\id 3JN - Gamo Full Bible final version
\ide UTF-8
\h 3ዮሃኒሳ ኪታ
\toc1 ዮሃኒሲ ጻፊዳ ሄን ኪታ
\toc2 3ዮሃኒሳ ኪታ
\toc3 3ዮሃ
\mt ዮሃኒሲ
\mt2 ጻፊዳ ሄን ኪታ
\imt ጊዶ ቆፋ
\ip ሄን ኪታዚካ ጻፌቲዳይ፥ «ጪማ ጊዲዳ ሃዋሬ ዮሃኒሳፔ» ጊዲሺን ሄ ኪታዚ ኢሲ ዎሳ ኬ ካሌዛ ጋዪዮሳ ጌቴቲዛዴሳ፤ ጋዪዮሲ ሃንኮ ኣማኒዛይታ ማዲዳ ጊሻስ ጻፌዚ ኢዛ ጋላቴስ። ሃራ ባጋራ ቃሴ ዲዮትራፌሴ ጌቴቲዛዴ ኢሲ ኢታ ኣሳፔ ናጌታና ማላ ቆፍሴስ፤ ጋሶይካ ኢዚ ዎሳ ኬ ቦላ ኦቶሬቴፌ ዴንዲዳይሳን ዳና ጊዳና ኮይዛ ጊሻሳ።
\ib
\iot ሃ ማጻፋይ ኦይኪዳ ኩሜ ቆፋ
\io1 ጌሎሶ \ior 1-4 \ior*
\io1 ጋዪዮሳስ ኢሜቲዳ ጋላታ \ior 5-8 \ior*
\io1 ዲዮጺሮሳስ ሺቂዳ ዋላሴ \ior 9-10 \ior*
\io1 ዲሜጺሮሳስ ኢሜቲዳ ቃላታ \ior 11-12 \ior*
\io1 ኩሻ ቆፋ \ior 13-15 \ior*
\c 1
\p
\v 1 ታፔ ጪማዛፔ፥ ቱማፔ ታ ሲቂዛ ታ ሲቆ ላጌ ጋዪዮሳስ፥\x - \xo 1 \xo*\xt ሃዋ 19፡29፤ ኦሮ 16፡23-24፤ 1ቆሮ 1፡14\xt*\x*
\p
\v 2 ታ ኢሻዞ! ኔ ሼምፖይ ሎኦን ዲዛ ማላ ኔ ኣሳቴይ ሎኦ ዳና ማላኔ ኔ ኦዛዚ ዉሪካ ኔስ ጊጋ ጊዳና ማላ ታ ኔስ ዎሳይስ። 
\v 3 ኔኒ ቱማስ ኣማኔቲዳዴ ጊዲዳ ማላ ቃሴካ ኔ ሃኖይ ዉሪ ቱሙ ጊዲዳይሳ ኢሲ ኢሲ ኣማኒዛ ኣሳቲ ታኮ ዪዲ ኔ ጊሻስ ዮቲን ሲያዳ ታ ዳሮ ኡፋዬታዲስ። 
\v 4 ጋሶይካ ታ ናይቲ ሎኦኒኔ ቱማን ሲሜሬቲሺን ሲሳፌ ኣዛ ሃራ ኡፋይሲ ታስ ዴና።
\s ጋዪዮሳስ ኢሜቲዳ ሎኦ ማርካቴ
\p
\v 5 ታ ኢሻዞ! ኢስቲ ኔስ ኢማ ጊዲኮካ ኔኒ ኔ ኢሻታስ ኦዳ ሚሼ ኡባን ኣማኔታዳሳ። 
\v 6 ኔ ቦላ ኣይ ማላ ሲቆይ ዲዛኮ ኢስቲ ኔ ጊሻስ ዎሳ ኬ ኣሳ ሲንን ማርካቲዳ፤ ኢስቲ ቢዛ ኦጌን ጾስ ኡፋይሲዛ ሃኖን ኔ ኢስታ ማዲኮ ሎኦ ኦሳ። 
\v 7 ኣይስ ጊኮ ኢስቲ ጾሳ ኣማኖንታይታፔ ኣይኮካ ኤኮንታ ኪርስቶሳ ሱን ጊሻስ ሜላ ኬዚዳ። 
\v 8 ሄሳ ጊሻስ ኑ ኢሲፌ ቱማስ ኦና ማላ ሄይታንታ ማላታ ሞኪ ኤካናስ ቤሴስ።
\p
\v 9 ታኒ ዎሳ ኬስ ሃይሳፌ ካሴ ጻፋዲስ፤ ጊዶ ኣቲን ካሌዛዴ ጊዳና ኮይዛ ዲዮጺራጾሲ ኑኒ ጊዛዝ ኤኬና። 
\v 10 ሄሳ ጊሻስ ታ ሄ ቢኮ ኢዚ ባ ኢታ ቃላን ኑ ሱን ሞራናስ ኦዳይሳ ታ ኢንቴስ ቆንጪሳና፤ ሄሲካ ኢዛስ ጊዶንታ ኢጺን ኣማኒዛ ኣሳ ሞኪ ኤኬና፤ ሞኪ ኤካና ኮይዛይታካ ዲጌሲኔ ዎሳ ኬፌ ኬሲ ጎዴስ።
\p
\v 11 ታ ኢሻዞ! ሎኦታ ሚሳታ ኣቲን ኢታ ኣሳታ ሚሳቶፓ፤ ሎኦ ኦዛዴይ ዉሪካ ጾሳ ኣሳ፤ ኢታ ኦዛዴይ ጊዲኮ ጾስ ቤዪቤና። 
\v 12 ዲሜጺሮሳስ ኣሲ ዉሪ ሎኦ ማርካቴስ፤ ቱማይካ ኢዛስ ማርካታዉስ፤ ኑኒካ ኢዛስ ማርካቶስ፤ ኢንቴካ ኑ ማርካይ ቱሙ ጊዲዳይሳ ኤሬታ።
\s ዉርሴ ሳሮካ
\p
\v 13 ታ ኔስ ጻፋና ቡሮ ዳሮ ዮኦይ ዴስ ሺን ዋራቃታን ጻፋናስ ኮይኬ። 
\v 14 ታ ኔና ማታ ዎዴ ቤያናስ ሂዶታ ኦይስ፤ ሄ ዎዴ ኑ ኢሲፌ ኡቲ ሃሳያና።
\p
\v 15 ኣኔ ሳሮን ዳ፤ ኔ ላጌቲ ኔና ሳሮ ሳሮ ጌቴስ፤ ታ ላጌታ ሱንን ሱንን ጼይጋዳ ሳሮ ጋ።