ኢዚ ኢንቴና ዋኒ ማሬኔ? ኢንቴ ዋሶ ኢዚ ሲዪዲ ኢንቴስ ኤሶን ዛሮ ኢማና። 
\v 20 ጎዳይ ኢንቴስ ዋዬ ካኔ ሜቶ ሃ ኢሚኮካ ሃይሳፌ ጉዬ ኢንቴ ኣስታማሬይ ኢንቴፌ ቆቴቴና፤ ኢንቴ ኣይፌቲካ ኢንቴ ኣስታማሬዛ ቤኣና። 
\v 21 ኢንቴ ሃዲርስ ዎይኮ ኡሻች ጊኮ ኢንቴ ጉዬራ፥ «ኦጌዚ ሃይሳ፤ ኢዛራ ቢቴ» ጊዛይሳ ኢንቴ ሃይ ሲያና። 
\v 22 ሄሳፌ ቢራን ሜሼቲዳ ኢንቴ ኤቃ ጾሳታኔ ዎርቃን ሜሼቲዳ ሚስሌታ ኢንቴ ሞራና፤ «ኑፔ ሃኪቴ» ጊዲ ቱና ጫርቃ ማላ ኢንቴ ዎራ ዬጋና።
\p
\v 23 ኔ ዜሪዳ ካስ ኢዚ ኢራ ኢማና፤ ቢታፌ ሞኪዳ ካይ ሙሩታኔ ዳሮ ጊዳና። ሄ ዎዴ ኢንቴ ሜሄይ ኣሆ ዴምባን ሄሜታና። 
\v 24 ጎሻ ቦራቲኔ ሃሬቲ ባካን ቡኪ ሱራጌቲዳ ሃርቆኔ ባሶ ማና። 
\v 25 ኣሳይ ዉሪዛ ዎልቃማ ጋላሳን ሚጻቲ ላሌቲሺን ጊታ ዙማታ ኡባታ ቦላፌኔ ዙምቡላታ ኡባታ ቦላፌ ዱጌ ሃ ጎጋና። 
\v 26 ጎዳይ ሜቂዳ ባ ዴራ ኮሊሺን፥ ማዱንዳይሳ ፓሺን፥ ኣጊናይ ኣርሼ ማላ ፖኣና። ኣርሼስ ኢሲ ጋላሳ ፖኦይካ ላፑን ጋላሳ ፖኦ ማላ ጊዳና።
\s ኣሶሬ ቃጻዬቴ
\p
\v 27 ቤኢቴ፥ ጎዳ ሱንይ
\q2 ኤጺዛ ሃንቆራ፥
\q3 ሻራ ማላ ፒ ጊዳ ጩዋራ
\q3 ሃኮፔ ያና፤
\q2 ኢዛ ሜቴርሻቲ ሃንቆን ኩሚዳ፤
\q2 ኢዛ ኢንጻርሳይካ
\q3 ጹጊዛ ታማ ማላ።
\q1
\v 28 ኢዛ ፔኖይካ ቆ ጋኪዲ
\q2 ሜጪ ኤፊዛ ኪጻ ሃ ማላ፤
\q2 ካዎቴታካ ይሶ
\q2 ዛይዛሬን ዛይዛሬስ፤
\q2 ኣሳ ዶናን ኦጌ ባሌዛ
\q3 ቢጻላ ባርሴስ።
\q1
\v 29 ኦማርስ ጌሻ ባኣሌ
\q2 ኢንቴ ቦንቺሼ
\q2 ዬጺዛይሳ ኢንቴ ዬጻና፤
\q1 ጎዳ ዙማኮ ኢስራኤሌ ዛላኮ
\q2 ኣሳይ ሱሱልኤ ሱሱልኢሼ
\q2 ኡፋይሳን ኬዚዛይሳ
\q2 ኢንቴ ዎዚናይ ኡፋዬታና።
\b
\q1
\v 30 ጎዳይ ኤጺዛ ሃንቆኒኔ
\q2 ሚዛ ታማን፥
\q2 ጎቴ ጫርኮኒኔ ዳዳን፥
\q2 ሻቻ ሹቻን፥
\q2 ቴማይ ኩሚዳ ባ ጬንጉርሳ
\q3 ኣሳ ሲሳና፤
\q2 ዎሼ ባ ቄሳ ኢዚ ቤሳና።
\q1
\v 31 ጎዳ ጬንጉርሲ
\q2 ኣሶሬ ዳጋንና፤
\q2 ኢዛ ጉፌይካ ኢስታ ሾጫና።
\q1
\v 32 ጎዳይ ኢስታ ቦላ
\q2 ዬዲዛ ቂጻቴ ጉፌ
\q2 ኡባይ ካራቤ ጊሪሳኒኔ
\q3 ዲ ጊሪሳን
\q2 ኣዣቤቲዳይሳ፤
\q2 ኢዚ ባ ዎልቃ ኦላን ቤሲዲ
\q3 ኢስታ ሾጪዴስ።
\q1
\v 33 ቤኒ ዎዴፔ ዶሚዲ
\q2 ቶፌቴ ጌቴቲዛ
\q2 ጹጊዛሶይ ጊጌቲ ኡቲዴስ፤
\q2 ካዎዛሲካ ጊጌቲ ኡቲዴስ፤
\q3 ጹጋና ጎንጎሎዚካ
\q2 ኣሆኔ ጪማ፤
\q3 ኢዛ ጊዶን ዳሮ ታማይኔ
\q3 ኤጻና ሚ ዴስ፤
\q3 ጎዳ ፔኖይ ዲኔ ታማ ማላ
\q3 ኤ ኬሳና።
\c 31
\s ጊብጼን ኣማኔቲዛይታስ ኣዬ ኣና
\p
\v 1 ፑዴ ኢስራኤሌ ጌሻኮ ጼሎንታይታስ፥
\q1 ጎዳፔ ማዶ ኮዮንታይታስ፥
\q2 ማዶ ዴማናስ
\q3 ዱጌ ጊብጼ ዎዛይታስ፥
\q2 ፓራ-ጋሬታ ዳሮቴኒኔ
\q2 ባ ፓራ ሚኖቴን
\q2 ጬቄቲዛይታስ
\q3 ኣዬ ኣና።
\q1
\v 2 ኢዚ ጊዲኮ ኣ ኤራንቻ፤
\q2 ኢዚ ባሽ ኤሃና፤
\q2 ባ ቃላካ ላሜና፤
\q2 ኢታ ኦዛይታ ቦላኔ
\q2 ቆሆ ኦዛይታ
\q2 ማዲዛይታ ቦላ
\q3 ኢዚ ዴንዳና።
\q1
\v 3 ጊብጼ ኣሳይ ኣሳፔ ኣቲን
\q2 ጾስ ዴቴና፤
\q2 ኢስታ ፓራቲካ ኣሾፔ ኣቲን
\q3 ኣያና ጊዴቴና።
\q1 ጎዳይ ባ ኩሼ ሚጪዛ ዎዴ
\q2 ኢዛ ማዲዛዴይ ጴታና፤
\q2 ማዴቲዛዴይካ ኩንዳና፤
\q2 ናምኣይካ ኢሲፌ ያና።
\p
\v 4 ጎዳይ ታስ፥ «ጋሞይ ዎይኮ
\q2 ዎዳላ ጋሞይ ሜሄ ኦይኪዲ
\q2 ዳሮ ሄንንቻቲ
\q2 ጼይጌቲ ሺቂዲ
\q2 ኢዛ ቦላ ዪኮ ኢስታ ዋሶይ
\q3 ኢዛ ያሺሶንታይሳ
\q2 ኢስታ ዋሶይ
\q2 ኢዛ ዳጋንንታይሳ ማላ
\q2 ኡባፌ ዎልቃማ ጎዳይ
\q2 ዙማ ቦላኔ ዙምቡላታ ቦላ
\q3 ኦላስ ዎና።
\q1
\v 5 ካፎይ ቦላራ ኣላንዛ ማላ
\q2 ኡባፌ ዎልቃማ ጎዳይ
\q2 ዬሩሳላሜ ካማና፥
\q2 ናጋናኔ ኣሻና፤
\q2 ኢዚ ቦላራ ኣዲ
\q3 ኢዞ ኣሻና» ጌስ።
\b
\q1
\v 6 ኢንቴኖ ኢስራኤሌ ኣሳዞ!
\q2 ኢንቴ ኬሂፔ
\q2 ማካሊዳይሳኮ ሲሚቴ።
\q1
\v 7 ሄ ዎዴ ናጋራይ ኩሚዳ
\q2 ኢንቴ ኩሼቲ ቢራፔኔ
\q2 ዎርቃፌ ኦዳ ኤቃ ጾሳታ
\q2 ኢንቴ ኡባይካ ዎራ ዬጋና።
\b
\q1
\v 8 «ኣሶሬይ ኣሳ
\q2 ማሻ ጊዶንታ
\q2 ማሻን ሃይቃና፤
\q2 ኣሾ ማይኢዳዴ
\q2 ማሻ ጊዶንታ
\q2 ሃራ ማሻይ ኢዛ ማና፤
\q2 ኢዚ ጊ ማሻ ሲንፌ ባቃታና፤
\q3 ናቴቲ ዶሳይ ባይንዳ
\q3 ዎልቃን ኦና።
\q1
\v 9 ሚኖ ሚጻይ ሺሮ ጋሶን ኩንዳና፤
\q2 ኦላ ጋዳዋቲካ
\q2 ኦላ ባንዲራ ቤኢዲ
\q3 ዳጋማን ኩማና»
\q2 ጌስ ታማይ ጺዮኔን፥
\q2 ታማ ጮጬይ
\q2 ዬሩሳላሜን
\q3 ዲዛ ጎዳይ።
\c 32
\s ጺሎቴን ኣይሲዛ ካዎ
\q1
\v 1 ቤኢቴ፥ ካዎይ ጺሎቴን ካዎታና፤
\q2 ሃሪዛይቲካ
\q2 ሱሬ ፒርዳን ሃራና።
\q1
\v 2 ኣሲ ሁኤን ሁኤን
\q2 ጫርኮፌ ጌሚዛሶሆ፥
\q2 ጎቴፔካ ባቃቲ
\q2 ኣቲዛሶሆ ጊዳና፤
\q2 ባዞ ቢታን
\q2 ሃ ፑልቶ ማላ፥
\q2 ሳሜቲዳ ቢታን ዎጋ ዛላ
\q3 ኩዋ ማላ ጊዳና።
\q1
\v 3 ጼሊዛ ኣሳታ ኣይፌይ
\q2 ሃይሳፌ ጉዬ ቂሊምኤና፤
\q2 ሲዪዛይታ ሃይ
\q2 ቤጊዲ ኤዝጋና።
\q1
\v 4 ታፒታፒዛይታ ዎዚናይ
\q2 ኤራናኔ ኣኬካና፤
\q2 ዴዶቲዛይታ ኢንጻርሲካ
\q2 ቢርሼታና፤
\q2 ጌሺዲካ ሃሳያና።
\q1
\v 5 ሃይሳፌ ጉዬን ኤያይ
\q2 ጊታ ኣስ ጌቴቴና፤
\q2 ዎጋይ ባይንዳ ኣሲ ቦንቼቴና።
\q1
\v 6 ኤያይ ኤያቴ ሃሳዬስ፤
\q2 ኢዛ ዎዚናይ ኢታቴ
\q2 ዩሺ ቆፔስ፤
\q2 ጾሳስ ያሻቴ
\q2 ባይንዳ ሚሽ ኦስ፤
\q2 ጎዳ ቦላ
\q2 ባላ ቃላ ሃሳዬስ፤
\q3 ጋፊዳይሳስ ካ ኢሜና፤
\q3 ሳሜቲዳይሳስ ሃ ኢሜና።
\q1
\v 7 ዎጋይ ባይንዳ ኣሳታ
\q2 ሂላቴ ኢታ፤
\q2 ሜቶታንቻታ ማጋናይ ሱሬ ጊዲኮካ
\q3 ሂዬሳታ ዎርዶራ ይሳናስ
\q3 ኢታቴን ዩሺ ቆፔስ።
\q1
\v 8 ጊታ ኣሳስ ቆፋይካ ጊታ፤
\q2 ባ ጊታቴ ኦሶን
\q2 ሚኒ ዴኤስ።
\s ፒርዳፌ ጉዬ ያና ኢንጄ ዴኦ
\b
\q1
\v 9 ኢንቴኖ ኦቶሮይ ቱጪዳ ማጫሳቶ!
\q2 ዴንዲቴ፤ ታ ጊዛዝ ሲዪቴ፤
\q2 ኢንቴኖ ባ ጊ ኡቲዳ
\q3 ማጫ ናይቶ!
\q2 ታኒ ኢንቴስ ዮቲዛይሳ ኤዝጊቴ።
\q1
\v 10 ላይይ ቡሮ ኣዳ ማላ፥
\q2 ኢንቴ ባ
\q2 ጊ ኡቲዳይቲ ኮኮራና፤
\q2 ዎይኔ ቱራይ ኣይፌ ኢሜና
\q2 ዱማ ዱማ ኣይፌ
\q3 ኢንቴ ሺሺዛ ዎዴይ ዬና።
\q1
\v 11 ኢንቴኖ ኦቶሮይ
\q2 ቱጪዳ ማጫሳቶ! ኮኮሪቴ።
\q2 ኢንቴኖ ባ ጊዳ
\q2 ማጫ ናይቶ!
\q2 ሂርጋን ጋጂጋጂቴ።
\q2 ኢንቴ ማይኢዳ ማይኦ
\q2 ቃሪ ዬጊቴ፤
\q2 ኢንቴ ጼሳን ማቃ ዳንጪቴ።
\q1
\v 12 ኣራዳ ቢታ ጊሻስ
\q2 ኢንቴ ቲራ ኢጪቴ፤
\q2 ኣይፊዛ ዎይኔ
\q2 ሚ ጊሻስ ጬጪቴ፤
\q1
\v 13 ታ ዴራ ቢታ ጊሻስ፥
\q2 ኣጉንኔ ኪንዲቾይ
\q3 ሞኪዳ ቢታ ጊሻስ፥
\q2 ሆምቦጬን ኢስታን ጉፒዛ
\q3 ኬታ ኡባ ጊሻስ፥
\q2 ሆምቦጬን ኢዚን ጉፒዛ
\q3 ካታማይስ ዬኪቴ።
\q1
\v 14 ሚጻቲ ካይዛና፤
\q2 ዳሮ ሺሮቲዛ ካታማያ
\q2 ዲሚ ጋና፤
\q2 ሚጻቲኔ ቃቶቲ ሜርናስ ጎንጎሎ፥
\q2 ሃርዲዳቲ ጉፒዛሶሆኔ
\q2 ዉዴይ ሄሜቲዛሶ ጊዳና።
\b
\q1
\v 15 ሄሲካ ሃናናይ ኣያናይ ኑስ
\q2 ቦላፌ ጉካናሼ፥
\q2 ባዞ ቢታይ ኣራዳ ጊዳናሼ፥
\q2 ኣራዳ ቢታይ ዎራ
\q3 ሚሳታናሼ ጋካናሳ።
\q1
\v 16 ሄሳፌ ጉዬ ባዞ ቢታን
\q2 ሱሬ ፒርዳይ ዴኣና፤
\q2 ኣራዳ ቢታንካ
\q2 ጺሎቴ ዳና።
\q1
\v 17 ጺሎቴ ኣይፌይ ሳሮቴ፤
\q2 ጺሎቴ ኦሶይ ዎፓኔ
\q3 ሜርናስ ኣማኔቴ ጊዳና።
\q1
\v 18 ታ ዴሬይ ሳሮይ ዲዛሶን፥
\q2 ኣማንዛሶን፥
\q2 ዎፓይ ዲዛሶን ዎፑ ጊ ዳና።
\q1
\v 19 ሻቺ ዎራ ኩራኪኮ፥
\q2 ካታማይካ ሙሌራ ኩንዲኮ፥
\q2
\v 20 ሻፋይ ዲዛሶን ዲዛሶን
\q3 ካ ዜሪዛይቶ፥
\q3 ኢንቴ ቦራታኔ ሃሬታ
\q3 ሂርጋይ ባይንዳ ሄሚዛይቶ፥
\q2 ኢንቴ ኣይ ማላ
\q2 ኣንጄቲዳይታ ጊዳንዴቲ!
\c 33
\s ማዶ ዴማናስ ዎሲዳ ዎሳ
\q1
\v 1 ኔስ ዮንታ ዳሼ
\q2 ሃራ ይሲዛይሶ!
\q2 ኔስ ኣዬ ኣና!
\q3 ኔና ኣ ኢሞንታ ዲሺን
\q3 ሃራ ኣ ኢሚዛይሶ!
\q3 ኔስ ኣዬ ኣና!
\q2 ኔኒ ይሶ ኣጊዳ ዎዴ
\q2 ኔ ያና፤
\q2 ኔኒ ኣ ኢሞ ኣጊዳ ዎዴ
\q3 ኔና ኣ ኢማና።
\p
\v 2 ኣቤት ጎዳዉ! ኑና ማራ፤
\q2 ኑኒ ኔና ሂዶታ ኦዶስ፤
\q2 ማላዶ ማላዶ ኑስ
\q2 ዎልቃ ጊዳ፤
\q2 ሜቶ ዎዴካ
\q2 ኑና ኣሺዛዴ ጊዳ።
\q1
\v 3 ኔ ጬንጉርሳይ ዳዳ ማላ
\q2 ጉሚዛ ዎዴ ዴሬይ ባቃቴስ፤
\q2 ኔኒ ዴንዳ ኤቂዛ ዎዴ
\q3 ካዎቴቲ ላሌቴቴስ።
\q1
\v 4 ካዎቴቶ!
\q2 ቦሌይ ሺቂዛ ማላ
\q2 ኢንቴፌ ዲኤቲዳይሲ ሺቃና፤
\q2 ጉምባሮይ ጉፒዛ ማላ
\q3 ኣሳይ ኢዛ ቦላ ዲርባታና።
\p
\v 5 ጎዳይ ቦላ ሳሎን ዴኢዛ ጊሻስ፥
\q2 ቁ ቁ ጊዴስ፤
\q2 ኢዚ ጺዮኖ ሱሬ ፒርዳኒኔ
\q3 ጺሎቴን ኩንና።
\q1
\v 6 ኢዚ ኔ ዲዛ ላይ ኡባን
\q2 ኣማንዛ ዮች፥
\q2 ኣቶቴ፥ ኣ ኤራቴኔ
\q3 ኤራቴ ጊዳና፤
\q2 ጎዳስ ያሻቴ
\q3 ሃይሳ ሃ ኣቆታታስ
\q3 ቁልፔ ጊዳና።
\b
\q1
\v 7 ቤኢቴ፥ ኢስታ ጎባ ኣሳቲ
\q2 ኦጌታን ዋሴቴስ፤
\q2 ሲጋቴስ ኪቴቲዳይቲካ
\q3 ጫሞ ዬሆ ዬኬቴስ።
\q1
\v 8 ዎጋ ኦጌቲ ሳሚዳ፤
\q2 ኦጌራ ካንዛይ ዴና።
\q1 ቃቺዳ ቃላይ ላሌቲዴስ፤
\q2 ዞሪዛይቲ ካቲዳ፤
\q2 ቦንቼቲዛይካ ዴና።
\q1
\v 9 ቢታያ ዬካዱሲኔ ጊልቃዱስ፤
\q2 ሊባኖሴይ ዬላቲዲ ሹሊዴስ፤
\q2 ላሻሮኔይ ኣራቤ ማላ
\q2 ባዞ ጊዳዱስ፤
\q2 ባሳኔይኔ ቃርሜሎሴይ
\q3 ባንታ ሃይ ቆቆፊዳ።
\s ጾሳ ኢጺዛይታስ ኢሜቲዳ ሴራ
\b
\q1
\v 10 ጎዳይ ካዎቴታሲ፥
\q2 «ሃኢ ታኒ ዴንዳና፤
\q2 ሃኢ ታኒ ቦንቼታና፤
\q2 ሃኢ ታኒ ቁ ቁ ጋና።
\q1
\v 11 ኢንቴ ኡቱላ ሻሪዲ ሱላ ዬሊዴታ።
\q2 ኢንቴ ሼምፒዛ ሼምፖይ
\q3 ኢንቴና ሚዛ ታማ።
\q1
\v 12 ዴሬይ ቦቂንታ ኬዚዛ ሹቻ ማላ
\q2 ታማን ጹጌታና፤
\q2 ቃሴካ ኣጉን ቱሻ ማላ
\q2 ታማን ኤጻና።
\q1
\v 13 ኢንቴኖ ሃኮን ዴኢዛይቶ!
\q2 ታኒ ኦዳይሳ ሲዪቴ፤
\q2 ማታን ዲዛይቶ!
\q2 ታ ዎልቃ ኤሪቴ» ጌስ።
\b
\q1
\v 14 ጺዮኔን ዲዛ
\q2 ናጋራንቻቲ ዳጋሚዳ፤
\q2 ጾሲ ኢስታስ ባይንዳይቲ ባቢዲ፥
\q2 «ኑ ጋርሳፌ ጹጊዛ ታማራ
\q3 ዳና ዳንዳይዛይ ኦኔ?
\q2 ሜርና ታማራ
\q2 ዳና ዳንዳይዛይ ኦኔ?» ጊዳ።
\q1
\v 15 ጺሎቴን ሄሜቲዛይ፥
\q2 ሱሬ ሃሳይዛይ፥
\q2 ባሌን ቤቲዛ
\q2 ዎ ካዛይ፥
\q2 ጉቦ ኤኬናፔ
\q2 ባ ኩሼ ሺሺ ኤኪዛይ፥
\q2 ኣስ ዎና ዙፔቲዛይታ ዞሬ
\q2 ሲያናፔ ባ ሃይ ቱጪዛይ፥
\q3 ኢታ ቤያናፔ
\q3 ባ ኣይፌ ቂሊምኢዛይ፥
\q1
\v 16 ሄሳዴይ ቃሶሆን ዳና፤
\q2 ዙማ ሚጻይ ኢዛስ ሺቂ
\q3 ኣቲዛሶ ጊዳና፤
\q2 ኢዛስ ቁማይ ኢሜታና፤
\q2 ሃካ ኢዛስ ፓጬና።
\s ቦንቾይ ኩሚዳ ሲንራ ያና ላይ
\b
\q1
\v 17 ኔ ኣይፌቲ ካዎዛ ፑላቴ ቤኣና፤
\q2 ሃኮን ሚጬቲ ዲዛ
\q2 ቢታካ ቤኣና።
\q1
\v 18 ቤኒ ዋዬይ ኔስ ቆፌቲሺን ኔኒ፥
\q2 «ዋና ሃላቃዚ ኣዋ ቢዴ?
\q2 ጊራ ኤኪዛይሲ ኣዋ ቢዴ?
\q2 ሻኮዛ ኣላፌዚ
\q2 ኣዋን ዲዜ» ጋና።
\q1
\v 19 ሄይታንቲ ቃታይ ባይንዳ ኣሳ፤
\q2 ኢስታ ሃሳያይ
\q2 ኣሳስ ጌሎንታይታኔ
\q2 ኢስታ ኢንጻርሲ ዴዶቲዛይታ፤
\q2 ሃይሳፌ ጉዬ
\q2 ኢንቴ ኢስታ ቤዬኬታ።
\b
\q1
\v 20 ኑ ባኣሌታ ኢዚን ቦንቺዛ
\q2 ጺዮኔ ካታማዮ ቤኢቴ!
\q2 ሳሮን ዲዛሶሆዮ፥
\q3 ቃጾንታ ዱንካኔ ጊዲዳሮ፥
\q2 ኢዚ ቶሌይ ሾዴቶንታሮ፥
\q2 ኢዚ ዎዶሮታፔ
\q2 ኢሲናካ ዱጾንታሮ
\q2 ዬሩሳላሜ ካታማዮ
\q3 ኔ ኣይፌይ ቤኣና።
\q1
\v 21 ሄን ጎዳይ ኑስ ዎልቃ ጊዳና፤
\q2 ሄ ሶሆይ ዳልጋ ሻፋኔ
\q3 ካንቼ ጊዳና፤
\q2 ዎጎሎይ ኢዛ ቦላራ
\q2 ባናስ ዳንዳዬና፤
\q2 ጊታ ማርካቤቲካ
\q3 ኢዛ ቦላራ ቤቴና።
\q1
\v 22 ጎዳይ ኑስ ፒርዲዛ ዳና፤
\q2 ጎዳይ ኑስ ዎጋ ኢሚዛዴ፤
\q2 ጎዳይ ኑስ ካዎ፤
\q2 ኑና ኣሻናይካ ኢዛ።
\b
\q1
\v 23 ኔ ቶሌ ዎዶሮይ ሌፒዴስ፤
\q2 ቱሳይ ሚኒ ኤቂቤና፤
\q2 ሻራዚ ቶሌቲቤና፤
\q2 ሄ ዎዴ ዲኤቲዳ
\q3 ጊታ ሚሺ ጊሼታና፤
\q2 ዎቤይካ ኣቶንታ ዲኦ ኤካና።
\q1
\v 24 ጺዮኔን ዲሼ፥ «ታ ሳኬታዲስ»
\q2 ጋና ኣሲ ዴና፤
\q2 ሄን ዴኢዛ ኣሳታ ናጋራይ
\q3 ኣቶ ጌቴታና።
\c 34
\s ዴሬ ቦላ ያና ፒርዳ
\q1
\v 1 ኢንቴኖ ካዎቴቶ ሺቂዲ ሲዪቴ!
\q2 ኔኒ ዴሬዚ ኣኬካ!
\q1 ቢታይኔ ቢታን ዲዛ ኡባይ፥
\q2 ኣላሜይኔ ኣላሜፔ ዪዳ
\q3 ኡባይ ሲዮ!
\q1
\v 2 ጎዳይ ካዎቴ ኡባ ሃንቄቲዴስ፤
\q2 ኢዛ ሃንቆይካ ኢዛ ኦላንቻታ
\q3 ኡባ ቦላና።
\q2 ኢዚ ኢስታ ሙሌራ ይሳና፤
\q2 ሹካስካ ኣ ኢማና።
\q1
\v 3 ኢስታፌ ሃይቂዳይቲ ካሬ ኦሌታና፤
\q2 ኢስታ ኣሃይ ጺንቃና።
\q2 ዙማቲ ሱ ጻላ ጊዳና።
\q1
\v 4 ሳሎ ጾሊንቴቲ ኡባይ ሴራና፤
\q2 ሳሎይ ጋልባ ማላ ጻጼታና፤
\q2 ጮራ ጾሊንቴቲ ኡባይ ሹሊዲ
\q2 ቆቆፌቲዛ
\q2 ዎይኔ ሃይ ማላኔ
\q2 ሜሊዲ ሳኣን ዎዛ
\q3 ባላሴ ሃይ ማላ ጊዳና። \fig ጻ ማጻፋ|alt="Scroll" src="HK00282B.TIF" size="col" ref="34፡4"\fig*
\b
\q1
\v 5 ታ ጊ ማሻይ
\q2 ሳሎታ ጊዶን
\q2 ባስ ጊዳና ጋካናስ ኡያዱስ፤
\q2 ቤኢቴ፤ ኤዶሜ ቦላ፥
\q2 ታኒ ቃንጊዳ ኣሳ ቦላ
\q3 ፒርዳናስ ዎዱስ።\x - \xo 34፡5-17 \xo*\xt ኢሳ 63፡1-6፤ ኤር 49፡7-22፤ ሂዚ 25፡12-14፤ 35፡1-15፤ ኣሞ 1፡11-12፤ ኣብ 1-14፤ ሚል 1፡2-5\xt*\x*
\q1
\v 6 ጎዳ ጊ ማሻይ
\q2 ሱ ማይኣዱስ፤
\q2 ሞካ ካላዱስ፤
\q2 ዶርሳ ላቃ ሱኒኔ
\q3 ዴይሻ ሱን ጎዜታዱስ፤
\q2 ርሾ ኪላሆ
\q2 ሞን ጎዜታዱስ፤
\q2 ጎዳይ ቦጺራ ካታማን ያርሾ፥
\q2 ኤዶሜን ዎልቃማ ሹካ
\q3 ጊግሲዳ ጊሻሳ።
\q1
\v 7 ቃሴ ኢስታራ ሜን፥
\q2 ኮርማይ ዎፋኖራ ኢሲፌ ኩንዳና፤
\q2 ቢታያ ሱን ጫጳና፤
\q2 ኢስታ ቢታይ ሞን ኣራዳና።
\b
\q1
\v 8 ሄሲካ ጎዳይ
\q2 ሃሎ ኬሲዛ ጋላሲኔ
\q2 ጺዮኔ ጊሻስ
\q3 ሞርኬታ ኦሊዛ ላይ ጊዳና።
\q1
\v 9 ኤዶሜ ካንቼቲ ሺዳ ጊዳና፤
\q2 ኢዚ ቢታይ ጹጌቲዛ
\q2 ዲኔ ጊዳና፤
\q2 ኢዚ ቢታይ ሺዳ ማላ ኤጻና።
\q1
\v 10 ኢዞ ሚዛ ታማይ
\q1 ቃማኔ ጋላስ ቶኤና፤
\q2 ጩዋይካ ሜርናስ ቱሉ ጋና፤
\q2 ዬሌታፔ ዬሌታ ጋካናስ
\q3 ካይስ ጊዳና።
\q2 ኦኒካ ናምኣን
\q2 ሄራ ኣና።\x - \xo 34፡10 \xo*\xt ኣጁ 14፡11፤ 19፡3\xt*\x*
\q1
\v 11 ጺሎይኔ ቁጻርሲ ኢዞ ላታና፤
\q2 ጉቶይኔ ቁሮይ
\q2 ኢዚን ኬ ኬጻና፤
\q2 ጾሲ ኤዶሜ ቦላ
\q2 ኢዞ ላላና ዎዶሮኔ
\q2 ኢዞ ይሳና ቱምቤ ዬዳና።
\q1
\v 12 ኢዚ ዳናቲ
\q2 ካዎ ጌቴቲ ጼይጌታናስ
\q2 ዳንዳይዛ ሚሺ ዴና፤
\q2 ኢዚ ሃላቃቲ
\q3 ሙሌራ ፒቴቲ ያና።
\q1
\v 13 ጊምቤቲ ዩዪዳ ካታማታ፥
\q2 ኢዚ ሚጻታ ዶዮይኔ
\q2 ኦካይ ላታና፤
\q2 ዎራካናታ ኦላኔ
\q2 ጉቶታ ዱሳሶ ጊዳና።
\q1
\v 14 ባዞ ዶኣቲ ጎዳሬታራ
\q2 ኢሲፌ ዳና፤
\q2 ባዞ ዴይሽ ሚሳቲዛ
\q2 ዳይዳንቲ
\q2 ባንታ ጊዶን ጼይጌታና፤
\q2 ኦማርሳ ሜታቲ
\q2 ሄን ሼምፓና፤
\q2 ባንታስ ዱሳሶ ሄን ዴማና።
\q1
\v 15 ጉቶይ ሄ ኬን
\q2 ጱጱሌታ ዬጋና፤
\q2 ዛራዳካ ጱቂሳና፤
\q2 ባ ጪዬታካ ሃጳና፤
\q2 ዎሌቲ ዋን ዋን
\q3 ሄን ሺቃና።
\p
\v 16 ጎዳ ማጻፋን ጼሊቴ፤ ናባቢቴ።
\q2 ሃይታፔ ኢሶይካ ፓጬና፤
\q2 ኢሶይ ኢሶይ ባስ
\q2 ዋ ላጌ ዬና፤
\q2 ሃይሲ ሃ ኣዛዞዚ
\q3 ኢዛ ዶናፔ ኬዚዴስ፤
\q2 ኢዛ ኣያናይ ኢስታ
\q3 ኢሲ ቦላ ሺሻና።
\q1
\v 17 ኢስታ ጊሻ ጊሻ ኢስታስ ዎና፤
\q2 ኢዛ ኩሼይ ሜዛኔን
\q2 ሜዛኔን ጊሻና፤
\q2 ኢዛ ሜርናስ ኢስታስ ጊዳና፤
\q2 ዬሌታፔ ዬሌታ ጋካናስ
\q3 ኢስቲ ኢዚን ዴኣና።
\c 35
\s ዎዜቲዳ ዴሬ ኡፋይስ
\q1
\v 1 ባዞይኔ ሜላ ቢታይ ኡፋዬታና፤
\q2 ኣይኮይ ባይንዳ
\q2 ባዞይ ኡፋዬታና፤
\q2 ጪሻ ማላካ ጪያና።
\q1
\v 2 ኢዚ ዳሮ ኡፋዬታናኔ ሚጫና፤
\q2 ሊባኖሴ ቦንቾይ
\q2 ኢዛስ ኢሜታና፤
\q2 ቃርሜሎሴኔ ላሻሮኔ
\q3 ቴማ ኢዚ ማይኣና፤
\q2 ኑ ጎዳ ቦንቾኔ
\q2 ጾሳ ጊታቴ ኢስቲ ቤኣና።
\b
\q1
\v 3 ዳቡርዳ ቄሴታ ሚንቴ፤
\q2 ኣርጋጪዳ ጉልባታታ ሚንቴ።\x - \xo 35፡3 \xo*\xt ኢብ 12፡12\xt*\x*
\q1
\v 4 ዎዚናን ያሻይ ዲዛይታ
\q2 «ሚኒቴ! ያዮፍቴ!
\q2 ኢንቴ ጾሲ ዪዲ ሃሎ ኬሳና፤
\q3 ኢዚ ኢንቴና ኣሻናሲኔ
\q3 ሃሎ ኬሳናስ ያና» ጊቴ።
\b
\q1
\v 5 ሄ ዎዴ ቆቄታ ኣይፌይ ጼላና፤
\q2 ቱሌታ ሃይ ሲያና።
\q1
\v 6 ዎቤይ ጌኔሳ ማላ ጉፓና፤
\q2 ዱዴ ዶናይ ኡፋይሳን ዬጻና፤
\q2 ባዞፌ ሃ ኬዛና፤
\q2 ፑልቶይ ባዞ ቢታፌ ፑልታና።\x - \xo 35፡5-6 \xo*\xt ማቶ 11፡5፤ ሉቃ 7፡22\xt*\x*
\q1
\v 7 ጹጊዛ ቢታን
\q2 ኤሌ ሃ ኩማና፤
\q2 ሜላ ቢታቲ ሃ ፑልታና፤
\q2 ዎራካናቲ ኣቂዛ ኦላን
\q2 ማታይ፥ ማቃይኔ
\q2 ሻጫይ ሞካና።
\b
\q1
\v 8 ሄን ዎጋ ኦጌይ ኦሴታና፤
\q2 ኢዚካ፥ «ጌሻቴ
\q2 ኦጌ» ጌቴታና።
\q2 ቱናቲ ሄ ኦጌራ ቤቴና፤
\q2 ኦጌዚ ሄ ኦጌራ ቢዛይታስ
\q3 ጻላ ጊዳና፤
\q2 ጌላቲ ሄ ኦጋራ
\q2 ባና ዳንዳዬቴና።
\q1
\v 9 ሄን ጋሞይ ዴኤና፤
\q2 ዳፊ ሚዛ ዶኣይካ ኢዛን ኬዜና፤
\q2 ሄይታንቲ ሄን ቤቴቴና፤
\q2 ዎዜቲዳይቲ ጻላ ሄራ ባና።
\q1
\v 10 ጎዳይ ማዲዳይቲ ሲማና፤
\q2 ኢስቲ ዬጺሼ ጺዮኔ ጌላና፤
\q2 ሜርና ኡፋይሳ
\q2 ካላቻ ማላ ጎጻና፤
\q2 ኢንጄኔ ኡፋይስ ዴማና፤
\q2 ጬጬይኔ ካዮይ
\q2 ሄፔ ባቃታና።
\c 36
\s ዬሩሳላሜ ቦላ ሴናኪሬሜ ማንዴ
\r (2ካዎ 18፡13-27፤ 2ታሪ 32፡1-19)
\p
\v 1 ካዎ ሂዝቂያሲ ካዎቲዳ ታማኔ ኦይዳን ላይን፥ ኣሶሬ ካዎ ሴናኪሬሜይ ጊምቤቲዳ ዩሁዳ ካታማታ ኡባ ኦሊ ኦይኪዴስ። 
\v 2 ኣሶሬ ካዎይ ላኪሼ ጌቴቲዛ ካታማፔ ኦላ ጋዳዋ ጮራ ኦላንቻታራ ካዎ ሂዝቂያሳኮ ዬሩሳላሜ ዬዲዴስ። ኦላ ጋዳዋዚ ማይኦ ሜጪዛዴዛ ጋዴኮ ኤፊዛ ኦጌፔ ቆሞ ባጋራ ዲዛ ኤሌ ሃኮ ኢዛ ዛራ ላንቄን ኤቂዴስ። 
\v 3 ካዎ ኬ ኣይሲዛ ኪልቂያሳ ና ኤልያቄሜይ፥ ጻፌዚ ሼቢናይኔ ታሪኬ ጻፌዚ ኣሳፌ ና ዮኣሂ ኢዛኮ ካሬ ኬዚዳ።
\p
\v 4 ኦላ ጋዳዋዚ ኢስታስ፥ «ሂዝቂያሳሲ፥ ‹ዎልቃማ ኣሶሬ ካዎ፥ ኔኒ ሃይሳ ማላ ኔ ኣማኔቲዳይ ኣዛኔ? 
\v 5 ኔኒ ኦላ ኤራቴኔ ሚኖ ኦላንቻቲ ታስ ዴቴስ ጋሳ፤ ጊዶ ኣቲን ኔኒ ጎኣይ ባይንዳ ቃላ ጻላ ሃሳያሳ፤ ሂስቲን ኔ ኦናን ኣማኔታዳ ታ ቦላ ማካላይ? 
\v 6 ሄኮ ኔኒ ኣሲ ኢዛ ኦይኪ ዳርቲን ሜቂዲ ማዱንዛ ማቃ ሚሳቲዛ ጊብጼን ኣማኔታዳሳ፤ ጊብጼ ካዎ ፓሮኔይካ ኢዛን ኣማኔቲዛ ኡባስ ሄሳ ማላ።›\x - \xo 36፡6 \xo*\xt ሂዚ 29፡6-7\xt*\x*
\p
\v 7 «ኔኒ ታስ፥ ‹ኑኒ ጎዳን፥ ኑ ጾሳን ኣማኔቶስ› ጊኮ፥ ኢዛስ ጎይኒዛ ቃሶሆታኔ ያርሾሶሆታ ሂዝቂያሲ ላሊዲ ዩሁዳ ኣሳኔ ዬሩሳላሜ ኣሳ፥ ‹ኢንቴ ጎይናናስ ቤሲዛይ ሃይሳ ማላ ኢሲ ያርሾሶን ጻላ ጊዳናስ ቤሴስ› ጊቤኔ?
\p
\v 8 «ኣኔ ሃኢ ሃ ያዳ ታ ጎዳ ኣሶሬ ካዎራ ጊጋና ማላ ሃሳያ፤ ኔስ ቶጋ ዳንዳይዛ ኣሳቲ ዲኮ 2,000 ፓራታ ታኒ ኔስ ኢማና። 
\v 9 ኔኒ ጊብጼ ፓራ-ጋሬታኒኔ ቶጋንቻታን ኣማኔቲዛ ጊዲኮ ታ ጎዳ ኦላንቻታፔ ኢሲ ላፋ ቡቴዛ ኔ ዎስታ ዛራኔ? 
\v 10 ቃሴ ሃይሳ ቢታ ይሳናስ ጎዳ ኣዛዞይ ባይንዳ ታ ዪዳ ኔስ ሚሳቲዜ? ጎዳይ ባ ሁኤራ ሃይሳ ዴራ ታኒ ኦላ ይሳና ማላ ታስ ዮቲዴስ» ጊዴስ።
\p
\v 11 ኤልያቄሜይ፥ ሼቢናይኔ ዮኣሂ ኦላ ጋዳዋዛ፥ «ኑ ኤሪዛ ኣራሜ ቃላራ ኑስ ኔ ኣይሌታስ ዮታ፤ ጊምቤዛ ቦላ ዲዛ ዴሬዚ ኤሪዛ፥ ኢብራዌታ ቃላን ኑስ ዮቶፓ» ጊዳ።
\p
\v 12 ጊዶ ኣቲን ኦላ ጋዳዋዚ ዛሪዲ፥ «ታ ጎዳይ ታና ኪቲ ዬዲዳይ ሃይታ ሃ ዮኦታ ኔ ጎዳሲኔ ኔስ ጻላ ዮታናሴ? ኢንቴ ማላ ባንታ ሺያ ማናሲኔ ባንታ ሼሽ ኡያናስ ጊምቤ ቦላ ኡቲዳ ኣሳሳራ ዮታና ማላ ጊዴኔ?» ጊዴስ።
\p
\v 13 ሄሳፌ ጉዬ ኦላ ጋዳዋዚ ኢብራዌታ ቃላራ ባ ቃላ ቁ ሂስቲዲ፥ «ዎጋ ዎልቃማ ኣሶሬ ካዎ ቃላ ሲዪቴ! 
\v 14 ካዎዚ፥ ‹ሂዝቂያሲ ኢንቴና ጪሞፎ፤ ኢዚ ኢንቴና ኣሻና ዳንዳዬና። 
\v 15 ጎዳይ ቱማ ኑና ኣሻና፤ ሃ ካታማያካ ኣሶሬ ካዎስ ኢሜቱኩ› ጊዲ ኢንቴ ጎዳን ኣማኔታና ማላ ኦፎ» ጊዴስ።
\p
\v 16 «ሂዝቂያሲ ጊዛይሳ ሲዮፒቴ። ኣሶሬ ካዎይ ኢንቴና፥ ‹ታናራ ሲጌቲቴ፤ ሃ ታኮ ኬዚቴ። ሄሳፌ ጉዬ ኢንቴ ኡባይካ ኢንቴ ዎይኔፔኔ ኢንቴ ባላሴፔ ማንዴታ፤ ኢንቴ ቦኪዳ ኦላፌ ሃ ኡያንዴታ። 
\v 17 ሄሳ ኢንቴ ሃናናይ ታኒ ያዳ ኢንቴና ኢንቴ ቢታ ሚሳቲዛ ዴሬ ዴን ኤፋና ጋካናሳ። ሄ ቢታይ ካኔ ዎይኔ ኡሺ፥ ካ ቢታኔ ዎይኔ ኣታኪልቴይ ኩሚዳ ቢታ› ጌስ።
\p
\v 18 «ሂዝቂያሲ፥ ‹ጎዳይ ኑና ኣሻና› ጊዲ ኢንቴና ጪሞፎ። ሃኖ ጋካናስ ካዎቴታ ጾሳታፔ ባ ዴራ ኣሶሬ ካዎ ኩሼፔ ኣሺዳ ጾሲ ዲዜ? 
\v 19 ሃማቴ ጾሳቲኔ ኣርፋዴ ጾሳቲ ኣዋን ዲዞ? ሴፋርዋይሜ ጾሳቲ ኣዋን ዲዞ? ሃይቲ ሳማሪያ ታ ኩሼፔ ኣሺዶ? 
\v 20 ሃይታ ሃ ዴሬታ ጾሳታ ኡባፌ ባ ዴራ ታ ኩሼፔ ኣሻና ዳንዳይዳይ ኣዋይሴ? ሂስቲን ጎዳይ ዬሩሳላሜ ታ ኩሼፔ ዎስቲ ኣሻና ዳንዳይዜ?» ጊዴስ።
\p
\v 21 ጊዶ ኣቲን ካዎዚ ኢስታስ፥ «ኢዛስ ኣይኮካ ዛሮፒቴ» ጊ ኣዛዚዳ ጊሻስ ኣሳይ ኢሲ ቃላካ ቃቶንታ ጮኡ ጊዴስ። 
\v 22 ሄሳፌ ጉዬ ካዎ ኬ ኣይሲዛ ኪልቂያሳ ና ኤልያቄሜይ፥ ጻፌ ሼቢናይኔ ታሪኬ ጻፌዚ ኣሳፌ ና ዮኣሂ ባንታ ማይኦ ዳኪዲ ሂዝቂያሳኮ ቢዳ፤ ሂስቲዲ ኣሶሬታ ኦላ ጋዳዋይ ጊዳይሳ ኡባ ኢዛስ ዮቲዳ።
\c 37
\s ካዎ ሂዝቂያሲ ኢሳያሳ ኦይቺዳ ዞሬ
\r (2ካዎ 19፡1-7)
\p
\v 1 ካዎ ሂዝቂያሲ ሄሳ ሲዪዳ ማላ ባ ማይኦ ዳኪዴስ፤ ሄሳፌ ጉዬ ማቃ ማይኢዲ ጎዳ ኬ ጌሊዴስ። 
\v 2 ካዎ ኬ ኣይሲዛ ኤልያቄሜይ፥ ጻፌ ሼቢናይኔ ቄሴታፔ ኤሬቲዳይቲ ኡባይ ማቃ ማይኢዲ ኣሞጼ ና ናቤ ኢሳያሳኮ ባና ማላ ኪቲዴስ። 
\v 3 ኢስቲካ ኢሳያሳስ ቢዲ፥ «ሂዝቂያሲ፥ ‹ሃ ጋላሳይ ጬጬ፥ ቂጻቴኔ ካዉሻቴ ጋላሳ፤ ሄሲካ ናይ ዬሌታና ሃኒሺን ኣቤይ ኢጺዛ ጋላሳ ማላ ጊዲዴስ። 
\v 4 ዴኦ ጾሳ ጫያና ማላ ኢዛ ጎዳ ኣሶሬ ካዎይ ኪቲዳ ኦላ ጋዳዋ ቃላ ጎዳ ኔ ጾሳይ ሲዮንታ ኣጌና። ቃሴ ጎዳ ኔ ጾሳይ ሄ ሲዪዳ ቃላ ጋሶን ኢዛ ቃጻዮንታ ኣጌና። ሄሳ ጊሻስ ኔኒ ሼምፖራ ፓጻ ኣቲዳ ጫሻታ ጊሻስ ዎሳ› ጌስ» ጊዳ።
\p
\v 5 ካዎ ሂዝቂያሲ ኪቲዳይቲ ኢሳያሳኮ ዪዳ ዎዴ፥ 
\v 6 ኢሳያሲ ኢስታስ ዛሪዲ፥ «ኢንቴ ጎዳሲ ቢዲ፥ ‹ጎዳይ ኔና፥ ኣሶሬ ካዎ ኣሽካራቲ ታና ጫዪሺን ኔኒ ሲዪዳ ጫሻ ቃላስ ሂርጎፋ። 
\v 7 ቤያ፥ ታ ኢዛ ቦላ ኣያና ኪታና፤ ኢዚ ዎሬ ሲዪዲ ባ ዴሬ ሲሚ ባና፤ ሄን ባ ዴሬን ማሻን ሃይቃና ማላ ታ ኦና› ጊቴ» ጊዴስ።
\s ኣሶሬቲ ናምኣን ኪቲዳ ማንዴ ቃላ
\r (2ካዎ 19፡8-19)
\p
\v 8 ኣሶሬ ካዎይ ላኪሼ ካታማፔ ዴንዲ ቢዳይሳ ኦላ ጋዳዋዚ ሲዪዲ ጉዬ ሲሚዴስ። ሂስቲዲ ካዎዚ ሊቢና ካታማ ኦሊሺን ዴሚዴስ።
\p
\v 9 ካዎ ሴናኪሬሜይ፥ ቶጵያ ካዎ ቲራቄይ ኢዛ ኦላና ዪዛይሳ ሲዪዴስ፤ ሄሳ ሲዪዳ ማላ ሂዝቂያሳስ ኪታ ዬዲዲ፥ 
\v 10 «ዩሁዳ ካዎ ሂዝቂያሳስ፥ ‹ዬሩሳላሜይ ኣሶሬ ካዎ ኩሼን ጌሌና› ጊን ኔ ኣማኔቲዳ ጾሲ ኔና ጪሞፎ። 
\v 11 ሄኮ ኣሶሬ ካዎቲ ቢታ ኡባ ቦላ ኢስቲ ኦዳይሳኔ ሙሌራ ኢስታ ይሲዳይሳ ኔ ሲያዳሳ። ሂስቲን ኔ ኬሳ ኤካ ኣታና ሚሳቲዜ? 
\v 12 ካሴ ታ ኣዋቲ ይሲዳ ጎዛኔን፥ ካራኔኒኔ ኤራፌሴን ሄሳካ ታላሳሬን ዴኢዛ ኤዴኔ ኣሳ ኢስታ ጾሳቲ ሄ ቢታታ ኣሺዶ? 
\v 13 ሃማቴ ካዎይ፥ ኣርፋዴ ካዎይ፥ ሴፋርዋይሜ ካዎይ፥ ሄና ካዎይኔ ኢዋ ካዎይ ኣዋን ዲዞ?» ጊዴስ።
\s ሂዝቂያሳ ዎሳ
\p
\v 14 ሂዝቂያሲ ዳብዳቤዛ ኪቴቲዳ ኣሳታፔ ኤኪዲ ናባቢዴስ። ጎዳ ኬ ኤኪ ኤፊዲ ጎዳ ሲንን ሚጪዴስ። 
\v 15 ሂስቲዲ ጎዳ ዎሲሼ፥ 
\v 16 «ኣቤት ጎዳዉ፥ ኡባፌ ዎልቃማ ጾሳዉ፥ ኪሩቤታፔ ጊዶን ኡቲዛ ኢስራኤሌ ጾሳዉ፥ ሳኣ ካዎቴታ ኡባ ቦላ ኔ ጻላ ጾሳ። ሳሎኔ ሳኣ ኔኒ ሜዳሳ።\x - \xo 37፡16 \xo*\xt ኬሳ 25፡22\xt*\x* 
\v 17 ኣቤት ጎዳዉ፥ ኔ ሃይ ሃ ዬጋዳ ኤዝጋ። ኣቤት ጎዳዉ፥ ኔ ኣይፌ ፖጋዳ ሃ ጼላ። ኔና ዴኦ ጾሳ ጫያናስ ሴናኪሬሜይ ኪቲዳ ቃላ ሲያ።
\p
\v 18 «ኣቤት ጎዳዉ ቱማካ፥ ኣሶሬ ካዎቲ ሃ ካዎቴታኔ ኢስታ ቢታ ኡባ ባዞ ኬሲዳ። 
\v 19 ኢስታ ጾሳታ ታማን ጹጊዳ፤ ኢስታ ጾሳቲ ዎኒካ ሚፌኔ ሹቻፌ ኣሳ ኩሼን ማሴቲ ኬዚዳ ሚስሌፔ ኣቲን ጾሳታ ጊዴቴና። 
\v 20 ሃኢካ ኣቤት ጎዳዉ፥ ኑ ጾሳዉ ኔኒ ጎዳይ ጻላ ጾሳ ጊዲዳይሳ ሳኣ ካዎቴቲ ኡባይ ኤራና ማላ ኑና ኢዛ ኩሼፔ ኣሻ!» ጊ ዎሲዴስ።
\s ኢሳያሲ ካዎ ሂዝቂያሳስ ዬዲዳ ኪታ
\r (2ካዎ 19፡2-37)
\p
\v 21 ሄሳፌ ጉዬ ኣሞጼ ና ኢሳያሲ ካዎ ሂዝቂያሳሲ፥ «ጎዳይ ኢስራኤሌ ጾሳይ፥ ‹ኔኒ ኣሶሬ ካዎ ሴናኪሬሜይ ማንዲዳ ማንዴ ጊሻስ ዎሲዳ ዎሳ ታ ሲያዲስ› ጌስ።
\p
\v 22 «ጎዳይ ሴናኪሬሜ ጊሻስ ዮቲዳ ቃላይ፥
\q1 «ጌላኦያ ጺዮኔ ናያ
\q2 ኔና ካዱሲኔ ሌቃዱስ።
\q2 ዬሩሳላሜ ናያ
\q2 ኔ ባቃቲሺን ቤኣዳ
\q2 ባ ቆ
\q2 ቃዱስ።
\q1
\v 23 ኔ ኦና ጫያይኔ ካዉሻይ?
\q2 ኦና ቦላ ኔ ቃላ
\q3 ቁ ሂስታ ሃሳያይ?
\q2 ኦቶሮ ኣይፌን ኦና ጼላይ?
\q2 ኢስራኤሌ ጌሻ ቦላ
\q2 ጊዴኔ!
\q1
\v 24 ኔኒ ኪቲዳ ኣሳታ ባጋራ
\q2 ጎዳ ቦላ ዳሮ
\q2 ጫሻ ቃላ ሃሳያዳሳ።
\q2 ቃሴካ፥ ‹ታኒ ጮራ ፓራ-ጋሬታን
\q2 ዙማታ ካራ፥
\q3 ሊባኖሴ ሁኤ ኬዛዲስ።
\q2 ሂስታዳ ኣዱሳ ዚጋታኔ
\q2 ኡባፌ ሎኢዛ ጺዳታ ቃንጻዲስ።
\q3 ታኒ ኬሂ ቃሶሆታኒኔ
\q3 ኬሂ ካይሺዛ ዎራን ጋካዲስ።
\q1
\v 25 ታኒ ኣላጋ ቢታታን
\q2 ሃ ኦላታ ቦካዲስ፥
\q2 ኢስታፌካ ሃ ኡያዲስ።
\q2 ጊብጼ ቢታን ዲዛ
\q3 ፑልቶ ሃታ ኡባ
\q2 ታ ቶሆን ዬ
\q2 ሜሊሳዲስ› ጋዳሳ።
\b
\q1
\v 26 «ታኒ ዳሮ ዎዴፔ
\q2 ካሴ ቃቺዳይሳ፥
\q2 ታ ቤኒ ሃልቺዳይሳ
\q2 ኔ ሲያቤኪ?
\q2 ሃኢ ጊዲኮ
\q2 ፖሌታና ማላ ኦዲስ፤
\q3 ኔኒካ ጊምቤቲዳ ካታማታ
\q3 ላላዳ ሹቻ ዶሬ ኬሳና።
\q1
\v 27 ኢስታ ዴራስ ዎልቃይ ኢጺዴስ፤
\q2 ኢስቲካ ዳጋሚዳኔ ካዉዪዳ።
\q2 ኢስቲ ጋዴን ዲዛ ዶዛታ ማላ፥
\q2 ሙልኦ ጫሬቻታ ማላ፥
\q2 ኬ ካራን ሞኪዳ
\q2 ማታ ማላኔ
\q2 ኬሶንታ ቆይዳ ካ
\q2 ማላ ጊዲዳ።
\b
\q1
\v 28 «ጊዶ ኣቲን ኔኒ ኡቲዛሶ፥
\q2 ኔ ኣይዴ ያዳ ኣይዴ ባናኮ፥
\q2 ኔ ታ ቦላ ዋና
\q2 ሃንቆን ዴንዳናኮ
\q2 ታ ኤራይስ።
\q1
\v 29 ኔኒ ታ ቦላ
\q2 ሃንቆን ዴንዴቲዳ ጊሻሲኔ፥
\q2 ኔ ሃላጪዛይሲ ታ ሃይን
\q3 ዎዳ ጊሻስ፥
\q2 ታኒ ኔ ሲን ዳፎ ኣና፤
\q2 ኔ ዶናንካ ቢጻላ ባርሳና፤
\q2 ኔ ዪዳ ኦጌራካ ታ ኔና
\q3 ጉዬ ዛራ ዬዳና» ጊዴስ።
\b
\q1
\v 30 «ሄሳፌ ጉዬ ኢሳያሲ
\q2 ካዎ ሂዝቂያሳስ፥
\q2 ሃይሲ ኔስ ማላታ ጊዶ፤
\q2 ሃ ላይ ኢንቴ ኣዛባ ሞኪዳ
\q3 ካ ማና፤
\q2 ዪዛ ላይካ ኣዛባፌ
\q3 ዎ ሞኪዳዝ ማና።
\q2 ጊዶ ኣቲን ሄን ላይ
\q3 ኢንቴ ዜራናኔ ማጻና፤
\q2 ዎይኔ ቶካናኔ
\q3 ኢዛ ኣይፌካ ሺሻና።
\q1
\v 31 ዩሁዳፔ ኣቲዳ ጫሻቲ
\q2 ጻጶ ዱጌ ዬዲዲ
\q3 ቦላን ኣይፌ ኣይፋና።
\q1
\v 32 ኣቲዳ ጫሻቲ ዬሩሳላሜፔ፥
\q2 ሼምፖራ ፓጻ ኣቲዳይቲ
\q3 ጺዮኔፔ ኬዛና።
\q2 ኡባፌ ዎልቃማ ጎዳ
\q3 ዚልኤቴ ሄሳ ኦና።
\p
\v 33 «ኣሶሬ ካዎ ጊሻስ ጎዳይ፥
\q2 ‹ኣሶሬ ካዎይ
\q2 ሃ ካታማ ጌሌና፤
\q2 ኢዚ ቦላ ባ ዎንዳፌ ዱኬና፤
\q2 ኢዚ ቦላ ባ ጎንዳሌ
\q2 ኦይኪዲ ዬና፤
\q2 ቃሴ ካታማ ዩሾን
\q3 ቢታ ዶሬን ጎርዴና።
\q1
\v 34 ባ ዪዳ ኦጌራ ጉዬ ሲማና፤
\q2 ኢዚ ሃ ካታማዮ ጌሌና› ጌስ።
\q1
\v 35 ታኒ ታ ቦንቾ ጊሻሲኔ
\q2 ታ ኣሽካራ ዳዊቴ ጊሻስ፥
\q2 ሃ ካታማዮ
\q2 ካማ ኣሻና» ጊዴስ።
\p
\v 36 ሄ ጋላሳ ኦማርሲ ጎዳ ኪታንቻይ ኬኢዲ፥ ኣሶሬ ኣሳይ ዱንካኒ ዲዛሶን፥ 185,000 ኣቱማሳታ ዎዴስ። ሂስቲን ኣሳይ ማላዶ ሱሪዲ ቤኢዛ ዎዴ ሃይቂዳ ኣሳ ኣሃይ ሄን ኩሚዴስ። 
\v 37 ሄሳ ጊሻስ ኣሶሬ ካዎ ሴናኪሬሜይ ኬሲ ኤኪዴስ፤ ጉዬ ሲሚ ቢዲካ ናናዌ ካታማን ኡቲዴስ።
\p
\v 38 ሳናኪሬሚ ባ ጾሳ ኒስራኬ ኬን ጎይኒሼ ዴኢሺን፥ ኢዛ ናይቲ ኣዲራሜሌኬይኔ ሳርሳሬይ ማሻን ኢዛ ዎዳ። ሂስቲዲ ኣራራቴ ቢታ ባቃቲዳ። ኢዛ ና ኣሴራዶኔይ ኢዛሶሆን ካዎቲዴስ።\f + \fr 37፡38 \fr*\ft ኢብራዌታ ቃላራ ኣሲራዶኒ ኤሳር-ሃዶን ጌቴቴስ። \ft*\f*
\c 38
\s ሃርጌፌ ሂዝቂያሳ ፓጾ
\r (2ካዎ 20፡1-11፤ 2ታሪ 32፡24-26)
\p
\v 1 ሄ ዎዴ ካዎ ሂዝቂያሲ ሃርጊዲ፥ ሃይቃና ማቲዴስ። ሂስቲን ኣሞጼ ና ናቤ ኢሳያሲ ኢዛኮ ቢዲ፥ «ጎዳይ ኔና፥ ‹ኔኒ ሃይቃናፔ ኣቲን ሃርጌዛፔ ፓጻካ፤ ሄሳ ጊሻስ ኔ ኬ ጊጊሳ› ጌስ» ጊዴስ።
\p
\v 2 ሂስቲን ሂዝቂያሲ ኬ ጎዳኮ ሲሚዲ ጎዳ ዎሲዴስ። 
\v 3 ዎሲሼ፥ «ኣቤት ጎዳዉ፥ ታኒ ኔ ሲንን ኣማኔቴኒኔ ኩሜ ዎዚናፔ ኔና ኡፋይሲዛ ሚሽ ኦሼ ታ ዋና ዴኢዳኮ ኔኒ ኣኬካና ማላ ታኒ ኔና ዎሳይስ» ጊ ዎሲዴስ፤ ሂዝቂያሲካ ኬሂ ጫሞ ዬሆ ዬኪዴስ።
\p
\v 4 ሄሳፌ ጉዬ ጎዳ ቃላይ ኢሳያሳኮ ዪዴስ። 
\v 5 ሂስቲዲ፥ «ኔኒ ባዳ ሂዝቂያሳ፥ ‹ጎዳይ ኔ ኣዋ ዳዊቴ ጾሳይ፥ ታኒ ኔ ዎሳ ሲያዲስ፤ ኔ ኣፉንካ ቤኣዲስ። ኔ ላይ ቦላ ታኒ ኔስ ታማኔ ኢቻሹ ላይ ጉጃና። 
\v 6 ኔናኔ ሃ ካታማዮ ኣሶሬ ቢታ ካዎዛ ኩሼፔ ኣሻና፤ ታኒ ሃ ካታማይ ቦላ ዪዛይሳ ቴቃና› ጌስ» ጊዴስ።
\p
\v 7 ኢሳያሲ ጉጂዲካ፥ «ጎዳይ ኔስ ጊዳ ቃላ ፖላናይሳስ ማላታይ ሃይሳፌ ካሊዛይሳ፤ 
\v 8 ቤያ፥ ኣካዜይ ፑዴ ኬኣናስ ጊግሲዳ ኬቻታ ቦላ ዎዛ ኣዋ ኩዋይ ታሙ ኬች ጉዬ ሲሚ ባና ማላ ታኒ ኦና» ጊዴስ። ሂስቲን ኩዋይ ታሙ ኬች ጉዬ ሲሚዲ ቢዴስ።
\p
\v 9 ዩሁዳ ካዎ ሂዝቂያሲ ሃርጊ ፓጺዳፔ ጉዬን ጻፊዳ ቃላይ ሃይሳፌ ካሊዛይሳ፤ 
\v 10 ታኒ፥ «ታ ዴኦ ላይስ ቡሮን ባጋ ጋኪዛ ዎዴ፥ ሃይቆ ፔንጌራ ጌላና ቤሲዜ? ታስ ኣቲዳ ላይይ ታፔ ቦንቄታናስ ቤሲዜ?» ጋዲስ።
\q1
\v 11 ቃሴካ፥ «ታኒ ሼምፖራ ፓጻ
\q2 ዴኢዛይታ ቢታን
\q2 ኔና ጎዳ ዛራ ቤኢኬ፤
\q2 ሃይሳፌ ጉዬን
\q3 ታ ኣሳ ዜሬ ቤኢኬ፤
\q2 ሃ ሳኣን ዴኢዛይታ
\q2 ጊዶንካ ዴኢኬ።
\q1
\v 12 ታ ኬ ሄንንቻታ
\q2 ዱንካኔ ማላ ሾዴቲዴስ፤
\q2 ታፔካ ኤኬቲዴስ፤
\q2 ሼማኔይ ኣፋላ ዎንዲራሼን
\q3 ጻጺዛ ማላ፥
\q2 ታኒ ታ ዴኦ ጻጻዲስ፤
\q2 ኢዚካ ታና ዎንዲራሼፔ
\q2 ዱዴስ።
\q2 ማላዶፔ ኦማርስ ጋካናስ፥
\q3 ኔኒ ታና ይሳናስ ኤሶታዳሳ።
\q1
\v 13 ሳኣይ ዎንታና ጋካናስ
\q2 ታኒ ኔና ዳንዳያን ናጋዲስ፤
\q2 ጊዶ ኣቲን ጋሞ
\q2 ማላ ኢዚ
\q3 ታ ሜቄ ኡባ ሜንሬዴስ።
\q3 ቃሴ ማላዶፔ ኦማርሲ ጋካናስ
\q3 ኔኒ ታና ይሳናስ
\q2 ኤሶታዳሳ።
\q1
\v 14 ታኒ ጪራሻኔ
\q2 ሃ ካፎ ማላ ዋሳዲስ፤
\q2 ሃራጴ ማላካ ጉጉማዲስ።
\q2 ታ ኣይፌቲ ፑዴ ሳሎ
\q3 ጼሊዲ ዳቡርዳ።
\q2 ኣቤት ጎዳዉ፥ ታኒ ኡንኤታዲስ፤
\q2 ኔኒ ታና ሃኒፌ ኬሳ!» ጋዲስ።
\b
\q1
\v 15 ሂስቲን ታ ኣይ ጋኔ?
\q2 ኢዚ ባ ሁኤራ ታስ ዮቲዴስ፤
\q2 ቃሴካ ባ ሁኤራ
\q2 ሃይሳ ኦዴስ፤
\q2 ታ ሼምፖያ
\q3 ኬሂፔ ጬጪዳ ጊሻስ፥
\q2 ታ ዴኦ ላይ ኡባን
\q3 ኣሽኬቴን ባና።
\q1
\v 16 ኣቤት ጎዳዉ ሄይታንታ ማላ
\q2 ዮኦታን ኣሳይ ፓጻ ዴስ።
\q2 ታ ኣያናይካ ሄይታንታን
\q3 ዴኦ ዴማና።
\q2 ኔ ታና ፓዳሳ፥
\q2 ታና ሼምፖራ ፓጻ ዎዳሳ!
\q1
\v 17 ሄኮ ታ ሜቶን ጬጪዳይሲ
\q2 ታስ ጎኣስ ጊዲዴስ።
\q2 ኔኒ ታ ሼምፖ ባሻ ኦላፌ
\q3 ኔ ሲቆን ናጋዳሳ፤
\q2 ኔኒ ታ ናጋራ ኡባ
\q3 ኔፔ ጉዬ ዛራዳ ኦላዳሳ።
\q1
\v 18 ዱፎይ ኔና ጋላቴና፤
\q2 ሃይቆይካ ኔና ሳቤና።
\q2 ዱጌ ኦላን ዎዛይቲ
\q2 ኔ ኣማኔቴ ሂዶታ ኦሴቴና።
\q1
\v 19 ታኒ ሃች ኔና ጋላቲዛይሳ ማላ
\q2 ሼምፖራ ፓጻ ዴኢዛይቲ ጻላ
\q3 ኔና ጋላታና፤
\q2 ኔ ኣማኔቴ ጊሻስ
\q2 ኣዋቲ ባ ናይታስ ዮቴቴስ።
\b
\q1
\v 20 ጎዳይ ታና ኣሻና፤
\q2 ሄሳ ጊሻስ ኑኒ
\q3 ኑ ዴኢዛ ላይታ ኡባን፥
\q2 ጎዳ ኬን
\q2 ዋጼቲዳ ዲን ዬጻና።
\p
\v 21 ኢሳያሲ ካሴ፥ «ባላሴ ሚ ኣይፌ ዳጺዲ፥ ኢዛ ኪጻ ቦላ ዎቴ። ሂስቲኮ ኢዚ ፓጻና»
\q2 ጊ ዎዴስ።
\p
\v 22 ሂዝቂያሲካ፥ «ታኒ ፓጻዳ ጎዳ ኬ ፑዴ ኬዛናይሳስ ማላታይ ኣዜ?» ጊዲ ኢሳያሳ ኦይቺ ዎዴስ።
\c 39
\s ባቢሎኔፔ ኪቴቲ ዪዳ ኣሳታ
\r (2ካዎ 20፡12-19)
\p
\v 1 ሄ ዎዴ ባቢሎኔ ካዎይ ባሊዳኔ ና፥ ማሮዶኬ-ባልዳኔይ ሂዝቂያሲ ሃርጊ ፓጺዳ ጊሻስ ዳብዳቤኔ ኢሞታ ኢዛስ ዬዲዴስ። 
\v 2 ሂዝቂያሲ ኪቴቲዳይታ ኡፋይሳን ሞኪ ኤኪዴስ፤ ሂስቲዲ ካዎ ሚንጃ ኬን ዲዛ ቢራ፥ ዎርቃ፥ ዱማ ዱማ ሳዎታ፥ ዶሬቲዳ ዛይቴ፥ ቃሴ ኦላ ሚሻ፥ ኢዛስ ዲዛ ሚሽ ኡባ ኢሲኖካ ኣሾንታ ዲሼ ቤሲዴስ። ኢዛ ሚንጃ ኬን ዲዛ ሚሽ ጊዲን ኢዛ ካዎቴ ጋርሳን ዲዛ ሚሽ ኡባ ቤሶንታ ኣሺዳ ሚሺ ዴና።
\p
\v 3 ሄሳፌ ጉዬ ናቤ ኢሳያሲ ካዎ ሂዝቂያሳኮ ዪዲ፥ «ሃ ኣሳቲ ኔና ኣይ ጊዶ? ኢስቲ ኔኮ ኣዋፔ ዪዶ?» ጊ ኦይቺዴስ።
\p ሂዝቂያሲካ ዛሪዲ ኢዛስ፥ «ሃ ኣሳቲ ታኮ ሃኮ ቢታፌ ባቢሎኔፔ ዪዳ» ጊዴስ።
\p
\v 4 ኢሳያሲ ቃሴካ፥ «ኔ ካዎቴ ኬፌ ኣይ ቤኢዶ?» ጊዴስ።
\p ሂዝቂያሲ፥ «ታ ካዎቴ ኬን ዲዛ ኡባ ቤኢዳ፤ ታ ቤሶንታ ኣሺዳ ኢሲ ሚሺካ ዴና» ጊዴስ።
\p
\v 5 ሄሳፌ ጉዬ ኢሳያሲ ሂዝቂያሳስ፥ «ኡባፌ ዎልቃማ ጎዳይ ጊዛይሳ ሲያ፤ 
\v 6 ‹ኔ ካዎቴ ኬን ዲዛ ኡባይ፥ ካሴ ኔ ኣዋቲ ሃች ጋካናስ ሺሺዳ ኡባይ ዲኤቲዲ ባቢሎኔ ባና ዎዴይ ያና፤ ኢሲኖካ ኣሾንታ ማጺ ኤፊዛ ዎዴይ ያና› ጌስ ጎዳይ። 
\v 7 ኔፔ ዬሌቲዳይቲኔ ኔ ዜሬፌ ዬሌቲዳይቲ ዲኤቲ ቢዲ ባቢሎኔ ካዎ ኬን ጉንዱላ ጊዲዲ ኦና» ጊዴስ።\x - \xo 39፡7 \xo*\xt ዳኔ 1፡1-7፤ 2ካዎ 24፡10-16፤ 2ታሪ 36፡10\xt*\x*
\p
\v 8 ሂዝቂያሲ ዛሪዲ፥ «ኔኒ ዮቲዳ ጎዳ ቃላይ ሎኦ» ጊዴስ። ሂዝቂያሲ፥ «ታኒ ዴኢዳ ላይን ታስ ሳሮኔ ዎፓ ጊዶ» ጊ ቆፒዳ ጊሻሳ።
\c 40
\s ጾሳ ዴሬ ሚንዛ ቃላ
\p
\v 1 ኢንቴ ጾሳይ፥
\q2 «ሚንቴ!
\q2 ታ ዴሬዛ ሚንቴ!
\q1
\v 2 ዬሩሳላሜስካ ሹጎ
\q2 ቃላራ ዮቲቴ፤
\q2 ኢዚስ ኣዋጂቴ፤
\q2 ኢዛ ኣይሌቴን
\q3 ኦዛ ዎዴይ ዉሪዴስ፤
\q2 ኢዚ ናጋራ ዋጋይ ጪጌቲዴስ፤
\q2 ኢዛ ባ ናጋራ ኡባ ጊሻስ
\q2 ጎዳፔ ናምኡ ኩሼ
\q3 ቂጻቴ ኤካዱስ» ጌስ።
\m
\v 3 ኣዋጃ ዮቲዛዴ ጬንጉርሲ፥
\q2 «ባዞን ጎዳ ኦጌ ጊግሲቴ፤
\q2 ኑ ጾሳስ ኣራባ ባዞን
\q3 ኣኮ ኦጌ ጊግሲቴ።\x - \xo 40፡3 \xo*\xt ማቶ 3፡3፤ ማር 1፡3፤ ዮሃ 1፡23\xt*\x*
\q1
\v 4 ሾባይ ኡባይ ፑዴ ቁ ጋና፤
\q2 ዙማይኔ ዙምቡላይ ዚቂ ጋና፤
\q2 ኩንዱኩርጮ ቢታይ
\q3 ኢሲ ጊና ጊዳና፤
\q2 ኩርፖቲ ዴምባ ጊዳና።
\q1
\v 5 ሄ ዎዴ ጎዳ
\q2 ቦንቾይ ቆንጫና፤
\q2 ኣሾ ማይኢዳ ኡባይ
\q2 ሄሳ ሃሳይዴስ» ጌስ።\x - \xo 40፡3-5 \xo*\xt ሉቃ 3፡4-6\xt*\x*
\q1
\v 6 ጬንጉርሲ ታና፥
\q2 «ዋሳ!» ጊዴስ።
\q2 ታኒካ፥ «ኣይ ጋ ዋሶ?» ጋዲስ።
\q2 ኢዚካ፥ «ኣሲ ኡባይ ማታ ማላ፤
\q2 ኢዛ ቦንቾ ኡባይካ
\q3 ዴምባ ጪሻ ማላ።
\q1
\v 7 ጎዳይ ባ ሼምፖ
\q2 ኢዛ ቦላን ሼምፒሺን
\q2 ማታይ ሜሌስ፤
\q2 ጪሺካ ቆኬስ፤
\q2 ቱማፔ ዴሬይ ማታ ማላ።
\q1
\v 8 ማታይ ሜሌስ፤
\q2 ጪሻይካ ቆኬስ፤
\q2 ጊዶ ኣቲን ኑ ጾሳ ቃላይ
\q2 ሜርናስ ሚኒ ዴስ»
\q3 ጋዳ ዋሳ ጊዴስ።\x - \xo 40፡6-8 \xo*\xt ያቆ 1፡10-11፤ 1ጴጽ 1፡24-25\xt*\x*
\q1
\v 9 ኔኖ ሚሺራቾ
\q2 ጺዮኔስ ዮቲዛይሶ፥
\q2 ቃ ዙማ ቦላ ኬዛ፤
\q2 ኔኖ ሚሺራቾ
\q2 ዬሩሳላሜስ ዮቲዛይሶ፥
\q2 ኔ ጬንጉርሳ
\q2 ቁ ሂስታ ዋሳ፤
\q3 ቁ ሂስታ፥ ባቦፋ፤
\q3 ዩሁዳ ካታማታስ፥
\q3 «ሄኮ ኢንቴ ጾሳ»
\q2 ጋዳ ዮታ።
\q1
\v 10 ሄኮ ኡባ ሃሪዛ ጎዳይ
\q2 ዎልቃራ ዬስ፤
\q2 ኢዛ ቄሴይ ኢዛ ጊሻስ ሃራና።
\q2 ቤኢቴ ኢዛ ዎይቶይ ኢዛራ ዴስ፤
\q2 ኢዚ ጪጋና ኦሶ ዋጋይካ
\q3 ኢዛራ ዴስ።\x - \xo 40፡10 \xo*\xt ኢሳ 62፡11፤ ኣጁ 22፡12\xt*\x*
\q1
\v 11 ኢዚ ባ ዉዴ
\q2 ሄንንቻ ማላ ሄሜስ፤
\q2 ባ ላቃታካ
\q2 ባ ቄሴን ቶኬስ፤
\q2 ባ ኪኦንካ ኢዲሜስ፤
\q2 ንዛይታካ
\q2 ሎዳራ ካሌስ።\x - \xo 40፡11 \xo*\xt ሂዚ 34፡15፤ ዮሃ 10፡11\xt*\x*
\q1
\v 12 ሃታ ባ ኩሼ
\q2 ኩጴን ማኪዳይ፥
\q2 ሳሎታ ታኪዳይ፥
\q2 ባና ዳቾን
\q2 ማኪ ኦይኪዳይ፥
\q2 ዙማታ ባ ሜዛኔን፥
\q2 ዙምቡላታካ ሜዛኔን ዎዳይ ኦኔ?
\q1
\v 13 ጎዳ ኣያና ሻኪ ኤሪዳይ፥
\q2 ኢዛ ዞሪዛዴ ጊዲ
\q2 ታማርሲዳይ ኦኔ?\x - \xo 40፡13 \xo*\xt ኦሮ 11፡34፤ 1ቆሮ 2፡16\xt*\x*
\q1
\v 14 ኤራቴ ዴማናስ ጎዳይ
\q2 ኦና ዞሬ ኦይቺዴ?
\q2 ሱሬ ኦጌ ኢዛ ታማርሲዳይ ኦኔ?
\q2 ኤራቴ ኢዛ ታማርሲዳይ፥
\q2 ኣኬካ ኦጌካ ኢዛ ቤሲዳይ ኦኔ?
\q1
\v 15 ቤኢቴ ካዎቴቲ ጎምቦ ጊዶን
\q2 ጾኪዳ ሃ ማላ፤
\q2 ኢስቲ ሜዛኔ ቦላ ዲዛ
\q3 ጉዱላ ማላ ቆዴቴቴስ፤
\q2 ሃሩሮታ ሊቆ
\q2 ቢታ ማላ ጌዳሬስ።
\q1
\v 16 ሊባኖሴይ ያርሾሶሆ
\q2 ታማስ ጊዱኩ፤
\q2 ኢዚ ሜዶሳታ ቆዳይካ
\q3 ጹጌቲዛ ያርሾስ ጉ።
\q1
\v 17 ካዎቴቲ ኡባይ ኢዛ ሲንን
\q2 ኣይኮካ ጊዴቴና፤
\q2 ኢስቲ ኣይኮራካ
\q2 ጋኪ ቆዴቶንታ
\q3 ሃዳ ሚሻ ማላ።
\q1
\v 18 ሂስቲን ኢንቴ ጾሳ
\q2 ኦናራ ጊኒሴቲ?
\q2 ኣይ ሚስሌራ ጋ ጊኒሴቲ?
\q1
\v 19 ኤቃ ሚስሌይ ጊዲኮ
\q2 ሂላ ኩሼን ማሴቲዴስ፤
\q2 ሄሳ ዎርቃ
\q2 ኦዛዴይ ቦላራ
\q3 ዎርቃን ሜሼስ፤
\q2 ቢራ ሳንሳላታካ ኢዛስ ጊጊሴስ።\x - \xo 40፡18-19 \xo*\xt ሃዋ 17፡29\xt*\x*
\q1
\v 20 ሄሳ ማላ ያርሾ
\q2 ሺሻናስ ዳንዳዮንታ
\q2 ማንቆ ኣሲ ሙሶንታ
\q2 ሚ ዶሬስ፤
\q2 ኩንዶንታ ሚስሌ ኤሳናስ
\q3 ኤሬቲዳ ሂላ ኮዬስ።
\q1
\v 21 ኢንቴ ሄሳ ኤሬኬቲ?
\q2 ዎይኮ ሲዪቤኬቲ?
\q2 ቤኒ ቤኒ ኢንቴስ ዮቴቲቤኔ?
\q2 ሳኣይ ሜቶሶፌ ዶሚን
\q3 ኢንቴ ኣኬኪቤኬቲ?
\q1
\v 22 ኢዚ ቢታ ዩሾፔ ቦላራ
\q2 ባ ኣራታን ኡቴስ፤
\q2 ቢታ ቦላ ዲዛ ዴሬይ
\q2 ቦሌ ማላ፤
\q2 ሳሎታ ማጋላሻ ማላ ሚጬስ፤
\q2 ዱሳሶ ዱንካኔ ማላ ቶኬስ።
\q1
\v 23 ሃላቃታ ሃዳ ሂስታና፤
\q2 ሃ ቢታ ኣይሲዛይታካ
\q3 ፒቲ ይሴስ።
\q1
\v 24 ኢስቲ ቶኬቲዲ ጋምኦንታ ዲሺን፥
\q2 ዜሬቲዲ ታኮንታ ዲሺን፥
\q2 ቡሮ ጻጶ ዬዶንታ ዲሺን
\q2 ኢስታ ቦላ ጫርኮ ዬዲን ሜሊዳ፤
\q2 ጎቴይ ኢስታ ሱላ ማላ
\q3 ፒቲ ኤፊዴስ።
\q1
\v 25 ጌሻዚ ኢስታስ፥
\q2 «ታና ኦናራ ጊኒሴቲ?
\q2 ታናራ ጊናቲዛይ ኦኔ?» ጌስ።
\q1
\v 26 ኢንቴ ኣይፌ ቁ ሂስቲዲ
\q2 ፑዴ ሳሎ ጼሊቴ፤
\q2 ሃይታንታ ኡባ
\q2 ሜዳይ ኦኔ?
\q2 ሳሎ ጾሊንቴታ
\q2 ኢሳ ኢሳ ኬሲዛይ፥
\q2 ኢስታ ሱንን ሱንን
\q3 ጼይጊዛይ ኢዛ።
\q2 ኢዚ ባ ጊታቴኒኔ
\q2 ባ ኤራቴ ሚኖቴፌ
\q2 ዴንዲዳይሳን
\q3 ኢስታፌ ኢሶይካ ዬና።
\q1
\v 27 ያቆቤ ኔ ኣይስ ሄሳ ጋይ?
\q2 ኢስራኤሌ ኔ ኣይስ ሄሳ ሃሳያይ?
\q2 «ታ ኦጌይ ጎዳፔ ጌሚዴስ፤
\q2 ታ ፒርዳይ ጾሳ ኣቻን
\q3 ዉዱ ጌቴቲቤና» ኣይስ ጋይ?
\q1
\v 28 ኔ ኤራቤኪ?
\q2 ኔ ሲያቤኪ?
\q2 ጎዳይ ሜርና ጾሳ፤
\q2 ኢዚ ቢታ ኡባካ ሜዳይሳ።
\q2 ኢዚ ዳቡሬና፤ ኣዛሌና፤
\q2 ኢዛ ኣኬካይካ
\q2 ኦናንካ ፒልጌቴና።
\q1
\v 29 ሚኖቴ ባይንዳዴስ
\q2 ሚኖቴ ኢሜስ፤
\q2 ዳቡርዳይሳስ ዎልቃ ጉጄስ።
\q1
\v 30 ዬላጋቲካ ዳቡሬቴሲኔ
\q2 ኣዛሌቴስ፤
\q2 ናቴቲካ
\q2 ጴቲዲ ኩንዴቴስ፤
\q1
\v 31 ጊዶ ኣቲን ጎዳ
\q2 ሂዶታ ኦዛይቲ
\q2 ባንታ ዎልቃ ኦራጺሴቴስ፤
\q2 ኢስቲ ጎሌ ማላ ፒራና፤
\q2 ኢስቲ ዳቡሮንታ ዎጻና፤
\q2 ኢስቲ ባና፤ ኣርጋጬቴና።
\c 41
\s ኢስራኤሌ ማዶ
\p
\v 1 ጎዳይ፥ «ኢንቴኖ ሃሩሮቶ፥
\q2 ጮኡ ጊቴ፤
\q2 ካዎቴቲ ባ ዎልቃ ኦራቶ፤
\q2 ሺቂዲ ሃሳዬቶ፤
\q2 ኣኔ ፒርዳ ሺሎታ
\q2 ሲንን ጋይቶስ።
\q1
\v 2 ኣርሼይ ሞኪዛ ባጋፌ
\q2 ኢሳ ዴንዳይ፥
\q2 ጺሎቴን ባስ ሃጋዚሳና
\q3 ጼይጊዳይ ኦኔ?
\q2 ኢዚ ካዎቴታ
\q2 ኢዛስ ኣ ኢሜስ፤
\q2 ኢዚ ኢስታ ጊ ማሻን
\q3 ቢታ ኬሲዴስ፤
\q2 ባ ዎንዳፌን ጫርኮይ
\q2 ላሊዳ
\q3 ሱላ ማላ ኬሲዴስ።
\q1
\v 3 ኢስታ ጎዲ ዬዲዲ
\q2 ሜቶይ ባይንዳ ኣ ቢዴስ፤
\q2 ኢዛ ቶሆይ ካሴ ዬንታ
\q3 ኦጌራ ሄሜቲዴስ፤
\q1
\v 4 ሃይሳ ኦዳይኔ ፖሊዳይ
\q2 ዬሌታ ቤኒሶፌ ጼይጊዳይ ኦኔ?
\q2 ጎዳይ ኮይሮይታራካ
\q2 ዉርሴይታራካ
\q2 ዲዛይ ታና» ጌስ።
\q1
\v 5 ሃሩሮቲ ቤኢዲ ያዪዳ፤
\q2 ሳኣ ጋጻቲካ ኮኮሪዳ፤
\q2 ኢሲ ቦላ ሺቂዲ ሲን ዪዳ።
\q1
\v 6 ኢሶይ ኢሳራ ማዴቴስ፤
\q2 ባ ኢሻካ፥
\q2 «ኣይኮይ ባ ሚና» ጌስ።
\q1
\v 7 ሂላንቻይ ዎርቃ ኦዛይሳ
\q2 ሚንስ፤
\q2 ናሪቃን ቆጺ ሌኢሲዛዴይ
\q2 ቢራታ ማርጮን
\q2 ሴሪሲዛይሳ ሚንስ፤
\q2 ቢራታ ሴሪሲ ኦይሴይ፥
\q3 «ሎኦ» ጌስ፤
\q2 ኤቃ ጾሳ ሚስሌይ ኩንዶንታ ማላ
\q3 ሚሲማሬን ቶርጌስ።
\b
\q1
\v 8 ጎዳይ፥ «ጊዶ ኣቲን ኔኖ
\q2 ታ ኣሽካራ ኢስራኤሌ፥
\q2 ታ ዶሪዳ ያቆቤ፥
\q2 ታ ላጌዛ ኣብራሃሜ
\q2 ዜሬዞ፥\x - \xo 41፡8 \xo*\xt 2ታሪ 20፡7፤ ያቆ 2፡23\xt*\x*
\q2
\v 9 ታኒ ኔና ቢታ
\q2 ጋጻፔ ኤሂዳይሶ፥
\q3 ሳሎይ ዳንጾሶፔ
\q2 ጼይጊዳይሶ፥
\q3 ‹ታ ኔና ታ ኣይሌዞ›
\q3 ጊዳይሶ ታ ኔና
\q3 ዶራዲስ ኣቲን ኦላጋቤኬ።
\q1
\v 10 ታኒ ኔናራ ዲዛ ጊሻስ ያዮፋ፤
\q2 ታኒ ኔ ጾሳ ጊዲዳ ጊሻስ
\q2 ዳጋሞፋ።
\q2 ታኒ ኔና
\q2 ሚንናኔ ማዳና።
\q2 ታ ጺሎቴ ኡሻቻ ኩሼን
\q3 ዜምፒሳ ኦይካና።
\q1
\v 11 «ቤኣ ኔ ቦላ ሃንቄቲዳ ኡባይ
\q2 ኬሂ ዬላታናኔ ካዉያና፤
\q2 ኔናራ ኤቄቲዛይቲ
\q2 ቲምኢ ጊ ያና።
\q1
\v 12 ኔኒ ኔ ሞርኬታካ
\q2 ኮያዳካ ዴማካ፤
\q2 ኔና ኦሊዛይቲ ፒቴቲ ያና።
\q1
\v 13 ጋሶይካ ታኒ ጎዳ ኔ ጾሳይ፥
\q2 ታ ኔና ማዳና፤ ያዮፋ
\q2 ታ ኔ ኡሻቻ
\q2 ኩሼዛ ኦይካና።
\q1
\v 14 ኔኖ ጉጹኔዞ ያቆቤ፥
\q2 ኔኖ ቄሪ ኢስራኤሌ፥
\q2 ‹ያዮፋ ታኒ
\q2 ኔና ማዳና› ጌስ።
\q2 ኔና ዎዚዛይ
\q2 ኢስራኤሌ ጌሻዛ።
\q1
\v 15 ቤኣ ታኒ ኔና ኦራ፥
\q2 ቃራኔ ኣቻራ ዲዛ
\q3 ካ ቡኪዛ ሎዳ ኦና፤
\q2 ኔኒ ዙማታ ጎያ ሊቂሳና፤
\q2 ዙምቡላታካ ዬ
\q2 ሃፓ ኬሳና።
\q1
\v 16 ኔኒ ኢስታ ሱራጋና፤
\q2 ጫርኮይ ኢስታ ፒቲ ኤፋና፤
\q2 ጎቴይካ ኢስታ ላላና።
\q2 ጊዶ ኣቲን ኔኒ
\q2 ጎዳን ኡፋዬታና፤
\q2 ቃሴ ኢስራኤሌ ጌሻን
\q2 ቦንቼታና።
\m
\v 17 ሂዬሳቲኔ ሜቶታንቻቲ
\q2 ሃ ኮያና፤
\q2 ጊዶ ኣቲን
\q2 ኣይኮካ ዴሜቴና፤
\q2 ሃ ሳሞን ኢስታስ
\q3 ፖራንዴይ ሜሊዴስ፤
\q2 ጊዶ ኣቲን ታኒ ጎዳይ
\q3 ኢስታስ ዛሮ ኢማና፤
\q2 ታኒ ኢስራኤሌ ጾሳይ
\q3 ኢስታ ዬጋ ኣጊኬ።
\q1
\v 18 ታኒ ቡላቲዳ
\q2 ዙምቡላታ ቦላ ሻፋታ፥
\q2 ሾባታን ፑልቶታ ሳና፤
\q2 ባዞ ቢታ ኤሌ ሃ፥
\q2 ሳሜቲዳ ቢታን
\q2 ሃ ፑልቶ ኬሳና።
\q1
\v 19 ባዞ ቢታን ዚጋ፥
\q2 ኦዶሮ፥ ባርሴኔቴኔ፥
\q2 ዎጋራ ሚ ሞይዛና፤
\q2 ኣይኮይ ባይንዳ ባዞን ጺዳ፥
\q3 ጉንኔ ኦን ቶካና።
\q1
\v 20 ሄሳ ጊሻስ ኣሳይ
\q2 ሄሳ ቤኣናኔ ኤራና፤
\q2 ጎዳ ኩሼይ
\q2 ሃይሳ ኦዳይሳ፥
\q2 ኢስራኤሌ ጌሻይ ሜዳይሳ
\q2 ኢስቲ ኢሲፌ ዩሺ ቆፓናኔ
\q3 ኣኬካና» ጌስ።
\s ጾሳይ ዎርዶ ጾሳታ ኢጼስ
\b
\q1
\v 21 ጎዳይ፥
\q2 «ኣኔ ኢንቴ ሞቶ
\q2 ኤኪዲ ሃ ሺቂቴ» ጌስ።
\q2 ያቆቤ ካዎይ፥ «ኣኔ ኢንቴ ሞቶ
\q3 ዳፋ ሃ ኤሂቴ» ጌስ።
\q1
\v 22 ቡሮፔ ሃናናይሳ ዮታና ማላ
\q2 ኢንቴ ኤቃ ጾሳታ ሃ ኤሂቴ፤
\q2 ኑ ኣኬካና ማላኔ
\q2 ኢስታ ዉርሴካ ኤራና ማላ
\q3 ካሴ ዮኦቲ ኣዛኮ ኑስ ዮቲቴ፤
\q3 ቡሮፔ ሃናና ሚሻታ ኤሪቴ።
\q1
\v 23 ኢንቴ ጾሳታ ጊዲዳይሳ
\q2 ኑ ኤራና ማላ፥
\q2 ሲንፌ ሃናና
\q2 ሚሻታ ኑስ ዮቲቴ፤
\q2 ኑኒ ዳጋማና ማላኔ ያያና ማላ፥
\q2 ሎኦ ጊዲን ዎይኮ
\q3 ኢታ ሚሽ ኦቴ።
\q1
\v 24 ሄኮ ኢንቴ ኣይኮ
\q2 ቆዳን ጌሎንታይታ፤
\q2 ኢንቴ ኦሶይ ሙሌካ ሃዳ፤
\q2 ኢንቴና ዶሪዳይቲ ሃራሲዛይታ።
\q1
\v 25 «ታኒ ፑዴሃ ባጋፌ
\q2 ኢሳ ዴንዲስ፤
\q2 ኢዚካ ዬስ።
\q1 ኣርሼይ ሞኪዛ ባጋራ ዪዛይሲ
\q2 ታ ሱን ጼይጊዛይሳ፤
\q2 ማናይ ኡርቃ ዬዛ ማላ
\q2 ኢዚ ካሌዛይታካ
\q2 ዬስ።
\q1
\v 26 ኑኒ ኤራና ማላ ኮይሮቲ
\q2 ኑስ ኣዋጂዳይ፥
\q2 ‹ኢዚ ሊኬ› ኑ ጋና ማላ
\q3 ኑስ ካሴቲ ዮቲዳይ ኦኔ?
\q2 ኦኒካ ዮቲቤና፤
\q2 ሲንቲዲ ዮቲዳይ ዴና፤
\q2 ኢንቴፌ ኣይ ቃላ
\q2 ሲዪዳይካ ዴና።
\q1
\v 27 ኮይሮታዳ፥ ‹ሄኮ ታኒ ቤኣዲስ›
\q2 ጋዳ ጺዮኔስ ኣዋጂዳይ ታና፤
\q2 ዬሩሳላሜስ ሚሺራቾ ዮቲዛዴ ኢማዲስ።
\q1
\v 28 ታኒ ጼሊዛ ዎዴ ኦኒካ ዴና፤
\q2 ኢስታ ጊዶን ዞራንቻይ ባዋ፤
\q2 ታ ኦይቺዳ ዎዴ
\q2 ዛሮ ኢሚዛይካ ዴና።
\q1
\v 29 ቤኢቴ ኢስቲ ኡባይካ ሃዳ፤
\q2 ኢስታ ኦሶስካ ጎኣይ ዴና፤
\q2 ኢስታ ሚስሌቲካ
\q2 ኣይኮይ ባይንዳ ጫርኮ ማላ» ጌስ።
\c 42
\s ጎዳ ኣሽካራ
\p
\v 1 ጎዳይ፥ «ታኒ ካ
\q2 ኦይኪዳ ታ ኣሽካራይ፥
\q2 ታ ኢዛን ኡፋዬቲዛ
\q3 ሙሩታይ ሃይሳ፤
\q2 ታኒ ታ ኣያና
\q2 ኢዛ ቦላ ዎዲስ፤
\q2 ኢዚ ካዎቴታስ
\q3 ሱሬ ፒርዳ ኤሃና።\x - \xo 42፡1 \xo*\xt ማቶ 17፡17፤ 17፡5፤ ማር 3፡22፤ 9፡35\xt*\x*
\q1
\v 2 ዋሴና፤ ባ ቃላ ቂሴና፤
\q2 ባ ጬንጉርሳካ
\q3 ኦጌ ቦላ ኬሂ ሲሴና።
\q1
\v 3 ዲንጬቲዳ ማቃ ኢዚ
\q2 ሜንና፤
\q2 ጩዋቲዛ ሙቃዳ ኢዚ ቶይሴና፤
\q2 ኣማኔቴን ኢዚ
\q2 ሱሬ ፒርዳ ኤሃና።
\q1
\v 4 ኢዚ ቢታ ቦላ ሱሬ ፒርዳ
\q2 ኤሃና ጋካናስ ዳቡሬና፤
\q2 ሂዶታካ ቃንጼና፤
\q2 ሃሩሮቲ ኢዛ ዎጋን
\q3 ኣማኔታና» ጌስ።\x - \xo 42፡1-4 \xo*\xt ማቶ 12፡18-21\xt*\x*
\b
\q1
\v 5 ሳሎታ ሜዳይ፥
\q2 ኢስታ ሚጪዳይካ፥
\q2 ሳኣኔ ኢዚን ዲዛ ኡባ ጊግሲዳይ፥
\q2 ባ ዴሬስ ፔኖ
\q2 ኢዚን ዴኢዛ ኣሳታስ ሼምፖ
\q2 ኢሚዛ ጎዳ ጾሳይ፥\x - \xo 42፡5 \xo*\xt ሃዋ 17፡24-25\xt*\x*
\q1
\v 6 «ታኒ ጎዳይ
\q2 ኔና ጺሎቴን ጼይጋዲስ፤
\q2 ታ ኔ ኩሼ ኦይካና፤
\q2 ታ ኔና ናጋና።
\q2 ታኒ ኔና ካዎቴስ
\q2 ጫቆ ቃላ፥
\q2 ኣይዛቤታስካ ፖኦ ሂስታና
\q1
\v 7 ኔ ቆቄታ ኣይፌ ዶይኣና፤
\q2 ዲኤቲዳይታ ቃሾ
\q2 ኬፌ ቢርሻና፤
\q2 ማን ኡቲዳይታካ
\q3 ካርቻሌፌ ኬሳና።\f + \fr 42፡7 \fr*\ft ካርቻሌ ጉሲ ቃሾ ኬ ዎይኮ ዎይኔ ኬ። \ft*\f*
\b
\q1
\v 8 «ታኒ ጎዳ፤ ሃይሲ ታ ሱን፤
\q2 ታ ቦንቾ ሃራስ
\q2 ኣ ኢሚኬ፤
\q2 ታ ጋላታካ
\q2 ኤቃ ጾሳታስ ሼኬ።
\q1
\v 9 ቤኢቴ ቤኒ ዮኦቲ ፖሌቲዳ፤
\q2 ሃኢ ታኒ ኦራ
\q2 ሚሽ ኣዋጃይስ፤
\q2 ኢዚ ሞካናፔ ሲን
\q3 ታ ኢንቴስ ዮታይስ» ጌስ።
\sp ጋላታ ማዛሙሬ
\b
\q1
\v 10 ኢንቴኖ ዱጌ ኣባን ዎዛይቶ፥
\q2 ሄን ዲዛ ኡባቶ!
\q2 ኢንቴኖ ሃሩሮቶ!
\q2 ሄንካ ዲዛ ኡባቶ!
\q3 ጎዳሲ ኦራ ማዛሙሬ ዬጺቴ፤
\q3 ቢታ ጋጻፔ ዶሚዲ
\q3 ኢዛስ ጋላታ ማዛሙሬ ሺሺቴ።
\q1
\v 11 ባዞይኔ ካታማቲ
\q2 ባንታ ጬንጉርሳ
\q2 ቁ ሂስቴቶ፤
\q2 ቄዳሬይ ዴኢዛ ጉታይ ኡፋዬቶ፤
\q2 ሴላ ዴሬ ኣሳቲ
\q3 ኡፋይሳን ዬጼቶ፤
\q2 ዙማ ጼራንካ ኢሊሌቶ።
\q1
\v 12 ኢስቲ ቦንቾ ጎዳስ ኢሜቶ፤
\q2 ኢዛ ጋላታይካ
\q2 ሃሩሮታን ኣዋጄቶ።
\q1
\v 13 ጎዳይ ኦላ ቃራ ማላ ኬዛና፤
\q2 ኦላንቻ ማላ ሆኤቲ ዴንዳና።
\q2 ጬቄቴ ጋይሮ ሲሳና፤
\q2 ባ ሞርኬታካ ኦሊ ጾናና።
\s ጎዳይ ባ ዴራ ማዳና ኢሚዳ ሂዶታ
\b
\q1
\v 14 ጎዳይ፥ «ታኒ ኣዱሳ ዎዴሶፌ
\q2 ጮኡ ጋዲስ፤
\q2 ሲርጲ ጋዲስ፤
\q2 ታና ቁምኣ ኦይካዲስ፤
\q2 ሃኢ ጊዲኮ ሚጻ ኦይኬቲዳ
\q3 ማጫሳ ማላ ዋሳይስ፤
\q2 ሼኖታይሲኔ ባናካይስ።
\q1
\v 15 ታኒ ዙማታኔ
\q2 ዙምቡላታ ዎዲሳና፤
\q2 ዶዛታ ኡባ ሜሊሳና።
\q2 ሻፋታ ሃሩሮ ቢታ ኬሳና፤
\q2 ኤሌ ሃታካ
\q2 ሚጪንቻና።
\q1
\v 16 ታኒ ቆቄታ ኢስቲ ኤሮንታ
\q2 ኦጌ ካሌና፤
\q2 ኢስቲ ሜዜቶንታ ኦጌራካ
\q3 ታ ኢስታ ኤፋና፤
\q2 ማዛ ታ ኢስታ
\q2 ሲንን ፖኢሳና፤
\q2 ኩንዱኩርጮ ሶሆታ ታ ጊጊሳና፤
\q2 ሃይታንታ ኡባ
\q2 ታ ኦንታ ኣጊኬ።
\q1
\v 17 ኤቃ ጾሳታን
\q2 ኣማኔቲዛይቲ ጊዲኮ
\q2 ሚስሌታካ፥ ‹ኢንቴ ኑ ጾሳታ›
\q3 ጊዛይቲ ጉዬ ሲማና፤
\q2 ኢስቲ ሙሌራ ካዉያና» ጌስ።
\s ኢስራኤሌ ኣሳ ቆቄቴኔ ቱሌቴ
\b
\q1
\v 18 ጎዳይ፥ «ኢንቴኖ ቱሌቶ ሲዪቴ!
\q2 ኢንቴኖ ቆቄቶ
\q2 ቤኢቴኔ ጼሊቴ!
\q1
\v 19 ታ ኣሽካረራ
\q2 ታኒ ኪቲዳዴፌ ኣቲን
\q3 ሃራ ቱሌይ ኦኔ?
\q2 ታስ ኣማኔቲዳዴ ማላ
\q2 ቆቄይ፥
\q3 ጎዳ ኣሽካራ ማላ
\q2 ቆቄይ ኦኔ?
\q1
\v 20 ዳሮ ሚሽ ቤኢዴታ ሺን
\q2 ኣኬኪቤኬታ፤
\q2 ኢንቴ ሃይይ ዶያ ዴስ ሺን
\q3 ሲዬኬታ» ጌስ።
\b
\q1
\v 21 ጎዳይ ባ ጺሎቴ ጊሻስ ጊዲ፥
\q2 ባ ዎጋ ጊታኔ
\q2 ቦንቾ ኬሲዳ ጊሻስ ኡፋዬቲዴስ።
\q1
\v 22 ሃ ዴሬይ ቦጌቲዳኔ ቦንቄቲዳ፥
\q2 ኦላ ጊዶን ዎዳ፥
\q3 ዎይኔ ኬይ ኢዛ ቦላ
\q3 ጎርዴቲዳ ዴሬ፤
\q2 ኢስቲ ቦጌቲዳ፤
\q2 ኢስታ ኣሺዛዴይ ዴና፤
\q2 ኢስቲ ዲኤቲዳ፤
\q2 «ኢስታ ዛሪቴ» ጊዛይካ ባዋ።
\p
\v 23 ኢንቴ ጊዶፌ ሃይሳ ሲዪዛይ፥
\q2 ሲንፌ ያና ዎዴስ
\q3 ኣኬኪ ሲዪዛይ ኦኔ?
\q1
\v 24 ያቆቤይ ቦጌታና ማላ፥
\q2 ኢስራኤሌይ ዲኤታና ማላ
\q3 ኦዳይ ኦኔ?
\q2 ናጋራ ኦዲ
\q2 ኑ ቆሂዳ ጎዳ ጊዴኔ?
\q2 ኢስቲ ኢዛ ኦጌ ካላናሲኔ
\q2 ኢዛ ዎጋስ ኣዛዜታና ኮዮንታ
\q3 ኣጊዳ ጊሻሳ።
\q1
\v 25 ሄሳ ጊሻስ ኤጺዛ ባ ሃንቆዛ፥
\q2 ኢታ ኦላ ኢስታ ቦላ ዬዲዴስ፤
\q2 ታማ ላጮን ኢስታ ጊዶዴስ፤
\q2 ኢስቲ ጊዲኮ ሄሳ ኣኬኪቤቴና፤
\q2 ኢስታ ጹጊዴስ ሺን
\q3 ኢስቲ ዎዚናን ዎቤቴና።
\c 43
\s ጾሳ ዴራ ኣሺዛዴ
\p
\v 1 ሃኢ ጊዲኮ ያቆቤ፥
\q2 ኔና ሜዳይ፥
\q1 ኢስራኤሌ! ኔና ጊግሲዳ ጎዳይ፥
\q2 «ታኒ ኔና
\q2 ዎዚዳ ጊሻስ ያዮፋ።
\q2 ታኒ ኔና ኔ ሱንን ጼይጋዲስ፤
\q2 ኔኒ ታሳ።
\q1
\v 2 ኔኒ ሃ ጊዶራ ፒኒዛ ዎዴ፥
\q2 ታኒ ኔናራ ጊዳና።
\q2 ኔኒ ፒኒሺን
\q2 ሻፋይ ኔና ሚቴና፤
\q2 ኔኒ ታማ ጊዶራ ቢሺን
\q2 ኔና ጹጌና፤
\q2 ታማ ላጮይካ ኔና ሜና።
\q1
\v 3 ጋሶይካ ታኒ ጎዳ ኔ ጾሳይ፥
\q2 ኢስራኤሌ ጌሻይ ኔስ ሌ፤
\q3 ታ ኔ ጊሻስ
\q2 ጊብጼ ዎዞ ኢማና፤
\q3 ቶጵያኔ ሴባ
\q2 ኔ ጊሻስ ኣ ኢማና።
\q1
\v 4 ኔኒ ታ ሲንን ኣልኦኔ
\q2 ቦንቾ ጊዲዳ ጊሻስ፥
\q2 ታኒ ኔና ሲቂዛ ጊሻስ፥
\q2 ኣሳ ኔ ጊሻስ፥
\q2 ካዎቴታ
\q2 ኔ ሼምፖ ጊሻስ
\q3 ላሜ ኢማና።
\b
\q1
\v 5 «ታኒ ኔናራ ዲዛ
\q2 ጊሻስ ያዮፋ፤
\q2 ታኒ ኔ ናይታ ኣርሼይ
\q2 ሞኪዛ ባጋፌ ኤሃና፤
\q2 ኔና ኣርሼይ ዉሊዛ ባጋፌ ሺሻና።
\q1
\v 6 ታኒ ፑዴሃ ባጋ፥ ‹ሃማ›
\q2 ዱጌሃ ባጋካ፥ ‹ዬዳ› ጋና፤
\q2 ታ ኣቱማ ናይታ ሃሆፔ፥
\q2 ታ ማጫ ናይታካ
\q2 ቢታ ጋጻፔ፥
\q2
\v 7 ታ ሱንን ጼይጌቲዳ ኡባ፥
\q3 ታ ቦንቾስ ታ ሜዳይታ፥
\q3 ታኒ ጊግሲዳይሳኔ
\q3 ታ ኦዳይሳ
\q2 ሃሚቴ» ጋና።
\b
\q1
\v 8 ኣይፌይ ዲሺን ቆቂዳይታ፥
\q2 ሃይካ ዲሺን
\q2 ቱሊዳይታ ኬሳ።
\q1
\v 9 ካዎቴቲ ኡባይ
\q2 ኢሲፌ ሺቄቶ፤
\q2 ኣሳይካ ኢሲ ቦላ ሺቆ፤
\q2 ኢስታፌ ካሴቲዲ
\q3 ሃይሳ ኑስ ዮቲዳይ ኦኔ?
\q2 ቤኒ ሚሽ ኑስ ኣዋጂዳይ ኦኔ?
\q3 ሃራቲ ሲዪዲ፥
\q3 «ሃይሲ ቱማ» ጋና ማላ፥
\q3 ኢስታ ቱማቴይካ
\q3 ቆንጫና ማላ
\q3 ባንታ ማርካታ ኤሄቶ።
\b
\q1
\v 10 «ኢንቴ ታና ኤራና ማላኔ
\q2 ኣማናና ማላ፥
\q2 ኢዚ ታና ጊዲዳይሳ
\q3 ኢንቴ ኣኬካና ማላ፥
\q2 ታ ማርካቲኔ ታ ዶሪዳ
\q3 ታ ኣይሌቲ ኢንቴና።
\q3 ታፔ ካሴ
\q2 ሃራ ጾሲ ኦሴቲቤና፤
\q3 ታፔ ጉዬንካ
\q2 ሃራ ጾሲ ዴና።
\q1
\v 11 ታና፤ ታኒ ጎዳ፤
\q2 ታፔ ኣቲን ሃራ ኣሺዛይ ዴና።
\q1
\v 12 ታኒ ቆንጪሳዲስ፤
\q2 ኣሻዲሲኔ ዮታዲስ፤
\q2 ኢንቴ ጊዶን ሃራ
\q3 ኣላጋ ጾሲ ዴኢቤና።
\q2 ታኒ ጾሳ ጊዲዳይሳስ
\q3 ኢንቴ ታ ማርካታ።
\q1
\v 13 ቤኒሶፌ ዶማዳ ታኒ ታና፤
\q2 ታ ኩሼፔ
\q2 ኬሲ ኤካናይ ዴና፤
\q3 ታ ኦዛይሳ ላማናዉ
\q3 ዳንዳይዛይ ኦኔ?» ጌስ ጎዳይ።
\s ኣማኔቶንታ ኢስራኤሌስ ጾሳ ማሮቴ
\b
\q1
\v 14 ጎዳይ ኢንቴና ዎዚዛ
\q2 ኢስራኤሌ ጌሻይ፥
\q2 «ኢንቴ ጊሻስ ባቢሎኔ ቦላ
\q3 ኦላንቻታ ኪታና፤
\q3 ኢስቲ ጬቄቲዛ ማርካቤታን፥
\q3 ባቢሎኔታ ኡባ
\q3 ቤታና ማላ ኦና።
\q1
\v 15 ታኒ ጎዳይ ኢንቴ ጌሻይ፥
\q2 ኢስራኤሌ ሜዳ
\q3 ኢንቴ ካዎ» ጌስ።
\b
\q1
\v 16 ኣባ ጊዶራ ኦጌ፥
\q2 ዎልቃማ ሃ
\q2 ጊዶራ ኣዛሶ
\q3 ኬሲዳ ጎዳይ፥
\q2
\v 17 ፓራ-ጋሬታኔ ፓራታ፥
\q2 ኦላንቻታኔ
\q2 ሚኖ ኣሳታ ኡባ ኤሂዲ፥
\q3 ኢስቲ ዛሪ ዴንዶንታ ማላ
\q3 ዛቁሊሲዳ ጎዳይ፥
\q3 ሙቃዳ ቢድን ማላ
\q3 ኢስታ ይሲዳ ጎዳይ፥
\q1
\v 18 «ቤኒ ዮኦታ ሃሳኦፒቴ፤
\q2 ካሴ ኣዳይሳ ባሊቴ።
\q1
\v 19 ሄኮ ታ ኦራ
\q2 ሚሽ ኦና፤
\q2 ኢዚካ ሃኢ ሃናና፤
\q2 ኢንቴ ዩሺ ቆፔኬቲ?
\q2 ታኒ ባዞን ኦጌ ጊጊሳና፤
\q2 ታኒ ኣይኮይ ባይንዳ ባዞንካ
\q3 ሻፋታ ኬሳና።
\q1
\v 20 ባዞ ዶኣቲ፥
\q2 ዎራካናቲኔ ጉቶቲ
\q2 ታና ቦንቻና።
\q2 ታኒ ባዞ ቢታን ሃ፥
\q2 ኣይኮይ ባይንዳ ባዞንካ
\q3 ፑልቶ ኢማና፤
\q2 ታ ዶሪዳ ታ ዴራስ
\q2 ሃ ኢማና።
\q1
\v 21 ታኒ ታስ ጊግሲዳ ዴሬይ
\q2 ታ ጋላታ ኣዋጃና ማላ
\q3 ታ ሃይሳ ኦና።
\b
\q1
\v 22 «ያቆቤ፥ ኔ ታና ጼይጋቤካ፤
\q2 ኢስራኤሌ፥ ኔ ታና ሳሌታዳሳ።
\q1
\v 23 ኔኒ ታስ ጹጌቲዛ ያርሾስ
\q2 ዶርስ ኤሃቤካ፤
\q2 ኔ ያርሾንካ
\q2 ታና ቦንቻቤካ።
\q2 ታኒ ኔና ካ ያርሾን
\q2 ዋዪሳቤኬ፤
\q2 ኤጻኔ ያርሾንካ
\q2 ሳሌቤኬ።
\q1
\v 24 ኔኒ ታስ ሎኦ
\q2 ሳዊዛ ኤጻኔ ሻማቤካ፤
\q2 ሞ ያርሾን ታና ካልሳቤካ።
\q2 ጊዶ ኣቲን ኔ ናጋራ ቶሆ
\q3 ታና ቶሳዳሳ፤
\q2 ቆሆን ታና ዳቡርሳዳሳ።
\b
\q1
\v 25 «ታ ጊሻስ ጋዳ
\q2 ኔ ቆሆዛ ይሲዛይ ታኒ ታና፤
\q3 ኔ ናጋራ ታ ቆፒኬ።
\q1
\v 26 ኣኔ ካሴ ኣዳይሳ
\q2 ታና ቆፍሳ፤
\q2 ኣኔ ኢሲፌ ሺቂዲ ቆቶስ፤
\q2 ኔ ቱማቴ ኣኔ ኤሪሳ።
\q1
\v 27 ኔ ኣዋ ኮይሮይሲ
\q2 ናጋራ ኦዴስ፤
\q2 ኔ ኣስታማሬቲካ
\q2 ታ ቦላ ማካሊዳ።
\q1
\v 28 ሄሳ ጊሻስ ታኒ ኔ
\q2 ጾሳ ኬ ሃላቃታ ካዉሻና፤
\q2 ያቆቤ ባሻስ፥
\q3 ኢስራኤሌካ ጫሻስ
\q3 ኣ ኢማና» ጌስ።
\c 44
\s ዶሬቲዳ ኢስራኤሌ
\p
\v 1 ጎዳይ፥ «ጊዶ ኣቲን
\q2 ታ ኣሽካራ ያቆቤ፥
\q2 ታ ዶሪዳ ኢስራኤሌ፥ ሲያ።
\q1
\v 2 ኔና ሜዳይ፥
\q2 ኔ ኣዬይ ኡሎን ኦዳይ፥
\q2 ኔና ማዲዛ ጎዳይ፥
\q3 ‹ታ ኣሽካራ ያቆቤ!
\q3 ታኒ ዶሪዳ ዪሹሩኔ! ያዮፋ።
\q1
\v 3 ታኒ ሳሜቲዳ ቢታን
\q2 ሃ ጉሳና፤
\q2 ሜላ ቢታንካ ሻፋ ጎጊሳና።
\q2 ታኒ ታ ኣያና ኔ ዜሬ ቦላ፥
\q3 ታ ኣንጆ ኔስ
\q3 ና ና ቦላ ጉሳና።
\q1
\v 4 ኢስቲ ዴምባን ጪሊላ ማታ ማላ፥
\q2 ሻፋ ዶናን ዲዛ ሚ ማላ
\q3 ሞካና› ጌስ።
\q1
\v 5 ኢሶይ፥ ‹ታኒ ጎዳሳ› ጋና፤
\q2 ሃራይ ባና ያቆቤ
\q2 ሱንን ጼይጋና፤
\q2 ሃራይ ቃሴ ባ ኩሼ ቦላ፥
\q3 ‹ታኒ ጎዳሳ› ጊ ጻፋና፤
\q3 ኢዚ ባና ኢስራኤሌ ሱንን
\q3 ጼይጋና» ጌስ።
\s ጎዳፔ ኣቲን ሃራ ጾሲ ዴና
\q1
\v 6 ኢስራኤሌ ካዎይኔ ኢስታ ዎዚዛይ፥
\q2 ጎዳይ ኡባፌ
\q2 ዎልቃማ ጾሳይ፥
\q2 «ኮይሮይ ታና፤ ዉርሴካ ታና።
\q2 ታፔ ሃራ ጾሲ ባዋ።\x - \xo 44፡6 \xo*\xt ኢሳ 48፡12፤ ኣጁ 1፡17፤ 22፡13\xt*\x*
\q1
\v 7 ታ ማላይ ኦኒ ዲዜ? ኣኔ ዮቶ፤
\q2 ኮይሮ ታ ዴራስ ታ ዮች ዬጊሺን
\q3 ኣዚ ሃኒዳኮ፥
\q2 ሲንፌካ
\q2 ኣዚ ሃናናኮ ዮቶ፤
\q2 ኣኔ ታስ ቆንጪሶ፤
\q2 ቡሮ ሃናና ሚሻ ጊሻስ
\q3 ሲንቲ ዮቶ፤
\q2 ቡሮ ያናይሳ ካሴቲ ዮቶ።
\q1
\v 8 ያዮፍቴ፤ ዳጋሞፍቴ።
\q2 ሃይሳ ታኒ ኢንቴስ
\q2 ዮታቤኪና?
\q2 ቤኒሶፌ ታ ኢንቴና
\q2 ኤሪሳቤኪና?
\q3 ሄሳስ ኢንቴ ታ ማርካታ።
\q2 ታፔ ኣቲን ሃራ ጾሲ ዲዜ?
\q3 ሙሌካ ዴና፤
\q2 ዎይኮ ሃራ ዛላይ ዲዜ?
\q3 ዴና፤ ታ ኦናካ ኤሪኬ» ጌስ።
\b
\q1
\v 9 ኤቃ ሚስሌታ ሜዛይቲ
\q2 ኡባቲ ሃዳ፤
\q2 ሚስሌታ ኢስታፌ
\q3 ኦዛ ሚሻቲካ ሃዳ፤
\q2 ኢስታስ ዮቲዛይቲካ ቆቄ፤
\q3 ኢስታስ ኤራቴ ዴና፤
\q3 ኢስቲ ዬላታና።
\q1
\v 10 ኣይኮካ ጎኦንታ ኤቃ ጾሳ
\q2 ማሲ ጊግሲዛይ ኦኔ?
\q1
\v 11 ኤቃ ጾስ ሜዛይ ኣስ ኣቲን
\q2 ሃራ ጊዴና፤
\q2 ኢዚኔ ኢዛ ሚሳቲዛይቲ ዬላታና፤
\q2 ኡባይካ ሺቂዲ
\q2 ኢሲ ቦላ ኤቄቶ፤
\q2 ኢስቲ ዳጋማናኔ ዬላታና።
\b
\q1
\v 12 ቢራታ ቆጺዛይ ናሪቃ ኦይኬስ፤
\q2 ጺፋ ቦንቆ ቦላ
\q2 ዎ ኦስ፤
\q2 ኤቃ ጾስ ናሪቃን ቆጺዲ
\q3 ሚስሌ ጊጊሴስ፤
\q2 ባ ሚኖ ቄሴን ጊጊሴስ።
\q3 ሄሳፌ ጉዬ ጋፌስ፤
\q3 ዎልቃ ዬስ፤
\q3 ሃ ሳሜቴስ፤ ዳቡሬስ።
\b
\q1
\v 13 ማሲዛይ ዎዶሮን ዋስ፤
\q2 ቾኬን ማላታ ዎስ፤
\q2 ማርሳራ ዎጬስ፤
\q2 ኢርሳሴን ኢዛ ቦላ
\q2 ማላታ ዎስ፤
\q2 ኣሳ ሚሳቲሲ ጊጊሴስ፤
\q2 ኣሳ ማላ ፑላሴስ፤
\q2 ጎይኖሶን ኤፊ ዎስ።
\q1
\v 14 ዚጋ ሚ ቃንጼስ፤
\q2 ዎላ ዎይኮ ሞቆ ዶሬስ፤
\q2 ዎራን ዲዛ ሚታራ
\q3 ኢሲፌ ዲጫና ማላ ኣጌስ፤
\q2 ዎይኮ ጺዳ ቶኬስ፤
\q2 ኢዛካ ኢራይ ዲቼስ።
\q1
\v 15 ኣሲ ኤሶስ ጎኤቴስ፤
\q2 ኢዛፔ ጉ ኤኪዲ
\q3 ታማን ኤ ሆኤስ፤
\q2 ኡኬካ ኢዛን ኡኬስ፤
\q2 ኢዛፔ ማሲዲ
\q2 ኤቃ ጾስ ጊጊሴስ፤
\q2 ኢዛስካ ጎይኔስ።
\q2 ኤቃ ጾስ ኦስ፤
\q2 ኩንዲዲካ ኢዛስ ዚጌስ።
\q1
\v 16 ባጋ ሚ ኤስ፤
\q2 ኢዛ ቦላካ ቁማ ካስ፤
\q2 ኣሾ ኢዛን ጺጺዲ ካሊ ሜስ፤
\q2 ታማዛ ሆኢሼ፥
\q3 «ኤሮሾ ታና ሆኢዴስ፤
\q2 ታማዚካ ታስ ቤቴስ» ጌስ።
\q1
\v 17 ቃሴ ኣቲዳ ሚዛ
\q2 ባስ ኤቃ ጾስ ጊጊሴስ፤
\q2 ሆኪዲ ኢዛስ ዚጌስ፤
\q2 ኢዛካ ጎይኔስ፤
\q2 ኢዛ ዎሲሼ፥
\q3 «ኔኒ ታ ጾሳ ጊዲዳ ጊሻስ
\q3 ታና ኣሻ» ጌስ።
\b
\q1
\v 18 ኢስቲ ኣይኮካ ኤሬቴናኔ
\q2 ኣኬኬቴና፤
\q2 ኢስቲ ጼሎንታ ማላ
\q3 ኢስታ ኣይፌይ ጎዜቲዴስ፤
\q2 ኢስቲ ዩሺ ቆፖንታ ማላ
\q3 ኢስታ ዎዚናይ ጎርዴቲዴስ።
\q1
\v 19 ኦኒካ ታኪ ጊ ቆፒቤና፤
\q2 ኤራቴ ዎይኮ
\q3 ኣኬካይ ባይንዳ ጊሻስ፥
\q2 «ባጋ ታማን ኤዲስ፤
\q2 ኢዛ ቦንቆን ካ ካዲስ፤
\q2 ኢዛን ኣሾ ጺጻዳ ማዲስ፤
\q2 ሂስቲን ኣቲዳይሳን ዎስታዳ
\q2 ታኒ ሃራሲዛ ሚሽ ኦኔ?
\q2 ሚ ኣኖስ ታኒ
\q2 ጎይናና ቤሲዜ?»
\q3 ጋናስ ዳንዳይቤና።
\q1
\v 20 ኤያ ዎዚናይ ኢዛ ባሌን
\q2 ኢዚ ቢዲን ቃምኤስ፤
\q2 ባና ኣሻና ዳንዳዬና፤
\q2 «ሃይሲ ታስ ኡሻቻ ኩሼን
\q2 ዲዛይ ዎርዶ ጊዴኔ?
\q2 ጋናስ ዳንዳይቤና።»
\p
\v 21 ጎዳይ፥ «ኢስራኤሌ ኔኒ
\q2 ታ ኣሽካራ ጊዲዳ ጊሻስ፥
\q1 ‹ያቆቤ ሃይሳ ቆፓ፤
\q2 ታኒ ኔና ኦዲስ፤
\q2 ኔኒ ታ ኣሽካራ።
\q2 ኢስራኤሌ ታኒ ኔና ዶጊኬ።
\q1
\v 22 ታኒ ኔ ሞሮ ሻራ ማላ፥
\q2 ኔ ናጋራካ ማላዶ ቱላላ ማላ
\q3 ቁጫ ይሳዲስ፤
\q2 ታኒ ኔና ዎዚዳ ጊሻስ
\q2 ሃ ታኮ ሲማ› » ጌስ።
\b
\q1
\v 23 ጎዳይ ሃይሳ ኦዳ ጊሻስ
\q2 ሳሎቶ ዬጺቴ፤
\q2 ጪማ ቢታቶ ኡፋይሳን ኢሊሊቴ።
\q2 ኢንቴኖ ዙማቶ፥
\q2 ኢንቴኖ ዎራቶ፥
\q3 ሚቶ ኡባይ ኢሊሊቴ፤
\q2 ጋሶይካ ጎዳይ
\q2 ያቆቤ ዎዚዴስ፤
\q2 ባ ቦንቾ
\q2 ኢስራኤሌ ቦላ ቆንጪሲዴስ።
\s ዬሩሳላሜይ ኣሳ ዱሳሶ ጊዳና
\p
\v 24 ኔና ኣዪ ኡሎን ሜዲ
\q2 ዎዚዳ ጎዳይ፥
\q1 «ኡባ ሜዳ
\q2 ሳሎታ ታርካ ፒዲሲዳይ፥
\q2 ሳኣካ ሚጪዳይ ታና ጎዳ።
\q1
\v 25 ታኒ ዎርዶ ናቤታ ማላታ
\q2 ሃዳ ኦና፤
\q2 ቢቲዛይታካ ኤያ ኬሳና።
\q2 ታኒ ኣ ኤራንቻታ
\q2 ሺራ ዬጋና፤
\q2 ኢስታ ኤራቴካ
\q2 ሃዳ ኦና።\x - \xo 44፡25 \xo*\xt 1ቆሮ 1፡20\xt*\x*
\q1
\v 26 ታ ኣሽካራዛ ቃላ ታ ፖላና፤
\q2 ታ ኪቲዳይታ ዞሬ ታ ሚንና፤
\q2 ታኒ ዬሩሳላሜ፥
\q3 ‹ኔኒ ኣሲ ዲዛሶ ጊዳና›፥
\q2 ዩሁዳ ካታማታካ፥
\q2 ‹ኢስቲ ኬጼታና›፥
\q2 ኢስታ ላሌካ፥
\q3 ‹ታኒ ኦራጺሳና› ጋና።
\q1
\v 27 ታኒ ጪማ ሃካ፥
\q2 ‹ኔ ሜላ ጊዳ!
\q2 ኔ ሻፋታካ
\q2 ታ ሜሊሳና› ጋና።
\q1
\v 28 ቂሮሴካ፥
\q2 ‹ኢዚ ታ ሄንንቻ፤
\q2 ኢዚ ታ ሼኔ ፖላና› ጋና፤
\q2 ዬሩሳላሜይካ፥
\q2 ‹ሲማ ኤቁ› ጋና፤
\q2 ጾሳ ኬስ፥
\q2 ‹ኢዛ ዮቺ ዬጌቶ› ጋና» ጌስ።\x - \xo 44፡28 \xo*\xt 2ታሪ 36፡23\xt*\x*
\c 45
\s ቂሮሴ ዶሬቴ
\p
\v 1 «ታ ቲይዳይሳስ፥
\q2 ኡሻቻ ታ ኦይኪዳይሳስ፥
\q2 ካዎታ ጊ ቢርሻና ማላኔ
\q2 ካዎቴቲ ኢዛ ሲንን
\q3 ሃሬታና ማላ፥
\q2 ፔንጌቲ ጎርዴቶንታ ማላ
\q2 ኢዛ ሲንን ፔንጌታ
\q3 ዶያናስ ቂሮሴስ ጎዳይ፥
\q1
\v 2 ታኒ ኔ ሲንራ ባና፤
\q2 ዙማታ ባሳ ጊናሳና፤
\q2 ጻርቂማላ ፔንጌታ ሜንና፤
\q2 ቢራታ ኮላታታካ ቃንጻና።
\q1
\v 3 ኔና ኔ ሱንን ጼይጊዳ ጎዳይ፥
\q2 ኢስራኤሌ ጾሳይ ታና ጊዲዳይሳ
\q3 ኔ ኤራና ማላ፥
\q2 ጌማሶን ዳጋቲዳ ኣቆታ፥
\q2 ማሶን ዲዛ ሃሮ
\q2 ታ ኔስ ኢማና።
\q1
\v 4 ታ ኣሽካራ ያቆቤ ጊሻሲኔ
\q2 ታኒ ዶሪዳ ኢስራኤሌ ጊሻስ፥
\q3 ኔ ታና ኤሮንታ ኣጊኮካ
\q3 ታኒ ኔና ኔ ሱንን ጼይጋዲስ፤
\q3 ቦንቾ ሱንካ
\q3 ኔስ ኢማዲስ።
\q1
\v 5 ታኒ ጎዳ፤
\q2 ታፔ ሃራይ ኦኒካ ዴና፤
\q2 ታፔ ሃራ ጾሲ ዴና፤
\q2 ኔ ታና ኤሮንታ ኣጊኮካ
\q3 ታ ኔና ሚንና።
\q1
\v 6 ሄሲካ ኣሳይ
\q2 ኣርሼይ ሞኪዛሶፔ ቢዲ
\q2 ኣርሼይ ዉሊዛሶ ጋካናስ
\q3 ታፔ ሃራይ ባይንዳይሳ
\q3 ኤራና ማላሳ።
\q2 ታኒ ጎዳ፤
\q2 ታፔ ሃራይ ኦኒካ ዴና።
\q1
\v 7 ታኒ ፖኦ ኦዲስ፤
\q2 ማካ ሜዲስ፤
\q2 ታ ዱሬሳይሲኔ ማንቂሳይስ፤
\q2 ሃይሳ ኡባ ኦዛ
\q2 ጎዳይ ታና።
\q1
\v 8 ኢንቴኖ ሳሎቶ፥
\q2 ቦላፌ ጺሎቴ ቡኪሲቴ፤
\q2 ሻራቲካ ዱጌ ጾኪሲቴ፤
\q2 ቢታይ ዶዬቶ፤
\q2 ኣቶቴ ሞኮ።
\q2 ጺሎቴካ ኢዛራ ኢሲፌ ዲጮ።
\q2 ታኒ ጎዳይ ሄሳ ሜዲስ።
\s ጾሳይ ሜቴሲኔ ታሪኬስ ጎዳ
\b
\q1
\v 9 «ማና ሚሻታ ጊዶፌ
\q2 ባና ሜዳይሳራ ማ
\q2 ርሼቲዛይሳስ
\q3 ኣዬ ኣና!
\q2 ኡርቃይ ባና ሜዳይሳ፥
\q2 ‹ኔ ኣይ ኦይ?› ጊ ኤሪዜ?
\q2 ኔ ኦዛ ኦሶይ፥
\q3 ‹ኔስ ኩሼይ ባ› ጊ ኤሪዜ?\x - \xo 45፡9 \xo*\xt ኦሮ 9፡20\xt*\x*
\q1
\v 10 ባ ኣዋ፥
\q2 ‹ኣይስ ታና ሃይሳ ዬላዲ?›
\q2 ባ ኣዮ፥
\q2 ‹ኣይስ ኔ ሃይሳ ሚጻታዲ?›
\q2 ጊዛዴስ ኣዬ ኣና!
\b
\q1
\v 11 «ኢስራኤሌ ጌሻይ፥
\q2 ኢዛ ሜዳ ጎዳይ
\q2 ሲንፌ ሃናና
\q2 ሃኖታ ጊሻስ፥
\q2 ‹ታ ናይታ ጊሻስ
\q2 ታና ኦይቼቲ?
\q2 ታ ኩሼ ኦሶታ ጊሻስ ኣዛዜቲ?
\q1
\v 12 ሳኣ ኦዳይ ታና፤
\q2 ኣሲካ ኢዚ ቦላ ሜዲስ።
\q2 ሳሎታ ታኒ ታ ኩሼን ቶላዲስ፤
\q2 ኢስታ ቦላ
\q2 ሳሎ ሜታታ ዎዲስ።
\q1
\v 13 ታኒ ቂሮሴ ጺሎቴን ዴንና፤
\q2 ኢዛ ኦጌ ኡባ ጊጊሳና፤
\q2 ታ ካታማዮ ኢዚ
\q2 ዛሪ ኤሳና፤
\q2 ዲኤቲዳ ታ ኣሳ ሚሽ
\q3 ቃንጺሶንታ ጮ
\q3 ኢዚ ሜላ ዬዳና› » ጌስ
\q3 ጎዳይ ኡባፌ
\q3 ዎልቃማ ጾሳይ።
\b
\q1
\v 14 ጎዳይ፥ «ጊብጼ ዱሬቴኔ
\q2 ቶጵያ ዛልኤይ፥
\q3 ቃሴ ጌሳን ኣዱስ ጊዲዳ
\q3 ሳባ ኣሳቲካ ኔኮ ያና፤
\q3 ኔይታ ጊዳና።
\q2 ኢስቲ ኔና ካላና፤
\q2 ሳንሳላታን ቃሼቲ ኔኮ ዪዲ
\q3 ኔስ ጎይናና፤
\q2 ኢስታስ፥ ‹ቱማፔ ጎዳይ
\q3 ኔናራ ዴስ፤
\q2 ኢዛፔ ኣቲን ሃራ ጾሲ ዴና›
\q3 ጊዲ ዎሳና» ጌስ።
\p
\v 15 ኣሺዛ ኢስራኤሌ ጾሳዉ፥
\q2 ቱማፔ ኔኒ ኔና
\q2 ጌንዛ ጾሳ።
\q1
\v 16 ኤቃ ጾሳታ ሜዛይቲ
\q2 ኡባይ ዬላታና፥ ጉጻና
\q2 ኢሲ ቦላ ካዉያና።
\q1
\v 17 ኢስራኤሌይ ጊዲኮ
\q2 ጎዳን ሜርና ኣቶቴ ኣታና፤
\q2 ኢንቴካ ሜርናስ
\q2 ዬላቴኬታኔ
\q3 ካዉዬኬታ።
\p
\v 18 ሳሎታ ሜዳይ ኢዚ ጎዳ፤
\q2 ቢታ ጊግሲዲ ሜዳይ፥
\q2 ሳኣስ ዮች ዬጊዳይ፥
\q3 ኢዛ ኣሳ ዱሳሶ
\q3 ጊዳና ማላ ኣቲን
\q3 ጮ ሜላ ዎናስ
\q3 ሜንታ ጎዳይ፥
\q3 ታኒ ጎዳ፤
\q3 ታፔ ሃራይ ዴና።
\q1
\v 19 ታ ማ ቢታን
\q2 ጌማን ዮታቤኬ፤
\q2 ያቆቤ ዜሬታስ፥
\q2 «ታና ጮ ሃዳ ኮዪቴ» ጋቤኬ።
\q2 ታኒ ጎዳይ ቱማ ሃሳያይስ፤
\q2 ሱሬ ዮኦ ኣዋጃይስ።
\s ሳሎኔ ሳኣ ሜዳ ጾሳኔ ባቢሎኔ ኤቃታ
\b
\q1
\v 20 «ኢንቴኖ ካዎቴታፔ
\q2 ቤቲዳይቶ!
\q2 ኢሲፌ ሺቂዲ ሃዪቴ፤
\q2 ማታ ሺቂቴ።
\q2 ሚፌ ኦሴቲዳ ኤቃ ጾሳ
\q3 ቶኪዛይታሲኔ፥
\q2 ኣሻናዉ ዳንዳዮንታ
\q3 ጾሳ ዎሲዛይታስ
\q3 ኤራቴ ዴና።
\q1
\v 21 ኣኔ ኢንቴ ሞቶ ዮቲቴ፤ ሺሺቴ፤
\q2 ኢስቲ ኣኔ ኢሲፌ
\q2 ሺቂዲ ዞሬቴቶ።
\q2 ሃይሳ ኮይሮቲዲ
\q2 ኣዋጂዳይ ኦኔ?
\q2 ቤኒ ዮቲዳይ ኦኔ?
\q2 ታና ጎዳ ጊዲኪና?
\q2 ጺሎይኔ ኣሺዛ ጾሲ
\q3 ታፔ ኣቲን ሃራይ ዴና።
\b
\q1
\v 22 «ኢንቴኖ ቢታ ጋጻን
\q2 ዴኢዛ ኡባቶ!
\q2 ታኮ ሲሚዲ ኣቲቴ።
\q2 ታኒ ጾሳ፤ ታፔ ኣቲን
\q2 ሃራይ ዴና።
\q1
\v 23 ጉልባቴይ ኡባይ
\q2 ታ ሲንን ጉልባታና፤
\q2 ኢንጻርስ ኡባይካ ታናን ጫቃና፤
\q2 ታኒ ታርካ ታ ሁኤን ጫቃዲስ፤
\q3 ጉዬ ሲሞንታ ቃላይ
\q3 ታ ዶናፔ
\q3 ጺሎቴን ኬዚዴስ።\x - \xo 45፡23 \xo*\xt ኦሮ 14፡11፤ ፒሊ 2፡10-11\xt*\x*
\b
\q1
\v 24 «ኢስቲ ታ ጊሻስ ሃሳይሼ፥
\q2 ‹ጺሎቴኔ ዎልቃይ
\q3 ጎዳን ጻላ ዴስ› ጋና» ጌስ።
\q1 ኢዛ ቦላ ሃንቆን ዴንዲዳይቲ
\q2 ኡባይ ኢዛኮ ዪዲ ዬላታና።
\q1
\v 25 ጊዶ ኣቲን ኢስራኤሌ ዜሬ ኡባይ
\q2 ጎዳን ጺላና፤
\q2 ቦንቾካ ዴማና።
\c 46
\s ባቢሎኔ ጾሳታ
\q1
\v 1 ቤሌይ ካዉዪዴስ፤
\q2 ኔቦይ ኬሂ ጉጺዴስ፤
\q2 ኢስታ ኤቃ ጾሳቲ
\q3 ጫና ሜሄታን ጫኔቲዳ፤
\q2 ኢስቲ ኦይኪ ዩዪዛ
\q3 ሚስሌቲ ቶሆ፤
\q3 ዳቡርዳ ሜዶሳታስ ዴጾ ባኦ።
\q1
\v 2 ኢስቲካ ኢሲ ቦላ ዱጌ ጉፋናና፤
\q2 ጫናካ ኣሻና
\q2 ዳንዳዬቴና፤
\q2 ኢስቲካ ዲኤቲዲ ባና።
\q1
\v 3 ጎዳይ፥ «ኢንቴኖ ያቆቤ
\q2 ሶ ኣሳቶ!
\q2 ኢስራኤሌፔ ኣቲዳ ኡባቶ!
\q2 ኢንቴ ኢንቴ ኣዪ ኡሎን
\q3 ሻራ ኣቶሳፌ ሃ ሲሚን
\q2 ኢንቴና ታ ኦይኪዳይቶ!
\q2 ኢንቴ ዬሌቶሶፌ ዶማዳ
\q3 ታ ቶኪዳይቶ!
\q3 ታ ጊዛ ሲዪቴ።
\q1
\v 4 ኢንቴ ጪሚዲ
\q2 ፑሉማና ጋካናስካ
\q2 ኢንቴና ቶኪዛይ ታና፤
\q2 ታኒ ታና፤
\q2 ታኒ ኢንቴና ሜዲስ፤
\q2 ታኒ ኢንቴና ቶካና፤
\q2 ታኒ ኢንቴና ካፋና፤
\q2 ታ ኢንቴና ኣሻና።
\b
\q1
\v 5 «ታና ኦናራ ጊኒሴቲ?
\q2 ታና ኦናራ ሊኪሴቲ?
\q2 ኑኒ ኢሲኖ ሚሳታና ማላ
\q2 ታና ኦናራ ጌዳሬቲ?
\q1
\v 6 ኣማርዳ ኣሳቲ ዎርቃ
\q2 ባንታ ካራጺቴፔ ቆሌቴስ፤
\q2 ቢራካ ሜዛኔን
\q2 ጌዳሬቴስ፤
\q2 ኢስቲ ሴሪሲ ቲጊዛ
\q3 ሂላንቻ ቃጻሬቴስ፤
\q2 ኢዚካ ኢስታስ ጾሳ
\q2 ሂስቲ ሜስ።
\q2 ኢስቲካ ኢዛስ ጎይኔቴሲኔ
\q2 ያይኔቴስ።
\q1
\v 7 ዴንዲ ባንታ
\q2 ሃሼን ቶኬቴስ፤
\q2 ዛሪዲ ሄ ዴንዳ
\q2 ሶሆን ዎቴስ፤
\q2 ኢዚካ ሄን ኤቃ ጌስ፤
\q3 ሄፔ ኣዋካ ቃጼና፤
\q3 ኦኒካ ኢዛኮ ዋሲኮ
\q3 ዛሮ ኢሜና፤
\q3 ሜቶፔካ ኢዛ ኣሼና።
\b
\q1
\v 8 «ኢንቴኖ ሞራንቻቶ!
\q2 ሃይሳ ኣኬኪቴ፤
\q2 ዩሺካ ቆፒቴ፤
\q2 ኢንቴ ዎዚናን ቁምኢ ኦይኪቴ።
\q1
\v 9 ካሴ ቤኒ ዎዴ
\q2 ሃኒዳ ዮኦታ ኣኬኪቴ፤
\q3 ታኒ ጾሳ፤
\q2 ታፔ ሃራይ ዴና፤
\q3 ታኒ ጾሳ፤
\q2 ታ ማላይ ኦኒካ ዴና።
\q1
\v 10 ዉርሴን ሃናናይሳ ኮይሮታ፥
\q2 ቡሮፔ ያናይሳ ቤኒ ዮታዲስ፤
\q2 ‹ታ ሃልቾይ ሚኖ፤
\q2 ታና ኡፋይሲዛዝ ኡባ
\q3 ታ ኦና› ጋዲስ።
\q1
\v 11 ኣርሼይ ሞኪዛ ባጋፌ
\q2 ቦንቂዛ ኣርጋን፥
\q2 ሃሆ ቢታፌ ታ ቆፋ
\q2 ፖሊዛ ኣስ ታኒ ጼይጋና።
\q2 ታ ዮቲዳይሳ ታ ኦና፤
\q2 ታ ሃልቺዳይሳ ታ ፖላና።
\b
\q1
\v 12 «ኢንቴኖ ዎዚና ሹቻቶ፥
\q2 ጺሎቴፌካ ሃኪዳይቶ፥
\q2 ታና ሲዪቴ።
\q1
\v 13 ታኒ ታ ጺሎቴ ኤሆን ዳይስ፤
\q2 ሃሆ ጊዴና።
\q2 ታ ኣቶቴይ ጋምኤና፤
\q2 ታኒ ጺዮኔ ኣቶቴ።
\q2 ኢስራኤሌ ቦንቾ
\q2 ማይዛና» ጌስ።
\c 47
\s ባቢሎኔ ቦላ ያና ፒርዳ
\p
\v 1 ጎዳይ፥ «ሃኔ ባቢሎኔ ጌላኦዬ፥
\q2 ጉዱላ ቦላ ዎ ኡታ፤
\q2 ሃኔ ባቢሎኔታ ናዬ፥
\q2 ኔ ኣራታፔ ዎ፤
\q2 ቢታን ኡታ፤
\q2 ሃይሳፌ ጉዬ
\q2 ኔኒ ማላ ሎኦኔ ዳልቂዳልቃ
\q2 ጌቴታ ጼይጌታካ።\x - \xo 47፡1-15 \xo*\xt ኢሳ 13፡1—14፡23፤ ኤር 50፡1—51፡64\xt*\x*
\q1
\v 2 ዎጻ ኤካዳ ካ ጋጫ፤
\q2 ኔ ጎሳ ቃራ፤
\q2 ኔ ቃሚሳዛ ቃራ፤
\q2 ኔ ጺፋ ቤሳ፤
\q2 ጋዲጋዳሼ ሻፋ ፒና።
\q1
\v 3 ኔ ካሎቴ ቆንጮ፤
\q2 ዬላቺዛ ኔ ካሎይ ቤቶ፤
\q2 ታኒ ሃሎ ማካና፤
\q2 ታ ኦናካ ኣጊኬ» ጌስ።
\b
\q1
\v 4 ኑና ዎዚዛ
\q2 ኢስራኤሌ ጌሻስ፥
\q2 ሱንይ ጎዳ ኡባፌ
\q2 ዎልቃማ ጾሳ።
\b
\q1
\v 5 «ሃኔ ባቢሎኔታ ናዬ፥
\q2 ማሶ ጌላዳ ጮኡ ጋ ኡታ፤
\q2 ሃይሳፌ ጉዬ ኔ ካዎቴታ
\q2 ጎዳቴዮ ጌቴታ ጼይጌታካ።
\q1
\v 6 ታኒ ታ ዴራ ሃንቄታዲስ፤
\q2 ታኒ ጺንጾዛካ ቱኒሳዲስ፤
\q2 ታኒ ኢስታ ኔ ኩሼን
\q2 ኣ ኢማዲስ።
\q2 ኔኒ ጊዲኮ
\q2 ኢስታስ ቃታቤካ፤
\q2 ጪሚዳይታ ቦላካ
\q2 ኬሂ ዴጾ ቃምባራ
\q2 ዎዳሳ።
\q1
\v 7 ኔኒ፥ ‹ታኒ ሜርናስ
\q2 ጎዳቶ ጊዳና› ጋዳሳ።
\q2 ጊዶ ኣቲን ሃይታንታ
\q2 ኣኬካቤካ፤
\q2 ኢስታ ዉርሴ
\q3 ኣይ ጊዳናኮ ቆፓቤካ።
\b
\q1
\v 8 «ሃኔ ኢሻሎ ዱስ ዲዛሬ!
\q2 ኔርካ ኔናን
\q2 ኣማኔታ ኡቲዳሬ!
\q2 ኔ ዎዚናን፥ ‹ታና፤
\q3 ታፔ ኣቲን ሃራይ ባ።
\q3 ሃኒፌ ጉዬ ታኒ ኣምኦ ጊዲኬ፤
\q3 ዬላዳ ሚዳሮ ጊዲኬ›
\q3 ጊዛሬ ሲያ!
\q1
\v 9 ሃ ናምኡ ዮኦቲ፥
\q2 ኣምኤቴኔ ዬሊ ን
\q2 ቆፋይ ባይንዳ ኢሲ ጋላስ
\q2 ኔ ቦላ ጋኪ ዎና፤
\q2 ኔ ኣይ ኬና ቢቲኮካ፥
\q3 ኔ ኣይ ኬና ሙሬኒኮካ
\q3 ኢስቲ ኔ ቦላ
\q3 ኩሜ ዎልቃራ ያና።\x - \xo 47፡9 \xo*\xt ኣጁ 18፡7-8\xt*\x*
\q1
\v 10 ኔኒ ኔ ኢታቴን ኣማኔታዳ፥
\q2 ‹ታና ኦኒኔ ቤኤና› ጋዳሳ።
\q2 ቃሴ፥ ‹ታና፤
\q2 ታፔ ኣቲን ሃራይ ዴና
\q2 ኔ ጊዳ ዎዴ
\q2 ኔ ኣ ኤራቴይኔ
\q2 ጪንጫቴ
\q2 ኔና ባሌዳ› ጋዳሳ።
\q1
\v 11 ባሺ ኔ ቦላ ያና፤
\q2 ኔኒ ዎስታ ሙሬና
\q2 ዛራናኮ ኤራካ፤
\q2 ኔ ቃንጾ ኢማዳ
\q3 ኔ ዳንዳዮንታ ቆሆይ
\q3 ኔ ቦላ ጋካና።
\q2 ኔ ቆፖንታ ሜቶይ
\q3 ኔ ቦላ ዲንጋቴ ያና።
\q1
\v 12 ሄኮ ቤኣ፤
\q2 ኔኒ ናቴፌ ዶማዳ
\q2 ኦሼ ዳቡርዳ ቢታታኔ
\q2 ዳሮ ሙሬኖታ
\q2 ጉጃ ጉጃ ኦ፤
\q2 ኦኔ ኤሪዛይ ኔስ ሃናናኮ፥
\q3 ኦኔ ኤሪዛይ ኔኒ
\q3 ኔ ሞርኬታ ሺሮሳናኮ?
\q1
\v 13 ኔ ኤኪዳ ዞሬ ኡባይ
\q2 ኔና ዳቡራራ ኣሺዴስ፤
\q2 ኣጊናፔ ኣጊና ጋካናስ
\q3 ጾሊንቴ ጼሊ ካዪዛይቲ፥
\q2 ጾሊንቴ ታይቢዛይቲ
\q2 ኣኔ ሃ ዬቶ፤
\q2 ኔና ጋኪዛ ሜቶፔ
\q2 ኣኔ ኢስቲ ኔና ኣሼቶ።
\q1
\v 14 ሄኮ ኢስቲ ሃፓ ማላ፤
\q2 ታማይ ኢስታ ማና።
\q2 ታማ ላጮፔ ዴንዲዳይሳን
\q2 ባና ኣሻናስ
\q2 ዳንዳዬቴና።
\q2 ኣሲ ሆኣና ቦንቆይ ዴና፤
\q2 ኡቲዲ ሆኣና
\q2 ታማይካ ዴና።
\q1
\v 15 ናቴፌ ዶማዳ
\q2 ኔ ኢስታራ ዳቡርዳይቲ፥
\q2 ኔ ኢስታራ ዛልኢዳይቲ፥
\q2 ኢስቲ ኦና ዳንዳይዛይ
\q2 ሃይሳ ጻላ፤
\q2 ኢሶይ ኢሶይ ባ ሞሮ
\q3 ጉጂ ጉጂ ባና፤
\q2 ጊዶ ኣቲን ኔና
\q3 ኣሻናይ ዴና» ጌስ።
\c 48
\s ሲሞንታ ኢጺዳ ኢስራኤሌ
\p
\v 1 ጎዳይ፥ «ኢንቴኖ ኢስራኤሌ ሱንን ጼይጌቲዳ፥
\q2 ያቆቤሶ ኣሳቶ!
\q2 ዩሁዳ ዛሬፔ ቤቲዳይቶ!
\q2 ኢንቴኖ ጎዳ
\q2 ሱንን ጫቂዛይቶ!
\q2 ቱማቴኒኔ
\q2 ጺሎቴን ጊዶንታ፥
\q2 ኢስራኤሌ ጾሳ ጼይጊዛይቶ!
\q2 ሃይሳ ሲዪቴ።
\q1
\v 2 ‹ኑኒ ጌሻ ካታማይን
\q2 ዲዛይታ› ጊዲ
\q2 ኢንቴርካ ኢንቴና ጼይጊዛይቶ!
\q2 ኢስራኤሌ ጾሳን
\q2 ኣማኔቲዛይቶ!
\q2 ጎዳይ ኡባፌ
\q2 ዎልቃማ ጾሳይ
\q3 ጊዛይሳ ሲዪቴ።
\b
\q1
\v 3 «ካሴ ሃኒዳ ሚሻታ
\q2 ታኒ ዳሮ ዎዴፔ ሲንን
\q3 ዮታ ዎዲስ፤
\q2 ታ ዶናፔ ኬዚዴስ።
\q2 ኢስቲ ኤሬታና ማላካ
\q3 ታኒ ኦዲስ፤
\q2 ታ ዲንጋቴ ኦን
\q3 ኢስቲካ ፖሌቲዳ።
\q1
\v 4 ኔ ኣይ ማላ ሲሞንታ
\q2 ኣስ ጊዲዳኮ
\q2 ታ ኤራይስ፤
\q2 ኔ ሞርጌ ሻያይ ቢራታ ማላ፥
\q3 ኔ ኮንኬይ ጻርቂማላ ሚሳቴስ።
\q1
\v 5 ሄሳ ጊሻስ ሃይታ ሃ ዮኦታ
\q2 ቤኒ ታ ኔስ ዮታዲስ፤
\q2 ኢስቲ ፖሌታናፔ ሲንን
\q3 ታ ኔና ኤሪሳ ዎዲስ፤
\q2 ሄሲካ፥ ‹ታ ኤቃ ጾሳቲ
\q3 ሃይሳ ኦዳ፤
\q2 ሚፌ ማሴቲዳ ሚስሌቲኔ
\q3 ቢራታፔ ኦሴቲዳ ታ ጾሳቲ
\q3 ሃይሳ ታስ ኣዛዚዳ›
\q3 ጎንታ ማላሳ።
\b
\q1
\v 6 «ሃይታ ሃ ዮኦታ
\q2 ኔ ሲያዳሳ፤
\q2 ኣኔ ኡባካ ጼላ፤
\q2 ኢስቲ ሊኬ ጊዲዳይሳ
\q3 ኔኒ ኔ ሁኤራ ማርካቲኪ?
\q2 ሃኢፔ ዶማዳ
\q2 ኦራ ሚሻታ፥
\q2 ኔፔ ጌሚዳይታኔ
\q2 ኔ ኤሮንታ ዮኦታ
\q2 ታ ኔስ ዮታና።
\q1
\v 7 ሄይቲ ሃኢ ሜቲዳ ኣቲን
\q2 ካሴ ጊዴና፤
\q2 ኢስታ ጊሻስ ኔ ሃቺፌ ኣቲን
\q3 ካሴ ሲያቤካ፤
\q2 ሄሳ ጊሻስ፥
\q2 ‹ኤ፥ ታ ኢስታ ጊሻስ ኤራይስ›
\q3 ጋና ዳንዳያካ።
\q1
\v 8 ኔኒ ሲያቤካ ዎይኮ ኤራቤካ፤
\q2 ኔ ሃይ ቤኒፔካ
\q2 ዶዬቲቤና።
\q2 ጋሶይካ ኔኒ ካሴካ
\q2 ጪሚዛዴኔ
\q3 ናቴፌ ዶማዳ
\q3 ኔ ማካላንቻ
\q2 ጌቴቲዳይሳ
\q3 ታ ኤራዲስ።
\b
\q1
\v 9 «ታ ሱን ጊሻስ ጋዳ
\q2 ታኒ ታ ሃንቆ ጋምኢሳና፤
\q2 ታ ጋላታ ጊሻስ ጋዳ
\q3 ታ ኔፔ ቴቃና፤
\q2 ታ ኔና ቃንጾንታ
\q2 ኣጋና ማላሳ።
\q1
\v 10 ቤኣ ቢራ ማላ ጊዶንታ ኣጊኮካ
\q2 ኔና ጋጫዲስ፤
\q2 ታማ ማላ ሜቶን ፓጫዲስ፤
\q1
\v 11 ታ ጊሻስ ጋዳ፥
\q2 ታኒ ታ ጊሻስ ጋዳ ኦይስ።
\q2 ታርካ ታና ዎስታ
\q2 ካዉሻቴስ
\q3 ኣ ኢሞ?
\q2 ታ ቦንቾ ኦናስካ ኢሚኬ።
\s ጾሲ ዶሪዳ ኦሳንቻ
\b
\q1
\v 12 «ኔኖ ያቆቤ፥
\q2 ታኒ ጼይጊዳ ኢስራኤሌ
\q3 ታኒ ጊዛ ሲያ።
\q2 ታኒ ኢዛ፤
\q2 ኮይሮይካ ታና፤
\q2 ዉርሴይካ ታና።\x - \xo 48፡12 \xo*\xt ኢሳ 44፡6፤ ኣጁ 1፡17፤ 22፡13\xt*\x*
\q1
\v 13 ቢታስ ዮች ዬጊዳይ
\q2 ታ ኩሼ፤
\q2 ሳሎታ ሚጪዳይ
\q2 ታ ኡሻቻ ኩሼ።
\q3 ታ ኢስታ ጼይጊዛ ዎዴ
\q3 ኢስቲ ኡባይካ
\q3 ኢሲ ቦላ ኤቄቴስ።
\b
\q1
\v 14 «ኢንቴ ኡባይካ
\q2 ኢሲ ቦላ ሺቂዲ ሲዪቴ፤
\q2 ኤቃ ጾሳታፔ ካሴ
\q3 ሃይታንታ ዮቲዳይ ኦኔ?
\q2 ጎዳስ ዶሬቲዳ ላጌይ
\q3 ኢዚ ባቢሎኔ ቦላ
\q3 ሃልቺዳይሳ ፖላና፤
\q3 ኢዛ ቄሴይካ
\q3 ባቢሎኔታ ቦላ ጊዳና።
\q1
\v 15 ታኒ ታርካ ዮታዲስ፤
\q2 ቱሙካ ታ ጼይጋዲስ፤
\q2 ታ ኢዛ ኤሃና፤
\q2 ኢዛ ኦሶይካ ኢዛስ ፖሌታና።
\p
\v 16 «ታኮ ሃ ሺቂዲ ሃይሳ ሲዪቴ፤
\q2 ታኒ ኮይሮፔ ዶማዳካ
\q3 ጌማን ሃሳያቤኬ፤
\q2 ኢዚ ፖሌቲሺን
\q3 ታ ሄን ዳይስ» ጌስ።
\b
\q1 ሃኢካ ኡባ ሃሪዛ
\q2 ጎዳይኔ ኢዛ ኣያናይ
\q2 ታና ኪቲዳ።
\q1
\v 17 ጎዳይ ኔና ዎዚዳ
\q2 ኢስራኤሌ ጌሻይ፥
\q2 «ታኒ ጎዳ ኔ ጾሳይ፥
\q2 ኔና ጎኢዛዝ ታማርሲዛይሳ፥
\q3 ባናስ ቤሲዛ ኦጌራ
\q3 ኔና ካሌዛይ ታና።
\q1
\v 18 ኔኒ ታ ኣዛዞ ሲዪዳ ጊዲዳኮ፥
\q2 ኔስ ሳሮቴ ሻፋ ማላ፥
\q2 ኔስ ጺሎቴካ
\q2 ኣባ ዳምባላ ማላ ጊዳናሺን።
\q1
\v 19 ኔ ዜሬ ኣባ ሻሚንታ ማላ፥
\q2 ኔ ናይቲካ ቆዳይ ባይንዳ
\q2 ጉዱላ ማላ ጊዳናሺን፤
\q2 ኢስታ ሱን ቁጬቴና፤
\q2 ታ ሲንፌ
\q2 ዬቴናሺን» ጌስ።
\b
\q1
\v 20 ባቢሎኔ ቢታፌ ኬዚቴ፤
\q2 ባቢሎኔ ኣሳፔ ባቃቲቴ!
\q2 ሃይሳ ኢሊሊሳን ኤሪሲቴ፤ ኣዋጂቴ፤
\q2 ቢታ ጋጻ ጋካናስ ዮቲቴ፤
\q2 «ጎዳይ ባ ኣሽካራ
\q3 ያቆቤ ዎዚዴስ» ጊቴ።\x - \xo 48፡20 \xo*\xt ኣጁ 18፡4\xt*\x*
\q1
\v 21 ኢዚ ኢስታ ባዞ ቢታራ
\q2 ካሌሺን
\q2 ኢስቲ ሳሜቲቤቴና።
\q3 ኢዚ ኢስታስ ዛላፌ
\q3 ሃ ፑልቲሲዴስ፤
\q3 ኢዚ ዛላ ጳልቂዴስ፤
\q3 ሃካ ቂ ኬዚዴስ።
\p
\v 22 «ኢታታስ ሳሮይ ባ» ጌስ ጎዳይ።\x - \xo 48፡22 \xo*\xt ኢሳ 57፡21\xt*\x*
\c 49
\s ጎዳ ኦሳንቻ
\q1
\v 1 ኢንቴኖ ሃሩሮቶ፥
\q2 ታ ጊዛይሳ ሲዪቴ።
\q2 ኢንቴኖ ሃሆን ዲዛ
\q2 ካዎቴቶ፥
\q3 ሃይሳ ኤዝጊቴ።
\q2 ታኒ ታ ኣዪ ኡሎን ዲሺን
\q3 ጎዳይ ታና ጼይጊዴስ፤
\q2 ታ ዬሌቶንታ ዲሺን ታና
\q3 ታ ሱንን ጼይጊዴስ።\x - \xo 49፡1 \xo*\xt ኤር 1፡5\xt*\x*
\q1
\v 2 ታ ኢንጻርሳ
\q2 ጊ ማሻ ማላ ቃራሲዴስ፤
\q2 ባ ኩሼ ኩዋን
\q2 ታና ጌንዴስ፤
\q2 ኢዚ ታና ሆጼ
\q2 ዪሻ ማላ ኦዴስ፤
\q2 ሂስቲዲ ባ ኮሆ ጊዶን
\q3 ታና ቆቲዴስ።\x - \xo 49፡2 \xo*\xt ኢብ 4፡12፤ ኣጁ 1፡16\xt*\x*
\q1
\v 3 ኢዚ ታና፥ «ኢስራኤሌ
\q2 ኔ ታ ኣይሌ፥
\q2 ታኒ ታ ቦንቾ
\q3 ኔናን ቆንጪሳና» ጊዴስ።
\p
\v 4 ጊዶ ኣቲን ታኒ፥
\q2 «ታኒ ሜላ ጮ ዳቡራዲስ፤
\q2 ጎኣይ ባይንዳ
\q2 ጮ ሃዳ ሚሻን
\q2 ታ ዎልቃ ዉርሳዲስ፤
\q2 ጊዲኮካ ታ ኦሶዛስ
\q3 ኩሼ ዛራናይ ጎዳ፤
\q2 ታ ዋጋይካ
\q2 ታ ጾሳ ማታና» ጋዲስ።
\q1
\v 5 ሃኢ ታኒ ጎዳ ኣይፌ
\q3 ሲንን ቦንቼታዲስ፤
\q2 ጾሳይ ታስ ዎልቃ ጊዲዴስ፤
\q2 ታኒ ያቆቤ
\q2 ኢዛኮ ዛራና ማላ፥
\q3 ኢስራኤሌ ኢዛኮ ሺሻና ማላ
\q3 ኦዳ ጎዳይ
\q3 ሃኢካ ዛሪዲ፥
\q2
\v 6 «ኔኒ ታስ ኦሳንቻ ጊዴ፥
\q2 ያቆቤ ቆሞታ
\q2 ኔ ዛራናይሲኔ
\q3 ታ ናጊዳ ኢስራኤሌ ዛራዳ
\q3 ኔ ኤሃናይሲ
\q3 ሄሲ ኔና ዴጼና፤
\q2 ቃሴካ ታ ኣቶቴ
\q3 ቢታ ጋጻ ኔ ጋና ማላ፥
\q2 ታኒ ኔና ካዎቴታስ
\q3 ፖኦ ሂስታና» ጌስ።\x - \xo 49፡6 \xo*\xt ኢሳ 42፡6፤ ሉቃ 2፡32፤ ሃዋ 13፡47፤ 26፡23\xt*\x*
\b
\q1
\v 7 ካቲዳይሳሲኔ
\q2 ካዎቴን ኢጼቲዳይሳስ፥
\q2 ዴሬ ሃሪዛይታ
\q2 ኣሽካራ ጊዲዳ ኔስ፥
\q2 ጎዳይ፥ ኢስራኤሌ
\q2 ኣሺዛ ጌሻይ፥
\q2 «ካዎቲ ኔና ቤኢዲ ዴንዲ ኤቃና፤
\q2 ካዎ ናይቲ ኔና ቤኢዲ
\q2 ኔስ ዚጋና፤
\q2 ጋሶይካ ኔና ዶሪዳ ጎዳይ፥
\q2 ኢስራኤሌ ጌሻይ
\q2 ኣማኔቲዳዴ» ጌስ።
\s ኢስራኤሌ ዛሪ ኤሶ
\p
\v 8 ጎዳይ፥ «ታኒ ዶሪዳ ዎዴ
\q2 ኔ ኦይሻ ዛራና፤
\q2 ኣቶቴ ጋላስ
\q2 ታኒ ኔና ማዳና፤
\q3 ዴራስ ጫቆ ቃላ ጊዳና ማላ፥
\q3 ቢታዮካ ኔ ዛራ ኤሳና ማላ፥
\q3 ካሴ ቢታ ዬጊ ይዳይታስ
\q3 ኢስታ ጺንጾ
\q3 ኔ ዛራ ኢማና ማላ፥
\q3 ታ ኔና ማዳና፤
\q3 ታ ኔስ ኦና።\x - \xo 49፡8 \xo*\xt 2ቆሮ 6፡2\xt*\x*
\q1
\v 9 ኔኒ ዲኤቲዳይታ፥
\q2 ‹ሃ ኬዚቴ!›
\q2 ማን ዲዛይታ፥
\q2 ‹ፖኦን ኬዚቴ›
\q3 ጋና ማላ ታ ኦዲስ።
\q3 ኢስቲ ኦጌይ ዲዛሶን ዲዛሶን
\q3 ካ ማና፤
\q2 ኣይኮይ ባይንዳ ዙምቡላ ቦላ
\q3 ሄሜቲዛሶ ዴማና።
\q1
\v 10 ኢስቲ ጋፌቴቴና
\q2 ዎይኮ ሳሜቴቴና፤
\q2 ኢስታ ባዞ ቢታ ሴላይ
\q2 ዎይኮ ኣዋ ሴላይ ቆሄና።
\q3 ኢስታስ ቃቲዛይ
\q3 ኢስታ ካሌና፤
\q3 ሃ ፑልቶይ ዲዛሶን
\q3 ኢስታ ሄማና።\x - \xo 49፡10 \xo*\xt ኣጁ 7፡16-17\xt*\x*
\b
\q1
\v 11 «ታ ዙማታ ኡባ
\q2 ኦጌ ኬሳና፤
\q2 ታ ዎጋ ኦጌቲካ ቁ ጋና።
\q1
\v 12 ሄኮ ኢስቲ ሃሆ ዴሬፔ ያና፤
\q2 ኢሲ ኢሲኔቲ ፑዴሃፔ፥
\q2 ባጋይቲ ኣርሼይ ዉሊዛ ባጋፌ፥
\q2 ሃንኮ ኣቲዳይቲ ሲኒሜፔ
\q3 ያና» ጌስ።\f + \fr 49፡12 \fr*\ft ሲኒሜ ጌቴቲዛይ ሃኢ ዎዴን ኣሴዋ ጌቴቲዛ ጊብጼ ካታማኮ።\ft*\f*
\b
\q1
\v 13 ሳሎቶ ኢንቴ፥ ኢሊሊ ጊቴ፤
\q2 ቢታዬ ኔኒ ኡፋዬታ።
\q2 ኢንቴኖ ዙማቶ ኡፋይሳን ዬጺቴ፤
\q2 ጋሶይካ ጎዳይ
\q2 ባ ዴራ ሚንስ፤
\q2 ሜቶታንቻታስ ቃቴስ።
\b
\q1
\v 14 ጺዮና ጊዲኮ፥
\q2 «ጎዳይ ታና ኣጊዴስ፤
\q2 ጎዳይ ታና ባሊዴስ» ጋዱስ።
\p
\v 15 ጎዳይ፥ «ኣያ ባ ንዛ ና
\q2 ባላናስ ዳንዳያዜ?
\q2 ባ ዬሊዳ ናስ ቃቴኬ?
\q2 ኦኔ ኤሪዛይ
\q2 ኢዛ ባላና ዳንዳያዉስ፤
\q2 ታኒ ጊዲኮ ኔና ባሊኬ።
\q1
\v 16 ሄኮ ታኒ ኔና
\q2 ታ ኩሼ ቃኣን ጻፋዲስ፤
\q2 ኔ ዲርሳ ጊምቤቲካ ኡባቶ
\q3 ታ ሲንን ዴቴስ።
\b
\q1
\v 17 «ኔ ኣቱማ ናይቲካ
\q2 ኤሶን ሲማና፤
\q2 ኔና ላሊዳይቲ ኔፔ ባቃታና።
\q1
\v 18 ኣኔ ቁ ጋዳ
\q2 ኔ ዩሾ ጼላ፤
\q2 ኔ ናይቲ ኡባይ ኢሲፌ ሺቂዲ
\q3 ኔኮ ያና።
\q2 ታኒ ጎዳይ ታ ዴኦን ጫቃይስ፤
\q2 ኔኒ ኢስታ ኡባ
\q3 ኣሌቆ ማላ ማይኣና፤
\q2 ኔ ኢስታ ሚሺራ ማይኦ ማላ
\q3 ማይኣና» ጌስ።
\b
\q1
\v 19 «ኔ ላሌታዳ ቡላ ጊዲኮካ፥
\q2 ኔ ቢታይ ሙሌራ ይኮካ፥
\q2 ሃች ኔኒ ኔ ዴሬዛስ
\q3 ጹን ጊዲኮካ፥
\q2 ኔና ሚቲዳይቲ
\q2 ኔፔ ሃካና።
\q1
\v 20 ጬጬ ዎዴ ኔ ዬሊዳ ናይቲ፥
\q2 ኔ ሃይ ሲዪሺን፥
\q2 ‹ሃይሲ ጋዴይ
\q2 ኑስ ኬሂ ጹሚዴስ፤
\q2 ኑ ዳናስ ኑስ
\q2 ጊዲዛሶ ኢማ› ጋና።
\q1
\v 21 ኔኒ ኔ ዎዚናን፥
\q2 ‹ሃይታ ታስ ዬሊዳይ ኦኔ?
\q2 ታኒ ጬጪዛዴኔ ማይኔ፤
\q2 ታኒ ጎዴቲዳዴኔ
\q3 ኢጼቲዳዴ ጊዳ ዲሺን
\q2 ሃይታንታ ዲቺዳይ ኦኔ?
\q3 ታኒ ታርካ ኣታዲስ ሺን
\q3 ሂስቲን ሃይታንቲ
\q2 ኣዋፔ ዪዶ?› ጋሳ» ጌስ።
\b
\q1
\v 22 ኡባ ሃሪዛ ጎዳይ፥ «ቤኣ፥
\q2 ታኒ ካዎቴታ
\q2 ማላታን ጼይጋና፤
\q2 ታኒ ታ ባንዲራ ኣሳስ
\q3 ቁ ሂስታ ኤሳና፤
\q2 ኔ ኣቱማ ናይታ
\q3 ኢስቲ ኢዲሚ ኤሃና፤
\q2 ኔ ማጫ ናይታካ
\q2 ባንታ ሃሼን
\q3 ቶኪዲ ኤሃና።
\q1
\v 23 ካዎቲ ኔና ዲቺዛ
\q2 ኣዋታ ጊዳና፤
\q2 ኢስታ ማቼቲ ኔና ዲቺዛ
\q3 ኣዬታ ጊዳና፤
\q2 ኢስቲ ጉፋኒዲ ኔስ ጎይናና፤
\q3 ኔ ቶሆ ቦላፌ
\q3 ባናካ ላጫና፤
\q3 ኔካ ታኒ ጎዳ
\q3 ጊዲዳይሳ ኤራና፤
\q3 ታናን ሂዶታ ኦዛይቲ
\q3 ዬላቴቴና» ጌስ።
\b
\q1
\v 24 ዲኢ ኤኪዳ ሚሽ ኦላንቻታፔ
\q3 ጉዬ ዛራናስ፥
\q2 ዲኤቲ ቢዳይታ
\q3 ሜንጼ ኢታታ ኩሼፔ
\q2 ኣሻናስ ዳንዳዬቲዜ?
\q1
\v 25 ጊዶ ኣቲን ጎዳይ፥
\q2 «ቱሙካ ኦላንቻቲ
\q2 ዲኢ ኤፊዳ ሚሽ
\q2 ኬሲ ኤካናስ፥
\q2 ሜንጼ ኢታታ ኩሼፔ
\q2 ዲኤቲዳይታ ኣሻናስ
\q2 ዳንዳዬቴስ፤
\q2 ኔናራ ኦሌቲዛይታራ ታ ኦሌታና፤
\q2 ኔ ናይታካ ታኒ ኣሻና።
\q1
\v 26 ኔና ኡንኤዛይቲ
\q2 ባንታርካ ባ ኣሾ ማና፤
\q2 ዎይኔ ኡሻን
\q2 ማቲዛ ማላ
\q2 ባንታርካ ባ ሱን
\q2 ማታና፤
\q3 ሄሳፌ ጉዬ ኣሳ ዜሬ ኡባይ፥
\q3 ታኒ ጎዳ፥ ኔና ኣሺዛይሳ፥
\q2 ኔና ዎዚዛይሳኔ
\q3 ያቆቤ ዎልቃማ ጊዲዳይሳ
\q3 ሄሳን ኤራና» ጌስ።
\c 50
\s ኢስራኤሌ ናጋራኔ ጾሳ ኣይሌ ኣዛዜቴ
\p
\v 1 ጎዳይ፥ «ታኒ ኢንቴ ኣዮ
\q2 ኣንጃ ዬዲዳ ዋራቃታይ
\q3 ኣዋን ዲዜ?
\q2 ዎይኮ ታ ኢንቴና
\q2 ኣይ ታልኣ ኤኪዳዴስ ባይዛዲና?
\q2 ቤኢቴ ኢንቴ ኢንቴ
\q3 ናጋራ ጊሻስ ባይዜቲዴታ፤
\q2 ኢንቴ ሞሮ ጊሻስ
\q3 ኢንቴ ኣያ ኣንጄታ ባዱስ።
\q1
\v 2 ታኒ ዪዛ ዎዴ ሄን
\q2 ኣሲ ኣይስ ይዴ?
\q2 ታ ጼይጊዛ ዎዴ
\q2 ዛሮ ኢሚዛ ኣሲ
\q3 ሄን ዋኒ ይዴ?
\q2 ኢንቴና ዎዛና ሚሽ ጪጋናስ
\q3 ታ ኩሼይ ቃማዴ?
\q2 ዎይኮ ኢንቴና ኣሻናስ
\q3 ታስ ዎልቃይ ጉ?
\q2 ቤኢቴ ታ ሃንቆን
\q3 ኣባ ሜሊሳይስ፤
\q2 ሻፋታካ ባዞ ኬሳይስ
\q3 ኢስታን ዲዛ ሞሌቲ
\q3 ሳሞን ሃይቂዲ ዜቄቴስ።
\q1
\v 3 ታኒ ሳሎ ሚሳና፤
\q2 ታኒ ኢዛ ማቃ ማይዛና» ጌስ።
\q1
\v 4 ኡባ ሃሪዛ ጎዳይ ታስ
\q2 ኢንጻርሳ ኤራቴ ኢሚዴስ፤
\q2 ሄሳ ጊሻስ ዳቡራንቻታስ
\q2 ታ ኣይ ጋና ቤሲዛኮ ታ ኤራይስ፤
\q2 ማላዶ ማላዶ
\q2 ታና ቤጎስ፤
\q2 ታማርሼ ዲዛ ታማሬ ማላ
\q3 ሲያናስ ታ ሃይ ዶዬስ።
\q1
\v 5 ኡባ ሃሪዛ ጎዳይ
\q2 ታ ሃይ ዶይዴስ፤
\q2 ታኒ ማካላንቻ ዲኬ፤
\q2 ጉዬካ ባቃታቤኬ።
\q1
\v 6 ታ ዞኮ ሾጪዛይታስ፥
\q2 ታ ቡቻ ሾዲዛይታስ
\q2 ኣ ኢማዲስ፤
\q2 ታ ኣይፌሶ ጩቻፌ
\q2 ጌንቤኬ።\x - \xo 50፡6 \xo*\xt ማቶ 26፡67፤ ማር 14፡65\xt*\x*
\q1
\v 7 ኡባ ሃሪዛ ጎዳይ
\q2 ታና ማዲዛ ጊሻስ
\q2 ታኒ ካዉይኬ፤
\q3 ሄሳ ጊሻስ ታ ኣይፌሶ
\q3 ዳልዳቻ ሹቻ ማላ
\q3 ኦዲስ፤
\q2 ታኒ ዬላቶንታይሳ ኤራይስ።
\q1
\v 8 ታ ጺሎቴ ቆንጪሲዛዴይ
\q2 ታ ማታን ዴስ፤
\q2 ሂስቲን ታና ሞታና
\q3 ዳንዳይዛይ ኢዚ ኦኔ?
\q2 ኣኔ ኢሲፌ ቲራን ጋይቶስ!
\q2 ታ ባልጋራይ ኦኔ?
\q2 ኣኔ ሃዮ!
\q1
\v 9 ቤኢቴ፥ ኡባ ሃሪዛ ጎዳይ
\q2 ታና ማዴስ፤
\q2 ሂስቲን ታ ቦላ ፒርዳናይ ኦኔ?
\q2 ቤኢቴ፥ ኢስቲ ኡባይካ
\q3 ማይኦ ማላ ጬጋና፤
\q2 ቢላይ ኢስታ ማና።\x - \xo 50፡8-9 \xo*\xt ኦሮ 8፡33-34\xt*\x*
\b
\q1
\v 10 ኢንቴ ጊዶፌ ጎዳስ ያዪዛይ፥
\q2 ኢዛ ኣይላ ቃላስ
\q2 ኣዛዜቲዛይ ኦኔ?
\q3 ሄሳዴይ ማን
\q3 ቢዛ ጊዲኮኔ
\q3 ፖኦይ ኢዛስ ባይንዳ ኣጊኮ
\q3 ኢዚ ጎዳ ሱንን
\q3 ኣማኔቶ፤
\q3 ባ ጾሳንካ ዜምፖ።
\q1
\v 11 ሃኢ ጊዲኮ ኢንቴ ታማ ኤዲ፥
\q2 ላጪዛ ኢንቴ ጾምፔ ጾምፔ
\q3 ኦይኪዳ ኡባቲ
\q3 ኢንቴ ፖኦን ቢቴ፤
\q2 ኢንቴ ኦይዳ ጾምፔ
\q3 ፖኦን ሲሜሬቲቴ፤
\q2 ኢንቴ ታ ኩሼፔ
\q2 ኤካናይሲ ሃይሳ፤
\q2 ኢንቴ ኢታ ሜቶን ኩንዳና።
\c 51
\s ጺዮኒስ ሜርና ኣቶቴ
\q1
\v 1 «ኢንቴኖ ጺሎቴ ካሊዛይቶ፥
\q2 ጎዳ ኮይዛይቶ ሲዪቴ።
\q2 ኢንቴ ኢዛፔ ጳልቄቲ
\q2 ኬዚዳ ዛላዛኔ
\q3 ኢንቴ ቦኬቲ ኬዚዳ
\q3 ኦላ ጼሊቴ።
\q1
\v 2 ኢንቴ ኣዋ ኣብራሃሜኮ፥
\q2 ኢንቴና ዬሊዳ ሳራኮ ጼሊቴ።
\q2 ኢዚ ባርካ ዲሺን
\q3 ታኒ ኢዛ ጼይጋዲስ፤
\q2 ታኒ ኢዛ ኣንጃዲሲኔ ዳርሳዲስ።
\b
\q1
\v 3 «ጎዳይ ጺዮኖ
\q2 ቱሙ ሚንና፤
\q2 ኢዚ ላሌቴ
\q2 ቃታን ጼላና፤
\q2 ኢዚ ባዞ ቢታዛ ኤዴኔ ማላ፥
\q2 ኢዚ ባዞ ቢታዛ
\q2 ጎዳ ኣታኪልቴሶሆ ማላ
\q2 ኦና፤
\q2 ኢሻሎይኔ ኡፋይሲ፥
\q2 ጋላታይኔ ዬ ጬንጉርሲ
\q3 ኢዚን ሴቴታና።
\b
\q1
\v 4 «ታ ባጋቶ ታ ጊዛይሳ ሲዪቴ፤
\q2 ታ ዴሬዞ ታ ጊዛ ኤዝጋ፤
\q2 ዎጋይ ታፔ ኬዛና፤
\q2 ታ ፒርዳይ ካዎቴታስ
\q3 ፖኦ ጊዳና።
\q1
\v 5 ታ ጺሎቴይ
\q2 ኤሶቲ ዬ ቦላ፥
\q2 ታ ኣቶቴይ ማቲሼ ዴስ፤
\q2 ታ ቄሴይ ካዎቴታስ
\q3 ቱማ ፒርዳ ኤሃና፤
\q2 ሃሩሮቲ ታኮ ጼላና፤
\q2 ታ ቄሴካ ሂዶታ ኦና።
\q1
\v 6 ፑዴ ቁ ጊዲ ሳሎታ ጼሊቴ፤
\q2 ዚቂ ጊዲ ዱጌ ሳኣካ ጼሊቴ።
\q2 ሳሎቲ ጩዋ ማላ
\q3 ቲምኢ ጊ ያና፤
\q2 ሳኣይካ ኣፋላዳን ጬጋና፤
\q2 ኢዚን ዴኢዛ ኣሳይ ኡዱንጼ ማላ
\q3 ኤሶን ያና፤
\q2 ታ ኣቶቴይ ሜርናስ ዳና፤
\q2 ታ ጺሎቴስካ
\q2 ዉርሴ ዴና።»
\p
\v 7 ጎዳይ፥ «ኢንቴኖ
\q2 ጺሎቴ ኤሪዛይቶ፥
\q2 ታ ዎጋ ኢንቴ ዎዚናን
\q3 ዎዳ ኣሳቶ
\q3 ታ ጊዛ ሲዪቴ።
\q2 ኣሳይ ኢንቴና ካሺን ባቦፍቴ፤
\q2 ኢስቲ ኢንቴና
\q3 ጫዪሺን ዳጋሞፍቴ።
\q1
\v 8 ቢላይ ማይኦ ሚዛ ማላ
\q2 ኢስታ ማና፤
\q2 ኢስቲ ጉጹኔይ ሚዳ
\q3 ሱፌ ማላ ጊዳና፤
\q2 ታ ጺሎቴ ጊዲኮ ሜርናስ፥
\q2 ታ ኣቶቴ ዬሌታፔ
\q3 ዬሌታ ጋካናስ ዳና» ጌስ።
\b
\q1
\v 9 ኣቤት ጎዳ ቄሴይ ዴንዳ፤
\q2 ዎልቃ ማይኣ፤
\q2 ካሴ ኣዳ ዎዴታን፥
\q2 ሚሚንቴ ቃንጼሬዳይ፥
\q2 ጊታ ዳዌዛ ጫዲዳይ
\q2 ኔና ጊዲኪ?
\q1
\v 10 ዎዜቲ ኣቲዳይቲ ፒናና ማላ፥
\q2 ኣባኔ ጪማ
\q2 ሃ ሜሊሲዳይ፥
\q2 ጪማ ጊዶራ ኦጌ ጊግሲዳይ
\q3 ኔና ጊዲኪ?
\q1
\v 11 ጎዳይ ዎዚዳይቲ ሲማና፤
\q2 ዬጺሼካ ጺዮኔ ጌላና፤
\q2 ሜርና ኡፋይሳ ካላቻ
\q2 ሁኤን ጎጻና፤
\q2 ኢስቲ ኢንጄኔ ኡፋይሳ
\q3 ዱስ ዴማና፤
\q2 ጬጬይኔ ዬሆይ
\q3 ኢስታፌ ባቃታና።
\p
\v 12 ጎዳይ፥ «ኢንቴና ሚንዛይ
\q2 ታኒ ጻላ ኢዛ፤
\q2 ሃይቂዛ ኣሳ ዜሬ፥
\q2 ማታ ማላ ሹሊዛ ኣሳ ናስ
\q3 ኣይስ ባባይ?
\q1
\v 13 ኔና ሜዳይሳ፥
\q2 ሳሎታ ቶሊዳይሳ፥
\q2 ሳኣስ ዮች ዬጊዳይሳ ኔ ባላዳሳ፤
\q2 ኔና ይሳናስ ጊጌቲዳ
\q2 ሜንጼ ኢታዛ ጋሶፔ
\q2 ዴንዲዳይሳን
\q3 ኡባ ጋላስ ሺሮን ዳሳ፤
\q3 ሂስቲን ሄ ሜንጼ ኢታዛ ሃንቆይ
\q3 ሃኢ ኣዋን ዲዜ?
\q1
\v 14 ቃሼቲዳይቲ ኤሶን ቢርሼታና፤
\q2 ኢስቲ ባ ቃሼቲዳ
\q3 ኦላ ጊዶን ሃይቄቴና፤
\q2 ካ ኢስታስ ፓጬና።
\q1
\v 15 ጋሶይካ ዳምባላይ ዴንዳና ማላ
\q2 ኣባ ቃዛ
\q2 ታኒ ጎዳይ ኔ ጾሳ፤
\q2 ታ ሱን ጎዳ
\q3 ኡባፌ ዎልቃማ ጾሳ።
\q1
\v 16 ታኒ ታ ቃላ
\q2 ኔ ዶናን ዎዲስ፤
\q2 ታ ኩሼ ኩዋን ካማዲስ፤
\q3 ሳሎታ ኢስቲ ዲዛሶን ዎዳይ፥
\q3 ቢታስ ዮች ዬጊዳይ፥
\q3 ጺዮኖ፥ ‹ኔ ታ ዴሬ›
\q3 ጊዳይ ታና» ጌስ።
\s ጎዳ ሃንቆ
\b
\q1
\v 17 ጎዳ ኩሼፔ ሃንቆ
\q2 ኡሹ ኡዪዳሬ፥
\q2 ኦርጮካ ኣሾንታ፥
\q2 ኣስ ጋንዲጋርሲዛ ኡሹ
\q3 ጺጺ ሂስታ ኡዪዳሬ፥
\q3 ሃኔ ዬሩሳላሜ ዴንዳ!
\q3 ዴንዳ፥ ዴንዳ ኤቃ!\x - \xo 51፡17 \xo*\xt ኣጁ 14፡10፤ 16፡19\xt*\x*
\q1
\v 18 ኢዛ ዬሊዳ ናይታ ኡባፌ
\q2 ካሌዛይ ኢሶይካ ባዋ፤
\q2 ቃሴ ኢዛ ዲቺዳ
\q2 ናይታ ኡባፌካ
\q2 ኢዚ ኩሼ ኦይኪዛይ
\q3 ኢሶይካ ባዋ።
\q1
\v 19 ቤኣ ባሻ ቦላ ባሺ
\q2 ኔ ቦላ ዪዴስ፤
\q2 ሂስቲን ኔና ኦኔ
\q2 ሚንናይ?
\q2 ኢስቲካ ላሌቴኔ ይስ፥
\q3 ኮሻኔ ማሻ።
\q1
\v 20 ኔ ኣቱማ ናይቲ ዳቡርዳ፤
\q2 ዎጺማዴን ኦይኬቲዳ
\q2 ጌኔሳ ማላ
\q2 ኦጌ ጋጻን ኡባን ኢቺዳ።
\q2 ጎዳ ሃንቆይኔ
\q2 ኔ ጾሳ ሴራይ
\q3 ኢስታ ቦላ ኩሚዴስ።
\b
\q1
\v 21 ሄሳ ጊሻስ ዎይኔ
\q2 ኡሻን ጊዶንታ
\q2 ጮ ማቲዛሬ ሃይሳ ሲያ
\q1
\v 22 ባ ዴራ ኣሺዛ ኔ ጎዳይ
\q2 ኡባፌ ዎልቃማ ጾሳይ፥
\q2 «ቤኣ፤ ኔና ጋንዲጋርሲዛ
\q2 ኡሻ ኔ ኩሼፔ
\q2 ታ ኤካዲስ፥
\q2 ታ ሃንቆ ጹኣፔ
\q3 ናምኣን ኡያካ።
\q1
\v 23 ታኒ ሄሳ ኔና ኡንኤዛይታ
\q2 ኩሼን ዎና።
\q2 ኢስቲ ኔና፥ ‹ኑኒ ኔ ቦላራ
\q2 ሄሜቲዲ ኣና ማላ ዛቁላ› ጊዳ።
\q2 ሂስቲን ኢስቲ ኣና ጋካናስ
\q2 ኔ ዞኮ ኢስታስ ቢታ ማላኔ
\q3 ኦጌ ማላ ኦዳሳ» ጌስ።
\c 52
\s ጾሳይ ዬሩሳላሜ ኣሻና
\q1
\v 1 ሃኔ ጺዮኔ ዴንዳ፤ ዴንዳ፤
\q2 ዎልቃ ማይኣ፤
\q2 ጌሻ ካታማዬ
\q2 ዬሩሳላሜ!
\q2 ኔ ቦንቾ ማይኦ ማይኣ፤
\q2 ሃይሳፌ ጉዬ ቃጻሬቶንታይኔ
\q3 ቱናይ ኔ ጊዶ ጌሌና።\x - \xo 52፡1 \xo*\xt ኣጁ 21፡2፥27\xt*\x*
\q1
\v 2 ሃኔ ዬሩሳላሜ፥ ዴንዳ፤
\q2 ጉዱላ ፒታ፤ ኔ ኣራታን ኡታ።
\q2 ዲኤቲዳ ጺዮኔ ናዬ፥
\q2 ኔ ቆን ቃሼቲዳ
\q2 ሳንሳላታ ኬሳ ዬጋ።
\p
\v 3 ጎዳይ፥ «ኢንቴ ጮ
\q2 ሃዳ ባይዜቲዴታ፤
\q2 ሃኢካ ሚሺ ባይንዳ
\q3 ጮ ኢንቴ ዎዜታና» ጌስ።
\b
\q1
\v 4 ኡባ ሃሪዛ ጎዳይ፥
\q2 «ኮይሮ ታ ዴሬይ ዴኣናስ
\q3 ዱጌ ጊብጼ ዎዴስ፤
\q2 ጉዬፔ ኣሶሬይ ጋሶይካ ባይንዳ
\q3 ኡንኤ ሃሪዴስ።
\q1
\v 5 ‹ሂስቲን ታ ዴሬይ
\q2 ጋሶይካ ባይንዳ
\q2 ዲኤቲ ቢቺን
\q2 ታስ ሃን ኣዚ ዲዜ?›
\q2 ኢስታ ሃሪዳይቲ
\q3 ኢስታ ቦላ ቂልጪዳ፤
\q2 ጋላስ ኩሜ ታ ሱን
\q3 ፓጬይ ባይንዳ ጫዬቴስ።\x - \xo 52፡5 \xo*\xt ኦሮ 2፡24\xt*\x*
\q1
\v 6 ሄሳ ጊሻስ ታ ዴሬይ
\q2 ታ ሱን ኤራና፤
\q2 ሄ ጋላስ ካሴካ ዮቲዳይ
\q3 ታና ጊዲዳይሳ ኢስቲ ኤራና።
\q2 ኤ ሄሲ ታና» ጌስ።
\b
\q1
\v 7 ዙማ ቦላ ኤቂዳ ቶሆቲ፥
\q2 ሚሺራቾ ኤኪ ዪዛ ቶሆቲ፥
\q2 ሳሮቴ ዮቲዛይቲ፥
\q2 ሎኦ ሚሺራቾ ዮቲዛይቲ፥
\q2 ኣቶቴ ኣዋጂዛይቲ፥
\q2 ጺዮኖካ፥
\q2 «ኔ ጾሳይ ካዎቲዴስ»
\q2 ጊዛ ቶሆቲ ኣይ ማላ ሎኦ!\x - \xo 52፡7 \xo*\xt ናሆ 1፡15፤ ኦሮ 10፡15፤ ኤፌ 6፡15\xt*\x*
\q1
\v 8 ሃኔ ሲያ! ኔና ናጊይዛይቲ
\q2 ባንታ ቃላ ቁ ሂስቲዳ።
\q2 ኢሲ ቦላ ኢሊሊሼ ዬጼቴስ፤
\q3 ጎዳይ ጺዮኔ ሲሚዛ ዎዴ፥
\q2 ኢስቲ ኢዛ
\q3 ባንታ ኣይፌራ ቤኣና።
\q1
\v 9 ኢንቴኖ ዬሩሳላሜን
\q2 ቆሌቲዳ ሶሆቶ!
\q2 ኢንቴ ኢሲ ቦላ ኢሊሊሳን ዬጺቴ፤
\q2 ጎዳይ ባ ዴራ ሚንዴስ፤
\q2 ዬሩሳላሜ ካታማካ ዎዚዴስ።
\q1
\v 10 ጎዳይ ባ ጌሻ ቄሳ
\q2 ካዎቴታ ኡባ
\q2 ሲንን ቆንጪሳና፤
\q2 ቃሴ ቢታ ጋጻን ዲዛ ኡባይካ
\q3 ኑ ጾሳ ኣቶቴ ቤኣና።
\b
\q1
\v 11 ኢንቴኖ ጎዳ ኬ
\q2 ሚሻታ ቶኪዛይቶ!
\q2 ሻኬቲቴ፥ ሻኬቲቴ፤
\q2 ሄፔ ኬዚቴ።
\q2 ቱና ሚሽ ቦቾፍቴ፤
\q2 ሄፔ ኬዚቴ፤
\q2 ኢንቴ ሁኤሲካ ጌይቴ።\x - \xo 52፡11 \xo*\xt 2ቆሮ 6፡17\xt*\x*
\q1
\v 12 ጊዲኮካ ኤሶን ኬዜኬታ፤
\q2 ዎይኮ ቤቲ ቤኬታ፤
\q2 ጎዳይ ኢንቴፌ ሲን ኣዲ
\q3 ኢንቴና ካሌና፤
\q2 ኢስራኤሌ ጾሳይካ
\q3 ጉዬራ ኢንቴና ናጋና።
\s ሜቶይ ኢዛ ጋኪዛ ኦሳንቻ
\p
\v 13 ጎዳይ፥ «ቤኢቴ፥
\q2 ታ ኣሽካራይ ኣኬካን ኦና፤
\q2 ኢዚ ኤሬቲዳዴ ጊዳና፥
\q2 ኢዚ ቁ ቁ ጋና፤
\q2 ኢዚ ኬሂ ቦንቼታና።
\q1
\v 14 ዳሮ ኣሳይ ኢዛን
\q2 ዳጋማናሼ ጋካናስ
\q2 ኣስ ኡባፌ ቆሄቲዳ ጊሻስ
\q3 ኢዛ ሜይ
\q3 ኣሳ ሜፔ ላሜቲዴስ።
\q1
\v 15 ሄሳ ጊሻስ ኢዚ
\q2 ዳሮ ካዎቴታ ማላሊሳና፤
\q2 ኢዛ ጋሶን ካዎቴቲ
\q3 ባንታ ዶና ኦይካና፤
\q2 ኢስታስ ዮቴቶንታይሳ
\q3 ኢስቲ ቤኣና፤
\q2 ኢስቲ ሲዪ ኤሮንታ
\q2 ሚሽ ኣኬካና» ጌስ።\x - \xo 52፡15 \xo*\xt ኦሮ 15፡21\xt*\x*
\c 53
\q1
\v 1 ዴሬዚ፥ «ኑኒ ዮቲዳይሳ
\q2 ኦኔ ኣማኒዳይ?
\q2 ጎዳ ቄሴይ ኦናስ ቆንጪዴ?\x - \xo 53፡1 \xo*\xt ዮሃ 12፡38፤ ኦሮ 10፡16\xt*\x*
\q1
\v 2 ኢዚ ኢዛ ሲንን ጫሬቻ ማላ፥
\q2 ሜላ ቢታፌ ሞኪዛ
\q3 ጻጶ ማላ ሞኪዴስ፤
\q2 ኑ ኢዛ ጼላናስ ሺጫቴ
\q3 ዎይኮ ቴማይ ዴና፤
\q2 ኑ ኢዛ ዶሳናስ
\q3 ኢዛ ማላይ ሎኤና።
\q1
\v 3 ኢዚ ኣሳን ካቲዳዴኔ
\q2 ኢጼቲዳዴ፤
\q2 ኢዚ ሃርጌፌኔ ሜቶፔ
\q2 ሻኬቲ ኤሮንታ ኣሳ፤
\q2 ኢዚ ኣሲ ኢዛ ቤኣናፔ
\q3 ባ ኣይፌሶ ሃራሶ ዛሪዛ ኣሳ ማላ
\q3 ካቲዳዴ ጊዲዴስ፤
\q3 ኑኒካ ኢዛ ቦንቺቤኮ።
\b
\q1
\v 4 «ቱሙካ ኢዚ ኑ ሃርጌ
\q2 ባስ ኤኪዴስ፤
\q2 ቃሴ ኑ ሳኮካ ኢዚ ቶኪዴስ።
\q2 ኑኒ ጊዲኮ ኢዛ ጋኪዳ ሜቶይ፥
\q2 ዴሼቴይኔ ዋዬይ
\q2 ጾሳፌ ኢዛስ ኢሜቲዳዛ
\q3 ጊዲ ቆፒዶስ።\x - \xo 53፡4 \xo*\xt ማቶ 8፡17\xt*\x*
\q1
\v 5 ጊዶ ኣቲን ኢዚ
\q2 ኑ ሞሮ ጊሻስ ጫዴቲዴስ፤
\q2 ኑ ቆሆ ጊሻስ ሊቂዴስ፤
\q2 ኢዛ ቦላ ዎዳ ቂጻቴይ
\q3 ኑስ ሳሮ ኤሂዴስ፤
\q2 ኢዛ ማዱንን ኑ ፓጺዶስ።\x - \xo 53፡5 \xo*\xt 1ጴጽ 2፡24\xt*\x*
\q1
\v 6 ኑኒ ኡባይ ዶርሳ ማላ
\q2 ቶይላቲ ይዶስ፤
\q2 ኑኒ ኢሶይ ኢሶይ ኑ ኦጌ ቢዶስ፤
\q2 ጎዳይ ኑ ኡባ ቆሆ
\q3 ኢዛ ቦላ ዎዴስ።\x - \xo 53፡6 \xo*\xt 1ጴጽ 2፡25\xt*\x*
\b
\q1
\v 7 «ኢዚ ኡንኤቲዴሲኔ ዋዬቲዴስ፤
\q2 ጊዶ ኣቲን ዶናካ ፖጊቤና።
\q2 ዶርሳ ላቃ ማላ
\q3 ሹኬታናስ ላጌቲዴስ፤
\q2 ባ ኢስኬ ቃንጺዛይታ ሲንን
\q3 ጮኡ ጊዛ ዶርሳ ማላ
\q2 ኢዚ ዶናካ ጶቂቤና።\x - \xo 53፡7 \xo*\xt ኣጁ 5፡6\xt*\x*
\q1
\v 8 ኢዛ ሜቶኒኔ ፒርዳን ኤፊዳ፤
\q2 ኢዚ ታ ዴራ ሞሮ ጊሻስ
\q2 ዴሼቲዲ፥ ፓጻይ ዲዛ ቢታፌ
\q2 ዲጌቲዳይሳ ኢዛ ዜሬፌ
\q3 ኣኬኪዳይ ኦኔ?\x - \xo 53፡7-8 \xo*\xt ሃዋ 8፡32-33\xt*\x*
\q1
\v 9 ኢዚ ኣይኮ ጌኔ ሃሳዮንታ፥
\q2 ኣይ ሞሮካ ኦንታ፥
\q2 ኢዛ ሃይቆይ ኢታታራ
\q3 ኢሲፌ ቆዴቲዴስ፤
\q2 ጊዶ ኣቲን ኢዚ ዱሬታ
\q2 ዱፎን ሞጌቲዴስ።\x - \xo 53፡9 \xo*\xt 1ጴጽ 2፡22\xt*\x*
\b
\q1
\v 10 «ኢዛ ሊቄኔ ዋዬዚ
\q2 ጎዳ ሼኔ ጊዲዴስ፤
\q2 ጎዳይ ኢዛ ሼምፖ
\q3 ናጋራ ያርሾ ኦኮካ
\q2 ኢዚ ባ ዜሬ ቤኣና፤
\q2 ጎዳ ሼኔይ
\q2 ኢዛ ኩሼን ፖሌታና።
\q1
\v 11 ኢዛ ሼምፖይ ዋዬቲዳፔ ጉዬ
\q2 ኢዚ ዴኦ ፖኦ
\q2 ቤኣናኔ ኡፋዬታና።
\q2 ታ ጺሎ ኣይሌዚ ባ ኤራቴን
\q3 ዳሮታ ጺሊሳና፤
\q2 ኢስታ ሞሮካ ቶካና።
\q1
\v 12 ሄሳ ጊሻስ ኢዛ ጋኪዛ ጊሻ
\q2 ጊታ ኣሳታ ጊሻራ ኢሲፌ ሂስታና፤
\q2 ዲኢ ኤሂዳይሳ ዎልቃማታራ
\q3 ኢዚ ኢሲፌ ጊሼታና፤
\q2 ኢዚ ባ ሼምፖ
\q3 ሃይቆስ ኣ ኢሚዲ፥
\q2 ኢታ ኦዛይታራ
\q2 ኢሲፌ ቆዴቲዳ ጊሻስ፥
\q2 ዳሮታ ናጋራ ቶኪዴስ፤
\q2 ቆሂዳይታ ጊሻስ
\q2 ጋናቲዴስ» ጋና።\x - \xo 53፡12 \xo*\xt ማር 15፡28፤ ሉቃ 22፡37\xt*\x*
\c 54
\s ጺዮኔስ ሲንፌ ያና ቦንቾ
\p
\v 1 ጎዳይ፥ «ሃኔ ማይኔ ማጫሳዬ፥
\q2 ና ዬላ ኤሮንታሬ ዬጻ፤
\q2 ኢሊሊ ጋዳ ኡፋይሳን ዋሳ፤
\q3 ሃኔ ሚጻታ ኤሮንታሬ፥
\q2 ባ ኣዚናራ ዲዛሪ ናይታፔ
\q3 ኣዚናይ ኣጊዳሪ
\q3 ናይቲ ዳራና» ጌስ።\x - \xo 54፡1 \xo*\xt ጋላ 4፡27\xt*\x*
\q1
\v 2 ኔ ዱንካኔ ኤሳናሶ ኣሳ፤
\q2 ኔ ዱንካኔ ማጋላሻታካ
\q3 ኣሳ ቶላ፤ ጹንፋ፤
\q2 ኔ ዎዶሮታ ኣዱሳ፤
\q2 ሽኬታካ ሚን ኤሳ።
\q1
\v 3 ኔኒ ኡሻቻ ባጋራኔ
\q2 ሃዲርሳ ባጋራ ኣካና፤
\q2 ኔ ዛሬቲ ካዎቴታ ላታና፤
\q2 ሂስቲዲ ኣይኮይ ባይንዳ
\q3 ኢስታ ካታማታን ኢስቲ ዳና።
\b
\q1
\v 4 «ኣይኮይ ባ ባቦፋ፤
\q2 ኔ ዬላታካ፤
\q2 ሂርጎፋ፤ ኔ ካዉያካ፤
\q2 ኔ ዬላጋቴ ዬላ
\q2 ኔኒ ዶጋና፤
\q2 ኔ ኣምኤቴ ቦሮካ
\q3 ሃይሳፌ ሲንን ሃሳኣካ።
\q1
\v 5 ኔና ሜዳይሲ ኔስ ኣዚና፤
\q2 ኢዛ ሱንይካ ኡባፌ
\q2 ዎልቃማ ጎዳ።
\q2 ኔና ዎዚዳይ
\q2 ኢስራኤሌ ጌሻ፤
\q2 ኢዚ ቢታ ኡባ ጾሳ ጌቴቴስ።
\q1
\v 6 ናቴን ኤኪዲ
\q2 ካዳ ማቺ ማላ፤
\q2 ኔኒ ዎዚና ሜቂዳኔ
\q3 ካቲዳ ማቺ ማላ፤
\q2 ጊዶ ኣቲን ጎዳይ
\q2 ኔና ጉዬ ዛሪ ጼይጋና»
\q2 ጌስ ጾሳይ።
\b
\q1
\v 7 «ጉ ዎዴ ታኒ ኔና ኣጋዲስ፤
\q2 ጊዶ ኣቲን ጊታ ቃታን
\q3 ታ ኔና ዛራ ሺሻና።
\q1
\v 8 ታ ጉ ዎዴስ
\q2 ኬሃ ሃንቄቲዳ ጊሻስ፥
\q2 ታ ኣይፌሶ ኔፔ ጌንዲስ፤
\q2 ጊዶ ኣቲን ታ ሜርና
\q2 ኪያቴን ኔስ ቃታና»
\q2 ጌስ ኔና ዎዚዛ ጎዳይ።
\b
\q1
\v 9 «ሃይሲ ታስ ኖሄ ዎዴ ሃ
\q2 ቢታ ዛሪ ይሶንታ ማላ
\q3 ታ ጫቆይሳ
\q2 ሃኢካ ኔ ቦላ ዛራዳ
\q2 ሃንቄቶንታ ማላኔ
\q2 ሴሮንታ ማላ ታ ጫቃዲስ።\x - \xo 54፡9 \xo*\xt ሜ 9፡8-17\xt*\x*
\q1
\v 10 ዙማቲ ቃጺኮ፥
\q2 ዙምቡላቲ ባ ዲዛሶፔ
\q2 ኪቺኮካ፥
\q2 ኔስ ዲዛ ታ ሲቆይ ቃጼና፤
\q3 ኔናራ ታ ጫቂዳ
\q3 ሳሮቴ ቃላይ ላሌቴና»
\q3 ጌስ ኔና ማሪዛ ጎዳይ።
\q1
\v 11 ጎዳይ፥ «ሃኔ
\q2 ኡንኤቲዳ ካታማዬ!
\q2 ጎቴ ጫርኮን ሾጬቲዳሬ!
\q2 ሚኔቶንታሬ! ቤኣ፥
\q2 ታኒ ኔና ቦንቼቲዳ
\q2 ሹቻታን
\q3 ኣሌቂሳ ኬጻና፤
\q3 ሴምፔሬ ሹች ኔስ
\q2 ዮች ዬጋና።
\q1
\v 12 ታኒ ኔ ቁስቴ ዞኦ ኢንቁን፥
\q2 ኔ ፔንጌታ ጾልቂዛ ኢንቁታን፥
\q2 ኔ ዲርሳታ ቦንቼቲዳ
\q3 ሹቻታን ኦና።\x - \xo 54፡11-12 \xo*\xt ኣጁ 21፡18-21\xt*\x*
\q1
\v 13 ኔ ኣቱማ ናይቲ ኡባይ
\q2 ጎዳፔ ታማርዳይታ ጊዳና፤
\q2 ኔ ናይታ ሳሮቴካ ዳራና።\x - \xo 54፡13 \xo*\xt ዮሃ 6፡45\xt*\x*
\q1
\v 14 ኔኒ ጺሎቴን ሚና ኤቃና፤
\q2 ጌኔ ኦጌራ ኣይሶይ
\q2 ኔፔ ሃካና።
\q2 ኔና ባቢሲዛ ሚሺ ዴና፤
\q2 ሺሮቴ ኔፔ ሃካና፤
\q2 ኔ ማታካ ሺቄና።
\q1
\v 15 ኦኒካ ኔና ቆሂኮ፥
\q2 ሄሲ ታፔ ጊዴና፤
\q2 ኔና ቆሂዳይ ዲኮ
\q3 ኔ ሲንን ኩንዳና፤
\b
\q1
\v 16 «ቤኣ፥ ጺፋይ ታማን ቦንቃና ማላ
\q2 ዎምፒና ፑኒዛይሳ፥
\q2 ኦላ ሚሽ ቆጺዛ ዎጋጬ
\q3 ሜዳይ ታና።
\q2 ቃሴ ባሽ ጋና ማላ
\q3 ሜዳይካ ታና፤
\q2 ባሺዛይሳ
\q2 ሜዳይካ ታና።
\q1
\v 17 ኔና ቆሃናስ ኦሴቲዳ
\q2 ሚሺ ኦና።
\q2 ኔና ሞቲዛ ኢንጻርስ ኡባ
\q2 ኔ ላና፤
\q2 ሄሳ ጊሻስ ጎዳ ኣይሌታ
\q3 ጺንጾይ ሃይሳ፤
\q2 ኢስቲ ታፔ ዴማና
\q2 ኣንጆይ ሄሳ» ጌስ።
\c 55
\s ጾሳፌ ቤቲዛ ማሮቴ
\p
\v 1 ጎዳይ፥ «ኢንቴኖ ሳሜቲዳይቶ
\q1 ኡባይካ ሃ ዪቴ!
\q2 ሃኮ ሃ ዪቴ፤
\q2 ኢንቴኖ ሚሺ ባይንዳይቶ
\q3 ሻሚቴ፤ ሚቴ።
\q2 ሃ ዪቴ፤ ሚሺ ባይንዳኔ
\q3 ቃንጾንታ ዎይኔ ኡሺኔ
\q3 ማ ሻሚቴ።\x - \xo 55፡1 \xo*\xt ኣጁ 21፡6፤ 22፡17\xt*\x*
\q1
\v 2 ጎኦንታ ካስ
\q2 ኣይስ ኢንቴ ሚሽ ይሴቲ?
\q2 ኢንቴና ካልሶንታ ሚሻስ
\q3 ኣይ ኤካናስ
\q3 ኢንቴ ዎልቃ ዉርሴቲ?
\q1 ሲዪቴ፤ ታ ጊዳዝ ሲዪቴ፤
\q2 ሎኦ ጊዲዳዝ ሚቴ፤
\q2 ሎኦ ቁማን ኢንቴና ኡፋይሲቴ።
\q1
\v 3 ኢንቴ ሃይ ዶይዲ
\q2 ሃ ታኮ ሺቂቴ፤
\q2 ኢንቴ ሼምፖራ ፓጻ ዳና ማላ
\q2 ታ ጊዛ ኤዝጊ ሲዪቴ፤
\q3 ካሴ ታ ዳዊቴራ ጫቂዳ
\q3 ሚኖ ሲቆን ኢንቴናራካ
\q3 ሜርና ጫቆ ጫቄታና።\x - \xo 55፡3 \xo*\xt ሃዋ 13፡34\xt*\x*
\q1
\v 4 ቤኢቴ፥ ታኒ ኢዛ ዴራስ ማርካ፥
\q2 ካሌዛዴኔ
\q2 ኦላ ጋዳዋ ኦዲስ።
\q1
\v 5 ቤኣ፥ ኔኒ ኤሮንታ
\q2 ካዎቴታ ጼይጋና፤
\q2 ኔና ኤሮንታ ካዎቴቲ
\q3 ኔኮ ኤሶን ያና።
\q2 ጋሶይካ ጎዳ ኔ ጾሳይ
\q2 ኢስራኤሌ ጌሻይ ባ ቦንቾን
\q2 ኔና ቁ ቁ
\q2 ሂስቲዴስ» ጌስ።
\b
\q1
\v 6 ጎዳይ ቤቲዛ ዎዴ
\q2 ኢዛ ኮዪቴ፤
\q2 ማታን ዲዛ ዎዴ
\q2 ኢዛ ጼይጊቴ።
\q1
\v 7 ኢታ ኣሲ ባ ኦጌ፥
\q2 ቆሂዛይካ ባ ቆፋ ኣጎ፤
\q2 ጎዳኮ ሲሞ።
\q2 ኢዚካ ኢዛ ማራና፤
\q3 ኢዛ ማሮቴይ
\q2 ዳሮ ጊዲዳ ጊሻስ
\q2 ኢዚ ኑ ጾሳኮ ሲሞ።
\b
\q1
\v 8 ጎዳይ፥ «ታ ቆፋይ
\q2 ኢንቴ ቆፋ ማላ፥
\q2 ኢንቴ ኦጌይካ
\q2 ታ ኦጌ ማላ ጊዴና።
\q1
\v 9 ሳሎቲ ሳኣፔ ቂዳ ማላ፥
\q2 ታ ኦጌይ ኢንቴ ኦጌፔ፥
\q2 ታ ቆፋይካ
\q2 ኢንቴ ቆፋፔ ቄስ።
\q1
\v 10 ኢራይኔ ሻቺ
\q2 ሳሎፔ ዎዲ
\q2 ቢታ ካልሲዲ፥
\q2 ቢታይ ሞኪሳና ማላኔ
\q3 ኣይፌ ኢማና ማላ፥
\q2 ዜሪዛዴስ ዜሬ፥ ሚዛዴስ ካ
\q2 ኢሞንታ ዲሼ
\q3 ጉዬ ሲሞንታይሳ ማላ፥\x - \xo 55፡10 \xo*\xt 2ቆሮ 9፡10\xt*\x*
\q2
\v 11 ታ ዶናፔ ኬዚዛ ቃላይካ
\q3 ጮ ሃዳ ሃ ታኮ ሲሜና፤
\q3 ጊዶ ኣቲን ኢዚ
\q3 ታኒ ኮዪዳይሳ ኦስ፤
\q3 ባ ኪቴቲዳ ዋና
\q3 ቆፋካ ፖሌስ።
\q1
\v 12 ኢንቴ ኡፋይሳን ኬዛና፤
\q2 ሳሮን ሞይዜታና።
\q2 ዙማቲኔ ዙምቡላቲ
\q2 ኢንቴ ሲንን
\q3 ኢሊሊሳራ ዬጻና፤
\q2 ዴምባን ዲዛ ሚቲ ኡባይካ
\q3 ባንታ ኩሼ ባቃና።
\q1
\v 13 ኣጉን ጊሻስ ጺዳይ፥
\q2 ኪንዲቾ ጊሻስ ባርሲኔቴ
\q3 ጌቴቲዛ ሚ ሞካና፤
\q2 ሄሲካ ጎዳ ሃሳኢሲዛ
\q2 ሚሺ ዮንታ ማላ
\q3 ሜርናስ ማላታ ጊዳና» ጌስ።
\c 56
\s ኣዛዜቲዛ ኡባስ ኢሜቲዳ ኣቶቴ
\p
\v 1 ጎዳይ፥ «ቱሙ ፒርዳ ናጊቴ፤
\q2 ሎኦ ኦቴ፤
\q2 ጋሶይካ ታ ኣቶቴይ
\q2 ማታን ዴስ፤
\q2 ታ ጺሎቴይካ
\q2 ኤሶን ቆንጫና።
\q1
\v 2 ሳምባታ ቱኒሶንታ ቦንቺዛይ፥
\q2 ኢታ ኦሶፔ ባ ኩሼ
\q3 ሺሺዛይኔ ናጊዛይ፥
\q2 ሃይታንታ ፖሊዛይ
\q3 ኣንጄቲዳዴ» ጌስ።
\b
\q1
\v 3 ጎዳኮ ሺቂዳ ቤቴይ፥
\q2 «ጎዳይ ታና ባ ኣሳፔ
\q3 ቱሙ ሻካና» ጎፖ።
\q2 ጉንዱላይካ፥
\q2 «ታኒ ሜሊዳ ሚ» ጎፖ።
\q1
\v 4 ጎዳይ፥ «ታ ሳምባታታ
\q2 ቦንቺዛ ጉንዱላታስ፥
\q2 ታና ኡፋይሲዛ ሚሽ ዶሪዛይታስ፥
\q2 ታ ጫቆ ቃላ ናጊዛይታስ፥
\q2
\v 5 ታ ኬኒኔ
\q2 ታ ጊምቤታ ጊዶን
\q3 ኣቱማ ናይታፔኔ
\q3 ማጫ ናይታፔ ኣዛ
\q3 ሃሳኢሲዛ ሚሺኔ
\q3 ሱን ኢስታስ ኢማና፤
\q2 ሜርናስ ዮንታ ሱን
\q3 ታ ኢስታስ ኢማና።
\q1
\v 6 ጎዳስ ሃጋዛናስ፥
\q2 ባና ጎዳራ ጋ
\q2 ዋጺዳ ቤቴ ኣሳታ
\q2 ጎዳ ሱን ሲቂዛይታኔ
\q3 ኢዛስ ጎይኒዛይታ፥
\q2 ሳምባታ ቱኒሶንታ
\q2 ቦንቺዛ ኡባታኔ
\q2 ጫቆ ቃላ ናጊዛይታ፥
\q2
\v 7 ታኒ ታ ጌሻ ዙማ ቦላ
\q3 ኢስታ ኤሃና፤
\q2 ታ ዎሳ ኬ ጊዶን
\q3 ታ ኢስታ ኡፋይሳና።
\q3 ታስ ያርሾ ያርሺዛሶዛ ቦላን
\q2 ኢስቲ ሺሺዛ
\q2 ጹጌቲዛ ያርሾኔ
\q2 ሃራ ያርሾታ ታ ኤካና፤
\q3 ጋሶይካ ታ ኬይ
\q3 ኡባ ኣሳ
\q3 ዎሳ ኬ ጌቴታና» ጌስ።\x - \xo 56፡7 \xo*\xt ማቶ 21፡13፤ ማር 11፡17፤ ሉቃ 19፡46\xt*\x*
\b
\q1
\v 8 ላሌቲዳ ኢስራኤሌ ሺሺዛ፥
\q2 ኡባ ሃሪዛ ጎዳይ፥
\q2 «ሺቂዳይታ ቦላ ጉጃ፥
\q2 ታኒ ሃራታካ ዛራ ሺሻና» ጌስ።
\s ኢታታ ቦላ ጾሳ ዋላሴ
\b
\q1
\v 9 ኢንቴኖ ዶኣቶ፥
\q2 ኢንቴኖ ዎራ ዶኣቶ
\q3 ኡባይካ ሃ ዪቴ፤
\q2 ኢንቴ ኣቻራካ
\q2 ፑዜሬቴ።
\q1
\v 10 ኢስራኤሌ ኣሳ ናጊዛይቲ ቆቄ፤
\q2 ኢስታስ ኤራቴ ዴና
\q2 ኢስቲ ኡባይ ቦጮንታ ካና ማላ፤
\q2 ቦጫናስ ዳንዳዬቴና፤
\q2 ኢስቲ ኢቺዲ ኣጉሜቴቴስ፤
\q2 ኢስቲ ስካንቻ።
\q1
\v 11 ኢስቲ ጋንጃማ ካና ማላ፤
\q2 ሚዲ ካሊ ኤሬቴና።
\q2 ኢስቲ ኣኬካይ ባይንዳ
\q2 ሄንንቻታ፤
\q2 ኢስቲ ኡባይ
\q3 ባንታ ኦጌ ኦጌ ቤቴስ፤
\q2 ኢሶይ ኢሶይ ባ ጎኣ ጻላ ጼሌስ።
\q1
\v 12 ኢስቲ ኢሶይ ኢሳራ፥
\q2 «ሃ ዪቴ፤
\q2 ዎይኔ ኡሹ ኣኔ ኡዮስ።
\q2 ኣኔ ማታና
\q2 ጋካናስ ኡዮስ!
\q2 ዎንቶይካ ሃቻ ማላ ጊዳና፤
\q2 ዎይኮ ሃቺፌካ ኣ
\q3 ሎኦ ጊዳና» ጌቴታና።
\c 57
\s ጺሎታ ጋኪዛ ሜቶ
\q1
\v 1 ጺሎ ኣሲ ሃይቄስ፤
\q2 ሄሳ ኦኒካ ዎዚናን ዎና፤
\q2 ጾሳስ ኣቂዛ ኣሳታ
\q3 ሼምፖይ ኤኬቴስ፤
\q2 ጺሎቲ ኢታፔ ኣታና ማላ
\q3 ኤኬቲዳይሳ ኦኒካ ኣኬኬና።
\q1
\v 2 ሱሬቴን ቢዛይቲ ሳሮን ጌላና፤
\q2 ሃይቂዲካ ባ ሂን
\q2 ሳሮን ሼምፓና።
\s ኢታታ ቦላ ያና ፒርዳ
\b
\q1
\v 3 ጎዳይ፥ «ኢንቴኖ ማሮ ናይቶ፥
\q2 ኢንቴኖ ላጌዛይሳኔ
\q2 ላይማቲዛሪ ዜሬቶ፥
\q2 ኢንቴ ሃ ዪቴ።
\q1
\v 4 ኢንቴ ኦና ቦላ ቂልጬቲ?
\q2 ኢንቴ ኢንጻርሲ ኦና ቦላ ኬሴቲ?
\q2 ኢንቴ ማካላንቻታ ናይታኔ
\q2 ዎርዳንቻታ ዛሬ ጊዴኬቲ?
\q1
\v 5 ኢንቴ ዎላ ጋርሳኒኔ
\q2 ዳሻ ሚታ ጋርሳን
\q2 ዚታን ጹጌቲዛይታ ጊዴኬቲ?
\q2 ዙሌታኒኔ ዛላ ዛኣታ ጋርሳን
\q2 ኢንቴ ናይታ
\q2 ያርሺዛይታ ጊዴኬቲ?
\q1
\v 6 ሃኔ ዙሌን ዲዛ ሊቆ ሹቻቲ
\q2 ኔስ ኤቃ ጾሳታ፤
\q2 ኢስቲካ ኔ ቃዳታ፤
\q2 ቱሙካ ኔ ኢስታ ቦላ
\q3 ኡሻ ያርሾ ጉሳዳሳ፤
\q2 ካ ያርሾካ ሺሻዳሳ፤
\q2 ሂስቲን ሃ ዮኦታ ጊሻስ
\q3 ታ ጮኡ ጋኔ?
\q1
\v 7 ኔ ሂጻ ቁ ጊዳ
\q2 ኣዱሳ ዙምቡላ
\q2 ሁኤን ሂጻዳሳ፤
\q2 ሄን ኔ ያርሾ
\q2 ሺሻና ኬዛዳሳ።
\q1
\v 8 ኔ ፔንጌፌኔ ቆሲላፌ
\q2 ሶ ባጋራ ኤቃ ሚስሌታ ኤሳዳሳ።
\q2 ታና ኣጋዳ ኔ ሂጻ ቃራዳሳ፤
\q2 ኢዛ ቦላ ኬዛዳ ኬሃ ቃራዳሳ፤
\q2 ኔ ዶሲዳይታራ ቃላ ጊጋዳሳ፤
\q2 ኢስታ ካሎካ ቤኣዳሳ።
\q1
\v 9 ዎጋራ ዛይቴ ኤካዳ፥
\q2 ሺቶ ኢዛ ቦላ ጉጃዳ
\q2 ሞሎኬ ጌቴቲዛ
\q2 ኤቃ ጾሳኮ ባዳሳ፤
\q2 ኔስ ኪቴቲዛይታ
\q3 ሃኮ ዴሬ ኪታዳሳ፤
\q2 ዱጌ ሲኦሌ ጋካናስ
\q2 ካንዳሳ።
\q1
\v 10 ኔ ኦጌ ዳሮፔ
\q2 ዴንዲዳይሳን ዳቡራዳሳ፤
\q2 ጊዶ ኣቲን፥
\q3 ‹ሂዶታይ ባዋ› ጋቤካ።
\q2 ኔ ዎልቃይ ሃ ኦራጺዴስ፤
\q2 ሄሳ ጊሻስ ኣርጋጫቤካ።
\b
\q1
\v 11 «ኔኒ ታስ ዎርዶቲዳይ፥
\q2 ኦናስ ያያዳ?
\q2 ኦናስ ሂርጋዳ?
\q1 ኔ ታና ቆፖንታ ኣጊዳይ፥
\q2 ሃይሳካ ኔ ዎዚናን
\q3 ቁምኦንታ ኣጊዳይ፥
\q2 ታስ ኔ ያዮንታ ኢጺዳይ፥
\q2 ታኒ ጮኡ ጊዳ ጊሻስ ጊዴኔ?
\q1
\v 12 ታኒ ኔ ጺሎቴኔ
\q2 ኔ ኦሶ ቆንጪሳና፤
\q2 ኢስቲካ ኔና ጎኤቴና።
\q1
\v 13 ኔኒ ማዶ ዴማናስ
\q2 ዋሲዛ ዎዴ፥
\q2 ኣኔ ኔ ሺሺዳ ኤቃ ጾሳቲ
\q3 ኔና ኣሼቶ!
\q3 ኢስታ ኡባካ
\q3 ጫርኮይ ኤኪ ኤፋና፤
\q3 ጉ ፔኖይ
\q3 ኢስታ ላሊ ይሳና፤
\q3 ጊዶ ኣቲን ታና ባስ
\q3 ባቃታሶ ኦዳ ኣሲ
\q3 ቢታዮ ላታና፤
\q3 ታ ጌሻ ዙማዮ
\q3 ባስ ሚሽ ኦና» ጌስ።
\s ዎዚናይ ሜቂዳይታስ ኢሜቲዳ ሚን
\b
\q1
\v 14 ጎዳይ፥ «ባሲቴ፥ ባሲቴ!
\q2 ኦጌ ጊግሲቴ፤
\q2 ታ ዴራ ኦጋፔ ጲዛ ሚሽ
\q3 ኡባ ዲጊቴ» ጌስ።
\q1
\v 15 ቁ ጊዳይሲ፥
\q2 ኡባ ሃሪዛይሲ፥
\q2 ኢዛስ ሱንይካ
\q2 ጌሽ ጌቴቲዳይሲ፥
\q3 ሜርናስ ዴኢዛይሲ፥
\q2 «ካዉዪዳይታ ኣያና
\q2 ዴንናስ፥
\q2 ዎዚናይ ሜቂዳይታ
\q2 ሚንናስ፥
\q2 ቁ ጊዳ ጌሻሶሆን
\q2 ታ ዴኣይስ፤
\q2 ቃሴካ ዎዚናይ
\q2 ሜቂዳይታራኔ
\q3 ኣያናን ኣሽኬ ጊዲዳይታራ
\q3 ታኒ ዴኣና።
\q1
\v 16 ኣሳ ኣያናይ ታ ሲንን
\q2 ዳቡሮንታ ማላ
\q2 ታ ሜዳ ኣሳስ
\q3 ፔኖይ ኤቆንታ ማላ
\q2 ታ ሜርናስ ዋላሲኬ፤
\q2 ታ ኡባቶ ሃንቄቲኬ።
\q1
\v 17 ኢዛ ናጋራ ጊሻሲኔ
\q2 ኢዛ ዪቄቴ ጊሻስ
\q2 ታ ሃንቄታዲስ፤
\q2 ታ ኢዛ ቃጻያዲስ፤
\q2 ታ ሲንካ ሃንቆን
\q2 ኢዛፔ ጌንዲስ፤
\q2 ጊዶ ኣቲን ሃኢካ ሲሚዲ
\q3 ኢዚ ባ ኦጌን ቢዴስ።
\q1
\v 18 ታኒ ኢዛ ኦጌታ ቤኣዲስ፤
\q2 ጊዲኮካ ታ ኢዛ
\q2 ፓናኔ ካሌና፤
\q2 ኢዛሲኔ ኢዛ ጊሻስ
\q3 ዬኪዛ ጌሻታ ታ ሚንና።
\q1
\v 19 ኢስራኤሌ ቢታን
\q2 ዬኪዛይታ ዶናን
\q2 ታ ጋላታ ዎና።
\q2 ማታኒኔ ሃሆን ዲዛይታስ
\q3 ሳሮይኔ ዎፓይ ጊዶ።
\q2 ታኒ ኢስታ ፓና» ጌስ።
\q1
\v 20 ጊዶ ኣቲን ኢታቲ ዳምባላይ
\q2 ኡርቃኔ ቡራ ኬሲዛ ማላ
\q2 ጮኡ ጋናስ
\q2 ዳንዳዮንታይሳ ማላ
\q3 ቡላኬቲዛ ኣባ ማላ።
\q1
\v 21 ታ ጾሳይ፥
\q2 «ኢታታስ ሳሮይ ባዋ» ጌስ።
\c 58
\s ቱሙ ጾማ
\p
\v 1 ጎዳይ፥ «ኔ ቃላ
\q2 ቁ ሂስታ ዋሳ፤
\q2 ኣይኮካ ኣሾፋ።
\q2 ኔ ጬንጉርሳ ዛዬ ማላ ሲሳ።
\q3 ታ ዴራስ ኢስታ ማካላቴ፥
\q3 ያቆቤ ኬ ኣሳሲካ
\q3 ኢስታ ናጋራ ዮታ።
\q1
\v 2 ኢስቲ ታና ሃች ሃች ኮዬቴስ፤
\q2 ታ ኦጌዛ ኤራናስ
\q3 ላሞቲዛ ሚሳቴቴስ።
\q2 ሱሬ ሚሽ ኦዳ
\q2 ካዎቴ ማላኔ
\q3 ባ ጾሳ ኣዛዞ ዬጊ
\q3 ኣጎንታ ዴሬ ማላ፥
\q3 ኢስቲ ታና
\q3 ሱሬ ፒርዳ ኦይቼቴስ፤
\q2 ጾሲ ኢስታኮ ሺቃናይሳ
\q2 ኢስቲ ዶሲዛ ሚሳቴስ» ጌስ።
\b
\q1
\v 3 ኢስቲ ሺቂዲ፥ «ኔ ኤኮንታሺን
\q2 ኑ ኣዛስ ጾሚዶኒ?
\q2 ኔ ዉዱ ጎንታሺን ኣይስ ኑና
\q3 ካዉሺዶኒ?» ጋና።
\q2 ጎዳይ ዛሪዲ ኢስታስ፥
\q3 «ጊዲኮካ ኢንቴ ጾሚዛ ጋላስ
\q3 ኢንቴ ዎዚና ቆፋ ማላ ኦታ፤
\q3 ኢንቴስ ኦዛይታፔ
\q3 ቦንቄታ።
\q1
\v 4 ኢንቴ ጾማይ
\q2 ኦሻኒኔ ፓላማን፥
\q2 ጌኔ ኦሶኒኔ ዋታን ፖሌቴስ፤
\q2 ሃይሳፌ ሲንን
\q3 ኢንቴ ጾሚዛይሳ ማላ
\q3 ሃቺፌ ጉዬ ኢንቴ ዎሳይ
\q3 ሳሎን ሲዬታና ጊዲ
\q3 ሂዶታ ኦፍቴ።
\q1
\v 5 ታኒ ዶሪዳይ ሃይሳ ማላ ጾማ?
\q2 ኣሲ ባና ካዉሻናይ
\q2 ሃይሳ ማላ
\q3 ጋላስ ጻላ?
\q2 ሻጫ ማላ ባና
\q2 ዚቂ ሂስቴ?
\q2 ዎይኮ ማቃ ማይኢዲ
\q3 ቢዲን ቦላ ቡሉሌቴ?
\q2 ሂስቲን ኔ ጾማ ጋ
\q3 ጼይጊዛይሲ ሃይሴ?
\q2 ጎዳይ ሄሳ ማላን ኡፋዬቲዜ?
\b
\q1
\v 6 «ቤኢቴ ታኒ ዶሪዳ ጾማይ፥
\q2 ኡንኤቲዳይታ ሳንሳላታ
\q3 ኢንቴ ዱና ማላ፥
\q2 ቃምባራ ዎዶሮ
\q3 ኢንቴ ቢርሻና ማላ፥
\q3 ኡንኤቲዳይታ ኢንቴ
\q3 ላኣ ዬዳና ማላ፥
\q2 ቶሆ ጊዲዳ ቃምባራ ኢንቴ
\q3 ሜንና ማላ ጊዴኔ?
\q1
\v 7 ቃሴካ ኔ ቁማፔ
\q2 ጋፊዳዴስ ሻካናስ፥
\q2 ቶይላቲዳ ማንቆዛ
\q2 ኔሶ ጌልናስ፥
\q2 ካሎቲዳ ቤኣዳ ማይዛናስ፥
\q2 ኔስ ኣሾ ዳቦዛስ ኔ ሲን
\q3 ኔ ቱኮንታ ማላ ጊዴኔ?\x - \xo 58፡7 \xo*\xt ማቶ 25፡35\xt*\x*
\q1
\v 8 ኔ ሄሳ ኦኮ ኔ ፖኦይ
\q2 ዎንታ ጻልቄ ማላ ጫራና፤
\q2 ፓጻቴ ኔስ ኤሶን ጋካና፤
\q2 ጺሎቴ ኔፔ
\q2 ሲንራ ባና፤
\q2 ጾሳ ቦንቾይ
\q2 ኔና ጋራዳና።
\q1
\v 9 ሄ ዎዴ ኔኒ ጼይጋና፤
\q2 ጎዳይካ ኔስ ኮያና።
\q2 ኔኒ ማዶ
\q2 ዴማናስ ዋሳና፤
\q2 ኢዚካ፥ ‹ታ ኔስ ዳይስ› ጋና።
\b
\q1 «ኔ ኔፔ ሜቶዛ ቃምባራ፥
\q2 ኢታ ሃሳያኔ
\q2 ቢራን ማላታ
\q3 ቤሲዛይሳ ኣጊኮ፥
\q2
\v 10 ጋፊዳዴስ ኔ ቃቲኮ፥
\q2 ቆሄቲዳይቲ ካላና ማላ
\q2 ኔ ሂስቲኮ
\q3 ኔስ ፖኦይ ማ
\q3 ጊዶን ፖኣና፤
\q3 ኔስ ሚዳይሲካ
\q3 ሴታ ጋላሳ ማላ ጊዳና።
\q1
\v 11 ጎዳይ ኔና ኡባቶ ካሌና፤
\q2 ኣዋይ ጹጊዳ ቢታን
\q3 ኔ ኣሞ ኢዚ ኩንና፤
\q2 ኔ ሜቄታካ
\q2 ኢዚ ሚንና።
\q3 ኔኒ ሃ ኣላዳ ኣታኪልቴሶሆኔ
\q3 ሙሌካ ቶኦንታ
\q3 ፑልቶ ማላ ጊዳና።
\q1
\v 12 ኔ ዳቦቲ ቤኒ ዮቻታ ዬጋና፤
\q2 ካሴ ላሌቲዳይታ ዛሪ ኬጻና፤
\q2 ኔኒ ላሌቲዳ ጊምቤ
\q3 ዛሪ ኦራጺሲዛዴ፥
\q2 ዎጋ ኦጌቲ ዲዛ ካታማታ
\q2 ዛሪ ጊግሲዛዴ ጌቴታና» ጌስ።
\s ሳምባታ ቦንቾን ቤቲዛ ጎኣ
\b
\q1
\v 13 ቃሴካ፥ «ኔ ቶሆቲ
\q2 ሳምባታ ሻሮንታ ማላ
\q2 ኔ ሼምፒሲኮ ዱማቲዳ
\q2 ታ ጋላሳን
\q2 ኔ ዎዚና ቆፋ ኦንታ ኣጊኮ፥
\q2 ሳምባታ ጋላሳ ኡፋይስ፥
\q2 ጎዳስ ዱማቲዳ ጋላሳ
\q2 ኔኒ ቦንቾ ጋላስ
\q2 ጋ ጼይጊኮ፥
\q2 ኔ ሼኔ ማላ
\q2 ኔ ኦዛይሳፌኔ
\q2 ሃዳ ዮኦፔ ኔ ናጌቲኮ፥
\q2
\v 14 ሄ ዎዴ ኔ ጎዳን ኡፋዬታና።
\q3 ቢታ ቦላን ቃሶሆታን
\q3 ታ ኔና ቶጊሳና፤
\q3 ኔ ኣዋ ያቆቤ ጺንጾ
\q3 ኔ ካላ ማና ማላ ኦና»
\q3 ጊዲ ጎዳይ ሃይሳ
\q3 ባ ዶናን ሃሳይዴስ።
\c 59
\s ናጋራ ማሬቴኔ ዎዜቴ
\p
\v 1 ሄኮ ጎዳ ኩሼይ ኢንቴና
\q2 ኣሻናስ ቃሚቤና፤
\q2 ኢዛ ሃይ
\q2 ሲያናፔ ቱሊቤና።
\q1
\v 2 ጊዶ ኣቲን ኢንቴ ቆሆይ ኢንቴና
\q2 ኢንቴ ጾሳፌ ሻኪዴስ፤
\q2 ኢንቴ ናጋራይ ኢዛ ኣይፌሶ
\q3 ኢንቴፌ ጌንዴስ።
\q2 ሄሳ ጊሻስ ኢዚ ሲዬና።
\q1
\v 3 ኢንቴ ኩሼይ ሱን፥
\q2 ኢንቴ ቢራይካ
\q3 ቆሆን ሙሌቲዴስ፤
\q2 ኢንቴ ዶናይ ዎርዶ ሃሳይዴስ፤
\q2 ኢንጻርሳቲ ኢታ ዮኦ ሲሲዳ።
\b
\q1
\v 4 ጺሎቴን ሞቲዛይ ባዋ፤
\q2 ቱማቴን ፒርዲዛይ
\q2 ኦኒካ ዴና።
\q2 ሃዳ ዮኦን ኣማኔቴቴስ፤
\q2 ዎርዶ ሃሳዬቴስ፤
\q2 ሺሮ ቃንቲዲ ኢታቴ ዬሊዳ።
\q1
\v 5 ኢስቲ ሾሻ
\q2 ጱጱሌ ሃጵዳ፤
\q2 ኣቻሮ ኬ ኬጺዳ፤
\q2 ኢስታ ጱጱሌታ
\q3 ሚዛ ኣሲ ሃይቄስ፤
\q2 ኢስታፌ ኢሶይ ሜቂኮ
\q3 ፑኪዛ ሾሺ ኬዜስ።
\q1
\v 6 ኢስታ ቃጪናይ ማይኦ ጊዴና፤
\q2 ኢስቲ ኦዳይሳን ባንታ ቦላ
\q3 ካማና ዳንዳዬቴና፤
\q3 ኢስታ ኦሶይ ኢታ፤
\q3 ኢስታ ኩሼታን
\q3 ማካላ ኦሶይ ኩሚዴስ።
\q1
\v 7 ኢስታ ቶሆቲ ናጋራኮ ዎጼቴስ፤
\q2 ጺሎ ሱ ጉሳናስ ኤሶቴቴስ፤
\q2 ኢስቲ ኢታ ቆፋ ቆፔቴስ።
\q2 ባሺኔ ቆሆይ
\q2 ኢስቲ ኣዳ ኦጌ ኡባስ ማላታ።
\q1
\v 8 ኢስቲ ሳሮቴ ኦጌ ኤሬቴና፤
\q2 ኢስቲ ቢዛ ኦጌን
\q3 ሱሬ ፒርዳይ ባዋ፤
\q2 ኢስቲ ባንታ ኦጌ ጌላሲዳ፤
\q2 ሄ ኦጌራ ቢዛይ ሳሮ ዴሜና።\x - \xo 59፡7-8 \xo*\xt ኦሮ 3፡15-17\xt*\x*
\b
\q1
\v 9 ሄሳ ጊሻስ ሱሬ ፒርዳይ ኑፔ ሃኪዴስ፤
\q2 ጺሎቴካ ኑኮ ጋኬና።
\q2 ኑኒ ፖኦ ኮዪዶስ፤
\q2 ጊዶ ኣቲን ኡባይ ማ ጊዲዴስ፤
\q2 ዋጋጋ ፖኦ ኮዪዶስ፤
\q2 ጊዶ ኣቲን ሳካና
\q2 ማ ጊዲዴስ።
\q1
\v 10 ቆቄ ማላ
\q2 ጊምቤዛ ቦላ ጋንዲጋርዶስ።
\q2 ኑ ሄሜታይ ኣይፌይ ባይንዳ
\q2 ኣሳ ማላ ታታፌቴ ጊዲዴስ፤
\q2 ኣርሼይ ዉሊሺን ሃኒዛ
\q3 ሴታ ጋላስ ጴቲዶስ።
\q2 ቃሴ ሚኖ ኣሳታ ጊዶን ኑኒ
\q3 ሃይቂዳ ኣሳ ማላ ጊዲዶስ።
\q1
\v 11 ኑኒ ኡባይ ዛርዶ ማላ ላዎስ፤
\q2 ሃራጴታ ማላካ
\q2 ጬጪሼ ጉጉሞስ፤
\q2 ኑኒ ሱሬ ፒርዳ ኮዪዶስ፤
\q2 ጊዶ ኣቲን ዴሚቤኮ፤
\q2 ኣታና ኮዪዶስ፤
\q2 ጊዶ ኣቲን ኢዚ ኑፔ ሃኪዴስ።
\b
\q1
\v 12 ጋሶይካ ኑ ቆሆይ
\q2 ኔ ሲንን ዳሪዴስ፤
\q2 ኑ ናጋራይካ
\q2 ኑ ቦላ ማርካቲዴስ።
\q2 ኑ ሞሮይ ኑፔ
\q2 ሻኬቲቤና፤
\q2 ኑ ማካላቴካ
\q2 ኑኒ ኤሮስ።
\q1
\v 13 ኑኒ ጎዳ ቦላ ማካሊዲ
\q2 ዎርዶ ሃሳይዶስ፤
\q2 ኑ ጾሳ ካሎ ኣጊዲ
\q2 ሼርኢ ጊዶስ፤
\q2 ማካላቴኔ
\q2 ጌኔ ዮኦ ሃሳይዶስ።
\q2 ኑ ዎዚናይ ሻሪ ኡቲዳ
\q3 ዎርዶ ሃሳይዶስ።
\q1
\v 14 ሄሳ ጊሻስ ሱሬ ፒርዳይ
\q2 ጉዬ ሱጌቲዴስ፤
\q2 ጺሎቴካ ኑፔ ሃኪዴስ፤
\q2 ቱማቴ ኦጌ ቦላ
\q2 ጴቲዴስ፤
\q2 ሱሬቴካ ጌላናስ
\q2 ዳንዳይቤና።
\q1
\v 15 ቱማቴ ኣዋንካ ቤቴና፤
\q2 ኢታቴፌ ሃኪዛይ
\q2 ቆሄቴስ፤
\b
\q1 ጎዳይ ቤኢዲ ሱሬ ፒርዳይ
\q2 ይዳ ጊሻስ ጬጪዴስ።
\q1
\v 16 ኦኒካ ባይንዳይሳ ቤኢዴስ፤
\q2 ኢዛኮ ጋናቲዛይ ባይንዳይሳ
\q2 ቤኢዲ ማላሌቲዴስ፤
\q2 ሄሳ ጊሻስ ኢዛ ቄሴይ
\q3 ኢዛስ ኣቶቴ ኤሂዴስ፤
\q2 ኢዛ ጺሎቴ ኢዛ ካፊ ኦይኪዴስ።\x - \xo 59፡16 \xo*\xt ኢሳ 63፡5\xt*\x*
\q1
\v 17 ኢዚ ጺሎቴ ጹሩሬ ማላ
\q2 ቲራን ማይኢዴስ፤
\q2 ኣቶቴ ቢራታ ቆቤ ማላ
\q2 ባ ሁኤ ቦላ ዎዴስ።
\q2 ማይኦ ጋርሳራ ማይኢዛ ማላ
\q3 ሃሎ ኬሶ ማይኢዴስ፤
\q2 ማይኦ ጎጲ ማይኢዛ ማላ
\q3 ቃናቴ ቦላራ ጎጲዴስ።\x - \xo 59፡17 \xo*\xt ኤፌ 6፡14፥17፤ 1ታሶ 5፡8\xt*\x*
\q1
\v 18 ኢስታ ኦሶ ማላ
\q2 ሃንቆ ባ ባልጋራታስ፥
\q2 ፒርዳ ባ ሞርኬታስ ኢዚ ቃንጻና።
\q2 ሃሩሮ ቢታታስ ኢስታ
\q3 ኦሶ ኦሶ ማላ ኢማና።
\q1
\v 19 ጎዳ ፔኖይ ሱጊ ኤኪ ቢዛ
\q2 ዎልቃማ ዲኦ ማላ ያና።
\q2 ሄሳ ጊሻስ ኣርሼይ
\q2 ዉሊዛ ባጋራ ዲዛይቲ
\q2 ጎዳ ሱንስ ያያና፤
\q2 ኣርሼይ ሞኪዛ ባጋራ ዲዛይቲ
\q2 ኢዛ ቦንቾስ ሃሬታና።
\p
\v 20 ጎዳይ፥ «ዎዚዛዴይ ጺዮኔሲኔ
\q2 ያቆቤ ዛሬታን ባንታ ናጋራ
\q3 ፓጺዳይታኮ ያና» ጌስ።\x - \xo 59፡20 \xo*\xt ኦሮ 11፡26\xt*\x*
\p
\v 21 ቃሴካ ጎዳይ፥ «ታ ባጋራ ታሲኔ ኢስታስ ዲዛ ጫቆ ቃላይ ሃይሳ፤ ኢንቴ ቦላ ዲዛ ታ ኣያናይኔ ታኒ ኢንቴ ዶናን ዎዳ ታ ቃላይ ሃቺፌ ዶሚዲ ሜርና ጋካናስ፥ ኢንቴ ዶናፔ፥ ኢንቴ ናይታ ዶናፔኔ ኢንቴ ዜሬ ዶናፔ ሻኬቴና» ጌስ።
\c 60
\s ሲንፌ ያና ጺዮኔ ቦንቾ
\p
\v 1 ጎዳይ፥ «ኔ ፖኦይ ዪዳ ጊሻስ
\q2 ዴንዳዳ ፖኢሳ፤
\q2 ጎዳ ቦንቾይ
\q2 ኔ ቦላ ፖኢዴስ።
\q1
\v 2 ቤኣ፥ ማይ ሳኣ ካማና፤
\q2 ሳካና ማይ
\q2 ዴራ ጎዚ ኦይካና፤
\q2 ጊዶ ኣቲን ጎዳይ ኔስ ጋካና፤
\q2 ባ ቦንቾካ
\q2 ኔ ቦላ ፖኢሳና።
\q1
\v 3 ካዎቴቲ ኔ ፖኦኮ፥
\q2 ካዎቲካ ኔ ዎንታ
\q2 ጻልቄኮ ያና።
\b
\q1
\v 4 «ቁ ጋዳ ኔ ዩሾ ጼላ፤
\q2 ኢስቲ ኡባይ ኢሲፌ ሺቂዲ
\q3 ኔኮ ያና፤
\q2 ኔ ኣቱማ ናይቲ ሃሆፔ፥
\q2 ኔ ማጫ ናይቲካ
\q3 ኢዲሞን ኔኮ ያና።
\q1
\v 5 ሄ ዎዴ ኔ ቤኣናኔ ጶላና፤
\q2 ኔ ዎዚናይ ኡፋይሳን ኩማና፤
\q2 ኣባን ዲዛ ኣቆታይ
\q3 ኔኮ ያና፤
\q2 ካዎቴታ ዱሬቴ
\q2 ኔስ ጊዳና።
\q1
\v 6 ጋሜላ ማራቲ፥
\q2 ሚዲያሜፔኔ ኤፋፔ ዪዳ
\q2 ጋሜላ ማራቲ
\q2 ኔ ቢታ ካማና።
\q2 ዎርቃኔ ኤጻኔ
\q2 ኤኪዲ ሳባፔ ዪዛይቲ
\q2 ጎዳ ጋላታ ኣዋጃና።
\q1
\v 7 ቄዳሬፔ ዶርሳታ ዉዴይ
\q2 ኡባይ ኔኮ ሺቃና፤
\q2 ኔባዮቴ ዴሬ ርሾቲ
\q2 ኔና ጎኣና፤
\q2 ሃይታንቲ ታስ ያርሾ
\q2 ያርሺዛሶዛ ቦላ
\q3 ኤኬቲዳ ያርሾታ ጊዳና፤
\q2 ታኒካ ታ ቦንቾ
\q2 ኬ ፑላሳና።
\b
\q1
\v 8 «ሃራጴይ ባ ኣቂዛሶ
\q2 ቢዛ ማላኔ
\q2 ሻራ ማላ
\q2 ቢዛይቲ ሃይታንቲ ኦኔ?
\q1
\v 9 ቱሙካ ሃሩሮቲ
\q2 ታናን ሂዶታ ኦቴስ፤
\q2 ኢዚ ኔና ባ ቦንቾ
\q2 ማይዚዳ ጊሻስ፥
\q3 ጎዳ ኔ ጾሳ ቦንቾስ፥
\q3 ኢስራኤሌ ጌሻስ
\q3 ሃኮፔ ኔ ኣቱማ ናይታ፥
\q3 ኢስታ ቢራራኔ ዎርቃራ
\q3 ጋ ኤሃናስ ታርሴሴ ማርካቤቲ
\q3 ሲንቲ ኬዛና።
\b
\q1
\v 10 «ኣላጋቲ ኔ ጊምቤ ጊምባና፤
\q2 ኢስታ ካዎቲ ኔስ ሃጋዛና፤
\q2 ታ ሃንቆን ታ ኔና
\q2 ሾጪዳ ጊዲኮካ፥
\q3 ታ ቃታ ሲቆ ኔና ቤሳና።
\q1
\v 11 ኔ ፔንጌቲ ኡባቶ ዶያ ዴኣና፤
\q2 ጋላስ ጊዲን ኦማርስ
\q3 ሙሌካ ጎርዴቴቴና፤
\q3 ሄሲካ ኣሳይ ካዎቴታ
\q3 ዱሬቴ
\q3 ኔኮ ኤሃናሳ፤
\q2 ኢስታ ካዎቲካ
\q3 ጾኖን ኔኮ ጌላና ማላሳ።\x - \xo 60፡11 \xo*\xt ኣጁ 21፡25-26\xt*\x*
\q1
\v 12 ኔስ ሃሬቶንታ ካዎቴኔ
\q2 ዴሬይ ሙሌካ ዲፒ ጋና።
\q1
\v 13 ታ ኬይ ዲዛሶ ኣሌቂሳናስ፥
\q2 ሊባኖሴ ቦንቾይ
\q2 ጉጋን፥ ጺዳይኔ
\q2 ባርሴኔቴይ ኔኮ ያና፤
\q2 ታ ቶሆይ ኤቂዛሶዛ ታ ቦንቻና።
\q1
\v 14 ኔና ኡንኤዳይታ ኣቱማ ናይቲ
\q2 ዚጊሼ ኔኮ ያና፤
\q2 ኔና ካዳ ኡባቲ
\q3 ኔ ቶሆ ቦላ ኩንዳና፤
\q2 ‹ሃኔ ጎዳ ካታማዬ!
\q2 ኢስራኤሌስ ጌሻ ሚሽ ጊዲዳ
\q3 ጺዮኔ› ጊ ጼይጋና።\x - \xo 60፡14 \xo*\xt ኣጁ 3፡9\xt*\x*
\b
\q1
\v 15 «ሃኔ ኢጼታዳ ዬጌቲዳሬ፥
\q2 ኦኒካ ኔ ጊዶራ ካን
\q2 ቢዛሮ ጊዶንታ ኣጊኮካ
\q3 ታኒ ኔና ሜርና ጬቆሲኔ
\q3 ዬሌታ ኡባስ ኡፋይስ ሂስታና።
\q1
\v 16 ኔኒ ካዎቴታ ማ ኡያና፤
\q2 ካዎታ ንካ ማና።
\q2 ሄሳፌ ጉዬ ታኒ ጎዳይ
\q3 ኔና ኣሺዛይሳ፥
\q3 ኔና ዎዚዛይሳኔ
\q3 ያቆቤ ዎልቃማ ጊዲዳይሳ
\q3 ኔኒ ኤራና።
\q1
\v 17 ጻርቂማላ ሶሆን ዎርቃ፥
\q2 ቢራታ ሶሆን ቢራ ኤሃና፤
\q2 ሚ ሶሆን ጻርቂማላ፥
\q2 ሹቻ ሶሆን ቢራታ ኤሃና፤
\q2 ሳሮቴ ኔና ኣይሲዛዴ፥
\q2 ጺሎቴካ ኔስ
\q2 ሃላቃ ሂስታና።
\q1
\v 18 ሃይሳፌ ጉዬ ኔ ቢታን ሺሮይ፥
\q2 ኔ ዛዋንካ ላሌቴኔ
\q2 ባሺ ሲዬቴና።
\q2 ጊዶ ኣቲን ኔ ዲርሳ
\q2 ጊምቤ ኣቶቴ፥
\q2 ኔ ፔንጌታካ ጋላታ ጋዳ
\q3 ኔ ጼይጋና።
\b
\q1
\v 19 «ሄሳፌ ጉዬ ጋላስ
\q2 ኣዋ ፖኦይ ኔስ ኮሼና፤
\q2 ኦማርሲካ ኣጊናይ ፖኤና፤
\q2 ጋሶይካ ጎዳይ ኔስ
\q3 ሜርና ፖኦ ጊዳና፤
\q2 ኔ ጾሳይ
\q2 ኔስ ቦንቾ ጊዳና።\x - \xo 60፡19 \xo*\xt ኣጁ 21፡23፤ 22፡5\xt*\x*
\q1
\v 20 ኔ ኣርሼይ
\q2 ሃይሳፌ ጉዬ ጌሌና፤
\q2 ኔ ኣጊናይካ
\q2 ፖኦ ኢሞ ኣጌና።
\q2 ጎዳይ ኔስ
\q2 ሜርና ፖኦ ጊዳና፤
\q2 ኔ ጬጪዳ ጋላሳቲ ጊዳና።
\q1
\v 21 ኔ ኣሳይ ኡባይ
\q2 ጺሎ ጊዳና፤
\q2 ቢታዮካ ሜርናስ ላታና፤
\q2 ኢስቲ ታ ቦንቾ ቆንጪሳናስ
\q3 ታኒ ቶኪዳ ፑቴታኔ
\q3 ታ ኩሼ ኦሶታ።
\q1
\v 22 ኔፔ ካሎዚ ሺ፥
\q2 ኡባፌ ዉርሴ ካሎዚ
\q3 ዎልቃማ ካዎቴ ጊዳና፤
\q2 ታኒ ጎዳ፤
\q2 ዎዴይ ጋኪዛ ዎዴ
\q3 ታኒ ሄሳ ኤሶን ፖላና» ጌስ።
\c 61
\s ኣቶቴ ሚሺራቾ
\p
\v 1 ኡባ ሃሪዛ ጎዳ ኣያናይ ታ ቦላ ዴስ፤
\q2 ሂዬሳታስ ሚሺራቾ
\q2 ዮታና ማላ፥
\q3 ጎዳይ ታና ቲይዴስ።
\q2 ኢዚ ታና ዎዚናይ ሜቂዳይታ
\q3 ኮላና ማላ፥
\q3 ዲኤቲዳይታ ላኣ ኬሳና ማላ፥
\q3 ቃሼቲዳይታስ ቢርሼ
\q3 ኣዋጃና ማላ ኪቲዴስ።\x - \xo 61፡1 \xo*\xt ማቶ 11፡5፤ ሉቃ 7፡22\xt*\x*
\q1
\v 2 ዶሴቲዳ ጎዳ ላይ፥
\q2 ኑ ጾሳይ ሃሎ ኬሲዛ ጋላሳ
\q3 ኣዋጃና ማላኔ
\q2 ዬኪዛይታ ኡባ
\q2 ሚንና ማላ
\q3 ታና ኪቲዴስ።\x - \xo 61፡1-2 \xo*\xt ሉቃ 4፡18-19\xt*\x*
\q1
\v 3 ቃሴካ ጺዮኔን ካዮቲዛይታ
\q2 ዶሺሳና ማላ፥
\q2 ቢዲን ጊሻስ
\q2 ፑላቴ ካላቻ፤
\q2 ዬሆ ጊሻስ ኡፋይሳ ዛይቴ
\q2 ኢስታ ሁኤን ታ ጉሳና ማላ፥
\q2 ጬጬ ኣያና ጊሻስ ጋላታ ሴሎ
\q2 ታ ኢስታ ቦላ ጎጳና ማላ
\q3 ታና ኪቲዴስ፤
\q2 ኢስቲካ ኢዛ ቦንቾ
\q2 ቆንጪሳና ማላ
\q2 ጎዳይ ቶኪዳ ጺሎ ሚ
\q3 ጌቴቲ ጼይጌታና።
\b
\q1
\v 4 ኢስቲ ቤኒ ላሌቲዳይታ
\q2 ዛሪ ኬጻና፤
\q2 ካሴ ዎዴ ኩንዲዳይታካ
\q2 ዛሪ ኤሳና፤
\q2 ዳሮ ዬሌታታፔ
\q2 ካሴ ኩንዲዳይታኔ
\q2 ላሌቲዳ ካታማታ
\q2 ዛሪ ኬጻና።
\q1
\v 5 ኢማቲ ኢንቴ ዶርሳ
\q2 ዉዴታ ሄማና፤
\q2 ኣላጋ ቢታ ኣሳቲ
\q2 ኢንቴ ጋዴኒኔ
\q2 ኢንቴ ዎይኔ
\q3 ኣታኪልቴ ጊዶን ኦና።
\q1
\v 6 ኢንቴ ቃሴ፥ «ጎዳ ቄሴታ»
\q2 ጌቴቲ ጼይጌታና፤
\q2 ኣሳይካ ኢንቴና፥
\q3 «ኑ ጾሳ ኦሳንቻታ»
\q3 ጊዲ ጼይጋና፤
\q2 ኢንቴ ካዎቴታ ኣቆታ ማና፤
\q2 ኢስታ ዱሬቴንካ
\q3 ኢንቴ ጬቄታና።
\b
\q1
\v 7 ታ ዴሬይ ዬላቲዳይሳ ቆ
\q2 ናምኡ ኩሼ ኤካና፤
\q2 ካዉዪዳይሳ ቆ
\q3 ባንታ ጺንጾን ኡፋዬታና፤
\q2 ባንታ ቢታስ
\q2 ናምኡ ኩሼ ላታና፤
\q2 ሜርና ኡፋይሲ ኢስታስ ጊዳና።
\b
\q1
\v 8 ታኒ ጎዳይ ሱሬ ፒርዳ ዶሳይስ፤
\q2 ቦንቃኔ ቆሆ ኢጻይስ።
\q2 ታ ኣማኔቴን
\q3 ኢስታስ ቤሲዛይሳ ኢማና፤
\q2 ኢስታራ ሜርና ጫቆ
\q2 ቃላ ጌላና።
\q1
\v 9 ኢስታ ዛሬቲ ካዎቴታ ጊዶን፥
\q2 ኢስታ ናይቲ ዴሬ ጊዶን
\q3 ኤሬቲዳይታ ጊዳና፤
\q2 ኢስቲ ቤኢዛ ኡባይ ጎዳይ ኣንጂዳ
\q3 ዴሬ ጊዲዳይሳ ኤራና፤
\b
\q1
\v 10 ታኒ ጎዳን ኬሂፔ ኡፋዬታይስ፤
\q2 ታ ሼምፖያካ
\q3 ታ ጾሳን ሆምቦጫዉስ፤
\q2 ሚሺራይ ባ ሁኤን
\q3 ካላቻ ጎጺዛ ማላ፥
\q3 ሚሺራያካ ባና ኢንቁን
\q3 ሴሌዛ ማላ
\q3 ኣቶቴ ማይኦ ታና ማይዚዴስ፤
\q2 ጺሎቴ ሴሎካ
\q2 ታ ቦላ ጎጲዴስ።\x - \xo 61፡10 \xo*\xt ኣጁ 21፡2\xt*\x*
\q1
\v 11 ቢታይ ጫሬች ጫሪሲዛ ማላ፥
\q2 ኣታኪልቴሶሆይ
\q3 ፑቴ ፑቲሲዛ ማላ፥
\q2 ኡባ ሃሪዛ ጎዳይ
\q3 ካዎቴታ ኡባ ሲንን
\q2 ጺሎቴኔ ጋላታ ጫሪሳና።
\c 62
\s ጺዮኒስ ኦራ ሱን
\p
\v 1 ኢዚ ጺሎቴ ማላዶ ፖኦ ማላ ጶላናሼ ጋካናስ፥
\q2 ኢዚ ኣቶቴ ጾምፔ ማላ
\q3 ፖኣናሼ ጋካናስ
\q2 ታ ጺዮኒ ጊሻስ ጮኡ ጊኬ፤
\q2 ዬሩሳላሜ ጊሻሲካ
\q2 ሲርጲ ጊኬ።
\q1
\v 2 ካዎቴቲ ኔ ጺሎቴ፥
\q2 ካዎቲካ ኔ ቦንቾ ቤኣና፤
\q1 ጎዳይ ባ ዶናን ሱንዳ
\q2 ኦራ ሱንን
\q2 ኔ ጼይጌታና።
\q1
\v 3 ኔኒ ጎዳ ኩሼ
\q2 ቦንቾ ኣኪሊሌ፥
\q2 ኔ ጾሳ ኩሼን ካዎታ
\q2 ካላቻ ጊዳና።
\q1
\v 4 ሃይሳፌ ጉዬ ኔኒ፥
\q2 «ኣዚናይ ዬጊ ኣጊዳሮ» ጌቴታካ።
\q2 ቃሴ ኔ ቢታያካ፥
\q3 «ዬጌታ ኣቲዳሮ» ጌቴቱኩ።
\q2 ጊዶ ኣቲን፥
\q2 «ታ ኡፋይሲ ኢዚና» ጌቴታና፤
\q2 ኔ ቢታያካ፥
\q3 «ኣዚናይ ዲዛሮ» ጌቴታና፤
\q2 ጎዳይ ኔናን ኡፋዬታና፤
\q2 ኔ ቢታያካ
\q2 ኣዚናራ ዲዛሮ ጊዳና።
\q1
\v 5 ፓን ጌላኦ ኤኪዛ ማላ፥
\q2 ኔ ናይቲ ኔና ኤካና፤
\q2 ሚሺራዚ ሚሺራይን
\q2 ኡፋዬቲዛ ማላ፥
\q3 ኔ ጾሲ ኔናን ኡፋዬታና።
\q1
\v 6 ሃኔ ዬሩሳላሜ!
\q2 ናጊዛይታ
\q2 ኔ ዲርሳታ ቦላ ኤሳዲስ፤
\q2 ኢስቲ ጋላሲካ
\q2 ኦማርስ ጉዬ ጌቴና፤
\q2 ኢንቴኖ ጎዳኮ ዋሲዛይቶ፥
\q3 ሙሌካ ሼምፖፍቴ፤
\q1
\v 7 ኢዚ ዬሩሳላሜ ሚንና
\q2 ጋካናሲኔ
\q2 ቢታ ኡባ ቦላ ኤሬቲዳ
\q2 ካታማ ኦና ጋካናስ
\q2 ኢዛስ ሼምፖ ኢሞፍቴ።
\b
\q1
\v 8 ጎዳይ ባ ኡሻቻ ኩሼኒኔ
\q2 ባ ዎልቃማ ቄሴን፥
\q2 «ሃይሳፌ ጉዬ ታ ኢንቴ ካ
\q3 ኢንቴ ሞርኬታስ
\q3 ቁማ ጊዳና ማላ ኢሚኬ፤
\q3 ቃሴ ኢንቴ ዳቡሪ ኬሲዳ
\q3 ኦራ ኡሻ
\q3 ኣላጋቲ ኡዬቴና።
\q1
\v 9 ጊዶ ኣቲን ካ ሺሺዳይቲ ማና፤
\q2 ጎዳካ ጋላታና፤
\q2 ዎይኔ ቴራ ማጺ ሺሺዳይቲ
\q2 ታ ኬ ፔንጌን ኡያና»
\q3 ጊ ጫቂዴስ።
\b
\q1
\v 10 ኣቴ! ኢዛ ፔንጌታ ባጋራ
\q2 ካን ቢቴ፤
\q2 ዴራስ ኦጌ ባሲቴ፤
\q2 ጊግሲቴ፤ ሹቻታ ዲጊቴ፤
\q2 ካዎቴታስ ማላታ ኤሲቴ።
\b
\q1
\v 11 ቤኢቴ፥ ጎዳይ
\q2 ሳኣ ጋጻ ጋካናስ፥
\q2 «ጺዮኔ ማጫ ናይስ፥
\q2 ‹ሄኮ ኔና ኣሺዛዴይ ዬስ፤
\q2 ኔ ዋጋይ ኢዛ ኩሼን ዴስ፤
\q2 ኔ ቃዳይ ኢዛኮን ዴስ› ጊቴ»
\q3 ጊዲ ኣዋጂዴስ።
\q1
\v 12 ኢስቲ፥ «ጎዳይ ዎዚዳ
\q2 ጌሻ ዴሬታ፤
\q2 ኔካ ዬጌታ ኣቶንታሮ
\q3 ኮዬቲዛ ካታማዮ» ጌቴታና።
\c 63
\s ጾሳ ጾኖኔ ኢዚ ኣሺዛ ዎልቃ
\q1
\v 1 ኤዶሜ ቢታን ዲዛ
\q2 ቦጺራ ካታማፔ
\q2 ዞኦ ሴሎ ማይኦ ማይኢዲ
\q3 ዪዛይ ሄሲ ኢዚ ኦኔ?
\q2 ሃይሲ ቦንቾ ማይኢዲ
\q2 ባ ዎልቃ ጊታቴን ሄሜቲሼ
\q3 ዪዛይ ኢዚ ኦኔ?
\q1 «ጺሎ ሃሳይዛይኔ
\q2 ኣሻናስ ዎልቃይ ዲዛይ
\q2 ታና ጊዲኪና!» ጌስ ጎዳይ።
\p
\v 2 ኔ ሴሎ ማይኦይ ዎይኔ ጉምኢዛ
\q2 ኣሳታ ማይኦ ማላ
\q2 ኣይስ ዞኢዴ?
\p
\v 3 «ጉምኢዛሶሆዛን ዎይኔ
\q2 ታኒ ታርካ ዬዲስ፤
\q2 ካዎቴታፔ ኦኒካ
\q2 ታናራ ዴና፤
\q2 ታኒ ኢስታ ታ ሃንቆን ዬዲስ፤
\q2 ታ ባሻንካ
\q2 ኢስታ ዲርጼሬዲስ፤
\q2 ኢስታ ሱ ታ ሴሎ
\q3 ማይኦ ቦላ ጬቲዴስ፤
\q2 ታ ማይኦይ ኡባይ ሞሬቲዴስ።
\q1
\v 4 ታኒ ሃሎ ኬሳና
\q2 ጋላሳይ ታ ዎዚናን ዴስ፤
\q2 ታ ዎዛና ጋላሳይካ ጋኪዴስ።
\q1
\v 5 ታኒ ጼላዲስ ሺን
\q2 ማዲዛይ ቤቲቤና፤
\q2 ማዲዛዴይ ባይንዳ ጊሻስ
\q3 ታኒ ማላሌታዲስ
\q3 ታስ ኣቶቴ ኤሂዴስ፤
\q2 ታ ሃንቆይካ ታና ሚንዴስ።
\q1
\v 6 ታ ሃንቆን ካዎቴታ
\q2 ዬዲስ፤
\q2 ታ ባሻን ኢስታ ማሳዲስ፤
\q2 ኢስታ ሱካ
\q3 ቢታን ጉሳዲስ» ጋና።
\s ጾሳይ ኢስራኤሌስ ኦዳ ኪያቴ
\b
\q1
\v 7 ጎዳ ኪያቴ፥
\q2 ጎዳይ ኑስ ኦዳ
\q2 ኦሶ ኡባ ጊሻስ፥
\q2 ኢዚ ጋላቴቲዛ
\q2 ኦሶዛ ጊሻስ፥
\q2 ኢዛ ሲቆዛኔ
\q2 ኢዛ ኪያቴ ኬና፥
\q2 ኢስራኤሌ ኬስ
\q2 ኢዚ ኦዳይሳ፥
\q2 ኤ ኢዚ ኦዳ
\q2 ሎኦ ኦሶታ ጊሻስ
\q3 ታ ዮታና።
\q1
\v 8 ጎዳይካ፥ «ቱሙካ፤
\q2 ኢስቲ ታ ዴሬታ፤
\q2 ኢስቲ ታስ ዎርዶቶንታ
\q3 ኣቱማ ናይታ» ጊዴስ።
\q2 ሄሳ ጊሻስ ኢዚ ኢስታ
\q3 ኣሺዛዴ ጊዲዴስ።
\q1
\v 9 ኢስታ ሜቶ ኡባን ጬጪዴስ፤
\q2 ኢዛ ዱሳ ኤሪሲዛ ኪታንቻይ
\q3 ኢስታ ኣሺዴስ፤
\q2 ኢዚ ባ ሲቆኒኔ
\q2 ባ ማሮቴን
\q3 ኢስታ ዎዚዴስ።
\q2 ካሴ ኣዳ ዎዴ ኡባን
\q2 ኢስታ ዴንዴሲኔ ቶኪዴስ።
\b
\q1
\v 10 ኢስቲ ጊዲኮ ማካሊዳ፤
\q2 ኢዛ ጌሻ
\q2 ኣያናካ ሚሺሲዳ
\q2 ሄሳ ጊሻስ ኢዚ ሲሚዲ
\q3 ኢስታስ ሞርኬ ጊዲዴስ፤
\q2 ኢስታ ኦሊዴስ።
\b
\q1
\v 11 ሄሳፌ ጉዬ ኣሳይ ቤኒ ዎዴዛኔ
\q2 ሙሴ ዎዴ ዩሺ ቆፒዴስ፤
\q3 ባ ዶርሳታ ሄንንቻታራ
\q3 ኡባፌ ኬሲዳይሲ
\q3 ኢዚ ኣዋን ዲዜ?
\q3 ባ ጌሻ ኣያና
\q2 ኢስታ ጊዶን ዎዳይሲ
\q3 ሃኢ ኣዋን ዲዜ?
\q1
\v 12 ቦንቼቲዳ ዎልቃማ ቄሴ፥
\q2 ሙሴስ ኡሻቻ ኩሼ
\q2 ቦላ ዎዴስ፤
\q2 ባስ ሜርናስ ሱን ኬሳናስ፥
\q2 ሃታ ኢስታ
\q2 ሲንን ሻኪዴስ።
\q1
\v 13 ፓራይ ኣይኮይ ባይንዳ ባዞ ቢታራ
\q2 ካን ቢዛ ማላ፥
\q2 ኢስታካ ጪማ ጊዶራ
\q3 ካሌ ፒንዴስ፤
\q2 ሄሳ ጊሻስ
\q2 ኢስቲ ጴቲቤቴና።
\b
\q1
\v 14 ዱጌ ዙሌ ዎዛ
\q2 ሜሄ ዉዴ ማላ፥
\q2 ጎዳ ኣያናይ ኢስታስ
\q3 ሼምፖ ኢሚዴስ፤
\q2 ኢዚ ዴራ ሄሳ
\q2 ካሌዳይ፥ ኔ ሱን
\q2 ቦንቺሳናሳ።
\s ማዶ ዴማናስ ዎሲዛ ዎሳ
\b
\q1
\v 15 ኣቤት ጎዳዉ፥
\q2 ዱማቲዳ፥ ቦንቼቲዳኔ
\q2 ቁ ጊዳ ኔ ኣራታፔ
\q2 ሳሎፔ ዱጌ ጼላ፤
\q2 ኔ ዎልቃይኔ
\q3 ኔ ሚሼቲዛ ሚሾይ ኣዋኔ?
\q2 ኔ ኣሽኬቴይኔ
\q2 ኔ ቃቴ
\q3 ኑፔ ሃኪዴስ።
\q1
\v 16 ኣብራሃሜይ ኑና ኤሮንታ ኣጊኮ፥
\q2 ኢስራኤሌይካ
\q3 ኑና ኣኬኮንታ ኣጊኮካ
\q2 ኔኒ ኑስ ኣዋ።
\q2 ኣቤት ጎዳዉ፥ ኔኒ ኑስ ኣዋ፤
\q2 ቤኒሶፌካ ዶሚዲ
\q3 ኔ ሱንይ ኑና ዎዚዛይሳ።
\q1
\v 17 ኣቤት ጎዳዉ፥
\q2 ኑኒ ኔ ኦጌፔ ኬዛና ማላ፥
\q2 ኑ ዎዚና ቱሊሳዳ
\q2 ኔስ ያዮንታ ማላ
\q3 ኣይስ ኦይ?
\q2 ኔ ኣይሌታ ጊሻስ ጋዳ፥
\q2 ኔስ ጺንጾ ጊዲዳ
\q2 ቆሞታ ጊሻስ
\q2 ጋዳ ኑኮ ሲማ።
\q1
\v 18 ጉ ዎዴስ ኔ ዴሬይ
\q2 ጌሻሶሆዛ ላቲዴስ፤
\q2 ሃኢ ጊዲኮ ኑ ሞርኬቲ
\q3 ኔ ኬ ዬዳ።
\q1
\v 19 ሄኮ ቤኒሶፌ ኑኒ ኔይታ፤
\q2 ጊዶ ኣቲን
\q2 ኢስታ ኔኒ ሃራቤካ፤
\q2 ኢስቲ ኔ ሱንንካ
\q2 ጼይጌቲቤቴና።
\c 64
\p
\v 1 ኣቤት ጎዳዉ፥ ኔኒ ሳሎታ ዳካዳ ዱጌ ዎርኪ!
\q2 ዙማቲ ኔ ሲንን ኮኮሬቶ።
\q1
\v 2 ቃይጻሬ ታማይ
\q2 ሃ ፔንቲሲዛ ማላ፥
\q2 ኔ ሞርኬታ ማታን ኔ ሱን
\q3 ኤሬታና ማላ ዎ፤
\q2 ካዎቴታካ
\q2 ኔ ሲንን ኮኮርሳ።
\q1
\v 3 ካሴካ ኔኒ ኑ ቆፖንታ
\q2 ያሺሲዛ ሚሽ
\q2 ኔ ኦዳ ዎዴ
\q3 ኔ ዎን ዙማቲ ኮኮሪዳ።
\q1
\v 4 ቤኒሶፌ ዶሚዲ ሂዶታ ኦ
\q2 ናጊዛይታስ ጋኪዛ
\q2 ማላታ ኦዳይ ኔፔ ኣቲን
\q2 ሃራ ጾስ ቤኢዳ ኣይፌይኔ
\q2 ሲዪዳ ሃይ ሙሌካ ዴና።\x - \xo 64፡4 \xo*\xt 1ቆሮ 2፡9\xt*\x*
\q1
\v 5 ሱሬ ሚሽ ኡፋይሳን
\q2 ኦዛይታኔ
\q2 ኔ ኦጌ ቆፒዛይታ
\q2 ኔኒ ማዳሳ፤
\q2 ጊዶ ኣቲን ኑኒ ኢስታ ቦላ
\q3 ፓጬይ ባይንዳ
\q3 ናጋራ ኦዳ ጊሻስ
\q3 ሄኮ ኔኒ ኑ ቦላ
\q3 ሃንቄታዳሳ፤
\q3 ሂስቲን ኑኒ ዋኒ
\q3 ኣታና ዳንዳይዞኒ?
\q1
\v 6 ኑኒ ኡባይካ
\q2 ቱና ኣሳ ማላ ጊዲዶስ፤
\q2 ኑ ጺሎቴ ኦሶ ኡባይ
\q3 ቱኒዳ ጫርቃ ማላ።
\q2 ኑኒ ኡባይካ
\q2 ቦንጮ ማላ ቆኪዶስ፤
\q2 ኑ ናጋራይ ኑና ጫርኮ ማላ
\q3 ፒቲ ኤፊዴስ።
\q1
\v 7 ኦኒካ ዎሳን
\q2 ኔ ሱን ጼይጌና፤
\q2 ኔና ኦይካና
\q2 ፓጪዛይካ ዴና፤
\q2 ኔኒ ኔ ኣይፌሶ
\q2 ኑፔ ጌንዳሳ፤
\q2 ኑ ናጋራይ ኑና
\q3 ይሳና ማላ ኣጋዳሳ።
\b
\q1
\v 8 ጊዲኮካ ኣቤት ጎዳዉ፥
\q2 ኔኒ ኑስ ኣዋ፤ ኑኒ ኡርቃታ፤
\q2 ኔኒ ኑና ሜዳይሳ፤
\q2 ኑኒ ኡባይካ
\q3 ኔ ኩሼን ሜቲዳይታ።
\q1
\v 9 ኣቤት ጎዳዉ፥ ኬሃ ሃንቄቶፋ፤
\q2 ኑ ናጋራካ ሜርናስ ቆፖፋ፤
\q2 ኑስ ዎሴታ፤
\q2 ኑ ኡባይ ኔ ዴሬ ጊዲዳ ጊሻስ
\q2 ኔ ኣይፌሶ ኑኮ ሃ ዛራ።
\q1
\v 10 ኔ ጌሻ ካታማቲ ኣይኮይ ባይንዳ
\q2 ባዞ ጊዲዳ፤
\q2 ጺዮናካ ኣይኮይ ባይንዳ
\q3 ባዞ ቢታ ጊዳዱስ፤
\q2 ዬሩሳላሜይካ ዬጌታ ኣታዱስ።
\q1
\v 11 ኑ ኣዋቲ ካሴ ኔና
\q2 ኢዛን ጋላቲዛ ጾሳ ኬይ
\q2 ታማን ጹጌቲዴስ፤
\q2 ካሴ ሎኦሶቲ ኡባቲካ ይዳ።
\q1
\v 12 ኣቤት ጎዳዉ፥
\q2 ሃይሲ ኡባይ ሃኒንካ
\q2 ኔ ሲሚኪ?
\q2 ኔኒ ጮኡ ጋዳ ኑና
\q2 ዛዋይ ባይንዳ ቂጻቴ ቃጻያይ?
\c 65
\s ፒርዳኔ ኣቶቴ
\p
\v 1 ጎዳይ፥ «ታና ዎሶንታይታስ
\q2 ታ ቆንጫዲስ፤
\q2 ታና ኮዮንታይታስ ቤታዲስ።
\q2 ታ ሱን ጼይጎንታ
\q2 ካዎቴስ፥
\q3 ‹ዬ! ዬ!› ጋ ኮያዲስ።\x - \xo 65፡1 \xo*\xt ኦሮ 10፡20\xt*\x*
\q1
\v 2 ማካላንቻ ዴሬታስ፥
\q2 ኢታ ኦጌራ ቢዛይታስ፥
\q2 ባንታ ዎዚና ኣሞ ካሊዛይታስ፥
\q2 ታ ኩሼ ጋላስ ኩሜ ሚጫዲስ።\x - \xo 65፡2 \xo*\xt ኦሮ 10፡21\xt*\x*
\q1
\v 3 ኣታኪልቴሶሆን ያርሾ ያርሺዛይቲ፥
\q2 ኡርቃፌ ሜቲዳ
\q2 ያርሾሶሆታ ቦላ
\q3 ኤጻኔ ጩዋሲዛይቲ፥
\q2 ኡባ ዎዴ ታና
\q2 ሃንቄዛ ዴሬታ።
\q1
\v 4 ዱፎ ጊዶን ኡቲዛይቲ፥
\q2 ጌማሶሆን ኣቂዛይቲ፥
\q2 ጉዱን ኣሾ ሚዛይቲ፥
\q2 ኢስቲ ባንታ ኦቶታ ቱኒዳ ኣሾ
\q3 ጫምባ ኩንዛይታ።
\q1
\v 5 ኢስቲ፥ ‹ታ ጌሽ ጊዲዳ ጊሻስ
\q2 ኪቻ፤ ታ ማታ ዮፓ፤
\q2 ታኮ ሺቆፓ› ጊዛይታ።
\q3 ሃይሳ ማላ ዴሬይ
\q3 ታ ሲን ጩዋ ማላኔ
\q3 ጋላስ ኩሜ ኤጺዛ
\q3 ታማ ማላ።
\b
\q1
\v 6 «ቤኢቴ፥ ታ ሲንን
\q2 ጻፌቲ ኡቲዴስ፤
\q2 ታ ጮኡ ጊኬ፤
\q2 ጊዶ ኣቲን ኢዛ ኦሶ ኦሶ ማላ
\q3 ታ ኢዛስ ኢማና፤
\q2 ኢስታ ሃኖ ማላ
\q3 ታ ኢስታስ ጪጋና።
\q1
\v 7 ኢንቴ ናጋራ ሃሎኔ
\q2 ኢንቴ ኣዋታ ናጋራ
\q2 ሃሎ ታ ኬሳና።
\q2 ኢስቲ ዙማታ ቦላ ጹጌቲዛ
\q2 ያርሾ ሺሺዳ ጊሻስ፥
\q2 ዙምቡላታ ቦላ
\q2 ታና ጫዪዳ ጊሻስ፥
\q2 ኢስቲ ማኪዳ ሚሻን
\q3 ኢስታስ ዛሪ ማኬታና፤
\q2 ኢስቲ ካሴ ኦዳ ኦሶ ኩሼ
\q3 ዛሪ ኤካና» ጌስ።
\b
\q1
\v 8 ጎዳይ፥ «ዎይኔ ዉርጮ ጊዶን
\q2 ኢሊሎይ ዲዛ ማላ
\q2 ኣሳይካ፥ ‹ኢዛ ጊዶን
\q3 ሎኦ ሚሺ ዲዛ ጊሻስ
\q2 ኢዛ ቃንጾፍቴ› ጊዛ ማላ፥
\q2 ታኒካ ታ ኣይሌታ ጊሻስ
\q3 ጋዳ ሄሳ ኦና፤
\q2 ሙሌራ ታኒ ኢስታ ይሲኬ።
\q1
\v 9 ታኒ ያቆቤ ዜሬታፔኔ
\q2 ዩሁዳ ዜሬፌ ታ ዙማታ
\q3 ላታናይታ ታ ኤሃና፤
\q2 ዶሬቲዳ ታ ዴሬይ
\q2 ኢስታ ላታና፤
\q2 ታ ኣሽካራቲካ ሄን ዳና።
\q1
\v 10 ታና ሚን ኮይዛ ታ ዴሬዛስ፥
\q2 ላሻሮኔይ ዶርሳ ዉዴይ
\q2 ሄሜቲዛሶ፥
\q2 ኣኮሬ ዙሌይ ዉዴ ሜሄይ
\q3 ፔኢዛሶ ጊዳና።\x - \xo 65፡10 \xo*\xt ኢያ 7፡24-25\xt*\x*
\m
\v 11 ጊዶ ኣቲን ጎዳ ኣጊዳ ኢንቴስ፥
\q2 ታ ጌሻ ዙማ ዶጊዳ ኢንቴስ፥
\q2 ‹ታ ባሶ› ጌቴቲዛ
\q2 ኤቃ ጾሳስ ሶሆ
\q3 ጊጊሲዳ ኢንቴስ፥
\q2 ‹ጋዴ› ጌቴቲዛ ኤቃ ጾሳስ
\q2 ዋላኬቲዳ ዎይኔ ኡሹ
\q2 ዋንጫን ኩንዳ ኢንቴስ፥
\q1
\v 12 ታ ጼይጊን ዛሮንታ
\q2 ኢጺዳ ጊሻስ፥
\q3 ታ ዮቲን ሲዮንታ
\q3 ኢጺዳ ጊሻስ፥
\q3 ታ ሲንንካ
\q3 ኢታ ኦዳ ጊሻስ፥
\q3 ታና ሃንቄዛ ሚሽ
\q3 ኢንቴ ዶሪዳ ጊሻስ፥
\q3 ታ ኢንቴና ማሻስ
\q3 ኣ ኢማና፤
\q2 ኢንቴ ኡባይካ ሹኬታናስ
\q3 ቆ ኢማና» ጌስ።
\b
\q1
\v 13 ሄሳ ጊሻስ፥
\q2 ኡባ ሃሪዛ ጎዳይ፥
\q2 «ቤኢቴ፥ ታ ኣሽካራቲ ማና፤
\q2 ኢንቴ ጊዲኮ ጋፋና፤
\q2 ታ ኣሽካራቲ ኡያና፤
\q2 ኢንቴ ጊዲኮ ሳሜታና፤
\q2 ታ ኣሽካራቲ ኡፋዬታና፤
\q2 ኢንቴ ጊዲኮ ዬላታና።
\q1
\v 14 ታ ኣሽካራቲ
\q2 ዎዚናፔ ኡፋይሳን ዬጻና፤
\q2 ኢንቴ ጊዲኮ ዎዚናይ ሜቂን
\q2 ኢንቴ ዋሳና፤
\q2 ኢንቴ ኣያናይ ሜቂዳ ጊሻስ
\q2 ኢንቴ ዎ ዎ ጊዲ ዋሳና።
\q1
\v 15 ኢንቴ ኢንቴ ሱን
\q2 ዶሬቲዳ ታ ዴሬይ
\q2 ቃንጋና ማላ ኣ ኢማና፤
\q2 ኡባ ሃሪዛ ጎዳይ
\q2 ኢንቴና ዎና፤
\q2 ባስ ሃጋዚዛይታስ ጊዲኮ
\q3 ኢዚ ሃራ ሱን ኢማና።
\q1
\v 16 ሄሳ ጊሻስ ቢታይ ቦላ
\q2 ኣንጆ ኮይዛዴይ
\q2 ቱማ ጾሳ
\q2 ሱንን ኣንጄታና፤
\q2 ቢታይን ጫቂዛ ኣሲ
\q2 ቱማ ጾሳ
\q2 ሱንን ጫቃና፤
\q2 ካሴ ኣዳ ሜቶቲ ዶጌቲዳ፤
\q2 ታ ኣይፌፔካ ጌሚዳ» ጌስ።
\s ኦራ ሜታታ
\b
\q1
\v 17 ጎዳይ፥ «ሄኮ፥
\q2 ታኒ ኦራ ሳሎታኔ
\q2 ኦራ ሳኣ ሜና፤
\q2 ካሴ ኣዳ ሚሻቲ
\q2 ቆፌቴቴናኔ
\q2 ሃሳኤቴቴና።
\q1
\v 18 ጊዶ ኣቲን
\q2 ታኒ ሜዛይሳን ኡፋዬቲቴ፤
\q2 ሜርናስ ሆምቦጪቴ፤
\q2 ታኒ ዬሩሳላሜ ኡፋይሳስ፥
\q2 ኢዚ ዴራካ ሆምቦጬስ
\q2 ሜና።
\q1
\v 19 ታኒ ዬሩሳላሜን ኡፋዬታና፤
\q2 ታኒ ታ ዴሬዛን ሆምቦጫና፤
\q2 ሃይሳፌ ጉዬን ዬሆይኔ
\q3 ዋሶይ ሄን ሴቴቴና።\x - \xo 65፡19 \xo*\xt ኣጁ 21፡4\xt*\x*
\m
\v 20 ሃይሳፌ ጉዬን
\q2 ሄን ጉ ዎዴስ
\q2 ሼምፖራ ፓጻ
\q3 ዳና ዪይ ዎይኮ
\q3 ዎዴ ካሎንታ
\q3 ጪማይ ዴና፤
\q2 ጼቱ ላይ ኩሚዳ ኣሲ ሃይቂኮ
\q2 ዎዴይ ጋኮንታ
\q2 ሙልቄቲ ሃይቂዳ
\q3 ኣሳ ማላ ቆዴታና፤
\q2 ኣሲ ጼቱ ላይ
\q3 ኩሞንታ ሃይቂኮ
\q3 ቦሻን ሃይቂዳ ማላ
\q3 ቆዴቴስ።
\q1
\v 21 ሄ ዎዴ ኣሳይ ኬ ኬጻና፤
\q2 ኢዛንካ ዳና፤
\q2 ዎይኔ ሚ ቶኪዲ
\q3 ኢዛ ኣይፌ ማና።
\q1
\v 22 ሃይሳፌ ጉዬ ሃራ ኣሲ
\q2 ኢዛን ዳና ኬ ኬጼቴና፤
\q2 ዎይኮ ሃራይ ማና
\q2 ሚሺ ቶኬቴና፤
\q2 ታ ዴራ ላይ
\q2 ሚ ላይ ማላ ኣዱቃና፤
\q2 ታኒ ዶሪዳይቲ ባንታ
\q2 ኩሼ ኦሶን
\q2 ኣዱሳ ላይ ኡፋዬታና።
\q1
\v 23 ኢስታ ዳቡራይ ሃዳ ኣቴና፤
\q2 ቃዳ ኢታ ናካ ዬሌቴና፤
\q2 ኢስቲኔ ኢስታ ዜሬ
\q2 ጎዳይ ኣንጂዳ ዴሬ ጊዳና።
\q1
\v 24 ኢስቲ ቡሮ ታና ጼይጋናፔ
\q2 ካሴታ ታኒ ኮያና፤
\q2 ኢስቲ ታስ ዮቲ ዉርሶንታ
\q3 ታ ሲያና።
\q1
\v 25 ካና ሱይቴይኔ ዶርሳ ላቃይ
\q2 ኢሲፌ ማና፤
\q2 ጋሞይ ቦራ ማላ
\q2 ማታ ማና፤
\q2 ሾሺ ጉዱላ ላጫና፤
\q3 ታ ጌሻ ዙማ ቦላ
\q3 ኢስቲ ቆሄቴቴና፤
\q3 ባሺካ ኢስታ ቦላ
\q3 ዬና» ጌስ።\x - \xo 65፡25 \xo*\xt ኢሳ 11፡6-9\xt*\x*
\c 66
\s ፒርዳኔ ሂዶታ
\p
\v 1 ጎዳይ፥ «ሳሎይ ታስ ኣራታ፤
\q2 ሳኣይካ ታስ ዬዛሶ፤
\q2 ሂስቲን ኢንቴ ታስ
\q2 ኬጻና ኬኔ
\q2 ታ ሼምፓና ሶይ ኣዋይሴ?\x - \xo 66፡1 \xo*\xt ማቶ 5፡34-35፤ 23፡22\xt*\x*
\q1
\v 2 ሃይታ ኡባ
\q2 ታ ኩሼይ ኦቤኔ?
\q2 ሃይቲ ቤታና ማላ ኦዳይ
\q3 ታና ጊዲኪና?
\q2 ታኒ ኣሽኬ፤
\q2 ዎዚናይ ሜቂዳዴኔ
\q2 ታ ቃላስካ ኮኮሪዛዴኮ
\q2 ታ ጼላይስ።\x - \xo 66፡1-2 \xo*\xt ሃዋ 7፡49-50\xt*\x*
\b
\q1
\v 3 «ጊዶ ኣቲን ታስ ቦራ ያርሺዛዴይ
\q2 ኣስ ዎዛዴ ማላ፥
\q2 ዶርሳ ላቃ ያርሺዛዴይ
\q2 ካና ጩሊ ዎዛ ኣሳ ማላ፤
\q2 ካ ያርሾ ሺሺዛዴይ፥
\q2 ጉዱን ሱ
\q2 ሺሺዛዴ ማላ፤
\q2 ቆፊሶስ ኤጻኔ ታስ ጩኣሲዛዴይ፥
\q2 ኤቃ ጾስ ጎይኒዛ ኣሳ ማላ፤
\q2 ኢስቲ ባንታ ኦጌ ዶሪዳ፤
\q2 ኢስታ ሼምፖያካ
\q3 ኢስታ ቱናቴን ኡፋዬታዉስ።
\q1
\v 4 ሄሳ ጊሻስ ሜቶ
\q2 ታ ኢስታ ቦላ ጋና፤
\q2 ኢስቲ ያዪዳ ሚሺካ
\q3 ታ ኢስታ ቦላ ኤሃና፤
\q2 ጋሶይካ ታ ጼይጊዛ ዎዴ
\q3 ኢስቲ ኮዪቤቴና፤
\q2 ታ ዮቲሺን ኢስቲ ኤዝጊቤቴና፤
\q2 ታ ሲንን ኢታ ሚሽ ኦዳ፤
\q2 ታና ኢቲዛ ሚሽ ዶሪዳ» ጌስ።
\b
\q1
\v 5 ኢንቴኖ ቃላስ ኮኮሪዛይቶ፥
\q2 ሃይሳ ጎዳ ቃላ ሲዪቴ፤
\q2 «ኢንቴ ኢሻንቲ
\q3 ኢንቴና ኢጺዳይቶ፥
\q2 ታ ሱን ጊሻስ
\q2 ኢንቴና ኬሲ ዬጊዳይቶ!
\q2 ኢንቴና፥ ‹ኣኔ ጎዳይ
\q2 ቦንቼቶ!
\q2 ኣኔ ኢንቴ ኡፋይሳካ ቤኦስ› ጊዳ፤
\q2 ጊዲኮካ ኢስቲ
\q2 ዬላታናይሲ ኣቴና።
\q1
\v 6 ሄሳ ካታማን ዲዛ ዋሶዛ ሲዪቴ፤
\q2 ጾሳ ኬን ዲዛ
\q2 ጫባ ሲዪቴ፤
\q2 ሄሲካ ጎዳ ጬንጉርሳ፤
\q2 ኢዚ ባ ሞርኬታስ
\q3 ቤሲዛ ዋጋ ቃንጻና።
\m
\v 7 ሚጻታናፔ ካሴታ ዬላዉስ፤
\q2 ሚጻ ዋዬ ቤኦንታ ዳሼ
\q3 ኣቱማ ና ዬላዉስ።
\q1
\v 8 ሄሳ ማላ ዮኦ ሲዪ ኤሪዛይ ኦኔ?
\q2 ሄሳ ማላ ዮኦ
\q2 ቤኢ ኤሪዛይ ኦኔ?
\q2 ዴሬይ ኢሲ ጋላስ ሜቲ ኤሪዜ?
\q2 ዎይኮ ካዎቴቲ
\q2 ቂጲዳ ኣይፌይ
\q3 ጼላናሼ ጋካናስ
\q3 ቤቲ ኤሪዞ?
\q3 ጺዮኖ ቡሮ ሚጻይ ኦይኪሺን
\q3 ሄራካ ባ ናይታ ዬላዉስ።
\q1
\v 9 ዬሌታና ማቲዳይሳ
\q2 ዬሌቶንታ ማላ
\q3 ታኒ ዲጋዚና?» ጌስ ጎዳይ።
\q2 «ዬሊሺን ዬሊዛ ኡሎ
\q2 ታ ጎርዳ ኤራዚና?»
\q3 ጌስ ኔ ጎዳይ።
\q1
\v 10 «ኢንቴኖ ዬሩሳላሞ
\q2 ሲቂዛ ኡባቶ፥
\q2 ኢዚራ ኡፋዬቲቴ፤
\q2 ኢንቴ ኢዚራ ሆምቦጪቴ፤
\q2 ኢዚስ ዬኪዳ ኡባቲ
\q3 ኢዚራ ኬሂ ኡፋዬቲቴ።
\q1
\v 11 ሚንዛ ኢዚ ን
\q2 ኢንቴ ሚዲ ካላና፤
\q2 ኢንቴስ ጊዳናሼ ጋካናስ
\q3 ኢንቴ ኡያና፤
\q2 ኬሂፔ ዳሮ ጊዲዳ
\q2 ኢዚ ዱሬቴን
\q2 ኢንቴ ኡፋዬታና» ጌስ ጎዳይ።
\b
\q1
\v 12 ጎዳይ፥ «ቤኢቴ፥
\q2 ታኒ ኢዚስ ሳሮቴ
\q3 ጊታ ሻፋ ማላ ጎጊሳና፤
\q2 ካዎቴታ ኣቆታ
\q3 ሻፋ ሃ ማላ ጎጊሳና
\q2 ኢንቴ ኢዚ ኪኦን
\q3 ኢዲሜቲ ማና፤
\q2 ኢዚ ኪኦን ኡቲዲ ኢንቴ ጉፓና።
\q1
\v 13 ኣያ ባ ና ኣልኢሲዛ ማላ
\q2 ታካ ኢንቴና ኣልኢሳና፤
\q2 ኢንቴ ዬሩሳላሜን
\q2 ሚኔታና» ጌስ።
\b
\q1
\v 14 ኢንቴ ሄሳ ቤኢዛ ዎዴ
\q2 ኢንቴ ዎዚናይ ኡፋዬታና፤
\q2 ኢንቴ ሜቄይካ
\q3 ማታ ማላ ጪሊላና፤
\q2 ቃሴ ጎዳ ኩሼይ
\q2 ኢዛ ኣይሌታ ቦላ ዲዛይሲ ኤሬታና፤
\q2 ኢዛ ሃንቆይ ጊዲኮ
\q3 ኢዛ ሞርኬታ ቦላ ቆንጫና።
\b
\q1
\v 15 ሄኮ ጎዳይ ታማ ላጮን ያና፤
\q2 ኢዛ ፓራ-ጋሬቲ ጎቴ ጫርኮ ማላ፤
\q2 ኢዚ ባ ዪሎ ሃንቆን፥
\q2 ባ ሴራ ታማ ላጮን ቆንጪሳና።
\q1
\v 16 ታማኒኔ ማሻን
\q2 ጎዳይ ባ ፒርዳ
\q3 ኣሳ ኡባ ቦላ ኤሃና፤
\q2 ዳሮቲ ጎዳ
\q2 ማሻን ሹኬታና።
\p
\v 17 ጎዳይ፥ «ኣታኪልቴይ ዲዛሶሆ ቢዲ ኢስታፌ ኢሳስ ጎይናናስ ባና ጌሺዛይቲኔ ዱማሲዛይቲ፥ ጉዱን ኣሾኔ ኤጬሬ ኣሾ፥ ቱኒዳ ሚሻታ ሚዛ ኡባቲ ባ ፒርዳ ዉርሴን ኢሲፌ ኤካና» ጌስ።
\p
\v 18 «ታኒ ኢስታ ኦሶኔ ኢስታ ቆፋ ኤሪዛ ጊሻስ፥ ካዎቴታ ኡባኔ ዱማ ዱማ ቃላን ሃሳይዛ ኡባታ ኢሲፌ ሺሻናስ ያና፤ ኢስቲካ ዪዲ ታ ቦንቾ ቤኣና። 
\v 19 ታኒ ኢስታ ጊዶን ማላታ ኦና፤ ኢስታፌ ኣቲዳ ኢሲ ኢሲኔታ ጌዴ ካዎቴታኮ፥ ታርሴሴ፥ ፑጼ፥ ዎንዳፌን ኦሌቲዛ ኤሬቲዳ ሉዴታኮ፥ ቱባሌኔ ያዋኔ ሄሳካ ታ ጎባቴ ሲዮንታይታኮኔ ታ ቦንቾ ቤዮንታይታኮ ሃኮን ዲዛ ኣባ ጊዶን ዲዛ ሃሩሮታኮ ታ ዬዳና፤ ታ ቦንቾ ካዎቴታ ጊዶን ዮታና። 
\v 20 ጎዳስ ያርሾ ጊዳና ማላ ኢንቴ ኢሻታ ኡባታ ካዎቴታፔ ቦንቼቲዳ ታ ዙማ ዬሩሳላሜ ፓራን፥ ፓራ-ጋሬኒኔ ጋሬን፥ ባቁሎኒኔ ጋሜላን ኢስታ ኤሃና። ኢስራኤሌ ኣሳይ ካ ያርሾ ዎጋን ዲዛ ማላ ጌሻ ሚሻን ዎዲ ጎዳ ኬ ሺሺዛ ማላ ሃይታካ ሺሻና። 
\v 21 ታኒካ ኢስታፌ ባጋይታ ቄሴታኔ ሌዌታ ጊዳና ማላ ታ ዶራና» ጌስ።
\p
\v 22 ጎዳይ፥ «ታኒ ሜና ኦራ ሳሎቲኔ ኦራ ሳኣይ ታ ሲንን ሚኒ ዳናይሳ ኢንቴ ሱንኔ ኢንቴ ዜሬ ሱን ሄሳ ሚኒ ዳና።\x - \xo 66፡22 \xo*\xt ኢሳ 65፡17፤ 2ጴጽ 3፡13፤ ኣጁ 21፡1\xt*\x* 
\v 23 ኣጊና ጼሮፔ ቢዲ ሃራ ኣጊናይ ጼራና ጋካናስ፥ ኢሲ ሳምባታፔ ቢዲ ሃራ ሳምባታ ጋካናስ፥ ኣስ ጊዲዳ ኡባይ ታስ ጎይናና ያና። 
\v 24 ኢስቲ ኬዚዲ ታ ቦላ ማካሊዳ ኣሳታ ኣሃ ቤኣና። ኢስታ ሚዛ ጉጹኔይካ ሃይቄና፤ ኢስታ ሚዛ ታማይካ ቶኤና። ኢስቲ ኣሳ ዜሬ ኡባስ ሃራሲዛዝ ጊዳና» ጌስ።\x - \xo 66፡24 \xo*\xt ማር 9፡48\xt*\x*