\id 1CH - Gamo Full Bible final version
\ide UTF-8
\h 1ታሪኬ ማጻፋ
\toc1 1ታሪኬ ማጻፋ
\toc2 1ታሪኬ ማጻፋ
\toc3 1ታሪ
\mt 1ታሪኬ ማጻፋ
\imt ጊዶ ቆፋ
\ip ኮይሮ ታሪኬ ማጻፋይ ሳሜላ ማጻፋኒኔ ካዎታ ማጻፋታን ዲዛ ታሪኬታ ሃራ ኦጌራ ዛሪ ዮቴስ፤ ታሪኬ ማጻፋቲ ኢስራኤሌ ካዎታ ታሪኬ ጊሻስ ኣይፌ ጊዲዳ ናምኡ ቆፋታ ዮቴቴስ።
\ili 1. ኢስራኤሌ ካዎቴቲኔ ዩሁዳ ካዎቴቲ ሞሮን ኩንዲዳ ጊዲኮካ ጾሲ ባ ዴሬዛስ ኢሚዳ ሂዶታ ቃላ ኡባ ናጊዳይሳ ዩሁዳን ዲዛ ኣሳ ባጋራ ኢዚ ባ ዴራስ ቆፒዳይሲ ኦሶ ቦላ ፔኦይሳ ቤሳናሳ፤ ሄሲ ቱሙ ጊዲዳይሳ ኤሪሳናስ ሃ ማጻፋ ጻፊዳ ዳዊቲኔ ሶሎሞኔይ ኦዳ ጊታ ኦሶታ፥ ኢዮሳፊጼይ ሂዝቂያሲኔ ኢዮሲያሲ ኦዳ ኦራጺሶ ኦሶታኔ ጾሳስ ኢስታ ኣማኔቴ ሚኒዳ ዴራ ሎኤ ቤሴስ (1-12)።
\ili 2. ዬሩሳላሜን ዲዛ ጾሳ ኬን ጾሳስ ጎይኖይ ዋኒ ዶሜቲዳኮ ቆንጪሳናሳ፤ ቃሴ ሄ ዎዴ ጎይኖ ዎጋ ካሌዛይቲ ቄሴታ ጊዲዳ ጊሻስ ኢስቲ ካሌዛ ኦሶ ኬይ ዋኒዲ ዶሜቲዳኮ ቆንጪሳናሳ፤ ጾሳ ኬ ኬጺዳይ ሶሎሞኔ ጊዲኮካ ኮይሮ ጾሳ ኬን ጎይኖ ዎጋ ኤሲዳይ ዳዊቴ ጊዳይሳ ኤሪሳናሳ። (13-29)
\iot ሃ ማጻፋይ ኦይኪዳ ኩሜ ቆፋ
\io1 ኣዳሜ ዛሬፔ ቢዲ ካዎ ሳኦሌ ጋካናስ \ior 1፡1—9፡44 \ior*
\io1 ሳኦሌ ሃይቆኔ ኢዛ ናይታ ሃይቆ \ior 10፡1-14 \ior*
\io1 ዳዊቲ ካዎቲዲ ዬሩሳላሜ ኦይ \ior 11፡1-9 \ior*
\io1 ዳዊቴ ዎታዳራ ሚኖታ \ior 11፡10—12፡40 \ior*
\io1 ታቦታ ዬሩሳላሜ ኤፎ \ior 13፡1—16፡43 \ior*
\io1 ጾሳ ኬ ኬጻናይ ሶሎሞኔ \ior 17፡1-27 \ior*
\io1 ዳዊቴ ዎታዳራታ ጾኖ \ior 18፡1—20፡8 \ior*
\io1 ዳዊቲ ዴራ ቆዲን ጋኪዳ ሃንቆ \ior 21፡1-30 \ior*
\io1 ጾሳ ኬ ኬጻናስ ጊጌቴ \ior 22፡1—28፡21 \ior*
\io1 ጾሳ ኬ ኬጻናስ ኢሜቲዳ ኢሞታ \ior 29፡1-20 \ior*
\io1 ሶሎሞኔ ካዎቴ \ior 29፡21-25 \ior*
\io1 ዳዊቴ ሃይቆ \ior 29፡26-30 \ior*
\c 1
\s ኣዳሜፔ ቢዲ ኣብራሃሜ ጋካናስ ዲዛ ዬሌታ
\r (ሜ 5፡1-32፤ 10፡1-32፤ 11፡10-26)
\p
\v 1 ኣዳሜይ ሴቴ ዬሊዴስ፤ ሴቴይ ሄኖሴ ዬሊዴስ፤ ሄኖሴይ ቃይናኔ ዬሊዴስ። 
\v 2 ቃይናኔይ ማላልኤሌ ዬሊዴስ፤ ማላልኤሌይ ያሬዴ ዬሊዴስ። 
\v 3 ያሬዴይ ሄኖኬ ዬሊዴስ፤ ሄኖኬይ ማቱሳላ ዬሊዴስ፤ ማቱሳላይ ላሜኬ ዬሊዴስ። 
\v 4 ላሜኬይ ኖሄ ዬሊዴስ፤ ኖሄይ ሴሜ፥ ካሜኔ ያፌቴ ዬሊዴስ።
\p
\v 5 ያፌቴይ፥ ጎሜሬ፥ ማጎጌ፥ ማዳዬ፥ ያዋኔ፥ ቱባሌ፥ ሜሼኬኔ ቲራሴ ጌቴቲዛ ኣቱማ ናይታ ዬሊዴስ። 
\v 6 ጎሜሬ ናይቲ ኣሽኬናዜ፥ ኤሬፋሲቴኔ ቶጋርማ። 
\v 7 ያዋኔ ናይቲ ኤሊሼ፥ ታርሴሴ፥ ኪቲሜኔ ኦሮዳሂሜ። 
\v 8 ካሜ ኣቱማ ናይቲ ኩሼ፥ ሚጺራይሜ፥ ፑጼኔ ካናኔ። 
\v 9 ኩሼ ናይቲ ሴባ፥ ሃዊላ፥ ሳባ፥ ኤራኢሜኔ ሳቢቴካ፤ ኤራኢሜ ኣቱማ ናይቲ ሳባኔ ዳዳኔ። 
\v 10 ኩሼይ ናሙሩዴ ዬሊዴስ፤ ናሙሩዴይካ ኣላሜ ቦላ ኤሬቲዳ ዎልቃማ ኦላንቻ ጊዲዴስ። 
\v 11 ሚጺራይሜይ ሉዲሜታ፥ ኣናሜታ፥ ላሃቤታ፥ ናፍቱሄታ፥ 
\v 12 ጳጺሮሴታ፥ ካሲሉሄታኔ ፊሊስጼሜ ዛሬታ ዬሊዳ ካፍቶሬታ ዬሊዴስ። 
\v 13 ካናኔይ ባይራ ና ሲዶናሲኔ ኢዛ ካሎ ሂቴስ ኣዋ፤ 
\v 14 ቃሴካ ካናኔይ ያቡሴታስ፥ ኣሞሬታስ፥ ጌርጌሴታስ፥ 
\v 15 ሂዌታስ፥ ኣርቄታስ፥ ሲኔታስ፥ 
\v 16 ኣርዋዴታስ፥ ጻማሬታሲኔ ሃማቴታስ ኣዋ።
\p
\v 17 ሴሜ ናይቲ፥ ኤላሜ፥ ኣሶሬ፥ ኣርፋኪሲዴ፥ ሉዴ፥ ኣራሜ፥ ኡጼ፥ ሁሌ፥ ጌቴሬኔ ሜሼኬ፤ 
\v 18 ኣርፋኪሲዴይ ሼላሄ ዬሊዴስ፤ ሼላሄይ ኤቦሬ ዬሊዴስ፤ 
\v 19 ኤቦሬይ ናምኡ ኣቱማ ናይታ ዬሊዴስ፤ ኢሶይ ዬሌቲዳ ዎዴ ሳኣይ ሻኬቲዳ ጊሻስ ኢዛ ሱን ፔሌጌ ጌቴቲዴስ፤ ናምኣንዚ ዮቂጻኔ ጌቴቲዴስ። 
\v 20 ዮቂጻኔይ ኣልሞዳዴ፥ ሼሌፌ፥ ሃጻርማዌቴ፥ ዬራሄ 
\v 21 ሃዶራሜ፥ ኡዛሌ፥ ዲቂሌ 
\v 22 ኤባሌ፥ ኣቢማኤሌ፥ ሳባ፥ 
\v 23 ኦፊሬ፥ ሃዊላኔ ዮባቤ ዬሊዴስ፤ ሃይቲ ዉሪካ ዮቂጻኔ ናይታ።
\p
\v 24 ሴሜፔ ቢዲ ኣብራሃሜ ጋካናስ ዲዛ ዬሌታ ዛርኬይ ሃይሳፌ ካሊ ዲዛይታ ኦይኬስ፤ ኢስቲካ ሴሜ፥ ኣርፋኪሲዴ፥ ሼላሄ፥ 
\v 25 ኤቦሬ፥ ፔሌጌ፥ ኤራኤ፥ 
\v 26 ሳሩጌ፥ ናኮሬ፥ ታራኔ 
\v 27 ጉዬፔ ኣብራሃሜ ጌቴቲዳ ኣብራሜ።
\s ኣብራሃሜ ሶ ኣሳታ
\r (ሜ 25፡12-16)
\p
\v 28 ኣብራሃሜይ ዪሳቃኔ ኢስማኤሌ ዬሊዴስ።
\s ኣጋራ ኣብራሃሜስ ዬሊዳ ናይታ
\p
\v 29-30 ኣብራሃሜይ ኣጋሪፔ ኢስማኤሌ ዬሊዴስ፤ ኢስማኤሌይ ዬሊዳ ባይራ ናዛ ሱን ኔባዮቴ ጊዲሺን ኢዛ ካሎቲ ቄዳሬ፥ ኣዲቢኤሌ፥ ሚቢሳሜ፥ ሚሺማኤ፥ ዱማ፥ ማሳ፥ ሃዳዴ፥ ቴማ፥ 
\v 31 ዪጹሬ፥ ናፊሻኔኔ ቄዲማ ጌቴቴቴስ።
\s ኬጹራይ ኣብራሃሜስ ዬሊዳ ናይታ
\p
\v 32 ኬጹራይ ኣብራሃሜስ ዬሊዳ ኡሱፑን ኣቱማ ናይቲ ዚሚራኔ፥ ዮቂሻኔ፥ ማዳ፥ ሚዲያኔ፥ ዪሺባቄኔ ሹሃ ጌቴቴቴስ። ዮቂሻኔይ ሳባኔ ዳዳኔ ጌቴቲዛ ናምኡ ኣቱማ ናይታ ዬሊዴስ። 
\v 33 ሚዲያኔይካ ኤፋ፥ ኤፌሬ፥ ሄኖኬ፥ ኣቢዳኤኔ ኤልዳኤ ጌቴቲዛ ኢቻሹ ኣቱማ ናይታ ዬሊዴስ፤ ሃይቲ ኡባይ ኬጹራ ዜሬታ።
\s ኣብራሃሜይ ሳራፔ ዬሊዳ ዛሬታ
\r (ሜ 36፡1-19)
\p
\v 34 ኣብራሃሜይ ሳራፔ ዪሳቃ ዬሊዴስ፤ ዪሳቂ ኤሳዌኔ ኢስራኤሌ ዬሊዴስ። 
\v 35 ኤሳዌይ ኤልፋዜ፥ ኤራኡኤሌ፥ ያኡሼ፥ ያኢላሜኔ ቆሬ ዬሊዴስ። 
\v 36 ኤልፋዜይ ቴማኔ፥ ኦማሬ፥ ጻፌ፥ ጋኢታሜ፥ ቄናዜ፥ ቴሚናኤኔ ኣማሌቄ ጌቴቲዛ ኣቱማ ናይታ ዬሊዴስ። 
\v 37 ኤራኡኤሌይ ናሃቴ፥ ዛራሄ፥ ሻማሃኔ ሚዛሄ ጌቴቲዛ ኣቱማ ናይታ ዬሊዴስ።
\s ኤዶሜን ኮይሮ ዴኢዳ ኣሳታ
\r (ሜ 36፡20-30)
\p
\v 38 ኤዶሜን ኮይሮ ዴኢዳ ሴይሬ ኣቱማ ናይቲ ሎጻ፥ ሾባሌ፥ ጺባኦኔ፥ ኣና፥ ዲሾ፥ ኤጼሬኔ ዲሻኔ። 
\v 39 ሎጻኔ ኣቱማ ናይቲ ሆሬኔ ሆማሜ፤ ቴሚናኣ ሎጻኔስ ሚቾ። 
\v 40 ሾባሌ ኣቱማ ናይቲ ኣሊዋ፥ ማናሃቴ፥ ኤባሌ፥ ሼፌኔ ኦናሜ።
\p ጺባኦኔ ኣቱማ ናይቲ ኣያኔ ኣና። 
\v 41 ኣናይ ዲሾኔ ዬሊዴስ፤ ዲሾኔ ኣቱማ ናይቲ ሄምዳ፥ ኤሺባኔ፥ ዪቲራኔኔ ካራኔ። 
\v 42 ኤጼሬ ኣቱማ ናይቲ ቢሊሃኔ፥ ዛኢዋኔኔ ያቂኔ።
\p ዲሻኔ ኣቱማ ናይቲ ኡጼኔ ኣራኔ።
\s ኤዶሜ ዴሬ ካዎታ
\r (ሜ 36፡31-43)
\p
\v 43 ኢስራኤሌን ኣይ ካዎይካ ካዎታናፔ ካሴ ኤዶሜ ቢታን ካዎቲዳ ካዎቲ ሃይሳፌ ካሊ ጻፌቲዳይታ።
\p ቢኦሬ ና ቤላይ ካዎቲዴስ፤ ኢዛ ካታማ ሱንይ ዲናቤ።
\p
\v 44 ቤላይ ሃይቂን ኢዛፔ ካሊዲ ቦጺራ ዴሬ ኣስ ዛራሄ ና ዮባቤይ ካዎቲዴስ።
\p
\v 45 ዮባቤይ ሃይቂን ኢዛፔ ካሊዲ ቴማኔ ዴሬ ኣስ ሁሻሜይ ካዎቲዴስ።
\p
\v 46 ሁሻሜይ ሃይቂን ኢዛፔ ካሊዲ ሞኣቤ ዴሬን ሚዲያሜታ ጾኒዳ ባዳዴ ና ሃዳዴይ ካዎቲዴስ፤ ኢዛ ካታማያ ኣዊቴ ጌቴታዉስ።
\p
\v 47 ሃዳዴይ ሃይቂን ኢዛፔ ካሊዲ ማሲሬቄ ዴሬ ኣስ ሻኡሌይ ካዎቲዴስ።
\p
\v 48 ሻኡሌይ ሃይቂን ኢዛፔ ካሊዲ ኤፊራጺሴ ሻፋ ማታን ዲዛ ኤራሆቦቴ ዴሬ ኣስ ሳኦሊ ካዎቲዴስ። 
\v 49 ሳኦሊ ሃይቂን ኢዛፔ ካሊዲ ኣኪቦሬ ና ባኣሊ-ሃናኔይ ካዎቲዴስ።
\p
\v 50 ባኣሊ-ሃናኔይ ሃይቂን ኢዛፔ ካሊዲ ፓኡ ዴሬ ኣስ ሃዳዴይ ካዎቲዴስ፤ ኢዛ ማቼያካ ማሄጻቢኤላ ሜዛሃቤ ና ማጺሬዳ ቢዮ፤ ሄሳፌ ጉዬ ሃዳዴይ ሃይቂዴስ። 
\v 51 ኤዶሜን ኬሂ ኤሬቲዛ ሃላቃቲ ቴሚናኤ፥ ኣሊዋ፥ ዬቴቴ፥ 
\v 52 ኦሆሊባሜ፥ ኤላ፥ ፒኖኔ፥ 
\v 53 ቄናዜ፥ ቴማኔ፥ ሚቢዛሬ፥ 
\v 54 ማጊዲኤሌኔ ኢራሜ ጌቴቴቴስ።
\c 2
\s ያቆቤ ናይታ
\p
\v 1 ያቆቤይ 12 ኣቱማ ናይታ ዬሊዴስ፤ ሄይቲካ ኦሮቤሌ፥ ሲሞና፥ ሌዌ፥ ዩሁዳ፥ ዪሳኮሬ፥ ዛቢሎኔ፥ 
\v 2 ዳኔ፥ ዮሴፌ፥ ቢኒያሜ፥ ኒፍታሌሜ፥ ጋዴኔ ኣሴሬ።
\s ዩሁዳ ናይታ
\p
\v 3 ዩሁዳይ ካናኔ ዴሬ ኣስ ሹኣ ቢይፔ ኤራ፥ ኦናኔኔ ሴላ ጌቴቲዛ ሄ ኣቱማ ናይታ ዬሊዴስ፤ ኢዛስ ባይራ ናዚ ኤራይ ጎዳ ሲንን ኢታ ኣስ ጊዲዳ ጊሻስ ጎዳይ ኢዛ ቦሻን ዎዴስ። 
\v 4 ዩሁዳይካ ባ ናዛ ማቾ ቲኢማሪፔ ፓሬሴኔ ዛራሄ ጌቴቲዛ ናምኡ ኣቱማ ናይታ ዬሊዴስ፤ ዩሁዳይ ኢቻሽ ኣቱማ ናይታ ዬሊዴስ።
\s ፓሪሴ ኣቱማ ናይታ
\p
\v 5 ፓሬሴይካ ሄጺሮሜኔ ሃሙሌ ጌቴቲዛ ናምኡ ኣቱማ ናይታ ዬሊዴስ።
\s ዛራሄ ናይታ
\p
\v 6 ዛራሄይ ኢቻሹ ኣቱማ ናይታ ዬሊዴስ፤ ሄይቲካ ዚሚሬ፥ ኤታኔ ሄማኔ፥ ካልኮሌኔ ዳራ። 
\v 7 ዛራሄ ዜሬፌ ጊዲዳ ካርሜ ና ኣካኔይ ጾሳስ ዱማቲዳ ዲኦ ሚሻፌ ካይሶቲዲ ቆቲዳ ጊሻስ ኢስራኤሌ ዴራ ቦላ ሜቶ ኤሂዴስ።\x - \xo 2፡7 \xo*\xt ኢያ 7፡1\xt*\x* 
\v 8 ኤታኔይካ ኣዛሪያ ጌቴቲዛ ኢሲ ኣቱማ ና ዬሊዴስ።
\p
\v 9 ሄጺሮሜይ ሄ ኣቱማ ናይታ ዬሊዴስ፤ ሄይቲካ ዬራሂምኤሌ፥ ኣራሜኔ ካሉቤ።
\s ካዎ ዳዊቴ ዬሌታ ዛርኬ
\p
\v 10 ኣራሜይ ኣሚናዳቤ ዬሊዴስ፤ ኣሚናዳቤይ ዩሁዳ ናይታስ ሃላቃ ጊዲዳ ኔኣሶኔ ዬሊዴስ። 
\v 11 ኔኣሶኔይ ሳላሞ ዬሊዴስ፤ ሳላሞይካ ቦኤዜ ዬሊዴስ። 
\v 12 ቦኤዜይ ኢዮቤዴ ዬሊዴስ፤ ኢዮቤዴይካ ኢሴዬ ዬሊዴስ።
\s ኢሴዬ ኣቱማ ናይታ
\p
\v 13 ኢሴዬ ባይራ ናዚ ኤልያቤ፤ ኤልያቤ ካሎቲ ኣቢናዳቤ፥ ሺምኣ፥ 
\v 14 ናቲናኤሌ፥ ኤራዴ፥ 
\v 15 ኦጼሜኔ ዳዊቴ። 
\v 16 ኢስታ ሚቼቲ ጹሪያኔ ኣቢጋሎ ጌቴቴቴስ፤ ጹሪያይ ኣቢሳዬ፥ ኢዮኣቤኔ ኣሳሄሌ ጌቴቲዛ ሄ ኣቱማ ናይታ ዬላዱስ። 
\v 17 ኣቢጋላ ኢስማኤሌ ዜሬፌ ጊዲዳ ዮቶሬስ ኣማሳ ጌቴቲዛ ኣቱማ ና ዬላዱስ።
\s ሄጺሮሜ ና ካሌቤ ዜሬታ
\p
\v 18 ሄጺሮሜ ና ካሌቤይ ኣዙቦ ጌቴቲዛሮ ማቾ ኤኪዲ ዪርኣቶ ጌቴቲዛ ማጫ ና ዬሊዴስ፤ ዪርኣታካ ዬሼሬ፥ ሾባቤኔ ኣርዶኔ ጌቴቲዛ ሄ ኣቱማ ናይታ ዬላዱስ። 
\v 19 ኣዙባ ሃይቂዳፔ ጉዬ ካሌቤይ ኤፍራቶ ማቾ ኤኪዲ ሁሬ ጌቴቲዛ ኣቱማ ና ዬሊዴስ። 
\v 20 ሁሬይካ ኡሬ ጌቴቲዛ ኣቱማ ና ዬሊዴስ፤ ኡሬይ ባስሊኤሌ ዬሊዴስ።
\p
\v 21 ሄጺሮሜይ ኢዛስ 60 ላይ ኩሚሺን ጋላኣዴ ኣዋ ማኪሬ ናዮ ማቾ ኤኪዲ ሳጉቤ ዬሊዴስ። 
\v 22 ሳጉቤይካ ያኢሬ ዬሊዴስ፤ ያኢሬይ ጋላኣዴ ዴሬን ዲዛ 23 ካታማታ ኣይሴስ። 
\v 23 ጊዶ ኣቲን ጌሹሬይኔ ኣራሜይ ቄናቴኒኔ ኢዚ ሄራን ዲዛ 60 ቄሪ ካታማታኔ ያኢሬ ካታማታ ኦሊ ኦይኪዳ፤ ሄይቲ ኡባይካ ጋላኣዴ ኣዋ ማኪሬ ዜሬታ። 
\v 24 ሄጺሮሜይ ካሌቤ ኤፍራታ ጌቴቲዛሶን ሃይቂዳፔ ጉዬ ኢዛ ማቻ ኣቢያይ ቴቁሄ ኣዋ ኣሺሁሬ ኢዛስ ዬላዱስ።
\s ሄጺሮሜ ና ዪራሂምኤሌ ዜሬታ
\p
\v 25 ሄጺሮሜስ ባይራ ናዚ ዬራሂምኤሌይ 5 ኣቱማ ናይታ ዬሊዴስ፤ ሄይታፔ ባይራዚ ኤራማ፥ ኢዛ ካሎቲ ቡና፥ ኦሬ፥ ኦጼሜኔ ኣካያ ጌቴቴቴስ።
\p
\v 26 ዬራሂምኤሌስ ኣጻሮ ጌቴቲዛ ሃራ ማቻ ዳዉስ፤ ኢዛ ኦናሜ ኣዮ። 
\v 27 ዬራሂምኤሌስ ባይራ ና ኤራማይ ማጼ፥ ያሚኔኔ ኤቄሬ ጌቴቲዛ ኣቱማ ናይታ ዬሊዴስ።
\p
\v 28 ኦናሜይ ሻማዬኔ ያዳ ጌቴቲዛ ኣቱማ ናይታ ዬሊዴስ፤ ሻማዬይ ናዳቤኔ ኣቢሹሬ ጌቴቲዛ ኣቱማ ናይታ ዬሊዴስ።
\p
\v 29 ኣቢሹሬይካ ኣቢሃይሎ ጌቴቲዛሮ ማቾ ኤኪዲ ኣሂባኔኔ ሞሊዴ ዬሊዴስ። 
\v 30 ናዳቤይ ሴሌዴኔ ኣፋይሜ ዬሊዴስ፤ ሴሌዴይ ጊዲኮ ና ዬሎንታ ሃይቂዴስ።
\p
\v 31 ኣፋይሜይ ዩሺኤ ዬሊዴስ፤ ዩሺኤይ ሼሻኔ ዬሊዴስ፤ ሼሻኔይ ኣሂላዬ ዬሊዴስ። 
\v 32 ሻማዬ ኢሻ ያዳይ ዮቶሬኔ ዮናታኔ ዬሊዴስ፤ ዮቶሬይ ጊዲኮ ና ዬሎንታ ሃይቂዴስ። 
\v 33 ዮናታኔይ ፓሌቴኔ ዛዛ ጌቴቲዛ 2 ኣቱማ ናይታ ዬሊዴስ፤ ሄይቲ ዉሪካ ዬራሂምኤሌ ዜሬታ። 
\v 34 ሼሻኔስ ማጫ ናይታፔ ኣቲን ሃራ ኣቱማ ናይ ዴና፤ ኢዛስ ኦዛ ጊብጼ ዴሬ ኣስ ያራሃ ጌቴቲዛ ኦሳንቻይ ዴስ። 
\v 35 ሼሻኔይ ባ ማጫ ናዮ ያራሃስ ማቾ ጊዳና ማላ ኢሚዴስ፤ ኢዛካ ኢዛስ ኣታዬ ጌቴቲዛ ኣቱማ ና ዬላዱስ። 
\v 36 ኣታዬይ ናታኔ ዬሊዴስ፤ ናታኔይ ዛባዴ ዬሊዴስ፤ 
\v 37 ዛባዴይ ኤፊላሌ ዬሊዴስ፤ ኤፊላሌይ ኢዮቤዴ ዬሊዴስ፤ 
\v 38 ኢዮቤዴይ ኢዩ ዬሊዴስ፤ ኢዩይ ኣዛሪያሳ ዬሊዴስ፤ 
\v 39 ኣዛሪያሲ ሄሌጼ ዬሊዴስ፤ ሄሌጼይ ኤልኣሳ ዬሊዴስ፤ 
\v 40 ኤልኣሳይ ሲስማዬ ዬሊዴስ፤ ሲስማዬይ ሻሎሜ ዬሊዴስ፤ 
\v 41 ሻሎሜይ ዪቃሚያኔ ኤልሻማ ዬሊዴስ።
\s ሃንኮ ኣቲዳ ካሌቤ ዬሌታ ዛርኬታ
\p
\v 42 ዬራሂምኤሌ ኢሻ ካሌቤይ ባይራ ናዛ ሜሻ ዬሊዴስ፤ ሜሻይ ዚፌ ዬሊዴስ፤ ዚፌይ ማሬሻ ዬሊዴስ፤ ማሬሻይካ ኬብሮኔ ዬሊዴስ። 
\v 43 ኬብሮኔይካ ቆሬ፥ ታጱሄ፥ ኤሬቄሜኔ ሼማኤ ጌቴቲዛ ኣቱማ ናይታ ዬሊዴስ። 
\v 44 ሼማኤይካ ኤራሃሜ ዬሊዴስ፤ ኤራሃሜይ ኤሬቄሜ ዬሊዴስ፤ ኤሬቄሜይ ሻማዬ ዬሊዴስ። 
\v 45 ሻማዬይ ማኦኔ ዬሊዴስ፤ ማኦኔይካ ቤቲ-ጹሬ ዬሊዴስ።
\p
\v 46 ካሌቤስ ኤፎ ጌቴቲዛ ላጌ ማቻ ዳዉስ፤ ካሌቤይ ኢዚፔ ካራኔ፥ ሞዛኔ ጋዛዜ ጌቴቲዛ ሃራ 3 ኣቱማ ናይታ ዬሊዴስ፤ ሃራኔይካ ጋዛዜ ጌቴቲዛ ሃራ ኣቱማ ና ዬሊዴስ።
\p
\v 47 ያሂዳይ ኤርጌሜ፥ ኢዮኣታሜ፥ ጌሻኔ፥ ፓሌጼ፥ ኤፋኔ ሻኣፌ ጌቴቲዛ ኣቱማ ናይታ ዬሊዴስ። 
\v 48 ካሌቤስ ማኢካ ጌቴቲዛ ላጌ ማቻ ዳዉስ፤ ኢዛካ ሼቤሬኔ ቲሪሃና ጌቴቲዛ ኣቱማ ናይታ ዬላዱስ። 
\v 49 ቃሴካ ማኢካ ሻኣፌኔ ሻዋ ዬላዱስ፤ ሻኣፌይ ማዲማና ዬሊዴስ፤ ሻዋይ ማኪባኔኔ ጊቢኣ ዬሊዴስ። ካሌቤስ ኣኪሳ ጌቴቲዛ ማጫ ናይ ዳዉስ።
\p
\v 50 ካሌቤይ ዬሊዳ ሃራ ናይቲ ሃይሳፌ ካሊ ዲዛይታ፤ ካሌቤይ ኤፍራቲፔ ባይራ ናዛ ኡሬ ዬሊዴስ፤ ኡሬይ ቂሪያቴ-ዪኣሪሜ ኣዋ ሾባሌ። 
\v 51 ቤቴሊሄሜ ኣዋ ሳላሞኔ ቤቲ-ጋዴራ ኣዋ ሃሬፌ ዬሊዴስ።
\p
\v 52 ቂሪያቴ-ዪኣሪሜ ኣዋ ሾባሌ ዜሬቲ፥ ሄሮሄቴኔ ማናሃቴ ቆሞታፔ ባጋታ። 
\v 53 ቃሴካ ቂሪያቴ-ዪኣሪሜ ዛርኬቲ ያቲሬታ፥ ፑቴታ፥ ሹማቴታ፥ ሚሺራታ፥ ጾራኣታኔ ኤሽታኦሌታ።
\s ሳልማ ዜሬታ
\p
\v 54 ሳላሞ ናይቲ ቤቴሊሄሜ፥ ናጾፌታ፥ ኣጺሮታ፥ ቤት ኢዮኣቤ፥ ማናሃቴታፔ ባጋታኔ ሃጾሬታ። 
\v 55 ያቤጼ ካታማን ዲዛ ጻፊዛይታ ዛሬቲ ቃሴ ቲርኣታ፥ ሺምኣታኔ ሱኮቴ፤ ሃይቲ ኤሬካቤታ ኣዋ ሃማቴፔ ዬሌቲዳ ቄናዌታ።
\c 3
\s ካዎ ዳዊቴ ናይታ ዛርኬ
\p
\v 1 ዳዊቲ ኬብሮኔን ዲሼ ዬሊዳ ኣቱማ ናይታ ሱን ሃይሳፌ ካሊ ዲዛይታ፤
\q2 ባይራ ና ኣሚኖኔ
\q2 ኢዝራኤሌ ዴሬ ማጫስ
\q2 ኣሂናሆምፔ ዬሊዴስ፤
\q3 ኢዛ ካሎ ዳኔላ
\q3 ቃርሜሎሴ ዴሬ ማጫስ
\q2 ኣቢጋሊፔ ዬሊዴስ።
\q1
\v 2 ሄንዛ ኣቤሴሎሜ
\q2 ጌሹሬ ካዎ ታሊማዬ ና
\q2 ማኢኪፔ ዬሊዴስ።
\q2 ኦይዳንዛ ኣዶኒያሳ
\q3 ሃጊቲፔ ዬሊዴስ።
\q1
\v 3 ኢቻሻንዛ ሻፋጺያ
\q2 ኣቢጻሊፔ ዬሊዴስ
\q1 ኡሱፑንዛ ዪቲራሜ
\q2 ኤግሊፔ ዬሊዴስ።
\p
\v 4 ሃይቲ ኡሱፑናቲ ዳዊቲ ኬብሮኔን ላፑን ላይኔ ባጋ ዴራ ኣይሲዛ ዎዴ ዬሌቲዳ፤ ዳዊቲ ዬሩሳላሜን 33 ላይ ካዎቲዴስ።\x - \xo 3፡4 \xo*\xt 2ሳሜ 5፡4-5፤ 1ካዎ 2፡11፤ 1ታሪ 29፡27\xt*\x* 
\v 5 ኢዚ ሄን ዲሼ ዬሊዳ ኣቱማ ናይቲ ሃይሳፌ ካሊ ዲዛይታ፤
\p ኣምኤሌ ና ቤርሳቤሃ ሺምኣ፥ ሾባቤ፥ ናታኔኔ ሶሎሞኔ ጌቴቲዛ ኦይዱ ኣቱማ ናይታ ኢዛስ ዬላዱስ።\x - \xo 3፡5 \xo*\xt 2ሳሜ 11፡3\xt*\x*
\p
\v 6 ቃሴ ሃራ ኡዱፉን ኣቱማ ናይቲ ኢዛስ ዴቴስ፤ ሄይቲካ ኢያቤሄሬ፥ ኤልሱኤ፥ ኤልፋሌጼ 
\v 7 ኖጋሄ፥ ኔፌጌ፥ ናፊያ፥ 
\v 8 ኤልሻማ፥ ኤልኣዳኔ ኤልፋሌጼ ጌቴቲዛይታ። 
\v 9 ሄይታፔካ ሃራ ዳዊቲ ጋራዴታፔ ዬሊዳ ኣቱማ ናይቲ ዴቴስ፤ ኢስታስካ ቲኢማሮ ጌቴቲዛ ሚቻ ዳዉስ።
\s ካዎ ሶሎሞኔ ናይታ ዛርኬ
\q1
\v 10 ካዎ ሶሎኖኔይ
\q2 ኤሮቢኣሜ ዬሊዴስ፤
\q2 ኤሮቢኣሜይ ኣቢያ ዬሊዴስ፤
\q2 ኣቢያይ ኣሳ ዬሊዴስ፤
\q2 ኣሳይ ኢዮሳፊጼ ዬሊዴስ፤
\q2
\v 11 ኢዮሳፊጼይ ኢዮራሜ ዬሊዴስ፤
\q2 ኢዮራሜይ ኣካዚያሳ ዬሊዴስ፤
\q2 ኣካዚያሲ ኢዮኣሳ ዬሊዴስ፤
\q2
\v 12 ኢዮኣሲ ኣማሲያሴ ዬሊዴስ፤
\q2 ኣማሲያሲ ኣዛሪያሴ ዬሊዴስ፤
\q2 ኣዛሪያሲ ኢዮኣታሜ ዬሊዴስ፤
\q2
\v 13 ኢዮኣታሜይ ኣካዜ ዬሊዴስ፤
\q2 ኣካዜይ ሂዝቂያሳ ዬሊዴስ፤
\q2 ሂዝቂያሲ ሚናሴ ዬሊዴስ፤
\q2
\v 14 ሚናሴይ ኣሞኔ ዬሊዴስ፤
\q2 ኣሞኔይ ኢዮሲያሳ ዬሊዴስ፥
\q2
\v 15 ኢዮሲያሲ ኦይዱ
\q2 ኣቱማ ናይታ ዬሊዴስ፤
\q2 ባይራዚ ዮሃናኔ፥
\q2 ኢዛ ካሎቲ ኢዮኣቄሜ፥
\q2 ሴዴቂያሳኔ ሻሎሜ፤
\q2
\v 16 ኢዮኣቄሜይ ኢኮኒያኔኔ
\q2 ሴዴቂያሳ ዬሊዴስ።
\s ካዎ ኢኮኒያኔ ናይታ ዛርኬ
\p
\v 17 ባቢሎኔ ዲኤቲ ቢዳ ኢኮኒያኔ ናይቲ ሳላቲያሌ፥ 
\v 18 ማሊክራሜ፥ ፓዳያ፥ ሼናጻሬ፥ ዪቃሚያ፥ ሆሻሜኔ ናዳቢያ ጌቴቲዛይታ። 
\v 19 ፓዳያይ ዜሩባቤሌኔ ሺምኤ ዬሊዴስ፤ ዜሩባቤሌይካ ማሹላሜ፥ ሃናኒያኔ ኢስታ ሚቾ ሻሎሚቶ ዬሊዴስ። 
\v 20 ቃሴካ ሃራ ኢቻሽ ኣቱማ ናይቲ ኢዛስ ዴቴስ፤ ሄይቲካ ሃሹቤ፥ ኦሄሌ፥ ባራካዬ፥ ሃሳዲያኔ ዮሻቢ-ሄሲዴ።
\p
\v 21 ሃናኒያይ ፓላጺያኔ ዬሻኢያ ጌቴቲዛ ናምኡ ኣቱማ ናይታ ዬሊዴስ፤ ዬሻኢያይካ ኤራፋያ ዬሊዴስ፤ ኤራፋያይ ኦርናኔ ዬሊዴስ፤ ኦርናኔይ ኣብዲዩ ዬሊዴስ፤ ኣብዲዩይ ሻካኒያ ዬሊዴስ። 
\v 22 ሻካኒያይካ ሻማኤ ዬሊዴስ፤ ሻማኤይ ሃጹሼ፥ ዪጊኣሌ፥ ባርያሄ፥ ናራያኔ ሳፋጼ ጌቴቲዛይታ 5 ኣቱማ ናይታ ዬሊዴስ፤ ሻካኒያ ዜሬቲ ኩሜ ኡሱፑና። 
\v 23 ናራያይ ኤልዮኤናዬ፥ ሂዝቂያሳኔ ኣዚርቃሜ ጌቴቲዛ 3 ኣቱማ ናይታ ዬሊዴስ። 
\v 24 ኤልዮኤናዬይ ሆዳዬ፥ ኤልያሼቤ፥ ፔላያ፥ ኣቁቤ፥ ዮሃናኔ፥ ዳላያኔ ኣናኔ ጌቴቲዛ 7 ኣቱማ ናይታ ዬሊዴስ።
\c 4
\s ዩሁዳ ዬሌታ ዛርኬ
\p
\v 1 ዩሁዳ ዜሬቲ ፓሬሴ፥ ሄጺሮሜ፥ ካርሜ፥ ሁሬኔ ሾባሌ። 
\v 2 ሾባሌይ ኤራኣዬ ዬሊዴስ፤ ኤራኣዬይካ ያሃቴ ዬሊዴስ፤ ያሃቴይካ ጾራኣታስ ኮይሮ ኣዋ ጊዲዳይታ ኣሁማዬኔ ላሃዴ ዬሊዴስ። 
\v 3-4 ሁሬይ ባ ኣዮ ኤፍራታስ ባይራ ና፤ ሁሬይ ቤቴሊሄሜ ዬሊዴስ፤ ኤጻሜ ኣቱማ ናይቲ ኢዝራኤሌ፥ ዩሺማኔ ዪዲባሼ፤ ኢስታስ ሚቻ ሃጺሌሊፖኖ ጌቴታዉስ፤ ፓኑኤሌይ ጋዶሬ ዬሊዴስ። ኤዜሬይ ሁሼ ዬሊዴስ፤ ሃይቲ ሁሬ ዛሬታ።
\p
\v 5 ቴቁሄ ኣዋ ኣሺሁሬስ ሄሎኔ ናኢሮ ጌቴቲዛ ናምኡ ማቼቲ ዴቴስ። 
\v 6 ኣሺሁሬይ ናኢሮ ጌቴቲዛ ባ ማቼይፌ ኣሁዛሜ፥ ሄፌሬ፥ ቴሜናኔ ኣሃሺታሬ ጌቴቲዛ ኣቱማ ናይታ ዬሊዴስ። 
\v 7 ቃሴካ ሄሊፔ ጼሬቴ፥ ጾሃሬ፥ ኤቲናኔ ቆጼ ዬሊዴስ። 
\v 8 ሃቆጼይ ኣኑቤ፥ ጾባቤኔ ሃሩሜ ና ኣሃርሄሌ ዜሬታስ ኣዋ።
\p
\v 9 ያቤጼይ ባ ኢሻታ ጊዶን ኬሂ ቦንቼቲዳ ኣስ ጊዲዴስ፤ ኢዛ ኣያ፥ «ታኒ ኢታ ሚጻን ዬሊዳይሳ» ጋሼ ኢዛ፥ «ያቤጼ» ጋ ሱንዱስ። 
\v 10 ያቤጼይካ፥ «ኣቤት ጎዳዉ! ኔ ታና ኣንጃ፤ ኔ ታ ዴራ ኣሳ፤ ኔ ኩሼይ ታናራ ዴኦ፤ ታና ሜቶፔኔ ቆሆፔ ኣሻ» ጊዲ ኢስራኤሌ ጾሳ ዎሲዴስ፤ ጾሲካ ኢዚ ዎሲዳይሳ ኢዛስ ኢሚዴስ።
\s ሃራ ኣሳታ ዬሌታ ዛርኬ
\p
\v 11 ሹሃሃ ኢሻ ካሉቤይ ማሂሬ ዬሊዴስ፤ ማሂሬይ ኤሽቶኔ ዬሊዴስ። 
\v 12 ኤሽቶኔይ ቤቲ-ራፋ፥ ፋሳሄኔ ኢር-ናሃሼ ኣዋ ታሂና ጌቴቲዛ ኣቱማ ናይታ ዬሊዴስ፤ ታሂናይ ናኣሼ ጌቴቲዛ ካታማ ኤሲዴስ፤ ሄይታ ዜሬቲ ካሴ ኣራካ ጌቴቲዛ ዴሬን ዴቴስ።
\p
\v 13 ቃናዜይ ኦቲንኤሌኔ ሳራያ ጌቴቲዛ ናምኡ ኣቱማ ናይታ ዬሊዴስ፤ ኦቲንኤሌይካ ሃታቴኔ ማኦኖታዬ ጌቴቲዛ ናምኡ ኣቱማ ናይታ ዬሊዴስ።
\p
\v 14 ማኦኖታዬይ ኦፊራ ዬሊዴስ።
\p ሳራያይካ ኩሼ ሂላንቻቲ ዲዛ ጌሃሪሺሞ ጌቴቲዛ ካታማዮ ኤሲዳ ኢዮኣቤ ዬሊዴስ።
\p
\v 15 ዮፊኔ ና ካሌቤይ ኢሮ፥ ኤላኔ ናኤማ ጌቴቲዛ ኣቱማ ናይታ ዬሊዴስ፤ ኤላይ ቄናዜ ዬሊዴስ።
\p
\v 16 ዩሃሌልኤሌይ ዚፌ፥ ዚፋ፥ ቲሪያኔ ኣሳርኤሌ ጌቴቲዛ ኣቱማ ናይታ ዬሊዴስ። 
\v 17 ኤዚራይ ዮቶሬ፥ ሜሬዴ፥ ኤፌሬኔ ያሎኔ ዬሊዴስ፤ ሜሬዴይ ጊብጼ ካዎ ናዮ ቢትዮ ማቾ ኤኪዲ ማራሞ ጌቴቲዛ ማጫ ናዮ፥ ሻማዬኔ ኤሽታሞኣ ኣዋ ዪሺባ ዬሊዴስ። 
\v 18 ሜሬዴይ ጋዶሬ ኣዋ ያሬዴ፥ ሶኮ ኣዋ ሄቤሬ፥ ዛኖሄ ኣዋ ዪቁቲኤሌ ኣይሁዳ ዴሬ ማጫሳይፌ ዬሊዴስ፤ ሄይቲካ ጊብጼ ካዎ ናዮ ቢትያ ሜሬዴስ ዬሊዳ ዛሬታ።
\p
\v 19 ሆዲያይ ናሃሞ ሚቾ ኤኪዴስ፤ ኢዛ ጋሪሚቴ ዴሬ ኣስ ቂኢላ ኣዋኔ ማኢካቴ ዴሬ ኣስ ኤሽታሞኣ ኣዋ ዬላዱስ።
\p
\v 20 ሺሞኒ ኣሚኖኔ፥ ኤራኔ፥ ቤኒ-ሃናኔኔ ቲሎኔ ዬሊዴስ፤
\p ዪሺኤይ ዞሄቴኔ ቤኒ-ዞሄቴ ዬሊዴስ።
\s ሴላ ናይታ ዛርኬ
\p
\v 21 ዩሁዳ ና ሴላ ዛሬቲ ሌካ ኣዋ ኤራ፥ ማሬሻ ኣዋ ላዳኔ ቤቲ-ኣሺቤኣ ካታማን ዴኢዛ ላይኖ ዳዲዛይታ ቆሞታስ ኣዋ።
\p
\v 22 ሃራቲ ቃሴ ዮቂሜ፥ ኢዮኣሳ፥ ያሹቢሊሄሜ፥ ሞኣቤ ቢታ ሃሪዳ ሳራፋኔ ኮዜቤ ካታማ ኣሳታ፤ (ሃ ዬሌታታ ታሪኬ ማዝጋባይ ቤኒሶፌ ዴስ።) 
\v 23 ኢስቲ ካዎ ኬ ኦሶስ ኡርቃ ሜዛይታ ጊዲዲ ካሴ ናጻሜኔ ጋዴሬ ጌቴቲዛ ካታማታን ዴኢዳ።
\s ሲሞና ናይታ ዛርኬ
\p
\v 24 ሲሞኒ ናሙኤሌ፥ ያሚኔ፥ ያሪቤ፥ ዛራሄኔ ሻኡሌ ዬሊዴስ። 
\v 25 ሻኡሌይካ ሻሎሜ ዬሊዴስ፤ ሻሎሜይ ሚቢሳሜ ዬሊዴስ፤ ሚቢሳሜይ ሚሺማኤ ዬሊዴስ። 
\v 26 ሚሺማኤይ ሃሙኤሌ ዬሊዴስ፤ ሃሙኤሌይ ዛኩሬ ዬሊዴስ፤ ዛኩሬይ ሺምኤ ዬሊዴስ፤
\p
\v 27 ሺምኤይ ታማኔ ኡሱፑን ኣቱማ ናይታኔ ኡሱፑን ማጫ ናይታ ዬሊዴስ፤ ኢዛ ኢሻቲ ጊዲኮ ዳሮ ናይታ ዬሊቤቴና፤ ሄሳ ጊሻስ ሲሞና ዛርኬቲ ዩሁዳ ዛርኬታ ማላ ዳሪቤቴና።
\p
\v 28 ሲሞና ዛሬቲ ቤርሳቤሄ ካታማኒኔ ሞላዴ፥ ሃጻሬ-ሹኣሌ፥ 
\v 29 ቢሊሃ፥ ኤጼሜ፥ ቶላዴ፥ 
\v 30 ባቱኤሌ፥ ሆርማ፥ ጺጊላጌ፥ 
\v 31 ቤቲ-ማርካቦቴ፥ ሃጻሬ-ሱሲሜ፥ ቤቲ-ባሬኔ ሻኢራይሜ ካታማታን ዴኢዳ፤ ዳዊቲ ካዎታና ጋካናስ ሄይቲ ኢስታ ካታማታ ጊዲዳ። 
\v 32 ቃሴ ኢስታ ሞቲ ኤጻሜ፥ ኣዪኔ፥ ኣርሞኔ፥ ቶኬኔኔ ኣሻኔ፤ ኢስቲ ሙሌራ ኢቻሽ ካታማታ። 
\v 33 ባኣላ ጋካናስ ሃ ካታማታ ዩሾን ዲዛ ሞቲ ኡባይ ኢስታ ቦላ ጉጄቴቴስ፤ ሄይቲ ኢስቲ ዴኢዳሶሆታኔ ኢስታ ዬሌታታ ማራን ማዝጋባን ጻፊ ኦይኪዳ።\x - \xo 4፡28-33 \xo*\xt ኢያ 19፡2-8\xt*\x*
\p
\v 34 ሲሞና ዛሬታ ሃላቃቲ ሃይሳፌ ካሊ ጻፌቲዳይታ፤ ኢስቲካ ማሾባቤ፥ ያምላኬ፥ ኣማሲያሴ ና ዮሻ፥ 
\v 35 ኢዩኤሌ፥ ዮሺቢያ ና ኢዩ፥ (ሳራያ ና ዮሺቢያ፥ ኣሳኤሌ ና ሳራያ፥) 
\v 36 ኤልዮኤናዬ፥ ያኮቤ፥ ሾሃያ፥ ኣሳያ፥ ኣዲኤሌ፥ ያሺምኤሌ፥ ባናያኔ ዚዛ።
\p
\v 37 ዚዛይ ሺፍኣ ና፥ ሺፍኣይ ኣሎኔ ና፥ ኣሎኔይ ዬዳያ ና፥ ዬዳያይ ሺሚሬ ና፥ ሺሚሬይ ሻማኤ ና።
\p
\v 38 ሃይሳፌ ቦላን ጻፌቲዳ ኣሳቲ ባንታ ዛርኬታስ ዛርኬታስ ኮራፒኔታ፤ ኢስታሶ ኣሳታ ዜሬ ኬሂፔ ጮራቲ ጮራቲ ቢዴስ። 
\v 39 ኢስቲ ባንታ ሜሄታስ ሄንሶሆ ኮያናስ ጋዶሬ ጌሊዛሶ ማታን ዲዛ ሾባፌ ኣርሼይ ሞኪዛ ባጋራ ዲዛሶታ ጋካናስ ቢዳ። 
\v 40 ኢስቲ ሄን ኬሂፔ ኣራዳኔ ሎኦ ሄንሶሆ ዴሚዳ፤ ሄ ቢታያ ዎፓይኔ ሳሮይ ኩሚዳ ኣሆ ቢታ፤ ካሴ ሄን ካሜ ዜሬቲ ዴቴስ።
\p
\v 41 ሃይሳፌ ቦላራ ኢስታ ሱንይ ጻፌቲዳ ሲሞና ዛሬቲ ዩሁዳ ካዎ ሂዝቂያሳ ዎዴ ጋዶሬ ቢታ ቢዲ ሄን ዲዛ ካሜ ዜሬታኔ ማኡኔ ኣሳታ ኦሊዲ ይሲዳይታ፤ ሂስቲዲ ሄ ቢታን ኢስታ ሜሄታስ ሄሚዛሶሆይ ዲዛ ጊሻስ ሲሞና ዛሬቲ ሃች ጋካናስ ሄን ኡቲዳ። 
\v 42 ሲሞና ዛሬታፔ 500 ኣሳቲ ሴይሬ ዙማኮ ቢዳ፤ ኢስታ ሃላቃቲ ፓላጺያ፥ ናራያ፥ ኤራፋያኔ ኡዚኤሌ፤ ሄይታንቲ ዪሺኤ ናይታ። 
\v 43 ካሴ ባቃቲ ኣቲዳ ኣማሌቄ ኣሳታ ሲሞና ዛሬቲ ይሲዳ፤ ኢስቲ ሃች ጋካናስ ሄ ቢታን ዴቴስ።
\c 5
\s ኦሮቤሌ ናይታ ዛርኬ
\p
\v 1 ያቆቤስ ኮይሮ ባይራ ና ኦሮቤሌ ዜሬቲ ሃይሳፌ ካሊ ዲዛይታ፤ ኦሮቤሌይ ባ ኣዋ ሂጻ ቱኒሲዳ ጊሻስ ኢዛ ባይራቴ ማታይ ዮሴፌ ዜሬታስ ኢሜቲዴስ፤ ሄሳፌ ዴንዶይሳን ኢዛ ዜሬቲ ባይራቴ ማራን ጻፌቲቤቴና።\x - \xo 5፡1 \xo*\xt ሜ 35፡22፤ 49፡3-4\xt*\x* 
\v 2 ባይራቴ ማታይ ዮሴፌ ዜሬታስ ኢሜቲኮካ ዩሁዳይ ባ ኢሻታ ጊዶን ሚኖ ጊዲዳ ጊሻስ ዴሬ ኣይሲዛዴይ ኢዛ ዜሬፌ ኬዚዴስ።\x - \xo 5፡2 \xo*\xt ሜ 49፡8-10\xt*\x* 
\v 3 ያቆቤስ ባይራ ና ኦሮቤሌ ኣቱማ ናይቲ ሄኖኬ፥ ፓሉ፥ ሄጺሮሜኔ ካርሜ ጌቴቲዛይታ።
\p
\v 4 ኢዩኤሌ ናይ ሻማኤ፥ ሻማኤ ናይ ጎጌ፥ ጎጌ ናይ ሺምኤ፥ 
\v 5 ሺምኤ ናይ ሚኪያሳ፥ ሚኪያሳ ናይ ኤራኣዬ፥ ኤራኣዬ ናይ ባኣሌ፥ 
\v 6 ባኣሌ ናይ ቤኤራ። ኦሮቤሌ ቆሞስ ኮራፒኔ ጊዲዳ ቤኤራ ኣሶሬ ካዎ ቴሊጌሊቴሊፌሊሶሬይ ዲኢ ኤኪ ቢዴስ።\x - \xo 5፡6 \xo*\xt 2ካዎ 15፡29\xt*\x*
\p
\v 7 ባኤራ ዛሬቲ ባንታ ዬሌታ ማዝጋባን ጻፌቲዳ ኦሮቤሌ ዜሬታ ሃላቃቲ ዪኢኤሌ፥ ዛካራሳኔ ቤላ። 
\v 8 ቤላይ ኣዛዛ ና፤ ኣዛዚ ሼማኤ ና፤ ሼማኤይ ኢዩኤሌ ና፤ ኢዩኤሌ ዛሬቲ ኣሮኤሬፔ ቢዲ ኔቦኔ ባኣሊ-ሜኦኔ ጋካናስ ዱንካኒ ኡቲዳ።
\p
\v 9 ኦሮቤሌ ዛሬታ ሜሄይ ጋላኣዴን ጮራቲዳ ጊሻስ ኢስቲ ሄፔ ኣርሼይ ሞኪዛ ባጋን ዲዛ ኤፊራጺሴ ሻፋፔ ቢዲ ባዛስ ጋጻ ጋካናስ ዱንካኒ ኡቲዳ። 
\v 10 ሳኦሌ ካዎቴ ላይን ኣጋሪ ዛሬቲ ኦሮቤሌ ዛሬታራ ኦሌቲን ኦሮቤሌ ዛሬቲ ጾኒዳ፤ ሂስቲዲ ጋላኣዴፔ ኣርሼይ ሞኪዛ ባጋራ ዲዛ ኣጋሪ ዛሬታ ቢታን ዱንካኒ ኡቲዳ።
\s ጋዴ ናይታ ዛርኬ
\p
\v 11 ጋዴ ዛሬቲ ኦሮቤሌ ዛሬታፔ ፑዴሃ ባጋራ ቢዲ ሳላካ ጋካናስ ዲዛ ባሳኔ ቢታን ዱንካኒ ኡቲዳ። 
\v 12 ኮይሮ ዜሬታ ሃላቃይ ኢዩኤሌ፤ ናምኣን ዜሬታ ሃላቃይ ሻፋሜ፤ ቃሴካ ባሳኔን ዱንካኒ ኡቲዳይታ ሃላቃይ ያኢናዬኔ ሳፋጼ። 
\v 13 ሃንኮ ኣቲዳ ላፑን ዛርኬታ ሃላቃቲ፥ ሚካኤሌ፥ ማሹላሜ፥ ሼባኤ፥ ዮራዬ፥ ዪካኔ፥ ዚኣኔ ኤቦሬ። 
\v 14 ሃይቲ ኣቢኤሌ ናይቲ ቡዜ ዛሬታ፤ ቡዜይ ያሂዳ ዬሊዴስ፤ ያሂዳይ ዬሺሻዬ ዬሊዴስ፤ ዬሺሻዬይ ሚካኤሌ ዬሊዴስ፤ ሚካኤሌይ ጋላኣዴ ዬሊዴስ፤ ጋላኣዴይ ያሮሃ ዬሊዴስ፤ ያሮሃይ ሁሬ ዬሊዴስ፤ ሁሬይ ኣቢሃይሌ ዬሊዴስ። 
\v 15 ኢስታ ዛርኬታ ሃላቃይ ጉኔ ናዛ ኣቢኤሌ ና ኣሂ። 
\v 16 ሃይቲ ዉሪካ ባሳኔኒኔ ጋላኣዴን ሄ ዴሬ ካታማታኒኔ ላሻሮኔ ቢታ ሜሄ ሄሚዛሶሆ ኡባን ዱንካኒ ኡቲዳ። 
\v 17 ሃይታ ኡባታ ዜሬቲ ዩሁዳ ካዎ ኢዮኣታሜ ዎዴኒኔ ኢስራኤሌ ካዎ ኢዮርባኣሜ ዎዴ ዛሬታ ማዝጋባን ጻፌቲዳ።
\s ዮርዳኖሴ ሻፋፔ ኣርሼይ ሞኪዛ ባጋራ ኡቲዳ ቆሞታ
\p
\v 18 ኦሮቤሌሲ፥ ጋዴ ቆሞታሲኔ ሚናሴ ቆሞፌ ባጋታስ 44,760 ሚኖ ኦላንቻቲ ዴቴስ፤ ኢስቲካ ጎንዳሌ ኦይ፥ ማሻ ኦይኔ ዎንዳፌን ኦሌቴ ኤሪዛ ሚኖ ኦላንቻታ። 
\v 19 ሄይቲካ ኣጋሬታራ፥ ዪጹሬታራ፥ ናፊሻኔራኔ ናዳቤ ዴሬ ኣሳራ ኦሌታናስ ዎራጂዳ። 
\v 20 ባ ኣማኖ ጾሳ ቦላ ዬጊዲ ኢዚ ኢስታ ማዳና ማላ ጾሳ ዎሲዳ። ጾሲካ ኢስታ ዎሳ ሲዪዲ ኣጋሬታኔ ኢስታራ ዲዛ ሃራታ ኢስታ ኩሼን ኣ ኢሚዴስ። 
\v 21 ኢስቲ ባንታ ሞርኬታ ኩሼፔ 50,000 ጋሜላ፥ 250,000 ዶርሲኔ 2,000 ሃሬታ ዲኢዳ፤ ሄሳካ 100,000 ኣስ ዲኢ ኤኪዳ። 
\v 22 ኦላዚ ጾሳፌ ጊዲዳ ጊሻስ ዳሮቲ ሃይቂዳ፤ ጾኒዳይቲ ጉዬፔ ዲኤቴ ላይ ዉራና ጋካናስ ሄ ኣሳታ ሶን ኡቲዳ።
\s ኣርሼይ ሞኪዛ ባጋራ ዲዛ ሚናሴ ቆሞታ
\p
\v 23 ሚናሴ ቆሞታፔ ባጋ ዛሬቲ ባሳኔፔ ዶሚዲ ባኣሊ-ሄርሞኔ፥ ሳኒሬኔ ሄርሞኔ ዙማ ጋካናስ ዲዛ ዴሬን ዱንካኒ ኡቲዳ፤ ኢስቲ ሄን ጮራቲ ጮራቲ ቢዳ። 
\v 24 ኢስታ ዛርኬታ ሃላቃቲ ኤፌሬ፥ ዪሺኤ፥ ኤልኤሌ፥ ኣዛሪኤሌ፥ ኤርማሳ፥ ሆዳዬኔ ያሂዳኤሌ፤ ሄይቲ ዉሪካ ባ ዛርኬን ዛርኬን ኤሬቲዳ ኣሳታ፥ ሃላቃታኔ ኦላ ቃራታ።
\p
\v 25 ጊዶ ኣቲን ኢስቲ ባንታ ኣዋታ ጾሳስ ኣማኔቲቤቴና፤ ጾሲ ኢስታ ሲንፌ ይሲዳ ሄ ቢታ ኣሳቲ ጎይኒዛ ኤቃ ጾሳታስ ጎይኖን ላይማቲዳ። 
\v 26 ሄሳ ጊሻስ ኢስራኤሌ ጾሳይ ኣሶሬ ካዎ ፑሌ ዎይኮ ቴሊጌሊቴሊፌሊሶሬ ዴንዲ ኦሮቤሌ ቆሞታ፥ ጋዴ ቆሞታኔ ሚናሴ ቆሞታፔ ባጋ ዲኢ ኤፋና ማላ ኦዴስ፤ ኢዚ ሄይታንታ ኣላሄ፥ ሃቦሬ፥ ሃራኔ ጎዛኔ ሻፋ ሄራን ዴኣና ማላ ኦዴስ፤ ኢስቲ ሃች ጋካናስ ሄን ዴቴስ።\x - \xo 5፡26 \xo*\xt 2ካዎ 15፡19፥29፤ 17፡6\xt*\x*
\c 6
\s ሌዌ ናይታ ዛርኬ
\p
\v 1 ሌዌ ናይቲ ጌርሾኔ፥ ቃኣቴኔ ሜራሬ።
\q1
\v 2 ቃኣቴ ናይቲ
\q2 ኣሚራሜ፥ ዪጺሃሬ፥
\q2 ኬብሮኔኔ ኡዚኤሌ።
\q1
\v 3 ኣሚራሜ ናይቲ ኣሮኔ፥
\q2 ሙሴኔ ማራሞ።
\q2 ኣሮኔ ኣቱማ ናይቲ
\q2 ናዳቤ፥ ኣቢሁ፥
\q2 ኤልኤዜሬኔ ኢታማሬ።
\q1
\v 4 ኤልኤዜሬይ ፊኒሃሴ ዬሊዴስ፤
\q2 ፊኒሃሲ ኣቢሹኣ ዬሊዴስ፤
\q1
\v 5 ኣቢሹኣይ ቡቃ ዬሊዴስ፤
\q2 ቡቃይ ኡዜ ዬሊዴስ፤
\q1
\v 6 ኡዜይ ዛራሂያ ዬሊዴስ፤
\q2 ዛራሂያይ ማራዮቴ ዬሊዴስ፤
\q1
\v 7 ማራዮቴይ ኣማሪያ ዬሊዴስ፤
\q2 ኣማሪያይ ኣሂጹቤ ዬሊዴስ፤
\q1
\v 8 ኣሂጹቤይ ሳዶቄ ዬሊዴስ፤
\q2 ሳዶቄይ ኣኪማሴ ዬሊዴስ፤
\q1
\v 9 ኣኪማሲ ኣዛሪያሴ ዬሊዴስ፤
\q2 ኣዛሪያሲ ዮሃናኔ ዬሊዴስ፤
\q1
\v 10 ዮሃናኔይ ኣዛሪያሴ ዬሊዴስ፤
\q2 ኣዛሪያሲ ካዎ ሶሎሞኔይ
\q3 ዬሩሳላሜን ኬጺሲዳ
\q2 ጾሳ ኬን
\q3 ቄሴቴን ኦዴስ።
\q1
\v 11 ኣዛሪያሲ ኣማሪያ ዬሊዴስ፤
\q2 ኣማሪያይ ኣሂጹቤ ዬሊዴስ፤
\q2
\v 12 ኣሂጹቤይ ሳዶቄ ዬሊዴስ፤
\q2 ሳዶቄይ ሻሎሜ ዬሊዴስ፤
\q1
\v 13 ሻሎሜይ ኪልቂያሳ ዬሊዴስ፤
\q2 ኪልቂያሲ ኣዛሪያሴ ዬሊዴስ፤
\q1
\v 14 ኣዛሪያሲ ሳራያ ዬሊዴስ፤
\q2 ሳራያይ ኢዮሳዶቄ ዬሊዴስ።
\q1
\v 15 ጎዳይ ዩሁዳ ኣሳኔ
\q2 ዬሩሳላሜ ኣሳ
\q2 ናቡካዳናጾሬን ዲኢሲዳ ዎዴ
\q2 ኢዮሳዶቄይካ ኢስታራ
\q2 ዲኤቲ ቢዴስ።
\q1
\v 16 ሌዌ ኣቱማ ናይቲ ጌርሾኔ፥
\q2 ቃኣቴኔ ሜራሬ።
\q1
\v 17 ጌርሾኔ ናይቲ
\q2 ሊቢናኔ ሺምኤ፤
\q1
\v 18 ቃኣቴ ናይቲ
\q2 ኣሚራሜ፥ ዪጺሃሬ፥
\q2 ኬብሮኔኔ ኡዚኤሌ፤
\p
\v 19 ሜራሬ ናይቲ ማሂሌኔ ሙሼ፤ ባንታ ኣዋ ኬን ኬን ጻፌቲዳ ሌዌ ዛርኬቲ ሃይሳፌ ካሊ ዲዛይታ፤\x - \xo 6፡16-19 \xo*\xt ኬሳ 6፡16-19\xt*\x*
\b
\q2
\v 20 ጌርሾኔ ዜሬታ፤
\q3 ጌርሾኔይ ሊቢና ዬሊዴስ፤
\q3 ሊቢናይ ያሃቴ ዬሊዴስ፤
\q3 ያሃቴይ ዚማ ዬሊዴስ፤
\q3
\v 21 ዚማይ ዮኣሃ ዬሊዴስ፤
\q3 ዮኣሂ ኢዶ ዬሊዴስ፤
\q3 ኢዶይ ዛራሄ ዬሊዴስ፤
\q3 ዛራሄይ ዬኣቲሬ ዬሊዴስ፤
\q2
\v 22 ቃኣቴ ዜሬታ፤
\q3 ቃኣቴይ ኣሚናዳቤ ዬሊዴስ፤
\q3 ኣሚናዳቤይ ቆሬ ዬሊዴስ፤
\q3 ቆሬይ ኣሲሬ ዬሊዴስ፤
\q3
\v 23 ኣሲሬይ ሂልቃና ዬሊዴስ፤
\q3 ሂልቃናይ ኣቢያሳፌ ዬሊዴስ፤
\q3 ኣቢያሳፌይ ኣሲሬ ዬሊዴስ፤
\q3
\v 24 ኣሲሬይ ታሃቴ ዬሊዴስ፤
\q3 ታሃቴይ ኡርኤሌ ዬሊዴስ፤
\q3 ኡርኤሌይ ኦዚያ ዬሊዴስ፤
\q3 ኦዚያይ ሳኦሌ ዬሊዴስ።
\b
\q2
\v 25 ሂልቃና ዜሬታ፤
\q3 ሂልቃናይ ኣማሳዬኔ
\q3 ኣሂሞቴ ዬሊዴስ፤
\q3
\v 26 ኣሂሞቴይ ሂልቃና ዬሊዴስ፤
\q3 ሂልቃናይ ጾፋዬ ዬሊዴስ፤
\q3 ጾፋዬይ ናሃቴ ዬሊዴስ፤
\q3
\v 27 ናሃቴይ ኤልያቤ ዬሊዴስ፤
\q3 ኤልያቤይ ዪሮሃሜ ዬሊዴስ፤
\q3 ዪሮሃሜይ ሂልቃና ዬሊዴስ።
\b
\q2
\v 28 ሳሜሊ ናምኡ
\q3 ኣቱማ ናይታ ዬሊዴስ፤
\q3 ባይራዚ ኢዩኤሌ፤
\q3 ኢዛ ካሎዚ ኣቢያ።
\b
\q2
\v 29 ሜራሬ ዜሬታ፤
\q3 ሜራሬይ ማሂሌ ዬሊዴስ፤
\q3 ማሂሌይ ሊቢና ዬሊዴስ፤
\q3 ሊቢናይ ሺምኤ ዬሊዴስ፤
\q3 ሺምኤይ ኡዛሄ ዬሊዴስ፤
\q3
\v 30 ኡዛሄይ ሺምኣ ዬሊዴስ፤
\q3 ሺምኣይ ሃጊያ ዬሊዴስ፤
\q3 ሃጊያይ ኣሳያ ዬሊዴስ።
\s ጾሳ ኬን ዬጺዛይታ
\p
\v 31 ዳዊቲ ጫቆ ቃላ ታቦታ ዬሩሳላሜ ኤሂዳፔ ጉዬ ጎዳ ጾሳ ኬን ዬ ዬጺዛይታስ ሃላቃታ ሹሚዴስ። 
\v 32 ካዎ ሶሎሞኔይ ዬሩሳላሜን ጎዳ ጾሳ ኬ ኬጻናሼ ጋካናዉ ጋይቶቴ ዱንካኔ ፔንጌን ዬ ዬጺሼ ጋምኢዳ፤ ባስ ኢሜቲዳ ኦሶ ማራን ማራን ኦ ፖሊሼ ዴኢዳ።
\p
\v 33 ባንታ ናይታራ ኢሲፌ ዬጺዛይቲ ሃይሳፌ ካሊ ጻፌቲዳይታ፤
\q1 ቃኣቴ ዛርኬታፔ ዬጺዛይ ሄማኔ፤
\q2 ሄማኔይ ኢዩኤሌ ና፤
\q2 ኢዩኤሌይ ሳሜላ ና፤
\q2
\v 34 ሳሜሊ ሂልቃና ና፤
\q2 ሂልቃናይ ዪሮሃሜ ና፤
\q2 ዪሮሃሜይ ኤልኤሌ ና፤
\q2 ኤልኤሌይ ቶሃ ና፤
\q2
\v 35 ቶሂ ዙፌ ና፤
\q2 ዙፌይ ሂልቃና ና፤
\q2 ሂልቃናይ ማሃቴ ና፤
\q2 ማሃቲ ኣማሳዬ ና፤
\q2
\v 36 ኣማሳዬይ ሂልቃና ና፤
\q2 ሂልቃናይ ኢዩኤሌ ና፤
\q2 ኢዩኤሌይ ኣዛሪያሴ ና፤
\q2 ኣዛሪያሲ ሶፎናሳ ና፤
\q2
\v 37 ሶፎናሲ ታሃቴ ና፤
\q2 ታሃቴይ ኣሲሬ ና፤
\q2 ኣሲሬይ ኣቢያሳፌ ና፤
\q2 ኣቢያሳፊ ቆሬ ና፤
\q2
\v 38 ቆሬይ ዪጺሃሬ ና፤
\q2 ዪጺሃሬይ ቃኣቴ ና፤
\q2 ቃኣቴይ ሌዌ ና፤
\q2 ሌዌይ ኢስራኤሌ ና።
\p
\v 39 ኤማኔ ዳቦ ኣሳፌይ ኢዛስ ኡሻቻ ባጋራ ኤቂዲ ኦስ፤
\q1 ኣሳፌይ ባራካዬ ና፤
\q2 ባራካዬይ ሺምኣ ና፤
\q2
\v 40 ሺምኣይ ሚካኤሌ ና፤
\q2 ሚካኤሌይ ባኣሴያ ና፤
\q2 ባኣሴያይ ማልኪያ ና፤
\q2
\v 41 ማልኪያይ ኤታኔ ና፤
\q2 ኤታኔይ ዛራሄ ና፤
\q2 ዛራሄይ ኣዳያ ና፤
\q2
\v 42 ኣዳያይ ኤታኔ ና፤
\q2 ኤታኔይ ዚማ ና፤
\q2 ዚማይ ሺምኤ ና፤
\q2
\v 43 ሺምኣይ ያሃቴ ና፤
\q2 ያሃቴይ ጌርሾሜ ና፤
\q2 ጌርሾሜይ ሌዌ ና።
\p
\v 44 ኢስታስ ሃዲርሳ ባጋራ ኢስታ ዳቦ ሜራሬ ዛርኬቲ ኤቄቴስ፤
\q1 ኤታኔይ ቂሻ ና፤
\q2 ቂሺ ኣቢዴ ና፤
\q2 ኣብዴይ ማሉኬ ና፤
\q2
\v 45 ማሉኬይ ሃሻቢያ ና፤
\q2 ሃሻቢያይ ኣማሲያሳ ና፤
\q2 ኣማሲያሲ ኪልቂያሳ ና፤
\q2
\v 46 ኪልቂያሲ ኣሞዜ ና፤
\q2 ኣሞዜይ ባኔ ና፤
\q2 ባኔይ ሼሜሬ ና፤
\q2
\v 47 ሼሜሬይ ማሂሌ ና፤
\q2 ማሂሌይ ሙሼ ና፤
\q2 ሙሼይ ሜራሬ ና፤
\q2 ሜራሬይ ሌዌ ና።
\p
\v 48 ኢስታስ ኢሻንታ ጊዲዳ ሃንኮ ሌዌ ቆሞቲ ጾሳ ኬን ጋይቶቴ ዱንካኔን ኦሴቲዛ ሃራ ኦሶ ኡባስ ዶሬቲዳ።
\s ኣሮኔ ናይታ ዛርኬ
\p
\v 49 ኣሮኔይኔ ኢዛ ናይቲ ጊዲኮ ጾሳ ኣይሌ ሙሴይ ኣዛዚዳ ማላ ኢስራኤሌ ዴራ ናጋራ ዉርሳናስ ኡባፌ ዱማቲዳ ጊዶ ቆልኣን ኦሴቲዛ ኦሶታ ኡባስ፥ ያርሾ ያርሺዛሶዛ ቦላ ጹጌቲዛ ያርሾ ያርሻናሲኔ ኤጻኔ ጩዋሲ ያርሺዛሶዛ ቦላ ኤጻኔ ጩዋሳናስ ኢስታስ ኣዋቴ ኢሜቲዴስ። 
\v 50 ኣሮኔ ናይታ ዛርኬቲ ሃይሳፌ ካሊ ጻፌቲዳይታ፤
\q1 ኣሮኔ ናይ ኤልኤዜሬ፤
\q2 ኤልኤዜሬ ናይ ፊኒሃሴ፤
\q2 ፊኒሃሴ ናይ ኣቢሹኣ፤
\q2
\v 51 ኣቢሹኣ ናይ ቡቃ፤
\q2 ቡቃ ናይ ኡዜ፤
\q2 ኡዜ ናይ ዛራሂያ፤
\q2
\v 52 ዛራሂያ ናይ ማራዮቴ፤
\q2 ማራዮቴ ናይ ኣማሪያ፤
\q2 ኣማሪያ ናይ ኣሂጹቤ፤
\q2
\v 53 ኣሂጹቤ ናይ ሳዶቄ፤
\q2 ሳዶቄ ናይ ኣኪማሴ።
\s ሌዌ ቆሞቲ ዳና ማላ ኢሜቲዳ ሶሆታ
\p
\v 54 ኣሮኔ ናይታስ ኢሜቲዳ ዱሳ ሶሆቲ ሃይሳፌ ካሊ ጻፌቲዳ፤ ኮይሮ ሳማይ ቃኣቴ ባጋታስ ኬዚዴስ፤ 
\v 55 ኢስታስ ዩሁዳ ቢታን ዲዛ ኬብሮኔኔ ኢዛ ሄራን ዲዛ ሜሄ ሄሚዛሶሆታ ኢሚዳ። 
\v 56 ኬብሮኔ ዩሾን ዲዛ ጎሻ ጋዴቲኔ ሞቲ ዮፊኔ ና ካሌቤስ ኢሜቲዳ። 
\v 57 ኣሮኔ ናይታስ ሼምፖ ዎዳዴይ ባቃቲ ቢዲ ኣቲዛ ካታማታ፥ ኬብሮኔ፥ ዬቲሬ፥ ሊቢናኔ ሜሄ ሄሚዛሶሆታ፥ ኤሽታሞኣኔ ሜሄ ሄሚዛሶሆታ፥ 
\v 58 ሂሌኔኔ ሜሄ ሄሚዛሶሆታ፥ ዳቢሬኔ ሜሄ ሄሚዛሶሆታ፥ 
\v 59 ኣሻኔኔ ሜሄ ሄሚዛሶሆታ፥ ቤቲ-ሼሚሼኔ ሜሄ ሄሚዛሶሆታ ኢሚዳ። 
\v 60 ቃሴ ቢኒያሜ ቆሞታ ጋዴፔ ጌባኔኔ ሜሄ ሄሚዛሶሆታ፥ ኣሌሜቴኔ ሜሄ ሄሚዛሶሆታ፥ ኣናቶቴኔ ሜሄ ሄሚዛሶሆታ ኢሚዳ፤ ኣሮኔ ናይታስ ኢሜቲዳ ካታማቲ ሙሌራ ታማኔ ሄ።
\p
\v 61 ኣርሼይ ዉሊዛ ባጋራ ዲዛ ሚናሴ ዛርኬ ባጋቲ ኦይኪዳ ጋዴዛፔ 10 ካታማቲ ሃንኮ ኣቲዳ ቃኣቴ ዛርኬታስ ኢሜቲዳ።
\p
\v 62 ዪሳኮሬ ዛርኬታ ቢታፌ፥ ኣሴሬ ዛርኬታ ቢታፌ፥ ኒፍታሌሜ ዛርኬታ ቢታፌኔ ባሳኔን ዲዛ ሚናሴ ዛርኬታ ቢታፌ 13 ካታማታ ጌርሾኔ ዛርኬታስ ኢሚዳ። 
\v 63 ኦሮቤሌ ዛርኬታ ቢታፌ፥ ጋዴ ዛርኬታ ቢታፌኔ ዛቢሎኔ ዛርኬታ ቢታፌ 12 ካታማታ ሜራሬ ዛርኬታስ ሳማን ኢሚዳ። 
\v 64 ሄሳ ኦዲ ኢስራኤሌ ኣሳይ ሌዌታስ ሃ ካታማታኔ ኢስታ ሄራን ዲዛ ሜሄ ሄንሶሆታ ኢሚዴስ። 
\v 65 ሃይሳፌ ቦላራ ሱንይ ኢስታስ ጼይጌቲዳ ካታማታ ዩሁዳ ዛርኬታፔ፥ ሲሞና ዛርኬታፔ፥ ቢኒያሜ ዛርኬታፔ ሃራ ካታማታን ኦይሳ ማላ ሳማ ዬጊዲ ኢስታ ጋኪዳይሳ ጊሻ ኢሚዳ።
\p
\v 66 ቃኣቴ ዛርኬታ ጊዶፌ ኢሲ ኬ ኣሳታስ ኤፍሬሜ ዛርኬታ ጋኪዳ ቢታፌ ካታማታኔ ሜሄ ሄሚዛሶሆ ኢሚዳ። 
\v 67 ኢስታስ ሼምፖ ዎዳዴይ ባቃቲ ቢዲ ኣቲዛ ካታማታ፥ ኤፍሬሜ ዴሬን ጌዜ ቢታን ዲዛ ሴኬሜኔ ሜሄ ሄሚዛሶሆታ፥ ጌዜሬኔ ሜሄ ሄሚዛሶሆታ፥ 
\v 68 ዮቂማኣሜኔ ሜሄ ሄሚዛሶሆታ፥ ቤቲ-ሆሮኔኔ ኢዛ ሜሄ ሄሚዛሶሆታ፥ 
\v 69 ኣያሎኔኔ ሜሄ ሄሚዛሶሆታ፥ ጌት-ኤርሞኔኔ ሜሄ ሄሚዛሶሆታ ኢሚዳ። 
\v 70 ሚናሴ ዛርኬታ ባጋፌ ኣኔሬኔ ሜሄ ሄሚዛሶሆታኔ ባላማኔ ሜሄ ሄሚዛሶሆታ ኤኪዲ ቃኣቴ ዛርኬታፔ ኣቲዳይታስ ኢሚዳ።
\p
\v 71 ሚናሴ ዛርኬታ ባጋፌ ባሳኔን ዲዛ ጎላኔኔ ሜሄ ሄሚዛሶሆታኔ ኣስታሮቴኔ ሜሄ ሄሚዛሶሆታ ኤኪዲ ጌርሾኔ ዛርኬታስ ኢሚዳ። 
\v 72 ቃሴ ዪሳኮሬ ዛርኬታፔ ቃዴሴኔ ሜሄ ሄሚዛሶሆታ፥ ዳቢራቴኔ ሜሄ ሄሚዛሶሆታ፥ 
\v 73 ኤራሞቴኔ ሜሄ ሄሚዛሶሆታኔ ኣኔማኔ ሜሄ ሄሚዛሶሆታ ኤኪዲ ኢስታስ ኢሚዳ። 
\v 74 ኣሴሬ ዛርኬታፔ ማሻላኔ ሜሄ ሄሚዛሶሆታ፥ ኣብዶኔኔ ሜሄ ሄሚዛሶሆታ፥ 
\v 75 ሁቆቄኔ ሜሄ ሄሚዛሶሆታኔ ኤራሆቤኔ ሜሄ ሄሚዛሶሆታ ኤኪዲ ኢስታስ ኢሚዳ። 
\v 76 ሄሳካ ኒፍታሌሜ ዛርኬታፔ ጋሊላን ዲዛ ቃዴሴኔ ሜሄ ሄሚዛሶሆታ፥ ሃሞኔኔ ሜሄ ሄሚዛሶሆታኔ ቂሪያታይሜኔ ሜሄ ሄሚዛሶሆታ ኤኪዲ ኢስታስ ኢሚዳ።
\p
\v 77 ኣቲዳ ሜራሬ ዛርኬታስ ዛቢሎኔ ዛርኬታፔ ኣርሞኔኔ ሜሄ ሄሚዛሶሆታኔ ታቦሬኔ ሜሄ ሄሚዛሶሆታ ኤኪዲ ኢሚዳ። 
\v 78 ቃሴ ኦሮቤሌ ዛርኬታፔ ኢያርኮ ጊናን፥ ዮርዳኖሴፔ ሄ ፒንን ኣርሼይ ዉሊዛ ባጋራ፥ ባዞን ዲዛ ባጺራኔ ሜሄ ሄሚዛሶሆታ፥ ያሃጼኔ ሜሄ ሄሚዛሶሆታ፥ 
\v 79 ቂዲሞቴኔ ሜሄ ሄሚዛሶሆታኔ ሜፋኣቴኔ ሜሄ ሄሚዛሶሆታ ኤኪዲ ኢስታስ ኢሚዳ። 
\v 80 ጋዴ ዛርኬታፔ ጋላኣዴን ዲዛ ኤራሞቴኔ ሜሄ ሄሚዛሶሆታ፥ ማሃናይሜኔ ሜሄ ሄሚዛሶሆታ፥ 
\v 81 ሃሴቦኔኔ ሜሄ ሄሚዛሶሆታኔ ኢያዜሬኔ ሜሄ ሄሚዛሶሆታ ኤኪዲ ኢስታስ ኢሚዳ።
\c 7
\s ዪሳኮሬ ዛርኬ
\p
\v 1 ዪሳኮሬስ ኦይዱ ኣቱማ ናይቲ ዴቴስ፤ ሄይቲካ ቶላ፥ ፑዋ፥ ያሹቤኔ ሺሚሮኔ ጌቴቲዛይታ።
\p
\v 2 ቶላ ናይቲ ኡዜ፥ ኤራፋያ፥ ዪሪኤሌ፥ ያሂማዬ፥ ዪቢሳሜኔ ሳሜላ፤ ኢስቲካ ቶላ ዛርኬታ ሃላቃታ፤ ኢስቲ ዎልቃማኔ ሚኖ ኦላንቻታ፤ ካዎ ዳዊቴ ዎዴ ኢስታ ቆዳይ 22,600።
\p
\v 3 ኡዜይ ዪዚራሄያ ዬሊዴስ፤ ዪዚራሄያይ ሚካኤሌ ዬሊዴስ፤ ሚካኤሌይ ኣብዲዩ ዬሊዴስ፤ ኣብዲዩይ ኢዩኤሌ ዬሊዴስ፤ ኢዩኤሌይ ዪሺያ ዬሊዴስ፤ ሃ ኢቻሻቲካ ባሶ ኣሳታስ ሃላቃ። 
\v 4 ኢስታስ ዳሮ ማቼቲኔ ናይቲ ዲዛ ጊሻስ ኢስታሶ ኣሳ ዛርኬታፔ ኦላስ ጋኪዳ ኦላንቻታ ቆዳይ 36,000 ጊዲዴስ።
\p
\v 5 ዪሳኮሬ ዛርኬታፔ ኦላስ ጋኪዳ ኦላንቻቲ ማዝጋባን ቆዴቲዲ 87,000 ጊዲዳ።
\s ቢኒያሜ ዛርኬኔ ዳኔ ዛርኬ
\p
\v 6 ቢኒያሜስ ሄ ናይቲ ዴቴስ፤ ኢስቲካ ቤላ፥ ቤኬሬኔ ዪዲኤሌ።
\p
\v 7 ቤላ ናይቲ ኤጺቦኔ፥ ኡዜ፥ ኡዚኤሌ፥ ያርሞቴኔ ኢሬ፤ ሃ ኢቻሻቲካ ባሶ ኣሳታስ ሃላቃታ፤ ባ ዬሌታ ዛርኬታ ማዝጋባን 22,034 ዎልቃማኔ ሚኖ ኦላንቻቲ ማዝጋቤቲዳ።
\p
\v 8 ቤኬሬ ናይቲ ዚሚራ፥ ኢዮኣሳ፥ ኤልኤዜሬ፥ ኤልዮኤናዬ፥ ኦሚሬ፥ ያርሞቴ፥ ኣቢያ፥ ኣናቶቴኔ ኣሌሜቴ፤ ሃይቲ ኡባቲ ቤኬሬ ናይታ። 
\v 9 ኢስቲ ኡባይ ባሶ ኣሳታስ ሃላቃታ፤ ባ ዬሌታ ዛርኬታ ማዝጋባን 20,200 ዎልቃማኔ ሚኖ ኦላንቻቲ ማዝጋቤቲዳ።
\p
\v 10 ዪዲኤሌ ናይ ቢሊሃኔ፤ ቢሊሃኔ ናይቲ ያኡሼ፥ ቢኒያሜ፥ ኤሁዴ፥ ኪንኣኔ፥ ዜታኔ፥ ታርሴሴኔ ኣኪሻሆሬ፤ 
\v 11 ሃይቲ ኡባቲ ዪዲኤሌ ናይታ፤ ኢስቲ ባሶ ኣሳታስ ሃላቃታ፤ ባ ዬሌታ ዛርኬታ ማዝጋባን 17,200 ዎልቃማኔ ሚኖ ኦላንቻቲ ማዝጋቤቲዳ።
\p
\v 12 ሹፊሜይኔ ሁፒሜይ ኢሬ ዜሬታ፤ ሁሺሜይ ኣሄሬ ዜሬ።
\s ኒፍታሌሜ ናይታ ዛርኬ
\p
\v 13 ኒፍታሌሜ ናይቲ ያሂጼሌ፥ ጉኔ፥ ዬጺሬኔ ሻሎሜ፤ ሃይቲ ቢሊሃ ዜሬታ።
\s ሚናሴ ናይታ ዛርኬ
\p
\v 14 ሚናሴ ዛሬቲ ሃይሳፌ ካሊ ጻፌቲዳይታ፤ ሚናሴይ ኣራሜ ቢታፌ ኤኪዳ ጋራዴያ ዬሊዳ ኣቱማ ናይቲ ኣሲራኤሌኔ ጋላኣዴ ኣዋ ማኪሬ። 
\v 15 ማኪሬይ ሁፒሜኔ ሹፊሜ ባጋፌ ማኢኮ ማቾ ኤኪዴስ፤ ኢዛ ሚቼይ ሱንካ ማኢኮ ጌቴቴስ፤ ማኪሬ ዛሬ ጺሎፋዴይ ማጫ ናይታ ጻላ ዬሊዴስ።
\p
\v 16 ማኪሬ ማቻ ማኢካይ ኣቱማ ናይታ ዬላዱስ፤ ባይራ ናዛ ፓሬሻ፥ ኢዛ ካሎዛ ሼሬሼ ጋ ሱንዱስ። ፔሬሻ ናይቲ ኡላሜኔ ኤሬቄሜ። 
\v 17 ኡላሜ ናይ ባዳኔ፤ ሃይቲ ሚናሴ ና ማኪሬ ና ጋላኣዴ ዛሬታ።
\p
\v 18 ጋላኣዴ ሚቺያ ሃሞሌኬታ ኢሻዉ፥ ኣቢኤዜሬኔ ማሂሌ ዬላዱስ።
\p
\v 19 ሻሚዳ ናይቲ ኣሂያኔ፥ ሴኬሜ፥ ሊቂሃኔ ኣንኣሜ።
\s ኤፍሬሜ ናይታ ዛርኬታ
\p
\v 20 ኤፍሬሜ ናይ ሹቱላ፤ ሹቱላ ናይ ባሬዴ፤ ባሬዴ ናይ ታሃቴ፤ ታሃቴ ናይ ኤልኣዴ፤ ኤልኣዴ ናይ ታሃቴ፤ 
\v 21 ታሃቴ ናይ ዛባዴ፤ ዛባዴ ናይ ሹቱላ።
\p ኤፍሬሜ ና ኤዜሬይኔ ኤላዴይ ሜሄ ካይሳና ጌቴ ዴሬ ቢን ሄ ቢታ ኣሳቲ ኢስታ ዎዳ። 
\v 22 ሄሳ ጊሻስ ኢስታ ኣዋ ኤፍሬሜይ ዳሮ ዎዴ ካዮቲዴስ፤ ሂስቲን ኢዛ ዳቦቲ ዪዲ ኢዛ ሚንዳ።
\p
\v 23 ሄሳፌ ጉዬ ኢዚ ባ ማቼይራ ጋይቲዴስ፤ ሂስቲን ኢዛ ሻራዳ ኣቱማ ና ዬላዱስ፤ ኢዛ ኬን ጋኪዳ ኢታ ሜቶዛ ጋሶን ናዛ ባሪሄ ጊ ሱንዴስ።
\p
\v 24 ኤፍሬሜስ ሼኢሮ ጌቴቲዛ ማጫ ናይ ዳዉስ፤ ኢዛካ ፑዴ ቤቲ-ሆሮኔ፥ ዱጌ ቤቲ-ሆሮኔኔ ኡዜን-ሼኢራ ጌቴቲዛ ካታማታ ኤሳዱስ።
\p
\v 25 ኤፍሬሜስ ኤርፋሃ ጌቴቲዛ ሃራ ኣቱማ ናይ ዴስ፤ ኤርፋሃ ናይ ኤሬሼፋ፤ ኤሬሼፋ ናይ ቴላሄ፤ ቴላሄ ናይ ታሃኔ፤ 
\v 26 ታሃኔ ናይ ላዳኔ፤ ላዳኔ ናይ ኣሚሁዴ፤ ኣሚሁዴ ናይ ኤልሻማ፤ 
\v 27 ኤልሻማ ናይ ናዌ፤ ናዌ ናይ ኢያሶ።
\p
\v 28 ኤፍሬሜ ዛሬታ ዱሳሶይኔ ኢስታ ቢታይ ቤቴሌ ዩሾን ዲዛ ካታማታ፥ ኣርሼይ ሞኪዛ ባጋራ ናኢራኔ፥ ኣርሼይ ዉሊዛ ባጋራ ጌዜሬ፥ ሴኬሜ፥ ኣዬኔ ኢስታ ዩሾን ዲዛ ካታማታ።
\p
\v 29 ቃሴካ ሚናሴ ዛሬታ ቢታ ዛዋን ቤቲ-ሻኣኔ፥ ታኢናኬ፥ ማጊዶ፥ ዶሬኔ ኢስታ ዩሾን ዲዛ ካታማታ፤ ኢስራኤሌ ና ዮሴፌ ዛሬቲ ሃ ካታማታን ዴኢዳ።
\s ኣሴሬ ናይታ ዛርኬ
\p
\v 30 ኣሴሬ ናይቲ ዪሚኔ፥ ዪሺዌ፥ ዪሺዋኔ ባሪሄ፤ ኢስታ ሚቻ ሴራሆ ጌቴታዉስ።
\p
\v 31 ባሪሄ ናይቲ ሄቤሬኔ ቢሪዛዋቴ ኣዋ ማልኪኤሌ።
\p
\v 32 ሄቤሬ ናይቲ ያፋሌጼ፥ ሾሜሬኔ ሆታሞ፤ ኢስታ ሚቻ ሹኦ ጌቴታዉስ።
\p
\v 33 ያፋሌጼ ናይቲ ፓሳኬ፥ ቢሚሃሌኔ ኣሺዋቴ፤ ሃይቲ ያፋሌጼ ናይታ።
\p
\v 34 ያፋሌጼ ኢሻ ሼሜሬ ናይቲ ኣሂ፥ ኤሮሂጋ፥ ያሁቤኔ ኣራሜ።
\p
\v 35 ኢዛ ኢሻ ሆታሞ ናይቲ ጾፋሃ፥ ዪሚኔ፥ ሼሌሼኔ ኣማሌ።
\p
\v 36 ጾፋሃ ናይቲ ሱሃ፥ ሃርኔፌሬ፥ ሹኣሌ፥ ቤሬ፥ ዪሚሬ፥ 
\v 37 ቤጼሬ፥ ሆዳ፥ ሻማ፥ ሺላሼ፥ ዪቲራኔኔ ባኤራ።
\p
\v 38 ዮቶሬ ናይቲ ዮፊኔ፥ ፒስፓኔ ኣሬ። 
\v 39 ኡሌ ናይቲ ኣራሄ፥ ሃንኤሌኔ ኤሪጺያ።
\p
\v 40 ሃይቲ ኡባይ ኣሴሬ ዛሬታ፤ ኢስቲ ባሶ ኣሳታስ ሃላቃታ፤ ባ ዬሌታ ዛርኬታ ማዝጋባን 26,000 ዎልቃማኔ ሚኖ ኦላንቻቲ ማዝጋቤቲዳ።
\c 8
\s ቢኒያሜ ናይታ ዛርኬ
\p
\v 1 ቢኒያሜስ ባይራ ናዚ ቤላ፤ ኢዛ ካሎቲ ኣሺቤሌ፥ ኣሂራሄ፥ 
\v 2 ኖሃ፥ ኤራፌ።
\p
\v 3 ቤላ ዛሬቲ ኣዳሬ፥ ጌራ፥ ኣቢሁዴ፥ 
\v 4 ኣቢሹኣ፥ ናኢማኔ፥ ኣሆዋ፥ 
\v 5 ጌራ፥ ሻፋሜኔ ሁራሜ።
\p
\v 6-7 ኤሁዴ ዛሬቲ ናኢማኔ፥ ኣካያኔ ጌራ፤ ኢስቲ ጌባን ዲዛ ባንታ ኬ ኣሳታስ ሃላቃታ፤ ሄሳፌ ጉዬ ኢስቲ ማናሃቴ ቢታ ዲኤቲ ቢዳ፤ ኦዛኔ ኣሂሁዴ ኣዋ ጌራይ ኢስታስ ሃላቃ።
\p
\v 8 ሻሃራይሜይ ባ ማቼታ ሁሺሞኔ ባኢሮ ኣንጂ ዬዲዳፔ ጉዬ ሞኣቤ ቢታን ኣቱማ ናይታ ዬሊዴስ። 
\v 9 ሻሃራይሜ ባ ማቾ ሆዴሺፔ ዮባቤ፥ ዚቢያ፥ ሜሼ፥ ማልካሜ፥ 
\v 10 ያኡጼ፥ ሳኪያኔ ሚርማ ዬሊዴስ፤ ኢዛ ናይቲ ኡባይ ባሶ ኣሳታስ ሃላቃ ጊዲዳ። 
\v 11 ቃሴ ባ ማቾ ሁሺሚፔ ኣሂጹቤኔ ኤልፓኤሌ ዬሊዴስ።
\p
\v 12 ኤልፓኤሌ ናይቲ ኤቦሬ፥ ሚሻሜኔ ሼሜዴ፤ ሼሜዲ ኦኖ ካታማታ፥ ሎዳ ካታማታኔ ኢስታ ዩሾን ዲዛ ቄሪ ካታማታ ኤሲዴስ።
\p
\v 13 ባሪሄይኔ ሼማኤይ ኣያሎኔ ካታማን ዲዛ ባንታ ኬ ኣሳታስ ሃላቃ ጊዲዳ፤ ኢስቲ ጌቴ ካታማን ዲዛ ኣሳ ዬዴዳ። 
\v 14 ባሪሄ ዛሬቲ ኣሂዮ፥ ሻሻቄ፥ ያርሞቴ፥
\p
\v 15 ዛባዲያ፥ ኣራዴ፥ ኤዴሬ፥ 
\v 16 ሚካኤሌ፥ ዪሺጳኔ ዮሃ ጌቴቴቴስ።
\p
\v 17 ኤልፓኤሌ ዛሬቲ ዛባዲያ፥ ማሹላሜ፥ ሂዝቃ፥ ሄቤሬ፥ 
\v 18 ዪሺማራዬ፥ ዩዚላኤኔ ዮባቤ።
\p
\v 19 ሺምኤ ዛሬቲ ያቂሜ፥ ዚኪሬ፥ ዛብዴ፥ 
\v 20 ኤልኤናዬ፥ ኤልናዬ፥ ኤልኤሌ፥ 
\v 21 ኣዳያ፥ ቢራዬኔ ሺሚራቴ።
\p
\v 22 ሻሻቄ ዛሬቲ ዪሺጳ፥ ኤቦሬ፥ ኤልኤሌ፥ 
\v 23 ኣብዶኔ፥ ዚኪሬ፥ ሃናኔ፥ 
\v 24 ሃናኒያ፥ ኤላሜ፥ ኣንቶቴያ፥ 
\v 25 ዪፊዳዬኔ ፓኑኤሌ።
\p
\v 26 ዪሮሃሜ ዛሬቲ ሻሚሻራዬ፥ ሻሃሪያ፥ ኣታሊያ፥ 
\v 27 ያኢሬሼ፥ ኤላሳኔ ዚኪሬ።
\p
\v 28 ሃይቲ ኡባቲ ባ ኬ ኣሳታስ ሃላቃታ፤ ባ ዜሬ ዛርኬቲ ጻፌቲ ዲዛ ዬሩሳላሜን ዴቴስ።
\p
\v 29 ጌባኦኔ ኣዋ ዪኢኤሌይ ጌባኦኔ ካታማን ዴስ፤ ኢዛ ማቼይ ሱንካ ማኢኮ። 
\v 30 ኢዛስ ባይራ ናዚ ኣብዶኔ ጌቴቴስ፤ ኢዛ ካሎቲ ጹሬ፥ ቂሴ፥ ባኣሌ፥ ኔሬይ ናዳቤ፥ 
\v 31 ጋዶሬ፥ ኣሂዮ፥ ዜኩሬኔ 
\v 32 ሺሜኤ ኣዋ ሚቂሎቴ፤ ሃይቲ ኡባቲ ባ ዳቦታ ማታን ዬሩሳላሜን ዴቴስ።
\s ሳኦሌ ዛርኬታ
\q1
\v 33 ኔሬይ ቂሴ ዬሊዴስ፤
\q2 ቂሴይ ሳኦሌ ዬሊዴስ፤
\q2 ሳኦሊ ዮናታኔ፥ ማልኬሹኣ፥
\q2 ኣቢናዳቤኔ
\q2 ኤሺባኣሌ ዬሊዴስ።
\q1
\v 34 ዮናታኔ ናይ ማሪባ-ባኣሌ፤\f + \fr 8፡34 \fr*\ft ማሪባ-ባኣሌይ ሜምፌቦስቴ ጌቴቲዴስ፤ 2ሳሜ 4፡4 ጼላ።\ft*\f*
\q2 ማሪባ-ባኣሌይ
\q2 ሚኪያሳ ዬሊዴስ።
\p
\v 35 ሚኪያሳ ኣቱማ ናይቲ ፒቶኔ፥ ሜሌኬ፥ ታሬኣኔ ኣካዜ።
\q1
\v 36 ኣካዜይ ያሆኣዴ ዬሊዴስ፤
\q2 ያሆኣዲ ኣሌሜቴ፥
\q2 ኣዚሞቴኔ ዚሚሬ ዬሊዴስ፤
\q2 ዚሚሬይ ሞዛ ዬሊዴስ፤
\q2
\v 37 ሞዛይ ቢኒኤ ዬሊዴስ፤
\q2 ቢኒኤይ ኤራፋዬ ዬሊዴስ፤
\q2 ኤራፋዬይ ኤልኣሳ ዬሊዴስ፤
\q2 ኤልኣሲ ኣዜሌ ዬሊዴስ።
\p
\v 38 ኣዜሌስ 6 ኣቱማ ናይቲ ዴቴስ፤ ሄይቲካ ኣዚርቃሜ፥ ቦኬሬ፥ ኢስማኤሌ፥ ሻኣሪያ፥ ኣብዲዩኔ ሃናኔ፤ ሃይቲ ኡባይ ኣዜሌ ናይታ።
\p
\v 39 ኣዜሌ ኢሻ ኤሼቄስ ሄ ኣቱማ ናይቲ ዴቴስ፤ ባይራዚ ኡላሜ ካሎቲ ያኡሼኔ ኤልፋሌጼ።
\p
\v 40 ኡላሜ ናይቲ ዎልቃማኔ ሚኖ ኦላንቻታ፤ ኢስቲካ ዎንዳፌን ዱኮ ኤሪዛይታ፤ ኡላሜስ 150 ኣቱማ ናይቲኔ ናይታ ናይቲ ዴቴስ።
\p ሃይቲ ኡባቲ ቢኒያሜ ዛሬታ።
\c 9
\s ዲኤቴፌ ሲሚዳ ኢስራኤሌ ኣሳ
\p
\v 1 ኢስራኤሌ ኣሳይ ኡባይ ባ ዬሌታ ዛርኬን ዛርኬን ጻፌቲዴስ፤ ሃ ታሪኬይ ኢስራኤሌ ካዎታ ማጻፋን ጻፌቲ ኡቲዴስ።
\p ዩሁዳ ኣሳይ ባ ናጋራ ጋሶን ባቢሎኔ ቢታ ዲኤቲ ቢዴስ። 
\v 2 ዲኤቲ ቢዳሶፔ ኮይሮ ሲሚዲ ባንታ ቢታን ኡቲዳይቲ ቄሴታ፥ ሌዌታ፥ ጾሳ ኬን ዎልቃ ኦሶ ኦዛይታኔ ኢስራኤሌ ኣሳፔ ጉታ።
\p
\v 3 ዩሁዳ ዛሬታፔ፥ ቢኒያሜ ዛሬታፔ፥ ኤፍሬሜ ዛሬታፔኔ ሚናሴ ዛሬታፔ ጉቲ ዬሩሳላሜን ዴኢዳ።
\s ዩሁዳ ናይታ ዛርኬ
\p
\v 4 ዩሁዳ ና ፓሬሴ ዛርኬፌ ኡታዬይ ዬሩሳላሜን ኡቲዳይታስ ሃላቃ፤ ኡታዬይ ኣሚሁዴ ና፤ ኣሚሁዴይ ኢሚሬ ና፤ ኢሚሬይ ባኔ ና።
\p
\v 5 ዩሁዳ ና ሴሎ ዛሬታፔ ኣሳያይኔ ኢዛ ናይቲ ዬሩሳላሜን ዲዛይታስ ሃላቃታ።
\p
\v 6 ዩሁዳ ና ዛራሄ ዛሬታፔ ዪኢኤሌይ ዬሩሳላሜን ዲዛይታስ ሃላቃ።
\p ዩሁዳ ዛሬቲ ቆዲን ሙሌራ 690።
\s ቢኒያሜ ናይታ ዛርኬ
\p
\v 7 ዬሩሳላሜን ዴኢዳ ቢኒያሜ ዛርኬ ሃላቃቲ ሃይሳፌ ካሊ ጻፌቲዳ፤
\q1 ሃላቃ ሳሉይ ማሹላሜ ና፤
\q2 ሃላቃ ማሹላሜይ
\q2 ሆዳዬ ና፤
\q2 ሃላቃ ሆዳዬይ ሃሳኑኤ ና።
\q1
\v 8 ሃላቃ ዪቤናዬይ ዪሮሃሜ ና።
\q2 ሃላቃ ኤላይ ኡዜ ና፤
\q3 ኡዚ ሚኪሬ ና።
\q1 ሃላቃ ማሹላሜይ
\q2 ሻፋጺያ ና፤
\q2 ሻፋጺያ ኤራኡኤሌ ና፤
\q3 ኤራኡኤሌይ ዪቢናዬ ና።
\p
\v 9 ቢኒያሜ ዛሬታ ቆዳይ ሙሌራ 956፤ ሄይቲ ኡባይ ባ ኬ ኣሳታስ ሃላቃታ።
\s ዬሩሳላሜን ዴኢዳ ቄሴታ
\p
\v 10 ዬሩሳላሜን ዴኢዳ ቄሴቲ ሃይሳፌ ካሊዲ ጻፌቲዳይታ፤
\q2 ኢስቲ ያዳያ፥ ዮሃሪቤ፥ ያኪኔኔ
\q2
\v 11 ጾሳ ኬን
\q2 ሃላቃቲዳ ኣዛሪያሳ፤
\q2 ኣዛሪያሲ ኪልቂያሳ ና፤
\q2 ኪልቂያሲ ማሹላሜ ና፤
\q2 ማሹላሜይ ሳዶቄ ና፤
\q2 ሳዶቄይ ማራዮቴ ና፤
\q2 ማራዮቴይ ኣሂጹቤ ና።
\p
\v 12 ሃራቲ ቃሴ ዪሮሃሜ ና ኣዳያኔ ኣዲኤሌ ና ማኢሳያ፤ ዪሮሃሜይ ፓሽኩሬ ና፤
\q1 ፓሽኩሬይ ማልኪያ ና።
\q2 ኣዲኤሌይ ያሂዜሬ ና፤
\q2 ያሂዜሬይ ማሹላሜ ና፤
\q2 ማሹላሜይ ማሺሌሚቴ ና፤
\q2 ማሺሌሚቴይ ኢሜሬ ና።
\p
\v 13 ባንታሶ ኣሳታስ ሃላቃቲዳ ቄሴቲ 1,760፤ ሃይቲ ጾሳ ኬን ኦሴቲዛ ኦሶስ ጋኪዳ ኣሳታ።
\s ዬሩሳላሜን ዴኢዳ ሌዌታ
\p
\v 14 ዬሩሳላሜን ዴኢዳ ሌዌቲ ሃይሳፌ ካሊ ጻፌቲዳይታ፤
\q1 ሃሹቤ ና ሻማኤይ
\q2 ሜራሬ ዛርኬ፤
\q2 ሃሹቤይ ኣዚርቃሜ ና፤
\q3 ኣዚርቃሜይ ሃሻቢያ ና።
\p
\v 15 ባቂባቂሬ፥ ሄሬሼ፥ ጋላሌኔ ማታኒያ፤ ማታኒያይ ሚካ ና፤ ሚኪያሲ ዚኪሬ ና፤ ዚኪሬይ ኣሳፌ ና።
\p
\v 16 ሃራቲ ቃሴ ናጾፌታ ሞታን ኡቲዳ ኣብዲዩኔ ባራካዬ። ኣብዲዩይ ሻማኤ ና፤
\q1 ሻማኤይ ጋላሌ ና፤
\q2 ጋላሌይ ኤዶታኔ ና።
\q3 ባራካዬይ ኣሳ ና፤
\q3 ኣሲ ሂልቃና ና።
\s ጾሳ ኬ ፔንጌ ናጊዛ ዛቤታ
\p
\v 17 ጾሳ ኬ ፔንጌ ናጊዛ ዛቤቲ ሻሎሜ፥ ኣቁቤ፥ ጻልሞኔ፥ ኣሂማኔኔ ኢስታ ዳቦታ፤ ሻሎሜይ ኢስታስ ሃላቃ። 
\v 18 ሃ ዜሬቲ ኣርሼይ ሞኪዛ ባጋራ ዲዛ ካዎ ፔንጌ ጌቴቲዛሶዛ ናጌቴስ፤ ሃይሳፌ ካሴ ኢስቲ ሌዌቲ ዱንካኒ ኡቲዳሶ ጌልዛ ፔንጌ ናጌቴስ።
\p
\v 19 ሻሉሜይ ኣቢያሳፌ ናዛ ቆሬ ና፤ ኢዚ ቆራሃ ዛርኬ ኣሳ። ቆሬ ዜሬቲ ካሴ ጎዳ ጾሳ ዱንካኔ ናጊዳ ማላ ሻሎሜይኔ ቆራሃ ዛርኬ ጊዲዳ ኢዛ ዳቦቲ ጾሳ ኬ ናጌቴስ።
\p
\v 20 ኤልኤዜሬ ና ፊኒሃሲ ቤኒ ዎዴ ቆራሃ ዛርኬታ ሃላቃ፤ ጎዳይ ኢዛራ ዴስ።
\p
\v 21 ቃሴካ ማሼሌሚያ ና ዛካራሲ ዱንካኔ ፔንጌ ናጌስ።
\p
\v 22 ፔንጋ ናጋናስ ዶሬቲዳይቲ ሙሌራ 212፤ ሃይታንቲ ባንታ ካታማን ካታማን ቆዴቲዲ ጻፌቲዳ፤ ኢስታ ዛሬታስ ሃ ኣዋቴ ኢሚዳይ ካዎ ዳዊቴኔ ናቤ ሳሜላ። 
\v 23 ሄሳ ጊሻስ ኢስቲኔ ኢስታ ናይቲ ጾሳ ኬ ዱንካኔ ፔንጌዛ ናጌቴስ። 
\v 24 ዛቤቲ ኣርሼይ ዉሊዛ ባጋራ፥ ሞኪዛ ባጋራ፥ ፑዴሃ ባጋራኔ ዱጌሃ ባጋራ ኤቂዲ ናጌቴስ። 
\v 25 ሄ ካታማታን ዲዛ ኢስታ ዳቦቲ ላፑን ጋላስ ላሜቲ ላሜቲ ናጊሼ ኢስታ ማዳናስ ቤሴስ።
\p
\v 26 ፔንጌ ናጊዛ ዛቤታ ሃላቃታፔ ኦይዱ ሌዌቲ ጾሳ ኬ፥ ኢዛ ጊዶን ዲዛ ኪፊሌታኔ ሚንጃ ኬ ኣዋቴን ናጌቴስ። 
\v 27 ጾሳ ኬ ናጊዛይኔ ቃሴ ማላዶ ማላዶ ካሬ ዶይዛይቲ ኢስታ ጊዲዳ ጊሻስ ሄን ኣቄቴስ።
\p
\v 28 ኢስታፌ ጉቲ ጾሳ ኬ ኦሶስ ጎኤቲዛ ሚሻታ ኣዋቴን ናጌቴስ፤ ሄ ሚሻታ ካሬ ኬሲዛ ዎዴኔ ሶ ጌልዛ ዎዴ ኢስቲ ቆዴቴስ። 
\v 29 ቃሴ ኢስታፌ ኢሶቲ ኢሶቲ ጾሳ ኬ ጊዶን ጎኤቲዛ ሃራ ሚሻታ፥ ሊቆ ሌዛ፥ ዎይኔ ኡሻዛ፥ ዛይቴዛ፥ ኤጻኔዛኔ ሳዎታ ኣዋቴን ናጌቴስ። 
\v 30 ጊዶ ኣቲን ቄሴታ ናይታፔ ኢሶቲ ኢሶቲ ሳዎዛ ጌዳሪ ጌዳሪ ዋላኬቴስ።
\p
\v 31 ቆሬ ዛርኬፌ ሻሎሜስ ባይራ ና ሌዌ ማቲቲያስ ያርሾ ኡኬ ኡካናስ ኣዋቴ ዴስ። 
\v 32 ቃኣቴ ዛርኬ ጊዲዳ ኢስታ ዳቦታፔ ጉታስ ሳምባታን ሳምባታን ጻራጴዛ ቦላ ዎዛ ያርሾ ጊጊሳና ኣዋቴ ዴስ።
\p
\v 33 ሌዌ ዛሬታፔ ኣማርዳ ሃላቃቲ ጾሳ ኬን ዬጺዛይታ፤ ኢስቲ ኦማርሲኔ ጋላስ ኦዛ ጊሻስ ሃራ ኦሶ ኦሴቴና፤ ኢስቲ ጾሳ ኬ ጊቤ ጊዶን ዲዛ ኬታን ዴኤቴስ።
\p
\v 34 ሃይቲ ኡባይ ሌዌ ቆሞታስ ሃላቃቲ ባንታ ዛርኬን ዛርኬን ጻፌቲዲ ዬሩሳላሜን ዴቴስ።
\s ካዎ ሳኦሌ ዬሌታ
\r (1ታሪ 8፡29-38)
\p
\v 35 ጌባኦኔ ኣዋ ዪኢኤሌይ ጌባኦኔ ካታማን ዴኢዴስ፤ ኢዛ ኬ ኣዬይ ሱን ማኢኮ። 
\v 36 ኢዛስ ባይራ ናዚ ኣብዶኔ፤ ኢዛ ካሎቲ ጹሬ፥ ቂሴ፥ ባኣሌ፥ ኔሬ፥ ናዳቤ፥ 
\v 37 ጋዶሬ፥ ኣሂዮ፥ ዛካራሳኔ ሚቂሎቴ። 
\v 38 ሚቂሎቴይ ሺሜኤ ዬሊዴስ፤ ኢስቲካ ባንታ ዳቦታ ማታን ዬሩሳላሜን ዴኢዳ።
\b
\q1
\v 39 ኔሬይ ቂሴ ዬሊዴስ፤
\q2 ቂሴይ ሳኦሌ ዬሊዴስ።
\q3 ሳኦሌይ ዮናታኔ፥ ማልኬሹኣ፥ ኣቢናዳቤኔ
\q3 ኤሺባኣሌ ዬሊዴስ፤
\q2
\v 40 ዮናታኔ ናይ ማሪባ-ባኣሌ፤\f + \fr 9፡40 \fr*\ft ማሪባ-ባኣሌይ ሜምፌቦስቴ ጌቴቲዴስ። 1 ሳሜ 4፡4 ጼላ።\ft*\f*
\q2 ማሪባኣሌይ ሚኪያሳ ዬሊዴስ።
\p
\v 41 ሚኪያሳ ናይቲ ፒቶኔ፥ ሜሌኬ፥ ቴሬኣኔ ኣካዜ። 
\v 42 ኣካዜይ ያኢሬ ዬሊዴስ፤
\q1 ያኢሬይ ኣሌሜቴ፥ ኣዚሞቴኔ ዚሚሬ ዬሊዴስ፤
\q2 ዚሚሬይ ሞዛ ዬሊዴስ፤
\q2
\v 43 ሞዛይ ቢኒኤ ዬሊዴስ፤
\q2 ቢኒኤይ ኤራፋያ ዬሊዴስ፤
\q2 ኤራፋያይ ኤልኣሳ ዬሊዴስ፤
\q2 ኤልኣሲ ኣዜሌ ዬሊዴስ።
\p
\v 44 ኣዜሌስ ኡሱፑን ኣቱማ ናይቲ ዴቴስ፤ ሄይቲካ ኣዚርቃሜ፥ ቦኬሬ፥ ኢስማኤሌ፥ ሻኣሪያ፥ ኣብዲዩኔ ሃናኔ፤ ሃይቲ ኡባይ ኣዜሌ ናይታ።
\c 10
\s ካዎ ሳኦሌ ሃይቆ
\r (1ሳሜ 31፡1-13)
\p
\v 1 ፊሊስጼሜ ኣሳቲ ኢስራኤሌ ኣሳታራ ኦሌቲዳ፤ ኢስራኤሌ ኣሳቲ ፊሊስጼሜ ኣሳታ ሲንፌ ባቃቲዳ፤ ኢስራኤሌታፔ ዳሮቲ ጊልቦኣ ዙማ ሁኤን ሃይቂዳ። 
\v 2 ፊሊስጼሜ ኣሳቲ ሳኦሌኔ ኢዛ ናይታ ዬዴ ጋኪዲ ኢዛ ናይታ ዮናታኔ፥ ኣቢናዳቤኔ ማልኬሹኣ ዎዳ። 
\v 3 ኦላይ ሳኦሌ ዩዪ ኣዲ ኡንኤዴስ፤ ኦላንቻቲ ኢዛ ዎንዳፌን ዱኪ ማዱንዳ።
\p
\v 4 ሳኦሊ ባ ኦላ ማሳራ ቶኪዛ ዎታዳራዛ፥ «ሃ ቃጻሬቶንታ ፊሊስጼሜ ኣሳቲ ዪዲ ታ ቦላ ካኦንታ ማላ ኔ ጊ ማሻን ታና ዎ» ጊዴስ።
\p ጊዶ ኣቲን ኢዛ ኦላ ማሳራ ቶኪዛ ዎታዳራዚ ኬሂ ያዪዳ ጊሻስ ኢጺዴስ፤ ሂስቲን ሳኦሊ ባ ጊ ማሻ ቦላ ኩንዲዲ ሃይቂዴስ። 
\v 5 ኢዛ ኦላ ማሳራ ቶኪዛይሲ ሳኦሊ ሃይቂዳይሳ ቤኢዳፔ ጉዬ ኢዚካ ባ ጊ ማሻ ሳኣን ኤሲዲ ኢዛ ቦላ ኩንዲ ሃይቂዴስ። 
\v 6 ሄሳ ሃኒዲ ሳኦሊ፥ ኢዛ ናይቲ ሄቲኔ ኢዛሶ ኣሳቲ ኡባይ ሄ ጋላስ ኢሲፌ ሃይቂዳ።
\p
\v 7 ዙሌዛን ዴኢዛ ኢስራኤሌ ኣሳቲ ኡባይ ባንታ ኦላንቻቲ ባቃቲዳይሳ፥ ሳኦሊኔ ኢዛ ናይቲ ሃይቂዳይሳ ቤኢዲ ኢስቲካ ባንታ ካታማታ ኣጊዲ ጋንጊዳ፤ ፊሊስጼሜ ኣሳቲ ዪዲ ሄ ካታማታ ኦይኪዳ።
\p
\v 8 ዎንቴ ጋላስ ፊሊስጼሜቲ ኦላ ማሳራታ ሃይቂዳይታ ቦላፌ ቃሪ ኤካናስ ዪዲ ሳኦሊኔ ኢዛ ናይቲ ጊልቦኣ ዙማ ሁኤን ሃይቂዳይሳ ዴሚዳ። 
\v 9 ሂስቲዲ ኢስቲ ሳኦሌ ሁኤ ቃንጺ ኤኪዲኔ ኢዛ ኦላ ማሳራ ቃሪ ኤኪዳ፤ ሄሳፌ ጉዬ ባንታ ኤቃ ጾሳታሲኔ ባንታ ዴራስ ሃ ጾኖ ሚሺራቾዛ ኣዋጃና ማላ ፊሊስጼሜ ቢታ ኡባስ ኣስ ኪቲ ዬዲዳ። 
\v 10 ኢስቲ ሳኦሌ ኦላ ማሳራታ ባንታ ኤቃ ጾሳታ ኬታን ዎዳ፤ ኢዛ ሁኤዛ ባንታ ኤቃ ጾሳ ዳጎኔ ኬን ካቂዳ።
\p
\v 11 ፊሊስጼሜ ኣሳቲ ሳኦሌ ቦላ ኦዳይሳ ኡባ ጋላኣዴን ዲዛ ያቡሴ ካታማ ኣሳቲ ሲዪዳ ዎዴ፥ 
\v 12 ሚኖ ኣሳቲ ቢዲ ሳኦሌ ኣሃኔ ኢዛ ናይታ ኣሃ ኤኪዲ ያቡሴ ካታማ ኤሂዳ፤ ሂስቲዲ ያቡሴን ዲዛ ጊታ ሚ ጋርሳን ሞጊዳ፤ ሄሳፌ ጉዬ 7 ጋላስ ጾሚዳ።
\p
\v 13 ሳኦሊ ጎዳስ ኣማኔቲቤና፤ ኢዛ ቃላካ ናጎንታ ኢጺዲ ሞይቲሌ ጼይጊዛይታ ዞሬ ኦይቺዳ ጊሻስ ሃይቂዴስ። 
\v 14 ሄሳ ጋሶን ጎዳይ ኢዛ ዎዲ ኢዛ ካዎቴ ኢሴዬ ና ዳዊቴስ ኣ ኢሚዴስ።\x - \xo 10፡14 \xo*\xt ሌዌ 19፡31፤ 20፡6፤ 1ሳሜ 13፡8-14፤ 15፡1-24፤ 28፡7-8\xt*\x*
\c 11
\s ዳዊቴ ካዎቴ
\r (2ሳሜ 5፡1-10)
\p
\v 1 ሄሳፌ ጉዬ ኢስራኤሌ ኣሳይ ኡባይ ኢሲፌ ዳዊቴኮ ኬብሮኔ ቢዲ፥ «ኑኒ ኢሲ ኣሾኔ ኢሲ ሜቄ፤ 
\v 2 ካሴ ሳኦሌ ካዎቴ ዎዴካ ኢስራኤሌ ኣሳ ኦላስ ካሌዳይ ኔና፤ ጎዳ ኔ ጾሳይ ኔና፥ ‹ታ ዴራ ኢስራኤሌ ኔኒ ሄማና፤ ኢስታ ቦላካ ኔኒ ካዎታና› ጊዴስ» ጊዳ።
\p
\v 3 ሄሳ ጊሻስ ኢስራኤሌ ጪማቲ ኡባይ ካዎ ዳዊቴኮ ኬብሮኔ ካታማ ዪዳ፤ ኢዚ ኢስታራ ኬብሮኔን ጎዳ ሲንን ጫቄቲዴስ፤ ጎዳይ ሳሜላ ባጋራ ሃሳይዳ ቃላ ማላ ዳዊቲ ኢስራኤሌ ቦላ ካዎታና ማላ ቲይዳ።
\s ዳዊቲ ዬሩሳላሜ ኦይኪዴስ
\p
\v 4 ዳዊቲኔ ኢስራኤሌ ኣሳይ ኡባይ ዬሩሳላሜ ካታማ ቢዳ፤ ሄ ዎዴ ያቡሴ ኣሳቲ ሄን ዲዛ ጊሻስ ሄ ካታማያ ያቡሴ ጌቴታዉስ።\x - \xo 11፡4 \xo*\xt ኢያ 15፡63፤ ዳና 1፡21\xt*\x* 
\v 5 ያቡሴ ኣሳቲ ዳዊቴ፥ «ኔኒ ሃ ካታማ ሙሌካ ጌላካ» ጊዳ፤ ጊዲኮካ ዳዊቲ ጺዮኔን ዲዛ ኢስታ ሚጻ ኦይኪዴስ፤ ሂስቲን ኢዛ ዳዊቴ ካታማ ጌቴታዱስ። 
\v 6 ዳዊቲ፥ «ኮይሮቲ ቢዲ ያቡሴ ኣሳታ ሾጪዛዴይ ኦላ ጋዳዋ ጊዳና» ጊዴስ፤ ሂስቲን ጹሪያ ና ኢዮኣቤይ ኮይሮቲ ቢ ኦሊዳ ጊሻስ ኦላ ጋዳዋ ጊዲዴስ። 
\v 7 ዳዊቲ ሄ ሚጻዮ ባስ ዱሳሶ ሂስቲዳ ጊሻስ ሚጻያ ዳዊቴ ካታማ ጌቴታዱስ።
\p
\v 8 ዳዊቲ ሄ ካታማይ ዩሾን ኬቻታ ኬጪዲ ካታማዮ ዛሪ ኬጺዴስ፤ ኣቲዳ ካታማ ቃሴ ኢዮኣቤይ ዛሪዲ ኬጺዴስ።\f + \fr 11፡8 \fr*\ft ኬቻታ፥ ኬቻቲ ካታማ ጊምቤይ ኩንዶንታ ማላ ናጌስ ጎኤቴስ።\ft*\f* 
\v 9 ኡባፌ ዎልቃማ ጎዳይ ኢዛራ ዲዛ ጊሻስ ዳዊቲ ሚኒ ሚኒ ቢዴስ።
\s ሚኖ ጊዲዳ ዳዊቴ ኦላንቻታ
\r (2ሳሜ 23፡8-39)
\p
\v 10 ሚኖ ጊዲዳ ዳዊቴ ኦላንቻቲ ሃይሳፌ ካሊዲ ጻፌቲዳ፤ ኢስቲካ ሃንኮ ኢስራኤሌ ኣሳታራ ጊዲዲ ጎዳይ ኢዛስ ኢሚዳ ሂዶታ ቃላ ማላ ኢዛ ካዎቴይ ኣካና ማላ ኬሂ ማዲዳኔ ሚንዳ።
\p
\v 11 ሚኖ ጊዲዳ ዳዊቴ ኦላንቻታፔ ኮይሮይሲ ሃኪሞኔ ዛርኬፌ ጊዲዳ ያሾቢኣሜ፤ ኢዚ ኦላ ጋዳዋ ሄታስ ሃላቃ፤ ኢዚ ኢሲቶ ኦላን 300 ኣስ ዎዴስ። 
\v 12 ሄ ሄ ሚኖ ኦላንቻታፔ ናምኣንዚ ኣሂሆሄ ዛርኬፌ ዶዴ ና ኤልኤዜሬ። 
\v 13 ፊሊስጼሜ ኣሳቲ ኦሌታናስ ኤፍሲ-ዴሚሜ ጌቴቲዛሶ ሺቂዳ ዎዴ ኣላዛሬይ ዳዊቴራ ኢሲፌ ዴስ፤ ባንጋይ ኩሚዳ ጎሻ ጋዴ ጊዶን ኢስራኤሌ ኦላንቻቲ ፊሊስጼሜታ ሲንፌ ባቃቲዳ። 
\v 14 ጊዶ ኣቲን ኢዚኔ ኢዛ ካሊዛይቲ ሄን ሶሆ ኦይኪዲ ፊሊስጼሜ ኣሳታራ ኤቄቲዳ፤ ጎዳይ ኢስታስ ዎልቃማ ጾኖ ኢሚዴስ።
\p
\v 15 ፊሊስጼሜ ኦላንቻቲ ኤራፋይሜ ሾባን ዱንካኒ ዲዛ ዎዴ 30 ሃላቃታፔ ሄቲ ዳዊቲ ዲዛሶ ኣዱላሜ ጎንጎሎ ማታን ዲዛ ዛላኮ ዎዳ። 
\v 16 ሄ ዎዴ ዳዊቲ ሚጻ ጊዶን ዴስ፤ ፊሊስጼሜ ኦላንቻታ ቡቴይ ቤቴሊሄሜን ዴስ። 
\v 17 ዳዊቲ ሃ ኡያናስ ኣሞቲዲ፥ «ቤቴሊሄሜ ካታማ ፔንጌ ላንቄን ዲዛ ፑልቶ ሃፌ ታና ኦኔ ኡሻናይ!» ጊዴስ። 
\v 18 ሄ ሚኖ ዳዊቴ ኦላንቻቲ ፊሊስጼሜ ኣሳቲ ዱንካኒ ኡቲዳሶሆራ ካን ቢዲ ቤቴሊሄሜ ካታማ ፔንጌን ዲዛ ፑልቶዛፔ ሃ ዱቂዲ ዳዊቴስ ኤሂዳ፤ ጊዶ ኣቲን ዳዊቲ ኡዮንታ ኢጺዲ ሄ ሃ ጎዳ ሲንን ጉሲዴስ። 
\v 19 ሂስቲዲ፥ «ሃይሳ ማላ ኦሶፔ ታና ጾሲ ናጎ! ታ ሃይሳ ኡይኮ ባ ሼምፖ ባይዚዲ ኤሂዳ ኣሳታ ሱ ኡሻ ማላ ጊዴኔ?» ጊዴስ፤ ሄሳ ጊሻስ ዳዊቲ ሄ ሃ ኡዪቤና፤ ሄ ሄ ሚኖ ኦላንቻቲ ሄሳ ኦዳ።
\p
\v 20 ኢዮኣቤ ኢሻ ኣቢሳዬይ ሄታስ ሃላቃ፤ ኢዚ ባ ቶራን 300 ኣሳታ ኦሊ ዎዴስ፤ ሄሳ ጋሶን ኢዚካ ሄታ\f + \fr 11፡20 \fr*\ft ሄታ ጊዛይሲ ሄ ታማታ ጌቴታና ዳንዳዬቴስ።\ft*\f* ማላ ኤሬቲዴስ። 
\v 21 ኢዚ ሄታራ ቆዴቶንታ ኣጊኮካ ኢስታፌ ኣዳ ቦንቾ ዴሚዴስ፤ ኢስታስካ ሃላቃ ጊዲዴስ።
\p
\v 22 ቃብጺኤሌፔ ዪዳ ዮዳሄ ና ባናያይ ኤሬቲዳ ኦላንቻኔ ዎልቃማ ሚሽ ኦዳ ኣሳ፤ ኢዚ ናምኡ ኤሬቲዳ ሞኣቤ ቢታ ኣሳታ ዎዴስ፤ ቃሴ ሻቺ ዳሪዳ ኢሲ ጋላስ ጎንጎሎ ጊዶ ጌሊዲ ጋሞ ዎዴስ። 
\v 23 ባናያይ ኢዛስ ጌሳይ ኢቻሹ ዋ ጊዲዛ ጊብጼ ቢታ ኣስ ዎዴስ፤ ሄ ጊብጼ ኣዴዛ ኩሼን ሼማኔ ዎንዲራሼ ኬና ቶራይ ዴስ፤ ባናያይ ጊዲኮ ጉፌ ኦይኪ ቢዲ ኢዛ ኩሼን ዲዛ ቶራ ዳፊ ኤኪዲ ኢዛ ቶራን ኢዛ ዛሪ ዎዴስ። 
\v 24 ዮዳሄ ና ባናያይ ሃይታንታ ኦዴስ፤ ኢዚካ ሄታ ማላ ኤሬቲዳ ኣስ ጊዲዴስ። 
\v 25 ኢዚ ሄታራ ቆዴቶንታ ኣጊኮካ 30 ኦላንቻታፔ ኣ ቦንቼቲዴስ፤ ዳዊቲ ኢዛ ባና ናጊዛይታ ቦላ ሃላቃ ሂስቲ ሹሚዴስ።
\p
\v 26 ኣሳ ጊዶን ዲዛ ሚኖ ኦላንቻቲ ሃይሳፌ ካሊ ዲዛይታ፥
\q1 ኢዮኣቤ ኢሻ ኣሳሄሌ፥
\q2 ቤቴሊሄሜ ኣስ
\q2 ዶዴ ና ኤልያኔ፥
\q2
\v 27 ሃሮዴ ኣስ ሻሞቴ፥
\q2 ፒሎኔ ኣስ ሄሌጼ፥
\q2
\v 28 ቴቁሄ ኣስ ኢቄሻ ና ኢራ፥
\q2 ኣናቶቴ ኣስ ኣቢኤዜሬ፥
\q2
\v 29 ሁሼ ኣስ ሲቢካዬ፥
\q2 ኣሂሆሄ ኣስ ኤላዬ፥
\q2
\v 30 ናጾፌ ኣስ ማሂራዬ፥
\q2 ናጾፌ ኣስ ባኣና ና ሄሌዴ፥
\q2
\v 31 ቢኒያሜ ዛርኬፌ ጊቢኣ ኣስ
\q2 ኤሪባዬ ና ኢታዬ፥
\q2 ፒራቶኔ ኣስ ባናያ፥
\q2
\v 32 ጋኣሼ ሾባ ኣስ ሁራዬ፥
\q2 ኣራቤ ኣስ ኣቢኤሌ፥
\q2
\v 33 ባሂሩሜ ኣስ ኣዚሞቴ፥
\q2 ሻልቦኔ ኣስ ኤሊያሂቤ፥
\q2
\v 34 ጊዞኔ ኣስ ሃሼሜ፥
\q2 ሃራሬ ዴሬ ኣስ
\q2 ሻጌ ና ዮናታኔ፥
\q2
\v 35 ሃራሬ ዴሬ ኣስ
\q2 ሳካሬ ና ኣሂኣሜ፥
\q2 ኡሬ ና ኤልፋሌ፥
\q2
\v 36 ማኬሬ ዴሬ ኣስ ሄፌሬ፥
\q2 ፒሎኔ ዴሬ ኣስ ኣካያ፥
\q2
\v 37 ቃርሜሎሴ ኣስ ሄጺሬ፥
\q2 ኤዝባዬ ና ናኢራዬ፥
\q2
\v 38 ናታኔ ኢሻ ኢዩኤሌ፥
\q2 ኣጋሬ ና ሚቢሃሬ፥
\q2
\v 39 ኣሞኔ ኣስ ዛላቃ፥
\q2 ጹሪያ ና ኢዮኣቤ
\q2 ኦላ ማሳራ ቶኪዛ
\q2 ቢኦሮቴ ኣስ ናሂራዬ፥
\q2
\v 40 ያቲሬ ኣስ ኢራ፥
\q2 ያቲሬ ኣስ ጋሬቤ፥
\q2
\v 41 ሂቴ ኣስ ኦሪዮ፥
\q2 ኣሂላዬ ና ዛባዴ፥
\q2
\v 42 ኦሮቤሌ ዛርኬፌ
\q2 ሺዛ ና ኣዲኔ፤
\q2 ኢዚ ኦሮቤሌ ዛርኬታሲኔ
\q2 ባናራ ኢሲፌ ዲዛ 30
\q2 ኣሳታስ ሃላቃ።
\q1
\v 43 ማኢካ ና ሃናኔ፥
\q2 ሚታኔ ኣስ ኢዮሳፊጼ፥
\q2
\v 44 ኣሽታሮቴ ኣስ ኡዚያ፥
\q2 ኣሮኤሬ ዴሬ ኣስ ሆታሞ
\q2 ናይታ ሻሜኔ ዪኢኤሌ፥
\q2
\v 45 ሺሚሬ ና ዪዲኤሌኔ
\q2 ኢዛ ኢሻ ቲዜቴ ዴሬ ኣስ ዮሃ፥
\q2
\v 46 ማሃዌ ኣስ ኤልኤሌ፥
\q2 ኤልናሜ ናይታ
\q2 ዪሪባያኔ ዮሻያ፥
\q2 ሞኣቤ ዴሬ ኣስ ዪቲማ፥
\q1
\v 47 ኤልኤሌ፥ ኢዮቤዴኔ
\q2 ጾቤ ዴሬ ኣስ ያኢሲኤሌ።
\c 12
\s ቢኒያሜ ዛርኬፌ ዳዊቴኮ ዪዳ ኦላ ኣሳታ
\p
\v 1 ዳዊቲ ቂሴ ና ሳኦሌፔ ባቃቲዲ ጺጊላጌን ኡቲዳ ዎዴ ኢዛኮ ዪዳ ኣሳቲ ሃይሳፌ ካሊዛይታ፤ ኢስቲካ ካሴ ኦላ ዎዴ ኢዛ ማዲዳ ኦላ ቃራታ ጊዶን ዴቴስ። 
\v 2 ኢስቲ ኡሻቻ ኩሼኒኔ ሃዲርሳ ኩሼን ዎንዳፌ ዱካናሲኔ ያንባርሼ ይቃናስ ዳንዳይዛ ኦላንቻታ፤ ኢስቲካ ቢኒያሜ ዛሬ ጊዲዳ ሳኦሌስ ኣሾ ዳቦታ። 
\v 3 ኢስታ ሃላቃይ ጊቢኣ ኣስ ሻማኤ ና ኣሂኤዜሬኔ ኢዮኣሳ።
\p ሃራቲ ቃሴ ኣዚሞቴ ና ዪዚኤሌኔ ፓሌጼ፥ ባራኬ፥ ኣናቶቴ ኣስ ኢዩ፥ 
\v 4 ኤሬቲዳ 30 ኦላንቻታስ ሃላቃኔ ኤሬቲዳ ኦላንቻ ጌባኦኔ ዴሬ ኣስ ዪሺማኤ፥ ኤርማሳ፥ ያሃዚኤሌ፥ ዮሃናኔ፥ ጋዴሬ ዴሬ ኣስ ዮዛባዴ፥ 
\v 5 ኤልኡዛዬ፥ ያርሞቴ፥ ባኣሊያ፥ ሻማሪያ፥ ሃሪፌ ኣስ ሻፋጺያ፥ 
\v 6 ቆሬ ኣስ ሂልቃና፥ ዪሺያ፥ ኣዛሪኤሌ፥ ዮኤዜሬኔ ያሾቢኣሜ፥ 
\v 7 ጋዶሬ ኣስ ዪሮሃሜ ና ዮኤሌኔ ዛባዲያ።
\s ጋዴ ዛርኬፌ ዳዊቴኮ ዪዳ ኦላ ኣሳታ
\p
\v 8 ዳዊቲ ባዞን ባቃቲ ኣቲዛሶን ዲዛ ዎዴ ጋዴ ዛርኬታፔ ኦላንቻቲ ኢዛኮ ዪዳ፤ ኢስቲካ ሚኖኔ ኦላስ ጊጌቲዳ ኣሳታ፤ ቃሴካ ጎንዳሌኔ ቶራ ኦይ ዳንዳይዛይታ፤ ኢስታ ኣይፌሶይ ጋሞ ማላ ባቢሴስ፤ ኢስቲ ዙማ ቦላ ጉፒዛ ጌኔሳ ማላ ፒላቴቴስ። 
\v 9 ኢስታ ሃላቃይ ኮይሮይሲ ኤዜሬ፥
\q2 ናምኣንዚ ኣብዲዩ፥
\q2 ሄንዚ ኤልያቤ፥
\q2
\v 10 ኦይዳንዚ ሚሺማኔ፥
\q3 ኢቻሻንዚ ኤርማሳ፥
\q2
\v 11 ኡሱፑንይ ኣታዬ፥
\q2 ላፑንዚ ኤልኤሌ፥
\q2
\v 12 ኦስፑንዚ ዮሃናኔ፤
\q2 ኡዱፉንዚ ኤልዛባዴ፤
\q2
\v 13 ታማንዚ ኤርማሳ፤
\q2 ታማኔ ኢሲንዚ ማኪባናዬ።
\p
\v 14 ሃይቲ ጋዴ ዛርኬታ ጋርሳን ኦላንቻታ ሃላቃታ፤ ኢስታፌ ዳሮቲ ሻላቃታ ማላ፥ ኣማርዳይቲ ማቶ ሃላቃታ ማላ ቆዴቲዳ። 
\v 15 ዮርዳኖሴ ሻፋይ ኪጻ ሳሎ ሼምፒዳ ኮይሮ ኣጊናን ፒኒዲ ዙላፌ ኣርሼይ ሞኪዛ ባጋራኔ ኣርሼይ ዉሊዛ ባጋራ ዱንካኒ ኡቲዳ ኣሳ ኡባ ዬዴዳ።
\s ቢኒያሜ ዛርኬታፔኔ ዩሁዳ ዛርኬታፔ ዳዊቴኮ ቢዳ ኦላንቻታ
\p
\v 16 ቢኒያሜ ዛርኬታፔኔ ዩሁዳ ዛርኬታፔ ኣማርዳ ኣሳቲ ዳዊቲ ዲዛሶ ሚጻ ዪዳ። 
\v 17 ሂስቲን ዳዊቲ ኢስታራ ጋይታና ኬኢዲ፥ «ኢንቴ ታና ማዳናስ ሳሮን ታኮ ዪዳ ጊዲኮ ታ ኢንቴና ኡፋይሳን ሞካ ኤካና፤ ጊዶ ኣቲን ኢንቴ ታና ታ ሞርኬታስ ኣ ኢማናስ ዪዳ ጊዲኮ ኑ ኣዋታ ጾሳይ ሃይሳ ቤኢዲ ፒርዶ!» ጊዴስ።
\p
\v 18 ሄሳፌ ጉዬ 30 ኣሳታ ሃላቃ ኣማሳዬ ቦላ ጾሳ ኣያናይ ዎን
\q2 ኢዚ፥ «ዳዊቴ! ኑኒ ኔይታ!
\q2 ኢሴዬ ና ዳዊቴ!
\q2 ኑኒ ኔናራ ኢሲፌ ዶስ!
\q2 ኔሲኔ ኔና ማዲዛይታስ
\q2 ሳሮይ ጊዶ!
\q2 ኔ ጾሳይ ኔና
\q2 ማዳና» ጊዴስ።
\m ሄሳ ጊሻስ ዳዊቲ ሞኪ ኤኪዲ ባ ኦላንቻታ ቦላ ሃላቃ ሂስቲዴስ።
\s ሚናሴ ዛርኬፌ ዳዊቴኮ ዪዳ ኣሳታ
\p
\v 19 ዳዊቲ ፊሊስጼሜታራ ኢሲፌ ጊዲዲ ሳኦሌ ኦላናስ ቢዳ ዎዴ ሚናሴ ዛርኬፌ ኣማርዳ ኣሳቲ ዳዊቴኮ ቢዲ ኢዛ ቆሚዳ፤ ጊዶ ኣቲን፥ «ዳዊቲኔ ኢዛ ኦላንቻቲ ኢስታ ካዎዛ ሳኦሌስ ኣ ኢማናኮ» ጊ ሂርጊዳ ጊሻስ ፊሊስጼሜ ኣሳቲ ኬሂ ዞሬቲዳፔ ጉዬን ኢስታ ጉዬ ጺጊላጌ ዛሪዳ። 
\v 20 ዳዊቲ ጺጊላጌ ካታማ ሲሚሺን ኢዛ ማዳናስ ሚናሴ ዛርኬታፔ ኬዚ ዪዳ ሻላቃቲ ኣዲናሄ፥ ዮዛባዴ፥ ዪዲኤሌ፥ ሚካኤሌ፥ ዮዛባዴ፥ ኤሊሁኔ ጺልታዬ። 
\v 21 ኢስቲ ኡባቲካ ኤሬቲዳ ሚኖ ኦላንቻታ ጊዲዳ ጊሻስ ዳዊቴ ኦላ ዎታዳራታ ቦላ ሃላቃታ ጊዲዳ፤ ዳዊቴ ሞርኬታ ኦሊዲ ኢዛ ማዲዳ። 
\v 22 ዳዊቴ ኦላንቻቲ ጾሳ ኦላንቻታ ማላ ጮራታና ጋካናስ ኢዛ ማዲዛ ኣሳይ ጋላስ ጋላስ ጉጄቴስ።
\s ኬብሮኔን ዳዊቴ ቆሚዳ ኦላንቻታ ቆዳ
\p
\v 23 ጎዳይ ኢሚዳ ሂዶታ ቃላ ማላ ሳኦሌ ካዎቴ ዳዊቴስ ዛራናስ ዳዊቴኮ ኬብሮኔ ዪዳ ኦላ ታማርዳ ዎታዳራታ ቆዳይ ሃይሳፌ ካሊዛይሳ፤ 
\v 24 ጎንዳሌኔ ቶራ ኦይኪዲ ኦላስ ጊጌቲዳ ዩሁዳ ዛርኬቲ ኡሱፑን ሺያኔ ኦስፑን ጼታ። 
\v 25 ሲሞና ዛርኬፌ ኦላስ ጊጊዳ ሚኖኔ ዎልቃማ ኦላንቻቲ ላፑን ሺያኔ ኢሲ ጼት። 
\v 26 ሌዌ ዛርኬፌ ኦይዱ ሺያኔ ኡሱፑን ጼት፥ 
\v 27 ኣሮኔ ዛርኬታ ሃላቃ ዮዳሄ ጉጂን ሄ ሺያኔ ላፑን ጼት። 
\v 28 ኤሬቲዳ ኦላንቻ ሳዶቄ ዳቦታ ጊዶፌ ኢዛራ ጉጂን ናምኡ ታማኔ ናምኣ። 
\v 29 ቢኒያሜ ዛርኬፌ ሳኦሌ ዳቦቲ ሄ ሺያ።
\p ጊዶ ኣቲን ቢኒያሜ ዛርኬፌ ዳሪዛ ባጋቲ ሳኦሌ ኬ ኣሳስ ሄ ዎዴይ ጋካናስ ኣማኔቲዛይታ። 
\v 30 ኤፍሬሜ ዛርኬፌ ባንታ ኣዋታ ኬን ኤሬቲዳ ሚኖቲ ናምኡ ታሙ ሺያኔ ኦስፑን ጼት። 
\v 31 ዳዊቴ ካዎናስ ዶሬቲዳ ሚናሴ ዛርኬ ባጋፌ ታማኔ ኦስፑን ሺያ። 
\v 32 ኢስራኤሌ ኣሳይ ኣይ ኦናስ ቤሲዛኮ ዎዴዛ ሻኪ ኤሪዛ ኣ ኤራንቻቲኔ ዪሳኮሬ ዛርኬ ሃላቃቲ ናምኡ ጼት፤ ኢስታራ ዪዳ ኢስታ ዳቦቲ ኡባይ ኢስታስ ኣዛዜቴቴስ። 
\v 33 ኦላ ሜዜቲዳይቲ፥ ኦላ ማሳራ ኡባን ኦሌታናስ ዳንዳይዛይቲኔ ዎዚናይ ባላቶንታ ዳዊቴ ማዳናስ ዪዳ ዛቢሎኔ ባጋቲ ኢቻሽ ታሙ ሺያ። 
\v 34 ኒፍታሌሜ ዛርኬታስ ኢሲ ሺያ ሃላቃቲ ዴቴስ፤ ጎንዳሌኔ ቶራ ኦይኪዳ ሄ ታማኔ ላፑን ሺ ኣሳቲ ኢስታራ ኢሲፌ ዴቴስ። 
\v 35 ዳኔ ዛርኬፌ ኦላስ ጊጌቲዳ ኣሳቲ ናምኡ ታማኔ ኦስፑን ሺያኔ ኡሱፑን ጼት። 
\v 36 ኣሴሬ ዛርኬፌ ኦላ ሜዜቲዲ ጊጌቲዳ ኦላንቻቲ ኦይዱ ታሙ ሺያ። 
\v 37 ዮርዳኖሴ ሻፋፔ ኣርሼይ ሞኪዛ ባጋን ዲዛ ኦሮቤሌ ዛርኬታፔ፥ ጋዴ ዛርኬታፔኔ ሚናሴ ዛርኬ ባጋፌ ዱማ ዱማ ቆሞ ማሳራ ኦይኪዲ ዪዳ ኣሳቲ ጼታኔ ናምኡ ታሙ ሺያ።
\p
\v 38 ሃ ኦላስ ጊጊዳ ኦላንቻቲ ኡባይ ዳዊቴ ኢስራኤሌ ቦላ ካዎናስ ባንታ ቆፋ ኢሲ ቦላ ቃቺዲ ኬብሮኔ ካታማ ዪዳ፤ ቃሴ ሃንኮ ኣቲዳ ኢስራኤሌ ዴሬ ኡባይ ዳዊቴ ካዎናስ ኢሲ ዎዚናን ጊዲዴስ። 
\v 39 ኢስታ ዳቦቲ ኢስታስ ኮሺዛይሳ ጊግሲ ዎዳ ጊሻስ ሚሼኔ ኡዪሼ ዳዊቴኮን ሄ ጋላስ ጋምኢዳ። 
\v 40 ኢስራኤሌ ኣሳስ ጊታ ኡፋይስ ጊዲዛ ጊሻስ ኢስታ ሾሮፔ ዶሚዲ ሃኮን ዲዛ ዪሳኮሬፔ፥ ዛቢሎኔፔኔ ኒፍታሌሜፔ ኣሳይ ኣቶንታ ካ፥ ሌ፥ ባላሴኔ ዛቢቤ ኮምፓ፥ ዎይኔ ኡሺኔ ዎጋራ ዛይቴ ሃሬን፥ ባቁሎን፥ ጋሜላኒኔ ቦራን ጫኒዲ ኤሂዴስ፤ ቃሴካ ኢስቲ ሹኪ ማና ማላ ሚዛታኔ ዶርሳታ ኤኪ ዪዳ።
\c 13
\s ታቦታ ዛሪ ኤሆ
\r (2ሳሜ 6፡1-11)
\p
\v 1 ሄሳፌ ጉዬ ዳዊቲ ሻላቃታራ፥ ማቶ ሃላቃታራኔ ኦላንቻ ሃላቃታ ኡባታራ ዞሬቲዴስ። 
\v 2 ሂስቲዲ ኢስራኤሌ ኣሳ ኡባስ፥ «ኢንቴስ ሎኦ ሚሳቲዛይሳ ጊዲኮኔ ጎዳ ኑ ጾሳ ሼኔ ጊዲኮ ኢስራኤሌ ቢታን ማታኒኔ ሃኮን ዲዛ ኑ ኢሻቲ ቃሴካ ባንታ ካታማታኒኔ ባንታ ሜሄ ሄሚዛሶሆታን ዲዛ ቄሴቲኔ ሌዌቲ ኑናራ ኢሲፌ ሺቃና ማላ ኣኔ ኪታ ዬዶስ። 
\v 3 ሳኦሌ ካዎቴ ዎዴ ኑኒ ዬጊ ኣጊዳ ኑ ጾሳ ታቦታ ኣኔ ዛሪዲ ኤሆስ» ጊዴስ። 
\v 4 ዳዊቲ ዮቲዳይሲ ኣማንዛዝ ጊዲዳ ጊሻስ ኣሳይ ኢዛ ቆፋ ኤኪዴስ።
\p
\v 5 ሄሳ ጊሻስ ዳዊቲ ጾሳ ታቦታ ቂሪያቴ-ዪኣሪሜፔ ኤሃና ማላ ጊብጼ ዛዋፔ ዶሚዲ ሃማቴ ፑርዴ ጋካናስ ዲዛ ኢስራኤሌ ኣሳ ኡባ ሺሺዴስ።\x - \xo 13፡5 \xo*\xt 1ሳሜ 7፡1-2\xt*\x* 
\v 6 ዳዊቲኔ ኢስራኤሌ ኣሳይ ኡባይ ኪሩቤታፔ ጊዶን ባ ኣራታ ቦላ ኡቲዳ ጎዳ ሱንን ጼይጌቲዳ ጾሳ ታቦታ ኤሃናስ ዩሁዳ ቢታን ዲዛ ባኣላ ጌቴቲዛ ቂሪያቴ-ዪኣሪሜ ካታማ ቢዳ።\x - \xo 13፡6 \xo*\xt ኬሳ 25፡22\xt*\x* 
\v 7 ጾሳ ታቦታዛ ኣቢናዳቤ ሶፔ ኦራ ፓራ-ጋሬ ቦላ ዎ ኤሂዳ፤ ፓራ-ጋሬዛ ላጊዛይቲ ኦዛኔ ኣሂዮ። 
\v 8 ዳዊቲኔ ኢስራኤሌ ኣሳይ ኡባይ ዲን ማሲንቆን፥ ካራቤን፥ ዳላኒኔ ጹሩምባን ባንታ ኩሜ ዎልቃን ጾሳ ሲንን ኡፋዬቲዲ ቦንቺዳ።
\p
\v 9 ኢስቲ ኪዶና ጌቴቲዛሶን ዲዛ ካ ባሌዛኮ ጋኪዳ ዎዴ ጫኒዳ ቦራቲ ባርጋጊ ጴቲን ኦዛይ ታቦታዛ ኣሻናስ ኩሼ ዬዲዴስ። 
\v 10 ኢዛ ኩሼይ ታቦታዛ ቦቺዳ ጊሻስ ጎዳ ሃንቆይ ኦዛ ቦላ ኤጺ ኬዚዴስ፤ ሄሳ ጊሻስ ኢዚ ሄን ጎዳ ሲንን ሃይቂዴስ። 
\v 11 ጎዳይ ሃንቄቲዲ ኦዛ ዎዳ ጊሻስ ዳዊቲ ካዮቲዴስ፤ ሃች ጋካናስ ሄ ሶሆይ ኦዛ ሜቆሶ ጌቴቴስ።
\p
\v 12 ሄ ጋላስ ዳዊቲ ጾሳስ ያዪዳ ጊሻስ፥ «ጾሳ ታቦታ ታኮ ዎስታ ኤሃናስ ዳንዳያዚና?» ጊዴስ። 
\v 13 ሄሳ ጊሻስ ዳዊቲ ታቦታዛ ባናራ ኤፋናፔ ጌቴ ዴሬ ኣስ ኣቢዳሬሶ ኤፊዴስ። 
\v 14 ጾሳ ታቦታይ ኣቢዳሬሶን ኢዛሶ ኣሳታራ ሄ ኣጊና ጋምኢዴስ፤ ጎዳይ ኢዛ ኬ ኣሳኔ ኢዛስ ዲዛ ሚሽ ኡባ ኣንጂዴስ።\x - \xo 13፡14 \xo*\xt 1ታሪ 26፡4-5\xt*\x*
\c 14
\s ዬሩሳላሜን ዳዊቴ ኦሶታ
\r (2ሳሜ 5፡11-16)
\p
\v 1 ጺሮሴ ካዎ ሁራሜይ ዳዊቴስ ካዎ ኬ ኬጻና ማላ ኪታ ኣሳታ፥ ሹች ማሲዛይታኔ ኣናጼታ ዚጋ ሚራ ዳዊቴኮ ዬዲዴስ። 
\v 2 ጎዳይ ኢስራኤሌ ቦላ ኢዛ ካዎዳይሳኔ ባ ኣሳ ኢስራኤሌ ጊሻስ ኢዛ ካዎቴ ቁ ሂስቲ ቦንቺዳይሳ ዳዊቲ ኣኬኪዴስ።
\p
\v 3 ሄሳፌ ጉዬ ዳዊቲ ዬሩሳላሜን ሃራ ማቼታ ጉጂ ኤኪዲ ኣቱማ ናይታኔ ማጫ ናይታ ዬሊዴስ። 
\v 4 ዳዊቲ ዬሩሳላሜን ዬሊዳ ኣቱማ ናይቲ ሻሙኤ፥ ሾባቤ፥ ናታኔ፥ ሶሎሞኔ፥ 
\v 5 ኢያቤሄሬ፥ ኤልሹኤ፥ ኤልፓሌጼ፥ 
\v 6 ኖጋሄ፥ ኔፌጌ፥ ናፊያ፥ 
\v 7 ኤልሻማኤ፥ ቤኤልያዴኔ ኤልፋሌጼ።\f + \fr 14፡4-7 \fr*\ft ዳዊቴስ ዬሩሳላሜን ዬሌቲዳ ኣቱማ ናይታ ሱን 2ሳሜ 5፡14-16፥ 1ታሪ 3፡5-7ኔ 14፡4-7 ጻፌቲዴስ፤ ጊዶ ኣቲን ኢብራዌታ ማጻፋን ኢሶታ ኢሶታ ሱንይ ኡባሶን ኢሲ ማላ ጊዴና።\ft*\f*
\s ፊሊስጼሜ ኣሳ ጾኔቴ
\r (2ሳሜ 5፡17-25)
\p
\v 8 ዳዊቲ ኢስራኤሌ ኡባ ቦላ ካዎ ጊዲዲ ቲዬቲዳይሳ ፊሊስጼሜ ኣሳይ ሲዪዲ ኡባይ ዳዊቴ ኦይካናስ ኬኢዴስ፤ ዳዊቲ ሄሳ ሲዪዲ ኢስታራ ኦሌታናስ ኬዚዴስ። 
\v 9 ፊሊስጼሜ ኣሳይ ኤራፋይሜ ዙሌዛ ዪዲ ዎራጂዴስ። 
\v 10 ዳዊቲካ፥ «ታኒ ባዳ ፊሊስጼሜታ ኦሎ? ኔኒ ኢስታ ታ ኩሼን ኣ ኢማኔ?» ጊ ጾሳ ኦይቺዴስ።
\p ሂስቲን ጎዳይ ኢዛስ፥ «ኤ ባዳ ኦላ፤ ታኒ ኢስታ ኔስ ኣ ኢማና» ጊዴስ።
\p
\v 11 ሂስቲን ዳዊቲኔ ኢዛራ ዲዛ ኣሳይ ባኣሊ-ፓራጺሜ ጌቴቲዛሶ ቢዲ ሄን ኢስታ ኦሊ ጾኒዳ፤ ዳዊቲ፥ «ዲኦ ሃ ሾዲ ኤፊዛ ማላ ጾሲ ታ ሞርኬቲ ታ ኩሼን ሾዴታና ማላ ኦዴስ» ጊዴስ፤ ሄሳ ጊሻስ ሄ ሶሆዛ ሱን ባኣሊ-ፓራጺሜ ጌቴቲዴስ። 
\v 12 ፊሊስጼሜቲ ባንታ ኤቃ ጾሳታ ሄን ዬጊ ቢዳ። ሂስቲን ዳዊቲ ኢስታ ኤቃ ጾሳታ ታማን ጹጋና ማላ ኣዛዚዴስ።
\p
\v 13 ፊሊስጼሜ ኣሳይ ናምኣን ዪዲ ሄ ሾባ ዎራጂዴስ። 
\v 14 ዳዊቲ ጾሳ ናምኣን ዛሪ ኦይቺዴስ፤ ሂስቲን ጾሲ ኢዛስ፥ «ኔኒ ኢስታ ቦላ ሲቲ ጋዳ ቦፓ። ኢስታ ጊዶዳ ኤ ሚስ ሲን ባጋራ ኢስታ ኦላናስ ጊጌታ። 
\v 15 ኤ ሚዛ ጼራን ሳልፌ ጊሪስ ኔኒ ሲዪዳ ዎዴ ኦላናስ ኤሌ ኬዛ፤ ጋሶይካ ሄሲ ፊሊስጼሜ ኦላንቻታ ሾጫናስ ጾሳይ ኔፔ ሲንን ኬዚዳ ጊሻሳ ጉሳ» ጊዴስ።
\p
\v 16 ሄሳ ጊሻስ ጾሳይ ኣዛዚዳ ማላ ዳዊቲ ኦዴስ። ጌባኦኔፔ ቢዲ ጌዜሬ ጋካናስ ኢስራኤሌ ኣሳይ ፊሊስጼሜ ኦላንቻታ ዲፒ ሂስቲዴስ።
\p
\v 17 ሄሳ ጋሶን ዳዊቴ ጎባቴ ቢታ ኡባን ናሼቲዴስ። ጎዳይ ካዎቴቲ ኡባይ ዳዊቴስ ያያና ማላ ኦዴስ።
\c 15
\s ታቦታዛ ዬሩሳላሜ ኤሆ
\p
\v 1 ዳዊቲ ባ ሱንን ጼይጌቲዳ ካታማን ባስ ኬታ ኬጺዴስ፤ ጾሳ ታቦታሲካ ሶሆ ጊግሲዲ ዱንካኔ ኤሲዴስ። 
\v 2 ሄሳፌ ጉዬ ዳዊቲ፥ «ጾሳ ታቦታ ቶካናሲኔ ሜርናስ ጾሳስ ሃጋዛና ማላ ጎዳይ ዶሪዳ ሌዌታፔ ኣቲን ሃራ ኣሲ ኦኒካ ጾሳ ታቦታ ቶኮፎ» ጊ ኣዛዚዴስ።\x - \xo 15፡2 \xo*\xt ዛሬ 10፡8\xt*\x* 
\v 3 ዳዊቲ ጎዳ ታቦታስ ጊግሲዳ ሶሆ ታቦታዛ ኤሃና ማላ ኢስራኤሌ ኣሳ ኡባ ዬሩሳላሜን ሺሺዴስ።
\p
\v 4 ቃሴካ ኣሮኔ ዛሬታኔ ሌዌታ ጼይጊ ሺሺዴስ፤ 
\v 5 ቃኣቴ ዜሬታፔ ሃላቃ ጊዲዳ ኡርኤሌኔ ኢዛ ዳቦታፔ ኢሲ ጼታኔ ናምኡ ታማ፤ 
\v 6 ሜራሬ ዜሬታፔ ሃላቃ ኣሳያኔ ኢዛ ዳቦታፔ ናምኡ ጼታኔ ናምኡ ታማ፤ 
\v 7 ጌርሾኔ ዜሬታፔ ሃላቃ ኢዩኤሌኔ ኢዛ ዳቦታፔ ኢሲ ጼታኔ ሄ ታማ፤ 
\v 8 ኤልጻፋኔ ዜሬታፔ ሃላቃ ሻማኤኔ ኢዛ ዳቦታፔ ናምኡ ጼታ፤ 
\v 9 ኬብሮኔ ዜሬታፔ ሃላቃ ኤልኤሌኔ ኢዛ ዳቦታፔ ኦስፑን ታማ፤ 
\v 10 ኡዚኤሌ ዜሬታፔ ሃላቃ ኣሚናዳቤኔ ኢዛ ዳቦታፔ ኢሲ ጼታኔ ታማኔ ናምኣ።
\p
\v 11 ሄሳፌ ጉዬ ዳዊቲ ቄሴታ ሳዶቄኔ ኣቢያታሬ፥ ቃሴ ሌዌታ ኡርኤሌ፥ ኣሳያ፥ ኢዩኤሌ፥ ሻማኤ፥ ኤልኤሌኔ ኣሚናዳቤ ጼይጊዴስ። 
\v 12 ሂስቲዲ ኢስታስ፥ «ኢንቴ ሌዌ ኬ ኣሳታስ ሃላቃታ ጊዲዳ ጊሻስ ኢንቴና ጌሺቴ፤ ሄሳፌ ጎዳ ኢስራኤሌ ጾሳ ታቦታ ታ ኢዛስ ጊግሲዳሶ ኤሂቴ። 
\v 13 ካሴካ ኢንቴ ሌዌ ቆሞቲ ጾሳ ታቦታ ቶኮንታ ኣጊዳ ጊሻሲኔ ኑኒካ ኢዛ ዎጋ ማላ ዎስቲ ኤፋናኮ ጾሳ ኦይቾንታ ኣጊዳ ጊሻስ ጎዳ ኑ ጾሳይ ኑና ቃጻይዴስ» ጊዴስ።
\p
\v 14 ሄሳ ጊሻስ ጎዳ ኢስራኤሌ ጾሳ ታቦታ ኤሃናስ ቄሴቲኔ ሌዌቲ ባንታና ጌሺዳ። 
\v 15 ጎዳይ ሙሴ ባጋራ ካሴ ኣዛዚዳ ማላ ሌዌቲ ጾሳ ታቦታ ቶሆ ሚራ ባንታ ሃሼን ቶኪዳ።\x - \xo 15፡15 \xo*\xt ኬሳ 14\xt*\x*
\p
\v 16 ሄሳፌ ጉዬ ዲኔ ማሲንቆ ዲጺሼ፥ ዳላ ቃሼ፥ ኡፋይሳ ማዛሙሬ ዬጻና ማላ ሌዌታ ካሌዛይቲ ባንታ ዳቦታ ጋርሳፌ ኣስ ዶራና ማላ ዳዊቲ ኣዛዚዴስ።
\p
\v 17 ሄሳ ጊሻስ ሌዌቲ ኢዩኤሌ ና ሄማኔ፥ ኢዛ ዳቦታፔ ባራካዬ ና ኣሳፌኔ ኢስታ ኢሻንታፌ ሜራሬ ዛርኬ ቂሲያ ና ኤታኔ ሹሚዳ። 
\v 18 ቃሴ ናምኣን ማራን ዛካራሳ፥ ያኢዚኤሌ፥ ሻሚራሞቴ፥ ዪሂኤሌ፥ ኡኔ፥ ኤልያቤ፥ ባናያ፥ ማኢሳያ፥ ማቲቲያ፥ ኤልፋሌሁ፥ ሚቂኔያኔ ፔንጌ ናጊዛይታ ኦቤድ-ኤዶሜኔ ዪኢኤሌ ሱንዳ።
\p
\v 19 ጻርቂማላ ዳላ ቁ ሂስቲ ጊሪሲ ሲሳና ማላ ሄማኔ፥ ኣሳፌኔ ኤታኔ ሱንዳ። 
\v 20 ቃሴ ማሲንቆ ካኣና ማላ ዛካራሳ፥ ያኢዚኤሌ፥ ሻሚራሞቴ፥ ዪሂኤሌ፥ ኡኔ፥ ኤልያቤ፥ ማኢሳያኔ ባናያ ሱንዳ። 
\v 21 ዲ ኦርዴራ ሾጫና ማላ ማቲቲያ፥ ኤልፋሌሁ፥ ሚቂኔያ፥ ኦቤድ-ኤዶሜ፥ ዪኢኤሌኔ ኣዛዚያ ሱንዳ።
\p
\v 22 ሌዌታ ሃላቃ ካናኒያ ዬስ ኢሞታይ ኢዛስ ዲዛ ጊሻስ ዬጺዛይታ ታማርሳና ማላ ሱንዳ። 
\v 23 ባራካዬይኔ ሂልቃናይ ታቦታ ዱንካኔ ፔንጌ ናጋናስ ዶሬቲዳ። 
\v 24 ቃሴ ቄሴቲ ሼባኒያ፥ ኢዮሳፊጼይ፥ ናቲናኤሌይ፥ ኣማሳዬይ፥ ዛካራሲ፥ ባናያይኔ ኤልኤዜሬይ ጾሳ ታቦታ ሲንን ጹሩምባ ፑናናስ ዶሬቲዳ፤ ኦቤድ-ኤዶሜይኔ ዪሂያይ ታቦታ ናጋናስ ዶሬቲዳ።
\r (2ሳሜ 6፡12-22)
\p
\v 25 ሄሳፌ ጉዬ ዳዊቲ፥ ኢስራኤሌ ጪማቲኔ ሻላቃቲ ጎዳ ታቦታ ኦቤድ-ኤዶሜ ሶፔ ኤሃናስ ኡፋዬቲዲ ቢዳ። 
\v 26 ጫቆ ቃላ ታቦታ ቶኪዳ ሌዌታ ጾሳይ ማዲዳ ጊሻስ ኢስቲ ላፑን ኮርማ ቦራታኔ ላፑን ርሾታ ያርሺዳ። 
\v 27 ዳዊቲ፥ ታቦታ ቶኪዳ ሌዌቲ ኡባይ፥ ዬ ዬጺዛይቲኔ ኢስታ ሃላቃ ካናኒያ ቃጪናፔ ዳዴቲዳ ላይኖ ማይኢዳ፤ ቃሴካ ዳዊቲ ሌኤ ቃጪናፔ ዳዴቲዳ ኤፉዴ ማይኢዴስ። 
\v 28 ሂስቲዲ ኢስራኤሌ ኡባይ ሆምቦጪሼ ጹሩምባኔ ዛዬ ፑኒሼ፥ ዳላ ጊሪሲሼ፥ ዲኔ ማሲንቆ ዲጺሼ ጎዳ ታቦታ ኤሂዳ።
\p
\v 29 ጫቆ ቃላ ታቦታይ ዳዊቴ ካታማ ጌሊሺን ካዎ ዳዊቲ ኡፋዬቲዲ ዱሪሺኒኔ ካኢሺን ሳኦሌ ናያ ሚልኮላ ማስኮቴራ ሞካ ጼላዳ ካዎ ዳዊቴ ባ ዎዚናራ ካዱስ።
\c 16
\p
\v 1 ኢስቲ ጾሳ ታቦታ ኤሂዲ ዳዊቲ ታቦታ ዎናስ ቶሊዳ ዱንካኔዛ ጊዶን ዎዳ፤ ሂስቲዲ ጹጌቲዛ ያርሾኔ ኢሲፌቴ ያርሾ ጾሳስ ያርሺዳ። 
\v 2 ዳዊቲ ጹጌቲዛ ያርሾዛኔ ኢሲፌቴ ያርሾ ያርሺዳፔ ጉዬ ጎዳ ሱንን ዴሬዛ ኣንጂዴስ። 
\v 3 ሄሳፌ ጉዬ ኢስራኤሌ ኣሳ ኡባስ፥ ማጫሳሲኔ ኣቱማሳስ፥ ሁኤን ሁኤን ኢሲ ኢሲ ጉ ኡኬ፥ ኢሲ ኢሲ ቃንጾ ኣሾኔ ኢሲ ኢሲ ዛቢቤ ኮምፓ\f + \fr 16፡3 \fr*\ft ኮምፓ ጌቴቲዛይሲ ኢሲ ኢሲ ባጋ ጋሞ ቃላን ቦ ዎይኮ ሊቻኮ ጌቴቴስ።\ft*\f* ጊሺዴስ።
\p
\v 4 ጎዳ ታቦታ ሲንን ኦና ማላኔ ጎዳ ኢስራኤሌ ጾሳ ዎሳናስ፥ ሳባናሲኔ ጋላታናስ ዳዊቲ ሌዌ ቆሞታፔ ጉታ ሱንዴስ። 
\v 5 ሌዌታ ሃላቃይ ኣሳፌ፤ ኢዛፔ ጋርሳራ ዛካራሳ፤ ዛካራሳራ ዲዛይቲ ዪኢኤሌ፥ ሻሚራሞቴ፥ ዪሂኤሌ፥ ማቲቲያ፥ ኤልያቤ፥ ባናያኔ ኦቤድ-ኤዶሜኔ ዪኢኤሌ፤ ሄይቲ ማሲንቆኔ ዲ ዲጻና ማላ ሱሚዳ፤ ኣሳፊ ጊዲኮ ዳላ ቃናስ ሱሚዴስ።\f + \fr 16፡5 \fr*\ft ዳላ ጊዛይሲ ጺናጺሌ ጊዛይሳ ቤሴስ።\ft*\f* 
\v 6 ቄሴ ባናያይኔ ያሃዚኤሌይ ጾሳ ታቦታ ሲንን ኡባ ዎዴ ዛዬ ፑናና ማላ ሱሚዳ።
\s ጋላታ ዬ
\r (ማዛ 105፡1-15፤ 96፡1-13፤ 106፡1፥47-48)
\p
\v 7 ሄ ጋላስ ዳዊቲ ካሴቲዲ ኣሳፌሲኔ ኢዛራ ኦዛ ላጌታስ ጎዳ ጋላቲዛ ዬ ኢሚዴስ።
\q1
\v 8 ጎዳ ጋላቲቴ፤
\q2 ኢዛ ሱን ጼይጊቴ፤
\q2 ኢዚ ኦዳ ኡባ
\q2 ካዎቴታስ ዮቲቴ።
\q1
\v 9 ኢዛ ሳቢቴ፤
\q2 ጋላታ ዬካ ኢዛስ ዬጺቴ፤
\q2 ኢዚ ኦዳ ማላሊሲዛ ኦሶ
\q2 ኡባ ዮቲቴ።
\q1
\v 10 ኢዛ ጌሻ ሱንን
\q2 ቦንቺቴ፤
\q2 ጎዳ ኮይዛይታ
\q2 ዎዚናይ ኡፋዬቶ።
\q1
\v 11 ጎዳኔ ኢዛ ዎልቃ ጾሞሲቴ፤
\q2 ኡባ ዎዴ ኢዛ ኮዪቴ።
\q1
\v 12 ኢዚ ኦዳ ማላሊሲዛ ኦሶታ፥
\q2 ማላታታኔ ኢዛ ፒርዳ ኣኬኪቴ።
\q1
\v 13 ኢንቴኖ ጾሳ ኣይሌ
\q2 ኢስራኤሌ ዜሬቶ!
\q2 ኢንቴኖ ዶሬቲዳ
\q2 ያቆቤ ናይቶ!
\q1
\v 14 ኢዚ ጎዳይ ኑ ጾሳ፤
\q2 ኢዛ ፒርዳይ ኡባ ቦላና።
\q1
\v 15 ባ ጫቂዳ ቃላ ሜርናስ፥
\q2 ባ ኣዛዚዳይሳካ ሺ ዬሌታ
\q2 ጋካናስ ቆፔስ።
\q1
\v 16 ኣብራሃሜስ ጫቂዳ ጫቃ፥
\q2 ዪሳቃስ ኢሚዳ ሂዶታ ቃላ፥\x - \xo 16፡16 \xo*\xt ሜ 12፡7፤ 26፡3\xt*\x*
\q2
\v 17 ያቆቤስ ዎጋ ጊዳና ማላ፥
\q2 ኢስራኤሌሲካ ሜርና ጫቆ
\q2 ቃላ ጊዳና ማላ ሚንዴስ።
\q1
\v 18 «ካናኔይ ኔስ
\q2 ጺንጾ ጊዳና ማላ
\q2 ታ ኔና ላቲሳና» ጊዴስ።\x - \xo 16፡17-18 \xo*\xt ሜ 18፡13\xt*\x*
\b
\q1
\v 19 ኢስቲ ቆዳን ጉ ጊዲ ዲዛ ዎዴ፥
\q2 ዴራሲካ ኢማ ጊዲ ዲዛ ዎዴ፥
\q2
\v 20 ኢሲ ዴሬፔ ሃራ ዴሬ፥
\q2 ኢሲ ካዎቴፌ
\q2 ሃራ ካዎቴ ቶይላቲዳ።
\q1
\v 21 ኦኒካ ኢስታ ኡንኤና ማላ
\q2 ኣ ኢሚቤና፤
\q2 ኢስታ ጊሻስ ካዎታ ሴሪዴስ፤
\q2
\v 22 «ታ ቲይዳይታ ቦቾፍቴ፤
\q2 ታ ናቤታ ቆሆፒቴ» ጊዴስ።\x - \xo 16፡21-22 \xo*\xt ሜ 20፡3\xt*\x*
\b
\q1
\v 23 ቢታ ኡባይ ጎዳስ ዬጺቴ፤
\q2 ኢዚ ኣሺዛይሳ
\q2 ሃች ሃች ዮቲቴ።
\q1
\v 24 ካዎቴታስ
\q2 ኢዛ ቦንቾ ኣዋጂቴ፤
\q2 ኢዚ ኦዳ ማላሊሲዛ
\q2 ሚሻታ ዴሬ
\q2 ኡባስ ዮቲቴ።
\q1
\v 25 ጎዳይ ጊታ፤
\q2 ኢዛስ ቤሲዛ ጋላታይካ ቃ፤
\q2 ጾሳታ ኡባፌ ኣስ፤
\q3 ኢዛስ ያያናስ ቤሴስ።
\q1
\v 26 ኣይዛቤታ ጾሳቲ
\q2 ኡባይ ኤቃ ጾሳታ፤
\q2 ጎዳይ ጊዲኮ
\q2 ሳሎታ ሜዳ ጾሳ።
\q1
\v 27 ቦንቾይኔ ቴማይ ኢዛስ ዴስ፤
\q2 ሚኖቴኔ ኡፋይሲ
\q2 ኢዛ ኬን ዴስ።
\q1
\v 28 ኢንቴኖ ኣሳ ዛሬ ኡባቶ!
\q2 ጎዳ ሳቢቴ፤
\q2 «ቦንቾይኔ ዎልቃይ
\q2 ጎዳሳ» ጊ ዮቲቴ።
\q1
\v 29 ጎዳ ሱንስ ቤሲዛ
\q2 ቦንቾ ኢሚቴ፤
\q2 ያርሾ ኤኪዲ ኢዛ ሲን ሺቂቴ፤
\q2 ኢዛ ጌሻቴ ቦንቾ
\q2 ጊሻስ ጎዳስ ጎይኒቴ።
\q1
\v 30 ቢታን ዲዛ ኣስ ኡባይ
\q2 ኢዛ ሲንን ኮኮሪቴ፤
\q2 ሳኣይ ሚኒ ኤቂዴስ፤
\q2 ሙሌካ ቃጼና።
\q1
\v 31 ሳሎቲ ኡፋዬቴቶ!
\q2 ሳኣይካ ሃሹ ጎ!
\q2 ካዎቴታ ጊዶን ኢስታስ፥
\q2 «ጎዳይ ካዎቲዴስ!» ጌቶ።
\q1
\v 32 ኣባይኔ ኢዛ ጊዶን ዲዛ
\q2 ኡባይ ጉሜቶ፤
\q2 ዴምባቲኔ ኢስታ ቦላ ዲዛ
\q2 ኡባቲ ኡፋዬቴቶ።
\q1
\v 33 ኢዚ ቢታ ቦላ ፒርዳናስ ያና።
\q2 ሄ ዎዴ ዎራ ሚቲ
\q2 ጎዳ ጾሳ
\q2 ሲንን ኡፋይሳን ዬጻና።
\q1
\v 34 ጎዳይ ኪያ፤
\q2 ኢዛ ማሮቴይካ ሜርናሳ፤
\q2 ሄሳ ጊሻስ ጎዳ ጋላቲቴ።\x - \xo 16፡34 \xo*\xt 2ታሪ 5፡13፤ 7፡3፤ ኢዝ 3፡11፤ ማዛ 100፡5፤ 106፡1፤ 107፡1፤ 118፡1፤ 136፡1፤ ኤር 33፡11\xt*\x*
\q1
\v 35 «ኣቤት ኑና ኣሺዛ ጎዳዉ!
\q2 ኑና ኣሻ፤
\q2 ኔ ጌሻ ሱን
\q2 ኑ ጋላታና ማላ፥
\q3 ኑ ኔና ጋላታን
\q3 ቦንቻና ማላ
\q3 ካዎቴታ ጊዶፌ ኑና
\q3 ሺሻዳ ኣሻ» ጊቴ።
\q1
\v 36 ጎዳ ኢስራኤሌ ጾሳይ
\q2 ሜርናፔ ሜርና ጋካናስ ጋላቴቶ!
\p ሄሳፌ ጉዬ ዴሬ ኡባይ፥ «ኣሚን» ጊዲ ጎዳ ጋላቲዴስ።
\s ዬሩሳላሜኒኔ ጌባኦኔን ሃኒዳ ጎይኖ ማራ
\p
\v 37 ጎዳ ታቦታ ሲንን ሃች ሃች ጎይኖስ ኮሺዛዝ ኡባ ዎዴ ኢስቲ ኦና ማላ ዳዊቲ ኣሳፌኔ ኢዛ ዳቦታ ዎዴስ። 
\v 38 ቃሴካ ኦቤድ-ኤዶሜኔ ኢዛ ዳቦታ ኡሱፑን ታማኔ ኦስፑናታ ኢስታራ ኦና ማላ ዎዴስ፤ ኤዶታኔ ና ኦቤድ-ኤዶሜኔ ሆሳ ዲርሳ ፔንጌ ናጋና ማላ ዎዴስ።
\p
\v 39 ቄሴ ሳዶቄኔ ኢዛራ ኦዛ ቄሴቲ ጌባኦኔን ቃሶሆን ዲዛ ጎዳ ዱንካኔዛ ሲንን ኦና ማላ ሄን ዎዴስ። 
\v 40 ጋሶይካ ጎዳይ ኢስራኤሌስ ኢሚዳ ዎጋ ማላ ኢስቲ ኡባ ዎዴ ጹጌቲዛ ያርሾይ ያርሼቲዛሶን ማላዶኔ ኦማርስ ጹጌቲዛ ያርሾ ያርሻናሳ። 
\v 41 ኢዛ ማሮታይ ሜርናስ ጊዲዳ ጊሻስ ጎዳ ጋላታና ማላ ሄማኔ፥ ኤዶታኔኔ ዶሬቲዳ ሃራታ ዳዊቲ ኢስታራ ኢሲፌ ኤሲዴስ። 
\v 42 ሄማኔሲኔ ኤዶታኔስ ጹሩምባ ፑናናስ፥ ዳላ ጊሪሳናሲኔ ዬ ዬጺሼ ጎኤቲዛ ሃራ ማሳራታ ቦላ ኣዋቴ ኢስታስ ኢሜቲዴስ፤ ኤዶታኔ ናይቲ ዲርሳ ፔንጌ ናጋና ማላ ኣላፌቴ ኢሜቲዴስ።
\p
\v 43 ሄሳፌ ጉዬ ኡባ ኣሳይ ባሶ ባሶ ቢዴስ፤ ዳዊቲካ ባሶ ኣሳ ኣንጃናስ ሶ ሲሚዴስ።\x - \xo 16፡43 \xo*\xt 2ሳሜ 6፡19-20\xt*\x*
\c 17
\s ናታኔ ባጋራ ጾሲ ዳዊቴስ ዮቲዳ ቃላ
\r (2ሳሜ 7፡1-17)
\p
\v 1 ዳዊቲ ባ ካዎቴ ኬን ዴኢሼ፥ ናቤ ናታኔስ፥ «ታኒ ዚጋፔ ኬጼቲዳ ኬን ዴኣይስ፤ ጊዶ ኣቲን ጾሳ ጫቆ ቃላ ታቦታይ ጊዲኮ ዱንካኔ ጊዶን ዴስ» ጊዴስ።
\p
\v 2 ናታኔይ ቃሴ ዳዊቴስ፥ «ኦናስ ኔ ዎዚናን ኔ ቆፒዳይሳ ኡባ ኦ፤ ጾሲ ኔናራ ዴስ» ጊዴስ።
\p
\v 3 ጊዶ ኣቲን ሄ ጋላሳ ኦማርስ ጾሳ ቃላይ ናታኔኮ ዪዲ፥ 
\v 4 «ባ፤ ባዳ ታ ኣይሌ ዳዊቴስ ጎዳይ ኔስ ጊዛይሲ ታ ኢዛን ዴኣና ኬ ኬጻናይ ኔና ጊዳካ። 
\v 5 ታኒ ኢስራኤሌታ ጊብጼፔ ኬሲዳ ጋላሳፌ ዶማዳ ሃች ጋካናስ፥ ዱንካናፔ ዱንካኔን፥ ቃሴ ኢሲ ሶሆፔ ሃራ ሶሆ ዩያዳ ዴኣይስ ኣቲን ኬን ዴኣቤኬ። 
\v 6 ታኒ ኢስራኤሌ ኣሳ ኡባራ ዩዪዳ ሶሆ ኡባን ታ ዴራ ሄማናስ ታኒ ኣዛዚዳ ኢስራኤሌ ዳናታፔ ኦናስካ፥ ‹ታስ ዚጋ ሚፌ ኬ ኣይስ ኬጺቤኬቲ?› ጋዳ ኦይቺዳ ዎዴይ ዲዜ?
\p
\v 7 «ሄሳ ጊሻስ ሃኢካ ኔኒ ታ ኣይሌ ዳዊቴስ፥ ኡባፌ ዎልቃማ ጾሲ ኔና፥ ‹ታ ዴራ ኢስራኤሌ ኣይሳና ማላ ኔኒ ዶርሳ ሄሚዛሶሆፔ ታ ኔና ዴን ኤካዲስ። 
\v 8 ኔኒ ቢዳ ሶሆ ኡባን ታኒ ኔናራ ኢሲፌ ጊዳዲስ፤ ኔ ሞርኬታ ኡባ ኔ ሲንፌ ዲጋዲስ፤ ሃኢካ ታኒ ሃ ሳኣን ኤሬቲዳ ጊታ ኣሳታ ሱን ማላ ኔ ሱን ጊታሳና። 
\v 9 ታኒ ታ ኣሳ ኢስራኤሌስ ዳናሶሆ ኢማና፤ ኢስታስ ዱሳሶሆ ኢሚዳፔ ጉዬ ኢስቲ ቃጾንታ ማላ ታ ኦና፤ ኢታ ኣሳቲ ካሴ ኢስታ ኡንኤዳይሳ ሃይሳፌ ጉዬ ኢስታ ኡንኤቴና። 
\v 10 ሃይሳፌ ካሴ ታ ዴራ ኢስራኤሌ ካሌዛይታ ታ ሱንዳ ዎዴ ካሴ ኢታቲ ኡንኤዳይሳ ሃይሳፌ ጉዬ ኡንኤቴና፤ ኢንቴ ሞርኬታ ኡባ ታ ካዉሻና፤ ታኒ ጾሳይ ኔስ ኬ ኬጻናይሳ ዮታይስ። 
\v 11 ኔ ጪማዳ ካሴ ሃይቂዳ ኔ ኣዋታን ጋይቲዛ ዎዴ ታኒ ኔ ናይታፔ ኢሳ ዴንዳ ኔ ሶሆን ካዎና፤ ኢዛ ካዎቴካ ታ ሚንና። 
\v 12 ታስ ኬ ኬጻናይ ኢዛ፤ ታኒ ኢዛ ካዎቴ ኣራታ ሜርናስ ሚን ኤሳና። 
\v 13 ታኒ ኢዛስ ኣዋ ጊዳና፤ ኢዚካ ታስ ና ጊዳና፤ ኔፔ ካሴ ካዎቲዳ ሳኦሌፔ ታኒ ታ ማሮቴ ዴንዳ ማላ ኢዛፔ ሙሌካ ዴንኬ።\x - \xo 17፡13 \xo*\xt 2ቆሮ 6፡18፤ ኢብ 1፡5\xt*\x* 
\v 14 ታኒ ኢዛ ታ ኣሳ ቦላኔ ታ ካዎቴ ቦላ ሜርናስ ሱንና፤ ኢዛ ካዎቴ ኣራታይካ ሜርናስ ሚኒ ኤቃና› ጋዳ ዮታ» ጊዴስ።
\p
\v 15 ናታኔይ ጾሳይ ኢዛስ ኣጁታን ቆንጪሲዳ ቃላ ኡባ ዳዊቴስ ዮቲዴስ።
\s ዳዊቴ ዎሳ
\r (2ሳሜ 7፡18-29)
\p
\v 16 ሄሳፌ ጉዬ ካዎ ዳዊቲ ዱንካኔን ጌሊዲ ጎዳ ሲንን ኡቲዴስ፤ ሂስቲዲ፥ «ኣቤት ጎዳዉ፥ ጾሳዉ! ኔኒ ሃይሳ ኡባ ታስ ኦናስ ታኒ ኦኔ? ታሶ ኣሳይካ ኣዜ? 
\v 17 ኣቤት ጾሳዉ! ሃይሲ ኔ ኣይፌ ሲንን ጉ ሚሳቲን ኔ ኣይሌ ዛሬቲ ሲንፌ ያና ላይታን ሃናናይሳ ዮታዳሳ፤ ኔኒ ታና ጊታ ኣሳታፔ ቁ ሂስታ ጼላዳሳ። 
\v 18 ኔኒ ታና ኔ ኣይሌዛ ቦንቺዳ ጊሻስ ታኒ ዳዊቲ ሃይሳፌ ቦላራ ኣይ ጋና ዳንዳያዚና? ኔኒ ታና ኔ ኣይሌዛ ኤራሳ። 
\v 19 ኣቤት ጎዳዉ! ኔ ኣይሌዛ ጊሻስ ኔ ዎዚና ቆፋ ማላ ሃ ጊታ ሚሻታ ኡባ ኦዳ ሃ ጊታቴ ኡባ ታና ኤሪሳዳሳ።
\p
\v 20 «ኣቤት ጎዳዉ! ኔ ማላይ ሃራይ ባዋ፤ ኑኒ ኑ ሃይን ሲዪዳ ማላ ኔፔ ኣቲን ሃራ ጾሲ ዴና። 
\v 21 ኔኒ ጾሲ ጊብጼ ቢታፌ ኬሲዳ ኔ ዴራ ሲንፌ ካዎቴታ ጎዳዳ ጊታኔ ያሺሲዛ ሚሽ ኔ ሱንስ ኦና ማላ፥ ዴራካ ኔስ ዎዛና ማላ ኔ ኢስታስ ኦዳይሳ ኔ ዴሬ ኢስራኤሌ ማላ ዴሬይ ቢታ ቦላ ሃራይ ዲዜ? 
\v 22 ኔኒ ኔ ዴራ ኢስራኤሌ ሜርናስ ኔስ ሂስታዳሳ፤ ኣቤት ጎዳዉ ኔኒካ ኢስታ ጾሳ ጊዳዳሳ።
\p
\v 23 «ኣቤት ጎዳዉ! ኔኒ ኔ ኣይሌዛሲኔ ኢዛ ዜሬታስ ኢሚዳ ሂዶታ ሜርናስ ሚን፤ ኔኒ ኢሚዳ ሂዶታ ቃላካ ፖላ። 
\v 24 ሄሳ ኔ ኦናይ ኔ ሱን ሚኒ ዳና ማላኔ ሜርናስ ጊታ ጊዳና ማላሳ፤ ሄሳፌ ጉዬ ኣሳይ፥ ‹ኡባፌ ዎልቃማ ጾሳይ ቱሙካ ኢስራኤሌ ጾሳ› ጋና ጌስ፤ ኔ ኣይሌ ዳዊቴ ዛሬቲ ኔ ሲንን ሚኒ ኤቃና።
\p
\v 25 «ኣቤት ታ ጾሳዉ፥ ‹ኔኒ ታስ ኔ ኣይሌዛስ ኬ ኬጻና ጋ ዮታዳሳ፤ ሄሳ ጊሻስ ታኒ ኔ ኣይሌይ ኔና ዎሳናስ ጻላዲስ። 
\v 26 ኣቤት ጎዳዉ! ኔኒ ቱሙ ጾሳ፤ ሃ ሎኦ ሂዶታ ቃላ ኔ ኣይሌዛስ ኢማዳሳ። 
\v 27 ኔ ሲንን ሜርናስ ዳና ማላ ኔ ኣይሌዛ ኬ ኣንጃናስ ኔ ኮያዳሳ፤ ኣቤት ጎዳዉ! ኔኒ ኣንጂዳይ ሜርናስ ኣንጄቲዳዴ ጊዳና› ጊ ዎሴስ» ጊዴስ።
\c 18
\s ዳዊቲ ጾኒዳ ጾኖታ
\r (2ሳሜ 8፡1-18)
\p
\v 1 ሄሳፌ ጉዬ ዳዊቲ ፊሊስጼሜታ ጾኒ ሃሪዴስ፤ ሂስቲዲ ጌቴ ካታማኔ ኢዛ ዩሾን ዲዛ ሞታ ፊሊስጼሜ ኣሳታ ኩሼፔ ዎ ኤኪዴስ። 
\v 2 ሂስቲን ሞኣቤ ዴሬ ኣሳይ ኢዛስ ሃሬቲዲ ጊራ ኤሂዴስ።
\p
\v 3 ሄሳፌ ጉዬ ዳዊቲ ኤፊራጺሴ ሻፋ ሄራን ዲዛ ዴሬታ ኦይካና ቢዳ ዎዴ ጾባ ካዎ ሃዳዲኤዜሬ ኦሊ ጾኒዲ ሃማቴ ጋካናስ ዲዛ ቢታ ኦይኪዴስ። 
\v 4 ዳዊቲ ሃዳዲኤዜሬፔ 1,000 ፓራ-ጋሬታ፥ 7,000 ቶጋ ኣሳታኔ 20,000 ቶሆን ቢ ኦሌቲዛ ዎታዳራታ ዲኢዴስ፤ ዳዊቲ 100 ጋሬታስ ጊዲዛ ፓራታ ኣሺዲ ሃራ ፓራታ ኡባስ ጋዴ ጻጶ ጊልዳይዴስ።
\p
\v 5 ዳማስቆ ካታማን ዲዛ ኣራሜ ኣሳቲ ጾባ ዴሬ ካዎ ሃዳዲኤዜሬ ማዳናስ ዪዳ ዎዴ ዳዊቲ ኢስታፌ 22,000 ኣስ ዎዴስ። 
\v 6 ሄሳፌ ጉዬ ኣራሜ ቢታን ዳማስቆ ካታማን ኦላንቻቲ ዱንካኒ ኡታናሶ ጊግሲዴስ፤ ሂስቲን ኣራሜ ዴሬ ኣሳቲ ዳዊቴስ ሃሬቲዲ ጊሪዳ፤ ዳዊቲ ቢዳሶ ኡባን ጎዳይ ኢዛስ ጾኖ ኢሚዴስ።
\p
\v 7 ካዎ ዳዊቲ ሃዳዲኤዜሬ ኦላንቻታ ሃላቃቲ ኦይኪዳ ዎርቃ ጎንዳሌታ ዎ ኤኪዲ ዬሩሳላሜ ኤፊዴስ። 
\v 8 ቃሴካ ዳዊቲ ሃዳዲኤዜሬይ ሃሪዛ ጺባሃኔፔኔ ኩና ካታማፔ ኬሂ ዳሮ ጻርቂማላ ኤኪዴስ፤ ሶሎሞኔይ ሄ ጻርቂማላታ ጊታ ጋባቴ፥ ቱሳታኔ ዱማ ዱማ ሚሻታ ሜሲዴስ።\x - \xo 18፡8 \xo*\xt 1ካዎ 7፡40-47፤ 2ታሪ 4፡11-18\xt*\x*
\p
\v 9 ዳዊቲ ጾባ ዴሬ ካዎ ሃዳዲኤዜሬ ኦላንቻታ ኡባ ጾኒዳይሳ ሃማቴ ካዎ ቶኡዪ ሲዪዴስ። 
\v 10 ሂስቲዲ ባናራ ኦሌቲሼ ጋምኢዳ ሃዳዲኤዜሬ ዳዊቲ ኦሊ ጾኒዳ ጊሻስ ኢዛ ሃሹ ጋናሲኔ ሳሮካናስ ቶኡዪ ባ ናዛ ሃዶራሜ ካዎ ዳዊቴኮ ኪቲዴስ፤ ሃዶራሜይ ዎርቃፌ፥ ቢራፔኔ ጻርቂማላፔ ኦሴቲዳ ሚሻታ ኢዛስ ኤኪ ዪዴስ። 
\v 11 ካዎ ዳዊቲ ኤዶሜፔ፥ ሞኣቤፔ፥ ኣሞኔ ኣሳታፔ፥ ፊሊስጼሜታፔኔ ኣማሌቄ ኣሳታፔ ዲኢ ኤኪዳ ቢራኔ ዎርቃ ሃ ሚሻታራ ኢሲፌ ጋ ጎዳስ ዱማሲዴስ።
\p
\v 12 ጹሪያ ና ኣቢሳዬይ ኤዶሜ ኣሳፔ 18,000 ኣስ ማጺኔ ሾባን ዎዴስ።\x - \xo 18፡12 \xo*\xt ማዛ 60\xt*\x* 
\v 13 ሄሳፌ ጉዬ ዳዊቲ ኤዶሜን ኦላንቻቲ ዱንካኒ ኡታናሶ ጊግሲዴስ፤ ሂስቲን ሄ ቢታ ኣሳቲ ኡባይ ዳዊቴስ ሃሬቲዲ ጊሪ ኣቂዳ፤ ዳዊቲ ቢዳሶ ኡባን ጎዳይ ኢዛስ ጾኖ ኢሚዴስ።
\s ዳዊቲ ሹሚዳ ኣሳታ
\p
\v 14 ዳዊቲ ኢስራኤሌ ዴራ ኡባ ቦላ ካዎቲዴስ፤ ዴራ ኡባ ጺሎቴኒኔ ሱሬ ፒርዳን ኣይሲዴስ። 
\v 15 ጹሪያ ና ኢዮኣቤይ ኦላ ጋዳዋ፤ ኣሂሉዴ ና ኢዮሳፊጼይ ማዝጋባ ኬ ኣላፌ። 
\v 16 ኣሂጹቤ ና ሳዶቄይኔ ኣቢያታሬ ና ኣቢሜሌኬይ ቄሴ፤ ሱሳሃይ ዋና ጻፌ፤ 
\v 17 ዮዳሄ ና ባናያይ ኬሊቴታሲኔ ፔሊቴታስ ሃላቃ፤ ካዎ ዳዊቴ ኣቱማ ናይቲ ኢዛ ካዎቴን ቃ ሹሜታ።
\c 19
\s ሶሪያታ ጾኔቴ
\r (2ሳሜ 10፡1-19)
\p
\v 1 ሄሳፌ ጉዬ ኣሞኔታ ካዎ ናኦሴይ ሃይቂን ኢዛ ናዚ ኢዛሶሆን ካዎቲዴስ። 
\v 2 ዳዊቲ፥ «ኢዛ ኣዋ ናኦሴይ ታስ ሎኦ ኦዳ ማላ ታኒ ኢዛ ና ሃኖኔስ ሎኦ ኦና» ጊ ቆፒዴስ፤ ሄሳ ጊሻስ ኢዛ ኣዋ ሃይቆዛ ጊሻስ ኢዛ ሚንናስ ዳዊቲ ኣስ ኪቲዴስ።
\p ዳዊቲ ኪቲዳይቲ ሃኖኔ ሚንናስ ኣሞኔ ቢታ ጋኪዳ ዎዴ፥ 
\v 3 ኣሞኔ ዴሬ ሹሜቲ ሃኖኔ፥ «ዳዊቲ ሃ ኣሳታ ኪቲዳይ ኔ ኣዋ ቦንቺዲ ኔና ሚንናስ ሚሳቲዜ? ኢዚ ሃ ኣሳታ ኪቲዳይ ቢታዮ ጾሞሲ ጼላናሲኔ ኦሊ ኦይካናሳ» ጊዳ።
\p
\v 4 ሂስቲን ሃኖኔይ ዳዊቲ ኪቲዳ ኣሳታ ኦይኪዲ ኢስታ ቡቻ ሜዲዴስ፤ ኢስታ ማይኦካ ኢስታ ካሎይ ቤታናሼ ጋካናስ ዳኪዲ ኢስታ ዴሬ ዛሪ ዬዲዴስ። 
\v 5 ኢስቲ ኬሂ ዬላቲዳ ጊሻስ ዳዊቲ ሄሳ ሲዪዲ ኢስታራ ጋይታና ማላ ሃራ ኣስ ኢስታኮ ኪቲዲ፥ «ኢንቴ ቡቺ ዲጫና ጋካናስ ኢያርኮ ካታማን ዴኢሺቴ፤ ሄሳፌ ጉዬ ሃ ዪቴ» ጊዴስ።
\p
\v 6 ኣሞኔቲ ዳዊቴ ማታን ባ ኢጼቲዳይሳ ኤሪዳ ዎዴ ሃኖኔይኔ ኣሞኔቲ ሜስጴጾሚያፔ፥ ኣራሜ ዴሬ ማኢካፌኔ ጾባፌ ፓራ-ጋሬታኔ ቶጋንቻታ ቃጻራናስ 34,000 ኪሎ ጊራሜ ጊዲዛ ሳቂሌ ቢራ ዬዲዳ። 
\v 7 ሂስቲዲ 32,000 ፓራ-ጋሬታ፥ ቶጋ ኣሳታ፥ ማኢካ ካዎኔ ኢዛ ኦላንቻታ ቃጻሪዳ፤ ኢስቲካ ዪዲ ሜዴባን ዱንካኒ ኡቲዳ፤ ቃሴ ኣሞኔቲ ባንታ ካታማታፔ ሺቄቲዲ ኦላስ ኬዚዳ።
\p
\v 8 ዳዊቲ ሄሳ ሲዪዲ ኢዮኣቤኔ ኦላንቻታ ኡባ ዬዲዴስ። 
\v 9 ኣሞኔቲ ካታማ ፔንጌን ኬኢዲ ኦላስ ያዲዳ፤ ኢስታ ማዳናስ ዪዳ ካዎቲካ ባስ ሶሆ ኦይኪዲ ዴምባን ዱንካኒዳ።
\p
\v 10 ኢዮኣቤይ ኦላይ ሲንራኔ ጉዬራ ዶዲ ኡቲዳይሳ ቤኢዲ ኢስራኤሌ ኣሳ ኡባፌ ኤሬቲዳ ኦላ ቃራታ ዶሪ ኤኪዲ ኣራሜ ዴሬ ኦላንቻታ ሲንን ሳልፊሲዴስ። 
\v 11 ኣቲዳ ኣሳታ ኢዛ ኢሻ ኣቢሳዬይ ካሌና ማላ ኣዛዚዲ ኣሞኔታ ሲንን ሳልፊሲዴስ። 
\v 12 ኢዮኣቤይ ባ ኢሻ ኣቢሳዬስ፥ «ኣራሜ ኣሳቲ ታ ቦላ ሚኒኮ ኔኒ ያዳ ታና ማዳ፤ ኣሞኔ ኣሳቲ ኔ ቦላ ሚኒዛ ጊዲኮ ታኒ ያዳ ኔና ማዳና። 
\v 13 ሃኢ ኔኒ ሚና! ኑ ዴራ ጊሻሲኔ ኑ ጾሳ ካታማታ ጊሻስ ኣኔ ሚኒ ኦሌቶስ፤ ጎዳይ ባና ሎኦይሳ ኦ» ጊዴስ።
\p
\v 14 ሄሳፌ ጉዬ ኢዮኣቤይኔ ኢዛራ ዲዛ ኦላንቻቲ ኣራሜ ዎታዳራታራ ኦሌታናስ ቢን ኣራሜ ዎታዳራቲ ኢስታ ሲንፌ ባቃቲዳ። 
\v 15 ኣራሜ ዎታዳራቲ ባቃቲዳይሳ ኣሞኔ ዎታዳራቲ ቤኢዳ ዎዴ ኢስቲካ ኢዛ ኢሻ ኣቢሳዬ ሲንፌ ጉዬ ባቃቲዲ ካታማ ጌሊዳ፤ ሄሳፌ ጉዬ ኢዮኣቤይ ዬሩሳላሜ ሲሚዴስ።
\p
\v 16 ኣራሜ ኣሳቲ ኢስራኤሌ ኣሳታን ጾኔቶይሳ ኤሪዳ ዎዴ ቃስታኔ ኪቲዲ ኤፊራጺሴ ሻፋፔ ሄ ፒንን ዲዛ ኣራሜ ኣሳታ ኤሂሲዳ፤ ጾባ ካዎ ሃዳዲኤዜሬስ ኦላ ጋዳዋ ጊዲዳ ሾባኬይ ኢስታ ካሌስ።
\p
\v 17 ዳዊቲ ሄሳ ሲዪዳ ዎዴ ኢስራኤሌ ኦላንቻታ ኡባ ሺሺዲ ዮርዳኖሴ ሻፋ ፒኒዲ ኣራሜ ኣሳታራ ኦሌታናስ ኢስታ ሲንን ሳልፊዴስ፤ ሂስቲን ኢስቲ ኢዛራ ኦሌቲዳ። 
\v 18 ጊዶ ኣቲን ኣራሜ ኣሳቲ ኢስራኤሌታ ሲንፌ ባቃቲዳ፤ ዳዊቲ 7,000 ፓራ-ጋሬታኔ 40,000 ቶሆን ቢ ኦሌቲዛ ዎታዳራታ ዎዴስ፤ ኢስታ ኦላ ጋዳዋ ሾባኬካ ዎዴስ። 
\v 19 ሃዳዲኤዜሬ ኣሳይ ኢስራኤሌታን ጾኔቲዳይሳ ኤሪዲ ዳዊቴራ ሲጌቲዲ ኢዛስ ሃሬቲዴስ፤ ሄሳፌ ሲሚን ኣራሜ ኣሳይ ኣሞኔ ኣሳ ማዳናስ ዶሲቤና።
\c 20
\s ዳዊቲ ኤራባ ካታማ ኦሊ ኦይ
\r (2ሳሜ 12፡26-31)
\p
\v 1 ኦፊንን ካዎቲ ኦላስ ኬዚዛ ዎዴ ኢዮኣቤይ ኦላንቻታ ካሌ ቢዲ ኣሞኔ ዴሬ ይሲዴስ፤ ኤራቤ ካታማካ ዶዲ ኡቲዴስ፤ ጊዶ ኣቲን ዳዊቲ ዬሩሳላሜን ታኪዴስ፤ ኢዮኣቤይ ኤራባ ካታማ ኦሊ ላሊዴስ።\x - \xo 20፡1 \xo*\xt 2ሳሜ 11፡1\xt*\x* 
\v 2 ሄሳፌ ጉዬ ዳዊቲ ዪዲ ኢስታ ካዎዛ ሁኤፔ ዎርቃ ካላቻ ኤኪዴስ፤ ካላቻዚ 34 ኪሎ ጊራሜ ጊዲዴስ፤ ኢዛ ጊዶን ኢንቁ ጌቴቲዛ ኣልኦ ሹቺ ዴስ፤ ሄ ካላቻ ኤኪዲ ዳዊቴ ሁኤን ጎጺዳ፤ ቃሴ ዳዊቲ ሄ ካታማፔ ኬሂ ዳሮ ሚሽ ዲኢ ኤኪዴስ። 
\v 3 ሄን ዴኢዛ ዴራ ኬሲዲ ማጋዜ፥ ጾይሌኔ ካልታ ኦይ ኦሲሲዴስ፤ ኣሞኔን ዲዛ ሃራ ካታማታን ዲዛ ኣሳታካ ዳዊቲ ሄሳ ኦሲሲዴስ፤ ሄሳፌ ጉዬ ዳዊቲኔ ኢዛ ኦላንቻቲ ኡባይ ዬሩሳላሜ ሲሚዳ።
\s ፊሊስጼሜ ኣሳታራ ኦሌቲዳ ኦላ
\r (2ሳሜ 21፡15-22)
\p
\v 4 ሄሳፌ ሲሚን ፊሊስጼሜ ኣሳታራ ጌዜሬን ኦላይ ዴንዲዴስ፤ ሄ ዎዴ ሁሼ ዴሬ ኣስ ሲቢካዬይ ኤራፋይሜ ዜሬ ጊዲዳ ሲፋዬ ዎዴስ፤ ሂስቲን ፊሊስጼሜቲ ጾኔቲዳ።
\p
\v 5 ሄሳፌ ጉዬ ፊሊስጼሜታራ ሃራ ኦላይ ዴንዲዴስ፤ ሄ ዎዴ ኢዚ ኦይኪዛ ቶራ ቶማይ ሻማኔ ዎንዲራሼ ኬና ጊዲዳ ጌቴ ካታማፔ ዪዳ ጎልያዴ ኢሻ ላሂሜ ያኢሬ ና ኤልያኔይ ዎዴስ።\x - \xo 20፡5 \xo*\xt 1ሳሜ 17፡4-7\xt*\x*
\p
\v 6 ቃሴካ ሃራ ኦላይ ጌቴ ካታማን ዴንዲዴስ፤ ሄን ኢዛስ ኩሼኒኔ ቶሆን ኡሱፑን ኡሱፑን ቢራቲ ኢሲ ቦላ 24 ቢራቲ ዲዛ ኤራፋዬ ዜሬፌ ጊዲዳ ጉባኔ ጌሳ ኣዱሳ ኣሲ ዴስ። 
\v 7 ሄ ኣዴዚ ኢስራኤሌታ ቦላ ኤቄቲዳ ዎዴ ዳዊቴ ኢሻ ሺምኣ ና ዮናታኔይ ኢዛ ዎዴስ። 
\v 8 ሃይታንቲ ጌቴ ካታማን ዲዛ ኤራፋዬ ዛሬታ፤ ኢስቲ ኡባይ ዳዊቴ ኩሼኒኔ ኢዛ ኣሳ ኩሼን ሃይቂዳ።
\c 21
\s ኢስራኤሌ ዴራ ዳዊቲ ቆዲሴ
\r (2ሳሜ 24፡1-25)
\p
\v 1 ጻላኤይ ኢስራኤሌ ኣሳ ቦላ ሜቶ ኤሃናስ ኮዪዲ ዳዊቲ ኢስራኤሌ ኣሳ ቆዳና ማላ ዴንዴስ። 
\v 2 ዳዊቲ ኢዮኣቤኔ ኦላንቻታ ሃላቃታ፥ «ዳኔፔ ቢዲ ቤርሳቤሄ ጋካናስ ዲዛ ኢስራኤሌ ኣሳ ቆዲቴ፤ ሂስቲዲ ኣሳ ቆዳይ ኣፑናኮ ታና ኤሪሲቴ» ጊዴስ።
\p
\v 3 ኢዮኣቤይ ጊዲኮ ኢዛስ፥ «ጎዳይ ሃኢ ዲዛ ኢስራኤሌ ኣሳ ቦላ ጼቱ ኩሼ ጉጆ! ታ ጎዳ ካዎ! ኢስቲ ኡባይ ታ ጎዳ ኣይሌታ ዴቴኔ? ታ ጎዳይ ሃይሳ ማላ ኦናስ ኣይስ ኮዪዴ? ኢስራኤሌ ካዎቴ ኣይስ ሞራንቻ ኬሲዜ?» ጊዴስ።
\p
\v 4 ጊዶ ኣቲን ካዎዛ ቃላይ ኢዮኣቤ ጾኒዴስ፤ ሂስቲን ኢዮኣቤይ ኬዚ ኢስራኤሌ ቢታ ኡባ ዩዪ ኣ ዬሩሳላሜ ሲሚዴስ። 
\v 5 ኢዮኣቤይ ቆዲዳ ኣሳ ቆዳ ዳዊቴስ ኢሚዴስ፤ ኢስራኤሌፔ 1,100,000 ዩሁዳፔ 47,000 ኦላናስ ዳንዳይዛይታ ዴሚዴስ። 
\v 6 ኢዮኣቤይ ካዎዛ ኣዛዞን ሃራሴቲዳ ጊሻስ ሌዌታ ቆሞታኔ ቢኒያሜ ቆሞታ ቆዲቤና።
\p
\v 7 ሄ ኣዛዞዚ ጾሳ ማታን ኢታ ጊዲዳ ጊሻስ ጾሲ ኢስራኤሌ ኣሳ ቃጻይዴስ።
\p
\v 8 ሄሳፌ ጉዬ ዳዊቲ ጾሳስ፥ «ታኒ ሃ ኦሶዛን ኔና ኬሃ ቆሃዲስ፤ ታኒ ባላ ኦዳ ጊሻስ ታና ኔ ኣይሌዛ ቆሆ ኣቶ ጋና ማላ ታ ኔና ዎሳይስ» ጊዴስ።
\p
\v 9 ጎዳይ ዳዊቴ ናቤ ጋዴስ፥ 
\v 10 «ባዳ ዳዊቴ፥ ‹ጎዳይ ኔና ታኒ ኔ ዶራና ማላ ኔ ሲንን ሄ ሚሻታ ዎዲስ፤ ታኒካ ኔ ዶሪዳይሳ ኦና› ጊዴስ» ጋዳ ዮታ።
\p
\v 11 ሂስቲን ጋዴይ ዳዊቴኮ ቢዲ፥ «ጎዳይ ኔ ሲንን ዎይሳፌ ኢሳ ዶራ፤ 
\v 12 ሄ ላይ ኮሻ፥ ዎይኮ ሄ ኣጊና ኩሜ ኔ ሞርኬታን ጎዴቴ፥ ዎይኮ ሄ ጋላስ ኢታ ሃርጌ ኤሂዛ ጾሳ ማሻይ ቢታ ቦላ ዪን ኢስራኤሌ ኡባ ቦላ ሃይቆ ኤሂዛ ጾሳ ኪታንቻ ዩስ፥ ሄሳ ጊሻስ ታና ኪቲዳ ጾሳስ ታ ኣይ ዛራ ዮታናኮ ሄይታንታፌ ኔ ዶሮይሳ ታስ ዮታ» ጊዴስ።
\p
\v 13 ዳዊቲ ጋዴስ፥ «ታ ዶራናስ ኬሃ ሜቶታዲስ፤ ጊዲኮካ ጎዳ ጾሳ ማሮታይ ኬሂ ጊታ ጊዲዳ ጊሻስ ኣሳ ኩሼን ኩንዳናፔ ጾሳ ኩሼን ኩንዴ ታስ ሎኦ» ጊዴስ።
\p
\v 14 ሄሳ ጊሻስ ጎዳይ ኢታ ሃርጌ ዬዲን ኢስራኤሌፔ 70,000 ኣሲ ሃይቂዴስ። 
\v 15 ሄሳፌ ጉዬ ጎዳይ ዬሩሳላሜ ይሳናስ ኪታንቻ ኪቲዴስ፤ ጊዶ ኣቲን ኪታንቻዚ ዬሩሳላሜ ይሳናስ ሺቂ ኡቲዳሺን ጎዳይ ቤኢዲ ሚሼቲዴስ፤ ይሳና ዪዳ ኪታንቻ፥ «ኣጋ! ኢስታ ቦላ ጋኪዳ ባሻይ ጊዳና» ጊዴስ። ሄ ዎዴ ጎዳ ጾሳ ኪታንቻይ ያቡሴ ዴሬ ኣስ ኦርና ባሌ ማታን ኤቂዴስ።
\p
\v 16 ኪታንቻዚ ባ ጊ ማሻ ኩሼን ኦይኪዲ ዬሩሳላሜ ይሳናስ ሳሎፔኔ ሳኣፔ ጊዶን ኤቂዳይሳ ዳዊቲ ቁ ጊ ቤኢዴስ፤ ሄሳፌ ጉዬ ዳዊቲኔ ጪማቲ ማቃ ማይኢዲ ቢታ ቦላ ጉፋኒዳ። 
\v 17 ዳዊቲ ጾሳስ፥ «ኣሳይ ቆዴታና ማላ ኦዳይ ታና ጊዲኪና? ናጋራ ኦዳይኔ ቆሂዳይ ታና፤ ሂስቲን ሃይቲ ዶርሳቲ ኣይ ኦዶ? ኣቤት ታ ጎዳ ጾሳዉ! ኔ ኩሼይ ታ ቦላኔ ታ ኬ ኣሳ ቦላ ጊዶ ኣቲን ሃ ቦሻዛ ኔ ዴራ ቦላ ዬዶፋ» ጊዴስ።
\p
\v 18 ሄሳፌ ጉዬ ጎዳ ጾሳ ኪታንቻይ ጋዴስ፥ «ዳዊቲ ፑዴ ያቡሴ ዴሬ ኣስ ኦርና ባሌ ቢዲ ጎዳ ጾሳስ ያርሾ ያርሺዛሶ ኦና ማላ ዮታ» ጊ ኣዛዚዴስ። 
\v 19 ዳዊቲ ጋዴይ ጎዳ ጾሳ ሱንን ዮቶይሳ ኦናስ ቢዴስ።
\p
\v 20 ሄ ዎዴ ኦርናይኔ ኢዛ ናይቲ ባሌን ጊስቴ ቡኪሼ ጉዬ ሲሚ ጼሊዲ ኪታንቻ ቤኢዳ፤ ሂስቲዲ ኢዛራ ዲዛ ኦይዱ ኣቱማ ናይቲ ቆቴቲዳ። 
\v 21 ዳዊቲ ኦርናኮ ዪን ኦርናይ ኢዛ ቤኢዲ ባሌዛፔ ጋጻ ኬኢዲ ዳዊቴስ ዚጊዴስ።
\p
\v 22 ሄሳፌ ጉዬ ዳዊቲ ኦርናስ፥ «ዴራ ቦላ ዪዳ ቦሻይ ኪቻና ማላ ታኒ ጎዳ ጾሳስ ያርሾ ያርሺዛሶ ኦናስ ኔ ባሌዛ ታስ ባይዛርኪ! ታኒ ኔስ ኩሜ ዋጋ ቃንጻና» ጊዴስ።
\p
\v 23 ሂስቲን ኦርናይ ዳዊቴስ፥ «ኔስ ኤካ፤ ታ ጎዳይ ካዎይ ባና ኡፋይሲዛይሳ ኦ፤ ሄኮ ጹጌቲዛ ያርሾስ ቦራታ፥ ኤሶስ ካ ቡኪዛ ሎዳታ፥ ካ ያርሾ ጊዳና ማላ ጊስቴ ኢማና፤ ሃይታ ኡባታካ ታ ኔስ ኢማና» ጊዴስ።
\p
\v 24 ጊዶ ኣቲን ካዎ ዳዊቲ ኦርናስ፥ «ሄሲ ሃኔና! ታኒ ኩሜ ዋጋ ቃንጻዳ ሻማና፤ ታኒ ኔይሳ ጮ ሜላ ኤካዳ ጎዳ ጾሳስ ያርሾ ሺሺኬ፤ ቃሴ ታ ሻሞንታ ሚሽ ጹጌቲዛ ያርሾ ኦ ሺሺኬ» ጊዴስ።
\p
\v 25 ሄሳ ጊሻስ ዳዊቲ ሄ ባሌዛስ 600 ዎርቃፌ ኦሴቲዳ ቢራ ኢሚዴስ። 
\v 26 ሄሳፌ ጉዬ ዳዊቲ ሄን ጎዳ ጾሳስ ያርሾ ያርሺዛሶ ኦዲ ጹጌቲዛ ያርሾኔ ኢሲፌቴ ያርሾ ሺሺዴስ፤ ኢዚ ጎዳ ጾሳ ዎሲን ጹጌቲዛ ያርሾ ያርሺዛሶዛ ቦላ ሳሎፔ ታማ ዬዲዲ ኢዛ ኦይሻ ዛሪዴስ።
\p
\v 27 ሂስቲን ጎዳይ ኪታንቻ ኣዛዚን ኪታንቻዚ ባ ጊ ማሻ ኮሃን ጌልዴስ። 
\v 28 ዳዊቲ ጎዳይ ያቡሴ ዴሬ ኣስ ኦርና ካ ባሌን ኢዛስ ዛሪዳይሳ ቤኢዲ ሄን ያርሾ ሺሺዴስ። 
\v 29 ሙሴይ ባዞን ጊግሲዳ ጎዳ ጾሳ ዱንካኔይኔ ጹጌቲዳ ያርሾ ያርሺዛሶዚ ጌባኦኔ ዙምቡላ ቦላ ዴስ። 
\v 30 ዳዊቲ ጾሳ ኪታንቻይ ኦይኪዳ ጊ ማሻስ ያዪዳ ጊሻስ ሄ ቢዲ ጎዳ ኦይቻናስ ዳንዳይቤና።
\c 22
\p
\v 1 ሄሳ ጊሻስ ዳዊቲ፥ «ጎዳ ጾሳ ኬኔ ኢስራኤሌ ኣሳይ ጹጌቲዛ ያርሾ ያርሺዛሶይ ሃይሳን ዴስ» ጊዴስ።
\s ጾሳ ኬ ኬጻናስ ጊጌቴ
\p
\v 2 ካዎ ዳዊቲ ኢስራኤሌ ቢታን ዲዛ ሃራ ዴሬ ኣሳይ ኢሲ ቦላ ሺቃና ማላ ኣዛዚዴስ፤ ኢስታ ጊዶፌ ጾሳ ኬ ኬጻናስ ማሴቲዳ ሹች ጊጊሳናስ ሹች ቄሪዛይታ ጊግሲዴስ። 
\v 3 ዳዊቲ ጊምባ ፔንጌታስ ሚሲማሬኔ ማጻፋ ጊዳና ማላ ዳሮ ቢራታኔ ሜዛኔፔ ቦላ ጊዲዳ ኬሂ ዳሮ ጻርቂማላ ጊግሲዴስ። 
\v 4 ሲዶና ኣሳይኔ ጺሮሴ ኣሳይ ዳሮ ዚጋ ሚ ኤሂዛ ጊሻስ ቆዳይ ባይንዳ ኬሂ ዳሮ ዚጋ ሚ ጊግሲዴስ።
\p
\v 5 ዳዊቲ፥ «ታ ና ሶሎሞኔይ ዬላጋኔ ኦሳራ ሜዜቶንታይሳ፤ ጎዳ ጾሳስ ኬጼታና ኬይ ቢታ ኡባን ኤሬቲዳ ሎኦኔ ፑላ ኬ ጊዳናስ ቤሴስ፤ ሄሳ ጊሻስ ኢዛስ ኮሺዛይሳ ታኒ ጊጊሳና» ጊዴስ፤ ዳዊቲ ሃይቃናፔ ሲንን ዳሮ ሚሽ ጊግሲዴስ።
\p
\v 6 ሄሳፌ ጉዬ ዳዊቲ ባ ና ሶሎሞኔ ጼይጊዲ ጎዳ ኢስራኤሌ ጾሳ ኬ ኬጻና ማላ ኣዛዚዴስ። 
\v 7 ዳዊቲ ሶሎሞኔ፥ «ታ ናዞ፥ ታኒ ጎዳ ታ ጾሳ ቦንቾስ ኬ ኬጻናስ ታ ዎዚናን ቆፓዲስ። 
\v 8 ጊዶ ኣቲን ጎዳ ጾሳ ቃላይ ታና፥ ‹ኔኒ ዳሮ ሱ ጉሳዳሳ፤ ዳሮ ኦላካ ኦሌታዳሳ፤ ኔኒ ሳኣ ቦላ ታ ሲንን ዳሮ ሱ ጉሲዳ ጊሻስ ኔኒ ታስ ኬ ኬጻና ማላ ኮይኬ› ጊዴስ። 
\v 9 ጊዲኮካ፥ ‹ሳሮኒኔ ዎፓን ኣይሲዛ ና ኔ ዬላና፤ ኡባ ባጋራ ዲዛ ሞርኬታፔ ታ ኢዛ ሼምፒሳና፤ ኢዛ ሱንካ ሶሎሞኔ ጌቴታና፤ ኢዛ ካዎቴ ላይ ኡባን ታኒ ኢስራኤሌስ ሳሮኔ ዎፓ ኢማና። 
\v 10 ኢዚ ታ ቦንቾስ ኬ ኬጻና፤ ኢዚ ታስ ና ጊዳና፤ ታኒካ ኢዛስ ኣዋ ጊዳና፤ ኢዛ ካዎቴ ኣራታይ ኢስራኤሌ ቦላ ሜርናስ ሚኒ ዳና› ጊዲ ሂዶታ ኢሚዴስ።\x - \xo 22፡7-10 \xo*\xt 2ሳሜ 7፡1-16፤ 1ታሪ 17፡1-14\xt*\x*
\p
\v 11 «ሃኢካ ታ ናዞ! ጎዳይ ኔናራ ጊዶ፤ ኢዚ ኔስ ኢሚዳ ሂዶታ ቃላ ማላ ጎዳ ኔ ጾሳ ኬ ኬጻናሲኔ ፖላናስ ኔና ጋ። 
\v 12 ጎዳይ ኔና ኢስራኤሌ ቦላ ካዎዳ ዎዴ ጎዳ ኔ ጾሳ ዎጋ ኔኒ ናጋና ማላ ጾሲ ኔስ ኣ ኤራቴኔ ኣኬካ ኢሞ። 
\v 13 ጎዳይ ሙሴ ባጋራ ኢስራኤሌስ ኢሚዳ ዎጋኔ ማራ ኔ ናጊኮ ኡባይካ ኔስ ኢንጄ ጊዳና፤ ኣይኮይ ባ፥ ያዮፋ፥ ሚና፥ ሙርታ፥ ሂዶታ ቃንጾፋ።
\p
\v 14 «ታኒ ታ ዎልቃይ ጋዳ ማላ ጎዳ ጾሳ ኬ ኬጻናስ 3,400 ኪሎ ጊራሜ ጊዲዛ ዎርቃኔ 34,000 ኪሎ ጊራሜ ጊዲዛ ቢራ ሺሻዲስ፤ ቃሴካ ኬሂ ዳሮ ጻርቂማላኔ ቢራታ፥ ሚኔ ሹች ጊጊሳዲስ፤ ሄሳ ቦላ ጉጂሲዛይሳ ኔኒ ጉጃ። 
\v 15 ኔ ማታን ዱማ ዱማ ኦሶ ኤሪዛ ሂላቲ ዴቴስ፤ ሹች ቄሪዛይቲኔ ማሲዛይቲ፥ ኣናጼቲኔ ኡባ ኦሶ ኦናስ ዳንዳይዛ ሂላቲ ዴቴስ። 
\v 16 ዎርቃ፥ ቢራ፥ ጻርቂማላኔ ቢራታ ኦሶን ኤሬቲዳ ዱማ ዱማ ሂላቲ ኔስ ዴቴስ፤ ሃኢ ኔኒ ኦሶዛ ዶማ፤ ጎዳይ ኔናራ ጊዶ» ጊዴስ።
\p
\v 17 ዳዊቲ ኢስራኤሌ ዴራ ካሌዛይታ ኡባ ባ ና ሶሎሞኔ ማዳና ማላ፥ 
\v 18 «ጎዳ ኢንቴ ጾሳይ ሃይሳ ጋካናስ ኢንቴናራ ዴስ ጊዴኔ? ኢዚ ኢንቴና ኡባሶራ ሼምፒሲቤኔ? ሃ ቢታን ዲዛ ኣሳ ኢዚ ታ ኩሼን ኣ ኢሚዳ ጊሻስ ሃ ቢታያ ጎዳ ጾሳሲኔ ኢዛ ዴራስ ሃሬታዱስ። 
\v 19 ሄሳ ጊሻስ ጎዳ ኢንቴ ጾሳ ኮያናስ ኢንቴ ዎዚናኔ ኢንቴ ሼምፖ ኢሚቴ፤ ጎዳ ጾሳ ቦንቾስ ኬጼቲዳ ኬን ጾሳ ታቦታኔ ጾሳስ ዱማቲዳ ሚሻታ ኤሂዲ ዎና ማላ ኢንቴ ዴንዲዲ ጎዳ ኬ ኬጺቴ» ጊ ኣዛዚዴስ።
\c 23
\p
\v 1 ዳዊቲ ጬጊዳ ዎዴ ባ ና ሶሎሞኔ ኢስራኤሌ ቦላ ካዎዴስ።\x - \xo 23፡1 \xo*\xt 1ካዎ 1፡1-40\xt*\x*
\s ሌዌታ ኦሶ
\p
\v 2 ዳዊቲ ኢስራኤሌ ካሌዛ ኡባታ፥ ቄሴታኔ ሌዌታ ኢሲፌ ሺሺዴስ። 
\v 3 ኢስታስ ላይይ ሄ ታማኔ ሄሳፌካ ቦላራ ጊዲዳ ኣቱማ ኣሳታ ሌዌታፔ ቆዲዴስ፤ ኢስታ ቆዳይ ኩሜ 38,000 ጊዲዴስ። 
\v 4 ሃይታንታፌ 24,000 ጾሳ ኬ ኦሶ ካሌቲ ጼላና ማላ ኣዋቴ ኢስታስ ኢሚዴስ፤ ቃሴ 6,000 ኣሳታስ ሹሜታኔ ፒርዳ ዳናታ ሂስቲ ዎዴስ። 
\v 5 ኦይዱ ሺያታስ ጊምቤዛ ፔንጌ ናጋና ማላ ኣዋቴ ኢሚዴስ፤ ኣቲዳ ኦይዱ ሺያታስ ባ ኦዳ ዬ ማሳራታን ጎዳ ጾሳ ጋላታና ማላ ሱንዴስ።
\p
\v 6 ዳዊቲ ሌዌይ ዬሊዳ ኣቱማ ናይታ ጌርሾኔ፥ ቃኣቴኔ ሜራሬ ኢስታ ዛርኬን ዛርኬን ሄ ኬሲ ሻኪዴስ።
\p
\v 7 ጌርሾኔይ ዬሊዳ ኣቱማ ናይቲ ላዳኔኔ ሺምኤ። 
\v 8 ላዳኔ ኣቱማ ናይቲ ሄ፤ ኢስቲካ ዪሂኤሌ፥ ዜታሜኔ ኢዩኤሌ። 
\v 9 ሺምኤ ኣቱማ ናይቲ ሄ፤ ኢስቲካ ሻሎሚቴ፥ ሃዚኤሌኔ ሃራኔ፤ ሄይቲ ላዳኔ ዛርኬታስ ሃላቃታ። 
\v 10 ሺምኤ ኣቱማ ናይቲ፥ ያሃቴ፥ ዚና፥ ያኡሼኔ ባሪሄ። 
\v 11 ባይራዚ ያሃቴ፥ ካሎዚ ዚና፤ ያኡሼሲኔ ባሪሄስ ዳሮ ኣቱማ ናይቲ ባይንዳ ጊሻስ ኢሲ ኬ ኣሳ ማላ ቆዴቲዳ።
\p
\v 12 ቃኣቴስ ኦይዱ ኣቱማ ናይቲ ዴቴስ፤ ሄይቲካ ኣሚራሜ፥ ዪጺሃሬ፥ ኬብሮኔኔ ኡዚኤሌ። 
\v 13 ኣሚራሜ ኣቱማ ናይቲ ኣሮኔኔ ሙሴ፤ ኣሮኔይኔ ኢዛ ዜሬቲ ጾሳ ኬን ጎኤቲዛ ሚሻታ ሜርናስ ዱማሳና ማላ፥ ጾሳስ ያርሾ ሺሻና ማላ፥ ጾሳ ሲንን ሃጋዛና ማላኔ ኢዛ ሱንን ዴራ ሜርናስ ኣንጃና ማላ ዱማቲዳ።\x - \xo 23፡13 \xo*\xt ኬሳ 28፡1\xt*\x* 
\v 14 ጾሳ ኣስ ሙሴ ኣቱማ ናይቲካ ሌዌ ቆሞታ ማላ ቆዴቲዳ። 
\v 15 ሙሴ ናይቲ ጌርሾሜኔ ኤልኤዜሬ። 
\v 16 ጌርሾሜ ናይታስ ሃላቃይ ባይራ ናዛ ሹባኤሌ። 
\v 17 ኤልኤዜሬስ ኢሲ ኣቱማ ናይ ጻላ ዴስ፤ ኢዚካ ኤራሃቢያ፤ ኤራሃቢያስ ጊዲኮ ዳሮ ኣቱማ ናይቲ ዴቴስ።
\p
\v 18 ዪጺሃሬ ናይታስ ሃላቃይ ባይራ ናዛ ሻሎሚቴ። 
\v 19 ኬብሮኔ ናይታፔ ባይራዚ ዪሪያ፥ ናምኣንዚ ኣማሪያ፥ ሄንዚ ያሃዚኤሌ፥ ኦይዳንዚ ዮቂማኣሜ። 
\v 20 ኡዚኤሌ ኣቱማ ናይታፔ ባይራዚ ሚኪያሳ፥ ካሎዚ ዪሺያ።
\p
\v 21 ሜራሬ ኣቱማ ናይቲ ማሂሌኔ ሙሼ፤ ማሂሌ ኣቱማ ናይቲ ኤልኤዜሬኔ ቂሴ። 
\v 22 ኤልኤዜሬይ ማጫ ና ጻላ ዬሊዲ ኣቱማ ና ዬሎንታ ሃይቂዴስ፤ ሄሳ ጊሻስ ኢስቲ ባንታ ኣዋ ኢሻ ቂሴ ናይታ ጌሊዳ። 
\v 23 ሙሼ ኣቱማ ናይቲ ሄ፤ ሄይቲካ ማሂሌ፥ ኤዴሬኔ ያርሞቴ።
\p
\v 24 ሃይታንቲ ኡባይ ባሶ ኣሳታኒኔ ባ ዛርኬታን ጼይጌቲዳ፤ ሌዌ ዛሬቲ ኢሶይ ኢሶይ ባ ሱንን ማዝጋቤቲዳ፤ ኢስታስ ላይይ ናምኡ ታማኔ ሄሳፌ ቦላ ጊዲዳይቲ ጾሳ ኬን ኦቴስ። 
\v 25 ዳዊቲ፥ «ኢስራኤሌ ጎዳ ጾሲ ባ ኣሳ ሼምፒሲዴስ፤ ዬሩሳላሜን ሜርናስ ዴኣና። 
\v 26 ሃይሳፌ ጉዬ ሌዌቲ ዱንካኔዛኔ ኢዛ ጊዶን ጎኤቲዛ ሚሻታ ቶካናስ ቤሴና» ጊዴስ።\x - \xo 23፡26 \xo*\xt ዛሬ 10፡8\xt*\x* 
\v 27 ዳዊቲ ዉርሴን ኢሚዳ ኣዛዞ ማላ ኢስታስ ላይይ ናምኡ ታማኔ ሄሳፌ ቦላራ ጊዲዳ ሌዌቲ ቆዴቲዳ።
\p
\v 28 ሌዌታ ኦሶይ ጾሳ ኬን ኣሮኔ ዜሬታ ኦሶን ኦ ማዶ፥ ጾሳ ኬ ጊዶዛኔ ጊቤዛ ሎኤ ናጎ፥ ጾሳ ኬ ኦሶስ ዱማቲዳ ሚሻታ ሎኤ ኦይኔ ጾሳ ኬን ዲዛ ሃራ ኦሶታካ ሎኤ ኦሶ። 
\v 29 ቃሴካ ጾሳ ሲንን ዎዛ ኡኬስ፥ ካ ያርሾስ ሺሺዛ ሌስ፥ ሙኑቃናስ፥ ኢርሾይ ባይንዳ ኡኬቲዛ ኡኬ ኡካናስ፥ ማኪዛዛሲኔ ሜዛኒዛዛስ ኣላፌቴ ኢስታስ ኢሜቲዴስ። 
\v 30 ሄሳካ ኢስቲ ኡባ ጋላስ ማላዶኔ ኦማርስ ጎዳ ጾሳ ሲንን ኤቂዲ ጋላታናሲኔ ቦንቻናስ፥ 
\v 31 ሳምባታ ጋላስ፥ ኣጊናይ ዶሚዛ ኮይሮ ጋላሳታን፥ ባኣሌ ጋላሳታን ዎጋ ቆዳ ማላ ጎዳ ጾሳ ሲንን ኡባ ዎዴ ጹጌቲ ሺቂዛ ያርሾ ሺሻናስ፥ 
\v 32 ጋይቶቴ ዱንካኔኔ ጾሳ ኬ ናጋናስ፥ ኢዛ ጊዶን ኦሴቲዛ ጎይኖ ዎጋታ ፖሊሺን ባ ዳቦ ኣሮኔ ዜሬታ ማዳናስ ኣዋቴ ኢሜቲዴስ።\x - \xo 23፡28-32 \xo*\xt ታይ 3፡5-9\xt*\x*
\c 24
\s ቄሴታ ኦሶ
\p
\v 1 ኣሮኔ ናይታ ጩጋይ ሃይሳፌ ካሊዛይሳ፤ ኣሮኔ ናይቲ ናዳቤ፥ ኣቢሁ፥ ኤልኤዜሬኔ ኢታማሬ። 
\v 2 ናዳቤይኔ ኣቢሁይ ና ዬሎንታ ባ ኣዋፔ ካሴቲ ሃይቂዳ፤ ሄሳ ጊሻስ ኤልኤዜሬይኔ ኢታማሬይ ቄሴ ጊዲዳ። 
\v 3 ዳዊቲ ኤልኤዜሬ ዛርኬፌ ሳዶቄኔ ኢታማሬ ዛርኬፌ ኣሂሜሌኬራ ጊዲዲ ኣሮኔ ዛሬታ ኢስታ ኦሶን ኦሶን ማዳና ማላ ሻኪ ዎዴስ። 
\v 4 ኤልኤዜሬ ዛሬ ሃላቃቲ ኢታማሬ ዛሬ ሃላቃታፔ ዳሮ ጊዲዳ ጊሻስ ኤልኤዜሬ ዛሬቲ ታማኔ ኡሱፑን ጩጋን ሻኬቲን፥ ኢታማሬ ዛሬቲ ኦስፑን ጩጋን ሻኬቲዳ። 
\v 5 ጾሳ ኬ ካሌዛይቲኔ ጾሳ ጪማቲ ኤልኤዜሬ ዛሬታ ጊዶኒኔ ኢታማሬ ዛሬታ ጊዶን ዲዛ ጊሻስ ኦናካ ማዶንታ ኦሶዛ ሳማን ሻኪዳ። 
\v 6 ሌዌ ዛሬ ናቲናኤሌ ና ጻፌዚ ሻማኤይ ካዎዛ ሲንኒኔ ኢዛ ሹሜታ ሲንን፥ ቄሴ ሳዶቄ ሲንኒኔ ኣቢያታሬ ና ኣሂሜሌኬ ሲንን፥ ቄሴታ ሲንኒኔ ሌዌታሶ ኣሳ ሃላቃታ ሲንን ኢስታ ሱን ጻፊዴስ፤ ሂስቲን ኤልኤዜሬ ኬ ኣሳታ ሃላቃታፔ ኢሶይኔ ኢታማሬ ኬ ኣሳታ ሃላቃታፔ ኢሶይ ባንታ ታራን ታራን ሳማ ኬሲዳ።
\p
\v 7 ሃ ኣሳቲ ሳማ ኬሲን
\q2 ኮይሮ ሳማይ ዮሃሪቤ ጋኪዴስ፤
\q2 ናምኣንዚ
\q2 ያዳያ ጋኪዴስ፤
\q1
\v 8 ሄንዚ
\q2 ሃሪሜ ጋኪዴስ፤
\q2 ኦይዳንዚ
\q2 ሳኦሪሜ ጋኪዴስ።
\q1
\v 9 ኢቻሻንዚ
\q2 ማልኪያ ጋኪዴስ፤
\q2 ኡሱፑንዚ
\q2 ሚያሚኔ ጋኪዴስ፤
\q1
\v 10 ላፑንዚ
\q2 ሃቆጼ ጋኪዴስ፤
\q2 ኦስፑንዚ
\q2 ኣቢያ ጋኪዴስ፤
\q1
\v 11 ኡዱፉንዚ
\q2 ኢያሶ ጋኪዴስ፤
\q2 ታማንዚ
\q2 ሻካኒያ ጋኪዴስ፤
\q1
\v 12 ታማን ኢሲንዚ
\q2 ኤልያሼቤ ጋኪዴስ፤
\q2 ታማን ናምኣንዚ
\q2 ያቂሜ ጋኪዴስ፤
\q1
\v 13 ታማን ሄንዚ
\q2 ሁፓ ጋኪዴስ፤
\q2 ታማን ኦይዳንዚ
\q2 ያሼባኣቤ ጋኪዴስ፤
\q1
\v 14 ታማን ኢቻሻንዚ
\q2 ቢልጋ ጋኪዴስ፤
\q2 ታማን ኡሱፑንዚ
\q2 ኢሜሬ ጋኪዴስ፤
\q1
\v 15 ታማን ላፑንዚ
\q2 ሄዚሬ ጋኪዴስ፤
\q2 ታማን ኦስፑንዚ
\q2 ሃፊጼጼ ጋኪዴስ፤
\q1
\v 16 ታማን ኡዱፉንዚ
\q2 ፓታያ ጋኪዴስ፤
\q2 ናምኡ ታማንዚ
\q2 ሂዚቄላ ጋኪዴስ፤
\q1
\v 17 ናምኡ ታማን ኢሲንዚ
\q2 ያኪኔ ጋኪዴስ፤
\q2 ናምኡ ታማን ናምኣንዚ
\q2 ጋሙሌ ጋኪዴስ፤
\q1
\v 18 ናምኡ ታማን ሄንዚ
\q2 ዳላያ ጋኪዴስ፤
\q2 ናምኡ ታማን ኦይዳንዚ
\q2 ማኣዚያ ጋኪዴስ።
\p
\v 19 ኢስራኤሌ ጎዳይ ኢስታ ኣዛዚዳ ማላኔ ካሴ ኢስታ ኣዋ ኣሮኔይ ኢስታስ ዎዳ ዋጋ ማላ ኢስቲ ጾሳ ኬ ጌሊዛ ዎዴ ኦና ማላ ኢሜቲዳ ዎጋይ ሃይሳ።
\s ኣቲዳ ሃራ ሌዌታ ኦሶ
\p
\v 20 ኣቲዳ ሃራ ሌዌ ዛሬቲ
\q1 ኣሚራሜ ናይታፔ ሼቡኤሌ፥
\q2 ሼቡኤሌ ናይታፔ ዬሂዳዬ።
\p
\v 21 ኤራሃቢያ ናይታፔ ባይራ ናዛ ዪሺያ።
\p
\v 22 ዪጺሃሬታፔ ሻሎሚቴ፤
\q2 ሻሎሚቴ ናይታፔ ያሃቴ።
\p
\v 23 ኬብሮኔ ናይታፔ ኮይሮዚ ዪሪያ፥ ናምኣንዚ ኣማሪያ፥ ሄንዚ ያሃዚኤሌ፥ ኦይዳንዚ ዮቂማኣሜ።
\p
\v 24 ኡዚኤሌ ናይታፔ ሚኪያሳ ና ሻሚሬ።
\p
\v 25 ሚኪያሳ ኢሻ ዪሺያ ናይታፔ ዛካራሳ።
\p
\v 26 ሜራሬ ኣቱማ ናይቲ ማሂሌ፥ ሙሼኔ ያኢዜ። 
\v 27 ያኢዜ ኣቱማ ናይቲ ቤኖ፥ ሾሃሜ፥ ዛኩሬኔ ኢቢሬ። 
\v 28 ማሂሌ ኣቱማ ናይቲ ኤልኤዜሬኔ ቂሴ፤ ኤልኤዜሬስ ኣቱማ ናይ ዴና። 
\v 29 ቂሴስ ዬራሂምኤሌ ጌቴቲዛ ኢሲ ኣቱማ ናይ ዴስ። 
\v 30 ሙሼስ ማሂሌ፥ ኤዴሬኔ ያርሞቴ ጌቴቲዛ ሄ ኣቱማ ናይቲ ዴቴስ።
\p ሃይታንቲ ባሶ ኣሳን ኣሳን ቆዴቲዳ ሌዌ ዛሬታ።
\p
\v 31 ኢስታ ኢሻ ኣሮኔ ናይቲ ኦይሳ ካዎ ዳዊቴ ሲንን፥ ሳዶቄ ሲንን፥ ኣሂሜሌኬ ሲንን፥ ሄሳካ ቄሴታሶ ኣሳታ ሃላቃቲኔ ሌዌታሶ ኣሳታ ሃላቃቲ ዲዛሶን ሳማ ዬጊዳ፤ ባይራዛፔ ቢዲ ዉርሴ ጋካናስ ዲዛይታስ ኢሲ ጊና ሳማ ዬጊዳ።
\c 25
\s ጾሳ ኬን ዬጺዛይታ
\p
\v 1 ዳዊቲኔ ኦላ ጋዳዋቲ ኣሳፌ ናይታፔ፥ ሄማኔ ናይታፔኔ ኤዶታኔ ናይታፔ ማሲንቆን፥ ዲኒኔ ዳላን ኣዋጂሼ ቲንቢቴ ዮቲዛይታ ዶሪ ዎዳ፤ ሃይሳ ሃ ኦሶዛ ኦና ማላ ዶሬቲዳ ኣሳታ ሱን ሃይሳፌ ካሊ ዲዛይሳ።
\p
\v 2 ኣሳፌ ናይታፔ ዛኩሬ፥ ዮሴፌ፥ ናታኒያኔ ኣሼርኤሌ፤ ሃይቲ ኣሳፌ ናይቲ ካዎይ ኣዛዚን ቲንቢቴ ዮቲዛ ኣሳፌፔ ጋርሳራ ኣዛዜቴቴስ።
\p
\v 3 ኤዶታኔ ናይታፔ ጎዶሊያሳ፥ ጼሬ፥ ዬሻኢያ፥ ሺምኤ፥ ሃሻቢያኔ ማቲቲያ፤ ሃ ኡሱፑናቲ ማሲንቆን ጎዳ ጋላቲሼኔ ቦንቺሼ ቲንቢቴ ዮቲዛ ባ ኣዋ ኤዶታኔፔ ጋርሳራ ኣዛዜቴቴስ።
\p
\v 4 ሄማኔ ናይታፔ ቡቂያ፥ ማታኒያ፥ ኡዚኤሌ፥ ሹባኤሌ፥ ያርሞቴ፥ ሃናኒያ፥ ሃናኔ፥ ኤልኣታ፥ ጊዶልቴ፥ ኤሮማምቴ-ኤዜሬ፥ ዮሺባቃሼ፥ ማሎታ፥ ሆቲሬኔ ማሂዚኦቴ። 
\v 5 ሃይቲ ኡባቲካ ካዎዛስ ቲንቢቴ ዮቲዛ ሄማኔ ናይታ፤ ጾሳይ ኢዛስ ኢማና ጊዳ ማላ ሄማኔ ቁ ቁ ሂስታናስ ሃ 14 ኣቱማ ናይታኔ 3 ማጫ ናይታ ኢዛስ ኢሚዴስ። 
\v 6 ሃይቲ ኡባይ ጎዳ ኬን ዳላ ጊሪሲሼ፥ ማሲንቆኔ ዲ ዲጺሼ ባንታ ኣዋፔ ጋርሳራ ጾሳ ኬን ኦቴስ።
\p ኣሳፌይ፥ ኤዶታኔይኔ ሄማኔይ ካዎዛፔ ጋርሳራ ኣዛዜቲሼ ዴቴስ። 
\v 7 ሃይቲ ባ ዳቦታራ ጊዲዲ ጎዳ ሲንን ሺቂዛ ዬ ታማር ሎሂዳይታ፤ ኢስታ ቆዳይ ሙሌራ ናምኡ ጼታኔ ኦስፑን ታማኔ ኦስፑና። 
\v 8 ኢስቲ ባንታ ኦሶ ሻኪ ኤራናስ ጪማኔ ና፥ ኣስታማሬኔ ታማሬ ጊ ሻኮንታ ኢሲ ጊና ሳማ ዬጊዳ።
\q1
\v 9 ኮይሮ ሳማይ
\q2 ኣሳፌ ባጋፌ ጊዲዳ
\q2 ዮሴፌ ናይታሲኔ
\q2 ኢዛ ዳቦታስ ኬዚዴስ፤
\q3 ኢስታስ ቆዳይ 12፤
\q2 ናምኣን
\q2 ሳማይ ጎዶሊያሳስ፥
\q2 ኢዛ ናይታሲኔ
\q2 ኢዛ ዳቦታስ ኬዚዴስ፤
\q3 ኢስታስ ቆዳይ 12።
\q1
\v 10 ሄን
\q2 ሳማይ ዛኩሬስ፥
\q2 ኢዛ ናይታሲኔ
\q2 ኢዛ ዳቦታስ ኬዚዴስ፤
\q3 ኢስታስ ቆዳይ 12።
\q1
\v 11 ኦይዳን
\q2 ሳማይ ዬጺሬስ፥
\q2 ኢዛ ናይታሲኔ
\q2 ኢዛ ዳቦታስ ኬዚዴስ፤
\q3 ኢስታስ ቆዳይ 12።
\q1
\v 12 ኢቻሻን
\q2 ሳማይ ናታኒያስ፥
\q2 ኢዛ ናይታሲኔ
\q2 ኢዛ ዳቦታስ ኬዚዴስ፤
\q3 ኢስታስ ቆዳይ 12።
\q1
\v 13 ኡሱፑን
\q2 ሳማይ ቡቂያስ፥
\q2 ኢዛ ናይታሲኔ
\q2 ኢዛ ዳቦታስ ኬዚዴስ፤
\q3 ኢስታስ ቆዳይ 12።
\q1
\v 14 ላፑን
\q2 ሳማይ ኣሼርኤሌስ፥
\q2 ኢዛ ናይታሲኔ
\q2 ኢዛ ዳቦታስ ኬዚዴስ፤
\q3 ኢስታስ ቆዳይ 12።
\q1
\v 15 ኦስፑን
\q2 ሳማይ ዬሻኢያስ፥
\q2 ኢዛ ናይታሲኔ
\q2 ኢዛ ዳቦታስ ኬዚዴስ፤
\q3 ኢስታስ ቆዳይ 12።
\q1
\v 16 ኡዱፉን
\q2 ሳማይ ማታኒያስ፥
\q2 ኢዛ ናይታሲኔ
\q2 ኢዛ ዳቦታስ ኬዚዴስ፤
\q3 ኢስታስ ቆዳይ 12።
\q1
\v 17 ታማን
\q2 ሳማይ ሺምኤስ፥
\q2 ኢዛ ናይታሲኔ
\q2 ኢዛ ዳቦታስ ኬዚዴስ፤
\q3 ኢስታስ ቆዳይ 12።
\q1
\v 18 ታማኔ ኢሲን
\q2 ሳማይ ኣዛሪኤሌስ፥
\q2 ኢዛ ናይታሲኔ
\q2 ኢዛ ዳቦታስ ኬዚዴስ፤
\q3 ኢስታስ ቆዳይ 12።
\q1
\v 19 ታማኔ ናምኣን
\q2 ሳማይ ሃሻቢያስ፥
\q2 ኢዛ ናይታሲኔ
\q2 ኢዛ ዳቦታስ ኬዚዴስ፤
\q3 ኢስታስ ቆዳይ 12።
\q1
\v 20 ታማኔ ሄን
\q2 ሳማይ ሼቡኤሌስ፥
\q2 ኢዛ ናይታሲኔ
\q2 ኢዛ ዳቦታስ ኬዚዴስ፤
\q3 ኢስታስ ቆዳይ 12።
\q1
\v 21 ታማኔ ኦይዳን
\q2 ሳማይ ማቲቲያስ፥
\q2 ኢዛ ናይታሲኔ
\q2 ኢዛ ዳቦታስ ኬዚዴስ፤
\q3 ኢስታስ ቆዳይ 12።
\q1
\v 22 ታማኔ ኢቻሻን
\q2 ሳማይ ያርሞቴስ፥
\q2 ኢዛ ናይታሲኔ
\q2 ኢዛ ዳቦታስ ኬዚዴስ፤
\q3 ኢስታስ ቆዳይ 12።
\q1
\v 23 ታማኔ ኡሱፑን
\q2 ሳማይ ሃናኒያስ፥
\q2 ኢዛ ናይታሲኔ
\q2 ኢዛ ዳቦታስ ኬዚዴስ፤
\q3 ኢስታስ ቆዳይ 12።
\q1
\v 24 ታማኔ ላፑን
\q2 ሳማይ ዮሺባቃሼስ፥
\q2 ኢዛ ናይታሲኔ
\q2 ኢዛ ዳቦታስ ኬዚዴስ፤
\q3 ኢስታስ ቆዳይ 12።
\q1
\v 25 ታማኔ ኦስፑን
\q2 ሳማይ ሃናኔስ፥
\q2 ኢዛ ናይታሲኔ
\q2 ኢዛ ዳቦታስ ኬዚዴስ፤
\q3 ኢስታስ ቆዳይ 12።
\q1
\v 26 ታማኔ ኡዱፉን
\q2 ሳማይ ማሎታስ፥
\q2 ኢዛ ናይታሲኔ
\q2 ኢዛ ዳቦታስ ኬዚዴስ፤
\q3 ኢስታስ ቆዳይ 12።
\q1
\v 27 ናምኡ ታማን
\q2 ሳማይ ኤልኣታስ፥
\q2 ኢዛ ናይታሲኔ
\q2 ኢዛ ዳቦታስ ኬዚዴስ፤
\q3 ኢስታስ ቆዳይ 12።
\q1
\v 28 ናምኡ ታማኔ ኢሲን
\q2 ሳማይ ሆቲሬስ፥
\q2 ኢዛ ናይታሲኔ
\q2 ኢዛ ዳቦታስ ኬዚዴስ፤
\q3 ኢስታስ ቆዳይ 12።
\q1
\v 29 ናምኡ ታማኔ ናምኣን
\q2 ሳማይ ጊዶልቴስ፥
\q2 ኢዛ ናይታሲኔ
\q2 ኢዛ ዳቦታስ ኬዚዴስ፤
\q3 ኢስታስ ቆዳይ 12።
\q1
\v 30 ናምኡ ታማኔ ሄን
\q2 ሳማይ ማሂዚኦቴስ፥
\q2 ኢዛ ናይታሲኔ
\q2 ኢዛ ዳቦታስ ኬዚዴስ፤
\q3 ኢስታስ ቆዳይ 12።
\q1
\v 31 ናምኡ ታማኔ ኦይዳን
\q2 ሳማይ ኤሮማምቴ-ኤዜሬስ፥
\q2 ኢዛ ናይታሲኔ
\q2 ኢዛ ዳቦታስ ኬዚዴስ፤
\q3 ኢስታስ ቆዳይ 12።
\c 26
\s ጾሳ ኬ ፔንጌ ናጊዛይታ
\p
\v 1 ጾሳ ኬ ፔንጌ ናጊዛይቲ ሃይሳፌ ካሊዛይታ።
\p ቆሬ ባጋፌ ኣሳፌ ናይታ ጋርሳን ቆሬ ና ማሼሌሚያ። 
\v 2 ማሼሌሚያ ናይቲ፥
\q2 ኮይሮይ ዛካራሳ፥
\q2 ናምኣንዚ ዪዲኤሌ፥
\q2 ሄንዚ ዛባዲያ፥
\q2 ኦይዳንዚ ያቲንኤሌ፥
\q2
\v 3 ኢቻሻንዚ ኤላሜ፥
\q2 ኡሱፑንዚ ዪሆሃናኔ፥
\q2 ላፑንዚ ኤልሆኤናዬ።
\q1
\v 4 ጾሲ ኦቤድ-ኤዶሜ
\q2 ኣንጂዳ ጊሻስ
\q2 ኢዚ ኦስፑን ኣቱማ ናይታ ዬሊዴስ፤
\q3 ኮይሮዚ ሻማኤ፥
\q3 ናምኣንዚ ዪሆዛባዴ፥
\q3 ሄንዚ ዮኣሃ፥
\q3 ኦይዳንዚ ሳካሬ፥
\q3 ኢቻሻንዚ ናቲናኤሌ፥
\q2
\v 5 ኡሱፑንዚ ኣምኤሌ፥
\q3 ላፑንዚ ዪሳኮሬ፥
\q3 ኦስፑንዚ ፒላቴ።\x - \xo 26፡4-5 \xo*\xt 2ሳሜ 6፡11፤ 1ታሪ 13፡14\xt*\x*
\p
\v 6 ቃሴ ኦቤድ-ኤዶሜ ና ሻማኤይካ ኣቱማ ናይታ ዬሊዴስ፤ ኢስቲ ኤሬቲዳ ሚኖ ኣስ ጊዲዳ ጊሻስ ባንታ ኣዋ ኬን ሃላቃ ጊዲዳ። 
\v 7 ሻማኤ ናይቲ ኦቲኔ፥ ኤራፋኤሌ፥ ኢዮቤዴኔ ኤልዛባዴ፤ ኢስታ ኢሻቲ ኤሊሁይኔ ሳማኬይ ኤሬቲዳ ሚኖ ኣሳታ። 
\v 8 ሃይቲ ኡባቲ ኦቤድ-ኤዶሜ ዛሬታ፤ ኢስታስ፥ ኢስታ ናይቲኔ ኢስታ ዳቦቲ ኦሶስ ኬሂ ሚኖ ኣሳታ፤ ኦቤድ-ኤዶሜ ዛሬቲ ሙሌራ ኡሱፑን ታማኔ ናምኣ።
\p
\v 9 ማሼሌሚያስ ኤራቴ ኩሚዳ ሚኖ ናይቲኔ ዳቦቲ ዴቴስ፤ ኢስቲ ሙሌራ ታማኔ ኦስፑና።
\p
\v 10 ሜራሬ ባጋፌ ጊዲዳ ሆሳስካ ኣቱማ ናይቲ ዴቴስ፤ ኢሶይ ሺሚሬ፤ ኢዚ ባይራ ጊዶንታ ኣጊኮካ ኢዛ ኣዋይ ኢዛ ባይራሲዴስ። 
\v 11 ናምኣንዚ ኪልቂያሳ፥
\q2 ሄንዚ ጻባሊያ፥
\q2 ኦይዳንዚ ዛካራሳ፤
\q2 ሆሳ ናይቲኔ ኢዛ ዳቦቲ
\q2 ሙሌራ ታማኔ ሄ።
\p
\v 12 ጾሳ ኬ ፔንጌ ናጊዛይቲ ባንታ ኬ ኣሳ ሃላቃታ ጋርሳን ጩጋን ጩጋን ሻኬቲዲ ኢስታ ዳቦቲ ኦይሳ ጾሳ ኬ ኦሶ ኦናስ ባ ታራን ታራን ኡቲዳ። 
\v 13 ፔንጌታ ኡባ ናጋናስ ባንታ ኬን ኬን ጪማኔ ዮጋ ጎንታ ኢሲ ቦላ ሳማ ኬሲዳ። 
\v 14 ኣርሼይ ሞኪዛ ባጋራ ዲዛ ፔንጌዛ ናጋናስ ሳማይ ሼሌሚያስ ኬዚዴስ፤ ፑዴሃ ባጋራ ዲዛ ፔንጌዛ ናጋናስ ሳማይ ሎኦ ዞሪዛ ኢዛ ና ዛካራሳስ ኬዚዴስ። 
\v 15 ዱጌሃ ባጋራ ዲዛ ፔንጌዛ ናጋናስ ሳማይ ኦቤድ-ኤዶሜስ ኬዚዴስ፤ ሚንጃ ኬ ናጋናስ ሳማይ ኢዛ ናይታ ጋኪዴስ። 
\v 16 ኣርሼይ ዉሊዛ ባጋራ ዲዛ ፔንጌዛኔ ጋና ኦጌ ባጋራ ዲዛ ሼሌኬቴ ፔንጌ ናጋናስ ሳማይ ሹፊሜሲኔ ሆሳስ ኬዚዴስ።
\p
\v 17 ኢሲ ባጋራ ናጊዛ ዛቤታ ጊናራ ሃራ ዛቤይ ዴስ፤ ሃች ሃች ኣርሼይ ሞኪዛ ባጋራ ኡሱፑን ዛቤቲ፥ ፑዴሃ ባጋራ ኦይዱ ዛቤቲ፥ ሚንጃ ኬ ናጋናስ ናምኡ ዛቤቲ፥ 
\v 18 ኣርሼይ ዉሊዛ ባጋራ ዲዛ ዱቡሻ ዴምባን ናምኡ ዛቤ ቃሴካ ኦጌ ቦላ ኦይዱ ዛቤ ጊዲዲ ናጌቴስ።
\p
\v 19 ቆሬ ዛሬታሲኔ ሜራሬ ዛሬታስ ፔንጌ ናጋናስ ኢሜቲዳ ኢስታ ኦሶ ጊሻይ ሄሳ።
\s ጾሳ ኬን ኦዛ ሃራ ሹሜታ
\p
\v 20 ሌዌ ባጋፌ ኣካያይ ጾሳ ኬ ጊዶን ዲዛ ሚንጃ ኬኔ ጾሳስ ዱማሲ ዎዳ ኢሞታታ ናጋናስ ኣዋቴ ኢዛስ ኢሜቲዴስ። 
\v 21 ዪሂኤሌ ኣዋ ላዳኔይ ጌርሾኔ ባጋፌ ጊዲዳ ኢዛ ናይቲ ባሶ ኬ ኣሳታስ ሃላቃታ። 
\v 22 ዪሂኤሌ ና ዜታሜሲኔ ኢዛ ኢሻ ኢዩኤሌስ ጾሳ ኬ ጊዶን ዲዛ ሚንጃ ኬ ናጋናስ ኣዋቴ ኢሜቲዴስ።
\p
\v 23 ኣሚራሜ ዛሬታስ፥ ዪጺሃሬ ዛሬታስ፥ ኬብሮኔ ዛሬታሲኔ ኡዚኤሌ ዛሬታስ ኢስታ ጊሻ ኦሶይ ኢሜቲዴስ። 
\v 24 ሙሴ ና ጌርሾሜ ዛሬፔ ጊዲዳ ሹባኤሌስ ሚንጃ ኬ ናጊዛይታ ቦላ ኣላፌቴ ኢሜቲዴስ። 
\v 25 ኢዚ ጌርሾሜ ኢሻ ኤልኤዜሬ ባጋራ ሻሎሚቴስ ዳቦቴስ፤ ኤልኤዜሬይ ኤራሃቢያ ዬሊዴስ፤ ኤራሃቢያይ ዬሻኢያ ዬሊዴስ፤ ዬሻኢያይ ኢዮራሜ ዬሊዴስ፤ ኢዮራሜይ ዚኪሬ ዬሊዴስ፤ ዚኪሬይ ሻሎሚቴ ዬሊዴስ። 
\v 26 ካዎ ዳዊቲ፥ ኢዛሶ ኣሳታ ሃላቃቲ፥ ሻላቃቲ፥ ማቶ ሃላቃቲኔ ኦላ ጋዳዋቲ ጾሳስ ዱማሲ ዎዳ ሚሻታ ኡባ ናጋናስ ሻሎሚቴሲኔ ኢዛ ዳቦታስ ኣዋቴ ኢሜቲዴስ። 
\v 27 ካሴ ኦላን ዲኢ ኤሂዳ ሚሻፌ ባጋ ጾሳ ኬ ጊጊሳናስ ዱማሲ ዎዳ። 
\v 28 ቃሴ ናቤ ሳሜሊ፥ ቂሴ ና ሳኦሊ፥ ኔሬ ና ኣቢኔሪኔ ጹሪያ ና ኢዮኣቤይ ካሴ ዱማሲ ዎዳ ሚሽ ኡባኔ ሃራ ጾሳ ኬ ሚሻታ ኡባ ሻሎሚቴይኔ ኢዛ ዳቦቲ ናጌቴስ።
\p
\v 29 ዪጺሃሬ ዛሬታፔ ካናኒያሲኔ ኢዛ ናይታስ ጾሳ ኬፌ ካሬ ባጋራ ዲዛ ኦሶታን ኢስራኤሌ ኣሳ ኣሳናሲኔ ኢስታ ቦላ ፒርዳናስ ኣዋቴ ኢሜቲዴስ።
\p
\v 30 ኬብሮኔ ዛሬፔ ሃሻቢያይኔ ኢዛ ዳቦቲ 1,700 ሚኖ ኣሳቲ ዮርዳኖሴ ሻፋፔ ሄ ፒንን ኣርሼይ ዉሊዛ ባጋራ ዲዛ ኢስራኤሌ ኣሳ ቦላ ጎዳ ኦሶሲኔ ካዎ ኦሶስ ሹሜቲዳ። 
\v 31 ኬብሮኔ ዛሬታፔ ኢስታሶ ኣሳ ማዝጋቤዛን ጻፌቲዳ ማላ ዪሪያይ ኢስታስ ሃላቃ ጊዲዴስ፤ ካዎ ዳዊቲ ካዎቲዳ ኦይዱ ታማን ላይን ማዝጋቤ ፒልጊ ጼሊሺን ጋላኣዴ ዴሬን ኢያዜሬ ጌቴቲዛሶን ኬብሮኔ ኣሳታፔ ሚኖ ኣሳቲ ቤቲዳ። 
\v 32 ዪሪያስ ሚኖኔ ሶ ኣሳታስ ሃላቃ ጊዲዳ 2,700 ዳቦቲ ዴቴስ፤ ካዎ ዳዊቲ ኢስቲ ጾሳ ኦሶ ኦናሲኔ ካዎ ኦሶ ኦና ማላ ኦሮቤሌ ቆሞታ ቦላ፥ ጋዴ ቆሞታ ቦላኔ ሚናሴ ቆሞታፔ ባጋታ ቦላ ሹሚዴስ።
\c 27
\s ኢስራኤሌ ኦላንቻታ ካሌዛይታ
\p
\v 1 ባንታ ቡቴን ቡቴን ላይ ኩሜ ኣጊናን ኣጊናን ካዎዛሲኔ ዴራስ ታራን ታራን ኦዛ ኢስራኤሌ ኬ ኣሳታ ሃላቃቲ፥ ሻላቃቲኔ ማቶ ሃላቃቲ፥ ኦላ ጋዳዋቲ ሃይሳፌ ካሊዛይታ፤ ኢሲ ኢሲ ቡቴን 24,000 ኣሲ ዴስ።
\p
\v 2 ኮይሮ ኣጊናን ኦዛ ቡቴዛስ ኣላፌይ ዛብዲኤሌ ና ያሾቢኣሜ፤ ኢዛ ቡቴዛን 24,000 ኣሲ ዴስ። 
\v 3 ያሾቢኣሜይ ፓሬሴ ዛሬ፤ ኢዚ ኮይሮ ኣጊናን ኦላስ ኬኢዛ ሃላቃታስ ጋዳዋ።
\p
\v 4 ናምኣን ኣጊናን ኦዛ ቡቴዛስ ኣላፌይ ኣሂሆሄ ዴሬ ኣስ ዶዴያ፤ ኢዛ ቡቴዛን 24,000 ኣሲ ዴስ፤ ሃ ቡቴዛ ኢዛፔ ጋርሳራ ካሌዛይ ሚቂሎቴ።
\p
\v 5 ሄን ኣጊናን ኦዛ ቡቴዛስ ኣላፌይ ቄሴ ዮዳሄ ና ባናያ፤ ኢዛ ቡቴዛን 24,000 ኣሲ ዴስ። 
\v 6 ባናያይ 30 ኣሳታፔ ኣ ኤሬቲዳ ሚኖ ኣስ ጊዲዳ ጊሻስ ኢዚ ኢስታ ቦላ ሃላቃ ጊዲዴስ፤ ኢዛ ና ኣሚዛባዴይ ኢዛፔ ጋርሳራ ኣዛዚዛዴ ጊዲዴስ።
\p
\v 7 ኦይዳን ኣጊናን ኦዛ ቡቴዛስ ኣላፌይ ኢዮኣቤ ኢሻ ኣሳሄሌ፤ ኢዛ ቡቴዛን 24,000 ኣሲ ዴስ፤ ኢዛሶሆን ኣላፌቲዳይ ኢዛ ና ዛባዲያ።
\p
\v 8 ኢቻሻን ኣጊናን ኦዛ ቡቴዛስ ኣላፌይ ዪጺራ ኣስ ሻሚሁቴ፤ ኢዛ ቡቴዛን 24,000 ኣሲ ዴስ።
\p
\v 9 ኡሱፑን ኣጊናን ኦዛ ቡቴዛስ ኣላፌይ ቴቁሄ ኣስ ኢቄሻ ና ኢራ፤ ኢዛ ቡቴዛን 24,000 ኣሲ ዴስ።
\p
\v 10 ላፑን ኣጊናን ኦዛ ቡቴዛስ ኣላፌይ ኤፍሬሜ ዛሬፔ ፒሎኔ ዴሬ ኣስ ሄሌጼ፤ ኢዛ ቡቴዛን 24,000 ኣሲ ዴስ።
\p
\v 11 ኦስፑን ኣጊናን ኦዛ ቡቴዛስ ኣላፌይ ሁሼ ኣስ ሲቢካዬ፤ ኢዚ ዛራሄ ዛሬፔ ዪዴስ፤ ኢዛ ቡቴዛን 24,000 ኣሲ ዴስ።
\p
\v 12 ኡዱፉን ኣጊናን ኦዛ ቡቴዛስ ኣላፌይ ቢኒያሜ ዛሬፔ ኣናቶቴ ኣስ ኣቢኤዜሬ፤ ኢዛ ቡቴዛን 24,000 ኣሲ ዴስ።
\p
\v 13 ታማን ኣጊናን ኦዛ ቡቴዛስ ኣላፌይ ዛራሄ ዛሬፔ ናጾፌ ዴሬ ኣስ ማሂራዬ፤ ኢዛ ቡቴዛን 24,000 ኣሲ ዴስ።
\p
\v 14 ታማኔ ኢሲን ኣጊናን ኦዛ ቡቴዛስ ኣላፌይ ኤፍሬሜ ዛሬፔ ፒራቶኔ ኣስ ባናያ፤ ኢዛ ቡቴዛን 24,000 ኣሲ ዴስ።
\p
\v 15 ታማኔ ናምኣን ኣጊናን ኦዛ ቡቴዛስ ኣላፌይ ኦቲንኤሌ ዛሬፔ ናጾፌ ዴሬ ኣስ ሄልዳዬ፤ ኢዛ ቡቴዛን 24,000 ኣሲ ዴስ።
\s ኢስራኤሌ ኣሳ ጋርሳን ቆሞታ ቆሞታ ካሌዛ ኦላ ጋዳዋታ
\p
\v 16 ኢስራኤሌ ኣሳ ጋርሳን ቆሞታ ቆሞታ ቦላ ሹሜቲዳ ኦላ ጋዳዋቲ ሃይሳፌ ካሊዲ ጻፌቲዳይታ።
\q2 ኦሮቤሌ ቆሞ ቦላ
\q2 ሱሚዳይ ዚኪሬ ና ኤልኤዜሬ።
\q2 ሲሞና ቆሞ ቦላ ሱሚዳይ
\q2 ማኢካ ና ሻፋጺያ።
\q1
\v 17 ሌዌ ቆሞ ቦላ ሱሚዳይ
\q2 ቃሙኤሌ ና ሃሻቢያ።
\q2 ኣሮኔ ዛርኬ ቦላ
\q2 ሱሚዳይ ሳዶቄ።
\q1
\v 18 ዩሁዳ ቆሞ ቦላ ሱሚዳይ
\q2 ዳዊቴ ኢሻ ኤሊሁ።
\q2 ዪሳኮሬ ቆሞ ቦላ
\q2 ሱሚዳይ ሚካኤሌ
\q2 ና ኦሚሬ።
\q1
\v 19 ዛቢሎኔ ቆሞ ቦላ
\q2 ሱሚዳይ ኣብዲዩ
\q2 ና ዪሺማኤ።
\q2 ኒፍታሌሜ ቆሞ ቦላ
\q2 ሱሚዳይ ኣዛሪኤሌ
\q2 ና ያርሞቴ።
\q1
\v 20 ኤፍሬሜ ቆሞ ቦላ
\q2 ሱሚዳይ ኣዛዚያ
\q2 ና ሆሴኤ።
\q2 ዮርዳኖሴ ሻፋፔ ኣርሼይ ዉሊዛ ባጋን ዲዛ ሚናሴ ቆሞ ባጋታ ቦላ ሱሚዳይ ፓዳያ ና ኢዩኤሌ።
\p
\v 21 ዮርዳኖሴ ሻፋፔ ኣርሼይ ሞኪዛ ባጋን ጋላኣዴን ዲዛ ሚናሴ ቆሞ ባጋታ ቦላ ሱሚዳይ ዛካራሳ ና ኢዶ።
\p ቢኒያሜ ቆሞ ቦላ ሱሚዳይ ኣቢኔሬ ና ያኢሲኤሌ።
\p
\v 22 ዳኔ ቆሞ ቦላ ሱሚዳይ ዪሮሃሜ ና ኣዛሪኤሌ።
\p ሃይቲ ኢስራኤሌ ኣሳ ጋርሳን ቆሞታ ቆሞታ ካሌዛ ኦላ ጋዳዋታ።
\p
\v 23 ጎዳይ፥ «ታኒ ኢስራኤሌ ኣሳ ሳሎ ጾሊንቴ ማላ ጮራሳና» ጊዲ ሂዶታ ቃላ ኢሚዳ ጊሻስ ዳዊቲ ናምኡ ታማኔ ሄሳፌ ጋርሳራ ጊዲዳ ኣሳ ቆዲቤና።\x - \xo 27፡23 \xo*\xt ሜ 15፡5፤ 22፡17፤ 26፡4\xt*\x* 
\v 24 ጹሪያ ና ኢዮኣቤይ ኣሳ ቆዳ ዶሚዴስ ሺን ፖሊቤና፤ ኣሳ ቆዲዳ ጋሶን ጎዳይ ኢስራኤሌ ኣሳ ቦላ ሃንቄቲዴስ፤ ሄሳ ጊሻስ ኢስታ ቆዳይ ካዎ ዳዊቴ ታሪኬ ማዝጋባን ጻፌቲቤና።\x - \xo 27፡24 \xo*\xt 2ሳሜ 24፡1-15፤ 1ታሪ 21፡1-14\xt*\x*
\s ካዎ ኣቆታ ቦላ ኣዋቴን ሱሚዳይታ
\p
\v 25 ካዎ ኬን ቡቁራ ዎዛ ሚንጃ ኬ ኣላፌይ ኣዲኤሌ ና ኣዚሞቴ። ጋጻሬታን፥ ካታማታን፥ ሞታኒኔ ናጌሶ ሚጻታን ዲዛ ሚንጃ ኬታ ኣላፌይ ኦዚያ ና ዮናታኔ። 
\v 26 ጎሻንቻታ ኣላፌይ ካሉቤ ና ኤዚሬ። 
\v 27 ዎይኔ ሚ ቶኪዛሶሆታ ኣላፌይ ኤራማቴ ዴሬ ኣስ ሺምኤ፤ ዎይኔ ኡሹ ሚንጂዛሶታ ኣላፌይ ሻፋሜ ዴሬ ኣስ ዛብዴ።
\p
\v 28 ሻራ ሜንታን ዙምቡላታ ጻጶን ዲዛ ዎጋራ ሚኔ ዎላ ሚታ ናጋናስ ኣላፌቴ ጋዴሬ ዴሬ ኣስ ባኣሊ-ሃናኔስ ኢሜቲዴስ፤ ዛይቴ ሚንጂዛ ኬ ኣላፌቴ ኢዮኣሳስ ኢሜቲዴስ። 
\v 29 ላሻሮኔ ዴምባን ሄሜቲዛ ዉዴ ሜሄታ ኣላፌቴ ሳሮኔ ኣስ ሺጺራያስ ኢሜቲዴስ፤ ሾባን ሄሜቲዛ ዉዴ ሜሄታ ኣላፌቴ ኣዲላያ ና ሳፋጼስ ኢሜቲዴስ። 
\v 30 ጋሜላታ ቦላ ኣላፌቴ ኢስማኤሌ ኣስ ኦቢላስ ኢሜቲዴስ። ሃሬታ ቦላ ኣላፌቴ ሜሮኖቴ ኣስ ዬሂዳዬስ ኢሜቲዴስ። 
\v 31 ዶርሳ ዉዴታኔ ዴይሻ ዉዴታ ናጋና ኣላፌቴ ኣጋሪ ዛሬፔ ጊዲዳ ያዚዜስ ኢሜቲዴስ፤ ሃይቲ ኡባይ ካዎ ዳዊቴ ኣቆታ ናጋናስ ኣላፌቴ ኤኪዳ።
\s ካዎ ዳዊቴ ዞሪዛይታ
\p
\v 32 ዳዊቴ ኣዋ ኢሻይ ዮናታኔይ ጻፌ፥ ኣኬካንቻ ኣሳኔ ዞሪዛ ኣሳ፤ ሃኪሞኔ ና ዪሂኤሌይ ካዎ ናይታ ዲቺዛዴ። 
\v 33 ኣክጾፌሌይ ቃሴ ካዎዛ ዞሪዛዴ፤ ኣርኬ ዴሬ ኣስ ሁሼይ ካዎስ ሲቆ ላጌ። 
\v 34 ኣክጾፌሌፔ ጉዬ ባናያ ና ዮዳሄይኔ ኣቢያታሬይ ካዎ ዞራንቻ ጊዲዳ፤ ኢዮኣቤይ ካዎ ኦላንቻታ ሃላቃታስ ጋዳዋ ጊዲዴስ።
\c 28
\s ዳዊቲ ጾሳ ኬ ኬጻናስ ኬሲዳ ሃልቾ
\p
\v 1 ኢስራኤሌ ቦላ ኣላፌቴ ዲዛ ኣሳቲኔ ኤሬቲዳ ኣሳቲ ኡባይ ዬሩሳላሜን ሺቃና ማላ ካዎ ዳዊቲ ኣዛዚዴስ፤ ሄሳ ጊሻስ ኦላ ኣሳ ቆሞን ቆሞን ካሌዛ ሃላቃቲ፥ ካዋ ኦላንቻታ ካሌዛ ኦላ ጋዳዋቲ፥ ሻላቃቲ፥ ማቶ ሃላቃቲ፥ ካዎ ኣቆታኔ ሜሄታ፥ ኢዛ ናይታ ኣቆታኔ ሜሄታ ቦላ ኣላፌቴ ዲዛይቲ፥ ካዎ ኬ ሹሜቲ፥ ኤሬቲዳ ኦላ ቃራቲኔ ጊታ ኣሳቲ ኡባይ ዬሩሳላሜን ሺቂዳ።
\p
\v 2 ሂስቲን ካዎ ዳዊቲ ዴንዲ ኤቂዲ፥ «ታ ኢሻንቶ፥ ታ ኣሳቶ፥ ሲዪቴ! ኑ ጎዳ ታቦታይ ኡቲዛሶኔ ኑ ጾሳ ቶሆይ ሼምፒዛሶ ጾሳ ኬ ኬጻናስ ታ ዎዚናን ቆፓዳ ሃልቾ ኬሳዲስ፤ ኬጻናስ ኮሺዛ ሚሻታካ ጊጊሳዲስ። 
\v 3 ጊዶ ኣቲን ጾሳይ ታና፥ ‹ኔኒ ኦላንቻኔ ሱ ጉሲዳ ኣስ ጊዲዳ ጊሻስ ታ ሱንስ ኬ ኬጻካ› ጊዴስ። 
\v 4 ታኒ ኢስራኤሌ ቦላ ሜርናስ ካዎታና ማላ ጎዳ ኢስራኤሌ ጾሳይ ታ ኣዋ ኬ ኣሳ ኡባፌ ታና ዶሪዴስ፤ ካሌና ማላ ኮይሮ ዩሁዳ ቆሞ ዶሪዴስ፤ ዩሁዳ ቆሞፌ ታ ኣዋ ሶ ኣሳ ዶሪዴስ፤ ታ ኣዋ ናይታ ጊዶፌ ታና ዶሪዲ ኢስራኤሌ ኡባ ቦላ ታ ካዎታና ማላ ኢዛስ ሼኔ ጊዲዴስ። 
\v 5 ጎዳይ ታስ ጮራ ናይታ ኢሚዴስ፤ ታ ናይታ ኡባፌ ጎዳ ጾሳ ካዎታ ኣራታን ኡቲዲ ኢስራኤሌ ቦላ ካዎታና ማላ ታ ና ሶሎሞኔ ዶሪዴስ።
\p
\v 6 «ቃሴካ ጎዳይ ታና፥ ‹ታ ኬ ኬጻናይኔ ታ ዛጎዛ ጊጊሳናይ ኔ ና ሶሎሞኔ፤ ኢዚ ታስ ና ጊዳና ማላ ታ ኢዛ ዶራዲስ፤ ታኒካ ኢዛስ ኣዋ ጊዳና። 
\v 7 ኢዚ ሃኢ ኦዛይሳ ሲንፌካ ታ ኣዛዞኔ ታ ዎጋ ሚኒ ናጊኮ ታ ኢዛ ካዎቴ ሜርናስ ሚንና› ጊዴስ።\x - \xo 28፡2-7 \xo*\xt 2ሳሜ 7፡1-6፤ 1ታሪ 17፡1-14\xt*\x*
\p
\v 8 «ሄሳ ጊሻስ ሃኢካ ጎዳ ዴሬ ዱላታይ፥ ኢስራኤሌ ኣሳይ ኡባይ ቤኢሺኒኔ ኑ ጾሳይ ሲዪሺን፥ ኢንቴ ጎዳ ኣዛዞ ኡባ ኢንቴ ሚንዲ ናጋና ማላ ታኒ ኢንቴስ ዮታይስ፤ ሂስቲኮ ኢንቴ ሃ ሎኦ ቢታ ላታናኔ ኢንቴ ናይታካ ሜርናስ ላቲሳና።
\p
\v 9 «ታ ና ሶሎሞኔ፥ ኔ ኣዋ ጾሳ ኤራ! ኔኒ ኩሜ ዎዚናኒኔ ሎኦ ቆፋን ኢዛስ ኦ፤ ጎዳይ ዎዚና ኡባ ፒልጊ ጼሌስ፤ ጊዶ ቆፋ ኡባ ኢዚ ኤሬስ፤ ኔኒ ኢዛ ኮይኮ ኢዚ ኔስ ቤታና፤ ጊዶ ኣቲን ኔ ኢዛ ኣጊዛ ጊዲኮ ኢዚካ ኔና ሜርናስ ኣጋጋና። 
\v 10 ጾሳ ኬ ኬጻናስ ጎዳይ ኔና ዶሪዳይሳ ዶጎፓ፤ ሚናዳ ኦሶዛ ኦ» ጊዴስ።
\p
\v 11 ሃይሳፌ ጉዬ ዳዊቲ ባ ና ሶሎሞኔስ ጾሳ ኬ ኬጻናስ ጊግሲዳ ሃልቾዛ ኢሚዴስ፤ ዳራንቻ፥ ቡቁራ ዎዛ ሚንጃ ኬ፥ ፖቄዛኔ ጊዶ ኪፊሌታ፥ ናጋራ ዉርሲዛሶዛ ዎስቲ ኬጻናኮ ቤሲዛ ሃልቾዛ ኢሚዴስ። 
\v 12 ቃሴካ ዳዊቲ ባ ዎዚናን ዲዛ ቆፋ ጾሳ ኬ ዛጎ፥ ኢዛ ዩሾን ዲዛ ኪፊሌታ፥ ጾሳ ኬ ቡቁራ ሚሻታ ዎዛ ሚንጃ ኬታ ሃልቾዛ ኢሚዴስ።
\p
\v 13 ሄሳካ ዳዊቲ ቄሴታ ጊሻ ኦሶኔ ሌዌታ ጊሻ ኦሶ፥ ጾሳ ኬን ኦዛ ኦሶታስ ጎኤቲዛ ሚሻታ ዎስቲ ጎኤታናኮ ቤሲዛ ኣዛዞ ኢሚዴስ።
\p
\v 14 ቃሴካ ዳዊቲ ዱማ ዱማ ሚሻታ ሜናስ ኣይ ኬና ዎርቃኔ ኣይ ኬና ቢራ ኮሺዛኮ ጻፊዲ ሶሎሞኔስ ኢሚዴስ። 
\v 15 ሄይቲካ ዎርቃ ጾምፔታ ዎዛ ባላኔ ዎርቃ ጾምፔታ፥ ቢራ ጾምፔታ ዎዛ ባላኔ ቢራ ጾምፔታ፥ 
\v 16 ጾሳ ሲንን ኡኬ ዎዛ ዎርቃ ጻራጴዛታ፥ ቢራ ጻራጴዛታ፥ 
\v 17 ዎርቃ ቃጴታ፥ ዎርቃ ኬሬታ፥ ዎርቃ ዋንጫታ፥ ዎርቃ ጻሮታ፥ ቢራ ጻሮታኔ 
\v 18 ኤጻኔ ጩዋሳናስ ሙሩታ ዎርቃ፥ ጎዳ ታቦታ ቦላ ባንታ ቄፌ ሚጪዲ ካሚዛ ኪሩቤታ ዎዛ ዎርቃ ጋሬ ቤሲዛ ሃልቾ ኢሚዴስ። 
\v 19 ዳዊቲ፥ «ጎዳይ ባ ኩሼ ታ ቦላ ዎዲ ሃ ጻፌቲዳ ሃልቾ ኡባ ታና ኤሪሲዴስ» ጊዴስ።
\p
\v 20 ሃይሳፌ ጉዬ ዳዊቲ ባ ና ሶሎሞኔ፥ «ኣይኮይ ባዋ ሚና! ኦሶዛ ዶማ! ጎዳ ታ ጾሳይ ኔናራ ዲዛ ጊሻስ ያዮፋ፤ ሂዶታካ ቃንጾፋ! ጾሳ ኬ ኦሶይ ፖሌታና ጋካናስ ጾሳይ ኔና ዬጌናኔ ኣጌና። 
\v 21 ጾሳ ኬ ኦሶስ ቄሴቲኔ ሌዌቲ ጊጌቲ ኡቲዳ፤ ኡባ ሂላቴ ኤሪዛ ኣሳቲ ኔና ኦሶ ኡባን ማዳና፤ ሹሜቲኔ ኣሳይ ኡባይ ኔስ ኡባ ሚሻንካ ኣዛዜታና» ጊዴስ።
\c 29
\s ጾሳ ኬ ኬጻናስ ኢሜቲዳ ኢሞታ
\p
\v 1 ሃይሳፌ ጉዬ ካዎ ዳዊቲ ሺቂዳ ኣስ ኡባስ፥ «ጾሳይ ዶሪዳይ ታ ና ሶሎሞኔ፤ ኢዚ ዬላጋኔ ኦሶስ ኢማ፤ ሃ ኬጼታና ኬይ ኣሳ ኬ ጊዶንታ ጾሳ ኬ ጊዲዳ ጊሻስ ኦሶዚ ዴጾ። 
\v 2 ታኒ ታስ ዲዛ ዎልቃ ኬና ታ ጾሳ ኬስ ዎርቃን ኦሴታናይሳስ ዎርቃ፥ ቢራን ኦሴታናይሳስ ቢራ፥ ጻርቂማላን ኦሴታናይሳስ ጻርቂማላ፥ ቢራታን ኦሴታናይሳስ ቢራታኔ ሚን ኦሴታናይሳስ ሚ ጊጊሳ ዎዲስ፤ ቃሴ ማርጊዴ፥ ኢምኔቤሬዴ፥ ዱማ ዱማ ሜይ ዲዛ ኣሌቆ ሹቻታ፥ ኣልኦ ሹቻታኔ ኢንቁታ ጊጊሳ ዎዲስ።\x - \xo 29፡1-2 \xo*\xt 1ታሪ 22፡5\xt*\x* 
\v 3 ታ ጾሳ ኬ ታኒ ኬሂፔ ሲቂዛ ጊሻስ ታኒ ታ ጾሳ ኬዛስ ጊግሲዳይሳፌ ሃራ ታስ ቡዞ ዲዛ ዎርቃፌኔ ቢራፔ ጌሻ ኬስ ኢማዲስ። 
\v 4 ጾሳ ኬ ጊምቤዛ ኣሌቂሳናስ 100,000 ኪሎ ጊራሜ ጊዲዛ ሙሩታ ዎርቃኔ 240,000 ኪሎ ጊራሜ ጊዲዛ ሙሩታ ቢራ ኢማዲስ። 
\v 5 ኦሳ ኦና ሂላታስ ኮሺዛ ሚሽ፥ ዎርቃን ኦሴታናይሳስ ዎርቃ፥ ቢራን ኦሴታናይሳስ ቢራ ኢማዲስ፤ ሂስቲን ሃች ኢንቴፌ ባና ባ ሼኔን ጎዳስ ኣ ኢማናይ ኦኔ?» ጊዴስ።
\p
\v 6 ሂስቲን ኢስራኤሌ ኣሳስ ቆሞታ ኮራፒኔቲ፥ ቆሞታስ ቆሞታስ ኦላ ጋዳዋቲ፥ ሻላቃቲ፥ ማቶ ሃላቃቲኔ ካዎ ኦሳንቻታ ሃላቃቲ ባንታ ሼኔን ባስ ዲዛይሳ ኢሚዳ። 
\v 7 ኢስቲ ጾሳ ኬ ኦሶስ 170,000 ኪሎ ጊራሜ ጊዲዛ ዎርቃ፥ 340,000 ኪሎ ጊራሜ ጊዲዛ ቢራ፥ 670,000 ኪሎ ጊራሜ ጻርቂማላኔ 3,400,000 ኪሎ ጊራሜ ጊዲዛ ቢራታ ኢሚዳ። 
\v 8 ኣልኦ ሹቺ ዲዛ ኣሳይ ኡባይ ቡቁራ ሚሻታ ናጊዛ ሌዌ ጌርሾኔ ዛሬ ጊዲዳ ዪሂኤሌ ባጋራ ጎዳ ሚንጃ ኬ ኤሂ ኢሚዳ። 
\v 9 ኣሳይ ባ ሼኔን ባ ኩሜ ዎዚናፔ ጎዳስ ኢሚዳ ጊሻስ ኡፋዬቲዴስ፤ ካዎ ዳዊቲካ ኬሂ ኡፋዬቲዴስ።
\s ዳዊቲ ጾሳስ ሺሺዳ ጋላታ
\p
\v 10 ሄሳ ጊሻስ ዳዊቲ ዱላታ ሺቂዳ ኣሳ ሲንን፥
\q2 «ኣቤት ኑ ኣዋ ጎዳ
\q2 ኢስራኤሌ ጾሳዉ!
\q3 ሜሪፔ ሜርና ጋካናስ ኔስ
\q2 ጋላታይ ጊዶ።
\q1
\v 11 ኣቤት ጎዳዉ!
\q2 ሳሎኒኔ ሳኣን ዲዛ
\q2 ኡባይ ኔሳ፤
\q3 ጊታቴ፥ ዎልቃይ፥
\q2 ቦንቾይ፥ ቴማይኔ
\q2 ፑላቴ ኔሳ።\x - \xo 29፡11 \xo*\xt ማቶ 6፡13\xt*\x*
\q1
\v 12 ዱሬቴኔ ቦንቾይ
\q2 ኔፔ ቤቴስ፤
\q2 ኡባይካ ኔስ ሃሬቴስ።
\q3 ዎልቃይኔ ሚኖታይ
\q2 ኔ ኩሼና፤
\q3 ኔኒ ኣሳ ኡባ ጊታሳናሲኔ
\q2 ሚንናስ ዳንዳያሳ።
\q1
\v 13 ሃኢካ ኑ ጾሳዉ!
\q2 ኑኒ ኔና ጋላቶስ፤
\q2 ኔ ቦንቾ ሱንካ ሳቦስ» ጊዲ
\q2 ጎዳ ጋላቲዴስ፤
\p
\v 14 ዳዊቲ፥ «ኡባይ ኔፔ ቤቲዴስ፤ ኑ ኔስ ዛሪ ኢሚዳይ ኔ ኩሼፔ ኤኪዳይሳ፤ ሂስቲን ኑኒ ሃይሳ ማላ ኢሞታ ኢማናስ ታኒኔ ታ ኣሳይ ኦኔ? 
\v 15 ካሴ ኑ ኣዋታ ማላ ኑኒካ ኔ ሲንን ቤቴኔ ኢማታ፤ ሃ ሳኣ ቦላን ኑ ዴኦ ላይይ ሂዶታይ ባይንዳ ኩዋ ማላ ኤሌ ኣስ። 
\v 16 ኣቤት ጎዳ ኑ ጾሳዉ! ኔ ጌሻ ሱንስ ኬ ኬጻናስ ሺሺዳ ኡባይ ኔፔ ቤቲዳዛ፤ ሃይሲ ኡባይ ኔሳ።
\p
\v 17 «ታ ጾሳዉ! ኔኒ ዎዚና ፒልጋ ጼሊዛይሳኔ ሱሬቴ ዶሲዛይሳ ታኒ ኤራይስ፤ ታኒ ታ ሱሬ ዎዚናኒኔ ሎኦ ሼኔን ሃይሳ ኡባ ኢማዲስ፤ ሃይሳን ዲዛ ኔ ኣሳይካ ኔስ ባ ሎኦ ሼኔን ኢሚዲ ኡፋዬቲዳይሳ ታኒ ቤኣዲስ። 
\v 18 ኣቤት ጎዳዉ! ኑ ኣዋ ኣብራሃሜ፥ ዪሳቃኔ ኢስራኤሌ ጾሳዉ! ኔ ኣሳ ዎዚናን ሃ ጊታ ሲቆዛ ሜርናስ ናጋ፤ ኢስታ ዎዚናይ ኔስ ኣማኔቲ ዳና ማላ ናጋ። 
\v 19 ኔ ዎጋ፥ ኔ ኣዛዞኔ ማራታ ናጋና ማላ ታኒ ጊጊሳ ዎዳ ሚሻታን ጾሳ ኬ ኢዚ ኬጻና ማላ ታ ና ሶሎሞኔስ ኩሜ ዎዚና ኢማ» ጊ ዎሲዴስ።
\p
\v 20 ሄሳፌ ጉዬ ዳዊቲ ዱላታ ሺቂዳ ኣሳስ፥ «ጎዳ ኢንቴ ጾሳ ጋላቲቴ» ጊዴስ፤ ሂስቲን ኡባ ኣሳይ ጎዳ ባንታ ኣዋታ ጾሳ ጋላቲዳ፤ ጎዳ ሲንን ጉፋኒዲ ጎይኒዳኔ ካዋ ቦንቺዳ።
\s ሶሎሞኔ ካዎቴ
\p
\v 21 ዎንቴ ጋላስ ኣሳይ ጎዳስ ያርሾ ሺሺዳ፤ ጹጌቲዛ ያርሾካ ያርሺዳ፤ ሄሲካ 1,000 ኮርማታ፥ 1,000 ርሾታ፥ 1,000 ዶርሳ ላቃታ፥ ኡሻ ያርሾኔ ሃራ ያርሾታራ ኢሲፌ ኢስራኤሌ ኣሳ ጊሻስ ሺሺዳ። 
\v 22 ኣሳይ ሄ ጋላስ ጎዳ ሲንን ኬሂፔ ኡፋዬቲሼ ሚዴሲኔ ኡዪዴስ፤ ሂስቲዲ ኣሳይ ካዎ ዳዊቴ ና ሶሎሞኔይ ካዎቲዳይሳ ናምኣን ቆንጬራ ኤሪዳ፤ ኢዚ ዴራ ኣይሳና ማላ ጎዳ ጾሳ ሲንን ዛይቴን ቲይዳ፤ ሳዶቄካ ኢስታስ ቄሴ ጊዳና ማላ ጎዳ ሲንን ቲይዳ።
\p
\v 23 ሄሳፌ ጉዬ ሶሎሞኔይ ባ ኣዋ ዳዊቴ ሶሆን ጎዳ ካዎቴ ኣራታን ኡቲዴስ፤ ኢዛስ ኡባ ሚሺ ኤኖ ጊዴስ፤ ኢስራኤሌ ኡባይካ ኢዛስ ኣዛዜቲዴስ።\x - \xo 29፡23 \xo*\xt 1ካዎ 2፡12\xt*\x* 
\v 24 ኦላ ጋዳዋቲ፥ ኤሬቲዳ ሚኖ ኣሳቲኔ ካዎ ዳዊቴ ናይቲ ካዎ ሶሎሞኔስ ኣዛዜታናስ ቃላ ጌሊዳ። 
\v 25 ጎዳይ ሶሎሞኔ ኢስራኤሌ ኣሳ ኡባ ሲንን ቁ ቁ ሂስቲዴስ፤ ኢዛፔ ካሴ ኢስራኤሌ ካዎታስ ኢሜቲቤና፤ ቦንቾ ሶሎሞኔስ ኢሚዴስ።
\s ዳዊቴ ሃይቆ
\p
\v 26 ኢሴዬ ና ዳዊቲ ኢስራኤሌ ኡባ ሃሪዴስ። 
\v 27 ዳዊቲ ኬብሮኔን 7 ላይ፥ ዬሩሳላሜን 33 ላይ ካዎቲዴስ፤ ኢሲ ቦላ ኢስራኤሌ 40 ላይ ሃሪዴስ።\x - \xo 29፡27 \xo*\xt 2ሳሜ 5፡4-5፤ 1ታሪ 3፡4\xt*\x* 
\v 28 ዳዊቲ ዳሮ ላይ ዴኢዲ ዱሬቲዲ፥ ቦንቼቲዲ፥ ሎኦ ጪማ ጪሚዲ ሃይቂዴስ፤ ኢዛሶሆን ኢዛ ና ሶሎሞኔይ ካዎቲዴስ። 
\v 29 ዳዊቴ ካዎቴ ላይን ኮይሮፔ ዶሚዲ ዉርሴ ጋካናስ ኦሴቲዳይሳ ናቤ ሳሜሊ፥ ናቤ ናታኔይኔ ናቤ ጋዴይ ጻፊዳ ታሪኬ ማጻፋታን ጻፌቲ ኡቲዴስ። 
\v 30 ኢዚ ዎስቲ ሃሪዳኮ፥ ኢዚ ዋኒዳ ዎልቃማ ኣሳኮ፥ ኢዚ ኣይ ሃኒዳኮ፥ ኢስራኤሌ ኣሳይኔ ሄራን ዲዛ ካዎቴቲ ኡባይ ኣይ ሃኒዳኮ ሄ ማጻፋታን ጻፌቲ ዴስ።