\id HOS - Gamo Full Bible final version
\ide UTF-8
\h ሆሴኤ ቲንቢቴ
\toc1 ሆሴኤ ቲንቢቴ
\toc2 ሆሴኤ ቲንቢቴ
\toc3 ሆሴ
\mt ሆሴኤ ቲንቢቴ
\imt ጊዶ ቆፋ
\ip ናቤ ሆሴኤይ ኪርስቶሲ ዬሌታናፔ ካሴ 721 ላይን ሳማሪያ ካታማያ ላሌታናፔ ካሴ ዲዛ ናቤ። ሄ ዎዴ ሜቶይ ኩሚዳ ኢታ ዎዴዛን ናቤ ኣሞጼፔ ጉዬ ፑዴሃ ባጋራ ዲዛ ኢስራኤሌ ካዎቴ ጋርሳን ቲንቢቴ ዴራስ ዮቲዴስ። ሆሴኤይ ዴሬዚ ኤቃ ጾስ ጎይኒዛይሳኔ ጎዳን ኣማኔቴ ፓጪሲዳይሳ ቆንጪሲ ዮቲዴስ። ሆሴኤይ ሄሳ ዴሬዚ ጎዳን ኣማኔቶንታይሳ ኣሳ ኤሪሳናስ ኣማኔቶንታ ማቾ ኤኪዲ ኢስታስ ሌሚሶ ጊዲዲ ኢስታ ታማርሴስ፤ ኢዛ ማቼያ ጎሜራ ኢዛስ ኣማኔቶንታይሳካ ዴሬዚ ጎዳ ባ ጾሳ ኣጋጊዴስ፤ ሄሳ ጋሶን ፒርዳይ ኢስራኤሌ ቦላ ያና ጌስ፤ ጊዶ ኣቲን ዉርሴን ጎዳይ ባ ዴሬዛ ኬሂ ሲቂዛ ጊሻስ ባኮ ዛሪዲ ባሲኔ ዴራስ ጊዶን ዲዛ ኢሲፌቴ ኦራጺሲዴስ፤ ሄ ጊታ ሲቆዚ ሃይሳፌ ካሊ ዲዛ ቃላን ቆንጪዴስ፤ «ኢስራኤሌ ኣሳዉ! ታ ኔና ዎስታ ኣጋጎ? ታ ኔና ዎስታ ሃራስ ኣ ኢሞ? ታ ኔና ሲቂዛ ሲቆይ ኬሂ ጊታ ጊዲዳ ጊሻስ ሄሳ ኡባ ኦናስ ታ ዎዚናይ ኮዬና።» [11፡8]
\iot ሃ ማጻፋይ ኦይኪዳ ኩሜ ቆፋ
\io1 ሆሴኤ ሶ ኣሳይ ኣማኖይ ባይንዳይታስ ሌሚሶ ጊዴ \ior 1፡1—3፡5 \ior*
\io1 ጎዳይ ኢስራኤሌ፥ ዩሁዳኔ ኢስታ ካሌዛይታ ዋላሴ \ior 4፡1—5፡15 \ior*
\io1 ዴሬዚ ጎዳኮ ሲሚዳ ሚሳቲሶ \ior 6፡1—7፡10 \ior*
\io1 ጎዳን ኣማኔቶንታ ኢጺዳ ኢስራኤሌ ዴራ \ior 7፡11—8፡14 \ior*
\io1 ኢስራኤሌ ዴሬዚ ባስ ቤሲዛ ቂጻቴ ኤኮ \ior 9፡1-16 \ior*
\io1 ኢስራኤሌ ዴራስ ዮቲዳ ሚኖ ቆፊሶ \ior 10፡1-15 \ior*
\io1 ጎዳይ ዴራ ሲቂዛ ሲቆ \ior 11፡1-11 \ior*
\io1 ጎዳይ ዴራ ቦላ ዬዲዳ ፒርዳ \ior 11፡12—13፡16 \ior*
\io1 ናጋራፔ ማሬቴኔ ኣንጆ ሂዶታ \ior 14፡1-9 \ior*
\c 1
\p
\v 1 ኦዚያይ፥ ኢዮኣታሜይ፥ ኣካዜይኔ ሂዝቂያሲ ኢሶይ ኢሳፌ ካሊ ካሊዲ ዩሁዳን ካዎቲዳ ዎዴ ሄሳካ ኢዮኣሳ ና ኢዮርባኣሜይ ኢስራኤሌን ካዎቲዳ ዎዴ ቢኤሬ ና ሆሴኤኮ ዪዳ ጎዳ ቃላይ ሃይሳፌ ካሊዛይሳ።\x - \xo 1፡1 \xo*\xt 2ካዎ 14፡23—15፡7፤ 15፡32—16፡20፤ 18፡1—20፡21፤ 2ታሪ 26፡1—27፡8፤ 28፡1—32፡33\xt*\x*
\s ሆሴኤ ማቾኔ ኢዛ ናይታ
\p
\v 2 ጎዳይ ሆሴኤ ባጋራ ኢስራኤሌ ናይታስ ቃላ ቡሮ ዮቲሼ ሆሴኤስ፥ «ታ ዴሬይ ታፔ ሻኬቲዲ ኢታ ላይማ ላይማቲዛ ጊሻስ ኔኒ ባዳ ኢሲ ላይማቲዛ ማጫስ ኔስ ማቾ ኤካ፤ ኢዚፔ ኔስ ናይታ ዬላ» ጊዴስ።
\p
\v 3 ሄሳ ጊሻስ ሆሴኤይ ቢዲ ዲቢላዬሜ ናዮ ጎሜሮ ማቾ ኤኪዴስ፤ ኢዛካ ቃንታዳ ኢዛስ ኣቱማ ና ዬላዱስ። 
\v 4 ሄሳፌ ጉዬ ጎዳይ ሆሴኤስ፥ «ኢዩኔ ኢዛ ዜሬቲ ኢዝራኤሌን ዎዳ ኣሳታ ጌዶን ኢዩ ዜሬታ ታ ቃጻያና ዎዴይ ሃሆ ጊዴና፤ ኢስራኤሌ ካዎቴ ሃይሳፌ ጉዬ ኩንዳና ማላ ታ ኦና።\x - \xo 1፡4 \xo*\xt 2ካዎ 10፡11\xt*\x* 
\v 5 ሄ ዎዴ ኢዝራኤሌ ሾባን ኢስራኤሌ ኦላ ኣሳ ኡባ ታ ሜንሬና፤ ሄሳ ጊሻስ ኔ ናዛ ሱን፥ ‹ኢዝራኤሌ› ጋዳ ሱን» ጊዴስ።
\p
\v 6 ጎሜራ ቃሴካ ቃንታዳ ማጫ ና ዬላዱስ። ጎዳይካ ሆሴኤስ፥ «ታኒ ሃይሳፌ ጉዬ ኢስራኤሌ ኣሳስ ቃቲኬ፤ ታ ኢስታ ማሪኬ፤ ሄሳ ጊሻስ ኔኒ ኢዚ ሱን፥ ‹ሎሩሃማ› ጋ ሱን።\f + \fr 1፡6 \fr*\ft ሎሩሃማ ጉሲ ታ ዴራ ታ ማሪኬ ጉሳ።\ft*\f* 
\v 7 ዩሁዳ ኣሳስ ጊዲኮ ታኒ ታ ሲቆ ቤሳና። ታኒ ጎዳይ ኢስታ ጾሳይ ኣሻና፤ ታ ኢስታ ኣሻናይሲ ኦላ ዎልቃን ጊዴና፤ ማሻን፥ ቶራን ዎይኮ ፓራኒኔ ፓራን ኦሊዛይታን ጊዴና» ጊዴስ።
\p
\v 8 ጎሜራ ባ ናዮ ን ዱዳፔ ጉዬ ቃሴካ ቃንታዳ ኣቱማ ና ዬላዱስ። 
\v 9 ጎዳይካ ሆሴኤ፥ «ሃይሳፌ ጉዬ ኢስራኤሌ ኣሳይ ታ ዴሬ ጊዴና፤ ታኒካ ኢስታ ጾስ ጊዲኬ። ሄሳ ጊሻስ ኔኒ ኔ ናዛ ሱን፥ ‹ሎኣሚ› ጋ ጼይጋ» ጊዴስ።\f + \fr 1፡9 \fr*\ft ሎኣሚ ጉሲ ታ ዴሬ ጊዴና።\ft*\f*
\s ኢስራኤሌ ኣሳስ ኢሜቲዳ ሂዶታ
\p
\v 10 ጊዲኮካ ኢስራኤሌ ኣሳይ ቆዳይ ባይንዳ ኣባን ሻሚንታ ማላ ዳራና። ሃኢ ጾሲ፥ «ኢንቴ ታ ዴሬ ዴኬታ» ጌቴቲዳሶሆን፥ «ኢንቴ ዴኦ ጾሳ ናይታ» ጌቴቲ ጼይጌታና ዎዴይ ያና።\x - \xo 1፡10 \xo*\xt ኦሮ 9፡26\xt*\x* 
\v 11 ሄ ዎዴ ዩሁዳ ኣሳይኔ ኢስራኤሌ ኣሳይ ሲሚዲ ኢሲኖ ጊዳና። ናምኣቲ ባንታና ኣይሳናዴ ኢሲ ኣስ ዶራና። ቃሴካ ኢስቲ ባንታ ዴሬን ዲቻኒኔ ዱሬቴን ዴኣና። ኢዝራኤሌ ጋላሳይ ጊታ ጊዳና።
\c 2
\p
\v 1 ሄሳ ጊሻስ ኢንቴ ኢንቴ ኢሻታ ኢስራኤሌ ናይታ፥ «ኣሚ»\f + \fr 2፡1 \fr*\ft ኣሚ ጉሲ ታ ዴሬ ጉሳ።\ft*\f* ኢንቴ ሚቼታካ «ኡሩሃማ» ጊ ሱንቴ።
\s ኣማኔቶንታ ኢጺዳ ኢስራኤሌ ኣሳ ቃጻዬቴ
\q1
\v 2 «ታ ናይቶ! ኢንቴ ኣዮ ዞሪቴ፤
\q2 ሃይሳፌ ጉዬ ኢዛ ታስ
\q3 ማቾ ጊዱኩ፤
\q2 ታኒካ ኢዚስ ኣዚና ጊዲኬ፤
\q2 ባ ሲንፌ ላይማ ሱኬ ሃኖ፥
\q2 ባ ዎዲራ ጊዶፌ
\q2 ላይማቴ ዲጉ።
\q1
\v 3 ኢዛ ሲሞንታ ኢጺኮ
\q2 ኢዛ ባ ኣዬይ ኡሎፔ
\q3 ካሎ ዬሌቲዳ ማላ
\q2 ታ ኢዞ ጺሬ ካሎ ኣሻና።
\q2 ባዞ ማላኔ ሜላ ቢታ ማላ
\q3 ታ ኢዞ ኦና።
\q3 ታ ኢዞ ሃ
\q3 ሳሞን ዎና።
\q1
\v 4 ላይማ ማጫሳፌ
\q2 ዬሌቲዳ ጊሻስ
\q2 ኢዚ ናይታስ ታ ሚሼቲኬ።
\q1
\v 5 ኢስታ ኣያ ላይማ፤
\q2 ካዉሻ ሃኖን ሻራዱስ።
\q2 ኢዛ ባ ዶናራ፥
\q2 ‹ታኒ ታ ላጌታኮ ባይስ፤
\q2 ኢስቲ ታስ ካኔ ሃ፥
\q2 ሱፌፔኔ ሌኤ ሃሬፔ
\q2 ዳዴቲዳ ማይኦ፥
\q2 ዎጋራ ዛይቴኔ
\q2 ዎይኔ ኡሹ ኢማና› ጋዱስ።
\q1
\v 6 ሄሳ ጊሻስ ታኒ ኢዚ ኦጌ
\q2 ኣጉንራ ጎርዳና፤
\q2 ኢዛ ኬዛና ፔንጌ
\q2 ዴሞንታ ማላ
\q2 ታኒ ጊምቤ ዩሻ
\q2 ኣ ጎርዳና።
\q1
\v 7 ኢዛ ባ ላጌታ
\q2 ዴማናስ ዎጻና ሺን
\q2 ኢስታኮ ጋካናስ ዳንዳዩኩ።
\q2 ኢዛ ኢስታ
\q2 ዳሮ ኮያና ሺን ዴሙኩ፤
\q2 ሃይሳፌ ጉዬ፥
\q2 ‹ሃይሳ ሃ ዱሳፌ
\q2 ታስ ካሴ ዱሳይ ሎኦ፤
\q2 ሄሳ ጊሻስ ቤኒ ታ ኣዚናኮ
\q3 ታ ሲማ ባና› ጋና።
\q1
\v 8 ታኒ ኢዚስ ካሴ ካ፥
\q2 ዎይኔ ኡሺኔ
\q2 ዎጋራ ዛይቴ ኢሚዳይሳኔ
\q2 ቃሴካ ኢዛ ባኣሌ ጌቴቲዛ
\q2 ኤቃ ጾሳስ ያርሾ ቢራኔ
\q2 ዎርቃ ኢዚስ ዳርሲዳይ
\q3 ታና ጊዲዳይሳ
\q3 ኢዛ ሻካ ኤራቤኩ።
\q1
\v 9 ሄሳ ጊሻስ
\q2 ካ ካጺዛ ዎዴ
\q2 ሃ ካጺዛ ካ፥
\q2 ዎይኔ ኣይፌይ ቴሪዛ ዎዴ
\q3 ዎይኔ ኡሻ፥
\q3 ታኒ ኢዚፔ ዎ ኤካና።
\q2 ሄሳካ ኢዛ ባ ካሎቴ
\q2 ካሞንታ ማላ ሱፌፔኔ
\q2 ሌኤ ሃሬፔ
\q2 ዳዴቲዳ ማይኦዛ
\q2 ታ ኢዚፔ ቃራ ኤካና።
\q1
\v 10 ኢዚ ላጌታ ሲንን
\q2 ታ ኢዞ ካሎ ኣሻና፤
\q2 ኢዞ ታ ኩሼፔ
\q2 ኣሻናይ ዴና።
\q1
\v 11 ኢዛ ባ ኡፋይሳ ባኣሌታ ኡባ፥
\q2 ላይን ላይን
\q2 ቦንቺዛ ባኣሌታ፥
\q2 ኣጊና ጼሮን ጼሮን
\q2 ቦንቺዛ ባኣሌታ፥
\q2 ሳምባታታኔ ሃራ ኢዛ
\q2 ዱማ ዱማ ዶራ
\q2 ቦንቺዛ ባኣሌታ
\q2 ናምኣን ኦንታ ማላ
\q2 ታ ዲጋና።
\q1
\v 12 ኢዛ ባ ላጌታፔ
\q2 ባስ ዋጋ ጋዳ
\q2 ኤኪዳ ዎይኔ ሚታኔ
\q2 ባላሴ ሚታ ታ ቃላና።
\q3 ኢስታካ ዎራ ዶኣቲ ማና።
\q1
\v 13 ባኣሌ ጌቴቲዛ ኤቃ ጾሳስ
\q2 ኤጻኔ ጩዋሳናሲኔ
\q2 ሎኦ ጌጼ ዎዳ
\q2 ኢዛ ባ ላጌታ ካላዳ
\q2 ታና ኣጊዳ ጊሻስ
\q2 ታ ኢዞ ቃጻያና።
\s ጾሲ ባ ዴራ ሲቂዛ ሲቆ
\b
\q1
\v 14 «ሄሳ ጊሻስ ታ ኢዞ
\q2 ማቃዳ ባዞ ኤፋና፤
\q2 ሄን ታ ኢዚራ ሲቆ ቃላን
\q2 ሃሳይሳና።
\q2
\v 15 ካሴ ኢዚ ዎይኔ ኣታኪልቴዛ
\q2 ታ ኢዚስ ዛራና፤
\q2 ሜቶ ሾባ ታ ኢዚስ
\q2 ሂዶታ ፔንጌ ሂስታና፤
\q2 ሄን ኢዛ ጊብጼፔ ኬዚዳ ጋላስ
\q2 ናቴን ዳሼ ዬጺዳ ማላ
\q2 ዬጻና።\x - \xo 2፡15 \xo*\xt ኢያ 7፡24-26\xt*\x*
\q1
\v 16 ኢዛ ሄ ጋላሲ ታና፥
\q2 ‹ታ ኣዚናዞ› ጋ ጼይጋና ኣቲን
\q2 ሃይሳፌ ጉዬ፥
\q2 ‹ባኣሌ› ጌቴቲዛ
\q2 ኤቃ ጾሳ ሱንን
\q2 ታና ጼይጉኩ።
\q1
\v 17 ባኣሌ ጌቴቲዛ
\q2 ኤቃ ጾሳታ ሱን
\q2 ታ ኢዚ ዶናፔ ዲጋና፤
\q2 ሃይሳፌ ጉዬ
\q2 ኢስታ ሱን ዴንዴና።
\q1
\v 18 ሄ ዎዴ ዶኣታራ፥
\q2 ካፎታራኔ ቢታ ቦላ
\q3 ጎሼቲዛ ሜቴ ኡባታራ
\q2 ታ ኢንቴ ጊሻስ ጫቄታና።
\q2 ኡባይካ ሳሮን ዳና ማላ
\q2 ኦላ፥ ቶራኔ፥ ማሻ
\q3 ቢታ ቦላፌ ታ ዲጋና።
\q1
\v 19 ሃኔ ኢስራኤሌ!
\q2 ታ ኔና ሜርናስ ታስ ጊጊሳና፤
\q2 ታ ኔስ ጺሎቴኒኔ
\q3 ሱሬቴን ፒርዳና፤
\q2 ኣጎንታ ሲቆኒኔ ቃታን
\q2 ታ ኔና ታስ ኦይቻ ጊጊሳና።
\q2
\v 20 ታኒ ኣማኔታዳ ኔና
\q2 ታስ ማቾ ጊጊሳና።
\q2 ኔኒካ ታኒ
\q2 ጎዳ ጊዲዳይሳ ኤራና።
\m
\v 21 «ሄ ጋላስ ታኒ ዛሮ ኢማና፤
\q2 ታኒ ሳሎ ኣዛዛና፤
\q2 ሳሎይካ ሳኣስ ዛሮ ኢማና።
\q2
\v 22 ቢታይ ካ፥ ዎይኔ ኡሹኔ
\q2 ዛይቴ ኢማና፤
\q2 ኢስቲካ ኢዝራኤሌስ ዛሮ ጊዳና።
\q1
\v 23 ታኒ ታ ዴሬዮ ቢታ ቦላ ቶካና።
\q2 ‹ማሮቴ ባይንዳሮ› ጌቴቲዳሮ
\q3 ታ ዛራዳ ማራና፤
\q2 ‹ታ ማሪኬ› ጊዳይሳካ
\q2 ዛራ ማራና፤
\q2 ‹ኢንቴ ታ ዴሬ ዴኬታ›
\q2 ጌቴቲዴታ።
\q2 ‹ታ ዴሬታ› ጋዳ
\q3 ታ ጼይጋና ጋና፤
\q2 ኢስቲካ ታና፥
\q3 ‹ኔኒ ኑ ጾሳ› ጋና» ጌስ።\x - \xo 2፡23 \xo*\xt ኦሮ 9፡25፤ 1ጴጽ 2፡10\xt*\x*
\c 3
\s ሆሴኤይ ባ ማቼይራ ማቃይኒዴስ
\p
\v 1 ጎዳይ ታና፥ «ኢስራኤሌ ኣሳይ ሃራ ጾሳታኮ ሲሚዲ ዛቢቤ ኡኬ ሺሻና ኮዪዴስ፤ ሄሳራካ ጎዳይ ኢስታ ሲቂዛይሳ ማላ ኔካ ባዳ ባ ላጌታ ሲቃዳ ላይማታሼ ዲዛ ካሴ ኔ ማቼዮ ዛራዳ ሲቃ» ጊዴስ።
\p
\v 2 ሄሳ ጊሻስ ታ ኢዞ ታማኔ ኢቻሹ ሳቂሌ ቢራኒኔ 150 ኪሎ ባንጋን ሻማዲስ። 
\v 3 ታ ኢዞ፥ «ኔ ላይማቲዛይሳኔ ሃራ ኣስ ካሊዛይሳ ኣጋዳ ታናራ ዳሮ ዎዴ ጺሎቴን ዴኣ፤ ታኒካ ኔናራ ኣማኔቴን ዳና» ጋ ዞራዲስ።
\p
\v 4 ሄሳካ ኢስራኤሌ ኣሳይ ካዎይ ባይንዳ ዎይኮ ካሌዛዴይ ባይንዳ፥ ያርሾይ ባይንዳ ዎይኮ ኤቃ ጾሳታ ሃዉልቴይ ባይንዳ፥ ቄሴቴ ማይኦይ ባይንዳ ዎይኮ ኤቃ ጾሳታ ሚስሌይ ባይንዳ ዳሮ ዎዴ ዴኣና። 
\v 5 ሄሳፌ ጉዬ ኢስራኤሌ ዴሬይ ጎዳ ባ ጾሳኮኔ ባ ካዎ ዳዊቴኮ ሲማና። ዉርሴ ዎዴ ኢስቲ ያሻን ኮኮሪሼ ጎዳኮኔ ኢዛ ኣንጆኮ ያና።
\c 4
\s ኢስራኤሌ ቦላ ዴንዲዳ ሞቶ
\p
\v 1 ሃኖ ቢታይ ቦላ ዲዛ ኣሳ ኡባ ቦላ
\q2 ጎዳይ ሺሺዛ ሞቶይ ዴስ።
\q2 ሄሳ ጊሻስ ኢስራኤሌ ኣሳዉ!
\q2 ኢዚ ኢንቴና ጊዛይሳ ሲዪቴ፤
\q2 «ሃኖ ቢታይ ቦላፌ
\q2 ኣማኔቴይ፥
\q2 ሲቆይኔ ጾስ ኤሮይ ይዴስ።
\q1
\v 2 ሃን ዲዛይ ቃንጌ፥ ዎርዶ፥
\q2 ሼምፖ ዎ፥ ላይማቴኔ
\q2 ጫቂዳ ቃላ ሙሲ ጻላ ዴስ።
\q2 ጌኔይኔ ሼምፖ ዎይ
\q3 ዳሪ ዳሪ ቤስ።
\q1
\v 3 ሄሳ ጋሶን ቢታይ ቦላ
\q2 ኮሻይ ዬስ፤
\q2 ኢዚ ቦላ ዲዛይ ዉሪ ጊልቄስ፤
\q2 ሜሄቲ፥ ዶኣቲ፥ ካፎቲኔ
\q2 ኣባ ጊዶን ዲዛ ሞሌቲ
\q3 ኡባይ ዉሬቴስ።»
\s ጎዳይ ቄሴታ ቦላ ሃንቄቲዴስ
\p
\v 4 ጎዳይ፥ «ኢንቴኖ ቄሴቶ
\q2 ታ ኢንቴና ሞቲዛ ሚሺ ዴስ፤
\q2 ሄሳ ጊሻስ ኦኒካ
\q2 ሃራ ኣሳራ ፓላሜቶፎ፤
\q2 ቃሴ ኦኒካ ሃራ ኣስ ሞቶፖ።
\q1
\v 5 ኢንቴ ኦማርሲኔ ጋላስ
\q2 ጴቴታ፤
\q2 ናቤቲካ ኢንቴናራ
\q2 ጴቴቴስ።
\q2 ሄሳ ጊሻስ ታኒ ኢንቴ ኣዮ
\q3 ኢስራኤሌ ይሳና።
\q1
\v 6 ታ ዴሬዛስ ኤራቴ
\q2 ፓጪዳ ጊሻስ ይዴስ።
\q2 ኢንቴ ታና ኤራናስ
\q2 ኮዮንታ ጊሻስ
\q2 ታኒካ ኢንቴ ታስ ቄሴታ ጊዲ
\q3 ኦና ማላ ኮይኬ።
\q2 ኢንቴ ታ ዎጋ ባሌቲዳ ጊሻስ
\q2 ታኒካ ኢንቴ ናይታ ባላና።
\q1
\v 7 ቄሴታ ቆዳይ ዳሪ ዳሪ ቢሺን
\q2 ኢስቲ ታ ቦላ ኦዳ ናጋራይ
\q2 ዳሪ ዳሪ ቢዴስ፤
\q2 ባንታ ቦንቾካ
\q2 ካዉሻን ላሚዳ።
\q1
\v 8 ታ ዴሬዛ ናጋራይ
\q2 ኢስታስ ሙሳስ ኪዪዴስ፤
\q2 ሄሳ ጊሻስ ዴሬይ
\q2 ናጋራ ኦዛይሳ
\q2 ኬሂ ዶሲዳ።
\q1
\v 9 ኢንቴ ቄሴቲካ ዴራፔ
\q2 ዱማቴኬታ፤
\q2 ሄሳ ጊሻስ ታ ኡባካ
\q2 ኢዛዴ ሃኖ ማላ ኢዛ ቃጻያና፤
\q2 ኢዛ ኦሶ ማላካ ኢዛስ ኢማና።
\q1
\v 10 ታ ዴሬይ ታና ጎዳ
\q2 ኣጊዳ ጊሻስ
\q2 ኢስቲ ማናሺን
\q2 ካሌቴና፤
\q2 ላይማታናሺን
\q2 ጮራቴቴና» ጌስ።
\s ጎዳይ ኤቃ ጾሳታስ ጎይኖ ኢጼስ
\b
\q1
\v 11 «ላይማቴስ፥
\q2 ጫሊዳ ዎይኔ ኡሻስ፥
\q2 ማልኦ ዎይኔ ኡሻ ሱኬስ
\q2 ባንታና ኣ ኢሚዳ፤
\q2 ሄሳንቲ ታ ዴሬዛ
\q2 ዎዚና ኤኪዳ።
\q1
\v 12 ሄሳ ጊሻስ ሚፌ ኦሴቲዳ
\q2 ኤቃ ጾሳ ዞሬ ኦይቼቴስ፤
\q2 ኢስቲ ኢዛን ማሮዛ ጉፌዚካ
\q2 ኢስታስ ዛሮ ኢሚዛ ሚሳቴስ፤
\q3 ላይማቴ ቆፋይ ባሌዴስ፤
\q3 ባንታ ጾሳስ
\q2 ኣማኔቲቤቴና።
\q1
\v 13 ዙማይ ዲዛሶን ዲዛሶን
\q2 ያርሾ ያርሼቴስ፤
\q2 ዙምቡላታ ቦላ፥
\q2 ጊታ ዳሻ ሚታ
\q2 ኩዋ ጋርሳን
\q2 ጹጌቲዛ ያርሾ ያርሼቴስ።
\q2 ሄሳ ጋሶን ኢንቴ ማጫ ናይቲ
\q3 ላይማን ዳና፤
\q2 ኢንቴ ናይታ ማቼቲ ላይማታና።
\q1
\v 14 ኢንቴ ማጫ ናይቲኔ
\q2 ኢንቴ ናይታ ማቼቲ
\q2 ላይማቲሺን ታኒ ኢስታ ቃጻይኬ፤
\q3 ጋሶይካ ኢንቴ ኣቱማሳቲ
\q3 ላይማ ማጫሳታራ ሱኬቴቴስ፤
\q3 ኤቃ ጾሳታስ ላይማቴ
\q3 ያርሾ ሺሺዛይታራ
\q2 ኢንቴካ ኢዛ ያርሼታ።
\q3 ሄሳ ጊሻስ ኣኬካይ ባይንዳ
\q3 ዴሬይ ያና።
\b
\q1
\v 15 «ኢንቴኖ ኢስራኤሌ ኣሳቶ!
\q2 ኢንቴ ላይማቲኮካ
\q3 ዩሁዳ ኣሳይ
\q3 ላይማታና ማላ ኦፍቴ፤
\q2 ሄሳ ጊሻስ ታስ ጎይናናስ
\q2 ጌልጌላ ዎይኮ
\q2 ቤቲ-ኣዌኔ ጌቴቲዛሶ ቦፒቴ፤\f + \fr 4፡15 \fr*\fqa ቤት-ኣዌኔ፡ \fqa*\ft ቤት-ኣዌኔ ጉሲ ኢታቴ ኬ ጊዲሺን ቤትኤሌስ ኢሜቲዳ ጫቻ ሱን።\ft*\f*
\q2 ‹ዴኦ ጎዳይ ቤዪን› ጊዲ
\q3 ታ ሱንን ጫቆፍቴ።
\q1
\v 16 ኢስራኤሌ ዴሬይ ማካላንቻ
\q2 ኡሳ ማላ ማካሊዴስ፤
\q2 ሂስቲን ጎዳይ ኢስታ
\q3 ዶርሳ ላቃታ ማላ
\q2 ሎኦሶን ዎስቲ ሄማኔ?
\q1
\v 17 ኤፍሬሜይ ኤቃ ጾሳታ ጎይኖን
\q2 ኦይኬቲዳ ጊሻስ
\q2 ኢስታ ጌዴ ኣጋጊቴ።
\q1
\v 18 ዎይኔ ኡሹ ኡዪዳፔ ጉዬ
\q2 ላይማቴቴስ።
\q2 ኢስታ ኣይሲዛይቲካ
\q3 ዬላቺዛ ሚሽ ዶሴቴስ።
\q1
\v 19 ኢስታ ጎቴ ጫርኮይ ፒቲ ኤፋና፤
\q2 ኢስታ ያርሾይ ኢስታ ቦላ
\q3 ዬላ ኤሃና።
\c 5
\m
\v 1 ኢንቴኖ ቄሴቶ ሃይሳ ሲዪቴ!
\q2 ኢስራኤሌ ኣሳቶ ኣኬኪቴ!
\q2 ካዎ ኬ ኣሳቶ
\q2 ሃይሳ ኤዝጊቴ!
\q2 ሄኮ ፒርዳይ ኢንቴ ቦላ ዪዴስ፤
\q2 ጋሶይካ
\q2 ኢንቴ ሚጺጳን ናርጻ፥
\q2 ታቦሬ ዙማን ጊቴ ጊዲዴታ።
\q1
\v 2 ማካላንቻቲ ሼምፖ ዎ
\q2 ካሴፔ ሃ ዳርሲዳ፤
\q2 ሄሳ ጊሻስ ታኒ ኢስታ
\q3 ኡባካ ቃጻያና።
\q1
\v 3 ታኒ ኢስራኤሌ ኣሳ ኡባ ኤራይስ።
\q2 ኢስራኤሌይ ታ ኣይፌፔ
\q2 ጌማቤኩ፤
\q2 ኤፍሬሜ፥ ኔኒ ላይማቴ
\q3 ጎይኖን ቱናዳሳ።\f + \fr 5፡3 \fr*\fqa ኤፍሬሜ፡ \fqa*\ft ኤፍሬሜ ጌቴቲዛይሲ ኢስራኤሌስ ናምኣን ሱን።\ft*\f*
\m
\v 4 ኢስራኤሌ ኣሳይ ኦዳ ሞሮይ
\q2 ኢስቲ ባ ጾሳኮ
\q2 ሲሞንታ ማላ ዲጊዴስ።
\q3 ላይማቴ ኣያናይ
\q3 ኢስታ ዎዚና ኩሚዴስ።
\q3 ሄሳ ጊሻስ
\q2 ኢስቲ ጎዳ ኤሬቴና።
\q1
\v 5 ኢስራኤሌ ኣሳ ኦቶሮይ
\q2 ኢስታ ቦላ ሲሚ ማርካቴስ።
\q2 ኢስቲ ባንታ ናጋራን ጴታና።
\q2 ዩሁዳይካ ኢስታራ ኢሲፌ
\q3 ጴቲ ኩንዳና።
\q1
\v 6 ኢስቲ ጎዳ ኮያናስ
\q2 ባንታ ዉዴ ሜሄታኔ
\q3 ሚዛታካ ላጊ ኤፋና፤
\q2 ጊዶ ኣቲን ኢዚ ኢስታፌ
\q3 ሻኬቲዳ ጊሻስ
\q2 ኢስቲ ኢዛ ዴሜቴና።
\q1
\v 7 ኢስቲ ኤቃ ጾሳታስ
\q2 ጎይኒዛ ጊሻስ
\q2 ጎዳስ ኣማኔቲቤቴና፤
\q2 ኢስቲ ላይማን ናይታ ዬሊዳ።
\q2 ሄሳ ጊሻስ ኢስቲ ኣጊና ጼሮን
\q3 ቦንቺዛ ባኣሌይ
\q2 ኢስታኔ ኢስታ ናይታ
\q3 ኢሲፌ ይሳና።
\s ኢስራኤሌኒኔ ዩሁዳ ጊዶን ዴንዳና ኦላ
\m
\v 8 ኣሳይ ኦላስ ኬዛና ማላ
\q2 ጊቢኣን ዛዬ ዛዪቴ፤
\q2 ኤራማን ጹሩምባ ፑኒቴ።
\q2 ቤቲ-ኣዌኔን፥
\q2 ‹ቢኒያሜ ባጋቶ!
\q2 ኑ ኢንቴናራ ዶስ› ጊሼ ዋሲቴ።
\q1
\v 9 ቂጻቴይ ዪዛ ዎዴ
\q2 ኤፍሬሜይ ቡላ ጊዳና፤
\q2 ሃይሲ ኢስራኤሌ ቦላ
\q2 ጋካናይሳ
\q2 ታ ሎኤ ኤሪሳይስ» ጌስ።
\b
\q1
\v 10 ጎዳይ፥ «ዩሁዳ
\q2 ካሌዛይቲ ስ
\q2 ሾዲዛ ኣሳ ማላ
\q2 ጊዲዳ ጊሻስ
\q2 ታኒ ታ ሃንቆ ሃ ዲኦ ማላ
\q3 ኢስታ ቦላ ዬዳና።
\q1
\v 11 ኢስራኤሌ ኣሳይ ሃዳ ጾስ
\q2 ካሎን ሚኒዴስ።
\q2 ሄሳ ጋሶን ናቄቲዴታኔ
\q3 ፒርዳን ቆሄቲዴታ።
\q1
\v 12 ሄሳ ጊሻስ ታኒ
\q2 ኢስራኤሌ ኣሳ ፒኖ ማላ፥
\q2 ዩሁዳ ኣሳስ ቃሴ
\q2 ቁኖ ማላ ጊዳና።
\q1
\v 13 ኢስራኤሌይ ባ ሳኮዛ፤
\q2 ዩሁዳይካ ባ ማዱን ቤኢዲ
\q2 ኢስራኤሌይ ኣሶሬኮ
\q3 ባ ኣይፍሶ ዛራዱስ፤
\q2 ኢስራኤሌይ ማዶ ዴማናስ
\q2 ጊታ ኣሶሬ ካዎኮ
\q3 ቃስታኔ ኪታዱስ።
\q2 ጊዶ ኣቲን ኢዚ ኢንቴና ኣሻናስ
\q2 ዎይኮ ኢንቴ ማዱን
\q3 ፓናስ ዳንዳይቤና።
\q1
\v 14 ሄሳፌ ዴንዲዳይሳን
\q2 ታኒ ኢስራኤሌስ ጋሞ ማላ
\q2 ዩሁዳስካ ዎዳላ
\q2 ጋሞ ማላ ጊዳና፤
\q2 ታ ኢስታ ኒፊፊ ሂስታ
\q2 ሜንሬ ዬጋና፤
\q2 ቦንቃ ኤካዳ ባና፤
\q2 ኦኒካ ኢስታ ታ ኩሼፔ
\q3 ኣሻናስ ዳንዳዬና።
\m
\v 15 ኢስቲ ባ ባላ ኤሪዲ ታኮ ሲማና ጋካናስ
\q2 ታኒ ኢስታፌ ሃካና።
\q2 ኢስታ ቦላ ሜቶይ ዳሪዛ ዎዴ
\q2 ኢስቲ ታና ሚን ኮያና» ጌስ።
\c 6
\s ዎዚናፔ ጊዶንታ ማሮቴ
\p
\v 1 ዴሬዚ፥ «ሃ ዪቴ፥
\q2 ኣኔ ጎዳኮ ሲሞስ!
\q2 ኢዚ ኑና ሜንዳ ማላ
\q3 ኢዚካ ኑና ዛሪዲ ኮላና፤
\q2 ኢዚ ኑና ማዱንዳ ማላ
\q3 ዛሪዲካ ኢዚ ኑ ማዱን
\q2 ፓና።
\q1
\v 2 ናምኡ ጋላሳታፔ ጉዬ
\q2 ኢዚ ኑና ቤጎና፤
\q2 ሄን ጋላስ
\q2 ኢዚ ኑና ዴንና፤
\q2 ኑኒካ ኢዛ ሲንን
\q2 ፓጻ ዳና።
\q1
\v 3 ኣኔ ኑኒ ጎዳ ኤሮስ!
\q2 ኑ ኢዛ ሎኤ ኤራናስ
\q3 ኣኔ ሚኔቶስ!
\q2 ኢዚ ዎንታ ፖኦ ማላ
\q3 ኑስ ቆንጫና፤
\q2 ቢታ ካልሲዛ ኣሱራ ኢራ ማላኔ
\q3 ባልጎ ኢራ ማላ
\q3 ኢዚ ኑኮ ያና» ጌስ።
\p
\v 4 ጎዳይ፥ «ኤፍሬሜ ኣሳቶ!
\q2 ዩሁዳ ኣሳቶ!
\q2 ታ ኢንቴና ዎስቲኮ ሎኦ?
\q2 ኢንቴ ታና ሲቂዛ ሲቆይ
\q3 ማላዶ ሻራ ማላኔ
\q3 ማላዶ ጻዛ ማላ
\q3 ጮ ቲምኢ ጊ ኤሶን ዬስ።
\q1
\v 5 ሄሳ ጊሻስ
\q2 ታኒ ታ ናቤታ ባጋራ
\q2 ኢንቴና ቃንጼሬዲስ፤
\q2 ታ ዶናፔ ኬኢዛ ቃላን
\q3 ታ ኢንቴና ዎዲስ።
\q2 ታ ፒርዳይካ ኢንቴ ቦላ
\q3 ዎልቃን ማላ ፖኢዴስ።
\q1
\v 6 ታኒ ያርሾፌ ኣዳ ማሮቴ ዶሳይስ።
\q2 ጹጌቲዛ ያርሾፌ ኣዳ
\q3 ጾስ ኤሮ ዶሳይስ።\x - \xo 6፡6 \xo*\xt ማቶ 9፡13፤ 12፡7\xt*\x*
\q1
\v 7 ኢስቲ ቃሴ ካሴ ኣዳሜ
\q2 ጌቴቲዛሶን
\q2 ታናራ ጌሊዳ
\q2 ጫቆ ቃላ ላሊዳ፤
\q2 ሄንካ ኢስቲ ታናን
\q2 ኣማኔቲቤቴና።
\q1
\v 8 ጋላኣዴይ ሱን ሞሬታዱስ፤
\q2 ኢታ ኣሳታ ዱሳሶ ጊዳዱስ።
\q1
\v 9 ፓንጋቲ ኣሴ ዎናስ
\q2 ዛማዲዛ ማላ
\q2 ቄሴቲካ ዙፔቲዲ ሄሳ ኦቴስ።
\q2 ጌዴ ሴኬሜ ኤፊዛ ኦጌ ቦላካ
\q2 ናጊ ናጊ ኣስ ዎቴስ፤
\q2 ዬላቺዛ ኢታ ሚሽ
\q2 ኦቴስ።\f + \fr 6፡9\fr*\ft ሴኬሜይ ጾሳ ኬ ዲዛሶ።\ft*\f*
\q1
\v 10 ዲዢጊንዛ ኢታ ሚሽ
\q2 ኢስራኤሌን ቤያዲስ፤
\q2 ኤፍሬሜይ ኤቃስ ጎይኖኒኔ
\q2 ላይማቴን ቱኒዴስ።
\b
\q1
\v 11 «ኢንቴኖ ዩሁዳ ኣሳቶ!
\q2 ታ ኢንቴና ቃጻያና ጋላስ
\q3 ባራ ዎዲስ።
\c 7
\q1
\v 1 «ታኒ ታ ዴሬ ኢስራኤሌ
\q2 ኣሳ ፓናሲኔ
\q2 ዛራዳ ዱሬሳናስ ኮይዛ ዎዴ፤
\q3 ኤፍሬሜ ናጋራይኔ
\q3 ሳማሪያ ኣሳ ኢታቴ
\q3 ኬሂ ዳሪ ቤቲዴስ።
\q2 ኢስቲ ኢሶይ ኢሳስ ዎርዶቴቴስ፥
\q2 ካይሶቲ ኬ ቦኪ ጌሊዲ
\q2 ካይሶቴቴስ፥
\q2 ፓንጋቲ ኦጌ ቦላ
\q3 ኣሶን ኣሶን
\q2 ቦንቄቴስ።
\q1
\v 2 ጊዶ ኣቲን ታኒ ሃይሳ
\q2 ኢስታ ኢታቴ ዉርሳ ኤሪዛይሳ
\q2 ኢስቲ ኣኬኪቤቴና።
\q1 ሄሳ ጊሻስ ኢስታ
\q2 ኢስታ ናጋራይ ጊዶ
\q2 ዎዴስ፤
\q2 ኢስታ ኢታ ኦሶይ
\q3 ታፔ ጌሚቤና» ጌስ።
\s ካዎ ኬን ዴንዲዳ ኢታ ማቆ
\p
\v 3 ጎዳይ፥ «ኢስቲ ካዎዛ ባ ኢታቴን
\q2 ሃላቃታካ ባንታ ዎርዶን
\q2 ባሌቴስ።
\q1
\v 4 ኢስቲ ዉሪካ ላይማቲዛይታ፥
\q2 ቡኬሶይ ዴንዳና ጋካናስ
\q3 ዳቦ ኡኪዛዴይ
\q2 ታማ ኤናስ
\q3 ኮሾንታ ሴሊሲዳ ጮጬ ማላ።
\q1
\v 5 ኑ ካዎዛ ባኣሌ ጋላስ
\q2 ሃላቃቲ ዎይኔ ኡሻን
\q3 ማ ሌላ ጊዳ።
\q2 ኢዚካ ቂዛይታራ ዙፔቲዴስ።
\q1
\v 6 ኢስታ ዎዚናይ
\q2 ጮጬ
\q2 ታማ ማላ ሴሊዴስ፤
\q2 ጌኔን ኢዛኮ ሺቄቴስ።
\q2 ኢስቲ ኦማርሲ ኩሜ
\q3 ሃንቆ ጩዋቲሼ ኣቄቴስ
\q2 ዎንቴ ጋላስ ኤጺዛ ታማ ማላ
\q3 ፖፖልኡ ጌቴስ።
\q1
\v 7 ዉሪካ ታማ ጮጬ ማላ ሴሊዳይታ፤
\q2 ባንታና ኣይሲዛይታ
\q3 ዲፒ ሂስቲ ዉርሲዳ።
\q2 ኢስታ ካዎቲካ ኩንዲዳ፤
\q2 ኢስታፌ ኦኒካ
\q2 ታኮ ሺቂቤና።
\s ኢስራኤሌ ኣሳይ ሃራ ካዎቴታራ ዋላኬቲዴስ
\b
\q1
\v 8 «ኤፍሬሜይ ሃራ ካዎቴታራ ዋላኬቲዴስ፤
\q2 ኢዚ ሺሬቶንታ ኣቲዳ
\q3 ኡኬ ማላ።
\q1
\v 9 ኣላጋቲ ኢስታ ዎልቃ ሚዳ፤
\q2 ጊዶ ኣቲን ኢስቲ ሄሳ
\q2 ኤሪቤቴና።
\q2 ኢዛ ሁኤይ ፑሉን ጫዲዴስ፤
\q2 ጊዶ ኣቲን ኢዚ ሄሳ ኤሪቤና።
\q1
\v 10 ኢስራኤሌ ኣሳ ኦቶሬቴ
\q2 ኢስታ ቦላ ማርካቴስ፤
\q2 ሄሲ ዉሪ ሃኒንካ
\q2 ኢስቲ ጎዳ ባንታ ጾሳኮ
\q2 ሲሚቤቴና፤
\q2 ኢዛካ ኮዪቤቴና።
\b
\q1
\v 11 «ኢስራኤሌ ኣሳይ ኤሌ ባሌቲዛኔ
\q2 ቆፋይ ባይንዳ
\q2 ሃራጴ ካፎ ማላ።
\q2 ኢሲቶ ጊብጼ ጼይጌስ፤
\q2 ሃራ ዎዴ
\q2 ቃሴ ኣሶሬኮ ሲሜስ፤
\q1
\v 12 ኢስቲ ፒራሺን ታ ጊቴ
\q2 ኢስታ ቦላ ዬጋና፤
\q2 ሳሎ ካፎታ ማላ
\q2 ዱጌ ጎቻ ዎና፤
\q2 ኢስቲ ኦዳ ኢታ ኦሶ ጊሻስ
\q2 ታ ኢስታ ዴሬ ሲንን
\q2 ቃጻያና።
\q1
\v 13 ኢስቲ ታፔ ሃኪ ቢዳ ጊሻስ
\q2 ኢስታስ ኣዬ ኣና!
\q2 ታ ቦላ ኢስቲ ማካሊዳ ጊሻስ
\q2 ኢስታ ቦላ ይሲዛዚ ዮ፤
\q2 ታኒ ኢስታ ዎዛና ኮያዲስ፤
\q2 ኢስቲ ጊዲኮ ታ ቦላ
\q3 ዎርዶ ሃሳዬቴስ።
\q1
\v 14 ኢስቲ ባ ሂጻ ቦላ
\q2 ኢቺዲ ዬኬቴስ፤
\q2 ጊዶ ኣቲን ዎዚናፔ
\q2 ታኮ ዎሴቴና፤
\q3 ካሲኔ
\q2 ኡሻስ ሺቄቴስ፤
\q3 ጊዶ ኣቲን ታፔ ሼርኢ ጊዳ።
\q1
\v 15 ታኒ ኢስታ ታማርሳዲሲኔ
\q2 ኢስታ ሚንዲስ፤
\q2 ኢስቲ ጊዲኮ ታ ቦላ ዴንዲዳ።
\q1
\v 16 ታፔ ሃኪዲ
\q2 ሃዳ ሚሻኮ ሲሚዳ፤
\q2 ኢስቲ ጫዳና ጾንጊን
\q3 ዎራ ቢዛ ቶራ ማላ።
\q2 ኢስታ ካሌዛይቲካ
\q2 ባንቲ ሃሳይዛ ኢታ
\q2 ቃላ ጋሶን
\q2 ማሻን ዉራና፤
\q2 ሄሳፌ ዴንዶይሳን ኢስቲ ጊብጼ
\q2 ቢታን ቂስ ኣታና።
\c 8
\s ኢስራኤሌ ኣሳ ቦላ ዪዳ ጎዳ ሃንቆ
\q1
\v 1 «ኣሳይ ታናራ ዲዛ
\q2 ጫቆ ቃላ ላሊዴስ፤
\q2 ታ ዎጋ ቦላካ ማካሊዴስ።
\q2 ሄሳ ጋሶን ሞርኬይ
\q2 ኣርጋን ማላ
\q3 ጎዳ ኬ ቦላ
\q2 ኣላንስ።
\q2 ሄሳ ጊሻስ
\q2 ኢስቲ ናጌታና ማላ
\q2 ዛዬ ፑና!
\q1
\v 2 ኢስቲካ፥ ‹ጾሳዉ!
\q2 ኑ ኔና ኤሮስ› ጊሼ
\q2 ታኮ ዋሴቴስ።
\q1
\v 3 ጊዶ ኣቲን ኢስራኤሌ ኣሳይ
\q2 ሎኦ ሚሽ ኢጺዳ ጊሻስ
\q2 ሞርኬይ ኢስታ ጎዳና።
\b
\q1
\v 4 «ታ ሼኔ ጊዶንታ ኢስቲ ባስ
\q2 ካዎታ ካዎዳ፤
\q2 ታና ኦይቾንታ ዲሼ
\q2 ዳናታ ዶሪዳ፤
\q2 ባ ቢራፔኔ ባ ዎርቃፌ
\q2 ባና ይሳና ኤቃ ጾሳታ
\q3 ባስ ኦዳ።
\q1
\v 5 ሳማሪያ ዴሬ ኣሳቶ!
\q2 ማሪ ሚሳቲሲ ኢንቴ ሜዳ
\q2 ኤቃ ጾሳቲ ታና ሻቴቴስ።
\q2 ታ ሃንቆይ ኢንቴ ቦላ
\q3 ታማ ማላ ኤጼስ፤
\q2 ኢንቴ ሞሮ ኦሶን
\q3 ኣይዴ ጋካናስ ኢንቴ ጋምኣኔ?
\q1
\v 6 ሂላንቻይ ማራ ሚስሌ
\q2 ሜዳ ኤቃ ጾሳቲ
\q2 ጾስ ጊዳናስ ዳንዳዬቴና።
\q2 ሄሳ ጊሻስ
\q2 ማር ሚሳቲ ኦሴቲዳ
\q2 ሳማሪያ ኤቃ ጾሳቲ
\q3 ሜቄሬቲ ዎና።
\q1
\v 7 ኢስቲ ጫርኮ ዜሪዲ ጎቴ ሺሻና፤
\q2 ቡጻ ቦላ ኣይፌይ ዴና፤
\q2 ሌይካ ቤቴና፤
\q2 ኣይፊኮካ ኣላጋቲ ማና።
\q1
\v 8 ኢስራኤሌይ
\q2 ሃራ ካዎቴታ ጊዶን
\q2 ሂራይሶ ሚሻ ማላ ጊዲዳ።
\q1
\v 9 ባርካ ባዞ ቢታን ቶይላቲዛ
\q2 ሃርዲዳ ማላ
\q2 ጌዴ ኣሶሬ ዴሬ ቢዳ።
\q2 ባና ማዳና ማላ
\q2 ካዎታስ ሚሼ ኢሚዲ
\q2 ባስ ዳቦ ሻሚዳ።
\q2
\v 10 ኢስቲ ባና ካዎታስ
\q3 ኣ ባይዚኮካ
\q2 ሃኢ ታ ኢስታ ሺሻና፤
\q2 ካዎቲኔ ዳናቲ
\q2 ኢስታ ቦላ ጋዛ
\q2 ሜቶፔ ዴንዲዳይሳን
\q2 ኢስቲ ጉጺ ጉጺ ባና።
\b
\q1
\v 11 «ኤፍሬሜይ ናጋራ ዉርሳናስ
\q2 ዳሮ ያርሾሶሆ ኦዴስ፤
\q2 ጊዶ ኣቲን ሄ ያርሾሶሆቲ
\q2 ናጋራ ኦዛሶ ጊዲዳ።
\q1
\v 12 ታ ኢስታስ ታ ዎጋ ጋርሳን ዲዛ
\q2 ዳሮ ሚሻታ ጻፋዲስ።
\q2 ኢስቲ ጊዲኮ
\q3 ሃዳ ሚሻ ማላ ቆዲዳ።
\q1
\v 13 ኢስቲ ሎኦ ያርሾ ሺሼቴስ
\q2 ሄ ያርሾ ኣሾዛካ ሜቴስ፤
\q2 ጊዶ ኣቲን ጎዳይ
\q3 ኢስታን ኡፋዬቲቤና።
\q2 ሄሳ ጊሻስ ኢዚ ኢስታ
\q3 ኢታቴ ዛሪ ቆፓና፤
\q2 ኢስታ ናጋራ ጊሻስ ቃጻያና።
\q2 ኢስቲካ ጊብጼ ሲማና።
\b
\q1
\v 14 «ኢስራኤሌ ዴሬይ
\q2 ባስ ጊታ ካዎቴ
\q2 ኬታ ኬጺዴስ፤
\q2 ጊዶ ኣቲን ባና ሜዳይሳ ባሊዴስ።
\q2 ዩሁዳ ዴሬይካ ዳሮ ሚኖ
\q3 ካታማታ ኦዴስ፤
\q2 ጊዶ ኣቲን ታኒ ሄ ካታማታ ቦላ
\q3 ታማ ዬዳና፤
\q2 ኢስታ ሚጻታካ
\q3 ታማይ ማና» ጊዴስ።
\c 9
\s ኢስራኤሌ ቦላ ያና ቂጻቴ
\q1
\v 1 ኢስራኤሌ ኣሳዉ! ኡፋዬቶፍቴ!
\q2 ሃራ ካዎቴታ ማላ
\q3 ኡፋይስ ኖጮጩ ጎፒቴ!
\q2 ኣይስ ጊኮ ኢንቴ ኢንቴ ጾሳስ
\q3 ኣማኔቲቤኬታ
\q2 ካ ባሌ ኡባን
\q2 ላይማቴስ
\q3 ኢሚዛ ዋጋ ዶሲዴታ።
\q1
\v 2 ሄሳ ጊሻስ ሃይሳፌ ጉዬ
\q2 ኢንቴ ካ ባሌፔ ካ፥
\q2 ዎይኔ ጉምኢዛሶሆፔ
\q3 ዎይኔ ኡሹ ዴሜኬታ።
\q2 ኦራ ዎይኔ ኡሺካ
\q3 ኢንቴስ ፓጫና።
\q1
\v 3 ኢስራኤሌ ዴሬይ ጎዳይ
\q2 ኢስታስ ኢሚዳ ቢታን ኡቴና።
\q2 ኤፍሬሜይ ዱጌ ጊብጼ ሲማና፤
\q2 ኣሶሬካ ቢዲ ቱኒዳ ካ ማና።
\q1
\v 4 ሄን ጎዳስ ዎይኔ ኡሹ
\q3 ያርሻናስ ዳንዳዬቴና፤
\q2 ኢስታ ያርሾይካ
\q2 ጎዳ ኡፋይሴና።
\q2 ሄሳ ጊሻስ ኢስታስ ያርሾዚ
\q3 ሾቻ ካ ጊዳና፤
\q2 ኢዛ ሚዛ ኡባይ ቱናና።
\q2 ሄ ካዚ ጮ ጋፋስ
\q3 ሚዛ ካ ጊዳና ኣቲን
\q2 ጎዳ ኬ ያርሾስ ሺቄና።
\q1
\v 5 ሂስቲን ኢንቴ ዱማ ዱማ
\q2 ባኣሌ ጋላሳታኒኔ
\q2 ጎዳ ባኣሌ ጋላሳታን
\q2 ኣይ ኦቲ?
\q1
\v 6 ኢስቲ ባሻፌ ኣታናስ ቤቲኮካ
\q2 ጊብጼይ ኢስታ ሺሻና፤
\q2 ሜምፒሳ ጌቴቲዛሶን
\q2 ኢስታ ሞጋና፤
\q2 ኢስቲ ሃሪዳ ቢራይ ዉሪካ
\q3 ሻራፋ ማይኢ ኣታና፤
\q2 ኢስታ ዱሳሶ
\q2 ኡባ ኣጉን ላታና።
\b
\q1
\v 7 ቃጻያና ዎዴይ ጋኪዴስ፤
\q2 ፒርዳ ጋላሲካ ጋኪዴስ፤
\q2 ሄሳ ኢስራኤሌ ኣሳይ ኤሮ።
\q1 ኢንቴ ኦዳ ናጋራይ
\q2 ዳሮ ጊዲዳ ጊሻሲኔ
\q2 ኢንቴ ሞርኬቴ ጊታ ጊዲዳ
\q2 ጊሻስ ናቤይ ኤያ ማላ፥
\q2 ጾሳ ኣያናይ ኢዛ ቦላ
\q2 ሼምፒዳዴይ
\q3 ጎሻ ማላ ቆዴቲዴስ።\x - \xo 9፡7 \xo*\xt ሉቃ 21፡22\xt*\x*
\q1
\v 8 ናቤይ ጾሳራ ጊዲዲ
\q2 ኤፍሬሜ ናጊዛዴ፤
\q2 ጊዶ ኣቲን ኢዛ ኦጌ
\q3 ኡባን ዎጺማዴይ፥
\q2 ኢዛ ጾሳ ኬን ኢጾይ
\q2 ኢዛ ናጌስ።
\q1
\v 9 ኢስራኤሌ ኣሳይ
\q2 ካሴ ጊቢኣ ዎዴ ዲዛ
\q2 ኣሳ ማላ ኬሂ ቱኒዴስ፤
\q2 ጾሲ ኢስታ ቆሆዛ ቆፒዲ
\q2 ኢስታ ናጋራ ጊሻስ
\q3 ኢስታ ቃጻያና።\x - \xo 9፡9 \xo*\xt ዳና 19፡1-30\xt*\x*
\s ናጋራ ጋሶን ኢስራኤሌ ኣሳ ኩንዴ
\p
\v 10 ጎዳይ፥ «ታኒ ኢስራኤሌ ኣሳ
\q2 ዴሚዳ ዎዴ ታስ ባዞ ቢታን
\q2 ዎይኔ ሚ ኣይፌ
\q3 ዴሚዳ ሚሳቲዴስ።
\q2 ታኒ ካሴ ኢንቴ ኣዋታ
\q2 ቤኢዳ ዎዴ
\q2 ታስ ኮይሮ ካጺዳ ባላሴ ሚ
\q3 ኣይፌ ቤኢዳ ሚሳቲዴስ።
\q2 ኢስቲ ባኣሊ-ፔኦሬ ጋኪዳ ዎዴ
\q2 ባንታናቴ ዬላቺዛ
\q3 ኤቃ ጾሳስ ዱማሲዳ።
\q2 ኢስቲካ ሄ ባ ሲቂዛ
\q3 ኤቃ ጾሳ ማላ ቱኒዳ።\x - \xo 9፡10 \xo*\xt ታይ 25፡1-5\xt*\x*
\q1
\v 11 ኤፍሬሜ ቦንቾይ
\q2 ካፎይ ፒራዛ ማላ
\q2 ፒራ ያና፤
\q2 ሃይሳፌ ጉዬ ና ቃንቴ፥
\q2 ሻራይኔ ና ዬሎይካ ዴና።
\q1
\v 12 ና ዬሊዲ ዲቺኮካ
\q2 ኢስቲ ማና ጋካናስ
\q3 ታ ኢስታ ዎና።
\q2 ታ ኢስታፌ ታ ኣይፌሶ ዛሪዳ ዎዴ
\q3 ኢስታስ ኣዬ ኣና!
\q1
\v 13 ኤፍሬሜይ ጺሮሴ ማላ
\q2 ሎኦ ጋዴን ቶኬቲን ቤኣዲስ፤
\q2 ሃኢ ጊዲኮ ኤፍሬሜይ
\q2 ባ ናይታ ሼምፖ ዎዛይታስ
\q3 ኣ ኢማና።
\q1
\v 14 ጎዳዉ! ኔ ሃ ዴራስ
\q2 ኣይ ኢማኔ?
\q2 ኣዉጫዪዛ ኡሎኔ
\q2 ሹላ ን ኢማ!
\s ኢስራኤሌ ኣሳ ቦላ ጾሳ ፒርዳ
\b
\q1
\v 15 «ኢስቲ ጌልጌላን
\q2 ኦዳ ኢታቴ
\q2 ጋሶን ታ ኢስታ ኢጻዲስ፤
\q2 ኢስቲ ኦዳ ኢታ ኦሶ ጊሻስ
\q2 ታ ኬፌ ታ ኢስታ ጎዳና፤
\q3 ሃይሳፌ ጉዬካ
\q2 ታ ኢስታ ዶሲኬ፤
\q2 ኢስታ ካሌዛይቲ
\q3 ኡባይ ማካላንቻታ።
\q1
\v 16 ኤፍሬሜይ ሾጬቲዴስ፤
\q2 ኢስታስ ጻጶይካ ሜሊዴስ፤
\q2 ኢስቲ ኢሻሎን ዲቺዳ ናይታ
\q3 ታ ዎና» ጌስ።
\s ሆሴኤይ ኢስራኤሌ ኣሳ ሴሪዴስ
\b
\q1
\v 17 ኢስቲ ኣዛዜቶንታ ኢጺዳ ጊሻስ
\q2 ታ ጾሲ ኢስታ ዬጊ ኣጋና፤
\q2 ኢስቲካ ካዎቴታ ጊዶን
\q3 ጮ ቶይላታና።
\c 10
\q1
\v 1 ኢስራኤሌ ኣሳይ ዳዪዳ
\q2 ዎይኔ ሚ ማላ።
\q2 ኢስቲ ዳሮ ኣይፌ ኣይፊዳ፤
\q2 ኣይፌዚ ዳሪዳ ኬና
\q3 ዳሮ ያርሾሶሆ ሜዳ።
\q1 ኢስታ ቢታያ ሎኦ ኣይፌ ኢማዳ
\q2 ኢስታ ዱሬሲዳ ማላ
\q2 ኢስቲ ጎይኒዛ ቱሳታ ኣሌቄሲዳ።
\q1
\v 2 ኢስታ ዎዚናን ጌኔይ ኩሚዴስ፤
\q2 ኢስቲ ባ ኦዳ ጌኔዛ
\q2 ዋጋ ኤካና።
\q2 ጎዳይ ኢስቲ ያርሾ
\q2 ያርሺዛሶሆታ
\q3 ኡባ ላላና።
\q2 ኢስቲ ጎይኒዛ ኤቃ ጾሳ
\q3 ቱሳታካ ሾዳና።
\p
\v 3 ኢስቲካ፥ «ኑስ ካዎይ ዴና፤
\q2 ኑኒ ጎዳ ቦንቾንታ
\q2 ጊሻስ ካዎይ ዲዛኮካ
\q2 ኢዚ ኑስ ኣይ ኦኔ?» ጋና።
\q1
\v 4 ኢስቲ ዎርዶራ ጫቂዲ
\q2 ቃላ ጌሌቴስ፤
\q2 ሃዳ ሂዶታ ኦቴስ፤
\q2 ሄሳ ጊሻስ ካ ጊዶን
\q2 ማርዜራ ዲዛ ሃሩማ ማታይ
\q3 ሞኪዛ ማላ
\q2 ኢስታ ጊዶን ጌኔ ፒርዳይ ዳራና።
\q1
\v 5 ሳማሪያ ካታማን ዲዛ ዴሬይ
\q2 ቤቲ-ኣዌኔን ዲዛ
\q3 ማራ ሚስሌን ኦሴቲዳ
\q2 ኤቃ ጾሳስ ያዬስ።
\q2 ኢዛፔ ቦንቾይ ቃሬቲ
\q2 ኪቺዳ ጊሻስ
\q2 ኣሳይ ዬኬስ።
\q2 ሄ ኤቃ ሚስሌዛ ቄሴቲካ
\q2 ዋሴቴስ።
\q1
\v 6 ሄ ኤቃ ሚስሌዚ ጊታ ጊዲዳ
\q2 ኣሶሬ ካዎስ ኪያቴ ኢሜታና።
\q2 ኤፍሬሜይ ካዉያና፤
\q2 ኢስራኤሌይካ ባንታ ኤቃ
\q2 ጾሳ ጊሻስ ዬላታና።
\q1
\v 7 ሳማሪያ ካዎይ
\q2 ሃ ጎፖንቶ ማላ
\q2 ጮ ያና።
\q1
\v 8 ኢስራኤሌስ ናጋራ ጊዲዳ
\q2 ቤት-ኣዌኔን ጎይኒዛሶሆ
\q3 ዙምቡላዚ ያና፤
\q2 ኦካይኔ ኦሃይ ሞካና፤
\q2 ሄ ዎዴ ዴሬይ ዙማታ፥
\q3 «ኑና ቆቲቴ!»
\q2 ዙምቡላታካ
\q2 «ኑና ካሚቴ!» ጋና።\x - \xo 10፡8 \xo*\xt ሉቃ 23፡30፤ ኣጁ 6፡16\xt*\x*
\s ጎዳይ ኢስራኤሌ ኣሳ ቃጻያና
\p
\v 9 ጎዳይ፥ «ኢስራኤሌ ኣሳዉ!
\q2 ጊቢኣን ናጋራ ኦሶፔ
\q2 ሃች ጋካናስ
\q2 ጌባኦኔን ናጋራ ኦዛይታ
\q3 ኦላይ ዉርሲቤኔ?\x - \xo 10፡9 \xo*\xt ዳና 19፡1-30\xt*\x*
\q1
\v 10 ታኒ ኮይዛ ዎዴ ኢስታ ቃጻያና፤
\q2 ኢስቲ ኦዳ
\q2 ዳኮ ናጋራ ጊሻስ
\q2 ቂጻቴይ ኢስታ ቦላ ጋካና፤
\q2 ካዎቴቲ
\q2 ኢስታ ቦላ ዴንዳና።
\q1
\v 11 ኢስራኤሌይ ካ ቡካናስ
\q2 ዶሲዛ ሜሄ ማላ፤
\q2 ጊዶ ኣቲን ሎኢዛ ኢዚ ሞርጌ ቦላ
\q2 ቃምባራ ዎና፤
\q2 ኤፍሬሜ ዋጻና፤
\q2 ዩሁዳይ ጎያና፤
\q2 ያቆቤ ናይቲ
\q2 ዋጼቲዲ ቢታ ፒጻና።
\q1
\v 12 ጎዳይ ዪዲ ጺሎቴ
\q2 ኢንቴ ቦላ ኢራ ማላ
\q2 ቡኪሳና ጋካናስ
\q2 ሃና ኢንቴ ኢዛ ኮይዛ ዎዴ
\q2 ጊዲዳ ጊሻስ ኦ ጎዪቴ፤
\q2 ኢንቴስ ጺሎቴ ዜሪቴ፤
\q2 ሚኖ ሲቆ ኣይፌ ማጺቴ።\x - \xo 10፡12 \xo*\xt ኤር 4፡3\xt*\x*
\b
\q1
\v 13 «ኢንቴ ጊዲኮ ኢንቴ ዎልቃኒኔ
\q2 ኢንቴ ኦላ ቃራታ ዳሮቴን
\q2 ኣማኔቲዲ ኢታቴ ዜሪዴታ፤
\q2 ናጋራ ሺሺዴታ፤
\q2 ዎርዶቴ ኣይፌ ሚዴታ።
\q1
\v 14 ሺሊማኔይ ቤቲ-ኣርቤሌ
\q2 ጌቴቲዛ ካታማ ኦላን ካሴ
\q2 ላሊዳይሳኔ
\q2 ኣዬታ ናይታራ ጋ
\q2 ቢታ ቦላ
\q3 ዲንጬሬ ዉርሲዳ ማላ
\q3 ሺሮይ ዴራ ቦላ ያና።
\q2 ኢንቴ ዴሬ ኣሳ ቦላ ዎልቃማ
\q3 ኦላይ ያና፤
\q2 ኢንቴ ሚጻይ ላሌታና።
\q1
\v 15 ቤቴሌ! ኔ ኢታቴ
\q2 ጊታ ጊዲዳ ጊሻስ
\q2 ኔ ቦላካ ሄሳ ሃናና፤
\q2 ሄ ጋላሳያ ጋኪዛ ዎዴ
\q3 ኢስራኤሌ ካዎይ
\q3 ሙሌራ ያና» ጌስ።
\c 11
\s ኢስራኤሌስ ጎዳ ሲቆ
\p
\v 1 ጎዳይ፥ «ኢስራኤሌይ ቡሮ
\q2 ዪን ዲሺን ዶሳዲስ።
\q2 ሂስታዳ ታ ናዛ
\q2 ታ ጊብጼ ቢታፌ ጼይጋዲስ።\x - \xo 11፡1 \xo*\xt ኬሳ 4፡22፤ ማቶ 2፡15\xt*\x*
\q1
\v 2 ጊዶ ኣቲን ታ ኢስታ ጼይጊዳ ኬና
\q2 ኢስቲ ታፔ ጌዴ
\q2 ሃኪ ሃኪ ቢዳ።
\q2 ባኣሌስ ያርሾ ሺሺዳ፤
\q2 ኢዛ ሚስሌታሲካ
\q2 ኤጻኔ ጩዋሲዳ።
\q1
\v 3 ኤፍሬሜስ ኩሼዛ ኦይካዳ
\q2 ሄሜ ታማርሲዳይ ታና፤
\q2 ጊዶ ኣቲን ኢስታ ፓዳይ
\q3 ታና ጊዲዳይሳ
\q3 ኢስቲ ኤሪቤቴና።
\q1
\v 4 ታ ኢስታ ቃታ ዎዶሮኒኔ
\q2 ሲቆ ሳንሳላታን
\q2 ታኮ ሺሻዲስ፤
\q2 ኢስታ ሞርጌፌ
\q2 ቃምባራ ዴንዲስ፤
\q2 ዚቂ ጋ ሆካዳ ኢስታ ሚዛዲስ።
\b
\q1
\v 5 «ሂስቲን ኢስቲ
\q2 ማሮቴን ጌሎንታ ጊሻስ
\q2 ዱጌ ጊብጼ ሲሜቴኔ?
\q2 ኣሶሬይ ኢስታ ሃሬኔ?
\q1
\v 6 ኢስታ ኢታ ሃልቾ ጊሻስ
\q2 ሞርኬ ቶራይ ኢስታ
\q3 ካታማታ ኦላና፤
\q2 ኢስታ ካታማታ ፔንጌታካ
\q3 ሜንሬ ዬጋና።
\q2 ኢስቲካ ሙሌራ ያና።
\q1
\v 7 ታ ዴሬይ
\q2 ታፔ ሃካናስ ኮዪዴስ፤
\q2 ጊዲኮካ ኢስቲ ታኮ ኡባፌ
\q3 ዎልቃማ ጾሳኮ ዋሲኮ
\q2 ታ ኢስታ ኣሺኬ።
\b
\q1
\v 8 «ኤፍሬሜ! ታ ኔና
\q2 ዎስታ ኣጋጋኔ?
\q2 ኢስራኤሌ ታ ኔና
\q3 ዎስታ ኣ ኢማኔ?
\q2 ታ ካሴ ኣዳማኒኔ
\q3 ጻቦይሜን ኦዳይሳ
\q3 ዎስታ ኔ ቦላ ኦ?
\q2 ታ ዎዚናይ ጊዶን ቃጺዴስ፤
\q2 ታ ማሮቴይ
\q3 ኔና ኣሻና ዴንዲዴስ።\x - \xo 11፡8 \xo*\xt ዛሬ 29፡23\xt*\x*
\q1
\v 9 ታኒ ኢንቴ ጊዶን ዲዛ ጌሻ
\q2 ጾሳ ኣቲን ኣስ ጊዲኬ።
\q2 ታ ሃንቆራ ኢንቴኮ ዪኬ፤
\q2 ታ ቦሻ ሃንቆ
\q2 ኢንቴ ቦላ ዬዲኬ፤
\q2 ኤፍሬሜ ዛራዳ ይሲኬ።
\b
\q1
\v 10 «ታኒ ጎዳይ ኢስታ ኣሻናስ
\q2 ጻጊዛ ጋሞ ማላ
\q2 ታኒ ታ ቃላ ሲሲሺን
\q3 ኢስቲ ታና ካላና፤
\q2 ታ ናይቲ ኮኮሪሼ
\q3 ኣርሼይ ሞኪዛ ባጋፌ ያና።
\q1
\v 11 ጊብጼፔ ካፎ ማላ
\q2 ኣሶሬፔ ሃራጴ ማላ
\q2 ፒራ ያና።
\q2 ታኒ ኢስታ ኢስታሶሆን
\q3 ዎና» ጌስ።
\s ኢስራኤሌ ናጋራኔ ዩሁዳ ናጋራ
\p
\v 12 ጎዳይ፥ «ኤፍሬሜ ዎርዶን
\q2 ኢስራኤሌይካ ጌኔን
\q3 ታና ጊዶዴስ፤
\q2 ዩሁዳይ ጾሳስ
\q2 ሃሬቶንታዴ፤
\q2 ኣማኔቲዳ ጌሻዛራ
\q3 ኤቄቲዛዴ» ጌስ።
\c 12
\q1
\v 1 ኤፍሬሜይ ጫርኮ ሄንንቻ፤
\q2 ጋላስ ኩሜ ኣርሼይ ሞኪዛ
\q2 ባጋ ጫርኮ ካሌስ፤
\q2 ዎርዶኔ ማካላ ዳሪሴስ።
\q2 ኣሶሬ ዴራራ
\q2 ጫቆ ቃላ ጌሌስ፤
\q2 ዎጋራ ዛይቴ ጊብጼ ቢታ ዬዴስ።
\q1
\v 2 ጎዳይ ዩሁዳ ዴራ ቦላ
\q2 ሺሺዛ ሞቶይ ዴስ፤
\q2 ኢዚ ያቆቤ ኢዛ
\q3 ሃኖታ ማላ ቃጻያና።
\q2 ኢዛ ኦሶ ማላ ኢዛስ ኢማና።
\q1
\v 3 ያቆቤይ ቡሮ
\q2 ባ ኣዬይ ኡሎን ዲሼ
\q2 ባ ኢሻ ቶሆ ቂርጴ ኦይኪዴስ፤
\q2 ኣሳ ዛዋ ጋኪዳፔ ጉዬ
\q3 ጾሳራ ባጼቲዴስ።\x - \xo 12፡3 \xo*\xt ሜ 25፡26\xt*\x*\x - \xo 12፡3-4 \xo*\xt ሜ 32፡24-26\xt*\x*
\q1
\v 4 ኪታንቻራ ባጼቲዲ
\q2 ኢዛ ጾኒዴስ፤
\q2 ኢዛ ሲንን ቴማ ዴማናስ
\q3 ዬኪ ዎሲዴስ፤
\q2 ኢዛካ ቤቴሌን ዴሚዴስ፤
\q2 ሄን ኢዛራ ሃሳዬቲዴስ።\x - \xo 12፡4 \xo*\xt ሜ 28፡10-22\xt*\x*
\q1
\v 5 ጎዳይ ኡባፌ ዎልቃማ ጾሳይ
\q2 ኢዛስ ኤሬቲዳ ሱንይ ጎዳ።
\q1
\v 6 ሄሳ ጊሻስ ኔ ጾሳኮ ሲማ፤
\q2 ሲቆኔ ቱሙ ፒርዳ
\q2 ሎኤ ኦይካ፤
\q2 ኡባ ዎዴ
\q2 ኔ ጾሳን ኣማኔታ።
\b
\q1
\v 7 «ዛልኣንቻቲ
\q2 ዎርዶ ጌዳራን ባይዜቴስ፤
\q2 ሾጬቾካ ዶሴቴስ።
\q1
\v 8 ኤፍሬሜይ፥ ‹ታኒ ዱሬ፤
\q2 ታ ዱሬታዲስ፤
\q2 ታስ ሃይሲ ኡባይ ዲሺን
\q3 ኣይ ቆሆይካ
\q3 ዎይኮ ናጋራይ
\q2 ታ ቦላ ጋኬና›
\q3 ጊ ጬቄቴስ።
\b
\q1
\v 9 «ኢንቴና ጊብጼ ቢታፌ ኬሲዳ
\q2 ጎዳ ኢንቴ ጾሳይ ታና፤
\q2 ላይ ባኣሌ ጋላስ
\q3 ካሴ ኢንቴ ኦዛ ማላ
\q2 ኢንቴ ኢንቴ ዱንካኔን ዳና ማላ
\q3 ታ ኦና።\x - \xo 12፡9 \xo*\xt ሌዌ 23፡42-43\xt*\x*
\b
\q1
\v 10 «ታኒ ካሴታዳ ናቤታስ ዮታዲስ፤
\q2 ዳሮ ኣጁታ ታ ኢስታ ቤሳዲስ፤
\q2 ኢስታ ባጋራ ሌሚሶን ዮታዲስ።
\q1
\v 11 ጋላኣዴን ኢታቴ ኩሚዴስ፤
\q2 ኣሳይካ ሹፉሮ ጻላ።
\q2 ጌልጌላን ሚርጎታ ያርሾስ
\q2 ሺሺዞ?
\q2 ኢስታ ያርሺዛሶይ ሜቄሬቲዲ
\q3 ጎሻ ጊዶን ኮሬቲዳ
\q3 ሹቻ ማላ ጊዳና» ጌስ።
\b
\q1
\v 12 ያቆቤይ ሜስጴጾሚያ
\q2 ባቃቲዴስ፤
\q2 ኢስራኤሌይ ማቾ ኤካናስ
\q3 ሄን ሃጋዚዴስ፤
\q2 ኢዚስ ኢማና ጪሎሻ ጊሻስ
\q3 ዶርስ ሄሚዴስ።\x - \xo 12፡12 \xo*\xt ሜ 29፡1-20\xt*\x*
\q1
\v 13 ጎዳይ ናቤ ባጋራ ኢስራኤሌ
\q2 ጊብጼፔ ኬሲዴስ፥
\q2 ናቤዛ ባጋራ ኢስታ
\q3 ኢሻልሲ ኦይኪዴስ።\x - \xo 12፡13 \xo*\xt ኬሳ 12፡50-51\xt*\x*
\q1
\v 14 ጊዶ ኣቲን ኤፍሬሜይ
\q2 ኢዛ ኬሂ ሃንቄዴስ፤
\q2 ኢዛ ጎዳይ ኢዚ ሱ ጉሲዳ ማላ
\q3 ቆሆዛ ኢዛ ቦላ ጋና፤
\q2 ኢዚ ሌቂዛ ሌቆዛ ጊሻስ
\q3 ኢዛስ ቤሲዛዝ ቃንጻና።
\c 13
\s ኢስራኤሌ ቦላ ያና ዉርሴ ፒርዳ።
\q1
\v 1 ኤፍሬሜይ ኢስራኤሌ ዴሬዛ ጊዶን
\q2 ቦንቼቲ ዲዛ ጊሻስ
\q3 ኢዚ ሃሳይሺን ኣሳይ
\q3 ኡባይ ኮኮሬስ።
\q2 ጊዶ ኣቲን ባኣሌስ
\q2 ጎይኒዳ ጊሻስ
\q3 ቆሂዴስ፤ ሃይቂዴስ።
\q1
\v 2 ሃኢካ ናጋራ ቦላ
\q2 ናጋራ ጉጂዳ፤
\q2 ባንታ ጪንጫቴን ሚስሌታ
\q3 ባስ ጊግሲዳ፤
\q2 ቢራፔ ኤቃ ጾሳታ
\q2 ባንታስ ሜዳ፤
\q2 ሄይቲ ዉሪካ
\q2 ኣሳ ኩሼን ኦሴቲዳይታ፤
\q2 ሃይታ ሃ ኣሳታ ጊሻስ፥
\q3 «ኣስ ያርሾ ሂስቲ ሺሼቴስ፤
\q3 ማራ ሚስሌን ኦሴቲዳ ኤቃ
\q3 ጾሳታ ዬሬቴስ» ጌቴቲዴስ።
\q1
\v 3 ሄሳ ጋሶን ኢስቲ ዎንታ
\q2 ማላዶ ሻራ ማላ
\q2 ጮ ቲምኢ ጋና፤
\q2 ማላዶ ጻዛ ማላካ ጮ
\q2 ዎ ያና፤
\q2 ዎይኮ ባንጋ ቡኪዛ ባሌፔ
\q3 ጎቴ ጫርኮይ ኤፊዛ
\q3 ሱላ ማላ ጊዳና፤
\q2 ዎይኮ ኬፌ
\q2 ኬዚዲ ቤቲሼ
\q2 ጮ ይዛ ጩዋ ማላ ጊዳና።
\p
\v 4 ጎዳይ፥ «ኔና ጊብጼፔ ኬሲዳይ
\q2 ታና ጎዳ ኔ ጾሳ፤
\q2 ኔስ ታፔ ኣቲን
\q3 ሃራ ጾሲ ዴና፤
\q2 ኔና ኣሺዳይ ታፔ ኣቲን
\q3 ሃራ ጾስ ጊዴና።
\q1
\v 5 ባዞ ቢታን ካኔ ሃ ባይንዳሶን
\q2 ኔና ኢሻልሳ ዎዲስ።
\q1
\v 6 ጊዶ ኣቲን ታ ሚዚን
\q2 ኢስቲ ካሊዳ፤
\q2 ካሊዲ ኦቶሬቲዳ፤
\q2 ሄሳፌ ጉዬ ታና ባሊዳ።\x - \xo 13፡5-6 \xo*\xt ዛሬ 8፡11-17\xt*\x*
\q1
\v 7 ሄሳ ጊሻስ ታኒ ኢስታ ቦላ
\q2 ጋሞ ማላ ያና፤
\q2 ማሄ ማላ ኦጌ ቦላ
\q2 ዛማዳ ኡታና።
\q1
\v 8 ኢዚ ማራቲ ቦንቄቲዳ ዛርዶ ማላ
\q2 ታ ኢስታ ሾጫናኔ
\q2 ፑዜሬና፤
\q2 ታ ኢስታ ጋሞ ማላ
\q3 ፑዜሬ ሚታና፤
\q2 ዎራ ዶኣ ማላ ዱሴሬና።
\b
\q1
\v 9 «ኢስራኤሌ ዴሬዞ!
\q2 ኔ ታ ቦላ ዴንዲዳ ጊሻሲኔ
\q2 ኔና ማዲዛ ታናራ
\q2 ኔ ኤቄቲዳ ጊሻስ
\q3 ኔ ያና፤
\q1
\v 10 ኔ ታና፥ ‹ታስ ካዎኔ
\q2 ሃላቃታ ኢማ› ጋዳሳ፤
\q2 ሂስቲን ሃኢ ኔና ኣሻና
\q3 ካዎይ ኣዋን ዲዜ?
\q2 ኔ ካታማታን ዲዛ
\q2 ሃላቃቲ ኡባይ
\q3 ሃኢ ኣዋን ዲዞ?\x - \xo 13፡10 \xo*\xt 1ሳሜ 8፡5-6\xt*\x*
\q1
\v 11 ታ ሃንቄታሼ
\q2 ኢንቴስ ካዎ ኢማዲስ፤
\q2 ጊዶ ኣቲን ታኒ ቦሻንካ
\q3 ኢዛ ሻራዲስ።\x - \xo 13፡11 \xo*\xt 1ሳሜ 10፡17-24፤ 15፡26\xt*\x*
\b
\q1
\v 12 «ኤፍሬሜ ቆሆይ ዶሬቲዴስ፤
\q2 ኢዛ ናጋራይካ
\q2 ማዝጋቤን ጻፌቲዴስ።
\q1
\v 13 ሚጻይ ኦይኪዳ ማጫሳ ማላ
\q2 ኢዛ ቦላ ሜቶይ ያና፤
\q2 ኢዚ ጊዲኮ
\q2 ኣ ኤራቴ ባይንዳ
\q3 ኤያ ና፤
\q2 ዬሌቲዛ ዎዴይ ጋኪን
\q2 ባ ኣዬይ ኡሎፔ ዬሌታናስ
\q3 ኮዮንታ ና ማላ።
\q1
\v 14 ታኒ ኔና
\q2 ዱፎ ዎልቃፌ ኣሻና፤
\q2 ሃይቆፔካ ዎዛና።
\q2 ሃይቆ! ኔ ዎዛ
\q2 ዎልቃይ ኣዋን ዲዜ?
\q2 ዱፎዞ! ኔኒ ኣስ ይሲዛ ዎልቃይ
\q3 ኣዋን ዲዜ?
\q2 ታኒ ኢዛስ ቃቲኬ።\x - \xo 13፡14 \xo*\xt 1ቆሮ 15፡55\xt*\x*
\q1
\v 15 ኢዚ ባ ኢሻታ ጊዶን
\q2 ዱሬ ጊዲኮካ
\q2 ጎዳፔ ኪቴቲዳ ጫርኮይ
\q2 ኣርሼይ ሞኪዛ ባጋራ
\q2 ባዞ ቢታፌ ዴንዲዲ ያና።
\q2 ፑልቶይ ቶኣና፤
\q2 ሃ ኦላይካ ሜላና፤
\q2 ኢዛስ ዲዛ ኣልኦ ኣቆታይ
\q3 ሚንጃ ኬፌ ቦንቄታና።
\q1
\v 16 ሳማሪያ ኣሳይ
\q2 ባንታ ጾሳ ቦላ
\q2 ማካሊዳ ጊሻስ
\q2 ባንታ ቆሆ ቶካና፤
\q2 ማሻንካ ሲፌታና፤
\q2 ቄሪ ናይቲ ቢታ ቦላ
\q2 ዲንጬታና፤
\q2 ቃንራ ዲዛ ማጫሳታ
\q3 ኡሎይ ዳኬታና» ጌስ።
\c 14
\s ኣሳይ ማሬታና ማላ ኣዋጄቲዳ ኣዋጃ
\q1
\v 1 ኢስራኤሌ ዴሬዞ!
\q2 ኢንቴ ኢንቴ ናጋራ ጋሶን
\q2 ኩንዲዳ ጊሻስ
\q3 ጎዳ ኢንቴ ጾሳኮ ሲሚቴ።
\q1
\v 2 ፓጼ ቃላ ኤኪ
\q2 ጎዳኮ ሲሚዲ፥
\q2 «ኑ ናጋራ ኡባ ኣቶ ጋ፤
\q2 ኑኒ ኑ ዶናፔ ጋላታ
\q2 ሺሻና ማላ
\q2 ኔ ማሮቴን ኑና ኤካ።
\q1
\v 3 ኣሶሬይ ኑና ኣሼና፤
\q2 ኑኒ ኦላ ፓራታንካ
\q2 ኣማኔቶኮ፤
\q2 ሃይሳፌ ጉዬ ኑኒ
\q2 ኑ ኩሼን ሜዳ
\q2 ኤቃ ጾሳታ፥
\q3 ‹ሃይቲ ኑ ጾሳታ› ጎኮ።
\q2 ማንቆቲ ኔፔ ቃቴ
\q3 ዴሜቴስ» ጊቴ።
\s ኦራ ዴኦስ ሂዶታይ ኢሜቲዴስ
\p
\v 4 ጎዳይ፥ «ታ ሃንቆይ
\q2 ኢስታ ቦላፌ ሲሚዳ ጊሻስ
\q2 ታስ ኣማኔቶንታ ኢጺዳ
\q2 ታ ዴራ
\q3 ታ ፓና፤
\q2 ታ ኢስታ ጮ ሜላ ሲቃና።
\q1
\v 5 ታኒ ኢስራኤሌ ኣሳስ
\q2 ፑሴ ኢራ ማላ ጊዳና፤
\q2 ኢስቲካ ሎኦ ጪሻ ማላ ጪያና፤
\q2 ሊባኖሴ ዚጋ ማላ
\q2 ጻጶ ዬዳና።
\q1
\v 6 ኢስታ ሃጋይ ዲጫና፤
\q2 ዎጋራ ሚ ማላ
\q2 ኢስቲ ሎኣና፤ ሊባኖሴ ዚጋ ማላ
\q2 ሎኦ ሳዎ ሳዋና።
\q1
\v 7 ኢስቲ ሲሚዲ
\q2 ታ ኩዋ ጋርሳን ኡታና፤
\q2 ጫሬቻ ካ ማላ
\q2 ኢስቲ ጪሊላና፤
\q2 ዎይኔ ሚ ማላ ኢስቲ ጪያና።
\q2 ኢስታ ሱን ሊባኖሴ
\q2 ዴሬ ዎይኔ
\q2 ኡሻ ማላ ኡባሶን ኤሬታና።
\q1
\v 8 ኤፍሬሜ! ታሲኔ ኤቃ ጾሳታስ
\q2 ኣይ ጋይቶቴ ዲዜ?
\q2 ኔ ዎሳ ሲዪዛይኔ
\q2 ኔና ናጊዛይ ታና፤
\q2 ታኒ ኡባ ዎዴ ጪሊሊ ኡቲዳ
\q3 ሚ ማላ፤
\q2 ኔ ኣይፊዛይ
\q3 ታፔ ዴንዲዳይሳና» ጌስ።
\s ኩሻ ቃላ
\p
\v 9 ኣ ኤራንቻይ
\q2 ሃ ዮኦታ ኣኬካና።
\q1 ኣኬኪዛዴይ ሃ ዮኦታ ኤራና፤
\q2 ጎዳ ኦጌይ ሱሬ፤
\q2 ጺሎቲ ኢዛን ሄሜቴቴስ።
\q2 ናጋራንቻቲ ጊዲኮ
\q3 ኢዛን ጴቴቴስ።