\id 2JN - Gamo Full Bible final version
\ide UTF-8
\h 2ዮሃኒሳ ኪታ
\toc1 ዮሃኒሲ ጻፊዳ ናምኣን ኪታ
\toc2 2ዮሃኒሳ ኪታ
\toc3 2ዮሃ
\mt ዮሃኒሲ
\mt2 ጻፊዳ ናምኣን ኪታ
\imt ጊዶ ቆፋ
\ip ናምኣን ኪታዚ ጻፌቲዳይ ጪማ ጊዲዳ ሃዋሬ ዮሃኒሳን ጊዲሺን ኪታዚ ጻፌቲዳይ ኢሲ ዶሬቲዳ ጎዳቴይሲኔ ኢዚ ናይታሳ፤ ኦኔ ኤሪዛይ ኢሲ ዎሳ ኬን ዲዛ ኣማኒዛይታስ ጻፌቶንታ ኣጌና። ሃይሲ ሃ ቃን ኪታዚ ጻፌቲዳይ ኣሳይ ባ ጋርሳን ኢሶይ ኢሳራ ሲቄታና ማላ ቆፍሳናሲኔ ዎርዶ ኣስታማሬታፔ ኢስታ ቲሚርቴፌካ ኣሳይ ናጌታና ማላኮ።
\ib
\iot ሃ ማጻፋይ ኦይኪዳ ኩሜ ቆፋ
\io1 ጌሎሶ \ior 1-3 \ior*
\io1 ሲቆይ ኡባፌ ኣ \ior 4-6 \ior*
\io1 ዎርዶ ቲሚርቴፌ ናጌታና ማላ ቆፊሶ \ior 7-11 \ior*
\io1 ኩሻ ቆፋ \ior 12-13 \ior*
\c 1
\p
\v 1 ታፔ ጪማዛፔ፥ ቱማፔ ታ ዶሲዛ ዶሬቲዳ ጎዳቴይሲኔ ኢዚ ናይታስ፥\f + \fr 1፡1 \fr*\ft ጎዳቴይሲኔ ኢዚ ናይታስ ጊዛይሲ ዎሳ ኬን ዲዛ ኣባሌታ (ኣማኒዛ ኣሳ) ቤሴስ። ታይቦ 4-5 ጼላ።\ft*\f* ታና ጻላ ጊዶንታ ቱማ ኤሪዛይቲ ዉሪ ዶሲዛሪስ ኪቴቲዳ ኪታ። 
\v 2 ጋሶይካ ሃይሲ ቱማይ ሃኢካ ኑ ጊዶን ዲዛይሳኔ ሲንፌካ ሜርናስ ዳናይሳ።
\p
\v 3 ጾሳ ኣዋፔኔ ኢዛ ና ዬሱስ ኪርስቶሳፔ ኪያቴ፥ ማሮቴኔ ሳሮይ ቱማኒኔ ሲቆን ኑናራ ጊዶ።
\p
\v 4 ኔ ናይታፔ ባጋይቲ ኣዋፔ ኑስ ኢሜቲዳ ኣዛዞዛ ማላ ቱማን ሚኒ ዲዛይታ ታ ቤኢዳ ጊሻስ ዳሮ ኡፋዬታዲስ። 
\v 5 ሃኢካ ጎዳቴዬ! ካሴፔካ ዲዛሮ ኣቲን ታ ኔስ ሃራ ኦራ ኣዛዞ ጻፊኬ፤ ሄሲካ ኑኒ ኑ ጊዶን ሲቄታናይሳ።\x - \xo 1፡5 \xo*\xt ዮሃ 13፡34፤ 15፡12፥17\xt*\x* 
\v 6 ሄ ሲቆይካ ኑ ኢዛ ኣዛዞዛ ማላ ዳናይሳ፤ ኣዛዞዚካ ኢንቴ ኮይሮ ሲዪዳ ማላ ሲቆን ዳናሳ።
\p
\v 7 ዬሱስ ኪርስቶሲ ኣሳ ኣሾ ማይኢዲ ዪቤና ጊዛ ኣማኖንታ ዳሮ ባሌዛይቲ ኣላሜ ቦላ ላሌቲዳ፤ ሄይታ ማላይ ኣይ ኣሲካ ኣስ ባሌዛዴኔ ኪርስቶሳራ ኤቄቲዛዴ። 
\v 8 ኢንቴ ጊዲኮ ኢንቴ ዳቡራ ዋጋፔ ሜላ ኣቶንታ ማላኔ ኩሜ ዎይቶ ኤካና ማላ ኢንቴ ሁኤስ ናጌቲቴ። 
\v 9 ኪርስቶሳ ቲሚርቴ ማላ ዶንታ ኣሲኔ ኢዛ ቲሚርቴፌ ባሌቲዲ ካሬ ኬዚዛ ኣሳን ኦናንካ ጾሲ ዴና፤ ኪርስቶሳ ቲሚርቴን ዲዛዴይ ጊዲኮ ኢዛስ ኣዋይኔ ኣዋ ናይ ዴቴስ። 
\v 10 ኦኒካ ኢንቴኮ ዪሼ ሄሳ ሄ ቲሚርቴዛ ኤኪ ዮንታ ኣስ ሞኪ ኤኮፍቴኔ ሳሮካ ጎፒቴ። 
\v 11 ሞኪ ኤኪዲ ባሶ ጌልዛዴይ ሄሳዴ ኦሶን ኢዛራ ኢሲኖ ጊዴስ።
\s ዉርሴ ሳሮካ
\p
\v 12 ታ ኢንቴስ ጻፋናስ ኮይዛ ዳሮ ሚሺ ዴሲሺን ዋራቃታኒኔ ቃላሜን ጻፋና ማላ ኮይኬ፤ ጊዲኮካ ኑ ኡፋይሳይ ኩሜ ጊዳና ማላ ታ ኢንቴኮ ባዳ ኢንቴ ሲንን ኢንቴናራ ሃሳያናስ ሂዶታ ኦይስ። 
\v 13 ዶሬቲዳ ኔ ሚቼይ ናይቲ ኔና ሳሮ ጌቴስ።