\id COL - Gamo Full Bible final version
\ide UTF-8
\h ቆላሲያሴ ኣሳስ
\toc1 ጳዉሎሲ ቆላሲያሴ ኣሳስ ጻፊዳ ኪታ
\toc2 ቆላሲያሴ ኣሳስ
\toc3 ቆላ
\mt2 ጳዉሎሲ
\mt ቆላሲያሴ ኣሳስ
\mt2 ጻፊዳ ኪታ
\imt ጊዶ ቆፋ
\ip ሃይሲ ኪታዚ ጻፌቲዳይ ቄሪ ኢሲያን ዲዛ ኤፌሶኔ ካታማፔ ኣርሼይ ሞኪዛ ባጋራ ዲዛ ቆላሲያሴ ካታማን ዲዛ ዎሳ ኬሳ፤ ሂኖ ሄ ዎሳ ኬዮ ኤሲዳይ ጳዉሎሳ ጊዶንታ ኣጊኮካ ኢዛ ኦሮሜ ካዎቴ ጋርሳን ዲዛ ኢሲያን ዋና ካታማ ጊዲዳ ኤፌሶኔፔ ሚሺራቾ ቃላ ዮቲዛይታ ሄ ዬዲዳ ጊሻስ ቆላሲያሴስካ ኣላፌቴ ዴስ፤ ቆላሲያሴ ዎሳ ኬን፥ «ጾሳ ኤራናሲኔ ሙሌራ ኣቶቴ ዴማናስ ኢሲ ኢሲ ኣሲ ሁኤን ሁኤን ዎልቃማ ኣያናታሲኔ ጎዳታስ ጎይናናስ ኮሼስ» ጊዛ ዎርዶ ኣስታማሬቲ ዲዛይሳ ጳዉሎሲ ሲዪዴስ፤ ሄ ኣስታማሬቲ ታማርሲዛ ሃራ ዮቲ፥ «ኣሲ ዉሪካ ቃጻራ ዎጋስ ሃሬታናስ ቤሴስ፤ ካ ሙሳ ዎጋኔ ሃራ ዎጋታካ ናጋናስ ቤሴስ» ጊዲ ታማርሴቴስ።
\ip ጳዉሎሲ ሃ ኪታዛ ጻፊዳይ ቱሙ ጊዲዳ ኣማኖ ቲሚርቴ ታማርዲ ሄ ዎርዶ ኣስታማሬታ ቲሚርቴዛ ዲጋናሳ፤ ኢዛ ማልታፔ ዋናቲዛይ፥ «ዬሱስ ኪርስቶሲ ኩሜ ኣቶቴ ኢሜስ፤ ሃንኮይቲ ኣማኒዛ ኣማኖይ ጊዲኮ ዬሱሳፔ ሃሴቴስ» ጊዛይሳ። ጾሲ ሃይሳ ኣላሜዛ ኪርስቶሳን ሜዴስ፤ ቃሴካ ጾሲ ሃ ኣላሜዛ ኪርስቶሳ ባጋራ ባኮ ዛሪ ኤሃና፤ ሃይሲ ኣላሜዚ ኣታናይ ኪርስቶሳ ዎዚናፔ ኣማኖን ጻላ። ሄሳን ኤቂዲ ጳዉሎሲ ሃይሲ ዎልቃማ ቲሚርቴይ ኣማኒዛይታ ዴኦን ዋኒ ዳናስ ኮሺዛኮ ቤሴስ።
\ip ሃይሳ ሃ ኪታዛ ጳዉሎሳፔ ኤኪዲ ቆላሲያሴ ኣሳስ ጋናስ ኪቴቲዳ ቲቂቆሳራ ኢሲፌ ዲዛይ ኣናስሞሳ ጊዲዳይሳ ኤሮይ ማዲዛዛ። ጳዉሎሲ ሄ ኣናስሞሳ ጌቴቲዛ ኣይሌዛ ጊሻስ ፒልሞናስ ሃራ ኪታ ጻፊዴስ። ቆላሲያሴ ኪታ ጊዶን ዲዛ ቆፋይ ኤፌሶኔ ኪታራ ኣዳፌ ጋይቴስ፤ ናምኣይካ ኢሲ ዎዴን ጻፌቲዳ። ኢስታ ጊዶን ዲዛ ጊታ ዱማቴ ኤፌሶኔ ኪታን ጳዉሎሲ ኪርስቶሳ ዎሳ ኬ ሁኤ ኦዲ ሺሼስ፤ ቃሴ ቆላሲያሴ ኪታን ኪርስቶሳ ሜቴ ኡባስ ሁኤ ኦዲ ሺሼስ። ሃይሳ ኢዚ ኦዳይ ጾሲ ሜዳ ኪታንቻታስ ጎይኖይ ኤያቴ ጊዲዳይሳ ቤሳናሳ።
\iot ሃ ማጻፋይ ኦይኪዳ ኩሜ ቆፋ
\io1 ጌሎሶ \ior 1፡1-8 \ior*
\io1 ኪርስቶሳ ሃኖኔ ኢዛ ኦሶ \ior 1፡9—2፡19 \ior*
\io1 ኪርስቶሳን ዲዛ ኦራ ዴኦ \ior 2፡20—4፡6 \ior*
\io1 ኩሻ ቆፋ \ior 4፡7-18 \ior*
\c 1
\p
\v 1 ጾሳ ሼኔን ዬሱስ ኪርስቶሳን ኪቴቲዳ ጳዉሎሳፔኔ ኑ ኢሻ ጺምቶሳፔ፥ 
\v 2 ቆላሲያሴን ዲዛ ኪርስቶሳን ዱማቲዳይታሲኔ ኣማኔቲዳ ኢሻታስ ኑ ኣዋ ጾሳፌ ሳሮቴኔ ኪያቴ ኢንቴስ ጊዶ።
\s ጋላታ ዎሳ
\p
\v 3 ኑ ኢንቴ ጊሻስ ዎሲዛ ኡባ ጋላስ ኑ ጎዳ ዬሱስ ኪርስቶሳ ኣዋ ጾሳ ጋላቶስ። 
\v 4 ጋሶይካ ኢንቴስ ዬሱስ ኪርስቶሳን ዲዛ ኣማኖኒኔ ኣማኒዛ ኣሳ ኢንቴ ኡባ ሲቂዛይሳ ኑ ሲዪዳ ጊሻሳ። 
\v 5 ሄሲ ዉሪካ ሃኒዳይ ሳሎን ኢንቴስ ጊጌቲዳ ሂዶታፔ ዴንዲዳይሳና፤ ሄሳ ሄ ሂዶታ ጊሻስ ሚሺራቾ ቃላ ኢንቴ ካሴቲዲ ሲዪዴታ። 
\v 6 ሄሲካ ሄ ኢንቴኮ ጋኪዴስ፤ ሄሳ ሚሺራቾ ቃላ ኢንቴ ሲዮሶፔኔ ጾሳ ኪያቴ ቱማቴ ኢንቴ ኤሮ ጋላሳፌ ሃ ሲሚን ኣላሜ ዩሾን ኢዚ ኦሼ ዲዛይሳ ማላ ኢንቴ ኣቻን ኣይፌ ኣይፊሼኔ ዲጪሼ ዴስ። 
\v 7 ሄሳካ ሃኢ ኑ ጊሻስ\f + \fr 1፡7 \fr*\fqa ኑ ጊሻስ፡ \fqa*\ft ኑ ጊሻስ ጊዛይሳ ኢሲ ኢሲ ጌሻ ማጻፋታን ኢንቴ ጊሻስ ጌቴቲዴስ።\ft*\f* ጊዲዲ ኪርስቶሳስ ኣማኔቲዳ ኦሳንቻ ጊዲዳይሲኔ ኑናራ ኢሲፌ ኦዛኔ ሲቂዛ ኤጳፊራይ ኢንቴና ታማርሲዴስ።\x - \xo 1፡7 \xo*\xt ቆላ 4፡12፤ ፒልም 23\xt*\x* 
\v 8 ቃሴካ ኢዚ ኢንቴናን ዲዛ ኣያና ሲቆቴ ኑስ ዮቲዴስ።
\p
\v 9 ኑ ቃሴ ሄሳ ሲዮሶፔ ሃ ሲሚን ኢንቴ ጾሳ ሼኔ ኤራቴኒኔ ኣኬካን ኢንቴና ኩንና ማላ ኢንቴ ጊሻስ ዎሳ ቃንጺቤኮ። 
\v 10 ሄሳካ ጎዳስ ቤሲዛ ዱስ ዳና ማላ ኢንቴ ኢዛ ፖሊ ኡፋይሳና ማላ ሎኦ ኦሶ ኡባን ኣይፌ ኢማና ማላኔ ጾስ ኤሮን ዲጪ ዲጪ ባና ማላ ኑ ኢንቴስ ዎሶስ። 
\v 11 ጎዳይ ባ ጊታ ዎልቃን ባ ሚኖቴ ኡባ ኢንቴስ ኢሞ፤ ዉርሲካ ኢንቴ ዳንዳያና ማላኔ ኡፋይሳን ጊጌቲዳይታ ጊዳና ማላ ኢንቴና ኢዚ ማዶ። 
\v 12 ኣማኒዛይቲ ላቲዛሶ ፖኦ ካዎቴ ላቲዛይታ ኑ ጊዳና ማላ ኑና ጋዳ ኑ ኣዋ ኢንቴ ጋላታናሳ። 
\v 13 ኢዚ ኑና ማን ሃሬቴፌ ኣሺዲ ጌዴ ባ ዶሲዛ ናዛ ካዎቴን ፒንዴስ። 
\v 14 ኑ ኢዛን ዎዜቲዲ ናጋራፔ ማሬቲዶስ።\x - \xo 1፡14 \xo*\xt ኤፌ 1፡7\xt*\x*
\s ኪርስቶሲ ኡባፌ ቦላ
\p
\v 15 ኪርስቶሲ ኣይፌን ቤቶንታ ጾሳስ ቱሙ ሌሚሶ፤ ሜቴ ኡባፌ ጊታኔ ባይራ። 
\v 16 ሜቴ ዉሪ ኢዛን ሜቲዴስ። ሳሎኒኔ ሳኣን ዲዛይቲ፥ ኣይፌን ቤቲዛይቲኔ ቤቶንታይቲ ጊዲንካ፥ ዎልቃማታ ጊዲንካ፥ ሃሪዛይቲ ጊዲንካ ዎይኮ ጎዳቴ ዲዛይቲ ሃኒዳይ ዉሪካ ኢዛን ኢዛስ ሜቲዳ። 
\v 17 ኢዚ ኡባፌ ካሴ ዴስ፤ ዉሪካ ኢሲ ቦላ ኦይኬቲ ሚኒዳይ ኢዛና። 
\v 18 ኢዚ ባ ኣሳቴ ጊዲዳ ዎሳ ኬይስ ሁኤ፤ ኡባስ ቦላ ጊዳና ማላ ኢዚ ሃይቂዳ ኣሳ ኡባፌ ኮይሮ ዴንዲዴስ።\x - \xo 1፡18 \xo*\xt ኤፌ 1፡22-23\xt*\x* 
\v 19 ሄሲካ ሃኒዳይ ኩሜ ጾሳቴይ ኢዛ ናዛን ዴኣና ማላ ጾሳ ኣዋ ሼኔ ጊዲዳ ጊሻሳ። 
\v 20 ማስቃሌ ቦላ ኢዛፔ ጉኪዳ ሱን ሳሮቴ ሜዲ ሳኣ ቦላ ጊዲን ሳሎ ቦላ ዲዛይሳ ኡባ ኢዛ ባጋራ ባናራ ማቃዪንዴስ።\x - \xo 1፡20 \xo*\xt ኤፌ 2፡16\xt*\x*
\p
\v 21 ኢንቴ ኢታ ቆፋ ጋሶን ካሴ ኢንቴ ጾሳፌ ሻኬቲዲ ኢዛስ ሞርኬታኮሺን። 
\v 22 ሃኢ ቃሴ ኢንቴ ቦላ ባላይኔ ዎሶይ ባይንዳ ጌሻታ ኦዲ ኢንቴና ባ ሲን ሺሻናስ ኪርስቶሳ ኣሾ ሃይቆ ባጋራ ጾሲ ኢንቴና ባናራ ማቃዪንዴስ። 
\v 23 ሄሲካ ሃናናይ ኢንቴ ኣማኖን ጻጵዲኔ ጊጌቲ ኢንቴ ኢንቴ ኣማኖን ኤኪዳ ሚሺራቾ ቃላፔ ቃጾንታ ሚኒ ኤቂኮና፤ ኢንቴሲኔ ሳሎ ጉፋንን ዲዛ ሜቴስ ሳባኬቲዳ ሚሺራቾ ቃላይ ሄሳ። ታ ጳዉሎሲካ ሃይሳ ሃ ሚሺራቾ ቃላስ ኦሳንቻ ጊዳዲስ።
\s ጳዉሎሲ ዎሳ ኬ ጊሻስ ኤኪዳ ዋዬ
\p
\v 24 ታ ኢንቴ ጊሻስ ዋዬ ቤኢዳይሲ ሃኢካ ታና ኡፋይሴስ፤ ኪርስቶሲ ባ ኣሳቴ ሄሲካ ዎሳ ኬ ጊሻስ ኢዚ ኤኪዳ ዋዬዛፔ ኤኪሺን ፓጪዳይ ዲኮ ታኒ ታ ኣሾን ኩንና።\f + \fr 1፡24 \fr*\ft ጳዉሎሲ ሃይሳን፥ «ኢዚ ኤኪዳ ዋዬዛፔ ኤኪሺን ፓጪዳይ ዲኮ ታኒ ታ ኣሾን ኩንና» ጉሲ ናጋራ ማራና ዳንዳይዛ ኪርስቶሲ ኦዳ ኦሶፔ ኣቲዳይሲ ዴስ ጉስ ጊዴና፤ ሃይሳን ጳዉሎሲ ጊዛይሲ ኪርስቶሲ ኣሳ ናጋራ ጊሻስ ማስቃሌ ቦላ ካቄቲዳይሳ ይዳ ሃ ኣላሜይስ ሚሺራቾ ቃላ ዮቲሼ ኢዛ ዋዬዛ ሻኬቲዛይሳ ቤሴስ።\ft*\f* 
\v 25 ጾሳ ቃላ ታ ኢንቴስ ፓጬይ ባይንዳ ጋና ማላ ታስ ጾሳፌ ኢሜቲዳ ሃዳራ ማላ ታ ዎሳ ኬ ኦሳንቻ ጊዳዲስ። 
\v 26 ሃ ቃላይ ቤኒ ዎዴፔኔ ካሴ ዬሌታፔ ጌሚዲ ጹራ ጊዲ ጋምኢዴስ፤ ሃኢ ጊዲኮ ኣማኒዛይታስ ኡባስ ቆንጪዴስ። 
\v 27 ጾሲ ባ ኣሳስ ቆንጪሳናስ ኮዪዳ ጹራይ ኢዛ ቦንቾ ዱሬቴ ኣይዛቤ ጊዲዳ ኢንቴ ጊዶን ኣይ ማላ ጊታኮ ቤሳናሳ፤ ኢዚካ ኢዛ ቦንቾ ሂዶታ ጊዲዳ ኢንቴ ጊዶን ዲዛ ኪርስቶሳ።
\p
\v 28 ኑኒካ ኢሲ ኢሲ ኣስ ኪርስቶሳስ ኩሜ ኣስ ሂስቲ ሺሻናስ ዳንዳያና ማላ ኣስ ኡባ ሂላራ ዞሪሼኔ ታማርሲሼ ኪርስቶሳ ጊሻስ ሳባኮስ። 
\v 29 ጾሲ ባ ጊታ ዎልቃን ታናን ኦዛ ጊሻስ ሄ ዎልቃን ባጼታሼ ሄ ቆፋ ፖላናስ ዳፌታይስ።
\c 2
\p
\v 1 ኢንቴ ጊሻሲኔ ሎዶቂያን ዲዛይታኔ ሄሳካ ታና ባ ኣይፌራ ቤዪ ኤሮንታ ኣሳ ኡባስ ታ ኣይ ማላ ባጼቲዛኮ ኢንቴ ኤራና ማላ ታ ኮያይስ። 
\v 2 ቃሴካ ኢስታ ዎዚናይ ሚናና ማላኔ ኢስቲ ሲቆቴን ኢሶይ ኢሳራ ኦይኬታና ማላ ኩሜ ጊዲዳይሳ ዩሺ ቆፒ ኤሮን ዱሬቴ ዴሚዲ ጾሳ ጹራ ጊዲዳ ኪርስቶሳ ኢስቲ ኤራና ማላ ታ ዳፌታይስ። 
\v 3 ቆታን ዲዛ ጪንጫቴኔ ኤራቴ ሃሮይ ዉሪካ ቤቲዛይ ኪርስቶሳ ኣቻና። 
\v 4 ኦኒካ ኢንቴና ዶና ማልኤን ባሌንታ ማላ ታ ኢንቴስ ዮታይስ። 
\v 5 ታ ኢንቴፌ ኣሾ ኣይፌን ሃካ ዲኮካ ኣያናን ኢንቴናራ ኢሲፌ ዳይስ፤ ኢንቴ ዎጋራ ዲዛይሳኔ ኢንቴ ኪርስቶሳ ሎኤ ኣማኒዛይሳ ቤያዳ ታ ዳሮ ኡፋዬታይስ።
\s ኪርስቶሳን ቤቲዛ ኩሜ ዴኦ
\p
\v 6 ሄሳ ጊሻስ ኢንቴ ጎዳ ዬሱስ ኪርስቶሳ ኣማኒዳ ማላ ኢዛን ዴኢቴ። 
\v 7 ኢንቴ ኢዛን ቶኬቲዲኔ ኬጼቲዲ ኢንቴ ታማርዳ ማላ ኣማኖን ሚኒዲ ዳሮ ቲርፓ ጋላታ ኢዛስ ሺሺሼ ዲቴ።
\p
\v 8 ኪርስቶሳን ጻጵዳዝ ጊዶንታ ኣሳ ዎጋኒኔ ጎኣይ ባይንዳ ሃ ኣላሜዛ ላፋ ዎጋን ኤቂዳ ኣሳ ኤራቴኒኔ ጮ ባሌ ሃሳያን ኢንቴና ኦኒካ ዲኦንታ ማላ ናጌቲቴ። 
\v 9 ጋሶይካ ኩሜ ጾሳቴይ ኢዛ ኣሳቴን ዴስ። 
\v 10 ኢንቴካ ሃሪዛይታሲኔ ጎዳታ ኡባስ ሁኤ ጊዲዳ ኪርስቶሳን ኩሜ ጊዲቴ።
\p
\v 11 ኢንቴ ኢዛን ቃጻሬቲዴታ፤ ሄሲ ሄ ቃጻራዚካ ናጋራ ጊዲዳ ኣሾ ቆፋ ዲጋናስ ኪርስቶሳን ሃኒዳይሳ ኣቲን ኣሳ ኩሼን ሃኒቤና። 
\v 12 ጺንቃታን ኢዛራ ኢሲፌ ሞጌቲዴታ፤ ኢዛ ሃይቆፔ ዴንዳ ጾሳ ዎልቃን ኣማኒዲ ቃሴካ ኢዛራ ኢሲፌ ዴንዲዴታ።\x - \xo 2፡12 \xo*\xt ኦሮ 6፡4\xt*\x* 
\v 13 ኢንቴ ካሴ ኢንቴ ሞሮኒኔ ኢንቴ ኣሾ ናጋራ ሃኖቴ ኢንቴፌ ዲጎንታ ኣጊዳ ጊሻስ ሃይቂዳይታኮ ሺን ጾሲ ኢንቴና ኪርስቶሳ ባጋራ ፓዴስ፤ ኢንቴ ናጋራካ ኡባ ኣቶ ጊዴስ።\x - \xo 2፡13 \xo*\xt ኤፌ 2፡1-5\xt*\x* 
\v 14 ካሴ ኑና ሞቲሼኔ ኑናራ ኤቄቲሼ ዲዛ ሙሴ ዎጋን ኣጮ ሞቶስ ጻፌቲዳይሳ ቁጪ ዲጊዴስ። ማስቃሌ ቦላ ቶርጊዲ ኑ ቦላፌ ዲጊዴስ። 
\v 15 ሃላቃታኔ ጎዳቲዛይታ ጎዳቴ ኢስታፌ ዎ ኤኪዲኔ ማስቃሌ ቦላ ሃይቂዲ ጾኒ ዴንዲዲ ዲኤቲዳይታ ቆንጬን ዩሺ ቤሲዴስ።
\p
\v 16 ሄሳ ጊሻስ ሙሳን ዎይኮ ኡሻን፥ ኢሲፌ ቦንቾን ዎይኮ ኣጊና ጼሮኒኔ ሳምባታ ጋላስ ቦንቾ ጊሻስ ኢንቴ ቦላ ኦኒካ ፒርዶፎ።\x - \xo 2፡16 \xo*\xt ኦሮ 14፡1-6\xt*\x* 
\v 17 ሄይቲ ዉሪካ ቡሮ ያና ሃኖታስ ኤሾታ ጊዲሺን ዋና ኣሳቴይ ጊዲኮ ኪርስቶሳ። 
\v 18 ቤሶንታ ኣሽኬቴኔ ኪታንቻታስ ጎይኖ ዶሲዛ ኣሲ ኦኒካ ኢንቴና ጲዲ ሜላ ኣሾንታ ማላ ናጌቲቴ፤ ሄሳ ማላ ኣሲ ባ ቤኢዳ ኣጉሞስ ዎጋይ ባይንዳ ባና ናሺሼ ሃዳ ኣሾ ቆፋን ኩሚዲ ኦቶሬቴስ። 
\v 19 ሄሳ ማላ ኣሳስ ሁኤ ጊዲዳ ኪርስቶሳራ ኣይኮ ጋይቶቴካ ዴና፤ ኩሜ ኣሳቴ ሻያኒኔ ኮልን ኦይሴ ዲቺዛ ሁኤይ ኪርስቶሳ፤ ጾሲ ኪርስቶሳ ኣሳቴ ኩሜ ዲቺዛይ ሄሳ ማላና።\x - \xo 2፡19 \xo*\xt ኤፌ 4፡16\xt*\x*
\s ዎርዶ ቲሚርቴፌ ናጌቴ
\p
\v 20 ሃይሳ ሃ ኣላሜዛ ዎጋስ ኢንቴ ኪርስቶሳራ ሃይቂዳይታ ጊዲኮ ሂስቲን ሃኢ ኣዛስ ሄ ዎጋስ ሃሬቴቲ? 
\v 21 ሄ ዎጋቲ ኦይኮፋ፥ ላጫ ቤዮፓ፤ ቦቾፋ ጊዛይታ። 
\v 22 ሃይቲ ዉሪ ኣሳ ኣዛዞኒኔ ኣሳ ቲሚርቴን ዎዳ ዎጋታ ጊዲዳ ጊሻስ ኦሴቲዳፔ ጉዬ ጮ ያናስ ዴቴስ። 
\v 23 ሃ ኣዛዞቲ ባርካ ባፔ ሜ ኤኪዳ ጎይኖ ቆፋይ ጮ ቤሶንታ ኣሽኬቴኔ ባ ኣሳቴ ናቂ ኦይን ኢስታስ ቱሙ ኣ ኤራቴ ዲዛይታ ሚሳቴቴስ፤ ጊዶ ኣቲን ኣሾ ኣሞቴ ሺሺ ኦይኪዛ ዎልቃይ ኢስታስ ባ።
\c 3
\s ጌሻቴ ዱሳስ ማዲዛ ዎጋ
\p
\v 1 ሂስቲኮ ኢንቴ ኪርስቶሳራ ኢሲፌ ዴንዲዳይታ ጊዲኮ ኪርስቶሲ ጾሳ ኣቻን ኡቲዳሶሆን ፑዴን ዲዛ ሃኖቴ ኮዪቴ።\x - \xo 3፡1 \xo*\xt ማዛ 110፡1\xt*\x* 
\v 2 ኢንቴ ቆፋይ ፑዴ ቦላን ዲዛ ሚሻ ቦላ ጊዶ ኣቲን ሃ ቢታ ዮኦ ቦላ ጊዶፖ። 
\v 3 ጋሶይካ ኢንቴ ሃይቂዴታኔ ኢንቴ ዴኦይካ ኪርስቶሳራ ጾሳ ኣቻን ቆቴቲዴስ። 
\v 4 ኢንቴስ ዴኦ ጊዲዳ ኪርስቶሲ ቆንጪዛ ጋላስ ኢንቴካ ሄ ዎዴ ኢዛራ ኢሲፌ ቦንቾራ ቆንጫና።
\p
\v 5 ሄሳ ጊሻስ ኢንቴስ ቢታ ቦላ ዲዛ ኣሞቴ ዲጊቴ፤ ሄይቲካ ላይማ፥ ቱናቴ፥ ኣሾ ኣሞ፥ ኢታ ኣሞቴኔ ኤቃስ ጎይኖ ማላ ጊዲዳ ጋጲጋጶ። 
\v 6 ሄይታንታ ጋሶን ጾሳ ሃንቆይ ጾሳስ ኣዛዜቶንታይታ ቦላ ያና። 
\v 7 ኢንቴካ ካሴ ዲዛ ዱሳን ሄ ሚሻታ ኦዴታ።
\p
\v 8 ሃኢ ጊዲኮ ሃንቆ፥ ዪሎ፥ ጫሼ፥ ዚጊርሲኔ ዬላሲዛ ሃሳያ ሄይታንታ ሚሳቲዛይታ ኡባ ዲጊቴ። 
\v 9 ካሴ ጬጋ ኣሳቴ ኢዛ ኦሶራ ጋ ኢንቴፌ ቃሪ ዬጊዳ ጊሻስ ኢንቴ ኢንቴ ጋርሳን ኢሶይ ኢሳራ ዎርዶ ሃሳዮፒቴ።\x - \xo 3፡9 \xo*\xt ኤፌ 4፡22\xt*\x* 
\v 10 ባና ሜዳይሳ ሚሳታና ማላ ኤራን ኦራጺዳ ኦራ ኣሳቴ ማይኢዴታ።\x - \xo 3፡10 \xo*\xt ኤፌ 4፡24፤ ሜ 1፡26\xt*\x* 
\v 11 ሄን ጊሪኬ ኣስ ጊዲን ዎይኮ ኣይሁዳ ኣስ ዎይኮ ቃጻሬቲዳይታ ዎይኮ ቃጻሬቶንታይታ ዎይኮ ታማርዳይታኔ ታማሮንታይታ ዎይኮ ማሬቶንታይታ ዎይኮ ኣይሌ ዎይኮ ጎቃ ጌቴቲዛ ዱማቴ ዴና፤ ኪርስቶሲ ሄይታንታ ኡባሳ፤ ቃሴ ኡባንካ ዴስ።\f + \fr 3፡11 \fr*\ft ታማርዳይታኔ ታማሮንታይታ ጊዛይሲ ካሴ ኮይሮ ጊሪኬ ቃላን ባርባሪያኔ ኣሲኩቴ ጉሲ ጊዲሺን ኢዚካ ዎራ ጊዶፌ ዪዳ ኣሳታኔ ጊሪኬ ቃላ ኤሮንታይታ ቤሴስ\ft*\f* 
\v 12 ሄሳ ጊሻስ ዱማ ጊዲዲ ዶሴቲዳይቶ! ኢንቴ ጾሳስ ዶሬቲዳይታ ጊዲዳ ማላ ሚሼቴኔ ኪያቴ፥ ኣሽኬቴ፥ ቦንቾኔ ዳንዳያ ማይኢቴ።\x - \xo 3፡12-13 \xo*\xt ኤፌ 4፡2\xt*\x* 
\v 13 ኢንቴ ኢሶይ ኢሳ ዳንዳይቴ፤ ኢንቴፌ ኢሳዴይ ኢሳዴ ቦላ ሚሼቲኮ ዮኦይካ ኢዛ ቦላ ዲኮ ኢሶይ ኢሳስ ኣቶ ኣቶ ጌቴቲቴ፤ ጎዳይካ ኢንቴስ ኣቶ ጊዳ ማላ ኢንቴካ ሃራ ኣሳስ ኣቶ ጊቴ።\x - \xo 3፡13 \xo*\xt ኤፌ 4፡32\xt*\x* 
\v 14 ሄሳ ኡባ ቦላ ኩሜ ኢሲፌቴን ሺሺ ቃቺዛ ሲቆ ማይኢቴ። 
\v 15 ኢንቴ ዉሪካ ኢሲ ኣሾ ጊዲዲ ሳሮቴስ ጼይጌቲዳ ኪርስቶሳ ሳሮቴ ኢንቴ ዎዚናን ካዎቶ፤ ኢንቴ ጋላቲዛይታ ጊዲቴ።
\p
\v 16 ኪርስቶሳ ቃላይ ኢንቴናን ኩሜ ጊዶ፤ ኢንቴ ኢንቴ ጋርሳን ኣ ኤራቴን ታማርቴኔ ዞሬቲቴ፤ ዬኒኔ ሳባን ኣያና ዬን ጋላታራ ጋ ኢንቴ ዎዚናራ ጾሳስ ዬጺቴ። 
\v 17 ኢዛ ባጋራ ጾሳ ኣዋስ ጋላታ ሺሺሼ ቃላን ጊዲን ዎይኮ ኦሶን ኢንቴ ኦዛይሳ ኡባ ጎዳ ዬሱሳ ሱንን ኦቴ።
\s ኣማኒዛ ኣሳይ ባሶ ኣሳ ካሌዛ ዎጋ
\p
\v 18 ማቼቶ! ጎዳ ኣቻን ኢንቴስ ቤሲዛ ሚሽ ጊዲዳ ጊሻስ ኢንቴ ኣዚናታስ ኣዛዜቲቴ።\x - \xo 3፡18 \xo*\xt ኤፌ 5፡22፤ 1ጴጽ 3፡1\xt*\x* 
\v 19 ኣዚናቶ! ኢንቴ ኢንቴ ማቼታ ሲቂቴኔ ኢስታስ ሜንጼ ኢቶፒቴ።\x - \xo 3፡19 \xo*\xt ኤፌ 5፡25፤ 1ጴጽ 3፡7\xt*\x*
\p
\v 20 ናይቶ! ኢንቴ ጎዳ ኡፋይሳና ማላ ኢንቴ ኢንቴና ዬሊዳይታስ ኡባ ሚሻን ኣዛዜቲቴ።\x - \xo 3፡20 \xo*\xt ኤፌ 6፡1\xt*\x* 
\v 21 ኣዋቶ! ናይቲ ሂዶታ ቃንጾንታ ማላ ኢንቴ ናይታ ሃንቄፍቴ።\x - \xo 3፡21 \xo*\xt ኤፌ 6፡4\xt*\x*
\p
\v 22 ኣይሌቶ! ኣስ ኡፋይሳናሲኔ ጮ ኣይፌሶን ቤታናስ ጊዶንታ ሱሬ ዎዚናፔ ኢንቴ ጎዳስ ባቢቴ፤ ሃይሳ ሃ ቢታን ሃሪዛ ጎዳታስካ ሃኖ ኡባን ኣዛዜቲቴ።\x - \xo 3፡22-25 \xo*\xt ኤፌ 6፡5-8\xt*\x* 
\v 23 ኢንቴ ኦዛ ሚሽ ኡባ ኣሳስ ጊዶንታ ጎዳስ ኦዛ ማላ ታይቢዲ ኩሜ ዎዚናፔ ኦቴ። 
\v 24 ኢንቴ ጎዳ ኣቻፌ ኢንቴ ኦሶ ማላ ኤካናስ ላታይ ዲዛይሳ ኢንቴ ኤሬታ፤ ኢንቴ ኦዛይ ጎዳ ዬሱስ ኪርስቶሳሳ። 
\v 25 ቆሆ ኦዳዴይ ባ ኦዳሪ ኩሼ ኤካና፤ ኢዛ ኣቻን ዱማ ማዶይ ዴና።\x - \xo 3፡25 \xo*\xt ዛሬ 10፡17፤ ኤፌ 6፡9\xt*\x*
\c 4
\p
\v 1 ጎዳቶ! ኢንቴስ ሳሎን ጎዳይ ዲዛይሳ ኢንቴ ኤሪዛ ጊሻስ ኢንቴስ ኦዛይታስ ቱማኒኔ ሱሬቴን ኦቴ።\x - \xo 4፡1 \xo*\xt ኤፌ 6፡9\xt*\x*
\s ጉጆ ዞሬ
\p
\v 2 ቤጊዲ ጋላታራ ጋ ፓጬይ ባይንዳ ጾሳ ዎሲቴ። 
\v 3 ታ ኢዛ ጊሻስ ቃሼቲዳ ኪርስቶሳ ጹራ ኣዋጃናስ ዳንዳያና ማላ ጾሲ ኑስ ቃላ ዮታናስ ኦጌ ዶያና ማላ ኑ ጊሻሲካ ዎሲቴ። 
\v 4 ቃሴካ ሃሳያናስ ቤሲዛ ቃላ ቆንጬን ታ ሃሳያና ማላ ታስ ዎሲቴ።
\p
\v 5 ኣማኖንታ ኣሳታራ ኢንቴስ ዲዛ ሃኖቴን ኣ ኤራቴን ሲሜሬቲቴ፤ ኢንቴስ ቤቲዳ ሎኦ ቃዳን ጎኤቲቴ።\x - \xo 4፡5 \xo*\xt ኤፌ 5፡16\xt*\x* 
\v 6 ኢሶይ ኢሳስ ኢንቴ ዛሮ ዎስቲ ኢማናኮ ኢንቴ ኤራና ማላ ኢንቴ ሃሳያይ ማጺኔራ ካጺዳ ካ ማላ ማልኦ ጊዶ።
\s ዉርሴ ሳሮካ
\p
\v 7 ቲቂቆሲ ታ ዱሳ ጊሻስ ዉርሲ ኢንቴስ ዮታና፤ ኢዚ ዳሮ ዶሴቲዳ ኢሻኔ ጎዳስ ታናራ ኢሲፌ ኦዛ ኣማኔቲዳ ኦሳንቻ።\x - \xo 4፡7 \xo*\xt ሃዋ 20፡4፤ 2ጺም 4፡12\xt*\x* 
\v 8 ኑ ዱሳ ጊሻስ ኢንቴ ኤራና ማላኔ ኢንቴ ዎዚና ሚንና ማላ ታኒ ኢዛ ኢንቴኮ ኪታዲስ። 
\v 9 ኢዚ ኢንቴ ባጋ ጊዲዲ ኣማኔቲዳዴኔ ዶሴቲዳዴ ጊዲዳ ኑ ኢሻ ኣናስሞሳራ ኢንቴኮ ያና፤ ኢስቲካ ሃን ዲዛ ሃኖዛ ኡባ ኢንቴስ ዮታና።\x - \xo 4፡9 \xo*\xt ፒልም 10-12\xt*\x* 
\v 10 ባርናባሳ ኣዋ ሚቼይ ና ማርቆሲኔ ታናራ ኢሲፌ ቃሼቲዳ ኣርጺሮኮሲ ኢንቴና ሳሮ ጌቴስ። ማርቆሳ ጊሻስ ኢንቴ ኣይ ኦናኮ ካሴ ኢንቴና ታ ቆፍሳ ዎዳ ማላ ኢዚ ኢንቴኮ ጋኪሺን ኢዛ ሞኪ ኤኪቴ።\x - \xo 4፡10 \xo*\xt ሃዋ 12፡12፥25፤ 13፡13፤ 15፡37-39፤ 19፡29፤ 27፡2፤ ፒልም 24\xt*\x*
\p
\v 11 ኢዮስጾሳ ጌቴቲዛ ኢያሶይካ ኢንቴና ሳሮ ጌስ፤ ኣይሁዳ ኣሳ ጊዶፌ ጾሳ ካዎቴስ ታናራ ኦዛይቲ ሃይታንታ ጻላ፤ ኢስቲ ታና ሚንዳ።
\p
\v 12 ኢንቴ ባጋፌ ጊዲዳ ዬሱስ ኪርስቶሳ ኦሳንቻ ኤጳፊራይ ኢንቴና ሳሮ ጌስ፤ ኢዚካ ኢንቴና ኣያና ዱሳን ሎኤ ሚኒዲ ሙሌራ ዎፑ ጊዲ ጾሳ ሼኔን ሚኒ ኤቃና ማላ ኡባ ዎዴ ኢንቴ ጊሻስ ዎሳን ባጼቴስ።\x - \xo 4፡12 \xo*\xt ቆላ 1፡7፤ ፒልም 23\xt*\x* 
\v 13 ቃሴካ ኢንቴ ጊሻስ ሄሳካ ሎዶቂያኒኔ ኢያርፖሊሴ ካታማን ዲዛይታስ ኢዚ ፓጬይ ባይንዳ ኦዛይሳ ታ ኢዛ ጊሻስ ማርካታይስ።
\p
\v 14 ዳሮ ዶሴቲዳ ኣኪሜ ሉቃሲኔ ዴማሲ ኢንቴና ሳሮ ጌቴስ።\x - \xo 4፡14 \xo*\xt 2ጺም 4፡10-11፤ ፒልም 24\xt*\x* 
\v 15 ሎዶቂያን ዲዛ ኑ ኢሻታስ፥ ኒምፑሲኔ ኢዚ ኬን ሺቂዛ ኣማኒዛ ኣሳታስ ታ ሳሮካ ዮቲቴ።\f + \fr 4፡15 \fr*\ft ኒምፑሲሲኔ ኢዚ ኬን ዲዛሪስ ጊዛይሳ ኢሲ ኢሲ ቢርሼ ማጻፋቲ ኒምፑሴሲኔ ኢዛ ኬን ሺቂዛ ኣማኒዛ ኣሳታ ጌቴስ\ft*\f* 
\v 16 ሃና ታ ኪታያ ኢንቴስ ናባቤቲዳ ማላ ቃሴካ ሎዶቂያን ዲዛ ዎሳ ኬይን ናባቤታና ማላ ኦቴ፤ ኢንቴካ ቃሴ ሎዶቂያፔ ኢንቴስ ኪቴቲዳ ኪታ ናባቢቴ። 
\v 17 ኣሪኪጳሴስ፥ «ኔኒ ጎዳፔ ኤኪዳ ኦሶዛ ዉርሴ ጋናስ ሚና» ጊቴ።\x - \xo 4፡17 \xo*\xt ፒልም 2\xt*\x*
\p
\v 18 ሃይሳ ሳሮካ ታኒ ጳዉሎሲ ታ ኩሼራ ጻፋዲስ፤ ታ ቃሼታ ዲዛይሳ ዶጎፒቴ፤ ጾሳ ኪያቴ ኢንቴናራ ጊዶ።